\id MRK  
\h Markus 
\toc1 Lamatuak Yesus Tutui Malolen tungga Markus 
\toc2 Markus 
\toc3 Mrk 
\mt2 Lamatuak Yesus Tutui Malolen  
\mt2 tungga  
\mt1 Markus  
\c 1  
\p
\v 1 Tutui malole ia. Manetualain Anan\f + \fr 1:1 \ft Dedeꞌa ‘Manetualain Anan’ taa hambun nai susula isi-isik luma.\f* tutuin ia. Ndia naden Yesus Karistus, fo Manetualain tudu mema kana, neme makahulun ele mai so. Tutuin natahuhuun leoiak:   
\s1 Yohanis Mana Salanik, sadia dalak fee Lamatuak Yesus  
\r (Mateos 3:1-12; Lukas 3:1-18; Yohanis 1:19-28)  
\p
\v 2 Yesus bei taa mulai tao Ndia ue-ledin, tehuu Manetualain nadenu nakahuluk hataholi esa so, nade Yohanis. Yohanis musi neu sadia dalak soaneu Yesus mamain. Huu makahulun ele, Manetualain pake mana toꞌu halak esa so, nade Baꞌi Yesaya. Ana sulak mema kana so, nae:  
\q1 “Mamanene bou! Au adenu Au hataholing esa neu sadia dalak fee O.\x + \xo 1:2 \xt Maleaki 3:1\x*   
\q1
\v 3 Dei fo hataholi ndia neu leo nai mamana nes esa, fo nanggou ngganggali, nae:  
\q2 ‘Basa hataholi lalaꞌen, mahehele, fo tao neulalau dala kala, fo simbok Lamatuak mamain!  
\q2 Tao mandoo dala kala fo simbok Ndia.’ ”\x + \xo 1:3 \xt Yesaya 40:3\x*   
\p
\v 4-6 Hataholi la lateme loke Yohanis na, lae, Mana Salanik. Ana leo nai mamana nes. Baloꞌa papaken, nana tenuk neme banda onta bulun mai. Kalikeen nana taok neme banda louk mai. Ndia nanaꞌa-nininun, lamak ma fani oe nula. (Yohanis dala sodan ia, sama leo Baꞌi Elia nai fai makahulun ele.)\x + \xo 1:4-6 \xt 2 Mane-mane kala 1:8\x*  
\p Faik ndia, hataholi la noꞌuk leme kota Yerusalem mai, ma, basa propinsi Yudea isi nala, mai latonggo lo Yohanis nai ndia mamanan ndia. Ala mai sangga lita Yohanis, ma, lamanene nanonolin. Yohanis nafada sala nae, “Ei musi manaku, ma, laꞌo ela basa ei sala-singgo mala, fo suek Manetualain koka heni sala-singgo kala sila. Basa, na, ei musi salani dei, fo dadik tanda nae, ei mole mia Lamatuak so.”  
\p Boe ma, ala manaku sala-singgo nala, de, ana salani sala leme lee Yarden.   
\p
\v 7 Ana nafada nae, “Neu ko hambu Hataholi esa, ana selin lena heni au, ana sangga mai. Leomae kada dadik neu Ndia hataholi nadedenun boe oo, au taa andaa.\f + \fr 1:7 \ft Susula dedeꞌa Yunani isi-isik nana sulak, nae, ‘Makatele fo sefi sapatun talin boe oo au taa andaa.’ Ndia sosoan, nae, Yohanis kada hataholi anak, de leo mae daꞌdi Lamatuak Yesus nadedenun boe oo, ndia taa nandaa.\f*  
\v 8 Au bisa salani ei unik kada oe mesan, tehuu, dei fo Ana tao lena heni au, huu Ana tao nahenu ei dale mala, no Manetualain Dula Dale Malalaon.”   
\s1 Yohanis salani Lamatuak Yesus  
\r (Mateos 3:13-17; Lukas 3:21-22)  
\p
\v 9 Faik ndia, Yesus neme nggolo Nasaret fo nai propinsi Galelea mai, fo natonggo no Yohanis. Boe ma Yohanis salani Ndia neme lee Yarden.  
\v 10 Ledoeik Yesus kalua neme oe dale mai, tutik nita lalai natahuꞌak. Basa boe ma, Manetualain Dula Dalen sama leo mbui lunda esa, konda neu Yesus.  
\v 11 Boe ma lamanene Manetualain halan neme lalai mai, nae,  
\q1 “O ia, Au Ana susueng.  
\q2 O tao mamahoko Au daleng nakandondoo henin.”\x + \xo 1:11 \xt Tutuik laꞌeneu Sososan 22:2; Sosoda Koa-kio kala 2:7; Yesaya 42:1; Mateos 3:17; 12:18; Markus 9:7; Lukas 3:22\x*   
\s1 Malangga nitukfufudi-oꞌodo Lamatuak Yesus neme mamana nes  
\r (Mateos 4:1-11; Lukas 4:1-13)  
\p
\v 12 Basa ndia, boe ma Manetualain Dula Dalen hela noo Yesus neni mamana nes esa neu.  
\v 13 Nai ndia hambu banda fui la boe. Yesus leo nai mamanak ndia, faik haa hulu. Nai ndia, nitu la malanggan mai fufudi-oꞌodo Yesus fo suek Ana tungga ndia, tehuu taa nala sana. Basa ndia, boe ma Manetualain ata nala leme nusa-sodak mai de ala ono-lau Ndia.   
\s1 Lamatuak Yesus neni Galilea neu, fo natudu Manetualain dala sodan  
\r (Mateos 4:12-17; Lukas 4:14-15)  
\p
\v 14 Fain, ala tao Yohanis Mana Salanik neni bui dale neu, boe ma Yesus neni nusa Galilea neu, fo Ana tui-bengga Manetualain Hala Malolen nai ndia.  
\v 15 Ana nafada, nae,  
\q1 “Mamanene baa! Hatematak ia, Manetualain fain losa so!  
\q2 Hatematak ia, basa hataholi la bubuluk lae, Manetualain toꞌu palenda so.  
\q2 Huu ndia, de ei hahae mima ei pepeko mala leo, fo fali miu tungga Lamatuak.  
\q3 Basa na, mamahele neu Ndia Hala Malolen ia, leo.”\x + \xo 1:15 \xt Mateos 3:2\x*   
\s1 Lamatuak Yesus noke mana mbuꞌa dala la, fo tungga Ndia  
\r (Mateos 4:18-22; Lukas 5:1-11)  
\p
\v 16 Faik esa, Yesus laꞌok tungga dano Galilea bifin. Ana nita hataholi esa, nade Simon, no fadin, nade Anderias. Dua sala dala iꞌak. Sila ue-ledin tungga-tungga faik ndindia.  
\v 17 Yesus noke sala de nae, “Wei! Mai fo tungga Au leo. Ei mateme sangga iꞌak tungga-tungga faik, tehuu hatematak ia, na, Au sangga tao ei dadik miu mana sangga samanek.”  
\v 18 Lamanene leondiak, boe ma dua sala foꞌa laꞌo ela sila dala nala, de leu tunggamemak Ndia.   
\p
\v 19 Basa ndia, boe ma Yesus laꞌok nakandoo fa, boe ma nita Sabadeus ana nala. Kaꞌak nade Yakobis ma fadin nade Yohanis. Dua sala lafafaꞌu mbuꞌa nala lai ofak lain.  
\v 20 Yesus noke dua sala, de, nae, “Wei! Mai fo tungga Au.” De dua sala laꞌo ela aman no hataholi mana tao ues lai ofak lain. Boe ma leu tunggan Ndia.   
\s1 Lamatuak Yesus husi heni nitu neme hataholi nggolo Kapernaum esa mai.  
\r (Lukas 4:31-37)  
\p
\v 21 Boe ma Yesus no hataholi kahaa kala, mana tungga Ndia, laꞌok losa nggolo Kapernaum. Faik fo hataholi Yahudi la fai huhule-haladoin,\f + \fr 1:21 \ft Hataholi Yahudi la fai huhule-haladoin, fai hahaen, do fai hahae tao ues, ala lae ‘Fai Sabat’.\f* boe ma Yesus maso neni uma huhule-haladoik dale neu, de nanoli nai ndia.  
\v 22 Hataholi la lamanene Ndia kokolan, boe ma basa hataholi heran lalan seli, huu Ana bubuluk tebe-tebe nanonolik ndia isin. Ndia taa sama leo hataholi Yahudi la mese nala.\x + \xo 1:22 \xt Mateos 7:28-29\x*   
\p
\v 23 Faik ndia, hambu hataholi nitu nalak esa. Ndia boe oo, maso neni uma huhule-haladoik dale neu, boe ma nitu manai hataholi ndia dalek, nakau nae,  
\v 24 “Wei! Yesus, hataholi Nasaret aa! O dedeꞌa hatam mua ai! O sangga mai tao makalulutu ai do? Ai malelak O so. O ia ndia Hataholi fo makahulun ele Manetualain helu, nae, Ana fee O mai. O ia, Lamatuak Hataholi Malalaon fo salan taa.”   
\p
\v 25 Tehuu Yesus nasapala kana nae, “Seu o bafam! Kalua muma hataholi ndia dalek mai leo!”   
\p
\v 26 Boe ma nitu ndia tao nala hataholi ndia ana leꞌa nalan seli. Boe ma ana kalua neme hataholi ndia dalek mai, ma nakau tingga-tingga.  
\v 27 Basa boe ma, basa hataholi malai uma huhule-haladoik ndia dale kala lamanggonggoak. Boe ma basa sala lakokola, lae, “Awii! Hata ia bae? Ana palenda nitu la fo ala kalua, boe ma ala tungga Ndia hihii-nanaun. Nanonoli beuk ia hetu maa? Tou lasik ia, Dedeꞌa-kokolan ana seli, maa!”   
\p
\v 28 Boe ma hataholi la mulai tui lafeok neme bafak mai neni bafak neu, de nakambela losa basa nggolo kala malai propinsi Galelea ndia.   
\s1 Lamatuak Yesus tao nahai Petrus alinan ma hataholi noꞌuk  
\r (Mateos 8:14-17; Lukas 4:38-41)  
\p
\v 29 Ledoeik ala kalua leme uma huhule-haladoik dale mai, boe ma Yesus neni Simon no Anderias uman neu. Yakobis no Yohanis leu noꞌu lon.  
\v 30 Nai ndia, Simon alinan sumai, de nakambeꞌuk nai koi lain. Ledoeik Yesus no ana mana tungga nala leni uma dale leu, boe ma hataholi la mai lafada lae, “Ina lasik sumai.”   
\p
\v 31 Basa ndia, boe ma Yesus neu tilo ina lasik, boe ma Ana toꞌu nala liman, de nafofoꞌan. Boe ma, ina lasik sumain mopon heni tuti kana. Basa boe ma, ina lasik kalua, de neu ono-lau sala.   
\p
\v 32 Ledoeik ledo mulai tesa, boe ma hataholi la loo sila hataholi kamahedi nala, ma hataholi nitu nala kala leni Yesus mai, fo loke tulu-falik.  
\v 33 Losa basa hataholi la kota esa isi nala mai lakahohombu, lai uma ndia pasan.  
\v 34 Hataholi la sila hedi nala mata-mata kala, tehuu Yesus tao nahai basa sala. Ma Ana husi kalua heni nitu makadotok nalan seli. Tehuu Ana taa mboꞌi nitu la sila kokolak, huu lalelak Ndia.   
\s1 Lamatuak Yesus laꞌok ndule basa nggolo feꞌek kala, fo nafada Manetualain Hala-Malolen  
\r (Lukas 4:42-44)  
\p
\v 35 Neu foꞌa mai lolembilan, fo bei makikiu anak, tehuu Yesus foꞌa, de Ana neni uma ndia deak neu so. Ana neni mamana linok esa neu, de Ana hule-haladoi, ma nakokola no Manetualain.  
\v 36 Ledoeik Simon asa foꞌa, tehuu taa lita Yesus so, boe ma ala leu sanggan.  
\v 37 Ledoeik ala latonggo lo Ndia, boe ma lafada lae, “Ama, hataholi noꞌu kala sangga Ama.”   
\p
\v 38 Tehuu Ana nataa nae, “Ndia malole boe. Tehuu malolenak ita teni nggolo feꞌek mana dekak nai iak teu dei. Huu Au sangga afada Hala Malole neu sala boe. Te Au ue-leding ndia.”   
\p
\v 39 Basa boe ma, Ana laꞌok ndule basa propinsi Galelea, de nafada Manetualain Hala Malolen nai sila uma huhule-haladoin dale. Ma Ana husi heni nitu la leme hataholi la dalek mai boe.\x + \xo 1:39 \xt Mateos 4:23; 9:35\x*   
\s1 Lamatuak Yesus tao nahai hataholi kamahedi kusta esa  
\r (Mateos 8:1-4; Lukas 5:12-16)  
\p
\v 40 Faik ndia, hataholi kamahedi kusta esa neni Yesus mai. Boe ma ana sendek lunggulanggan de noke tulun Yesus nae, “Ama aa! Fali mala au dei! Huu au bubuluk Ama bisa tao mahai au heding ia, fo suek hataholi la boso nunute au. Sadi Ama nau.”   
\p
\v 41 Basa ndia boe ma Yesus tuda kasian neu hataholi ndia, boe ma Ana look liman neu de Ana tai laꞌen, boe ma nafada nae, “Memak! Au nau! De, o hai leo!”  
\v 42 Nggenge neuk hataholi ndia hedin mopon. Boe ma ana hai tutik.  
\v 43 Boe ma Yesus nadenu hataholi ndia fali, ma Ana fee nasanenedak neun,  
\v 44 nae, “Masanenedak neulalau. O hai ia so, tehuu taa bole mafada sudi see, baa! O musi tungga Baꞌi Musa palendan dei. De, muni malangga anggama muu, fo ana palisak o aom, ma ana mete o heꞌdim mopo tetebes so, do beik. Boe ma o musi fee tunu-hotuk, dadik tanda makasi, fo suek basa hataholi la bubuluk lae, o hai tebe-tebe so.”\x + \xo 1:44 \xt Malangga Anggama la Heti-heun 14:1-32\x*   
\p
\v 45 Tehuu hataholi ndia kalua nala deak, boe ma neu tui nafeok sudi nai bee. Basa ndia, boe ma hataholi noꞌu kala lasanggak fo latonggo lo Yesus, losak Ana taa bisa natodak matan nai kota ndia. De Ana leo nahele nai kada mamana nes manai kota deak. Tehuu hataholi la lafaan leme basa mamanak lalaꞌen mai, fo ala nau latonggo lo Ndia.   
\c 2  
\s1 Lamatuak Yesus tao nahai hataholi luꞌuk esa  
\r (Mateos 9:1-8; Lukas 5:17-26)  
\p
\v 1 Seli faik hida, boe ma Yesus fali seluk neni Kapernaum neu. Boe ma ala bengga lai basa mamanak lalaꞌen lae, “Ana losa nai uma so.”  
\v 2 Boe ma hataholi la leme basa mamanak lalaꞌen mai. Ala lakahohombu losa lakaseseꞌe leme uma dale losa lelesu bafan. Basa ndia, boe ma Yesus nafada sala, Manetualain hihii-nanaun.   
\p
\v 3 Ana bei kola-kola, tehuu hataholi haa ndolo leni hataholi luꞌuk esa neni Yesus neu.  
\v 4 Huu hataholi noꞌun seli, de, ala taa lalak loo hataholi ndia losa Yesus matan. Boe ma ala hene leni uma lain leu, de ala doꞌi heni uma lain, nandaa no Yesus langgan. Ledoeik uma lain bolok, boe ma ala lakonda hataholi ndia no neneꞌin.\f + \fr 2:4 \ft Hataholi sila neneꞌi nala, nana nanek neme bua matea mai.\f*  
\v 5 Ledoeik Yesus nita sala, boe ma Ana bubuluk hataholi la sila lamahele tebe-tebe leu Ndia. De Ana nafada tou luꞌuk ndia, nae, “Ana nggo ei! Au fee ambon neu o sala-singgo mala so!”   
\p
\v 6 Tehuu nai ndia hambu mese anggama Yahudi luma langgatuuk lai ndia. Ledoeik lamanene Yesus kokolan ndia, boe ma ala lameda taa malole nai dale nala dale.  
\v 7 Boe ma ala lakokola lae, “Hataholi ia nambalani nalan seli kokolak nae, leo ndia! Kada Manetualain mesa kana fee ambon neu hataholi sala-singgo nala. Tehuu hataholi ia kokolan nonook bali leo Manetualain ndindia. Namumulu Manetualain ndia so!”   
\p
\v 8 Tehuu Yesus bubuluk basa sila dale nala so. Boe ma nafada nae, “Ei boso duduꞌa leondiak!  
\v 9-10 Bee ndia lofoanak. Mete ma Au afada hataholi luꞌuk ia ae, ‘O salam hambu ambon so,’ na, ei taa bubuluk, mete ma ana dadi leondiak, do taa. Tehuu metema Au ae, ‘Foꞌa leo! Lulu mala o neneꞌim fo fali leo,’ Mete ma ana foꞌa tutik so, na, dei fo ei mita buti mae, Au ia Hataholi Isi-isik. Ma Au aena koasa ma hak, fo fee ambon neu hataholi salan.”  
\p Basa ndia boe ma, Yesus nafada hataholi luꞌuk ndia nae,  
\v 11 “Mamanene baa! Hatematak ia o hai so! De, foꞌa fo luꞌa mala o neneꞌim, fo fali leo baa!”   
\p
\v 12 Namanene leondia, boe ma hataholi ndia foꞌa tutik leo. Boe ma ana luꞌa nala neneꞌin de ana laꞌo neni deak neu. Basa hataholi malai sila kala lita lo mata deꞌe nala. Boe ma basa sala lamanggonggoak, de lae, “Awii! Hatematak ia dei fo ita tita mata leo iak bae maa! Manetualain memak ana seli maa!”   
\s1 Lamatuak Yesus noke Lewi fo ana tungga Ndia  
\r (Mateos 9:9-13; Lukas 5:27-32)  
\p
\v 13 Basa ndia boe ma Yesus neni dano Galilea bifin neu seluk. Hataholi noꞌu kala mai latonggo lo Ndia, boe ma Ana nafada sala Manetualain hihii-nanaun.   
\p
\v 14 Nai ndia hambu hataholi esa nade Lewi, fo Alfius anan. Ana tao ues nai mamana bae bea fo fee mana palenda Roma. Nandaa no Yesus laꞌok tungga ndia, boe ma nita Lewi. Boe ma Ana nafadan nae, “Wei! Mai fo tungga Au!”  
\p Namanene Yesus nae leo ndia, boe ma ana foꞌa de ana tungga Ndia leo.   
\p
\v 15 Basa ndia boe ma, Yesus no ana mana tungga nala langgatuuk laꞌa lai Lewi uman, lo nonoo mana susu bea la. Hambu hataholi feꞌe kala boe, laꞌa lon lai ndia. Tungga hataholi Yahudi la duduꞌa nala, na hataholi sila hataholi manggalauk. Nai hataholi fo mana manggatuuk mana naꞌa kala sila, hambu hataholi noꞌuk hii lamanene neu Yesus.   
\p
\v 16 Faik ndia, mese anggama hida leme hataholi Farisi la partein mai, lita Yesus nanggatuuk naꞌa no mana susu bea la, ma hataholi manggalau kala. Boe ma latane Yesus ana mana tungga nala lae, “Talobee de ei mesem nanggatuuk naꞌa no hataholi mana susu bea la, ma hataholi manggalau kala?”   
\p
\v 17 Tehuu Yesus namanene ala latane leondiak, boe ma nafada nae, “Hataholi kamahedi kala memak ala paluu dotel, tehuu hataholi taa kamahedi kala taa paluu dotel. Au mai ono-lau hataholi manggalau kala. Tehuu Au taa mai ono-lau hataholi fo nameda aon hataholi ndoos.”   
\s1 Lamatuak Yesus nanonoli beun feꞌe no hataholi Farisi la nanonolin  
\r (Mateos 9:14-17; Lukas 5:33-39)  
\p
\v 18 Laꞌi esa, boe ma partei anggama Farisi la hataholi nala puasa. Lita Yohanis mana salanik ana mana tungga nala boe oo, ala puasa. Tehuu ala taa lita Yesus ana mana tungga nala puasa leo sila. Boe ma sila hataholi nala mai latonggo lo Yesus de latane lae, “Ama! Ai puasa. Ma Yohanis hataholi nala oo ala puasa boe. Tehuu hatina de Ama ana mana tungga nala taa puasa?”   
\p
\v 19 Boe ma Yesus nataa nae, “Memak ei bubuluk so, mete ma hataholi tao feta kabin, na, hataholi nana hoka kala taa puasa, huu laꞌa-linu losa lakabete. Mete ma mana kabin touk bei nai ndia, na basa sala laꞌa-linu leu esa.  
\v 20 Tehuu mete ma faik esa nai ndia, fo hataholi la humu leni tou mana kabin, fo ala laꞌo so, na, dei fo tialai-dedena nala dale hedi. Bei fo ala puasa.”   
\p
\v 21 Basa boe ma Yesus nafada nakadaik dedeꞌa nakandandaak esa nae, “Taa hambu hataholi fo ana tanda tema beuk neu badu laak. Huu mete ma safen, na, tema beuk kukulu, fo badu sidan boe namaloa.  
\v 22 Sama leo hataholi taa diꞌa tua nasu beuk neu samba mboꞌok dale. Te neu ko sambak ndia sidan de loo heni tua nasu. De, tua nasu beuk musi diꞌan neni samba beuk dale neu.” (Leondiak boe Yesus nanoli sala nae Ndia nanonoli beun, boso seseo kana no hataholi Farisi la nanonoli laan.)\f + \fr 2:22 \ft Susula Malalao dedeꞌa Yunani nana sulak nae, “boso diꞌa anggol beuk neni tas banda lou laak dale neu, te boso losak sidan.”\f*   
\s1 Lamatuak Yesus ana mana tungga nala ketu hade gandum laꞌeneu fai hahae ue-ledis  
\r (Mateos 12:1-8; Lukas 6:1-5)  
\p
\v 23 Laꞌi esa, nandaa no hataholi Yahudi la fai huhule-haladoin, Yesus laꞌo nesik osi la. Boe ma Yesus ana mana tungga nala ketu lala hade gandum, de laꞌa.\x + \xo 2:23 \xt Tui Seluk laꞌeneu Dala Sodak 23:25\x*  
\v 24 Tehuu hataholi Farisi la suli lita sala, de lafada Yesus lae, “Hatina de O ana mana tungga nala laꞌolena ai anggaman heti-heun? Ala ketu hade gandum nandaa no fai hahae ue-ledis! Ei boso tao leondiak!”   
\p
\v 25-26 Boe ma Yesus nataa nae, “Leobee, bae? Ei taa masaneda Baꞌi Dauk tutuin ndia. Faik ndia, tou lasi Abiatar, dadik Anggama Yahudi malangga inahuun. Baꞌi Dauk no ana mana tungga nala, ndoe lalan seli. Boe ma ala leni Manetualain Tenda Hule-Haladoin dalek leu, de ala haꞌi lala loti, fo malangga anggama la feen neu Lamatuak, de laꞌa. Naa te kada malangga anggama la, bole laꞌa, tehuu hataholi feꞌek taa bole laꞌa. Boe ma Baꞌi Dauk asa laꞌa, tehuu taa hambu hataholi soli salak neu sala.”\x + \xo 2:25-26 \xt 1 Semuel 21:1-6; Malangga Anggama la Heti-heun 24:9\x*   
\p
\v 27 Boe ma Yesus nafada nakadaik, nae, “Ei boso mafalende henin mae, Manetualain tao fai hahae ue-ledis, fo dadik neu babaꞌe-babatik, fo suek tulu-fali neu ita hataholi. Tehuu Ana taa tao ita hataholi fo tungga kada fai hahae tao ue-ledis heti-heu nala.  
\v 28 De Au, Hataholi Isi-isik ia, aena hak fo afada hataholi la, fo bole, do taa bole tao sudi hata nandaa no fai hahae tao ue-leꞌdis.”   
\c 3  
\s1 Lamatuak Yesus tao nahai hataholi, nandaa no fai hahae tao ue-leꞌdis  
\r (Mateos 12:9-14; Lukas 6:6-11)  
\p
\v 1 Basa ndia boe ma, Yesus fali seluk neni hataholi Yahudi la Uma Huhule-haladoin neu. Nai ndia, nita hataholi lima kamates seselik esa.  
\v 2 Nai ndia boe, hambu hataholi hida lai ndia, ala lasanggak dalak fo fee salak neu Yesus. De ala malok lakandondoo henin Ndia, fo sangga bubuluk, Ana tao nahai hataholi ndia, nandaa no fai hahae tao ue-leꞌdis do taa.   
\p
\v 3 Boe ma Yesus noke hataholi lima kamate seselik ndia nae, “Mai, fo mambadeik muu mata ia.”   
\p
\v 4 Boe ma Ana natane basa hataholi la sila nae, “Mete ma tungga ita anggaman heti-heun, na hata fo ita tao nandaa no fai hahae tao ue-ledis? Ita tao malole do taa? Ita tao tahai hataholi, do ita tao tisan?” Tehuu basa sala kada benee.   
\p
\v 5 Boe ma Yesus dalen hedis nalan seli, huu hataholi la sila tao kada aꞌafik neu heti-heuk, tehuu ala taa tao aꞌafik neu hataholi lima kamate seselik ndia faa boe. Boe ma Ana luli nalan seli, de Ana nakabubulak matan ndule basa sala. Basa boe ma Ana nafada hataholi ndia nae, “Look o limam mai leo!” Hataholi ndia ana look liman neu, de ana hai tutik.  
\v 6 Boe ma hataholi Farisi la sila leni deak leu de ala laꞌo ela uma huhule-haladoik ndia. Boe ma leu lala halak lo Herodes partei politik hataholi nala fo ala sangga dalak tao lisa Yesus.   
\s1 Lamatuak Yesus tao nahai hataholi noꞌu kala leme dano bifin  
\p
\v 7-8 Laꞌi esa, Yesus no Ndia ana mana tungga nala, laꞌo heok leni dano Galilea bifin leu. Tehuu huu hataholi noꞌu kala lamanene basa hata fo Ana tao kala sila, de basa sala leme nggolo-nggolok mai fo ala tunggan. Ala leme propinsi Galelea, propinsi Yudea, ma nusa Idumea mai. Hambu hataholi feꞌek luma leme kota Yerusalem, kota Sidon, ma kota Tirus mai. Ma hambu hataholi feꞌek luma leme lee Yarden dulu mai. Basa sala sangga Yesus fo latonggo lon.  
\v 9 Huu hataholi la noꞌun seli, losak Yesus nadenu ana mana tungga nala sadia feen ofak esa. Ana sangga kokolak nai ofak lain, fo suek basa sala lamanene, ma ala boso babaan.   
\p
\v 10 Makahulun, Ana tao nahai nitak hataholi kamahedik noꞌuk. Huu ndia de hatematak ia basa hataholi kamahedi kala mai lakaseseti fo sadi ala kame laꞌen.\x + \xo 3:10 \xt Markus 4:1; Lukas 5:1-3\x*  
\v 11 Ledoeik hataholi nitu nala kala lita Ndia, tutik ala bala leu dae neu Yesus matan. Boe ma nitu la lakau lae, “Memak O ia Manetualain Anan!”   
\p
\v 12 Tehuu Ana kaꞌi nisa kasa nae, “Ei boso mafada hataholi esa boe mae, Au ia see!”   
\s1 Lamatuak Yesus hele nala hataholi sanahulu dua, dadik leu ana mana tungga nala  
\r (Mateos 10:1-4; Lukas 6:12-16)  
\p
\v 13 Basa boe ma Yesus ndaꞌe neni letek esa lain neu. Ana noke nala hataholi luma fo nandaa no Ndia dale hihiin. De ala leni matan leu.  
\v 14 Boe ma Ana hele nala hataholi sanahulu dua. De nafada sala nae, “Au hele ala ei fo tungga mahele Au. Au boe oo, sangga adenu ei, fo miu mafada Manetualain hehelun neu basa hataholi lalaꞌen.  
\v 15 Ma au sangga fee koasa neu ei, fo ei bisa husi heni nitu la leme hataholi la mai.”   
\p
\v 16-19 Hataholi kasanahulu dua kala sila nade nala sila ia:  
\q2 Simon (fo Yesus foin nade Petrus boe),  
\q2 Yakobis,  
\q2 Yohanis, (Yakobis no faꞌdin Yohanis ia, na Sabadius anan dua sala. Yesus foi dua sala nade ‘Boanerges’, fo sosoan ‘sama leo tatas’),\f + \fr 3:16-19 \ft a: Susula dedeꞌa Yunani nana sulak nae ‘tatas anan’, ma sosoan nae ‘heheo-hilun leo tatas’. Hataholi malelak luma lae Yakobis no Yohanis hala maliin leo tatas, huu lasiꞌa lasapalak leo tatas.\f*  
\q2 Anderias,  
\q2 Filipus,  
\q2 Bartolomeos,  
\q2 Mateos,  
\q2 Tomas,  
\q2 Yakobis (fo Alpius anan),  
\q2 Tadius,  
\q2 Simon (fo mana masok partei politik Selot),\f + \fr 3:16-19 \ft b: Partei Selot ia sangga dalak fo lakamboꞌik leme mana palenda Roma mai. Boe ma ala foi partei ndia nade ‘Patriot’.\f*  
\q2 ma Yudas Iskariot (fo mana seꞌo heni Yesus).   
\s1 Mese anggama la fee salak leu Yesus, lae nitu la malanggan fee Ndia koasa so  
\r (Mateos 12:22-32; Lukas 11:14-23; 12:10)  
\p
\v 20 Basa ndia, boe ma Yesus no ana mana tungga nala loe fali leme letek ndia lain mai. De ala maso leni uma esa dalek leu. Tehuu hataholi noꞌu kala mai lakaseseti lala Ndia bali, losa Yesus asa taa lalak laꞌa so bali.  
\v 21 Lita leondia boe ma hataholi lae, “Mete sudik Yesus dei. Ana nafalende heni nasaneu nala aoinan so.” Huu kaꞌa-faꞌdi nala lamanene hataholi la kokolak lae leo ndia, de ala sangga mai lala falik Ndia.   
\p
\v 22 Faik ndia, mese anggama la leme Yerusalem mai de lafada hataholi malai ndia kala lae, “Wei Ei boso kada tungga-tungga mia Yesus ndia. Ana husi heni nitu leondiak ndia, na, huu Ana hambu koasa neme malangga nituk mai, fo hataholi lateme loke lae Baalsebul.”\x + \xo 3:22 \xt Mateos 9:34; 10:25\x*   
\p
\v 23 Yesus namanene leondia, boe ma Ana noke nala basa sala de nafada nae, “Taa masok langgautek! Neme bee mai fo malangga nituk bisa husi seluk aoinan!  
\v 24 Mete ma nai nusak esa, lauinggu nala lahuu, na neme bee mai nusak ndia bisa nakatataka!  
\v 25 Ma mete ma uma isi la lasii-lalaꞌu ao esa no esa, na neme bee mai fo bei lakatataka!  
\v 26 Leondiak boe oo, mete ma nitu la esa musu no esa, na, neu ko ala latanggela-latanggali. Mete ma leondiak, na, neu ko basa sala lakalulutuk!   
\p
\v 27 Mete ma hataholi la sangga leu lamanaꞌo hataholi balakaik esa uman, na neu ko ana musi hengge nakahuluk maumak dei. Basa ndia, dei fo ala lamoa lala hataholi ndia bua nala.\f + \fr 3:27 \ft No leondiak, na, Yesus nafada nae Ndia balakain lena heni nitu la malanggan fo loke na, lae Baalsebul.\f*   
\p
\v 28 De, Au afada memak ei: Manetualain sadia koka heni hataholi la sala-singgo nala so. Ma mete ma hataholi kokolak manggalauk neu hataholi feꞌek, na Manetualain bei fee ambon neun.  
\v 29 Tehuu mete ma hambu hataholi nambalani kokolak manggalauk neu Manetualain Dula Dale Malalaon ndia, na Manetualain taa fee ambon neun losa daeinak babasan.”\x + \xo 3:29 \xt Lukas 12:10\x*   
\p
\v 30 Yesus nae leo ndia, na, huu hataholi sila lae, “Hataholi ndia nitu nalak so!”   
\s1 Hataholi fo mana tungga Manetualain hihii-nanaun, na, sila ndia LamatuakYesus bobonggi tetebe nala.  
\r (Mateos 12:46-50; Lukas 8:19-21)  
\p
\v 31 Basa boe ma, Yesus inan no fadi nala, leni uma ndia leu, fo, sangga latonggo lon. Nai ele, ala lambadeik kada deak. De ladenu hataholi neu noke Yesus nai uma dale.  
\v 32 Leꞌdoeik ndia, Yesus nanggatuuk, de bei kola-kola no hataholi noꞌu kala. Boe ma hataholi la lafada lae, “Ama! O inam no O faꞌdi mala lai deak. Ala sangga latonggo lo Ama.”   
\p
\v 33 Tehuu Yesus nafada nae, “Au inang ma Au tolanoo tetebe nggala sila, see?”   
\p
\v 34 Boe ma, Ana mete ndule hataholi mana manggatuuk ndule Ndia. Boe ma Ana kokolak nae, “Ei basanggei ia, Au inang ma Au tolanoo tetebe nggala.  
\v 35 Huu see ndia tungga Manetualain hihii-nanaun, na sila ndia Au bobonggi tetebeng sisila.”   
\c 4  
\s1 Lamatuak Yesus fee nakandandaak laꞌeneu bini fo nana selek nai dae mata-mata kala  
\r (Mateos 13:1-9; Lukas 8:4-8)  
\p
\v 1 Laꞌi esa, boe ma Yesus neni dano Galelea seluk neu. Boe ma hataholi la noꞌuk mai lakahohombu lala Ndia. Basa de Ana hene neni ofak esa lain neu fo mana seek nai ndia, suek Ana nanoli. Basa hataholi la malai madak lain lamanene Ndia.  
\v 2 Boe ma Ana nanoli sala makadotok nenik nakandandaak nae,\x + \xo 4:2 \xt Lukas 5:1-3\x*   
\p
\v 3 “Ei mamanene matalolole baa! Hambu hataholi esa neu ngganggali bini nai osin dale.  
\v 4 Ledoeik ana ngga-nggali bini la sila, nggelok tuda lai dalak lain. Boe ma mbui kala mai, de laꞌa heni basa bini la sila.  
\v 5 Tehuu bini nggelok tuda lai dae batu. Bini la sila lanumbu lai-lai. Tehuu dae ndia niꞌis,  
\v 6 de ledoeik ledo nahaa boe ma numbu nala male, losa lamatuu de mate basa sala. Huu oka nala taa tola demak losa dae dale.   
\p
\v 7 Bini nggelok tuda lai fii la laladan. Boe ma fii la sila kofu lisa numbu kala sila, losa taa hambu labuna-laboa.  
\v 8 Tehuu hambu bini nggelok bali, tuda lai dae isi malole. Bini la sila lanumbu de ala inahuu losa labuna laboa. Hambu nggelok buna-boan laꞌi telu hulu, hambu laꞌi nee hulu, ma hambu losa laꞌi natun esa.   
\p
\v 9 De laꞌe neu see ndia fo kandiꞌidook, na mamanene matalolole baa!”   
\s1 Huu hata de Lamatuak Yesus kokolak nenik nakandandaak  
\r (Mateos 13:10-17; Lukas 8:9-10)  
\p
\v 10 Basa boe ma ledoeik Yesus mesa kana, boe ma Ndia ana mana tungga kasanahulu dua nala sila, lo hataholi feꞌek hida fo lamanene basa nanonolin ndia so, ala mai latonggo lon. Ala loken, fo, nafada fee sala nakandandaak ndia sosoan.  
\v 11 Boe ma Yesus nataa nae, “Huu ei mahiik bubuluk tebe-tebe Manetualain palendan, de Au afada memak nakandandaak ndia sosoan. Tehuu mete ma hataholi feꞌek na, Au anoli unik kada nakandandaak.  
\v 12 Hataholi feꞌek kala sila, na, sama leo Manetualain hataholi mana kokolan sulak memak lae,  
\q1 ‘Ala lita so, tehuu taa nau lalela kana.  
\q2 Ala lamanene so, tehuu taa nau bubulu kana.  
\q1 Nemenaa fo boso ala lamahele leu Lamatuak,  
\q2 suek Lamatuak taa paluu fee sala ambon neu sala nala so.’ ”\x + \xo 4:12 \xt Yesaya 6:9-10\x*   
\s1 Lamatuak Yesus nafada nakandandaak ndia sosoan  
\r (Mateos 13:18-23; Lukas 8:11-15)  
\p
\v 13 Basa boe ma, Yesus nafada sala nakandandaak ndia sosoan, nae, “Wei! Mete ma ei bei taa malelak nakandandaak ia sosoan, na neme bee mai ei bisa malelak nakandandaa feꞌe kala sosoan?  
\v 14 De nakandandaak ndia sosoan leoiak: hataholi mana ngganggali bini ndia, sama leo hataholi fo mana tui-bengga Manetualain Dedeꞌa-kokolan.  
\v 15 Ma bini fo mana tuda lai dalak lain, fo mbui kala laꞌa heni sala, na sama leo hataholi fo lamanene Manetualain Dedeꞌa-kokolan. Tehuu taa dook boe, tehuu malangga nituk mai, de ana haꞌi neni Manetualain Dedeꞌa-kokolan sila, leme hataholi dalen mai.  
\v 16 Bini mana tuda lai dae batu ndia, sama leo hataholi fo namanene ma ana simbok Manetualain Dedeꞌa-kokolan ndia no namahokok.  
\v 17 Tehuu Dedeꞌa-Kokolak sila taa laoka. Huu ndia de Dedeꞌa-Kokolak sila taa nana mbeda nala dook lai hataholi ndia dalen. Ledoeik hataholi feꞌek tao lakatotoꞌa kana huu ana simbok Dedeꞌa-Kokolak ndia, boe ma tuti kana ana mboꞌi heni Dedeꞌa-kokolak ndia.  
\v 18 Ma bini fo mana tuda lai fii la laladan ndia, sama leo hataholi fo namanene basa Dedeꞌa Kokolak sila so.  
\v 19 Tehuu kada ana nasambute no dedeꞌa mata-mata kala, fo suek nasoda nenik kada lole-lada daebafok. De basa dedeꞌa kala sila, seti heni Lamatuak Dedeꞌa-kokolan leme dalen mai, de sosoan taa fa boe.  
\v 20 Tehuu bini fo mana tuda lai dae isi malole ndia, sama leo hataholi mana pasa ndiꞌidoon, de ana simbok Dedeꞌa-Kokolak sila ma ana tungga Lamatuak hihii-nanaun. Boe ma ana tao kada dedeꞌa malole, sama leo bini mana maboak ndia. Hambu luma labuna-laboa laꞌi telu hulu, hambu laꞌi nee hulu, ma hambu laꞌi natun esa.”   
\s1 Boso tatana misa bandu anak nenik lembeneu  
\r (Lukas 8:16-18)  
\p
\v 21 Yesus kokolak nakandoo neme ofak ndia lain mai. Ana fee nakadaik nakandandaak esa seluk bali, nae, “Leo bee! Ei mita mitak do taa, hataholi dede nala bandu anak, boe ma ana tatanan nenik lembeneu! Do ana taon neu mamana susungguk sosolon! Taa hetu maa? Mete ma mbeꞌdan leondiak, na, manggaleꞌdon taa so. Hataholi la musi mbeda banduk neu mamana madema, fo suek manggaledok.\x + \xo 4:21 \xt Mateos 5:15; Lukas 11:33\x*  
\v 22 De hata fo nana funik nai hatematak ia, neu ko nana nitak. Hata fo hatematak ia, hataholi bei taa bubuluk, neu ko nana bubuluk.\x + \xo 4:22 \xt Mateos 10:26; Lukas 12:2\x*  
\v 23 De laꞌeneu see ndia fo kandiꞌidook, na mamanene neulalau!”   
\p
\v 24 Duduꞌa matalolole! Mete ma ei uku hataholi feꞌek tataon, na, neu ko hataholi uku ei leo ndiak boe. Ma Manetualain boe oo, uku nasafali ei leo ndiak. Tehuu Ndia uꞌukun belan seli bali.\x + \xo 4:24 \xt Mateos 7:2; Lukas 6:38\x*   
\p
\v 25 Mete ma hataholi nau sangga bubuluk tebe-tebe Lamatuak hihii-nanaun, na malelan boe tamba. Tehuu mete ma hataholi taa tao aꞌafik neu Lamatuak hihii-nanaun, na boe namanggoa.”\x + \xo 4:25 \xt Mateos 13:12; 25:29; Lukas 19:26\x*   
\s1 Lamatuak Yesus fee nakandandaak laꞌeneu bini mana moli aok  
\p
\v 26 Basa boe ma Yesus kokolak nakadaik nae, “Manetualain nusa palendan boe, inahuu sama leo bini fo hataholi ngganggalin nai osin.  
\v 27 Leomae hataholi ndia fali, boe ma ana sunggu, de, nafalende heni bini ndia so. Tehuu bini ndia nanumbu ma ana boe inahuu nakandoo.  
\v 28 Tehuu bini ndia moli aon nai dae, boe ma nandana, nabuna, losa naboa.  
\v 29 Mete ma hade namatasa so, na, maosik nalelak kada ana mai, fo, ketu-kolu leo. Manetualain nusan palendan boe oo, leondiak. Basa sila, Lamatuak mesa kana tatao-nonoin ndia.”\x + \xo 4:29 \xt Yoel 3:13\x*   
\s1 Lamatuak Yesus fee nakandandaak laꞌeneu ai deꞌe kadiꞌi anak  
\r (Mateos 13:31-32, 34; Lukas 13:18-19)  
\p
\v 30 Basa ndia, boe ma Yesus kokolak nakadaik nae, “Au akadaik seluk nakandandaak esa bali, leoiak: ei bisa makasasama Manetualain hataholi nala. Ala mulai kada lumak, tehuu tamba faik boe lama noꞌu.  
\v 31 Ndia sama leo ai deꞌe kadiꞌi anak.  
\v 32 Mete ma ita sele ai deꞌek ndia, na ana moli, ma ana dadi neu ai inahuuk nalan seli. Boe ma mbui kala mai sangga saꞌok fo landunu leu ndia.”   
\p
\v 33 Ndia, fo, Yesus dala nanonolin neu sala, tungga sila nalelela nala.  
\v 34 Ana nateme pake nakandandaak mete ma nanoli sala. Tehuu mete ma neu Ndia ana mana tungga nala, na, Ana nafada basa dedeꞌa nakandandaak ndia sosoan.   
\s1 Lamatuak Yesus nadenu ani sanggu hahae  
\r (Mateos 8:23-27; Lukas 8:22-25)  
\p
\v 35 Ledo bobon ndia, Yesus bei nai ofak lain. Boe ma Ana nadenu ana mana tungga nala nae, “Mai fo ita teni dano selik teu.”   
\p
\v 36 Basa boe ma ala saꞌe ofak noꞌu lo Yesus. De ala laꞌo ela hataholi nou kala sila leme ndia. Tehuu hataholi luma saꞌe ofa feꞌek.  
\v 37-38 Faik ndia Yesus ndae langgan neu kailunu lain, de Ana sunggu namanee neme ofa iko. Bei taa dook boe, tehuu ani sanggu mai. De lii mbuka nakandoo neni ofak dale neu, losa hihii henun. De ana mana tungga nala ala bii lalan seli. Boe ma ala mai fafae lafoꞌa Yesus de lae, “Ama aa! Foꞌa dei! Ita sangga bolo ia so! Tehuu Ama taa tao mbambalik neu ai!”   
\p
\v 39 Namanene leo ndia, boe ma Yesus foꞌa, de nadenu ani nae, “Nee-nee!” Boe ma Ana palenda dano nae, “Ndoo-ndoo leo!” Ani ndia hahae tutik, ma dano boe oo ndoo-ndoo memak.  
\v 40 Basa boe ma Yesus nafada ana mana tungga nala nae, “Hatina de ei basa nggei bii leo iak? Ei taa mamahele Au do?”   
\p
\v 41 Basa sala bii ma heran, boe ma lakokola lae, “Ndia ia see bae? Losak ani no lii lamanene Ndia, bae maa!”   
\c 5  
\s1 Lamatuak Yesus tao nahai hataholi nitu nalak noꞌun seli  
\r (Mateos 8:28-34; Lukas 8:26-39)  
\p
\v 1 Basa boe ma, Yesus no ana mana tungga nala losa Dano Galilea selik, fo, nai mamanak esa nade Garasa.  
\v 2-6 Nai mamanak ndia, hambu tou nitu nalak esa, losa namulu. Ana leo nai late sala. Leledo-leꞌodaen ana nakahola ma nafeok lete mbumbuku kala malai ndia, fo nakau nakandondoo henin. Ma ana tutu nihina aon nenik batu. Tehuu ndia balakain ana seli. Taa hambu hataholi esa bisa hengge nalan, leo mae ala henggen lenik tali besi boe. Hataholi la, hengge lima ein taa-taa lenik tali besi, tehuu ana tao naketu heni tali besi ndia ma ana tao natepa besi lalangge ein. Ndia balakain ana seli, losak taa hambu hataholi esa boe ana nakalee nalan.  
\p Ledoeik Yesus asa konda leme ofak lain mai, de bei heta ein neu madak lain, tehuu tutik tou kamuluk ndia nita sala neme dook mai. Basa boe ma ana neme late sala mai de nalaik neu sendek lunggu-langgan neu Yesus matan.  
\v 7-8 Yesus nita touk ndia matan leondia, boe ma Yesus nafada, nae, “Wei! Nitu manggalauk! O kalua muma hataholi ia mai leo!”  
\p Boe ma, hataholi ndia nakau natingga nalan seli, nae, “Wei! O sangga tao au leobeek ia! Au bubuluk O ia Yesus, fo Manetualain mana koasa nai lain seli Anan. Au hule fo O boso tao doidoso au, baa!”   
\p
\v 9 Boe ma Yesus natanen nae, “O naden see?”  
\p Hataholi ndia nataa nae, “Au nadeng \it Legion\it*, huu ai makadotok nalan seli, sama leo batalion noꞌuk!”   
\p
\v 10 Boe ma nitu la pake hataholi ndia, fo noke Yesus, fo, Ana boso fee sala kalua leme mamanak ndia mai.   
\p
\v 11 Taa dook neme mamanak ndia mai, hambu hataholi hida lanea bafi lalae esa. Bafi la sila meda lifun dua. Ala totofi nanaꞌak lai letek bifin.  
\v 12 Basa boe ma, nitu la sila loke Yesus lae, “Madenu ai mini bafi la sila dalek miu.”   
\p
\v 13 Namanene leo ndia, boe ma Yesus nakaheik. Tutik nitu la sila, kalua leme hataholi ndia dalek mai, de ala maso leni bafi la sila dalek leu. Boe ma bafi lifu kadua kala sila, lalai lapoka kala loe tungga letek bifin losa dano dale, de basa sala bolo mate leme ndia.   
\p
\v 14 Lita leondia, boe ma basa hataholi mana manea bafi sila bii lalan seli. Basa boe ma ala lalai leu lafada basa hataholi ndule basa nggolo malai ndia kala. Boe ma hataholi noꞌu kala mai fo sangga lita hata mana dadik ndia so.  
\v 15 Ala mai latonggo lo Yesus, ma lita tou kamuluk ndia nanggatuuk nai ndia. Duduꞌa namaneu so, ma ana pake baloꞌas so. Lita leondia, boe ma basa hataholi la sila bii, huu ala bubuluk, see ndia bisa husi kalua heni nitu makadotok leme hataholi ndia mai, na, memak hataholi ndia ana seli.  
\v 16 Basa boe ma ala tui lafeok esa no esa lae, sila lita lo mata heheli nala, tou kamuluk ndia hai so, ma bafi la bolo mate sala so.  
\v 17 Boe ma nggolok ndia hataholi nala mai loke fo Yesus kalua laꞌo ela sila mamanan ndia.   
\p
\v 18 Leꞌdoeik Yesus sangga saꞌe neni ofak dale neu, boe ma touk fo isinaak nitu nalak ndia, ana mai noke Ndia fo ana nau tunggan boe.   
\p
\v 19 Tehuu Yesus taa nau. Ana nafadan, nae, “Malolenak o fali, fo mafada basa o bobonggi mala, hata fo Manetualain taon neu o so. Ma mafada sala mae, Manetualain sue o nalan seli.”   
\p
\v 20 Basa boe ma hataholi ndia fali de ana laꞌok ndule basa nusa esa ma kota sanahulu fo lateme loke lae, ‘Dekapolis’. Ana tui-bengga hata fo Yesus taon neu ndia so. Basa hataholi la fo mana mamanene tutuik ndia ala heran lalan seli, de lae. “Memak tetebes, bae maa!”   
\s1 Lamatuak Yesus tao nasoda falik Yairus anan. Ma inak mana mboꞌa daak fo mana daba laꞌe Yesus badun  
\r (Mateos 9:18-26; Lukas 8:40-56)  
\p
\v 21 Basa ndia boe ma Yesus asa fali seluk leni dano selik leu. Ala konda leme ofak lain mai, tehuu hataholi makadoto kala mai lakaseseti lala Ndia.  
\v 22 Touk esa nade Yairus nai ndia boe. Ndia ndia malangga uma huhule-haladoik nai kota ndia. Ledoeik ana nita Yesus, boe ma ana sendek lungulanggan neu Yesus matan,  
\v 23 de, noke taa-taa, nae, “Ama aa! Au ana inanang bei fo teuk sanahulu dua, namahedi belak. Ama tulun mai fo tao mahain dei!”\f + \fr 5:23 \ft Susula Malalao dedeꞌa Yunani sulak nae, “Ama tulun mai fo lalaa limam neu ndia, fo ela leobee na, ana hai ma nasoda fali.” Nai ele, ‘loke lalaa limak’ sosoan ‘tulun tao mahain’. Inanak ndia teun, dedeꞌa Yunani sulak nai lalane kahaa hulu duan.\f*   
\p
\v 24 Boe ma Yesus tungga Yairus neni uman neu.  
\p Tehuu ala mulai laꞌok boe ma hataholi noꞌu kala tungga Ndia, losa ala laka seseti lala Ndia leme kii-konak mai.   
\p
\v 25 Nai hataholi sila laladan, hambu inak esa, ana hambu bulak tehuu daan taa mada ndoos losa teuk sanahulu dua ia, so.  
\v 26 Ana nabasa doin ma hata nala, fo bae neu dotel. Tehuu taa hambu esa tao nahain boe. Tehuu hedin ndia boe namabela nakandoo.  
\v 27-29 Inak ndia namanene tutuik noꞌun seli laꞌeneu Yesus. De, ana nakaseseti neu hataholi makadotok sila laladan, de sangga neu deka-deka no Yesus dean. Ana duduꞌa nai dalen, nae, “Sadi kada au bisa daba laꞌe Ndia badun, na, au hai ndia so!”  
\p Ledo eik ana daba laꞌe Yesus badun, boe ma tutik daan mada. De ana nameda hai ndoos so.  
\v 30 Nandaa no ledoeik ndia, Yesus nameda balakain kalua neme aon dale mai. Boe ma Ana suli dea neu, de Ana mete neu hataholi makadoto kala sila. Basa de natane sala nae, “Ei see ndia daba laꞌe Au badung?”   
\p
\v 31 Ana mana tungga nala lataa lae, “Ama mete aom leo! Hataholi desi-desi ia, de lakaseseti aok. De Ama matane sala mae, ‘See ndia daba laꞌe Au badung?’ ”   
\p
\v 32 Tehuu Yesus mete ndule sala, fo Ana sangga bubuluk isinaak see ndia daba laꞌe Ndia.  
\v 33 Inak ndia namanene Yesus natane leo ndia, boe ma ana bii nalan seli. Basa boe ma ana sendek neu Yesus matan, de nataa nae, “Ama! Au ndia daba laꞌe Ama badun.”   
\p
\v 34 Boe ma Yesus nataan nae, “Huu ina mamahehele tebe-tebe neu Au, de ina hai ia so. Hatematak ia, ina fali no namahokok leo.”   
\p
\v 35 Yesus bei kola-kola nae leo ndia, boe ma hataholi esa neme Yairus uman mai, de nafada nae, “Kasian, inanak maten so. De boso tao makasosotak Ama Mesen fo Ana boso neu bali.”   
\p
\v 36 Tehuu Yesus taa mbali hataholi ndia kokolan. De, nafada Yairus, nae, “O boso bii, kada mamahele neu Lamatuak leo.”  
\v 37 Boe ma Yesus laꞌo ela ana mana tungga nala nggelok. Tehuu Ana noo Petrus, Yakobis ma fadin Yohanis, de ala laꞌok lakandoo.  
\v 38 Ledoeik ala losa Yairus uman, boe ma ala lita hataholi noꞌuk langgilo lalan seli, ma lamanene lakaleleu.  
\v 39 Yesus maso dalek neu. Boe ma Ana natane sala, nae, “Hatina de ei manggilo ma makaleleu leoiak? Kakanak ia taa maten. Kada ana sunggu ndia.”   
\p
\v 40 Lamanene Yesus kokolan leondia, boe ma ala hika haumeme Ndia.  
\p Basa boe ma Ana nadenu basa sala leni deak leu. Boe ma Ana noke nala kakanak ndia aman ma inan, ma ndia ana mana tungga katelun, de basa sala maso leni inanak ndia kaman dale leu.  
\v 41 Boe ma Yesus toꞌu nala inanak ndia liman, de Ana kokolak nenik sila dedeꞌa Aram nae, \it “Talita kum!”\it* (Sosoan nae, “Inanak aa! Foꞌa leo.”)   
\p
\v 42-43 Nggengge neuk, inanak ndia foꞌa, de ana mulai laꞌok. Boe ma Yesus nafada inan, nae, “Fee kakanak ia naꞌa leo!”  
\p Basa hataholi mana lita hata fo mana dadik ndia, ala heran lalan seli. Tehuu Yesus kaꞌi nisa kasa nae, “Ei boso mafaꞌda esa boe mae, Au tao asoda falik inanak ia so.”   
\c 6  
\s1 Hataholi Nasaret timba heni Lamatuak Yesus  
\r (Mateos 13:53-58; Lukas 4:16-30)  
\p
\v 1 Basa boe ma, Yesus no Ndia ana mana tungga nala fali leni Yesus nggolon Nasaret leu.  
\v 2 Nandaa laꞌeneu hataholi Yahudi la fai huhule-haladoin, de Yesus maso neni uma huhule-haladoik dalek neu, de nanoli. Faik ndia, hataholi noꞌu kala leu hule-haladoi. Ledoeik lamanene Ndia nanonolin, boe ma ala heran lalan seli, de lae, “Hataholi ia malelan seli maa! Ndia boe oo, naena koasa maa! Talobee de Ana leondiak?  
\v 3 Naa te Ndia kada tuka ai. Ita talelak inan Maria; ma Ndia fadi nala, fo ndia Yakobis, Yoses, Yudas, ma Simon. Ndia boeoo, fadi inanan hida boe. Ita basa nggata leo nai nggolok esa naa!” Huu ndia, de ala dale hedin de ala taa nau lamanene Ndia so.   
\p
\v 4 Boe ma Yesus nafada, nae, “Memak tetebes! Hataholi lahiik fee hada-holomata, neu Manetualain mana kokolan fo maneme mamana feꞌek mai, lena heni manai nggolo hehelin.”\x + \xo 6:4 \xt Yohanis 4:44\x*   
\p
\v 5-6a Tehuu hataholi sila dale nala lakababatu, losa tala nau lamahele Yesus so. Huu ndia, de Ana heran, boe ma Ana taa pake Ndia koasan bali nai ndia so. Kada Ana tao nahai hataholi kamahedik esa do duak.   
\s1 Lamatuak Yesus nadenu ana mana tungga nala sanahulu dua  
\r (Mateos 10:5-15; Lukas 9:1-6)  
\p
\v 6b Basa boe ma, Yesus laꞌok ndule basa nggolo mana deka kala, fo nanoli hataholi la Manetualain hihii-nanaun.  
\v 7 Ana noke nala Ndia ana mana tungga kasanahulu dua nala, de nadenu sala laꞌok dua-duak, fo leu lafada Manetualain Hala Malolen. Ndia boe oo, fee sala koasa fo husi heni nitu.  
\v 8-9 Ana palenda sala, nae, “Ei boso mini noꞌuk nai nai dalak. Boso mini lepa, doik, ma tas. Mini teteꞌe-aik, ma tabueis manai ei ei mala, ma kada badu esak.  
\v 10 Mete ma hataholi simbok ei nai uman, na, ei musi leo nai ndia, losa ei lao seluk.  
\v 11 Ma mete ma ei losa nai mamanak esa, boe ma hataholi malai sila kala, taa nau simbok, ma taa nau lamanene ei, na laꞌo ela mamanak ndia. Basa na, mafada sala, mae, ‘Ei taa nau mamanene, na, ela ei lemba aom ei natataam ndia!’\f + \fr 6:11 \ft Nai Susula Malalaok dedeꞌa Yunani nana sulak nae, “sasambu heni afu neme sila ei nala mai”. Lelek ndia, nai ele, hataholi lateme sasambu heni afu neme ei nala mai, fo dadik tanda, nae, hataholi taa mana nau namanene, na, ana lemba aon natataan. Mete \ft \+it Lukas\+it* tatada kasanahulun, lalane kahaan losa kasanahulu esan; \+it Nadedenu kala tutuin\+it* tatada kasanahulu telun, lalane kalima hulu esa.\f*   
\p
\v 12 Basa boe ma, ala tungga leu tui-bengga Hala Malole ndia. Ala lae basa hataholi la musi hahae leme sila sala-singgo nala mai leo, fo basa na, fali fo lasoda tungga Manetualain hihii-nanaun.  
\v 13 Boe ma ala husi kalua heni nitu la. Basa ndia, na, ala tao mina neu hataholi kamahedi kala langgan, fo ala hule-haladoi fee sala. De, ala hai memak.\x + \xo 6:13 \xt Yakobis 5:14\x*   
\s1 Ala hala lisa Yohanis Mana Salanik  
\r (Mateos 14:1-12; Lukas 9:7-9)  
\p
\v 14 Faik ndia, hataholi lai sudi bee mesan, lalelak Yesus so. Tutuik laꞌeneu Ndia koasan ndia boe oo, ana losa Mane Herodes ndiꞌidoon boe. Hambu hataholi lae, “Yohanis Mana Salanik ndia, nasoda falik nai Yesus aon dale! Huu ndia, de Ana bisa tao basa tanda hera nala sila.”   
\p
\v 15 Tehuu hataholi feꞌe kala bali na lae, “Taa! Elia ndia nasoda fali nai Ndia aon dale. Do Manetualain mana kokola feꞌen esa neme makahulun mai.”\x + \xo 6:15 \xt Mateos 16:14; Markus 8:28; Lukas 9:19\x*   
\p
\v 16 Tehuu ledoeik Mane Herodes namanene hataholi la kokolak laꞌeneu Yesus leo ndia, boe ma ana nataa, nae, “Neu ko Yohanis Mana Salanik fo fain au fee tete lala langgan ndia ia. Hatematak ia nasoda fali seluk so, maa!”   
\p
\v 17-18 Mane Herodes nadenu leo ndiak, huu ana hambu dedeꞌa inahuuk no Yohanis. Tutuin leo iak. Fai maneuk ele, Mane Herodes sao nala fadin Filipus saon, nade Herodias. Naa te Filipus no Herodias bei taa lamaketu. Huu ndia de Yohanis ana kaꞌi taa-taa, nae, “Ama Manek taa bole sao mala fadim saon. Huu tatao leo ndiak ndia, na, Ama laꞌolena ita hada Yahudin so.” Tehuu Herodes kada sao nahele inak ndia. Basa boe ma, ana fee hataholi leu humu lala Yohanis de ala teen neni bui dale neu.\x + \xo 6:17-18 \xt Lukas 3:19-20\x*   
\p
\v 19 Huu Yohanis kaꞌi taa-taa leondiak, de inak ndia nambeda dalek neun fo ana sangga dalak fo ana tao nisan. Tehuu ana bei taa hambu lelak, huu Mane Herodes taon neni bui dale neu so.  
\v 20 Boe ma Ana fee soldadu la lanea lahelen.  
\p Memak Mane Herodes bii Yohanis. Huu ana bubuluk Yohanis ndia, na, Manetualain nadenun mai so. Ma ndia boe oo, hataholi malole. Memak Mane Herodes nahiik namanene Yohanis dedeꞌa-kokolan. Tehuu laꞌi-laꞌi esa, na, dalen taa malole no Yohanis dedeꞌa-kokolan.   
\p
\v 21 Basa ndia, boe ma faik esa, ina Herodias hambu fai lelak fo bala dale hedin. Faik ndia, ala tao Mane Herodes fai bobonggin. Ala hoka hataholi inahuu nala fo ala mai laꞌa feta fai bobonggik ndia. Mana maik sila, na hataholi mana palenda la, malangga soldadu la, ma nusa Galilea lasi haꞌda nala.  
\v 22 Neu feta laladan, boe ma Ina Herodias anafeꞌon neu longge. Ndia lolonggen lolen seli, losa ana tao namahoko Herodes ma ndia nana hoka nala Boe ma Mane Herodes noke nalan de natanen nae, “O nau moke au hata, na, kada mafada leo! Dei fo au fee o.  
\v 23 Leomae o moke baꞌe duak au nusa palendang boe oo, au fee o. Au soo neu Manetualain naden!”   
\p
\v 24 Boe ma inanak ndia neu natane inan nae, “Ina aa! Ina duduꞌan, na, au oke hata fo neulaun seli neme ama mai?”  
\p Boe ma inan nataa nae, “Naaa! Muu fo moke Yohanis langgan.”   
\p
\v 25 Basa boe ma, inanak ndia lai-lai neni Herodes neu, de nae, “Ama aa! Au oke fo leni fee au Yohanis langgan, fo mbedan neu dulang esa dalek. Hatematak ia leo!”   
\p
\v 26 Mane Herodes namanene leondia boe ma tutik tenden ana bokak. Tehuu ana taa bisa hela falik ndia sumba-soon so, huu basa hataholi la lamanene basan so.  
\v 27 Basa boe ma, ana palenda malangga soldaꞌdu esa, neu tete neni Yohanis langgan neme bui dale mai.  
\v 28 Boe ma ala tete lala Yohanis langgan, de ala taon neu dulang esa dalek, boe ma lenin neu inanak ndia. Ana simbo nala dulang ndia, boe ma ana koꞌo nenin neu inan.  
\v 29 Ledoeik Yohanis ana mana tungga nala lamanene lae ala tete leni Yohanis langgan, de leu haꞌi lala mbombolan de leu latoin.  
\p Yohanis mamaten tutuin kada leondiak.   
\s1 Lamatuak Yesus fee hataholi lifun lima lenak laꞌa  
\r (Mateos 14:13-21; Lukas 9:10-17; Yohanis 6:1-14)  
\p
\v 30 Faik esa, boe ma Yesus ana mana tungga nala fo nadenu sala leu ndia, basa sala lakabubua seluk lo Ndia. Ala tui basa hata fo ala taon so, ma hata fo lanoli hataholi la so.  
\v 31 Tehuu faik ndia hataholi noꞌu kala laꞌok leu mai sangga Yesus. Losak Yesus no ana mana tungga nala taa lalak laꞌa so. Boe ma Yesus nafada ana mana tungga nala nae, “Mai fo teu sangga mamana linok fo ita bisa hahae aok tala faa dei, ma.”   
\p
\v 32 De, basa sala hene leni ofak dale leu, de leu sangga mamana linok, fo, dook neme nggolok mai.   
\p
\v 33 Tehuu hataholi makadoto kala sila lita Yesus ofan tungga dano bifin. Boe ma ala kalua leme nggolok dale mai, tungga dala madak lain, de ala losa lakahuluk Yesus asa.  
\v 34 Ledoeik Yesus konda neme ofak lain mai, boe ma nita hataholi noꞌuk lahani Ndia so. Boe ma dalen tuda kasian neu sala, huu ala taa bubuluk tao leo bee so, leo bali biꞌilombo fo mana hoon taa. Boe ma Ana nanoli sala Manetualain hihii-nanaun,\x + \xo 6:34 \xt Lelekek 27:17; 1 Mane-mane kala 22:17; 2 Israꞌel no Yahuda Tutuin 18:16; Yeskial 34:5; Sakarias 10:2; Mateos 9:36\x*  
\v 35-36 neme leledon mai losa bobok. Boe ma Yesus ana mana tungga nala lafada Ndia lae, “Ama aa! Malolenak Ama madenu basa hataholi la ia, fo leu hasa nanaꞌak nai nggolo-nggolo mana dekak lai ia. Huu ledo bobok ia so, de taa hambu nanaꞌak nai ia so.”   
\p
\v 37 Tehuu Yesus nataa nae, “Bosok! Kada ei ndia fee sala laꞌa.”  
\p Tehuu latane lasafalin lae, “Awii! Mete ma ita fee hataholi noꞌuk leoia laꞌa, na, ita musi kalua doik makadotok nalan seli! Sama leo tukan esa nggadin teuk esa!\f + \fr 6:37 \ft Susula Malalao dedeꞌa Yunani isi-isik sulak, nae, “doi lilo fulak \ft \+it denari\+it* natun dua.” Doi lilo fulak \+it denari\+it* esa nai lele uluk, na, sama leo tukan esa nggadin faik esa.\f* Neme bee mai, ita bisa hambu doik noꞌuk leondiak!”   
\p
\v 38 Boe ma Yesus nataa, nae, “Miu matane sudi kasa dei, see neni lepa-ngge.”  
\p Basa boe ma leu latane sala de ala fali mai lafada lae, “Hambu kada loti lima ma iꞌak boak dua.”   
\p
\v 39 Basa boe ma, Yesus nadenu basa hataholi la sila langgatuuk lakabubua leu naꞌu lain.  
\v 40 Boe ma leu langgatuuk lakabubua. Hambu lakabubua hataholi natun bekeꞌesak, ma hambu luma beke lima huluk.   
\p
\v 41 Basa de, Yesus haꞌi nala loti ka lima kala, ma iꞌa boak kadua kala sila. Boe ma Ana nasale lalai neu, de noke makasi neu Manetualain. Basa ndia, boe ma Ana bibiꞌi loti sila de Ana loo fee sala leu Ndia ana mana tungga nala, fo leu babaꞌe sala leu basa hataholi la sila. Ana babaꞌe iꞌa boa kadua kala sila boe.  
\v 42 Basa de basa sala laꞌa losa lakabete.  
\v 43 Laꞌa basa, boe ma Ndia ana mana tungga nala, leu lakabubua lala nanaꞌa lena kala, de henu lembeneu sanahulu dua.   
\p
\v 44 Meda hataholi lifun lima. Ala bei hingga kaꞌda tou mana naꞌa kala. Tehuu bei taa hingga tamba ina kala ma kakana kala.   
\s1 Lamatuak Yesus laꞌok nesik oe bafon  
\r (Mateos 14:22-33; Yohanis 6:16-21)  
\p
\v 45 Basa ndia, boe ma Yesus nadenu ana mana tungga nala, leu saꞌe ofak lakahuluk leni nggolok Betsaida, nai dano selik ele leu. Tehuu Ndia bei nai ndia, de nadenu hataholi la sila fali leo.  
\v 46 Ledoeik basa sala fali, boe ma Ana ndaꞌe neni letek esa lain neu, de Ana hule-haladoi.   
\p
\v 47-50 Ledoeik leꞌodae so, boe ma Yesus konda fali. Ana nita ana mana tungga nala ofan losa nai dano laladan so. Tehuu ala sefe sota lalan seli, huu ofak laban ani solu. Ledoeik lolembilak, boe ma Yesus neu tungga sala. Tehuu kada Ana laꞌok nesik oe bafon. Ledoeik Ana sangga laꞌo seli ofak ndia, boe ma ala lita Ndia. Ala nggengge lalan seli. Boe ma latatane aok lae, “Awii! Hata ia? Nitu do hata?”  
\p Tehuu Yesus kokolak nakandoon, nae, “Wei! Ei boso bii, baa! Au ndia ia.”   
\p
\v 51 Ledoeik Yesus hene neni ofak dale neu, boe ma ani nakamate tutik. Ndia ana mana tungga nala heran lalan seli.  
\v 52 Dei fo ala lita Yesus pake koasan, fo Ana fee hataholi lifu kalima lena kala laꞌa. Tehuu ala bei taa bubuluk tebe-tebe Yesus koasan, huu dale nala bei lakababatu.   
\s1 Hataholi kamahedi malai Genesaret basa sala leni Yesus leu  
\r (Mateos 14:34-36)  
\p
\v 53 Ledoeik ala losa dano selik, boe ma ala see leu kota Genesaret tasi bifin.  
\v 54 Ledoeik ala konda leme ofak lain mai, tehuu hataholi noꞌu kala lita sala so. Boe ma ala bobouk lae, “Wei! Yesus mai so, bou.”  
\v 55-56 Sila basa sala lalai ndule nggolo kala, de leu hoka lafeok, boe ma hataholi la ndolo loo basa hataholi kamahedi kala mai.  
\p Kekeꞌun neu, sadi lamanene Yesus nai mamanak esa, na, basa sala ndolo leni basa hataholi kamahedi kala fo lakambembeu sala leu mook ndia. Ala duduꞌa nai dale nala dalek lae, “Sadi hataholi kamahedi kala sila daba laꞌe Yesus badu mbedan, na, neu ko ala hai ndia so.” Daba leondiak, boe ma ala hai tutik.   
\c 7  
\s1 Boso nggati hataholi heti-heun neu Manetualain palendan  
\r (Mateos 15:1-9)  
\p
\v 1 Hambu hataholi Farisi bubuak esa lo mese anggama hida leme Yerusalem mai, fo latonggo lo Yesus.  
\v 2-5 Hataholi Farisi la sila, toꞌu lahele sila hada Yahudin. Leo, mete ma hataholi sangga laꞌa-linu, na, musi lafui oe tungga hadak hihiin. Leondiak boe oo, mete ma ala fali leme pasak mai, na, musi ladiu oe dei. Losak sila bua dapu heheli nala, leo ulek, pinggak, nggalas, cerek, musi safe sala tungga hadak hihiin, bei fo bole laꞌa-linu lenik.  
\p Mete ma hambu hataholi Yahudi feꞌek taa tungga sila hadan, na, hataholi Farisi la manggalau sala.  
\p Huu ndia, de ala manggalau neu leꞌdoeik ala lita Yesus ana mana tungga nala laꞌa-linu tehuu taa lafui oe tungga hadak hihiin. Boe ma ala mai, fee salak neu Yesus lae, “Hatina de o ana mana tungga nala laꞌa-linu, tehuu taa lafui oe dei? Ndia laban ita bei-baꞌi nala hadan!”   
\p
\v 6-7 Boe ma Yesus nataa nae, “Ei ia, memak hataholi fo kokolak feꞌek, tehuu tao feꞌek. Neme makahulun mai, Baꞌi Yesaya sulak Manetualain Dedeꞌa-kokolan so, nae,  
\q1 ‘Hambu hataholi koa-kio Au,  
\q2 no kada bafan, tehuu taa no dalen.  
\q1 Ala tao leo ndiak boe oo sosoan taa.  
\q2 Te tala mbali Au hihiing.  
\q3 De ala tungga kada hataholi hihii-nanaun.’\x + \xo 7:6-7 \xt Yesaya 29:13\x*  
\p Ei boe oo, sama leo ndiak.  
\v 8-9 Ei laꞌo ela Manetualain palendan so, fo tungga kada hataholi hadan. Memak ei malelan seli tao leondiak!   
\p
\v 10 Makahulun ele, Baꞌi Musa nafada basa Manetualain palendan so, nae, ‘Fee hada-holomatak neu ei inam ma amam.’ Boe ma tamba bali nae, ‘Mete ma hataholi esa aꞌali aman do inan, na musi huku nisa ndia.’\x + \xo 7:10 \xt Kalua neme Masir mai 20:12; 21:17; Malangga Anggama la Heti-heun 20:9; Tui Seluk laꞌeneu Dala Sodak 5:16\x*  
\v 11-12 Manetualain nanoli leo ndiak, tehuu ei manoli feꞌek bali. Ei mae, ‘Mete ma hataholi helu nae ana fee hata esa neu Manetualain, na, leomae inan ma aman toꞌa-taa lalan seli boe oo, tehuu taa bole pake hata ndia fo tulu fali sala, huu helu basa so, fo sangga feen neu Manetualain.’  
\v 13 Huu ndia de isinaak, Au afada basa so, ae ei nggali heni Manetualain hihii-nananaun, fo ei nggati neu heti-heu beuk. Hambu ei nggati heti-heuk noꞌuk leondiak so.”   
\s1 Dedeꞌa manggalauk fo ana kalua neme hataholi dalen mai  
\r (Mateos 15:10-20)  
\p
\v 14 Basa boe ma, Yesus noke nala hataholi feꞌek kala malai ndia kala, de nafaꞌda nae, “Pasa ei ndiꞌidoo mala dei, fo ei bubuluk.  
\v 15 Hata fo maso neni hataholi tein dale neu, taa neni manggenggeok faa boe. Tehuu hata fo ana kalua, na, ndia dei fo tao manggenggeok.  
\v 16 [Naa, see kandiꞌi-dook, na, mamanene neulalau baa!]”\f + \fr 7:16 \ft Susula dedeꞌa Yunani isi-isik ma laak nalan seli, taa sulak lalane kasanahulu neen ia.\f*   
\p
\v 17 Basa boe ma, Yesus no ana mana tungga nala laꞌo ela hataholi la sila, de ala maso leni uma esa dalek leu. Boe ma, Ndia ana mana tungga nala latanen nakandandaak ndia sosoan.  
\v 18 Yesus nataa nae, “Ei taa bubuluk boe do? Ndia maksud leoiak: hata fo hataholi naꞌan, na ndia malole. Tehuu mana kaluak ndia, taa malole.  
\v 19 Hata fo ita taꞌan, fo masok neni ita tein dalek neu, basa na kalua seluk bali. (Lamatuak Yesus maksud nae, hataholi bole naꞌa suꞌdi hata. Taa nana kena-kaꞌik.)   
\p
\v 20 Hata fo ana kalua neme hataholi dalen dale mai, na, ndia dei fo neni manggalauk, losa Manetualain nunuten, ma taa nau nakabubua non.  
\v 21 Huu dedeꞌa manggalauk noꞌu kala kalua leme hataholi dalen dale mai! Sama leo: duduꞌa manggalauk, tao eok no hataholi, fo ndia taa sao inan do sao toun, namanaꞌo, nakanisa hataholi,  
\v 22 balenaꞌo, hohongge, tatao manggalauk, pepekok, tungga aombaa kasuun, dale hedi, kokolak tao natuda hataholi, koaok, taa kalela haꞌdak, ma langga batuk.   
\p
\v 23 Basa dedeꞌa manggalauk leo sila kala, kalua leme hataholi dalen dale mai. Ndia ndia tao nakalulutu ndia. De Manetualain boe oo, nunuten.”   
\s1 Lamatuak Yesus tulu-fali inak esa taa hataholi Yahudi  
\r (Mateos 15:21-28)  
\p
\v 24 Basa boe ma, Yesus asa laꞌo ela mamanak ndia, de leni kota esa leu, nade Tirus. Losa ndia boe ma ala leni uma esa dalek leu, huu Yesus Ana taa nau hataholi bubuluk Ndia nai mamanak ndia. Tehuu Ana taa bisa kekek.   
\p
\v 25-26 Nai ndia boe oo, hambu inak esa taa hataholi Yahudi. Ala bonggin neme nggolok Fenisia nai nusa Siria ele. Namanene Yesus mai, boe ma neu noke Yesus, fo, husi heni nitu manggalauk neme ana inanan dalek mai.   
\p
\v 27 Tehuu Yesus nggali kokolak nae, “Kakana-kala musi laꞌa lakahuluk bei fo nanaꞌa elak nggali feen neu busa la.” (No maksud nafufunik nae, Yesus tulu-fali nakahuluk ndia hataholi Yahudi nala dei, bei fo bisa tulu-fali hataholi feꞌe kala).   
\p
\v 28 Tehuu inak ndia bala nae, “Tetebes, Ama! Tehuu busa ndia, nai mei sosolon. De ndia boe oo, naꞌa nanaꞌak fo mana tuda neme kakanak ndia pinggan dale mai.” (No maksud, nae, ledoeik fo kakana kala laꞌa, na, busa boe oo, hambu naꞌa. Leomae Yesus tulu-fali Ndia hataholi nala, tehuu Ana musi mbali hataholi feꞌek boe).   
\p
\v 29 Namanene leo ndia, boe ma Yesus nafada, nae, “Awii! Ina kokolan ndaan nalan seli so! De ina fali muu nggo leo, huu nitu ndia kalua neme ina anan ndia dalek mai so.”   
\p
\v 30 Boe ma, inak ndia fali. Ana losa uman naa te, anan sunggu namanee. Memak nitu ndia kalua so.   
\s1 Lamatuak Yesus tao nahai hataholi hala taak ma mbakek esa  
\p
\v 31 Basa ndia boe ma, Yesus asa laꞌo ela kota Tirus, de ala laꞌok tungga tasibifi, de lesik kota Sidon. Neme ndia mai, ala laꞌok lakandoo losa dano Galelea. Basa boe ma ala laꞌo leni nusak esa, ma kota sanahulu fo lateme loke lae ‘Dekapolis’ leu.  
\v 32 Nai ndia hambu hataholi hala taak ma mbake esa. Ndia nonoo nala loon leni Yesus neu. Ala loke fo Yesus lalaa liman neu langgan lain fo tao nahain.  
\v 33 Boe ma Yesus laꞌo ela hataholi makadoto kala sila, de mesa kana neu no hataholi ndia. Yesus tao lima kuꞌun neni hataholi ndia ndiꞌidoon ddua sala dalek neu. Basa de, Ana tao ambe neu lima kuꞌun, de nafaloe hataholi ndia maan.  
\v 34 Boe ma Yesus nasale lalai neu, de Ana hela naluk ani hahaen, boe ma Ana palenda nae, \it “Efata.”\it* (Sosoan nae, “Huꞌak leo!”)   
\p
\v 35 Ana nafada kada leondiak, tutik, hataholi ndia namanene leo. Hataholi ndia maa makambiin, ana bangganaꞌu tutik, losa ana mulai kokolak no malole.   
\p
\v 36 Basa boe ma, dua sala fali leni hataholi nou kala leu. Yesus kaꞌi sala nae, “Mamanene baa! Ei boso mafada hataholi mae, Au tao ahai hataholi ia so.” Leomae Yesus kaꞌi sala tehuu ala tui noꞌu lai basa mamanak lalaꞌen.  
\v 37 Hataholi fo mana lamanene ndia, ala heran lalan seli. Boe ma ala lakokola lae, “Ana seli nalan seli maa! Hataholi ia tao basa hata dadik malole. Hataholi mbakek bisa namanene. Hataholi hala taak bisa nakokola.”   
\c 8  
\s1 Lamatuak Yesus fee hataholi lifun haa laꞌa  
\r (Mateos 15:32-39)  
\p
\v 1-3 Laꞌi esa, boe ma hambu hataholi noꞌu kala mai lakabubua fo lamanene Yesus. Ala tungga Ndia faik telu ia so, de basa nanaꞌa-nininu nala so. Boe ma Yesus noke nala ana mana tungga nala, de nafada sala nae, “Au ameda kasian neu hataholi noꞌu kala ia. Hambu nggelok leme dook mai so, de lakabubua faik telu ia so, de losak nanaꞌa nala taa so. Malolenak boso ala fali lo tei loon dei. Fo boso losak ala bengge lai dala laladak.”   
\p
\v 4 Yesus ana mana tungga nala lataa, lae, “Ama aa! Mamanak ia dook no nggolok. De ita taa bisa fee hataholi noꞌu kala ia laꞌa-linu!”   
\p
\v 5 Tehuu Yesus natane sala nae, “Ei loti mala hida?”  
\p Ala lataa lae, “Ama aa! Ai loti nala kada hituk.”   
\p
\v 6 Basa boe ma Yesus nadenu sala langgatuuk leu dae. Boe ma Ana haꞌi nala loti kahitu kala sila, de noke makasi neu Manetualain. Basa boe ma Ana bibiꞌi loti la sila nenik Ndia liman, de, Ana fee sala leu ana mana tungga nala. Boe ma leu babaꞌe fee basa hataholi la sila.  
\v 7 Ala hambu iꞌak hida boe. Boe ma Yesus noke makasi seluk neu Manetualain neu iꞌa kala sila. Basa de Ana fee ana mana tungga nala leu babaꞌe fee hataholi la sila.  
\v 8-9 Sila basa sala fama hataholi lifun haa. Ala laꞌa losa lakabete. Laꞌa basa boe ma ana mana tungga nala leu huhulu lakabubua nanaꞌa ela kala sila, henu lembeneu inahuuk hitu. Basa ndia, boe ma Yesus nadenu basa sala fali.  
\v 10 Ledoeik ala fali, boe ma Yesus no Ndia ana mana tungga nala saꞌe leni ofak esa dale leu, de, ala leni mamanak esa leu, nade Dalmanuta.   
\s1 Hataholi Farisi la sangga tao latuda Lamatuak Yesus  
\r (Mateos 16:1-4)  
\p
\v 11 Ledoeik Yesus asa losa Dalmanuta, boe ma hataholi hida leme partei Farisi, mai fo latonggo lo Ndia. Ala latane-lataak lo Ndia, fo sangga teꞌek Ndia. Ala loke Ndia, lae, “Ama aa! Matudu tanda heran esa, fo, dadik neu bukti nae, memak O hambu koasa neme Manetualain mai.”\x + \xo 8:11 \xt Mateos 12:38; Lukas 11:16\x*   
\p
\v 12 Yesus hela naluk ani hahaen, boe ma nae, “Mete ma Au amanene ei kokolan leondiak, na Au fale Au daleng! Huu hatina de ei moke tanda heran? Boso tao leondiak! Memak hambu tanda heran, tehuu Au taa tao fee ei.”\x + \xo 8:12 \xt Mateos 12:39; Lukas 11:29\x*   
\p
\v 13 Basa boe ma Yesus laꞌo ela sala de neu saꞌe fali seluk neni ofak dale neu, no Ndia ana mana tungga nala. Boe ma leni dano selik leu.   
\s1 Lamatuak Yesus nanoli nae, mata neuk neu hataholi Farisi la leleꞌa-nonolen  
\r (Mateos 16:5-12)  
\p
\v 14 Leꞌdoeik Yesus asa losa nai dano lalaꞌdan, bei fo ana mana tungga nala lasaneda, ala taa leni lepa-ngge. Ala leni kaꞌda loti esa.  
\v 15 Yesus namanene ala kokolak loti boe ma nae, “Ei musi masanenedak baa! Ei boso tungga Mane Herodes no hataholi Farisi la leꞌa-nole manggalaun. Sila leꞌa-nole nala sila sama leo ala seseok laluteik fo tao natafuu loti.”\x + \xo 8:15 \xt Lukas 12:1\x*   
\p
\v 16 Lamanene leondia, boe ma Ndia ana mana tungga nala lakandaa. Boe ma ala lakokola lae, “Toulasik kokolak hata ndia? Fama Ana kokolak nae leondia, na huu ita taa teni loti.”   
\p
\v 17 Tehuu Yesus bubuluk sila duduꞌa nala. De, Ana kokolak nae, “Hatina de ei kokolak kada loti! Ei taa malelak Au maksud do? Memak ei langga-uten mbaꞌan seli!  
\v 18 Ei mita mia ei mata heheli mala so, tehuu ei taa bubuluk ndia ndandaan! Sama leo ei bei taa mita. Ei mamanene mia ei ndiꞌidoo heheli mala so, tehuu ei taa bubuluk hata-hata. Sama leo ei bei taa mamanene! Ei mafalende henin so,\x + \xo 8:18 \xt Yermia 5:21; Yeskial 12:2; Markus 4:12\x*  
\v 19 loti kalima kala sila fo Au bibiꞌi sala, de feen neu hataholi lifun kalima kala sila hetu do? Fain ei makabubua mala loti nana naꞌa ela kala lembeneu hida?”  
\p Lataa lae, “Lembeneu sanahulu dua, Ama.”   
\p
\v 20 Yesus natane sala bali nae, “Ei bei masaneneꞌda fain Au bibiꞌi loti kahitu kala, de fee hataholi lifun kahaa kala sila laꞌa hetu? Ei makabubua mala nanaꞌa ela kala lembeneu hida?”  
\p Lataa lae, “Hitu, Ama!”   
\p
\v 21 Boe ma Yesus nae, “Memak tetebes! Ei mita mata nggei so, tehuu hatina de, ei bei taa bubuluk Au koasang neme bee mai!?”   
\s1 Lamatuak Yesus tao nahai hataholi mbokek esa neme Betsaida  
\p
\v 22 Basa ndia, boe ma Yesus asa losa nai nggolo Betsaida. Nai ndia, hataholi la loo hataholi mbokek esa, neni Yesus neu. Ala loke Yesus nafaloen, fo tao nahai hataholi mbokek ndia.  
\v 23 Basa boe ma Yesus toꞌu nala hataholi ndia liman, de dua-sala kalua leni nggolok deak leu. Boe ma Ana mbula amben neu hataholi ndia matan, de nafaloe hataholi ndia matan. Natane, nae, “Leo bee? O bisa mita so do?”   
\p
\v 24 Hataholi ndia botik langgan, de ana suli kii-konak, boe ma nataa nae, “Hei! Au ita hataholi la belaꞌo, tehuu leo bali au ita ai-la belaꞌo!”   
\p
\v 25 Basa boe ma Yesus tao seluk liman neu hataholi ndia matan. Boe ma hataholi ndia suli soba seluk, naa te matan neulau ndoos so. Hatematak ia, ndia nita no manggaledok so.  
\v 26 Boe ma Yesus nadenu hataholi ndia fali, boe ma Ana fee nasanenedak neun nae, “O fali leo, tehuu tungga dala feꞌek! Boso fali muni Betsaida muu bali.”   
\s1 Petrus nae, Yesus ndia Karistus, hataholi fo Manetualain tudu memak neme makahulun mai so  
\r (Mateos 16:13-20; Lukas 9:18-21)  
\p
\v 27 Basa, boe ma Yesus asa laꞌok ndule nggolok-nggolok malai Kaisaria Filipi. Nai dala laladak, Yesus natane sala nae, “Mete ma tungga hataholi la tutuin na, lae Au ia see?”   
\p
\v 28 Lataa lae, “Nggelok lae ‘Yohanis Mana Salanik’. Hambu nggelok lae ‘Baꞌi Elia’, fo Manetualain hataholi mana kokolan nai makahulun. Nggelok bali, na, lae, Ama ia esa neme Manetualain hataholi mana mana kokola lele ulun, feꞌek esa bali.”\x + \xo 8:28 \xt Markus 6:14-15; Lukas 9:7-8\x*   
\p
\v 29 Boe ma Yesus natane selu kasa nae, “Tehuu tungga ei na, Au ia see?”  
\p Petrus nataa nae, “Ama ia Karistus! Fo Manetualain tudu mema kana neme makahulun ele mai so.”\x + \xo 8:29 \xt Yohanis 6:68-69\x*   
\p
\v 30 Boe ma Yesus kaꞌi sala nae, “Ei boso mafada esa boe baa!”   
\s1 Lamatuak Yesus nafada memak Ndia doidoson ma Ndia mamaten  
\r (Mateos 16:21-28; Lukas 9:22-27)  
\p
\v 31 Basa boe ma Yesus mulai nafada ana mana tungga nala nae, “Au ia Hataholi Isi-isik. Neu ko Au hambu doidosok noꞌuk, huu lasi haꞌda kala, malangga anggama Yahudi la malangga nala, ma mese anggama la, basa sala timba heni Au. Neu ko ala tao lisa Au, tehuu nandaa no binesan,\f + \fr 8:31 \ft Nai dedeꞌa Yunani, ala mulai hinggan neme: leledon ia ( = esa), foꞌa (= dua), binesak ( = telu), balidemak (= haa). De, nai dedeꞌa Yunani, (tei tritei heimera) “nai fai katelun” maksud nai dedeꞌa Malai Kotak, na ndia “binesan”. Masaneda huu, Lamatuak Yesus maten neu fai lima (hinggan esa). Neu foꞌa main, na ndia fai nee (hinggan dua), Lamatuak nai lates dale. Neu binesan, na ndia sosodaꞌina (hingga telu), Lamatuak Yesus nasoda fali. De, tungga ita hihingga fain, na, Ana mate leꞌodaek dua, boe ma Ana nasoda fali.\f* na Au asoda fali.”  
\v 32 Yesus nafada manggaledok leondiak, boe ma Petrus hela nalan neu dalak bifin de ana kaꞌin nae, “Ama boso mae leondia! Au taa nau sila lima nala laꞌe Ama.”   
\p
\v 33 Petrus nae leondia, na, taa tungga Lamatuak hihiin. Boe ma Yesus nasale de suli Ndia ana mana tungga feꞌe nala. Boe ma Ana mboka Petrus nae, “Wei! Ndia nitu la malanggan kokolan ndia. Boke malai heok ia! O duduꞌa tungga kada hataholi hihiin, tehuu taa Manetualain hihii-nanaun!”   
\p
\v 34 Boe ma Yesus nanggou nala hataholi feꞌe kala fo ala mai lakabubua lo Ndia ana mana tungga nala. Boe ma Ana nanoli sala nae, “See nau tungga Au, na, ana musi nakatataka tungga-tungga faik nakandoo! Ana musi nafalende heni ndia hihiin, fo tungga kada Manetualain hihii-nanaun. Mae hataholi sangga tao lisan boe oo, ana musi kada tungga nakandoo, sama leo hataholi lemba ndia ai ngganggen, fo, neu mate.\x + \xo 8:34 \xt Mateos 10:38; Lukas 9:23; 14:27\x*  
\v 35 Huu hataholi fo kada ana nau nasoda soaneu ndia aoina hehelin, na, dei fo ndia sodan ndia, mopon leondiak leo! Tehuu hataholi fo sadia mate, huu ana tungga Au, ma, tui-bengga Lamatuak dala sodan, neu ko ana hambu nasoda nakandoo no Manetualain. \x + \xo 8:35 \xt Mateos 10:39; Lukas 17:33; Yohanis 12:25\x*  
\v 36 Mamanene, baa! Mete ma o hambu basa dae-bafok isi nala, tehuu Manetualain timba heni o, na o hambu hata?  
\v 37 Leomae o lemba muni basa daebafok isi nala boe oo, o taa bisa seluk neu o samanem.   
\p
\v 38 Masanenedak baa! Hataholi malai daebafok hatematak ia, manggalau nala mata-mata kala. Tala nau tungga Manetualain. De, see ana mae tungga Au, do ana mae toꞌu Au nanoli-nafadang, na, Au boe oo mae manakun nai Manetualain matan. Huu Au Hataholi Isi-isik ia, neu ko Au fali maing uma nusa-sodak mai. Ma Manetualain ata nusa-soda nala boe oo, ala tungga noꞌu lo Au. Ai konda mima nusa-sodak mai, mia Amak koasa ana seli, bei fo hataholi la bubuluk Au ia see.   
\c 9  
\p
\v 1 Ei boso mafalende heni Au kokolang ia. Hambu neme ei basa nggei ia mai, bei taa mate, tehuu neu ko nita Manetualain palendan, ma koasa inahuun.”   
\s1 Lamatuak Yesus namata-ao feꞌe, ma baloꞌa-papaken manggahadok nai letek lain  
\r (Mateos 17:1-13; Lukas 9:28-36)  
\p
\v 2 Basa faik nee dalen, boe ma Yesus noke Petrus, Yakobis, ma Yohanis fo basa sala ndaꞌe leni lete madema nes esa lain leu. Ledoeik ala losa lain, ala lita Yesus namata-ao feꞌe.  
\v 3 Ma Ndia baloꞌa-papaken boe oo, ana daꞌdi fula manggahadok. Nai dae-bafok ia, taa hambu buas esa boe fo fulan lena heni Ndia baloꞌa-papaken ndia.  
\v 4 Kada nggengge neuk boe ma ala lita Yesus nakokola no baꞌi Elia ma Baꞌi Musa.   
\p
\v 5-6 Petrus asa bii lalan seli. Boe ma Petrus nakandaa losa kokolak nadabak leondiak so. Basa de nafada Yesus nae, “Ama aa! Ita neulau hiak nai ia, maa! De malolenak ai tao mala lalaa anak telu. Esa soeneu Ama, esa feen neu Baꞌi Musa, ma esa bali feen neu Baꞌi Elia.”   
\p
\v 7 Basa ndia, boe ma koꞌas konda mai, de mboti nala sala. Boe ma lamanene halak kalua neme koꞌas ndia dalek mai, nae, “Mamanene baa! Yesus ia, na, Au Ana susueng! Ei basa nggei mamanene matalolole neun baa!”\x + \xo 9:7 \xt 2 Petrus 1:17-18; Mateos 3:17; Markus 1:11; Lukas 3:22\x*   
\p
\v 8 Ledoeik Petrus asa lamanene halak ndia, boe ma ala suli lafeok, tehuu nggengge neuk ala taa bisa lita hataholi feꞌek so. Kada Yesus mesa kana.   
\p
\v 9 Basa ndia, boe ma Yesus no ana mana tungga nala loe fali leme letek mai. Boe ma Yesus kaꞌi sala nae, “Hata fo isinaak bei fo ei mitan ndia, ei boso mafaꞌda sudi see. Au ia Hataholi Isi-isik. Au musi mate dei. Boe ma, neu ko mete ma Au asoda fali so, na, bei fo ei bole mafada hataholi la.”   
\p
\v 10 Ala toꞌu lahele Yesus hala hehelun ndia, de taa lafada hataholi la. Tehuu telu sala latatane aok lae, “Ndia maksud hata, de nae Ana nau ‘nasoda fali neme Ndia mamaten mai’ ndia? Sosoan nae leobee ndia? Talobee ia bae?”   
\p
\v 11 Boe ma latanen lae, “Mese anggama la lae, ‘Baꞌi Elia musi mai nahahuluk, bei fo Karistus mai.’ Tehuu tungga Ama, na leobee?”\x + \xo 9:11 \xt Maleaki 4:5; Mateos 11:14\x*   
\p
\v 12 Yesus nataa nae, “Memak tetebes, Baꞌi Elia mai nakahuluk fo sadia dalak fee Karistus, huu Hataholi ndia fo Manetualain tudu mema kana so neme makahulun mai. Tehuu talobee? Ei bei taa bubuluk hata fo ala sula kana nai Manetualain Susula Malalaon, laꞌeneu Hataholi Isi-iisik ndia, hetu? Huu ala sulak memak, lae, dei fo mete ma Ana mai so, na, hataholi la tao lakatotoꞌa kana, losa ala tao lisa Ndia.  
\v 13 Tehuu ei musi pasak neulalau ndiꞌidook baa! Baꞌi Elia ndia memak ana mai so. Tehuu hataholi la tao lakatotoꞌa kana, tungga sila hihiin. Ndia boe nandaa no hata fo baꞌi-baꞌi la sulak mema kana so neme makahulun mai.”   
\s1 Lamatuak Yesus tao nahai kakanak fo nitu manggalauk nalan  
\r (Mateos 17:14-21; Lukas 9:37-43)  
\p
\v 14 Leꞌdoeik Yesus no ana mana tungga katelu nala sila latonggo falik lo ana mana tungga feꞌe nala, boe ma ala lita hataholi noꞌu kala lakabubua. Hataholi la sila ala mai lita Yesus ana mana tungga feꞌe nala lasisimbo bafak lo mese anggama la.  
\v 15 Ledoeik hataholi noꞌu kala sila lita Yesus, de, ala nggengge, huu lae hetuk Yesus bei nai letek lain. Boe ma lalai leu latonggo lon.   
\p
\v 16 Boe ma Yesus natane sala nae, “Ei masisimbo bafak hata nai ia?”   
\p
\v 17 Boe ma hataholi esa ana mai de, nae, “Ama, mamanene dei! Au ua au ana touanang mai, fo Ama tao mahai ndia dei. Ana taa bisa kokolak, huu nitu manggalauk nalan.  
\v 18 Mete ma nitu ndia nala kakanak ndia dalek, na ana babala kakanak ia neu dae. Basa ndia, na, kakanak bafan nafufude, ma ana henggu nisin. Boe ma aon nakambii sama leo ai. Au oke Ama ana mana tungga nala fo ala husi heni nitu ndia. Tehuu ala taa bisa hata esa boe.”   
\p
\v 19 Namanene leondia boe ma Yesus mboka sala nae, “Wei! Ei ia ana seli maa! Au anoli ei taa-taa so, tehuu ei taa bubuluk neulalau. Ma ei taa mamahele tebe-tebe neu Au! De Au musi nggaleloak neu ei losa fai hida? Mia kakanak ndia neni ia mai!”  
\v 20 Boe ma ala koꞌo loo kakanak ndia neni Yesus neu. Tehuu ledoeik nitu nita Yesus, boe ma ana bala nabuu kakanak ndia lololi neu dae, losa bafan fufude kala.   
\p
\v 21 Basa boe ma Yesus natane kakanak aman nae, “O anam dadi tao leoiak ia, neme fai hidak mai?”  
\p Boe ma aman nataa nae, “Neme kadiꞌi anan mai so.  
\v 22 Nitu ndia sangga nae tao nisa kakanak ia dook ia so. Ana tao natuda taa-taa au anang neni haꞌi dale neu, ma nabolon neni oe dale neu. De Ama fali malan dei! Mete ma bisa, na, kasian ai, fo mahai kakanak ia dei.”   
\p
\v 23 Yesus nataa nae, “Tehuu hatina de o mae, ‘mete ma bisa’? Memak Au bisa tao ala basa-basan, tehuu sadi hataholi namahele dei!”   
\p
\v 24 Basa ndia, boe ma toulasik ndia nataa ma hihii namatani nae, “Ama! Memak au amahele so. De fali mala au, fo au namaheheleng boe natea bali!”   
\p
\v 25 Ledoeik ndia, Yesus nita hataholi noꞌuk mai lakaseseti lai ndia. Basa boe ma Ana palenda nitu ndia nae, “Heeh! Nitu manggalauk! O kalua muma kakanak ndia mai, fo ela namanene ma ana bisa kokolak. O boso maso seluk muni kakanak ia dalek mu bali.”   
\p
\v 26 Namanene Yesus kokolak nae leondia, boe ma nitu ndia nakau natingga nalan seli. Ana bala nabuu kakanak ndia losa ana leꞌa, bei fo nitu ndia kalua laꞌo elan. Boe ma kakanak ndia ana male leobali sangga maten. Losa hataholi la sila kokolak lae, “Naa! Ana mate so!”   
\p
\v 27 Tehuu Yesus toꞌu nala kakanak ndia liman, de nafofoꞌan. Boe ma ana foꞌa tutik leo.   
\p
\v 28 Basa boe ma Yesus no ana mana tungga nala laꞌo ela mamanak ndia de ala leni uma esa dalek leu. Latane Yesus nai ndia lae, “Ama! Huu hata de isinaak, ai taa bisa husi mala nitu ndia?”   
\p
\v 29 Boe ma Yesus nafada nae, “Mamanene neulalaun! Nitu la memak manggalauk. De metema ei taa hule-haladoi moke tulu-falik neme Manetualain mai, na, ei ta mabeꞌi husi nitu mata leondiak.”   
\s1 Lamatuak Yesus nafada seluk bali Ndia mamaten  
\r (Mateos 17:22-23; Lukas 9:43-45)  
\p
\v 30 Basa ndia, boe ma Yesus no ana mana tungga nala laꞌo ela mamanak ndia, de ala leni nusa Galilea leu. Faik ndia, Yesus taa nau hataholi la bubuluk lae Ndia nai ndia so,  
\v 31 huu kada Ana sangga nanoli Ndia ana mana tungga nala. Ana nafada sala, nae, “Taa dook so bali, tehuu ala sangga seꞌo heni Au uu hataholi feꞌek kala. Basa na, ala tao lisa Au, fo Hataholi Isi-isik ia. Memak Au mate, tehuu neu binesan, na, Au asoda fali.”\f + \fr 9:31 \ft Nai dedeꞌa Yunani, ala mulai hingga neme: leledon ia (= esa), foꞌa (= dua), binesak (= telu), balidemak (= haa). De, nai dedeꞌa Yunani, (tei tritei heimera) “nai fai katelun” maksud nai dedeꞌa Malai Kotak, na, ndia “neu binesan”. Masaneda huu, Lamatuak Yesus maten neu fai lima (hingga esa). Neu foꞌa main, na, ndia fai nee (hingga dua), Lamatuak Yesus nai lates dale. Neu binesan, na, ndia sosodaꞌina (fai katelun), Lamatuak Yesus nasaoda fali. De, tungga ita hihingga fain, na, Ana mate leꞌodaek dua, boe ma Ana nasoda fali.\f*   
\p
\v 32 Yesus nafada leondiak, tehuu ana mana tungga nala lakandaan. Ala taa lambalani latane seluk Yesus maksud ndia hata.   
\s1 Lamatuak Yesus ana mana tungga nala lasisimbo bafak lae, see ndia inahuuk nalan seli  
\r (Mateos 18:1-5; Lukas 9:46-48)  
\p
\v 33 Basa ndia, boe ma Yesus asa laꞌo losa Kapernaum. Ledoeik ala maso leni uma dale leu, boe ma Yesus natane ana mana tungga nala nae, “Isinaak ei masisimbo bafak hata ndia neme dala laladak?”   
\p
\v 34 Tehuu taa hambu esa nambalani nataa boe, huu lasisimbo bafak leme dala laladak lae, see neme sila basa sala mai, inahuun nai lain seli, neme sila basa sala mai.\x + \xo 9:34 \xt Lukas 22:24\x*   
\p
\v 35 Basa boe ma Yesus nanggatuuk, de nanoli sala nae, “See nau dadik hataholi inahuuk, na, musi sodan dadi tebe-tebe leo hataholi kadiꞌianak fo ono-lau fee basa hataholi la.”\x + \xo 9:35 \xt Mateos 20:26-27; 23:11; Markus 10:43-44; Lukas 22:26\x*   
\p
\v 36 Boe ma Yesus koꞌo nala kakanak kadiꞌik esa nai ndia, de Ana fali neni basa sala laladan neu. Boe ma Ana kokolak, nae,  
\v 37 “See nau tungga Au fo ono-lau hataholi anak sama leo kakanak ia, na, ndia sosoan nae, hataholi ndia boe oo, ono-lau Au. Ma ndia boe oo ono-lau Au Amang fo mana madenu Au, uni daebafok ia mai.”\x + \xo 9:37 \xt Mateos 10:40; Lukas 10:16; Yohanis 13:20\x*   
\s1 See dadik neu ita hataholin  
\r (Lukas 9:49-50)  
\p
\v 38 Basa ndia, boe ma Yesus ana mana tunggan Yohanis, kalaak nae, “Ama aa! Laꞌi esa, ai mita hataholi esa husi nitu pake Ama naden. De ai kaꞌin, huu ita hataholin taa ndia.”   
\p
\v 39 Boe ma Yesus nataa nae, “Heeh! Ei boso kaꞌi hataholi ndia. Huu see pake Au nadeng, fo ana tao tanda heran, na, ana taa kokolak naboo Au nadeng ndia.  
\v 40 Mete ma ana taa laban ita, na, sosoan nae ita hataholi ndia boe.\x + \xo 9:40 \xt Mateos 12:30; Lukas 11:23\x*  
\v 41 Masaneneda neulalau baa! Mete ma hambu hataholi bubuluk ei tungga Karistus, boe ma ana tulu-fali ei, na, neu ko Manetualain taa nafalende heni ndia sosotan. Leomae ana fee ei minu kaꞌda oe hiak nggalaas esa boe, tehuu Manetualain taa nafalende heni ndia.”\x + \xo 9:41 \xt Mateos 10:42\x*   
\s1 Boso makamiminak mia salak  
\r (Mateos 18:6-9; Lukas 17:1-2)  
\p
\v 42 Boe ma Yesus nafada selu kasa bali, nae, “Mete ma hambu hataholi tao nasala kakana anak esa, losak taa namahele Au so bali, na, mata neuk leo baa! Malolenak mbaꞌa batu inahuuk esa\f + \fr 9:42 \ft Susula dedeꞌa Yunani nae, ‘batu mol’ fo ala pake mol neu hade gandum.\f* neu hataholi ndia lesuhain, fo mabolo henin neni tasi laladan neu.   
\p
\v 43 Mete ma o tao salak munik o limam, na tete heni limak ndia leo! Huu malolenak o maso muni nusa-sodak dalek muu, muni kada o limam seli, lena heni o muni o liman dua sala, tehuu ala mbia heni o muni haꞌi naraka dalek muu.\x + \xo 9:43 \xt Mateos 5:30\x*  
\v 44 [Naraka ndia, memak mamana doidosok. Ndia haꞌin taa hambu maten. Ma ulek malai sila kala taa hahae eꞌedok tao kaboo mbuluk].\f + \fr 9:44 \ft Susula dedeꞌa Yunani isi-isik fo laak nalan seli, taa sulak lalane kahaa hulu haan ia.\f*  
\v 45 Mete ma o tao salak munik o eim, na, tete heni eik ndia leo. Huu malolenak o maso muni nusa-sodak dalek muu, mua kada o eim seli, lena heni o muni o eim dua sala, tehuu ala mbia heni o muni haꞌi naraka dalek muu, mua o eim dua sala.  
\v 46 [Naraka ndia memak mamana doidosok. Ndia haꞌin taa hambu maten. Ma ulek malai sila kala taa hahae eꞌedok tao kaboo mbuluk.]\f + \fr 9:46 \ft Susula dedeꞌa Yunani isi-isik fo laak nalan seli taa sulak lalane kahaa hulu neen ia.\f*  
\v 47 Mete ma o tao salak munik o matam, na edo henin. Huu malolenak o maso muni nusa-sodak dalek muu, mua kada o matam seli, lena heni o muni o matam dua sala, tehuu ala nggali heni o muni haꞌi naraka muu mua o matam dua sala.\x + \xo 9:47 \xt Mateos 5:29\x*   
\q1
\v 48 ‘Naraka ndia, memak mamana doidosok.  
\q2 Ndia haꞌin taa maten.  
\q2 Ma ulek malai sila kala taa hahae eꞌedok tao kaboo mbuluk.’\x + \xo 9:48 \xt Yesaya 66:24\x*   
\p
\v 49 Au nanonoling ia, memak belan seli. De see nau tungga Au, na, ana musi nakatataka tungga nakandoo. Sama leo mbaa fo ala mamasin ma ala seꞌin lenik haꞌi, suek mbaa ndia nala dook.   
\p
\v 50 Masik ndia, malole. Ita paken fo tao nalada nanaꞌak. Tehuu mete ma masik ndia mamin so, na, sosoan hata? Ita nggali henin leo. Ei boe oo, musi dadik sama leo masik, fo masoda masueao mia basa hataholi la.  
\p Ei hahae masisimbo bafak mae see ndia inahuuk ma see ndia kadiꞌik!”\x + \xo 9:50 \xt Mateos 5:13; Lukas 14:34-35\x*   
\c 10  
\s1 Hataholi Farisi la sangga dalak fo ala ika Yesus lenik dedeꞌa sasao-namaketuk  
\r (Mateos 19:1-12; Lukas 16:18)  
\p
\v 1 Basa boe ma, Yesus asa leni propinsi Yudea leu, ma nggolo-nggolo feꞌek kala malai lee Yarden selik dulu leu. Nai sudi bee hataholi noꞌu kala mai lakahohombu lala Ndia. Yesus nanoli sala, sama leo natetemen.   
\p
\v 2 Hambu hataholi Farisi mana maik hida, fo ala sangga tao latuda Ndia. Ala latane lae, “Tungga ita anggaman heti-heun nae, mete ma touk esa kasaok so, na bole namaketu no saon, do taa?”   
\p
\v 3 Yesus nataa nae, “Masanenedak dei! Heti-heuk laꞌeneu sasaok fo Baꞌi Musa fee ita, nae, leo bee?”   
\p
\v 4 Ala lataa lae, “Baꞌi Musa heti-heun nae, hataholi bole lamaketu, sadi fee susula namaketuk neu sao inan dei.”\x + \xo 10:4 \xt Tui Seluk laꞌeneu Dala Sodak 24:1-4; Mateos 5:31\x*   
\p
\v 5 Yesus bala nae, “Heeh! Mamanene, baa! Huu kada ei langga batun, de Baꞌi Musa sulak leondiak.  
\v 6 Ei boso mafalende heni tutui sososak fo faik Manetualain nakadadadik lalai ma dae-bafok! Hambu nana sulak nae,  
\q1 ‘Manetualain nakadadaꞌdik hataholi, touk no inak.\x + \xo 10:6 \xt Tutuik laꞌeneu Sososan 1:27; 5:2\x*   
\q2
\v 7 Huu ndia de, touk musi laꞌo ela ina-man,  
\q3 fo neu nasoda dalek esa no saon,   
\q3
\v 8 huu sila dua sala dadik leu esa so.\x + \xo 10:8 \xt Tutuik laꞌeneu Sososan 2:24\x*   
\p
\v 9 Mete ma Manetualain tao dua sala dadik leu esa so, na, hataholi boso fee sala lamaketu bali!”   
\p
\v 10 Basa ndia, boe ma, Yesus no ana mana tungga nala mesa kasa maso leni uma esa dalek leu. Leu ndia boe ma latane Yesus nanonolin isinaak ndia.   
\p
\v 11 Yesus nataa nae, “See ana ela heni sao inan, fo ana sao seluk, na, hohonggek ndia so.  
\v 12 Inak boe oo leo ndiak! Mete ma ana ela heni sao toun fo ana sao seluk, na hohonggek ndia boe!”\x + \xo 10:12 \xt Mateos 5:32; 1 Korintus 7:10-11\x*   
\s1 Lamatuak Yesus fee babaꞌe-babatik neu kakana kala  
\r (Mateos 19:13-15; Lukas 18:15-17)  
\p
\v 13 Faik esa, boe ma hambu hataholi la loo ana nala leni Yesus leu, fo loke Ana tao liman neu sala, fo fee sala babaꞌe-babatik. Tehuu Yesus ana mana tungga nala kaꞌi hataholi la sila.   
\p
\v 14 Yesus nita leondia, boe ma Ana manggalau ana mana tungga nala, nae, “Mboꞌi kakana kala sila leni Au mai. Boso kaꞌi sala, huu hataholi fo sama leo sila ia, na, Manetualain hataholi nala sila.  
\v 15 Ei masanedak neulalau! See fo nau neni Manetualain matan mai, na, ana musi dokodoe Manetualain, sama leo kakana kala dokodoe inan no aman. Mete ma taa leondiak, na sila taa landaa dadik leu Manetualain hataholi nala.”\x + \xo 10:15 \xt Mateos 18:3\x*  
\v 16 Basa ndia, boe ma Yesus holu nala kakana kala sila, de Ana tao liman neu esa-esako langgan lain, de Ana fee sala babaꞌe-babatik.   
\s1 Hataholi kamasuꞌik sangga dalak fo nasoda nakandoo no Manetualain  
\r (Mateos 19:16-30; Lukas 18:18-30)  
\p
\v 17 Yesus no Ana mana tungga nala sangga laꞌo, boe ma hataholi kamasuꞌik esa nalai-nalai mesan mai, fo sangga natonggo no Ndia. Ana nakatele neu Yesus matan, boe ma natane, nae, “Ama Mesen fo nana hadak nalan seli! Au sangga atane fa. Leoiak, Ama. Au musi tao leobee, fo suek au bubuluk tebe-tebe, au bisa maso nusa-sodak, fo au asoda sama-sama ua Manetualain?”   
\p
\v 18 Yesus nataa nae, “Hatina, de o mae Au ia nana ‘haꞌdak nala seli’? Taa hambu hataholi esa nana hadak nalan seli, tehuu kada Manetualain mesa kana.  
\v 19 O bubuluk so, basa Manetualain hoholo-lalanen neme makahulun ele mai nae,  
\q2 ‘Boso makanisa;  
\q2 Boso hohongge;  
\q2 Boso mamanaꞌo;  
\q2 Boso dadi sakasii pepekok;  
\q2 Boso pepeko mala hataholi buan;  
\q2 ma fee hadak holomata neu o amam ma inam.’ ”\x + \xo 10:19 \xt Kalua neme Masir mai 20:12-16; Tui Seluk laꞌeneu Dala Sodak 5:16-20\x*   
\p
\v 20 Boe ma hataholi ndia nataa, nae, “Tetebes, Ama Mesen! Au tungga basa hoholo-lalane kala sila so neme au bei taꞌeꞌanang mai.”   
\p
\v 21 Yesus kasian neu hataholi ndia. Boe ma Ana nafada nae, “Tetebes! Tehuu bei ela dedeꞌak esa bali. Hatematak ia, o fali leo, fo seꞌo heni basa o hata mala. Doi nala muu babaꞌe sala leu hataholi mana toꞌa-taa kala. Basa ndia, na, o mai fo tungga Au leo. Dei fo Manetualain bala fee o hata feꞌek, nai nusa-sodak.”   
\p
\v 22 Hataholi ndia namanene nala Yesus kokolan ndia, boe ma dalen nakalalutuk. Basa de, ana fali no dalen hedis nalan seli, huu kamasuꞌi ndoos.   
\p
\v 23 Boe ma Yesus suli neu-mai, de nakokola no ana mana tungga nala nae, “Mamanene baa! Hataholi kamasuꞌik memak sosotak maso nusa-sodak!”   
\p
\v 24 Lamanene Yesus kokolan leondia, boe ma ana mana tungga nala lasapangga. Tehuu Yesus kokolak nakadaik bali, nae, “Mamanene neulalau! Nau dadik Manetualain hataholin, na, totoꞌan ana seli! Boso mae dedeꞌak ndia mudak.  
\v 25 Huu hataholi kamasuꞌik maso neni nusa soꞌdak fo ana dadik Manetualain hataholin, na totoꞌan sama leo banda onta inahuuk esa, maso neni lalaen dale neu, nesik ndandau bolo.”   
\p
\v 26 Yesus kokolan ndia, tao nala basa sala boe lasapangga bali. Boe ma latatane aok, lae, “Mete ma tetebes leo ndiak, na, see bisa hambu sodak, bae?”   
\p
\v 27 Yesus suli sala esa-esa, boe ma Ana nafada nae, “Soaneu hataholi, na, taa bisa. Tehuu boso mafalende henin: soaneu Manetualain, na, basan mana dadik!”   
\p
\v 28 Basa boe ma, Petrus kokolak nae, “Ama aa! Ai lao ela basa ai hata nala, de ai tungga Ama. Tehuu ai hambu hata?”   
\p
\v 29-30 Yesus nae, “Au sangga afada ei leoiak: hataholi fo mana tungga Au, ma ana laꞌo ela ndia inama nala, kaꞌafadi nala, ma, ana nala, osi-lutun, ue-ledin, ma basa ndia uma isi nala, fo neu tui-bengga Manetualain Hala Malolen, na, neu ko ana hambu nggati falik losa laꞌi natun. Basa hata fo ana laꞌo ela kala sila, neu ko ana simbo falik lena heni ndia. Ma ndia boe oo, neu ko nasoda nakandoo no Manetualain. Babalan ndindia!  
\v 31 Masanenedak baa! Hataholi fo mana tao inahuhuu aon, na, tungga Manetualain duduꞌan na dei fo hataholi ndia kadiꞌi anak nalan seli. Tehuu hataholi taok aon kadiꞌik, na, tungga Manetualain duduꞌan, na, ndia mana dadik hataholi inahuuk.”\x + \xo 10:31 \xt Mateos 20:16; Lukas 13:30\x*   
\s1 Lamatuak Yesus nafada Ndia mamaten, neu kalaꞌi telun  
\r (Mateos 20:17-19; Lukas 18:31-34)  
\p
\v 32 Faik ndia, Yesus asa laꞌok leni Yerusalem leu. Yesus laꞌok nakahuluk. Boe ma ana mana tungga nala ma hataholi feꞌe kala tungga Ndia. Ala lasaneda hata fo Ndia dedeꞌa-kokola makahulun, nae, hataholi la sangga tao lisa Ndia nai Yerusalem. Huu ndia, de ala lasapangga ma bii. Namanene leondia, boe ma Yesus noke nala kada Ndia ana mana tungga nala mesa kasa, fo nafada selu kasa hata fo hataholi sangga tao Ndia nai Yerusalem.  
\v 33 Ana kokolak nae, “Ei mamanene baa! Hatematak ia, ita sangga teni Yerusalem teu. Au ia Hataholi Isi-isik. Tehuu ala seꞌo heni Au neu malangga anggama la ma mese anggama la nai ele. Basa boe ma ala huku lisa Au. Boe ma ala fee Au uu hataholi feꞌek kala fo taa mana malelak Manetualain.  
\v 34 Basa boe ma ala kokolak lakamamaek Au. Ala mbula ambe neu Au. Ala filo lahina Au aong. Basa bei fo ala tao lisa Au. Memak Au mate tetebes, tehuu neu binesan, Au asoda fali.\f + \fr 10:34 \ft Nai dedeꞌa Yunani, ala mulai hinggan neme: leledon ia (= esa), foꞌa (= dua), binesak (= telu), balidemak ( = haa). De, nai dedeꞌa Yunani, (tei tritei heimera) “nai fai katelun” maksud nai dedeꞌa Malai Kotak, na, ndia “neu binesan”. Masaneda huu, Lamatuak Yesus maten neu fai lima (hingga esa) Neu foꞌa main, na, ndia fai nee (hingga dua), Lamatuak Yesus nai lates dale. Neu binesan, na, ndia sosodaꞌina (hingga telu), Lamatuak Yesus nasoda fali. De, tungga ita hihingga fain, na, Ana mate leꞌodaek dua, boe ma Ana nasoda fali.\f*   
\s1 Yakobis no Yohanis loke fo suek sila dadik hataholi inahuuk  
\r (Mateos 20:20-28)  
\p
\v 35 Basa ndia boe ma, Yakobis no Yohanis fo Sabadius ana nala, leni Yesus leu. Ala loke Ndia lae, “Ama Mesen aa! Ai paluu fa!”   
\p
\v 36 Yesus natane nae, “Ei paluu hata?”   
\p
\v 37 Boe ma ala lataa lae, “Leoiak Ama! Mete ma Ama nanggatuuk toꞌu palenda so, na, ai moke Ama manggatutuu ai, esa nai Ama boboa konan, ma esa nai Ama boboa kiin, fo ai boe oo, toꞌu palenda.”   
\p
\v 38 Yesus nataa nae, “Ei dua-nggei taa bubuluk hata fo ei mokek ia. Neu ko Au ia hambu doidosok noꞌun seli. De leobee? Ei maehetuk ei bisa lemba doidosok sila sama-sama mia Au, losa mate do?”\x + \xo 10:38 \xt Lukas 12:50\x*   
\p
\v 39 Ala lataa, lae, “Ai bisa Ama!”  
\p Yesus bala nae, “Memak ei boe oo, neu ko lemba doidosok sama leo Au boe.  
\v 40 Tehuu neu ko see ndia nanggatuuk nai Au boboa konang ma Au kiing ndia, Au taa ndia aketun. Ndia Manetualain hak nakeketun ndia. Ana naketu mema kana so, fo see ndia mana manggatuuk nai mamanak ndia.”   
\p
\v 41 Ledoeik ana mana tungga feꞌe nala lamanene Yakobis no Yohanis loke leondia, boe ma ala luli lalan seli.  
\v 42 Boe ma Yesus noke nala basa sala, de Ana nafada sala nae, “Leoiak! Ei bubuluk basa so, hetu? Hataholi inahuuk mana toꞌu palenda, lateme tuni-ndeni lauinggu nala, losa tala bisa lakababalek. Ma malangga-malangga nala leme hataholi nusak fo taa mana malelak Manetualain, ala fee palenda lala lena-lenak, losa lauinggu nala taa botik lala langga nala.  
\v 43 Tehuu ei boso tao leondiak! De see neme ei mai fo ana sangga nau dadik hataholi inahuuk, na, ana musi dadik sama leo mana ono-lau hataholi feꞌek.\x + \xo 10:43 \xt Lukas 22:25-26\x*  
\v 44 Ma see nau daꞌdi malanggan, na ana musi tao aon leo jongos.\x + \xo 10:44 \xt Mateos 23:11; Markus 9:35; Lukas 22:26\x*  
\v 45 Huu Au, Hataholi Isi-isik ia, taa mai fo hataholi ono-lau Au. Tehuu Au mai fo ono-lau hataholi noꞌuk. Au mai fee Au sodang katema tuan fo soi ala hataholi noꞌuk sala-singgo nala.”   
\s1 Lamatuak Yesus tao nahai hataholi mbokek esa  
\r (Mateos 20:29-34; Lukas 18:35-43)  
\p
\v 46 Yesus no ana mana tungga nala ma hataholi noꞌun seli losa kota Yeriko. Ledoeik ala sangga laꞌok lakandoo, boe ma hambu hataholi mbokek esa nanggatuuk hule doik nai dalak bifin. Ndia naden Bartimeos fo Timeos anan.  
\v 47 Ledoeik namanene lae mana nesik ndia, na Yesus neme Nasaret mai, boe ma nanggou tingga-tingga nae, “Yesus! Dauk tititi-nonosin aa! Ai mahani taa-taa Ama dook ia so! Kasian neu au dei!”   
\p
\v 48 Lamanene ana nanggou leondia, boe ma hataholi la kaꞌin lae, “Wei! O nee-nee dei!”  
\p Tehuu ana boe nanggou natingga seluk, nae, “Yesus! Dauk tititi-nonosin aa! Kasian neu au dei!”   
\p
\v 49 Boe ma Yesus hahae de nae, “Ei mian neni ia mai!”  
\p Boe ma ala leu lafadan, lae, “Wei! O nee-nee leo! Ama Mesen noke o. Mai leo!”   
\p
\v 50 Namanene leo ndia, boe ma Bartimeos nggali heni lafan, de nambadeik lai-lai, fo neu natonggo no Yesus.   
\p
\v 51 Yesus natanen, nae, “O hii hata?”  
\p Hataholi mbokek ndia nataa nae, “Ama! Au oke fo au bisa ita!”   
\p
\v 52 Yesus nafada seluk bali, nae, “Huu o mamahele mae Au bisa tao ahai o, de hatematak ia o hai so! De, muu leo!”  
\p Boe ma Bartimeos matan hai tutik. Basa ndia, boe ma ana neu tungga Yesus.   
\c 11  
\s1 Lamatuak Yesus asa maso Yerusalem leu, de hataholi noꞌu kala koa-kion leo hataholi inahuuk  
\r (Mateos 21:1-11; Lukas 19:28-40; Yohanis 12:12-19)  
\p
\v 1 Ledoeik basa sala sangga deka lo kota Yerusalem, ala losa nai nggolok dua, fo Betfage ma Betania nai Lete Setun bifin.\f + \fr 11:1 \ft Ala foin nade ‘Setun’, neu letek ndia, huu nai ndia hambu ai setun noꞌuk, fo ala keꞌe lala minan neme ai ndia boan mai. Lete Setun ndia doon meda kilo esa neme Yerusalem mai.\f* Leu ndia, boe ma Yesus asa hahae fa. Basa, boe ma Ana nadenu ana mana tunggan dua leu lakahuluk.  
\v 2 Nafada sala nae, “Ei dua-nggei makahuluk mini nggolok ele miu. Mete ma ei losa ndia, na, neu ko ei mita banda keledei ana esa, nanambaꞌak nai ndia. Hataholi la bei taa saꞌe sudi kana. Ei miu sefi heni talin, fo, hela minin neni ia mai.  
\v 3 Tehuu mete ma hambu hataholi natane ei, nae, ‘Hatina de ei hela mini banda keledei ndia?’ Naa, ei mataa mae, ‘Ai Lamatuan sangga paken. Mete ma Ana pake nateꞌen, na, dei fo Ana haitua fali tuti kana.’ ”   
\p
\v 4 Boe ma dua sala leu, de lita banda keledei ana ndia nanambaꞌak nai uma esa boboan, nai dalak bifin. Boe ma ala sefi lalan, de hela lenin.  
\v 5 Tehuu hataholi mana mambadeik malai sila kala latane sala lae, “Wei! Hatina de ei sefi mala hataholi banda keledein ndia?”   
\p
\v 6 Boe ma ala lataa, lae, “Ai Lamatuan sangga paken. Mete ma Ana pake nateꞌen, na, dei fo ai mini fali tuti kana.” Boe ma hataholi la sila mboꞌi sala leꞌa leni banda keledei ndia.  
\v 7 Ala hela lenin neni Yesus neu. Basa de ala bela lafa nala neu banda keledei ndia sasaꞌen, de Yesus saꞌe.   
\p
\v 8 Ledoeik ala sangga maso leni kota dale, boe ma hataholi noꞌu kala haꞌi lala lafa naluse nala, ma lafa lalaan, de ala bela sala leu dalak lain. Hambu ala tati palm doo kala, fo sama leo mbua doo lai dalak bifin ndia,\f + \fr 11:8 \ft Markus susula isi-isin, nae, ‘baꞌe nala’. Tehuu ita bubuluk basan neme Yohanis tatada kasanahulun duan, lalane kasanahulu telun nae, palm doon.\f* de ala nggenggela sala leu dalak laladan. Ala tao leo ndiak fo dadik neu tanda nae, ala simbok Yesus no hada holomata. Sama leo lateme ala simbok hataholi inahuu kala.  
\v 9 Boe ma hambu hataholi laꞌok lakahuluk lai Yesus matan, ma nggelok ala tungga Yesus dean. Ala mulai eki, lae,  
\q1 \it “Hosana!\it* Ita koa-kio Manetualain!\f + \fr 11:9 \ft Ala pake dedeꞌa Aram lae \ft \+it ‘Hosana.’\+it* Ndia sosoan nae ‘Soda-molek’. Dedeꞌak ndia ala lateme paken fo ala koa Manetualain.\f*  
\q2 Lamatuak fee babaꞌe-babatik neu hataholi fo mana mai no Lamatuak naꞌden,  
\q3 huu Manetualain nadenu hataholi ndia so!\x + \xo 11:9 \xt Sosoda Koa-kio kala 118:26\x*   
\q1
\v 10 \it Hosana!\it* Ita koa-kio Manetualain!  
\q2 Huu Lamatuak sangga nafofoꞌa falik Mane Dauk palendan!  
\q1 \it Hosana!\it* Koa-kio Manetualain!  
\q2 Huu Lamatuak nanggatuuk toꞌu palendan memak, losa lalai mboin ele!”   
\p
\v 11 Losa kota dale, boe ma Yesus asa leni Manetualain Uma Ina Huhule-haladoin pasan leu. Boe ma Yesus mete neulalau ndule basa mamanak ndia. Tehuu fai taa so, de ala fali seluk leni nggolo Betania leu.   
\s1 Lamatuak Yesus palenda ai esa fo boso naboa bali  
\r (Mateos 21:18-19)  
\p
\v 12 Neu foꞌa fafain, boe ma ala kalua leme Betania mai, fo leni kota Yerusalem leu. Tehuu ala losa dala laladak, boe ma Yesus nameda ndoe so.  
\v 13 Ana nita ai esa nai dalak bifin ndia. Hataholi la lateme laꞌa ai ndia boan.\f + \fr 11:13 \ft Susula Malalaok dedeꞌa Indonesia nae ai ‘ara’, neme dedeꞌa Yunani nae ai \ft \+it sukei\+it*, Tehuu Susula Malalaok natudu ai esa nai ele fo ala bisa selen, ma laꞌa boan. Nai Indonesia dulu hataholi la taa laꞌa ‘ai ara’ boan. De, ‘ai ara’ nai Susula Malalaok dalek taa sama leo ita ai aran boan nai ia.\f* Boe ma Yesus neni ai ndia huun neu, fo Ana mete sudi kana naboa do taa. Tehuu ledoeik Ana losa ai ndia huun, tehuu taa nita boak esa boe. Huu memak fai naboan bei taa. Bei fo mulai nadoo.  
\v 14 Boe ma Yesus nafada ai ndia nae, “Huu o taa fee o boam neu Au, de neme hatematak ia mai, o taa bisa fee o boam neu hataholi feꞌek so!”  
\p Ndia ana mana tungga nala boe oo, lamanene Ndia hala belan leondiak.   
\s1 Lamatuak Yesus maso neni Uma Ina Huhule-haladoik neu. Boe ma Ana ofe heni pasak manai ndiak  
\r (Mateos 21:12-17; Lukas 19:45-48; Yohanis 2:13-22)  
\p
\v 15 Boe ma Yesus asa laꞌok lakandoo losa Yerusalem, de Ana maso seluk neni Manetualain Uma Ina Huhule-haladoin dalek neu. Nai Uma ndia pasan, hataholi la taon dadik neu pasak, fo laseꞌo mbui lunda suek hataholi la paken neu tunu-hotu huhule-haladoik. Nita leondia, boe ma Yesus husi kalua heni sala. Ana bala nggali heni mei la, fo ala paken neu tuka doik, ma Ana mbesi nalengga-natono banggu la fo ala paken neu laseꞌo mbui kala sila.  
\v 16 Boe ma Ana kaꞌi basa hataholi la, fo taa bole leni baloꞌa nala lesik uma ndia pasan.  
\v 17 Boe ma nanoli sala nae, “Ei bubuluk memak so, hata fo Manetualaian mana kokolan sulak basan so, nae, ‘Au ambadedei Au Umang ia, fo hataholi la leme basa hataholi nusa kala mai hule-haladoi lai ia!’ Tehuu ei tao uma ia dadik neu nakodaa la mamana nakabubuan so!”\x + \xo 11:17 \xt Yesaya 56:7; Yermia 7:11\x*   
\p
\v 18 Ledoeik malangga anggama la malangga nala ma mese anggama la, lamanene Yesus tao leondiak, boe ma ala luli Ndia lalan seli. Boe ma ala sangga dalak, fo tao lisan. Tehuu ala bei bii, huu hataholi noꞌu kala lahiik Ndia nanonolin.   
\p
\v 19 Leꞌdoeik ledo sangga tesa, boe ma Yesus no ana mana tungga nala kalua leme kota Yerusalem mai, de ala fali leu sunggu lai nggolo Betania.   
\s1 Metema ita tamahele tebe-tebe neu Manetualain, na, neu ko Ana fee hata fo ita token  
\r (Mateos 21:20-22)  
\p
\v 20-21 Nai foꞌa fafai anan, Yesus no ana mana tungga nala fali seluk leni Yerusalem leu. Nai dala laladak, ala laꞌo lesik seluk ai, fo afik Yesus Ana sumba-soon ndia. Ana mana tungga nala heran lalan seli, huu ai ndia namatuu losa oka nala. Boe ma Petrus nasaneda afik Yesus kokolan ndia. De, ana nafada, nae, “Ama aa! Mita sudik dei! Ai fo afik Ama sumba-soon ndia maten so!”   
\p
\v 22 Boe ma Yesus nataa, nae, “Memak tetebes! Sadi ei boe oo, mamahele tebe-tebe neu Manetualain leondiak.  
\v 23 Mete ma ei mamahele tebe-tebe, na ei bisa madenu letek esa fo nana soꞌuk neni tasi dale neu. Boe ma Manetualain keko henin letek ndia, sadi ei boso mamahele no dale bibiak! Ei musi mamahele tebe-tebe neu Manetualain.\x + \xo 11:23 \xt Mateos 17:20; 1 Korintus 13:2\x*  
\v 24 Boso mafalende henin baa! Sadi ei mamahele tebe-tebe, mae, Manetualain nabeꞌi fee hata fo ei moken, na neu ko Ana fee ei!  
\v 25 Tehuu mete ma hambu hataholi esa neu hule-haladoi, naa te ndia dalen taa malole no hataholi feꞌek, na, ana musi malole no hataholi ndia dei. Leondiak bei fo ei Amam manai nusa-sodak, nau koka heni ei sala-singgo mala.  
\v 26 [Mete ma hambu hataholi esa bei nambeda dalek, ma taa nau fee ambon neu hataholi ndia, na, neu ko ei Amam manai nusa soꞌdak boe oo, taa nau nafalende heni ei sala-singgo mala boe.”]\f + \fr 11:26 \ft Susula dedeꞌa Yunani isi-isik fo laak nalan seli, taa sulak lalane kadua hulu neek ia.\f* \x + \xo 11:26 \xt Mateos 6:14-15\x*   
\s1 Ala latane-lataak laꞌeneu Yesus hak  
\r (Mateos 21:23-27; Lukas 20:1-8)  
\p
\v 27 Basa boe ma, Yesus no ana mana tungga nala laꞌo lakandoo. Losa Yerusalem, boe ma ala maso seluk bali, leni Manetualain Uma Ina Huhule-haladoin dalek leu. Ledoeik ala maso lala uma pasan, boe ma malangga anggama Yahudi la malangga nala, mese anggama la, ma lasi hada Yahudi la mai,  
\v 28 de latane Yesus lae, “Afik, see nadenu o mai tao husanak nai ia. See ndia fee o hak!”   
\p
\v 29 Tehuu Yesus Ana bubuluk ala sangga dalak, fo suek tao latuda Ndia. Boe ma Ana bala, nae, “Au boe oo sangga atane ei. Ei mataa Au dei, bei fo Au ataa ei.  
\v 30 Au sangga atane ei leoiak: ei basa nggei malelak Yohanis Mana Salanik ndia, hetu? See ndia nadenun fo neu salani hataholi? Manetualain do hataholi?”   
\p
\v 31 Ala duduꞌa neu-mai, boe ma lakokola aok lae, “Awii! Ita laꞌen ia so! Mete ma ita tataa tae, ‘Amak Manetualain ndia nadenu,’ na, neu ko natane nasafali ita nae, ‘Mete ma leondiak, na, hatina de ei taa mamahele neu Yohanis boe?’  
\v 32 Tehuu ita boe oo, taa bisa tafada tae, ‘Hataholi nadenu.’ Huu neu ko basa hataholi la manggalau. Huu lamahele lae Yohanis ndia na, Manetualain hataholi mana kokolan ndia.”   
\p
\v 33 Basa boe ma lataa lae, “Ai taa bubuluk!”  
\p Boe ma Yesus nataa nasafali sala, nae, “Mete ma leondiak, na Au boe oo taa nau afada, see ndia nadenu Au.”   
\c 12  
\s1 Lamatuak Yesus tui nakandandaak laꞌe neu hataholi mana tao osi anggol  
\r (Mateos 21:33-46; Lukas 20:9-19)  
\p
\v 1 Basa ndia boe ma Yesus kokolak seluk bali no malangga anggama Yahudi la malangga nala ma mese anggama la, ma lasi hada Yahudi la. Ana kokolak pake nakandandaak, nae, “Hambu hataholi esa neu tao osi beuk, nai ndia dae bibia anan esa, fo sangga sele ai anggol neun. Boe ma ana kota eꞌon. Ma ana tao bak fo sangga natanee anggol oen. Boe ma ana nambadedei mamana nanea madema esa. Basa de ana fee hataholi feꞌek ala seba osi ndia, fo labaꞌe buna-boan. Boe ma ana laꞌo neni nusa dea neu.\x + \xo 12:1 \xt Yesaya 5:1-2\x*   
\p
\v 2 Losa fai seseu anggol, boe ma madaek nadenu ana mana tao uen esa, neni hataholi la mana tao osi ndia neu, fo noke ndia ena babaꞌen.  
\v 3 Tehuu ledoeik ana losa, boe ma hataholi mana tao osi la humu lalan de ala mbombokon. Boe ma ala ladenu falik ndia no lima loun.   
\p
\v 4 Boe ma madaek ndia nadenu seluk ana mana tao uen esa neu bali. Tehuu hataholi mana tao osi la mbombokon losa langgan hinak-hinak mesan. Basa de lakamamae kana, ma ala husi fali kana.  
\v 5 Basa ndia, boe ma madaek ndia nadenu seluk ana mana tao uen feꞌek esa neu bali. Tehuu ala tao lisan boe. Leomae ala tao leobeek boe oo, madaek ndia kada nadenu nakandoo ndia ana mana tao uen nala leu taa-taa. Tehuu mana tao osi la ala mbomboko lala nggelok, ma ala tao lisa nggelok.  
\v 6 Hatematak ia ela kada hataholi esak so, fo madaek ndia ana mane kisan fo ana sue nalan seli. Huu ana taa hambu dalak feꞌek so, de nadenu ana mane kisan ndia neu leo. Boe ma ana duduꞌa nae, ‘Mete ma au adenu Au ana bongging neu, na, neu ko ala simbo kana no malole, ma ala lamanene neun.’   
\p
\v 7 De, ana nadenu anan neni ele neu. Tehuu ledoeik hataholi mana tao osi la lita kakanak ndia mai, boe ma lakokola aok lae, ‘Wei! Ei suli sudik dei! Toulasik nadenu ana bonggin mesa kana mai so! Mete ma toulasik maten so, na, ndia ndia hambu basa pusaka la. Mai fo ita tao tisa kaknak ndia leo, fo suek ita hambu ndia pusakan ia!’  
\v 8 Basa ndia boe ma, basa sala leu humu lalan, de ala tao lisan. Boe ma ala mbia heni mbombolan neni osi deak neu. Nakandandaak ndia nateꞌe kada ia leo.”   
\p
\v 9 Basa ndia, boe ma Yesus natane hataholi inahuu kala sila nae, “Tungga ei duduꞌan, na madaek ndia sangga tao hataholi mana tao osila sila leobee? Tungga Au so, na, neu ko ana mai fo tao nisa basa hataholi mana tao osi la sila. Basa ndia, na, ana fee osi anggol ndia neu hataholi feꞌek kala, fo, ala seban.   
\p
\v 10 Ita basa nggata les basa Manetualain Susula Malalaon so, nae,  
\q1 ‘Hambu batu esa fo tuka nala ala mbia henin so.  
\q2 Tehuu hatematak ia, batu ndia dadik neu batu netes so.   
\q1
\v 11 Manetualain mesa kana ndia hele nalan, de nanggatutuu falik batu ndia.  
\q2 Huu ndia de, ita titan lolen seli!’ ”\x + \xo 12:11 \xt Sosoda Koa-kio kala 118:22-23\x*   
\p
\v 12 Hataholi inahuu kala sila bubuluk mema kana, lae, Yesus uku bebeik sila, nenik nakandandaak ndia. Sila sama matetuk leo hataholi mana tao osi anggol ndia. Basa ndia, boe ma ala heti dalak fo sangga humun. Tehuu ala bii hataholi noꞌu kala fo mana hii Yesus nanonolin. Boe ma ala laꞌo elan leo.   
\s1 Hataholi la sangga ika Yesus lenik natatanek laꞌeneu bae bea  
\r (Mateos 22:15-22; Lukas 20:20-26)  
\p
\v 13 Basa ndia, boe ma hataholi inahuu nala ladenu hataholi Farisi hida, ma Herodes hataholi partein luma, leu latatanek lo Yesus, fo sangga ikan.  
\v 14 Basa boe ma ala mai, de latatanek lo Ndia lae, “Ama Mesen! Ai basa nggai bubuluk Ama dalen ndoos, ma taa mana pepeko malelak. Ama mete kada hataholi la dale nala. Ama boe oo mafada Manetualain hihii-nanaun no manggaledok, huu Ama taa mete matak boe. Hatematak ia, ai sangga matane dedeꞌak esa. Tungga ita anggama Yahudi heti-heun, na, ita musi bae bea neu mana palenda Roma Mane Inahuun,\f + \fr 12:14 \ft Hataholi Roma Mane Inanhuun, loke lae ‘Kesel’.\f* do taa?”   
\p
\v 15 Tehuu Yesus bubuluk so, fo ala sangga doluk Ndia, suek Ana kokolak laban mana palenda Roma. Boe ma Yesus nataa no hala belak nae, “Huu hata de ei sangga makatutuꞌdak Au minik natatanek ndia! Hena matudu Au doi lilo fulak esa dei!”   
\p
\v 16 Boe ma ala loo feen doi lilo fulak esa. Ana simbok nalan boe ma Ana palisa kana. Basa ndia, de, Ana natane sala nae, “See mata-aon ia, ma see naden ia?”  
\p Boe ma ala lataa lae, “Mana palenda Roma Mane Inahuun ndindia!”   
\p
\v 17 Boe ma Yesus nae, “Naa! Mete ma leondiak, na, ei musi fee mana palenda hata fo mana palenda hak. Ma fee Manetualain hata, fo, Manetualain hak.”  
\p Lamanene leo ndia, boe ma basa sala heran lalan seli, huu Yesus nafada laꞌen ndia. Huu ndia de, ala taa hambu teꞌek lalan.   
\s1 Dedeꞌak laꞌe neu hataholi mana matek nasoda fali, ma, sasaok nai nusa-sodak, do taa?  
\r (Mateos 22:23-33; Lukas 20:27-40)  
\p
\v 18 Hambu partei anggama feꞌek esa, fo hataholi la lae, partei Saduki. Ala lanoli, lae, hataholi mana matek taa bisa nasoda fali. Laꞌi esa, hambu hataholi Saduki hida ala mai teꞌek Yesus.\x + \xo 12:18 \xt Hataholi Nadedenu nala Tutuin 23:8\x*  
\v 19 Ala kokolak lo Yesus lae, “Ama Mesen! Baꞌi Musa sulak fee ita, laꞌeneu hadak ia nae, metema touk esa mate laꞌo ela saon, tehuu anan taa, na, touk ndia fadin musi sao nala ina falu ndia, fo suek kaꞌa mana maten ndia, hambu tititi-nonosik.\x + \xo 12:19 \xt Tui Seluk laꞌeneu Dala Sodak 25:5\x*  
\v 20 Memak Musa nanoli leondiak, tehuu ai nau matane leoiak: hambu touk hitu, tolanoo-bonggi kala. Uluk, sao nakahuluk, boe ma maten, tehuu anan taa.  
\v 21 Boe ma fadin mana tungga ndia, sao nala inak ndia. Taa dook boe ma ana mate boe, ma inak ndia taa bonggi nala anak boe. Leondiak boe, losa fadi katelun; Ana sao nala ina falu ndia tehuu maten, ma taa bonggi nala anak boe.  
\v 22 Leondiak nakanondoo henin losa fadi muli anan, tehuu maten boe. Mateꞌen, de, ina falu ndia maten boe.   
\p
\v 23 Hatematak ia, ai sangga matane leoiak: ina falu ndia sao nitak touk hitu! Tehuu mete ma neu daebafok babasan, fo Manetualain tao nasoda falik basa hataholi mana mate kala, na, inak ndia dadik neu see saon neme tou kahitu kala sila mai?”   
\p
\v 24 Boe ma Yesus nataa, nae, “Mete ma ei matane leondiak, na, sosoan nae, ei bei taa malelak matalolole Manetualain Susulan Malalaon isin. Ma ei boe oo, taa malelak Manetualain koasan. De, ei ia sala malan seli!   
\p
\v 25 Mamanene, baa! Leoiak: sasaok taa nai nusa-sodak. Basa hataholi mana mate kala fo Manetualain tao nasoda fali kasa, tala sao so bali. Leondiak boe oo, Manetualain ata nusa-soda nala tala sao boe.  
\v 26 Boe ma, Au afada laꞌeneu hataholi mana mate kala lasoda fali, do taa. Baꞌi Musa sulak laꞌeneu ai huu kadiꞌik fo haꞌi naꞌan, tehuu taa kaden. Ei masaneda tutuik ndia do taa? Ledoeik haꞌi mbila nai ai ndia, boe ma Manetualain nafada Baꞌi Musa nae, ‘Au ia o Baꞌi-baꞌi mala Manetualain. Fo ndia Baꞌi Abraham, Baꞌi Isak, ma Baꞌi Yakob. Sila basa sala lakaluku-lakatele lakandondoo henin neu Au losa hatematak ia.’\x + \xo 12:26 \xt Kalua neme Masir mai 3:6\x*  
\v 27 Ita bubuluk, tae, baꞌi-baꞌi la sila mate sala dook ia so. Tehuu Manetualain nafada nae, Ndia bei dadik sila Manetualain, huu ndia de ita bubuluk tae, sila lasoda fali so. De, leomae hataholi mate sala so boe oo, tehuu lasoda fali. Memak hataholi kasodak ndia nakaluku-nakatele neu Manetualain, tehuu taa hataholi mana mate kala hetu? De mete ma ei toꞌu mahele nanonolik ndia nae, hataholi mana mate kala taa lasoꞌda fali, na, memak ei sala malan seli ndia so!”   
\s1 Sue Manetualain ma sue basa hataholi la  
\r (Mateos 22:34-40; Lukas 10:25-28)  
\p
\v 28 Faik ndia, hambu mese anggama esa boe oo, namanene neu Yesus, nanggatuuk de nakokola no hataholi partei Saduki la. Mese anggama ndia duduꞌa nae, Yesus nataa sila natatanen ndia so, no malole. Boe ma natane Yesus nae, “Ama! Au sangga atane leoiak: ita hadan heti-heun, ma anggama palenda nala noꞌun seli. Neme basa Baꞌi Musa palenda nala sila, bee ndia kasosoak nalan seli?”   
\p
\v 29 Yesus nataa, nae, “Palenda kasosoak nalan seli fo nai Manetualain Susulan Malalaon dale nae leo ia:  
\q1 ‘Basa hataholi malai Israel! Mamanene neulalau!  
\q1 Manetualain ndia na memak ita Lamatuan,  
\q2 ma ita Mane Kisan!  
\q3 Taa hambu seluk so bali, kada Ndia mesa kana!   
\q1
\v 30 De ei musi suen \it lena heni\it* basa hata lalaꞌen.  
\q2 Huu ndia, de, ei musi dokodoe Ndia taa-taa,  
\q2 malelak Ndia,  
\q2 ma ei musi maue-maledi tingga-tingga fo tungga Manetualain hihii-nanaun.’\x + \xo 12:30 \xt Tui Seluk laꞌeneu Dala Sodak 6:4-5\x*   
\p
\v 31 Ma palenda kadua nae leo ia:  
\q1 ‘O musi sue hataholi feꞌe kala sama leo o sue o aoina hehelim!’  
\p Palenda kadua kala ia sosoan lena heni basan. Taa hambu palenda feꞌek soo, fo sosoan lena heni palenda kadua kala ia.”\x + \xo 12:31 \xt Malangga Anggama la Heti-heun 19:18\x*   
\p
\v 32 Basa ndia, boe ma mese anggama ndia nafada seluk neu Yesus nae, “Memak! Ama kokolam ndia tetebes. Manetualain dadik neu ita Lamatuan, de, taa hambu Lamatuak feꞌek so bali.\x + \xo 12:32 \xt Tui Seluk laꞌeneu Dala Sodak 4:35\x*  
\v 33 Ita musti sue Ndia lena heni basa hata lalaꞌen, losa ita dokodoe tahele Ndia, talelak Ndia, ma tao ues tingga-tingga fo tungga Ndia hihii-nanaun. Ma ita boe oo, musi sue hataholi feꞌek sama leo ita sue ita aoina hehelin! Ndia, Manetualain namahoko nalan seli lena heni kada ita tungga anggama heti-heu nala. Ndia malolen lena heni metema kada ita tunu banda tunu-hotuk, do fee hata feꞌek neu Ndia.”\x + \xo 12:33 \xt Hosea 6:6\x*   
\p
\v 34 Namanene leondia, boe ma Yesus duduꞌa, nae, mese anggama ia nalelak no malole so. Boe ma Yesus nae, “O hiihii dadik Manetualain hataholin so.”  
\p Basa ndia, boe ma taa hambu hataholi feꞌek fo nambalani natane Yesus so, huu taa hambu hataholi senggi Ndia so.\x + \xo 12:34 \xt Lukas 10:25-28\x*   
\s1 Karistus ndia, memak Mane Dauk tititi-nonosin, tehuu ndia boe oo, Mane Dauk Lamatuan  
\r (Mateos 22:41-46; Lukas 20:41-44)  
\p
\v 35 Basa ndia, boe ma Yesus bei nanoli hataholi sila lai Manetualain Uma Ina Huhule-haladoi dale. Boe ma Ana natane sala nae, “Tungga ei duduꞌam, na, leobee? Mese anggama la lanoli laꞌeneu Karistus ndia, fo Manetualain tudu memak neme lele uluk ele mai so. Tungga sila, na Ndia kada Mane Dauk tititi-nonosin. Tehuu ndia, taa tetebes.  
\v 36 Huu makahulun ele Manetualain Dula Dale Malalaon pake Dauk, de ana sulak nae,  
\q1 ‘Manetualain nafada au Lamatuang, nae,  
\q2 “Mai fo manggatuuk muu mamana nanahadak ia, nai Au boboa konang.  
\q3 Neu ko Au tao ala o musu mala, losa ala doꞌok o.’ ”\x + \xo 12:36 \xt Sosoda Koa-kio kala 110:1\x*   
\p
\v 37a Neme ndia mai, ita bubuluk tae, Mane Dauk mesa kana noke Karistus ndia, na nae, ‘Lamatuak.’ Ndia sosoan nae, mete ma hataholi la lae, Yesus ndia kada Mane Dauk tititi-nonosin, na ndia bei taa dai! Huu Ndia boe oo, dadik Mane Dauk Lamatuan!”   
\s1 Lamatuak Yesus nae mata neuk neu mese anggama la pepeko nala  
\r (Mateos 23:1-36; Lukas 20:45-47)  
\p
\v 37b Ledoeik Yesus kokolak isinaak nae leondia, boe ma hataholi noꞌu kala lahiik lamanene lalan seli neu Ndia.  
\v 38 Basa boe ma nafada sala bali, nae, “Ei musi mata neuk neu mese anggama la. Ala lahiik leu kokook pake badu naluk mana mbembembek, ma, leu latonggo lo hataholi noꞌu kala, fo suek hataholi la lita sala, fo, lae, ‘Wei! Hataholi inahuu kala sila bou!’  
\v 39 Mete ma ala leni uma huhule-haladoik dale leu, do leu laꞌa feta, na, ala lateme sangga kada mamana nanggatutuu neulauk, fo suek hataholi noꞌu kala lita sala.  
\v 40 Tehuu mata neuk bou! Huu ala pepeko lala ina falu la, fo lamoa lala basa uma nala. Tehuu lai hataholi noꞌuk mata nala, na, lafuni sila tatao manggalau nala sila, lenik lambadeik fo ala hule-haladoi lala dook. Ala nau hataholi la lae, sila hataholi malalaok. Tehuu neu ko, Manetualain fee sala huhukuk belan seli.”   
\s1 Ina falu hata taak, fee doi kolete, belin lena heni basan  
\r (Lukas 21:1-4)  
\p
\v 41 Basa ndia, boe ma Yesus neu nanggatuuk nasale peti derma manai Manetualain Uma Ina Huhule-haladoin dalek ndia. Ana nita hataholi la mai langgodi sila doi kolete nala leni peti ndia dalek neu. Ana nita hataholi kamasuꞌi kala mai langgodi sila doi kolete nala noꞌuk nalan seli, nai ndia boe.  
\v 42 Boe ma ina falu hata taak esa mai hule-haladoi boe. De ana nanggodi doik sen dua neni peti kolete dale neu. Doik ndia belin nai dae nalan seli.   
\p
\v 43 Basa boe ma Yesus Ana kapek nala ana mana tungga nala de nae, “Ei mete neulalau ina falu hata taak ndia dei. Ana nanggodi kada doik sen dua, tehuu ana fee lena heni neme basa hataholi la sila.  
\v 44 Hataholi feꞌek sila langgodi doi kolete nala neme sila doi sisa nala mai. Tehuu ina falu ia, ana fee basa doin neu Manetualain.”   
\c 13  
\s1 Lamatuak Yesus nafada memak Uma Ina Huhule-haladoik tutuꞌun  
\r (Mateos 24:1-2; Lukas 21:5-6)  
\p
\v 1 Basa ndia boe ma, Yesus no ana mana tungga nala sangga laꞌo ela Uma Ina Huhule-haladoik. Ledoeik ala kalua, boe ma Ndia ana mana tunggan esa tuduk neni Uma Ina Huhule-haladoik neu de nae, “Ama aa! Hena Ama mete sudik ia dei! Uma ia lolen seli! Ala mbeda lakatotodok batu inahuu nala de lolen seli!”   
\p
\v 2 Tehuu Yesus nataa, nae, “Uma ia memak malole! Tehuu taa dook so bali, tehuu ala ofe heni basa batu la ia.”   
\s1 Lamatuak Yesus nafada daebafok babasan tanda nala  
\r (Mateos 24:3-14; Lukas 21:7-19)  
\p
\v 3 Basa boe ma, Yesus no ana mana tungga nala leni lete Setun lain leu, de langgatuuk leu mamanak esa fo nasasale matak no Uma Ina Huhule-haladoik ndia. Basa ndia, boe ma ana mana tungga kahaa nala mai de, mesa kasa lakokola lo Ndia. Fo ndia Petrus, Yakobis, Yohanis ma Anderias.  
\v 4 Boe ma latane Yesus lae, “Ama! Mafada sudik seluk ai, Ama kokolan isinaak ndia dei. Faik bee ndia fo fain ndia losa? Ma tanda nala leo hata?”   
\p
\v 5 Boe ma Yesus nataa nae, “Sadi ei manea matalolole bou! Fo suek boso ei nana kedi nalak.  
\v 6 Huu neu ko hataholi mata-mata kala mai, fo ala babamba kala nala ma lae, ‘Au ia Karistus, hataholin fo Manetualain helu memek neme makahulun ele mai so.’ Boe ma ala kedi lala hataholi noꞌuk.  
\v 7 Mete ma ei mita hataholi la latati ma ei mamanene lae natatik nai mamanak sudi bee, na boso bii. Huu matak leondiak ndia, musi ana dadi dei, tehuu daebafok babasan bei taa losa.  
\v 8 Neu ko leo esa natati laban leo feꞌek. Nusak esa natati laban nusa feꞌek. Hambu dae nanggeꞌo nai sudi bee. Fai ndoen boe oo, ana seli! Basa ia la, dadik tanda, sama leo inak esa bei fo tein mulai hedis fo sangga ana bonggi.   
\p
\v 9 De, ei musi manea matalolole baa! Huu neu ko ala mai humu lala ei, fo ala hela loo ei mini mamana nakeketu dedeꞌa anggama miu. Ma ala mbomboko ei nai uma huhule-haladoik dale. Ma ala mbaꞌa leni ei mini mana palenda miu, huu ei tungga Au. Ma ndia dadik neu dalak esa, suek ei musi mboa sudi hata laꞌeneu Au.  
\v 10 Tehuu Lamatuak hataholi nala musi leu tui-bengga lakahuluk Au Hala Maloleng neu basa leo la malai daebafok ia, bei fo daebafok babasan losa.  
\v 11 Masanenedak baa! Mete ma ala mbaꞌa loo ei mini mamana nakeketu dedeꞌak miu, na, ei boso bii fo mae, ‘Neu ko au kokolak ae hata? Do au ataa ae hata?’ Mete ma fain ndia losa, na kada ei kokolak tungga hata fo Manetualain Dula Dale Malalaon nafada ei.\x + \xo 13:11 \xt Mateos 10:17-20; Lukas 12:11-12\x*   
\p
\v 12 Nai uma esa dalek, mete ma hambu hataholi esa namahele neu Au, na, neu ko ndia tolanoo hehelin sangga dalak fo ana tao nisan. Mete ma anan ndia namahele neu Au, na neu ko aman tao nisan. Ma mete ma inan no aman lamahele neu Au, na neu ko anan tao nisa sala.  
\v 13 De, neu ko hataholi la lambeda dalek leu ei lalan seli, huu ei mamahele Au. Tehuu see ndia nakatataka losa babasan, na, Manetualain feen sodak.\x + \xo 13:13 \xt Mateos 10:22\x*   
\s1 Manea matalolole, huu daebafok fai babasan sangga dekak so  
\r (Mateos 24:15-28; Lukas 21:20-24)  
\p
\v 14 Yesus kokolak nakandoo, nae, “Hataholi manggalau inahuuk esa sangga mai. Ana nambadeik neu mamana lulik fo manai Manetualain Uma Ina Huhule-haladoin dale, fo hataholi ndia taa nandaa nai mamanak ndia, losa ana tao nanunute mamanak ndia. Huu ndia de, Manetualain heok nasadea ela mamanak ndia. Mete ma ei mita leondiak so, na mata neuk leo baa! (See ana les ia, na ana musi mata neuk boe!). Ndia dadik tanda, nae, fai toꞌa-taak deka-deka so. Mete ma lita leondiak, na hataholi malai propinsi Yudea foꞌa lalai leni letek lain leu leo.\x + \xo 13:14 \xt Daniel 9:27; 11:31; 12:11\x*  
\v 15 Ma ala musi lalaik lai-lai, fo suek boso ala hambu soe. Ma mete ma hambu see kalua laꞌo ela uman, na boso fali mai haꞌi baloꞌas bali.  
\v 16 Boe ma hataholi la malai osi la dale, na, boso fali mai haꞌi bua nalusek bali. Tehuu malai makandoo leo!\x + \xo 13:16 \xt Lukas 17:31\x*  
\v 17 Kasian nalan seli neu ina kailu sala, ma ina kala mana susu ana mbimbila ana kala. Huu ala taa lalaik lai-lai.  
\v 18 De malolenak ei hule-haladoi fo moke dedeꞌa manggalauk ndia, boso laꞌe neu fai oefaak.  
\v 19 Huu faik ndia totoꞌan ana seli! Mulai neme Manetualain nakadadadik daebafok losa hatematak ia, hataholi la bei taa lita litak toꞌa-taa inahuuk matak leondiak. Ma neu ko hataholi la taa lita seluk totoꞌa matak leondiak so.\x + \xo 13:19 \xt Daniel 12:1; Dae-bafok Mata Beuk 7:14\x*  
\v 20 Mete ma Manetualain taa tao kekeꞌu faik ndia, na neu ko taa hambu hataholi esa fo bisa nakatataka nasoda boe. Huu Manetualain sue hataholi fo ana hele mema kasa so, de Ana tao kekeꞌu fai totoꞌak ndia.   
\p
\v 21 Mete ma faik ndia losa, na ei mamanene hataholi la lae, ‘Mita dei! Karistus nai ia!’ Tehuu hataholi feꞌek lae, ‘Karistus nai ele!’ Tehuu ei boso mamanene ndia baa!  
\v 22 Huu neu ko hambu hataholi kalua fo ana babamba kalan nae, ‘Au ia Karistus!’ Nggelok bali, na, lae, ‘Au ia Manetualain hataholi mana kokolan.’ Dei fo ala tao tanda heran mata-mata kala, pake nitu koasan, fo ala pepeko hataholi la. Ala soba-soba fo kedi lala, Manetualain hataholi nala boe.  
\v 23 Tehuu ei musi manea matalolole baa! Fai toꞌa-taak ndia bei taa losa, tehuu Au asaneneꞌdak memak ei baa.”   
\s1 Hataholi Isi-isik mamain  
\r (Mateos 24:29-31; Lukas 21:25-28)  
\p
\v 24 Basa boe ma Yesus tuti seluk kokolan bali, fo nafada ana mana tungga nala, nae, “Mete ma basa fai toꞌa-taak ndia,  
\q1 ‘Neu ko ledo makiu,  
\q2 bulak boe oo, taa manggaleꞌdo so.\x + \xo 13:24 \xt Yesaya 13:10; Yeskial 32:7; Yoel 2:10, 31; 3:15; Dae-bafok Mata Beuk 6:12\x*   
\q1
\v 25 Nduu kala latuda kala leme lalai mai,  
\q2 ma basa koasa malai lalai langgongga-mboꞌa kala.’\x + \xo 13:25 \xt Yesaya 34:4; Yoel 2:10; Dae-bafok Mata Beuk 6:13\x*   
\p
\v 26 Basa ndia, na, bei fo basa hataholi la lita Au, fo Hataholi Isi-isik ia. Neu ko Au mai nai koꞌas, uma lalai mai. Ma basa hataholi la lita Au koasang, ma basa Au nula-nambung.\x + \xo 13:26 \xt Daniel 7:13; Dae-bafok Mata Beuk 1:7\x*  
\v 27 Boe ma Au palenda Manetualain ata nusa-soda nala, fo, leu lakabubua lala hataholi la fo Au hele basa sala leme dae-bafok buꞌu nala mai, neme dulu mai losa muli neu, neme kii mai losa kona neu.   
\s1 Fai toꞌa-taak dadik tanda neu Yesus mamain  
\r (Mateos 24:32-35; Lukas 21:29-33)  
\p
\v 28 Yesus tuti Ndia kokolan, nae, “Au haꞌi nakandandaak neme ai huuk mai. Mete ma doon mulai kuni, na, ndia dadik tanda, nae, fai hanas deka-deka mai so.  
\v 29 Leondiak boe oo, mete ma ei mita fai-fai toꞌa-taak losa, fo leo isinaak Au afada ei ndia so, na, ndia dadik tanda nae, Au deka-deka mai so.  
\v 30 Hatematak ia, mamanene neulalau! Neme basa hataholi kasoda kala hatematak ia, neu ko hambu hataholi nggelok bei taa mate sala boe, tehuu fai toꞌa-taak ndia losa so.  
\v 31 Leomae lalai ma daebafok mopo sala so, tehuu Au Hala Kokolang ia, nahele losa taa mana basak.   
\s1 Lamatuak Yesus fai mamain ndia namaninok  
\r (Mateos 24:36-44)  
\p
\v 32 Yesus kokolak nakadaik, nae, “Taa hambu hataholi esa boe, ana bubuluk fai hida Au fai do liꞌu fali maing. Manetualain ata nusa-soda nala boe oo, taa bubuluk. Au mesa nggau boe oo, taa bubuluk. Kada Au Amang mesa kana bubuluk.\x + \xo 13:32 \xt Mateos 24:36\x*  
\v 33 Huu ndia de, ei musi manea matalolole, huu ei taa bubuluk fai hida fain ndia.   
\p
\v 34 Taa dook so bali, Au laꞌo ela ei basa nggei. Tehuu dei fo Au fali maing. Sama leo maumak laꞌo ela uman fo ana neni dae dook neu. Ana palenda ana uma dale nala fo lakaneni neulalau uma ndia. Ma ana baꞌe fee sala esa-esako ue-leꞌdin. Ana palenda mana manea lelesu fo lanea neulalau losa ana fali main.\x + \xo 13:34 \xt Lukas 12:36-38\x*  
\v 35 Ei boe oo musi manea leledo-leꞌodaen, huu ei taa bubuluk faik bee ndia, fo, maumak fali main. Ana fali ledo bobok do, fatiladak do, leledok do, ledo saduk do, ei taa bubuluk faik bee ndia.  
\v 36 Boso losak ana mai no kaiboik, tehuu ana hambu ei bei sunggu masanggolo.   
\p
\v 37 De, hata fo Au afada ei ia, na, Au afadan neu basa hataholi feꞌe kala boe oo ae, ‘Ei musi manea matalolole fo simbok Au mamaing!’ ”  
\p (Losa ndia, boe ma Lamatuak Yesus kokolak nateꞌe kokolak no ana mana tungga nala leme lete Setun.)   
\c 14  
\s1 Hataholi inahuu nala sangga dalak fo ala humu Lamatuak Yesus no neneek  
\r (Mateos 26:1-5; Lukas 22:1-2; Yohanis 11:45-53)  
\p
\v 1-2 Basa ndia, boe ma malangga anggama inahuuk Yahudi la, ma mese anggama la, bei lasanggak dalak fo ala sangga humu Yesus no nee-neek. Fo ala sangga tao lisan. Tehuu ala heti dalak lae, “Tataa kana dei! Ita boso humu Ndia lai-lai, huu fai-fai malole la dekak so. Boso losak hataholi noꞌu kala lahuu.”  
\p Ala kokolak lae leondia, na, huu bei faik dua bali, fo hataholi Yahudi la fai malolen, fo ala foin nade ‘Fai Paska’, ma ‘Fai Feta Loti Taa Pake Lalu Teik.’ Ma nai fai-fai malole ndia, ala lasaneda neu makahulun ele, ledoeik sila bei-baꞌi nala kalua leme nusa Masir mai.\x + \xo 14:1-2 \xt Kalua neme Masir mai 12:1-27\x*   
\s1 Inak esa diꞌa mina kaboo meni mabeli, neu Lamatuak Yesus  
\r (Mateos 26:6-13; Yohanis 12:1-8)  
\p
\v 3 Nai nggolo Betania, hambu hataholi esa nade Simon. Makahulun hataholi la nunuten, huu ana hambu hedi kusta. Tehuu hatematak ia ana hai so.  
\p Basa ndia boe ma, fai malole bei taa losa, de Yesus no ana mana tungga nala leu laꞌa lai Simon uman. Ledoeik laꞌa-linu, boe ma inak esa mai natonggo no Yesus. Ana toꞌu boto esa, fo ala taon neme batu mai. Isin mina kaboo meni isi-isik, fo belin seli.\f + \fr 14:3 \ft Mina kaboo menik ndia belin sama leo tukan esa nggadin teuk esa. Susula Malalaok dedeꞌa Yunani, nae mina ndia belin \ft \+it ‘dinari’\+it* natun telu, boe ma mina ndia nade \+it ‘nardos\+it*, fo makahulun hataholi la taon neme ai kaboo meni kala okan mai. Susula Malalaok dedeꞌa Indonesia nae ‘narwastu’. Ma boto ndia hataholi la mbaꞌan neme batu mai. Boto ndia belin boe oo ana seli. Susula Malalaok dedeꞌa Yunani nae boto ndia ala taon neme batu fo naꞌde \+it ‘alabastros’\+it*. Susula Malalaok dedeꞌa Indonesia nae batu ndia nade ‘batu pualam’. Mete nai Lukas tatada kahitun, lalane katelu hulu hitun losa katelu hulu falun.\f* Boe ma inak ndia femba natepa boto ndia tatanan. De ana diꞌa mina ndia faa-faa neu Yesus langgan, fo dadik neu tanda esa, nae ana fee hadak neu Yesus.   
\p
\v 4 Tehuu hataholi feꞌek luma laꞌa-linu lai ndia boe. Ledoeik ala lita inak tataon ndia, boe ma ala luli de ala kokolak koaok lae, “Ah! Ina hatak ia, de ana mbomboꞌa-ngganggali heni mina kaboo meni kabelik ndia no sosoan taa!  
\v 5 Malolenak kada ana seꞌo mina ndia! Fo neu babaꞌe doi noꞌuk ndia neu hataholi mana toꞌa-taa kala. Huu mina kaboo menik ndia belin sama leo hataholi esa nggadin teuk esa.”   
\p
\v 6 Tehuu Yesus bala sala nae, “Ei boso makatotoꞌak inak ndia! Boso mbali ndia tataon ndia! Au amahoko, huu ana diꞌa mina kaboo menik ndia neu Au aon so.  
\v 7 Hataholi mana toꞌa-taa kala lo ei tungga-tungga faik. De ei bisa tulu-fali sala sudi neu faik bee. Tehuu Au na, taa dook so, tehuu Au taa akabubua ua ei so.\x + \xo 14:7 \xt Tui Seluk laꞌeneu Dala Sodak 15:11\x*  
\v 8 Au sodang taa nala dook so. Ma isinaak inak ia ana diꞌa mina neu Au, na ana nalalau memak Au aong, sama leo ana loloo memak bungga neu Au mbombolang so, neu faik fo latoi Au.  
\v 9 Masaneneꞌdak matalolole baa! Nai mamanak bee fo Manetualain Dedeꞌa-Kokola Malolen ia nana tui-benggak ndule daebafok ia, na, neu ko ala tui inak ia tatao malolen ndia. Fo suek basa hataholi la lasaneneꞌdak ndia.”   
\s1 Yudas nala halak no malangga anggama Yahudi la, fo ana sangga seꞌo Lamatuak Yesus  
\r (Mateos 26:14-16; Lukas 22:3-6)  
\p
\v 10 Basa boe ma, hambu hataholi esa neme Yesus ana mana tungga kasanahulu dua nala mai, nade Yudas Iskariot. Ana kalua neu sangga malangga anggama Yahudi la, fo ana sangga seꞌo heni Yesus neu sala. Ana losa sila, boe ma nafada ndia maksud.  
\v 11 Ledoeik malangga nala lamanene Yudas kokolan ndia, boe ma, lamahoko lalan seli. De ala helun lae, “Mete ma o nau seꞌo Yesus neu ai, na, ai bae o.” Boe ma Yudas deak neu, de ana sangga dalak fo ana fee Yesus neu sala.   
\s1 Lamatuak Yesus naꞌa feta Paska no ana mana tungga nala  
\r (Mateos 26:17-25; Lukas 22:7-14, 21-23; Yohanis 13:21-30)  
\p
\v 12 Faik ndia tuda laꞌeneu fai kaesan neme hataholi Yahudi la fai-fai malolen. De, faik ndia, ala lateme hotu loti taa pake lalu teik, ma ala hala biꞌilombo boe. Basa ndia, boe ma Yesus ana mana tungga nala mai latanen lae, “Ama aa! Faik ia, ita fai malole Paska so. De, Ama nau ai miu sadia mamanak feta Paska nai bee?”   
\p
\v 13 Boe ma Yesus nadenu ana mana tunggan dua, nae, “Ei dua nggei makahuluk mini kota miu. Neu ko nai ele, ei matonggo mia touk esa luꞌa oe neu nggusi anak esa. Ei miu tunggan leo.  
\v 14 Mete ma ana neni uma bee dalek neu, na, ei tunggan mini ndia miu. Basa na, mafada maumak mae, ‘Ama aa! Ai Ama Mesen noke mamanak esa, fo Ana sangga paken tao feta Paska no Ndia ana mana tungga nala.’  
\v 15 Basa, na, dei fo hataholi ndia natudu ei kama maloa esa nai uma tadan lain. Ana sadia nala kama ndia mana daik so. Kada ei dua nggei miu sadia nanaak nai ndia leo.”   
\p
\v 16 Basa boe ma, dua sala laꞌo leni kota leu. Nai ele, latonggo lo basa hata fo Yesus nafada memak ndia so. Boe ma ala sadia lala basa-basan fo Yesus ala laꞌa feta Paska lai ndia. Boe ma dua sala leu loke Yesus asa.   
\p
\v 17 Ledoeik ledo tesa so, boe ma Yesus no Ndia ana mana tungga kasanahulu dua nala leni ndia leu.  
\v 18 Basa boe ma langgatuuk de laꞌa-linu sama-sama. Ledoeik ala bei laꞌa-linu, boe ma Yesus nakokola, nae, “Ei mamanene baa! Hambu hataholi esa neme ei mai, neu ko ana seꞌo heni Au, neu hataholi feꞌe kala.”\x + \xo 14:18 \xt Sosoda Koa-kio kala 41:10\x*   
\p
\v 19 Lamanene leondia, boe ma lameda dale nala taa malole. Boe ma sila esa-esak latane Yesus lae, “Hataholi fo Ama mafadak ndia, memak taa ndia au hetu maa?!”   
\p
\v 20 Yesus nataa nae, “Hataholi fo mana deta lotin sama-sama no Au, neni manggo ia dalek neu, na, ndia ndia, ana seꞌo Au.  
\v 21 Masanenedak baa! Au fo Hataholi Isi-isik ia musi mate, sama leo ala sulak memak nai Manetualain Susula Malalaon dalek so. Tehuu mata neuk! Huu hataholi mana seꞌo Au ndia, neu ko ana lemba ndia soen! Malolenak hataholi ndia, boso inan bonggin!”   
\s1 Lamatuak Yesus nafada nae loti no oe anggol ndia dadik tanda fo nasaneneꞌdak neu Ndia  
\r (Mateos 26:26-30; Lukas 22:14-20; 1 Korintus 11:23-25)  
\p
\v 22 Ledoeik ala bei laꞌa-linu, boe ma Yesus haꞌi nala loti katemak esa, de noke makasi neu Manetualain. Basa boe ma, Ana bibiꞌi loti ndia, de Ana loon neu ana mana tungga nala. Boe ma nae, “Loti ia Au aong ndindia. De haꞌi malan fo miꞌa leo.”   
\p
\v 23 Basa boe ma Ana haꞌi nala nggalaas fo oe anggol nai dalek. Ndia boe oo, noke makasi neu Manetualain. Basa boe ma Ana loon nggalaas ndia, neu ana mana tungga nala fo linu.  
\v 24 Boe ma Ana nae, “Anggol ia, Au daang ndindia. Neu ko faa henin fo fee sodak neu hataholi noꞌu kala. Daak ia, dadik buti fo tao nasaneneꞌdak, nae, hata fo Manetualain helu basan so, memak hatematak ia ana dadi so. De haꞌi malan fo minu leo.\x + \xo 14:24 \xt Kalua neme Masir mai 24:8; Yermia 31:31-34\x*  
\v 25 Mamanene matalolole dei! Neme leꞌodaen ia neu, Au taa inu anggol ia so, losa Au Amang manai nusa-sodak nanggatuuk palenda, bei fo Au inu seluk bali.”   
\p
\v 26 Basa boe ma, ala soda sosodak esa, fo ala koa-kio Manetualain. Boe ma ala kalua leꞌodaen ndia, de leni lete Setun lain leu.   
\s1 Lamatuak Yesus nafada nakahuluk nae, neu ko Petrus nalelesi Ndia  
\r (Mateos 26:31-35; Lukas 22:31-34; Yohanis 13:36-38)  
\p
\v 27 Ledoeik ala bei laꞌo-laꞌo, boe ma Yesus nafada mema kasa nae, “Neu ko leꞌodaen ia, ei basa nggei malai laꞌo ela Au. Huu nana sulak memak so, nai Manetualain susulan dale nae,  
\q1 ‘Neu ko Manetualain tao nisa mana hoo,  
\q2 boe ma biꞌilombo nala lalai sasalak.’\x + \xo 14:27 \xt Sakarias 13:7\x*   
\p
\v 28 Memak Au mate, tehuu mete ma Au asoda fali so, na Au akahuluk ei, uni nusa Galilea uu.”\x + \xo 14:28 \xt Mateos 28:16\x*   
\p
\v 29 Basa boe ma Petrus simbok nae, “Ama aa! Leomae basa hataholi la ia, lalai laꞌo ela Ama, tehuu au na taa!”   
\p
\v 30 Yesus nataa nae, “Peꞌu! Masanenedak, dei! Leꞌodaen ia, manu bei taa kokoa laꞌi dua, tehuu o malelesi Au laꞌi telu so!”   
\p
\v 31 Tehuu Petrus mboka nae, “Taa Ama! Mete ma Ama mate, na, au boe oo mate sama-sama ua Ama. Huu au taa alai laꞌo ela Ama, ma, taa alelesi Ama!”  
\p Petrus nonoo nala boe oo esa-esak lakokola lae leo ndia boe.   
\s1 Lamatuak Yesus hule haladoi neme osi Getsemani  
\r (Mateos 26:36-46; Lukas 22:39-46)  
\p
\v 32 Basa ndia, boe ma Yesus asa laꞌo lakandoo, losa osi esa nai Lete Setun nade ‘Getsemani’. Boe ma Yesus nafada sala nae, “Ei manggatuuk mahani mima ia leo! Huu Au sangga uu hule-haladoi nai ele.”   
\p
\v 33 Boe ma Yesus noke no Petrus, Yakobis, ma Yohanis, fo leu noꞌu. Mulai neme faik ndia mai, Ndia dalen nameda hedis, ma taa tesa.  
\v 34 Ana nafada sala, nae, “Au daleng hedin seli! Au ameda nonook bali Au sangga mate ia so. Ei manggatuuk ma manea mima ia dei!”   
\p
\v 35-36 Boe ma Ana laꞌok hodok neu dook fa, boe ma Ana sendek lunggu-langgan neu dae, de Ana hule-haladoi nae, “Ama susuek! Mete ma Ama nau, na, Au boso lemba doidoso leoiak. Au bubuluk memak taa hambu hata esa boe, fo Ama taa tao malan. De mete ma Ama nau na, makadodook doidosok ia neme Au mai. Tehuu boso tungga Au hihiing; ela tungga kada Ama hihii-nanaun mesan.”   
\p
\v 37 Basa boe ma Ana fali neni Ndia ana mana tungga katelu kala neu, tehuu ala sunggu lamanee. Ana fafae nafoꞌa sala, boe ma nafada Petrus nae, “Wei Peꞌu aa!\f + \fr 14:37 \ft Susula Malalaok dedeꞌa Yunani sulak nae ‘Simon’ nai ia Simon ndia, na, Petrus nade feꞌen.\f* O sunggu do? Au uni ele uu taa doo anak boe, tehuu ei taa beꞌe fa boe?!  
\v 38 Kukuku mamaneneu ei mata mala dei, fo basa na foꞌa fo beꞌe mia Au dei! Ei dalem nahiik tao malole, tehuu ei ao mbaam taa balakaik. De malolenak ei hule-haladoi fo mete ma hambu soba-douk, na, ei taa nana senggik.”   
\p
\v 39 Basa boe ma Yesus neu hule-haladoi laꞌi esa seluk bali. Ana noke seluk neu Lamatuak, fo Ana boso feen lemba nahele doidosok ndia.  
\v 40 Basa boe ma Ana fali seluk neni ana mana tungga katelu nala sila neu. Tehuu ala sunggu seluk bali, nenik mata nala lamabela lalan seli. Basa boe ma Ana fafae nafoꞌa selu kasa, tehuu ala taa bubuluk lataa Ndia lae leobee.   
\p
\v 41 Basa ndia boe ma Yesus Ana laꞌo ela sala, de neu hule-haladoi neu kalaꞌi telun. Boe ma Ana fali seluk, de Ana fafae nafoꞌa sala. Nafada sala nae, “Ei bei sunggu do? Dai ndia so! Foꞌa leo! Huu hataholi fo mana seꞌo Au, fo Hataholi Isi-isik ia, ana deka so. Hatematak ia ala sangga humu Au, fo ala fee Au uni hataholi manggalau kala liman neu.  
\v 42 Foꞌa leo! Mamaneneu ei mata mala, fo mita sudik mini ele miu dei! Huu hataholi mana seꞌo Au, ana mai so. Mai fo teu tatonggo to sala!”   
\s1 Ala humu lala Yesus  
\r (Mateos 26:47-56; Lukas 22:47-53; Yohanis 18:3-12)  
\p
\v 43 Ledoeik fo, Yesus bei kola-kola leondia, boe ma nggengge neuk Yudas no hataholi noꞌu kala mai so. Ala mai leni tafa kekeꞌuk ma ai kekeꞌuk, fo sangga humu Yesus. Ala tao leondiak, na, tungga malangga-malangga Yahudi la palenda nala. Sila ndia, malangga anggama la malangga nala, mese anggama la, ma lasi hada kala.  
\v 44 Yudas fee mema kasa tanda nae, “Ei mete matalolole baa! Mete ma au iꞌdu see ndia, na ei humun malan leo! Huu Ndia ndia, fo ei sanggak ndindia.”   
\p
\v 45 De, ledoeik Yudas losa ndia, boe ma Yudas nakandoo nasale nala Yesus. Boe ma nafadan, nae, “Ama mesen!” Boe ma Yudas holu nalan de ana idun.  
\v 46 Boe ma hataholi nou kala sila ala mata leu, de ala humu lala Yesus.   
\p
\v 47 Tehuu Yesus ana mana tunggan esa feꞌa nala tafa kekeꞌun, de ana sambi naketu heni hataholi esa ndiꞌidoon. Hataholi ndiꞌidoo ketuk ndia, na, malangga inahuu anggama Yahudi hataholi nadedenun ndia.  
\v 48 Boe ma Yesus kokolak no mana humu kala sila nae, “Talobee? De ei maehetuk Au ia hataholi manggalauk do? De ei mai humu Au minik tafa ma ai kekeꞌuk?  
\v 49 Tungga-tungga faik Au anoli ei nai Manetualain Uma Ina Huhule-haladoin dale, tehuu ei esa taa mai humu Au boe. De mai humu Au leo. Huu dedeꞌak ia nana sulak memak neme makahulun ele mai, nai Manetualain Susula Malalaon so.”\x + \xo 14:49 \xt Lukas 19:47; 21:37\x*   
\p
\v 50 Yesus ana mana tungga nala bii lalan seli losa basa sala lalai laꞌo ela Yesus mesa kana.   
\p
\v 51 Nai ndia boe, hambu taꞌeꞌanak esa ana tungga doꞌo-doꞌo no Yesus dean. Ana naluse tema bibiak esa. Hataholi la sila boe oo, ala sangga humun.  
\v 52 Tehuu ala ndaso lala kada tema nalusen ndia, Basa de, nalai fali nakahola, huu ana bii nalan seli.   
\s1 Ala loo Yesus neni mamana nakeketu anggama neu  
\r (Mateos 26:57-68; Lukas 22:54-55, 63-71; Yohanis 18:13-14, 19-24)  
\p
\v 53 Basa boe ma toꞌu loo Yesus neni malangga anggama inahuuk Yahudi uman neu. Hataholi inahuu nala lakabua lai ndia so. Hataholi sila ndia, malangga anggama la, mese anggama la, ma lasi-lasi haꞌda kala.  
\v 54 Ledoeik fo ala toꞌu loo Yesus ndia leu, boe ma Petrus babi-babi tungga dea, de ana losa malangga inahuuk anggama Yahudi uman pasan neu. Ndia boe oo, maso neni uma pasan neu, de nanggatuuk dala haꞌi noꞌu no hataholi mana manea lai ndia.   
\p
\v 55 Nai uma ndia dalek, malangga anggama la bekola lo hataholi mana maketu dedeꞌa anggama la. Basa sala sangga buti, fo ala fee salak neu Yesus, huu ala sangga huku lisa Ndia. Tehuu ala taa hambu buti faa boe.  
\v 56 Boe ma ala loke lala hataholi noꞌu kala fo ala sakasii sangga tao latuꞌda Yesus. Tehuu tutui nala boe oo, mana kofeꞌek esa no esa.   
\p
\v 57 Boe ma hambu sakasii luma bali ala foꞌa lambadeik, de ala tui pepekok lae,  
\v 58 “Ai mamanene hataholi ia kokolak nae, ‘Dei fo Au tao atuꞌu heni Uma Ina Huhule-haladoik ia, fo hataholi la lambadedein lenik lima nala. Boe ma fai katelun, na, Au ambadedei falik Uma ndia. Tehuu taa pake hataholi liman.’ ”\x + \xo 14:58 \xt Yohanis 2:19\x*  
\v 59 Tehuu ala kokolak ndia, esa taa nandaa no esa boe.   
\p
\v 60 Basa boe ma Malangga inahuu anggama Yahudi foꞌa nambadeik neu basa hataholi la sila matan. De natane Yesus nae, “Hataholi noꞌu kala kalaak O so! Tehuu hatina de kada O nee-nee?”   
\p
\v 61 Tehuu Yesus taa nataa faa boe. Basa boe ma malangga inahuuk ndia natane selu kana nae, “Soba O mafada sudik dei. Memak tetebes O ia Karistus fo Manetualain Anan fo nana helu basak neme makahulun mai, ndia so?”   
\p
\v 62 Yesus nataa nae, “Memak tetebes, Au ndindia. Dei fo ei basa nggei mita Au, Hataholi Isi-isik ia, nanggatuuk nai nusa-sodak fo nai Manetualain boboa konan. Ndia koasan ana seli! Neu ko Au ma Ndia, toꞌu palenda noꞌu. Basa ndia, na, dei fo Au konda ua koꞌas neme nusa-sodak mai.”\x + \xo 14:62 \xt Daniel 7:13\x*   
\p
\v 63 Namanene Yesus kokolak nae leondia, boe ma malangga inahuuk anggama Yahudi ndia, luli nalan seli, losa ana sii heni badu nalun. Basa boe ma ana nafada no hala belak neu hataholi mana manggatuuk lai mamana nakeketu dedeꞌa anggama ndia nae, “Ita taa paluu sakasii so!  
\v 64 Ei mamanene minik ei ndiꞌidoo heheli mala, Ndia mesa kana kokolak nae leondia hetu? Ana sou aon dadik neu Manetualain Anan. Namumulu belak ia! Tungga anggama heti-heun na, mete ma hambu hataholi esa tao aon sama leo Manetualain, na hataholi ndia musi maten! De hatematak ia, ei sangga maketun leobee?”  
\p Boe ma basa sala laketu lae, “Memak hataholi ia ana sala tetebes. Huu ndia de musi huku nisan!”\x + \xo 14:64 \xt Malangga Anggama la Heti-heun 24:16\x*   
\p
\v 65 Boe ma hataholi luma ala mata leu de ala mbula ambe neu Yesus. Ala mboti ketu matan, boe ma ala mbombokon. Boe ma latanen lae, “Soba O neuk sudik. See ndia tutu O?” Basa boe ma ala palenda hataholi mana manea Uma Ina Huhule-haladoik ndia fo hela loo Yesus. Ala loo Ndia leu, boe ma ala famba lakamiminak Ndia.   
\s1 Petrus kokolak laꞌi telu nae taa nalelak Lamatuak Yesus  
\r (Mateos 26:69-75; Lukas 22:56-62; Yohanis 18:15-18, 25-27)  
\p
\v 66-67 Ledoeik ndia, Petrus bei nanggatuuk nai uma pasan. Boe ma Malangga Inahuu Anggama Yahudi ata inan esa mai, de nitan ana dala haꞌi. Boe ma ana mete besa-besa no Petrus matan de nae, “Isinaak o boe oo tungga sama-sama mua Yesus, hataholi Nasaret ndia, hetu? Tetebes hetu ma?!”   
\p
\v 68 Tehuu Petrus nataa nae, “Taa! Huu hatina de o matane leondiak! Au taa alela Ndia.” Basa ndia boe ma Petrus foꞌa de nambadeik neu mbaꞌa lelesu matan. [Nandaa no ledoeik ndia boe oo, manu kokoa.]\f + \fr 14:68 \ft Susula dedeꞌa Yunani luma taa sulak dedeꞌa-kokolak manai longga ia dalek.\f*   
\p
\v 69 Boe ma, ata inak ndia, nita seluk Petrus, de nafada hataholi malai sila kala, nae, “Hataholi ia, esa neme hataholi la sila mai!”   
\p
\v 70 Tehuu Petrus taa nau simbok, de nae, “Fama o kamuluk do! Au taa alelak Hataholi ndia, maa!”  
\p Doo-doo boe ma hataholi feꞌek esa manai ndiak ana kokolak neu Petrus bali, nae, “Wei! O bei masapepeko bali, mae o taa sama-sama mua hataholi la sila? Wei! Ei basanggei hataholi Galilea hetu!”   
\p
\v 71 Tehuu Petrus nalelesi seluk nae, “Wei. Au soo! Au taa alelak hataholi ndia fa boe.”   
\p
\v 72 Nandaa no ana kokolak nae leondia, boe ma manu kokoa seluk kalaꞌi duan. Boe ma Petrus nasaneda Yesus kokolan isinaak ndia nae, “Manu bei taa kokoa laꞌi dua, tehuu o malelesi Au laꞌi telu so.”  
\p Petrus nasaneda leondia, boe ma ana namatani-nakaleleu.   
\c 15  
\s1 Loo Lamatuak Yesus neu nasale gubenol Pilatus  
\r (Mateos 27:1-2, 11-14; Lukas 23:1-5; Yohanis 18:28-38)  
\p
\v 1 Fafai anan, basa hataholi malai mamana naketu dedeꞌak, lala halak, fo sangga tao lisa Yesus. Boe ma ala mbaꞌa loo Yesus neu nasale gubenol Pilatus.  
\v 2 Ala losa, boe ma gubenol natane Yesus nae, “Leobee? O ia tetebes Mane Yahudi do?”  
\p Yesus nataa nae, “Tetebes! Ama gubenol kokolak ndaan ndia so.”   
\p
\v 3 Basa boe ma malangga anggama Yahudi la kokolak lo gubenol, lae, “Hataholi ia tao salak taa faak so!” Boe ma lafada Ndia sala nala esa-esa.  
\v 4 Gubenol natane seluk Yesus nae, “O taa mamanene sila kokola nala? Ala fee salak noꞌun seli neu O. De, hena O balan dei.”   
\p
\v 5 Tehuu Yesus taa nataa hata fa boe, losa gubenol heran nalan seli.   
\s1 Gubenol Pilatus naketu huku nisa Lamatuak Yesus  
\r (Mateos 27:15-26; Lukas 23:13-25; Yohanis 18:39—19:16)  
\p
\v 6 Tungga-tungga teuk, mete ma hataholi Yahudi la tao feta Paska, na, hataholi noꞌu kala sila, lateme ala hele lala hataholi bui esa fo gubenol mboꞌin.  
\v 7 Faik ndia hambu hataholi bui esa nade Barabas. Makahulun, ala humu lala ndia no nonoo nala, huu ana laban mana palenda Roma, ma ana tao nisa hataholi boe.  
\v 8 Huu feta Paska deka-deka so, de, hataholi noꞌuk leni gubenol Pilatus leu, de ala eki lae, “Ama gubenol! Fai Paska losa so! Mete ma bisa, na, ama gubenol mboꞌi fee ai hataholi bui esa fo leo ita natetemen!”   
\p
\v 9 Boe ma gubenol nataa, nae, “Au mboꞌi fee ei, see? Leobee mete ma au mboꞌi fee ei Mane Yahudi ia do? Ei makaheik, do taa?”  
\v 10 Gubenol kokolak nae leondia, naa te ana bubuluk so, basa malangga anggama la, loo Yesus neni ndia neu, huu ala husembuluk neu Yesus.   
\p
\v 11 Tehuu malangga anggama la mbauedo hataholi noꞌu kala sila, fo basa sala loke gubenol lae, “Ai taa hii Ndia! De kada mboꞌi heni Barabas leo!”   
\p
\v 12 Basa boe ma, gubenol natane seluk nae, “Mete ma leondiak, na, au tao Yesus ia leobee, fo loken, na, lae, ‘Mane Yahudi’ ia?”   
\p
\v 13 Boe ma basa sala eki landaa-landaa lae, “Tao misan! Mbaku misan neu ai ngganggek!”   
\p
\v 14 Boe ma gubenol natane nae, “Tehuu Ana sala hata? Au palisak Ndia so, tehuu au taa hambu salan fa boe!”  
\p Tehuu ala boe eki latingga bali, lae, “Tao misan! Mbaku misan neu ai ngganggek leo!”   
\p
\v 15 Huu gubenol sangga tao namahoko hataholi noꞌu kala sila dale nala, de ana mboꞌi heni Barabas tungga sila hihiin. Boe ma ana palenda hataholi mana manea kala, fo leu filo Yesus.\f + \fr 15:15 \ft Soldadu Roma la pake fifiluk, nana taok neme tali banda louk hida mai. Basa boe ma ala hengge mbaduik matande do tima matande neu tali ndia mbeda nala. Mete ma ala filo lakauꞌutak lenik tali ndia so, na bingga heni loun.\f* Ala filo lateꞌe, boe ma soldadula loon, fo sangga leu mbaku lisan nai ai ngganggek.   
\s1 Soldadu la mbomboko lakamiminak Lamatuak Yesus  
\r (Mateos 27:27-31; Yohanis 19:2-3)  
\p
\v 16 Basa ndia boe ma soldadu la hela loo Yesus leni sila kota musun pasa maloan neu.\f + \fr 15:16 \ft Solodadu la mamanan ndia, ala loke tungga dedeꞌa latin lae, \ft \+it praetorium\+it*. Solodadu la mamana hehelin ndia, fo nai uma dinas asa.\f* Leu ndia boe ma ala loke lala sila nonoo nala batalion esa.  
\v 17 Boe ma ala fee Yesus pake badu manalu mbila-balanggeok esa, sama leo mane kala lateme paken. Basa boe ma, ala haꞌi lala ai dilak ndanan, de ala nanen dadik solangga. Boe ma ala neꞌe solangga dilak ndia neu Yesus langgan de ala tao lakamimina kana leo ala soꞌu mane beuk, pake solangga manek.   
\p
\v 18 Boe ma basa sala fee hadak lakamiminak Ndia, lae, “Soda-molek, mane Yahudi!”  
\v 19 Ma ala taok sendek lakamiminak fee hadak neu Yesus matan. Basa de, ala mbula lakaduduak ambe neu Yesus matan. Basa de, ala denggu lakauꞌutak Ndia lenik ai.  
\v 20 Ala lakamimina kana basa, boe ma ala oꞌdu heni badu nalun. De ala oꞌdu falik badun neu seluk. Basa boe ma, loon kalua neni kota Yerusalem deak neu, fo ala leu mbaku londa lisan nai ai ngganggek.   
\s1 Ala mbaku lisa Lamatuak Yesus nai ai ngganggek  
\r (Mateos 27:32-44; Lukas 23:26-43; Yohanis 19:17-27)  
\p
\v 21 Ledoeik ala kalua leme kota Yerusalem mai, de ala lala dala laladak boe ma latonggo lo touk esa neme kota Kirene mai. Touk ndia nade Simon, fo Alexander no Rufus aman. Bei fo ana sangga losa Yerusalem, tehuu soldadu la toꞌu lalan de lakasetin ana luꞌa Yesus ai ngganggen.\x + \xo 15:21 \xt Roma 16:13\x*  
\v 22 Ala hela loo Yesus losa mamanak esa nade Golgota. (Ndia sosoan nae, ‘mamanak langgaduik.’)  
\v 23 Leu ndia, boe ma ala nau fee Yesus ninu anggol oek makeis fo nana seseok no akidook, suek Ana nakatataka hedis. Tehuu Yesus taa nau ninu.  
\v 24-25 Boe ma ala mbaku lakalelenggak Yesus neu ai ngganggek. Boe ma ala lambadedei ai ngganggek ndia, meda neu liꞌu sio fafain. Boe ma soldadu la leꞌa lot, fo ala sangga bubuluk see ndia hambu Yesus baloꞌa-papaken.\x + \xo 15:24-25 \xt Sosoda Koa-kio kala 22:19\x*  
\v 26 Boe ma ala sulak neu papak esa nae,  
\qc \it “Ia, hataholi Yahudi la Manen.”\it*  
\p Ala pake toꞌok ndia, fo huku Yesus.  
\v 27 Ala mbaku lisa tou nakodaa dua, lai ndia boe. Esa nai Yesus boboa konan; esa nai Yesus boboa kiin.  
\v 28 [No leondiak ala tungga hata fo nana sulak memak nai Manetualain Susula Malalaon dalek nae. “Ala tao Ndia sama leo hataholi manggalauk.”]\f + \fr 15:28 \ft Susula dedeꞌa Yunani laak nalan seli, taa sulak lalane kadua hulu falun ia.\f* \x + \xo 15:28 \xt Yesaya 53:12\x*   
\p
\v 29 Basa hataholi mana laꞌok lesik ndia, lita Yesus nana londak nai ai nggange ndia. Boe ma ala kakalek langgan fo haumeme lakamamaek Yesus, lae, “Wei! O mae O tao matuꞌu Manetualain Uma Ina Huhule-haladoin, fo basa na o mambadedei fali kana nai faik telu dalen, hetu?\x + \xo 15:29 \xt Sosoda Koa-kio kala 22:8; 109:25; Markus 14:58; Yohanis 2:19\x*  
\v 30 Heni O konda muma ai ngganggek ndia lain mai, fo makammboꞌik heni O aoinam leo! Mete ma leondiak na, bei fo ai mamahele memak, mae O ia Manetualain Anan.”   
\p
\v 31 Malangga anggama Yahudi la malangga nala, ma mese anggama la boe oo, ala haumeme Yesus, ma lakokola lae, “Ana tao nasoda hataholi feꞌek, tehuu taa bisa tao nasoda Ndia aoinan hehelin!  
\v 32 Ana nafada nae, Ndia ndia ‘Karistus’, Hataholi fo Manetualain helu mema kana neme makahulun ele mai so. Hataholi feꞌek lae, Ndia ndia, hataholi Israel Manen. Mete ma tetebes leondiak, na elan Ana konda aon neme ai ngganggek lain mai, fo ita tita sudi kana dei. Leondiak, bei fo ita basa nggata bisa tamahele Ndia.”  
\p Hataholi kadua kala fo nana londak lo Yesus boe oo, ala tungga haumeme Ndia boe.   
\s1 Lamatuak Yesus maten  
\r (Mateos 27:45-56; Lukas 23:44-49; Yohanis 19:28-30)  
\p
\v 33 Basa ndia, boe ma makiuk mboti nala mamanak ndia, neme ledo kamatetun losa liꞌu telu ledo bobon.  
\v 34 Nandaa no liꞌu telu ledo bobon, boe ma Yesus nanggou nenik dedeꞌa Aram nae, \it “Eloi! Eloi! Lema sabaktani?”\it* (Ndia sosoan nae, “Au Lamatuang! Au Manetualain aa! Hatina deAma laꞌo ela Au leo iak?”)\x + \xo 15:34 \xt Sosoda Koa-kio kala 22:2\x*   
\p
\v 35 Hataholi luma mana dekak lai ndia, lamanene Yesus halan ndia. Boe ma ala lae, “Wei!, Ei mamanene dei. Ana noke Elia, fo Manetualain mana kokola makahulun ele ndia!”  
\v 36 Boe ma hataholi esa nalaik-nalaik mesan neu haꞌi lombu, de ana domben neni anggol oek makeis dale neu. Boe ma ana kofu lombu neu teteꞌe-aik esa mbeꞌdan, de ana loo kana neu Yesus bifidoon fo nasamusi. Basa ndia boe ma hataholi la kokolak lae, “Mahani fo ata mete sudi kana dei! See bubuluk nae fama Baꞌi Elia mai nakondan neme ai nggangge lain mai.”\x + \xo 15:36 \xt Sosoda Koa-kio kala 69:22\x*   
\p
\v 37 Basa boe ma, Yesus nanggou laꞌi esa seluk bali, boe ma maten.   
\p
\v 38 Nai Uma Ina Huhule-haladoik dale, ala londa tema lelesu maloa esa fo babaa neu Manetualain Kama Malalaon. Nandaa no ketu Yesus ani hahaen, boe ma tema lelesu maloa ndia, sii baꞌen neu dua, neme lain mai, losa dae.\x + \xo 15:38 \xt Kalua neme Masir mai 26:31-33\x*   
\p
\v 39 Nai Golgota malangga soldadu esa nambadeik nanea dekak no Yesus nai ai ngganggen. Ledoeik ana nita Yesus mamaten, boe ma ana nggengge. Basa de ana nae, “Awi! Hataholi ia memak tetebes Manetualain Anan bae maa!”   
\p
\v 40-41 Ma inak luma lambadeik lai ndia, de lita Yesus mamaten leme dook mai. Sila ndia, fo, makahulun ala ono-lau Yesus neme Galilea. Ina kala sila, Salome, Maria neme nggolok Magdala mai, ma Maria feꞌek esa boe (ndia Yakobis taꞌeanak ma Yoses\f + \fr 15:40-41 \ft Hambu susula Yunani luma lae ‘Yoses inan’, ma seluk lae ‘Yosef inan’.\f* inan), ma inak feꞌek noꞌu kala fo ala laꞌok sama-sama tungga Yesus neni Yerusalem mai.\x + \xo 15:40-41 \xt Lukas 8:2-3\x*   
\s1 Latoi Lamatuak Yesus  
\r (Mateos 27:57-61; Lukas 23:50-56; Yohanis 19:38-42)  
\p
\v 42-43 Basa ndia boe ma hataholi esa sangga dalak fo nakonda Yesus mbombolan neme ai ngganggek lain mai. Hataholi ndia nade Yusuf, neme kota Arimatea mai. Ndia boe oo, mana maketu dedeꞌa anggama Yahudi. Ndia dalen malole hiak. Ndia boe oo nahani Manetualain palendan mamain.  
\p Yesus maten laꞌe neu fai lima. Foꞌa mai, nandaa no hataholi Yahudi la fai huhule-haladoin. Huu ndia de Yusuf sangga nakonda nakahuluk Yesus mbombolan dei. Boe ma nambalalani dalen, de ana neni gubenol Pilatus neu, fo noke nakonda Yesus mbombolan.  
\v 44 Gubenol namanene Yusuf nonoken ndia, boe ma ana heran, de nae, “Awii! Hataholi ndia mate lai-lai so! Au ae hetuk, taa bisa dadi leo ndiak maa!”  
\p Boe ma ana nadenu hataholi leu loke malangga soldadu fo natanen, nae, “Leobee? Yesus ndia, maten so, do beik?”   
\p
\v 45 Malangga soldadu ndia nataa nae, “Memak maten ndia isinaak so, Ama.” Gubenol namanene leondia boe ma nadenu Yusuf neu nakonda heni Yesus mbombolan.   
\p
\v 46 Boe ma Yusuf neu hasa tema naluk mabeli. De, neni Golgota neu. Boe ma ana nakonda Yesus mbombolan neme ai ngganggek lain mai. Ana mbomboti nalolole Yesus mbombolan nenik tema beuk fo belin seli. Ledoeik ndia, bei fo ala mbaꞌa lala late lua beuk esa nai lete batu. Boe ma ala koꞌo Yesus mbombolan neni lates ndia dalek neu. Ala keko lala batu bebela inahuuk esa, de ala tatana latalololen neu lates bafan. Boe ma Yusuf asa fali.   
\p
\v 47 Faik ndia Maria neme Magdala mai no Maria feꞌek (fo Yoses inan), de ala tungga losa ndia boe. Dua sala lita de lasaneneꞌdak neulalau mamanak ndia fo ala mbeda Yesus mbombolan ndia neu.   
\c 16  
\s1 Lamatuak Yesus nasoda fali!  
\r (Mateos 28:1-8; Lukas 24:1-12; Yohanis 20:1-10)  
\p
\v 1 Neu foꞌa main, laꞌe neu fai nee, fo hataholi Yahudi la fai huhule-haladoin. Faik fo ledo tesa so, boe ma Maria neme nggolok Magdala, Maria feꞌek ndia (fo Yakobis inan), no Salome leu hasa mina kaboo menik, suek foꞌa na, ala sangga leu mbimbilun neu Yesus mbombolan, tungga hataholi Yahudi la hadan.  
\v 2 Neu Sosoda ina fafai anan, boe ma telu sala leni lates leu.  
\v 3-4 Ala losa dala laladak, boe ma telu sala lakokola lae, “Wei! Tehuu see ana bisa fali ita, fo loli heni batu inahuuk ndia, neme lates lelesun mai? Memak ita telu nggata taa tabeꞌi loli batu ndia, huu batu ndia inahuun ana seli.”  
\p Ala losa ndia, tehuu lita batu ndia, nana loli henik so.  
\v 5 Boe ma ala lakandoo leni lates dale leu. Tehuu ala nggengge lalan seli, huu lita touanak esa papaken fula manggadilak, nanggatuuk nai sila boboa konan.  
\v 6 Boe ma touanak ndia kokolak no sala nae, “Wei! Ei boso bii! Au bubuluk ei mai sangga Yesus maneme Nasaret mai fo ala tao lisan nai ai ngganggek lain ndia. Tehuu Ndia taa nai ia so. Ana nasoda fali so. Mai fo mita aom mamanak fo lakambembeu Yesus mbombolan ndia louk so.  
\v 7 Ei fali lai-lai leo! Miu mafaꞌda Petrus asa mae, Yesus Ana nasoda fali so. Ana laꞌo nakahuluk neni Galilea neu so. Neu ko ala latonggo lo Yesus nai ele, fo leo makahulun nafada basa sila so. De, ama fali leo!”\x + \xo 16:7 \xt Mateos 26:32; Markus 14:28\x*   
\p
\v 8 Ledoeik fo ina kala sila lita mamanak ndia louk tetebes so, boe ma ala nggengge. De lalai deak leu. De, ala fali lai-lai. Ala taa lafada see esa boe nai dala laladak, huu ala bii lalan seli.   
\s1 [Lamatuak Yesus natonggo no Maria maneme nggolok Magdala mai  
\r (Mateos 28:9-10; Yohanis 20:11-18)  
\p
\v 9 Sosoda ina fafain, Yesus neu natudu aon makasososan neu Maria, fo maneme nggolo Magdala mai, fo makahulun Yesus husi heni nitak nitu hitu leme inak ndia aon dale mai.\f + \fr 16:9 \ft Susula dedeꞌa Yunani laak nalan seli ma malole nalan seli nai lalane kafalun. Markus tutui mateꞌen ana kena nenik dalak dua; esa manalu (Markus 16:9-20), ma esa kekeꞌuk (Markus 16:9-10). Tungga hataholi malela kala, mana malela malole Markus tutuin ia, kekena kadua kala ia, ala sula kana nakabuik. Dua sala tui Yesus nasoda falin neme mamaten mai, ma hataholi fo mana mamahele leu Yesus ue nala.\f*  
\v 10 Nita basa Yesus, boe ma ana fali de neu nafada basa hataholi la fo makahulun mana tungga Yesus. Ala bei lakabubua lo dale hedik, ma luu nala tuda huu lasaneda Yesus mamaten.  
\v 11 Basa boe ma Maria nafada sala nae, “Talobee, de ei bei dale hedi? Boso dale hedi bali, huu Yesus nasoda fali so. Bei lai-laik ia, au atonggo ua Ndia so!”  
\p Tehuu sila basa sala lataa lae, “Wei, O pepeko ndia!”   
\s1 Lamatuak Yesus natudu seluk aon neu ana mana tungga nala dua  
\r (Lukas 24:13-35)  
\p
\v 12 Basa ndia boe ma Yesus ana mana tungga nala dua leni nggolok esa leu. Ala losa dala lalaꞌdak, boe ma Yesus natudu aon neu dua sala. Tehuu Yesus namata-ao feꞌek. Tehuu taa dook boe ma lalela kana.  
\v 13 De dua sala fali leu lafada nonoo nala lae, “Wei, mamanene dei! Isinaak ai bei fo ai matonggo mia Yesus neme dala laladak!”  
\p Tehuu basa nonoo nala lataa lae, “Wei! Ei boso pepeko leo ndiak.”   
\s1 Lamatuak Yesus natudu aon neu basa ana mana tungga nala  
\r (Mateos 28:16-20; Lukas 24:36-49; Yohanis 20:19-23; Hataholi Nadedenu nala Tutuin 1:6-8)  
\p
\v 14 Boe ma Yesus natonggo no ana mana tungga kasanahulu esa nala, neu ledoeik fo bei laꞌa-linu. Nafada sala nae, “Wei! Ei langga batu nala seli! Hataholi la lafada ei lae, lita Au no sila mata deꞌe heheli nala so, tehuu ei taa nau mamahele fa boe, maa! Ei mafada mae, basa sala pepeko ndia! Hatematak ia Au mai matang so. Memak Au mate so, tehuu hatematak ia, ei mita mata nggei, Au asoda asafali so! De, ei mita mata nggei leo.   
\p
\v 15 De, hatematak ia ei musi miu laꞌok ndule daebafok ia, fo miu mafada basa hataholi la, Au Tutui Maloleng ia.\x + \xo 16:15 \xt Hataholi Nadedenu nala Tutuin 1:8\x*  
\v 16 Hataholi fo namahele neu Au, ma ana hambu salanik, na, neu ko Manetualain feen sodak, fo, ana leo losa dodoon neu, no Manetualain nai nusa-sodak. Tehuu hataholi fo taa namahele, na, neu ko ana hambu huhukuk, ma Manetualain timba henin, fo ana leo nai nusa-sodak deak losa dodoon neu.  
\v 17 Ma hataholi fo namahele neu Au, neu ko ala tao tanda heran mata-mata kala fo basa hataholi la lamahele lae sila koasan ndia memak neme Manetualain mai. Leo, neu ko ala husi nitu la pake Au nadeng. Neu ko Manetualain tao nala sala bisa lakokola pake dedeꞌa feꞌek, fo ala taa bubuluk.  
\v 18 Boe ma mete ma ala toꞌu mengge kalasok, do linu laꞌe laso, na, ala taa hambu soe. Boe ma mete ma ala tao lima nala fo hule-haladoi fee hataholi kamahedik, na, neu ko hataholi ndia hai.”   
\s1 Lamatuak Yesus mana soꞌuk neni nusa soꞌdak neu  
\r (Lukas 24:50-53; Hataholi Nadedenu nala Tutuin 1:9-11)  
\p
\v 19 Yesus kokolak no basa ana mana tungga nala, boe ma Manetualain soꞌun neni nusa soꞌdak dalek neu. Nai ndia Ana dadik neu Manetualain lima boboa konan, fo dua sala palenda leu esa.\x + \xo 16:19 \xt Hataholi Nadedenu nala Tutuin 1:9-11\x*   
\p
\v 20 Basa boe ma ana mana tungga nala tungga Ndia palendan. Ala leni basa sudi bee leu, de ala tui-bengga Yesus Tutui Malolen neu basa hataholi la. Boe ma Manetualain fee sala koasa, fo ala tao tanda heran fo sama leo Yesus nafadak ndia so. Boe ma hataholi noꞌu kala lamahele Yesus, huu ala bubuluk lae, Tutui Malole ndia, memak tetebes].  
\s1 [MARKUS TUTUI MATEꞌEN TUNGGA SUSULA LELE ULU FEꞌE KALA  
\p \vp 9\vp* Ledoeik fo ina katelu kala sila losa Petrus no nonoo nala, boe ma ala tui sala basa dedeꞌa kala, laꞌeneu touanak fo mana kokolak no sala leme lates isinaak ndia.\f + \fr 16:20 \ft Susula dedeꞌa Yunani laak nalan seli ma malole nalan seli nai lalane kafalun. Markus tutui mateꞌen ana kena nenik dalak dua; esa manalu (Markus 16:9-20), ma esa kekeꞌuk (Markus 16:9-10). Tungga hataholi malela kala, mana malela malole Markus tutuin ia, kekena kadua kala ia, ala sula kana nakabuik. Dua sala tui Yesus nasoda falin neme mamaten mai, ma hataholi fo mana mamahele leu Yesus ue nala.\f* \vp 10\vp* Basa boe ma, Yesus mesa kana palenda ana mana tungga nala, fo leu tui-bengga Tutui Malole ia nai basa mamanak lalaꞌen, losa daebafok buꞌu nala. Tutui Malole ia natudu dalak fo Manetualain tao nasoda hataholi la leme sala-singgo nala mai, suek lasoda lakandoo lo Ndia.  
\p Tutui Malole ia, memak tetebes. Huu ndia. de nahele nakandoo, losa taa mana basak.]