\id ROM \h ᤖᤥᤔᤡ \toc1 ᤐᤠᤘᤗᤖᤧ ᤖᤥᤔᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ \toc2 ᤖᤥᤔᤡ \toc3 ᤖᤥᤔᤡ \mt1 ᤐᤠᤘᤗᤖᤧ ᤖᤥᤔᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ \imt1 ᤏᤡ᤺ᤛᤢᤶ \ip ᤁᤴ ᤛᤰᤀᤡᤱᤄᤱᤅᤡᤴ ᤐᤠᤘᤗᤖᤧ ᤖᤥᤔ ᤕᤧᤰᤕᤰᤁᤥ ᤁᤧᤏᤧᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤐᤠᤘᤗᤧᤴ ᤖᤥᤶᤔᤥ ᤔᤧᤶᤒᤣ᤺ᤰᤁᤣ ᤘᤕᤧ. ᤁᤖ ᤂᤧᤵᤔᤥ ᤐᤣ᤺ᤰᤔᤠᤀᤠᤱ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ ᤋᤢᤶᤔᤠᤛᤡ ᤜᤧᤰᤁᤩᤠᤱ ᤁᤢᤓᤠ ᤕᤧᤶ ᤌᤠᤖᤡᤰ ᤂᤧᤱᤜᤠ᤹ᤏᤢ ᤔᤠᤱᤛᤣᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤏᤡᤱᤛᤣ᤺ᤰ ᤆᤥᤃᤢ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶᤒᤠ ᤁᤢᤓᤠ᤹ ᤂᤥ᤺ᤔᤠᤀᤠᤱ ᤛ᤻ᤐᤣᤏ ᤗᤠᤈᤣ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤐᤣ᤺ᤰᤔᤠ ᤁᤧᤗ᤹ᤒᤠᤀᤠᤱ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧᤖᤥ॥ ᤁᤴ ᤛᤰᤀᤡᤱᤄᤱᤅᤥ ᤏᤛᤠᤏᤡᤒᤠ ᤜᤡᤱᤔᤴᤏᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤐᤠᤘᤗᤖᤧ ᤆᤧᤰᤂᤢᤀᤠᤱ ᤘᤠ᤹ᤖᤥ॥ \ip ᤐᤠᤘᤗᤖᤧ ᤖᤥᤔ ᤛᤣᤛᤣᤜᤢᤵᤗᤰᤐᤠ ᤔᤏᤠᤜᤠ᤹ᤀᤥ ᤛᤣᤘᤠ ᤋᤥ᤺ᤴᤍᤢᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤥ ᤐᤣᤗᤡᤃᤧᤴ ᤋᤢᤘᤠ ᤋᤥ᤺ᤴᤍᤢᤒᤠ ᤐᤠ᤺ᤴᤏᤡᤴ ᤛᤠᤵᤋᤢᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤕᤜᤢᤍᤡᤛᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤱ ᤗᤠᤕᤥ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤐᤥ᤺ᤱ ᤗ᤹ᤖᤡᤰ ᤐᤠᤘᤗᤖᤧ ᤐᤥᤎᤰ ᤆᤥᤃᤢᤀᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤗᤠᤕᤥᤖᤧ ᤋᤧᤳᤋᤢᤛᤡᤀᤠᤱ ᤔᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤗᤠᤕᤥ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠᤃ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰᤔᤠᤀᤣ ᤐᤥ᤺ᤱ ᤑᤠ᤹ᤀᤠᤱ ᤔᤧᤳᤋᤢᤛᤡᤖᤥ॥ ᤕᤧᤛᤢ᤺ᤴᤏᤢ ᤌᤡᤰᤜᤢᤵ ᤐᤥ᤺ᤱᤔᤠᤸᤗᤧ ᤁᤢᤛᤱ ᤜᤡᤱᤔᤴᤏᤡᤴ ᤀᤠᤄᤥ᤺ᤛᤢᤶ ᤑᤠ᤹ᤀᤠᤱ ᤔᤧᤳᤋᤢᤛᤡᤖᤥ॥ ᤏᤛᤠᤏᤡᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤏᤠᤖᤢᤱ ᤔᤧᤃᤳᤋᤢ᤹. ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤗᤠᤕᤥ ᤏᤢ ᤛᤡ᤺ᤔᤧᤸᤗᤧᤴ ᤔᤢᤰᤛᤠᤶᤗᤠᤶᤒᤠ ᤆᤥ᤺ᤰᤕᤢᤶᤓᤥ ᤐᤡᤖᤢᤛᤡ᤹ᤖᤥ॥ ᤏᤠ᤺ᤳᤗᤠ ᥋-᥎ ᤀᤥ ᤐᤠᤘᤗᤖᤧ ᤛᤠᤶᤕᤥᤌᤡᤶᤔᤡᤸᤗᤧᤴ ᤏᤡᤱᤘᤠ᤹ᤛᤥ᤺ᤰᤁᤡᤴ ᤏᤢ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤜᤡᤱᤔᤴᤏᤥ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤆᤧᤰᤂᤢᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤗᤠᤃᤡ ᤆᤥᤃᤢᤒᤠ ᤏᤡᤱᤛᤣ᤺ᤰᤁᤥ ᤀᤰᤂᤣᤗ᤹ᤖᤡᤰ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤠ᤺ᤔᤠ ᤔᤧᤛᤢᤰᤐᤣ ᤑᤠ᤹ᤀᤠᤱ ᤐᤠ᤺ᤴ ᤌᤰᤗᤥ॥ ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤔᤧᤏᤠ᤹ᤖᤢᤒᤠᤸᤗᤧ ᤆᤥᤃᤢᤸᤗᤧ ᤘᤣ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥ᤺ᤰᤔᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤴ ᤔᤧᤄᤥ᤺ᤛᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰ ᤘᤕᤧᤖᤥ॥ ᤁᤢᤏᤢᤵᤔᤥ ᤐᤠᤘᤗᤖᤧ ᤂᤪᤡᤛ᤻ᤋᤠᤏᤡ ᤜᤡᤱᤔᤴᤏᤥ ᤘᤣ᤹ᤜᤠ᤹ ᤗᤢᤱᤔᤠ᤹ ᤋᤢᤰᤔᤠᤛᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤛᤢᤰᤋᤧᤳ ᤗ᤹ᤖᤡᤰ ᤆᤧᤰᤂᤢᤀᤠᤱ ᤘᤠ᤹ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤛᤣᤘᤠ ᤆᤥ᤺ᤰᤔᤠ. ᤏᤛᤠᤏᤡᤒᤠᤜᤠ᤹ᤖᤧ ᤀᤠᤒᤠᤅᤣ ᤗᤠᤈᤣ᤹ ᤕᤢᤰᤛᤠᤒᤠᤜᤠ᤹ ᤜᤧᤰᤁᤩᤠᤱ ᤘᤣ᤹ ᤔᤏᤠᤜᤠ᤹ᤏᤢ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤗᤰᤐᤧᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥᤀᤠᤱ ᤛᤠᤵᤋᤢᤀᤠᤱ ᤐᤳᤗᤥ॥ \is1 ᤌᤠᤔᤡᤱ \io1 ᤏᤡ᤺ᤛᤢᤶ ᤏᤢ ᤏᤡᤱᤘᤠ᤹ᤛᤥ᤺ᤰ ᥇.᥇-᥇᥍ \io1 ᤔᤏᤠᤜᤠ᤹ ᤛᤧᤴᤗᤵ ᤆᤠᤜᤠᤒᤠ ᤔᤧᤈᤥ᤺ᤰ ᥇.᥇᥎-᥉.᥈᥆ \io1 ᤛᤧᤴᤗᤵᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰ ᥉.᥈᥇-᥊.᥈᥋ \io1 ᤂᤪᤡᤛ᤻ᤋᤀᤥ ᤁᤢᤛᤱ ᤜᤡᤱᤔᤴ ᥋.᥇-᥎.᥉᥏ \io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰᤁᤥ ᤕᤜᤢᤍᤡᤜᤠ᤹ ᥏.᥇-᥇᥇.᥉᥌ \io1 ᤂᤪᤡᤛ᤻ᤋᤠᤏᤡ ᤌᤡᤶ ᥇᥈.᥇-᥇᥋.᥇᥉ \io1 ᤁᤢᤏᤢᤵᤔᤠ ᤏᤢ ᤐᤠᤘᤗᤖᤧ ᤁᤢᤛᤣᤘᤠ᤺ᤴ ᥇᥋.᥇᥊-᥇᥌.᥈᥍ \c 1 \s1 ᤛᤣᤘᤠ \p \v 1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤛᤣᤃᤠᤱᤅᤠᤱ ᤁᤢᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤀᤢ᤺ᤳᤋᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤀᤡᤱᤃᤠ᤹ ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤒᤠᤖᤥ॥ \v 2 ᤁᤴ ᤛᤢᤏᤠᤀᤡᤱᤅᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤃᤡᤛᤠ ᤁᤢᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤗᤠᤶᤒᤠ ᤛᤣᤛᤣ ᤛᤠᤶᤕᤥᤛᤠᤵᤗᤠᤀᤥ ᤔᤠᤱᤜᤧᤰ ᤆᤥᤃᤢᤀᤠᤱ ᤐᤳᤗᤥ॥ \v 3 ᤁᤴ ᤛᤢᤏᤠᤀᤡᤱᤅᤡᤱᤃ ᤏᤡᤱᤘᤠ᤹ᤑᤢᤛᤠ᤺ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥᤖᤥ॥ ᤂᤢᤏᤧ᤹ᤃ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤗᤠᤶᤒᤠ ᤔᤧᤴᤇᤠᤶ ᤕᤠᤵᤔᤡ ᤐᤥ᤺ᤰᤂᤧ. \v 4 ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤒᤠᤸᤗᤧ ᤏᤡᤱᤘᤠ᤹ᤑᤢᤛᤠ᤺ᤖᤥ ᤑᤠ᤹ᤀᤠᤱ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤖᤥ॥ ᤂᤢᤏᤧ᤹ᤀᤣ ᤕᤧᤛᤢ ᤂᤪᤡᤛ᤻ᤋ ᤀᤠᤏᤡ᤹ ᤍᤠᤱᤒᤠᤖᤥ॥ \v 5 ᤂᤢᤏᤧ᤹ᤗᤠᤶ ᤏᤢ ᤁᤢᤔᤡᤱᤛᤥ ᤀᤡᤱᤎᤠ᤺ᤱᤗᤧ ᤗᤠᤃᤡ ᤁᤧᤖᤧᤰ ᤗᤠᤈᤣ᤹ᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤖ ᤜᤧᤰᤁᤩᤠᤱ ᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤔᤠ ᤛᤢᤕᤧᤶ ᤐᤡᤖᤡᤃᤧᤀᤠᤱ ᤘᤠ᤹ᤖᤥ॥ \v 6 ᤂᤡᤏᤡ᤹ᤀᤠᤱ ᤂᤧᤱᤜᤠ᤹ᤏᤢᤀᤣ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤢᤔᤏᤠ ᤐᤥ᤺ᤱᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥ \p \v 7 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤔᤡ᤺ᤶᤈᤡ ᤁᤧᤔᤧᤳᤋᤡ᤹ᤀᤠᤱ ᤀᤠᤒᤠᤅᤣ ᤁᤢᤛᤣᤛᤣ ᤔᤏᤠ ᤐᤥ᤺ᤱᤛᤧ ᤁᤧᤀᤢ᤺ᤳᤋᤡᤒᤠ ᤖᤥᤔ\f * \fr 1:7 \ft ᤖᤥᤔ–ᤖᤥᤔ ᤕᤧᤰᤕᤰᤁᤡᤴ ᤖᤥᤔᤡ ᤜᤠᤱᤈᤢᤶᤔᤡᤸᤗᤧᤴ ᤜᤠᤱᤐᤠᤱ ᤘᤕᤧ॥\f* ᤕᤧᤰᤕᤰᤁᤥᤒᤠ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤜᤠᤖᤠ᤹ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤁᤧᤒᤡᤖᤡᤖᤖᤥ॥ \s1 ᤐᤠᤘᤗᤖᤧ ᤖᤥᤔ ᤕᤧᤰᤕᤰᤁᤥ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ᤹ \p \v 8 ᤁᤠᤰᤏᤢ᤺ᤸᤗᤧ ᤋᤃᤡ ᤂᤡᤏᤡ᤹ ᤁᤧᤖᤧᤰᤗᤧ ᤗᤠᤃᤡ ᤛᤣᤘᤠ ᤆᤥᤃᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤏᤥᤃᤧᤴ ᤐᤡᤖᤢᤱᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤁᤧᤘᤠ᤹ᤒᤠ ᤂᤡᤏᤡ᤹ ᤏᤛᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤀᤡᤱᤄᤱᤅᤡᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤠᤰ ᤐᤡᤛᤠᤱ ᤛᤧ᤺ᤖᤧᤀᤠᤱ ᤘᤠ᤹ᤖᤥ॥ \v 9 ᤂᤢᤏᤧ᤹ ᤁᤢᤛ᤻ᤛᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤱᤗ ᤁᤧᤖᤧᤰ ᤀᤠᤏᤡᤱᤘᤠ᤹ᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥᤃᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤡᤏᤡ᤹ ᤗᤠᤃᤡ ᤀᤧᤳᤗᤧᤱ ᤋᤢᤘᤠ ᤆᤥᤃᤢᤱᤒᤠᤴ ᤏᤡ᤺ᤛᤢᤀᤠᤱ ᤘᤠ᤹ᤖᤥ॥ \v 10 ᤛᤍᤠᤍᤡᤱ ᤀᤡᤱᤃᤠ᤹ ᤆᤥᤃᤢᤱᤒᤠ ᤋᤢᤘᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤠᤰᤂᤣᤗ᤹ᤖᤡᤰᤛᤠᤱ ᤗᤠᤶ ᤂᤥ᤺ᤛᤢᤱᤅᤠᤱ ᤂᤡᤏᤡ᤹ᤀᤥ ᤋᤠ᤺ᤔᤠ ᤛᤢᤰᤁᤠᤖ ᤑᤠ᤹ᤀᤠᤱ ᤐᤣᤗᤡᤃᤧᤴ ᤋᤢᤘᤠ ᤆᤥ᤺ᤰᤁᤠᤖᤥ॥ \v 11 ᤀᤡᤱᤃᤠ᤹ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤆᤥ᤺ᤰᤛᤧ ᤕᤠᤶᤛᤠᤶᤃᤧᤴ ᤐᤷᤎᤠ᤺ᤶᤔᤡᤴ ᤂᤡᤏᤡ᤹ᤏᤢ ᤜᤠ᤺ᤔᤠ ᤑᤠ᤹ᤀᤠᤱ ᤛᤠ᤹ᤖᤡᤰᤁᤣ ᤂᤡᤏᤡ᤹ᤏᤢ ᤋᤢᤶᤔᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ \v 12 ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ ᤁᤧᤖᤧᤰᤗᤧ ᤏᤛᤠ᤺ᤴᤗᤠᤶᤒᤠ ᤜᤠᤱᤜᤠᤱ ᤀᤠᤔᤧᤳᤇᤡᤱᤗᤥ॥ \p \v 13 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ᤀᤥ ᤋᤠ᤺ᤔᤠ ᤕᤖᤡᤰᤗᤧᤱ ᤏᤡᤱᤘᤠ᤹ ᤆᤥᤃᤢᤱ. ᤁᤖ ᤀᤠᤸᤗᤥ ᤌᤠᤖᤡᤰ ᤋᤠ᤺ᤔᤠ ᤔᤧᤴᤇᤢᤰᤐᤧᤴ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤂᤥ᤺ᤛᤧᤶᤔᤧ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥ ᤀᤡᤱᤃᤠ᤹ ᤘᤣ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤂᤪᤡᤛ᤻ᤋᤀᤥ ᤋᤠᤖᤢᤱᤛᤡᤱᤒᤠ ᤜᤧᤰᤁᤣ ᤂᤡᤏᤡ᤹ᤀᤥᤗᤠᤶᤔᤠᤱ ᤕᤖᤡᤰ ᤔᤏᤠᤜᤠ᤹ ᤋᤠ᤺ᤵᤔᤠᤛᤡ ᤀᤠᤏᤡᤱᤘᤠ᤹ ᤘᤠ᤹ᤖᤥ॥ \v 14 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤂᤠᤛᤠᤶᤒᤠᤜᤠ᤹ ᤏᤢ ᤂᤠᤛᤠᤶ ᤔᤧ᤺ᤶᤒᤠᤜᤠ᤹. ᤜᤧᤰᤁᤩᤠᤱ ᤛᤡᤰᤁᤢᤶᤛᤠᤒᤠᤜᤠ᤹ ᤏᤢ ᤛᤎ᤺ᤰᤐᤠᤜᤠ᤹. ᤁᤧᤖᤧᤰᤗᤧ ᤗᤠᤃᤡ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠᤀᤣ ᤐᤥ᤺ᤱᤗᤥ॥ \v 15 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤖᤥᤶᤔᤥ ᤁᤧᤘᤠ᤹ᤒᤠᤜᤠ᤹ᤀᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠᤏᤡᤱ ᤛᤠ᤹ᤖᤡᤰ ᤀᤠᤛᤡᤰ ᤛᤔᤧᤀᤠᤱ ᤘᤠ᤹ᤖᤥ॥ \p \v 16 ᤁᤴ ᤂᤪᤡᤛ᤻ᤋᤖᤧ ᤁᤢᤛᤢᤏᤠᤀᤡᤱᤅᤡᤴ ᤀᤡᤱᤓᤥ᤺ᤔᤠ ᤔᤧᤏᤢ᤺ᤴᤏᤠᤴᤗᤥ. ᤌᤣᤀᤠᤱᤓᤧᤸᤗᤧ ᤁᤴ ᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤠᤰ ᤔᤏᤠᤜᤠ᤹. ᤋᤃᤡ ᤕᤜᤢᤍᤡᤜᤠ᤹\f * \fr 1:16 \ft ᤋᤃᤡ ᤕᤜᤢᤍᤡᤜᤠ᤹–ᤕᤧᤛᤢ ᤕᤜᤢᤍᤡ ᤜᤡᤶᤛᤕᤱᤅᤥ ᤛᤠᤘᤠ᤺ᤴᤇᤡᤅᤧᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤒᤠᤅᤣ ᤁᤢᤗᤠᤈᤣ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢ॥ ᤕᤠᤱᤛᤡ. ᤛᤢᤏᤠᤀᤡᤱᤅᤡᤴ ᤁᤧᤖᤧᤰ ᤔᤏᤠᤜᤠ᤹ᤀᤥ ᤏᤢ ᤁᤧᤖᤧᤰ ᤗᤠᤈᤣ᤹ᤜᤠ᤹ᤀᤥ ᤀᤡᤱᤓᤥ᤺ᤔᤠ ᤐᤥ᤺ᤰᤂᤧ॥ \f* ᤜᤧᤰᤁᤩᤠᤱ ᤕᤠᤱᤛᤡ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤠᤱᤛᤧ᤺ᤵᤔᤠᤛᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤥ॥ \v 17 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤰᤂᤣᤗ᤹ᤖᤡᤰ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤈᤥ᤺ᤰ ᤑᤠ᤹ᤀᤠᤱ ᤁᤴ ᤛᤢᤏᤠᤀᤡᤱᤅᤡᤸᤗᤧ ᤀᤥᤛᤣ᤺ᤴᤀᤠᤎᤠᤰᤗᤥ. ᤜᤧᤰᤁᤩᤠᤱ ᤁᤱᤃ ᤏᤛᤠ᤺ᤴᤗᤠᤶ ᤜᤣ᤺ᤰᤛᤡᤱᤅᤠᤱ ᤏᤛᤠ᤺ᤴᤗᤠᤶᤒᤠᤀᤣ ᤁᤢᤗᤡᤱᤎᤥ ᤁᤧᤳᤗᤥ॥ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤛᤠᤶᤕᤥᤏᤡᤒᤠᤱᤃ ᤏᤛᤠ᤺ᤶᤗᤠᤶᤒᤠᤀᤣ ᤜᤡᤱᤗᤥ॥”\f * \fr 1:17 \ft ᤜᤒᤁᤢᤁ ᥈.᥊\f* \s1 ᤗᤠᤕᤥ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴ \p \v 18 ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤡᤴ ᤗᤠᤕᤥᤒᤠ ᤏᤢ ᤑᤧᤴ ᤕᤠ᤺ᤶᤒᤰᤁᤡᤸᤗᤧ ᤁᤢᤎᤡᤶᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡ ᤛᤶᤍᤠᤱ ᤆᤢᤰᤋᤧᤀᤠᤱ ᤘᤠ᤹ᤖᤥ॥ ᤜᤠᤒᤠ ᤁᤴ ᤔᤏᤠᤜᤠ᤹ᤖᤧᤀᤣ ᤂᤢᤏᤡ᤹ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤡᤸᤗᤧ ᤛᤧᤰᤂᤠ᤺ᤴ ᤌᤣ᤺ᤰᤋᤢᤀᤠᤱ ᤘᤠ᤹ᤖᤥ॥ \v 19 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤂᤢᤶᤍᤡᤱ ᤐᤡᤖᤢᤛᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤁᤢᤛᤡᤱ ᤏᤡ᤺ᤵᤔᤠ ᤁᤧᤒᤥ᤺ᤱᤒᤠ ᤁᤠᤰ ᤐᤠ᤺ᤴᤜᤠ᤹ᤃ ᤀᤠᤒᤠᤅᤣ ᤂᤧᤱᤜᤠ᤹ ᤀᤥᤛᤣ᤺ᤴᤎᤠᤰᤋᤢᤛᤡᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥ \v 20 ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤏᤠᤘᤠᤃᤧᤴ ᤆᤀᤡ᤺ᤳ ᤐᤥ᤺ᤰᤂᤧᤀᤠᤱᤎᤥᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤁᤢᤛᤢᤶᤒᤥ᤺ᤴ–ᤔᤧᤴᤏᤢᤵᤔᤏᤠᤒᤠ ᤁᤢᤔᤢᤰᤛᤠᤶ ᤏᤢ ᤏᤡᤱᤘᤠ᤹ᤑᤢᤃᤧᤴ ᤏᤥᤛᤪᤱᤅᤡᤴ–ᤏᤢ᤺ᤖᤡᤰᤁᤠᤱ ᤏᤡ᤺ᤍᤧᤳᤗᤥ॥ ᤂᤧᤱᤜᤠ᤹ᤃ ᤏᤠᤘᤠᤃᤧᤴ ᤆᤀᤡ᤺ᤳ ᤐᤥ᤺ᤰᤂᤧᤒᤠ ᤐᤠ᤺ᤴᤜᤠ᤹ᤗᤠᤶᤔᤣ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤳᤋᤧᤳᤋᤧᤀᤠᤅ ᤘᤠ᤹ᤖᤥ॥ ᤜᤧᤰᤁᤣ᤺ᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤴᤏᤡ᤺ᤔᤏᤠ ᤗᤠᤶᤛᤡᤱᤔᤠ ᤐᤠ᤺ᤴ ᤌᤣᤀᤠᤱ ᤜᤥ᤺ᤵᤗᤥ॥ \p \v 21 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤛᤠᤱ ᤂᤢᤏᤧ᤹ ᤐᤡᤔᤠ ᤁᤧᤒᤥ᤺ᤱᤒᤠ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤶᤒᤡᤖᤢᤴ ᤜᤧᤰᤁᤩᤠᤱ ᤏᤥᤃᤧᤴᤏᤠᤱ ᤔᤧᤶᤒᤡᤖᤢᤴᤗᤥ॥ ᤁᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤀᤡ᤺ᤳᤇᤡᤱᤛᤠᤶᤔᤡᤴ ᤑᤧ᤺ᤳᤗᤠ᤹ᤖᤧ ᤐᤣᤖᤥ. ᤜᤧᤰᤁᤩᤠᤱ ᤂᤢᤏᤡ᤹ ᤀᤍᤱ ᤏᤡᤱᤘᤠ᤹ᤀᤡᤴ ᤂᤠᤍᤠᤵᤋᤢᤀᤠᤱ ᤘᤠ᤹ᤖᤥ॥ \v 22 ᤂᤧᤱᤜᤠ᤹ᤖᤧ ᤀᤠᤏᤡᤃᤧ ᤛᤡᤰᤁᤢᤶᤛᤠᤒᤠ ᤘᤕᤡᤃᤧ ᤔᤧᤗ᤹ᤛᤠᤱ ᤂᤧᤱᤜᤠ᤹ᤃ ᤀᤍᤱ ᤔᤧᤒᤥ᤺ᤰᤂᤧᤖᤥ॥ \v 23 ᤂᤧᤱᤜᤠ᤹ᤖᤧ ᤀᤠᤈᤢᤏᤡᤒᤠ ᤔᤡᤔᤡᤍᤡᤱᤃᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥ᤺ᤰᤔᤠᤸᤗᤧ ᤁᤢᤗᤧᤰᤘᤠ ᤁᤧᤛᤡ᤺ᤒᤠ ᤁᤧᤒᤣ᤺ᤰᤐᤠ ᤔᤧᤴᤇᤠᤶ ᤕᤠᤵᤔᤡ. ᤌᤰᤛᤠ. ᤐᤢᤛᤠ ᤏᤢ ᤁᤧᤛ᤺ᤴᤇᤡᤱᤒᤠ ᤌᤰᤛᤠᤜᤠ᤹ ᤜᤧᤰᤋᤱᤒᤠ ᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤈᤥᤃᤢᤖᤥ॥ \p \v 24 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤂᤢᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ᤒᤠᤸᤗᤧ ᤁᤥ᤺ᤳᤋᤢᤒᤠ ᤛᤡᤰᤁᤧᤗᤧ᤺ᤱᤒᤠ ᤕᤠᤰᤏᤠᤶᤔᤥᤀᤣ ᤘᤠ᤹ᤔᤠ ᤐᤠᤱᤄᤢᤛᤡ. ᤜᤧᤰᤁᤩᤠᤱ ᤂᤢᤏᤡ᤹ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤌᤰᤁᤥ ᤛᤡᤖᤡᤱ ᤔ᤺ᤔᤠ ᤕᤠ᤺ᤶᤒᤰ ᤔᤧᤈᤥ᤺ᤰᤛᤡᤱᤗᤥ॥ \v 25 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤰᤂᤠ᤺ᤴ ᤏᤛᤠ᤺ᤴ ᤆᤥ᤺ᤰᤔᤠᤸᤗᤧ ᤁᤢᤗᤧᤰᤘᤠ ᤏᤡ᤺ᤏᤡ᤺ᤒᤠᤀᤣ ᤀᤡᤱᤗᤧᤰᤐᤠ ᤐᤠ᤺ᤴᤜᤠ᤹ ᤏᤛᤠ᤺ᤴ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤧᤰᤘᤠ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴ ᤛᤣᤘᤠ ᤔᤧᤈᤥᤃᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤛᤍᤠᤍᤡᤱ ᤏᤧᤶᤓᤥᤃᤧᤴ ᤏᤠᤖᤠ ᤑᤥ᤺ᤔᤠ ᤗᤠ᤹ᤖᤢᤖᤥ॥ ᤀᤠᤔᤧᤴ॥ \p \v 26 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤛᤡᤖᤡᤱ ᤀᤠᤔ᤺ᤒᤠ ᤕᤠᤶᤒᤥ᤺ᤵᤔᤠ ᤏᤡᤱᤘᤠ᤹ᤀᤥ ᤗᤧᤖᤢᤛᤡᤖᤥ॥ ᤜᤧᤰᤁᤣᤗ᤹ᤖᤡᤰ ᤔᤧᤴᤇᤢᤔᤠᤜᤠ᤹ᤖᤧᤀᤠᤱ ᤁᤧᤒᤥ᤺ᤱᤒᤠ ᤁᤧᤕᤢ᤺ᤒᤠ ᤁᤢᤀᤡᤛᤡ᤺ᤰ ᤕᤧᤶᤒᤡᤳᤇᤠ᤹ᤜᤠ᤹ᤏᤢ ᤀᤡᤶᤔᤠᤸᤗᤧ ᤁᤢᤗᤧᤰᤘᤠ ᤔᤧᤴᤇᤢᤔᤠᤜᤠ᤹ᤏᤢᤀᤣ ᤑᤧᤴ ᤕᤠ᤺ᤶᤒᤰ ᤔᤧᤈᤥᤃᤢ॥ \v 27 ᤜᤧᤰᤁᤣᤗ᤹ᤖᤡᤰ ᤕᤧᤶᤒᤡᤳᤇᤠ᤹ᤜᤠ᤹ᤖᤧᤀᤠᤱ ᤁᤧᤒᤥ᤺ᤱᤒᤠ ᤁᤧᤕᤢ᤺ᤒᤠ ᤁᤢᤀᤡᤛᤡ᤺ᤰ ᤔᤧᤴᤇᤢᤔᤠᤜᤠ᤹ᤏᤢ ᤀᤡᤶᤔᤠᤸᤗᤧ ᤁᤢᤗᤧᤰᤘᤠ ᤘᤣ᤹ ᤕᤧᤶᤒᤡᤳᤇᤠ᤹ᤜᤠ᤹ᤏᤢ ᤕᤠᤶᤒᤥ᤺ᤵᤔᤠ ᤏᤡᤱᤘᤠ᤹ᤀᤡᤸᤗᤧ ᤕᤠ᤺ᤴᤍᤢᤛᤡᤀᤠᤱ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤃ ᤔᤧᤈᤥᤃᤢᤒᤠ ᤂᤧᤴ ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤡᤸᤗᤧᤴ ᤂᤢᤶᤍᤡᤱ ᤀᤠᤒᤠᤅᤣ ᤌᤰᤁᤥ ᤔᤧᤄᤥ᤺ᤛᤢᤖᤥ॥ \p \v 28 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤧᤏᤡ᤺ᤛᤢ ᤔᤧᤎᤠ᤺ᤛᤢᤒᤠ ᤐᤠ᤺ᤴᤜᤠ᤹ ᤔᤧᤏᤠ᤹ᤖᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤂᤧᤱᤜᤠ᤹ ᤑᤧᤴ ᤏᤡᤱᤘᤠ᤹ᤀᤥ ᤗᤧᤖᤢᤛᤡᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤆᤥ᤺ᤰᤔᤠ ᤔᤧᤴᤏᤢ᤹ᤔᤏᤠ ᤐᤠ᤺ᤴᤜᤠ᤹ ᤔᤧᤈᤥᤃᤢᤖᤥ॥ \v 29 ᤂᤧᤱᤜᤠ᤹ ᤁᤠᤰ ᤐᤖᤡᤰᤐᤠ ᤁᤢᤀᤡᤓᤧᤶᤔᤠ. ᤑᤧᤴ ᤏᤡᤱᤘᤠ᤹. ᤂᤡ᤺ᤶᤔᤠ ᤜᤧᤰᤁᤩᤠᤱ ᤆᤡ᤺ᤳᤇᤡᤱᤔᤠ. ᤏᤠᤜᤧᤶᤔᤠ. ᤔᤏᤠ ᤛᤧᤵᤔᤠ. ᤂᤣᤔᤠ ᤌᤰᤔᤠ. ᤀᤡᤱᤗᤧᤰᤔᤠ. ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤢᤰᤗ ᤆᤥ᤺ᤰᤔᤠ ᤐᤠ᤺ᤴᤜᤠ᤹ᤖᤰ ᤔᤧᤀᤡ᤺ᤳᤋᤢ᤹ᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤏᤠ ᤁᤧᤈᤧᤱᤒᤠ. \v 30 ᤔᤏᤠ ᤆᤠ᤺ᤳᤌᤡ ᤁᤧᤍᤣ᤺ᤒᤠ. ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤈᤡ᤺ᤵᤐᤠ. ᤔᤏᤠ ᤋᤠᤵᤑᤧ᤺ᤸᤗᤡᤰ ᤁᤧᤔᤧᤵᤐᤠ. ᤀᤠᤱᤍᤡᤱ ᤁᤧᤗ᤹ᤒᤠ ᤜᤧᤰᤁᤩᤠᤱ ᤁᤧᤜᤧᤴᤇᤡᤱᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤖᤧ ᤑᤧᤴ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤁᤢᤛᤱ ᤗᤠᤶ ᤔᤧᤃᤥ᤺ᤳᤋᤢ᤹. ᤜᤧᤰᤁᤩᤠᤱ ᤔᤠᤒᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴ ᤔᤧᤱᤄᤧᤵᤛᤢᤴ॥ \v 31 ᤂᤧᤱᤜᤠ᤹ ᤀᤍᤱ ᤔᤧᤈᤥ᤺ᤰ. ᤔᤧᤈᤥᤃᤢᤒᤠ ᤔᤠᤱᤜᤧᤰᤜᤠ᤹ ᤔᤧᤱᤃᤧᤳᤋᤢᤴ. ᤔᤏᤠᤜᤠ᤹ ᤗᤢᤱᤔᤠ᤹ ᤔᤧᤴᤍᤢᤰᤋᤢᤴᤇᤡᤴ. ᤜᤧᤰᤁᤩᤠᤱ ᤂᤢᤏᤡ᤹ ᤗᤢᤱᤔᤠ᤹ ᤛᤩᤠ᤺ᤳ ᤔᤧᤗ᤹ᤏᤧᤴᤗᤥ॥ \v 32 ᤀᤰᤋᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤃ ᤛᤡ᤺ᤔᤧᤸᤗᤧᤴ ᤂᤢᤶᤍᤡᤱ ᤂᤥ᤺ᤔᤠ ᤗᤠ᤹ᤖᤢᤛᤡ᤹ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤁᤱᤜᤠ᤹ᤖᤧ ᤏᤢ᤺ᤖᤡᤰᤁᤠᤱ ᤔᤧᤏᤡ᤺ᤛᤢᤛᤠᤱ ᤀᤠᤒᤠᤅᤣᤖᤰ ᤀᤰᤋᤱᤒᤠ ᤕᤠ᤺ᤶᤒᤰ ᤔᤧᤴᤈᤥᤃᤢᤴ. ᤁᤖ ᤜᤧᤰᤋᤱᤒᤠ ᤁᤧᤈᤥ᤺ᤰᤐᤠ ᤘᤣ᤹ ᤔᤏᤠᤜᤠ᤹ᤀᤠᤱ ᤏᤢ᤺ᤒᤠ ᤁᤧᤈᤥᤃᤢᤶᤗᤥ ᤔᤧᤔᤧᤳᤋᤢᤛᤡ᤹ᤖᤥ॥ \c 2 \s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴ \p \v 1 ᤘᤣ᤹ᤜᤠ᤹ ᤀᤠᤵᤋᤡᤰ ᤁᤢ᤺ᤵᤔᤠᤛᤡ ᤗᤠ᤹ᤖᤡᤃᤧ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤶ. ᤁᤖ ᤂᤡᤏᤡ᤹ ᤑᤥᤋᤩᤠ ᤔᤧ᤺ᤴᤏᤣᤒᤠ ᤗᤠᤶᤛᤡᤱᤔᤠ ᤐᤠ᤺ᤴ ᤌᤣᤀᤠᤱ ᤁᤧᤱᤃᤳᤋᤢᤶᤔᤡᤴᤗᤥ. ᤌᤣᤀᤠᤱᤓᤧᤸᤗᤧ ᤌᤣ ᤐᤠ᤺ᤴᤏᤥ ᤘᤣ᤹ᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤳᤋᤢᤶᤛᤡᤶ ᤜᤠᤒᤠ ᤂᤧᤴ ᤐᤠ᤺ᤴᤏᤡᤴᤏᤣ ᤂᤡᤏᤡ᤹ᤀᤠᤱ ᤁᤧᤈᤥᤃᤢᤶᤗ ᤁᤧᤘᤕᤡ᤹ᤖᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ᤀᤠᤱ ᤀᤠᤒᤠᤅᤣ ᤀᤠᤵᤋᤡᤰ ᤁᤧᤃᤢ᤺ᤳᤋᤠᤛᤡ᤹ᤖᤥ॥ \v 2 ᤀᤠᤸᤗ ᤀᤰᤋᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤖᤢᤛᤡᤸᤗᤧ ᤂᤢᤏᤧ᤹ ᤛᤧᤰᤂᤠᤗᤠᤶ ᤂᤠᤛᤧᤴ ᤗᤥ᤺ᤴᤍᤢᤛᤡ᤹ ᤑᤠ᤹ᤀᤠᤱ ᤀᤠᤏᤡ᤹ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ॥ \v 3 ᤂᤧᤸᤗᤧ ᤆᤥᤃᤢᤸᤗᤧ ᤜᤧᤰᤋᤱᤒᤠ ᤐᤠ᤺ᤴᤏᤥ ᤂᤡᤏᤡ᤹ ᤘᤣ᤹ ᤔᤏᤠᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤳᤋᤢᤶᤛᤡᤶ. ᤁᤖ ᤀᤠᤒᤠᤅᤣᤃ ᤒᤠ ᤜᤧᤰᤋᤱᤒᤠ ᤕᤠ᤺ᤶᤒᤰᤜᤠ᤹ ᤁᤧᤈᤥᤃᤢᤶᤔᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤔᤧᤒᤡᤖᤡᤃᤧᤴ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤶᤔᤠᤱ ᤁᤧᤘᤕᤡ᤹ᤒᤡ᥅ \v 4 ᤔᤧ᤺ᤱᤃᤪ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠᤴ. ᤏᤠᤛᤡ ᤁᤧᤎ᤺ᤳᤋᤡᤒᤠᤴ ᤜᤧᤰᤁᤩᤠᤱ ᤁᤢᤛᤡᤰ ᤏ᤺ᤶᤏ᤺ᤶ ᤗ᤹ᤒᤠᤴ ᤜᤏᤧ ᤁᤧᤗᤣ᤺ᤳᤋᤢᤶᤒᤡ᥅ ᤂᤡᤏᤡ᤹ ᤗᤠᤕᤥᤗᤠᤶ ᤁᤧᤜᤡᤴᤍᤡᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤛᤠ᤹ᤖᤡᤰ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠ ᤑᤠ᤹ᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤡ᥅ \v 5 ᤁᤖ ᤂᤡᤏᤡ᤹ ᤜᤠᤍᤡᤱ ᤁᤧᤎᤰᤐᤠ ᤏᤢ ᤗᤠᤕᤥᤗᤠᤶ ᤔᤧᤴᤏᤢ᤺ᤱᤔᤏᤠᤒᤠ ᤏᤡᤱᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ. ᤁᤢᤍᤥ᤺ᤵᤔᤠ ᤂᤠᤛᤧᤴᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤔᤠ ᤕᤧᤴ ᤌᤠᤖᤡᤰ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤁᤡᤵᤔᤠ ᤁᤧᤄᤢ᤺ᤒᤠ ᤁᤢᤛᤠᤰᤁᤧᤴᤏᤡᤴ ᤁᤧᤓᤥ᤺ᤰᤂᤢᤶᤗ ᤁᤧᤘᤕᤡ᤹ᤖᤥ॥ \v 6 ᤌᤣᤀᤠᤱᤓᤧᤸᤗᤧ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰᤁᤣ ᤏᤢ᤺ᤰᤋᤢ ᤐᤡᤖᤢᤛᤡ᤹ᤖᤥ॥”\f * \fr 2:6 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥌᥈.᥇᥈\f* \v 7 ᤁᤢᤓᤠ ᤔᤏᤠᤜᤠ᤹ᤖᤧ ᤆᤰᤔᤧᤸᤗ᤹ᤀᤣ ᤏᤢ᤺ᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤡᤔᤡᤍᤡᤱ. ᤔᤡᤱᤛᤥ ᤀᤡᤱᤎᤠ᤺ᤱ ᤏᤢ ᤀᤠᤈᤢᤏᤡ ᤜᤡᤱᤔᤴ ᤔᤧᤃᤥ᤺ᤳᤋᤢᤖ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤐᤡᤖᤢᤛᤡ᤹ᤖᤥ॥ \v 8 ᤁᤖ ᤛᤧᤰᤂᤠ᤺ᤴ ᤁᤧᤏᤠ᤹ᤒᤠ. ᤀᤡᤱᤃᤠ᤹ᤖᤰ ᤆᤥᤃᤢᤱ ᤆᤠᤱ ᤁᤧᤗ᤹ᤒᤠ ᤜᤧᤰᤁᤩᤠᤱ ᤑᤧᤴ ᤐᤠ᤺ᤴᤏᤥ ᤁᤧᤒᤵᤐᤠ ᤔᤏᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤡᤵᤔᤠ ᤁᤧᤄᤢ᤺ᤒᤠ ᤂᤢᤶᤍᤡᤱ ᤐᤡᤖᤢᤛᤡ᤹॥ \v 9 ᤜᤧᤰᤁᤩᤠᤱ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤧᤖᤧᤰ. ᤋᤃᤡ ᤕᤜᤢᤍᤡᤜᤠ᤹ ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤌᤠ᤺ᤛᤢᤛᤡ᤹ᤖᤥ॥ \v 10 ᤁᤖ ᤏᤢ᤺ᤒᤠ ᤐᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤔᤡᤔᤡᤍᤡᤱ. ᤔᤡᤱᤛᤥ ᤀᤡᤱᤎᤠ᤺ᤱ ᤏᤢ ᤛᤏᤠᤖᤢᤱᤅᤡᤴ ᤔᤧᤄᤥ᤺ᤛᤢ᤹–ᤋᤃᤡ ᤕᤜᤢᤍᤡᤜᤠ᤹ᤖᤧ ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤔᤧᤄᤥ᤺ᤛᤢ᤹ᤖᤥ॥ \v 11 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤀᤣ᤺ᤰᤐᤀᤣ᤺ᤰ ᤔᤧᤈᤥᤃᤢᤴᤇᤡᤴᤗᤥ॥ \p \v 12 ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤠᤶᤕᤥᤌᤡᤶ ᤔᤧᤱᤃᤳᤋᤢᤴᤇᤠᤱ ᤗᤠᤕᤥ ᤔᤧᤈᤥᤃᤢᤸᤗᤧ ᤂᤢᤶᤍᤡᤱ ᤔᤧᤄᤥ᤺ᤛᤢ᤹. ᤜᤧᤰᤁᤣᤗ᤹ᤖᤡᤰᤁᤣ ᤕᤜᤢᤍᤡᤜᤠ᤹ᤖᤧ ᤛᤠᤶᤕᤥᤌᤡᤶᤔᤡᤴ ᤔᤧᤃᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤗᤠᤕᤥ ᤔᤧᤈᤥᤃᤢᤸᤗᤧ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰᤁᤣ ᤂᤢᤶᤍᤡᤱ ᤔᤧᤄᤥ᤺ᤛᤢ᤹ᤖᤥ॥ \v 13 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤴ ᤂᤧᤶᤔᤠᤀᤠᤱᤗᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤀᤠᤶᤒᤥ᤺ᤱᤏᤧᤴ. ᤁᤖ ᤛᤠᤶᤕᤥᤌᤡᤶᤔᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤖᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤏᤡᤒᤠ ᤀᤠᤗᤣ᤺ᤳᤗᤥ॥ \v 14 (ᤜᤧᤰᤁᤣᤗ᤹ᤖᤡᤰᤁᤣ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤠᤶᤕᤥᤌᤡᤶᤔᤡᤴ ᤔᤧᤱᤃᤳᤋᤢᤴ ᤁᤖ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰ ᤔᤧᤈᤥᤃᤢᤸᤗᤧ ᤀᤠᤶᤓᤠᤛᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤥᤗᤠᤶᤒᤠᤀᤣ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ ᤁᤧᤗ᤹ᤒᤠᤴ ᤀᤥᤛᤣ᤺ᤴᤍᤠᤱ ᤐᤥ᤺ᤱᤗᤥ॥ \v 15 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤥ ᤛᤠᤶᤕᤥᤌᤡᤶᤔᤡᤴ ᤛᤠᤵᤋᤧᤀᤠᤱ ᤐᤳ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤔᤧᤈᤥᤃᤢ᤹ ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤂᤠᤛᤡᤱᤅᤡᤸᤗᤧ ᤂᤧᤱᤜᤠ᤹ ᤁᤢᤓᤠ ᤕᤧᤶᤔᤥ ᤀᤠᤵᤋᤡᤰ ᤁᤢ᤺ᤳᤋᤢᤛᤡ᤹ ᤜᤧᤰᤁᤩᤠᤱ ᤁᤢᤓᤠ ᤕᤧᤶᤔᤥ ᤏᤠᤅᤢᤛᤡ᤹ᤖᤥ॥) \v 16 ᤁᤴ ᤐᤠ᤺ᤴᤜᤠ᤹ᤃ ᤀᤡᤱᤃᤠ᤹ ᤀᤡᤱᤓᤥ᤺ᤛᤢᤱᤒᤠ ᤛᤢᤏᤠᤀᤡᤱ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋ ᤕᤧᤛᤢᤗᤠᤶᤒᤠ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤥᤒᤠ ᤐᤠ᤺ᤴᤜᤠ᤹ ᤂᤠᤛᤧᤴ ᤆᤥᤃᤢᤒᤠ ᤕᤧᤴᤏᤥ ᤐᤥ᤺ᤱᤗᤥ॥ \s1 ᤕᤜᤢᤍᤡᤜᤠ᤹ ᤏᤢ ᤛᤠᤶᤕᤥᤌᤡᤶᤔᤡᤴ \p \v 17 ᤁᤖ ᤀᤡᤱᤃᤠ᤹ ᤕᤜᤢᤍᤡᤀᤠᤖᤥ ᤁᤧᤒᤠ᤺ᤳᤋᤢᤀᤠᤱ ᤛᤠᤶᤕᤥᤌᤡᤶᤔᤡᤴ ᤏᤡᤱᤘᤠ᤹ ᤀᤡᤖᤧ ᤂᤥ᤺ᤵᤋᤢᤖ ᤁᤧᤈᤥᤃᤢ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤏᤡ᤺ᤳᤋᤢᤱ ᤑᤠ᤹ᤀᤠᤱ ᤀᤠᤱᤍᤡᤱ ᤁᤧᤗ᤹. \v 18 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤡᤱᤘᤠ᤹ᤀᤡᤴ ᤁᤧᤏᤡ᤺ᤛᤢ᤹ᤀᤠᤱ ᤛᤠᤶᤕᤥᤌᤡᤶᤔᤡᤴ ᤁᤧᤜᤢ᤹ᤛᤡᤱᤒᤠᤸᤗᤧ ᤆᤥᤃᤢᤸᤗᤧ ᤏᤢ᤺ᤒᤠ ᤐᤠ᤺ᤴᤜᤠ᤹ ᤛᤣ᤺ᤰᤔᤠ ᤁᤧᤛᤢᤰᤋᤢ᤹. \v 19 ᤜᤧᤰᤁᤩᤠᤱ ᤔᤡᤰᤑ᤺ᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥ᤺ᤒᤠ ᤏᤢ ᤂᤠᤍᤠᤶᤔᤠᤗᤢᤶᤔᤥ ᤁᤧᤘᤠ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤀᤥ᤺ᤳᤋᤡᤀᤠ ᤑᤠ᤹ᤀᤠᤱ ᤏᤡᤛ᤻ᤛᤣ ᤁᤧᤈᤥᤃᤢᤀᤠᤱ ᤁᤧᤘᤠ᤹. \v 20 ᤀᤍᤱᤜᤠ᤹ᤖᤧ ᤂᤢᤏᤡ᤹ ᤛᤢᤈᤠᤍᤠᤱᤒᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤧᤸᤗᤧ᤺ᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ ᤛᤡᤰᤛᤠᤶᤒᤠᤀᤠ ᤗ᤹ᤖᤡᤰ ᤁᤧᤀᤡ᤺ᤳᤋᤢ᤹. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤛᤠᤶᤕᤥᤌᤡᤶᤔᤥ ᤁᤠᤰ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤏᤢ ᤛᤧᤰᤂᤠ ᤐᤠ᤺ᤴᤜᤠ᤹ ᤂᤥ᤺ᤛᤢᤱᤅᤠᤱ ᤘᤠ᤹ᤀᤠ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢ᤹ᤖᤥ॥ \p \v 21 ᤜᤧᤰᤁᤣᤏᤧ ᤑᤠ᤹ᤃᤪ ᤂᤧᤏᤧ᤹ ᤘᤣ᤹ᤜᤠ᤹ ᤁᤧᤜᤢ᤹ᤖᤢᤛᤡᤀᤠᤱ ᤌᤣᤀᤠᤱ ᤀᤠᤒᤠᤅᤣ ᤁᤧᤴᤜᤢ᤹ᤛᤡᤱᤅᤡᤴᤒᤣ᥅ ᤂᤢ᤺ᤶᤔᤠ ᤔᤧ᤺ᤴ ᤗ᤹ᤖᤡᤰ ᤀᤡᤱᤃᤧᤓᤥ᤺ᤛᤢᤀᤠᤱ ᤁᤧᤄᤢ᤺ᤴᤒᤡ᥅ \v 22 ᤂᤧᤏᤧ᤹ ᤘᤣ᤹ᤜᤠ᤹ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴ ᤗ᤹ᤖᤡᤰ ᤁᤧᤔᤧᤳᤋᤢᤛᤡᤀᤠᤱ ᤀᤠᤒᤠᤅᤣ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤡ᥅ ᤏᤠᤘᤠᤀᤡᤳᤗᤠᤜᤠ᤹ ᤀᤠᤛᤡᤰᤔᤧᤗᤧ᤺ᤱ ᤁᤧᤒᤠ᤺ᤳᤋᤢᤀᤠᤱ ᤏᤠᤘᤠᤀᤡᤳᤗᤠ ᤁᤧᤕᤢᤱᤒᤠ ᤔᤠᤱᤜᤡᤶᤔᤥ ᤔᤧᤍᤥ᤺ᤴᤍᤢᤒᤠ ᤕᤠᤱᤅᤡᤴ ᤁᤧᤄᤢ᤺ᤳᤋᤢ᤹ᤒᤡ᥅ \v 23 ᤂᤧᤏᤧ᤹ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤗᤧᤛ᤻ᤛᤢᤱ ᤗ᤹ᤖᤡᤰ ᤀᤠᤱᤍᤡᤱ ᤁᤧᤗ᤹. ᤁᤖ ᤛᤠᤶᤕᤥᤌᤡᤶᤔᤡᤴ ᤁᤧᤓᤣ᤺ᤴᤍᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤠ᤺ᤳᤌᤡ ᤁᤧᤍᤣ᤺ᤛᤢᤖᤥ॥ \v 24 ᤛᤠᤶᤕᤥᤛᤠᤵᤗᤠᤀᤥ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤂᤡᤏᤡ᤹ ᤁᤧᤈᤥᤃᤢᤶᤔᤡᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤠ᤺ᤳᤌᤡ ᤐᤣᤀᤠᤱ ᤘᤠ᤹ᤖᤥ॥”\f * \fr 2:24 \ft ᤕᤛᤤᤕᤠ ᥋᥈.᥋. ᤀᤡᤈᤡᤁᤡᤀᤣᤗ ᥉᥊.᥈᥆\f* \p \v 25 ᤂᤧᤏᤧ᤹ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤁᤧᤀᤡ᤺ᤳᤋᤢ ᤁᤧᤏᤠ᤺ᤳᤋᤢ᤹ᤏᤧ ᤑᤠ᤹ᤃᤪ ᤜᤷᤍᤥ ᤁᤧᤜᤧᤃᤢᤒᤠᤴ ᤏᤢ᤺ᤒᤠᤀᤣ ᤐᤥ᤺ᤱᤗᤥ. ᤁᤖ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤁᤧᤓᤣ᤺ᤴᤍᤢᤏᤧ ᤑᤠ᤹ᤃᤪ ᤜᤷᤍᤥ ᤔᤧᤴᤜᤧᤰᤔᤏᤠᤒᤠ ᤁᤢᤀᤡᤛᤡ᤺ᤰ ᤁᤧᤒᤥ᤺ᤱᤗᤥ॥ \v 26 ᤜᤷᤍᤥ ᤔᤧᤴᤜᤧᤰᤔᤏᤠᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤠᤶᤕᤥᤌᤡᤶᤔᤡᤴ ᤔᤧᤀᤡ᤺ᤳᤋᤢ᤹ ᤔᤧᤏᤠ᤺ᤳᤋᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤜᤷᤍᤥ ᤁᤧᤜᤧᤰᤐᤠ ᤜᤧᤰᤁᤣᤀᤣ ᤀᤡ᤺ᤳᤋᤢᤛᤡ᤹ᤖᤥ॥ \v 27 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤛᤠᤶᤕᤥᤌᤡᤶ ᤏᤢ ᤜᤷᤍᤥ ᤜᤧᤰᤔᤠ ᤌᤡᤶ ᤁᤧᤃᤵᤐᤠᤀᤠᤱ ᤛᤠᤶᤕᤥᤌᤡᤶᤔᤡᤴ ᤁᤧᤓᤣ᤺ᤶᤒᤠ ᤕᤜᤢᤍᤡᤛᤣ. ᤏᤠᤛᤡᤱᤃᤧᤴ ᤌᤰᤁᤥ ᤜᤷᤍᤥ ᤜᤧᤰᤔᤠ ᤌᤡᤶ ᤔᤧᤱᤃᤵᤔᤏᤠ ᤁᤖ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤖᤧ ᤂᤡᤏᤡ᤹ ᤁᤧᤗᤠ᤹ᤖᤡᤒᤠ ᤀᤠᤵᤋᤡᤰᤁᤡᤴ ᤁᤧᤶᤃᤢ᤺ᤳᤋᤡ᤹ᤖᤥ॥ \v 28 ᤕᤜᤢᤍᤡ ᤌᤡᤶᤔᤡᤸᤗᤰ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤧᤴ ᤛᤧᤰᤂᤠᤒᤠ ᤕᤜᤢᤍᤡ ᤔᤧ᤺ᤴ. ᤜᤧᤰᤁᤩᤠᤱ ᤜᤷᤍᤥ ᤜᤧᤰᤔᤠᤱᤃ ᤗᤠ᤺ᤰᤁᤠᤳᤐᤠ ᤏᤢ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤐᤠ᤺ᤴᤗᤰᤗᤥ॥ \v 29 ᤁᤖ ᤛᤧᤰᤂᤠᤒᤠ ᤕᤜᤢᤍᤡᤃ ᤏᤡᤱᤘᤠ᤹ᤀᤥᤏᤢ ᤐᤥ᤺ᤱᤔᤠ ᤐᤥ᤺ᤱ. ᤜᤧᤰᤁᤩᤠᤱ ᤛᤧᤰᤂᤠᤒᤠ ᤜᤷᤍᤥ ᤜᤧᤰᤔᤠᤱᤃ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰᤐᤠ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤐᤠ᤺ᤴ ᤔᤧ᤺ᤴ. ᤁᤖ ᤛᤡᤰᤗᤢᤱᤔᤥ ᤛᤣᤛᤣᤔᤠᤱᤅᤡᤸᤗᤧ ᤆᤥᤃᤢᤒᤠ ᤐᤠ᤺ᤴᤗᤥ॥ ᤜᤧᤰᤋᤱᤒᤠ ᤔᤏᤠ᤺ᤴ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤖᤥ॥ \c 3 \s1 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ \p \v 1 ᤜᤧᤰᤁᤣ᤺ᤸᤗᤧ ᤕᤜᤢᤍᤡ ᤐᤥ᤺ᤱᤔᤠᤸᤗᤧ ᤌᤣ ᤀᤡᤴᤎᤠ᤺ᤰ ᤘᤠ᤹ᤒᤣ᥅ ᤜᤷᤍᤥ ᤜᤧᤰᤔᤠ ᤕᤜᤢᤍᤡ ᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤸᤗᤧ ᤌᤣ ᤐᤥ᤺ᤱᤒᤣ᥅ \v 2 ᤛᤧᤰᤂᤠ᤺ᤸᤗᤧ ᤕᤜᤢᤍᤡ ᤐᤥ᤺ᤱᤔᤠᤸᤗᤧ ᤁᤧᤖᤧᤰ ᤐᤖᤡᤰᤗᤧᤴ ᤏᤢ᤺ᤒᤠ ᤐᤠ᤺ᤴᤜᤠ᤹ ᤘᤠ᤹ᤖᤥ᥄ ᤁᤠᤰᤏᤢ᤺ᤸᤗᤧ ᤁᤧᤕᤧᤰᤐᤠ ᤐᤠ᤺ᤴᤏᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤜᤢᤍᤡᤜᤠ᤹ ᤏᤠᤛᤠ᤹ᤖᤢᤛᤡᤀᤠᤱ ᤁᤢᤒᤠ᤺ᤴᤈᤠᤰᤁᤡᤸᤗᤧᤴ ᤗᤰᤐᤧᤴ ᤐᤡᤖᤢᤛᤡᤀᤠᤱ ᤘᤠ᤹॥ \v 3 ᤂᤧᤱᤜᤠ᤹ ᤁᤢᤓᤠ ᤏᤛᤠ᤺ᤴᤛᤠᤒᤠ ᤔᤧᤴᤈᤥ᤺ᤰᤏᤧᤴᤇᤠᤱ ᤌᤣ ᤐᤥ᤺ᤰᤂᤧᤀᤠᤱᤒᤣ᥅ ᤂᤧᤱᤜᤠ᤹ ᤏᤛᤠ᤺ᤴᤛᤠᤒᤠ ᤔᤧᤴᤈᤥ᤺ᤰᤏᤧᤴᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤔᤧᤃᤧᤳᤋᤢᤶᤒᤡ᥅ \v 4 ᤔᤧ᤺ᤴᤗᤥ᥄ ᤁᤧᤖᤧᤰ ᤔᤏᤠᤜᤠ᤹ ᤀᤡᤱᤗᤧᤰᤐᤠ ᤔᤧᤈᤥ᤺ᤰᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤧᤰᤂᤠᤒᤠ ᤆᤥ᤺ᤰᤗᤥ॥ ᤛᤠᤶᤕᤥᤛᤠᤵᤗᤠᤀᤥ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. \q1 “ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣ ᤐᤥ᤺ᤱ ᤑᤠ᤹ᤀᤠᤱ ᤏᤡ᤺ᤍᤧᤳᤗᤥ. \q1 ᤜᤧᤰᤁᤩᤠᤱ ᤂᤠᤛᤧᤴ ᤐᤥ᤺ᤱᤅᤡᤸᤗᤧ ᤂᤧᤏᤧ᤹ᤀᤣ ᤁᤧᤏᤠ᤺ᤴᤍᤢ᤹ᤖᤥ॥”\f * \fr 3:4 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥋᥇.᥊\f* \p \v 5 ᤁᤖ ᤁᤢᤓᤠᤖᤧ ᤀᤰᤂᤣ ᤔᤧᤒᤠ᤺ᤳᤋᤢ᤹. ᤀᤠᤏᤡ᤹ ᤗᤠᤕᤥ ᤀᤠᤈᤥᤃᤢᤶᤔᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤏᤡᤔᤠᤴ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤳᤋᤧᤳᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤂᤢᤶᤍᤡᤱ ᤀᤠᤒᤡ᤺ᤸᤗᤧ ᤂᤢᤏᤧ᤹ ᤑᤧᤴ ᤕᤠ᤺ᤶᤒᤰ ᤆᤥᤃᤢᤒᤠ ᤐᤥ᤺ᤱᤒᤡ᥅ (ᤀᤡᤱᤃᤠ᤹ ᤁᤢᤓᤠ ᤔᤧᤴᤇᤠᤶ ᤕᤠᤵᤔᤡ ᤁᤢᤀᤡᤛᤡ᤺ᤰ ᤐᤠ᤺ᤳᤋᤠᤒᤠᤖᤥ॥) \v 6 ᤛᤧᤰᤂᤠᤛᤠᤱ ᤔᤧ᤺ᤴᤗᤥ᥄ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤶᤕᤥᤏᤡᤒᤠ ᤔᤧᤈᤥ᤺ᤰᤏᤧᤴᤏᤡᤸᤗᤧᤃ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤂᤠᤛᤧᤴ ᤆᤥ᤺ᤰᤔᤠ ᤔᤧᤕᤠᤖᤢᤴᤗᤥ᥄ \v 7 ᤁᤢᤓᤠᤖᤧ ᤔᤧᤒᤠ᤺ᤳᤋᤢᤒᤡᤗᤠ. “ᤀᤡᤱᤃᤠ᤹ ᤀᤠᤀᤡᤱᤗᤧᤰᤁᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤰᤂᤠ᤺ᤴ ᤏᤢ ᤁᤢᤔᤡᤔᤡᤍᤡᤱᤅᤡᤴ ᤑᤥ᤺ᤛᤢ᤹ᤏᤧ ᤑᤠ᤹ᤃᤪ ᤌᤣᤀᤠᤱ ᤀᤠᤸᤗᤛᤠᤱ ᤗᤠᤕᤥᤒᤠ ᤁᤢᤀᤡᤛᤡ᤺ᤰ ᤀᤠᤵᤋᤡᤰ ᤁᤢ᤺ᤳᤋᤠᤒᤠᤒᤣ᥅” \v 8 ᤏᤢ᤺ᤒᤠ ᤐᤠ᤺ᤴ ᤗ᤺ᤴᤗ ᤑᤠ᤹ᤀᤠᤱ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤆᤥᤃᤢᤶ ᤗ᤹ᤖᤡᤰ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧ᤹ᤔᤢ ᤑᤠ᤹ᤀᤠᤱ ᤁᤢᤓᤠ ᤔᤏᤠᤜᤠ᤹ᤖᤧ ᤐᤠ᤺ᤴ ᤔᤧᤎᤡᤰᤋᤡᤃᤧ᤹ᤖᤥ॥ ᤜᤧᤰᤁᤣ ᤁᤧᤒᤠ᤺ᤵᤐᤠᤜᤠ᤹ ᤀᤠᤵᤋᤡᤰ ᤁᤢ᤺ᤵᤔᤠ ᤗᤠ᤹ᤖᤢᤛᤡᤖᤥ॥ \s1 ᤁᤧᤖᤧᤰ ᤔᤏᤠᤜᤠ᤹ ᤗᤠᤕᤥᤒᤠᤛᤡ \p \v 9 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤕᤜᤢᤍᤡᤜᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤏᤢ᤺ᤸᤗᤧ ᤏᤢ᤺ᤒᤠ ᤀᤠᤈᤥ᤺ᤰᤐᤡ᥅ ᤛᤧᤰᤂᤠᤛᤠᤱ ᤀᤠᤴᤈᤥ᤺ᤰᤏᤧᤴᤗᤥ᥄ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤗᤠᤕᤥ᤺ᤸᤗᤧ ᤋᤧᤳᤋᤢᤛᤡᤀᤠᤱ ᤘᤠ᤹ ᤑᤠ᤹ᤀᤠᤱ ᤔᤧᤳᤋᤢᤱ ᤛᤢᤖᤢᤱᤛᤡᤱᤅᤠᤱ ᤘᤠ᤹ᤖᤥ॥ \v 10 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. \q1 “ᤛᤠᤶᤕᤥᤏᤡᤒᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ. ᤗᤳᤌᤡᤰᤁᤠᤱ ᤜᤥ᤺ᤵᤗᤥ॥ \q1 \v 11 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤠᤛᤡᤱ ᤁᤧᤏᤡ᤺ᤵᤐᤠ \q1 ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤃᤥ᤺ᤵᤐᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ॥ \q1 \v 12 ᤁᤧᤖᤧᤰᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤗᤧᤖᤢ ᤔᤧᤍᤣ᤺ᤛᤢᤀᤠᤱ \q1 ᤌᤣᤏᤠᤎᤣᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥ \q1 ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ. ᤗᤳᤌᤡᤰᤁᤠᤱ ᤜᤥ᤺ᤵᤗᤥ॥”\f * \fr 3:12 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥊.᥇-᥉. ᥋᥉.᥇-᥉ \f* \q1 \v 13 “ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤛᤢᤳᤗᤠ᤺ᤱᤃ \q1 ᤜᤱᤒᤧᤳ ᤁᤧᤒᤵᤐᤠ ᤀᤡᤵᤐᤢᤱᤅᤥᤗᤠᤶ ᤁᤧᤗ᤺ᤶᤒᤠ ᤏᤠᤶᤃᤧᤛᤢᤒᤠ ᤁᤢᤏᤠᤶ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ \q1 ᤂᤧᤱᤜᤠ᤹ ᤀᤡᤱᤗᤧᤰᤗᤰ ᤔᤧᤒᤠ᤺ᤳᤗᤥ॥”\f * \fr 3:13 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥋.᥏\f* “ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤁᤠᤰ ᤐᤠ᤺ᤴᤏᤡᤱᤃ ᤀᤛᤣ᤺ᤰᤐᤠᤸᤗᤧ ᤁᤢᤏᤡᤱᤅᤡᤴ ᤜᤧᤰᤋᤱᤒᤠ ᤆᤥ᤺ᤰᤗᤥ॥”\f * \fr 3:13 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥊᥆.᥉\f* \q1 \v 14 “ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤢᤖᤠᤀᤥᤗᤠᤶ ᤛᤠᤱᤃᤪᤠ ᤏᤢ ᤋᤠᤵᤑᤧ᤺ᤶᤒᤠ ᤐᤠ᤺ᤴᤗᤰ ᤗ᤺ᤴᤗᤥ॥”\f * \fr 3:14 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥆.᥍\f* \q1 \v 15 “ᤂᤧᤱᤜᤠ᤹ᤃ ᤔᤏᤠ ᤛᤧᤵᤔᤠ ᤕᤠ᤺ᤶᤒᤰᤁᤥ ᤜᤠᤖᤠ ᤕᤠᤖᤡᤵ ᤔᤧᤒᤥ᤺ᤱᤗᤥ. \q1 \v 16 ᤂᤧᤱᤜᤠ᤹ ᤀᤠᤳᤋᤡ ᤔᤧᤒᤣ᤺ᤰᤛᤠᤱ ᤔᤧᤶᤓᤤ ᤏᤢ ᤋᤢᤰᤂᤣ ᤗᤠᤰᤂᤣ ᤔᤧᤍᤠᤖᤢ᤹. \q1 \v 17 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤏᤠᤖᤢᤱᤅᤥ ᤀᤠᤰᤂᤣᤗ᤹ᤖᤡᤰ ᤘᤠ᤹ᤔᤠ ᤐᤥ᤺ᤱ ᤁᤧᤗ᤹ᤒᤠᤴ ᤔᤧᤴᤏᤡ᤺ᤛᤢᤴᤗᤥ॥”\f * \fr 3:17 \ft ᤕᤛᤤᤕᤠ ᥋᥏.᥍-᥎\f* \q1 \v 18 “ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤱᤃᤡ᤺ᤖᤢᤴᤗᤥ॥”\f * \fr 3:18 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥉᥌.᥇\f* \p \v 19 ᤀᤠᤸᤗ ᤛᤠᤶᤕᤥᤌᤡᤶᤔᤡᤱᤃ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤁᤧᤘᤠ᤹ᤒᤠᤜᤠ᤹ᤀᤣ ᤐᤡᤖᤢᤛᤡᤒᤠᤴ ᤀᤠᤏᤡ᤹ ᤀᤠᤏᤡ᤺ᤛᤢᤶᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤧᤖᤧᤰ ᤔᤏᤠᤜᤠ᤹ ᤗᤠᤕᤥ ᤔᤧᤴᤈᤥ᤺ᤰᤔᤏᤠᤒᤠ ᤗᤧᤱᤛᤡᤱᤔᤠ ᤔᤧᤱᤄᤥ᤺ᤏᤧᤴᤏᤠᤱ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤂᤠᤛᤧᤴᤏᤥ ᤕᤧᤵᤔᤠ ᤐᤥ᤺ᤱᤗᤥ॥ \v 20 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤥ ᤁᤧᤒᤵᤐᤠ ᤐᤠ᤺ᤴᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤳᤋᤡᤴᤏᤠᤱ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤶᤒᤥ᤺ᤱᤏᤧᤴᤗᤥ॥ ᤛᤠᤶᤕᤥᤌᤡᤶᤔᤡᤸᤗᤧᤃ ᤀᤠᤏᤡ᤹ ᤗᤠᤕᤥ ᤀᤠᤈᤥᤃᤢᤶᤔᤠᤱ ᤀᤠᤘᤠ᤹ ᤁᤧᤗ᤹ᤒᤠᤴ ᤀᤥᤛᤣ᤺ᤴ ᤀᤠᤎᤠᤰᤗᤥ॥ \s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤛᤠᤶᤕᤥᤏᤡᤒᤠ ᤆᤥᤃᤢᤛᤡ᤹ \p \v 21 ᤁᤖ ᤀᤠᤸᤗ ᤛᤠᤶᤕᤥᤌᤡᤶ ᤔᤧ᤺ᤴᤏᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡᤀᤠᤱ ᤘᤠ᤹ ᤁᤧᤗ᤹ᤒᤠ ᤗᤠᤶᤔᤡᤴ ᤂᤥᤍᤧᤳᤋᤧᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤧᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤠᤶᤕᤥᤌᤡᤶ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤀᤠᤱ ᤘᤠ᤹ᤖᤥ॥ \v 22 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡᤒᤠ ᤁᤴ ᤗᤠᤶᤔᤡᤱᤃ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤏᤛᤠ᤺ᤴᤗᤠᤶᤔᤣ ᤂᤥ᤺ᤍᤧᤳᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤜᤢᤍᤡ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱ ᤗ᤹ᤖᤡᤰ ᤔᤧᤛᤧᤴᤍᤢᤴᤇᤡᤴᤗᤥ. \v 23 ᤌᤣᤀᤠᤱᤓᤧᤸᤗᤧ ᤁᤧᤖᤧᤰ ᤔᤏᤠᤜᤠ᤹ᤖᤧ ᤗᤠᤕᤥ ᤔᤧᤈᤥᤃᤢᤀᤠᤱ ᤔᤧᤘᤠ᤹ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤃᤧᤴ ᤁᤢᤗᤡᤱᤎᤥ ᤔᤧᤱᤃᤧᤳᤏᤧᤴᤗᤥ॥ \v 24 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋ ᤕᤧᤛᤢᤗᤠᤶ ᤀᤠᤏᤡ᤹ ᤗᤠᤕᤥᤀᤥᤏᤢ ᤀᤠᤎᤧ᤹ᤖᤧᤀᤠᤱ ᤀᤠᤶᤓᤠ ᤀᤠᤏᤡ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤈᤥᤃᤧᤀᤠᤱ ᤘᤠ᤹ᤖᤥ॥ \v 25 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤂᤢᤶᤍᤡᤱᤗᤠᤶ ᤋᤠᤱᤃᤧᤛᤧ᤺ᤵᤐᤠ ᤛᤡᤍᤢᤱᤈᤓᤠ ᤐᤥ᤺ᤱᤛᤧ ᤂᤪᤡᤛ᤻ᤋᤧᤴ ᤐᤠᤱᤄᤢᤕᤢ᤺ᤛᤢ॥ ᤂᤢᤏᤧ᤹ ᤁᤢᤔᤠᤰᤂᤡ᤹ᤀᤡᤴ ᤀᤠᤏᤡ᤹ ᤗᤠᤃᤡ ᤘᤠᤍᤣ᤺ᤴᤍᤢᤒᤠ ᤑᤠ᤹ᤀᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤗᤠᤕᤥᤗᤠᤶ ᤗᤧᤵᤔᤡ ᤔᤧᤄᤥ᤺ᤛᤢ᤹ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤕᤠ᤺ᤶᤒᤰᤁᤡᤴ ᤆᤥᤃᤢᤀᤠᤱ ᤀᤠᤒᤠᤅᤣ ᤂᤢᤏᤧ᤹ ᤁᤢᤍᤥ᤺ᤵᤔᤠ ᤂᤠᤛᤧᤴ ᤁᤧᤈᤥ᤺ᤰᤐᤠ ᤆᤥ᤺ᤰ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤛᤡᤱ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤴ ᤕᤢ᤺ᤔᤠᤏᤢ᤺ᤸᤗᤧ ᤋᤃᤡ ᤂᤢᤏᤧ᤹ ᤁᤢᤛᤡᤰᤁᤡᤴ ᤌᤖᤢᤀᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤗᤠᤕᤥ᤺ᤸᤗᤧᤴ ᤂᤢᤶᤍᤡᤱ ᤔᤧᤒᤡᤖᤢᤴᤇᤡᤴᤗᤥ॥ \v 26 ᤜᤧᤰᤁᤣ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤒᤠᤅᤣ ᤛᤠᤶᤕᤥᤏᤡᤒᤠ ᤏᤢ ᤁᤢᤍᤥ᤺ᤵᤔᤠ ᤂᤠᤛᤧᤴ ᤁᤧᤈᤥ᤺ᤰᤐᤠ ᤆᤥ᤺ᤰ ᤁᤧᤗ᤹ᤒᤠ ᤁᤴ ᤕᤧᤶᤔᤥ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡ᤹ ᤁᤧᤗ᤹ᤒᤠᤴ ᤀᤥᤛᤣ᤺ᤴᤍᤠᤱ ᤆᤥᤃᤢ᤹॥ \p \v 27 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤌᤧᤔᤠᤀᤥ ᤀᤠᤱᤍᤡᤱ ᤗ᤹ᤔᤏᤠᤒᤠᤒᤣ᥅ ᤌᤧᤔᤠ ᤐᤠ᤺ᤴᤏᤥᤀᤠᤱ ᤔᤧ᤺ᤴᤗᤥ᥄ ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤛᤠᤶᤕᤥᤌᤡᤶ ᤀᤠᤀᤡ᤺ᤳᤋᤢᤶ ᤀᤠᤏᤠ᤺ᤳᤋᤢᤶᤔᤠᤱ ᤔᤧ᤺ᤴ. ᤁᤖ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤀᤠᤈᤥᤃᤢᤶᤔᤠᤱᤗᤰ ᤀᤠᤏᤡ᤹ ᤛᤠᤶᤕᤥᤏᤡᤒᤠ ᤀᤠᤒᤥ᤺ᤱ॥ \v 28 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤡᤴ ᤀᤠᤀᤡ᤺ᤳᤋᤢᤶ ᤀᤠᤏᤠ᤺ᤳᤋᤢᤶᤔᤠᤱᤃ ᤔᤧ᤺ᤴ. ᤁᤖ ᤏᤛᤠ᤺ᤴᤗᤠᤶᤔᤣ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤱᤗᤥ॥ \v 29 ᤛᤧᤰᤂᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤕᤜᤢᤍᤡᤜᤠ᤹ᤖᤧᤴᤗᤰ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤒᤡ᥅ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤔᤧ᤺ᤶᤒᤡ᥅ ᤛᤧᤰᤂᤠᤛᤠᤱ ᤂᤧᤱᤜᤠ᤹ᤖᤧᤴᤏᤠᤱᤗᤥ. \v 30 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤗᤳᤇᤠᤖᤰ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤕᤜᤢᤍᤡ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱ ᤏᤧᤵᤔᤠᤱ ᤂᤢᤏᤡ᤹ ᤏᤛᤠ᤺ᤴᤗᤠᤶᤔᤣ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡ᤹ᤖᤥ॥ \v 31 ᤀᤠᤏᤡ᤹ ᤏᤛᤠ᤺ᤴᤗᤠᤶ ᤛᤠᤶᤕᤥᤌᤡᤶᤔᤡᤴ ᤂᤠᤖᤥ᤺ᤳᤋᤡ ᤀᤠᤈᤥᤃᤢᤶᤒᤡ᥅ ᤛᤧᤰᤂᤠᤛᤠᤱ ᤔᤧ᤺ᤴᤗᤥ᥄ ᤂᤧᤸᤗᤧ ᤁᤢᤗᤧᤰᤘᤠ ᤀᤠᤏᤡ᤹ ᤛᤠᤶᤕᤥᤌᤡᤶᤔᤥ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤁᤢᤈᤧᤰᤐᤠ ᤐᤠ᤺ᤴᤜᤠ᤹ ᤀᤠᤃᤧᤳᤋᤢᤶᤗᤥ॥ \c 4 \s1 ᤀᤒᤪᤠᤜᤠᤔᤖᤧ ᤁᤢᤏᤛᤠ᤺ᤴ \p \v 1 ᤜᤧᤰᤁᤣᤏᤧ ᤑᤠ᤹ᤃᤪ ᤀᤠᤏᤡ᤹ ᤕᤜᤢᤍᤡᤜᤠ᤹ᤖᤧ ᤐᤠᤎᤧᤒᤠ ᤀᤒᤪᤠᤜᤠᤔᤖᤧ ᤏᤡ᤺ᤛᤢ ᤌᤠ᤺ᤛᤢᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤣ ᤐᤠ᤺ᤵᤔᤠᤒᤣ᥅ \v 2 ᤛᤧᤰᤂᤠᤀᤣ ᤀᤒᤪᤠᤜᤠᤶᤔᤡᤱᤃ ᤂᤢᤏᤧ᤹ ᤆᤥᤃᤢᤒᤠ ᤏᤢ᤺ᤒᤠ ᤕᤠ᤺ᤶᤒᤰᤗᤠᤶ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤧᤀᤠᤱ ᤘᤕᤧᤸᤗᤧᤃ ᤀᤠᤱᤍᤡᤱ ᤗ᤹ᤔᤠ ᤛᤢᤰᤋᤢᤒᤠᤔᤧᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥᤃ ᤔᤧ᤺ᤴᤗᤥ. \v 3 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠ᤺ᤸᤗᤧᤃ ᤀᤰᤂᤣᤏᤧ ᤐᤠ᤺ᤳᤋᤢ᤹ᤖᤥ. “ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥”\f * \fr 4:3 \ft ᤋᤥᤗᤡᤱᤛᤥᤔᤢ ᥇᥋.᥌\f* \p \v 4 ᤀᤠᤸᤗ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤏᤠ᤺ᤸᤗᤧ ᤁᤢᤏᤠᤶᤕᤠᤰᤁᤡᤴ ᤗᤢᤱᤔᤠ᤹ ᤋᤢᤰᤔᤠᤗᤠᤶ ᤂᤥ᤺ᤛᤢᤒᤠ ᤔᤧ᤺ᤴ. ᤁᤖ ᤂᤧᤱᤃ ᤂᤢᤏᤧ᤹ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤁᤢᤗᤰᤗᤥ॥ \v 5 ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤒᤠᤸᤗᤧ ᤔᤧ᤺ᤴ. ᤁᤖ ᤗᤠᤕᤥᤒᤠ ᤔᤏᤠ᤺ᤴ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤧᤸᤗᤧ ᤏᤛᤠ᤺ᤴ ᤆᤥᤃᤢᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥ \v 6 ᤍᤠᤀᤢᤍ ᤜᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤒᤠ ᤔᤏᤠ᤺ᤴ ᤀᤠᤰᤂᤧᤴ ᤔᤢ᤹ᤀᤡᤛᤠᤒᤠᤒᤣ ᤑᤠ᤹ᤀᤠᤱ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. \q1 \v 7 “ᤗᤠᤕᤥᤗᤠᤶ ᤗᤧᤵᤔᤡ ᤁᤧᤄᤥ᤺ᤒᤠᤜᤠ᤹. \q1 ᤂᤢᤏᤡ᤹ ᤗᤠᤕᤥ᤺ᤴ ᤋᤧᤵᤋᤧᤀᤠᤱ ᤁᤧᤘᤠ᤹ᤒᤠᤜᤠ᤹ᤃ. \q1 ᤔᤢ᤹ᤀᤡᤛᤠᤒᤠᤛᤡᤖᤥ॥ \q1 \v 8 ᤀᤠᤳᤋᤡᤸᤗᤧ ᤁᤢᤗᤠᤕᤥ᤺ᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤄᤠᤖᤥ᤺ᤳᤋᤥᤗᤠᤶ ᤋᤢᤃᤢᤍᤣ᤺ᤛᤢᤀᤠᤱ ᤘᤠ᤹. \q1 ᤂᤧᤴ ᤔᤏᤠ᤺ᤴ ᤔᤢ᤹ᤀᤡᤛᤠᤒᤠᤖᤥ॥”\f * \fr 4:8 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥉᥈.᥇-᥈\f* \p \v 9 ᤁᤴ ᤔᤢ᤹ᤀᤡᤛᤠᤶᤔᤡᤱᤃ ᤜᤷᤍᤥ ᤁᤧᤜᤧᤰᤐᤠ ᤕᤜᤢᤍᤡᤜᤠ᤹ᤖᤧ ᤗᤠᤃᤡᤖᤰ ᤔᤧ᤺ᤴ. ᤁᤖ ᤜᤷᤍᤥ ᤔᤧᤴᤜᤧᤰᤔᤏᤠᤒᤠ ᤌᤡᤶᤔᤧᤴᤍᤱ ᤛᤢᤘᤠᤜᤠ᤹ᤖᤧ ᤗᤠᤃᤡᤀᤠᤱᤗᤥ॥ ᤀᤒᤪᤠᤜᤠᤔᤖᤧ ᤆᤥᤃᤢᤒᤠ ᤏᤛᤠ᤺ᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤀᤠᤱ ᤘᤕᤧ ᤗ᤹ᤖᤡᤰ ᤀᤠᤏᤡᤃᤧᤃ ᤐᤠ᤺ᤳᤋᤢᤶᤒᤧᤖ ᤘᤕᤡᤃᤧᤖᤥ॥ \v 10 ᤁᤖ ᤀᤠᤵᤑᤠᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗ᤹ᤖᤡᤰ ᤗᤣ᤺ᤳᤋᤧᤒᤣ᥅ ᤁᤴ ᤐᤠ᤺ᤴᤏᤡᤴ ᤂᤢᤏᤧ᤹ ᤜᤷᤍᤥ ᤜᤧᤰᤔᤠᤏᤢ᤺ᤸᤗᤧ ᤋᤃᤡᤒᤡ ᤀᤡ ᤕᤠᤱᤛᤡ ᤐᤥ᤺ᤰᤂᤧᤒᤠᤒᤡ᥅ ᤛᤧᤰᤂᤠᤀᤣ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤧᤒᤠᤃ ᤋᤃᤡᤀᤣᤖᤥ॥ \v 11 ᤀᤒᤪᤠᤜᤠᤔᤖᤧ ᤂᤥ᤺ᤛᤢᤒᤠ ᤁᤴ ᤜᤷᤍᤥ ᤜᤧᤰᤔᤠ ᤌᤡᤶᤔᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤀᤠᤱ ᤘᤕᤧᤸᤗᤧ ᤜᤷᤍᤥ ᤔᤧᤴᤜᤧᤰᤁᤣᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤒᤠ ᤐᤠ᤺ᤴᤏᤡᤸᤗᤧᤴ ᤔᤡᤰᤛᤣ᤺ᤴᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤒᤪᤠᤜᤠᤶᤔᤡᤴ ᤜᤷᤍᤥ ᤔᤧᤴᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤖᤥ॥ ᤂᤧᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤛᤡ᤹ᤖᤥ॥ \v 12 ᤀᤒᤪᤠᤜᤠᤶᤔᤡᤱᤃ ᤜᤷᤍᤥ ᤁᤧᤜᤧᤰᤐᤠᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤐᤠ᤺ᤖᤥ. ᤁᤖ ᤜᤷᤍᤥ ᤁᤧᤜᤧᤰᤐᤠᤀᤠᤱ ᤀᤒᤪᤠᤜᤠᤔᤖᤧ ᤜᤷᤍᤥ ᤜᤧᤰᤔᤠᤏᤢ᤺ᤸᤗᤧ ᤋᤃᤡ ᤁᤳᤋᤢᤒᤠ ᤁᤢᤀᤡᤛᤡ᤺ᤰ ᤏᤛᤠ᤺ᤴ ᤁᤧᤃᤵᤐᤠᤜᤠ᤹ᤖᤧᤴᤗᤰ ᤂᤢᤏᤡ᤹ ᤐᤠ᤺ᤖᤥ॥ \s1 ᤏᤛᤠ᤺ᤴᤗᤠᤶᤒᤠ ᤏᤡᤱᤘᤠ᤹ᤑᤢ ᤔᤠᤱᤜᤧᤰᤁᤡᤴ ᤂᤥ᤺ᤔᤠ \p \v 13 ᤀᤒᤪᤠᤜᤠᤶᤔᤡᤸᤗᤧ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢᤀᤠᤱᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤒᤠᤗᤠᤶ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤰᤂᤧᤒᤠᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤏᤢ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤗᤰ ᤁᤧᤄᤥ᤺ᤛᤢᤶ ᤁᤧᤗ᤹ᤒᤠ ᤔᤠᤱᤜᤧᤰᤁᤡᤴ ᤀᤒᤪᤠᤜᤠᤶᤔᤡᤴᤏᤢ ᤆᤥᤃᤢᤒᤠᤖᤥ॥ \v 14 ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤑᤠ᤹ᤀᤠᤱ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤖᤧ ᤗᤰ ᤔᤧᤄᤥ᤺ᤛᤢ᤹ᤏᤧ ᤑᤠ᤹ᤃᤪ ᤏᤛᤠ᤺ᤴᤏᤡᤴ ᤜᤏᤧᤒᤠ ᤐᤥ᤺ᤱ ᤜᤧᤰᤁᤩᤠᤱ ᤂᤧᤴ ᤔᤠᤱᤜᤧᤰᤁᤡᤴᤏᤠᤱ ᤜᤏᤧᤒᤠ ᤐᤥ᤺ᤱᤗᤥ॥ \v 15 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤴ ᤁᤧᤓᤣ᤺ᤶᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤖᤢᤛᤡ᤹ᤖᤥ. (ᤛᤠᤶᤕᤥᤌᤡᤶ ᤜᤥ᤺ᤵᤐᤡᤸᤗᤧᤖᤰ ᤗᤠᤕᤥ᤺ᤴ ᤜᤥ᤺ᤵᤗᤥ)॥ \p \v 16 ᤂᤧᤸᤗᤧ ᤆᤥᤃᤢᤸᤗᤧ ᤁᤴ ᤔᤠᤱᤜᤧᤰᤁᤡᤱᤃ ᤏᤛᤠ᤺ᤴᤗᤠᤶ ᤋᤠ᤺ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶᤒᤠ ᤀᤠᤶᤓᤠ ᤀᤠᤒᤡ᤹ᤖᤥ॥ ᤜᤧᤰᤁᤩᤠᤱ ᤛᤠᤶᤕᤥᤌᤡᤶ ᤀᤠᤀᤡ᤺ᤳᤋᤢᤶ ᤀᤠᤏᤠ᤺ᤳᤋᤢᤶᤔᤠᤱ ᤔᤧ᤺ᤴ. ᤁᤖ ᤀᤒᤪᤠᤜᤠᤶᤔᤡᤸᤗᤧ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤏᤛᤠ᤺ᤴ ᤀᤠᤈᤥᤃᤢᤶᤏᤧ ᤑᤠ᤹ᤃᤪ ᤁᤴ ᤔᤠᤱᤜᤧᤰᤁᤡᤴ ᤀᤠᤄᤥ᤺ᤛᤢᤶ ᤁᤧᤗ᤹ᤒᤠ ᤏᤡ᤺ᤴᤎᤥ ᤐᤥ᤺ᤱᤗᤥ॥ ᤌᤣᤀᤠᤱᤓᤧᤸᤗᤧ ᤀᤒᤪᤠᤜᤠᤶᤔᤡᤱᤃ ᤀᤠᤏᤡ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧᤴ ᤐᤠ᤺ᤖᤥ॥ \v 17 ᤛᤠᤶᤕᤥᤛᤠᤵᤗᤠᤀᤥ ᤀᤒᤪᤠᤜᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤂᤧᤏᤧ᤹ᤃ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ ᤆᤥ᤺ᤰᤏᤧᤀᤠᤱ ᤘᤠ᤹॥”\f * \fr 4:17 \ft ᤋᤥᤗᤡᤱᤛᤥᤔᤢ ᥇᥍.᥋\f* ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤀᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤏᤡ᤹ ᤁᤧᤖᤧᤰᤗᤧᤴ ᤐᤠ᤺ ᤐᤥ᤺ᤰᤂᤧ. ᤁᤧᤛᤡ᤺ᤒᤠᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤏᤢ ᤁᤧᤜᤥ᤺ᤵᤐᤠ ᤐᤠ᤺ᤴᤜᤠ᤹ᤀᤥᤗᤠᤶ ᤆᤀᤡ᤺ᤳ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤒᤪᤠᤜᤠᤔᤖᤧ ᤏᤛᤠ᤺ᤴ ᤆᤥᤃᤢᤖᤥ॥ \p \v 18 ᤏᤡᤱᤛᤠᤱ ᤆᤥ᤺ᤰᤔᤠ ᤛᤢᤰᤔᤧᤴᤍᤧᤵᤔᤏᤠ ᤘᤕᤧᤛᤠᤱ ᤀᤒᤪᤠᤜᤠᤔᤖᤧ “ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤂᤣ᤺ᤶᤛᤡᤰᤐᤠ ᤁᤢᤀᤡᤛᤡ᤺ᤰ ᤕᤖᤡᤰ ᤔᤧᤒᤥ᤺ᤱᤗᤥ”\f * \fr 4:18 \ft ᤋᤥᤗᤡᤱᤛᤥᤔᤢ ᥇᥋.᥋\f* ᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤳᤋᤢᤒᤠ ᤐᤠ᤺ᤴᤏᤡᤸᤗᤧᤴ ᤏᤡᤱᤛᤠᤱ ᤆᤥᤃᤢᤀᤠᤱ ᤏᤛᤠ᤺ᤴ ᤆᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧᤴ ᤐᤠ᤺ ᤐᤥ᤺ᤰᤂᤧᤖᤥ॥ \v 19 ᤂᤢᤏᤧ᤹ ᤋᤱᤒᤣ ᤁᤡᤵᤌᤡᤰ (᥇᥆᥆) ᤕᤠᤖᤡᤰ ᤁᤧᤖᤧᤀᤠᤱ ᤕ᤺ᤖᤧᤒᤣᤀᤠᤱ ᤘᤕᤧ. ᤜᤧᤰᤁᤩᤠᤱ ᤁᤢᤔᤣ᤺ᤳ ᤛᤠᤖᤠ᤺ᤴᤏᤠᤱ ᤛᤠᤔᤢ᤹ᤀᤡ ᤂᤰᤋᤧᤀᤠᤱ ᤆᤵᤋᤧᤒᤣᤀᤠᤱ ᤘᤕᤧᤛᤠᤱ ᤂᤢᤏᤧ᤹ ᤁᤢᤏᤛᤠ᤺ᤴᤏᤡᤴ ᤀᤕᤠᤰ ᤔᤧᤗ᤹ᤖᤧᤴᤏᤠᤱ \v 20 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤁᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤢᤏᤧ᤹ ᤆᤵᤆᤡ ᤔᤧᤈᤥᤃᤢᤴ. ᤁᤖ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤐᤥ᤺ᤰᤂᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤖᤥ॥ \v 21 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤁᤧᤵᤔᤠ ᤛᤢᤰᤋᤢ᤹ ᤁᤧᤗ᤹ᤒᤠ ᤐᤠ᤺ᤴᤏᤥ ᤀᤒᤪᤠᤜᤠᤶᤔᤡᤴ ᤏᤡ᤺ᤴᤎᤥ ᤘᤕᤧ॥ \v 22 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤀᤒᤪᤠᤜᤠᤔᤖᤧ ᤁᤢᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥”\f * \fr 4:22 \ft ᤋᤥᤗᤡᤱᤛᤥᤔᤢ ᥇᥋.᥌\f* \v 23 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤒᤪᤠᤜᤠᤔᤖᤧ ᤁᤢᤗᤠᤃᤡᤖᤰ ᤔᤧ᤺ᤴ. \v 24 ᤁᤖ ᤀᤠᤏᤡ᤹ ᤗᤠᤃᤡᤀᤠᤱ ᤛᤠᤵᤋᤧᤒᤠᤖᤥ॥ ᤕᤧᤛᤢ ᤀᤠᤏᤡ᤹ ᤍᤠᤱᤒᤠᤴ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤀᤠᤈᤥᤃᤢᤶᤏᤧ ᤑᤠ᤹ᤃᤪ ᤀᤠᤏᤡ᤹ᤀᤠᤱ ᤛᤠᤶᤕᤥᤏᤡᤒᤠ ᤀᤠᤗᤣ᤺ᤳᤗᤥ॥ \v 25 ᤂᤢᤏᤧ᤹ᤃ ᤀᤠᤏᤡ᤹ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤛᤧᤵᤔᤠ ᤑᤠ᤹ᤀᤠᤱ ᤜᤢᤰᤛᤢᤵᤋᤧ. ᤜᤧᤰᤁᤩᤠᤱ ᤀᤠᤏᤡ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥ᤺ᤰᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤶᤔᤥ ᤂᤢᤏᤧ᤹ ᤁᤢᤜᤡᤱᤘᤧᤳ ᤆᤥᤃᤢᤖᤥ॥ \c 5 \s1 ᤏᤛᤠ᤺ᤴᤏᤡᤸᤗᤧ ᤛ᤺ᤵᤔᤠᤴ ᤋᤠᤖᤢ᤹ \p \v 1 ᤂᤧᤸᤗᤧ ᤆᤥᤃᤢᤸᤗᤧ ᤏᤛᤠ᤺ᤴ ᤀᤠᤈᤥᤃᤢᤶᤒᤠᤸᤗᤧ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤀᤠᤏᤡ᤹ ᤏᤠᤍᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ \v 2 ᤀᤠᤏᤡ᤹ ᤏᤛᤠ᤺ᤴ ᤀᤠᤈᤥᤃᤢᤶᤒᤠᤸᤗᤧ ᤕᤧᤛᤢ ᤂᤪᤡᤛ᤻ᤋᤖᤧ ᤁᤴ ᤗᤢᤱᤃᤢᤶᤔᤥ ᤀᤠᤍᤠ᤺ᤖᤧᤀᤠᤱ ᤘᤠ᤹॥ ᤀᤠᤸᤗᤥ ᤜᤠᤒᤠ ᤂᤧᤴ ᤗᤢᤱᤃᤢᤶᤔᤥᤀᤣ ᤀᤠᤘᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤂᤥ᤺ᤔᤠ ᤗᤰ ᤀᤠᤄᤥ᤺ᤛᤢᤶᤔᤣᤖᤥ ᤑᤠ᤹ᤀᤠᤱ ᤀᤠᤛ᤺ᤳᤗᤥ॥ \p \v 3 ᤜᤧᤰᤁᤣᤖᤰ ᤔᤧ᤺ᤴ. ᤁᤖ ᤀᤠᤏᤡ᤹ ᤏᤛᤠ᤺ᤴ ᤀᤠᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤡᤏᤥᤃᤧᤴ ᤋᤢᤰᤂᤣ ᤗᤠᤰᤂᤣ ᤀᤠᤍᤢᤔᤢᤶᤔᤡᤸᤗᤧᤀᤣ ᤀᤠᤛ᤺ᤳᤗᤥ. ᤌᤣᤀᤠᤱᤓᤧᤸᤗᤧ ᤀᤡᤏᤥᤃᤧᤴ ᤋᤢᤰᤂᤣ ᤗᤠᤰᤂᤣ ᤀᤠᤍᤢᤔᤢᤶᤔᤡᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤏᤠᤛᤡ ᤌ᤺ᤵᤔᤠ ᤀᤠᤛᤢᤰᤋᤢᤶ ᤁᤧᤗ᤹ᤒᤠᤴ ᤀᤠᤏᤡ᤺ᤛᤢᤶᤔᤠᤱ ᤀᤠᤘᤠ᤹ᤖᤥ. \v 4 ᤜᤧᤰᤁᤩᤠᤱ ᤏᤠᤛᤡ ᤀᤠᤎ᤺ᤳᤋᤢᤶᤔᤡᤸᤗᤧ ᤏᤢ᤺ᤒᤠ ᤕᤧᤵᤗᤧᤰ ᤀᤠᤄᤥ᤺ᤛᤢᤶ. ᤜᤧᤰᤁᤩᤠᤱ ᤏᤢ᤺ᤒᤠ ᤕᤧᤵᤗᤧᤰ ᤀᤠᤃᤳᤋᤢᤶᤔᤡᤸᤗᤧ ᤛᤧᤴᤗᤵ ᤀᤠᤄᤥ᤺ᤛᤢᤶᤔᤣ ᤑᤠ᤹ᤀᤠᤱ ᤀᤠᤸᤗᤛᤠᤱ ᤕᤖᤡᤰ ᤏᤡᤱᤛᤠᤱ ᤀᤠᤈᤥᤃᤢᤶᤗᤥ॥ \v 5 ᤜᤧᤰᤁᤣᤗ᤹ᤖᤡᤰ ᤏᤡᤱᤛᤠᤱ ᤀᤠᤈᤥᤃᤢᤶᤔᤡᤸᤗᤧ ᤀᤠᤏᤡ᤹ ᤏᤡᤱᤛᤠᤱ ᤔᤧᤒᤢᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤂᤢᤏᤧ᤹ ᤀᤠᤒᤡᤖᤧᤒᤠ ᤛᤣᤛᤣᤔᤠᤱᤗᤠᤶ ᤀᤠᤏᤡ᤹ ᤛᤡᤰᤗᤢᤱᤔᤥ ᤏᤡᤱᤘᤠ᤹ ᤀᤠᤄᤥ᤺ᤛᤢᤶᤗᤥ॥ \p \v 6 ᤀᤠᤏᤡ᤹ ᤗᤠᤕᤥᤗᤠᤶ ᤀᤠᤒᤠᤅᤣ ᤋᤠᤱᤛᤧ᤺ᤵᤛᤡᤱᤔᤠ ᤔᤧᤴᤇᤢᤰᤔᤏᤠᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤕᤧᤸᤗᤧ ᤛᤢᤕᤧᤶᤔᤥ ᤗᤠᤕᤥᤒᤠᤜᤠ᤹ᤖᤧ ᤗᤠᤃᤡ ᤂᤪᤡᤛ᤻ᤋᤧᤴ ᤛᤩᤧᤖᤥ॥ \v 7 ᤀᤠᤸᤗ ᤛᤠᤶᤕᤥᤏᤡᤒᤠ ᤔᤏᤠ᤺ᤸᤗᤧ ᤁᤢᤗᤠᤃᤡ ᤛᤡ᤺ᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠ ᤔᤏᤠᤃ ᤂᤥ᤺ᤔᤠ ᤛᤠᤰᤐᤡᤗᤠ. ᤜᤧᤰᤁᤣᤛᤠᤱ ᤛᤧᤰᤂᤠᤀᤣ ᤏᤢ᤺ᤒᤠ ᤔᤏᤠ᤺ᤸᤗᤧ ᤁᤢᤗᤠᤃᤡᤃ ᤁᤢᤓᤠ ᤛᤡ᤺ᤔᤠᤖᤧ ᤗᤠᤃᤡ ᤀᤠ᤺ᤴᤇᤡᤱᤔᤠ ᤔᤧᤛᤢᤰᤗᤥ॥ \v 8 ᤁᤖ ᤀᤠᤏᤡ᤹ ᤗᤠᤕᤥᤀᤥ ᤀᤠᤘᤕᤧᤸᤗᤧᤛᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤧᤴ ᤀᤠᤏᤡ᤹ ᤗᤠᤃᤡ ᤛᤡ᤺ᤔᤠ ᤐᤠᤱᤄᤢᤀᤠᤱ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠ ᤐᤠ᤺ᤴᤏᤡᤴ ᤂᤢᤏᤧ᤹ ᤀᤥᤛᤣ᤺ᤴᤀᤠᤎᤠᤰᤋᤧᤖᤥ॥ \p \v 9 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ᤃ ᤂᤪᤡᤛ᤻ᤋᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱᤗᤠᤶ ᤛᤧᤰᤂᤠᤀᤣ ᤋᤠᤱᤀᤠᤛᤧ᤺ᤵᤗᤥ॥ \v 10 ᤂᤧᤴ ᤑᤠ᤹ᤀᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡ ᤀᤠᤘᤕᤧᤸᤗᤧᤛᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤛᤡ᤺ᤔᤧᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤏᤠᤍᤱ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤜᤡᤱᤔᤴᤏᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱᤗᤠᤶ ᤛᤧᤰᤂᤠᤀᤣ ᤋᤠᤱᤀᤠᤛᤧ᤺ᤵᤗᤥ॥ \v 11 ᤂᤧᤴ ᤐᤠ᤺ᤴᤏᤥᤖᤰ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤥᤀᤠᤱ ᤀᤠᤛ᤺ᤳᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤀᤠᤏᤡ᤹ ᤏᤠᤍᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ \s1 ᤀᤠᤍᤔ ᤏᤢ ᤂᤪᤡᤛ᤻ᤋ \p \v 12 ᤁᤠᤰᤏᤢ᤺ᤸᤗᤧ ᤋᤃᤡᤒᤠ ᤔᤧᤴᤇᤠᤶ ᤕᤠᤵᤔᤡ ᤀᤠᤍᤔᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤕᤥ᤺ᤴ ᤐᤥᤃᤧ. ᤜᤧᤰᤁᤩᤠᤱ ᤂᤧᤴ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤛᤡ᤺ᤔᤧᤴ ᤐᤥᤃᤧᤖᤥ॥ ᤀᤰᤂᤣᤗ᤹ᤖᤡᤰ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤀᤥ ᤛᤡ᤺ᤔᤧᤴ ᤋᤩᤧᤖᤥ. ᤌᤣᤀᤠᤱᤓᤧᤸᤗᤧ ᤁᤧᤖᤧᤰᤗᤧ ᤗᤠᤕᤥ ᤔᤧᤈᤥᤃᤢᤖᤥ॥ \v 13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤌᤡᤶ ᤔᤧᤶᤒᤡᤀᤣ ᤋᤃᤡᤛᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤕᤥ᤺ᤴ ᤘᤕᤧᤖᤥ. ᤁᤖ ᤛᤠᤶᤕᤥᤌᤡᤶ ᤜᤥ᤺ᤵᤋᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤕᤥᤜᤠ᤹ᤖᤧᤴ ᤂᤠᤖᤠ᤺ᤳ ᤔᤧᤕᤢᤰᤂᤢᤴᤗᤥ॥ \v 14 ᤀᤠᤍᤶᤔᤡᤸᤗᤧ ᤁᤢᤕᤧᤶᤔᤠᤱᤎᤥ ᤛᤠᤶᤕᤥᤌᤡᤶ ᤁᤧᤛᤠᤵᤐᤠ ᤔᤥᤛᤠ᤺ᤸᤗᤧ ᤁᤢᤕᤧᤶ ᤌᤠᤖᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤀᤠᤍᤶᤔᤡᤴ ᤜᤧᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤔᤧᤶᤓᤣ᤺ᤴᤏᤣ ᤔᤧᤘᤕᤧᤛᤠᤱ ᤔᤧᤛᤩᤧᤖᤥ॥ \p ᤀᤠᤸᤗ ᤁᤢᤓᤠ ᤐᤠ᤺ᤴᤏᤥ ᤀᤠᤍᤔᤧᤱᤃ ᤋᤠ᤺ᤴᤍᤡ ᤁᤧᤍᤠ᤺ᤒᤠ ᤂᤪᤡᤛ᤻ᤋᤧᤴ ᤜᤧᤰᤋᤱᤒᤠ ᤘᤕᤧᤖᤥ॥ \p \v 15 ᤁᤖ ᤗᤠᤕᤥ ᤏᤢ ᤐᤷᤎᤠ᤺ᤶᤔᤡᤱᤃ ᤗᤳᤌᤡᤰ ᤔᤧᤈᤥ᤺ᤰᤏᤧᤴᤗᤥ॥ ᤌᤣᤀᤠᤱᤓᤧᤸᤗᤧ ᤗᤳᤇᤠ ᤔᤏᤠ ᤀᤠᤍᤶᤔᤡᤸᤗᤧ ᤆᤥᤃᤢᤒᤠ ᤗᤠᤕᤥ᤺ᤸᤗᤧ ᤕᤖᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤛᤩᤧ. ᤁᤖ ᤗᤳᤇᤠ ᤔᤏᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤖᤡᤰ ᤔᤏᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡᤀᤠᤱ ᤀᤠᤶᤓᤠ ᤀᤠᤳᤋᤠᤳᤋᤠᤴᤏᤣ ᤛᤧᤴᤗᤵ ᤐᤡᤖᤢᤛᤡᤖᤥ॥ \p \v 16 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶᤒᤠ ᤁᤧᤍᤠ᤺ᤒᤠ ᤐᤷᤎᤠ᤺ᤶᤔᤡᤱᤃ ᤀᤠᤍᤔᤖᤧ ᤁᤢᤗᤠᤕᤥ᤺ᤴᤏᤢ ᤔᤧᤍᤱᤏᤧᤴᤗᤥ॥ ᤗᤳᤇᤠ ᤗᤠᤕᤥᤎᤡᤰᤗᤧ ᤆᤥᤃᤢᤸᤗᤧ ᤁᤧᤖᤧᤰ ᤔᤏᤠᤜᤠ᤹ ᤀᤠᤵᤋᤡᤰᤁᤥ ᤔᤧᤎᤩᤧᤖᤥ. ᤁᤖ ᤕᤖᤡᤰ ᤗᤠᤕᤥ ᤀᤠᤈᤥᤃᤢᤶᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤶᤓᤠ ᤀᤠᤒᤡᤒᤠ ᤐᤷᤎᤠ᤺ᤶᤔᤡᤸᤗᤧ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤈᤥ᤺ᤰᤗᤥ॥ \v 17 ᤌᤡᤰ ᤔᤏᤠ ᤀᤠᤍᤶᤔᤡᤸᤗᤧ ᤆᤥᤃᤢᤒᤠ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤁᤠᤰ ᤔᤏᤠᤜᤠ᤹ᤀᤥ ᤛᤡ᤺ᤔᤧᤸᤗᤧ ᤜᤠᤱ ᤆᤥᤃᤢᤏᤧ ᤑᤠ᤹ᤃᤪ ᤀᤠᤸᤗᤛᤠᤱ ᤕᤖᤡᤰ ᤗᤢᤱᤃᤢᤶ ᤏᤢ ᤛᤠᤶᤕᤥᤏᤡᤔᤠᤖᤧᤴ ᤐᤷᤎᤠ᤺ᤶᤔᤡᤴ ᤀᤠᤶᤓᤠᤀᤣ ᤁᤧᤄᤥ᤺ᤒᤠᤜᤠ᤹ᤖᤧ ᤌᤡᤰ ᤔᤏᤠ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤁᤧᤍᤠ᤺ᤒᤠ ᤜᤡᤱᤔᤴᤏᤥ ᤜᤠᤱ ᤔᤧᤈᤥᤃᤢ᤹ᤖᤥ॥ \v 18 ᤜᤧᤰᤁᤣᤗ᤹ᤖᤡᤰ ᤗᤳᤌᤡᤰ ᤔᤏᤠ᤺ᤸᤗᤧ ᤆᤥᤃᤢᤒᤠ ᤗᤠᤕᤥ᤺ᤸᤗᤧ ᤁᤠᤰ ᤔᤏᤠᤜᤠ᤹ ᤀᤠᤵᤋᤡᤰᤁᤥ ᤔᤧᤎᤩᤧᤒᤠ ᤜᤧᤰᤁᤣᤀᤣ ᤗᤳᤇᤠ ᤔᤏᤠ᤺ᤸᤗᤧ ᤆᤥᤃᤢᤒᤠ ᤌᤡᤰ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰᤁᤡᤸᤗᤧ ᤁᤧᤖᤧᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤔᤧᤒᤥ᤺ᤱᤅᤠᤱ ᤁᤢᤛᤱ ᤜᤡᤱᤔᤴ ᤔᤧᤄᤥ᤺ᤛᤢ᤹ᤖᤥ॥ \v 19 ᤌᤣᤀᤠᤱᤓᤧᤸᤗᤧ ᤌᤡᤰ ᤔᤏᤠ᤺ᤸᤗᤧ ᤏᤡᤱᤘᤠ᤹ᤑᤢ ᤀᤡᤱᤈᤠ᤺ᤱ ᤑᤧ᤺ᤴᤍᤢᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤔᤏᤠᤜᤠ᤹ ᤗᤠᤕᤥᤒᤠ ᤔᤧᤒᤥ᤺ᤰᤂᤧᤒᤠ ᤜᤧᤰᤁᤣᤀᤣ ᤗᤳᤇᤠ ᤔᤏᤠ᤺ᤸᤗᤧ ᤏᤡᤱᤘᤠ᤹ᤑᤢ ᤀᤡᤱᤈᤠ᤺ᤱᤅᤡᤴ ᤋᤧᤴᤍᤡᤱ ᤆᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤔᤧᤒᤥ᤺ᤱᤗᤥ॥ \v 20 ᤁᤧᤖᤧᤰ ᤔᤏᤠᤜᤠ᤹ ᤀᤠᤰᤂᤧᤴ ᤗᤠᤕᤥᤒᤠ ᤔᤧᤈᤥᤃᤧ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤂᤧᤱᤜᤠ᤹ᤖᤧ ᤔᤧᤏᤡ᤺ᤛᤢᤖ ᤑᤠ᤹ᤀᤠᤱ ᤛᤠᤶᤕᤥᤌᤡᤶᤔᤡᤴ ᤋᤩᤧᤖᤥ. ᤁᤖ ᤗᤠᤕᤥ᤺ᤴ ᤐᤥ᤺ᤖᤧᤸᤗᤧ ᤗᤢᤱᤃᤢᤶᤔᤡᤴ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤐᤥ᤺ᤖᤧᤖᤥ॥ \v 21 ᤜᤧᤰᤁᤣᤗ᤹ᤖᤡᤰ ᤗᤠᤕᤥ᤺ᤸᤗᤧ ᤁᤧᤖᤧᤰ ᤔᤏᤠᤜᤠ᤹ᤀᤥ ᤜᤠᤱ ᤆᤥᤃᤢᤀᤠᤱ ᤛᤡ᤺ᤔᤧᤴ ᤋᤠᤖᤢᤒᤠ ᤁᤢᤀᤡᤛᤡ᤺ᤰ ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧ ᤜᤠᤱ ᤆᤥᤃᤢ᤹ᤀᤠᤱ ᤂᤧᤸᤗᤧ ᤀᤠᤏᤡ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤈᤥ᤺ᤰ. ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤀᤠᤄᤥ᤺ᤛᤢᤶᤗᤥ॥ \c 6 \s1 ᤗᤠᤕᤥ᤺ᤸᤗᤧ ᤁᤢᤔᤢᤰᤛᤠᤶᤔᤡᤴ ᤔᤧᤃᤧ \p \v 1 ᤀᤠᤸᤗ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ ᤗᤢᤱᤃᤢᤶᤔᤡᤴ ᤀᤠᤳᤋᤠᤳᤋᤠᤴᤏᤣ ᤀᤠᤄᤥ᤺ᤛᤢᤶᤗ ᤑᤠ᤹ᤀᤠᤱ ᤗᤠᤕᤥ ᤆᤥ᤺ᤰᤔᤠᤖ ᤘᤠ᤹ᤔᤠᤒᤡ᥅ \v 2 ᤔᤧ᤺ᤴᤗᤥ᥄ ᤜᤧᤰᤁᤣ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴᤗᤥ᥄ ᤀᤠᤏᤡ᤹ᤃ ᤁᤢᤛᤡᤘᤧᤳ ᤔᤏᤠ ᤜᤧᤰᤋᤱᤒᤠ ᤀᤠᤈᤥ᤺ᤰᤗᤥ. ᤜᤧᤰᤁᤩᤠᤱ ᤀᤠᤸᤗ ᤗᤠᤕᤥ᤺ᤸᤗᤧ ᤁᤢᤕᤢᤰᤁᤥ ᤀᤠᤴᤘᤠ᤹ᤏᤧᤴᤗᤥ॥ ᤜᤧᤰᤁᤣ᤺ᤸᤗᤧ ᤀᤠᤸᤗᤀᤠᤱᤎᤥ ᤗᤠᤕᤥ ᤆᤥ᤺ᤰᤔᤠᤖ ᤘᤠ᤹ᤔᤠ ᤔᤧᤏᤢ᤹ᤏᤧᤴᤗᤥ॥ \v 3 ᤀᤠᤏᤡ᤹ ᤂᤪᤡᤛ᤻ᤋ ᤕᤧᤛᤢᤀᤥ ᤒᤵᤋᤡᤛ᤻ᤔᤠ ᤀᤠᤒᤥ᤺ᤰᤂᤧᤸᤗᤧ ᤂᤢᤏᤧ᤹ᤏᤢᤀᤣ ᤀᤠᤛᤩᤧ ᤁᤧᤗ᤹ᤒᤠᤴ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤡ᥅ \v 4 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ᤃ ᤒᤵᤋᤡᤛ᤻ᤔᤠᤗᤠᤶ ᤛᤡ᤺ᤔᤧᤴᤏᤥ ᤂᤢᤏᤧ᤹ᤏᤢ ᤀᤠᤜᤢᤶᤛᤡᤱ. ᤜᤧᤰᤁᤣ᤺ᤸᤗᤧ ᤂᤪᤡᤛ᤻ᤋᤧᤴ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡᤔᤡᤍᤡᤱᤃᤧᤴ ᤁᤢᤔᤢᤰᤛᤠᤶᤔᤡᤸᤗᤧ ᤛᤡ᤺ᤔᤧᤴᤗᤠᤶᤒᤠ ᤁᤢᤜᤡᤱᤘᤧᤳ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤀᤠᤏᤡ᤹ᤀᤠᤱ ᤁᤢᤛᤱ ᤜᤡᤱᤔᤴᤏᤥ ᤀᤠᤜᤡᤱᤗᤥ॥ \p \v 5 ᤀᤠᤏᤡ᤹ ᤁᤢᤛᤡ᤺ᤔᤧᤴᤏᤥ ᤂᤢᤏᤧ᤹ᤏᤢ ᤌᤡᤰᤜᤢᤵ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤏᤧ ᤑᤠ᤹ᤃᤪ ᤂᤪᤡᤛ᤻ᤋᤧᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤒᤠ ᤜᤧᤰᤁᤣ ᤀᤠᤏᤡ᤹ᤀᤠᤱ ᤂᤢᤏᤧ᤹ᤏᤢᤀᤣ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤀᤠᤜᤡᤱᤗᤥ॥ \v 6 ᤗᤠᤕᤥ᤺ᤸᤗᤧ ᤁᤢᤕᤢᤰᤁᤡᤴ ᤀᤠᤏᤡ᤹ ᤜᤡᤱᤔᤴᤏᤥᤗᤠᤶ ᤔᤧᤰᤗ ᤜᤧᤰᤁᤩᤠᤱ ᤀᤠᤸᤗᤀᤠᤱᤎᤥ ᤗᤠᤕᤥᤖᤧ ᤁᤢᤕᤥ᤺ᤰᤐᤠ ᤀᤠᤶᤒᤥ᤺ᤱᤅᤡᤴᤗ ᤑᤠ᤹ᤀᤠᤱ ᤀᤠᤏᤡ᤹ ᤋᤃᤡᤛ᤻ᤔᤠ ᤜᤡᤱᤔᤴᤏᤡᤴ ᤂᤪᤡᤛ᤻ᤋᤧᤴᤏᤢ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤑᤥ᤺ᤴᤍᤧᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤀᤠᤏᤡ᤺ᤳᤋᤢᤶ. \v 7 ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤴ ᤛᤩᤧᤀᤠᤱ ᤘᤠ᤹ ᤂᤧᤴ ᤗᤠᤕᤥ᤺ᤸᤗᤧ ᤁᤢᤕᤢᤰᤁᤥᤏᤢ ᤆᤥ᤺ᤰᤕᤢᤶᤓᤥᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ \v 8 ᤀᤠᤸᤗ ᤀᤠᤏᤡ᤹ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤀᤠᤛᤩᤧᤀᤠᤱ ᤀᤠᤘᤠ᤹ᤏᤧ ᤑᤠ᤹ᤃᤪ ᤂᤢᤏᤧ᤹ᤏᤢᤀᤣ ᤀᤠᤏᤡ᤹ᤀᤠᤱ ᤕᤠᤶᤔᤥ ᤀᤠᤜᤡᤱᤗᤥ ᤑᤠ᤹ᤀᤠᤱ ᤏᤛᤠ᤺ᤴ ᤀᤠᤈᤥᤃᤢᤶᤗᤥ॥ \v 9 ᤂᤪᤡᤛ᤻ᤋᤧᤱᤃ ᤛᤩᤧᤀᤠᤱ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠᤸᤗᤧ ᤀᤠᤸᤗ ᤕᤠᤶᤔᤥ ᤔᤧᤛᤡ᤺ᤏᤧᤴᤗᤥ ᤁᤧᤗ᤹ᤒᤠᤴ ᤀᤠᤏᤡ᤹ ᤀᤠᤏᤡ᤺ᤛᤢᤶᤗᤥ॥ ᤜᤧᤰᤁᤣ᤺ᤸᤗᤧ ᤀᤠᤸᤗᤀᤠᤱᤎᤥ ᤂᤢᤏᤧ᤹ ᤛᤶᤍᤠᤱ ᤛᤡ᤺ᤔᤧᤸᤗᤧ ᤕᤢᤰ ᤔᤧᤃᤳᤋᤢᤴᤗᤥ॥ \v 10 ᤂᤪᤡᤛ᤻ᤋᤧᤴ ᤛᤩᤧᤸᤗᤧ ᤗᤠᤕᤥ᤺ᤸᤗᤧ ᤁᤢᤔᤢᤰᤛᤠᤶᤔᤡᤴ ᤏᤠ᤺ᤶᤔᤠ ᤑᤠ᤹ᤀᤠᤱ ᤛᤍᤠᤍᤡᤱᤖᤧ ᤗᤠᤃᤡ ᤂᤢᤏᤧ᤹ ᤌᤡᤰᤗᤧᤱᤅᤥ ᤛᤩᤧ. ᤁᤖ ᤀᤠᤸᤗ ᤂᤢᤏᤧ᤹ ᤁᤢᤜᤡᤱᤘᤧᤳ ᤘᤠ᤹ᤖᤥ. ᤜᤧᤰᤁᤩᤠᤱ ᤁᤢᤜᤡᤱᤔᤴᤏᤡᤴ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤑᤠ᤹ᤀᤠᤱ ᤜᤡᤱᤗᤥ॥ \v 11 ᤜᤧᤰᤁᤣᤗ᤹ᤖᤡᤰᤁᤣ ᤁᤢᤛᤡᤘᤧᤳ ᤔᤏᤠ᤺ᤸᤗᤧ ᤗᤠᤕᤥ ᤔᤧᤈᤥᤃᤢᤶᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤠᤕᤥ ᤆᤥ᤺ᤰᤔᤠᤀᤥ ᤁᤧᤛᤩᤧ᤹ᤀᤡ ᤁᤖ ᤂᤪᤡᤛ᤻ᤋ ᤕᤧᤛᤢ᤺ᤴᤏᤢ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠᤖᤧ ᤗᤠᤃᤡ ᤁᤧᤜᤡᤅᤡᤒᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ \p \v 12 ᤂᤧᤸᤗᤧ ᤆᤥᤃᤢᤸᤗᤧ ᤗᤠᤕᤥ᤺ᤸᤗᤧ ᤂᤡᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤴ ᤕᤢᤰᤔᤠ ᤔᤧᤒᤠᤱᤄᤧᤶᤔᤡᤴᤏᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤑᤧᤴ ᤏᤡᤱᤘᤠ᤹ᤀᤡᤸᤗᤧ ᤁᤢᤒᤠ᤺ᤴᤏᤡᤴ ᤋᤧᤴᤍᤡᤱ ᤁᤧᤈᤥᤃᤢᤶᤗᤥ॥ \v 13 ᤂᤡᤏᤡ᤹ ᤌᤰᤁᤥᤒᤠ ᤕᤠᤶᤗᤰᤜᤠ᤹ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤗᤠᤕᤥ᤺ᤴ ᤔᤧᤍᤥ᤺ᤴᤍᤧᤶ ᤔᤧᤒᤡᤖᤧᤶᤔᤡᤴᤏᤧ᤹॥ ᤂᤧᤸᤗᤧ ᤁᤢᤗᤧᤰᤘᤠ ᤛᤡ᤺ᤔᤧᤴᤗᤠᤶ ᤜᤡᤱᤔᤴᤏᤥ ᤁᤧᤍᤠ᤺ᤒᤠ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤏᤠ᤹ᤛᤡᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤕᤠᤶᤗᤰᤜᤠ᤹ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤍᤧᤶᤔᤧ᤹ᤀᤥ॥ \v 14 ᤂᤡᤏᤡ᤹ ᤛᤶᤍᤠᤱ ᤗᤠᤕᤥ᤺ᤴ ᤕᤢᤰ ᤆᤥ᤺ᤰ ᤔᤧᤒᤠᤱᤄᤧᤶᤔᤡᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤁᤧᤜᤥ᤺ᤵᤋᤡ᤹. ᤁᤖ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤡᤸᤗᤧ ᤁᤢᤕᤢᤰᤁᤥ ᤁᤧᤘᤕᤡ᤹ᤖᤥ॥ \s1 ᤛᤠᤶᤕᤥᤏᤡᤔᤠᤸᤗᤧ ᤁᤢᤕᤥ᤺ᤰᤐᤠ \p \v 15 ᤁᤴ ᤁᤠᤰ ᤑᤠ᤹ᤀᤡᤱᤃ ᤌᤧᤔᤠᤒᤣ᥅ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤜᤥ᤺ᤵ ᤁᤖ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤘᤠ᤹ᤒᤠᤸᤗᤧ ᤗᤠᤕᤥ ᤆᤥᤃᤢᤶᤒᤡ᥅ ᤀᤠᤵᤑᤠᤸᤗᤧᤀᤠᤱ ᤆᤥᤃᤢᤶ ᤔᤧ᤺ᤴ᥄ \v 16 ᤀᤠᤳᤋᤡᤴᤜᤠ᤹ ᤀᤡᤱᤈᤠ᤺ᤱ ᤂᤧᤶᤔᤠ ᤁᤧᤍᤧᤴᤍᤡ᤹. ᤒᤠ ᤂᤧᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ ᤁᤧᤗ᤹ᤒᤠᤴ ᤁᤧᤴᤏᤡ᤺ᤛᤢᤶᤔᤡᤴᤒᤡ᥅ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤧᤛᤩᤧ᤹ᤀᤡ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤁᤧᤄᤧᤵᤛᤢᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤛᤠᤶᤕᤥᤏᤡᤒᤠ ᤁᤧᤒᤥ᤺ᤰᤂᤡ᤹ᤖᤥ॥ \v 17 ᤁᤖ ᤂᤡᤏᤡ᤹ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤛᤠᤱ. ᤀᤠᤸᤗ ᤂᤡᤏᤡ᤹ ᤁᤧᤜᤢ᤹ᤀᤠᤛᤡᤒᤠ ᤏᤡᤛᤠᤶᤔᤡᤴ ᤛᤡᤰᤗᤢᤱᤔᤥᤏᤢᤀᤣ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤒᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ॥ \v 18 ᤂᤡᤏᤡ᤹ᤃ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤁᤧᤄᤥ᤺ᤛᤢᤶᤔᤠᤱ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤑᤠ᤹ᤀᤠᤱ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ \p \v 19 ᤂᤡᤏᤡ᤹ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶᤗ ᤑᤠ᤹ᤀᤠᤱ ᤜᤡᤶᤍᤠᤱᤒᤠᤴ ᤏᤢ ᤕᤥ᤺ᤰᤁᤡᤸᤗᤧ ᤁᤢᤒᤡ᤺ᤴ ᤀᤥᤃᤵ ᤆᤥᤃᤢᤱᤗ ᤐᤳᤋᤠᤖᤥ॥ ᤂᤡᤏᤡ᤹ ᤀᤠᤒᤠᤅᤣ ᤕᤠᤶᤗᤰᤁᤡᤴ ᤋᤃᤡ ᤕᤠᤵᤔᤡ ᤁᤧᤈᤡ᤺ᤶᤒᤠ ᤏᤢ ᤑᤧᤴ ᤕᤠ᤺ᤶᤒᤰᤁᤡᤸᤗᤧ ᤁᤢᤕᤥ᤺ᤰᤐᤠ ᤐᤥ᤺ᤱᤛᤧ ᤁᤧᤍᤥ᤺ᤴᤍᤢᤶᤔᤠᤱ ᤁᤧᤘᤕᤡᤒᤠ ᤁᤢᤀᤡᤛᤡ᤺ᤰ. ᤀᤠᤸᤗ ᤛᤣᤛᤣᤃᤧᤴ ᤛᤢᤳᤌᤥ ᤐᤥ᤺ᤱᤔᤠᤖᤧ ᤗᤠᤃᤡ ᤛᤠᤶᤕᤥᤏᤡᤒᤠᤸᤗᤧ ᤁᤢᤕᤥ᤺ᤰᤐᤠ ᤐᤥ᤺ᤱᤛᤧ ᤂᤡᤏᤡ᤹ ᤕᤠᤶᤗᤰᤁᤡᤴ ᤋᤥ᤺ᤴᤍᤧᤶᤔᤧ᤹ᤀᤥ॥ \v 20 ᤂᤡᤏᤡ᤹ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤘᤕᤡᤸᤗᤧ ᤛᤠᤶᤕᤥᤏᤡᤒᤠᤸᤗᤧ ᤁᤢᤕᤢᤰᤁᤥ ᤁᤧᤜᤥ᤺ᤵᤋᤡᤖᤥ॥ \v 21 ᤂᤧᤴ ᤕᤧᤶᤔᤥ ᤁᤧᤈᤥᤃᤢᤶᤒᤠ ᤐᤠ᤺ᤴᤜᤠ᤹ᤗᤠᤶ ᤀᤠᤸᤗᤥ ᤛᤡᤖᤡᤱ ᤁᤧᤔᤕᤡᤸᤗᤧ ᤌᤣ ᤀᤡᤴᤎᤠ᤺ᤰ ᤁᤧᤄᤥ᤺ᤛᤢᤶᤒᤣ᥅ ᤁᤢᤏᤢᤵᤔᤥᤃ ᤂᤧᤴ ᤐᤠ᤺ᤴᤜᤠ᤹ᤖᤧ ᤔᤧᤴᤏᤢᤵᤔᤏᤠᤒᤠ ᤛᤡ᤺ᤔᤧᤴᤏᤥ ᤁᤧᤃᤧᤳᤋᤡ᤹ᤖᤥ॥ \v 22 ᤁᤖ ᤀᤠᤸᤗᤥᤃ ᤂᤡᤏᤡ᤹ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ ᤂᤧᤸᤗᤧᤃ ᤛᤣᤛᤣᤃᤧᤴ ᤛᤢᤳᤌᤥ ᤁᤧᤈᤥᤃᤡ᤹. ᤜᤧᤰᤁᤩᤠᤱ ᤁᤢᤏᤢᤵᤔᤥ ᤂᤧᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤥ ᤁᤧᤃᤧᤳᤋᤡ᤹ᤖᤥ॥ \v 23 ᤌᤣᤀᤠᤱᤓᤧᤸᤗᤧ ᤗᤠᤕᤥᤖᤧ ᤀᤠᤒᤡᤒᤠ ᤏᤠᤶᤕᤠᤰᤁᤡᤱᤃ ᤛᤡ᤺ᤔᤧᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤶᤓᤠ ᤀᤠᤒᤡᤒᤠ ᤐᤷᤎᤠ᤺ᤶᤔᤡᤱᤃ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤀᤥᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤥ॥ \c 7 \s1 ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤣ᤺ᤰᤂᤡᤶᤗᤠᤶ ᤁᤢᤒᤡ \p \v 1 ᤀᤠᤸᤗ ᤛᤠᤶᤕᤥᤌᤡᤶ ᤁᤧᤗᤧᤒᤠ ᤁᤧᤏᤡ᤺ᤒᤠ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ ᤐᤠ᤺ᤵᤔᤠ ᤁᤥ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤥ॥ ᤛᤠᤶᤕᤥᤌᤡᤶᤔᤡᤸᤗᤧᤃ ᤔᤏᤠ᤺ᤴ ᤁᤢᤜᤡᤱᤘᤧᤳ ᤘᤠ᤹ᤖ ᤌᤠᤖᤡᤰᤗᤰ ᤕᤢᤰᤋᤢ᤹॥ \v 2 ᤔᤣ᤺ᤰᤂᤡᤶᤔᤡᤸᤗᤧ ᤁᤢᤒᤡᤎᤡᤰ ᤐᤡᤏᤡᤱᤗᤥ. ᤔᤣ᤺ᤰᤂᤡᤶ ᤁᤧᤒᤥ᤺ᤱᤔᤠ ᤔᤧᤴᤇᤢᤔᤠ᤹ᤀᤡᤴ ᤀᤡᤳᤌᤢᤱᤃᤧᤴ ᤁᤢᤕᤧᤶᤒᤠ᤹ᤀᤡᤴ ᤜᤡᤱᤅᤠᤱ ᤘᤠ᤹ᤖ ᤌᤠᤖᤡᤰ ᤛᤠᤶᤕᤥᤌᤡᤶᤔᤡᤸᤗᤧ ᤂᤧᤴ ᤁᤢᤕᤧᤶᤒᤠ᤹ᤀᤡᤴᤏᤢ ᤀᤡᤄᤣ᤺ᤰᤂᤢᤀᤠᤱ ᤘᤠ᤹॥ ᤁᤖ ᤁᤢᤕᤧᤶᤒᤠ᤹ᤀᤡᤴ ᤛᤡ᤺ᤏᤧ ᤑᤠ᤹ᤃᤪ ᤂᤧᤴ ᤔᤣ᤺ᤰᤂᤡᤶᤌᤡᤶᤗᤠᤶ ᤆᤥ᤺ᤰᤕᤢᤶᤓᤥᤔᤠ ᤐᤥ᤺ᤱᤗᤥ॥ \v 3 ᤜᤧᤰᤁᤣᤗ᤹ᤖᤡᤰᤁᤣ ᤁᤢᤕᤧᤶᤒᤠ᤹ᤀᤡᤴ ᤁᤢᤜᤡᤱᤘᤧᤳ ᤘᤠ᤹ᤖᤀᤣ ᤂᤧᤸᤗᤧ ᤘᤣ᤹ ᤔᤏᤠ᤺ᤴᤏᤢ ᤔᤣ᤺ᤰᤂᤡᤶ ᤆᤥᤃᤢᤏᤧ ᤑᤠ᤹ᤃᤪ ᤂᤧᤱᤃ ᤛᤠᤶᤕᤥᤌᤡᤶᤔᤡᤸᤗᤧ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤔᤧᤳᤋᤢ᤹ᤖᤥ॥ ᤁᤖ ᤁᤢᤕᤧᤶᤒᤠ᤹ᤀᤡᤴ ᤛᤡ᤺ᤀᤠᤱᤃ ᤂᤢᤏᤧ᤹ ᤔᤣ᤺ᤰᤂᤡᤶᤌᤡᤶᤗᤠᤶ ᤆᤥ᤺ᤰᤕᤢᤶᤓᤥᤔᤠ ᤐᤥ᤺ᤱᤗᤥ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤔᤏᤠ᤺ᤴᤏᤢ ᤔᤣ᤺ᤰᤂᤡᤶ ᤆᤥᤃᤢᤸᤗᤧ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢᤒᤠ ᤔᤧᤒᤥ᤺ᤱᤏᤧᤸᤗᤥ॥ \v 4 ᤜᤧᤰᤁᤣ᤺ᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤪᤡᤛ᤻ᤋᤧᤴ ᤛᤩᤧ᤺ᤸᤗᤧ ᤂᤡᤏᤡ᤹ᤀᤠᤱ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤡᤸᤗᤧ ᤀᤡᤃᤧᤓᤢᤳᤋᤡᤀᤠᤱ ᤁᤧᤘᤕᤡᤒᤠᤀᤥᤗᤠᤶ ᤁᤧᤒᤠ᤺ᤰᤂᤡᤖᤥ॥ ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤀᤠᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤀᤠᤛᤢᤰᤋᤢᤶᤗ ᤑᤠ᤹ᤀᤠᤱ ᤀᤠᤏᤡ᤹ᤃ ᤛᤡ᤺ᤔᤧᤴᤗᤠᤶᤒᤠ ᤁᤢᤜᤡᤱᤘᤧᤳ ᤁᤧᤒᤥ᤺ᤱᤒᤠᤴᤏᤢ ᤌᤡᤰᤜᤢᤵ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤖᤥ॥ \v 5 ᤀᤠᤏᤡ᤹ᤃ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤀᤠᤕᤢᤰᤋᤧᤀᤠᤱ ᤀᤠᤘᤕᤧᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤏᤡ᤹ ᤏᤠᤛᤡᤱᤃᤧᤴ ᤌᤰᤁᤥ ᤗᤠᤕᤥᤒᤠ ᤏᤡᤱᤘᤠ᤹ᤀᤡᤴ ᤑᤥ᤺ᤰᤂᤢᤀᤠᤱ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤑᤧᤴ ᤕᤠ᤺ᤶᤒᤰᤁᤡᤸᤗᤧ ᤛᤡ᤺ᤔᤧᤴ ᤋᤠᤖᤢ᤹ᤖᤥ॥ \v 6 ᤁᤖ ᤀᤠᤸᤗᤥᤃ. ᤋᤃᤡ ᤀᤠᤏᤡ᤹ ᤛᤶᤍᤠᤱ ᤕᤢᤰ ᤁᤧᤈᤥ᤺ᤰᤐᤠ ᤛᤠᤶᤕᤥᤌᤡᤶᤗᤠᤶᤒᤠ ᤆᤥ᤺ᤰᤕᤢᤶᤓᤥ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹॥ ᤀᤠᤸᤗ ᤀᤠᤏᤡ᤹ᤃ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤘᤕᤧᤸᤗᤧ ᤛᤣᤘᤠ ᤀᤠᤈᤥᤃᤢᤶᤒᤠ ᤜᤧᤰᤁᤣ ᤔᤧ᤺ᤴ. ᤁᤖ ᤛᤣᤛᤣᤔᤠᤱᤗᤠᤶᤒᤠ ᤁᤢᤛᤱ ᤜᤡᤱᤔᤴᤏᤥ ᤛᤣᤘᤠ ᤀᤠᤈᤥᤃᤢᤶᤗᤥ॥ \s1 ᤛᤠᤶᤕᤥᤌᤡᤶ ᤏᤢ ᤗᤠᤕᤥ \p \v 7 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ ᤛᤠᤶᤕᤥᤌᤡᤶᤔᤡᤴ ᤗᤠᤕᤥᤒᤡ᥅ ᤛᤧᤰᤂᤠᤛᤠᤱ ᤔᤧ᤺ᤴᤗᤥ᥄ ᤁᤖ ᤛᤠᤶᤕᤥᤌᤡᤶᤔᤡᤴ ᤜᤥ᤺ᤵᤋᤧᤸᤗᤧᤃ ᤀᤡᤱᤃᤠ᤹ ᤀᤠᤜᤡᤱᤔᤴᤏᤥᤒᤠ ᤗᤠᤕᤥᤜᤠ᤹ ᤔᤧᤴᤏᤡ᤺ᤒᤠᤴᤔᤧᤴ॥ ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ. “ᤂᤧᤏᤧ᤹ ᤔᤧᤄᤡ᤺ᤵᤛᤧᤴᤏᤧ᤹” ᤑᤠ᤹ᤀᤠᤱ ᤔᤧᤒᤠ᤺ᤳᤋᤢᤴᤏᤡᤸᤗᤧᤃ ᤀᤡᤱᤃᤠ᤹ ᤂᤡ᤺ᤶᤔᤠᤴ ᤋᤠᤵᤑᤧ᤺ᤶᤒᤠᤖᤥ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤱᤅᤡᤴᤒᤠᤖᤥ॥ \v 8 ᤁᤖ ᤁᤴ ᤗᤠᤕᤥ᤺ᤸᤗᤧ ᤛᤠᤶᤕᤥᤀᤡᤱᤈᤠ᤺ᤱᤗᤠᤶ ᤛᤢᤕᤧᤶ ᤂᤥ᤺ᤛᤢᤀᤠᤱ ᤀᤡᤱᤃᤠ᤹ ᤀᤠᤛᤡᤃᤠᤱ ᤁᤠᤰ ᤐᤖᤡᤰᤗᤧᤴ ᤂᤡ᤺ᤶᤔᤠ ᤏᤡᤱᤘᤠ᤹ᤀᤡᤴ ᤑᤥ᤺ᤰᤂᤢ॥ ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤴ ᤜᤥ᤺ᤵᤋᤧᤸᤗᤧᤃ ᤗᤠᤕᤥ᤺ᤸᤗᤧ ᤁᤢᤔᤢᤰᤛᤠᤶ ᤜᤥ᤺ᤵᤋᤧᤒᤠᤖᤥ॥ \v 9 ᤋᤃᤡ ᤀᤡᤱᤃᤠ᤹ ᤛᤠᤶᤕᤥᤌᤡᤶᤔᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤘᤕᤠᤱᤅᤡᤸᤗᤧ ᤏᤢ᤺ᤒᤠ ᤘᤕᤧ. ᤁᤖ ᤛᤠᤶᤕᤥᤀᤡᤱᤈᤠ᤺ᤱᤅᤡᤴ ᤁᤢᤛᤡᤱ ᤏᤡ᤺ᤳᤋᤢᤱᤅᤡᤸᤗᤧ ᤀᤡᤱᤃᤠ᤹ ᤀᤠᤜᤡᤱᤔᤴᤏᤥ ᤗᤠᤕᤥ᤺ᤴ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤀᤠᤱ ᤀᤡᤱᤃᤠ᤹ ᤛᤩᤠᤱᤗᤥ॥ \v 10 ᤁᤴ ᤛᤠᤶᤕᤥᤀᤡᤱᤈᤠ᤺ᤱᤅᤡᤸᤗᤧᤀᤣ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤋᤠ᤺ᤵᤔᤠ ᤁᤧᤒᤥ᤺ᤱᤒᤠ ᤘᤕᤧ ᤁᤖ ᤂᤧᤸᤗᤧᤃ ᤛᤡ᤺ᤔᤠᤏᤡ ᤋᤠᤖᤢ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤂᤥ᤺ᤛᤢᤱᤗᤥ॥ \v 11 ᤌᤣᤀᤠᤱᤓᤧᤸᤗᤧ ᤗᤠᤕᤥ᤺ᤸᤗᤧ ᤛᤠᤶᤕᤥᤀᤡᤱᤈᤠ᤺ᤱᤗᤠᤶ ᤛᤢᤕᤧᤶ ᤂᤥ᤺ᤛᤢᤀᤠᤱ ᤀᤡᤱᤃᤠ᤹ ᤀᤡᤱᤗᤧᤰᤋᤠᤱᤗᤥ. ᤜᤧᤰᤁᤩᤠᤱ ᤒᤠ ᤁᤴ ᤛᤠᤶᤕᤥᤀᤡᤱᤈᤠ᤺ᤱᤗᤠᤶ ᤀᤡᤱᤃᤠ᤹ ᤛᤧᤖᤠᤱᤗᤥ॥ \v 12 ᤜᤧᤰᤁᤣᤛᤠᤱ ᤛᤠᤶᤕᤥᤌᤡᤶᤔᤡᤴ ᤛᤣᤛᤣᤒᤠ ᤆᤥ᤺ᤰᤐᤠᤸᤗᤧ ᤁᤢᤀᤡᤱᤈᤠ᤺ᤱᤜᤠ᤹ ᤛᤣᤛᤣᤒᤠ. ᤛᤠᤶᤕᤥᤏᤡᤒᤠ ᤏᤢ ᤏᤢ᤺ᤒᤠ ᤆᤥ᤺ᤰᤗᤥ॥ \p \v 13 ᤜᤧᤰᤁᤣ᤺ᤸᤗᤧ ᤏᤢ᤺ᤒᤠ ᤐᤠ᤺ᤴᤏᤡᤸᤗᤧ ᤀᤡᤱᤃᤠ᤹ ᤀᤠᤗᤠᤃᤡ ᤛᤡ᤺ᤔᤧᤴ ᤋᤠᤖᤢᤒᤡ᥅ ᤔᤧᤍᤠᤖᤢᤴᤗᤥ. ᤁᤖ ᤗᤠᤕᤥ᤺ᤴ ᤗᤠᤕᤥᤀᤣᤖᤥ ᤗ᤹ᤖᤡᤰ ᤁᤢᤛᤡᤱ ᤏᤡ᤺ᤵᤔᤠ ᤀᤠᤛᤢᤰᤋᤢᤶᤗ ᤑᤠ᤹ᤀᤠᤱ ᤗᤠᤕᤥ᤺ᤸᤗᤧ ᤏᤢ᤺ᤒᤠ ᤐᤠ᤺ᤴᤗᤠᤶ ᤀᤡᤱᤃᤠ᤹ᤀᤥ ᤕᤠᤶᤛᤠᤶᤃᤧᤴ ᤛᤡ᤺ᤔᤧᤴ ᤋᤠᤖᤢ. ᤜᤧᤰᤁᤣ᤺ᤸᤗᤧ ᤛᤠᤶᤕᤥᤀᤡᤱᤈᤠ᤺ᤱᤅᤡᤸᤗᤧ ᤆᤥᤃᤢᤸᤗᤧ ᤗᤠᤕᤥ᤺ᤴ ᤀᤠᤸᤗᤛᤠᤱ ᤛᤠ᤹ᤖᤡᤰ ᤗᤠᤕᤥᤒᤠ ᤆᤥ᤺ᤰ ᤑᤠ᤹ᤀᤠᤱ ᤏᤡ᤺ᤛᤢᤱᤗᤥ॥ \s1 ᤏᤧᤳᤇᤡ ᤐᤖᤡᤰᤐᤠ ᤔᤧᤴᤇᤠᤶ ᤛᤢᤳᤏᤠ \p \v 14 ᤛᤠᤶᤕᤥᤌᤡᤶᤔᤡᤴ ᤕᤠᤶᤛᤠᤶᤒᤠ ᤆᤥ᤺ᤰ ᤗ᤹ᤖᤡᤰ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤔᤠᤱ ᤘᤠ᤹. ᤁᤖ ᤀᤡᤱᤃᤠ᤹ ᤕᤠᤶᤛᤠᤶᤒᤠ ᤔᤧᤈᤥ᤺ᤰᤁᤠᤴ ᤜᤧᤰᤁᤩᤠᤱ ᤕᤥ᤺ᤰᤐᤠᤜᤠ᤹ ᤔᤧᤍᤥ᤺ᤰᤐᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤀᤠᤱ ᤗᤠᤕᤥᤀᤥᤀᤣ ᤋᤥ᤺ᤰᤋᤠᤱᤅᤠᤱ ᤘᤠ᤹ᤀᤠᤖᤥ॥ \v 15 ᤀᤡᤱᤃᤠ᤹ ᤆᤥᤃᤢᤱᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤠᤴ. ᤌᤣᤀᤠᤱᤓᤧᤸᤗᤧ ᤆᤥᤃᤢᤱ ᤗ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤱᤒᤠᤴ ᤔᤧᤈᤥ᤺ᤰᤁᤠᤴ. ᤁᤖ ᤀᤡᤱᤃᤠ᤹ ᤆᤡ᤺ᤳᤋᤢᤱᤒᤠ ᤐᤠ᤺ᤴᤏᤡᤴᤏᤣ ᤆᤥᤃᤢᤱᤗᤥ॥ \v 16 ᤜᤧᤰᤁᤩᤠᤱ ᤀᤡᤱᤃᤠ᤹ ᤆᤥᤃᤢᤱᤒᤠ ᤐᤠ᤺ᤴᤏᤡᤴ ᤋᤠᤵᤑᤧ᤺ᤶᤒᤠ ᤆᤥ᤺ᤰ ᤑᤠ᤹ᤀᤠᤱ ᤏᤡ᤺ᤛᤢᤱᤏᤧ ᤑᤠ᤹ᤃᤪ ᤛᤠᤶᤕᤥᤌᤡᤶᤔᤡᤴ ᤏᤢ᤺ᤒᤠ ᤆᤥ᤺ᤰ ᤗ᤹ᤖᤡᤰ ᤋᤧᤴᤍᤡᤱ ᤆᤥᤃᤢᤱᤒᤠ ᤐᤥ᤺ᤱᤗᤥ॥ \v 17 ᤂᤧᤸᤗᤧ ᤆᤥᤃᤢᤸᤗᤧ. ᤀᤠᤸᤗ ᤜᤧᤰᤁᤣ ᤁᤧᤈᤥ᤺ᤰᤐᤧᤴ ᤀᤡᤱᤃᤠ᤹ ᤔᤧ᤺ᤴ. ᤁᤖ ᤀᤡᤱᤃᤠ᤹ᤀᤥ ᤁᤧᤘᤠ᤹ᤒᤠ ᤗᤠᤕᤥ᤺ᤸᤗᤧ ᤆᤥᤃᤢᤒᤠᤖᤥ॥ \v 18 ᤌᤣᤀᤠᤱᤓᤧᤸᤗᤧ ᤗᤠᤕᤥ᤺ᤸᤗᤧ ᤁᤢᤎᤡᤶ ᤘᤠ᤹ᤀᤠᤒᤠᤸᤗᤧ ᤀᤡᤱᤃᤠ᤹ ᤀᤠᤛᤢᤳᤏᤠᤀᤥ ᤌᤣᤀᤠᤱ ᤏᤢ᤺ᤒᤠ ᤐᤠ᤺ᤴ ᤜᤥ᤺ᤵ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤏᤢ᤺ᤒᤠ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤏᤡᤱᤘᤠ᤹ ᤁᤳᤋᤢᤱᤛᤠᤱ ᤆᤥ᤺ᤰᤔᤠ ᤔᤧᤛᤢᤰᤁᤠᤴᤗᤥ॥ \v 19 ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱ. ᤂᤧᤴ ᤔᤧᤈᤥ᤺ᤰᤁᤠᤴ. ᤁᤖ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤔᤧᤴᤈᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠᤴᤏᤧ ᤆᤥᤃᤢᤱᤗ ᤘᤠ᤹ᤀᤠᤖᤥ॥ \v 20 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤔᤧᤴᤈᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠ ᤐᤠ᤺ᤴᤜᤠ᤹ ᤆᤥᤃᤢᤱᤏᤧ ᤑᤠ᤹ᤃᤪ ᤁᤴ ᤁᤧᤈᤥ᤺ᤰᤐᤠᤱᤃ ᤀᤡᤱᤃᤠ᤹ ᤔᤧ᤺ᤴ. ᤁᤖ ᤀᤡᤱᤃᤠ᤹ᤀᤥ ᤁᤧᤘᤠ᤹ᤒᤠ ᤗᤠᤕᤥ᤺ᤸᤗᤧ ᤜᤧᤰᤁᤣ ᤆᤥᤃᤢᤒᤠᤖᤥ॥ \p \v 21 ᤀᤰᤂᤣᤗ᤹ᤖᤡᤰ ᤁᤴ ᤌᤡᤶᤔᤡᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤂᤥ᤺ᤛᤢᤱ–ᤀᤡᤱᤃᤠ᤹ ᤏᤢ᤺ᤒᤠ ᤐᤠ᤺ᤴ ᤆᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤅᤡᤸᤗᤧ ᤋᤠᤵᤑᤧ᤺ᤶᤒᤠᤴ ᤀᤡᤱᤃᤠ᤹ᤏᤢᤀᤣ ᤘᤠ᤹ᤖᤥ॥ \v 22 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤡᤰᤗᤢᤱᤔᤥᤏᤢᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶᤔᤥ ᤛ᤺ᤳᤋᤠᤖᤥ॥ \v 23 ᤁᤖ ᤀᤡᤱᤃᤠ᤹ᤀᤥᤃ ᤘᤣ᤹ᤛ᤻ᤔᤠ ᤔᤢᤰᤛᤠᤶᤔᤡᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤏᤡ᤺ᤛᤢᤱ॥ ᤂᤧᤴ ᤔᤢᤰᤛᤠᤶᤔᤡᤸᤗᤧᤃ ᤀᤡᤱᤃᤠ᤹ ᤀᤠᤒᤠᤅᤣ ᤀᤠᤏᤡᤱᤘᤠ᤹ᤀᤡᤸᤗᤧ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤥ᤺ᤳᤋᤢᤒᤠ ᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤱ ᤆᤥᤃᤢ᤹. ᤜᤧᤰᤁᤩᤠᤱ ᤗᤠᤕᤥᤀᤥ ᤐᤢᤱᤗᤠᤎᤠᤒᤠ ᤆᤥ᤺ᤰᤁᤠᤀᤠᤱ ᤗᤠᤕᤥ᤺ᤸᤗᤧ ᤀᤡᤱᤃᤠ᤹ ᤕᤢᤰᤁᤠᤖᤥ॥ \v 24 ᤀᤣ. ᤀᤡᤱᤃᤠ᤹ᤃ ᤀᤠᤰᤂᤧᤴ ᤛᤠ᤹ᤖᤡᤰ ᤐᤵᤐᤪᤠᤔᤠ ᤔᤏᤠᤀᤠᤒᤣ᥅ ᤁᤴ ᤗᤠᤕᤥ ᤏᤢ ᤛᤡ᤺ᤔᤧᤸᤗᤧ ᤕᤢᤰᤋᤢᤒᤠ ᤜᤡᤱᤔᤴᤗᤠᤶ ᤜᤠ᤺ᤳᤗᤧ ᤛᤧ᤺ᤵᤔᤠ ᤛᤢᤰᤁᤠᤒᤣ᥅ \v 25 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ᥄ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤛᤧ᤺ᤵᤗᤥ᥄ ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤱᤘᤠ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶᤔᤡᤸᤗᤧ ᤁᤢᤛᤣᤘᤠ ᤆᤥᤃᤢᤱ. ᤁᤖ ᤗᤠᤕᤥᤒᤠ ᤌᤡᤶᤔᤡᤸᤗᤧ ᤌᤡᤶᤛᤢᤒᤠ ᤛᤢᤳᤏᤠᤀᤥᤃ ᤗᤠᤕᤥ᤺ᤸᤗᤧ ᤁᤢᤛᤣᤘᤠ ᤆᤥᤃᤢᤱᤗᤥ॥ \c 8 \s1 ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤜᤡᤱᤔᤠ \p \v 1 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤂᤪᤡᤛ᤻ᤋ ᤕᤧᤛᤢ᤺ᤴᤏᤢ ᤌᤡᤰᤜᤢᤵ ᤁᤧᤘᤠ᤹ᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤴᤇᤡᤴ. \v 2 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋ ᤕᤧᤛᤢᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤗᤠᤕᤥ ᤏᤢ ᤛᤡ᤺ᤔᤧᤸᤗᤧ ᤁᤢᤔᤢᤰᤛᤠᤶᤗᤠᤶ ᤆᤥ᤺ᤰᤕᤢᤶᤓᤥ ᤐᤡᤖᤠᤱᤅᤠᤱ ᤘᤠ᤹ᤖᤥ॥ \v 3 ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤆᤥ᤺ᤰᤔᤠ ᤔᤧᤛᤢᤰᤋᤢᤶᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤖᤥ॥ ᤂᤢᤏᤧ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤗᤠᤕᤥ᤺ᤸᤗᤧ ᤗᤠᤃᤡ ᤛᤡᤍᤢᤱᤈᤓᤠ ᤐᤥ᤺ᤱᤛᤧ ᤗᤠᤕᤥᤒᤠ ᤔᤏᤠ ᤁᤢᤀᤡᤛᤡ᤺ᤰᤐᤠ ᤏᤠᤛᤡᤱᤃᤧᤴ ᤌᤰᤁᤥ ᤐᤠᤱᤄᤢ ᤕᤢ᤺ᤛᤢᤀᤠᤱ ᤏᤠᤛᤡᤱᤃᤧᤴ ᤁᤢᤎᤰᤁᤡᤸᤗᤧ ᤀᤠᤏᤡ᤹ ᤗᤠᤕᤥ᤺ᤴ ᤔᤧᤰᤂᤢᤖᤥ॥ \v 4 ᤀᤰᤂᤣᤗ᤹ᤖᤡᤰ ᤗᤠᤕᤥᤒᤠ ᤛᤢᤳᤏᤠ ᤁᤢᤀᤡᤛᤡ᤺ᤰ ᤔᤧ᤺ᤴ. ᤁᤖ ᤛᤣᤛᤣᤔᤠᤱ ᤁᤢᤀᤡᤛᤡ᤺ᤰ ᤀᤠᤜᤡᤱᤅᤡᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤏᤠ᤺ᤰᤋᤢᤒᤠ ᤛᤠᤶᤕᤥᤏᤡᤒᤠ ᤐᤠ᤺ᤴᤜᤠ᤹ ᤁᤠᤰ ᤀᤠᤏᤡ᤹ ᤆᤥ᤺ᤰᤔᤠ ᤀᤠᤛᤢᤰᤋᤢᤶᤗ ᤑᤠ᤹ᤀᤠᤱ ᤂᤢᤏᤧ᤹ ᤜᤧᤰᤁᤣ ᤆᤥᤃᤢᤒᤠᤖᤥ॥ \p \v 5 ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤏᤡᤱᤘᤠ᤹ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤁᤧᤜᤡᤱᤒᤠᤜᤠ᤹ᤖᤧᤃ ᤂᤧᤴ ᤛᤢᤳᤏᤠ᤺ᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠᤀᤥᤀᤣ ᤏᤡᤱᤘᤠ᤹ ᤔᤧᤒᤡᤖᤢ᤹. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤁᤧᤜᤡᤱᤒᤠᤜᤠ᤹ᤖᤧᤃ ᤛᤣᤛᤣᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠᤀᤥᤀᤣ ᤏᤡᤱᤘᤠ᤹ ᤔᤧᤒᤡᤖᤢ᤹ᤖᤥ॥ \v 6 ᤀᤠᤏᤡ᤹ ᤏᤡᤱᤘᤠ᤹ᤀᤡᤴ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤕᤢᤰᤔᤠ ᤀᤠᤒᤠᤱᤄᤢᤶᤔᤡᤸᤗᤧᤃ ᤀᤠᤛᤡ᤺ᤖᤥ. ᤁᤖ ᤀᤠᤏᤡ᤹ ᤏᤡᤱᤘᤠ᤹ᤀᤡᤴ ᤛᤣᤛᤣᤔᤠᤱᤅᤡᤴ ᤕᤢᤰᤔᤠ ᤀᤠᤒᤠᤱᤄᤢᤶᤏᤧ ᤑᤠ᤹ᤃᤪ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤏᤢ ᤛᤏᤠᤖᤢᤱ ᤀᤠᤄᤥ᤺ᤛᤢᤶᤗᤥ॥ \v 7 ᤌᤣᤀᤠᤱᤓᤧᤸᤗᤧ ᤗᤠᤕᤥᤒᤠ ᤛᤢᤳᤏᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ॥ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶᤔᤡᤴ ᤔᤧᤀᤡ᤺ᤳᤋᤢᤴ ᤔᤧᤏᤠ᤺ᤳᤋᤢᤴ ᤜᤧᤰᤁᤩᤠᤱ ᤀᤡ᤺ᤵᤔᤠ ᤏᤠ᤺ᤵᤔᤠᤀᤠᤱ ᤔᤧᤛᤢᤰᤋᤢᤴᤗᤥ॥ \v 8 ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤕᤢᤰᤋᤢᤛᤡᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤔᤧᤴᤇᤢᤰᤋᤢᤴᤗᤥ॥ \p \v 9 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤂᤡᤏᤡ᤹ᤀᤥ ᤛᤧᤰᤂᤠᤀᤣ ᤘᤠ᤹ᤏᤧ ᤑᤠ᤹ᤃᤪ ᤂᤡᤏᤡ᤹ᤃ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤁᤢᤔᤏᤠ ᤔᤧ᤺ᤴᤏᤡᤱ. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤏᤠᤏᤡᤱᤗᤥ॥ ᤜᤧᤰᤁᤩᤠᤱ ᤀᤠᤳᤋᤡᤴ ᤔᤏᤠ᤺ᤴᤏᤢ ᤂᤪᤡᤛ᤻ᤋᤖᤧ ᤁᤢᤛᤣᤛᤣᤔᤠᤱᤅᤡᤴ ᤜᤥ᤺ᤵ ᤂᤧᤴ ᤂᤪᤡᤛ᤻ᤋᤖᤧ ᤁᤢᤔᤏᤠ ᤔᤧ᤺ᤴᤗᤥ॥ \v 10 ᤁᤖ ᤂᤪᤡᤛ᤻ᤋᤧᤴ ᤂᤡᤏᤡ᤹ᤀᤥ ᤘᤠ᤹ᤏᤧ ᤑᤠ᤹ᤃᤪ ᤂᤡᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤴ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤛᤡ᤺ᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤕᤠᤶᤛᤠᤶᤔᤡᤴ ᤜᤡᤱᤗᤥ॥ \v 11 ᤜᤧᤰᤁᤩᤠᤱ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤂᤡᤏᤡ᤹ᤀᤥ ᤘᤠ᤹ᤏᤧ ᤑᤠ᤹ᤃᤪ ᤒᤠ ᤂᤧᤴ ᤂᤡᤏᤡ᤹ᤀᤥ ᤁᤧᤘᤠ᤹ᤒᤠ ᤛᤣᤛᤣᤔᤠᤱᤗᤠᤶ ᤂᤪᤡᤛ᤻ᤋ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠᤸᤗᤧ ᤂᤡᤏᤡ᤹ᤀᤠᤱ ᤁᤢᤜᤡᤱᤘᤧᤳ ᤁᤧᤈᤥᤃᤡ᤹ᤖᤥ॥ \p \v 12 ᤂᤧᤸᤗᤧ ᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ ᤀᤠᤏᤡ᤹ ᤔᤧᤴᤈᤥ᤺ᤰᤁᤣ ᤔᤧᤶᤒᤥ᤺ᤱᤔᤏᤠᤒᤠ ᤐᤠ᤺ᤴᤜᤠ᤹ ᤘᤠ᤹. ᤁᤖ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤏᤡᤱᤘᤠ᤹ ᤆᤥᤃᤢᤒᤠ ᤜᤧᤰᤁᤣᤀᤣ ᤆᤥ᤺ᤰᤔᤠ ᤔᤧᤒᤥ᤺ᤱᤏᤧᤸᤗᤥ॥ \v 13 ᤂᤡᤏᤡ᤹ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤏᤡᤱᤘᤠ᤹ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤁᤧᤘᤕᤡ᤹ᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤧᤛᤩᤧ᤹ᤀᤡᤖᤥ. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤗᤠᤕᤥᤒᤠ ᤕᤠ᤺ᤶᤒᤰᤜᤠ᤹ ᤁᤧᤗᤧᤖᤢᤶᤏᤧ ᤑᤠ᤹ᤃᤪ ᤁᤧᤜᤡᤅᤡ᤹ᤖᤥ॥ \v 14 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤗᤠᤶᤗᤥᤛᤢᤛᤡᤒᤠᤜᤠ᤹ᤀᤣ ᤏᤡᤱᤘᤠ᤹ᤑᤢᤛᤠ᤺ᤛᤡᤖᤥ॥ \p \v 15 ᤂᤡᤏᤡ᤹ ᤁᤧᤄᤥ᤺ᤛᤢᤶᤒᤠ ᤛᤣᤛᤣᤔᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤧᤃᤡᤒᤠ ᤕᤥ᤺ᤰ ᤁᤧᤴᤈᤥᤃᤡᤴ. ᤁᤖ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤛᤡ᤺ᤱᤛᤠ᤺ ᤁᤧᤈᤥᤃᤡᤀᤠᤱ ᤘᤠ᤹॥ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ “ᤐᤠᤏᤢᤍᤡᤱ ᤀᤠᤶᤒᤦ” ᤔᤧᤵᤔᤠ ᤀᤠᤛᤢᤰᤋᤢᤶᤗᤥ॥ \v 16 ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤀᤠᤏᤡ᤹ ᤕᤠᤶᤛᤠᤶᤔᤡᤴᤏᤢ ᤋᤱᤅᤠᤱ “ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ᤏᤡᤱᤗᤥ” ᤑᤠ᤹ᤀᤠᤱ ᤀᤠᤔᤧᤳᤗᤥ॥ \v 17 ᤜᤧᤰᤁᤩᤠᤱ ᤁᤢᤛ᤻ᤛᤠ᤺ ᤀᤠᤒᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤰ ᤁᤧᤄᤥ᤺ᤒᤠᤛᤡᤖᤥ॥ ᤛᤧᤰᤂᤠᤀᤣ ᤂᤢᤏᤧ᤹ᤏᤢ ᤛᤥᤖᤡᤰ ᤀᤡᤱᤎᤠ᤺ᤱ ᤀᤠᤄᤥ᤺ᤛᤢᤶᤗ ᤑᤠ᤹ᤀᤠᤱ ᤂᤢᤏᤧ᤹ᤏᤢ ᤛᤥᤖᤡᤰ ᤀᤡᤏᤥᤃᤧᤴ ᤋᤢᤰᤂᤣᤀᤠᤱ ᤀᤠᤈᤠᤏᤧ ᤑᤠ᤹ᤃᤪ ᤀᤠᤏᤡ᤹ᤃ ᤕᤧᤛᤢ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤗᤰ ᤁᤧᤄᤥ᤺ᤒᤠᤛᤡᤀᤠᤱᤗᤥ॥ \s1 ᤁᤧᤍᤠ᤺ᤒᤠ ᤔᤡᤔᤡᤍᤡᤱ \p \v 18 ᤂᤢᤏᤧ᤹ ᤕᤠᤱᤛᤡ ᤀᤠᤒᤡᤒᤠ ᤔᤡᤔᤡᤍᤡᤱᤅᤡᤴᤏᤢ ᤋᤱᤔᤠᤸᤗᤧᤃ ᤁᤴ ᤕᤧᤶᤔᤥ ᤀᤠᤏᤡ᤹ ᤀᤠᤍᤢᤔᤢᤶᤒᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤌᤣᤀᤠᤱ ᤔᤧ᤺ᤴᤗᤥ ᤑᤠ᤹ᤀᤠᤱ ᤀᤡ᤺ᤳᤋᤢᤱᤗᤥ॥ \v 19 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤒᤠ ᤁᤢᤛ᤻ᤛᤠ᤺ᤜᤠ᤹ ᤀᤥᤛᤣ᤺ᤴᤍᤠᤱ ᤐᤥ᤺ᤱᤔᤠ ᤕᤧᤶᤔᤡᤴ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤸᤗᤧ ᤛᤠ᤹ᤖᤡᤰ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤜᤠᤱᤄᤢᤖ ᤘᤠ᤹ᤖᤥ॥ \v 20-21 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴ ᤑᤧᤳᤗᤠᤖᤧ. ᤜᤧᤰᤁᤣᤃ ᤀᤠᤒᤠᤅᤣᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤜᤧᤰᤁᤣ ᤐᤥ᤺ᤰᤂᤧᤒᤠᤖᤥ॥ ᤁᤖ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤸᤗᤧ ᤁᤡ᤺ᤔᤠ ᤐᤣ᤺ᤰᤔᤠᤗᤠᤶᤒᤠ ᤋᤠᤱᤛᤧ᤺ᤵᤐᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ᤜᤠ᤹ᤖᤧ ᤂᤢᤏᤡ᤹ ᤔᤡᤔᤡᤍᤡᤱᤃᤧᤴ ᤆᤥ᤺ᤰᤕᤢᤶᤓᤥ᤺ᤴ ᤔᤧᤄᤥ᤺ᤛᤢᤖ ᤁᤧᤗ᤹ᤒᤠᤴ ᤛᤠ᤹ᤖᤡᤰ ᤏᤡᤱᤛᤠᤱ ᤆᤥᤃᤢᤖ ᤘᤠ᤹॥ \v 22 ᤁᤴ ᤁᤧᤖᤧᤰ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴ ᤛᤠᤘᤠ᤺ᤶᤔᤠ ᤋᤢᤱᤅᤡᤸᤗᤧ ᤋᤖᤢᤔᤠ ᤔᤧᤴᤇᤡᤔᤠ᤹ᤀᤡᤴ ᤁᤢᤀᤡᤛᤡ᤺ᤰ ᤀᤠᤸᤗ ᤌᤠᤖᤡᤰ ᤕᤠ᤺ᤵᤐᤠ ᤏᤢ ᤋᤢᤰᤂᤣ ᤆᤠ᤺ᤒᤠᤴ ᤀᤠᤏᤡ᤹ ᤀᤠᤏᤡ᤺ᤛᤢᤶᤗᤥ॥ \p \v 23 ᤏᤠᤘᤠᤃᤧᤴ ᤆᤀᤡ᤺ᤳᤋᤡᤸᤗᤰ ᤔᤧ᤺ᤴ. ᤁᤖ ᤁᤠᤰᤏᤢ ᤋᤃᤡᤒᤠ ᤗᤰ ᤁᤢᤀᤡᤛᤡ᤺ᤰ ᤛᤣᤛᤣᤔᤠᤱᤅᤡᤴ ᤁᤧᤄᤥ᤺ᤒᤠ ᤀᤠᤏᤡ᤹ᤀᤠᤱ ᤀᤠᤕᤠ᤺ᤳᤗ ᤀᤠᤘᤠ᤹ᤖᤥ॥ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤀᤠᤈᤥ᤺ᤰᤁᤠᤱ ᤀᤠᤏᤡ᤹ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤌᤰᤁᤡᤸᤗᤧ ᤗᤠᤕᤥ ᤏᤢ ᤋᤢᤰᤂᤣᤗᤠᤶ ᤆᤥ᤺ᤰᤕᤢᤶᤓᤥ ᤂᤥ᤺ᤛᤢᤖ ᤑᤠ᤹ᤀᤠᤱ ᤀᤠᤕᤠ᤺ᤳᤗ ᤀᤠᤜᤠᤱᤄᤢᤶᤗ ᤀᤠᤘᤠ᤹ᤖᤥ॥ \v 24 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤛᤧᤴᤗᤵ ᤀᤠᤄᤥ᤺ᤛᤢᤶᤔᤠᤱᤎᤥᤀᤣ ᤁᤴ ᤛᤧᤰᤂᤠᤒᤠ ᤏᤡᤱᤛᤠᤱᤅᤡᤴ ᤀᤠᤃᤳᤋᤢᤶᤔᤠᤱ ᤘᤠ᤹॥ ᤏᤡ᤺ᤔᤏᤠᤒᤠ ᤐᤠ᤺ᤴᤏᤡᤴ ᤏᤡᤱᤛᤠᤱ ᤀᤠᤴᤈᤥᤃᤢᤶᤔᤡᤴᤗᤥ॥ ᤀᤠᤸᤗ ᤋᤃᤡᤛᤠ ᤁᤳᤋᤢᤒᤠ ᤐᤠ᤺ᤴᤏᤡᤴ ᤜᤠ᤺ᤳᤗᤧ ᤏᤡᤱᤛᤠᤱ ᤆᤥᤃᤢ᤹ᤒᤣ᥅ \v 25 ᤁᤖ ᤀᤠᤏᤡ᤹ ᤀᤠᤸᤗ ᤌᤠᤖᤡᤰ ᤔᤧᤱᤄᤥᤀᤣ ᤀᤠᤘᤠ᤹ᤒᤠ ᤐᤠ᤺ᤴᤏᤡᤴ ᤏᤡᤱᤛᤠᤱ ᤀᤠᤈᤥᤃᤢᤶᤔᤡᤸᤗᤧ ᤂᤧᤴ ᤂᤥ᤺ᤔᤠ ᤑᤠ᤹ᤀᤠᤱ ᤏᤠᤛᤡ ᤀᤠᤎ᤺ᤳᤋᤢᤶᤔᤠᤱ ᤀᤠᤜᤠᤱᤄᤢᤶᤗᤥ॥ \p \v 26 ᤛᤣᤛᤣᤔᤠᤱᤅᤡᤸᤗᤧᤀᤠᤱ ᤀᤠᤏᤡ᤹ ᤁᤧᤛᤠᤰᤐᤠᤀᤥ ᤀᤠᤎᤠᤀᤠᤱ ᤀᤠᤘᤠ᤹ᤀᤡᤸᤗᤧ ᤁᤢᤓᤠ᤹ ᤀᤠᤒᤡ᤹ᤖᤥ॥ ᤂᤧᤴ ᤕᤧᤶᤔᤥ ᤀᤠᤰᤂᤣᤗ᤹ᤖᤡᤰ ᤋᤢᤘᤠ ᤆᤥ᤺ᤰᤔᤠ ᤀᤠᤏᤡ᤹ ᤀᤠᤸᤗᤧᤛ᤻ᤛᤢᤶᤔᤡᤴ. ᤁᤖ ᤀᤠᤏᤡ᤹ ᤐᤠ᤺ᤵᤔᤠᤀᤣ ᤛᤢᤰᤔᤧᤴᤍᤧᤵᤔᤏᤠᤒᤠ ᤐᤠ᤺ᤴᤛᤢᤳᤗᤠᤜᤠ᤹ᤖᤧᤴ ᤀᤠᤏᤡ᤹ ᤕᤠ᤺ᤵᤔᤠᤴᤏᤢ ᤛᤣᤛᤣᤔᤠᤱᤅᤡᤸᤗᤧ ᤀᤠᤏᤡ᤹ ᤗᤧᤰᤘᤠ ᤐᤣᤗᤡᤃᤧᤴ ᤋᤢᤘᤠ ᤆᤥᤃᤢ᤹ᤖᤥ॥ \v 27 ᤜᤧᤰᤁᤩᤠᤱ ᤀᤠᤏᤡ᤹ ᤛᤡᤰᤗᤢᤱᤔᤠᤀᤥᤒᤠ ᤐᤠ᤺ᤴ ᤁᤧᤏᤡ᤺ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤏᤡ᤺ᤛᤢ᤹ᤖᤥ. ᤌᤣᤀᤠᤱᤓᤧᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤏᤛᤠᤏᤡᤒᤠᤜᤠ᤹ᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤐᤣᤗᤡᤃᤧᤴ ᤋᤢᤘᤠ ᤆᤥᤃᤢ᤹ᤖᤥ॥ \s1 ᤏᤡᤱᤘᤠ᤹ᤑᤢ ᤔᤡ᤺ᤶᤈᤡᤗᤠᤶᤒᤠ ᤌᤣ᤺ᤸᤗᤧᤀᤠᤱ ᤛᤧᤶᤔᤠ ᤀᤠᤴᤇᤢᤰᤏᤧᤴ \p \v 28 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡ᤺ᤶᤈᤡ ᤁᤧᤔᤧᤵᤐᤠ. ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤢ᤺ᤳᤋᤢᤛᤡᤒᤠᤜᤠ᤹ᤖᤧ ᤗᤠᤃᤡ. ᤂᤢᤏᤧ᤹ ᤁᤧᤖᤧᤰ ᤐᤠ᤺ᤴᤜᤠ᤹ ᤏᤢ᤺ᤒᤠᤀᤣ ᤐᤥ᤺ᤱᤗ ᤆᤥᤃᤢ᤹ ᤁᤧᤗ᤹ᤒᤠᤴᤏᤠᤱ ᤀᤠᤏᤡ᤹ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ॥ \v 29 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤀᤢᤴᤇᤣ᤺ᤴᤇᤠ ᤁᤢᤛᤡᤱ ᤏᤡ᤺ᤳᤋᤢᤛᤡᤀᤠᤱ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤁᤢᤀᤡᤛᤡ᤺ᤰᤁᤣ ᤐᤥ᤺ᤱᤛᤧ ᤛᤣᤃᤢᤛᤡᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤕᤖᤡᤰ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ᤀᤥ ᤂᤢᤏᤧ᤹ ᤋᤢᤶᤒᤠ ᤐᤥ᤺ᤰᤂᤧᤖᤥ॥ \v 30 ᤜᤧᤰᤁᤩᤠᤱ ᤀᤠᤳᤋᤡᤴᤜᤠ᤹ ᤋᤃᤡᤛᤠ ᤛᤣᤃᤢᤛᤡ. ᤂᤧᤱᤜᤠ᤹ᤃ ᤀᤢ᤺ᤳᤋᤢᤛᤡᤀᤠᤱᤗᤥ॥ ᤀᤠᤳᤋᤡᤴᤜᤠ᤹ ᤀᤢ᤺ᤳᤋᤢᤛᤡ᤹. ᤂᤧᤱᤜᤠ᤹ᤃ ᤀᤠᤵᤋᤡᤰ ᤔᤧ᤺ᤴᤏᤣᤒᤠᤀᤠᤱ ᤆᤥᤃᤢᤛᤡ᤹ᤖᤥ॥ ᤀᤠᤳᤋᤡᤴᤜᤠ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡ᤹. ᤂᤧᤱᤜᤠ᤹ᤃ ᤁᤢᤔᤡᤔᤡᤍᤡᤱᤅᤡᤴᤏᤠᤱ ᤐᤡᤖᤢᤛᤡ᤹ᤖᤥ॥ \p \v 31 ᤜᤧᤰᤁᤣᤏᤧ ᤑᤠ᤹ᤃᤪ ᤀᤠᤏᤡ᤹ ᤌᤣ ᤀᤠᤒᤠ᤺ᤳᤋᤢᤶᤒᤠᤒᤣ᥅ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ ᤗᤧᤵᤔᤠᤱ ᤘᤠ᤹ᤏᤧ ᤑᤠ᤹ᤃᤪ ᤀᤠᤏᤡ᤹ ᤋᤰᤗᤧᤱᤘᤠᤀᤥ ᤜᤠ᤺ᤳᤋᤠᤱ ᤐᤥ᤺ᤰᤔᤠ ᤔᤧᤛᤢᤰᤏᤧᤴᤗᤥ॥ \v 32 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴᤏᤣ ᤔᤧᤍᤠᤱᤄᤢᤴ. ᤁᤖ ᤀᤠᤏᤡ᤹ ᤁᤧᤖᤧᤰᤗᤧ ᤗᤠᤃᤡ ᤂᤢᤏᤧ᤹ ᤛᤡ᤺ᤔᤠ ᤐᤠᤱᤄᤢ॥ ᤂᤢᤏᤧ᤹ ᤂᤪᤡᤛ᤻ᤋᤧᤴᤏᤣ ᤀᤠᤒᤡᤖᤧᤸᤗᤧ ᤁᤠᤰ ᤐᤠ᤺ᤴᤜᤠ᤹ᤀᤠᤱ ᤀᤠᤰᤂᤣᤗ᤹ᤖᤡᤰ ᤀᤠᤏᤡ᤹ ᤐᤡᤔᤠ ᤀᤠᤴᤇᤢᤰᤏᤧᤴᤒᤣ᥅ \v 33 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠᤜᤠ᤹ ᤜᤠ᤺ᤳᤗᤧ ᤀᤠᤵᤋᤡᤰ ᤁᤢ᤺ᤵᤔᤠ ᤛᤢᤰᤋᤢᤛᤡ᤹ᤒᤣ᥅ ᤜᤠ᤺ᤳᤗᤧᤀᤠᤱ ᤔᤧᤛᤢᤰᤋᤢᤴᤇᤡᤴ. ᤌᤣᤀᤠᤱᤓᤧᤸᤗᤧ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤁᤧᤈᤥ᤺ᤰᤐᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤣᤖᤥ॥ \v 34 ᤀᤠᤏᤡ᤹ ᤜᤠ᤺ᤳᤗᤧ ᤐᤠ᤺ᤴ ᤌᤡᤰᤔᤠ ᤀᤠᤛᤢᤰᤐᤣ᥅ ᤜᤠ᤺ᤳᤗᤧᤀᤠᤱ ᤀᤠᤴᤇᤢᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋ ᤕᤧᤛᤢ᤺ᤴ ᤛᤩᤧᤀᤠᤱ ᤀᤠᤸᤗ ᤂᤢᤏᤧ᤹ᤃ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱᤗᤧᤵᤔᤠᤱ ᤕᤢᤱᤗᤥ. ᤜᤧᤰᤁᤩᤠᤱ ᤀᤠᤏᤡ᤹ ᤗᤠᤃᤡ ᤐᤣᤗᤡᤃᤧᤴ ᤋᤢᤘᤠᤀᤠᤱ ᤆᤥᤃᤢᤖ ᤕᤢᤱᤗᤥ॥ \v 35 ᤜᤠ᤺ᤳᤗᤧ ᤂᤪᤡᤛ᤻ᤋᤖᤧ ᤁᤢᤔᤡ᤺ᤶᤈᤡᤗᤠᤶ ᤛᤧᤶᤔᤠ ᤀᤠᤛᤢᤰᤐᤣ᥅ ᤕᤧᤳᤋᤢᤰᤂᤣ. ᤀᤡᤏᤥᤃᤧᤴ ᤋᤢᤰᤂᤣ. ᤏᤡᤱᤄᤢᤶ. ᤛᤠᤰ. ᤆᤠᤱᤔᤠ ᤘᤠ᤺ᤵᤔᤠ ᤜᤥ᤺ᤵᤔᤠ. ᤁᤡᤵᤔᤠ ᤁᤧᤄᤢ᤺ᤒᤠ ᤕᤧᤶ ᤀᤡᤃᤪ ᤛᤡ᤺ᤔᤧᤸᤗᤧ ᤛᤧᤶᤔᤠ ᤀᤠᤛᤢᤰᤐᤡ᥅ \v 36 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. \q1 “ᤂᤧᤏᤧ᤹ ᤏᤛᤠ᤺ᤴ ᤆᤥ᤺ᤰᤁᤠᤛᤡᤃᤧᤒᤠᤸᤗᤧ ᤌᤡᤰᤕᤠ᤺ᤴᤎᤰ ᤔᤧᤛᤧᤖᤡᤃᤧ᤹ᤖᤥ॥ \q1 ᤛᤧᤵᤔᤠ ᤁᤧᤒᤥ᤺ᤱᤒᤠ ᤔᤧᤸᤗᤢᤰ ᤁᤢᤀᤡᤛᤡ᤺ᤰ ᤔᤏᤠᤜᤠ᤹ᤖᤧ ᤔᤧᤔᤧᤳᤋᤡᤃᤧᤖᤥ॥”\f * \fr 8:36 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥊᥊.᥈᥈\f* \p \v 37 ᤁᤴ ᤁᤠᤰ ᤐᤠ᤺ᤴᤜᤠ᤹ᤀᤥ ᤀᤠᤏᤡ᤹ ᤗᤢᤱᤔᤠ᤹ ᤁᤧᤍᤢᤰᤐᤠ ᤂᤪᤡᤛ᤻ᤋᤗᤠᤶᤒᤠ ᤀᤠᤏᤡ᤹ ᤌᤱ ᤁᤧᤏᤠ᤺ᤶᤒᤠᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤖᤥ॥ \p \v 38 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡᤗᤠᤶ ᤀᤠᤏᤡ᤹ ᤌᤣ᤺ᤸᤗᤧᤀᤠᤱ ᤛᤧᤶᤔᤠ ᤀᤠᤴᤇᤢᤰᤏᤧᤴᤗᤥ ᤁᤧᤗ᤹ᤒᤠᤴ ᤏᤡ᤺ᤛᤢᤱ ᤛᤢᤖᤢᤱᤅᤠᤱ ᤘᤠ᤹ᤀᤠᤖᤥ॥ ᤛᤡ᤺ᤔᤧᤴ ᤏᤢ ᤜᤡᤱᤔᤧᤸᤗᤧ. ᤔᤠᤱᤗᤠᤀᤡᤱᤒᤠᤜᤠ᤹ ᤏᤢ ᤑᤧᤴᤛᤠᤶᤜᤠ᤹ᤖᤧ. ᤁᤴ ᤕᤧᤶ ᤏᤢ ᤋᤠᤕᤧᤶᤒᤠ ᤐᤠ᤺ᤴᤜᤠ᤹ᤖᤧ. ᤀᤡᤃᤪ ᤀᤠᤳᤋᤡᤴ ᤔᤢᤰᤛᤠᤶᤜᤠ᤹ᤖᤧᤀᤠᤱ ᤛᤧᤶᤔᤠ ᤀᤠᤴᤇᤢᤰᤏᤧᤴ. \v 39 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤡᤸᤗᤧ ᤁᤢᤈᤱᤎᤠᤱᤒᤠ ᤏᤢ ᤁᤢᤛᤡᤃᤠᤱᤒᤠ. ᤀᤡᤃᤪ ᤁᤠᤰ ᤏᤠᤘᤠᤃᤧᤴ ᤆᤀᤡ᤺ᤳᤋᤥᤒᤠ ᤔᤢᤰᤛᤠᤶ ᤌᤣ᤺ᤸᤗᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡᤗᤠᤶ ᤛᤧᤶᤔᤠ ᤀᤠᤴᤇᤢᤰᤏᤧᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤗᤠᤶ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤘᤠ᤹ᤖᤥ॥ \c 9 \s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤛᤢᤘᤠᤱ \p \v 1 ᤀᤡᤱᤃᤠ᤹ ᤐᤠ᤺ᤵᤔᤠ ᤏᤡᤱᤘᤠ᤹ ᤀᤡ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣᤖᤥ॥ ᤀᤡᤱᤃᤠ᤹ ᤂᤪᤡᤛ᤻ᤋᤖᤧ ᤁᤢᤔᤏᤠᤀᤠ ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤡᤱᤗᤧᤰ ᤔᤧᤒᤠ᤺ᤳᤋᤠᤴᤗᤥ॥ ᤀᤠᤄᤠᤛᤡᤱᤅᤡᤴ ᤏᤢ ᤛᤣᤛᤣᤔᤠᤱᤅᤡᤸᤗᤧ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣ ᤆᤥ᤺ᤰᤗᤥ ᤑᤠ᤹ᤀᤠᤱ ᤏᤡ᤺ᤴᤎᤥ ᤆᤥ᤺ᤰᤛᤢ᤹ᤖᤥ॥ \v 2-3 ᤀᤠᤔᤡ᤺ᤶ ᤀᤡᤛᤪᤠᤀᤡᤗᤡ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤀᤡᤱᤃᤠ᤹ ᤏᤡᤱᤘᤠ᤹ᤀᤥ ᤋᤢᤰᤂᤣ᤺ᤸᤗᤧ ᤛᤠ᤹ᤖᤡᤰ ᤕᤠ᤺ᤴᤍᤠᤱᤅᤠᤱ ᤘᤠ᤹ᤀᤠᤖᤥ॥ ᤀᤠᤒᤠᤅᤣ ᤀᤠᤛᤢᤘᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤧᤴᤗᤵ ᤂᤥ᤺ᤔᤠ ᤔᤧᤛᤢᤰᤋᤢᤸᤗᤧᤃ ᤀᤡᤱᤃᤠ᤹ ᤂᤢᤶᤍᤡᤱᤅᤥ ᤌᤠ᤺ᤔᤠ ᤏᤢ ᤂᤪᤡᤛ᤻ᤋᤗᤠᤶ ᤗᤠ᤺ᤳᤗᤠ᤺ᤳ ᤐᤥ᤺ᤱᤔᤠ ᤛᤢᤰᤋᤠᤱᤒᤠᤔᤧᤴ॥ \v 4 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤐᤥ᤺ᤱᤛᤧ ᤛᤣᤃᤢᤛᤡᤀᤠᤱ ᤁᤢᤔᤡᤔᤡᤍᤡᤱᤅᤡᤴ ᤂᤧᤱᤜᤠ᤹ ᤀᤥᤛᤣ᤺ᤴᤎᤠᤰᤋᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤏᤢ ᤔᤠᤱᤜᤢᤵᤜᤠ᤹ ᤆᤥᤃᤢᤀᤠᤱ ᤛᤠᤶᤕᤥᤌᤡᤶᤔᤡᤴ ᤐᤡᤖᤢᤛᤡ॥ ᤂᤧᤱᤜᤠ᤹ᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤡᤶᤔᤥᤒᤠ ᤛᤣᤘᤠ ᤆᤥ᤺ᤰᤔᤠᤴ ᤏᤢ ᤕᤖᤡᤰ ᤔᤠᤱᤜᤧᤰᤜᤠ᤹ ᤐᤡᤖᤢᤛᤡᤖᤥ॥ \v 5 ᤁᤢᤔᤡᤱ ᤁᤧᤛᤧᤒᤠ ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒᤧᤴ\f * \fr 9:5 \ft ᤕᤠᤁᤢᤒᤧᤴ ᤁᤢᤛᤱ ᤗᤠᤈᤣ᤹ᤖᤧ ᤁᤢᤶᤒᤠ ᤐᤥ᤺ᤰᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤡᤴ ᤗᤧᤰᤋᤢ ᤐᤡᤖᤢ (ᤋᤥᤗᤡᤱᤛᤥᤔᤢ ᥉᥈.᥈᥎)॥\f* ᤂᤧᤱᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤋᤠᤰᤌᤧᤒᤠᤛᤡᤖᤥ. ᤜᤧᤰᤁᤩᤠᤱ ᤕᤧᤛᤢ ᤂᤪᤡᤛ᤻ᤋᤧᤴ ᤔᤧᤴᤇᤠᤶᤃᤧᤴ ᤌᤰᤁᤥ ᤂᤢᤏᤡ᤹ ᤛᤢᤘᤠᤱᤅᤥᤀᤣ ᤛᤠᤘᤠ᤺ᤴᤇᤡᤱᤗᤥ॥ ᤂᤢᤏᤧ᤹ᤀᤣ ᤁᤧᤖᤧᤰ ᤛᤶᤍᤠᤱ ᤜᤠᤱ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤗᤥ॥ ᤛᤍᤠᤍᤡᤱ ᤁᤢᤏᤠᤖᤠ ᤔᤧᤓᤥ᤺ᤛᤢᤖᤖᤥ᥄ ᤀᤠᤔᤧᤴ॥ \p \v 6 ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ᤏᤢ ᤆᤥᤃᤢᤒᤠ ᤔᤠᤱᤜᤧᤰᤜᤠ᤹ᤃ ᤔᤧᤃᤧᤖᤧᤶᤒᤠ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤀᤡᤛᤪᤠᤀᤡᤗ ᤛᤢᤘᤠᤱᤗᤠᤶᤒᤠ ᤛᤠᤃᤧᤘᤠ᤺ᤴᤇᤡᤱᤒᤠᤜᤠ᤹ ᤁᤧᤖᤧᤰᤁ ᤛᤧᤰᤂᤠᤒᤠ ᤀᤡᤛᤪᤠᤀᤡᤗᤡ ᤔᤧ᤺ᤴᤇᤡᤖᤥ॥ \v 7 ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤱᤅᤡᤸᤗᤧᤛᤠ ᤁᤧᤖᤧᤰ ᤛᤧᤰᤂᤠᤒᤠ ᤁᤢᤛ᤻ᤛᤠ᤺ ᤔᤧᤶᤒᤥ᤺ᤱᤏᤧᤴᤗᤥ॥ ᤁᤖ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤔᤠᤱᤜᤧᤰ ᤆᤥᤃᤢᤱᤒᤠ ᤁᤧᤛ᤻ᤛᤠ᤺ ᤀᤡᤛᤜᤠᤁᤗᤠᤶᤔᤣ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤒᤥ᤺ᤱᤗᤥ॥”\f * \fr 9:7 \ft ᤋᤥᤗᤡᤱᤛᤥᤔᤢ ᥈᥇.᥇᥈–ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤀᤡᤛ᤻ᤔᤠᤀᤣᤗᤧᤴ ᤔᤧ᤺ᤴ. ᤁᤖ ᤀᤡᤛᤜᤠᤁᤧᤴ ᤛᤣᤃᤢᤖᤥ॥\f* \v 8 ᤁᤴ ᤑᤠ᤹ᤀᤡᤱᤃ ᤀᤒᤪᤠᤜᤠᤔᤖᤧ ᤏᤠᤛᤡᤱᤃᤧᤴ ᤁᤢᤎᤰᤁᤥᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ᤛᤡ ᤁᤧᤗ᤹ᤒᤠ ᤐᤠ᤺ᤴ ᤔᤧ᤺ᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤏᤧ ᤑᤠ᤹ᤀᤠᤱ ᤐᤡᤖᤢᤒᤠ ᤔᤠᤱᤜᤧᤰᤗᤠᤶᤒᤠ ᤛᤠᤃᤧᤘᤠ᤺ᤴᤇᤡᤱᤒᤠᤜᤠ᤹ᤀᤣ ᤀᤒᤪᤠᤜᤠᤔᤖᤧ ᤛᤧᤰᤂᤠᤒᤠ ᤁᤢᤔᤢ᤹ᤀᤡᤍᤠᤱᤛᤠᤛᤡᤖᤥ॥ \p \v 9 ᤂᤧᤴ ᤔᤠᤱᤜᤧᤰᤁᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤖᤥ. “ᤀᤠᤴᤏᤧᤶᤔᤠ᤹ ᤒᤠ ᤁᤴ ᤕᤧᤶᤔᤥ ᤀᤡᤱᤃᤠ᤹ ᤏᤢ᤺ᤱᤅᤠ ᤋᤠᤀᤠᤖᤥ. ᤜᤧᤰᤁᤩᤠᤱ ᤁᤧᤔᤣ᤺ᤳ ᤛᤠᤖᤠ᤺ᤸᤗᤧ ᤗᤳᤇᤠ ᤕᤧᤶᤒᤡᤳᤇᤠ᤹ᤛᤠ ᤁᤳᤋᤢ᤹ᤖᤥ॥”\f * \fr 9:9 \ft ᤋᤥᤗᤡᤱᤛᤥᤔᤢ ᥇᥎.᥇᥆. ᥇᥊\f* \p \v 10 ᤜᤧᤰᤁᤣᤖᤰ ᤔᤧ᤺ᤴ. ᤁᤖ ᤀᤠᤏᤡᤃᤧ ᤋᤠᤰᤌᤧᤒᤠ ᤀᤡᤛᤜᤠᤁᤗᤠᤶ ᤁᤢᤔᤣ᤺ᤳ ᤖᤡᤒᤣᤰᤁᤠ᤺ᤸᤗᤧ ᤁᤠᤵᤛᤠᤒᤠᤛᤠ᤺ᤜᤠ᤹ ᤁᤳᤋᤢᤛᤡᤀᤠᤱ ᤘᤕᤧ. \v 11-13 ᤁᤖ ᤂᤧᤴ ᤁᤠᤵᤛᤠᤒᤠᤛᤠ᤺ᤜᤠ᤹ ᤛᤠᤘᤠ᤺ᤴᤇᤡᤱᤔᤠᤏᤢ᤺ᤸᤗᤧ ᤋᤃᤡᤀᤣ. ᤂᤧᤱᤜᤠ᤹ᤖᤧ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤌᤣᤀᤠᤱ ᤔᤧᤴᤈᤥ᤺ᤰᤁᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤖᤡᤒᤣᤰᤁᤠ᤺ᤴ ᤀᤰᤂᤣ ᤔᤧᤳᤋᤢᤀᤠᤱ ᤘᤕᤧᤖᤥ. “ᤋᤢᤶᤒᤠᤸᤗᤧ ᤑᤥ᤹ᤒᤠᤴ ᤛᤣᤘᤠ ᤆᤥᤃᤢ᤹ᤖᤥ॥”\f * \fr 9:11-13 \ft ᤋᤥᤗᤡᤱᤛᤥᤔᤢ ᥈᥋.᥈᥉. ᤔᤗᤠᤁᤡ ᥇.᥇-᥈\f* ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤡᤱᤃᤠ᤹ ᤕᤠᤁᤢᤒᤧᤴ ᤗᤢᤱᤔᤠ᤹ ᤋᤢᤰᤋᤢᤱ. ᤁᤖ ᤀᤧᤛᤠᤀᤢ᤺ᤴ ᤆᤡ᤺ᤳᤋᤢᤱᤗᤥ॥” ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤡᤴ ᤀᤥᤔᤧᤳᤋᤢᤀᤠᤱ ᤔᤧ᤺ᤴ. ᤁᤖ ᤂᤢᤏᤧ᤹ ᤀᤠᤒᤠᤅᤣ ᤁᤢᤏᤡᤱᤘᤠ᤹ᤛᤥ᤺ᤰ ᤁᤢᤀᤡᤛᤡ᤺ᤰ ᤛᤣᤃᤢ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤡ᤺ᤴᤎᤥ ᤆᤥᤃᤢᤖᤥ॥ \p \v 14 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ᤺ᤖᤡᤰᤁᤠᤱ ᤂᤠᤛᤧᤴ ᤔᤧᤗᤥ᤺ᤴᤏᤧᤴᤒᤡ᥅ ᤛᤧᤰᤂᤠᤛᤠᤱ ᤔᤧ᤺ᤴᤗᤥ᥄ \v 15 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤀᤰᤂᤣ ᤔᤧᤳᤋᤢ. \q1 “ᤀᤠᤳᤋᤡᤴ ᤏᤢ᤺ᤖᤡᤰ ᤔᤧᤵᤔᤠ ᤏᤡᤱᤘᤠ᤹ ᤆᤥᤃᤢᤱ ᤂᤧᤴ ᤏᤢ᤺ᤖᤡᤰ ᤔᤧᤳᤋᤢᤱ. ᤜᤧᤰᤁᤩᤠᤱ ᤀᤠᤳᤋᤡᤴ ᤗᤢᤱᤔᤠ᤹ ᤋᤢᤰᤔᤠ ᤏᤡᤱᤘᤠ᤹ ᤆᤥᤃᤢᤱ ᤂᤧᤴ ᤗᤢᤱᤔᤠ᤹ ᤋᤢᤰᤋᤢᤱ॥”\f * \fr 9:15 \ft ᤗᤠᤶᤍᤡ᤺ᤰ ᥉᥉.᥇᥏\f* \v 16 ᤂᤧᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤆᤥ᤺ᤰᤔᤠᤸᤗᤧ ᤀᤡᤃᤪ ᤋᤶᤛᤡᤴ ᤆᤥ᤺ᤰᤔᤠᤸᤗᤧᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤗᤠᤶ ᤁᤠᤰ ᤐᤠ᤺ᤴᤜᤠ᤹ ᤋᤠ᤺ᤖᤥ॥ \v 17 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤑᤠᤖᤥᤜᤠᤱᤅᤡᤴ ᤀᤰᤂᤣ ᤔᤧᤳᤋᤢᤀᤠᤱ ᤐᤳ. “ᤂᤧᤏᤧ᤹ ᤁᤧᤛᤶᤍᤠᤱ ᤀᤠᤔᤢᤰᤛᤠᤶᤔᤡᤴ ᤀᤥᤛᤣ᤺ᤴᤍᤠᤱ ᤆᤥᤃᤢᤱᤅᤠᤱ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤔᤡᤱᤅᤡᤴ ᤀᤡᤱᤓᤥ᤺ᤖ ᤁᤧᤗ᤹ᤒᤠ ᤏᤡᤱᤘᤠ᤹ᤛᤥ᤺ᤰᤁᤥ ᤀᤡᤱᤃᤠ᤹ᤀᤣ ᤂᤧᤏᤧ᤹ ᤜᤠᤱ ᤆᤥ᤺ᤰᤏᤧᤀᤠᤱ ᤘᤠ᤹ᤀᤠᤖᤥ॥”\f * \fr 9:17 \ft ᤗᤠᤶᤍᤡ᤺ᤰ ᥏.᥇᥌\f* \v 18 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤳᤋᤡᤴ ᤏᤢ᤺ᤖᤡᤰ ᤔᤧᤵᤔᤠ ᤏᤡᤱᤘᤠ᤹ ᤆᤥᤃᤢ᤹ ᤂᤧᤴ ᤏᤢ᤺ᤖᤡᤰ ᤔᤧᤳᤋᤢ᤹. ᤜᤧᤰᤁᤩᤠᤱ ᤀᤠᤳᤋᤡᤴ ᤁᤢᤏᤡᤱᤘᤠ᤹ ᤏᤢ᤺ᤱᤔᤠ ᤁᤧᤛᤠᤰᤐᤠ ᤆᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ᤹. ᤂᤧᤴᤏᤡᤴ ᤁᤢᤏᤡᤱᤘᤠ᤹ ᤏᤢ᤺ᤱᤔᤠ ᤁᤧᤛᤠᤰᤐᤠ ᤆᤥᤃᤢ᤹ᤖᤥ॥ \p \v 19 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ᤀᤥ ᤁᤢᤓᤠᤖᤧ ᤀᤡᤱᤃᤠ᤹ ᤀᤰᤂᤣ ᤕᤠᤵᤔᤡ ᤁᤧᤔᤧᤳᤋᤡᤒᤡᤗᤠ. “ᤜᤧᤰᤁᤣᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤸᤗᤛᤠᤱ ᤌᤣᤀᤠᤱ ᤐᤠ᤺ᤴ ᤀᤠᤎᤡᤰᤐᤠᤒᤣ᥅ ᤀᤠᤳᤋᤡᤸᤗᤧᤀᤠᤱ ᤂᤢᤏᤧ᤹ ᤆᤥ᤺ᤰᤔᤠ ᤀᤡ᤺ᤳᤋᤢᤒᤠ ᤐᤠ᤺ᤴᤏᤡᤴ ᤀᤵᤔᤠ ᤔᤧᤛᤢᤰᤋᤢᤴᤗᤥ॥” \p \v 20 ᤔᤧᤴᤇᤠᤶ ᤕᤠᤵᤔᤡᤀᤣ. ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤔᤢᤖᤠ ᤁᤧᤍᤥ᤺ᤒᤠ ᤂᤧᤏᤧ᤹ ᤜᤠ᤺ᤳᤏᤧᤒᤣ᥅ ᤆᤥ᤺ᤰᤔᤏᤠᤒᤠ ᤆᤡᤃ᤺ᤰᤘᤠ᤺ᤸᤗᤧ ᤁᤧᤈᤥ᤺ᤰᤐᤧᤴ “ᤌᤣᤀᤠᤱ ᤀᤰᤋᤱᤒᤠ ᤁᤧᤈᤥᤃᤠᤱᤒᤠᤒᤣ᥅” ᤔᤧᤳᤋᤢᤒᤡ᥅ \v 21 ᤛ᤹ᤔᤏᤠᤒᤠ ᤂᤠᤶᤔᤥᤗᤠᤶ ᤁᤥ᤺ᤶᤓᤗᤣ᤺ᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰᤁᤥ ᤀᤥᤃᤵ ᤁᤧᤒᤥ᤺ᤱᤒᤠ ᤑᤢᤈᤡᤰ ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤂᤠᤶᤔᤥᤗᤠᤶ ᤔᤧᤴᤈᤥᤒᤠ ᤕᤠ᤺ᤶᤒᤰᤁᤥ ᤀᤥᤃᤵ ᤁᤧᤒᤥ᤺ᤱᤒᤠ ᤑᤢᤈᤡᤰ ᤆᤥ᤺ᤰᤔᤠ ᤕᤢᤰ ᤔᤧᤃᤳᤋᤢᤶᤒᤡ᥅ \v 22 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤡᤴ ᤏᤢ ᤁᤢᤔᤢᤰᤛᤠᤶᤔᤡᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤔᤠ ᤕᤢᤰ ᤁᤳᤋᤢᤏᤧ ᤑᤠ᤹ᤃᤪ ᤜᤧᤰᤁᤣᤗ᤹ᤖᤡᤰᤁᤣ ᤔᤧᤰᤔᤠᤖᤧ ᤗᤠᤃᤡ ᤕᤠᤖᤡᤵ ᤁᤧᤒᤥ᤺ᤱᤒᤠ ᤔᤏᤠᤜᤠ᤹ ᤛᤡᤰᤁᤡᤸᤗᤧ ᤁᤢᤗᤧᤰᤘᤠ ᤏᤠᤛᤡ ᤌ᤺ᤳᤋᤢᤛᤡᤸᤗᤧ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ \v 23 ᤜᤧᤰᤁᤩᤠᤱ ᤋᤃᤡᤛᤠ ᤁᤢᤔᤡᤔᤡᤍᤡᤱᤅᤡᤴ ᤂᤥ᤺ᤔᤠ ᤑᤠ᤹ᤀᤠᤱ ᤕᤠᤖᤡᤵ ᤆᤥᤃᤢᤛᤡᤀᤠᤱ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠᤜᤠ᤹ ᤀᤡᤔᤧᤸᤗᤢᤱᤒᤠ ᤁᤢᤔᤡᤔᤡᤍᤡᤱᤅᤡᤴ ᤀᤥᤛᤣ᤺ᤴᤎᤠᤰᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣ ᤆᤥᤃᤢᤖᤥ॥ \v 24 ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡ᤹ ᤕᤜᤢᤍᤡᤛᤠᤱ. ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤱ. ᤂᤧᤴ ᤛᤣᤃᤢᤛᤡᤒᤠᤜᤠ᤹ᤃ ᤀᤠᤏᤡ᤹ᤀᤣᤖᤥ॥ \p \v 25 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤜᤥᤛᤣᤖᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳᤗᤥ. \q1 “ᤀᤠᤳᤋᤡᤴᤜᤠ᤹ ᤀᤠᤔᤏᤠ ᤔᤧᤜᤥ᤺ᤵᤋᤧ ᤂᤧᤱᤜᤠ᤹ ᤀᤠᤔᤏᤠ ᤆᤥᤃᤢᤱᤛᤡᤱᤗᤥ॥ \q1 ᤋᤃᤡ ᤗᤢᤱᤔᤠ᤹ ᤔᤧᤍᤢᤰᤋᤢᤱᤛᤡᤱᤅᤡᤴᤒᤠᤜᤠ᤹. \q1 ᤀᤠᤸᤗᤥ ᤗᤢᤱᤔᤠ᤹ ᤋᤢᤰᤋᤢᤱᤛᤡᤱᤗᤥ॥”\f * \fr 9:25 \ft ᤜᤥᤛᤣ ᥈.᥈᥉\f* \v 26 ᤜᤧᤰᤁᤩᤠᤱ. ᤀᤠᤳᤋᤡᤴ ᤋᤧᤴᤏᤥ \q1 “ᤂᤡᤏᤡ᤹ ᤀᤠᤔᤏᤠ ᤁᤧᤜᤥ᤺ᤵᤋᤡ ᤗ᤹ᤖᤡᤰ ᤁᤧᤶᤔᤧᤳᤋᤡᤀᤠᤱ ᤘᤕᤧ. \q1 ᤒᤠ ᤂᤧᤴ ᤋᤧᤴᤏᤥ ‘ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ᤏᤡᤱ’ ᤁᤧᤶᤔᤧᤳᤋᤡ᤹ᤖᤥ॥”\f * \fr 9:26 \ft ᤜᤥᤛᤣ ᥇.᥇᥆\f* \v 27 ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ. \q1 “ᤀᤡᤛᤪᤠᤀᤡᤗᤡᤜᤠ᤹ᤃ ᤀᤠᤳᤋᤠᤳᤋᤠᤴᤏᤣ ᤏᤡ᤺ᤵᤔᤠ ᤛᤢᤰᤔᤧᤴᤍᤧᤵᤔᤏᤠᤒᤠ ᤘᤠᤜᤱᤅᤡᤸᤗᤧ ᤁᤢᤕᤠᤀᤥᤒᤠ ᤕᤧ᤺ᤱᤄᤠ ᤜᤧᤰᤁᤣ ᤕᤖᤡᤰ ᤔᤧᤈᤥ᤺ᤰᤛᤠᤱ ᤁᤧᤍᤠᤱᤒᤠ ᤁᤧᤕᤠ᤺ᤰᤐᤠᤜᤠ᤹ᤖᤰ ᤋᤠᤱᤔᤧᤛᤧ᤺ᤵᤗᤥ॥ \q1 \v 28 ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤁᤢᤄᤢᤶᤍᤡᤱᤅᤡᤸᤗᤧᤴ ᤀᤡᤱᤈᤠ᤺ᤱᤅᤡᤴ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤜᤠᤖᤠᤀᤣ ᤁᤧᤳᤋᤢ᤹ᤖᤥ॥”\f * \fr 9:28 \ft ᤕᤛᤤᤕᤠ ᥇᥆.᥈᥈-᥈᥉\f* \v 29 ᤕᤛᤤᤕᤠᤖᤧ ᤀᤡᤛᤪᤠᤀᤡᤗᤖᤧ ᤁᤢᤕᤠ᤺ᤶᤒᤣᤀᤥ ᤁᤴ ᤋᤃᤡᤛᤠ ᤐᤠ᤺ᤳᤋᤢᤀᤠᤱ ᤘᤠ᤹ᤒᤠ ᤜᤧᤰᤁᤣᤀᤣ. \q1 “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤗᤠᤃᤡ ᤁᤢᤔᤢ᤹ᤀᤡᤍᤠᤱᤛᤠ᤺ᤴ ᤀᤠᤴᤎᤠ᤹ᤖᤧᤴᤏᤡᤸᤗᤧᤃ ᤀᤠᤏᤡ᤹ ᤛᤍᤥᤔ ᤏᤢ ᤃᤔᤥᤖᤠ ᤁᤢᤀᤡᤛᤡ᤺ᤰᤁᤣ ᤂᤠᤵᤐᤢ ᤌᤩ᤺ᤱ ᤀᤠᤒᤥ᤺ᤰᤂᤧᤒᤠᤖᤥ॥”\f * \fr 9:29 \ft ᤕᤛᤤᤕᤠ ᥇.᥏–ᤛᤍᤥᤔ ᤏᤢ ᤃᤔᤥᤖᤠ ᤕᤧᤰᤕᤰᤜᤠ᤹ᤀᤥ ᤁᤢ᤹ᤀᤡ ᤁᤧᤓᤧ᤹ᤒᤠ ᤔᤏᤠᤜᤠ᤹ ᤔᤧᤕᤢᤅᤧ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤏᤡᤱᤄᤢᤶ ᤐᤡᤖᤢᤛᤡ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤧᤰᤕᤰᤁᤡᤴ ᤔᤧᤰᤂᤢ ᤐᤡᤖᤢᤛᤡᤀᤠᤱ ᤛᤧᤖᤢᤛᤡ ᤁᤖ ᤗᤢᤋ ᤏᤢ ᤁᤢᤛ᤻ᤛᤠ᤺ ᤔᤧᤴᤇᤢᤔᤠᤜᤠ᤹ᤖᤰ ᤋᤠᤱᤄᤢᤛᤡ॥\f* \s1 ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤛᤠ᤺ᤴ ᤔᤧᤴᤈᤥᤃᤢᤴ \p \v 30 ᤜᤧᤰᤁᤣ᤺ᤸᤗᤧ ᤀᤠᤸᤗ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤃ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤔᤧᤱᤃᤥ᤺ᤳᤋᤢᤴᤇᤠᤱ ᤏᤛᤠ᤺ᤴ ᤔᤧᤈᤥᤃᤢᤒᤠᤗᤠᤶᤒᤠ ᤛᤠᤶᤕᤥᤏᤡᤒᤠ ᤔᤧᤒᤥ᤺ᤰᤂᤧ॥ \v 31 ᤁᤖ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤀᤠᤱ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤋᤶᤛᤡᤴ ᤔᤧᤈᤥᤃᤢᤛᤠᤱ ᤛᤠᤶᤕᤥᤏᤡᤒᤠ ᤔᤧᤴᤒᤥ᤺ᤰᤂᤧᤴᤗᤥ॥ \v 32 ᤌᤣᤀᤠᤱ ᤔᤧᤴᤒᤥ᤺ᤰᤂᤧᤴᤒᤣ᥅ ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤁᤱᤃ ᤀᤠᤒᤠᤅᤣ ᤕᤠ᤺ᤶᤒᤰᤗᤠᤶᤒᤠ ᤂᤥ᤺ᤔᤠ ᤛᤢᤰᤋᤧᤳ ᤁᤧᤗ᤹ᤒᤠ ᤔᤧᤀᤡ᤺ᤳᤋᤢᤀᤠᤱ ᤏᤛᤠ᤺ᤴᤗᤠᤶᤒᤠ ᤁᤧᤍᤠ᤺ᤒᤠ ᤛᤠᤶᤕᤥᤏᤡᤒᤠᤴ ᤔᤧᤱᤃᤥ᤺ᤳᤋᤢᤴᤗᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤃ ᤕᤠᤵᤔᤡ ᤁᤧᤄ᤺ᤒᤠ ᤗᤢᤱᤅᤥ ᤔᤧᤍᤥ᤺ᤰᤋᤧᤀᤠᤱ ᤔᤧᤈᤥ᤺ᤴᤍᤧᤖᤥ॥ \v 33 ᤁᤱᤃ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤒᤠ ᤁᤢᤀᤡᤛᤡ᤺ᤰ ᤐᤥ᤺ᤰᤂᤧᤖᤥ. \q1 “ᤀᤥᤔᤧᤳᤋᤧᤶᤔᤧ᤹. ᤀᤡᤱᤃᤠ᤹ ᤕᤖᤢᤛᤗᤧᤶᤔᤥ\f * \fr 9:33 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤛᤡᤕᤥᤏ” ᤐᤥ᤺ᤱ॥\f* ᤔᤏᤠᤜᤠ᤹ ᤔᤧᤍᤥ᤺ᤰᤗ ᤑᤠ᤹ᤀᤠᤱ ᤔᤏᤠ ᤁᤧᤄ᤺ᤒᤠ ᤗᤢᤱᤅᤡᤴ ᤏᤧᤛ᤻ᤛᤢᤱᤗᤥ. \q1 ᤜᤧᤰᤁᤩᤠᤱ ᤔᤧᤗᤧ᤺ᤱᤅᤠᤱ ᤔᤧᤃᤧᤱᤗ ᤑᤠ᤹ᤀᤠᤱ ᤗᤢᤱᤈᤧᤰ ᤏᤧᤛ᤻ᤛᤢᤱᤗᤥ. \q1 ᤁᤖ ᤂᤢᤏᤧ᤹ ᤛᤶᤍᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠᤱᤃ ᤀᤠᤵᤑᤠᤸᤗᤧᤀᤠᤱ ᤛᤡᤖᤡᤱ ᤔ᤺ᤔᤥ ᤔᤧᤎᤠᤏᤧᤴᤗᤥ॥”\f * \fr 9:33 \ft ᤕᤛᤤᤕᤠ ᥈᥎.᥇᥌–ᤗᤢᤱ ᤏᤢ ᤗᤢᤱᤈᤧᤰ ᤑᤠ᤹ᤀᤡᤱᤃ ᤕᤧᤛᤢ ᤀᤠᤒᤠᤅᤣᤖᤥ॥\f* \c 10 \p \v 1 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ᤃ ᤀᤡᤛᤪᤠᤀᤡᤗᤡᤜᤠ᤹ ᤋᤠᤱᤔᤧᤛᤧ᤺ᤵᤗ ᤑᤠ᤹ᤀᤠᤱ ᤛᤡᤰᤗᤢᤱᤔᤥᤏᤢᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤋᤢᤘᤠ ᤆᤥᤃᤢᤱᤗᤥ॥ \v 2 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤂᤢᤏᤡ᤹ ᤛᤡᤰ ᤛᤶ ᤑᤠ᤹ᤀᤠᤱ ᤐᤠ᤺ᤳᤋᤢᤱ. ᤁᤖ ᤀᤠᤰᤂᤣᤀᤠᤱ ᤁᤢᤏᤡᤱᤘᤠ᤹ ᤋᤠ᤺ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤂᤧᤱᤜᤠ᤹ᤖᤧ ᤔᤧᤴᤏᤡ᤺ᤛᤢᤴᤗᤥ॥ \v 3 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤍᤠ᤺ᤒᤠ ᤛᤠᤶᤕᤥᤏᤡᤒᤠᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤀᤠᤱ ᤀᤠᤒᤠᤅᤣ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤋᤶᤛᤡᤴ ᤔᤧᤈᤥᤃᤢ. ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤗᤠᤶᤔᤡᤴ ᤔᤧᤏᤠ᤹ᤖᤢᤖᤥ॥ \v 4 ᤂᤪᤡᤛ᤻ᤋᤧᤸᤗᤧᤀᤣ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤁᤠᤰ ᤐᤠ᤺ᤴᤜᤠ᤹ ᤁᤧᤳᤋᤢᤖᤥ. ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰ ᤛᤠᤶᤕᤥᤏᤡᤒᤠ ᤔᤧᤒᤥ᤺ᤱᤗᤥ॥ \s1 ᤁᤧᤖᤧᤰᤗᤧ ᤗᤠᤃᤡ ᤛᤧᤴᤗᤵ \p \v 5 ᤔᤥᤛᤠ᤺ᤸᤗᤧ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤀᤠᤱ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤐᤠ᤺ᤴᤏᤡᤴ ᤀᤰᤂᤣᤗ᤹ᤖᤡᤰ ᤐᤥᤎᤰ ᤆᤥᤃᤢᤀᤠᤱ ᤘᤠ᤹. “ᤛᤠᤶᤕᤥᤌᤡᤶᤔᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤔᤏᤠ᤺ᤴ ᤒᤠ ᤂᤧᤴᤗᤠᤶᤒᤠᤀᤣ ᤜᤡᤱᤗᤥ॥”\f * \fr 10:5 \ft ᤗᤧᤒᤡ ᥇᥎.᥋\f* \v 6 ᤁᤖ ᤏᤛᤠ᤺ᤴ ᤆᤥ᤺ᤰᤔᤠᤀᤠᤱ ᤁᤧᤍᤠ᤺ᤒᤠ ᤛᤠᤶᤕᤥᤏᤡᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. “‘ᤜᤠ᤺ᤳ ᤌᤥ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤣ᤺ᤰᤐᤠᤒᤣ᥅’ ᤑᤠ᤹ᤀᤠᤱ ᤁᤧᤏᤡᤱᤘᤠ᤹ᤀᤥ ᤔᤧᤀᤡ᤺ᤳᤋᤧᤴᤏᤧ᤹” (ᤂᤧᤴ ᤑᤠ᤹ᤀᤡᤴ ᤛᤧᤴᤗᤵᤐᤡᤸᤗᤧᤴ ᤛᤢᤏᤠᤀᤡᤱ ᤀᤠᤏᤡ᤹ᤀᤥ ᤕᤢ᤺ᤳᤇᤧ ᤂᤪᤡᤛ᤻ᤋᤧᤴ ᤕᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤢ᤺ᤵᤔᤠ ᤐᤥ᤺ᤱ). \v 7 ᤀᤡᤃᤪ “‘ᤜᤠ᤺ᤳ ᤕᤥ ᤂᤧᤔᤠᤕᤱᤛᤱᤅᤥ ᤌᤠᤒᤠᤒᤣ᥅’ ᤑᤠ᤹ᤀᤠᤱ ᤁᤧᤏᤡᤱᤘᤠ᤹ᤀᤥ ᤔᤧᤀᤡ᤺ᤳᤋᤧᤴᤏᤧ᤹” (ᤂᤧᤴ ᤑᤠ᤹ᤀᤡᤴ ᤛᤧᤴᤗᤵᤐᤡᤸᤗᤧᤴ ᤛᤢᤏᤠᤀᤡᤱᤅᤡᤴ ᤀᤠᤏᤡ᤹ᤀᤥ ᤌᤠᤰᤛᤧ ᤂᤪᤡᤛ᤻ᤋᤧᤴ ᤛᤡ᤺ᤔᤧᤴᤗᤠᤶ ᤌᤥ ᤌᤠᤰᤔᤠ ᤐᤥ᤺ᤱ)॥ \v 8 ᤁᤖ ᤁᤸᤗᤧ ᤌᤣ ᤐᤠ᤺ᤳᤋᤢᤒᤣ᥅ “ᤐᤠ᤺ᤴᤈᤠᤰᤁᤡᤱᤃ ᤁᤧᤒᤣᤛᤠᤱᤅᤣ ᤘᤠ᤹. ᤁᤧᤔᤢᤖᤠᤀᤥ ᤜᤧᤰᤁᤩᤠᤱ ᤁᤧᤛᤡᤰᤗᤢᤱᤔᤥ ᤘᤠ᤹.”\f * \fr 10:8 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥆.᥇᥈-᥇᥊\f* ᤂᤧᤱᤃ ᤀᤠᤏᤡᤃᤧ ᤀᤡᤱᤓᤥ᤺ᤛᤢᤶᤒᤧᤒᤠ ᤂᤪᤡᤛ᤻ᤋᤧᤴ ᤏᤛᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤐᤠ᤺ᤴᤈᤠᤰᤗᤥ– \v 9 ᤂᤧᤏᤧ᤹ ᤁᤧᤔᤢᤖᤠ᤺ᤸᤗᤧ ᤕᤧᤛᤢ᤺ᤴᤏᤣ ᤍᤠᤱᤒᤠᤖᤥ ᤑᤠ᤹ᤀᤠᤱ ᤋᤧᤴᤍᤡᤱ ᤁᤧᤈᤥᤃᤢᤀᤠᤱ ᤁᤧᤛᤡᤰᤗᤢᤱᤔᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤆᤥᤃᤢ ᤗ᤹ᤖᤡᤰ ᤏᤛᤠ᤺ᤴ ᤁᤧᤈᤥᤃᤢᤏᤧ ᤑᤠ᤹ᤃᤪ ᤋᤠᤱᤃᤧᤛᤧ᤺ᤵᤗᤥ॥ \v 10 ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤛᤡᤰᤗᤢᤱᤔᤥᤗᤠᤶ ᤏᤛᤠ᤺ᤴ ᤁᤧᤈᤥᤃᤢᤒᤠᤸᤗᤧ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤁᤧᤒᤥ᤺ᤱ. ᤜᤧᤰᤁᤩᤠᤱ ᤁᤧᤔᤢᤖᤠ᤺ᤸᤗᤧ ᤋᤧᤴᤍᤡᤱ ᤁᤧᤈᤥᤃᤢᤒᤠᤸᤗᤧ ᤛᤧᤴᤗᤵ ᤁᤧᤄᤥ᤺ᤛᤢ᤹ᤖᤥ॥ \v 11 ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. “ᤂᤢᤏᤧ᤹ ᤛᤶᤍᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠᤱᤃ ᤀᤠᤵᤑᤠᤸᤗᤧᤀᤠᤱ ᤛᤡᤖᤡᤱ ᤔ᤺ᤔᤥ ᤔᤧᤎᤠᤏᤧᤴᤗᤥ॥”\f * \fr 10:11 \ft ᤕᤛᤤᤕᤠ ᥈᥎.᥇᥌\f* \v 12 ᤕᤜᤢᤍᤡ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱ ᤗᤢᤶᤔᤥ ᤌᤣᤀᤠᤱ ᤕᤧᤔᤧᤴᤍᤱ ᤐᤠ᤺ᤴ ᤜᤥ᤺ᤵᤗᤥ–ᤗᤳᤇᤠ ᤍᤠᤱᤒᤠᤴᤏᤣ ᤁᤧᤖᤧᤰᤗᤧ ᤂᤢᤏᤡ᤹ ᤍᤠᤱᤒᤠᤖᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤡᤱ ᤁᤧᤗᤥ᤺ᤱᤒᤠ ᤁᤧᤖᤧᤰ ᤕᤖᤡᤰ ᤔᤢ᤹ᤀᤡᤛᤠᤶ ᤐᤡᤖᤢᤛᤡ᤹ᤖᤥ॥ \v 13 ᤌᤣᤀᤠᤱᤓᤧᤸᤗᤧ “ᤍᤠᤱᤒᤠᤸᤗᤧ ᤁᤢᤔᤡᤱ ᤁᤧᤗᤥ᤺ᤱᤒᤠ ᤁᤧᤖᤧᤰᤗᤧ ᤛᤧᤴᤗᤵ ᤔᤧᤄᤥ᤺ᤛᤢ᤹॥”\f * \fr 10:13 \ft ᤕᤥᤀᤣᤗ ᥈.᥉᥈\f* \v 14 ᤁᤖ ᤂᤧᤱᤜᤠ᤹ᤖᤧ ᤏᤛᤠ᤺ᤴᤏᤣ ᤔᤧᤴᤈᤥ᤺ᤰᤁᤣ ᤔᤧᤘᤠ᤹ᤀᤡᤸᤗᤧ ᤀᤠᤰᤂᤣᤀᤠᤱ ᤂᤢᤏᤧ᤹ ᤁᤢᤔᤡᤱᤅᤡᤴ ᤔᤧᤗᤥ᤺ᤰᤂᤢᤒᤣ᥅ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤂᤧᤶᤔᤤ ᤔᤧᤱᤄᤧᤶᤔᤣ ᤔᤧᤘᤠ᤹ᤀᤡᤸᤗᤧ ᤀᤠᤰᤂᤣᤀᤠᤱ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤛᤢᤰᤋᤢ᤹ᤒᤣ᥅ ᤜᤧᤰᤁᤩᤠᤱ ᤀᤡᤱᤓᤴ ᤁᤧᤛᤧᤒᤠ ᤔᤏᤠᤀᤣ ᤔᤧ᤺ᤴᤏᤣ ᤀᤠᤰᤂᤣᤗ᤹ᤖᤡᤰ ᤔᤧᤄᤧᤵᤛᤢᤒᤠᤒᤣ᥅ \v 15 ᤜᤧᤰᤁᤩᤠᤱ ᤜᤠ᤺ᤳᤋᤠᤱ ᤔᤧᤶᤒᤠᤱᤅᤣ ᤀᤠᤰᤂᤣᤀᤠᤱ ᤂᤧᤱᤜᤠ᤹ᤖᤧ ᤀᤡᤱᤓᤴ ᤔᤧᤈᤥᤃᤢ᤹ᤒᤣ᥅ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. “ᤛᤢᤏᤠᤀᤡᤱ ᤀᤡᤱᤓᤴ ᤁᤧᤈᤥ᤺ᤰᤐᤧᤴ ᤋᤠ᤺ᤸᤗᤧ ᤀᤠᤰᤂᤧᤴ ᤏᤢ᤺ᤒᤠ ᤐᤥ᤺ᤱᤒᤣ᥄”\f * \fr 10:15 \ft ᤕᤛᤤᤕᤠ ᥋᥈.᥍\f* \v 16 ᤁᤖ ᤁᤧᤖᤧᤰᤗᤧ ᤛᤢᤏᤠᤀᤡᤱᤅᤡᤴ ᤔᤧᤴᤍᤠ᤺ᤰᤋᤢᤴᤗᤥ॥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢ᤹. “ᤀᤠᤍᤠᤱᤒᤣ. ᤀᤠᤏᤡᤃᤧ ᤀᤡᤱᤓᤥ᤺ᤛᤢᤶᤒᤧᤒᤠ ᤐᤠ᤺ᤴᤏᤡᤴ ᤜᤠ᤺ᤳᤗᤧ ᤏᤛᤠ᤺ᤴ ᤆᤥᤃᤢᤀᤠᤱ ᤘᤠ᤹ᤒᤣ᥅”\f * \fr 10:16 \ft ᤕᤛᤤᤕᤠ ᥋᥉.᥇\f* \v 17 ᤜᤧᤰᤁᤣᤗ᤹ᤖᤡᤰ ᤏᤛᤠ᤺ᤴᤏᤡᤱᤃ ᤂᤧᤶᤔᤏᤠᤒᤠᤗᤠᤶᤒᤠ ᤋᤠ᤺ᤖᤥ. ᤜᤧᤰᤁᤩᤠᤱ ᤂᤧᤴ ᤂᤧᤶᤔᤏᤠᤒᤠᤱᤃ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤐᤠ᤺ᤴᤈᤠᤰᤗᤠᤶ ᤋᤠ᤺ᤖᤥ॥ \p \v 18 ᤁᤖ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤢᤏᤠᤀᤡᤱᤅᤡᤴ ᤛᤧᤰᤂᤠᤀᤣ ᤔᤧᤱᤄᤧᤶᤔᤣ ᤔᤧᤘᤠ᤹ᤒᤡ᥅ ᤛᤧᤰᤂᤠᤀᤣ ᤂᤧᤱᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤘᤠ᤹ᤖᤥ॥ ᤌᤣᤀᤠᤱᤓᤧᤸᤗᤧ. \q1 ᤁᤴ ᤛᤢᤏᤠᤀᤡᤱ ᤁᤧᤛᤧᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤱᤄᤱᤅᤡᤴ ᤂᤠᤶᤒᤣ᤺ᤰᤔᤥ ᤁᤠᤰ ᤐᤡᤛᤠᤱ ᤛᤧ᤺ᤖᤧᤀᤠᤱ ᤘᤠ᤹ᤖᤥ. \q1 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤋᤧᤴᤏᤥ ᤛᤧ᤺ᤖᤧᤀᤠᤱ ᤘᤠ᤹ ᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳᤗᤥ॥\f * \fr 10:18 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥏.᥊\f* \p \v 19 ᤀᤡᤱᤃᤠ᤹ ᤕᤠᤶᤔᤥ ᤛᤣ᤺ᤴᤍᤥ᤺ᤏᤡᤱ. ᤛᤧᤰᤂᤠᤀᤣ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤢᤏᤠᤀᤡᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤶᤒᤡ᥅ ᤂᤧᤱᤜᤠ᤹ᤖᤧ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤣᤖᤥ. ᤌᤣᤀᤠᤱᤓᤧᤸᤗᤧ ᤔᤥᤛᤠᤖᤧ ᤁᤢᤕᤧᤶᤔᤥᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤕᤧ. \q1 “ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤔᤢ᤹ᤀᤡᤛᤠᤶ ᤐᤡᤖᤢᤱᤛᤡᤱᤅᤠᤱ \q1 ᤂᤡᤏᤡ᤹ ᤏᤠᤜᤧᤴᤗ ᤆᤥᤃᤢᤱᤗᤥ. \q1 ᤂᤠᤛᤡᤱ ᤔᤧᤴᤏᤡ᤺ᤵᤔᤏᤠᤒᤠ ᤛᤢᤘᤠᤱᤜᤠ᤹ᤗᤠᤶ \q1 ᤂᤡᤏᤡ᤹ ᤛᤡᤰ ᤐᤥ᤺ᤰᤗ ᤕᤠ᤺ᤴᤍᤢᤱᤗᤥ॥”\f * \fr 10:19 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥈.᥈᥇\f* \v 20 ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤜᤠ᤹ ᤀᤠ᤺ᤴᤇᤡᤱᤅᤠᤱ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤖᤥ. \q1 “ᤀᤡᤱᤃᤠ᤹ ᤕᤠᤵᤔᤡ ᤔᤧᤱᤃᤥ᤺ᤵᤔᤏᤠᤒᤠᤜᤠ᤹ᤖᤧ ᤔᤧᤄᤥ᤺ᤛᤠᤱᤗᤥ. \q1 ᤀᤠᤳᤋᤡᤴᤜᤠ᤹ᤖᤧ ᤀᤡᤱᤃᤠ᤹ ᤛᤣ᤺ᤴᤔᤧᤴᤍᤥ᤺ᤛᤠᤱᤅᤡᤴ ᤂᤧᤱᤜᤠ᤹ᤀᤥ ᤀᤡᤱᤃᤠ᤹ ᤀᤠᤒᤠᤅᤣ ᤌᤠ᤺ᤴᤇᤡᤱᤅᤠᤀᤠᤱ ᤘᤠ᤹ᤀᤠᤖᤥ॥”\f * \fr 10:20 \ft ᤕᤛᤤᤕᤠ ᥌᥋.᥇\f* \v 21 ᤁᤖ ᤂᤢᤏᤧ᤹ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤀᤰᤂᤣ ᤐᤠ᤺ᤳᤋᤢ᤹. “ᤏᤠᤶᤎᤠᤎᤠ ᤂᤧᤴ ᤀᤠᤎᤡᤱᤃᤠᤏᤡᤜᤠ᤹ ᤏᤢ ᤀᤠᤒᤠ᤺ᤴ ᤔᤧᤱᤄᤧᤶᤔᤏᤠᤒᤠᤜᤠ᤹ ᤋᤠ᤺ᤰᤔᤠᤛᤡ ᤑᤠ᤹ᤀᤠᤱ ᤀᤠᤜᤢᤰᤜᤠ᤹ ᤛᤴᤇᤢᤱᤅᤠᤱ ᤘᤠ᤹ᤀᤠᤖᤥ॥”\f * \fr 10:21 \ft ᤕᤛᤤᤕᤠ ᥌᥋.᥈\f* \c 11 \s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡ᤹ \p \v 1 ᤜᤧᤰᤁᤣᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤛᤣ᤺ᤴᤍᤥ᤺ᤏᤡᤱ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠ ᤀᤡᤛᤪᤠᤀᤡᤗᤡᤜᤠ᤹ ᤏᤠ᤹ᤖᤢᤛᤡᤒᤠᤒᤡ᥅ ᤛᤧᤰᤂᤠᤛᤠᤱ ᤔᤧᤏᤠ᤹ᤖᤢᤛᤡᤴᤗᤥ᥄ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤒᤧᤴᤈᤠᤔᤡᤏ ᤛᤢᤘᤠᤱᤛ᤻ᤔᤠ ᤀᤡᤛᤪᤠᤀᤡᤗᤡᤀᤠᤖᤥ॥ \v 2 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤃᤡᤏᤢᤀᤣ ᤁᤢᤛᤡᤱ ᤏᤡ᤺ᤳᤋᤢᤛᤡᤒᤠ ᤁᤢᤔᤏᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤏᤠ᤹ᤖᤢᤴᤇᤡᤴᤗᤥ॥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤀᤣᤗᤡᤕᤠ᤺ᤸᤗᤧ\f * \fr 11:2 \ft ᤀᤣᤗᤡᤕᤠ–ᤂᤢᤏᤧ᤹ ᤕᤧᤛᤢ᤺ᤴᤏᤢ᤺ᤸᤗᤧ ᥎᥋᥆ ᤋᤱᤒᤣ ᤋᤃᤡ ᤁᤧᤘᤠ᤹ᤒᤠ ᤗᤳᤇᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤖᤥ॥\f* ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣᤗ᤹ᤖᤡᤰ ᤔᤧᤳᤋᤢᤒᤠᤴ ᤛᤠᤶᤕᤥᤛᤠᤵᤗᤠᤀᤥ ᤔᤧᤴᤏᤡ᤺ᤳᤋᤣ ᤁᤧᤘᤕᤡ᤹ᤒᤡ᥅ \q1 \v 3 “ᤀᤠᤍᤠᤱᤒᤣ. ᤂᤧᤱᤜᤠ᤹ᤖᤧᤃ ᤁᤧᤒᤠᤱᤄᤢᤛᤡᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤧᤖᤧᤰ ᤔᤧᤛᤧᤖᤢᤛᤡ. ᤜᤧᤰᤁᤩᤠᤱ ᤁᤧᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤜᤠ᤹ ᤔᤧᤕᤴᤇᤢᤀᤠᤱ ᤘᤠ᤹ᤖᤥ॥ ᤀᤡᤱᤃᤠ᤹ᤖᤰ ᤏᤖᤠᤱᤅᤠᤱ ᤘᤠ᤹ᤀᤠ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤡᤱᤃᤠ᤹ ᤛᤧᤵᤔᤠ ᤔᤧᤃᤥ᤺ᤳᤋᤠᤖ ᤔᤧᤘᤠ᤹ᤖᤥ॥”\f * \fr 11:3 \ft ᥇ ᤜᤠᤱᤜᤠ᤹ ᥇᥏.᥇᥆. ᥇᥊\f* \v 4 ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤰᤂᤣᤗ᤹ᤖᤡᤰ ᤏᤥᤃᤵ ᤐᤡᤖᤢᤒᤣ᥅ \q1 “ᤀᤡᤱᤃᤠ᤹ᤃ ᤒᤠᤗ ᤛᤠᤶᤔᤠᤱᤅᤡᤴ ᤔᤠᤱᤔᤧᤱᤄ᤺ᤔᤏᤠᤒᤠ ᤜᤧᤴᤇᤡᤱ ᤏᤢᤛᤡ (᥍᥆᥆᥆) ᤀᤠᤔᤏᤠᤜᤠ᤹ ᤋᤠᤱᤄᤢᤱᤛᤡᤱᤅᤠᤱ ᤘᤠ᤹ᤀᤠᤖᤥ॥”\f * \fr 11:4 \ft ᥇ ᤜᤠᤱᤜᤠ᤹ ᥇᥏.᥇᥎\f* \p \v 5 ᤜᤧᤰᤁᤣᤗ᤹ᤖᤡᤰᤁᤣ. ᤁᤴ ᤕᤧᤶᤔᤥᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤸᤗᤧ ᤛᤣᤃᤢᤛᤡᤒᤠ ᤁᤢᤗᤰᤌᤡᤰ ᤁᤧᤍᤠᤱᤒᤠ ᤁᤧᤕᤠ᤺ᤰᤐᤠᤜᤠ᤹ ᤔᤧᤘᤠ᤹ᤖᤥ॥ \v 6 ᤜᤧᤰᤁᤩᤠᤱ ᤁᤱᤃ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤗᤠᤶ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤗᤠᤶ ᤐᤥ᤺ᤰᤂᤧᤒᤠᤖᤥ॥ ᤂᤢᤏᤡ᤹ ᤕᤠ᤺ᤶᤒᤰᤗᤠᤶ ᤐᤥ᤺ᤰᤂᤧᤒᤠᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤴ ᤌᤣᤏᤠᤎᤣ ᤐᤥ᤺ᤰᤂᤧᤒᤠᤖᤥ॥ \p \v 7 ᤂᤧᤴ ᤑᤠ᤹ᤀᤡᤱᤃ ᤌᤧᤔᤠᤒᤣ᥅ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤡᤱᤘᤠ᤹ ᤔᤧᤒᤡᤖᤢᤀᤠᤱ ᤔᤧᤃᤥ᤺ᤳᤋᤢᤒᤠᤴ ᤔᤧᤱᤄᤥ᤺ᤛᤢᤴᤗᤥ. ᤁᤖ ᤁᤢᤓᤠ ᤔᤧᤛᤣᤃᤧᤒᤠᤜᤠ᤹ᤖᤧᤏᤧ ᤔᤧᤄᤥ᤺ᤛᤢᤖᤥ॥ ᤘᤣ᤹ᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤡ᤹ ᤏᤡᤱᤘᤠ᤹ ᤁᤧᤎᤢᤱᤒᤠ ᤆᤥᤃᤢ ᤐᤡᤖᤢᤛᤡᤖᤥ॥ \v 8 ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. \q1 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤁᤢᤎᤏᤠ ᤁᤧᤗᤧᤱᤒᤠ ᤆᤥᤃᤢᤛᤡᤀᤠᤱ ᤘᤠ᤹. ᤜᤧᤰᤁᤩᤠᤱ ᤁᤴ ᤕᤧᤶᤎᤠᤖᤡᤰ ᤂᤧᤱᤜᤠ᤹ᤖᤧ ᤏᤡ᤺ᤔᤠ ᤔᤧᤴᤇᤢᤰᤋᤢᤴᤗ ᤑᤠ᤹ᤀᤠᤱ ᤂᤢᤏᤡ᤹ ᤔᤡᤰᤜᤠ᤹ ᤌᤣ᤺ᤰᤋᤢᤒᤡᤖᤢᤛᤡᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤶᤔᤠ ᤔᤧᤴᤇᤢᤰᤋᤢᤴᤗ ᤑᤠ᤹ᤀᤠᤱ ᤂᤢᤏᤡ᤹ ᤏᤧᤰᤂᤥ᤹ᤒᤠᤴ ᤜᤢ᤹ᤖᤢᤒᤡᤛᤡᤀᤠᤱ ᤘᤠ᤹ᤖᤥ॥”\f * \fr 11:8 \ft ᤕᤛᤤᤕᤠ ᥈᥏.᥇᥆. ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥈᥏.᥊\f* \v 9 ᤍᤠᤀᤢᤍ ᤜᤠᤱᤅᤡᤸᤗᤧ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤐᤠ᤺ᤳᤋᤢᤀᤠᤱ ᤐᤳ. \q1 “ᤜᤠᤖᤠ᤹ ᤂᤧᤱᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤛᤠᤓᤠᤱᤈᤠ᤺ᤸᤗᤧ ᤀᤡᤈᤥᤀᤥ ᤌᤠ᤺ᤛᤢᤛᤡᤖ. \q1 ᤂᤢᤏᤡ᤹ ᤛᤠᤓᤠᤱᤈᤠ᤺ᤴ ᤀᤠᤄᤄᤒᤠ ᤐᤠ᤺ᤴ ᤏᤢ ᤂᤢᤶᤍᤡᤱ ᤁᤧᤍᤠ᤺ᤵᤐᤠ ᤐᤠ᤺ᤴ ᤐᤥ᤺ᤱᤗᤖᤥ॥ \q1 \v 10 ᤂᤧᤱᤜᤠ᤹ᤖᤧ ᤏᤡ᤺ᤔᤠ ᤔᤧᤴᤇᤢᤰᤋᤢᤴᤗ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤡᤰᤁᤡᤴ ᤂᤠᤍᤠᤵᤋᤢᤖ. \q1 ᤜᤧᤰᤁᤩᤠᤱ ᤂᤢᤏᤡ᤹ ᤀᤣ᤺ᤰᤁᤡᤴ ᤛᤍᤠᤍᤡᤱ ᤀᤡᤏᤥᤃᤧᤴ ᤋᤢᤰᤂᤣ᤺ᤸᤗᤧ ᤋᤢ᤺ᤱᤗᤖᤥ॥”\f * \fr 11:10 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥌᥏.᥈᥈-᥈᥉\f* \p \v 11 ᤜᤧᤰᤁᤣᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤐᤠ᤺ᤴᤎᤡᤰ ᤛᤣᤗᤠᤵᤏᤡᤱ. ᤀᤡᤛᤪᤠᤀᤡᤗᤡᤜᤠ᤹ ᤔᤧᤈᤥ᤺ᤴᤍᤧᤸᤗᤧ ᤐᤥ᤺ᤰᤔᤠᤀᤣ ᤔᤧᤴᤇᤢᤰᤔᤏᤠ ᤌᤠᤖᤡᤰ ᤔᤧᤈᤥ᤺ᤴᤍᤧᤒᤡ᥅ ᤛᤧᤰᤂᤠᤛᤠᤱ ᤔᤧ᤺ᤴᤗᤥ᥄ ᤁᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤂᤢᤏᤡ᤹ ᤏᤠᤜᤧᤶᤔᤠᤴ ᤋᤠᤖ ᤑᤠ᤹ᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥᤀᤣ ᤛᤧᤴᤗᤵᤐᤡᤴ ᤋᤩᤧᤖᤥ॥ \v 12 ᤁᤖ ᤕᤜᤢᤍᤡᤜᤠ᤹ᤖᤧ ᤗᤠᤕᤥ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤐᤕᤶ ᤕᤶᤒᤠ ᤔᤢ᤹ᤀᤡᤛᤠᤶ ᤋᤩᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤧᤴᤗᤵᤐᤡᤴ ᤔᤧᤏᤠ᤹ᤖᤢᤒᤠᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤐᤕᤶ ᤕᤶᤒᤠ ᤔᤢ᤹ᤀᤡᤛᤠᤶ ᤋᤩᤧᤏᤧ ᤑᤠ᤹ᤃᤪ ᤕᤜᤢᤍᤡᤜᤠ᤹ᤖᤧ ᤛᤧᤴᤗᤵᤐᤡᤴ ᤔᤧᤍᤠ᤺ᤰᤋᤢᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤔᤢ᤹ᤀᤡᤛᤠᤶ ᤋᤠ᤺ᤀᤣᤖᤥ᥄ \s1 ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤧᤴᤗᤵ ᤔᤧᤄᤥ᤺ᤛᤢ᤹ \p \v 13 ᤀᤡᤱᤃᤠ᤹ ᤛᤧᤰᤂᤠᤀᤣ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤁᤴ ᤐᤠ᤺ᤴᤏᤡᤴ ᤔᤧᤳᤏᤡᤱᤗ ᤐᤳᤋᤠᤖᤥ॥ ᤀᤡᤱᤃᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤰᤂᤠᤱᤒᤠᤸᤗᤧ ᤆᤥᤃᤢᤸᤗᤧ ᤁᤴ ᤔᤠᤱᤛᤣᤘᤠ ᤆᤥ᤺ᤰᤔᤠ ᤕᤠ᤺ᤶᤒᤰᤁᤥ ᤛᤧᤰᤂᤠᤀᤣ ᤀᤠᤛᤢᤰᤛᤢᤰ ᤋᤶᤛᤡᤴ ᤆᤥᤃᤢᤱᤗᤥ॥ \v 14 ᤜᤧᤰᤁᤣᤗ᤹ᤖᤡᤰ ᤁᤴ ᤀᤠᤔᤠᤱᤛᤣᤘᤠᤗᤠᤶ ᤀᤡᤱᤃᤠ᤹ ᤀᤠᤒᤠᤅᤣ ᤀᤠᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤠᤜᤧᤶᤔᤠᤴ ᤑᤥ᤺ᤰᤂᤢᤱᤅᤠᤱ ᤂᤧᤱᤜᤠ᤹ᤀᤥ ᤁᤢᤓᤠ ᤋᤠᤱᤛᤧ᤺ᤵᤔᤠ ᤛᤢᤰᤋᤢᤱᤛᤡᤱᤗ ᤁᤧᤗ᤹ᤒᤠ ᤏᤡᤱᤛᤠᤱ ᤆᤥᤃᤢᤱᤗᤥ॥ \v 15 ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤔᤧᤏᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤘᤣ᤹ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧᤴ ᤏᤠᤍᤱ ᤐᤥ᤺ᤱᤏᤧ ᤑᤠ᤹ᤃᤪ ᤕᤜᤢᤍᤡᤜᤠ᤹ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤶᤔᤥ ᤋᤧᤴᤍᤡᤱ ᤆᤥᤃᤢᤛᤡᤸᤗᤧ ᤂᤧᤱᤜᤠ᤹ᤖᤧ ᤛᤡ᤺ᤔᤧᤴᤗᤠᤶ ᤜᤡᤱᤔᤴ ᤔᤧᤄᤥ᤺ᤛᤢᤒᤠ ᤜᤧᤰᤁᤣᤀᤣ ᤐᤥ᤺ᤱᤗᤥ᥄ \v 16 ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤌᤡᤰᤛᤡᤃᤣ᤺ᤰᤐᤠ ᤗᤰᤁᤡᤴ ᤛᤣᤛᤣ ᤆᤥ᤺ᤰᤏᤧ ᤑᤠ᤹ᤃᤪ ᤁᤧᤏᤶᤒᤠ ᤁᤧᤖᤧᤰ ᤗᤰᤁᤡᤴᤏᤠᤱ ᤛᤣᤛᤣ ᤆᤥ᤺ᤰᤗᤥ॥ ᤛᤡᤱ ᤛᤠ᤺ᤵᤐᤡᤴ ᤛᤣᤛᤣ ᤆᤥ᤺ᤰᤏᤧ ᤑᤠ᤹ᤃᤪ ᤛᤡᤱᤒᤥᤖᤠ᤺ᤰᤜᤠ᤹ᤀᤠᤱ ᤛᤣᤛᤣ ᤔᤧᤒᤥ᤺ᤱᤗᤥ॥\f * \fr 11:16 \ft “ᤛᤡᤱ ᤛᤠ᤺ᤵᤐᤡᤴ” ᤑᤠ᤹ᤀᤡᤴ ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒᤧᤴ ᤀᤥᤛᤣ᤺ᤴᤀᤠᤎᤠᤰᤗᤥ॥ “ᤛᤡᤱᤒᤥᤖᤠ᤺ᤰᤜᤠ᤹” ᤑᤠ᤹ᤀᤡᤴ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ ᤀᤥᤛᤣ᤺ᤴᤀᤠᤎᤠᤰᤗᤥ॥\f* \v 17 ᤁᤢᤓᤠ ᤕᤜᤢᤍᤡᤜᤠ᤹ᤃ ᤏᤢ᤺ᤒᤠ ᤈᤤᤋᤢᤏ ᤛᤡᤱᤒᤢᤱᤗᤠᤶ ᤔᤧᤈᤧᤵᤋᤢᤀᤠᤱ ᤗᤠᤵᤔᤧᤓᤢᤛᤢᤒᤠ ᤛᤡᤱᤒᤥᤖᤠ᤺ᤰ ᤁᤢᤀᤡᤛᤡ᤺ᤰ ᤔᤧᤈᤥ᤺ᤰ॥ ᤜᤧᤰᤁᤩᤠᤱ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤠᤶᤓᤢᤱ ᤈᤤᤋᤢᤏ ᤛᤡᤱᤒᤥᤖᤠ᤺ᤰ ᤜᤧᤰᤁᤣ ᤁᤧᤈᤥᤃᤡᤛᤠᤱ ᤏᤢ᤺ᤒᤠ ᤈᤤᤋᤢᤏ ᤛᤡᤱᤒᤢᤱᤔᤥᤗᤠᤶ ᤌᤢᤶ ᤏᤢ ᤜᤡᤱᤔᤴ ᤂᤥ᤺ᤔᤠ ᤑᤠ᤹ᤀᤠᤱ ᤂᤢᤏᤡ᤹ ᤗᤧᤰᤘᤠ ᤂᤡᤏᤡ᤹ ᤁᤧᤈᤰᤁᤠᤛᤡᤀᤠᤱ ᤁᤧᤘᤕᤡ᤹ᤖᤥ॥ \v 18 ᤂᤧᤴ ᤔᤧᤈᤧᤵᤋᤢᤀᤠᤱ ᤗᤠᤵᤔᤧᤓᤢᤛᤢᤒᤠ ᤛᤡᤱᤒᤥᤖᤠ᤺ᤰᤜᤠ᤹ᤏᤢ᤺ᤸᤗᤧ ᤀᤠᤏᤡᤃᤧ ᤏᤢ᤺ᤒᤠ ᤆᤥᤃᤡᤃᤧ ᤑᤠ᤹ᤀᤠᤱ ᤀᤠᤱᤍᤡᤱ ᤔᤧᤗ᤹ᤖᤧᤶᤔᤡᤶᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤁᤢᤛᤠ᤺ᤵᤐᤡᤴ ᤁᤧᤴᤎᤖᤢᤶᤔᤡᤴ. ᤁᤖ ᤁᤢᤛᤠ᤺ᤵᤐᤡᤸᤗᤧᤏᤧ ᤂᤡᤏᤡ᤹ ᤁᤧᤎᤖᤡᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ \p \v 19 ᤁᤖ. ᤀᤠᤏᤡᤃᤧ ᤂᤧᤴ ᤛᤡᤱᤒᤢᤱᤔᤥ ᤆᤰᤛᤡᤱᤔᤠ ᤑᤠ᤹ᤀᤠᤱ ᤂᤧᤴ ᤛᤡᤱᤒᤥᤖᤠ᤺ᤰᤜᤠ᤹ ᤔᤧᤈᤧᤵᤋᤢᤀᤠᤱ ᤗᤠᤵᤔᤧᤓᤢᤛᤧᤖᤥ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶᤒᤡᤗᤠ॥ \v 20 ᤛᤧᤰᤂᤠᤀᤣᤖᤥ. ᤁᤖ ᤕᤜᤢᤍᤡᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤔᤧᤴᤈᤥᤃᤢᤴᤏᤠᤱᤅᤣ ᤛᤡᤱᤒᤥᤖᤠ᤺ᤰᤁᤡᤴ ᤆᤧᤵᤔᤠᤀᤠᤱ ᤗᤠᤵᤑᤢᤔᤏᤠᤒᤠ ᤁᤢᤀᤡᤛᤡ᤺ᤰ ᤗᤠᤵᤔᤧᤓᤢᤛᤧᤒᤠᤖᤥ॥ ᤂᤡᤏᤡ᤹ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤧᤵᤔᤥ ᤁᤧᤘᤕᤡ᤹ᤖᤥ॥ ᤜᤧᤰᤁᤣ᤺ᤸᤗᤧ ᤀᤠᤱᤍᤡᤱ ᤔᤧᤗ᤹ᤖᤧᤶᤔᤡᤴᤏᤧ᤹ᤀᤥ. ᤁᤖ ᤂᤧᤴ ᤐᤥ᤺ᤰᤂᤧᤒᤠ ᤐᤠ᤺ᤴᤜᤠ᤹ ᤀᤡ᤺ᤳᤋᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤡᤖᤧᤶᤔᤧ᤹ᤀᤥ॥ \v 21 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤒᤠ ᤐᤥᤖᤠ᤺ᤰᤜᤠ᤹ᤀᤣ ᤔᤧᤍᤠᤱᤄᤢᤴᤇᤡᤴᤏᤡᤸᤗᤧ ᤂᤡᤏᤡ᤹ᤀᤠᤱ ᤁᤧᤴᤍᤠᤱᤄᤡᤴᤗᤥ॥ \p \v 22 ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤗᤢᤱᤔᤠ᤹ ᤋᤢᤰᤔᤠᤸᤗᤧ ᤁᤢᤎᤡᤶ ᤏᤢ ᤁᤧᤈᤡ᤺ᤵᤐᤠ ᤆᤥ᤺ᤰ ᤑᤠ᤹ᤀᤠᤱ ᤏᤢ᤺ᤖᤡᤰᤁᤠᤱ ᤏᤡᤱᤘᤠ᤹ ᤐᤡᤖᤧᤶᤔᤧ᤹ᤀᤥ॥ ᤏᤛᤠ᤺ᤴ ᤁᤧᤗᤧᤵᤐᤠᤜᤠ᤹ ᤁᤧᤖᤧᤰ ᤂᤢᤏᤧ᤹ ᤁᤧᤛᤠᤰᤐᤠ ᤂᤢᤶᤍᤡᤱ ᤐᤡᤖᤢᤛᤡ᤹. ᤁᤖ ᤂᤡᤏᤡ᤹ ᤁᤢᤗᤢᤱᤃᤢᤶᤔᤥ ᤆᤰᤔᤧᤸᤗ᤹ᤀᤣ ᤁᤧᤘᤕᤡ᤹ᤏᤧ ᤑᤠ᤹ᤃᤪ ᤗᤢᤱᤔᤠ᤹ ᤁᤧᤍᤢᤰᤋᤡ᤹ᤖᤥ॥ ᤔᤧ᤺ᤴᤏᤧ ᤑᤠ᤹ᤃᤪ ᤂᤡᤏᤡ᤹ᤀᤠᤱ ᤁᤧᤈᤧᤵᤋᤡᤀᤠᤱ ᤗᤠᤵᤁᤧᤓᤢᤛᤡ᤹ᤖᤥ॥ \v 23 ᤜᤧᤰᤁᤣᤗ᤹ᤖᤡᤰᤁᤣ ᤕᤜᤢᤍᤡᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤔᤧᤏᤢ᤺ᤱᤏᤧ ᤑᤠ᤹ᤃᤪ ᤂᤢᤏᤧ᤹ ᤕᤠᤶᤔᤥ ᤂᤧᤱᤜᤠ᤹ ᤛᤡᤱᤒᤢᤱᤔᤥ ᤆᤰᤋᤢᤛᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤕᤠᤶᤔᤥ ᤋᤃᤡ ᤔᤧᤒᤳᤇᤧᤒᤠ ᤋᤧᤴᤏᤥ ᤆᤰᤔᤠ ᤔᤢᤰᤛᤠᤶ ᤁᤳᤋᤢ᤹ᤖᤥ॥ \v 24 ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤃ ᤋᤠᤶᤓᤢᤱ ᤈᤤᤋᤢᤏ ᤐᤥᤖᤠ᤺ᤰ ᤜᤧᤰᤋᤱᤒᤠ ᤁᤧᤈᤥᤃᤡ᤹. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤏᤢ᤺ᤒᤠ ᤈᤤᤋᤢᤏ ᤒᤢᤱᤔᤥ ᤁᤧᤈᤰᤁᤠᤛᤡᤏᤧ ᤑᤠ᤹ᤃᤪ ᤂᤢᤏᤧ᤹ ᤀᤠᤒᤠᤅᤣ ᤁᤢᤈᤧᤰ ᤁᤢᤒᤥᤖᤠ᤺ᤰᤜᤠ᤹ ᤀᤠᤒᤠᤅᤣ ᤁᤢᤒᤢᤱᤔᤥᤀᤣ ᤆᤰᤋᤢᤛᤡᤸᤗᤧ ᤀᤠᤰᤂᤩᤠᤰ ᤁᤢᤛᤡᤰ ᤛᤶᤗ ᤆᤰᤋᤢᤛᤡᤒᤡᤗᤠ॥ \s1 ᤀᤡᤛᤪᤠᤀᤡᤗᤡᤜᤠ᤹ ᤕᤠᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤧᤏᤢ᤺ᤱ \p \v 25 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤀᤠᤱᤍᤡᤱ ᤁᤧᤴᤗ᤹ᤖᤡᤴᤗ ᤑᤠ᤹ᤀᤠᤱ ᤁᤴ ᤛᤡᤒᤡ᤹ᤃᤧᤴ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ ᤁᤧᤗ᤹ᤒᤠ ᤀᤠᤏᤡᤱᤘᤠ᤹ ᤘᤠ᤹ᤖᤥ॥ ᤁᤴ ᤛᤡᤒᤡ᤹ᤃᤧᤴ ᤐᤠ᤺ᤴᤏᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰ ᤁᤢᤀᤡᤛᤡ᤺ᤰ ᤏᤛᤠ᤺ᤴ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤴᤇᤢ᤺ᤳᤋᤣ ᤌᤠᤖᤡᤰ ᤕᤖᤡᤰ ᤕᤜᤢᤍᤡᤜᤠ᤹ ᤂᤢᤏᤡ᤹ ᤏᤡᤱᤘᤠ᤹ ᤔᤧᤴᤏᤢ᤺ᤱᤔᤏᤠᤒᤠ ᤔᤧᤒᤥ᤺ᤱᤗᤥ॥ \v 26 ᤜᤧᤰᤁᤩᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰ ᤀᤡᤛᤪᤠᤀᤡᤗᤡᤜᤠ᤹ ᤋᤠᤱᤔᤧᤛᤧ᤺ᤵᤗᤥ॥ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. \q1 “ᤛᤧᤴᤗᤵᤍᤠᤱᤒᤠᤴ ᤕᤖᤢᤛᤗᤧᤔᤗᤠᤶ ᤋᤠ᤺ᤖᤥ. \q1 ᤂᤢᤏᤧ᤹ᤀᤣ ᤀᤡᤛᤪᤠᤀᤡᤗᤡᤜᤠ᤹ ᤗᤠᤕᤥᤗᤠᤶ ᤏᤢ᤺ᤰᤋᤢᤛᤡ᤹॥\f * \fr 11:26 \ft ᤕᤛᤤᤕᤠ ᥌᥏.᥈᥆-᥈᥇\f* \v 27 ᤜᤧᤰᤁᤩᤠᤱ. \q1 ᤀᤡᤱᤃᤠ᤹ ᤂᤢᤏᤡ᤹ ᤗᤠᤕᤥᤜᤠ᤹ ᤗᤧᤵᤔᤡ ᤐᤡᤖᤢᤱᤛᤡᤱ ᤑᤠ᤹ᤀᤠᤱ ᤂᤧᤱᤜᤠ᤹ᤏᤢ ᤆᤥᤃᤢᤱᤒᤠ ᤀᤠᤔᤠᤱᤜᤢᤵᤐᤡᤴ ᤁᤧᤳᤋᤢᤱᤗᤥ”\f * \fr 11:27 \ft ᤕᤛᤤᤕᤠ ᥈᥍.᥏\f* ᤗ᤹ᤖᤡᤰ ᤕᤠᤶᤔᤥ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳᤗᤥ॥ \p \v 28 ᤕᤜᤢᤍᤡᤜᤠ᤹ ᤛᤢᤏᤠᤀᤡᤱᤅᤡᤸᤗᤧ ᤁᤢᤏᤡᤱᤔᤡᤛᤡᤖᤥ. ᤁᤖ ᤂᤡᤏᤡ᤹ ᤗᤠᤃᤡᤃ ᤁᤴ ᤏᤢ᤺ᤒᤠᤀᤣ ᤐᤥ᤺ᤰᤂᤧᤖᤥ॥ ᤜᤧᤰᤁᤣᤛᤠᤱ ᤀᤒᤪᤠᤜᤠᤔ. ᤀᤡᤛᤜᤠᤁ. ᤕᤠᤁᤢᤒᤧᤴᤏᤢ ᤆᤥᤃᤢᤒᤠ ᤔᤠᤱᤜᤧᤰᤁᤡᤸᤗᤧ ᤆᤥᤃᤢᤸᤗᤧ ᤀᤠᤸᤗᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡ᤹ᤖᤥ॥ \v 29 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤒᤠ ᤐᤷᤎᤠ᤺ᤶᤜᤠ᤹ ᤏᤢ ᤀᤢ᤺ᤳᤇᤡᤱᤔᤠᤴ ᤕᤠᤱᤏᤠ ᤔᤧᤏᤢ᤺ᤰᤋᤢᤴ॥ \v 30 ᤌᤣᤀᤠᤱᤓᤧᤸᤗᤧ ᤌᤡᤰ ᤕᤧᤶᤔᤥ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤔᤧᤴᤀᤡ᤺ᤵᤔᤏᤠᤒᤠ ᤔᤧᤴᤏᤠ᤺ᤵᤔᤏᤠᤒᤠ ᤁᤧᤈᤥᤃᤡ᤹. ᤁᤖ ᤕᤜᤢᤍᤡᤜᤠ᤹ ᤀᤡᤱᤈᤠ᤺ᤱ ᤔᤧᤴᤀᤡ᤺ᤵᤔᤏᤠᤒᤠ ᤔᤧᤴᤏᤠ᤺ᤵᤔᤏᤠᤒᤠ ᤔᤧᤒᤥ᤺ᤰᤂᤧᤒᤠᤸᤗᤧ ᤂᤢᤏᤧ᤹ ᤁᤢᤗᤢᤱᤃᤢᤶᤔᤡᤴ ᤀᤠᤸᤗᤥ ᤂᤡᤏᤡ᤹ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ \v 31 ᤜᤧᤰᤁᤣᤗ᤹ᤖᤡᤰᤁᤣ ᤂᤧᤱᤜᤠ᤹ ᤀᤡᤱᤈᤠ᤺ᤱ ᤔᤧᤴᤀᤡ᤺ᤵᤔᤏᤠᤒᤠ ᤔᤧᤴᤏᤠ᤺ᤵᤔᤏᤠᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠ ᤁᤢᤀᤡᤛᤡ᤺ᤰᤁᤣ ᤂᤢᤏᤧ᤹ ᤂᤧᤱᤜᤠ᤹ ᤕᤠᤶᤔᤥ ᤗᤢᤱᤔᤠ᤹ ᤋᤢᤰᤋᤢᤛᤡ᤹ᤖᤥ॥ \v 32 ᤁᤠᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤔᤧᤴᤀᤡ᤺ᤵᤔᤏᤠᤒᤠ ᤔᤧᤴᤏᤠ᤺ᤵᤔᤏᤠᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤂᤧᤱᤜᤠ᤹ ᤛᤠᤰᤐᤠ ᤁᤧᤎᤠ᤺ᤒᤠᤜᤠ᤹ ᤜᤧᤰᤁᤣ ᤔᤧᤳᤋᤢᤛᤡᤖᤥ॥ ᤁᤖ ᤂᤧᤱᤜᤠ᤹ ᤗᤢᤱᤔᤠ᤹ ᤋᤢᤰᤔᤠᤛᤡ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢᤒᤠᤖᤥ॥ \s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤛᤥ ᤀᤡᤱᤎᤠ᤺ᤱ \p \v 33 ᤀᤠᤰᤁᤥ ᤜᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤢᤶ ᤏᤡᤱᤘᤠ᤹ᤀᤡᤴ ᤏᤢ ᤁᤢᤏᤧᤜᤡᤏᤡᤱᤘᤠ᤹ᤀᤡᤴ ᤀᤠᤰᤂᤧᤴ ᤀᤡᤔᤧᤸᤗᤢᤱᤒᤠ ᤏᤢ ᤏᤡᤱᤘᤠ᤹ ᤁᤧᤔᤠᤒᤠᤒᤣ᥄ ᤂᤢᤏᤧ᤹ ᤁᤢᤄᤠᤛᤧᤴᤏᤡᤴ ᤏᤢ ᤁᤢᤗᤠᤶᤔᤡᤴ ᤁᤢᤛᤡᤱ ᤏᤡ᤺ᤵᤔᤠᤀᤣ ᤛᤢᤰᤔᤧᤍᤧᤳᤋᤡᤴᤗᤥ᥄ \q1 \v 34 “ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤜᤠ᤺ᤳᤗᤧ ᤏᤡ᤺ᤛᤢᤀᤠᤱ ᤘᤠ᤹ᤒᤣ᥅ \q1 ᤜᤧᤰᤁᤩᤠᤱ ᤜᤠ᤺ᤳ ᤂᤢᤏᤧ᤹ ᤛᤢᤈᤠ ᤁᤧᤒᤡᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤒᤣ᥅”\f * \fr 11:34 \ft ᤕᤛᤤᤕᤠ ᥊᥆.᥇᥉\f* \q1 \v 35 ᤀᤡᤃᤪ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤱᤏᤠ ᤏᤢ᤺ᤰᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤏᤡᤴ \q1 ᤜᤠ᤺ᤳᤗᤧ ᤂᤢᤏᤧ᤹ ᤐᤡᤖᤢᤀᤠᤱ ᤘᤠ᤹ᤒᤣ᥅”\f * \fr 11:35 \ft ᤀᤕᤩᤢᤒ ᥊᥇.᥇᥇\f* \m \v 36 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤗᤠᤶᤒᤠ ᤁᤠᤰ ᤐᤠ᤺ᤴᤜᤠ᤹ᤃ ᤋᤠ᤺. ᤂᤢᤏᤧ᤹ ᤁᤢᤔᤢᤰᤛᤠᤶᤔᤡᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤐᤥ᤺ᤰᤂᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤁᤠᤰ ᤐᤥ᤺ᤰᤂᤧᤒᤠ ᤐᤠ᤺ᤴᤜᤠ᤹ ᤂᤢᤏᤧ᤹ ᤁᤢᤗᤠᤃᤡᤀᤣ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤛᤍᤠᤍᤡᤱ ᤛᤍᤠᤍᤡᤱ ᤂᤢᤏᤧ᤹ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤖᤥ᥄ ᤀᤠᤔᤧᤴ॥ \c 12 \s1 ᤏᤡᤱᤘᤠ᤹ᤑᤢᤔᤠᤱᤅᤥ ᤜᤡᤱᤔᤴᤏᤡᤴ ᤋᤥ᤺ᤶᤔᤠ \p \v 1 ᤀᤠᤸᤗ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤀᤠᤱ ᤘᤠ᤹. ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤁᤢᤜᤡᤱᤘᤧᤳ ᤏᤠᤛᤡᤱᤃᤧᤴ ᤌᤰᤁᤡᤴ ᤛᤣᤛᤣ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤛᤡᤍᤢᤱᤈᤓᤠ ᤁᤢᤀᤡᤛᤡ᤺ᤰ ᤋᤥ᤺ᤴᤍᤧᤶᤔᤧ᤹ ᤑᤠ᤹ᤀᤠᤱ ᤛᤠ᤹ᤖᤡᤰ ᤐᤣᤗᤡ ᤑᤠᤰᤏᤡᤱᤗᤥ॥ ᤂᤡᤏᤡ᤹ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤕᤠᤶᤛᤠᤶᤃᤧᤴ ᤛᤣᤘᤠ᤺ᤴ ᤒᤠ ᤁᤴᤗᤥ॥ \v 2 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤌᤡᤶᤔᤡᤴᤏᤢ ᤔᤧᤍᤱᤅᤠᤛᤡᤶᤔᤧᤴᤏᤧ᤹ᤀᤥ ᤁᤖ ᤂᤡᤏᤡ᤹ ᤏᤡᤱᤘᤠ᤹ᤒᤠᤴ ᤗᤧᤰᤂᤧᤶᤔᤧ᤹ᤖ ᤁᤢᤛᤱ ᤐᤥ᤺ᤰᤂᤧᤶᤔᤧ᤹ᤖ ᤐᤣᤃᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢ᤺ᤒᤠ. ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤏᤢ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤁᤢᤏᤡᤱᤘᤠ᤹ᤀᤡᤴ ᤌᤣ ᤘᤠ᤹ ᤂᤧᤴ ᤏᤡᤱᤘᤠ᤹ ᤂᤥ᤺ᤔᤠ ᤁᤧᤛᤢᤰᤋᤢᤶᤗᤥ॥ \p \v 3 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤠᤱᤒᤠ ᤗᤢᤱᤃᤢᤶᤗᤠᤶᤒᤠ ᤂᤡᤏᤡ᤹ ᤛᤠᤶᤍᤡᤱ ᤐᤡᤏᤡᤱᤗᤥ॥ ᤂᤡᤏᤡ᤹ ᤀᤠᤰᤋᤱᤒᤠ ᤁᤧᤈᤥᤃᤡ᤹ ᤂᤧᤴᤏᤠᤱᤎᤥ ᤕᤖᤡᤰ ᤔᤧᤀᤡ᤺ᤳᤋᤠᤛᤡᤶᤔᤡᤴᤏᤧ᤹ᤀᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤒᤡᤖᤡᤒᤠ ᤏᤛᤠ᤺ᤴᤏᤡᤸᤗᤧ\f * \fr 12:3 \ft ᤁᤵᤔᤥ “ᤏᤛᤠ᤺ᤴ” ᤑᤠ᤹ᤀᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤐᤡᤖᤢᤛᤡᤒᤠ ᤛᤢᤰᤛᤠᤶ. ᤀᤡᤃᤪ ᤕᤠᤶᤛᤠᤶᤃᤧᤴ ᤐᤷᤎᤠ᤺ᤶᤜᤠ᤹ᤖᤥ॥\f* ᤂᤥ᤺ᤵᤋᤢᤒᤠ ᤁᤢᤀᤡᤛᤡ᤺ᤰᤗᤰ ᤛᤡᤱᤛᤡᤱᤅᤠᤱ ᤏᤡᤱᤘᤠ᤹ ᤀᤡ᤺ᤳᤋᤠᤛᤡᤶᤔᤧ᤹ᤀᤥ॥ \v 4 ᤀᤠᤏᤡ᤹ ᤗᤳᤇᤠ ᤌᤰᤁᤥ ᤕᤖᤡᤰ ᤕᤠᤶᤗᤰᤜᤠ᤹ ᤐᤳ. ᤜᤧᤰᤁᤩᤠᤱ ᤁᤴ ᤁᤧᤖᤧᤰ ᤕᤠᤶᤗᤰᤜᤠ᤹ᤖᤧ ᤕᤠ᤺ᤶᤒᤰ ᤗᤳᤇᤠᤖᤰ ᤜᤥ᤺ᤵᤗᤥ. \v 5 ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡ᤹ ᤕᤖᤡᤰ ᤀᤠᤘᤠ᤹ᤛᤠᤱ ᤀᤠᤏᤡ᤹ᤃ ᤂᤪᤡᤛ᤻ᤋᤖᤧ ᤗᤳᤇᤠ ᤁᤢᤎᤰᤁᤥᤒᤠ ᤁᤢᤍᤱᤒᤠ ᤕᤠᤶᤗᤰᤛᤡᤖᤥ. ᤜᤧᤰᤁᤩᤠᤱ ᤀᤠᤏᤡ᤹ ᤁᤧᤖᤧᤰ ᤆᤠᤜᤠᤒᤠ ᤀᤠᤈᤥ᤺ᤰᤛᤡᤱᤗᤥ॥ \p \v 6 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶᤒᤠ ᤀᤠᤒᤡᤖᤧᤒᤠ ᤐᤖᤡᤰᤐᤖᤡᤰᤐᤠ ᤐᤷᤎᤠ᤺ᤶᤜᤠ᤹ ᤀᤠᤏᤡ᤹ ᤀᤥᤃᤵ ᤆᤥᤃᤢᤶᤗᤥ॥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠ᤺ᤵᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤁᤳᤋᤢᤒᤠ ᤁᤢᤏᤛᤠ᤺ᤴᤏᤡᤸᤗᤧ ᤂᤥ᤺ᤵᤋᤢᤒᤠ ᤁᤢᤀᤡᤛᤡ᤺ᤰᤗᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠ᤺ᤳᤋᤢᤖ. \v 7 ᤔᤏᤠᤜᤠ᤹ ᤛᤣᤘᤠ ᤆᤥ᤺ᤰᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤛᤣᤘᤠ ᤆᤥᤃᤢᤖ. ᤏᤡᤛᤠᤶ ᤜᤢ᤹ᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤜᤢ᤹ᤖᤢᤛᤡᤖ. \v 8 ᤔᤏᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤜᤠᤱᤜᤠᤱ ᤔᤧᤳᤋᤢᤛᤡᤖ. ᤔᤏᤠᤜᤠ᤹ ᤑᤠ᤹ᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤁᤢᤏᤡᤱᤘᤠ᤹ ᤜᤴᤍᤢᤀᤠᤱ ᤑᤠ᤹ᤖᤢᤛᤡᤖ. ᤗᤠᤶᤗᤥ᤺ᤒᤠ ᤐᤥ᤺ᤱᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤏᤡᤱᤘᤠ᤹ ᤐᤡᤖᤢᤀᤠᤱ ᤔᤏᤠᤜᤠ᤹ ᤗᤠᤶᤗᤥᤛᤢᤛᤡᤖ. ᤔᤏᤠᤜᤠ᤹ ᤗᤢᤱᤔᤠ᤹ ᤋᤢᤰᤔᤠ ᤐᤷᤎᤠ᤺ᤶ ᤁᤧᤃᤵᤐᤠᤸᤗᤧ ᤜᤠᤖᤠ᤹ ᤐᤛ᤺ᤳᤛ᤺ᤳᤗ ᤗᤢᤱᤔᤠ᤹ ᤋᤢᤰᤋᤢᤛᤡᤖᤖᤥ॥ \p \v 9 ᤁᤢᤈᤧᤰᤁᤠᤱ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹. ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤏᤠ᤹ᤖᤧᤶᤔᤧ᤹. ᤀᤠᤳᤋᤡᤴ ᤐᤠ᤺ᤴᤏᤡᤴ ᤏᤢ᤺ᤒᤠ ᤆᤥ᤺ᤰ. ᤒᤠ ᤂᤧᤴ ᤐᤠ᤺ᤴᤏᤥ ᤐᤳᤇᤧᤶᤔᤧ᤹ᤀᤥ॥ \v 10 ᤗᤳᤌᤡᤰ ᤜᤡᤶᤔᤥᤒᤠ ᤑᤢ᤹ᤏᤢᤛᤠ᤹ ᤏᤧ᤹ᤏᤢᤛᤠ᤹ ᤁᤢᤀᤡᤛᤡ᤺ᤰ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹॥ ᤀᤠᤒᤠᤅᤣᤏᤢ᤺ᤸᤗᤧ ᤕᤖᤡᤰ ᤘᤣ᤹ᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹॥ \v 11 ᤀᤠᤵᤑᤠᤸᤗᤧᤀᤠᤱ ᤗᤧᤶᤛᤢᤘᤠᤒᤠ ᤔᤧᤶᤒᤥ᤺ᤱᤅᤣ ᤂᤡᤏᤡ᤹ ᤛᤡᤰ ᤛᤶᤗ ᤜᤠᤱᤜᤠᤱᤅᤠᤱ ᤍᤠᤱᤒᤠᤸᤗᤧ ᤁᤢᤛᤣᤘᤠ ᤆᤥᤃᤧᤶᤔᤧ᤹ᤀᤥ॥ \v 12 ᤂᤡᤏᤡ᤹ ᤏᤡᤱᤛᤠᤱ ᤁᤧᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤛ᤺ᤳᤋᤧᤶᤔᤧ᤹ᤀᤥ. ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤸᤗᤧ ᤏᤠᤛᤡ ᤌ᤺ᤳᤋᤧᤶᤔᤧ᤹ᤀᤥ. ᤋᤢᤘᤠ ᤆᤥ᤺ᤰᤔᤠ ᤔᤧᤗᤧᤖᤧᤶᤔᤡᤴᤏᤧ᤹ᤀᤥ॥ \v 13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤂᤢᤏᤡ᤹ ᤆᤠᤕᤥ᤺ᤶᤒᤥᤀᤥ ᤁᤢᤓᤠ᤹ ᤐᤡᤖᤧᤶᤛᤡᤶᤔᤧ᤹. ᤋᤖᤣ ᤋᤥ᤺ᤛᤧᤶᤛᤡᤶᤔᤧ᤹ᤀᤥ॥ \p \v 14 ᤂᤡᤏᤡ᤹ ᤋᤢᤰᤂᤣ ᤁᤧᤈᤠ᤺ᤵᤐᤠᤜᤠ᤹ ᤛᤠᤱᤃᤪᤠ ᤔᤧᤔᤧᤳᤋᤧᤶᤛᤡᤶᤔᤧᤴᤏᤧ᤹ᤀᤥ. ᤁᤖ ᤔᤢ᤹ᤀᤡᤛᤠᤶ ᤐᤡᤖᤧᤶᤛᤡᤶᤔᤧ᤹ᤀᤥ॥ \v 15 ᤁᤧᤛ᤺ᤵᤐᤠᤜᤠ᤹ᤏᤢ ᤛ᤺ᤳᤋᤧᤶᤔᤧ᤹. ᤁᤧᤜᤠ᤺ᤵᤐᤠᤜᤠ᤹ᤏᤢ ᤜᤠᤒᤧᤶᤔᤧ᤹ᤀᤥ॥ \v 16 ᤘᤣ᤹ᤜᤠ᤹ᤏᤢ ᤋᤅᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹॥ ᤀᤠᤱᤍᤡᤱ ᤔᤧᤗ᤹ᤖᤧᤶᤔᤡᤴᤏᤧ᤹ᤀᤥ. ᤁᤖ ᤔᤧᤴᤈᤥᤈᤥᤒᤠ ᤔᤏᤠᤜᤠ᤹ᤏᤢᤀᤠᤱ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ᤀᤥ॥ ᤀᤡᤱᤃᤠ᤹ ᤁᤧᤖᤧᤰ ᤐᤠ᤺ᤴᤜᤠ᤹ ᤗᤧᤛ᤻ᤛᤢᤱ ᤑᤠ᤹ᤀᤠᤱ ᤀᤠᤵᤑᤠᤸᤗᤧᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ᥄ \p \v 17 ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤡᤸᤗᤧ ᤁᤢᤗᤧᤰᤘᤠ ᤋᤠᤵᤑᤧ᤺ᤶᤒᤠ ᤐᤠ᤺ᤴ ᤀᤠᤳᤋᤡᤴᤏᤠᤱ ᤔᤧᤔᤧᤳᤋᤧᤶᤔᤡᤴᤏᤧ᤹॥ ᤁᤧᤖᤧᤰ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤸᤗᤧ ᤀᤠᤳᤋᤡᤴ ᤐᤠ᤺ᤴᤏᤡᤴ ᤏᤢ᤺ᤒᤠ ᤆᤥ᤺ᤰ. ᤒᤠ ᤂᤧᤴ ᤐᤠ᤺ᤴᤏᤡᤴ ᤆᤥ᤺ᤰᤔᤠ ᤁᤥ᤺ᤳᤋᤧᤶᤔᤧ᤹ᤀᤥ॥ \v 18 ᤁᤧᤖᤧᤰ ᤔᤏᤠᤜᤠ᤹ᤏᤢ ᤂᤡᤏᤡ᤹ ᤛᤢᤰᤛᤢᤰ ᤛᤏᤠᤖᤢᤱᤅᤥ ᤘᤕᤧᤶᤔᤧ᤹ᤀᤥ॥ \v 19 ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤑᤧᤴ ᤐᤠ᤺ᤴᤏᤡᤸᤗᤧ ᤁᤢᤗᤧᤰᤘᤠ ᤀᤠᤵᤑᤠᤸᤗᤧᤀᤠᤱ ᤋᤠᤵᤑᤧ᤺ᤶᤒᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤥ ᤗᤧᤖᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. \q1 “ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤧᤴ ᤂᤢᤶᤍᤡᤱ ᤐᤡᤔᤠᤃ ᤀᤠᤗᤰᤗᤥ॥ ᤀᤡᤱᤃᤠ᤹ᤀᤣ ᤁᤢᤗᤧᤰᤘᤠ ᤏᤢ᤺ᤰᤋᤢᤱ ᤐᤡᤖᤢᤱ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢᤖᤥ॥”\f * \fr 12:19 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥈.᥉᥋\f* \m \v 20 ᤂᤧᤸᤗᤧ ᤁᤢᤗᤧᤰᤘᤠᤃ \q1 “ᤂᤧᤏᤧ᤹ ᤁᤧᤏᤡᤱᤔᤡ᤺ᤴ ᤛᤧᤳᤗᤠ᤺ᤰᤔᤠᤸᤗᤧ ᤋᤖᤢᤀᤠᤱ ᤘᤠ᤹ᤏᤧ ᤑᤠ᤹ᤃᤪ ᤁᤢᤈᤠ ᤆᤠᤔᤠ ᤐᤡᤖᤧ᤹॥ ᤂᤧᤴ ᤘᤠᤔᤡ᤺ᤔᤠᤸᤗᤧ ᤋᤖᤢᤀᤠᤱ ᤘᤠ᤹ᤏᤧ ᤑᤠ᤹ᤃᤪ ᤆᤫᤠ᤺ᤳ ᤌᤢᤱᤔᤠ ᤐᤡᤖᤧ᤹॥ ᤂᤧᤏᤧ᤹ ᤀᤰᤂᤣ ᤁᤧᤈᤥᤃᤢᤸᤗᤧ ᤂᤧᤴ ᤛᤡᤖᤡᤱᤔ᤺ᤖᤥ॥”\f * \fr 12:20 \ft ᤛᤡᤘᤠᤍᤡᤱ ᤂᤠᤜᤢᤴ ᥈᥋.᥈᥇-᥈᥈\f* \v 21 ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤡᤸᤗᤧ ᤁᤧᤴᤏᤠ᤺ᤴᤏᤧᤴᤗ. ᤁᤖ ᤏᤢ᤺ᤒᤠ ᤕᤠ᤺ᤶᤒᤰᤁᤡᤸᤗᤧ ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤡᤴ ᤏᤠ᤺ᤴᤍᤧ᤹ᤀᤥ॥ \c 13 \s1 ᤜᤠᤱ ᤁᤧᤈᤥ᤺ᤰᤐᤠ ᤏᤢ ᤕᤢᤰᤛᤠᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤔᤠ \p \v 1 ᤁᤧᤖᤧᤰ ᤔᤏᤠᤜᤠ᤹ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤔᤧᤘᤠ᤹ᤖ ᤐᤥ᤺ᤱᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤍᤠ᤺ᤒᤠ ᤕᤢᤰᤁᤡᤴᤏᤢ᤺ᤸᤗᤧ ᤘᤣ᤹ ᤕᤢᤰ ᤜᤥ᤺ᤵᤗᤥ॥ ᤛᤢᤜᤠᤱᤕᤢᤰᤐᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤣ ᤕᤢᤰᤋᤡᤱ ᤆᤥᤃᤢᤛᤡᤒᤠᤖᤥ॥ \v 2 ᤂᤧᤸᤗᤧ ᤆᤥᤃᤢᤸᤗᤧ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤁᤧᤒᤥ᤺ᤰᤐᤠᤜᤠ᤹ᤖᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤔᤧᤀᤳᤋᤢᤖᤥ॥ ᤜᤧᤰᤁᤣ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤶᤍᤡᤱ ᤔᤧᤄᤥ᤺ᤛᤢ᤹ᤖᤥ॥ \v 3 ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤕᤢᤰ ᤁᤧᤈᤥ᤺ᤰᤐᤠᤜᤠ᤹ᤏᤢ ᤁᤡ᤺ᤔᤠ ᤔᤧᤒᤥ᤺ᤱᤏᤧᤴ. ᤁᤖ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤁᤡ᤺ᤔᤠ ᤐᤥ᤺ᤱ॥ ᤕᤢᤰ ᤁᤧᤃᤵᤐᤠᤜᤠ᤹ᤏᤢ ᤔᤧᤱᤃᤡ᤺ᤔᤠ ᤏᤡᤱᤘᤠ᤹ ᤁᤧᤈᤥᤃᤢᤏᤧ ᤑᤠ᤹ᤃᤪ ᤏᤢ᤺ᤒᤠ ᤕᤠ᤺ᤶᤒᤰ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤄᤥ᤺ᤛᤢ᤹ᤖᤥ॥ \v 4 ᤌᤣᤀᤠᤱᤓᤧᤸᤗᤧ ᤂᤧᤴ ᤕᤢᤰ ᤁᤧᤈᤥ᤺ᤰᤐᤠᤱᤃ ᤁᤧᤗᤠᤃᤡ ᤏᤢ᤺ᤒᤠ ᤐᤠ᤺ᤴ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤖᤥ॥ ᤁᤖ ᤂᤧᤏᤧ᤹ ᤑᤧᤴ ᤕᤠ᤺ᤶᤒᤰ ᤁᤧᤈᤥᤃᤢᤏᤧ ᤑᤠ᤹ᤃᤪ ᤁᤡ᤺ᤛᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧᤃ ᤜᤏᤧ ᤋᤠᤓᤣ᤺ᤴ ᤔᤧᤜᤣ᤺ᤛᤢᤴᤗᤥ॥ ᤂᤧᤱᤃ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤸᤗᤥ ᤂᤢᤶᤍᤡᤱ ᤁᤧᤍᤠ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤖᤥ॥ \v 5 ᤂᤧᤸᤗᤧ ᤆᤥᤃᤢᤸᤗᤧ ᤂᤢᤶᤍᤡᤱ ᤔᤧᤱᤄᤥ᤺ᤔᤠ ᤑᤠ᤹ᤀᤠᤱᤗᤰ ᤔᤧ᤺ᤴ. ᤁᤖ ᤀᤠᤒᤠᤅᤣ ᤂᤠᤛᤡᤱᤅᤡᤸᤗᤧ ᤀᤰᤂᤣ ᤆᤥ᤺ᤰᤔᤠ ᤏᤢ᤺ᤒᤠ ᤐᤥ᤺ᤱ ᤁᤧᤔᤧᤳᤋᤡᤒᤠᤸᤗᤧ ᤆᤥᤃᤢᤸᤗᤧ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤕᤧᤶᤔᤧ᤹ᤀᤥ॥ \p \v 6 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤂᤡᤏᤡ᤹ ᤀᤣ᤺ᤱᤕᤠᤱ ᤁᤧᤜᤢᤅᤢᤶᤗᤥ॥ ᤌᤣᤀᤠᤱᤓᤧᤸᤗᤧ ᤛᤢᤜᤠᤱᤕᤢᤰᤐᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤛᤡᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤒᤠ ᤁᤴ ᤕᤠ᤺ᤶᤒᤰ ᤔᤧᤈᤥᤃᤢᤀᤠᤱ ᤂᤡᤏᤡ᤹ ᤁᤧᤜᤢᤅᤢᤶᤒᤠ ᤀᤧ᤺ᤱᤕᤠᤱᤗᤠᤶ ᤑᤠ᤹ᤕᤠᤱ ᤔᤧᤄᤥ᤺ᤛᤢ᤹ᤖᤥ॥ \v 7 ᤁᤠᤰ ᤜᤢᤱᤔᤠ ᤁᤧᤒᤥ᤺ᤱᤒᤠᤴ ᤜᤢᤅᤧᤶᤔᤧ᤹–ᤁᤧᤖᤧᤰ ᤜᤢᤱᤔᤠ ᤁᤧᤒᤥ᤺ᤱᤒᤠ ᤀᤣ᤺ᤱᤕᤠᤱᤜᤠ᤹ ᤜᤢᤅᤧᤶᤔᤧ᤹. ᤁᤧᤖᤧᤰ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤔᤠ ᤁᤧᤒᤥ᤺ᤱᤒᤠᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹ᤀᤥ॥ \s1 ᤗᤢᤱᤔᤠ᤹ ᤋᤢᤰᤛᤡᤱᤔᤠᤸᤗᤧ ᤛᤠᤶᤕᤥᤌᤡᤶᤔᤡᤴ ᤁᤧᤳᤋᤢ᤹ \p \v 8 ᤜᤠᤖᤠ᤹ ᤂᤡᤏᤡ᤹ ᤗᤢᤶᤔᤥ ᤗᤢᤱᤔᤠ᤹ ᤋᤢᤰᤛᤡᤱᤔᤠᤀᤠᤱᤎᤥ ᤘᤣ᤹ ᤐᤠ᤺ᤴᤏᤡᤸᤗᤧᤴ ᤛᤡᤱᤏᤠ᤺ᤳᤋᤥ ᤔᤧᤒᤳᤇᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤘᤣ᤹ ᤔᤏᤠᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶᤏᤧ ᤑᤠ᤹ᤃᤪ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤧᤃᤧᤳᤋᤢᤶᤗᤥ॥ \v 9 ᤛᤠᤶᤕᤥᤌᤡᤶᤔᤥ. ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤈᤥᤃᤧᤴᤏᤧ᤹. ᤔᤏᤠ ᤔᤧᤛᤧᤖᤧᤴᤏᤧ᤹. ᤔᤧᤄᤢ᤺ᤴᤍᤧᤴᤏᤧ᤹. ᤔᤧᤄᤡ᤺ᤵᤛᤧᤴᤏᤧ᤹ ᤗ᤹ᤖᤡᤰ ᤛᤠᤵᤋᤧᤒᤠ ᤀᤡᤱᤈᤠ᤺ᤱᤜᤠ᤹ ᤏᤢ ᤘᤣ᤹ ᤁᤧᤖᤧᤰ ᤀᤡᤱᤈᤠ᤺ᤱᤜᤠ᤹ ᤀᤠᤒᤠᤅᤣ ᤗᤢᤱᤔᤠ᤹ ᤁᤧᤍᤢᤰᤛᤡᤱᤒᤠ ᤁᤢᤀᤡᤛᤡ᤺ᤰ ᤁᤧᤒᤠᤱᤓᤣ᤹ᤛᤠᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤛᤧ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤧᤳᤗᤥ॥ \v 10 ᤗᤢᤱᤔᤠ᤹ ᤁᤧᤍᤢᤰᤐᤠᤸᤗᤧ ᤜᤠ᤺ᤳᤋᤠᤱ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤗᤢᤱᤔᤠ᤹ ᤋᤢᤰᤛᤡᤱᤔᤠᤴᤏᤣ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤧᤵᤔᤏᤠᤒᤠ ᤐᤥ᤺ᤱᤗᤥ॥ \p \v 11 ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤆᤥᤃᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤀᤠᤸᤗᤥᤒᤠ ᤕᤧᤶᤔᤡᤴ ᤀᤠᤰᤋᤱᤒᤠ ᤆᤥ᤺ᤰ ᤑᤠ᤹ᤀᤠᤱ ᤁᤧᤏᤡ᤺ᤛᤢᤶᤗᤥ॥ ᤀᤠᤸᤗ ᤀᤠᤏᤡ᤹ ᤔᤡᤰ ᤕᤢ᤺ᤔᤥᤗᤠᤶ ᤛᤥ᤺ᤔᤠᤀᤠᤱ ᤐᤥ᤺ᤰᤔᤠ ᤕᤧᤶ ᤁᤧᤖᤧᤀᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤋᤃᤡ ᤏᤛᤠ᤺ᤴ ᤀᤠᤈᤥᤃᤢᤶᤒᤠ ᤕᤧᤶᤔᤡᤴᤏᤢ᤺ᤸᤗᤧᤀᤠᤱ ᤁᤢᤔᤏᤠᤜᤠ᤹ ᤋᤠᤱᤛᤧ᤺ᤵᤛᤧ ᤍᤠᤱᤒᤠᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤶᤔᤡᤴ ᤀᤠᤸᤗᤥ ᤏᤡ᤺ᤳᤋᤠᤱ ᤘᤠ᤹॥ \v 12 ᤛᤧᤴᤍᤡᤰᤁᤡᤴ ᤗᤧᤰᤗ ᤐᤳᤗᤥ. ᤜᤧᤰᤁᤩᤠᤱ ᤂᤠᤀᤥ᤺ᤵᤔᤠᤴ ᤏᤡ᤺ᤳᤋᤠᤱ ᤋᤠᤖ ᤐᤳᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤂᤠᤍᤠᤶᤔᤥ ᤔᤧᤈᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤜᤠ᤹ ᤗᤧᤖᤢᤶ ᤜᤧᤰᤁᤩᤠᤱ ᤀᤥ᤺ᤳᤋᤡ᤺ᤸᤗᤧᤴ ᤌᤰᤛᤢᤒᤠᤜᤠ᤹ ᤕᤠᤖᤡᤵ ᤔᤧᤒᤥ᤺ᤱᤒᤠ ᤜᤧᤰᤁᤣ ᤕᤠᤖᤡᤵ ᤐᤥ᤺ᤰᤂᤡᤀᤠᤱ ᤏᤢ᤺ᤒᤠ ᤕᤠ᤺ᤶᤒᤰ ᤆᤥᤃᤢᤶᤗᤥ॥ \v 13 ᤀᤠᤏᤡ᤹ᤃ ᤗᤧᤴᤍᤡᤰ ᤀᤠᤘᤠ᤹ᤒᤠ ᤁᤢᤀᤡᤛᤡ᤺ᤰᤁᤣ ᤛᤡᤱᤛᤡᤱ ᤕᤧᤰᤕᤧᤰᤁᤠᤱ ᤘᤠ᤹ᤔᤠ ᤐᤥ᤺ᤱᤗᤥ. ᤕᤠᤶᤍᤠᤍᤠ ᤀᤠᤔᤔᤒᤠᤸᤗᤧ ᤔ᤺ᤛᤡᤱᤔᤠᤀᤠᤱ ᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠ. ᤆᤠᤖᤠᤶᤔᤠ ᤏᤢ ᤐᤥ᤺ᤵᤔᤠ. ᤂᤣᤔᤠ ᤌᤰᤔᤠ ᤏᤢ ᤏᤠᤜᤧᤳᤇᤡᤱᤔᤠ ᤔᤧ᤺ᤴᤗᤥ॥ \v 14 ᤂᤧᤸᤗᤧ ᤁᤢᤗᤧᤰᤘᤠ ᤏᤢ᤺ᤒᤠ ᤆᤠᤱ ᤆᤠᤱᤔᤏᤠᤒᤠ ᤁᤢᤀᤡᤛᤡ᤺ᤰ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤢᤳᤏᤠ᤺ᤴ ᤆᤠᤰᤂᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤗᤠᤕᤥᤒᤠ ᤛᤢᤳᤏᤠ᤺ᤸᤗᤧ ᤁᤢᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠ ᤏᤡᤱᤘᤠ᤹ ᤔᤧᤒᤡᤖᤧᤶᤔᤡᤴᤏᤧ᤹ᤀᤥ॥ \c 14 \s1 ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤀᤡᤱᤍᤥ ᤔᤧᤵᤔᤠᤛᤡ ᤔᤧ᤺ᤴ \p \v 1 ᤏᤛᤠ᤺ᤴᤏᤥ ᤏᤡᤱᤘᤠ᤹ ᤁᤧᤒᤠ᤺ᤰᤐᤠ ᤏᤛᤠᤏᤡᤒᤠᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠ ᤏᤡᤱᤘᤠ᤹ ᤐᤠ᤺ᤴᤏᤡᤴ ᤀᤡᤱᤍᤥ ᤔᤧᤶᤔᤧᤳᤋᤣ ᤂᤡᤏᤡ᤹ ᤛᤣᤛᤣ ᤋᤱᤈᤢᤶᤔᤥ ᤂᤧᤱᤜᤠ᤹ ᤋᤠ᤺ᤰᤋᤧᤶᤛᤡᤶᤔᤧ᤹ᤀᤥ॥ \v 2 ᤁᤢᤒᤡᤀᤥ. ᤌᤡᤰ ᤏᤛᤠᤏᤡᤒᤠᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤆᤠᤔᤠ ᤌᤢᤱᤔᤠ ᤏᤢ᤹ ᤗ᤹ᤖᤡᤰ ᤏᤛᤠ᤺ᤴ ᤆᤥᤃᤢ᤹. ᤁᤖ ᤏᤛᤠ᤺ᤴᤏᤥ ᤁᤢᤏᤡᤱᤘᤠ᤹ ᤁᤧᤒᤠ᤺ᤰᤐᤠ ᤏᤛᤠᤏᤡᤒᤠᤸᤗᤧᤃ ᤏᤢᤎᤡ-ᤛᤠᤰᤆᤡᤖᤰ ᤆᤖᤥ॥ \v 3 ᤜᤧᤰᤁᤣ᤺ᤸᤗᤧ ᤁᤠᤰ ᤐᤖᤡᤰᤐᤠ ᤁᤢᤈᤠ ᤁᤧᤈᤠᤒᤠᤸᤗᤧ ᤔᤧᤴᤈᤠ᤺ᤔᤏᤠᤒᤠᤴ ᤜᤡᤏᤠ᤺ᤶ ᤔᤧᤔᤧᤳᤋᤢᤴᤗ. ᤜᤧᤰᤁᤩᤠᤱ ᤔᤧᤴᤈᤠ᤺ᤔᤏᤠᤒᤠᤸᤗᤧᤀᤠᤱ ᤁᤠᤰ ᤐᤖᤡᤰᤐᤠ ᤁᤢᤈᤠ ᤁᤧᤈᤠᤒᤠᤴ ᤔᤧᤈᤡ᤺ᤳᤋᤢᤴᤗ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤋᤠ᤺ᤰᤋᤢᤀᤠᤱ ᤘᤠ᤹ᤖᤥ॥ \v 4 ᤘᤣ᤹ᤀᤡᤸᤗᤧ ᤁᤢᤛᤣᤘᤠᤖᤥᤒᤠᤴ ᤀᤡᤱᤍᤥ ᤁᤧᤔᤧᤵᤐᤠ ᤂᤧᤏᤧ᤹ ᤜᤠ᤺ᤳᤏᤧᤒᤣ᥅ ᤁᤢᤴᤍᤠᤱᤒᤠᤸᤗᤧᤀᤣ ᤁᤢᤛᤣᤘᤠᤖᤥᤒᤠᤸᤗᤧ ᤏᤢ᤺ᤒᤠ ᤐᤠ᤺ᤴ ᤆᤥᤃᤢᤖ ᤘᤠ᤹ᤒᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤂᤠᤛᤧᤴ ᤆᤥᤃᤢ᤹ᤖᤥ॥ ᤍᤠᤱᤒᤠᤸᤗᤧᤀᤣ ᤁᤢᤛᤣᤘᤠᤖᤥᤒᤠᤴ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤢᤓᤠ᤹ ᤐᤡᤖᤢᤖᤥ. ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤂᤧᤴ ᤁᤢᤓᤠ᤹ ᤐᤡᤔᤠ ᤔᤢᤰᤛᤠᤶ ᤁᤳᤋᤢ᤹ᤖᤥ॥ \p \v 5 ᤌᤡᤰ ᤏᤛᤠᤏᤡᤒᤠᤸᤗᤧ ᤌᤡᤰ ᤕᤧᤴᤏᤡᤴ ᤘᤣ᤹ᤛ᤻ᤔᤠ ᤕᤧᤴᤏᤡᤴᤏᤢ᤺ᤸᤗᤧᤀᤠᤱ ᤛᤣᤛᤣᤒᤠ ᤆᤥ᤺ᤰ ᤑᤠ᤹ᤀᤠᤱ ᤀᤡ᤺ᤳᤋᤢ᤹. ᤁᤖ ᤘᤣ᤹ᤛ᤻ᤔᤠ ᤔᤏᤠ᤺ᤸᤗᤧ ᤁᤠᤰ ᤕᤧᤴᤜᤠ᤹ ᤗᤳᤌᤡᤰᤁᤧ ᤔᤧᤈᤥ᤺ᤰ ᤑᤠ᤹ᤀᤠᤱ ᤀᤡ᤺ᤳᤋᤢ᤹ᤖᤥ॥ ᤜᤧᤰᤁᤣ᤺ᤸᤗᤧ ᤁᤴ ᤐᤠ᤺ᤴᤏᤥ ᤁᤧᤖᤧᤰᤗᤧ ᤀᤠᤒᤠᤅᤣ ᤏᤡᤱᤘᤠ᤹ᤒᤥ ᤏᤡᤛ᤻ᤛᤣ ᤐᤥ᤺ᤱᤔᤠ ᤐᤥ᤺ᤱᤗᤥ॥ \v 6 ᤌᤡᤰ ᤕᤧᤴᤏᤡᤴ ᤘᤣ᤹ᤛ᤻ᤔᤠ ᤕᤧᤴᤏᤢ᤺ᤸᤗᤧᤀᤠᤱ ᤁᤧᤕᤧᤰᤐᤠ ᤆᤥ᤺ᤰ ᤗ᤹ᤖᤡᤰ ᤁᤧᤀᤡ᤺ᤵᤐᤠᤸᤗᤧ ᤍᤠᤱᤒᤠᤴ ᤀᤡᤱᤎᤠ᤺ᤱ ᤐᤡᤔᤠᤖᤧ ᤗᤠᤃᤡ ᤜᤧᤰᤁᤣ ᤆᤥᤃᤢ᤹॥ ᤛᤠ ᤁᤧᤈᤠᤒᤠᤸᤗᤧ ᤍᤠᤱᤒᤠᤴ ᤀᤡᤱᤎᤠ᤺ᤱ ᤐᤡᤔᤠᤖᤧ ᤗᤠᤃᤡ ᤜᤧᤰᤁᤣ ᤆᤥᤃᤢ᤹. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ᤹ᤖᤥ॥ ᤛᤠ ᤔᤧᤴᤈᤠ᤺ᤔᤏᤠᤒᤠᤸᤗᤧ ᤍᤠᤱᤒᤠᤴ ᤀᤡᤱᤎᤠ᤺ᤱ ᤐᤡᤔᤠᤖᤧ ᤗᤠᤃᤡ ᤜᤧᤰᤁᤣ ᤆᤥᤃᤢ᤹. ᤜᤧᤰᤁᤩᤠᤱ ᤂᤧᤸᤗᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ᤹ᤖᤥ॥ \v 7 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤀᤠᤜᤡᤱᤛᤠᤱ ᤀᤠᤛ᤻ᤛᤡᤛᤠᤱ ᤀᤠᤏᤡ᤹ ᤀᤠᤒᤠᤅᤣ ᤗᤠᤃᤡ ᤀᤠᤴᤜᤡᤱᤏᤧᤴᤗᤥ॥ \v 8 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤀᤠᤜᤡᤱᤛᤠᤱ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤀᤠᤜᤡᤱ. ᤀᤠᤛ᤻ᤛᤡᤛᤠᤱ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤀᤠᤛᤡ᤺ᤖᤥ॥ ᤜᤧᤰᤁᤣ᤺ᤸᤗᤧ ᤀᤠᤜᤡᤱᤛᤠᤱ ᤀᤠᤛ᤻ᤛᤡᤛᤠᤱ ᤀᤠᤏᤡ᤹ᤃ ᤍᤠᤱᤒᤠᤸᤗᤧᤴᤏᤣᤖᤥ॥ \v 9 ᤒᤠ ᤁᤸᤗᤧ ᤆᤥᤃᤢᤸᤗᤧ. ᤂᤪᤡᤛ᤻ᤋᤧᤴ ᤛᤩᤧ ᤜᤧᤰᤁᤩᤠᤱ ᤁᤢᤛᤡᤘᤧᤳ ᤏᤢ ᤁᤢᤜᤡᤱᤘᤧᤳᤜᤠ᤹ᤖᤧ ᤂᤢᤏᤡ᤹ ᤍᤠᤱᤒᤠ ᤐᤥ᤺ᤱᤛᤧ ᤂᤢᤏᤧ᤹ ᤕᤠᤶᤔᤥ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤖᤥ॥ \p \v 10 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤌᤣᤀᤠᤱ ᤘᤣ᤹ ᤏᤛᤠᤏᤡᤒᤠᤜᤠ᤹ ᤂᤠᤛᤧᤴ ᤁᤧᤗᤥ᤺ᤴᤍᤢᤶᤛᤡᤶᤒᤠᤒᤣ᥅ ᤌᤣᤀᤠᤱ ᤘᤣ᤹ ᤏᤛᤠᤏᤡᤒᤠᤜᤠ᤹ ᤜᤡᤏᤠ᤺ᤶ ᤁᤧᤔᤧᤳᤋᤢᤶᤛᤡᤶᤒᤠᤒᤣ᥅ ᤀᤠᤏᤡ᤹ᤃ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴ ᤕᤢᤰᤏᤠ᤺ᤸᤗᤧ ᤁᤢᤍᤃᤡ ᤕᤧᤵᤔᤠᤀᤣ ᤐᤥ᤺ᤱᤗᤥ॥ \v 11 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. \q1 “ᤛᤧᤰᤂᤠᤀᤣ ᤔᤠᤱᤜᤧᤰᤛᤡᤱᤅᤠ. \q1 ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤀᤡᤱᤃᤠ᤹ ᤀᤠᤍᤃᤡ ᤌᤢᤱᤒᤥᤜᤈ᤹ ᤔᤧᤗᤣ᤺ᤳᤋᤢᤀᤠᤱ ᤛᤠᤶᤒᤥ᤺ᤴ ᤔᤧᤓᤴᤇᤡᤱ. \q1 ᤜᤧᤰᤁᤩᤠᤱ ᤁᤧᤖᤧᤰᤗᤧ ᤏᤡᤱᤘᤠ᤹ᤑᤢᤔᤠᤱᤀᤠ ᤑᤠ᤹ᤀᤠᤱ ᤋᤧᤴᤍᤡᤱ ᤔᤧᤈᤥ᤺ᤰᤁᤠ \q1 ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥”\f * \fr 14:11 \ft ᤕᤛᤤᤕᤠ ᥊᥋.᥈᥉\f* \m \v 12 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤁᤧᤖᤧᤰᤗᤧ ᤀᤠᤈᤥᤃᤢᤶᤒᤠ ᤕᤠ᤺ᤶᤒᤰᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ ᤀᤠᤒᤠᤅᤣ ᤆᤧᤰᤔᤠ ᤐᤥ᤺ᤱᤗᤥ॥ \s1 ᤘᤣ᤹ᤜᤠ᤹ ᤗᤠᤕᤥᤀᤥ ᤌᤠᤔᤠᤛᤡ ᤔᤧ᤺ᤴ \p \v 13 ᤂᤧᤸᤗᤧ ᤆᤥᤃᤢᤸᤗᤧ ᤘᤣ᤹ᤜᤠ᤹ ᤀᤡᤱᤍᤥ ᤔᤧᤵᤔᤠᤛᤡ ᤗᤧᤖᤢᤶᤗᤥ॥ ᤂᤧᤸᤗᤧ ᤁᤢᤗᤧᤰᤘᤠ ᤘᤣ᤹ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤶᤔᤥ ᤀᤠᤄᤄᤒᤠ ᤐᤠ᤺ᤴ ᤀᤡᤃᤪ ᤗᤠᤕᤥᤀᤥ ᤁᤧᤎᤠ᤺ᤒᤠ ᤐᤠ᤺ᤴ ᤏᤧᤛ᤻ᤛᤢᤶ ᤔᤧ᤺ᤴ ᤁᤧᤗ᤹ᤒᤠ ᤏᤡᤛ᤻ᤛᤣ ᤆᤥᤃᤢᤶᤗᤥ॥ \v 14 ᤍᤠᤱᤒᤠ ᤕᤧᤛᤢᤖᤧ ᤁᤢᤕᤢᤰᤗᤠᤶ ᤀᤡᤱᤃᤠ᤹ᤃ ᤀᤠᤳᤋᤡᤴ ᤁᤢᤈᤠ᤺ᤴᤏᤠᤱ ᤀᤠᤈᤡ᤺ᤴᤈᤡ᤺ᤶᤒᤠ ᤔᤧᤈᤥ᤺ᤰᤏᤧᤴ ᤑᤠ᤹ᤀᤠᤱ ᤀᤠᤏᤡᤱᤘᤠ᤹ᤀᤥ ᤏᤡᤛ᤻ᤛᤣ ᤘᤠ᤹ᤀᤠ. ᤁᤖ ᤀᤠᤳᤋᤡᤴ ᤔᤏᤠ᤺ᤸᤗᤧ ᤁᤢᤓᤠ ᤁᤢᤈᤠᤜᤠ᤹ ᤀᤠᤈᤡ᤺ᤴᤈᤡ᤺ᤶᤒᤠ ᤆᤥ᤺ᤰ ᤑᤠ᤹ᤀᤠᤱ ᤀᤡ᤺ᤳᤋᤢ᤹. ᤂᤧᤱᤃ ᤂᤢᤏᤧ᤹ ᤁᤢᤗᤠᤃᤡ ᤀᤠᤈᤡ᤺ᤴᤈᤡ᤺ᤶᤒᤠᤀᤣ ᤐᤥ᤺ᤱᤗᤥ॥ \v 15 ᤂᤧᤏᤧ᤹ ᤁᤧᤈᤒᤠ ᤁᤢᤈᤠ᤺ᤸᤗᤧ ᤘᤣ᤹ ᤏᤛᤠᤏᤡᤒᤠᤴ ᤆᤵᤆᤡ ᤁᤧᤈᤥ᤺ᤰᤐᤠ ᤆᤥᤃᤢ᤹ᤏᤧ ᤑᤠ᤹ᤃᤪ ᤂᤧᤏᤧ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤋᤢᤛᤡᤒᤠ ᤔᤧᤒᤥ᤺ᤱᤏᤧᤸᤗᤥ॥ ᤂᤧᤏᤧ᤹ ᤁᤧᤈᤒᤠ ᤁᤢᤈᤠ᤺ᤸᤗᤧ ᤘᤣ᤹ ᤏᤛᤠᤏᤡᤒᤠᤴ ᤑᤧᤳᤔᤧᤗᤠ᤺ᤴᤍᤢᤴᤗᤖᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤗᤠᤃᤡ ᤂᤪᤡᤛ᤻ᤋᤧᤴ ᤛᤩᤧᤀᤠᤱ ᤘᤠ᤹ᤖᤥ॥ \v 16 ᤂᤧᤏᤧ᤹ ᤆᤠᤔᤠ ᤏᤢ᤹ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤒᤠ ᤐᤠ᤺ᤴᤜᤠ᤹ᤖᤧ ᤘᤣ᤹ᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤑᤧᤳᤗᤠ᤺ᤴᤍᤢᤀᤠᤱ ᤂᤪᤡᤛ᤻ᤋᤖᤧ ᤁᤢᤈᤠ᤺ᤳᤌᤡ ᤔᤧᤒᤣ᤺ᤰᤏᤧᤴᤗᤖᤥ॥ \v 17 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤆᤠᤔᤠ ᤏᤢ ᤌᤢᤱᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤔᤧ᤺ᤴ. ᤁᤖ ᤛᤠᤶᤕᤥᤏᤡᤔᤠ. ᤛᤏᤠᤖᤢᤱ ᤏᤢ ᤛᤣᤛᤣᤔᤠᤱᤅᤡᤸᤗᤧ ᤀᤠᤒᤡᤒᤠ ᤛ᤺ᤵᤔᤠᤸᤗᤧ ᤁᤢᤕᤠ᤺ᤶᤒᤣᤀᤥᤏᤧᤖᤥ॥ \v 18 ᤀᤰᤂᤣᤗ᤹ᤖᤡᤰ ᤂᤪᤡᤛ᤻ᤋᤧᤴ ᤛᤣᤘᤠ ᤁᤧᤈᤥ᤺ᤰᤐᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤛᤢ᤹. ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧᤀᤠᤱ ᤂᤧᤴ ᤔᤏᤠ᤺ᤴ ᤁᤢᤏᤠᤖᤠ ᤔᤧᤓᤥ᤺ᤛᤢᤖ ᤋᤧᤴᤍᤡᤱ ᤔᤧᤈᤥᤃᤢ᤹ᤖᤥ॥ \p \v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤳᤋᤡᤴ ᤐᤠ᤺ᤴᤏᤡᤸᤗᤧ ᤛᤏᤠᤖᤢᤱ ᤋᤠᤖᤢ᤹. ᤜᤧᤰᤁᤩᤠᤱ ᤏᤛᤠᤏᤡᤒᤠ ᤗᤢᤶᤔᤥ ᤜᤠᤱᤜᤠᤱ ᤔᤧᤳᤇᤡᤱᤔᤠ ᤐᤠ᤺ᤴ ᤆᤥᤃᤢ᤹. ᤒᤠ ᤂᤧᤴᤏᤣ ᤆᤥ᤺ᤰᤔᤠ ᤛᤠ᤹ᤖᤡᤰ ᤋᤶᤛᤡᤴ ᤆᤥᤃᤢᤶᤗᤥ॥ \v 20 ᤆᤠᤔᤠ ᤌᤢᤱᤔᤠᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤰᤁᤡᤴ ᤑᤧᤳᤔᤧᤗᤠ᤺ᤴᤍᤧᤶᤔᤡᤴᤏᤧ᤹॥ ᤁᤠᤰ ᤁᤢᤈᤠ ᤁᤢᤎᤡᤜᤠ᤹ ᤛᤢᤳᤌᤥ ᤏᤢ ᤛᤣᤛᤣ ᤆᤥ᤺ᤰ. ᤁᤖ ᤔᤏᤠ ᤁᤧᤄ᤺ᤒᤠ ᤁᤢᤈᤠ ᤆᤠᤔᤠᤃ ᤏᤢ᤺ᤒᤠ ᤔᤧᤒᤥ᤺ᤱᤏᤧᤸᤗᤥ॥ \v 21 ᤘᤣ᤹ ᤏᤛᤠᤏᤡᤒᤠᤜᤠ᤹ ᤗᤠᤕᤥᤀᤥ ᤁᤧᤎᤠ᤺ᤒᤠ ᤁᤢᤈᤠ ᤁᤢᤎᤡ ᤔᤧᤴᤈᤠᤔᤠ ᤜᤧᤰᤁᤩᤠᤱ ᤗᤠᤕᤥᤀᤥ ᤁᤧᤎᤠ᤺ᤒᤠ ᤕᤠ᤺ᤶᤒᤰ ᤔᤧᤴᤈᤥ᤺ᤰᤔᤠᤀᤣ ᤏᤢ᤺ᤒᤠ ᤐᤥ᤺ᤱᤗᤥ॥ \v 22 ᤁᤴ ᤆᤠᤔᤠ ᤌᤢᤱᤔᤠ ᤐᤠ᤺ᤴᤏᤥ ᤀᤠᤰᤋᤱᤒᤠ ᤏᤛᤠ᤺ᤴ ᤁᤧᤃᤳᤋᤢ᤹ ᤂᤧᤴ ᤏᤡᤱᤘᤠ᤹ᤑᤢᤔᤠᤱ ᤏᤢ ᤂᤧᤏᤧ᤹ ᤁᤧᤗᤢᤶᤔᤥ ᤘᤠ᤹ᤖ॥ ᤀᤠᤳᤋᤡᤴ ᤔᤏᤠ᤺ᤸᤗᤧ ᤆᤠᤔᤠ ᤌᤢᤱᤔᤠ ᤏᤢ᤹ ᤗ᤹ᤖᤡᤰ ᤀᤡ᤺ᤳᤋᤢᤒᤠ ᤐᤠ᤺ᤴᤏᤡᤴ ᤆᤵᤆᤡ ᤔᤧᤈᤥᤃᤢᤴ ᤂᤧᤴᤏᤣ ᤔᤢ᤹ᤀᤡᤛᤠᤒᤠᤖᤥ॥ \v 23 ᤁᤖ ᤆᤵᤆᤡ ᤆᤥ᤺ᤰᤁᤡ ᤁᤧᤈᤠᤒᤠᤴ ᤀᤠᤒᤠᤅᤣ ᤗᤠᤕᤥᤀᤥ ᤌᤠ᤺ᤖᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤑᤣ᤺ᤴᤍᤢᤱ ᤁᤧᤗ᤹ᤒᤠ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤆ᤹᤺॥ ᤏᤛᤠ᤺ᤴᤗᤠᤶᤒᤠ ᤔᤧᤶᤒᤥ᤺ᤱᤔᤏᤠᤒᤠ ᤁᤠᤰ ᤐᤠ᤺ᤴᤜᤠ᤹ ᤗᤠᤕᤥᤖᤥ॥ \c 15 \s1 ᤏᤛᤠ᤺ᤴ ᤁᤧᤛᤢ᤺ᤶᤒᤠᤜᤠ᤹ ᤁᤢᤓᤠ ᤐᤡᤔᤠ \p \v 1 ᤀᤠᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠᤜᤠ᤹ᤖᤧ ᤀᤠᤒᤠᤅᤣ ᤏᤡᤱᤘᤠ᤹ ᤋᤠ᤺ᤔᤠ ᤔᤧᤏᤢ᤹ᤏᤧᤴ. ᤁᤖ ᤏᤛᤠ᤺ᤴ ᤁᤧᤛᤢ᤺ᤶᤒᤠᤜᤠ᤹ ᤁᤢᤓᤠ᤹ ᤐᤡᤔᤠᤛᤡ ᤐᤥ᤺ᤱᤗᤥ॥ \v 2 ᤀᤠᤏᤡ᤹ ᤁᤧᤖᤧᤰᤗᤧ ᤘᤣ᤹ᤜᤠ᤹ᤖᤧ ᤗᤠᤃᤡ ᤏᤢ᤺ᤒᤠ ᤆᤥ᤺ᤰᤔᤠᤀᤠᤱ ᤂᤢᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤆᤥ᤺ᤰᤔᤠᤛᤡ ᤑᤠ᤹ᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠᤛᤡ ᤐᤥ᤺ᤱᤗᤥ॥ \v 3 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤂᤡᤏᤡ᤹ ᤜᤡᤏᤠ᤺ᤶ ᤁᤧᤔᤧᤵᤐᤠᤜᤠ᤹ᤖᤧ ᤁᤧᤶᤔᤧᤳᤋᤡᤒᤠ ᤜᤡᤏᤠ᤺ᤶᤔᤡᤱᤃ ᤀᤡᤱᤃᤠ᤹ ᤀᤠᤛᤶᤍᤠᤱ ᤆᤢᤰᤋᤧᤀᤠᤱ ᤘᤠ᤹ᤖᤥ\f * \fr 15:3 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥌᥏.᥏\f* ᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤵᤐᤠ ᤁᤢᤀᤡᤛᤡ᤺ᤰ ᤂᤪᤡᤛ᤻ᤋᤖᤧᤀᤠᤱ ᤀᤠᤒᤠᤅᤣ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤴᤗᤥ॥ \v 4 ᤐᤣ ᤕᤧᤶᤔᤥ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧ ᤀᤠᤏᤡ᤹ ᤏᤡᤛᤠᤶ ᤀᤠᤜᤢ᤹ᤖ ᤑᤠ᤹ᤀᤠᤱ ᤛᤠᤵᤋᤧᤒᤠᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤏᤠᤛᤡ ᤀᤠᤎ᤺ᤳᤋᤢᤶᤔᤡᤸᤗᤧ ᤜᤧᤰᤁᤩᤠᤱ ᤛᤠᤶᤕᤥᤛᤠᤵᤗᤠᤗᤠᤶ ᤀᤠᤏᤡ᤹ ᤜᤠᤱᤜᤠᤱ ᤀᤠᤗ᤹ᤀᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤖᤧᤒᤠ ᤔᤠᤱᤜᤧᤰᤜᤠ᤹ ᤁᤧᤳ ᤑᤠ᤹ᤀᤠᤱ ᤏᤡᤛ᤻ᤛᤣᤀᤣ ᤏᤡᤱᤛᤠᤱ ᤀᤠᤈᤥᤃᤢᤶᤗᤥ॥ \p \v 5 ᤀᤠᤸᤗ ᤏᤠᤛᤡ ᤌ᤺ᤵᤔᤠ ᤁᤧᤒᤠᤱᤒᤠ ᤏᤢ ᤜᤠᤱᤜᤠᤱ ᤕᤠᤵᤔᤡ ᤁᤧᤔᤧᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋ ᤕᤧᤛᤢ᤺ᤴ ᤘᤕᤧᤒᤠ ᤁᤢᤒᤡ ᤁᤢᤀᤡᤛᤡ᤺ᤰ ᤁᤧᤒᤥ᤺ᤰᤂᤡᤸᤗᤧ ᤂᤡᤏᤡ᤹ ᤗᤢᤶᤔᤥ ᤌᤡᤰᤜᤢᤵ ᤐᤥ᤺ᤱᤔᤠᤀᤠᤱ ᤘᤠ᤹ᤔᤠ ᤁᤧᤒᤠᤱᤄᤡᤖᤖᤥ॥ \v 6 ᤜᤧᤰᤁᤣᤗ᤹ᤖᤡᤰ ᤌᤡᤰ ᤏᤡᤱᤘᤠ᤹ ᤏᤢ ᤌᤡᤰ ᤔᤢᤖᤠ᤺ᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤐᤠᤏᤢᤍᤡᤱ ᤁᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤔᤠ ᤁᤧᤛᤢᤰᤋᤢᤶᤗᤖᤥ॥ \p \v 7 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤧ ᤂᤪᤡᤛ᤻ᤋᤖᤧ ᤂᤡᤏᤡ᤹ ᤁᤧᤍᤠ᤺ᤰᤋᤡᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤢᤶᤔᤥᤀᤠᤱ ᤋᤠ᤺ᤰᤁᤠᤛᤡᤶᤔᤧ᤹ᤀᤥ॥ \v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤋᤠᤰᤌᤧᤒᤠᤜᤠ᤹ ᤐᤡᤖᤢᤛᤡᤒᤠ ᤔᤠᤱᤜᤧᤰᤜᤠ᤹ ᤛᤧᤰᤂᤠᤀᤣ ᤆᤥ᤺ᤰ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤛᤧ ᤂᤪᤡᤛ᤻ᤋᤧᤴ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤛᤣᤘᤠᤖᤥᤒᤠ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ \v 9 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤔᤡᤔᤡᤍᤡᤱ ᤔᤧᤈᤥᤃᤢᤖ ᤑᤠ᤹ᤀᤠᤱ ᤂᤢᤏᤧ᤹ ᤋᤩᤧᤒᤠᤖᤥ॥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᤁᤧᤛᤠᤵᤐᤠᤸᤗᤧ ᤛᤠᤵᤋᤢᤀᤠᤱ ᤐᤳ. \q1 “ᤂᤧᤸᤗᤧ ᤆᤥᤃᤢᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤡᤱᤃᤠ᤹ ᤏᤧᤶᤓᤥᤃᤧᤴ ᤁᤧᤏᤠᤖᤠ ᤑᤥ᤺ᤛᤢᤱᤗᤥ. \q1 ᤜᤧᤰᤁᤩᤠᤱ ᤁᤧᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤈᤥ᤺ᤰᤐᤠ ᤛᤣᤘᤠ ᤛᤠᤶᤗᤥ᤺ᤴ ᤛᤠᤶᤔᤧᤳᤋᤢᤱᤗᤥ॥”\f * \fr 15:9 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥎.᥊᥏\f* \p \v 10 ᤕᤠᤶᤔᤥ ᤀᤰᤂᤣᤀᤠᤱ ᤛᤠᤵᤋᤧᤀᤠᤱ ᤐᤳ. \q1 “ᤌᤡᤶᤔᤧᤴᤍᤱ ᤛᤢᤘᤠᤱᤛᤣ. \q1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤏᤢ ᤀᤥᤔᤢ ᤗ᤹ᤖᤧᤶᤔᤧ᤹ᤀᤥ॥” \f * \fr 15:10 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥈.᥊᥉\f* \p \v 11 ᤜᤧᤰᤁᤩᤠᤱ ᤕᤠᤶᤔᤥᤀᤠᤱ. \q1 “ᤁᤠᤰ ᤌᤡᤶᤔᤧᤴᤍᤱ ᤛᤢᤘᤠᤱᤛᤣ. ᤍᤠᤱᤒᤠᤸᤗᤧ ᤏᤧᤶᤓᤥᤃᤧᤴ ᤁᤢᤏᤠᤖᤠ ᤑᤥ᤺ᤛᤧᤶᤔᤧ᤹ᤀᤥ. \q1 ᤜᤧᤰᤁᤩᤠᤱ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤧ᤹ ᤏᤧᤶᤓᤥᤃᤧᤴ ᤁᤢᤏᤠᤖᤠ ᤔᤧᤓᤥ᤺ᤛᤢᤖ॥”\f * \fr 15:11 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥍.᥇\f* \p \v 12 ᤜᤧᤰᤁᤩᤠᤱ ᤕᤠᤶᤔᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤀᤠᤱ ᤛᤠᤵᤋᤢᤀᤠᤱ ᤐᤳ. \q1 “ᤕᤡᤛᤤᤖᤧ ᤁᤢᤎᤠ᤺ᤰᤗᤠᤶ ᤔᤏᤠᤎᤡᤰ ᤋᤠ᤺. \q1 ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤌᤡᤶᤔᤧᤴᤍᤱ ᤛᤢᤘᤠᤱ ᤛᤶᤍᤠᤱ ᤜᤠᤱᤕᤢᤰ ᤆᤥᤃᤢ᤹ᤖᤥ॥ \q1 ᤂᤧᤱᤜᤠ᤹ᤖᤧ ᤂᤢᤏᤧ᤹ ᤛᤶᤍᤠᤱ ᤏᤡᤱᤛᤠᤱ ᤔᤧᤕᤢᤰᤂᤢ᤹ᤖᤥ॥”\f * \fr 15:12 \ft ᤕᤛᤤᤕᤠ ᥇᥇.᥇᥆\f* \p \v 13 ᤂᤡᤏᤡ᤹ ᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤏᤡᤱᤛᤠᤱ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤁᤧᤛ᤺ᤵᤐᤠ ᤁᤧᤈᤥᤃᤡᤖ ᤜᤧᤰᤁᤩᤠᤱ ᤛᤏᤠᤖᤢᤱ ᤁᤧᤒᤡᤖᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠ. ᤜᤧᤰᤁᤣᤗ᤹ᤖᤡᤰ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤕᤖᤡᤰ ᤏᤡᤱᤛᤠᤱ ᤁᤧᤃᤵᤐᤠ ᤁᤧᤈᤥᤃᤡᤖᤖᤥ॥ \s1 ᤐᤠᤘᤗᤖᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤔᤠᤱᤛᤣᤘᤠ ᤆᤥᤃᤢ᤹ \p \v 14 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ᤃ ᤘᤣ᤹ᤜᤠ᤹ ᤏᤢ᤺ᤖᤡᤰ ᤁᤧᤔᤧᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹. ᤜᤧᤰᤁᤩᤠᤱ ᤕᤖᤡᤰ ᤏᤧᤜᤡᤏᤡᤱᤘᤠ᤹ ᤁᤧᤃᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤘᤣ᤹ᤜᤠ᤹ ᤜᤢ᤹ᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ ᤁᤧᤗ᤹ᤒᤠ ᤐᤠ᤺ᤴᤏᤥ ᤀᤡᤱᤃᤠ᤹ ᤏᤡᤛ᤻ᤛᤣ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥ \v 15 ᤜᤧᤰᤁᤣᤛᤠᤱ ᤁᤢᤓᤠ ᤔᤧᤶᤒᤠ᤺ᤳᤋᤣ ᤔᤧᤶᤒᤥ᤺ᤱᤔᤏᤠᤒᤠ ᤐᤠ᤺ᤴᤜᤠ᤹ᤀᤥ ᤕᤠᤶᤔᤥ ᤂᤡᤏᤡ᤹ ᤏᤡᤱᤘᤠ᤹ᤛᤢᤶ ᤗ᤹ᤖ ᤑᤠ᤹ᤀᤠᤱ ᤀᤠ᤺ᤴᤇᤡᤱᤅᤠᤖ ᤛᤠᤵᤋᤢᤱᤅᤠᤱ ᤘᤠ᤹ᤀᤠ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤠᤱᤒᤠ ᤗᤢᤱᤃᤢᤶᤗᤠᤶᤒᤠ \v 16 ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤛᤣᤘᤠᤖᤥᤒᤠ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤛᤣᤛᤣᤔᤠᤱᤗᤠᤶ ᤛᤣᤛᤣ ᤔᤧᤒᤥ᤺ᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤧᤴᤍᤡᤱ ᤆᤥᤃᤢᤛᤡᤒᤠ ᤆᤥᤓᤠ᤹ ᤁᤢᤀᤡᤛᤡ᤺ᤰ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤜᤧᤰᤁᤣ ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤢᤏᤠᤀᤡᤱᤅᤡᤴ ᤂᤧᤱᤜᤠ᤹ ᤀᤡᤱᤓᤥ᤺ᤛᤢᤱᤛᤡᤱᤗᤥ॥ \p \v 17 ᤂᤧᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋ ᤕᤧᤛᤢ᤺ᤴᤏᤢ ᤌᤡᤰᤜᤢᤵ ᤐᤥ᤺ᤰᤂᤠᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤆᤥᤃᤢᤱᤒᤠ ᤀᤠᤔᤠᤱᤛᤣᤘᤠᤀᤥ ᤀᤡᤱᤃᤠ᤹ᤃ ᤀᤠᤱᤍᤡᤱ ᤗ᤹ᤔᤠ ᤐᤠ᤺ᤴ ᤁᤳᤋᤢᤱᤗᤥ॥ \v 18 ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤏᤢ ᤆᤥᤃᤢᤱᤒᤠ ᤕᤠ᤺ᤶᤒᤰᤁᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤆᤥ᤺ᤰᤛᤧ ᤂᤪᤡᤛ᤻ᤋᤖᤧ ᤀᤡᤱᤃᤠ᤹ᤗᤠᤶ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤖᤰ ᤀᤠᤱᤍᤡᤱ ᤗ᤹ᤀᤠᤖᤥ॥ ᤘᤣ᤹ ᤐᤠ᤺ᤴᤜᤠ᤹ᤀᤥ ᤀᤠᤱᤍᤡᤱ ᤔᤧᤗ᤹ᤀᤠᤴᤗᤥ॥ \v 19 ᤁᤴ ᤕᤠ᤺ᤶᤒᤰᤁᤡᤴ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤔᤡᤰᤛᤣ᤺ᤴᤜᤠ᤹ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ ᤀᤰᤂᤣᤗ᤹ᤖᤡᤰ ᤀᤡᤱᤃᤠ᤹ ᤕᤖᤢᤛᤗᤧᤔᤗᤠᤶ ᤀᤡᤸᤗᤡᤖᤡᤁᤢᤔ ᤋᤧᤱᤃᤵ ᤌᤠᤖᤡᤰ ᤂᤪᤡᤛ᤻ᤋᤖᤧ ᤁᤠᤰ ᤁᤢᤛᤢᤏᤠᤀᤡᤱᤅᤡᤴ ᤀᤡᤱᤓᤥ᤺ᤛᤢᤱ ᤛᤢᤖᤢᤱᤅᤠᤱ ᤘᤠ᤹ᤀᤠᤖᤥ॥ \v 20 ᤘᤣ᤹ ᤔᤏᤠᤜᤠ᤹ᤖᤧ ᤔᤧᤏᤧᤛ᤻ᤛᤢᤒᤠ ᤐᤠᤱᤕᤰᤁᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤧᤴ ᤁᤢᤀᤡᤛᤡ᤺ᤰ ᤘᤣ᤹ ᤔᤏᤠᤜᤠ᤹ᤖᤧ ᤂᤪᤡᤛ᤻ᤋᤧᤴ ᤀᤡᤱᤔᤧᤓᤥ᤺ᤛᤢᤒᤠ ᤋᤧᤴᤏᤥ ᤀᤡᤱᤃᤠ᤹ ᤂᤪᤡᤛ᤻ᤋᤧᤴ ᤀᤡᤱᤔᤧᤓᤥ᤺ᤀᤠᤴᤗᤥ. ᤁᤖ ᤂᤪᤡᤛ᤻ᤋᤧᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤁᤧᤘᤠ᤹ᤒᤠ ᤋᤧᤴᤏᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤛᤍᤠᤍᤡᤱ ᤏᤡᤱᤘᤠ᤹ ᤁᤳᤋᤢᤱᤗᤥ॥ \v 21 ᤛᤠᤶᤕᤥᤛᤠᤵᤗᤠᤀᤥᤃ ᤀᤰᤂᤣᤗ᤹ᤖᤡᤰᤏᤧ ᤛᤠᤵᤋᤧᤀᤠᤱ ᤐᤳᤗᤥ. \q1 “ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤔᤧᤶᤔᤧᤳᤇᤡᤱᤅᤣ ᤁᤧᤘᤠ᤹ᤒᤠᤜᤠ᤹ᤖᤧ ᤔᤧᤏᤡ᤺ᤛᤢ᤹. \q1 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤔᤧᤱᤄᤧᤶᤔᤣ ᤁᤧᤘᤠ᤹ᤒᤠᤜᤠ᤹ᤖᤧ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ᤖᤥ॥”\f * \fr 15:21 \ft ᤕᤛᤤᤕᤠ ᥋᥈.᥇᥋\f* \s1 ᤐᤠᤘᤗᤖᤧ ᤖᤥᤔ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ᤹ \p \v 22 ᤒᤠ ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤘᤣ᤹ ᤋᤧᤴᤏᤥ ᤂᤪᤡᤛ᤻ᤋᤧᤴ ᤀᤡᤱᤓᤥ᤺ᤛᤢᤱᤒᤠᤸᤗᤧ ᤂᤡᤏᤡ᤹ᤀᤥ ᤋᤠ᤺ᤔᤠ ᤔᤧᤴᤇᤢᤰᤁᤣ ᤘᤠ᤹ᤀᤠᤖᤥ॥ \v 23 ᤁᤖ ᤁᤴ ᤌᤢᤶᤔᤥ ᤁᤠᤰ ᤐᤡᤛᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤱ ᤛᤢᤖᤢᤱᤅᤠᤱ ᤘᤠ᤹ᤀᤠ. ᤜᤧᤰᤁᤩᤠᤱ ᤀᤠᤸᤗ ᤕᤖᤡᤰ ᤋᤱᤒᤣᤀᤠᤱᤎᤥ ᤂᤡᤏᤡ᤹ᤀᤥ ᤋᤠ᤺ᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠᤸᤗᤧ ᤆᤥᤃᤢᤸᤗᤧ. \v 24 ᤀᤡᤱᤃᤠ᤹ ᤀᤡᤛ᤻ᤐᤧᤏ ᤗᤠᤈᤣ᤹ ᤐᤣ᤺ᤰᤁᤠᤸᤗᤧ ᤂᤡᤏᤡ᤹ ᤋᤢᤶᤛᤧ ᤖᤥᤔ ᤕᤧᤰᤕᤰᤁᤥ ᤗ᤺ᤶᤔᤠ ᤋᤠ᤺ᤔᤠ ᤀᤠᤏᤡᤱᤘᤠ᤹ ᤘᤠ᤹. ᤜᤧᤰᤁᤩᤠᤱ ᤂᤡᤏᤡ᤹ᤏᤢ ᤁᤢᤓᤠ ᤕᤧᤴ ᤛ᤺ᤳᤋᤠᤖ ᤘᤠ᤹ᤀᤠᤀᤠᤱ ᤐᤣ᤺ᤰᤁᤠᤀᤡᤸᤗᤧ ᤕᤠᤶᤔᤥ ᤀᤠᤗᤠᤶᤍᤡ᤺ᤰᤁᤥ ᤁᤢᤓᤠ᤹ ᤕᤠᤵᤔᤡ ᤁᤧᤒᤡᤖᤡ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ \v 25-26 ᤁᤖ ᤀᤠᤸᤗ ᤕᤖᤢᤛᤗᤧᤶᤔᤥᤒᤠ ᤕᤠᤱᤃᤧᤛᤠ᤹ᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤗᤠᤃᤡ ᤀᤰᤂᤤᤕᤠ ᤏᤢ ᤔᤧᤛᤣᤍᤥᤏᤡᤕᤠ ᤌᤢᤶᤔᤥᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤔᤧᤛᤢᤵᤛᤢᤒᤠ ᤑᤠ᤹ᤕᤠᤱᤅᤡᤴ ᤛᤠ᤺ᤛᤧ ᤀᤡᤱᤃᤠ᤹ ᤕᤖᤢᤛᤗᤧᤔ ᤐᤣ᤺ᤰᤁᤠᤖ ᤐᤳᤋᤠᤖᤥ॥ \v 27 ᤂᤧᤱᤜᤠ᤹ᤖᤧᤃ ᤀᤰᤂᤣ ᤆᤥ᤺ᤰᤔᤠ ᤂᤢᤏᤡ᤹ ᤛᤡᤖᤠ᤹ ᤌᤠᤅᤧᤀᤠᤱ ᤘᤕᤧᤖᤥ॥ ᤛᤧᤰᤂᤠ᤺ᤸᤗᤧ ᤂᤧᤱᤜᤠ᤹ᤖᤧ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤜᤡᤱᤔᤴᤏᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ ᤁᤢᤓᤠ᤹ ᤐᤡᤔᤠᤛᤡ ᤁᤧᤒᤥ᤺ᤱᤒᤠᤀᤣ ᤘᤕᤧ. ᤌᤣᤀᤠᤱᤓᤧᤸᤗᤧ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤗᤠᤶ ᤁᤧᤍᤠ᤺ᤒᤠ ᤛᤢᤏᤠᤀᤡᤱᤅᤡᤸᤗᤧᤴ ᤕᤠᤶᤛᤠᤶᤃᤧᤴ ᤔᤢ᤹ᤀᤡᤛᤠᤶᤔᤡᤴ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤔᤧᤄᤥ᤺ᤛᤢᤀᤠᤱ ᤔᤧᤘᤠ᤹ᤖᤥ॥ \v 28 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤂᤧᤴ ᤑᤠ᤹ᤕᤠᤱᤅᤡᤴ ᤕᤖᤢᤛᤗᤧᤶᤔᤥ ᤋᤣ᤹ᤖᤢᤱᤅᤠᤱ ᤂᤧᤴ ᤔᤧᤄᤥ᤺ᤛᤢ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤡ᤺ᤴᤎᤥ ᤆᤥᤃᤢᤱ ᤜᤧᤰᤁᤩᤠᤱ ᤀᤡᤛ᤻ᤐᤧᤏ ᤐᤣ᤺ᤰᤁᤠᤸᤗᤧ ᤂᤡᤏᤡ᤹ᤀᤥ ᤗ᤺ᤴᤏᤠ᤹ ᤋᤠᤀᤠᤖᤥ॥ \v 29 ᤀᤡᤱᤃᤠ᤹ ᤂᤡᤏᤡ᤹ᤀᤥ ᤋᤠᤀᤠᤸᤗᤧ ᤂᤪᤡᤛ᤻ᤋᤖᤧ ᤔᤢᤸᤗᤢᤰ ᤁᤢᤔᤢ᤹ᤀᤡᤛᤠᤶᤔᤡᤴᤏᤢ ᤋᤠ᤺ᤀᤠ ᤁᤧᤗ᤹ᤒᤠᤴ ᤏᤡ᤺ᤛᤢᤱᤗᤥ॥ \p \v 30 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤏᤠ ᤀᤠᤒᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤢᤘᤠ ᤀᤠᤈᤥᤃᤧᤶ ᤀᤠᤒᤡᤖᤧᤶᤔᤧ᤹ᤖ ᤀᤡᤱᤃᤠ᤹ ᤀᤡᤏᤥᤃᤧᤴ ᤀᤠᤍᤢᤰᤂᤣᤀᤥ ᤆᤢᤶ ᤀᤠᤔᤧᤳᤋᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ \v 31 ᤕᤜᤢᤍᤡᤕᤠ ᤌᤢᤶᤔᤥᤒᤠ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤋᤠᤱᤛᤧ᤺ᤵᤐᤠᤖ ᤜᤧᤰᤁᤩᤠᤱ ᤕᤖᤢᤛᤗᤧᤔᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤗᤠᤃᤡ ᤋᤣ᤹ᤖᤢᤱᤒᤠ ᤁᤢᤓᤠ᤹ ᤕᤠᤱᤅᤡᤴ ᤂᤧᤱᤜᤠ᤹ᤖᤧ ᤔᤧᤍᤠ᤺ᤰᤋᤢᤖ ᤑᤠ᤹ᤀᤠᤱᤅᤠᤱ ᤋᤢᤘᤠ ᤆᤥᤃᤧᤶ ᤀᤠᤒᤡᤖᤧᤶᤔᤧ᤹ᤀᤥ॥ \v 32 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤥ ᤛ᤺ᤳᤋᤠᤖ ᤋᤠᤀᤠᤀᤠᤱ ᤛᤥᤛᤥᤖᤡᤰ ᤜᤠᤱᤜᤠᤱ ᤀᤠᤔᤧᤳᤇᤡᤱᤗ ᤑᤠ᤹ᤀᤠᤱ ᤋᤢᤘᤠ ᤆᤥᤃᤧᤶᤔᤧ᤹ᤀᤥ॥ \v 33 ᤛᤏᤠᤖᤢᤱ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤖᤥ॥ ᤀᤠᤔᤧᤴ॥ \c 16 \s1 ᤐᤠᤘᤗᤖᤧ ᤁᤢᤛᤣᤘᤠ \p \v 1 ᤁᤡᤱᤁᤪᤡᤕᤠ ᤐᤠᤱᤈᤢᤶᤔᤥ ᤁᤧᤘᤠ᤹ᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤛᤣᤘᤠᤖᤥᤔᤠ\f * \fr 16:1 \ft ᤔᤠᤱᤛᤣᤘᤠᤖᤥᤔᤠ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤍᤡᤁᤴ” ᤐᤥ᤺ᤱᤗᤥ॥\f* ᤀᤠᤏᤡ᤹ ᤏᤢᤛᤠ᤹ ᤑᤡᤒᤡᤖᤧ ᤁᤢᤏᤠᤖᤠ ᤑᤥ᤺ᤛᤢᤱᤗᤥ॥ \v 2 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤗᤠ᤹ᤖᤢᤛᤡᤒᤠ ᤗᤠᤱᤍᤠ᤺ᤰᤔᤠᤴ ᤂᤢᤏᤧ᤹ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤐᤡᤖᤧᤶᤔᤧ᤹ ᤑᤠ᤹ᤀᤠᤱ ᤔᤧᤳᤏᤡᤱᤗᤥ॥ ᤂᤡᤏᤡ᤹ ᤛᤢᤰᤛᤢᤰ ᤂᤢᤏᤧ᤹ ᤁᤢᤓᤠ᤹ ᤐᤡᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤀᤡᤱᤃᤠ᤹ ᤏᤢ ᤕᤖᤡᤰ ᤔᤏᤠᤜᤠ᤹ ᤁᤢᤓᤠ᤹ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥ \p \v 3 ᤀᤡᤱᤃᤠ᤹ᤏᤢ ᤛᤥᤖᤡᤰ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤀᤠᤴᤈᤢᤶᤜᤠ᤹ ᤐᤪᤡᤛ᤻ᤁᤡᤗᤠ ᤏᤢ ᤁᤢᤕᤧᤶᤒᤠ᤹ ᤀᤁᤫᤡᤗᤠ᤺ᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 4 ᤂᤧᤱᤜᤠ᤹ᤖᤧ ᤀᤡᤱᤃᤠ᤹ ᤀᤠᤛᤧ᤺ᤵᤛᤧ ᤂᤢᤴᤇᤡ᤹ ᤜᤡᤱᤔᤴᤏᤡᤴᤏᤣ ᤁᤧᤛᤠᤰᤐᤠᤀᤥ ᤌᤠᤛᤧᤳᤇᤢᤖᤥ॥ ᤀᤡᤱᤃᤠ᤹ᤖᤰ ᤔᤧ᤺ᤴ. ᤁᤖ ᤕᤖᤡᤰ ᤌᤡᤶᤔᤧᤴᤍᤱ ᤛᤢᤘᤠᤱᤛ᤻ᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤂᤧᤱᤜᤠ᤹ ᤏᤥᤃᤧᤴ ᤔᤧᤒᤡᤖᤢᤛᤡ᤹॥ \v 5 ᤂᤢᤴᤇᤡ᤹ ᤜᤡᤶᤔᤥ ᤁᤧᤈᤢᤶᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤀᤠᤱ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \p ᤜᤧᤰᤁᤩᤠᤱ ᤀᤠᤔᤡ᤺ᤶ ᤀᤠᤴᤈᤢᤶ ᤀᤧᤐᤣᤏᤧᤋᤛᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹ᤀᤥ॥ ᤂᤢᤏᤧ᤹ᤃ ᤀᤣᤛᤡᤕᤠ ᤋᤧᤱᤃᤵᤐᤥ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠ ᤘᤕᤧᤖᤥ॥ \v 6 ᤂᤡᤏᤡ᤹ ᤗᤠᤃᤡ ᤕᤠᤶᤒᤢᤎᤡᤰᤁᤠᤱ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤔᤖᤡᤕᤶᤔᤡᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹ᤀᤥ॥ \v 7 ᤀᤡᤱᤃᤠ᤹ᤏᤢ ᤛᤠᤰᤐᤠ ᤁᤧᤎᤠ᤺ᤒᤠ ᤕᤜᤢᤍᤡ ᤀᤠᤴᤈᤢᤶ ᤀᤧᤴᤍᤪᤥᤏᤡᤁᤛ ᤏᤢ ᤕᤢᤏᤡᤕᤛᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ᤃ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤀᤥ ᤛᤠ᤹ᤖᤡᤰ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤔᤠ ᤗᤠ᤹ᤖᤢᤛᤡ᤹. ᤜᤧᤰᤁᤩᤠᤱ ᤂᤢᤴᤇᤡ᤹ᤃ ᤀᤡᤱᤃᤠ᤹ᤏᤢ᤺ᤸᤗᤧᤀᤠᤱ ᤋᤃᤡ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤠᤃᤧᤳᤇᤢᤀᤠᤱ ᤘᤕᤧᤳᤇᤡᤖᤥ॥ \v 8 ᤍᤠᤱᤒᤠᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤀᤠᤔᤡ᤺ᤶ ᤀᤠᤴᤈᤢᤶ ᤀᤧᤶᤐᤗᤡᤀᤧᤋᤛᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹॥ \v 9 ᤀᤠᤏᤡᤃᤧᤏᤢ ᤛᤥᤖᤡᤰ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤀᤢᤷᤒᤠᤏᤛ ᤏᤢ ᤀᤠᤔᤡ᤺ᤶ ᤀᤠᤴᤈᤢᤶ ᤀᤡᤛ᤻ᤋᤠᤂᤢᤛᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 10 ᤂᤪᤡᤛ᤻ᤋᤀᤥ ᤆᤥᤃᤢᤒᤠ ᤁᤢᤏᤛᤠ᤺ᤴᤏᤡᤴ ᤔᤧᤛᤠ᤹ᤖᤢᤸᤗᤧ ᤏᤢ᤺ᤒᤠ ᤁᤧᤎᤠ᤺ᤵᤐᤠ ᤀᤵᤐᤧᤸᤗᤧᤛᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹॥ ᤀᤖᤡᤛ᤻ᤋᤥᤒᤢᤗᤛ ᤏᤢ ᤁᤢᤜᤡᤶᤔᤥ ᤁᤧᤘᤠ᤹ᤒᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 11 ᤀᤡᤱᤃᤠ᤹ ᤕᤜᤢᤍᤡ ᤀᤠᤴᤈᤢᤶ ᤜᤧᤖᤥᤍᤡᤕᤏᤧᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹ᤀᤥ॥ ᤏᤠᤷᤁᤡᤁᤛᤖᤧ ᤁᤢᤜᤡᤶᤔᤥ ᤁᤧᤘᤠ᤹ᤒᤠ ᤍᤠᤱᤒᤠᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 12 ᤋᤪᤡᤑᤣᤏᤠ ᤏᤢ ᤋᤪᤡᤑᤥᤛᤠ᤺ᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤁᤴ ᤔᤧᤴᤇᤢᤔᤠᤜᤠ᤹ᤖᤧᤃ ᤕᤠᤶᤒᤢᤎᤡᤰᤁᤠᤱ ᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤰ ᤆᤥᤃᤧᤳᤇᤢᤖᤥ॥ ᤛᤠ᤹ᤖᤡᤰ ᤕᤠᤶᤒᤢᤎᤡᤰᤁᤠᤱ ᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤀᤠᤔᤡ᤺ᤶ ᤀᤠᤴᤈᤢᤶ ᤐᤷᤛᤡᤛ᤻ᤛᤧᤴᤏᤠᤱ ᤀᤠᤛᤣᤘᤠᤖᤥ ᤔᤧᤳᤋᤧᤶᤔᤧ᤹॥ \v 13 ᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤰ ᤆᤥ᤺ᤰᤛᤧ ᤛᤣᤃᤢᤒᤠ ᤖᤢᤑᤛ ᤏᤢ ᤁᤢᤶᤔᤠ᤺ᤴ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤁᤢᤶᤔᤠᤖᤧᤃ ᤀᤡᤱᤃᤠ᤹ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤁᤢᤀᤡᤛᤡ᤺ᤰ ᤀᤡ᤺ᤳᤋᤠᤱᤅᤠᤱ ᤘᤕᤧᤖᤥ॥ \v 14 ᤀᤠᤛᤡᤴᤁᤪᤡᤋᤛ. ᤑ᤻ᤗᤧᤃᤏ. ᤜᤷᤔᤠᤛ. ᤐᤠᤋᤪᤥᤒᤠᤛ. ᤜᤷᤔᤣᤛ ᤜᤧᤰᤁᤩᤠᤱ ᤂᤧᤱᤜᤠ᤹ᤏᤢ ᤁᤧᤘᤠ᤹ᤒᤠ ᤁᤠᤰ ᤏᤛᤠᤏᤡᤒᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 15 ᤑᤡᤗᤥᤗᤥᤃᤛ. ᤕᤢᤗᤡᤕᤠ. ᤏᤧᤖᤡᤀᤛ ᤏᤢ ᤁᤢᤴᤛᤠ᤹ ᤔᤧᤴᤇᤢᤔᤠ᤹. ᤏᤢ ᤀᤥᤗᤡᤶᤐᤠᤛ ᤜᤧᤰᤁᤩᤠᤱ ᤂᤧᤱᤜᤠ᤹ᤏᤢ ᤁᤧᤘᤠ᤹ᤒᤠ ᤁᤠᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ \v 16 ᤂᤡᤏᤡ᤹ᤃ ᤛᤣᤛᤣ ᤔᤡ᤺ᤶᤈᤡ᤺ᤸᤗᤧ ᤛᤣᤘᤠ ᤔᤧᤳᤋᤠᤛᤡᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤁᤵᤔᤥᤒᤠ ᤁᤠᤰ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤛᤣᤘᤠ ᤁᤧᤶᤜᤠᤰᤋᤡ᤹ᤖᤥ॥ \s1 ᤐᤠᤘᤗᤖᤧ ᤁᤢᤏᤢᤵᤔᤥᤒᤠ ᤁᤢᤏᤡᤛᤠᤶ ᤏᤢ ᤁᤢᤛᤢᤈᤠ \p \v 17 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤕᤧᤔᤧᤴᤍᤱ ᤁᤧᤍᤠ᤺ᤵᤐᤠᤜᤠ᤹ ᤔᤡᤰᤆᤥ ᤔᤧᤳᤋᤧᤶᤛᤡᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ ᤂᤧᤱᤜᤠ᤹ᤖᤧᤃ ᤂᤡᤏᤡ᤹ ᤁᤧᤜᤢ᤹ᤀᤠᤛᤡᤒᤠ ᤛᤧᤰᤂᤠ ᤐᤠ᤺ᤴᤏᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤀᤡᤱᤗᤧᤰᤐᤠ ᤐᤠ᤺ᤴᤏᤡᤴ ᤔᤧᤜᤢ᤹ᤖᤢᤛᤡᤀᤠᤱ ᤔᤏᤠᤜᤠ᤹ ᤂᤢᤏᤡ᤹ ᤏᤛᤠ᤺ᤴᤏᤥ ᤔᤧᤄ᤺ᤛᤢᤛᤡᤖᤥ॥ ᤀᤰᤋᤱᤒᤠ ᤔᤏᤠᤜᤠ᤹ᤏᤢ ᤔᤠ᤺ᤱᤄᤠᤀᤣ ᤘᤕᤧᤶᤔᤧ᤹. \v 18 ᤌᤣᤀᤠᤱᤓᤧᤸᤗᤧ ᤁᤱᤜᤠ᤹ᤖᤧᤃ ᤍᤠᤱᤒᤠ ᤂᤪᤡᤛ᤻ᤋᤖᤧ ᤁᤢᤛᤣᤘᤠ ᤔᤧᤴᤈᤥᤃᤢᤴ. ᤁᤖ ᤀᤠᤒᤠᤅᤣ ᤂᤢᤏᤡ᤹ ᤛᤠᤵᤐᤥ᤺ᤰᤁᤡᤸᤗᤧ ᤗᤠᤃᤡᤖᤰ ᤛᤣᤘᤠ ᤔᤧᤈᤥᤃᤢ᤹ᤖᤥ॥ ᤂᤧᤱᤜᤠ᤹ᤖᤧ ᤔᤏᤠ ᤁᤧᤈᤶᤒᤠ ᤏᤢ ᤔᤢᤷᤗᤧ᤺ᤶᤒᤠ ᤐᤠ᤺ᤴᤜᤠ᤹ᤖᤧ ᤁᤢᤍᤥ᤺ᤵᤔᤠ ᤔᤏᤠᤜᤠ᤹ ᤀᤡᤱᤔᤧᤗᤧᤰᤋᤢᤛᤡ᤹ᤖᤥ॥ \v 19 ᤁᤖ ᤂᤡᤏᤡ᤹ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤈᤥᤃᤡᤒᤠ ᤐᤠ᤺ᤴᤏᤡᤱᤃ ᤁᤧᤖᤧᤰ ᤐᤡᤛᤠᤱ ᤔᤏᤠᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤔᤧᤘᤠ᤹. ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤁᤧᤈᤥᤃᤢᤶᤔᤡᤸᤗᤧ ᤀᤡᤱᤃᤠ᤹ᤃ ᤛᤠ᤹ᤖᤡᤰ ᤛ᤺ᤳᤋᤠᤖᤥ॥ ᤂᤡᤏᤡ᤹ᤃ ᤏᤢ᤺ᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤡᤰᤁᤢᤶᤛᤠᤒᤠ ᤐᤥ᤺ᤰᤂᤧᤶᤔᤧ᤹ ᤜᤧᤰᤁᤩᤠᤱ ᤑᤧᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤑᤥᤋᤩᤠ ᤔᤧ᤺ᤴᤏᤣᤒᤠ ᤐᤥ᤺ᤰᤂᤧᤶᤔᤧ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤳᤋᤢᤱᤗᤥ॥ \v 20 ᤛᤏᤠᤖᤢᤱ ᤕᤠᤵᤔᤡ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤖᤠᤀᤣ ᤔᤠᤑᤧᤴᤛᤠᤶᤔᤡᤴ ᤂᤡᤏᤡ᤹ ᤗᤠᤱᤓᤥ ᤛᤡᤃᤠᤱ ᤌᤠ᤺ᤛᤢᤀᤠᤱ ᤋᤥ᤹ᤖᤢ᤹ᤖᤥ॥ ᤀᤠᤸᤗ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ᤏᤢ ᤘᤠ᤹ᤖ॥ \v 21 ᤀᤡᤱᤃᤠ᤹ᤏᤢ ᤛᤥᤖᤡᤰ ᤔᤠᤱᤛᤣᤘᤠ ᤁᤧᤈᤥ᤺ᤰᤐᤠ ᤋᤡᤔᤥᤌᤡ᤺ᤸᤗᤧ ᤜᤧᤰᤁᤩᤠᤱ ᤕᤜᤢᤍᤡ ᤀᤠᤴᤈᤢᤶ ᤗᤢᤛᤡᤕᤛ. ᤕᤧᤛᤥᤏ ᤏᤢ ᤛᤥᤛᤡᤐᤠᤋᤪᤥᤛᤖᤧᤀᤠᤱ ᤛᤣᤘᤠ ᤁᤧᤶᤜᤠᤰᤋᤡᤀᤠᤱ ᤘᤠ᤹ᤖᤥ॥ \v 22 ᤐᤠᤘᤗᤖᤧ ᤁᤢᤗᤠᤃᤡ ᤁᤴ ᤛᤰᤀᤡᤱᤄᤱᤅᤡᤴ ᤁᤧᤛᤠᤵᤐᤠ ᤀᤡᤱᤃᤠ᤹ ᤋᤷᤋᤡᤕᤛᤖᤧᤀᤠᤱ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤛᤣᤘᤠ ᤜᤠᤰᤏᤡᤱᤗᤥ॥ \v 23-24 ᤀᤠᤜᤡᤶᤍᤠᤱᤒᤠ ᤃᤠᤕᤛᤖᤧ ᤂᤡᤏᤡ᤹ ᤛᤣᤘᤠ ᤁᤧᤜᤠᤰᤋᤡᤀᤠᤱ ᤘᤠ᤹ᤖᤥ॥ ᤁᤵᤔᤥ ᤃᤠᤕᤛᤖᤧ ᤁᤢᤜᤡᤶᤔᤥ ᤁᤧᤈᤢᤶᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤛᤣᤘᤠ ᤁᤧᤶᤜᤠᤰᤋᤡᤀᤠᤱ ᤘᤠ᤹ᤖᤥ॥ ᤁᤴ ᤕᤧᤰᤕᤰᤁᤥᤒᤠ ᤕᤠᤱᤃᤧᤕᤢᤱᤒᤠ ᤀᤡᤖᤠᤛ᤻ᤋᤛ ᤏᤢ ᤀᤠᤏᤡ᤹ ᤏᤛᤠᤏᤡᤒᤠ ᤆᤢᤶ ᤁᤫᤠᤷᤋᤛᤖᤧᤀᤠᤱ ᤛᤣᤘᤠ ᤜᤠᤅᤧᤳᤇᤢᤀᤠᤱ ᤘᤠ᤹ᤖᤥ॥\f * \fr 16:23-24 \ft ᤜᤢᤰᤁᤡᤸᤗᤧ ᤛᤠᤵᤔᤏᤠᤒᤠ ᤁᤢᤓᤠ ᤃᤪᤡᤁ ᤛᤠᤵᤐᤴᤏᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤖᤥ॥ ᤀᤠᤔᤧᤴ॥” \f* \p \v 25 ᤀᤡᤱᤃᤠ᤹ ᤀᤡᤱᤓᤥ᤺ᤛᤢᤱᤒᤠ ᤛᤢᤏᤠᤀᤡᤱᤅᤡᤴ ᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤀᤡᤱᤄᤱᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤕᤠᤶᤛᤠᤶᤔᤥ ᤁᤧᤎᤢᤶᤒᤠ ᤆᤥ᤺ᤰᤔᤠ ᤁᤧᤛᤢᤰᤋᤡ᤹ᤖᤥ॥ ᤁᤴ ᤀᤡᤱᤄᤱᤅᤡᤱᤃ ᤋᤥᤗᤡᤱᤛᤥᤔᤢᤀᤠᤱᤎᤥᤀᤣ ᤆᤡᤰᤂᤧᤀᤠᤱ ᤘᤕᤧ. ᤁᤖ ᤀᤠᤸᤗᤥ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ \v 26 ᤀᤠᤸᤗᤥ ᤁᤴ ᤛᤢᤏᤠᤀᤡᤱᤅᤡᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤐᤠ᤺ᤴᤗᤠᤶ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤔᤧᤴᤏᤢᤵᤔᤏᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤗᤠᤶ ᤁᤧᤖᤧᤰᤗᤧ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤀᤥ ᤁᤴ ᤛᤢᤏᤠᤀᤡᤱᤅᤡᤴ ᤀᤡᤱᤓᤥ᤺ᤖ ᤘᤠ᤹ᤖᤥ॥ \v 27 ᤜᤧᤰᤁᤣᤗ᤹ᤖᤡᤰ ᤛᤡᤰᤁᤢᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤕᤧᤛᤢ ᤂᤪᤡᤛ᤻ᤋᤗᤠᤶ ᤛᤍᤠᤍᤡᤱ ᤛᤍᤠᤍᤡᤱ ᤐᤥ᤺ᤱᤗᤖᤥ᥄ ᤀᤠᤔᤧᤴ॥