\id PHP  
\h ᤑᤡᤗᤡᤵᤐᤡ 
\toc1 ᤐᤠᤘᤗᤖᤧ ᤑᤡᤗᤡᤵᤐᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\toc2 ᤑᤡᤗᤡᤵᤐᤡ 
\toc3 ᤑᤡᤗᤡᤵᤐᤡ 
\mt1 ᤐᤠᤘᤗᤖᤧ ᤑᤡᤗᤡᤵᤐᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤛᤣ᤺ᤰᤕᤢᤰᤔᤡᤒᤠ ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤑᤡᤗᤡᤵᤐᤡ ᤕᤧᤰᤕᤰᤁᤥᤒᤠ ᤛᤣᤛᤣᤜᤢᤵᤗᤰᤁᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤑᤡᤗᤡᤵᤐᤡ᤺ᤴ ᤔᤧᤛᤣᤍᤥᤏᤡᤕᤠ ᤔᤧᤵᤔᤏᤠᤒᤠ ᤖᤥᤔᤡ ᤂᤠᤶᤄᤢᤛ᤻ᤔᤠ ᤌᤡᤰ ᤕᤧᤰᤕᤰ ᤘᤕᤧ॥ ᤀᤠᤀᤡᤴ ᤋᤠ᤺ᤴᤍᤡᤰ ᤂᤧᤴ ᤕᤢᤖᤥᤐ ᤐᤕᤶ ᤗᤠᤈᤣ᤹ᤀᤥ ᤏᤧᤖᤥ॥ ᤌᤡᤰ ᤕᤧᤶᤔᤥ ᤐᤠᤘᤗᤖᤧ ᤑᤡᤗᤡᤵᤐᤡᤀᤥ ᤐᤣᤀᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢ. ᤜᤧᤰᤁᤩᤠᤱ ᤂᤧᤵᤔᤥ ᤛᤣᤛᤣᤜᤢᤵᤗᤰ ᤜᤣ᤺ᤰᤋᤢ (ᤛᤣ᤺ᤰᤕᤢᤰᤔᤡᤒᤠ ᥇᥌.᥇᥇-᥊᥆)॥ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤧᤸᤗᤧ ᤐᤠᤘᤗᤧᤴ ᤐᤢᤱᤗᤠᤜᤡᤶᤔᤥ ᤛᤠᤰᤋᤧᤀᤠᤱ ᤕᤠᤃᤧ॥ ᤂᤧᤴ ᤕᤧᤶᤔᤥ ᤑᤡᤗᤡᤵᤐᤡ ᤛᤣᤛᤣᤜᤢᤵᤗᤰᤁᤥ ᤀᤡᤱᤗᤧᤰᤐᤠ ᤏᤡᤛᤠᤶᤔᤡᤴ ᤀᤡᤱᤓᤥ᤺ᤛᤧᤖ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤛᤰᤔᤠ ᤐᤢ᤹ᤖᤧᤀᤠᤱ ᤘᤕᤧ॥ ᤁᤖ ᤁᤴ ᤛᤰᤀᤡᤱᤄᤱᤅᤥ ᤐᤠᤘᤗᤖᤧ ᤆᤥᤃᤢᤒᤠ ᤏᤛᤠ᤺ᤴᤏᤡᤸᤗᤧ ᤑᤡᤗᤡᤵᤐᤡᤀᤥᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤛ᤺ᤵᤔᤠᤴ ᤏᤢ ᤜᤠᤱᤜᤠᤱ ᤗ᤹ᤔᤠᤴ ᤋᤠᤖᤢ ᤐᤡᤖᤢᤛᤡᤖᤥ॥ 
\ip ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤔᤠᤀᤣ ᤁᤧᤒᤥ᤺ᤱᤒᤠ ᤐᤠ᤺ᤴ ᤌᤣ ᤘᤕᤧᤓᤧᤸᤗᤧ ᤑᤡᤗᤡᤵᤐᤡᤒᤠ ᤏᤛᤠᤏᤡᤒᤠᤜᤠ᤹ ᤏᤥᤃᤧᤴ ᤐᤡᤔᤠᤛᤡ ᤘᤕᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤆᤠᤜᤠᤒᤥ ᤌᤩᤧ᤺ᤸᤗᤧ ᤁᤢᤓᤠ᤹ ᤔᤧᤒᤡᤖᤢᤀᤠᤱ ᤘᤕᤧᤖᤥ॥ ᤂᤢᤏᤧ᤹ ᤏᤢ ᤑᤡᤗᤡᤵᤐᤡᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤀᤡᤏᤥᤃᤧᤴ ᤋᤢᤰᤂᤣ ᤋᤩᤧ᤺ᤸᤗᤧ ᤂᤧᤱᤜᤠ᤹ ᤀᤠ᤺ᤴᤇᤡᤱᤔᤠ ᤐᤡᤔᤠᤛᤡ ᤏᤢ ᤜᤠᤱᤜᤠᤱ ᤔᤧᤵᤔᤠᤛᤡ ᤑᤠ᤹ᤀᤠᤱᤅᤠᤱ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤒᤠᤖᤥ॥ ᤀᤡᤱᤃᤠ᤹ᤖᤰ ᤆᤥᤃᤢᤱ ᤆᤠᤱ ᤗ᤹ᤖᤡᤰ ᤀᤠᤱᤍᤡᤱ ᤗ᤹ᤔᤠᤀᤠᤱ ᤘᤠ᤹ᤔᤠᤏᤢ᤺ᤸᤗᤧ ᤕᤧᤛᤢᤖᤧ ᤁᤢᤏ᤺ᤶᤏ᤺ᤶᤒᤠ ᤕᤧᤵᤗᤧᤰᤁᤡᤴ ᤏᤢ ᤏᤥᤛᤪᤱᤅᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢᤛᤡᤖᤥ॥ ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤁᤧᤒᤥ᤺ᤱᤒᤠ ᤂᤢᤏᤡ᤹ ᤜᤡᤱᤔᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤠᤱᤘᤠ ᤔᤢ᤹ᤀᤡ ᤏᤢ ᤐᤷᤎᤠ᤺ᤶᤗᤥ ᤑᤠ᤹ᤀᤠᤱ ᤔᤧᤳᤋᤢᤛᤡ᤹॥ ᤁᤴ ᤜᤡᤱᤔᤴᤏᤡᤴ ᤕᤜᤢᤍᤡ ᤛᤠᤶᤕᤥᤌᤡᤶ ᤏᤢ ᤛᤠᤰᤌᤡᤶᤜᤠ᤹ ᤔᤧᤀᤡ᤺ᤳᤋᤢ ᤔᤧᤏᤠ᤺ᤳᤋᤢᤀᤠᤱ ᤔᤧᤄᤥ᤺ᤛᤢᤒᤠ ᤔᤧ᤺ᤴ. ᤁᤖ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤔᤧᤄᤥ᤺ᤛᤢᤒᤠᤖᤥ ᤗ᤹ᤖᤡᤰ ᤐᤥᤎᤰᤋᤢᤛᤡ᤹॥ ᤕᤧᤛᤢ ᤂᤪᤡᤛ᤻ᤋᤀᤥ ᤏᤛᤠ᤺ᤴ ᤁᤧᤈᤥ᤺ᤰᤐᤠᤀᤠᤱ ᤂᤢᤏᤧ᤹ᤏᤢ ᤌᤡᤰᤜᤢᤵ ᤁᤧᤒᤥ᤺ᤱᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤧᤄᤥ᤺ᤛᤢᤒᤠ ᤛ᤺ᤵᤔᤠᤴ ᤏᤢ ᤛᤏᤠᤖᤢᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤠᤵᤋᤢᤀᤠᤱ ᤜᤠᤰᤋᤢᤛᤡᤖᤥ॥ 
\ip ᤁᤴ ᤛᤰᤀᤡᤱᤄᤱᤅᤡᤸᤗᤧ ᤏᤛᤠᤏᤡᤒᤠ ᤜᤡᤱᤔᤴᤏᤥ ᤏᤢ ᤏᤛᤠ᤺ᤴᤏᤥ ᤂᤥᤃᤧᤍᤧᤵᤐᤠ ᤛ᤺ᤵᤔᤠᤴ. ᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤔᤠᤴ. ᤌᤡᤰᤜᤢᤵᤐᤡᤴ ᤜᤧᤰᤁᤩᤠᤱ ᤏᤛᤠ᤺ᤴᤏᤥ ᤀᤡᤃᤣ᤺ᤰᤁᤠᤱ ᤐᤵᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢ᤹॥ ᤑᤡᤗᤡᤵᤐᤡᤒᤠ ᤛᤣᤛᤣᤜᤢᤵᤗᤰᤁᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤐᤠᤘᤗᤖᤧ ᤀᤠᤰᤂᤧᤴ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤋᤢᤛᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤴ ᤛᤰᤀᤡᤱᤄᤱᤗᤠᤶᤒᤠ ᤛᤧᤰᤂᤠ ᤌᤠ᤺ᤵᤗᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᤏᤢ ᤋᤢᤘᤠ᤺ᤴ ᥇.᥇-᥇᥇ 
\io1 ᤐᤠᤘᤗᤖᤧ ᤀᤠᤒᤠᤅᤣ ᤁᤢᤍᤢᤰᤂᤣ ᤁᤢᤗᤠᤰᤂᤣ ᥇.᥇᥈-᥈᥌ 
\io1 ᤂᤪᤡᤛ᤻ᤋᤧᤴᤏᤢ ᤁᤧᤘᤠ᤹ᤒᤠ ᤜᤡᤱᤔᤴ ᥇.᥈᥍-᥈.᥇᥎ 
\io1 ᤋᤡᤔᤥᤌᤡ᤺ᤴ ᤏᤢ ᤀᤡᤐᤠᤑᤪᤥᤍᤠᤀᤡᤋᤛᤖᤧ ᤂᤢᤴᤇᤡ᤹ ᤗᤠᤃᤡ ᤏᤡᤱᤛᤣ᤺ᤰ ᥈.᥇᥏-᥉᥆ 
\io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤔᤠᤀᤣ ᤐᤥ᤺ᤱ ᥉.᥇-᥊.᥏ 
\io1 ᤐᤠᤘᤗᤖᤧ ᤑᤡᤗᤡᤵᤐᤡᤒᤠ ᤁᤢᤴᤈᤢᤶᤜᤠ᤹ ᤏᤥᤃᤧᤴ ᤐᤡᤖᤢᤛᤡ᤹ ᥊.᥇᥆-᥈᥆ 
\io1 ᤁᤢᤏᤢᤵᤔᤠ ᤛᤣᤘᤠ ᥊.᥈᥇-᥈᥉ 
\c 1  
\s1 ᤐᤠᤘᤗᤖᤧ ᤛᤣᤘᤠ ᤜᤠᤰᤋᤢᤛᤡ᤹ 
\p  
\v 1 ᤑᤡᤗᤡᤵᤐᤡ\f * \fr 1:1 \ft ᤑᤡᤗᤡᤵᤐᤡ–ᤁᤴ ᤔᤧᤛᤣᤍᤥᤏᤡᤕᤠ ᤗᤠᤈᤣ᤹ᤀᤥᤒᤠ ᤗᤳᤇᤠ ᤕᤧᤰᤕᤰ ᤘᤕᤧᤖᤥ॥ ᤐᤠᤘᤗᤖᤧ ᤑᤡᤗᤡᤵᤐᤡᤒᤠ ᤔᤏᤠᤜᤠ᤹ ᤋᤃᤡᤛᤠ ᤛᤢᤏᤠᤀᤡᤱ ᤀᤡᤱᤓᤴ ᤆᤥᤃᤢᤛᤡᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤀᤥ ᤕᤖᤡᤰ ᤏᤛᤠᤏᤡᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤕᤧ॥\f* ᤕᤧᤰᤕᤰᤁᤥ ᤁᤧᤘᤠ᤹ᤒᤠ ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤖᤧᤰ ᤛᤣᤛᤣ ᤁᤢᤔᤏᤠᤜᤠ᤹ ᤜᤧᤰᤁᤩᤠᤱ ᤛᤣᤛᤣᤜᤢᤵᤗᤰᤁᤥᤒᤠ ᤗᤠᤶᤗᤥ᤺ᤒᤠᤜᤠ᤹\f * \fr 1:1 \ft ᤛᤣᤛᤣᤜᤢᤵᤗᤰᤁᤥᤒᤠ ᤗᤠᤶᤗᤥ᤺ᤒᤠᤜᤠ᤹–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤒᤡᤛᤵᤜᤠ᤹” ᤐᤥ᤺ᤱᤗᤥ॥ ᤂᤧᤴ ᤑᤠ᤹ᤀᤡᤴ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠ ᤁᤶᤒᤪᤠᤱ ᤁᤧᤔᤧᤵᤐᤠ ᤀᤡᤃᤪ ᤀᤥᤃᤧᤔᤵᤐᤠᤛᤡᤖᤥ॥\f* ᤏᤢ ᤔᤠᤱᤛᤣᤘᤠᤖᤥᤒᤠᤛᤣ\f * \fr 1:1 \ft ᤔᤠᤱᤛᤣᤘᤠᤖᤥᤒᤠᤛᤣ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤍᤡᤁᤴ” ᤐᤥ᤺ᤱᤗᤥ॥\f* ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤛᤣᤘᤠᤖᤥᤒᤠ ᤀᤡᤱᤃᤠ᤹ ᤐᤠᤘᤗ ᤏᤢ ᤋᤡᤔᤥᤌᤡᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤁᤠᤛᤡᤃᤧᤖᤥ॥ 
\p  
\v 2 ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤗᤢᤱᤃᤢᤶ ᤏᤢ ᤛᤏᤠᤖᤢᤱᤅᤡᤴ ᤂᤡᤏᤡ᤹ ᤁᤧᤒᤡᤖᤡᤖ॥ 
\s1 ᤐᤠᤘᤗᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ᤹ 
\p  
\v 3 ᤏᤡᤱᤘᤠ᤹ ᤀᤡ᤺ᤳᤏᤡᤱᤒᤠ ᤕᤧᤶ ᤌᤵᤔᤣ ᤀᤡᤱᤃᤠ᤹ ᤛᤣᤘᤠ ᤆᤥᤃᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤱᤗᤥ.  
\v 4 ᤀᤡᤱᤃᤠ᤹ ᤂᤡᤏᤡ᤹ ᤗᤠᤃᤡ ᤋᤢᤘᤠ ᤆᤥ᤺ᤰᤁᤠᤸᤗᤧ ᤀᤠᤵᤑᤠᤸᤗᤧᤛᤠᤱ ᤛ᤺ᤳᤋᤠᤖ ᤋᤢᤘᤠ ᤆᤥ᤺ᤰᤁᤠ.  
\v 5 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤢᤏᤠᤀᤡᤱ ᤁᤧᤄᤧᤵᤛᤢᤶᤒᤠ ᤌᤡᤰᤛᤡᤃᤣ᤺ᤰᤐᤠ ᤕᤧᤴᤏᤠᤱᤎᤥ ᤀᤠᤸᤗ ᤌᤠᤖᤡᤰ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤛᤧ᤺ᤔᤠᤀᤥ ᤀᤡᤱᤃᤠ᤹ᤏᤢ ᤛᤥᤛᤥᤖᤡᤰ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 6 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤥ ᤏᤢ᤺ᤒᤠ ᤕᤠ᤺ᤶᤒᤰ ᤜᤣ᤺ᤰᤋᤢᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤪᤡᤛ᤻ᤋ ᤕᤧᤛᤢᤖᤧ ᤕᤠᤶᤔᤥ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴ ᤌᤠᤖᤡᤰᤗᤧ ᤂᤧᤴ ᤕᤠ᤺ᤶᤒᤰᤁᤡᤴ ᤆᤥᤃᤢ ᤛᤢᤖᤢ᤹ ᤁᤧᤗ᤹ᤒᤠ ᤐᤠ᤺ᤴᤏᤥ ᤏᤡᤱᤘᤠ᤹ ᤏᤡ᤺ᤴᤎᤥᤀᤥ ᤘᤠ᤹ᤀᤠᤖᤥ॥ 
\p  
\v 7 ᤂᤡᤏᤡ᤹ ᤕᤠ᤺ᤶᤒᤣᤀᤥ ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢᤱᤒᤠᤴ ᤗᤠ᤹ᤖᤢ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤏᤡᤱᤅᤠᤱ ᤘᤠ᤹ ᤜᤧᤰᤁᤩᤠᤱ ᤐᤢᤱᤗᤠᤜᤡᤶᤔᤥ ᤕᤠᤰᤁᤠᤛᤠᤱ. ᤛᤢᤏᤠᤀᤡᤱᤅᤡᤸᤗᤧᤴ ᤛᤧᤰᤂᤠ᤺ᤴ ᤋᤠᤱᤛᤧ᤺ᤵᤋᤢᤱᤛᤠᤱ ᤀᤡᤃᤪ ᤛᤢᤏᤠᤀᤡᤱᤅᤡᤴ ᤀᤡᤱᤓᤥ᤺ᤛᤢᤱᤛᤠᤱ. ᤂᤡᤏᤡ᤹ ᤀᤡᤱᤃᤠ᤹ᤏᤢ ᤛᤥᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧᤴ ᤗᤰ ᤁᤧᤄᤥ᤺ᤒᤠ ᤁᤧᤒᤥ᤺ᤰᤂᤡ᤹ᤖᤥ॥  
\v 8 ᤂᤪᤡᤛ᤻ᤋ ᤕᤧᤛᤢᤖᤧ ᤜᤧᤰᤁᤣᤀᤣ ᤗᤢᤱᤔᤠ᤹ ᤋᤢᤰᤏᤡᤱᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤶᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤱ ᤁᤧᤗ᤹ᤒᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡ᤺ᤛᤢ᤹ᤖᤥ॥ 
\p  
\v 9 ᤀᤡᤱᤃᤠ᤹ ᤀᤰᤂᤣᤗ᤹ᤖᤡᤰ ᤋᤢᤘᤠ ᤆᤥᤃᤢᤱᤗᤥ–ᤂᤡᤏᤡ᤹ ᤀᤠᤸᤗᤛᤠᤱ ᤕᤖᤡᤰ ᤗᤢᤱᤔᤠ᤹ ᤁᤧᤍᤢᤰᤁᤠᤛᤡᤀᤠᤱ ᤏᤧᤜᤡᤏᤡᤱᤘᤠ᤹ ᤏᤢ ᤂᤠᤛᤡᤱ ᤏᤡ᤺ᤵᤔᤠᤸᤗᤧ ᤁᤧᤒᤥᤖᤡᤖ ᤁᤧᤒᤣᤃᤡᤖ.  
\v 10 ᤜᤧᤰᤁᤣᤗ᤹ᤖᤡᤰ ᤛᤠ᤹ᤖᤡᤰ ᤏᤢ᤺ᤒᤠ ᤐᤠ᤺ᤴᤜᤠ᤹ ᤛᤣ᤺ᤰᤔᤠ ᤜᤧᤰᤁᤩᤠᤱ ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴ ᤌᤠᤖᤡᤰ ᤛᤣᤛᤣ ᤏᤢ ᤑᤥᤋᤩᤠ ᤔᤧ᤺ᤴᤏᤣ ᤘᤠ᤹ᤔᤠ ᤁᤧᤛᤢᤰᤋᤢᤶᤗ.  
\v 11 ᤜᤧᤰᤁᤩᤠᤱ ᤂᤡᤏᤡ᤹ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤓᤠ᤹ᤗᤠᤶ ᤕᤖᤡᤰ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤗ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢᤱᤗᤥ. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤡᤔᤡᤍᤡᤱ ᤏᤢ ᤏᤠᤖᤠ ᤑᤥ᤺ᤔᤠᤴ ᤐᤥ᤺ᤱᤗᤥ॥ 
\s1 ᤐᤠᤘᤗᤖᤧ ᤁᤢᤍᤢᤰᤂᤣ᤺ᤸᤗᤧ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤐᤥ᤹᤺ 
\p  
\v 12 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤸᤗ ᤀᤡᤱᤃᤠ᤹ ᤋᤢᤔᤢᤱᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤃ ᤛᤢᤏᤠᤀᤡᤱ ᤛᤧ᤺ᤔᤠ ᤁᤢᤓᤠ᤹ ᤐᤥ᤺ᤰᤂᤧᤀᤠᤱ ᤘᤠ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤥᤃᤢᤱᤗᤥ॥  
\v 13 ᤌᤣᤀᤠᤱᤓᤧᤸᤗᤧ ᤜᤠᤱᤜᤡᤶ ᤋᤠᤱᤃᤧᤛᤧ᤺ᤵᤐᤠ ᤁᤠᤰ ᤌᤰᤛᤢᤒᤠᤜᤠ᤹ ᤏᤢ ᤁᤵᤔᤥ ᤁᤧᤘᤠ᤹ᤒᤠ ᤁᤠᤰ ᤔᤏᤠᤜᤠ᤹ᤖᤧᤀᤠᤱ ᤀᤡᤱᤃᤠ᤹ ᤂᤪᤡᤛ᤻ᤋᤧᤴ ᤛᤣᤘᤠ ᤆᤥᤃᤢᤱᤒᤠᤸᤗᤧ ᤀᤡᤄᤣ᤺ᤱᤅᤥ ᤌᤩᤠᤱᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥  
\v 14 ᤀᤡᤱᤃᤠ᤹ ᤐᤢᤱᤗᤠᤜᤡᤶᤔᤥ ᤌᤩᤠᤱᤅᤠᤱ ᤘᤠ᤹ᤀᤠᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤋᤱᤒᤠ ᤏᤛᤠᤏᤡᤒᤠᤜᤠ᤹ᤖᤧᤃ ᤛᤠ᤹ᤖᤡᤰ ᤀᤠ᤺ᤴᤇᤡᤱᤔᤠ ᤔᤧᤄᤥ᤺ᤛᤢᤀᤠᤱ ᤔᤧᤱᤃᤡᤀᤣ ᤜᤠᤱᤜᤠᤱᤅᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ\f * \fr 1:14 \ft ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤐᤠ᤺ᤴᤈᤠᤰ” ᤀᤡᤃᤪ “ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ” ᤐᤥ᤺ᤱᤗᤥ॥\f* ᤘᤣ᤹ ᤔᤏᤠᤜᤠ᤹ ᤔᤧᤔᤧᤳᤋᤢᤛᤡ᤹ᤖᤥ॥  
\v 15 ᤁᤢᤓᤠᤖᤧᤃ ᤏᤠᤔᤧᤜᤧᤳᤋᤠᤀᤠᤱ ᤂᤣᤔᤠ ᤌᤰᤔᤠ ᤏᤡᤱᤘᤠ᤹ᤗᤠᤶ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤔᤧᤓᤥ᤺ᤛᤢ᤹. ᤁᤖ ᤁᤢᤓᤠᤖᤧᤃ ᤏᤥᤏᤡᤱᤘᤠ᤹ᤏᤢ ᤜᤧᤰᤁᤣ ᤔᤧᤈᤥᤃᤢ᤹ᤖᤥ॥  
\v 16 ᤂᤧᤴ ᤏᤥᤏᤡᤱᤘᤠ᤹ᤏᤢ ᤀᤡᤱᤃᤧᤓᤥ᤺ᤒᤠᤜᤠ᤹ᤖᤧᤃ ᤗᤢᤱᤔᤠ᤹ ᤔᤧᤍᤢᤰᤋᤠᤱᤒᤠᤸᤗᤧ ᤜᤧᤰᤁᤣ ᤔᤧᤈᤥᤃᤢ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤛᤢᤏᤠᤀᤡᤱᤅᤡᤸᤗᤧᤴ ᤛᤧᤰᤂᤠ᤺ᤴ ᤋᤠᤱᤛᤧ᤺ᤵᤛᤧ ᤀᤡᤱᤃᤠ᤹ ᤛᤣ᤺ᤰᤕᤢᤰ ᤐᤥ᤺ᤰᤂᤠᤱᤒᤠ ᤑᤠ᤹ᤀᤠᤱ ᤔᤧᤏᤡ᤺ᤛᤢᤀᤠᤱ ᤔᤧᤘᤠ᤹ᤖᤥ॥  
\v 17 ᤜᤧᤰᤁᤩᤠᤱ ᤂᤧᤴ ᤏᤠᤜᤧᤶᤔᤠ ᤏᤡᤱᤘᤠ᤹ᤗᤠᤶ ᤀᤡᤱᤃᤧᤓᤥ᤺ᤒᤠᤜᤠ᤹ᤖᤧᤃ ᤏᤥᤏᤡᤱᤘᤠ᤹ᤗᤠᤶ ᤔᤧ᤺ᤴ. ᤁᤖ ᤂᤰᤂᤫᤠ ᤏᤡᤱᤘᤠ᤹ᤀᤡᤸᤗᤧ ᤛᤢᤏᤠᤀᤡᤱ ᤀᤡᤱᤔᤧᤓᤥ᤺ᤛᤢᤀᤠᤱ ᤐᤢᤱᤗᤠᤜᤡᤶᤔᤥ ᤕᤠᤰᤁᤠᤸᤗᤧ ᤀᤠᤸᤗᤛᤠᤱ ᤋᤢᤰᤂᤣ ᤕᤥ᤹ᤛᤡᤱᤏᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤈᤥᤃᤢ᤹ᤖᤥ॥  
\v 18 ᤆᤩᤠᤛᤠᤱ. ᤀᤠᤸᤗ ᤀᤠᤳᤋᤡᤴ ᤐᤖᤡᤰᤗᤧᤛᤠᤱ. ᤏᤥᤏᤡᤱᤘᤠ᤹ᤀᤡᤸᤗᤧ ᤀᤡᤃᤪ ᤑᤧᤴ ᤏᤡᤱᤘᤠ᤹ᤀᤡᤸᤗᤧ. ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤓᤥ᤺ᤸᤗᤧᤃ ᤏᤢ᤺ᤒᤠᤀᤣᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤛ᤺ᤳᤋᤠᤖᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤆᤰᤔᤧᤸᤗ᤹ᤀᤣ ᤛ᤺ᤳᤋᤠ.  
\v 19 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤗᤠᤃᤡ ᤁᤧᤈᤥᤃᤢᤶᤒᤠ ᤐᤣᤗᤡᤃᤧᤴ ᤋᤢᤘᤠᤗᤠᤶ ᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤐᤡᤀᤠᤒᤠ ᤁᤢᤓᤠ᤹ᤗᤠᤶᤒᤠ ᤀᤡᤱᤃᤠ᤹ ᤆᤥ᤺ᤰᤕᤢᤶᤓᤥ ᤂᤥ᤺ᤛᤢᤱ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ 
\s1 ᤂᤪᤡᤛ᤻ᤋᤖᤧ ᤁᤢᤗᤠᤃᤡ ᤜᤡᤱᤔᤠ 
\p  
\v 20 ᤀᤡᤱᤃᤠ᤹ᤃ ᤀᤠᤕᤠ᤺ᤶᤒᤰᤁᤡᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤛᤡᤖᤡᤱᤔ᤺ᤔᤥ ᤀᤠᤵᤑᤠᤸᤗᤧᤀᤠᤱ ᤔᤧᤎᤠᤀᤠᤴᤏᤡ ᤁᤖ ᤀᤡᤱᤃᤠ᤹ ᤜᤠᤱᤜᤠᤱ ᤁᤧᤗ᤹ᤒᤠ ᤐᤥ᤺ᤱᤅᤠᤱ ᤛᤡ᤺ᤀᤠᤛᤠᤱ ᤜᤡᤱᤅᤠᤛᤠᤱ ᤀᤡᤱᤃᤠ᤹ ᤀᤠᤜᤡᤱᤔᤴᤗᤠᤶᤒᤠ ᤀᤠᤸᤗᤥ ᤜᤧᤰᤁᤣ ᤛᤍᤠᤍᤡᤱ ᤂᤪᤡᤛ᤻ᤋᤖᤧ ᤁᤢᤔᤡᤱᤛᤥ ᤀᤡᤱᤎᤠ᤺ᤱ ᤐᤥ᤺ᤱᤗ ᤑᤠ᤹ᤀᤠᤱ ᤐᤕᤶ ᤏᤡᤱᤘᤠ᤹ ᤏᤢ ᤏᤡᤱᤛᤠᤱ ᤆᤥᤃᤢᤱᤗᤥ॥  
\v 21 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤜᤡᤱᤅᤠᤏᤧ ᤑᤠ᤹ᤃᤪ ᤕᤧᤛᤢ ᤂᤪᤡᤛ᤻ᤋᤖᤧ ᤗᤠᤃᤡ ᤐᤥ᤺ᤱ. ᤜᤧᤰᤁᤩᤠᤱ ᤛᤡ᤺ᤀᤠ ᤐᤣ᤺ᤰᤁᤠᤛᤠᤱ ᤀᤡᤱᤃᤠ᤹ ᤀᤠᤗᤠᤃᤡ ᤀᤡᤴᤎᤠ᤺ᤱᤅᤣ ᤐᤥ᤺ᤱᤗᤥ॥  
\v 22 ᤁᤖ ᤀᤡᤱᤃᤠ᤹ ᤜᤡᤱᤅᤠᤏᤧ ᤑᤠ᤹ᤃᤪ ᤂᤪᤡᤛ᤻ᤋᤖᤧ ᤁᤢᤛᤣᤘᤠ ᤆᤥ᤺ᤰᤔᤠ ᤕᤠ᤺ᤶᤒᤰ ᤂᤥ᤺ᤛᤢᤱᤗᤥ॥ ᤜᤧᤰᤁᤣ᤺ᤸᤗᤧ ᤌᤧᤔᤠ᤺ᤴ ᤛᤣᤃᤢᤱᤒᤠᤒᤣ᥅ ᤔᤧᤏᤡᤀᤠᤴᤗᤥ᥄  
\v 23 ᤀᤡᤱᤃᤠ᤹ᤃ ᤌᤥ ᤏᤠ ᤕᤥ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥ ᤛᤧᤰᤂᤠ᤺ᤸᤗᤧ ᤀᤡᤱᤃᤠ᤹ᤃ ᤁᤴ ᤜᤡᤱᤔᤴᤏᤡᤴ ᤗᤧᤖᤢᤱᤅᤠᤱ ᤂᤪᤡᤛ᤻ᤋᤧᤴᤏᤢᤀᤣ ᤘᤠ᤹ᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤗᤠᤃᤡᤃ ᤂᤧᤴ ᤛᤠ᤹ᤖᤡᤰ ᤏᤢ᤺ᤒᤠ ᤐᤥ᤺ᤱᤗᤥ॥  
\v 24 ᤁᤖ ᤀᤡᤱᤃᤠ᤹ ᤜᤡᤱᤔᤠᤀᤠᤱ ᤘᤠ᤹ᤔᤠᤃ ᤂᤡᤏᤡ᤹ ᤗᤠᤃᤡ ᤛᤠ᤹ᤖᤡᤰ ᤁᤧᤕᤧᤰᤐᤠ ᤐᤥ᤺ᤱᤗᤥ॥  
\v 25 ᤀᤡᤱᤃᤠ᤹ ᤁᤴ ᤐᤠ᤺ᤴᤏᤥ ᤏᤡᤛ᤻ᤛᤣᤀᤣ ᤘᤠ᤹ᤀᤠᤖᤥ. ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤂᤡᤏᤡ᤹ᤏᤢ ᤘᤠ᤹ᤀᤠᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤁᤧᤎᤢᤶᤒᤠ ᤐᤥ᤺ᤱᤅᤠᤱ ᤂᤧᤴᤗᤠᤶᤒᤠ ᤁᤧᤛ᤺ᤳᤋᤡ᤹ ᤁᤧᤗ᤹ᤒᤠᤴ ᤏᤡ᤺ᤛᤢᤱᤗᤥ॥  
\v 26 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤕᤠᤶᤔᤥ ᤏᤢ᤺ᤱᤅᤠ ᤋᤠᤀᤠᤸᤗᤧ ᤀᤡᤱᤃᤠ᤹ ᤆᤥᤃᤢᤱᤒᤠᤸᤗᤧ ᤂᤪᤡᤛ᤻ᤋ ᤕᤧᤛᤢᤀᤥ ᤂᤡᤏᤡ᤹ ᤛᤠ᤹ᤖᤡᤰ ᤁᤧᤛ᤺ᤳᤋᤡ᤹ᤖᤥ॥ 
\p  
\v 27 ᤁᤠᤰᤏᤢ᤺ᤸᤗᤧ ᤁᤧᤕᤧᤰᤐᤠ ᤐᤠ᤺ᤱᤃ ᤂᤪᤡᤛ᤻ᤋᤖᤧ ᤁᤢᤛᤢᤏᤠᤀᤡᤱᤅᤡᤴ ᤗᤠ᤹ᤖᤢᤒᤠ ᤜᤡᤱᤔᤴᤏᤥ ᤂᤡᤏᤡ᤹ ᤘᤕᤧᤶᤔᤧ᤹ᤀᤥ॥ ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤋᤠᤀᤠᤀᤠᤱ ᤏᤡ᤺ᤏᤡᤱᤛᤠᤱ ᤀᤡᤃᤪ ᤂᤡᤏᤡ᤹ ᤕᤠ᤺ᤶᤒᤣᤀᤥᤖᤰ ᤂᤧᤵᤛᤢᤱᤛᤠᤱ ᤂᤡᤏᤡ᤹ ᤛᤢᤏᤠᤀᤡᤱᤅᤡᤸᤗᤧᤴ ᤏᤛᤠ᤺ᤴᤏᤥ ᤁᤧᤍᤱᤅᤠᤛᤡᤀᤠᤱ ᤕᤠᤶᤒᤢᤎᤡᤰᤁᤠᤱ ᤕᤠ᤺ᤶᤒᤰ ᤁᤧᤈᤥᤃᤢᤶᤒᤠ ᤐᤠ᤺ᤴᤏᤡᤴ ᤏᤡ᤺ᤛᤢᤱᤗᤥ॥  
\v 28 ᤂᤡᤏᤡ᤹ ᤁᤧᤀᤵᤐᤠᤜᤠ᤹ᤖᤧ ᤀᤠᤳᤋᤡᤴ ᤐᤠ᤺ᤴᤏᤥᤀᤠᤱ ᤕᤱᤔᤠ ᤁᤧᤔᤧᤴᤇᤧᤖᤡᤴᤗᤖᤥ॥ ᤁᤱᤃ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤧᤰᤔᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤂᤡᤏᤡ᤹ ᤛᤧᤴᤗᤵ ᤂᤥ᤺ᤔᤠ ᤔᤡᤰᤛᤣ᤺ᤴᤗᤥ॥  
\v 29 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥ᤺ᤰᤔᤠᤖᤰ ᤔᤧ᤺ᤴ. ᤁᤖ ᤂᤢᤏᤧ᤹ ᤁᤢᤗᤠᤃᤡ ᤀᤡᤏᤥᤃᤧᤴ ᤋᤢᤰᤂᤣ ᤆᤠᤔᤠᤀᤠᤱ ᤛᤢᤕᤧᤶᤔᤡᤴ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 30 ᤜᤧᤰᤁᤩᤠᤱ ᤐᤣᤕᤧᤶᤔᤥ ᤁᤧᤏᤡ᤺ᤛᤢᤶᤒᤠ ᤀᤡᤏᤥᤃᤧᤴ ᤀᤠᤍᤢᤰᤂᤣ᤺ᤴ ᤀᤠᤸᤗᤥ ᤌᤠᤖᤡᤰᤁᤠᤱ ᤌᤖᤢᤱᤗ ᤘᤠ᤹ᤀᤠᤒᤠᤴ ᤁᤧᤄᤧᤵᤛᤢᤶᤗ ᤁᤧᤘᤕᤡ᤹॥ ᤜᤠᤒᤠ ᤁᤴ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤂᤡᤏᤡ᤹ᤀᤠᤱ ᤁᤧᤍᤢᤔᤢᤶᤗ ᤁᤧᤘᤕᤡ᤹ᤖᤥ॥ 
\c 2  
\s1 ᤂᤪᤡᤛ᤻ᤋᤖᤧ ᤁᤢᤏ᤺ᤶᤏᤶ ᤗ᤹ᤔᤠᤴ 
\p  
\v 1 ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤒᤠᤗᤠᤶ ᤜᤠᤱᤜᤠᤱ ᤁᤧᤗ᤹ᤖᤡ᤹. ᤂᤢᤏᤧ᤹ ᤁᤢᤔᤡ᤺ᤶᤈᤡᤗᤠᤶ ᤛᤰᤔᤠ ᤁᤧᤳ. ᤛᤣᤛᤣᤔᤠᤱᤅᤡᤴᤏᤢ ᤋᤱᤈᤢᤶᤔᤥ ᤁᤧᤘᤕᤡ᤹. ᤂᤡᤏᤡ᤹ ᤛᤡᤰᤗᤢᤱᤔᤥᤗᤠᤶ ᤗᤢᤱᤔᤠ᤹ ᤁᤧᤍᤢᤰᤁᤠᤛᤡᤒᤠᤸᤗᤧ ᤆᤥᤃᤢᤸᤗᤧ  
\v 2 ᤏᤡᤱᤘᤠ᤹ ᤁᤧᤍᤱᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤗᤳᤇᤠ ᤔᤡ᤺ᤶᤈᤡᤀᤥ. ᤗᤳᤇᤠ ᤏᤡᤱᤘᤠ᤹ᤀᤥ ᤏᤢ ᤗᤳᤇᤠ ᤏᤡᤱᤘᤠ᤹ᤛᤥ᤺ᤰᤁᤥ ᤘᤕᤧᤶᤔᤧ᤹ᤖ ᤛᤠ᤹ᤖᤡᤰ ᤀᤠᤏᤡᤱᤘᤠ᤹ ᤋᤠᤛᤧᤶᤔᤧ᤹ᤀᤥ॥ 
\p  
\v 3 ᤂᤰᤂᤫᤠ ᤏᤡᤱᤘᤠ᤹ ᤏᤢ ᤀᤠᤱᤍᤡᤱ ᤗ᤹ᤔᤠᤗᤠᤶ ᤌᤣᤀᤠᤱ ᤔᤧᤈᤥᤃᤧᤶᤔᤡᤴᤏᤧ᤹. ᤁᤖ ᤆᤢᤱᤈᤡᤃᤧᤴ ᤏ᤺ᤶᤛᤡᤱᤔᤠᤗᤠᤶ ᤘᤣ᤹ᤜᤠ᤹ ᤀᤠᤵᤑᤣ᤺ᤰᤏᤢ᤺ᤸᤗᤧᤀᤠᤱ ᤁᤧᤕᤧᤰᤐᤠ ᤀᤡ᤺ᤳᤋᤧᤶᤛᤡᤶᤔᤧ᤹ᤀᤥ॥  
\v 4 ᤂᤡᤏᤡ᤹ ᤀᤠᤒᤠᤅᤣ ᤏᤢ᤹ᤔᤠ ᤋᤠᤔᤠᤴᤗᤰ ᤔᤧ᤺ᤴ. ᤁᤖ ᤘᤣ᤹ᤜᤠ᤹ᤖᤧ ᤂᤢᤏᤡ᤹ ᤏᤢ᤹ᤔᤠ ᤋᤠ᤺ᤔᤠᤴᤏᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ 
\p  
\v 5 ᤂᤪᤡᤛ᤻ᤋ ᤕᤧᤛᤢᤖᤧ ᤏᤡᤱᤘᤠ᤹ ᤀᤡ᤺ᤳᤋᤢᤒᤠ ᤜᤧᤰᤁᤣ ᤂᤡᤏᤡ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ 
\q1  
\v 6 ᤂᤪᤡᤛ᤻ᤋᤧᤴ ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤔᤠᤱ ᤘᤕᤧ. 
\q1 ᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤢᤍᤱᤒᤠ ᤐᤥ᤺ᤱᤔᤠᤀᤠᤱ ᤘᤠ᤹ᤔᤠ ᤏᤡᤱᤘᤠ᤹ ᤔᤧᤈᤥᤃᤢᤴᤗᤥ॥ 
\q1  
\v 7 ᤂᤧᤸᤗᤧ ᤁᤢᤗᤧᤰᤘᤠ ᤂᤢᤏᤧ᤹ ᤌᤣᤀᤠᤱ ᤔᤧ᤺ᤴᤏᤣᤒᤠ ᤆᤥ᤺ᤰᤛᤡᤱᤅᤠᤱ 
\q1 ᤔᤧᤴᤇᤠᤶ ᤕᤠᤵᤔᤡ ᤁᤢᤀᤡᤛᤡ᤺ᤰᤐᤠ ᤛᤣᤘᤠᤖᤥᤒᤠ ᤐᤥ᤺ᤰᤂᤧᤖᤥ॥ 
\q1  
\v 8 ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ ᤁᤢᤀᤡᤛᤡ᤺ᤰ ᤘᤕᤧᤸᤗᤧ ᤂᤢᤏᤧ᤹ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤐᤥ᤺ᤰᤂᤧ. 
\q1 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠᤃᤧᤶᤒᤠ ᤐᤥ᤺ᤰᤂᤧᤀᤠᤱ ᤁᤢᤓᤠᤱ ᤁᤧᤓᤣ᤺ᤶᤒᤠ ᤁᤢᤀᤡᤛᤡ᤺ᤰ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤛᤩᤧᤖᤥ॥ 
\q1  
\v 9 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤁᤠᤰᤏᤢ᤺ᤸᤗᤧ ᤌᤥ᤺ᤛᤢᤃᤧᤴ ᤕᤢᤱᤍᤧᤴᤏᤥ ᤕᤢᤰᤂᤢᤀᤠᤱ 
\q1 ᤘᤣ᤹ ᤔᤡᤱᤜᤠ᤹ᤏᤢ᤺ᤸᤗᤧᤀᤠᤱ ᤕᤶᤒᤠ ᤔᤡᤱᤛᤥ ᤀᤡᤱᤎᤠ᤺ᤱᤒᤠ ᤔᤡᤱ ᤐᤡᤖᤢᤖᤥ॥ 
\q1  
\v 10 ᤜᤧᤰᤁᤣᤗ᤹ᤖᤡᤰ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤏᤢ ᤂᤠᤶᤒᤣ᤺ᤰᤔᤥᤒᤠ ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤛᤡᤃᤠᤱ ᤁᤧᤘᤠ᤹ᤒᤠᤜᤠ᤹\f * \fr 2:10 \ft ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤛᤡᤃᤠᤱ ᤁᤧᤘᤠ᤹ᤒᤠᤜᤠ᤹–ᤁᤴ ᤑᤠ᤹ᤀᤡᤴ ᤁᤧᤛᤡ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤛᤠᤶᤜᤠ᤹ ᤐᤥ᤺ᤱᤒᤡᤗᤠ॥ ᤁᤴ ᤐᤠ᤺ᤳᤗᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤛᤡᤀᤠᤱ ᤁᤧᤘᤠ᤹ᤒᤠ ᤁᤧᤖᤧᤰ ᤔᤧᤒᤳᤗᤥ॥\f* 
\q1 ᤁᤧᤖᤧᤰᤗᤧ ᤕᤧᤛᤢᤖᤧ ᤁᤢᤔᤡᤱᤅᤡᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤔᤠᤖᤧ ᤗᤠᤃᤡ ᤌᤢᤱᤒᤥ ᤔᤧᤗᤣ᤺ᤳᤋᤢ᤹ᤖᤥ॥ 
\q1  
\v 11 ᤕᤧᤛᤢ ᤂᤪᤡᤛ᤻ᤋᤧᤴᤏᤣ ᤍᤠᤱᤒᤠ ᤗ᤹ᤖᤡᤰ ᤁᤧᤖᤧᤰᤗᤧ ᤔᤧᤒᤠ᤺ᤳᤋᤢ᤹ᤖᤥ॥ 
\q1 ᤜᤧᤰᤁᤣᤗ᤹ᤖᤡᤰ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡᤱᤛᤥ ᤀᤡᤱᤎᤠ᤺ᤱ ᤂᤥ᤺ᤛᤢ᤹ᤖᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤘᤠ᤹ᤔᤠ 
\p  
\v 12 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤀᤡᤱᤃᤠ᤹ ᤂᤡᤏᤡ᤹ᤏᤢ ᤘᤕᤠᤱᤅᤡᤸᤗᤧ ᤛᤍᤠᤍᤡᤱ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤘᤕᤡᤒᤠ ᤜᤧᤰᤁᤣ ᤀᤡᤱᤃᤠ᤹ ᤂᤡᤏᤡ᤹ᤏᤢ ᤜᤥ᤺ᤵᤐᤠᤛᤠᤱ ᤀᤡᤱᤈᤠ᤺ᤱᤃᤧᤶᤒᤠ ᤐᤥ᤺ᤱᤔᤠ ᤀᤠᤸᤗᤛᤠᤱ ᤁᤧᤕᤧᤰᤐᤠ ᤆᤥ᤺ᤰᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤡ᤺ᤛᤧᤶᤔᤧ᤹ᤖ ᤁᤧᤄᤥ᤺ᤛᤢᤶᤒᤠ ᤛᤧᤴᤗᤵᤐᤡᤴ ᤁᤢᤗᤡᤱᤎᤥ ᤁᤧᤳᤋᤧᤶᤔᤧ᤹ᤀᤥ॥  
\v 13 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤒᤥ᤺ᤰᤂᤡᤖ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤧᤒᤥ᤺ᤰᤂᤡᤖ ᤑᤠ᤹ᤀᤠᤱ ᤂᤢᤏᤧ᤹ᤀᤣ ᤂᤡᤏᤡ᤹ᤀᤥ ᤕᤠ᤺ᤶᤒᤰ ᤆᤥᤃᤢᤖ ᤘᤠ᤹ᤖᤥ॥ 
\p  
\v 14 ᤁᤠᤰ ᤐᤠ᤺ᤴᤜᤠ᤹ ᤗᤢᤱᤔᤧᤴᤜᤠ᤺ᤳᤋᤣ ᤏᤢ ᤐᤠ᤺ᤴᤎᤱ ᤔᤧᤴᤈᤥ᤺ᤰᤁᤣ ᤆᤥᤃᤧᤶᤔᤧ᤹॥  
\v 15 ᤜᤧᤰᤁᤩᤠᤱ ᤂᤡᤏᤡ᤹ᤃ ᤛᤣᤛᤣ ᤏᤢ ᤑᤥᤋᤩᤠ ᤔᤧ᤺ᤴᤏᤣᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡ᤹. ᤜᤧᤰᤁᤩᤠᤱ ᤁᤴ ᤀᤡᤰᤛᤠᤒᤠ ᤋᤠᤰᤁᤧᤓᤧ᤹ᤒᤠ ᤏᤢ ᤗᤠᤕᤥᤒᤠ ᤔᤏᤠᤜᤠ᤹ᤏᤢ ᤁᤧᤘᤕᤡᤸᤗᤧ ᤂᤠᤔᤠᤰᤗᤢᤶᤔᤥ ᤁᤧᤀᤥ᤺ᤵᤐᤠ ᤀᤥ᤺ᤳᤋᤡᤜᤠ᤹ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ ᤗᤢᤶᤔᤥ ᤁᤧᤀᤥ᤺ᤳᤋᤡ᤹ᤖᤥ॥  
\v 16 ᤜᤧᤰᤁᤩᤠᤱ ᤜᤡᤱᤔᤴ ᤁᤧᤒᤡᤒᤠ ᤐᤠ᤺ᤴᤈᤠᤰᤁᤡᤴ ᤗᤡᤱᤒᤡᤳᤋᤠᤱ ᤏᤛᤠ᤺ᤴ ᤆᤥᤃᤧᤶᤔᤧ᤹. ᤜᤧᤰᤁᤣᤗ᤹ᤖᤡᤰ ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴᤏᤥ ᤂᤡᤏᤡ᤹ ᤗᤠᤃᤡ ᤀᤡᤱᤃᤠ᤹ ᤆᤥᤃᤢᤱᤒᤠ ᤕᤠᤶᤒᤢᤎᤡᤰᤐᤠ ᤕᤠ᤺ᤶᤒᤰᤜᤠ᤹ ᤆᤠᤔᤧᤛᤥ᤺ᤰᤋᤧᤴᤒᤠ ᤐᤠ᤺ᤴᤏᤡᤴ ᤏᤡ᤺ᤔᤠ ᤛᤢᤰᤋᤢᤱᤗᤥ॥  
\v 17 ᤍᤠᤱᤒᤠᤀᤥᤒᤠ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤏᤢ ᤛᤣᤛᤣ ᤔᤠᤱᤛᤣᤘᤠ᤺ᤱᤃ ᤁᤧᤍᤥ᤺ᤴᤍᤢᤶᤒᤠ ᤛᤡᤍᤢᤱᤈᤓᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤜᤡᤱᤔᤴᤏᤡᤴ ᤂᤧᤴ ᤛᤡᤍᤢᤱᤈᤓᤠᤀᤥ ᤕᤥ᤹ᤔᤠ ᤐᤥ᤺ᤱᤛᤠᤱ ᤀᤡᤱᤃᤠ᤹ ᤀᤥᤔᤢ ᤗ᤹ᤀᤠ. ᤜᤧᤰᤁᤩᤠᤱ ᤂᤡᤏᤡ᤹ᤏᤢᤀᤣ ᤛ᤺ᤳᤋᤠᤖᤥ॥  
\v 18 ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤠᤱ ᤀᤥᤔᤢ ᤗ᤹ᤖᤧᤶᤔᤧ᤹ᤖ ᤀᤡᤱᤃᤠ᤹ᤏᤢ ᤛ᤺ᤳᤋᤧᤶᤔᤧ᤹ᤀᤥ॥ 
\s1 ᤐᤠᤘᤗᤖᤧ ᤋᤡᤔᤥᤌᤡᤖᤧ ᤁᤢᤏᤡ᤺ᤛᤢᤶ ᤆᤥᤃᤢ᤹ 
\p  
\v 19 ᤍᤠᤱᤒᤠ ᤕᤧᤛᤢᤖᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤐᤥ᤺ᤱᤏᤧ ᤑᤠ᤹ᤃᤪ ᤂᤡᤏᤡ᤹ᤀᤥ ᤜᤠᤖᤠᤀᤣ ᤋᤡᤔᤥᤌᤡ᤺ᤴ ᤐᤠᤱᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤡᤱᤄᤱᤅᤡᤴ ᤂᤧᤵᤛᤢᤱᤅᤡᤸᤗᤧ ᤜᤠᤱᤜᤠᤱ ᤗ᤹ᤀᤠᤖᤥ॥  
\v 20 ᤛᤧᤰᤂᤠᤀᤣ ᤂᤡᤏᤡ᤹ ᤁᤧᤏᤢ᤺ᤖᤡ ᤁᤧᤍᤠ᤺ᤛᤡᤖ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤀᤡ᤺ᤵᤐᤠ ᤔᤏᤠ ᤂᤢᤏᤧ᤹ᤏᤢ᤺ᤸᤗᤧ ᤘᤣ᤹ ᤀᤡᤱᤃᤠ᤹ᤏᤢ ᤜᤠ᤺ᤳᤋᤠᤱ ᤜᤥ᤺ᤵᤗᤥ.  
\v 21 ᤌᤣᤀᤠᤱᤓᤧᤸᤗᤧ ᤁᤧᤖᤧᤰᤗᤧ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤒᤠ᤺ᤴᤏᤡᤱᤃ ᤔᤧ᤺ᤴ. ᤁᤖ ᤀᤠᤒᤠᤅᤣ ᤐᤠ᤺ᤴᤗᤰ ᤔᤧᤃᤥ᤺ᤳᤋᤢ᤹ᤖᤥ॥  
\v 22 ᤁᤖ ᤂᤢᤏᤧ᤹ ᤀᤠᤰᤂᤧᤴ ᤗᤠ᤹ᤖᤢᤒᤠ ᤔᤏᤠ ᤆᤥ᤺ᤰ ᤁᤧᤗ᤹ᤒᤠᤴ ᤂᤡᤏᤡ᤹ ᤁᤧᤏᤡ᤺ᤛᤢᤶᤔᤣᤖᤥ॥ ᤁᤢᤛ᤻ᤛᤠ᤺ᤸᤗᤧ ᤁᤢᤶᤒᤠ᤺ᤴᤏᤢ ᤕᤠ᤺ᤶᤒᤰ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤂᤢᤏᤧ᤹ ᤀᤡᤱᤃᤠ᤹ᤏᤢ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤕᤠ᤺ᤶᤒᤰ ᤆᤥᤃᤢᤀᤠᤱ ᤘᤠ᤹ᤖᤥ॥  
\v 23 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ᤏᤢ ᤌᤣᤎᤣ ᤐᤥ᤺ᤱᤅᤡ. ᤂᤧᤴ ᤀᤡᤱᤃᤠ᤹ ᤏᤡᤱᤘᤠ᤹ ᤂᤥ᤺ᤛᤢᤱᤏᤠᤔᤧ᤺ᤴᤏᤣ. ᤋᤡᤔᤥᤌᤡ᤺ᤴ ᤂᤡᤏᤡ᤹ᤀᤥ ᤐᤠᤱᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥  
\v 24 ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤐᤥ᤺ᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤀᤠᤒᤠᤅᤣ ᤂᤡᤏᤡ᤹ᤀᤥ ᤜᤠᤖᤠᤀᤣ ᤋᤠᤀᤠ ᤁᤧᤗ᤹ᤒᤠᤴ ᤏᤡᤛ᤻ᤛᤣᤀᤣ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ 
\s1 ᤐᤠᤘᤗᤖᤧ ᤀᤡᤐᤠᤑᤪᤥᤍᤡᤋᤛᤖᤧ ᤁᤢᤏᤡ᤺ᤛᤢᤶ ᤆᤥᤃᤢ᤹ 
\p  
\v 25 ᤁᤖ ᤀᤠᤸᤗᤥᤃ ᤀᤡᤐᤠᤑᤪᤥᤍᤡᤋᤛᤧᤴ ᤂᤡᤏᤡ᤹ᤀᤥ ᤕᤠᤱᤏᤠ ᤐᤠᤱᤔᤠ ᤁᤧᤕᤧᤰᤐᤠ ᤏᤡ᤺ᤛᤢᤱᤗᤥ॥ ᤀᤠᤴᤇᤡᤃᤧ ᤛᤥᤖᤡᤰ ᤔᤠᤱᤛᤣᤘᤠ ᤕᤠ᤺ᤶᤒᤰ ᤆᤥᤃᤢᤛᤡᤃᤧ. ᤜᤧᤰᤁᤩᤠᤱ ᤛᤢᤏᤠᤀᤡᤱ ᤛᤧ᤺ᤔᤠ ᤌᤱᤅᤡᤴᤏᤠᤱ ᤛᤥᤛᤥᤖᤡᤰ ᤌᤰᤋᤧᤛᤡᤃᤧ॥ ᤂᤢᤏᤧ᤹ᤃ ᤀᤡᤱᤃᤠ᤹ ᤁᤢᤓᤠ᤹ ᤐᤡᤛᤧ ᤁᤧᤒᤠᤱᤄᤢᤶᤒᤠ ᤂᤡᤏᤡ᤹ ᤀᤡᤱᤛᤠᤒᤠᤖᤥ॥  
\v 26 ᤂᤢᤏᤧ᤹ ᤁᤢᤕᤠᤶ ᤋᤢᤃᤧᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤧᤄᤧᤵᤛᤢᤶᤒᤠᤀᤥ ᤂᤢᤏᤧ᤹ ᤛᤠ᤹ᤖᤡᤰ ᤁᤢᤗᤢᤱᤔᤠ᤹ ᤕᤥ᤺ᤴᤍᤧᤀᤠᤱ ᤂᤡᤏᤡ᤹ ᤋᤢᤶᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤠ᤹ᤖᤥ॥  
\v 27 ᤏᤡᤛ᤻ᤛᤣᤀᤣ ᤂᤢᤏᤧ᤹ ᤛᤠ᤹ᤖᤡᤰ ᤋᤢᤃᤧᤀᤠᤱ ᤂᤵᤔᤧᤴ ᤛᤩᤧ. ᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤖᤰ ᤔᤧ᤺ᤴ. ᤁᤖ ᤀᤡᤱᤃᤠ᤹ᤀᤠᤱ ᤀᤠᤸᤗᤛᤠᤱ ᤛᤠ᤹ᤖᤡᤰ ᤋᤢᤰᤂᤣᤀᤥ ᤔᤧᤎᤠᤀᤠᤴᤗ ᤑᤠ᤹ᤀᤠᤱ ᤗᤢᤱᤔᤠ᤹ ᤋᤢᤰᤋᤠᤱᤗᤥ॥ 
\p  
\v 28 ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤂᤡᤏᤡ᤹ᤀᤥ ᤐᤠᤱᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤁᤧᤏᤡ᤺ᤛᤢᤶᤔᤠᤱ ᤁᤧᤛ᤺ᤳᤋᤡ᤹. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤏᤡᤱᤘᤠ᤹ᤀᤡᤴ ᤕᤠᤱᤕᤠᤱ ᤐᤥ᤺ᤱᤗᤥ॥  
\v 29 ᤂᤢᤏᤧ᤹ ᤍᤠᤱᤒᤠᤀᤥ ᤛ᤺ᤳᤋᤧᤶᤔᤧᤖ ᤗᤠᤱᤍᤠ᤺ᤰᤋᤧᤶᤔᤧ᤹ᤀᤥ. ᤜᤧᤰᤁᤩᤠᤱ ᤂᤢᤏᤧ᤹ ᤜᤧᤰᤋᤱᤒᤠ ᤔᤏᤠᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹ᤀᤥ.  
\v 30 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤠᤗᤠᤃᤡ ᤐᤡᤔᤠ ᤁᤧᤴᤇᤢᤰᤋᤢᤶᤔᤡᤴᤒᤠ ᤁᤢᤓᤠ᤹ᤀᤡᤴ ᤂᤢᤏᤧ᤹ ᤐᤡᤖᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤰᤗᤧ ᤗᤠᤃᤡ ᤂᤢᤏᤧ᤹ ᤂᤵᤔᤧᤴ ᤛᤩᤧᤖᤥ॥ 
\c 3  
\s1 ᤁᤠᤰᤏᤢ᤺ᤸᤗᤧ ᤁᤧᤕᤧᤰᤐᤠ ᤂᤪᤡᤛ᤻ᤋ 
\p  
\v 1 ᤀᤠᤸᤗ ᤁᤢᤏᤢᤵᤔᤥ. ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠᤀᤥ ᤛ᤺ᤳᤋᤧᤶᤔᤧ᤹ᤀᤥ॥ ᤕᤠᤶᤔᤥ ᤒᤠ ᤀᤰᤂᤣᤗ᤹ᤖᤡᤰ ᤗᤳᤇᤠ ᤐᤠ᤺ᤴᤏᤡᤴ ᤛᤠᤵᤔᤠᤖ ᤏᤧᤔᤠᤃ ᤀᤠᤗᤠᤃᤡ ᤌᤣᤀᤠᤱ ᤋᤢᤰᤂᤣ ᤔᤧᤒᤥ᤺ᤱᤏᤧᤴ. ᤜᤧᤰᤁᤩᤠᤱ ᤁᤸᤗᤧᤃ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤋᤠᤱᤛᤧ᤺ᤵᤗᤥ॥ 
\p  
\v 2 ᤜᤷᤍᤥ ᤜᤧᤰᤔᤠ ᤁᤧᤒᤠᤱᤒᤠᤜᤠ᤹ᤏᤢ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤃ ᤁᤡᤵᤔᤠ ᤁᤧᤄᤢ᤺ᤒᤠ ᤂᤩᤠᤒᤠ ᤜᤧᤰᤋᤱᤒᤠᤛᤡᤖᤥ॥  
\v 3 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤛᤣᤔᤠᤱᤗᤠᤶ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ᤖᤰ ᤛᤧᤰᤂᤠ ᤜᤷᤍᤥ ᤁᤧᤜᤧᤰᤐᤠᤛᤡᤖᤥ॥ ᤀᤠᤏᤡ᤹ᤃ ᤔᤧᤴᤇᤠᤶ ᤕᤠ᤺ᤶᤒᤰᤁᤥ ᤋᤠ᤺ᤰᤐᤥ ᤀᤠᤴᤕᤢᤰᤂᤢᤶᤔᤡᤸᤗᤥ. ᤂᤧᤸᤗᤧ ᤁᤢᤗᤧᤰᤘᤠ ᤀᤠᤏᤡ᤹ᤗᤠᤃᤡ ᤂᤪᤡᤛ᤻ᤋ ᤕᤧᤛᤢᤖᤧ ᤆᤥᤃᤢᤒᤠ ᤐᤠ᤺ᤴᤏᤥᤏᤧ ᤀᤠᤛ᤺ᤳᤗᤥ॥  
\v 4 ᤜᤧᤰᤁᤣᤛᤠᤱ ᤀᤡᤱᤃᤠ᤹ ᤀᤠᤒᤠᤅᤣ ᤜᤧᤰᤁᤣᤗ᤹ᤖᤡᤰ ᤋᤠ᤺ᤰᤐᤥ ᤕᤢᤱᤔᤠ ᤛᤢᤰᤋᤢᤱᤒᤡᤗᤠ॥ ᤀᤠᤳᤋᤡᤸᤗᤧ ᤔᤧᤴᤇᤠᤶ ᤕᤠ᤺ᤶᤒᤰᤁᤥ ᤋᤠ᤺ᤰᤐᤥ ᤕᤢᤱᤔᤠ ᤛᤢᤰᤋᤢᤱ ᤗ᤹ᤖᤡᤰ ᤀᤡ᤺ᤳᤋᤢ᤹. ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤀᤡᤱᤃᤠ᤹ ᤋᤠ᤺ᤰᤐᤥ ᤕᤢᤱᤔᤠ ᤛᤢᤰᤋᤢᤱ–  
\v 5 ᤛᤠᤘᤠ᤺ᤴᤇᤡᤱᤅᤠᤱᤒᤠ ᤕᤧᤳᤇᤡ (᥎) ᤕᤧᤴᤏᤥ ᤜᤷᤍᤥ ᤔᤧᤜᤧᤃᤠᤱ ᤔᤧᤒᤡᤖᤠᤱ. ᤀᤡᤱᤃᤠ᤹ ᤔᤡᤱᤛᤥ ᤀᤡᤱᤎᤠ᤺ᤱᤒᤠ ᤒᤧᤴᤈᤠᤔᤡᤏ\f * \fr 3:5 \ft ᤒᤧᤴᤈᤠᤔᤡᤏ–ᤁᤴ ᤀᤡᤛᤪᤠᤀᤡᤗ ᤗᤠᤈᤣ᤹ᤀᤥᤒᤠ ᤗᤳᤇᤠ ᤛᤢᤘᤠᤱᤗᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ᤀᤥ ᤕᤖᤢᤛᤗᤧᤶᤔᤡᤴ ᤏᤧᤛ᤻ᤛᤧ. ᤜᤧᤰᤁᤩᤠᤱ ᤌᤡᤰᤛᤡᤃᤣ᤺ᤰᤐᤠ ᤀᤡᤛᤪᤠᤀᤡᤗᤡ ᤜᤠᤱ ᤛᤠᤘᤗᤧᤴ ᤒᤧᤴᤈᤠᤔᤡᤏ ᤛᤢᤘᤠᤱᤛ᤻ᤔᤠ ᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ ᤑᤥ᤹ᤒᤠ ᤛᤱ ᤔᤧᤘᤕᤧ॥\f* ᤛᤢᤘᤠᤱᤛ᤻ᤔᤠ ᤀᤡᤛᤪᤠᤀᤡᤗᤡ ᤔᤏᤠᤀᤠ. ᤜᤡᤒᤪᤢᤜᤠ᤹ᤀᤥ ᤛᤠ᤹ᤖᤡᤰ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤜᤡᤒᤪᤢᤀᤠ. ᤛᤠᤶᤕᤥᤌᤡᤶ ᤀᤡ᤺ᤵᤔᤠ ᤏᤠ᤺ᤵᤔᤠᤀᤥᤃ ᤀᤡᤱᤃᤠ᤹ ᤁᤧᤏᤡ᤺ᤒᤠ ᤁᤧᤗᤧᤒᤠ ᤑᤖᤡᤛᤡᤀᤠᤖᤥ\f * \fr 3:5 \ft ᤑᤖᤡᤛᤡ–ᤕᤜᤢᤍᤡ ᤛᤠᤶᤕᤥ ᤌᤡᤶᤔᤡᤴᤏᤢ ᤘᤣ᤹ ᤕᤖᤡᤰ ᤕᤜᤢᤍᤡ ᤛᤠᤰᤌᤡᤶᤜᤠ᤹ ᤏᤢ ᤆᤥ᤺ᤰᤌᤡᤶᤜᤠ᤹ ᤏᤢ᤺ᤖᤡᤰᤁᤠᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤕᤜᤢᤍᤡ ᤗᤢᤵᤐᤥ ᤑᤖᤡᤛᤡᤜᤠ᤹ ᤔᤧᤘᤕᤧ॥\f* 
\v 6 ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤀᤥ ᤛᤡᤰᤁᤧᤛᤶᤒᤠ ᤘᤕᤠᤱ. ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤛᤣᤜᤢᤵᤗᤰᤁᤡᤴ ᤋᤢᤰᤂᤣ ᤆᤠ᤺ᤳᤋᤢᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤖ ᤑᤠ᤹ᤀᤠᤱ ᤁᤠᤰ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤱᤃ ᤏᤢ᤺ᤖᤡᤰᤁᤠᤱ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱ॥ 
\p  
\v 7 ᤁᤖ ᤀᤠᤳᤋᤡᤴ ᤐᤠ᤺ᤴᤜᤠ᤹ ᤀᤠᤗᤠᤃᤡ ᤀᤡᤱᤎᤠ᤺ᤱᤒᤠ ᤆᤥᤃᤧ. ᤂᤧᤱᤜᤠ᤹ ᤁᤧᤖᤧᤰ ᤂᤪᤡᤛ᤻ᤋᤖᤧ ᤆᤥᤃᤢᤸᤗᤧ ᤁᤢᤔᤧᤸᤗᤢᤱ ᤔᤧ᤺ᤴᤏᤣᤒᤠ ᤀᤡ᤺ᤳᤋᤢᤱᤗᤥ॥  
\v 8 ᤂᤧᤴᤗᤰ ᤔᤧ᤺ᤴ. ᤁᤖ ᤀᤠᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢ᤺ᤴ ᤁᤢᤛᤡᤱ ᤏᤡ᤺ᤵᤔᤠ ᤂᤥ᤺ᤔᤠᤱᤃ ᤁᤠᤰᤏᤢ᤺ᤸᤗᤧ ᤏᤢ᤺ᤒᤠ ᤐᤠ᤺ᤴ ᤐᤥ᤺ᤰᤂᤧᤒᤠᤸᤗᤧ ᤁᤠᤰ ᤐᤠ᤺ᤴᤜᤠ᤹ᤃ ᤜᤏᤧᤒᤠᤀᤣ ᤀᤡ᤺ᤳᤋᤢᤱᤅᤠᤱ ᤂᤢᤏᤧ᤹ ᤁᤢᤗᤠᤃᤡ ᤗᤠᤱ ᤜᤠᤰᤋᤢᤱᤍᤣ᤺ᤛᤢᤱᤗᤥ॥ ᤂᤪᤡᤛ᤻ᤋᤧᤴ ᤂᤥ᤺ᤔᤠ ᤑᤠ᤹ᤀᤠᤱ ᤀᤡᤱᤃᤠ᤹ ᤂᤧᤱᤜᤠ᤹ ᤋᤠᤶᤈᤡᤖᤰ ᤀᤡ᤺ᤳᤋᤢᤱᤗᤥ॥  
\v 9 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤂᤢᤏᤧ᤹ᤀᤡᤴ ᤐᤥ᤺ᤱᤅᤠᤏᤡ ᤑᤠ᤹ᤀᤠᤱ ᤜᤧᤰᤁᤣ ᤀᤡ᤺ᤳᤋᤢᤱᤗᤥ॥ ᤀᤡᤱᤃᤠ᤹ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤅᤠᤱ ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤔᤧᤴᤇᤢᤰᤐᤧᤴᤗᤥ. ᤁᤖ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥᤃᤢᤱᤒᤠᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤏᤡᤒᤠ ᤆᤥ᤺ᤰᤁᤠᤖᤥ॥  
\v 10 ᤀᤡᤱᤃᤠ᤹ᤃ ᤂᤪᤡᤛ᤻ᤋᤧᤴ ᤏᤢ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠ ᤔᤢᤰᤛᤠᤶᤔᤡᤴ ᤁᤢᤛᤡᤱ ᤏᤡ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤏᤥᤃᤧᤴ ᤋᤢᤰᤂᤣ ᤆᤩᤧᤒᤠ ᤜᤧᤰᤁᤣ ᤀᤡᤱᤃᤠ᤹ᤀᤠᤱ ᤋᤢᤰᤂᤣ ᤆᤠᤔᤠᤀᤠᤱ ᤁᤢᤛᤡ᤺ᤔᤧᤴᤏᤥ ᤛᤥᤖᤡᤰ ᤐᤥ᤺ᤱᤔᤠ ᤏᤡᤱᤘᤠ᤹ ᤆᤥᤃᤢᤱ.  
\v 11 ᤜᤧᤰᤁᤩᤠᤱ ᤀᤠᤰᤂᤣᤗ᤹ᤖᤡᤰᤛᤠᤱ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤱᤃ ᤂᤥ᤺ᤔᤠ ᤛᤢᤰᤋᤢᤱᤗ ᤁᤧᤗ᤹ᤒᤠ ᤏᤡᤱᤛᤠᤱ ᤁᤳᤋᤢᤱᤗᤥ॥ 
\s1 ᤋᤠᤖᤵᤐᤥ ᤋᤃᤡ ᤐᤥ᤺ᤔᤠ 
\p  
\v 12 ᤀᤡᤱᤃᤠ᤹ ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤂᤥ᤺ᤛᤢᤱ ᤀᤡᤃᤪ ᤁᤢᤛᤠᤱ ᤗᤛ᤻ᤛᤢᤱ ᤛᤢᤖᤢᤱᤅᤠᤱ ᤘᤠ᤹ᤀᤠ ᤁᤧᤗ᤹ᤒᤠᤃ ᤔᤧ᤺ᤴᤗᤥ. ᤁᤖ ᤀᤡᤱᤃᤠ᤹ᤃ ᤁᤴ ᤐᤠ᤺ᤴᤜᤠ᤹ ᤂᤥ᤺ᤔᤠ ᤑᤠ᤹ᤀᤠᤱ ᤋᤃᤡ ᤐᤥᤀᤠᤖ ᤐᤳᤋᤠᤖᤥ. ᤌᤣᤀᤠᤱᤓᤧᤸᤗᤧ ᤒᤠ ᤂᤧᤸᤗᤧ ᤗᤠᤃᤡ ᤂᤪᤡᤛ᤻ᤋ ᤕᤧᤛᤢᤖᤧ ᤋᤠᤱᤛᤧ᤺ᤵᤋᤠᤱᤒᤠᤖᤥ॥  
\v 13 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ᤃ ᤀᤠᤸᤗᤛᤠᤱ ᤁᤠᤰ ᤐᤠ᤺ᤴᤜᤠ᤹ ᤔᤧᤱᤄᤥᤀᤣ ᤘᤠ᤹ᤀᤠᤖᤥ॥ ᤁᤖ ᤀᤡᤱᤃᤠ᤹ ᤗᤳᤇᤠ ᤕᤠ᤺ᤶᤒᤰᤁᤡᤴ ᤆᤥᤃᤢᤱ–ᤐᤣᤕᤧᤶᤒᤠ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤑᤧ᤺ᤳᤇᤢᤱᤅᤠᤱ ᤀᤡᤱᤃᤠ᤹ᤃ ᤋᤃᤡ ᤗᤧᤵᤔᤠᤱᤏᤧ ᤗᤢᤒᤢᤒᤢ ᤐᤥᤀᤠᤖᤥ॥  
\v 14 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤛᤧᤶᤔᤡᤴ ᤂᤥ᤺ᤔᤠ ᤑᤠ᤹ᤀᤠᤱ ᤋᤃᤡ ᤐᤥᤀᤠᤖ ᤐᤳᤋᤠᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤸᤗᤧ ᤗᤠᤃᤡᤀᤣ ᤂᤪᤡᤛ᤻ᤋ ᤕᤧᤛᤢᤗᤠᤶᤒᤠ ᤀᤢ᤺ᤳᤋᤠᤱᤅᤠᤱ ᤘᤠ᤹ᤀᤠᤖᤥ॥ 
\p  
\v 15 ᤀᤠᤏᤡ᤹ ᤁᤠᤰ ᤏᤛᤠ᤺ᤴᤏᤥ ᤁᤢᤏᤡᤱᤘᤠ᤹ ᤁᤧᤍᤢᤶᤒᤠᤜᤠ᤹ᤖᤧᤃ ᤀᤰᤋᤱᤒᤠ ᤐᤠ᤺ᤴᤜᤠ᤹ᤀᤥ ᤋᤧᤴᤍᤡᤱ ᤆᤥ᤺ᤰᤔᤠ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤘᤣ᤹ ᤐᤖᤡᤰᤗᤧ ᤁᤧᤀᤡ᤺ᤳᤋᤢᤶᤏᤧ ᤑᤠ᤹ᤃᤪ ᤂᤧᤴᤏᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤣ ᤏᤢ᤺ᤖᤡᤰᤁᤠᤱ ᤀᤥᤛᤣ᤺ᤴᤃᤧᤎᤠᤰᤋᤡ᤹ᤖᤥ॥  
\v 16 ᤁᤖ ᤀᤠᤸᤗᤥ ᤌᤠᤖᤡᤰ ᤌᤣ ᤏᤛᤠ᤺ᤴ ᤀᤠᤈᤥᤃᤢᤶᤔᤠᤱ ᤀᤠᤘᤠ᤹ ᤂᤧᤵᤔᤥᤀᤣ ᤔᤧᤶᤔᤢᤴᤏᤣ ᤘᤕᤡᤖᤥ॥ 
\p  
\v 17 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ ᤜᤡᤱᤅᤠᤒᤠ ᤁᤢᤀᤡᤛᤡ᤺ᤰ ᤀᤠᤈᤥ᤺ᤱ ᤁᤧᤀᤡ᤺ᤵᤐᤠ ᤐᤥ᤺ᤰᤂᤧᤶᤔᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤕᤠᤵᤔᤡ ᤁᤧᤍᤡᤶᤒᤠᤜᤠ᤹ᤖᤧ ᤂᤢᤏᤡ᤹ ᤜᤡᤱᤔᤴᤏᤥᤗᤠᤶ ᤜᤢ᤹ᤛᤡᤱᤅᤧᤶᤔᤧ᤹ᤀᤥ  
\v 18 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤕᤖᤡᤰᤗᤧᤱ ᤔᤧᤳᤏᤡᤱᤅᤠᤱ ᤘᤠ᤹ᤀᤠ. ᤜᤧᤰᤁᤩᤠᤱ ᤕᤠᤶᤔᤥᤀᤠᤱ ᤀᤠᤔᤡᤰᤘᤠ ᤌᤠ᤺ᤛᤢᤱᤗ ᤔᤧᤳᤏᤡᤱ. ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤕᤧᤵᤗᤧᤰᤁᤡᤸᤗᤧᤀᤣ ᤂᤧᤱᤜᤠ᤹ ᤂᤪᤡᤛ᤻ᤋᤖᤧ ᤁᤢᤛᤡᤗᤠᤶᤛᤠᤰᤔᤠ ᤛᤡᤱᤅᤡᤸᤗᤧ ᤁᤢᤏᤡᤱᤔᤡᤛᤡ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤋᤢᤛᤡ᤹ᤖᤥ॥  
\v 19 ᤁᤢᤏᤢᤵᤔᤥ ᤂᤧᤱᤜᤠ᤹ ᤔᤧᤔᤧᤰᤗᤥ. ᤂᤧᤱᤜᤠ᤹ᤖᤧ ᤕᤠᤶᤍᤠᤍᤠ ᤏᤢ ᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠᤴᤏᤣ ᤂᤢᤏᤡ᤹ ᤔᤠᤱᤗᤥ. ᤂᤢᤏᤡ᤹ ᤛᤡᤖᤡᤱᤔ᤺ᤔᤠ ᤐᤠ᤺ᤴᤜᤠ᤹ᤀᤥ ᤂᤧᤱᤜᤠ᤹ ᤀᤠᤱᤍᤡᤱ ᤔᤧᤗ᤹ᤖᤥ॥ ᤂᤧᤱᤜᤠ᤹ᤖᤧᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ᤀᤥᤖᤰ ᤂᤢᤏᤡ᤹ ᤏᤡᤱᤘᤠ᤹ ᤔᤧᤒᤡᤖᤢᤀᤠᤱ ᤘᤠ᤹ᤖᤥ॥  
\v 20 ᤁᤖ ᤀᤠᤏᤡ᤹ᤃ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤕᤰᤕᤢᤱᤒᤠᤛᤡᤖᤥ. ᤜᤧᤰᤁᤩᤠᤱ ᤀᤠᤏᤡ᤹ᤃ ᤂᤧᤵᤔᤥᤗᤠᤶ ᤁᤧᤕᤢ᤺ᤒᤠ ᤛᤧᤴᤗᤵᤍᤠᤱᤒᤠ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤛᤡᤰ ᤛᤶᤔᤠᤱ ᤀᤠᤜᤠᤱᤄᤢᤶᤗᤥ॥  
\v 21 ᤂᤢᤏᤧ᤹ᤀᤣ ᤁᤠᤰ ᤐᤠ᤺ᤴᤜᤠ᤹ ᤁᤢᤕᤢᤰᤁᤥ ᤁᤵᤔᤠ ᤔᤢᤰᤛᤠᤶ ᤁᤳᤋᤢ᤹. ᤜᤧᤰᤁᤩᤠᤱ ᤒᤠ ᤂᤧᤴ ᤔᤢᤰᤛᤠᤶᤔᤡᤸᤗᤧ ᤀᤠᤏᤡ᤹ ᤆᤵᤗᤧᤰᤘᤠ ᤏᤠᤛᤡᤱᤃᤧᤴ ᤌᤰᤁᤡᤴ ᤔᤡᤔᤡᤍᤡᤱᤃᤧᤴ ᤁᤢᤎᤰᤁᤡᤴ ᤁᤢᤀᤡᤛᤡ᤺ᤰ ᤗᤧᤰᤂᤢ᤹ᤖᤥ॥ 
\c 4  
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤜᤧᤰᤁᤣᤗ᤹ᤖᤡᤰ ᤍᤠᤱᤒᤠᤴ ᤆᤰᤔᤧᤸᤗ᤹ᤀᤣ ᤏᤛᤠ᤺ᤴ ᤆᤥᤃᤧᤶᤔᤧ᤹ᤀᤥ॥ ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤏᤡᤱ ᤜᤧᤰᤁᤩᤠᤱ ᤏᤡ᤺ᤔᤠ ᤏᤡᤱᤘᤠ᤹ ᤆᤥ᤺ᤰᤏᤡᤱ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤀᤣ ᤀᤠᤛ᤺ᤵᤔᤠᤴ ᤏᤢ ᤀᤠᤕᤠ᤺ᤶᤒᤰᤁᤡᤸᤗᤧᤴ ᤌᤢᤶᤄᤥᤏᤡᤱᤗᤥ॥ 
\s1 ᤜᤠᤱᤜᤠᤱᤒᤠ ᤋᤠ᤹ᤈᤧᤱᤜᤠ᤹ 
\p  
\v 2 ᤀᤠᤸᤗ ᤀᤡᤱᤃᤠ᤹ ᤂᤧᤴ ᤏᤧᤵᤑᤢ ᤔᤧᤴᤇᤢᤔᤠ᤹ ᤀᤡᤕᤥᤍᤡᤕᤠ᤺ᤴ ᤏᤢ ᤛᤢᤴᤋᤢᤂᤣ᤺ᤴ ᤍᤠᤱᤒᤠᤸᤗᤧ ᤁᤢᤔᤏᤠ ᤘᤠ᤹ᤛᤡᤒᤠᤸᤗᤧ ᤆᤥᤃᤢᤸᤗᤧ ᤏᤠᤍᤱ ᤆᤥ᤺ᤰᤛᤡᤖ ᤑᤠ᤹ᤀᤠᤱ ᤐᤣᤗᤡ ᤑᤠᤰᤁᤠᤖᤥ॥  
\v 3 ᤜᤧᤰᤁᤩᤠᤱ ᤏᤡᤱᤘᤠ᤹ ᤀᤡᤖᤧ ᤂᤥ᤺ᤵᤋᤢᤒᤠ ᤀᤠᤴᤈᤢᤶᤔᤣ. ᤁᤴ ᤔᤧᤴᤇᤢᤔᤠᤜᤠ᤹ ᤁᤢᤓᤠ᤹ ᤐᤡᤖᤧᤛᤧ᤹ ᤑᤠ᤹ᤀᤠᤱ ᤔᤧᤳᤏᤧ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧᤃ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤕᤠ᤺ᤶᤒᤰᤁᤡᤴ ᤀᤡᤱᤃᤠ᤹ᤏᤢ ᤕᤠᤶᤒᤢᤎᤡᤰᤁᤠᤱ ᤆᤥᤃᤧᤳᤇᤢ॥ ᤂᤧᤱᤜᤠ᤹ᤖᤧ ᤰᤗᤣᤔᤧᤴᤋ ᤜᤧᤰᤁᤩᤠᤱ ᤘᤣ᤹ ᤀᤡᤱᤃᤠ᤹ᤏᤢ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤆᤢᤶᤜᤠ᤹ᤏᤢᤀᤠᤱ ᤕᤠ᤺ᤶᤒᤰ ᤆᤥᤃᤧᤳᤇᤢᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤡᤱᤅᤡᤴ ᤜᤡᤱᤔᤴᤗᤧᤴ ᤛᤠᤵᤐᤴᤏᤥ ᤛᤠᤵᤋᤧᤀᤠᤱ ᤐᤳᤗᤥ॥ 
\p  
\v 4 ᤍᤠᤱᤒᤠᤴᤏᤢ ᤂᤡᤏᤡ᤹ ᤌᤡᤰᤜᤢᤵ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤛᤍᤠᤍᤡᤱ ᤛ᤺ᤳᤋᤧᤶᤔᤧ᤹ᤀᤥ॥ ᤕᤠᤶᤔᤥᤀᤠᤱ ᤔᤧᤳᤏᤡᤱ–ᤛ᤺ᤳᤋᤧᤶᤔᤧ᤹ᤀᤥ᥄  
\v 5 ᤂᤡᤏᤡ᤹ ᤛᤢᤶᤛᤢᤶ ᤗ᤹ᤔᤠᤱᤃ ᤘᤣ᤹ ᤁᤧᤖᤧᤰᤗᤧ ᤔᤧᤏᤡ᤺ᤛᤢᤖᤖᤥ॥ ᤍᤠᤱᤒᤠᤱᤃ ᤏᤡ᤺ᤳᤋᤠᤱᤅᤣ ᤘᤠ᤹ᤖᤥ॥ 
\p  
\v 6 ᤀᤠᤳᤋᤡᤴ ᤐᤠ᤺ᤴᤏᤥᤀᤠᤱ ᤏᤡᤱᤛᤠᤶᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤁᤖ ᤁᤧᤖᤧᤰ ᤐᤠ᤺ᤴᤜᤠ᤹ᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤧᤶᤔᤧ᤹ᤖ ᤋᤢᤘᤠ ᤏᤢ ᤕᤧᤰᤐᤣᤗᤡᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤂᤡᤏᤡ᤹ ᤐᤣᤗᤡᤜᤠ᤹ ᤋᤥ᤺ᤴᤍᤧᤶᤔᤧ᤹ᤀᤥ॥  
\v 7 ᤜᤧᤰᤁᤩᤠᤱ ᤔᤧᤴᤇᤠᤶ ᤏᤡᤱᤘᤠ᤹ᤖᤧ ᤁᤢᤛᤡᤱ ᤏᤡ᤺ᤵᤔᤠ ᤛᤢᤰᤔᤧᤴᤍᤧᤵᤔᤏᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤏᤠᤖᤢᤱᤅᤡᤸᤗᤧᤀᤣ ᤂᤡᤏᤡ᤹ ᤛᤡᤰᤗᤢᤱᤔᤠ ᤏᤢ ᤏᤡᤱᤘᤠ᤹ᤀᤡᤴ ᤂᤪᤡᤛ᤻ᤋ ᤕᤧᤛᤢᤀᤥ ᤋᤠᤱᤛᤧ᤺ᤵᤋᤢ᤹ᤖᤥ॥ 
\p  
\v 8 ᤀᤠᤸᤗ ᤁᤢᤏᤢᤵᤔᤥ. ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤳᤋᤡᤴ ᤐᤠ᤺ᤴᤏᤡᤴ ᤛᤧᤰᤂᤠᤒᤠ. ᤛᤢᤶᤒᤥᤎᤠᤒᤠ. ᤁᤢᤍᤥ᤺ᤵᤔᤠ. ᤛᤣᤛᤣᤒᤠ. ᤛᤡᤖᤠ᤹ ᤁᤧᤎᤠᤱᤒᤠ. ᤀᤡᤱᤎᤠ᤺ᤱ ᤐᤡᤔᤠ ᤗᤠ᤹ᤖᤢᤒᤠ. ᤀᤠᤳᤋᤡᤴ ᤐᤠ᤺ᤴᤏᤡᤴ ᤛᤠ᤹ᤖᤡᤰ ᤏᤢ᤺ᤒᤠ ᤏᤢ ᤏᤧᤶᤓᤥ᤺ᤔᤠ ᤗᤠ᤹ᤖᤢᤒᤠ ᤆᤥ᤺ᤰ. ᤂᤧᤴ ᤐᤠ᤺ᤴᤜᤠ᤹ᤀᤣ ᤏᤡᤱᤘᤠ᤹ ᤐᤡᤖᤧᤶᤔᤧ᤹ᤀᤥ॥  
\v 9 ᤀᤡᤱᤃᤠ᤹ᤗᤠᤶ ᤁᤧᤜᤢ᤹ᤀᤠᤛᤡᤒᤠ. ᤁᤧᤄᤥ᤺ᤛᤢᤶᤒᤠ. ᤁᤧᤄᤧᤵᤛᤢᤶᤒᤠ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤥ ᤁᤧᤏᤡ᤺ᤛᤢᤶᤒᤠ ᤐᤠ᤺ᤴᤜᤠ᤹ ᤁᤢᤀᤡᤛᤡ᤺ᤰ ᤆᤥᤃᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤛᤏᤠᤖᤢᤱ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ᤏᤢ ᤘᤠ᤹ᤖᤥ॥ 
\s1 ᤁᤢᤓᤠ᤹ ᤕᤠᤱᤗᤧ ᤗᤠᤃᤡ ᤏᤥᤃᤧᤴ 
\p  
\v 10 ᤀᤡᤱᤃᤠ᤹ ᤍᤠᤱᤒᤠᤴ ᤛᤠ᤹ᤖᤡᤰ ᤁᤢᤏᤠᤖᤠ ᤑᤥ᤺ᤛᤢᤱᤗᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤕᤠᤶᤔᤥ ᤕᤠᤵᤔᤡ ᤗᤢᤱᤔᤠ᤹ ᤋᤢᤰᤔᤠ ᤁᤧᤜᤣ᤺ᤰᤋᤡᤖᤥ॥ ᤛᤧᤰᤂᤠ᤺ᤸᤗᤧ ᤂᤡᤏᤡ᤹ ᤕᤠᤵᤔᤡ ᤗᤢᤱᤔᤠ᤹ ᤁᤧᤍᤢᤰᤋᤡᤀᤠᤱ ᤘᤠ᤹. ᤁᤖ ᤂᤧᤴ ᤀᤥᤛᤣ᤺ᤴᤎᤠᤰᤔᤠ ᤛᤢᤕᤧᤶᤔᤡᤴᤏᤣ ᤔᤧᤱᤄᤥᤀᤣ ᤁᤧᤘᤕᤡᤖᤥ॥  
\v 11 ᤀᤡᤱᤃᤠ᤹ᤃ ᤆᤠᤜᤠᤒᤥ ᤘᤠ᤹ᤀᤠ ᤑᤠ᤹ᤀᤠᤱ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤱᤒᤠ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤏᤢ ᤘᤠ᤹ᤛᤠᤱ ᤜᤥ᤺ᤵᤛᤠᤱ ᤏᤡᤱᤘᤠ᤹ ᤋᤠᤔᤠᤀᤠᤱ ᤘᤠ᤹ᤔᤠ ᤜᤢ᤹ᤛᤡᤱᤅᤠᤱᤅᤠᤱ ᤘᤠ᤹ᤀᤠᤖᤥ॥  
\v 12 ᤀᤡᤱᤃᤠ᤹ ᤆᤠᤜᤠᤒᤥ ᤘᤠ᤹ᤔᤠ ᤏᤢ ᤕᤖᤡᤰ ᤁᤵᤔᤠ ᤑᤠ᤹ᤀᤡᤴ ᤌᤧᤔᤠᤒᤣ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤜᤧᤰᤁᤩᤠᤱ ᤀᤠᤰᤋᤱᤒᤠ ᤕᤠᤰᤏᤠᤶᤔᤥ ᤘᤠ᤹ᤀᤠᤛᤠᤱ. ᤆᤠᤔᤠ ᤌᤢᤱᤔᤠ ᤀᤡᤃᤪ ᤛᤠᤰᤔᤧᤴᤈᤠ ᤘᤠ᤹ᤔᤠ ᤐᤥ᤺ᤱᤛᤠᤱ. ᤕᤖᤡᤰ ᤁᤵᤔᤠ ᤀᤡᤃᤪ ᤆᤠᤜᤠᤒᤠᤀᤥ ᤘᤠ᤹ᤔᤠ ᤐᤥ᤺ᤱᤛᤠᤱ. ᤏᤡᤱᤘᤠ᤹ ᤋᤠᤔᤠᤀᤠᤱ ᤘᤠ᤹ᤔᤠ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤜᤢ᤹ᤛᤡᤅᤠᤱᤅᤠᤱ ᤘᤠ᤹ᤀᤠᤖᤥ॥  
\v 13 ᤀᤡᤱᤃᤠ᤹ᤃ ᤍᤠᤱᤒᤠᤸᤗᤧ ᤁᤧᤎᤢᤶᤒᤠ ᤆᤥ᤺ᤰᤁᤠᤒᤠᤸᤗᤧ ᤆᤥᤃᤢᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤛᤢᤰᤋᤢᤱᤗᤥ॥ 
\p  
\v 14 ᤜᤧᤰᤁᤣᤛᤠᤱ ᤂᤡᤏᤡ᤹ ᤀᤡᤏᤥᤃᤧᤴ ᤀᤠᤍᤢᤰᤂᤣᤀᤥ ᤁᤢᤓᤠ᤹ ᤕᤠᤵᤔᤡ ᤁᤧᤒᤡᤖᤡᤒᤠᤴ ᤏᤢ᤺ᤒᤠᤀᤣ ᤁᤧᤈᤥᤃᤢᤶᤗᤥ॥  
\v 15 ᤁᤠᤰᤏᤢ᤺ᤸᤗᤧ ᤋᤃᤡ ᤂᤡᤏᤡ᤹ᤀᤥ ᤛᤢᤏᤠᤀᤡᤱᤅᤡᤴ ᤋᤠᤖᤢᤱᤅᤠᤱ ᤔᤧᤛᤣᤍᤥᤏᤡᤕᤠ ᤌᤢᤶᤔᤥᤗᤠᤶ ᤌᤠᤛᤡᤱᤅᤠᤱᤅᤡᤸᤗᤧ ᤘᤣ᤹ ᤀᤠᤳᤋᤡᤴ ᤛᤣᤛᤣᤜᤢᤵᤗᤰᤜᤠ᤹ᤖᤧᤀᤠᤱ ᤁᤢᤓᤠ᤹ ᤔᤧᤶᤒᤡᤖᤠᤱᤅᤡᤴᤗᤥ. ᤁᤖ ᤂᤡᤏᤡ᤹ ᤑᤡᤗᤡᤵᤐᤡᤒᤠᤜᤠ᤹ᤖᤧᤖᤰ ᤁᤢᤓᤠ᤹ ᤕᤠᤱ ᤕᤠᤵᤔᤡ ᤁᤧᤒᤡᤖᤡᤒᤠᤴ ᤁᤧᤏᤡ᤺ᤛᤢᤶᤗᤥ॥  
\v 16 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤌᤡᤛ᤻ᤛᤗᤥᤏᤡᤁᤠ ᤕᤧᤰᤕᤰᤁᤥ ᤘᤕᤠᤱᤅᤡᤸᤗᤧ ᤆᤠᤜᤠᤒᤥ ᤘᤕᤠᤱ. ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤌᤡᤰᤗᤧᤱ ᤏᤡᤗᤧᤱ ᤁᤢᤓᤠ᤹ ᤕᤠᤱ ᤕᤠᤵᤔᤡ ᤀᤠᤃᤧᤜᤠᤰᤋᤡᤖᤥ॥  
\v 17 ᤀᤡᤱᤃᤠ᤹ ᤂᤡᤏᤡ᤹ᤗᤠᤶ ᤁᤢᤓᤠ᤹ ᤂᤥ᤺ᤔᤠ ᤑᤠ᤹ᤀᤠᤱᤃ ᤔᤧ᤺ᤴᤗᤥ. ᤁᤖ ᤁᤢᤓᤠ᤹ ᤕᤠᤵᤔᤡ ᤁᤧᤒᤡᤖᤡᤒᤠᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤱᤘᤠ ᤔᤢ᤹ᤀᤡᤛᤠᤶᤔᤡᤴ ᤂᤡᤏᤡ᤹ ᤁᤧᤒᤡᤖᤡᤖ ᤁᤧᤗ᤹ᤒᤠ ᤀᤠᤏᤡᤱᤘᤠ᤹ ᤘᤠ᤹ᤖᤥ॥  
\v 18 ᤁᤴ ᤕᤧᤶᤔᤥ ᤀᤡᤱᤃᤠ᤹ ᤆᤠᤜᤠᤒᤠ ᤆᤥᤃᤠᤱᤒᤠᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤐᤠ᤺ᤴᤜᤠ᤹ ᤂᤥ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤀᤡᤐᤠᤑᤪᤥᤍᤡᤋᤛᤖᤧ ᤁᤢᤜᤢᤰᤁᤥᤗᤠᤶ ᤁᤧᤜᤠᤅᤢᤶᤒᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤒᤠ ᤏᤢ ᤁᤢᤏᤡᤱᤘᤠ᤹ ᤋᤠᤛᤢᤒᤠ ᤁᤢᤏᤠᤶ ᤁᤧᤏᤢ᤹ᤒᤠ ᤛᤡᤍᤢᤱᤈᤓᤠ ᤁᤢᤀᤡᤛᤡ᤺ᤰᤐᤠ ᤁᤢᤓᤠ᤹ ᤕᤠᤱᤅᤡᤴ ᤀᤡᤱᤃᤠ᤹ ᤂᤥ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥  
\v 19 ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤣᤘᤠ ᤆᤥᤃᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋ ᤕᤧᤛᤢᤗᤠᤶ ᤀᤠᤳᤋᤠᤳᤋᤠᤴᤏᤣ ᤁᤢᤕᤠᤱᤛᤠᤁᤢᤴᤎᤣ᤺ᤸᤗᤧ ᤂᤡᤏᤡ᤹ ᤆᤠᤜᤠᤒᤠ ᤁᤧᤈᤥᤃᤡᤒᤠ ᤁᤠᤰ ᤐᤠ᤺ᤴᤜᤠ᤹ ᤁᤧᤳᤋᤢ᤹ ᤁᤧᤒᤡᤖᤡ᤹ᤖᤥ॥ 
\p  
\v 20 ᤀᤠᤸᤗ ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤍᤠᤍᤡᤱ ᤛᤍᤠᤍᤡᤱ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤥ॥ ᤀᤠᤔᤧᤴ॥ 
\s1 ᤁᤢᤏᤢᤵᤔᤠ ᤛᤣᤘᤠ 
\p  
\v 21 ᤂᤧᤵᤔᤥᤒᤠ ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤛᤣᤛᤣ ᤁᤢᤔᤏᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ᤏᤢ ᤁᤵᤔᤥ ᤁᤧᤘᤠ᤹ᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧᤀᤠᤱ ᤛᤣᤘᤠ ᤁᤧᤶᤜᤠᤰᤋᤡᤀᤠᤱ ᤘᤠ᤹ᤖᤥ॥  
\v 22 ᤁᤠᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤜᤧᤰᤁᤩᤠᤱ ᤁᤢᤳᤆᤡᤀᤥ ᤛᤡᤈᤖᤗᤧ ᤁᤢᤜᤠᤱᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ. ᤛᤣᤘᤠ ᤁᤧᤶᤜᤠᤰᤋᤡ᤹ᤖᤥ॥  
\v 23 ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ᤏᤢ ᤘᤠ᤹ᤖᤖᤥ॥ ᤀᤠᤔᤧᤴ॥