\id EZR - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Ezra 
\toc1 Ezra 
\toc2 Ezra 
\toc3 Ezr 
\mt1 Ezra 
\c 1  
\s1 Impeulì ni Hadì Cyrus is menge Judio ziyà te Kandan he Tanà 
\r (2 Cronica 36:22-23) 
\p  
\v 1 Dutun te nehuna he tuig te kedhadì ni Cyrus diyà te Persia, insavuk te \sc Nengazen\sc* diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te \sc Nengazen\sc* pinaaǥi ki Jeremias. 
\p  
\v 2 “Iyan heini impehibelu ni Hadì Cyrus he hadì te Persia: 
\p “Imbeǥey kedì te \sc Nengazen\sc* he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.  
\v 3 Sikiyu is langun he menge etew te Megbevayà, likù kew en diyà te Jerusalem ne umana niw venguna is baley te \sc Nengazen\sc* he Megbevayà te Israel, he mid-ubpà keniyan he inged. Ne verakat he mebpekiduma sikandin keniyu.  
\v 4 Is menge etew ziyà te menge lugar he ed-ubpaan niw te nesamà he menge Israilihanen, ereg sikandan he edtavang keniyu zutun te kegenat niw. Mebeǥey sikandan keniyu te menge pelata wey vulawan, menge vutang he egkinehenglanen niw, menge uyaǥen, wey tavang he ebpuun te keugelingen he suat he para te valey te Megbevayà diyà te Jerusalem.” 
\p  
\v 5 Duen menge Israilihanen he insavuk te Megbevayà diyà te gehinawa zan is suat te ked-ulì diyà te Jerusalem. Umbe nengandam sikandan te kedhendiyà su ebengunen dan is baley te \sc Nengazen\sc*. Duma kandan is menge pengulu te menge pemilya te tribu ni Juda wey te tribu ni Benjamin, is menge memumuhat, wey is menge Levihanen.  
\v 6 Is duma he menge etew midtavang kandan pinaaǥi te kebeǥey te pelata he menge gelemiten, menge vulawan, menge azen he kinahanglan dan, menge uyaǥen, duma pa he mahalen he menge azen, wey tavang he ebpuun te keugelingen he suat he para te valey te \sc Nengazen\sc*. 
\p  
\v 7 In-ulì ni Hadì Cyrus diyà te kandan is menge gelemiten diyà te valey te \sc Nengazen\sc* he migkuwa ni hadì Nebucadnezar ziyà te Jerusalem ne mid-uwit din diyà te simbahan he ed-ezapan te menge ed-ezapen din.  
\v 8 Insarig heini ni Hadì Cyrus ki Mitredat he iyan trisuriru te ginhedian din. Mibilang heini ni Mitredat ne imbeǥey zin is listahan diyà te ki Sheshbazar, he gubirnedur ziyà te Juda.  
\v 9-10 Iyan heini nevilang he menge gelemiten: 
\li2 bulawan he menge bendihadu; 30 
\li2 pelata he menge bendihadu; 1,000 
\li2 menge kutsilyu; 29 
\li2 bulawan he menge yehung; 30 
\li2 pelata he menge yehung; 410 
\li2 duma pa he menge gelemiten; 1,000 
\b  
\p  
\v 11 Is langun, ne 5,400 he menge gelemiten he vulawan wey pelata. Mid-uwit ni Sheshbazar heini is langun hein mid-ulì sikandin diyà te Jerusalem puun te Babilonia duma te zuma he menge vihag. 
\c 2  
\s1 Is Listahan te Nemen-ulì Puun te Kegkevihaǥa Kandan 
\r (Nehemias 7:4-73) 
\p  
\v 1 Listahan heini te menge Israilihanen diyà te prubinsya he Juda he mibihag dengan ni Hadì Nebucadnezar ziyà te Babilonia. Kayi he timpu mid-awe en sikandan diyà te Babilonia ne midlikù en diyà te Jerusalem wey ziyà te zuma pa he menge inged dan diyà te Juda.  
\v 2 Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. 
\p Iyan heini listahan te menge etew te Israel he nemen-ulì puun te kegkevihaǥa kandan: 
\p  
\v 3-20 Mga Kevuwazan ni 
\li2 Parosh; 2,172 
\li2 Shefatia; 372 
\li2 Ara; 775 
\li2 Pahat Moab (puun te menge pemilya ni Jeshua wey ni Joab); 2,812 
\li2 Elam; 1,254 
\li2 Zatu; 945 
\li2 Zacai; 760 
\li2 Bani; 642 
\li2 Bebai; 623 
\li2 Azgad; 1,222 
\li2 Adonikam; 666 
\li2 Bigvai; 2,056 
\li2 Adin; 454 
\li2 Ater (he egngezanan daan te Ezequias); 98 
\li2 Bezai; 323 
\li2 Jora; 112 
\li2 Hashum; 223 
\li2 Gibar; 95 
\b  
\p  
\v 21-35 Iyan heini kahabet te menge etew he mid-ubpà is menge kepuun dan kayi he menge inged: 
\li2 Betlehem; 123 
\li2 Netopa; 56 
\li2 Anatot; 128 
\li2 Azmavet; 42 
\li2 Kiriat Jerim, Kefira, wey Beerot; 743 
\li2 Rama wey Geba; 621 
\li2 Micmash; 122 
\li2 Betel wey Ai; 223 
\li2 Nebo; 52 
\li2 Magbish; 156 
\li2 is sevaha pa he Elam; 1,254 
\li2 Harim; 320 
\li2 Lod, Hadid, wey Ono; 725 
\li2 Jerico; 345 
\li2 Senaa; 3,630 
\b  
\p  
\v 36-39 Iyan heini menge kevuwazan te menge memumuhat he nemen-ulì puun te kegkevihag: 
\li2 Menge kevuwazan ni 
\li2 Jedaya (puun te pemilya ni Jeshua); 973 
\li2 Imer; 1,052 
\li2 Pashur; 1,247 
\li2 Harim; 1,017 
\b  
\p  
\v 40-42 Iyan heini kevuwazan te menge Levihanen he nemen-ulì daan puun te kegkevihag: 
\li2 Menge kevuwazan ni Jeshua wey ni Kadmiel (puun te pemilya ni Hodavia); 74 
\li2 Menge perekanta ziyà te valey te \sc Nengazen\sc* he menge kevuwazan ni Asaf; 128 
\li2 Menge vantey te menge pultahan te valey te \sc Nengazen\sc* he menge kevuwazan ni Shalum, ni Ater, ni Talmon, ni Akub, ni Hatita, wey ni Shobai; 139 
\b  
\p  
\v 43-54 Iyan heini menge kevuwazan te menge suluǥuen diyà te valey te \sc Nengazen\sc* he nemen-ulì daan puun te kegkevihag: 
\p Menge kevuwazan ni Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa. 
\p  
\v 55-57 Mid-ulì daan puun te kegkevihag is menge kevuwazan te menge suluǥuen ni Solomon: 
\p He iyan is menge kevuwazan eni Sotai, Hasoferet, Peruda, Jaala, Darkon, Gidel, Shefatia, Hatil, Pokeret Hazebaim, wey Ami. 
\p  
\v 58 Is kahabet te kevuwazan te menge suluǥuen diyà te valey te \sc Nengazen\sc* ragkes is kahabet te menge suluǥuen ni Solomon ne 392. 
\p  
\v 59-60 Duen daan 652 he nemen-ulì diyà te Juda he ebpemuun diyà te menge inged he Tel Mela, Tel Harsha, Kerub, Adon, wey Imer. Heini sikandan menge kevuwazan eni Delaya, Tobia, wey Nekoda, piru kenè dan igkepaahà is puriba he menge Israilihanen sikandan. 
\p  
\v 61-62 Kenà daan ebpekepaahà te puriba is menge kevuwazan eni Habaya, Hakoz, wey Barzilai he menge memumuhat sikandan. (Hein nengesawa heini si Barzilai iyan din mid-uwit is ngazan te enuǥang din he si Barzilai he tig-Gilead.) Ne ǥeina te kenè dan igkepaahà is listahan te menge kepuun dan, ne wazà sikandan dewata he menge memumuhat.  
\v 63 Migkeǥiyan sikandan te gubirnedur ziyà te Juda he kenà egkehimu ke egkaan dan te menge keenen he impemuhat diyà te Megbevayà dutun te wazè pa memumuhat he nekeinsà diyà te Megbevayà mehitenged te kegkememumuhat dan pinaaǥi te veveraan he Urim wey Thumim. 
\p  
\v 64-67 Is kahabet te langun he nemen-ulì puun te kegkevihag ne 42,360, kenà ragkes is menge suluǥuen dan he 7,337, wey is menge perekanta he 200 he menge maama wey menge vahi. Duen dan uwiten he 736 he menge kudà, 245 he menge mula, 435 he menge kemilyu, wey 6,720 he menge asnu. 
\p  
\v 68 Hein nekeuma zan diyà te valey te \sc Nengazen\sc* diyà te Jerusalem, is duma he menge pengulu te menge pemilya mibeǥey te tavang he puun te keugelingen dan he suat he para te ked-umana kebenguna zuen te valey te \sc Nengazen\sc* diyà te mibengunan ded duen hein aney.  
\v 69 Mibeǥey zan dutun he vuluhaten sumalà te egkeveleveg dan. Ne is langun he netiǥum dan 500 he kilu he vulawan, 3,000 he kilu he pelata, wey bisti he 100 he lukut he para te menge memumuhat.  
\v 70 Is kada sevaha kandan midlikù diyà te menge inged he mibpuunan te menge pemilya zan, ragkes is menge memumuhat, menge Levihanen, menge perekanta, menge vantey te menge ǥemawan te valey te \sc Nengazen\sc*, wey is menge suluǥuen diyà te valey te \sc Nengazen\sc*. 
\c 3  
\s1 Is Kebeeli te Beǥu he Pemuhatà 
\p  
\v 1 Ne hein neume en is pitu he vulan te ked-ubpà te menge Israilihanen diyà te menge inged dan, midtiǥum sikandan is langun diyà te Jerusalem he zuen dan kegkesevaha.  
\v 2 Ne mid-umanan dan beeli is pemuhatà he para te Megbevayà te Israel su wey mepemuhati heini te menge pemuhat he edtutungen, sumalà te ingkesurat diyà te Kesuǥuan ni Moises he suluǥuen din. Is mibaal kayi iyan ensi Jeshua he anak ni Jozadak wey is duma zin he menge memumuhat, wey si Zerubabel he anak ni Shealtiel wey is menge kezuzumahi zin.  
\v 3 Minsan nahandek dan te menge etew he zaan he nemen-ubpà dutun te tanà, mibangun dan is pemuhatà diyà te nehuna he mibengunan kayi. Ne nemuhat sikandan te menge pemuhat he edtutungen meselem wey mezukilem. 
\p  
\v 4 Midsilibra zan daan is Pista te Kebaal te menge Lawig sumalà te ingkesurat diyà te Kesuǥuan ni Moises. Ne nemuhat dan te menge pemuhat he edtutungen he kinahanglan he ibpemuhat kada andew kayi he pista.  
\v 5 Kenà ragkes kayi is menge pemuhat he edtutungen he ibpemuhat dan te meselem wey mahapun, ebpemuhat daan sikandan te menge pemuhat te kada Pista te Kebpuun te Hayag wey te zuma pa he menge pista te ked-azap te \sc Nengazen\sc*. Ebpemuhaten dan daan is \sc Nengazen\sc* te menge pemuhat he keugelingen he suat is kebeeli zuen.  
\v 6 Minsan wazè pa mepuuni is kebenguna ked-umana zuen te valey te \sc Nengazen\sc*, mibpuun en is menge Israilihanen te kebpemuhat te menge pemuhat he edtutungen duen te nehuna he andew te ikepitu he vulan dutun he tuig. 
\s1 Mid-umanan Benguna is Baley te \sc Nengazen\sc* 
\p  
\v 7 Mibeǥey is menge Israilihanen te selapì he ibayad te menge edsapsap te vatu wey te menge pandey. Mibeǥey zaan sikandan te menge keenen, menge inumen, wey lana he ibayad diyà te menge tig-Sidon wey te menge tig-Tyre para te menge kayu he sidru he ebpuun diyà te Lebanon. Heini he menge kayu, igkarga te varku ne ed-uwiten diyà te Jopa. Intuǥut heini ni Hadì Cyrus he hadì te Persia. 
\p  
\v 8 Mibpuunan is kebenguna zuen te valey te \sc Nengazen\sc* te ikezuwa he vulan te ikezuwa he tuig puun te kebpekeulì te menge Israilihanen diyà te Jerusalem. Mibpeug-uǥupà he edterebahu is langun he mid-ulì diyà te Jerusalem puun te kegkevihag, ragkes en ensi Zerubabel he anak ni Shealtiel, Jeshua he anak ni Jozadak wey is duma zin he menge memumuhat, wey menge Levihanen. Is midseriǥan te kedumala te kebenguna zuen te valey te \sc Nengazen\sc* iyan is menge Levihanen he 20 he tuig is keǥurang dan pehendiyà te metikang.  
\v 9 Iyan sikandan ensi Jeshua, is menge anak din wey kezuzumahi zin, si Kadmiel wey menge anak din. Menge kevuwazan sikandan ni Juda is langun. Mid-uǥup daan kandan is menge kevuwazan wey menge kezuzumahi ni Henadad he menge Levihanen daan. 
\p  
\v 10 Hein nepasad en duen te ebpemenerebahu is pundasyun duen te valey te \sc Nengazen\sc*, mibpelastar is menge memumuhat su ebpezaǥing dan te menge trumpita. Heini sikandan nekevivisti te visti zan te kegkememumuhat. Mibpelastar zaan is menge Levihanen he menge kevuwazan ni Asaf su edtukar zan te menge simbal su edeliǥen dan is \sc Nengazen\sc* sumalà te paaǥi he impenurù kandan ni Hadì David he hadì te Israel.  
\v 11 Dutun midalig dan wey mibpeselematan is \sc Nengazen\sc*; migkanta zan he edhenduen te, “Meupiya iyan is \sc Nengazen\sc*, su is kebmahala zin te Israel ne wazà pidtemanan.” Ne ingkulahì te mezaǥing te langun he menge etew zutun is kedeliǥa zan te \sc Nengazen\sc* su ǥeina te nepasad en is pundasyun duen te valey te \sc Nengazen\sc*.  
\v 12 Mahabet dutun is meǥurang en he menge memumuhat, menge Levihanen, wey menge pengulu te menge pemilya he nekeehè pa zuen te nehuna he valey te \sc Nengazen\sc*. Ne utew sikandan nekesineǥew hein neehè dan is pundasyun te veǥu he valey te \sc Nengazen\sc*. Piru mahabet he menge etew zutun is nemengulahì tenged te kegkelipey zan.  
\v 13 Kenè te en egketuenan is kulahì te egkelipey wey is kulahì te edlelendag su utew en subra is keǥurub te menge etew, ne egkezineg heini ziyà te meziyù. 
\c 4  
\s1 Wazà Ikesuat is Kebenguna te Baley te \sc Nengazen\sc* 
\p  
\v 1 Netudtulan is menge kuntada te menge tig-Juda wey menge tig-Benjamin he mid-uman benguna zuen te nemen-ulì puun te kegkevihag is baley te \sc Nengazen\sc* he Megbevayà te Israel.  
\v 2 Ne midhendiyà sikandan te ki Zerubabel wey zuen te menge pengulu te menge pemilya, ne ke sikandan te, “Ed-uǥupan dey sikiyu te kebangun te valey te \sc Nengazen\sc* su ed-ezapen dey man is Megbevayè niw iring te ed-ul-ulahan niw. Neuǥet en is kebpemuhata zey kandin te menge pemuhat, puun pa te timpu ni Hadì Esarhadon he hadì te Asiria he iyan mid-uwit kenami kayi.”  
\v 3 Piru iyan heini tavak eni Zerubabel, Jeshua, wey te menge pengulu te menge pemilya: “Midsuǥù key ni Hadì Cyrus he hadì te Persia he umana zey venguna is baley te \sc Nengazen\sc*, piru wazè niw kayi lavet te kebangun kayi para te Megbevayè dey. Iyan key zà ebangun kayi para te \sc Nengazen\sc* he Megbevayà te Israel.” 
\p  
\v 4 Umbe, mibpelihandek wey mibpeluyahan te menge etew he zaan he ebpemen-ubpà dutun he lugar is menge etew te Juda su wey zan kenà melaus is kedterebehuwa zuen te valey te \sc Nengazen\sc*.  
\v 5 Midsuhulan dan is menge upisyal te ginhedian te Persia su wey zan belevaǥi is menge pelanu te menge etew te Juda. Mibpedayun sikandan te kebaal kayi puun te timpu ni Cyrus he hadì te Persia taman en te timpu he si Darius en is hadì diyà te Persia. 
\s1 Is Kebelevaǥi te Kebenguna te Baley te \sc Nengazen\sc* hein Timpu ni Hadì Artaserkses 
\p  
\v 6 Hein mibpuun medhadì si Ahasuerus, is menge kuntada te menge meǥinged diyà te Juda wey Jerusalem midsurat te menge sumbung dan kuntra kayi he menge meǥinged.  
\v 7 Ne minsan hein si Artaserkses en is hadì diyà te Persia, mibpesuratan dan daan. Iyan sikandan ensi Bishlam, Mitredat, Tabeel, wey is duma pa he menge zuma zan. Insurat dan heini ziyà te kineǥiyan he Aramico ne midhuvad heini ziyà te kineǥiyan te menge tig-Persia. 
\p  
\v 8-11 Midsurat daan si Rehum he gubirnedur wey si Shimshai he sikritaryu ziyà te ki Hadì Artaserkses te igkuntra zan te menge tig-Jerusalem. Iyan heini taǥù te surat dan: 
\p “Minahal he Hadì Artaserkses, 
\p “Edhuna key ebpengemusta kenikew, is menge suluǥuen nu kayi te prubinsya he zini layun te Eufrates. Ragkes he nengemusta kenikew is menge zuma zey he menge pengulu wey menge upisyal, is menge etew te Tripolis, Persia, Erec, Babilonia, wey is menge etew ziyà te Susa he tanà diyà te Elam. Ebpengemusta zaan is menge etew he impaawà diyà te menge lugar zan ni Osnapar, kes nevantug wey mekeǥeǥehem he hadì diyà te Asiria. Heini he menge etew impeubpè din diyà te inged he Samaria wey ziyà te zuma pa he menge lugar he zini layun te Eufrates. 
\p  
\v 12 “Mahal he Hadì, egkesuat key he metueni nu he mid-umanan benguna te menge Judio is inged he Jerusalem, he ubpeey te menge lalung wey menge ribildi he menge etew. Heini sikandan nekeume kayi he inged he ebpuun diyà te menge lugar he nesakup nu. Ebpurungan dan en is menge verengbeng wey menge pundasyun kayi.  
\v 13 Mahal he Hadì, emun egkeuman egkevangun heini he inged wey egkepurungan en is menge verengbeng kayi, edribildi is menge meǥinged kayi ne kenè dan en ebayad te menge vuhis wey zuma pa he menge veleyazan. Ne edeisey is egketiǥeyunan te ginhedian nu. 
\p  
\v 14 “Ne ǥeina te zuen dey ketengdanan diyà te kenikew, Mahal he Hadì, wey kenè dey egkesuatan he mepeel-elezi ka, ibpehibelu zey heini ziyà te kenikew  
\v 15 su wey nu mesusi is menge surat he intaǥù te menge kepuun nu. Ne kayi egketuenan nu he is menge meǥinged diyà te Jerusalem menge ribildi puun pa te nehuna he timpu. Umbe midezeetan heini he inged su nehimu heini he prublima te menge hadì wey te menge lugar he egkesuat he edsakup kayi.  
\v 16 Ibpehibelu zey zà diyà te kenikew, Mahal he Hadì, he emun egkeuman egkevangun heini he inged wey egkepurungan is menge verengbeng kayi, ne egkaawà diyà te kenikew is prubinsya he zini layun te Eufrates.” 
\p  
\v 17 Iyan heini tavak he impeuwit duen te hadì: 
\p “Ebpengemusta a kenikew Rehum he gubirnedur, wey ziyà te kenikew Shimshai he sikritaryu, wey te menge zuma niw he ed-ubpà diyà te Samaria wey is diyà te zuma pa he menge lugar he ziyan layun te Eufrates. 
\p “Berakat he meupiya is kebpekesavuk niw. 
\p  
\v 18 “Is surat he impeuwit niw midhuvad diyà te kenami he kineǥiyan dutun te kebesaha zuen kayi te kedì.  
\v 19 Midsuǥù a he susiya is menge surat, ne naahà dutun he tutuu iyan he puun pa zengan is menge meǥinged diyà te Jerusalem ebpekigkuntada te menge hadì. Neleyaman dan en te ed-ula-ula keniyan he lugar is kedribildi kuntra te gubirnu.  
\v 20 Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan. 
\p  
\v 21 “Ne ǥuntaan mebmandù kew he ibpeengkezan keniyan he menge etew is ked-uman kebangun keniyan he inged taman te kenè e pa ebmandù te kebenguna zuen.  
\v 22 Kinahanglan he segugunè niw veeli heini su wey kenà mezeeti is ginhedian ku.” 
\p  
\v 23 Ne hein nepasad te ebasa eni Rehum, Shimshai, wey te menge zuma zan is surat ni Hadì Artaserkses, segugunè dan midhendiyà te Jerusalem ne midteǥel zan is menge Judio he engkezi zan is ked-uman kebangun duen te inged. 
\s1 Neengked is Kedkebenguna zuen te Baley te \sc Nengazen\sc* 
\p  
\v 24 Neengked is kebenguna zuen te valey te Megbevayà diyà te Jerusalem taman te ikezuwa he tuig te kedhadì ni Darius diyà te Persia. 
\c 5  
\p  
\v 1 Dutun he timpu, midsuǥù te Megbevayà diyà te Israel is menge ebpeneuven he si Haggai wey si Zacarias he apù ni Iddo te kegkaǥi te menge lalag din diyà te menge Judio ziyà te Juda wey Jerusalem.  
\v 2 Nemineg kandan si Zerubabel he anak ni Shealtiel wey si Jeshua he anak ni Jozadak. Umbe midlaus dan is kebenguna zuen te valey te Megbevayà diyà te Jerusalem ne midtevangan sikandan dutun te zezuwa he ebpeneuven te Megbevayà. 
\p  
\v 3 Piru wazè en meuǥet, ne nekeuma ziyà te Jerusalem si Tatenai he gubirnedur te prubinsya zini layun te Eufrates, si Shetar Bozenai, wey is menge zuma zan. Mid-insaan dan is menge Judio te, “Hentei is midsuǥù keniyu te ked-uman kebangun kayi te valey?”  
\v 4 Mid-insè dan daan te, “Hentei is menge ngazan te menge etew he midterebahu kayi?”  
\v 5-7 Piru mibentayan te Megbevayà is menge pengulu te menge Judio, umbe midisisyun si Tatenai, si Shetar Bozenai, wey is menge zuma zan he menge upisyal te prubinsya he dini layun te Eufrates he kenè dan en ibpeengkezan is kebenguna zuen te valey te \sc Nengazen\sc* taman te egketudtulan sikandan te menge lalag ni Hadì Darius mehitenged kayi wey ke hengkey is tavak din. 
\p Iyan heini taǥù te surat he impeuwit dan diyà te ki Hadì Darius: 
\p “Minahal he Hadì Darius, 
\p “Berakat he meupiya is kebpekesavuk nu. 
\p  
\v 8 “Ibpehibelu zey kenikew, Mahal he Hadì, he midhendiyè key te prubinsya he Juda, diyà te ebengunan te valey te mekeǥeǥehem he Megbevayà. Dezekelà he menge vatu is egemiten te kebenguna zuen te simbahan, ne is menge verengbeng din midteuzan te menge trusu su wey mebmelig-en. Mesigudu sikandan he edterebahu, umbe meǥaan is kebenguna zan kayi.  
\v 9 Mid-insaan dey is menge pengulu zan ke hentei is midsuǥù kandan te ked-uman kebangun duen te valey te Megbevayà.  
\v 10 Ne in-insè dey zaan is menge ngazan dan su wey zey ikepetueni kenikew ke hentei is menge pengulu te kebenguna zuen te valey te Megbevayà. 
\p  
\v 11 “Iyan heini tavak dan kenami: ‘Menge suluǥuen key te Megbevayà diyà te langit wey kayi te kelibutan, ne ed-umanan dey ebenguna is baley te Megbevayà he mibangun dengan te sevaha he mekeǥeǥehem he hadì te Israel.  
\v 12 Ne ǥeina te mibaal is menge kepuun dey te ingkepauk te Megbevayà diyà te langit, mibey-anan din sikandan he mesakup ni Nebucadnezar te Kildiyanhen he hadì te Babilonia. Ne midrundus ni Nebucadnezar heini is baley te Megbevayà ne mibihag din is menge kepuun dey pehendiyà te Babilonia.  
\v 13 Piru hein nehuna he tuig te kedhadì ni Cyrus diyà te Babilonia, mibmandù sikandin he ed-umanan ebenguna is baley te Megbevayà.  
\v 14 In-ulì din is menge vulawan wey menge pelata he menge gelemiten diyà te valey te Megbevayà. Heini he menge gelemiten migkuwa zengan ni Nebucadnezar ziyà te valey te Megbevayà diyà te Jerusalem ne intaǥù din diyà te simbahan diyà te Babilonia. Insarig ni Hadì Cyrus heini he menge gelemiten diyà te ki Sheshbazar he iyan mibpilì din he gubirnedur ziyà te Juda.  
\v 15 Migkaǥi sikan is hadì diyà te ki Sheshbazar te ed-umanan ebenguna is baley te Megbevayà diyà te Jerusalem diyà te nehuna he mibengunan duen, ne idtaǥù dutun sikan is menge gelemiten kayi.  
\v 16 Umbe, midhendiyà si Sheshbazar te Jerusalem ne impetukud din is menge pundasyun duen te valey te Megbevayà. Ne taman en guntaan is kebenguna kayi te valey te Megbevayà ne wazè pa heini mepasad.’ 
\p  
\v 17 “Guntaan, Mahal he Hadì, ipesusi nu is menge surat he impetaǥù te menge hadì te Babilonia ke tutuu ve he insuǥù ni Hadì Cyrus is ked-umana kebenguna zuen te valey te Megbevayà diyà te Jerusalem. Ne ipetueni nu kenami ke hengkey is disisyun nu mehitenged kayi.” 
\c 6  
\s1 Mibpezumazuma si Hadì Darius te Ked-umana Kebenguna zuen te Baley te \sc Nengazen\sc* 
\p  
\v 1 Umbe, midsuǥù si Hadì Darius he susiya is menge surat he intaǥù diyà te teleǥuey kayi ziyà te Babilonia.  
\v 2 Piru ziyà maahà te turuǥan diyà te Ecbatana, he sakup te prubinsya he Media, is sevaha he linulun he velesahan he zuen duen nekesurat he edhenduen te: 
\p  
\v 3 “Heini he menge surat ebpetanudtanud he heini nehuna he tuig te kedhadì ni Cyrus, midsuǥù sikandin he ed-umanan ebenguna is baley te Megbevayà diyà te Jerusalem he zutun ibpemuhat is menge pemuhat. Kinahanglan he melig-en is menge pundasyun kayi. Kinahanglan he 90 he ǥiek is ketikang kayi wey 90 zaan he ǥiek is keluaǥan din.  
\v 4 Is kada tetelu he dezekelà he menge vatu he ibped-uuntud, kinahanglan he ebpezivevawan te sevaha he trusu. Is langun he gelestuwan, egkuwaan diyà te selapì te ginhedian.  
\v 5 Ne sikan is bulawan wey pelata he menge gelemiten diyà te valey te Megbevayà he mid-uwit ni Hadì Nebucadnezar ziyà te Babilonia, kinahanglan he idlikù diyà te teleǥuey zuen diyà te valey te Megbevayà diyà te Jerusalem.” 
\p  
\v 6 Ne heini he menge lalag impeuwit ni Hadì Darius diyà te ki Tatenai, he gubirnedur te prubinsya he zini layun te Eufrates, ki Shetar Bozenai, wey te zuma zan he menge upisyal keniyan he prubinsya: 
\p “Pekeziyù kew keniyan te valey te Megbevayà.  
\v 7 Kenè niw semuka is kebenguna kayi. Bey-ani niw en is gubirnedur wey is duma he menge pengulu te menge Judio he mevangun dan heini ziyà te nehuna he mibengunan kayi. 
\p  
\v 8 “Edsuǥuen ku zaan sikiyu he uǥupi niw is menge pengulu te menge Judio pinaaǥi te kediritsuwa kebeyazi te langun he ǥastu su para kenà mesanggen is terebahu. Diyè niw kuwaa is bayad he selapì te ginhedian he ebpuun diyà te vuhis te prubinsya niw.  
\v 9 Kinahanglan he ebeǥayan niw kada andew is menge memumuhat diyà te Jerusalem te menge kinahanglan dan iring te turiti he vaka wey meǥurang wey menge nati he meemahan he menge kerehidu he edtutungen he ibpemuhat diyà te Megbevayà diyà te langit, ragkes daan is trigu, timus, binu, wey lana. Kinahanglan he kenà egkesalang is kebeǥaya niw kayi,  
\v 10 su wey zan mekepemuhat te menge pemuhat he ebpekepenunuat te Megbevayà diyà te langit, ne igkaampù e zan wey is menge anak ku. 
\p  
\v 11 “Ne elin daan suǥù ku he is minsan hentei he kenà edtuman kayi edtiyuken te kayu he edtengtangen puun te valey zin, ne edrundusen is baley zin taman te wazà kayi egkesamà he ebpekehitindeg.  
\v 12 Berakat he dezeeti te Megbevayà he mibpilì te Jerusalem he zutun sikandin ebeǥayi te zengeg is minsan hentei he hadì etawa nasyun he edsupak kayi he suǥù wey edrundus te valey te Megbevayà diyà te Jerusalem. 
\p “Iyan a si Darius, is midsuǥù kayi. Ne ereg heini he edtumanen.” 
\s1 Impehinungud sikan is Baley te Megbevayà 
\p  
\v 13 Ne midtuman heini ni Tatenai he gubirnedur, ni Shetar Bozenai, wey te menge zuma zan is suǥù ni Hadì Darius.  
\v 14 Umbe, mibpedayun te kedterebahu is menge pengulu te menge Judio duma is kedlig-eni kandan te menge lalag te menge ebpeneuven he iyan si Haggai wey si Zacarias he menge apù ni Iddo. Nepasad dan te edterebahu is baley te Megbevayà sumalà te insuǥù te Megbevayà te Israel he impetuman eni Cyrus, Darius, wey Artaserkses, he nekesunud he menge hadì diyà te Persia.  
\v 15 Nepasad sikan is baley te Megbevayà hein iketelu he andew te ike-12 he vulan, he iyan kes bulan he Adar, dutun te ikeenem he tuig te kedhadì ni Darius. 
\p  
\v 16 Melipayen he midsilibra is kebpehinunguza zuen te valey te Megbevayà te menge etew te Israel–menge memumuhat, menge Levihanen, wey te zuma pa he nemen-ulì puun te kegkevihag.  
\v 17 Kayi te kebpehinunguza zuen te valey te Megbevayà nemuhat sikandan te 100 he tudu he vaka, 200 he meǥurang he meemahan he menge kerehidu, wey 400 he meemahan he nati he menge kerehidu. Nemuhat daan sikandan te 12 he meemahan he menge kambing he pemuhat he para idlumpiyu te kada tribu te Israel.  
\v 18 Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises. 
\s1 Is Pista te Kedlavey te Belinsuǥuen 
\p  
\v 19 Dutun te ike-14 he andew te nehuna he vulan te midsunud he tuig, midsilibra te menge nemen-ulì puun te kegkevihag is Pista te Kedlavey te Belinsuǥuen.  
\v 20 Mibpekelumpiyu is menge memumuhat wey menge Levihanen su wey zan mehimu he zait he ebpengulu ziyà te menge tulumanen. Ne midlapà te menge Levihanen is menge kerehidu he pemuhat te kedsilibraha te Pista te Kedlavey te Belinsuǥuen. Mibeelan dan heini para te langun he nemen-ulì puun te kegkevihag, para te menge memumuhat he menge kezuzumahi zan, wey para te keugelingen dan.  
\v 21 Heini he menge pemuhat migkaan te langun he menge Israilihanen he nemen-ulì puun te kegkevihag wey te zuma he menge etew he mid-ubpà dutun he mid-engked en he ebaal te menge ebeelan te menge etew he wazà mekekilala te Megbevayà te Israel.  
\v 22 Seled te pitu he andew is melipayen he kedsilibraha zan te Pista te Supas he Wazè din Tapey. Su mibeǥayan dan te \sc Nengazen\sc* te kelipey pinaaǥi te kedwelenga zin te ǥehinawa te hadì te Asiria para tevangi zin sikandan te kedterebehuwa zuen te valey te Megbevayà, sikan is Megbevayà te Israel. 
\c 7  
\s1 Nekeuma si Ezra ziyà te Jerusalem 
\p  
\v 1-6 Kedlavey te mahabet he menge tuig, dutun te iyan hadì diyà te Persia si Artaserkses, nekeuma si Ezra ziyà te Jerusalem is ebpuun diyà te Babilonia. Heini si Ezra anak ni Seraya. Si Seraya anak ni Azaria. Si Azaria anak ni Hilkia. Si Hilkia anak ni Shalum. Si Shalum anak ni Zadok. Si Zadok anak ni Ahitub. Si Ahitub anak ni Amaria. Si Amaria anak ni Azaria. Si Azaria anak ni Merayot. Si Merayot anak ni Zerahia. Si Zerahia anak ni Uzi. Si Uzi anak ni Buki. Si Buki anak ni Abishua. Si Abishua anak ni Finehas. Si Finehas anak ni Eleazar. Si Eleazar anak ni Aaron te lavew he memumuhat. 
\p Si Ezra sevaha he menunudlù he nepurungan din metueni is Kesuǥuan ni Moises he imbeǥey te \sc Nengazen\sc* he Megbevayà te Israel. Imbeǥey te hadì is langun he mibuyù ni Ezra su ǥeina te edtevangan sikandin te \sc Nengazen\sc* he Megbevayè din.  
\v 7 Duen daan miduma kandin he menge Israilihanen dutun te ked-ulì din diyà te Jerusalem dutun te ikepitu he tuig te kedhadì ni Artaserkses. Ragkes te miduma kandin is menge memumuhat, menge Levihanen, menge perekanta, menge vantey te menge ǥemawan te valey te \sc Nengazen\sc*, wey is menge suluǥuen dutun te valey te \sc Nengazen\sc*.  
\v 8-9 Mibpuun si Ezra ziyà te Babilonia hein nehuna he andew te nehuna he vulan. Ne tenged te tavang te Megbevayà kandin, nekeuma sikandin diyà te Jerusalem te nehuna he andew te ikelima he vulan dutun te ikepitu he tuig te kedhadì ni Artaserkses.  
\v 10 Midtevangan sikandin te Megbevayà su ǥeina te impehinungud din is keugelingen din pinaaǥi te ked-istudyu wey kedtuman te Kesuǥuan te \sc Nengazen\sc*, wey kebpenurù te menge sulunuzen wey menge suǥù din diyà te menge Israilihanen. 
\s1 Is Surat ni Artaserkses diyà te ki Ezra 
\p  
\v 11 Iyan heini surat he imbeǥey ni Hadì Artaserkses diyà te ki Ezra he memumuhat wey menunudlù he nepurung metau te menge suǥù wey menge sulunuzen he imbeǥey te \sc Nengazen\sc* he Megbevayà te Israel: 
\p  
\v 12 “Iyan a si Hadì Artaserkses he hadì te menge hadì. Ebpengemusta a kenikew Ezra, he memumuhat wey menunudlù te Kesuǥuan te Megbevayà diyà te langit. 
\p  
\v 13 “Midsuǥù a he minsan hentei te menge Israilihanen kayi te ginhedian ku, ragkes en is menge memumuhat wey menge Levihanen, he egkesuat he eduma kenikew te ked-ulì diyà te Jerusalem egkehimu he eduma kenikew.  
\v 14 Siak wey is pitu he menge sumesambag ku, edsuǥuen dey sikew he susiya nu is nengehitavù diyà te Juda wey Jerusalem ke edsunuzen be te menge etew kayi is Kesuǥuan te Megbevayè nu, he nepurungan nu metueni.  
\v 15 Edsuǥuen ku zaan sikew he uwita nu is menge vulawan wey menge pelata he keugelingen he suat is kebeǥaya ku zuen wey te menge sumesambag ku ziyà te Megbevayà te Israel he ed-ubpà diyà te Jerusalem.  
\v 16 Uwita nu zaan is langun he pelata wey vulawan he egkezawat nu puun te prubinsya he Babilonia, ragkes is ebpuun te keugelingen he suat he tavang te menge etew te Israel wey te menge memumuhat dan he para te valey te Megbevayè dan diyà te Jerusalem.  
\v 17 Sigureduwa nu he heini he selapì egkeǥamit te kebpemasa te tudu he menge vaka, meǥurang wey nati he meemahan he menge kerehidu, menge trigu, wey vinu, he ibpemuhat diyà te pemuhatà diyà te valey te Megbevayè niw ziyà te Jerusalem.  
\v 18 Is egkesamà he vulawan wey pelata ne egkehimu he egemiten niw te menge zuma nu ziyà te minsan hengkey he egkeǥemitan duen he sungkad te egkesuatan te Megbevayè niw.  
\v 19 Piru is menge gelemiten he insarig kenikew he egemiten te kebaal te menge vuluhaten diyà te valey te Megbevayè nu ne pudu nu iveǥey ziyà te Megbevayà te Jerusalem.  
\v 20 Emun duen pa zuma he egkinehenglanen nu he para te valey te Megbevayà, ne kuwa ke zà te ekgeǥastu nu ziyà te selapì te ginhedian. 
\p  
\v 21 “Iyan a, si Hadì Artaserkses, mibmenduan ku sikiyu is langun he menge trisuriru ziyà te prubinsya he ziyan layun te Eufrates he iveǥey niw is minsan hengkey he ebuyuen ni Ezra he memumuhat wey menunudlù te Kesuǥuan te Megbevayà diyà te langit.  
\v 22 Beǥayi niw sikandin taman te 3,500 he kilu te pelata, 300 he saku he trigu, 550 he gelun he vinu, 550 he gelun te lana he ulibu, wey minsan sengemenu kezekelà te timus he egkinehenglanen.  
\v 23 Iveǥey niw is langun he kinehenglanen diyà te valey te Megbevayà sumalà te inmandù te Megbevayà diyà te langit. Su emun kenà, ne egkepeukan din is ginhedian ku wey is menge anak ku.  
\v 24 Ibpehibelu zey zaan diyà te keniyu he kenè niw ipevayad te vuhis wey zuma pa he menge veleyazan is menge memumuhat, menge Levihanen, menge musikiru, menge vantey te menge ǥemawan te valey te \sc Nengazen\sc*, menge suluǥuen diyà te valey te \sc Nengazen\sc*, wey is duma pa he ebpemenerebahu zutun te valey te \sc Nengazen\sc*. 
\p  
\v 25 “Ne sikew Ezra, sumalà te ketau he imbeǥey kenikew te Megbevayà, ne pilì ka te menge meghuhukum wey menge upisyal he edumala te langun he etew keniyan te prubinsya he ziyan layun te Eufrates. Kinahanglan he netuenan dan is Kesuǥuan te Megbevayè nu. Ne penurua nu is menge etew he wazà metau zutun te Kesuǥuan.  
\v 26 Is minsan hentei he kenà edtuman te Kesuǥuan te Megbevayè nu etawa kesuǥuan te hadì, edsilutan te kemetayen, etawa edsegseǥen puun te lugar zin, etawa egkuwaan is menge azen din, etawa ebpirisuwen.” 
\s1 Midalig ni Ezra is Megbevayà 
\p  
\v 27 Migkaǥi si Ezra te: Ereg he edeliǥen is \sc Nengazen\sc*, he Megbevayà te menge kepuun tew, he midwaleng din is gehinawa te hadì su wey zin meveǥayi te zengeg is baley te \sc Nengazen\sc* diyà te Jerusalem.  
\v 28 Tenged te kebpurungi kediey te \sc Nengazen\sc*, mibpurungan a te hadì wey te menge sumesambag din, ragkes en is langun he mekeǥeǥehem he menge upisyal zin. Ne ǥeina te edtevangan a te \sc Nengazen\sc* he Megbevayè ku, neteǥuan a te kevurut te kedtiǥum te menge pengulu te Israel wey zan mekezuma kedì diyà te Jerusalem. 
\c 8  
\s1 Is menge Mid-ulì Puun te Kegkevihag he Miduma ki Ezra 
\p  
\v 1 Migkaǥi si Ezra te: Iyan heini pengulu te menge pemilya he miduma kediey pehendiyà te Jerusalem he ebpuun diyà te Babilonia, dutun te timpu te kedhadì ni Artaserkses: 
\li1  
\v 2 si Gershom, he ebpuun diyà te pemilya ni Finehas 
\li1 si Daniel, he ebpuun diyà te pemilya ni Itamar 
\li1  
\v 3 si Hatush he anak ni Shecania he ebpuun diyà te pemilya ni David 
\li1 si Zacarias wey is menge zuma zin he 150 he menge maama, he ebpuun diyà te pemilya ni Parosh. (Duen listahan te menge kepuun dan.) 
\li1  
\v 4 Si Eliehoenai he anak ni Zerahia wey is menge zuma zin he 200 he menge maama, he ebpuun diyà te pemilya ni Pahat Moab 
\li1  
\v 5 si Shecania he anak ni Jahaziel wey is menge zuma zin he 300 he menge maama, he ebpuun diyà te pemilya ni Zatu; 
\li1  
\v 6 si Ebed he anak ni Jonatan wey is menge zuma zin he 50 he menge maama, he ebpuun diyà te pemilya ni Adin 
\li1  
\v 7 si Jeshaya he anak ni Atalia wey is menge zuma zin he 70 he menge maama, he ebpuun diyà te pemilya ni Elam 
\li1  
\v 8 si Zebadia he anak ni Micael wey is menge zuma zin he 80 he menge maama, he ebpuun diyà te pemilya ni Shefatia 
\li1  
\v 9 si Obadias he anak ni Jehiel wey is menge zuma zin he 218 he menge maama, he ebpuun diyà te pemilya ni Joab 
\li1  
\v 10 si Shelomit he anak ni Josifia wey is menge zuma zin he 160 he menge maama, he ebpuun diyà te pemilya ni Bani 
\li1  
\v 11 si Zacarias he anak ni Bebai wey is menge zuma zin he 28 he menge maama, he ebpuun diyà te pemilya ni Bebai 
\li1  
\v 12 si Johanan he anak ni Hakatan wey is menge zuma zin he 110 he menge maama, he ebpuun diyà te pemilya ni Azgad 
\li1  
\v 13 si Elifelet, si Jeuel, wey si Shemaya wey is menge zuma zan he 60 he menge maama, he iyan nesamà diyà te Babilonia he ebpuun diyà te pemilya ni Adonikam 
\li1  
\v 14 si Utai wey si Zacur wey is menge zuma zan he 70 he menge maama, he ebpuun diyà te pemilya ni Bigvai. 
\s1 Is Kedlikù Eni Ezra ziyà te Jerusalem 
\p  
\v 15 Midtiǥum ku ziyà te wahig he edtudà pehendiyà te lugar he Ahava is menge eduma kedì pehendiyà te Jerusalem. Migkampu key zutun seled te tetelu he andew. Hein mid-ehè ku is listahan te menge etew he eduma kedì, ragkes en is menge memumuhat, nesusi ku he wazà dutun is menge Levihanen.  
\v 16 Umbe, impetawag ku is menge pengulu te grupu he iyan ensi Eliezer, Ariel, Shemaya, Elnatan, Jarib, Elnatan, Natan, Zacarias, wey Meshulam, wey dezuwa he metau he etew he iyan si Joyarib wey si Elnatan.  
\v 17 Impehendiyè ku sikandan te ki Iddo he pengulu ziyà te lugar he Casifia su wey zan mehengyui sikandin wey menge kezuzumahi zin he menge suluǥuen diyà te valey te Megbevayà he medsuǥù dan te menge etew he ebpekepenilbi ziyà te valey te Megbevayà.  
\v 18 Ne tenged te edtevangan key te Megbevayà, impehendiyè dan te kenami si Sherebia, duma zin is menge anak din wey menge suled din he 18 he menge maama. Si Sherebia egkeseriǥan he etew ne kevuwazan sikandin ni Mali te kevuwazan ni Levi. Si Levi anak ni Israel.  
\v 19 Midsuǥù dan daan diyà te kenami si Hashabia wey is menge suled din wey is 20 he menge enaken din, elin duma zan si Jeshaya he ebpuun te pemilya ni Merari.  
\v 20 Midsuǥù dan daan pehendiyà te kenami is 220 he menge suluǥuen diyà te valey te Megbevayà. Heini is menge suluǥuen diyà te valey te Megbevayà mibpilì dengan ni Hadì David wey te menge upisyal zin he ibpeuǥup te menge Levihanen. Pudu nekelista is menge ngazan dan. 
\s1 Mibpuasa wey Nengemuyù Ensi Ezra 
\p  
\v 21 Hein diyè key te veyvey te Wahig he Ahava, migkeǥiyan ku is menge zuma ku zutun te grupu zey te ebpuasa key wey ebpekevevaan dey is keugelingen dey ziyà te etuvangan te Megbevayè dey su edhangyù key ziyà te kandin he ventayi key zin dutun te hipenawan dey, ragkes is menge anak dey wey menge azen dey.  
\v 22 Su egkeeled a he edhangyù diyà te hadì te menge sundaru wey menge pereuntud te kudà he ebpekevantey kenami wey key kenà mekevut te menge kuntada zutun te kedhipanew zey, su nekeǥiyan dey en is hadì he edtevangan te Megbevayè dey is langun he edsarig diyà te kandin. Piru egkepeukan te Megbevayà is edselikwey kandin.  
\v 23 Umbe, mibpuasa key wey nengemuyù key ziyà te Megbevayè dey he ventayi key zin, ne midtavak din is pengemuyù dey. 
\s1 Is menge Pemuhat para ziyà te Baley te Megbevayà 
\p  
\v 24 Mibpilì a te 12 he menge etew he ebpuun diyà te pengulu he menge memumuhat, kenà ragkes si Sherebia, si Hashabia, wey sepulù he menge kezuzumahi zan.  
\v 25 Ne hein nepasad ne insarig ku ziyà te kandan he wazà kurang sikan is menge pelata wey vulawan, wey is menge gelemiten he imbeǥey te hadì, wey te menge sumesambag din, te menge upisyal zin, wey te mahabet he menge Israilihanen he tavang para te valey te Megbevayè dey.  
\v 26-27 Iyan heini insarig ku kandan: 
\li1 22,000 he kilu he pelata 
\li1 3,000 he kilu he pelata he mibeelan en he menge gelemiten 
\li1 3,000 he kilu he vulawan 
\li1 20 he vulawan he yehung he walu wey tengà he kilu 
\li1 2 he brunsi he yehung he impesinew, he is bali zin iring te vali te menge yehung he vulawan. 
\p  
\v 28 Migkeǥiyan ku is menge memumuhat te, “Sikiyu wey heini is menge gelemiten impehinungud diyà te \sc Nengazen\sc*. Is menge pelata wey menge vulawan inhalad diyà te \sc Nengazen\sc*, he Megbevayà te menge kepuun niw he ebpuun diyà te keugelingen he suat.  
\v 29 Pekeventayi niw heini taman te egkeuwit niw ziyà te budiga ziyà te valey te \sc Nengazen\sc* diyà te Jerusalem he kena egketerinan, he egkeseksiyan te nengulu he menge memumuhat, menge Levihanen, wey te menge pengulu te menge pemilya te menge Israilihanen.” 
\p  
\v 30 “Umbe migkuwa te menge memumuhat wey menge Levihanen sikan is menge pelata, menge vulawan, wey is menge gelemiten, su wey zan meuwit diyà te valey te Megbevayè dey ziyà te Jerusalem. Ne pudu haazà wazè din kurang.” 
\s1 Is Ked-ulì diyà te Jerusalem 
\p  
\v 31 Mibpuun key ziyà te Wahig he Ahava ne midhipanew key pehendiyà te Jerusalem dutun te ike12 he andew te nehuna he vulan. Midtevangan key te Megbevayè dey wey mibpengelangan key zin te menge kuntada wey menge tulisan dutun te kedhipanew zey.  
\v 32 Ne hein nekeuma key ziyà te Jerusalem ne midhimeley key zep-a seled te tetelu he andew. 
\p  
\v 33 Ne hein ikeepat he andew, midhendiyè key te valey te Megbevayè dey ne indata zey sikan is menge pelata, menge vulawan, wey menge gelemiten he pudu wazà mengeterini ziyà te ki Meremot he memumuhat he anak ni Uria. Duma zin si Eleazar he anak ni Finehas wey zezuwa he Levihanen he si Jozabad he anak ni Jeshua wey si Noadia he anak ni Binui.  
\v 34 Mibilang wey midtimbang haazà is langun, ne inlista. 
\p  
\v 35 Ne zutun, is langun he nemen-ulì puun te kegkevihag nemuhat diyà te Megbevayà te Israel te menge pemuhat he edtutungen: 12 he tudu he vaka he para te tivuuk he Israel, 96 he meemahan he memeǥurang en he menge kerehidu, 77 he meemahan he nati he menge kerehidu. Nemuhat daan sikandan te 12 he meemahan he menge kambing he pemuhat he para idlumpiyu. Heini is langun, menge pemuhat he edtutungen para te \sc Nengazen\sc*.  
\v 36 Imbeǥey zan daan diyà te menge gubirnedur wey menge upisyal te prubinsya zini layun te Eufrates is dukumintu he midsuratan te mandù te hadì. Heini he menge pengulu mid-uǥup te menge etew te Israel wey te vuluhaten diyà te valey te Megbevayà. 
\c 9  
\s1 Nemengesawa is menge Israilihanen te Kenà menge Israilihanen 
\p  
\v 1 Migkaǥi pa si Ezra te: Ne hein neulaula en heini, midhendiyà te kedì is menge pengulu te menge Judio he ke sikandan te, “Mahabet he menge etew te Israel, ragkes en is menge memumuhat wey menge Levihanen, is mid-iring te ulaula te menge etew ziyà te peliǥuy zan. Ebeelan dan is utew mezaat he menge vaal te menge Canaanhen, menge Hitihanen, menge Pirisihanen, menge Jebusihanen, menge Amorihanen, menge Moabitanhen, menge Ehiptohanen, wey menge Amunihanen.  
\v 2 Nemengesawa pa ganì sikandan wey is menge anak dan te menge vahi he ebpemuun keniyan he menge etew. Umbe is menge etew he pinilì te Megbevayà nesehuǥan te zuma he menge etew. Ne is menge pengulu tew wey menge upisyal iyan en nengulu te kebaal kayi.” 
\p  
\v 3 Ne hein nezineg ku heini mibindas ku is kumbalè ku tenged te kegkeseeng ku; migingit ku is bulvul ku wey sumpè ku, ne mibpinuu a is neseeng.  
\v 4 Ne mid-amur-amur kayi te kedì is menge etew he nahandek te menge lalag te Megbevayà diyà te menge Israilihanen mehitenged te kegkemesinupaken te zuma zan he menge Israilihanen he nemen-ulì puun te kegkevihag. Mibpinuu e zà is neseeng taman te neuma is uras te mahapun he kebpemuhat.  
\v 5 Dutun te kegkeuma keniyan he uras, mid-engked a he edseengseeng. Midluhud a is nevindas is bisti, ne nengemuyù a he ebayew te menge velad ku ziyà te \sc Nengazen\sc* he Megbevayè ku.  
\v 6 Ke siak te, “Megbevayè ku, utew a neeled. Ebpekezuzungul a tenged te kegkeeled ku su utew zekelà is menge salè dey; henduen be te nelapew key en kayi wey nekeume en diyà te langit.  
\v 7 Puun pa te timpu te menge kepuun dey taman en guntaan, ne utew zekelà is salè dey, ne tenged kayi, sikami wey is menge hadì dey wey menge memumuhat layun en edsekupa te menge hadì diyà te zuma he menge nasyun. Mibpenhimetayan dan is duma kenami, ne is duma mibihag dan, mibpenekawan key wey mibpeel-elezan, iring te nehitavù kenami ǥuntaan. 
\p  
\v 8 “Ne ǥuntaan, seled te mevavà he timpu, nehizuwan key kenikew, \sc Nengazen\sc* he Megbevayè dey. Intuǥut nu he zuen nesamà kenami, ne impeubpè key kenikew kayi he lugar he wazà ebpekekaid kenami te menge pinilì nu. Impeperateng key kenikew wey midhimu nu he malù mebmahagkap is elentusen dey tenged te kegkeuripena kenami.  
\v 9 Minsan menge uripen key, ne wazè key kenikew vey-ani zutun he kebpekesavuk, kekenà, ibpeehè nu kenami is gaǥew nu pinaaǥi te kebpurungi kenami te hadì te Persia. Mibeelan nu heini su wey key kenikew meveǥayi te veǥu he untung, ne wey zey meuman mevangun is nerundus he valey nu, ne wey key kenikew mepengelangi kayi te Juda wey Jerusalem. 
\p  
\v 10 “Iyan, guntaan te nekesalè key, Megbevayè dey, henduen be te wazè dey en egkekaǥi. Su mibpekahagkap dey is menge suǥù nu  
\v 11 he imbeǥey nu kenami pinaaǥi te menge suluǥuen nu he menge ebpeneuven. Migkaǥi sikandan diyà te kenami he is tanà he zutun key ebpevayà su ed-engkenen dey, meremerik he tanà tenged te kelelalung te menge meǥinged duen. Midremerikan dan is minsan hendei he vahin kayi he tanà pinaaǥi te utew mezaat he menge vaal zan.  
\v 12 Migkaǥi zaan is menge ebpeneuven diyà te kenami he kenè key mebpengesawa etawa mebpeesawa kandan, wey kenè dey sikandan ed-uǥupan para med-uswag sikandan, su wey key mebmelig-en wey mebmeuswaǥen, su para kenà maawà heini he keuswagan diyà te menge kevuwazan dey taman te taman.  
\v 13 Midsilutan key kenikew, Megbevayè dey, tenged te menge salè dey. Piru is silut nu kenami, kenè en ereg he vayad te salà he nehimu zey, ne intuǥut nu pa he zuen mesamà he uuyag kenami.  
\v 14 Piru minsan pa te iyan haazà, mid-umanan dey ǥihapun supaka is menge suǥù nu, wey nengesawa key wey mibpeesawa te menge etew he ebaal te utew mezaat he menge vaal. Kenà duwazuwa he egkepeukan key kenikew ne edezeetan key kenikew taman te wazè en egkesamà kenami.  
\v 15 He \sc Nengazen\sc* he Megbevayà te Israel, metazeng ka. Su intuǥut nu he zuen nesamà kenami he uuyag taman en guntaan. Idtug-an dey is menge salè dey, su kenè key ebpekehimu he ed-etuvang kenikew tenged kayi.” 
\c 10  
\s1 Is Kedtug-an te menge Israilihanen te menge Salè Dan 
\p  
\v 1 Dutun te edluhud si Ezra ziyà te egkesineruwan duen te valey te Megbevayà, wey edsineǥew he ed-ampù wey edtug-an te menge salà te menge Israilihanen, mahabet he menge Israilihanen he menge maama, menge vahi, wey menge vatà is midtiǥum diyà te peliǥuy zin. Heini sikandan kenà daan alang-alang is kedsineǥew zan.  
\v 2 Ne zutun migkeǥiyan si Ezra ni Shecania he anak ni Jehiel, he kevuwazan ni Elam te, “Kenè key mepezumdumahan te Megbevayè tew su nengesawa key te menge vahi he kena Israilihanen he ebpuun diyà te menge etew he nekeliǥuy kenitew. Piru minsan pa te iyan heeyan ebpekeperateng kiw ǥihapun is menge etew te Israel.  
\v 3 Umbe, ǥuntaan ebpezumdumahan dey is sambag nu wey is sambag te zuma he edtahud te menge suǥù te Megbevayè tew. Ebpenangdù key ziyà te Megbevayè tew he edsegseǥen dey heini he menge vahi ragkes en is menge anak dan. Edtumanen dey is nekaǥi te Kesuǥuan.  
\v 4 Hitindeg ka su kenikew he vuluhaten is kegiya kenami mehitenged kayi. Mebpekelig-en ka ne veeli nu is ereg he ebeelan. Ed-uǥup key kenikew.” 
\p  
\v 5 Umbe, midhitindeg si Ezra ne impepenangdù din is nengulu he menge memumuhat, is menge Levihanen, wey is langun he menge Israilihanen, he veeli zan is migkaǥi ni Shecania. Ne nenangdù sikandan.  
\v 6 Ne mid-awà si Ezra ziyà te egkesineruwan duen te valey te Megbevayà ne midhendiyà te ruǥu ni Jehohanan te anak ni Eliashib. Ne hein dutun en sikandin ne wazà sikandin megkaan wey med-inum, su midlalew sikandin tenged te kenà metinumanen is menge Israilihanen he nemen-ulì puun te kegkevihag. 
\p  
\v 7-8 Mibpehibelu is menge pengulu wey menge edumala te menge Israilihanen diyà te tivuuk he Juda wey Jerusalem he is langun he mid-ulì puun te kegkevihag ne midtiǥum diyà te Jerusalem. Ne is minsan hentei he kenà edtelavuk seled te tetelu he andew ne egkuwaan diyà te kandin is langun he menge azen din ne kenè en sikandin ed-isipen he zuma te menge etew he nemen-ulì puun te kegkevihag. 
\p  
\v 9 Umbe, seled te tetelu he andew midtiǥum is langun he menge etew te Juda wey Benjamin, ne mibpinuu zan diyà te pelasa te valey te Megbevayà diyà te Jerusalem. Neulaula heini hein ike-20 he andew te ike-9 he vulan. Ebpengerkeren is menge etew zutun su utew meheǥet is ketuyuan te ketiǥuman dan wey tenged te mereǥes he uzan. 
\p  
\v 10 Ne zutun midhitindeg si Ezra he memumuhat ne migkeǥiyan din sikandan te, “Nekesalè kew tenged te mibpengesawa kew te kenà menge Israilihanen. Ne tenged kayi mid-umanan niw pa is salà te Israel.  
\v 11 Ne ǥuntaan itug-an niw is menge salè niw ziyà te \sc Nengazen\sc*, he Megbevayà te menge kepuun niw, ne veeli niw is egkesuatan din. Isivey niw is keugelingen niw ziyà te kenà menge Israilihanen he nekeliǥuy keniyu, wey suwayi niw is menge esawa niw he kenà menge Israilihanen.” 
\p  
\v 12 Mibpekezaǥing medtavak is tivuuk he keet-etawan dutun te, “Benar heeyan! Ne ebeelan dey is egkeǥiyen nu.  
\v 13 Piru is kebeeli kayi, ne kenà egkepasad seled dà te senga andew etawa zezuwa he andew, su mezakel kenami is nekevaal keniyan he salà. Ed-uzan guntaan, ne kenè key ebpeketigker he ebpeuzan kayi te ǥawas.  
\v 14 Is menge upisyal tew zà is ibpepelintetaǥak kayi para te ked-atur te tivuuk he menge etew. Ibpehengkayi zà is nemengesawa te kenà menge Israilihanen te edteilen he timpu duma te menge edumala wey menge meghuhukum diyà te inged dan. Ebeelan tew heini su wey maawà is utew kegkepeuki kenitew te Megbevayè tew tenged te neveelan tew.”  
\v 15 Wazà duma he midsupak kayi he pelanu gawas ki Jonatan he anak ni Asahel wey si Jazea he anak ni Tikva. Ne midlavan kandan si Meshulam wey si Shabetai he Levihanen. 
\p  
\v 16-17 Midtuman duen te nemen-ulì puun te kegkevihag haazà he pelanu. Umbe mibpilì si Ezra he memumuhat te menge maama he pengulu te menge pemilya, ne inlista is menge ngazan dan. Ne hein nehuna he andew te ikesepulù he vulan, mibpinuu sikandan ne mibpuunan dan is ked-imbistiga bahin te kebpengesawa te menge Israilihanen te menge vahi he kenà menge Israilihanen. Nepasad dan is ked-imbistiga te langun he kasu hein nehuna he andew te nehuna he vulan te nekesunud he tuig. 
\s1 Is menge Maama he Nemengesawa te Kenà menge Israilihanen 
\p  
\v 18-19 Iyan heini menge maama he nemengesawa te kena menge Israilihanen, ne midsaad sikandan he edsuwayan dan is menge esawa zan: (Nemuhat is kada sevaha kandan te meemahan he kerehidu he vayad te salè dan.) 
\p Diyà te menge memumuhat: 
\li1 si Maasea, Eliezer, Jarib, wey si Gedalia, he ebpuun diyà te pemilya ni Jeshua he anak ni Jozadak wey is menge suled din; 
\li1  
\v 20 Si Hanani wey si Zebadia, he ebpuun diyà te pemilya ni Imer; 
\li1  
\v 21 si Maasea, Elias, Shemaya, Jehiel, wey si Uzia, he ebpuun diyà te pemilya ni Harim; 
\li1  
\v 22 si Elioenai, Maasea, Ishmael, Netanel, Jozabad, wey si Elasa, he ebpuun diyà te pemilya ni Pashur. 
\p  
\v 23 Diyà te menge Levihanen: 
\li1 si Jozabad, Shimei, Kelaya (he egngezanan daan te Kelita), Petahia, Juda, wey si Eliezer. 
\p  
\v 24 Diyà te menge musikiru: 
\li1 si Eliashib. 
\p Diyà te menge vantey te menge ǥemawan te valey te Megbevayà: 
\li1 si Shalum, Telem, wey si Uri. 
\p  
\v 25 Diyà te zuma pa he menge Israilihanen: 
\li1 si Ramia, Izia, Malkia, Miamin, Eleazar, Hashabia, wey si Benaya, he ebpuun diyà te pemilya ni Parosh; 
\li1  
\v 26 si Matania, Zacarias, Jehiel, Abdi, Jeremot, wey si Elias, he ebpuun diyà te pemilya ni Elam; 
\li1  
\v 27 si Elioenai, Eliashib, Matania, Jeremot, Zabad, wey si Aziza, he ebpuun diyà te pemilya ni Zatu; 
\li1  
\v 28 si Jehohanan, Hanania, Zabai, wey si Atlai, he ebpuun diyà te pemilya ni Bebai; 
\li1  
\v 29 si Meshulam, Maluc, Adaya, Jashub, Sheal, wey si Jeremot, he ebpuun diyà te pemilya ni Bani; 
\li1  
\v 30 si Adna, Kelal, Benaya, Maasea, Matania, Bezalel, Binui, wey Manase, he ebpuun diyà te pemilya ni Pahat Moab; 
\li1  
\v 31-32 si Eliezer, Ishia, Malkia, Shemaya, Shimeon, Benjamin, Maluc, wey si Shemaria, he ebpuun diyà te pemilya ni Harim; 
\li1  
\v 33 si Matenai, Matata, Zabad, Elifelet, Jeremai, Manase, wey si Shimei, he ebpuun diyà te pemilya ni Hashum; 
\li1  
\v 34-37 si Maadai, Amram, Uel, Benaya, Bedea, Keluhi, Bania, Meremot, Eliashib, Matania, Matenai, wey si Jaasu, he ebpuun diyà te pemilya ni Bani; 
\li1  
\v 38-42 si Shimei, Shelemia, Natan, Adaya, Macnadebai, Shashai, Sharai, Azarel, Shelemia, Shemaria, Shalum, Amaria, wey si Jose, he ebpuun diyà te pemilya ni Binui; 
\li1  
\v 43 si Jiel, Matitia, Zabad, Zebina, Jadai, Joel, wey si Benaya, he ebpuun diyà te pemilya ni Nebo. 
\p  
\v 44 Heini sikandan is langun, nemengesawa te menge vahi he kenà menge Israilihanen, ne is duma kandan duen dan en menge anak dutun he menge vahi.