\id TIT TT-Omusebezi no kutoloka e Bibele no Siluyana
\ide UTF-8
\h TITE
\toc1 Eliñolo lya Paulusi kwa Tite
\toc2 Tite
\toc3 Tit
\mt2 ELIN̄OLO LYA PAULUSI KWA
\mt1 TITE
\imt Okulimukisa
\ip Ebuka ya Tite niinjili no tibuka tinee ta Paulusi eto tina kuñoleliwa omunu, kasa ku Keleke. Eti buka taatu tinjili ni 1 Timoteya, 2 Timoteya mane ni Filemoni. Paulusi kame ana kuñolela Tite, kono nakuñola kame kanyi nji eliñolo kame lifanena okubaleliwa kwaanu no kupula mu kukuwa. Paulusi kame akulubelwa okuñola eliñolo eli kumyaka na kunyima munyim no kuleiwa kwa Kilesite.
\ip Paulusi nalaele Tite nji aendise etikeleke eto tili ba sooli sa Kilete. Paulusi nakuñola eliñolo eli nji alaele Tite omu afanena okuketela ni ku simweteta asikwendisa ekeleke. Mi nakuba etitaelo no kukufeka kanyi eto ana kuba muliñolo kwa Timoteya. Eliñolo lyaye kame litoloka omo afanena okwikalela aaendisi no tikeleke mu mukwa no likuta. Etikeleke mane niaendisi no tikeleke balelo kame afanena okumamela onene kuinu eyo ifanena kwao ali muketelelo no tikeleke.
\iot Emitwi no yambo
\io Paulusi kame alaela Tite okuketa aendisi ao ali ni mebo ya Nyambe (1.1-16).
\io Cwale kame amulaela kame nji aiyete aanu okuyoya ni mebo ya Nyambe (2.1-3,11).
\io Kumamaneneno Paulusi kama amana mu kukutabela einjili no mihupulo yaye mane ni kutuma etitumeliso (3.12-15).
\c 1
\p
\v 1 Time Paulusi, omubika wa Nyambe ni mutumiwa wa Jesu Kilesite.
\p Oku ongoteteta etumelo ya awo ana ketiwa kwa Nyambe ni tingana no niti yoo eyo yendelela ni mwikalelo no Unyambe, 
\v 2 mu ku sepa omoyo no kwaabwa owo ana kutusepisa Nyambe ku kale woyo na kwaonga, 
\v 3 ni mu nako eyo ifanena kame ana shootola amaywi aye mu ku kutaza nina bekiwa mu ku laelelwa kwa Nyambe omuyoyisi wetu.
\p
\v 4 Kwa wene Tite, omwanange mu tumelo.
\p Esishemo ni kozo eyo itunda kwa Nyambe Sitetu ni Kilesite Jesu omuyoyisi wetu.
\s Omusebezi wa Tite mu Kelete
\p
\v 5 Eli elibaka ina ku ku siyela mu Kilete, nji omanenene eyambo eyo ina kuulwa oku lukisa, ni ku keta aakulu no Tikeleke mu titolopo tonje kanyi omo ina ku kusimwetela, 
\v 6 nji omunu kanyazahala, woyo okwatile omukati mumweya, woyo oli naana no ku pumena no kwaanyazahala mu mifilifili simba mu ungulunde. 
\v 7 Kakuli kame ku fanena nji omwiyeti no keleke, atende woyo no kwa nyazahala, omunu no kwaa ku kuumusa, ni ku lelubela okutina, simba esitakwa, simba osi mifilifili simba omunu no ku singa onene amali. 
\v 8 Kono atende omunu no ku tambula wino angenda, woyo osinga ouwa, woyo no ku shangama, woyo otenda wino einu, no kukena, nuu kulema. 
\v 9 Kame afanena oku kumalela ku tuto no niti, omo ina kwiiyetetwa, nji cwale atwese okuba etitaelo mututo iyupahala mane ni ku monisa amafosisa kwao ailwisa nji ayupisise.
\p
\v 10 Kakuli kame kuli awo no kupula amangulunde, awo aamba eyo na mbulwa tuso, awo aonga aanu, onene kwaawo no mupato. 
\v 11 Kame afanena oku tikiwa otunwa, mi aanu ashandoola amasika onje mu kwiyeta eyo no kwafanena, nji awanemo esifumu no kwaaluka. 
\v 12 Omwaboo omunjili woyo neli munuhi, kame ana kwamba nji, Amakileta nasi mapwa enako yonje, mi ni ibatana no kwiiba, asi mapumo no ku buba. 
\v 13 Oupaki owo ni wa niti. Cwalehe mwaakalimele mu kongola, nji cwale mwatuse nji akule mu tumelo. 
\v 14 Alese oku tokomela amatangu no Sinjuda, ni titaelo no aanu akana eniti. 
\v 15 Einu yonje ni ya kukena kwaanu no kukena, kono kwao no kwakena no kwaa pumena kakwisa esi no kukena, etingana ni mihupulo yoo kame asilafalile. 
\v 16 Kame aamba nji kame alimukile Nyambe, kono kame amulatula mu misebezi yoo, kame akwite olutimbo, mane ni kuulwa elikute mi kaafanene emisebezi no kuwaba.
\c 2
\s Etuto Ilukile
\p
\v 1 Kono wene oiyete eyo ifanena etuto eyo ilukile. 
\v 2 Mwiyete akulu no alume nji atende aanu no ku sepahala, no ku shangama, ano ukulema, awo ali mu tumelo, ni mulilato, ni mu kongooteta emicima. 
\v 3 Wambele akati akulu nji nonyene aikale ni mukwa no kukena, alese okooba, simba aabika no kunwa, kame afanena okwiyeta eyi no kuwaba, 
\v 4 mi cwale aiyete aasizana oku singa ambumoo naanoo, 
\v 5 atende aa no ku yupisisa, nuuku babalela, ni ku sebeza, aikale ni musa, ni ukubeeka kunji no ambumoo, nji cwale eliywi lya Nyambe lyuulwe oku nyefulwa. 
\v 6 Mi kame waambele ngeso naa ndumbana nji akuleme onyene. 
\v 7 Oku tende omwanda wenyene mu inu onje okutenda emisebezi no kuwaba, mi mu tuto yowe wiyeta omonise nji ni ya kukena, ni ku kutekiwa. 
\v 8 Amaywi wamba atende aa ayoisa, nji cwale awo atu lwisa aene, aulwe esi no kwiiba eso saambe kwaaci.
\p
\v 9 Waambele aabika nji aku beeke kunji no aolyoo ni kwawabetwa mu inu yonje, mi alese oku kanana 
\v 10 simba okwaitela, kono amonise okusepahala no ku manenena mu nako yonje, nji cwale etuto ya Nyambe Omuyoyisi wetu ikutekiwe konje.
\p
\v 11 Kakuli esishemo sa Nyambe nasi monahala eso si yoisa aanu. 
\v 12 Esishemo kame sitwiiyeta okukana emikwa eyo kasa ya Nyambe ni no ku shukela eyi no litunga, ni ku yoya mu kuyupisisa, ni mu kuluka, ni ku yoya mu mukwa wa Nyambe mu litunga lino, 
\v 13 me tu tatelele esepo yetu ili ni mbuyoti, ni ku monahala ni kanya ya Nyambe wetu no kuneneba, neyi ya Muyoisi Jesu Kilesite. 
\v 14 Woyo ona kutobohele aaci oku tu lukulula ku uyi wetu yonje, ni kutukenisa nji tutende aanu aye luli awo atukufalelwe emisebezi no kuwaba.
\p
\v 15 Otatulule etitaba eti, mi mbu kutaza mu maata onje. Kuulwe omunu so ku shwaula.
\c 3
\s Omwikalelo no ulumeli
\p
\v 1 Mwaapulukise nji akubeeke kunji no aabusisi ni mu maata, nuuku kuteka oku tenda omusebezi no kuwaba. 
\v 2 mwaambele nji alese okushwaula omukwenu, mu lesele okukanana, mu ku kuteke mane ni kumonisa ouwa wenu ku munu yonje. 
\v 3 Kakuli naaci natu kutenda aaelo kunyima, me tuli aanu no kongiwa, aabika no titakazo no mifuta-futa ni minyaka, ni ku yoya mu lunya ni uyi, okutimbiwa kwaakwetu ni mukaci ketu. 
\v 4 Kono ouwa ni mukekecima wa Nyambe omuyoyisi wetu aba una kumonahala, 
\v 5 naku tuyoyisa. Kasa mulibaka no itendanu yetu tuna tende mu kuluka, kono mulibaka no makeke aye, mu kuyowisa amasika ni kwaatenda ano ubya mu mebo no kukena. 
\v 6 Eyo Nyambe nakwitela kwaaci mukupula mulibaka lya Jesu Kilesite omuyoyisi wetu, 
\v 7 nji cwale tubekiwe ano kukena mu sishemo saye mane nji tuka shwane mu sepo no moyo waye na kwaabwa. 
\v 8 Omwambelo ni wa niti. Etituto eti nita niti mi kame tikwite etuso onene ku munu yonje.
\p Cwale kame ni singa nji mongotetete mu yambo eyi, nji cwale aanu ao apumena mwa Nyambe atokomele oku tenda eyi no kuwaba, mi eyi niiwa mane ikwite omupuzo kwaanu. 
\v 9 Kono mulesele einu nambulwa tuso, eyi no masika na ku kale, eting'ananyi, okulwisa omulawo, kakuli ka ikwite outokwa ni tuso. 
\v 10 Kanyi ku munu na munyima noo ku mweleza kamweya simba twiili, kakwisa kame eso sa mutende kwa yonyene. 
\v 11 Me mulimukile nji woyo omunu kame asinyehile ni kutenda esibi, woyo ni wa ku nyazahala.
\s Etitaelo no mamaneneno
\p
\v 12 Cwale aba sanitume Atemasi simba Taicikasi kwa wene, mutende omo mutweseta monje okwiiya kwamene mu Nekapolisi kakuli nani hupula nji nikaikale kuya uno mubebo wonje. 
\v 13 Mutende omo mutweseta monje okulelubisa Zenasi osi milao ni apolosi mumone nji mundila yoo kakwisa esinjili eso abilaelasaele. 
\v 14 Mi aanu etu akwiyete oku tenda eyi no kuwaba, nji atuse eyo isaeliwa yonje kasa okwikala nambulwa tuso. 
\v 15 Awo nili noo onje kame ami keeta.
\p Esishemo sa Nyambe siikale naanyi moonje.