\id REV  
\h ᤛᤢᤑᤥ 
\toc1 ᤕᤢᤜᤢᤴᤏᤠᤖᤧ ᤏᤡ᤺ᤛᤢᤒᤠ ᤛᤢᤑᤥ 
\toc2 ᤛᤢᤑᤥ 
\toc3 ᤛᤢᤑᤥ 
\mt1 ᤕᤢᤜᤢᤴᤏᤠᤖᤧ ᤏᤡ᤺ᤛᤢᤒᤠ ᤛᤢᤑᤥ 
\imt1 ᤏᤡ᤺ᤛᤢᤶ 
\ip ᤛᤣ᤺ᤰᤕᤢᤰᤔᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤁᤴ ᤛᤢᤑᤥ᤺ᤴ ᤂᤥ᤺ᤛᤢᤒᤠ ᤕᤧᤶᤔᤥ ᤂᤢᤏᤧ᤹ ᤏᤢ ᤘᤣ᤹ ᤏᤛᤠᤏᤡᤒᤠᤜᤠ᤹ ᤛᤠ᤹ᤖᤡᤰ ᤁᤧᤛᤠᤰᤐᤠ ᤏᤡᤱᤄᤢᤶ ᤏᤢ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤔᤧᤘᤕᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤂᤢᤏᤧ᤹ ᤍᤠᤱᤒᤠ ᤗ᤹ᤖᤡᤰ ᤋᤧᤴᤍᤡᤱ ᤔᤧᤈᤥᤃᤢᤀᤠᤱ ᤘᤕᤧᤖᤥ॥ ᤕᤢᤜᤢᤴᤏᤠ᤺ᤸᤗᤧ ᤁᤢᤛᤰᤀᤡᤱᤄᤱ ᤁᤧᤏᤡ᤺ᤵᤐᤠᤜᤠ᤹ ᤏᤡᤱᤛᤠᤱ ᤏᤢ ᤀᤠ᤺ᤴᤇᤡᤱᤔᤠ ᤐᤡᤔᤠᤛᤡ ᤜᤧᤰᤁᤩᤠᤱ ᤀᤡᤏᤥᤃᤧᤴ ᤋᤢᤰᤂᤣ ᤏᤢ ᤏᤡᤱᤄᤢᤶ ᤋᤠᤀᤠᤱ. ᤛᤡ᤺ᤔᤠ ᤐᤥ᤺ᤱᤛᤠᤱ. ᤀᤠᤒᤠᤅᤣ ᤏᤛᤠ᤺ᤴᤏᤥ ᤔᤧᤶᤔᤢᤴᤏᤣ ᤘᤠ᤹ᤔᤠ ᤐᤥ᤺ᤱ ᤗ᤹ᤖᤡᤰ ᤐᤣᤗᤡ ᤑᤠᤰᤋᤢᤛᤡᤖᤥ॥ 
\ip ᤕᤖᤡᤰᤋᤱᤒᤠ ᤁᤴ ᤛᤰᤀᤡᤱᤄᤱ ᤗᤰᤜᤠ᤹ᤖᤧᤴ ᤀᤥᤛᤣ᤺ᤴᤍᤠᤱ ᤏᤢ ᤛᤢᤑᤥᤜᤠ᤹ᤃ ᤔᤡᤰᤛᤣ᤺ᤴ ᤏᤢ ᤀᤡᤒᤢᤜᤠ᤹ᤀᤥ ᤐᤳᤗᤥ॥ ᤀᤰᤋᤱᤒᤠ ᤔᤡᤰᤛᤣ᤺ᤴᤜᤠ᤹ᤃ ᤂᤧᤴ ᤕᤧᤶᤔᤥᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤁᤢᤛᤡᤱ ᤏᤡ᤺ᤵᤔᤠ ᤀᤢᤛᤢᤖᤢ ᤆᤥᤃᤧᤛᤠᤱ ᤘᤣ᤹ᤜᤠ᤹ᤖᤧᤃ ᤁᤢᤛᤡᤱ ᤏᤡ᤺ᤵᤔᤠ ᤛᤠᤰᤗᤥ॥ ᤕᤖᤡᤰ ᤔᤏᤠᤜᤠ᤹ᤖᤧ ᤁᤴ ᤛᤠᤵᤐᤴᤏᤡᤴ ᤘᤣ᤹ ᤘᤣ᤹ ᤐᤖᤡᤰᤗᤧ ᤁᤢᤒᤣ ᤔᤧᤜᤴᤍᤢᤛᤠᤱ ᤁᤧᤕᤧᤰᤐᤠ ᤁᤢᤒᤣ᤺ᤱᤃ ᤜᤠᤒᤠ ᤁᤴᤗᤥ–ᤍᤠᤱᤒᤠ ᤂᤪᤡᤛ᤻ᤋᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤑᤧᤴᤛᤠᤶᤔᤡᤴ ᤏᤢ ᤘᤣ᤹ ᤁᤧᤖᤧᤰ ᤁᤢᤏᤡᤱᤔᤡᤜᤠ᤹ ᤏᤠ᤺ᤴᤍᤢᤛᤡᤀᤠᤱ ᤛᤍᤠᤍᤡᤱᤗᤧ ᤗᤠᤃᤡ ᤂᤢᤶᤍᤡᤱ ᤂᤥ᤺ᤔᤠ ᤋᤧᤴᤏᤥ ᤕᤠᤰᤋᤢᤛᤡᤖᤥ॥ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤡᤱᤄᤢᤶ ᤐᤥ᤺ᤱ ᤜᤧᤰᤁᤩᤠᤱ ᤁᤢᤛᤱ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤁᤢᤛᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤜᤠᤱᤛᤧᤶ ᤁᤢᤀᤡᤛᤡ᤺ᤰ ᤂᤢᤏᤧ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤜᤠᤱᤘᤠ ᤔᤢ᤹ᤀᤡ ᤐᤡᤖᤢᤛᤡᤖᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᥇.᥇-᥎ 
\io1 ᤁᤢᤜᤣ᤺ᤰᤛᤡᤱᤔᤥᤒᤠ ᤛᤢᤑᤥ ᥇.᥏-᥈᥆ 
\io1 ᤏᤢᤛᤡ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤗᤠᤃᤡ ᤛᤰᤀᤡᤱᤄᤱᤜᤠ᤹ ᥈.᥇-᥉.᥈᥈ 
\io1 ᤏᤢᤛᤡ ᤀᤣ᤺ᤵᤛᤠᤵ ᤁᤧᤒᤵᤐᤠ ᤛᤠᤵᤁᤡᤳᤋᤡᤴ ᥊.᥇-᥎.᥇ 
\io1 ᤏᤢᤛᤡ ᤌᤢᤳᤌᤢᤖᤡ᤺ᤵᤐᤠᤜᤠ᤹ ᥎.᥈-᥇᥇.᥇᥏ 
\io1 ᤜᤴᤍᤣᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤏᤢ ᤏᤧᤳᤇᤡ ᤌᤰᤛᤠᤜᤠ᤹ ᥇᥈.᥇-᥇᥉.᥇᥎ 
\io1 ᤐᤖᤡᤰᤐᤖᤡᤰᤐᤠ ᤛᤢᤑᤥᤜᤠ᤹ ᥇᥊.᥇-᥇᥋.᥎ 
\io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤡᤸᤗᤧᤴ ᤏᤢᤛᤡ ᤂᤥᤷᤕᤠᤜᤠ᤹ ᥇᥌.᥇-᥈᥇ 
\io1 ᤒᤧᤒᤡᤗᤥᤏ ᤕᤧᤰᤕᤰᤁᤡᤴ ᤔᤧᤃᤧᤒᤠ. ᤜᤧᤰᤁᤩᤠᤱ ᤌᤰᤛᤠ᤺ᤴ. ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴ ᤏᤢ ᤔᤠᤑᤧᤴᤛᤠᤶᤔᤡᤴ ᤜᤠᤖᤡ ᤋᤩᤧᤒᤠ ᥇᥍.᥇-᥈᥆.᥇᥆ 
\io1 ᤁᤢᤏᤢᤵᤔᤠ ᤂᤠᤛᤧᤴ ᥈᥆.᥇᥇-᥇᥋ 
\io1 ᤁᤢᤛᤱ ᤛᤠᤱᤃᤪᤠᤶᤐᤣᤍᤠᤱ. ᤁᤢᤛᤱ ᤀᤡᤰᤛᤠ ᤂᤠᤶᤒᤣ᤺ᤰ. ᤁᤢᤛᤱ ᤕᤖᤢᤛᤗᤧᤔ ᥈᥇.᥇-᥈᥈.᥋ 
\io1 ᤁᤢᤏᤢᤵᤔᤠ–ᤂᤪᤡᤛ᤻ᤋᤧᤴ ᤜᤠᤖᤠᤀᤣ ᤕᤢ᤹᤺ ᥈᥈.᥌-᥈᥇ 
\c 1  
\s1 ᤕᤢᤜᤢᤴᤏᤠᤖᤧ ᤁᤢᤒᤠ᤺ᤵᤔᤠ ᤐᤠ᤺ᤴ 
\p  
\v 1 ᤁᤴ ᤛᤠᤵᤐᤴᤏᤥ ᤕᤧᤛᤢ ᤂᤪᤡᤛ᤻ᤋᤖᤧ ᤀᤥᤛᤣ᤺ᤴᤍᤠᤱ ᤆᤥᤃᤢᤒᤠ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤐᤳᤗᤥ॥ ᤂᤧᤴ ᤀᤥᤛᤣ᤺ᤴᤍᤠᤱᤅᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤸᤗ ᤜᤠᤖᤠᤀᤣ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤏᤡᤱᤘᤠ᤹ᤑᤢ ᤛᤣᤘᤠᤖᤥᤒᤠᤜᤠ᤹ ᤀᤥᤛᤣ᤺ᤴᤎᤠᤰᤔᤠᤛᤡ ᤑᤠ᤹ᤀᤠᤱ ᤕᤧᤛᤢ ᤂᤪᤡᤛ᤻ᤋᤧᤴ ᤐᤡᤖᤢᤖᤥ॥ ᤁᤴ ᤐᤠ᤺ᤴᤜᤠ᤹ ᤁᤢᤛᤣᤘᤠᤖᤥᤒᤠ ᤕᤢᤜᤢᤴᤏᤠ᤺ᤸᤗᤧ ᤁᤢᤛᤡᤱ ᤏᤡ᤺ᤳᤋᤢᤖ ᤑᤠ᤹ᤀᤠᤱ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤠᤱᤗᤠᤀᤡᤱᤒᤠᤴ\f * \fr 1:1 \ft ᤔᤠᤱᤗᤠᤀᤡᤱᤒᤠ–ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡ ᤔᤧᤴᤈᤥ᤺ᤰᤁᤣ ᤘᤕᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤢᤏᤧ᤹ ᤁᤢᤛᤣᤘᤠ ᤁᤧᤈᤥ᤺ᤰᤐᤠ ᤔᤠᤱᤗᤠᤀᤡᤱᤒᤠᤜᤠ᤹ ᤆᤥᤃᤢᤛᤡᤀᤠᤱ ᤘᤕᤧ॥\f* ᤐᤠᤱᤄᤢᤖᤥ॥  
\v 2 ᤕᤢᤜᤢᤴᤏᤠᤖᤧᤃ ᤂᤢᤏᤧ᤹ ᤂᤧᤵᤛᤢᤒᤠ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤂᤢᤏᤧ᤹ ᤀᤥᤛᤣ᤺ᤴᤎᤠᤰᤋᤢᤒᤠ ᤁᤠᤰ ᤛᤧᤰᤂᤠ ᤐᤠ᤺ᤴᤜᤠ᤹ ᤐᤠ᤺ᤳᤋᤢ᤹ᤖᤥ॥  
\v 3 ᤁᤵᤔᤥ ᤁᤧᤒᤵᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤏᤡ᤺ᤵᤐᤧᤴ ᤔᤢ᤹ᤀᤡᤛᤠᤒᤠᤖᤥ. ᤜᤧᤰᤁᤩᤠᤱ ᤂᤧᤴ ᤁᤧᤄᤧᤶᤒᤠᤜᤠ᤹ ᤏᤢ ᤂᤧᤵᤔᤥ ᤁᤧᤒᤵᤐᤠ ᤐᤠ᤺ᤴᤜᤠ᤹ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤀᤠᤸᤗ ᤁᤴ ᤁᤠᤰ ᤐᤠ᤺ᤴᤜᤠ᤹ ᤐᤥ᤺ᤱᤔᤠ ᤕᤧᤶ ᤏᤡ᤺ᤳᤋᤠᤱᤅᤣ ᤘᤠ᤹ᤖᤥ॥ 
\s1 ᤕᤢᤜᤢᤏᤠ᤺ᤸᤗᤧ ᤏᤢᤛᤡ ᤛᤣᤛᤣᤜᤢᤵᤗᤰᤜᤠ᤹ ᤛᤣᤘᤠ ᤜᤠᤰᤋᤢᤛᤡ᤹ 
\p  
\v 4-5 ᤀᤡᤱᤃᤠ᤹ ᤕᤢᤜᤢᤴᤏᤠ᤺ᤸᤗᤧ ᤁᤴ ᤛᤰᤀᤡᤱᤄᤱᤅᤡᤴ ᤀᤣᤛᤡᤕᤠ ᤋᤧᤱᤃᤵᤐᤥ ᤁᤧᤏᤧᤒᤠ ᤏᤢᤛᤡ ᤛᤣᤛᤣᤜᤢᤵᤗᤰᤜᤠ᤹ ᤜᤠᤰᤏᤡᤱᤗᤥ॥ ᤀᤠᤸᤗᤥ ᤁᤧᤘᤠ᤹ᤒᤠ. ᤀᤢᤏᤠᤜᤢᤖᤡᤀᤥᤀᤠᤱ ᤘᤕᤧ ᤜᤧᤰᤁᤩᤠᤱ ᤋᤠ᤺ᤴᤍᤡᤀᤠᤱ ᤁᤧᤍᤠ᤺ᤒᤠ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤏᤢ ᤁᤢᤜᤠᤱᤕᤢᤰᤏᤠ ᤋᤃᤠᤱᤒᤠ ᤏᤢᤛᤡ ᤛᤠᤶᤜᤠ᤹ᤗᤠᤶ. ᤜᤧᤰᤁᤩᤠᤱ ᤏᤛᤠ᤺ᤴ ᤆᤥ᤺ᤰᤔᤠ ᤛᤢᤰᤁᤧᤍᤧᤵᤐᤠ ᤐᤠ᤺ᤴ ᤁᤧᤒᤠ᤺ᤵᤐᤠ. ᤁᤧᤛᤡ᤺ᤒᤠᤀᤥᤗᤠᤶ ᤕᤠᤶᤔᤥ ᤁᤧᤜᤡᤱᤒᤠᤜᤠ᤹ᤀᤥ ᤌᤡᤰᤛᤡᤃᤣ᤺ᤰᤐᤠ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ ᤛᤶᤍᤠᤱ ᤜᤠᤱ ᤁᤧᤈᤥ᤺ᤰᤐᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤜᤠᤖᤠ᤹ ᤂᤡᤏᤡ᤹ᤀᤥ ᤘᤠ᤹ᤖᤖᤥ॥ 
\p ᤂᤢᤏᤧ᤹ᤃ ᤀᤠᤏᤡ᤹ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤀᤠᤏᤡ᤹ ᤗᤠᤕᤥᤗᤠᤶ ᤁᤢᤔᤠᤰᤂᤡ᤹ᤀᤡᤸᤗᤧ ᤛᤧᤴᤗᤵ ᤀᤠᤒᤡᤖᤧᤀᤠᤱ ᤘᤠ᤹ᤖᤥ॥  
\v 6 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤡᤱᤘᤠ᤹ᤑᤢᤔᤠᤱ ᤏᤢ ᤐᤠᤏᤢᤍᤡᤱ ᤁᤢᤶᤒᤠᤖᤧ ᤗᤳᤇᤠ ᤁᤢᤜᤠᤱᤈᤢᤶᤔᤥ ᤁᤢᤛᤣᤘᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤀᤠᤈᤥᤃᤧᤀᤠᤱ ᤀᤠᤘᤠ᤹ᤖᤥ॥ ᤜᤠᤖᤠ᤹ ᤕᤧᤛᤢ ᤂᤪᤡᤛ᤻ᤋᤀᤥ ᤔᤡᤔᤡᤍᤡᤱ ᤏᤢ ᤔᤢᤰᤛᤠᤶ ᤛᤍᤠᤍᤡᤱ ᤛᤍᤠᤍᤡᤱ ᤐᤥ᤺ᤱᤗᤖᤥ᥄ ᤀᤠᤔᤧᤴ॥ 
\p  
\v 7 ᤀᤥᤔᤧᤳᤋᤧᤶᤔᤧ᤹. ᤂᤢᤏᤧ᤹ᤃ ᤂᤠᤵᤔᤡ᤺ᤵᤐᤥ ᤕᤢ᤺ᤖ ᤐᤳᤗᤥ॥ ᤜᤧᤰᤁᤩᤠᤱ ᤁᤠᤰ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ ᤏᤢ ᤂᤢᤏᤧ᤹ ᤁᤧᤎᤢᤵᤐᤠᤜᤠ᤹ᤖᤧᤀᤠᤱ ᤔᤧᤏᤡ᤺ᤛᤢ᤹ᤖᤥ॥ ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤂᤢᤏᤧ᤹ ᤆᤥᤃᤢᤸᤗᤧ ᤔᤣᤖᤡᤱ ᤔᤧᤎᤰᤗᤥ॥ ᤜᤠᤖᤠ᤹ ᤀᤰᤂᤣᤀᤣ ᤐᤥ᤺ᤱᤗᤖᤥ᥄ ᤀᤠᤔᤧᤴ॥ 
\p  
\v 8 ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ. ᤀᤸᤑᤠ ᤏᤢ ᤀᤥᤔᤣᤃᤠ\f * \fr 1:8 \ft ᤀᤸᤑᤠ ᤏᤢ ᤀᤥᤔᤣᤃᤠ ᤑᤠ᤹ᤀᤡᤴ ᤃᤪᤡᤁ ᤐᤠ᤺ᤴᤍᤠᤱᤅᤥᤒᤠ ᤁᤠᤰᤏᤢ᤺ᤸᤗᤧ ᤋᤃᤡᤒᤠ ᤏᤢ ᤀᤣᤃᤠᤱᤒᤠ ᤛᤰ॥\f* ᤀᤡᤱᤃᤠ᤹ᤀᤣᤖᤥ. ᤀᤠᤸᤗᤥ ᤁᤧᤘᤠ᤹ᤒᤠ. ᤀᤢᤏᤠᤜᤢᤖᤡᤀᤥᤀᤠᤱ ᤘᤕᤠᤱ ᤜᤧᤰᤁᤩᤠᤱ ᤋᤠ᤺ᤴᤍᤡᤀᤠᤱ ᤁᤧᤍᤠ᤺ᤒᤠ ᤔᤢᤰᤛᤠᤶᤍᤠᤱᤒᤠᤀᤠᤖᤥ ᤗ᤹ᤖᤡᤰ ᤐᤠ᤺ᤳᤋᤢ᤹॥ 
\s1 ᤔᤧᤴᤇᤠᤶᤛᤠ᤺ᤴ ᤕᤢᤜᤢᤴᤏᤠ᤺ᤸᤗᤥ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤡᤱ 
\p  
\v 9 ᤀᤡᤱᤃᤠ᤹ ᤕᤢᤜᤢᤴᤏᤠ᤺ᤴ ᤏᤛᤠ᤺ᤴᤏᤥ ᤂᤡᤏᤡ᤹ ᤑᤢ᤹ᤀᤠᤖᤥ॥ ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰᤔᤧᤸᤗᤧ ᤂᤢᤏᤧ᤹ ᤁᤢᤜᤠᤱᤈᤢᤶᤔᤥ ᤁᤧᤘᤠ᤹ᤒᤠᤜᤠ᤹ᤖᤧ ᤔᤧᤄᤥ᤺ᤛᤢᤒᤠ ᤏᤡᤱᤄᤢᤶᤔᤡᤴ ᤂᤡᤏᤡ᤹ᤏᤢ ᤛᤥᤛᤥᤖᤡᤰ ᤏᤠᤛᤡ ᤌ᤺ᤳᤋᤢᤱᤗ ᤌᤖᤢᤱᤅᤠᤱ ᤘᤠ᤹ᤀᤠᤖᤥ॥ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤏᤢ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤏᤢ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤀᤡᤱᤓᤴ ᤆᤥᤃᤢᤱᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤐᤳᤔᤥᤛ ᤘᤠᤃᤵᤗᤠᤈᤣ᤹ᤀᤥ ᤛᤠᤰᤐᤠ ᤁᤧᤎᤠ᤺ᤒᤠ ᤔᤧᤈᤥᤃᤠᤱ ᤔᤧᤍᤣ᤹ᤖᤠᤱᤅᤠᤱ ᤘᤕᤠᤱ॥  
\v 10 ᤍᤠᤱᤒᤠᤸᤗᤧ ᤁᤢᤕᤧᤴᤏᤥ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤠᤱᤅᤠᤱ ᤘᤕᤠᤱᤅᤡᤸᤗᤧ ᤀᤠᤀᤣᤃᤠᤱᤗᤠᤶ ᤌᤢᤳᤌᤢᤖᤡ᤺ᤵᤐᤠᤸᤗᤧ ᤐᤕᤶ ᤕᤶᤒᤠ ᤁᤢᤀᤡᤰᤗᤠ ᤜᤧᤰᤋᤱᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ॥  
\v 11 ᤂᤧᤴ ᤀᤡᤰᤗᤠ᤺ᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤐᤠ᤺ᤴᤜᤠ᤹ ᤛᤠᤵᤋᤧ᤹ᤀᤠᤱ ᤀᤣᤑᤡᤛᤛ. ᤀᤡᤛ᤻ᤔᤷᤏᤠ. ᤐᤷᤃᤠᤔᤔ. ᤌᤡᤕᤠᤋᤡᤖᤠ. ᤛᤠᤷᤍᤡᤛ. ᤑᤡᤗᤠᤍᤣᤸᤑᤡᤕᤠ ᤏᤢ ᤗᤠᤀᤥᤍᤡᤁᤡᤕᤠ ᤕᤧᤰᤕᤰᤜᤠ᤹ᤀᤥᤒᤠ ᤏᤢᤛᤡ ᤛᤣᤛᤣᤜᤢᤵᤗᤰᤜᤠ᤹ ᤜᤠᤰᤋᤧᤛᤧ᤹ᤀᤥ॥” 
\p  
\v 12 ᤀᤡᤱᤃᤠ᤹ᤏᤢ ᤁᤧᤒᤠ᤺ᤵᤐᤧᤴ ᤜᤠ᤺ᤳᤏᤡᤒᤣ ᤑᤠ᤹ᤀᤠᤱ ᤂᤡᤖᤡ ᤜᤡᤛᤡᤱᤅᤠᤱᤅᤡᤸᤗᤧ ᤂᤧᤵᤔᤥ ᤏᤢᤛᤡ ᤛᤠᤶᤔᤩᤠᤱ ᤛᤣᤔᤡᤕᤢᤱᤍᤧᤴᤜᤠ᤹ ᤏᤡ᤺ᤛᤢᤱᤛᤡᤱ॥  
\v 13 ᤂᤧᤸᤗᤧ ᤁᤢᤗᤢᤶᤔᤥ ᤌᤥᤗᤠᤶᤒᤠ ᤕᤥ ᤗᤠᤱᤈᤰᤁᤥ ᤌᤠᤖᤡᤰ ᤋᤣ᤺ᤳ ᤁᤧᤈᤠᤱᤒᤠ ᤜᤧᤰᤁᤩᤠᤱ ᤁᤢᤛᤱᤒᤣ᤹ᤀᤥ ᤛᤠᤶᤔᤩᤠᤱ ᤑᤕᤢᤶ ᤐᤧᤷᤄᤧᤰ ᤁᤧᤜᤣᤒᤠ “ᤔᤧᤴᤇᤠᤶᤛᤠ᤺ᤴ” ᤜᤧᤰᤋᤱᤒᤠᤎᤡᤰ ᤏᤡ᤺ᤛᤢᤱᤗᤥ॥  
\v 14 ᤂᤧᤸᤗᤧ ᤁᤢᤎᤧᤃᤣ᤺ᤰᤁᤡᤴ ᤏᤠ᤺ᤱᤅᤡᤴ ᤜᤧᤰᤁᤣ ᤑᤢᤳᤋᤪᤡ᤺ᤱᤃᤩᤠ᤺ᤵᤐᤠ ᤏᤢ ᤂᤡ᤺ ᤜᤧᤰᤁᤣ ᤑ᤺ ᤗ᤹ᤖᤧᤖᤥ॥ ᤂᤢᤏᤧ᤹ ᤁᤢᤔᤡᤰᤁᤡᤱᤃ ᤔᤡ ᤜᤧᤰᤁᤣ ᤁᤧᤍᤡ᤺ᤵᤐᤠ ᤆᤥᤃᤧᤖᤥ॥  
\v 15 ᤂᤢᤏᤧ᤹ ᤁᤢᤗᤠᤱᤜᤠ᤹ᤃ ᤌᤌᤏᤠᤒᤠᤴ ᤔᤡᤀᤥ ᤀᤥ᤹ᤔᤠᤸᤗᤧ ᤛᤧᤸᤗᤧᤱ ᤛᤧᤸᤗᤧᤱ ᤀᤥ᤺ᤵᤐᤠ ᤁᤢᤀᤡᤛᤡ᤺ᤰ. ᤜᤧᤰᤁᤩᤠᤱ ᤁᤢᤀᤡᤰᤗᤠ᤺ᤱᤃ ᤐᤕᤶ ᤕᤶᤒᤠ ᤘᤎᤠ᤺ᤶᤔᤡᤴ ᤛ᤺ᤰᤐᤠ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥  
\v 16 ᤂᤢᤏᤧ᤹ ᤁᤢᤈᤢᤵᤛᤠᤱ ᤜᤢᤰᤁᤡᤸᤗᤧ ᤏᤢᤛᤡ ᤂᤣ᤺ᤶᤛᤡᤰᤜᤠ᤹ ᤋᤧᤶᤛᤢᤛᤡᤀᤠᤱ ᤐᤳᤇᤧ. ᤜᤧᤰᤁᤩᤠᤱ ᤁᤢᤔᤢᤖᤠᤀᤥᤗᤠᤶ ᤏᤧᤵᤈᤠᤱ ᤗᤧᤵᤔᤠᤱ ᤂᤠᤃᤧᤛᤢᤰᤐᤠ ᤁᤢᤕᤠ ᤁᤧᤒᤵᤐᤠ ᤋᤠᤓᤣ᤺ᤴ ᤗ᤺ᤴᤍᤧᤀᤠᤱ ᤐᤳᤇᤧᤖᤥ॥ ᤜᤧᤰᤁᤩᤠᤱ ᤁᤢᤏᤠᤖᤠ᤺ᤱᤃ ᤗᤧᤴᤍᤡᤰ ᤁᤧᤀᤥ᤺ᤵᤐᤠ ᤏᤠᤶᤔᤡᤴ ᤜᤧᤰᤁᤣ ᤔᤡᤰ ᤁᤧᤈᤧᤶᤒᤠ ᤆᤥᤃᤧᤖᤥ॥ 
\p  
\v 17 ᤜᤧᤰᤁᤩᤠᤱ ᤂᤢᤏᤧ᤹ ᤏᤡ᤺ᤛᤢᤱᤅᤠᤱ ᤀᤡᤱᤃᤠ᤹ᤃ ᤛᤡ᤺ᤔᤠᤗᤡᤱᤎᤥᤀᤥ ᤁᤧᤖᤠᤱᤅᤠᤱ ᤁᤢᤗᤠᤱᤈᤰᤐᤥ ᤜᤷᤃᤢᤵᤛᤠ ᤆᤥ᤺ᤴᤍᤠᤱᤗᤥ॥ ᤂᤢᤏᤧ᤹ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤀᤠᤛᤶᤍᤠᤱ ᤏᤧᤛ᤻ᤛᤢᤀᤠᤱ ᤀᤰᤂᤣ ᤔᤧᤳᤋᤠᤱᤗᤥ. “ᤔᤧᤃᤡᤛᤧᤴᤏᤧ᤹ᤀᤥ ᤀᤡᤱᤃᤠ᤹ ᤋᤥᤗᤡᤱᤛᤥᤔᤢ ᤏᤢ ᤁᤢᤏᤢᤵᤔᤠᤀᤠᤖᤥ॥  
\v 18 ᤁᤢᤜᤡᤱᤘᤧᤳ ᤁᤧᤒᤥ᤺ᤱᤒᤧᤱᤃ ᤀᤡᤱᤃᤠ᤹ᤀᤣᤖᤥ॥ ᤀᤡᤱᤃᤠ᤹ ᤛᤩᤠᤱᤅᤠᤱ ᤘᤕᤠᤱ. ᤁᤖ ᤀᤥᤔᤧᤳᤋᤧ᤹. ᤀᤡᤱᤃᤠ᤹ ᤛᤍᤠᤍᤡᤱᤗᤧ ᤗᤠᤃᤡ ᤕᤠᤶᤔᤥ ᤜᤡᤅᤠᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤩᤠᤱ ᤛᤡ᤺ᤔᤧᤴ ᤏᤢ ᤂᤧᤔᤠᤕᤱᤛᤱᤅᤡᤸᤗᤧᤴ ᤋᤡᤔᤡᤰᤜᤠ᤹ ᤀᤡᤱᤃᤠ᤹ ᤁᤳᤋᤢᤱᤗᤥ॥  
\v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤀᤠᤸᤗᤥ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤏᤢ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤛᤠᤵᤋᤧ᤹ᤀᤥ॥  
\v 20 ᤂᤧᤏᤧ᤹ ᤀᤡᤱᤃᤠ᤹ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤁᤧᤏᤡ᤺ᤛᤢᤒᤠ ᤏᤢᤛᤡ ᤂᤣ᤺ᤶᤛᤡᤰᤜᤠ᤹ ᤏᤢ ᤏᤢᤛᤡ ᤛᤠᤶᤔᤩᤠᤱ ᤛᤣᤔᤡᤕᤢᤱᤍᤧᤴᤜᤠ᤹ᤖᤧᤴ ᤛᤡᤒᤡ᤹ ᤐᤠ᤺ᤴᤜᤠ᤹ᤃ ᤒᤠ ᤁᤴᤗᤥ–ᤏᤢᤛᤡ ᤂᤣ᤺ᤶᤛᤡᤰᤜᤠ᤹ ᤏᤢᤛᤡ ᤛᤣᤛᤣᤜᤢᤵᤗᤰᤜᤠ᤹ᤀᤥᤒᤠ ᤔᤠᤱᤗᤠᤀᤡᤱᤒᤠᤛᤡᤖᤥ. ᤜᤧᤰᤁᤩᤠᤱ ᤏᤢᤛᤡ ᤛᤠᤶᤔᤩᤠᤱ ᤛᤣᤔᤡᤕᤢᤱᤍᤧᤴᤜᤠ᤹ ᤏᤢᤛᤡ ᤛᤣᤛᤣᤜᤢᤵᤗᤰᤛᤡᤖᤥ॥” 
\c 2  
\s1 ᤀᤣᤑᤡᤛᤛ᤻ᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 1 “ᤀᤣᤑᤡᤛᤛ᤻ᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤜᤠ᤹ᤃ ᤁᤢᤈᤢᤵᤛᤠᤱ ᤜᤢᤰᤁᤡᤸᤗᤧ ᤏᤢᤛᤡ ᤂᤣ᤺ᤶᤛᤡᤰᤜᤠ᤹ ᤁᤧᤍᤧᤶᤒᤠ ᤏᤢ ᤏᤢᤛᤡ ᤛᤠᤶᤔᤩᤠᤱ ᤛᤣᤔᤡᤕᤢᤱᤍᤧᤴ ᤗᤢᤶᤔᤥᤗᤠᤶ ᤗᤠᤱᤃᤧᤄᤣ᤺ᤰᤐᤠᤸᤗᤧ ᤐᤠ᤺ᤳᤋᤢᤒᤠᤖᤥ– 
\q1  
\v 2 ‘ᤂᤧᤏᤧ᤹ ᤀᤠᤰᤂᤧᤴ ᤛᤠ᤹ᤖᤡᤰ ᤕᤠᤶᤒᤢᤎᤡᤰᤐᤠ ᤏᤢ ᤏᤠᤛᤡᤁᤧᤎ᤺ᤵᤐᤠ ᤁᤧᤈᤥ᤺ᤰ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥ ᤜᤧᤰᤁᤩᤠᤱ ᤂᤧᤏᤧ᤹ ᤋᤠᤵᤑᤧ᤺ᤶᤒᤠ ᤔᤏᤠᤜᤠ᤹ ᤏᤠᤛᤡ ᤁᤧᤴᤎ᤺ᤳᤋᤢᤴᤇᤡᤶᤒᤠᤴ ᤏᤢ ᤂᤧᤱᤜᤠ᤹ ᤛᤣ᤺ᤰᤕᤢᤰᤔᤡᤒᤠ ᤔᤧ᤺ᤴᤇᤡᤛᤠᤱ ᤀᤠᤏᤡᤃᤧ ᤛᤣ᤺ᤰᤕᤢᤰᤔᤡᤒᤠᤛᤡᤃᤧ ᤁᤧᤗ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤡᤴ ᤁᤧᤛᤠ᤹ᤖᤢᤀᤠᤱ ᤂᤧᤱᤜᤠ᤹ ᤀᤡᤱᤗᤧᤰᤐᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤄᤥ᤺ᤛᤢᤒᤠᤴ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥  
\v 3 ᤜᤧᤰᤁᤩᤠᤱ ᤂᤧᤏᤧ᤹ ᤏᤠᤛᤡ ᤌ᤺ᤵᤔᤠᤴ ᤁᤧᤃᤳᤋᤢᤀᤠᤱ ᤀᤡᤱᤃᤠ᤹ ᤀᤠᤗᤠᤃᤡ ᤋᤢᤰᤂᤣ ᤁᤧᤈᤩᤧᤒᤠᤴ ᤏᤢ ᤀᤡᤱᤃᤠ᤹ ᤁᤧᤸᤗᤧᤖᤠᤱᤅᤡᤶᤒᤠᤴ ᤏᤡ᤺ᤛᤢᤱᤗᤥ॥  
\v 4 ᤁᤖ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤀᤡᤱᤃᤠ᤹ ᤗᤳᤇᤠ ᤐᤠ᤺ᤴᤎᤡᤰ ᤐᤠ᤺ᤵᤔᤠᤀᤣ ᤐᤥ᤺ᤱ–ᤋᤃᤡ ᤔᤡ᤺ᤶᤈᤡ ᤁᤧᤔᤧᤳᤋᤠᤱᤒᤠ ᤕᤠᤖᤡᤰ ᤀᤰᤂᤣ᤺ᤸᤗᤧ ᤀᤡᤱᤃᤠ᤹ ᤔᤡ᤺ᤶᤈᤡ ᤁᤧᤶᤔᤧᤳᤋᤠᤴᤗᤥ॥  
\v 5 ᤂᤧᤏᤧ᤹ ᤋᤃᤡ ᤔᤡ᤺ᤶᤈᤡ ᤁᤧᤔᤧᤳᤋᤠᤱᤒᤠ ᤔᤡ᤺ᤶᤈᤡᤗᤠᤶ ᤀᤠᤰᤂᤧᤶᤔᤩᤠᤰ ᤔᤠ᤺ᤱᤄᤠ ᤁᤧᤒᤥ᤺ᤰᤂᤧᤀᤠᤱ ᤁᤧᤘᤠ᤹ ᤂᤧᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧ᤹॥ ᤂᤧᤏᤧ᤹ ᤗᤠᤕᤥᤗᤠᤶ ᤜᤡᤴᤍᤧ᤹ᤀᤠᤱ ᤋᤃᤡ ᤁᤧᤈᤥᤃᤢᤒᤠ ᤜᤧᤰᤁᤣᤀᤣ ᤆᤥᤃᤧ᤹ᤀᤥ॥ ᤂᤧᤏᤧ᤹ ᤁᤧᤗᤠᤕᤥᤀᤥᤏᤢ ᤁᤧᤴᤏᤢ᤺ᤱᤏᤧᤴᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤂᤧᤏᤧ᤹ᤀᤥ ᤋᤠᤀᤠ ᤜᤧᤰᤁᤩᤠᤱ ᤁᤧᤛᤣᤔᤡᤕᤢᤱᤍᤧᤴᤏᤡᤴ ᤁᤢᤕᤢᤱᤍᤧᤴᤏᤥᤗᤠᤶ ᤂᤧᤳᤋᤢᤱᤍᤣ᤺ᤛᤢᤱᤗᤥ॥  
\v 6 ᤁᤖ ᤗᤳᤇᤠ ᤏᤢ᤺ᤒᤠ ᤐᤠ᤺ᤴᤎᤡᤰ ᤂᤧᤏᤧ᤹ ᤁᤧᤃᤳᤋᤢ᤹ᤖᤥ–ᤏᤡᤁᤥᤗᤠᤀᤡᤳᤋᤡ ᤔᤧᤵᤔᤏᤠᤒᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤀᤡᤱᤃᤠ᤹ ᤆᤡ᤺ᤳᤋᤢᤱᤒᤠ ᤜᤧᤰᤁᤣ ᤂᤧᤏᤧ᤹ᤀᤠᤱ ᤁᤧᤈᤡ᤺ᤳᤋᤢᤖᤥ॥ 
\q1  
\v 7 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄ ᤁᤧᤏᤠ᤺ᤶᤒᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤱᤛᤣ᤹ ᤀᤡᤰᤁᤥᤒᤠ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤡᤱᤒᤢᤱᤔᤠᤸᤗᤧ ᤁᤢᤈᤠ᤹ᤀᤡᤴ ᤆᤠᤔᤠ ᤐᤡᤖᤢᤱᤗᤥ॥’” 
\s1 ᤀᤡᤛ᤻ᤔᤷᤏᤠᤛ᤻ᤔᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 8 “ᤀᤡᤛ᤻ᤔᤷᤏᤠᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤁᤢᤜᤣ᤺ᤰᤛᤡᤱᤔᤠ ᤏᤢ ᤁᤢᤏᤢᤵᤔᤠ. ᤁᤧᤛᤡ᤺ᤒᤠᤀᤠᤱ ᤕᤠᤶᤔᤥ ᤁᤢᤜᤡᤱᤘᤧᤳ ᤁᤧᤒᤥ᤺ᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ–  
\v 9 ‘ᤁᤧᤍᤢᤔᤢᤒᤠ ᤏᤡᤱᤄᤢᤶᤜᤠ᤹ ᤏᤢ ᤁᤧᤕᤠᤱᤛᤠ᤹ᤔᤠᤴ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ. ᤁᤖ ᤛᤧᤰᤂᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤧᤏᤧ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤁᤧᤈᤥ᤺ᤰᤗᤥ॥ ᤀᤠᤏᤡᤃᤧ ᤕᤜᤢᤍᤡᤛᤡᤃᤧ ᤁᤧᤗ᤹ᤒᤠᤜᤠ᤹ᤖᤧ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤆᤧ᤹ᤕᤠ ᤁᤧᤔᤧᤵᤐᤧᤴ ᤀᤡᤱᤃᤠ᤹ ᤏᤡ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤂᤧᤱᤜᤠ᤹ᤃ ᤕᤜᤢᤍᤡᤛᤡ ᤔᤧ᤺ᤴ. ᤁᤖ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤏᤠᤛᤡᤖᤥ॥  
\v 10 ᤀᤠᤸᤗ ᤂᤧᤏᤧ᤹ᤀᤥ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤏᤢ ᤔᤧᤃᤡᤛᤧᤴᤏᤧ᤹ᤀᤥ॥ ᤂᤧᤵᤛᤧ᤹ᤀᤥ. ᤁᤧᤏᤛᤠ᤺ᤴᤏᤡᤴ ᤜᤱᤛᤠ᤹ᤔᤠᤖᤧ ᤗᤠᤃᤡ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤓᤠ ᤂᤡᤏᤡ᤹ ᤐᤢᤱᤗᤠᤜᤡᤶᤔᤥ ᤁᤧᤎᤧᤰᤋᤡ᤹ᤛᤠᤱ ᤌᤡᤒᤥ᤺ᤱ ᤕᤧᤴ ᤌᤠᤖᤡᤰᤗᤰ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤖᤥ॥ ᤛᤡ᤺ᤔᤠᤗᤡᤱᤎᤥᤀᤥ ᤁᤧᤃᤧᤖᤡᤛᤠᤱ ᤀᤡᤱᤃᤠ᤹ ᤏᤛᤠ᤺ᤴ ᤆᤥ᤺ᤰᤔᤠ ᤕᤠᤵᤔᤡ ᤀᤠᤸᤗᤧᤖᤧᤶᤔᤡᤴᤏᤧ᤹ᤀᤥ. ᤜᤧᤰᤁᤩᤠᤱ ᤁᤧᤏᤠ᤺ᤴᤍᤢᤶᤔᤠᤱ ᤁᤧᤄᤥ᤺ᤛᤢᤶᤒᤠ ᤌᤢᤶᤄᤥ᤺ᤸᤗᤧ ᤗᤠᤃᤡ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤐᤡᤏᤡᤱᤗᤥ॥\f * \fr 2:10 \ft ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤐᤡᤏᤡᤱ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤏᤧᤳᤋᤡᤃᤧᤴ ᤜᤡᤱᤔᤴᤖᤧᤴ ᤋᤡᤆ᤺ ᤐᤡᤏᤡᤱ॥”\f* 
\v 11 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄ ᤁᤧᤏᤠ᤺ᤶᤒᤠᤴ ᤏᤡᤛᤡᤃᤣ᤺ᤰᤐᤠ ᤛᤡ᤺ᤔᤧᤸᤗᤧᤀᤠᤱ ᤌᤣᤀᤠᤱ ᤔᤧᤵᤔᤠ ᤔᤧᤛᤢᤰᤋᤢᤴᤗᤥ॥’” 
\s1 ᤐᤷᤃᤠᤔᤶᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 12 “ᤐᤷᤃᤠᤔᤔᤛ᤻ᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤏᤧᤵᤈᤠᤱ ᤗᤧᤵᤔᤠᤱ ᤁᤢᤕᤠ ᤁᤧᤒᤵᤐᤠ ᤂᤠᤃᤧᤛᤢᤰᤐᤠ ᤋᤠᤓᤣ ᤁᤧᤃᤵᤐᤠᤸᤗᤧ ᤐᤠ᤺ᤳᤋᤢᤒᤠᤖᤥ– 
\q1  
\v 13 ‘ᤂᤧᤏᤧ᤹ ᤔᤠᤑᤧᤴᤛᤠᤶᤔᤡᤸᤗᤧ ᤜᤠᤱ ᤆᤥᤃᤢᤒᤠ ᤋᤧᤴᤏᤥ ᤁᤧᤘᤠ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥ ᤁᤖᤛᤠᤱ ᤂᤧᤏᤧ᤹ᤃ ᤆᤰᤔᤧᤸᤗ᤹ᤀᤣ ᤀᤡᤱᤃᤠ᤹ ᤏᤛᤠ᤺ᤴ ᤁᤧᤈᤥ᤺ᤰᤁᤠᤖ ᤁᤧᤘᤠ᤹॥ ᤏᤛᤠ᤺ᤴᤛᤠᤒᤠ ᤀᤠᤍᤥ᤺ᤴᤍᤡ ᤁᤧᤒᤠ᤺ᤵᤐᤠ ᤀᤣᤴᤋᤡᤐᤠᤛᤧᤴ ᤔᤠᤑᤧᤴᤛᤠᤶᤔᤡᤴ ᤁᤧᤘᤠ᤹ᤒᤠ ᤂᤡᤏᤡ᤹ ᤕᤧᤰᤕᤰᤁᤥ ᤔᤧᤛᤧᤖᤢᤛᤠᤱ ᤂᤧᤏᤧ᤹ᤃ ᤁᤧᤏᤛᤠ᤺ᤴᤏᤡᤴ ᤁᤧᤴᤗᤧᤖᤢᤴᤗᤥ॥  
\v 14 ᤜᤧᤰᤁᤣᤛᤠᤱ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤁᤢᤓᤠ ᤐᤠ᤺ᤴ ᤐᤠ᤺ᤵᤔᤠᤀᤣ ᤐᤥ᤺ᤱᤗᤥ–ᤂᤡᤏᤡ᤹ᤀᤥ ᤁᤢᤓᤠᤖᤧᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤒᤠᤗᤠᤔᤖᤧ ᤁᤢᤏᤡᤛᤠᤶᤔᤡᤴ ᤔᤧᤏᤠ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥ ᤀᤢᤴᤇᤥ᤺ᤴ ᤒᤠᤗᤠᤔᤖᤧᤃ ᤀᤡᤛᤪᤠᤀᤡᤗᤡᤜᤠ᤹ ᤗᤠᤕᤥᤀᤥ ᤔᤧᤎᤠᤖ ᤑᤠ᤹ᤀᤠᤱ ᤏᤠᤘᤠᤀᤡᤳᤗᤠᤀᤥ ᤋᤥ᤺ᤶᤔᤏᤠᤒᤠ ᤆᤠ ᤆᤠᤔᤠ ᤏᤢ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤒᤠᤗᤠᤁ ᤜᤠᤱᤅᤡᤴ ᤜᤢ᤹ᤖᤢᤀᤠᤱ ᤘᤕᤧᤖᤥ॥  
\v 15 ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤥ ᤁᤢᤓᤠᤃ ᤏᤡᤁᤥᤗᤠᤀᤡᤳᤋᤡ ᤔᤧᤵᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤛᤠᤶᤔᤡᤴ ᤁᤧᤏᤠ᤺ᤵᤐᤠᤜᤠ᤹ ᤔᤧᤘᤠ᤹ᤖᤥ॥  
\v 16 ᤜᤧᤰᤋᤱᤒᤠ ᤗᤠᤕᤥᤗᤠᤶ ᤜᤡᤴᤍᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤂᤧᤏᤧ᤹ᤀᤥ ᤜᤠᤖᤠᤀᤣ ᤋᤠᤀᤠᤀᤠᤱ ᤀᤠᤔᤢᤖᤠᤀᤥᤗᤠᤶ ᤁᤧᤗ᤺ᤶᤒᤠ ᤋᤠᤓᤣ᤺ᤴᤏᤢ ᤂᤧᤴ ᤏᤡᤁᤥᤗᤠᤀᤡᤳᤋᤡᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤌᤱ ᤆᤥ᤺ᤰᤁᤠᤖᤥ॥  
\v 17 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄ ᤁᤧᤏᤠ᤺ᤶᤒᤧᤴ ᤀᤡᤱᤃᤠ᤹ ᤆᤡᤱᤔᤏᤠᤒᤠ ᤔᤴᤏᤠ᤺ᤴ ᤐᤡᤖᤢᤱᤗᤥ॥\f * \fr 2:17 \ft ᤀᤡᤛᤪᤠᤀᤡᤗᤡᤜᤠ᤹ ᤀᤣ᤺ᤰᤛᤠᤍᤧᤴᤏᤥ ᤗᤠᤶᤍᤡ᤺ᤰ ᤔᤧᤈᤥᤃᤧᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠᤱᤛᤠᤰᤐᤥᤗᤠᤶ ᤌᤡᤰᤕᤠ᤺ᤴᤎᤰ ᤔᤴᤏᤠ ᤔᤧᤵᤔᤏᤠᤒᤠ ᤁᤢᤈᤠ ᤌᤩᤧᤖ ᤕᤠ᤺ᤴᤍᤢ॥ ᤂᤧᤱᤜᤠ᤹ᤖᤧ ᤂᤧᤴ ᤔᤡᤛᤠᤰ ᤔᤧᤍᤠᤱᤄᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤠᤱ ᤛᤠ᤺ᤱᤃᤠᤜᤡᤶᤔᤥ ᤛᤠᤶᤔᤩᤠᤱ ᤂᤵᤐᤩᤠᤀᤥ ᤔᤧᤕᤠᤰᤋᤢᤀᤠᤱ ᤛᤣᤛᤣ ᤛᤴᤍᤢᤰ ᤛᤡᤃᤠᤱ ᤔᤧᤕᤢᤰᤂᤢ॥\f* ᤜᤧᤰᤁᤩᤠᤱ ᤂᤧᤴ ᤑ᤺ᤃᤧᤗ᤹ᤒᤠ ᤗᤢᤱᤎᤡᤰᤁᤠᤱ ᤐᤡᤖᤢᤱᤗᤥ॥ ᤂᤧᤵᤔᤥ ᤁᤢᤛᤱ ᤔᤡᤱ ᤛᤠᤵᤋᤧᤀᤠᤱ ᤐᤳᤗᤥ. ᤂᤧᤴ ᤁᤧᤄᤥ᤺ᤒᤠᤸᤗᤧᤖᤰ ᤁᤢᤛᤡᤱ ᤏᤡ᤺ᤳᤋᤢ᤹ᤖᤥ॥’” 
\s1 ᤌᤡᤕᤠᤋᤡᤕᤠᤖᤠᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 18 “ᤌᤡᤕᤠᤋᤡᤖᤠᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤁᤢᤔᤡᤰᤁᤡᤴ ᤔᤡ ᤜᤧᤰᤁᤣ ᤁᤧᤍᤡ᤺ᤵᤐᤠ ᤏᤢ ᤁᤢᤗᤠᤱᤜᤠ᤹ ᤌᤌᤏᤠᤒᤠ ᤜᤧᤰᤁᤣ ᤛᤧᤸᤗᤧᤱ ᤁᤧᤗᤧᤰᤐᤠ ᤏᤡᤱᤘᤠ᤹ᤑᤢᤛᤠ᤺ᤸᤗᤧ ᤐᤠ᤺ᤳᤋᤢᤒᤠᤖᤥ–  
\v 19 ‘ᤂᤧᤏᤧ᤹ ᤁᤧᤕᤠ᤺ᤶᤒᤰᤁᤡᤴ. ᤁᤧᤔᤡ᤺ᤶᤈᤡᤴ. ᤁᤧᤏᤛᤠ᤺ᤴᤏᤡᤴ. ᤁᤧᤔᤠᤱᤛᤣᤘᤠ᤺ᤴ ᤜᤧᤰᤁᤩᤠᤱ ᤂᤧᤏᤧ᤹ ᤋᤢᤰᤂᤣ ᤁᤧᤎ᤺ᤖᤢᤒᤠᤴ ᤀᤡᤱᤃᤠ᤹ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤀᤠᤸᤗᤥᤃ ᤂᤧᤏᤧ᤹ ᤋᤃᤡᤏᤢ᤺ᤸᤗᤧᤀᤠᤱ ᤕᤖᤡᤰ ᤔᤠᤱᤛᤣᤘᤠ ᤕᤠ᤺ᤶᤒᤰ ᤁᤧᤈᤥ᤺ᤰ ᤑᤠ᤹ᤀᤠᤱ ᤏᤡ᤺ᤛᤢᤱᤗᤥ॥  
\v 20 ᤜᤧᤰᤁᤣᤛᤠᤱ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤀᤡᤱᤃᤠ᤹ ᤗᤳᤇᤠ ᤐᤠ᤺ᤴᤎᤡᤰ ᤐᤠ᤺ᤵᤔᤠᤀᤣ ᤐᤥ᤺ᤱ–ᤂᤧᤏᤧ᤹ᤃ ᤀᤡᤈᤣᤒᤧᤗ ᤔᤧᤵᤔᤏᤠᤔᤠ ᤔᤧᤴᤇᤢᤔᤠ᤹ᤀᤡᤴ ᤏᤠᤛᤡ ᤁᤧᤎ᤺ᤳᤋᤢᤀᤠᤱ ᤁᤧᤘᤠ᤹ᤖᤥ॥ ᤂᤧᤸᤗᤧ ᤀᤠᤒᤠᤅᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤔᤠᤀᤠ ᤗ᤹ᤖᤡᤰ ᤔᤧᤳᤇᤡᤱᤗᤥ॥ ᤁᤖ ᤀᤡᤱᤃᤠ᤹ ᤀᤠᤛᤣᤘᤠᤖᤥᤒᤠᤜᤠ᤹ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤏᤢ ᤏᤠᤘᤠᤀᤡᤳᤗᤠᤜᤠ᤹ᤀᤥ ᤋᤥ᤺ᤶᤔᤏᤠᤒᤠ ᤆᤠᤜᤠ᤹ ᤆᤠᤔᤠ ᤜᤢ᤹ᤖᤢᤛᤡᤀᤠᤱ ᤀᤡᤱᤗᤧᤰᤋᤢᤛᤡ॥  
\v 21 ᤀᤡᤱᤃᤠ᤹ ᤂᤧᤴᤏᤡᤴ ᤁᤢᤗᤠᤕᤥᤗᤠᤶ ᤜᤡᤴᤗ ᤑᤠ᤹ᤀᤠᤱ ᤕᤧᤶ ᤐᤡᤖᤢᤱ ᤁᤖ ᤂᤧᤴ ᤕᤠᤶᤒᤥ᤺ᤵᤔᤠ ᤁᤢᤕᤠ᤺ᤶᤒᤰᤁᤥᤗᤠᤶ ᤜᤡᤶᤔᤠ ᤔᤧᤍᤧᤴᤏᤧᤴᤗᤥ॥  
\v 22 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤂᤢᤶᤍᤡᤱ ᤐᤡᤖᤢᤱ ᤜᤧᤰᤁᤩᤠᤱ ᤂᤢᤏᤧ᤹ᤏᤢ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤗᤠᤶ ᤔᤧᤴᤜᤡᤴᤏᤧᤴᤏᤧ ᤑᤠ᤹ᤃᤪ ᤁᤠᤰ ᤀᤡᤱᤃᤠ᤹ ᤕ᤹ ᤌᤧᤳᤋᤢᤛᤡᤖ ᤂᤢᤶᤍᤡᤱ ᤐᤡᤖᤢᤱᤛᤡᤱᤗᤥ॥  
\v 23 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ᤀᤠᤱ ᤛᤧᤖᤢᤱᤛᤡᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤁᤧᤖᤧᤰ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤀᤡᤱᤃᤠ᤹ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤏᤢ ᤛᤡᤰᤗᤢᤱᤔᤠ ᤁᤧᤏᤡ᤺ᤒᤠ ᤑᤠ᤹ᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤠᤖᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤡᤏᤡ᤹ ᤕᤠ᤺ᤶᤒᤰ ᤁᤧᤈᤥᤃᤢᤶᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤁᤧᤖᤧᤰ ᤐᤡᤏᤡᤱᤗᤥ॥ 
\p  
\v 24 ᤁᤖ ᤑᤧᤴ ᤏᤡᤛᤠᤶᤔᤡᤴ ᤔᤧᤴᤏᤠ᤺ᤵᤔᤏᤠᤒᤠᤜᤠ᤹ ᤏᤢ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤛᤡᤒᤡ᤹ ᤐᤠ᤺ᤴ ᤔᤧᤒᤠ᤺ᤳᤋᤢᤒᤠ ᤏᤡᤛᤠᤶᤔᤡᤴᤏᤠᤱ ᤔᤧᤴᤜᤢ᤹ᤛᤡᤱᤔᤏᤠᤒᤠᤜᤠ᤹ ᤂᤡᤏᤡ᤹ ᤌᤡᤕᤠᤋᤡᤖᤠᤀᤥᤒᤠ ᤘᤣ᤹ ᤔᤏᤠᤜᤠ᤹ ᤘᤣ᤹ ᤁᤰ ᤔᤧᤃᤢ᤺ᤳᤏᤡᤱᤅᤡᤴ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤔᤧᤳᤏᤡᤱᤗᤥ॥  
\v 25 ᤁᤖ ᤀᤡᤱᤃᤠ᤹ ᤔᤧᤴᤕᤢ᤺ᤀᤣ ᤌᤠᤖᤡᤰ ᤂᤡᤏᤡ᤹ ᤁᤧᤃᤳᤋᤢᤶᤒᤠ ᤏᤛᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤋᤰᤋᤧᤶᤔᤧ᤹ᤀᤠᤱ ᤁᤳᤋᤧᤶᤔᤧ᤹ᤀᤥ॥  
\v 26 ᤁᤧᤏᤠ᤺ᤶᤒᤠ ᤜᤧᤰᤁᤩᤠᤱ ᤁᤢᤏᤢᤵᤔᤥ ᤌᤠᤖᤡᤰ ᤀᤠᤕᤠ᤺ᤶᤒᤰᤁᤡᤴ ᤁᤧᤈᤥ᤺ᤰᤐᤠᤖ ᤁᤧᤘᤠ᤹ᤒᤠᤴ ᤀᤡᤱᤃᤠ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤕᤢᤰᤁᤥ ᤁᤵᤔᤠᤛᤡ ᤕᤢᤰ ᤐᤡᤖᤢᤱᤗᤥ॥  
\v 27 ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠᤗᤠᤶ ᤕᤢᤰ ᤂᤥ᤺ᤛᤢᤱᤒᤠ ᤁᤢᤀᤡᤛᤡ᤺ᤰ ᤂᤢᤏᤧ᤹ ᤕᤢᤰ ᤐᤡᤖᤢᤱᤗᤥ॥ ᤂᤧᤸᤗᤧ ᤑᤧᤴᤈᤣ᤹ ᤋᤰᤁᤠ᤺ᤳᤋᤡᤸᤗᤧ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤕᤢᤰᤁᤥ ᤁᤳᤋᤢᤛᤡ᤹. ᤜᤧᤰᤁᤩᤠᤱ ᤂᤠᤶ ᤁᤢ᤺ᤴᤍᤠ᤺ᤴ ᤕ᤺ᤵᤐᤠ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ ᤕ᤺ᤵᤛᤢᤛᤡ᤹ᤖᤥ॥  
\v 28 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤴ ᤔᤏᤠ᤺ᤴ ᤋᤠᤴᤇᤥ᤺ᤰᤐᤧᤴᤏᤠᤱ ᤐᤡᤖᤢᤱᤗᤥ॥  
\v 29 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄’” 
\c 3  
\s1 ᤛᤠᤷᤍᤡᤛᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 1 “ᤛᤠᤷᤍᤡᤛᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤏᤢᤛᤡ ᤂᤣ᤺ᤶᤛᤡᤰᤐᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤛᤡ ᤁᤢᤛᤣᤛᤣᤔᤠᤱ ᤁᤧᤃᤵᤐᤠᤸᤗᤧ ᤐᤠ᤺ᤳᤋᤢᤒᤠᤖᤥ– 
\q1 ‘ᤂᤧᤏᤧ᤹ ᤁᤠᤰ ᤁᤧᤕᤠ᤺ᤶᤒᤰᤜᤠ᤹ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥ ᤜᤧᤰᤁᤩᤠᤱ ᤂᤧᤏᤧ᤹ ᤁᤢᤜᤡᤱᤘᤧᤳ ᤁᤧᤘᤠ᤹ ᤑᤠ᤹ᤀᤠᤱ ᤀᤡᤱ ᤛᤧ᤺ᤖᤧᤀᤠᤱ ᤘᤠ᤹ᤛᤠᤱ ᤂᤧᤏᤧ᤹ᤃ ᤁᤢᤛᤡᤘᤧᤳ ᤁᤢᤀᤡᤛᤡ᤺ᤰ ᤁᤧᤈᤥ᤺ᤰᤗᤥ॥  
\v 2 ᤜᤧᤰᤁᤣ᤺ᤸᤗᤧ ᤐᤥᤃᤧ᤹ᤀᤥ. ᤛᤡ᤺ᤔᤠ ᤁᤧᤈᤥ᤺ᤰᤐᤠᤀᤠᤱ ᤁᤧᤍᤠᤱᤒᤠ ᤁᤧᤕᤠᤰᤐᤠ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤁᤧᤎᤢᤶᤒᤠ ᤆᤥᤃᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤡᤏᤡ᤹ ᤕᤠ᤺ᤶᤒᤰᤜᤠ᤹ ᤁᤢᤗᤡᤱᤎᤥ ᤔᤧᤱᤃᤧᤳᤋᤣ ᤘᤠ᤹ᤒᤠᤴ ᤀᤡᤱᤃᤠ᤹ ᤏᤡ᤺ᤛᤢᤱ॥  
\v 3 ᤂᤧᤏᤧ᤹ ᤁᤧᤄᤧᤵᤛᤢᤒᤠ ᤏᤢ ᤁᤧᤜᤢ᤹ᤛᤡᤱᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤀᤡ᤺ᤳᤋᤧ᤹॥ ᤜᤧᤰᤁᤩᤠᤱ ᤂᤧᤴ ᤋᤧᤴᤍᤡᤱ ᤆᤥᤃᤧ᤹ᤀᤠᤱ ᤁᤧᤗᤠᤕᤥᤗᤠᤶ ᤜᤡᤴᤍᤧ᤹ᤀᤥ॥ ᤁᤖ ᤁᤧᤶᤒᤥ᤺ᤰᤏᤧᤴᤏᤧ ᤑᤠ᤹ᤃᤪ ᤁᤧᤄᤢ᤺ᤶᤒᤠᤴ ᤛᤢᤸᤗᤡ ᤋᤠᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤂᤧᤏᤧ᤹ᤀᤥ ᤋᤠᤀᤠᤖᤥ. ᤜᤧᤰᤁᤩᤠᤱ ᤋᤠ᤺ᤀᤠᤒᤠ ᤕᤧᤶᤔᤡᤴ ᤂᤧᤏᤧ᤹ ᤁᤧᤴᤏᤡ᤺ᤛᤢᤴ॥ 
\q1  
\v 4 ᤁᤖ ᤛᤠᤷᤍᤡᤛᤀᤥ ᤀᤠᤸᤗ ᤌᤠᤖᤡᤰ ᤂᤢᤏᤡ᤹ ᤋᤣ᤺ᤳ ᤆᤠᤱᤜᤠ᤹ ᤗᤠᤕᤥ᤺ᤸᤗᤧ ᤔᤧᤴᤈᤡ᤺ᤴᤏᤣ ᤁᤧᤈᤠᤱᤒᤠ ᤁᤢᤓᤠ ᤔᤏᤠᤜᤠ᤹ ᤔᤧᤘᤠ᤹॥ ᤂᤧᤱᤜᤠ᤹ᤖᤧ ᤑ᤺ᤃᤧᤗ᤹ᤒᤠ ᤋᤣ᤺ᤳ ᤔᤧᤈᤠᤰᤂᤢᤀᤠᤱ ᤀᤡᤱᤃᤠ᤹ᤏᤢ ᤗᤠᤱᤔᤧᤄᤣ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤃ ᤛᤢᤶᤒᤥᤎᤠᤛᤠᤒᤠ ᤔᤧᤈᤥ᤺ᤰᤗᤥ॥  
\v 5 ᤂᤧᤱᤜᤠ᤹ ᤜᤧᤰᤁᤣ ᤁᤧᤏᤠ᤺ᤶᤒᤠ ᤁᤠᤰᤗᤧ ᤑ᤺ᤃᤧᤗ᤹ᤒᤠ ᤋᤣ᤺ᤳ ᤔᤧᤈᤠᤰᤂᤢ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤡ᤹ ᤔᤡᤱᤅᤡᤴ ᤜᤡᤱᤔᤴᤗᤧᤴ ᤛᤠᤵᤐᤴᤏᤥᤗᤠᤶ ᤀᤠᤵᤑᤠᤸᤗᤧᤀᤠᤱ ᤔᤧᤍᤢ᤺ᤰᤁᤠᤴᤗᤥ. ᤁᤖ ᤐᤠᤏᤢᤍᤡᤱ ᤀᤠᤶᤒᤠ ᤏᤢ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤂᤧᤱᤜᤠ᤹ ᤋᤧᤴᤍᤡᤱ ᤆᤥᤃᤢᤱᤛᤡᤱᤗᤥ॥  
\v 6 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄॥’” 
\s1 ᤑᤡᤗᤠᤍᤣᤸᤑᤡᤕᤠᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 7 “ᤜᤧᤰᤁᤩᤠᤱ ᤑᤡᤗᤠᤍᤣᤸᤑᤡᤕᤠᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤛᤣᤛᤣ ᤏᤢ ᤛᤧᤰᤂᤠᤒᤠ ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤍᤡᤔᤡᤰ ᤁᤧᤃᤵᤐᤧᤸᤗᤧ ᤐᤠ᤺ᤳᤋᤢᤒᤠᤖᤥ॥ ᤂᤢᤏᤧ᤹ ᤜᤴᤍᤢᤒᤠᤴ ᤜᤠ᤺ᤳᤗᤧᤀᤠᤱ ᤛᤢᤵᤔᤠ ᤔᤧᤛᤢᤰᤋᤢᤴ. ᤜᤧᤰᤁᤩᤠᤱ ᤂᤢᤏᤧ᤹ ᤛᤢᤒᤢᤒᤠᤴ ᤜᤠ᤺ᤳᤗᤧᤀᤠᤱ ᤜᤶᤔᤠ ᤔᤧᤛᤢᤰᤋᤢᤴᤗᤥ॥ 
\q1  
\v 8 ‘ᤂᤧᤏᤧ᤹ ᤁᤧᤕᤠ᤺ᤶᤒᤰᤜᤠ᤹ ᤀᤡᤱᤃᤠ᤹ ᤏᤡ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤁᤧᤍᤃᤡ ᤀᤡᤱᤃᤠ᤹ ᤜᤴᤍᤢᤱᤅᤠᤱ ᤁᤧᤒᤵᤐᤠ ᤗᤠᤶᤎᤣ᤺ᤵᤐᤧᤴ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤛᤢᤵᤔᤠ ᤔᤧᤴᤇᤢᤰᤋᤢᤴᤗᤥ॥ ᤂᤧᤏᤧ᤹ᤃ ᤔᤡᤛᤠᤰᤗᤰ ᤁᤧᤎᤢᤶᤛᤠᤱ ᤀᤡᤱᤃᤠ᤹ ᤀᤠᤏᤡᤛᤠᤶᤔᤡᤴ ᤁᤧᤏᤠ᤺ᤳᤋᤢᤀᤠᤱ ᤁᤧᤘᤠ᤹ ᤜᤧᤰᤁᤩᤠᤱ ᤀᤡᤱᤃᤠ᤹ᤀᤥ ᤏᤛᤠ᤺ᤴᤛᤠᤒᤠ ᤁᤧᤒᤥ᤺ᤰᤂᤧᤀᤠᤱ ᤁᤧᤘᤠ᤹ᤖᤥ॥  
\v 9 ᤁᤢᤓᤠᤖᤧ ᤀᤠᤏᤡᤃᤧ ᤕᤜᤢᤍᤡᤛᤡᤃᤧ ᤔᤧᤗ᤹ ᤁᤖ ᤂᤧᤱᤜᤠ᤹ ᤔᤧ᤺ᤴᤇᤡᤖᤥ. ᤂᤧᤱᤜᤠ᤹ᤃ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤏᤠ ᤀᤡᤱᤗᤧᤰ ᤁᤧᤒᤠ᤺ᤵᤐᤠᤛᤡᤖᤥ॥ ᤂᤧᤵᤛᤧ᤹ᤀᤥ. ᤂᤧᤱᤜᤠ᤹ ᤁᤧᤗᤠᤱᤈᤰᤐᤥ ᤔᤧᤏ᤺ᤶᤛᤡᤱᤅᤠᤱ ᤔᤧᤍᤠᤖ ᤆᤥᤃᤢᤱᤛᤡᤱᤅᤠᤱ ᤂᤧᤱᤜᤠ᤹ᤖᤧ ᤂᤧᤏᤧ᤹ᤀᤣ ᤗᤢᤱᤔᤠ᤹ ᤋᤢᤰᤏᤧ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ᤖᤥ॥  
\v 10 ᤂᤧᤏᤧ᤹ ᤏᤡᤱᤄᤢᤶ ᤁᤧᤍᤢᤔᤢᤸᤗᤧ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤅᤧ᤹ᤀᤥ ᤑᤠ᤹ᤀᤠᤱ ᤀᤡᤱᤃᤠ᤹ ᤐᤡᤏᤧᤒᤠ ᤀᤡᤱᤈᤠ᤺ᤱᤅᤡᤴ ᤋᤧᤴᤍᤡᤱ ᤁᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤍᤠ᤺ᤒᤠ ᤀᤡᤏᤥᤃᤧᤴ ᤐᤕᤶ ᤕᤶᤒᤠ ᤋᤢᤰᤂᤣᤗᤠᤶ ᤀᤡᤱᤃᤠ᤹ ᤋᤠᤱᤛᤧ᤺ᤵᤏᤧ᤹ᤖᤥ॥ ᤂᤧᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤛᤠ᤹ᤛᤧ ᤋᤠᤖ ᤐᤳᤗᤥ॥  
\v 11 ᤀᤡᤱᤃᤠ᤹ ᤜᤠᤖᤠᤀᤣ ᤕᤢ᤺ᤀᤠᤖ ᤐᤳᤋᤠᤖᤥ॥ ᤜᤧᤰᤁᤣ᤺ᤸᤗᤧ ᤂᤧᤏᤧ᤹ ᤁᤧᤏᤠ᤺ᤴᤍᤢᤀᤠᤱ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤌᤢᤶᤄᤥ᤺ᤴ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤁᤧᤔᤧᤴᤏᤠᤵᤏᤧᤴᤗ ᤑᤠ᤹ᤀᤠᤱ ᤂᤧᤏᤧ᤹ ᤁᤧᤃᤳᤋᤢᤒᤠ ᤐᤠ᤺ᤴᤜᤠ᤹ ᤏᤢ᤺ᤖᤡᤰᤁᤠᤱ ᤋᤠᤱᤛᤣ᤺ᤵᤋᤧ ᤁᤳᤋᤧ᤹ᤀᤥ॥  
\v 12 ᤁᤧᤏᤠ᤺ᤶᤒᤠᤱᤃ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥ ᤀᤡᤱᤃᤠ᤹ ᤛᤡᤳᤗᤠᤱ ᤆᤥᤃᤢᤱᤗᤥ॥ ᤂᤢᤏᤧ᤹ ᤂᤧᤵᤔᤥᤗᤠᤶ ᤀᤠᤵᤑᤠᤸᤗᤧᤀᤠᤱ ᤔᤧᤈᤳᤇᤡᤱᤅᤡᤴᤗᤥ॥ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤡᤴ ᤂᤧᤸᤗᤥ ᤀᤡᤱᤃᤠ᤹ ᤛᤠᤵᤋᤢᤱ. ᤜᤧᤰᤁᤩᤠᤱ ᤂᤧᤸᤗᤥ ᤀᤡᤱᤃᤠ᤹ ᤁᤢᤛᤱ ᤀᤠᤔᤡᤱᤅᤡᤴᤏᤠᤱ ᤛᤠᤵᤋᤢᤱᤗᤥ॥ ᤜᤧᤰᤁᤩᤠᤱ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣ ᤕᤧᤰᤕᤰ ᤁᤢᤛᤱ ᤕᤖᤢᤛᤗᤧᤔᤡᤸᤗᤧ ᤁᤢᤔᤡᤱᤅᤡᤴᤏᤠᤱ ᤂᤧᤸᤗᤥ ᤛᤠᤵᤋᤢᤱᤗᤥ॥ ᤂᤧᤱᤃ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤐᤠᤱᤄᤢ ᤕᤢ᤺ᤛᤢ᤹॥  
\v 13 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄’” 
\s1 ᤗᤠᤀᤥᤍᤡᤁᤡᤕᤠᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤗᤠᤃᤡ ᤀᤡᤱᤄᤱ 
\p  
\v 14 “ᤗᤠᤀᤥᤍᤡᤁᤡᤕᤠᤛ᤻ᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤔᤠᤱᤗᤠᤀᤡᤱᤒᤠᤴ ᤁᤴ ᤀᤡᤱᤄᤱᤅᤡᤴ ᤛᤠᤵᤋᤧ᤹ᤀᤥ॥ ᤁᤴ ᤀᤡᤱᤄᤱᤅᤡᤴ ᤀᤠᤔᤧᤴ ᤔᤧᤵᤔᤏᤠᤒᤠ. ᤏᤛᤠ᤺ᤴᤛᤠᤒᤠ ᤏᤢ ᤛᤧᤰᤂᤠᤒᤠ ᤋᤥ᤺ᤴᤍᤡ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤧᤛ᤻ᤛᤢᤒᤠ ᤏᤠᤘᤠᤃᤧᤴ ᤆᤀᤡ᤺ᤳᤋᤥ ᤜᤠᤱᤃᤧᤈᤥ᤺ᤰᤐᤠᤸᤗᤧ ᤐᤠ᤺ᤳᤋᤢᤒᤠᤖᤥ–  
\v 15 ‘ᤂᤧᤏᤧ᤹ ᤁᤧᤈᤥᤃᤢᤒᤠ ᤕᤠ᤺ᤶᤒᤰᤁᤡᤴ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥ ᤂᤧᤏᤧ᤹ᤃ ᤁᤧᤴᤇᤧ᤺ᤶᤏᤧᤴᤏᤠᤱ. ᤁᤧᤱᤃᤥ᤺ᤏᤧᤴᤏᤠᤱ॥ ᤂᤧᤏᤧ᤹ᤃ ᤁᤧᤃᤥ᤺ᤒᤠ ᤔᤧ᤺ᤱᤃᤪ ᤁᤧᤛᤧ᤺ᤶᤒᤠ ᤁᤧᤒᤥ᤺ᤰᤂᤧᤸᤗᤧ ᤏᤢ᤺ᤖᤧᤒᤠᤔᤧᤴ᥄  
\v 16 ᤂᤧᤏᤧ᤹ᤃ ᤁᤧᤴᤇᤧ᤺ᤶᤏᤧᤴᤏᤠᤱ. ᤁᤧᤱᤃᤥ᤺ᤏᤧᤴᤏᤠᤱ ᤁᤖ ᤔᤰᤁᤥᤃᤥᤖᤰ ᤁᤧᤗ᤹ᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤗᤠ᤺ᤰᤁᤠᤳ ᤀ᤺ᤏᤧ ᤗ᤺ᤳᤏᤧ᤹ᤖᤥ॥  
\v 17 ᤂᤧᤏᤧ᤹ᤃ. ᤀᤡᤱᤃᤠ᤹ ᤕᤠᤱᤛᤠᤁᤢᤴᤎᤣᤛᤠᤒᤠᤀᤠ. ᤀᤡᤱᤃᤠ᤹ ᤌᤣᤀᤠᤱ ᤆᤠᤜᤠᤒᤠ ᤔᤧᤈᤥ᤺ᤰᤁᤠᤴ ᤗ᤹ᤖᤡᤰ ᤏᤡᤱᤘᤠ᤹ ᤁᤧᤀᤡ᤺ᤳᤋᤢ᤹. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤧᤏᤧ᤹ ᤀᤠᤰᤂᤧᤴ ᤁᤢᤒᤠᤱ ᤁᤧᤒᤣ᤺ᤰᤐᤠ. ᤗᤢᤱᤔᤠ᤹ ᤁᤧᤍᤢᤰᤐᤠ. ᤕᤠᤱᤃᤧᤛᤠ᤹ᤒᤠ. ᤔᤡᤰᤑ᤺ᤶᤒᤠ ᤏᤢ ᤗᤧᤰᤆᤠᤒᤧᤎᤡ᤺ᤰ ᤁᤧᤈᤥ᤺ᤰ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤱᤄᤥ᤺ᤛᤢᤴᤗᤥ॥  
\v 18 ᤜᤧᤰᤁᤣ᤺ᤸᤗᤧ ᤂᤧᤏᤧ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤐᤥ᤺ᤱᤔᤠ ᤁᤧᤛᤢᤰᤗ ᤑᤠ᤹ᤀᤠᤱ ᤔᤡᤀᤥ ᤕᤥ᤺ᤶᤔᤏᤠᤒᤠ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤴ ᤀᤡᤱᤃᤠ᤹ᤀᤥᤗᤠᤶ ᤀᤡᤅᤧ᤹ᤀᤥ ᤗ᤹ᤖᤡᤰ ᤛᤢᤈᤠ ᤐᤡᤏᤧ. ᤗᤧᤰᤆᤠᤒᤧᤎᤡ᤺ᤰᤐᤠ ᤁᤧᤎᤰᤁᤡᤴ ᤋᤧᤵᤋᤧ᤹ᤀᤠᤱ ᤏᤢ᤺ᤶᤔᤠ ᤔᤧᤒᤥ᤺ᤱᤏᤧᤴᤗ ᤑᤠ᤹ᤀᤠᤱ ᤑ᤺ᤃᤧᤗ᤹ᤒᤠ ᤋᤣ᤺ᤳᤋᤡᤴ ᤀᤡᤅᤧ᤹ᤀᤥ. ᤜᤧᤰᤁᤩᤠᤱ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤱᤔᤠ ᤑᤠ᤹ᤀᤠᤱ ᤔᤡᤰ ᤛᤡᤍᤠ᤹ᤀᤡᤴ ᤀᤡᤅᤧ᤹ᤀᤥ॥  
\v 19 ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤢᤱᤛᤡᤱᤒᤠᤜᤠ᤹ ᤑᤧ᤺ᤰᤋᤢᤱᤛᤡᤱᤅᤠᤱ ᤋᤥ᤺ᤴᤍᤢᤱᤛᤡᤱᤗᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤥ ᤛᤡᤰ ᤁᤧᤛᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤥ॥ ᤂᤡᤏᤡ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤥ॥  
\v 20 ᤂᤧᤵᤛᤧ᤹ᤀᤥ᥄ ᤀᤡᤱᤃᤠ᤹ ᤗᤠᤶᤎᤣ᤺ᤵᤐᤥ ᤕᤧᤵᤐᤠᤀᤠᤱ ᤂᤰ ᤂᤰ ᤔᤧᤳᤋᤢᤱ॥ ᤀᤠᤀᤡᤰᤗᤠ᤺ᤴ ᤂᤧᤵᤛᤢᤀᤠᤱ ᤗᤠᤶᤎᤣ᤺ᤵᤐᤧᤴ ᤜᤴᤏᤠ᤹ ᤐᤡᤀᤠᤏᤧ ᤑᤠ᤹ᤃᤪ. ᤀᤡᤱᤃᤠ᤹ ᤜᤡᤶᤛᤡᤃᤠᤱ ᤗᤠ᤺ᤳᤋᤠᤀᤠᤱ ᤂᤧᤴᤏᤢ ᤛᤥᤖᤡᤰ ᤆᤠ ᤆᤠᤛᤢᤃᤧ᤹ᤖᤥ॥  
\v 21 ᤏᤛᤠ᤺ᤴᤏᤥ ᤁᤧᤏᤠ᤺ᤶᤒᤠᤴ ᤐᤠᤏᤢᤍᤡᤱ ᤀᤠᤶᤒᤠᤏᤢ ᤁᤢᤜᤠᤱᤕᤢᤰᤏᤠᤀᤥ ᤀᤡᤱᤃᤠ᤹ ᤏᤠ᤺ᤴᤍᤢᤱᤅᤠᤱ ᤕᤢᤱᤔᤠ ᤂᤥ᤺ᤛᤢᤱᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤏᤢ ᤀᤠᤜᤠᤱᤕᤢᤰᤏᤠᤀᤥ ᤕᤢᤱᤔᤠ ᤕᤢᤰ ᤐᤡᤖᤢᤱᤗᤥ॥  
\v 22 ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤜᤠ᤹ ᤔᤧᤳᤋᤢᤛᤡᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄’” 
\c 4  
\s1 ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤕᤢᤰᤏᤠ᤺ᤸᤗᤧᤴ ᤛᤢᤑᤥ 
\p  
\v 1 ᤁᤴ ᤀᤣᤃᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤅᤥ ᤗᤠᤶᤎᤣ᤺ᤵᤐᤧᤴ ᤜᤸᤗᤧᤰ ᤜᤖᤧᤀᤠᤱ ᤐᤳᤇᤧᤒᤠ ᤏᤡ᤺ᤛᤢᤱᤗᤥ॥ ᤜᤧᤰᤁᤩᤠᤱ ᤋᤃᤡ ᤂᤧᤵᤛᤢᤱᤒᤠ ᤌᤢᤳᤌᤢᤖᤡ᤺ᤵᤐᤠᤸᤗᤧ ᤁᤢᤀᤡᤰᤗᤠ ᤁᤢᤀᤡᤛᤡ᤺ᤰ ᤕᤠᤶᤔᤥ ᤀᤰᤂᤣᤗ᤹ᤖᤡᤰ ᤀᤡᤱᤃᤠ᤹ᤏᤢ ᤐᤠᤖᤧᤖᤥ. “ᤁᤳᤌᤥ ᤌᤠᤅᤧ᤹ᤀᤥ. ᤀᤠᤸᤗ ᤀᤡᤱᤃᤠ᤹ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤀᤥ᤺ᤴᤎᤠᤰᤏᤧ᤹ᤖᤥ॥”  
\v 2 ᤂᤡᤔᤥ ᤛᤣᤛᤣᤔᤠᤱᤅᤡᤸᤗᤧ ᤀᤡᤱᤃᤠ᤹ ᤌᤢᤰᤋᤠᤱ. ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤍᤃᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤎᤡᤰ ᤏᤡ᤺ᤛᤢᤱ.  
\v 3 ᤂᤧᤵᤔᤥ ᤁᤧᤕᤢᤱᤒᤠᤸᤗᤧ ᤁᤢᤏᤠᤖᤠ᤺ᤱᤃ ᤁᤧᤀᤥ᤺ᤵᤐᤠ ᤔᤠᤱᤗᤢᤱ ᤏᤢ ᤁᤢᤜᤧ᤺ᤳᤗᤢᤱ. ᤀᤡᤔᤧᤸᤗᤢᤱᤒᤠ ᤗᤢᤱ ᤁᤢᤀᤡᤛᤡ᤺ᤰ ᤀᤥ᤺ᤳᤋᤧᤖᤥ॥ ᤜᤧᤰᤁᤩᤠᤱ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤄᤡᤖᤡ ᤗᤢᤱᤛᤣ᤺ᤰᤁᤢᤶ ᤔᤠᤱᤗᤢᤱ ᤜᤧᤰᤁᤣ ᤁᤧᤗᤧᤰᤐᤠ ᤏᤠᤶᤎᤡᤱᤃᤥ ᤐᤳᤇᤧ॥  
\v 4 ᤜᤠᤱᤕᤢᤰᤏᤠ᤺ᤸᤗᤧ ᤁᤢᤄᤡᤖᤡ ᤏᤧᤳ-ᤗᤡ (᥈᥊) ᤘᤣ᤹ ᤜᤠᤱᤕᤢᤰᤏᤠᤜᤠ᤹ ᤔᤧᤕᤢᤅᤧ ᤜᤧᤰᤁᤩᤠᤱ ᤂᤧᤵᤔᤥ ᤑ᤺ᤃᤧᤗ᤹ᤒᤠ ᤋᤣ᤺ᤳ ᤁᤧᤈᤠᤱᤒᤠ ᤛᤠᤶᤔᤩᤠᤱ ᤋᤡᤆ᤺ ᤁᤧᤄᤢ᤺ᤱᤒᤠ ᤏᤧᤳ-ᤗᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤔᤧᤕᤢᤅᤧᤖᤥ॥  
\v 5 ᤜᤧᤰᤁᤩᤠᤱ ᤜᤠᤱᤕᤢᤰᤏᤠᤗᤠᤶ ᤛᤠ᤺ᤶᤓᤣ ᤗᤧᤰᤋᤧ ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤂᤧᤖᤧᤱ ᤄᤢᤖᤢᤱ ᤗ᤹ᤖᤡᤰ ᤋᤠᤱᤛᤠᤱ ᤁᤧᤗᤥ᤺ᤱᤒᤠ ᤀᤡᤰᤗᤠᤜᤠ᤹ ᤗ᤺ᤴᤍᤧᤖᤥ॥ ᤂᤧᤵᤔᤥ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤍᤃᤠᤱ ᤏᤢᤛᤡ ᤛᤣᤔᤡᤜᤠ᤹\f * \fr 4:5 \ft ᤏᤢᤛᤡ ᤛᤣᤔᤡᤜᤠ᤹–ᤛᤣᤛᤣᤔᤠᤱᤅᤡᤴ ᤀᤥᤛᤣ᤺ᤴᤎᤠᤰᤔᤠ ᤔᤡᤰᤛᤣ᤺ᤴ॥ \f* ᤔᤧᤍᤡᤖᤧᤖ ᤔᤧᤕᤢᤅᤧ॥ ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤛᤡ ᤁᤢᤛᤣᤛᤣᤔᤠᤱᤛᤡᤖᤥ॥  
\v 6 ᤜᤠᤱᤕᤢᤰᤏᤠ᤺ᤸᤗᤧ ᤁᤢᤍᤃᤠᤱ ᤛᤡᤛᤠ ᤜᤧᤰᤋᤱᤒᤠ ᤘᤜ᤺ᤱ ᤏᤧᤛ᤻ᤛᤧᤖᤥ॥ ᤂᤧᤱᤃ ᤔᤠᤱᤗᤢᤱ ᤜᤧᤰᤁᤣ ᤛᤧᤸᤗᤧᤱ ᤁᤧᤗᤧᤰᤐᤠ ᤆᤥᤃᤧ॥ ᤜᤧᤰᤁᤩᤠᤱ ᤁᤢᤗᤢᤶᤔᤥ. ᤜᤠᤱᤕᤢᤰᤏᤠ᤺ᤸᤗᤧ ᤁᤢᤄᤡᤖᤡ. ᤀᤣᤃᤠᤱ ᤋᤃᤠᤱ ᤁᤠᤰ ᤐᤡᤛᤠᤱ ᤔᤡᤰ ᤀᤡᤛ᤻ᤛᤣ᤺ᤱ ᤁᤧᤒᤵᤐᤠ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤔᤧᤕᤧᤒᤧᤖᤥ॥  
\v 7 ᤌᤡᤰᤛᤡᤃᤣ᤺ᤰᤐᤠ ᤁᤢᤜᤡᤱᤘᤧᤳ ᤐᤠᤌᤢᤱᤛᤠ᤺ᤱᤃ ᤌᤡᤖᤡᤱᤒᤠᤴ ᤜᤧᤰᤁᤣ ᤗ᤹ᤖᤧ॥ ᤏᤡᤛᤡᤃᤣ᤺ᤰᤐᤧᤴ ᤐᤡᤳ ᤜᤧᤰᤁᤣ ᤗ᤹ᤖᤧ॥ ᤛᤢᤶᤛᤡᤃᤣ᤺ᤰᤐᤠᤸᤗᤧ ᤁᤢᤏᤠᤖᤠ᤺ᤴ ᤔᤧᤴᤇᤠᤶ ᤕᤠᤵᤔᤡ ᤏᤠᤖᤠ ᤜᤧᤰᤁᤣ ᤗ᤹ᤖᤧ॥ ᤜᤧᤰᤁᤩᤠᤱ ᤗᤡᤛᤡᤃᤣ᤺ᤰᤐᤠᤱᤃ ᤁᤧᤒᤧᤒᤠᤖ ᤁᤧᤒᤵᤐᤠ ᤔᤢᤕᤠ ᤜᤧᤰᤋᤱᤒᤠ ᤆᤥᤃᤧᤖᤥ॥  
\v 8 ᤂᤧᤴ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤖᤧ ᤂᤢᤏᤡ᤹ ᤏᤠᤛᤡᤱᤃᤧᤴ ᤌᤰᤁᤥ ᤋᤢᤰᤛᤡ ᤗᤠᤵᤜᤠ᤹ ᤔᤧᤒᤳᤇᤧ. ᤜᤧᤰᤁᤩᤠᤱ ᤂᤢᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤴ ᤏᤢ ᤗᤠᤵᤐᤡᤸᤗᤧ ᤁᤢᤎᤡᤶ ᤁᤠᤰ ᤐᤡᤛᤠᤱ ᤔᤡᤰ ᤀᤡᤛ᤻ᤛᤣ᤺ᤱ ᤐᤳᤇᤧᤖᤥ॥ ᤂᤧᤱᤜᤠ᤹ ᤛᤧᤴᤍᤡᤰ ᤗᤧᤴᤍᤡᤰ ᤆᤰᤔᤧᤸᤗ᤹ᤀᤣ ᤀᤰᤂᤣ ᤔᤧᤒᤠ᤺ᤳᤋᤢᤖ ᤛᤠᤶᤔᤧᤗᤥ᤹᤺. “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤛᤣ. ᤛᤣᤛᤣ. ᤛᤣᤛᤣᤒᤠ ᤆᤥ᤺ᤰᤗᤥ॥ ᤂᤢᤏᤧ᤹ ᤀᤢᤏᤠᤜᤢᤖᤡᤀᤥ ᤘᤕᤧ. ᤀᤠᤸᤗᤥᤀᤠᤱ ᤘᤠ᤹. ᤜᤧᤰᤁᤩᤠᤱ ᤋᤠ᤺ᤴᤍᤡᤀᤠᤱ ᤋᤠ᤺ᤖᤥ॥” 
\p  
\v 9 ᤂᤧᤴ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤖᤧ ᤛᤍᤠᤍᤡᤱ ᤏᤢ ᤛᤍᤠᤍᤡᤱ ᤁᤧᤘᤠ᤹ᤒᤠᤀᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤴ ᤔᤡᤔᤡᤍᤡᤱ. ᤔᤡᤱᤛᤥ ᤀᤡᤱᤎᤠ᤺ᤱ. ᤏᤢ ᤏᤥᤃᤧᤴᤖᤧᤴ ᤛᤠᤶᤗᤥ᤺ᤴ ᤛᤠᤶᤔᤧᤔᤧᤳᤋᤢᤸᤗᤧ  
\v 10 ᤂᤧᤴ ᤏᤧᤳ-ᤗᤡ (᥈᥊) ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤛᤠᤶᤒᤥ᤺ᤴ ᤔᤧᤓᤴᤇᤡᤱᤗ ᤛᤍᤠᤍᤡᤱ ᤏᤢ ᤛᤍᤠᤍᤡᤱ ᤁᤧᤘᤠ᤹ᤒᤠᤀᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤴ ᤛᤣᤘᤠ ᤔᤧᤈᤥᤃᤢ᤹ᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤡᤆ᤺ᤴ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤍᤃᤠᤱ ᤔᤧᤏᤧᤛ᤻ᤛᤢᤖ ᤀᤰᤂᤣ ᤔᤧᤒᤠ᤺ᤳᤋᤢ᤹ᤖᤥ. 
\q1  
\v 11 “ᤂᤧᤏᤧ᤹ᤃ ᤀᤠᤏᤡᤃᤧ ᤍᤠᤱᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤏᤧ᤹ᤖᤥ॥ 
\q1 ᤂᤧᤏᤧ᤹ᤃ ᤔᤡᤔᤡᤍᤡᤱ ᤏᤢ ᤔᤡᤱᤛᤥ ᤀᤡᤱᤎᤠ᤺ᤱ 
\q1 ᤜᤧᤰᤁᤩᤠᤱ ᤔᤢᤰᤛᤠᤶᤖᤧᤴ ᤏᤠᤖᤠ ᤑᤥ᤺ᤛᤢᤶᤒᤧᤒᤠ ᤀᤠᤏᤡᤃᤧ ᤛᤣᤘᤠᤃᤧᤴ ᤛᤠᤶᤗᤥ᤺ᤴ ᤋᤠ᤺ᤰᤔᤠ ᤛᤢᤶᤒᤥᤎᤠᤛᤠᤒᤠ ᤁᤧᤈᤥ᤺ᤰᤗᤥ. 
\q1 ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤁᤠᤰ ᤐᤠ᤺ᤴᤜᤠ᤹ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤈᤥᤃᤢ. ᤜᤧᤰᤁᤩᤠᤱ ᤛᤡᤰᤁᤢᤶᤍᤡᤱ ᤁᤧᤏᤡᤱᤘᤠ᤹ᤗᤠᤶ ᤂᤧᤱᤜᤠ᤹ ᤔᤧᤒᤥ᤺ᤰᤂᤣ. ᤜᤧᤰᤁᤩᤠᤱ ᤜᤡᤱᤔᤴ ᤁᤧᤒᤡᤖᤢᤛᤡᤀᤠᤱ ᤘᤠ᤹ᤖᤥ॥” 
\c 5  
\s1 ᤛᤠᤵᤁᤡᤳᤋᤡᤴ ᤏᤢ ᤔᤧᤸᤗᤢᤰᤛᤠ᤺ᤴ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤥ ᤀᤣᤃᤠᤱ ᤋᤃᤠᤱ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤛᤠᤵᤁᤡᤳᤋᤡᤴ ᤁᤳᤋᤢᤒᤠ ᤏᤡ᤺ᤛᤢᤱ॥ ᤂᤧᤴ ᤛᤠᤵᤁᤡᤳᤋᤡᤴ ᤔᤧᤛᤢᤒᤢᤀᤠᤱ ᤏᤢᤛᤡ ᤀᤣ᤺ᤵᤛᤠᤵᤜᤠ᤹ ᤔᤧᤕᤢᤰᤋᤢᤀᤠᤱ ᤐᤳᤇᤧᤖᤥ॥  
\v 2 ᤜᤧᤰᤁᤩᤠᤱ ᤂᤧᤵᤔᤥ ᤔᤢᤰᤛᤠᤶᤛᤠᤒᤠ ᤔᤠᤱᤗᤠᤀᤡᤱᤒᤠᤴ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠᤖᤧᤒᤠ ᤀᤡᤱᤃᤠ᤹ ᤏᤡ᤺ᤛᤢᤱ. “ᤁᤴ ᤀᤣ᤺ᤵᤛᤠᤵᤜᤠ᤹ ᤀᤱᤔᤠ ᤁᤧᤛᤢᤰᤐᤠ ᤏᤢ ᤛᤠᤵᤁᤡᤳᤋᤡᤴ ᤑᤠ᤺ᤱᤔᤠ ᤁᤧᤛᤢᤰᤐᤠ ᤜᤠ᤺ᤳ ᤘᤠ᤹ᤒᤣ᥅”  
\v 3 ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤛᤡᤃᤠᤱᤅᤠᤱ ᤂᤧᤴ ᤛᤠᤵᤁᤡᤳᤋᤡᤴ ᤁᤧᤓᤠ᤺ᤱᤒᤠᤀᤠᤱ ᤛᤡᤃᤠᤱ ᤀᤥᤔᤧᤵᤔᤠ ᤁᤧᤛᤢᤰᤐᤠ ᤀᤠᤳᤋᤡᤴᤏᤠᤱ ᤜᤥ᤺ᤵᤋᤧᤖᤥ॥  
\v 4 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤛᤠ᤹ᤖᤡᤰ ᤜᤠᤒᤠᤱᤗᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤛᤠᤵᤁᤡᤳᤋᤡᤴ ᤁᤧᤓᤠ᤺ᤱᤒᤠᤀᤠᤱ ᤛᤡᤃᤠᤱᤒᤠ ᤐᤠ᤺ᤴᤏᤡᤴ ᤏᤡ᤺ᤵᤔᤠ ᤁᤧᤛᤢᤰᤐᤠ ᤛᤢᤶᤒᤥᤎᤠᤛᤠᤒᤠ ᤀᤠᤳᤋᤡᤴᤏᤠᤱ ᤂᤥ᤺ᤔᤠ ᤛᤢᤰᤔᤧᤍᤧᤳᤋᤧᤴᤗᤥ॥  
\v 5 ᤜᤧᤰᤁᤩᤠᤱ ᤋᤢᤶᤗᤠᤶᤗᤥ᤺ᤒᤠᤎᤡᤰᤗᤧ ᤀᤡᤱᤃᤠ᤹ ᤔᤧᤳᤋᤠᤱ. “ᤔᤧᤜᤠᤒᤧᤏᤧ᤹ᤀᤥ᥄ ᤀᤥᤔᤧᤳᤋᤧ᤹. ᤕᤜᤢᤍᤠ ᤛᤢᤘᤠᤱᤒᤠ ᤌᤡᤖᤡᤱᤒᤠ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠ᤺ᤸᤗᤧ ᤁᤴ ᤏᤢᤛᤡ ᤀᤣ᤺ᤵᤛᤠᤵᤜᤠ᤹ ᤀᤱᤔᤠ ᤜᤧᤰᤁᤩᤠᤱ ᤛᤠᤵᤁᤡᤳᤋᤡᤴ ᤑᤠ᤺ᤱᤔᤠ ᤛᤢᤰᤋᤢ᤹ᤖᤥ॥” 
\p  
\v 6 ᤜᤧᤰᤁᤩᤠᤱ ᤀᤡᤱᤃᤠ᤹ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤒᤣᤛᤠᤱ. ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ. ᤔᤧᤸᤗᤢᤰᤛᤠ᤺ᤴ\f * \fr 5:6 \ft ᤔᤧᤸᤗᤢᤰᤛᤠ᤺ᤴ–ᤕᤧᤛᤢᤖᤧ ᤗᤳᤇᤠ ᤁᤢᤔᤡᤱ॥ ᤕᤧᤛᤢ᤺ᤴ ᤔᤧᤛᤧᤖᤢᤀᤠᤱ ᤘᤕᤧᤒᤠ ᤔᤧᤸᤗᤢᤰᤛᤠ᤺ᤴ ᤜᤧᤰᤁᤣ ᤌᤠ᤺ᤶᤛᤡᤱ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰ ᤔᤏᤠᤜᤠ᤹ ᤛᤧ᤺ᤵᤔᤠᤛᤡ ᤑᤠ᤹ᤀᤠᤱ ᤕᤧᤛᤢ᤺ᤴ ᤛᤡᤍᤢᤱᤈᤓᤠ ᤐᤥ᤺ᤰᤂᤧ॥ ᤔᤧᤸᤗᤢᤰᤛᤠ᤺ᤸᤗᤧ ᤏᤢᤛᤡ ᤁᤢᤍᤠᤱᤜᤠ᤹ᤖᤧ ᤐᤕᤶ ᤕᤶᤒᤠ ᤁᤢᤔᤢᤰᤛᤠᤶᤔᤡᤴ ᤔᤡᤰᤛᤣ᤺ᤴ ᤀᤠᤒᤡ॥ ᤂᤢᤏᤧ᤹ ᤏᤢᤛᤡ ᤁᤢᤔᤡᤰᤜᤠ᤹ᤖᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤂᤢᤏᤧ᤹ ᤏᤡ᤺ᤛᤢᤒᤠ ᤐᤠ᤺ᤴᤏᤡᤴ ᤔᤡᤰᤛᤣ᤺ᤴ ᤀᤠᤒᤡ॥\f* ᤕᤧᤒᤧᤒᤠ ᤏᤡ᤺ᤛᤢᤱ॥ ᤂᤧᤴ ᤛᤡᤍᤢᤱᤈᤓᤠ ᤆᤥ᤺ᤰᤔᤏᤠᤒᤠ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥ ᤂᤧᤸᤗᤧ ᤏᤢᤛᤡ ᤁᤢᤍᤠᤱᤜᤠ᤹ ᤕᤢᤅᤧ ᤜᤧᤰᤁᤩᤠᤱ ᤏᤢᤛᤡ ᤁᤢᤔᤡᤰᤜᤠ᤹ ᤔᤧᤒᤳᤇᤧᤖᤥ॥ ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤠᤰ ᤐᤡᤛᤠᤱ ᤐᤠᤱᤄᤢᤛᤡᤒᤠ ᤏᤢᤛᤡ ᤁᤢᤛᤣᤛᤣᤔᤠᤱᤛᤡᤖᤥ॥  
\v 7 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤴ ᤋᤩᤧᤀᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤥᤗᤠᤶ ᤂᤧᤴ ᤛᤠᤵᤁᤡᤳᤋᤡᤴ ᤕᤠᤱᤛᤡᤱ॥  
\v 8 ᤂᤧᤴ ᤛᤠᤵᤁᤡᤳᤋᤡᤴ ᤕᤠᤱᤛᤡᤱᤅᤡᤸᤗᤧ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤏᤢ ᤏᤧᤳ-ᤗᤡ (᥈᥊) ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤍᤃᤡ ᤛᤠᤶᤒᤥ᤺ᤴ ᤔᤧᤓᤴᤇᤡᤱ॥ ᤂᤧᤴ ᤁᤧᤖᤧᤰᤗᤧ ᤂᤢᤏᤡ᤹ ᤜᤢᤰᤁᤥ ᤛᤠᤖᤠᤱᤃᤡ ᤜᤧᤰᤋᤱᤒᤠ ᤔᤢᤰᤗᤠ ᤏᤢ ᤛᤠᤱᤛᤡᤱᤖᤧ ᤁᤧᤍᤡᤶᤒᤠ ᤛᤠᤶᤔᤩᤠᤱ ᤂᤥᤷᤕᤠᤜᤠ᤹ ᤔᤧᤃᤳᤋᤢ॥ ᤂᤧᤴ ᤛᤠᤱᤛᤡᤱᤅᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤋᤢᤘᤠᤖᤥ॥  
\v 9 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣᤗ᤹ᤖᤡᤰ ᤁᤢᤛᤱ ᤛᤠᤶᤗᤥᤎᤡᤰ ᤛᤠᤶᤔᤧᤔᤧᤳᤋᤢᤖᤥ. 
\q1 “ᤂᤧᤏᤧ᤹ᤃ ᤛᤠᤵᤁᤡᤳᤋᤡᤴ ᤐᤱᤔᤠᤀᤠᤱ ᤂᤧᤵᤔᤥ ᤁᤧᤒᤵᤐᤠ ᤁᤢᤀᤣ᤺ᤵᤛᤠᤵᤜᤠ᤹ ᤀᤱᤔᤠ ᤛᤢᤶᤒᤥᤎᤠᤛᤠᤒᤠ ᤁᤧᤈᤥ᤺ᤰᤗᤥ. 
\q1 ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤁᤧᤶᤛᤧᤖᤧ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤁᤧᤖᤧᤰ ᤐᤠ᤺ᤴᤍᤠᤱᤜᤠ᤹. ᤜᤧᤰᤁᤩᤠᤱ ᤁᤧᤖᤧᤰ ᤗᤠᤈᤣᤜᤠ᤹ᤗᤠᤶ ᤔᤏᤠᤜᤠ᤹ ᤂᤧᤏᤧ᤹ ᤁᤧᤔᤠᤰᤂᤡ᤹ᤀᤡᤸᤗᤧ ᤁᤧᤎᤧ᤹ᤖᤢᤛᤡᤖᤥ. 
\q1  
\v 10 ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤳᤇᤠ ᤁᤢᤜᤠᤱᤈᤢᤶᤔᤥ ᤁᤢᤛᤣᤘᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤁᤧᤈᤥᤃᤢᤛᤡ. 
\q1 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤜᤠᤱ ᤔᤧᤈᤥᤃᤢ᤹ᤖᤥ॥” 
\p  
\v 11 ᤜᤧᤰᤁᤩᤠᤱ ᤀᤡᤱᤃᤠ᤹ ᤕᤖᤡᤰ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤰᤗᤠ᤺ᤴ ᤂᤧᤵᤛᤢᤱᤅᤠᤱ ᤀᤥᤔᤧᤳᤋᤢᤱᤛᤡᤱᤅᤡᤸᤗᤧ ᤂᤧᤵᤔᤥ ᤜᤠᤱᤕᤢᤰᤏᤠ᤺ᤴ ᤏᤢ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤜᤧᤰᤁᤩᤠᤱ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤂᤡᤖᤡ ᤀᤠᤳᤋᤠᤳᤋᤠᤴᤏᤣ ᤕᤖᤡᤰ ᤔᤠᤱᤗᤠᤀᤡᤱᤒᤠᤜᤠ᤹ ᤔᤧᤕᤧᤒᤧᤒᤠ ᤏᤡ᤺ᤛᤢᤱ॥  
\v 12 ᤂᤧᤱᤜᤠ᤹ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤶᤔᤧᤗᤥᤖᤧᤖᤥ. 
\q1 “ᤂᤧᤴ ᤔᤧᤛᤧᤖᤢᤒᤠ ᤔᤧᤸᤗᤢᤰᤛᤠ᤺ᤴ. ᤔᤢᤰᤛᤠᤶ ᤏᤢ ᤕᤠᤱᤛᤠᤁᤢᤴᤎᤣ. ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤏᤢ ᤌᤢᤶ. ᤔᤡᤱᤛᤥ ᤀᤡᤱᤎᤠ᤺ᤱ. ᤔᤡᤔᤡᤍᤡᤱ. ᤏᤢ ᤏᤠᤖᤠ ᤑᤥ᤺ᤔᤠ ᤛᤢᤶᤒᤥᤎᤠᤛᤠᤒᤠ ᤆᤥ᤺ᤰᤗᤥ᥄” 
\p  
\v 13 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤒᤠ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤛᤡᤃᤠᤱᤒᤠ. ᤜᤧᤰᤁᤩᤠᤱ ᤘᤠᤜᤱᤅᤥᤒᤠ ᤁᤧᤖᤧᤰ ᤐᤠᤌᤢᤱᤛᤠᤜᤠ᤹ ᤀᤰᤂᤣᤗ᤹ᤖᤡᤰ ᤛᤠᤶᤔᤧᤗᤥᤖᤧᤒᤠ ᤂᤧᤵᤛᤢᤱᤗᤥ. 
\q1 “ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤴ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤏᤠᤖᤠ ᤑᤥ᤺ᤔᤠᤴ. 
\q1 ᤔᤡᤱᤛᤥ ᤀᤡᤱᤎᤠ᤺ᤱ. ᤔᤡᤔᤡᤍᤡᤱ ᤏᤢ ᤔᤢᤰᤛᤠᤶ ᤛᤍᤠᤍᤡᤱ ᤛᤍᤠᤍᤡᤱ ᤐᤥ᤺ᤱᤗᤖᤥ᥄” 
\p  
\v 14 ᤜᤧᤰᤁᤩᤠᤱ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤖᤧ “ᤀᤠᤔᤧᤴ” ᤔᤧᤒᤠ᤺ᤳᤋᤢ. ᤜᤧᤰᤁᤩᤠᤱ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤛᤠᤶᤒᤥ᤺ᤴ ᤔᤧᤓᤴᤇᤡᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤧᤸᤗᤢᤰᤛᤠ᤺ᤴ ᤛᤣᤘᤠ ᤔᤧᤈᤥᤃᤢᤛᤡᤖᤥ॥ 
\c 6  
\s1 ᤌᤡᤰᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤌᤱ ᤁᤧᤏᤠ᤺ᤶᤒᤠ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤧᤸᤗᤢᤰᤛᤠ᤺ᤸᤗᤧ ᤏᤢᤛᤡ ᤀᤣ᤺ᤵᤛᤠᤵᤐᤥ ᤌᤡᤰᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤒᤠ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤀᤥ ᤌᤡᤰᤛᤡᤃᤣ᤺ᤰᤐᤠᤸᤗᤧ ᤋᤠᤱᤛᤠᤰᤐᤧᤴ ᤁᤧᤗᤥ᤺ᤱᤒᤠ ᤀᤡᤰᤗᤠᤀᤥ “ᤑᤧᤖᤧ᤹” ᤐᤠ᤺ᤳᤋᤢᤒᤠ ᤂᤧᤵᤛᤢᤱ॥  
\v 2 ᤜᤧᤰᤁᤩᤠᤱ ᤑ᤺ᤍᤠᤱᤒᤠ ᤀᤴᤎᤡᤰ ᤏᤡ᤺ᤛᤢᤱ॥ ᤂᤧᤴ ᤀᤴ ᤁᤧᤕᤢᤰᤐᤠᤸᤗᤧ ᤁᤢᤜᤢᤰᤁᤥ ᤗᤳᤇᤠ ᤗᤡᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤧᤴ ᤋᤡᤆ᤺ᤎᤡᤰ ᤔᤧᤒᤡᤖᤢᤀᤠᤱ ᤌᤱ ᤁᤧᤏᤠ᤺ᤶᤒᤠ ᤁᤢᤀᤡᤛᤡ᤺ᤰ ᤁᤠᤰ ᤏᤠ᤺ᤶᤔᤠᤛᤡ ᤑᤠ᤹ᤀᤠᤱ ᤂᤢᤏᤧ᤹ ᤌᤠᤛᤡᤱᤗᤥ॥ 
\s1 ᤏᤡᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤀᤡᤰᤛᤠᤀᤥ ᤌᤱ 
\p  
\v 3 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤏᤡᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤸᤗᤧ ᤏᤡᤛᤡᤃᤣ᤺ᤰᤐᤠ ᤁᤢᤜᤡᤱᤘᤧᤳ ᤐᤠᤌᤢᤱᤛᤠ᤺ᤸᤗᤧ “ᤑᤧᤖᤧ᤹” ᤐᤠ᤺ᤳᤋᤢᤒᤠ ᤂᤧᤵᤛᤢᤱ॥  
\v 4 ᤜᤧᤰᤁᤩᤠᤱ ᤜᤧ᤺ᤳᤋᤠᤱᤒᤠ ᤘᤣ᤹ᤛ᤻ᤔᤠ ᤀᤴᤎᤡᤰ ᤗ᤺ᤴᤍᤧ ᤑᤧᤖᤧ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤛᤧᤳᤇᤡᤱᤗ ᤑᤠ᤹ᤀᤠᤱ ᤀᤴ ᤁᤧᤕᤢᤰᤐᤧᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤛᤏᤠᤖᤢᤱᤅᤡᤴ ᤂᤧᤵᤔᤠᤍᤣ᤺ᤔᤠ ᤔᤢᤰᤛᤠᤶ ᤔᤧᤒᤡᤖᤢ॥ ᤜᤧᤰᤁᤩᤠᤱ ᤕᤶᤒᤠ ᤋᤠᤓᤣᤎᤡᤰᤁᤠᤱ ᤂᤧᤴ ᤔᤧᤒᤡᤖᤢ॥ 
\s1 ᤛᤢᤶᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤀᤡᤰᤛᤠᤀᤥᤒᤠ ᤛᤠᤰ 
\p  
\v 5 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤛᤢᤶᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤸᤗᤧ ᤛᤢᤶᤛᤡᤃᤣ᤺ᤰᤐᤠ ᤐᤠᤌᤢᤱᤛᤠ᤺ᤸᤗᤧ “ᤑᤧᤖᤧ᤹” ᤐᤠ᤺ᤳᤋᤢᤒᤠ ᤂᤧᤵᤛᤢᤱ॥ ᤜᤧᤰᤁᤩᤠᤱ ᤔᤠᤰᤋᤠᤱᤒᤠ ᤀᤴᤎᤡᤰ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤂᤧᤴ ᤀᤴ ᤁᤧᤕᤢᤰᤐᤠᤸᤗᤧ ᤁᤢᤜᤢᤰᤁᤥ ᤋᤧᤴᤍᤢᤖᤡᤎᤡᤰ ᤁᤳᤋᤢ॥  
\v 6 ᤜᤧᤰᤁᤩᤠᤱ ᤂᤧᤵᤔᤥ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤀᤥᤗᤠᤶ ᤀᤰᤂᤣ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ. “ᤌᤡᤰ ᤕᤧᤴᤒᤠ ᤏᤠᤶᤕᤠᤰ ᤁᤡᤗᤥ ᤌᤡᤰ ᤔᤠᤛᤡ ᤜᤧᤰᤁᤩᤠᤱ ᤌᤡᤰ ᤕᤧᤴᤒᤠ ᤏᤠᤶᤕᤠᤰ ᤁᤡᤗᤥ ᤛᤢᤶᤛᤡ ᤜ᤺ᤰᤛᤡ᤺ ᤐᤥ᤺ᤱᤗᤥ॥ ᤁᤖ ᤈᤤᤋᤢᤏ ᤏᤡ᤺ᤱᤃᤣ᤺ᤴ ᤏᤢ ᤆᤧᤸᤗᤧᤰᤛᤣ᤹ ᤌᤡ᤺ᤴ ᤑᤧᤳᤔᤧᤗᤠ᤺ᤴᤍᤧᤏᤧ᤹ᤀᤥ॥” 
\s1 ᤗᤡᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤛᤡ᤺ᤔᤧᤴ 
\p  
\v 7 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤗᤡᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤸᤗᤧ ᤗᤡᤛᤡᤃᤣ᤺ᤰᤐᤠ ᤁᤢᤜᤡᤱᤘᤧᤳ ᤐᤠᤌᤢᤱᤛᤠ᤺ᤸᤗᤧ “ᤑᤧᤖᤧ᤹” ᤐᤠ᤺ᤳᤋᤢᤒᤠ ᤂᤧᤵᤛᤢᤱ॥  
\v 8 ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤶᤍᤠᤱᤒᤠ ᤀᤴᤏᤡᤴ ᤂᤧᤵᤔᤥ ᤏᤡ᤺ᤛᤢᤱᤗᤥ॥ ᤂᤧᤴ ᤀᤴ ᤁᤧᤕᤢᤰᤐᤠᤸᤗᤧ ᤁᤢᤔᤡᤱᤃ “ᤛᤡ᤺ᤔᤧᤴ” ᤘᤕᤧ॥ ᤜᤧᤰᤁᤩᤠᤱ ᤂᤧᤔᤠᤕᤱᤛᤱᤅᤥᤒᤠ ᤁᤧᤛᤡ᤺ᤒᤠᤜᤠ᤹ᤖᤧ ᤂᤢᤏᤧ᤹ ᤔᤧᤍᤡᤶᤍᤢᤖᤥ॥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤢᤗᤰ ᤗᤡᤛᤡᤀᤥ ᤁᤢᤗᤰ ᤌᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤌᤱ. ᤛᤠᤰ. ᤋᤢᤰᤔᤠ ᤏᤢ ᤋᤠᤶᤓᤢᤱ ᤌᤰᤛᤠᤜᤠ᤹ᤗᤠᤶ ᤛᤧᤵᤔᤠᤛᤡ ᤑᤠ᤹ᤀᤠᤱ ᤂᤧᤱᤜᤠ᤹ ᤕᤢᤰ ᤔᤧᤒᤡᤖᤢᤛᤡᤖᤥ॥ 
\s1 ᤅᤠᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤖᤢᤔᤣᤜᤠ᤹ᤖᤧ ᤔᤧᤈᤥᤃᤢᤒᤠ ᤐᤣᤗᤡ 
\p  
\v 9 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤅᤠᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤸᤗᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤏᤢ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤥ ᤏᤛᤠ᤺ᤴᤛᤠᤒᤠ ᤔᤧᤈᤥᤃᤧᤒᤠᤸᤗᤧ ᤆᤥᤃᤢᤸᤗᤧ ᤔᤧᤛᤧᤖᤢᤛᤡᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤕᤠᤶᤛᤠᤶᤜᤠ᤹ ᤀᤡᤱᤃᤠ᤹ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤁᤢᤛᤡᤃᤠᤱ ᤏᤡ᤺ᤛᤢᤱᤛᤡᤱᤗᤥ॥  
\v 10 ᤂᤧᤱᤜᤠ᤹ ᤀᤰᤂᤣᤗ᤹ᤖᤡᤰ ᤕᤶᤒᤠ ᤀᤡᤰᤗᤠᤀᤥ ᤔᤧᤀ᤺ᤰᤋᤧ. “ᤛᤣᤛᤣ ᤏᤢ ᤛᤧᤰᤂᤠᤒᤠ ᤔᤢᤰᤛᤠᤶᤍᤠᤱᤒᤠᤀᤣ. ᤂᤧᤏᤧ᤹ ᤕᤠᤵᤔᤡ ᤁᤧᤛᤧᤵᤐᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤀᤠᤵᤑᤠᤸᤗᤧ ᤂᤠᤛᤧᤴ ᤁᤧᤗᤥ᤺ᤴᤍᤢᤛᤡᤀᤠᤱ ᤂᤢᤶᤍᤡᤱ ᤁᤧᤒᤡᤖᤢᤛᤡᤒᤠᤒᤣ᥅”  
\v 11 ᤂᤧᤱᤜᤠ᤹ ᤁᤠᤰ ᤑ᤺ᤍᤠᤱᤒᤠ ᤋᤣ᤺ᤳ ᤔᤧᤒᤡᤖᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤜᤧᤰᤁᤣᤀᤣ ᤛᤧᤵᤔᤠ ᤁᤧᤒᤥ᤺ᤱᤒᤠ ᤘᤣ᤹ ᤛᤣᤘᤠᤖᤥᤒᤠᤜᤠ᤹ ᤜᤧᤰᤁᤩᤠᤱ ᤑᤢ᤹ᤏᤢᤛᤠ᤹ ᤏᤧ᤹ᤏᤢᤛᤠ᤹ᤜᤠ᤹ ᤔᤧᤴᤇᤧᤳᤇᤡᤱᤅᤣ ᤌᤠᤖᤡᤰ ᤜᤠᤱᤄᤧᤶᤔᤧ᤹ ᤑᤠ᤹ᤀᤠᤱ ᤔᤧᤔᤧᤳᤋᤢᤛᤡᤖᤥ॥ 
\s1 ᤋᤢᤰᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ–ᤛᤡᤔᤡᤰᤗᤢᤱᤅᤥ ᤔᤢᤍᤥ᤺ᤱ ᤂᤠᤍᤥ᤺ᤱ 
\p  
\v 12 ᤀᤠᤸᤗ ᤔᤧᤸᤗᤢᤰᤛᤠ᤺ᤸᤗᤧ ᤋᤢᤰᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤒᤠ ᤏᤡ᤺ᤛᤢᤱ॥ ᤜᤧᤰᤁᤩᤠᤱ ᤐᤕᤶ ᤕᤶᤒᤠ ᤗᤢᤵᤗᤡ ᤌᤠᤅᤧ. ᤏᤠᤶᤔᤡᤴᤏᤠᤱ ᤔᤠᤰᤌᤰᤋᤧᤀᤠᤱ ᤔᤠᤰᤋᤠᤱᤒᤠ ᤐᤥ᤺ᤰᤂᤧ. ᤗᤠ᤺ᤒᤠᤴᤏᤠᤱ ᤔᤠᤰᤂᤡ᤹ ᤁᤢᤀᤡᤛᤡ᤺ᤰ ᤜᤧ᤺ᤳᤋᤠᤱᤒᤠ ᤐᤥ᤺ᤰᤂᤧ ᤐᤣ.  
\v 13 ᤜᤧᤰᤁᤩᤠᤱ ᤐ᤺ᤳᤇᤣ᤹ᤒᤢᤱᤔᤠᤴ ᤛᤢᤖᤡᤳᤔᤠᤸᤗᤧ ᤛᤠ᤹ᤖᤡᤰ ᤘᤠ᤺ᤴᤍᤢᤸᤗᤧ ᤔᤧᤴᤍᤢᤶᤔᤏᤠᤒᤠ ᤐ᤺ᤳᤇᤣ᤹ᤜᤠ᤹ ᤔᤰᤌᤠᤒᤠ ᤁᤢᤀᤡᤛᤡ᤺ᤰ ᤕᤖᤡᤰ ᤂᤣ᤺ᤶᤛᤡᤰᤐᤠᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤋᤠᤱᤛᤠᤰᤐᤥᤗᤠᤶ ᤔᤰᤔᤧᤎᤩᤧᤖᤥ॥  
\v 14 ᤜᤧᤰᤁᤩᤠᤱ ᤋᤠᤱᤛᤠᤰᤐᤧᤴᤏᤠᤱ ᤛᤠᤵᤁᤡᤳᤋᤡᤴ ᤁᤢᤀᤡᤛᤡ᤺ᤰ ᤁᤡᤳᤇᤡᤱᤅᤠᤱ ᤆᤳᤇᤡᤱ ᤐᤣᤖᤥ॥ ᤁᤠᤰ ᤁᤥ᤺ᤰᤔᤠ ᤑᤠᤱᤈᤱᤜᤠ᤹ ᤏᤢ ᤘᤠᤃᤵᤂᤠᤶᤜᤠ᤹ ᤔᤧᤄᤧᤳᤇᤡᤱ ᤔᤧᤒᤣᤖᤥ॥  
\v 15 ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹. ᤜᤠᤱᤕᤢᤰᤐᤠᤜᤠ᤹. ᤌᤰᤗᤡᤜᤠᤱᤜᤠ᤹. ᤕᤠᤱᤛᤠᤁᤢᤴᤎᤣᤛᤠᤒᤠᤜᤠ᤹. ᤁᤧᤎᤢᤶᤒᤠ ᤔᤢᤰᤁᤧᤃᤢᤒᤠᤜᤠ᤹. ᤜᤧᤰᤁᤩᤠᤱ ᤁᤠᤰ ᤕᤥ᤺ᤰᤐᤠᤜᤠ᤹ ᤏᤢ ᤆᤥ᤺ᤰᤕᤢᤶᤓᤥᤒᤠᤜᤠ᤹ ᤁᤧᤖᤧᤰ ᤁᤥ᤺ᤰᤔᤠᤀᤥᤒᤠ ᤑᤢᤰᤁᤢᤜᤠ᤹ ᤏᤢ ᤕᤠᤰᤁᤣ᤺ᤰᤜᤠ᤹ᤀᤥ ᤔᤧᤈᤡᤱᤛᤡᤱᤗᤥ॥  
\v 16 ᤂᤧᤱᤜᤠ᤹ᤖᤧ ᤁᤥ᤺ᤰᤔᤠᤜᤠ᤹ ᤏᤢ ᤗᤢᤱᤜᤠ᤹ ᤀᤰᤂᤣ ᤔᤧᤔᤧᤳᤋᤢᤖᤥ. “ᤀᤠᤏᤡᤃᤧ ᤛᤶᤍᤠᤱ ᤔᤰᤌᤩᤧ᤹ᤀᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤴ ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤛᤡᤰᤁᤧᤴᤗᤠᤶᤒᤠ ᤕᤠᤵᤔᤡ ᤀᤠᤎᤣ᤺ᤰᤋᤧ᤹ ᤀᤠᤈᤡᤰᤂᤧ᤹ᤀᤥ᥄  
\v 17 ᤌᤣᤀᤠᤱᤓᤧᤸᤗᤧ ᤁᤵᤔᤥ ᤂᤢᤴᤇᤡ᤹ ᤁᤡᤵᤔᤠ ᤁᤧᤄᤢ᤺ᤒᤠ ᤛᤡᤰ ᤐᤥ᤺ᤰᤔᤠᤸᤗᤧᤴ ᤕᤶᤒᤠ ᤕᤧᤴ ᤋᤩᤧᤀᤠᤱ ᤘᤠ᤹॥ ᤜᤠ᤺ᤳᤗᤧ ᤂᤧᤴ ᤌ᤺ᤵᤔᤠ ᤛᤢᤰᤋᤢᤒᤣ᥅” 
\c 7  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤣ᤺ᤵᤛᤠᤵ ᤁᤧᤃᤵᤐᤠ ᤔᤏᤠᤜᤠ᤹ 
\p  
\v 1 ᤁᤴ ᤀᤣᤃᤠᤱ ᤀᤡᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤗᤡᤛᤡ ᤁᤢᤛᤢᤰᤐᤥ ᤁᤧᤕᤧᤵᤐᤠ ᤗᤡᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤠᤶᤒᤣ᤺ᤰᤔᤥ. ᤘᤠᤜᤱᤅᤥ. ᤛᤡᤱᤒᤢᤱᤜᤠ᤹ᤀᤥ ᤛᤢᤖᤡᤳ ᤁᤣᤈᤱ ᤔᤧᤜᤢᤏᤧᤴᤗ ᤑᤠ᤹ᤀᤠᤱ ᤗᤡᤛᤡ ᤐᤡᤛᤠᤱᤗᤠᤶ ᤛᤢᤖᤡᤳ ᤁᤣᤈᤱᤅᤡᤴ ᤔᤧᤎᤣ᤺ᤰᤋᤢᤒᤠ ᤏᤡ᤺ᤛᤢᤱ॥  
\v 2 ᤜᤧᤰᤁᤩᤠᤱ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤣ᤺ᤵᤛᤠᤵ ᤁᤧᤒᤱᤒᤠ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤎᤡᤰ ᤏᤠᤶᤃᤧᤴ ᤐᤡᤛᤠᤱᤗᤠᤶ ᤌᤠᤅᤧᤒᤠ ᤏᤡ᤺ᤛᤢᤱ॥ ᤂᤧᤸᤗᤧ ᤂᤧᤴ ᤂᤠᤶᤒᤣ᤺ᤰᤔᤠᤴ ᤏᤢ ᤘᤠᤜᤱᤅᤡᤴ ᤑᤧᤳᤗᤠ᤺ᤶᤔᤠ ᤕᤢᤰ ᤁᤧᤄᤥ᤺ᤒᤠ ᤗᤡᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤕᤶᤒᤠ ᤀᤡᤰᤗᤠᤀᤥ ᤔᤧᤳᤋᤢᤛᤡ.  
\v 3 “ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤜᤠ᤹ᤖᤧ ᤂᤢᤏᤡ᤹ ᤋᤥᤘᤠᤒᤠᤀᤥ ᤀᤠᤏᤡᤃᤧ ᤀᤣ᤺ᤵᤛᤠᤵ ᤔᤧᤴᤕᤢᤰᤁᤣ ᤌᤠᤖᤡᤰ ᤂᤡᤏᤡ᤹ ᤂᤠᤶᤒᤣ᤺ᤰᤔᤠᤴ. ᤘᤠᤜᤱᤅᤡᤴ. ᤛᤡᤱᤒᤢᤱᤜᤠ᤹ ᤌᤣᤀᤠᤱ ᤑᤧᤳᤔᤧᤗᤠ᤺ᤴᤍᤧᤶᤔᤡᤴᤏᤧ᤹ᤀᤥ॥” 
\p  
\v 4 ᤜᤧᤰᤁᤩᤠᤱ ᤂᤢᤏᤡ᤹ ᤋᤥᤘᤠᤒᤠᤀᤥ ᤀᤣ᤺ᤵᤛᤠᤵ ᤔᤧᤕᤢᤰᤋᤢᤛᤡᤒᤠᤜᤠ᤹ ᤔᤧᤏᤡ᤺ᤖᤢᤛᤡᤒᤠ ᤂᤧᤵᤛᤢᤱ॥ ᤁᤠᤰ ᤀᤡᤛᤪᤠᤀᤡᤗᤒᤠ ᤛᤢᤘᤠᤱᤜᤠ᤹ᤖᤥᤗᤠᤶ ᤗᤠᤅᤧᤴᤇᤡᤱᤎᤡᤰᤁᤠᤱ ᤜᤧᤴᤇᤡᤱ ᤗᤡ-ᤗᤡ (᥇.᥊᥊.᥆᥆᥆) ᤔᤧᤘᤕᤧᤖᤥ– 
\q1  
\v 5 ᤕᤜᤢᤍᤠ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤖᤢᤒᤣᤏ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤃᤠᤍ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1  
\v 6 ᤀᤠᤛᤣᤖ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤏᤠᤵᤋᤠᤗᤡ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤔᤏᤛ᤻ᤛᤣ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1  
\v 7 ᤛᤡᤔᤡᤕᤥᤏ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤗᤧᤒᤡ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤀᤡᤛ᤻ᤛᤠᤁᤠᤖ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1  
\v 8 ᤈᤒᤢᤗᤢᤏ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). 
\q1 ᤕᤢᤛᤢᤑ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆). ᤜᤧᤰᤁᤩᤠᤱ 
\q1 ᤒᤧᤴᤈᤠᤔᤡᤏ ᤛᤢᤘᤠᤱᤗᤠᤶ ᤜᤧᤴᤇᤡᤱ ᤌᤡᤰ-ᤏᤧᤳ (᥇᥈᥆᥆᥆)॥ 
\s1 ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤔᤧᤈᤥᤃᤢ᤹ 
\p  
\v 9 ᤁᤴ ᤀᤣᤃᤠᤱ ᤂᤧᤵᤔᤥ ᤀᤠᤳᤋᤠᤳᤋᤠᤴᤏᤣ ᤏᤡ᤺ᤵᤔᤠ ᤛᤢᤰᤔᤧᤴᤍᤧᤵᤔᤏᤠ ᤔᤏᤠᤜᤠ᤹. ᤁᤧᤖᤧᤰ ᤗᤠᤈᤣ᤹ᤜᤠ᤹. ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤜᤧᤰᤁᤩᤠᤱ ᤁᤧᤖᤧᤰ ᤐᤠ᤺ᤴᤍᤠᤱᤜᤠ᤹ᤗᤠᤶ. ᤜᤠᤱᤕᤢᤰᤏᤠ᤺ᤴ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤍᤃᤡ ᤁᤒᤪᤡᤱ ᤔᤧᤕᤧᤒᤧᤒᤠ ᤏᤡ᤺ᤛᤢᤱᤛᤡᤱ॥ ᤂᤧᤱᤜᤠ᤹ᤖᤧ ᤑ᤺ᤍᤠᤱᤒᤠ ᤋᤣ᤺ᤳ ᤔᤧᤈᤠᤰᤂᤢᤀᤠᤱ ᤂᤢᤏᤡ᤹ ᤜᤢᤰᤁᤥ ᤂᤧᤒᤰᤛᤡᤱᤅᤡᤸᤗᤧ ᤁᤢᤒᤥᤖᤠ᤺ᤰᤜᤠ᤹ ᤔᤧᤒᤰᤂᤢᤀᤠᤱ ᤔᤧᤕᤧᤒᤧ॥  
\v 10 ᤂᤧᤱᤜᤠ᤹ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣ ᤗ᤹ᤖᤡᤰ ᤔᤧᤀ᤺ᤰᤋᤧ. “ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤂᤢᤴᤇᤡ᤹ ᤔᤏᤠᤜᤠ᤹ ᤋᤠᤱᤛᤧ᤺ᤵᤔᤠ ᤔᤢᤰᤛᤠᤶ ᤁᤳᤇᤢ᤹ᤖᤥ॥”  
\v 11 ᤜᤧᤰᤁᤩᤠᤱ ᤜᤠᤱᤕᤢᤰᤏᤠ᤺ᤴ. ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤏᤢ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤖᤧ ᤂᤢᤏᤡ᤹ ᤁᤒᤪᤡᤱ ᤁᤧᤖᤧᤰ ᤔᤠᤱᤗᤠᤀᤡᤱᤒᤠᤜᤠ᤹ ᤔᤧᤕᤧᤒᤧᤀᤠᤱ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤍᤃᤡ ᤛᤠᤶᤒᤥ᤺ᤴ ᤔᤧᤓᤴᤇᤡᤱᤗ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣᤗ᤹ᤖᤡᤰ ᤛᤣᤘᤠ ᤔᤧᤈᤥᤃᤢᤖᤥ.  
\v 12 “ᤀᤠᤔᤧᤴ᥄ ᤏᤠᤖᤠ ᤑᤥ᤺ᤔᤠᤴ. ᤔᤡᤔᤡᤍᤡᤱᤅᤡᤴ. ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ. ᤏᤥᤃᤧᤴᤏᤡᤴ. ᤀᤡᤱᤎᤠ᤺ᤱᤅᤡᤴ. ᤔᤢᤰᤛᤠᤶᤔᤡᤴ ᤏᤢ ᤌᤢᤶᤔᤡᤴ ᤛᤍᤠᤍᤡᤱ ᤏᤢ ᤛᤍᤠᤍᤡᤱ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴᤏᤣᤖᤥ॥ ᤀᤠᤔᤧᤴ᥄” 
\p  
\v 13 ᤜᤧᤰᤁᤩᤠᤱ ᤋᤢᤶᤗᤠᤶᤗᤥ᤺ᤒᤠᤎᤡᤰᤗᤧ ᤀᤡᤱᤃᤠ᤹ ᤀᤰᤂᤣᤗ᤹ᤖᤡᤰ ᤛᤣ᤺ᤴᤍᤥ᤺ᤛᤠᤱ “ᤁᤴ ᤑ᤺ᤍᤠᤱᤒᤠ ᤋᤣ᤺ᤳ ᤁᤧᤈᤠᤱᤒᤠᤜᤠ᤹ ᤜᤠ᤺ᤳᤇᤡᤒᤣ᥅ ᤜᤧᤰᤁᤩᤠᤱ ᤀᤠᤳᤋᤥᤗᤠᤶ ᤔᤧᤍᤩᤧᤒᤠᤒᤣ᥅” 
\p  
\v 14 ᤀᤡᤱᤃᤠ᤹ ᤂᤢᤏᤧ᤹ ᤏᤥᤃᤵ ᤐᤡᤖᤢᤱ. “ᤀᤠᤍᤠᤱᤒᤣ. ᤀᤡᤱᤃᤠ᤹ᤃ ᤔᤧᤏᤡ᤺ᤛᤢᤱᤛᤡᤱᤅᤡᤴᤗᤥ. ᤂᤧᤏᤧ᤹ᤀᤣ ᤁᤧᤏᤡ᤺ᤛᤢ᤹ᤖᤥ॥” 
\p ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣ ᤔᤧᤳᤋᤠᤱ. “ᤁᤴᤜᤠ᤹ᤃ ᤐᤕᤶ ᤕᤶᤒᤠ ᤏᤡᤱᤄᤢᤶᤗᤠᤶ ᤁᤧᤍᤠ᤺ᤒᤠᤛᤡᤖᤥ॥ ᤁᤱᤜᤠ᤹ᤖᤧ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤔᤠᤰᤂᤡ᤹ᤀᤥ ᤂᤢᤏᤡ᤹ ᤋᤣ᤺ᤳ ᤆᤠᤱᤜᤠ᤹ ᤘᤠᤔᤧᤜᤵᤋᤢᤀᤠᤱ ᤑ᤺ᤍᤠᤱᤒᤠ ᤔᤧᤈᤥᤃᤢᤀᤠᤱ ᤔᤧᤘᤠ᤹ᤖᤥ॥\f * \fr 7:14 \ft ᤑ᤺ᤍᤠᤱᤒᤠ ᤑᤠ᤹ᤀᤡᤴ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧᤀᤠᤱ ᤛᤠᤶᤕᤥᤏᤡᤒᤠ ᤏᤢ ᤛᤣᤛᤣ ᤛᤠᤱᤛᤠᤱ ᤔᤧᤒᤥ᤺ᤰᤂᤧ॥\f* 
\v 15 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤁᤱᤜᤠ᤹ᤃ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤔᤧᤕᤧᤵᤐᤠᤱ ᤛᤧᤴᤍᤡᤰ ᤗᤧᤴᤍᤡᤰ ᤁᤢᤜᤡᤶᤔᤥ ᤛᤣᤘᤠ ᤔᤧᤈᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤴ ᤂᤢᤏᤡ᤹ᤏᤢ ᤘᤠ᤹ᤀᤠᤱ ᤁᤶᤒᤪᤠᤱ ᤔᤧᤳᤋᤢᤛᤡ᤹ᤖᤥ॥  
\v 16 ᤁᤱᤜᤠ᤹ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤛᤧᤳᤗᤠ᤺ᤰᤔᤠ ᤏᤢ ᤀᤠᤱᤃᤢᤃᤧᤴ ᤘᤠᤔᤡ᤺ᤔᤠᤸᤗᤧ ᤔᤧᤍᤖᤢᤛᤡᤴᤗᤥ॥ ᤜᤧᤰᤁᤩᤠᤱ ᤏᤠᤶᤛᤠᤱᤅᤡᤸᤗᤧᤀᤠᤱ ᤛᤧ᤺ᤵᤔᤠᤀᤠᤱ ᤔᤧᤛᤧ᤺ᤵᤋᤢᤛᤡᤴ. ᤕᤧᤶᤔᤠᤀᤠᤱ ᤔᤧᤕᤧᤶᤍᤢᤛᤡᤴᤗᤥ॥  
\v 17 ᤌᤣᤀᤠᤱᤓᤧᤸᤗᤧ ᤜᤠᤱᤕᤢᤰᤏᤠ ᤗᤢᤶᤔᤥ ᤁᤧᤘᤠ᤹ᤒᤠ ᤔᤧᤸᤗᤢᤰᤛᤠ᤺ᤸᤗᤧ ᤁᤱᤜᤠ᤹ ᤁᤔᤢᤛᤡ᤹. ᤂᤢᤏᤧ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤘᤠᤒᤢᤴᤏᤥ ᤗᤠᤶᤗᤥᤛᤢᤛᤡᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤡ᤹ ᤔᤡᤰᤘᤠ᤺ᤴ ᤋᤢᤃᤢ ᤐᤡᤖᤢᤛᤡ᤹ᤖᤥ॥” 
\c 8  
\s1 ᤏᤢᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵ 
\p  
\v 1 ᤜᤧᤰᤁᤩᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤏᤢᤛᤡᤃᤣ᤺ᤰᤐᤠ ᤀᤣ᤺ᤵᤛᤠᤵᤐᤡᤴ ᤑᤠ᤺ᤰᤂᤢᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤢᤔᤢᤰ ᤁᤢᤓᤪᤧ᤺ᤱ ᤌᤠᤖᤡᤰ ᤆᤡᤈᤡ ᤕᤧᤶᤕᤧᤶ ᤐᤥ᤺ᤰᤂᤧ॥  
\v 2 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤁᤧᤕᤧᤵᤐᤠ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤏᤡ᤺ᤛᤢᤱᤛᤡᤱ॥ ᤂᤧᤱᤜᤠ᤹ ᤏᤢᤛᤡ ᤌᤢᤳᤌᤢᤖᤡ᤺ᤵᤐᤠᤜᤠ᤹ ᤔᤧᤒᤡᤖᤢᤛᤡᤖᤥ॥  
\v 3 ᤜᤧᤰᤁᤩᤠᤱ ᤛᤠᤶᤔᤩᤠᤱ ᤛᤠᤱᤋᤧᤖᤧᤱ ᤁᤧᤒᤱᤒᤠ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤴ ᤋᤩᤧᤀᤠᤱ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤁᤢᤒᤣᤛᤠᤱ ᤕᤧᤶᤛᤡᤱᤗᤥ॥ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤋᤢᤘᤠ᤺ᤴᤏᤢ ᤋᤥ᤺ᤶᤔᤠ ᤑᤠ᤹ᤀᤠᤱ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤍᤃᤡᤒᤠ ᤛᤠᤶᤔᤩᤠᤱ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥ ᤛᤠᤱᤛᤡᤱ ᤜᤠ᤺ᤶᤔᤠ ᤑᤠ᤹ᤀᤠᤱ ᤕᤖᤡᤰ ᤛᤠᤱᤛᤡᤱ ᤔᤧᤒᤡᤖᤢᤖᤥ॥  
\v 4 ᤜᤧᤰᤁᤩᤠᤱ ᤛᤠᤱᤛᤡᤱ ᤔᤡ᤺ᤰᤂᤢ᤺ᤴ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤋᤢᤘᤠ᤺ᤴ ᤛᤥᤖᤡᤰ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤜᤢᤰᤁᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤥ ᤌᤠ᤺ᤱ ᤁᤧᤖᤧᤖᤥ॥  
\v 5 ᤜᤧᤰᤁᤩᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤛᤠᤱᤋᤧᤖᤧᤱᤅᤡᤴ ᤕᤠᤱᤛᤡᤱᤅᤠᤱ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥᤒᤠ ᤔᤡᤄᤠ᤺ᤱᤅᤡᤴ ᤛᤠᤱᤋᤧᤖᤧᤱᤅᤥ ᤁᤣ᤺ᤳᤋᤢ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤵᤑᤢᤛᤢ ᤌᤠ᤺ᤛᤢᤖᤥ॥ ᤜᤧᤰᤁᤩᤠᤱ ᤂᤧᤵᤔᤥ ᤛᤠ᤺ᤶᤓᤣ ᤗᤧᤰᤋᤧ. ᤋᤠᤱᤛᤠᤰᤐᤧᤴ ᤂᤧᤖᤧᤱ ᤄᤢᤖᤢᤱ ᤗ᤹ᤖᤡᤰ ᤗᤥ᤺ᤰᤂᤢ. ᤜᤧᤰᤁᤩᤠᤱ ᤗᤢᤵᤗᤡ ᤌᤠᤅᤧᤖᤥ॥ 
\s1 ᤋᤃᤡᤛ᤻ᤔᤠ ᤗᤡᤛᤡ ᤌᤢᤳᤌᤢᤖᤡ᤺ᤵᤐᤠᤜᤠ᤹ 
\p  
\v 6 ᤜᤧᤰᤁᤩᤠᤱ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤏᤢᤛᤡ ᤌᤢᤳᤌᤢᤖᤡ᤺ᤵᤐᤠᤜᤠ᤹ ᤔᤢ᤺ᤵᤔᤠ ᤑᤠ᤹ᤀᤠᤱ ᤕᤠᤖᤡᤵ ᤔᤧᤈᤥᤃᤢᤖᤥ॥ 
\p  
\v 7 ᤜᤧᤰᤁᤩᤠᤱ ᤌᤡᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤔᤠᤰᤂᤡ᤹ᤏᤢ ᤁᤧᤓᤢᤳᤇᤡᤱᤒᤠ ᤑ᤺ᤴ ᤏᤢ ᤔᤡ᤺ᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤡᤰᤛᤡᤱᤗ ᤌᤠ᤺ᤔᤠ ᤜᤣ᤺ᤰᤋᤧᤖᤥ॥ ᤜᤧᤰᤁᤩᤠᤱ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤛᤡᤱᤒᤢᤱᤜᤠ᤹. ᤜᤧᤰᤁᤩᤠᤱ ᤁᤠᤰ ᤛᤖᤣ᤺ᤳᤁᤩᤠ᤺ᤵᤐᤠ ᤕᤠ᤺ᤴᤜᤠ᤹ ᤔᤡᤍᤡᤃᤧᤒᤣᤖᤥ॥ 
\p  
\v 8 ᤜᤧᤰᤁᤩᤠᤱ ᤏᤡᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤔᤡ ᤁᤧᤍᤡ᤺ᤵᤐᤠᤖ ᤁᤧᤒᤵᤐᤠ ᤐᤕᤶ ᤕᤶᤒᤠ ᤁᤥ᤺ᤰᤔᤠ ᤜᤧᤰᤋᤱᤒᤠᤴ ᤘᤠᤜᤱᤅᤥ ᤗᤠᤵᤑᤢᤛᤡᤱᤗᤥ॥ ᤜᤧᤰᤁᤩᤠᤱ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤘᤠᤜᤱᤅᤡᤴ ᤔᤠᤰᤂᤡ᤹ ᤐᤥ᤺ᤰᤂᤧ ᤐᤣᤖᤥ॥  
\v 9 ᤜᤧᤰᤁᤩᤠᤱ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤘᤠᤜᤱᤅᤥ ᤁᤧᤕᤠᤰᤐᤠ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤔᤧᤛᤩᤧ. ᤜᤧᤰᤁᤩᤠᤱ ᤂᤧᤵᤔᤥᤒᤠ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤘᤠᤗᤠᤎᤠᤜᤠ᤹ᤀᤠᤱ ᤔᤧᤕᤖᤧ ᤔᤧᤒᤣᤖᤥ॥ 
\p  
\v 10 ᤜᤧᤰᤁᤩᤠᤱ ᤛᤢᤶᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤋᤠᤱᤛᤠᤰᤐᤥᤗᤠᤶ ᤕᤶᤒᤠ ᤂᤣ᤺ᤶᤛᤡᤰᤐᤠᤴ ᤁᤧᤍᤡ᤺ᤵᤐᤠ ᤋᤡᤕᤠᤗᤥ ᤁᤢᤀᤡᤛᤡ᤺ᤰ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤕᤱᤄᤱ ᤏᤢ ᤘᤠᤒᤢᤴᤜᤠ᤹ᤀᤥ ᤔᤰᤌᤩᤧᤖᤥ॥  
\v 11 ᤂᤧᤴ ᤂᤣ᤺ᤶᤛᤡᤰᤐᤠᤸᤗᤧ ᤁᤢᤔᤡᤱᤃ “ᤐᤄᤡ᤺ᤰ ᤁᤧᤄᤡ᤺ᤰᤐᤠ” ᤘᤕᤧ॥ ᤂᤧᤸᤗᤧ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤆᤫᤠ᤺ᤳᤋᤡᤴ ᤁᤧᤄᤡ᤺ᤰᤐᤠ ᤆᤥᤃᤢ. ᤜᤧᤰᤁᤩᤠᤱ ᤂᤧᤴ ᤆᤫᤠ᤺ᤳᤋᤡᤴ ᤔᤧᤎᤢᤅᤢᤀᤠᤱ ᤕᤖᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤛᤩᤧᤖᤥ॥ 
\p  
\v 12 ᤀᤠᤸᤗ ᤗᤡᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤏᤠᤶ. ᤗᤠᤒᤠ. ᤏᤢ ᤂᤣ᤺ᤶᤛᤡᤰᤐᤠᤜᤠ᤹ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤕᤠᤱᤄᤢᤀᤠᤱ ᤂᤧᤱᤜᤠ᤹ᤖᤧ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤀᤥ᤺ᤳᤋᤡ᤺ᤴ ᤔᤕᤧᤖᤥ॥ ᤜᤧᤰᤁᤩᤠᤱ ᤗᤧᤴᤍᤡᤰ ᤏᤢ ᤛᤧᤴᤍᤡᤰᤗᤧᤴᤏᤠᤱ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤂᤠᤍᤠᤔᤧᤖᤥ॥ 
\p  
\v 13 ᤜᤧᤰᤁᤩᤠᤱ ᤀᤡᤱᤃᤠ᤹ ᤌᤠ᤺ᤱ ᤀᤥᤔᤧᤳᤋᤢᤱᤅᤡᤸᤗᤧ ᤋᤠᤱᤛᤠᤰᤐᤥ ᤁᤧᤒᤧᤒᤠᤖ ᤁᤧᤒᤵᤐᤠ ᤔᤢᤕᤠᤎᤡᤰ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧᤒᤠ ᤂᤧᤵᤛᤢᤱᤗᤥ. “ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠᤜᤠ᤹ᤀᤥ ᤋᤢᤰᤂᤣ. ᤋᤢᤰᤂᤣ. ᤋᤢᤰᤂᤣᤖᤥ. ᤌᤣᤀᤠᤱᤓᤧᤸᤗᤧ ᤀᤠᤸᤗ ᤘᤣ᤹ᤛ᤻ᤔᤠ ᤛᤢᤶᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤌᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤵᤔᤠ ᤕᤧᤶ ᤋᤩᤧᤀᤠᤱ ᤘᤠ᤹ᤖᤥ॥” 
\c 9  
\s1 ᤅᤠᤛᤡᤃᤣ᤺ᤰᤐᤠ ᤌᤢᤳᤌᤢᤖᤡ᤺ᤵᤐᤠ 
\p  
\v 1 ᤜᤧᤰᤁᤩᤠᤱ ᤅᤠᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤋᤠᤱᤛᤠᤰᤐᤥᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤰᤁᤧᤎᤠ᤺ᤒᤠ ᤂᤣ᤺ᤶᤛᤡᤰᤐᤠᤎᤡᤰ ᤏᤡ᤺ᤛᤢᤱᤗᤥ॥ ᤂᤧᤴ ᤂᤣ᤺ᤶᤛᤡᤰᤐᤧᤴ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤥᤒᤠ ᤋᤡᤔᤡᤰᤁᤡᤴ ᤔᤧᤒᤡᤖᤢ॥  
\v 2 ᤂᤧᤴ ᤂᤣ᤺ᤶᤛᤡᤰᤐᤠᤸᤗᤧ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤡᤴ ᤜᤴᤍᤢᤸᤗᤧ ᤂᤧᤵᤔᤥᤗᤠᤶ ᤀᤠᤳᤋᤠᤳᤋᤠᤴᤏᤣ ᤕᤶᤒᤠ ᤔᤡᤜᤠ᤺ᤳᤗᤢᤱᤅᤥᤗᤠᤶ ᤁᤧᤗ᤺ᤶᤒᤠ ᤁᤢᤀᤡᤛᤡ᤺ᤰ ᤔᤡ᤺ᤰᤂᤢ᤺ᤴ ᤌᤠᤅᤧ. ᤜᤧᤰᤁᤩᤠᤱ ᤋᤠᤱᤛᤠᤰᤐᤧᤴ ᤛᤡᤍᤧᤵ ᤋᤧᤵᤋᤢᤀᤠᤱ ᤏᤠᤶᤔᤡᤴ ᤀᤡ᤺ᤵᤋᤢᤍᤣ᤺ᤛᤢᤖᤥ॥  
\v 3 ᤜᤧᤰᤁᤩᤠᤱ ᤔᤡ᤺ᤰᤂᤢᤀᤥᤗᤠᤶ ᤏᤡ᤺ᤱᤄᤢ᤺ᤰᤘᤠᤜᤠ᤹ ᤔᤧᤗ᤺ᤴᤍᤧᤀᤠᤱ ᤂᤠᤶᤒᤣ᤺ᤰᤔᤥ ᤔᤧᤈᤢᤰᤋᤧ. ᤜᤧᤰᤁᤩᤠᤱ ᤂᤧᤱᤜᤠ᤹ ᤋᤠᤱᤛᤠᤰᤂᤧᤒᤰᤐᤠᤜᤠ᤹ᤖᤧ ᤜᤧᤰᤁᤣ ᤛᤡᤰᤔᤠ ᤔᤢᤰ ᤔᤧᤒᤡᤖᤢᤛᤡᤖᤥ॥  
\v 4 ᤂᤧᤱᤜᤠ᤹ ᤕᤠ᤺ᤴ ᤐᤥ᤺ᤰᤗᤠᤜᤠ᤹. ᤛᤡᤱᤒᤢᤱᤜᤠ᤹ ᤑᤧᤳᤗᤠ᤺ᤶᤔᤠ ᤔᤧ᤺ᤴ. ᤁᤖ ᤂᤢᤏᤡ᤹ ᤋᤥᤘᤠᤒᤥ ᤏᤡᤱᤘᤠ᤹ᤑᤢᤔᤠᤱ ᤀᤣ᤺ᤵᤛᤠᤵ ᤔᤧᤶᤒᤵᤔᤏᤠᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤰ ᤋᤢᤰᤂᤣ ᤆᤠ᤺ᤳᤋᤧᤶᤛᤡᤶᤔᤧ᤹ ᤔᤧᤔᤧᤳᤋᤢᤛᤡᤖᤥ॥  
\v 5 ᤂᤧᤱᤜᤠ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤛᤧᤖᤧᤶᤛᤡᤶᤔᤡᤴᤏᤧ᤹ ᤁᤖ ᤗᤠ ᤅᤠᤛᤡ ᤌᤠᤖᤡᤰ ᤋᤢᤰᤂᤣ ᤆᤠ᤺ᤳᤋᤧᤶᤛᤡᤶᤔᤧ᤹ ᤁᤧᤗ᤹ᤒᤠ ᤀᤡᤱᤈᤠ᤺ᤱ ᤔᤧᤒᤡᤖᤢᤛᤡ॥ ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤢᤰᤂᤣ᤺ᤱᤃ ᤋᤠᤱᤛᤠᤰᤂᤧᤒᤰᤐᤠᤸᤗᤧ ᤀᤠᤛᤡᤰᤁᤡᤸᤗᤧ ᤋᤢᤰᤐᤠ ᤜᤧᤰᤋᤱᤒᤠ ᤘᤕᤧᤖᤥ॥  
\v 6 ᤂᤧᤴ ᤕᤧᤴᤜᤠ᤹ᤀᤥ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤛᤡ᤺ᤔᤧᤴ ᤔᤧᤃᤥ᤺ᤳᤋᤢ. ᤁᤖ ᤔᤧᤱᤄᤥ᤺ᤛᤢᤴᤗᤥ॥ ᤜᤧᤰᤁᤩᤠᤱ ᤛᤡ᤺ᤔᤠ ᤏᤡᤱᤘᤠ᤹ ᤔᤧᤈᤥᤃᤢᤛᤠᤱ ᤔᤧᤴᤇᤡ᤺ᤏᤧᤴᤗᤥ॥  
\v 7 ᤂᤧᤴ ᤏᤡ᤺ᤱᤄᤢ᤺ᤰᤘᤠᤜᤠ᤹ᤃ ᤌᤱᤅᤥ ᤕᤠᤖᤡᤵ ᤆᤥ᤺ᤰᤔᤏᤠᤒᤠ ᤀᤴ ᤁᤢᤀᤡᤛᤡ᤺ᤰ ᤏᤡ᤺ᤔᤧᤎᤠᤒᤧᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤌᤧᤃᤣ᤺ᤰᤁᤥ ᤛᤠᤶᤔᤩᤠᤱ ᤋᤡᤆ᤺ ᤜᤧᤰᤋᤱᤒᤠᤴ ᤔᤧᤄᤢ᤺ᤰᤂᤢᤀᤠᤱ ᤐᤳᤇᤧ. ᤜᤧᤰᤁᤩᤠᤱ ᤂᤢᤏᤡ᤹ ᤏᤠᤖᤠ᤺ᤱᤃ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥  
\v 8 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤌᤧᤃᤣ᤺ᤰᤀᤡ᤺ᤱᤃ ᤔᤧᤴᤇᤢᤔᤠ᤹ᤖᤧᤴ ᤜᤧᤰᤁᤣ ᤁᤣ᤺ᤶᤒᤠ ᤆᤥᤃᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤜᤠᤒᤥ᤹ᤜᤠ᤹ᤃ ᤌᤧᤖᤡᤱᤒᤠᤸᤗᤧ ᤁᤢᤜᤠᤒᤥ᤹ ᤜᤧᤰᤁᤣ ᤗ᤹ᤖᤧᤖᤥ॥  
\v 9 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤱᤒᤣ᤹ᤔᤥ ᤑᤧᤴᤈᤣ᤹ ᤛᤧ᤺ᤵᤆᤠᤱ ᤔᤧᤈᤠᤰᤂᤢ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤵᤐᤡᤱᤃ ᤌᤱᤅᤥ ᤀᤴᤗᤠᤜᤠ᤹ ᤁᤧᤀᤢ᤺ᤱᤒᤠᤀᤠᤱ ᤁᤧᤗᤥ᤺ᤰᤐᤠ ᤁᤢᤀᤡᤛᤡ᤺ᤰ ᤛ᤺ᤰᤋᤧᤖᤥ॥  
\v 10 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤣ᤺ᤱᤃ ᤋᤠᤱᤛᤠᤰᤂᤧᤒᤰᤐᤠᤸᤗᤧ ᤁᤢᤔᤣ ᤁᤢᤀᤡᤛᤡ᤺ᤰ ᤆᤥᤃᤧ. ᤜᤧᤰᤁᤩᤠᤱ ᤂᤢᤏᤡ᤹ ᤔᤣ᤺ᤸᤗᤧ ᤗᤠ ᤅᤠᤛᤡ ᤌᤠᤖᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤋᤢᤰᤂᤣ ᤆᤠ᤺ᤵᤔᤠᤛᤡ ᤔᤢᤰᤛᤠᤶ ᤔᤧᤃᤳᤋᤢ॥  
\v 11 ᤂᤢᤏᤡ᤹ ᤜᤠᤱᤅᤡᤱᤃ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤡᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤘᤕᤧᤖᤥ॥ ᤂᤧᤸᤗᤧ ᤁᤢᤔᤡᤱᤃ ᤜᤡᤒᤪᤢ ᤐᤠ᤺ᤴᤍᤠᤱᤅᤥ ᤀᤒ᤻ᤒᤠᤍᤥᤏ ᤏᤢ ᤃᤪᤡᤁ ᤐᤠ᤺ᤴᤍᤠᤱᤅᤥ ᤀᤐᤥᤸᤗᤡᤕᤥᤴᤗᤥ (ᤁᤱᤜᤠ᤹ᤖᤧ ᤁᤢᤒᤣ᤺ᤱᤃ “ᤁᤧᤔᤧᤱᤒᤠ” ᤐᤥ᤺ᤱᤗᤥ)॥  
\v 12 ᤂᤧᤴ ᤌᤡᤰᤛᤡᤃᤣ᤺ᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤱᤃ ᤐᤣᤖᤥ॥ ᤁᤖ ᤀᤥᤔᤧᤳᤋᤧᤶᤔᤧ᤹ᤀᤥ. ᤘᤣ᤹ᤛ᤻ᤔᤠ ᤏᤧᤳᤇᤡ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ ᤋᤠ᤺ᤔᤠ ᤁᤧᤒᤥ᤺ᤱᤒᤠ ᤘᤠ᤹ᤖᤥ॥ 
\s1 ᤋᤢᤰᤛᤡᤃᤣ᤺ᤰᤐᤠ ᤌᤢᤳᤌᤢᤖᤡ᤺ᤵᤐᤠ 
\p  
\v 13 ᤜᤧᤰᤁᤩᤠᤱ ᤋᤢᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡᤒᤠ ᤛᤠᤶᤔᤩᤠᤱ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤗᤡᤛᤡ ᤁᤢᤛᤢᤰᤐᤥ ᤁᤧᤒᤵᤐᤠ ᤜᤠᤛᤶᤛᤶᤒᤠᤀᤥᤏᤢ ᤀᤡᤰᤗᤠᤎᤡᤰ ᤗ᤺ᤴᤍᤧᤒᤠ ᤂᤧᤵᤛᤢᤱ॥  
\v 14 ᤂᤧᤴ ᤀᤡᤰᤗᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤂᤧᤴ ᤌᤢᤳᤋᤢᤖᤡ᤺ᤵᤐᤠ ᤁᤧᤃᤵᤐᤠ ᤋᤢᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤴ ᤔᤧᤳᤋᤢ. “ᤐᤕᤶ ᤕᤶᤒᤠ ᤕᤢᤑᤪᤣᤋᤡᤛ ᤘᤠᤜᤱᤅᤥ ᤀᤡᤄᤣ᤺ᤱᤔᤏᤠᤛᤡᤒᤠ ᤗᤡᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤗᤧᤖᤧᤛᤧ᤹॥”  
\v 15 ᤜᤧᤰᤁᤣᤗ᤹ᤖᤡᤰ ᤒᤠ ᤁᤴ ᤋᤱᤒᤣ. ᤗᤠ. ᤕᤧᤴ. ᤏᤢ ᤁᤢᤔᤢᤰᤗᤧ ᤗᤠᤃᤡ ᤕᤠᤖᤡᤵ ᤔᤧᤒᤥ᤺ᤰᤂᤧᤀᤠᤱ ᤁᤧᤘᤠ᤹ᤒᤠ ᤂᤧᤴ ᤗᤡᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤁᤢᤛᤢᤰᤘᤠ ᤌᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤧᤵᤔᤠᤛᤡ ᤑᤠ᤹ᤀᤠᤱ ᤔᤧᤗᤧᤖᤢᤛᤡᤖᤥ॥  
\v 16 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤀᤴ ᤁᤧᤕᤢᤰᤐᤠ ᤌᤰᤛᤢᤒᤠᤜᤠ᤹ ᤕᤢᤱᤛᤡᤱ ᤏᤧᤳᤇᤡ (᥈᥆.᥆᥆.᥆᥆.᥆᥆᥆) ᤔᤧᤘᤕᤧᤒᤠ ᤂᤢᤏᤡ᤹ ᤂᤠᤏᤡ᤺ᤳᤋᤡᤴ ᤂᤧᤵᤛᤢᤱᤗᤥ॥ 
\p  
\v 17 ᤀᤡᤱᤃᤠ᤹ ᤏᤡ᤺ᤛᤢᤱᤒᤠ ᤛᤢᤑᤥᤀᤥ ᤀᤴᤜᤠ᤹ ᤏᤢ ᤀᤴ ᤁᤧᤕᤢᤰᤐᤠᤜᤠ᤹ ᤀᤰᤋᤱᤒᤠ ᤔᤧᤈᤥᤃᤧ–ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤱᤒᤣ᤹ ᤛᤧ᤺ᤵᤆᤠᤱᤅᤡᤴ ᤔᤡ ᤜᤧᤰᤁᤣ ᤜᤧ᤺ᤳᤋᤠᤱᤒᤠ. ᤁᤢᤓᤡᤱᤗᤢᤱ ᤜᤧᤰᤁᤣ ᤑᤡᤱᤍᤠᤱᤒᤠ ᤏᤢ ᤁᤠᤴᤎᤠᤰ ᤜᤧᤰᤁᤣ ᤀᤶᤍᤠᤱᤒᤠ ᤆᤥᤃᤧᤖᤥ॥ ᤜᤧᤰᤁᤩᤠᤱ ᤀᤴᤜᤠ᤹ᤖᤧ ᤂᤢᤏᤡ᤹ ᤌᤧᤃᤣ᤺ᤰᤐᤠᤱᤃ ᤌᤧᤖᤡᤱᤒᤠᤸᤗᤧᤴ ᤁᤢᤀᤡᤛᤡ᤺ᤰ ᤆᤥᤃᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤢᤖᤠᤀᤥᤗᤠᤶ ᤔᤡ. ᤔᤡ᤺ᤰᤂᤢ᤹ ᤏᤢ ᤁᤠᤴᤎᤠᤰᤁᤡᤴ ᤗ᤺ᤴᤍᤧᤖᤥ॥  
\v 18 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤢᤗᤰ ᤛᤢᤶᤛᤡᤀᤥ ᤁᤢᤗᤰ ᤌᤡᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤁᤴ ᤀᤴᤜᤠ᤹ᤖᤧ ᤂᤢᤏᤡ᤹ ᤔᤢᤖᤠᤜᤠ᤹ᤀᤥᤗᤠᤶ ᤁᤧᤗ᤺ᤶᤒᤠ ᤔᤡ. ᤔᤡ᤺ᤰᤂᤢ᤹ ᤏᤢ ᤁᤠᤴᤎᤠᤰᤗᤧᤴ ᤛᤢᤶᤛᤡ ᤔᤡᤴᤍᤣ᤹ᤀᤥᤗᤠᤶ ᤔᤧᤛᤩᤧᤖᤥ॥  
\v 19 ᤀᤴᤜᤠ᤹ᤖᤧ ᤂᤢᤏᤡ᤹ ᤔᤢᤰᤛᤠᤶᤔᤡᤱᤃ ᤂᤢᤏᤡ᤹ ᤔᤢᤖᤠᤜᤠ᤹ᤀᤥ ᤏᤢ ᤔᤣᤜᤠ᤹ᤀᤥ ᤐᤳᤇᤧᤖᤥ॥ ᤂᤢᤏᤡ᤹ ᤔᤣᤜᤠ᤹ᤃ ᤀᤛᤣ᤺ᤰᤐᤠ ᤁᤢᤀᤡᤛᤡ᤺ᤰ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤆᤥᤃᤧᤖᤥ॥ ᤂᤧᤴ ᤌᤧᤃᤣ᤺ᤰᤜᤠ᤹ᤖᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤂᤠ᤺ᤶᤔᤠᤛᤡ ᤔᤢᤰᤛᤠᤶ ᤔᤧᤃᤳᤋᤢᤖᤥ॥ 
\p  
\v 20 ᤜᤧᤰᤁᤩᤠᤱ ᤁᤴ ᤔᤡᤴᤍᤣ᤹ᤗᤠᤶ ᤔᤧᤴᤇᤡ᤺ᤔᤏᤠ ᤘᤣ᤹ ᤔᤏᤠᤜᤠ᤹ ᤀᤠᤒᤠᤅᤣ ᤔᤧᤈᤥᤃᤢᤒᤠ ᤑᤧᤴ ᤕᤠ᤺ᤶᤒᤰᤁᤥᤗᤠᤶ ᤔᤧᤴᤜᤡᤴᤍᤧᤴᤗᤥ॥ ᤀᤠᤸᤗᤛᤠᤱ ᤂᤧᤱᤜᤠ᤹ᤖᤧ ᤑᤧᤴᤛᤠᤶᤜᤠ᤹ ᤏᤢ ᤔᤧᤶᤒᤠ᤺ᤵᤔᤏᤠ. ᤔᤧᤴᤏᤡ᤺ᤔᤏᤠ ᤜᤧᤰᤁᤩᤠᤱ ᤗᤠᤱᤔᤧᤱᤄᤣ᤺ᤰᤔᤏᤠ ᤛᤠᤶᤔᤩᤠᤱ. ᤕᤢᤵᤐᤠ. ᤌᤌᤏᤠᤒᤠ. ᤗᤢᤱ ᤏᤢ ᤛᤡᤱᤅᤡᤸᤗᤧᤴ ᤏᤠᤘᤠᤀᤡᤳᤗᤠᤜᤠ᤹ ᤛᤣᤘᤠ ᤆᤥ᤺ᤰᤔᤠ ᤔᤧᤸᤗᤧᤖᤢᤴᤗᤥ॥  
\v 21 ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤏᤠ ᤛᤧᤵᤔᤠ. ᤁᤡᤳᤆᤠᤰ ᤆᤥ᤺ᤰᤔᤠ. ᤕᤠᤶᤒᤥ᤺ᤵᤔᤠ ᤏᤢ ᤂᤢ᤺ᤶᤔᤠᤗᤠᤶ ᤔᤧᤴᤜᤡᤴᤍᤧᤴᤗᤥ॥ 
\c 10  
\s1 ᤔᤠᤱᤗᤠᤀᤡᤱᤒᤠ ᤏᤢ ᤆᤢᤰᤛᤠ ᤛᤠᤵᤁᤡᤳᤋᤡᤴ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤘᤣ᤹ ᤔᤢᤰᤛᤠᤶᤍᤠᤱᤒᤠ ᤔᤠᤱᤗᤠᤀᤡᤱᤒᤠᤎᤡᤰ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤱ॥ ᤂᤧᤴ ᤂᤠᤵᤔᤡ᤺ᤳᤋᤡᤸᤗᤧ ᤐᤴᤇᤡᤱᤅᤠᤱ ᤘᤕᤧ. ᤁᤢᤎᤧᤃᤣ᤺ᤰ ᤛᤶᤍᤠᤱᤃ ᤏᤠᤶᤎᤡᤱᤃᤥ᤺ᤴ ᤐᤳᤇᤧ. ᤂᤢᤏᤧ᤹ ᤁᤢᤏᤠᤖᤠ᤺ᤱᤃ ᤏᤠᤶᤔᤡᤴ ᤜᤧᤰᤁᤣ ᤔᤡᤰ ᤁᤧᤈᤧᤶᤒᤠ ᤆᤥᤃᤧ. ᤜᤧᤰᤁᤩᤠᤱ ᤁᤢᤗᤠᤱᤜᤠ᤹ᤃ ᤔᤡ ᤁᤧᤍᤡ᤺ᤵᤐᤠ ᤛᤡᤳᤗᤠᤱ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥  
\v 2 ᤂᤧᤸᤗᤧ ᤁᤢᤜᤢᤰᤁᤥ ᤆᤢᤰᤛᤠ ᤑᤠ᤺ᤱᤔᤏᤠᤒᤠ ᤛᤠᤵᤁᤡᤳᤌᤡᤰ ᤁᤳᤋᤢ॥ ᤂᤧᤸᤗᤧ ᤁᤢᤈᤢᤵᤛᤠᤱ ᤗᤠᤱᤅᤡᤸᤗᤧ ᤘᤠᤜᤱᤅᤥ ᤏᤢ ᤁᤢᤓᤧᤴᤇᤠᤱ ᤗᤠᤱᤅᤡᤸᤗᤧ ᤂᤠᤶᤒᤣ᤺ᤰᤔᤥ ᤋᤥ᤹ᤖᤢᤀᤠᤱ ᤕᤧᤒᤧᤖᤥ॥  
\v 3 ᤜᤧᤰᤁᤩᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤴ ᤌᤧᤖᤡᤱᤒᤠᤴ ᤜᤢ᤺ᤰᤋᤧᤒᤠ ᤁᤢᤀᤡᤛᤡ᤺ᤰᤁᤣ ᤕᤶᤒᤠ ᤀᤡᤰᤗᤠᤀᤥ ᤀ᤺ᤰᤋᤧᤖᤥ॥ ᤂᤢᤏᤧ᤹ ᤀ᤺ᤰᤋᤧᤸᤗᤧ ᤋᤠᤱᤛᤠᤰᤐᤧᤴ ᤏᤢᤛᤡᤗᤧᤱ ᤗᤥ᤺ᤰᤂᤢᤖᤥ॥ 
\p  
\v 4 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤴ ᤋᤠᤱᤛᤠᤰᤐᤠ ᤁᤧᤗᤥ᤺ᤱᤒᤠᤸᤗᤧ ᤁᤢᤒᤠ᤺ᤴᤏᤡᤴ ᤛᤠᤵᤔᤠᤀᤣ ᤀᤡ᤺ᤳᤋᤢᤱᤅᤠᤱ ᤐᤳᤇᤠᤱ. ᤁᤖ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤂᤧᤴ ᤏᤢᤛᤡ ᤂᤧᤖᤧᤱ ᤄᤢᤖᤢᤱ ᤁᤧᤗ᤹ᤒᤠᤸᤗᤧ ᤁᤢᤒᤠ᤺ᤴᤏᤡᤴ ᤔᤧᤛᤠᤵᤋᤧᤴᤏᤧ᤹. ᤁᤖ ᤂᤧᤱᤜᤠ᤹ ᤔᤠ᤹ᤖᤧᤀᤠᤱ ᤁᤳᤋᤧ᤹ᤀᤥ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ॥  
\v 5 ᤜᤧᤰᤁᤩᤠᤱ ᤀᤡᤱᤃᤠ᤹ ᤏᤡ᤺ᤛᤢᤱᤒᤠ ᤂᤧᤴ ᤘᤠᤜᤱᤅᤥ ᤏᤢ ᤂᤠᤶᤒᤣ᤺ᤰᤔᤥ ᤁᤧᤕᤧᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤑᤥ᤺ᤰᤂᤢᤖ  
\v 6 ᤛᤠᤱᤃᤪᤠᤶᤐᤣᤍᤠᤱ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤏᤢ ᤘᤠᤜᤱ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤛᤍᤠᤍᤡᤱ ᤁᤢᤜᤡᤱᤘᤧᤳ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤔᤠᤱᤜᤧᤰᤛᤡᤱᤗᤥ॥ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤐᤠ᤺ᤳᤋᤢ. “ᤀᤠᤸᤗ ᤂᤧᤴ ᤕᤧᤶᤔᤡᤴ ᤋᤠ᤺ᤔᤠ ᤕᤖᤡᤰ ᤜᤥ᤺ᤵᤗᤥ.  
\v 7 ᤁᤖ ᤏᤢᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ\f * \fr 10:7 \ft ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤴ–ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠᤒᤠ ᤀᤡᤱᤄᤱ ᤁᤧᤒᤠ᤺ᤵᤐᤠ ᤔᤏᤠᤖᤥ॥ ᤁᤢᤓᤠ ᤕᤧᤶᤔᤥ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤏᤠᤱ ᤂᤢᤏᤧ᤹ ᤐᤠ᤺ᤳᤋᤢᤖᤥ॥\f* ᤁᤢᤛᤣᤘᤠᤖᤥᤒᤠᤜᤠ᤹ ᤋᤃᤡ ᤀᤡᤱᤓᤴ ᤆᤥᤃᤢᤛᤡᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤒᤡ᤹ ᤐᤠ᤺ᤴᤜᤠ᤹ ᤁᤧᤳᤗᤥ॥” 
\p  
\v 8 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤂᤧᤵᤛᤢᤱᤒᤠ ᤀᤡᤰᤗᤠ᤺ᤸᤗᤧ ᤕᤠᤶᤔᤥ ᤀᤰᤂᤣ ᤔᤧᤳᤋᤠᤱ. “ᤐᤣᤃᤧ᤹ᤀᤠᤱ ᤂᤧᤴ ᤘᤠᤜᤱᤅᤥ ᤏᤢ ᤂᤠᤶᤒᤣ᤺ᤰᤔᤥ ᤁᤧᤕᤧᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤜᤢᤰᤁᤥ ᤁᤳᤋᤢᤒᤠ ᤂᤧᤴ ᤁᤧᤒᤠ᤺ᤱᤒᤠ ᤛᤠᤵᤁᤡᤳᤋᤡᤴ ᤋᤠ᤺ᤰᤋᤧ᤹॥” 
\p  
\v 9 ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤥ ᤐᤣᤃᤠᤱᤅᤠᤱ ᤂᤧᤴ ᤆᤢᤰᤛᤠ ᤛᤠᤵᤁᤡᤳᤋᤡᤴ ᤏᤠ᤺ᤰᤋᤢᤱ॥ ᤂᤧᤸᤗᤧ ᤔᤧᤳᤋᤠᤱ. “ᤁᤫᤧ᥄ ᤁᤴ ᤋᤠ᤺ᤰᤋᤧ᤹ᤀᤠᤱ ᤆᤩᤧ᤹. ᤁᤴ ᤁᤧᤈ᤺ᤸᤗᤧ ᤁᤧᤔᤢᤖᤠᤀᤥ ᤛᤰᤘᤠᤄᤢ ᤜᤧᤰᤁᤣ ᤐᤗᤡᤶᤗᤡᤶᤛᤠᤱ ᤁᤧᤛᤠᤵᤐᤥ᤺ᤰᤐᤥ ᤗᤠ᤺ᤳᤋᤠᤱ ᤐᤄᤡ᤺ᤰᤂᤡ᤺ᤰᤗᤥ॥”  
\v 10 ᤜᤧᤰᤁᤩᤠᤱ ᤂᤧᤴ ᤆᤢᤰᤛᤠ ᤛᤠᤵᤁᤡᤳᤋᤡᤴ ᤁᤢᤜᤢᤰᤁᤥᤗᤠᤶ ᤋᤠ᤺ᤰᤋᤢᤱᤅᤠᤱ ᤀᤡᤱᤃᤠ᤹ ᤆᤠᤱ॥ ᤂᤧᤴ ᤆᤠᤱᤅᤡᤸᤗᤧ ᤀᤠᤔᤢᤖᤠᤀᤥ ᤐᤗᤡᤶᤗᤡᤶᤍᤧ. ᤁᤖ ᤀᤠᤛᤠᤵᤐᤥ᤺ᤰᤐᤥ ᤗᤠ᤺ᤛᤧᤀᤠᤱ ᤐᤄᤡ᤺ᤰᤂᤡ᤺ᤰᤋᤧᤖᤥ॥  
\v 11 ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ ᤕᤖᤡᤰ ᤔᤏᤠᤜᤠ᤹. ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤕᤖᤡᤰ ᤐᤠ᤺ᤴᤍᤠᤱᤜᤠ᤹ ᤏᤢ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤕᤠᤶᤔᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤳᤋᤢᤖᤀᤣ ᤐᤥ᤺ᤱᤗᤥ॥” 
\c 11  
\s1 ᤏᤧᤳᤇᤡ ᤋᤥ᤺ᤴᤍᤡ ᤁᤧᤒᤡᤒᤠᤜᤠ᤹ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤁᤢᤛᤡ᤺ᤰᤔᤠ ᤛᤡᤱ ᤁᤢᤀᤡᤛᤡ᤺ᤰ ᤋᤰᤁᤠ᤺ᤳᤎᤡᤰ ᤔᤧᤒᤡᤖᤠᤱᤅᤠᤱ ᤀᤰᤂᤣ ᤔᤧᤔᤧᤳᤋᤠᤱ. “ᤐᤣᤃᤧ᤹ᤀᤠᤱ ᤏᤡᤱᤘᤠ᤹ᤑᤢ ᤔᤠᤱᤜᤡᤶ ᤏᤢ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤴ ᤛᤡ᤺ᤰᤋᤧ᤹. ᤜᤧᤰᤁᤩᤠᤱ ᤂᤧᤵᤔᤥ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ᤀᤠᤱ ᤏᤡᤖᤧᤛᤧ᤹ᤀᤥ॥  
\v 2 ᤁᤖ ᤜᤡᤶᤔᤡᤸᤗᤧ ᤗᤰᤂᤢᤶᤔᤡᤴ ᤔᤧᤛᤡ᤺ᤰᤋᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤃ ᤁᤧᤖᤧᤰ ᤗᤠᤈᤣ᤹ᤒᤠ ᤛᤢᤘᤠᤱᤜᤠ᤹ ᤐᤡᤖᤧᤀᤠᤱ ᤘᤠ᤹ᤖᤥ॥ ᤂᤧᤱᤜᤠ᤹ᤖᤧ ᤂᤧ᤹ᤕᤥ ᤗᤠ ᤗᤡ-ᤏᤧᤳ (᥊᥈) ᤌᤠᤖᤡᤰ ᤛᤣᤛᤣ ᤕᤧᤰᤕᤰᤁᤡᤴ ᤔᤧᤛ᤹ᤖᤢ ᤔᤧᤗᤠ᤺ᤰᤋᤢ᤹ᤖᤥ॥  
\v 3 ᤜᤧᤰᤁᤩᤠᤱ ᤀᤡᤱᤃᤠ᤹ ᤏᤧᤳᤇᤡ ᤀᤠᤍᤥ᤺ᤴᤍᤡ ᤁᤧᤒᤡᤒᤠᤜᤠ᤹ ᤕᤢᤰ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤃᤡ ᤋᤣ᤺ᤳ\f * \fr 11:3 \ft “ᤛᤃᤡ ᤋᤣ᤺ᤳ ᤆᤠᤱᤔᤠ” ᤑᤠ᤹ᤀᤡᤱᤃ ᤔᤣᤖᤡᤱ ᤆᤥ᤺ᤰᤔᤏᤠᤒᤠ ᤔᤡᤰᤛᤣ᤺ᤴᤗᤥ॥\f* ᤆᤠᤱᤛᤢᤀᤠᤱ ᤜᤧᤴᤇᤡᤱ ᤌᤡᤰ ᤁᤡᤵ ᤏᤧᤳᤇᤡᤀᤠᤱ ᤋᤢᤰᤐᤥ᤺ᤱ (᥇.᥈᥌᥆) ᤕᤧᤴ ᤌᤠᤖᤡᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠ᤺ᤳᤇᤡᤖᤥ॥” 
\p  
\v 4 ᤂᤢᤴᤇᤡ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤍᤠᤱᤒᤠᤸᤗᤧ ᤁᤢᤍᤃᤡ ᤁᤧᤕᤧᤵᤐᤠ ᤏᤧᤳᤇᤡ ᤈᤤᤋᤢᤏ ᤛᤡᤱᤒᤢᤱ ᤏᤢ ᤏᤧᤳᤇᤡ ᤛᤣᤔᤡᤕᤢᤱᤍᤧᤴᤛᤡᤖᤥ॥  
\v 5 ᤀᤠᤳᤋᤡᤴᤜᤠ᤹ᤖᤧ ᤂᤢᤴᤇᤡ᤹ ᤋᤢᤰᤂᤣ ᤆᤠ᤺ᤵᤔᤠᤛᤡ ᤏᤡᤱᤘᤠ᤹ ᤔᤧᤈᤥᤃᤢ᤹. ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤢᤖᤠᤀᤥᤗᤠᤶ ᤁᤧᤗ᤺ᤶᤒᤠ ᤔᤡᤖᤠ᤺ᤰᤁᤡᤸᤗᤧ ᤂᤢᤴᤇᤡ᤹ ᤏᤡᤱᤔᤡᤜᤠ᤹ ᤗᤠᤒᤢ ᤛᤧᤖᤢᤛᤡ᤹ᤖᤥ॥ ᤀᤰᤂᤣᤗ᤹ᤖᤡᤰ ᤂᤢᤴᤇᤡ᤹ ᤋᤢᤰᤂᤣ ᤆᤠ᤺ᤵᤔᤠᤛᤡ ᤏᤡᤱᤘᤠ᤹ ᤁᤧᤈᤥ᤺ᤰᤐᤠᤜᤠ᤹ ᤛᤡ᤺ᤔᤠᤀᤣ ᤐᤥ᤺ᤱᤗᤥ॥  
\v 6 ᤂᤧᤱᤜᤠ᤹ᤖᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠ᤺ᤳᤇᤢᤖ ᤌᤠᤖᤡᤰ ᤐᤠᤱᤃᤧᤴᤍᤡᤱ ᤘᤠᤜᤡᤳᤔᤠᤴ ᤔᤧᤎᤠᤏᤧᤴᤗ ᤑᤠ᤹ᤀᤠᤱ ᤋᤖ᤺ᤱᤃᤧᤴ ᤋᤠᤱᤛᤠᤰᤐᤧᤴ ᤛᤢᤵᤔᤠ ᤔᤢᤰᤛᤠᤶ ᤁᤳᤇᤢ᤹ᤖᤥ॥ ᤜᤧᤰᤁᤩᤠᤱ ᤕᤱᤄᤱ ᤏᤢ ᤘᤠᤜᤱᤅᤡᤴ ᤔᤠᤰᤂᤡ᤹ᤀᤥ ᤗᤧᤱᤔᤠ ᤔᤢᤰᤛᤠᤶᤔᤠᤱ ᤁᤳᤇᤢ᤹. ᤕᤠᤶᤔᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤢᤴᤇᤡ᤹ ᤏᤡᤱᤘᤠ᤹ ᤜᤧᤰᤁᤣᤀᤣ ᤁᤠᤰ ᤐᤖᤡᤰᤗᤧᤴ ᤔᤡᤴᤍᤣ᤹ᤜᤠ᤹ᤀᤠᤱ ᤋᤠ᤺ᤵᤔᤠ ᤛᤢᤰᤛᤢ᤹ᤖᤥ॥  
\v 7 ᤂᤢᤴᤇᤡ᤹ ᤋᤥ᤺ᤴᤍᤡ ᤐᤡᤔᤠ ᤛᤢ᤺ᤳᤇᤢᤀᤠᤱ ᤂᤧᤴ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤗᤠᤶ ᤁᤧᤗ᤺ᤶᤒᤠ ᤂᤧᤴ ᤌᤰᤛᤠ᤺ᤸᤗᤧ ᤂᤢᤴᤇᤡ᤹ᤏᤢ ᤌᤱ ᤆᤥᤃᤢ᤹. ᤜᤧᤰᤁᤩᤠᤱ ᤂᤧᤸᤗᤧ ᤏᤧᤵᤔᤈᤠᤱ ᤏᤠ᤺ᤴᤍᤢᤛᤡ᤹ᤀᤠᤱ ᤛᤧᤖᤢᤛᤡ᤹ᤖᤥ॥  
\v 8 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤌᤰᤁᤡᤱᤃ ᤂᤧᤴ ᤐᤕᤶ ᤕᤶᤒᤠ ᤕᤧᤰᤕᤰᤁᤡᤸᤗᤧ ᤁᤢᤔᤠᤖᤠᤶᤔᤥ ᤏᤧᤛᤡᤖᤥ॥ ᤂᤧᤵᤔᤥᤀᤣ ᤂᤢᤴᤇᤡ᤹ ᤍᤠᤱᤒᤠᤴ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢ ᤔᤧᤛᤧᤖᤢᤀᤠᤱ ᤘᤕᤧᤖᤥ॥ ᤂᤧᤴ ᤕᤧᤰᤕᤰᤁᤡᤱᤃ ᤛᤍᤥᤔ ᤕᤧᤰᤕᤰ ᤏᤢ ᤔᤡᤛᤪ ᤗᤠᤈᤣ᤹ ᤜᤧᤰᤋᤱᤒᤠᤖᤥ॥  
\v 9 ᤜᤧᤰᤁᤩᤠᤱ ᤕᤧᤴ ᤛᤢᤶᤛᤡᤀᤠᤱ ᤗᤧᤴᤈᤥ ᤌᤠᤖᤡᤰ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤁᤧᤖᤧᤰ ᤐᤠ᤺ᤴᤍᤠᤱᤜᤠ᤹. ᤜᤧᤰᤁᤩᤠᤱ ᤁᤧᤖᤧᤰ ᤗᤠᤈᤣ᤹ᤜᤠ᤹ᤗᤠᤶ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤆᤣᤜᤠ᤹ ᤀᤥᤔᤧᤔᤧᤳᤋᤢᤛᤠᤱ ᤀᤡᤵᤐᤢᤱᤅᤥ ᤗᤢᤵᤔᤠᤃ ᤔᤧᤶᤒᤠᤱᤄᤢᤴᤇᤡᤴᤗᤥ॥  
\v 10 ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤩᤧᤳᤇᤡᤒᤠᤀᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤛᤡᤖᤠ᤹ ᤌᤠᤱᤅᤠᤱ ᤔᤧᤛ᤺ᤳᤗᤥ. ᤜᤧᤰᤁᤩᤠᤱ ᤔᤡᤰᤋᤥ᤺ᤰ ᤔᤧᤒᤡᤛᤡᤱᤗᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤏᤧᤵᤑᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠᤜᤠ᤹ ᤛᤠ᤹ᤖᤡᤰ ᤀᤡᤏᤥᤃᤧᤴ ᤋᤢᤰᤂᤣ ᤆᤠ᤺ᤳᤋᤧᤳᤇᤢᤀᤠᤱ ᤘᤕᤧᤳᤇᤡᤖᤥ॥  
\v 11 ᤁᤖ ᤕᤧᤴ ᤛᤢᤶᤛᤡᤀᤠᤱ ᤗᤧᤴᤈᤥ ᤀᤣᤃᤠᤱ ᤂᤧᤱᤜᤠ᤹ ᤏᤧᤵᤔᤠᤱᤅᤥ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤺ᤱᤃᤢᤃᤧᤴ ᤁᤢᤛᤰᤔᤠ᤺ᤴ ᤗᤠ᤺ᤛᤧᤀᤠᤱ ᤏᤧᤵᤔᤠᤱ ᤐᤥᤃᤧᤳᤇᤡᤀᤠᤱ ᤕᤧᤒᤧᤳᤇᤡᤖᤥ॥ ᤜᤧᤰᤁᤩᤠᤱ ᤂᤢᤴᤇᤡ᤹ ᤀᤥᤃᤧᤔᤧᤵᤐᤠᤖ ᤁᤧᤒᤵᤐᤠ ᤁᤠᤰ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥  
\v 12 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤳᤌᤥ ᤌᤠᤅᤧᤳᤇᤧ᤹ ᤁᤧᤗ᤹ᤒᤠ ᤕᤶᤒᤠ ᤀᤡᤰᤗᤠᤎᤡᤰ ᤋᤩᤧᤀᤠᤱ ᤂᤢᤴᤇᤡ᤹ ᤏᤡᤱᤔᤡᤜᤠ᤹ᤖᤧ ᤀᤥᤔᤧᤔᤧᤳᤋᤢᤛᤡᤖ ᤔᤧᤒᤳᤇᤧᤸᤗᤧᤛᤠ ᤌᤥ ᤂᤠᤵᤔᤡ᤺ᤳᤋᤥ ᤗᤠ᤺ᤛᤧᤳᤇᤡᤖ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤣᤛᤧᤳᤇᤡᤖᤥ॥  
\v 13 ᤜᤧᤰᤁᤩᤠᤱ ᤀᤠᤶᤓᤠ ᤂᤧᤴ ᤕᤧᤶᤔᤥ ᤐᤕᤶ ᤕᤶᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤗᤢᤵᤗᤡ ᤌᤠᤅᤧᤀᤠᤱ ᤂᤧᤴ ᤕᤧᤰᤕᤰᤁᤡᤴ ᤌᤡᤒᤥ᤺ᤱ ᤗᤰ ᤕᤖᤧᤸᤗᤧ ᤜᤧᤴᤇᤡᤱ ᤏᤢᤛᤡ (᥍᥆᥆᥆) ᤔᤏᤠᤜᤠ᤹ ᤜᤍ᤹ ᤔᤧᤛᤩᤧᤖᤥ॥ ᤜᤧᤰᤁᤩᤠᤱ ᤔᤧᤴᤇᤡ᤺ᤔᤏᤠ ᤁᤠᤰ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤀᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤢᤰᤛᤠᤶᤍᤠᤱᤒᤠ ᤆᤥ᤺ᤰ ᤑᤠ᤹ᤀᤠᤱ ᤔᤡᤔᤡᤍᤡᤱ ᤔᤧᤒᤡᤖᤢᤖᤥ॥ 
\p  
\v 14 ᤂᤧᤴ ᤏᤡᤛᤡᤃᤣ᤺ᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤱᤃ ᤐᤣ. ᤁᤖ ᤀᤥᤔᤧᤳᤋᤧᤶᤔᤧ᤹ᤀᤥ. ᤛᤢᤶᤛᤡᤃᤣ᤺ᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤱᤃ ᤜᤠᤖᤠᤀᤣ ᤋᤠᤖ ᤐᤳᤗᤥ॥ 
\s1 ᤏᤢᤛᤡᤃᤣ᤺ᤰᤐᤠ ᤌᤢᤳᤌᤢᤖᤡ᤺ᤵᤐᤠ 
\p  
\v 15 ᤜᤧᤰᤁᤩᤠᤱ ᤏᤢᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤕᤶᤒᤠ ᤀᤡᤰᤗᤠᤜᤠ᤹ ᤀᤰᤂᤣᤗ᤹ᤖᤡᤰ ᤋᤩᤧᤖᤥ. “ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤀᤠᤏᤡ᤹ ᤍᤠᤱᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤸᤗᤧ ᤁᤢᤜᤠᤱᤈᤢᤶ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤆᤰᤔᤧᤸᤗ᤹ᤀᤣ ᤛᤍᤠᤍᤡᤱ ᤛᤍᤠᤍᤡᤱ ᤜᤠᤱ ᤆᤥᤃᤢ᤹ᤖᤥ॥”  
\v 16 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤀᤠᤒᤠᤅᤣ ᤂᤢᤏᤡ᤹ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠ ᤏᤧᤳ-ᤗᤡ (᥈᥊) ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤛᤠᤶᤒᤥ᤺ᤴ ᤔᤧᤓᤴᤇᤡᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤔᤧᤈᤥᤃᤢᤖ  
\v 17 ᤀᤰᤂᤣ ᤔᤧᤒᤠ᤺ᤳᤋᤢ. 
\q1 “ᤀᤢᤏᤠᤜᤢᤖᤡᤀᤠᤱᤎᤥᤏᤢ ᤀᤠᤸᤗᤥ ᤌᤠᤖᤡᤰ ᤁᤧᤘᤠ᤹ᤒᤠ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤏᤡᤃᤧ ᤏᤠᤈᤶᤃᤧᤴ ᤏᤥᤃᤧᤴ ᤐᤡᤀᤠᤛᤡᤃᤧ᤹ᤖᤥ. ᤌᤣᤀᤠᤱᤓᤧᤸᤗᤧ ᤀᤠᤸᤗ ᤐᤕᤶ ᤕᤶᤒᤠ ᤁᤧᤔᤢᤰᤛᤠᤶᤔᤡᤴ ᤁᤧᤍᤠ᤺ᤰᤋᤢᤀᤠᤱ ᤁᤧᤘᤠ᤹ ᤜᤧᤰᤁᤩᤠᤱ ᤜᤠᤱᤕᤢᤰ ᤆᤥ᤺ᤰᤔᤠ ᤁᤧᤜᤣ᤺ᤰᤋᤢᤀᤠᤱ ᤁᤧᤘᤠ᤹ᤖᤥ॥ 
\q1  
\v 18 ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤂᤧᤏᤧ᤹ᤏᤢ ᤂᤢᤏᤡ᤹ ᤕᤠ᤺ᤰᤗᤧ᤹ᤖᤧᤀᤠᤱ ᤘᤠ᤹. 
\q1 ᤁᤖ ᤀᤠᤸᤗ ᤂᤧᤏᤧ᤹ ᤁᤧᤛᤡᤰ ᤐᤥ᤺ᤰᤔᤠ ᤕᤧᤶ ᤁᤧᤖᤧᤀᤠᤱ ᤘᤠ᤹॥ ᤁᤧᤛᤡ᤺ᤒᤠᤜᤠ᤹ ᤂᤠᤛᤧᤴ ᤆᤥ᤺ᤰᤔᤠᤛᤡ ᤕᤧᤶ ᤋᤩᤧᤀᤠᤱ ᤘᤠ᤹॥ 
\q1 ᤜᤧᤰᤁᤩᤠᤱ ᤂᤧᤏᤧ᤹ᤏᤢ ᤁᤧᤃᤡᤒᤠ ᤆᤢᤰᤛᤠ ᤏᤢ ᤕᤶᤒᤠ. ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤁᤧᤛᤣᤘᤠᤖᤥᤒᤠᤜᤠ᤹ ᤜᤧᤰᤁᤩᤠᤱ ᤁᤧᤛᤣᤛᤣ ᤔᤏᤠᤜᤠ᤹ ᤜᤠᤱᤛᤧᤶ ᤐᤡᤔᤠᤛᤡ ᤛᤢᤕᤧᤶ ᤋᤩᤧᤀᤠᤱ ᤘᤠ᤹॥ 
\q1 ᤀᤠᤸᤗ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤁᤧᤔᤧᤱᤒᤠᤜᤠ᤹ ᤔᤧᤱᤔᤠᤛᤡ ᤕᤧᤶᤔᤠᤱ ᤋᤩᤧᤀᤠᤱ ᤘᤠ᤹ᤖᤥ॥” 
\p  
\v 19 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤡᤴ ᤜᤖᤧᤀᤠᤱ ᤂᤧᤴ ᤛᤡᤃᤠᤱᤒᤠ ᤔᤠᤱᤜᤢᤵᤐᤡᤸᤗᤧᤴ ᤛᤴᤍᤥ᤺ᤰᤁᤡᤴᤏᤠᤱ ᤏᤡ᤺ᤎᤠᤒᤧᤖᤥ॥ ᤜᤧᤰᤁᤩᤠᤱ ᤛᤠ᤺ᤶᤓᤣ ᤗᤧᤰᤋᤧ. ᤋᤠᤱᤛᤠᤰᤐᤧᤴ ᤂᤧᤖᤧᤱ ᤄᤢᤖᤢᤱ ᤗ᤹ᤖᤡᤰ ᤗᤥ᤺ᤰᤂᤢ. ᤗᤢᤵᤗᤡ ᤌᤠᤅᤧ. ᤜᤧᤰᤁᤩᤠᤱ ᤕᤶᤒ᤻ ᤕᤶᤒᤠ ᤑ᤺ᤴ ᤌᤩᤧᤖᤥ॥ 
\c 12  
\s1 ᤔᤧᤴᤇᤢᤔᤠ᤹ ᤏᤢ ᤕᤶᤒᤠ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ 
\p  
\v 1 ᤜᤧᤰᤁᤩᤠᤱ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤥ ᤀᤡᤱᤃᤠ᤹ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴ ᤏᤡ᤺ᤛᤢᤱᤗᤥ॥ ᤂᤧᤵᤔᤥ ᤆᤠᤱ ᤆᤠᤱᤔᤏᤠᤒᤠ ᤁᤢᤀᤡᤛᤡ᤺ᤰ ᤏᤠᤶᤔᤡᤴ ᤁᤧᤈᤠᤱᤔᤠ ᤔᤧᤴᤇᤢᤔᤠ᤹ᤎᤡᤰ ᤘᤕᤧᤖᤥ॥ ᤂᤧᤸᤗᤧ ᤁᤢᤗᤠᤱᤓᤥᤛᤠᤱ ᤗᤠᤒᤠᤴ ᤐᤳᤇᤧ ᤜᤧᤰᤁᤩᤠᤱ ᤁᤢᤎᤧᤃᤣ᤺ᤰ ᤛᤶᤍᤠᤱ ᤌᤡᤰ-ᤏᤧᤳ ᤂᤣ᤺ᤶᤛᤡᤰᤜᤠ᤹ᤖᤧᤴ ᤋᤡᤆ᤺ ᤂᤢ᤺ᤰᤂᤢᤀᤠᤱ ᤐᤳᤇᤧ॥  
\v 2 ᤂᤧᤴ ᤔᤧᤴᤇᤢᤰᤔᤠ ᤘᤕᤧ ᤜᤧᤰᤁᤩᤠᤱ ᤁᤢᤛᤠᤘᤠ᤺ᤶᤔᤠ ᤕᤧᤶᤔᤡᤴ ᤋᤩᤧᤒᤠᤸᤗᤧ ᤛᤠᤘᤠ᤺ᤴᤍᤢᤱᤅᤡᤸᤗᤧ ᤋᤖᤢᤀᤠᤱ ᤕᤠᤖᤧᤖ ᤘᤕᤧ॥ 
\p  
\v 3 ᤜᤧᤰᤁᤩᤠᤱ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤥ ᤕᤠᤶᤔᤥ ᤀᤡᤱᤃᤠ᤹ ᤘᤣ᤹ᤛ᤻ᤔᤠ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴᤎᤡᤰᤁᤠᤱ ᤏᤡ᤺ᤛᤢᤱᤗᤥ–ᤂᤧᤵᤔᤥ ᤜᤧ᤺ᤳᤁᤧᤗ᤹ᤒᤠ ᤏᤢᤛᤡ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤐᤕᤶ ᤕᤶᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ\f * \fr 12:3 \ft ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ–ᤀᤛᤣ᤺ᤰ ᤁᤢᤀᤡᤛᤡ᤺ᤰ ᤌᤰ ᤏᤢ ᤜᤴᤍᤃᤣ᤺ᤰᤗᤧᤴ ᤜᤧᤰᤋᤱᤒᤠ ᤁᤢᤎᤣ᤺ᤰ ᤁᤧᤒᤵᤐᤠ ᤀᤠᤈᤠᤈᤠᤒᤠ ᤆᤥᤃᤧ॥\f* ᤘᤕᤧᤖᤥ॥ ᤂᤧᤸᤗᤧ ᤏᤢᤛᤡ ᤁᤢᤎᤧᤃᤣ᤺ᤰᤜᤠ᤹ᤀᤥ ᤏᤢᤛᤡ ᤋᤡᤆ᤺ᤜᤠ᤹ ᤂᤢ᤺ᤰᤂᤢᤀᤠᤱ ᤐᤳᤇᤧ॥ ᤂᤧᤸᤗᤧ ᤌᤡᤒᤥ᤺ᤱ ᤁᤢᤍᤠᤱᤜᤠ᤹ ᤕᤢᤅᤧᤖᤥ॥  
\v 4 ᤂᤧᤸᤗᤧ ᤁᤢᤔᤣ᤺ᤸᤗᤧ ᤋᤠᤱᤛᤠᤰᤐᤥᤒᤠ ᤁᤢᤗᤰ ᤛᤢᤶᤛᤡᤀᤥ ᤁᤢᤛᤢᤰᤘᤠ ᤌᤡᤰ ᤂᤣ᤺ᤶᤛᤡᤰᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤥ ᤛᤢ᤺ᤴᤍᤢ ᤌᤠ᤺ᤛᤢᤛᤡᤖᤥ॥ ᤜᤧᤰᤁᤩᤠᤱ ᤀᤅᤧ᤺ᤰᤘᤠ᤺ᤴ ᤛᤠᤘᤠ᤺ᤴᤍᤢᤸᤗᤧ ᤗᤖᤢᤱᤍᤣ᤺ᤛᤢᤱ ᤑᤠ᤹ᤀᤠᤱ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤍᤃᤡ ᤂᤧᤴ ᤐᤣᤀᤠᤱ ᤕᤧᤶᤛᤡᤱᤗᤥ॥  
\v 5 ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤑᤧᤴᤈᤣ᤹ ᤋᤰᤁᤠ᤺ᤳᤋᤡᤸᤗᤧ ᤁᤠᤰ ᤔᤧᤴᤇᤠᤶ ᤛᤢᤘᤠᤱ ᤛᤶᤍᤠᤱ ᤜᤠᤱ ᤁᤧᤈᤥ᤺ᤰᤐᤠ ᤀᤅᤧ᤺ᤰᤘᤠᤛᤠ᤺ᤴ ᤛᤠᤘᤠ᤺ᤴᤍᤢ॥ ᤂᤧᤴ ᤀᤅᤧ᤺ᤰᤘᤠ᤺ᤴ ᤛᤠᤘᤠ᤺ᤴᤇᤡᤱᤏᤠᤔᤧ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤜᤧᤰᤁᤩᤠᤱ ᤁᤢᤜᤠᤱᤕᤢᤰᤏᤠᤀᤥ ᤌᤠ᤺ᤱ ᤔᤧᤄᤧᤳᤋᤢ ᤔᤧᤍᤣ᤹ᤖᤢᤖᤥ॥  
\v 6 ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤜᤧᤴᤇᤡᤱ ᤌᤡᤰ ᤁᤡᤵ ᤏᤧᤳᤇᤡᤀᤠᤱ ᤋᤢᤰᤐᤥ᤺ᤱ (᥇.᥈᥌᥆) ᤕᤧᤴ ᤌᤠᤖᤡᤰ ᤆᤠ ᤔᤧᤵᤔᤠ ᤑᤠ᤹ᤀᤠᤱ ᤀᤣ᤺ᤰᤛᤠᤍᤧᤴᤏᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤖᤡᤵ ᤆᤥᤃᤢᤒᤠ ᤋᤧᤴᤏᤥ ᤂᤧᤳᤇᤡᤱ ᤐᤣᤖᤥ॥ 
\p  
\v 7 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤕᤶ ᤕᤶᤒᤠ ᤋᤧᤴᤎᤱ ᤐᤥ᤺ᤰᤂᤧᤖᤥ॥ ᤔᤡᤂᤠᤀᤣᤗ\f * \fr 12:7 \ft ᤔᤡᤂᤠᤀᤣᤗ–ᤂᤢᤏᤧ᤹ ᤔᤠᤱᤗᤠᤀᤡᤱᤒᤠᤜᤠ᤹ᤖᤧᤴ ᤗᤳᤇᤠ ᤗᤠᤶᤗᤥ᤺ᤒᤠᤖᤥ॥ ᤔᤡᤂᤠᤀᤣᤗᤧᤴ ᤀᤡᤛᤪᤠᤀᤡᤗᤖᤧᤴ ᤏᤢ᤺ᤖᤡᤰᤁᤠᤱ ᤁᤶᤒᤪᤠᤱ ᤁᤧᤔᤧᤵᤐᤠ ᤘᤕᤧ॥ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤏᤢ ᤌᤱ ᤔᤧᤈᤥᤃᤢᤖᤥ॥ \f*ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤏᤢ ᤌᤱ ᤔᤧᤈᤥᤃᤢᤖᤥ॥  
\v 8 ᤁᤖ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤏᤢ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹\f * \fr 12:8 \ft ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤏᤢ ᤂᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹–ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤑᤠ᤹ᤀᤡᤴ ᤔᤠᤑᤧᤴᤛᤠᤶᤗᤥ॥ ᤂᤧᤴ ᤗᤳᤇᤠ ᤔᤠᤱᤗᤠᤀᤡᤱᤒᤠ ᤘᤕᤧ. ᤁᤖ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤒᤡᤑᤩᤢᤱ ᤆᤥᤃᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤗᤠᤵᤑᤢᤛᤢ. ᤜᤧᤰᤁᤩᤠᤱ ᤂᤧᤴ ᤔᤠᤑᤧᤴᤛᤠᤶ ᤐᤥ᤺ᤰᤂᤧ॥ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤃ ᤔᤠᤑᤧᤴᤛᤠᤶᤔᤡᤴᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥᤃᤧᤒᤠᤀᤥ ᤁᤢᤒᤠ᤺ᤴ ᤁᤧᤄᤧᤶᤒᤠᤜᤠ᤹ᤖᤥ॥\f* ᤌᤱᤅᤥ ᤜᤠᤖᤡ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤢᤏᤡ᤹ ᤕᤢᤱᤔᤠ ᤋᤧᤴᤏᤡᤴ ᤔᤧᤔᤠ᤺ᤛᤢ॥  
\v 9 ᤁᤴ ᤐᤕᤶ ᤕᤶᤒᤠ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤱᤃ ᤀᤢᤴᤇᤥ᤺ᤴᤒᤠ ᤀᤛᤣ᤺ᤰᤐᤧᤴᤗᤥ. ᤂᤧᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠᤜᤠ᤹ ᤀᤡᤱᤗᤧᤰ ᤁᤧᤔᤧᤵᤐᤠ ᤔᤠᤑᤧᤴᤛᤠᤶ ᤀᤡᤃᤪ ᤛᤤᤋᤠᤏ ᤔᤧᤔᤧᤳᤋᤢᤖᤥ॥ ᤂᤧᤱᤃ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤏᤢ ᤕᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤵᤑᤢᤛᤧᤖᤥ॥ 
\p  
\v 10 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤀᤰᤋᤱᤒᤠ ᤕᤶᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ. 
\q1 “ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤴᤗᤵ. ᤁᤢᤔᤢᤰᤛᤠᤶ. ᤁᤢᤜᤠᤱᤈᤢᤶ ᤏᤢ ᤂᤢᤏᤧ᤹ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤸᤗᤧ ᤁᤢᤕᤢᤰᤁᤡᤴ ᤋᤩᤧᤀᤠᤱ ᤘᤠ᤹ᤖᤥ॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤛᤧᤴᤍᤡᤰ ᤗᤧᤴᤍᤡᤰ ᤀᤠᤏᤡ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤧ᤹ᤏᤢᤛᤠ᤹ᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤖ ᤁᤧᤏᤧᤒᤠᤴ ᤕᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤵᤔᤧᤓᤢᤛᤢ ᤔᤧᤎᤠᤛᤢᤖᤥ॥  
\v 11 ᤀᤠᤏᤡ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤧ᤹ᤏᤢᤛᤠ᤹ᤜᤠ᤹ᤖᤧᤃ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤔᤠᤰᤂᤡ᤹ ᤏᤢ ᤂᤧᤱᤜᤠ᤹ᤖᤧ ᤀᤡᤱᤔᤧᤓᤥ᤺ᤛᤢᤒᤠ ᤛᤧᤰᤂᤠ᤺ᤸᤗᤧ ᤂᤧᤴ ᤔᤠᤑᤧᤴᤛᤠᤶᤔᤡᤴ ᤔᤧᤏᤠ᤺ᤴᤍᤢᤀᤠᤱ ᤔᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤃ ᤛᤡ᤺ᤔᤠᤀᤠᤱ ᤔᤧᤱᤃᤡᤛᤧᤴᤗᤥ॥  
\v 12 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤂᤧᤵᤔᤥ ᤁᤧᤘᤠ᤹ᤒᤠᤛᤣ. ᤛ᤺ᤳᤋᤧᤶᤔᤧ᤹ᤀᤥ᥄ ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤢ ᤘᤠᤜᤱᤅᤥ ᤁᤧᤘᤠ᤹ᤒᤠᤛᤣ. ᤂᤡᤏᤡ᤹ᤃ ᤁᤧᤈᤡ᤺ᤳᤋᤡ ᤁᤧᤛᤩᤧ᤹ᤀᤡᤖᤥ. ᤌᤣᤀᤠᤱᤓᤧᤸᤗᤧ ᤔᤠᤑᤧᤴᤛᤠᤶᤔᤡᤱᤃ ᤂᤡᤏᤡ᤹ᤀᤥ ᤌᤩᤧᤀᤠᤱ ᤘᤠ᤹ᤖᤥ॥ ᤂᤧᤸᤗᤧ ᤛᤠ᤹ᤖᤡᤰ ᤁᤢᤛᤡᤰᤁᤧᤴ ᤐᤥᤃᤧ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤕᤧᤶᤔᤡᤴ ᤛᤢ᤺ᤸᤗᤡᤰᤗᤰ ᤘᤠ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤘᤠ᤹॥” 
\p  
\v 13 ᤜᤧᤰᤁᤩᤠᤱ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤂᤢᤏᤧ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤵᤔᤧᤓᤢᤛᤠᤱ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤂᤧᤴ ᤀᤅᤧ᤺ᤰᤘᤠᤛᤠ᤺ ᤁᤧᤃᤵᤔᤠ ᤔᤧᤴᤇᤢᤔᤠ᤹ᤀᤡᤴ ᤋᤢᤰᤂᤣ ᤆᤠ᤺ᤳᤇᤧ ᤏᤠ᤺ᤵᤔᤠ ᤜᤣ᤺ᤰᤋᤢ॥  
\v 14 ᤁᤖ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤔᤧᤕᤠᤱᤄᤢᤴᤗ ᤑᤠ᤹ᤀᤠᤱ ᤀᤣ᤺ᤰᤛᤠᤍᤧᤴᤏᤥ ᤕᤠᤖᤡᤵ ᤆᤥ᤺ᤰᤔᤏᤠᤒᤠ ᤆᤡᤱᤛᤡᤱᤔᤠᤍᤧᤴᤏᤥ ᤂᤧᤳᤇᤡᤱᤔᤠ ᤐᤣ᤺ᤰᤔᤠ ᤛᤢᤰᤗ ᤑᤠ᤹ᤀᤠᤱ ᤐᤕᤶ ᤕᤶᤒᤠ ᤏᤧᤳᤇᤡ ᤔᤢᤕᤠ ᤗᤠᤵᤜᤠ᤹ ᤔᤧᤒᤡᤖᤢᤖᤥ॥ ᤂᤧᤵᤔᤥ ᤋᤱᤒᤣ ᤛᤢᤶᤛᤡᤀᤠᤱ ᤁᤢᤓᤪᤧ᤺ᤱ ᤌᤠᤖᤡᤰ ᤂᤢᤏᤧ᤹ ᤆᤠ ᤔᤧᤔᤧᤳᤋᤢ᤹ᤖᤥ॥  
\v 15 ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤆᤫᤠ᤺ᤳᤋᤡᤸᤗᤧ ᤘᤠᤍᤣ᤺ᤶᤔᤠ ᤋᤣ᤺ᤔᤠᤀᤠᤱ ᤛᤧᤵᤔᤠ ᤑᤠ᤹ᤀᤠᤱ ᤕᤱᤄᤱ ᤁᤩᤠ᤺ᤵᤐᤠ ᤆᤫᤠ᤺ᤳᤋᤡᤴ ᤁᤢᤔᤢᤖᤠᤀᤥᤗᤠᤶ ᤀ᤺ᤛᤢ ᤗ᤺ᤳᤋᤢᤖᤥ॥  
\v 16 ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤁᤢᤔᤢᤖᤠᤀᤥᤗᤠᤶ ᤀ᤺ᤛᤢ ᤗ᤺ᤳᤋᤢᤒᤠ ᤕᤱᤄᤱᤅᤡᤴ ᤁᤠᤰ ᤗᤖᤢᤍᤣ᤺ᤛᤢᤀᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤁᤢᤓᤠ᤹ ᤐᤡᤖᤢᤖᤥ॥  
\v 17 ᤜᤧᤰᤁᤩᤠᤱ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤔᤧᤴᤇᤢᤔᤠ᤹ᤀᤡᤴᤏᤢ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤁᤧᤏᤠ᤺ᤵᤐᤠ ᤁᤧᤀᤡ᤺ᤵᤐᤠ ᤏᤢ ᤕᤧᤛᤢᤖᤧ ᤁᤢᤏᤡᤛᤠᤶ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤘᤣ᤹ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤏᤢ ᤌᤱ ᤆᤥᤃᤢᤖᤥ॥  
\v 18 ᤜᤧᤰᤁᤩᤠᤱ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤘᤠᤜᤱᤅᤡᤸᤗᤧ ᤁᤢᤕᤠᤀᤥ ᤕᤧᤶᤛᤡᤱᤗᤥ॥ 
\c 13  
\s1 ᤘᤠᤜᤱᤗᤠᤶ ᤁᤧᤗ᤺ᤶᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤘᤠᤜᤱᤅᤥᤗᤠᤶ ᤁᤧᤗ᤺ᤶᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤏᤢᤛᤡ ᤁᤢᤎᤧᤃᤣ᤺ᤰᤜᤠ᤹ᤀᤥ ᤌᤡᤒᤥ᤺ᤱ ᤁᤢᤍᤠᤱᤜᤠ᤹ ᤔᤧᤒᤳᤇᤧ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤍᤠᤱᤜᤠ᤹ᤀᤥ ᤌᤡᤒᤥ᤺ᤱ ᤋᤡᤆ᤺ᤜᤠ᤹ ᤂᤢ᤺ᤰᤂᤢᤀᤠᤱ ᤐᤳᤇᤧ॥ ᤂᤧᤸᤗᤧ ᤁᤧᤖᤧᤰ ᤁᤢᤎᤧᤃᤣ᤺ᤰᤁᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤔᤡᤱ ᤛᤠᤵᤋᤧᤀᤠᤱ ᤐᤳᤇᤧ॥  
\v 2 ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤱᤃ ᤌᤰᤁᤣᤒᤠ ᤁᤢᤀᤡᤛᤡ᤺ᤰ ᤏᤡ᤺ᤛᤢᤱ. ᤁᤖ ᤂᤧᤸᤗᤧ ᤁᤢᤗᤠᤱᤜᤠ᤹ ᤔᤠ᤹᤺ᤕᤢᤒᤠᤸᤗᤧᤴ ᤏᤢ ᤁᤢᤔᤢᤖᤠ᤺ᤱᤃ ᤌᤧᤖᤡᤱᤒᤠᤸᤗᤧᤴ ᤜᤧᤰᤋᤱᤒᤠ ᤆᤥᤃᤧᤖᤥ॥ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤀᤠᤒᤠᤅᤣ ᤁᤢᤔᤢᤰ. ᤁᤢᤜᤠᤱᤕᤢᤰᤏᤠ᤺ᤴ ᤜᤧᤰᤁᤩᤠᤱ ᤐᤕᤶ ᤕᤶᤒᤠ ᤁᤢᤕᤢᤰᤁᤡᤴ ᤐᤡᤖᤢᤖᤥ॥  
\v 3 ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤌᤡᤰ ᤁᤢᤎᤧᤃᤣ᤺ᤰᤐᤧᤴ ᤛᤡ᤺ᤔᤠᤗᤡᤱᤎᤥᤀᤥ ᤁᤧᤖᤧᤖ ᤌᤠᤖᤡᤰ ᤁᤠ᤺ᤴᤍᤧᤀᤠᤱ ᤐᤳᤇᤧᤒᤠ ᤏᤡ᤺ᤍᤧᤳᤋᤧ. ᤁᤖ ᤕᤠᤱᤛᤡ ᤂᤧᤴ ᤁᤧᤃᤠ᤺ᤶᤒᤠ ᤕᤠᤱᤄᤣ᤺ᤰᤁᤡᤴ ᤘᤣ᤺ᤳᤋᤧᤖᤥ॥ ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ᤖᤧ ᤂᤧᤴ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤔᤧᤍᤡᤶᤍᤢᤖᤥ॥  
\v 4 ᤔᤏᤠᤜᤠ᤹ᤖᤧ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤛᤣᤘᤠ ᤔᤧᤈᤥᤃᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤕᤢᤰᤁᤡᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤐᤡᤖᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢᤖ ᤛᤣᤘᤠ ᤔᤧᤈᤥᤃᤢ. “ᤁᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤜᤧᤰᤋᤱᤒᤠ ᤜᤠ᤺ᤳ ᤘᤠ᤹ᤒᤣ᥅ ᤁᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴᤏᤢ ᤌᤱ ᤆᤥ᤺ᤰᤔᤠ ᤁᤧᤛᤢᤰᤐᤠ ᤜᤠ᤺ᤳ ᤘᤠ᤹ᤀᤠᤱᤒᤣ᥅” 
\p  
\v 5 ᤜᤧᤰᤁᤩᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤀᤠᤱᤍᤡᤱ ᤐᤠ᤺ᤴ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤋᤠᤵᤑᤧ᤺ᤶᤒᤠ ᤔᤠᤱᤆᤧ᤹ᤕᤠ ᤐᤠ᤺ᤴᤜᤠ᤹ ᤐᤠ᤺ᤵᤔᤠ ᤔᤧᤒᤠᤱᤄᤢᤖᤥ॥ ᤜᤧᤰᤁᤩᤠᤱ ᤗᤡ-ᤏᤧᤳ ᤗᤠ (᥊᥈) ᤌᤠᤖᤡᤰ ᤁᤢᤒᤠ᤺ᤵᤐᤠ᤺ᤳ ᤆᤥ᤺ᤰᤔᤠ ᤕᤢᤰ ᤂᤥ᤺ᤛᤢᤖᤥ॥  
\v 6 ᤜᤧᤰᤁᤩᤠᤱ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤋᤠᤵᤑᤧ᤺ᤶᤒᤠ ᤔᤠᤱᤆᤧ᤹ᤕᤠ ᤐᤠ᤺ᤴᤜᤠ᤹ ᤐᤠ᤺ᤳᤋᤢᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱ ᤏᤢ ᤁᤢᤕᤢᤱᤍᤧᤴ ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤆᤠ᤺ᤳᤌᤡ ᤋᤣ᤺ᤛᤢ ᤐᤡᤖᤢᤛᤡᤖᤥ॥  
\v 7 ᤜᤧᤰᤁᤩᤠᤱ ᤂᤧᤴ ᤌᤰᤛᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤌᤱ ᤆᤥ᤺ᤰᤔᤠᤀᤠᤱ ᤏᤠ᤺ᤶᤔᤠᤛᤡ ᤕᤢᤰ ᤂᤥ᤺ᤛᤢᤖᤥ॥ ᤜᤧᤰᤁᤩᤠᤱ ᤕᤠᤶᤔᤥ ᤂᤧᤴ ᤌᤰᤛᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤁᤧᤖᤧᤰ ᤐᤠ᤺ᤴᤍᤠᤱᤜᤠ᤹. ᤜᤧᤰᤁᤩᤠᤱ ᤁᤧᤖᤧᤰ ᤗᤠᤈᤣ᤹ᤜᤠ᤹ ᤛᤶᤍᤠᤱ ᤕᤢᤰ ᤆᤥ᤺ᤰᤔᤠ ᤂᤥ᤺ᤛᤢᤖᤥ॥  
\v 8 ᤛᤧᤵᤔᤏᤠᤒᤠ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤜᤡᤱᤔᤴᤗᤧ ᤁᤢᤛᤠᤵᤐᤴᤏᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤢᤏᤡ᤹ ᤔᤡᤱ ᤔᤧᤴᤇᤠᤵᤐᤣ ᤁᤧᤘᤠ᤹ᤒᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰᤗᤧ ᤂᤧᤴ ᤌᤰᤛᤠ᤺ᤴ ᤛᤣᤘᤠ ᤔᤧᤈᤥᤃᤢᤖᤥ॥ 
\p  
\v 9 ᤀᤠᤸᤗ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄  
\v 10 ᤐᤢᤱᤗᤠᤜᤡᤶᤔᤥ ᤌᤠ᤺ᤔᤠ ᤁᤧᤒᤥ᤺ᤱᤒᤠᤴ. ᤐᤢᤱᤗᤠᤜᤡᤶᤔᤥ ᤌᤠ᤹᤺ ᤜᤧᤰᤁᤩᤠᤱ ᤋᤠᤓᤣᤗᤠᤶ ᤛᤡ᤺ᤔᤠ ᤁᤧᤒᤥ᤺ᤱᤒᤠᤴ. ᤋᤠᤓᤣᤗᤠᤶᤒᤠᤀᤣ ᤛᤡ᤺ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤏᤠᤛᤡ ᤌ᤺ᤵᤔᤠ ᤐᤥ᤺ᤱᤅᤠᤱ ᤏᤛᤠ᤺ᤴᤛᤠᤒᤠ ᤐᤥ᤺ᤱᤔᤠᤀᤠᤱ ᤘᤠ᤹ᤔᤠᤀᤣ ᤐᤥ᤺ᤱᤗᤥ॥ 
\s1 ᤂᤠᤶᤒᤣ᤺ᤰᤔᤥᤗᤠᤶ ᤁᤧᤗ᤺ᤶᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ 
\p  
\v 11 ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤘᤣ᤹ᤛ᤻ᤔᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠᤎᤡᤰ ᤗ᤺ᤴᤍᤧ ᤌᤠᤅᤧᤒᤠ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤌᤢ᤺ᤶᤒᤠᤸᤗᤧᤴ ᤁᤢᤀᤡᤛᤡ᤺ᤰ ᤏᤧᤳᤇᤡ ᤁᤢᤍᤠᤱ ᤕᤢᤅᤧ. ᤁᤖ ᤂᤧᤱᤃ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤁᤢᤀᤡᤛᤡ᤺ᤰ ᤐᤠᤖᤧᤖᤥ॥  
\v 12 ᤂᤧᤸᤗᤧ ᤌᤡᤰᤛᤡᤃᤣ᤺ᤰᤐᤠ ᤁᤡᤵᤔᤠ ᤁᤧᤄᤢᤒᤠ ᤌᤰᤛᤠ᤺ᤸᤗᤧ ᤁᤠᤰ ᤁᤢᤕᤢᤰᤜᤠ᤹ ᤀᤥᤃᤵ ᤆᤥᤃᤢᤖᤥ॥ ᤂᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤡ᤺ᤔᤠᤗᤡᤱᤎᤥ ᤌᤠᤖᤡᤰ ᤁᤧᤃᤠ᤺ᤶᤒᤠᤀᤠᤱ ᤁᤧᤜᤡᤱᤒᤠ ᤂᤧᤴ ᤌᤡᤰᤛᤡᤃᤣ᤺ᤰᤐᤠ ᤁᤡᤵᤔᤠ ᤁᤧᤄᤢᤒᤠ ᤌᤰᤛᤠ᤺ᤴ ᤛᤣᤘᤠ ᤆᤥ᤺ᤰᤔᤠ ᤐᤠᤱᤄᤢᤛᤡᤖᤥ॥  
\v 13 ᤜᤧᤰᤁᤩᤠᤱ ᤂᤧᤸᤗᤧᤃ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤀᤠᤱ ᤋᤖ᤺ᤱᤍᤡᤱ ᤋᤠᤱᤛᤠᤱᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤔᤡᤖᤠ᤺ᤰᤁᤠᤱ ᤌᤠ᤺ᤛᤢᤖᤥ॥  
\v 14 ᤌᤡᤰᤛᤡᤃᤣ᤺ᤰᤐᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤗᤧᤰᤘᤠ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥ᤺ᤰᤔᤠ ᤂᤥ᤺ᤛᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤀᤡᤱᤗᤧᤰᤋᤢᤛᤡᤖᤥ॥ ᤂᤧᤸᤗᤧ ᤂᤧᤴ ᤛᤡ᤺ᤔᤠᤗᤡᤱᤎᤥᤀᤥ ᤌᤠᤖᤡᤰ ᤋᤠᤓᤣ᤺ᤸᤗᤧ ᤁᤧᤃᤠ᤺ᤶᤒᤠᤀᤠᤱ ᤕᤠᤶᤔᤥ ᤁᤧᤜᤡᤱᤒᤠ ᤌᤡᤰᤛᤡᤃᤣ᤺ᤰᤐᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤔᤡᤱᤛᤥ ᤁᤢᤎᤠ᤺ᤱᤛᤥᤀᤥ ᤏᤠᤘᤠᤀᤡᤳᤗᤠ ᤆᤥ᤺ᤰ ᤐᤠᤱᤄᤢᤛᤡᤖᤥ॥  
\v 15 ᤜᤧᤰᤁᤩᤠᤱ ᤂᤧᤸᤗᤧ ᤂᤧᤴ ᤌᤡᤰᤛᤡᤃᤣ᤺ᤰᤐᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧᤴ ᤏᤠᤘᤠᤀᤡᤳᤗᤠ᤺ᤴ ᤐᤠ᤺ᤵᤔᤠ ᤛᤢᤰᤗ ᤜᤧᤰᤁᤩᤠᤱ ᤂᤧᤴ ᤛᤣᤘᤠ ᤆᤥ᤺ᤰᤔᤠ ᤔᤧᤴᤍᤧᤶᤔᤏᤠᤒᤠᤜᤠ᤹ ᤛᤧᤖᤢᤛᤡᤖ ᤑᤠ᤹ᤀᤠᤱ ᤂᤧᤴ ᤏᤠᤘᤠᤀᤡᤳᤗᤠᤀᤥ ᤛᤠ᤺ᤱᤃᤢᤃᤧᤴ ᤛᤰᤔᤠ ᤁᤣ᤺ᤵᤔᤠ ᤔᤢᤰᤛᤠᤶ ᤂᤥ᤺ᤛᤢᤖᤥ॥  
\v 16 ᤂᤧᤸᤗᤧ ᤕᤶᤒᤠ ᤆᤢᤰᤐᤠ. ᤕᤠᤱᤛᤠᤁᤢᤴᤎᤣᤛᤠᤒᤠ ᤏᤢ ᤕᤠᤱᤁᤧᤛᤠ᤹ᤒᤠ. ᤕᤥ᤺ᤰᤐᤠ ᤏᤢ ᤆᤥ᤺ᤰᤕᤢᤶᤓᤥᤒᤠ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤂᤢᤏᤡ᤹ ᤆᤢᤵᤛᤠᤱ ᤜᤢᤰᤁᤥ ᤀᤡᤃᤪ ᤂᤢᤏᤡ᤹ ᤋᤥᤘᤠᤒᤥ ᤀᤡᤒᤢᤃᤧᤴ ᤔᤡᤰᤛᤣ᤺ᤴ ᤗᤰᤔᤠ ᤐᤠᤱᤄᤢᤛᤡᤖᤥ॥  
\v 17 ᤂᤧᤴ ᤀᤡᤒᤢᤃᤧᤴ ᤔᤡᤰᤛᤣ᤺ᤴ ᤔᤧ᤺ᤴᤏᤣ ᤛᤱᤔᤠ ᤏᤢ ᤀᤡᤱᤔᤠ ᤀᤠᤳᤋᤡᤸᤗᤧᤀᤠᤱ ᤔᤧᤛᤢᤰᤋᤢᤴᤗᤥ॥ ᤂᤧᤴ ᤔᤡᤰᤛᤣ᤺ᤴᤏᤡᤱᤃ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤔᤡᤱ ᤀᤡᤃᤪ ᤁᤢᤔᤡᤱᤅᤡᤸᤗᤧ ᤁᤢᤄᤠᤏᤡ᤺ᤳ ᤐᤥ᤺ᤱᤗᤥ॥  
\v 18 ᤁᤴ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤵᤔᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤆᤠᤜᤠᤒᤠ ᤆᤥ᤺ᤰᤗᤥ॥ ᤀᤠᤳᤋᤡᤴ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤛᤠᤒᤠ ᤆᤥ᤺ᤰ ᤜᤠᤖᤠ᤹ ᤂᤧᤸᤗᤧ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤄᤠᤏᤡ᤺ᤳᤋᤡᤸᤗᤧ ᤁᤢᤒᤣ᤺ᤴ ᤑᤠ᤺ᤰᤂᤢᤖᤖᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤗᤳᤇᤠ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤢᤄᤠᤏᤡ᤺ᤳᤗᤥ॥ ᤂᤧᤴ ᤂᤠᤏᤡ᤺ᤳᤋᤡᤱᤃ ᥌᥌᥌ᤖᤥ॥ 
\c 14  
\s1 ᤔᤧᤸᤗᤢᤰᤛᤠ᤺ᤴ ᤏᤢ ᤁᤢᤔᤏᤠᤜᤠ᤹ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤧᤸᤗᤢᤰᤛᤠ᤺ᤴ ᤛᤡᤕᤥᤏ ᤁᤥ᤺ᤰᤔᤠ ᤛᤶᤍᤠᤱ ᤕᤧᤒᤧᤒᤠ ᤏᤡ᤺ᤛᤢᤱᤗᤥ॥ ᤂᤢᤏᤧ᤹ᤏᤢ ᤗᤠᤅᤧᤴᤇᤡᤱᤎᤡᤰᤁᤠᤱ ᤜᤧᤴᤇᤡᤱ ᤗᤡ-ᤗᤡ (᥇.᥊᥊.᥆᥆᥆) ᤔᤏᤠᤜᤠ᤹ ᤔᤧᤘᤕᤧᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤥᤘᤠᤒᤥ ᤂᤢᤏᤧ᤹ ᤁᤢᤔᤡᤱ ᤏᤢ ᤐᤠᤏᤢᤍᤡᤱ ᤁᤢᤶᤒᤠᤖᤧ ᤁᤢᤔᤡᤱᤅᤡᤴ ᤛᤠᤵᤋᤧᤀᤠᤱ ᤐᤳᤇᤧᤖᤥ॥  
\v 2 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤕᤶ ᤕᤶᤒᤠ ᤆᤫᤠ᤺ᤳ ᤛ᤺ᤰᤋᤧᤒᤠ ᤁᤢᤀᤡᤛᤡ᤺ᤰ ᤏᤢ ᤂᤧᤖᤧᤱ ᤄᤢᤖᤢᤱ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱᤗᤥ॥ ᤂᤧᤴ ᤁᤧᤛ᤺ᤰᤐᤧᤴ ᤂᤧᤵᤔᤥ ᤕᤖᤡᤰ ᤔᤏᤠᤜᤠ᤹ᤖᤧ ᤛᤥᤖᤡᤰ ᤛᤠᤖᤠᤱᤃᤡ ᤔᤧᤔᤢᤰᤂᤢᤒᤠ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥  
\v 3 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤠᤱᤕᤢᤰᤏᤠ᤺ᤸᤗᤧᤴ ᤜᤧᤰᤁᤩᤠᤱ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤢᤛᤱ ᤛᤠᤶᤗᤥ᤺ᤴ ᤛᤠᤶᤔᤧᤔᤧᤳᤋᤢᤒᤠ ᤀᤡᤱᤃᤠ᤹ ᤂᤧᤵᤛᤢᤱᤗᤥ॥ ᤂᤧᤴ ᤛᤠᤶᤗᤥ᤺ᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤌᤧ᤹ᤔᤏᤠᤒᤠ ᤂᤧᤴ ᤗᤠᤅᤧᤴᤇᤡᤱᤎᤡᤰᤁᤠᤱ ᤜᤧᤴᤇᤡᤱ ᤗᤡ-ᤗᤡ (᥇.᥊᥊.᥆᥆᥆) ᤔᤏᤠᤜᤠ᤹ᤏᤢ᤺ᤸᤗᤧ ᤘᤣ᤹ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤜᤢ᤹ᤛᤡᤱᤔᤠ ᤔᤧᤴᤇᤢᤰᤋᤢᤴᤗᤥ॥  
\v 4 ᤂᤧᤱᤜᤠ᤹ᤃ ᤀᤠᤵᤑᤠᤸᤗᤧᤀᤠᤱ ᤔᤧᤴᤇᤢᤔᤠ᤹ᤏᤢ ᤔᤧᤶᤒᤥ᤺ᤳᤋᤣ ᤔᤧᤘᤕᤧ ᤜᤧᤰᤁᤩᤠᤱ ᤀᤠᤒᤠᤅᤣ ᤛᤣᤛᤣ ᤔᤧᤃᤳᤇᤡᤱᤅᤠᤱ ᤔᤧᤘᤕᤧᤖᤥ॥ ᤂᤧᤱᤜᤠ᤹ᤃ ᤔᤧᤸᤗᤢᤰᤛᤠ᤺ᤴ ᤀᤠᤳᤋᤠᤴ ᤐᤣ᤺ᤰᤛᤠᤱ ᤁᤢᤀᤣᤃᤠᤱ ᤁᤢᤀᤣᤃᤠᤱ ᤁᤧᤍᤡᤶᤒᤠᤛᤡᤖᤥ॥ ᤂᤧᤱᤜᤠ᤹ᤃ ᤁᤠᤰᤏᤢ ᤋᤃᤡ ᤁᤧᤍᤢᤶᤒᤠ ᤐᤥᤃᤢᤃᤧᤴ ᤁᤢᤈᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱ ᤏᤢ ᤔᤧᤸᤗᤢᤰᤛᤠ᤺ᤀᤥ ᤋᤥ᤺ᤶᤔᤠᤛᤡ ᤑᤠ᤹ᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤗᤠᤶ ᤁᤢᤔᤧᤸᤗᤢᤱ ᤜᤢᤱᤔᤏᤠᤀᤠᤱ ᤌᤧ᤹ᤔᤏᤠᤒᤠᤛᤡᤖᤥ॥  
\v 5 ᤂᤧᤱᤜᤠ᤹ᤖᤧ ᤀᤠᤵᤑᤠᤸᤗᤧᤀᤠᤱ ᤀᤡᤱᤗᤧᤰ ᤐᤠ᤺ᤴ ᤔᤧᤶᤒᤠ᤺ᤳᤋᤢᤴᤏᤠᤱ ᤑᤥᤋᤩᤠ ᤔᤧ᤺ᤴᤏᤣ ᤔᤧᤘᤠ᤹ᤖᤥ॥ 
\s1 ᤛᤢᤶᤛᤡ ᤔᤠᤱᤗᤠᤀᤡᤱᤒᤠᤜᤠ᤹ 
\p  
\v 6 ᤜᤧᤰᤁᤩᤠᤱ ᤀᤡᤱᤃᤠ᤹ ᤋᤠᤱᤛᤠᤰᤐᤥ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤎᤡᤰ ᤐᤧᤖᤧᤖ ᤐᤳᤇᤧᤒᤠ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤁᤧᤖᤧᤰ ᤐᤠ᤺ᤴᤍᤠᤱᤜᤠ᤹. ᤜᤧᤰᤁᤩᤠᤱ ᤁᤧᤖᤧᤰ ᤗᤠᤈᤣ᤹ᤜᤠ᤹ᤀᤥ ᤔᤧᤴᤏᤢᤵᤔᤏᤠᤒᤠ ᤛᤢᤏᤠᤀᤡᤱ ᤀᤡᤱᤓᤴ ᤆᤥ᤺ᤰᤔᤠ ᤁᤳᤋᤢᤖᤥ॥  
\v 7 ᤂᤧᤸᤗᤧ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤡ᤺ᤛᤧᤶᤔᤧ᤹ᤀᤠᤱ ᤔᤡᤔᤡᤍᤡᤱ ᤐᤡᤖᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤄᤠᤛᤧᤴ ᤆᤥ᤺ᤰᤔᤠ ᤕᤧᤶᤔᤡᤴ ᤋᤩᤧᤀᤠᤱ ᤘᤠ᤹ᤖᤥ॥ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ. ᤘᤠᤜᤱ ᤏᤢ ᤆᤫᤠ᤺ᤳᤋᤡᤸᤗᤧ ᤁᤢᤒᤢᤴᤜᤠ᤹ᤖᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠᤴ ᤛᤣᤘᤠ ᤆᤥᤃᤧᤶᤔᤧ᤹ᤀᤥ॥” 
\p  
\v 8 ᤜᤧᤰᤁᤩᤠᤱ ᤌᤡᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤀᤣᤃᤠᤱ ᤁᤧᤒᤵᤐᤠ ᤏᤡᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤀ᤺ᤰᤋᤧ. “ᤒᤧᤒᤡᤗᤥᤏᤡᤴ \f * \fr 14:8 \ft ᤒᤧᤒᤡᤗᤥᤏ–ᤀᤢᤏᤠᤜᤢᤖᤡᤒᤠ ᤕᤧᤰᤕᤰ. ᤜᤠᤒᤠ ᤂᤧᤴ ᤕᤧᤰᤕᤰᤁᤥᤒᤠ ᤜᤠᤱᤅᤡᤸᤗᤧ ᤕᤖᤡᤰ ᤕᤧᤶ ᤋᤃᤡ ᤕᤜᤢᤍᤡᤜᤠ᤹ ᤏᤠ᤺ᤴᤍᤢᤛᤡᤀᤠᤱ ᤘᤕᤧ॥ ᤁᤵᤔᤥ ᤒᤧᤒᤡᤗᤥᤏᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤀᤵᤐᤠ ᤁᤴ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ᤖᤧᤴ ᤔᤡᤰᤛᤣ᤺ᤴᤗᤥ॥\f* ᤔᤧᤃᤧᤖᤥ. ᤐᤕᤶ ᤕᤶᤒᤠ ᤕᤧᤰᤕᤰᤁᤡᤴ ᤔᤧᤃᤧᤖᤥ॥ ᤂᤧᤴ ᤕᤧᤰᤕᤰᤁᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤡᤈᤱᤘᤠ᤺ᤸᤗᤧ ᤔᤕᤢᤛᤡᤒᤠ ᤁᤢᤀᤡᤛᤡ᤺ᤰ ᤕᤠᤶᤒᤥ᤺ᤵᤔᤠᤸᤗᤧ ᤔ᤺ᤛᤢᤛᤡᤀᤠᤱ ᤘᤠ᤹ᤖᤥ॥” 
\p  
\v 9 ᤜᤧᤰᤁᤩᤠᤱ ᤛᤢᤶᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤂᤢᤴᤇᤡ᤹ ᤀᤣᤃᤠᤱ ᤋᤡᤶᤍᤢᤛᤡᤖ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧ. “ᤜᤠ᤺ᤳᤗᤧ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤆᤥᤃᤢ᤹. ᤜᤧᤰᤁᤩᤠᤱ ᤁᤢᤍᤥ᤹ᤘᤠᤒᤥ ᤀᤡᤃᤪ ᤁᤢᤜᤢᤰᤁᤥ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤀᤡᤒᤢᤃᤧᤴ ᤁᤢᤔᤡᤰᤛᤣ᤺ᤴᤏᤡᤴ ᤗᤰᤋᤢ᤹.  
\v 10 ᤂᤧᤸᤗᤧᤃ ᤌᤣᤀᤠᤱ ᤔᤧᤶᤓᤢᤳᤋᤣᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤡᤵᤔᤠ ᤁᤧᤄᤢ᤺ᤒᤠ ᤁᤢᤛᤠᤰᤁᤡᤸᤗᤧᤴ ᤂᤥᤷᤕᤠ᤺ᤴᤗᤠᤶ ᤌᤢᤱᤔᤠᤀᤣ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤂᤧᤱᤃ ᤔᤧᤸᤗᤢᤰᤛᤠ᤺ᤴ ᤏᤢ ᤛᤣᤛᤣ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤠᤴᤎᤠᤰ ᤏᤢ ᤔᤡ᤺ᤸᤗᤧ ᤗᤠᤒᤢᤖ ᤋᤢᤰᤂᤣ ᤆᤠᤖᤥ॥  
\v 11 ᤜᤧᤰᤁᤩᤠᤱ ᤂᤧᤱᤜᤠ᤹ ᤋᤢᤰᤂᤣ ᤁᤧᤈᤠ᤺ᤵᤐᤠ ᤔᤡ᤺ᤸᤗᤧ ᤔᤡ᤺ᤰᤂᤢ᤹ᤀᤡᤱᤃ ᤛᤍᤠᤍᤡᤱ ᤛᤍᤠᤍᤡᤱ ᤌᤠ᤺ᤱ ᤐᤣ᤺ᤰᤗᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤰᤂᤣ᤺ᤴ ᤛᤧᤴᤍᤡᤰ ᤗᤧᤴᤍᤡᤰ ᤀᤠᤵᤑᤠᤸᤗᤧᤀᤠᤱ ᤔᤧᤏᤢᤵᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤈᤥᤃᤢᤀᤠᤱ ᤁᤢᤔᤡᤱᤅᤡᤸᤗᤧᤴ ᤀᤡᤒᤢᤃᤧᤴ ᤔᤡᤰᤛᤣ᤺ᤴᤏᤡᤴ ᤔᤧᤗᤰᤋᤢᤀᤠᤱ ᤔᤧᤘᤕᤧᤖᤥ॥”  
\v 12 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤁᤧᤄᤧᤶᤒᤠᤜᤠ᤹ ᤏᤢ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤏᤠᤛᤡ ᤌ᤺ᤵᤔᤠᤀᤣ ᤐᤥ᤺ᤱᤗᤥ॥ 
\p  
\v 13 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤀᤡᤰᤗᤠᤎᤡᤰ ᤀᤰᤂᤣᤗ᤹ᤖᤡᤰ ᤐᤠᤖᤧᤒᤠ ᤂᤧᤵᤛᤢᤱ. “ᤁᤴ ᤐᤠ᤺ᤴᤏᤡᤴ ᤛᤠᤵᤋᤧ᤹. ᤀᤠᤸᤗᤀᤠᤱᤎᤥ ᤍᤠᤱᤒᤠᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤀᤠᤱ ᤁᤧᤛᤡ᤺ᤒᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡᤖᤥ॥” 
\p ᤛᤣᤛᤣᤔᤠᤱᤅᤡᤸᤗᤧ ᤐᤠ᤺ᤳᤋᤢ. “ᤛᤧᤰᤂᤠᤀᤣ ᤂᤧᤱᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤂᤧᤱᤜᤠ᤹ ᤂᤢᤏᤡ᤹ ᤕᤠᤶᤒᤢᤎᤡᤰᤗᤠᤶ ᤔᤧᤏᤠ᤺ᤶᤛᤡᤱ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰ ᤜᤠᤱᤛᤧᤶ ᤔᤧᤄᤥ᤺ᤛᤢ᤹ᤖᤥ॥” 
\s1 ᤆᤠ ᤛᤢᤶᤔᤠ ᤕᤧᤶ 
\p  
\v 14 ᤜᤧᤰᤁᤩᤠᤱ ᤀᤡᤱᤃᤠ᤹ “ᤔᤧᤴᤇᤠᤶᤛᤠ᤺ᤴ” ᤜᤧᤰᤋᤱᤒᤠᤎᤡᤰ ᤑ᤺ᤃᤧᤗ᤹ᤒᤠ ᤂᤠᤵᤔᤡ᤺ᤳᤋᤥ ᤕᤢᤅᤧᤒᤠ ᤏᤡ᤺ᤛᤢᤱᤗᤥ॥ ᤂᤢᤏᤧ᤹ ᤛᤠᤶᤔᤩᤠᤱ ᤋᤡᤆ᤺ᤴ ᤂᤢ᤺ᤰᤂᤢᤀᤠᤱ ᤐᤳᤇᤧ ᤜᤧᤰᤁᤩᤠᤱ ᤁᤢᤜᤢᤰᤁᤥ ᤂᤠᤃᤧᤛᤢᤰᤐᤠ ᤁᤠᤳᤆᤩᤠ᤺ᤴ ᤁᤳᤋᤢᤖᤥ॥  
\v 15 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤔᤠᤱᤜᤡᤶᤔᤥᤗᤠᤶ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤴ ᤗ᤺ᤴᤍᤧᤀᤠᤱ ᤂᤧᤸᤗᤧ ᤕᤶᤒᤠ ᤀᤡᤰᤗᤠᤀᤥ ᤂᤧᤴ ᤂᤠᤵᤔᤡ᤺ᤳᤋᤥ ᤁᤧᤕᤢᤱᤒᤠᤴ ᤔᤧᤳᤋᤢ. “ᤁᤧᤃᤠᤳᤆᤩᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤆᤠ ᤛᤢᤵᤛᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤆᤠ ᤛᤢᤶᤔᤠ ᤕᤧᤶᤔᤡᤴ ᤋᤩᤧᤀᤠᤱ ᤘᤠ᤹ ᤜᤧᤰᤁᤩᤠᤱ ᤐᤥᤃᤢᤃᤧᤴ ᤁᤢᤈᤠ᤺ᤴ\f * \fr 14:15 \ft ᤐᤥᤃᤢᤃᤧᤴ ᤁᤢᤈᤠ᤺ᤴ–ᤁᤴ ᤑᤠ᤹ᤀᤡᤴ ᤂᤢᤶᤍᤡᤱᤗᤧ ᤗᤠᤃᤡ ᤕᤠᤖᤡᤵ ᤁᤧᤘᤠ᤹ᤒᤠ ᤔᤏᤠᤛᤡᤖᤥ॥ \f* ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤋᤢᤶᤛᤧᤀᤠᤱ ᤏᤧᤖᤥ॥”  
\v 16 ᤜᤧᤰᤁᤩᤠᤱ ᤂᤧᤴ ᤂᤠᤵᤔᤡ᤺ᤳᤋᤥ ᤁᤧᤕᤢᤱᤒᤠᤸᤗᤧ ᤁᤢᤃᤠᤳᤆᤩᤠ᤺ᤴ ᤕᤠᤱᤛᤡᤱᤅᤠᤱ ᤜᤧᤃᤢᤖ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤆᤠ᤺ᤴ ᤛᤢᤵᤛᤢ᤹ᤖᤥ॥ 
\p  
\v 17 ᤂᤧᤴ ᤀᤣᤃᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥᤗᤠᤶ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤎᤡᤰ ᤗ᤺ᤴᤍᤧ॥ ᤂᤧᤸᤗᤧᤀᤠᤱ ᤁᤢᤜᤢᤰᤁᤥ ᤂᤠᤃᤧᤛᤢᤰᤐᤠ ᤁᤠᤳᤆᤩᤠ᤺ᤴ ᤁᤳᤋᤢᤖᤥ॥  
\v 18 ᤜᤧᤰᤁᤩᤠᤱ ᤛᤠᤱᤛᤡᤱ ᤜᤠ᤺ᤶᤔᤠᤍᤧᤴᤏᤥᤗᤠᤶ ᤔᤡ᤺ᤛᤶᤍᤠᤱ ᤕᤢᤰ ᤁᤧᤃᤵᤐᤠ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤴ ᤗ᤺ᤴᤍᤧᤀᤠᤱ ᤂᤧᤸᤗᤧ ᤂᤧᤴ ᤂᤠᤃᤧᤛᤢᤰᤐᤠ ᤁᤠᤳᤆᤩᤠ ᤁᤧᤃᤵᤐᤧᤴ ᤕᤶᤒᤠ ᤀᤡᤰᤗᤠᤀᤥ ᤀ᤺ᤰᤋᤧᤖ ᤔᤧᤳᤋᤢ. “ᤂᤧᤴ ᤂᤠᤃᤧᤛᤢᤰᤐᤠ ᤁᤧᤃᤠᤳᤆᤩᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤆᤧᤸᤗᤧᤰᤛᤣ᤹ᤜᤠ᤹ ᤛᤢᤵᤛᤧ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤃ ᤋᤢᤶᤛᤧᤄᤧᤖᤧᤀᤠᤱ ᤐᤳᤗᤥ॥”  
\v 19 ᤜᤧᤰᤁᤣ᤺ᤸᤗᤧ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤃᤠᤳᤆᤩᤠ᤺ᤴ ᤕᤠᤱᤛᤡᤱᤅᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤠᤰ ᤆᤧᤸᤗᤧᤰᤛᤣ᤹ᤜᤠ᤹ ᤛᤢᤵᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤡᤸᤗᤧᤴ ᤐᤕᤶ ᤕᤶᤒᤠ ᤆᤧᤸᤗᤧᤰᤛᤣ᤹ ᤀᤣ᤺ᤶᤔᤠᤍᤧᤴᤏᤥ ᤁᤣ᤺ᤳᤋᤢ᤹ᤖᤥ॥  
\v 20 ᤜᤧᤰᤁᤩᤠᤱ ᤕᤧᤰᤕᤰ ᤗᤠ᤺ᤰᤁᤠᤳ ᤆᤧᤸᤗᤧᤰᤛᤣ᤹ ᤀᤣ᤺ᤶᤔᤠᤍᤧᤴᤏᤥ ᤔᤧᤗᤠ᤺ᤰᤋᤢ ᤔᤧᤛ᤹ᤖᤢᤀᤠᤱ ᤂᤧᤵᤔᤥᤗᤠᤶ ᤔᤠᤰᤂᤡ᤹ ᤗ᤺ᤴᤍᤧᤖᤥ॥ ᤂᤧᤴ ᤔᤠᤰᤂᤡ᤹ᤀᤡᤴ ᤀᤴᤜᤠ᤹ᤖᤧ ᤂᤢᤏᤡ᤹ ᤁᤖᤧᤗᤡ ᤌᤠᤖᤡᤰ ᤌᤠ᤺ᤱ ᤌᤠᤅᤧᤀᤠᤱ ᤁᤢᤃᤡᤵ ᤛᤢᤶᤛᤡ (᥉᥆᥆) ᤁᤡᤗᤥᤔᤡᤋᤖ ᤌᤠᤖᤡᤰ ᤘᤠᤃᤢᤛᤧ ᤐᤣᤖᤥ॥ 
\c 15  
\s1 ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤏᤢ ᤏᤢᤛᤡ ᤔᤡᤴᤍᤣ᤹ᤜᤠ᤹ 
\p  
\v 1 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤘᤣ᤹ᤛ᤻ᤔᤠ ᤏᤡᤱᤘᤠ᤹ ᤁᤧᤔᤠᤒᤠ ᤏᤢ ᤐᤕᤶ ᤕᤶᤒᤠ ᤀᤡᤒᤢᤃᤧᤴ ᤔᤡᤰᤛᤣ᤺ᤴᤏᤡᤴ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ–ᤂᤧᤵᤔᤥ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤏᤢᤛᤡ ᤁᤢᤏᤢᤵᤔᤥᤒᤠ ᤔᤡᤴᤍᤣ᤹ᤜᤠ᤹ ᤔᤧᤃᤳᤋᤢᤖᤥ॥ ᤂᤧᤴ ᤔᤡᤴᤍᤣ᤹ᤜᤠ᤹ᤀᤥᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤡᤴ ᤏᤢᤒᤧᤀᤠᤱ ᤘᤠ᤹ᤖᤥ॥  
\v 2 ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤡ ᤏᤢ ᤁᤧᤒᤢᤵᤐᤠ ᤛᤧᤸᤗᤧᤱᤄᤥ ᤁᤢᤀᤡᤛᤡ᤺ᤰᤐᤠ ᤘᤠᤜᤱᤎᤡᤰ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤁᤢᤕᤠᤀᤥ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ. ᤁᤢᤏᤠᤘᤠᤀᤡᤳᤗᤠ ᤏᤢ ᤂᤧᤸᤗᤧ ᤁᤢᤔᤡᤱᤅᤡᤸᤗᤧ ᤁᤢᤄᤠᤏᤡ᤺ᤳᤋᤡᤴ ᤁᤧᤏᤠ᤺ᤶᤒᤠᤜᤠ᤹ ᤂᤧᤵᤔᤥ ᤔᤧᤕᤧᤒᤧᤒᤠ ᤏᤡ᤺ᤛᤢᤱᤛᤡᤱᤗᤥ॥ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤛᤡᤒᤠ ᤛᤠᤖᤠᤱᤃᤡᤜᤠ᤹ ᤔᤧᤃᤳᤋᤢᤖᤥ॥  
\v 3 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠ ᤔᤥᤛᤠᤖᤧ ᤁᤢᤛᤠᤶᤗᤥ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤛᤠᤶᤗᤥ᤺ᤴ ᤀᤰᤂᤣᤗ᤹ᤖᤡᤰ ᤛᤠᤶᤔᤧᤔᤧᤳᤋᤢ. 
\q1 “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. 
\q1 ᤂᤧᤏᤧ᤹ ᤁᤧᤕᤠ᤺ᤶᤒᤰᤜᤠ᤹ᤃ ᤐᤕᤶ ᤕᤶᤒᤠ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤆᤥ᤺ᤰᤗᤥ॥ 
\q1 ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤜᤠᤱᤅᤣ. 
\q1 ᤂᤧᤏᤧ᤹ ᤁᤧᤗᤠᤶᤜᤠ᤹ᤃ ᤏᤢ᤺ᤒᤠ ᤏᤢ ᤛᤧᤰᤂᤠᤒᤠ ᤆᤥ᤺ᤰᤗᤥ॥ 
\q1  
\v 4 ᤕᤜᤘᤣ ᤍᤠᤱᤒᤠᤀᤣ. 
\q1 ᤂᤧᤏᤧ᤹ᤃ ᤜᤠ᤺ᤳᤗᤧ ᤁᤧᤱᤃᤡᤳᤏᤧᤴᤒᤣ᥅ ᤜᤧᤰᤁᤩᤠᤱ ᤜᤠ᤺ᤳᤗᤧ ᤁᤧᤏᤠᤖᤠ ᤔᤧᤓᤥ᤺ᤛᤢᤶᤒᤣ᥅ 
\q1 ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤖᤰ ᤛᤣᤛᤣᤒᤠ ᤁᤧᤈᤥ᤺ᤰ॥ 
\q1 ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤔᤧᤍᤠ᤺ᤀᤠᤱ ᤂᤧᤏᤧ᤹ ᤛᤣᤘᤠ ᤁᤧᤶᤈᤥ᤺ᤰᤗᤥ. 
\q1 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤏᤡᤒᤠ ᤁᤧᤕᤠ᤺ᤶᤒᤰᤁᤡᤴ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥” 
\p  
\v 5 ᤜᤧᤰᤁᤩᤠᤱ ᤀᤥᤔᤧᤳᤋᤢᤱᤅᤡᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤢᤵᤐᤡᤸᤗᤧ ᤛᤠ᤺ᤱᤃᤠᤜᤡᤶᤔᤡᤴ ᤜᤖᤧᤒᤠ ᤏᤡ᤺ᤛᤢᤱᤗᤥ॥  
\v 6 ᤂᤧᤴ ᤜᤡᤶᤔᤥᤗᤠᤶ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤏᤢᤛᤡ ᤔᤡᤴᤍᤣ᤹ᤜᤠ᤹ ᤔᤧᤕᤠᤱᤛᤡᤱᤅᤠᤱ ᤗᤠ᤺ᤰᤁᤠᤳ ᤔᤧᤗ᤺ᤴᤍᤧᤖᤥ॥ ᤂᤧᤱᤜᤠ᤹ᤖᤧᤃ ᤑ᤺ ᤗ᤹ᤖᤡᤰ ᤁᤧᤀᤥ᤺ᤵᤐᤠ ᤏᤢ ᤛᤣᤛᤣᤒᤠ ᤋᤣ᤺ᤳ ᤔᤧᤈᤠᤰᤂᤢᤀᤠᤱ ᤔᤧᤘᤕᤧ. ᤜᤧᤰᤁᤩᤠᤱ ᤂᤢᤏᤡ᤹ ᤛᤱᤒᤣ᤹ᤀᤥ ᤐᤧᤷᤄᤧᤰ ᤛᤠᤶᤔᤩᤠᤱ ᤆᤧᤵᤑᤣᤳ ᤔᤧᤜᤣᤛᤢᤀᤠᤱ ᤐᤳᤇᤧᤖᤥ॥  
\v 7 ᤜᤧᤰᤁᤩᤠᤱ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ᤀᤥ ᤌᤡᤰᤁᤡᤸᤗᤧ ᤂᤧᤴ ᤁᤠᤰ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤛᤍᤠᤍᤡᤱ ᤛᤍᤠᤍᤡᤱ ᤁᤧᤜᤡᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤁᤢᤛᤠᤰᤁᤡᤸᤗᤧ ᤁᤧᤍᤡᤶᤒᤠ ᤏᤢᤛᤡ ᤛᤠᤶᤔᤩᤠᤱ ᤂᤥᤷᤕᤠᤜᤠ᤹ ᤐᤡᤖᤢᤛᤡᤖᤥ॥  
\v 8 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤏᤢ ᤁᤢᤔᤢᤰᤛᤠᤶᤗᤠᤶ ᤁᤧᤗ᤺ᤶᤒᤠ ᤔᤡ᤺ᤰᤂᤢ᤹ᤀᤡᤸᤗᤧ ᤔᤠᤱᤜᤡᤶᤔᤡᤴ ᤛᤡᤍᤠᤰ ᤌᤡᤶᤛᤢᤖᤥ॥ ᤂᤧᤴ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤔᤧᤍᤠᤖᤢᤒᤠ ᤂᤧᤴ ᤏᤢᤛᤡ ᤔᤡᤴᤍᤣ᤹ᤜᤠ᤹ ᤔᤧᤴᤃᤧᤳ ᤔᤧᤴᤈᤢ᤺ᤳᤋᤣ ᤌᤠᤖᤡᤰ ᤀᤠᤳᤋᤡᤴᤜᤠ᤹ᤀᤠᤱ ᤔᤠᤱᤜᤡᤶᤔᤥ ᤗᤠ᤺ᤵᤔᤠ ᤔᤧᤴᤇᤢᤰᤋᤧᤴᤗᤥ॥ 
\c 16  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤡᤸᤗᤧᤴ ᤏᤢᤛᤡ ᤂᤥᤷᤕᤠᤜᤠ᤹ 
\p  
\v 1 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤔᤠᤱᤜᤡᤶᤔᤥᤗᤠᤶ ᤁᤧᤗ᤺ᤶᤒᤠ ᤕᤶᤒᤠ ᤀᤡᤰᤗᤠ᤺ᤸᤗᤧ ᤂᤧᤴ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤔᤧᤳᤋᤢᤛᤡᤖ ᤕᤠᤃᤧᤒᤠ ᤂᤧᤵᤛᤢᤱ. “ᤐᤣᤃᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤡᤸᤗᤧᤴ ᤏᤢᤛᤡ ᤂᤥᤷᤕᤠᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤜᤢᤰᤂᤧᤶᤔᤧ᤹ᤀᤥ॥” 
\p  
\v 2 ᤜᤧᤰᤁᤩᤠᤱ ᤌᤡᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤴ ᤐᤣᤀᤠᤱ ᤁᤢᤄᤥᤷᤕᤠ᤺ᤴ ᤂᤠᤶᤒᤣ᤺ᤰᤔᤥ ᤜᤢᤰᤂᤢ. ᤜᤧᤰᤁᤩᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤀᤡᤒᤢᤃᤧᤴ ᤁᤢᤔᤡᤰᤛᤣ᤺ᤴᤏᤡᤴ ᤁᤧᤗᤰᤐᤠ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤛᤣ ᤔᤠᤱᤃᤧᤄ᤺ᤒᤠᤜᤠ᤹ ᤕᤠᤶᤃᤧᤛᤡᤱᤒᤠ ᤏᤢ ᤛᤠ᤹ᤖᤡᤰ ᤁᤧᤍᤢᤰᤐᤠ ᤕᤠᤱᤄᤣ᤺ᤰᤁᤡᤸᤗᤧ ᤂᤢᤏᤡ᤹ ᤌᤰᤁᤡᤴ ᤛᤡᤍᤧᤵ ᤋᤧᤵᤋᤢᤖ ᤗ᤺ᤴᤍᤧᤖᤥ॥ 
\p  
\v 3 ᤜᤧᤰᤁᤩᤠᤱ ᤏᤡᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤘᤠᤜᤱᤅᤥ ᤜᤢᤰᤂᤢ. ᤜᤧᤰᤁᤩᤠᤱ ᤂᤧᤴ ᤘᤠᤜᤱᤅᤡᤱᤃ ᤁᤧᤛᤡ᤺ᤒᤠ ᤔᤏᤠ᤺ᤸᤗᤧ ᤁᤢᤔᤠᤰᤂᤡ᤹ᤀᤡᤴ ᤜᤧᤰᤁᤣ ᤗᤧᤱᤛᤡᤱ ᤐᤣᤖᤥ॥ ᤜᤧᤰᤁᤣᤗ᤹ᤖᤡᤰ ᤂᤧᤵᤔᤥ ᤁᤧᤕᤠᤰᤐᤠ ᤁᤠᤰ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤔᤧᤛᤩᤧᤖᤥ॥ 
\p  
\v 4 ᤜᤧᤰᤁᤩᤠᤱ ᤛᤢᤶᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤕᤱᤄᤱ ᤏᤢ ᤘᤠᤒᤢᤴᤜᤠ᤹ᤀᤥ ᤜᤢᤰᤂᤢᤀᤠᤱ ᤂᤧᤱᤜᤠ᤹ ᤔᤠᤰᤂᤡ᤹ ᤐᤥ᤺ᤰᤂᤧ ᤐᤣᤖᤥ॥  
\v 5 ᤜᤧᤰᤁᤩᤠᤱ ᤆᤫᤠ᤺ᤳ ᤛᤶᤍᤠᤱ ᤕᤢᤰ ᤁᤧᤃᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣ ᤔᤧᤳᤋᤢᤒᤠ ᤀᤡᤱᤃᤠ᤹ ᤂᤧᤵᤛᤢᤱ. “ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤛᤣᤛᤣ ᤁᤧᤘᤕᤧ ᤜᤧᤰᤁᤩᤠᤱ ᤀᤠᤸᤗᤥᤀᤠᤱ ᤛᤣᤛᤣ ᤁᤧᤘᤠ᤹ᤖᤥ॥ ᤁᤴ ᤔᤡᤴᤍᤣ᤹ᤜᤠ᤹ ᤁᤧᤒᤠᤱᤄᤢᤀᤠᤱ ᤂᤠᤛᤧᤴ ᤁᤧᤈᤥᤃᤢᤛᤡᤸᤗᤧ ᤁᤧᤄᤠᤛᤧᤴᤏᤡᤴ ᤁᤢᤍᤥ᤺ᤵᤔᤠ ᤆᤥ᤺ᤰᤗᤥ॥  
\v 6 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤡ᤹ ᤔᤠᤰᤂᤡ᤹ᤀᤡᤴ ᤔᤧᤛᤧ᤺ᤛᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤔᤠᤰᤂᤡ᤹ᤀᤡᤴ ᤌᤢᤱᤔᤠ ᤁᤧᤒᤠᤱᤄᤢᤛᤡᤖᤥ॥ ᤂᤧᤱᤃ ᤂᤧᤱᤜᤠ᤹ ᤗᤠ᤹ᤖᤢᤛᤡᤒᤠ ᤂᤢᤶᤍᤡᤱᤅᤡᤴ ᤘᤕᤧᤖᤥ॥”  
\v 7 ᤜᤧᤰᤁᤩᤠᤱ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥᤗᤠᤶ ᤀᤰᤂᤣ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ. “ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤁᤧᤈᤥᤃᤢᤒᤠ ᤂᤠᤛᤧᤴᤏᤡᤴ ᤛᤧᤰᤂᤠᤒᤠ ᤏᤢ ᤛᤠᤶᤕᤥᤏᤡᤒᤠ ᤆᤥ᤺ᤰᤗᤥ॥” 
\p  
\v 8 ᤜᤧᤰᤁᤩᤠᤱ ᤗᤡᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤏᤠᤶᤔᤥ ᤜᤢᤰᤂᤢᤀᤠᤱ ᤏᤠᤶᤔᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤡ᤺ᤸᤗᤧ ᤀᤥ᤹ᤔᤠᤛᤡ ᤕᤢᤰ ᤂᤥ᤺ᤛᤢᤖᤥ॥  
\v 9 ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤠᤶᤔᤡᤸᤗᤧ ᤛᤠ᤹ᤖᤡᤰ ᤀᤥ᤹ᤖᤢᤛᤡᤸᤗᤧ ᤂᤧᤴ ᤔᤡᤴᤍᤣ᤹ᤜᤠ᤹ ᤛᤶᤍᤠᤱ ᤕᤢᤰ ᤁᤧᤃᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤱᤃᤪᤠ ᤔᤧᤔᤧᤳᤋᤢᤖᤥ॥ ᤜᤧᤰᤁᤣᤛᤠᤱ ᤂᤧᤱᤜᤠ᤹ ᤂᤢᤏᤡ᤹ ᤑᤧᤴ ᤕᤠ᤺ᤶᤒᤰᤁᤥᤏᤢ ᤔᤧᤴᤜᤡᤴᤍᤧᤴ ᤜᤧᤰᤁᤩᤠᤱ ᤂᤢᤏᤧ᤹ ᤔᤡᤔᤡᤍᤡᤱᤅᤠᤱ ᤔᤧᤶᤒᤡᤖᤢᤴᤗᤥ॥ 
\p  
\v 10 ᤜᤧᤰᤁᤩᤠᤱ ᤅᤠᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤜᤠᤱᤕᤢᤰᤏᤠ ᤛᤶᤍᤠᤱ ᤜᤢᤰᤂᤢᤖᤥ॥ ᤜᤧᤰᤁᤩᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤁᤢᤜᤠᤱᤈᤢᤶᤔᤡᤴ ᤔᤠᤰᤆᤡᤃᤧᤴ ᤂᤠᤍᤠᤶᤔᤠᤸᤗᤧ ᤛᤡᤍᤧᤵ ᤋᤧᤵᤋᤢᤖᤥ॥ ᤜᤧᤰᤁᤩᤠᤱ ᤛᤠ᤹ᤖᤡᤰ ᤋᤢᤰᤂᤣ᤺ᤸᤗᤧ ᤆᤥᤃᤢᤸᤗᤧ ᤂᤧᤵᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤜᤠᤒᤧ ᤔᤧᤓᤡ᤺ᤰᤋᤧᤖᤥ॥  
\v 11 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤠᤱᤄᤣ᤺ᤰᤜᤠ᤹ ᤛᤠ᤹ᤖᤡᤰ ᤋᤢᤃᤧᤒᤠᤸᤗᤧ ᤆᤥᤃᤢᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤱᤃᤪᤠ ᤔᤧᤔᤧᤳᤋᤢᤖᤥ॥ ᤀᤠᤸᤗᤛᤠᤱ ᤂᤧᤱᤜᤠ᤹ ᤂᤢᤏᤡ᤹ ᤑᤧᤴ ᤕᤠ᤺ᤶᤒᤰᤁᤥᤏᤢ ᤔᤧᤴᤜᤡᤴᤍᤧᤴᤗᤥ॥  
\v 12 ᤜᤧᤰᤁᤩᤠᤱ ᤋᤢᤰᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤐᤕᤶ ᤕᤶᤒᤠ ᤕᤢᤑᤪᤣᤋᤡᤛ ᤘᤠᤜᤱᤅᤥ ᤜᤢᤰᤂᤢᤀᤠᤱ ᤂᤧᤵᤔᤥᤒᤠ ᤆᤫᤠ᤺ᤳᤋᤡᤴ ᤆᤒᤧᤒᤣᤖᤥ. ᤜᤧᤰᤁᤩᤠᤱ ᤏᤠᤶᤃᤧᤴ ᤐᤡᤛᤠᤱᤗᤠᤶ ᤌᤱ ᤆᤥ᤺ᤰᤛᤧ ᤁᤧᤓᤧᤶᤒᤠ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤔᤠᤖᤠᤶᤔᤡᤴ ᤕᤠᤖᤡᤵ ᤐᤥ᤺ᤰᤂᤧᤖᤥ॥  
\v 13 ᤜᤧᤰᤁᤩᤠᤱ ᤂᤧᤵᤔᤥ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤸᤗᤧ ᤁᤢᤔᤢᤖᤠᤀᤥᤗᤠᤶ. ᤌᤰᤛᤠ᤺ᤸᤗᤧ ᤁᤢᤔᤢᤖᤠᤀᤥᤗᤠᤶ ᤜᤧᤰᤁᤩᤠᤱ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤁᤢᤔᤢᤖᤠᤀᤥᤗᤠᤶ ᤛᤢᤶᤛᤡ ᤐᤍ᤺ᤰ ᤜᤧᤰᤋᤱᤒᤠ ᤀᤠᤈᤡ᤺ᤴᤈᤡ᤺ᤶᤒᤠ ᤑᤧᤴᤛᤠᤶᤜᤠ᤹ ᤔᤧᤗ᤺ᤴᤍᤧᤒᤠ ᤏᤡ᤺ᤛᤢᤱᤛᤡᤱᤗᤥ॥  
\v 14 ᤂᤧᤱᤜᤠ᤹ᤃ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤑᤧᤴᤛᤠᤶᤛᤡᤖᤥ॥ ᤂᤧᤱᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤜᤠᤱᤜᤠ᤹ᤀᤥ ᤔᤧᤒᤣ᤺ᤰᤁᤠᤱ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤕᤶ ᤕᤶᤒᤠ ᤁᤢᤕᤧᤴᤏᤥ ᤌᤱ ᤆᤥ᤺ᤰᤛᤧ ᤂᤧᤱᤜᤠ᤹ ᤔᤧᤛᤢᤵᤛᤢ ᤔᤧᤍᤠᤖᤢᤛᤡ᤹॥ 
\q1  
\v 15 ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹. “ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤥ᥄ ᤀᤡᤱᤃᤠ᤹ᤃ ᤁᤧᤄᤢ᤺ᤵᤐᤠ ᤁᤢᤀᤡᤛᤡ᤺ᤰ ᤛᤫᤠ᤺ᤳᤋᤠᤱ ᤋᤠᤀᤠᤖᤥ॥ ᤜᤠ᤺ᤳ ᤔᤧᤴᤀᤡᤶᤔᤣ ᤛᤡᤱᤛᤡᤱ ᤘᤠ᤹ᤀᤠᤱ ᤁᤢᤍᤣ᤺ᤳ ᤆᤠᤱᤜᤠ᤹ ᤂᤢᤏᤧ᤹ᤏᤢ ᤁᤳᤋᤢ ᤂᤧᤱᤃ ᤔᤢ᤹ᤀᤡᤛᤠᤒᤠᤖᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤗᤧᤰᤆᤠᤒᤧᤎᤡ᤺ᤰ ᤗᤠᤱᤄᤣ᤺ᤰᤔᤠᤀᤠᤱ ᤛᤡᤖᤡᤱ ᤔ᤺ᤔᤥ ᤌᤠ᤺ᤔᤠ ᤔᤧᤒᤥ᤺ᤱᤏᤧᤸᤗᤥ॥” 
\p  
\v 16 ᤜᤧᤰᤁᤩᤠᤱ ᤜᤡᤒᤪᤢ ᤐᤠ᤺ᤴᤍᤠᤱᤅᤥ “ᤀᤠᤖᤔᤠᤃᤧᤍ᤻ᤍᤥᤏ” ᤔᤧᤵᤔᤏᤠᤒᤠ ᤋᤧᤴᤏᤥ ᤂᤧᤴ ᤑᤧᤴᤛᤠᤶᤜᤠ᤹ᤖᤧ ᤁᤠᤰ ᤜᤠᤱᤜᤠ᤹ ᤔᤧᤛᤢᤵᤛᤢᤛᤡ᤹॥ 
\p  
\v 17 ᤜᤧᤰᤁᤩᤠᤱ ᤏᤢᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤄᤥᤷᤕᤠ᤺ᤴ ᤛᤢᤖᤡᤳ ᤁᤣᤈᤱᤅᤥ ᤜᤢᤰᤂᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤥᤒᤠ ᤜᤠᤱᤕᤢᤰᤏᤠᤗᤠᤶ ᤀᤠᤸᤗ ᤆᤢᤖᤧᤖᤥ ᤁᤧᤗ᤹ᤒᤠ ᤕᤶᤒᤠ ᤀᤡᤰᤗᤠᤎᤡᤰ ᤋᤩᤧᤖᤥ॥  
\v 18 ᤜᤧᤰᤁᤩᤠᤱ ᤂᤧᤵᤔᤥ ᤛᤠ᤺ᤶᤓᤣ ᤗᤧᤰᤋᤧ. ᤋᤠᤱᤛᤠᤰᤐᤧᤴ ᤂᤧᤖᤧᤱ ᤄᤢᤖᤢᤱ ᤗ᤹ᤖᤡᤰ ᤗᤥ᤺ᤰᤂᤢ. ᤜᤧᤰᤁᤩᤠᤱ ᤁᤡᤵᤔᤠ ᤁᤧᤄᤢ᤺ᤒᤠ ᤗᤢᤵᤗᤡ ᤌᤠᤅᤧᤖᤥ॥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤧᤀᤠᤱᤎᤥ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤀᤰᤋᤱᤒᤠ ᤛᤠ᤹ᤖᤡᤰ ᤁᤡᤵᤔᤠ ᤁᤧᤄᤢ᤺ᤒᤠ ᤗᤢᤵᤗᤡ ᤌᤠᤅᤧᤒᤠᤃ ᤀᤠᤵᤑᤠᤸᤗᤧᤀᤠᤱ ᤔᤧᤴᤏᤡᤀᤣ ᤔᤧᤘᤕᤧᤖᤥ॥  
\v 19 ᤜᤧᤰᤁᤩᤠᤱ ᤂᤧᤴ ᤐᤕᤶ ᤕᤶᤒᤠ ᤕᤧᤰᤕᤰ ᤒᤧᤒᤡᤗᤥᤏᤡᤴ ᤂᤧᤸᤗᤧᤰ ᤐ᤺ᤰᤂᤧᤖ ᤛᤢᤶᤛᤡ ᤗᤰᤁᤥ ᤜᤠ᤺ᤛᤡᤱᤗᤥ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤗᤠᤈᤣ᤹ᤒᤠ ᤕᤧᤰᤕᤰᤜᤠ᤹ ᤌᤩ᤺ᤱ ᤐᤥ᤺ᤰᤂᤧᤖᤥ॥ ᤒᤧᤒᤡᤗᤥᤏᤖᤧ ᤁᤠᤰ ᤁᤢᤗᤠᤕᤥᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡ᤺ᤳᤋᤢᤀᤠᤱ ᤁᤡᤵᤔᤠ ᤁᤧᤄᤢ᤺ᤒᤠ ᤁᤢᤛᤠᤰᤁᤧᤴᤏᤡᤸᤗᤧ ᤁᤧᤍᤡᤶᤒᤠ ᤂᤥᤷᤕᤠᤗᤠᤶ ᤂᤧᤴ ᤌᤢᤱᤔᤠ ᤐᤠᤱᤄᤢᤖᤥ॥  
\v 20 ᤗᤢᤵᤗᤡ ᤌᤠᤅᤧᤒᤠᤸᤗᤧ ᤆᤥᤃᤢᤸᤗᤧ ᤁᤠᤰ ᤘᤠᤃᤵᤗᤠᤈᤣ᤹ᤜᤠ᤹ ᤏᤢ ᤁᤥ᤺ᤰᤔᤠ ᤑᤠᤱᤈᤱᤜᤠ᤹ ᤔᤧᤔᤕᤧ ᤔᤧᤒᤣᤖᤥ॥  
\v 21 ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ ᤛᤶᤍᤠᤱ ᤋᤠᤱᤛᤠᤰᤐᤥᤗᤠᤶ ᤕᤶᤒ᤻ ᤕᤶᤒᤠ ᤑ᤺ᤴ ᤌᤩᤧᤖᤥ॥ ᤂᤧᤴ ᤑ᤺ᤴᤏᤡᤱᤃ ᤗᤡᤒᤥ᤺ᤱ (᥊᥆) ᤗᤡᤒᤥ᤺ᤱ ᤁᤡᤗᤥ ᤌᤠᤖᤡᤰ ᤁᤧᤗᤡ᤺ᤵᤐᤠ ᤆᤥᤃᤧᤖᤥ॥ ᤜᤧᤰᤁᤩᤠᤱ ᤂᤧᤴ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧᤃ ᤁᤴ ᤑ᤺ᤴᤏᤡᤸᤗᤧᤴ ᤔᤡᤴᤍᤣ᤹ᤀᤡᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤱᤃᤪᤠ ᤔᤧᤔᤧᤳᤋᤢᤖᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤔᤡᤴᤍᤣ᤹ᤀᤡᤱᤃ ᤛᤠ᤹ᤖᤡᤰ ᤁᤡᤵᤔᤠ ᤁᤧᤄᤢ᤺ᤒᤠ ᤆᤥᤃᤧᤖᤥ॥ 
\c 17  
\s1 ᤔᤧᤴᤇᤢᤔᤠ᤹ ᤏᤢ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠᤴ 
\p  
\v 1 ᤜᤧᤰᤁᤩᤠᤱ ᤂᤧᤴ ᤂᤥᤷᤕᤠᤜᤠ᤹ ᤁᤧᤃᤵᤐᤠ ᤂᤧᤴ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤀᤥ ᤌᤡᤰᤐᤠ ᤑᤧᤖᤧᤀᤠᤱ ᤀᤰᤂᤣ ᤔᤧᤳᤋᤠᤱ. “ᤑᤧᤖᤧ᤹. ᤀᤡᤱᤃᤠ᤹ ᤂᤧᤏᤧ᤹ ᤂᤧᤴ ᤁᤢᤀᤡᤱ ᤁᤢᤏᤠᤶ ᤁᤧᤛᤧ᤺ᤔᤠ ᤁᤧᤳᤏᤡᤔᤠᤸᤗᤧ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤂᤢᤶᤍᤡᤱᤅᤡᤴ ᤀᤥᤛᤣ᤺ᤴᤎᤠᤰᤏᤧ᤹ᤖᤥ॥ ᤂᤧᤴ ᤁᤧᤳᤏᤡᤔᤠᤴ ᤕᤖᤡᤰ ᤆᤫᤠ᤺ᤳᤋᤡᤸᤗᤧ ᤁᤢᤒᤣᤛᤠᤱ ᤁᤧᤏᤧᤒᤠ ᤕᤶᤒᤠ ᤕᤧᤰᤕᤰᤁᤡᤴᤗᤥ॥  
\v 2 ᤂᤧᤴ ᤁᤧᤳᤏᤡᤔᤠᤴᤏᤢᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤜᤠᤱᤜᤠ᤹ᤖᤧ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤡᤈᤱᤘᤠ᤺ᤸᤗᤧ ᤔᤕᤢᤛᤡᤒᤠ ᤜᤧᤰᤁᤣ ᤂᤢᤏᤧ᤹ ᤁᤢᤓᤧᤴ ᤕᤠ᤺ᤶᤒᤰᤁᤡᤸᤗᤧ ᤔᤕᤢᤛᤡᤀᤠᤱ ᤔᤧᤘᤠ᤹ᤖᤥ॥” 
\p  
\v 3 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤠᤱᤅᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤀᤣ᤺ᤰᤛᤠᤍᤧᤴᤏᤥ ᤐᤰᤂᤠᤱ ᤋᤣ᤹ᤖᤠᤱᤗᤥ॥ ᤜᤧᤰᤁᤩᤠᤱ ᤂᤧᤵᤔᤥ ᤏᤢᤛᤡ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤏᤢ ᤌᤡᤒᤥ᤺ᤱ ᤁᤢᤍᤠᤱ ᤁᤧᤕᤢᤱᤒᤠ ᤜᤧ᤺ᤳ ᤁᤧᤗ᤹ᤒᤠ ᤌᤰᤛᤠ ᤛᤶᤍᤠᤱ ᤔᤧᤴᤇᤢᤔᤠ᤹ᤎᤡᤰ ᤕᤢᤅᤧᤒᤠ ᤏᤡ᤺ᤛᤢᤱ॥ ᤂᤧᤴ ᤌᤰᤛᤠ᤺ᤸᤗᤧ ᤁᤢᤎᤰ ᤁᤢᤗᤧᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤔᤡᤱᤜᤠ᤹ ᤛᤠᤵᤋᤧᤀᤠᤱ ᤐᤳᤇᤧ॥  
\v 4 ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤱᤃ ᤐᤖᤠᤴᤗᤠ ᤏᤢ ᤜᤧ᤺ᤳ ᤁᤧᤗ᤹ᤒᤠ ᤆᤠᤱ ᤆᤠᤰᤛᤡᤱᤅᤠᤱ ᤛᤠᤶᤔᤩᤠᤱ. ᤔᤢᤎᤡᤱᤗᤢᤱ ᤏᤢ ᤋᤧᤰᤛᤣ᤺ᤰᤗᤢᤱᤜᤠ᤹ ᤘᤠ᤺ᤳᤇᤡᤱ ᤆᤥ᤺ᤰᤛᤡᤱᤅᤠᤱ ᤘᤕᤧᤖᤥ॥ ᤂᤧᤸᤗᤧ ᤁᤢᤜᤢᤰᤁᤥ ᤛᤡᤰᤁᤧᤗᤧ᤺ᤱᤒᤠ ᤏᤢ ᤕᤠᤶᤃᤧᤛᤡᤱᤒᤠ ᤐᤠ᤺ᤴᤜᤠ᤹ ᤜᤧᤰᤁᤩᤠᤱ ᤁᤢᤓᤧᤴ ᤕᤠ᤺ᤶᤒᤰᤜᤠ᤹ᤖᤧ ᤁᤧᤍᤡᤶᤒᤠ ᤛᤠᤶᤔᤩᤠᤱ ᤂᤥᤷᤕᤠ᤺ᤴ ᤐᤰᤂᤢᤀᤠᤱ ᤘᤕᤧᤖᤥ॥  
\v 5 ᤜᤧᤰᤁᤩᤠᤱ ᤂᤧᤸᤗᤧ ᤁᤢᤍᤥ᤹ᤘᤠᤒᤥᤃ ᤁᤢᤒᤣ ᤁᤢᤛᤡᤱ ᤏᤡ᤺ᤵᤔᤧᤴᤍᤧᤵᤔᤏᤠᤒᤠ ᤔᤡᤱᤎᤡᤰ ᤛᤠᤵᤋᤧᤀᤠᤱ ᤐᤳᤇᤧᤖᤥ– 
\q1 “ᤐᤕᤶᤒ᤻ ᤕᤶᤒᤠ ᤕᤧᤰᤕᤰ ᤒᤧᤒᤡᤗᤥᤏ. 
\q1 ᤁᤧᤳᤏᤡᤔᤠᤜᤠ᤹ᤖᤧ ᤂᤢᤏᤡ᤹ ᤔᤠ. 
\q1 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤛᤡᤰᤁᤧᤗᤧ᤺ᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤔᤠᤖᤥ॥” 
\m  
\v 6 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤀᤥᤔᤧᤳᤋᤢᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣ ᤔᤏᤠᤜᤠ᤹ ᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤖᤢᤔᤣᤜᤠ᤹ᤖᤧ ᤂᤢᤏᤡ᤹ ᤔᤠᤰᤂᤡ᤹ᤀᤡᤸᤗᤧ ᤔᤕᤢᤀᤠᤱ ᤘᤕᤧᤒᤠ ᤏᤡ᤺ᤛᤢᤱᤅᤠᤱ ᤛᤠ᤹ᤖᤡᤰ ᤀᤠᤏᤡᤱᤘᤠ᤹ ᤔᤕᤧᤖᤥ॥ 
\p  
\v 7 ᤁᤖ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤀᤰᤂᤣ ᤔᤧᤳᤋᤠᤱ. “ᤌᤣᤀᤠᤱ ᤁᤧᤏᤡᤱᤘᤠ᤹ ᤔᤠ᤺ᤒᤠᤒᤣ᥅ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤢ ᤏᤢᤛᤡ ᤁᤢᤎᤧᤃᤣ᤺ᤰ ᤁᤧᤒᤵᤐᤠ ᤜᤧᤰᤁᤩᤠᤱ ᤌᤡᤒᤥ᤺ᤱ ᤁᤢᤍᤠᤱ ᤁᤧᤕᤢᤱᤒᤠ ᤌᤰᤛᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤡᤒᤡ᤹ ᤐᤠ᤺ᤴᤏᤡᤴ ᤀᤡᤱᤃᤠ᤹ ᤔᤧᤳᤏᤧ᤹ᤖᤥ॥  
\v 8 ᤂᤧᤴ ᤁᤧᤏᤡ᤺ᤛᤢᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤱᤃ ᤁᤢᤜᤡᤱᤘᤧᤳ ᤘᤕᤧ. ᤁᤖ ᤂᤧᤴ ᤀᤠᤸᤗᤥ ᤜᤥ᤺ᤵᤗᤥ॥ ᤂᤧᤱᤃ ᤕᤠᤶᤔᤥ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤥᤗᤠᤶ ᤌᤠᤱᤅᤠᤱ ᤔᤧᤴᤏᤢᤵᤔᤏᤠᤒᤠ ᤔᤧᤰᤔᤠᤀᤥ ᤐᤣ᤺ᤰᤗᤥ॥ ᤜᤧᤰᤁᤩᤠᤱ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤧᤀᤠᤱᤎᤥ ᤜᤡᤱᤔᤴᤗᤧᤴ ᤛᤠᤵᤐᤴᤏᤥ ᤂᤢᤏᤡ᤹ ᤔᤡᤱ ᤔᤧᤶᤒᤵᤔᤏᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤁᤴ ᤁᤧᤛᤡ᤺ᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤕᤠᤶᤔᤥ ᤁᤢᤜᤡᤱᤘᤧᤳ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤠᤖᤥ॥ 
\p  
\v 9 ᤜᤧᤰᤁᤩᤠᤱ ᤁᤴ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤆᤠᤜᤠᤒᤠ ᤆᤥ᤺ᤰᤗᤥ॥ ᤂᤧᤴ ᤏᤢᤛᤡ ᤌᤧᤃᤣ᤺ᤰᤐᤠᤜᤠ᤹ᤃ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤕᤢᤱᤒᤠ ᤏᤢᤛᤡ ᤁᤥ᤺ᤰᤔᤠᤜᤠ᤹ᤖᤥ॥  
\v 10 ᤂᤧᤴ ᤏᤢᤛᤡ ᤌᤧᤃᤣ᤺ᤰᤐᤠᤜᤠ᤹ᤃ ᤏᤢᤛᤡ ᤜᤠᤱᤛᤡᤀᤠᤱᤗᤥ॥ ᤅᤠᤛᤡ ᤜᤠᤱᤜᤠ᤹ᤃ ᤀᤠᤛᤣ᤺ᤴᤇᤠ ᤔᤧᤛᤩᤧ ᤔᤧᤒᤣᤖᤥ. ᤋᤢᤰᤛᤡᤃᤣ᤺ᤰᤐᤠᤸᤗᤧ ᤀᤠᤸᤗᤥ ᤜᤠᤱ ᤆᤥᤃᤢ᤹ ᤜᤧᤰᤁᤩᤠᤱ ᤏᤢᤛᤡᤃᤣ᤺ᤰᤐᤠᤱᤃ ᤋᤠᤔᤠᤀᤣ ᤘᤠ᤹ᤖᤥ॥ ᤁᤖ ᤂᤧᤴ ᤋᤠᤀᤠᤱ ᤛᤵᤑᤠᤖᤰ ᤜᤠᤱ ᤆᤥᤃᤢ᤹ᤖᤥ॥  
\v 11 ᤂᤧᤴ ᤋᤃᤡ ᤁᤢᤜᤡᤱᤘᤧᤳ ᤁᤧᤘᤠ᤹ᤒᤠ ᤁᤖ ᤀᤠᤸᤗᤥ ᤁᤧᤜᤥ᤺ᤵᤐᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤕᤧᤳᤇᤡᤃᤣ᤺ᤰᤐᤠ ᤜᤠᤱᤗᤥ॥ ᤂᤧᤴ ᤘᤣ᤹ᤛ᤻ᤔᤠ ᤏᤢᤛᤡ ᤜᤠᤱᤜᤠ᤹ ᤜᤧᤰᤋᤱᤒᤠ ᤆᤥ᤺ᤰᤗᤥ. ᤜᤧᤰᤁᤩᤠᤱ ᤂᤧᤴᤏᤠᤱ ᤔᤧᤰᤗᤥ॥ 
\p  
\v 12 ᤂᤧᤴ ᤁᤧᤏᤡ᤺ᤛᤢᤒᤠ ᤌᤡᤒᤥ᤺ᤱ ᤁᤢᤍᤠᤱᤜᤠ᤹ᤃ ᤌᤡᤒᤥ᤺ᤱ ᤜᤠᤱᤛᤡᤖᤥ॥ ᤂᤧᤱᤜᤠ᤹ᤖᤧᤃ ᤀᤠᤸᤗ ᤌᤠᤖᤡᤰ ᤜᤠᤱ ᤆᤥ᤺ᤰᤔᤠ ᤕᤢᤰ ᤔᤧᤱᤄᤥᤀᤣ ᤔᤧᤘᤠ᤹ᤖᤥ. ᤁᤖ ᤂᤧᤱᤜᤠ᤹ᤖᤧ ᤌᤰᤛᤠ᤺ᤴᤏᤢ ᤛᤥᤖᤡᤰ ᤛᤵᤑᤠᤖᤰ ᤜᤠᤱ ᤆᤥ᤺ᤰᤔᤠ ᤕᤢᤰ ᤔᤧᤄᤥ᤺ᤛᤢ᤹ᤖᤥ॥  
\v 13 ᤂᤧᤱᤜᤠ᤹ᤖᤧᤃ ᤌᤡᤰ ᤜᤢᤵ ᤔᤧᤒᤥ᤺ᤱᤅᤠᤱ ᤂᤢᤏᤡ᤹ ᤔᤢᤰᤛᤠᤶ ᤏᤢ ᤕᤢᤰᤁᤡᤴ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤔᤧᤒᤡᤖᤢ᤹ᤖᤥ॥  
\v 14 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤱ ᤔᤧᤈᤥᤃᤢ᤹. ᤁᤖ ᤔᤧᤸᤗᤢᤰᤛᤠ᤺ᤸᤗᤧ. ᤂᤢᤏᤧ᤹ ᤀᤢ᤺ᤳᤋᤢᤛᤡᤒᤠ ᤛᤣᤃᤢᤛᤡᤒᤠ ᤏᤛᤠ᤺ᤴᤛᤠᤒᤠᤜᤠ᤹ᤏᤢ ᤛᤥᤖᤡᤰ. ᤂᤧᤱᤜᤠ᤹ ᤏᤠ᤺ᤴᤍᤢᤛᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤔᤧᤸᤗᤢᤰᤛᤠ᤺ᤱᤃ ᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤍᤠᤱᤒᤠ ᤏᤢ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤜᤠᤱᤗᤥ॥” 
\p  
\v 15 ᤜᤧᤰᤁᤩᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤂᤧᤴ ᤁᤢᤀᤡᤱ ᤁᤢᤏᤠᤶ ᤁᤧᤛᤧ᤺ᤔᤠ ᤁᤧᤳᤏᤡᤔᤠᤴ ᤕᤢᤱᤒᤠ ᤆᤫᤠ᤺ᤳᤜᤠ᤹ᤃ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤗᤠᤈᤣ᤹ᤜᤠ᤹ ᤏᤢ ᤐᤠ᤺ᤴᤍᤠᤱᤛᤡᤖᤥ॥  
\v 16 ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤂᤧᤴ ᤜᤧ᤺ᤳ ᤁᤧᤗ᤹ᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤏᤢ ᤌᤡᤒᤥ᤺ᤱ ᤋᤠᤱᤜᤠ᤹ᤖᤧ ᤂᤧᤴ ᤁᤧᤳᤏᤡᤔᤠᤴ ᤔᤧᤈᤡ᤺ᤳᤋᤢᤀᤠᤱ ᤂᤧᤸᤗᤧ ᤁᤳᤋᤢᤒᤠ ᤁᤠᤰ ᤐᤠ᤺ᤴᤜᤠ᤹ ᤔᤧᤏᤠᤵᤋᤢᤀᤠᤱ ᤂᤧᤴ ᤗᤧᤰᤆᤠᤒᤧᤎᤡ᤺ᤰ ᤔᤧᤈᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤏᤧᤰᤛᤠ᤺ᤴ ᤔᤧᤈᤀᤠᤱ ᤁᤧᤏᤶᤒᤠᤴ ᤔᤡ ᤔᤧᤎᤡᤰᤂᤢ᤹ᤖᤥ॥  
\v 17 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤜᤠ᤹ ᤔᤧᤱᤃᤧᤳᤋᤣ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡ᤺ᤳᤋᤢᤒᤠ ᤁᤢᤏᤡᤱᤘᤠ᤹ ᤜᤧᤰᤁᤣᤀᤣ ᤂᤧᤴ ᤌᤡᤒᤥ᤺ᤱ ᤜᤠᤱᤜᤠ᤹ ᤆᤥ᤺ᤰ ᤐᤠᤱᤄᤢᤛᤡ᤹. ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤃ ᤌᤡᤰᤜᤢᤵ ᤔᤧᤒᤥ᤺ᤱᤅᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤂᤢᤏᤡ᤹ ᤜᤠᤱ ᤆᤥ᤺ᤰᤔᤠ ᤕᤢᤰᤁᤡᤴ ᤔᤧᤒᤡᤖᤢ᤹ᤖᤥ॥  
\v 18 ᤂᤧᤏᤧ᤹ ᤁᤧᤏᤡ᤺ᤛᤢᤔᤠ ᤂᤧᤴ ᤔᤧᤴᤇᤢᤔᤠ᤹ᤀᤡᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ ᤛᤶᤍᤠᤱ ᤕᤢᤰ ᤁᤧᤈᤥ᤺ᤰᤔᤠ ᤐᤕᤶ ᤕᤶᤒᤠ ᤕᤧᤰᤕᤰᤁᤡᤴᤗᤥ॥” 
\c 18  
\s1 ᤒᤧᤒᤡᤗᤥᤏ ᤕᤧᤰᤕᤰᤁᤡᤴ ᤔᤧᤰ 
\p  
\v 1 ᤂᤧᤴ ᤀᤣᤃᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤐᤕᤶ ᤕᤶᤒᤠ ᤕᤢᤰᤛᤠᤒᤠ ᤘᤣ᤹ᤛ᤻ᤔᤠ ᤔᤠᤱᤗᤠᤀᤡᤱᤒᤠᤎᤡᤰ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤁᤢᤔᤡᤔᤡᤍᤡᤱᤅᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤌᤥ᤹ᤖᤢᤖᤥ॥  
\v 2 ᤜᤧᤰᤁᤩᤠᤱ ᤂᤧᤸᤗᤧ ᤐᤕᤶ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤖ ᤀ᤺ᤰᤋᤧᤖᤥ. 
\q1 “ᤒᤧᤒᤡᤗᤥᤏᤡᤴ ᤔᤧᤃᤧᤖᤥ. ᤐᤕᤶ ᤕᤶᤒᤠ ᤕᤧᤰᤕᤰᤁᤡᤴ ᤔᤧᤃᤧᤖᤥ᥄ ᤂᤧᤴ ᤀᤠᤸᤗ ᤗᤣ᤺ᤳᤇᤠᤶ ᤑᤢᤱᤛᤠᤶ ᤏᤢ ᤑᤧᤴᤛᤠᤶᤜᤠ᤹ᤖᤧ ᤂᤢᤏᤡ᤹ ᤘᤠ᤹ᤔᤠ ᤋᤧᤴ ᤐᤥ᤺ᤰᤂᤧᤀᤠᤱ ᤘᤠ᤹॥ ᤂᤧᤵᤔᤥᤃ ᤁᤠᤰ ᤐᤖᤡᤰᤗᤧᤴ ᤛᤡᤰᤁᤧᤗᤧ᤺ᤱᤒᤠ ᤏᤢ ᤀᤠᤛᤢᤳᤌᤥ ᤐᤢᤜᤠ᤹ ᤕᤠᤱᤔᤧᤎᤥ᤺ᤰᤗᤥ॥  
\v 3 ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥ ᤁᤧᤘᤠ᤹ᤒᤠ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤁᤢᤕᤠᤶᤒᤥ᤺ᤵᤔᤠ ᤛᤡᤈᤱᤘᤠ᤺ᤸᤗᤧ ᤔᤕᤢᤛᤡ॥ ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤜᤠᤱᤜᤠ᤹ᤖᤧ ᤂᤧᤴᤏᤢ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤔᤧᤈᤥᤃᤢ. ᤜᤧᤰᤁᤩᤠᤱ ᤂᤧᤸᤗᤧ ᤕᤠᤶᤍᤠᤍᤠ ᤏᤢ ᤏᤡᤱᤘᤠ᤹ᤋᤠᤍᤠᤒᤠ ᤁᤢᤜᤡᤱᤔᤴᤏᤡᤸᤗᤧ ᤆᤥᤃᤢᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤗᤧᤱᤜᤱᤒᤠᤜᤠ᤹ ᤛᤠ᤹ᤖᤡᤰ ᤕᤠᤱᤛᤠᤁᤢᤴᤎᤣᤛᤠᤒᤠ ᤔᤧᤒᤥ᤺ᤰᤂᤧᤖᤥ॥” 
\p  
\v 4 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤘᤣ᤹ ᤀᤡᤰᤗᤠᤎᤡᤰ ᤂᤧᤵᤛᤢᤱᤗᤥ. 
\q1 “ᤀᤠᤕᤠᤵᤔᤡᤛᤣ. ᤂᤧᤴ ᤕᤧᤰᤕᤰᤁᤥᤗᤠᤶ ᤗᤠ᤺ᤰᤁᤠᤳ ᤗ᤺ᤴᤍᤧᤶᤔᤧ᤹ᤀᤥ᥄ 
\q1 ᤂᤧᤴ ᤕᤧᤰᤕᤰᤁᤥᤒᤠ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤜᤧᤰᤁᤣ ᤗᤠᤕᤥ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ. 
\q1 ᤔᤧ᤺ᤴᤏᤧ ᤑᤠ᤹ᤃᤪ ᤂᤡᤏᤡ᤹ᤀᤠᤱ ᤂᤧᤱᤜᤠ᤹ᤖᤧ ᤔᤧᤄᤥ᤺ᤛᤢᤒᤠ ᤂᤢᤶᤍᤡᤱᤅᤡᤴ ᤁᤧᤄᤥ᤺ᤛᤢᤶᤗᤥ. 
\q1  
\v 5 ᤌᤣᤀᤠᤱᤓᤧᤸᤗᤧ ᤁᤢᤗᤠᤕᤥ᤺ᤱᤃ ᤛᤠᤱᤃᤪᤠᤶᤐᤣᤍᤠᤱ ᤌᤠᤖᤡᤰ ᤗᤢᤶᤛᤡᤱᤅᤠᤱ ᤘᤠ᤹ᤖᤥ. 
\q1 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤸᤗᤧ ᤁᤠᤰ ᤁᤢᤓᤧᤴ ᤕᤠ᤺ᤶᤒᤰᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤀᤠᤱ ᤘᤠ᤹ᤖᤥ॥ 
\q1  
\v 6 ᤂᤧᤱᤃ ᤀᤠᤰᤂᤣ ᤔᤧᤵᤔᤠ ᤗᤠ᤹ᤖᤢ᤹. ᤒᤠ ᤜᤧᤰᤁᤣᤀᤣ ᤔᤧᤳᤋᤧᤶᤔᤧ᤹ᤀᤥ॥ 
\q1 ᤜᤧᤰᤁᤩᤠᤱ ᤁᤠᤰ ᤁᤢᤕᤠ᤺ᤶᤒᤰᤁᤡᤸᤗᤧ ᤁᤢᤗᤧᤰᤘᤠᤴ ᤏᤡᤗᤧᤱ ᤌᤠᤖᤡᤰ ᤏᤢ᤺ᤰᤋᤧᤶᤐᤡᤖᤧᤶᤔᤧ᤹ᤀᤥ॥ 
\q1 ᤜᤧᤰᤁᤩᤠᤱ ᤂᤢᤏᤧ᤹ ᤘᤣ᤹ᤜᤠ᤹ᤖᤧ ᤗᤠᤃᤡ ᤕᤠᤖᤡᤵ ᤆᤥᤃᤢᤒᤠ ᤂᤥᤷᤕᤠᤀᤥᤒᤠ ᤋᤢᤰᤂᤣ᤺ᤸᤗᤧ ᤁᤢᤗᤧᤰᤘᤠ ᤏᤡᤗᤧᤱ ᤌᤠᤖᤡᤰ ᤁᤢᤄᤥᤷᤕᤠᤀᤥ ᤕᤥ᤹ᤖᤧᤶ ᤐᤡᤖᤧᤶᤔᤧ᤹ᤀᤥ॥ 
\q1  
\v 7 ᤂᤧᤴ ᤕᤠᤶᤍᤠᤍᤠ ᤏᤡᤱᤘᤠ᤹ᤋᤠᤍᤠᤒᤠ ᤏᤢ ᤛᤢᤰᤂᤣᤘᤠᤀᤥ ᤘᤕᤧᤒᤠ ᤕᤠᤖᤡᤰ ᤋᤢᤰᤂᤣ ᤆᤠ᤺ᤳᤋᤧᤶᤔᤧ᤹ᤀᤠᤱ ᤔᤣᤖᤡᤱ ᤌᤰᤗ ᤕᤠ᤺ᤴᤍᤧᤶᤔᤧ᤹॥ 
\q1 ᤌᤣᤀᤠᤱᤓᤧᤸᤗᤧ ᤂᤧᤸᤗᤧ. ‘ᤀᤡᤱᤃᤠ᤹ᤃ ᤐᤕᤶ ᤕᤶᤔᤠ ᤜᤠᤱᤔᤠᤀᤠᤖᤥ. ᤀᤡᤱᤃᤠ᤹ᤃ ᤔᤣᤔᤣᤍᤢᤔᤠ ᤔᤧ᤺ᤴᤏᤠᤖᤥ. ᤀᤡᤱᤃᤠ᤹ᤃ ᤀᤠᤵᤑᤠᤸᤗᤧᤀᤠᤱ ᤔᤣᤖᤡᤱ ᤔᤧᤎᤰᤁᤠᤴᤗᤥ ᤑᤠ᤹ᤀᤠᤱ ᤜᤧᤴᤇᤡᤱᤅᤠᤱ ᤘᤠ᤹ᤖᤥ॥ 
\q1  
\v 8 ᤂᤧᤸᤗᤧ ᤆᤥᤃᤢᤸᤗᤧ ᤌᤡᤰ ᤕᤧᤴᤏᤥᤀᤣ ᤂᤧᤸᤗᤥ ᤛᤡ᤺ᤔᤧᤴ. ᤔᤣᤖᤡᤱ ᤌᤰᤔᤧᤴ. ᤜᤧᤰᤁᤩᤠᤱ ᤛᤠᤰᤘᤠ᤺ᤸᤗᤧᤴ ᤔᤡᤴᤍᤣ᤹ᤀᤡᤴ ᤋᤠ᤺ᤖᤥ॥ ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤔᤡ᤺ᤸᤗᤧ ᤂᤠᤵᤐᤢ ᤌᤩ᤺ᤱ ᤐᤥ᤺ᤱᤗᤥ. 
\q1 ᤌᤣᤀᤠᤱᤓᤧᤸᤗᤧ ᤂᤧᤴ ᤂᤢᤶᤍᤡᤱ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤔᤢᤰᤛᤠᤶᤍᤠᤱᤒᤠ ᤆᤥ᤺ᤰᤗᤥ॥’” 
\p  
\v 9 ᤜᤧᤰᤁᤩᤠᤱ ᤂᤧᤴ ᤕᤧᤰᤕᤰᤁᤡᤴ ᤔᤡᤍᤡᤰᤁᤠᤱ ᤁᤧᤗ᤺ᤶᤒᤠ ᤔᤡ᤺ᤰᤂᤢ᤹ᤀᤡᤴ ᤂᤢᤏᤧ᤹ᤏᤢ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤏᤢ ᤕᤠᤶᤍᤠᤍᤠ ᤘᤠ᤹ᤔᤠᤀᤥ ᤆᤢᤶ ᤁᤧᤔᤧᤵᤐᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ᤖᤧ ᤔᤧᤏᤡ᤺ᤛᤢ᤹ᤀᤠᤱ ᤔᤧᤜᤠ᤺ᤵᤗ ᤔᤣᤖᤡᤱ ᤔᤧᤎᤰᤗᤥ॥  
\v 10 ᤂᤧᤱᤜᤠ᤹ ᤂᤧᤸᤗᤧ ᤁᤢᤍᤢᤰᤂᤣ᤺ᤴᤏᤢ ᤔᤧᤃᤡ. ᤜᤧᤰᤁᤩᤠᤱ ᤔᤠ᤺ᤱᤄᤠ ᤔᤧᤕᤧᤵᤐᤠᤱ ᤀᤰᤂᤣ ᤔᤧᤒᤠ᤺ᤳᤋᤢ᤹ᤖᤥ. “ᤀᤠᤕᤠᤰᤁᤥ. ᤀᤠᤕᤠᤰᤁᤥ᥄ ᤁᤧᤎᤢᤶᤒᤠ ᤏᤢ ᤐᤕᤶ ᤕᤶᤒᤠ ᤒᤧᤒᤡᤗᤥᤏ ᤕᤧᤰᤕᤰᤁᤣ. ᤛᤵᤑᤠᤖᤧᤛᤠ ᤁᤧᤄᤢᤶᤍᤡᤱᤅᤡᤴ ᤋᤩᤧᤀᤠᤱ ᤘᤠ᤹ᤖᤥ᥄” 
\p  
\v 11 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤗᤧᤱᤜᤱᤒᤠᤜᤠ᤹ ᤔᤧᤜᤠ᤺ᤵᤗ ᤔᤣᤖᤡᤱ ᤔᤧᤎᤰᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤡ᤹ ᤆᤡᤃ᤺ᤰᤘᤠᤜᤠ᤹ ᤕᤠᤶᤔᤥ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤔᤧᤴᤀᤡᤅᤢᤴᤗᤥ॥  
\v 12 ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤡ᤹ ᤛᤠᤶᤔᤩᤠᤱ. ᤕᤢᤵᤐᤠ. ᤔᤢᤎᤡᤱᤗᤢᤱ. ᤋᤧᤰᤛᤣ᤺ᤰ. ᤜᤧᤰᤁᤩᤠᤱ ᤏᤢ᤺ᤒ᤻ ᤏᤢ᤺ᤒᤠ ᤏᤠᤀᤡᤏᤠᤛᤢ᤺ᤳ. ᤐᤖᤠᤴᤗᤠ ᤏᤢ ᤜᤧ᤺ᤳ ᤁᤧᤗ᤹ᤒᤠ ᤋᤣ᤺ᤳᤜᤠ᤹. ᤀᤛᤣ᤺ᤰᤂᤡ ᤋᤣ᤺ᤳ. ᤜᤧᤰᤁᤩᤠᤱ ᤁᤠᤰ ᤐᤖᤡᤰᤗᤧᤴ ᤁᤢᤏᤠᤶ ᤁᤧᤏᤢ᤹ᤒᤠ ᤛᤡᤱᤜᤠ᤹. ᤜᤧᤰᤁᤩᤠᤱ ᤋᤰᤔᤡᤒᤠᤸᤗᤧ ᤁᤢᤃᤣ᤺ᤱ. ᤀᤡᤔᤧᤸᤗᤢᤱᤒᤠ ᤛᤡᤱᤜᤠ᤹ᤗᤠᤔ. ᤌᤳᤏᤠᤔᤠᤜᤠ᤹ᤗᤠᤔ. ᤑᤧᤴᤈᤣ᤹ᤗᤠᤔ ᤏᤢ ᤘᤠᤗᤧᤱᤗᤢᤱᤗᤠᤶ ᤆᤥ᤺ᤰᤔᤏᤠᤒᤠ ᤁᤠᤰ ᤐᤖᤡᤰᤗᤧᤴ ᤆᤡᤃ᤺ᤰᤘᤠᤜᤠ᤹.  
\v 13 ᤜᤧᤰᤁᤩᤠᤱ ᤏᤠᤶᤛᤡᤱ ᤜᤰ. ᤔᤠᤖᤢᤰᤜᤠ᤹. ᤁᤢᤏᤠᤶ ᤁᤧᤏᤢ᤹ᤒᤠ ᤛᤠᤱᤛᤡᤱ. ᤔᤢᤷᤖ. ᤐᤠᤱᤒ᤺ᤳ ᤑᤢᤱᤔᤠ. ᤆᤧᤸᤗᤧᤰᤛᤣ᤹ ᤌᤡ᤺. ᤈᤤᤋᤢᤏ ᤏᤡ᤺ᤱᤃᤣ᤺ᤴ. ᤑᤧ᤹ᤖᤢᤶ. ᤛᤡ᤺. ᤜᤧᤰᤁᤩᤠᤱ ᤐᤡᤳ ᤛᤠ᤺ᤱᤘᤧᤳ. ᤔᤧᤸᤗᤢᤰᤜᤠ᤹. ᤀᤴᤜᤠ᤹. ᤀᤴᤗᤠᤜᤠ᤹. ᤜᤧᤰᤁᤩᤠᤱ ᤕᤥ᤺ᤰᤐᤠ ᤕᤥ᤺ᤰᤔᤠᤜᤠ᤹ ᤏᤢ ᤌᤱᤅᤥ ᤔᤧᤏᤠᤵᤋᤢᤛᤡᤒᤠ ᤔᤏᤠᤜᤠ᤹ᤀᤠᤱ ᤔᤧᤴᤀᤡᤅᤢᤴᤇᤡᤴᤗᤥ॥  
\v 14 ᤗᤧᤱᤜᤱᤒᤠᤜᤠ᤹ᤖᤧ ᤂᤢᤏᤧ᤹ ᤀᤰᤂᤣ ᤔᤧᤔᤧᤳᤋᤢ᤹ᤖᤥ. “ᤂᤧᤏᤧ᤹ ᤁᤠᤰ ᤀᤠᤒᤠᤅᤣ ᤁᤵᤔᤠ ᤏᤡᤱᤘᤠ᤹ ᤁᤧᤈᤥᤃᤢᤒᤠ ᤏᤢ᤺ᤒ᤻ ᤏᤢ᤺ᤒᤠ ᤆᤡᤃ᤺ᤰᤘᤠᤜᤠ᤹ ᤁᤠᤰ ᤔᤧᤔᤕᤧ ᤔᤧᤒᤣᤖᤥ॥ ᤜᤧᤰᤁᤩᤠᤱ ᤁᤧᤕᤠᤱᤛᤠᤁᤢᤴᤎᤣ ᤏᤢ ᤁᤧᤄᤧᤶᤛᤡᤱᤔᤠᤜᤠ᤹ᤀᤠᤱ ᤔᤕᤧᤒᤣᤖᤥ॥ ᤂᤧᤱᤜᤠ᤹ᤃ ᤂᤧᤏᤧ᤹ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤁᤧᤱᤄᤥ᤺ᤛᤢᤴᤗᤥ॥”  
\v 15 ᤂᤧᤴ ᤕᤧᤰᤕᤰᤁᤥ ᤗᤧᤱᤜᤱ ᤆᤥ᤺ᤰᤛᤧ ᤁᤧᤍᤠ᤺ᤒᤠᤀᤠᤱ ᤕᤠᤱᤛᤠᤁᤢᤴᤎᤣᤛᤠᤒᤠ ᤁᤧᤒᤥ᤺ᤱᤒᤠ ᤗᤧᤱᤜᤱᤒᤠᤜᤠ᤹ᤃ ᤔᤠ᤺ᤱᤄᤠᤀᤣ ᤔᤧᤕᤧᤵᤗᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤂᤧᤸᤗᤧ ᤁᤢᤍᤢᤰᤂᤣ᤺ᤴᤏᤢ ᤛᤠ᤹ᤖᤡᤰ ᤔᤧᤃᤡᤖᤥ॥ ᤂᤧᤱᤜᤠ᤹ ᤔᤧᤜᤠ᤺ᤵᤗ ᤔᤣᤖᤡᤱ ᤌᤰᤏᤢ  
\v 16 ᤀᤰᤂᤣ ᤔᤧᤗ᤹ᤖᤥ. 
\q1 “ᤀᤠᤕᤠᤰᤁᤥ. ᤀᤠᤕᤠᤰᤁᤥ᥄ ᤂᤧᤴ ᤐᤕᤶ ᤕᤶᤒᤠ ᤕᤧᤰᤕᤰᤁᤡᤱᤃ ᤏᤢ᤺ᤒ᤻ ᤏᤢ᤺ᤒᤠ ᤏᤠᤀᤡᤏᤠᤛᤢ᤺ᤳ. ᤐᤖᤠᤴᤗᤠ ᤏᤢ ᤜᤧ᤺ᤳ ᤁᤧᤗ᤹ᤒᤠ ᤋᤣ᤺ᤳ ᤑᤢᤱᤜᤠ᤹ ᤆᤠᤰᤛᤡᤱᤅᤠᤱ ᤛᤠᤶᤔᤩᤠᤱᤜᤠ᤹. ᤀᤡᤔᤧᤸᤗᤢᤱᤒᤠ ᤔᤢᤎᤡᤱᤗᤢᤱᤜᤠ᤹ ᤜᤧᤰᤁᤩᤠᤱ ᤋᤧᤰᤛᤣ᤺ᤰᤁᤡᤸᤗᤧᤴ ᤘᤠ᤺ᤳᤋᤡᤜᤠ᤹ ᤁᤧᤘᤠ᤺ᤵᤔᤠ ᤔᤧᤴᤇᤢᤔᤠ᤹ᤀᤡᤴ ᤁᤢᤀᤡᤛᤡ᤺ᤰ ᤛᤠ᤹ᤖᤡᤰ ᤏᤢ᤺ᤒᤠ ᤆᤥᤃᤧᤖᤥ॥  
\v 17 ᤛᤵᤑᤠᤖᤧᤛᤠ ᤁᤠᤰ ᤁᤢᤕᤠᤱᤛᤠᤁᤢᤴᤎᤣᤜᤠ᤹ ᤂᤧᤸᤗᤧ ᤔᤠ᤺ᤛᤢᤍᤣ᤺ᤛᤢᤖᤥ᥄” 
\p ᤁᤠᤰ ᤘᤠᤗᤠᤎᤠ ᤍᤠᤱᤒᤠᤜᤠ᤹. ᤘᤠᤗᤠᤶᤍᤡ᤺ᤰᤐᤠᤜᤠ᤹. ᤘᤠᤗᤠᤎᤠ ᤆᤠ᤺ᤰᤐᤠᤜᤠ᤹ ᤏᤢ ᤘᤠᤜᤱᤅᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤧᤈᤠᤒᤠᤜᤠ᤹ ᤔᤠ᤺ᤱᤄᤠ ᤔᤧᤕᤧᤵᤐᤠᤱ  
\v 18 ᤂᤧᤱᤜᤠ᤹ᤖᤧ ᤂᤧᤴ ᤐᤕᤶ ᤕᤶᤒᤠ ᤕᤧᤰᤕᤰᤁᤡᤴ ᤔᤡᤍᤡᤃᤧᤀᤠᤱ ᤁᤧᤗ᤺ᤶᤒᤠ ᤔᤡ᤺ᤰᤂᤢ᤹ᤀᤡᤴ ᤔᤧᤏᤡ᤺ᤛᤢᤀᤠᤱ ᤀᤰᤂᤣ ᤔᤧᤒᤠ᤺ᤳᤋᤢᤖ ᤔᤧᤀ᤺ᤰ. 
\q1 “ᤁᤴ ᤐᤕᤶ ᤕᤶᤒᤠ ᤕᤧᤰᤕᤰ ᤜᤧᤰᤋᤱᤒᤠ ᤕᤧᤰᤕᤰᤁᤡᤱᤃ ᤀᤠᤳᤋᤡᤴᤏᤠᤱ ᤜᤥ᤺ᤵᤋᤧᤖᤥ᥄” 
\m  
\v 19 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤠᤶᤜᤡ᤺ᤰᤁᤡᤴ ᤂᤢᤏᤡ᤹ ᤌᤧᤃᤣ᤺ᤰ ᤛᤶᤍᤠᤱ ᤔᤧᤈᤢ᤺ᤳᤇᤡᤱᤅᤠᤱ ᤔᤧᤜᤠ᤺ᤵᤗ. ᤔᤧᤓᤡ᤺ᤰᤗ. ᤔᤣᤖᤡᤱ ᤌᤰᤏᤢ ᤀᤰᤂᤣ ᤔᤧᤒᤠ᤺ᤳᤋᤢ᤹ᤖᤥ. 
\q1 “ᤀᤠᤕᤠᤰᤁᤥ. ᤀᤠᤕᤠᤰᤁᤥ᥄ ᤁᤴ ᤐᤕᤶ ᤕᤶᤒᤠ ᤕᤧᤰᤕᤰᤁᤥᤃ. ᤕᤖᤡᤰ ᤘᤠᤗᤠᤎᤠ ᤍᤠᤱᤒᤠᤜᤠ᤹ᤖᤧ ᤂᤧᤸᤗᤧ ᤁᤢᤕᤠᤱᤛᤠᤁᤢᤴᤎᤣᤗᤠᤶ ᤕᤠᤱᤛᤠᤁᤢᤴᤎᤣᤛᤠᤒᤠ ᤔᤧᤒᤥ᤺ᤰᤂᤧᤖᤥ॥ ᤁᤖ ᤛᤵᤑᤠᤖᤧᤛᤠ ᤂᤧᤴ ᤕᤧᤰᤕᤰᤁᤡᤴ ᤁᤠᤰ ᤔᤧᤃᤧᤖᤥ॥  
\v 20 ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠᤛᤣ. ᤂᤧᤴ ᤔᤧᤃᤧᤒᤠᤀᤥ ᤛ᤺ᤳᤋᤧᤶᤔᤧ᤹ᤀᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹. ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤛᤣ. ᤛ᤺ᤳᤋᤧᤶᤔᤧ᤹ᤀᤥ᥄ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤡᤱᤄᤢᤶ ᤁᤧᤔᤧᤳᤋᤡᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤂᤢᤶᤍᤡᤱ ᤐᤡᤖᤢᤀᤠᤱ ᤘᤠ᤹ᤖᤥ॥” 
\p  
\v 21 ᤜᤧᤰᤁᤩᤠᤱ ᤔᤢᤰᤛᤠᤶᤍᤠᤱᤒᤠ ᤔᤠᤱᤗᤠᤀᤡᤱᤒᤠᤎᤡᤰᤗᤧ ᤐᤕᤶ ᤕᤶᤒᤠ ᤗᤢᤱᤛᤢᤶ ᤜᤧᤰᤋᤱᤒᤠ ᤗᤢᤱᤎᤡᤰ ᤐᤰᤂᤢᤀᤠᤱ ᤕᤥ ᤘᤠᤜᤱᤅᤥ ᤗᤠᤵᤑᤢᤛᤢ ᤌᤠ᤺ᤛᤢᤖ ᤀᤰᤂᤣ ᤐᤠ᤺ᤳᤋᤢᤖᤥ. 
\q1 “ᤐᤕᤶ ᤕᤶᤒᤠ ᤕᤧᤰᤕᤰ ᤒᤧᤒᤡᤗᤥᤏᤡᤴᤏᤠᤱ ᤒᤠ ᤀᤰᤂᤣᤗ᤹ᤖᤡᤰᤁᤣ ᤗᤠᤵᤑᤢᤖᤥ. ᤜᤧᤰᤁᤩᤠᤱ ᤂᤧᤴ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤏᤡᤔᤧᤎᤠ᤺ᤵᤏᤧᤴᤗᤥ॥  
\v 22 ᤜᤧᤰᤁᤩᤠᤱ ᤛᤠᤖᤠᤱᤃᤡ. ᤔᤧᤵᤑᤪᤠᤔᤠ ᤏᤢ ᤌᤢᤳᤋᤢᤖᤡ᤺ᤵᤐᤠ ᤔᤢᤰᤐᤠ ᤀᤡᤰᤗᤠ᤺ᤴ ᤜᤧᤰᤁᤩᤠᤱ ᤛᤠᤶᤃᤧᤗᤥᤒᤠᤜᤠ᤹ᤖᤧ ᤂᤢᤏᤡ᤹ ᤛᤠᤶᤗᤥᤜᤠ᤹ ᤂᤧᤏᤧ᤹ᤀᤥ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤂᤧᤶ ᤔᤧᤍᤧᤳᤏᤧᤴᤗᤥ॥ ᤜᤧᤰᤁᤩᤠᤱ ᤁᤠᤰ ᤐᤖᤡᤰᤐᤠ ᤛᤠᤵᤆᤥ᤺ᤰᤃᤧᤶᤒᤠᤜᤠ᤹ ᤂᤧᤏᤧ᤹ᤀᤥ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤂᤥᤔᤧᤴᤍᤣᤳᤏᤧᤴᤗᤥ॥ ᤕᤠᤶᤔᤥ ᤗᤢᤱᤛᤢᤶ ᤕᤢ᤺ᤵᤔᤏᤠᤒᤠᤀᤠᤱ ᤂᤧᤏᤧ᤹ᤀᤥ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤂᤧᤶ ᤔᤧᤍᤧᤳᤏᤧᤴᤗᤥ॥  
\v 23 ᤂᤧᤏᤧ᤹ᤀᤥ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤛᤣᤔᤡ ᤔᤧᤀᤥ᤺ᤳᤏᤧᤴᤗᤥ. ᤜᤧᤰᤁᤩᤠᤱ ᤛᤡᤛᤠᤔᤣ᤺ᤳ ᤏᤢ ᤏᤠᤗᤡᤛᤠᤱᤅᤡᤸᤗᤧ ᤂᤢᤴᤇᤡ᤹ ᤀᤡᤰᤗᤠ᤺ᤴᤏᤠᤱ ᤂᤧᤏᤧ᤹ᤀᤥ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤂᤧᤶ ᤔᤧᤍᤧᤳᤏᤧᤴᤗᤥ॥ ᤂᤧᤏᤧ᤹ ᤁᤧᤗᤧᤱᤜᤱᤒᤠᤜᤠ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤢᤰᤛᤠᤶᤛᤠᤒᤠ ᤏᤢ ᤁᤧᤀᤡᤱᤒᤠ ᤁᤧᤎᤢᤶᤒᤠᤜᤠ᤹ ᤔᤧᤘᤕᤧ. ᤜᤧᤰᤁᤩᤠᤱ ᤂᤧᤏᤧ᤹ ᤑᤧᤴᤛᤠᤶ ᤔᤢᤴᤎᤢᤶᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤀᤡᤱᤃᤧᤗᤧᤰᤋᤢᤛᤡᤖᤥ॥  
\v 24 ᤒᤧᤒᤡᤗᤥᤏᤣ. ᤂᤧᤏᤧ᤹ ᤁᤧᤔᤠᤖᤠᤶᤜᤠ᤹ᤀᤥᤀᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤛᤧᤵᤔᤏᤠᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤔᤠᤰᤂᤡ᤹ᤀᤡᤴ ᤛᤧ᤺ᤖᤧᤀᤠᤱ ᤘᤕᤧᤖᤥ॥” 
\c 19  
\s1 ᤒᤧᤒᤡᤗᤥᤏᤧᤴ ᤔᤧᤃᤧᤒᤠᤀᤥ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤛ᤺ᤵᤔᤠᤴ 
\p  
\v 1 ᤂᤧᤴ ᤀᤣᤃᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤕᤖᤡᤰ ᤔᤏᤠᤜᤠ᤹ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤔᤧᤀ᤺ᤰᤋᤧᤒᤠ ᤜᤧᤰᤁᤣ ᤂᤧᤵᤛᤢᤱᤗᤥ. 
\q1 “ᤜᤠᤸᤗᤧᤗᤢᤕᤠ᥄ ᤛᤧᤴᤗᤵ. ᤔᤡᤔᤡᤍᤡᤱ ᤏᤢ ᤔᤢᤰᤛᤠᤶᤔᤡᤱᤃ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴᤗᤥ.  
\v 2 ᤌᤣᤀᤠᤱᤓᤧᤸᤗᤧ ᤁᤢᤄᤠᤛᤧᤴᤏᤡᤱᤃ ᤛᤧᤰᤂᤠᤒᤠ ᤏᤢ ᤏᤢ᤺ᤒᤠ ᤆᤥ᤺ᤰᤗᤥ. ᤜᤧᤰᤁᤩᤠᤱ ᤕᤠᤶᤒᤥ᤺ᤵᤔᤠ ᤁᤢᤕᤠ᤺ᤶᤒᤰᤁᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤁᤧᤈᤡ᤺ᤶᤔᤠ ᤂᤧᤴ ᤐᤕᤶ ᤕᤶᤔᤠ ᤁᤧᤳᤏᤡᤔᤠᤴ ᤂᤢᤶᤍᤡᤱ ᤐᤡᤖᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤜᤠ᤹ ᤂᤧᤸᤗᤧ ᤛᤧᤖᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤂᤢᤶᤍᤡᤱ ᤐᤡᤖᤢᤀᤠᤱ ᤘᤠ᤹ᤖᤥ॥” 
\p  
\v 3 ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤶᤔᤥ ᤔᤧᤀ᤺ᤰᤋᤧ. “ᤜᤠᤸᤗᤧᤗᤢᤕᤠ᥄ ᤂᤧᤴ ᤕᤧᤰᤕᤰᤁᤡᤴ ᤔᤡᤍᤡᤰᤁᤠᤱ ᤔᤡ᤺ᤰᤂᤢ᤹ᤀᤡᤱᤃ ᤛᤍᤠᤍᤡᤱ ᤌᤠ᤺ᤱ ᤐᤣ᤺ᤰᤗᤥ॥” 
\p  
\v 4 ᤜᤧᤰᤁᤩᤠᤱ ᤏᤧᤳ-ᤗᤡ (᥈᥊) ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤏᤢ ᤗᤡᤛᤡ ᤁᤢᤜᤡᤱᤘᤧᤳ ᤐᤠᤌᤢᤱᤛᤠᤜᤠ᤹ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤛᤠᤶᤒᤥ᤺ᤴ ᤔᤧᤓᤴᤇᤡᤱᤗ ᤛᤣᤘᤠ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤶᤔᤥ ᤔᤧᤀ᤺ᤰᤋᤧ. “ᤀᤠᤔᤧᤴ. ᤜᤠᤸᤗᤧᤗᤢᤕᤠ᥄” 
\s1 ᤔᤧᤸᤗᤢᤰᤛᤠ᤺ᤸᤗᤧ ᤋᤧᤴᤎᤠᤶᤃᤧᤴ ᤁᤢᤔᤣ᤺ᤰᤂᤡᤶ ᤛᤠᤓᤠᤱᤈᤠ 
\p  
\v 5 ᤜᤧᤰᤁᤩᤠᤱ ᤜᤠᤱᤕᤢᤰᤏᤠᤗᤠᤶ ᤀᤰᤋᤱᤒᤠ ᤀᤡᤰᤗᤠᤎᤡᤰ ᤋᤩᤧᤖᤥ. 
\q1 “ᤁᤠᤰ ᤆᤢᤰᤐᤠᤗᤠᤶ ᤕᤶᤒᤠ ᤌᤠᤖᤡᤰ ᤂᤢᤏᤧ᤹ᤏᤢ ᤁᤧᤃᤡᤒᤠ ᤁᤢᤛᤣᤘᤠᤖᤥᤒᤠᤛᤣ. ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤧᤶᤔᤧ᤹ᤀᤥ᥄” 
\m  
\v 6 ᤜᤧᤰᤁᤩᤠᤱ ᤀᤡᤱᤃᤠ᤹ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤀᤡᤰᤗᤠ ᤜᤧᤰᤋᤱᤒᤠ ᤀᤡᤰᤗᤠ᤺ᤴ ᤂᤧᤵᤛᤢᤱ॥ ᤂᤧᤱᤃ ᤐᤕᤶ ᤕᤶᤒᤠ ᤆᤫᤠ᤺ᤳ ᤛ᤺ᤰᤋᤧᤒᤠ ᤁᤢᤀᤡᤛᤡ᤺ᤰ ᤏᤢ ᤂᤧᤖᤧᤱ ᤄᤢᤖᤢᤱ ᤗ᤹ᤖᤧᤖ ᤗᤥ᤺ᤰᤂᤢᤀᤠᤱ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧ. 
\q1 “ᤜᤠᤸᤗᤧᤗᤢᤕᤠ᥄ ᤌᤣᤀᤠᤱᤓᤧᤸᤗᤧ ᤔᤢᤰᤛᤠᤶᤍᤠᤱᤒᤠ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤱ ᤆᤥᤃᤢ᤹ᤖᤥ॥ 
\q1  
\v 7 ᤀᤠᤸᤗ ᤀᤠᤏᤡ᤹ ᤛᤠ᤹ᤖᤡᤰᤁᤣ ᤛ᤺ᤳᤋᤡ. 
\q1 ᤜᤧᤰᤁᤩᤠᤱ ᤂᤢᤏᤧ᤹ ᤔᤡᤔᤡᤍᤡᤱ ᤐᤡᤖᤢᤶᤗᤥ. 
\q1 ᤌᤣᤀᤠᤱᤓᤧᤸᤗᤧ ᤔᤧᤸᤗᤢᤰᤛᤠ᤺ᤸᤗᤧ ᤋᤧᤴᤎᤠᤶᤃᤧᤴ ᤁᤢᤔᤣ᤺ᤰᤂᤡᤶᤔᤡᤴ ᤋᤩᤧᤀᤠᤱ ᤘᤠ᤹. 
\q1 ᤜᤧᤰᤁᤩᤠᤱ ᤁᤢᤛᤡᤛᤠᤔᤣ᤺ᤳᤋᤡᤴ\f * \fr 19:7 \ft ᤁᤢᤛᤡᤛᤠᤔᤣ᤺ᤳᤋᤡᤴ–ᤔᤧᤸᤗᤢᤰᤛᤠ᤺ᤸᤗᤧ ᤁᤢᤛᤡᤛᤠᤔᤣ᤺ᤳᤋᤡᤴ ᤑᤠ᤹ᤀᤡᤴ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰ ᤔᤏᤠᤜᤠ᤹ᤖᤥ. ᤕᤠᤶᤔᤥᤀᤠᤱ ᤂᤢᤏᤧ᤹ ᤁᤢᤔᤣ᤺ᤰᤂᤡᤶᤛᤠᤒᤠ ᤜᤧᤰᤁᤣ ᤌᤠ᤺ᤒᤧᤀᤠᤱ ᤘᤠ᤹॥\f* ᤀᤠᤒᤠᤅᤣ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 
\q1  
\v 8 ᤛᤡᤛᤠᤔᤣ᤺ᤳᤋᤡᤱᤃ ᤑ᤺ᤃᤧᤗ᤹ᤒᤠ ᤁᤧᤀᤥ᤺ᤵᤐᤠ ᤏᤢ᤺ᤒᤠ ᤏᤠᤀᤡᤏᤠᤛᤢ᤺ᤳ ᤆᤠᤱ ᤆᤠᤱᤔᤠ ᤔᤧᤒᤡᤖᤢᤀᤠᤱ ᤘᤠ᤹॥” 
\q1 (ᤏᤢ᤺ᤒᤠ ᤏᤠᤀᤡᤏᤠᤛᤢ᤺ᤳ ᤆᤠᤱᤅᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰᤗᤥ॥) 
\p  
\v 9 ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤔᤧᤳᤋᤠᤱ. “ᤁᤴ ᤐᤠ᤺ᤴᤏᤡᤴ ᤛᤠᤵᤋᤧ᤹–ᤔᤧᤸᤗᤢᤰᤛᤠ᤺ᤸᤗᤧ ᤁᤢᤔᤣ᤺ᤰᤂᤡᤶ ᤛᤠᤓᤠᤱᤈᤠᤀᤥ ᤔᤧᤀᤢ᤺ᤳᤋᤢᤛᤡᤒᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ॥” ᤂᤧᤸᤗᤧ ᤕᤠᤶᤔᤥ ᤀᤡᤱᤃᤠ᤹ ᤔᤧᤳᤋᤠᤱ. “ᤁᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠ ᤁᤢᤒᤠ᤺ᤴᤈᤠᤰᤛᤡᤖᤥ॥” 
\p  
\v 10 ᤜᤧᤰᤁᤩᤠᤱ ᤀᤡᤱᤃᤠ᤹ᤃ ᤂᤢᤏᤧ᤹ ᤛᤣᤘᤠ ᤆᤥ᤺ᤰᤔᤠ ᤑᤠ᤹ᤀᤠᤱ ᤁᤢᤗᤠᤱᤅᤥ ᤛᤠᤶᤒᤥ᤺ᤴ ᤑᤴᤇᤡᤅᤠᤱ. ᤁᤖ ᤂᤧᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱ. “ᤜᤧᤰᤁᤣ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴ᥄ ᤀᤡᤱᤃᤠ᤹ᤃ ᤂᤧᤏᤧ᤹ ᤏᤢ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤜᤧᤰᤋᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠ ᤏᤢ ᤕᤧᤛᤢ᤺ᤴ ᤋᤥ᤺ᤴᤍᤡ ᤁᤧᤒᤡᤒᤠᤀᤠᤖᤰᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤣ ᤛᤣᤘᤠ ᤆᤥᤃᤧ᤹᥄” 
\p ᤌᤣᤀᤠᤱᤓᤧᤸᤗᤧ ᤕᤧᤛᤢᤖᤧ ᤆᤥᤃᤢᤒᤠ ᤐᤠ᤺ᤳᤋᤢᤒᤠ ᤛᤧᤰᤂᤠ ᤐᤠ᤺ᤴᤜᤠ᤹ᤖᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤜᤠᤱᤜᤠᤱ ᤔᤧᤳᤋᤢᤛᤡ᤹ᤖᤥ॥ 
\s1 ᤁᤢᤓᤖᤠ ᤀᤴᤃᤧᤕᤢᤰᤐᤠ 
\p  
\v 11 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤅᤡᤴ ᤜᤖᤧᤒᤠ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤂᤧᤵᤔᤥ ᤑ᤺ᤍᤠᤱᤒᤠ ᤀᤴᤎᤡᤰ ᤘᤕᤧ॥ ᤂᤧᤴ ᤛᤶᤍᤠᤱ ᤁᤧᤕᤢᤱᤒᤠᤸᤗᤧ ᤁᤢᤔᤡᤱᤅᤡᤴ “ᤏᤛᤠ᤺ᤴᤛᤠᤒᤠ” ᤏᤢ “ᤛᤧᤰᤂᤠ” ᤔᤧᤔᤧᤳᤋᤢᤖᤥ॥ ᤂᤢᤏᤧ᤹ᤃ ᤏᤢ᤺ᤖᤡᤰᤁᤠᤱ ᤂᤠᤛᤧᤴ ᤆᤥᤃᤢ᤹ ᤜᤧᤰᤁᤩᤠᤱ ᤌᤱ ᤆᤥᤃᤢ᤹ᤖᤥ॥  
\v 12 ᤂᤢᤏᤧ᤹ ᤁᤢᤔᤡᤰᤜᤠ᤹ᤃ ᤔᤡ ᤜᤧᤰᤁᤣ ᤁᤧᤍᤡ᤺ᤵᤐᤠ ᤆᤥᤃᤧ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤎᤧᤃᤣ᤺ᤰᤐᤥ ᤕᤖᤡᤰ ᤋᤡᤆ᤺ᤜᤠ᤹ ᤔᤧᤒᤳᤇᤧ॥ ᤂᤢᤏᤧ᤹ ᤏᤠᤛᤡᤱᤃᤧᤴ ᤁᤢᤎᤰᤁᤥ ᤁᤢᤔᤡᤱ ᤛᤠᤵᤋᤧᤀᤠᤱ ᤐᤳᤇᤧ॥ ᤂᤧᤸᤗᤧ ᤁᤢᤒᤣ᤺ᤱᤃ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤔᤧᤴᤇᤢᤰᤋᤢᤴ. ᤁᤖ ᤂᤢᤏᤧ᤹ᤖᤰ ᤁᤢᤛᤡᤱ ᤏᤡ᤺ᤳᤋᤢᤖᤥ॥  
\v 13 ᤂᤢᤏᤧ᤹ᤃ ᤔᤠᤰᤂᤡ᤹ᤀᤥ ᤏᤡ᤺ᤶᤔᤏᤠᤒᤠ ᤋᤣ᤺ᤳ ᤆᤠᤰᤂᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤡᤱᤅᤡᤱᤃ “ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤗᤥ”॥  
\v 14 ᤜᤧᤰᤁᤩᤠᤱ ᤑ᤺ᤃᤧᤗ᤹ᤒᤠ ᤏᤢ ᤛᤣᤛᤣᤒᤠ ᤏᤠᤀᤡᤏᤠᤛᤢ᤺ᤳ ᤋᤣ᤺ᤳ ᤁᤧᤈᤠᤱᤒᤠ ᤛᤠᤱᤃᤪᤠᤶᤐᤣᤍᤠᤱᤒᤠ ᤌᤰᤛᤢᤒᤠᤜᤠ᤹ᤖᤧ ᤑ᤺ᤃᤧᤗ᤹ᤒᤠ ᤀᤴᤜᤠ᤹ ᤔᤧᤕᤢᤰᤋᤢᤛᤡᤀᤠᤱ ᤂᤢᤏᤧ᤹ ᤔᤧᤍᤡᤶᤍᤢᤖᤥ॥  
\v 15 ᤂᤢᤏᤧ᤹ ᤁᤢᤔᤢᤖᤠᤀᤥᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤏᤠ᤺ᤶᤔᤠᤛᤡ ᤑᤠ᤹ᤀᤠᤱ ᤂᤠᤃᤧᤛᤢᤰᤐᤠ ᤋᤠᤓᤣ᤺ᤴ ᤗ᤺ᤴᤍᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤑᤧᤴᤈᤣ᤹ ᤋᤰᤁᤠ᤺ᤳᤋᤡᤸᤗᤧ ᤕᤢᤰ ᤆᤥᤃᤢᤛᤡ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤆᤧᤸᤗᤧᤰᤛᤣ᤹ ᤀᤣ᤺ᤶᤔᤠᤍᤧᤴᤏᤥ ᤗᤠᤱᤅᤡᤸᤗᤧ ᤆᤧᤸᤗᤧᤰᤛᤣ᤹ᤀᤡᤴ ᤛ᤹ᤔᤏᤠᤒᤠ ᤜᤧᤰᤁᤣ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴᤏᤡᤸᤗᤧ ᤁᤢᤏᤡᤱᤔᤡᤜᤠ᤹ ᤛ᤹ᤖᤢᤛᤡᤖᤥ॥  
\v 16 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤍᤣ᤺ᤳᤋᤥ ᤏᤢ ᤁᤢᤛᤧᤒᤱᤒᤥ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤜᤠᤱ ᤏᤢ ᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤍᤠᤱᤒᤠ ᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳᤇᤧ॥ 
\p  
\v 17 ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤠᤱᤗᤠᤀᤡᤱᤒᤠᤎᤡᤰ ᤏᤠᤶᤔᤥ ᤕᤧᤒᤧᤒᤠ ᤏᤡ᤺ᤛᤢᤱ. ᤂᤧᤸᤗᤧ ᤋᤠᤱᤛᤠᤰᤐᤥ ᤁᤧᤒᤧᤒᤠᤖ ᤁᤧᤘᤠ᤹ᤒᤠ ᤁᤠᤰ ᤁᤡᤍᤠᤒᤠᤜᤠ᤹ ᤕᤶᤒᤠ ᤀᤡᤰᤗᤠᤀᤥ ᤀ᤺ᤰᤋᤧᤖ ᤀᤰᤂᤣ ᤔᤧᤳᤋᤢᤛᤡ. “ᤂᤡᤏᤡ᤹ ᤋᤩᤧᤶᤔᤧ᤹ᤀᤥ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤖᤡᤵ ᤆᤥᤃᤢᤒᤠ ᤐᤕᤶ ᤕᤶᤒᤠ ᤛᤠᤓᤠᤱᤈᤠᤀᤥ ᤆᤢᤵᤛᤧᤶᤔᤧ᤹ᤀᤥ॥  
\v 18 ᤜᤠᤱᤜᤠ᤹. ᤌᤰᤋᤢᤶᤒᤠᤜᤠ᤹. ᤌᤰᤛᤢᤒᤠᤜᤠ᤹. ᤜᤧᤰᤁᤩᤠᤱ ᤀᤴᤜᤠ᤹ ᤏᤢ ᤀᤴ ᤁᤧᤕᤢᤰᤐᤠᤜᤠ᤹. ᤜᤧᤰᤁᤩᤠᤱ ᤕᤥ᤺ᤰᤐᤠ ᤏᤢ ᤆᤥ᤺ᤰᤕᤢᤶᤓᤥᤒᤠᤜᤠ᤹. ᤆᤢᤰᤐᤠ ᤏᤢ ᤕᤶᤒᤠᤜᤠ᤹ᤖᤧ ᤂᤢᤏᤡ᤹ ᤏᤧᤰᤛᤠ᤺ᤴ ᤆᤠᤛᤧ ᤋᤩᤧᤶᤔᤧ᤹ᤀᤥ॥” 
\p  
\v 19 ᤜᤧᤰᤁᤩᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ ᤜᤧᤰᤁᤩᤠᤱ ᤂᤢᤏᤡ᤹ ᤌᤰᤛᤢᤒᤠᤜᤠ᤹ ᤌᤱ ᤆᤥ᤺ᤰᤛᤧ ᤀᤴ ᤁᤧᤕᤢᤰᤐᤧᤴ ᤏᤢ ᤂᤢᤏᤧ᤹ ᤁᤢᤎᤰᤛᤢᤒᤠᤜᤠ᤹ᤖᤧ ᤁᤢᤍᤰᤗᤧᤱᤘᤠᤀᤥ ᤔᤧᤈᤢᤵᤛᤧᤒᤠ ᤏᤡ᤺ᤛᤢᤱᤛᤡᤱᤗᤥ॥  
\v 20 ᤜᤧᤰᤁᤩᤠᤱ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤂᤢᤏᤧ᤹ ᤁᤢᤍᤃᤡ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤂᤧᤴ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴ ᤔᤧᤍᤧᤶᤛᤢᤛᤡᤖᤥ॥ ᤂᤧᤸᤗᤧ ᤔᤢᤰᤛᤠᤶᤖᤧ ᤁᤢᤎᤡᤶᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ᤖᤧ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤸᤗᤧ ᤀᤡᤒᤢᤃᤧᤴ ᤁᤢᤔᤡᤰᤛᤣ᤺ᤴ ᤁᤧᤗᤰᤐᤠ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ ᤀᤡᤱᤗᤧᤰᤋᤢᤛᤡᤀᤠᤱ ᤘᤕᤧᤖᤥ॥ ᤂᤧᤱᤜᤠ᤹ ᤏᤧᤵᤔᤠᤱ ᤁᤢᤜᤡᤱᤘᤧᤳᤋᤣ ᤁᤠᤴᤎᤠᤰ ᤁᤧᤍᤡ᤺ᤵᤐᤠ ᤔᤡᤖᤠ᤺ᤰ ᤗᤢᤶᤒᤠ᤺ᤳᤋᤥ ᤗᤠᤵᤔᤧᤓᤢᤛᤢᤛᤡᤖᤥ॥  
\v 21 ᤜᤧᤰᤁᤩᤠᤱ ᤀᤴ ᤁᤧᤕᤢᤰᤐᤠᤸᤗᤧ ᤁᤢᤔᤢᤖᤠᤀᤥᤗᤠᤶ ᤁᤧᤗ᤺ᤶᤒᤠ ᤋᤠᤓᤣᤗᤠᤶ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤌᤰᤛᤢᤒᤠᤜᤠ᤹ ᤔᤧᤛᤩᤧᤀᤠᤱ ᤁᤠᤰ ᤁᤡᤌᤜᤠ᤹ᤖᤧ ᤂᤢᤏᤡ᤹ ᤏᤧᤰᤛᤠ᤺ᤴ ᤂᤠᤄᤠ ᤔᤧᤈᤖᤥ॥ 
\c 20  
\s1 ᥇᥆᥆᥆ ᤋᤱᤒᤣ ᤌᤠᤖᤡᤰ ᤁᤧᤏᤧᤒᤠ ᤜᤠᤱᤈᤢᤶ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤔᤠᤱᤗᤠᤀᤡᤱᤒᤠᤎᤡᤰ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤱ॥ ᤂᤧᤸᤗᤧ ᤁᤢᤜᤢᤰᤁᤥ ᤂᤧᤴ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤥᤒᤠ ᤋᤡᤔᤡᤰᤁᤡᤴ ᤏᤢ ᤐᤕᤶ ᤕᤶᤒᤠ ᤑᤧᤴᤌᤰᤁᤪᤱᤅᤡᤴ ᤁᤳᤋᤢᤖᤥ॥  
\v 2 ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤴ ᤋᤧᤶᤛᤢᤀᤠᤱ ᤋᤱᤒᤣ ᤜᤧᤴᤇᤡᤱ (᥇᥆᥆᥆) ᤌᤠᤖᤡᤰ ᤂᤧᤴᤏᤡᤴ ᤀᤡᤄᤣ᤺ᤰᤂᤢᤖᤥ॥ ᤂᤧᤴ ᤜᤴᤍᤃᤣ᤺ᤰᤃᤧᤴ ᤘᤠᤛᤣᤖᤡ᤺ᤱᤃ ᤀᤢᤴᤇᤥ᤺ᤴᤒᤠ ᤀᤛᤣ᤺ᤰ. ᤔᤠᤑᤧᤴᤛᤠᤶ ᤀᤡᤃᤪ ᤛᤤᤋᤠ᤺ᤴᤏᤠᤱ ᤔᤧᤔᤧᤳᤋᤢᤖᤥ॥  
\v 3 ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤔᤠᤑᤧᤴᤛᤠᤶᤔᤡᤴ ᤁᤢᤍᤪᤥ᤺ᤶ ᤔᤧ᤺ᤴᤏᤣᤒᤠ ᤗᤢᤶᤒᤠ᤺ᤳᤋᤥ ᤗᤠᤵᤑᤢᤛᤢ ᤁᤣ᤺ᤳᤋᤢ. ᤜᤧᤰᤁᤩᤠᤱ ᤋᤱᤒᤣ ᤜᤧᤴᤇᤡᤱ (᥇᥆᥆᥆) ᤌᤠᤖᤡᤰ ᤀᤠᤳᤋᤡᤴ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤀᤠᤱ ᤀᤡᤱᤗᤧᤰ ᤔᤧᤵᤔᤠ ᤔᤧᤛᤢᤰᤋᤢᤴᤇᤡᤴᤗ ᤑᤠ᤹ᤀᤠᤱ ᤂᤧᤸᤗᤧ ᤁᤢᤛᤢ᤺ᤵᤏᤠ᤺ᤴ ᤛᤢᤒᤢᤀᤠᤱ ᤀᤣ᤺ᤵᤛᤠᤵ ᤗᤰᤋᤢᤖᤥ॥ ᤂᤧᤴ ᤀᤣᤃᤠᤱ ᤛᤵᤑᤠᤖᤧ ᤗᤠᤃᤡ ᤂᤧᤴ ᤗᤧᤵᤔᤠᤀᤣ ᤐᤥ᤺ᤱᤗᤥ॥ 
\p  
\v 4 ᤜᤧᤰᤁᤩᤠᤱ ᤀᤡᤱᤃᤠ᤹ ᤜᤠᤱᤕᤢᤰᤏᤠᤜᤠ᤹ ᤏᤡ᤺ᤛᤢᤱᤛᤡᤱ॥ ᤂᤧᤵᤔᤥ ᤂᤠᤛᤧᤴ ᤗᤥ᤺ᤶᤔᤠ ᤕᤢᤰ ᤁᤧᤄᤥ᤺ᤒᤠᤜᤠ᤹ ᤔᤧᤕᤢᤅᤧ॥ ᤜᤧᤰᤁᤩᤠᤱ ᤕᤧᤛᤢ ᤂᤪᤡᤛ᤻ᤋᤖᤧ ᤀᤥᤛᤣ᤺ᤴᤍᤠᤱ ᤆᤥᤃᤢᤒᤠ ᤛᤧᤰᤂᤠ᤺ᤴ ᤏᤢ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤡ᤹ ᤌᤧᤃᤣ᤺ᤰᤐᤠ ᤔᤧᤄᤰᤋᤢ ᤔᤧᤛᤧᤖᤢᤛᤡᤒᤠᤜᤠ᤹ᤖᤧ ᤂᤢᤏᤡ᤹ ᤕᤠᤶᤛᤠᤶᤜᤠ᤹ ᤏᤡ᤺ᤛᤢᤛᤡᤱᤗᤥ॥ ᤂᤧᤱᤜᤠ᤹ᤖᤧᤃ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤴᤈᤥᤃᤢᤴ ᤜᤧᤰᤁᤩᤠᤱ ᤀᤡᤒᤢᤃᤧᤴ ᤁᤢᤔᤡᤰᤛᤣ᤺ᤴᤏᤡᤴᤏᤠᤱ ᤂᤢᤏᤡ᤹ ᤋᤥᤘᤠᤒᤥ ᤀᤡᤃᤪ ᤜᤢᤰᤁᤥ ᤔᤧᤴᤍᤠ᤺ᤰᤋᤢᤴᤏᤠᤱ ᤘᤕᤧᤖᤥ॥ ᤂᤧᤱᤜᤠ᤹ᤃ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤔᤧᤜᤡᤅᤧᤀᤠᤱ ᤂᤪᤡᤛ᤻ᤋᤧᤴᤏᤢ ᤋᤱᤒᤣ ᤜᤧᤴᤇᤡᤱ ᤌᤠᤖᤡᤰ ᤜᤠᤱ ᤔᤧᤈᤥᤃᤢᤖᤥ॥  
\v 5 (ᤘᤣ᤹ ᤁᤧᤛᤡ᤺ᤒᤠᤜᤠ᤹ᤃ ᤋᤱᤒᤣ ᤜᤧᤴᤇᤡᤱ ᤔᤧᤸᤗᤧᤰᤁᤣ ᤌᤠᤖᤡᤰ ᤔᤧᤴᤜᤡᤅᤧᤴᤗᤥ॥) ᤁᤱᤃ ᤌᤡᤰᤛᤡᤃᤣ᤺ᤰᤐᤠ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤴᤗᤥ॥  
\v 6 ᤌᤡᤰᤛᤡᤃᤣ᤺ᤰᤐᤠ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤴ ᤁᤧᤄᤥ᤺ᤒᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡ ᤏᤢ ᤛᤣᤛᤣᤒᤠᤛᤡᤖᤥ॥ ᤂᤧᤱᤜᤠ᤹ ᤏᤡᤛᤡᤃᤣ᤺ᤰᤐᤠ ᤛᤡ᤺ᤔᤧᤸᤗᤧ ᤌᤣᤀᤠᤱ ᤔᤧᤵᤔᤠ ᤔᤧᤛᤢᤰᤋᤢᤛᤡᤴ. ᤁᤖ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱ ᤏᤢ ᤂᤪᤡᤛ᤻ᤋᤖᤧ ᤁᤢᤏᤡᤱᤘᤠ᤹ᤑᤢᤛᤠᤶᤒᤠ ᤔᤧᤒᤥ᤺ᤱᤅᤠᤱ ᤂᤪᤡᤛ᤻ᤋᤧᤴᤏᤢ ᤋᤱᤒᤣ ᤜᤧᤴᤇᤡᤱ ᤌᤠᤖᤡᤰ ᤜᤠᤱ ᤔᤧᤈᤥ᤺ᤰᤗᤥ॥ 
\s1 ᤔᤠᤑᤧᤴᤛᤠᤶᤔᤡᤴ ᤜᤠᤖᤡ ᤋᤠ᤺ 
\p  
\v 7 ᤜᤧᤰᤁᤩᤠᤱ ᤋᤱᤒᤣ ᤜᤧᤴᤇᤡᤱ ᤁᤧᤳ ᤆᤢ᤺ᤳᤋᤠᤱ ᤔᤠᤑᤧᤴᤛᤠᤶᤔᤡᤴ ᤛᤠᤰᤋᤧᤒᤠ ᤋᤧᤴᤏᤥᤗᤠᤶ ᤗᤧᤳᤗᤥ॥  
\v 8 ᤜᤧᤰᤁᤩᤠᤱ ᤂᤧᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗ᤺ᤴ ᤌᤠᤱᤅᤠᤱ ᤁᤠᤰ ᤐᤡᤛᤠᤱᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹–“ᤃᤥᤃ” ᤏᤢ “ᤔᤠᤃᤥᤃ” ᤔᤧᤵᤔᤏᤠᤒᤠ ᤔᤧᤴᤇᤠᤶ ᤛᤢᤘᤠᤱᤜᤠ᤹–ᤀᤡᤱᤗᤧᤰᤋᤢᤛᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤌᤱ ᤆᤥ᤺ᤰᤔᤠᤖᤧ ᤗᤠᤃᤡ ᤛᤢᤵᤛᤢᤛᤡᤖᤥ॥ ᤂᤧᤱᤜᤠ᤹ᤃ ᤀᤠᤳᤋᤠᤳᤋᤠᤴᤏᤣ ᤕᤧ᤺ᤱᤄᤠ ᤁᤢᤀᤡᤛᤡ᤺ᤰ ᤏᤡ᤺ᤵᤔᤠ ᤛᤢᤰᤔᤧᤴᤍᤧᤵᤔᤏᤠᤒᤠ ᤔᤧᤈᤥ᤺ᤰᤗᤥ॥  
\v 9 ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤡᤰᤛᤠ ᤂᤠᤶᤒᤣ᤺ᤰᤔᤠᤴ ᤛᤡᤍᤧᤵ ᤔᤧᤍᤧᤵᤋᤢᤖ ᤔᤧᤒᤣᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡ᤺ᤶᤈᤡ ᤔᤧᤳᤋᤢᤒᤠ ᤕᤧᤰᤕᤰᤁᤡᤴ ᤔᤧᤃᤒᤢᤖᤥ॥ ᤁᤖ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤔᤡᤖᤠ᤺ᤰ ᤌᤩᤧᤀᤠᤱ ᤂᤧᤱᤜᤠ᤹ ᤗᤠᤒᤢ ᤛᤧᤖᤢᤛᤡᤖᤥ॥  
\v 10 ᤜᤧᤰᤁᤩᤠᤱ ᤂᤢᤏᤡ᤹ ᤀᤡᤱᤗᤧᤰ ᤁᤧᤔᤧᤵᤐᤠ ᤔᤠᤑᤧᤴᤛᤠᤶᤔᤡᤴ ᤔᤡᤖᤠ᤺ᤰ ᤏᤢ ᤁᤠᤴᤎᤠᤰ ᤁᤧᤍᤡ᤺ᤵᤐᤠ ᤗᤢᤶᤒᤠ᤺ᤳᤋᤥ ᤗᤠᤵᤑᤢᤛᤢᤖᤥ॥ ᤂᤧᤵᤔᤥᤃ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴᤏᤠᤱ ᤋᤃᤡᤛᤠ ᤗᤠᤵᤔᤧᤓᤢᤛᤢᤛᤡᤀᤠᤱ ᤕᤠᤃᤧᤳᤇᤡᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤃ ᤛᤧᤴᤍᤡᤰ ᤗᤧᤴᤍᤡᤰ ᤛᤍᤠᤍᤡᤱ ᤂᤧᤵᤔᤥ ᤋᤢᤰᤂᤣ ᤔᤧᤈᤠᤖᤥ॥ 
\s1 ᤁᤢᤏᤢᤵᤔᤠ ᤂᤠᤛᤧᤴ 
\p  
\v 11 ᤜᤧᤰᤁᤩᤠᤱ ᤀᤡᤱᤃᤠ᤹ ᤐᤕᤶ ᤕᤶᤒᤠ ᤑ᤺ᤃᤧᤗ᤹ᤒᤠ ᤜᤠᤱᤕᤢᤰᤏᤠ᤺ᤴ ᤏᤢ ᤂᤧᤵᤔᤥ ᤁᤧᤕᤢᤱᤒᤠᤴ ᤏᤡ᤺ᤛᤢᤱᤗᤥ॥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤂᤢᤏᤧ᤹ ᤁᤢᤍᤃᤡᤗᤠᤶ ᤂᤧᤳᤏᤧᤳᤇᤡ. ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤶᤔᤥ ᤏᤡ᤺ᤔᤧᤍᤧᤳᤋᤧᤳᤇᤡᤴᤗᤥ॥  
\v 12 ᤜᤧᤰᤁᤩᤠᤱ ᤀᤡᤱᤃᤠ᤹ ᤕᤶᤒᤠ ᤆᤢᤰᤐᤠ ᤁᤠᤰ ᤁᤧᤛᤡ᤺ᤒᤠᤜᤠ᤹ ᤂᤧᤴ ᤜᤠᤱᤕᤢᤰᤏᤠ ᤋᤃᤡ ᤔᤧᤕᤧᤒᤧᤒᤠ ᤏᤡ᤺ᤛᤢᤛᤡᤱ. ᤜᤧᤰᤁᤩᤠᤱ ᤂᤧᤵᤔᤥ ᤛᤠᤵᤐᤴᤜᤠ᤹ ᤔᤧᤜᤴᤍᤧ॥ ᤂᤧᤵᤔᤥ ᤘᤣ᤹ ᤛᤠᤵᤐᤴᤎᤡᤰᤁᤠᤱ ᤜᤴᤍᤧ॥ ᤂᤧᤱᤃ ᤜᤡᤱᤔᤴᤗᤧᤴ ᤛᤠᤵᤐᤴᤗᤥ॥ ᤜᤧᤰᤁᤩᤠᤱ ᤂᤧᤴ ᤛᤠᤵᤐᤴᤜᤠ᤹ᤀᤥ ᤛᤠᤵᤋᤧᤀᤠᤱ ᤐᤳᤇᤧᤒᤠ ᤁᤧᤛᤡ᤺ᤒᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰ ᤂᤢᤏᤡ᤹ ᤂᤠᤛᤧᤴ ᤐᤥ᤺ᤰᤂᤧᤖᤥ॥  
\v 13 ᤜᤧᤰᤁᤩᤠᤱ ᤘᤠᤜᤱᤅᤡᤸᤗᤧᤀᤠᤱ ᤂᤧᤵᤔᤥ ᤁᤧᤕᤠᤰᤐᤠ ᤁᤧᤛᤡ᤺ᤒᤠᤜᤠ᤹ ᤏᤢ᤺ᤰᤋᤢᤛᤡᤖᤥ॥ ᤛᤡ᤺ᤔᤧᤴ ᤏᤢ ᤂᤧᤔᤠᤕᤱᤛᤱᤅᤡᤸᤗᤧᤀᤠᤱ ᤂᤢᤴᤇᤡ᤹ᤀᤥ ᤁᤧᤘᤠ᤹ᤒᤠ ᤁᤧᤛᤡ᤺ᤒᤠᤜᤠ᤹ ᤏᤢ᤺ᤰᤋᤧᤳᤇᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰ ᤁᤧᤖᤧᤰᤗᤧᤴ ᤂᤠᤛᤧᤴ ᤐᤥ᤺ᤰᤂᤧᤖᤥ॥  
\v 14 ᤜᤧᤰᤁᤩᤠᤱ ᤛᤡ᤺ᤔᤧᤴ ᤏᤢ ᤂᤧᤔᤠᤕᤱᤛᤱᤅᤡᤴ ᤔᤡᤖᤠ᤺ᤰ ᤁᤧᤍᤡ᤺ᤵᤐᤠ ᤗᤢᤶᤒᤠ᤺ᤳᤋᤥ ᤗᤠᤵᤑᤢᤛᤧᤳᤇᤡᤖᤥ॥ ᤁᤴ ᤔᤡᤖᤠ᤺ᤰ ᤗᤢᤶᤒᤠ᤺ᤳᤋᤡᤱᤃ ᤏᤡᤛᤡᤃᤣ᤺ᤰᤐᤠ ᤛᤡ᤺ᤔᤧᤴᤗᤥ॥  
\v 15 ᤜᤡᤱᤔᤴᤗᤧᤴ ᤛᤠᤵᤐᤴᤏᤥ ᤂᤢᤴᤇᤡ᤹ ᤔᤡᤱ ᤔᤧᤶᤒᤵᤔᤏᤠᤒᤠᤜᤠ᤹ ᤁᤧᤖᤧᤰ ᤔᤡᤖᤠ᤺ᤰ ᤁᤧᤍᤡ᤺ᤵᤐᤠ ᤗᤢᤶᤒᤠ᤺ᤳᤋᤥ ᤗᤠᤵᤔᤧᤓᤢ᤺ᤛᤧᤖᤥ॥ 
\c 21  
\s1 ᤁᤠᤰ ᤐᤠ᤺ᤴᤜᤠ᤹ ᤁᤢᤛᤱ ᤐᤥ᤺ᤱ 
\p  
\v 1 ᤜᤧᤰᤁᤩᤠᤱ ᤀᤡᤱᤃᤠ᤹ ᤁᤢᤛᤱ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤁᤢᤛᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤡ᤺ᤛᤢᤱᤛᤡᤱ. ᤌᤣᤀᤠᤱᤓᤧᤸᤗᤧ ᤋᤃᤡᤒᤠ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤗᤧᤰᤂᤧ ᤐᤣᤀᤠᤱ ᤋᤢᤶᤒᤥᤍᤡᤱ ᤘᤠᤜᤱᤅᤡᤴᤏᤠᤱ ᤔᤧᤏᤧᤛ᤻ᤛᤧᤴᤗᤥ॥  
\v 2 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤛᤣ ᤕᤧᤰᤕᤰ. ᤁᤢᤛᤱ ᤕᤖᤢᤛᤗᤧᤶᤔᤡᤴ. ᤏᤡᤱᤘᤠ᤹ᤑᤢᤔᤠᤱᤗᤠᤶ ᤛᤠᤱᤃᤪᤠᤶᤐᤣᤍᤠᤱᤏᤢ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤱ॥ ᤂᤧᤱᤃ ᤏᤠᤗᤡᤛᤠᤱᤅᤡᤴ ᤔᤣ᤺ᤰᤂᤡᤶ ᤆᤥ᤺ᤰᤔᤠ ᤑᤠ᤹ᤀᤠᤱ ᤏᤢ᤺ᤒ᤻ ᤏᤢ᤺ᤒᤠ ᤘᤠ᤺ᤳᤋᤡ ᤏᤢ ᤆᤠᤱᤜᤠ᤹ᤖᤧ ᤕᤠᤖᤡᤵ ᤆᤥ᤺ᤰᤔᤏᤠᤔᤠ ᤛᤡᤛᤠᤔᤣ᤺ᤳ ᤁᤢᤀᤡᤛᤡ᤺ᤰ ᤆᤥᤃᤧᤖᤥ॥ 
\p  
\v 3 ᤜᤧᤰᤁᤩᤠᤱ ᤀᤡᤱᤃᤠ᤹ ᤜᤠᤱᤕᤢᤰᤏᤠᤀᤥᤗᤠᤶ ᤕᤶᤒᤠ ᤀᤡᤰᤗᤠᤎᤡᤰ ᤋᤩᤧᤒᤠ ᤂᤧᤵᤛᤢᤱᤗᤥ. 
\q1 “ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤘᤠ᤹ᤔᤠ ᤋᤧᤴᤏᤡᤱᤃ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤏᤢ ᤛᤥᤖᤡᤰ ᤐᤥ᤺ᤰᤂᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤱᤜᤠ᤹ᤏᤢ ᤘᤠ᤹॥ ᤜᤧᤰᤁᤩᤠᤱ ᤂᤧᤱᤜᤠ᤹ᤃ ᤁᤢᤛᤣᤛᤣ ᤕᤠᤵᤔᤡ ᤔᤧᤒᤥ᤺ᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤒᤠᤅᤣ ᤂᤧᤱᤜᤠ᤹ᤏᤢ ᤘᤠ᤹ᤀᤠᤱ ᤂᤢᤏᤧ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥ᤺ᤱᤗᤥ॥  
\v 4 ᤂᤢᤏᤧ᤹ ᤁᤧᤖᤧᤰᤗᤧ ᤂᤢᤏᤡ᤹ ᤔᤡᤰᤁᤥᤗᤠᤶ ᤔᤡᤰᤘᤠ᤺ᤴ ᤋᤢᤃᤢ ᤐᤡᤖᤢᤛᤡ᤹॥ ᤀᤠᤳᤋᤡᤴᤏᤠᤱ ᤕᤠᤶᤔᤥ ᤔᤧᤴᤇᤡ᤺ᤏᤧᤴ. ᤔᤣᤖᤡᤱ ᤔᤧᤴᤎᤰᤏᤧᤴ. ᤔᤧᤴᤜᤠ᤺ᤵᤏᤧᤴ. ᤔᤧᤴᤍᤢᤰᤏᤧᤴ ᤔᤧᤴᤕ᤹ᤏᤧᤴ. ᤌᤣᤀᤠᤱᤓᤧᤸᤗᤧ ᤋᤃᤡᤒᤠ ᤐᤠ᤺ᤴᤜᤠ᤹ᤃ ᤗᤧᤰᤋᤧᤒᤣᤖᤥ॥” 
\p  
\v 5 ᤜᤧᤰᤁᤩᤠᤱ ᤜᤠᤱᤕᤢᤰᤏᤠᤀᤥ ᤁᤧᤕᤢᤱᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢ. “ᤀᤥᤔᤧᤳᤋᤧ᤹. ᤁᤠᤰ ᤐᤠ᤺ᤴᤜᤠ᤹ ᤀᤡᤱᤃᤠ᤹ ᤁᤢᤛᤱ ᤆᤥᤃᤢᤱᤗ ᤐᤳᤋᤠᤖᤥ॥” ᤜᤧᤰᤁᤩᤠᤱ ᤀᤰᤂᤣᤀᤠᤱ ᤔᤧᤳᤋᤠᤱ. “ᤁᤴ ᤐᤠ᤺ᤴᤜᤠ᤹ ᤛᤠᤵᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤁᤴ ᤐᤠ᤺ᤴᤜᤠ᤹ᤃ ᤏᤛᤠ᤺ᤴ ᤆᤥ᤺ᤰᤔᤠ ᤛᤢᤰᤁᤧᤍᤧᤵᤐᤠ ᤏᤢ ᤛᤧᤰᤂᤠᤒᤠ ᤆᤥ᤺ᤰᤗᤥ॥”  
\v 6 ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣ ᤔᤧᤳᤋᤠᤱ. “ᤁᤠᤰ ᤐᤥ᤺ᤰᤂᤧ ᤆᤢᤖᤧᤖᤥ᥄ ᤀᤸᤑᤠ ᤏᤢ ᤀᤥᤔᤣᤃᤠ ᤀᤡᤱᤃᤠ᤹ᤀᤣᤖᤥ. ᤋᤥᤗᤡᤱᤛᤥᤔᤢ ᤏᤢ ᤁᤢᤏᤢᤵᤔᤠᤴ ᤀᤡᤱᤃᤠ᤹ᤀᤣᤖᤥ॥ ᤜᤠ᤺ᤳ ᤀᤠᤱᤃᤢᤃᤧᤴ ᤘᤠᤔᤡ᤺ᤰᤔᤠᤸᤗᤧ ᤋᤖᤢ᤹. ᤂᤧᤴ ᤀᤡᤱᤃᤠ᤹ ᤁᤢᤔᤧᤸᤗᤢᤱ ᤔᤧ᤺ᤴᤏᤣᤀᤣ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤆᤫᤠ᤺ᤳᤋᤡᤸᤗᤧ ᤘᤠᤒᤢᤴᤗᤠᤶ ᤌᤢᤱᤔᤠ ᤐᤡᤖᤢᤱᤗᤥ॥  
\v 7 ᤜᤠ᤺ᤳᤗᤧ ᤏᤠ᤺ᤴᤍᤢ᤹. ᤂᤧᤸᤗᤧ ᤁᤴ ᤁᤠᤰ ᤔᤢ᤹ᤀᤡᤛᤠᤶᤜᤠ᤹ ᤂᤥ᤺ᤛᤢ᤹ᤖᤥ॥ ᤀᤡᤱᤃᤠ᤹ ᤂᤧᤸᤗᤧ ᤁᤢᤏᤡᤱᤘᤠ᤹ᤑᤢᤔᤠᤱ ᤐᤥ᤺ᤱᤅᤠᤀᤠᤱ ᤂᤧᤴ ᤀᤡᤱᤃᤠ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ ᤐᤥ᤺ᤱᤗᤥ॥  
\v 8 ᤁᤖ ᤁᤡᤛᤪᤢᤰᤐᤠᤜᤠ᤹. ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹. ᤑᤧᤰᤁᤧᤗᤠ᤹ᤒᤠᤜᤠ᤹. ᤔᤏᤠ ᤁᤧᤛᤧᤵᤐᤠᤜᤠ᤹. ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹. ᤑᤧᤴᤛᤠᤶ ᤔᤢᤴᤎᤢᤶ ᤁᤧᤏᤠ᤺ᤵᤐᤠᤜᤠ᤹. ᤏᤠᤘᤠᤀᤡᤳᤗᤠ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤀᤡᤱᤗᤧᤰ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤡ᤹ ᤘᤠ᤹ᤔᤠᤍᤧᤱᤃ ᤁᤠᤴᤎᤠᤰ ᤏᤢ ᤔᤡ ᤁᤧᤍᤡ᤺ᤵᤐᤠᤖ ᤁᤧᤒᤵᤐᤠ ᤗᤢᤶᤒᤠ᤺ᤳᤋᤥ ᤐᤥ᤺ᤱᤗᤥ॥ ᤂᤧᤱᤃ ᤏᤡᤛᤡᤃᤣ᤺ᤰᤐᤠ ᤛᤡ᤺ᤔᤧᤴᤗᤥ॥” 
\s1 ᤁᤢᤛᤱ ᤕᤖᤢᤛᤗᤧᤶ 
\p  
\v 9 ᤜᤧᤰᤁᤩᤠᤱ ᤁᤢᤏᤢᤵᤔᤥᤒᤠ ᤏᤢᤛᤡ ᤔᤡᤴᤍᤣ᤹ᤜᤠ᤹ᤖᤧᤴ ᤏᤢᤛᤡ ᤂᤥᤷᤕᤠ ᤁᤧᤒᤱᤒᤠ ᤏᤢᤛᤡ ᤔᤠᤱᤗᤠᤀᤡᤱᤒᤠᤜᤠ᤹ᤀᤥ ᤌᤡᤰᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱ. “ᤑᤧᤖᤧ᤹. ᤀᤡᤱᤃᤠ᤹ ᤔᤧᤸᤗᤢᤰᤛᤠ᤺ᤸᤗᤧ ᤔᤣᤗᤡᤱᤃᤧᤴ ᤁᤢᤔᤣ᤺ᤳ ᤁᤧᤒᤥ᤺ᤱᤔᤠ ᤛᤡᤛᤠᤔᤣ᤺ᤳᤋᤡᤴ ᤀᤥᤛᤣ᤺ᤴᤎᤠᤰᤏᤧ᤹ᤖᤥ॥”  
\v 10 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤠᤱᤅᤠᤱ ᤐᤕᤶ ᤕᤶᤒᤠ ᤁᤣ᤺ᤶᤒᤠ ᤁᤥ᤺ᤰᤔᤠ ᤛᤶᤍᤠᤱ ᤐᤰᤂᤠᤱ ᤋᤣ᤹ᤖᤠᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤛᤠᤱᤃᤪᤠᤶᤐᤣᤍᤠᤱᤏᤢ ᤕᤧ᤺ᤖ ᤐᤳᤇᤧᤒᤠ ᤛᤣᤛᤣ ᤕᤧᤰᤕᤰ ᤕᤖᤢᤛᤗᤧᤶᤔᤡᤴ ᤀᤥᤛᤣ᤺ᤴᤎᤠᤰᤋᤠᤱᤗᤥ॥  
\v 11 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤸᤗᤧ ᤂᤧᤴ ᤁᤢᤎᤡᤶ ᤆᤥᤃᤧ. ᤜᤧᤰᤁᤩᤠᤱ ᤔᤠᤱᤗᤢᤱ ᤏᤢ ᤛᤧᤖᤢᤶᤗᤢᤱ ᤁᤢᤀᤡᤛᤡ᤺ᤰᤐᤠ ᤀᤡᤔᤧᤸᤗᤢᤱᤒᤠ ᤔᤢᤎᤡᤱᤗᤢᤱ ᤜᤧᤰᤁᤣ ᤛᤧᤸᤗᤧᤱ ᤁᤧᤗᤧᤰᤐᤠ ᤆᤥᤃᤧᤖᤥ॥  
\v 12 ᤜᤧᤰᤁᤩᤠᤱ ᤂᤧ᤹ᤕᤥ ᤌᤡᤰ-ᤏᤧᤳ ᤋᤠ᤺ᤰᤜᤴᤜᤠ᤹ ᤁᤧᤒᤵᤐᤠ ᤕᤶᤒᤠ ᤁᤣ᤺ᤶᤒᤠ ᤗᤢᤱᤎᤠᤰ ᤕᤧᤒᤧᤖᤥ॥ ᤂᤧᤴ ᤋᤠ᤺ᤰᤜᤴᤜᤠ᤹ᤀᤥ ᤌᤡᤰ-ᤏᤧᤳ ᤔᤠᤱᤗᤠᤀᤡᤱᤒᤠᤜᤠ᤹ ᤔᤧᤕᤧᤒᤧᤖᤥ॥ ᤜᤧᤰᤁᤩᤠᤱ ᤂᤧᤴ ᤋᤠ᤺ᤰᤜᤴᤜᤠ᤹ᤀᤥ ᤀᤡᤛᤪᤠᤀᤡᤗᤖᤧᤴ ᤌᤡᤰ-ᤏᤧᤳ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤔᤡᤱᤜᤠ᤹ ᤔᤧᤛᤠᤵᤋᤢᤀᤠᤱ ᤐᤳᤇᤧ॥  
\v 13 ᤜᤧᤰᤁᤩᤠᤱ ᤏᤠᤶᤃᤧᤴ ᤗᤧᤵᤔᤠᤱ ᤛᤢᤶᤛᤡ. ᤏᤠᤶᤎᤠ ᤗᤧᤵᤔᤠᤱ ᤛᤢᤶᤛᤡ. ᤌᤠᤱᤃᤧᤳ ᤗᤧᤵᤔᤠᤱ ᤛᤢᤶᤛᤡ. ᤜᤧᤰᤁᤩᤠᤱ ᤗᤠᤱᤃᤧᤳ ᤗᤧᤵᤔᤠᤱ ᤛᤢᤶᤛᤡ ᤋᤠ᤺ᤰᤜᤴᤜᤠ᤹ ᤔᤧᤒᤳᤇᤧᤖᤥ॥  
\v 14 ᤂᤧᤴ ᤕᤧᤰᤕᤰᤁᤥᤒᤠ ᤗᤢᤱᤎᤠᤰᤁᤡᤸᤗᤧ ᤌᤡᤰ-ᤏᤧᤳ ᤁᤢᤏᤧ᤺ᤶᤓᤥ ᤏᤧᤛ᤻ᤛᤧ. ᤜᤧᤰᤁᤩᤠᤱ ᤂᤧᤴ ᤛᤶᤍᤠᤱ ᤔᤧᤸᤗᤢᤰᤛᤠ᤺ᤸᤗᤧ ᤌᤡᤰ-ᤏᤧᤳ ᤁᤢᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤔᤡᤱᤜᤠ᤹ ᤛᤠᤵᤋᤧᤀᤠᤱ ᤐᤳᤇᤧᤖᤥ॥ 
\p  
\v 15 ᤀᤡᤱᤃᤠ᤹ᤏᤢ ᤁᤧᤒᤠ᤺ᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤜᤢᤰᤁᤥ ᤕᤧᤰᤕᤰᤁᤡᤴ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤋᤠ᤺ᤰᤜᤴᤜᤠ᤹ ᤏᤢ ᤗᤢᤱᤎᤠᤰᤜᤠ᤹ ᤛᤡ᤺ᤰᤔᤠ ᤑᤠ᤹ᤀᤠᤱ ᤛᤠᤶᤔᤩᤠᤱᤅᤡᤸᤗᤧᤴ ᤁᤢᤛᤡ᤺ᤰᤔᤠ ᤋᤰᤁᤠ᤺ᤳᤋᤡᤴ ᤁᤳᤋᤢᤖᤥ॥  
\v 16 ᤂᤧᤴ ᤕᤧᤰᤕᤰᤁᤡᤱᤃ ᤗᤡᤛᤡ ᤁᤢᤛᤢᤰᤐᤠ ᤁᤧᤒᤵᤐᤠ ᤆᤥᤃᤧᤖᤥ॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤏᤢ ᤁᤢᤓᤧᤖᤧ᤺ᤱᤃ ᤁᤢᤍᤱᤒᤠ ᤆᤥᤃᤧᤖᤥ॥ ᤂᤧᤴ ᤁᤢᤛᤡ᤺ᤰᤔᤠᤸᤗᤧ ᤛᤡ᤺ᤰᤋᤢᤸᤗᤧ ᤂᤧᤱᤃ ᤜᤧᤴᤇᤡᤱ ᤏᤧᤳᤇᤡᤀᤠᤱ ᤁᤡᤵ ᤗᤡᤛᤡ (᥈᥊᥆᥆) ᤁᤡᤗᤥᤔᤡᤋᤖ ᤏᤧᤛ᤻ᤛᤧᤖᤥ॥ ᤂᤧᤸᤗᤧ ᤁᤢᤗᤠᤶᤋᤡ. ᤁᤢᤓᤧᤖᤧ ᤏᤢ ᤁᤢᤗᤡᤱᤃᤧᤴᤏᤡᤴᤏᤠᤱ ᤁᤢᤍᤱᤒᤠ ᤆᤥᤃᤧᤖᤥ॥  
\v 17 ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤂᤧᤴ ᤗᤢᤱᤎᤠᤰᤁᤡᤴ ᤛᤡ᤺ᤰᤋᤢ. ᤜᤧᤰᤁᤣ᤺ᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤀᤥᤃᤵ ᤔᤧᤈᤥᤃᤢᤒᤠ ᤁᤢᤛᤡ᤺ᤰᤔᤠᤴ ᤁᤢᤀᤡᤛᤡ᤺ᤰ ᤂᤧᤴ ᤁᤡᤵᤌᤡᤰᤁᤠᤱ ᤗᤡ-ᤗᤡ (᥇᥊᥊) ᤜᤢᤰᤛᤡᤰ ᤏᤧᤛ᤻ᤛᤧᤖᤥ॥  
\v 18 ᤂᤧᤴ ᤗᤢᤱᤎᤠᤰᤁᤡᤱᤃ ᤔᤠᤱᤗᤢᤱᤗᤧᤴ ᤔᤧᤈᤥᤃᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤕᤧᤰᤕᤰᤁᤡᤱᤃ ᤏᤢ᤺ᤒᤠ ᤛᤠᤶᤔᤩᤠᤱ ᤛᤧᤸᤗᤧᤱᤄᤥ ᤁᤢᤀᤡᤛᤡ᤺ᤰ ᤁᤧᤗᤧᤰᤐᤠ ᤆᤥᤃᤧᤖᤥ॥  
\v 19 ᤗᤢᤱᤎᤠᤰᤁᤡᤸᤗᤧ ᤁᤢᤏᤧ᤺ᤶᤓᤥᤀᤥᤃ ᤕᤖᤡᤰ ᤐᤖᤡᤰᤗᤧᤴ ᤀᤡᤔᤧᤸᤗᤢᤱᤒᤠ ᤔᤢᤎᤡᤱᤗᤢᤱᤜᤠ᤹ ᤔᤧᤓᤳᤇᤢᤀᤠᤱ ᤐᤳᤇᤧ॥ ᤌᤡᤰᤛᤡᤃᤣ᤺ᤰᤐᤧᤴ ᤛᤧᤖᤢᤶᤗᤢᤱ. ᤏᤡᤛᤡᤃᤣ᤺ᤰᤐᤧᤴ ᤁᤢᤓᤡᤱᤗᤢᤱ. ᤛᤢᤶᤛᤡᤃᤣ᤺ᤰᤐᤧᤴ ᤁᤢᤜᤧ᤺ᤳᤗᤢᤱ. ᤗᤡᤛᤡᤃᤣ᤺ᤰᤐᤧᤴ ᤗᤢᤱᤛᤣ᤺ᤰᤁᤢᤶ.  
\v 20 ᤅᤠᤛᤡᤃᤣ᤺ᤰᤐᤧᤴ ᤔᤢᤎᤡᤱᤗᤢᤱ. ᤋᤢᤰᤛᤡᤃᤣ᤺ᤰᤐᤧᤴ ᤗᤢᤱᤛᤧᤖᤢᤶᤒᤠ. ᤏᤢᤛᤡᤃᤣ᤺ᤰᤐᤧᤴ ᤀᤶᤗᤧᤱᤗᤢᤱ. ᤕᤧᤳᤇᤡᤃᤣ᤺ᤰᤐᤧᤴ ᤗᤢᤱᤔᤡᤱ. ᤑᤠᤱᤛᤡᤃᤣ᤺ᤰᤐᤧᤴ ᤁᤢᤖᤡᤱᤗᤢᤱ. ᤌᤡᤒᤥ᤺ᤱ ᤛᤡᤃᤣ᤺ᤰᤐᤧᤴ ᤁᤢᤜᤡ᤺ᤰᤗᤢᤱ. ᤌᤡᤰ-ᤌᤡᤰ ᤛᤡᤃᤣ᤺ᤰᤐᤧᤴ ᤑᤢ᤺ᤳᤋᤠᤱᤗᤢᤱ. ᤜᤧᤰᤁᤩᤠᤱ ᤌᤡᤰ-ᤏᤧᤳ ᤛᤡᤃᤣ᤺ᤰᤐᤧᤴ ᤜᤧ᤺ᤰᤁᤱᤗᤢᤱᤅᤡᤸᤗᤧᤴ ᤔᤧᤈᤥᤃᤢᤀᤠᤱ ᤘᤕᤧᤖᤥ॥ 
\p  
\v 21 ᤂᤧᤵᤔᤥ ᤌᤡᤰ-ᤏᤧᤳ ᤋᤠ᤺ᤰᤜᤴᤜᤠ᤹ᤃ ᤌᤡᤰ-ᤏᤧᤳ ᤋᤧᤰᤛᤣ᤺ᤰᤗᤧᤴ ᤘᤕᤧ–ᤗᤳᤇᤠ ᤋᤠ᤺ᤰᤜᤴᤏᤡᤴ ᤗᤳᤇᤠ ᤋᤧᤰᤛᤣ᤺ᤰᤁᤡᤸᤗᤧ ᤆᤥᤃᤧᤀᤠᤱ ᤘᤕᤧ॥ ᤜᤧᤰᤁᤩᤠᤱ ᤕᤧᤰᤕᤰᤁᤥᤒᤠ ᤔᤠᤖᤠᤶᤔᤡᤱᤃ ᤛᤧᤸᤗᤧᤱᤄᤥ ᤁᤢᤀᤡᤛᤡ᤺ᤰ ᤁᤧᤗᤧᤰᤐᤠ ᤏᤢ᤺ᤒᤠ ᤛᤠᤶᤔᤩᤠᤱᤅᤡᤸᤗᤧᤴ ᤆᤥᤃᤧᤖᤥ॥ 
\p  
\v 22 ᤀᤡᤱᤃᤠ᤹ ᤂᤧᤴ ᤕᤧᤰᤕᤰ ᤛᤡᤃᤠᤱ ᤔᤠᤱᤜᤡᤶᤔᤡᤴ ᤔᤧᤴᤏᤡ᤺ᤒᤠᤴᤗᤥ. ᤌᤣᤀᤠᤱᤓᤧᤸᤗᤧ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤧᤸᤗᤢᤰᤛᤠ᤺ᤴᤏᤣ ᤂᤧᤴ ᤕᤧᤰᤕᤰᤁᤥᤒᤠ ᤔᤠᤱᤜᤡᤶᤗᤥ॥  
\v 23 ᤜᤧᤰᤁᤩᤠᤱ ᤂᤧᤴ ᤕᤧᤰᤕᤰᤁᤡᤴ ᤁᤧᤎᤥ᤹ᤒᤠ ᤏᤠᤶ ᤏᤢ ᤗᤠᤒᤠ ᤌᤣᤀᤠᤱ ᤆᤠᤜᤠᤒᤠ ᤔᤧᤈᤥᤃᤧᤴᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤸᤗᤧᤀᤣ ᤂᤧᤴ ᤕᤧᤰᤕᤰᤁᤡᤴ ᤌᤥ᤹ᤖᤢᤖᤥ॥ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤛᤣᤔᤡ᤺ᤱᤃ ᤔᤧᤸᤗᤢᤰᤛᤠ᤺ᤴᤏᤣᤖᤥ॥  
\v 24 ᤜᤧᤰᤁᤩᤠᤱ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤸᤗᤧ ᤌᤥ᤹ᤖᤢᤒᤠ ᤀᤥ᤺ᤳᤋᤡᤀᤥ ᤔᤧᤘᤠ᤹ ᤔᤧᤒᤣ᤺ᤰ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤔᤡᤔᤡᤍᤡᤱᤅᤡᤴ ᤂᤧᤵᤔᤥ ᤔᤧᤍᤠᤖᤢ᤹॥  
\v 25 ᤂᤧᤴ ᤕᤧᤰᤕᤰᤁᤡᤸᤗᤧᤴ ᤋᤠ᤺ᤰᤜᤴᤏᤡᤱᤃ ᤀᤠᤵᤑᤠᤸᤗᤧᤀᤠᤱ ᤔᤧᤛᤢᤵᤏᤧᤴ. ᤌᤣᤀᤠᤱᤓᤧᤸᤗᤧ ᤂᤧᤵᤔᤥ ᤛᤧᤴᤍᤡᤰ ᤜᤥ᤺ᤵᤗᤥ॥  
\v 26 ᤜᤧᤰᤁᤩᤠᤱ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤔᤡᤱᤛᤥ ᤀᤡᤱᤎᤠ᤺ᤱᤅᤡᤴ ᤏᤢ ᤂᤢᤏᤡ᤹ ᤔᤡᤔᤡᤍᤡᤱᤅᤡᤴ ᤂᤧᤴ ᤕᤧᤰᤕᤰᤁᤥ ᤔᤧᤍᤠᤖᤢ᤹॥  
\v 27 ᤂᤧᤵᤔᤥᤃ ᤔᤧᤸᤗᤢᤰᤛᤠ᤺ᤸᤗᤧ ᤁᤢᤜᤡᤱᤔᤴᤏᤡᤸᤗᤧᤴ ᤛᤠᤵᤐᤴᤏᤥ ᤔᤡᤱ ᤛᤠᤵᤋᤧᤀᤠᤱ ᤁᤧᤒᤵᤐᤠᤜᤠ᤹ᤖᤰ ᤔᤧᤗᤠ᤺ᤳᤗᤥ॥ ᤁᤖ ᤀᤠᤛᤢᤳᤌᤥ ᤐᤠ᤺ᤴ ᤏᤢ ᤛᤡᤰᤁᤧᤗᤧ᤺ᤱᤒᤠ ᤕᤠᤶᤃᤧᤛᤡᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤀᤡᤱᤗᤧᤰ ᤁᤧᤒᤠ᤺ᤵᤐᤠᤜᤠ᤹ ᤀᤠᤳᤋᤡᤴᤏᤠᤱ ᤂᤧᤴ ᤕᤧᤰᤕᤰᤁᤥ ᤗᤠ᤺ᤵᤔᤠ ᤔᤧᤱᤄᤥᤏᤧᤴᤗᤥ॥ 
\c 22  
\s1 ᤜᤡᤱᤔᤴᤗᤧᤴ ᤕᤱᤄᤱ 
\p  
\v 1 ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤀᤡᤱᤃᤠ᤹ ᤔᤠᤱᤗᤢᤱ ᤜᤧᤰᤁᤣ ᤛᤧᤸᤗᤧᤱ ᤁᤧᤗᤧᤰᤐᤠ ᤕᤱᤄᤱᤅᤡᤴ ᤀᤥᤛᤣ᤺ᤴᤎᤠᤰᤋᤠᤱᤗᤥ॥ ᤂᤧᤵᤔᤥᤒᤠ ᤆᤫᤠ᤺ᤳᤋᤡᤱᤃ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠᤖᤥ॥ ᤂᤧᤴ ᤕᤱᤄᤱᤅᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤂᤢᤴᤇᤡ᤹ ᤜᤠᤱᤕᤢᤰᤏᤠᤗᤠᤶ ᤘᤃᤢᤛᤧᤖ  
\v 2 ᤂᤧᤴ ᤕᤧᤰᤕᤰᤁᤥᤒᤠ ᤔᤠᤖᤠᤶ ᤗᤢᤶᤔᤥ ᤕᤧᤖᤥ॥ ᤕᤱᤄᤱᤅᤡᤸᤗᤧ ᤁᤢᤕᤠᤀᤥ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤡᤱᤒᤢᤱᤅᤡᤴ ᤕᤢᤅᤧᤖᤥ॥ ᤂᤧᤴ ᤛᤡᤱᤒᤢᤱᤅᤥ ᤋᤱᤒᤣ ᤗᤠᤘᤠ ᤌᤡᤰ-ᤏᤧᤳ ᤐᤖᤡᤰᤗᤧᤴ ᤛᤡᤱᤛᤣᤜᤠ᤹ ᤌᤥ᤺ᤰᤋᤧᤖᤥ॥ ᤜᤧᤰᤁᤩᤠᤱ ᤂᤧᤴ ᤛᤡᤱᤒᤢᤱᤅᤡᤸᤗᤧ ᤁᤢᤓᤧᤰᤘᤠᤜᤠ᤹ᤃ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤁᤧᤘᤣ᤺ᤶᤒᤠ ᤛᤡᤍᤠ᤹ ᤆᤥᤃᤧᤖᤥ॥  
\v 3 ᤂᤧᤴ ᤕᤧᤰᤕᤰᤁᤥ ᤀᤠᤸᤗᤀᤠᤱᤎᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤍᤠ᤺ᤰᤋᤢᤴᤇᤡᤴᤒᤠ ᤗᤳᤇᤠᤀᤠᤱ ᤔᤧᤜᤥ᤺ᤵᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤧᤸᤗᤢᤰᤛᤠ᤺ᤸᤗᤧ ᤂᤢᤴᤇᤡ᤹ ᤜᤠᤱᤕᤢᤰᤏᤠ᤺ᤴ ᤂᤧᤵᤔᤥ ᤐᤥ᤺ᤱᤗᤥ. ᤜᤧᤰᤁᤩᤠᤱ ᤁᤢᤛᤣᤘᤠᤖᤥᤒᤠᤜᤠ᤹ᤖᤧ ᤂᤢᤏᤧ᤹ ᤛᤣᤘᤠ ᤔᤧᤈᤥᤃᤢ᤹ᤖᤥ॥  
\v 4 ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ᤺ᤴ ᤔᤧᤏᤡ᤺ᤛᤢ᤹. ᤜᤧᤰᤁᤩᤠᤱ ᤁᤢᤔᤡᤱᤅᤡᤴ ᤂᤢᤏᤡ᤹ ᤋᤥᤘᤠᤒᤥ ᤛᤠᤵᤋᤧᤀᤠᤱ ᤐᤳᤗᤥ॥  
\v 5 ᤂᤧᤵᤔᤥ ᤕᤠᤶᤔᤥ ᤛᤧᤴᤍᤡᤰ ᤔᤧᤒᤥ᤺ᤱᤏᤧᤴ. ᤜᤧᤰᤁᤩᤠᤱ ᤌᤥ᤹ᤔᤠᤖᤧ ᤗᤠᤃᤡ ᤛᤣᤔᤡ ᤏᤢ ᤏᤠᤶᤛᤠᤱᤅᤠᤱ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤒᤠᤅᤣ ᤂᤢᤏᤡ᤹ ᤀᤥ᤺ᤳᤋᤡ ᤐᤥ᤺ᤱ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤍᤠᤍᤡᤱ ᤜᤠᤱ ᤔᤧᤈᤥᤃᤢ᤹ᤖᤥ॥ 
\p  
\v 6 ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤀᤡᤱᤃᤠ᤹ ᤔᤧᤳᤋᤠᤱ. “ᤁᤴ ᤐᤠ᤺ᤴᤈᤠᤰᤜᤠ᤹ ᤋᤠ᤺ᤰᤐᤥ ᤆᤥ᤺ᤰᤔᤠ ᤛᤢᤰᤁᤧᤍᤧᤵᤐᤠ ᤏᤢ ᤛᤧᤰᤂᤠᤒᤠ ᤆᤥ᤺ᤰᤗᤥ॥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤛᤣᤛᤣᤔᤠᤱ ᤁᤧᤒᤡᤒᤠ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤜᤠ᤹ ᤀᤠᤸᤗ ᤜᤠᤖᤠᤀᤣ ᤐᤥ᤺ᤱᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤎᤠᤰᤔᤠᤛᤡ ᤑᤠ᤹ᤀᤠᤱ ᤁᤢᤔᤠᤱᤗᤠᤀᤡᤱᤒᤧᤴ ᤐᤠᤱᤄᤢ ᤕᤢ᤺ᤛᤢᤖᤥ॥” 
\s1 ᤕᤧᤛᤢ᤺ᤴ ᤜᤠᤖᤠᤀᤣ ᤕᤢ᤺ᤔᤠ ᤆᤥ᤺ᤰ 
\p  
\v 7 ᤕᤧᤛᤢᤖᤧ ᤐᤠ᤺ᤳᤋᤢ᤹. “ᤀᤥᤔᤧᤳᤋᤧ᤹ᤀᤥ. ᤀᤡᤱᤃᤠ᤹ ᤜᤠᤖᤠᤀᤣ ᤕᤢ᤺ᤀᤠᤖᤥ᥄ ᤜᤧᤰᤁᤩᤠᤱ ᤁᤴ ᤛᤠᤵᤐᤴᤏᤥ ᤁᤧᤒᤵᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡᤖᤥ॥” 
\p  
\v 8 ᤀᤡᤱᤃᤠ᤹ ᤕᤢᤜᤢᤴᤏᤠᤖᤧ ᤁᤴ ᤐᤠ᤺ᤴᤜᤠ᤹ ᤏᤡ᤺ᤛᤢᤱ ᤂᤧᤵᤛᤢᤱᤗᤥ॥ ᤜᤧᤰᤁᤩᤠᤱ ᤁᤴ ᤐᤠ᤺ᤴᤜᤠ᤹ ᤏᤡ᤺ᤛᤢᤱ ᤂᤧᤵᤛᤢᤱᤅᤡᤸᤗᤧ ᤁᤴ ᤐᤠ᤺ᤴᤜᤠ᤹ ᤕᤠᤵᤔᤡ ᤀᤥᤛᤣ᤺ᤴᤃᤧᤎᤠᤰᤐᤠ ᤔᤠᤱᤗᤠᤀᤡᤱᤒᤠᤴ ᤛᤣᤘᤠ ᤆᤥ᤺ᤰᤔᤠ ᤑᤠ᤹ᤀᤠᤱ ᤀᤡᤱᤃᤠ᤹ ᤁᤢᤗᤠᤱᤈᤰᤐᤥ ᤛᤠᤶᤒᤥ᤺ᤴ ᤜᤒᤳ ᤑᤴᤇᤡᤱᤅᤠᤱᤗᤥ॥  
\v 9 ᤁᤖ ᤂᤧᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱᤗᤥ. “ᤀᤡᤱᤃᤠ᤹ ᤛᤣᤘᤠ ᤔᤧᤈᤥᤃᤠᤱᤅᤡᤴᤏᤧ᤹᥄ ᤀᤡᤱᤃᤠ᤹ᤃ ᤂᤧᤏᤧ᤹ ᤁᤢᤀᤡᤛᤡ᤺ᤰ ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤏᤢ ᤁᤴ ᤛᤠᤵᤐᤴᤏᤥ ᤁᤧᤒᤵᤐᤠ ᤐᤠ᤺ᤴᤜᤠ᤹ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ ᤜᤧᤰᤋᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤀᤠᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴᤗᤰ ᤛᤣᤘᤠ ᤆᤥᤃᤧ᤹ᤀᤥ᥄” 
\p  
\v 10 ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱᤗᤥ. “ᤁᤴ ᤛᤠᤵᤐᤴᤏᤥᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴᤜᤠ᤹ ᤔᤧᤔᤠ᤹ᤖᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤁᤠᤰ ᤐᤠ᤺ᤴᤜᤠ᤹ ᤁᤧᤵᤔᤠ ᤕᤧᤶᤔᤡᤴ ᤏᤡ᤺ᤳᤋᤠᤱᤅᤣ ᤘᤠ᤹ᤖᤥ॥  
\v 11 ᤜᤠᤖᤠ᤹ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤣ ᤔᤧᤈᤥᤃᤢᤖᤖᤥ. ᤁᤧᤈᤡ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤔᤧᤈᤡ᤺ᤴᤇᤡᤱᤗ ᤔᤧᤘᤠ᤹ᤖᤖᤥ. ᤁᤖ ᤛᤠᤶᤕᤥᤏᤡᤒᤠᤜᤠ᤹ᤖᤧ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖ ᤜᤧᤰᤁᤩᤠᤱ ᤛᤣᤛᤣᤒᤠᤜᤠ᤹ ᤛᤣᤛᤣᤀᤣ ᤔᤧᤘᤠ᤹ᤏᤡᤖᤥ॥” 
\p  
\v 12 ᤕᤧᤛᤢᤖᤧ ᤐᤠ᤺ᤳᤋᤢ᤹. 
\q1 “ᤀᤥᤔᤧᤳᤋᤧ᤹ᤀᤥ. ᤀᤡᤱᤃᤠ᤹ ᤜᤠᤖᤠᤀᤣ ᤕᤢ᤺ᤀᤠᤖᤥ᥄ ᤜᤧᤰᤁᤩᤠᤱ ᤁᤠᤰ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰᤁᤣ ᤂᤢᤶᤍᤡᤱᤅᤡᤴ ᤏᤢ ᤜᤠᤱᤛᤧᤶᤔᤡᤴ ᤐᤡᤖᤢᤱᤛᤡᤱᤗᤥ॥  
\v 13 ᤀᤡᤱᤃᤠ᤹ ᤀᤸᤑᤠ ᤏᤢ ᤀᤥᤔᤣᤃᤠ. ᤋᤃᤡᤒᤠ ᤏᤢ ᤀᤣᤃᤠᤱᤒᤠ. ᤜᤧᤰᤁᤩᤠᤱ ᤁᤢᤜᤣ᤺ᤰᤛᤡᤱᤔᤠ ᤏᤢ ᤁᤢᤏᤢᤵᤔᤠᤀᤠᤖᤥ॥ 
\q1  
\v 14 ᤜᤧᤰᤁᤩᤠᤱ ᤂᤢᤏᤡ᤹ ᤋᤣ᤺ᤳᤜᤠ᤹ ᤛᤣᤛᤣ ᤗ᤹ᤖᤡᤰ ᤘᤠᤃᤧᤜᤵᤐᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧᤃ ᤋᤠ᤺ᤰᤜᤴᤜᤠ᤹ᤀᤥᤗᤠᤶ ᤕᤧᤰᤕᤰᤁᤥ ᤗᤠ᤺ᤵᤔᤠ ᤏᤢ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤡᤱᤒᤢᤱᤅᤥᤗᤠᤶ ᤆᤠᤔᤠ ᤕᤢᤰ ᤔᤧᤄᤥ᤺ᤛᤢ᤹ᤖᤥ॥  
\v 15 ᤁᤖ ᤁᤥ᤺ᤳᤆᤥ ᤜᤧᤰᤋᤱᤒᤠ ᤕᤧᤵᤗᤧᤰ ᤁᤧᤃᤵᤐᤠᤜᤠ᤹. ᤏᤡᤱᤘᤠ᤹ ᤁᤧᤔᤠᤒᤠ ᤁᤡᤳᤆᤠᤰ ᤁᤧᤈᤥ᤺ᤰᤐᤠᤜᤠ᤹. ᤆᤠᤃᤧᤖᤠᤶᤒᤠᤜᤠ᤹. ᤔᤏᤠ ᤁᤧᤛᤧᤵᤐᤠᤜᤠ᤹. ᤏᤠᤘᤠᤀᤡᤳᤗᤠ ᤔᤠᤱᤃᤧᤄ᤺ᤒᤠᤜᤠ᤹ ᤜᤧᤰᤁᤩᤠᤱ ᤁᤠᤰ ᤀᤡᤱᤗᤧᤰ ᤐᤠ᤺ᤵᤔᤠ ᤂᤢᤏᤡ᤹ ᤛᤡᤖᤠ᤹ ᤁᤧᤎᤠᤱᤒᤠᤜᤠ᤹ ᤏᤢ ᤀᤡᤱᤗᤧᤰ ᤁᤧᤒᤠ᤺ᤵᤐᤠᤜᤠ᤹ ᤗᤠ᤺ᤰᤁᤠᤳᤋᤣ ᤔᤧᤘᤠ᤹ᤖᤥ॥ 
\q1  
\v 16 ᤀᤡᤱᤃᤠ᤹ ᤕᤧᤛᤢᤖᤧ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤗᤠᤃᤡ ᤁᤴ ᤐᤠ᤺ᤴᤜᤠ᤹ ᤔᤧᤳᤇᤧ ᤀᤠᤔᤠᤱᤗᤠᤀᤡᤱᤒᤠᤴ ᤂᤡᤏᤡ᤹ᤀᤥ ᤐᤠᤱᤄᤢᤱᤅᤠᤱ ᤘᤠ᤹ᤀᤠᤖᤥ॥ ᤀᤡᤱᤃᤠ᤹ᤃ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤀᤠᤖᤥ. ᤜᤧᤰᤁᤩᤠᤱ ᤋᤠᤴᤇᤥ᤺ᤰᤐᤠᤀᤠᤖᤥ॥” 
\p  
\v 17 ᤛᤣᤛᤣᤔᤠᤱᤅᤡᤴ ᤏᤢ ᤛᤡᤛᤠᤔᤣ᤺ᤳᤋᤡᤸᤗᤧ ᤐᤠ᤺ᤳᤇᤢ᤹. “ᤕᤧ᤹ᤀᤥ᥄” ᤜᤧᤰᤁᤩᤠᤱ ᤁᤴ ᤐᤠ᤺ᤴᤜᤠ᤹ ᤁᤧᤄᤧᤶᤒᤠᤸᤗᤧᤀᤠᤱ “ᤕᤧ᤹ᤀᤥ᥄” ᤐᤠ᤺ᤳᤋᤢᤖᤥ॥ ᤀᤠᤳᤋᤡᤴ ᤀᤠᤱᤃᤢᤃᤧᤴ ᤘᤠᤔᤡ᤺ᤰᤔᤠᤸᤗᤧ ᤋᤖᤢᤀᤠᤱ ᤘᤠ᤹. ᤂᤧᤴ ᤋᤠᤖᤖᤥ॥ ᤀᤠᤳᤋᤡᤸᤗᤧ ᤏᤡᤱᤘᤠ᤹ ᤆᤥᤃᤢ᤹. ᤜᤠᤖᤠ᤹ ᤂᤧᤸᤗᤧ ᤁᤢᤔᤧᤸᤗᤢᤱ ᤔᤧ᤺ᤴᤏᤣᤀᤣ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤆᤫᤠ᤺ᤳᤋᤡᤴ ᤌᤢᤅᤢᤖᤖᤥ॥ 
\p  
\v 18 ᤁᤴ ᤛᤠᤵᤐᤴᤏᤥᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤄᤧᤶᤒᤠ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤀᤡᤱᤃᤠ᤹ ᤛᤠᤶᤍᤡᤱ ᤐᤡᤖᤢᤱᤛᤡᤱᤗᤥ–ᤜᤠ᤺ᤳᤗᤧ ᤁᤴ ᤛᤠᤵᤐᤴᤏᤥ ᤌᤣᤀᤡ ᤕᤥ᤹ᤖᤢ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤠᤱ ᤁᤴ ᤛᤠᤵᤐᤴᤏᤥ ᤆᤧᤱᤔᤏᤠᤒᤠ ᤔᤡᤴᤍᤣ᤹ᤜᤠ᤹ ᤂᤧᤴ ᤁᤧᤕᤥ᤹ᤒᤠᤸᤗᤧ ᤁᤢᤛᤶᤍᤠᤱ ᤕᤥ᤹ᤖᤢᤖᤥ॥  
\v 19 ᤜᤧᤰᤁᤩᤠᤱ ᤜᤠ᤺ᤳᤗᤧ ᤁᤴ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤸᤗᤧᤴ ᤛᤠᤵᤐᤴᤏᤥᤗᤠᤶ ᤌᤣᤀᤡ ᤂᤰᤋᤢ᤹. ᤁᤴ ᤛᤠᤵᤐᤴᤏᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤡᤱᤒᤢᤱᤅᤥᤗᤠᤶ ᤜᤧᤰᤁᤩᤠᤱ ᤛᤣᤛᤣ ᤕᤧᤰᤕᤰᤁᤥᤗᤠᤶ ᤂᤧᤸᤗᤧ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤗᤰᤁᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤰᤋᤢ᤹ᤖᤥ॥ 
\p  
\v 20 ᤁᤴ ᤐᤠ᤺ᤴᤏᤡᤴ ᤛᤠ᤺ᤰᤂᤡ ᤁᤧᤒᤡᤒᤠᤸᤗᤧ ᤐᤠ᤺ᤳᤋᤢ᤹. “ᤛᤧᤰᤂᤠᤀᤣ ᤀᤡᤱᤃᤠ᤹ ᤜᤠᤖᤠᤀᤣ ᤕᤢ᤺ᤀᤠᤖᤥ॥” 
\p ᤀᤠᤔᤧᤴ᥄ ᤍᤠᤱᤒᤠ ᤕᤧᤛᤢᤀᤣ. ᤕᤧ᤹ᤀᤥ᥄ 
\p  
\v 21 ᤍᤠᤱᤒᤠ ᤕᤧᤛᤢᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤖᤥ॥ ᤀᤠᤔᤧᤴ॥