\id HAG - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Haggai 
\toc1 Haggai 
\toc2 Haggai 
\toc3 Hag 
\mt1 Haggai 
\c 1  
\s1 Is Pengumawan te Megbevayà para te Kebangun te Baley Zin 
\p  
\v 1 Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te \sc Nengazen\sc* diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat. 
\p  
\v 2-3 Iyan heini migkaǥi te \sc Nengazen\sc* he Mekeǥeǥehem pinaaǥi te ebpeneuven he si Haggai: “Migkaǥi kew te kenè pa heini timpu te ked-umana kebenguna zuen te valey ku.  
\v 4 Egenahan kew ve he ed-ubpà diyà te mekempet he menge valey he neregdas mulà is kediey he valey?  
\v 5 Is-isipa niw is nengehitavù keniyu.  
\v 6 Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.  
\v 7 Umbe, is-isipa niw is nengehitavù keniyu.  
\v 8 Guntaan, tekezeg kew ziyà te vuntud ne penguwa kew te menge kayu ne umana niw venguna is baley ku, su wey pinaaǥi kayi egkelipey a wey egkeveǥayan te zengeg. Iyan a, is \sc Nengazen\sc*, is migkaǥi kayi.” 
\p  
\v 9 Migkaǥi pa is \sc Nengazen\sc* he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.  
\v 10 Umbe, tenged keniyu wazè en birisbiris ne kenè ne ebeǥey te sebpet is tanà.  
\v 11 Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.” 
\p  
\v 12 Mibpezumazuma te \sc Nengazen\sc* si Zerubabel, si Josue, wey is langun he menge zuma zan he menge Israilihanen he nemen-ulì diyà te Israel puun te kegkevihaǥa kandan diyà te Babilonia. Su mibpemineg dan is migkaǥi te \sc Nengazen\sc* he Megbevayè dan pinaaǥi te ebpeneuven he si Haggai he midsuǥù te \sc Nengazen\sc* diyà te kandan. Ne pinaaǥi kayi midtahud dan is \sc Nengazen\sc*. 
\p  
\v 13 Ne zutun, si Haggai, is perekaǥi te \sc Nengazen\sc*, migkeǥiyan din is menge Israilihanen te, “Migkaǥi is \sc Nengazen\sc* he zuma niw kun sikandin.”  
\v 14 Umbe, mibaghet te \sc Nengazen\sc* si Zerubabel, si Josue, wey is langun he zuma zan he menge Israilihanen he nemen-ulì diyà te Israel, te kebangun duen te valey te \sc Nengazen\sc* he Megbevayè dan he Mekeǥeǥehem.  
\v 15 Mibpuunan dan is kebangun hein ike-24 he andew te ikeenem he vulan, dutun te ikezuwa he tuig te kedhadì ni Darius. 
\c 2  
\s1 Is Impenaad he Kekempet te Beǥu he Baley te \sc Nengazen\sc* 
\p  
\v 1-2 Dutun te ike-21 he andew te sunud he vulan, midsuǥù te \sc Nengazen\sc* is ebpeneuven din he si Haggai he keǥiya zin heini ziyà te ki Zerubabel, ki Josue, wey ziyà te zuma pa he menge Israilihanen he nemen-ulì diyà te Israel:  
\v 3 Ke sikandin te, “Hentei keniyu is nekaahà dengan te kekempet kayi te valey te \sc Nengazen\sc*? Ne hengkey is ked-ehè niw kayi ǥuntaan emun idhindeg duen te nehuna? Siguradu he minus is ked-ehè niw kayi?  
\v 4 Piru mebpekelig-en kew! Terebehuwa niw is baley ku su eduma a keniyu, is \sc Nengazen\sc* he Mekeǥeǥehem.  
\v 5 Iyan daan heini impenaad ku zengan diyà te menge kepuun niw hein migawas sikandan diyà te Ehipto. Ne ǥuntaan is Mulin-ulin ku, ne kemulu pa ziyà te keniyu, umbe kenè kew mahandek. 
\p  
\v 6 “Iyan a, is \sc Nengazen\sc* he Mekeǥeǥehem, is migkaǥi he edhuyungen ku te kesevaha is langit wey is kelibutan, is tanà wey is daǥat.  
\v 7 Edhuyungen ku is langun he nasyun ne ed-uwiten dan kayi te valey ku is menge ketiǥeyunan dan, umbe egkepenù heini is baley ku te mahalen he menge azen.  
\v 8 Egkehimu heini su is menge pelata wey menge vulawan, ne kediey man.  
\v 9 Egkehimu he edhuna pa he mekempet heini is beǥu he valey te \sc Nengazen\sc* kenà duen te nehuna. Ne ibeǥey ku is meupiya he kebpekesavuk kayi he lugar. Iyan a, is \sc Nengazen\sc* he Mekeǥeǥehem, is migkaǥi kayi.” 
\s1 Is Keupiyaanan he Impenaad te Megbevayà 
\p  
\v 10 Duen migkaǥi te \sc Nengazen\sc* diyà te ki Haggai hein ike-24 he andew te ikesiyam he vulan, dutun te ikezuwa he tuig te kedhadì ni Darius.  
\v 11 Ke sikandin te, “Insai nu is menge memumuhat ke hengkey is migkaǥi ziyà te kesuǥuan bahin kayi.  
\v 12 Penenglitan, ed-uwit is sevaha he etew te usa he impemuhat diyà te Megbevayà he midtenges din te kumbalè din. Ne zutun nekezegkit haazà is bisti ziyà te supas, etawa linutù he keenen, binu, lana, etawa minsan hengkey he kelasi te keenen. Egkeipiktuwan be te kegkesegradu zutun te tinenges haazà he menge keenen?” Ne hein mid-insaan ni Haggai is menge memumuhat ne iyan tavak dan is, “Kenà.”  
\v 13 Ne mid-insà si Haggai te, “Ne emun iyan nekezegkit kayi he menge keenen is etew he mid-isip he meremerik su nekesamsam sikandin te minatey, egkehimu ve he meremerik heini he menge keenen?” Ne midtavak is menge memumuhat te, “Uya!”  
\v 14 Ne migkaǥi si Haggai te, “Iring daan keniyan is menge etew te Israel, migkaǥi is \sc Nengazen\sc*. Geina te meremerik dan dengan tenged te salà, is minsan hengkey he ebeelan dan wey ibpemuhat dan diyà te pemuhatà, ne meremerik diyà te etuvangan te \sc Nengazen\sc*.  
\v 15 Puun guntaan, is-isipa niw is kebpekesavuk niw hein wazè niw pa puuni is kebangun te valey ku.  
\v 16 Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.  
\v 17 Midèdeetan te \sc Nengazen\sc* is menge pinemula niw pinaaǥi te meinit he keramag, erat, wey kebpeuzan te ǥiyew he henduen be te menge vatu, piru wazè kew gihapun medlikù diyà te kandin, migkaǥi is \sc Nengazen\sc*.  
\v 18 Ike-24 guntaan he andew te ikesiyam he vulan, ne ǥuntaan nepasad sikan is pundasyun duen te valey te \sc Nengazen\sc*. Ne peninimè kew en ke hengkey is egkehitavù puun guntaan.  
\v 19 Minsan wazè en nesamà he trigu, wey wazè en beǥas te paras wey menge kayu he higus, pumigranata, wey ulibu, ne puun guntaan edtuvazan kew te \sc Nengazen\sc*.” 
\s1 Is Penaad te Megbevayà diyà te ki Zerubabel 
\p  
\v 20 Mid-uman megkaǥi is \sc Nengazen\sc* diyà te ki Haggai zutun mismu he andew.  
\v 21 Ke sikandin te, “Keǥiyi nu si Zerubabel he meǥaan ku en edhuyungen is langit wey is kelibutan.  
\v 22 Edèdeetan ku is menge ginhedian ne id-awè ku is gehem dan. Eberiudsungen ku is menge kerwahi zan wey is ebpemen-untud kayi. Ebpemematey is menge kudà ne ed-uuney ebpehimhimetayà is menge pereuntud kayi.  
\v 23 Keǥiyi nu zaan si Zerubabel he suluǥuen ku he edhimuwen ku sikandin he ibpezumala zutun he andew. Edumala sikandin pinaaǥi te keǥehem ku, su iyan sikandin pinilì ku. Iyan a, is \sc Nengazen\sc* he Mekeǥeǥehem, is migkaǥi kayi.”