\id EPH  
\h Efesus 
\toc1 Paulus susulan fee hataholi kamahele kala malai Efesus 
\toc2 Efesus 
\toc3 Ef 
\mt2 Paulus susulan  
\mt2 fee hataholi kamahele kala malai  
\mt1 Efesus  
\c 1  
\s1 Paulus mulai ndia susulan  
\p
\v 1 Soda-molek neme au mai, Paulus. Au sulak susulak ia, fee ei basa nggei mana dadi Yesus Karistus hataholi nala so, lai kota Efesus,\f + \fr 1:1 \ft Hambu susula Yunani luma tala sulak “nai kota Efesus”. Huu ndia de, hambu hataholi malelak luma duduꞌa lae, susulak ia neme Paulus mai fee basa hataholi kamahele kala sudi lai bee.\f* ma mana makatataka nasoda malalaok tungga Ndia hihiin-nanaun. Ndia mesa kana nadenu au tungga Manetualain hihii-nanaun.\x + \xo 1:1 \xt Hataholi Nadedenu nala Tutuin 18:19-21; 19:1\x*   
\p
\v 2 Naa! Manetualain ndia, ita Aman. Ma Yesus Karistus ndia, ita Lamatuan. Au oke fo latudu Sila dale malole nala, fo ei masoda mia mole-dame ma ndondoo.   
\s1 Paulus koa-kio Manetualain ma Yesus Karistus  
\p
\v 3 Koa-kiok neu Manetualain! Koa-kiok neu ita Lamatuan Yesus Karistus, Aman. Manetualain fee ita babaꞌe-babatik makadotok neme nusa-sodak mai, huu ita dadik Yesus Karistus hataholi nala so.   
\p
\v 4 Tehuu faik fo daebafok bei ta, Manetualain sue ma hele nala ita so, fo dadik Karistus hataholi nala. Ana nau fo ita tasoda malalaok losa hataholi tana bisa fee salak neu ita.  
\v 5 Ana naketun memak neme makahulun mai so, fo pake Yesus Karistus tao ita dadik Ndia ana nala. Ia ndia tao Ndia dalen namahoko.  
\v 6 Huu ndia de ita koa-kio Ndia. Huu Ana natudu Ndia dale malolen neu ita, fo ita bisa tasoda nanambaꞌak to Manetualain Ana susuen.   
\p
\v 7 Mae makahulun ita ta tasoda malalaok tungga Manetualain dala sodan, tehuu natudu Ndia dale malolen, ma Ana haitua Ndia Anan mai, fo daan faa losa maten. No leo ndiak, Ndia Anan soi nala ita teme ita sala nala mai.\x + \xo 1:7 \xt Kolose 1:14\x*  
\v 8 Huu Ndia susuen ana seli neu ita, de Ndia boe oo tao manggaledo ita dale nala, fo suek ita bubuluk Ndia hihiin.  
\v 9 Makahulun, Manetualain bei ta nafada hataholi, basa Ndia hihiin. Tehuu hatematak ia, tungga Ndia hihiin, Ana tao ita bubuluk so, neme makahulun ele mai Ana naketun so pake Yesus Karistus, suek nakamomolek hataholi no Manetualain.  
\v 10 Ma neu ko losa ndia fain, na Yesus Karistus boe oo dadik Malanggan fo heti basa manai daebafok ma manai nusa-sodak.   
\p
\v 11-12 Huu ita nanambaꞌak to Karistus, de ita boe simbo tala pusaka neme Manetualain mai. Huu neme makasososan mai, Ana hele nala ai hataholi Yahudi so, fo dadik neu Ndia hataholi nala. Ndia hihiin, na Ana sangga pake ai fo soi dalak fee hataholi nusa feꞌek, fo ela basa hataholi la bisa lamahele neu Karistus. Basa ia la dadi tungga hata fo Ana naketu mema kana so. No leo ndiak, ita basa nggata bisa soꞌuk tamadedema Manetualain naden fo ana seli ndia.   
\p
\v 13 Huu ai soi dalak so, de ei mima hataholi nusa feꞌek mai boe oo bisa maso dadik neu Karistus hataholi nala, sadi ei mamahele Ndia Hala Malolen ndia. Huu Hala Malole ndia tao nasoda ei.  
\p Mete ma ei mamahele leo ndiak, na ei boe oo simbok Manetualain Dula Dale Malalaon fo Ana heluk ndia so. Huu Dula Dale Malalaok ndia, sama leo kee-dedek fo dadik neu tanda nae, ei dadik Ndia ena teteben so.  
\v 14 Ndia Dula Dale Malalaon ndia boe dadik neu hehelu matea, de neu ko Manetualain fee basa hata fo Ana heluk ndia, losa Ana soi nala ita, fo dadik neu Ndia hataholi nala. Huu ndia de ita koa-kio neu Ndia.   
\s1 Paulus hule-haladoi fee hataholi Efesus sala  
\p
\v 15 Au amanene noꞌuk so laꞌeneu ei namahehele mala neu ita Lamatuan Yesus Karistus, ma ei susuem neu hataholi kamahele kala.  
\v 16 Huu ndia de au ta hahae oke makasi neu Manetualain.  
\v 17 Au hule-haladoi ae, “Ama Bonggik aa! Amak fo au Lamatuang Yesus Karistus Aman Manetualain. Ma Amak fo ana seli. Au hule fo Amak fee Ama Dula Dale Malalaon neu basa hataholi Efesus sala, suek ala bisa bubuluk dedeꞌa ndoo sala, ma bisa lalelak neulalau Ama.  
\v 18 Au hule fo Amak Manetualain soi sila duduꞌa nala ma tao manggaleledo sila dale nala, fo suek ala bisa bubuluk basa hata fo Ama heluk ndia so, sangga fee sala. Au boe oo nau fo ala bisa bubuluk pusaka ndia fo Amak heluk neu sala. Huu pusaka ndia, ana seli!  
\v 19 Amak! Au boe oo hule fo Amak tulun sila, suek ala bisa bubuluk neulalau Amak koasan fo ana seli ndia. Huu Amak pake koasa ndia fo tulu-fali Amak hataholi kamahele nala.  
\v 20 Huu Manetualain koasan ndia, ana seli! Ana pake koasa ndia fo tao nasoda falik Karistus neme Ndia mamaten mai. Boe ma Manetualain soꞌu Karistus neni nusa-sodak neu, ma Ana feen nanggatuuk neu Manetualain boboa konan nai mamanak nana hadak nai lain seli.\x + \xo 1:20 \xt Sosoda Koa-kio kala 110:1\x*  
\v 21 Ndia deman lena heni neme basa manai daebafok ma manai nusa-sodak. Huu Ndia deman lena heni neme basa koasa la ma basa mana toꞌu palenda la. Ana toꞌu Ndia koasan fo ana seli ndia, ta kada hatematak ia. Tehuu Ndia boe oo toꞌu palenda nakandoo, losa dodoon neu.  
\v 22 Manetualain mesa kana tao basa sila lakaluku-lakatele neu Karistus. Ma Ndia ndia boe oo, soꞌu Karistus dadik Malanggan fo heti basa fo natutik no hataholi kamahele kala.\x + \xo 1:22 \xt Sosoda Koa-kio kala 8:6\x*  
\v 23 De, mete ma Ndia dadik Malanggan na, ita hataholi kamahele kala, dadik sama leo Ndia aon. Neu ko ita tao basa ues, fo Ana nakalalaꞌo kana neu faik fo Ana bei nai daebafok. Huu Ndia mana maena koasa, fo tao basa-basan, tungga Manetualain hihii-nanaun.\x + \xo 1:23 \xt Kolose 1:18\x*  
\p Au huhule-haladoing neu ei memak leo ndiak.”   
\c 2  
\s1 Hataholi fo kamahelek neu Yesus Karistus simbo soda beuk  
\p
\v 1 Makahulun, ei laꞌolena Manetualain palenda nala, ma tao sala-singgo mata-mata kala. Huu ndia de, Ana taok ei sama leo hataholi mana matek so.  
\v 2 Makahulun, ei masoda tungga daebafok hihii-nanaun, ma tungga nitu la malangga inahuun hihii-nanaun. Losa hatematak ia, nitu ndia bei fufudi-oꞌodo hataholi, fo laban Manetualain.  
\v 3 Makahulun, ita boe oo tasoda leo ndiak, losa sudi hata fo ita tamedan do, duduꞌan do, ita tao tungga kada ita hihii-nanaun. Ita tao manggalauk sama leo hataholi feꞌe kala, huu ndia de Manetualain luli ita nalan seli,  
\v 4-5 ma Ana taok, ita sama leo hataholi kamate kala fo tabaꞌek teme Ndia mai. Mae leo ndiak boe oo, tehuu Ana kasian ita. Huu ndia de, Ana natudu dale malolen, boe ma Ana haitua Yesus Karistus mai, fo fee ita soda beuk. Lamatuak fee ita sodak, huu Ndia dale malolen.\x + \xo 2:4-5 \xt Kolose 2:13\x*  
\v 6 Yesus Karistus maten, tehuu Manetualain tao nasoda fali Kana. Boe ma Manetualain soꞌu Ndia lain neu, fo Ana toꞌu palenda nai nusa-sodak. Naa! Manetualain tao leo ndiak neu ita boe. Ana fee ita soda beuk, boe ma Ana soꞌu ita lain teu, ma ita toꞌu palenda noꞌu to Karistus nai nusa-sodak.  
\v 7 No leo ndiak, mulai neme hatematak ia, losa dodoon neu, Manetualain natudu Ndia susuen makadotok, ma Ndia dale malolen fo ana seli ndia, huu ita tamahele teu Yesus Karistus.  
\v 8-9 Faik fo ei mamahele neu Karistus, Manetualain tao nasoda ei, huu Ndia dale malolen. Ana fee masodak leo ndiak, ta huu Ana nau bala hata fo ei taok ndia. Huu ndia dadik hadia neu ei, de ei ta maena toꞌok fo kokolak koaok mia hata fo ei taon ndia.  
\v 10 Ita tasoda, huu Manetualain nakadadadik nala ita. Boe ma, Yesus Karistus ana fee ita soda beuk, fo ela ita tao dedeꞌa malole, fo Manetualain naketu mema kana so neme makahulun mai.   
\s1 Manetualain simbok no malole basa hataholi nusa kala  
\p
\v 11 Tolanoo nggalei! Ei bubuluk so, hataholi Yahudi la toꞌu lahele sila heti-heu sunat, ma lakadadaek hataholi fo ta Yahudi, huu ei ta tungga sila heti-heun ndia! Naa te ndia kada heti-heuk laꞌeneu hataholi ao-inan, de ta laꞌeneu hataholi dalen.  
\v 12 Faik fo ei bei ta mamahele neu Yesus Karistus, de ei ta maena hak fo maso dadik Manetualain hataholin. Huu makahulun, ei bei ta maso nai Manetualain hehelun fo nana mbaꞌa mema kana no Abraham, ma ndia numbu sadu nala. Faik ndia, ei leo nai daebafok ia, ma ta bisa mamahena neu Manetualain, huu ei bei dadik hataholi deak,  
\v 13 fo mabaꞌe dook mima Manetualain mai. Tehuu hatematak ia, Yesus Karistus soi dalak so, fo ei bisa nanambaꞌak mia Manetualain. Huu Karistus maten, fo tao makasufu Manetualain dalen, fo ei bisa mole mia Ndia ma bisa dadik Ndia hataholi nala.   
\p
\v 14 Makahulun, ai hataholi Yahudi ta bisa masoda mole mia ei hataholi nusa feꞌek. Sama leo tembok, fo tao kofeꞌe ita. Tehuu, Yesus Karistus maten neme ai ngganggek lain, boe ma tao natuꞌu heni tembok ndia fo makahulun ita tamusu kala, suek bisa tamole kala, fo dadik neu hataholi nusak esa.  
\v 15 Huu makahulun hataholi nusa Yahudi la sangga dalak fo lasoda pake sila anggaman heti-heu nala. Faik fo Yesus Karistus maten, Ana kena ketu dala laak ndia so, ma Ana soi dala beuk, fo suek hataholi nusa Yahudi ma hataholi nusa feꞌe kala bisa lasoda malole lo Manetualain. No leo ndiak, basa sala nanambaꞌak leu esa so, fo dadik leu hataholi nusa beuk, mana masoda no mole-dame.\x + \xo 2:15 \xt Kolose 2:14\x*  
\v 16 De, Karistus maten neme ai ngganggek lain fo tao hataholi nusa kadua kala fo mana musu kala sila dadik leu esa, de no fali kasa leni Manetualain leu. Huu Karistus koka heni basa hata fo makahulun ana dadik toꞌok fo ala lamusu kala.\x + \xo 2:16 \xt Kolose 1:20\x*  
\v 17 Ana neni daebafok ia mai, fo neni Hala Malole neu hataholi Yahudi, sama-sama lo hataholi feꞌe kala, nae, “Makahulun ei masoda mamusu kala, tehuu hatematak ia, hambu dalak so, fo ei bisa masoda mole-dame esa no esa.”\x + \xo 2:17 \xt Yesaya 57:19\x*  
\v 18 De, ai hataholi Yahudi ma ei hataholi ta Yahudi sama-sama hambu dalak, fo teni ita Aman Manetualain teu, huu Yesus Karistus soi dalak fee ita basa nggata. Ma Manetualain Dula Dale Malalaon boe oo natudu dalak neu ita basa nggata.   
\s1 Yesus Karistus hataholi nala sama leo uma huhule-haladoik  
\p
\v 19 Huu Yesus Karistus tataon ndia, de ei ta hataholi Yahudi la, ta dadik hataholi deak so, fo ta maena hak fa boe. Tehuu hatematak ia, ei maena hak dadik lau-inggu nusa-sodak, huu ei dadik Manetualain bobonggi nala so.  
\v 20 Natutuduk ndia leo Manetualain sangga nambadedeik uma esa. Ana tao batu netes, fo ndia Yesus Karistus. Boe ma Ana tao fanderen, na ndia Ndia mana kokola nala ma hataholi nadedenu nala. Boe ma Ana nakatotodok batu la nai fanderen sila lain. Batu la sila, na ndia ita basa nggata, fo mana maso dadik Ndia bobonggi nala so.  
\v 21 Uma ndia nambadeik tea-tea, huu batu la sila nana nakatotodok no malole lai batu netes sila lain. Ma uma ndia doo-doo na ana boe namadema, losa dei fo hataholi la leni ndia leu, fo ala hule-haladoi neu Manetualain.  
\v 22 De hatematak ia, Manetualain tao nala ei ta hataholi Yahudi boe oo, sama leo batu, sama-sama mia ai hataholi Yahudi. Manetualain nakatotodok nala ita basa nggata, fo dadik neu Ndia Dula Dale Malalaon mamana leleon.   
\c 3  
\s1 Paulus neni Hala Malole fee hataholi ta Yahudi la  
\p
\v 1 Huu Manetualain ta tao feꞌe hataholi Yahudi no hataholi ta Yahudi, huu ndia de Ana nadenu au, Paulus, fo au uu afada Yesus Karistus Hala Malolen neu ei ta Yahudi la lai kota Efesus. Au akalalaꞌok au ueng ndia, losa au dadik hataholi bui.  
\v 2 Neu ko ei bubuluk boe, na Manetualain nadenu au, huu Ana nau natudu Ndia dale malolen neu ei.  
\v 3 Memak makahulun Manetualain bei ta nafada hataholi laꞌeneu hata fo Ana naketun so, soaneu hataholi ta Yahudi. Tehuu hatematak ia Ana nafada dedeꞌak ia neu au. De, au sula kana kekeꞌuk-kekeꞌuk fee ei.  
\v 4 Mete ma ei les basan, na ei bisa bubuluk boe Manetualain hihiin laꞌeneu Yesus Karistus, fo Ana bukan neu au so.  
\v 5 Huu makahulun ele, hataholi bei ta bubuluk Ndia hihiin. Tehuu hatematak ia, Ana pake Ndia Dula Dale Malalaon, fo nafada Ndia hihiin neu Ndia mana kokola nala, ma neu Ndia hataholi nadedenu nala.  
\v 6 Huu neme makahulun mai, Manetualain naketun so leo iak: mete ma hataholi ta Yahudi la lamahele neu Yesus Karistus Hala Malolen, na sila boe oo bisa maso dadik neu Manetualain ana nala, sama leo hataholi Yahudi la. Huu ndia de hatematak ia, ita basa nggata dadik neu bobonggik esa, ma ita bisa simbo noꞌu babaꞌe-babatik neme ita Aman Manetualain mai.   
\p
\v 7 Manetualain natudu Ndia dale malolen, ma hele nala au dadik neu Ndia nadedenun. Ma Ndia boe oo, Ana fe Ndia koasan neu au, fo au akalalaꞌok Ndia uen ndia.  
\v 8 Neme basa Manetualain hataholi nala, na au ia, hataholi kadiꞌi anak nalan seli. Mae leo ndiak boe oo, tehuu Lamatuak hele nala au, fo au akalalaꞌok Ndia uen fo ana seli ndia. Ana nau fo au uu afada hataholi ta Yahudi la, laꞌeneu Karistus dale malolen fo ta mana basak ndia.  
\v 9 Huu mulai neme Manetualain nakadadadik daebafok ia, Ndia hihiin haitua Karistus mai no nafufunik. Tehuu hatematak ia, Ana nau fo au fee manggaleledo neu basa hataholi la, laꞌeneu Ndia hihiin ndia.  
\v 10 Huu Ndia hihiin ndia, malelan ana seli. Ma Ana nau pake Ndia hataholi nala, fo natudu Ndia malelan ndia, neu basa mana koasa la ma basa mana palenda la malai lalai.  
\v 11 Faik fo bei ta nakadadadik daebafok ia, Ana naketun so, fo sangga soi dalak, fo fee sodak neu hataholi la. Huu ndia de, Ana pake ita Lamatuan Yesus Karistus, fo tao tungga leo ndiak.  
\v 12 Huu ndia de, ita fo tamahele neu Yesus Karistus so, boso bii bali mai kokolak to Lamatuak. Huu Ana nau simbok ita, sudi nai faik bee.   
\p
\v 13 Masanenedak baa! Au doidoso, huu au ono-lau ei hataholi ta Yahudi la. Mae leo ndiak boe oo, ei dale mala boso maꞌa-male. Huu au lemba doidosok ia, fo suek ei simbok malolen.   
\s1 Paulus hule-haladoi noke makasi neu Manetualain  
\p
\v 14 Ledoeik au duduꞌa laꞌeneu Amak Manetualain dale malolen fo ana seli ndia, boe ma au sendek lunggu langgak de au oke makasi neun.  
\v 15 Huu basa bobonggi kala malai daebafok ia ma malai nusa-soda kala Aman ndia, fo ndia Ndia.   
\q1
\v 16 Au hule-haladoi fo Ana fe babaꞌe-babatik makadotok neu ei, tungga Ndia dale malolen fo ana seli ndia.  
\q1 Ma au boe oo hule fo Ana haitua Ndia Dula Dale Malalaon ma koasan, fo suek ei dale mala dadik matea.   
\q1
\v 17 Au hule fo Yesus Karistus nasoda nai ei dale mala, huu ei mamahele makandoo neu Ndia.  
\q1 Ma au hule-haladoi boe, fo ei nanambaꞌak mia Ndia susuen, sama leo ai huuk fo natea, huu okan tola losa dook nai dae dale.\x + \xo 3:17 \xt Kolose 2:7\x*   
\q1
\v 18-19 Au hule-haladoi boe, fo ei mia basa Lamatuak hataholi nala, bisa bubuluk noꞌu Karistus susuen fo ta bisa nana ukuk. Huu susuek ndia, inahuun ana seli, loan ana seli, deman ana seli ma noꞌun ana seli!  
\q1 Au hule-haladoi boe, fo ei bisa mameda Ndia susuen, losa susuek ndia tao nahenu ei dale mala, ma ei soda mala.\x + \xo 3:18-19 \xt Kolose 1:19; 2:9-10\x*   
\q1
\v 20 Manetualain koasan ana seli ndia, lena heni basa hata fo ita hulek ma duduꞌa kala. Ma Ana pake koasa ana seli ndia, suek naue-naledi nai ita dale nala.  
\v 21 Huu ndia de, mai fo ita nanambaꞌak to Yesus Karistus soꞌu tamadedema Ndia! Koa-kio nakandondoo henin neu Ndia neme hatematak ia mai, losa dodoon neu. Tetebes hetu!   
\c 4  
\s1 Lamatuak Yesus hataholi nala musi lasoda sama leo ala dadik Ndia aon  
\p
\v 1 Au akalalaꞌok au Lamatuang uen, losa au dadik hataholi bui. De hatematak ia, au kokoe ei, fo masoda ndoos tungga Manetualain hihii-nanaun, huu Ana noke nala ei so, fo dadik Ndia hataholin.  
\v 2 Huu ndia de, ei musi masoda mia dale kadiꞌi-taidaek, ma masoda malole esa no esa. Ei musi nggale loak, ma bubuluk esa no esa, masoda-masueao, no ndoos. Mete ma neme ei mai, hambu mana sangga dedeꞌak no ndia nonon, na, boso mambeda dalek.\x + \xo 4:2 \xt Kolose 3:12-13\x*  
\v 3 Masusua tingga-tingga, fo masoda mole esa no esa, huu Manetualain Dula Dale Malalaon mbaꞌa ei dadik esa so.  
\v 4 Huu Yesus Karistus hataholi nala ala dadik esa so, sama leo Ndia ao-ina hehelin. Ma sila basa sala boe simbok Manetualain Dula Dale Malalaon fo kada esak. Ma basa sala lamahena kada neu Manetualain, huu Ana noke nala sala, fo dadik Ndia hataholi nala.   
\q1
\v 5 Ita Lamatuan, kada esak;  
\q1 Ita namahehelen, kada dalak esak,  
\q2 fo bisa mole-dame to Ndia.  
\q1 Ma ita basa nggata simbok salanik,  
\q2 fo dadik nanambaꞌak to Ndia.   
\q1
\v 6 Manetualain, kada esak,  
\q2 ma ita Aman, kada Ndia.  
\q1 Kada Ndia palenda ita basa nggata.  
\q1 Kada Ndia mesa kana sama-sama no ita basa nggata.  
\q1 Ma kada Ndia mesa kana nasoda nakandoo nai ita basa nggata dale nala.   
\s1 Karistus fee ues mata-mata kala, suek Ndia hataholi nala boe latea  
\p
\v 7 Tehuu Yesus Karistus baꞌe fee Ndia koasan neu ita so, suek ita esa-esako takalalaꞌok Ndia uen.  
\v 8 Huu ndia de, Manetualain Susula Malalaon nae,  
\q1 “Ana hene neni mamana madema neu,  
\q2 fo Ana natati nai ndia losa Ana senggi.  
\q1 Basa de, Ana neni falik hataholi nana kenak noꞌun ana seli,  
\q1 ma Ana babaꞌe hadia fee hataholi la.”\x + \xo 4:8 \xt Sosoda Koa-kio kala 68:18\x*   
\p
\v 9 (Masaneda dedeꞌa deꞌek fo nae, “Ana hene”. Mete ma Ana hene, na ndia ndandaan nae, makahulun Ana konda nitak neni daebafok babaꞌek dae neu.  
\v 10 De, Hataholi fo Ana konda mai ndia, na ndia Karistus. Huu Ana hene fali neni nusa-sodak neu, suek bisa Ana nakaneni basa hata malai lalai ma malai daebafok.)  
\v 11 Karistus fo mana fee koasa neu Ndia hataholi nala, suek lakalalaꞌok ues fo Ana babaꞌe fee sala so. Hambu luma Ana fee sala koasa fo dadik neu Ndia hataholi nadedenu nala, luma dadik Ndia mana kokola nala, luma dadik mana hoo neu Ndia hataholi nala, luma dadik malela mana manoli neu Ndia hataholi nala ma luma bali dadik mana maneni Hala Malole nai mamana beu kala.  
\v 12 Esa-esako simbo ndia uen, fo tao nahehele Karistus hataholi nala, suek basa sala bisa lakalalaꞌok Ndia uen. No leo ndiak, ita basa nggata fo tamahele teu Yesus Karistus so, boe natea  
\v 13-14 losa ita basa nggata tamahele to dalek esa boe. Ma ita basa nggata talelak tebe-tebe Manetualain Anan. Ita ta leo kakana kadiꞌik so, tehuu ita tungga Ndia dalan so, ma dadik hataholi fo nasoda tungga basa Ndia hihii-nanaun. Mete ma ita tasoda leo ndiak so, na ita ta sama leo kamba nana sobo mbanak, fo nana helak sudi bee neu, na ana tungga. Huu mete ma hambu mana masapepeko kala mai lanoli dedeꞌa pepekok, na, ita ta tungga tatao nggoak ndia so bali.  
\v 15 Tehuu kada ita kokolak neulalau tungga hata fo ndoos neu ita tolanoo nala, huu ita sue sala. Ma mete ma ita tasoda leo ndiak nai sudi hata, na, ita dadik mata-aok esa to Karistus. Huu Ndia ndia, ita Malanggan, de Ana heti ita.  
\v 16 Ma ita ia, sama leo Ndia aon. Mete ma hataholi lima-ein ma idu-bafa nala tao ues tulu-fali tungga sila esa-esako uen, na, ndia aon boe natea. Leo ndiak boe no Karistus hataholi nala. Mete ma ita tasueao, ma tatulu-fali, na, ita basa nggata boe tatea.\x + \xo 4:16 \xt Kolose 2:19\x*   
\s1 Laꞌo ela dala soda laak, fo tungga dala soda beuk  
\p
\v 17 Mamanene neulalau, hata fo au sangga kokolak hatematak ia, huu au Lamatuang mesa kana nafada au. Boso ei masoda bali sama leo hataholi fo ta nalelak Manetualain. Te hata fo ala taok sila tungga kada sila nggoa nala.  
\v 18 Ala laꞌo lasalak, sama leo hataholi mana laꞌok nai makiuk. Ala lasoda laelak lo Manetualain, huu sila langga batuk, ma tala nau mbali Ndia.  
\v 19 Ta mae lalelak so. Huu ndia de, ala tungga kada sila hihii-nanaun, ma lasoda manggenggeok. Tehuu ala ta lameda dai so boe.   
\p
\v 20 Tehuu Karistus dala sodan fo ei manolik ndia so, ta leo ndiak!  
\v 21 Tehuu hata fo ei manolik laꞌeneu Yesus Karistus ndia, memak nanonoli ndoos. Neu ko ei mamanene hetu!  
\v 22 De, laꞌo ela ei dala soda laan ndia! Huu mete ma ei masoda manggenggeok tungga hataholi hihii-nanaun, na, ei nana kedi nalak nakandoo, ndia so. Ei ta maena hak nai ndia so.\x + \xo 4:22 \xt Kolose 3:9\x*  
\v 23 Tehuu ela leo bee na, Manetualain tao ei dale mala, ma ei duduꞌa mala dadik beuk,  
\v 24 suek ei dadik hataholi beuk, tungga Ndia mataꞌaon. Huu ndia de, ei musi matudu dale beuk, fo malalaok ma ndoos.\x + \xo 4:24 \xt Tutuik laꞌeneu Sososan 1:26; Kolose 3:10; Roma 12:1-2\x*   
\p
\v 25 De, hatematak ia, hahae masapepeko leo! Kokolak tetebes esa no esa, huu ita basa nggata dadik esa, sama leo aok esa fo kaei-limak, ma kaidu-bafak.\x + \xo 4:25 \xt Sakarias 8:16\x*  
\v 26 Mete ma luli, na, boso losak ei tao salak. Malolenak ei mole leo! Boso mambeda nasak losa ledo tesa!\x + \xo 4:26 \xt Sosoda Koa-kio kala 4:4\x*  
\v 27 No leo ndiak, na, nitu la malanggan ta bisa fufudi-oꞌodo ei. Boso feen hambu dalak fa boe!  
\v 28 Hataholi nateme namanaꞌo, na, hahae leo! Malolenak hataholi leo ndiak ana tao ues neulalau nenik ndia lima hehelin, fo suek ana bisa babaꞌe ndia uen buna-boan neu hataholi kasian nala.  
\v 29 Mete ma kokolak, na, boso kokolak manggalauk, mae kada dedeꞌa deꞌek esak boe! Malolenak, kada kokolak dedeꞌa malole. Ma fee nanoli-nafadak neu hataholi, fo tebe-tebe tulu-fali sala, ma tao matea sila dale nala.  
\v 30 Boso tao Manetualain Dula Dale Malalaon dalen hedis, huu ndia nai ei dale mala dale. Ma Ana kee-dede nala ei so, nae, ei ia, Manetualain enan. Ndia Dula Dale Malalaon boe oo tanggon nae, neu ko losa daebafok babasan, te Manetualain fee sodak neu ei, fo ei masoda makandondoo henin mia Ndia.  
\v 31 De, boso mambeda dalek neu hataholi feꞌek! Boso mamenggu nisik mia hataholi! Boso mamananasa aok! Boso maule! Boso kokolak makalulutu hataholi naden! Ma boso tao dedeꞌa manggalau feꞌe kala!  
\v 32 Tehuu malolenak ei masueao, ma tao dedeꞌa malole esa no esa. Ei musi mafalende heni hataholi salan, ma fee ambon neu ndia, sama leo Manetualain koka heni ei sala mala, huu ei nanambaꞌak mia Karistus.\x + \xo 4:32 \xt Kolose 3:13\x*   
\c 5  
\s1 Masoda masueao, ma masoda malalaok  
\p
\v 1 Ei ia, Manetualain ana susuen. Huu ndia de, ei musi masoda tungga Ndia hihii-nanaun.  
\v 2 Ma ei musi masoda masueao esa no esa, sama leo Karistus sue ei. Huu Ana fee Ndia aon, fo Ana mate nggati ita. No leo ndiak, na, Ana dadik neu tunu-hotuk kaboo menik, fo tao namahoko Manetualain.\x + \xo 5:2 \xt Kalua neme Masir mai 29:18; Sosoda Koa-kio kala 40:6\x*   
\p
\v 3 Ei ia, Manetualain hataholi malalaon boe. De, boso masoda manggenggeok! Mae duduꞌa manggenggeok boe oo, bosok! Boso tao eok mua hataholi fo ta o saom! Boso balenaꞌo!  
\v 4 Boso kokolak manggenggeok! Ma boso kokolak mabalok! Huu Manetualain hataholin ta nandaa kokolak leo ndiak. Malolenak ei kokolak kada malole, ma moke makasi neu Manetualain  
\v 5 Masanenedak neulalau! Huu Manetualain ta simbok hataholi fo nasoda manggenggeok, ma hataholi tao eok no hataholi fo ta ndia saon! Ala ta bisa maso dadik Karistus hataholin, ma Manetualain ta dadik neu sila Manen. Manetualain boe, ta simbok hataholi balenaꞌo, huu ala seti heni Ndia, ma soꞌuk lamadedema dedeꞌa feꞌe kala.   
\s1 Masoda nai manggaledok  
\p
\v 6 Boso ei nana tao namanggonggoak neme hataholi masapepeko kala lae “Boso masoda malalaok!” Huu neu ko Manetualain luli hataholi fo tana tungga Ndia hihii-nanaun.  
\v 7 Huu ndia de, ei boso nanambaꞌak mia hataholi mata-ao leo ndiak.  
\v 8 Makahulun, ei sama leo hataholi mana masoda nai makiuk, huu ei ta malelak Manetualain. Tehuu hatematak ia, Ana nakonda Ndia manggaledon, fo tao ei dadik miu Ndia ana nala. Huu ndia de, ei musi masoda nai Ndia manggaledon ndia dalek.  
\v 9 Huu hataholi mana masoda nakandoo nai manggaledok dalek, na ana tao dedeꞌa malole, nasoda ndoos, ma kokolak ndoos.  
\v 10 Sangga dalak, fo ei tao mamahoko Manetualain dalen, huu Ndia ndia, ita Lamatuan.  
\v 11 Boso mambaꞌa aok mia hataholi fo nasoda nai makiuk dale. Huu sila tataon ndia, sosoan ta fa boe. De ei musi kaꞌi sala, ma buka matudu sila sala-singgo nala.  
\v 12 Huu hata fo ala tao lafufunik ndia, manggenggeon ana seli, losa ita ia tameda mae, mete ma sangga takokola.  
\v 13 Au fee natutuduk leo iak: mete ma hataholi tao manggaledo bua sala manai makiuk dale, na neu ko hataholi bisa lita bua sala sila ledo-ledo.  
\v 14 Leo ndiak boe, mete ma ita tao manggaleledo dedeꞌa manggalauk, fo hataholi taon, na, ana bisa bubuluk, nae, dedeꞌak fo ana taok ndia, manggalauk. Hambu sosodak esa nae,  
\q1 “Wei! Ei mana sunggu kala, foꞌa leo!  
\q2 Ei mana mate kala, masoda fali leo!  
\q1 Huu Karistus sangga tao manggaleledo ei.”   
\s1 Masoda dalek esa mua Lamatuak Dula Dale Malalaon  
\p
\v 15 Huu ndia de, mete neulalau ei sodam, fo boso ei sama leo hataholi nggoak. Malolenak pake neulalau dudua-aꞌafik neme Manetualain.  
\v 16 Hatematak ia, hataholi noꞌu kala tao manggalauk lakandoo. De, mete ma hambu fai, fo tao dedeꞌa malole, na, taon leo. Boso mahani bali!\x + \xo 5:16 \xt Kolose 4:5\x*  
\v 17 Duduꞌa neulalau, fo bubuluk ita Lamatuan hihii-nanaun, fo boso ei mamanggoa.   
\p
\v 18 Boso mafuk, huu neu ko nininuk ndia heti ei, fo ei tao dedeꞌa ta malole la. Tehuu buka ei dale mala, fo suek Manetualain Dula Dale Malalaon heti ei.  
\v 19 No leo ndiak, na dei fo ei makokola esa no esa, na pake dedeꞌa-kokolak neme Manetualain Susula Malalaon mai, neme sosoda kala fo koa-kio Ndia, ma neme sosodak fo ei hambun neme Ndia Dula Dale Malalaon mai. Ma mete ma soda, na boso kada no bifidook. Tehuu koa-kio Manetualain no ndoon.  
\v 20 Huu Yesus Karistus dadik ita Lamatuan, ma Amak Manetualain tao dedeꞌak noꞌuk fee ita so, de ita toke makasi takandondoo henin teu Ndia.\x + \xo 5:20 \xt Kolose 3:16-17\x*   
\s1 Basa hataholi kamahele kala musi lamanene esa no esa  
\p
\v 21 Ei basa nggei musi mamanene esa no esa. Huu no leo ndiak, na ei matudu hada-holomata neu Yesus Karistus.   
\s1 Natutuduk leo: sao touk-sao ina kala  
\p
\v 22 Sao ina kala ei! Ei musi mamanene ei sao tou mala, sama leo mamanene ei Lamatuam Yesus Karistus.  
\v 23 Huu touk ndia, sama leo sao inak malanggan. Ma Karistus boe, Malanggan neu Ndia hataholi nala. Huu Ana soi dalak fo lasoda.\x + \xo 5:23 \xt Kolose 3:18; 1 Petrus 3:1\x*  
\v 24 Huu ndia de Karistus hataholi nala musi lamanene neu Ndia. Leo ndiak boe sao ina kala musi lamanene neu sila sao tou nala, nai basa dedeꞌa kala.   
\p
\v 25 Leo ndiak boe, sao tou kala ei! Ei musi sue ei sao ina mala, sama leo Karistus sue Ndia hataholi nala, losa Ana fee aon, mate nggati sala.\x + \xo 5:25 \xt Kolose 3:19; 1 Petrus 3:7\x*  
\v 26 Ana tao leo ndiak, fo ala dadik malalaok nai Manetualain matan, huu sila tungga Ndia Dedeꞌa-kokolan, ma ala hambu salanik so.  
\v 27 Yesus Karistus hataholi nala boe sama leo mana kabin inak, fo nana papakek manaꞌa hiak, huu mana kabin touk sangga mai nala ndia. Leo ndiak boe, Karistus sangga mai nala Ndia hataholi nala. Huu ndia de, ala musi lasoda neulauk, ma malalaok, losa ta hambu salak fa boe.   
\p
\v 28 Leo ndiak boe, sao tou kala ei! Ei musi sue ei sao ina mala, sama leo ei sue ei ao-ina heheli mala. Huu mete ma sao touk sue ndia sao inan, na, ndia ndandaan, nae, ana sue ndia ao-ina hehelin.  
\v 29 Ta hambu hataholi husembuluk neu ndia ao-ina hehelin. Tehuu nakaneni ma nakaboi neulalau, sama leo Karistus nakaneni neulalau Ndia hataholi nala,  
\v 30 huu ita ia, sama leo Ndia ao-ina hehelin.  
\v 31 Nai Manetualain Susula Malalaon, nana sulak, nae, “Huu ndia de, touk ana musi laꞌo ela ndia ina-aman, fo neu leo dalek esa no ndia sao inan, huu dua sala dadik neu esa so.”\x + \xo 5:31 \xt Tutuik laꞌeneu Sososan 2:24\x*  
\v 32 Lamatuak Dedeꞌa-kokolan ndia, nana natuduk so neme makahulun mai, laꞌeneu sao touk-sao inak susuen. Tehuu hatematak ia, Dedeꞌa-kokolak ndia boe, natudu laꞌeneu Karistus susuen neu Ndia hataholi nala.  
\v 33 De, sao touk musi sue ndia sao inan sama leo ana sue ndia ao-ina hehelin. Ma sao inak musi fee hadak neu ndia sao toun.   
\c 6  
\s1 Natutuduk leo: kakana kala lo ina-ama nala  
\p
\v 1 Leo ndiak boe neu kakana kala ei! Ei musi mamanene ei ina-ama mala, huu ndia nandaa, tungga ita Lamatuan hihii-nanaun.\x + \xo 6:1 \xt Kolose 3:20\x*  
\v 2 Nai Manetualain Susula Malalaon nana sulak, nae, “O musi fee hadak neu o amam ma inam.” Ia, Manetualain palenda kaesan fo Ana pake heheluk.  
\v 3 Huu faik fo Manetualain fee palenda ndia, Ana helu, nae, “Mete ma o tao leo ndiak, na neu ko o hambu babaꞌe-babatik makadotok, ma o hambu teu naluk.”\x + \xo 6:3 \xt Kalua neme Masir mai 20:12; Tui Seluk laꞌeneu Dala Sodak 5:16\x*   
\p
\v 4 Leo ndiak boe, ina-ama la ei! Boso tao ei ana mala ta no hadak, huu ndia tao nala sala luli. Malolenak makaneni neulalau sala, ma manoli sala neme kadiꞌi ana nala mai, fo tungga Lamatuak dalan. Mete ma ala tao salak, na matudu sala ndoon tungga Lamatuak hihii-nanaun.\x + \xo 6:4 \xt Kolose 3:21\x*   
\s1 Natutuduk leo: hataholi mana tao ues lo sila malanggan  
\p
\v 5 Leo ndiak boe, hataholi mana tao ues! Ei musi bii ei malanggam fo mana palenda ei nai daebafok ia, ma mamanene neu ndia. Boso tao ues kada fak, tehuu tungga tebe-tebe ei malanggam hihii-nanaun, sama leo ei boe oo, tungga tebe-tebe Karistus hihii-nanaun.  
\v 6 Huu ei ia, Karistus hataholi mana tao uen boe. De, nai daebafok ia, boso ei malanggam nita ei dei, bei fo ei manggate. Tehuu tao ues tebe-tebe fee ndia, mae ndia ta nai ndia boe. Huu ndia, na mana tungga Manetualain hihii-nanaun.  
\v 7 De, makalalaꞌok ei ue mala no boi-boik, sama leo ei tao ues fee ita Manetualain, fo ta kada tao ues fee malangga hataholik.  
\v 8 Huu ita bubuluk, dei fo Manetualain bala fee hataholi mana tao dedeꞌa malole. Mae sila ndia, hataholi mana tao ues do, malanggan do, ata do, ta ata do, na Ana bala basa sala.\x + \xo 6:8 \xt Kolose 3:22-25\x*   
\p
\v 9 Leo ndiak boe, malangga nala! Ei boso mambue makabibiik ei hataholi mana tao ues. Huu sila ka Lamatuak nai nusa-sodak, fo sama leo ei enam boe. Ana ta mete matak, tehuu Ana namanene sudi see. Mae malanggan do, hataholi mana tao ues, na Ana namanene basa sala.\x + \xo 6:9 \xt Tui Seluk laꞌeneu Dala Sodak 10:17; Kolose 3:25; 4:1; Yakobis 5:4\x*   
\s1 Pake basa Manetualain manala nala fo boso heok  
\p
\v 10 Mamanene neulalau au kokola mateꞌeng ia. Ei musi toꞌu tea-tea ei namahehelem neu Manetualain, huu Ndia ndia, ei Lamatuam ma koasan ndia, ana seli. Ndia ndia tao natea ei.  
\v 11 Soldadu la pake manala fo laban sila musu nala. Leo ndiak boe Manetualain sangga pake ei sama leo soldadu. Huu Ana nau ei laban basa duduꞌa manggalauk fo nitu la malangga inahuun taon. Huu ndia de, ei musi mahehele pake Lamatuak manala nala no matetuk.  
\v 12 Huu ita ia, nai natatik dale! Ita ta tatati laban hataholi, tehuu ita tatati laban koasa manggalauk fo ita ta tita sana, laban mana toꞌu palenda manggalauk, koasa-koasa makiuk, ma laban dedeꞌa manggalauk.  
\v 13 De, ei musi mahehele fo pake basa Manetualain manala natatin. Dei fo mete ma fai-fai manggalauk mai so, na, ei bisa laban makandoo losa basan. Mete ma ei ta tuda, na, ei mahele losa ei senggin.   
\p
\v 14 De, ei musi mbalak eik fo mambadeik matetea! Kada mamahele neu Lamatuak Dedeꞌa-kokolan teteben, huu ndia sama leo ei pake soldadu kalikeen.\f + \fr 6:14 \ft Mete ma soldadu Roma la sangga pake manala, na, ala pake lakahuluk badu dalek. Boe ma ala pake kalikee, suek badu dale nala boso deak mai. Basa ndia bei fo ala pake basa soldadu manala nala.\f* Masoda ndoos, huu ita sama leo pake badu besik, babaa kalak.\x + \xo 6:14 \xt Yesaya 11:5; 59:17\x*  
\v 15 Mahehele miu tui-bengga Hala Malole fo matudu dalak fo hataholi nasoda no mole no Manetualain, huu ndia sama leo pake sapatu soldadu.\x + \xo 6:15 \xt Yesaya 52:7\x*  
\v 16 Mamahele makandondoo henin neu Lamatuak, huu ndia sama leo manala soaneu sili. No manala ndia, na ei bisa tao misa basa nitu manggalauk kokou haꞌin fo ala koun neu ei.  
\v 17 Toꞌu matetea ei namahehele mala, fo ei hambu sodak neme Manetualain mai, huu ndia sama leo soldadu pake solangga besik. Toꞌu matetea Manetualain Dedeꞌa-kokolan neme Ndia Dula Dale Malalaon mai, huu ndia sama leo soldadu pake tafa.\x + \xo 6:17 \xt Yesaya 59:17\x*   
\p
\v 18 Mete ma ei sangga mambadeik tea-tea, na, ei musi hule-haladoi makandondoo henin pake Manetualain Dula Dale Malalaon koasan. Manea makandoo, ma boso hahae hule-haladoi fee basa Lamatuak hataholi nala sudi lai bee.  
\v 19 Ma boso lilii hule-haladoi fee au boe. Moke fo Manetualain fee au Ndia hehelun, fo ela au afada ledo-ledo Ndia hihiin neu hataholi feꞌe kala.  
\v 20 Mae au dadik hataholi bui, tehuu Lamatuak Yesus nadenu au, fo dadik neu Ndia nadedenun. De, hule-haladoi fee au, fo au taa bii kokolak tetebes, huu ndia memak au ueng!   
\s1 Paulus nateꞌe ndia susulan  
\p
\v 21 Au nau ei bubuluk au nanggatutuu-nambadedeing. Huu ndia de, au haitua Tikikus neni ei neu. Ndia ndia, au tolanoo susueng, ma ndia manggate nakalalaꞌok Lamatuak Yesus Karistus uen.\x + \xo 6:21 \xt Hataholi Nadedenu nala Tutuin 20:4; 2 Timotius 4:12\x*  
\v 22 Ela ana tui laꞌeneu ai sodan nai ia. Ma au nau fo ana tao natea ei dale mala.\x + \xo 6:22 \xt Kolose 4:7-8\x*   
\p
\v 23 Au hule Manetualain fo ita Aman, ma Yesus Karistus fo ita Lamatuan, fo Ala tao basa tolanoo kala mole-dame ma lasueao esa no esa, huu ei mamahele neu Sila.  
\v 24 Au boe hule-haladoi, fo ita Lamatuan Yesus Karistus natudu Ndia dale malolen, neu basa hataholi fo mana sue Ndia nakandondoo henin.  
\p Au susulang losa kada ia leo!  
\q2 Soda-molek neme au mai,  
\q2 Paulus