\id 2JN 2 JAN-OMU SEBEZI NO KUTOLOKA EBIBELE NO SILUYANA
\ide UTF-8
\h 2 Jodani
\toc1 Eliñolo no wiili lya Jowani
\toc2 2 Jowani
\toc3 2 Jwn
\mt2 Elin̄olo no wili lya
\mt1 Jowani
\imt Okulimukisa ku lin̄olo no wili lya Jowani
\ip Elin̄olo no wiili lya Jodani kame lina kun̄oliwa kwa Mutumiwa Jowani mumwaka no 90 (AD) munyima no kuleiwa kwa Kilesite. Kono Jowani ka kumonisa yonyene nji yo mun̄oli walyo, okubita nji akwisane nji yokame omukulu. Emitwi no yambo ya 2 Jowani kama isheteta kuukufeka kanyi emitwi no yambo eto tiwaniwa mu buka iisaniwa Eliywi okwamana ni Jodani. Onene luli kame imonahalela mu mukwa omo aongoteteta etaelo ya Jesu no oukusinga omunjili ku munjili mane ni mukwa owo wendelela ni kusinga Jesu ni kon̄elela etitaelo (1.5-6; Jowani 15.9-10). Kame kulumeliwa nji Jowani nakun̄ola Eliywi okwamana kwa Jowani mane ni man̄olo aatu, 1 Jowani, 2 Jowani ni 3 Jowani abo yo yoya mu Efesasi. Jowani naku tuma elin̄olo lyaye ku mukati no kuketiwa naanaye. Kame anaku singa okubapanya ku keleke cwale sebeli waamba nji nilyalumeli onje. Elibaka lya Jowani mukun̄ola elin̄olo eli neli okususuweza ekeleke ni kwaaba emamela no aiyeti no mapwa.
\iot Emitwi no Titaba
\io1 Jowani kame alimukisa elin̄olo mu kwaamba nji lyanyine ni mukulumelisa asiku litambula (2 Jowani 1.1-3).
\io1 Cwale sebeli osusuweza ekeleke ni kwaa hupulisa etaelo noku neneba (2 Jowani1.4-6).
\io1 Esisitatamako ni kwaaba emamela no aiyeti no mapwa (2 Jowani1.7-11)
\io1 Jowani naku mana elin̄olo lyaye muku twala okukeeta okutunda kwa lumeli mu keleke omo ayoya (2 Jowani1.12-13).
\c 1
\p
\v 1 Mene omukulu, kame ni n̄olela
\p Ku mukati woyo ona ketiwa kwa Nyambe, naa naye aa ni singa mu niti, mi ka sa mene fela woyo waa singa, kono naa alimukile eniti onje, 
\v 2 mulibaka no niti eyi ili mwaaci, mi kame saikale naaci enako yonje ni kuta oku no kwaabwa.
\p
\v 3 Esishemo ni makeke, ni kozo, iikale naaci eyi itunda kwa Nyambe Sitange, ni kwa Jesu Kilesite omwana Sitange, mu niti ni mu lilato.
\s Eniti ni Lilato
\p
\v 4 Kame ni wabelelwe onene aba ni na wana aana anjili owe ayoya mu niti, kanyi aba tuna laelwe kwa Sitange. 
\v 5 Mi cwale, wene omukati, kame niku lapela, kasa nji kame ni ku n̄olela etaelo no ubya, kono eyo tuli nayo okutunda ku matatekelo eyi yaamba nji, tu ku singe omunjili ku munjili. 
\v 6 Elilato, ninji tuyoye mu taelo ya Nyambe. Yo kame etaelo, omu muna iyupele ku matatekelo ninji tukusinge omunjili ku munjili.
\p
\v 7 Kakuli asikonga no kupula kame anengene mu litunga, aa aulwa okupumena Jesu nji kame aneyi mu lutu no unu. Woyo omunu no ngeso ni moongi mini siila sa Kilesite. 
\v 8 Mu tokomele nji mu lese oku sinyehelwa kweyi tunabeleke, kono mu biwe omupuzo no kwiyala.
\p
\v 9 Omunu yonje woyo okeluha no kwaa ikala mu tuto ya Kilesite mi kame abekelako einjili, kasa ni Nyambe. Kono woyo yonje otwalelela oku mamela etuto ya Jesu, kame ali ni Sitange bamweya ni Mwana. 
\v 10 Nji omunjili kame aiya kwaa wene, mika liti etuto eyo, mu lese oku tambula mu tindo tenu, mi mu lese oku mukeeta. 
\v 11 Kakuli woyo wakeeta kame aku wana naye mu tikezo taye eti no kwiiba.
\s Amaywi no Mamaneneno
\p
\v 12 Kame nili neyi nokupula no kuku ng'olela, kono ka ni singi oku kutusisa epampili ni inke, kono kame ni nahana okwiiya muukumona nji nikwambela nikanwa, nji cwale okuwabelelwa kwetu kwiyalelele. 
\v 13 Aana no mandowe ana ketiwa kwa Nyambe kame akukeeta.