\id JAS \h ᤕᤠᤁᤢᤒ \toc1 ᤕᤠᤁᤢᤒᤖᤧ ᤛᤠᤵᤋᤢᤒᤠ ᤛᤰᤀᤡᤱᤄᤱ \toc2 ᤕᤠᤁᤢᤒ \toc3 ᤕᤠᤁᤢᤒ \mt1 ᤕᤠᤁᤢᤒᤖᤧ ᤛᤠᤵᤋᤢᤒᤠ ᤛᤰᤀᤡᤱᤄᤱ \imt1 ᤏᤡ᤺ᤛᤢᤶ \ip ᤕᤠᤁᤢᤒᤖᤧ ᤁᤴ ᤛᤰᤀᤡᤱᤄᤱᤅᤡᤴ “ᤁᤧᤖᤧᤰ ᤗᤠᤈᤣ᤹ᤀᤥ ᤁᤧᤛᤧᤒᤠᤀᤠᤱ ᤁᤧᤘᤠ᤹ᤒᤠ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤕᤜᤢᤍᤡᤜᤠ᤹” ᤜᤠᤰᤋᤢᤛᤡᤒᤠᤖᤥ॥ ᤁᤵᤔᤥ ᤂᤪᤡᤛ᤻ᤋᤠᤏᤡ ᤜᤡᤱᤔᤴ ᤏᤢ ᤛᤢᤳᤏᤠ᤺ᤴ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤛᤡᤰᤁᤢᤶ ᤏᤡᤱᤘᤠ᤹ ᤏᤢ ᤗᤠᤶᤗᤥᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤂᤠᤜᤢᤴ ᤐᤡᤖᤢᤛᤡᤀᤠᤱ ᤐᤳ॥ ᤁᤴ ᤂᤠᤜᤢᤴ ᤐᤡᤖᤢᤛᤡᤸᤗᤧ ᤕᤠᤁᤢᤒᤖᤧ ᤐᤖᤡᤰ ᤐᤖᤡᤰᤐᤠ ᤁᤢᤒᤡᤜᤠ᤹ ᤀᤥᤃᤵ ᤆᤥᤃᤢᤀᤠᤱ ᤐᤳ॥ ᤂᤪᤡᤛ᤻ᤋᤠᤏᤡ ᤜᤡᤱᤔᤴᤏᤥ ᤕᤠᤁᤢᤒᤖᤧ ᤕᤠᤱᤛᤠᤁᤢᤴᤎᤣ ᤏᤢ ᤕᤠᤱᤛᤠ᤹ᤔᤠ. ᤜᤱᤛᤠ᤹ᤔᤠ. ᤘᤣ᤹ᤜᤠ᤹ ᤏᤢ᤺ᤖᤡᤰ ᤔᤧᤵᤔᤠᤛᤡ. ᤀᤣ᤺ᤰᤐᤀᤣ᤺ᤰ ᤆᤥ᤺ᤰᤔᤠ. ᤏᤛᤠ᤺ᤴ ᤏᤢ ᤕᤠ᤺ᤶᤒᤰᤜᤠ᤹. ᤗᤧᤛᤥ᤺ᤵᤐᤧᤴ ᤕᤢᤰᤁᤥ ᤁᤵᤔᤠ. ᤛᤡᤰᤁᤢᤶ ᤏᤡᤱᤘᤠ᤹. ᤂᤣᤔᤠ ᤌᤰᤔᤠ. ᤏᤠᤜᤧᤶᤔᤠ ᤏᤢ ᤏᤠᤔᤧᤴᤇᤠ᤹ ᤆᤥ᤺ᤰᤔᤠ. ᤏᤠᤵᤔᤡᤜᤠ᤹ ᤆᤧᤱᤔᤠᤛᤡ. ᤀᤠᤱᤍᤡᤱ ᤗ᤹ᤔᤠ. ᤏᤠᤛᤡ ᤌ᤺ᤵᤔᤠ ᤏᤢ ᤋᤢᤘᤠ ᤆᤥ᤺ᤰᤔᤠ ᤁᤧᤗ᤹ᤒᤠ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤀᤠᤱ ᤐᤳᤗᤥ॥ \ip ᤁᤴ ᤛᤰᤀᤡᤱᤄᤱᤅᤥ ᤕᤠᤁᤢᤒᤖᤧ ᤂᤪᤡᤛ᤻ᤋᤠᤏᤡ ᤜᤡᤱᤔᤴᤏᤥ ᤘᤠ᤹ᤔᤠᤸᤗᤧ ᤏᤛᤠ᤺ᤴ ᤆᤥ᤺ᤰᤔᤠᤖᤰ ᤔᤧ᤺ᤴ ᤁᤖ ᤕᤠ᤺ᤶᤒᤰᤁᤠᤱ ᤆᤥ᤺ᤰᤔᤠ ᤐᤥ᤺ᤱ ᤗ᤹ᤖᤡᤰ ᤐᤠ᤺ᤳᤋᤢ᤹ᤖᤥ॥ \is1 ᤌᤠᤔᤡᤱ \io1 ᤏᤡ᤺ᤛᤢᤶ ᥇.᥇ \io1 ᤏᤛᤠ᤺ᤴ ᤏᤢ ᤛᤡᤰᤁᤢᤶ ᤏᤡᤱᤘᤠ ᥇.᥈ \io1 ᤕᤠᤱᤛᤠ᤹ᤔᤠ ᤏᤢ ᤕᤠᤱᤛᤠᤁᤢᤴᤎᤣ ᥇.᥏-᥇᥇ \io1 ᤏᤡᤱᤘᤠ᤹ ᤛᤠ᤹ᤔᤠ ᤏᤢ ᤜᤱᤛᤠ᤹ᤔᤠᤀᤥ ᤌᤠᤔᤠ ᥇.᥇᥈-᥇᥎ \io1 ᤂᤧᤶᤔᤠ ᤏᤢ ᤆᤥ᤺ᤰᤔᤠ ᥇.᥇᥏-᥈᥍ \io1 ᤀᤣ᤺ᤰᤐᤀᤣ᤺ᤰᤁᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤛᤠᤶᤍᤡᤱ ᥈.᥇-᥇᥉ \io1 ᤏᤛᤠ᤺ᤴ ᤏᤢ ᤕᤠ᤺ᤶᤒᤰ ᥈.᥇᥊-᥈᥌ \io1 ᤂᤪᤡᤛ᤻ᤋᤠᤏᤡ ᤏᤢ ᤗᤧᤛᤥ᤺ᤵᤐᤧᤴ ᥉.᥇-᥇᥎ \io1 ᤂᤪᤡᤛ᤻ᤋᤠᤏᤡ ᤏᤢ ᤂᤠᤶᤒᤣ᤺ᤰᤔᤠᤴ ᥊.᥇-᥋.᥌ \io1 ᤁᤢᤏᤢᤵᤔᤠ ᤏᤢ ᤘᤣ᤹ ᤂᤠᤜᤢᤴᤜᤠ᤹ ᥋.᥍-᥈᥆ \c 1 \s1 ᤕᤠᤁᤢᤒᤗᤠᤶ ᤛᤣᤘᤠ \p \v 1 ᤁᤧᤖᤧᤰ ᤗᤠᤈᤣ᤹ᤀᤥ ᤁᤧᤛᤧᤒᤠᤀᤠᤱ ᤁᤧᤘᤠ᤹ᤒᤠ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤕᤜᤢᤍᤡᤛᤣ.\f * \fr 1:1 \ft ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤕᤜᤢᤍᤡᤜᤠ᤹–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤌᤡᤰ-ᤏᤧᤳ ᤕᤜᤢᤍᤡ ᤛᤢᤘᤠᤱᤜᤠ᤹” ᤐᤥ᤺ᤱ॥\f* ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤀᤡᤱᤃᤠ᤹ ᤕᤠᤁᤢᤒᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤒᤠᤖᤥ॥ \s1 ᤏᤛᤠ᤺ᤴ ᤏᤢ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ \p \v 2 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤁᤠᤰ ᤐᤖᤡᤰᤗᤧᤴ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤁᤧᤎᤩᤧ᤹ᤀᤡᤸᤗᤧ ᤂᤧᤱᤃ ᤛᤠ᤹ᤖᤡᤰ ᤛ᤺ᤵᤔᤏᤠᤒᤠ ᤐᤠ᤺ᤴᤗᤥ ᤑᤠ᤹ᤀᤠᤱ ᤀᤡ᤺ᤳᤋᤧᤶᤔᤧ᤹ᤀᤥ. \v 3 ᤌᤣᤀᤠᤱᤓᤧᤸᤗᤧ ᤀᤠᤰᤂᤩᤠᤖᤡᤰ ᤏᤛᤠ᤺ᤴᤛᤠᤒᤠ ᤁᤧᤈᤥᤃᤡ ᤑᤠᤀᤠᤱ ᤏᤡᤱᤘᤠ᤹ ᤛᤠ᤹ᤔᤥ ᤁᤧᤎᤩᤧ᤹ᤀᤡᤸᤗᤧ ᤂᤡᤏᤡ᤹ ᤏᤠᤛᤡ ᤌ᤺ᤵᤔᤠᤴ ᤐᤥ᤺ᤖᤥ ᤁᤧᤗ᤹ᤒᤠᤴ ᤁᤧᤏᤡ᤺ᤛᤢᤶᤗᤥ॥ \v 4 ᤜᤧᤰᤁᤩᤠᤱ ᤏᤠᤛᤡ ᤌ᤺ᤵᤔᤠᤴ ᤁᤢᤗᤡᤱᤎᤥ ᤁᤧᤳᤗ ᤌᤠᤖᤡᤰ ᤐᤥ᤺ᤖ ᤐᤥ᤺ᤱᤗᤥ. ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤁᤧᤎᤢᤶᤒᤠ ᤏᤢ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤂᤡᤏᤡ᤹ᤀᤥ ᤁᤢᤗᤡᤱᤎᤥ ᤔᤧᤱᤃᤧᤵᤔᤏᤠᤒᤠ ᤐᤠ᤺ᤴ ᤌᤣᤀᤠᤱ ᤔᤧᤒᤥ᤺ᤱᤏᤧᤸᤗᤥ॥ \p \v 5 ᤁᤖ ᤂᤡᤏᤡ᤹ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤆᤠᤜᤠᤒᤠ ᤁᤧᤈᤥᤃᤡᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤠ᤺ᤰᤋᤧᤶᤔᤧ᤹ ᤜᤧᤰᤁᤩᤠᤱ ᤂᤢᤏᤧ᤹ ᤁᤧᤒᤡᤖᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤁᤢᤕᤠ᤺ᤰ ᤔᤧᤸᤗᤧ᤹ᤀᤣ ᤁᤢᤏᤡᤱᤘᤠ᤹ ᤜᤴᤍᤢᤀᤠᤱ ᤁᤧᤏᤠ᤺ᤰᤐᤠᤜᤠ᤹ ᤁᤧᤖᤧᤰ ᤐᤡᤖᤢᤛᤡ᤹ᤖᤥ॥ \v 6 ᤁᤖ ᤁᤧᤏᤠ᤺ᤰᤐᤠᤸᤗᤧ ᤏᤠ᤺ᤰᤋᤢᤒᤠ ᤐᤠ᤺ᤴᤏᤡᤴ ᤂᤥ᤺ᤛᤢᤱ ᤑᤠ᤹ᤀᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤏᤠ᤺ᤰᤋᤢᤖ ᤐᤥ᤺ᤱᤗᤥ॥ ᤆᤵᤆᤡ ᤁᤧᤈᤥ᤺ᤰᤐᤠᤱᤃ ᤛᤢᤖᤡᤳ ᤁᤣᤈᤱᤅᤡᤸᤗᤧ ᤔᤢ᤺ᤳᤋᤢᤸᤗᤧ ᤘᤠᤜᤱᤅᤥ ᤁᤧᤒᤥ᤺ᤰᤐᤠ ᤘᤠᤓᤧᤸᤗᤧᤱᤅᤡᤴ ᤁᤢᤀᤡᤛᤡ᤺ᤰ ᤕᤥ ᤏᤠ ᤌᤥᤒᤠ ᤐᤥ᤺ᤱᤗᤥ॥ \v 7 ᤜᤧᤰᤁᤣᤗ᤹ᤖᤡᤰ ᤆᤵᤆᤡ ᤁᤧᤈᤥ᤺ᤰᤐᤠ ᤔᤏᤠ᤺ᤸᤗᤧ ᤕᤜᤘᤣ ᤍᤠᤱᤒᤠᤀᤥᤗᤠᤶ\f * \fr 1:7 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤁᤢᤖᤡᤀᤥᤛ” ᤛᤢᤳᤗᤠ᤺ᤴ ᤛᤠᤵᤋᤧᤀᤠᤱ ᤐᤳ॥ ᤕᤠᤁᤢᤒᤖᤧ “ᤁᤢᤖᤡᤀᤥᤛ” ᤐᤠ᤺ᤳᤋᤢᤒᤧᤴ ᤕᤧᤛᤢ ᤂᤪᤡᤛ᤻ᤋᤧᤴ ᤔᤧᤳᤋᤢᤒᤠᤖᤥ. ᤁᤖ ᤁᤴ ᤐᤠ᤺ᤳᤗᤠᤀᤥ ᤂᤢᤏᤧ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤖᤥ॥\f* ᤌᤣ ᤐᤠ᤺ᤴᤏᤠᤱ ᤂᤥ᤺ᤛᤢᤱ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤴᤗᤖᤥ॥ \v 8 ᤂᤧᤱᤃ ᤁᤢᤏᤡᤱᤘᤠ᤹ ᤁᤧᤗᤠᤶᤒᤠ ᤔᤏᤠᤖᤥ. ᤜᤧᤰᤁᤩᤠᤱ ᤂᤧᤸᤗᤧ ᤁᤠᤰ ᤆᤥᤃᤢᤒᤠ ᤕᤠ᤺ᤶᤒᤰᤁᤥ ᤆᤥᤃᤢᤱᤒᤡ ᤔᤧᤈᤥ᤺ᤰᤁᤠᤴᤒᤡ ᤗ᤹ᤖᤥ॥ \s1 ᤕᤠᤱᤛᤠ᤹ᤔᤠ ᤏᤢ ᤕᤠᤱᤛᤠᤁᤢᤴᤎᤣᤛᤠᤒᤠ \p \v 9 ᤕᤠᤱᤃᤧᤛᤠ᤹ᤒᤠ ᤏᤛᤠᤏᤡᤒᤠᤴ ᤜᤠᤖᤠ᤹ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤡᤱᤛᤥ ᤀᤡᤱᤎᤠ᤺ᤱ ᤂᤥ᤺ᤛᤢᤸᤗᤧ ᤛ᤺ᤳᤗ ᤐᤥ᤺ᤱᤗᤥ॥ \v 10 ᤁᤖ ᤕᤠᤱᤛᤠᤁᤢᤴᤎᤣᤛᤠᤒᤠᤴ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤏ᤺ᤶᤏ᤺ᤶᤒᤠ ᤐᤥ᤺ᤱᤅᤡᤸᤗᤧ ᤛ᤺ᤳᤗ ᤐᤥ᤺ᤱᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤀᤡᤃᤧᤗᤧᤶᤒᤠᤀᤠᤱ ᤔᤰᤁᤧᤎᤠ ᤁᤧᤒᤣ᤺ᤰᤐᤠ ᤋᤠᤶᤓᤢᤱ ᤑᤢᤱ ᤁᤢᤀᤡᤛᤡ᤺ᤰ ᤀᤡᤗᤧᤶᤒᤣ᤺ᤰᤗᤥ॥ \v 11 ᤌᤣᤀᤠᤱᤓᤧᤸᤗᤧ ᤏᤠᤶᤛᤧᤀᤠᤱ ᤏᤠᤶᤗᤠ᤺ᤱᤔᤠᤸᤗᤧ ᤕᤠ᤺ᤴᤛᤢᤱᤅᤡᤴ ᤜᤣ᤺ᤛᤢ᤹ ᤜᤧᤰᤁᤩᤠᤱ ᤑᤢᤱᤅᤡᤴᤏᤠᤱ ᤔᤰᤌᤠᤀᤠᤱ ᤏᤢ᤺ᤒᤠ ᤁᤢᤎᤠ᤺ᤵᤔᤧᤴ ᤐᤣ᤺ᤰᤗᤥ॥ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤕᤠᤱᤛᤠᤁᤢᤴᤎᤣᤛᤠᤒᤠᤴᤏᤠᤱ ᤂᤢᤏᤧ᤹ ᤕᤠ᤺ᤶᤒᤰ ᤆᤥᤃᤢᤖ ᤐᤳᤋᤡᤸᤗᤧᤀᤣ ᤛᤡ᤺ ᤐᤣ᤺ᤰᤗᤥ॥ \s1 ᤀᤡᤏᤥᤃᤧᤴ ᤋᤢᤰᤂᤣ ᤏᤢ ᤜᤱᤛᤠ᤹ᤔᤠ \p \v 12 ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤏᤠᤛᤡ ᤁᤧᤎ᤺ᤵᤐᤧᤱᤃ ᤔᤢ᤹ᤀᤡᤛᤠᤒᤠᤖᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤏᤡᤱᤘᤠ᤹ ᤛᤠ᤹ᤔᤠᤀᤥ ᤌᤠ᤺ᤸᤗᤧ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤐᤥ᤺ᤰᤂᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤔᤡ᤺ᤶᤈᤡ ᤁᤧᤔᤧᤵᤐᤠᤜᤠ᤹ ᤐᤡᤔᤠᤛᤡ ᤑᤠ᤹ᤀᤠᤱ ᤔᤠᤱᤜᤧᤰ ᤆᤥᤃᤢᤒᤠ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤧᤴ ᤋᤡᤆ᤺ᤴ ᤂᤧᤸᤗᤧ ᤂᤥ᤺ᤛᤢ᤹ᤖᤥ॥ \v 13 ᤜᤧᤰᤁᤩᤠᤱ ᤜᤱᤛᤠ᤹ᤔᤥ ᤁᤧᤎᤠ᤺ᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤱᤛᤠ᤹ᤖᤠᤱᤗᤥ ᤑᤠ᤹ᤀᤠᤱ ᤀᤠᤵᤑᤠᤸᤗᤧᤀᤠᤱ ᤔᤧᤒᤠ᤺ᤳᤋᤢᤴᤗᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤑᤧᤴ ᤐᤠ᤺ᤴᤗᤠᤶᤒᤠ ᤜᤱᤔᤧᤛᤠ᤹ᤏᤧᤴᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤀᤠᤱ ᤀᤠᤳᤋᤡᤴᤜᤠ᤹ᤀᤠᤱ ᤜᤱᤔᤧᤛᤠ᤹ᤖᤢᤴᤇᤡᤴᤗᤥ॥ \v 14 ᤁᤖ ᤁᤠᤰ ᤔᤏᤠᤜᤠ᤹ ᤀᤠᤒᤠᤅᤣ ᤑᤧᤴ ᤏᤡᤱᤘᤠ᤹ᤀᤡᤸᤗᤧ ᤔᤢᤖᤠ ᤔᤧᤳᤋᤢᤛᤡᤀᤠᤱ ᤜᤱᤛᤠ᤹ᤔᤥ ᤔᤧᤎᤠ᤺ᤖᤥ॥ \v 15 ᤁᤴ ᤑᤧᤴ ᤏᤡᤱᤘᤠ᤹ᤀᤡᤸᤗᤧ ᤀᤠᤏᤡ᤹ ᤀᤠᤕᤢᤰᤁᤠᤱ ᤗᤠᤕᤥ ᤆᤥ᤺ᤰᤔᤠ ᤀᤠᤒᤠᤱᤗᤥ. ᤜᤧᤰᤁᤩᤠᤱ ᤗᤠᤕᤥ᤺ᤸᤗᤧ ᤀᤠᤏᤡ᤹ ᤛᤡ᤺ᤔᤧᤴᤏᤥ ᤀᤠᤍᤣ᤹ᤖᤥ॥ \p \v 16 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤀᤡᤱᤗᤧᤰᤁᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥ \v 17 ᤁᤠᤰ ᤏᤢ᤺ᤒᤠ ᤏᤢ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤐᤷᤎᤠ᤺ᤶᤔᤡᤱᤃ ᤌᤠ᤺ᤱ ᤋᤠᤱᤛᤠᤰᤐᤥ ᤁᤧᤀᤥ᤺ᤵᤐᤠ ᤀᤥ᤺ᤳᤋᤡᤜᤠ᤹ ᤁᤧᤈᤥ᤺ᤰᤐᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤕᤢ᤺ᤖᤥ॥ ᤂᤧᤴ ᤀᤥ᤺ᤳᤋᤡᤜᤠ᤹ᤃ ᤛᤠᤶᤒᤪᤡ᤺ᤵᤐᤠ ᤁᤢᤀᤡᤛᤡ᤺ᤰ ᤗᤧᤱᤒᤣ᤺ᤰ. ᤁᤖ ᤂᤢᤏᤧ᤹ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤱᤏᤧᤴᤗᤥ॥ \v 18 ᤂᤢᤏᤧ᤹ ᤆᤥᤃᤢᤒᤠ ᤏᤠᤘᤠᤃᤧᤴ ᤆᤀᤡ᤺ᤳᤋᤥ ᤁᤠᤰᤏᤢ ᤋᤃᤡ ᤁᤧᤍᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤆᤠᤛᤥ᤺ᤰ ᤁᤢᤀᤡᤛᤡ᤺ᤰ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤀᤠᤒᤠᤅᤣ ᤁᤢᤏᤡᤱᤘᤠ᤹ᤀᤡᤸᤗᤧ ᤛᤧᤰᤂᤠᤒᤠ ᤁᤢᤒᤠ᤺ᤴᤈᤠᤰᤗᤠᤶ ᤁᤢᤛ᤻ᤛᤠ᤺ ᤀᤠᤈᤥᤃᤧᤀᤠᤱ ᤘᤠ᤹॥ \s1 ᤂᤧᤶᤔᤠ ᤏᤢ ᤆᤥ᤺ᤰᤔᤠ \p \v 19 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤠᤄᤧᤶᤔᤠᤀᤥ ᤁᤧᤖᤧᤰ ᤆᤠᤳᤋᤧᤶᤔᤧ᤹ᤀᤥ. ᤁᤖ ᤐᤠ᤺ᤵᤔᤠᤀᤥ ᤏᤢ ᤛᤡᤰ ᤐᤥ᤺ᤰᤔᤠᤀᤥ ᤛᤢ᤺ᤛᤧᤶᤔᤧ᤹ᤀᤥ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ॥ \v 20 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤡᤰᤁᤡᤸᤗᤧ ᤀᤠᤵᤑᤠᤸᤗᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤶᤔᤡᤸᤗᤥ॥ \v 21 ᤂᤧᤸᤗᤧ ᤆᤥᤃᤢᤸᤗᤧ ᤋᤠᤵᤑᤧ᤺ᤶᤒᤠ ᤏᤢ ᤛᤡᤰᤁᤧᤗᤧ᤺ᤱᤒᤠ ᤐᤠ᤺ᤴᤜᤠ᤹ ᤗᤧᤖᤧᤶᤍᤣ᤺ᤛᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤛᤡᤰᤗᤢᤱᤔᤥ ᤗᤣ᤺ᤳᤋᤢᤒᤠ ᤂᤡᤏᤡ᤹ ᤋᤠᤱᤛᤧ᤺ᤵᤔᤠ ᤁᤧᤛᤢᤰᤐᤠ ᤁᤢᤒᤠ᤺ᤴᤈᤠᤰᤁᤡᤴ ᤂᤡᤏᤡ᤹ ᤏ᤺ᤶᤏ᤺ᤶᤔᤠᤱ ᤋᤠ᤺ᤰᤋᤧᤶᤔᤧ᤹ᤀᤥ॥ \p \v 22 ᤁᤖ ᤐᤠ᤺ᤴᤈᤠᤰᤁᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤆᤥᤃᤧᤶᤔᤧ᤹ᤀᤥ॥ ᤐᤠ᤺ᤴᤈᤠᤰ ᤁᤧᤄᤧᤶᤒᤠᤖᤰ ᤁᤧᤒᤥ᤺ᤰᤂᤡ᤹ᤏᤧ ᤑᤠ᤹ᤃᤪ ᤀᤠᤒᤠᤅᤣ ᤀᤡᤱᤃᤧᤗᤧᤰᤁᤠᤛᤡ᤹ᤖᤥ॥ \v 23 ᤐᤠ᤺ᤴᤈᤠᤰᤁᤡᤴ ᤁᤧᤄᤧᤵᤛᤢᤶ ᤁᤖ ᤂᤧᤴ ᤁᤢᤀᤡᤛᤡ᤺ᤰ ᤁᤧᤴᤈᤥᤃᤢᤶᤔᤡᤴᤏᤧ ᤑᤠ᤹ᤃᤪ ᤛᤧᤸᤗᤧᤱᤄᤥᤀᤥ ᤂᤡᤏᤡ᤹ ᤏᤠᤖᤠ ᤀᤥᤃᤧᤔᤧᤳᤋᤢᤶᤒᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ \v 24 ᤂᤡᤏᤡ᤹ ᤀᤠᤒᤠᤅᤣ ᤀᤥᤃᤧᤔᤧᤳᤋᤠᤛᤡᤀᤠᤱ ᤀᤠᤏᤡᤃᤧ ᤀᤠᤰᤋᤱᤒᤠ ᤆᤥᤃᤡᤃᤧ ᤑᤠ᤹ᤀᤠᤱ ᤁᤧᤏᤡ᤺ᤛᤢᤶᤒᤠᤴ ᤁᤧᤒᤣᤃᤡᤏᤢᤔᤧ᤺ᤴᤏᤣ ᤏᤡᤱᤘᤠ᤹ ᤁᤧᤓᤣ᤺ᤳᤇᤢᤶᤗᤥ॥ \v 25 ᤁᤖ ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤆᤥ᤺ᤰᤕᤢᤶᤓᤥ ᤁᤧᤒᤡᤒᤠ ᤛᤣᤛᤣ ᤛᤠᤶᤕᤥᤌᤡᤶᤔᤡᤴ ᤂᤧᤵᤛᤢᤀᤠᤱ ᤏᤡᤱᤘᤠ᤹ ᤔᤧᤓᤣ᤺ᤳᤇᤢᤴ. ᤁᤖ ᤂᤧᤸᤗᤧ ᤆᤰᤔᤧᤸᤗ᤹ᤀᤣ ᤏᤢ᤺ᤖᤡᤰ ᤀᤥᤔᤧᤳᤋᤢᤀᤠᤱ ᤂᤧᤵᤛᤢᤒᤠ ᤐᤠ᤺ᤴᤜᤠ᤹ ᤆᤥᤃᤢ᤹. ᤂᤧᤸᤗᤧ ᤆᤥᤃᤢᤒᤠ ᤁᤠᤰ ᤁᤢᤕᤠ᤺ᤶᤒᤰᤁᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤢ᤹ᤀᤡᤛᤠᤶ ᤐᤡᤖᤢ᤹ᤖᤥ॥ \p \v 26 ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤛᤠᤶᤕᤥᤛᤠᤒᤠ ᤆᤥ᤺ᤰᤁᤠ ᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢ᤹. ᤁᤖ ᤁᤢᤗᤧᤛᤥ᤺ᤵᤐᤧᤴ ᤕᤢᤰᤁᤥ ᤔᤧᤃᤳᤋᤢᤴᤏᤧ ᤑᤠ᤹ᤃᤪ ᤂᤧᤱᤃ ᤀᤡᤱᤗᤧᤰᤛᤡᤱᤅᤠᤱ ᤂᤧᤸᤗᤧ ᤁᤢᤛᤠᤶᤕᤥ᤺ᤱᤃ ᤜᤏᤧᤖᤰ ᤐᤥ᤺ᤱᤗᤥ॥ \v 27 ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤧᤴᤍᤡᤱ ᤆᤥᤃᤢᤒᤠ ᤛᤢᤳᤌᤥ ᤏᤢ ᤛᤣᤛᤣᤒᤠ ᤛᤠᤶᤕᤥᤛᤠᤒᤠ ᤐᤥ᤺ᤱᤔᤠᤱᤃ ᤒᤠ ᤁᤴᤗᤥ–ᤕᤧᤳᤇᤠᤒᤠᤜᤠ᤹ ᤏᤢ ᤔᤣᤔᤣᤍᤢᤔᤠᤜᤠ᤹ ᤂᤢᤏᤡ᤹ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤀᤥ ᤁᤶᤒᤪᤠᤱ ᤔᤧᤵᤔᤠᤛᤡ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤠᤵᤔᤡ ᤁᤧᤈᤡ᤺ᤶᤒᤠ ᤐᤠ᤺ᤴᤜᤠ᤹ᤗᤠᤶ ᤔᤠ᤺ᤱᤄᤠ ᤘᤠ᤹ᤔᤠᤖᤥ॥ \c 2 \s1 ᤔᤏᤠᤜᤠ᤹ ᤀᤣ᤺ᤰᤐᤀᤣ᤺ᤰ ᤆᤥ᤺ᤰᤔᤠᤛᤡ ᤔᤧ᤺ᤴ \p \v 1 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤔᤡᤔᤡᤍᤡᤱᤃᤧᤴ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ᤖᤧᤃ ᤘᤣ᤹ ᤔᤏᤠᤜᤠ᤹ ᤛᤧᤶᤔᤠᤛᤡ ᤔᤧᤏᤢ᤹ᤏᤧᤴᤗᤥ॥ \v 2 ᤀᤠᤸᤗ ᤂᤡᤏᤡ᤹ ᤛᤣᤛᤣ ᤆᤢᤶᤗᤢᤱᤅᤥ ᤔᤏᤠᤎᤡᤰ ᤛᤠᤶᤔᤩᤠᤱ ᤛᤫᤠ᤺ᤃᤧᤵᤐᤡᤴ ᤏᤢ ᤏᤢ᤺ᤒᤠ ᤆᤠᤱ ᤆᤠᤰᤂᤢᤀᤠᤱ ᤋᤠ᤺. ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤕᤧᤶᤔᤥᤀᤣ ᤕᤠᤱᤃᤧᤛᤠ᤹ᤒᤠ ᤆᤡᤖᤡᤱᤗᤡᤱᤒᤠ ᤆᤠᤱ ᤁᤧᤈᤠᤱᤒᤠ ᤔᤏᤠᤎᤡᤰᤁᤠᤱ ᤋᤠᤏᤧ ᤑᤠ᤹ᤃᤪ. \v 3 ᤂᤧᤴ ᤏᤢ᤺ᤒᤠ ᤆᤠᤱ ᤁᤧᤈᤠᤱᤒᤠ ᤔᤏᤠ᤺ᤴ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤒᤡᤖᤢᤶᤗ “ᤁᤵᤔᤥ ᤏᤢ᤺ᤒᤠ ᤋᤧᤴᤏᤥ ᤕᤢᤅᤧ᤹ᤀᤥ” ᤁᤧᤔᤧᤳᤋᤢᤶ. ᤁᤖ ᤂᤧᤴ ᤕᤠᤱᤃᤧᤛᤠ᤹ᤒᤠᤴ “ᤂᤧᤏᤧ᤹ ᤂᤧᤳᤏᤠ ᤕᤧᤒᤧ᤹” ᤀᤡᤃᤪ “ᤁᤵᤔᤥ ᤂᤠᤶᤔᤥ ᤕᤢᤅᤧ᤹” ᤁᤧᤔᤧᤳᤋᤢᤶᤏᤧ ᤑᤠ᤹ᤃᤪ. \v 4 ᤂᤡᤏᤡ᤹ᤃ ᤀᤠᤒᤠᤅᤣ ᤗᤢᤶᤔᤥ ᤔᤏᤠ ᤁᤧᤛᤧᤶᤒᤠ ᤏᤢ ᤑᤧᤴ ᤏᤡᤱᤘᤠ᤹ᤗᤠᤶ ᤂᤠᤛᤧᤴᤗᤥ᤺ᤶᤒᤠ ᤁᤧᤶᤒᤥ᤺ᤰᤂᤡᤴᤒᤡ᥅ \p \v 5 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤧᤵᤛᤧᤶᤔᤧ᤹ᤀᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤠᤱᤃᤧᤛᤠ᤹ᤒᤠᤜᤠ᤹ ᤏᤛᤠ᤺ᤴᤏᤥ ᤕᤠᤱᤛᤠᤁᤢᤴᤎᤣᤛᤠᤒᤠ ᤆᤥ᤺ᤰᤛᤧ ᤏᤢ ᤁᤢᤜᤠᤱᤈᤢᤶ ᤗᤰ ᤂᤥ᤺ᤛᤧ ᤛᤣᤃᤢᤛᤡᤀᤠᤱ ᤘᤠ᤹॥ ᤂᤧᤴ ᤜᤠᤱᤈᤢᤶᤔᤡᤱᤃ ᤂᤢᤏᤧ᤹ ᤁᤠᤰ ᤔᤡ᤺ᤶᤈᤡ ᤁᤧᤔᤧᤵᤐᤠᤜᤠ᤹ ᤐᤡᤔᤠᤛᤡ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤠ᤹ᤖᤥ॥ \v 6 ᤁᤖ ᤂᤡᤏᤡ᤹ᤃ ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤏᤠᤃᤧᤎᤠ᤺ᤛᤢᤶ ᤁᤧᤒᤡᤖᤢᤶᤛᤡᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤡᤏᤡ᤹ ᤏᤡᤱᤄᤢᤶ ᤁᤧᤔᤧᤵᤐᤠᤀᤠᤱ ᤂᤠᤛᤧᤴ ᤜᤡᤶᤔᤥ ᤁᤧᤀᤢ᤺ᤱᤒᤠ ᤁᤧᤍᤣ᤹ᤒᤠᤜᤠ᤹ ᤂᤧᤴ ᤕᤠᤱᤛᤠᤁᤢᤴᤎᤣᤛᤠᤒᤠᤜᤠ᤹ᤀᤣ ᤔᤧ᤺ᤴᤇᤡᤒᤡ᥅ \v 7 ᤂᤡᤏᤡ᤹ ᤏᤛᤠ᤺ᤴ ᤁᤧᤈᤥᤃᤢᤶᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤏᤢ᤺ᤒᤠ ᤁᤢᤔᤡᤱᤅᤡᤴ ᤆᤠ᤺ᤳᤌᤡ ᤁᤧᤍᤣ᤺ᤒᤠᤜᤠ᤹ ᤂᤧᤱᤜᤠ᤹ᤀᤣ ᤔᤧ᤺ᤴᤇᤡᤒᤡ᥅ \p \v 8 ᤛᤧᤰᤂᤠᤀᤣ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤂᤡᤏᤡ᤹ ᤐᤠᤱᤓᤣ᤹ᤛᤠᤒᤠᤜᤠ᤹ ᤀᤠᤒᤠᤅᤣ ᤁᤢᤀᤡᤛᤡ᤺ᤰᤁᤣ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤢᤜᤠᤱᤃᤧᤴ ᤌᤡᤶᤔᤡᤴ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤏᤧ ᤑᤠ᤹ᤃᤪ ᤏᤢ᤺ᤒᤠᤀᤣ ᤁᤧᤈᤥᤃᤢᤶᤗᤥ॥ \v 9 ᤁᤖ ᤂᤡᤏᤡ᤹ ᤔᤏᤠᤜᤠ᤹ ᤁᤧᤛᤧᤴᤍᤢᤶᤛᤡᤶᤏᤧ ᤑᤠ᤹ᤃᤪ ᤗᤠᤕᤥ ᤁᤧᤈᤥᤃᤢᤶᤔᤠᤱ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤓᤠᤱ ᤁᤧᤓᤣ᤺ᤶᤒᤠ ᤑᤠ᤹ᤀᤠᤱ ᤀᤠᤵᤋᤡᤰ ᤁᤧᤃᤢ᤺ᤳᤋᤡ᤹ᤖᤥ॥ \p \v 10 ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤸᤗᤧ ᤁᤧᤖᤧᤰ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹ ᤁᤖ ᤗᤳᤌᤡᤰ ᤐᤠ᤺ᤴᤏᤡᤴ ᤑᤣ᤺ᤴᤍᤢᤏᤧ ᤑᤠ᤹ᤃᤪ. ᤂᤧᤸᤗᤧ ᤁᤧᤖᤧᤰ ᤛᤠᤶᤕᤥᤌᤡᤶᤔᤡᤴ ᤑᤣ᤺ᤴᤍᤢᤒᤠ ᤁᤢᤀᤡᤛᤡ᤺ᤰ ᤐᤥ᤺ᤱᤗᤥ॥ \v 11 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ “ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤈᤥᤃᤧᤴᤏᤧ᤹ᤀᤥ” ᤗ᤹ᤖᤡᤰ ᤐᤠ᤺ᤳᤋᤢ. ᤜᤧᤰᤁᤩᤠᤱ ᤂᤢᤏᤧ᤹ᤀᤣ “ᤔᤏᤠ ᤔᤧᤛᤧᤖᤧᤴᤏᤧ᤹” ᤗ᤹ᤖᤡᤰᤁᤠᤱ ᤐᤠ᤺ᤳᤋᤢᤀᤠᤱ ᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤴᤈᤥᤃᤢᤴᤇᤠᤱ ᤔᤏᤠ ᤁᤧᤛᤧᤳᤏᤧ ᤑᤠ᤹ᤃᤪ. ᤂᤧᤏᤧ᤹ ᤛᤠᤶᤕᤥᤌᤡᤶ ᤁᤧᤓᤣ᤺ᤶᤒᤠ ᤁᤧᤒᤥ᤺ᤱᤗᤥ॥ \p \v 12 ᤜᤧᤰᤁᤣ᤺ᤸᤗᤧ ᤔᤧᤴᤇᤠᤶ ᤕᤠᤵᤔᤡ᤺ᤴ ᤆᤥ᤺ᤰᤕᤢᤶᤓᤥ ᤁᤧᤒᤡᤒᤠ ᤛᤠᤶᤕᤥᤌᤡᤶᤗᤠᤶ ᤂᤠᤛᤧᤴ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤔᤏᤠ᤺ᤴ ᤁᤢᤀᤡᤛᤡ᤺ᤰ ᤐᤠᤖᤧᤶᤔᤧ᤹ ᤆᤥᤃᤧᤶᤔᤧ᤹ᤀᤥ. \v 13 ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤴ ᤔᤏᤠ᤺ᤸᤗᤧ ᤗᤢᤱᤔᤠ᤹ ᤔᤧᤴᤍᤢᤰᤛᤡᤱᤅᤣ ᤘᤣ᤹ᤜᤠ᤹ ᤂᤠᤛᤧᤴ ᤗᤥ᤺ᤴᤍᤢᤛᤡ᤹. ᤂᤧᤸᤗᤧᤴᤏᤠᤱ ᤁᤢᤄᤠᤛᤧᤴᤏᤡᤴ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤐᤥ᤺ᤱᤗᤥ॥ ᤘᤣ᤹ᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤐᤠᤸᤗᤧ ᤏᤡᤱᤘᤠ᤹ᤑᤢ ᤂᤠᤛᤧᤴᤏᤡᤴ ᤔᤧᤃᤡᤖᤢᤴᤗᤥ᥄ \s1 ᤕᤠ᤺ᤶᤒᤰ ᤔᤧ᤺ᤴᤏᤣᤒᤠ ᤏᤛᤠ᤺ᤴᤏᤡᤴ ᤁᤢᤗᤡᤱᤎᤥ ᤔᤧᤃᤧᤳᤏᤧᤴ \p \v 14 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤳᤋᤡᤴ ᤔᤏᤠ᤺ᤸᤗᤧ ᤏᤛᤠ᤺ᤴ ᤁᤳᤋᤢᤱ ᤗ᤹ᤖᤡᤰ ᤐᤠ᤺ᤳᤋᤢ᤹ ᤁᤖ ᤕᤠ᤺ᤶᤒᤰ ᤔᤧᤈᤥᤃᤢᤴᤏᤧ ᤑᤠ᤹ᤃᤪ ᤌᤣ ᤐᤥ᤺ᤰᤂᤧᤀᤠᤱᤒᤣ᥅ ᤜᤧᤰᤋᤱᤒᤠ ᤏᤛᤠ᤺ᤴᤏᤡᤸᤗᤧ ᤂᤧᤴ ᤋᤠᤱᤛᤧ᤺ᤵᤔᤠ ᤛᤢᤰᤋᤢ᤹ᤒᤡ᥅ \v 15 ᤀᤠᤸᤗ ᤑᤢ᤹ᤏᤢᤛᤠ᤹ ᤀᤡᤃᤪ ᤏᤧ᤹ᤏᤢᤛᤠ᤹ ᤌᤡᤰᤗᤧ ᤆᤠᤱ ᤋᤣ᤺ᤳ ᤔᤧᤃᤳᤋᤢᤴ ᤜᤧᤰᤁᤩᤠᤱ ᤌᤡᤰᤕᤠ᤺ᤴᤎᤰᤐᤠ ᤆᤠᤔᤠ ᤌᤢᤱᤔᤠ ᤌᤣᤀᤠᤱ ᤔᤧᤃᤳᤋᤢᤴ. \v 16 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ᤀᤥ ᤌᤡᤰᤁᤡᤸᤗᤧ “ᤏᤢ᤺ᤖᤡᤰᤁᤠᤱ ᤐᤣᤃᤧ᤹ᤀᤥ. ᤏᤢ᤺ᤖᤡᤰ ᤆᤧ᤹ ᤌᤢᤅᤧ᤹ᤀᤠᤱ ᤐᤃᤥᤃᤥ᤺ᤖ ᤘᤕᤧ᤹ᤀᤥ” ᤔᤧᤳᤋᤢ᤹. ᤁᤖ ᤂᤧᤴ ᤏᤠᤛᤡᤱᤃᤧᤴ ᤁᤢᤎᤰᤁᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤌᤣᤀᤠᤱ ᤁᤢᤓᤠ᤹ ᤔᤧᤒᤡᤖᤢᤴᤏᤧ ᤑᤠ᤹ᤃᤪ ᤌᤣ ᤏᤢ᤺ᤒᤠ ᤐᤥ᤺ᤰᤂᤧᤀᤠᤱᤒᤣ᥅ \v 17 ᤜᤧᤰᤁᤣᤗ᤹ᤖᤡᤰᤁᤣ ᤏᤛᤠ᤺ᤴᤏᤡᤴ ᤁᤧᤃᤳᤋᤢᤶᤛᤠᤱ ᤂᤧᤴ ᤁᤢᤀᤡᤛᤡ᤺ᤰ ᤕᤠ᤺ᤶᤒᤰ ᤁᤧᤴᤈᤥᤃᤢᤶᤔᤡᤴᤏᤧ ᤑᤠ᤹ᤃᤪ. ᤂᤧᤴ ᤏᤛᤠ᤺ᤴᤏᤡᤱᤃ ᤁᤢᤛᤢᤶ ᤔᤧᤴᤍᤶᤔᤏᤠᤒᤠ ᤐᤥ᤺ᤱᤗᤥ॥ \p \v 18 ᤀᤠᤸᤗ ᤁᤢᤓᤠᤖᤧ ᤔᤧᤒᤠ᤺ᤳᤋᤢᤒᤡᤗᤠ. “ᤂᤧᤏᤧ᤹ ᤏᤛᤠ᤺ᤴ ᤁᤧᤃᤳᤋᤢ᤹. ᤁᤖ ᤀᤡᤱᤃᤠ᤹ ᤕᤠ᤺ᤶᤒᤰ ᤁᤳᤋᤢᤱ॥” ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. “ᤂᤧᤏᤧ᤹ ᤕᤠ᤺ᤶᤒᤰᤁᤡᤸᤗᤧ ᤔᤧᤃᤠᤵᤋᤢᤶᤒᤠ ᤁᤧᤏᤛᤠ᤺ᤴᤏᤡᤴ ᤀᤥᤛᤣ᤺ᤴᤎᤠᤰᤋᤠᤱᤅᤧ᤹. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤕᤠ᤺ᤶᤒᤰᤗᤠᤶ ᤀᤠᤏᤛᤠ᤺ᤴᤏᤡᤴ ᤀᤥᤛᤣ᤺ᤴᤎᤠᤰᤏᤧ᤹ᤖᤥ॥” \v 19 ᤁᤢᤳᤆᤠ᤹ᤀᤣ ᤌᤡᤰᤗᤰ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤘᤠ᤹ ᤗ᤹ᤖᤡᤰ ᤏᤛᤠ᤺ᤴ ᤁᤧᤈᤥᤃᤢ᤹॥ ᤂᤧᤱᤃ ᤏᤢ᤺ᤒᤠᤖᤥ᥄ ᤑᤧᤴᤛᤠᤶᤜᤠ᤹ᤖᤧᤀᤠᤱ ᤂᤧᤴ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤔᤧᤃᤡᤖ ᤌᤧᤃᤰᤁᤰᤏᤠ ᤔᤧᤕᤱᤗᤥ॥ \v 20 ᤀᤍᤱᤛᤣ. ᤕᤠ᤺ᤶᤒᤰᤁᤡᤸᤗᤧ ᤔᤧᤃᤠᤵᤋᤢᤶᤒᤠ ᤏᤛᤠ᤺ᤴᤏᤡᤴ ᤁᤢᤛᤢᤶ ᤔᤧᤴᤍᤶᤔᤏᤠᤒᤠ ᤐᤥ᤺ᤱ ᤁᤧᤗ᤹ᤒᤠ ᤐᤷᤔᤠᤱᤃᤡ᤺ᤴ ᤁᤧᤃᤥ᤺ᤳᤋᤢᤶᤒᤡ᥅ \p \v 21 ᤀᤠᤏᤡ᤹ ᤋᤠᤰᤌᤧᤒᤠ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤀᤡᤛᤜᤠᤰᤁᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥ ᤛᤡᤍᤢᤱᤈᤓᤠ ᤆᤥ᤺ᤰᤛᤧ ᤋᤥ᤺ᤴᤍᤢᤒᤠ ᤕᤠ᤺ᤶᤒᤰᤁᤡᤸᤗᤧᤀᤣ ᤂᤢᤏᤧ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤒᤠ ᤔᤧ᤺ᤶᤒᤡ᥅ \v 22 ᤂᤢᤏᤧ᤹ ᤁᤢᤏᤛᤠ᤺ᤴᤏᤡᤴ ᤁᤢᤕᤠ᤺ᤶᤒᤰᤁᤡᤸᤗᤧ ᤁᤠᤵᤋᤢᤒᤠᤴ ᤏᤢ ᤒᤠ ᤂᤧᤴ ᤕᤠ᤺ᤶᤒᤰᤁᤡᤸᤗᤧᤀᤣ ᤁᤢᤏᤛᤠ᤺ᤴᤏᤡᤴ ᤁᤢᤗᤡᤱᤎᤥ ᤁᤧᤳᤋᤢᤒᤠᤴ ᤁᤧᤏᤡ᤺ᤛᤢᤶᤗᤥ॥ \v 23 ᤁᤴ ᤐᤠ᤺ᤴᤏᤡᤱᤃ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠᤴ ᤁᤧᤖᤧᤒᤠᤖᤥ. “ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢ. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥”\f * \fr 2:23 \ft ᤋᤥᤗᤡᤱᤛᤥᤔᤢ ᥇᥋.᥌\f* ᤜᤧᤰᤁᤩᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤴᤈᤢᤶ ᤑᤠ᤹ᤀᤠᤱ ᤔᤧᤳᤋᤢᤖᤥ॥ \v 24 ᤏᤛᤠ᤺ᤴᤗᤠᤶᤖᤰ ᤔᤧ᤺ᤴ. ᤁᤖ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤕᤠ᤺ᤶᤒᤰᤗᤠᤶᤔᤠᤱ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤱ ᤑᤠ᤹ᤀᤠᤱ ᤁᤧᤏᤡ᤺ᤛᤢᤶᤗᤥ॥ \p \v 25 ᤜᤧᤰᤁᤣᤗ᤹ᤖᤡᤰᤁᤣ ᤁᤧᤳᤏᤡᤔᤠ ᤖᤠᤜᤠᤒᤖᤧ ᤌᤥ᤺ᤶᤈᤡᤒᤠᤜᤠ᤹ ᤋᤖᤣ ᤋᤥ᤺ᤛᤢᤛᤡᤀᤠᤱ ᤂᤧᤱᤜᤠ᤹ ᤋᤠᤱᤛᤧ᤺ᤵᤛᤧ ᤘᤣ᤹ ᤗᤠᤶ ᤐᤠᤱᤄᤢᤛᤡᤒᤠ ᤁᤢᤕᤠ᤺ᤶᤒᤰᤁᤡᤸᤗᤧᤀᤣ ᤂᤧᤴ ᤀᤠᤵᤋᤡᤰ ᤔᤧ᤺ᤴᤏᤣᤔᤠ ᤐᤥ᤺ᤰᤂᤧᤖᤥ॥ \v 26 ᤕᤠᤶᤛᤠᤶ ᤔᤧ᤺ᤴᤏᤣᤒᤠ ᤏᤠᤛᤡᤱᤃᤧᤴ ᤌᤰᤁᤡᤴ ᤁᤢᤛᤡᤘᤧᤳ ᤐᤥ᤺ᤱᤒᤠ ᤁᤢᤀᤡᤛᤡ᤺ᤰᤁᤣ ᤕᤠ᤺ᤶᤒᤰ ᤔᤧ᤺ᤴᤏᤣᤒᤠ ᤏᤛᤠ᤺ᤴᤏᤡᤴᤏᤠᤱ ᤁᤢᤛᤡᤘᤧᤳ ᤐᤥ᤺ᤱᤗᤥ॥ \c 3 \s1 ᤗᤧᤛᤥ᤺ᤵᤐᤧᤴ ᤕᤢᤰᤁᤥ ᤁᤵᤔᤠ \p \v 1 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤕᤖᤡᤰ ᤛᤡᤰᤛᤠᤶᤒᤠ ᤐᤥ᤺ᤱᤔᤠ ᤔᤧᤃᤥ᤺ᤳᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤛᤡᤰᤛᤠᤶᤒᤠᤜᤠ᤹ ᤘᤣ᤹ᤜᤠ᤹ᤏᤢ᤺ᤸᤗᤧ ᤁᤧᤛᤠᤰᤐᤠ ᤂᤠᤛᤧᤴᤏᤥ ᤀᤠᤎᤠ᤹᤺ ᤁᤧᤗ᤹ᤒᤠᤴ ᤁᤧᤏᤡ᤺ᤛᤢᤶᤗᤥ॥ \v 2 ᤀᤠᤏᤡ᤹ ᤁᤧᤖᤧᤰ ᤕᤖᤡᤰ ᤐᤠ᤺ᤴᤜᤠ᤹ᤀᤥ ᤀᤠᤒᤣ᤺ᤴᤗᤥ. ᤁᤖ ᤀᤠᤳᤋᤡᤴ ᤔᤏᤠ᤺ᤴ ᤀᤠᤒᤠᤅᤣ ᤐᤠ᤺ᤳᤋᤢᤒᤠ ᤐᤠ᤺ᤴᤏᤥ ᤔᤧᤒᤣ᤺ᤴᤏᤡᤴᤏᤧ ᤑᤠ᤹ᤃᤪ ᤛᤧᤰᤂᤠᤛᤠᤱ ᤂᤧᤸᤗᤧᤃ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤕᤢᤰᤁᤥ ᤁᤵᤔᤠ ᤛᤢᤰᤋᤢ᤹. ᤜᤧᤰᤁᤩᤠᤱ ᤂᤧᤴ ᤔᤏᤠ᤺ᤴ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤐᤥ᤺ᤱᤗᤥ॥ \p \v 3 ᤀᤴᤏᤡᤸᤗᤧ ᤁᤢᤔᤢᤖᤠᤀᤥ ᤆᤢᤰᤛᤠ ᤁᤖᤧᤗᤡ᤺ᤴ ᤁᤣ᤺ᤵᤔᤠᤀᤠᤱ ᤂᤧᤴ ᤕᤶᤒᤠ ᤌᤰᤛᤠ᤺ᤴ ᤀᤠᤳᤋᤠᤴ ᤋᤣ᤹ᤔᤠ ᤏᤡᤱᤘᤠ᤹ ᤀᤠᤈᤥᤃᤢᤶ ᤂᤧᤵᤔᤥᤀᤣ ᤋᤣ᤹ᤔᤠ ᤀᤠᤛᤢᤰᤋᤢᤶᤗᤥ॥ \v 4 ᤜᤧᤰᤁᤣᤗ᤹ᤖᤡᤰᤁᤣ ᤘᤠᤗᤠᤎᤠ᤺ᤴ ᤕᤶᤒᤠ ᤆᤥ᤺ᤰ. ᤜᤧᤰᤁᤩᤠᤱ ᤕᤶᤒᤠ ᤛᤢᤖᤡᤳᤋᤡᤸᤗᤧ ᤔᤢ᤺ᤳᤋᤢ ᤋᤣ᤹ᤖᤢᤛᤠᤱ ᤘᤠᤍᤥ ᤆᤠ᤺ᤰᤐᤠᤸᤗᤧ ᤏᤠ ᤁᤳᤏᤠ ᤁᤧᤜᤡᤒᤠ ᤆᤢᤰᤛᤠ ᤛᤠᤔᤠ᤺ᤸᤗᤧ ᤘᤠᤗᤠᤎᤠ᤺ᤴ ᤀᤠᤳᤋᤠᤴᤛᤠᤱ ᤋᤣ᤹ᤔᤠ ᤛᤢᤰᤋᤢ᤹ᤖᤥ॥ \v 5 ᤜᤧᤰᤁᤣᤗ᤹ᤖᤡᤰᤁᤣ ᤗᤧᤛᤥ᤺ᤵᤐᤧᤴᤏᤠᤱ ᤏᤠᤛᤡᤱᤃᤧᤴ ᤌᤰᤁᤥ ᤆᤢ᤺ᤰᤛᤠᤱ ᤁᤴ ᤕᤶᤒ᤻ ᤕᤶᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤠᤱᤍᤡᤱ ᤗ᤹ᤖᤥ॥ \p ᤆᤢᤰᤛᤠ ᤔᤡᤛᤣ᤺ᤰᤁᤡᤸᤗᤧ ᤕᤶᤒᤠ ᤋᤠᤶᤓᤢᤱᤅᤡᤴ ᤂᤠᤵᤐᤢ ᤌᤩ᤺ᤱ ᤆᤥ᤺ᤰᤔᤠ ᤛᤢᤰᤋᤢ᤹ᤖᤥ ᤗ᤹ᤖᤡᤰ ᤀᤡ᤺ᤳᤋᤧᤶᤔᤧ᤹ᤀᤥ᥄ \v 6 ᤜᤧᤰᤁᤣᤗ᤹ᤖᤡᤰᤁᤣ ᤗᤧᤛᤥ᤺ᤵᤐᤠᤱᤃ ᤔᤡ ᤜᤧᤰᤋᤱᤒᤠᤖᤥ॥ ᤁᤱᤃ ᤏᤠᤛᤡᤱᤃᤧᤴ ᤌᤰᤁᤥ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ᤖᤧ ᤁᤢᤒᤢᤱᤗᤥ॥ ᤂᤧᤴ ᤗᤧᤛᤥ᤺ᤵᤐᤠᤸᤗᤧ ᤔᤏᤠ᤺ᤸᤗᤧ ᤁᤠᤰ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤆᤡ᤺ᤴᤍᤢ᤹ᤀᤠᤱ ᤁᤢᤜᤡᤱᤔᤴᤏᤡᤴ ᤁᤧᤖᤧᤰ ᤔᤡᤎᤡᤰᤂᤢ᤹ᤖᤥ॥ ᤂᤧᤴ ᤔᤡᤱᤃ ᤂᤧᤔᤠᤕᤱᤛᤱᤗᤠᤶᤔᤣ ᤗ᤺ᤴᤗᤥ॥ \p \v 7 ᤁᤠᤰ ᤐᤖᤡᤰᤐᤠ ᤌᤰᤛᤠ ᤐᤢᤛᤠ. ᤁᤧᤀᤢ᤺ᤱᤛᤡᤱᤒᤠ ᤁᤧᤛ᤺ᤴᤇᤡᤱᤒᤠ ᤏᤢ ᤘᤠᤜᤱᤅᤥᤒᤠ ᤌᤰᤛᤠᤜᤠ᤹ ᤂᤢᤶᤔᤠ ᤛᤢᤰᤔᤧᤍᤧᤳᤗᤥ. ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤧᤱᤜᤠ᤹ ᤔᤧᤄᤢᤶᤛᤢᤛᤡ᤹ᤖᤥ. \v 8 ᤁᤖ ᤗᤧᤛᤥ᤺ᤵᤐᤠᤱᤃ ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤂᤢᤶᤔᤠ ᤔᤧᤛᤢᤰᤋᤢᤴᤗᤥ॥ ᤁᤱᤃ ᤕᤢᤰᤁᤥ ᤁᤵᤔᤠ ᤛᤢᤰᤔᤧᤴᤍᤧᤵᤔᤏᤠ ᤋᤠᤵᤑᤧ᤺ᤶᤒᤠ ᤆᤥ᤺ᤰ. ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ ᤁᤧᤛᤧᤵᤐᤠ ᤏᤡᤱᤅᤡᤸᤗᤧ ᤁᤢᤎᤡᤶᤒᤠ ᤆᤥ᤺ᤰᤗᤥ॥ \p \v 9 ᤒᤠ ᤁᤴ ᤗᤧᤛᤥ᤺ᤵᤐᤠᤸᤗᤧᤀᤣ ᤀᤠᤏᤡ᤹ ᤍᤠᤱᤒᤠ ᤏᤢ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤀᤠᤓᤥ᤺ᤛᤢᤶ. ᤜᤧᤰᤁᤩᤠᤱ ᤒᤠ ᤁᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤒᤡ ᤁᤢᤀᤡᤳᤇᤠᤵᤐᤥ ᤆᤥᤃᤢᤛᤡᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤠᤰᤔᤢᤖᤠ ᤀᤠᤔᤧᤳᤋᤢᤶᤛᤡᤶᤗᤥ॥ \v 10 ᤜᤧᤰᤁᤣᤗ᤹ᤖᤡᤰ ᤗᤳᤇᤠ ᤔᤢᤖᤠᤀᤥᤗᤠᤶ ᤔᤢ᤹ᤀᤡᤛᤠᤶ ᤏᤢ ᤛᤠᤰᤔᤢᤖᤠ᤺ᤴ ᤗ᤺ᤴᤗᤥ॥ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤰᤂᤣ ᤐᤥ᤺ᤱᤔᤠᤃ ᤔᤧᤏᤢ᤹ᤏᤧᤴᤗᤥ॥ \v 11 ᤗᤳᤌᤡᤰ ᤘᤠᤒᤢᤴᤏᤥᤗᤠᤶ ᤁᤢᤈᤠ ᤁᤧᤏᤢ᤹ᤒᤠ ᤏᤢ ᤁᤧᤗᤠ᤺ᤰᤐᤠ ᤆᤫᤠ᤺ᤳᤋᤡᤴ ᤐᤢᤴᤒᤡ᥅ \v 12 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤐ᤺ᤳᤇᤣ᤹ᤀᤡᤸᤗᤧ ᤁᤢᤒᤢᤱᤔᤥ ᤈᤤᤋᤢᤏᤧᤸᤗᤧ ᤁᤢᤛᤣ᤹ ᤌᤥ᤺ᤰᤐᤡ. ᤀᤡᤃᤪ ᤆᤧᤸᤗᤧᤰᤛᤣ᤹ᤀᤡᤸᤗᤧ ᤁᤢᤒᤢᤱᤔᤥ ᤐ᤺ᤳᤇᤣ᤹ᤀᤡᤴ ᤌᤥ᤺ᤰᤐᤡ᥅ ᤔᤧᤎᤥ᤺ᤰᤏᤧᤴᤗᤥ᥄ ᤜᤧᤰᤁᤩᤠᤱ ᤁᤧᤗᤠ᤺ᤰᤐᤠ ᤘᤠᤒᤢᤴᤏᤥᤗᤠᤶ ᤁᤢᤈᤠ ᤁᤧᤏᤢ᤹ᤒᤠ ᤆᤫᤠ᤺ᤳᤋᤡᤴ ᤔᤧᤒᤢᤴᤏᤧᤴᤗᤥ॥ \s1 ᤛᤧᤰᤂᤠᤒᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤋᤠ᤺ \p \v 13 ᤂᤡᤏᤡ᤹ ᤗᤢᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤛᤡᤰᤁᤢᤶᤛᤠᤒᤠ ᤏᤢ ᤀᤡᤳᤇᤡᤱᤛᤠᤶᤛᤠᤒᤠᤸᤗᤧ ᤏᤢ᤺ᤒᤠ ᤁᤢᤜᤡᤱᤔᤴᤏᤥᤗᤠᤶ ᤜᤧᤰᤁᤩᤠᤱ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤗᤠᤶ ᤁᤧᤍᤠ᤺ᤒᤠ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤔᤥ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤗᤠᤶ ᤀᤥᤛᤣ᤺ᤴᤎᤠᤰᤛᤡᤱᤗᤖᤥ॥ \v 14 ᤁᤖ ᤂᤡᤏᤡ᤹ ᤋᤡᤱᤍᤡᤱᤃᤧᤴ ᤏᤠᤜᤧᤶᤔᤠ ᤏᤢ ᤀᤠᤒᤠᤅᤣᤖᤰ ᤏᤢ᤹ᤔᤠ ᤋᤠ᤺ᤔᤠ ᤏᤡᤱᤘᤠ᤹ ᤁᤧᤃᤳᤋᤢᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤛᤧᤰᤂᤠᤀᤣ ᤁᤧᤈᤥᤃᤢᤶᤒᤠ ᤗᤠᤕᤥ᤺ᤴ ᤀᤠᤱᤍᤡᤱ ᤁᤧᤗ᤹ᤖᤡᤖ ᤜᤧᤰᤁᤩᤠᤱ ᤀᤡᤱᤗᤧᤰ ᤁᤧᤒᤠᤖᤡᤖ ᤔᤧᤔᤠ᤹ᤖᤧᤶᤔᤡᤴᤏᤧ᤹ᤀᤥ॥ \v 15 ᤀᤰᤋᤱᤒᤠ “ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤱᤃ” ᤌᤠ᤺ᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤔᤧ᤺ᤴ. ᤁᤖ ᤀᤡᤰᤛᤠᤒᤠ ᤏᤢ ᤕᤠᤶᤏᤡᤱᤘᤠ᤹ᤒᤠ ᤆᤥ᤺ᤰ. ᤜᤧᤰᤁᤩᤠᤱ ᤂᤧᤱᤃ ᤔᤠᤑᤧᤴᤛᤠᤶᤗᤠᤶ ᤋᤠ᤺ᤖᤥ॥ \v 16 ᤌᤣᤀᤠᤱᤓᤧᤸᤗᤧ ᤀᤠᤳᤋᤥ ᤏᤠᤜᤧᤶᤔᤠ ᤏᤢ ᤀᤠᤒᤠᤅᤣᤖᤰ ᤏᤢ᤹ᤔᤠ ᤋᤠ᤺ᤔᤠ ᤏᤡᤱᤘᤠ᤹ ᤁᤧᤃᤵᤐᤠ ᤔᤏᤠ ᤔᤧᤘᤠ᤹. ᤂᤧᤵᤔᤥ ᤕᤧᤔᤧᤴᤍᤱ ᤐᤠ᤺ᤴ ᤏᤢ ᤁᤠᤰ ᤐᤖᤡᤰᤗᤧᤴ ᤑᤧᤴ ᤐᤠ᤺ᤴ ᤐᤥ᤺ᤱᤗᤥ॥ \p \v 17 ᤁᤖ ᤌᤠ᤺ᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ ᤁᤠᤰᤏᤢ᤺ᤸᤗᤧ ᤋᤃᤡᤃ ᤛᤣᤛᤣᤒᤠ ᤆᤥ᤺ᤰ. ᤜᤧᤰᤁᤩᤠᤱ ᤛᤏᤠᤖᤢᤱᤒᤠ. ᤗᤢᤶᤗᤢᤶᤒᤠ. ᤘᤣ᤹ᤜᤠ᤹ᤏᤢ ᤁᤧᤍᤱᤒᤠ. ᤗᤢᤱᤍᤢᤰ ᤁᤢᤎᤡᤶ. ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ᤖᤧ ᤁᤢᤎᤡᤶ. ᤔᤏᤠ ᤔᤧᤴᤇᤧᤶᤔᤏᤠᤒᤠ ᤏᤢ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ॥ \v 18 ᤛᤏᤠᤖᤢᤱ ᤁᤧᤍᤠ᤺ᤵᤐᤠᤜᤠ᤹ᤖᤧ ᤕᤠ᤹ᤖᤡ᤺ᤶᤒᤠᤴ ᤋᤣ᤺ᤔᤏᤠᤒᤠ ᤁᤢᤀᤡᤛᤡ᤺ᤰ ᤛᤏᤠᤖᤢᤱᤅᤡᤴ ᤔᤧᤍᤣ᤺ᤛᤢ᤹. ᤜᤧᤰᤁᤩᤠᤱ ᤕᤖᤡᤰ ᤁᤢᤈᤠ ᤔᤧᤛᤢᤵᤛᤢᤒᤠ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ᤖᤧ ᤕᤖᤡᤰ ᤛᤠᤶᤕᤥᤏᤡᤒᤠ ᤔᤏᤠᤜᤠ᤹ ᤔᤧᤛᤢᤵᤛᤢᤛᤡ᤹ᤖᤥ॥ \c 4 \s1 ᤏᤡᤱᤘᤠ᤹ᤑᤢᤔᤠᤱᤅᤥ ᤀᤠᤒᤠᤅᤣ ᤐᤡᤀᤠᤛᤧᤶᤔᤧ᤹ᤀᤥ \p \v 1 ᤂᤡᤏᤡ᤹ ᤗᤢᤶᤔᤥ ᤌᤧᤔᤠ᤺ᤸᤗᤧ ᤂᤣᤔᤠ ᤌᤰᤔᤠᤜᤠ᤹ ᤋᤠᤖᤢ᤹ᤒᤣ᥅ ᤂᤧᤱᤜᤠ᤹ᤃ ᤂᤡᤏᤡ᤹ ᤛᤡᤃᤠᤱ ᤌᤱ ᤁᤧᤈᤥ᤺ᤰᤐᤠ ᤑᤧᤴ ᤏᤡᤱᤘᤠ᤹ᤗᤠᤶ ᤗ᤺ᤶᤒᤠ ᤔᤧ᤺ᤶᤒᤡ᥅ \v 2 ᤂᤡᤏᤡ᤹ ᤂᤥ᤺ᤔᤠ ᤏᤡᤱᤘᤠ᤹ ᤁᤧᤈᤥᤃᤢᤶ. ᤁᤖ ᤁᤧᤱᤄᤥ᤺ᤛᤢᤶᤔᤡᤴ॥ ᤜᤧᤰᤁᤩᤠᤱ ᤂᤡ᤺ᤶᤒᤪᤠᤰ ᤁᤧᤈᤥᤃᤢᤶᤔᤠᤱ ᤔᤏᤠ ᤁᤧᤛᤧᤖᤢᤶᤛᤡᤶᤗᤥ॥ ᤜᤧᤰᤁᤣᤛᤠᤱ ᤂᤡᤏᤡ᤹ ᤏᤡᤱᤘᤠ᤹ ᤁᤧᤈᤥᤃᤢᤶᤒᤠ ᤐᤠ᤺ᤴᤏᤡᤴ ᤂᤥ᤺ᤔᤠ ᤁᤧᤴᤇᤢᤰᤋᤢᤶᤔᤡᤴ ᤜᤧᤰᤁᤩᤠᤱ ᤁᤧᤄᤣ᤹ᤀᤡ ᤁᤧᤎᤰᤋᤡ᤹॥ ᤀᤠᤸᤗᤛᤠᤱ ᤁᤧᤱᤄᤥ᤺ᤛᤢᤶᤔᤡᤴ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤴᤏᤠ᤺ᤰᤋᤢᤶᤔᤡᤴᤗᤥ॥ \v 3 ᤂᤡᤏᤡ᤹ ᤁᤧᤏᤠ᤺ᤰᤋᤢᤶ ᤁᤖ ᤁᤧᤱᤄᤥ᤺ᤛᤢᤶᤔᤡᤴ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠ ᤑᤠ᤹ᤀᤠᤱ ᤑᤧᤴ ᤏᤡᤱᤘᤠ᤹ᤀᤡᤸᤗᤧ ᤁᤧᤏᤠ᤺ᤰᤋᤢᤶᤗᤥ॥ \p \v 4 ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤛᤣ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ ᤔᤡ᤺ᤶᤈᤡ ᤁᤧᤔᤧᤵᤐᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡ ᤐᤥ᤺ᤱ ᤑᤠ᤹ᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤡ᥅ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ ᤔᤡ᤺ᤶᤈᤡ ᤁᤧᤔᤧᤵᤐᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡ ᤐᤥ᤺ᤱᤗᤥ॥ \v 5 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ᤀᤥ ᤕᤢᤰᤂᤢᤒᤠ ᤛᤣᤛᤣᤔᤠᤱᤅᤡᤸᤗᤧ ᤛᤠ᤹ᤖᤡᤰᤁᤣ ᤁᤢᤏᤠᤜᤧᤴ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤁᤧᤒᤵᤐᤧᤴ ᤜᤏᤧᤖᤥ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤶᤒᤡ᥅ \v 6 ᤁᤖ ᤂᤧᤴᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤕᤠᤶᤔᤥ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤐᤠ᤺ᤳᤋᤢ᤹. \q1 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ ᤀᤳᤋᤢᤛᤡ᤹. ᤁᤖ ᤏ᤺ᤶᤏ᤺ᤶᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡ᤹ᤖᤥ॥”\f * \fr 4:6 \ft ᤛᤡᤘᤠᤍᤡᤱ ᤂᤠᤜᤢᤴᤜᤠ᤹ ᥉.᥉᥊\f* \p \v 7 ᤂᤧᤸᤗᤧ ᤆᤥᤃᤢᤸᤗᤧ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤀᤠᤒᤠᤅᤣ ᤐᤡᤀᤠᤛᤡᤶᤔᤧ᤹ᤀᤥ॥ ᤔᤠᤑᤧᤴᤛᤠᤶᤔᤡᤴ ᤀᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤧᤴ ᤂᤡᤏᤡ᤹ᤗᤠᤶ ᤔᤠ᤺ᤱᤄᤠ ᤂᤧᤳᤇᤡᤱᤗᤥ॥ \v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤣᤛᤠᤱ ᤋᤩᤧᤶᤔᤧ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤠᤱ ᤂᤡᤏᤡ᤹ ᤐᤣᤛᤠᤱ ᤋᤠ᤺ᤖᤥ॥ ᤂᤡᤏᤡ᤹ ᤗᤠᤕᤥᤒᤠᤛᤣ. ᤗᤠᤕᤥ ᤆᤥ᤺ᤰᤔᤠ ᤗᤧᤖᤧᤶᤔᤧ᤹ᤀᤥ. ᤜᤧᤰᤁᤩᤠᤱ ᤜᤡᤸᤗᤡᤰᤗᤡᤰᤐᤠ ᤏᤡᤱᤘᤠ᤹ ᤁᤧᤃᤵᤐᤠᤛᤣ. ᤂᤡᤏᤡ᤹ ᤛᤡᤰᤗᤢᤱᤔᤠᤴ ᤛᤣᤛᤣ ᤆᤥᤃᤧᤶᤔᤧ᤹ᤀᤥ \v 9 ᤗᤠᤕᤥ ᤁᤧᤈᤥᤃᤢᤶᤒᤠᤀᤥ ᤔᤣᤖᤡᤱ ᤌᤰᤋᤧᤶᤔᤧ᤹. ᤜᤠᤒᤧᤶᤔᤧ᤹ᤀᤥ॥ ᤂᤡᤏᤡ᤹ ᤀᤣ᤺ᤵᤔᤠᤴ ᤔᤣᤖᤡᤱ ᤌᤰᤔᤥ. ᤜᤧᤰᤁᤩᤠᤱ ᤂᤡᤏᤡ᤹ ᤛ᤺ᤵᤔᤧᤴ ᤋᤢᤰᤂᤣᤀᤥ ᤗᤧᤰᤂᤧᤶᤔᤧ᤹ᤀᤥ॥ \v 10 ᤍᤠᤱᤒᤠᤸᤗᤧ ᤁᤢᤍᤃᤡ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤓᤥ᤺ᤛᤡ ᤁᤧᤒᤡᤖᤡ᤹ᤖᤥ॥ \s1 ᤆᤧᤱᤛᤡᤱᤔᤠ ᤔᤧ᤺ᤴ \p \v 11 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤘᤣ᤹ᤜᤠ᤹ᤖᤧ ᤋᤰᤗᤧᤱᤘᤠᤀᤥ ᤋᤠᤵᤑᤧ᤺ᤶᤒᤠ ᤐᤠ᤺ᤴ ᤔᤧᤒᤠᤖᤧᤶᤔᤡᤴᤏᤧ᤹ᤀᤥ॥ ᤀᤠᤳᤋᤡᤴ ᤁᤢᤴᤛᤠ᤹ᤖᤧ ᤁᤢᤍᤰᤗᤧᤱᤘᤠᤀᤥ ᤋᤠᤵᤑᤧ᤺ᤶᤒᤠ ᤑᤧᤴ ᤐᤠ᤺ᤴ ᤐᤠ᤺ᤳ ᤀᤡᤃᤪ ᤀᤠᤳᤋᤡᤸᤗᤧ ᤁᤢᤴᤛᤠ᤹ ᤀᤠᤵᤋᤡᤰ ᤁᤢ᤺ᤳᤋᤢ᤹. ᤂᤧᤱᤃ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤠ᤺ᤳᤋᤠᤱ ᤛᤠᤶᤕᤥᤌᤡᤶᤔᤡᤴ ᤂᤠᤛᤧᤴ ᤗᤥ᤺ᤴᤍᤢ᤹ᤖᤥ॥ ᤀᤠᤸᤗ ᤛᤠᤶᤕᤥᤌᤡᤶᤔᤡᤴ ᤂᤠᤛᤧᤴ ᤁᤧᤗᤥ᤺ᤴᤍᤢ᤹ᤏᤧ ᤑᤠ᤹ᤃᤪ. ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤔᤧ᤺ᤴ. ᤁᤖ ᤛᤠᤶᤕᤥᤌᤡᤶᤔᤡᤸᤗᤧᤴ ᤂᤠᤛᤧᤴᤗᤥ᤺ᤶᤒᤠ ᤁᤧᤒᤥ᤺ᤱᤗᤥ॥ \v 12 ᤛᤠᤶᤕᤥᤌᤡᤶ ᤁᤧᤒᤡᤒᤠ ᤏᤢ ᤂᤠᤛᤧᤴᤍᤠᤱᤒᤠᤃ ᤌᤡᤰᤗᤰ ᤘᤠ᤹ᤖᤥ॥ ᤂᤢᤏᤧ᤹ᤏᤢᤀᤣ ᤋᤠᤱᤛᤧ᤺ᤵᤔᤠ ᤏᤢ ᤔᤧᤱᤔᤠ ᤔᤢᤰᤛᤠᤶ ᤘᤠ᤹ᤖᤥ॥ ᤁᤖ ᤂᤧᤏᤧ᤹ᤃ ᤀᤠᤒᤠᤅᤣ ᤐᤠᤱᤓᤣ᤹ᤛᤠᤒᤠᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤵᤐᤧᤴ ᤜᤠ᤺ᤳᤏᤧᤒᤣ᥅ \s1 ᤋᤠᤕᤧᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤠᤱᤍᤡᤱ ᤗ᤹ᤔᤠ ᤔᤧ᤺ᤴ \p \v 13 ᤀᤠᤀᤡᤴ ᤀᤡᤃᤪ ᤋᤠ᤺ᤴᤍᤡᤰ ᤀᤠᤏᤡᤃᤧ ᤕᤧᤰᤕᤰᤌᤡᤰᤁᤥ ᤐᤡᤃᤡᤃᤧ᤹ᤀᤠᤱ ᤂᤧᤵᤔᤥ ᤋᤱᤒᤣᤎᤡᤰ ᤘᤕᤡᤃᤧ. ᤜᤧᤰᤁᤩᤠᤱ ᤗᤧᤱᤜᤱ ᤆᤥᤃᤢᤶᤒᤧ᤹ᤀᤠᤱ ᤕᤠᤱ ᤌᤃᤢᤶᤒᤧ᤹ ᤗ᤹ᤖᤡᤰ ᤁᤧᤒᤠ᤺ᤵᤐᤠᤛᤣ. ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤥ. \v 14 ᤌᤣᤀᤠᤱᤓᤧᤸᤗᤧ ᤋᤠ᤺ᤴᤍᤡᤰ ᤌᤣ ᤐᤥ᤺ᤱ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤧᤴᤏᤡ᤺ᤛᤢᤶᤔᤡᤴᤗᤥ॥ ᤂᤡᤏᤡ᤹ ᤜᤡᤱᤔᤴᤏᤡᤱᤃ ᤛᤵᤑᤠᤎᤡᤰ ᤁᤧᤎᤠ᤺ᤵᤐᤠᤀᤠᤱ ᤁᤧᤔᤠᤒᤠ ᤁᤧᤒᤣ᤺ᤰᤐᤠ ᤋᤢᤱᤜᤡ᤺ᤰ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ \v 15 ᤂᤡᤏᤡ᤹ ᤜᤧᤰᤁᤣ ᤐᤠ᤺ᤵᤔᤠᤸᤗᤧ ᤁᤢᤗᤧᤰᤘᤠᤃ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤐᤥ᤺ᤱᤏᤧ ᤑᤠ᤹ᤃᤪ ᤜᤡᤅᤡᤃᤧᤀᤠᤱ ᤀᤰᤂᤣ ᤜᤧᤰᤁᤣ ᤆᤥᤃᤢᤶᤒᤧ᤹ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠᤏᤧ ᤘᤕᤧ॥ \v 16 ᤁᤖ ᤂᤡᤏᤡ᤹ᤃ ᤀᤠᤒᤠᤅᤣ ᤏᤡᤱᤛᤣ᤺ᤰᤁᤥᤏᤧ ᤀᤠᤱᤍᤡᤱ ᤁᤧᤗ᤹ᤖᤡᤀᤠᤱ ᤁᤧᤜᤧᤴᤏᤠ᤹ᤛᤡᤖᤥ॥ ᤂᤧᤴ ᤜᤧᤰᤋᤱᤒᤠ ᤁᤠᤰ ᤜᤧᤴᤇᤡᤱᤔᤠᤱᤃ ᤋᤠᤵᤑᤧ᤺ᤶᤒᤠ ᤐᤠ᤺ᤴᤗᤥ॥ \p \v 17 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤳᤋᤡᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤛ᤻ᤛᤢᤀᤠᤱᤛᤠᤱ ᤔᤧᤈᤥᤃᤢᤴᤏᤧ ᤑᤠ᤹ᤃᤪ ᤂᤧᤸᤗᤧ ᤗᤠᤕᤥ ᤆᤥᤃᤢ᤹ᤖᤥ॥ \c 5 \s1 ᤕᤠᤱᤛᤠᤁᤢᤴᤎᤣᤛᤠᤒᤠᤜᤠ᤹ ᤛᤠᤶᤍᤡᤱ \p \v 1 ᤕᤠᤱᤛᤠᤁᤢᤴᤎᤣᤛᤠᤒᤠᤛᤣ. ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤥ. ᤀᤠᤸᤗ ᤂᤡᤏᤡ᤹ ᤛᤶᤍᤠᤱ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤛᤠ᤹ᤖᤡᤰ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤸᤗᤧ ᤆᤥᤃᤢᤸᤗᤧ ᤜᤠ᤺ᤒᤧᤶᤔᤧ᤹ ᤑᤡ᤺ᤰᤋᤧᤶᤔᤧ᤹ᤀᤥ॥ \v 2 ᤂᤡᤏᤡ᤹ ᤕᤠᤱᤛᤠᤁᤢᤴᤎᤣ᤺ᤱᤃ ᤕ᤺ᤵᤐᤣ᤺ᤰᤗᤥ. ᤜᤧᤰᤁᤩᤠᤱ ᤂᤡᤏᤡ᤹ ᤆᤠᤱ ᤋᤣ᤺ᤳᤜᤠ᤹ ᤌᤰ ᤌᤠ᤺ᤖᤥ॥ \v 3 ᤂᤡᤏᤡ᤹ ᤛᤠᤶᤔᤩᤠᤱ ᤕᤢᤵᤐᤠᤜᤠ᤹ ᤜᤏᤧᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ ᤜᤧᤰᤁᤩᤠᤱ ᤔᤡ᤺ᤸᤗᤧ ᤗᤠᤒᤢᤒᤠ ᤁᤢᤀᤡᤛᤡ᤺ᤰ ᤋᤠ᤺ᤰᤐᤥ ᤁᤧᤈᤥᤃᤢᤶᤒᤠ ᤕᤠᤱᤛᤠᤁᤢᤴᤎᤣ᤺ᤸᤗᤧ ᤂᤡᤏᤡ᤹ ᤏᤧᤰᤛᤠ᤺ᤴ ᤆᤖᤥ॥ ᤂᤡᤏᤡ᤹ ᤕᤖᤡᤰ ᤕᤠᤱᤃᤧᤄᤥ᤺ᤳᤋᤢᤶᤒᤠ ᤕᤠᤱᤛᤠᤁᤢᤴᤎᤣ᤺ᤱᤃ ᤋᤠ᤺ᤴᤍᤡ ᤂᤠᤛᤧᤴ ᤆᤥ᤺ᤰᤔᤠ ᤕᤧᤴᤏᤥ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤋᤥ᤺ᤴᤍᤡ ᤐᤥ᤺ᤱᤗᤥ॥ \v 4 ᤀᤥᤔᤧᤳᤋᤧᤶᤔᤧ᤹ᤀᤥ᥄ ᤂᤡᤏᤡ᤹ ᤀᤡᤰᤋᤠᤵᤐᤥ ᤏᤠᤶᤕᤠᤰ ᤔᤧᤶᤒᤡᤀᤣ ᤕᤠ᤺ᤶᤒᤰᤁᤥ ᤁᤧᤓᤳᤇᤢᤶᤛᤡᤶᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤠᤶᤕᤠᤰᤁᤡᤴ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤀ᤺ᤰᤗᤥ॥ ᤂᤧᤴ ᤆᤠᤃᤧᤛᤢᤶᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤰᤗᤠ᤺ᤱᤃ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤵᤛᤢᤀᤠᤱ ᤘᤠ᤹ᤖᤥ॥ \p \v 5 ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤡᤏᤡ᤹ ᤕᤠᤶᤍᤠᤍᤠ ᤏᤢ ᤀᤠᤒᤠᤅᤣᤖᤰ ᤏᤡᤱᤘᤠ᤹ ᤋᤠᤍᤠ ᤁᤧᤘᤕᤡ᤹ᤀᤠᤱ ᤛᤧᤵᤔᤠ ᤕᤧᤴᤏᤥ ᤌᤠᤖᤡᤰ ᤌᤰᤛᤠ᤺ᤴ ᤆᤠᤗᤢᤵᤔᤏᤠᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤆᤠᤃᤧᤗᤢᤵᤐᤠᤛᤡᤀᤠᤱ ᤁᤧᤘᤕᤡᤖᤥ॥ \v 6 ᤂᤡᤏᤡ᤹ ᤛᤠᤶᤕᤥᤏᤡᤒᤠ ᤔᤏᤠᤜᤠ᤹ ᤀᤠᤵᤋᤡᤰ ᤁᤧᤃᤢ᤺ᤳᤋᤢᤶᤛᤡᤶᤔᤠᤱ ᤁᤧᤛᤧᤖᤢᤶᤛᤡᤶᤛᤠᤱ ᤁᤧᤔᤧᤴᤀᤳᤋᤡᤴᤗᤥ॥ \s1 ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡ ᤌ᤺ᤵᤔᤠ ᤐᤥ᤺ᤱ \p \v 7 ᤂᤧᤸᤗᤧ ᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤶᤔᤡᤴ ᤁᤧᤜᤠᤱᤄᤢᤶᤔᤡᤸᤗᤧ ᤂᤡᤏᤡ᤹ ᤏᤠᤛᤡ ᤌ᤺ᤵᤔᤠᤀᤠᤱ ᤜᤠᤱᤔᤠᤀᤣ ᤐᤥ᤺ᤱᤗᤥ॥ ᤀᤡᤰᤔ᤺ᤒᤠᤸᤗᤧ ᤁᤢᤀᤡᤰᤋᤠᤵᤐᤥ ᤀᤡᤔᤧᤸᤗᤢᤱᤒᤠ ᤁᤢᤈᤠ᤹ ᤏᤢ᤺ᤖᤡᤰᤁᤠᤱ ᤌᤥ᤺ᤰᤗ ᤑᤠ᤹ᤀᤠᤱ ᤜᤠᤱᤘᤠ᤺ᤶᤔᤠ ᤏᤢ ᤆᤢᤱᤘᤠ᤺ᤶᤔᤠᤀᤥ ᤐᤠᤱᤃᤧᤴᤍᤡᤱ ᤘᤠᤜᤡᤳᤔᤠᤴ ᤏᤠᤛᤡ ᤌ᤺ᤳᤋᤢᤀᤠᤱ ᤜᤠᤱᤄᤢᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ \v 8 ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤠᤱ ᤏᤠᤛᤡ ᤁᤧᤎ᤺ᤵᤐᤠ ᤏᤢ ᤏᤡᤱᤛᤠᤱ ᤁᤧᤈᤥ᤺ᤰᤐᤠ ᤐᤥ᤺ᤰᤂᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤁᤢᤕᤢ᤺ᤔᤠ ᤕᤧᤶᤔᤡᤱᤃ ᤏᤡ᤺ᤳᤋᤠᤱᤅᤣ ᤘᤠ᤹ᤖᤥ॥ \p \v 9 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤆᤧ᤹ᤕᤠ ᤔᤧᤔᤧᤳᤋᤠᤛᤡᤶᤔᤡᤴᤏᤧ᤹ᤀᤥ॥ ᤔᤧ᤺ᤴᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤂᤠᤛᤧᤴ ᤆᤥᤃᤢ᤹ᤖᤥ॥ ᤐᤕᤶᤒ᤻ ᤕᤶᤒᤠ ᤂᤠᤛᤧᤴᤍᤠᤱᤒᤠᤴ ᤋᤠ᤺ᤔᤠ ᤀᤡ᤺ᤳᤋᤧᤀᤠᤱ ᤘᤠ᤹ᤖᤥ᥄ \p \v 10 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤀᤢᤴᤇᤣ᤺ᤴᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹\f * \fr 5:10 \ft ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤴ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠᤒᤠ ᤀᤡᤱᤄᤱ ᤁᤧᤒᤠ᤺ᤵᤐᤠ ᤔᤏᤠᤖᤥ॥ ᤁᤢᤓᤠ ᤕᤧᤶᤔᤥ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤏᤠᤱ ᤂᤢᤏᤧ᤹ ᤐᤠ᤺ᤳᤋᤢᤖᤥ॥\f* ᤀᤥᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ᤖᤧ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡ ᤔᤧᤎ᤺ᤳᤋᤢᤀᤠᤱ ᤁᤢᤒᤡ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥ \v 11 ᤀᤥᤔᤧᤳᤋᤧᤶᤔᤧ᤹. ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤠᤛᤡ ᤁᤧᤎ᤺ᤵᤐᤠᤜᤠ᤹ᤃ ᤔᤢ᤹ᤀᤡᤛᤠᤒᤠᤛᤡ ᤑᤠ᤹ᤀᤠᤱ ᤀᤠᤀᤡ᤺ᤳᤋᤢᤶᤛᤡᤶᤗᤥ॥ ᤀᤕᤢᤒᤖᤧ\f * \fr 5:11 \ft ᤀᤕᤢᤒ ᥇.᥈᥇-᥈᥈. ᥈.᥇᥆. ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥆᥉.᥎\f* ᤁᤢᤏᤠᤛᤡ ᤌ᤺ᤵᤔᤠᤱᤃ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ᤜᤧᤰᤁᤩᤠᤱ ᤁᤢᤏᤢᤵᤔᤥ ᤍᤠᤱᤒᤠᤸᤗᤧ ᤏᤢ᤺ᤒᤠ ᤐᤠ᤺ᤴᤜᤠ᤹ ᤋᤠᤖᤢ ᤐᤡᤖᤢᤒᤠᤴ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤍᤠᤱᤒᤠᤱᤃ ᤔᤡ᤺ᤶᤈᤡ ᤏᤢ ᤗᤢᤱᤍᤢᤰ ᤁᤢᤎᤡᤶ ᤆᤥ᤺ᤰᤗᤥ॥ \s1 ᤔᤠᤱᤜᤧᤰᤛᤡᤱᤔᤠ ᤔᤧ᤺ᤴ \p \v 12 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤸᤗ ᤛᤠᤱᤃᤪᤠᤶᤐᤣᤍᤠᤱ ᤀᤡᤃᤪ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤜᤧᤰᤁᤩᤠᤱ ᤘᤣ᤹ ᤌᤣ ᤐᤠ᤺ᤴᤏᤥᤀᤠᤱ ᤔᤠᤱᤔᤧᤜᤧᤰᤁᤠᤛᤡᤶᤔᤧᤴᤏᤧ᤹ᤀᤥ॥ ᤜᤠᤖᤠ᤹ ᤂᤡᤏᤡ᤹ ᤐᤠ᤺ᤴᤏᤡᤴ ᤀᤥᤏᤧ ᤑᤠ᤹ᤃᤪ “ᤀᤥ” ᤔᤧ᤺ᤴᤏᤧ ᤑᤠ᤹ᤃᤪ “ᤔᤧ᤺ᤴ” ᤐᤥ᤺ᤱᤗᤖᤥ. ᤔᤧ᤺ᤱᤃᤪ ᤂᤡᤏᤡ᤹ ᤂᤢᤶᤍᤡᤱᤅᤥ ᤁᤧᤎᤩᤧ᤹ᤀᤡᤖᤥ॥ \s1 ᤏᤛᤠ᤺ᤴ ᤁᤢᤎᤡᤶᤒᤠ ᤋᤢᤘᤠ \p \v 13 ᤂᤡᤏᤡ᤹ᤀᤥ ᤜᤠ᤺ᤳ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤘᤠ᤹ᤒᤣ᥅ ᤜᤠᤖᤠ᤹ ᤂᤧᤸᤗᤧ ᤋᤢᤘᤠ ᤆᤥᤃᤢᤖᤖᤥ॥ ᤜᤠ᤺ᤳ ᤀᤥᤔᤢ ᤗ᤹ᤔᤠᤀᤥ ᤘᤠ᤹᥅ ᤜᤠᤖᤠ᤹ ᤂᤧᤸᤗᤧ ᤍᤠᤱᤒᤠᤸᤗᤧ ᤁᤢᤏᤠᤖᤠ ᤑᤥ᤺ᤔᤠ ᤛᤠᤶᤗᤥ᤺ᤴ ᤛᤠᤶ ᤔᤧᤳᤋᤢᤖᤖᤥ॥ \p \v 14 ᤜᤧᤰᤁᤩᤠᤱ ᤂᤡᤏᤡ᤹ᤀᤥ ᤜᤠ᤺ᤳ ᤋᤢᤰᤐᤣ᥅ ᤜᤠᤖᤠ᤹ ᤂᤧᤸᤗᤧ ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶᤗᤠᤶᤗᤥ᤺ᤒᤠ ᤋᤢᤶᤓᤠᤰᤛᤠᤜᤠ᤹ ᤀᤢ᤺ᤳᤋᤢᤛᤡᤖᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤘᤣ᤺ᤳᤗ ᤑᤠ᤹ᤀᤠᤱ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤏᤡ᤺ᤱᤃᤣ᤺ᤴ ᤔᤧᤜᤢ᤺ᤳᤋᤢᤀᤠᤱ ᤋᤢᤘᤠ ᤔᤧᤈᤥᤃᤢᤖᤖᤥ॥ \v 15 ᤜᤧᤰᤁᤩᤠᤱ ᤏᤛᤠ᤺ᤴᤗᤠᤶᤒᤠ ᤆᤥ᤺ᤰᤔᤏᤠᤒᤠ ᤋᤢᤘᤠ᤺ᤸᤗᤧ ᤂᤧᤴ ᤁᤧᤍᤢᤰᤐᤧᤴ ᤘᤣ᤺ᤳᤗᤥ॥ ᤍᤠᤱᤒᤠᤸᤗᤧ ᤂᤧᤴ ᤘᤣ᤺ᤴᤍᤢ᤹ᤖᤥ॥ ᤂᤧᤸᤗᤧ ᤗᤠᤕᤥ ᤆᤥᤃᤢᤀᤠᤱ ᤘᤕᤧᤛᤠᤱ. ᤍᤠᤱᤒᤠᤸᤗᤧ ᤂᤧᤴ ᤗᤧᤵᤔᤡ ᤐᤡᤖᤢ᤹ᤖᤥ॥ \p \v 16 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤗᤠᤕᤥᤜᤠ᤹ ᤔᤧᤳᤋᤠᤛᤡᤶᤔᤧ᤹ᤀᤠᤱ ᤜᤡᤴᤍᤧᤶᤔᤧ᤹ᤀᤥ. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤧᤘᤣ᤺ᤴᤍᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠ ᤐᤡᤀᤠᤛᤡᤶᤔᤧ᤹ᤀᤥ॥ ᤛᤠᤶᤕᤥᤏᤡᤒᤠ ᤔᤏᤠ᤺ᤸᤗᤧ ᤁᤢᤍᤢᤘᤠ᤺ᤴ ᤔᤢᤰᤛᤠᤶᤒᤠ ᤆᤥ᤺ᤰᤁᤠᤱ ᤕᤶᤒᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥ \v 17 ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤀᤣᤗᤡᤕᤠ᤺ᤴᤏᤠᤱ ᤀᤠᤏᤡ᤹ ᤜᤧᤰᤋᤱᤒᤠ ᤔᤏᤠᤀᤣ ᤆᤥᤃᤧᤖᤥ॥ ᤂᤢᤏᤧ᤹ ᤐᤠᤱᤃᤧᤴᤍᤡᤱ ᤘᤠᤜᤡᤳᤔᤠᤴ ᤔᤧᤎᤠᤏᤧᤴᤗ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢᤸᤗᤧ ᤂᤧᤴ ᤗᤠᤈᤣ᤹ᤀᤥ ᤋᤱᤒᤣ ᤛᤢᤶᤛᤡᤀᤠᤱ ᤋᤢᤰᤛᤡ ᤗᤠ ᤌᤠᤖᤡᤰ ᤘᤠᤜᤡᤳᤔᤠᤴ ᤔᤧᤎᤩᤧᤴᤏᤧᤴᤗᤥ॥ \v 18 ᤕᤠᤶᤔᤥ ᤂᤧᤸᤗᤧ ᤋᤢᤘᤠ ᤆᤥᤃᤢ. ᤜᤧᤰᤁᤩᤠᤱ ᤋᤠᤱᤛᤠᤰᤐᤥᤗᤠᤶ ᤘᤠᤜᤡᤳᤔᤠᤴ ᤌᤩᤧᤀᤠᤱ ᤂᤠᤶᤒᤣ᤺ᤰᤔᤠᤀᤥ ᤐᤥᤃᤢᤃᤧᤴ ᤁᤢᤈᤠ ᤌᤥ᤺ᤰᤋᤧᤖᤥ॥ \s1 ᤏᤛᤠ᤺ᤴᤗᤠᤶᤒᤠ ᤋᤠᤵᤁᤧᤒᤧ᤹ᤒᤠᤜᤠ᤹ ᤏᤢ᤺ᤰᤔᤠ ᤋᤠ᤺ᤵᤔᤠᤛᤡ \p \v 19 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤛᤧᤰᤂᤠᤗᤠᤶ ᤋᤠᤵᤁᤧᤒᤧ᤹ᤒᤠᤀᤠᤱ ᤁᤧᤒᤣ᤺ᤰᤐᤧᤴ ᤏᤢ᤺ᤰᤋᤧᤶ ᤋᤠᤖᤧᤶᤔᤧ᤹ᤀᤥ॥ \v 20 ᤁᤴ ᤐᤠ᤺ᤴᤏᤥ ᤏᤢ᤺ᤖᤡᤰᤁᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ–ᤀᤠᤳᤋᤡᤸᤗᤧ ᤗᤠᤕᤥᤒᤠᤴ ᤋᤠᤵᤑᤧ᤺ᤶᤒᤠ ᤁᤢᤗᤠᤶᤔᤥᤗᤠᤶ ᤏᤢ᤺ᤰᤋᤢ ᤋᤠᤖᤢ᤹. ᤂᤧᤸᤗᤧᤃ ᤂᤧᤴᤏᤡᤴ ᤛᤡ᤺ᤔᤧᤴᤗᤠᤶ ᤋᤠᤱᤛᤧ᤺ᤵᤋᤢᤀᤠᤱ ᤕᤖᤡᤰ ᤗᤠᤕᤥᤜᤠ᤹ᤖᤧᤴ ᤗᤧᤵᤔᤡ ᤁᤧᤄᤥ᤺ᤒᤠ ᤆᤥᤃᤢ᤹ᤖᤥ॥