\id LUK  
\h Lukas 
\toc1 Lamatuak Yesus tutui malolen, tungga Lukas 
\toc2 Lukas 
\toc3 Luk 
\mt2 Lamatuak Yesus tutui malolen,  
\mt2 tungga  
\mt1 Lukas  
\c 1  
\s1 Huu hata de Lukas sulak tutuik ia  
\p
\v 1-3 Ama Teofilus\f + \fr 1:1-3 \ft Nade \ft \+it Teofilus\+it* nai dedeꞌa Yunani ndandaan, nae, ‘hataholi mana sue Lamatuak’. Ia Lukas susula kaꞌesan fo ana sulak fee Teofilus.\f* fo nana hadak.  
\p Soda-molek.  
\p Hataholi noꞌu kala, soba sulak so, tutuik laꞌeneu dedeꞌa kala mana dadik nai ai lalada nala. Ala sulak tutui kala sila, lenik tutuik fo ana eo neme ai mai, ma neni ai mai seluk neme makahulun mai. Tutui kala sila fo ai bubulu kana neme Lamatuak Yesus hataholi nala mana deka lo Ndia, ma neme hataholi feꞌek mai boe, fo nita no mata deꞌe hehelin. Basa tutui kala sila, nandaa leo Manetualain helu mema kana, neme makahulun mai so.  
\p De, au palisa kana lutu-lutuk basa sila so, mulai neme tutuik ndia huu-okan. Boe ma au aketun, fo sulak basa sila, no malole, tungga ndia tutunggan. No leo ndiak, na ama bisa bubuluk no teteben, hata fo ana dadi so.  
\v 4 Ma ama boe oo, bisa mamahele, hata fo hataholi la tuik ndia tetebes. Basa sila memak mana dadik so!   
\s1 Lamatuak atan neme nusa-sodak mai, nafada memak Yohanis Manasalanik dadadin  
\p
\v 5 Tutuik ia huun leo iak: faik fo Mane Herodes toꞌu palenda nai propinsi Yudea, hambu hataholi esa nade Zakarias. Ndia ndia, esa neme malangga anggama Yahudi la mai. Ma ndia boe oo, neme baꞌi Abia buao malangga anggaman mai. Zakarias saon, nade Elisabet. Ndia boe oo, tititi-nonosik neme malangga anggama la mai, huu ndia ndia, baꞌi Musa kaꞌan Harun tititi-nonosin\x + \xo 1:5 \xt 1 Israꞌel no Yahuda Tutuin 24:10; Kalua neme Masir mai 7:7\x*  
\v 6 Dua sala lasoda lo ndoos, tungga Manetualain palendan, ma basa heti-heu nala. Hataholi la boe oo, fee hadak neu sala.  
\v 7 Dua sala lamalasi so, tehuu ana nala ta, huu Elisabet anamanan, nana kenak.   
\p
\v 8 Laꞌi esa, Zakarias ma ndia nonoo buao Abia nala hambu susula babaꞌe ues, nai Uma Ina Huhule-haladoik nai Yerusalem.  
\v 9 Tungga sila natetemen, na malangga anggama la sila leꞌa lot, fo sangga bubuluk see hambu ues maso neni Uma Ina Huhule-haladoik Kama Malalaon Manai Lain Seli ndia dalek neu. Nai ndia, hataholi ndia musi dede ai kaboo menik nai Manetualain matan. Faik ndia, ala leꞌa lot, de lot tuda laꞌeneu Zakarias.  
\v 10 Boe ma ana maso dalek neu. Ledoeik ana dede ai kaboo menik nai Kama ndia dalek, naa te hataholi noꞌu kala hule haladoi lai Uma Ina Huhule-haladoik ndia pasan.  
\v 11 Kada nggengge neuk Manetualain ata nusa-sodan esa, mai nambadeik neu mamana dedede ai kaboo menik ndia boboa konan.   
\p
\v 12 Nita leo ndia, boe ma Zakarias bii nalan seli, losa ta bubuluk tao hata so.  
\v 13 Tehuu ata nusa-sodak ndia, kokolak nae, “Zakarias! Boso bii bou! Huu Manetualain namanene o huhule haladoim so. De, dei fo o saom bonggi fee o, ana touanak esa. O musi foin nade Yohanis  
\v 14 Dei fo hataholi noꞌu kala, lamahoko tungga noꞌu lo ei, huu ei hambu anak. Kakanak ia, dei fo tao nala o dalem namahoko.  
\v 15 Lamatuak Dula Dale Malalaon koasan, no ndia, mulai neme inan bei nailun. Ana musi naluli ninu ala-lalu mata-matak. Faik fo ana inahuu mai, boe ma Manetualain paken dadik neu hataholi inahuuk.\x + \xo 1:15 \xt Lelekek 6:3\x*  
\v 16 Dei fo ana kokoe nala hataholi Israel asa noꞌuk, fo lasafali tungga sila Lamatuan, fo ndia Manetualain.  
\v 17 Ndia hadan ma koasan, sama tetebes leo baꞌi Elia, fo Lamatuak mana kokola makahulun ndia. Ana mai nakahuluk neme ita Lamatuan. Ana tao nala ina-ama la, sue lasafali sila ana nala. Ma hataholi mana heok lasadea Lamatuak, ana tao nasafali sala boe, fo ala pode lasafali tungga Lamatuak hihii-nanaun. No leo ndiak, na ana tao nala hataholi la, lahehele dale nala, fo simbok Lamatuak mamain.”\x + \xo 1:17 \xt Maleaki 4:5-6\x*   
\p
\v 18 Tehuu Zakarias natane nasafali ata nusa-sodak ndia, nae, “Neme bee mai, bisa dadi!? Au ua au saong mamalasi leo iak so! De, tandan hata fo au bisa ita basa dedeꞌa kala ia dadi so?”   
\p
\v 19 Boe ma, ata nusa-sodak ndia nataa, nae, “Leo iak! Au ia Jibrael, fo Manetualain nadedenun. Ndia mesa kana nadenu au, fo au mai afada o dedeꞌa malole ia.\x + \xo 1:19 \xt Daniel 8:16; 9:21\x*  
\v 20 Tehuu, o ta nau mamahele au kokolang ia. De, ndia tandan, fo o mokek ndia leo iak! O maam nakadita, de o ta bisa kokolak hata-hata, mulai neme hatematak ia mai, losa ei hambu kakanak ndia. Dei fo o mita aom. Huu hata fo au afadak ia, dei fo ana dadi, nandaa no ndia fain.”   
\p
\v 21 Hataholi noꞌu kala mana hule-haladoi lai deak ele, lamanggonggoak so, huu Zakarias ta kalua ndoos.  
\v 22 Ledoeik ana kalua deak mai, tehuu ana ta bisa kokolak hata esa so bali. Boe ma ana nakababalek nenik liman neu sala, de dei fo ala bubuluk, lae, Lamatuak natudu fee ndia so, dedeꞌa heran esa neme Kama Malalaok Nalan seli ndia dalek.   
\p
\v 23 Sila uen basan, boe ma Zakarias fali neni uman neu.  
\v 24-25 Ta dook boe ma, Elisabet naꞌilu, de ana kekek nai uman losa bulak lima. Ana kokolak nae, “Koa-Kiok neu Lamatuak! Mateꞌen Lamatuak natudu Ndia dale malolen neu au. Au hambu tititi-nonosik, de hataholi la ta lakamamaek au so bali.”   
\s1 Lamatuak ata nusa-sodan mai natonggo no Maria  
\p
\v 26 Ledoeik Elisabet ilun laꞌok bulak nee, boe ma Lamatuak haitua Ndia ata nusa-sodan esa, neni nggolok esa neu, nai propinsi Galelea, nade Nasaret. Ata nusa-sodak ndia nade Jibrael.  
\v 27 Nai Nasaret hambu inanak esa, nade Maria. Maria nafufudik no touk esa nade Yusuf. Yusuf ndia, na, mane Dauk tititi-nonosin. Jibrael neu natonggo no inana Maria ndia.\x + \xo 1:27 \xt Mateos 1:18\x*  
\v 28 Ana natudu aon neu inanak ndia, boe ma nae, “Soda-molek, ina! Manetualain hele nala o so, fo sangga tao dedeꞌa malole esa neu o. Manetualain sama-sama no o, Maria.”   
\p
\v 29 Namanene leo ndia, boe ma Maria namanggonggoak neu ata nusa-sodak kokolan ndia. Ana ta bubuluk ndia ndandaan hata.  
\v 30 Boe ma ata nusa-sodak ndia tuti bali, nae, “Maria! O boso bii.  
\q2 Huu Manetualain naena hihiik natudu Ndia dale malolen neu o.  
\v 31 Ta dook so, huu o maꞌilu, boe ma dei fo o bonggi mala ana touanak esa.  
\q2 O musi foin nade \it Yesus\it*.\f + \fr 1:31 \ft Nai dedeꞌa Ibrani, na \ft \+it Yeshua\+it* ndandaan nae, ‘Manetualain Ana fee sodak neu hataholi la’. ‘Yeshua’ ndia, na ndia \+it Yesus\+it* nai dedeꞌa Yunani. Mete Mateos 1:21 boe.\f*  
\v 32 Dei fo Ana dadik Hataholi inahuuk.  
\q2 Dei fo Lamatuak noken na nae, ‘Ndia ndia, Au ana heheling.’ Ndia fo, Kakanak neme Manetualain fo Manai Lain Seli. Dei fo Manetualain soꞌu nalan, fo Ana toꞌu palenda, sama leo Ndia baꞌin Dauk.   
\q2
\v 33 Dei fo Ana palenda hataholi Israel asa nakandondoo henin.\f + \fr 1:33 \ft Dedeꞌa Yunani nana sulak nae, ‘Ndia palenda Yakob uman’. Ndia ndandaan, nae, ‘Ndia palenda hataholi Israel asa’\f*  
\q2 Huu Ndia totoꞌu palendan ta mana basak.”\x + \xo 1:33 \xt 2 Semuel 7:12, 13, 16; Yesaya 9:7\x*   
\p
\v 34 Tehuu Maria natane Jibrael, nae, “Au ia, bei ta sunggu itak ua touk esa boe! De talobee, fo au bisa aꞌilu?”   
\p
\v 35 Boe ma Jibrael nataa, nae, “Leo iak! Dei fo Manetualain Dula Dale Malalaon mai neu o. Ma Manetualain fo Manai Lain Seli ndia koasan dei fo mboti nala o. No leo ndiak, na Kakanak fo dei fo o bonggik ndia, tebe-tebe malalaok. Huu Ndia ndia, Manetualain Anan.   
\p
\v 36 Boso heran! Huu o bobonggim esa, nade Elisabet, nailu so boe. Hataholi la lae, ndia ta bisa bonggi so, huu ndia lasik so. Tehuu hatematak ia, ndia tein, laꞌok bulak nee ia so.  
\v 37 Huu soaneu Manetualain, na basan bisa dadi!”\x + \xo 1:37 \xt Tutuik laꞌeneu Sososan 18:14\x*   
\p
\v 38 Boe ma Maria nataa nae, “Malole. Au ia Manetualain atan. De ela basan dadi tungga o kokolam ndia. Au ahehele tungga kada Lamatuak hihii-nanaun.”  
\p Basa boe ma ata nusa-sodak ndia, laꞌo elan.   
\s1 Maria neu tilo Elisabet  
\p
\v 39-40 Seli faik hida, boe ma Maria laꞌo lai-lai neme Nasaret mai, neni Zakarias nggolon neu, nai letek manai Yudea. Losa ndia, de ana maso tutik neni Zakarias uman neu. Boe ma ana fee hadak neu Elisabet.   
\p
\v 41 Ledoeik Elisabet namanene Maria fee hadak neu ndia, boe ma kakanak manai Elisabet tein dale, nafoki. Ma Lamatuak Dula Dale Malalalon maso neni Elisabet dalen neu.  
\v 42 Boe ma ana kokolak natingga nae, “Maria! Dei fo hataholi la, soꞌu lamadedema o nadem, lena heni basa ina kala malai daebafok ia! Dei fo hataholi la, soꞌu lamadedema kakanak manai o teim dale ndia!  
\v 43 Au boe oo, nanasoꞌuk tungga, huu au Lamatuang inan mai natonggo no au.  
\v 44 Ledoeik o maso fee hadak neu au leo ndiak, boe ma tutik au anang manai au teing dale, nafoki, huu namahoko.  
\v 45 Manetualain natudu Ndia dale malolen neu o so, huu o mamahele, Ana sangga tao tungga Ndia hehelun.”   
\s1 Maria koa-kio Manetualain  
\p
\v 46 Maria soꞌuk halan, nae, “Neme au dale kadiꞌi anang dalek mai, au soꞌuk amadedema Lamatuak!   
\q2
\v 47 Au daleng namahoko, huu Manetualain fee au sodak!   
\q2
\v 48 Ana tao matak neulalau neu au,  
\q2 Ndia hataholi nadedenun fo sosoan ta ia. Mulai neme hatematak ia mai, basa hataholi la taok au ia,  
\q2 inak fo maua-manalek nalan seli,\x + \xo 1:48 \xt 1 Semuel 1:11\x*  
\v 49 huu Lamatuak tao dedeꞌa heran neu au.  
\q2 Ndia ndia, Mana Koasa ma Malalaok Nalan Seli.  
\v 50 Manetualain natudu taa-taa namemeda kasian neu basa hataholi la, fo mana fee hadak ma lakaluku-lakatele neu Ndia,  
\q2 neme numbusaduk esa mai, neni numbusaduk feꞌek neu.  
\v 51 Ana pake Ndia koasan,  
\q2 fo tao naodek neu hataholi mana koao kala.  
\v 52 Ana tao natuda hataholi mana koasa la, huu koao nala.  
\q2 Tehuu Ana soꞌu laik hataholi madale taidae kala.\x + \xo 1:52 \xt Ayub 5:11; 12:19\x*  
\v 53 Ana fee hataholi mana ndoe kala, laꞌa losa lakabete,  
\q2 tehuu Ana husi heni hataholi kamasuꞌi kala, fo ala laꞌo lo sila lima lou nala.  
\v 54 Ana tulu-fali Ndia hataholi Israel asa,  
\q2 ma Ana natudu taa-taa Ndia dale kasian neu sala.  
\v 55 Makahulun, Ana mbaꞌa heheluk no ita bei-baꞌi nala,  
\q2 fo ndia, baꞌi Abraham, ma basa numbu sadu nala. Hatematak ia, heheluk ndia nanambaꞌak nakandondoo henin.”\x + \xo 1:55 \xt Tutuik laꞌeneu Sososan 17:7; 1 Semuel 2:1-10\x*   
\p
\v 56 Boe ma Maria leo no Elisabet losa bulak telu. Basa de ana fali neni uman neu nai Nasaret.   
\s1 Elisabet bonggi Yohanis  
\p
\v 57 Ndia fain losa leo ndia, boe ma Elisabet bonggi ana touanak esa.  
\v 58 Halak ndia natanggela neni ndia bobonggi nala neu, ma nggolo isi kala, lae, Manetualain natudu Ndia dale malolen, de ana fee Elisabet anak esa. Boe ma basa sala lamahoko.   
\p
\v 59 Ledoeik kakanak ndia faik falu, boe ma ala sunat ana, tungga hataholi Yahudi la heti-heun. Ala nau foi kakanak ndia nade Zakarias, tungga ndia aman naden.\x + \xo 1:59 \xt Malangga Anggama la Heti-heun 12:3\x*  
\v 60 Tehuu inan ta nau, de nae, “Ta bisa leo ndiak! Ndia naden, musi Yohanis!”   
\p
\v 61 Tehuu ala bala lae, “Hatina de o hele mala nade Yohanis ndia? Ta hambu hataholi esa boe nai ei bobonggi mala, pake nadek ndia!”  
\v 62 Boe ma ala lakababalek lima nala neu Zakarias, fo sangga bubuluk ana sangga foi kakanak ndia nade see.   
\p
\v 63 Zakarias nakababalek liman fo noke lei. Ala feen lei, de ana sulak, nae, “Ndia naden Yohanis!” Boe ma basa hataholi la, heran lalan seli.   
\p
\v 64 Kada nggengge neuk, huu Zakarias maan mana makaditak ndia, bangganaꞌu so. Boe ma ana koa-kio Manetualain.  
\v 65 Basa hataholi mana leo dekak lai ndia, ala bii lalan seli. Boe ma tutuik ndia nakambela neme bafak mai neni bafak neu, losa hataholi la, malai lete kala malai propinsi Yudea, basa sala bubuluk.  
\v 66 Hataholi mana mamanene tutuik ndia, duduꞌa, lae, “Manggaledok so, Lamatuak koasan no kakanak ndia. Dei fo ana inahuu mai, na ana dadik hataholi namata-ao leo hata, bae?”   
\s1 Zakarias ana koa-kio Manetualain  
\p
\v 67 Basa boe ma, Lamatuak Dula Dale Malalaon maso neni Zakarias dalen neu. Huu ndia de, ana kokolak, nae,   
\q1
\v 68 “Koa-kiok neu Lamatuak, fo hataholi Israel asa Manetualain!  
\q2 Huu Ana mai tifa nala Ndia hataholi nala,  
\q3 fo suek ala boso sama leo ata.   
\q1
\v 69 Lamatuak soꞌu nala Hataholi esa fo Ndia koasan ana seli so,  
\q2 fo dei fo Ana fee sodak neu ita.  
\q3 Ndia ndia, neme mane Dauk tititi-nonosin mai.   
\q1
\v 70 Lamatuak helu memak basa ia la so, neme lele uluk mai,  
\q2 pake Ndia mana kokola nala, fo dale nala katemak lo Ndia.   
\q1
\v 71 Hatematak ia, Ana sangga mboꞌi heni ita  
\q2 teme ita musu nala mai,  
\q2 ma teme hataholi la, fo mana dale hedi neu ita.   
\q1
\v 72-73 Ana natudu Ndia dale malolen neu ita bei-baꞌi nala,  
\q2 huu Ana nasaneda taa-taa Ndia hehelu nala  
\q3 fo Ana mbaꞌan no baꞌi Abraham.   
\q1
\v 74 Ana mboꞌi heni ita so, teme ita musu nala mai,  
\q2 fo ita bisa takaluku-takatele neu Ndia,  
\q3 ma ta paluu ita bii so bali.   
\q1
\v 75 Ana mboꞌi heni ita so,  
\q2 suek ita bisa tasoda malalaok, ma ndoos nai Ndia matan.   
\q1
\v 76 Anis! O ia, Au anang.  
\q2 Dei fo hataholi la lalelak o, lae, o ia, Manetualain fo Manai Lain Seli mana kokolan.  
\q1 Dei fo o muu mafada hataholi la,  
\q2 fo lalengga dale nala, suek ala simbok Lamatuak mamain.\x + \xo 1:76 \xt Maleaki 3:1\x*   
\q1
\v 77 Dei fo o muu matudu dalak neu Lamatuak hataholi nala,  
\q2 suek ala bubuluk sila hambu sodak,  
\q3 huu Lamatuak koka heni sila sala nala so.   
\q1
\v 78-79 Huu Lamatuak dalen tuda ma kasian neu ita,  
\q2 huu ndia de, Ana fee ita fai lela beuk,  
\q3 sama leo fai beuk fo neni manggaledo beuk.  
\q1 Ita mana laꞌok nai makiuk,  
\q2 ma ita mana bii mate,  
\q3 huu ita bei ta mole to Lamatuak,  
\q2 dei fo hambu manggaledok fo noo ita teni dala mole-dame teu.”\x + \xo 1:78-79 \xt Yesaya 9:2\x*   
\p
\v 80 Basa boe ma Yohanis tamba faik, boe inahuu. Ma Lamatuak Dulan tao nalan balakai. Ana inahuu mai, boe ma neu leo nai mamana nes, losa ana mulai tao ndia ue-ledin fee hataholi Israel asa.   
\c 2  
\s1 Maria bonggi Lamatuak Yesus  
\r (Mateos 1:18-25)  
\p
\v 1-2 Laꞌi esa, faik fo Kirenius dadik malangga nusa Siria, boe ma mane inahuuk nade Agustus, fee palenda, nae, “Basa hataholi la malai mana toꞌu palenda Roma koasan, musi ala fali leni nggolo nala leu, suek ala tungga sulak nadek!” Ndia sososan fo mana toꞌu palenda Roma hingga ndia lau-inggu nala leo ndiak.  
\v 3 De, basa hataholi la fali leni nggolo nala leu, suek ala tungga sulak nadek.   
\p
\v 4-5 Faik ndia, Yusuf leo nai nggolo Nasaret, fo nai propinsi Galelea. Ana nafufudik no inanak esa nade Maria, fo kaꞌilus so. Yusuf ndia, na mane Dauk numbu-sadun ndia, de ana musi fali neni Dauk kotan Betlehem neu, nai propinsi Yudea fo ana tungga sulak nadek.  
\p Huu ndia de, dua sala laꞌo leni kota Betlehem leu.  
\v 6 Ledoeik ala bei lai ele, boe ma Maria fai bobonggin losa so.  
\v 7 Tehuu nai ndia, ta hambu kama uma sesebak. Huu ndia de, ala leni lalae biꞌi dale leu. Basa boe ma, ana bonggi Ana sososan, touanak. Boe ma ala lalusen temak, ma ala lakambembeꞌun neu banda la haꞌo nanaꞌan dale neu.   
\s1 Manetualain nafada manahoo la  
\p
\v 8 Leꞌodaen ndia, manahoo hida beꞌe lanea sila biꞌiae-biꞌilombo nala lai mook kota deak.   
\p
\v 9 Kada nggengge neuk, ala lita Manetualain atan neme nusa-sodak mai. Boe ma, Lamatuak manggaledon nasaꞌa ndule sala, de ala bii lalan seli.  
\v 10 Tehuu ata ndia nafada, nae, “Ei boso bii dei! Mamanene neulalau, baa! Huu au ia, mai afada ei hala malole esa.  
\q1 Basa mana mamanene hala malole ia, neu ko lamahoko.   
\q1
\v 11 Hala malole ia liin leo iak:  
\q2 Faik ia, inak esa bonggi Karistus so, nai Betlehem, fo mane Dauk kotan.  
\q3 Karistus ndia, na hataholi fo, Manetualain helu mema kana, neme makahulun mai so.  
\q2 Lamatuak haituan mai, fo Ana fee sodak neu hataholi la, leme sala nala mai!  
\q2 Ndia ia, fo dei fo hataholi la loken na lae, ‘Lamatuak!’   
\q1
\v 12 Dei fo ei bisa malelak Ndia leo iak: ei matonggo mia Kakanak mbimbilanak esa, lalusen nenik temak. Ana sunggu nai banda la, haꞌo nanaꞌan dalek.”   
\p
\v 13 Ana kokolak nateꞌe boe ma, nggengge neuk Manetualain ata nala makadotok leme nusa-sodak mai, de lakabubua lo ndia. Boe ma ala koa-kio Manetualain, de soda lae,   
\q1
\v 14 “Ai soꞌuk mamadedema Manetualain naden!  
\q2 Ndia fo, mana manggatuuk palenda nai lalai aten.  
\q1 Manetualain nau fee dame, neu hataholi la malai daebafok,  
\q2 fo manatao namahoko Ndia dalen!”   
\p
\v 15 Basa boe ma, Lamatuak ata nala fali leni nusa-sodak leu. Boe ma manahoo la sila lakokola, lae, “Wei! Mai fo teni Betlehem teu, fo teu tita kakanak ndia dei! Huu Lamatuak haitua fee ita halak ndia.”   
\p
\v 16 Boe ma ala laꞌok lai-lai leni Betlehem leu. De ala latonggo lo Maria ma Yusuf. Ala lita Kakanak mbimbilanak ndia boe, sunggu nai banda la haꞌo nanaꞌan dalek.   
\p
\v 17 Ledoeik ala lita kakanak ndia, boe ma ala tui, lae, “Isinaak Lamatuak ata nala leme nusa-sodak mai, de lafada ai so, laꞌeneu Kakanak ia!” Boe ma ala tui basan losa mateꞌen.   
\p
\v 18 Basa hataholi la, heran lalan seli, lamanene manahoo la tutui nala sila.  
\v 19 Tehuu Maria mbeda basa dedeꞌa manadadi kala sila so, neu dalen. De ana duduꞌa neneek fo ana sangga bubuluk dedeꞌak ia ndandaan nae leobee.  
\v 20 Basa boe ma, manahoo la fali leni sila biꞌiae-biꞌilombo nala leu. De, ala soꞌu lamadedema Manetualain naden. Ala loke makasi neu Ndia, huu lamanene ma litan, nandaa leo hata fo Lamatuak ata nala kokola nala sila.   
\s1 Ala foi kakanak mbimbilanak ndia, nade\it Yesus\it*  
\p
\v 21 Bonggi heni Kakanak ndia faik falu, boe ma ala sunat kakana mbimbilanak ndia, tungga baꞌi Musa heti-heun. Boe ma, ina-aman foin nade, “Yesus”. Nadek ndia, fo ata nusa-sodak nafada sila so, neu faik fo Ndia inan bei ta naꞌilu Ndia.\x + \xo 2:21 \xt Lukas 1:31; Malangga Anggama la Heti-heun 12:3\x*   
\s1 Ala loo kakana mbimbilanak Yesus, neni Uma Ina Huhule-haladoik neu  
\p
\v 22 Hambu baꞌi Musa heti-heun esa nae, inak fo bonggi basa faik hahulu, na ana musi neu tao tungga hadak, fo tao nalalao aon nai Uma Ina Huhule-haladoik. No leo ndiak, na, ala bisa maso leni uma huhule-haladoik leu, leo basa faik. Huu ndia de, Yusuf ma Maria leni kota Yerusalem leu, fo ala sangga tao tungga hadak ndia. Boe ma ala loo sila ana mbimbilanan ndia, neni Uma Ina Huhule-haladoik dalek neu, fo ala fee Ndia dadik neu Lamatuak enan.\x + \xo 2:22 \xt Malangga Anggama la Heti-heun 12:1-8\x*  
\v 23 Ala tungga Lamatuak heti-heun fo nae, “Inak fo ana bonggi ana ulun, mete ma touk, na, ana musi fee kakanak ndia dadik Lamatuak enan.”\x + \xo 2:23 \xt Kalua neme Masir mai 13:2, 12\x*  
\v 24 Tungga Lamatuak heti-heun, na, mete ma fee kakanak ndia neu Lamatuak, na, ina-aman musi fee tunu-hotuk mbui kateu pasan esa, do lunda mulik dua. Huu ndia de, Yusuf no Maria tao tungga heti-heuk ndia boe.\x + \xo 2:24 \xt Malangga Anggama la Heti-heun 12:6-8\x*   
\s1 Tou lasik Simeon nae Kakana mbimbilanak Yesus ndia, na, Karistus ndia ndia  
\p
\v 25-26 Faik ndia, tou lasik esa, nade Simeon, fo ana leo nai kota Yerusalem. Ndia ndia, hataholi dale ndoos, ma ana dokodoe neu Lamatuak. Lamatuak Dula Dale Malalaon nafada ndia so, nae, dei fo ana bisa nita Karistus dei, bei fo ana mate. Karistus ndia, fo dei fo ana fee sodak neu hataholi Israel asa.   
\p
\v 27 Faik ndia, Lamatuak Dula Dale Malalaon noo Simeon neni Uma Ina Huhule-haladoik neu boe. Ndia ndandaak no Yesus ina-ama nala loo Ndia neni ndia neu, fo ala fee Ndia dadik neu Lamatuak enan.  
\v 28 Nita kakanak ndia, boe ma toulasi Simeon koꞌo nalan, de ana soꞌuk koa-kiok neu Manetualain, nae,   
\q1
\v 29 “Koa-kiok neu Lamatuak!  
\q2 Lamatuak tao natetu Ndia hehelun neu au so.  
\q1 De, hatematak ia, Lamatuak bisa nakamboꞌik au so,  
\q2 fo ela au bisa mate no ndoo-ndoo,   
\q1
\v 30 huu au ita Hataholi fo Lamatuak haituan mai so,  
\q2 fo Ana tao nasoda ai mima ai sala nala mai!   
\q1
\v 31 Lamatuak nau pake kakanak ia,  
\q2 fo tao nasoda basa hataholi nusa kala.   
\q1
\v 32 Dei fo Ndia sama leo masaꞌak,  
\q2 fo neni hada-holomata neu Lamatuak hataholi nusa Israel asa.  
\q2 Ndia boe oo, sama leo manggaledok,  
\q2 fo natudu Lamatuak dalan  
\q3 neu basa hataholi nusa feꞌe kala.”\x + \xo 2:32 \xt Yesaya 42:6; 49:6; 52:10\x*   
\p
\v 33 Lamanene leo ndia, boe ma Yusuf no Maria heran lalan seli, no hata fo tou lasi Simeon kokolan laꞌeneu sila anan.  
\v 34 Basa ndia, boe ma Simeon kokolak babaꞌe-babatik fee sala. Boe ma ana nafada Maria, nae, “Yesus inan aa! Dei fo hataholi luma lai Israel, timba heni ina Anan ia. Tehuu sila tataon neu Ndia ndia, dei fo natuda nasafali sala. Ina Anan ia boe oo tao namahoko hataholi luma dale nala.  
\v 35 No leo ndiak, na, dei fo Lamatuak tao nakaholak hataholi la dale nala. Tehuu o Maria, dei fo o hambu doidosok belak, sama leo tafa nana mbauk neu o mboꞌom.”   
\s1 Bei Hana noke makasi neu Lamatuak huu Yesus  
\p
\v 36-37 Nai Uma Ina Huhule-haladoik, hambu ina lasik esa nade Hana. Ndia teun teuk falu hulu haa ia so. Ndia aman, nade Fanuel, neme leo Aser mai. Ana sao teuk hitu, boe ma saon mate laꞌo elan. Bei Hana ndia, na, Manetualain mana kokolan. Ndia uen, ndia hule-haladoi, ma puasa nai Uma Ina Huhule-haladoik, fo nakaluku-nakatele neu Manetualain nai leledo-leꞌodaen.   
\p
\v 38 Ledoeik Simeon bei nakokola no Yusuf ma Maria, tehuu ina lasik ndia neu deka-deka so. Boe ma, ana namanene neu sala, de ana soꞌuk koa-kiok neu Manetualain. Basa de, ana kokolak laꞌeneu Yesus neu basa hataholi la, fo lahahanik Manek fo Manetualain heluk ndia so, fo haituan mai, suek nakamboꞌik hataholi nusa Israel.   
\s1 Ina-ama lo kakanak fali leni nggolo Nasaret leu  
\p
\v 39 Ledoeik Yusuf no Maria tao tungga basa baꞌi Musa heti-heun, nai kota Yerusalem, boe ma, ala fali leni propinsi Galelea fo sila nggolon, Nasaret leu.\x + \xo 2:39 \xt Mateos 2:23\x*  
\v 40 Yesus inahuu mai, de Ana boe balakai, nalelak, ma bubuluk dedeꞌak noꞌu kala. Manetualain boe oo, natudu dale malolen neu Ndia.   
\s1 Tou anak Yesus nai Uma Ina Huhule-haladoik  
\p
\v 41 Tungga-tungga teuk, na, Yusuf ma Maria laꞌo leni kota Yerusalem leu, fo laꞌa feta Paska nai ndia.\x + \xo 2:41 \xt Kalua neme Masir mai 12:1-27; Tui Seluk laꞌeneu Dala Sodak 16:1-8\x*  
\v 42 Laꞌi esa, faik fo Yesus teun sanahulu dua, boe ma ala laꞌo noꞌu leni Yerusalem leu, fo ala tungga laꞌa feta sama leo natetemek.  
\v 43-44 Ledoeik fai-fai Paska basan so, boe ma Yusuf no Maria mulai laꞌo fali leni Nasaret leu, lo hataholi noꞌu kala mana sangga fali leni Galelea leu boe. Tehuu tala bubuluk, tehuu Yesus nana laꞌo elak nai Yerusalem. Laehetuk Ana laꞌo noꞌu no Ndia nonoo nala. Losa bobok, tehuu ta lita sana. Boe ma, ala laꞌo lafeok, leu sanggan nai sila bobonggi nala ma nonoo nala.  
\v 45 Huu ta latonggo lo Ndia, de ala fali leni Yerusalem leu seluk, fo ala nau sanggan nai ele.   
\p
\v 46 Losa ele, boe ma ala sanggan losa faik telu, bei fo latonggo lo Ndia nai Uma Ina Huhule-haladoik dalek. Ana nanggatuuk natane-nataak no mese anggama Yahudi la.  
\v 47 Basa hataholi la mana mamanene kala sila, ala heran lalan seli, huu Ana bubuluk tebe-tebe Manetualain Susulan isin, de Ana bisa nataa sila natatane nala no malole.  
\v 48 Lita leo ndia, boe ma, ina-ama nala heran. Basa de Ndia inan nae, “Yesus! Hatina de o tao makatotoꞌak ai leo iak? O amam ma au masapangga malan seli, de, ai sangga O miu-mai!”   
\p
\v 49 Tehuu Yesus nataa nae, “Hatina de ama no ina masambute sangga Au? Kada malelak malan leo hetu? Au kauek nai Au Amang Uman.”  
\v 50 Tehuu ta lalelak Ndia maksud.   
\p
\v 51 Basa boe ma basa sala fali leni Nasaret leu. Yesus tungga inan no aman palenda nala. Boe ma Yesus inan mbeda basa dedeꞌa kala sila neu dalen dale.  
\v 52 Leo ndiak leo, de Yesus boe inahuu, ma Ana boe nandolu. Manetualain no hataholi la sue Ndia.\x + \xo 2:52 \xt 1 Semuel 2:26; Dedeꞌa Lasik 3:4\x*   
\c 3  
\s1 Yohanis Manasalanik tao ndia ue-ledin  
\r (Mateos 3:1-12; Markus 1:1-8; Yohanis 1:19-28)  
\p
\v 1-2 Faik ndia, Tiberius dadik kesel de ana toꞌu palenda nai Roma, teuk sanahulu lima ia so. Pontius Pilatus dadik gubenol nai propinsi Yudea. Herodes dadik gubenol nai propinsi Galelea. Herodes kaꞌan Filipus, dadik gubenol nai nusa Iturea ma nusa Trakonitis. Ma Lisanias dadik gubenol nai nusa Abilene.\f + \fr 3:1-2 \ft Mana toꞌu palenda Roma pake hataholi Yahudi esa, nade Yosefus, fo ana sulak tutui Israel nai lelek ia. Ana sulak laꞌeneu hataholi mana toꞌu palenda ma sila bobonggi nala. Huu ndia de ita bubuluk, Herodes nai ia, nade feꞌen, na ndia \ft \+it Herodes Antipas\+it*. Ndia aman, ndia \+it Herodes Inahuuk\+it* (Mateos 2:1-22; Lukas 1:5). \+it Filipus\+it* nai ia, na ndia Herodes Antipas kaꞌan. Filipus aman, na ndia Herodes Inahuuk; ndia inan, nade Kleopatra neme Yerusalem mai. Ana sao nala Salome, fo ndia Herodias anan. Nai lalanek 3:19 nai dae ia, na, hambu \+it Filipus\+it* feꞌek. Ndia ndia, Herodes Antipas fadin. Ndia aman, Herodes Inahuuk boe; ma ndia inan, nade Mariamne. Ana sao Herodias. Dua sala ana feꞌon, nade Salome. Tehuu ndia kaꞌan Herodes Antipas, ana namoa nala ndia fadin saon. (Mateos 14:3; Markus 6:17; Lukas 3:19).\f*  
\p Faik ndia boe oo, Hanas ma Kayafas dadik malangga anggama Yahudi la malangga inahuun nai kota Yerusalem.  
\p Faik ndia, Yohanis, fo Zakarias anan ndia, leo nai mamana nes, fo doon seli neme nggolok mai. Lamatuak feen heheluk neme ndia.  
\v 3 Namanene basa boe ma, Yohanis neni basa nggolo kala, fo mana dekak no lee Yarden, de, nafada hataholi la, nae, “Ei musi manaku ma laꞌo ela basa ei sala mala, fo suek Manetualain koka heni sala kala sila. Basa na, ei musi salani dei, fo dadik neu tanda, nae, ei malole mia Lamatuak so.”   
\p
\v 4 Makahulun ele, Lamatuak mana kokolan baꞌi Yesaya sulak laꞌeneu Yohanis ia, nae,  
\q1 “Hambu hataholi esa nai mamana nes nanggou, nae,  
\q2 ‘Basa hataholi la, mahehele tao neulalau dala kala, fo simbok Lamatuak mamain!  
\q2 Tao mandoo dala kala fo soluk Ndia.   
\q1
\v 5 Fua matetu lea kala lalaꞌen.  
\q1 Kali tao matetu lete kala lalaꞌen.  
\q2 Tao mandoo dala peko kala,  
\q2 tao neulalau dala kala fo bei nakatunu kala.   
\q1
\v 6 Suek hataholi la leme basa hataholi nusa kala,  
\q2 bisa bubuluk, lae, Lamatuak nau fee sodak neu hataholi la,  
\q3 leme sila sala-singgo nala mai.’ ”\x + \xo 3:6 \xt Yesaya 40:3-5\x*   
\p
\v 7 Hataholi noꞌu kala, sudi leme bee mai, fo loke Yohanis salani sala. Tehuu nasapala kasa nae, “Wei! Ei masapepeko kala! Ei sama leo mengge kalasok! Boso mae hetuk ei bisa makamboꞌik mima Lamatuak huhukun mai, de kada taok ei hondak! Ta! Ta dook so bali, huu Lamatuak huku basa hataholi la, fo ta manahondak no tetebes.\x + \xo 3:7 \xt Mateos 12:34; 23:33\x*  
\v 8 Ei boso duduꞌa mae, ‘Au ia ta hambu huhukuk, huu au ia baꞌi Abraham numbu-sadun.’ Hambu nai bee leo ndiak? Ndia ta bisa fali nala ei, huu ta bisa tao ei dadik malalaok. Lamatuak nabeꞌi tao batu la ia dadik neu Abraham numbu-sadun. Au afada ei, baa! Matudu tungga ei sodam, mae, ei heok masadea laꞌo ela ei sala mala, ma ei pode masafali tungga Lamatuak so.\x + \xo 3:8 \xt Yohanis 8:33\x*  
\v 9 Ei musi tao dedeꞌa malole. Mete ma ta, na, Lamatuak huhuku mabelan tuda neu ei, fo sama leo hataholi pake taka fo loꞌo heni ai no okan. Leo ndiak leo! Ai sosoan ta, mete ma ndia buna-boan ta malole! De malolenak loꞌo henin, fo mbian neni haꞌi dale neu.’\x + \xo 3:9 \xt Mateos 7:19\x*   
\p
\v 10 Basa de, hataholi noꞌu kala latane Yohanis, lae, “De, ai musi tao hata?”   
\p
\v 11 Boe ma ana nataa, nae, “Mete ma o badum dua, na, fee esa neu hataholi badu tak. Mete ma o kananaꞌak, na, baꞌe fee hataholi nanaꞌa tak.”   
\p
\v 12 Basa de, manasusu bea la mai boe, de loke Yohanis fo salani sala. Ala latane, lae, “Ama mesen! Ai musi tao leobee?”\x + \xo 3:12 \xt Lukas 7:29\x*   
\p
\v 13 Ana nataa nae, “Ei mahiik kada masapepeko. Tehuu hatematak ia, ei musi maue-maledi no ndoos. Boso susu bea lena-lenak neme mana toꞌu palenda heti-heun mai. Ela lau-inggu la bae bea nandaa no heti-heuk.”   
\p
\v 14 Hambu soldadu luma lai ndia boe. Ala latane Yohanis, lae, “Mete ma ai, na, talobee? Ai musi tao hata?”  
\p Boe ma ana nataa, nae, “Boso mambue moke hataholi la doi nala, tungga ei hihii mala. Ma boso mambue fee salak neu hataholi, ta no bolo dalan. Ei musi moke makasi, ma simbo ei nggadi mala no teteben ma dale loak.”   
\p
\v 15 Lamanene ndia kokolan ndia, boe ma, basa hataholi la mulai lakisuk de lakukutuk, lae, “Awii! Naafo Yohanis ia, ndia Karistus, fo Lamatuak helu mema kana ndia so neme makahulun mai, fo sangga haituan mai ndia!”   
\p
\v 16 Tehuu Yohanis nafada sala nae, “Mamanene neulalau! Dei fo hambu Hataholi esa ana seli, lena heni au, sangga mai. Mae kada dadik neu Ndia hataholi nadedenun boe oo, au ta andaa.\f + \fr 3:16 \ft Susula dedeꞌa Yunani isi-isik nae, ‘Sangga kada sefi ndia sapatun talin boe oo, au ta andaa.’ Ndia ndandaan nae, Yohanis kada hataholi kadiꞌi-taidaek, de mae dadik Lamatuak Yesus nadedenun boe oo, nameda ta nandaa.\f* Au kada bisa salani ei unik oe, tehuu dei fo Ana tao lena heni au bali, huu Ana tao nahenu ei dale mala nenik Lamatuak Dula Dale Malalaon. Dei fo Ana tao nalalao ei, sama leo hataholi pake haꞌi fo hotu heni kadafuk.  
\v 17 Ana huku hataholi, fo mana tao sala kala, sama leo hataholi mana tao ue daek pake ani, fo daꞌi kofeꞌek kadafu kala, leme hade mai. Boe ma ana mbeda hade malalaok neni karon dale neu, tehuu ana hotu heni kadafun. Leo ndiak boe, dei fo Karistus huku hataholi mana tao sala kala, fo Ana mbia heni sala, leni haꞌi ta mana matek dalek neu.   
\p
\v 18 No leo ndiak, Yohanis tao nasanenedak dedeꞌa mata-matak, ma nafada sala Lamatuak Hala Malolen.   
\p
\v 19-20 Faik ndia, Yohanis mulai kokolak manggaledok laꞌeneu Herodes tataon. Dedeꞌak ndia leo iak: Herodes ndia na gubenol, nai propinsi Galelea. Ndia sala nala makadotok nalan seli. Conto leo ana namoa nala fadin sao inan, nade Herodias. Naa te, fadin bei kasodak, ma bei ta naelak no Herodias. Herodes dala sodan ta malole ndia, de ana tao nala Yohanis nafadan ledo-ledo, losa Herodes lesuhaꞌin nakaseꞌe nalan seli neu ndia. Boe ma Herodes humu nalan, de nandeen neni bui dale neu.\f + \fr 3:19-20 \ft Les susulak manai ei daek nai Lukas 3:1-2. Mete Mateos 14:3-4 boe; Markus 6:17-18.\f*   
\s1 Yohanis salani Lamatuak Yesus  
\r (Mateos 3:13-17; Markus 1:9-11)  
\p
\v 21 Makahulun, fo faik ala bei ta humu lala Yohanis, na, ana salani hataholi noꞌuk. Ma ndia boe oo, salani Yesus. Basa boe ma Yesus hule-haladoi, de lalai natahuꞌak.  
\v 22 Boe ma Lamatuak Dula Dale Malalaon konda neu Ndia. Dula Dale Malalaon ndia namata-ao leo mbui lunda esa. Boe ma hambu halak neme lalai mai, nae,  
\q1 “O ia, Au Ana susueng.  
\q2 O tao mala Au amahoko taa-taa.”\x + \xo 3:22 \xt Tutuik laꞌeneu Sososan 22:2; Sosoda Koa-kio kala 2:7; Yesaya 42:1; Mateos 3:17; Markus 1:11; Lukas 9:35\x*   
\s1 Lamatuak Yesus bei-baꞌi nala, tungga ama Yusuf  
\r (Mateos 1:1-17)  
\p
\v 23 Faik fo Yesus mulai nafada hataholi la laꞌeneu Lamatuak dala sodan, meda Ndia teun teuk telu hulu. Hataholi la lalelak, lae, Yesus ndia, na Yusuf Anan. Yusuf bei-baꞌi nala, leo iak:  
\q2 Yusuf aman, Eli.   
\q2
\v 24 Eli aman, Matat.  
\q2 Matat aman, Lewi.  
\q2 Lewi aman, Melki.  
\q2 Melki aman, Yanai.  
\q2 Yanai aman, Yusuf.   
\q2
\v 25 Yusuf aman, Matatias.  
\q2 Matatias aman, Amos.  
\q2 Amos aman, Nahum.  
\q2 Nahum aman, Hesli.  
\q2 Hesli aman, Nagai.   
\q2
\v 26 Nagai aman, Maat.  
\q2 Maat aman, Matatias.  
\q2 Matatias aman, Semein  
\q2 Semein aman, Yosek.  
\q2 Yosek aman, Yoda.   
\q2
\v 27 Yoda aman, Yohanan.  
\q2 Yohanan aman, Resa.  
\q2 Resa aman, Serubabel.  
\q2 Serubabel aman, Sealtiel.  
\q2 Sealtiel aman, Neri.   
\q2
\v 28 Neri aman, Melki.  
\q2 Melki aman, Adi.  
\q2 Adi aman, Kosam.  
\q2 Kosam aman, Elmadam.  
\q2 Elmadam aman, Er.   
\q2
\v 29 Er aman, Yosua.  
\q2 Yosua aman, Elieser.  
\q2 Elieser aman, Yorim.  
\q2 Yorim aman, Matat.  
\q2 Matat aman, Lewi.   
\q2
\v 30 Lewi aman, Simeon.  
\q2 Simeon aman, Yahuda.  
\q2 Yahuda aman, Yusuf.  
\q2 Yusuf aman, Yonam.  
\q2 Yonam aman, Elyakim.   
\q2
\v 31 Elyakim aman, Melea.  
\q2 Melea aman, Mena.  
\q2 Mena aman, Matata.  
\q2 Matata aman, Natan.  
\q2 Natan aman, Dauk   
\q2
\v 32 Dauk aman, Isai.  
\q2 Isai aman, Obet.  
\q2 Obet aman, Boas.  
\q2 Boas aman, Salmon.  
\q2 Salmon aman, Nahason.   
\q2
\v 33 Nahason aman, Aminadab.  
\q2 Aminadab aman, Admin.  
\q2 Admin aman, Arni.  
\q2 Arni aman, Hesron.  
\q2 Hesron aman, Peres.  
\q2 Peres aman, Yahuda.   
\q2
\v 34 Yahuda aman, Yakob.  
\q2 Yakob aman, Isak.  
\q2 Isak aman, Abraham.  
\q2 Abraham aman, Tera.  
\q2 Tera aman, Nahor.   
\q2
\v 35 Nahor aman, Seruk.  
\q2 Seruk aman, Rehu.  
\q2 Rehu aman, Pelek.  
\q2 Pelek aman, Eber.  
\q2 Eber aman, Sela.   
\q2
\v 36 Sela aman, Kenan.  
\q2 Kenan aman, Arpaksad.  
\q2 Arpaksad aman, Sem.  
\q2 Sem aman, Noh.  
\q2 Noh aman, Lamek.   
\q2
\v 37 Lamek aman, Metusalak.  
\q2 Metusalak aman, Henok.  
\q2 Henok aman, Yared.  
\q2 Yared aman, Mahalalel.  
\q2 Mahalalel aman, Kenan.   
\q2
\v 38 Kenan aman, Enos.  
\q2 Enos aman, Set.  
\q2 Set aman, Adam  
\q2 Adam ndia, fo Manetualain nakadadadi kana.   
\c 4  
\s1 Nitu la malanggan soba-dou Lamatuak Yesus  
\r (Mateos 4:1-11; Markus 1:12-13)  
\p
\v 1 Ledoeik Yohanis salani basa Yesus, boe ma Yesus laꞌo ela lee Yarden. Lamatuak Dula Dale Malalaon no Ndia. Boe ma Dula Dale Malalaok noo ndia neni mamana nes neu.  
\v 2 Yesus leo neme ndia losa faik haa hulu. Faik ndia Ana ta naꞌa-ninu hata esa boe, losa faik haa hulu. Ana ndoe nalan seli. Boe ma nitu la malanggan mai teꞌek sudi Ndia.   
\p
\v 3 Ana nafada Yesus, nae, “Mete ma tetebes O ia Manetualain Anan, na O maena koasa. De, madenu batu la ia dadik loti, fo O muꞌa sala.”   
\p
\v 4 Tehuu Yesus nataa nae, “O hihiim dei! O ta bubuluk do? Nana sulak nai Manetualain Susula Malalaon, nae,  
\q1 ‘Hataholi ta kada nasoda neme nanaꞌak mai, hetu!”\x + \xo 4:4 \xt Tui Seluk laꞌeneu Dala Sodak 8:3; Mateos 4:4\x*   
\p
\v 5-6 Basa ndia, boe ma nitu la malanggan noon neni mamana madema esa neu, de natudu Ndia basa mana toꞌu palenda malai daebafok, fo basa sala ana seli. Basa de ana kokoe Yesus nae, “Basa mana toꞌu palenda lo koasa nala, ma ana selin ndia, au enang basa sila! De, au aena hak fo sangga fee sudi see, tungga au hihiing.  
\v 7 Au sangga fee basa sala leu O. Kada O musi tao dedeꞌak esa dei, bei fo au fee. Kada lofoanak! Kada O makaluku-makatele neu au. Kada ndia!”   
\p
\v 8 Tehuu Yesus nataa nasafali nae, “Hambu nai bee leo ndiak? Huu nana sulak nai Manetualain Susula Malalaon dalek, nae,  
\q1 ‘O musi kada makaluku-makatele neu Manetualain.  
\q2 Ma kada o musi ono-lau neu Ndia.’ ”\x + \xo 4:8 \xt Tui Seluk laꞌeneu Dala Sodak 6:13\x*   
\p
\v 9 Basa ndia, boe ma nitu la malanggan noo Yesus neni kota Yerusalem neu. Nai ndia, ana noo Yesus hene leni Uma Ina Huhule-Haladoik mamana mademan neu. Boe ma ana nae, “Mete ma O ia memak Manetualain Anan, na, O palaboku dae muu leo!  
\v 10 Huu nana sulak nai Manetualain Susula Malalaon, nae,  
\q1 ‘Dei fo Manetualain fee Ndia ata nala leme nusa-sodak mai,  
\q2 fo ala lanea O.   
\q1
\v 11 Dei fo ala latanee O,  
\q2 fo suek O eim ta deta laꞌe batu faa boe.’ ”\x + \xo 4:11 \xt Sosoda Koa-kio kala 91:11-12\x*   
\p
\v 12 Tehuu Yesus nataa nae, “Boso babalik Au. Huu nana sulak nai Manetualain Susula Malalaon nae,  
\q1 ‘Boso soba-dou Manetualain!’\x + \xo 4:12 \xt Tui Seluk laꞌeneu Dala Sodak 6:16\x*   
\p
\v 13 Nitu la malanggan soba-dou Yesus no dalak mata-matak, tehuu ta nala sana. Boe ma ana laꞌo ela Yesus, de nahani fai mandaak.   
\s1 Lamatuak Yesus neni Galelea neu, fo mulai tui-bengga laꞌeneu Lamatuak Hala Malolen  
\r (Mateos 4:12-17; Markus 1:14-15)  
\p
\v 14 Basa ndia, boe ma Yesus fali neni propinsi Galelea neu bali, huu Lamatuak Dula Dale Malalaon feen koasa. Ta dook, boe ma hataholi la malai nusak ndia mulai lalelak Ndia naden.  
\v 15 Ana nanoli nai hataholi Yahudi la uma huhule-haladoin, sudi nai bee. De, hataholi la koa Ndia, lae, “Yesus ndia, Hataholi ana seli, maa!”   
\s1 Hataholi la taa simbok Lamatuak Yesus nai Nasaret  
\r (Mateos 13:53-58; Markus 6:1-6)  
\p
\v 16 Laꞌi esa, Yesus neni Ndia nggolon Nasaret neu. Nandaa no hataholi Yahudi la fai huhule-haladoin, fo ndia ‘fai Sabat’, de, Ana maso neni uma huhule-haladoik dalek neu, sama leo Ndia natetemen. Boe ma Ana foꞌa nambadeik, fo sangga les nai Manetualain Susula Malalaon.  
\v 17 De, ala lo fee Ndia baꞌi Yesaya susulan. Ana bukan, de Ana les, nae,   
\q1
\v 18 “Manetualain Dula Dale Malalaon koasan nai au dalek.  
\q2 Huu ndia de Ana tudu au,  
\q3 fo au afada Lamatuak Hala Malolen neu hataholi kadiꞌi-taidae kala.  
\q1 Ana nadenu au,  
\q2 fo afada, ae,  
\q3 malai bui la, dei fo lakamboꞌik;  
\q3 mboke kala, dei fo lita lasafali;  
\q3 nana tuni-ndeni kala, dei fo lasoda lo lakamboꞌik.   
\q2
\v 19 Huu hatematak ia, Lamatuak fain losa so,  
\q3 fo Ana tao nasoda Ndia hataholi nala.”\f + \fr 4:19 \ft Lalane kadua kala ia tungga tetebes susula dedeꞌa Yunani isi-isik. Susula Malalaok Indonesia (TB) tao nomer neme lalane kasanahulu sion ta nandaa neu mamana teteben.\f* \x + \xo 4:19 \xt Yesaya 61:1-2\x*   
\p
\v 20 Les basa susulak ndia, boe ma Yesus lulu fali kana, de Ana lon neu malangga makaluku-makatelek, de, Ana nanggatuuk. Basa hataholi la malai uma huhule-haladoik ndia dalek, mete lahele Ndia.  
\v 21 Basa de, Ana nafada hataholi la, nae, “Hata fo ei mamanenen neme Manetualain Susulan isinaak ndia, hatematak ia ana dadi so!”   
\p
\v 22 Boe ma basa hataholi la malai ndia kala, mulai sosoꞌuk Yesus, lae, “Awii! Hata fo isinaak Ana kokolak ndia, malolen ana seli, maa! Tehuu Ndia ia, na Usu anan ia, hetu? Talobee de bisa ana dadi leo iak?”   
\p
\v 23 Basa de Yesus nafada sala, nae, “Neu ko ei basa nggei bubuluk hambu dedeꞌa-kokolak, nae, ‘Wei! Tao neulalau o aoina hehelim dei!’ Ei sangga pake dedeꞌa-kokolak ndia fo tutu masafali Au, mae, ‘Hatina de O ta tao tanda heran esa fee ai nai ia, sama leo O taok so nai kota Kapernaum ele?’  
\v 24 Ndia teteben na leo iak: hataholi la taa nau simbok Lamatuak mana kokolan nai ndia nggolo hehelin.\x + \xo 4:24 \xt Markus 6:4; Yohanis 4:44\x*  
\v 25-26 Haꞌi conto neme Lamatuak mana kokolan, Baꞌi Elia. Laꞌi esa uda ta konda dae teuk telu seselik. Faik ndia, hambu ina falu noꞌuk lai Israel. Tehuu Lamatuak taa haitua Elia fo neu fali nala sala lai Israel. Kada Lamatuak haituan neni ina falu esa nai nggolo Sarfat fo dekak no kota Sidon. Naa te ina lasik ndia, hataholi ta Yahudi. Tehuu ana namahele Manetualain koasan.\x + \xo 4:25-26 \xt 1 Mane-mane kala 17:1, 8-16\x*   
\p
\v 27 Haꞌi conto feꞌek bali, neme Lamatuak mana kokolan Elisa mai. Faik ndia, hataholi Yahudi la hambu hedi kusta lai Israel. Tehuu Lamatuak ta tao nahai sala. Kada Lamatuak nadenu Elisa tao nahai hataholi hedi kusta esa, nade Naaman. Naa te, ndia ndia, hataholi Siria, fo ta hataholi Yahudi. Tehuu namahele Manetualain koasan.”\x + \xo 4:27 \xt 2 Mane-mane kala 5:1-14\x*   
\p
\v 28 Ledoeik ala lamanene Yesus nakandandaan leo ndia, boe ma basa sala manggalau lo Ndia.  
\v 29 Basa sala foꞌa noꞌu de ala husi heni Ndia neme uma huhule-haladoik ndia mai. De ala hela loo Ndia leni nggolok bifin neu, fo ala sangga timban neni leak madema manai ndiak.  
\v 30 Tehuu kada Ana laꞌok dea neu, nesik hataholi noꞌu kala laladan, de Ana laꞌo ela sala lai ndia.   
\s1 Lamatuak Yesus husi heni nitu neme hataholi esa mai  
\r (Markus 1:21-28)  
\p
\v 31 Basa ndia, de Yesus konda neni kota Kapernaum neu, fo nai dano Galelea bifin. Tungga-tungga fai huhule-haladoik, na Ana nanoli hataholi la lai uma huhule-haladoik dalek.  
\v 32 Ledoeik hataholi la lamanene Ndia kokolan, de ala heran lalan seli, huu Ana nalelak tebe-tebe nanonolik ndia isin.\x + \xo 4:32 \xt Mateos 7:28-29\x*   
\p
\v 33 Laꞌi esa, faik fo Yesus nanoli nai uma huhule-haladoik ndia, boe ma hataholi nitu nalak esa nakaꞌau tingga-tingga, nae,  
\v 34 “Wei! Yesus, Hataholi Nasaret aa! O dedeꞌa hatam no ai! O mai sangga mai tao makalulutu ai, do? Ai malelak O. O ia, Hataholi Malalaok, fo ndia makahulun Manetualain helu fo haituan mai.”   
\p
\v 35 Tehuu Yesus nasapala kana, nae, “Seu o bafam! Kalua muma hataholi ndia mai!” Kada nggengge neuk, nitu ndia bala hataholi ndia neu dae, nai hataholi la sila laladan. Ana bala nateꞌe, boe ma nitu ndia kalua laꞌo ela hataholi ndia, de ta tao nahedi ndia so.   
\p
\v 36 Basa hataholi la nado nggoa-nggoa, de lae, “Heran oo! Hataholi ia kokolan naena koasa ana seli! Losak nitu la boe oo, tungga Ndia totoꞌu palendan.”  
\v 37 Basa de, tutuik laꞌeneu Yesus mulai nakambela nai basa nusak ndia.   
\s1 Lamatuak Yesus tao nahai Simon ali inan, ma hataholi noꞌuk bali  
\r (Mateos 8:14-17; Markus 1:29-34)  
\p
\v 38 Ledoeik ala kalua leme uma huhule-haladoik ndia mai, boe ma Yesus neni hataholi esa uman neu. Hataholi ndia nade, Simon.\f + \fr 4:38 \ft Simon ndia, na ndia Petrus nade feꞌen\f* Simon ali inan sumai, de aon natobi nalan seli. Basa de loke Yesus, lae, “Ama aa! Tulun tao mahai ina lasik dei!”  
\v 39 Yesus nambadeik neu koi bifin, de Ana husi heni sumaik ndia neme ina lasik ndia mai. Ledoeik ndia boe oo, ndia sumain mopo heni tutik. Basa de ana foꞌa tutik, de neu tao nanaꞌak fee sala.   
\p
\v 40 Ledobobon ndia, fo ledoeik ledo tesa so, hataholi la loo basa hataholi kamahedi kala leni Yesus leu. Sila hedi nala mata-mata kala. Boe ma Ana daba liman neu hataholi kamahedi kala sila, de Ana tao nahai basa sala.  
\v 41 Nai hataholi kamahedi kala sila boe, hambu luma nitu nala kala. De Yesus palenda nitu la sila, fo ala kalua leme hataholi la sila mai. Ala kalua ma ala langgou lae, “O ia, Manetualain Anan!” Huu nitu la sila bubuluk, lae, Ndia ndia, Karistus, fo Manetualain helu basan so, neme makahulun mai, fo sangga haituan mai. Huu ndia de, Yesus kaꞌi sala fo ta bole kokolak dedeꞌa deꞌek esa boe, laꞌeneu Ndia aon.   
\s1 Lamatuak Yesus neu nafada Hala Malole, nai uma huhule-haladoi kala  
\r (Markus 1:35-39)  
\p
\v 42 Neu foꞌa lolembilan, Yesus foꞌa de neni mamana linok esa neu, nai kota deak. Hataholi la sanggan sudi nai bee. Ledoeik ala latonggo lon, boe ma ala kokoen, lae, “Ama leo tataak mia ai dei! Boso muni mamana feꞌek muu bali!”   
\p
\v 43 Tehuu Ana nataa, nae, “Au boe oo, musi uni nggolo feꞌe kala uu, fo uu afada Hala Malole laꞌeneu Manetualain palendan. Huu Lamatuak nadenu Au so, fo akalalaꞌok ues ndia.”   
\p
\v 44 Boe ma Ana laꞌok neme nggolok esa mai, neni nggolo feꞌek neu, fo Ana nanoli nai uma huhule-haladoi kala nai propinsi Yudea.   
\c 5  
\s1 Ala mbuꞌa lala iꞌak makadotok  
\r (Mateos 4:18-22; Markus 1:16-20)  
\p
\v 1 Laꞌi esa, Yesus nanoli hataholi la leme dano Galelea bifin.\f + \fr 5:1 \ft Susula Malalao Yunani nae, “Nai dano Genesaret bifin.” Dano Genesaret nade feꞌen, ndia dano Galelea.\f* Hataholi noꞌu kala mai fo sangga lamanene Manetualain Dedeꞌa-kokolan. Losa ala lakaseseti ma lakahohombu lala Yesus.  
\v 2 Deka-deka nai ndia, hambu mana mbuꞌa-dala la, tao lalalao sila mbuꞌa nala lai madak lain. Boe ma Yesus nita ofak louk dua see lai ndia.  
\v 3 Esa neme ofa kala sila mai, na Simon ofan ndindia. Basa de, Yesus saꞌe neni Simon ofan lain neu, de noke fo tumbun neni oe madema fa neu. Boe ma nanggatuuk de nanoli hataholi noꞌu kala sila.\x + \xo 5:3 \xt Mateos 13:1-2; Markus 3:9-10; 4:1\x*   
\p
\v 4 Nanoli nateꞌe, boe ma Ana nafada Simon nae, “Mon! Teni oe madema fa teu, fo nggali o mbuꞌam neu ndia. Huu dei fo ei hambu iꞌak noꞌuk.”   
\p
\v 5 Tehuu Simon nataan, nae, “Lamatuak boe oo! Ai tao ues mbilu mbuse leꞌodae katemak esa, tehuu ta hambu iꞌak esa boe! Tehuu Ama nae leo ndia, de, neu! Au akonda sudi kana.”\x + \xo 5:5 \xt Yohanis 21:3\x*  
\v 6 Boe ma ala lakonda mbuꞌak, fo sangga helan lain mai, tehuu mbuꞌak ndia henuk no iꞌak makadotok, losa mbuꞌak mulai sida so.\x + \xo 5:6 \xt Yohanis 21:6\x*  
\v 7 Boe ma Simon nanggou nonoo nala malai ofa feꞌe kala, fo ala mai falin. Boe ma ala mai hulu iꞌak neni ofak dale neu losa ofak kadua kala sila henuk no iꞌa kala, de uak ala bolo.  
\v 8-10 Simon nonoo mana mbuꞌa-dala nala, Yakobis no Yohanis, fo Ama Sebedeus ana nala lai ndia boe. Ala heran lalan seli, huu ala hambu iꞌak makadotok leo ndiak. Ledoeik Simon Petrus nita hata fo mana dadik ndia so, boe ma tutik ana sendek lunggulanggan neu Yesus matan de nae, “Au ia hataholi mana tao salak noꞌun seli. De malolenak Lamatuak boso dekak mua au bali.\f + \fr 5:8-10 \ft Simon, do Petrus, do Simon Petrus ndia, na kada hataholi esa naden.\f*  
\p Tehuu Yesus bala nae, “Mon! Boso mambue kada duduꞌa dedeꞌak ndia, huu Au sangga pake ei. Ei ia mateme sangga iꞌak. Tehuu hatematak ia, Au anoli ei sangga hataholi fo tungga Au.”   
\p
\v 11 Ala hela tutik sila ofan de taon neni madak lain neu. Boe ma ala laꞌo ela basa-basan, de ala tungga Yesus leo.   
\s1 Lamatuak Yesus tao nahai hataholi kamahedi kusta esa  
\r (Mateos 8:1-4; Markus 1:40-45)  
\p
\v 12 Nai nggolok esa, Yesus natonggo no hataholi kamahedi kusta esa, fo hedis ndia, mboti nala basa aoinan so. Ledoeik nita Yesus, boe ma, ana sendek lunggulanggan ma nakatele losa dae. De, nae, “Ama aa. Fali mala au dei! Huu au bubuluk Ama bisa tao mamopo au heding ia, fo suek hataholi la, boso nunute au bali. Sadi Ama nau.”   
\p
\v 13 Boe ma Yesus look liman neu, de nafaloen. De, Ana kokolak nae, “Au nau! O hai leo!” Kokolak basa, boe ma, hataholi ndia hedi kustan mopo heni tutik kana leo.  
\v 14 Basa de, Yesus fee nasanenedak neun, nae, “Masanenedak neulalau! O hai ia so, tehuu o ta bole mafada sudi see, baa! O musi tungga Baꞌi Musa palendan dei. De muni malangga anggama muu, fo ana palisak o ao-inam, suek ana bubuluk o hedim mopo tetebes so, do ta. Basa na, o musi fee tunu-hotuk, fo basa hataholi la bubuluk, lae, o ia hai tetebes so.”\x + \xo 5:14 \xt Malangga Anggama la Heti-heun 14:1-32\x*   
\p
\v 15 Mae Yesus kaꞌin, tehuu tutuik laꞌeneu Ndia koasan ndia, nana natanggelak neme bafak mai neni bafak neu, neni sudi bee neu. De hataholi la lambue faa lakandoo leu, fo sangga lamanene Ana nanoli sala. Boe ma Ana tao nahai hataholi noꞌu kala, leme sila hedin mata-mata kala mai.  
\v 16 Tehuu Yesus boe oo, nahiik heok laꞌo ela hataholi noꞌu kala sila, fo neu hule-haladoi nai mamana linok.   
\s1 Lamatuak Yesus tao nahai hataholi luꞌuk esa  
\r (Mateos 9:1-8; Markus 2:1-12)  
\p
\v 17 Laꞌi esa, Yesus nanoli hataholi la, leme uma esa. Faik ndia hambu hataholi leme partei anggama Farisi mai, ma mese anggama hida, mai tungga lamanene Ndia. Ala mai leme nggolo-nggolo kala malai propinsi Galelea, leme propinsi Yudea mai, ma leme kota Yerusalem mai. Manetualain fee koasa neu Yesus, fo Ana tao nahai hatahaoli kamahedi kala.  
\v 18-19 Faik ndia hataholi luma ndolo leni hataholi luꞌuk esa nai loanak esa lain. Ala lasusua tingga-tingga leni hataholi luꞌuk ndia neu, fo Yesus tao nahain. Tehuu uma ndia nakaseꞌe no hataholi la, de mae nakaseseti dalek neu boe oo, ta bisa. Huu ndia de, ala loo hataholi luꞌuk ndia neni uma kalak lain neu. De, ala ofe tao bolok, fo londa hataholi luꞌuk ndia dae neu, nai loanak ndia lain. Ala lakondan neu hataholi noꞌu kala laladan, ndandaak neu Yesus matan.  
\v 20 Nita leo ndia, boe ma Yesus bubuluk nae, ala lamahele Ndia bisa tao nahai sila nonoon ndia. Boe ma, Ana kokolak no hataholi luꞌuk ndia, nae, “Ananggo ei! Au koka heni o sala mala so.”   
\p
\v 21 Lamanene Yesus kokolan leo ndia, de hataholi Farisi la ma mese anggama la, mulai duduꞌa lae, “Heh! Kada Manetualain mesa kana naena hak fo koka heni hataholi sala nala. Tehuu ndia ia see, de losak ana tao aon leo Manetualain! Ia ia, namumulu belak ia so!”   
\p
\v 22 Tehuu Yesus bubuluk sila dalen nala. De, Ana kokolak, nae, “Hatina de ei duduꞌa mae, Au ia kokolak amumulu?  
\v 23-24 Au ia, Hataholi Isi-Isik. Ma Au aena hak, fo fee ambon hataholi salan. Mete ma kada Au afada hataholi luꞌuk ia, ae, ‘Au fee ambon neu o salam so’, na ei taa mita Au koasang nai daebafok ia. Tehuu mete ma Au ae, ‘Foꞌa leo! Luꞌa mala o loa anam, fo fali leo.’ Mete ma ana foꞌa tutik, na bei fo ei mita Au koasang. Huu ndia de Au nau tao ahai hataholi luꞌuk ia, fo suek ei boe oo, bubuluk Au aena hak, fo fee ambon neu hataholi salan.”  
\p Boe ma Ana heok nasafali de kokolak no hataholi luꞌuk ndia, nae, “Mambadeik leo! Luꞌa mala o loa anam fo fali leo!”   
\p
\v 25 Kada ngengge neuk, hataholi ndia foꞌa nambadeik neu hataholi noꞌu kala matan, de ana luꞌa nala ndia loa anan. Boe ma ana fali, ma ana soꞌuk koa-kiok neu Manetualain.  
\v 26 Lita leo ndiak, de basa hataholi la heran. Basa de, ala soꞌu dema-demak Manetualain naden, lae, “Lamatuak ana seli, bae maa! Leledon ia ita tita to ita mata deꞌe heheli nala, dedeꞌa manai lain seli ia so.”   
\s1 Lamatuak Yesus noke Lewi fo tunggan  
\r (Mateos 9:9-13; Markus 2:13-17)  
\p
\v 27 Taa dook, boe ma Yesus kalua neme uma ndia mai, de nita hataholi mana susu bea esa, nanggatuuk nai mamana susu bea. Hataholi ndia naden Lewi.\f + \fr 5:27 \ft Lewi nade feꞌen, Mateos.\f* Boe ma Yesus noken, de nae, “Mai tungga Au!”  
\v 28 Namanene leo ndia, boe ma Lewi foꞌa tutik, de ana laꞌo ela basa malai ndia kala, de ana tungga Yesus.   
\p
\v 29 Basa ndia, boe ma Lewi tao feta inahuuk, de ana hoka Yesus neni uman neu. Ndia boe oo, hoka nonoo mana susu bea la, ma nana hoka feꞌe kala, fo ala mai laꞌa feta.  
\v 30 Tehuu hambu hataholi partei Farisi hida, ma mese anggama la ala manggalau neu Yesus ana mana tungga nala, lae, “Hatina de ei manggatuuk miꞌa mia hataholi papake taa kala sila, fo leo mana susu bea la, ma hataholi taa malole la sila? Hataholi neulauk, taa bole seseok mia hataholi mata-aok leo sila!”\x + \xo 5:30 \xt Lukas 15:1-2\x*   
\p
\v 31 Tehuu Yesus nafada sala, nae, “Hataholi kamahedik memak ana toꞌa dotel. Tehuu hataholi neulauk taa toꞌa.  
\v 32 Au mai akaneni hataholi taa malole la. Tehuu Au taa mai akaneni hataholi fo nameda aon ndoos so!”   
\s1 Mese anggama la latuik lo Lamatuak Yesus laꞌeneu puasa  
\r (Mateos 9:14-17; Markus 2:18-22)  
\p
\v 33 Boe ma, hataholi maneme partei Farisi, ma mese anggama la manggalau lo Yesus, lae, “Leo iak, Ama! Yohanis Mana Salanik ana mana tungga nala puasa ma ala hule-haladoi bali-bali. Hataholi Farisi la ana mana tungga nala leo ndiak boe. Tehuu hatina de Ama ana mana tungga nala lambue laꞌa-linu lakandoo? Sila ndia taa puasa litak, do?”   
\p
\v 34 Tehuu Yesus bala nenik nakandandaak neu sala, nae, “Memak ei bubuluk so, mete ma hambu feta kabin, na, nana hoka kala taa puasa, tehuu ala laꞌa lakabete. Mete ma mana kabin touk ana bei nai ndia, na neu ko basa sala laꞌa noꞌu.  
\v 35 Tehuu dei fo laꞌi esa, mete ma hataholi feꞌe kala humu leni mana kabin touk dei, na, dei fo ndia nonoo nala lameda dale hedi, de bei fo ala puasa.”   
\p
\v 36 Basa de, Yesus fee nakandandaak esa bali, nae, “Taa hambu hataholi haꞌi nala tema beuk bibiak esa, fo tandan neu badu laak sidan. Huu dei fo mete ma safe badu ndia, na tema beuk nana tandak ndia, kukulu, de badu laak ndia boe sidan.  
\v 37-38 Leo ndiak boe, hataholi taa bisa diꞌa tua beuk neu samba laak nalan seli, huu naafo sidan, fo tetee heni tua ndia. De, tua beuk na musi diꞌan neni samba beuk neu.\f + \fr 5:37-38 \ft Susula dedeꞌa Yunani isi-isik nae, “Boso diꞌa anggol oek beuk, neni tas banda louk laak, huu boso losak kadin do sidan”\f* [No leo ndiak, na Yesus nanoli sala nae, Ndia nanonolin beun, boso seseo kana no hataholi Farisi la nanonoli laan.]  
\v 39 Hataholi fo ninu nitak anggol oek laak, na, ana taa hii ninu anggol oek beuk. Huu ana bubuluk, nae, ‘Anggol fo nana mbeda nala dook ndia, ladan nai lain seli!’ ”   
\c 6  
\s1 Hataholi la sapa Lamatuak Yesus asa, laꞌeneu fai hahae tao ues  
\r (Mateos 12:1-8; Markus 2:23-28)  
\p
\v 1 Laꞌi esa, nandaa no hataholi Yahudi la fai hahae tao ues, de Yesus no Ndia ana mana tungga nala, ala laꞌok tungga hataholi osin dale. Boe ma Ndia ana mana tungga nala, ketu lala hade-gandum mbulen mana dekak no sila. Boe ma, laꞌisi de laꞌa.\x + \xo 6:1 \xt Tui Seluk laꞌeneu Dala Sodak 23:25\x*  
\v 2 Nai ndia boe oo, hambu hataholi luma leme partei anggama Farisi, fo mana toꞌu tea-tea sila hada Yahudin. Lita Yesus ana mana tungga nala tao leo ndiak, boe ma lafada Ndia, lae, “Hatina de O ana mana tungga mala laꞌolena ita heti-heu anggaman? Ala tao ues nandaa no fai hahae tao ues! Mita ndia! Ala ketu hade-gandum. Taa bole leo ndiak!”   
\p
\v 3-4 Tehuu Yesus bala, nae, “Talobee bae? Ei taa masaneda baꞌi Dauk tutuin ndia? Baꞌi Dauk no ndia ana mana tungga nala, tei nala kio huu ala ndoe lalan seli. De, ala maso leni Manetualain Tenda Huhule-haladoin dalek leu, de ala haꞌi lala loti fo malangga anggama la feen neu Lamatuak so, de laꞌa. Naa te, kada malangga anggama la bole laꞌa loti ndia. Hataholi feꞌek, taa bole. Boe ma baꞌi Dauk asa laꞌa, tehuu taa hambu hataholi fee salak neu sala. Ei ia nonook taa les mitak Manetualain Susula Malalaon!\x + \xo 6:3-4 \xt 1 Semuel 21:1-6; Malangga Anggama la Heti-heun 24:9\x*   
\p
\v 5 Pasa ndiꞌidook, fo mamanene neulalau! Au ia, Hataholi Isi-isik. Au aena hak fo aketu, ae, hataholi bole tao hata, nandaa no fai hahae tao ue-ledis.”   
\s1 Lamatuak Yesus tao nahai hataholi esa liman seli kamates  
\r (Mateos 12:9-14; Markus 3:1-6)  
\p
\v 6 Faik esa, nandaa no fai hahae tao ue-ledis feꞌek, boe ma Yesus neu nanoli nai uma huhule-haladoik. Nai ndia, touk esa liman seli kamates.  
\v 7 Nai ndia boe oo, hambu mese anggama hida, ma hataholi leme partei anggama Farisi mai, fo ala sangga lelak, suek ala kakai latuda Yesus. Basa de ala lahani, fo mete ma Ana nau tao nahai hataholi lima kamate seselik ndia, nandaa no fai hahae tao ue-ledis. No leo ndiak, na, ala bisa fee salak neu Ndia nai matan.  
\v 8 Tehuu Yesus bubuluk tebe-tebe sila hihiin. Huu ndia de Ana noke nala hataholi lima kamate seselik ndia, de nae, “Kaꞌa aa! Mai mambadeik muu lalada ia dei!” De, ana neu nambadeik tutik.  
\v 9 Boe ma Yesus natane hataholi la sila, nae, “Hena Au atane sudik ei, dei. Tungga ita anggaman heti-heun, na kada ita bole tao hata, nandaa no fai hahae tao ue-ledis. Ita tao dedeꞌa malole, do tao dedeꞌa manggalauk? Ita tao tasoda hataholi, do tao takalulutu ndia sodan?”  
\v 10 Basa de Yesus suli ndule sala, boe ma Ana nafada hataholi lima kamate seselik ndia, nae, “Look o limam mai!” De ana loo kana neu, boe ma liman hai tutik.   
\p
\v 11 Lita leo ndia, boe ma Yesus musu nala manggalau. De, ala mulai heti kekedik, lae, “Ai musi sangga dala feꞌek bali, fo tao tatudan!”   
\s1 Lamatuak Yesus hele nala Ndia ana mana tungga nala, hataholi sanahulu dua  
\r (Mateos 10:1-4; Markus 3:13-19)  
\p
\v 12 Taa dook so bali, boe ma Yesus neni letek esa neu, fo Ana hule-haladoi. Basa de Ana hule-haladoi nai ndia, leꞌodae katemak esa.  
\v 13 Neu foꞌa fafain, boe ma Ana noke nala Ndia ana mana tungga nala. Basa de neme sila basa sala mai, Ana hele nala hataholi sanahulu dua, fo ala dadik leu Ndia hataholi nadedenu nala. Hataholi fo Ana hele kala sila, ndia:   
\q2
\v 14 Simon (fo Yesus nateme noke nae ‘Petrus’),  
\q2 Anderias (Simon fadin),  
\q2 Yakobis,  
\q2 Yohanis (Yakobis fadin),  
\q2 Filipus,  
\q2 Bartolomeos,   
\q2
\v 15 Mateos,  
\q2 Tomas,  
\q2 Yakobis (Alpius anan),  
\q2 Simon (mana tungga partei politik Selot),\f + \fr 6:15 \ft Partei Selot ia, ala sangga dalak fo ala lakamboꞌik leme mana toꞌu palenda Roma mai. Ala foi partei ndia, lae, ‘Patriot’\f*   
\q2
\v 16 Yudas (Yakobis anan), ma  
\q2 Yudas Iskariot (fo dei fo ana seꞌo heni Yesus)   
\s1 Lamatuak Yesus tao nahai hataholi noꞌuk  
\r (Mateos 4:23-25)  
\p
\v 17 Ledoeik ala konda leme letek ndia lain mai, de Yesus no Ndia ana mana tungga nala, lambadeik leme dae matetuk. Nai ndia boe oo, hataholi noꞌu kala, ala lakabubua. Sila ndia, mai leme propinsi Yudea, leme kota Yerusalem, leme Tirus ma Sidon mai, fo ndia kota dua lai tasi bifin.  
\v 18 Ala mai fo sangga lamanene neu Yesus ma luma ala loke Ndia fo tao nahai hataholi kamahedi kala. Boe ma, Ana tao nahai sala. Ndia boe oo, tao nahai hataholi nitu nalak, ma Ana husi kalua heni nitu la kalua leme hataholi la mai.  
\v 19 Basa hataholi la, ala lahiik daba laꞌe Ndia, huu mete ma ala daba laꞌen, na, hambu koasa ana kalua neme Ndia mai fo tao nahai sala.   
\s1 Hataholi maua-manalek, ma hataholi mana hambu soe  
\r (Mateos 5:1-12)  
\p
\v 20 Basa de Yesus heok nasale Ndia ana mana tungga nala, de nanoli, nae,  
\q1 “Hataholi kasia nala aa!  
\q2 Ei maua-manale,  
\q3 huu Manetualain mesa kana ndia, ei Mane malolen.   
\q1
\v 21 Hataholi mana ndoe kala aa!  
\q2 Ei maua-manale,  
\q3 huu dei fo Lamatuak tao ei makabete.  
\q1 Hataholi mana mamatani ma mana dale hedi kala aa!  
\q2 Ei maua-manale,  
\q3 huu dei fo ei dale mala hika lamahoko.   
\q1
\v 22-23 Hataholi mana toꞌa-taak, huu tungga Au Hataholi Isi-isik ia!  
\q2 Ei maua-manale,  
\q3 huu dei fo Lamatuak bala ei nai nusa-sodak.  
\q2 Mae hataholi husembuluk neu ei,  
\q3 fo tao nakalulutu ei nade malolen,  
\q3 do, ana heheta ei,  
\q3 do ana husi nggali heni ei, sama leo hataholi manggalauk,  
\q2 na ei maua-manale,  
\q3 huu dei fo Lamatuak nasaneda ei, nai nusa-sodak.\x + \xo 6:22-23 \xt 1 Petrus 4:14\x*  
\p De, mete ma hataholi tao nakatotoꞌak ei leo ndiak, na, kada tao ei dale mala lamahoko! Ma makaboku mamahoko! Boso heran, huu hataholi mana tao nakatotoꞌak ei ndia, hatematak ia, sila bei-baꞌi nala mesa kasa tao lakatotoꞌak Manetualain mana kokola lele ulu nala.  
\q1 De, mete ma ei hambu totoꞌak mata leo ndiak,  
\q2 na, kada tao ei dale mala lamahoko,  
\q3 huu dei fo Lamatuak bala fee ei makadotok nai nusa-sodak!\x + \xo 6:22-23 \xt 2 Israꞌel no Yahuda Tutuin 36:16; Hataholi Nadedenu nala Tutuin 7:52\x*   
\q1
\v 24 Ma hataholi kamasuꞌi kala aa!  
\q2 Ei hambu soe,  
\q3 huu ei soda mala lamahoko, kada losa ia.   
\q1
\v 25 Hataholi makabete kala aa!  
\q2 Ei hambu soe,  
\q3 huu fai ndoen ana seli laꞌe ei.  
\q1 Hataholi mana hika-setelee taa no hada kala aa!  
\q2 Ei hambu soe,  
\q3 huu totoꞌak ana mai tao nala ei makadii-makau.   
\q1
\v 26 Hataholi mana sangga hada kala aa!  
\q2 Ei hambu soe,  
\q2 huu makahulun ei bei-baꞌi mala boe,  
\q3 ala koa-kio mana kokola masapepeko kala!”   
\s1 Ei musi sue ei musu mala  
\r (Mateos 5:38-48; 7:12)  
\p
\v 27 Boe ma Yesus tuti, nae, “Pasa ndiꞌidook fo mamanene neulalau! O musi sue o musu mala, ma tao dedeꞌa malole neu hataholi mana husembuluk neu o.  
\v 28 Hule-haladoi fo moke Manetualain tao dedeꞌa malole neu hataholi mana sumba-soo o. Ma moke fo Ana tao dedeꞌa neulauk neu hataholi mana tao babalik o.  
\v 29 Mete ma hambu hataholi famba o nasum seli, na, mboꞌin fo ana famba seluk o nasum seli bali. Mete ma hambu hataholi namoa nala o badu jeket, na, fee tamba o badum neu ndia bali.  
\v 30 Mete ma hambu hataholi noke o buam esa, na, kada feen neu leo. Ma mete ma hambu esa ana haꞌi neni o buam esa, na, neme naa, fo ana soan leo. Boso muu moke fali kana bali!  
\v 31 O musi tao mala hataholi feꞌe kala, nandaa leo o hii hataholi la tao o leo ndiak boe.\x + \xo 6:31 \xt Mateos 7:12\x*   
\p
\v 32 O mahiik matudu susuek neu o hataholi heheli mala. Ndia malole. Tehuu ndia ana selin, hata? Huu hataholi manggalau kala boe oo sue sila hataholi heheli nala!  
\v 33 Mete ma kada o tao malole neu hataholi mana tao malole neu o, na, ndia ana selin nai bee? Huu hataholi manggalau kala boe, labalak tao malole leo ndiak boe  
\v 34 Mete ma o bisa fee doi tonda neu hataholi fo ana bisa bae fali kana, na, ndia ana selin hata? Huu hataholi manggalau kala bisa fee doi tonda neu hataholi feꞌek, sadi mbila-binesak na, ala simbo fali kana no katemak.   
\p
\v 35 Tehuu ana selin ndia, fo ndia leo iak: sue o musu mala! Ma tao dedeꞌa malole neu sala. Hata fo ala paluu, na, kada fee sala tonda. Boso duduꞌa, mae, ala bisa fee fali kana, do taa. No leo ndiak, na dei fo Manetualain bala o. Ma o dadik Manetualain Manai Lain Seli anan. Huu o masoda sama leo o Amam, fo nahiik tao dedeꞌa malole neu hataholi manggalauk. Ndia boe oo, tao dedeꞌa malole neu hataholi, fo taa noke makasi nalelak.  
\v 36 De, o musi matudu dale kasian neu hataholi, sama leo o Amam nai nusa-sodak, natudu dale kasian neu o boe.”   
\s1 Boso mambue sapa madabak  
\r (Mateos 7:1-5)  
\p
\v 37 Yesus nanoli nakandoo, nae, “Boso uku hataholi, suek hataholi taa uku o. Boso sapa hataholi, huu dei fo hataholi la sapa lasafali o. Mafalende heni hataholi salan, fo suek lafalende heni o salam boe.  
\v 38 Mete ma o fee hataholi hata fo ala paluun, na, dei fo o simbo fali kana. Huu dei fo Lamatuak heti, fo o simbo falik makadotok. Ndia sama leo hataholi la mboꞌa fufue makadotok neni balee uꞌukuk dale neu, basa na ala ndondokon, neꞌen dae neu, basa na, ala isi lakadai kana seluk bali, mboi-mboi, losa ana sasi. O sisimbon ndia, namata-ao leo ndiak. Mete ma o fee fak, na o simbo falik fak boe. Tehuu mete ma o fee noꞌuk, na o boe oo, simbo falik makadotok.”   
\p
\v 39 Yesus boe nanoli nenik nakandandaak. Ana tui nae, “Hataholi mbokek taa bisa natudu dalak neu hataholi mboke feꞌek. Huu dei fo dua sala tuda noꞌu leni bolok dale leu!\x + \xo 6:39 \xt Mateos 15:14\x*  
\v 40 Sakolanak taa bisa ana selin lena heni ndia mesen! Tehuu mete ma ana tungga neulalau ndia mesen nanonolin, na ana bisa dadi sama leo ndia mesen.\x + \xo 6:40 \xt Mateos 10:24-25; Yohanis 13:16; 15:20\x*   
\p
\v 41 O mahiik kada tanda neulalau hataholi sala kadiꞌi anan. Tehuu o sala inahuum, o taok leo bali taa. Ndia sama leo o mita huꞌuk esa nai hataholi matan. Naa te hambu balok inahuuk babaa nala o matam, tehuu o taa mameda sana!  
\v 42 Talobee fo o mambalani kokolak mae, ‘Tolanoo! Mai fo au tulun nggai kalua heni huꞌuk neme o mata deꞌem dale mai dei.’ Naa te o mesa nggo taa bisa mita hata-hata, huu hambu balok babaa o matam! Wei! Memak o hadam ia, mana dea-matak tetebes! Tulun dei! Soꞌu nggali heni balok ndia neme o mata hehelim mai dei. Bei fo o bisa mita, fo tulun nggai heni huꞌuk neme o nonoom matan ndia.”   
\s1 Hataholi hada teteben, nana bubuluk neme ndia tatao-nonoꞌin mai  
\r (Mateos 7:16-20; 12:33-35)  
\p
\v 43 Yesus tamba nakandandaak esa bali, nae, “Taa hambu ai malole, naboa boa taa malole. Ma taa hambu ai taa malole, naboa boa malole.  
\v 44 Hataholi bisa tandan, mete ma ai esa, malole do taa, na neme ai ndia boa nala mai. Basa hataholi la bubuluk, lae, taa hambu, hataholi seu ufa boak, do, anggol boak neme ai dilak mai.\f + \fr 6:44 \ft Susula Malalaok dedeꞌa Yunani nana sulak, nae, hataholi tana seu nala \ft \+it ...........(sukon)\+it* neme \+it ...........(akanta)\+it* mai. Sila boe oo, taa hambu\+it ............(stafulei)\+it* neme \+it .............(batos)\+it* mai. Ndia ndandaan, nae, neme ai esa, ita hambu boan tungga ndia numba teteben.\f* \x + \xo 6:44 \xt Mateos 12:33\x*  
\v 45 Leo ndiak boe hataholi dale malalaok, bisa tao dedeꞌa malole. Tehuu hataholi dale manggenggeok tao dedeꞌa manggalauk. Huu neme hataholi kokolan mai, natudu ndia hada teteben.”\x + \xo 6:45 \xt Mateos 12:34\x*   
\s1 Hataholi malelak ma hataholi nggoak, lambadedei uma  
\r (Mateos 7:24-27)  
\p
\v 46 Basa boe ma Yesus tuti bali, nae, kada ei mambue moke Au mae, ‘Lamatuak’. Tehuu hatina de ei taa nau tungga Au kokolang?  
\v 47 Hataholi mana mai lamanene Au, boe ma ana tao tungga Au kokolang, ndia ndia sama leo  
\v 48 hataholi fo ana sangga nambadedei uma matea. Ana kali neulalau bolo fanderen nai dae isik dei, losa hambu batu isik. Boe ma ana tao fanderen ndandaak neu batu lain, bei fo ana nambadedei uma. Mete ma faa mai, na, uma ndia taa nanggeꞌo, huu buin matea so.  
\v 49 Tehuu hataholi, fo kada namanene no dale bibiak, ma taa tungga Au kokolang, na, ndia ndia, sama leo hataholi fo ana nau nambadedei uma kada no lofoanak. Ana taa tao fanderen, tehuu kada nanggatutuu uma ndia neu dae isik lain, nai lee bifin. Boe ma faik fo faa mai, na ana sapu nakalulutu heni uma ndia!”   
\c 7  
\s1 Lamatuak Yesus tao nahai soldadu Roma ana mana tao uen  
\r (Mateos 8:5-13)  
\p
\v 1 Nanoli basa leo ndia, boe ma Yesus fali neni kota Kapernaum neu.  
\v 2 Nai ndia, hambu malangga soldadu Roma esa. Ana naena ana manatao ues esa, fo ana namahelen. Hataholi mana tao ues ndia, namahedi, de elabaꞌik maten.  
\v 3 Faik fo malangga soldadu ndia namanene laꞌeneu Yesus, boe ma ana haitua hataholi lasik Yahudi luma, leu loken Ana mai fo tao nahai ana mana tao ues ndia.  
\v 4 Ala kokoe Ndia, fo leo bisa, na, Ana tungga sala, fo neu tao nahai hataholi ndia. Ala kokoe Ndia, lae, “Ama aa! Hataholi Roma ia, hataholi neulauk! Ndia ndia, nandaa Ama Ana falin.  
\v 5 Huu ana nambadedei uma huhule-haladoik esa fee ita, huu ana sue ita hataholi Yahudi la.”  
\v 6 Boe ma Ana tungga no sala.  
\p Ala bei ta losa uma, tehuu malangga soldadu ndia haitua ndia nonoo nala mai lafada Yesus, lae, “Lamatuak, boso masotak muu bali, huu au taa andaa simbok Lamatuak nai au umang.  
\v 7-8 Ma au boe oo, taa andaa asale Lamatuak. Manggaledok so, fo au ae, Lamatuak naena koasa. De, sadi kada Lamatuak kokolak neme ia mai, na neu ko au ana mana tao ues ia, hai tutik. Au bubuluk dedeꞌak ia, huu au malangga nggala laena koasa, fo palenda au. Ma au boe oo, aena koasa fo palenda au soldadu nggala. Mete ma au palenda au ana palendang ae, ‘Muni ele muu!’ na neu ko ana neu. Mete ma au ae ‘Ia mai!’ na neu ko ana mai. Ma mete ma au adenu au hataholi mana tao ues, ae, ‘Tao ia!’ na neu ko ana tao leo ndiak. De, sadi kada Ama kokolak, na neu ko au ana mana tao ues ndia, hai tutik.”   
\p
\v 9 Namanene leo ndia, boe ma Ana heok aon, de nasale hataholi noꞌuk fo mana tungga Ndia. Boe ma Ana nae, “Heran, oo! Doo basa ia so, tehuu Au bei ta atonggo itak ua hataholi Yahudi esa, fo namahehelen tean sama leo hataholi Roma ia!”   
\p
\v 10 De, Yesus Ana laꞌok losa kada ndia. Boe ma malangga soldadu nonoo nala ala fali. Losa malangga soldadu ndia uman, tehuu ala lita hataholi kamahedik ndia hai tutik so.   
\s1 Lamatuak Yesus tao nasoda falik ina falu esa anan  
\p
\v 11 Foꞌa mai, boe ma Yesus no Ndia ana mana tungga nala, laꞌo leni nggolok esa leu, nade Nain. Hambu hataholi noꞌu kala laꞌok noꞌu lo sala.  
\v 12 Ledoeik ala sangga dekak lo nggolok ndia lelesun dalek neu, boe ma hataholi bubuak esa, sangga kalua leu latoi mamate. Mana matek ndia, na ina falu esa ana touana kisan ndindia.  
\v 13 Ledoeik Yesus nita ina falu ndia, boe ma Ana tuda kasian neun. De, Ana nafada inak ndia, nae, “Ina aa! Nenee leo, boso mamatani bali!”   
\p
\v 14 Basa de Yesus neu deka-deka, de tai laꞌe mamana ndolo mamate ndia. Boe ma hataholi mana ndolo mamate sila, hahae tataak. De, Ana nafada mamate ndia, nae, “Taꞌe aa! Foꞌa leo!”  
\v 15 Boe ma tou anak ndia nasoda fali, de ana foꞌa nanggatuuk tutik. De, ana mulai nakokola no hataholi mana mambadeik ndule ndia. Basa de Yesus nafada inak ndia, nae, “Ina aa! Simbok mala ina anan leo.”   
\p
\v 16 Basa hataholi malai ndia kala, bii lalan seli! Boe ma ala koa-kio Manetualain, lae, “Manetualain nadenu Ndia mana kokolan esa fo ana seli neu ita!” Hambu feꞌek bali, na, lae, “Manetualain mai nai ita laladan so, fo natudu Ndia dale malolen!”  
\v 17 Boe ma tutuik ndia nakambela neni sudi bee neu, nai propinsi Yudea, losa nusa babaꞌe feꞌe kala boe.   
\s1 Yohanis Mana Salanik haitua hataholi neni Lamatuak Yesus neu  
\r (Mateos 11:2-19)  
\p
\v 18-20 Yohanis Mana Salanik ana mana tungga nala lamanene basa dedeꞌa kala, fo Yesus tao kala sila so. Basa de, leu tui Yohanis nai bui dale. Boe ma, ana haitua hataholi dua leni Yesus leu, fo latanen, lae, “Ama ia tebe-tebe Karistus, fo ai mahani taa-taak ndia, do? Do ai musi mahani hataholi feꞌek bali?”  
\p Basa, de latonggo lo Yesus, de ala latane leo ndiak.   
\p
\v 21 Ledoeik hataholi nana nadedenu kala sila lai ndia, boe ma Yesus tao nahai hataholi noꞌuk kala hedin mata-mata kala. Ma Ana husi kalua heni nitu neme hataholi nitu nalak mai. Ma Ana tao nahai hataholi mboke kala, de bisa lita.   
\p
\v 22 Boe ma Yesus nafada Yohanis ana mana tungga nala, nae, “Ei fali miu mafada kaꞌa Nani, basa hata fo ei mamanenen so, ma ei mita aom so, fo sama leo Manetualain mana kokolan Yesaya sulak, nae,  
\q2 ‘Hataholi mbokek, bisa nita.  
\q2 Hataholi ei luꞌuk, foꞌa fo laꞌok.  
\q2 Hataholi hedi kusta, dadik malalaok.  
\q2 Hataholi mbakek, hambu namanene.  
\q2 Hataholi kamates, nasoda fali.  
\q2 Hataholi kasian, namanene Hala Malole.’\x + \xo 7:22 \xt Yesaya 35:5-6; 61:1\x*   
\p
\v 23 Fali miu mafada kaꞌa Nani, mae, ‘Hataholi taa mana maek, simbok Au, na, dei fo ala laue-lanale tebe-tebe.’ ”   
\p
\v 24 Faik fo Yohanis ana mana tungga nala fali so, boe ma Yesus kokolak no hataholi noꞌu kala sila, laꞌeneu Yohanis, nae, “Faik fo ei miu sangga Yohanis nai mamana nes ndia, ei duduꞌa mae sangga matonggo mia hataholi mata leobeek? Ei taa miu matonggo mia hataholi noe-naꞌuk, fo sama leo oo, de ani fumbun neu-mai.  
\v 25 Ei taa miu fo mita hataholi mana pake baloꞌa mabeli, sama leo hataholi leo nai uma manek!  
\v 26 De, ei miu tilo see nai ele? Do ei miu sangga Manetualain mana kokolan? Tetebes! Ndia ndia, Manetualain mana kokolan fo ana seli.  
\v 27 De, Susula Malalaok nana sula memak laꞌeneu Yohanis, nae,  
\q1 ‘Mamanene! Au adenu Au hataholing,  
\q2 fo neu soi dalak fee O.’\x + \xo 7:27 \xt Maleaki 3:1\x*   
\p
\v 28 Nai daebafok ia, taa hambu hataholi esa boe, fo lena heni Yohanis. Tehuu nai Lamatuak nusan, na, kada hataholi manai dae teteꞌen, ana seli lena heni Yohanis.”   
\p
\v 29 Hataholi mana mamanene Yesus kokolan ndia, ala lalelak so, lae, Lamatuak dalan ndia, na, dala soda ndoos. Manasusu bea la boe oo, leo ndiak. Huu makahulun Yohanis salani sala, ma nanoli sala so.  
\v 30 Tehuu hataholi maneme partei anggama Farisi ma malela heti-heu Yahudi, taa nau tungga Manetualain hihii-nanaun. Huu ndia de, ala taa loke Yohanis salani sala.\x + \xo 7:30 \xt Mateos 21:32; Lukas 3:12\x*   
\p
\v 31 Basa boe ma Yesus natane sala, nae, “Au sangga akasasama hataholi hatematak ia, no hata? Hataholi mata leobeek sila ia?  
\v 32 Sila ndia, sama leo kakana kala mana manggatuuk lai pasak. Ala lambue langgou ma manggalau, lae,  
\q1 ‘Ai fuu kinuk noꞌu,  
\q2 tehuu ei taa longge mamahoko.  
\q1 Basa de ai soda sosoda bebeꞌe mamate,  
\q2 tehuu ei taa mamatani.’   
\p
\v 33 Huu Yohanis Mana Salanik taa ninu anggol, ma nahiik puasa, na, ei makasasaꞌek ndia mae, ‘Ndia nitu nalak!’  
\v 34 Tehuu hatematak ia, Au, Hataholi Isi-isik ia, inu anggol ma uꞌa loti leo basa faik. Boe ma ei makasasaꞌek Au, mae, ‘Ndia ndia, memak hataholi balenaꞌo! Mana mafu funak bali! Neu nanonoo no mana susu bea la! Bubuak esa no hataholi papake taa kala! Ta nameda aon bali!’  
\v 35 Tehuu ei tanda Au kokolang ia leo, baa! Hataholi fo bubuluk tebe-tebe, na, ala tungga Lamatuak hihii-nanaun.”   
\s1 Lamatuak Yesus naꞌa feta nai Simon uman  
\p
\v 36 Nai kota ndia, hambu hataholi Farisi esa, nade Simon. Laꞌi esa, ana hoka Yesus asa mai laꞌa nai ndia uman. Simbo nala hohokak ndia, boe ma Yesus asa leu, fo sangga langgatuuk laꞌa.  
\v 37 Faik ndia, hambu ina kalabik esa namanene, lae, Yesus sangga naꞌa nai ndia. De, ana maso mai, ma toꞌu neni mina kaboo menik mabeli boto esa.  
\v 38 Ana mai dekak nesik Yesus dean. Basa de ana sendek lunggulanggan neu Yesus ein. Boe ma ana namatani nakaleleu losa lun tuda laꞌe Yesus ein. Ana seka Yesus ein nenik ndia langga-bulu hehelin, ma ana idu nakamiminak Ndia ein. Basa de ana diꞌa mina kaboo menik ndia neu Yesus ein.\x + \xo 7:38 \xt Mateos 26:7; Markus 14:3; Yohanis 12:3\x*   
\p
\v 39 Simon ndia, bubuluk inak ndia nanggatutuu-nambadedein. Huu ndia de ana duduꞌa nai dalen dale, nae, “Ia ana dadik buti so neu Yesus ia, fo Manetualain mana kokolan taa ia! Mete ma tebe-tebe Manetualain haitua Ndia mai, na, neu ko Ana bubuluk so, inak mana mafaloe Ndia, na, ina kalabik. Manetualain mana kokolan taa matak leo Ndia ndia, huu hataholi malalaok taa bole deka-deka no hataholi manggenggeo kala!”   
\p
\v 40 Tehuu Yesus bubuluk hata fo Simon duduꞌak ndia. Boe ma Ana nae, “Kaꞌa Mon! Leo iak, kaꞌa. Au sangga afada kaꞌa dedeꞌak esa.”  
\p Boe ma Simon nataa, nae, “Neu! Ama mesen, kokolak leo.”   
\p
\v 41 De, Yesus Ana ngganggali kokolak neu ndia, nae, “Hambu hataholi esa, mana tukan fee hataholi feꞌe kala tondan doik. Ana fee nitak doi tonda neu hataholi dua. Ana fee esa tonda doi fulak natun lima, ma feꞌek kada lima huluk.  
\v 42 Tehuu losa fain fo ala musi fee falik doi kala sila, dua sala taa labeꞌi. Boe ma mana fee doi tonda ndia, tuda kasian neu dua sala. Huu ndia de, ana nakamboꞌik dua sala leme dua sala huta nala mai. Mete ma tungga kaꞌa Mon duduꞌan, na, neme hataholi kadua kala mana tonda doi kala sila, na, bee ndia ana sue lena mana fee doi tonda ndia?”   
\p
\v 43 Simon ndaso nenenik nae, “Neu ko mana mahuta noꞌuk, maa!”  
\p Yesus nataa, nae, “Tetebes, kaꞌa!”   
\p
\v 44 Boe ma Ana heok nasale inak ndia, de nafada Simon nae, “Soba kaꞌa Mon suli neulalau inak ia. Ledoeik Au maso uni kaꞌa uman dale mai, tehuu kaꞌa taa sadia oe, fo safe Au eing, tungga ita hadan. Tehuu inak ia, nakatataba Au eing nenik ndia lun, de ana seka nalalaon nenik ndia langga-bulun.  
\v 45 Ma isinaak, ledoeik o soluk Au nai kaꞌa Mon uman dale, tehuu kaꞌa Mon taa idu Au, tungga ita natetemen. Tehuu mulai neme Au maso uni uma ia dalek mai, inak ia taa hahae idu Au eing.  
\v 46 Isinaak Au maso uni uma ia mai, tehuu kaꞌa Mon boe mafalende heni hada diꞌa mina neu hataholi mana maik langgan, fo isinaak Au maso mai ndia. Tehuu inak ia, diꞌa mina kaboo menik mabeli ana seli neu Au eing so.  
\v 47 Kaꞌa Mon mamanene neulalau dei! Memak inak ia salan noꞌuk. Tehuu Lamatuak koka heni basa salan so, huu natudu ndia susuen ma namemeda makasin noꞌun seli neu Au. Tehuu hataholi fo nameda taa tao salak noꞌuk, ndia boe oo, nameda taa paluu hambu ambon noꞌuk. Huu ndia de ana taa nalelak susuek, ma taa nameda makasi nalelak neu Lamatuak.”   
\p
\v 48 Basa de Yesus kokolak no inak ndia, nae, “Au koka heni o sala-singgo mala so!”   
\p
\v 49 Hataholi mana manggatuuk laꞌa noꞌu, ala mulai lakukutuk, lae, “Wei! Ana duduꞌa nae Ndia ndia see ia?! Ana nambalani fee ambon neu hataholi salan, bae maa! Naa te kada Manetualain mesa kana naena hak fo koka heni hataholi salan! Aweꞌek!”   
\p
\v 50 Tehuu Yesus nafada inak ndia, nae, “Huu o mamahele Au so, de Lamatuak tao nasoda o. Fali leo, mua mole-dame!”   
\c 8  
\s1 Ina kala mana tungga Lamatuak Yesus  
\p
\v 1 Taa dook so bali, boe ma Yesus no Ndia ana mana tungga nala hataholi sanahulu dua, laꞌok ndule kota ma nggolo kala malai ndia kala. Ala laꞌo leu lafada hataholi la laꞌeneu Manetualain palendan. Ndia dadik hala malole neu sala.  
\v 2 Nai bubuak ndia dalek hambu inak hida tungga boe. Ina kala ia, hambu lamahedi mata-matak, ma hambu nitu nalak. Tehuu Yesus tao nahai basa sala so. Matak leo Maria maneme Magdala mai. Makahulun, Yesus husi kalua nitak nitu hitu leme ndia mai.  
\v 3 Hambu Susana boe, ma ina Yohana. Ina Yohana ia, na ndia ama Kusa saon. Kusa ndia, na malanggga mana makanenik, nai mane Herodes uma manen. Ma bei hambu inak noꞌuk feꞌe kala fo ala laꞌok noꞌu lo Yesus asa. Ina kala ia pake sila doi heheli nala, fo tanggon Yesus asa doi dalan.\x + \xo 8:3 \xt Mateos 27:55-56; Markus 15:40-41; Lukas 23:49\x*   
\s1 Nakandandaak laꞌeneu bini fo hataholi la ngganggalin nai dae mata-matak  
\r (Mateos 13:1-9; Markus 4:1-9)  
\p
\v 4 Laꞌi esa, hataholi la kalua leme nggolo noꞌu kala mai, fo ala sangga Yesus. Ledoeik hataholi noꞌu kala lakabubua so, boe ma Ana tui fee sala nakandandaak esa, nae,  
\v 5 “Hambu hataholi mana maue daek esa, neu ngganggali bini nai ndia osin. Bini luma tuda leu dalak lain. De ledoeik hataholi la, laꞌok lesik ndia, boe ma ala heheta bini la sila. Ma mbui kala mai, de tutu laꞌa labasa sala.  
\v 6 Bini luma bali, na, tuda leu dae batu. Bini sila mulai lanumbu, tehuu male heni sala, huu oe taa dai.  
\v 7 Bini feꞌek luma, tuda leu mamana dilak. Tehuu ledoeik ala mulai lanumbu, boe ma ai dila kala, kabi lisa sala.  
\v 8 Tehuu bini feꞌe kala bali, na, ala tuda laꞌeneu dae isi mamina. Ala lanumbu, basa de ala moli dadik inahuuk losa laboa. Bini la sila ala fee buna-boak laꞌi natun.”  
\p Tui basa leo ndia, boe ma Yesus nggoe nakandandaak ndia, ma nafada nae, “Ei mana pasak ndiꞌidook, na, duduꞌa neulalau!”   
\s1 Lamatuak Yesus nafada nae, hatina de ana nahiik pake nakandandaak  
\r (Mateos 13:10-17; Markus 4:10-12)  
\p
\v 9 Basa boe ma, Yesus ana mana tungga nala latane nakandandaak ndia ndandaan.   
\p
\v 10 Ana nataa nae, “Leo iak! Huu ei tungga tebe-tebe Manetualain hihii-nanaun, de Au buka manggaledok, fo ei bubuluk, talobee fo Lamatuak nau palenda Ndia hataholi nala. Tehuu hataholi feꞌe kala taa nau mbali Lamatuak hihii-nanaun. Huu ndia de, Au anoli sala unik kada nakandandaak. Huu Lamatuak mana kokola nala sulak memak basan so, laꞌeneu hataholi la ia, nae,  
\q1 ‘Ala lita so,  
\q2 tehuu taa nau lalela kana.  
\q1 Ala lamanene so,  
\q2 tehuu taa nau bubuluk.’ ”\x + \xo 8:10 \xt Yesaya 6:9-10\x*   
\s1 Lamatuak Yesus nafada nakandandaak laꞌeneu bini ndia ndandaan  
\r (Mateos 13:18-23; Markus 4:13-20)  
\p
\v 11 Boe ma Yesus nafada nakandandaak ndia ndandaan, nae, “Bini ndia, na, ndia Manetualain Dedeꞌa-kokolan.  
\v 12 Bini mana tuda nai dalak lain ndia, na, ndia hataholi mana mamanene Lamatuak Dedeꞌa-kokolan, tehuu basa de nitu la malangga inahuun mai, de namoa nala Dedeꞌa-kokolak ndia neme sila dale nala mai. No leo ndiak, de ala taa lamahele Lamatuak, ma taa hambu sodak.  
\v 13 Bini mana tuda lai dae batu, na, ndia hataholi fo namanene Lamatuak Dedeꞌa-kokolan no namahokok. Tehuu oka nala taa tola losa dook. Ala mulai lamahele, tehuu mete ma totoꞌak laꞌe sala, na, lofoanak ala tuda.  
\v 14 Bini mana tuda nai mamana dilak ndia, na, ndia hataholi mana mamanene ma ala simbok Lamatuak Dedeꞌa-kokolan. Tehuu taa dook, tehuu ala lafalende heni Dedeꞌa-kokolak ndia, huu lasambute lalan seli lakaneni sila dedeꞌa heheli nala, ma sila hata-heto nala mata-matak, ma lahiik kada namahokok. Huu ndia de sila namahehelen ndia, buna-boan taa  
\v 15 Tehuu bini mana tuda nai dae isi mamina ndia, na, ndia hataholi fo dalen ndoos, ma malole. Ledoeik ala lamanene Lamatuak Dedeꞌa-kokolan, boe ma ala mbeda neulalaun neu dale nala. No leo ndiak, na ala lamahele lakandoo, ma tao dedeꞌa malole noꞌuk.”   
\s1 Nakandandaak laꞌeneu tatana banduk nenik ule dae  
\r (Markus 4:21-25)  
\p
\v 16 Basa de, Yesus kokolak bali, nae, “Taa hambu hataholi dede bandu anak, fo tatanan nenik ule dae. Ma taa hambu hataholi tao banduk neu koi sosolon. Huu mete ma leo ndiak, na, hataholi taa bisa nita manggaledok bali. Banduk kasosoak, na, taon neu mamana madema, fo suek saꞌan tao manggaledo hataholi mana neni dalek mai.\x + \xo 8:16 \xt Mateos 5:15; Lukas 11:33\x*  
\v 17 Basa hata fo nana nafunik hatematak ia, dei fo dadik nana nitak. Ma basa hata fo hataholi taa bubuluk hatematak ia, dei fo hataholi la bubulu kana.\x + \xo 8:17 \xt Mateos 10:26; Lukas 12:2\x*   
\p
\v 18 De, ei musi duduꞌa neulalau dedeꞌa kala ia. Hataholi fo tebe-tebe sangga bubuluk Lamatuak hihii-nanaun, na, ana boe dadik malelak. Tehuu hataholi fo taa mbali Lamatuak hihii-nanaun, na, ana boe namanggoa.\x + \xo 8:18 \xt Mateos 25:29; Markus 4:25; Lukas 19:26\x*   
\s1 Lamatuak Yesus bobonggi tetebe nala  
\r (Mateos 12:46-50; Markus 3:31-35)  
\p
\v 19 Laꞌi esa, Yesus nasambute no hataholi noꞌu kala. Boe ma inan ma fadi nala mai fo sangga latonggo lo Ndia. Tehuu ala taa bisa deka-deka lo Ndia, huu hataholi noꞌun seli.  
\v 20 Boe ma hambu hataholi neu nafada Yesus nae, “Ama aa! Ama inam ma fadi mala lai deak. Ala sangga latonggo lo Ama.”   
\p
\v 21 Boe ma nataa nae, “Hei! Tehuu leo iak. Au inang ma Au tolanoo tetebe nggala, sila hataholi fo mana lamanene Manetualain Dedeꞌa-kokolan, ma basa na, ala tao tunggan.”   
\s1 Lamatuak Yesus tao hahae ani sanggu  
\r (Mateos 8:23-27; Markus 4:35-41)  
\p
\v 22 Laꞌi esa, Yesus noke nala Ndia ana mana tungga nala, nae, “Mai ita saꞌe ofa baluk, fo teni tasi selik teu.” Boe ma ala saꞌe leu ofa baluk esa, de mulai laꞌo.  
\v 23 Ledoeik ala lala tasi lai, boe ma Yesus sunggu. Taa dook boe ma ani sanggu mai. Lii mbuka neni ofak baluk dale neu. Ala hii-hii hambu soe so.   
\p
\v 24 Lita leo ndia, boe ma ana mana tungga nala, leu fafae Yesus, lae, “Lamatuak aa! Lamatuak aa! Foꞌa fo tulun dei! Huu ita sangga bolo mate ia so!”  
\p Boe ma Yesus foꞌa. Basa de Ana nafada ani ma lii, nae, “Hahae leo!” Boe ma lii ma ani hahae tutik.   
\p
\v 25 Basa de Ana nafada ana mana tungga nala, nae, “Hatina de ei bei ta mamahele Au boe?”  
\p Ala bii ma heran. Boe ma ala latatanek esa no esa, lae, “Awii! Huu Yesus ia, na, see? Talobee de Ana bisa palenda ani ma lii, de ala tungga Ndia hihiin?”   
\s1 Lamatuak Yesus husi heni nitu neme hataholi kamuluk esa mai  
\r (Mateos 8:28-34; Markus 5:1-20)  
\p
\v 26 Taa dook, boe ma ala losa dae babaꞌek Garasa, nai tasi Galelea selik.\f + \fr 8:26 \ft Susula dedeꞌa Yunani fo neulaun ana seli, nae ‘Gerasa’. Tehuu susulak luma nana sulak, nae ‘Gedara’. Ma luma bali nana sulak nae ‘Gergesa’.\f*  
\v 27-29 Nai ndia, hambu hataholi esa nitu nalak dook ia so. Uman taa, de kada ana leo nai late sala laladan. Tungga-tungga faik, ana laꞌok neu-mai, ma tao foli holi-holik. Huu nitu la palendan nakandondoo henin. Hataholi la henggen taa-taa lenik tali besi do liti besi so, tehuu ana tao naketu henin. Boe ma nitu la lambue lakasetin, fo nalai neni mamana nes neu.  
\p Ledoeik Yesus konda neme ofa baluk mai, boe ma hataholi kamuluk ndia, neni Ndia neu. Hataholi ndia nakadii-nakau, ma ana lololi neu Yesus ein. Basa de Ana palendan nae, “Heh, nitu! Kalua muma hataholi ndia mai!”  
\p Boe ma hataholi kamuluk ndia nakau, nae, “Wei! Boso babalik au! Huu au bubuluk O ia, na, Yesus, fo Manetualain manai lain seli Anan! O boso tao doidoso au!”   
\p
\v 30 Yesus natanen nae, “O nadem see?”  
\p Boe ma nitu ndia nataa nae, \it “Legion\it*, huu ai noꞌuk, leo soldadu lifu-lifuk.” Ana nae leo ndia, huu hambu nitu mana maso fo leo lai ndia aon dale, noꞌuk.   
\p
\v 31 Nitu la sila lambue loke lakandondoo heni Yesus, fo boso nadenu sala leni Bolo Doidosok leu, fo ndia mamana kena koasa manggalau kala.   
\p
\v 32 Tehuu deka-deka nai ndia, hambu bafi bubuak inahuuk esa, ala totofi dae, fo sangga nanaꞌak lai letek ndia bifin. Boe ma nitu la loke Yesus, lae, “Kada madenu ai maso mini bafi la sila dalek miu!” Boe ma Ana nakaheik.  
\v 33 Basa boe ma, nitu la kalua laꞌo ela touk ndia, de maso leni bafi la sila dalek leu. Basa bafi la sila dadik lamulu, de ala lalai lapoka kala konda leme letek ndia mai, de tuda leni tasi dale leu. Boe ma basa sala bolo mate.   
\p
\v 34 Lita leo ndia, boe ma mana manea bafi la, lalai ndule nggolo kala malai ndia, de ala tui basa mana dadi kala sila.  
\v 35 Lamanene tutuik leo ndia, boe ma hataholi noꞌu kala kalua leni mamanak ndia leu. Ala nau lita aon, hata mana dadik nai ndia so. Losa ndia, boe ma lita hataholi nitu nalak ndia, nanggatuuk ndoo-ndoo dekak no Yesus ein. Ana pake baloꞌas so, ma mulun mopon so. Lita leo ndia, boe ma basa sala bii.  
\v 36 Basa de hataholi la, fo mana nita dedeꞌak ndia, lafada hataholi la dei fo mana mai kala sila, talobee de hataholi kamuluk ndia hai so.  
\v 37 Boe ma basa hataholi Garasa la mana leo lai dae babaꞌek sila, loke Yesus fo Ana laꞌo ela sala, huu basa sala bii lalan seli.  
\p Boe ma Yesus asa leu hene leni ofa baluk dale leu, fo sangga fali leni tasi Galelea selik leu.   
\p
\v 38 Tehuu hataholi fo isinaak nitu nalak ndia, nambue kokoe Yesus, nae, “Ama aa! Mboꞌi au tungga Ama boe!”  
\p Tehuu Yesus bala nae,  
\v 39 “Kada leo iak! Malolenak o fali muni o bobonggi mala nggolon muu, fo tui sala laꞌeneu Manetualain malolen, de Ana tao nahai o so.”  
\p Basa boe ma, hataholi ndia laꞌo ndule kota ndia, de ana tui neu basa hataholi la, laꞌeneu Yesus tao nahain.   
\s1 Lamatuak Yesus tao nasoda falik Yairus ana feꞌon, ma tao nahai inak mana mboꞌa daak  
\r (Mateos 9:18-26; Markus 5:21-43)  
\p
\v 40 Basa boe ma Yesus asa saꞌe ofa baluk fali leni tasi Galelea selik leu. Ledoeik ala konda leme ofa baluk ndia mai, naa te hataholi noꞌu kala lahani Ndia taa-taa so. Ala lakalilimbu lalan, fo sangga soluk Ndia.  
\v 41-42 Nai ndia boe, hataholi esa, nade Yairus. Ndia ndia, malangga uma huhule-haladoik nai kota ndia. Ndia anan, kada kisak; ana inanak, teun teuk sanahulu dua. Hatematak ia, inanak ndia, namahedi belak, de elabaꞌik maten. Ledoeik Yairus nita Yesus mamain, boe ma ana sendek lunggulanggan neu Yesus matan. Ana noke Yesus neni uman neu, fo tulun ndia ana inanan.  
\p Ledoeik Yesus nataa nae hei, boe ma ala laꞌo leni Yairus uman leu. Tehuu hataholi noꞌu kala lasuu tungga boe. Huu ndia de ala laꞌok lakaseseti.   
\p
\v 43 Inak esa laꞌok tungga sala boe. Ana hambu bulak taa no hahaen, teuk sanahulu dua ia so. Ana nabasa doin ma hata nala, fo bae neu dotel asa. Tehuu taa hambu esa bisa tao nahain. Ndia hedin ndia, nambue foe nakandondoo henin.\f + \fr 8:43 \ft a 8:43: Susula dedeꞌa Yunani luma taa sulak “Ana fee basa doin ma hata nala, fo bae neu dotel asa.”\f*  
\v 44 Boe ma ana neu deka-deka no Yesus dean. Basa de ana daba laꞌe Yesus badu mbedan. Ledoeik ana daba basa, boe ma ndia daa mana faan ana mada tutik.   
\p
\v 45 Nggengge neuk Yesus nambadeik, boe ma natane, nae, “See daba laꞌe Au?”  
\p Tehuu taa hambu hataholi esa manaku boe. Boe ma Petrus nae, “Lamatuak boe oo! Huu hataholi noꞌu kala lakaseseti leo iak! Ala lambue latumbuk leme dea mai.”   
\p
\v 46 Tehuu Yesus nafadan nae, “Taa! Isinaak Au ameda koasa kalua neme Au mai. De, Au bubuluk hataholi esa daba laꞌe Au so.”   
\p
\v 47 Ledoeik inak ndia nameda ndia taa bisa kekek, de ana bii nalan seli. Ana dele, de ana sendek lunggulanggan neu Yesus. Boe ma ana tui ndia dedeꞌan huu-okan, neu basa hataholi noꞌu kala matan. Basa de ana nafada nae, nandaa no au daba Yesus, boe ma au hai tutik.   
\p
\v 48 Boe ma Yesus nafada ndia, nae, “Kaꞌa! O hai ndia so, na, huu o mamahele Au. Fali mua mole leo!”   
\p
\v 49 Ledoeik Yesus bei kola-kola no inak ndia, tehuu Yairus hataholin esa mai nafadan, nae, “Awii, Ama aa! Ama anan taa kana so! Ana mate so, de boso tao nasambutek neu Ama Mesen bali.”   
\p
\v 50 Tehuu ledoeik Yesus namanene hataholi ndia nafafadan, boe ma Ana nafada Yairus nae, “Kaꞌa! Kada nenee! Boso bii! Kada mamahele neu Manetualain. Ndia ndia tao nasoda kaꞌa anan.”   
\p
\v 51-53 Ledoeik ala losa Yairus uman, naa te hataholi la henuk lai ndia so. Ala lamatani lakaleleu. Boe ma Yesus kaꞌi sala, nae, “Ei hahae mamatani leo! Huu kakanak ia taa maten. Kada ana sunggu ndia!  
\p Tehuu hataholi la kada ala hika kolombimbiin, huu sila ndia lita matan kakanak ndia ketu ani hahaen so. Boe ma Yesus noke nala inanak ndia ina-man, Petrus, Yohanis, ma Yakobis, fo ala maso dalek leu noꞌu lo Ndia. Feꞌe kala Ana nadenu sala lahani lai kada deak.   
\p
\v 54 Ala maso, boe ma Yesus toꞌu nala inanak ndia liman, ma noke nae, “Ina aa! Foꞌa leo!”  
\v 55 Kada nggengge neuk, kakanak ndia nasoda fali, de ana foꞌa tutik. Basa boe ma Yesus nadenu inanak ndia inan, nae, “Fee kakanak ia naꞌa dei!”  
\v 56 Inanak ndia ina-man bafa nala bemboo. Tehuu Yesus fee nasaneneda kasa, fo suek boso ala tui-bengga dedeꞌak ia neu hataholi la.   
\c 9  
\s1 Lamatuak Yesus nadenu Ndia ana mana tungga nala hataholi sanahulu dua  
\r (Mateos 10:5-15; Markus 6:7-13)  
\p
\v 1 Laꞌi esa, Yesus nakabubua nala Ndia ana mana tungga nala hataholi sanahulu dua. Basa de Ana fee sala koasa, fo suek ala husi nitu, ma bisa tao lahai hataholi kamahedik leme sila hedin mata-mata kala mai.  
\v 2 Ana nadenu sala, fo ala laꞌo leu tui-bengga hataholi la, laꞌeneu Manetualain totoꞌu palendan. Ndia boe oo, nadenu sala, fo ala tao lahai hataholi kamahedi kala, sudi lai bee.  
\v 3 Tehuu nafada sala, nae, “Masanenedak matalolole! Ei taa bole mini hata-hata nai dalak. Laꞌok mia kada badu manai ei ao mala. Boso mini teteꞌe-aik, do tas, do lepa-nggee, ma doik. Badu seluaok boe oo, taa bole minin!  
\v 4 Mete ma ei maso mini nggolok esa dalek miu, fo hambu hataholi simbok ei, na, leo nai sila uman leo. Boso hehele uma. Leo makandoo nai ndia, losa ei laꞌo ela nggolok ndia.  
\v 5 Leo ei maso mini nggolok esa miu, naa te hataholi malai ndia kala, taa nau simbok, ma taa nau lamanene ei, na, laꞌo ela sala. Mete ma ei kalua mima ndia mai, na, tao tungga hadak, fo sasambu heni afu neme ei ei mala mai. Mafada sala mae, ‘Ei taa nau mamanene, na, ela ei lemba aom ei natataan ia.’ \x + \xo 9:5 \xt Lukas 10:4-11; Hataholi Nadedenu nala Tutuin 13:51\x*   
\p
\v 6 Basa de, ana mana tungga nala sila laꞌo leme nggolok esa mai, leni nggolok esa leu. Ala tui-bengga hataholi la, laꞌeneu Manetualain Hala Malolen. Basa de sila boe oo, tao lahai hataholi kamahedi kala.   
\s1 Mane Herodes nasapangga laꞌeneu Lamatuak Yesus  
\r (Mateos 14:1-12; Markus 6:14-29)  
\p
\v 7 Faik ndia, tutui mata-mata kala laꞌeneu Yesus, losa mane Herodes Antipas\f + \fr 9:7 \ft Herodes Antipas ndia, na, Herodes Inahuuk anan. Herodes Inahuuk ndia, fo ana palenda tao nisa kakana anak lai Betlehem nandaa no Lamatuak Yesus fai bobonggin. Mete Mateos 2:16-18.\f* ndiꞌidoon so. Namanene tutui kala sila, boe ma ana nasapangga, huu hataholi hida lae, “Yesus ndia, na, ndia Yohanis Mana Salanik fo nasoda fali so.”  
\v 8 Luma bali, lae, “Ndia ndia, baꞌi Elia fo nasoda fali so.”  
\p Feꞌe kala bali lae, “Ndia ndia, esa neme Lamatuak mana kokola lele ulu feꞌen.”\x + \xo 9:8 \xt Mateos 16:14; Markus 8:28; Lukas 9:19\x*   
\p
\v 9 Tehuu Herodes nasaneda, nae, “Fain, fo au adenu tete ketu heni Yohanis langgan. De, Ana nasoda fali so, do leobee?” Boe ma ana nasusua fo sangga natonggo mata-matan no Yesus.   
\s1 Lamatuak Yesus fee hataholi lifun lima laꞌa  
\r (Mateos 14:13-21; Markus 6:30-44; Yohanis 6:1-14)  
\p
\v 10 Faik esa, Yesus ana mana tungga nala fo Yesus nadenu sala sila, ala fali de lakabubua seluk bali lo Ndia. Ala tui Ndia, basa hata fo ala taon so. Boe ma Yesus asa laꞌo neneek leni mamanak esa leu, dekak no nggolo Betsaida, fo leu hahae ao nala lai ndia.  
\v 11 Tehuu hataholi noꞌu kala hae laꞌe Yesus asa sangga bee leu, de ala latungga dea lo Ndia. De, Yesus simbo kasa no malole, boe ma Ana tao nahai basa hataholi kamahedi kala, ma Ana tui sala laꞌeneu Manetualain totoꞌu palendan.   
\p
\v 12 Ledoeik bobok so, boe ma Ndia ana mana tungga kasanahulu dua nala, lafada sila duduꞌa nala neu Yesus lae, “Malolenak Ama madenu hataholi la ia, leni nggolo-nggolo mana dekak lai ia, fo bisa leu sangga sila naꞌa-ninu heheli nala. Ma ela ala leu sangga mamanak fo sunggu tataak. Huu mamana nes leo iak, na, neme bee mai fo ala bisa laꞌa?”   
\p
\v 13-14 Tehuu Yesus nataa nae, “Leo iak! Ela ei fee sala laꞌa!”  
\p Tehuu ala sapa, lae, “Awii, Ama bali! Neme bee mai bisa leo ndiak? Hataholi la ia, lifun lima lenak! Ndia bei kada tou kala, fo bei ta hingga ina kala ma kakana kala bali! Boe ma ita lotin kada limak, ma iꞌak kada boak duak. Mete ma Ama nau, fo ai ndia fee hataholi noꞌu kala ia laꞌa, na, bisa hasa nanaꞌak makadotok talobee fo fee sala?!”\x + \xo 9:13-14 \xt Mateos 14:21\x*  
\p Boe ma Yesus nadenu sala, nae, “Heti hataholi la ia, langgatuk lakabubua lima hulu-lima huluk, bubuak esa.”   
\p
\v 15 Basa de ala heti leo ndiak.  
\v 16 Ledoeik ala langgatuuk so, boe ma Yesus haꞌi nala loti kalima kala ma iꞌa kadua kala. Boe ma nasale lalai neu, de Ana hule-haladoi noke makasi. Basa de Ana bibiꞌi loti la sila, ma iꞌa kala, de Ana loon neu ana mana tungga nala, fo ala babaꞌe fee hataholi la sila.  
\v 17 Basa sala laꞌa, losa lakabete. Basa de ala huhulu-hehele lala nanaꞌa ela kala henu lembeneu sanahulu dua.   
\s1 Petrus mulai namedak, nae, Lamatuak Yesus ndia, Karistus, na, ndia Hataholi fo Manetualain helu memak so neme makahulun mai  
\r (Mateos 16:13-19; Markus 8:27-29)  
\p
\v 18 Laꞌi esa, Yesus mesa kana de Ana hule-haladoi nai mamanak esa. Basa de Ndia ana mana tungga nala lakabubua lo Ndia. Hule-haladoi nateꞌe, boe ma Ana natane sala, nae, “Ei mamanene hataholi la kokolak, lae, Au ia, see?”   
\p
\v 19 Ala lataa, lae, “Hambu luma lae, Ama ia, Yohanis Mana Salanik. Feꞌe kala bali, lae, fama Ama ia, baꞌi Elia. Mete ma taa, na, esa neme Manetualain mana kokola makahulun fo nasoda fali.”\x + \xo 9:19 \xt Mateos 14:1-2; Markus 6:14-15; Lukas 9:7-8\x*   
\p
\v 20 Boe ma Yesus natane bali, nae, “Mete ma tungga ei mesa nggei, na, ei mae Au ia see?”  
\p Basa boe ma Petrus nataa, nae, “Ama ia Karistus, na, ndia Hataholi fo Manetualain tudu mema kana so, neme makahulun mai.”\x + \xo 9:20 \xt Yohanis 6:68-69\x*   
\p
\v 21 Basa de Yesus kaꞌi sala, fo boso lafada sudi see, lae, Ndia ndia, Karistus.   
\s1 Lamatuak Yesus kokolak laꞌeneu Ndia mamaten, ma Ndia nasoda falin  
\r (Mateos 16:21-28; Markus 8:31—9:1)  
\p
\v 22 Basa boe ma, Yesus kokolak nakadaik bali, nae, “Au ia Hataholi Isi-isik. Au musi lemba doidosok belak mata-mata kala. Dei fo hataholi Yahudi la lasi-lasi hada nala, malangga anggama la malangga inahuu nala, ma mese anggama la taa nau simbok, lae, Au ia, Karistus. Basa de dei fo ala tao lisa Au. Memak Au mate, tehuu neu binesan, Au asoda fali!”\f + \fr 9:22 \ft Dedeꞌa Yunani dala hihingga faik, na ndia leledon ia = fai kaesan; foꞌa= fai kaduan; binesak= fai katelun. De, Lamatuak Yesus fai mamaten, hinggan neme fai kaesan (Fai lima inahuuk), ma Ndia nasoda falin, hinggan neme fai katelun, fo ndia binesak (Sosoda ina Paska).\f*   
\p
\v 23 Basa de, Ana nafada hataholi noꞌu kala, nae, “Hataholi fo ana nau tungga Au, na, ana musi nakatataka tungga nakandoo tungga-tungga faik. Ana musi mboꞌi heni ndia hihii-nanau hehelin. Ana musi tungga nakandoo, mae hataholi ana sangga tao nisan, sama leo hataholi lemba ndia ai ngganggen, fo neni ndia mamana mamaten neu.\x + \xo 9:23 \xt Mateos 10:38; Lukas 14:27\x*  
\v 24 Huu hataholi fo sadia mate, huu ana tungga Au, na, dei fo ana hambu sodak nakandoo no Lamatuak. Tehuu hataholi fo kada ana nau nasoda soaneu ndia aoina hehelin, dei fo ana naelak dook neme Manetualain mai.\x + \xo 9:24 \xt Mateos 10:39; Lukas 17:33; Yohanis 12:25\x*  
\v 25 Mete ma hataholi hambu daebafok no basa isin, tehuu Manetualain timba henin, na, ndia hambu nanala hatak?  
\v 26 Au ia Hataholi Isi-isik. De, mete ma hataholi fo ana mae tungga Au, ma ana mae toꞌu Au nanonoling, na Au boe oo, dei fo Au mae manaku ndia nai Manetualain matan, neu faik, fo Au fali uma nusa-sodak mai. Huu dei fo Au konda mai, ua Amak koasan fo ana seli ndia, sama-sama ua Ndia ata nusa-soda nala.  
\v 27 Au afada no ndoos neu ei. Hambu hida leme ei manai ia kala, dei fo ala lita ao nala, Lamatuak totoꞌu palendan, bei fo ala bisa mate.”   
\s1 Lamatuak Yesus namata feꞌe neme letek lain  
\r (Mateos 17:1-8; Markus 9:2-8)  
\p
\v 28 Basa de neu fai kafalun, boe ma Yesus noke nala Petrus, Yohanis, ma Yakobis de leu ndaꞌe leni letek esa leu, fo sangga hule-haladoi.  
\v 29 Ledoeik Yesus bei hule-haladoi, boe ma Ndia mata-aon namata feꞌe, ma Ndia baloꞌa papaken dadik fula manggahadok.   
\p
\v 30 Kada nggengge neuk, hataholi dua sadu mai. Sila dua sala ndia, na ndia baꞌi Musa ma baꞌi Elia. Boe ma ala bekola lo Yesus.  
\v 31 Sila nana nitak nalan seli. Telu sala lakokola laꞌeneu Yesus mamaten, fo dei fo nai Yerusalem.   
\p
\v 32 Faik ndia, Petrus no nonoon dua sala mata nala nduak nalan seli, losa ala sunggu. Ledoeik ala foꞌa, boe ma lita Yesus nambadeik no hataholi dua. Sila boe oo, lita Yesus nasaꞌa manggaledok.   
\p
\v 33 Ledoeik baꞌi Musa ma baꞌi Elia sangga laꞌo, boe ma Petrus nasapanga, de, taa bubuluk sangga tao hata. Boe ma kada ana kokolak nadabak, nae, “Lamatuak aa! Ai mameda malole nai ia, maa! De, malolenak ai tao mala laak telu. Esa feen neu Lamatuak, esa feen neu baꞌi Musa ma esa bali na feen neu baꞌi Elia.”  
\v 34 Tehuu ledoeik ana bei kokolak leo ndia, naa te koꞌas esa konda mai, de ana mboti nala sala. Boe ma Petrus asa ala bii.  
\v 35 De, ala lamanene halak neme koꞌas ndia dalek mai, nae,  
\q1 “Ia, Au Anang fo Au hele mema kana so!  
\q2 Ana kokolak, na, mamanene neulalau neu Ndia!”\x + \xo 9:35 \xt 2 Petrus 1:17-18; Yesaya 42:1; Mateos 3:17; 12:18; Markus 1:11; Lukas 3:22\x*   
\p
\v 36 Kokolak nateꞌe, boe ma Petrus asa kada lita Yesus mesa kana. Sila telu sala ala seu bafa nala, de taa tui neu sudi see boe, hata fo lita kala sila. Doo-doo bei fo ala lambook bafa nala de ala tui neu hataholi feꞌe kala.   
\s1 Lamatuak Yesus tao nahai kakanak fo nitu manggalauk nalan  
\r (Mateos 17:14-18; Markus 9:14-27)  
\p
\v 37 Neu foꞌa mai, ledoeik Yesus no Petrus asa, konda leme letek ndia mai, naa te hataholi noꞌu kala mai latonggo lo Yesus.  
\v 38 Boe ma, hataholi esa ana nanggoun nae, “Ama Mesen aa! Tulun mai mita au ana touana kisang dei!  
\v 39 Huu nitu nambue toꞌu nalan, fo tao nalan nakau kaiboik, ma ana ndondokon losa fufude kala kalua leme bafan mai. Nitu ndia boe oo, nambue babalan, ma nambue babali kana nakandondoo henin.  
\v 40 Au oke tulun Ama ana mana tungga nala so, fo ala husi kalua heni nitu ndia, tehuu taa lala sana!”   
\p
\v 41 Yesus nasapalak basa sala, nae, “Weih! Ei taa mamahele Lamatuak bisa tao nahai hataholi, do? Ei ia, memak hataholi taa nau masoda tungga dala ndoos! Au musi nggale loak neu ei, losa faik bee bali!?”  
\p Basa de Ana kokolak nasafali no tou maꞌanak ndia, nae, “Mua o anam neni ia mai leo!”   
\p
\v 42 Ledoeik ala loo kakanak ndia neu Yesus, boe ma nitu ndia bala kakanak neu dae, ma ana ndoko nakamimina kana. Tehuu Yesus palenda nitu ndia, kalua laꞌo ela kakanak ndia, boe ma kakanak ndia hai tutik. Basa de Yesus fee kakanak ndia neu aman.  
\v 43a Hataholi la mana lita Lamatuak koasan ana seli ndia, basa sala bafa nala heran lalan seli.   
\s1 Lamatuak Yesus kokolak seluk bali, laꞌeneu Ndia mamaten  
\r (Mateos 17:22-23; Markus 9:30-32)  
\p
\v 43b Ledoeik, basa hataholi la bei kokolak laꞌeneu tanda hera nala, fo Yesus tao kala, Ana nafada Ndia ana mana tungga nala, nae,  
\v 44 “Ei tanda neulalau Au kokolang ia! Taa dook so bali, huu hataholi sangga seꞌo heni Au, Hataholi Isi-isik ia. Basa na, ala fee Au uu hataholi dea kala.”  
\v 45 Tehuu Ndia ana mana tungga nala lasapangga. Ala taa bubuluk ndia ndandaan. Sila boe oo, ala bii latane ndia ndandaan hata.   
\s1 See ndia dadik hataholi kaꞌesan  
\r (Mateos 18:1-5; Markus 9:33-37)  
\p
\v 46 Laꞌi esa, Yesus ana mana tungga nala mulai lasisimbo bafak, laꞌeneu see neme sila mai, fo dei fo ana dadik hataholi kaesan.\x + \xo 9:46 \xt Lukas 22:24\x*  
\v 47 Tehuu Yesus bubuluk hata fo lasisimbo bafak ndia. Boe ma, Ana noke nala kakana kadiꞌianak esa, de nambadedein neu Ndia boboan.  
\v 48 Basa boe ma, Ana nafada sala, nae, “Mamanene neulalau! Hataholi fo tungga Au, fo ana ono-lau hataholi kadiꞌik sama leo kakanak ia, na, ndia ndandaan, nae hataholi ndia boe oo, ana ono-lau Au. Ma ndia boe oo, ana ono-lau Au Amang nai nusa-sodak fo mana nadenu Au uni daebafok ia mai. Hataholi noꞌu kala lahiik lakadadae kasa. Matak leo hataholi kasian, hataholi mana toꞌa-taak, hataholi taa malole, hataholi ua-nale kamuluk, ma hataholi kadiꞌi-taidae kala. Hataholi mana nahiik ono-lau hataholi mata leo ndiak, na, Manetualain tao ndia, nai lain seli.\x + \xo 9:48 \xt Mateos 10:40; Lukas 10:16; Yohanis 13:20\x*   
\s1 Hataholi fo taa laban ita, na, ita nonoon ndia  
\r (Markus 9:38-40)  
\p
\v 49 Basa de Yohanis nafada Yesus, nae, “Lamatuak! Laꞌi esa, ai mita hataholi esa husi kalua heni nitu no kada ana seseik Ama naden. De, ai kaꞌin fo boso ana seseik Ama naden, huu ita nonoon taa ndia.”   
\p
\v 50 Tehuu Yesus nataa, nae, “Bosok! Huu hataholi taa mana laban ita, na, ndia ndandaan, nae ita nonoo hehelin ndia.”   
\s1 Hataholi la lai nggolok esa nai Samaria, taa nau simbok Lamatuak Yesus  
\p
\v 51 Yesus bubuluk, Ndia fai sosoꞌun neni nusa-sodak neu deka-deka so. Boe ma, Ana naketun fo neni Yerusalem neu.  
\v 52 Ana nadenu hataholi fo ala laꞌok lakahuluk leme sila mai, fo leu sadia nanaꞌa-nininuk. Boe ma ala maso leni nggolok esa nai nusa Samaria, fo sangga sadia mamana leo tataak.  
\v 53 Tehuu hataholi Samaria la, sila taa nau simbok Yesus asa, huu Ndia nau neu nakaluku-nakatele Manetualain nai Yerusalem.\f + \fr 9:53 \ft Hataholi Samaria mamana nakaluku-nakatelen neu Lamatuak nai lete Gerisim nai sila dae babaꞌen. Ala ladedeꞌa lo hataholi Yahudi la fo mana makaluku-makatele neu Manetualain nai kota Yerusalem.\f*  
\v 54 Ledoeik Yakobis no Yohanis lamanene hataholi Samaria la sila tatao-nonoꞌin, de ala kokoe Yesus, lae, “Lamatuak aa! Leobee na, mete ma ita toke Manetualain, fo haitua haꞌi neme lalai mai, fo hotu heni basa sala?”\x + \xo 9:54 \xt 2 Mane-mane kala 1:9-16\x*   
\p
\v 55 Tehuu Yesus nasale nala dua sala, de Ana kaꞌi sala, nae, “Boso duduꞌa leo ndiak.”  
\v 56 Boe ma, ala laꞌok lakandoo leni nggolo feꞌek leu.   
\s1 Heti-heuk fo tungga Lamatuak Yesus  
\r (Mateos 8:19-22)  
\p
\v 57 Ledoeik ala belaꞌo, boe ma hataholi esa kokolak no Yesus, nae, “Ama! Ama neni sudi bee neu, na, au nau tungga akandoo ua Ama!”   
\p
\v 58 Tehuu Yesus nataa, nae, “Malole boe! Tehuu masaneda leo iak. Basa hataholi ma banda la laena mamana leleo hehelik. Busa fui fali neni ndia bolon neu. Mbuik fali neni ndia ndunun neu. Tehuu Au, Hataholi Isi-isik ia, uma heheling taa fo fali neni ndia neu. Lalaka langgak boe oo, taa.”   
\p
\v 59 Laꞌi esa, Yesus noke nala hataholi feꞌek esa, de nae, “Mai fo tungga Au, fo dadik neu Au hataholing.”  
\p Hataholi ndia nataa, nae, “Neu! Tehuu leo iak, Ama. Ela au fali fo au akaneni au ina-amang dei. Mete ma au amang maten so, na, bei fo au tungga.”   
\p
\v 60 Tehuu Yesus nafadan, nae, “Leo iak! Ela hataholi la taa mana lamahele Lamatuak, ala lakaneni sila hataholi mana maten. Tehuu ei fo mana mamahele Lamatuak, na, ei uem, miu tui-bengga laꞌeneu Manetualain totoꞌu palendan.”   
\p
\v 61 Hambu hataholi esa bali nae, “Malole boe, Lamatuak! Au nau tungga akandoo Ama. Tehuu makamboꞌik au uu idu ateteꞌak au bobonggi nggala dei, bei fo au fali mai tungga Ama.”\x + \xo 9:61 \xt 1 Mane-mane kala 19:20\x*   
\p
\v 62 Tehuu Yesus nafadan, nae, “Leo iak! Mete ma hataholi foi dae, boe ma nasambute no dedeꞌa feꞌek, losa ana nafalende heni sesele-ngganggalin, na, ndia osin taa dadi. Leo ndiak boe oo, no hataholi fo naketun nau tungga Au, tehuu nambue nasaneda nakandoo ndia soda makahulun. Hataholi mata leo ndiak, sosoan taa fo ana dadik Manetualain hataholi mana tao uen, nai Manetualain palendan.”   
\c 10  
\s1 Lamatuak Yesus nadenu ana mana tungga nala hitu hulu dua  
\p
\v 1 Basa ndia, boe ma Yesus hele nala ana mana tungga feꞌe nala, hitu hulu dua.\f + \fr 10:1 \ft Susula Dedeꞌa Yunani luma sulak, lae, ‘ana mana tungga nala hitu hulu dua’. Luma bali, na lae, ‘ana mana tungga nala hitu hulu’. Salua beu moderen, noꞌu kala hele ‘hitu hulu dua’.\f* Boe ma Ana babaꞌe sala dua-duak, fo leu lakahuluk Ndia, leni mamana kala fo dei fo Ana sangga neni ndia neu.  
\v 2 Ana nadenu sala nae, “Hambu hataholi makadotok fo sama leo hade, kuni so. Ela kada maosik haitua ndia hataholi mana tao uen, fo kada ala mai ketu-kolu. De, ei musi hule-haladoi moke Manetualain haitua nakadaik Ndia hataholi mana tao uen, fo lakabubua lala hataholi la fo mana nau tungga Au. Huu, hataholi mana nau tungga Au sila noꞌuk, tehuu hataholi mana tao ue sala kada lumak.\x + \xo 10:2 \xt Mateos 9:37-38\x*   
\p
\v 3 Hatematak ia ei laꞌo leo! Au adenu ei, fo mini hataholi noꞌu kala miu. Tehuu masaneda leo iak. Ei sama leo biꞌilombo ana dale malole, fo mini busa fui manggalau kala laladan miu.\x + \xo 10:3 \xt Mateos 10:16\x*   
\p
\v 4 Ei boso mini doik, do tas baloꞌas, do tabueis lenak nai dalak. Boso ngganggali heni fai no sosoa taak, ma mambue kokolak mia hataholi nai dalak.   
\p
\v 5-8 Mete ma ei maso mini nggolok esa dalek miu, na boso ei lali-lali mima uma esa mini uma feꞌek miu. Leo hataholi la simbok ei no malole, nai uma esa, na, leo tataak kada ndia leo, losa ei laꞌo ela nggolok ndia. Mete ma ei mini uma esa miu, ei musi moke Manetualain, fo fee babaꞌe-babatik neu hataholi la malai uma ndia. Mete ma maumak nai ndia, simbok ei no malole, na, neu ko Lamatuak natudu Ndia dale malolen neu uma isi la. Tehuu leo ala taa nau simbok ei, na, ela Lamatuak natudu Ndia dale malolen neu kada ei mesa nggei. Mete ma ei maso mini uma esa miu, do nggolok esa, de, ei miꞌa-minu sudi hata fo ala fee. Na, simbo kana no dale namahokok, huu nandaa mete ma ala fee ei leo ndiak fo nggati ei sosotam.\x + \xo 10:5-8 \xt 1 Korintus 9:14; 1 Timotius 5:18\x*  
\v 9 Tao mahai sila hataholi kamahedi nala. Ma mafada sala, mae, ‘Manetualain palendan nai ita matan so!’   
\p
\v 10 Tehuu hambu nggolok boe, fo hataholi nala taa nau simbok ei. Mete ma ala tao leo ndiak neu ei, na, miu mambadeik miu nggolok ndia dalan, fo ama kokolak, mae,  
\v 11 ‘Mamanene neulalau! Ai mai mini Lamatuak Dedeꞌa-kokolan fee ei so, tehuu ei taa mbali sala fa boe. De, hatematak ia, ai sasambu heni nggolok ia afun neme ai ei nala mai, fo ana dadik tanda, nae, dei fo ei lemba aom ndia nenenin! Tehuu masaneda neulalau! Manetualain palendan nai ita matan so!’\x + \xo 10:11 \xt Mateos 10:7-14; Markus 6:8-11; Lukas 9:3-5; Hataholi Nadedenu nala Tutuin 13:51\x*   
\p
\v 12 Ei bubuluk kota Sodom manggalaun, hetu? Au afada ei baa! Dei fo nandaa no faik fo daebafok babasan, Lamatuak huku hataholi mana timba heni ei ndia, belan lena heni hataholi Sodom asa!”\x + \xo 10:12 \xt Tutuik laꞌeneu Sososan 19:24-28; Mateos 10:15; 11:24\x*   
\s1 Hataholi la, fo taa nau simbok Lamatuak Yesus  
\r (Mateos 11:20-24)  
\p
\v 13 Yesus kokolak nakadaik bali, nae, “Mata neuk neu ei manai nggolo Korasin\f + \fr 10:13 \ft Dedeꞌa Indonesia sulak ‘Khorazim’. Teteben, neme dedeꞌa Yunani nana sulak ‘Choradzin’\f* ma nggolo Betsaida! Soe laꞌe ei! Au tao tanda heran mata-mata kala neu ei mata deꞌe mala, tehuu ei taa nau mamahele Lamatuak. Naa te, ei ia, hataholi Yahudi fo ei manaku malelak Ndia. Tehuu leo tanda hera nala fo Au tao kala sila, nai ei nggolo mala, dadi leo nai Tirus ma kota Sidon, na neu ko doo basa ia, de hataholi la malai ndia kala hondak so, ma ala laꞌo ela sila sala nala so, de ala lasafali tungga Lamatuak. De neu ko sila boe oo, pake buas fafaluk, ma tao afu neu langgak, fo dadik neu tanda, nae, ala fale dale nala no sila sala-singgo nala. Naa te hataholi Tirus ma Sido nala ia, hataholi taa Yahudi la, fo ala manaku lalelak Manetualain.\x + \xo 10:13 \xt Yesaya 23:1-18; Yeskial 26:1—28:26; Yoel 3:4-8; Amos 1:9-10; Sakarias 9:2-4\x*  
\v 14 Tetebes! Ei mita leo! Dei fo mete ma Lamatuak naketu basa hataholi la dedeꞌa nala, na, hataholi Tirus ma hataholi Sido nala huhuku nala bei daꞌuanak lena heni ei huhuku mala.   
\p
\v 15 Mata neuk, neu hataholi nggolo Kapernaum! Ei boso duduꞌa, mae, dei fo Lamatuak soꞌu nala ei fo maso mini nusa-sodak miu. Taa! Dei fo Lamatuak mbia heni ei mini naraka dalek miu!\x + \xo 10:15 \xt Yesaya 14:13-15\x*   
\p
\v 16 Masaneda matalolole! Huu hataholi fo namanene ei, sama leo namanene Au. Ma hataholi fo taa nau namanene ei, na sama leo taa nau namanene Au. Nakalenak bali, hataholi la, fo taa nau namanene Au ndia, sama leo taa nau namanene Manetualain, fo mana nadenu Au uni daebafok ia mai so.”\x + \xo 10:16 \xt Mateos 10:40; Markus 9:37; Lukas 9:48; Yohanis 13:20\x*   
\s1 Hataholi nana nadenu kahitu hulu dua kala fali  
\p
\v 17 Faik fo hataholi nana nadenu kahitu hulu dua kala sila fali,\f + \fr 10:17 \ft Susula dedeꞌa Yunani sulak nae, ‘ana mana tungga nala hitu hulu dua’ Luma bali, na lae, ‘ana mana tungga nala hitu hulu’. Salua moderen noꞌu kala, hele ‘hitu hulu dua’.\f* de, dale nala lamahoko lalan seli. Boe ma, ala lafada Yesus, lae, “Awii! Ana seli maa! Ledoeik ai pake Lamatuak naden fo husi nitu la. Nitu la lamanene ai, de ala kalua tutik! Ana seli maa!”   
\p
\v 18 Boe ma Yesus nataa sala, nae, “Tetebes! Ledoeik ei tao leo ndiak, boe ma Au ita Manetualain mbia heni nitu no ndia malanggan leme lalai mai, sama leo manggahadok fo kalua kii-konak neme lalai mai.  
\v 19 Masanenedak baa! Nitu la malanggan ndia, ita musun ndia. Ma ndia naena koasa boe! Tehuu Au fee ei koasa, fo suek ei tao matepa ndia koasan. Ma leo ei heta laꞌe mengge kalasok, do kulak, na, ei taa hambu hedis fa boe. Taa hambu esa ana tao soe neu ei.\x + \xo 10:19 \xt Sosoda Koa-kio kala 91:13\x*  
\v 20 Ei dale mala lamahoko, huu nitu la lamanene ei. Malole boe, tehuu kada dedeꞌa kadiꞌik ndia! Malolenak ei dale mala lamahoko, huu Lamatuak sulak nala ei nade mala so, fo dadik neu Ndia hataholi nusa-sodan.”   
\s2 Lamatuak Yesus dalen namahoko  
\r (Mateos 11:25-27; 13:16-17)  
\p
\v 21 Faik ndia, Lamatuak Dula Dale Malalaon, tao nala Yesus dalen namahoko. Boe ma Ana koa-kio Lamatuak, nae, “Ama! Ama mana dadi Malangga Inahuuk nai lalai ma daebafok. Au akahehenek makasi noꞌun seli, huu Ama kena dedeꞌa kala ia neu hataholi fo ana taok ndia malelak, ma mana koao kala. Tehuu Ama buka basa dedeꞌa kala ia neu kakana ana kala, ma hataholi dale kadiꞌi taidae kala. Tetebes, Ama! Huu ndia ndia, tao nala Ama dalen namahoko!”   
\p
\v 22 Basa de Yesus nafada hataholi noꞌu kala, nae, “Mamanene baa! Au Amang nai nusa-sodak fee basa koasa neu Au. Mana bubuluk no teteben fo nae, Au ia see, na kada Amak. Ma mana bubuluk no teteben, Amak see, na kada Ama Anan, fo ndia Au. Ma Au hele hataholi feꞌek, fo nafada sala, fo suek ala lalelak Ndia.”\x + \xo 10:22 \xt Yohanis 3:35; 10:15\x*   
\p
\v 23 Basa de Yesus heok nasale Ndia ana mana tungga nala, de nafada heheli sala, nae, “Ei maua tetebes, huu ei mita Lamatuak koasan so.  
\v 24 Mane kala ma basa mana kokola makahulun ele dokodoe sangga lita Lamatuak koasan fo ei mitan so, tehuu sila taa bisa. Sila boe oo, dokodoe sangga lamanene hata fo ei mamanenen so, tehuu sila taa bisa.   
\s1 Hataholi Samaria dale malole  
\p
\v 25 Laꞌi esa, malela heti-heu Yahudi esa, nambadeik fo sangga teꞌek Yesus. Ana natane, nae, “Ama Mesen! Tulun mafada dei! Au musi tao hata, fo ela au bubuluk au bisa hambu sodak akandondoo henin ua Lamatuak nai nusa-sodak?”   
\p
\v 26 Yesus nataa, nae, “Baꞌi Musa sulak hata laꞌeneu dedeꞌak ia? O duduꞌam leobeek laꞌeneu ndia?”   
\p
\v 27 Hataholi ndia nafada, nae, “Ana sulak, nae:  
\q1 ‘O musi sue Manetualain, fo o Lamatuam, \it lena\it* heni neme basa-basan mai.  
\q2 Huu ndia de, o musi dokodoe Ndia taa-taa,  
\q2 tao ues mbilu mbuse fo tungga Ndia hihii-nanaun,  
\q2 ma malelak neulalau Ndia.’  
\p Boe ma nana sulak, nae, ‘O musi sue o tolanoom, sama leo o sue o aoina hehelim.’ ”\x + \xo 10:27 \xt Malangga Anggama la Heti-heun 19:18; Tui Seluk laꞌeneu Dala Sodak 6:5\x*   
\p
\v 28 Yesus bala nae, “Tetebes! Mete ma o tungga leo ndiak, na o masoda makandondoo henin mua Lamatuak.”\x + \xo 10:28 \xt Mateos 22:35-40; Markus 12:28-34; Malangga Anggama la Heti-heun 18:5\x*   
\p
\v 29 Tehuu hataholi ndia sangga taok aon leo hataholi ndoos. Basa de natane Yesus, nae, “Tehuu au ‘tolanoong’ ndia, na ndia bee?”   
\p
\v 30 Boe ma Yesus nataa, nae, “Leo iak! Au sangga afada nakandandaak esa. Dei fo o mafada Au, see ndia tetebes o ‘tolanoom’. Tutuik ndia leo iak: Hambu hataholi Yahudi esa neme kota Yerusalem mai, de loe neni Yeriko neu. Tehuu kada nggengge neuk, naꞌo mana mamoa kala, mai de lambuen. Ala mbombokon, basa de ala lamoa lala doin, ma basa ndia baloꞌa papake nala. Boe ma ala mbia henin neni dalak bifin neu, de ala laꞌo elan. Hataholi ndia elabaꞌik maten so.   
\p
\v 31 Tehuu see bubuluk nae, huu malangga anggama Yahudi esa konda nesik ndia boe. Tehuu ledoeik nita hataholi makahinak ndia lengga-lengga neme dalak bifin, tehuu ana taa hahae fo tulu-fali hataholi ndia. Ana laꞌok heo nesik dalak selik de laꞌo nakandoo.  
\v 32 Taa dook, boe ma hataholi feꞌek esa, laꞌok nesik ndia. Ndia ndia, hataholi Lewi fo nateme tulu-fali nai Manetualain Uma Ina Huhule-Haladoin. Ledoeik nita hataholi ndia lee-lee nai dalak bifin, boe ma kada neu deka-deka fo mete sudi kana, tehuu taa tulu-fali sana. De ana laꞌo nakandoo.   
\p
\v 33-34 Taa dook bali, boe ma hataholi esa neme dae Samaria mai, nesik ndia no ndia banda keledein. Ita basa nggata bubuluk, hataholi Yahudi la lateme suli latahihiik hataholi Samaria la. Ledoeik hataholi Samaria ia nita hataholi nana namoak ndia, boe ma dalen tuda kasian neu hataholi ndia. Ana neu deka-deka fo sangga tulu-fali hataholi ndia. Ana diꞌa anggol oek de ana tao nalalao hina kala, basa de ana tao mina neun. Boe ma ana fefeo neulalaun, de ana nakahehene kana neni banda keledein lain neu. Basa de noon losa kota. Boe ma ana feen leo tataak, neu hataholi mauma sesebak esa, fo nakaneni neulalaun.\x + \xo 10:33-34 \xt 2 Israꞌel no Yahuda Tutuin 28:15\x*   
\p
\v 35 Neu foꞌa fafain, boe ma hataholi Samaria ndia bae nakahuluk doi lilo fulak\f + \fr 10:35 \ft Dedeꞌa Yunani nana sulak, nae, “denari dua”.\f* dua neu mauma sesebak ndia, ma nafadan, nae, ‘Pake doik ia, fo makaneni neulalau hataholi kamahedik ndia, losa ana hai. Mete ma taa dai, na, tulun pake tataak ama doin dei. Faik fo au fali maing, dei fo au nggati basa ama doin.’ ”   
\p
\v 36 Yesus nakandandaan ndia, losa ndia leo. Basa de Ana natane malela heti-heuk ndia, nae, “Tungga o, na see ndia ‘tolanoo’ tetebes, neu hataholi nana namoak ndia?”   
\p
\v 37 Hataholi ndia nataa, nae, “Memak neu ko ndia hataholi mana tuda kasian neu hataholi ndia.”  
\p Yesus nae, “Tetebes kaꞌa! Muu leo, fo tao tunggan.”   
\s1 Lamatuak Yesus, Maꞌa ma Mia  
\p
\v 38-40 Basa ndia, boe ma Yesus no ana mana tungga nala laꞌo lakandoo leni Yerusalem leu. De ala singgo nai nggolok esa. Nai ndia hambu hataholi dua kaꞌa-fadi kala, nade Marta ma Maria. Marta noke Yesus fo ala leo tataak nai ndia uman. Basa de ala leo tataak lai ndia.  
\p Ledoeik Yesus nanggatuuk fo nanoli hataholi la, boe ma Marta nasambute nakaneni nanaꞌak nai dapu dale. Tehuu ndia fadin Maria, nanggatuuk deka-deka neu Yesus ein, fo namanene Ndia kokolan. Taa dook boe ma, Marta maso mai, de ana manggalau neu Yesus, nae, “Ama aa! Talobee ia! Au asambute alan seli tao nanaꞌa-nininuk, naa te au fading kada nanggatuuk neulalau nai ia. Tulun dei! Madenun neu fali au nai dapu dale!”\x + \xo 10:38-40 \xt Yohanis 11:1\x*   
\p
\v 41 Tehuu Lamatuak Yesus nataa, nae, “Maꞌa, Maꞌa. O ia, masambute mua kada duduꞌa mata-mata kala.  
\v 42 Malole boe, tehuu hambu dedeꞌak esa inahuun lena heni nai hatematak ia. Mia nanggatuuk fo namanene Au kokolang. Ana hele nala nelaun manai lain seli so. Hataholi taa bisa namoa nala Dedeꞌa-kokolak neme ndia mai.   
\c 11  
\s1 “Manoli ai huhule-haladoik”  
\r (Mateos 6:9-13; 7:7-11)  
\p
\v 1 Laꞌi esa, Yesus neu hule-haladoi. Ana hule-haladoi nateꞌe, boe ma Ndia ana mana tungga esa mai, de noke, nae, “Lamatuak aa! Yohanis Mana Salanik nanoli ndia ana mana tungga nala, fo ala hule-haladoi lalelak. De, ai moke fo Lamatuak boe oo, manoli ai huhule-haladoik dei!”   
\p
\v 2 Basa de Yesus nae, “Malole boe! Hule-haladoi pake conto leo iak:  
\q1 ‘Ama! Ama naden malalao-malalafuk.  
\q1 Ela basa hataholi la, ala soꞌu dema-demak Ama naden fo ana seli ndia.  
\q1 Ela Ama dadik Manek neu basa hataholi la.   
\q1
\v 3 Ama tulun fee ai nanaꞌak mana daik tungga-tungga faik.   
\q1
\v 4 Ai moke Ama mafalende heni ai sala-singgo nala,  
\q2 sama leo ai boe oo, mafalende heni hataholi sala nala fo ala lambue taon neu ai.  
\q1 Ama manea fo ai taa tao manggalauk.”   
\p
\v 5-6 Basa boe ma Yesus nanoli nakadaik fee sala laꞌeneu huhule-haladoik. Ana pake nakandandaak, nae, “Leo fatilada neu dua, boe ma hambu ei nonoom esa neme dae dook mai, fo ana leo tataak nai o umam. Tehuu o taa maena hata-hata fo feen naꞌa. Basa de o muni o nonoo feꞌem esa uman muu, de o kokoen mbea-mbea neme uman deak mai, mae, ‘Kaꞌa ei! Fee tataak au loti balok telu dei! Huu au hambu hataholi mana maik nai uma, tehuu ai mada ndoos! Kaꞌa tulun dei! Kada balok telu! Dei fo au nggatin!’   
\p
\v 7 Meda dei fo o nonoom ndia nataa nasafali, nae, ‘Kaꞌa boe oo! Hataholi ana sunggu namanee, tehuu kaꞌa mai babalik bali! Lelesu nana nggoe nisak, so! Kakana kala sunggu lamanee so. De boso mamanasa baa! Tehuu fai seluk dei, kaꞌa baa!’   
\p
\v 8 Mae leo ndiak boe oo, tehuu masaneda neulalau. Mae hataholi ndia taa foꞌa fo fee o, huu o ia, ndia nonoon, tehuu mete ma o mambue kokoen makandondoo henin, na, neu ko ana foꞌa fo ana fee.   
\p
\v 9 Leo ndiak boe, no huhule-haladoik.  
\q2 Moke makandoo neu Lamatuak;  
\q3 dei fo Ana fee.  
\q2 Sangga makandoo;  
\q3 dei fo Ana natudu dalak.  
\q2 Manggou makandoo;  
\q3 dei fo Ana soi lelesu.   
\p
\v 10 Huu basa hataholi la fo mana loke lakandoo neu Manetualain, na dei fo ala simbo. Mana sangga lakandoo, dei fo ala hambu. Mana langgou lakandoo dei fo Ana soi lelesu.  
\v 11 Ei duduꞌa sudi kana! Hambu nai bee amak, fo mete ma anan noke iꞌak, na ana feen mengge?  
\v 12 Do, mete ma anan noke manutolo, na, ana feen kulak? Taa dadi, hetu maa?  
\v 13 Memak hataholi hada teteben, manggalauk. Tehuu ei Amam manai nusa-sodak ndia, hada teteben neulaun ana seli. De, mete ma hataholi fo manggalaun matak leo ei, fo mahiik fee bua malole neu ana mala, na, nakalenak Amak bali! Ndia taa kada Ana fee ei hata fo ei paluu, tehuu lenak neme ndia mai, Ana fee ei Ndia Dula Dale Malalaon neu hataholi fo noke neu Ndia.”   
\s1 Lamatuak Yesus taa pake koasa neme nitu la malanggan mai  
\r (Mateos 12:22-30; Markus 3:20-27)  
\p
\v 14 Laꞌi esa, Yesus husi kalua heni nitu, neme hataholi hala taak esa mai. Basa de hataholi ndia kokolak nasafali. Hataholi malai ndia kala, heran lalan seli.  
\v 15 Tehuu hambu luma boe ala lae, “Huu Ana hambu koasa neme nitu la malanggan mai, fo ndia Balsebul.”\x + \xo 11:15 \xt Mateos 9:34; 10:25\x*   
\p
\v 16 Hataholi feꞌe kala, sangga soba Yesus. Basa de, ala loke fo Ana tao tanda heran bali, fo natudu sala, nae, Ndia koasan ndia, memak neme Lamatuak mai.\x + \xo 11:16 \xt Mateos 12:38; 16:1; Markus 8:11\x*   
\p
\v 17 Tehuu Yesus bubuluk memak, sila langgaute manggenggeon ndia. Boe ma Ana kokolak, nae, “Mete ma nai nusak esa, lauinggu nala lamusuk, na neu ko nusak ndia nakalulutuk. Leo ndiak boe, mete ma nai uma esa, uma isi nala lambue lasoda latoka esa no esa, na uma-loo ndia taa dadadik so!  
\v 18 De, mete ma nitu la lambue lamusuk ma lambue lahusik esa no esa, na, sila malanggan taa bisa toꞌu palenda nala dook so bali! De, taa masok neu langgautek, mete ma ei mae, Au pake nitu koasan fo husi nasafali nitu mesa kana!  
\v 19 Masanedak, baa! Ei hataholi mala boe, lalelak husi nitu. De ala pake koasa neme nitu mai, do? Taa hetu! De, ei boso kokolak madabak, mae, Au pake nitu koasan fo husi nitu. Dei fo ei hataholi mala laketun, lae, hata fo ei makasasaꞌek Au ndia, sala.  
\v 20 Tehuu mete ma Au tebe-tebe husi nitu ndia, pake Manetualain koasan, na, ndia natudu, nae, Lamatuak palendan nai ei mata mala so. Nai ia so, tehuu nonook ei taa bubulu kana.   
\p
\v 21 Mete ma palani manggalauk esa, ana pake manala nai kii-konak, fo ana nanea neulalau ndia uman, na neu ko basa ndia baloꞌan lasoda.  
\v 22 Tehuu, dei fo hambu esa balakain lena ndia, na ana tao senggin, de namoa nala basa hataholi ndia manala nala. Basa ndia, na ndia boe ana kao neni basa hataholi ndia hata-heto nala, de ana babaꞌe sala leu ndia ana mana tungga nala. Doo basa ia so, palani manggalauk kaesan ndia, namahele neu ndia manalan. Tehuu hatematak ia, ndia taa bisa namahena neu manala sila bali.\f + \fr 11:22 \ft Tungga hataholi malelak laꞌeneu Susula Malalaok, “palani” nai ia, na ndia nitu la malanggan. Ma “balakain lena heni ndia”, na ndia Yesus.\f*   
\p
\v 23 Masaneda neulalau! Hataholi fo taa partei esa no Au, na, ndia ndia Au musung. Ma hataholi fo taa tulu-fali Au ue-leding, na, ndia ndia, kada ana tao naodek.”\x + \xo 11:23 \xt Markus 9:40\x*   
\s1 Nitu sangga fali neni ndia mamana laan neu  
\r (Mateos 12:43-45)  
\p
\v 24 Yesus kokolak nakadaik bali, nae, “Mete ma ita husi nitu kalua neme hataholi esa mai, na, neni mamana nes neu, fo ana sangga mamana hahae aok. Huu taa hambu mamanak fo nandaa, boe ma ana duduꞌa, nae, “Heh! Taa hambu mamana leo iak, na, malolenak au fali uu leo seluk nai hataholi makahulun ndia.’  
\v 25 Basa de ana fali, boe ma nita mamanak ndia, malalaok ma nana heti neulauk.  
\v 26 Boe ma nitu ndia neu noke nala ndia nonoon hitu, fo manggalaun ana lena ndia. Boe ma basa sala leu leo lai hataholi ndia, de lakamomotu lalan. De, hatematak ia, hataholi ndia soen lena bali.”   
\s1 Mana maua-nalek nalan seli  
\p
\v 27 Ledoeik Yesus bei kola-kola no hataholi noꞌu kala sila, tehuu inak esa nai ndia nanggou, nae, “O inam naua-nanale nalan seli, huu ana bisa bonggi O, ma ana bisa nasusu O, bae!”   
\p
\v 28 Yesus nataa, nae, “Tetebes, ina! Tehuu mana maua-manalek nalan seli, na, ndia hataholi mana pasa ndiꞌidoon, fo namanene Manetualain Dedeꞌa-kokolan, ma ana tao tunggan!”   
\s1 Hataholi la, loke Yesus natudu buti dei!  
\r (Mateos 12:38-42)  
\p
\v 29 Ledoeik, Yesus bei kola-kola, tehuu hataholi makadoto kala mai lakalilimbu eꞌo lala Ndia. Ana kokolak, nae, “Hataholi hatematak ia, lalelak kada tao tatao manggalauk. Ala lambue loke papasi Au, fo tao tanda heran fee sala, fo suek ala bubuluk Au ia tebe-tebe Lamatuak hataholin. Naa te makahulun Lamatuak fee sala tanda heran nenik Ndia mana kokolan Yunus. De, dai ndia so!  
\v 30 Makahulun ele, Yunus nafada hataholi kota Niniwe, nae, ala musi hondak dei. Hata fo ana dadi neu Yunus nai makahulun ele so, de ana dadik tanda fee sala, nae, Manetualain ndia nadenu ndia. Leo ndiak boe neu Hataholi Isi-isik. Au mai afada ei, fo ei hondak dei. Ma hata fo dadi neu Au, dei fo dadik tanda neu hataholi hatematak ia, nae, memak Manetualain ndia Ana nadenu Au.\x + \xo 11:30 \xt Mateos 16:4; Markus 8:12; Yunus 3:4\x*   
\p
\v 31 Dei fo neu faik fo daebafok ia fai babasan, mete ma Lamatuak nambadeik dadik Mana Maketu, dei fo ina manek neme kona ele mai, nasoda fali, de nambadeik dadik neu sakasii. Ana tuduk liman, fo kalaak ei basa nggei fo bei kasoda kala hatematak ia, nae, ‘Ei basa nggei ia, nggoam ana seli, maa!’ Huu makahulun ina manek ndia neme dook ele mai, fo sangga nita no mata deꞌe hehelin, mane Soleman malelan. Naa te, hatematak ia, Hataholi esa nai ei lalada mala lena heni mane Soleman. Tehuu ei taa nau mbali Ndia fa boe!\x + \xo 11:31 \xt 1 Mane-mane kala 10:1-10; 2 Israꞌel no Yahuda Tutuin 9:1-12\x*  
\v 32 Ma taa kada Ndia mesakana! Dei fo hataholi la mana mai kala leme Niniwe mai, foꞌa lambadeik, de ala dedeu ei fo bei kasodak hatematak ia, lae, ‘Ei basa nggei nggoak!’ Ala kokolak lae leo ndia, na huu fain, fo neu faik Yunus neu nafada Lamatuak hihiin neu sala, boe ma ala hondak tutik. Naa te hatematak ia, Hataholi fo Ana seli lena heni Yunus ndia, nai ei basa nggei lalada mala, tehuu ei taa nau hondak fa boe!\x + \xo 11:32 \xt Yunus 3:5\x*   
\s1 Nasoda nai manggaledok  
\r (Mateos 5:15; 6:22-23)  
\p
\v 33 Yesus tuti Ndia kokolan bali, nae, “Hataholi tao nambila bandu anak, boe ma ana taon neu mamana madema, fo suek tao manggaledo kama ndia, neu basa hataholi la, mana maso leni ndia leu. Taa hambu hataholi tao nambila banduk, boe ma ana tatanan nenik lembeneu, do ana nafuni nisa kana.\f + \fr 11:33 \ft Susula dedeꞌa Yunani luma taa sulak, lae, “basa de tatanan nenik lembeneu”.\f* Ndia sosoan taa fa boe!\x + \xo 11:33 \xt Mateos 5:15; Markus 4:21; Lukas 8:16\x*  
\v 34 Ei mata mala boe oo, sama leo banduk. Ana tao manggaledo ei dale mala. Mete ma mata makiuk, na hataholi suli basa-basan no dale manggalauk. Tehuu mete ma mata manggaledok, na hataholi suli basa-basan no dale malolen.  
\v 35 Masusua, fo manggaledok manai ei dale mala ndia, manggaledon ana seli, sama leo ledo manggaledon. Manggaledok manai ei dale mala ndia, boso leo bulak manggaledon, fo kada ana fee ndia saꞌon.  
\v 36 Mete ma ei dale mala manggaledok, losa taa hambu bolok esa makiuk boe, na, neu ko basa ei soda mala manggaledok boe leo banduk inahuuk, fo tao manggaledo ei soda mala.”   
\s1 Yesus kaꞌi hataholi Yahudi la malangga anggama nala  
\r (Mateos 23:1-36; Markus 12:38-40)  
\p
\v 37 Yesus kokolak nateꞌe, boe ma hataholi esa neme partei anggama Farisi noke Ndia, fo neu naꞌa nai ndia uman. Losa ele, boe ma Yesus maso neni uma dale neu, de Ana nanggatuuk dekak no mei nanaꞌak.  
\v 38 Tehuu maumak heran nita Yesus nanggatuuk naꞌa tehuu taa safe liman nakahuluk, tungga hataholi Farisi la heti-heun.   
\p
\v 39 Basa boe ma Yesus nafadan, nae, “Ei hataholi Farisi la ana seli! Ei toꞌu mahele ei heti-heu anggamam! Ei masaneda safe malalao pinggak ma nggalas dean losa nanggadilak, tehuu ei taa masaneda tao malalao ei dale mala, fo manggenggeo ndoos, manggalauk, ma balenaꞌon ana seli!  
\v 40 Nggoa kala aa! Boso mafalende henin. Manetualain tao nalalao babaꞌe manai deak. Ndia boe oo, tao nalalao babaꞌe manai dalek.  
\v 41 Tehuu malolenak, ei fee hataholi kasia nala hata fo ei ena mala, suek ei bisa malalaok nai Lamatuak matan.   
\p
\v 42 Ei hataholi Farisi la! Dei fo ei hambu soe! Dedeꞌak fo fee Lamatuak babaꞌek esa neme babaꞌek sanahulu mai, na, ei mambue mahinggak lutu-lutuk, inahuu-kadiꞌik losa ei bumbu-fani kadiꞌi anam neme osi dale mai boe oo, ei mahinggak malan seli! Tehuu ei taa mbali dedeꞌa panting nala. Ei boe oo mafalende heni laꞌeneu sue Manetualain ma dedeꞌak fo taa no ndoos. Memak ita musi fee tahele Lamatuak babaꞌen, ma boso mafalende heni dedeꞌak fo panting lena.\x + \xo 11:42 \xt Malangga Anggama la Heti-heun 27:30\x*   
\p
\v 43 Neu ko ei hambu soe! Huu ei mateme sangga mamana neulauk nalan seli nai uma huhule-haladoik, ma mahiik sangga hada-holomata nai mamanak hataholi noꞌuk.   
\p
\v 44 Neu ko ei hambu soe! Huu ei sama leo lates, fo daen ndefa de bebelak no dae. Hataholi laꞌok nesik ndia tehuu taa bubuluk lates nai ndia, huu ndefa heni lates daen manai lain, de bebelak no dae, ma dalek kabook. Naa te, tungga ita hadan, na, hataholi mana heta laꞌe lates, na, ana tao nanggenggeo aon, de ta nandaa maso neni uma huhule-haladoik dalek neu. Ei hataholi Farisi la sama leo lates! Nai deak na ei matutudu mala nonook leo malalaon ana seli. Tehuu ei dale mala, na henuk no dedeꞌa kabook.”   
\p
\v 45 Hambu hataholi malela heti-heu Yahudi esa nai ndia, ndaso nala Yesus kokolan, de nae, “Ama Mesen! Ama kokolan isinaak ndia, ana femba laꞌe ai boe!”   
\p
\v 46 Basa boe ma Yesus bala, nae, “Tetebes! Ei malela heti-heuk Yahudi la, ela ei hambu soe boe! Ei taa tao mamadaꞌu hataholi la sodan, tehuu ei boe tao makatotoꞌa kasa bali, fo tao ei heti-heu anggama mala mabela ndia. De, ei makalelembak hataholi minik ei heti-heu mala mata-mata kala. Tehuu ei mesa nggei taa tulun lemba sudik belak ndia fa boe!   
\p
\v 47 Neu ko ei ia hambu soe! Huu ei kada masambute mambadedei batu-batu lutu fo fee hadak neu Lamatuak mana kokola makahulun ele. Naa te, ei bei-bai mala sila ndia, tao lisa mana kokola la sila!  
\v 48 Ei boe oo, ei hada-tatao mala leoesak mia ei bei-baꞌi mala sila. Ala timba heni Lamatuak mana kokola nala, ma ala tao lisa sala. Basa na, ei mambadedei lutu batu lates fee mana kokola la sila, fo dadik tanda, nae, ei boe oo, makaheik no malole, neu ei bei-bai mala tatao nala sila.  
\v 49 Huu ndia de, Manetualain bubuluk basan so, de Ana kokolak nitak, nae, ‘Dei fo Au adenu Au mana kokola nggala ma hataholi nana dedenu feꞌe nggala, leni hataholi la leu. Basa de, hataholi la sila, tao doidoso lakamiminak luma, ma tao lisa luma.’   
\p
\v 50-51 Hataholi fo kasodak hatematak ia, musi lemba natataak neme hataholi la, fo mana tao lisa Lamatuak mana kokola nala. Na, hinggan neme Lamatuak nakadadadik daebafok ia, fo, mulai neme Habel mamaten mai, losa mateꞌen ndia Zakarias. Ndia boe oo, nana tao nisak neme mei tunu-hotuk laladan ma Kama Malalaok nai Manetualain Uma Ina huhule-Haladoin. Ei boe oo, lemba mala sila huhukun ndia!\x + \xo 11:50-51 \xt Tutuik laꞌeneu Sososan 4:8; 2 Israꞌel no Yahuda Tutuin 24:20-21\x*   
\p
\v 52 Ei malela heti-heu Yahudi la! Neu ko ei hambu soe! Huu ei ndia toꞌu nggoek fo bisa soi lelesu, fo hataholi la bubuluk neulalau Manetualain hihii-nanaun. Tehuu ei mesa nggei taa maso mini ndia miu. Manggalaun ana seli bali, na, ei matabaa mala hataholi la, fo boso maso leni ndia leu!”   
\p
\v 53-54 Ledoeik, Yesus kokolak nateꞌe, boe ma mese anggama la, ma hataholi Farisi la, manggalau lo Ndia. Mulai neme faik ndia mai, ala lambue latane mata-mata kala, fo sangga ika latuda Ndia. Ala heti kekedik nakandondoo henin fo sangga dedeꞌak lo Ndia.   
\c 12  
\s1 Manea aok, fo boso tungga hataholi Farisi mana taok neulauk  
\r (Mateos 10:26-27)  
\p
\v 1 Faik ndia, hambu hataholi lifun hida mai, fo sangga lamanene Yesus. Ala laꞌok lakaseseti ma ala lakalilimbu lala Ndia. Boe ma Ana kokolak nakahuluk no Ndia ana mana tungga nala, nae, “Manea matalolole, fo boso ei tungga hataholi Farisi mana taok malalaok. Ala lateme kokolak feꞌek tehuu tao feꞌek.\x + \xo 12:1 \xt Mateos 16:6; Markus 8:15\x*  
\v 2 Ala taok sila neulauk, tehuu sila tataon ndia, dei fo nana nitak.\x + \xo 12:2 \xt Markus 4:22; Lukas 8:17\x*  
\v 3 Hata fo ei kokolak mafufunik hatematak ia, dei fo hataholi la lamanenen no manggaledok. Hata fo ei makukutu kana nai kama dale, dei fo hataholi la kokola kana latinggan neu hataholi noꞌu kala matan.”   
\s1 Hataholi belin nai Manetualain matan  
\r (Mateos 10:28-31)  
\p
\v 4 Yesus kokolak nakadaik, nae, “Ana nggalei! Boso bii, mete ma hataholi la, sangga tao lisa ei. Huu kada ala bisa tao lisa ei ao mala, tehuu taa bisa tao hata-hata neu ei samane mala.  
\v 5 Au sangga afada, ae, ei musi bii see. Ei musi bii Manetualain. Huu Ndia ndia, bisa tao nisa ei, fo basa ndia, na, Ana mbia heni ei mini bolo naraka dalek miu. De, ei musi bii tebe-tebe Ndia.   
\p
\v 6 Ei duduꞌa sudi kana, mbui hadek belin hida? Belin daꞌuk nalan seli hetu?! Mbuik lima na doik sen dua, hetu? Mae leo ndiak boe oo, tehuu Manetualain taa nafalende heni mbuik esa boe.  
\v 7 Leo ndiak boe oo, Lamatuak tao dalek neu ei. Ana bubuluk no teteben langga-buluk hida lai ei langga mala. De, ei boso bii, huu Manetualain timba-tai ei beli mala de lena heni mbui hadek makadotok.”   
\s1 Boso mae manaku Lamatuak Yesus  
\r (Mateos 10:32-33; 12:32; 10:19-20)  
\p
\v 8 Basa de, Yesus kokolak bali no Ndia ana mana tungga nala, nae, “Pasa neulalau ndiꞌidook! Mete ma hambu hataholi nambalani manaku Au nai hataholi noꞌuk matan nai daebafok ia, na, neu ko Au boe oo, manakun nai Manetualain ata nala malai nusa-sodak mata nala, ae, ndia ndia, Au hataholing.  
\v 9 Tehuu mete ma hambu hataholi kokolak nai hataholi matan, nae, ndia taa nalelak Au, na, neu ko Au kokolak neu Manetualain ata nala malai nusa-sodak mata nala, ae, Au taa alelak ndia.   
\p
\v 10 Au ia Hataholi Isi-isik. Mete ma hambu hataholi kokolak naboboo Au nade maloleng, na, Manetualain bei sadia nafalende heni hataholi ndia salan. Tehuu mete ma ana kokolak tao nabooo Dula Dale Malalaok nade malolen, na, Manetualain taa nafalende heni ndia salan.\x + \xo 12:10 \xt Mateos 12:32; Markus 3:29\x*   
\p
\v 11 Dei fo mete ma hataholi hela no ei mini mamana tao dedeꞌak anggama miu, do, mini hataholi mana toꞌu palenda la miu, huu ei mamahele Au, na, ei boso bii, masalaꞌe aok leobee.  
\v 12 Huu dei fo faik ndia boe oo, Manetualain Dula Dale Malalaon nanoli dedeꞌa deꞌek mandaan, fo ei mataa sala.”\x + \xo 12:12 \xt Mateos 10:19-20; Markus 13:11; Lukas 21:14-15\x*   
\s1 Tutuik laꞌe neu hataholi kamasuꞌi nggoak  
\p
\v 13 Basa ndia, boe ma hataholi esa neme hataholi noꞌu kala mai natane Yesus nae, “Ama Mesen aa! Tulun madenu au kaꞌang, fo nabaꞌe no au, ai aman pusakan.”   
\p
\v 14 Tehuu Yesus nataan, nae, “Wei! See soꞌu nala Au, dadik Mana Maketu fo aketu ei dua nggei, dedeꞌa mata leo ndiak?”   
\p
\v 15 Basa boe ma Yesus kokolak neu hataholi noꞌu kala, nae, “Ei musi mata neuk, fo boso masanggenggeu. Huu hata noꞌu kala ia, taa bisa tanggon nasoda no mole-dame.”   
\p
\v 16 Basa boe ma, Ana tui tutuik nakandandaak esa, nae, “Hambu hataholi kamasuꞌik esa osin buna-boan makadotok.  
\v 17 Losak ndia kama mbembeda nanaꞌa nala lakaseꞌe, de taa bubuluk sangga tao sala leobee so bali.  
\v 18 Basa de ana naketun nae, “Au sangga tao leo iak leo! Au sangga ofe heni kama bembeda nanaꞌa laa kala, fo au ambadedei kama mbembeda nanaꞌa inahuuk esa, fo mbeda au osing buna-boan, ma basa hata-heto feꞌe kala leu ndia.  
\v 19 Mete ma leo ndiak so, na, dei fo Au kokolak ua Au ao heheling, ae, ‘Wei! Mamana mbembeda nanaꞌak henuk so! Nanaꞌak dai so, fo naꞌa losa teu-teu kala. De, muꞌa-minu malada-malada ma pepedo eik no namahokok leo!  
\v 20 Tehuu Manetualain nafadan, nae, ‘Weih! O nggoam, dei! Leꞌodaen ia boe oo, o mate. Basa na, see ndia hambu basa o kama mbembeda nanaꞌam no basa isi nala sila, bae?   
\p
\v 21 De, leo iak! Hataholi kada ana bisa nakaduduluk hata-heto makadotok nai daebafok ia, fo feen neu ndia aoina hehelin, tehuu nai Manetualain duduꞌan, na, ndia ndia hata taak, huu ana taa mole no Lamatuak.”   
\s1 Kada mamahele neu Manetualain  
\r (Mateos 6:25-34)  
\p
\v 22 Basa de Yesus nanoli nakadaik Ndia ana mana tungga nala, nae, “Boso tao nasambutek mia ei soda mala basa fain, laꞌeneu sangga naꞌa hata, do pake hata.  
\v 23 Huu ita sodan ia, lena heni hata fo ita taꞌa, ma hata fo ita pake.  
\v 24 Mete sudik mbui kaa nggeo kala! Ala taa sele-nggali, taa ketu-kolu, taa laena kama mbembeda nanaꞌak, tehuu Manetualain nakaboi sala. Mete ma leo ndiak, na, neu ko Ndia boe oo, bisa nakaboi ei. Huu Ana timba-tai ei belim lena heni mbui kala.  
\v 25 Mete ma hataholi nambadeik neu titilok matan, basa na, nasambute no ndia aoina hehelin, na, meda ana bisa tao namanalu ndia sodan do? Taa bisa!  
\v 26 De, mete ma ana nasambute no kada dedeꞌa kadiꞌik leo ndiak, na, taa neni buna-boak hata-hata, boe ma hatina de ana bei nau nasambute bali no dedeꞌa inahuuk? Ndia nanalan hata?   
\p
\v 27 Mete sudik bungga nula. Ala taa tao osi-lutu, ma taa tenu sidi. Tehuu mane Soleman baloꞌa papaken neulaun ana seli boe oo, taa bisa laban bungga nula lolen.\x + \xo 12:27 \xt 1 Mane-mane kala 10:4-7; 2 Israꞌel no Yahuda Tutuin 9:3-6\x*  
\v 28 Te Manetualain nakaboi naꞌu ana, fo sosoan taa, fo nasoda faik ia, na, foꞌa mai na, maten, fo hataholi la mbian neni haꞌi dale neu. Mete ma leo ndiak, na, Ndia boe oo, bisa nakaboi ei fo belim lena heni naꞌu. De, hatina de ei taa masalai tebe-tebe neu Ndia?  
\v 29 Leo ndiak boe, ei boso masambute mia kada dedeꞌa nanaꞌa-nininuk. Huu dei fo Lamatuak nakanenin.  
\v 30 Hataholi fo taa mana tia-dea neu Lamatuak, huu ala mbilu mbuse fo lakaneni basa ia la. Tehuu ei taa bole leo ndiak, huu ei Amam manai nusa-sodak bubuluk so, basa hata fo ei paluun.  
\v 31 Mete ma ei makalalaꞌok Manetualain uen dei, na, dei fo Ndia boe oo, nakaneni dedeꞌa kala sila fee ei.”   
\s1 Mbeda hata-heto nai nusa-sodak  
\r (Mateos 6:19-21)  
\p
\v 32 Boe ma Yesus tuti seluk bali, nae, “Ei sama leo biꞌilombo bubua anak esa, fo balakain taa fa boe. Tehuu boso bii! Huu ei Amam nai nusa-sodak ndia, Mane Inahuuk ndia. Hata fo Ndia enan, na, Ana namahoko feen Ndia ana susue nala.  
\v 33 De, miu seꞌo heni ei baloꞌa mala, fo basa na, doin babaꞌe feen neu hataholi hata taa kala. No leo ndiak, na ei mbeda hata nai nusa-sodak, fo nai mamana sodak, de nahele makandondoo henin. Naꞌo la taa bisa leu lamanaꞌo lalan. Hihinggi boe oo, taa bisa naꞌa nakalulutun.  
\v 34 Masaneda matalolole! Huu ei hata mala lai bee, na, ei dale mala lai ndia boe.”   
\s1 Hataholi nadedenu kala lahehele ono-lau leledo-leꞌodaen  
\p
\v 35-36 Yesus kokolak bali, nae, “Leledo-leꞌodaen, ei musi mahehele, fo ono-lau Lamatuak. Sama leo hataholi nadedenuk beꞌe nahani ndia malangga maumak fali neme feta kabin mai. Mete ma maumak dedele lelesu, na, ana bisa neu soi lelesu no lai-laik.\x + \xo 12:35-36 \xt Mateos 25:1-13; Markus 13:34-36\x*  
\v 37 Mete ma maumak mai, na, nita ndia hataholi mana tao ue nala lahani leo ndiak, na, neu ko ala laua-lanale lalan seli. Huu dei fo maumak mesa kana natudu ndia dale malolen neu sala. Ana pake baloꞌa tao ues, de neu ono-lau hataholi mana tao ue sala nanaꞌa malada.  
\v 38 Hataholi mana tao ue sala sila ua-nale nala neulauk, huu ala ono-lau maumak no malole. Mae maumak mai neu sudi liꞌu hida, fo fatiladak do lolembilak boe oo, sila mana mahehele taa-taak.   
\p
\v 39 Duduꞌa neulalau! Mete ma hambu maumak bubuluk liꞌu hida naꞌo la mai, na, neu ko ana taa fee lelak neu naꞌo la, fo ala ofe uman.  
\v 40 De, ei musi mahehele taa-taa, huu taa hambu hataholi esa boe, bubuluk no teteben, ledoeik bee ndia Hataholi Isi-isik fali main bali.\x + \xo 12:40 \xt Mateos 24:43-44\x*   
\s1 Ana mana tungga dalen katemak, ma ana mana tungga dale taa katemak  
\r (Mateos 24:45-51)  
\p
\v 41 Basa de Petrus natane Yesus nae, “Ama Mesen! Ama nakandandaan isinaak ndia kada laꞌeneu ai mesa nggai, do laꞌeneu basa hataholi la?”   
\p
\v 42-44 Boe ma Yesus nataa nae, “Nakandandaak ndia laꞌeneu basa hataholi la, fo ala taok aon sama leo malangga makanenik malelak, fo nakaneni no dale katemak neu ndia malanggan. Huu dei fo ndia malanggan soꞌu nalan, fo baꞌe nanaꞌak fee hataholi mana tao ues feꞌe kala. Mete ma ana manggate tao tungga ndia uen leo ndiak, na, mae sudi faik bee ndia malanggan mai boe oo, tehuu ana tao dedeꞌa tetebes taa-taa. Basa de, ana naua-nanale nalan seli, huu ndia malanggan dei fo soꞌu nalan, fo ana nakaneni basa ndia hata-heton.   
\p
\v 45 Tehuu soe, mete ma malangga makanenik mulai duduꞌa, nae, ‘Eh! Neu ko toulasik bei dook bei fo ana mai.’ Boe ma ana mulai mbomboko hataholi mana tao ues feꞌe kala, touk ma inak. Basa de, ana nanggatuuk naꞌa-ninu no namahokok losa mafuk.  
\v 46 Tehuu laꞌi esa, malangga makanenik tana duꞌa laꞌen, huu nggengge neuk ndia malanggan fali. Boe ma malanggan mbombokon, basa de ana husi henin, fo ana hambu babaꞌek nai deak noꞌu no hataholi taa dale katemak fo taa mana tao tungga malanggan hihii-nanaun.   
\p
\v 47 Huu hataholi mana tao ues, bubuluk ndia malanggan hihii-nanaun, tehuu taa nau nahehele tao tunggan, do taa nau tao tunggan, na dei fo ana hambu huhuku belak.  
\v 48 Tehuu hataholi mana tao ues, fo ana tao ues sala, huu taa bubuluk malanggan hihii-nanaun, na, dei fo ana hambu huhuku taa mabela. Huu hataholi mana simbo ues inahuuk, na ndia natataan inahuuk boe.”   
\s1 Lamatuak Yesus nanonolin bisa tao hataholi la, lalaba ao  
\r (Mateos 10:34-36)  
\p
\v 49 Yesus tuti Ndia kokolan, nae, “Au mai fo tada kofeꞌek Au hataholi nggala lo hataholi feꞌe kala malai daebafok ia. Ndia sama leo hataholi pake haꞌi, fo hotu heni kadafu kala. Au hihiing, na, mete ma haꞌi ndia mulai mbila nai sudi bee so.  
\v 50 Tehuu Au musi lemba doidoso mabela ndia nakahuluk. Dei fo Au doidoso tebe-tebe losa Au ue mateꞌeng.\x + \xo 12:50 \xt Markus 10:38\x*  
\v 51 Ei mae hetuk Au mai uni dame nai daebafok ia, do? Taa! Au mamaing ia, tao ala hataholi la lahuu lasisimbo bafak, ma tao hataholi la latanggelak huu Au nanonoling.  
\v 52 Mulai neme hatematak ia mai, hataholi la kaꞌa-fadi kala fanggi. Nai bobonggik esa na, telu ala laban dua, ma dua laban telu.   
\q1
\v 53 Amak laban anan;  
\q2 Anak laban aman.  
\q1 Inan laban anan;  
\q2 Anak laban inan.  
\q1 Alinak laban feto-feun;  
\q2 Feto-feuk laban alinan.”\x + \xo 12:53 \xt Mika 7:6\x*   
\s1 Malelak neulalau fai toꞌa-taak tanda nala  
\r (Mateos 16:2-3)  
\p
\v 54 Boe ma Yesus kokolak neu hataholi noꞌu kala sila, nae, “Mete ma ei mita koꞌa makate sadu nai muli ele, na ei mae, ‘Ia tanda uda sangga mai.’ Memak tetebes leo ndiak.  
\v 55 Mete ma ani nafumbu neme kona mai, na, ei mae, ‘Leledon ia matobin ana seli.’  
\v 56 Heh! Ei hataholi mana dea-mata kala ia, ei kokolak feꞌek, ma tao feꞌek! Ei malela kala, ei mafada sala fo lalelak daebafok ia, fai hanan ma fai oefaan hihii-nanaun. Tehuu hatina de ei taa nau malelak Lamatuak hihii-nanaun?”   
\s1 Ama mole-dame mia ei musu mala  
\r (Mateos 5:25-26)  
\p
\v 57-58 Yesus kokolak nakadaik bali, nae, “Mete ma ei madedeꞌa, na, hatina de ei taa nau maketu ao nggei, bee ndia tetebes! Malolenak ei tao tungga dame dei! Boso losak ei losa nai mana maketu dedeꞌak matan, boe ma naketun ei maso mini bui dale miu.  
\v 59 Huu mete ma leo ndiak, na neu ko ei taa bisa kalua, losa ei bae ketu ei hutam fo mana maketu naketu basan ndia so.”   
\c 13  
\s1 Laꞌo ela soda manggalauk, fo fali tungga Lamatuak hihii-nanaun  
\p
\v 1 Faik ndia, hambu hataholi neu nafada Yesus, nae, gubenol Pilatus tao nisa hataholi Yahudi hida leme Galelea, neu ledoeik ala leni tunu-hotuk neni Uma Ina Huhule-haladoik nai Yerusalem.  
\v 2 Namanene leo ndia, boe ma Yesus natane, nae, “Tungga ei, na, meda hataholi nana tao nisa kala sila, na, sala nala inahuun lena heni basa hataholi Galelea feꞌe kala do? Huu ndia de, ala hambu huhuku mate?  
\v 3 Taa! Tehuu mete ma ei taa laꞌo ela ei soda manggalaum ndia, fo fali miu tungga Lamatuak hihii-nanaun, na, ei boe oo, dei fo makalulutuk, leo sila boe.  
\v 4 Basa na, leobee bali, laꞌeneu hataholi kasanahulu falu kala mana mate kala sila, huu fain uma batu madema tuꞌu tuni nala sala leme Siloam? Sila sala nala inahuun lena heni hataholi feꞌe kala malai Yerusalem, do?  
\v 5 Taa! Tehuu mete ma ei taa laꞌo ela ei soda naputam ndia, fo fali tungga Lamatuak dala ndoon miu, na, ei boe oo, dei fo makalulutuk sama leo sila.”   
\s1 Ai taa kaboak, sama leo Lamatuak hataholi nala, fo buna-boa nala taa  
\p
\v 6 Basa boe ma, Yesus tui seluk nakandandaak esa, nae, “Hambu hataholi esa naena ai kaboak\f + \fr 13:6 \ft Dedeꞌa Indonesia pake dedeꞌa deꞌek ‘ai ara’ neme dedeꞌa Yunani nae, \ft \+it sukei\+it*. Tehuu Susula Malalaok natudu ai esa nai ele, fo hataholi la lateme laꞌa boan. Nai Indonesia babaꞌek dulu, hataholi la taa laꞌa ‘ai ara’ boan. De, ‘ai ara’ manai Susula Malalaok, taa sama leo ita ai aran manai iak.\f* nai osin dale. Ana nambue mai titilo sudik, fo sangga bubuluk ai ndia naboa so, do beik. Tehuu ai ndia bei ta naboa.  
\v 7 Basa boe ma, ana nadenu ndia hataholi mana tao ues nai osi dale, nae, ‘Teuk telu ia so, au mai taa-taa fo sangga ai ia boan, tehuu au taa hambu hata esa boe. De, kekeko henin, huu ai ia kada naꞌa mamanak.’   
\p
\v 8 Tehuu mana tao osi ndia nataa, nae, ‘Ama boso mamanasa. Fee ai ia teuk esa bali. Fo suek au fufuꞌa daen ndule huun, ma basa na, au tao pupuk neun, fo tao naꞌaon.  
\v 9 Mete ma teu mana maik, ai ia naboa, na malole. Tehuu mete ma taa, na, kekeko henin leo.’ ”   
\s1 Lamatuak Yesus tao nahai ina dea mbukuk esa, laꞌeneu fai huhule-haladoik  
\p
\v 10 Laꞌi esa, nandaa no hataholi Yahudi la fai huhule-haladoin, de Yesus neu nanoli nai uma huhule-haladoik.  
\v 11 Nai ndia hambu inak esa dean mbukuk teuk sanahulu falu ia so, huu nitu tataon ndia. Ana taa bisa nambadeik natetu aon.  
\v 12 Yesus nita inak ndia, boe ma noke nalan, de nafadan, nae, “Ina! Hatematak ia ina hai ia so.”  
\v 13 Boe ma Yesus tao liman neu inak ndia, de nggengge neuk, inak ndia dea manambukun, nakandoo tutik. Boe ma ana noke makasi ma koa-kiok Manetualain.   
\p
\v 14 Tehuu malangga uma huhule-haladoik ndia, manggalau, huu Yesus tao nahai hataholi, laꞌeneu fai huhule-haladoik. Boe ma ana nafada hataholi noꞌu kala, nae, “Sosoda ina esa, na hambu kada faik nee tao ues. De, malolenak hataholi kamahedi kala mai laꞌeneu fai tao ues, fo sangga hataholi mana tao nahai sala. Boso mai nai fai huhule-haladoik!”\x + \xo 13:14 \xt Kalua neme Masir mai 20:9-10; Tui Seluk laꞌeneu Dala Sodak 5:13-14\x*   
\p
\v 15 Tehuu Yesus nataan, nae, “Heh! Hataholi mana dea-mata kala. Nai fai hahaek na, ei tao ues, hetu? Huu ei miu mboꞌi ei sapi mala ma keledei, fo fee sala linu oe, hetu?!  
\v 16 Inak ia, baꞌi Abraham tititi-nonosin, sama leo ita boe. Nitu la malanggan hengge nalan teuk sanahulu falu ia so. Mete ma Au mboꞌi henin laꞌeneu fai huhule-haladoik, na, salak ndia do?”   
\p
\v 17 Lamanene leo ndia, boe ma Yesus musu nala, mae. Tehuu hataholi noꞌu kala lamahoko lo Ndia tatao-nonoꞌi malole nala.   
\s1 Lamatuak Yesus fee nakandandaak laꞌeneu ai deꞌek fo kadiꞌi anak nalan seli  
\r (Mateos 13:31-32; Markus 4:30-32)  
\p
\v 18 Boe ma Yesus kokolak tuti bali, nae, “Leo Au akasasamak Lamatuak hataholi nala sama leo hata bae?  
\v 19 Sososan sila kada lumak, tehuu dodoo boe ma ala lamanoꞌu. Ala mulai sama leo ai deꞌe kadiꞌi anak. Hataholi selen neu ndia osin. Boe ma ana moli mai, de dadik ai inahuuk. Boe ma mbui kala mai landunu nai baꞌe nala.”   
\s1 Lamatuak Yesus fee nakandandak laꞌeneu laluteik  
\r (Mateos 13:33)  
\p
\v 20 Basa de, Yesus kokolak bali, nae, “Leo Au akasasamak Lamatuak hataholi nala no hata bali, bae?  
\v 21 Ndia sama leo laluteik, fo ina kala haꞌi lalan, de seseo kana no hade uu saku dua,\f + \fr 13:21 \ft Dedeꞌa Yunani nae hade uu sata telu. Sata esa na meda liter sanahulu dua. De, sata telu, na liter telu hulu nee.\f* fo tao loti noꞌuk. Boe ma hade uu nana seseok ndia, mbela mai losa ana inahuu, huu kada laluteik fa anak boe. Nakandandaak ia sosoan leo iak, Lamatuak hataholi nala leꞌa-nole lala sala, de boe nakambela leo ndiak.”   
\s1 Nusa-sodak lelesun kadiꞌianak  
\r (Mateos 7:13-14, 21-23)  
\p
\v 22 Basa ndia, boe ma Yesus asa mulai laꞌo leni kota Yerusalem leu. Ana singgo laꞌo-laꞌo tungga-tungga dalak nai kota ma nggolok sila, fo nanoli hataholi la.  
\v 23 Nai mamanak esa, hambu hataholi esa natanen, nae, “Ama Mesen! Meda kada hataholi luma kala ala bisa hambu sodak, do?”   
\p
\v 24 Ana nataa, nae, “Nusa-sodak lelesun dalek neu ndia kadiꞌianak. De, mbalak eik, fo ei bisa maso tungga ndia. Huu hambu hataholi noꞌu kala, soba maso, tehuu taa bisa.  
\v 25 Mete ma maumak nggoe lelesun so, na, dei fo ei mambadeik nai deak, fo dedele lelesu, ma eki moke tulun, mae, ‘Ama! Soi lelesu dei!’  
\p Tehuu dei fo Ana nataa, nae, ‘Ei ia, see? Au taa alelak ei maa!’   
\p
\v 26 Boe ma ei mae, ‘Talobee de, Ama taa malelak ai? Ai ndia mateme miꞌa-minu mia Ama. Ama boe oo, mateme manoli ai, nai ai okofoo nala.’   
\p
\v 27 Boe ma dei fo Ana nataa nae, ‘Au afada ndia isinaak so, Au taa alelak ei! Ei ia, kada hataholi fo mana tao manggalauk. De, boke malai heok ia!\x + \xo 13:27 \xt Sosoda Koa-kio kala 6:9\x*   
\p
\v 28 Basa boe ma, dei fo mete ma Manetualain naketu basa hataholi la dedeꞌa nala, na ei kada mamatani, ma mamanasa. Tehuu ei mita baꞌi Abraham, baꞌi Isak, baꞌi Yakob, ma basa Manetualain mana kokola nala, maso langgatuuk lai nusa-sodak so. Tehuu ei nana husi henik, mini deak miu.\x + \xo 13:28 \xt Mateos 22:13; 25:30\x*  
\v 29 Dei fo hataholi la leme basa daebafok buꞌu nala mai, fo leme ledo sasadun mai, losa ledo tetesa neun; neme kii mai losa kona, langgatuk laꞌa noꞌu lai Manetualain uma manen.\x + \xo 13:29 \xt Mateos 8:11-12\x*  
\v 30 Tanda matalolole dedeꞌak ia; dei fo mete ma Lamatuak naketu hataholi la dedeꞌa nala, na hambu hataholi makahuluk, nae hetuk ndia kada hataholi kadiꞌik, tehuu ana hambu hada-holomata inahuuk. Ma hambu hataholi makahuluk luma lae ndia hataholi inahuuk, naa te Lamatuak tao ndia, kada hataholi kadiꞌik.”\x + \xo 13:30 \xt Mateos 19:30; 20:16; Markus 10:31\x*   
\s1 Lamatuak Yesus tuda kasian neu kota Yerusalem isi nala  
\r (Mateos 23:37-39)  
\p
\v 31 Faik ndia, hambu hataholi Farisi luma, mai lasale Yesus, boe ma lafada, lae, “Malolenak Ama Mesen heok dook muni mamana feꞌek muu, huu mane Herodes sangga tao nisa Ama.”   
\p
\v 32-33 Boe ma Yesus nataa, nae, “Heh! Toulasik ndia manggalaun ana seli! Ei miu mafadan, mae, ‘Au husi heni nitu la, ma tao ahai hataholi kamahedi kala, nai faik ia, ma foꞌa mai. Neu binesan, bei fo Au ueng ndia basan.’ Mae talobee boe oo, Au bei nau tao ues fa bali, nai dalak fo Au uni Yerusalem uu. Huu hataholi Yerusalem sila, fo lahiik tao lisa Manetualain mana kokola nala.   
\p
\v 34 Awii, hataholi Yerusalem nala aa! Ei ia, fo mambue tao misa Manetualain mana kokola nala, ma mbia makamate hataholi nana dedenu kala, fo ala mai latudu dalak neu ei. Laꞌi noꞌuk Au nau akabubua fo anea ei so, suek babaa ala ei, mima manggalauk mai, sama leo manu ina nasulu nala ana nala, neu lidan dale. Tehuu ei taa nau.  
\v 35 Hatematak ia, Lamatuak taa mbali ei uma huhule-haladoim ndia so bali. De, mbila-binesak te louk so. Dei fo ei taa mita Au bali, losa ei manaku, mae,  
\q1 ‘Manetualain fee babaꞌe-babatik neu hataholi, fo mana mai neni Lamatuak naden,  
\q2 huu Lamatuak nadenu Ndia so!”\x + \xo 13:35 \xt Sosoda Koa-kio kala 118:26\x*   
\c 14  
\s1 Lamatuak Yesus tao nahai hataholi, laꞌeneu fai huhule-haladoik  
\p
\v 1 Laꞌi esa, laꞌeneu fai huhule-haladoik, de hataholi partei Farisi la malanggan esa hoka Yesus, fo neu naꞌa nai ndia uman. Ana nanggatuuk naꞌa, tehuu hambu hataholi malok Ndia, fo sangga nita Ana tao hata, laꞌeneu fai huhule-haladoik.  
\v 2 Faik ndia, hambu hataholi kamahedi mbaeaok esa, nanggatuuk nai ndia boe.  
\v 3 Boe ma Yesus natane malela heti-heu Yahudi esa, ma hataholi Farisi fo mana manggatuuk laꞌa lai ndia boe, nae, “Tungga baꞌi Musa heti-heun, na bole tao nahai hataholi kamahedik, laꞌeneu fai huhule-haladoik, do taa?”   
\p
\v 4 Tehuu taa hambu hataholi esa huꞌa bafan boe. Boe ma Yesus daba hataholi kamahedik ndia, de ana hai tutik. Boe ma Yesus nadenun fali.  
\v 5 Basa ndia, boe ma Yesus natane sala bali, nae, “Mete ma hambu kakanak esa tuda neni oe dolu dale neu, laꞌeneu fai huhule-haladoik, na, ei miu kalua henin, do taa? Mete ma sapi tuda, na ei elan, do hela kaluan lain mai? Neu ko ei miu hela kaluan neni lain mai. Na, ndia sosoan, nae, ei tao ues ndia, hetu!”\x + \xo 14:5 \xt Mateos 12:11\x*   
\p
\v 6 Lamanene Yesus kokolak leo ndia, boe ma taa hambu hataholi esa boe, ana bisa nataa Ndia.   
\s1 Boso sangga matak  
\p
\v 7 Faik ndia, Yesus susuli hataholi la, fo mana mai laꞌa feta lai uma ndia. Hataholi noꞌu kala hele mamanak lai mata, fo langgatuuk leu ndia. Nita leo ndia, boe ma Ana kokolak, nae,  
\v 8 “Mata neuk, baa! Mete ma hataholi hoka ei, fo ei mini feta kabin miu, na, boso miu sangga manggatuuk nai hataholi inahuu kala mamana nala. Huu boso losak mafetak hoka hataholi inahuun lena.  
\v 9 Mete ma leo ndiak, na, mafetak mai nafada o, nae, ‘Boso mamanasa, baa! Ama hii, na, tulun lali muni dea muu dei, huu au sadia kadela ia, soaneu hataholi inahuuk!’ Boe ma o foꞌa laꞌo ela kadela ndia no mamaek, de o muu manggatuuk muu kadela manai dea.  
\v 10 De, mete ma o hambu hohokak, na, muu manggatuuk muu kadela manai dea nalan seli. Dei fo mete ma mafetak nita o, boe ma ana mai, de nae, ‘Eh, Ama! Mai manggatuuk muu mata ia.’ No leo ndiak, na, ei hambu hada-holomata nai basa nana hoka kala mata nala.\x + \xo 14:10 \xt Dedeꞌa Lasik 25:6-7\x*  
\v 11 Huu hataholi fo mana sosoꞌuk aon, dei fo Lamatuak tao natudan. Tehuu hataholi mana tao aon sama leo hataholi kadiꞌik, na, dei fo Lamatuak soꞌu lai kana.”\x + \xo 14:11 \xt Mateos 23:12; Lukas 18:14\x*   
\p
\v 12 Basa ndia, boe ma Yesus kokolak no maumak, nae, “Fai seluk, mete ma ama tao feta, na, boso hoka ama bobonggin ma nonoo kamasuꞌi mala! Huu neu ko ala bisa hoka bala ama.  
\v 13 Mete ma ama tao feta, na, hoka hataholi hata taa kala, hataholi hela eik, hataholi fo taa bisa laꞌok, ma hataholi mboke kala.  
\v 14 Neu ko ala taa bisa bala ama. Tehuu mete ma ama hoka sala, na, Manetualain ndia bala. Dei fo mete ma Ana tao nasoda falik hataholi kamahele mana mate kala so, na, Ana taa nafalende heni ama dale malolen.”   
\s1 Nakandandaak laꞌeneu feta inahuuk  
\r (Mateos 22:1-10)  
\p
\v 15 Lamanene leo ndia, boe ma hataholi mana manggatuuk mei esa no Yesus, kokolak, nae, “Maua-manalek neu hataholi, fo naꞌa tungga noꞌu nai Manetualain uma manen, bae!”   
\p
\v 16 Yesus nataa, nae, “Au tutuing leo iak: hataholi esa tao feta inahuuk. Boe ma ana hoka hataholi makadotok.  
\v 17 Ledoeik feta nahehele sangga mulai, boe ma nadenu ndia hataholi nadedenun neu noke hataholi nana hoka kala, nae, ‘Mai leo, huu feta sangga mulai.’  
\v 18 Tehuu basa sala latoꞌo mata-mata kala, fo suek taa bisa leu. Esa natoꞌo, nae, ‘Awii! Bei fo au hasa ala osi esa, de au musi uu ita sudi kana dei. Boso mamanasa baa!’  
\v 19 Feꞌek natoꞌo, nae, ‘Bei fo au hasa ala sapi luku pasan lima. De au sangga uu soba sudi kasa ia, de boso mamanasa baa!’  
\v 20 Feꞌek bali, na, nae, ‘Bei fo au sao, de taa bisa.’   
\p
\v 21 Boe ma hataholi nana dedenuk fali, de nafada ndia malanggan. Namanene leo ndia, boe ma malanggan ndia luli nalan seli. Basa boe ma ana palenda ndia hataholi nadedenun ndia, nae, ‘Mete ma leo ndiak, na o kalua lai-lai! O muni basa okofoo la ma dala makabiꞌa kala, nai kota ia muu, fo hoka basa hataholi kasia nala, hataholi hela ei kala, hataholi mboke kala, ma hataholi luꞌu kala’  
\v 22 Namanene leo ndia, boe ma hataholi nadedenuk ndia neu hoka basa hataholi la sila. Basa de ana neu nafada, nae, ‘Ama! Basa hataholi la mai so, tehuu mamana kala noꞌuk bei louk.”   
\p
\v 23 Boe ma malanggan ndia, nae, ‘Mete ma leo ndiak, na, o muu seluk bali, muni nggolo kala malai kota deak, losa osi la. Kokoe mala sudi see, fo mua sala mai, fo sadi ala tao lahenu mamana feta ia.  
\v 24 Mamanene baa! Hataholi mana timba heni Au hohokang ndia, taa lameda feta ia ladan fa boe!”   
\s1 Hingga neulalaun dei, bei fo tungga Lamatuak Yesus  
\r (Mateos 10:37-38)  
\p
\v 25 Basa ndia, boe ma Yesus asa, laꞌo lakandoo leni Yerusalem leu. Hataholi noꞌu kala tungga Ndia. Basa de Ana nasale sala, boe ma Ana kokolak nae,  
\v 26 “Hataholi fo tebe-tebe nau tungga Au, na, musi sue Au \it lena\it* heni basa-basan: lena heni ndia ina-aman, lena heni ndia sao-anan, lena heni kaꞌa-fadin, nakalenak lena heni ndia aoina hehelin. Mete ma taa, na, hataholi ndia, taa nandaa dadik Au ana mana tunggang.\x + \xo 14:26 \xt Mateos 10:37\x*  
\v 27 Huu hataholi fo taa nau lemba doidosok, huu ana tungga Au, na, ndia taa nandaa dadik Au hataholing. Hataholi fo nau dadik Au hataholing, na, mae hataholi sangga tao nisan boe oo, tehuu ana lemba nakandoo doidoson.\x + \xo 14:27 \xt Mateos 10:38; 16:24; Markus 8:34; Lukas 9:23\x*   
\p
\v 28 De, mete ma sangga nau tungga Au, na, hingga neulalaun dei. Conto leo hataholi sangga nambadedei uma katadak. Ana musi hingga nakahuluk ongkos losa lutu-lutuk. Huu boso losak doik taa dai.  
\v 29 Mete ma taa hingga lutu-lutuk, na, nafo ana bei fo tao fanderen, naa te basa doi kala so. Basa de, hataholi la hika lakamamae kana  
\v 30 lae, ‘Ei mete sudik hataholi ndia dei. Bei fo ana tao fanderen, fo bei ta hata-hata, naa te basa doik so.’   
\p
\v 31 Conto feꞌek, fo ndia dedeꞌa natatik. Manek fo nau natati, na, ana musi nanggatuuk hingga nakahulu kana, no ndia nonoo nala. Mete ma ndia soldadu nala kada hataholi lifun sanahuluk, na, meda ana bisa senggi laban musun hataholi lifun dua hulu, do taa?  
\v 32 Mete ma hingga basan so, tehuu dei fo ndia nana senggik, na, malolenak, ledoeik musu bei nai dook, na, ana haitua memak hataholi nadedenuk neu, fo tao dame.  
\v 33 Leo ndiak boe neu hataholi mana nau tungga Au. Ana musi hingga neu-mai, nae, ana nahehele so, fo laꞌo ela basa-basan, do taa? Tehuu mete ma taa, na hataholi ndia taa nandaa dadik Au ana mana tunggang.   
\s1 Hataholi fo taa nandaa tungga Lamatuak Yesus, na, sama leo masik fo sosoan taa so bali  
\r (Mateos 5:13; Markus 9:50)  
\p
\v 34-35 Yesus tuti Ndia kokolan no conto feꞌek bali, nae, “Masik ndia, neulauk. Ita paken fo tao nalada nanaꞌak. Tehuu mete ma masik ndia mamin so, na, ndia sosoan hata? Taa bisa paken so bali, fo tao nalada nanaꞌak. Sangga taon neu pupuk boe oo, taa bisa. Kada ita nggali henin leo. See kandiꞌidook, na, mamanene neulalau, bou!”   
\c 15  
\s1 Biꞌilombo mana mopok  
\r (Mateos 18:12-14)  
\p
\v 1 Faik ndia, hataholi mana laꞌok bea, no hataholi papake taak feꞌe kala, lambue leni Yesus leu, fo sangga lamanenen. Tehuu hataholi Yahudi la, tao sila leo hataholi taa malole.  
\v 2 Lita leo ndia, boe ma hataholi Farisi la, ma mese anggama Yahudi la, manggalau, lae, “Aweꞌek! Hataholi ia nanonoo no hataholi papake taa kala. Nakalenak bali Ana nanggatuuk naꞌa no sala bali.”\x + \xo 15:2 \xt Lukas 5:29-30\x*   
\p
\v 3 Namanene leo ndia, boe ma Yesus tui fee sala nakandandaak ia, nae,  
\v 4 “Leo esa neme ei mai, biꞌilombon natun esa. Boe ma mopo esa. Hatematak ia, hataholi ndia musi tao hata? Neu ko ana laꞌo ela biilombo kasio hulu sio kala sila leu mamana sodak, fo neu sangga losa hambu biꞌilombo mana mopok ndia.  
\v 5 Mete ma ana natonggo no biꞌilombo ndia, na, ana luꞌa neni fali kana no namahokok.  
\v 6 Losa uma, boe ma ana noke ndia nonoo nala, de nafada sala, nae, ‘Wei! Ei mai fo mamahoko makasoe mia au dei! Huu au hambu falik au biꞌilombo mana mopong so.”  
\v 7 Nai nusa-sodak leo ndiak boe. Mete ma hambu hataholi kasalak esa hondak, boe ma ana fali neni Lamatuak neu, na basa nusa-sodak isi nala lamahoko lalan seli. Ala lamahoko lalan seli, huu hataholi esa fali neni Lamatuak neu, lena heni hataholi kasio hulu sio kala mai, fo mana masoda no ndoo sala, ma taa sala dalak.”   
\s1 Doi lilo fulak mana mopok  
\p
\v 8 Basa de Yesus tui nakandandaak esa, nae, “Hambu inak esa doi lilo fulan sanahulu.\f + \fr 15:8 \ft Dedeꞌa Yunani sulak nae, \ft \+it drakma\+it* sanahulu. Drakma esa, sama leo tukan nggadin faik esa.\f* Naa te mopo esa. De, hatematak ia, ana sangga tao hata bali? Neu ko ana neu dede haꞌi neu banduk, de ana loti sudi nai bee, ma ana sasapu uma ndia losa basa buꞌuk lalaꞌen, fo ana sangga neulalau doik ndia.  
\v 9 Faik fo ana hambu falik doik ndia, boe ma ana noke nala hataholi uma tia-tai nala, de nae ‘Wei! Ei mai fo mamahoko noꞌu mia au dei! Huu au hambu falik au doi mana mopong ndia so!’  
\v 10 Nai nusa-sodak leo ndiak boe. Mete ma hambu hataholi kasalak esa hondak, de basa na ana fali neni Lamatuak neu, na, neu ko basa ata nusa-soda kala lamahoko lalan seli.   
\s1 Kakana mana mopok  
\p
\v 11 Basa boe ma, Yesus tuti Ndia tutuin no nakandandaak feꞌek esa bali, nae, “Hambu touk esa no ndia ana touanan dua.  
\v 12 Laꞌi esa, kakana mateꞌa teisusuk, nafada aman, nae, ‘Ama aa! Baꞌe fee au hata pusaka hatematak ia leo!’ Boe ma aman baꞌe hata la sila neu anan dua sala.  
\v 13 Taa dook boe ma, kakana mateꞌa teisusuk ndia seꞌo heni ndia babaꞌen. Basa de ana mbomboti nala ndia baloꞌan, de ana laꞌo neni nusak dook neu. Nai ndia, ana ngganggali loloo heni ndia doi nala ma nasoda no kada sosoa aok.  
\v 14 Faik fo ndia doin basan, boe ma ndoes ana seli, langga laꞌe nusak ndia, losa touanak ndia boe oo, ana natai bauk.  
\v 15 Boe ma ana neu sangga ues, de touk esa nai nusak ndia, simbok nalan, fo feen ana nakaneni bafi la nanaꞌan.  
\v 16 Huu touanak ndia, taa nakatataka nala ndoes so bali, de ana sadia naꞌa bafi la nanaꞌan. Huu taa hambu hataholi, fo ana nau feen naꞌa.   
\p
\v 17 Doo-doo, boe ma ana mulai duduꞌa neu-mai, nae, ‘Nai au amang uman, na, basa hataholi mana tao ue sala laꞌa losa lakabete. Naa te au nai ia, sangga mate ua ndoes ia so.  
\v 18 Malolenak, au fali leo, uni au amang uu. Basa na, au afadan ae, ‘Ama aa! Au tao sala inahuuk neu Lamatuak ma ama so.  
\v 19 Au taa andaa dadik neu ama anan so bali. Ela ama simbok mala au, dadik neu mana tao ues nai ama uman boe oo, malole ndia!’ ”   
\p
\v 20 Ana duduꞌa leo ndiak, boe ma ana foꞌa, de fali neni aman uman neu. Bei nai dook, tehuu toulasik nitan so, boe ma ana tuda kasian neun. Ana konda neme uma mai, de nalaik neu soluk ndia anan fo ana fali ndia so. Basa de toulasik holu nalan, ma idun.   
\p
\v 21 Boe ma kakanak ndia kokolak neu aman, nae, ‘Ama aa! Au tao sala inahuuk neu Lamatuak ma ama so. Au taa andaa, dadik neu ama anan so bali.’   
\p
\v 22 Tehuu ndia aman palenda nakandoon ndia hataholi mana tao ue nala, nae, ‘Wei! Lai-lai, dei! Miu haꞌi mala badu neulaun seli, fo papaken. Tao ndeli neu ndia lima kuꞌun, ma sapatu neu ein.  
\v 23 Miu hela mala sapi nakaboik maꞌao ndia, fo tatin, huu ita sangga tao feta takasoe.  
\v 24 Huu au anang ia, sama leo maten so, tehuu hatematak ia ana nasoda fali so. Ndia mopo so, tehuu hatematak ia, au hambu fali kana so.’ Kokolak basa leo ndia, boe ma ala mulai feta lakasoe.   
\p
\v 25 Faik ndia, kakana kaꞌak taa nai uma, huu ana tao ues nai osi. Ledoeik ana fali, namanene neme dook mai hataholi la, lakaminak musik, ma ala foti-longge.  
\v 26 Boe ma ana noke nala hataholi mana tao ues esa, de natanen, nae, ‘Weih! Tao nakasoe hatak ia?’   
\p
\v 27 Hataholi mana tao ues ndia, nataa nae, ‘Ama fadim fali main so. De, ama amam nadenu tati sapi, fo tao feta inahuuk, huu ndia anan fali no sodak so.’   
\p
\v 28 Namanene leo ndia, boe ma kakana kaꞌak luli. Ana taa nau maso neni uma dale neu so. Boe ma aman neu kokoen fo ana neni uma dale neu.   
\p
\v 29 Tehuu ana manggalau nae, ‘Ama! Duduꞌa sudi kana dei! Doo-doo basa ia, au mbilu mbuse tao ues sota mate, sama leo ama mana tao uen. Au taa laꞌolena itak ama hihiin. Mae leo ndiak boe oo, tehuu ama bei ta fee nitak au biꞌi ana esa, fo au tao feta akasoe, ua au nonoo nggala.  
\v 30 Tehuu taa bubuluk, ama anan ia, ana tukan loloo heni doik, neu nakaminak inak fo tao nabasa ama doin. Hatematak ia, ana fali main so, boe ma ama tati sapi maꞌao nalan seli, fo tao feta inahuuk neu ndia.’   
\p
\v 31 Tehuu aman nataa, nae, ‘Ana susueng aa! Mamanene neulalau! Doo-doo basa ia, o leo sama-sama mua ama. Basa hata fo ama enan, na, o enam basa sila.  
\v 32 Tehuu hatematak ia, ita musi feta takasoe, huu o fadim esa ia. Makahulun, sama leo maten so, tehuu hatematak ia ana nasoda fali so. Ana mopo so, tehuu hatematak ia, hambu fali kana so.’ ”   
\c 16  
\s1 Malangga makanenik masapedok  
\p
\v 1 Basa de Yesus nakadaik nakandandaak esa bali neu Ndia ana mana tungga nala, nae, “Hambu hataholi kamasuꞌik esa, fee hataholi esa ana tao ues, fo ana dadik ndia malangga makanenik. Tehuu doo-doo boe ma malanggan ndia, namanene malangga makanenik ndia, mulai naputak fo tao nakahehenik ndia.  
\v 2 De, ana noke nala malangga makanenik ndia, de nafadan, nae, ‘O ia, talobee? Au amanene o mambue maputak au hata nggala. Hatematak ia, o muu tao susula laporan laꞌeneu ues tataon ia, fo au palisa kana dei. Huu basa ndia, na, au sangga fee o hahae.’   
\p
\v 3 Namanene leo ndia, boe ma malangga makanenik ndia, duduꞌa neu-mai, nae, ‘Au soe ia so, maa! Hatematak ia, au sangga tao hata bali? Au taa abeꞌi foi dae. Dadik neu mana hule doik boe oo, au mae.  
\v 4 Mete ma au taa bisa tao ues nai ia bali, na au sangga dalak, fo ela hataholi feꞌe kala bei nau tulun simbok au.’   
\p
\v 5 Huu ndia de, ana mulai noke nala basa hataholi mana mahuta kala neu ndia malanggan. Ana natane hataholi kaesan, nae, ‘Weih! O bei mahuta hida nai au malanggang?’   
\p
\v 6 Hataholi ndia, nataa nae, ‘Au hutang mina setun liter lifun haa.’\f + \fr 16:6 \ft Susula Yunani nae, ‘\ft \+it batos\+it* natun esa’. Batos esa, na, liter telu hulu lima losa liter haa hulu.\f*  
\p Boe ma malangga makanenik, nae, ‘Tetebes! Ia mala o susula hutan. Hatematak ia, sii henin leo, basa de ana nanggatuuk, fo sulak lai-lai susula huta beuk, nae, o mahuta kada mina liter lifun duak.’   
\p
\v 7 Basa de neu natane hataholi kaduan, nae, ‘O bali, mahuta baꞌubee?’  
\p Ana nataa, nae, ‘Au ahuta hade karon lifun esa.’\f + \fr 16:7 \ft Susula Yunani nae, \ft \+it ‘Koros\+it* natun esa’. Koros esa, na, ndia liter natun telu sio hulu.\f*  
\p Malangga makanenik ndia nafadan, nae, ‘Sii heni susula huta laak ndia, ma basa na sulak huta beuk, mae, karon natun faluk.’   
\p
\v 8 Ana tao leo ndiak, losa ndia malanggan bubuluk ndia kekedin. Tehuu malanggan ndia, musi manaku, nae, malangga makanenik manggalauk ndia, memak masapedon ana seli.  
\p Au afada nakandandaak ndia, suek ei bubuluk, mae, mete ma nakasasaman no hataholi kamahele kala, na, hataholi taa kamahele kala memak masapedon ana seli, nasoda nai lauinggu laladan.   
\p
\v 9 De, ei duduꞌa sudi kana. Mae hataholi daebafok nambue tao dedeꞌa manggalauk pake sila hata nala, tehuu malolenak ei pake ei hata daebafom fo tulu-fali hataholi la. No leo ndiak, na ei boe oo, hambu nonook makadotok. Mae hata la sila basan, tehuu dei fo Lamatuak sadia mamanak fee ei, nai nusa-sodak.   
\p
\v 10 Mete ma hataholi ndoos nai dedeꞌa kadiꞌi ana kala, na, neu ko ana ndoos nai dedeꞌa inahuuk. Tehuu mete ma hataholi naputak nai dedeꞌa kadiꞌi ana kala, na, neu ko naputak nai dedeꞌa inahuuk.  
\v 11 Mete ma hataholi taa bisa namahele ei, fo makaneni hata basa faik, fo dedeꞌa kadiꞌik nai daebafok ia, na talobee fo Lamatuak namahele ei nai dedeꞌa inahuuk?  
\v 12 Mete ma ei taa bisa makaneni hataholi feꞌek hatan, na see nambalani nau fee ei hatan?   
\p
\v 13 Nadedenuk esa, taa bisa namanene malanggan dua. Huu dei fo ana husembuluk neu esa, ma ana sue esa. Do dalen katemak neu esa, ma taa mbali esa. Leo ndiak boe no ei, huu hataholi taa bisa sue Manetualain, sama-sama no doik.”\x + \xo 16:13 \xt Mateos 6:24\x*   
\s1 Lamatuak Yesus kokolak laꞌeneu doik, laꞌeneu Hala Malole, ma laꞌeneu sasaok-namaketuk  
\r (Mateos 11:12-13; 5:31-32; Markus 10:11-12)  
\p
\v 14 Faik ndia, hambu hataholi Farisi luma tungga lamanene Yesus kokolan isinaak ndia. Boe ma ala haumemee Ndia, huu ala balenaꞌo doik.  
\v 15 Tehuu Yesus nataa, nae, “Wei! Mae ei tao malalao aok nai hataholi matan, tehuu Manetualain bubuluk ei dale mala sila manggalauk. Hambu dedeꞌak noꞌuk, fo hataholi soꞌun dema-demak, naa te tungga Manetualain, na, dedeꞌak ndia manggalauk, ma Ana nunute sala.   
\p
\v 16 Losa no Yohanis Mana Salanik mamain, na, ita hataholi Yahudi tasoda tungga baꞌi Musa ma Lamatuak mana kokola nala heti-heun. Tehuu hatematak ia, Lamatuak Hala Malolen nana tui-benggak nai sudi bee. Hataholi noꞌuk lasusua tingga-tingga, fo suek ala lasoda tungga Lamatuak hihii-nanaun.\x + \xo 16:16 \xt Mateos 11:12-13\x*  
\v 17 Leo mae lalai ma daebafok mopo heni sala, tehuu Manetualain heti-heun taa mopo fa boe. Titi-koma boe oo, taa mopo sala!\x + \xo 16:17 \xt Mateos 5:18\x*   
\p
\v 18 Hataholi fo ana ela heni sao inan, fo ana sao seluk bali no ina feꞌek, na hohonggek ndia. Basa de hataholi sao no ina sao elak, na hohonggek ndia boe.”\x + \xo 16:18 \xt Mateos 5:32; 1 Korintus 7:10-11\x*   
\s1 Tutuik laꞌeneu hataholi kamasuꞌik ma Lasarus  
\p
\v 19 Yesus tui nakadaik, nae, “Hambu hataholi kamasuꞌik esa, nahiik pake baloꞌa malole fo nana taok neme tema bangganaꞌuk mai. Leledo-leꞌodaen ana naꞌa-ninu malada-malada, ma ana sosoa aon.  
\v 20 Nai ndia, hambu hataholi mana taik esa. Ndia naden Lasarus. Ndia aon henuk no bisu mbuluk. Tungga-tungga faik, nonoo nala loon, fo taon neu hataholi kamasuꞌik ndia lelesu tembok matan.  
\v 21 Ana nahiik naꞌa neme hataholi kamasuꞌik ndia nanaꞌa ela nala, tehuu tana hambu hata esa boe. Kada busa la mai lalamemei ndia bisun nanan.   
\p
\v 22 Basa boe ma Lasarus maten. Boe ma Manetualain ata nusa-sodan mai haꞌi nalan, de nanggatutuun neu baꞌi Abraham boboan.  
\p Taa dook boe ma hataholi kamasuꞌik ndia maten, de hataholi la, latoin.  
\v 23 Tehuu ndia taa maso nusa-sodak. Ana maso neni naraka neu, sama-sama no hataholi mana mamate kala noꞌuk. Nai ndia, ana hambu doidosok taa-taa. Boe ma laꞌi esa, ana botik matan, de nita Lasarus nanggatuuk namahoko, nai baꞌi Abraham boboan.  
\v 24 Boe ma ana nanggou, nae, ‘Baꞌi Abraham aa! Kasian neu au dei! Fee Lasarus dombe lima kuꞌu mbedan neu oe, fo ana mai nakadoen neu kada au maang mbedan boe oo, malole ndia. Huu au doidoso mamates nai haꞌi naraka ia!’   
\p
\v 25 Tehuu Abraham nataa, nae, ‘Ana nggo ei! Masaneda neulalau neu fain, fo faik o bei masoda nai daebafok, o hambu basa malole la. Tehuu Lasarus kada hambu totoꞌak. De, hatematak ia Lamatuak kokoe-nanasi ndia nai ia, tehuu o doidoso.  
\v 26 Nakalenak bali, nai o ma ai laladan ia, Lamatuak tao leak maloa esa. De, hataholi malai ia kala, taa bisa leni ei miu, ma hataholi malai ndia kala, taa bisa leni ia mai.   
\p
\v 27 Boe ma hataholi kamasuꞌik ndia noke, nae, ‘Mete ma leo ndiak, na, baꞌi tulun madenu Lasarus neni au amang uman neu dei.  
\v 28 Huu au bei fadi toung lima lai ele. Madenu Lasarus neu nasaneneda kasa, fo ala fali leni Lamatuak leu leo. Fo suek mate sala, na, boso ala maso leni mamana doidosok ia mai.’   
\p
\v 29 Tehuu Abraham nataa, nae, ‘Manetualain fee sala baꞌi Musa ma Lamatuak mana kokola nala susula nala. O fadi mala bisa les bali-bali, fo lalelak Lamatuak hihii-nanaun.’   
\p
\v 30 Tehuu, hataholi kamasuꞌik ndia sapa, nae, ‘Baꞌi Abraham aa! Ndia bei ta dai. Ala taa mbali Lamatuak Dedeꞌa-kokolan! Musi hambu hataholi mana matek kalua neme lates dale mai, fo neu nafada sala, bei fo ala hondak, boe ma nau lamanene.’   
\p
\v 31 Tehuu Abraham nataa, nae, ‘Mete ma ala taa nau lamanene baꞌi Musa ma Lamatuak mana kokola nala dedeꞌa-kokola nala, na, mae hataholi mana matek kalua neme lates dale mai boe oo, ala taa nau lamanene.’ ”   
\c 17  
\s1 Lamatuak Yesus nanoli laꞌeneu hataholi mana tuda neni salak dale neu, ma manoke ambon  
\r (Mateos 18:6-7, 21-22; Markus 9:42)  
\p
\v 1 Yesus nafada Ndia ana mana tungga nala, nae, “Laꞌi noꞌuk hambu hataholi fo tuda neni salak dale neu, huu hataholi feꞌek tataon. Tehuu hataholi mana tao dedeꞌak ndia, soen ana seli.  
\v 2 Mete ma hataholi mana tao dedeꞌak leo ndiak, losa hambu kakanak taa namahele Au, na, dei fo Manetualain feen huhuku belak. Daꞌuanan lena, na, malolenak mbaꞌa batu inahuuk esa neu lesuhaꞌin, fo mbia henin neni tasi dale neu.  
\v 3 De, manea neulalau, fo ei boe oo, boso tao mala hataholi tuda salak dale neu! Tehuu mete ma o tolanoom tao salak, na, kaꞌin. Mete ma ana hondak, boe ma ana mai noke ambon, na, mafalende heni ndia salan ndia.\x + \xo 17:3 \xt Mateos 18:15\x*   
\p
\v 4 Mete ma o tolanoom tao salak laꞌi hitu nai leledok esa, boe ma ana hondak, de ana mai noke ambon laꞌi hitu, na, o musi mafalende heni salan laꞌi hitu boe.”   
\s1 Hataholi musi namahele Manetualain koasan  
\p
\v 5 Faik esa, Yesus ana mana tungga nala\f + \fr 17:5 \ft Susula dedeꞌa Yunani nana sulak nai ia, nae, “nana nadenuk”. Lukas ana nahiik sulak “nana nadenuk” fee Lamatuak Yesus ana mana tungga nala hataholi kasanahulu dua kala.\f* mai lasale Ndia, fo loke, lae, “Ama Mesen! Ai namahehelen taa matea. Tulun matetea ai namahehelen dei!”   
\p
\v 6 Boe ma Yesus nataa, nae, “Mete ma ei namahehelem neu Manetualain koasan, na, mae kada fak boe oo, tehuu ei bisa palenda ai ina ndia, mae, ‘Feꞌa, fo lali muni tasi dale muu!’ Dei fo ai ndia tungga ei palendam tutik.”   
\s1 Hataholi mana tao ues neulauk, tungga ndia malanggan hihii-nanaun  
\p
\v 7 Basa boe ma Yesus kokolak bali, nae, “Haꞌi conto. Hambu ata esa, tati dae nai osi, ma nanea biꞌilombo nai mook. Ana tao ues nateꞌe boe ma ata ndia fali uma neu. Mae leobee boe oo, ndia malanggan taa kokolak nae, ‘Mai fo ita dua nggata tanggatuuk fo taꞌa noꞌu leo!’  
\v 8 Taa! Mandaan ndia, na, ndia malanggan palendan, nae, ‘Muu tao nanaꞌa-nininuk fee au dei. Basa na, bei fo o muꞌa-minu nai dea ele.’  
\v 9 Mete ma ata ndia tao tungga ndia malanggan hihii-nanaun so, na, ei mae hetuk malanggan ndia ana noke makasi neu ndia, do taa?  
\v 10 Ei leo ndiak boe. Mete ma ei tao basa ues, fo Lamatuak palendak ndia so, na, ei kokolak mae, ‘Ai kada hataholi nadedenu kala. Ai taa sangga kokoak. Huu kada ai makalalaꞌok ues.”   
\s1 Lamatuak Yesus tao nahai hataholi kamahedi kusta sanahulu  
\p
\v 11 Faik fo Yesus asa laꞌo leni Yerusalem leu, ala losa propinsi Galelea ma nusa Samaria, toon.  
\v 12 Faik fo ala sangga maso leni nggolok esa nai ndia leu, boe ma hataholi kamahedi kusta sanahulu nau latonggo lo Yesus. Ala lambadeik lai dook.  
\v 13 Basa de ala langgou landaa, lae, “Yesus! Lamatuak aa! Kasian neu ai dei!”   
\p
\v 14 Ledoeik Yesus nita sala, boe ma nadenu sala, nae, “Ei miu matudu ei ao mala neu malangga anggama la dei, fo suek ala palisak, lae, ei hedi kustam ndia mopon so, do beik.” Lamanene leo ndia, boe ma leu. Leu dala laladak, de kada nggengge neuk basa sala hai tutik so.\x + \xo 17:14 \xt Malangga Anggama la Heti-heun 14:1-32\x*   
\p
\v 15 Ala laꞌok lakandoo no namahokok. Tehuu hataholi esa fali neni Yesus neu. Ana eki, nae, “Kokoak neu Lamatuak! Huu au hai so!”  
\v 16 Boe ma ana sendek lunggulanggan, de noke makasi noꞌuk neu Yesus. (Naa te hataholi ndia taa hataholi Yahudi. Ndia hataholi Samaria, fo ala ladedeꞌa lakandondoo henin lo hataholi Yahudi la.)   
\p
\v 17 Boe ma Yesus natane hataholi la fo mana tungga Ndia, nae, “Talobee bae? Isinaak Au tao ahai hataholi sanahulu, hetu? De kasio kala, lai bee?  
\v 18 Hatina de kada hataholi nusa dea ia fali main, fo noke makasi neu Manetualain, ma ana koa-kio neu Ndia?”   
\p
\v 19 Boe ma Ana nafada hataholi ndia, nae, “O hai so, huu o mamahele tebe-tebe neu Au. De, foꞌa leo, fo fali muni o nggolom muu no sodak.”   
\s1 Lamatuak tui laꞌeneu daebafok babasan, ma Ndia fafali main  
\r (Mateos 24:23-28, 37-41)  
\p
\v 20-21 Faik esa, hataholi Farisi luma mai latane Yesus, lae, “Ama Mesen! Mafada sudik ai dei! Faik bee ndia Manetualain mulai nakalalaꞌok Ndia totoꞌu palendan?”  
\p Boe ma Yesus nataa, nae, “Leo iak! Lamatuak taa nakalalaꞌok Ndia totoꞌu palendan nenik tanda mata-mata kala nai daebafok ia, fo hataholi bisa nita no ndia matan. Hataholi la taa hambu buti, de lae, ‘Hena mete sudik ia! Huu Manetualain nakalalaꞌok Ndia totoꞌu palendan nai ia so!’, do ‘Nai ele!’ Taa! Huu Ana nakalalaꞌok Ndia totoꞌu palendan nai ei lalada mala, fo nai hataholi la dale nala.”   
\p
\v 22 Basa de Yesus nafada Ndia ana mana tungga nala, nae, “Taa dook so bali, tehuu Au, fo Hataholi Isi-isik ia, taa sama-sama ua ei so bali. Dei fo neu fai-fai toꞌa-taa kala, na, ei dokodoe nau mita Au fafali maing. Tehuu, Au bei ta mai.  
\v 23 Mete ma hataholi la mai lafada, lae, ‘Karistus nai ia!’ do, ‘Karistus nai ele!’ na, ei boso masambute masanggak miu-mai, huu hataholi la kokola nala sila pepekok ndia.  
\v 24 Tehuu dei fo Hataholi Isi-isik tebe-tebe fali main, na, ndia tandan manggaledok nalan seli, sama leo manggahadok fo nasaꞌa tao manggaledo lalai, neme mbedak seli mai, neni mbedak seli neu.  
\v 25 Tehuu Ndia boe oo, musi tanggon doidosok mata-matak dei. Ma hataholi lelek hatematak ia, taa nau lamanene, ma ala sangga timba nggali heni Ndia.  
\v 26 Tehuu, mete ma Ana nau fali main, na, hataholi la kada lasoda lo manggalauk sama leo basa faik, fo sama leo Noh lelen.\x + \xo 17:26 \xt Tutuik laꞌeneu Sososan 6:5-8\x*  
\v 27 Faik ndia, ala laꞌa-linu, tao feta kabin, losa faik fo Noh maso neni ofak dale neu. Tehuu hataholi la sila boe oo, taa nau lamanene. Boe ma, nggengge neuk faa inahuuk nggangga mai, de tao nakalulutu sila basa sala.\x + \xo 17:27 \xt Tutuik laꞌeneu Sososan 7:6-24\x*   
\p
\v 28 Ndia boe oo, sama leo hataholi la, fo mana masoda manggalauk nai Lot lelen. Faik ndia, ala laꞌa-linu, ala danggan, tao osi, lambadedei uma, ma ala lasoda manggalauk leo basa faik.  
\v 29 Tehuu hataholi la boe oo, taa nau lamanene. Boe ma fafain ndia, fo Lot nalai laꞌo ela kota Sodom, kada nggengge neuk uda haꞌik ma balerang tuda leme lalai mai, de naꞌa heni sila basa sala.\x + \xo 17:29 \xt Tutuik laꞌeneu Sososan 18:20—19:25\x*   
\p
\v 30 De, ei musi mata neuk baa! Huu boso losak dei fo mete ma Hataholi Isi-isik ndia, sangga fali main, boe ma hataholi la kada lasoda leo basa faik. Tehuu kada nggengge neuk Ana sadu mai.  
\v 31 Faik ndia, hataholi manai uma mata ndia, boso maso bali, fo mambembeda. Hataholi mana tao ues nai osi, boso fali mai fo haꞌi buas.\x + \xo 17:31 \xt Mateos 24:17-18; Markus 13:15-16\x*  
\v 32 Masanenedak hata fo dadi neu Lot saon nai makahulun. Ana mate, huu nasaneda ndia buan nai uma.\x + \xo 17:32 \xt Tutuik laꞌeneu Sososan 19:26\x*   
\p
\v 33 Hataholi taa nau tungga Au, huu ana sue aoina hehelin, na, dei fo ndia sodan sosoan taa. Tehuu hataholi fo mana nau tungga Au, losa ana fee ndia sodan, huu ana sue Au, dei fo ana hambu sodak, ma nasoda nakandondoo henin no Manetualain.\x + \xo 17:33 \xt Mateos 10:39; 16:25; Markus 8:35; Lukas 9:24; Yohanis 12:25\x*  
\v 34 Au afada memak! Faik fo Hataholi Isi-isik fali main, na, mete ma hataholi dua sunggu lai koi esa, boe ma, nggengge neuk Lamatuak haꞌi nala esa, ma ela esa.  
\v 35 Mete ma inak dua, mbau hade sama-sama, na, dei fo Lamatuak haꞌi nala esa tehuu ela feꞌek ndia.  
\v 36 [Mete ma hataholi dua tao ues lai osi, na dei fo Lamatuak haꞌi nala esa, ma ela feꞌek ndia.]”\f + \fr 17:36 \ft Lalane katelu hulu neen, taa nai susula Yunani, fo neulaun ana seli.\f*   
\p
\v 37 Lamanene leo ndia, boe ma Yesus ana mana tungga nala latane Ndia, lae, “Ama Mesen! Dei fo basa sila dadi lai bee?”  
\p Boe ma Yesus kokolak nakandandaak, nae, “Leo iak. Mete ma ei mita mbuik manaꞌa banda kamates, laꞌa lakabubuak leni bee leu, na, ei bubuluk so, ndia dadik tanda, nae, neu ko leu laꞌa banda kamates lai mamanak ndia.” [No maksud nana nafunik, dei fo mete ma Karistus fali main, na, ndia tanda nala manggaledok nalan seli, mete ma hataholi les nalelak.]   
\c 18  
\s1 Tutuik laꞌeneu ina falu esa, ma mana maketu dedeꞌak taa malole  
\p
\v 1 Laꞌi esa, Yesus nanoli Ndia ana mana tungga nala, nenik nakandandaak, fo ala hule-haladoi taa no namaketuk, ma samanek taa mana maꞌa-malek. Ala musi lamahele Lamatuak nakandondoo henin.  
\v 2 Tutuik ndia leo iak: “Nai kota esa hambu mana maketu dedeꞌak esa, taa mbali Manetualain. Ana taa mbali sudi see boe.  
\v 3 Nai ndia boe oo, hambu ina falu esa nambue neni mana maketu dedeak ndia neu, fo noke nakandondoo henin, nae, ‘Ama mana maketu dedeꞌak! Maketu au dedeꞌang no ndoos, baa!’   
\p
\v 4 Sososan mana maketu dedeꞌak ndia taa mbali ina falu ndia. Tehuu doo-doo boe ma ana mbela-malua namanene inak ndia. Basa de ana nanggatuuk duduꞌa, nae, ‘Memak au taa mbali Manetualain, nakalenak hataholi.  
\v 5 Tehuu ina falu ia, tao nala au langgang naleo. Huu ndia de, malolenak au aketu ndia dedeꞌan no ndoos dei. Tehuu mete ma taa, na dei fo ana nambue tao nakasosotak au nakandondoo henin.’   
\p
\v 6 Naa, ei duduꞌa soba sudik mana maketu dedeꞌa manggalauk ndia.  
\v 7 Mae doon ana seli bei fo ana tulu-fali ina falu ndia, na, neu ko Manetualain boe oo nau tulu-fali Ndia hataholi nala, fo mana hule-haladoik leledo-leꞌodaen noke tulu-falik. Tehuu Lamatuak taa nau nakaꞌeꞌeso kana  
\v 8 Huu Ana nakaneni sila dedeꞌan no lai-laik. Naa, Au sangga atane leo iak: mete ma Au, Hataholi Isi-isik ia, fali maing so, na, meda Au bei atonggo ua hataholi kamahele kala malai daebafok ia, do taa?”   
\s1 Hataholi Farisi esa, ma mana susu bea esa leu hule-haladoi  
\p
\v 9 Yesus tui nakadaik nakandandaak esa, laꞌeneu hataholi mana mamahele aon ana seli, ma nahiik nakadadaek hataholi feꞌek. Ana tui, nae,  
\v 10 “Hambu touk dua leu hule-haladoi nai Uma Ina Huhule-haladoik. Touk esa neme partei anggama Farisi mai; ma esa bali, na, mana susu bea. [Hataholi Yahudi la, taok hataholi Farisi la hataholi malalaok. Tehuu ala taok hataholi mana susu bea la, hataholi taa malole.]  
\v 11 Losa uma huhule-haladoik, boe ma hataholi Farisi ndia mesa kana nambadeik de ana hule-haladoi, nae, ‘Makasi Lamatuak, huu au ia, hataholi neulauk. Au taa manggalauk leo hataholi feꞌe kala. Au taa nakodaa. Au taa balenaꞌo, Au taa hohongge. Makasi, Lamatuak, huu au taa manggalauk leo mana susu bea ia.  
\v 12 Au manggate puasa laꞌi dua nai sosodaꞌina esa. Ma au fee taa-taa babaꞌe sanahulu neme basa au hahambung mai.’ Hataholi Farisi ndia huhule-haladoin leo ndiak.   
\p
\v 13 Tehuu mana susu bea ndia, nambadeik dook nai dea ele. Ana taa nambalani botik matan, fo suli neni lalai neu. Kada ana hule-haladoi nakatele langgan no dale makalulutuk, nae, ‘Ou Manetualain. Kasian neu au, fo hataholi mana tao salak ia! Fee ambon neu au dei!   
\p
\v 14 Faik ndia dua sala fali leni sila uma nala leu, de, meda see ndia fo malole no Manetualain? Hataholi mana koaok ndia, do, hataholi mana susu bea ndia? Neu ko Ana simbok no malole mana susu bea fo dale kadiꞌi taidaek ndia. Tehuu taa mbali hataholi Farisi ndia. Huu Manetualain tao natuda hataholi mana koaok, tehuu Ana soꞌu laik hataholi dale kadiꞌi taidaek.”\x + \xo 18:14 \xt Mateos 23:12; Lukas 14:11\x*   
\s1 Lamatuak Yesus kokolak fee babaꞌe-babatik neu kakana kala  
\r (Mateos 19:13-15; Markus 10:13-16)  
\p
\v 15 Laꞌi esa, hataholi la koꞌo leni ana kadiꞌi ana nala, leni Yesus leu, fo suek Ana tao liman neu sala, ma Ana kokolak fee sala babaꞌe-babatik. Lita leo ndia, boe ma Yesus ana mana tungga nala, kaꞌi hataholi kaꞌana kala sila.  
\v 16-17 Tehuu Yesus soluk nala kakana kala sila, fo maleni Ndia leu. Basa de Ana nafada Ndia ana mana tungga nala, nae, “Neme naa, fo kakana ana kala sila leni Au mai. Ei boso makalelee sala. Masaneda neulalau! Huu hataholi fo nau dadik Manetualain hataholin, na, musi namahena neu Manetualain, fo sama leo kakana ana kala, lamahena neu sila ina-ama nala.”   
\s1 Hataholi kamasuꞌik fo nahiik maso neni nusa-sodak neu  
\r (Mateos 19:16-30; Markus 10:17-31)  
\p
\v 18 Laꞌi esa, hambu hataholi Yahudi inahuuk esa mai natane Yesus, nae, “Ama Mesen fo nana hadak! Au musi tao leobee, fo ela au bubuluk no teteben, au bisa maso uni nusa-sodak uu, fo suek au asoda akandoo ua Manetualain?”   
\p
\v 19 Boe ma Yesus nataa nae, “Hatina de o mae, Au, ‘nana hadak’? Kada esak nana hadak, fo ndia Manetualain.  
\v 20 Naa! O bubuluk so, hetu, Manetualain heti-heun neme makahulun mai, nae:  
\q2 Boso hohongge;  
\q2 boso makanisa;  
\q2 boso mamanaꞌo;  
\q2 boso dadik neu sakasii pepekok;  
\q2 ma fee hadak neu o ina-amam.”\x + \xo 18:20 \xt Kalua neme Masir mai 20:12-16; Tui Seluk laꞌeneu Dala Sodak 5:16-20\x*   
\p
\v 21 Hataholi ndia nataa, nae, “Tetebes, Ama! Au tungga basa heti-heu kala sila mulai neme au bei kadiꞌing mai.”   
\p
\v 22 Namanene leo ndia, boe ma Yesus nae, “Malole! Tehuu o bei ta dai dedeꞌak esa. Huu ndia de, hatematak ia, o fali fo muu seꞌo heni basa o hata-heto mala. Basa ndia, na, muu babaꞌe doi nala neu hataholi hata taa kala. Basa na, bei fo o fali maim fo tungga Au. Huu dei fo Manetualain bala fee o hata nai nusa-sodak.”  
\v 23 Namanene leo ndia, boe ma hataholi ndia dalen hedis, huu ndia namasuꞌi nalan seli.   
\p
\v 24 Yesus nitan laꞌo no dale makalulutuk, de nafada Ndia ana mana tungga nala, nae, “Hataholi kamasuꞌik memak makaleꞌo ndoos maso neni nusa-sodak neu.  
\v 25 Ita takasasaman no dedeꞌa feꞌek. Memak taa bisa banda onta inahuuk maso neni lalaen dale neu, nesik ndandau bolo. Leo ndiak boe neu hataholi fo kada namahena neu ndia hata-heton, tehuu taa namahena neu Lamatuak, na, taa bisa maso neni nusa-sodak neu.   
\p
\v 26 Hataholi mana mamanene Yesus kokolan leo ndiak, latane Ndia, lae, “Mete ma totoꞌak neu hataholi kamasuꞌik leo ndiak, na, hataholi mata leobeek bisa hambu sodak.   
\p
\v 27 Yesus nataa, nae, “Soaneu hataholi, na memak dedeꞌak noꞌu kala taa bisa. Tehuu soaneu Manetualain na basan bisa dadi.”   
\p
\v 28 Boe ma Petrus ana tuti, nae, “Ama aa! Ai laꞌo ela basa ai hata-heto nala, fo tungga Ama. Tehuu dei fo ai hambu hata?”   
\p
\v 29 Yesus nataa, nae, “Peꞌu! Mamanene neulalau! Hataholi mana laꞌo ela uman, sao inan, kaꞌa-fadi nala, inama nala, do ana nala, huu ana nakalalaꞌok Manetualain uen,  
\v 30 na neu ko ana simbo noꞌun lena heni nai daebafok ia. Boe ma mete ma daebafok ia nakalulutuk, na ndia boe oo, hambu sodak nakandondoo henin no Manetualain.”   
\s1 Lamatuak Yesus kokolak kalaꞌi telun laꞌeneu Ndia mamaten  
\r (Mateos 20:17-19; Markus 10:32-34)  
\p
\v 31 Yesus noo Ndia ana mana tungga nala hataholi kasanahulu dua kala, de mesa kana Ana kokolak no sala, nae, “Ei basa nggei bubuluk, mae, hatematak ia ita belaꞌo teni kota Yerusalem teu. Losa ele, boe ma basa hata fo makahulun Lamatuak mana kokola nala sula kana so, laꞌeneu Hataholi Isi-isik ndia, dei fo ana dadi tetebes leo hata fo ala sulak ndia.  
\v 32 Dei fo ala fee Au uu hataholi feꞌe kala, fo taa lamahele Manetualain. Basa de ala haumemee Au. Ala lakadadaek Au mata-mata kala. Ala mbula ambe neu Au.  
\v 33 Ala filo Au. Basa de, ala tao lisa Au. Tehuu neu binesan, Au asoda fali.   
\p
\v 34 Lamanene Yesus kokolan leo ndia, boe ma ana mana tungga nala lasapangga, huu ala bei ta bisa bubuluk dedeꞌa kala sila ndandaan.   
\s1 Lamatuak Yesus tao nahai hataholi mbokek esa  
\r (Mateos 20:29-34; Markus 10:46-52)  
\p
\v 35 Faik fo Yesus asa sangga maso leni kota Yeriko leu, hambu hataholi mbokek esa mana noke-noke doik nanggatuuk nai dalak bifin.  
\v 36 Ledoeik namanene hataholi noꞌu kala lesik ndia, boe ma natane, nae, “Wei! Hata ndia?”   
\p
\v 37 Boe ma hataholi la lafadan, lae, “Yesus maneme Nasaret mai, nesik ndia.”   
\p
\v 38 Namanene leo ndia, boe ma hataholi mbokek ndia, eki tingga-tingga, nae, “Yesus! Mane Dauk tititi-nonosin aa! Kasian neu au dei!”\f + \fr 18:38 \ft ‘Mane Dauk tititi-nonosin’ ndia, dedeꞌa langgak esa neu ‘Karistus’, ndia Hataholi fo Lamatuak helu neme makahulun mai so. No leo ndiak, hataholi mbokek ia manaku, nae, Yesus ndia na Karistus.\f*   
\p
\v 39 Hataholi la mana laꞌok lakahuluk lai Yesus matan, kaꞌin fo ana nee-nee. Tehuu ana boe eki natingga bali, nae, “Mane Dauk tititi-nonosin aa! Kasian neu au dei!”   
\p
\v 40 Ledoeik Yesus namanene leo ndia, boe ma nambadeik. De, Ana nadenu leu lalaꞌo loo hataholi mbokek ndia mai. Losa neu Ndia matan, boe ma Yesus natanen, nae,  
\v 41 “O nau Au tao hata neu o?”  
\p Ana nataa, nae, “Ama aa! Au oke fo au bisa ita.”   
\p
\v 42 Yesus nataa, nae, “Malole. Huu o mamahele, fo Au bisa tao ahai o, de hatematak ia, o bisa mita so.”  
\v 43 Kada nggengge neuk, hataholi ndia, mboken hai tutik so. Boe ma ana tungga Yesus, ma ana koa-kio Manetualain. Basa hataholi mana lita leo ndiak, ala soꞌu koa-kiok neu Manetualain.   
\c 19  
\s1 Lamatuak Yesus natonggo no manasusu bea esa nade Sakeos  
\p
\v 1 Basa de Yesus asa maso tungga kota Yeriko, fo sangga laꞌo lakandoo.  
\v 2 Nai ndia hambu malangga mana susu bean esa, naden Sakeos. Ndia hataholi kamasuꞌik.  
\v 3 Ledoeik namanene Yesus sangga nesik ndia, boe ma nahiik nita Yesus. Tehuu taa bisa nita neulalaun, huu hataholi noꞌuk ala lakalilimbu lala Yesus, ma ndia aon kekeꞌuk.  
\v 4 Huu ndia de ana nalaik nakahuluk, boe ma ana hene neni ai esa lain neu, nai dalak bifin, fo Yesus sangga nesik ndia.\f + \fr 19:4 \ft Susula dedeꞌa Yunani nae, ai ia naden\ft \+it sukomorea\+it*. Ai matak leo iak, taa nai Indonesia babaꞌek dulu.\f*   
\p
\v 5 Losa ai ndia hun, boe ma Yesus suli lain neu. Basa de Ana noke Sakeos, nae, “Sakeos! Konda mai leo! Masiꞌa, huu faik ia, Au sangga leo tataak nai o umam.”   
\p
\v 6 Sakeos heran nalan seli. Boe ma ana konda lai-lai, de ana noo Yesus neni ndia uman neu. Ana namahoko nalan seli.  
\v 7 Tehuu hataholi noꞌu kala ala manggalau, lae, “Aweꞌek! Sakeos ia, hataholi manggalauk! Hatina de Yesus maso neu leo taa-taak nai ndia uman?! Basa hataholi la bubuluk so!”   
\p
\v 8 Losa uma, boe ma Sakeos nambadeik neu Yesus matan, de ana kokolak nae, “Ama Mesen! Mulai neme leledon ia mai, au baꞌe duak basa au hata nggala, fo fee babaꞌek esa neu hataholi hata taa kala. Mete ma au susu bea itak lena-lenak, na au bae fali kana neu sala, beke laꞌi haak.”   
\p
\v 9 Yesus nataa nae, “Malole. Faik ia, Manetualain fee o sodak so ma basa o bobonggi mala, huu o mamahele Lamatuak, sama leo baꞌi Abraham.  
\v 10 Huu Manetualain nadenu Au dadik neu Hataholi Isi-isik nai daebafok ia. Au mai sangga hataholi mana heok neme Lamatuak dalan mai, fo tao fee sala sodak.”\x + \xo 19:10 \xt Mateos 18:11\x*   
\s1 Tutuik laꞌe neu ata fo mana heti neulalau ndia malanggan doin  
\r (Mateos 25:14-30)  
\p
\v 11 Faik ndia, hambu hataholi noꞌuk tungga lamanene neu Yesus. Ala sangga deka-deka lo kota Yerusalem. Ala laehetuk Ana nau nakalalaꞌok Manetualain palendan nai ndia, sama leo manek esa. Boe ma Yesus tui fee sala nakandandaak esa bali,  
\v 12 nae, “Hambu hataholi inahuuk esa sangga laꞌo neni nusa dea neu, fo ala poi lesun dadik manek. Basa na, bei fo ana nau fali neni ndia nusa hehelin neu.  
\v 13 Ledoeik nahehele fo ana sangga laꞌo, boe ma noke ndia hataholi mana tao ue kasanahulu nala, de ana fee sala hataholi esa na doi lilo mbilas esa.\f + \fr 19:13 \ft Susula dedeꞌa Yunani nae, ana fee sala ‘mina\ft \+it sanahulu\+it*’. \+it Mina\+it* esa, na ndia \+it denari\+it* natun esa, fo tukan esa nggadin fai tao ues, natun esa.\f* Ana palenda, nae, ‘Ei pake doi kala ia dadik neu poko. Tehuu dei fo mete ma au fali, na, ei mafada au, èi hambu bunak baꞌu bee.’ Boe ma ana laꞌo leo.   
\p
\v 14 Tehuu ndia lau-inggu nala, husembuluk neun. De, ala haitua hataholi nadedenu nala leni ele leu, fo lafada lae, ‘ai taa nau hataholi ia toꞌu palenda neu ai.’   
\p
\v 15 Mae leo ndiak boe oo, tehuu ala poi lesu neu ndia nai ele. Basa de ana fali. Losa ndia uman, boe ma ana noke ndia hataholi mana tao ue kasanahulu nala, de natane sala, nae, ‘Ei hambu bunak hida, neme doi lilo mbilas ndia mai?’   
\p
\v 16 Hataholi mana tao ues sososak nafada, nae, ‘Ama manek! Au hambu bunak laꞌi sanahulu neme poko fo au simbok ndia!   
\p
\v 17 Boe ma manek nafadan nae, “Malole! O ia, hataholi mana tao ues malole. Huu au bisa amahele o, nenik dedeꞌa kadiꞌi kala, huu ndia de, hatematak ia, au soꞌu ala o, fo palenda kota sanahulu.’   
\p
\v 18 Boe ma, hataholi mana tao ue kaduan nafada nae, ‘Ama manek! Au hambu bunak doi lilo mbilas lima neme poko fo au simbok ndia.’   
\p
\v 19 Boe ma manek ndia koan, nae, ‘Malole! Mete ma leo ndiak, na au soꞌu ala o, fo palenda kota lima.’   
\p
\v 20 Tehuu hataholi mana tao ue katelun, neni falik ndia doi lilo mbilan. Boe ma nafada, nae, ‘Ia mala falik ama doin! Au mbombotin, de au afuni neulalaun, fo boso mopon.  
\v 21 Au tao leo ndiak, na, huu au bii. Au bubuluk ama ia, mana toꞌu palenda no lima besik. Huu ama mahiik haꞌi mala hata fo ama taa enan, ma ketu mala hata fo ama taa selen.’   
\p
\v 22 Namanene leo ndia, boe ma manek nasapala kana, nae, “O ia taa kalela hadak! O kokolam ndia, huku seluk o aoina hehelim so. O bubuluk au ia hataholi dale matea, fo haꞌi ala hata fo taa au enang, ma ketu ala hata fo au taa selen.  
\v 23 Mete ma leo ndiak, na, hatina de o taa muu mbeda doik ia neu bank? Fo ela au fali na, au hambu bunan. Mae kada fak boe oo, malole.’   
\p
\v 24 Boe ma manek ndia nadenu hataholi feꞌe kala lai ndia, nae, ‘Haꞌi mala ndia doin ndia, fo feen neu hataholi mana tao ues fo ana hambu doik kasanahulu isinaak ndia.’   
\p
\v 25 Tehuu ala sapa, lae, ‘Ama! Hataholi ndia hambu dai ndia so. Hatina de nau haꞌi nala hataholi fo enan fak, fo fee nakadai kana neu ndia bali?   
\p
\v 26 Tehuu manek ndia nataa, nae, ‘Duduꞌa neulalau! Huu hataholi fo malelak mana makaneni hata, fo hataholi lamahelen so, dei fo ana hambu nakadaik bali. Tehuu hataholi mbelatua nakaneni, na, dei fo ala haꞌi labasa hata fo ndia enan.\x + \xo 19:26 \xt Mateos 13:12; Markus 4:25; Lukas 8:18\x*  
\v 27 Naa! Hatematak ia, ei miu humu mala au musu nggala fo taa hii au dadik manek nai ia. Mia sala leni ia mai, fo basa na, tao misa sala neu au matang. Miu leo!”\x + \xo 19:27 \xt Mateos 25:14-30\x*   
\s1 Lamatuak Yesus maso neni kota Yerusalem neu  
\r (Mateos 21:1-11; Markus 11:1-11; Yohanis 12:12-19)  
\p
\v 28 Yesus tui basa boe ma, ala laꞌo lakandoo leni Yerusalem leu. Yesus laꞌok nakahuluk.  
\v 29 Ledoeik fo ala deka-deka lo nggolok dua, fo ndia Betfage ma Betania, fo nai lete Saitun bifin, boe ma Ana nadenu Ndia ana mana tungga nala dua, fo ala laꞌok lakahuluk.  
\v 30 Ana nadenu sala, nae, “Ei dua nggei mini nggolok manai mata ele miu. Dei fo ei mita banda keledei maneanak esa nanambaꞌak nai ndia. Hataholi bei ta saꞌe lita kana. Ei sefi heni talin, fo hela minin neni ia mai.  
\v 31 Tehuu mete ma hambu hataholi natane, nae, ‘Hatina de ei sefi heni banda keledei ndia talin?’ na mafada sala mae, ‘Ai Lamatuan sangga paken.’ ”   
\p
\v 32 Boe ma dua sala leu, de latonggo lo banda keledei maneanak ndia, fo sama leo Yesus kokolan ndia.  
\v 33 Ledoeik ala sefi heni banda keledei maneanak ndia talin, boe ma maenak natane sala, nae, “Hatina de ei mboꞌi heni banda ia?”   
\p
\v 34 Boe ma lataa, lae, “Ai Lamatuan sangga paken.”  
\v 35 Mabanda keledei maneanak ndia simbok no malole, de dua sala hela leni banda keledei maneanak ndia neni Yesus neu. Ala bela sila lafa naluse nala, neu banda keledei maneanak ndia dean. Boe ma ala lakasasaꞌek Yesus neni lain neu.\f + \fr 19:35 \ft Nai ele, hataholi inahuuk ana saꞌe ndala, tehuu hataholi kadiꞌik saꞌe banda keledei ndia, ana dadik tanda neu ndia dale kadiꞌi taidaek. Nai \ft \+it Zakarias\+it* 9:9, boe ma hambu heheluk esa fo nae, hataholi Israel asa Manen dei fo ana sangga mai, ana saꞌe banda keledei.\f*  
\v 36 Hataholi noꞌu kala, ala haꞌi lala lafa naluse nala, ma, lafa ana nala, de ala belan neu dalak, fo soluk Yesus sama leo ala simbok hataholi inahuuk ia.  
\v 37 Ledoeik Ana mulai konda neme lete Saitun mai, boe ma hataholi noꞌu kala lo Ndia ana mana tungga nala, mulai eki koa-kio Manetualain, huu lita basa tanda koasan ndia so.  
\v 38 Ala eki lae,  
\q1 “Ndia ia, Manek fo Manetualain nadenun mai!  
\q2 Manetualain feen babaꞌe-babatik neu Ndia!  
\q3 Hatematak ia, hataholi bisa dame lo Lamatuak nai nusa-sodak.  
\q1 Koa-kiok neu Lamatuak fo mana manggatuuk toꞌu palenda nai lalai fo deman ana seli.”\x + \xo 19:38 \xt Sosoda Koa-kio kala 118:26\x*   
\p
\v 39 Tehuu hambu hataholi Farisi nai hataholi la sila lalada nala. Ala lafada Yesus, lae, “Ama Mesen! Kaꞌi sala fo boso ala eki leo ndiak, huu ia ana seli ia, maa!”   
\p
\v 40 Tehuu Yesus nataa, nae, “Heh! Au afada memak! Mete ma hataholi la ia, seu bafa nala, na dei fo batu la koa-kio Lamatuak!”   
\s1 Lamatuak Yesus namatani neu Yerusalem  
\p
\v 41 Faik fo ala deka-deka maso Yerusalem leu, boe ma Yesus nita kota ndia, de namatani,  
\v 42 nae, “Awii, hataholi Yerusalem aa! Au nau fo faik ia, ei simbok mole-dame, fo Au unik ia. Tehuu, ei taa mbali Lamatuak, de hatematak ia seli heni fain so. De, mole-dame ndia, dook no ei so.  
\v 43 Dei fo ei musu mala fua dae ndule kota tembon, fo basa na, ala maso mai sambu ei.  
\v 44 Ala tao latuꞌu heni ei kotam ndia bebelak no dae, fo basa na, ala tao lisa ei, ma basa ei ana mala. Ala taa ela batu esa nambadeik boe, huu Lamatuak mai so, fo Ana nau fee ei sodak, tehuu ei taa malelak Ndia!”   
\s1 Lamatuak Yesus maso neni Uma Ina Huhule-haladoik neu  
\r (Mateos 21:12-17; Markus 11:15-19; Yohanis 2:13-22)  
\p
\v 45 Basa boe ma Yesus maso neni Uma Ina Huhule-haladoik pasan neu, fo hataholi la taon dadik neu pasak so, fo laseꞌo banda tunu-hotuk. Nita leo ndia, boe ma Yesus mulai husi heni sala leme ndia mai.  
\v 46 Ana nasapala kasa nae,  
\q1 “Lamatuak mana kokola nala sulak mema kana so, nae, ‘Au ambadedei Uma ia,  
\q2 fo basa hataholi la, bisa mai hule-haladoi lai ia.”\x + \xo 19:46 \xt Yesaya 56:7; Yermia 7:11\x*  
\p Tehuu, ei taon dadik neu mana mamoa la mamana nakabubuan.”   
\p
\v 47 Basa ndia, boe ma tungga-tungga faik Yesus neni Uma Ina Huhule-haladoik neu, fo nanoli nai ndia. Tehuu malangga anggama Yahudi la malangga nala, mese anggama la, ma lasi hada Yahudi la, sangga dalak, fo ala tao lisa Ndia.\x + \xo 19:47 \xt Lukas 21:37\x*  
\v 48 Tehuu ala taa hambu dalak, huu hataholi noꞌu kala sila, lamahoko lamanene Yesus kokolan.   
\c 20  
\s1 Ala latane laꞌeneu Yesus hak ma koasan  
\r (Mateos 21:23-27; Markus 11:27-33)  
\p
\v 1 Faik esa, Yesus neni Uma Ina Huhule-haladoik neu, boe ma Ana nanoli Hala Malole nai uma ndia pasan. Boe ma malangga anggama Yahudi malangga nala, mese anggama la, ma lasi-lasi hada kala mai latane Ndia.  
\v 2 Ala latane, lae, “See fee O hak, de afik O mai tao nahuuk nai ia? Hena mafada ai dei!”   
\p
\v 3 Boe ma Yesus nataa, nae, “Au boe oo, sangga atane dedeꞌak esa, fo basa, na, bei fo Au ataa ei.  
\v 4 Leo iak: ei malelak Yohanis Mana Salanik, hetu? See feen koasa, fo ana salani hataholi la? Manetualain do hataholi?”   
\p
\v 5 Boe ma lakokola leu-mai, de lae, “Awii! Ita soꞌe talan ia so maa. Mete ma ita tae, ‘Manetualain ndia nadenu,’ na dei fo Ana bala nae, ‘Mete ma leo ndiak, na hatina, de ei taa mamahele Yohanis ndia?’  
\v 6 Tehuu ita boe taa bisa tae, ‘hataholi nadenu’, huu dei fo hataholi la ia haꞌi batu, fo, mbia lisa ita. Huu ala lamahele, lae, Yohanis ndia, na, Lamatuak mana kokolan.”   
\p
\v 7 Basa de ala lataa Yesus lae, “Ai taa bubuluk.”   
\p
\v 8 Boe ma Yesus bala nae, “Mete ma leo ndiak, na Au boe oo, taa nau afada ae, see ndia nadenu Au.”   
\s1 Tutuik laꞌeneu mana tao osi anggol  
\r (Mateos 21:33-46; Markus 12:1-12)  
\p
\v 9 Basa boe ma, Yesus tui hataholi noꞌu kala sila, nakandandaak esa bali, nae, “Hambu hataholi esa, sele nai osi anggol. Ana fee hataholi mana tao osi la seba osin ndia, fo labaꞌe buna-boan. Boe ma ana huꞌa neni nusa dea neu, fo leo nala dook nai ele.\x + \xo 20:9 \xt Yesaya 5:1\x*  
\v 10 Losa fai ketu anggol boak, boe ma maosik ndia, nadenu ndia hataholi mana tao ues esa neu simbo ndia babaꞌen neme mana seba osi la ndia. Tehuu mana seba osi la sila mbomboko maosik hataholi mana tao ues ndia, de basa boe ma ala husi henin, de ana fali no lima louk.  
\v 11 Basa de maosik haitua seluk ndia hataholi mana tao ues esa bali. Tehuu mana seba osi la mbombokon, ma lakamamae kana. Basa de, ala husi fali kana no lima louk.  
\v 12 Boe ma maosik ana haitua seluk ndia hataholi mana tao ues katelun neu, tehuu ala mbomboko lahinan, boe ma ala mbia henin neni mbaꞌa deak neu.   
\p
\v 13 Maosik ndia duduꞌa-duduꞌa nae, ‘Au musi tao leobee bali? Malolenak au haitua au ana susueng neu. Neu ko ala feen hadak ma ala simbo kana no malole.” De ana haitua ana bonggin neni ele neu.   
\p
\v 14 Tehuu ledoeik mana seba osi la litan, boe ma ala lakokola lae, ‘Wei, ei mita dei! Huu toulasik haitua ndia ana hehelin mai. Ndia ndia, dei fo ana simbo basa toulasik pusaka nala. De mai fo ita tao tisan leo, suek ita hambu osi ia leo.  
\v 15 Ledoeik kakanak ndia ana losa, boe ma ala hela loloson, neni osi deak neu, de ala tao lisan.  
\p Au sangga atane leo iak: ei duduꞌam, na maosik ana sangga tao leobee neu hataholi mana seba osi sila?  
\v 16 Tungga Au, na, neu ko maosik ana mai fo tao nisa basa sala, fo basa na, ana fee hataholi feꞌek ala seba osi ndia.”  
\p Ledoeik hataholi la lamanene Yesus kokolan leo ndia, boe ma ala lataa, lae, “Mete ma bisa, na, Manetualain boso huku ai leo ndiak!”   
\p
\v 17 Basa de Yesus suli nakabubulak neu sala, boe ma natane, nae, “Mete ma taa huku leo ndiak, na, hatina de Lamatuak mana kokola nala ala sulak so, lae leo iak:  
\q1 ‘Batu esa fo tuka nala nggali henin so,  
\q2 tehuu hatematak ia, ana dadik neu dii inak batu neten so?’\x + \xo 20:17 \xt Sosoda Koa-kio kala 118:22\x*   
\p
\v 18 Hataholi fo nakatunu neu batu ndia, na, neu ko nakalulutuk, huu ana hambu huhukuk. Ma, mete ma batu ndia ana tuda laꞌe hataholi, na, ndia boe oo, nakalulutuk nalan seli, huu ana laꞌe huhukuk.   
\p
\v 19 Faik fo mese anggama ma malangga anggama la malanggan lamanene tutuik ndia, de ala bubuluk, lae, Yesus uku bebeik sila, nenik nakandandaak ndia. Sila sama tetebes leo mana seba osi sila. De ala luli lalan seli. Boe ma ala heti kekedik fo sangga humu Ndia. Tehuu ala bii hataholi noꞌu kala fo lahiik Yesus nanonoli nala. De, ala laꞌo elan leo.   
\s1 “Fee Manetualain hata fo Manetualain hak”  
\r (Mateos 22:15-22; Markus 12:13-17)  
\p
\v 20 Basa, boe ma Yesus musu nala ala malok Ndia. Ala sangga hataholi mana memete-mamaku kala fo bisa tao ao nala leo hataholi malalaok, fo leu lakahiak Yesus. Ala lamahena fo Yesus bisa kokolak laban mana toꞌu palenda Roma, fo basa na, leu lapor gubenol, fo suek ladenu hataholi la leu humu Yesus.  
\v 21 Boe ma ala haitua mana memete-mamakuk, fo ala leu latane Yesus, lae, “Ama Mesen! Ai bubuluk Ama dalen ndoos. Ama taa nalelak pepekok, ma taa mete matak. Ama manoli Manetualain Dedeꞌa-kokolan no teteben.  
\v 22 Hatematak ia, ai sangga matane dedeꞌak esa: tungga ita anggama Yahudi heti-heun na, meda ita bole bae bea neu mana toꞌu palenda Roma mane inahuun do taa?”   
\p
\v 23 Tehuu Yesus bubuluk sila maksud manggalaun fo sangga ala teꞌek Ndia. Boe ma Ana nataa, nae,  
\v 24 “Soba matudu Au doi lilo fulak esa dei.” Boe ma ala latudu doik ndia neu Ndia. Basa de Ana natane, nae, “See mata-aon ia?” Ma see naden ia?”  
\p Ala lataa, lae, “Ndia mane inahuuk Kesel.”   
\p
\v 25 Boe ma Yesus nae, “Mete ma leo ndiak, na, fee mana toꞌu palenda hata fo sila hak. Ma fee Manetualain hata fo Ndia hak.”   
\p
\v 26 Lamanene leo ndia, boe ma ala heran lalan seli, huu ala taa bisa teꞌek lala Ndia nai hataholi noꞌu kala matan. Boe ma ala lakatema bafa nala leo.   
\s1 Lamatuak Yesus nanoli laꞌeneu nasoda fali neme mamates mai  
\r (Mateos 22:23-33; Markus 12:18-27)  
\p
\v 27 Basa ndia, boe ma hataholi luma leme partei anggama Saduki mai fo ala sangga teꞌek Yesus. Hataholi Saduki la lanoli lae hataholi kamate kala taa lasoda fali so, nai daebafok babasan. Ala mai latane Yesus, lae,\x + \xo 20:27 \xt Hataholi Nadedenu nala Tutuin 23:8\x*  
\v 28 “Ama Mesen! Baꞌi Musa sulak ela ita heti-heun so, nae, mete ma hambu touk mate, tehuu ana tak, na, hataholi ndia fadin musi sao mbalu nala ina falu ndia, fo suek ana fee numbu saduk neu kaꞌan mana matek ndia so.\x + \xo 20:28 \xt Tui Seluk laꞌeneu Dala Sodak 25:5\x*  
\v 29 Memak makahulun baꞌi Musa nanoli leo ndiak. Tehuu hatematak ia, ai sangga matane leo iak: hambu touk hitu tolanoo bonggi kala. Kaꞌak sao, tehuu maten, ma ana tak.  
\v 30 Boe ma fadin mana tungga ndia, sao mbalu nala ina falu ndia. Taa dook tehuu ndia maten boe, tehuu ana taa.  
\v 31 Leo ndiak boe, no fadi katelun. Ana sao mbalu nala ina falu ndia bali, tehuu ndia boe oo, maten, tehuu ana taa boe. Leo ndiak nakandondoo henin, losa fadi mateꞌa teisusuk ndia maten boe.  
\v 32 Boe ma ina falu ndia maten boe.  
\v 33 Naa! Hatematak ia, ai sangga matane leo iak: inak ndia sao nitak touk hitu so. Dei fo mete ma daebafok basan, fo Lamatuak tao nasoda falik hataholi mana mate kala, na, inak ndia sao teteben ndia see?”   
\p
\v 34 Boe ma Yesus nataa, nae, “Hataholi kada lasaok lai daebafok.  
\v 35-36 Tehuu dei fo nai nusa-sodak na, hataholi la taa lasaok so. Ma nai ele, na ala taa mate so. Ala sama leo Manetualain ata nusa-soda nala. Huu faik fo Manetualain tao nasoda falik hataholi mana mate kala, na, Ana hele nala sala fo dadik neu Ndia ana nala.  
\v 37 Nai baꞌi Musa susulan, na, hambu tutuik laꞌeneu, ai kadiꞌik haꞌi naꞌan tehuu taa kaden. Neme tutuik ndia mai, na, ita bubuluk hataholi mate tehuu bisa nasoda fali. Nai ndia, Manetualain nafada baꞌi Musa, nae, “Au ia, o baꞌi-baꞌi mala Manetualain. Fo ndia, baꞌi Abraham, baꞌi Isak, ma baꞌi Yakob. Sila basa sala lakaluku-lakatele neu Au, losa hatematak ia.”\x + \xo 20:37 \xt Kalua neme Masir mai 3:6\x*  
\v 38 Naa te baꞌi la sila mate sala so neme makahulun mai. Tehuu Manetualain nafada so, nae, Ndia bei dadik sila Lamatuan, huu ndia de ita bubuluk tae, sila bei kasodak. Huu, kada hataholi kasodak bisa nakaluku-nakatele neu Manetualain, tehuu taa hataholi kamatek, hetu?!”   
\p
\v 39 Lamanene Yesus nataa leo ndia, boe ma, mese anggama esa kokolak nae, “Ama Mesen natataan ndia, teteben ana seli.”  
\v 40 Mulai neme faik ndia mai boe oo, taa hambu hataholi esa nambalani natane bali, huu taa hambu hataholi ana bisa teꞌek nala Ndia.   
\s1 Karistus ndia, na, memak mane Dauk tititi-nonosin, ma ndia Lamatuan boe  
\r (Mateos 22:41-46; Markus 12:35-37)  
\p
\v 41 Basa ndia, boe ma Yesus bei nanoli hataholi la sila, nai Uma Ina Huhule-haladoik. Boe ma Ana natane nasafali sala, nae, “Tungga ei duduꞌa mala, na, leobee? Mese anggama la lanoli, na, lae Karistus ndia na ndia Hataholi fo Manetualain tudu mema kana so neme lele uluk, mai. Tungga sila, na, Ndia kada dadik mane Dauk tititi-nonosin. Tehuu ndia bei ta dai.  
\v 42 Huu makahulun, mane Dauk mesa kana sulak nai susula Sosodak Koa-kio kala, nae,  
\q1 ‘Manetualain nafada au Lamatuang, nae,  
\q2 “Mai fo manggatuuk muu mamana nana hadak, nai Au boboa konang.   
\q1
\v 43 Huu dei fo Au tao O musu mala,  
\q2 losa ala doꞌok neu O.’ ”\x + \xo 20:43 \xt Sosoda Koa-kio kala 110:1\x*   
\p
\v 44 Neme susulak ndia mai, ita bubuluk, tae, mane Dauk mesa kana noke Karistus ndia, na nae, ‘Lamatuak’, na ndia ndandaan, mete ma hataholi la lae, Karistus ndia, kada mane Dauk tititi-nonosin, na ndia bei ta dai! Huu Ndia boe oo, dadik mane Dauk Lamatuan!”   
\s1 Mata neuk neu mese anggama la, fo lafuni sila sala nala  
\r (Mateos 23:1-36; Markus 12:38-40)  
\p
\v 45 Ledoeik basa hataholi la pasak ndiꞌidook, fo lamanene Yesus, boe ma Ana kokolak no Ndia ana mana tungga nala, nae,  
\v 46 “Ei musi mata neuk neu mese anggama la. Huu ala lahiik lalaꞌok pake badu naluk mana mbembek, fo leu latonggo lo hataholi noꞌu kala, fo suek hataholi la lita sala, na lae, ‘Wei! Sila ndia, hataholi inahuuk, bou!’ Ala lahiik sangga mamanak nana hadak ana seli, nai uma huhule-haladoi kala, nai feta, ma nai mamanak fo hataholi la lateme lakabubua.  
\v 47 Tehuu mata neuk, huu ala lambue pepeko lala ina falu la, fo lamoa lala sila uma nala. Tehuu nai hataholi la matan, na, ala lafuni sila manggalau nala ndia, ma ala lambadeik hule-haladoi lala dook. Ala nau fo, hataholi la lae sila, hataholi malalaok. Tehuu Lamatuak bubuluk sila sala nala, de dei fo Ana huku sala mabela nalan seli.”   
\c 21  
\s1 Ina falu hata taak, fee doi kolete inahuuk nalan seli  
\r (Markus 12:41-44)  
\p
\v 1 Faik fo Yesus nanoli nai Uma Ina Huhule-haladoik, nita hataholi kamasuꞌi kala tao doi kolete neni peti derma dalek neu.  
\v 2 Ndia boe oo, nita ina falu hata taak esa, ana mai tungga hule-haladoik. Ana nanggodi doik sen dua neni peti ndia neu. Doik ndia belin kada fa anak nalan seli.  
\v 3 Basa de Yesus kokolak no Ndia ana mana tungga nala nae, “Mamanene neulalau! Ina falu hata taak ia, nanggodi doik kada sen duak, tehuu ana fee lena heni basa hataholi la so.  
\v 4 Hataholi feꞌe kala sila langgodi doi kolete neme kada sila doi sisa nala. Tehuu ina falu ia, fee basa ndia doi nala. Naa te, doik ndia, na ndia doin fo nasoda nenik.”   
\s1 Lamatuak Yesus nafada laꞌeneu Uma Ina Huhule-haladoik tutuꞌun  
\r (Mateos 24:1-2; Markus 13:1-2)  
\p
\v 5 Faik ndia, Yesus ana mana tungga nala, kokolak koa Uma Ina Huhule-haladoik, lae, “Ama! Mete sudik Uma ia neulaun ana seli maa! Ala taon nenik batu-batu nana tatik inahuuk ana seli, basa de ala lakatotodok lalan mandaa hiak. Ma hambu hataholi la fee bua mabeli fo heuneu Lamatuak Uman ia!”  
\p Tehuu Yesus nataa, nae,  
\v 6 “Uma ia memak malole. Tehuu taa dook, huu hataholi la, tao latuꞌu heni basa batu la ia, losa bebelak no dae.”   
\s1 Fai-fai toꞌa-taak ma doidosok  
\r (Mateos 24:3-14; Markus 13:3-13)  
\p
\v 7 Basa de Yesus ana mana tungga nala latane, lae, “Ama Mesen! Hata fo Ama kokolak isinaak ndia, meda dadi nai faik bee ndia? Mete ma fain dekak so, na, dei fo ndia tanda nala leobeek?”   
\p
\v 8 Boe ma Yesus nataa, nae, “Sadi ei manea matalolole, fo boso ei nana kedi nalak. Huu dei fo hambu hataholi mata-mata kala mai, fo bamba kala nala, lae, ‘Au ia Karistus.’ Luma boe lae, ‘Fai daebafok babasan deka-deka mai so!’ Tehuu boso mamahele!  
\v 9 Mete ma ei mamanene halak, nae, hataholi la tao husanak, ma latati nai sudi bee, na, boso bii. Memak basa sila dadi lakahuluk dei. Tehuu daebafok fai babasan bei ta losa.   
\p
\v 10 Dei fo leo esa, natati laban leo feꞌek. Nusak esa, natati laban nusa feꞌek.  
\v 11 Dei fo hambu dae nanggeꞌo nalan seli. Sudi nai bee hambu fai ndoes ana seli, ma hedi manggalauk napadaka nalan seli. Dei fo hataholi la boe lita dedeꞌak, fo ana tao nala ao bulu nala lambadei, ma tanda-tanda manai lain seli nai lalai.  
\v 12 Basa dedeꞌa kala ia bei ta lateꞌe, tehuu dei fo hataholi la humu lala ei, fo tao lala ei doidoso, huu ei mamahele Au. Basa de ala fee ei miu tao dedeꞌak nai uma huhule-haladoi kala, ma ala kena ei nai bui dale. Sila boe oo, ladenu ei miu masale manek ma mana toꞌu palenda feꞌe kala. Basa ia la, huu ei tungga Au.  
\v 13 Tehuu ei musi pake lelak ndia, fo mafada sala Au Hala Maloleng.  
\v 14 De, boso duduꞌa, ei sili ei aon leobee dei.  
\v 15 Huu dei fo Au afada ei dedeꞌa deꞌek mandaak, fo sili ei aoina mala. No leo ndiak, na, ei musu mala taa bubuluk lae hata so bali.\x + \xo 21:15 \xt Lukas 12:11-12\x*  
\v 16-17 Dei fo hataholi noꞌu kala husembuluk nalan seli neu ei, huu ei tungga Au. Hambu neme ei bobonggi hehelim, fo leo inama, kaꞌa-fadi tolanoo mala, ma ei nonoo mala. Dei fo hambu neme sila mai, sangga dalak, fo seꞌo heni ei, losa hambu luma leme ei mai nana tao nisak.  
\v 18 Tehuu ei boso bii, huu dei fo Lamatuak taa nafalende heni ei. Langga-buluk dok esa taa bisa moꞌu neme ei langga mala mai, mete ma taa no Ndia hihiin.  
\v 19 Mete ma ei mahele makandondoo henin, na, neu ko Manetualain tao nasoda ei.”   
\s1 Yerusalem tutuꞌun  
\r (Mateos 24:15-21; Markus 13:14-19)  
\p
\v 20 Yesus kokolak nakadaik, nae, “Mete ma ei mita musu la eꞌo lala kota Yerusalem, na ei bubuluk ndia sangga nakalulutuk.  
\v 21 Lita leo ndia, na, hataholi malai propinsi Yudea, foꞌa fo lalai leni letek leu leo. Hataholi manai kota boe, foꞌa lalai leo. Ma hataholi malai nggolok, na, boso ala maso leni kota dale leu bali.  
\v 22 Huu Lamatuak haitua fai totoꞌa kala sila, fo huku hataholi la fo taa mana nau lamanene Ndia. Basa sila dadi nandaa no hata fo Manetualain mana kokola nala, sulak mema kana so, neme makahulun mai.\x + \xo 21:22 \xt Hosea 9:7\x*  
\v 23 Faik ndia, hataholi fo kasian nalan seli, ndia inak kailus, ma ina-ina mana masusu ana mbimbilanak. Faik ndia basa hataholi daebafok, hambu totoꞌak, ma basa hataholi Yahudi la, hambu doidosok belak huu Manetualain luli sala.  
\v 24 Dei fo musu la tao lisa hataholi luma, ma humu lala luma, fo ala dadik ata sudi lai bee, nai daebafok ia. Boe ma hataholi nusa feꞌek fo taa lalelak Manetualain, ala mai heheta tao langgenggeo kota Yerusalem, ma ala koasa basa kota isin, losa basa sila fain.”   
\s1 Hataholi Isi-isik mamain  
\r (Mateos 24:29-31; Markus 13:24-27)  
\p
\v 25 Basa boe ma Yesus nafada laꞌeneu Ndia fafali main, nae, “Dei fo mete ma Hataholi Isi-isik sangga fali main, na, hambu tanda la kalua lai ledo, lai bulak, ma, lai nduu kala. Nai daebafok boe, hambu tanda, fo ndia tasi ani foe, de lii inahuuk mana mbombonuk hene mai. Basa ia la, tao lala hataholi la bii ma lasapangga, losa ala taa bubuluk tao hata so bali.\x + \xo 21:25 \xt Yesaya 13:10; Yeskial 32:7; Yoel 2:31; Dae-bafok Mata Beuk 6:12-13\x*  
\v 26 Koasa-koasa malai lalai, fo ndia ledo, bulak ma ndu kala, langgeꞌo kii-konak, dulu-mulik. Lita leo ndia, boe ma hataholi la, bii lalan seli, huu daebafok sangga hambu soe!  
\v 27 Basa ndia, bei fo hataholi la lita Au, ‘Hataholi Isi-isik, konda mai no koꞌas.’ Au konda ua koasa, ma basa Au ana seling.\x + \xo 21:27 \xt Daniel 7:13; Dae-bafok Mata Beuk 1:7\x*  
\v 28 Mete ma basa tanda la ia mulai dadi so, na, ei botik ei langga mala leo, huu Lamatuak fain losa so, fo tao nasoda ei.”   
\s1 Nakandandaak neme ai la mai  
\r (Mateos 24:32-35; Markus 13:28-31)  
\p
\v 29 Basa ndia, boe ma Yesus tui nakandaak esa, nae, “Ei mete neulalau ai la.  
\v 30 Mete ma doo nala mulai kuni, na, ndia dadik tanda, nae, fai hanan deka-deka mai so.  
\v 31 Leo ndiak boe, no fai totoꞌa kala. Mete ma ala sadu mai, na, dadik tanda, nae, Manetualain palendan deka-deka mai so.   
\p
\v 32 Au afada memak! Neme basa hataholi la fo bei lasoda hatematak ia, dei fo hambu luma bei ta mate, tehuu fai-fai totoꞌak sadu mai so.  
\v 33 Mae lalai no daebafok mopo sala so, tehuu Au Kokolang ia nahele nakandoo.”   
\s1 Paluu manea Lamatuak mamain  
\p
\v 34 Basa boe ma, Yesus tuti Ndia kokolan, nae, “Manea neulalau, huu kada nggengge neuk Au sadu mai so! Boso losak ei taa duduꞌa no teteben bali, boe ma ei masoda mia minu mafuk, ma masambute kada sangga soda namahokok. Boso losak ei taa tanda malelak ndia tandan, huu ei kada masambute mia dedeꞌa feꞌek.  
\v 35 Mete ma Au fali maing, na, taa hambu hataholi esa boe, bisa kekek aon neme Au matang mai.  
\v 36 De, manea taa-taa. Hule-haladoi na, boso no namaketuk, fo ela ei bisa makatataka nai basa toꞌa-taak. No leo ndiak, fo, mete ma Au fali maing, na, ei taa toꞌa-mae mambadeik nai Hataholi Isi-isik matan.”   
\p
\v 37 Tungga-tungga faik Yesus neu nanoli nai Uma Ina Huhule-haladoik. Tehuu mete ma leꞌodae so, na, Ana kalua neme Yerusalem mai, fo neu sunggu nai nggolok, manai lete Saitun ndia.\x + \xo 21:37 \xt Lukas 19:47\x*  
\v 38 Fafai anan, tehuu hataholi noꞌu kala mai lakabubua so, fo sangga lamanene Ndia nanonolin nai Uma Ina Huhule-haladoik.   
\c 22  
\s1 Malangga anggama Yahudi la malangga nala sangga dalak fo tao lisa Lamatuak Yesus  
\r (Mateos 26:1-5; Markus 14:1-2; Yohanis 11:45-53)  
\p
\v 1 Faik ndia, dekak so no hataholi Yahudi la fai malolen, fo ndia feta Loti taa nana tao laluteik. Nai fai malole ndia, ala hala biꞌilombo, fo tao feta Paska. Ala tao leo ndiak, fo lasaneda lele uluk, faik fo sila bei-baꞌi nala kalua leme Masir mai.\x + \xo 22:1 \xt Kalua neme Masir mai 12:1-27\x*  
\v 2 Faik ndia, malangga anggama Yahudi la malangga nala ma mese anggama la sangga dalak, fo ala tao lisa Yesus. Tehuu ala bii hataholi noꞌu kala sila tao husanak, huu ala lahiik lamanene Ndia.   
\s1 Yudas seꞌo heni Lamatuak Yesus  
\r (Mateos 26:14-16; Markus 14:10-11)  
\p
\v 3 Neme Yesus ana mana tungga nala hataholi kasanahulu dua kala sila, esa nade Yudas Iskariot. Faik fo malangga anggama Yahudi la malangga nala sangga dalak, fo tao lisa Yesus, boe ma nitu la malanggan maso neni Yudas dalen neu.  
\v 4 De, ana kalua neu sangga malangga anggama la malangga nala, ma mana manea Uma Ina Huhule-haladoik. Ana nau nala halak fo ana seꞌo heni Yesus neu sala.  
\v 5 Ledoeik malangga nala lamanene Yudas kokolan leo ndia, boe ma lamahoko lalan seli. Ala helun, lae, “Neu! Mete ma o nau seꞌo Yesus neu ai, na, neu ko ai bae.”  
\v 6 Yudas nakaheik. De, ana mulai sangga lelak fo seꞌo heni Yesus no nee-neek neu sala, fo ela hataholi noꞌu kala taa bubuluk.   
\s1 Lamatuak Yesus ana mana tungga nala sadia feta Paska  
\r (Mateos 26:17-25; Markus 14:12-21; Yohanis 13:21-30)  
\p
\v 7 Boe ma hataholi Yahudi la fai malolen ndia losa, de ala nau hala biꞌilombo ana, fo tao feta Paska.  
\v 8 Basa de, Yesus nadenu Petrus ma Yohanis, nae, “Ei dua nggei laꞌok makahuluk dei, fo sadia ita nanaꞌa feta Paska noꞌu.”   
\p
\v 9 Boe ma dua sala latane lae, “Ama aa! Ai musi sadia nanaꞌak nai bee!”   
\p
\v 10 Ana nataa, nae, “Mete ma ei maso mini kota Yerusalem miu, dei fo ei matonggo mia touk esa nasaa nggusi oe. Na, miu tunggan losa uman.  
\v 11 Mafada maumak ndia, mae, ‘Ai Ama Mesen noke kama fo sangga paken tao feta Paska no Ndia ana mana tungga nala. Hambu, do?’  
\v 12 Dei fo maumak natudu ei, mamanak esa nai uma tadan lain. Ana sadia nalan manatesa memak so. Ela kada ei dua nggei miu sadia nanaꞌak nai ndia leo.”   
\p
\v 13 Basa de dua sala leu. Boe ma latonggo lo hata fo Yesus nafada memak neu sala so. De ala sadia nanaꞌa Paska nai ndia.   
\s1 Feta Paska  
\r (Mateos 26:26-30; Markus 14:22-26; 1 Korintus 11:23-25)  
\p
\v 14 Ledoeik basan nana sadiak so, boe ma Yesus asa mai. Ana haꞌi mamanak dekak no mei, ma Ndia ana nadedenu nala boe langgatuuk, de laꞌa feta.  
\v 15 Boe ma Yesus nafada sala, nae, “Au ahiik alan seli, Au anggatuuk uꞌa feta Paska ia, ua ei, nakahuluk neme Au doidosong mai.  
\v 16 Tanda neulalau ia. Huu basa ia, na, Au taa anggatuuk uꞌa feta Paska seluk ua ei bali. Dei fo hataholi la bubuluk manggaledok lae, Amak Manetualain toꞌu palenda, bei fo Au uꞌa feta seluk bali.”   
\p
\v 17 Boe ma Ana haꞌi nala nggalas fo isin anggol oek. De Ana noke makasi neu Manetualain, basa de Ana loo nggalas ndia neu sala. Basa de Ana kokolak, nae, “Simbo mala nggalas ia, fo ei esa-esa minu.  
\v 18 Masanenedak baa! Mulai neme leꞌodaen ia mai, Au taa inu anggol oek so bali. Dei fo hataholi la bubuluk no manggaledok, lae, Amak Manetualain toꞌu palenda, bei fo Au inu seluk bali.”   
\p
\v 19 Basa de Ana haꞌi nala loti balok esa, boe ma noke makasi neu Manetualain. Basa de Ana bibiꞌi loti ndia, de Ana lon neu sala. Ana nae, “Loti ia, Au aong fo Au feen neu ei basa nggei. Tungga-tungga ledoeik ei miꞌa loti ia, na ei masaneda Au.”  
\v 20 Ledoeik ala laꞌa basa, boe ma Ana haꞌi nala nggalas fo anggol oek nai dalek. De, Ana kokolak bali, nae, anggol oek ia, na Au daang, fo ana fa, tao nasoda ei. Manetualain pake Au daang ia, fo Ana mbaꞌa hehelu beuk no ei.\x + \xo 22:20 \xt Yermia 31:31-34\x*   
\p
\v 21 Tehuu mata neuk, huu hambu hataholi fo hatematak ia nanggatuuk naꞌa noꞌu no ita nai mei ia, dei fo ana seꞌo heni Au.\x + \xo 22:21 \xt Sosoda Koa-kio kala 41:10\x*  
\v 22 Memak Au, Hataholi Isi-isik ia, musi mate tungga Manetualain hihiin. Tehuu hataholi mana seꞌo heni Au ndia, matan neuk! Huu dei fo ana lemba ndia soen!”   
\p
\v 23 Lamanene leo ndia, boe ma Yesus ana mana tungga nala latane, lae, “Meda see ndia nau tao manggalauk neu Ndia leo ndiak?”   
\s1 Lamatuak Yesus ana mana tungga nala lasisimbo bafak laꞌeneu see ndia inahuuk nalan seli  
\p
\v 24 Boe ma Yesus ana mana tungga nala lasisimbo bafak, lae, see neme sila mai inahuuk nalan seli.\x + \xo 22:24 \xt Mateos 18:1; Markus 9:34; Lukas 9:46\x*  
\v 25 Tehuu Yesus kaꞌi sala, nae, “Nai hataholi nusa kala fo taa lalelak Lamatuak, mane kala tuni-ndeni lau-inggu nala, ma ala palenda lala lena-lenak. Naa te ala nau fo lau-inggu la loke sala, na, lae, ‘Amak mana tulu-fali lau-inggu.’  
\v 26 Tehuu, ei taa bole leo ndiak. Mana nau dadik hataholi inahuuk, na, ndia sodan musi tebe-tebe dadik leo hataholi kadiꞌik, fo ana ono-lau basa hataholi la. Mana nau dadik malanggan, na, ana musi ono-lau, sama leo hataholi nadedenuk.\x + \xo 22:26 \xt Mateos 20:25-27; 23:11; Markus 9:35; 10:42-44\x*  
\v 27 Hena ei duduꞌa sudi kana, hataholi inahuuk ndia na, ndia bee? Hataholi mana nanggatuuk nai mei matan, do mana ono-lau nai mei? Neu ko hataholi mana manggatuuk ndia, na, ndia hataholi inahuuk. Naa te, Au taa tao Au aong leo ndiak. Au mai fo ono-lau ei.\x + \xo 22:27 \xt Yohanis 13:12-15\x*   
\p
\v 28 Ei ia fo sama-sama mia Au taa-taa, neu faik fo Au doidoso.  
\v 29 Au Amang soꞌu nala Au so, fo toꞌu palenda nai Ndia nusan. De, hatematak ia boe, Au soꞌu ala ei,  
\v 30 fo dei fo ela ei manggatuuk miꞌa nai mei esa mia Au nai nusa-sodak. Au boe oo, fee ei koasa, fo ei palenda leo kasanahulu dua kala malai Israel.”\x + \xo 22:30 \xt Mateos 19:28\x*   
\s1 Lamatuak Yesus nafada nae neu ko Petrus nalelesi Ndia  
\r (Mateos 26:31-35; Markus 14:27-31; Yohanis 13:36-38)  
\p
\v 31 Basa boe ma Yesus nafada Petrus, nae, “Peꞌu, Peꞌu. Nitu la malanggan nau soba tao ei basa nggei fo maelak mia Au, sama leo hataholi daꞌi isik fo tao feꞌe taak neme isik mai.\f + \fr 22:31 \ft Nai susula dedeꞌa Yunani, lae Petrus nade feꞌen na ndia Simon.\f*  
\v 32 Tehuu, Au hule-haladoi fee o, Peꞌu, fo ela o mamahele makandoo neu Au. Dei fo mete ma o fali muni Au mai so, na, o musi tao matetea o tolanoo mala dale nala.”   
\p
\v 33 Boe ma Petrus nataa, nae, “Taa, Ama! Au ta laꞌo ela Ama. Huu au ahehele maso bui noꞌu ua Ama. Ela au mate noꞌu ua Ama boe oo, malole ndia.”   
\p
\v 34 Tehuu Yesus nataa nae, “Peꞌu! Mamanene neulalau. Leꞌodaen ia, manu la bei ta kokoa, tehuu o malelesi Au laꞌi telu so.”   
\s1 Lamatuak Yesus hataholi nala lahehele hambu totoꞌak  
\p
\v 35 Basa boe ma, Yesus kokolak no sala, nae, “Fain, faik fo Au adenu ei, miu mafada Au Hala Maloleng, sudi nai bee, na, Au ae ei ta bole mini doik, tas, ma tabueis. Faik ndia, ei toꞌa hata?”  
\p Boe ma ala lataa noꞌu, lae, “Fain ai ta toꞌa hata esa boe!”\x + \xo 22:35 \xt Mateos 10:9-10; Markus 6:8-9; Lukas 9:3; 10:4\x*   
\p
\v 36 Basa de, Ana kokolak nakadaik nae, “Tehuu hatematak ia, ana feꞌe so. Mete ma ei madoi, na, minin. Mete ma hambu tas, na, minin boe. Mete ma tafa ta, na miu seꞌo ei badum esa fo miu hasa.  
\v 37 Huu hataholi Yahudi la, tao Au leo hataholi manggalauk. De, baꞌianak bali, ala mai humu Au. Huu ndia ana laꞌe ndandaak no hata fo baꞌi Yesaya sulak mema kana so, nae:  
\q1 ‘Ala tao Ndia sama leo hataholi manggalauk!’ ”\x + \xo 22:37 \xt Yesaya 53:12\x*   
\p
\v 38 Ala lafada, lae, “Ama! Ai mini fela dua.”  
\p Boe ma Yesus, nataa, nae, “Dai ndia so. De, boso kokolak ndia bali!”   
\s1 Lamatuak Yesus neu hule-haladoi nai lete Saitun  
\r (Mateos 26:36-46; Markus 14:32-42)  
\p
\v 39 Laꞌa basa feta Paska, boe ma Yesus no Ndia ana mana tungga nala kalua leni lete Saitun leu, leo natetemek.  
\v 40 Losa ndia boe ma, Ana nafada sala, nae, “Ei musi hule-haladoi, fo ela ei ta hambu soba-douk.”   
\p
\v 41 Basa de Ana heok fa anak neme sila mai. Ana laꞌok ta dook nalan seli, boe ma Ana sendek lunggulanggan de hule-haladoi, nae,  
\v 42 “Ama aa! Mete ma Ama nau, na, nggali heni doidosok ia dook neu, neme Au mai. Tehuu boso tungga Au hihiing; fo ela tungga kada Ama hihii-nanaun.”  
\v 43 [Boe ma Lamatuak atan esa neme nusa-sodak mai, de tao natetea Ndia dalen.  
\v 44 Huu Ana doidoso nalan seli, losa mbusen titii sama leo daak.]\f + \fr 22:44 \ft Susula dedeꞌa Yunani laak nalan seli, ma neulauk nalan seli ta sulak lalane kahaa hulu telun losa kahaa hulu haan ia.\f*   
\p
\v 45 Ana hule-haladoi nateꞌe, boe ma Ana foꞌa de neu natonggo no Ndia ana mana tungga nala. Tehuu ala sunggu, huu ala manggu lalan seli ma ala dale hedi.  
\v 46 Boe ma, Yesus nafada sala nae, “Hatina de ei sunggu?! Malolenak ei hule-haladoi fo suek soba-douk mai, na, ei ta tuda.”   
\s1 Ala humu lala Lamatuak Yesus  
\r (Mateos 26:47-56; Markus 14:43-50; Yohanis 18:3-11)  
\p
\v 47 Yesus kokolak leo ndia, boe ma Yudas (hataholi esa neme ana mana tungga nala kasanahulu dua kala sila), mai no hataholi noꞌu kala. Ana neu deka-deka no Yesus, fo sangga holu fo idu Ndia.  
\v 48 Tehuu Yesus nafadan, nae, “Wei, Yudas! O nau seꞌo heni Hataholi Isi-isik ia, munik iꞌiduk, bae?”   
\p
\v 49 Faik fo Yesus ana mana tungga feꞌe nala bubuluk Yudas kekedi manggalaun leo ndian, boe ma latane Yesus, lae, “Ama! Ai laba sala leo, do? Huu ai mini tafa.”  
\v 50 Boe ma esa neme sila mai, feꞌa nala tafan, de sambi ketu hataholi esa ndiꞌidoo konan. Hataholi ndia, na, malangga anggama Yahudi la malangga inahuun nadedenun.   
\p
\v 51 Tehuu Yesus nataa nae, “Neme naa leo! Boso laba sala!” Boe ma Ana daba hataholi ndia ndiꞌidoon, de tao nahain.   
\p
\v 52 Hataholi la fo mana mai humu Yesus ndia, fo ndia: malangga anggama Yahudi la malangga nala, lasi hada kala, mana manea Uma Ina Huhule-haladoik, ma hataholi feꞌe kala bali. Yesus natane sala, nae, “Leobee? Ei duduꞌa mae Au ia, hataholi manggalauk, de, losak ei mai humu Au, pake tafa, ma ai kekeꞌuk, do?  
\v 53 Tungga-tungga faik Au anoli ei nai Uma Ina Huhule-haladoik, tehuu ta hambu hataholi esa mai humu Au. Tehuu neme naa leo! Ei fain ia. Hatematak ia, nitu la malanggan koasan ia!”\x + \xo 22:53 \xt Lukas 19:47; 21:37\x*   
\s1 Petrus nalelesi Lamatuak Yesus  
\r (Mateos 26:57-58, 69-75; Markus 14:53-54, 66-72; Yohanis 18:12-18, 25-27)  
\p
\v 54 Basa de ala humu lala Yesus, boe ma hela loo Ndia neni malangga anggama Yahudi la malangga inahuun uman neu. Petrus boe oo, tungga nafufunik nesik dea.  
\v 55 Nai uma ndia pasan hataholi la lanaꞌa haꞌi inahuuk. Petrus boe oo, neu nanggatuuk dala haꞌi tungga nai ndia.  
\v 56 Ata inak esa nita Petrus nanggatuuk deka no haꞌi. Ana mete neulalau Petrus matan, basa de nafada hataholi feꞌek malai sila kala, nae, “Wei! Hataholi ia boe oo, doꞌo-doꞌo no Yesus!”   
\p
\v 57 Tehuu Petrus nalelesi, nae, “Ta, maa! Au ta alelak Hataholi ndia, maa. O bubuluk hata?”   
\p
\v 58 Ta dook, boe ma hataholi esa heok matan de nita Petrus, boe ma ana kokolak nae, “Memak o ia, esa neme Yesus hataholi nala, hetu?”  
\p Tehuu Petrus sapa nae, “Ta! O kada kokolak madabak!”   
\p
\v 59 Meda, liꞌu esa bali, boe ma, hataholi feꞌek esa bali kokolak nae, “Wei! Au bubuluk, hataholi ia, Yesus ana mana tungga nala esa ia, huu ndia boe oo, hataholi Galelea.”   
\p
\v 60 Tehuu Petrus nalelesi tingga-tingga, nae, “O kokolak pepekok ndia!” Nandaa no Petrus kokolak nae leo ndia, boe ma manu la, kokoa.   
\p
\v 61 Boe ma Yesus heok matan fo ana suli ndia. De, Petrus nasaneda Yesus kokolan isinaak ndia, nae, “Leꞌodaen ia, manu la bei ta kokoa, tehuu o malelesi Au laꞌi telu so.”  
\v 62 Nasaneda leo ndia, boe ma Petrus laꞌo deak neu, neme uma pasan mai, de namatani.   
\s1 Ala mbomboko ma lakadadaek Lamatuak Yesus  
\r (Mateos 26:67-68; Markus 14:65)  
\p
\v 63 Basa boe ma, hataholi mana manea Yesus, mulai haumemee Ndia, ma ala mbomboko lakamiminak Ndia.  
\v 64 Boe ma ala mboti matan nenik temak, de latanen lae, “Heh! Mete ma o ia Lamatuak mana kokolan, na, hena o neuk! See ndia, tutu o?”  
\v 65 Basa de ala aꞌali langgeꞌan.   
\s1 Lamatuak Yesus nai mamana tao dedeꞌa anggama  
\r (Mateos 26:59-66; Markus 14:55-64; Yohanis 18:19-24)  
\p
\v 66 Fafai anan, malangga anggama Yahudi la malangga nala, mese anggama, ma lasi-lasi hada kala lakabubua so, fo tao Yesus dedeꞌan. Basa de ala ladenu hataholi la, leu hela lala Yesus neni mamana tao dedeꞌa anggama neu.  
\v 67 Ledoeik Ana maso dalek neu, boe ma ala latanen, lae, “Hena O mafada dei! O ia memak tebe-tebe Karistus do?”  
\p Tehuu Ana nataa, nae, “Mae Au ataa tetebes boe oo, ei ta mamahele.  
\v 68 Boe ma mete ma Au atane ei, dedeꞌak esa, na, neu ko ei ta mataan.  
\v 69 Ta dook so bali tehuu Manetualain nau pake Ndia koasan, fo ana seli ndia, de, Ana soꞌu laik Au, Hataholi Isi-isik ia. Boe ma Au anggatuuk nai Ndia boboa konan, fo palenda noꞌu ua Ndia.”\x + \xo 22:69 \xt Sosoda Koa-kio kala 110:1\x*   
\p
\v 70 Lamanene leo ndia, boe ma basa sala latane, lae, “Mete ma leo ndiak, na O duduꞌa mae, O ia, Manetualain Anan do?”  
\p Boe ma Yesus nataa, nae, “Memak, ei kokolan leo ndiak, na tetebes.”   
\p
\v 71 Boe ma, hataholi mana tao dedeꞌa kala kokolak noꞌu, lae, “Ita basa nggata tamanene ao nggata so, hetu? Ana soꞌu aon dadik Manetualain Anan. Ia tao nala Manetualain dalen kulan so! Tungga ita heti-heu anggaman, mete ma hambu hataholi tao aon sama leo Lamatuak, na, hataholi ndia musi huku nisan. De, leobee? Ita ta paluu sakasii bali. Huku nisan leo.   
\c 23  
\s1 Ala loo Lamatuak Yesus neni gubenol Pilatus neu  
\r (Mateos 27:1-2, 11-14; Markus 15:1-5; Yohanis 18:28-38)  
\p
\v 1 Tehuu, mana tao dedeꞌa anggama Yahudi la sila, ta laena hak, fo huku mate hataholi. Huu ndia de, ala loo Yesus neu nasale gubenol neme mana toꞌu palenda Roma, nai ndia, fo ndia Pilatus. Ala nau, fo gubenol huku Ndia.  
\v 2 De, losa gubenol matan, boe ma ala lafada Yesus sala nala, lae, “Hataholi ia, mana laban mana toꞌu palenda Roma. Ana nanoli, nae, hataholi la boso bae bea, fee mana toꞌu palenda. Ana soꞌuk aon nae ndia ia Karistus, fo hataholi Yahudi la manen.”   
\p
\v 3 Namanene leo ndia, boe ma gubenol natane Ndia, nae, “Tetebes, do? O ia, hataholi Yahudi la manen, do?”  
\p Boe ma Yesus nataa nae, “Tetebes. Sama leo ama kokolan ndia.”   
\p
\v 4 Palisak basa, boe ma gubenol nasale nala malangga anggama la malangga nala, ma hataholi noꞌu kala sila. Boe ma nae, “Leo iak. Au ta hambu Hataholi ia salan fa boe.”   
\p
\v 5 Tehuu ala lahele, lae, “Ta, ama gub. Hataholi ia, nanoli sudi nai bee, de ana mbauedo lau-inggu la, fo ala tao nahuuk. Ana tao naodek mulai neme propinsi Galelea losa Yerusalem ia.”   
\s1 Gubenol haitua Lamatuak Yesus neni mane Herodes neu  
\p
\v 6 Namanene leo ndia boe ma, gubenol natane sala, nae, “Mete ma leo ndiak, na ndia ia, hataholi Galelea, do?”  
\p Boe ma ala lataa lae, “Tetebes, Ama. Ndia neme Galelea mai!”  
\v 7 Ana bubuluk leo ndia, boe ma, gubenol nadenu loo Yesus neu nasale mane Herodes, mana toꞌu palenda nai propinsi Galelea. Faik ndia, ana nai kota Yerusalem.  
\v 8 Mane Herodes namanene tutuik noꞌuk laꞌeneu Yesus, so, de, nahiik nita Yesus dei, neme makahulun mai. Ana namahehenak, fo bisa nita Yesus Ana natudu tanda heran esa do dua. Huu ndia de ledoeik ala loo Yesus neu ndia, de dalen namahoko.  
\v 9 Boe ma ana natane dedeꞌak mata-matak, tehuu Ana ta nataa hata esa boe.  
\v 10 Herodes bei nakokola no Yesus, tehuu malangga anggama la malangga nala, ma mese anggama la ala mulai kalaak seluk Yesus sala nala mata-mata kala.  
\v 11 Basa de mane Herodes no soldadu nala mulai haumemee tungga ma lakamamaek ma lakadadaek Yesus. Boe ma ala papaken badu neulauk esa, sama leo mane Herodes biasa pake, basa de ala lakamamae kana lakandoo. Basa de ala haitua fali kana neni gubenol Pilatus neu.  
\v 12 Makahulun, gubenol ndia no mane Herodes lamusu kala. Tehuu mulai neme faik ndia, dua sala latialaik seluk.   
\s1 Gubenol naketun huku mate Lamatuak Yesus  
\r (Mateos 27:15-26; Markus 15:6-15; Yohanis 18:39—19:16)  
\p
\v 13 Basa de gubenol Pilatus noke malangga anggama Yahudi la malangga nala, ma lasi hada feꞌe kala, sama-sama lo hataholi noꞌu kala sila, fo ala mai lakabubua, fo lamanene ndia nakeketun.  
\v 14 Ana kokolak, nae, “Ei mini Yesus neni au mai, fo ei kalaak Ndia, mae, Ana nahiik mbauedo lau-inggu fo ala laban mana toꞌu palenda Roma. Au palisa kana lutu-lutuk, neu ei basa nggei mata nala, tehuu ta hambu Ndia salan fa boe.  
\v 15 Mane Herodes palisak Ndia bali, tehuu ta hambu Ndia salan fa boe. Huu ndia de, ana haitua falik Hataholi ia mai au. Hataholi ia salan ta fa boe, de au ta bisa huku maten.  
\v 16 De, au sangga aketun leo iak: au fee ala filon, fo basa na au mboꞌi henin.”   
\p
\v 17-18 Lamanene leo ndia, boe ma ala mulai eki landaa lae, “Ta bisa! Tao nisa Ndia. Mboꞌi heni Barabas.”  
\p [Ala eki leo ndia, huu tungga-tungga teuk mete ma hataholi Yahudi la tao feta Paska na, gubenol nateme mboꞌi heni hataholi bui esa tungga sila hihiin.]\f + \fr 23:17-18 \ft Lalanek manai longga dale, ta nana sulak nai susula dedeꞌa Yunani, laak nalan seli.\f*  
\v 19 (Barabas ia, maso bui huu ana dadik mana nggenggefuk tao nahuuk, laban mana toꞌu palenda Roma nai kota Yerusalem, ma ana tao nisa hataholi boe.)   
\p
\v 20 Tehuu gubenol nau mboꞌi heni Yesus. De, ana natane seluk hataholi noꞌu kala, nae, “Leobee fo au mboꞌi heni Yesus ia?”   
\p
\v 21 Tehuu basa sala eki landaa, lae, “Ta! Kada mbaku nisa Ndia, nai ai ngganggek! Mbaku nisa Ndia, nai ai ngganggek!”   
\p
\v 22 Tehuu gubenol nameda ndia ta malole, de natane seluk kalaꞌi telun, nae, “Hatina de au musi mbaku isan, leo ndiak? Ndia manggalaun hata? Au palisa Ndia so, tehuu au ta hambu toꞌok esa boe, fo huku mate Ndia. De, ela au adenu filo Ndia, fo basa na, mboꞌi henin.”   
\p
\v 23 Tehuu basa hataholi noꞌu kala sila, boe eki latingga bali, fo lakaseti nau mbaku nisa Ndia, nai ai ngganggek. Babasan, de gubenol ta bisa nahele,  
\v 24 boe ma naketun tungga sila hihiin.  
\v 25 Basa de ana mboꞌi heni Barabas fo mana tao nahuuk, ma mana makanisak ndia. Tehuu ana fee Yesus neu sila liman, fo ela ala tao Ndia tungga sila hihiin.   
\s1 Ala mbaku Lamatuak Yesus londa-londa nai ai ngganggek  
\r (Mateos 27:32-44; Markus 15:21-32; Yohanis 19:17-27)  
\p
\v 26 Basa ndia, boe ma ala hela leni Yesus neni kota Yerusalem deak neu. Leu dala laladak boe ma ala latonggo lo hataholi esa neme kota Kirene mai, nade Simon. Ana bei fo neme kota deak mai. Ala lakasetin, fo ana luꞌa Yesus ai ngganggen, nggati Yesus, de laꞌo tungga Yesus dean.   
\p
\v 27 Faik ndia, hataholi noꞌu kala mai lanilu Yesus. Hambu ina-ina kala, fo lamatani neu Ndia.  
\v 28 Namanene lamatani, boe ma Yesus nasale sala, de Ana kokolak nae, “Wei! Ina-ina kala maneme Yerusalem mai, boso mamatani neu Au. Malolenak ei mamatani neu ei aoina heheli mala, ma ei ana mala.  
\v 29 Huu dei fo mbila-binesak totoꞌa inahuuk sangga mai neu ei aoina heheli mala ma ei ana mala, losa hataholi la kokolak lae, ‘Inak fo ua-nale malolen ana seli, na ndia inak fo ta bonggi nitak ma ta nasusu nitak kakana mbimbilanak.’  
\v 30 Faik ndia totoꞌa inahuuk ndia mai, de hataholi la doidoso lalan seli, losak ala loke, lae, ‘Malolenak lete kala ndefa mai, fo tuni lala ai leo!’ Sila boe kokolak, lae, ‘No doidosok leo iak, na, malolenak lete mbumbuku kala latoi lala ai leo!’\x + \xo 23:30 \xt Hosea 10:8; Dae-bafok Mata Beuk 6:16\x*  
\v 31 Naa, mete ma hataholi bisa tao totoꞌak leo iak, neu hataholi sala tak, na, nakalenak no hataholi manggalauk?”\f + \fr 23:31 \ft Susula dedeꞌa Yunani isi-isik nae, “Mete ma hataholi bisa tao leo iak neu ai bei kasodak, na hata bali no ai fo kamatek so.”\f*   
\p
\v 32 Faik fo soldadu la loo Yesus ma hela loo hataholi manggalauk dua, fo sangga huku nisa sala noꞌu lo Ndia.  
\v 33 Ala losa mamanak esa, nade ‘Langga duik.’ Boe ma ala mbaku Yesus no hataholi manggalauk kadua kala, sila esa-esak no ai ngganggen. Basa de ala selek tao lambadei ai nggangge kala sila. Ala londa hataholi manggalauk neu Yesus boboa konan, ma esak bali neu Ndia boboa kiin.   
\p
\v 34 [Faik ndia, Yesus Ana hule-haladoi, nae, “Ama! Mafalende heni hataholi la ia sala nala, huu tala bubuluk hata fo ala taok ndia.]\f + \fr 23:34 \ft a: Kokolak manai longga dale ndia, ta nai susula dedeꞌa Yunani laak ma neulauk nalan seli.\f* Basa boe ma, soldadu la hela lot fo, sangga bubuluk see hambu Ndia baloꞌa papaken.\x + \xo 23:34 \xt Sosoda Koa-kio kala 22:19\x*   
\p
\v 35 Hataholi noꞌu kala, mai lanilu lai mamanak ndia. Hataholi Yahudi la malangga nala, haumemee Yesus, lae, “Ana tao nasoda hataholi feꞌek, tehuu ta bisa tao nasoda Ndia aoina hehelin. Mete ma Ndia ia, tebe-tebe Karistus, fo Manetualain hele mema kana, na, elan fo Ana konda aon, neme ai ngganggek ndia lain mai leo.”\x + \xo 23:35 \xt Sosoda Koa-kio kala 22:8\x*   
\p
\v 36 Soldadu la sila boe, ala haumemeen. Ala feen ninu anggol oek makeis,\x + \xo 23:36 \xt Sosoda Koa-kio kala 69:22\x*  
\v 37 ma ala eki haumemeen, lae, “Mete ma o ia tebe-tebe hataholi Yahudi la manen, na, tao masoda o aoina hehelim leo!”  
\v 38 Ala sulak neu papak esa nae,  
\q1 “Ia, hataholi Yahudi la manen.”  
\p Basa de ala mbaku papak ndia neu langgan lain, fo lafada toten ala huku Ndia.   
\p
\v 39 Hataholi manggalauk esa fo ala mbakun londa-londa nai Yesus boboan seli, boe, ana nakamamae kana, nae, “O ia tetebes Karistus do? Mete ma leo ndiak, na, tao masoda falik ita leo!”   
\p
\v 40 Tehuu hataholi manggalauk esa, kaꞌin nae, “Wei! O ia, ta bii Manetualain, do? Huu o boe hambu huku mate leo Ndia.  
\v 41 Ita dua nggata hambu huhukuk nandaa no ita tatao manggalaun. Tehuu hataholi ia, ta tao manggalauk hata esa boe.”  
\v 42 Boe ma ana kokolak tamba nae, “Yesus aa! Neu faik fo Ama maso muni Ama nusan muu, na, masaneda au dei baa!”   
\p
\v 43 Yesus nataa, nae, “Au helu! Faik ia boe, o maso muni nusa-sodak dalek muu, sama-sama mua Au.”   
\s1 Lamatuak Yesus maten  
\r (Mateos 27:45-56; Markus 15:33-41; Yohanis 19:28-30)  
\p
\v 44-45 Faik ndia, ledo kamatetuk so. Tehuu ledo ta nasaꞌa, de basa boe ma, makiu mumuuk mboti nala mamanak ndia, losa ledo bobok liꞌu telu. Nai Uma Ina Huhule-haladoik, hambu tema gorden maloa inahuuk esa nana londak fo babaa Manetualain Kama Malalaon Ana Seli. Kada nggengge neuk, de tema gorden ndia sii baꞌen neu dua.\x + \xo 23:44-45 \xt Kalua neme Masir mai 26:31-33\x*   
\p
\v 46 Nai mamanak ‘Langga Duik,’ Yesus nanggou, nae, “Ama aa! Hatematak ia Au fee Au samaneng neu Ama liman dale.” Ana kokolak nateꞌe leo ndia, boe ma ketu tutik Ndia ani hahaen.\x + \xo 23:46 \xt Sosoda Koa-kio kala 31:5\x*   
\p
\v 47 Hambu malangga soldadu Roma fo nambadeik dekak no Yesus ai ngganggen. Ledoeik nita Yesus mamaten ndia, boe ma ana koa Manetualain, nae, “Awii! Hataholi ia tebe-tebe Hataholi dale ndoos maa!”\f + \fr 23:47 \ft Dedeꞌa deꞌek Yunani nai ia, ndia ndandaan boe, bisa nae, “Hataholi ia ta kasalak.”\f*   
\p
\v 48 Ledoeik hataholi noꞌu kala mana makabubuak lai ndia, lita Yesus mamaten, boe ma ala fale dale nala, de ala fali no dale hedik.  
\v 49 Tehuu Yesus hataholi nala, lambadeik lai dook, fo lita Yesus mamaten. Ina-ina kala, fo mana tungga Ndia, leme Galelea, losa Yerusalem, lai ndia boe.\x + \xo 23:49 \xt Lukas 8:2-3\x*   
\s1 Ala latoi Lamatuak Yesus  
\r (Mateos 27:57-61; Markus 15:42-47; Yohanis 19:38-42)  
\p
\v 50-51 Ledoeik Yesus maten so, boe ma hataholi esa sangga dalak, fo ana sangga neu nakonda Ndia mbombolan, neme ai ngganggek mai. Ndia naden Yusuf, neme kota Arimatea mai. Ndia dalen ndoos, de ana tao dedeꞌa malole noꞌuk. Ana nahani-nahani fo Manetualain natudu Ndia totoꞌu palendan. Ndia boe oo, hataholi esa fo mana makaneni dedeꞌa anggama Yahudi, tehuu ta nakaheik sila nakeketun, fo huku mate Yesus.  
\v 52 Huu ana nau nakonda Yesus mbombolan neme ai ngganggek mai, de neu nasale gubenol Pilatus, fo noke ana nau nakaneni mbombolak ndia.  
\v 53 Ana hambu nakamboꞌik, boe ma neu nakondan. Basa de ana mboti mbombolak ndia nenik tema bangganaꞌuk. Boe ma ana tao mbombolak ndia, neu bolo batu fo bei fo nana toꞌi basak. Mamana lates ndia, bei ta nana pakek.  
\v 54 Yesus mamaten ndia, laꞌeneu fai Lima. Ledoeik Yusuf asa latoi basa, tehuu ledo bobok so. Mete ma ledo tesa so, na, hataholi Yahudi la fai huhule-haladoin mulai so.   
\p
\v 55 Ina-ina kala sila, fo mai noꞌu lo Yesus leme Galelea mai, sila boe leu tungga Yusuf, fo sangga bubuluk ana tao mbombolak ndia nai lates bee.  
\v 56 Lita neulalau lates ndia mamanan, boe ma ina kala sila fali fo leu sadia bungga ma mina kaboo menik. Ledoeik ledo tesa, boe ma ala hahae tao ues, tungga hataholi Yahudi la heti-heu fai huhule-haladoik. Ala lahani fai huhule-haladoik seli, bei fo ala leu loloo Yesus mbombolan.\x + \xo 23:56 \xt Kalua neme Masir mai 20:10; Tui Seluk laꞌeneu Dala Sodak 5:14\x*   
\c 24  
\s1 Lamatuak Yesus nasoda fali!  
\r (Mateos 28:1-10; Markus 16:1-8; Yohanis 20:1-10)  
\p
\v 1 Sosoda ina lolembilan, ina kala sila, leni mina kaboo menik ma bungga, fo leni Yesus laten leu.  
\v 2 Ledoeik ala losa ele, naa te lita batu inahuuk fo ala paken neu kena lates lelesun ndia, nana loli henik neni lates bifin neu so.  
\v 3 Boe ma ala leni lates dale leu, tehuu ala ta lita Yesus mbombolan nai ndia so.  
\v 4 De, ala lasapangga. Kada nggengge neuk, hataholi dua pake baloꞌa manggahadok, mai lambadeik leu sila boboa nala.  
\v 5 Ina kala sila bii lalan seli, boe ma ala lakaluku-lakatele losa dae. Boe ma hataholi kadua kala sila latane, lae, “Hatina de ei mai sangga hataholi kasodak nai hataholi kamate kala mamanan?  
\v 6 Yesus ta nai ia so! Huu Ana nasoda fali so. Naafo ei mafalende henin so, hata fo Ana nafada nitak, neu faik fo bei nai Galelea, do?  
\v 7 Huu Ana nafada memak, nae, dei fo ala seꞌo heni Hataholi Isi-isik ia, neu hataholi manggalauk liman. Basa de, ala mbaku lisan, nai ai ngganggek. Tehuu neu binesan, Ana nasoda fali so.”\x + \xo 24:7 \xt Mateos 16:21; 17:22-23; 20:18-19; Markus 8:31; 9:31; 10:33-34; Lukas 9:22; 18:31-33\x*   
\p
\v 8 Lamanene leo ndia, bei fo ala lasaneda Yesus kokolan ndia.  
\v 9 Boe ma ala fali lai-lai, fo leu lafada basa Yesus ana mana tungga nala hataholi kasanahulu esa kala sila, ma hataholi feꞌe kala mana tungga kala sila.  
\v 10 (Ina-ina kala mana leni lates ndia leu, ndia Maria Yakobis inan, ma Maria maneme nggolo Magdala mai. Hambu Yohana ma ina feꞌek luma boe. Sila ndia mana leu tui basa ia la neu Yesus hataholi nadedenu nala.)   
\p
\v 11 Tehuu faik, fo Yesus ana mana tungga nala sila lamanene tutuik ndia, boe ma ala duduꞌa lae fama ina kala sila, ala pepeko ndia.   
\p
\v 12 Tehuu Petrus foꞌa de nalaik neni lates ndia neu. Losa ele, de ana titilo neni lates dale neu, tehuu nita kada tema namboti mamate. Boe ma ana fali, ma ana duduꞌa nae, “Ia leobeek ia so, bae?”\f + \fr 24:12 \ft Hambu susula Yunani luma tala sulak lalanek kasanahulu duak ia.\f*   
\s1 Ana mana tungga nala dua, latonggo lo Lamatuak Yesus neme dalak neni Emaus neu  
\r (Markus 16:12-13)  
\p
\v 13 Faik ndia boe, Yesus ana mana tunggan dua, leni nggolok esa nade Emaus leu. Ndia doon meda kilo sanahulu esa neme Yerusalem mai.\f + \fr 24:13 \ft Susula dedeꞌa Yunani nana sulak nae, “\ft \+it stadia\+it* 60 neme Yerusalem mai”. \+it Stadia\+it* 60 ndia, na sama no kilo sanahulu esa lenak.\f*  
\v 14 Ala laꞌok, ma lakokola laꞌeneu Yesus mamaten.  
\v 15 Kada nggengge neuk, Yesus mesa kana, deka-deka no dua sala, boe ma Ana laꞌok sama-sama no sala.  
\v 16 Tehuu ala ta lalela kana, huu Lamatuak tao fo ala boso lalela kana.  
\v 17 Boe ma Yesus natane sala, nae, “Ei dua nggei ia, mambue kokolak hata ia?”  
\p Lamanene leo ndia, boe ma dua sala lambadeik. Mata nala nonook ala dale hedi lalan seli.  
\v 18 Boe ma manade Kleopas natane Ndia nae, “Ama ia, nonook hataholi beuk, de ta bubuluk hata-hata, fo fai lai-laik ia ana dadi nai Yerusalem, do?”   
\p
\v 19 Boe ma Yesus natane, nae, “Hata ndia?”  
\p Ala lataa, lae, “Huu Yesus, maneme Nasaret ndia mai! Ndia ndia tebe-tebe Manetualain mana kokolan. Ma Lamatuak fee Ndia koasa, fo Ana tao tanda heran mata-mata kala. Ndia boe oo, nalelak nanoli hataholi. Basa hataholi la lamahoko lo Ndia. Manetualain boe oo namahoko no Ndia.   
\p
\v 20 Naa te ai malangga anggama Yahudi malangga nala, ma lasi hada kala, humu lalan. Boe ma ala feen neu gubenol, fo huku nisan. Boe ma ala mbaku lisan, nai ai ngganggek.  
\v 21 Sososan, ai basa nggai mamahena, mae, Ndia ndia, Karistus. Ana mai fo mboꞌi heni ai nusan, neme hataholi mana toꞌu palenda Roma mana tuni-ndenin. Tehuu fai Lima lai-laik ia, ala tao lisan so.   
\p
\v 22 Hatematak ia, ai boe oo masapangga. Huu isinaak ai ina nala, mai lafada, lae, fafai anak ala leme lates.  
\v 23 Tehuu ala tui, lae, Yesus mbombolan mopon so. Boe ma ala lita Manetualain atan neme nusa-sodak mai, de nafada sala, nae, Yesus nasoda fali so!  
\v 24 Lamanene leo ndia, boe ma ai nonoon hida lalai leni lates leu. Boe ma ala lita sama leo ina-ina kala kokola nala sila. Ala ta lita Yesus mbombolak ndia so.”   
\p
\v 25 Dua sala tui lateꞌe leo ndia, boe ma Yesus nafada sala, nae, “Ei nggoam dei! Hatina de ei ta nau mamahele hata fo Lamatuak mana kokola nala lafada memak neme makahulun mai!  
\v 26 Huu ala sulak, lae, Karistus ndia, musi Ana hambu doidosok mata leo ndiak, bei fo Ana simbo hada-holomata ma koasa fo ana seli.”  
\v 27 Boe ma Yesus nanoli sala nae, basa hata fo Lamatuak mana kokola nala sulak mema kana laꞌeneu Karistus. Mulai neme baꞌi Musa susulan, losa mana kokola feꞌe kala.   
\p
\v 28 Ledoeik ala sangga losa Emaus, boe ma Yesus Ana taok nonook leo Ana sangga laꞌok nakandoo.  
\v 29 Tehuu dua sala lae, “Ama! Leo tataak mia ai leꞌodaen ia, huu ledo sangga tesa ia so.” Boe ma Yesus maso noꞌu no sala leni uma dale leu.   
\p
\v 30 Ledoeik ala langgatuuk laꞌa, boe ma Yesus haꞌi nala loti balok esa. De, Ana hule-haladoi, noke makasi neu Manetualain, boe ma Ana bibiꞌi loti ndia. Ledoeik Ana loo loti ndia neu dua sala,  
\v 31 bei fo dua sala lalelak, ndia na, Yesus. Tehuu nggengge neuk mopon neme dua sala mata nala mai.  
\v 32 De dua sala lakokola lae, “Awii! Ledoeik ita tamanene Ndia kokolan, tao manggaleledo Lamatuak mana kokola nala susula nala isinaak ndia, ita tameda nonook leo ita dale nala mbila loꞌa-loꞌa.”   
\p
\v 33 Faik ndia boe oo, dua sala foꞌa de fali tutik leni Yerusalem leu. Ala latonggo lo Yesus ana mana tungga nala hataholi kasanahulu esa kala, ma hataholi feꞌe kala fo mana makabubuak lai ndia.  
\v 34 Boe ma ana mana tungga nala, lafada dua sala lae, “Memak tetebes! Lamatuak Yesus nasoda fali so! Isinaak Ana natudu mata-aon neu kaꞌa Peꞌu.”\f + \fr 24:34 \ft Susula dedeꞌa Yunani nae, ‘Simon’ nai ia. Simon ndia, na ndia Petrus nade feꞌen.\f*   
\p
\v 35 Basa de, hataholi kadua kala sila, tui basa hata mana dadik nai dalak, losa dua sala ala bisa lalelak Yesus neu ledoeik Ana bibiꞌi loti.   
\s1 Lamatuak Yesus natudu mata-aon neu ana mana tungga nala  
\r (Mateos 28:16-20; Markus 16:14-18; Yohanis 20:19-23; Hataholi Nadedenu nala Tutuin 1:6-8)  
\p
\v 36 Ledoeik ala bei tui leo ndia, tehuu nggengge neuk Yesus nambadeik nai sila lalada nala so. Ana fee hadak neu sala, nae, “Soda-molek!”   
\p
\v 37 Tehuu ala nggengge, ma bii, huu laehetuk nitu ndia.   
\p
\v 38 Tehuu Yesus kokolak, nae, “Hatina de ei bii leo iak? Ei ta mamahele, mae Au ia asoda fali, do?  
\v 39 Hena mete sudik Au limang, ma Au eing. Ia Au ndia ia. Look limak mai fo mafaloe ao nggei! Ela ei mamahele, Au ndia ia, tehuu nitu ta ia. Huu nitu na, aombaan ta, tehuu ei basa nggei bisa mita Au aong, hetu?!”   
\p
\v 40 Bei kokolak leo ndia, boe ma Ana natudu sala mbiik manai Ndia liman ma ein.  
\v 41 Ala lamahoko lalan seli, huu Yesus nasoda fali. Kada ala lasapangga, huu ala ta bisa bubuluk talobee fo bisa ana dadi leo ndiak. Boe ma Yesus natane sala, “Ei miꞌa hata nai ia bae?  
\v 42 Boe ma ala loo fee Ndia iꞌa nana tunuk bibiak esa.  
\v 43 Yesus simbo nala iꞌak ndia, de naꞌa neu sila matan.   
\p
\v 44 Boe ma Ana kokolak nae, “Talobee? Ei bei masaneda faik fo makahulun Au sama-sama ua ei? Au afada nai makahulun, ae, basa hata fo Manetualain mana kokola nala sulak laꞌeneu Au ndia, musi dadi. Fo ndia, neme baꞌi Musa, neme Lamatuak mana kokola feꞌe nala, ma neme susula Sosoda Koa-kio kala.”   
\p
\v 45 Basa boe ma, Ana buka tao manggaledo fo suek ala bubuluk no teteben Lamatuak Susula Malalaon ndandaan.  
\v 46 Ana kokolak nakadaik, bali, nae, “Lamatuak mana kokola nala sula kana so, lae, Karistus fo Lamatuak haituan mai ndia, musi Ana hambu doidosok mata-mata kala, boe ma Ana mate. Tehuu dei fo neu binesan, na, nasoda fali. Huu ala sulak basa-basan so, maa!  
\v 47 Hatematak ia, Au fee koasa fo ei mini Hala Malole ia, neu basa nusa kala, mulai neme Yerusalem ia mai. Mafada sala, mae, hataholi fo manaku salan, ma ana fali neni Manetualain neu, na, dei fo Manetualain koka heni basa sala nala sila.  
\v 48 Ei musi dadik sakasii, fo tui mae, Au hambu doidosok, basa boe ma Au mate, tehuu Au asoda fali.  
\v 49 Dei fo Au haitua Dula Dale Malalaok mai, fo Au Amang heluk ndia so. Tehuu ei musi mahani nai kota Yerusalem ia, losa ei simbo koasa neme nusa-sodak mai.”\x + \xo 24:49 \xt Yoel 2:28-29; Yohanis 14:16-17; Hataholi Nadedenu nala Tutuin 1:4\x*   
\s1 Lamatuak Yesus nana soꞌuk neni nusa-sodak neu  
\r (Markus 16:19-20; Hataholi Nadedenu nala Tutuin 1:9-11)  
\p
\v 50 Faik esa, Yesus noo sala, kalua leni kota deak leu. Faik fo ala dekak lo nggolo Betania, boe ma Ana soꞌuk liman fo kokolak fee babaꞌe-babatik neu sala.\x + \xo 24:50 \xt Hataholi Nadedenu nala Tutuin 1:9-11\x*  
\v 51 Ana bei kokolak babaꞌe-babatik leo ndia, boe ma Ndia nanasoꞌuk neni nusa-sodak neu.  
\v 52 Ala lita leo ndia, boe ma ala sendek lunggulanggak fo ala lakaluku-lakatele neu Ndia. Basa de ala fali leni Yerusalem leu, no dale namahokok nalan seli.  
\v 53 Tungga-tungga faik, ala lakabubua lai Uma Ina Huhule-haladoik, fo ala soꞌuk kokoa-kikio neu Manetualain.  
\p Ama Teofilus! Au tutuing hondak neu ia leo.  
\q3 Soda-molek,  
\q3 Lukas