\id 2JN - Biblica® Open New Luo Translation 2020
\ide UTF-8
\h 2 Johana
\toc1 Johana Mar Ariyo
\toc2 2 Johana
\toc3 2Joh
\mt1 2 Johana
\c 1
\p
\v 1 An Jaduongʼ,
\b
\p Andikoni in miyo moyier kaachiel kod nyithindi mahero gadiera, ok an kenda, ema aheri to bende ji duto mongʼeyo adiera oheri 
\v 2 nikech adiera manie iwa biro siko kodwa nyaka chiengʼ:
\b
\p
\v 3 Ngʼwono gi kech kod kwe, moa kuom Nyasaye Wuoro kod Yesu Kristo wuode, biro bedo kodwa e adiera kod hera.
\b
\b
\p
\v 4 Ne abedo mamor kuom ngʼeyo ni nyithindi moko wuotho e adiera ka giluwo chik mane wayudo kuom Wuoro. 
\v 5 Koro, in minwa ma aluoro, akwayi ni mondo waherre ngʼato gi ngʼato; Chik ma andikonini ok en chik manyien; en mana chik mwasebedogo nyaka aa chakruok. Akwayo mondo waherre ngʼato ka ngʼato. 
\v 6 To hera ma awuoyo kuomeni en ni mondo wawuoth kaka chik Nyasaye dwaro. To mana kaka ne usewinjo nyaka aa chakruok, chik Nyasaye en ni wuothuru e hera.
\p
\v 7 Jo-miriambo mathoth, modagi yie ni Yesu Kristo ne obiro e ringruok, osebiro e piny. Ngʼat ma kamano en jawuond, kendo en e Jasik Kristo. 
\v 8 Omiyo ritreuru mondo gima usetiyone kik lalnu, eka unuyud mich magu duto. 
\v 9 Ngʼato mokadho tongʼ, ma ok sik e puonj Kristo, oonge gi Nyasaye, to ngʼat mosiko gi puonj nigi Wuoro kaachiel gi Wuowi. 
\v 10 Omiyo ka ngʼato obironu mapuonjo gima opogore gi puonjni to kik iyiene odonj e odi kata rwake, 
\v 11 nimar ngʼat morwake doko jakore e timbene maricho.
\b
\b
\p
\v 12 An gi weche mangʼeny monego andikni, to ok adwar ndikonigi e baruwani. Kar timo kamano to ageno limi mondo awuo kodi wangʼ gi wangʼ eka mor marwa norom chuth.
\b
\p
\v 13 Nyithind nyaminu ma Nyasaye oyiero ooroni mosgi.