\id ZEC - Biblica® Open Luganda Contemporary Bible 2014
\ide UTF-8
\h Zekkaliya
\toc1 Zekkaliya
\toc2 Zekkaliya
\toc3 Zek
\mt2 Ekitabo Ekiyitibwa
\mt1 Zekkaliya
\c 1
\s1 \nd Mukama\nd* Ayita Abantu be Okudda gy’ali
\p
\v 1 Mu mwaka ogwokubiri ogw’obufuzi bwa kabaka Daliyo omufuzi w’e Buperusi mu mwezi ogw’omunaana, ekigambo kya \nd Mukama\nd* ne kijjira Zekkaliya omwana wa Berekiya, omwana wa Iddo nnabbi, nga kigamba nti:
\p
\v 2 “\nd Mukama\nd* yasunguwalira nnyo bajjajjammwe. 
\v 3 Naye kaakano mubagambe nti: Bw’atyo bw’ayogera \nd Mukama\nd* Katonda ow’eggye nti, ‘Mudde gye ndi,’ bw’ayogera \nd Mukama\nd* ow’Eggye, ‘nange nadda gye muli,’ bw’ayogera \nd Mukama\nd* ow’Eggye. 
\v 4 Temuba nga bajjajjammwe, bannabbi ab’edda be baakoowoolanga nti, ‘Muve mu makubo gammwe amabi, n’ebikolwa byammwe ebikyamu.’ Naye tebampuliriza wadde okuŋŋondera, bw’ayogera \nd Mukama\nd*. 
\v 5 Ye bajjajjammwe bali ludda wa? Ye bannabbi babeera balamu emirembe gyonna? 
\v 6 Ebigambo byange n’ebiragiro bye nalagira abaddu bange, bannabbi, eri bajjajjammwe tebyatuukirira?
\p “Ne balyoka beenenya ne bagamba nti, ‘\nd Mukama\nd* ow’Eggye bye yasuubiza okutukola olw’empisa zaffe embi n’ebikolwa byaffe ebitali bya butuukirivu, bw’atyo bw’atukoledde ddala.’ ”
\s1 Nnabbi Ayolesebwa Embalaasi
\p
\v 7 Ku lunaku olw’amakumi abiri mu ennya, mu mwezi ogw’ekkumi n’ogumu gwe bayita Sebati, mu mwaka ogwokubiri ogw’obufuzi bwa kabaka Daliyo, ekigambo kya \nd Mukama\nd* ne kijjira Zekkaliya mutabani wa Berekiya, omwana wa Iddo nnabbi nga kigamba nti.
\p
\v 8 Nalaba ekiro ng’omusajja yeebagadde embalaasi emyufu era yali ayimiridde mu miti emikadasi mu kiwonvu. Emabega we waaliyo embalaasi endala, enjeru, n’eza kikuusikuusi, n’emyufu.
\p
\v 9 Awo ne mbuuza nti, “Mukama wange bino bitegeeza ki?” Malayika eyali ayogera nange n’aŋŋamba nti, “Nzija kukulaga kye bitegeeza.”
\p
\v 10 Awo omusajja eyali ayimiridde mu miti n’addamu nti, “Ezo embalaasi \nd Mukama\nd* z’asindise okulawuna ensi.” 
\v 11 Ne ziddamu malayika wa \nd Mukama\nd* eyali ayimiridde mu miti nti, “Tubunye ensi yonna, era laba ensi yonna esiriikiridde teriimu kanyego eteredde mirembe.”
\p
\v 12 Awo malayika wa \nd Mukama\nd* n’agamba nti, “Ayi \nd Mukama\nd* ow’Eggye, olituusa ddi obutakwatirwa Yerusaalemi n’ebibuga bya Yuda kisa, by’osunguwalidde okumala emyaka ensanvu?” 
\v 13 \nd Mukama\nd* n’alyoka addamu malayika eyali ayogera nange ebigambo ebirungi, ebigambo ebizzaamu amaanyi.
\p
\v 14 Awo malayika eyali ayogera nange n’agamba nti, “Langirira ogambe nti, Bw’ati bw’ayogera \nd Mukama\nd* ow’Eggye nti, ‘Yerusaalemi ne Sayuuni mbikwatiririddwa obuggya obw’amaanyi, 
\v 15 naye nyiigidde nnyo amawanga agali mu mirembe, kubanga abantu bange nnali mbanyiigiddeko katono naye bo ne bababonyaabonyeza ddala.’
\p
\v 16 “Noolwekyo, bw’ati bw’ayogera \nd Mukama\nd* nti, ‘Nkomyewo mu Yerusaalemi n’ekisa. Ennyumba yange ne Yerusaalemi kyonna, bijja kuzimbibwa,’ bw’ayogera \nd Mukama\nd* Katonda ow’Eggye.
\p
\v 17 “Yogera n’eddoboozi ery’omwanguka nti, \nd Mukama\nd* Katonda ow’Eggye alangiridde nti, ‘Ebibuga byange bijja kuddamu okukulukuta obugagga, era \nd Mukama\nd* alizzaamu Sayuuni amaanyi, ne yeeroboza Yerusaalemi.’ ”
\p
\v 18 Awo ne nnyimusa amaaso gange, era laba, ne ndaba amayembe ana. 
\v 19 Malayika eyali ayogera nange ne mubuuza nti, “Amayembe ago gategeeza ki?”
\p N’anziramu nti, “Gategeeza obuyinza obwasaasaanya abantu ab’omu Yuda, n’ab’omu Isirayiri, n’ab’omu Yerusaalemi.”
\p
\v 20 Awo \nd Mukama\nd* n’andaga abaweesi bana. 
\v 21 Ne mbuuza nti, “Abo bazze kukola ki?”
\p N’addamu nti, “Ago amayembe, bwe buyinza obwasaasaanya Yuda nga tewali na muntu ayimusa mutwe gwe; naye abaweesi abana bazze okubatiisa era n’okubazikiriza, ago amawanga agaasitukira ku nsi ya Yuda okusaasaanya abantu baamu.”
\c 2
\s1 Okwolesebwa Olukoba Olupima
\p
\v 1 Awo ne nnyimusa amaaso gange, ne ndaba, omusajja ng’alina mu mukono gwe olukoba olupima. 
\v 2 Ne mubuuza nti, “Ogenda wa?”
\p Nanziramu nti, “Ŋŋenda kupima Yerusaalemi okulaba obuwanvu n’obugazi bwakyo.”
\p
\v 3 Awo malayika eyali ayogera nange n’agenda, malayika omulala n’amusisinkana. 
\v 4 N’amugamba nti, “Dduka ogambe omuvubuka oyo nti, ‘Yerusaalemi kijja kuba ekibuga ekitaliiko bbugwe olw’obungi bw’abantu n’ebisibo ebinaabeeramu. 
\v 5 Nze ndiba bbugwe ow’omuliro, okukyebungulula enjuuyi zonna era nze ndiba ekitiibwa kyakyo mu kyo,’ bw’ayogera \nd Mukama\nd*.
\p
\v 6 “Kale mudduke, mudduke ensi ey’obukiikakkono mugiveemu,” bw’ayogera \nd Mukama\nd*, “kubanga mbasaasanyizza ng’empewo ennya ez’eggulu bwe ziri,” bw’ayogera \nd Mukama\nd*.
\p
\v 7 “Mmwe Sayuuni mudduke, mudukke muwone mmwe ababeera mu buwaŋŋanguse mu Babulooni.” 
\v 8 Kubanga bw’ati bw’ayogera \nd Mukama\nd* ow’Eggye nti, “\nd Mukama\nd* nga bw’ampadde ekitiibwa n’antuma eri amawanga agaabanyaganga, anaabakwatako anaaba akutte ku mmunye ya liiso lye. 
\v 9 Kubanga laba ndyolesa omukono gwange gye bali, abaddu baabwe ne babanyaga. Olwo lwe mulimanya nga \nd Mukama\nd* ow’Eggye ye yantuma.
\p
\v 10 “Yimba, osanyuke ggwe muwala wa Sayuuni, kubanga laba nzija era ndibeera wakati mu mmwe,” bw’ayogera \nd Mukama\nd*. 
\v 11 “Era amawanga mangi galyegatta ku \nd Mukama\nd* ku lunaku olwo, era balibeera bantu bange, era nange nnaabeeranga wakati mu ggwe, naawe onootegeera nga \nd Mukama\nd* ow’Eggye ye yantuma gy’oli. 
\v 12 Era Yuda aliba mugabo gwa \nd Mukama\nd* mu nsi entukuvu, era aliddamu okwerondera Yerusaalemi. 
\v 13 Musiriikirire, abantu mwenna mu maaso ga \nd Mukama\nd*, kubanga asituse okuva mu kifo kye ekitukuvu.”
\c 3
\s1 Okwolesebwa kwa Nnabbi Ku Kabona Asinga Obukulu
\p
\v 1 Awo n’anjolesa Yoswa, kabona asinga obukulu, ng’ayimiridde mu maaso ga malayika wa \nd Mukama\nd*, ne Setaani ng’ayimiridde ku mukono gwe ogwa ddyo okumulumiriza. 
\v 2 \nd Mukama\nd* n’agamba Setaani nti, “\nd Mukama\nd* akunenye ggwe Setaani, weewaawo \nd Mukama\nd* eyeerondedde Yerusaalemi akunenye! Omusajja ono si kisiki ekyaka ekigibbwa mu muliro?” 
\v 3 Awo Yoswa yali ayimiridde mu maaso ga malayika ng’ayambadde ebyambalo ebijjudde ekko. 
\v 4 Malayika n’agamba abaali bayimiridde mu maaso ge nti, “Mumwambulemu ebyambalo bye ebijjudde ekko.”
\p N’agamba Yoswa nti, “Laba nkuggyeeko ekibi kyo, era nnaakwambaza ebyambalo eby’omuwendo.”
\p
\v 5 Ne njogera nti, “Mumusibe ekiremba ekitukula ku mutwe gwe.” Awo ne bamusiba ekiremba ekitukula ku mutwe, ne bamwambaza n’engoye, nga malayika wa \nd Mukama\nd* ayimiridde awo.
\p
\v 6 Malayika wa \nd Mukama\nd* n’akuutira nnyo Yoswa ng’ayogera nti, 
\v 7 “Bw’ati bw’ayogera \nd Mukama\nd* ow’Eggye nti, ‘Bw’onootambuliranga mu makubo gange, era noonywezanga bye nkukuutira, kale, onoofuganga ennyumba yange era onoolamulanga mu mbuga zange, era ndikuwa ekifo obeere mu abo abayimiridde wano.
\p
\v 8 “ ‘Kale wulira, Yoswa kabona asinga obukulu, ggwe ne banno abatuula mu maaso go, abantu kw’otegeerera eby’omu maaso, laba ndireeta omuweereza wange, ye Ttabi. 
\v 9 Kubanga laba, ku jjinja lye ntadde mu maaso ga Yoswa, ku jjinja erimu eririna amaaso omusanvu, laba nditeekako ebiwandiiko,’ bw’ayogera \nd Mukama\nd* ow’Eggye. ‘Mu lunaku lumu ndiggyawo ekibi ky’ensi eno.
\p
\v 10 “ ‘Ku lunaku luli, buli omu ku mmwe, aliyita muliraanwa we okutuulako wansi w’omuzabbibu gwe ne wansi w’omutiini gwe,’ bw’ayogera \nd Mukama\nd* ow’Eggye.”
\c 4
\s1 Okwolesebwa kwa Nnabbi ku Kikondo ky’Ettaala ekya Zaabu n’Emiti Emizeeyituuni Ebiri
\p
\v 1 Awo malayika eyali ayogera nange n’akomawo, n’anzuukusa ng’omuntu bw’azuukusibwa mu tulo. 
\v 2 N’ambuuza nti, “Kiki ky’olaba?”
\p Ne muddamu nti, “Ndaba ekikondo ky’ettaala nga kyonna kya zaabu, nga waggulu kiriko n’akabakuli kaakwo, n’ettaala zaakwo omusanvu, nga buli ttaala eriko omumwa gwayo. 
\v 3 Era waliwo emiti emizeeyituuni ebiri ku mabbali gaakyo, ogumu ku mukono ogwa ddyo ogw’akabakuli, n’omulala ku mukono ogwa kkono.”
\p
\v 4 Ne mbuuza malayika eyali ayogera nange nti, “Bino biki mukama wange?”
\p
\v 5 Malayika eyali ayogera nange n’addamu n’aŋŋamba nti, “Tobimanyi?”
\p Ne muddamu nti, “Nedda mukama wange.”
\p
\v 6 Awo n’addamu n’aŋŋamba nti, “Kino kye kigambo kya \nd Mukama\nd* eri Zerubbaberi: ‘Si lwa maanyi so si lwa buyinza naye lwa Mwoyo wange,’ bw’ayogera \nd Mukama\nd* ow’Eggye.
\p
\v 7 “Ggwe olusozi olunene weyita ki? Mu maaso ga Zerubbaberi olibeera lusenyi, era alireeta ejjinja erya waggulu mu mizira n’okwogerera mu ddoboozi ery’omwanguka ng’agamba nti, ‘Liweebwe omukisa, liweebwe omukisa!’ ”
\p
\v 8 Awo ekigambo kya \nd Mukama\nd* ne kinzijira nga kyogera nti, 
\v 9 “Emikono gya Zerubbaberi gitaddewo omusingi gwa yeekaalu eno era girigumaliriza, era olitegeera nti \nd Mukama\nd* ow’Eggye ye yantuma gye muli.
\p
\v 10 “Ani anyooma olunaku olw’ebintu ebitono? Abantu balijaguza, bwe baliraba ejjinja erigera mu mukono gwa Zerubbaberi. Gano omusanvu ge maaso ga Katonda agayitaayita mu nsi yonna.”
\p
\v 11 Ne ndyoka mubuuza nti, “Emizeeyituuni gino ebiri ku mukono ogwa ddyo ne ku gwa kkono ogw’ekikondo ky’ettabaaza, gitegeeza ki?”
\p
\v 12 Ne nnyongera okumubuuza nti, “Gano amatabi abiri ag’emizeeyituuni agaliraanye emidumu gya zaabu ge gayitamu amafuta aga zaabu?”
\p
\v 13 N’anziramu nti, “Tobimanyi?”
\p Ne njogera nti, “Nedda, mukama wange.”
\p
\v 14 Awo n’addamu nti, “Abo be babiri abaafukibwako amafuta abaweereza Mukama ow’ensi yonna.”
\c 5
\s1 Okwolesebwa kw’Omuzingo Ogubuuka
\p
\v 1 Awo ne nnyimusa amaaso gange era laba ne ndaba, omuzingo gw’ekitabo ogutambulira mu bbanga.
\p
\v 2 N’ambuuza nti, “Kiki ky’olaba?”
\p Ne nziramu nti, “Ndaba omuzingo gw’ekitabo ogutambulira mu bbanga, obuwanvu bwagwo buli mita mwenda n’obugazi bwagwo buli mita nnya ne desimoolo ttaano.”
\p
\v 3 Awo n’alyoka aŋŋamba nti, “Ekyo ky’ekikolimo ekizze okubuna ensi yonna, kubanga buli muntu yenna abba aliggyibwawo era buli muntu yenna alayiririra obwereere aliggyibwawo, bamutwale ku luuyi olulala. 
\v 4 Bw’ati bw’ayogera \nd Mukama\nd* ow’Eggye, ‘Ndikifulumya, era ndikiyingiza mu nnyumba y’omubbi ne mu nnyumba y’oyo alayiririra obwereere erinnya lyange. Era kirisigala mu nnyumba ye wakati, era kirigizikiriza yonna, emiti gyayo n’amayinja gaayo.’ ”
\s1 Okwolesebwa kw’Omukazi mu Kisero
\p
\v 5 Malayika eyali ayogera nange n’akomawo n’aŋŋamba nti, “Yimusa amaaso go olabe, waliwo ekintu ekirala ekizze.”
\p
\v 6 Ne mubuuza nti, “Kiki ekyo?”
\p N’anziramu nti, “Ekyo kisero, kye kifuluma.” Era n’ayongerako nti, “Ekyo kye kifaananyi ekiraga ekibi ekibunye ensi yonna.”
\p
\v 7 Awo ekibikka kyakyo, ekyuma eky’essasi ne kibikkulwa era ne ndaba omukazi ng’akituddemu. 
\v 8 Malayika n’aŋŋamba nti, “Buno bwe bwonoonyi.” N’amusindika n’amuzza munda mu kisero, n’aggalawo omumwa gwakyo n’ekisaanikira eky’ekyuma eky’essasi.
\p
\v 9 Ne ndyoka nnyimusa amaaso gange, era laba, abakazi babiri nga bajja gye ndi, baali batambulira mu bbanga nga bakozesa empewo mu biwaawaatiro byabwe. Era ebiwaawaatiro byabwe nga biri ng’ebya kalooli, ne basitula ekisero mu bbanga wakati w’ensi n’eggulu.
\p
\v 10 Ne mbuuza malayika eyali ayogera nange nti, “Abo ekisero bakitwala wa?”
\p
\v 11 N’anziramu nti, “Mu nsi ya Sinaali ey’e Babulooni, okuzimba ennyumba y’omukazi ali mu kisero, era ennyumba ye bw’eriggwa, aliteekebwa eyo mu kifo kye.”
\c 6
\s1 Okwolesebwa kw’Amagaali Ana
\p
\v 1 Ne nyongera okuyimusa amaaso gange, era laba, amagaali g’embalaasi ana nga gava wakati w’ensozi bbiri, n’ensozi ezo zaali nsozi za bikomo. 
\v 2 Eggaali esooka ng’esikibwa embalaasi za lukunyu, eyookubiri nga nzirugavu. 
\v 3 Eggaali eyokusatu ng’esikibwa mbalaasi njeru, eyokuna yo ng’esikibwa za kikuusikuusi atabikiddwamu n’obwoya obweru. Embalaasi ezo zonna zaali z’amaanyi. 
\v 4 Ne ndyoka mbuuza malayika eyali ayogera nange nti, “Bino bitegeeza ki mukama wange?”
\p
\v 5 Malayika n’anziramu nti, “Ezo z’empewo ennya ez’omu ggulu; ziva kweyanjula mu maaso ga Mukama ow’ensi yonna. 
\v 6 Ekigaali eky’embalaasi enzirugavu kigenda mu nsi ey’omu bukiikakkono, ate ekyo eky’enjeru mu bugwanjuba, ekyo ekyali kisikibwa embalaasi ez’obwoya obweru, kiraga mu nsi ey’omu bukiikaddyo.”
\p
\v 7 Awo embalaasi ezo ez’amaanyi nga zivudde mu maaso ga \nd Mukama\nd*, ne zifuba okutambulatambula mu nsi yonna; n’azigamba nti, “Mugende, mutambuletambule mu nsi yonna.” Awo ne zitambulatambula mu nsi yonna. 
\v 8 Awo n’ampita n’aŋŋamba nti, “Laba, ezo eziraga mu nsi ey’obukiikakkono ziwummuzza Omwoyo wange mu nsi ey’omu bukiikakkono.”
\p
\v 9 Ekigambo kya \nd Mukama\nd* ne kijja gye ndi nga kigamba nti, 
\v 10 “Genda eri bano: Kerudayi, ne Tobiya, ne Yedaya, abaakomawo okuva mu buwaŋŋanguse mu Babulooni, olunaku olwo lwennyini olage mu nnyumba ya Yosiya, mutabani wa Zeffaniya, mwe bali. 
\v 11 Ddira effeeza ne zaabu okole engule ogitikkire ku mutwe gwa Yoswa, kabona asinga obukulu, omwana wa Yekozadaaki. 
\v 12 Mugambe nti, bw’ati bw’ayogera \nd Mukama\nd* ow’Eggye nti, ‘Laba omuntu erinnya lye ye Ttabi; alirokera mu kifo kye, azimbe yeekaalu ya \nd Mukama\nd*. 
\v 13 Oyo y’alizimba yeekaalu ya \nd Mukama\nd*, era alijjula ekitiibwa. Alituula ku ntebe ye ey’obwakabaka, n’afuga. Era y’aliba Kabona ku ntebe ye ey’obwakabaka; walibaawo okutegeeragana okw’emirembe wakati wa Ttabi ne Yoswa.’ 
\v 14 Era n’engule ya kubeera mu yeekaalu ya \nd Mukama\nd* ng’ekijjukizo eri Keremu, ne Tobiya ne Keeni omwana wa Zeffaniya. 
\v 15 Era n’abo abali ewala balijja okuyamba okuzimba yeekaalu ya \nd Mukama\nd*, era mulimanya nga \nd Mukama\nd* ow’Eggye yantuma gye muli. Bino tebirirema kubaawo singa munaagondera eddoboozi lya \nd Mukama\nd* Katonda wammwe n’obumalirivu.”
\c 7
\s1 \nd Mukama\nd* Avumirira Okusiiba okw’Obulimba
\p
\v 1 Awo olwatuuka mu mwaka ogwokuna ogw’obufuzi bwa kabaka Daliyo, ekigambo kya \nd Mukama\nd* ne kijjira Zekkaliya, ku lunaku olwokuna olw’omwezi ogw’omwenda oguyitibwa Kisuleevu. 
\v 2 Abayudaaya mu Beseri baali batumye Salezeeri omukungu wa kabaka ne Legemumereki n’abantu baabwe mu Yerusaalemi okwogerako ne bakabona babegayiririre eri \nd Mukama\nd*, 
\v 3 n’okusaba bakabona b’omu nnyumba ya \nd Mukama\nd* ow’Eggye ne bannabbi nti, “Nkaabe era nsiibe mu mwezi ogwokutaano nga bwe mbadde nkola okumala emyaka gino gyonna?”
\p
\v 4 Awo ekigambo kya \nd Mukama\nd* ow’Eggye ne kinzijira nga kigamba nti, 
\v 5 “Gamba abantu bonna abali mu nsi, ne bakabona nti, ‘Bwe mwasiiba ne mukungubaga mu mwezi ogwokutaano ne mu gw’omusanvu mu myaka gino ensanvu, mwali musiibira nze? 
\v 6 Era bwe mulya ne munywa, muba temulya ku lwammwe era n’okunywa ku lwammwe? 
\v 7 Bino si bye bigambo \nd Mukama\nd* bye yalangirira mu bannabbi ab’edda, Yerusaalemi bwe kyali kikyalimu abantu era nga kikyakulaakulana, nga n’ebibuga byakyo bikyetoolodde, nga ne mu bukiikaddyo ne mu bitundu eby’ensenyi mukyalimu abantu?’ ”
\p
\v 8 Ekigambo kya \nd Mukama\nd* ne kijjira Zekkaliya nate nti, 
\v 9 “Bw’ati bw’ayogera \nd Mukama\nd* ow’Eggye nti, ‘Musalenga emisango egy’ensonga, mukwatirweganenga ekisa n’okusaasiragananga buli muntu eri muganda we. 
\v 10 Temutulugunyanga bannamwandu, n’abatalina bakitaabwe, n’abatambuze wadde abaavu, era tewateekwa kubaawo muntu n’omu ku mmwe alowooza mu mutima gwe okukola obulabe ku muganda we!’
\p
\v 11 “Naye baagaana okuwuliriza ne bakakanyaza emitima gyabwe ne baziba n’amatu gaabwe baleme okuwulira. 
\v 12 Ne bakakanyaza emitima gyabwe ng’ejjinja, ne batawuliriza mateeka wadde ebigambo \nd Mukama\nd* ow’Eggye bye yaweereza n’Omwoyo we mu mukono gwa bannabbi ab’edda. \nd Mukama\nd* ow’Eggye kyeyava abanyiigira ennyo.
\p
\v 13 “ ‘Bwe nabakoowoola ne batafaayo, nange ne ŋŋaana okufaayo nga bankowodde,’ bw’ayogera \nd Mukama\nd* ow’Eggye. 
\v 14 Era nabasaasaanya n’omuyaga ogukunta mu mawanga ge baali batamanyi. Ensi gye baaleka n’ebeera matongo nga tewali agibeeramu, ensi ennungi esanyusa, kyeyava efuuka eddungu.”
\c 8
\s1 \nd Mukama\nd* Asuubiza Okuzzaawo Yerusaalemi
\p
\v 1 Ekigambo kya \nd Mukama\nd* ow’Eggye ne kinzijira nate nti:
\p
\v 2 Bw’ati bw’ayogera \nd Mukama\nd* ow’Eggye nti, “Nkwatirwa Sayuuni obuggya, obuggya obungi obw’ekitalo.”
\p
\v 3 Bw’ati bw’ayogera \nd Mukama\nd* nti, “Ndikomawo mu Sayuuni, ndibeera wakati mu Yerusaalemi era Yerusaalemi kiriyitibwa ekibuga ekyesigwa, olusozi olwa \nd Mukama\nd* ow’Eggye, Olusozi Olutukuvu.”
\p
\v 4 Bw’ati bw’ayogera \nd Mukama\nd* ow’Eggye nti, “Abakadde abasajja n’abakazi bajja kuddamu okutuula mu nguudo za Yerusaalemi, nga buli omu akutte omuggo, olw’obukadde. 
\v 5 N’enguudo ez’ekibuga zirijjula abalenzi n’abawala nga bazannya.”
\p
\v 6 Bw’ati bw’ayogera \nd Mukama\nd* ow’Eggye nti, “Kirirabika ng’eky’ekitalo mu maaso g’abantu abo abaasigalawo mu nnaku ezo, naye nange gye ndi bwe kiriba?” bw’ayogera \nd Mukama\nd* ow’Eggye.
\p
\v 7 Bw’ati bw’ayogera \nd Mukama\nd* ow’Eggye nti, “Laba ndirokola abantu bange abali mu nsi ey’Ebuvanjuba n’abali mu nsi ey’Ebugwanjuba: 
\v 8 Ndibakomyawo, babeere mu Yerusaalemi, nange nnaabeeranga Katonda waabwe mu bwesigwa ne mu butuukirivu.”
\p
\v 9 Bw’ati bw’ayogera \nd Mukama\nd* ow’Eggye nti, “Emikono gyammwe gibe n’amaanyi, mmwe, mu nnaku zino ababadde bawulira ebigambo bino ebiva mu kamwa ka bannabbi abaaliwo mu nnaku okuva omusingi gw’ennyumba ya \nd Mukama\nd* ow’Eggye lwe gwasimbibwa, yeekaalu ye eryoke ezimbibwe. 
\v 10 Ekiseera ekyo nga tekinnatuuka, tewaali asobola kutoola nsimbi okupangisa omuntu wadde okupangisa ensolo. Era tewaali muntu ayinza kukola mirimu gye mu mirembe olw’omulabe we, kubanga buli muntu nnali mufudde mulabe wa muliraanwa we. 
\v 11 Naye kaakano abantu bano abaasigalawo sijja kubakola nga mu nnaku ezaayita,” bw’ayogera \nd Mukama\nd* ow’Eggye.
\p
\v 12 “Kubanga ensigo erikula bulungi, n’omuzabbibu gubale ekibala kyagwo, n’ettaka lireetenga ekimera kyalyo, n’eggulu lireetenga omusulo gwalyo. Nange abantu bange abaasigalawo ndibawa ebintu ebyo byonna nga gwe mugabo gwabwe. 
\v 13 Nga bwe mwali ekikolimo mu baamawanga, ggwe ennyumba ya Yuda, naawe ennyumba ya Isirayiri, bwe ntyo bwe ndibalokola, era mulibeera omukisa eri abalala. Temutya, munywere emikono gyammwe gibe n’amaanyi.”
\p
\v 14 Kubanga bw’ati bw’ayogera \nd Mukama\nd* ow’Eggye nti, “Nga bwe nasalawo okubabonereza, bajjajjammwe bwe bansunguwaza,” bw’ayogera \nd Mukama\nd* ow’Eggye, “era ne sibasaasira, 
\v 15 bwe ntyo nate bwe nsazeewo kaakano mu nnaku zino okukola obulungi Yerusaalemi n’ennyumba ya Yuda. Temutya. 
\v 16 Bino bye bintu bye munaakolanga: buli muntu ayogerenga bya mazima ne muntu munne, musalenga emisango mu bwenkanya mu mpya zammwe; 
\v 17 tosaliranga muliraanwa wo lukwe. So tolayiranga bya bulimba, kubanga ebyo byonna mbikyawa,” bw’ayogera \nd Mukama\nd*.
\p
\v 18 Ekigambo kya \nd Mukama\nd* ow’Eggye ne kinzijira nate nti:
\p
\v 19 Bw’ati bw’ayogera \nd Mukama\nd* ow’Eggye nti, “Okusiiba omwezi ogwokuna, n’ogwokutaano, n’ogw’omusanvu, n’ogw’ekkumi kunaabeeranga mbaga ey’essanyu era n’okwesiima mu nnyumba ya Yuda. Noolwekyo mwagalenga amazima n’emirembe.”
\p
\v 20 Bw’ati bw’ayogera \nd Mukama\nd* ow’Eggye nti, “Amawanga mangi n’abantu bangi abalijja okuva mu bibuga bingi era n’okuva mu nsi nnyingi; 
\v 21 era ab’ekibuga ekimu baliraga mu kibuga ekirala babagambe nti, ‘Tugende mangu twegayiririre \nd Mukama\nd*, tunoonye amaaso ga \nd Mukama\nd* ow’Eggye. Nze kennyini ŋŋenda.’ 
\v 22 Abantu bangi n’amawanga mangi ag’amaanyi galijja okunoonya \nd Mukama\nd* ow’Eggye mu Yerusaalemi n’okwegayirira \nd Mukama\nd*.”
\p
\v 23 Bw’ati bw’ayogera \nd Mukama\nd* ow’Eggye nti, “Mu nnaku ezo abasajja kkumi okuva mu buli lulimi olwogerwa mu mawanga balyekwata ku kyambalo ky’Omuyudaaya bagambe nti, ‘Muleke tugende nammwe kubanga twawulira nga Katonda ali nammwe.’ ”
\c 9
\q1
\v 1 Ekigambo kya Katonda kyolekedde ensi ya Kadulaki
\q2 era kirituuka e Ddamasiko.
\q1 Kubanga abantu bonna n’ebika byonna ebya Isirayiri
\q2 batunuulidde \nd Mukama\nd*,
\q1
\v 2 era ne Kamasi ekiriraanyeewo nakyo bwe kityo,
\q2 ne Ttuulo ne Sidoni wadde nga birina amagezi mangi.
\q1
\v 3 Ttuulo kyezimbira ekigo
\q2 ne kituuma ffeeza n’eba ng’enfuufu,
\q2 ne zaabu n’eba nnyingi ng’ettaka ery’omu kkubo.
\q1
\v 4 Laba, Mukama alikyambulako ebintu byakyo,
\q2 alizikiriza amaanyi gaakyo ag’oku nnyanja,
\q2 era kiryokebwa omuliro.
\q1
\v 5 Asukulooni bino kiribiraba ne kitya;
\q2 ne Gaza bwe kityo kiribeera mu kulumwa okw’amaanyi.
\q2 Era n’essuubi lya Ekuloni liriggwaawo;
\q1 Gaza aliggyibwako kabaka we,
\q2 ne Asukulooni tekiribaamu bantu.
\q1
\v 6 Abagwira balitwala Asudodi,
\q2 era n’amalala g’Abafirisuuti ndigamalawo.
\q1
\v 7 Era ndiggya omusaayi mu kamwa ke
\q2 n’emmere ey’omuzizo okuva wakati mu mannyo ge.
\q1 N’abo bonna abalisigalawo mu kyo baliba bantu ba Katonda waffe,
\q2 balifuuka bakulembeze mu Yuda,
\q2 ne Ekuloni kiriba nga Abayebusi.
\q1
\v 8 Naye ndirwanirira ennyumba yange
\q2 eri eggye eddumbaganyi,
\q1 so tewaliba mulumbaganyi aliddayo kujooga bantu bange
\q2 kubanga kaakano mbalabirira.
\q1
\v 9 Sanyuka nnyo ggwe omuwala wa Sayuuni:
\q2 leekaana nnyo, ggwe omuwala wa Yerusaalemi;
\q1 laba, kabaka wo ajja gy’oli;
\q2 mutuukirivu era muwanguzi;
\q2 muwombeefu era yeebagadde endogoyi,
\q2 endogoyi ento, omwana gw’endogoyi.
\q1
\v 10 Efulayimu ndimuggyako amagaali,
\q2 ne Yerusaalemi muggyeko embalaasi ennwanyi,
\q2 n’omutego gw’obusaale gulimenyebwa
\q1 era alireeta emirembe mu mawanga,
\q2 n’obufuzi bwe buliva ku nnyanja emu butuuke ku nnyanja endala
\q2 era buve ku mugga Fulaati butuuke ku nkomerero z’ensi.
\q1
\v 11 Naawe ggwe, olw’omusaayi gw’endagaano gye nakola naawe,
\q2 ndisumulula abasibe bo okuva mu bunnya obutaliimu mazzi.
\q1
\v 12 Mudde mu nkambi yammwe mmwe abasibe abalina essuubi;
\q2 nangirira leero nti ndibadizaawo emirundi ebiri.
\q1
\v 13 Yuda ndigiweta ng’omutego ogw’obusaale
\q2 ngujjuze Efulayimu.
\q1 Ndiyimusa batabani ba Sayuuni,
\q2 balwane n’abaana bo, ggwe Buyonaani,
\q2 mbakozese ng’ekitala eky’omutabaazi.
\b
\q1
\v 14 Era \nd Mukama\nd* alirabika ng’ali waggulu waabwe,
\q2 akasaale ke kamyanse ng’okumyansa kw’eggulu.
\q1 \nd Mukama\nd* Katonda alifuuwa ekkondeere,
\q2 n’akumbira mu muyaga ogw’omu bukiikaddyo.
\q2
\v 15 \nd Mukama\nd* ow’Eggye alibakuuma.
\q1 Balirinnyirira ne bawangula envuumuulo,
\q2 balinywa ne baleekaana ng’abatamiivu.
\q2 Balijjula ng’ekibya ekikozesebwa okumansira ku nsonda z’ekyoto.
\q1
\v 16 Ku lunaku olwo \nd Mukama\nd* Katonda alirokola abantu be
\q2 ng’omusumba bw’alokola ekisibo ky’endiga ze.
\q1 Balitangalijja mu nsi ye,
\q2 ng’amayinja ag’omuwendo bwe gatemagana mu ngule.
\q1
\v 17 Nga baliba balungi era abatuukirivu!
\q2 Emmere ey’empeke erireetera abavubuka abalenzi obulamu obweyagaza,
\q2 n’abawala nabo beeyagale olwa wayini omuggya.
\c 10
\s1 \nd Mukama\nd* Alirabirira Yuda
\q1
\v 1 Musabe \nd Mukama\nd* enkuba mu biseera byayo;
\q2 kubanga \nd Mukama\nd* y’akola ebire
\q1 enkuba n’etonnya,
\q2 olwo buli muntu n’afuna ebirime.
\q1
\v 2 Kubanga bakatonda abalala
\q2 n’abalaguzi balaba okwolesebwa okw’obulimba;
\q1 ne baloota ebirooto eby’obulimba,
\q2 ne bagumya abantu eby’obulimba.
\q1 Abantu kyebava bazuŋŋana ng’endiga,
\q2 nga banyigirizibwa olw’obutaba na musumba.
\q1
\v 3 “Obusungu bwange bubuubuukidde ku basumba
\q2 era nzija kubonereza abakulembeze ba Yuda,
\q1 kubanga \nd Mukama\nd* ow’Eggye ajja
\q2 kulabirira endiga ze, ennyumba ya Yuda,
\q2 era alibafuula ng’embalaasi ye emwenyumiririzaamu ennyo mu lutalo.
\q1
\v 4 Mu Yuda mulivaamu ejjinja ery’oku nsonda,
\q2 muveemu n’enkondo enyweza weema,
\q2 muveemu n’omutego ogw’akasaale
\q2 era muveemu na buli mufuzi yenna.
\q1
\v 5 Bonna awamu balyoke babe ng’abasajja abazira ennyo mu lutalo
\q2 abatambulira mu bitoomi by’omu nguudo mu biseera eby’entalo.
\q1 Kubanga \nd Mukama\nd* ali nabo,
\q2 balirwana ne bawangula eggye eryebagadde embalaasi.
\b
\q1
\v 6 “Ndiwa ennyumba ya Yuda amaanyi
\q2 era ndiwonya ennyumba ya Yusufu,
\q1 ndibakomyawo
\q2 kubanga mbakwatiddwa ekisa.
\q1 Balibeera
\q2 nga be sseegaanangako
\q1 era ndibawulira
\q2 kubanga nze \nd Mukama\nd* Katonda waabwe.
\q1
\v 7 Olwo aba Efulayimu baliba ng’abasajja ab’amaanyi,
\q2 emitima gyabwe ne gisanyuka nnyo ng’abanywedde wayini.
\q1 Abaana baabwe balikiraba ne basanyuka,
\q2 omutima gwabwe gulisanyukira mu \nd Mukama\nd*.
\q1
\v 8 Ddala ndibawonya
\q2 ne mbakuŋŋaanya.
\q1 Ddala ndibanunula,
\q2 baddeyo babeere bangi nga bwe baabanga.
\q1
\v 9 Newaakubadde nga nabasaasaanyiza mu mawanga,
\q2 naye balisinzira eyo mu nsi ezeewala ne banzijukira.
\q1 Bo n’abaana baabwe baliba balamu
\q2 era ne bakomawo gye ndi.
\q1
\v 10 Ndibakomyawo okuva mu Misiri,
\q2 mbakuŋŋaanye okuva mu Bwasuli.
\q1 Ndibaleeta mu Gireyaadi ne Lebanooni
\q2 ne bajjula ensi ezo ne watasigalawo kabanga ka kubeeramu.
\q1
\v 11 Baliyita mu nnyanja ey’okubonaabona;
\q2 ennyanja ewuluguma erikkakkanyizibwa,
\q2 n’obuziba bwa Kiyira bwonna bulikala.
\q1 Amalala ga Bwasuli galibaggwaamu
\q2 n’omugo ogw’obufuzi bwa Misiri gulimenyebwa.
\q1
\v 12 Ndibafuula ba maanyi mu \nd Mukama\nd*
\q2 era nabo balitambulira mu linnya lyange,”
\q2 bw’ayogera \nd Mukama\nd*.
\c 11
\q1
\v 1 Ggulawo enzigi zo ggwe Lebanooni,
\q2 omuliro gwokye emivule gyo.
\q1
\v 2 Kaaba ggwe omuberosi, kubanga emivule gigudde!
\q2 Emiti emirungi ennyo gyonoonese.
\q1 Mukube ebiwoobe mmwe emyera gya Basani,
\q2 kubanga ekibira ekikwafu kigudde.
\q1
\v 3 Wuliriza ebiwoobe by’abasumba,
\q2 amalundiro gaabwe amalungi gazikirizibbwa.
\q1 Wuliriza okuwuluguma kw’empologoma.
\q2 Omuddo omulungi oguli ku Yoludaani guzikirizibbwa.
\s1 Abasumba Ababiri
\p
\v 4 Bw’ati bw’ayogera \nd Mukama\nd* Katonda wange nti, “Lunda endiga zigejje ezinaatwalibwa okuttibwa. 
\v 5 Abo abazigula bazitta ne batabaako musango. N’abo abazitunda ne bagamba nti, ‘\nd Mukama\nd* atenderezebwe ngaggawadde!’ Abasumba baazo bennyini tebazikwatirwa kisa. 
\v 6 Kubanga sikyaddayo kukwatirwa bantu ba nsi eno kisa,” bw’ayogera \nd Mukama\nd*. “Ndiwaayo buli muntu okugwa mu mikono gya muliraanwa we, ne mu mikono gya kabaka we. Nabo balijooga ensi era sirigiwonya kuva mu mikono gwabwe.”
\p
\v 7 Awo ne nunda ekisibo ekyateekebwateekebwa okuttibwa, okusingira ddala ezaali zijoogebwa. Ne ntwala emiggo gy’abasumba ebiri, ogumu ne ngutuuma erinnya Kisa, omulala ne ngutuuma Kwegatta era ne ndiisa endiga. 
\v 8 Mu mwezi gumu ne neegobako abasumba basatu, emmeeme yange ng’ebakyaye era nabo nga bankyaye. 
\v 9 Awo ne ndyoka ŋŋamba nti, “Siibeere musumba wammwe, ekinaafa leka kife, ekyokwonooneka kyonooneke, era leka ebyo ebisigaddewo biryaŋŋane, buli kimu kirye kinnaakyo.”
\p
\v 10 Ne ndyoka nkwata omuggo gwange Kisa ne ngumenya, ne mmenya endagaano gye nnali nkoze n’abantu bonna. 
\v 11 Endagaano n’agikomya ku lunaku olwo era abasuubuzi b’endiga abaali bandaba ne bamanya nti ekyo kyali kigambo kya Katonda.
\p
\v 12 Ne ndyoka mbagamba nti, “Bwe kiba nga kisaanidde mu maaso gammwe mumpe empeera yange; naye obanga temusiimye mulekeeyo.” Awo ne bambalira ensimbi eza ffeeza amakumi asatu.
\p
\v 13 Awo \nd Mukama\nd* n’aŋŋamba nti, “Zisuulire omubumbi,” omuwendo guno ogw’ekitalo gwe bansasula! Kale ne ntwala ensimbi amakumi asatu eza ffeeza ne nzisuulira omubumbi mu nnyumba ya \nd Mukama\nd*.
\p
\v 14 Awo ne mmenya omuggo gwange ogwokubiri Kwegatta, okulaga nti obumu obwali wakati wa Yuda ne Isirayiri bwali bukomye. 
\v 15 \nd Mukama\nd* n’alyoka aŋŋamba nti, “Twala nate ebintu eby’omusumba omusirusiru bye yandikozesezza. 
\v 16 Kubanga laba, nze nyimusizza omusumba mu nsi atafaayo ku ndiga ezizikirira era atanoonya zisaasaanye, era atayunga zimenyese wadde okuliisa ennamu, naye alya ensolo ensava ng’aziyuzaako ebinuulo.
\q1
\v 17 “ ‘Zimusanze omusumba wange ataliiko ky’agasa
\q2 agayaalirira ekisibo!
\q1 Ekitala kifumite omukono gwe ogwa ddyo, kiggyemu n’eriiso lye erya ddyo!
\q2 Omukono gwe gukalire ddala,
\q2 n’eriiso lye erya ddyo lizibire ddala!’ ”
\c 12
\s1 Okununulibwa kwa Yerusaalemi Okujja
\p
\v 1 Kino ky’ekigambo kya Katonda ekikwata ku Isirayiri. Bw’ati bw’ayogera \nd Mukama\nd* eyabamba eggulu era n’assaawo emisingi gy’ensi, era n’akola n’omwoyo gw’omuntu ogumulimu. 
\v 2 “Laba ŋŋenda okufuula Yerusaalemi ekikompe ekitagaza amawanga gonna ageetoolodde enjuuyi zonna. Yuda awamu ne Yerusaalemi birizingizibwa. 
\v 3 Awo ku lunaku olwo ndifuula Yerusaalemi ejjinja erizitowa eri amawanga gonna, ag’ensi agalikuŋŋaana okukizingiza. Abo bonna abaligezaako okuliggyawo, balyetusaako ebisago. 
\v 4 Ku lunaku olwo, bw’ayogera \nd Mukama\nd*, ndikuba buli mbalaasi na buli muvuzi waayo ndimusuula eddalu. Ndikuuma ennyumba ya Yuda kyokka amaaso g’embalaasi za bannaggwanga ndigaziba. 
\v 5 Awo abakulembeze ba Yuda baligamba mu mitima gyabwe nti, ‘Abantu b’omu Yerusaalemi ba maanyi, kubanga \nd Mukama\nd* Katonda ow’Eggye ye Katonda waabwe.’
\p
\v 6 “Ku lunaku olwo ndifuula abakulembeze ya Yuda ng’ogusigiri ogwaka ogwetooloddwa enku, ng’olumuli olw’omuliro mu makkati g’ebinywa. Balimalawo amawanga gonna ag’oku njuyi zonna, olw’oku kkono n’olw’oku ddyo; naye Yerusaalemi kirisigalawo, n’abantu baakyo mu kifo kyakyo awatali kunyeenyezebwa.
\p
\v 7 “\nd Mukama\nd* alisooka kununula weema za Yuda, ekitiibwa ky’ennyumba ya Dawudi, n’ekitiibwa ky’abatuuze b’omu Yerusaalemi kireme kusukka ku kya Yuda. 
\v 8 Ku lunaku olwo \nd Mukama\nd* aliteeka obukuumi ku batuuze b’omu Yerusaalemi; abo abasembayo obunafu ku lunaku olwo babeere nga Dawudi, era ennyumba ya Dawudi ebeere ng’ennyumba ya Katonda, nga malayika wa \nd Mukama\nd* abakulembeddemu. 
\v 9 Ku lunaku olwo ndizikiriza amawanga gonna agalumba Yerusaalemi.
\p
\v 10 “Era ndifuka ku nnyumba ya Dawudi era ku batuuze ba Yerusaalemi Omwoyo ow’ekisa n’okwegayirira. Balintunuulira nze gwe baafumita: era balimukungubagira ng’omuntu bw’akungubagira omwana we omu yekka, era balimulumirwa nnyo omwoyo ng’omuntu bw’alumirwa mutabani we omubereberye. 
\v 11 Ku lunaku olwo okukuba ebiwoobe kuliyitirira mu Yerusaalemi okwenkana ng’okwa Kadadulimmoni mu kiwonvu Megiddoni. 
\v 12 Ensi erikungubaga, buli kika kyokka; ekika eky’ennyumba ya Dawudi ne bakazi baabwe kyokka, n’ekika ky’ennyumba ya Nasani ne bakazi baabwe bokka; 
\v 13 Ekika eky’ennyumba ya Leevi ne bakazi baabwe, n’ekika kya Simeeyi ne bakazi baabwe; 
\v 14 n’ebika byonna ebirala ebisigaddeyo ne bakazi baabwe.
\c 13
\p
\v 1 “Ku lunaku olwo ensulo z’amazzi ziriggulirwa ennyumba ya Dawudi n’abatuuze b’omu Yerusaalemi okubatukuza okuva mu kibi n’obutali bulongoofu.
\p
\v 2 “Ku lunaku olwo, ndiggya amannya ga bakatonda abalala okuva mu nsi, galeme kuddayo kujjukirwa, era nzigye bannabbi n’omwoyo ogutali mulongoofu mu nsi,” bw’ayogera \nd Mukama\nd* ow’Eggye. 
\v 3 Era singa omuntu yenna awa obunnabbi, kitaawe ne nnyina abamuzaala bennyini balimugamba nti, “Oteekwa kufa kubanga oyogedde eby’obulimba mu linnya lya \nd Mukama\nd*.” Bw’aliwa obunnabbi, bakadde be bennyini bamufumitanga.
\p
\v 4 “Ku lunaku olwo buli nnabbi alikwatibwa ensonyi olw’okwolesebwa kwe okw’obulimba; era tebalyambala kyambalo kyabwe eky’ebyoya okulimba abantu. 
\v 5 Aligamba nti, ‘Siri nnabbi nze, ndi mulimi bulimi; era mu nnimiro mwe nkoledde emirimu gyange obulamu bwange bwonna.’ 
\v 6 Era singa omuntu bamubuuza nti, ‘Ate bino ebiwundu ebiri ku mubiri gwo bya ki?’ Aliddamu nti, ‘Ebiwundu n’abifunira mu nnyumba ya mikwano gyange.’ ”
\s1 Isirayiri Ebonerezebwa
\q1
\v 7 “Zuukuka, ggwe ekitala olwanyise omusumba wange,
\q2 olwane n’omusajja annyimirira ku lusegere,”
\q2 bw’ayogera \nd Mukama\nd* ow’Eggye.
\q1 “Kuba omusumba
\q2 endiga zisaasaane
\q2 nange ndiyimusa omukono gwange ku baana abato.
\q1
\v 8 Mu nsi yonna,” bw’ayogera \nd Mukama\nd*,
\q2 “bibiri bya kusatu bye birikubwa bisaanewo,
\q2 naye kimu kya kusatu kye kirisigalamu.
\q1
\v 9 Ekitundu kino eky’ekimu ekyokusatu ndikireeta mu muliro,
\q2 ne mbalongoosa ng’effeeza bw’erongoosebwa
\q2 mbagezese nga zaabu bw’egezesebwa.
\q1 Balikoowoola erinnya lyange
\q2 nange ndibaanukula.
\q1 Ndigamba nti, ‘Bantu bange,’
\q2 era nabo baliddamu nti, ‘\nd Mukama\nd* ye Katonda waffe.’ ”
\c 14
\s1 Yerusaalemi Enunulibwa \nd Mukama\nd*
\p
\v 1 Olunaku lwa \nd Mukama\nd* lujja, lwe muligabana bye mwanyaga.
\p
\v 2 Ndikuŋŋaanyiza amawanga gonna mu Yerusaalemi mu lutalo okukirwanyisa; ekibuga kiritwalibwa, enju zinyagibwe n’abakazi bakwatibwe. Kimu kyakubiri eky’ekibuga kiritwalibwa mu buwaŋŋanguse; naye abalala abalisigalawo tebaliggibwa mu kibuga.
\p
\v 3 Awo \nd Mukama\nd* alivaayo n’alwanyisa amawanga gali nga bwe yalwana ku lunaku olw’olutalo. 
\v 4 Ku lunaku olwo ebigere bye biriyimirira ku lusozi olwa Zeyituuni olwolekedde obuvanjuba bwa Yerusaalemi, era olusozi lwa Zeyituuni lulyabuluzibwamu ebitundu bibiri okuva Ebuvanjuba okudda Ebugwanjuba era lujjemu oguwonvu oguwanvu ennyo. Ekitundu ekimu eky’olusozi kidde mu Bukiikakkono ekirala mu Bukiikaddyo. 
\v 5 Nammwe muliddukira mu kkubo ery’omu kiwonvu eky’olusozi lwange kubanga ekiwonvu kirisitulirwa waggulu era muddukanga nga bwe mwadduka musisi eyayita mu mirembe gya Uzziya, kabaka wa Yuda. Awo \nd Mukama\nd* Katonda wange alijja n’abatukuvu be bonna.
\p
\v 6 Ku lunaku olwo teriba kitangaala, newaakubadde obunnyogovu wadde obutiti. 
\v 7 Naye luliba lunaku lwa njawulo, awataliba misana wadde kiro: olunaku olumanyiddwa \nd Mukama\nd*. Obudde bwe buliwungeera walibaawo ekitangaala.
\p
\v 8 Ku lunaku olwo amazzi amalamu galikulukuta okuva mu Yerusaalemi; agamu gagende mu nnyanja ey’Ebuvanjuba n’amalala mu nnyanja ey’Ebugwanjuba; mu kyeya ne mu ttoggo.
\s1 Yuda Kabaka w’Ensi ow’Oku Ntikko
\p
\v 9 \nd Mukama\nd* alibeera kabaka ow’ensi zonna: ku lunaku olwo \nd Mukama\nd* alibeera omu yekka n’erinnya lye liribeera erinnya lyokka.
\p
\v 10 Ensi yonna okuva e Geba okutuuka e Limmoni ku luuyi olw’obukiikaddyo obwa Yerusaalemi; erifuuka nga Alaba naye Yerusaalemi kiriyimusibwa ne kisigala mu kifo kyakyo okuva ku mulongooti gwe Kananeri okutuuka ku masogolero ga kabaka. 
\v 11 Abantu balikibeeramu, tekigenda kuddayo kuzikirizibwa. Yerusaalemi kiriba kinywevu.
\p
\v 12 Ono ye kawumpuli \nd Mukama\nd* gw’alikubisa amawanga gonna agaalwanyisa Yerusaalemi. Emibiri gyabwe girivunda nga bakyali balamu. Amaaso gabavundire mu biwanga, n’ennimi zibavundire mu kamwa. 
\v 13 Ku lunaku olwo \nd Mukama\nd* alireetera abantu ekyekango eky’amaanyi. Buli muntu alikwata omukono gwa munne nga balwanagana. 
\v 14 Ne Yuda alirwanira mu Yerusaalemi era obugagga bw’ensi zonna eziriraanyeewo bukuŋŋaanyizibwe, zaabu n’effeeza n’ebyambalo bingi nnyo nga nabyo bikuŋŋaanyizibbwa. 
\v 15 Era kawumpuli ng’oli aligwa ku mbalaasi, ne ku nnyumbu, ne ku ŋŋamira, n’endogoyi, ne ku nsolo zonna eziriba mu bisulo ebyo.
\p
\v 16 Abo abalisigalawo ku mawanga agaalumba Yerusaalemi banaayambukanga buli mwaka okusinza \nd Mukama\nd* kabaka ow’Eggye era n’okukwatanga embaga ey’ensiisira. 
\v 17 Omuntu yenna mu nsi bw’ataagendenga Yerusaalemi kusinza \nd Mukama\nd* Kabaka ow’Eggye, taafunenga nkuba. 
\v 18 Abamisiri bwe bataagendenga kwetabamu, tebaafunenga nkuba. \nd Mukama\nd* anaabareeteranga kawumpuli, gwakubisa amawanga agatagenda kukwata mbaga ey’ensiisira. 
\v 19 Ekyo kye kinaabanga ekibonerezo kya Misiri n’amawanga gonna agataayambukenga kukwata mbaga ya nsiisira.
\p
\v 20 Ku lunaku olwo ekigambo kino, “kitukuvu eri \nd Mukama\nd* Katonda,” kinaawandikibwa ku bide by’embalaasi era n’entamu ezifuumbirwamu mu nnyumba ya \nd Mukama\nd* zinaabeeranga ng’ebibya ebitukuvu mu maaso g’ekyoto. 
\v 21 Weewaawo, buli nsuwa mu Yerusaalemi ne mu Yuda eneebanga ntukuvu mu maaso ga \nd Mukama\nd* ow’Eggye; n’abo bonna abanajjanga okuwaayo ssaddaaka banaafumbiranga mu zimu ku ntamu ezo. Era ku lunaku olwo, waliba tewakyali Mukanani mu nnyumba ya \nd Mukama\nd* ow’Eggye.