\id 2TI  
\h Timotius Kaduan 
\toc1 Paulus susula kaduan fee nonoon Timotius 
\toc2 Timotius Kaduan 
\toc3 2Tim 
\mt1 Timotius Kaduan  
\mt2 Paulus susula kaduan  
\mt2 fee nonoon Timotius  
\c 1  
\s1 Soda-molek  
\p
\v 1-2 Timotius susuek!  
\p Susulak ia, neme au Paulus mai. Manetualain mesa kana hele nala au so, dadik neu Yesus Karistus hataholi nadedenun. Ala ladenu au uu afada sodak tetebes ndia, fo Manetualain helu elan so, fee basa hataholi la fo kamahelek leu Yesus Karistus.  
\p Timotius ei! O sama leo au ana bongging so. De, au hule–haladoi, fo ita Aman Manetualain, no ita Lamatuan Yesus Karistus, Ala sue o, fo latudu dale malole nala, ma fee o masoda no sodak ma mole.\x + \xo 1:1-2 \xt Hataholi Nadedenu nala Tutuin 16:1\x*   
\s1 Paulus noke makasi neu Manetualain  
\p
\v 3 Leledo–leꞌodaen, au hule–haladoi fee o. Au oke makasi neu Manetualain, huu o tungga makandoo Ndia. Au ono-lau Ndia no dale malalaok, sama leo ita baꞌi nala ono-lau Ndia.  
\v 4 Au asaneda ita taꞌelak nai fai makahulun, de o lum tuda. Au ahiik alan seli atonggo seluk ua o, suek au daleng namahoko.   
\p
\v 5 Au boe oo, asaneda fai makahulun o mulai mamahele tebe–tebe neu Lamatuak Yesus. Namahehelek mata leondiak ndia, naꞌoka memak so, nai o beim Luisa, ma o inam Eunike dale nala. Ma au boe oo, amahele tebe-tebe, ae, namahehele mata leondiak, nasoda nai o dalem dale boe.\x + \xo 1:5 \xt Hataholi Nadedenu nala Tutuin 16:1\x*   
\s1 Paulus noke Timotius nakalalaꞌok babaꞌek maneme Manetualain mai  
\p
\v 6 Makahulun, faik fo au tao au limang neu o langgam, ma hule–haladoi fee o, de faik ndia, Manetualain tao, suek o mabeꞌi tao ue-ledis fee Ndia. De hatematak ia, au oke fo o makadadadik seluk o babaꞌem ndia.  
\v 7 Huu Manetualain Dula Dalen tana tao ita dadik teu biitua. Tehuu, Ana tao ita dadik neu hataholi kabeꞌik, ma mamahele aok, mana masue malelak, ma mana heti aok no malole.  
\v 8 De, boso mae kokolak, laꞌeneu ita Lamatuan. Ma boso mae, huu au ia hataholi bui boe. Tungga ndoon, na, au maso bui ia, huu au ono-lau neu Ndia. Mete ma o mu tui-bengga Hala Malole ndia, na, o musi mahehele lemba mala doidosok, sama leo ai boe. Mete ma o hambu toꞌa-taak leondiak, na, neu ko Manetualain tao natetea o.   
\q1
\v 9-10 Manetualain soi nala ita, teme ita sala nala mai.  
\q2 Ma, Ana hele nala ita so, dadik teu Ndia hataholi malalaon.  
\q1 Ana natudu dale malolen neu ita, huu Ana sue ita.  
\q2 Naa te, ita ta tao hata-hata esa boe, fo ita tandaa simbok Ndia dale malolen.  
\q1 Manetualain bei ta nakadadadik daebafok ia, tehuu Ana naketun so, fo haitua Yesus Karistus mai,  
\q2 suek natudu Ndia dale malolen, ma Ana baꞌe fee ita sodak.  
\q1 Hatematak ia Yesus Karistus mai so, ma tao natetu Manetualain hihiin so.  
\q2 Ma Ana nakalulutu mamates koasan so!  
\q3 Ia ana, dadik neu Hala Malole!  
\q2 De, see namahele neu Yesus Karistus, na, neu ko nasoda nakandoo no Manetualain.   
\p
\v 11 De Manetualain soꞌu nala au, dadik neu Yesus Karistus hataholi nadedenun, fo au uu tui-bengga Hala Malole ma au anoli hatahaoli lai bee mesan.\x + \xo 1:11 \xt 1 Timotius 2:7\x*  
\v 12 Tehuu hatematak ia, au doidoso nai bui ia dalek, huu au akalalaꞌok Yesus Karistus palendan. Mae leondiak boe, te au ta mae, huu au bubuluk see fo au amahelek ndia, na ndia Lamatuak Yesus. Ma au boe oo, bubuluk no teteben, Ndia nabeꞌi nanea ues ia, huu Ndia ndia fee ues ia neu au. Neu ko Ana tao au abeꞌi akalalaꞌok ues ia, losa Ana fali main bali.  
\v 13 De, tungga natutudu sodak neme nanonoli tetebes fo au atudu basan neu o so. Mete ma o mamahele makandoo, ma sue basa hataholi la leondiak, na ndia natudu nae, o dadik esa mua Yesus Karistus so.  
\v 14 Manetualain fee hata mabeli esa neu o, fo ndia nanonoli tetebes. De, makaboi matalolole hata ndia bou! Moke Dula Dale Malalaok manai ita dale nala, fo suek Ana tulu-fali o, fo lopolinu neulalau hata ndia no malole.   
\s1 Onesiforus tulu-fali Paulus nai bui dale  
\p
\v 15 Neu ko o mamanene so, lae, Figelus no Hermogenes, ma hataholi feꞌe kala leme nusa Asia mai,\f + \fr 1:15 \ft Nusa Asia ndia, na hatematak ia, dadi neu nusa Turki boboan muli\f* ala heok lasadea laꞌo ela au so.  
\v 16-18 Tehuu, Onesiforus na feꞌe bali. Ana ta heok neme au mai. O mesa nggo bubuluk, makahulun faik fo au bei nai kota Efesus, ana tulu-fali au nakandondoo henin. Faik fo ana losa kota Roma, ana sangga nafeok au sudi nai bee. Mateꞌen boe ma, ana hambu au nai bui dale. Tehuu tana mae. Ana mai tilo au taa-taa, nai bui ia, fo natetea au daleng.  
\p De, au hule-haladoi oke Lamatuak natudu Ndia dale malolen neu Onesiforus, no basa bobonggi nala. Nandaa no faik fo daebafok babasan, ma Lamatuak naketu hataholi la dedeꞌa nala, na au amahena Ana naketu no malole neu Onesiforus asa.   
\c 2  
\s1 Ita mana tungga Karistus, musi tasoda sama leo soldadu mana tungga nakandoo ndia malanggan  
\p
\v 1 Ana Timotius, au ana susueng! Huu Yesus Karistus dalen malole, hatematak ia o nanambaꞌak so no Ndia, de Ana nahehele natetea o. De, kada o musi simbon leo!  
\v 2 Makahulun, au anoli o so laꞌeneu Manetualain dala soda ndoon neme hataholi noꞌu kala matan, de lamahele lae nanonolik ndia tetebes. Hatematak ia, au oke o, fo basa hata o mamanenem neme au mai ndia so, na, o muu manoli selu kana leondiak bali, neu hataholi la, fo o bisa mamahele sala. Hataholi la sila musi labeꞌi lanoli seluk nanonolik ndia neu hataholi feꞌe kala bali.   
\p
\v 3 Ita basa nggata ia, sama leo Yesus Karistus soldadu nala. De, ita lemba noꞌu doidosok, leo Ndia boe. Huu o ia soldadu neulauk, de musi lemba tungga o babaꞌem.  
\v 4 Soldadu mana makalalaꞌok Ndia uen, na, ta bole neu seseok bali no dedeꞌa feꞌek. No leondiak, na, ana bisa tao namahoko ndia malanggan.   
\p
\v 5 Haꞌi natuduk feꞌek neme nakasusudik mai. Mete ma ita tungga nakasusudik, na, musi tungga heti-heun. Huu mete ma ta, na, kada deak mu leo! Te o ta senggi so. Leondiak boe mete ma ita sangga takalalaꞌok Lamatuak uen, na, musi tungga heti-heun.   
\p
\v 6 Mete hataholi mana tao osi lutu boe. Ana tao ues mbilu mbuse nai ndia osin. Huu ana tao leondiak, de ana naena nakahuluk osin buna-boan.  
\v 7 Duduꞌa neulalau natutudu kala sila. Neu ko Manetualain fee o bubuluk basa sila.   
\p
\v 8 Duduꞌa neulalau neu Yesus Karistus. Ndia, mane Dauk numbu-sadun. Ana mate so, tehuu Manetualain tao nasoda fali kana. Dedeꞌak ndia dadik neu Hala Malole fo au uu tui-benggan sudi nai bee.  
\v 9 Huu au uu tui-bengga Hala Malole ndia, de au hambu doidosok leo iak. Nakalenak bali, ala mbaꞌa au lenik tali besi, sama leo au ia hataholi manggalauk. Tehuu ala ta bisa lakalelee lala Manetualain Hala Malolen.  
\v 10 De, au ahehele lemba doidosok mata-mata kala. Sadi Manetualain hataholi nala, fo Ana hele nala sala, bisa hambu sodak. Neu ko Manetualain soꞌu nama dedema sala lakandondoo henin, huu ala dadik Yesus Karistus hataholi nala.  
\v 11 Dedeꞌa kokolak ia, memak tetebes:  
\q1 “Mete ma, ita simbok tae, Karistus mate nggati ita,  
\q2 na, ndia sama leo ita mate boe laꞌo ela soda laak,  
\q2 boe ma ita tasoda noꞌu to Ndia.   
\q1
\v 12 Mete ma ita takatataka nai doidosok, sama leo Karistus,  
\q2 na, neu ko ita boe oo, tanggatuuk toꞌu palenda noꞌu to Ndia.  
\q1 Tehuu mete ma ita talelesi Ndia,  
\q2 Ndia boe oo, nalelesi nasafali ita.\x + \xo 2:12 \xt Mateos 10:33; Lukas 12:9\x*   
\q1
\v 13 Mae ita dalen ta katemak ton,  
\q2 tehuu Ndia dalen katemak nakandoo no ita,  
\q3 huu Ndia ta bisa pepeko. Hata fo Ana kokolak, na neu ko Ana tao natetun.”   
\s1 Hataholi mana tao ues, fo Manetualain koa sala  
\p
\v 14 Fee nasanenedak neu hataholi kamahele kala, fo boso ala lilii heni basa dedeꞌa kala ia. Madenu sala no Manetualain naden, fo ala hahae lasisimbo bafak, laꞌeneu dedeꞌa deꞌek ndandaan, te Manetualain mana nitak. Huu basa sila sosoan ta fa boe. Kada nakalulutu hataholi mana mamanene kala duduꞌa nala.  
\v 15 Masusua matalolole, fo tao o aom, leo hataholi mana tao ues, fo nandaa hambu kokoak neme Manetualain mai. Hataholi leondiak, ta paluu mae, huu ana tao uen no malole so. O musi dadik hataholi mana manoli Manetualain Dedeꞌa-kokolan ndia no ndoos. Te Ndia Dedeꞌa–kokolan ndia tetebes!  
\v 16 Heok dook mua kokolak fo huu-okan ta, ma neme kokolak fo ta mana neni hadak neu Manetualain. Kokolak leondiak kada tao hataholi boe tao manggalauk.  
\v 17 Sila kokola manggalaun ndia, ala nama leo hedi kanker ia. Himeneus no Filetus kokola nala sama leondiak.  
\v 18 Dua sala lanoli lae, basa hataholi mana mate kala lasoda fali so. Tehuu ndia ta tetebes! No leondiak, de ala heok dook so, leme nanonoli ndoos mai. Hata fo ala lanoli kala sila, lakalulutu hataholi luma namahehele nala.   
\p
\v 19 Te netes fo Manetualain nambadedei nalan ndia ta natanggongga. Nai netes ndia lain nana sulak, nae, “Lamatuak nalelak Ndia hataholi nala” ma “Hataholi mana makaluku-makatele neu Manetualain, na musi heok dook neme manggalauk mai.” Netes ndia, na, ndia Manetualain hataholi nala.\x + \xo 2:19 \xt Lelekek 16:5\x*   
\p
\v 20-21 Haꞌi natutuduk neme hataholi kamasuꞌik uman. Hambu bua mata-mata kala. Hambu luma nana taok neme lilo mbilas ma lilo fulak mai. Tehuu, luma hambu leme ai ma dae manuteik mai. Bua neulauk neme lilo la mai, maumak pake sala nai feta-dote. Tehuu bua basa faik, na maumak mae pake sala neu hataholi la matan. Leondiak boe oo, neu hataholi. Mete ma hambu hataholi nakadodook aon neme manggalauk mai, na ana sama leo bua neulau kala. Lamatuak hii paken, huu ndia neni kasosoak fo tao ue-ledi malole mata-mata kala.   
\p
\v 22 Hataholi muli ana kala, lofoana nana ikak, huu sila aombaa kasuun. Tehuu o, Timotius, o musi manea aok no malole, fo boso tungga aombaa kasuun leondiak. Masusua fo tao tatao malole. Mamahele makandoo neu Lamatuak. Masoda no susuek ma mole-dame mua basa hataholi la. Basa hataholi fo lamahele leu Lamatuak ma mana masoda no dale malalaok, lahiik kada tao malole lakandoo. De, Timotius, o musi masode leo sila boe baa!  
\v 23 Au afada seluk bali! Boso mu seseok, ma masisimbo bafak mua dedeꞌa huu-oka tak. Huu basa sila, kada tao hataholi la lahuu.  
\v 24 Hataholi la fo mana tao ue-ledis fee Lamatauak, ta landaa dadik hataholi mana tao nahuuk. Tehuu ala musi tao malole lo basa hataholi la. Ala musi lanoli lalelak hataholi la. Ala musi laena nggale loak neu hataholi mana sangga dedeꞌa kala.  
\v 25 Ala musi lanoli no dale malole neu hataholi mana laban sila. No leondiak, na, see bubuluk nae, Manetualain bisa tuka sila dale nala, fo ala fale dale nala, ma simbok hata fo ndoos.  
\v 26 No leondiak, duduꞌa nala langgaledo seluk bali, boe ma bisa lakamboꞌik leme nitu la malanggan mai, te, ana mbaꞌa sala so, suek ala tungga kada ndia hihiin.   
\c 3  
\s1 Hataholi la tatao manggalau nala nai fai babasan  
\p
\v 1 Timotius ei! Fai deka-deka no daebafok fai babasan, na ndia doidoson noꞌun ana seli. Au afada memak o leondiak.  
\v 2 Faik ndia, hataholi la kada sue sila ao-ina heheli nala. Duduꞌa nala lai kada doik. Ala koao, ma lakadadaek hataholi feꞌek. Ala kada lakamumulu. Tala nau lamanene ina-ama. Tala nau loke makasi. Tala kalela hadak. Tala hii dedeꞌak laeꞌneu Manetualain.  
\v 3 Tala sue hataholi. Tala nau mole-dame lo hataholi. Ala lahii tao laboo hataholi nade malolen. Tala bisa lakatataka lala ao nala. Manggalaun ana seli. Tala hii hata fo malole.  
\v 4 Ala hii seꞌo heni nonoo nala. Tala duduꞌa naluk. Ala taok leo hataholi malelak tehuu ta. Ala hii tungga kada ao mbaak nasuun, lena heni tungga Manetualain hihiin.  
\v 5 Ala heo-hilu leo hataholi mana tungga anggama, naa te louk. Manetualain koasan ta nai sila dale nala dale. Boso deka-deka mua hataholi leo sila kala!   
\p
\v 6 Hataholi leo sila kala, leni hataholi uman leu, na lamata neulauk hiak, suek fufudi inak bee fo dale nala ta matea, ma lofoꞌanak nana fufudi nalak. Inak mata leondia kala, lasoda lemba salak makadotok, ma ala tungga aombaa kasuu nala mata-matak.  
\v 7 Lamanene mese beuk mai nanoli dedeꞌa beuk, na ala latungga dea leu ndia so. Tehuu ta lalelak litak, bee ndia tetebes, ma bee ndia sala.  
\v 8 O masaneda laꞌeneu Yanes no Yamres tutuin hetu?\f + \fr 3:8 \ft Nade ‘Yanes ma Yamres’, ta nai Susula Malalaok. Tehuu hambu hataholi malelak luma, lae, fama dua sala sila, hataholi malelak leme Masir mai, fo ala laban Musa neu faik fo ana sangga noo hataholi Israel asa kalua leme Masir mai. Les tutuik ndia nai \ft \+it Kalua neme Masir mai 7:11\+it*\f* Faik ndia, dua sala laban Baꞌi Musa. Mese beuk mana maik hatematak ia, sila tataon kada leondiak boe. Ala laban nanonoli ndoos. Sila duduꞌa nala ta malole so, ma namahehele nala ta tungga ndoon.  
\v 9 Mese mana pepekok mata leondia kala, tala bisa lakatataka lala dook. Doo-doo, te hataholi la ala bubuluk nggoa nala! Sama leo fai makahulun hataholi la bubuluk Yanes no Yamres masapepeko nala!   
\s1 Toꞌu tea-tea nanonolik, fo o simbo malak ndia so  
\p
\v 10 Tius ei! O bubuluk basa au sodang so. O bubuluk basa hata fo au anoli kala so. O bubuluk au dala sodang. O bubuluk au hihiing. O bubuluk hata fo au amahehelek. O mita aom, au nggale loang neu hataholi la, ma au susueng neu sala. Ma o bubuluk talobee de au akatataka, nai au doidosong dale.  
\v 11 O bubuluk mae ala habo lakamiminak au, ma au lemba doidosok mata-mata kala. Au hambu doidoso leondiak nai kota Antiokia, Ikanium, ma Listra. Tehuu mae leondiak boe, Lamatuak mboꞌi heni au uma basa sila mai.\x + \xo 3:11 \xt Hataholi Nadedenu nala Tutuin 13:14-52; 14:1-7, 8-20\x*  
\v 12 Memak, basa hataholi la fo kamahelek neu Yesus Karistus, ma lahiik lasoda malalaok tungga Manetualain hihiin, na neu ko hataholi la tao doidoso sala.  
\v 13 Ma nakalenak bali, hataholi manggalauk ma mana masapepeko kala, boe tao manggalauk lakandondoo henin. Ala kedi latuda hataholi feꞌek, naa te sila nanakedi nalak boe.   
\p
\v 14 De, o musi toꞌu mahele nanonolik fo o simbo malam ndia so. Ma hata fo o mamahelek ndia, tungga makandoon. Te ndia, tetebes! O bubuluk tebe, see ndia nanoli basa ndia neu o, hetu!? O bisa mamahele sala!\x + \xo 3:14 \xt 2 Timotius 1:5; 2:2\x*  
\v 15 Mulai neme o bei kadiꞌin mai, o bubuluk Susula Malalaok isin. Susula kala sila latudu dala sodak. Ndia soi dalak fo bisa masoda mua Manetualain nai nusa-sodak, huu o mamahele Yesus Karistus.  
\v 16 Basa hata fo nana sulak nai Susula Malalaok ndia, memak Manetualain mesa kana fee hataholi la sula kasa. Susulak ndia sosoan sila ia: ita tanoli hataholi hata fo tetebes, ita tatudu hataholi salan, ita hela to falik hataholi leni dala ndoos leu, ma tanoli hataholi lasoda basa faik tungga kada Lamatuak hihiin.  
\v 17 No leondiak, na Susula Malalaok ndia, memak bisa tao nahehele Manetualain hataholi nala sodan, fo suek labeꞌi tao basa ue-ledi malole.   
\c 4  
\s1 Muu tui-bengga hataholi la Manetualain Dedeꞌa-kokolan  
\p
\v 1-2 Mateꞌen te Yesus Karistus fali neni daebafok ia mai fo toꞌu palenda leo Manek. Mae hataholi bei kasodak, ma mae hataholi mana mate kala so, basa sala leu lataa Ndia, fo Ana naketu sila dedeꞌa nala. De, au adenu o tebe-tebe nai Manetualain ma Yesus Karistus matan, fo muu tui-bengga hataholi la Manetualain Dedeꞌa-kokolan. Mahehele taa-taa! Boso duduꞌa fain ndia malole do taa. Matudu hataholi la sala nala. Ma toko-kaꞌi neulalau sala, no nggale loak. Matetea hataholi la dale nala, munik nanonoli ndoos.   
\p
\v 3 Te neu ko mbila-binesak, hataholi la tala nau lamanene nanonoli ndoos bali. Ala lakabubua lala mese nala, mana kokolak tungga sila hihiin, fo tao kada lamahoko dale nala.  
\v 4 Ala susule ndiꞌidoo nala, fo timba heni nanonoli ndoos. Tehuu ala pasak ndiꞌidoo nala, fo lamanene tutuꞌi pepeko kala!   
\p
\v 5 Mae leobee boe oo, o musi pake duduꞌa naluk bangganaꞌuk. Matetea nai doidosok dale. Muu tui-bengga Hala Malole, fo hataholi la simbok Yesus Karistus. Ono-lau hataholi la no dale namahokok losa basa ues ndia. Boso tao kada no dale bibiak.   
\p
\v 6 Boso mbali au, huu au fai mamateng deka-deka so. Au ia sama leo nggalas, tehuu isin sangga basan so.\f + \fr 4:6 \ft Faik fo hataholi Yahudi la, tao tunu-hotuk nai Uma Ina Huhule-haladoik, hambu tunu-hotuk esa, ndia, musi mboꞌa anggol oek neu mei tunu-hotuk lain. Fama Paulus fee nakandandaak, nae, ndia sodan sama leo anggol oek, fo sangga mboꞌa basan so, fo ana dadik tunu-hotuk neu Manetualain.\f*  
\v 7 Tehuu au asusua tingga-tingga, de au alaik losa too-lane so. Au tungga akandoo Yesus Karistus, fo ta singgo sudi bee uu.  
\v 8 Hatematak ia, ela kada dedeꞌak esak, fo au ahanin. Ndia piala fo Lamatuak mbeda mema kana, soaneu basa hataholi fo lasoda lo ndoos. Ita Lamatuan ndia, na ndia mana maketu no ndoos. Ndia ta namabela seselik. Nandaa no ndia fain, na Ana fee au piala ndia. Ma ta kada au mesanggau. Te basa hataholi mana sue Ndia, ma lahani Ndia mamain, sila hambu beker leondiak boe!   
\s1 Paulus ana fee hehelu mata-matak  
\p
\v 9 Tius ei! Mai lai-lai fo tilo au dei!  
\v 10 Huu hatematak ia, kada au mesa nggau. Kareskes laꞌo neni nusa Galati neu so. Ma Titus neni nusa Dalmatia neu so boe. Ma Demas sue hata daebafok ia fo papake tak, de ana laꞌo ela au so, fo neni kota Tesalonika neu.\x + \xo 4:10 \xt Kolose 4:14; Filmon 24; 2 Korintus 8:23; Galati 2:3; Titus 1:4\x*  
\v 11 Kada Lukas mesa kana leo no au nai ia. Sangga mala Markus, fo ei dua nggei mai noꞌu. Huu ndia bisa tulu-fali au, mata-mata kala nai ia.\x + \xo 4:11 \xt Kolose 4:14; Filmon 24; Hataholi Nadedenu nala Tutuin 12:12, 25; 13:13; 15:37-39; Kolose 4:10\x*  
\v 12 Au haitua Tikikus neni kota Efesus neu so.\x + \xo 4:12 \xt Hataholi Nadedenu nala Tutuin 20:4; Efesus 6:21-22; Kolose 4:7-8\x*  
\v 13 Mete ma o mai, na, boso lilii muni au badu jeket fo au laꞌo élan nai Karpus uman, nai kota Troas. Ma boso lilii muni au susula nggala, nakalenak nana sulak nai banda louk.\x + \xo 4:13 \xt Hataholi Nadedenu nala Tutuin 20:6\x*   
\p
\v 14 Aleksander mana tutu liti ndia, ana tao manggalauk ta fak neu au so. Elan neme naa, te neu ko Lamatuak bala ndia, tungga ndia tatao manggalaun ndia.\x + \xo 4:14 \xt 1 Timotius 1:20; Sosoda Koa-kio kala 62:12; Roma 2:6\x*  
\v 15 O musi mata neuk mua hataholi ndia, huu nateme laban ita dedeꞌa-kokolan.   
\p
\v 16 Faik makasososan au ambadeik nai mana maketu matan fo au lada au dedeꞌang, na, ta hambu hataholi esa nanonoo no au boe. Sila basa sala laꞌo ela au. Neme naa leo! Ela kada Manetualain nafalende heni sila sala nala.  
\v 17 Mae leondiak boe oo, tehuu Lamatuak ta laꞌo ela au. Ana natetea au, suek au bisa u tui-bengga Ndia Hala Malolen no ta toꞌa hata esa boe. Au tui-bengga leondiak neu basa hataholi ta Yahudi la, fo ala lamanene Hala Malole ndia. Ma au boe oo, akamboꞌik uma soe inahuuk ndia mai.  
\v 18 Ma neu ko Manetualain nakamboꞌik au neme basa manggalau kala sila mai. Ma Ana nakalalaꞌok au no sodak, neni nusa-sodak uu. Nai ndia, Ndia ndia toꞌu palenda.  
\p Manetualain ndia ana seli! Au koa-kio soꞌu akadedema kana ta no namaketuk. Amin.   
\s1 Paulus nateꞌe ndia susulan  
\p
\v 19 Boso lilii fee soda-molek neu kaꞌa Priskila,\f + \fr 4:19 \ft Dedeꞌa Yunani nai ia nae, Priska. Priska no Priskila ndia, nadek dua te hataholi esak.\f* no saon kaꞌa Akila. Leondiak boe neu basa Onesiforus bobonggin.\x + \xo 4:19 \xt Hataholi Nadedenu nala Tutuin 18:2; 2 Timotius 1:16-17\x*  
\v 20 Erastus bei leo nai kota Korintus. Fai makahulun au laꞌo ela Trofimus nai kota Miletus, huu faik ndia, namahedi belak.\x + \xo 4:20 \xt Hataholi Nadedenu nala Tutuin 19:22; Roma 16:23; Hataholi Nadedenu nala Tutuin 20:4; 21:29\x*  
\v 21 Masusua fo fai makasufun bei ta mai, naa te o losa so. Ita nonoon manai ia kala, ndia: Ebulus, Pudes, Linus, ma kaꞌa Klaudia. Ala haitua soda-molek neu ei basa nggei. Leondiak boe oo neu ita tolanoo salanik feꞌe nala.   
\p
\v 22 Au hule fo Manetualain no o nakandoo, ma Ana natudu Ndia dale malolen neu ei basa nggei.  
\q2 Kada leondiak leo,  
\q2 Paulus