\id COL  
\h Kolose 
\toc1 Paulus susulan fee hataholi kamahele kala malai kota Kolose 
\toc2 Kolose 
\toc3 Kol 
\mt2 Paulus susulan  
\mt2 fee hataholi kamahele kala malai kota  
\mt1 Kolose  
\c 1  
\s1 Paulus mulai ndia susulan  
\p
\v 1 Soda-molek neme au mai, Paulus. Manetualain mesa kana hele nala au, fo dadik neu Yesus Karistus hataholi nadedenun. Nai ia boe, ita tolanoon Timotius fee ei soda-molek.   
\p
\v 2 Au sulak susulak ia fee ei, fo Manetualain hataholi nala malai kota Kolose, fo mana tao nakandoo Yesus Karistus dala sodan.  
\p Ai moke Manetualain, fo ita Aman, natudu Ndia dale malolen neu ei, fo suek ei masoda no mole-dame ma ndondoo.   
\s1 Paulus hule-haladoi fee hataholi kamahele kala malai Kolose  
\p
\v 3 Tungga-tungga ledoeik, ai hule-haladoi nai ia fee ei, de ai moke makasi neu Manetualain, fo ndia ita Lamatuan Yesus Karistus Aman.  
\v 4 Huu ai mamanene dedeꞌak noꞌuk laꞌeneu ei namahehelem neu Yesus Karistus, ma laꞌeneu ei susuem ma dale malolem neu basa hataholi kamahele kala.  
\v 5 Ei tao leo ndiak, huu ei bubuluk dedeꞌa malole la, fo nana mbedak fee ei nai nusa-sodak. Dedeꞌa kala ia, ei mamanene mitak fo ndia Manetualain Hala Malolen ndia,  
\v 6 fo hataholi neu nafada ei neme makahulun mai so. Hala Malole ndia nana tui-benggak sudi nai bee so, nai daebafok ia, ma hambu buna-boa malole, huu ana tao nasafali hataholi sodan dadik malole. Ei sodam dadik malole leo ndiak, mulai neme fai sososan ei mamanene Hala Malole, ma bubuluk tebe-tebe Manetualain dale malolen.   
\p
\v 7 Ei manoli dedeꞌak ia neme kaꞌa Epafras so, fo ndia ai nonoon tao ues fo ai suek. Huu ana manggate nakalalaꞌok nakandoo Karistus uen nai ei laladam.\x + \xo 1:7 \xt Kolose 4:12; Filmon 23\x*  
\v 8 Ana tui ai nai ia laꞌeneu ei susuem, fo Manetualain Dula Dale Malalaon fee ei so.   
\p
\v 9 Huu ndia de, mulai neme makasososan mai, ai mamanene laꞌeneu ei, ai hule-haladoi makandondoo henin fee ei. Ai moke Manetualain fo ei bisa malelak tebe-tebe Ndia hihii-nanaun, ma ei bisa bubuluk dedeꞌak noꞌuk, tungga hata fo Manetualain Dula Dale Malalaon nanoli ei.  
\v 10 No leo ndiak, na ei bisa masoda no mandaan, ma mini Manetualain nade malolen. Ei bisa tao mamahoko Manetualain dalen nai basa dedeꞌa kala boe. Mete ma ei matudu dale malole neu hataholi, neu ko Manetualain fee ei buna-boa malole. No leo ndiak, ei bisa boe malelak Manetualain.   
\p
\v 11-13 Ai hule-haladoi boe, fo ai moke Manetualain fee koasan fo ana seli ndia, fo ei bisa lemba basa dedeꞌa kala no nggale loak. Ai moke fo ei dale mala henuk no namahokok, fo ei moke makasi makandondoo henin neu Manetualain. Huu Ndia soi dalak so, fo ei bisa simbo babaꞌek neme pusaka nai nusa-sodak. Pusaka ndia, Ana fee neu basa hataholi mana mamahelek neu Yesus Karistus. Huu Ana nakamboꞌik ita teme koasa makiuk mai, boe ma Ana fee ita dadik neu Yesus Karistus hataholin, fo leo nai manggaledok. Ndia boe oo, soꞌu Yesus Karistus fo dadik ita Manen. Yesus ndia, Manetualain Ana susuen.  
\v 14 Huu Manetualain fee Ndia Anan ndia so, fo soi nala ita ma koka heni ita sala-singgo nala.\x + \xo 1:14 \xt Efesus 1:7\x*   
\s1 Karistus ndia deman lena heni basa-basan  
\q1
\v 15 Karistus ndia, na mata-aok esa no Manetualain,  
\q2 fo hataholi tana bisa nitan.  
\q1 Ndia hambu mema kana nakahuluk neme basa-basan mai,  
\q2 ma Ana dadik Lamatuak neu basa Manetualain nakadadadi nala.   
\q1
\v 16 Huu Manetualain pake Ndia  
\q2 fo nakadadadik nala lalai ma daebafok no basa isi nala.  
\q1 Ana tao dedeꞌa kala fo hataholi bisa nitan,  
\q2 ma hataholi tana bisa nitan.  
\q3 Boe ma, sila mana toꞌu palenda, sila mana toꞌu koasa,  
\q3 mane-mane kala, ma malangga-malangga nala.  
\q1 Manetualain no Yesus Karistus ala tao basa sila la,  
\q2 ma Ana fee Yesus Karistus,  
\q3 fo Yesus Karistus heti sala.   
\q1
\v 17 Ledoeik basa feꞌe kala bei ta,  
\q2 tehuu Ndia nai ia memak so.  
\q1 Basa manai ia kala, nanambaꞌak no Ndia,  
\q2 ma Ndia ndia, heti sala.   
\q1
\v 18 Ndia ndia dadik Malanggan neu basa hataholi kamahele kala,  
\q2 ma hataholi kamahele kala dadik sama leo Ndia ao-inan.  
\q1 Huu Ndia nakalalaꞌok basa-basan.  
\q1 Neme basa mana mate kala, basa de lasoda fali,  
\q2 tehuu Ndia inahuun ana seli,  
\q3 ma Ndia deman lena basan.\x + \xo 1:18 \xt Efesus 1:22-23\x*   
\q1
\v 19 Basan malai Manetualain Aon dale,  
\q2 na nai Karistus Aon dale boe  
\q3 ma ndia tao Manetualain namahoko.   
\q1
\v 20 Manetualain pake Yesus Karistus,  
\q2 fo mole no basa Ndia nakadadadin.  
\q1 Ana fee Ndia Anan,  
\q2 fo Ndia daan Ana faa dadik tunu-hotuk,  
\q2 ma Ana mate nai ai ngganggek lain,  
\q3 fo ela basa malai lalai,  
\q3 ma malai daebafok,  
\q3 bisa mole seluk lo Manetualain.\x + \xo 1:20 \xt Efesus 2:16\x*   
\p
\v 21 Makahulun, ei mesa nggei masoda nai deak, dook mima Manetualain mai. Ei mamusuk mia Ndia, ma masoda maelak mia Ndia, huu ei dale mala kabook, ma tatao manggalaun ndia, laban Ndia nakandondoo henin.  
\v 22 Mae leo ndiak, tehuu hatematak ia Ana soi dalak fo ita mole seluk to Ndia. Huu ndia de, Ana nadenu Ndia Anan fo dadik neu hataholi. Ndia boe oo tao Ndia Anan dadik tunu-hotuk, losa maten nai ai ngganggek lain fo ita bisa mole seluk to Ndia. Yesus Karistus tao leo ndiak, fo bisa noo ita teu tambadeik nai Manetualain matan, fo dadik hataholi malalaok, ma dale ndoos, fo sala-singgo nala ta fa boe.  
\v 23 Teteben, ei musi mahele makandoo mia ei namahehele mala. Toꞌu mahele, fo boso manggeꞌo! Boso heok mima Hala Malole ndia mai, fo ei simbon, faik fo makasososan ei mamanenen ndia. Te ei bisa toꞌu mahele Hala Malole Ndia. Hataholi la tui-bengga Hala Malole ndia nai sudi bee, nai daebafok ia. Ma Lamatuak nadenu au, Paulus, fo au uu tui-bengga Hala Malole ndia.   
\s1 Paulus tao ues, fo ana ono-lau Lamatuak hataholi nala  
\p
\v 24 Faik fo Karistus nasoda nai daebafok ia, Ana hambu doidosok noꞌuk. Ma hatematak ia, au boe oo lemba doidosok mata-matak. Mae leo ndiak boe, tehuu au daleng namahoko nakandondoo henin. Mete ma hambu hataholi fo ana musi doidoso, na ela au ndia lemba tungga doidosok ndia fee sala, sama leo Karistus lemba doidosok fee Ndia hataholi nala. Huu Ndia hataholi nala sama leo Ndia ao-inan.  
\v 25 Manetualain fee au tao ues ia fo ono-lau Ndia hataholi nala. Huu ndia de, au anoli Ndia Dedeꞌa-kokolan neu ei, losa lutu-lutuk.  
\v 26-27 Neme sososan mai, hataholi lamanene Manetualain Dedeꞌa-kokola nala. Ala bei ta bubuluk Dedeꞌa-kokolak ndia hihiin no ledo-ledo, huu hihiik ndia bei nana nafunik. Tehuu hatematak ia, Manetualain naketun so fo Ana buka hihiik ndia neu Ndia hataholi nala. Ma Ndia hihiin ndia, halak fo ana seli fee basa leo-leo hataholi nusak malai daebafok ia. Halak fo ana seli ndia, fo ndia:  
\q1 Karistus nasoda nai ei dale mala!  
\q2 Ndia ndia, fo tao ei mamahele makandoo, mae,  
\q3 neu ko Ana tao dedeꞌa kala malolen ana seli fee ei nai nusa-sodak.  
\q2 Ia, fo ita hataholi tahani-tahanik neme makahulun ele mai.   
\p
\v 28 De, ai mafada basa hataholi la laꞌeneu Karistus. Ai manoli sala, ma fee nasaneneda kasa fo pake basa duduꞌak fo Manetualain fee ai. Ai tao leo ndiak fo boe tao natea basa hataholi mana tungga Karistus. De, dei fo ala bisa lambadeik nai Ndia matan, ta no mamaek, huu ala lasoda ndoos lakandoo.  
\v 29 Huu ndia de, au asusua fo tao ues mbilu mbuse fee ei. Au bisa ahele tao ues leo ndiak, huu Karistus koasan ndia tao natea au. Ndia koasan ndia, ana seli!   
\c 2  
\p
\v 1 Ei mana leo nai kota Kolose, sila mana leo lai kota Laodikia, ma sila fo bei ta latonggo litak lo au. Mamanene neulalau! Au nau fo basan bubuluk au tao ues mbilu mbuse leo ndiak fee ei ma fee sila.  
\v 2 Au hihiing sangga tao natea sila basa sala dale nala, fo sila boe bisa nanambaꞌak neu esa, huu sila lasoda lasueao. Boe ma ala lamahele, huu sila bubuluk Manetualain hihiin, fo makahulun nana nafunik. Bui bafak ndia, na ndia Karistus!  
\v 3 Mete ma ei nanambaꞌak dadik neu dalek esa mia Karistus, bei fo Ana fee basa duduꞌak fo ei paluu, ma nanoli ei pake duduꞌak fo tao dedeꞌa malole. Duduꞌa kala ia, sama leo hata pusaka mabeli.   
\p
\v 4 Au afada ei, basa dedeꞌa kala ia, fo ela boso hambu hataholi ana mai pepeko nala ei, no bafa mamina.  
\v 5 Memak au dook ua ei. Mae leo ndiak boe, tehuu au ta lilii heni ei, huu au daleng nanambaꞌak no ei. Ma au amahoko, huu au bubuluk ei masoda no mandaan, ma ei bei toꞌu tea-tea ei namahehele mala neu Karistus.   
\s1 Ita fo nanambaꞌak to Karistus, hambu sodak tetebes  
\p
\v 6 Huu makahulun ei simbo Yesus Karistus dadi neu ei Lamatuam, huu ndia de hatematak ia, ei musi mamanene makandoo Ndia. Huu Ndia ndia bei dadik ei Lamatuam.  
\v 7 Mete ma masoda nanambaꞌak no Ndia leo ndiak, na ei sama leo ai huuk fo ana tamba natea, huu ndia okan tola losa dook neni dae dale neu. Ma ei sama leo uma matea, huu nana nambadedeik nai fanderen matea lain. Ei matea makandoo nai ei namahehele mala, sama leo ei manoli mitak ndia. Suek ei dale mala henu lenak no makasi, huu basa dedeꞌa kala fo Manetualain tao fee ei.   
\p
\v 8 Mata neuk, suek ei boso tungga hataholi feꞌek fo pake hataholi duduꞌan mai, fo boso mini sala kalua neme dalan ndoos mai. Ma boso tungga hataholi nanonoli malelan fo ta no netes. Huu sila nanonoli nala ndia, kada neme hataholi duduꞌan, ma neme daebafok heti-heu nala. Tehuu nanonolik ndia, ta naoka nai Karistus dalek.   
\p
\v 9 Basa hata fo manai Manetualain Ao-inan, ndia boe oo nai Karistus Ao-inan dale. Ma Karistus dadik hataholi boe, sama leo ita.  
\v 10 Huu ei nanambaꞌak mia Karistus, ma dadik neu Ndia hataholin, huu ndia de Ana tao nala ei dadik mana daik. Huu Ndia deman lena heni basa koasa ma basa mana toꞌu palenda, mae malole do manggalauk.   
\p
\v 11 Faik fo sunat, hataholi Yahudi ala kedi heni ‘mamaen’ lou mbedan, fo ana dadik neu tanda, nae, sila ndia, Manetualain hataholin. Faik fo ei dadik Karistus hataholin, ei boe oo, hambu ‘sunat’. Ndia hihiin leo iak: sunat ia na ta laꞌeneu hataholi kee heni ao-inak loun, tehuu laꞌeneu Karistus kee heni dedeꞌa manggalauk neme ita dale nala mai. Fo ndia, dedeꞌa manggalauk fo ita hii taon, huu ita ia, hataholi.   
\p
\v 12 Faik fo ala salani ei lenik oe, ndia sama leo ei tungga nana natoik noꞌu mia Karistus. Boe ma ei hambu soda beuk boe, sama leo Ndia hambu soda beuk boe. Ei hambu leo ndiak, huu ei mamahele, mae, Manetualain pake Ndia koasan ana seli ndia, fo Ana tao nasoda falik Yesus Karistus, neme Ndia mamaten mai. Ndia boe oo pake koasa ndia fo tao ues nai ei dale mala.\x + \xo 2:12 \xt Roma 6:4\x*   
\p
\v 13 Makahulun, ei sama leo mana matek so, huu ei maena sala-singgok mata-matak, ma ei bei ta maso dadik Manetualain hataholi nala. Mae leo ndiak, tehuu Ana koka heni basa ei sala mala, ma fee soda beuk neu ei, sama leo Ana tao nasoda falik Karistus.\x + \xo 2:13 \xt Efesus 2:1-8\x*  
\v 14 Teteben na ita nana hukuk, huu ita laꞌolena Manetualain heti-heu nala. Tehuu Ana koka heni ita huhuku nala so, faik fo ala mbaku Karistus nai ai ngganggek lain.\f + \fr 2:14 \ft Susula Malalao Yunani nana sulak nae, “Tehuu Ana koka heni ita huhuku nala, huu Ana mbaku henin nai Karistus ai ngganggek lain.”\f* \x + \xo 2:14 \xt Efesus 2:15\x*  
\v 15 Nai ndia, Ana senggi malanggan nitu la, ma dula nitu manggalauk kala. Boe ma Ana nakamamae kasa neu hataholi noꞌuk mata nala. Ndia sama leo soldadu la senggi natatik fo ala fali lo hataholi nana senggi kala, de laꞌok lafeok latudu sila musu nala fo nana senggi kala sila so.   
\p
\v 16 Mete ma hataholi ana sangga tao natuda ei laꞌeneu heti-heu anggaman Yahudi la nenik nanaꞌa-nininuk, na boso mbali sala. Ma mete ma hataholi sangga tao dedeꞌak no ei laꞌeneu fai-fai malole do, feta bula beuk do, heti-heu fai hahae tao ues, na boso mamanene sala.\x + \xo 2:16 \xt Roma 14:1-6\x*  
\v 17 Dedeꞌa mata leo sila kala, sosoan ta! Huu dedeꞌa kala sila kada sama leo salao kala, fo dei fo mopo heni sala. Tehuu Karistus ndia, na isi-isik. Ndia ndia, leo nakandoo.   
\p
\v 18 Mete ma hataholi sangga tao natuda ei, huu ei ta tungga heti-heuk fo sila mesa kasa taon, na, boso mamanene sala. Tehuu, mete ma ei mamanene sala, na ei ta bisa simbok dedeꞌa malole la, fo Manetualain nau fee ei. Tehuu mata neuk baa! Huu memak hambu hataholi sangga dalak fo ana tao natuda ei. Ala nau fo ei musi tao makadadaek ei ao-ina mala, ma songgo Lamatuak ata nala manai nusa-sodak, huu ala laehetuk hambu meꞌis fo natudu sala leo ndiak. Ala taok sila malolen lena heni hataholi feꞌe kala. Naa te ta leo ndiak! Huu sila duduꞌa nala kada sama leo hataholi basa faik.  
\v 19 Sila ta nanambaꞌak no Karistus. Na te, Ndia ndia Malanggan. Ma Ndia hataholi nala, sama leo Ndia Aon fo Ana hetin. Ana tao Ndia hataholi nala boe latea, pake Manetualain koasan. No leo ndiak, ala dadik sama leo uak ma duik fo nanambaꞌak matea fo ala latulu-fali esa no esa, losa aok katemak bisa ana tao ues no malole.\x + \xo 2:19 \xt Efesus 4:16\x*   
\s1 Mete ma ita nanambaꞌak to Karistus, ita hambu soda beuk  
\p
\v 20 Ei mate noꞌu mia Karistus so. De, ei ta nanambaꞌak mia koasa makiu kala so nai daebafok ia. Hatina de, ei bei tungga makandoo daebafok heti-heun mata-mata kala? Ala lae leo iak:  
\v 21 “Boso toꞌu ia; boso miꞌa ndia; boso mafaloe ia.”  
\v 22 Tehuu heti-heu kala sila, kada hataholi taon, de ala lanoli neu hataholi la. Naa te heti-heu kala sila kada heti dedeꞌa kala fo neu ko mopo henin!  
\v 23 Hataholi laehetuk ala bisa tao heti-heuk ndia, na neu ko hataholi feꞌe kala fee hada-holomata neu sala, ma ala tao sila malelan ana seli, hataholi malalaok tetebes, hataholi dale taidaek, hataholi nakahehedik ao-inan, mana songgo fo manggate ana seli songgo-tanggu. Naa te ta! Heti-heu kala sila ta bisa heti tao malole hataholi duduꞌan, ma hataholi dalen fo nahiik tao manggalauk!   
\c 3  
\p
\v 1 Manetualain fee ei soda beuk so, sama leo Ana tao ei masoda fali noꞌu mia Karistus. Hatematak ia Karistus nanggatuuk nai mamana nana hadak manai lain seli, nai Manetualain boboa konan. Huu ndia de, ei musi duduꞌa dedeꞌa kala mana tao namahoko Manetualain dalen.\x + \xo 3:1 \xt Sosoda Koa-kio kala 110:1\x*  
\v 2 Duduꞌa makandoo laꞌeneu dedeꞌa kala fo Manetualain hiin. Boso mbali dedeꞌa kala fo kada tao namahoko hataholi dalen.  
\v 3 Huu ei mate tungga boe, neu faik fo Karistus maten. De, ei soda beum ndia, ndondoo, huu nanambaꞌak no Karistus so, fo sama-sama no Manetualain, nai nusa-sodak.  
\v 4 Karistus nasoda nai ei dalem, ma Ndia boe oo, Ana tao nala ei masoda ndoos. Neu ko neu faik fo Ana fali main, na, ei boe oo, sadu noꞌu mia Ndia. Basa sila, ana seli!   
\s1 Soda mata-ao laak, ma soda mata-ao beuk  
\p
\v 5 Huu ndia de, ei musi nggali heni ei hihii tao manggalau mala. Natutuduk leo: mahiik tao naeok no hataholi fo ta o sao toum, do o sao inam; mahiik tao dedeꞌa manggenggeo kala; mahiik tao tungga o aombaa nasuun; mahiik tao dedeꞌa manggalauk mata-mata kala; ma manamasetik, fo kada o nau basan dadik neu o enam (naa te ndia sama leo o songgo tanggu, huu o soꞌuk mamadedema dedeꞌa feꞌek fo seti heni Manetualain).  
\v 6 Dedeꞌa kala sila tao lala Manetualain luli nalan seli, losa Ana nau fee huhukuk neu basa hataholi la fo tala nau lamanene Ndia.  
\v 7 Makahulun, ei masoda leo ndiak boe, huu ei dale mala nanambaꞌak no dedeꞌa manggalau kala sila.   
\p
\v 8 Tehuu hatematak ia, ei musi nggali heni ei namemeda mahiik tao basa manggalau kala sila. Natutuduk leo: mahiik luli; dale matobik; mambeda dalek; kokolak tao makalulutu hataholi nade malolen; ma bafa manggenggeok.  
\v 9-10 Ma ei masapepeko esa mia esa. Huu ei nggali heni ei dale mala fo mahiik tao manggalauk, ma laꞌo ela ei dala soda laam.\x + \xo 3:9-10 \xt Efesus 4:22\x*  
\p Ma hatematak ia, ei nggati heni dedeꞌak ndia, fo pake dale beuk. Ndia sama leo hataholi ana nggali heni baloꞌa papake laak manggenggeo kala, fo pake baloꞌa papake beuk malalaok. Manetualain fo makahulun Ana nakadadadik nala ei. Ma hatematak ia, Ana tao ei boe malelak Ndia, ma tao ei doo-doo fo dadik mata-aok esa leo Ndia.\x + \xo 3:9-10 \xt Tutuik laꞌeneu Sososan 1:26; Efesus 4:24\x*  
\v 11 Nai soda beuk dalek ia, ita ta mete hataholi neme sila lou dean mai, mae, sila ndia hataholi Yahudi do; hataholi ta Yahudi do; hataholi mana sunat do; hataholi ta mana sunat do; hataholi nusa dea do; hataholi kokolak feꞌek;\f + \fr 3:11 \ft Susula Malalao Yunani nana sulak nae, “hataholi Barbar ma hataholi Skutia”. Ala lae hataholi Barbar ndia, hataholi nusa dea fo malai deak mana toꞌu palenda Roma koasan. Ala lae hataholi Skutia ndia, hataholi hada tak.\f* ata do; ta ata. Ndia ta penting! Tehuu penting ndia, mete ma sila nanambaꞌak no Karistus, ma mete ma Ndia nasoda nai sila dale nala.   
\p
\v 12 Manetualain hele nala ei so, huu Ana sue ei. Ndia hihiin, fo ei dadik Ndia hataholi malalaon, suek feꞌe neme hataholi basa faik mai. Huu ndia de, ei musi dadik hataholi dale malole, dale neulauk, dale taidaek, dale bangganaꞌuk, ma nggale loak.  
\v 13 Ei musi nggale loak ma malelak esa no esa. Mete ma neme ei mai, hambu mana sangga dedeꞌak no ndia nonon, na boso mambeda dalek. Tehuu ei musi lilii heni salak ndia ma fee ambon neu ndia, sama leo Lamatuak Ana lilii heni ei sala mala.\x + \xo 3:13 \xt Efesus 4:2, 32\x*  
\v 14 Masanenedak huu susuek ndia, inahuun lena basan. De ei musi pake susuek nai ei dale mala, sama leo hataholi pake baloꞌa papakek nai ndia ao-inan. Huu susuek ndia, sama leo abas ia, fo ita paken neu tetenuk, suek tao temak malolen ana seli. Ndia nanambaꞌak no ita fo dadik teu esa.   
\p
\v 15 Ita bisa mole to Manetualain, huu Karistus. De, ei musi fee Karistus molen ndia heti ei dale mala. Huu Lamatuak nau fo ei basa nggei masoda mole esa no esa, huu ei basa nggei, nanambaꞌak dadik neu ao-inak esa. Ma ei dale mala musi mameda makasi makandoo, huu Ndia mesa kana hele nala ei.   
\p
\v 16 Karistus Dedeꞌa-kokola nala musi ana heti ei dale mala, ma ei soda mala boe. Dedeꞌa-kokola kala sila, sama leo hata mabeli fo Ana feen neu ei. Ala latudu dalak fo ei bisa bubuluk dedeꞌa noꞌuk, tungga Manetualain duduꞌan. De, ei bisa pake sala, fo manoli ma tao masanenedak ei esa no esa. Mete ma manoli ei hataholi mala, na boso manoli no hala belak, tehuu pake dale malole fo henuk no namemeda makasi. Pake koa-kiok neme Manetualain Susula Malalaon, koa-kiok neme Dula Dale Malalaok, ma koa-kiok fo ei dula aom, fo souk koa-kio kala neu Manetualain.  
\v 17 Ei ia, dadik Yesus Karistus nadedenun. De masanenedak, huu basa ei kokola mala sila, neni Ndia naden. Ma basa ei tao kala sila, neni Ndia naden boe. Ma boso lilii heni tao basa-basan, nenik ei Lamatuam Yesus Karistus naden. Ma moke makasi makandoo neu Ndia Aman Manetualain.\x + \xo 3:17 \xt Efesus 5:19-20\x*   
\s1 Hataholi salani kala musi lasoda talobee, esa no esa?  
\p
\v 18 Sao ina kala ei! Ei musi manene ei sao tou mala, huu ndia nandaa neu hataholi fo mana tungga Yesus Karistus.\x + \xo 3:18 \xt Efesus 5:22; 1 Petrus 3:1\x*   
\p
\v 19 Sao tou kala ei! Ei musi sue ei sao ina mala, ma boso tuni-ndeni sala, fo tao dale nala hedis.\x + \xo 3:19 \xt Efesus 5:25; 1 Petrus 3:7\x*   
\p
\v 20 Kakana kala ei! Ei musi mamanene ei ina-ama mala nai basa dedeꞌak lalaꞌen, huu ndia ana tao namahoko Manetualain dalen.\x + \xo 3:20 \xt Efesus 6:1\x*   
\p
\v 21 Ina-ama la ei! Boso mambue makanete ma tao belak neu kakana kala, fo boso dale nala kulan ma lambeda dalek neu ei.\x + \xo 3:21 \xt Efesus 6:4\x*   
\p
\v 22 Hataholi mana tao ues! Nai daebafok ia, ei musi tao tungga ei malangga mala nai basa dedeꞌak lalaꞌen. Boso kada sangga matak neu ledoeik ala memetek ei. Tehuu masusua fo ei tao mamahoko sala taa-taa. Tao ues basa dedeꞌa kala no ndoos, huu ei bubuluk mae, Manetualain memetek ei.  
\v 23-24 Ei tao sudi hata, na tao ues no teteben ma mana boi-boik. Ei musi tao ues sama leo ei tao ues fee ei Lamatuam Yesus Karistus, tehuu ta fee hataholi. Huu ei ono-lau Ndia. Ma neu ko Ana fee ei nggadim ma fee ei pusaka.  
\v 25 Tehuu mete ma tao ues ta no ndoon, neu ko Ana huku ei. Huu Ndia ndia, ndoos ma ta mana mete matak.\x + \xo 3:25 \xt Efesus 6:5-8; Tui Seluk laꞌeneu Dala Sodak 10:17; Efesus 6:9\x*   
\c 4  
\p
\v 1 Malangga-malangga la ei! Ei musi heti ei nadedenu nala no tetebes ma ndoos. Masanenedak, huu ei ka Malanggan boe nai nusa-sodak, fo Ana heti ei.\x + \xo 4:1 \xt Efesus 6:9\x*   
\s1 Nanoli-nafadak  
\p
\v 2 Ei musi manggate hule-haladoi makandoo. Ma musi mamedak laꞌeneu dedeꞌa kala fo ei kokolak mia Manetualain, ma hule-haladoi minik dale henuk no namemeda makasi.  
\v 3 Boso lilii heni hule-haladoi fee ai ma moke Manetualain soi dalak, fo ita bisa tafada hataholi dedeꞌa kala, fo makahulun ele nana nafunik laꞌeneu Karistus. Masanenedak, au maso bui ia, huu au afada hataholi laꞌeneu Karistus.  
\v 4 Hule-haladoi fo au bisa afada Hala Malole ndia no manggaledok, suek hataholi bisa bubuluk neulalau.   
\p
\v 5 Masoda neulalau nai hataholi fo bei ta namahele neu Karistus. Pake neulalau tungga-tungga lelak fo Lamatuak fee ei.\x + \xo 4:5 \xt Efesus 5:16\x*  
\v 6 Mete ma ei kokolak, na kokolak no bangganaꞌuk fo hataholi dalen namahoko. Pake dedeꞌa ndoos, fo ei bisa mataa masafali no malole, mete ma hambu hataholi natane ei.   
\s1 Paulus nateꞌe ndia susulan  
\p
\v 7 Dei fo Tikikus sangga mai tui ei laꞌeneu au nambadedei-nanggatutung. Ndia ndia, tolanook fo ai suen, fo ana ono-lau Lamatuak hataholi nala no dale katemak. Makahulun, ana nakalalaꞌok Lamatuak uen noꞌu no au.\x + \xo 4:7 \xt Hataholi Nadedenu nala Tutuin 20:4; 2 Timotius 4:12\x*  
\v 8 Au adenu ndia leo ndiak, fo ana bisa neu tao natetea ei dale mala, ma bisa ana tui ei, laꞌeneu ai nai ia.\x + \xo 4:8 \xt Efesus 6:21-22\x*  
\v 9 Au haitua falik Onesimus fo tungga no ndia. Onesimus ndia, na tolanook dale katemak fo ita suen. Ndia ndia, ei hataholi hehelim. Dua sala sila dei fo ala tui ei, basa dedeꞌa kala fo dadi lai ia so.\x + \xo 4:9 \xt Filmon 10-12\x*   
\p
\v 10 Aristarkus fee soda-molek neu ei. Ala kena noꞌu ndia no au nai bui. Barnabas tolanoon manade Markus, ala fee soda-molek boe. Makahulun au helu memak ei ae, mete ma Markus ana mai tilo ei, na simbok neulalaun.\x + \xo 4:10 \xt Hataholi Nadedenu nala Tutuin 19:29; 27:2; Filmon 24; Hataholi Nadedenu nala Tutuin 12:12, 25; 13:13; 15:37-39\x*  
\v 11 Yesus, (fo tateme toke tae, “Yustus”) fee soda-molek boe neu ei. Neme basa ita nonoo nala fo takalalaꞌok noꞌu Manetualain uen, kada sila telu sala hataholi salanik, neme nusak Yahudi mai, no au nai kota Roma. Ma sila ia latetea au daleng.   
\p
\v 12 Ei nonoon Epafras nai ia, ma ndia boe ana fee soda-molek neu ei. Ndia ana dadik Yesus Karistus hataholi nadedenun. Ana hule-haladoi neni tean fee ei, ma noke fo Manetualain tao natea ei, tao namadai ei namahehelem, ma tao ei bubuluk tebe-tebe Ndia hihii-nanaun.\x + \xo 4:12 \xt Kolose 1:7; Filmon 23\x*  
\v 13 Au afada memak ei, Epafras ndia tao ues mbilu mbuse fee ei, ma fee hataholi salani kala malai kota Laodikia ma kota Herapolis.   
\p
\v 14 Hambu soda-molek neme Demas ma neme dotel Lukas, fo ita suen.\x + \xo 4:14 \xt 2 Timotius 4:10, 11; Filmon 24\x*   
\p
\v 15 Au fee soda-molek neu tolanoo kamahele kala malai kota Laodikia. Boso lilii heni fee au soda-moleng neu Ina Nimfa ma hataholi kamahele kala fo lateme lakabubua lai ndia uman.   
\p
\v 16 Dei fo ei basa nggei manai Kolose les basa susulak ia, na haitua makandoon neu hataholi kamahele kala manai kota Laodikia, fo sila bisa les boe. Ma ei musi moke ma les susulak fo au haitua itak neu sala boe.   
\p
\v 17 Tao masanenedak neu Arkipus mae, “O boso lilii heni makalalaꞌok ues fo o simbon neme Lamatuak mai, losa basan.”\x + \xo 4:17 \xt Filmon 2\x*   
\p
\v 18 Boso lilii henin mae, ala bei lahele au nai bui ia dalek.  
\p Au oke Manetualain natudu Ndia dale malolen neu ei.  
\p Mete leo, huu susulak ia, au lima leen unik au lima heheling.  
\q2 Soda-molek neme au mai,  
\q2 Paulus