\id 2CO  
\h 2 Corintios 
\toc1 Xi³ ma³jao²-ni³ xon⁴xi³ pa²stro⁴Pablo qui³squi³-le⁴cho⁴ta⁴corintios 
\toc2 2 Corintios 
\toc3 2 Co. 
\mt1 Xi³ ma³jao²-ni³ xon⁴xi³ pa²stro⁴Pablo qui³squi³-le⁴cho⁴ta⁴corintios 
\c 1  
\s1 Pablo si¹ti²ˀnta³ 
\p  
\v 1 An³ nia¹³ Pablo, pa²stro⁴-le⁴ Jesucristo, jo³-sˀin² coan³me³-le⁴ Ni³na¹, cao⁴ ntsˀe³², je² Timoteo, to⁴jnco³ ti³chji²-lai²⁴jin⁴ jon² xi³ na⁴xi⁴na³nta¹-le⁴ Ni³na¹ xi³ ti³yo³ ya⁴ Corinto, cao⁴ nca³tsˀi³ cho⁴ta⁴-le⁴ Cristo xi³ tjio¹ ya⁴ nca³qui³jnta² Acaya.  
\v 2 Ni³na¹ je² Nˀai³-na¹ cˀoa⁴ je² Nai³-na¹ Jesucristo ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³. 
\s1 Ni³na¹ si¹je³con³-na¹ nca³yi³je³ cjoa⁴ñˀain³-na¹ 
\p  
\v 3 Cjoa⁴nta³ ca²ta³vˀai²-le⁴ je² Ni³na¹-le⁴ cˀoa⁴ Nˀai³-le⁴ Nai³-na¹ Jesucristo, je² Nˀai³ xi³ tsˀe⁴ cjoa⁴ma⁴ta³con², cˀoa⁴ Ni³na¹ xi³ tsˀe⁴ nca³yi³je³ cjoa⁴ni²je³ta³con²,  
\v 4 xi³ si¹je³con³-na¹ nca³yi³je³ cjoa⁴ñˀain³-na¹, jme¹-ni³ nca³ cˀoa⁴-ti⁴ ña¹ coan⁴-si¹ni³na¹ si⁴je³ta³coan³² je² xi³ tjio¹jin³ to⁴jña³-le⁴ cjoa⁴ñˀain³-ni³ cao⁴ xi³ ti⁴coi³-ni³ cjoa⁴ni²je³ta³con², jo³-sˀin² si¹je³con³-na¹ Ni³na¹ nca³ ña¹.  
\v 5 Jo³-sˀin² nca³ ma³ncjin²ya³jin³-na¹ cjoa⁴ñˀain³ xi³ tsˀe⁴ Cristo, nca³ cˀoa⁴-ti⁴ vˀa³cao⁴tˀa³-na¹, cˀoa⁴-ti⁴sˀin²ni³ ma³ncjin²ya³jin³-na¹ cjoa⁴ni²je³ta³con² xi³ to⁴tˀa³tsˀe⁴ Cristo.  
\v 6 To⁴nca³ tsa² chja³ˀai²⁴-jin⁴ cjoa⁴ñˀain³, coi³ xi³ tˀa³tsˀe⁴ cjoa⁴ni²je³ta³con²-no³ cˀoa⁴ cjoa⁴vi³tjo³ntjai²-no³. Cˀoa⁴ tsa² ma³je³ta³coin²⁴-jin⁴, coi³ xi³ tˀa³tsˀe⁴ cjoa⁴ni²je³ta³con²-no³, cˀoa⁴ cjoa⁴vi³tjo³ntjai²-no³. Je² cjoa⁴ni²je³ta³con²-vi⁴ xi³ si¹xa¹jin³-no³ nca³ jon², cˀia⁴ nca³ jcho¹cjoa⁴-no³ xi³ ti⁴coi³-ni³ cjoa⁴ñˀain³ xi³ ti³chja³ˀai²⁴-jin⁴ nca³ jin⁴-jin⁴.  
\v 7 Cˀoa⁴ je² xi³ cho³ya²-lai⁴jin⁴ xi³ tˀa³tsaon⁴³ nˀion¹ ti¹jna³, nca⁴ ˀya³qui²xi⁴-jin⁴ nca³ jo³-sˀin² nca³ vˀa³cao⁴tˀa³-no³ je² cjoa⁴ñˀain³, cˀoa⁴-ti⁴sˀin²ni³ vˀa³cao⁴tˀa³-no³ je² cjoa⁴ni²je³ta³con².  
\v 8 Nca⁴ ntsˀe³², li²coi³ me³-na³jin⁴ nca³ tsi² jchao⁴³ xi³ tˀa³tsˀe⁴ cjoa⁴ñˀain³ xi³ coan³tˀain³⁴-jin⁴ ya⁴ Asia nca³ nqui²sa⁴ tse³ cjoa⁴ñˀain³ qui³chja³ˀai²⁴-jin⁴ cao⁴-ni³ tsa² je² xi³ coan³ qui³jcho¹cjoa⁴-na³jin⁴, sa³ˀnta³ nca³ me³cˀain³-jin⁴.  
\v 9 Cˀoa⁴-sˀin² coan³-na³jin⁴ jo³-ni³ tsa² xi³ cjoa⁴vi³ya³ qui³sˀe³ne²-le⁴, jme¹-ni³ nca³ tsi² nta³ ˀya³ta³con²-si¹ni³jin⁴ yao³-na⁴jin⁴ xi³ ti⁴jin⁴-ni³jin⁴, to⁴nca³ Ni³na¹ xi³ nta³ ˀya³ta³coin²⁴-jin⁴, xi³ si¹cja³ˀa¹ya³-le⁴ xi³ cˀen³.  
\v 10 Je² xi³ tsa³cˀa³sje³ntjai²-na³jin⁴ cjoa⁴vi³ya³ xi³ tse³, cˀoa⁴ xi³ cˀoa⁴sje³ntjai². Cˀoa⁴ cho³ya²-lai⁴jin⁴ nca³ to⁴jo³ cˀoa⁴sje³ntjai²-sa³na³jin⁴.  
\v 11 Nca⁴ ti³ncha³cao⁴-na³jin⁴ nca³ jon² nca³ vˀe²tsˀoa³ntjai²-na³jin⁴, jme¹-ni³ nca³ ncjin² xi³ tsjoa¹-si¹ni³ cjoa⁴nta³ xi³ tˀa³tsain⁴-jin⁴, nca³ cˀoa⁴-sˀin² qui³tsˀai²-na³jin⁴ je² cjoa⁴nta³, nca⁴ ncjin² xi³ tsa³cˀe¹tsˀoa³ntjai²-na³jin⁴. 
\s1 Pablo tjin¹-le⁴ cjoa⁴ma⁴ta³con² xi³ tˀa³tsˀe⁴ cho⁴ta⁴ corintios 
\p  
\v 12 Chˀa²sje³je³yai³⁴-jin⁴ yao³-na⁴jin⁴ tˀa³tsˀe⁴ cjoa⁴-vi⁴ nca³ je² cjoa⁴fa³ˀai³tsjen³-na⁴jin⁴ si¹qui²xi⁴ya³-na³jin⁴ nca³ tsje³-ni¹⁴jin⁴ cˀoa⁴ nca³ ña³qui³ cjoa⁴qui²xi⁴-ni¹⁴jin⁴, jo³-sˀin² qui³tsjoa³-na³jin⁴ Ni³na¹. Cˀoa⁴-sˀin² tsa³qui³yo³choin³⁴-jin⁴ i⁴ son³ˀnte³, cˀoa⁴ nqui²sa⁴ tse³ cˀoa⁴-sˀin² tsa³qui³yo³jin³cao⁴-lai²⁴jin⁴ nca³ jon², a³li² cao⁴ cjoa⁴chji⁴ne⁴-le⁴ yao³-na⁴jin⁴, to⁴nca³ cao⁴ cjoa⁴nta³-le⁴ Ni³na¹.  
\v 13 Nca⁴ tsi² tsa² chji³-lai²⁴jin⁴ cjoa⁴ xi³ cja⁴ˀai¹, to⁴je² xi³ vˀe²xquiao⁴³ a³xo⁴ xi³ cˀoa⁴-ti⁴ ma³cho⁴ya³-no³. Cˀoa⁴ an³ co³ya²³-le⁴ nca³ sa³ˀnta³ cjoe⁴tˀa³ coan⁴cho⁴ya³-no³,  
\v 14 jo³-sˀin² nca³ je³coan³cho⁴ya³cˀa³-no³, nca³ jin⁴ ni¹⁴-jin⁴ xi³ chˀa⁴sje³je³yao³, cˀoa⁴-ti⁴sˀin²ni³ jo³-sˀin² nca³ jin⁴-jin⁴ chˀa⁴sje³je³ya³-lai²⁴jin⁴ cˀia⁴ nca³ ni⁴čhjin³-le⁴ Nai³-na¹ Jesús.  
\v 15 Cˀoa⁴ ña³qui³ tjin¹jnco³-le⁴coan³ je²-ve⁴, coan³me³-na³ nca³ ti¹tjon² qui³con³-no³ nca³ jon², jme¹-ni³ nca³ qui³sˀe³-si¹ni³no³ xi³ coan³jao²cˀa³-ni³ cjoa⁴nta³.  
\v 16 Cˀoa⁴ coan³me³-na³ nca³ ja²ˀa⁴to³-no³ cˀia⁴ nca³ quia³ ya⁴ Macedonia, cˀoa⁴ nca³ ji³nčhoa³con³ nqui²jnco³cˀa²-ni³no³ cˀia⁴ nca³ ji³nčhoa³-nia³ ya⁴ Macedonia, nca³ qui³cha³ni²ya³ntia⁴²-nao¹³ cˀia⁴ nca³ quia³ ya⁴ Judea.  
\v 17 Cˀoa⁴ nca³ coan³me³-na³ nca³ cˀoa⁴qui³sˀian³ je²-vi⁴, a³ to⁴ˀen¹sca¹ xi³ qui³si³chjen¹³. A³xo⁴ coi³ xi³ si³cja³ˀai³tsjen³, a³ cˀoa⁴-sˀin² si³cja³ˀai³tsjen³-nia³ jo³-ni³ tsa² cho⁴ta⁴ xi³ to⁴xa¹ cjoan³-ni³, nca³ sˀe⁴jin³-si¹ni³na³ xi³ jaon³-le⁴ cˀoa⁴ xi³ mai³-le⁴.  
\v 18 To⁴sa³ Ni³na¹ xi³ cjoa⁴qui²xi⁴ xi³ ti¹ve³ nca³ je² en¹-na⁴jin⁴ xi³ qui³cha²cao⁴-lai²⁴jin⁴ li²coi³ cˀoa⁴jaon³-le⁴ cˀoa⁴mai³-le⁴.  
\v 19 Nca⁴ je² ˀnti¹-le⁴ Ni³na¹, Jesucristo, xi³ an³ cao⁴ Silvano cao⁴ Timoteo qui³no²cjoa⁴ya³jin³-lai²⁴jin⁴ nca³ jon², je²-vi⁴ li²coi³ cˀoa⁴jaon³-le⁴ cˀoa⁴mai³-le⁴, to⁴nca³ jaon³ coan³-le⁴ nca³ je².  
\v 20 Nca³yi³je³ jo³ tjin¹ xi³ qui³si³sˀe³nqui³ Ni³na¹ jaon³ ma³ tˀa³tsˀe⁴, cˀoa⁴ je² xi³ tso² cˀoa⁴ca²ta³ma³, cˀoa⁴ma³ tˀa³tsˀe⁴. Coi³ nca³ ña¹ vi³xoan¹ xi³ tˀa³tsˀe⁴ cjoa⁴je³ya³-le⁴ Ni³na¹ cˀoa⁴ca²ta³ma³.  
\v 21 Cˀoa⁴ je² xi³ si¹nˀion¹tˀa³-na¹ Cristo, jin⁴-jin⁴ cao⁴ jon², cˀoa⁴ je² xi³ qui³si³ca³njon³-na¹, je² Ni³na¹.  
\v 22 Je² xi³ cˀoa⁴-ti⁴ tsa³cˀe¹choa⁴-na¹, cˀoa⁴ qui³tsjoa³-na¹ je² Espíritu Santo xi³ ti¹jna³jin³ ni⁴ma⁴-na¹ jo³-ni³ xi³ qui³sˀe³jna³nqui³.  
\v 23 To⁴nca³ an³ nchja²³-le⁴ Ni³na¹ nca³ testigo ma³ tˀa³tsˀe⁴ ni⁴ma⁴-na⁴ nca³ cˀoa⁴-sˀin² tjin¹-na³ cjoa⁴ma⁴ta³con² xi³ tˀa³tsaon⁴³ nca³ tsi² ja²ˀa⁴nqui²ntia³ ya⁴ Corinto.  
\v 24 Li²coi³ nca³ jin⁴-jin⁴ va³te²xo³ma³-lai²⁴jin⁴ je² xi³ ma³cjain¹-no³, to⁴nca³ jin⁴ xi³ vi³ncha³cao⁴-lai²⁴jin⁴ xi³ tˀa³tsˀe⁴ cjoa⁴tsjoa³-no³, nca⁴ xi³ tˀa³tsˀe⁴ xi³ ma³cjain¹-no³ nˀion¹ ti³yo³-nio³. 
\c 2  
\p  
\v 1 Je²-vi⁴ xi³ qui³si³cja³ˀai³tsjen³ nca³ an³, nca³ tsi² cjoa²ˀai⁴con³ nqui²jnco³cˀa²-ni³no³ nca³ jon² cao⁴ cjoa⁴va³.  
\v 2 Tsa² an³ cˀoa⁴-sˀin² si³va³-no³, cˀia⁴ ˀya¹-ni³ xi³ si⁴²tsjoa³-na³, tsa² tsi² je² xi³ an³ si³va³-le⁴.  
\v 3 Ti⁴je²-ni³vi⁴ xi³ qui³squi³-no³, jme¹-ni³ nca³ tsi² tse³ cjoa⁴va³ tsjoa¹-si¹ni³na³ je² xi³ tjin¹-ni³le⁴ nca³ tsjoa¹-na³ cjoa⁴tsjoa³ cˀia⁴ nca³ an³ xi³ coi³choa³. Tjin¹jnco³-le⁴coan³ xi³ tˀa³tsaon⁴³ nca³tsˀio³ nca³ je² cjoa⁴tsjoa³-na⁴ ti⁴coi³-ni³ xi³ tsaon⁴³ nca³tsˀio³.  
\v 4 Nca⁴ qui³squi³-no³ cao⁴ xi³ tse³ nta¹xcoan³ nca³ cjai¹ tse³ cjoa⁴ñˀain³ cao⁴ cjoa⁴fao¹ xi³ qui³sˀe³-le⁴ ni⁴ma⁴-na⁴, a³li²coi³-jin² nca³ cˀoa⁴-sˀin² coan⁴va³-no³ nca³ jon², to⁴nca³ jme¹-ni³ nca³ jcha⁴-si¹nio³ jo³ cji³ tse³ cjoa⁴tjao²cha³ xi³ tjin¹-na³ tˀa³tsaon⁴³. 
\s1 Cjoa⁴ni²cha³tˀa³ xi³ ma³chjen¹ 
\p  
\v 5 Tsa² jnco³ xi³ je³qui³si³va³-na³, li²coi³ qui³si³va³-na³ nca³ to⁴ˀan³, to⁴nca³ sa³ˀnta³ qui³si³cˀa³cao⁴tˀa³ i⁴tse¹-no³ nca³tsˀio³. Cˀoa⁴-sˀin² xian³, jme¹-ni³ nca³ tsi² tse³ en¹tsjo²ˀa³ si³chjen¹-si¹nia³.  
\v 6 Je² xi³ cˀoa⁴qui³sˀin³, to⁴coan³-la²ni³le⁴ je² cjoa⁴ñˀain³-vi⁴, nca³ ncjin² coan³ xi³ je³qui³si³cja³ˀa¹-le⁴.  
\v 7 To⁴sa³ jon² ti⁴cha³tˀa³-lao⁴³, cˀoa⁴ ti⁴je³ta³con²-lao⁴³, jme¹-ni³ nca³ je² xi³ cˀoa⁴qui³sˀin³ li²coi³ ya⁴ cjoe⁴jin³ cjoa⁴va³ xi³ nˀion¹ tse³.  
\v 8 To⁴coi³ cjoa⁴ vˀe³tsˀoa²³-ni³no³ nca³ si⁴qui²xi⁴ya³tsaon³ je² cjoa⁴tjao²cha³-no³ xi³ tˀa³tsˀe⁴ nca³ je².  
\v 9 Cˀoa⁴²-ti⁴ to⁴coi³ cjoa⁴-vi⁴ nca³ qui³squi³-no³ nca³ qui³sco²tˀa³-no³ nca³ jon² tsa² qui³ni²tjo³son²³ nca³yi³je³.  
\v 10 Cˀoa⁴ je² xi³ jon² ni²cha³tˀa³-lao⁴³, cˀoa⁴-ti⁴ an³ si³cha³tˀa³-le⁴. Je² xi³ an³ qui³si³cha³tˀa³, tsa² tjin¹ xi³ qui³si³cha³tˀa³, cˀoa⁴-sˀin² qui³sˀian³ xi³ tˀa³tsaon⁴³ nqui³xcon⁴ Cristo,  
\v 11 jme¹-ni³ nca³ tsi² si⁴²qui³njen³-si¹ni³na¹ Satanás, nca³ ˀya³-nia¹ cjoa⁴fa³ˀai³tsjen³ma²ña⁴-le⁴.  
\v 12 Cˀia⁴ nca³ je²ˀe⁴ ya⁴ Troas nca³ qui³nchja²ya³ je² en¹nta³ xi³ tˀa³tsˀe⁴ Cristo, qui³sˀe³ti⁴xˀa⁴ˀnte³-na³ tˀa³tsˀe⁴ Nai³-na¹,  
\v 13 to⁴nca³ li²coi³ qui³si³cja¹ya³ ni⁴ma⁴-na⁴, nca³ tsi² tsa² coan³sjai³-na³ ntsˀe³² Tito. Cˀoa⁴-sˀin² qui³si³xa³tˀa³ cho⁴ta⁴ ya⁴-ve⁴, cˀoa⁴ quia³ ya⁴ Macedonia. 
\s1 Ni²qui³njen³² nca³ ti³yo³coa⁴² Cristo 
\p  
\v 14 To⁴nca³ Ni³na¹ ca²ta³vˀai²-le⁴ cjoa⁴nta³, nca³ je² xi³ tsjoa¹-na¹ nca³ntsjai² nca³ ni²qui³njen³² nca³ ma³nquin¹coa⁴² Cristo Jesús. Xi³ to⁴tˀa³tsan⁴² Ni³na¹ si¹cˀa³vi¹son² nca³qui³jnta² je² cjoa⁴qui²xi⁴ xi³ tˀa³tsˀe⁴ Cristo, xi³ jo³-ni³ xo³nco¹sja³ nca³ ma³nca³va³son².  
\v 15 Xi³ tˀa³tsˀe⁴ Ni³na¹ jta⁴nta³njen⁴-le⁴ Cristo nia¹, ya⁴jin³-le⁴ je² xi³ vi³tjo³ntjai², cˀoa⁴ ya⁴jin³-le⁴ xi³ cha³.  
\v 16 Xi³ tˀa³tsˀe⁴ xi³ cha³ xi³ cjoa⁴qui²xi⁴ jta⁴-le⁴ cjoa⁴vi³ya³ nia¹ xi³ tsjoa¹ cjoa⁴vi³ya³, cˀoa⁴ tˀa³tsˀe⁴ xi³cˀa³ jta⁴-le⁴ cjoa⁴vi³jna³chon³ nia¹ xi³ tsjoa¹ cjoa⁴vi³jna³chon³. Cˀoa⁴ xi³ tˀa³tsˀe⁴ je² cjoa⁴-vi⁴, ˀya¹-ni³ xi³ coan⁴-le⁴ cjoa⁴ je²-vi⁴.  
\v 17 Nca⁴ jin⁴-jin⁴ li²coi³ cˀoa⁴-sˀin² cjoain³-jin⁴ jo³-ni³ tsa² je² xi³ ncjin² ma³-ni³, xi³ vˀa³na⁴cha⁴ xi³ si¹qui³njen³ tˀa³-tsˀe⁴ en¹-le⁴ Ni³na¹, to⁴nca³ jin⁴-jin⁴ tjin¹qui²xi⁴ tˀa³tsain⁴-jin⁴, nca³ tsˀe⁴ Ni³na¹ ni¹⁴-jin⁴. Nqui³xcon⁴ Ni³na¹ no²cjoai⁴-jin⁴ nca³ ti³yo³coai⁴-jin⁴ Cristo. 
\c 3  
\s1 Si⁴xa¹-le⁴² Ni³na¹ tˀa³tsˀe⁴ cjoa⁴cho⁴tse⁴ xi³ tjin¹nˀion¹ 
\p  
\v 1 A³ cˀoe¹tsˀia⁴cao⁴ nqui²jnco³cˀai²⁴-jin⁴ nca³ chˀa⁴sje³ntai³-jin⁴ yao³-na⁴jin⁴, a³xo⁴ jo³-ni³ cˀa³ a³ ma³chjen¹-na³jin⁴ xon⁴carta xi³ cˀoa⁴sje³nta³-na³jin⁴ xi³ tˀa³tsaon⁴³, a³xo⁴ xi³ tsaon⁴³.  
\v 2 Jon² nio¹³ xi³ coio³ xon⁴-na⁴jin⁴, xi³ tjio¹tˀa³ ya⁴jin³ ni⁴ma⁴-na⁴jin⁴, xi³ nca³tsˀi³ cho⁴ta⁴ ve³, cˀoa⁴ vˀe¹xquia⁴.  
\v 3 ˀya³son²tsen³-le⁴ nca³ jon² xon⁴-le⁴ Cristo, xi³ jin⁴ chji³-jin⁴, xi³ li²coi³ nta¹jin¹ qui³chji³-ni³, to⁴nca³ cao⁴ je² Espíritu Santo xi³ tsˀe⁴ Ni³na¹ xi³ ti¹jna³con³. Li²coi³ ya⁴ tjio¹tˀa³jon³ la⁴jao⁴, to⁴nca³ ya⁴ tjio¹tˀa³jon³ xi³ yao³ xi³ ni⁴ma⁴-le⁴ cho⁴ta⁴.  
\v 4 Cˀoa⁴-sˀin² nta³ tjio¹jnco³con³ ni⁴ma⁴-na⁴jin⁴ xi³ to⁴tˀa³tsˀe⁴ Cristo nqui³xcon⁴ Ni³na¹.  
\v 5 Li²coi³ nca³ ti⁴jin⁴-ni³ ma³-na³jin⁴ nca³ si⁴cja³ˀai³tsjain³-jin⁴ nca³ tjin¹ to⁴jme³-ni³ve⁴ xi³ to⁴tˀa³tsain⁴-jin⁴, to⁴nca³ je² xi³ to⁴tˀa³tsˀe⁴ ma³-na³jin⁴, je² Ni³na¹,  
\v 6 xi³ cˀoa⁴-ti⁴ qui³tsjoa³-na³jin⁴ nca³nˀion¹ nca³ ma³-na³jin⁴ ni²xa¹-lai⁴jin⁴ tˀa³tsˀe⁴ jnco³ cjoa⁴cho⁴tse⁴ xi³ tjin¹nˀion¹, li²coi³ xi³ tsˀe⁴ xi³ je³tji¹tˀa³, to⁴nca³ je² xi³ tsˀe⁴ Espíritu Santo, nca³ je² xi³ tji¹tˀa³ si¹cˀen³, to⁴nca³ je² Espíritu Santo tsjoa¹ cjoa⁴vi³jna³chon³.  
\v 7 Cˀoa⁴ je² cjoa⁴ xi³ qui³sco³ˀai²ˀnte²-le⁴ cjoa⁴vi³ya³, xi³ ya⁴ qui³sˀe³tˀa³jon³ la⁴jao⁴, cˀoa⁴coan³ cao⁴ cjoa⁴je³ya³, sa³ˀnta³ je² xti³-le⁴ Israel li²coi³ coan³ nˀion¹ qui³sco²tsen³-le⁴ je² ncjain¹ Moisés, to⁴tˀa³tsˀe⁴ je² cjoa⁴je³ya³-le⁴ ncjain¹. Je² cjoa⁴je³ya³ tjin¹-ni³ nca³ qui³ qui³cha³.  
\v 8 Jo¹-sˀin² nca³ tsi² nqui²sa⁴ nta³ coi⁴tjo³je³ya³ je² cjoa⁴ xi³ je² Espíritu Santo cjo³ˀai²ˀnte²-le⁴.  
\v 9 Tsa² je² cjoa⁴ xi³ qui³sco³ˀai²ˀnte²-le⁴ cjoa⁴ñˀain³ coan³ cao⁴ cjoa⁴je³ya³, nqui²sa⁴ to⁴coan⁴je³ya³ je² cjoa⁴je³ya³-le⁴ je² cjoa⁴ xi³ cjo³ˀai²ˀnte²-le⁴ cjoa⁴qui²xi⁴.  
\v 10 Je² xi³ qui³sˀe³-le⁴ cjoa⁴je³ya³, li²coi³ ti⁴cˀoa⁴-sˀin² tjin¹-ni³le⁴ cjoa⁴je³ya³ ntˀai⁴, nca³ tjin¹ nqui²jnco³ cjoa⁴je³ya³ xi³ to⁴nqui²sa⁴ ncˀa³ tjin¹.  
\v 11 Tsa² je² xi³ cha³, qui³sˀe³-le⁴ cjoa⁴je³ya³, nqui²sa⁴ to⁴sˀe⁴-le⁴ cjoa⁴je³ya³ je² xi³ vˀe²jna³ntsjai².  
\v 12 Cˀoa⁴-sˀin² nca³ ti³cho³ya²-le⁴² coi³ cjoa⁴-vi⁴, nˀion¹con³ ni⁴ma⁴-na¹ nca³ no²cjoa⁴-nia¹.  
\v 13 Li²coi³ jo³-ni³ Moisés xi³ tsa³cˀe¹jtsa³ ncjain¹ jnco³ na³jño³, jme¹-ni³ nca³ je² xti³-le⁴ Israel li²coi³ nˀion¹ qui³sco²tsen³-le⁴ jo³-sˀin² cjoe⁴tˀa³ je² xi³ tjin¹-ni³ nca³ cha⁴.  
\v 14 To⁴nca³ je² cjoa⁴fa³ˀai³tsjen³-le⁴ cho⁴ta⁴ Israel xi¹jin³ coan³. Sa³ˀnta³ ntˀai⁴-vi⁴ cˀia⁴ nca³ vˀe¹xquia⁴ je² cjoa⁴ xi³ jchi¹nca³ xi³ tjin¹nˀion¹, to⁴jo³ cje³ tjo³sje³jtsa³-jin²le⁴ na³jño³ xi³ ti⁴coi³-ni³, xi³ to⁴Cristo fa³ˀa¹xin².  
\v 15 Sa³ˀnta³ ntˀai⁴-vi⁴, je² na³jño³ to⁴jo³ cji³jtsa³ ni⁴ma⁴-le⁴, to⁴cˀia⁴-ni³ve⁴ nca³ sˀe³xquia⁴jin³-ni³ xi³ tsˀe⁴ Moisés.  
\v 16 To⁴nca³ cˀia⁴ nca³ si¹cˀo¹fa³ya³tˀa³-le⁴ je² Nai³-na¹, je² na³jño³ xi³ cji³jtsa³ tjo¹xin².  
\v 17 Je² Nai³-na¹ tso²-ni³ Espíritu Santo. Cˀoa⁴ jña³ nca³ tjin¹ je² Espíritu Santo xi³ tsˀe⁴ Nai³-na¹, ya⁴ tjin¹ cjoa⁴ntai¹.  
\v 18 To⁴coi³ ña¹ nca³tsˀia³² nca³ tsi² tjio¹ˀma³ ncjan³², nca³ cho¹tsen³ya³² jo³-ni³ tsa² jnco³ cho⁴tsin¹ je² cjoa⁴je³ya³-le⁴ Nai³-na¹, cˀoa⁴-sˀin² cji³vˀa³ntjai²ya³² nca³ cˀoa⁴coan⁴ cjoan³² jo³ cjoan³ Nai³-na¹, nca³ tjin¹-na¹ cjoa⁴je³ya³, cˀoa⁴ nqui²sa⁴ tse³ cjoa⁴je³ya³ nca³ nčhoa¹-ni³ je² Nai³-na¹ xi³ je² Espíritu. 
\c 4  
\s1 Je² en¹nta³ xi³ tˀa³tsˀe⁴ Cristo xi³ si¹ˀi³sen³ 
\p  
\v 1 To⁴coi³ nca³ tjin¹-na³jin⁴ jin⁴-jin⁴ je² xa¹-vi⁴, jo³-sˀin² Ni³na¹ coan³ma⁴que³-na³jin⁴, li²coi³ ma³ˀi³ntai³⁴-jin⁴.  
\v 2 To⁴nca³ qui³chja³ˀa²xin²⁴-jin⁴ je² cjoa⁴ xi³ to⁴ˀma³-sˀin² sˀin¹ xi³ tsˀe⁴ cjoa⁴soa³, nca³ tsi² cjoa⁴ma²ña⁴ coi⁴to¹mjen³coai⁴-jin⁴, nca³ tsi² si⁴cˀa³ntjai²yai³⁴-jin⁴ je² en¹-le⁴ Ni³na¹, to⁴nca³ chˀa⁴sje³son²tsain³-jin⁴ je² xi³ cjoa⁴qui²xi⁴, nca³ ti⁴jin⁴-ni³jin⁴ nta³ chˀa²sjai³⁴-jin⁴ yao³-na⁴jin⁴ tˀa³tsˀe⁴ cjoa⁴fa³ˀai³tsjen³-le⁴ nca³tsˀi³ cho⁴ta⁴ nqui³xcon⁴ Ni³na¹.  
\v 3 Tsa² je² en¹nta³ xi³ tˀa³tsˀe⁴ Cristo xi³ no²cjoa⁴yai³⁴-jin⁴ to⁴jo³ tji¹jtsa³ˀma³, tji¹jtsa³ˀma³jin³-le⁴ to⁴je² xi³ cha³.  
\v 4 Tˀa³tsˀe⁴ xi³ cha³, je² ni³na¹ xi³ tsˀe⁴ son³ˀnte³-vi⁴ ntˀai⁴-vi⁴ tsa³cˀe¹chjoa²nqui³ cjoa⁴fa³ˀai³tsjen³-le⁴ je² xi³ tsi² ma³cjain¹-le⁴, jme¹-ni³ nca³ tsi² sˀe⁴-si¹ni³le⁴ sen¹ cao⁴ cjoa⁴ˀi³sen³-le⁴ je² en¹nta³ xi³ tˀa³tsˀe⁴ cjoa⁴je³ya³-le⁴ Cristo xi³ Ni³na¹ ji³tjo³jin³.  
\v 5 Nca⁴ tsi²coi³ no²cjoa⁴yai³⁴-jin⁴ xi³ ti⁴tˀa³tsain⁴-ni³jin⁴, to⁴tˀa³tsˀe⁴ Jesucristo nca³ Nai³-na¹ ma³, cˀoa⁴ jin⁴-jin⁴ cho⁴ˀnta³-no³ mai³⁴-jin⁴ xi³ tˀa³tsˀe⁴ Jesús.  
\v 6 Nca⁴ Ni³na¹ xi³ cˀoa⁴qui³tso², je² lˀi¹ ca²ta³ma³ˀi³sen³-ni³ jña³ njion²chon³, cˀoa⁴ je² ni¹ xi³ qui³si³ˀi³sen³jin³ ni⁴ma⁴-na⁴jin⁴. Cˀoa⁴-sˀin² tˀa³tsain⁴-jin⁴ qui³si³ˀi³sen³, jme¹-ni³ nca³ jcha⁴-si¹ni³jin⁴ je² cjoa⁴je³ya³-le⁴ Ni³na¹ xi³ ncjain¹ Jesucristo ma³tsen³-ni³. 
\s1 Pablo ti¹jna³con³-ni¹ xi³ to⁴tˀa³tsˀe⁴ xi³ ma³cjain¹-le⁴ 
\p  
\v 7 To⁴nca³ tjin¹-na³jin⁴ je² cjoa⁴-vi⁴ xi³ nˀion¹ nta³ jo³-ni³ tsa² ja⁴ya³-le⁴ jnco³ ti⁴² xi³ ni³ˀnte³, jme¹-ni³ nca³ jcha⁴-si¹ni³le⁴ nca³ je² nca³nˀion¹ xi³ nˀion¹ tse³ tsˀe⁴ Ni³na¹ ni¹, a³li² tsain⁴-jin²jin⁴.  
\v 8 To⁴jo³ cji³ nca³yi³je³ tjin¹-na³jin⁴ cjoa⁴ñˀain³, to⁴nca³ li²jo³ ma³-na³jin⁴. Li²coi³ ˀyai³⁴-jin⁴ jme³ xi³ sˀiain⁴-jin⁴, to⁴nca³ li²coi³ ni²cjao¹jin³-jin⁴.  
\v 9 Tjin¹ xi³ tjen⁴nqui³co²ntran⁴-na³jin⁴, to⁴nca³ li²coi³ qui³njion²-ta³con²na³jin⁴, ni²cˀa³tsao³-na³jin⁴, to⁴nca³ li²coi³ chai³⁴-jin⁴.  
\v 10 Nca³ntsjai² to⁴jña³-ni³ main¹cao⁴jin³-jin⁴ yao³-na⁴jin⁴ je² cjoa⁴vi³ya³ xi³ tsˀe⁴ Jesús, jme¹-ni³ nca³ cˀoa⁴-ti⁴ je² cjoa⁴vi³jna³chon³-le⁴ Jesús cˀoa⁴-ti⁴sˀin² coan⁴tsen³jin³-si¹ni³ yao³-na⁴jin⁴.  
\v 11 Nca⁴ jin⁴-jin⁴ xi³ ti³yo³choin³-jin⁴, vˀai²tˀain³ntsjai²-na³jin⁴ cjoa⁴vi³ya³ xi³ tˀa³tsˀe⁴ Jesús, jme¹-ni³ nca³ je² cjoa⁴vi³jna³chon³-le⁴ Jesús coan⁴tsen³jin³-si¹ni³ yao³-na⁴jin⁴ xi³ mˀen³.  
\v 12 Cˀoa⁴-sˀin² cjoa⁴vi³ya³ si¹xa¹jin³-na³jin⁴ nca³ jin⁴, to⁴-nca³ cjoa⁴vi³jna³chon³ si¹xa¹jin³-no³ nca³ jon².  
\v 13 To⁴nca³ to⁴nco¹son²-sˀin² ma³cjain¹-na³jin⁴ jo³-sˀin² coan³cjain¹-le⁴ je² xi³ cˀoa⁴-sˀin² qui³squi³: Coan³cjain¹-na³, to⁴coi³ cˀoa⁴-sˀin² qui³nchja²³-nia³. Jin⁴-jin⁴ cˀoa⁴-ti⁴sˀin²ni³ ma³cjain¹-na³jin⁴, to⁴coi³ cˀoa⁴-sˀin² no²cjoa⁴-ni³jin⁴.  
\v 14 ˀya³qui²xi⁴-ni¹⁴jin⁴ nca³ je² xi³ qui³si³cja³ˀa¹ya³-le⁴ Nai³-na¹ Jesús, cˀoa⁴-ti⁴ jin⁴-jin⁴ si⁴²cja³ˀa¹ya³-na³jin⁴ cao⁴ Jesús, cˀoa⁴ si⁴²ca³tio¹va³sen³-na³jin⁴ cao⁴ jon².  
\v 15 Nca³yi³je³ je² cjoa⁴-vi⁴ tˀa³tsaon⁴³ nio¹³, jme¹-ni³ nca³ coan⁴tse³ya³-si¹sa³ni³ cjoa⁴nta³ xi³ tˀa³tsˀe⁴ cho⁴ta⁴ncjin²-sa³, cˀoa⁴ jme¹-ni³ nca³ cˀoai⁴-si¹sa³ni³le⁴ cjoa⁴nta³ Ni³na¹, cˀoa⁴-sˀin² coan⁴tse³ya³-sa³ je² cjoa⁴je³ya³-le⁴ Ni³na¹.  
\v 16 To⁴coi³ li²coi³ ma³ˀi³nta³-ni³jin⁴. To⁴nca³ nta³ tsa² je² yao³cho⁴ta⁴-na⁴jin⁴ cˀoa⁴-sˀin² ti¹fe³nqui³, je² jo³ cjoan³ya³-na³jin⁴ cji³ma³cho⁴tse⁴ya³ ni⁴čhjin³ nca³ nchaon³.  
\v 17 Cˀoa⁴ je² cjoa⁴ñˀain³-na⁴jin⁴ xi³ to⁴jnco³ tjo² ntˀai⁴-vi⁴, xi³ xan⁴ tjin¹, ti¹vˀe¹nta³-na³jin⁴ xi³ nqui²sa⁴ tse³ cjoa⁴je³ya³ xi³ nca³ntsjai² xi³ li²coi³ ma³ ma³ni²nco¹son².  
\v 18 Nca⁴ tsi² ni²sin³-lai⁴jin⁴ cjoa⁴ xi³ ma³tsen³, to⁴nca³ je² xi³ tsi² ma³tsen³, nca³ je² cjoa⁴ xi³ ma³tsen³ to⁴fa³ˀa³to³-ni¹, to⁴nca³ je² xi³ tsi² ma³tsen³ tjio¹ nca³ntsjai². 
\c 5  
\p  
\v 1 Nca⁴ ˀya³qui²xi⁴-ni¹⁴jin⁴ tsa² je² ntˀia³son³ˀnte³ xi³ jo³-ni³ to⁴čhjoa⁴carpa jña³ vi³yo³ˀya²-ni¹⁴jin⁴ cˀoa⁴-sˀin² cjoi⁴tson¹, tjin¹-na³jin⁴ jnco³ ni³ˀya³ xi³ Ni³na¹ tsa³cˀe¹nta³-na³jin⁴, xi³ tsi² tsa² ntsja³ cho⁴ta⁴ coan³nta³-ni³, xi³ ti¹jna³ntsjai² ncˀa³jmi³.  
\v 2 Tse³nai²⁴-jin⁴ i⁴ ntˀia³son³ˀnte³-na⁴jin⁴, nca³ cjai¹ me³-na³jin⁴ chˀa²cja¹son²ncˀai³⁴-jin⁴ je² ntˀia³-na⁴jin⁴ xi³ cjoi⁴nčhoa³-ni³ ncˀa³jmi³.  
\v 3 Tsa² je³qui³chˀa²cjai¹⁴-jin⁴, cˀia⁴ li²coi³ coan⁴sjai³-jin⁴ nca³ ti³yo³jti²-jin⁴.  
\v 4 Nca⁴ cˀoa⁴-ti⁴sˀin²ni³ jin⁴-jin⁴ xi³ ti³yoi³⁴-jin⁴ je² ntˀia³na³jño³-vi⁴, tse³nai²⁴-jin⁴ nca³ ñˀain³ cji³ne²-na³jin⁴ cjoa⁴, li²coi³ nca³ me³-na³jin⁴ nca³ chja⁴ˀa²xin²-na³jin⁴ ntˀia³na³jño³-vi⁴, to⁴nca³ coi³ nca³ me³-na³jin⁴ chˀa⁴cja¹soin²⁴-jin⁴, jme¹-ni³ nca³ je² xi³ mˀen³ cˀoa⁴-sˀin² cˀoa⁴ntjai²ya³jin³-ni³ cao⁴ cjoa⁴vi³jna³chon³.  
\v 5 Cˀoa⁴ je² xi³ tsa³cˀe¹nta³-na³jin⁴ tˀa³tsˀe⁴ xi³ ti⁴coi³-ni³ je²-vi⁴, je² Ni³na¹, xi³ qui³tsjoa³-na³jin⁴ je² Espíritu Santo xi³ qui³sˀe³jna³nqui³-na³jin⁴.  
\v 6 Cˀoa⁴-sˀin² tjio¹jnco³ta³coin²⁴-jin⁴ nca³ntsjai², nca³ ˀya³qui²xi⁴-ni¹⁴jin⁴ nca³ ti³yo³tˀa³xin²-lai⁴jin⁴ Nai³-na¹ tjen⁴ nca³ ti³yo³jin³-jin⁴ yao³-na⁴jin⁴.  
\v 7 Nca⁴ ti³ma²-ni¹⁴jin⁴ xi³ tˀa³tsˀe⁴ xi³ ma³cjain¹-na³jin⁴, li²coi³ xi³ tˀa³tsˀe⁴ xi³ to⁴cho²tsain³-jin⁴.  
\v 8 To⁴nca³ tjio¹jnco³ta³coin²⁴-jin⁴, cˀoa⁴ nqui²sa⁴ coan⁴tsjoa³-na³jin⁴ tsa² ti³yo³tˀa³xin²-lai⁴jin⁴ yao³-na⁴jin⁴, nca³ ti³yo³coai⁴-jin⁴ Nai³-na¹.  
\v 9 To⁴coi³ cˀoa⁴-ti⁴ nqui²sa⁴ nˀion¹ vˀe²ta³con²-lai⁴jin⁴ nca³ nta³ sa³sen¹ta³con²-lai⁴jin⁴ nca³ je², a³xo⁴ nca³ ti³yo³tˀa³xin²⁴-jin⁴, a³xo⁴ nca³ ya⁴ ti³yo³coai⁴-jin⁴.  
\v 10 Cjoa⁴nˀion¹ coi⁴yoa³² nca³tsˀia³² nqui³xcon⁴ cjoa⁴te¹xo³ma³-le⁴ Cristo, jme¹-ni³ nca³ jnco¹jnco¹ cˀoai⁴-si¹ni³na¹ jo³-sˀin² qui³nˀian³² cao⁴ yao³-na¹, tsa² nta³ tjin¹ a³xo⁴ tsa² chˀao³ tjin¹. 
\s1 Ni³na¹ tsa³cˀe¹jna³tˀain³ Pablo je² en¹ xi³ ni²cjao¹nta³-ni³ 
\p  
\v 11 To⁴coi³ cjoa⁴ nca³ cˀoa⁴-sˀin² xcon¹ ˀyai³⁴-jin⁴ Nai³-na¹, cˀoa⁴-sˀin² ni²ntˀe¹tˀai³⁴-jin⁴ cho⁴ta⁴, to⁴nca³ Ni³na¹ nta³ ve³son²tsen³-na³jin⁴. Cˀoa⁴ co³ya²-le⁴ nca³ cˀoa⁴-ti⁴ ˀya³son²tsen³-na³jin⁴ ya⁴jin³-le⁴ cjoa⁴fa³ˀai³tsjen³-no³.  
\v 12 Li²coi³ nˀo²sje³nta³ nqui²jnco³cˀa²-ni³⁴jin⁴ yao³-na⁴jin⁴ nqui³xcon³, to⁴nca³ vˀai²ˀnte²-lai²⁴jin⁴ nca³ jon² nca³ nˀo²sje³je³ya³-na³jin⁴ nca³ jin⁴-jin⁴, jme¹-ni³ nca³ sˀe⁴-si¹ni³no³ en¹ xi³ coi⁴xon¹-lao⁴³ je² xi³ vˀa³sje³je³ya³ jo³ cjoan³ yao³-le⁴, cˀoa⁴ li²coi³ vˀa³sje³je³ya³ xi³ tsˀe⁴ ni⁴ma⁴-le⁴.  
\v 13 Tsa² sca¹-na³jin⁴, coi³ xi³ tˀa³tsˀe⁴ Ni³na¹, cˀoa⁴ tsa² nta³ tjio¹-ta³coin²⁴jin⁴, coi³ xi³ tˀa³tsaon⁴³ nca³ jon².  
\v 14 Je² cjoa⁴tjao²cha³-le⁴ Cristo cjoa⁴nˀion¹ sˀin¹-na³jin⁴, nca³ je³qui³ni²cja³ˀai³tsjain³-jin⁴ je²-vi⁴, nca³ jnco³ xi³ cˀen³ xi³ tˀa³tsˀe⁴ nca³tsˀi³, coi³ tjio¹cˀen³-ni³ nca³tsˀi³.  
\v 15 Cˀoa⁴ cˀen³ xi³ tˀa³tsˀe⁴ nca³tsˀi³, jme¹-ni³ nca³ je² xi³ tjio¹con³, li²coi³ ti⁴coa⁴tio⁴con³-ni³ xi³ ti⁴tˀa³tsˀe⁴-ni³, to⁴nca³ xi³ tˀa³tsˀe⁴ je² xi³ cˀoa⁴-sˀin² cˀen³, cˀoa⁴ xi³ qui³ni²cja³ˀa¹ya²-ni³le⁴ xi³ tˀa³tsˀe⁴.  
\v 16 To⁴coi³ nca³ ntˀai⁴-vi⁴ xi³ fi²-sa³ni³ jin⁴-jin⁴ ni⁴ˀya³-jin² xi³ ˀyai³⁴-jin⁴ jo³-sˀin² tjio¹ cjoa⁴fa³ˀai³tsjen³-le⁴ cho⁴ta⁴, nta³ tsa² cˀoa⁴-sˀin² tsa³ˀyai³⁴-jin⁴ Cristo jo³-sˀin² tjio¹ cjoa⁴fa³ˀai³tsjen³-le⁴ cho⁴ta⁴, to⁴nca³ ntˀai⁴-vi⁴ li²coi³ ti⁴cˀoa⁴-sˀin²ni³ ˀya³-ni³jin⁴ nca³ je².  
\v 17 Cˀia⁴ tsa² jnco³ xi³ ti¹jna³cao⁴ Cristo, coan³cho⁴tse⁴ya³ nqui²ntia³-ni³. Je² cjoa⁴ nca³sˀa⁴ je³ja³ˀa³to³. Coe⁴-ni³ coan³cho⁴tse⁴ nca³yi³je³ cjoa⁴.  
\v 18 Cˀoa⁴ nca³yi³je³ je²-vi⁴ Ni³na¹ nčhoa¹-ni³. Xi³ to⁴tˀa³tsˀe⁴ Cristo qui³si³cjao²nta³-na¹ Ni³na¹ xi³ ti⁴tˀa³tsˀe⁴-ni³, cˀoa⁴ qui³tsjoa³-na³jin⁴ je² xa¹ nca³ si⁴cjao²nta³-ni³jin⁴.  
\v 19 Coi³ je²-vi⁴ nca³ Ni³na¹ tsa³cˀe²jna³cao⁴ Cristo, nca³ qui³si³cjao²nta³-ni³ son³ˀnte³ xi³ ti⁴tˀa³tsˀe⁴-ni³. Li²coi³ ya⁴ qui³si³cˀa³ je¹-le⁴, cˀoa⁴ tsa³cˀe¹jna³tˀain³-na³jin⁴ je² en¹ xi³ ni²cjao²nta³-ni³jin⁴.  
\v 20 Cˀoa⁴-sˀin² nca³ jin⁴-jin⁴ ti³yo³nca³jao³-lai⁴jin⁴ Cristo, jo³-ni³ tsa² Ni²na¹ xi³ vˀe¹tsˀoa³-no³ xi³ to⁴tˀa³tsain⁴-jin⁴. Vˀe²tsˀoa³-lai²⁴jin⁴ xi³ to⁴tˀa³tsˀe⁴ Cristo, cho⁴va²nta³-nio³ cao⁴ Ni³na¹.  
\v 21 Je² xi³ tsi² tsa³jnqui³ je¹, Ni³na¹ qui³si³nta³-ni³ je¹ xi³ tˀa³tsan⁴², jme¹-ni³ nca³ ña¹ cˀoa⁴coan³ cjoan³-nia³² je² cjoa⁴qui²xi⁴-le⁴ Ni³na¹, nca³ ti³yo³coa⁴² Cristo. 
\c 6  
\p  
\v 1 Cˀoa⁴-sˀin² nca³ jin⁴-jin⁴, xi³ to⁴jnco³ ni²xai¹⁴-jin⁴ cao⁴ Cristo, vˀe²ne²-lai²⁴jin⁴ nca³ tsi² to⁴ya⁴-ni³ chjoao¹³ je² cjoa⁴nta³-le⁴ Ni³na¹.  
\v 2 Nca⁴ cˀoa⁴²tso²: Cˀia⁴ ni⁴čhjin³ xi³ nta³ qui³nčhˀoe³-le²³, cˀoa⁴ je² ni⁴čhjin³ xi³ tsˀe⁴ cjoa⁴vi³tjo³ntjai², tsa³ca²sen⁴cao⁴-le²³. Coe⁴-ni³ je² ni⁴čhjin³-vi⁴ ntˀai⁴-vi⁴ xi³ nta³. Coe⁴-ni³ je² ni⁴čhjin³-vi⁴ ntˀai⁴-vi⁴ xi³ tsˀe⁴ cjoa⁴vi³tjo³ntjai².  
\v 3 Ni⁴ˀya³-jin² xi³ chˀao³-sˀin² main¹coai⁴-jin⁴, jme¹-ni³ nca³ je² xa¹-na⁴jin⁴ li²jme³ je¹ sˀe⁴ne²-si¹ni³le⁴.  
\v 4 To⁴nca³ to⁴jme³ cjoa⁴-ni³ nta³ ma³nquin¹coai⁴-jin⁴ yao³-na⁴jin⁴, jo³-ni³ xi³ si¹xa¹-le⁴ Ni³na¹, nca³ tse³ jcho¹cjoa⁴-na³jin⁴, nca³ cjoa⁴ñˀain³ chja³ˀai²⁴-jin⁴, nca³ nˀion¹ cha³-na³jin⁴, nca³ tse³ cjoa⁴ cji³ne²-na³jin⁴,  
\v 5 nca³ vˀe¹-na³jin⁴, nca³ jin³nto⁴ya¹ vi³yo³ˀyai²⁴-jin⁴, nca³ cjoa⁴si³ tsao³tˀa³-na³jin⁴, nca³ xa¹ nˀion¹ xi³ nˀiain²⁴-jin⁴, nca³ vi³yo³chon³ˀntai³⁴-jin⁴, nca³ vi³yo³nchjain³⁴-jin⁴,  
\v 6 nca³ tsje³ ti³yoi³⁴-jin⁴, nca³ chji⁴nai⁴-jin⁴, nca³ ni²cjain¹-lai⁴jin⁴, nca³ cjoa⁴nta³ tjin¹-na³jin⁴, cao⁴ Espíritu Santo, cao⁴ cjoa⁴tjao²cha³ xi³ ña³qui³ cjoa⁴qui²xi⁴,  
\v 7 cao⁴ en¹ xi³ cjoa⁴qui²xi⁴, cao⁴ nca³nˀion¹-le⁴ Ni³na¹, cao⁴ qui⁴cha⁴ xi³ tsˀe⁴ cjoa⁴qui²xi⁴ xi³ nca³qui²xi⁴ xi³ nca³scon¹ ma³chjen¹,  
\v 8 nca³ vˀa³sje³je³ya³-na³jin⁴, cˀoa⁴ nca³ chˀao³ vˀa³sje³-na³jin⁴, nca³ no²cjoa⁴ˀaon³-na³jin⁴, nca³ nta³ no²cjoa⁴-na³jin⁴, nca³ cˀoa⁴tso²-na³jin⁴ jo³-ni³ tsa² cho⁴ta⁴ xi³ vˀa³na⁴cha⁴, to⁴nca³ cho⁴ta⁴ cjoa⁴qui²xi⁴ ni¹⁴-jin⁴,  
\v 9 jo³-ni³ tsa² xi³ tsi² ˀya³xcon³-le⁴, to⁴nca³ nta³ ˀya³-na³jin⁴, jo³-ni³ xi³ ti³vi³yai³⁴-jin⁴, to⁴nca³ coe⁴-ni³ ti³yo³choin³⁴-jin⁴, jo³-ni³ xi³ ni²cja³ˀa¹-na³jin⁴ cjoa⁴ñˀain³, to⁴nca³ tsi² qui³ni²cˀen³-na³jin⁴,  
\v 10 jo³-ni³ xi³ va³-na³jin⁴, to⁴nca³ tsjoa³-na³jin⁴ nca³ntsjai², jo³-ni³ tsa² xi³ yo⁴ma⁴, to⁴nca³ ncjin² xi³ ti³ni²nchi⁴nai¹⁴-jin⁴, jo³-ni³ xi³ tsi² tsa² jme³ xi³ tjin¹-na³jin⁴, to⁴nca³ xi³ nai³-le⁴ mai³⁴-jin⁴ nca³yi³je³.  
\v 11 Cˀoa⁴-sˀin² ti⁴xˀa⁴-na³jin⁴ ntso⁴ˀvai³⁴-jin⁴ cao⁴ jon² xi³ cho⁴ta⁴ corintios ˀmi²-no³. Je² ni⁴ma⁴-na⁴jin⁴ cji³ma³tse³ya³.  
\v 12 Li²coi³ choa³ya³ ni⁴ma⁴-na⁴jin⁴ tˀa³tsaon⁴³, to⁴nca³ ti⁴tsaon⁴³-nio³ ni⁴ma⁴ xi³ choa³ya³.  
\v 13 To⁴nca³ cˀoa⁴-ti⁴ tˀian⁴-nio³ nca³ jon², ti⁴tse³yao³ ni⁴ma⁴-no³. (An³ fa²cao⁴-no³ jo³-ni³ tsa² xti³). 
\s1 Ña¹ nia¹ ntˀia³-le⁴ Ni³na¹ xi³ ti¹jna³con³ 
\p  
\v 14 A³li² to⁴jnco³-jin² vi³yo³cjao³ cao⁴ xi³ tsi² ma³cjain¹-le⁴. Jme¹ cjoa⁴mi²yo⁴ xi³ tjin¹, je² xi³ cho⁴ta⁴cjoa⁴qui²xi⁴ cao⁴ je² xi³ tsi² cho⁴ta⁴cjoa⁴qui²xi⁴. Jo¹ coan⁴-ni³ nca³ sa³tio²cjao³ lˀi¹ cao⁴ jña³ njion² chon³.  
\v 15 Jo¹-sˀin² coan⁴-ni³ nca³ sa³tio²cjao³-ni³ Cristo cao⁴ Belial, a³xo⁴ jme¹ ˀnte³ xi³ to⁴jnco³ coan⁴-ni³le⁴ je² xi³ ma³cjain¹-le⁴ cao⁴ je² xi³ tsi² ma³cjain¹-le⁴.  
\v 16 Jo¹-sˀin² to⁴nco¹son² va³tio²-ni³ je² ntˀia³-le⁴ Ni³na¹ cao⁴ je² xco¹son². Nca⁴ jon² nio¹³ ntˀia³-le⁴ Ni³na¹ xi³ ti¹jna³con³, jo³ qui³tso² Ni³na¹: Coa²te⁴jna³coa⁴, cˀoa⁴ cˀoa³mjen³jin³-le⁴ nca³ je². Cˀoa⁴ an³ coan⁴ Ni³na¹-le⁴, cˀoa⁴ je² coan⁴ na⁴xi⁴na³nta¹-na⁴.  
\v 17 To⁴coi³ ti²tjo⁴jin³ va³sen³-ni³lao⁴³ nca³ je², cˀoa⁴ ti⁴ncha³tˀa³xin²-lao⁴³, tso² je² Nai³-na¹. Cˀoa⁴ li² ni²cao⁴-jion²³ je² xi³ chˀao³ cjoan³, cˀoa⁴ an³ scoe³tjao²³-no³.  
\v 18 Cˀoa⁴ an³ coan⁴ Nˀai³-no³, cˀoa⁴ jon² coaon⁴³ xti³xˀin⁴-na⁴ cˀoa⁴ xti³ya¹nchjin¹-na⁴, tso² je² Nai³-na¹ xi³ ma³yi³je³-le⁴. 
\c 7  
\p  
\v 1 Cˀoa⁴-sˀin² jon² xi³ tsjoa³que⁴-no³, coi³ nca³ tjin¹-na¹ coi³ cjoa⁴-vi⁴ xi³ qui³ni²sˀe³nqui³, si⁴tsje³ya³-le⁴² yao³-na¹ nca³yi³je³ xi³ chˀao³ cjoan³ xi³ tsˀe⁴ yao³-na¹, cˀoa⁴ xi³ tsˀe⁴ espíritu-na¹, nca³ ña³qui³ si⁴jncoa³² xi³ coan⁴tsje³-nia³² nca³ xcon¹cha³² Ni³na¹. 
\s1 Pablo cji³ma³tsjoa³-le⁴ xi³ tˀa³tsˀe⁴ cho⁴ta⁴-le⁴ Cristo ya⁴ Corinto 
\p  
\v 2 Tˀai²ˀnte³jin³-na³jin⁴ ni⁴ma⁴-no³. Ni⁴ˀya³-jin² xi³ chˀao³-sˀin² qui³ni²coai⁴-jin⁴, cˀoa⁴ ni⁴ˀya³-jin² xi³ qui³ni²qui³tsoin¹⁴-jin⁴, cˀoa⁴ ni⁴ˀya³-jin² xi³ qui³chˀa²na⁴cha⁴-lai⁴jin⁴.  
\v 3 Li²coi³ cˀoa⁴ti²xian³ nca³ coa³ne²³-no³ je¹, nca³ je³cˀoa⁴qui³xian³ nca³ ni⁴ma⁴-na⁴jin⁴ ti³yo³jion³, nca³ to⁴jnco³ coi⁴yoa³² tsa² coi⁴ya¹ cˀoa⁴ tsa² coi⁴yo³choan³².  
\v 4 A³li² cˀoa⁴cji³ nta³ ˀve³con³-no³ nca³ jon². Xi³ tˀa³tsaon⁴³ a³li² cˀoa⁴cji³ ncˀa³⁴coan³. Nˀion¹ tse³ coan³je³⁴coan³, sa³ˀnta³ tsˀa³to³ntjai² cjoa⁴tsjoa³ xi³ tjin¹-na³ cao⁴ nca³yi³je³ cjoa⁴ñˀain³-na⁴jin⁴.  
\v 5 Cˀia⁴ nca³ ja²ˀai⁴-jin⁴ ya⁴ Macedonia, ni⁴jme³-jin² cjoa⁴ni²cja¹ya³ qui³sˀe³-le⁴ yao³-na⁴jin⁴, to⁴sa³ cˀoa⁴-sˀin² qui³sˀe³-na³jin⁴ cjoa⁴ñˀain³ nca³yi³je³ cjoa⁴, nca³ˀi⁴ nca³jan¹ cjoa⁴si³, cˀoa⁴ ya⁴jin³ ni⁴ma⁴-na⁴jin⁴ cjoa⁴jcon³.  
\v 6 To⁴nca³ Ni³na¹ xi³ si¹je³con³ je² xi³ i³nta³ tjio¹con³, qui³si³je³con³-na³jin⁴ cˀia⁴ nca³ ja³ˀai³ Tito.  
\v 7 A³li² to⁴coi³-cjoan² nca³ ja³ˀai³ Tito, to⁴nca³ cˀoa⁴-ti⁴sˀin² qui³ni²je³ta³con²-na³jin⁴ cao⁴ xi³ ti⁴coi³-ni³ cjoa⁴ni²je³ta³con², jo³-sˀin² nca³ jon² qui³ni²je³con²³ nca³ je². Je² qui³nchja⁴jin³-na³jin⁴ jo³-sˀin² nca³ tse³ qui³ni²cjao¹jin³-nao¹³, jo³-sˀin² qui³chji³ˀntao¹³, jo³-sˀin² qui³ni²coi²nta⁴-nao¹³. Coi³ nca³ nqui²sa⁴ tse³ cjoa⁴tsjoa³ qui³sˀe³-ni³na³.  
\v 8 Nta³ tsa² cˀoa⁴-sˀin² qui³si³va³-no³ an³ cao⁴ xon⁴-ve⁴, li²coi³ ma³fao¹jin³-na³ (nta³ tsa² qui³si³cjao¹jin³-nia³), nca³ ti²ˀve³-nia¹³ nca³ je² xon⁴-ve⁴ qui³si³va³-no³, nta³ tsa² to⁴tji¹choa³ ni⁴čhjin³.  
\v 9 Ntˀai⁴-vi⁴ cji³ma³tsjoa³-na³, li²coi³-jin² nca³ cˀoa⁴-sˀin² coan³va³-no³, to⁴nca³ coi³ nca³ coan³va³-no³ sa³ˀnta³ qui³ni²cˀa³ntjai²yao³ cjoa⁴fa³ˀai³tsjen³-no³. Cˀoa⁴-sˀin² coan³va³-no³ jo³-sˀin² Ni³na¹ me³-le⁴, jme¹-ni³ nca³ ni⁴jme³-jin² xi³ qui³ni²cha³-si¹nio³ xi³ to⁴tˀa³tsain⁴-jin⁴.  
\v 10 Je² cjoa⁴va³ xi³ jo³-sˀin² me³-le⁴ Ni³na¹ si¹xa¹jin³-na¹ nca³ ni²cˀa³ntjai²ya³² cjoa⁴fa³ˀai³tsjen³-na¹. Cˀoa⁴-sˀin² vi²tjo⁴ntje². Cˀia⁴ nca³ cˀoa⁴-sˀin² ni²cˀa³ntjai²ya³² cjoa⁴fa³ˀai³tsjen³-na¹, li²coi³ ni²cjao²jian³². To⁴nca³ je² cjoa⁴va³-le⁴ son³ˀnte³ nˀion¹ si¹xa¹jin³-na¹ cjoa⁴vi³ya³.  
\v 11 Coe⁴-ni³, xi³ ti⁴coi³-ni³ cjoa⁴va³-vi⁴ jo³-sˀin² nca³ me³-le⁴ Ni³na¹, jo³ cji³ tse³ cjoa⁴xi¹ti¹ya³ qui³si³xa¹jin³-no³, jo³ nca³ qui³no²cjoa⁴ntjao²³ yao³-no³, jo³ nca³ jti³ coan³-no³, jo³ nca³ tsa³qui³jcon³, cˀoa⁴ jo³ tse³ qui³ni²cjao¹jion³, jo³ nca³ qui³ni²coi²ntao⁴³, jo³ nca³ qui³ni²toan¹ntjao². Nca³yi³je³ cjoa⁴ tsa³ca³co²³ yao³-no³ nca³ tsjao³.  
\v 12 Cˀoa⁴-sˀin², nta³ tsa² cˀoa⁴-sˀin² qui³squi³-no³, li²coi³ cˀoa⁴qui³sˀian³ xi³ tˀa³tsˀe⁴ xi³ cjoa⁴tsˀen⁴ qui³sˀin³, ni⁴tˀa³tsˀe⁴-jin² je² xi³ aon³ coan³-le⁴, to⁴nca³ jme¹-ni³ nca³ cˀoa⁴-sˀin² coan⁴son²tsen³-si¹ni³no³ jo³-sˀin² nca³ qui³ni²coi²ntai⁴-jin⁴ xi³ tˀa³tsaon⁴³ nqui³xcon⁴ Ni³na¹.  
\v 13 To⁴coi³ coan³je³con³-na³jin⁴. A³li² to⁴coi³-jin² cjoa⁴ni²je³ta³con²-na⁴jin⁴, to⁴nca³ nqui²sa⁴ nˀion¹ tse³ coan³tsjoa³-na³jin⁴ cao⁴ cjoa⁴tsjoa³-le⁴ Tito, nca³ nca³tsˀio³ nca³ jon² qui³ni²qui³njen³nchˀan¹jion³ je² ni⁴ma⁴-le⁴.  
\v 14 Tsa² an³ tsa³cˀa³sje³je³ya³-no³ nqui³xcon⁴ nca³ je², li²coi³ cˀoa⁴-sˀin² coan³soa³-na³. Jo³-sˀin² nca³yi³je³ xi³ tsa³qui³xon¹-lai²⁴jin⁴, coi³ xi³ cjoa⁴qui²xi⁴, cˀoa⁴-ti⁴sˀin²ni³ jo³-sˀin² nca³ qui³chˀa²sje³je³ya³-lai²⁴jin⁴ nqui³xcon⁴ Tito, cˀoa⁴-ti⁴sˀin² coan³ xi³ cjoa⁴qui²xi⁴.  
\v 15 Je² ni⁴ma⁴-le⁴ nqui²sa⁴ tse³ ti¹jna³ cao⁴ jon², cˀia⁴ nca³ fa³ˀai³tsjen³-le⁴ jo³-sˀin² qui³ni²qui³tjo³son²³ nca³tsˀio³, jo³-sˀin² nca³ qui³tsˀai²ˀnte²-lao⁴³ cao⁴ cjoa⁴jcon³ cao⁴ cjoa⁴fa³tse¹.  
\v 16 Ma³tsjoa³-na³ nca³ cˀoa⁴-sˀin² nta³ ˀve³con³-no³ nca³yi³je³. 
\c 8  
\s1 Xi³ tˀa³tsˀe⁴ taon⁴ xi³ ma³xco¹ tˀa³tsˀe⁴ cho⁴ta⁴-le⁴ Cristo 
\p  
\v 1 Cˀoa⁴-ti⁴sˀin²ni³, ntsˀe³, cˀoa⁴ˀmi²ya³-lai²⁴jin⁴ je² cjoa⁴nta³-le⁴ Ni³na¹, xi³ qui³tsˀai²-le⁴ na⁴xi⁴na³nta¹-le⁴ Cristo ya⁴ Macedonia.  
\v 2 Cˀia⁴ nca³ tse³ qui³sco²tˀa³ cjoa⁴ñˀain³, cjoa⁴tsjoa³ xi³ tse³ qui³sˀe³-le⁴, cˀoa⁴ cjoa⁴yo⁴ma⁴ qui³sˀe³-le⁴ xi³ cjai¹nca³ tse³, to⁴nca³ ja³ˀa³to³ntjai² cjoa⁴nchi⁴na¹ xi³ tsˀe⁴ cjoa⁴nta³-le⁴.  
\v 3 An³ tsjoa³ en¹-na⁴ nca³ qui³tsjoa³ jo³ tjin¹ nca³nˀion¹ xi³ tjin¹-le⁴, cˀoa⁴ sa³ˀnta³ nca³ qui³tsjoa³son²-sa³ nca³nˀion¹-le⁴ nca³ ti⁴cjoa⁴tsjoa³-le⁴ni³.  
\v 4 Tse³ tsa³cˀe¹tsˀoa³-na³jin⁴ nca³ qui³si³je¹-na³jin⁴ nca³ sˀian⁴-lai⁴jin⁴ cjoa⁴nta³ nca³ to⁴jnco³ ca²tˀa³cao⁴tˀa³-le⁴ je² xa¹ xi³ tˀa³tsˀe⁴ cho⁴ta⁴-le⁴ Cristo.  
\v 5 Cˀoa⁴ li²coi³ cˀoa⁴-sˀin² coan³ jo³-sˀin² qui³cho³ya²-lai⁴jin⁴, to⁴nca³ ti¹tjon² ti⁴je² qui³tsjoa³tˀa³-le⁴ yao³-le⁴ Nai³-na¹ cao⁴ jin⁴-jin⁴, jo³-sˀin² nca³ coan³me³-le⁴ Ni³na¹.  
\v 6 Coi³ nca³ cˀoa⁴-sˀin² tsa³cˀe²ne²-lai⁴jin⁴ je² Tito, jo³-sˀin² nca³ tsa³cˀe¹tsˀia⁴cao⁴ nca³ ti¹tjon², cˀoa⁴-ti⁴sˀin² ca²ta³si¹cje³tˀa³-ni³ je² cjoa⁴nta³-vi⁴ ya⁴jin³-no³ nta³ tsa² jon².  
\v 7 To⁴coi³ jo³-sˀin² nca³ tjin¹tsˀa³to³ntjai²-no³ nca³yi³je³, jo³-sˀin² nca³ ma³cjain¹-no³, jo³-sˀin² nca³ no²cjoao⁴³, cao⁴ cjoa⁴chji⁴ne⁴, cao⁴ nca³yi³je³ cjoa⁴ni²coi²nta⁴, cao⁴ cjoa⁴tjao²cha³-no³ xi³ tˀa³tsain⁴-jin⁴, cˀoa⁴-ti⁴ tse³ ca²ta³sˀe³ tsˀa³to³ntjai²-no³ je² cjoa⁴nta³-vi⁴.  
\v 8 Li²coi³ nchja²³ jo³-ni³ tsa² je² xi³ va³te¹xo³ma³, to⁴nca³ jo³-sˀin² tsjoa¹nca³nˀion¹ xi³cˀa³, jme¹-ni³ nca³ cho¹tˀa³-nio³ tsa² cˀoa⁴-ti⁴ ña³qui³ cjoa⁴qui²xi⁴ je² cjoa⁴tjao²cha³-no³.  
\v 9 Je³ˀyao³ je² cjoa⁴nta³-le⁴ xi³ tsˀe⁴ Nai³-na¹ Jesucristo, nca³ xi³ tˀa³tsaon⁴³ coan³ yo⁴ma⁴, nta³ tsa² nchi⁴na¹, jme¹-ni³ nca³ jon² cˀoa⁴-sˀin² nchi⁴na¹ coan⁴-nio³ xi³ to⁴tˀa³tsˀe⁴ nca³ yo⁴ma⁴ coan³ nca³ je².  
\v 10 Cˀoa⁴ cao⁴ je² cjoa⁴-vi⁴ xin³ya²³-no³, nca³ je²-vi⁴ xi³ nta³ tjin¹-ni³no³ nca³ jon². Je² xi³ ti¹tjon² tsa³cˀe²tsˀia⁴cao⁴³ ˀnta³ ni⁴čhjin³ no¹ xi³ ja³ˀa³to³, nca³ tsi² tsa² to⁴coi³ nca³ cˀoa⁴qui³nˀian² ti¹tjon²³, to⁴nca³ cˀoa⁴-ti⁴ ti¹tjon² cˀoa⁴-sˀin² coan³me³-no³.  
\v 11 Ntˀai⁴-vi⁴, tso²cˀoa⁴, cˀoa⁴-ti⁴ ti⁴cje³tˀao³ je² xi³ nˀiaon²³. Jo³-sˀin² nca³ cˀoa⁴-sˀin² coan³jyo³ nti⁴ton⁴-no³, cˀoa⁴ti⁴-sˀin² ti⁴tjo³son² nti⁴ton⁴³, jo³-sˀin² nca³ tjin¹-no³.  
\v 12 Tsa² jnco³ xi³ jyo³nti⁴ton⁴-le⁴, cˀoa⁴-sˀin² tjoe¹ jo³ cji³ tjin¹-le⁴, li²coi³ jo³ cji³ xi³ tsin²-le⁴.  
\v 13 Li²coi³ cˀoa⁴xian³ je²-vi⁴, jme¹-ni³ nca³ je² xi³cˀa³ li²coi³ ñˀain³ coa⁴tio⁴-si¹ni³, cˀoa⁴ nca³ jon² ñˀain³ coi⁴yo³.  
\v 14 To⁴nca³ cˀoa⁴xian³ je²-vi⁴, jme¹-ni³ nca³ nco¹son² coan⁴-si¹nio³, cˀoa⁴ je² xi³ tse³ tjin¹-no³ ntˀai⁴-vi⁴, ca²ti³ncha³cao⁴ je² xi³ cha³-le⁴, jme¹-ni³ nca³ cˀoa⁴-ti⁴ je² xi³ tse³ sˀe⁴-le⁴ coi⁴ncha³cao⁴-si¹ni³no³ xi³ cha³-no³. Cˀoa⁴-sˀin² to⁴nco¹son² coaon⁴³.  
\v 15 Jo³-sˀin² nca³ tji¹tˀa³: Je² xi³ tse³ tsa³cˀe¹xco¹, li²jme³ xi³ qui³njen²nqui³-le⁴, cˀoa⁴ je² xi³ choa³ tsa³cˀe¹xco¹, li²jme³ xi³ qui³cha³-le⁴.  
\v 16 To⁴nca³ ca²ta³vˀai²-le⁴ cjoa⁴nta³ Ni³na¹ xi³ qui³tsjoa³jin³ ni⁴ma⁴-le⁴ Tito nca³ ti⁴cˀoa⁴-sˀin² qui³si³coi²nta⁴-ni³no³.  
\v 17 Ña³qui³ cjoa⁴qui²xi⁴ nca³ nta³ qui³scoe¹ xi³ qui³sˀe³ne²-le⁴. Cˀoa⁴-ti⁴sˀin² nˀion¹ nta³ qui³si³coi²nta⁴-no³ nca³ ti⁴je² xi³ coan³jyo³-le⁴ nca³ qui³con³-no³.  
\v 18 Cao⁴ Tito to⁴jnco³ qui³cha³ni²coai⁴-jin⁴ je² ntsˀe³² xi³ ti³chˀa²sje³nta³ nca³ nchja⁴ya³ je² en¹nta³ xi³ tˀa³tsˀe⁴ Cristo ya⁴jin³ nca³tsˀi³ na⁴xi⁴na³nta¹-le⁴ Cristo.  
\v 19 Cˀoa⁴ a³li² to⁴coi³-jin² je²-vi⁴, to⁴nca³ cˀoa⁴-ti⁴ je² na⁴xi⁴na³nta¹-le⁴ Cristo tsa³cja³ˀa¹jin³ nca³ je² nca³ to⁴jnco³ cˀoa¹mjen³cao⁴-na³jin⁴, cao⁴ cjoa⁴nta³-vi⁴, xi³ coi³ xa¹-vi⁴ tjin¹-na³jin⁴. Coi³ xi³ nˀiain²⁴-jin⁴ tˀa³tsˀe⁴ cjoa⁴je³ya³-le⁴ Nai³-na¹, cˀoa⁴ nca³ coa⁴co² jo³-sˀin² nca³ coan³jyo³ nti⁴ton⁴-no³.  
\v 20 Cˀoa⁴-sˀin² cˀoe¹chjoa²-lai⁴jin⁴ nca³ tsi² ˀya³ xi³ jin⁴-jin⁴ coa⁴²ne²-na³jin⁴ tˀa³tsˀe⁴ je² cjoa⁴tjao² xi³ tse³ xi³ jin⁴-jin⁴ ti³ni²xa¹coai⁴-jin⁴.  
\v 21 Cˀoe¹ta³con²-lai⁴jin⁴ cjoa⁴ xi³ nta³ tjin¹, a³li² to⁴coi³cjoan² ya⁴ nqui³xcon⁴ Nai³-na¹, to⁴nca³ cˀoa⁴-ti⁴ ya⁴ nqui³xcon⁴ cho⁴ta⁴.  
\v 22 Cˀoa⁴-ti⁴ ni²ca³sen¹coai⁴-jin⁴ ntsˀe²³ cao⁴ je², xi³ ncjin² cˀa³ qui³cho²tˀai³-jin⁴ nca³ nta³ si¹coi²nta⁴, to⁴nca³ ntˀai⁴-vi⁴ nqui²sa⁴-sa³ nta³ si¹coi²nta⁴ nca³ cˀoa⁴-sˀin² tse³ nta³ ve³con³-no³ nca³ jon².  
\v 23 Ntˀai⁴-vi⁴ je² xi³ vˀa³cao⁴-le⁴ Tito, mi²yo⁴-na⁴ ma³-ni³ xi³ ña³tjen⁴ si¹xa¹cao⁴-na³ tˀa³tsaon⁴³. Cˀoa⁴-ti⁴ je² xi³ vˀa³cao⁴-le⁴ ntsˀe³², je² ni¹ xi³ fi² tsjoa¹ en¹ xi³ tˀa³tsˀe⁴ je² na⁴xi⁴na³nta¹-le⁴ Cristo cˀoa⁴ cˀoa⁴sje³je³ya³ Cristo.  
\v 24 Ta⁴co²son²tsen³-lao⁴³ tso²cˀoa⁴, nqui³xcon⁴ je² cho⁴ta⁴-vi⁴, cˀoa⁴-ti⁴sˀin² nqui³xcon⁴ nca³tsˀi³ na⁴xi⁴na³nta¹-le⁴ Cristo, jo³-sˀin² nca³ tsjoa³chao³, cˀoa⁴ jo³-sˀin² nca³ tjin¹ cjoa⁴qui²xi⁴ nca³ chˀa²sje³je³ya³-lai²⁴jin⁴. 
\c 9  
\p  
\v 1 Cˀoa⁴ je² taon⁴ xi³ ma³xco¹ xi³ tˀa³tsˀe⁴ cho⁴ta⁴-le⁴ Cristo, li²coi³ ti⁴ma³chjen¹-ni³na³ nca³ squi³-no³ tˀa³tsˀe⁴ je²-vi⁴.  
\v 2 Nca³ ˀve³-nia¹³ jo³-sˀin² nca³ jyo³nti⁴ton⁴-no³. Coi³ xi³ vˀa³sje³je³ya³-ni³no³ nqui³xcon⁴ cho⁴ta⁴ ya⁴ Macedonia, nca³ Acaya je³ti¹jna³nta³ sa³ˀnta³ ni⁴čhjin³ no¹ xi³ ja³ˀa³to³. Cˀoa⁴ jo³-sˀin² nca³ qui³ni²coi²ntao⁴³, ncjin² xi³ cˀoa⁴-sˀin² qui³ni²cja³ˀa¹-lao⁴³ nca³ cji³ma³me³con³.  
\v 3 To⁴nca³ si³ca³sen¹³ ntsˀe³², jme¹-ni³ nca³ je² cjoa⁴je³ya³-na⁴jin⁴ xi³ tˀa³tsaon⁴³ li²coi³ to⁴xo³cˀoa⁴coan⁴ cjoa⁴-vi⁴, jme¹-ni³ nca³ coi⁴yo³nta³-si¹nio³ jon² jo³ qui³xian³,  
\v 4 cˀoa⁴ jme¹-ni³ nca³ tsi² tsa² to⁴jin⁴ coan⁴soa³-si¹ni³na³jin⁴, cˀoa⁴-ti⁴ coaon⁴³ nca³ jon², nca³ cˀoa⁴-sˀin² nˀion¹ nta³ tsa³ˀya³ta³con²-lai²⁴jin⁴. Cˀoa⁴ coan⁴ tsa² cjoa⁴ˀai¹cao⁴-na³ cho⁴ta⁴ macedonios, tsa² scoe⁴-no³ nca³ to⁴jo³ cje³ ti³yo³nta³-jin²nio³.  
\v 5 To⁴coi³ qui³si³cja³ˀai³tsjen³ nca³ coan³chjen¹-ni³na³ nca³ tsa³cˀe³ne²³-le⁴ ntsˀe³² nca³ coai⁴con³ ti¹tjon²-ni³no³ nca³ jon², cˀoa⁴ nca³ to⁴nqui³-ni³ cˀoe¹yo³nta³ ti¹tjon²³ je² cjoa⁴tjao² xi³ coan³xco¹ xi³ qui³ni²sˀe³nquio³, jme¹-ni³ nca³ to⁴tjin¹nta³-ni³ je² cjoa⁴tjao²-vi⁴ jo³-ni³ xi³ ni⁴ma⁴-no³ ji³tjo³jin³-ni³, cˀoa⁴ li²coi³ to⁴cjoa⁴nˀion¹ coan⁴-no³.  
\v 6 To⁴nca³ je²-vi⁴ cˀoa⁴xin³-no³: Je² xi³ choa³ vˀe¹ntje², cˀoa⁴-ti⁴ choa³ coan⁴jcha¹-le⁴. Cˀoa⁴ je² xi³ tse³ vˀe¹ntje², cˀoa⁴-ti⁴ tse³ coan⁴jcha¹-le⁴.  
\v 7 Nca³ jnco¹jnco¹ ca²ta³tsjoa¹ jo³-sˀin² co³son²-ni³le⁴ ni⁴ma⁴-le⁴, a³li² cao⁴ cjoa⁴va³-jin², ni⁴cao⁴ cjoa⁴nˀion¹-jin², nca⁴ Ni³na¹ tsjoa³que³ je² xi³ cao⁴ cjoa⁴tsjoa³ tsjoa¹.  
\v 8 Cˀoa⁴ Ni³na¹ tjin¹-le⁴ nca³nˀion¹ nca³ nqui²sa⁴ si⁴²tse³ya³-no³ nca³yi³je³ cjoa⁴nta³, nca³ sˀe⁴ntsjai²-no³ nca³yi³je³ xi³ ma³chjen¹-no³, jme¹-ni³ nca³ tse³ coan⁴ncjin²ya³-si¹ni³no³ nca³yi³je³ xa¹ xi³ nta³,  
\v 9 jo³-sˀin² nca³ tji¹tˀa³: Qui³si³cˀa³vi¹, qui³tsjoa³-le⁴ cho⁴ta⁴yo⁴ma⁴. Je² cjoa⁴ qui²xi⁴-le⁴ tjin¹ nca³ntsjai².  
\v 10 Je² xi³ tsjoa¹-le⁴ na⁴xin⁴ je² xi³ vˀe¹ntje², cˀoa⁴-ti⁴ tsjoa¹-le⁴ nio⁴xti²la⁴ xi³ vi³cha², cˀoa⁴-ti⁴ si⁴²ncjin²ya³-no³ xi³ ma³ sˀe³ntje², cˀoa⁴ si⁴²tse³ya³-sa³ xi³ coan⁴jcha¹ xi³ tsˀe⁴ cjoa⁴qui²xi⁴-no³.  
\v 11 Cˀoa⁴-sˀin² coan⁴nchi⁴na¹-nio³ cao⁴ nca³yi³je³, jme¹-ni³ nca³ tse³ cˀoai⁴-si¹ni³lao⁴³ nca³yi³je³ cjoa⁴nta³ xi³cˀa³, xi³ si⁴²xa¹jin³-le⁴ nca³ tsjoa¹-le⁴ cjoa⁴nta³ Ni³na¹ cˀia⁴ nca³ cha⁴ni²-lai⁴jin⁴ cjoa⁴tjao²-no³.  
\v 12 Cˀia⁴ nca³ vˀe¹ je² taon⁴-vi⁴ xi³ cˀoa⁴-sˀin² vi³ncha³cao⁴, a³li² to⁴coi³-cjoan² nca³ tsjoa¹ je² xi³ cha³-le⁴ cho⁴ta⁴-le⁴ Cristo, to⁴nca³ cˀoa⁴-ti⁴ ma³tse³ya³ je² cjoa⁴nta³ xi³ ncjin² ma³-ni³ xi³ tsjoa¹-le⁴ Ni³na¹.  
\v 13 Cˀoa⁴-sˀin² cˀoa⁴sje³je³ya³ Ni³na¹ nca³ cˀoa⁴-sˀin² ni²qui²xi⁴yao³ jo³-sˀin² ni²tjo³son²-lao⁴³ je² en¹nta³ xi³ tˀa³tsˀe⁴ Cristo, nca³ cˀoa⁴-sˀin² cho¹tˀa³-no³ nca³ vˀao²³ taon⁴-vi⁴ cˀoa⁴ nca³ tse³ ma³ cjoa⁴tjao²-no³ xi³ cˀoai⁴-lao⁴³ nca³ je² cˀoa⁴ nca³tsˀi³.  
\v 14 Cˀoa⁴-ti⁴sˀin²ni³ nca³ je² vˀe¹tsˀoa³ntjai²-no³. Nˀion¹ coan⁴me³con³-no³ nca³ tjin¹-no³ je² cjoa⁴nta³-le⁴ Ni³na¹ xi³ nˀion¹ tse³.  
\v 15 Cjoa⁴nta³ ca²ta³vˀai²-le⁴ Ni³na¹ xi³ tˀa³tsˀe⁴ je² cjoa⁴tjao²-le⁴ xi³ tsi² tsa² ˀya³ xi³ ma³jin³-le⁴. 
\c 10  
\s1 Pablo nchja⁴ntjai² je² xa¹ xi³ qui³tsˀai²-le⁴ jo³-ni³ pa²stro⁴ 
\p  
\v 1 To⁴nca³ an³ nia¹³ xi³ Pablo vˀe³tsˀoa²³-no³ cao⁴ cjoa⁴ntˀe¹ cˀoa⁴ cao⁴ cjoa⁴ˀi³nta³jin³ta³con² jo³-ni³ tsa² tsˀe⁴ Cristo, an³ xi³ cjoa⁴qui²xi⁴ na³nqui³ cjia³ cˀia⁴ nca³ ti²jna⁴ nqui³xcon³ nca³ jon², to⁴nca³ cˀia⁴ nca³ xin² ti²jna⁴, ma³nˀion¹-coan³ cao⁴ nca³ jon².  
\v 2 Vˀe³tsˀoa²³-no³ nca³ tsi² tsa² tjin¹ne²-na³ nca³ coan⁴nˀion¹jin³coan³ cˀia⁴ nca³ ti²jna⁴jin³-no³, jo³-sˀin² ma³nˀion¹ta³con²coa⁴ cˀa³ xi³ cˀoa⁴-sˀin² si¹cja³ˀai³tsjen³ xi³ tˀa³tsain⁴-jin⁴ nca³ ti³mai³⁴-jin⁴ jo³-sˀin² me³-le⁴ yao³-na⁴jin⁴.  
\v 3 Nta³ tsa² cˀoa⁴-sˀin² ti³ma³coai⁴-jin⁴ yao³-na⁴jin⁴ jo³-ni³ tsa² cho⁴ta⁴son³ˀnte³, li²coi³ vi³xcain³⁴-jin⁴ jo³-sˀin² cjan¹ cho⁴ta⁴son³ˀnte³.  
\v 4 Je² qui⁴cha⁴ xi³ tsˀe⁴ cjoa⁴jchan¹-na⁴jin⁴, a³li² tsˀe⁴-jin² yao³-na⁴jin⁴, to⁴nca³ tjin¹-le⁴ nca³nˀion¹ xi³ to⁴tˀa³tsˀe⁴ Ni³na¹, nca³ si⁴²qui³xo²ya³ to⁴jme³-ni³ xi³ nˀion¹ tjio¹.  
\v 5 Ni²qui³xo²yai³⁴-jin⁴ cjoa⁴fa³ˀai³tsjen³ xi³ ncˀa³ tjio¹ cˀoa⁴ nca³yi³je³ cjoa⁴ xi³ ncˀa³ tjin¹, xi³ vi³so¹tjen⁴ co²ntran⁴-le⁴ cjoa⁴chji⁴ne⁴-le⁴ Ni³na¹. Ntoa³nˀioin¹⁴-jin⁴ nca³yi³je³ cjoa⁴fa³ˀai³tsjen³, jme¹-ni³ nca³ si⁴²tjo³son²-si¹ni³le⁴ Cristo.  
\v 6 Cˀoa⁴ ti³yo³ntai³⁴-jin⁴ nca³ cˀoai⁴-lai⁴jin⁴ cjoa⁴ñˀain³ to⁴jme³ cjoa⁴-ni³ xi³ tsi² si¹tjo³son², cˀia⁴ nca³ cjoe⁴coan⁴jnco³ jo³-sˀin² ni²tjo³son²³ nca³ jon².  
\v 7 Jon² cho¹tsen³-lao⁴³ cjoa⁴ jo³-sˀin² nca³ ma³tsen³. Tsa² jnco³ xi³ ti⁴je² nta³ ve³con³-ni³ yao³-le⁴ nca³ tsˀe⁴ Cristo, cˀoa⁴-ti⁴ je²-vi⁴ ca²ta³si¹cja³ˀai³tsjen³ nqui²ntia³ jo³-sˀin² nca³ je² tsˀe⁴ Cristo ni¹, cˀoa⁴-ti⁴sˀin²ni³ jin⁴-jin⁴ tsˀe⁴ Cristo ni¹⁴-jin⁴.  
\v 8 Nta³ tsa² nqui²sa⁴ nˀion¹ tse³ vˀa³sje³je³ya³-sa³ yao³-na⁴ xi³ tˀa³tsˀe⁴ cjoa⁴te¹xo³ma³-na⁴jin⁴, li²coi³ coan⁴soa³-na³. Je² Nai³-na¹ qui³tsjoa³-na³jin⁴ cjoa⁴te¹xo³ma³ nca³ si⁴quin³ncˀa³-lai²⁴jin⁴. li²coi³ nca³ si⁴qui³xo²ya³-lai²⁴jin⁴.  
\v 9 Coi³ xi³ me³-na³ nca³ tsi² tsa² coi³ coan⁴tsen³ jo³-ni³ tsa² an³ xi³ me³-na³ coi³ncha³xcon¹-ni³no³ cao⁴ xon⁴carta.  
\v 10 Nca⁴ coi³ xi³ cˀoa⁴tso²: Je² xon⁴-le⁴ nˀion¹ nchja⁴tˀa³, cˀoa⁴ en¹-le⁴ nˀion¹jin³, to⁴nca³ cˀia⁴ nca³ ti¹jna³soa³ je², tsin²-ni³le⁴ nca³nˀion¹-jin², cˀoa⁴ en¹-le⁴ a³li²jme³-ni³ chji¹-le⁴.  
\v 11 Je² xo⁴cjoan³-ve⁴ xi³ cˀoa⁴tso² ca²ta³si¹cja³ˀai³tsjen³jin³ je²-vi⁴, jo³ cjoain³-jin⁴ cao⁴ en¹-na⁴jin⁴ xi³ chji³tˀai³-jin⁴ xon⁴, cˀia⁴ nca³ xin² ti³yoi³-jin⁴, cˀoa⁴-ti⁴ coan⁴ cjoain³-jin⁴ cao⁴ xi³ nˀiain²⁴-jin⁴ cˀia⁴ nca³ ti³yo³va³sain³⁴-jin⁴.  
\v 12 Nca⁴ tsi² ma³nˀion¹-ta³coin²⁴jin⁴ nca³ ya⁴ si⁴xqui⁴tˀai³-jin⁴ yao³-na⁴jin⁴ a³xo⁴ si⁴nco¹son²coai⁴-jin⁴ yao³-na⁴jin⁴ cao⁴ cˀa³ xi³ ti⁴je² nta³ vˀa³sje³-ni³ yao³-le⁴. Nca⁴ ti⁴je² vˀe¹cho⁴ya³-ni³ yao³-le⁴ ya⁴jin³-le⁴ xi¹ncjin¹, cˀoa⁴ si¹nco¹son² yao³-le⁴ cao⁴ xi¹ncjin¹, tsin²-le⁴ cjoa⁴fa²ˀai³tsjen³-jin².  
\v 13 To⁴nca³ jin⁴-jin⁴ li²coi³ si⁴cˀa³toi²⁴-jin⁴ choa⁴-le⁴ nca³ chˀa⁴sje³je³yai³⁴-jin⁴ yao³-na⁴jin⁴, to⁴nca³ jo³-sˀin² tji¹choa⁴ cjoa⁴te¹xo³ma³ xi³ Ni³na¹ qui³tsjoa³choa⁴-na³jin⁴, sa³ˀnta³ nca³ coi³cho³chon³-lai²⁴jin⁴ nca³ jon².  
\v 14 Nca⁴ tsi² tsa² mai¹son² tsˀa³to³-sai³⁴jin⁴ choa⁴-na⁴jin⁴, jo³-ni³ tsa² tsi²coi³ coi³cho³chon³-lai²⁴jin⁴ sa³ˀnta³ jon², nca³ jin⁴-jin⁴ xi³ ti¹tjoin²⁴-jin⁴ je³ji³cho³chon³-lai²⁴jin⁴ sa³ˀnta³ jon² cao⁴ je² en¹nta³ xi³ tˀa³tsˀe⁴ Cristo.  
\v 15 Nca⁴ tsi² ni²cˀa³toi²⁴-jin⁴ choa⁴-le⁴ nca³ chˀa²sje³je³yai³⁴-jin⁴ yao³-na⁴jin⁴ cao⁴ xa¹ xi³ tsˀe⁴ xi³ cja³ˀai¹. To⁴nca³ cho³ya²-lai⁴jin⁴ nca³ nqui²sa⁴ coan⁴jcha¹jin³-sa³no³ je² xi³ ma³cjain¹-no³. Cˀoa⁴-sˀin² nqui²sa⁴ coan⁴je³ya³ta³coin²⁴-jin⁴ ya⁴jin³-le⁴ nca³ jon², jo³-sˀin² choa⁴-le⁴ xa¹-na⁴jin⁴.  
\v 16 Cˀoa⁴ cho³ya²-lai⁴jin⁴ nca³ coi⁴no²cjoa⁴yai³⁴-jin⁴ je² en¹nta³ xi³ tˀa³tsˀe⁴ Cristo ya⁴ ˀnte³ xi³ nqui²sa⁴ cjin³tˀa³-no³ nca³ jon², nca³ tsi² chˀa⁴sje³je³yai³⁴-jin⁴ yao³-na⁴jin⁴ cao⁴ je² xi³ je³ti¹jna³nta³ ya⁴ ˀnte³-le⁴ xi³ cja⁴ˀai¹.  
\v 17 To⁴nca³ je² xi³ vˀa³sje³je³ya³ yao³-le⁴, to⁴sa³ ca²ta³vˀa³sje³je³ya³ yao³-le⁴ nca³ ti¹jna³cao⁴ Nai³-na¹.  
\v 18 Nca⁴ tsi² tsa² je² xi³ ti⁴je² vˀa³sje³nta³-ni³ yao³-le⁴, xi³ cˀoa⁴-sˀin² nta³ cho²tˀa³, to⁴nca³ je² xi³ Ni³na¹ vˀa³sje³nta³. 
\c 11  
\p  
\v 1 To⁴ma²-ni³ nca³ ni²cjain¹ˀi⁴tsao¹³ je² cjoa⁴sca¹-na⁴. Jaon³, ti⁴cjain¹-nao¹³.  
\v 2 Nca⁴ cˀoa⁴-sˀin² ma³chi⁴ni⁴que⁴-no³ tˀa³tsˀe⁴ Ni³na¹. Nca⁴ an³ xi³ cˀoa⁴-sˀin² qui³sˀian³ nca³ qui³ni²sˀe³nqui³-no³ jnco³ xˀin⁴, nca³ coa³sen³jna² va³sen³-no³ jo³-ni³ tsa² jnco³ chjon⁴²xo³nco¹ xi³ tsje³ tˀa³tsˀe⁴ Cristo.  
\v 3 To⁴nca³ tsa³cjon³-nia³ jo³-sˀin² nca³ je² ye⁴ tsa³cˀa³na⁴cha⁴-le⁴ Eva cao⁴ je² cjoa⁴ma²ña⁴-le⁴, tsa² cˀoa⁴-sˀin² cjoi⁴tson¹jin³ je² cjoa⁴fa³ˀai³tsjen³-no³ nca³ coai⁴tˀa³xin²-le⁴ nca³ tsi² ti⁴tjio¹jnco³-ni³ta³con²³ tˀa³tsˀe⁴ Cristo.  
\v 4 Nca⁴ tsa² je² xi³ fa³ˀai³, nchja⁴ya³-no³ xi³ nqui²jnco³ Jesús cao⁴-ni³ tsa² je² xi³ qui³no²cjoa⁴yai³⁴-jin⁴, a³xo⁴ tsa² chjoao¹³ nqui²jnco³ espíritu xi³ cja⁴ˀai¹ cao⁴-ni³ tsa² je² xi³ je³qui³chjoao¹³, a³xo⁴ nqui²jnco³ en¹nta³ xi³ tˀa³tsˀe⁴ Cristo xi³ cja⁴ˀai¹ cao⁴-ni³ tsa² je² xi³ je³qui³chjoao¹³, nta³ si⁴cjain¹-lao⁴³.  
\v 5 Cjoa⁴qui²xi⁴ si³cja³ˀai³tsjen³-nia¹³ nca³ ni⁴jme³-jin² xi³ na³nqui³ ti²jna⁴-le⁴ je² pa²stro⁴ xo⁴cjoan³-ve⁴ xi³ nˀion¹ ncˀa³ vˀa³sje³ yao³-le⁴.  
\v 6 Nta³ tsa² tsi² to⁴jo³ nta³ nchja²³, to⁴nca³ li²jme³ cjoa⁴chji⁴ne⁴ xi³ cha³-na³. Cao⁴ nca³yi³je³ cjoa⁴ cˀoa⁴-sˀin² tsa³ca³co²son²tsen³-lai²⁴jin⁴ nca³ jon² je² cjoa⁴chji⁴ne⁴.  
\v 7 A³ tsa³jnqui³-nia¹³ je¹ nca³ nqui²sa⁴ na³nqui³ ti⁴ˀan³ qui³si³cja³ˀa³jen³-nia³ yao³-na⁴, jme¹-ni³ nca³ jon² nqui²sa⁴ ncˀa³ coan⁴-si¹nio³, nca³ tsi²jme³ xi³ qui³sˀe³nqui³-no³ nca³ qui³nchja²ya³jin³-no³ je² en¹-le⁴ Ni³na¹.  
\v 8 Cˀoa⁴-sˀin² qui³si³che²³-le⁴ xi³cˀa³ na⁴xi⁴na³nta¹-le⁴ Cristo, nca³ qui³sˀe³chji¹-na³, jme¹-ni³ nca³ si³xa¹³-si¹ni³no³ nca³ jon².  
\v 9 Cˀia⁴ nca³ tsa³ca²te⁴jna³cao⁴-no³ nca³ jon², nca³ tjin¹ xi³ coan³chjen¹-na³, ni⁴ˀya³-jin² xi³ qui³si³chˀa¹ne²-le⁴. Je² xi³ cˀoa⁴-sˀin² qui³cha³-na³, je² ntsˀe³² xi³ ji³nčhoa³-ni³ Macedonia qui³tsjoa³-na³. Cˀoa⁴ cao⁴ nca³yi³je³ qui³si³coi²nta⁴ yao³-na⁴, cˀoa⁴ si³coi²nta⁴ yao³-na⁴, nca³ tsi² tsa² jon² si³chˀa¹ne²-no³.  
\v 10 Je² cjoa⁴qui²xi⁴-le⁴ Cristo ti¹jna³jin³ ni⁴ma⁴-na⁴, nca³ li²coi³ sˀe⁴chjoa²-na³ ya⁴ ˀnte³ Acaya nca³ cˀoa⁴-sˀin² vˀa³sje³je³ya³ yao³-na⁴ tˀa³tsˀe⁴ cjoa⁴ je²-vi⁴.  
\v 11 A¹-ni³. A³ coi³ nca³ tsi² tsjoa³que⁴-no³. Ni³na¹ ti¹ve³ nca³ tsjoa³que⁴-no³.  
\v 12 Je² xi³ cˀoa⁴sˀian³, to⁴jo³ cˀoa⁴sˀin³-sa³, jme¹-ni³ nca³ coa³te³chjoa²³-si¹ni³le⁴ je² cho⁴ta⁴ xi³ me³-le⁴ nca³ cˀoa⁴tso² nca³ ma³nco¹son² cao⁴ jin⁴-jin⁴. Tˀa³tsˀe⁴ je² cjoa⁴ vˀa³sje³je³ya³-ni³ yao³-le⁴.  
\v 13 Nca⁴ je²-vi⁴ pa²stro⁴ nti³so³ ni¹, cho⁴ta⁴ xi³ si¹xa¹ xi³ vˀa³na⁴cha⁴, nca³ si¹cˀa³ntjai²ya³ yao³-le⁴ nca³ cˀoa⁴ma³ cjoan³ jo³-ni³ pa²stro⁴ xi³ tsˀe⁴ Cristo.  
\v 14 Cˀoa⁴ a³li² cjoa⁴xcon¹-jin² je²-vi⁴, nca⁴ ti⁴je²-ni³ Satanás si¹cˀa³ntjai²ya³ yao³-le⁴ jo³-ni³ tsa² jnco³ a²ncje⁴ xi³ si¹ˀi³sen³.  
\v 15 Cˀoa⁴-sˀin² nca³ li²coi³ si¹xcon¹ tjin¹ tsa² cˀoa⁴-ti⁴ je² xi³ si¹xa¹-le⁴ si¹cˀa³ntjai²ya³ yao³-le⁴ jo³-ni³ tsa² xi³ si¹xa¹-le⁴ xi³ cjoa⁴qui²xi⁴. Cˀoa⁴ xi³ fe³tˀa³-le⁴ cˀoa⁴coan⁴ jo³-sˀin² xa¹-le⁴. 
\s1 Tse³ cjoa⁴ñˀain³ tsa³cja³ˀa¹ Pablo jo³-ni³ pa²stro⁴ 
\p  
\v 16 Nqui²jnco³cˀa² cˀoa⁴xian³: Ni⁴ˀya³-jin² xi³ ca²ta³si¹cja³ˀai³tsjen³ nca³ sca¹-na³, to⁴nca³ tsa² cˀoa⁴-sˀin² si⁴cja³ˀai³tsjaon³, chjo¹ve¹-nao¹³ jo³-ni³ jnco³ xi³ sca¹-le⁴, jme¹-ni³ nca³ to⁴jo³ cˀoa³sje³je³ya³ i⁴tse¹-sa³nia³ yao³-na⁴.  
\v 17 Je² xi³ nchja²³, li²coi³ cˀoa⁴-sˀin² nchja²³ jo³-sˀin² tsa² cjoa⁴fa³ˀai³tsjen³-le⁴ Nai³-na¹, to⁴nca³ jo³-ni³ tsa² cao⁴ cjoa⁴sca¹, nca³ cˀoa⁴-sˀin² nta³ ˀve³coan³ yao³-na⁴ xi³ vˀa³sje³je³ya³.  
\v 18 Ncjin² xi³ vˀa³sje³je³ya³ yao³-le⁴ xi³ to⁴tˀa³tsˀe⁴ jo³-sˀin² ma³tsen³. Coi³ nca³ an³ cˀoa⁴-ti⁴sˀin² cˀoa³sje³je³ya³ yao³-na⁴.  
\v 19 Cao⁴ cjoa⁴tsjoa³ nta³ ni²cjain¹-lao⁴³ je² xi³ sca¹ya³-le⁴, nca⁴ jon² xi³ chji⁴nao⁴³.  
\v 20 Nca⁴ ni²cjain¹-lao⁴³ tsa² jnco³ xi³ to⁴cho⁴ˀnta³ cjoa⁴nˀion¹ sˀin⁴²-no³, tsa² jnco³ xi³ cjoa⁴chˀa²na⁴cha⁴ tsoa⁴-ni³no³, tsa² jnco³ xi³ si¹che¹tˀa³-no³, tsa² jnco³ xi³ je³ya³ vˀa³sje³ yao³-le⁴, tsa² jnco³ xi³ ncjaon¹³ cˀoe⁴²ˀa³.  
\v 21 Si³soa³-le⁴ yao³-na⁴ nca³ cˀoa⁴xian³, nca³ jin⁴-jin⁴ jo³-ni³ tsa² tsi² qui³sˀe³-na³jin⁴ nca³nˀion¹. To⁴jme³ cjoa⁴-ni³ tsa² tjin¹ cˀa³ xi³ ma³nˀion¹con³, cˀoa⁴-ti⁴ an³ ma³nˀion¹coan³ (nchja²³ an³ jo³-ni³ xi³ sca¹-le⁴).  
\v 22 A³ cho⁴ta⁴ hebreos ni¹. Cˀoa⁴-ti⁴ an³. A³ cho⁴ta⁴ israelitas ni¹. Cˀoa⁴-ti⁴ an³. A³ ntje⁴-le⁴ Abraham ni¹. Cˀoa⁴-ti⁴ coi³ an³.  
\v 23 A³ si¹xa¹-le⁴ Cristo. An³ nqui²sa⁴-sa³ nˀion¹ si³xa¹³-le⁴, (jo³-ni³ jnco³ xi³ tso²ˀva³sca¹-sˀin² nchja²³). Cao⁴ xa¹ xi³ nqui²sa⁴-sa³ tse³, cao⁴ xi³ tsa³ca¹-na³ sa³ˀnta³ nca³ tsi² coan³xqui⁴ jo³ tjin¹ cˀa³, cao⁴ nca³ nto⁴ya¹ nqui²sa⁴ ncjin² cˀa³ tsa³ca²te⁴jna³, cˀoa⁴ ncjin² cˀa³ me³cˀen³.  
\v 24 Je² cho⁴ta⁴ judíos aon² cˀa³ tsa³ca¹-na³, can³ čhja³ˀaon²ño³ cˀa³ nca³ jnco¹jnco¹ cˀa³.  
\v 25 Jan² cˀa³ cˀoa⁴-sˀin² tsa³ca¹-na³ cao⁴ ya¹jti³. Jnco³ cˀa² nca³ la⁴jao⁴ qui³sa³te³-na³. Jan² cˀa³ qui³sca³nqui³nta¹ ya⁴ nta¹chi³con³, jnco³ ni⁴čhjin³ cao⁴ jnco³ ni⁴tjen⁴ tsa³ca²te⁴jna³jian³ ya⁴ nca³va³sen³-le⁴ nta¹chi³con³.  
\v 26 Ya⁴ ntia⁴²xcon¹ ncjin² cˀa³, ya⁴ xo⁴nca¹ jña³ xcon¹ chon³, xcon¹-le⁴ che¹, xcon¹-le⁴ cho⁴ta⁴ na³nqui³-na⁴, xcon¹-le⁴ cho⁴ta⁴ xi³ li² judío-jin², xcon¹-le⁴ ya⁴ na⁴xi⁴na³nta¹, xcon¹-le⁴ ya⁴ ˀnte³ tˀa³xin²tˀa³, xcon¹-le⁴ ya⁴ nta¹chi³con³, xcon¹-le⁴ ya⁴jin³-le⁴ ntsˀe³² xi³ to⁴nti³so³,  
\v 27 cao⁴ xa¹nˀion¹ cao⁴ cjoa⁴vi³jta², cao⁴ xi³ ncjin² cˀa³ tsa³ca²te⁴jna³con³ˀnta³, cao⁴ nca³ coan³vao³-na³ coan³fa³ti²-na³, cao⁴ nca³ ncjin² cˀa³ tsa³ca²te⁴jna³nchjan³, cao⁴ nca³ nchˀan¹ coan³-na³, cao⁴ nca³ me³ qui³sˀe³jtia²³.  
\v 28 Cˀoa⁴ tjin¹-sa³ cjoa⁴ xi³ cja⁴ˀai¹, cˀoa⁴ je² xi³ cˀoa⁴-sˀin² ma³jtin¹ne²-na³ nca³ nchaon³nchaon³, nca³ nˀion¹ fa³tse¹ya³ ni⁴ma⁴-na⁴ tˀa³tsˀe⁴ nca³tsˀi³ na⁴xi⁴na³nta¹-le⁴ Cristo.  
\v 29 ˀya¹-ni³ xi³ ma³ˀaon³-le⁴, tsa² tsi² nca³ an³ cˀoa⁴-ti⁴ ma³ˀaon³-na³. ˀya¹-ni³ xi³ ni²sa³te¹nqui³, nca³ tsi² an³ ma³jti³ntjai²-na³.  
\v 30 Tsa² ma³chjen¹ nca³ cˀoa³sje³je³ya³ yao³-na⁴, an³ cˀoa³sje³je³ya³-nia³ yao³-na⁴ cao⁴ cjoa⁴ˀi³nta³-na⁴.  
\v 31 Je² Ni³na¹ cˀoa⁴ je² Nˀai³-le⁴ Nai³-na¹ Jesucristo xi³ ma³chi³con³tˀain³ nca³ntsjai² ve³-ni¹ nca³ tsi² tsa² vˀe³nti³soa³.  
\v 32 Ya⁴ Damasco, je² gobernador xi³ tsˀe⁴ ˀnte³-le⁴ je² cho⁴ta⁴ti¹tjon² Aretas qui³si³coi²nta⁴ je² na⁴xi⁴na³nta¹-le⁴ cho⁴ta⁴ damascenos, jme¹-ni³ nca³ tsoa⁴-si¹ni³na³.  
\v 33 Tsa³cˀaon³jen³ntjai²-na³ cao⁴ jnco³ ni⁴sin⁴ya¹ ya⁴ ventana-le⁴ čhjao¹nčhˀoa¹-ve⁴. Cˀoa⁴-sˀin² qui³to²ca³ntsja³-na³. 
\c 12  
\s1 Pablo qui³tsˀai²jin³ yao³-le⁴ jnco³ na³ˀya¹ 
\p  
\v 1 Cjoa⁴qui²xi⁴ ni¹, li²coi³ nta³ tjin¹-ni³na³ nca³ cˀoa³sje³je³ya³-nia³ yao³-na⁴, to⁴nca³ cˀoa⁴xin³-sa³ tˀa³tsˀe⁴ je² xi³ fa³ˀa³ya³xcoan³ cˀoa⁴ xi³ ˀve³son²tsen³ xi³ Nai³-na¹ qui³tsjoa³.  
\v 2 ˀve³xcon³-nia¹³ jnco³ cho⁴ta⁴ xi³ fi²tˀa³-le⁴ Cristo, xi³ je³coan³ te³ño³ no¹ qui³ntoa³ nti⁴ton⁴-ni³, sa³ˀnta³ xi³ ma³jan²-ni³ ncˀa³jmi³ (tsa² ti¹jna³jin³ yao³-le⁴, li²coi³ ˀve³, cˀoa⁴ tsa² tsi² ti¹jna³jin³ yao³-le⁴, li²coi³ ˀve³. Ni³na¹ xi³ ve³).  
\v 3 Cˀoa⁴ ˀve³xcon³-nia¹³ je² cho⁴ta⁴-ve⁴, (tsa² ti¹jna³jin³ yao³-le⁴ a³xo⁴ tsa² tsi² ti¹jna³jin³ yao³-le⁴, li²coi³ ˀve³. Ni³na¹ xi³ ve³)  
\v 4 cˀoa⁴-sˀin² qui³ntoa³nti⁴ton⁴-ni³ sa³ˀnta³ ncˀa² ya⁴ jña³ paraíso ˀmi², jña³ nca³ qui³nčhˀoe¹-le⁴ en¹ xi³ nˀion¹ xcon¹, xi³ tsi² tjo³ˀnte³-le⁴ nca³ nchja⁴ cho⁴ta⁴.  
\v 5 Xi³ tˀa³tsˀe⁴ je² cho⁴ta⁴-ve⁴, cˀoa³sje³je³ya³ yao³-na⁴, to⁴nca³ xi³ ti⁴tˀa³tsˀan⁴-nia³ ni⁴jme³-jin² xi³ cˀoa³sje³je³ya³ yao³-na⁴, to⁴coi³ tˀa³tsˀe⁴ cjoa⁴ˀi³nta³-na⁴.  
\v 6 Nca⁴ tsa² me³-na³ cˀoa³sje³je³ya³ yao³-na⁴, li²coi³ sca¹ coan⁴-na³, nca⁴ cˀoa⁴²xian¹ xi³ cjoa⁴qui²xi⁴. To⁴nca³ si³cˀe¹jna²³-nia¹, jme¹-ni³ nca³ ni⁴ˀya³-jin² xi³ nqui²sa⁴ nta³ si⁴²cja³ˀai³tsjen³-si¹ni³ jo³ cjoan³ an³, cao⁴-ni³ tsa² xi³ ve³ tsˀan⁴, a³xo⁴ xi³ nčhˀoe¹-ni³na³.  
\v 7 Cˀoa⁴ cjai¹nca³ to⁴tse³ cjoa⁴ xi³ coan³son²tsen³-na³. To⁴coi³ cjoa⁴-vi⁴ nca³ qui³tsˀai²jin³ yao³-na⁴ jnco³ na³ˀya¹, jme¹-ni³ nca³ li²coi³ coan⁴ncˀa³con³-si¹nia³ xi³ to⁴tsˀa³to³ntjai² choa⁴-le⁴. Je² na³ˀya¹-ve⁴ jnco³ cho⁴ˀnta³-le⁴ Satanás xi³ cˀoa⁴-sˀin² vˀe¹-na³, jme¹-ni³ nca³ tsi² coan⁴ncˀa³con³-si¹nia³ xi³ to⁴tsˀa³to³ntjai² choa⁴-le⁴.  
\v 8 Xi³ tˀa³tsˀe⁴ coi³-vi⁴ jan² cˀa³ je³tsa³cˀe³tsˀoa²³-le⁴ Nai³-na¹ nca³ coi⁴tjo³xin²-na³.  
\v 9 Cˀoa⁴ je² cˀoa⁴qui³tso²-na³: Cji³ma³-ni³li² je² cjoa⁴nta³-na⁴, nca³ je² nca³nˀion¹-na⁴ nqui²sa⁴ nˀion¹ nta³ ma³tsen³-ni³ cao⁴ cjoa⁴ˀi³nta³-li⁴. To⁴coi³ cao⁴² cjoa⁴tsjoa³ to⁴sa³ cˀoa³sje³je³ya³ yao³-na⁴ xi³ tˀa³tsˀe⁴ cjoa⁴ˀi³nta³-na⁴, jme¹-ni³ nca³ je² nca³nˀion¹-le⁴ Cristo sˀe⁴jna³jin³-si¹ni³na³.  
\v 10 Xi³ tˀa³tsˀe⁴ Cristo to⁴coi³ nta³ tjin¹-coan³ cao⁴ cjoa⁴ˀi³nta³-na⁴, cao⁴ nca³ no²cjoa⁴ˀaon³-na³, cao⁴ cjoa⁴ñˀain³, cao⁴ nca³ fi²tjen⁴nqui³ co²ntran⁴-na³, cao⁴ xi³ li² to⁴jo³ xi³ cji³ ñˀain³ ma³-na³. To⁴cˀia⁴-ni³ nca³ i³nta³ an³, cˀia⁴ tjin¹-na³ nca³nˀion¹.  
\v 11 Je³cˀoa⁴-sˀin² sca¹ya³-na³ nca³ vˀa³sje³je³ya³ yao³-na⁴. Jon² nio¹³ xi³ cjoa⁴nˀion¹ qui³nˀian²-nao¹³. An³ nia¹³ xi³ tjin¹-ni³ nca³ nta³ chˀa⁴sje³-nao¹³, nca⁴ ni⁴jme³-jin² xi³ nqui²sa⁴ na³nqui³ tsa³ca²te⁴jna³-le⁴ cao⁴-ni³ tsa² je² pa²stro⁴ xi³ nˀion¹ ncˀa³ vˀa³sje³ yao³-le⁴, nta³ tsa² ni⁴jme³-jian²³.  
\v 12 Cjoa⁴qui²xi⁴-ni¹ nca³ je² choa⁴-le⁴ pa²stro⁴ cˀoa⁴-sˀin² cˀoa⁴coan³ ya⁴jin³-le⁴ nca³ jon² cao⁴ nca³yi³je³ cjoa⁴tse³ta³con², cao⁴ choa⁴, cao⁴ cjoa⁴ xi³ tse³, cao⁴ cjoa⁴xcon¹.  
\v 13 Jo¹-sˀin² nqui²sa⁴ to⁴choa³ nta³ tsa³ˀya³ta³con²-no³ nca³ jon² cao⁴-ni³ tsa² xi³cˀa³ na⁴xi⁴na³nta¹-le⁴ Cristo, tsa² tsi² xi³ to⁴coi³ nca³ ti⁴ˀan³-nia³ li²coi³ qui³si³chˀa¹ne²-no³. Ti⁴cha³tˀa³-nao¹³ xi³ cˀoa⁴-sˀin² chˀao³ qui³sˀian³. 
\s1 Pablo coai⁴con³-le⁴ cho⁴ta⁴ corintios xi³ ma³jan²-ni³ cˀa³ 
\p  
\v 14 Coe⁴-ni³ nca³ je³ti²jna⁴nta³ nca³ cjoi¹con³-no³ xi³ ma³jan²-ni³ cˀa³, cˀoa⁴ li²coi³ si³chˀa¹ne²-no³, nca³ tsi² tsa² je² tso³jmi²-no³ xi³ va³sje²³, to⁴nca³ jon² nio¹³ xi³ va³sjai²³-no³. Nca⁴ li²coi³ ma³chjen¹ nca³ je² xti³ cˀoe⁴²tjao² tˀa³tsˀe⁴ xi³jcha¹-le⁴, to⁴nca³ je² xi³jcha¹-le⁴ cˀoe⁴²tjao² xi³ tˀa³tsˀe⁴ xti³.  
\v 15 To⁴nca³ cao⁴ cjoa⁴tsjoa³ si³cje³jian³ nca³nˀion¹-na⁴, cˀoa⁴ ntia³ cjoe⁴jin³ nca³nˀion¹-na⁴ tˀa³tsˀe⁴ ni⁴ma⁴-no³, nta³ tsa² nqui²sa⁴ tse³ tsjoa³que⁴-no³, cˀoa⁴ jon² nqui²sa⁴ choa³ tsjoa³cha³-nao¹³.  
\v 16 An³ li²coi³ qui³si³chˀa¹ne²-no³, to⁴nca³ jon² vi³xon¹³ nca³ nˀion¹ ma²ña⁴ nca³ an³, nca³ to⁴cjoa⁴chˀa²na⁴cha⁴ qui³scoe¹-ni³no³.  
\v 17 A³ tsa³cˀa³na⁴cha⁴-no³ nca³ jon² cao⁴ jnco³ xi³ tsˀe⁴ je² xi³ qui³si³ca³sen¹con³-no³.  
\v 18 Tsa³cˀe³ne²³-le⁴ Tito, cˀoa⁴ qui³si³ca³sen¹jncoa³ ntsˀe³² cao⁴ je². A³ cˀoa⁴²-sˀin² tsa³cˀa³na⁴cha⁴-no³ Tito. A³ tsi² tsa² ti⁴coi³-ni³ cjoa⁴fa³ˀai³tsjen³ ti³ma³jin³-ni³jin⁴, cˀoa⁴ ti⁴coi³-ni³ ntia⁴² ti³ma³yai³⁴-jin⁴.  
\v 19 A³ to⁴jo³ ni²cja³ˀai³tsjen³-nio¹³ nca³ to⁴ti³no²cjoa⁴ntjai²⁴-jin⁴ yao³-na⁴jin⁴ cao⁴ jon². Nqui³xcon⁴ Ni³na¹ no²cjoai⁴-jin⁴ nca³ ti³yo³coai⁴-jin⁴ Cristo, to⁴nca³ jon² xi³ tsjoa³que⁴-no³, nca³yi³je³ no²cjoa⁴-ni³jin⁴ xi³ tˀa³tsˀe⁴ nca³ coin⁴ncˀao³.  
\v 20 Tsa³cjon³-nia¹³ nca³ cˀia⁴ nca³ coi³choa³, nca³ sa⁴te¹jin³-no³ jo³ cjoaon³, jo³-sˀin² nca³ tsi² sa⁴sen¹-na³, cˀoa⁴ an³ sa⁴te¹jin³-nao¹³ jo³ cjoan³ nca³ tsi² sa⁴sen¹-no³, tsa² cˀoa⁴-sˀin² tjin¹ cjoa⁴vi³xcan¹ ya⁴jin³-le⁴ nca³ jon², cao⁴ cjoa⁴xin²ta³con², cjoa⁴jti³, nca³ jao²ya³ ti³yo³, cao⁴ xi³ chˀao³ ˀmi²lao⁴³ xi²nquio⁴³, cao⁴ xi³ chja³ˀa²nqui³jmio¹³, cao⁴ cjoa⁴ncˀa³ta³con², cao⁴ cjoa⁴si³.  
\v 21 Tsa³cjon³-nia¹³ cˀia⁴ nca³ coi³cho³-nia³ nca³ Ni³na¹ si⁴²cja³ˀa³jen³-na³ nqui³xcon³ nca³ jon², cˀoa⁴ nca³ squi³ˀnta¹³ xi³ tˀa³tsˀe⁴ xi³ ncjin² xi³ nca³sˀa⁴ tsa³jnqui³ je¹, cˀoa⁴ nca³ cje³ si¹cja³ˀai³tsjen³jin³-jin²ni³ xi³ tˀa³tsˀe⁴ cjoa⁴jnti¹-le⁴, cao⁴ cjoa⁴cha³jnqui³-le⁴, cˀoa⁴ cao⁴ cjoa⁴chi⁴nca⁴-le⁴ xi³ qui³sˀin³. 
\c 13  
\p  
\v 1 Je² xi³ ma³jan²-ni³ cˀa³ cjoi¹con³-no³ nca³ jon². Cao⁴ xi³ jao² a³xo⁴ jan² testigo xi³ tsjoa¹ en¹-le⁴ cˀoa⁴-sˀin² sˀe⁴nta³-ni³ nca³yi³je³ cjoa⁴sˀe³nqui³.  
\v 2 To⁴nqui³-ni³ je³cˀoa⁴qui³xian³ nca³sˀa⁴, cˀoa⁴ ntˀai⁴ nqui²jnco³cˀa² cˀoa⁴xin³-nca¹nia³. To⁴jo³-sˀin² nca³ qui³xin³-le⁴ cˀia⁴ nca³ tsa³ca²te⁴jna³cao⁴-no³ xi³ coan³jao²-ni³ cˀa³, cˀoa⁴-sˀin² ntˀai⁴ nca³ xin² ti²jna⁴, cˀoa⁴xin³-le⁴ je² xi³ nca³sˀa⁴ tsa³jnqui³ je¹, cˀoa⁴ nca³tsˀi³ xi³cˀa³. Tsa² cjoi¹nqui²jnco³cˀa²³ li²coi³ si³cha³tˀa³-le⁴.  
\v 3 Coi³ nca³ me³-no³ nca³ cho¹tˀa³-nao¹³ tsa² Cristo nchja⁴jin³-na³. Je² Cristo li²coi³ i³nta³ xi³ tˀa³tsaon⁴³, to⁴nca³ tjin¹-le⁴ nca³nˀion¹ xi³ tˀa³tsaon⁴³.  
\v 4 Qui³sˀe³tˀa³-ni³ cro² to⁴tˀa³tsˀe⁴ cjoa⁴ˀi³nta³-le⁴, to⁴nca³ to⁴tˀa³tsˀe⁴ nca³nˀion¹-le⁴ Ni³na¹ ti¹jna³con³-ni³. Cˀoa⁴-ti⁴ ña¹ cˀoa⁴-sˀin² i³nta³ cjoan³² cao⁴ je², to⁴nca³ cao⁴ je² coi⁴yo³chon³-nia¹ xi³ tˀa³tsaon⁴³ xi³ to⁴tˀa³tsˀe⁴ nca³nˀion¹-le⁴ Ni³na¹.  
\v 5 Cho¹tˀao³ yao³-no³ nca³ ti⁴jon²-nio³, tsa² nta³ ti³yo³cao⁴³ xi³ ma³cjain¹-no³. Nta³ cho¹tˀao³ yao³-no³ tsa² nta³ cjoaon³. A³ tsi² nta³ ˀya³xcon³-nio³ yao³-no³ nca³ Jesucristo ti¹jna³jin³ ni⁴ma⁴-no³, to⁴nca³ li²coi³ cˀoa⁴-sˀin² ma³ tsa² tsi² nta³ ji²tjo⁴-nio³.  
\v 6 To⁴nca³ an³ co³ya²³ nca³ jchao⁴³ nca³ jin⁴-jin⁴ nta³ ji²tjoi⁴-jin⁴.  
\v 7 Cˀoa⁴ vˀe²tsˀoa³-lai⁴jin⁴ Ni³na¹ nca³ ni⁴jme³-jin² cjoa⁴ xi³ chˀao³ tjin¹ xi³ sˀiaon⁴³, a³li² coi³-jin² nca³ jin⁴-jin⁴ nta³ cho¹tˀa³-na³jin⁴, to⁴nca³ jme¹-ni³ nca³ jon² cˀoa⁴sˀian⁴-si¹nio³ je² xi³ nta³ tjin¹, nta³ tsa² jin⁴-jin⁴ xi³ li²coi³ nta³ coi²tjoi⁴-jin⁴.  
\v 8 Nca⁴ ni⁴jme³-jin² xi³ coan⁴-na³jin⁴ co²ntran⁴-le⁴ je² xi³ cjoa⁴qui²xi⁴, to⁴nca³ to⁴je² xi³ coan⁴-na³jin⁴ je² xi³ tˀa³tsˀe⁴ cjoa⁴qui²xi⁴.  
\v 9 To⁴coi³ ma³tsjoa³-ni³na³jin⁴ cˀia⁴ nca³ i³ntai³⁴-jin⁴, cˀoa⁴ cˀia⁴ nca³ jon² xi³ tjin¹-no³ nca³nˀion¹. Coi³ cjoa⁴ xi³ vˀe²tsˀoai³⁴-jin⁴, nca³ ña³qui³ qui²xi⁴ coaon⁴³.  
\v 10 To⁴coi³ cji³-ni³no³ je²-vi⁴, cˀia⁴ nca³ xin² ti²jna⁴, jme¹-ni³ nca³ tsi² ta²ja³jin³ si³cao⁴-si¹ni³no³ cˀia⁴ nca³ ya⁴ ti²jna⁴, jo³-sˀin² je² cjoa⁴te¹xo³ma³ xi³ Nai³-na¹ qui³tsjoa³-na³, nca³ si³quin³ncˀa³-no³, cˀoa⁴ li²coi³ nca³ si³qui³xo²ya³-no³. 
\s1 Cjoa⁴ni²ti²ˀnta³ xi³ fe³tˀa³ 
\p  
\v 11 Xi³ to⁴fe³tˀa³-ni³, ntsˀe³, ca²ta³sˀe³-no³ cjoa⁴tsjoa³, qui²xi⁴ ca²ta³mao³, ca²ta³sˀe³-no³ cjoa⁴ni²je³ta³con². To⁴jnco³ tja³cjao³jco³, nchˀan¹ ca²ta³ma³chon³-no³. Cˀoa⁴ je² Ni³na¹ xi³ si¹qui³njen³nchˀan¹jin³ ni⁴ma⁴-no³, cˀoa⁴ xi³ tsˀe⁴ cjoa⁴tjao²cha³ cˀoe¹jna³cao⁴-no³ nca³ jon².  
\v 12 Ti⁴ti²ˀntao³ xi²nquio⁴³ xi³jnco³ cao⁴ xi³cˀa³ nca³ tsje³ tˀe²tˀa³tsˀoa³-lao⁴³ xi²nquio⁴³.  
\v 13 Nca³tsˀi³ cho⁴ta⁴-le⁴ Cristo si¹ti²ˀnta³-no³.  
\v 14 Je² cjoa⁴nta³-le⁴ Nai³-na¹ Jesucristo, cˀoa⁴ je² cjoa⁴tjao²cha³-le⁴ Ni³na¹ cˀoa⁴-sˀin² ca²tˀe²yo³jin³-no³ nca³tsˀio³ cjoa⁴-vi⁴, cˀoa⁴ nca³ ña³tjen⁴ coi⁴yo³cao⁴³ Espíritu Santo. Cˀoa⁴ ca²ta³ma³.