\id JOL - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Joel 
\toc1 Joel 
\toc2 Joel 
\toc3 Jol 
\mt1 Joel 
\c 1  
\p  
\v 1 Iyan heini menge lalag te \sc Nengazen\sc* he impezayag din diyà te ki Joel te anak ni Petuel. 
\s1 Midezeetan te Terapan is menge Pinemula 
\p  
\v 2 Sikiyu is menge edumala te Juda wey is langun he meǥinged kayi, pemineǥa niw heini is egkeǥiyen ku ziyà te keniyu. Wazè pa nehitavù he iring kayi hein kaazen pa te menge kepuun niw wey kayi te keniyu en he timpu ǥuntaan.  
\v 3 Kinahanglan he edtudtulen heini ziyà te kada lapis te kevuwazan niw: 
\p  
\v 4 Duen ebpekedtitinundug he menge grupu te menge terapan he ebpendezaat. Is egkesamà he menge pinemula he kenà egkekaan duen te egkehuna he grupu ne egkeenen en maan te ebpeketinundug he grupu taman te egkaamin is menge pinemula. 
\p  
\v 5 Sikiyu is menge lelenguten, enew kew wey mebpurung medsineǥew! Su wazè niw en egkeinum; wazè en menge paras he egkeveelan he veǥu he vinu.  
\v 6 Su is tanà te \sc Nengazen\sc* mid-etaki te mekahandekhandek he menge nasyun. Iring te terapan is menge sundaru zan su utew subra is kahabet dan. Meǥarang is menge ngipen dan iring te menge ngipen te erimaung.  
\v 7 Midezeetan dan is menge pinemula he paras te \sc Nengazen\sc* wey is menge kayu zin he higus. Migketket dan is menge lekang kayi taman te mibmeputì is menge subpang. 
\p  
\v 8 Sineǥew kew iring te raǥa he mibivisti te saku te kebpaahà he ingkeseeng din is kebpatey te ebpengesawa kandin.  
\v 9 Su wazè en trigu wey vinu he igkepemuhat diyà te valey te \sc Nengazen\sc*; umbe edlalew is menge memumuhat he ebpenilbi te \sc Nengazen\sc*.  
\v 10 Egkengezeetan is menge pemuleey he henduen be te etew he edlalew. Egkengezeetan is menge trigu ne egkeǥangu is menge paras wey is menge kayu he ulibu. 
\p  
\v 11 Sikiyu is menge perevasuk, keseeng kew! Sikiyu is ed-atur te pemuleey te paras, habet kew sineǥew! Su wazè en menge abut diyà te menge vevesukà; wazè en menge trigu wey menge barli.  
\v 12 Egkeǥangu is menge pinemula he paras wey is langun he kayu ragkes en is menge higus, pumigranata, palma, wey mensanas. Benar iyan he egkaawà is kelipey te menge etew. 
\s1 Is Penenawag te Ked-iniyug te Mezaat 
\p  
\v 13 Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te \sc Nengazen\sc* ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.  
\v 14 Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te \sc Nengazen\sc* he Megbevayè niw ne mebpuasa zan. Mebuyù dan te tavang diyà te \sc Nengazen\sc*. 
\p  
\v 15 Egkeuvayan en is andew te kebpendezaat te \sc Nengazen\sc* he Mekeǥeǥehem.  
\v 16 Neehè tew iyan ke nemenumenu is kegkeewai kenitew te keenen wey ke nemenumenu is kegkaawà te kedlipey ziyà te valey te Megbevayà.  
\v 17 Nemematey is menge venì diyà te tanà. Ne tenged te kegkezeeti te menge trigu, wazè en taǥù te menge budiga, umbe egkengerundus en heini.  
\v 18 Egurub is menge uyaǥen tenged te kegkevitil zan. Ed-engà is menge vaka su wazè dan en egketabtab, wey elin daan edlised is menge kerehidu. 
\p  
\v 19 Mid-ampù si Joel. Ke sikandin te, “Ed-umawen ku sikew, \sc Nengazen\sc*, su nengeǥangu is menge penebtavà wey is langun he menge kayu ziyà te menge vevesukà he henduen be te nevinsulan.  
\v 20 Minsan is leew he menge langgam edtaǥad te penavang nu, su nemezahan en is dezekelà wey dezeisey he menge wahig, ne nengeǥangu is menge penebtavà he henduen be te nevinsulan.” 
\c 2  
\s1 Is Kedsilut te Megbevayà Iring te Kebpendezaat te Terapan 
\p  
\v 1 Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te \sc Nengazen\sc*. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te \sc Nengazen\sc*.  
\v 2 Merusirem wey ebpenggapun dutun he andew. Is mekahandekhandek he menge terapan he utew subra is kahabet dan ne ebpekeeneb diyà te menge vuvungan iring te kebpekeeneb te silà te andew emun egkepawè en. Wazè pa nehitavù he iring keniyan puun pa zengan, ne kenè en egkeuman egkehitavù is iring keniyan taman te taman. 
\p  
\v 3 Ebpekedtitinundug is ked-ataki te menge terapan he henduen be te hapuy. Hein wazè pa sikandan med-etaki, is tanà henduen be te iring te pemuleey he Eden, piru hein mid-etaki zan en heini, ne neiring heini te disirtu. Wazè en pinemula he wazè dan mezèdeeti.  
\v 4 Henduen sikandan te zagwey te kudà, ne ebpelelaǥuy sikandan iring te kudà he para te tebek.  
\v 5 Is keǥurub te kedlinglingketew zan diyà te menge vuvungan iring te keǥurub te ebpelelaǥuy he kerwahi wey iring te kerekatak te ebinsulan he reǥami. Iring sikandan te mekeǥeǥehem he menge sundaru he andam en he ebpekidtebek.  
\v 6 Is menge etew he ebpekaahà kandan egkahandek ne ebmemeluntak.  
\v 7-8 Ed-etaki sikandan he ebpemenahik diyà te menge verengbeng iring te menge sundaru. Edtandang sikandan is edhipanew ne kenè dan en ebpenuweysuwey ziyà te ibayà. Kenà sikandan ebpelislisiǥà; ne kenè dan idtetepi-an is menge ǥumaan he idsinuǥung kandan.  
\v 9 Edsurung dan diyà te inged he ebpemenahik diyà te verengbeng kayi. Ebpemenehikan dan is menge valey ne ziyè dan ebayà te menge sulawà he iring te menge tekawen.  
\v 10 Egkehuyung is kelibutan wey is langit dutun te kebpekeuma zan. Ebmerusirem is andew wey is bulan ne kenè en edsiǥa is menge vituen. 
\p  
\v 11 Ebmenduan te \sc Nengazen\sc* heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te \sc Nengazen\sc*; ne wazà ebpekeeguwanta kayi. 
\s1 Impelikù te Megbevayà is menge Keet-etawan Din diyà te Kandin 
\p  
\v 12 Migkaǥi is \sc Nengazen\sc* he timpu en heini te kedlikù niw ziyà te kandin te kedlikù he meheǥet diyà te gehinawa niw, he egkezumahan te kebpuasa wey kedlalew duma is kedsineǥew.  
\v 13 Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te \sc Nengazen\sc* he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.  
\v 14 Ne kela ke mahalin is isip te \sc Nengazen\sc* he Megbevayè niw ne edtuvazan din is menge sebpet niw, su wey kew mekepemuhat en diyà te kandin te menge trigu wey vinu. 
\p  
\v 15 Ipezaǥing niw is budyung diyà te Zion he paaǥi te kebpetueni te menge etew he kinahanglan sikandan he edtiǥum para te kebpuasa.  
\v 16 Himuwa niw is tulumanen te kedlumpiyu ne tiǥum kew is langun, batà etawa meǥurang. Minsan is menge peririǥè pa ne uwita niw, ne medtampu zaan is beǥu he neked-esawa.  
\v 17 Is menge memumuhat he ebpenilbi te \sc Nengazen\sc*, medsineǥew sikandan diyà te pid-elangan te pemuhatà wey varkun duen te valey te \sc Nengazen\sc*, ne med-ampù dan te iring kayi: “\sc Nengazen\sc*, kehizuwi nu is menge etew he ǥaked nu. Kenè nu ituǥut he ebpeel-elezan sikandan wey edsudien te menge etew ziyà te zuma he menge nasyun pinaaǥi te kegkaǥi te, ‘Hendei en be is Megbevayè niw?’ ” 
\s1 Ed-umanan Edtuvazi te Megbevayà is Tanà diyà te Juda 
\p  
\v 18 Ingkeipeng te \sc Nengazen\sc* is tanè din, wey nehizuwan din is menge etew zin.  
\v 19 Ne midtavak din is ampù dan he ke sikandin diyà te kandan te, “Ebeǥayan ku sikiyu te menge trigu, beǥu he vinu, wey lana; ne egkeperahan kew. Ne kenè ku en idtuǥut he peel-elezi kew te menge etew ziyà te zuma he menge nasyun.  
\v 20 Ibpaawè ku is menge edsurung keniyu he ebpuun diyà te zizaya, ne edsegseǥen ku sikandan pehendiyà te disirtu. Is nehuna he grupu zan ne edsegseǥen ku pehendiyà te Daǥat he Minatey ne is egkehuziyan he grupu zan ne edsegseǥen ku pehendiyà te Zaǥat he Mediteraneo. Ne egkengemahù sikandan.” 
\p Utew egkein-inuwi is menge mibeelan te \sc Nengazen\sc*.  
\v 21 Kenà ereg he egkahandek is menge meǥinged diyà te tanà he Juda, kekenà, ereg he egkelipey sikandan su utew egkein-inuwi is menge mibeelan te \sc Nengazen\sc*.  
\v 22 Ne kenà daan ereg he egkahandek is menge langgam, su mibmeilem en is menge penebtavà wey nemeǥas en is menge kayu ragkes en is higus. Nemeǥas en daan is menge paras. 
\p  
\v 23 Sikiyu is menge etew ziyà te Zion, lipey kew tenged te mibeelan te \sc Nengazen\sc* he Megbevayè niw. Su mibeǥayan kew zin te nehuna he uzan te kebpaahaa zin he metazeng sikandin. Mibeǥayan kew zin te nehuna he uzan wey te ebpekesunud he uzan iring ded duen te nehuna.  
\v 24 Egkepenù te menge trigu is menge gunasà wey edrepey is beǥu he vinu wey lana ziyà te menge teleǥuey kayi.  
\v 25 Su migkaǥi is \sc Nengazen\sc* te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.  
\v 26 Ne ǥuntaan edekelè en is keenen niw ne egkengehantey kew. Ne tenged kayi, edeliǥen a keniyu is Megbevayè niw, he mibaal te egkein-inuwan he menge vaal diyà te keniyu. Ne kenè kew en egkepeel-elezan is menge etew ku minsan keenu.  
\v 27 Ne egketuenan niw he ziyà a te keniyu te menge tig-Israel, ne iyan e zà \sc Nengazen\sc* he Megbevayè niw ne wazè en duma pa. Ne sikiyu is menge etew ku ne kenè kew en egkepeel-elezan minsan keenu.” 
\s1 Is Keupiyaanan Tenged te Mulin-ulin 
\p  
\v 28 “Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.  
\v 29 Dutun he menge andew, ibeǥey ku zaan is Mulin-ulin ku ziyà te menge suluǥuen he menge maama wey menge vahi.  
\v 30 Ebpaahà a te menge singyal diyà te langit wey tanà: duen egkaahà he lengesa, hapuy, wey mekepal he evel.  
\v 31 Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te \sc Nengazen\sc*.” 
\p  
\v 32 Piru is minsan hentei he edangep diyà te \sc Nengazen\sc* ne egkelibri te silut he edtelinguma. Su sumalà is migkaǥi te \sc Nengazen\sc*, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te \sc Nengazen\sc* he egkengelibri. 
\c 3  
\s1 Edsilutan is menge Etew diyà te menge Nasyun 
\p  
\v 1 Migkaǥi is \sc Nengazen\sc* te, “Dutun te timpu te edlikù ku is meupiya he kebpekesavuk diyà te Juda wey Jerusalem,  
\v 2 edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.  
\v 3 Mibahin dan is menge etew ku pinaaǥi te ripa, ne imbelegyè dan he uripen is menge vatà he menge maama wey menge vahi, su ibayad dan is halin te inumen wey menge vahi he ebelegyà te zengeg dan. 
\p  
\v 4 “Sikiyu is menge etew ziyà te Tyre, Sidon, wey te langun he lugar ziyà te Filistia, hengkey heini is mibeelan niw he igkuntra niw kedì? Mibelesan e ve keniyu tenged te mibeelan ku. Emun mibelesan a keniyu, ne ebelesan ku zaan sikiyu tenged te mibeelan niw.  
\v 5 Su migkuwa niw is mahalen he menge ketiǥeyunan ku, ragkes en is menge pelata wey vulawan, ne mid-uwit niw heini ziyà te menge simbahan niw.  
\v 6 Mid-uripen niw is menge etew te Juda wey te Jerusalem ne imbelegyè niw ziyà te menge Gerisyahanen, su wey niw sikandan ikepekeziyù diyà te tanè dan.  
\v 7 Piru midtevangan ku sikandan he mekaawè dan diyà te menge lugar he mibelegyaan niw kandan, ne ebeelan ku ziyà te keniyu is mibeelan niw ziyà te kandan.  
\v 8 Ibelegyè ku is menge anak niw ziyà te menge etew te Juda, ne ibelegyè dan haazà diyà te menge tig-Saba, he ed-ubpà diyà te meziyù he lugar. Egkehitavù heini, su iyan a, is \sc Nengazen\sc*, is migkaǥi kayi.” 
\p  
\v 9 Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.  
\v 10 Beeli niw he menge ispada is punta te menge eradu niw wey veeli niw he menge vangkew is para te menge igkamet niw. Minsan is menge meǥuyà ne kinahanglan he mebpekidtebek.  
\v 11 Hendini kew, uvey kew zini, sikiyu is menge etew ziyà te peliǥuy he menge nasyun. Ne tiǥum kew ziyà te Suǥud ni Jehoshafat. \sc Nengazen\sc*, ipetupang nu en dutun is menge sundaru nu! 
\p  
\v 12 Migkaǥi is \sc Nengazen\sc* te, “Kinahanglan he egkehinggat is menge etew ziyà te peliǥuy he menge nasyun te kedhendiyà te Suǥud ni Jehoshafat, su edhukuman ku sikandan dutun.  
\v 13 Iring sikandan te edreǥunen he ereg en he egeraven su nelutuan en, etawa iring te paras he ereg en he egkeresen su nepenù en te paras is keresà. Utew en sikandan midtaman he lalung; is menge salè dan iring te wahig te paras he midrepey ziyà te midteǥuan duen.” 
\p  
\v 14 Utew mahabet is menge etew he eguǥurub diyà te Suǥud te Kedhukum, su hapit en egkeuma is andew te kedsilut te \sc Nengazen\sc*.  
\v 15 Ebmerusirem is andew wey is bulan, ne kenè en edsiǥa is menge vituen.  
\v 16 Eghiniǥer is \sc Nengazen\sc* he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is \sc Nengazen\sc* para te menge Israilihanen he menge etew zin. 
\s1 Is menge Tuvad para te menge Etew te Megbevayà 
\p  
\v 17 Menge tig-Juda, egketuenan niw he iyan a, is \sc Nengazen\sc* he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.  
\v 18 Dutun he timpu ebewian ku sikiyu. Ed-uzaren kew te veǥu he vinu he ebpuun diyà te mezakel he menge paras diyà te menge vuvungan. Ed-uzaren kew zaan te ǥatas he ebpuun diyà te mezakel he menge vaka wey menge kambing he ebpemenabtab diyà te menge mibuntud-buntud. Kenà egkemezahan is menge wahig niw. Ne edtudà is serebseb he ebpuun diyà te valey te \sc Nengazen\sc* ne egkewehiǥan din is menge zal-ug he zuen duen menge acacia. 
\p  
\v 19 “Is Ehipto egkehimu he mekevulungbulung, ne is Edom egkehimu he disirtu su midsurung dan is menge etew ziyà te Juda; mibpenhimetayan dan is kenà ereg he edhimetayan.  
\v 20 Piru is Juda wey Jerusalem, ed-ubpaan mulà taman te taman.  
\v 21 Ibpenimales ku is kebpenhimetayi te menge etew ku; edsilutan ku is mibaal kayi ziyà te kandan. Iyan a, is \sc Nengazen\sc*, ed-ubpà diyà te Zion.”