\id 2PE  
\h Petrus kaduan 
\toc1 Petrus susula kaduan fo bei fo laꞌo ela sila bei-baꞌi nala anggama nala fo lamahele neu Yesus Karistus 
\toc2 Petrus kaduan 
\toc3 2Pet 
\mt1 Petrus kaduan  
\mt2 Petrus susula kaduan  
\c 1  
\s1 Soda-molek  
\p
\v 1 Susulak ia neme au, Simon Petrus mai.\f + \fr 1:1 \ft Susula dedeꞌa Yunani luma sulak, “Simon Petrus”. Luma bali, sulak “‘Simeon Petrus”. Dedeꞌa deꞌek \ft \+it Simeon\+it* ndia, neme dedeꞌa Ibrani mai. Ndia dedeꞌa Yunanin, na ndia Simon. De, basa hataholi malela kala lae, Simon Petrus ma Simeon Petrus ndia, na ndia hataholi bei sama.\f* Au dadik Yesus Karistus hataholi nadedenun. Au dadik Ndia nadedenun, fo Ana haitua au uni sudi bee uu, fo afada hataholi laꞌeneu Ndia.  
\p Au sulak susulak ia fee ei, fo kamahelek neu Yesus Karistus so. Huu Manetualain dalen ndoos, de Ana soi dalak, fo suek ei boe oo, bisa mamahele neu Karistus, sama leo ai. Namahehelek ndia belin ana seli, soaneu ita basa nggata. Karistus boe, dadik neu ita Manetualain, ma Ndia boe oo, dadik Hataholi mana fee sodak neu ita neme ita sala-singgo nala mai.   
\p
\v 2 Au oke fo ei bisa malelak neulalau Manetualain, ma malelak neulalau ita Lamatuan Yesus. Suek Ala latudu Sila dale malole nala neu ei, fo ei bisa masoda mia sodak, mole ma ndoo-ndoo.   
\s1 Lamatuak hele nala Ndia hataholi nala, basa de noke nala sala, fo leni Ndia leu  
\p
\v 3 Yesus naena koasa sama leo Manetualain koasan. Huu ndia de, Yesus fee ita basa nggata hata fo ita paluun, suek tasoda ndoos tungga Lamatuak hihii-nanaun. Ana tao leondiak, huu ita talelak neulalau Ndia. Ma Ndia ndia noke nala ita, fo dadik teu Ndia hataholin, huu Ndia dale malolen ana seli ma Ndia koasan inahuuk.  
\v 4 Yesus fee basa dedeꞌa kasosoak neu ita so. Huu makahulun, Ana helu so, fo sangga fee basa dedeꞌa kala sila. Ndia hehelu nala, neulau hiak. Ana fee basa sila leu ita, fo suek ita dale nala bisa dadik sama leo Lamatuak dalen. Ma ita boe oo, bisa takamboꞌik teme basa dedeꞌa kabook fo hataholi lahiik tao lai daebafok ia, huu kada sila tao tungga sila hihii heheli nala, ma tala nau lakatataak.   
\p
\v 5 Huu ndia de, au nau ei mbalak eik, fo tao dedeꞌa malole.  
\q1 Huu, ei mamahele neu Yesus so, tehuu ndia bei ta dai.  
\q2 Tao dedeꞌa malole nakandoo.  
\q2 Malelak neulalau Lamatuak, lena bali.   
\q1
\v 6 Tehuu, boso losa kada ndia leo.  
\q2 Manoli fo ei masoda makatataka aok.  
\q1 Tehuu, ndia bei ta dai boe.  
\q2 Laꞌi-laꞌik ei hambu totoꞌak, na, ei musi mahele teas, fo boso heok.  
\q1 Tehuu, tao lena heni ndia bali.  
\q2 Tao basa-basan tungga Lamatuak hihii-nanaun.   
\q1
\v 7 Tehuu, boso losa kada ndia leo.  
\q2 Matudu susuek neu ita tolanoo kamahele nala.  
\q1 Tehuu, ndia bei ta dai.  
\q2 Huu, ei musi masoda masueao makandoo.   
\p
\v 8 Mete ma ei masoda leondiak, ma dedeꞌa malole la ia boe tamba lakandoo, na, ndia tao nala ei boe malelak malolen lena, mia ita Lamatuan Yesus Karistus. Dedeꞌa malole la ia, kasosoak ma taa ngganggali heni fai. Huu dedeꞌa malole la ia, tao lala ei bubuluk malolen seli laꞌeneu Ndia.  
\v 9 Mete ma hambu hataholi taa nau tao leondiak, na, kada ana duduꞌa kekeꞌuk. Tana nita hata manai matan, de sama leo ndia ndia, mbokek. Huu, Lamatuak koka heni hataholi sila sala nala, de dale nala bisa lalalao. Tehuu hataholi ndia lilii henin so!   
\p
\v 10 Tolanoo susue nggalei! Hatematak ia, ei musi mbalak eik fo boe matea bali. Lamatuak hele nala ei so, fo dadik Ndia hataholin, boe ma ei mini Ndia miu. Hatematak ia, ei musi matudu, mae, ei maso dadik Ndia bobonggin so. Mete ma dedeꞌa kala ia fo au soꞌu kasa isinaak ndia, boe tamba nakandoo nai ei soda mala, na, neu ko ei taa tuda.  
\v 11 Manetualain sangga fee ei dedeꞌa inahuuk esa, fo ndia Ana soi dalak ma fee ei hak, fo simbok Yesus dadik neu ei Manem, suek masoda makandondoo henin mia Ndia. Huu Ndia ndia, ita Lamatuan. Ma Ndia boe oo, Hataholi mana fee sodak neu ita, teme ita sala-singgo nala mai.   
\s1 Hatina de Petrus sulak leondiak?  
\p
\v 12 Ei bubuluk dedeꞌa kala sila, fo au soꞌuk isinaak ndia, ma ei mahele teas, huu ei mamahele hata fo ndoos. Mae leondiak, tehuu au nau asanenedak dedeꞌak ia neu ei taa-taa, fo suek ei boso lilii henin.  
\v 13 Au taa nau ei lilii henin. Au nau asanenedak ei, fo ei duduꞌa makandondoo henin dedeꞌa kala ia. Huu ledoeik au bei asoda nai daebafok ia, memak nandaa mete ma au asanenedak ei dedeꞌa kala ia.  
\v 14 Taa dook, te au mate so. Ita Lamatuan Yesus Karistus nafada au leondiak so. Huu ndia de, au bubuluk memak so.  
\v 15 Mae dei fo au mate so, tehuu hatematak ia au mbalak eik, suek ei masaneda makandoo dedeꞌa kala ia.   
\s1 Ita tita Yesus mandela-masaꞌan so  
\p
\v 16 Makahulun, au ua au nonoo nggala tui ei so, laꞌeneu ita Lamatuan Yesus Karistus. Ai boe oo, tui mae, dei fo mete ma Ana fali main, na, Ana mai no koasa inahuuk. Tetebes, hetu? Tutui taa nakadudulak ndia. Huu kada ai tui ei laꞌeneu hata fo ai mita mitak no ai mata deꞌe heheli nala! Huu ndia de, ai bubuluk Yesus koasan ndia, sama leo mane inahuuk esa.  
\v 17-18 Laꞌi esa, ai sama-sama mia Yesus mima Lamatuak lete malalaon. Boe ma Amak Manetualain mesa kana nafada laꞌeneu Yesus mandela-masaꞌan. Huu faik ndia, ai mamanene hala malole esa kalua neme lalai mai, nae,  
\q1 “Ndia ia, Au Ana susueng.  
\q2 Ana tao namahoko Au daleng.”\x + \xo 1:17-18 \xt Mateos 17:1-5; Markus 9:2-7; Lukas 9:28-35\x*   
\p
\v 19 Dedeꞌa kala sila tao nala ita tamahele tetebes lena dedeꞌa kala fo ita simbon teme Lamatuak mana kokola makahulun ele so. De, malolenak ei tao tungga sila hehelu nala! Huu sila hehelu nala, sama leo bandu mana mbilak esa nai mamana makiuk. De, ei musi mamanene neu sila hehelu nala, losa Yesus fali main. No leondiak, ei bisa boe bubuluk no manggaledok. Huu, ndia sama leo ei mita nduu ina lolembilak, boe ma bei fo ledo sadu, tao manggaledo basa-basan.   
\p
\v 20 Masanenedak, huu Lamatuak mana kokola nala lafada memak so, laꞌeneu dedeꞌak noꞌuk. Tehuu sila hehelu nala, taa tungga sila hihii heheli nala.\f + \fr 1:20 \ft Dedeꞌa Yunani nai ia bisa ndandaan telu. 1) Mana kokolak esa, kokolak taa tungga ndia hihii-nanau hehelin; 2) taa hambu hataholi esa bisa nalelak basa maksud leme Lamatuak mana kokolan hehelun. 3) mete ma ita nau talelak Lamatuak mana kokolan esa hehelun, na, ndia hihiin, taa neme kada ndia hehelu hehelin, tehuu musi nakasasaman no Lamatuak Dedeꞌa-kokolan katematuan.\f*  
\v 21 Huu hata fo ala sula kana ndia, taa naoka neme kada sila lahiik kokolak. Tehuu ndia naoka nai Manetualain, tungga hata fo Ndia Dula Dale Malalaon natudu neu sala.   
\c 2  
\s1 Hataholi mana manoli pepeko kala  
\p
\v 1 Makahulun, hataholi Israel luma lae, ala dadik Manetualain mana kokola nala. Naa te ala pepeko ndia. Dei fo ei boe oo, matonggo mia hataholi leo sila kala, lai ei lalada mala. Huu, hataholi luma lae, lanoli laꞌeneu Lamatuak, tehuu kada ala pepeko ndia. Lanoli lafufunik sila duduꞌa manggalau nala sila. Huu ndia de, ala bisa tao sila nanonoli pepeko nala neu hataholi kamahele kala. Mete ma ei mamanene neu sila nanonoli nala, na, dei fo ei makalulutuk henin. Ala lalelesi lae, Lamatuak Yesus ndia, sila lamatuan taa ndia. Naa te, Yesus soi nala sila belin ana seli. Huu sila tatao leondian, de, dei fo sila mesa kasa lakalulutuk lai-lai.   
\p
\v 2 Mae leondiak boe, tehuu dei fo hataholi noꞌu kala tungga sala, ma tao ladabak fo taa lameda mae. Dei fo hataholi noꞌuk lae, nanonoli tetebes ndia, sala, huu mese pepeko kala kedi lala sala.  
\v 3 Mese pepeko kala sila, balenaꞌo la. Ala dula mata-mata kala, fo ala bisa pepeko lala ei doi mala. Ma boso lilii henin, huu Manetualain dadi Mana Maketu Dedeꞌak fo tana sunggu nitak. Neme makahulun mai, Ana nahehele so, fo huku sala. Dei fo ala lakalulutuk heni sala.   
\p
\v 4 Conto leo, makahulun, Lamatuak ata nusa-sodan luma tao salak. Tehuu Lamatuak dadik neu Mana Maketu Dedeꞌak, de taa mboꞌi heni sala. Ana mbia heni sala leni naraka leu, ma longga sala leu Bolo Makiuk fo Madema. Ala lahani lai mamanak ndia losa fain fo ala lasale Ndia.   
\p
\v 5 Leondiak boe, no hataholi lele ulu kala. Faik ndia, lasoda tao manggalauk, ma tala mbali Manetualain. Tehuu Lamatuak heti so, fo Ndia hataholi dale ndoon esa, nade Noh, natudu dalak fo hataholi bisa nasoda ndoos. Tehuu, tala nau lamanene neu ndia boe. Huu ndia, de, Lamatuak haitua faa tuak mai, fo tao nakalulutu heni hataholi la fo taa nau mbali Ndia. Tehuu Ana nasalaꞌe nala Noh no ndia bobonggi nala. Sila basa sala hataholi falu.\x + \xo 2:5 \xt Tutuik laꞌeneu Sososan 6:1—7:24\x*   
\p
\v 6 Laꞌi esa bali, hataholi lele ulu kala malai kota Sodom ma kota Gomora, ala lasoda lo manggalaun ana seli. De, Manetualain huku sala. Ana hotu heni basa hata malai ndia kala dadik afu. Boe ma basa hataholi malai ndia kala mate basa sala. Ndia dadi conto neu hataholi feꞌe kala fo mana nau lasoda manggalauk, ma taa mbali Manetualain. Ala bisa bubuluk memak sila ua-nale nala, mete ma tala nau hondak.\x + \xo 2:6 \xt Tutuik laꞌeneu Sososan 19:24\x*  
\v 7 Tehuu faik ndia, hambu hataholi esa nade Lot, nasoda ndoos. Ana manggu no hataholi manggalau kala tatao-nonoꞌi lena-lena nala, fo tala nau lamanene neu Lamatuak. Boe ma, Lamatuak nasalaꞌe nala Lot, neme ndia mai.\x + \xo 2:7 \xt Tutuik laꞌeneu Sososan 19:1-6\x*  
\v 8 Lot mesa kana nateme tao ndoos, tehuu, ana leo nai kota sodom hataholi nala lalada nala. De, tungga-tungga faik ndia boe oo, nita ma namanene ala laꞌolena Lamatuak Heti-heu nala. Ndia tao nala ndia dalen hedis.   
\p
\v 9 Basa conto la sila latudu, lae, Manetualain bubuluk dalak fo nasalaꞌe nala hataholi mana mahiik namanene neu Ndia, neme soba-douk mata-mata kala. Ndia boe oo, nalelak fee huhuku belak neu hataholi la fo soda nala peko-paki. Ma Ana tao leondiak nakandoo losa fain, fo Ana naketu basa hataholi la dedeꞌa nala.  
\v 10 Huhuku mabela ndia, nakalenak soaneu hataholi fo kada nahiik nasoda manggenggeok, tungga sila hihii-nanau heheli nala. Ala taa nau lamanene neu hataholi esa boe, ma ala haumemee basa hataholi mana toꞌu koasa la. Neu ko Lamatuak huku sala.  
\p Boe ma, mese masapepeko isinaak sila lambalani lalan seli, ma koao. Ala taa nau fee hadak, ma ala taa bii kokolak tao laboboo Manetualain no Ndia ata nusa-soda nala malai lalai.  
\v 11 Naa te, Ndia ata nusa-sodan balakain lena heni mese masapepeko kala sila. Mae leondiak boe oo, tehuu ata nusa-soda kala sila taa kokolak tao laboboo mese nala sila nai sila Lamatuan matan. Ma sila boe oo, taa lambue soli salak neu mese nala sila.   
\p
\v 12 Tehuu mese masapepeko kala sila lateme kokolak tao laboboo laꞌeneu dedeꞌa nusa-soda kala fo sila mesa kasa taa lalela kana. De, sila sama leo banda fo tala duduꞌa lalelak! Malolenak, humu nala sala fo tao nakalulutu heni sala! Huu, sila ua-nalen ndia. Neu ko dei fo ala lakalulutuk heni sala, huu sila tatao-nonoꞌi nala.  
\v 13 Ala tao lakatotoꞌak noꞌuk neu hataholi la. Basa, dei fo Lamatuak boe tao nakatotoꞌa kasa, huu sila tatao taa ndoos. Ala lahiik kada feta manggalauk noꞌu. Sila boe oo, lahiik tao ladabak neu leledok, fo suek basa hataholi la bisa lita sila manggalau nala. Sila taa mae lalelak, boe ma ala tao lakalulutu ei nade malole mala. Mete ma laꞌa feta noꞌu lo ei, na, kada ala nau tao tungga sila hihii manggalaun.  
\v 14 Mata nala lakabubulak fo sangga inak suek ala nau tao eok no sala. Ala kada lasoda tao manggalauk lakandoo. Ala lahiik sangga hataholi fo namahehelen neu Lamatuak taa matea, boe ma ala fufudin fo tao manggalauk tungga. Ala lambue sangga dalak fo balenaꞌo lakandoo. Neu ko Lamatuak huku sala!\x + \xo 2:14 \xt Tutuik laꞌeneu Sososan 6:5\x*   
\p
\v 15-16 Makahulun, mese masapepeko kala sila, hataholi mana tungga dala ndoos, tehuu doo-doo, boe ma ala laꞌo feꞌek leu. No leondiak, ala sama leo Balaam lele uluk, fo ndia Bosor\f + \fr 2:15-16 \ft Susula dedeꞌa Yunani neulauk nalan seli, nae, Bosor. Hambu susulak luma bali nana sulak, nae, \ft \+it Beor\+it*. Basa susula dedeꞌa Yunani nana sulak nae, \+it Balaam\+it*. Susula Malalaok dedeꞌa Indonesia nana sulak nae, \+it Bileam\+it*.\f* anan. Ndia ndia, Lamatuak mana kokolan esa. Tehuu ana nahiik nalan seli sangga doik, de ana tao dedeꞌa taa ndoos. Laꞌi esa Balaam saꞌe banda keledei. Tungga teteben, na banda keledei la taa bisa lakokola. Tehuu, faik ndia Lamatuak tao banda keledei ndia nakokola leo hataholi! Boe ma banda keledei ndia kaꞌi Balaam, huu ndia tatao manggalaun. Banda keledei ndia nau fo ana hahae tao dedeꞌa pepekok bali, sama leo hataholi kamuluk.\x + \xo 2:15-16 \xt Lelekek 22:4-35\x*   
\p
\v 17 Mese masapepeko kala sila, sama leo oe matak esa fo sosoan taa huu mada heni oen so. Ala sama leo manggasasabuk fo sosoan taa, huu taa neni uda, kada ani fumbu henin. Lamatuak sadia memak mamana makiu mumuuk esa fo nakalee sala.  
\v 18 Huu ala labafa lalan seli, tehuu isin taa. Ala lahiik fufudi hataholi fo bei fo hondak leme sila salan mai, fo suek ala tao seluk salak tungga sila hihii manggalaun bali.  
\v 19 Hataholi masapepeko kala sila helu, lae, “Mete ma ei mamanene ai, na, ei makamboꞌik kada tao tungga ei hihii mala!” Tehuu hataholi mana kokolak leondia kala, sama leo ata fo taa bisa nakamboꞌik aon neme sila manggalau nala mai. Huu hataholi mana mboꞌi salak esa heti ndia, na, ndia sama leo ana dadik salak ndia atan.  
\v 20 Mete ma nau makamboꞌik muma manggalauk nai daebafok ia, fo mana tao manggenggeo ita, na, ita musi talelak ita Lamatuan Yesus Karistus. Tehuu, mete ma hambu mana heok neme ndia mai, boe ma nanambaꞌak seluk no dedeꞌa manggalauk, sama leo makahulun ndia, na, ndia sama leo dedeꞌa manggalauk ndia heti sala. Hatematak ia, ala boe lamabela lalan seli bali.  
\v 21 Mete ma ala bubuluk dala soda ndoos, tehuu ala heok leme dalak ndia mai, ma ala heok lasadea Manetualain palenda malalaon fo makahulun ala simbok ndia, na ndia taa malole. Dei fo ala simbok huhuku mabela, de malolenak ala taa bubuluk litak Lamatuak dala ndoon ndia.  
\v 22 Hambu dedeꞌa lasik fo nae, “Mete ma busa muta, na naꞌa falik muta hehelin ndia.” Hambu feꞌek bali, nae, “Mae nadiu bafi esa oe so, tehuu neu loli seluk tane bali.” Kokolak sila latudu laꞌeneu mese masapepeko kala sila.\x + \xo 2:22 \xt Dedeꞌa Lasik 26:11\x*   
\c 3  
\s1 Ita Lamatuan sangga fali main  
\p
\v 1 Tolanoo susue nggalei! Ia, au susula kaduang fee ei. Nai susula kadua nggala ia, au asanenedak ei, fo ei bisa duduꞌa laꞌeneu dedeꞌa ndoo sala.  
\v 2 Masaneda Manetualain mana kokola malalaon, kokolan lele uluk ele. Masaneda Yesus nadedenu nala boe. Lamatuak palenda sala, fo suek lafada Ndia kokolan. De, duduꞌa neulalau laꞌeneu hata fo ala lafadan neu ei. Yesus ndia, tao nasoda ei mima ei sala-singgo mala mai!  
\v 3 Masaneda leoiak dei: mae daebafok bei ta basan, tehuu hambu mana haumemee kala kada tao ladabak tungga sila hihii-nanau nala. Ala kokolak tao lakalulutu basa dedeꞌa ndoos.\x + \xo 3:3 \xt Yudas 1:18\x*  
\v 4 Ala kokolak lae, “Aweꞌek! Yesus helu, nae, Ana sangga fali main do? Mete ma leondiak, na, Ndia nai bee? Huu, mulai neme ita bei-baꞌi nala mate sala, losa hatematak ia boe oo, taa hambu mana dadik leondiak. Basan laꞌok nahele nakandoo, mulai neme Lamatuak nakadadadik lalai ma daebafok.”   
\p
\v 5-7 Tehuu, hambu dedeꞌak esa, fo hataholi masapepeko kala sila taa nau lasanedan. Fo ndia, neme sososan mai kada Lamatuak kokolak, boe ma lalai dadi memak. Boe ma Lamatuak nakadadadik oe. Basa de Ana tao kofeꞌe oe neme madak lain mai, boe ma madak lain sadu neme oe dale mai. Lamatuak kokolak leobeek so, na, ndia dadi memak.\x + \xo 3:5-7 \xt Tutuik laꞌeneu Sososan 1:6-9\x* Doo-doo, boe ma Lamatuak pake faa, fo tao nakalulutu heni basa hataholi malai daebafok ia, fo neu lelek Noh nasoda ndia.\x + \xo 3:5-7 \xt Tutuik laꞌeneu Sososan 7:11\x* Tehuu hatematak ia, Lamatuak nafada memak fo Ana sangga tao hata neu lalai ma daebafok. Hatematak ia Ana bei nakatataak, tehuu dei fo nandaa no ndia fain, Ana sangga hotu heni sala. Huu dei fo Lamatuak fee huhukuk, fo tao nakalulutu heni hataholi fo taa mana nau mbali Ndia. Mae leondiak, tehuu hataholi masapepeko kala sila, taa nau lasaneda lae, neu ko Manetualain tao tungga hata fo Ana kokolan ndia so.   
\p
\v 8 Tolanoo susue nggalei! Boso mafalende heni dedeꞌak ia. Ita Lamatuan, taa hingga faik sama leo ita. Huu tungga Ndia, na, faik esa sama leo teuk lifun esa. Ma teuk lifun esa, sama leo kada faik esa boe.\x + \xo 3:8 \xt Sosoda Koa-kio kala 90:5\x*  
\v 9 Mete ma Lamatuak helu tao hata esa, na neu ko Ana taon. Mete ma fain nandaa, bei fo Ana taon. Hambu hataholi luma duduꞌa lae, “Manetualain tao ues nggeꞌan seli.” Naa te taa! Ndia nggaleloan fo fee lelak soaneu basa hataholi hondak ma fali leni Ndia leu. Huu Ana taa nau fo hataholi esa boe laelak dook lo Ndia.   
\p
\v 10 Tehuu dei fo mete ma ita Lamatuan fafali main ndia, taa hambu hataholi bubuluk mema kana. Huu, Ndia mamain ndia, kada nggengge neuk, sama leo naꞌo esa maso neni uma dale neu. Faik ndia, basa hata malai lalai, haꞌi naꞌa heni sala, sama leo ledo, bulak, ma nduu kala. Basan basa sala! Leondiak boe, daebafok no basa isi nala. Kade heni sala!\x + \xo 3:10 \xt Mateos 24:43; Lukas 12:39; 1 Tesalonika 5:2; Dae-bafok Mata Beuk 16:15\x*   
\p
\v 11 De, mete ma dei fo haꞌi naꞌa heni basa sala leondiak, na, ei musi dadik neu hataholi matak leobeek? Ei musi mbalak eik, fo masoda tungga Lamatuak hihii-nanaun. Ei musi masoda malalaok!  
\v 12 Ei boe oo, mahani mbea-mbea Lamatuak mamain. De, ei musi mbalak eik, fo tao faik ndia mai lai-lai. Faik ndia boe, haꞌi naꞌa heni lalai. Ma basa hata malai lalai haꞌi naꞌa sala, de noe heni sala.   
\p
\v 13 Tehuu, dei fo hambu lalai mata beuk ma daebafo mata beuk. Manetualain helu leondiak so, boe ma ndia fo ita tahani mbea-mbea. Nai ndia, kada hambu hataholi soda ndoo sala.\x + \xo 3:13 \xt Yesaya 65:17; 66:22; Dae-bafok Mata Beuk 21:1\x*   
\p
\v 14 De, tolanoo susue nggalei! Ledoeik fo ei mambue mahani dedeꞌa kala ia, ei musi mbalak eik, fo dadik hataholi malole tungga Lamatuak hihii-nanaun. No leondiak, na, taa hambu hataholi bisa soli salak neu ei. Mbalak eik fo masoda mole boe.   
\p
\v 15a Huu ita Lamatuan ndia, kada nggaleloan, suek Ana bisa nasalaꞌe nala ei mima ei sala-singgo mala mai.   
\s1 Petrus nateꞌe ndia susulan  
\p
\v 15b Ita tolanoon Paulus sulak fee ei so, laꞌeneu dedeꞌa noꞌu kala fo sama leo manai au susulang ia. Lamatuak ndia feen ana bubuluk leondiak, huu ndia de, ana sulak leondiak.  
\v 16 Laꞌi-laꞌik Paulus sulak susulak, na, ndia boe oo kokolak dedeꞌa kala ia. Neme ndia susula nala mai, memak hambu dedeꞌak fo ita taa duꞌa laꞌe ndia hihiin. Hambu hataholi boe tao naeok Paulus hihiin. Sila boe oo, tao laeok dedeꞌa feꞌe kala lai Lamatuak Susula Malalaon. Sila ndia, na ndia mbelatua, ma hataholi la fo namahehelen taa matea. Hataholi mata leondia kala, dei fo lakalulutuk heni sala.   
\p
\v 17 Tolanoo susue nggalei! Ei bubuluk mese masapepeko kala sila dala soda nala. De, mata neuk bou! Huu tala nau lamanene heti-heuk esa boe. Ala soba-soba fo pepeko ei, fo suek ei heok mima dala ndoos mai. Tehuu boso mboꞌi sala senggi ei leondiak. Huu, ei musi mahele mini tean.  
\v 18 Malolenak, ei namahehele mala moli lakandoo. Huu ei bubuluk ita Lamatuan Yesus Karistus so, fo nasalaꞌe nala ita teme ita sala-singgo nala mai. Ana nau natudu Ndia dale malolen neu ei. Ma Ndia boe oo, nau ei malelak neulalau Ndia bali.  
\p Au nau fo basa hataholi soꞌu dema-demak Ndia, neme hatematak ia mai, losa dodoon neu!\f + \fr 3:18 \ft Susula dedeꞌa Yunani luma tamba “Amin” nai ia.\f*  
\q2 Soda-molek,  
\q2 Petrus