\id 2TH - Sateré-Mawé NT [mav] (Brazil) -2011 bd 
\h TAWA TESARONIKA KAPIAT PAURU MIENOI TYPUAT 
\toc1 Tawa Tesaronika Kapiat Pauru Mienoi Typuat 
\toc2 2 Tessalonicenses 
\toc3 2Ts 
\mt1 TAWA TESARONIKA KAPIAT PAURU MIENOI TYPUAT 
\c 1  
\p  
\v 1 Uiwy­ria'in Tawa Tesa­ro­nika piaria koitywy Uito Pauru atipo­'oro uimiwan ehowawi i'ewyte aiwy Sira aiwy Timo­teu'in wywo kuekatu uru'e hap uruipo­'oro ehowawi Ai'ywot Tupana mẽpyt'in Aika­'iwat Iesui emiit'in torania kape. 
\p  
\v 2 Uruhẽtup kahato ehupi — Tupana uruto'e etum no aiwy­ria'in me yt kat sa'up i egyi'at hap i'ewyte i'atu­wo­'o­wese hamuat etum kahato uruto'e Ai'ywot kape Aipo­typot Aika­'iwat Iesui kape uruhẽtup. 
\p  
\v 3 Uruwy­ria'in karãpe urutu­we­kue­katu ehowawi turan — Waku kahato En Tupana uru'e hap yn topy­hu'at. Tupana urutu­wehum kahato eete katu­pono itag na'yn po'og po'og i'atukai emohey hap uruto'e. Koitywy wo'o­ky'e kahato haria wo ra'yn tukup­te'en waku kahato uruto'e. Mi'i tupono ehewaku hap upi urutu­wehum at ka'ap Tupana ete.  
\v 4 Irania'in itotiaria to'o­ky­ry'i kahato ehete. Iesui mohey ehepiat pote ehaty'i haty'i kahato. Ta'a­tu­ky­'esat kahato waure­'ei'e Tupana etiat hap. Yt ikahu hin i i'atu'e ehepe ma'ato yt eweiwaure teran hin i Iesui mohey ehepiat hap. Mi'i pote irania'in me uruhenoi — Meiẽ mi'iria tawa Tesa­ro­nika piaria waku kahato rakaria uruto'e. Yt ta'a­tu­'atoiat hin i Iesui mohey ta'a­tuepiat hap ta'a­tu­sa­ty'i saty'i pytkai uruto'e. Mio tã uruto'e yn irania'in tawa piaria imohey haria puo.  
\v 5 Eweikuap kat pote eweho­'opot hap. Ta'i Tupana mẽpyt'in eipe pote — Waku kahato eipe e Tupana. Ta'i ehewaku hap put'ok'e ui'ya­typiat wuat'i e'at piat eikup­te'en hamo. Katu­pono i'atu­mi­ky­ry'i pytkai yt ui'atoiat hin i eipe e aru Tupana ehepe.  
\v 6 Tupana tomo­herep hãpyk kahato wakuap sio yt hap. Mi'i tupono ti yt toiwaure hin i ehetiat miky­ry'i haria. Toi'a­tu­po­re­ra­'aipok i'atu­pot­sa­ty'i saty'i hap eimo­so­'opot hap kaipyi.  
\v 7 Mi'i hawyi ti aru Tupana timonik yne ra'yn ho'opot ehepiat hap. I'ewyte uruwat miit'in miky­ry'i hap monik hamo. Tut Aipo­typot Iesui atipy kaipyi. Tuwe­mo­herep temiit'in hesaika rakaria atipy piaria wywo.  
\v 8 Ehaty'i haty'i haria apiheg hamo tut. Yt Tupana kuap i haria apiheg hamo tut. Aika­'iwat wo'o­nãpin wakuap yt nug i haria apiheg hamo tut. Atipy kaipyi Iesui aria wo toi'a­tu­'a­piheg irane mi'iria.  
\v 9 Mi'i hawyi mi'iria ewywuaria toi'a­tu­'a­piheg aru wuat'i e'at piat i'atu­moe­wasat hamo. — Eweiwat ro aikope yt ui'a­kasa i hap kape. Eweiwat ro wo'o­pugha hap kape. Yt karãpe i aru uikahu hap mõtypot hap kape ewei'a­kasa. Yt karãpe i ti aru uhesaika hap Morekuat nuat uheĩne'en hap kape ewei'a­kasa e.  
\v 10 Karãpe ta'aipok i ra'yn mi'i hap e'at pe ti aru imohey haria hemiit'in torania imõtypot kahato Ta'a­tu­po­rekuat koro. Mi'i hap e'at pe eipe i'ewyte eweimõ­typot kahato wy katu­pono uru'e hap mohey kahato haria eweikup­te'en. 
\p  
\v 11 Mi'i tupono uruhẽtup kahato wuat'i e'at pe ehupi — Tupana uruiky­'esat hãpyk kahato gupte'en haria wo emohey haria tawa Tesa­ro­nika piaria uruto'e. Yt wẽtup ok i toĩne'en itote ewemõti ehay pupiat hat uruto'e. Etum i'atuepe esaika hap emiky­'esat wakuap yn nug hamuat hap uruto'e. Uru'ywot mi'iria Esa'yru mohey haria sese mi'i tupono po'og uruiky­'esat i'atue­hãite imohey hap etiat hap uruto'e.  
\v 12 Mi'i tã ta'a­tunug itote pote irania'in itotiaria yt to'o­ky­ry'i hin i Uruka­'iwat Iesui set ete. Emõtypot kahato itote irania'in Papai uruto'e. I'ewyte emi'a­tu­mõ­ty­poria wo tukup­te'en emohey haria itotiaria Papai uruto'e. Mi'i hap uruhẽtup ewawi etum ne'en ne'i hamuat hap Uruka­'iwat Urupo­rekuat Iesui egyi'at hap kaipyi uruhẽtup Kahato wuat'i e'at pe ehupi uruto Pauru'in. 
\c 2  
\p  
\v 1 Pyno uruwy­ria'in koitywy uruhenoi pakup i teran ehepe Aipo­typot Aika­'iwat Iesui aipok hap etiat aikotã aikotã ai'a­tunug tuwe­wawi hap etiat uruhenoi teran ehepe.  
\v 2 Irania'in wo'o­mu'e haria ti — Tut kahu ra'yn ti Iesui i'atu'e aimu'e yt pywo pe i ma'ato. Tut kahu ra'yn ti e ti Pauru miwan me i'atu'e eimo­'a­kag'aia teran haype. Yt ewei'a­tuehay mohey tei'o mio tã e haria — Pywo ti Tupana ehay wahenoi i'atu'e haty wo pytkai. Yt i'atu­mi­ma­'aria wo tei'o eweikup­te'en.  
\v 3 Aiwe'eg wo o aima'at i'atuepiat hap pupi katu­pono yt tut i te rat Iesui. Yt he'at i te katu­pono ti aru Iesui mohey haria sok ihay atoiat haria tukup­te'en aru hut hap owakai. I'ewyte hut hap e'yianme ti aru tuwe­mo­herep Tupana ewanĩkap mekewat ahiagnia akag. Mi'i ti yne sa'ag eiam tuwe­mo­herep Iesui e'yianmete.  
\v 4 Mi'i miit ti aru Tupana mohey hap moma miit'in kaipywiat hat. Mi'i ti wuat'i puo Tupana kuap haria ewanĩkap mo toĩne'en — Uito ti wuat'i Tupana kawiat po'og nakat e. Mi'i hawyi ti aru teke Tupana mõtypot yat koro pe tawa Ieru­sarẽi me ta'apyk Tupana eiam note — Uito ti Tupana to'e hamo.  
\v 5 Yt eiwa­tetup i ra'yn apo karania wo ne'i ra'yn ahenoi ehepe mi'i miit etiat pytkai are.  
\v 6 Ma'ato yt tuwe­mo­herep kuap i te katu­pono topyhyp hawe te toĩne'en. Watikuap kahato ra'yn ti uwe ipyhyp hat. Ma'ato meiũran te'at put'ok'e ra'yn hawyi ti tuwe­mo­herep hamuat wuat'i sa'ag sepap nug hat koro Iesui ut hap e'yianmete tuwe­mo­herep.  
\v 7 Koitywy yt herep wyi i te ipotpap sa'ag nug hap ete. Hemiit yn heremo. Mig'i pyi ipotpap ma'ato meiũran ti herep wyi hamuat ra'yn ipotpap. Ma'ato koitywy yt tuwe­mo­herep kuap i te hewãi hat toĩne'en ne pote.  
\v 8 Mi'i hawyi tuwe­mo­herep mekewat sa'ag nug hat koro ma'ato Aipo­typot Iesui ti aru i'auka wẽtup tehay wo yn topyhu wo yn teẽtyhot kahato wywo tut hap e'at pe.  
\v 9 Mi'i miit sa'ag tuwe­moe­saika ahiag esaika hamo iwemo­herep hap put'ok'e turan. Mi'i hawyi ti aru miit'in ma'at hap iwato kahato tutunug tesaika hap moherep hamo. Topo wo yt uwe miit'in minug ewy i tutunug miit'in miat tomõ­typot hamo teso hap ko'i. Mi'i hawyi miit'in te'e­ru­wa­nẽtup kahato iminug ko'i kape — Aikotã som tutunug i'atu'e aru.  
\v 10 Mi'i hawyi ti aru ho'o­wasat rakaria wo miit'in toi'a­tu­ma'at kahato ra'yn mekewat topo wuat tominug wo yt miit'in minug kuap i wo. Mi'i hawyi imima'at ko'i tuwe­hyt'ok yne aria pe katu­pono ta'a­tu­mohey kahato ra'yn heso hap ko'i po'og pywuat sese sehay kai. Yt ta'a­tu­ky­'esat i po'og ta'a­tue­ha­kye­ra'at hanuat Tupana miium.  
\v 11 Yt ta'a­tu­ky­'esat i pywuat sehay pote mi'i hawyi Tupana ti'a­tu­po­'oro heso rakaria i'atu­mu'e hamo. Mi'i hawyi heso rakaria pe yn pywo i'atu'e.  
\v 12 Mi'i tupono tukup­te'en mi'i haria wuat'i e'at pe Tupana mi'a­piheg wo katu­pono ta'a­tupun na'yn pywuat sehay i'ewyte ta'a­tu­ky­'esat ta'a­tunug sa'ag hap yn. 
\p  
\v 13 Uruwy­ria'in Tupana mi'a­tu­ky­'eria kahato eipe. Ta'i urutu­wehum kahato Tupana ete wuat'i e'at pe uruwa­tetup ehowawiat hawyi katu­pono Tupana mi'ai­roria ra'yn eipe. Tutum na'yn ni eheha­kye­ra'at hap ehepe pywuat sese tomohey hap upi. Mi'i hawyi mio Tupana Pã'ãu esaika hap wywo yn na'yn eweikup­te'en. Mi'i hap ete urutu­wehum kahato Tupana kape uruwy­ria'in uruto'e.  
\v 14 Sa'a­wy'i woro­ho­'o­mu'e mekewat sehay wakuano mi'i hawyi eweikup­te'en imohey haria wo. Mi'i hap e'at pe to'e Tupana ehepe — Pyno woro­ho­'onug eipe ikahu rakaria wo aikotã Uha'yru ewywuat no.  
\v 15 Mi'i tupono uruwy­ria'in waku kahato ti mot'i mekewat sehay pywuat eweimohey mekewat uruwẽ pywiat sehay urumiwan urumienoi ko'i.  
\v 16 Uruhẽtup kahato Aipo­typot Aika­'iwat Iesui pe i'ewyte Ai'ywot hegyi'at rakat kape — Eti'a­tu­moe­saika ro emohey haria tawa Tesa­ro­nika piaria yt kat pupiat i i'atu­wuwu hamo uruto'e. Eti'a­tu­moe­saika ro mi'iria wakuap nug hamo i'ewyte wakuap enoi hamo.  
\v 17 Mi'i yn uruhẽtup kahato aimie­katup kape yt kat pupiat i eiken'ẽ hamuat hap ium hat kape uruhẽtup uruto Pauru'in. 
\c 3  
\p  
\v 1 Uruwy­ria'in mi'i tupono waku ewehẽtup Tupana kape urupo­wyro ihay sytpok merep'i ran hamuat hap aikotã waku hamuat hap aikotã ei'e­wywuat miit'in ewaku kahato hamuat hap waku ewehẽtup.  
\v 2 Ewehẽtup o yt nakuaria i po pywiat heso'ok takaria po pywiat Tupana piat urueha­kye­ra'at hamuat hap. Katu­pono yt imohey yne i haria tukup­te'en mesuwat yi tote.  
\v 3 Aika­'iwat wyti temiit yt atoiat hat i toĩne'en ma'ato aimoe­saika kahato hano toĩne'en Aika­'iwat. Aika­wiano kahato ti ahiagnia akag mupi.  
\v 4 Koitywy eipe urui'a­tu­mohey kahato Aika­'iwat mohey kahato rakaria eipe pote. Tohenoi ra'yn uruepe imohey ehepiat hap. Mi'i pote urui'a­tu­mohey kahato eipe urumienoi nug yne mũki­'ite mesup hamuat hap katu­pono uruhẽtup kahato ehupi.  
\v 5 — Uruka­'iwat uruto'e eti'a­tu­mo­herep tawa Tesa­ro­nika piaria pe aikotã aikotã eti'a­tu­ky'e kahato hap uruiky­'esat. Ta'a­tukuap ta'a­tu­py'a pe epiat ta'a­tu­ky'e hap aikotã Esa'yru Uruka­'iwat iperup'i kahato tepiat ho'opot hap ko'i ete. Mot'i kahato hap ewy eti'a­tu­moe­saika i'atu­wa­nẽtup hawe i'atupiit pe uruto'e. 
\p  
\v 6 Uruwy­ria'in tukup­te'en aipy­'a­setpe iperup kahato rakaria — Uito ti Iesui mohey hat e haria pytkai. Mi'iria ti yt ipotpap teran i rakaria wo gupte'en haria. Mi'iria ti tukup­te'en eipy­'a­setpe — Yt atunug neran Pauru mienoi e haria. Mi'i haria o yt ewetunug nei'o eiwy wo.  
\v 7 Eweikuap ta'yn ipotpap takaria wo urukup­te'en hap mi'i tupono waku ewehã'ãg uru'e­wywuat hap uruto'e. Pyno uruiã'ãkap wo eweikup­te'en itote urusai­pe­piano urueiam mo uru'e­wywuat hewyry rakaria wo eweikup­te'en.  
\v 8 Yt uwe yat upi i uruesy'at uruto'e put'ok­'u­ru­to'e turan katu­pono uruewyry hap upi ta'i urumi­sa'up nug kaipyi yn urutenuk. Ta'i motpap urutunug uruepiat turan urusero kahato wãtym muo ihot'ok puo. Mi'i kaipyi ti uruipuẽti urumi'u sa'up ko'i i'ewyte uruesokpe urueka­re'en sa'up ko'i uruto'e. Yt uruiky­'esat hin i urutu­we­te­weru ehepiat hap.  
\v 9 I'ewyte eimu'e sa'up yt uruhe­katup hin i eikaipyi. Uruhẽtup teran pote uruhẽtup kuap ma'ato yt urutunug i mi'i tã. Waku eweikup­te'en ipotpap kahato rakaria wo uru'ewy.  
\v 10 Katu­pono urutu­kup­te'en eipy­'a­setpiat turan mio tã uruto'e yt ipotpap teran i rakat pe. Pyno yt naku i mi'i hat pe waho'oium imi'u wo uruto'e. Waku merup wuaria hesy'at rakaria wo te'e­ro­py­hu'at uruto'e. 
\p  
\v 11 Ma'ato tukup­te'en Iesui mohey haria eipy­'a­set­piaria yt ipotpap takaria i yt wo'o­po­wyro teran i haria. Pyno mi'i haria pe waku wãiwa­to'e. I'ewyte wo'oe­re­mõ­pusu hap ete yn i'atu­potpap ta'a­tue­wyry hap upi ta'a­tunug. Mi'iria pe waku wãiwa­to'e.  
\v 12 Mi'i tupono waku wãiwa­to'e iperup takaria pe. Aika­'iwat Aipo­typot Iesui yt tiky­'esat i sẽtup i sẽtup i e haria wo watoĩ­ne'en hap waku wato'e mi'i hat pe. Iesui tiky­'esat watoiat mekewat aipot­'e­re­mo­pusu hap hawyi waku aiwe­potpap aimo­sakup i hap aiwe­mo­sero hap kaipyi yn waku aimi'u ahekat toĩne'en waku wato'e aiwo­'ope.  
\v 13 Uruwy­ria'in yt naku i kahato aipohep ahero pytkai yt naku i aipohep wakuap nug hap ete pyi. 
\p  
\v 14 I'ewyte toĩne'en mote wẽtup ok eipy­'a­setpe — Yt atiky­'esat i Pauru'in piat uinãpin hap e hat waku yt eiwehik tei'o mi'i tã hat ete. Mi'i tã watunug hawyi mono te'e­ru­we­mõti ra'yn hawyi tuwat urumienoi kape i ra'yn to'e haype.  
\v 15 Ma'ato yt naku i ewei'e — Koitywy en uhewa­nĩkap ta'yn yt naku i mio tã ewei'e mi'i miit pe ma'ato waku eweinãpin perup'i popuo aikotã aheywyt aheinyt nãpin hap ewy.  
\v 16 Aiwo­'o­mo­wese hap nug hat sese ti Aipo­typot. Mi'i pe uruhẽtup kahato — Etum o aiwy­ria'in tawa Tesa­ro­nika piaria pe to'o­wese wuat'i e'at piat hamuat hap uruto'e. Karãpe i'atu­satek turan etum o i'atu­mo­wepit hap i'ewyte i'atue­hãite hap. Ereĩne'en wuat'i e'at pe i'atu­py­'a­setpe uruto'e uruhẽtup Tupana pe ehupi uruwy­ria'in.  
\v 17 Pyno mesup kurin atiwan uiwewi uipo wuat mesuwat Pauru piat mienoi sese moherep hamo. Pywuat uiat yne uimienoi sehay toĩne'en mesuwe hap kuap hamo uhet Pauru e hap atiwan.  
\v 18 — Uika­'iwat Uipo­typot Iesui eti'a­tu­ky'e te'en ne'i o aiwy­ria'in tawa Tesa­ro­nika piaria are'e yn ahẽtup yn ehupi Aika­'iwat pe. 
\p Waku ra'yn uhehay. Toran na'yn. 
\p Uito ti Pauru hawyi mehĩ Sira hawyi mehĩ Timoteu Iesui potpo­'o­roria uruto.