\id 1CH - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h 1 Cronica 
\toc1 1 Cronica 
\toc2 1 Cronica 
\toc3 1Cro 
\mt1 1 Cronica 
\c 1  
\s1 Ebpuun ki Adan Pehendiyà te menge Anak ni Noe 
\r (Genesis 5:1-32; 10:1-32; 11:10-26) 
\p  
\v 1 Iyan heini menge kevuwazan ni Adan: si Set, Enosh,  
\v 2 Kenan, Mahalalel, Jared,  
\v 3 Enoc, Metusela, Lamec, wey si Noe.  
\v 4 Iyan heini menge anak ni Noe he menge maama: si Shem, Ham, wey Jafet. 
\s1 Is menge Kevuwazan ni Jafet 
\p  
\v 5 Iyan heini menge anak ni Jafet he menge maama: si Gomer, Magog, Madai, Javan, Tubal, Meshec, wey si Tiras.  
\v 6 Is menge kevuwazan ni Gomer ne iyan si Ashkenaz, Rifat, wey Togarma.  
\v 7 Is menge anak ni Javan ne iyan si Elisha, Tarshish, Kitim, wey si Rodanim. 
\s1 Is menge Kevuwazan ni Ham 
\p  
\v 8 Is menge anak ni Ham he menge maama: si Cush, Mizraim, Put, wey si Canaan.  
\v 9 Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.  
\v 10 Duen pa sevaha he anak ni Cush he iyan ngazan din si Nimrod. Si Nimrod nehimu he gemhanan he etew kayi te kelibutan.  
\v 11 Si Mizraim, ne iyan kepuun te menge Ludhanen, menge Anamnen, menge Lihabnen, menge Naftanen,  
\v 12 menge Patrusnen, menge Caslunen, wey is menge Caftornen he iyan menge kepuun te menge Filistihanen. 
\p  
\v 13 Si Canaan iyan amey ni Sidon wey ni Het. Ne iyan kakey si Sidon.  
\v 14 Kepuun daan si Canaan te menge Jebusihanen, menge Amorihanen, menge Girgasihanen,  
\v 15 menge Hivihanen, menge Erekihanen, menge Sinihanen,  
\v 16 menge Arbedihanen, menge Simarihanen, wey menge Hamatihanen. 
\s1 Is menge Kevuwazan ni Shem 
\p  
\v 17 Is menge anak ni Shem he menge maama iyan si Elam, si Ashur, si Arfaxad, si Lud, wey si Aram. Is menge anak ni Aram iyan si Uz, si Hul, si Geter, wey si Meshec.  
\v 18 Ne si Arfaxad ne iyan amey ni Shela, ne si Shela ne iyan amey ni Eber.  
\v 19 Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan.  
\v 20 Si Joktan ne iyan amey ni Almodad, Shelef, Hazarmavet, Jera,  
\v 21 Hadoram, Uzal, Dikla,  
\v 22 Obal, Abimael, Sheba,  
\v 23 Ofir, Havila, wey Jobab. Heini is langun, ne menge anak ni Joktan. 
\p  
\v 24 Iyan heini menge kevuwazan he ebpuun ki Shem: si Arfaxad, Shela,  
\v 25 Eber, Peleg, Reu,  
\v 26 Serug, Nahor, Tera,  
\v 27 wey si Abram (he iyan si Abraham). 
\s1 Is menge Kevuwazan ni Abraham 
\r (Genesis 25:1-4, 12-16) 
\p  
\v 28 Is menge anak ni Abraham ne si Isaac wey si Ishmael.  
\v 29 Is menge anak ni Ishmael ne iyan ensi Nebayot (is kinekekayan), Kedar, Adbeel, Mibsam,  
\v 30 Mishma, Duma, Masa, Hadad, Tema,  
\v 31 Jetur, Nafish, wey Kedema. Iyan heini menge anak ni Ishmael.  
\v 32 Is menge anak ni Ketura he menge maama te sevaha he esawa ni Abraham ne iyan si Zimran, Jokshan, Medan, Midian, Ishbak, wey Shua. Is menge anak ni Jokshan he menge maama si Sheba wey si Dedan.  
\v 33 Is menge anak ni Midian ne iyan si Efa, si Efer, si Hanoc, si Abida, wey si Eldaa. Iyan heini sikandan menge kevuwazan ni Ketura. 
\s1 Is menge Kevuwazan ni Esau 
\r (Genesis 36:1-19) 
\p  
\v 34 Si Abraham ne amey ni Isaac. Is menge anak ni Isaac ne si Esau wey si Israel.  
\v 35 Is menge anak ni Esau ne iyan si Elifas, Reuel, Jeush, Jalam, wey Kora.  
\v 36 Is menge anak ni Elifaz iyan si Teman, Omar, Zefo, Gatam, Kenaz, wey si Amalek. Heini si Amalek ne anak din diyà te ki Timna.  
\v 37 Is menge anak ni Reuel he menge maama ne iyan ensi Nahat, Zera, Shama, wey Miza. 
\s1 Is menge Edomanhen 
\r (Genesis 36:20-30) 
\p  
\v 38 Is menge anak he maama ni Seir ne iyan si Lotan, Shobal, Zibeon, Ana, Dishon, Ezer, wey Dishan.  
\v 39 Is menge anak ni Lotan iyan si Hori, wey si Homam. Telesuled si Lotan wey si Timna he sevaha zuen te menge asawa ni Elifaz.  
\v 40 Is menge anak ni Shobal iyan si Alvan, Manahat, Ebal, Shefo, wey si Onam. Is menge anak ni Zibeon iyan si Aya wey si Ana.  
\v 41 Is menge anak ni Ana iyan si Dishon. Is maama he menge anak ni Dishon iyan si Hemdan, Eshban, Itran, wey si Keran.  
\v 42 Is menge anak ni Ezer iyan si Bilhan, Zaavan, wey si Akan. Is menge anak ni Dishan iyan si Uz wey si Aran. 
\s1 Is menge Hadì diyà te Edom 
\r (Genesis 36:31-43) 
\p  
\v 43 Iyan heini sikandan menge hadì diyà te Edom dutun te timpu he wazè pa menge hadì te menge Israilihanen: 
\p Si Bela he tig-Dinhaba he anak ni Beor.  
\v 44 Hein minatey sikandin, iyan mid-ilis kandin si Jobab he anak ni Zera te tig-Bozra.  
\v 45 Hein minatey si Jobab, iyan mid-ilis kandin si Husham he tig-Teman.  
\v 46 Ne hein minatey si Husham, iyan mid-ilis kandin si Hadad he tig-Avet he anak ni Bedad. Si Hadad iyan kes nekezaag te menge Midianhen diyà te Moab.  
\v 47 Hein minatey si Hadad, iyan mid-ilis kandin si Samla he tig-Masreka.  
\v 48 Hein minatey si Samla, iyan mid-ilis kandin si Shaul he tig-Rehobot he uvey te Wahig he Eufrates.  
\v 49 Hein minatey si Shaul, iyan mid-ilis kandin si Baal Hanan he anak ni Acbor.  
\v 50 Hein minatey si Baal Hanan, iyan mid-ilis kandin si Hadad he tig-Pai. Iyan esawa zin si Mehetabel he anak ni Matred wey apù ni Mezahab.  
\v 51 Ne hein neuǥet ne minatey si Hadad. 
\p Iyan heini sikandan menge pengulu te tribu te Edom: Timna, Alva, Jetet,  
\v 52 Oholibama, Ela, Pinon,  
\v 53 Kenaz, Teman, Mibzar  
\v 54 Magdiel, wey Iram. 
\c 2  
\s1 Is menge Anak ni Israel 
\p  
\v 1 Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,  
\v 2 Dan, Jose, Benjamin, Naftali, Gad, wey Asher. 
\s1 Is menge Kevuwazan ni Juda 
\p  
\v 3 Duen tetelu he anak ni Juda he menge maama ziyà te esawa zin he si Batshua he Canaanhen. Si Er, Oran, wey si Shela. Si Er, ne iyan kinekekayan. Kenà meupiya is ulaula zin diyà te etuvangan te \sc Nengazen\sc*, umbe midhimetayan sikandin te \sc Nengazen\sc*.  
\v 4 Duen pa anak ni Juda he menge maama ziyà te ambey zin he si Tamar. He iyan si Perez wey si Zera. Lelima langun is anak ni Juda he menge maama.  
\v 5 Is menge maama he anak ni Perez ne iyan si Hezron wey si Hamul.  
\v 6 Is menge anak ni Zera he menge maama, ne iyan si Zimri, Etan, Heman, Calcol, wey Darda–lelima sikandan langun.  
\v 7 Is anak ni Carmi he maama ne si Acar. Iyan heini si Acar kes mid-uwit te kezeetan te Israel tenged te kegkuwaa zin duen te vutang ne imbeǥey en diyà te Megbevayà.  
\v 8 Is anak ni Etan he maama ne si Azaria. 
\s1 Ebpuun te Apù ni Juda he si Hezron Pehendiyà te ki David 
\p  
\v 9 Is menge anak ni Hezron he menge maama, ne iyan si Jerameel, Ram, wey Caleb.  
\v 10 Si Ram, ne amey ni Aminadab, ne si Aminadab, ne amey ni Nashon he pengulu te Juda.  
\v 11 Si Nashon, ne amey ni Salmon, ne si Salmon, ne amey ni Boaz.  
\v 12 Si Boaz, ne amey ni Obed, ne si Obed, ne amey ni Jesse.  
\v 13 Ne iyan kinekekayan he anak ni Jesse, si Eliab, is ikezuwa, iyan si Abinadab, is iketelu, iyan si Shimea,  
\v 14 is ikeepat, iyan si Natanel, is ikelima, iyan si Radai,  
\v 15 is ikeenem, iyan si Ozem, ne is ikepitu, iyan si David.  
\v 16 Ne iyan menge suled dan he menge vahi si Zeruya wey si Abigail. Si Zeruya ne zuen tetelu he anak din he menge maama he si Abishai, Joab, wey Asahel.  
\v 17 Ne iyan nekeesawa ki Abigail, si Jeter he Ismailihanen ne zuen dan anak he maama he si Amasa. 
\s1 Is menge Kevuwazan ni Caleb he Anak ni Hezron 
\p  
\v 18 Si Caleb he anak ni Hezron, duen menge anak din diyà te esawa zin he si Azuba he egngezanan daan ki Jeriot. Ne iyan heini menge anak ni Jeriot: si Jesher, Shobab, wey Ardon.  
\v 19 Hein minatey si Azuba ne mid-esawa ni Caleb si Efrat ne mid-anak dan ne iyan si Hur.  
\v 20 Si Hur, ne amey ni Uri, ne si Uri, ne amey ni Bezalel.  
\v 21 Ne hein 60 en is penuiǥen ni Hezron, ne nengesawa sikandin te anak ni Makir, te suled ni Gilead he vahi. Duen dan anak he si Segub.  
\v 22 Si Segub amey ni Jair, he iyan midumala te 23 he inged diyà te Gilead.  
\v 23 (Piru mid-aǥew ni Geshur wey ni Aram haazà is menge inged ni Jair apil is Kenat, wey menge inged he nekelingut kayi. 60 langun he lugar.) Pudu heini menge kevuwazan ni Makir he amey ni Gilead. 
\p  
\v 24 Wazà meuǥet ne minatey si Hezron diyà te Caleb Efrata hein mid-anak is esawa zin he si Abia. Is anak dan ne si Ashur he amey ni Tekoa. 
\s1 Is menge Kevuwazan ni Hezron diyà te ki Jerameel 
\p  
\v 25 Si Jerameel, is penganey ni Hezron, lelima is menge anak din he maama. Si Ram is kinekekayan, is menge sunud, ne si Buna, si Oren, si Ozem, wey si Ahia.  
\v 26 Si Jerameel ne zuen sevaha pa he esawa zin he egngezanan ki Atara. Ne si Atara, iyan iney ni Onam.  
\v 27 Is menge anak ni Ram he menge maama te kinekekayan ni Jerameel, ne iyan si Maaz, Jamin, wey Eker. 
\p  
\v 28 Is menge anak ni Onam he menge maama iyan si Shamai wey si Jada. Ne is menge anak ni Shamai he menge maama ne si Nadab wey si Abishur. 
\p  
\v 29 Iyan ngazan te esawa ni Abishur si Abihail. Duen menge anak dan he menge maama he iyan si Aban wey si Molid. 
\p  
\v 30 Is menge anak ni Nadab he menge maama iyan si Seled wey si Apaim. Minatey si Seled he wazè en mekaanak. 
\p  
\v 31 Is anak ni Apaim he maama, ne iyan si Ishi. Si Ishi ne amey ni Sheshan, ne si Sheshan amey ni Alai.  
\v 32 Si Jada is suled ni Shamai, dezuwa is menge anak din he maama he iyan si Jeter wey si Jonatan. Minatey si Jeter he wazè en mekaanak.  
\v 33 Is menge anak ni Jonatan he menge maama, ne iyan si Pelet wey Zaza. Iyan heini sikandan menge kevuwazan ni Jerameel. 
\p  
\v 34 Si Sheshan, ne wazè din anak he menge maama; menge vahi zà. Duen suluǥuen din he Ehiptohanen he egngezanan ki Jarha.  
\v 35 Impeesawa ni Sheshan ki Jarha is sevaha te menge anak din he vahi, ne mid-anak sikandan te maama ne iyan ngazan din si Atai.  
\v 36 Si Atai ne amey ni Natan, si Natan amey ni Zabad,  
\v 37 ne si Zabad amey ni Eflal. Si Eflal amey ni Obed,  
\v 38 si Obed amey ni Jehu, ne si Jehu amey ni Azaria.  
\v 39 Si Azaria amey ni Helez, si Helez amey ni Eleasa,  
\v 40 ne si Eleasa amey ni Sismai. Si Sismai amey ni Shalum,  
\v 41 si Shalum amey ni Jekamia, ne si Jekamia amey ni Elishama. 
\s1 Is Duma pa he menge Kevuwazan ni Hezron diyà te ki Caleb 
\p  
\v 42 Is kinekekayan he anak ni Caleb he maama te suled ni Jerameel, ne iyan si Mesha he amey ni Zif. Ne is ikezuwa he anak din, ne si Maresha he amey ni Hebron.  
\v 43 Is menge anak ni Hebron he menge maama, ne iyan si Kora, Tapua, Rekem, wey si Shema.  
\v 44 Si Shema amey ni Raham, ne si Raham amey ni Jorkeam. Si Rekem amey ni Shamai,  
\v 45 si Shamai amey ni Maon, ne si Maon amey ni Bet Zur. 
\p  
\v 46 Is sevaha pa he esawa ni Caleb ne iyan si Efa he iney ni Haran, Moza, wey Gazez. Si Haran, ne zuen din anak he egngezanan daan ki Gazez. 
\p  
\v 47 Is menge anak ni Jahdai he menge maama, ne iyan si Regem, Jotam, Geshan, Pelet, Efa, wey Shaaf. 
\p  
\v 48 Ne is sevaha pa maan he esawa ni Caleb, ne iyan si Maaca. Duen menge anak dan he menge maama he iyan si Sheber, Tirhana,  
\v 49 Shaaf (he amey ni Madmana), wey Sheva (he amey ni Macbena wey ni Gibea). Is anak ni Caleb he vahi ne iyan si Acsa.  
\v 50 Iyan heini sikandan menge kevuwazan ni Caleb. 
\s1 Is menge Kevuwazan te Anak ni Caleb he si Hur 
\p Iyan si Hur kinekekayan he anak ni Caleb wey ni Efrata. Is menge anak ni Hur he menge maama, ne iyan si Shobal he amey ni Kiriat Jearim,  
\v 51 si Salma he amey ni Betlehem, wey si Haref he amey ni Bet Gader.  
\v 52 Is menge kevuwazan ni Shobal he amey ni Kiriat Jearim he iyan menge meǥinged te Haroe, is ketengà te menge etew he ed-ubpà diyà te Menuhot,  
\v 53 wey is menge kezuzumahi ni Kiriat Jearim ne iyan is Itranen, Puthanen, Shumatnen, wey Mishranen. Iyan heini mibpuunan te menge Zoratnen, wey Eshtaulinen. 
\p  
\v 54 Is menge kevuwazan ni Salma, ne iyan is menge tig-Betlehem, is menge tig-Netofa, is menge tig-Atrot Bet Joab, is ketengà te Manahatnen, is menge Zurhanen,  
\v 55 wey menge pemilya te utew memetau he edsurat te menge dukumintu he ziyà ed-ubpà te inged he Jabez he iyan is menge Tiratnen, menge Simiyatnen, wey menge Sucatnen. Iyan heini sikandan menge Kinhanen he ebpuun ki Hammat, he iyan midtukud te Bet Recab. 
\c 3  
\s1 Is menge Anak ni David he menge Maama 
\p  
\v 1 Iyan heini menge anak ni David he neetew ziyà te Hebron: Is kinekekayan iyan si Amnon he anak din diyà te ki Ahinoam he tig-Jezreel. Is ikezuwa iyan si Daniel he anak din diyà te ki Abigail he tig-Carmel.  
\v 2 Is iketelu iyan si Absalom ne iyan iney zin si Maaca he anak ni Hadì Talmai he hadì te Geshur. Is ikeepat iyan si Adonia ne iyan iney zin si Hagit.  
\v 3 Is ikelima iyan si Shefatia ne iyan iney zin si Abital. Ne is ikeenem iyan si Itream ne iyan iney zin si Egla.  
\v 4 Heini sikandan is heenem ne ziyà ianak te Hebron, he zutun medhadì si David seled te pitu he tuig wey heenem he vulan. 
\p Midhadì si David diyà te Jerusalem seled te 33 he tuig.  
\v 5 Ne iyan heini menge anak din he neetew ziyà: si Shimea, Shobab, Natan, wey Solomon. Heini sikandan is heepat ne anak din diyà te ki Batsheba he anak ni Amiel.  
\v 6 Duen pa siyam he menge anak din he iyan si Ibhar, Elishua, Elifelet,  
\v 7 Noga, Nefeg, Jafia,  
\v 8 Elishama, Eliada, wey Elifelet.  
\v 9 Iyan heini sikandan menge anak ni David he menge maama, gawas te zuma pa he menge anak din diyà te zuma pa he menge esawa zin. Duen daan anak ni David he vahi he si Tamar. 
\s1 Is menge Hadì te Juda 
\p  
\v 10 Iyan heini menge kevuwazan ni Solomon he nehimu he hadì: Rehoboam, Abia, Asa, Jehoshafat,  
\v 11 Jehoram, Ahazia, Joash,  
\v 12 Amazia, Azaria, Jotam,  
\v 13 Ahaz, Hezekia, Manase,  
\v 14 Amon, wey Josia. 
\p  
\v 15 Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.  
\v 16 Is nekeilis ki Jehoyakim he hadì ne si Jehoyakin he anak din. Ne is nekeilis ki Jehoyakin ne si Zedekia he anggam din. 
\s1 Is menge Kevuwazan ni Jehoyakin 
\p  
\v 17 Iyan heini menge anak ni Jehoyakin he menge maama, te hadì he nevihag pehendiyà te Babilonia: si Shealtiel,  
\v 18 Malkiram, Pedaya, Shenazar, Jekamia, Hoshama, wey si Nedabia.  
\v 19 Is menge anak ni Pedaya he menge maama iyan si Zerubabel wey si Shimei. Is menge anak ni Zerubabel he menge maama iyan si Meshulam wey si Hanania. Ne is etevey zan ne iyan si Shelomit.  
\v 20 Duen pa lelima he menge anak ni Zerubabel he menge maama he iyan si Hashuba, Ohel, Berekia, Hasadia, wey si Jushab Hesed.  
\v 21 Is menge anak ni Hanania he menge maama, ne iyan si Pelatia wey Jeshaya. Si Jeshaya ne amey ni Refaya, si Refaya ne amey ni Arnan, si Arnan ne amey ni Obadias, ne si Obadias amey ni Shecania.  
\v 22 Ne is menge kevuwazan ni Shecania ne iyan si Shemaya ne is menge anak ni Shemaya ne si Hatush, Igal, Baria, Nearia, wey si Shafat–heenem dan langun.  
\v 23 Is menge anak ni Nearia he menge maama, ne iyan si Elionai, Hizkia, wey Azrikam–tetelu zan langun.  
\v 24 Is menge anak ni Elionai he menge maama, ne iyan si Hodavia, Eliashib, Pelaya, Akub, Johanan, Delaya, wey si Anani–pitu zan langun. 
\c 4  
\s1 Is Duma pa he menge Kevuwazan ni Juda 
\p  
\v 1 Iyan heini zuma pa he menge kevuwazan ni Juda: si Perez, Hezron, Carmi, Hur, wey si Shobal.  
\v 2 Is anak ni Shobal he si Reaya iyan amey ni Jahat. Si Jahat iyan amey ni Ahumai wey ni Lahad. Iyan heini sikandan menge pemilya te menge Zoratnen. 
\p  
\v 3 Iyan heini menge anak ni Etam: si Jezreel, Ishma, wey Idbash. Is ngazan te suled dan he vahi ne si Hazelelponi.  
\v 4 Si Penuel is amey ni Gedor, ne si Ezer is amey ni Hasha. Iyan heini sikandan menge kevuwazan ni Hur, he kinekekayan he anak ni Efrata. Si Hur ne iyan kepuun te menge tig-Betlehem. 
\p  
\v 5 Si Ashur he amey ni Tekoa, dezuwa is esawa zin, si Hela wey si Naara.  
\v 6 Iyan heini sikandan menge anak ni Naara wey Ashur he menge maama: Ahuzam, Hefer, Temeni, wey Haahashtari.  
\v 7 Ne is menge anak mulà ni Hela wey Ashur ne iyan si Zeret, Izhar, Etnan,  
\v 8 wey Koz. Heini si Koz ne iyan amey ni Ahub wey Hazobeba, ne kepuun sikandin te pemilya ni Aharhel he anak ni Harum. 
\p  
\v 9 Duen sevaha he etew he iyan ngazan din si Jabez. Nevantug sikandin kenà is menge suled din he menge maama. Migngezanan sikandin te iney zin te Jabez su egkaǥi is iney zin te, “Utew a midreǥeni te ked-enaka ku kandin.”  
\v 10 Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din. 
\p  
\v 11 Si Kelub he suled ni Shuha, ne amey ni Mehir. Si Mehir ne amey ni Eshton, ne  
\v 12 si Eshton ne amey sikandin ni Bet Rafa, Pasea, wey ni Tehina. Si Tehina ne amey ni Irnahash. Iyan heini sikandan menge tig-Reca. 
\p  
\v 13 Is menge anak ni Kenaz he menge maama, ne iyan si Otniel wey si Seraya. Ne is menge anak ni Otniel he menge maama, ne si Hatat wey si Meonotai.  
\v 14 Si Meonotai ne amey ni Ofra, Si Seraya ne amey ni Joab, he iyan midtukud te lugar he Suǥud-suǥud te menge Pandey. Migngezanan heini he Suǥud-suǥud te menge Pandey su zutun med-ubpà is mahabet he menge pandey. 
\p  
\v 15 Iyan heini menge anak ni Caleb he menge maama he anak ni Jefune: si Iru, Ela, wey si Naam. Is anak ni Ela he maama ne iyan si Kenaz. 
\p  
\v 16 Is menge anak ni Jehalelel he menge maama, ne iyan si Zif, Zifa, Tiria, wey si Asarel. 
\p  
\v 17-18 Is menge anak ni Ezrah he menge maama, ne iyan si Jeter, Mered, Efer, wey Jalon. Si Mered ne zuen din esawa he si Bitia he anak te hadì te Ehipto. Duen dan menge anak he iyan si Miriam, Shamai, wey Ishba. Si Ishba ne amey ni Eshtemoa. Duen daan esawa ni Mered he tig-Juda ne iyan anak dan si Jered (he amey ni Gedor), Heber (he amey ni Soco), wey Jekutiel (he amey ni Zanoa).  
\v 19 Nengesawa si Hodia te suled ni Naham. Is sevaha he anak dan ne iyan is amey ni Keila he Garminhanen, wey is sevaha, ne iyan is amey ni Eshtemoa he Maakatnen. 
\p  
\v 20 Is menge anak ni Shimon he menge maama, ne iyan si Amnon, Rina, Ben Hanan, wey si Tilon. Ne is menge kevuwazan ni Ishi ne iyan si Zohet wey si Ben Zohet. 
\p  
\v 21 Iyan heini menge kevuwazan ni Shela he anak ni Juda: si Er (he amey ni Leca), si Laada (he amey ni Maresha), wey menge pemilya te menge tighavel te linu ziyà te Bet Ashbea.  
\v 22 Menge kevuwazan daan ni Shela si Jokim, is menge etew ziyà te Cozeba, si Joash, wey si Saraf he midumala zin is Moab wey Jashubi Lehem. (Heini he listahan ebpuun diyà te dukumintu he neuǥet en.)  
\v 23 Iyan sikandan kes menge mendiziyun he ziyà ed-ubpà te Netaim wey Gedera. Midterebahu zan para te hadì. 
\s1 Is menge Kevuwazan ni Simeon 
\p  
\v 24 Is menge anak ni Simeon he menge maama, ne iyan si Nemuel, Jamin, Jarib, Zera, wey si Shaul.  
\v 25 Si Shaul ne amey ni Shalum, ne si Shalum ne amey ni Mibsam, ne si Mibsam ne amey ni Mishma.  
\v 26 Ne si Mishma ne amey ni Hamuel, ne si Hamuel ne amey ni Zacur, ne si Zacur ne amey ni Shimei.  
\v 27 Duen 16 he anak ni Shimei he menge maama ne heenem is menge anak din he vahi. Piru is menge suled din, ne zeisey zà is menge anak dan, umbe is tivuuk he tribu zan, ne wazà mekerepeng te kezakel te menge etew ziyà te Juda.  
\v 28 Diyè dan med-ubpà te Beersheba, Molada, Hazar Shual,  
\v 29 Bilha, Ezem, Tolad,  
\v 30 Betuel, Horma, Ziklag,  
\v 31 Bet Marcabot, Hazar Susim, Bet Biri, wey ziyà te Shaaraim. Iyan heini menge inged dan taman te kedhadì ni David.  
\v 32 Nekeubpè dan daan te lelima he inged: diyà te Etam, Ain, Rimon, Token, wey Ashan,  
\v 33 wey minsan diyà daan te menge nekelingut kandan he menge lugar taman te Baalat. Iyan heini menge lugar he menge ubpaan dan, ne intapid dan kes insurat he guǥud te kegkevuwad dan. 
\p Iyan heini duma pa he menge kevuwazan ni Simeon:  
\v 34 si Meshobab, Jamlec, Josha (he anak ni Amazia),  
\v 35 Joel, Jehu (he anak ni Joshibia wey apù ni Seraya, wey apù ni Asiel te vuel),  
\v 36 Elioenai, Jaakoba, Jeshohaya, Asaya, Adiel, Jesimiel, Benaya,  
\v 37 wey si Ziza (he anak ni Shifi wey apù ni Alon, wey apù ni Jedaya te vuel. Heini si Jedaya ne anak ni Simri wey apù ni Shemaya).  
\v 38 Iyan heini sikandan, menge pengulu te pemilya zan. Utew mibmahabet is menge pemilya zan.  
\v 39 Umbe nekeume en sikandan diyà te uvey te inged he Gedor, ne ziyè dan te suǥud-suǥud he zapit te edsilaan. Ebpemen-ehè dan dutun te egkepenebtavan te menge kerehidu zan,  
\v 40 ne neketuredu zan te utew merapung wey meupiya he ebpepenebtavan. Meluag heini wey melinew he lugar. Dutun dengan med-ubpà is menge kevuwazan ni Ham.  
\v 41 Ne hein timpu pa he iyan hadì te Juda si Hezekia, is menge kevuwazan ni Simeon he nekaǥi en is menge ngazan dan, midsurung dan is menge kevuwazan ni Ham wey midsurung dan daan is menge Meunhanen he zutun daan med-ubpà, ne mibpenhimetayan dan is langun. Ne iyan dan dutun mid-ubpà taman guntaan, su zutun is pepenebtavè dan te menge kerehidu zan.  
\v 42 Is 500 kandan ne iyan midsurung diyà te menge vuvungan te Seir. Iyan egalen dan si Pelatia, Nearia, Refaya, wey si Uziel he menge anak ni Ishi.  
\v 43 Mibpenhimetayan dan dutun is nesamà he menge Amalikanhen, ne zutun dan en med-ubpà taman en guntaan. 
\c 5  
\s1 Is menge Kevuwazan ni Reuben 
\p  
\v 1 Si Reuben ne iyan kinekekayan he anak ni Israel, ne tenged te mibeelan din he nekidhulid te sevaha zuen te menge esawa te amey zin, ne mid-ewaan sikandin te ketenged din te kegkekakey ne ziyà iveǥey te menge anak te suled din he si Jose. Umbe wazà ilista is kegkekakey zin diyà te listahan te kegkevuwad dan.  
\v 2 Ne si Juda, minsan te edhuna sikandin he gemhanan kenà te menge suled din, wey ebpuun te tribu zin is menge pengulu ne in-awà diyà te kandin is ketenged te kegkekakey zin ne ziyà iveǥey te ki Jose.  
\v 3 Iyan heini menge anak ni Reuben he kinekekayan ni Israel: si Hanoc, Palu, Hezron, wey si Carmi. 
\p  
\v 4 Iyan heini menge kevuwazan ni Joel: si Shemaya, Gog, Shimei,  
\v 5 Micas, Reaya, Baal,  
\v 6 wey si Beera. Iyan si Beera kes pengulu te menge kevuwazan ni Reuben hein nevihag sikandan ni Hadì Tiglat Piliser he hadì te Asiria.  
\v 7 Iyan heini menge kezuzumahi ni Beera he nelista zutun te listahan te menge kevuwazan te kandan he tribu: si Jiel (he pengulu), si Zecarias,  
\v 8 wey si Bela he anak ni Azaz. Heini si Azaz ne anak ni Shema, ne apù ni Joel. Heini is menge kevuwazan ni Reuben, ne ziyè dan med-ubpà te lugar he ebpuun te Aroer pehendiyà te Nebo wey Baal Meon.  
\v 9 Ne tenged te utew en mibmezakel is menge uyaǥen dan diyà te Gilead ne neeneb dan en is dapit te edsilaan he kilid en te disirtu pehendiyà te Wahig he Eufrates.  
\v 10 Hein si Saul pa is hadì, ne nekidtebek is menge kevuwazan ni Reuben te menge Hagarnen ne nezaag dan sikandan. Ne nekuwa zan is tivuuk he egkengeubpaan dutun te Hagarnen he tivuuk he zapit te edsilaan te Gilead. 
\s1 Is menge Kevuwazan ni Gad 
\p  
\v 11 Ne ziyà te tanà te Bashan, diyà te zizaya te ed-ubpaan eni Reuben, iyan kes tanà eni Gad taman te Saleca.  
\v 12 Iyan heini menge kevuwazan ni Gad: si Joel, he iyan pengulu te lavew he pemilya kandan; ne is sunud kandin ne iyan si Shafam, ne human si Janai wey si Shafat.  
\v 13 Ne is menge kezuzumahi zan diyà te kada pemilya ne iyan si Micael, Meshulam, Sheba, Jorai, Jacan, Zia, wey si Eber–pitu zan langun.  
\v 14 Iyan heini sikandan menge kevuwazan ni Abihail he anak ni Huri. Heini si Huri ne anak ni Jaroa ne apù ni Gilead, wey apù ni Micael te vuel. Heini si Micael ne anak ni Jeshishai ne apù ni Jado wey apù ni Buz te vuel.  
\v 15 Ne si Ahi he anak ni Abdiel wey apù ni Guni, ne iyan pengulu te menge pemilya zan.  
\v 16 Diyà med-ubpà sikandan te Gilead diyà te Bashan wey ziyà te nekelingut kayi he menge lugar, wey te tivuuk he penebtavà te Sharon.  
\v 17 Iyan heini sikandan langun naapil te listahan te menge kevuwazan dutun te timpu he iyan hadì si Jotam te Juda, wey si Jeroboam te Israel. 
\p  
\v 18 Duen menge 44,760 he menge sundaru te tribu ni Reuben, Gad wey ketengà he tribu ni Manase. Mibansey sikandan para te kebpekidtebek wey metau sikandan he egamit te kelasag, ispada, wey panà.  
\v 19 Nekidtebek dan te Hagarnen, Jeturnen, Nafisnen, wey Nudabnen.  
\v 20 Ne mibuyù dan te tavang te Megbevayà hein ebpekidtebek dan en, ne midtavak te Megbevayà is ked-ampù dan tenged te midsarig sikandan kandin. Umbe impezaag kandan te Megbevayà is menge Hagarnen wey is langun he mid-uǥup kayi.  
\v 21 Mibpenguwa zan is menge uyaǥen te menge Hagarnen: 50,000 he menge kemilyu, 250,000 he menge kerehidu, wey 2,000 he menge asnu. Nevihag dan daan is 100,000 he menge etew,  
\v 22 wey mezakel pa is mibpenhimetayan dan tenged te mid-uǥupan sikandan te Megbevayà te kebpekidtebek. Ne kayi zan en med-ubpà he lugar taman te nevihag sikandan. 
\s1 Is Ketengà he Tribu ni Manase 
\p  
\v 23 Mezakel is ketengà he tribu ni Manase. Is neubpaan dan puun te Bashan pehendiyà te Baal Hermon, Senir, wey Buntud te Hermon.  
\v 24 Iyan heini menge pengulu te menge pemilya zan: si Efer, Ishi, Eliel, Azriel, Jeremias, Hodavia, wey si Jadiel. Menge metau sikandan te kebpekidtebek wey nevantug sikandan he menge pengulu te menge pemilya zan.  
\v 25 Piru kenà sikandan menge mepezumdumahan te Megbevayà te menge kepuun dan su ed-ezapen dan is menge kenà tutuu he Megbevayà he ed-ezapen te menge etew he mibpenhimetayan te Megbevayà dutun he lugar.  
\v 26 Umbe, ketau te Megbevayà te Israel he surunga sikandan ni Hadì Pul he hadì te Asiria (he iyan si Tiglat Piliser). Nevihag ni Pul is menge tribu ni Reuben, Gad, wey ketengà he tribu ni Manase ne ziyè din uwita te Hala, Habor, Hara, wey ziyà te Wahig te Gozan, ne zutun sikandan taman guntaan. 
\c 6  
\s1 Is menge Kevuwazan ni Levi he menge Memumuhat 
\p  
\v 1 Iyan heini menge anak ni Levi he menge maama: Si Gershon, Kohat, wey si Merari.  
\v 2 Is menge anak ni Kohat ne iyan si Amram, Izhar, Hebron, wey si Uziel.  
\v 3 Is menge anak ni Amram iyan si Aaron, Moises, wey si Miriam. Is menge anak ni Aaron ne iyan si Nadab, Abihu, Eleazar, wey si Itamar.  
\v 4 Si Eleazar ne amey ni Finehas, si Finehas ne amey ni Abishua,  
\v 5 ne si Abishua ne amey ni Buki. Si Buki ne amey ni Uzi,  
\v 6 ne si Uzi ne amey ni Zerahia. Ne si Zerahia ne amey ni Merayot.  
\v 7 Si Merayot ne amey ni Amaria, si Amaria ne amey ni Ahitub,  
\v 8 ne si Ahitub ne amey ni Zadok. Si Zadok ne amey ni Ahimaaz.  
\v 9 Si Ahimaaz ne amey ni Azaria, ne si Azaria ne amey ni Johanan.  
\v 10 Si Johanan ne amey ni Azaria he iyan lavew he memumuhat diyà te valey te \sc Nengazen\sc* he midtukud ni Solomon diyà te Jerusalem.  
\v 11 Si Azaria ne amey ni Amaria. Ne si Amaria ne amey ni Ahitub,  
\v 12 ne si Ahitub amey ni Zadok. Si Zadok ne amey ni Shalum,  
\v 13 si Shalum, ne amey ni Hilkia, ne si Hilkia ne amey ni Azaria.  
\v 14 Si Azaria, ne amey ni Seraya, ne si Seraya, ne amey ni Jehozadak.  
\v 15 Heini si Jehozadak ne zuma sikandin te menge vihag hein impalad te \sc Nengazen\sc* is keet-etawan te Juda wey Jerusalem diyà te ki Nebucadnezar. 
\s1 Is menge Levihanen 
\p  
\v 16 Is menge anak ni Levi he menge maama iyan ensi Gershon, Kohat, wey si Merari.  
\v 17 Ne is menge anak ni Gershon ne iyan si Libni wey si Shimei.  
\v 18 Ne is menge anak ni Kohat ne iyan si Amram, Izhar, Hebron, wey Uziel.  
\v 19 Ne is menge anak ni Merari he menge maama ne si Mali wey si Mushi. 
\p Iyan heini menge pemilya te menge Levihanen he imbasi is kedlistaha zuen diyà te kada sengeepuan: 
\p  
\v 20 Diyà te menge kevuwazan ni Gershon: si Libni, Jahat, Zima,  
\v 21 Joa, Iddo, Zera, wey si Jeaterai. 
\p  
\v 22 Is menge kevuwazan ni Kohat: si Aminadab, Kora, Asir,  
\v 23 Elkana, Ebiasaf, Asir,  
\v 24 Tahat, Uriel, Uzia, wey si Shaul.  
\v 25 Is menge kevuwazan ni Elkana: si Amasai, Ahimot,  
\v 26 Elkana, Zofai, Nahat,  
\v 27 Eliab, Jehoram, Elkana, wey si Samuel.  
\v 28 Is menge anak ni Samuel ne iyan si Joel, is penganey, ne is ikezuwa ne si Abia. 
\p  
\v 29 Is menge kevuwazan ni Merari: si Mali, Libni, Shimei, Uza,  
\v 30 Shimea, Haggia, wey si Asaya. 
\s1 Is menge Musikiru zutun te Baley te \sc Nengazen\sc* 
\p  
\v 31 Duen menge etew he insarig kandan ni David is kegkanta wey kedtukar ziyà te valey te \sc Nengazen\sc* hein ingkepelastar en dutun sikan is Kavan te Kebpekid-uyun.  
\v 32 Nenilbi sikandan pinaaǥi te kegkanta zan dutun te Tulda he Ed-ezapan (egngezanan daan he Tulda he Edtelevukaayan), taman te ingkepehitindeg ni Solomon is baley te \sc Nengazen\sc* diyà te Jerusalem. Mibeelan dan is menge vaal he ebpeveelan kandan he sungkad te menge sulunuzen he ibpetuman kandan.  
\v 33 Iyan heini sikandan ebpenilbi zuma is menge anak dan: 
\p Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.  
\v 34 Si Elkana ne anak ni Jehoram. Si Jehoram ne anak ni Eliel. Si Eliel ne anak ni Toa.  
\v 35 Si Toa ne anak ni Zuf. Si Zuf ne anak ni Elkana. Si Elkana ne anak ni Mahat. Si Mahat ne anak ni Amasia.  
\v 36 Si Amasia ne anak ni Elkana. Si Elkana ne anak ni Joel. Si Joel ne anak ni Azaria. Si Azaria ne anak ni Zefanias.  
\v 37 Si Zefanias ne anak ni Tahat. Si Tahat ne anak ni Asir. Si Asir ne anak ni Ebiasaf. Si Ebiasaf ne anak ni Kora.  
\v 38 Si Kora ne anak ni Izhar. Si Izhar ne anak ni Kohat. Si Kohat ne anak ni Levi. Si Levi ne anak ni Israel. 
\p  
\v 39 Is kevuwazan ni Gershon he si Asaf, ne iyan nehuna he mid-uǥup ki Heman. Si Asaf ne anak ni Berekia. Si Berekia ne anak ni Shimea.  
\v 40 Ne si Shimea ne anak ni Micael. Si Micael ne anak ni Baasea. Si Baasea ne anak ni Malkia.  
\v 41 Si Malkia ne anak ni Etni. Si Etni ne anak ni Zera. Si Zera ne anak ni Adaya.  
\v 42 Si Adaya ne anak ni Etan. Si Etan ne anak ni Zimna. Si Zimna ne anak ni Shimei.  
\v 43 Si Shimei ne anak ni Jahat. Si Jahat ne anak ni Gershon. Si Gershon ne anak ni Levi. 
\p  
\v 44 Is kevuwazan ni Merari he si Etan, he ikezuwa he mid-uǥup ki Heman. Si Etan ne anak ni Kishi. Si Kishi ne anak ni Abdi. Si Abdi ne anak ni Maluc.  
\v 45 Si Maluc ne anak ni Hashabia. Si Hashabia ne anak ni Amazia. Si Amazia ne anak ni Hilkia.  
\v 46 Ne si Hilkia ne anak ni Amzi. Si Amzi ne anak ni Bani. Si Bani ne anak ni Shemer.  
\v 47 Si Shemer ne anak ni Mali. Si Mali ne anak ni Mushi. Si Mushi ne anak ni Merari. Ne si Merari ne anak ni Levi. 
\p  
\v 48 Is menge iring dan he menge Levihanen, ne mibeǥayan te zuma he menge vuluhaten dutun te Tulda he Edtelevukaayan, he valey te Megbevayà.  
\v 49 Piru iyan dà si Aaron wey is menge kevuwazan din midhimu he menge memumuhat. Iyan sikandan ebpemuhat diyà te pemuhatà te edtutungen wey ziyà te pemuhatà he edtutungan te veyewà. Ne iyan daan sikandan ebaal te zuma he menge vuluhaten he egkelavet sikan is Utew Segradu he Lugar. Ebpemuhat dan su wey mevelukasi is menge Israilihanen puun te menge salè dan. Ebeelan dan heini sumalà te langun he insuǥù ni Moises he suluǥuen te Megbevayà.  
\v 50 Iyan heini menge kevuwazan ni Aaron: si Eleazar, Finehas, Abishua,  
\v 51 Buki, Uzi, Zerahia,  
\v 52 Merayot, Amaria, Ahitub,  
\v 53 Zadok, wey Ahimaaz. 
\s1 Is menge Tanà te menge Kevuwazan ni Levi 
\p  
\v 54 Is menge kevuwazan ni Aaron he ebpuun te pemilya ni Kohat, iyan sikandan nehuna he neveǥayan te tanà pinaaǥi te ripa. Iyan heini menge lugar he imbeǥey kandan:  
\v 55 Apil en kayi he menge lugar is Hebron diyà te Juda wey is menge penebtavà he nekelingut kayi.  
\v 56 Piru is menge vevesukà wey is lugar he nekelingut te Hebron, ne imbeǥey ki Caleb he anak ni Jefune.  
\v 57-59 Imbeǥey ziyà te menge kevuwazan ni Aaron is sunud dutun he menge lugar apil en is menge penebtavà kayi: Hebron, (is eputà he inged), Libna, Jatir, Eshtemoa, Hilen, Debir, Ashan, Juta, wey Bet Shemesh.  
\v 60 Imbeǥey zaan kandan puun te tanà he ǥaked te tribu ni Benjamin is menge inged he Gibeon, Geba, Alemet, wey Anatot, apil en is menge penebtavà kayi. Ne 13 langun is inged he imbeǥey kayi he menge kevuwazan ni Kohat.  
\v 61 Ne is nesamà he menge kevuwazan ni Kohat ne mibeǥayan te sepulù he inged he ebpuun te menge tanà te ketengà he tribu ni Manase pinaaǥi te ripa. 
\p  
\v 62 Is menge kevuwazan ni Gershon, sumalà te kada pemilya, ne mibeǥayan te 13 he inged he menge inged te menge tribu ni Isacar, ni Asher, ni Naftali, wey te ketengà he tribu ni Manase diyà te Bashan. 
\p  
\v 63 Is menge kevuwazan ni Merari, sumalà te kada pemilya, mibeǥayan te 12 he inged he menge inged te menge tribu ni Reuben, ni Gad, wey ni Zebulun.  
\v 64 Imbeǥey te menge Israilihanen heini he menge inged wey is menge penebtavà kayi diyà te menge kevuwazan ni Levi.  
\v 65 Imbeǥey kandan pinaaǥi te ripa heini is nekaǥi kayi he menge inged he menge inged te tribu ni Juda, Simeon, wey Benjamin.  
\v 66 Is duma he menge kevuwazan ni Kohat, ne mibeǥayan daan te menge inged te tribu ni Efraim.  
\v 67 Imbeǥey kandan is Sekem (kes eputà he inged diyà te vuvungan te Efraim), is Gezer,  
\v 68 is Jokmeam, is Bet Horon  
\v 69 is Ayalon, wey is Gat Rimon, apil en is menge penebtavà kayi.  
\v 70 Ne is duma pa he menge kevuwazan ni Kohat, ne mibeǥayan sikandan te zuma zan he menge Israilihanen te menge inged diyà te tanà te ketengà he tribu ni Manase. Is imbeǥey kandan ne iyan is Aner wey is Beleam apil is menge penebtavà kayi. 
\p  
\v 71 Is menge kevuwazan ni Gershon, ne mibeǥayan te menge inged diyà te tanà te ketengà he tribu ni Manase he iyan is: Golan diyà te Bashan wey is Ashtarot, apil en is menge penebtavà kayi.  
\v 72 Is menge tanà te tribu ni Isacar he imbeǥey kandan iyan is: Kedesh, Daberat,  
\v 73 Ramot, wey Anem, apil kayi is menge penebtavà kayi.  
\v 74 Is menge inged te tribu ni Asher he imbeǥey kandan iyan is: Mashal, Abdon,  
\v 75 Hukok, wey Rehob, apil is menge penebtavà kayi.  
\v 76 Is menge inged te tribu ni Naftali he imbeǥey kandan iyan is: Kedesh diyà te Galilea, Hamon, wey Kiriataim, apil is menge penebtavà kayi. 
\p  
\v 77 Is nesamà he menge kevuwazan ni Merari mibeǥayan kayi he menge tanà: Is menge inged te tribu ni Zebulun he imbeǥey kandan iyan is: Jokneam, Karta, Rimono wey Tabor, apil is menge penebtavà kayi. 
\p  
\v 78 Is menge inged te tribu ni Reuben he ziyà layun te Wahig he Jordan he zapit te edsilaan te Jerico he imbeǥey kandan, iyan is: Bezer he ziyà te disirtu, Jaza,  
\v 79 Kedemot, wey Mefaat, apil is menge penebtavà kayi.  
\v 80 Ne is menge inged te tribu ni Gad he imbeǥey kandan iyan is: Ramot diyà te Gilead, Mahanaim,  
\v 81 Heshbon, wey Jazer, apil is menge penebtavà kayi. 
\c 7  
\s1 Is menge Kevuwazan ni Isacar 
\p  
\v 1 Si Isacar, ne zuen anak din he heepat he menge maama: si Tola, si Pua, si Jashub, wey si Shimron.  
\v 2 Ne is menge anak ni Tola, ne iyan si Uzi, Refaya, Jeriel, Jamai, Ibsam, wey si Shemuel. Heini sikandan ne iyan menge pengulu te menge pemilya zan. Ne hein iyan hadì si David, ne is kezakel te menge maama he ebpuun te menge kevuwazan ni Tola he memahagtì he menge sundaru ne 22,600. 
\p  
\v 3 Is anak ni Uzi he maama, ne iyan si Izrahia. Si Izrahia wey kes heepat he menge anak din, ne iyan si Micael, Obadias, Joel, wey si Ishia ne menge pengulu te menge pemilya zan.  
\v 4 Mezakel is menge esawa zan wey menge anak dan, umbe sumalà te listahan te menge kevuwazan dan ne zuen kandan 36,000 he menge maama he andam he ebpenilbi pinaaǥi te kegkesundaru.  
\v 5 Is kezakel te menge maama he ebpuun te kevuwazan ni Isacar he memahagtì he menge sundaru, ne 87,000 sumalà is diyà te listahan te menge kevuwazan dan. 
\s1 Is menge Kevuwazan ni Benjamin 
\p  
\v 6 Si Benjamin, ne zuen anak din he tetelu he menge maama: si Bela, si Beker, wey si Jediel.  
\v 7 Si Bela, ne zuen anak din he lelima he menge maama: si Ezbon, si Uzi, si Uziel, si Jerimot, wey si Iri. Menge pengulu heini sikandan te menge pemilya zan. Ne is kezakel te memahagtì he menge sundaru zan, 22,034, sumalà is diyà te listahan te menge kevuwazan dan.  
\v 8 Is menge anak ni Beker ne si Zemira, Joash, Eliezer, Elioenai, Omri, Jeremot, Abia, Anatot, wey si Alemet. Iyan heini sikandan menge anak ni Beker.  
\v 9 Ne is kezakel te memahagtì he menge sundaru zan, 20,200. Heini sikandan wey is menge pengulu te menge pemilya zan ne nelista ziyà te listahan te kevuwazan dan.  
\v 10 Is anak ni Jediel ne si Bilhan. Ne is menge anak ni Bilhan, ne iyan si Jeush, Benjamin, Ehud, Kenaana, Zetan, Tarshish, wey si Ahishahar.  
\v 11 Heini sikandan ne menge pengulu te menge pemilya zan. Ne 17,200 is memahagtì kandan he andam he ebpesundaru.  
\v 12 Is menge anak ni Ir ne iyan si Shupim wey si Hupim, ne is anak ni Aher ne iyan si Hushim. 
\s1 Is menge Kevuwazan ni Naftali 
\p  
\v 13 Is menge anak ni Naftali he menge maama, ne iyan si Jaziel, Guni, Jezer, wey si Shilem. Menge kevuwazan sikandan ni Bilha is iney ni Naftali. 
\s1 Is menge Kevuwazan ni Manase 
\p  
\v 14 Duen dezuwa he anak ni Manase ziyà te esawa zin he Aramihanen, he si Asriel wey si Makir. Si Makir ne amey ni Gilead  
\v 15 ne si Makir nen-ahà te ibpeesawa ki Hupim wey ki Shupim. Duen etevey ni Makir he egngezanan ki Maaca. Is sevaha pa he anak ni Makir iyan si Zelofehad he pudu vahi is menge anak din.  
\v 16 Duen daan anak ni Makir he menge maama ziyà te ki Maaca he egngezanan ki Peresh wey ki Sheresh. Is menge anak ni Peresh he menge maama iyan ensi Ulam wey Rakem.  
\v 17 Is anak ni Ulam he maama iyan si Bedan. Iyan heini sikandan menge kevuwazan ni Gilead he anak ni Makir, he apù ni Manase.  
\v 18 Is etevey ni Gilead he si Hamoleket duen menge anak din he menge maama he iyan si Ishhod, Abiezer, wey si Mala. 
\p  
\v 19 Ne is menge anak ni Shemida he menge maama ne si Ahian, Shekem, Likhi wey si Aniam. 
\s1 Is menge Kevuwazan ni Efraim 
\p  
\v 20 Iyan heini menge kevuwazan ni Efraim: si Shutela, Bered, Tahat, Eleada,  
\v 21 Zabad, wey si Shutela. Is menge anak ni Efraim he si Ezer wey si Elead, midhimetayan sikandan te menge meǥinged diyà te Gat, su ebpenakew zan te menge uyaǥen.  
\v 22 Neuǥet is kedlalew ni Efraim te kemetayen dan, ne midhendiyà is menge kezuzumahi zin su edlenganen dan sikandin.  
\v 23 Ne liwas dutun, mid-uvayan ni Efraim is esawa zin ne mibmeǥingey ne mid-anak te maama. Ne migngezanan ni Efraim haazà is batà te Beria, tenged te utew mesakit he neulaula zutun te kandan he pemilya.  
\v 24 Duen anak ni Efraim he vahi he si Sheera. Heini sikandin ne iyan midtukud te mevavà wey metikang he lugar te Bet Horon wey te Uzen Sheera.  
\v 25 Duen pa menge kevuwazan ni Efraim he si Reshef, Tela, Tahan,  
\v 26 Ladan, Amihud, Elishama,  
\v 27 Nun, wey si Josue. 
\p  
\v 28 Is menge tanà he nekuwa wey ed-ubpaan te menge kevuwazan ni Efraim, ne iyan is Betel wey is nekeliǥuy kayi he menge lugar, is Naaran he zapit te edsilaan wey is Gezer he zapit te edsenlepan wey is menge lugar he nekeliǥuy kayi, is Sekem wey menge lugar he nekelingut kayi pehendiyà te Aya wey te menge sakup kayi he lugar.  
\v 29 Is menge kevuwazan ni Manase iyan nekeǥaked te menge lugar te Bet Shan, Taanac, Megido, wey Dor, wey apil is menge lugar he nekelingut kayi. 
\p Iyan haazà menge inged he mid-ubpaan te menge kevuwazan ni Jose he anak ni Israel. 
\s1 Is menge Kevuwazan ni Asher 
\p  
\v 30 Is menge anak ni Asher he menge maama, ne iyan si Imnah, Ishva, Ishvi, wey si Beria. Is etevey zan ne si Sera.  
\v 31 Is menge anak ni Beria he menge maama ne si Heber wey si Malkiel. Si Malkiel ne amey ni Birzait.  
\v 32 Si Heber amey ni Jaflet, Shomer, wey ni Hotam. Is etevey zan ne iyan si Shua.  
\v 33 Is menge anak ni Jaflet he menge maama, ne iyan si Pasac, Bimhal, wey si Ashvat. 
\p  
\v 34 Is menge anak ni Shomer he menge maama ne si Ahi, Roga, Huba, wey si Aram.  
\v 35 Is menge maama he anak te suled ni Shomer he si Helem ne iyan si Zofa, Imnah, Shelesh, wey si Amal.  
\v 36 Is menge anak ni Zofa he menge maama, ne iyan si Sua, Harnefer, Shual, Beri, Imra,  
\v 37 Bezer, Hod, Shama, Shilsha, Itran, wey si Beera.  
\v 38 Is menge anak ni Jeter he menge maama, ne iyan si Jefune, Pispa, wey si Ara.  
\v 39 Is menge anak ni Ula he menge maama, ne iyan si Ara, Haniel, wey si Rizia.  
\v 40 Sikandan is langun menge kevuwazan ni Asher he menge pengulu te menge pemilya zan. Memetau sikandan he menge sundaru wey nevantug he menge pengulu. Ne is kezakel zan te menge maama he kevuwazan ni Asher he andam he ebpesundaru 26,000 sumalà is diyà te listahan te menge kevuwazan dan. 
\c 8  
\s1 Is menge Kevuwazan ni Benjamin 
\p  
\v 1 Iyan hein menge anak ni Benjamin he menge maama he ebpuun te kinekekayan pehendiyà te tinengkezan: si Bela, Ashbel, Ahara,  
\v 2 Noha, wey si Rafa.  
\v 3 Ne is menge anak ni Bela ne si Addar, Gera, Abihud,  
\v 4 Abishua, Naaman, Ahoa,  
\v 5 Gera, Shefufan, wey si Huram.  
\v 6 Is menge kevuwazan ni Ehud, he menge pengulu te menge pemilya zan, impaawà diyà te Geba ne midhalin sikandan diyà te Manahat.  
\v 7 Iyan sikandan ensi Naaman, si Ahia, wey si Gera. Si Gera ne amey ni Uza wey ni Ahihub ne iyan nengegalen kandan te edhalin. 
\p  
\v 8 Midsuwayan ni Shaharaim is menge esawa zin, he iyan si Hushim wey si Baara. Ne ziyà med-ubpà te Moab ne zuen anak din  
\v 9 diyà te esawa zin he si Hodesh. Iyan heini menge anak dan he menge maama: si Jobab, Zibia, Mesha, Malcam,  
\v 10 Jeuz, Sakia, wey si Mirma. Heini sikandan nehimu he menge pengulu te menge pemilya zan.  
\v 11 Duen daan anak ni Shaharaim diyà te esawa zin he si Hushim. Iyan si Abitub wey si Elpaal.  
\v 12 Is menge anak ni Elpaal ne iyan si Eber, Misham, Shemed (he iyan midtukud te menge inged he Ono wey Lod, wey te nekepeliǥuy kayi he menge lugar),  
\v 13 si Beria wey si Shema. Iyan heini menge pengulu te menge pemilya zan he ziyà ed-ubpà te Ayalon. Ne midsegseg dan is menge meǥinged diyà te Gat.  
\v 14-16 Is menge anak ni Beria iyan ensi Ahio, Shashak, Jeremot, Zebadia, Arad, Eder, Micael, Ishpa, wey si Joha. 
\p  
\v 17-18 Is menge anak ni Elpaal iyan ensi Zebadia, Meshulam, Hizki, Heber, Ishmerai, Izlia, wey si Jobab. 
\p  
\v 19-21 Is menge anak ni Shimei iyan ensi Jakim, Zicri, Zabdi, Elienai, Ziletai, Eliel, Adaya, Beraya, wey si Shimrat. 
\p  
\v 22-25 Is menge anak ni Shashak iyan ensi Ishpan, Eber, Eliel, Abdon, Zicri, Hanan, Hanania, Elam, Antotia, Ifdea, wey si Penuel. 
\p  
\v 26-27 Is menge anak ni Jeroham iyan ensi Shamsherai, Sheharia, Atalia, Jaareshia, Elias, wey si Zicri.  
\v 28 Heini sikandan menge pengulu te menge pemilya zan sumalà is diyà te listahan te kevuwazan dan ne ziyè dan med-ubpà te Jerusalem. 
\p  
\v 29 Si Jiel he amey ni Gibeon ne ziyà med-ubpà te Gibeon. Ne iyan ngazan te esawa zin si Maaca.  
\v 30 Is menge anak din he menge maama ebpuun te kinekekayan pehendiyà te tinengkezan ne iyan si Abdon, Zur, Kish, Baal, Ner, Nadab,  
\v 31 Gedor, Ahio, Zeker,  
\v 32 wey si Miklot (he amey ni Shimea). Ne ziyè dan med-ubpà te uvey te menge kezuzumahi zan diyà te Jerusalem.  
\v 33 Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.  
\v 34 Is anak ni Jonatan ne si Merib Baal he amey ni Micas.  
\v 35 Is menge anak ni Micas iyan ensi Piton, Melec, Tarea, wey si Ahaz.  
\v 36 Si Ahaz ne amey ni Jehoada, ne si Jehoada ne amey ni Alemet, Azmavet, wey ni Zimri. Si Zimri ne amey ni Moza,  
\v 37 ne si Moza ne amey ni Binea. Is anak ni Binea he iyan si Rafah, ne is anak ni Rafah ne iyan si Eleasa, ne is anak ni Eleasa ne si Azel.  
\v 38 Si Azel ne zuen heenem he menge anak din he si Azrikam, Bokeru, Ishmael, Shearia, Obadias, wey si Hanan.  
\v 39 Is menge anak te suled ni Azel he si Eshek, ne si Ulam is kinekekayan, ne si Jeush is ikezuwa, ne si Elifelet is iketelu.  
\v 40 Utew memevurut is menge anak ni Ulam ne utew metau zaan he ebpemanà. Mezakel is menge anak dan wey menge apù dan su 150 zan langun. 
\p Iyan heini sikandan langun menge kevuwazan ni Benjamin. 
\c 9  
\p  
\v 1 Is langun he menge Israilihanen ne nelista ziyà te Libru he Midsuratan te menge Keguǥuza te menge Hadì te Israel. Is menge etew ziyà te Juda ne nengevihag te Babilonia tenged te kenè dan kebpezumazuma te \sc Nengazen\sc*.  
\v 2 Is nehuna he nekeulì diyà te menge inged dan he keugelingen dan he tanà iyan is menge Israilihanen, menge memumuhat, menge Levihanen, wey menge suluǥuen diyà te valey te \sc Nengazen\sc*.  
\v 3 Iyan heini menge keet-etawan te menge tribu te Juda, Benjamin, Efraim, wey Manase he nekelikù he ziyà med-ubpà te Jerusalem: 
\li1  
\v 4 Si Utai he anak ni Amihud (si Amihud ne anak ni Omri; si Omri ne anak ni Imri. Si Imri ne anak ni Bani, he kevuwazan ni Perez he anak ni Juda). 
\li1  
\v 5 Diyà te Silonhanen: si Asaya he iyan kinekekayan, wey is menge anak din. 
\li1  
\v 6 Diyà te Sirahanen: iyan is pemilya ni Jeuel. 
\p 690 sikandan is langun he ebpuun te tribu ni Juda. 
\p  
\v 7 Diyà te tribu ni Benjamin: 
\li1 si Salu he anak ni Meshulam (si Meshulam ne anak ni Hodavia; si Hodavia ne anak ni Hasenua), 
\li1  
\v 8 si Ibnea ne anak ni Jeroham, 
\li1 si Ela ne anak ni Uzi (si Uzi ne anak ni Micri), 
\li1 ne si Meshulam he anak ni Shefatia (si Shefatia ne anak ni Reuel; si Reuel ne anak ni Ibnia). 
\p  
\v 9 Heini sikandan is langun menge pengulu te menge pemilya zan. Ne 956 sikandan langun he ebpuun te tribu ni Benjamin is nekelikù, sumalà is diyà te listahan te kandan he kevuwazan. 
\p  
\v 10 Is menge memumuhat he nekelikù ne iyan: 
\li1 si Jedaya, si Jehoyarib, si Jakin, 
\li1  
\v 11 si Azaria he iyan pinekelavew he upisyal ziyà te valey te Megbevayà (anak sikandin ni Hilkia; si Hilkia ne anak ni Meshulam; si Meshulam ne anak ni Zadok; si Zadok ne anak ni Merayot; si Merayot ne anak ni Ahitub). 
\li1  
\v 12 Ne elin daan nekelikù, si Adaya he anak ni Jeroham (si Jeroham ne anak ni Pashur; si Pashur ne anak ni Malkia), 
\li1 si Maasai ne anak ni Adiel (si Adiel ne anak ni Jazera; si Jazera ne anak ni Meshulam; si Meshulam ne anak ni Meshilemit; si Meshilemit ne anak ni Imer). 
\p  
\v 13 Ne 1,760 sikandan is langun he menge memumuhat he nekelikù. Menge pengulu sikandan te menge pemilya zan, ne meupiya sikandan he menge pengulu. Iyan sikandan midseriǥan he ebpenilbi zuen te valey te Megbevayà. 
\p  
\v 14 Diyà te menge Levihanen: 
\li1 si Shemaya he anak ni Hashub (si Hashub ne anak ni Azrikam; si Azrikam ne anak ni Hashabia he kevuwazan ni Merari), 
\li1  
\v 15 si Bakbakar, Heresh, Galal, Matania (si Matania ne anak ni Mica; si Mica ne anak ni Zicri; si Zicri ne anak ni Asaf), 
\li1  
\v 16 si Obadias he anak ni Shemaya (si Shemaya ne anak ni Galal; si Galal ne anak ni Jedutun), 
\li1 ne si Berekia he anak ni Asa he apù ni Elkana, he ziyà med-ubpà te menge inged te Netofanhen. 
\p  
\v 17 Diyà te menge ebantey te menge ǥemawan iyan nekelikù: 
\li1 si Shalum, Akub, Talmon, Ahiman, wey is menge kezuzumahi zan. Si Shalum ne iyan pengulu zan.  
\v 18 Taman guntaan ne iyan sikandan ebantey zuen te Gemawan te Hadì he zapit te edsilaan he kilid duen te inged. Iyan sikandan dengan ebantey te ǥemawan te edseled diyà te kampu te menge kevuwazan ni Levi.  
\v 19 Si Shalum ne anak ni Kore ne apù ni Ebiasaf, he ebpuun te pemilya ni Kora. Si Shalum wey is menge kezuzumahi zin he menge kevuwazan ni Kora, ne iyan midseriǥan te kebantey zuen te ǥemawan te Tulda he Edtelevukaayan iring te menge kepuun dan he iyan midseriǥan he ibpevantey zutun te ǥemawan te Baley te \sc Nengazen\sc*. 
\p  
\v 20 Si Finehas he anak ni Eleazar he iyan is nehuna he midseriǥan he ibpevantey zutun te ǥemawan, ne midumahan sikandin te \sc Nengazen\sc*. 
\p  
\v 21 Si Zacarias he anak ni Meshelemia, ne tigbantey zaan sikandin te ǥemawan te Tulda he Edtelevukaayan.  
\v 22 Ne 212 langun is menge ebantey zutun te ǥemawan, ne inlista sikandan sumalà is diyà te listahan te kegkevuwad dan dutun te inged dan. Ne si David wey si Samuel he ebpeneuven, iyan mibeǥey te menge ketengdanan diyà te menge kepuun dan he iyan ebantey zutun te ǥemawan (tenged te egkengeseriǥan sikandan).  
\v 23 Heini he menge ebantey wey is menge kevuwazan dan, ne iyan midseriǥan he ebantey te menge ǥemawan duen te valey te \sc Nengazen\sc* he egngezanan daan te Tulda.  
\v 24 Ebentayan dan is heepat he pesikilizà dutun: dapit te edsilaan, te edsenlepan, dapit te zizaya, wey te egkezivavà.  
\v 25 Edseletselet daan edsambey ebantey is menge kezuzumahi zan he ziyà ed-ubpà te zezeisek he inged. Ebantey zan seled te pitu he andew.  
\v 26 Piru is heepat he pengulu he menge ebantey, he menge kevuwazan ni Levi, ne iyan dan ibpevantey zutun te seled te menge kuwartu wey te menge budiga zuen te valey te \sc Nengazen\sc*.  
\v 27 Ebpurang sikandan he ebantey ziyà te peliǥuy zutun te valey te \sc Nengazen\sc* su kinahanglan haazà he ebentayan dan wey ebpuwasan dan kada meselem. 
\p  
\v 28 Is duma zutun kandan, ne midseriǥan te ked-atur te menge gelemiten dutun he egemiten te ked-azap. Ebilangen dan heini emun egemiten ne ebilangen dan ded ke egkepasad is kegemita zutun.  
\v 29 Is duma, midseriǥan te ked-atur te zuma pa he menge gelemiten dutun te valey te \sc Nengazen\sc*, ragkes en dutun is menge herina, binu, lana, beyewà, wey zuma pa he menge penaket.  
\v 30 Piru baal te menge memumuhat is kebpedsesehuǥa zutun te menge penaket.  
\v 31 Si Matitia he kevuwazan ni Levi, he kinekekayan he anak ni Shalum he kevuwazan ni Kora, iyan midseriǥan te kedhilutù te supas he ibpemuhat.  
\v 32 Is duma pa he menge kevuwazan ni Kora midseriǥan te ked-endama wey kedsevuka te menge supas diyà te lemisahan te kada Andew te Kedhimeley.  
\v 33 Is menge musikiru zutun te valey te \sc Nengazen\sc*, menge pengulu te menge pemilya te kevuwazan ni Levi. Ne wazè en duma pa he menge vaal zan su is buluhaten dan ebeelan dan te maandew wey mezukilem.  
\v 34 Heini sikandan langun menge pengulu te menge pemilya zan he kevuwazan ni Levi. Nelista sikandan diyà te listahan te kegkevuwad dan. Ne ziyè dan med-ubpà te Jerusalem. 
\s1 Is menge Kevuwazan ni Saul 
\r (1 Cronica 8:29-38) 
\p  
\v 35 Si Jiel he amey ni Gibeon ne ziyà med-ubpà te Gibeon. Ne iyan ngazan te esawa zin si Maaca.  
\v 36 Is menge anak din he menge maama ebpuun te kinekekayan pehendiyà te tinengkezan ne iyan si Abdon, Zur, Kish, Baal, Ner, Nadab,  
\v 37 Gedor, Ahio, Zecarias, wey si Miklot  
\v 38 (he amey ni Shemeam). Ne ziyè dan med-ubpà te uvey te menge kezuzumahi zan diyà te Jerusalem.  
\v 39 Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.  
\v 40 Is anak ni Jonatan, ne si Merib Baal he amey ni Micas.  
\v 41 Is menge anak ni Micas iyan ensi Piton, Melec, Tarea, wey si Ahaz.  
\v 42 Si Ahaz ne amey ni Jada, ne si Jada he amey ni Alemet, Azmavet, wey ni Zimri. Si Zimri ne amey ni Moza,  
\v 43 ne si Moza ne amey ni Binea. Is anak ni Binea he iyan si Refaya, ne is anak ni Refaya ne si Eleasa, ne is anak ni Eleasa ne iyan si Azel.  
\v 44 Si Azel ne zuen heenem he menge anak din he si Azrikam, Bokeru, Ishmael, Shearia, Obadias, wey si Hanan. 
\c 10  
\s1 Minatey si Saul 
\r (1 Samuel 31:1-13) 
\p  
\v 1 Dutun he timpu, nekidtebek is menge Filistihanen te menge Israilihanen diyà te Buntud he Gilboa. Mezakel is nemematey te menge Israilihanen, ne is duma ne mememelaǥuy.  
\v 2 Ne midal-as te menge Filistihanen si Saul wey is menge anak din he maama, ne midhimetayan dan is anak din he si Jonatan, Abinadab, wey si Malkishua.  
\v 3 Utew meinit is tebek eni Saul wey menge Filistihanen. Neigù si Saul te panà ne nepelian.  
\v 4 Migkeǥiyan ni Saul is tig-uwit te ǥumaan din te, “Hulevuta nu heeyan is ispada nu wey a himatayi, su emun kenà, ne iyan is wazà mekekilala te Megbevayà edhimatey kedì, ne ed-un-undahan e zan.” Piru nahandek haazà is tig-uwit te ǥumaan din he edhimatey kandin, ne zutun migkuwa ni Saul kes ispada zin, ne midsundang din is lawa zin. 
\p  
\v 5 Hein naahà dutun te tig-uwit te ǥumaan din he minatey en, mid-uney zin daan sundanga is lawa zin te ispada zin, ne minatey zaan sikandin.  
\v 6 Umbe, minatey si Saul, wey is tetelu he menge anak din he maama, ne wazè en kevuwazan din he nehimu he hadì. 
\p  
\v 7 Haazà he timpu ne zuen menge Israilihanen he ziyà med-ubpà te menge suǥud te Jezreel. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà. 
\p  
\v 8 Hein sunud he andew, te nepasad is tebek, midhendiyà is menge Filistihanen te Buntud he Gilboa su egkuwaan dan is menge ǥumaan te menge nengepatey. Neehè dan diyà is minatey he lawa ni Saul wey menge anak din.  
\v 9 Migkuwa zan is menge ǥumaan ni Saul ne mibpungelan dan te ulu. Ne zutun midsuǥù dan te menge menunudtulà ziyà te tivuuk he tanà te Filistia he ebpesavut diyà te kandan wey te menge ed-ezapen wey te menge siringan dan te minatey en si Saul.  
\v 10 Diyè dan isavuk haazà is menge ǥumaan ni Saul te valey he zutun dan ed-ezapa is menge ledawan, ne zutun dan ivitey is ulu ni Saul te valey he zutun dan ed-ezapa is ledawan he si Dagon. 
\p  
\v 11 Netuenan te menge tig-Jabesh Gilead is langun he mid-ulaula te menge Filistihanen ki Saul.  
\v 12 Umbe, migenat is langun he menge beǥani kandan ne migkuwa zan is lawa ni Saul wey is menge anak din, ne mid-uwit dan heini ziyà te Jabesh. Ne inleveng dan haazà is menge minatey ziyà te zizalem te zekelà he kayu ziyà te Jabesh, ne mibpuasa zan seled te pitu he andew. 
\p  
\v 13 Minatey si Saul tenged te kenè din kebpezumazuma te \sc Nengazen\sc*. Wazè din tumana is suǥù kandin te \sc Nengazen\sc*, wey midangep sikandin te menge etew he edsarig te menge mulin-ulin.  
\v 14 Diyà pezem sikandin ereg he ebuyù te sambag te \sc Nengazen\sc*. Umbe midhimetayan sikandin te \sc Nengazen\sc* ne imbeǥey is ginhedian din diyà te ki David he anak ni Jesse. 
\c 11  
\s1 Nehimu si David he Hadì te Israel 
\r (2 Samuel 5:1-10) 
\p  
\v 1 Ne zutun, midhendiyà is langun he menge Israilihanen te ki David diyà te Hebron he egkaǥi te, “Menge kezuzumahi key kenikew.  
\v 2 Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te \sc Nengazen\sc* he Megbevayà te, ‘Elimahi nu is menge etew ku he Israilihanen he iring te ked-elima te ebantey te menge kerehidu. Iyan ka egkehimu he pengulu zan.’ ”  
\v 3 Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te \sc Nengazen\sc*, ne midlenahan dan is ulu ni David te lana he ibpeehè dan he iyan en sikandin hadì te Israel, sumalà is insaad te \sc Nengazen\sc* pinaaǥi ki Samuel. 
\p  
\v 4 Duen timpu he migenat si David wey is menge Israilihanen su edsurungen dan is Jerusalem (he egngezanan dengan te Jebus) is menge Jebusihanen he zutun mekeubpà  
\v 5 ne migkeǥiyan dan si David, “Kenè kew ebpekeseled kayi te Jerusalem.” Piru naaǥew eni David is melig-en he kutà te Zion, ne migngezanan haazà te Inged ni David hein huziyan he timpu. 
\p  
\v 6 Migkaǥi si David, “Is minsan hentei he edhuna he edsurung te menge Jebusihanen ne iyan egkehimu he peremandar te menge sundaru.” Si Joab he anak ni Zeruya iyan midhuna. Umbe iyan sikandin nehimu he peremandar. 
\p  
\v 7 Hein naaǥew en ni David haazà is utew melig-en he kutà, diyè en sikandin med-ubpà, umbe migngezanan te menge etew haazà te Inged ni David.  
\v 8 Ne mibpeumanan din haazà pepelinguti te verengbeng puun te mevavà he vahin dutun te inged. Iyan dutun midumala si Joab te kebpurung duen te zuma he vahin te inged.  
\v 9 Utew mibmelig-en si David, tenged te edtevangan sikandin te \sc Nengazen\sc* he Mekeǥeǥehem. 
\s1 Is menge Mevurut he menge Sakup ni David 
\r (2 Samuel 23:8-39) 
\p  
\v 10 Iyan heini menge pengulu te menge sakup ni David he menge mevurut. Sikandan wey is langun he menge Israilihanen midsupurtar te kedhadì ni David, sumalà is insaad te \sc Nengazen\sc* mehitenged te Israel.  
\v 11 Si Jashobeam he Hakmuhanen, he iyan kes edhuna zuen te tetelu he menge mevurut he sakup ni David. Dutun te senge sangkè dà ne nekepatey sikandin te 300 he etew pinaaǥi te vangkew zin. 
\p  
\v 12 Ne iyan sunud kandin si Eleazar he anak ni Dodai he kevuwazan ni Ahoa he sevaha zaan dutun te tetelu he memevurut he menge sakup ni David.  
\v 13 Sevaha zaan sikandin te miduma ki David te kebpekidtebek dan te menge Filistihanen diyà te Pas Damin. Diyè dan medtetebek te pemuleey te barli. Nemelaǥuy is menge Israilihanen,  
\v 14 piru si Eleazar wey si David, ne wazè dan dutun med-awà te teliwazà te pemuleey, ne mibpenhimetayan dan kes menge Filistihanen. Impezaag sikandan te \sc Nengazen\sc*. 
\p  
\v 15 Ne sevaha he andew, midhendiyà te ki David haazà is tetelu he sakup din duen te surung te Adulam. Heini is tetelu he etew, ne zuma heini sikandan te 30 he menge mevurut he menge sakup ni David. Dutun he timpu ne ziyà megkampu haazà is menge Filistihanen te Suǥud he Refaim  
\v 16 ne naaǥew zan is Betlehem. Hein diyè pa si David te melig-en he elesà,  
\v 17 utew sikandin ebpekeinum. Migkaǥi sikandin te, “Deyzey pezem ke zuen egkuwa te wahig he egkeinum ku ziyà te kalut he uvey te ǥemawan te Betlehem.”  
\v 18 Umbe, mid-eles-eles midseled haazà is tetelu he mevurut he menge etew zuen te kampu te menge Filistihanen, ne migkuwa zan te wahig dutun te kalut he uvey te ǥemawan te Betlehem, ne mid-uwit dan diyà te ki David. Piru wazà inuma haazà ni David; kekenà, in-itis din haazà su pemuhat din para te \sc Nengazen\sc*.  
\v 19 Migkaǥi sikandin te, “Megbevayè ku, kenè ku heini ed-inumen tenged te iring heini kemahal te lengesa te menge etew he impedserakan dan is untung dan te kegkuwa kayi.” Umbe wazà iyan med-inum si David. Iyan haazà mibeelan dutun te tetelu he mevurut he menge sakup ni David. 
\p  
\v 20 Si Abishai he suled ni Joab, ne iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe nehimu he nevantug sikandin he iring duen te tetelu he mevurut he menge etew,  
\v 21 piru kenà sikandin ragkes duen te tetelu. Ne tenged te iyan sikandin nevantug he zuma zutun te 30, iyan sikandin nehimu he peremandar zan. 
\p  
\v 22 Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.  
\v 23 Sevaha pa maan dutun he timpu, midhimetayan din is Ehiptohanen he is kelangkew zin ne pitu he ǥiek wey tengà. Ne is gumaan dutun te Ehiptohanen ne vangkew he meveǥat, ne is kandin mulà he ǥumaan ne kayu zà he idlagkut. Ne mid-aǥew zin haazà is bangkew zutun te Ehiptohanen ne iyan ded heini inhimatey zin kandin.  
\v 24 Iyan haazà menge vaal he mibeelan ni Benaya he anak ni Jehoyada. Nehimu sikandin he ventuǥan iring duen te tetelu he mevurut he menge etew,  
\v 25 piru kenè din duma sikandan. Ne tenged te iyan sikandin pinekeventuǥan duen te menge zuma zin he 30, midhimu sikandin ni David he pengulu te menge vantey. 
\p  
\v 26 Iyan heini menge memetau he menge sundaru: 
\li1 si Asahel he suled ni Joab; 
\li1 si Elhanan he anak ni Dodo he tig-Betlehem, 
\li1  
\v 27 si Shamot he tig-Haror, 
\li1 si Helez he tig-Pelon, 
\li1  
\v 28 si Ira he anak ni Ikesh he tig-Tekoa, 
\li1 si Abiezer he tig-Anatot, 
\li1  
\v 29 si Sibecai he tig-Husha, 
\li1 si Ilai he tig-Ahoa 
\li1  
\v 30 si Maharai he tig-Netofa, 
\li1 si Heled he anak ni Baanah he tig-Netofa, 
\li1  
\v 31 si Itai he anak ni Ribai he tig-Gibea, he sakup te Benjamin, 
\li1 si Benaya he tig-Piraton, 
\li1  
\v 32 Si Hurai he ziyà ed-ubpà te uvey te menge zal-ug diyà te Gaash, 
\li1 si Abiel he tig-Araba. 
\li1  
\v 33 Si Azmavet he tig-Baharum, 
\li1 si Eliaba he tig-Shaalbon, 
\li1  
\v 34 is menge anak ni Hashem he tig-Gizon, 
\li1 si Jonatan he anak ni Shagee he tig-Harar, 
\li1  
\v 35 si Ahiam he anak ni Sacar he tig-Harar, 
\li1 si Elipal he anak ni Ur; 
\li1  
\v 36 si Hefer he tig-Mekerat, 
\li1 si Ahia he tig-Pelon, 
\li1  
\v 37 si Hezro he tig-Carmel, 
\li1 si Naarai he anak ni Ezbai. 
\li1  
\v 38 Si Joel he suled ni Natan, 
\li1 si Mibhar he anak ni Hagri, 
\li1  
\v 39 si Zelek he tig-Ammon, 
\li1 si Naharai he tig-Berot, he iyan tig-uwit te ǥumaan ni Joab he anak ni Zeruya, 
\li1  
\v 40 si Ira wey si Gareb he menge tig-Jatir, 
\li1  
\v 41 si Uria he Hitihanen, 
\li1 si Zabad he anak ni Alai, 
\li1  
\v 42 si Adina he anak ni Shiza he sevaha he pengulu te tribu ni Reuben wey zuen 30 he menge sakup din. 
\li1  
\v 43 Si Hanan he anak ni Maaca, 
\li1 si Joshafat he tig-Mitna, 
\li1  
\v 44 si Uzia he tig-Ashterat, 
\li1 si Shama wey si Jiel he menge anak ni Hotam he tig-Aroer, 
\li1  
\v 45 Si Jediel he anak ni Shimri, 
\li1 si Joha he tig-Tiz he suled ni Jediel, 
\li1  
\v 46 Si Eliel he tig-Mahav, 
\li1 si Jeribai wey si Joshavia he menge anak ni Elnaam, 
\li1 si Itma he tig-Moab, 
\li1  
\v 47 si Eliel, Obed, wey si Jaasiel he tig-Mezoba. 
\c 12  
\s1 Is menge Etew he Miduma ki David wey te menge Sundaru Zin 
\p  
\v 1 Iyan heini menge etew he midhendiyà te ki David diyà te Ziklag he miduma kandin hein kemulu pa sikandin ed-eles-eles ki Saul he anak ni Kish. Duma heini sikandan te mid-uǥup te kebpekidtebek ni David.  
\v 2 Memetau heini sikandan te panà, wey iyan heini vaal zan is kebpemanà wey kebpenlimpawes, metau is kewanan wey givang he velad dan. Menge kezuzumahi heini sikandan ni Saul he ebpuun te tribu ni Benjamin.  
\v 3 Iyan heini menge ngazan dan: si Ahiezer is pengulu zan wey si Joash. Menge anak sikandan ni Shemaa he tig-Gibeah. Iyan heini menge ngazan dan: 
\li1 si Jeziel wey si Pelet he menge anak ni Azmavet, 
\li1 si Beraca wey si Jehu he tig-Anatot, 
\li1  
\v 4 si Ishmaya he tig-Gibeon, he sevaha he mevurut he pengulu zuen te 30 he mevurut he menge sundaru. 
\li1 Si Jeremias, Jahaziel, Johanan, Jozabad he tig-Gedera, 
\li1  
\v 5 si Eluzai, Jerimot, Bealia, Shemaria, wey si Shefatia he tig-Haruf, 
\li1  
\v 6 si Elkana, Ishia, Azarel, Joezer, wey si Jashobeam he menge kevuwazan ni Kora, 
\li1  
\v 7 si Joela wey si Zebadia he menge anak ni Jehoram he tig-Gedor. 
\p  
\v 8 Duen daan menge etew he ebpuun te tribu ni Gad he miduma ki David diyà te melig-en he elesà diyà te sibsivayan. Mevurut sikandan he menge sundaru ne iyan layun egemiten dan is kelasag wey vangkew. Iring sikandan kevurut te menge erimaung wey iring sikandan keǥaan te selazeng diyà te menge vuvungan: 
\li1  
\v 9 si Ezer ne iyan pengulu zan, 
\li1 si Obadias is ikezuwa; 
\li1 si Eliab is iketelu; 
\li1  
\v 10 si Mishmana is ikeepat; 
\li1 si Jeremias is ikelima, 
\li1  
\v 11 si Atai is ikeenem, 
\li1 si Eliel is ikepitu, 
\li1  
\v 12 si Johanan is ikewalu, 
\li1 si Elzabad is ikesiyam; 
\li1  
\v 13 si Jeremias is ikesepulù, 
\li1 ne iyan ike-11 si Macbanai. 
\p  
\v 14 Iyan heini sikandan menge kevuwazan ni Gad he menge peremandar te menge sundaru. Is pinekemeǥuyà kandan ne ebpekezumala te 100 he sundaru ne is pinekemezesen kandan ne ebpekezumala te 1,000 he sundaru.  
\v 15 Midlayun dan dengan is Wahig he Jordan hein timpu te tingdalem kayi, dutun te nehuna he vulan te tuig, ne midsegseg dan is langun he meǥinged diyà te suǥud he zapit te edsilaan wey edsenlepan te wahig. 
\p  
\v 16 Duen daan menge etew he ebpuun te tribu ni Benjamin wey ki Juda he midhendiyà te ki David diyà te melig-en he elesà.  
\v 17 Migawas si David ne midsinuǥung din sikandan ne migkaǥi, “Emun iyan inhendini niw is edtevangan a keniyu su menge emiǥu ku sikiyu ne edewaten ku sikiyu he eduma kenami. Piru emun iyan inhengkayi niw is ibpalad a keniyu te menge kuntada ku minsan wazè ku mibeelan he mezaat keniyu, ne iyan ebpekaahà kayi is Megbevayà te menge kepuun tew ne iyan edsilut keniyu.” 
\p  
\v 18 Ne zutun mid-uwit te Mulin-ulin si Amasai he nehimu he pengulu zuen te 30 he menge mevurut he menge sundaru ne migkaǥi sikandin te, 
\p “Edlavan key kenikew, David he anak ni Jesse! Deyzey pezem ke mebmezeeǥen ka wey is mid-uǥup kenikew, su iyan is Megbevayè nu mid-uǥup kenikew.” Ne midawat sikandan ni David ne midhimu zin sikandan he menge upisyal te menge sundaru zin. 
\p  
\v 19 Duen daan menge etew he ebpuun te tribu ni Manase he nekezuma ki David hein midhendiyà te menge Filistihanen su ebpekidtebek ki Saul. Piru wazà mebpemineg is menge Filistihanen he eduma si David wey is menge sakup din, su neisip dan he kela ke ziyè ded si David medlavan med-uman te egalen din he si Saul. Umbe hein nepasad is kebpelelelaǥè dan ne impelikù dan ensi David diyà te Ziklag. 
\p  
\v 20 Iyan heini menge etew he ebpuun te tribu ni Manase he miduma ki David diyà te Ziklag: si Adnah, Jozabad, Jediel, Micael, Jozabad, Elihu, wey si Ziletai. Kada sevaha kandan ne pengulu te tignengkelibu he menge sundaru te tribu ni Manase.  
\v 21 Mid-uǥupan dan si David te kebpekidtebek te ebpemenurung, su menge mahagtì heini langun he menge sundaru. Umbe nehimu sikandan he peremandar te menge sundaru ni David.  
\v 22 Kada andew ne zuen ebpemenhendiyà he menge etew te ki David su ed-uǥup dan kandin, taman te mibmezakel wey mibmelig-en is menge sundaru zin. 
\p  
\v 23 Iyan heini kezakel te neǥumeenan he menge sundaru he midhendiyà te ki David diyà te Hebron he ed-uǥup kandin he maaǥew zin is ginhedian ni Saul, sumalà te insaad te \sc Nengazen\sc*. 
\p  
\v 24 Is ebpuun te tribu ni Juda: 6,800 he menge sundaru he neǥumeenan he zuen dan menge vangkew wey menge panà. 
\p  
\v 25 Is ebpuun te tribu ni Simeon: 7,100 he memetau he menge sundaru. 
\p  
\v 26 Is ebpuun te tribu ni Levi: 4,600 he menge sundaru,  
\v 27 apil en si Jehoyada is pengulu te pemilya ni Aaron wey is menge sakup din he 3,700,  
\v 28 wey si Zadok is sevaha zaan he metau he vetan-en he sundaru wey is 22 he menge upisyal he ebpuun te pemilya zin. 
\p  
\v 29 Is ebpuun te tribu ni Benjamin he menge kezuzumahi ni Saul: 3,000 he menge sundaru. Iyan, mezakel is menge kevuwazan ni Benjamin he mibpedayun med-unung ki Saul. 
\p  
\v 30 Is ebpuun te tribu ni Efraim: 20,800 he memetau he menge sundaru he nevantug diyà te pemilya zan. 
\p  
\v 31 Is ebpuun te ketengà he tribu ni Manase: 18,000 he menge sundaru he midsuǥù he para mekeuǥup he mehimu he hadì si David. 
\p  
\v 32 Is ebpuun te tribu ni Isacar: 200 he menge pengulu zuma is menge kezuzumahi zan he ebpenguluwan dan. Netau heini sikandan ke hengkey is ereg he ebeelan te Israel wey ke keenu zan heini ebeeli. 
\p  
\v 33 Is ebpuun te tribu ni Zebulun: 50,000 he memetau he menge sundaru he andam he ebpekidtebek. Neǥumeenan sikandan te nekedseselekawà he menge ǥumaan. Andam sikandan he ed-uǥup wey ed-unung ki David. 
\p  
\v 34 Is ebpuun te tribu ni Naftali: 1,000 he menge upisyal wey 37,000 he menge sundaru he ebpemen-uwit te menge kelasag wey menge vangkew. 
\p  
\v 35 Is ebpuun te tribu ni Dan: 28,600 he memetau he menge sundaru he andam he ebpekidtebek. 
\p  
\v 36 Is ebpuun te tribu ni Asher: 40,000 he menge memetau he menge sundaru he andam he ebpekidtebek. 
\p  
\v 37 Ne is ebpuun te tribu he ziyà te zapit te edsilaan te Wahig he Jordan: he tribu ni Reuben, Gad wey ketengà he tribu ni Manase: 120,000 he menge sundaru he neǥumeenan te mibarangbarang he menge ǥumaan. 
\p  
\v 38 Iyan heini langun he menge sundaru he mibuluntaryu he ebpekidtebek. Midhendiyè dan te Hebron he zekelà is tinguhè dan te kedhimuwa ki David he hadì te tivuuk he Israel. Hapit is langun he menge Israilihanen ne utew egkesuat he si David is egkehimu he hadì dan.  
\v 39 Menge tetelu he andew zan dutun he mibpekiduma ki David te kegkaan wey ked-inum su mibpeuwitan sikandan te menge siringan dan te menge egkekaan.  
\v 40 Mid-uwit daan te menge keenen is menge kezumahan dan he ebpuun pa te meziyù he lugar te Isacar, Zebulun, wey Naftali. Ingkarga zan heini te menge asnu, menge kemilyu, menge mula, wey menge vaka. Dekelà is herina zan, menge higus, pasas, binu, lana, baka, wey kerehidu. Utew zutun melipayen is tivuuk he Israel. 
\c 13  
\s1 Is Kegkuwa te Kavan te Kebpekid-uyun 
\r (2 Samuel 6:1-11) 
\p  
\v 1 Mibpekidlalag si David te menge upisyal zin, he menge peremandar te linibu wey ǥinatus he menge sundaru zin.  
\v 2 Ne migkeǥiyan din is tivuuk he keet-etawan te Israel, “Emun egkesuat kew wey iyan daan egkesuatan te \sc Nengazen\sc* he Megbevayè tew, ibpetudtulan tew is langun he menge zuma tew seled te tivuuk he Israel, apil en is menge memumuhat wey is menge Levihanen he zuma zan dutun te menge inged dan wey menge penebtavà dan. Ibpehendini tew sikandan wey zan mekepekidsevaha kenitew.  
\v 3 Timpu en heini he egkuwaan tew kes Kavan te Kebpekid-uyun te Megbevayè tew, su wazè tew heini seǥipaa hein iyan pa hadì si Saul.”  
\v 4 Mibpemineg dutun is tivuuk he meǥinged su neehè dan he iyan haazà hustu he ebeelan dan. 
\p  
\v 5 Umbe, miburunburun ni David is langun he menge Israilihanen, ebpuun diyà te Wahig he Shihor ziyà te Ehipto taman te Lebo Hamat, te kegkuwa te Kavan te Kebpekid-uyun te Megbevayà diyà te Kiriat Jearim.  
\v 6 Midhendiyà si David wey is menge Israilihanen diyà te Baala ziyà te Juda (he iyan is Kiriat Jearim). Ne migkuwa zan dutun sikan is Kavan te \sc Nengazen\sc* he Megbevayà. Ne zutun is \sc Nengazen\sc* te teliwazà te menge kirubin he zutun te zivavew te Kavan.  
\v 7 Migkuwa zan haazà is Kavan te Kebpekid-uyun te Megbevayà diyà te valey ni Abinadab ne in-untud dan te veǥu he kerumata. Si Uza wey si Ahio is migiya zutun te kerumata.  
\v 8 Midsilibra si David wey is langun he menge Israilihanen diyà te etuvangan te Megbevayà te tivuuk dan he zesen. Nemenganta zan wey midtukar te menge alpa, lira, tamburin, simbal, wey trumpita. 
\p  
\v 9 Hein nekeuma zan duen te gunasà ni Kidon, migewezan ni Uza haazà is Kavan, su nekezulas is menge vaka.  
\v 10 Utew nepauk dutun is \sc Nengazen\sc* ki Uza tenged dutun te migewezan din haazà is Kavan. Umbe minatey sikandin dutun te etuvangan te Megbevayà.  
\v 11 Nepauk si David su midsilutan te \sc Nengazen\sc* si Uza tenged te kegkepauk din. Umbe taman guntaan ne iyan inngazan dutun he lugar is Perez Uza.  
\v 12 Nahandek si David te Megbevayà te haazà he andew, ne nekekaǥi sikandin te, “Ebmenmenuwen en be he meuwit heini is Kavan te Kebpekid-uyun te Megbevayà diyà te inged ku?”  
\v 13 Ne zutun neisip din he kenè din en ed-uwiten diyà te inged din haazà is Kavan. Diyè din itaǥak haazà te valey ni Obed Edom he tig-Gat.  
\v 14 Diyà heini te valey ni Obed Edom itaǥù seled te tetelu he vulan, ne midtuvazan te \sc Nengazen\sc* is pemilya zin wey is langun he azen din. 
\c 14  
\s1 Is Turuǥan wey Pemilya ni David diyà te Jerusalem 
\r (2 Samuel 5:11-16) 
\p  
\v 1 Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.  
\v 2 Ne zutun nesavut ni David he iyan is \sc Nengazen\sc* midsavuk kandin he hadì te Israel wey iyan mibpeuswag te ginhedian din para te menge etew zin he menge Israilihanen. 
\p  
\v 3 Diyà te Jerusalem, mezakel pa is mid-esawa ni David, ne neumanan is menge anak din.  
\v 4 Iyan heini ngazan te menge anak din he maama he neetew ziyà: si Shamua, Shobab, Natan, Solomon,  
\v 5 Ibhar, Elishua, Elpelet,  
\v 6 Noga, Nefeg, Jafia,  
\v 7 Elishama, Beeliada, wey si Elifelet. 
\s1 Nezaag ni David is menge Filistihanen 
\r (2 Samuel 5:17-25) 
\p  
\v 8 Hein netuenan te menge Filistihanen he iyan si David nepilì he hadì te tivuuk he Israel, midtiǥum dan is langun he menge sundaru zan para te kedakep kandin. Piru netuenan ni David, ne midsinuǥung din nasì sikandan.  
\v 9 Dutun, midsurung te menge Filistihanen is Suǥud he Refaim.  
\v 10 Umbe, nenginginsà si David te Megbevayà, “Edsurungen dey ve is menge Filistihanen? Ibpezaag nu ve sikandan kenami?” Midtavak is \sc Nengazen\sc* diyà te kandin, “Uya, ǥenat kew en, su ibpezaag ku sikandan keniyu.”  
\v 11 Ne zutun midhendiyà si David wey is menge sakup din te Baal Perazim, ne zutun nezaag dan is menge Filistihanen. Migkaǥi si David te, “Migerà te Megbevayà is menge kuntada ku he henduen be te mibeyaan te zekelà he zalem, ne migamit e zin para meǥerè dan.” Umbe migngezanan haazà he lugar he Baal Perazim. 
\p  
\v 12 Ne mid-ewaan te menge Filistihanen is menge ed-ezapen dan dutun, ne insuǥù ni David he edtutungen haazà. 
\p  
\v 13 Mid-umanan surunga te menge Filistihanen is Suǥud he Refaim.  
\v 14 Ne mid-uman mebpenginginsà si David diyà te Megbevayà, ne midtavak is Megbevayà diyà te kandin te, “Kenè niw ǥègaani te edsurung, kekenà, linguti niw sikandan ne surunga niw ziyà te uvey te menge kayu he balsam.  
\v 15 Emun egkezineg niw he henduen te ebmartsa is menge sundaru ziyà te zapit te zivavew zutun te menge kayu he balsam, ne surunga niw en su iyan tuus heeyan he iyan a edhuna te kedsurung niw te menge Filistihanen.”  
\v 16 Umbe, midtuman ni David is insuǥù kandin te Megbevayà, ne nengepatey zan is menge Filistihanen puun te Gibeon pehendiyà te Gezer. 
\p  
\v 17 Ne tenged kayi nevantug si David diyà te minsan hendei ne mibpengelinteuwan te \sc Nengazen\sc* he mengehandek kandin is langun he menge nasyun. 
\c 15  
\s1 Mid-uwit is Kavan te Kebpekid-uyun 
\p  
\v 1 Mibpehitindeg si David te menge bilding para te keugelingen din diyà te Jerusalem he egngezanan te Inged ni David. Mibpevaal zaan sikandin te tulda para te Kavan te Kebpekid-uyun te Megbevayà. Ne impelastar zin diyà te lugar he in-andam din para kayi.  
\v 2 Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te \sc Nengazen\sc* he ibpeuwit te Kavan te \sc Nengazen\sc* wey ebpenilbi ziyà te etuvangan din taman te taman.” 
\p  
\v 3 Miburunburun ni David is langun he menge Israilihanen diyà te Jerusalem te ked-uwit duen te Kavan te \sc Nengazen\sc* diyà te lugar he inteǥana zin para kayi.  
\v 4 Impetawag din daan is menge memumuhat wey is menge Levihanen, he iyan heini kezakel zan: 
\p  
\v 5 Is ebpuun te menge kevuwazan ni Kora, 120, ne iyan pengulu zutun si Uriel. 
\p  
\v 6 Is ebpuun te menge kevuwazan ni Merari, 220, ne iyan pengulu zutun si Asaya. 
\p  
\v 7 Is ebpuun te kevuwazan ni Gershon, 130, ne iyan pengulu zutun si Joel. 
\p  
\v 8 Is ebpuun te kevuwazan ni Elizafan, 200, ne iyan pengulu zutun si Shemaya. 
\p  
\v 9 Is ebpuun te kevuwazan ni Hebron, 80, ne iyan pengulu zutun si Eliel. 
\p  
\v 10 Is ebpuun te kevuwazan ni Uziel, 112, ne iyan pengulu zutun si Aminadab. 
\p  
\v 11 Ne impetawag ni David si Zadok wey si Abiatar he menge memumuhat, wey is menge Levihanen he si Uriel, Asaya, Joel, Shemaya, Eliel, wey si Aminadab.  
\v 12 Migkeǥiyan din sikandan te, “Iyan kew menge pengulu te menge pemilya te menge kevuwazan ni Levi. Mebpekelumpiyu kew wey is menge iring niw he menge kevuwazan ni Levi, para egkeuwit niw kes Kavan te \sc Nengazen\sc* he Megbevayà te Israel, diyà te lugar he inteǥana ku para kayi.  
\v 13 Tenged te kenè kew iyan kes mid-uwit dutun te Kavan te Kebpekid-uyun te nehuna he timpu, midsilutan kiw te \sc Nengazen\sc* he Megbevayè tew tenged te kegkepauk din. Wazè kiw mebpenginginsà te \sc Nengazen\sc* ke ebmenmenuwen tew heini te ed-uwit te hustu he paaǥi.” 
\p  
\v 14 Ne zutun mibpekelumpiyu haazà is menge memumuhat wey kes menge Levihanen para meuwit dan kes Kavan te \sc Nengazen\sc* he Megbevayà te Israel.  
\v 15 Mibinting te menge Levihanen haazà is Kavan te Kebpekid-uyun te Megbevayà sumalà te insuǥù te \sc Nengazen\sc* ki Moises. 
\p  
\v 16 Midsuǥù ni David is menge pengulu te menge Levihanen te kebpilì te menge perekanta he ebpuun ded te iring dan he menge Levihanen, te kegkanta te menge kanta he ebpekelipey he eduyuǥan te menge lira, alpa, wey menge simbal.  
\v 17 Umbe, mibpilì te menge Levihanen si Heman he anak ni Joel, si Asaf he anak ni Berekia, wey si Etam he anak ni Kushaya he kevuwazan ni Merari.  
\v 18 Is mibpilì dan he ed-uǥup kandan ne iyan is menge kezuzumahi zan ded he iyan ensi Zacarias, Jaaziel, Shemiramot, Jehiel, Uni, Eliab, Benaya, Maasea, Matitia, Elifelehu, Miknea, wey is menge ebantey te ǥemawan te Tulda he iyan si Obed Edom wey si Jiel.  
\v 19 Is midseriǥan te kedtukar zutun te menge brunsi he simbal ne iyan si Heman, Asaf, wey si Etan.  
\v 20 Ne is midseriǥan te kedtukar te menge lira he ebpekezeǥingen iyan ensi Zacarias, Aziel, Shemiramot, Jehiel, Uni, Eliab, Maasea, wey si Benaya.  
\v 21 Ne is midseriǥan te kedtukar te menge alpa te menaney iyan ensi si Matitia, Elifelehu, Miknea, Obed Edom, Jiel, wey si Azazia.  
\v 22 Is midseriǥan he ebpengulu te kegkanta iyan si Kenania he pengulu te Levihanen, su metau sikandin he egkanta.  
\v 23 Ne is midseriǥan te kebantey zuen te Kavan te Kebpekid-uyun te \sc Nengazen\sc* ne iyan si Berekia wey si Elkana.  
\v 24 Ne is midseriǥan te kebpezaǥing te trumpita zutun te etuvangan te Kavan te Kebpekid-uyun te Megbevayà he menge memumuhat ne iyan ensi Shebania, Joshafat, Netanel, Amasai, Zacarias, Benaya, wey si Eliezer. Si Obed Edom wey si Jehia iyan daan ebantey zutun te Kavan te Kebpekid-uyun. 
\s1 Mid-uwit diyà te Jerusalem is Kavan te Kebpekid-uyun 
\r (2 Samuel 6:12-22) 
\p  
\v 25 Umbe, melipayen he midhendiyà si David wey is menge sineriǥan te Israel, wey is menge peremandar te menge linibu he menge sundaru diyà te valey ni Obed Edom te kegkuwa te Kavan te Kebpekid-uyun te \sc Nengazen\sc*.  
\v 26 Ne tenged te midtevangan te Megbevayà is menge Levihanen te ked-uwita zan dutun te Kavan te Kebpekid-uyun te \sc Nengazen\sc*, mibpemuhat dan te pitu he tudu he vaka wey pitu he kerehidu.  
\v 27 Ne si David wey is langun he menge Levihanen he mid-uwit dutun te Kavan te Kebpekid-uyun te \sc Nengazen\sc* wey is menge perekanta, wey si Kenania he iyan midseriǥan he ibpepengulu te kegkanta, mibivisti zan pudu te linu. Migkukumbalà daan si David te ipud he linu.  
\v 28 Umbe, mid-uwit te langun he menge Israilihanen kes Kavan te Kebpekid-uyun te \sc Nengazen\sc* duma is ked-ugyab, kebpezaǥing te menge trumpita, menge vudyung, wey menge simbal wey kedtukar te menge lira wey menge alpa. 
\p  
\v 29 Hein idseled dan en haazà is Kavan te Kebpekid-uyun te \sc Nengazen\sc* dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edsayew te kegkelipey zin, ne neepesan din. 
\c 16  
\p  
\v 1 Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te \sc Nengazen\sc* te menge pemuhat he edtutungen wey menge pemuhat he para te meupiya he kedepità.  
\v 2 Hein nepasad is kebpemuhat dan dutun, ne mibpenubtuvazan ni David is menge etew pinaaǥi te ngazan te \sc Nengazen\sc*.  
\v 3 Ne is kada sevaha he Israilihanen, maama wey vahi, ne mibeǥayan din te supas, usa, wey menge pasas. 
\p  
\v 4 Mibpilì dutun si David te menge Levihanen he ebpenilbi etuvangan dutun te Kavan te \sc Nengazen\sc* pinaaǥi te ked-ampù, te kebpeselamat, wey kedalig te \sc Nengazen\sc*, kes Megbevayà te Israel.  
\v 5 Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.  
\v 6 Ne is menge memumuhat he si Benaya wey si Jahaziel ne iyan tigpezaǥing layun te menge trumpita zutun te etuvangan te Kavan te Kebpekid-uyun te Megbevayà. 
\s1 Is Kanta ni David te Kebpeselamat 
\r (Menge Salmo 105:1-15; 96:1-13; 106:1, 47-48) 
\p  
\v 7 Haazà he andew te nehuna he timpu, imbeǥey ni David diyà te ki Asaf wey ziyà te zuma zin he menge Levihanen heini is kanta te kebpeselamat diyà te \sc Nengazen\sc*: 
\q1  
\v 8 Peselemati niw is \sc Nengazen\sc*; 
\q1 simbaha niw sikandin! 
\q1 Tudtula niw ziyà te menge etew is menge vaal zin. 
\q1  
\v 9 Kentahi niw sikandin te menge kedalig; 
\q1 ipenudtul niw is langun he egkein-inuwan he menge vaal zin. 
\q1  
\v 10 Deliǥa niw is kegkewaǥas din. 
\q1 Kelipey kew is midangep diyà te kandin. 
\q1  
\v 11 Sarig kew te \sc Nengazen\sc* wey te zesen din. 
\q1 Layun kew zangep diyà te kandin. 
\b  
\q1  
\v 12-13 Sikiyu is menge pinilì te Megbevayà wey menge kevuwazan ni Israel he suluǥuen te Megbevayà, he iyan si Jacob, 
\q1 tentenuzi niw is menge egkein-inuwan he menge vaal zin, wey is menge kedhukum din. 
\q1  
\v 14 Iyan sikandin kes \sc Nengazen\sc* he Megbevayè tew, 
\q1 ne edhukuman din is tivuuk he kelibutan. 
\q1  
\v 15 Edtentenuzan din layun is kebpekid-uyun din. 
\q1 Kenè din edlipatan is menge saad din taman te taman. 
\q1  
\v 16 Heini is kebpekid-uyun din, midhimu zin diyà te ki Abraham ne insaad din daan diyà te ki Isaac. 
\q1  
\v 17 Ne impelaus din heini he kebpekid-uyun din diyà te ki Jacob, he migngezanan daan ki Israel, 
\q1 ne heini is kebpekid-uyun din ebpedayun te taman te taman. 
\q1  
\v 18 Migkaǥi sikandin diyà te kada sevaha kandan te, 
\q1 “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.” 
\b  
\q1  
\v 19 Dengan deisey zà is menge etew te Megbevayà, 
\q1 ne menge lumelengyawè pa sikandan diyà te tanà he Canaan. 
\q1  
\v 20 Midhalinhalin sikandan diyà te menge nasyun wey menge ginhedian. 
\q1  
\v 21 Piru wazà medtuǥut is Megbevayà he edèdaaǥen sikandan. 
\q1 Para mepengelangi sikandan, midawey zin is menge hadì he ebpekigkuntada kandan. 
\q1 Migkaǥi sikandin te, 
\q1  
\v 22 “Kenè niw kevuta is menge pinilì ku he menge suluǥuen; 
\q1 kenè niw pesipelahi is menge ebpeneuven ku.” 
\b  
\q1  
\v 23 Sikiyu is menge etew te tivuuk he kelibutan, kentahi niw is \sc Nengazen\sc*. 
\q1 Tudtula niw kada andew is mehitenged te kedlibriya zin kenitew. 
\q1  
\v 24 Ipetueni niw ziyà te langun he menge etew ziyà te menge nasyun is kegkemekeǥeǥehem din wey is egkein-inuwan he menge vaal zin. 
\q1  
\v 25 Su mekeǥeǥehem is \sc Nengazen\sc*, ne ereg sikandin he edeliǥen. 
\q1 Dait sikandin he edtehuzen lavew te langun he zuma he menge ed-ezapen, 
\q1  
\v 26 su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, 
\q1 piru iyan is \sc Nengazen\sc* mibaal te langit. 
\q1  
\v 27 Diyà te kandin is kegkemekeǥeǥehem wey kegkelavew, 
\q1 ne is desen wey kelipey ne ziyà te ubpeey zin. 
\b  
\q1  
\v 28 Sikiyu is menge etew ziyà te menge nasyun, deliǥa niw is \sc Nengazen\sc*. 
\q1 Deliǥa niw is gehem din wey zesen din. 
\q1  
\v 29 Deliǥa niw is kegkemeǥeǥehem din, 
\q1 ne uwit kew te pemuhat diyà te etuvangan din. 
\q1 Azap kew kandin diyà te segradu he etuvangan din. 
\q1  
\v 30 Sikiyu is menge etew kayi te tivuuk he kelibutan, medtahud kew kandin diyà te etuvangan din. 
\q1 Melig-en is kedsevuka zin te kelibutan ne kenà heini egkewaleng. 
\q1  
\v 31 Medlipey is langit wey is kelibutan. 
\q1 Penudtula zan diyà te menge nasyun is “Midhadì is \sc Nengazen\sc*.” 
\q1  
\v 32 Mebpurung daan medlipey is menge zaǥat, menge vevesukà, wey is langun he netaǥù kayi. 
\q1  
\v 33 Is menge kayu ziyà te ketelunan megkanta te kelipey ziyà te etuvangan te \sc Nengazen\sc*. 
\q1 Su ebpekeuma sikandin is edhukum te menge etew kayi te kelibutan. 
\q1  
\v 34 Peselemati is \sc Nengazen\sc* te keupiya zin; 
\q1 wazà pidtemanan te gaǥew zin. 
\q1  
\v 35 Hangyù kew te, “Libriya key, Megbevayà he Menluluwas dey; 
\q1 geuza key puun te menge nasyun ne umana key tiǥuma ziyà te tanè dey, 
\q1 su para mekepeselamat key wey mekezalig key te kegkewaǥas nu. 
\q1  
\v 36 Edeliǥen is \sc Nengazen\sc* he Megbevayà te Israel te wazà pidtemanan.” 
\p Ne midtavak dutun is langun he menge etew zutun te, “Amen.” Ne midalig dan is \sc Nengazen\sc*. 
\p  
\v 37 Insarig ni David ki Asaf wey ziyà te menge iring din he Levihanen is kebpenilbi layun dutun te etuvangan te Kavan te Kebpekid-uyun te \sc Nengazen\sc*, sumalà te buluhaten dutun kada andew.  
\v 38 Ragkes daan kayi si Obed Edom he anak ni Jedutun, si Hosa, wey 68 pa he menge Levihanen, he iyan ebantey te ǥemawan te Tulda. 
\p  
\v 39 Insarig daan ni David ki Zadok he memumuhat wey te menge iring din he menge memumuhat is Tulda te \sc Nengazen\sc* diyà te metikang he lugar ziyà te Gibeon.  
\v 40 Iyan sikandan layun ebpemuhat te pemuhat he edtutungen dutun te pemuhatà maandew wey mezukilem, sumalà te langun he ingkesurat duen te kesuǥuan te \sc Nengazen\sc* he imbeǥey zin te Israel.  
\v 41 Duma zan daan dutun si Heman, si Jedutun, wey is duma he nepilì he egkanta, te kebpeselamati te \sc Nengazen\sc* tenged te gaǥew zin he wazà pidtemanan.  
\v 42 Ketengdanan ni Heman wey ni Jedutun is kebpezaǥing te menge trumpita, wey menge simbal, wey is duma pa he menge gamit he egemiten te kegkanta te menge kentahan para te \sc Nengazen\sc*. Is menge anak ni Jedutun iyan impevantey zutun te ǥemawan. 
\p  
\v 43 Ne nemen-ulì is langun diyà te menge valey zan, ne si David ne mid-ulì daan su mibpenuvazan din is pemilya zin. 
\c 17  
\s1 Is Saad te Megbevayà ki David 
\r (2 Samuel 7:1-17) 
\p  
\v 1 Hein diyè en med-ubpà si David te turuǥan din, ne migkeǥiyan din is ebpeneuven he si Natan te, “Kayi e en med-ubpà te utew mekempet he turuǥan he kayu he sidru is inhiman duen, piru haazà is Kavan te Kebpekid-uyun te \sc Nengazen\sc* ne ziyè dà te tulda.”  
\v 2 Midtavak si Natan diyà te ki David te, “Beeli nu is egkesuatan nu te ebaal, su is Megbevayà eduma kenikew.” 
\p  
\v 3 Piru te haazà he kezukileman mibpekidlalag is Megbevayà diyà te ki Natan,  
\v 4 “Genat ka, ne keǥiyi is suluǥuen ku he si David he iyan heini migkaǥi ku: ‘Kenè ka iyan ebpehitindeg te valey he ed-ubpaan ku.  
\v 5 Wazè e pa mekeubpà te valey he zutun a ed-ezapa is Megbevayà puun pa te timpu te kebpeǥewasa ku te menge Israilihanen puun te Ehipto taman guntaan. Nekehalinhalin ad is diyà ed-ubpà te tulda.  
\v 6 Te kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu he midsuǥù ku te ked-elima kandan te, maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’ ” 
\p  
\v 7 “Keǥiyi nu pa si David he iyan a, is \sc Nengazen\sc* he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.  
\v 8 Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.  
\v 9 Mibeǥayan ku en is menge etew ku he Israilihanen te ubpeey he pirmeninti, para zuen dan en keugelingen he ubpeey he wazè en ebpekesamuk kandan wey ebpekezaagdaag iring duen te nehuna,  
\v 10 puun pa te timpu te kedsevuki ku te menge pengulu te menge etew ku he Israilihanen. Edaaǥen ku is langun he menge kundata nu David. Iyan a, is \sc Nengazen\sc* egkaǥi kenikew he edhadì layun is sevaha te menge kevuwazan nu.  
\v 11 Emun ebpatey kad ne idleveng ka zuma te menge kepuun nu, ibpuli ku kenikew is sevaha te menge anak nu, ne edlig-enan ku is ginhedian din.  
\v 12 Iyan sikandin ebangun te valey para kedì, wey edsigureduwen ku he is menge kevuwazan din ebpekahadì taman te taman.  
\v 13 Ne iring a te amey zin, ne iring daan sikandin te anak ku. Kenà egkehalin is kebmahala ku kandin, kenà iring te mibeelan ku ki Saul he nepuliyan nu he hadì.  
\v 14 Iyan sikandin ibpezumala ku te menge keet-etawan ku wey ginhedian ku, ne is menge kevuwazan din ne edhadì te taman te taman.’ ” 
\p  
\v 15 Midtudtul ni Natan ki David is langun he impezayag te Megbevayà diyà te kandin. 
\s1 Is Ampù ni David 
\r (2 Samuel 7:18-29) 
\p  
\v 16 Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te \sc Nengazen\sc* ne mibpengemuyù te, “He \sc Nengazen\sc* he Megbevayà, hentei e ves wey is pemilya ku maan is midtuvazan a kenikew te iring kayi?  
\v 17 He Megbevayà, duen pa insaad nu he edtelinguma te pemilya ku. Midhimu a kenikew he utew dungganen he etew. He \sc Nengazen\sc* he Megbevayà,  
\v 18 wazè en egkekaǥi ku kayi te kebeǥayi nu kedì te zengeg. Su netuenan nu en man ke hentei a is suluǥuen nu.  
\v 19 He \sc Nengazen\sc*, tenged kedì te suluǥuen nu wey tenged te iyan egkesuatan nu, midhimu nu heini is dekelà he menge vaal ne impetuenan nu kediey.  
\v 20 Wazà iyan ebpekerepeng kenikew, \sc Nengazen\sc*, wey wazè en minsan hentei pa he Megbevayà gawas kenikew. Wazè dey nezineg he megbevayà he iring kenikew.  
\v 21 Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun pinaaǥi te menge keet-etawan nu he midluwas nu puun te Ehipto.  
\v 22 Midhimu nu is menge Israilihanen he keet-etawan nu te wazà pidtemanan, wey iyan ka, \sc Nengazen\sc* he Megbevayè dan.  
\v 23-24 Ne ǥuntaan, \sc Nengazen\sc*, tumana nu is menge saad nu kedì te suluǥuen nu wey te pemilya ku, para mehitavù heini, ne iyan ka mevantug te wazà pidtemanan. Ne egkaǥi is menge etew te, ‘Is \sc Nengazen\sc* he Mekeǥeǥehem iyan Megbevayà te Israel.’ Ne is kedhadì te pemilya ku ebpedayun taman te taman.  
\v 25 Duen ku kevurut te kebpengemuyù kayi ziyà te kenikew, tenged te impahayag nu kedì te suluǥuen nu he layun duen egkehimu he hadì he sevaha te menge kevuwazan ku. 
\p  
\v 26 “He \sc Nengazen\sc*, iyan ka kes tutuu he Megbevayà. Insaad nu heini is menge meupiya kedì te suluǥuen nu.  
\v 27 Ne ǥuntaan ingkelipey nu is kedtuvazi nu te pemilya ku para mekepedayun heini taman te wazà ketepusan diyà te etuvangan nu. Emun edtuvad ka \sc Nengazen\sc*, is kedtuvad nu wazà pidtemanan.” 
\c 18  
\s1 Is menge Kezeeǥan ni David 
\r (2 Samuel 8:1-18) 
\p  
\v 1 Hein huziyan he timpu nezaag ni David is menge Filistihanen, ne nesakup din en sikandan. Naaǥew zin diyà te kandan is Gat wey is menge lugar he nemekelingut kayi.  
\v 2 Nezaag daan ni David is menge Moabitanhen, wey midsakup din sikandan ne ebayad dan te vuhis diyà te kandin.  
\v 3 Nekidtebek daan si David ki Hadì Hadadezer he hadì te Zoba he uvey te Hamat, su si Hadadezer, edsekupen din pezem is tanà he uvey te Wahig he Eufrates.  
\v 4 Naaǥew eni David is 1,000 he menge kerwahi zan, 7,000 he ebpemen-untud te kerwahi wey 20,000 he menge sundaru. Mibpemiangan eni David haazà is menge kudà he eguyud te kerwahi gawas te 100 he insamè din su egemiten din.  
\v 5 Hein nemekeuma is menge tig-Aram he ziyà ebpuun te Damascus su edtavang ki Hadadezer, mibpenhimetayan eni David is 22,000 kandan.  
\v 6 Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te \sc Nengazen\sc*, minsan hendei sikandin ebpevayà is ebpekidtebek.  
\v 7 Migkuwa ni David is menge vulawan he menge kelasag te menge upisyal ni Hadadezer, ne mid-uwit din diyà te Jerusalem.  
\v 8 Migkuwa zin daan is mezakel he menge brunsi ziyà te Teba wey Cun, he menge sakup te inged ni Hadadezer. Heini he menge brunsi, ne migamit ni Solomon ne mibpeveelan din he teleǥuey te wahig he henduen be te kawà he egngezanan te Daǥat, wey menge tukud, wey menge gelemiten he brunsi he para egemiten duen te valey te \sc Nengazen\sc*. 
\p  
\v 9 Ne netuenan heini ni Hadì Tou he hadì te Hamat he nezaag ni David is langun he sundaru ni Hadì Hadadezer he hadì te Zoba.  
\v 10 Umbe, impehendiyè din is anak din he si Hadoram te ki Hadì David te kebpengemusta kandin wey kebeǥey kandin te zengeg tenged te kezeeǥan din ki Hadadezer te kebpekidtebek. (Heini si Tou wey si Hadadezer ne neuǥet en he telekuntada.) Mid-uwit si Hadoram te menge azen he vulawan, pelata, wey brunsi he igasa zin.  
\v 11 Inhalad heini ni Hadì David diyà te \sc Nengazen\sc*, iring ded te mid-ulaula zin te nengaaǥew zin he menge pelata, menge vulawan, diyà te zuma he menge nasyun he nengezaag din he iyan is: Edom, Moab, Ammon, Filistia wey Amalek. 
\p  
\v 12 Si Abishai he anak ni Zeruya nekepatey te 18,000 he menge Edomanhen diyà te menge suǥud he egngezanan te Timus.  
\v 13 Mibpevaal si David te menge kampu ziyà te Edom, ne nehimu he menge sakup din is langun he menge Edomanhen. Impezaag te \sc Nengazen\sc* si David minsan hendei sikandin ebpevayà is ebpekidtebek. 
\s1 Is menge Upisyal ni David 
\p  
\v 14 Nehimu he hadì si David te tivuuk he Israel, ne mibeelan din is metazeng wey hustu para te langun he menge etew zin.  
\v 15 Ne iyan pengulu te menge sundaru zin, si Joab he anak ni Zeruya. Ne iyan midseriǥan te menge libru te ginhedian din si Jehoshafat he anak ni Ahilud.  
\v 16 Is lavew he menge memumuhat ne iyan si Zadok he anak ni Ahitub wey si Ahimelec he anak ni Abiatar. Ne iyan sikritaryu si Shavsha.  
\v 17 Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan upisyal zin. 
\c 19  
\s1 Is Kedtebek Kuntra te menge Amunihanen wey menge Aramihanen 
\r (2 Samuel 10:1-19) 
\p  
\v 1 Dutun te huziyan he timpu, minatey si Nahash he hadì te menge Amunihanen. Ne is anak din he si Hanun iyan nekeilis kandin te kedhadì.  
\v 2 Migkaǥi si David te, “Ibpeehè ku ki Hanun is meupiya he kebpekidepitè ku kandin tenged te meupiya zaan is kebpekidepità te amey zin kedì.” Umbe impehendiyà ni David is menge upisyal para ibpeehè din is kebpekid-unung din te kelised ni Hanun dutun te kebpatey te amey zin. 
\p Piru hein nekeume en haazà is menge upisyal ni David diyà te ki Hanun diyà te tanà te menge Amunihanen,  
\v 3 migkaǥi is menge upisyal te menge Amunihanen diyà te ki Hanun te, “Kunaan nu vuwa ke egketenuzan ni David is amey nu kayi te kedsuǥù din te menge etew para ed-unung kenikew te kelised? Kenà, su iyan inhendini zan su para ibpepeniid kayi te kenitew he nasyun su wey kiw zin mezezeeti?” 
\p  
\v 4 Ne zutun impezakep ni Hanun is menge sakup ni David ne migkiskisan is menge sumpè dan. Impetavas din daan is menge kumbalè dan puun te hawak pehendiyà te dizalem ne human ipeulì sikandan.  
\v 5 Egkeeled dan he ed-ulì. Hein netuenan ni David is nehitavù te menge sakup din, ne midsuǥù sikandin te menge menunudtulà he ebpekeǥiyan haazà is menge sakup din te diyè dan dà dèpa te Jerico taman te ebmelayat haazà is menge sumpè dan, ne human dan med-ulì. 
\p  
\v 6 Neisip te menge Amunihanen he nererengitan si David dutun te mibeelan dan. Umbe mibayad dan te menge 35,000 he libu he kilu he pelata su id-erkila zan te menge kerwahi wey menge perekerwahi, he menge tig-Aram Naharaim, Aram Maaca, wey Zoba.  
\v 7 Is kezakel te menge kerwahi wey menge perekerwahi 32,000. Nekidsevaha zaan kandan is hadì te Maaca wey is menge sundaru zin. Diyà heini megkampu te uvey te Medeba. Migawas daan is menge Amunihanen puun te menge inged dan su ed-andam dan daan te kebpekidtebek.  
\v 8 Hein nezineg heini ni David, impehendiyè din si Joab wey is langun he menge sundaru he memevurut he ebpekidtebek.  
\v 9 Mibpelastar en is menge Amunihanen diyà te pultahan te inged dan para te kebpekidtebek, ne is menge hadì he edlavan kandan, ne mibpelastar en daan diyà te menge suǥud. 
\p  
\v 10 Hein naahà ni Joab haazà is menge kuntada zan diyà te egkesineruwan dan wey ziyà te egkeiniyuǥan dan, mibpilì din is utew menge metau he sundaru te Israel ne iyan en sikandin mibpengulu te kebpekidtebek te menge Aramihanen.  
\v 11 Ne is nesamà dutun he menge sundaru ne impepenguluwan din ki Abishai he suled din para te kebpekidtebek te menge Amunihanen.  
\v 12 Migkeǥiyan ni Joab si Abishai te, “Emun egkeerangan nu he egkezaag key te menge Aramihanen ne tevangi key keniyu, ne emun daan egkeerangan dey he egkezaag kew te menge Amunihanen edtevangan dey zaan sikiyu.  
\v 13 Ebpekezesen kiw! Ebpekevurut kiw he ebpekidtebek para te menge keet-etawan tew wey te menge inged te Megbevayè tew. Su ebeelan te \sc Nengazen\sc* ke hengkey is meupiya para kandin.” 
\p  
\v 14 Ne zutun midsurung en si Joab duma is menge sakup din, ne nekepelaǥuy is menge Aramihanen.  
\v 15 Hein naahà te menge Amunihanen he mibpemelaǥuy en is menge Aramihanen, mibpeleǥuyan dan daan si Abishai is suled ni Joab, ne nemeneled dan diyà te inged dan. Umbe nemen-ulì ensi Joab diyà te Jerusalem. 
\p  
\v 16 Hein naahà te menge Aramihanen he nezaag dan te menge Israilihanen, ne midsuǥù dan te ibpepenudtul te menge zuma zan he menge Aramihanen diyà te divaluy te wahig he Eufrates su ebpeuǥup dan. Nekeuma heini he grupu he iyan pengulu zan si Shofac he iyan peremandar te menge sundaru ni Hadadezer. 
\p  
\v 17 Hein netuenan haazà ni David, midtiǥum din is langun he menge sundaru te Israel para te kebpekidtebek. Ne midrapas dan te Wahig he Jordan ne mibpelastar zan he ed-etuvang te menge Aramihanen, ne zutun midtebek en sikandan.  
\v 18 Piru nepeleǥuyan te menge Aramihanen is menge Israilihanen. Ne 7,000 he ebpemen-untud te kerwahi is nengepatey eni David wey 40,000 he menge sundaru he ebpemenhipanew zà. Nepatey zan daan si Shofac is peremandar te menge sundaru.  
\v 19 Hein naahà ni Hadadezer he nezaag en sikandan te menge Israilihanen, ne nekid-emiǥu zan ki David, ne mibpesakup dan kandin. Umbe puun dutun ne kenè en ed-uǥup is menge Aramihanen te menge Amunihanen. 
\c 20  
\s1 Naaǥew is Raba 
\r (2 Samuel 12:26-31) 
\p  
\v 1 Neuma is timpu he iyan tinghipanew te menge hadì te kebpekidtebek, ne iyan nengegalen si Joab te menge sundaru te Israel te kebpekidtebek dan. Si David mulà ne mibpelintetaǥak dà diyà te Jerusalem. Mezeeǥen he midsurung ensi Joab diyà te tanà te menge Amunihanen. Ne midlingutan dan is Raba ne nezaag dan heini.  
\v 2 Ne midhendiyà si David te Raba, ne migkuwa zin kes bulawan he inkuruna te ulu te hadì te menge Amunihanen ne insuup te ulu zin. Ne is keveǥat kayi he kuruna ne menge 35 he kilu ne zuen kayi mahalen he menge vatu. Utew mezakel he menge azen is nengekuwa ni David dutun he inged.  
\v 3 Mid-uripen din is menge meǥinged kayi ne impemeterebahu zin he egamit te menge ǥavas, piku, wey wasey. Iyan heini mibeelan ni David dutun te menge meǥinged te langun he inged te menge Amunihanen. Ne mid-ulì si David wey is langun he menge sundaru zin diyà te Jerusalem. 
\s1 Is Tebek Kuntra te menge Filistihanen 
\r (2 Samuel 21:15-22) 
\p  
\v 4 Ne kegkeipus dutun, mid-uman en maan medtebek is menge Filistihanen wey menge Israilihanen, ne ziyà heini meulaula te Gezer. Kayi he tebek ne nepatey ni Sibecai he tig-Husha si Sipai he sevaha te menge kevuwazan te menge Ripanhen. Ne nezaag is menge Filistihanen.  
\v 5 Diyà te sevaha pa he tebek dan ne nepatey ni Elhanan he anak ni Jair si Lami he suled ni Goliat he tig-Gat. Is bangkew ni Lami ne meveǥat wey mekepal. 
\p  
\v 6 Mid-uman en maan medtebek is menge Filistihanen wey menge Israilihanen; diyà heini meulaula te Gat. Kayi he tebek, duen etew he utew zekelà, he tig-heenem is kemer te kada velad wey paa zin. Sevaha zaan sikandin he menge kevuwazan te menge Rafa.  
\v 7 Hein mid-undaunda zin is menge Israilihanen, ne midhimetayan sikandin ni Jonatan he anak te suled ni David he si Simea. 
\p  
\v 8 Haazà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din. 
\c 21  
\s1 Impenlista ni David is menge Sundaru Zin 
\r (2 Samuel 24:1-25) 
\p  
\v 1 Migkuntada ni Setanas is Israel, umbe kandin he ketau he mesinsus ni David is menge Israilihanen.  
\v 2 Ne migkeǥiyan ni David si Joab wey is menge peremandar te menge sundaru te, “Hipanew kew, wey niw vilanga is menge Israilihanen puun te Beersheba taman te Dan. Ne likù kew kayi su wey ku metueni ke pira sikandan langun.” 
\p  
\v 3 Piru midtavak si Joab te, “Berakat he ipemezakel te \sc Nengazen\sc* heini is keet-etawan nu te 100 he takep. Piru, Mahal he Hadì, maan is egkesuatan nu te ebaal heini? Kenè be menge sakup nu man sikandan? Ne, maan is ed-uuwiten nu sikandan te salà he ebeelan nu?” 
\p  
\v 4 Piru iyan netuman is ki David dutun, umbe mid-elibet ni Joab is tivuuk he Israel, ne midlikù diyà te Jerusalem.  
\v 5 Ne midtudtul zin ki David is kezakel te menge maama he egkehimu en he ebpekidtebek: 1,100,000 is diyà te Israel ne 470,000 is diyà te Juda.  
\v 6 Piru wazè pa iapil ni Joab te kebilang is tribu ni Levi wey ki Benjamin su wazè din mesuati is suǥù te hadì.  
\v 7 Wazà daan mesuat is Megbevayà te heini he suǥù ni David, umbe midsilutan din is Israel.  
\v 8 Ne migkeǥiyan ni David is Megbevayà te, “Nekesalà a kayi te mibeelan ku. Umbe ebpehizuhizu a kenikew, \sc Nengazen\sc*, he peseyluwa a kenikew is suluǥuen nu te salè ku, su kelelalung is mibeelan ku.” 
\p  
\v 9 Migkeǥiyan te \sc Nengazen\sc* si Gad he menenagnà ni David te,  
\v 10 “Hendiyè ka te ki David ne ipepilì nu sikandin ke hendei zapit kayi te tetelu is egkesuatan din he idsilut ku kandin.”  
\v 11 Ne midhendiyà si Gad te ki David ne migkeǥiyan din te, “Hendei kayi is egkesuatan nu:  
\v 12 Tetelu he tuig he vitil, tetelu he vulan he kedèdeeti keniyu te menge kuntada niw, etawa tetelu he andew he pigada he ebpuun te \sc Nengazen\sc* pinaaǥi te kedsuruy te velinsuǥuen te \sc Nengazen\sc* he ebpendezaat diyà te tivuuk he tanà te Israel. Pilì ka wey keǥiya nu kedì ke hengkey is idtavak ku te \sc Nengazen\sc* he midsuǥù kedì.” 
\p  
\v 13 Midtavak si David diyà te ki Gad te, “Egkereǥenan a utew te kebpilì. Deyzey pa ke iyan en is \sc Nengazen\sc* edsilut kediey ne kenà iyan is etew su hihizuwen utew is \sc Nengazen\sc*.”  
\v 14 Umbe, mibpaaǥi is \sc Nengazen\sc* te kezeetan diyà te Israel, ne 70,000 he menge Israilihanen is mibpematey.  
\v 15 Ne midsuǥù daan is Megbevayà te velinsuǥuen diyà te Jerusalem para te kebpendezaat, piru zutun te kemulu en heini ebpendezaat nahalin is isip te \sc Nengazen\sc*. Ne migkeǥiyan din haazà is belinsuǥuen he ebpendezaat te menge etew te, “Hustu en! Kenè nu en sikandan siluti.” Haazà he timpu ne diyà medhitindeg haazà is belinsuǥuen te \sc Nengazen\sc* te gunasà ni Arauna he Jebusihanen. 
\p  
\v 16 Midlingahà si David ne neehè din is belinsuǥuen te \sc Nengazen\sc* he midhitendeg diyà te hewhewanan, he teliwazà te langit wey tanà he egawed te lembitan he ebpeketezù diyà te Jerusalem. Ne midluhud si David wey haazà is menge ebpemendumala te Israel, he mibpengukumbalà te saku he tuus te kedlalew zan.  
\v 17 Migkeǥiyan ni David is Megbevayà te, “Iyan a midsuǥù he ibpepenlista is menge etew. Iyan a nekesalà. Heini he menge etew ne wazè dan peleng he iring te menge kerehidu. Wazè dan neveelan he salà. He \sc Nengazen\sc* he Megbevayè ku, iyan e en siluti wey is pemilya ku. Kenè nu ipaantus heini is keet-etawan nu kayi te kemereǥenan.” 
\p  
\v 18 Ne midsuǥù te velinsuǥuen te \sc Nengazen\sc* si Gad he keǥiyi zin si David he medtekezeg diyà te gunasà ni Arauna he Jebusihanen ne mebaal sikandin dutun te pemuhatà para te \sc Nengazen\sc*.  
\v 19 Ne midtekezeg si David sumalà is insuǥù kandin te \sc Nengazen\sc* pinaaǥi ki Gad. 
\p  
\v 20 Haazà he timpu, ne egunas si Arauna wey heepat he menge anak din he menge maama te trigu. Ne hein neehè dan haazà is belinsuǥuen te \sc Nengazen\sc* nemelaǥuy wey nemen-eles haazà is heepat he menge anak ni Arauna.  
\v 21 Ne naahà ni Arauna he ebpelingguma si David. Ne mid-awà sikandin dutun te gunasà ne midluhud diyà te etuvangan ni David he tuus te midtahud din sikandin.  
\v 22 Migkeǥiyan ni David sikandin te, “Ivelegyè nu kedì heini is gunasè nu para ebpehitindeǥan ku te pemuhatà para te \sc Nengazen\sc*, wey meengked en is kedlimasa te menge etew. Ebeyazan ku sikew ke pira is bali kayi.” 
\p  
\v 23 Migkaǥi si Arauna ziyà te ki David te, “Uya, kuwaa nud, Mahal he Hadì. Beeli nu ke hengkey is meupiya para kenikew. Ebeǥayan ku pa sikew te vaka para te ibpemuhat nu he pemuhat he edtutungen, menge kangga he egemiten te eǥunas he para idtavun, wey trigu he pemuhat he para gasa. Uya, ibeǥey ku heini langun kenikew he wazà bayad.” 
\p  
\v 24 Piru midtavak si Hadì David ki Arauna, “Kenè ku heini edewaten he wazà bayad. Ebeyazan ku sikew ke pira is bali kayi. Kenè ku egkehimu he egkuwaan ku zà heini ziyà te kenikew he idhalad diyà te \sc Nengazen\sc*. Kenà a ebpemuhat te pemuhat he edtutungen he wazà bali kayi te kedì.”  
\v 25 Umbe, mibeyazan ni David si Arauna te 600 he vuuk he vulawan he para zutun he lugar.  
\v 26 Ne mibaal sikandin dutun te pemuhatà para te \sc Nengazen\sc* ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne mid-ampù sikandin. Ne midtavak sikandin te \sc Nengazen\sc* pinaaǥi te kebpevulus te hapuy he ebpuun te langit te kedtutung dutun te menge pemuhat dutun te pemuhatà.  
\v 27 Ne migkeǥiyan te \sc Nengazen\sc* haazà is belinsuǥuen te ilikù din en haazà is lembitan din dutun te gumè din. 
\p  
\v 28 Hein naahà ni David he midtavak te \sc Nengazen\sc* is menge ked-ampù din, ne mid-uman pa sikandin mebpemuhat te menge pemuhat diyà te gunasà ni Arauna he Jebusihanen.  
\v 29 Haazà he timpu, kes Tulda te \sc Nengazen\sc* wey kes pemuhatà para te menge pemuhat he edtutungen he mibpeveelan ni Moises diyà te sibsivayan ne ziyà te metikang he lugar te Gibeon.  
\v 30 Piru kenà ebpekehendiyà si David te kebpenginginsà te Megbevayà, su nahandek sikandin dutun te lembitan te velinsuǥuen te \sc Nengazen\sc*. 
\c 22  
\s1 Is Kebpengandam para te Kebangun te Baley te \sc Nengazen\sc* 
\p  
\v 1 Ne migkaǥi si David te, “Kayi he lugar edtukuza is baley te \sc Nengazen\sc* he Megbevayà wey pemuhatà para te menge ibpemuhat te menge Israilihanen he edtutungen.” 
\p  
\v 2 Midsuǥù si David he meburunburun is kenà menge Israilihanen he zutun med-ubpà te Israel, ne mibpilì sikandin dutun te kandan te metau he ebasbas te menge vatu para te valey te Megbevayà.  
\v 3 Mibeǥey si David te utew mezakel he menge putew he ebeelan he menge ransang wey menge bisagra para te menge ǥemawan, wey mezakel he menge brunsi he kenè en egketimbang tenged te keveǥat din.  
\v 4 Mibeǥey zaan sikandin te menge kayu he sidru he kenè en egkevilang tenged te kezakel zin. Heini he menge kayu, ne mid-uwit te menge tig-Sidon wey menge tig-Tyre ziyà te kandin.  
\v 5 Migkaǥi si David te, “Betan-en pa is anak ku he si Solomon ne wazè din pa utew hanew. Kinahanglan he mekempet wey egkevantug kayi te tivuuk he kelibutan is edtukuzen he valey te \sc Nengazen\sc*. Umbe edteǥenahan ku heini ǥuntaan.” Umbe mibpurungan heini pengendami ni David hein wazè pa sikandin mebpatey. 
\p  
\v 6 Ne impetawag ni David sikan is anak din he si Solomon, ne midsuǥù din te kabangun te valey te \sc Nengazen\sc* he Megbevayà te Israel.  
\v 7 Migkeǥiyan ni David si Solomon te, “He mama, egkesuatan ku pezem he edtukud te valey te \sc Nengazen\sc* para te kegkeveyawa te ngazan te \sc Nengazen\sc* he iyan Megbevayè ku.  
\v 8 Piru iyan heini migkaǥi zin kedì: ‘Utew mezakel he menge etew is nengepatey nu te memeinit he neseǥazan nu he kebpekidtebek. Umbe kenè ka iyan edtukud te valey para te kegkeveyawa te ngazan ku.  
\v 9 Piru ebeǥayan ku sikew te anak he maama he edhadì he melinawen su kenà sikandin edsemuken te langun he menge kuntada zin he nekelingut kandin. Iyan ngazan din si Solomon, su ebeǥayan ku te kelinew is Israel dutun te kedhadì din.  
\v 10 Iyan sikandin edtukud dutun te valey ku para te kegkeveyawa te ngazan ku. Edhimuwen ku sikandin he anak ku, ne egkehimu a zaan he amey zin. Ne is menge kevuwazan din ne egkehimu he hadì te Israel te wazè en pidtemanan.’ 
\p  
\v 11 “Umbe mama, berakat he iyan is \sc Nengazen\sc* eduma kenikew wey mebmelempusen ka te kedtukuza nu te valey te \sc Nengazen\sc* he Megbevayè nu, sumalà te migkaǥi zin he ebeelan nu.  
\v 12 Berakat he veǥayi ka te \sc Nengazen\sc* he Megbevayè nu te ketau wey kedsavut wey nu meveeli is menge kesuǥuan din te timpu he iyan ke zin en ibpezumala te tivuuk he Israel.  
\v 13 Ne emun egkepurung nu egketuman is menge suǥù wey menge sulunuzen he imbeǥey zin te Israel pinaaǥi ki Moises, ne ebmelempusen ka. Umbe mebpekelig-en ka wey mebpekevurut ka. Kenè ka mahandek wey mebpenluyaluya.  
\v 14 Midheǥuan ku is kedteǥana te menge egkeǥamit kayi te kedtukuza te valey te \sc Nengazen\sc*–3,500 he tunilada he vulawan, 35,000 he tunilada he pelata, wey mezakel pa he menge brunsi wey menge putew he kenè en egketimbang tenged te keveǥat dan. Midteǥana a zaan te menge kayu wey menge vatu, piru kinahanglan he umani nu pa heini.  
\v 15 Mezakel is egkekuwa nu he ibpemeterebahu nu: duen ebpemasbas te vatu, menge tigsimintu, menge pandey, wey mezakel pa he menge etew he zuen menge netuenan te minsan hengkey he kedterebehuwa,  
\v 16 te vulawan, pelata, brunsi, wey putew. Umbe ǥuntaan, puun ke en peterebahu ne verakat he zumahi ke te \sc Nengazen\sc*.” 
\p  
\v 17 Ne zutun migkeǥiyan ni David is langun he menge pengulu te Israel he uǥupi zan si Solomon he anak din.  
\v 18 Migkaǥi sikandin diyà te kandan te, “Iyan duma niw is \sc Nengazen\sc* he Megbevayè niw wey mibeǥayan kew zin te kelinew su wazè kew mekepekidtebek te nekeliǥuy keniyu he menge etew. Su imbeǥey zin kedì is langun he ed-ubpà kayi he tanà, ne ǥuntaan ne iyan en teǥiǥaked kayi is \sc Nengazen\sc*, ne nesakup tew en heini te keet-etawan din.  
\v 19 Umbe ǥuntaan, uvey kew te \sc Nengazen\sc* he iyan Megbevayè niw te tivuuk he ǥehinawa wey kedsavut niw. Puuni niw en is kedtukuza te valey te \sc Nengazen\sc* he Megbevayà para ikesavuk niw en dutun kes Kavan te Kebpekid-uyun te \sc Nengazen\sc* wey kes menge segradu he menge gelemiten te Megbevayà keniyan te valey te \sc Nengazen\sc* he midtukud para te kegkeveyawa te ngazan din.” 
\c 23  
\s1 Is menge Baal te menge Levihanen 
\p  
\v 1 Hein meǥurang en si David, midhimu zin he hadì is anak din he si Solomon.  
\v 2 Miburunburun din is langun he menge pengulu te Israel, ragkes is menge memumuhat wey is menge Levihanen.  
\v 3 Mibilang is menge Levihanen he ebpenuiǥen te 30 pehendiyà te metikang, ne is kezakel zan ne 38,000.  
\v 4 Migkaǥi si David te, “Is 24,000 kandan ne iyan edseriǥan te menge ebeelan dutun te valey te \sc Nengazen\sc*, ne is 6,000 ne iyan menge upisyal wey menge menhuhusey.  
\v 5 Is 4,000 ne iyan ebantey te menge ǥemawan te valey te \sc Nengazen\sc*, ne is 4,000 pa ne iyan sikandan tigdalig te \sc Nengazen\sc* pinaaǥi te menge gelemiten te kedtukar he mibpeveelan ku para te heini he vuluhaten.”  
\v 6 Mibahin ni David te tetelu he grupu haazà is menge Levihanen sumalà is menge kepuun te menge anak ni Levi he si Gershon, Kohat, wey si Merari. 
\s1 Is menge Kevuwazan ni Gershon 
\p  
\v 7 Is menge anak ni Gershon ne iyan si Ladan wey si Simei.  
\v 8 Si Ladan ne zuen tetelu he anak din he menge maama he iyan si Jehiel he iyan lavew he pengulu te pemilya zan, is sunud ne si Zetam wey si Joel.  
\v 9 Iyan heini sikandan menge pengulu te menge pemilya ni Ladan. 
\p Si Shimei ne tetelu zaan is anak din he menge maama he iyan si Shelomot, Haziel, wey si Haran.  
\v 10-11 Duen huziyan he heepat he anak ni Shimei he menge maama: si Jahat is lavew he pengulu te pemilya zan, is ikezuwa si Zina, sunud si Jeush wey si Beria. Deisey zà is menge anak ni Jeush wey ni Beria, umbe is ked-isipa kandan, ne senge pemilya zan dà. 
\s1 Is menge Kevuwazan ni Kohat 
\p  
\v 12 Si Kohat ne zuen heepat he anak din he menge maama he iyan si Amram, Izhar, Hebron, wey si Uziel.  
\v 13 Is menge anak ni Amram he menge maama, ne iyan si Aaron wey si Moises. Insivey si Aaron wey is menge kevuwazan din he para te kebpehinungud te menge segradu he menge vutang, te kebpemuhat te menge pemuhat diyà te \sc Nengazen\sc*, te kebpenilbi kandin, wey kebpenuvadtuvad te menge etew pinaaǥi te ngazan te \sc Nengazen\sc*. Iyan heini ketengdanan dan taman en te taman.  
\v 14 Is menge maama he anak ni Moises te suluǥuen te Megbevayà neragkes dutun te menge Levihanen.  
\v 15 Is menge anak din he maama he si Gershon wey si Eliezer.  
\v 16 Is sevaha zutun te menge anak ni Gershon, ne si Shebuel he lavew he pengulu te pemilya zan.  
\v 17 Si Eliezer, sevaha zà is anak din he maama he si Rehabia he iyan lavew he pengulu te pemilya zan. Utew mezakel is menge kevuwazan ni Rehabia. 
\p  
\v 18 Is sevaha te menge anak ni Izhar, ne iyan si Shelomit he iyan lavew he pengulu te pemilya zan. 
\p  
\v 19 Is menge anak ni Hebron he menge maama, ne iyan si Jeria (is lavew he pengulu te pemilya zan), si Amaria is ikezuwa, si Jahaziel is iketulu, ne si Jekameam is ikeepat. 
\p  
\v 20 Is menge anak ni Uziel he menge maama, ne iyan si Micas, is lavew he pengulu te pemilya zan, ne ikezuwa si Ishia. 
\s1 Is menge Kevuwazan ni Merari 
\p  
\v 21 Is menge anak ni Meron he menge maama, ne iyan si Mali wey si Mushi. Is menge anak ni Mali he menge maama ne si Eleazar wey si Kish.  
\v 22 Minatey si Eleazar he wazè en mekeanak te maama, menge vahi zà. Iyan heini sikandan mid-esawa te menge id-aǥew zan he menge anak ni Kish. 
\p  
\v 23 Si Mushi ne tetelu is anak din he menge maama he iyan si Mali, si Eder, wey si Jeremot. 
\p  
\v 24 Iyan heini menge kevuwazan ni Levi sumalà te menge pengulu ziyà te pemilya zan. Nelista is menge ngazan te kada sevaha kandan. Iyan dà neragkes dutun is ed-idad te 20 pehendiyà te metikang he ebpekepenilbi zuen te valey te \sc Nengazen\sc*.  
\v 25 Migkaǥi si David te, “Mibeǥayan kiw te \sc Nengazen\sc* he Megbevayà te Israel, te kelinew ne ziyà sikandin ed-ubpà te Jerusalem taman te wazà pidtemanan.  
\v 26 Umbe, kenè en kinahanglan he ed-uwiten pa te menge Levihanen sikan is Tulda he Ed-ezapan wey is menge ǥelemiten dutun.” 
\p  
\v 27 Sumalà te ketepusan he suǥù ni David, is langun he menge Levihanen he ebpenuiǥen te 20 he tuig pehendiyà te metikang ne inlista para te kebpenilbi.  
\v 28 Is ketengdanan te menge Levihanen ne iyan is ked-uǥup te menge memumuhat he menge kevuwazan ni Aaron para edterebahu zutun te valey te \sc Nengazen\sc*. Iyan sikandan ed-etiman te lama zuen te valey te \sc Nengazen\sc* wey te menge ruǥu ziyà te menge kilid, wey sikandan daan is ed-uǥup te menge tulumanen te kebpenlumpiyu wey te zuma pa he menge vuluhaten dutun te valey te Megbevayà.  
\v 29 Iyan daan sikandan midseriǥan duen te segradu he supas he idsavuk diyà te lemisahan, te herina he para te menge pemuhat he para gasa, te supas he wazè din tapey, wey te zuma pa he edhilutuen wey ibpedsesahug. Iyan daan sikandan midseriǥan te kedtimbang wey kedtakes te langun he menge pemuhat.  
\v 30 Ketengdanan dan daan is kedhitindeg dutun te valey te \sc Nengazen\sc* te kebpeselamat wey kedalig te \sc Nengazen\sc* kada meselem wey kada mezukilem.  
\v 31 Sikandan daan is ed-uǥup te ebpemuhat te pemuhat he edtutungen para te \sc Nengazen\sc* te menge Andew te Kedhimeley, te Pista te Kebpuun te Hayag, wey te zuma pa he menge pista. Duen menge sulunuzen ke pira te menge Levihanen is edterebahu kayi he menge vuluhaten wey ke ebmenmenuwen dan te ebaal. 
\p  
\v 32 Umbe, midhimu te menge Levihanen is ketengdanan dan te ked-etiman duen te Tulda he Edtelevukaayan wey zuen te Segradu he Lugar, wey te ked-uǥup te menge kezuzumahi zan he menge memumuhat he kevuwazan ni Aaron te kebpenilbi zutun te valey te \sc Nengazen\sc*. 
\c 24  
\s1 Is menge Vuluhaten te menge Memumuhat 
\p  
\v 1 Iyan heini menge grupu te menge kevuwazan ni Aaron: 
\p Is menge anak ni Aaron he menge maama, ne iyan si Nadab, Abihu, Eleazar, wey si Itamar.  
\v 2 Piru iyan nehuna he minatey si Nadab wey si Abihu kenà is amey zan, ne wazè dan en med-anak; umbe iyan dà si Eleazar wey si Itamar nekepenilbi pinaaǥi te kegkememumuhat.  
\v 3 Pinaaǥi te tavang ni Zadok he kevuwazan ni Eleazar, wey ni Ahimelec he kevuwazan ni Itamar, ne migrupu ni Hadì David is menge kevuwazan ni Aaron sumalà te menge ketengdanan dan.  
\v 4 Is menge kevuwazan ni Eleazar mibahin te 16 he grupu, ne is kevuwazan ni Itamar mibahin daan te walu he grupu, su mezakel is menge pengulu te pemilya te menge kevuwazan ni Eleazar.  
\v 5 Is langun he menge vuluhaten ne mibahin dutun te menge grupu ne midripa zan su para wazà mevintahai, su zuen menge upisyal zutun te valey te \sc Nengazen\sc* he ebpenilbi te Megbevayà he ebpuun te menge kevuwazan ni Eleazar wey te menge kevuwazan ni Itamar. 
\p  
\v 6 Si Shemaya he anak ni Netanel he Levihanen ne iyan sikritaryu. Inlista zin is menge ngazan te menge memumuhat dutun te etuvangan te hadì wey te menge upisyal he si Zadok he memumuhat, si Ahimelec he anak ni Abiatar, wey te menge pengulu te menge pemilya te menge memumuhat wey menge Levihanen. Mibpulipuli he edripa is menge kevuwazan ni Eleazer wey ni Itamar. 
\li1  
\v 7 Is nehuna he neripahan ne iyan si Jehoyarib, 
\li1 is ikezuwa ne si Jedaya, 
\li1  
\v 8 is iketelu ne si Harim, 
\li1 is ikeepat ne si Seorim, 
\li1  
\v 9 is ikelima ne si Malkia, 
\li1 is ikeenem ne si Miamin, 
\li1  
\v 10 is ikepitu ne si Hakoz, 
\li1 is ikewalu ne si Abia, 
\li1  
\v 11 is ikesiyam ne si Jeshua, 
\li1 is ikesepulù ne si Shecania, 
\li1  
\v 12 is ike-11 ne si Eliashib, 
\li1 is ike-12 ne si Jakim, 
\li1  
\v 13 is ike-13 ne si Hupa, 
\li1 is ike-14 ne si Jeshebeab 
\li1  
\v 14 is ike-15 ne si Bilga, 
\li1 is ike-16 ne si Imer, 
\li1  
\v 15 is ike-17 ne si Hezir, 
\li1 is ike-18 ne si Hapizez, 
\li1  
\v 16 is ike-19 ne si Petahia, 
\li1 is ike-20 ne si Jehezkel, 
\li1  
\v 17 is ike-21 ne si Jakin, 
\li1 is ike-22 ne si Gamul, 
\li1  
\v 18 is ike-23 ne si Delaya, 
\li1 ne is ike-24 ne si Maazia. 
\p  
\v 19 Iyan heini sikandan mibaal te menge ketengdanan dan dutun te valey te \sc Nengazen\sc* sumalà te menge sulunuzen he ebpuun te \sc Nengazen\sc* he Megbevayà te Israel he imbeǥey kandan te kepuun dan he si Aaron. 
\s1 Is menge Pengulu te Pemilya te menge Levihanen 
\p  
\v 20 Iyan heini menge pengulu te zuma he pemilya te menge kevuwazan ni Levi: 
\li1 Is ebpuun te menge kevuwazan ni Amram: si Shebuel. 
\li1 Is ebpuun te menge kevuwazan ni Shebuel: si Jedea. 
\li1  
\v 21 Is ebpuun te menge kevuwazan ni Rehabia: si Ishia, is lavew he pengulu te pemilya zan. 
\li1  
\v 22 Is ebpuun te menge kevuwazan ni Izhar: si Shelomot. 
\li1 Is ebpuun te menge kevuwazan ni Shelomot: si Jahat. 
\li1  
\v 23 Is ebpuun te menge kevuwazan ni Hebron: si Jeria is lavew he pengulu te pemilya zan, si Amaria is ikezuwa, si Jahaziel is eketelu, ne si Jekameam is ikeepat. 
\li1  
\v 24 Is ebpuun te menge kevuwazan ni Uziel: si Micas. 
\li1 Is ebpuun te menge kevuwazan ni Micas: si Shamir, 
\li1  
\v 25 Is ebpuun te menge kevuwazan ni Ishia he suled ni Micas: si Zacarias. 
\li1  
\v 26 Is ebpuun te menge kevuwazan ni Merari: si Mali wey si Mushi. 
\li1 Is ebpuun te menge kevuwazan ni Jaazia: si Beno. 
\li1  
\v 27 Is ebpuun te menge kevuwazan ni Merari pinaaǥi ki Jaazia: si Beno, Sholam, Zacur, wey si Ibri. 
\li1  
\v 28 Is ebpuun te menge kevuwazan ni Mali: Si Eleazar, he wazè din menge anak he menge maama. 
\li1  
\v 29 Is ebpuun te menge kevuwazan ni Kish: si Jerameel. 
\li1  
\v 30 Is ebpuun te menge kevuwazan ni Mushi: si Mali, Eder, wey si Jerimot. 
\p Iyan heini menge Levihanen sumalà te kandan he menge pemilya.  
\v 31 Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen. 
\c 25  
\s1 Is menge Musikiru 
\p  
\v 1 Mibpilì si David wey is menge peremandar te menge sundaru te menge etew he ebpuun te menge anak ni Asaf, Heman, wey ki Jedutun. Iyan impilìa kandan su wey zan meseysey is lalag te Megbevayà he eduyuǥan te menge alpa, lira, wey menge simbal. Iyan heini menge ngazan dan he impenurat wey is menge terebahu zan: 
\p  
\v 2 Is ebpuun te menge anak ni Asaf he menge maama: si Zacur, Jose, Netania, wey si Asarela. Midterebahu zan he zizalem te kedumala te amey zan he si Asaf. Idseysey ni Asaf is lalag te Megbevayà emun edsuǥù is hadì. 
\p  
\v 3 Is ebpuun te menge anak ni Jedutun he menge maama: si Gedalia, Zeri, Jeshaya, Shimei, Hashabia, wey si Matitia, heenem dan langun. Midterebahu zan he zizalem te kedumala te amey zan he si Jedutun. Edseysey sikandan te lalag te Megbevayà he eduyuǥan te alpa, he edumahan te kebpeselamat wey kedalig te \sc Nengazen\sc*. 
\p  
\v 4 Is ebpuun te menge anak ni Heman he menge maama: si Bukia, Matania, Uziel, Shebuel, Jerimot, Hanania, Hanani, Eliata, Gidalti, Romanti Ezer, Joshbekasha, Maloti, Hotir, wey Mahaziot.  
\v 5 Iyan heini langun menge anak ni Heman he menenagnà te hadì. Mibeǥayan sikandin te Megbevayà te zengeg pinaaǥi te kebeǥayi kandin te 14 he menge anak he menge maama wey tetelu he menge vahi, sumalà is saad te Megbevayà diyà te kandin. 
\p  
\v 6 Heini sikandan he menge maama, ne dizalem sikandan te kedumala te amey zan te kedtukar te menge simbal, lira wey alpa te kebpenilbi zan dutun te valey te Megbevayà. Si Asaf, Jedutun, wey si Heman ne zizalem te kedumala te hadì.  
\v 7 Sikandan wey is menge kezuzumahi zan, he 288 langun, memetau utew sikandan he musikiru para te \sc Nengazen\sc*.  
\v 8 Midripa zan para metueni te kada sevaha kandan is terebahu zin, menge vetan-en man etawa menge meǥurang en, menunudlù man etawa ke ebpenginenau pa. 
\p  
\v 9 Is nehuna he neripahan te pemilya ni Asaf ne iyan si Jose wey is menge anak din he menge maama wey menge kezuzumahi zin; 12 zan langun. 
\p Ne is ikezuwa ne iyan si Gedalia wey is menge anak din wey menge kezuzumahi zin; 12 zan daan. 
\p  
\v 10 Is iketulu ne iyan si Zacur wey is menge anak din wey menge kezuzumahi zin; 12 zan daan. 
\p  
\v 11 Is ikeepat ne iyan si Izri wey is menge anak din wey menge kezuzumahi zin; 12 zan daan. 
\p  
\v 12 Is ikelima ne iyan si Netania wey is menge anak din wey menge kezuzumahi zin; 12 zan daan. 
\p  
\v 13 Is ikeenem ne iyan si Bukia wey is menge anak din wey menge kezuzumahi zin; 12 zan daan. 
\p  
\v 14 Is ikepitu ne iyan si Jesarela wey is menge anak din wey menge kezuzumahi zin; 12 zan daan. 
\p  
\v 15 Is ikewalu ne iyan si Jeshaya wey is menge anak din wey menge kezuzumahi zin; 12 zan daan. 
\p  
\v 16 Is ikesiyam ne iyan si Matania wey is menge anak din wey menge kezuzumahi zin; 12 zan daan. 
\p  
\v 17 Is ikesepulù ne iyan si Shimei wey is menge anak din wey menge kezuzumahi zin; 12 zan daan. 
\p  
\v 18 Is ike-11ne iyan si Azarel wey is menge anak din wey menge kezuzumahi zin; 12 zan daan. 
\p  
\v 19 Is ike-12 ne iyan si Hashabia wey is menge anak din wey menge kezuzumahi zin; 12 zan daan. 
\p  
\v 20 Is ike-13 ne iyan si Shebuel wey is menge anak din wey menge kezuzumahi zin; 12 zan daan. 
\p  
\v 21 Is ike-14 ne iyan si Matitia wey is menge anak din wey menge kezuzumahi zin; 12 zan daan. 
\p  
\v 22 Is ike-15 ne iyan si Jerimot wey is menge anak din wey menge kezuzumahi zin; 12 zan daan. 
\p  
\v 23 Is ike-16 ne iyan si Hanania wey is menge anak din wey menge kezuzumahi zin; 12 zan daan. 
\p  
\v 24 Is ike-17 ne iyan si Joshbekasha wey is menge anak din wey menge kezuzumahi zin; 12 zan daan. 
\p  
\v 25 Is ike-18 ne iyan si Hanani wey is menge anak din wey menge kezuzumahi zin; 12 zan daan. 
\p  
\v 26 Is ike-19 ne iyan si Maloti wey is menge anak din wey menge kezuzumahi zin; 12 zan daan. 
\p  
\v 27 Is ike-20 ne iyan si Eliata wey is menge anak din wey menge kezuzumahi zin; 12 zan daan. 
\p  
\v 28 Is ike-21 ne iyan si Hotir wey is menge anak din wey menge kezuzumahi zin; 12 zan daan. 
\p  
\v 29 Is ike-22 ne iyan si Gidalti wey is menge anak din wey menge kezuzumahi zin; 12 zan daan. 
\p  
\v 30 Is ike-23 ne iyan si Mahaziot wey is menge anak din wey menge kezuzumahi zin; 12 zan daan. 
\p  
\v 31 Is ike-24 ne iyan si Romanti Ezer wey is menge anak din wey menge kezuzumahi zin; 12 zan daan. 
\c 26  
\s1 Is menge Ebantey te menge Gemawan te Baley te \sc Nengazen\sc* 
\p  
\v 1 Iyan heini menge grupu te menge ebantey te menge ǥemawan dutun te valey te \sc Nengazen\sc*. 
\p Is ebpuun te pemilya ni Kora, si Meshelemia he anak ni Kore he sakup te pemilya ni Asaf,  
\v 2 wey pitu he anak din he menge maama, ne iyan si Zacarias is kinekekayan, sunud si Jediel, Zebadia. Jatniel,  
\v 3 Elam. Jehohanan, wey si Eliehoenai 
\p  
\v 4 Si Obed Edom wey kes walu he menge anak din he menge maama he iyan si Shemaya is kinekekayan, sunud si Jehozabad, Joa, Sacar, Netanel,  
\v 5 Amiel, Isacar, wey si Peuletai. Midtuvazan te Megbevayà si Obed Edom.  
\v 6 Is kinekekayan he anak ni Obed Edom he si Shemaya duen menge anak din he menge maama he menge pengulu te menge pemilya, su zuen dan menge ketau.  
\v 7 Iyan heini sikandan si Otni, Refael, Obed, wey si Elzabad. Is kezuzumahi zan he si Elihu wey si Semakia, ne zuen dan daan menge ketau.  
\v 8 Iyan heini langun menge kevuwazan ni Obed Edom. Sikandan wey is menge anak dan wey menge kezuzumahi zan, ne zuen dan egkehimu wey nengetuenan he menge terebahu. Is kahabet dan 62 langun. 
\p  
\v 9 Is 18 he menge anak wey menge kezuzumahi ni Meshelemia, ne zuen dan daan menge ketau.  
\v 10 Si Hosa he ebpuun te pemilya ni Merari, ne zuen din daan menge anak. Midhimu ni Hosa si Shimri he lavew he pengulu te pemilya zan minsan te kena sikandin kinekekayan he anak.  
\v 11 Ne is ikezuwa ki Shimri ne si Hilkia, is iketelu ne si Tebalia, ne is ikeepat ne si Zacarias. Ne 13 is langun he menge anak wey kezuzumahi ni Hosa he menge vantey zuen te ǥemawan te valey te \sc Nengazen\sc*. 
\p  
\v 12 Migrupu is menge vantey zutun te menge ǥemawan te valey te \sc Nengazen\sc* sumalà is pengulu te pemilya zan, ne zuen dan menge ketengdanan te kebpenilbi zutun te valey te \sc Nengazen\sc*, iring te menge iring dan he menge Levihanen.  
\v 13 Midripa sikandan ke hendei zapit he ǥemawan ebpekevantey is menge pemilya zan, betan-en etawa meǥurang en.  
\v 14 Is dapit te edsilaan, ne iyan dutun neripahan si Shelemia, ne is dapit te zizaya he ǥemawan, ne iyan neripahan dutun is anak din he si Zacarias. Heini si Zacarias ne metau he edsambag.  
\v 15 Ne is dapit te egkezivavà he ǥemawan ne iyan dutun neripahan si Obed Edom, ne iyan midseriǥan is menge anak din te menge budiga.  
\v 16 Is dapit te edsenlepan he ǥemawan wey is gemawan he beyeey te idtekezeg dutun te valey te \sc Nengazen\sc*, ne iyan dutun neripahan si Shupim wey si Hosa. 
\p Ebpesembayè dan dutun he ebantey sumalà te midtendek dan:  
\v 17 Is dapit te edsilaan ne heenem is ibpevantey zutun kada andew, is dapit te zizaya ne heepat, is dapit te divavà ne heepat, ne is kada budiga ne tig-dezuwa.  
\v 18 Is dapit te edsenlepan ne heepat is ibpevantey te ibayà he edtekezeg dutun te valey te \sc Nengazen\sc*, ne dezuwa is ibpevantey zutun te lama. 
\p  
\v 19 Iyan heini sikandan grupu te menge vantey te menge ǥemawan te valey te \sc Nengazen\sc* he menge kevuwazan ni Kora wey ni Merari. 
\s1 Is menge Trisuriru wey is Duma pa he menge Upisyal 
\p  
\v 20 Is duma he menge Levihanen ne iyan midseriǥan duen te menge budiga zuen te valey te Megbevayà, ragkes en dutun is menge budiga te menge azen he inhalad diyà te Megbevayà. 
\p  
\v 21 Si Ladan, kevuwazan ni Gershon, ne mahabet is menge kevuwazan ni Ladan he menge pengulu zaan te kevuwazan dan.  
\v 22 Is menge anak ni Jehieli he si Zetam wey si Joel ne iyan midseriǥan te menge budiga zutun te valey te \sc Nengazen\sc*. 
\p  
\v 23 Iyan heini menge upisyal he ebpuun te menge kevuwazan ni Amram, Izhar, Hebron, wey si Uziel: 
\p Is ebpuun te menge kevuwazan ni Amram:  
\v 24 si Shebuel, he kevuwazan ni Gershon he anak ni Moises, iyan pengulu he upisyal zutun te menge budiga te valey te \sc Nengazen\sc*.  
\v 25 Is menge kezuzumahi zin he menge kevuwazan ni Eliezer ne iyan si Rehabia, Jeshaya, Joram, Zicri, wey si Shelomit.  
\v 26 Is menge budiga he zutun idtaǥù is menge inhalad ni Hadì David wey te menge pengulu te menge pemilya, te menge peremandar te menge linibu, wey te menge ginatus he menge sundaru, wey te zuma pa he menge peremandar, insarig ki Selomit wey is menge kezuzumahi zin.  
\v 27 Inhalad dan is duma he nengaaǥew zan te kebpekidtebek dan para egemiten dutun te valey te \sc Nengazen\sc*.  
\v 28 Si Shelomit wey is menge kezuzumahi zin ne iyan ed-atur te langun he inhalad ni Samuel he ebpeneuven, ni Saul he anak ni Kish, ni Abner he anak ni Ner, wey ni Joab he anak ni Zeruya. Is duma pa he inhalad ne mid-atur zan daan. 
\p  
\v 29 Is ebpuun te menge kevuwazan ni Izhar: si Kenania, wey is menge anak din he menge maama, menge administradur wey menge meghuhusey te Israel. Wazè dan ketengdanan dutun te valey te \sc Nengazen\sc*. 
\p  
\v 30 Ebpuun te menge kevuwazan ni Hebron: si Hashabia wey is 1,700 he menge kezuzumahi zin he zuen dan menge ketau. Insarig kandan is kedumala te menge tanà he zapit te edsenlepan te wahig te Jordan. Iyan sikandan mid-atur te menge vuluhaten te \sc Nengazen\sc* wey vuluhaten te hadì dutun he lugar.  
\v 31 Si Jeria is pengulu te menge kevuwazan ni Hebron sumalà diyà te listahan te pemilya zan. Hein ike-40 he tuig te kedhadì ni David, ne mibpen-ahà is listahan, ne naahà dutun he zuen menge kevuwazan ni Hebron diyà te Jazer he sakup te Gilead, ne heini sikandan, duen dan menge ketau.  
\v 32 Si Jeria ne zuen din 2,700 he menge kezuzumahi he zuen dan menge ketau wey menge pengulu sikandan te menge pemilya. Iyan sikandan impezumala ni Hadì David te menge kevuwazan ni Reuben, ni Gad, wey ketengà he tribu ni Manase. Ne iyan sikandan mid-atur te langun he vuluhaten te Megbevayà wey vuluhaten te hadì dutun he menge lugar. 
\c 27  
\s1 Is menge Upisyal te menge Sundaru 
\p  
\v 1 Iyan heini menge nelista he menge pengulu, menge peremandar, wey menge upisyal te menge Israilihanen he ebpenilbi te hadì pinaaǥi te kedumala te menge grupu te menge sundaru he ebpenilbi te senge vulan kada tuig. Is kada grupu ne zuen 24,000 he menge sundaru. 
\p  
\v 2 Si Jashobeam he anak ni Zabdiel ne iyan peremandar te menge sundaru te egkehuna he vulan. 24,000 he menge sundaru is kandin he grupu.  
\v 3 Kevuwazan sikandin ni Perez wey pengulu te langun he upisyal te menge sundaru te egkehuna he vulan. 
\p  
\v 4 Si Dodai he kevuwazan ni Ahoa ne iyan peremandar te menge sundaru te ikezuwa he vulan. 24,000 he menge sundaru is kandin he grupu. Si Miklot ne iyan pinekelavew he upisyal te grupu ni Dodai. 
\p  
\v 5 Si Benaya he anak ni Jehoyada he memumuhat, ne iyan peremandar te menge sundaru te iketulu he vulan. 24,000 he menge sundaru is grupu zin.  
\v 6 Heini si Benaya, ne iyan mevurut he pengulu zuen te 30 he menge mevurut he menge sakup ni David. Ne is anak din he si Amizabad, ne iyan pinekelavew he upisyal zin diyà te grupu zin. 
\p  
\v 7 Si Asahel he suled ni Joab, ne iyan peremandar te menge sundaru te ikeepat he vulan. Is anak din he si Zebadia iyan mid-ilis kandin. Ne 24,000 he menge sundaru is diyà te grupu zin. 
\p  
\v 8 Si Shamhut he kevuwazan ni Izra, ne iyan peremandar te menge sundaru te ikelima he vulan. 24,000 he menge sundaru is diyà te grupu zin. 
\p  
\v 9 Si Ira he anak ni Ikesh he tig-Tekoa, ne iyan peremandar te menge sundaru te ikeenem he vulan. 24,000 he menge sundaru is diyà te grupu zin. 
\p  
\v 10 Si Helez he tig-Pelon he kevuwazan ni Efraim, ne iyan peremandar te menge sundaru te ikepitu he vulan. 24,000 he menge sundaru is diyà te grupu zin. 
\p  
\v 11 Si Sibecai he tig-Husha he kevuwazan ni Zera, ne iyan peremandar te menge sundaru te ikewalu he vulan. 24,000 he menge sundaru is diyà te grupu zin. 
\p  
\v 12 Si Abiezer he tig-Anatot he kevuwazan ni Benjamin, ne iyan peremandar te menge sundaru te ikesiyam he vulan. 24,000 he menge sundaru is diyà te grupu zin. 
\p  
\v 13 Si Maharai he tig-Netofa he kevuwazan ni Zera, ne iyan peremandar te menge sundaru te ikesepulù he vulan. 24,000 he menge sundaru is diyà te grupu zin. 
\p  
\v 14 Si Benaya he tig-Piraton he kevuwazan ni Efraim ne iyan peremandar te menge sundaru te ike-11 he vulan. 24,000 he menge sundaru is diyà te grupu zin. 
\p  
\v 15 Si Heldai he tig-Netofa he kevuwazan ni Otniel, ne iyan peremandar te menge sundaru te ike-12 he vulan. 24,000 he menge sundaru is diyà te grupu zin. 
\s1 Is menge Upisyal te menge Tribu te Israel 
\p  
\v 16 Iyan heini menge upisyal te menge tribu te Israel: 
\li1 Diyà te tribu ni Reuben: si Eliezer he anak ni Zicri. 
\li1 Diyà te tribu ni Simeon: si Shefatia he anak ni Maaca.  
\v 17 Diyà te tribu ni Levi: si Hashabia he anak ni Kemuel. 
\li1 Diyà te tribu ni Aaron: si Zadok. 
\li1  
\v 18 Diyà te tribu ni Juda: si Elihu he suled ni David. 
\li1 Diyà te tribu ni Isacar: si Omri he anak ni Micael. 
\li1  
\v 19 Diyà te tribu ni Zebulun: si Ishmaya he anak ni Obadias. 
\li1 Diyà te tribu ni Naftali: si Jeremot he anak ni Azriel. 
\li1  
\v 20 Diyà te tribu ni Efraim: si Hoshea he anak ni Azazia. 
\li1 Diyà te ketengà he tribu ni Manase: si Joel he anak ni Pedaya. 
\li1  
\v 21 Diyà te ketengè pa he tribu ni Manase diyà te Gilead: si Iddo he anak ni Zacarias. 
\li1 Diyà te tribu ni Benjamin: si Jaasiel he anak ni Abner. 
\li1  
\v 22 Diyà te tribu ni Dan: si Azarel he anak ni Jeroham. 
\p Iyan heini sikandan menge upisyal te menge tribu te Israel. 
\p  
\v 23 Hein impemelista ni David is menge etew, ne wazè din iragkes is wazè pa mebpenuiǥen te 20 he tuig, su midsaad is \sc Nengazen\sc* he ibpemezakel zin is menge Israilihanen he iring te menge vituen diyà te langit.  
\v 24 Ne mibpuunan ni Joab he anak ni Zeruya is kebpensinsus te menge etew, piru wazè din mepasad is kebpensinsus su nepauk is Megbevayà. Umbe wazà maamin melista ziyà te listahan ni Hadì David is tivuuk he kezakel te menge Israilihanen. 
\s1 Is menge Upisyal te Ginhedian 
\p  
\v 25 Si Azmavet he anak ni Adiel, ne iyan midseriǥan te menge budiga te turuǥan te hadì. 
\p Si Jonatan he anak ni Uzia, ne iyan midseriǥan te menge budiga ziyà te menge inged wey te menge turi. 
\p  
\v 26 Si Ezri he anak ni Kelub, ne iyan midseriǥan te kegketerebehuwa te vevesukà te hadì. 
\p  
\v 27 Si Shimei he tig-Rama, ne iyan sineriǥan te menge pemuleey te paras te hadì. 
\p Si Zabdi he tig-Shifam, ne iyan midseriǥan te menge paras wey menge vinu te hadì. 
\p  
\v 28 Si Baal Hanan he tig-Geder, ne iyan midseriǥan te menge kayu he ulibu wey sikemur ziyà te menge mibuntud-buntud diyà te edsenlepan. 
\p Si Joash, ne iyan midseriǥan te menge teleǥuey te lana te ulibu. 
\p  
\v 29 Si Shitrai he tig-Sharon, ne iyan midseriǥan te menge vaka he ebpemenabtab diyà te penebtavà te Sharon. 
\p Si Shafat he anak ni Adlai, ne iyan midseriǥan te menge vaka ziyà te menge suǥud. 
\p  
\v 30 Si Obil he Ismailihanen, ne iyan midseriǥan te menge kemilyu. 
\p Si Jedea he tig-Meronot, ne iyan midseriǥan te menge asnu. 
\p  
\v 31 Si Jaziz he Hagarnen, ne iyan midseriǥan te menge kerehidu. 
\p Iyan heini sikandan langun menge upisyal he menge sineriǥan te menge azen ni Hadì David. 
\p  
\v 32 Si Jonatan he anggam ni Hadì David, ne iyan megsesambag din. Sevaha sikandin he uluwanen he etew wey menunurat. Si Jehiel he anak ni Hacmoni, ne iyan tigpenurù te menge anak te hadì.  
\v 33 Si Ahitofel is sevaha pa he megsesambag te hadì. Si Hushai he Arkanhen ne utew emiǥu te hadì.  
\v 34 Hein minatey en si Ahitofel, ne nepuliyan sikandin ni Jehoyada (he anak ni Benaya) wey ni Abiatar. Si Joab, ne iyan peremandar te menge sundaru te hadì. 
\c 28  
\s1 Is Pelanu ni David para te Baley te \sc Nengazen\sc* 
\p  
\v 1 Dutun he timpu, impetawag ni Hadì David diyà te Jerusalem is langun he menge upisyal te Israel: Is menge upisyal te menge tribu, is menge peremandar te kada grupu te menge sundaru he ebpenilbi te hadì, is duma pa he menge peremandar te menge linibu wey ginatus he menge sundaru, is menge upisyal he menge sineriǥan te langun he menge azen wey menge layud dutun te hadì wey te menge anak din, is menge upisyal ziyà te turuǥan is menge gehemanen he menge etew, wey langun he memetau he menge sundaru. 
\p  
\v 2 Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te \sc Nengazen\sc* para egkesevukan duen te Kavan te Kebpekid-uyun te \sc Nengazen\sc* he Megbevayè tew, para zuen egkeuntuzan te paa zin. Ne neisip ku is edtukuzen en heini.  
\v 3 Piru migkeǥiyan a te Megbevayà te, ‘Kenè ka iyan ebpeketukud te valey te \sc Nengazen\sc* para te zengeg ku tenged te sevaha ka he sundaru wey mezakel is mibpenhimetayan nu.’  
\v 4 Piru minsan te iring dutun, mibpilì a te \sc Nengazen\sc* he Megbevayà te Israel, he ebpuun te tivuuk he pemilya zey he egkehimu he hadì te Israel te wazà pidtemanan. Mibpilì din is tribu te Juda he iyan pengulu he tribu. Ne ebpuun kayi he tribu, mibpilì din is pemilya ku, ne ebpuun te pemilya ku ingkelipey zin is kebpilia zin kedì he hadì te tivuuk Israel.  
\v 5 Mibeǥayan e zin te mezakel he menge anak he menge maama, ne ebpuun dutun te kandan mibpilì din si Solomon he edhadì te ginhedian din he iyan is Israel.  
\v 6 Migkeǥiyan e zin te, ‘Is anak nu he si Solomon iyan ebpekepetukud te valey ku wey te menge lama kayi. Su mibpilì ku sikandin he egkehimu he anak ku, ne egkehimu a zaan he amey zin.  
\v 7 Ne emun ebpedayun sikandin he edsunud te menge suǥù ku iring te ebeelan din guntaan, ne ibpahadì ku is menge kevuwazan din te wazà pidtemanan.’ 
\p  
\v 8 “Umbe ǥuntaan, ebmenduan ku sikiyu kayi te etuvangan te langun he menge Israilihanen, he menge etew te \sc Nengazen\sc*, wey ziyà te etuvangan te Megbevayè tew, he tumana niw purungi is langun he menge suǥù te \sc Nengazen\sc* he Megbevayè niw. Emun ebeelan niw heini, ne pedayun he egkaangken niw heini is meupiya he tanà, he igkepepengevilin niw te menge kevuwazan niw te wazà pidtemanan. 
\p  
\v 9 “Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te \sc Nengazen\sc* is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.  
\v 10 Umbe, is-isipa nu heini purungi. Mibpilì ka te \sc Nengazen\sc* he ibpetukud duen te valey te \sc Nengazen\sc*. Pekelig-en ka, wey terebehuwa nu heini he vuluhaten.” 
\p  
\v 11 Ne imbeǥey ni David ki Solomon is langun he pelanu te kebpetukud te valey te \sc Nengazen\sc* wey te menge varkun kayi, menge bilding, menge budiga, menge ruǥu ziyà te zivavew, menge ruǥu ziyà te seled, wey te Utew Segradu he Lugar he zutun ebpeseyluwa is salà te menge etew.  
\v 12 Imbeǥey ni David heini is langun he pelanu he impenurù kandin te Mulin-ulin para te kebaal te menge lama te valey te \sc Nengazen\sc*, wey te langun he menge ruǥu he nekelingut kayi wey te menge budiga te valey te Megbevayà, ragkes en is menge budiga te menge vutang he impenhalad.  
\v 13 Mibpenurù ni David daan si Solomon mehitenged te kegrupu te menge memumuhat wey te menge Levihanen wey te langun he menge vuluhaten te kebpenilbi zutun te valey te \sc Nengazen\sc*, wey te langun he menge gelemiten te kebpenilbi.  
\v 14 Impenurù din daan ke pira is kezakel te menge pelata wey vulawan is egkeǥamit te kebaal kayi he menge gelemiten:  
\v 15 te menge sulù he vulawan wey menge selevukà kayi; te menge sulù he pelata wey te menge selevukà kayi;  
\v 16 te menge lemisahan he vulawan te selevukà te supas he ibpemuhat diyà te etuvangan te Megbevayà; te lemisahan he pelata;  
\v 17 te vulawan he menge tinidur he dezekelà; te menge yehung he vulawan wey pitsil; te vulawan wey pelata he menge pinggan,  
\v 18 wey pemuhatà he vulawan he edtutungan te veyewà. Mibpenurù daan ni David si Solomon ke ebmenmenuwen te ebaal is bulawan he kirubin he ebpekelambung is pakpak dan duen te divavew te Kavan te Kebpekid-uyun te \sc Nengazen\sc*. 
\p  
\v 19 Migkaǥi si Hadì David te, “Heini he menge pelanu ne insurat pinaaǥi te kegiya te \sc Nengazen\sc*, ne mibpenurù e zin ke ebmenmenuwen heini te ebaal is langun.” 
\p  
\v 20 Migkeǥiyan daan ni David is anak din he si Solomon, “Mebpekelig-en ka wey mebpekevurut ka. Puuni nu en is kebpeterebahu. Kenè ka mahandek wey mebmeluya, su is \sc Nengazen\sc* he Megbevayà, he Megbevayè ku, eduma kenikew. Kenè ke zin ed-ewaan wey ebey-anan taman te egkepasad is langun he terebahu para te valey te \sc Nengazen\sc*.  
\v 21 Ne andam en is grupu te menge memumuhat wey menge Levihanen te langun he terebahu para zuen te valey te Megbevayà wey zuen daan menge etew he zuen menge ketau te kedterebahu te minsan hengkey he vuluhaten he andam te ked-uǥup kenikew. Is menge upisyal wey is langun he menge etew ne andam he ebpezumazuma kenikew.” 
\c 29  
\s1 Is menge Gasa te Kedtukud te Baley te \sc Nengazen\sc* 
\p  
\v 1 Ne migkeǥiyan ni Hadì David is langun he menge Israilihanen te, “Si Solomon he anak ku he mibpilì te Megbevayà, betan-en pa ne wazè din pa kesinetian. Dekelà is buluhaten, su is edtukuzen he vilding ne kenà para te etew, kekenà, para te \sc Nengazen\sc* he Megbevayà.  
\v 2 Mibeelan ku is taman te egkehimu ku te ked-andam te menge gamit para te valey te Megbevayè ku: menge vulawan, pelata, brunsi, putew, kayu, mahalen he menge vatu he uniks, ismiralda, menge vatu he nekedseselekawà is barek, wey zuma pa he utew menge mekempet he menge vatu wey mehabet he menge marmul.  
\v 3 Ne tenged te kebmahala ku zutun te valey te Megbevayè ku, ne ibeǥey ku is keugelingen ku he vulawan wey pelata para te kebangun kayi, wazà lavet duen te menge gamit he inteǥana ku en para te segradu he valey te \sc Nengazen\sc*.  
\v 4 Is ibeǥey ku 100 he tunilada he vulawan he ebpuun te Ofir, wey menge 250 he tunilada he pelata. Egemiten heini para id-apid te menge elavat dutun te valey te \sc Nengazen\sc*,  
\v 5 wey para te langun he menge gelemiten he ebeelan te menge platiru. Guntaan hentei is egkesuat he ebeǥey para te \sc Nengazen\sc*?” 
\p  
\v 6 Ne zutun, is menge pengulu te menge pemilya, is menge pengulu te menge tribu te Israel, is menge peremandar te linibu wey ginatus he menge sundaru, wey is menge upisyal he menge sineriǥan te azen te hadì, mibeǥey zan daan he ebpuun te keputian te atey zan.  
\v 7 Mibeǥey sikandan para te kebeeli zuen te valey te Megbevayà te menge 175 he tunilada he vulawan, 10,000 he selapì he vulawan, 350 he tunilada he pelata, 630 he tunilada he brunsi, wey 3,500 he tunilada he putew. 
\p  
\v 8 Duen daan mibeǥey te mahalen he menge vatu, ne intaǥù heini ziyà te budiga zuen te valey te \sc Nengazen\sc* he iyan edumala zuen si Jehiel he kevuwazan ni Gershon.  
\v 9 Utew nengelipey is menge etew su mibeǥey is menge pengulu zan he ebpuun te keputian te atey zan para te \sc Nengazen\sc*. Utew zaan nelipey si Hadì David. 
\s1 Is Ked-ampù ni David 
\p  
\v 10 Midalig ni David is \sc Nengazen\sc* dutun te etuvangan te tivuuk he keet-etawan. Migkaǥi sikandin te, 
\p “He \sc Nengazen\sc*, he Megbevayà te kepuun dey he si Jacob, ereg ka he edeliǥen te wazà pidtemanan.  
\v 11 Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he \sc Nengazen\sc*, wey lavew ka te langun.  
\v 12 Is menge ketiǥeyunan wey zengeg ne ziyà ebpuun te kenikew. Iyan ka edumala te langun. Gemhanan ka, wey iyan ka ebpekeveǥey te zesen wey ǥehem diyà te minsan hentei. 
\p  
\v 13 “He Megbevayè dey, guntaan ebpeselematan dey sikew wey edeliǥen dey is telehuzen he ngazan nu.  
\v 14 Piru hentei key, siak wey is keet-etawan ku, he ebpekeveǥey key te utew subra he iring kayi? Langun he menge vutang ne ziyà ebpuun te kenikew, ne ibeǥey zey kenikew is ebpuun ded kenikew.  
\v 15 Netuenan nu he humuhulevungà key zà kayi te kelibutan iring te menge kepuun dey. Is untung dey ne iring dà te alung he egkehanew zà. 
\p  
\v 16 “He \sc Nengazen\sc* he Megbevayè dey, heini is langun he imbeǥey zey para te kedtukuza te valey nu, ne para te zengeg te waǥas he ngazan nu ne ebpuun ded kenikew. Kenikew heini is langun!  
\v 17 He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey. 
\p  
\v 18 “He \sc Nengazen\sc*, he Megbevayà te menge kepuun dey he si Abraham, si Isaac, wey si Jacob, deyzey ke lelayun nu heini idtaǥù diyà te menge ǥehinawa te menge keet-etawan nu, wey tevangi nu sikandan he mebmepezumdumahan kenikew.  
\v 19 Wey iveǥey nu zaan diyà te anak ku he si Solomon is dekelà he tinguhà te kedtuman te menge suǥù nu, menge penurù, wey te menge sulunuzen, wey te kebaal te langun he ibpetuman ku mehitenged te kedtukuza te valey te \sc Nengazen\sc* he mibpurungan ku pengendami.” 
\p  
\v 20 Ne migkeǥiyan ni David is tivuuk he keet-etawan te, “Deliǥa niw is \sc Nengazen\sc* he Megbevayè niw.” Ne zutun midalig dan is \sc Nengazen\sc*, he Megbevayà te menge kepuun dan. Midluhud dan wey midungul he tuus te kebeǥayi zan te zengeg te \sc Nengazen\sc* wey te hadì. 
\s1 Migkilala is Kegkahadì ni Solomon 
\p  
\v 21 Sunud he andew ne mibpemuhat dan is \sc Nengazen\sc* te menge pemuhat he edtutungen: 1,000 he menge tudu he vaka, 1,000 he memeǥurang en he menge meemahan he kerehidu, wey 1,000 he meemahan he menge nati pa. Nemuhat daan sikandan te menge pemuhat he inumen wey mezakel pa is impemuhat dan para te tivuuk he menge Israilihanen.  
\v 22 Nemengaan dan wey nemen-inum he melipayen diyà te etuvangan te \sc Nengazen\sc* te haazà he andew. 
\p Ne sunud dutun, intubuy zan en si Solomon he anak ni David he iyan hadì dan. Midlenahan si Solomon he anak ni David diyà te etuvangan te \sc Nengazen\sc* he tuus he iyan en hadì dan, midlenahan daan si Zadok he tuus te kegkememumuhat din.  
\v 23 Umbe, mibpinuu si Solomon duen te pinuuwey te \sc Nengazen\sc* te kedhadì he ilis te amey zin he si David. Mid-uswag si Solomon wey mibpezumazuma kandin is tivuuk he Israel.  
\v 24 Nenangdù is langun he menge upisyal, wey menge gehemanen he menge etew, wey is langun he anak ni Hadì David he ebpesakup dan ki Hadì Solomon.  
\v 25 Midhimu te \sc Nengazen\sc* he mevantug si Solomon te tivuuk he Israel wey mibeǥayan din sikandin te zengeg he wazà maangken te zuma he menge hadì te Israel. 
\s1 Is Kebpatey ni David 
\p  
\v 26-27 Nehimu he hadì si David he anak ni Jesse te tivuuk he Israel seled te 40 he tuig–7 he tuig diyà te Hebron ne 33 he tuig diyà te Jerusalem.  
\v 28 Mibmeluǥayad is untung din wey sepian sikandin wey dungganen. Minatey sikandin he meǥurang en utew, ne neilisan sikandin te anak din he si Solomon te kedhadì.  
\v 29 Is guǥud mehitenged te kedhadì ni Hadì David, puun te puunà taman te ketepusan, ne ingkesurat heini ziyà te menge libru te menge ebpeneuven he si Samuel, Natan wey Gad.  
\v 30 Ingkesurat dutun ke mibmenumenu zin is kedhadì din, wey ke sengemenu is kegkegemhanan din, wey is langun he nehitavù kandin wey te Israel, wey te nekelingut he menge ginhedian.