\id HEB  
\h ᤜᤡᤒᤪᤢ 
\toc1 ᤜᤡᤒᤪᤢᤜᤠ᤹ᤖᤧ ᤗᤠᤃᤡ ᤛᤰᤀᤡᤱᤄᤱ 
\toc2 ᤜᤡᤒᤪᤢ 
\toc3 ᤜᤡᤒᤪᤢ 
\mt1 ᤜᤡᤒᤪᤢᤜᤠ᤹ᤖᤧ ᤗᤠᤃᤡ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤁᤴ ᤛᤰᤀᤡᤱᤄᤱᤅᤡᤴ ᤀᤠᤳᤋᤡᤴ ᤛᤣᤛᤣᤜᤢᤵᤗᤰᤗᤧ ᤗᤠᤃᤡᤀᤠᤱ ᤛᤠᤵᤋᤧᤒᤠ ᤔᤧ᤺ᤴ. ᤁᤖ ᤁᤢᤓᤠ ᤏᤛᤠᤏᤡᤒᤠ ᤗᤰᤜᤠ᤹ᤖᤧ ᤗᤠᤃᤡ ᤛᤠᤵᤋᤧᤒᤠᤖᤥ॥ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤛᤠ᤹ᤖᤡᤰ ᤏᤡᤱᤄᤢᤶᤔᤡᤴ ᤐᤥ᤺ᤖᤧᤖ ᤐᤳᤇᤧᤒᤠᤸᤗᤧ ᤆᤥᤃᤢᤸᤗᤧ ᤏᤛᤠᤏᤡᤒᤠᤜᤠ᤹ᤖᤧ ᤕᤧᤛᤢ ᤂᤪᤡᤛ᤻ᤋᤧᤴ ᤔᤧᤈᤥᤃᤢᤒᤠ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤔᤧᤗᤧᤖᤢ ᤔᤧᤍᤣ᤺ᤛᤢᤒᤡ ᤑᤠ᤹ᤀᤠᤱ ᤁᤡ᤺ᤔᤠᤴ ᤘᤕᤧ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤛᤠᤏᤡᤒᤠᤜᤠ᤹ ᤜᤠᤱᤜᤠᤱ ᤏᤢ ᤀᤠ᤺ᤴᤇᤡᤱᤔᤠ ᤐᤡᤔᤠᤛᤡ ᤜᤧᤰᤁᤩᤠᤱ ᤕᤧᤛᤢ᤺ᤴᤏᤣ ᤀᤠᤗᤧᤰᤂᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤏᤡ᤺ᤃᤧᤎᤠ᤺ᤵᤐᤠ ᤏᤡᤛ᤻ᤛᤣᤒᤠ ᤁᤢᤒᤡ ᤁᤢᤀᤡᤳᤇᤠᤵᤗᤥ ᤑᤠ᤹ᤀᤠᤱ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤧᤒᤠᤖᤥ॥ ᤁᤴ ᤐᤠ᤺ᤴᤏᤡᤴ ᤏᤡ᤺ᤴᤎᤥ ᤆᤥ᤺ᤰᤔᤠᤖᤧ ᤗᤠᤃᤡ ᤛᤰᤀᤡᤱᤄᤱ ᤁᤧᤛᤠᤵᤐᤠᤸᤗᤧ ᤁᤴ ᤛᤢᤶᤛᤡ ᤁᤧᤕᤧᤰᤐᤠ ᤐᤠ᤺ᤴᤜᤠ᤹ ᤆᤧᤰᤂᤢᤖ ᤛᤠᤵᤋᤢᤖᤥ– 
\ili1 (ᤁ) ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤔᤧᤴᤏᤢᤵᤔᤏᤠᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤖᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤠᤰ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ ᤌᤖᤢᤀᤠᤱ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤋᤧᤴᤍᤡᤱ ᤆᤥ᤺ᤰᤔᤠ ᤜᤢ᤹ᤛᤡᤱᤗᤥ॥ ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤛᤠ᤺ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹. ᤔᤠᤱᤗᤠᤀᤡᤱᤒᤠᤜᤠ᤹ ᤜᤧᤰᤁᤩᤠᤱ ᤔᤥᤛᤠ᤺ᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤆᤥ᤺ᤰᤗᤥ॥ 
\ili1 (ᤂ) ᤏᤡᤱᤘᤠ᤹ᤑᤢᤛᤠ᤺ ᤕᤧᤛᤢ᤺ᤱᤃ ᤔᤧᤴᤏᤢᤵᤔᤏᤠᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤖᤥ. ᤜᤧᤰᤁᤩᤠᤱ ᤋᤃᤡᤒᤠ ᤔᤠᤱᤜᤢᤵᤐᤥᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤏᤢ᤺ᤸᤗᤧᤀᤠᤱ ᤕᤶᤒᤠ ᤆᤥ᤺ᤰᤗᤥ॥ 
\ili1 (ᤃ) ᤀᤠᤏᤡ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤕᤧᤛᤢᤖᤧ ᤏᤛᤠᤏᤡᤒᤠ ᤀᤠᤳᤋᤡᤴᤇᤠᤱ ᤗᤠᤕᤥᤗᤠᤶ. ᤁᤡ᤺ᤔᤠᤗᤠᤶ ᤜᤧᤰᤁᤩᤠᤱ ᤛᤡ᤺ᤔᤧᤴᤗᤠᤶᤒᤠ ᤋᤠᤱᤛᤧ᤺ᤵᤋᤢ᤹ᤖᤥ॥ ᤁᤴ ᤐᤠ᤺ᤴᤏᤡᤱᤃ ᤕᤜᤢᤍᤡ ᤛᤠᤶᤕᤥᤌᤡᤶ ᤏᤢ ᤌᤰᤛᤠ ᤛᤡᤍᤢᤱᤈᤓᤠ ᤆᤥ᤺ᤰᤔᤠ ᤌᤡᤶᤗᤠᤶᤒᤠ ᤋᤃᤡᤛᤠ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧ ᤆᤢᤖᤧᤀᤠᤱ ᤘᤕᤧᤖᤥ॥ 
\ip ᤏᤠ᤺ᤳᤗᤠ ᤌᤡᤰ-ᤌᤡᤰᤁᤥ (᥇᥇) ᤛᤰᤀᤡᤱᤄᤱ ᤁᤧᤛᤠᤵᤐᤠᤸᤗᤧ ᤜᤧᤴᤏᤡ᤺ᤵᤐᤠᤜᤠ᤹ ᤀᤡᤛᤪᤠᤀᤡᤗᤡ ᤛᤠᤵᤔᤢᤴᤎᤢᤶᤔᤥᤒᤠ ᤁᤧᤀᤡᤱᤒᤠ ᤏᤛᤠ᤺ᤴᤛᤠᤒᤠ ᤔᤏᤠᤜᤠ᤹ᤖᤧ ᤁᤢᤒᤡ ᤐᤡᤖᤢᤛᤡᤖ ᤏᤛᤠ᤺ᤴᤗᤠᤶᤔᤣ ᤜᤡᤱᤔᤠ ᤐᤥ᤺ᤱ ᤗ᤹ᤖᤡᤰ ᤐᤣᤗᤡ ᤑᤠᤰᤋᤢᤛᤡᤖᤥ॥ ᤜᤧᤰᤁᤩᤠᤱ ᤏᤠ᤺ᤳᤗᤠ ᤌᤡᤰ-ᤏᤧᤳᤋᤥ (᥇᥈) ᤛᤰᤀᤡᤱᤄᤱ ᤁᤧᤛᤠᤵᤐᤠᤸᤗᤧ ᤕᤧᤛᤢ᤺ᤴ ᤀᤥᤔᤧᤳᤋᤢᤶ. ᤁᤢᤏᤢᤵᤔᤥ ᤌᤠᤖᤡᤰ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤐᤥ᤺ᤰᤂᤡ ᤜᤧᤰᤁᤩᤠᤱ ᤀᤠᤰᤂᤧᤴ ᤀᤡᤏᤥᤃᤧᤴ ᤋᤢᤰᤂᤣ ᤏᤢ ᤏᤡᤱᤄᤢᤶ ᤋᤠᤛᤠᤱ ᤏᤛᤠ᤺ᤴᤏᤥ ᤗᤡᤱᤒᤡᤳᤋᤠᤱ ᤘᤠ᤹ᤔᤠ ᤐᤥ᤺ᤱ ᤑᤠ᤹ᤀᤠᤱ ᤜᤠᤱᤜᤠᤱ ᤔᤧᤳᤋᤢᤛᤡ᤹ᤖᤥ॥ ᤁᤴ ᤛᤰᤀᤡᤱᤄᤱᤅᤡᤴ ᤛᤢᤈᤠ ᤏᤢ ᤛᤠᤶᤍᤡᤱᤃᤧᤴ ᤐᤠ᤺ᤴᤛᤢᤳᤗᤠᤜᤠ᤹ᤏᤢ ᤏᤢᤵᤗᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ–ᤂᤪᤡᤛ᤻ᤋᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤒᤠ ᤁᤢᤏᤠᤀᤡᤒᤣ᤺ᤰ ᥇.᥇-᥉ 
\io1 ᤂᤪᤡᤛ᤻ᤋᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤆᤥ᤺ᤰ ᥇.᥊-᥈.᥇᥎ 
\io1 ᤔᤥᤛᤠ᤺ᤴ ᤏᤢ ᤕᤜᤥᤛᤢ᤺ᤴᤏᤢ᤺ᤸᤗᤧᤀᤠᤱ ᤂᤪᤡᤛ᤻ᤋᤧᤴ ᤐᤕᤶ ᤕᤶᤒᤠ ᤆᤥ᤺ᤰ ᥉.᥇-᥊.᥇᥉ 
\io1 ᤂᤪᤡᤛ᤻ᤋᤧᤴ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤆᤥ᤺ᤰ ᥊.᥇᥊-᥍.᥈᥎ 
\io1 ᤂᤪᤡᤛ᤻ᤋᤖᤧ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤐᤕᤶ ᤕᤶᤒᤠ ᤆᤥ᤺ᤰ ᥎.᥇-᥏.᥈᥈ 
\io1 ᤂᤪᤡᤛ᤻ᤋᤧᤴ ᤛᤡᤍᤢᤱᤈᤓᤠ ᤐᤥ᤺ᤰᤂᤧᤒᤠᤴ ᤐᤕᤶ ᤕᤶᤒᤠ ᤆᤥ᤺ᤰ ᥏.᥈᥉-᥇᥆.᥉᥏ 
\io1 ᤏᤛᤠ᤺ᤴᤏᤡᤴ ᤁᤠᤰᤏᤢ᤺ᤸᤗᤧᤀᤠᤱ ᤁᤧᤕᤧᤰᤐᤠ ᤆᤥ᤺ᤰ ᥇᥇.᥇-᥇᥈.᥈᥏ 
\io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠ ᥇᥉.᥇-᥇᥏ 
\io1 ᤁᤢᤏᤢᤵᤔᤠ ᤋᤢᤘᤠ ᤏᤢ ᤐᤠ᤺ᤴᤈᤠᤰᤜᤠ᤹ ᥇᥉.᥈᥆-᥈᥋ 
\c 1  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤗᤠᤶ ᤐᤠ᤺ᤳ 
\p  
\v 1 ᤀᤢᤴᤇᤣ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤗᤠᤶᤒᤠ ᤀᤠᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤏᤢ ᤕᤖᤡᤰᤗᤧᤱ ᤐᤖᤡᤰ ᤐᤖᤡᤰᤗᤠᤶᤒᤠ ᤐᤠᤖᤧᤖᤥ॥  
\v 2 ᤁᤖ ᤀᤠᤸᤗ ᤁᤴ ᤁᤢᤏᤢᤵᤔᤠ ᤕᤧᤴᤜᤠ᤹ᤀᤥᤃ ᤂᤢᤏᤧ᤹ ᤀᤠᤒᤠᤅᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤗᤠᤶᤒᤠ ᤀᤠᤏᤡ᤹ᤏᤢ ᤐᤠᤖᤧᤀᤠᤱ ᤘᤠ᤹ᤖᤥ॥ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤱᤃ ᤂᤢᤏᤧ᤹ ᤁᤠᤰ ᤐᤠ᤺ᤴᤏᤥ ᤗᤰ ᤁᤧᤄᤥ᤺ᤒᤠ ᤆᤥᤃᤢᤀᤠᤱ ᤂᤢᤏᤧ᤹ᤗᤠᤶᤒᤠᤀᤣ ᤁᤠᤰ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴᤏᤠᤱ ᤏᤧᤛ᤻ᤛᤢᤖᤥ॥  
\v 3 ᤁᤴ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤗᤧᤰᤗᤥ ᤜᤧᤰᤁᤩᤠᤱ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤢᤳᤏᤠ᤺ᤸᤗᤧ ᤁᤢᤀᤡᤳᤇᤠᤵᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤔᤢᤰᤛᤠᤶᤃᤧᤴ ᤁᤢᤒᤠ᤺ᤴᤈᤠᤰᤗᤠᤶᤒᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤐᤠ᤺ᤴᤜᤠ᤹ ᤘᤠ᤹ᤖ ᤕᤠ᤺ᤴᤍᤢ᤹ᤖᤥ॥ ᤂᤢᤏᤧ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤗᤠᤕᤥᤗᤠᤶ ᤛᤣᤛᤣᤛᤠᤱᤛᤠᤱ ᤐᤥ᤺ᤱᤔᤠ ᤋᤱᤃᤠᤶ ᤆᤥᤃᤢᤀᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤔᤡᤔᤡᤍᤡᤱᤃᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤱᤛᤡᤱᤗᤥ॥ 
\s1 ᤂᤪᤡᤛ᤻ᤋᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤆᤥ᤺ᤰ 
\p  
\v 4 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤆᤥᤃᤢᤀᤠᤱ ᤘᤠ᤹॥ ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤡᤱᤅᤡᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤔᤡᤱ ᤂᤢᤏᤧ᤹ ᤐᤡᤖᤢᤀᤠᤱ ᤘᤠ᤹ᤖᤥ॥  
\v 5 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤵᤑᤠᤸᤗᤧᤀᤠᤱ ᤔᤠᤱᤗᤠᤀᤡᤱᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤔᤧᤔᤧᤳᤋᤢᤴᤇᤡᤴ. 
\q1 “ᤂᤧᤏᤧ᤹ᤃ ᤀᤡᤱᤃᤠ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ᤏᤧ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤱᤗᤥ. ᤀᤠᤀᤡᤴ ᤀᤡᤱᤃᤠ᤹ ᤂᤧᤏᤧ᤹ ᤐᤠᤏᤢᤍᤡᤱ ᤁᤧᤶᤒᤠ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥”\f * \fr 1:5 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥈.᥍\f* 
\m ᤕᤠᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢ. 
\q1 “ᤀᤡᤱᤃᤠ᤹ᤃ ᤂᤢᤏᤧ᤹ ᤐᤠᤏᤢᤍᤡᤱ ᤁᤢᤶᤒᤠ ᤐᤥ᤺ᤱᤅᤠᤖᤥ. ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ ᤐᤥ᤺ᤱᤗᤥ॥”\f * \fr 1:5 \ft ᥈ ᤛᤠᤔᤢᤀᤧᤗ ᥍.᥇᥊. ᥇ ᤛᤠᤵᤔᤢᤴᤎᤢᤶ ᥇᥍.᥇᥉\f* 
\m  
\v 6 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤛᤠ᤺ᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤋᤠᤖᤢᤸᤗᤧ ᤂᤢᤏᤧ᤹ ᤀᤰᤂᤣ ᤐᤠ᤺ᤳᤋᤢ᤹. 
\q1 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤧ᤹ ᤛᤣᤘᤠ ᤔᤧᤈᤥᤃᤢᤖᤖᤥ॥”\f * \fr 1:6 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥈.᥊᥉\f* 
\m  
\v 7 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤀᤰᤂᤣ ᤐᤠ᤺ᤳᤋᤢ᤹. 
\q1 “ᤀᤡᤱᤃᤠ᤹ᤃ ᤀᤠᤔᤠᤱᤗᤠᤀᤡᤱᤒᤠᤜᤠ᤹ ᤛᤢᤖᤡᤳ ᤁᤣᤈᤱ ᤆᤥᤃᤢᤱᤛᤡᤱ. ᤜᤧᤰᤁᤩᤠᤱ ᤀᤠᤛᤣᤘᤠᤖᤥᤒᤠᤜᤠ᤹ ᤔᤡᤖᤠ᤺ᤰ ᤆᤥᤃᤢᤱᤛᤡᤱᤗᤥ॥”\f * \fr 1:7 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥆᥊.᥊\f* 
\q1  
\v 8 ᤁᤖ ᤂᤢᤏᤧ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤁᤧᤜᤠᤱᤈᤢᤶᤔᤡᤱᤃ ᤛᤍᤠᤍᤡᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤜᤠᤱᤋᤰᤁᤠ᤺ᤳᤋᤡᤸᤗᤧᤃ ᤁᤧᤔᤏᤠᤜᤠ᤹ᤀᤥ ᤛᤠᤶᤕᤥᤏᤡᤔᤠᤴᤏᤢ ᤜᤠᤱ ᤁᤧᤈᤥᤃᤢ᤹ᤖᤥ॥  
\v 9 ᤂᤧᤏᤧ᤹ ᤛᤠᤶᤕᤥᤏᤡᤔᤠᤴ ᤔᤡ᤺ᤶᤈᤡ ᤁᤧᤔᤧᤳᤋᤢ ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠᤴ ᤁᤧᤈᤡ᤺ᤳᤋᤢᤀᤠᤱ ᤘᤠ᤹॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤛ᤺ᤳᤋᤧᤀᤠᤱ ᤏᤡ᤺ᤱᤃᤣ᤺ᤸᤗᤧ ᤔᤠᤱᤌᤢᤰᤔᤠ ᤁᤧᤒᤡᤖᤧᤀᤠᤱ ᤁᤧᤴᤈᤢᤶᤜᤠ᤹ᤏᤢ᤺ᤸᤗᤧᤀᤠᤱ ᤌᤠ᤺ᤱ ᤁᤧᤕᤢᤰᤂᤧᤖᤥ॥”\f * \fr 1:9 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥊᥋.᥌-᥍ \f* 
\m  
\v 10 ᤂᤢᤏᤧ᤹ ᤕᤠᤶᤔᤥ ᤐᤠ᤺ᤳᤋᤢ᤹. 
\q1 “ᤕᤜᤘᤣ ᤍᤠᤱᤒᤣ. ᤋᤥᤗᤡᤱᤛᤥᤔᤢᤀᤥ ᤂᤧᤏᤧ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤧᤶᤓᤥᤃᤧᤴ ᤐᤠᤱᤕᤰ ᤁᤧᤏᤧᤛ᤻ᤛᤢ ᤜᤧᤰᤁᤩᤠᤱ ᤋᤖ᤺ᤱᤍᤡᤱ ᤋᤠᤱᤛᤠᤰᤁᤡᤴ ᤁᤧᤜᤢᤰᤁᤡᤸᤗᤧ ᤁᤧᤈᤥᤃᤢᤖᤥ॥  
\v 11 ᤂᤧᤱᤜᤠ᤹ ᤔᤧᤔᤧᤰ ᤔᤧᤒᤣ᤺ᤰ ᤁᤖ ᤂᤧᤏᤧ᤹ ᤛᤍᤠᤍᤡᤱ ᤁᤧᤘᤠ᤹ᤖᤥ॥ ᤂᤧᤱᤜᤠ᤹ᤃ ᤆᤠᤱᤍᤣ᤺ᤳ ᤁᤢᤀᤡᤛᤡ᤺ᤰ ᤔᤧᤕ᤺ᤳ ᤔᤧᤍᤧ᤺ᤱ ᤔᤧᤒᤣ᤺ᤰᤗᤥ॥  
\v 12 ᤂᤧᤏᤧ᤹ ᤗᤃᤣ᤺ᤳᤋᤡᤴ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ ᤁᤧᤓᤠᤰᤋᤢᤛᤡᤖᤥ ᤜᤧᤰᤁᤩᤠᤱ ᤁᤢᤍᤪᤧ᤺ᤰ ᤆᤠᤱᤍᤣ᤺ᤳ ᤁᤢᤀᤡᤛᤡ᤺ᤰᤁᤣ ᤂᤧᤱᤜᤠ᤹ ᤗᤠᤵᤁᤧᤓᤢᤛᤢᤛᤡᤖᤥ॥ ᤁᤖ ᤂᤧᤏᤧ᤹ᤃ ᤀᤠᤵᤑᤠᤸᤗᤧᤀᤠᤱ ᤁᤧᤴᤗᤧᤰᤛᤡᤱᤅᤡᤴ ᤜᤧᤰᤁᤩᤠᤱ ᤂᤧᤏᤧ᤹ ᤛᤍᤠᤍᤡᤱ ᤁᤢᤜᤡᤱᤘᤧᤳ ᤁᤧᤘᤠ᤹ᤖᤥ॥”\f * \fr 1:12 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥆᥈.᥈᥋-᥈᥍ \f* 
\m  
\v 13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤁᤢᤀᤡᤛᤡ᤺ᤰ ᤀᤠᤳᤋᤡᤴ ᤔᤠᤱᤗᤠᤀᤡᤱᤒᤠᤜᤠ᤹ᤀᤠᤱ ᤀᤰᤂᤣᤗ᤹ᤖᤡᤰ ᤔᤧᤔᤧᤳᤋᤢᤴᤇᤡᤴᤗᤥ. 
\q1 “ᤂᤧᤏᤧ᤹ ᤁᤧᤏᤡᤱᤔᤡᤜᤠ᤹ ᤁᤧᤕᤢᤰᤁᤥ ᤔᤧᤴᤍᤠ᤺ᤳᤇᤡᤱᤅᤣ ᤌᤠᤖᤡᤰ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤕᤢᤅᤧ᤹ᤀᤥ॥”\f * \fr 1:13 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥆.᥇\f* 
\m  
\v 14 ᤁᤖ ᤔᤠᤱᤗᤠᤀᤡᤱᤒᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤴᤗᤵ ᤐᤡᤖᤢᤛᤡᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤔᤠᤱᤛᤣᤘᤠ ᤁᤧᤈᤥ᤺ᤰᤐᤠ ᤛᤠᤶᤛᤡᤖᤰᤗᤥ॥ 
\c 2  
\s1 ᤐᤕᤶ ᤛᤧᤴᤗᤵ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤀᤠᤄᤧᤵᤛᤢᤶᤒᤠ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤧᤰᤂᤠ᤺ᤴ ᤀᤠᤸᤗᤛᤠᤱ ᤕᤖᤡᤰ ᤏᤢ᤺ᤖᤡᤰᤁᤠᤱ ᤏᤡᤱᤘᤠ᤹ ᤐᤡᤔᤠᤀᤣ ᤐᤥ᤺ᤱᤗᤥ. ᤔᤧ᤺ᤴᤏᤧ ᤑᤠ᤹ᤃᤪ ᤀᤠᤏᤡ᤹ ᤂᤧᤵᤔᤥᤗᤠᤶ ᤀᤠᤗᤧ᤺ᤱ ᤀᤠᤒᤣ᤺ᤰᤗᤥ॥  
\v 2 ᤌᤣᤀᤠᤱᤓᤧᤸᤗᤧ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤀᤡᤱᤔᤧᤓᤥ᤺ᤛᤢᤒᤠ ᤀᤡᤱᤄᤱᤅᤡᤴ ᤛᤧᤰᤂᤠ ᤐᤥ᤺ᤰᤂᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤴ ᤁᤧᤓᤣ᤺ᤶᤒᤠᤜᤠ᤹ ᤏᤢ ᤀᤡᤱᤈᤠ᤺ᤱ ᤂᤧᤶᤔᤠ ᤔᤧᤴᤍᤧᤶᤏᤠᤒᤠᤜᤠ᤹ ᤁᤧᤖᤧᤰ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤂᤢᤶᤍᤡᤱ ᤐᤡᤖᤢᤛᤡ॥  
\v 3 ᤀᤠᤏᤡ᤹ᤀᤠᤱ ᤁᤴ ᤐᤕᤶ ᤕᤶᤒᤠ ᤛᤧᤴᤗᤵᤐᤡᤴ ᤀᤠᤏᤠ᤹ᤖᤢᤶᤏᤧ ᤑᤠ᤹ᤃᤪ ᤀᤠᤰᤂᤣᤗ᤹ᤖᤡᤰ ᤋᤠᤱᤔᤠ ᤀᤠᤛᤢᤰᤐᤠᤒᤣ᥅ ᤁᤴ ᤛᤧᤴᤗᤵᤐᤡᤴ ᤍᤠᤱᤒᤠᤸᤗᤧ ᤀᤠᤒᤠᤅᤣ ᤁᤠᤰᤏᤢ ᤋᤃᤡ ᤀᤡᤱᤓᤥ᤺ᤛᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶ ᤁᤧᤄᤧᤶᤒᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤀᤠᤏᤡ᤹ ᤏᤡ᤺ᤴᤎᤥ ᤀᤠᤶᤈᤥᤃᤧ ᤀᤠᤶᤒᤡᤖᤧᤀᤠᤱ ᤘᤠ᤹ᤖᤥ॥  
\v 4 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤠᤱ ᤂᤢᤏᤧ᤹ ᤆᤥᤃᤢᤒᤠ ᤔᤡᤰᤛᤣ᤺ᤴᤜᤠ᤹ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ᤗᤠᤶᤒᤠ ᤜᤧᤰᤁᤩᤠᤱ ᤀᤠᤒᤠᤅᤣ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤏᤛᤠᤏᤡᤒᤠᤜᤠ᤹ ᤜᤠ᤺ᤳᤋᤢᤛᤡᤒᤠ ᤛᤣᤛᤣᤔᤠᤱᤅᤡᤸᤗᤧᤴ ᤐᤷᤎᤠ᤺ᤶᤜᤠ᤹ᤗᤠᤶᤒᤠ ᤁᤴ ᤐᤠ᤺ᤴᤏᤡᤴ ᤏᤡ᤺ᤴᤎᤥ ᤆᤥᤃᤢᤖᤥ॥ 
\s1 ᤛᤧᤴᤗᤵᤐᤥ ᤗᤠᤶᤃᤧᤗᤥ᤺ᤒᤠ 
\p  
\v 5 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤁᤴ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤔᤧᤒᤡᤖᤢᤴᤇᤡᤴᤗᤥ॥  
\v 6 ᤁᤖ ᤛᤠᤶᤕᤥᤛᤠᤵᤗᤠᤀᤥ ᤌᤡᤰ ᤋᤧᤴᤏᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. 
\q1 “ᤔᤏᤠ᤺ᤴ ᤌᤣᤀᤠᤱ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤒᤣ. ᤀᤡᤃᤪ ᤔᤧᤴᤇᤠᤶ ᤕᤠᤵᤔᤡ᤺ᤴ ᤜᤠ᤺ᤳᤋᤠᤱ ᤁᤶᤒᤪᤠᤱ ᤁᤧᤔᤧᤳᤋᤢᤒᤣ᥅  
\v 7 ᤂᤧᤱᤜᤠ᤹ᤃ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ᤺ᤸᤗᤧ ᤆᤩ᤹ᤖᤰ ᤕᤥᤕᤥᤰ ᤁᤧᤈᤥᤃᤢᤛᤡ. ᤂᤧᤱᤜᤠ᤹ ᤔᤡᤔᤡᤍᤡᤱ ᤏᤢ ᤔᤡᤱᤛᤥ ᤀᤡᤱᤎᤠ᤺ᤱᤗᤧ ᤋᤡᤆ᤺ᤴ ᤁᤧᤄᤢ᤺ᤰᤋᤢᤛᤡᤖᤥ॥  
\v 8 ᤜᤧᤰᤁᤩᤠᤱ ᤁᤠᤰ ᤐᤠ᤺ᤴᤜᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤕᤢᤰᤂᤢᤖᤥ॥”\f * \fr 2:8 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥎.᥊-᥎ \f* 
\m ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤕᤢᤰᤂᤢᤸᤗᤧ ᤂᤢᤏᤧ᤹ ᤁᤢᤕᤢᤰᤁᤥ ᤔᤧᤍᤠᤖᤢᤴᤒᤠ ᤌᤣᤀᤠᤱ ᤜᤥ᤺ᤵᤗᤥ॥ ᤜᤧᤰᤁᤣᤛᤠᤱ ᤁᤴ ᤕᤧᤶᤔᤥ ᤁᤠᤰ ᤐᤠ᤺ᤴᤜᤠ᤹ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤒᤠ ᤀᤠᤴᤏᤡ᤺ᤛᤢᤶᤔᤡᤴᤗᤥ॥  
\v 9 ᤁᤖ ᤀᤠᤏᤡ᤹ ᤕᤧᤛᤢ᤺ᤴ ᤀᤠᤏᤡ᤺ᤛᤢᤶᤗᤥ॥ ᤂᤢᤏᤧ᤹ᤃ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ᤺ᤸᤗᤧᤀᤠᤱ ᤆᤩ᤹ᤖᤰ ᤕᤥᤕᤥᤰ ᤘᤕᤧ. ᤀᤠᤸᤗᤃ ᤂᤢᤏᤧ᤹ ᤛᤡ᤺ᤔᤧᤴᤏᤥ ᤋᤢᤰᤂᤣ ᤆᤩᤧᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡᤔᤡᤍᤡᤱ ᤏᤢ ᤔᤡᤱᤛᤥ ᤀᤡᤱᤎᤠ᤺ᤱᤅᤡᤸᤗᤧᤴ ᤋᤡᤆ᤺ᤴ ᤂᤢ᤺ᤰᤋᤢᤀᤠᤱ ᤘᤠ᤹॥ ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶ ᤂᤢᤏᤧ᤹ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤖᤧ ᤗᤠᤃᤡ ᤛᤡ᤺ᤔᤧᤴ ᤛᤠ᤹ᤖᤢᤖᤥ॥  
\v 10 ᤁᤠᤰ ᤐᤠ᤺ᤴᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴᤗᤥ. ᤜᤧᤰᤁᤩᤠᤱ ᤁᤠᤰ ᤐᤠ᤺ᤴᤜᤠ᤹ᤃ ᤁᤢᤔᤢᤰᤛᤠᤶᤗᤠᤶᤒᤠ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴ ᤏᤧᤛ᤻ᤛᤧᤒᤠᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤧᤛᤢ᤺ᤴ ᤀᤡᤏᤥᤃᤧᤴ ᤋᤢᤰᤂᤣᤗᤠᤶᤒᤠ ᤁᤢᤗᤡᤱᤎᤥ ᤁᤧᤳᤋᤢᤸᤗᤧ ᤏᤢ᤺ᤒᤠ ᤏᤢ ᤁᤢᤍᤱᤒᤠ ᤐᤠ᤺ᤴ ᤆᤥᤃᤢᤖᤥ॥ ᤜᤧᤰᤁᤣᤗ᤹ᤖᤡᤰ ᤕᤧᤛᤢᤖᤧ ᤕᤖᤡᤰ ᤔᤢ᤹ᤀᤡᤍᤠᤱᤛᤠᤜᤠ᤹ ᤛᤧᤴᤗᤵᤐᤥ ᤗᤠᤶᤗᤥᤛᤢᤛᤡ᤹ᤀᤠᤱ ᤁᤢᤔᤡᤔᤡᤍᤡᤱᤅᤡᤸᤗᤧᤴ ᤗᤰ ᤁᤧᤄᤥ᤺ᤒᤠ ᤔᤧᤒᤥ᤺ᤰᤂᤧᤖᤥ॥ 
\p  
\v 11 ᤔᤏᤠᤜᤠ᤹ ᤗᤠᤕᤥᤗᤠᤶ ᤛᤣᤛᤣ ᤁᤧᤈᤥ᤺ᤰᤐᤠ ᤕᤧᤛᤢ᤺ᤴ ᤏᤢ ᤛᤣᤛᤣ ᤁᤧᤒᤥ᤺ᤱᤒᤠᤜᤠ᤹ᤃ ᤗᤳᤌᤡᤰ ᤜᤡᤶᤛᤕᤱᤛᤡᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤀᤠᤴᤛᤠ᤹ᤛᤡ ᤔᤧᤵᤔᤠᤛᤡ ᤂᤢᤏᤧ᤹ ᤔᤧᤏᤢ᤺ᤴᤏᤧᤴᤗᤥ॥  
\v 12 ᤂᤢᤏᤧ᤹ ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶᤔᤥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤳᤋᤢ᤹. 
\q1 “ᤀᤡᤱᤃᤠ᤹ ᤁᤧᤔᤡᤱᤅᤡᤴ ᤀᤠᤴᤛᤠ᤹ᤛᤡ ᤀᤡᤱᤓᤥ᤺ᤛᤢᤱᤛᤡᤱᤗᤥ. ᤜᤧᤰᤁᤩᤠᤱ ᤁᤧᤔᤏᤠ ᤗᤢᤶᤔᤥ ᤀᤡᤱᤃᤠ᤹ ᤏᤧᤶᤓᤥᤃᤧᤴ ᤁᤧᤏᤠᤖᤠ ᤑᤥ᤺ᤛᤢᤱᤗᤥ॥”\f * \fr 2:12 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥈᥈.᥈᥈\f* 
\m  
\v 13 ᤜᤧᤰᤁᤩᤠᤱ ᤕᤠᤶᤔᤥ ᤐᤠ᤺ᤳᤋᤢ᤹. 
\q1 “ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤥ ᤏᤛᤠ᤺ᤴ ᤕᤢᤰᤂᤢᤱᤗᤥ॥” 
\m ᤂᤢᤏᤧ᤹ ᤕᤠᤶᤔᤥᤀᤠᤱ ᤐᤠ᤺ᤳᤋᤢ᤹. 
\q1 “ᤀᤡᤱᤃᤠ᤹ ᤁᤵᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤠᤱᤒᤠ ᤔᤏᤠᤜᤠ᤹ᤏᤢ ᤘᤠ᤹ᤀᤠᤖᤥ॥”\f * \fr 2:13 \ft ᤕᤛᤤᤕᤠ ᥎.᥇᥍-᥇᥎\f* 
\p  
\v 14 ᤂᤧᤴ ᤔᤏᤠᤜᤠ᤹ᤖᤧᤃ ᤏᤠᤛᤡᤱᤃᤧᤴ ᤌᤰ ᤔᤧᤃᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤕᤧᤛᤢ᤺ᤴᤏᤠᤱ ᤂᤧᤱᤜᤠ᤹ ᤜᤧᤰᤁᤣᤀᤣ ᤐᤥ᤺ᤰᤂᤧᤖᤥ॥ ᤜᤧᤰᤁᤣᤗ᤹ᤖᤡᤰ ᤀᤠᤒᤠᤅᤣ ᤁᤢᤛᤡ᤺ᤔᤧᤴᤗᤠᤶᤒᤠ ᤛᤡ᤺ᤔᤧᤸᤗᤧᤴ ᤔᤢᤰᤛᤠᤶ ᤁᤧᤃᤵᤐᤠ ᤔᤠᤑᤧᤴᤛᤠᤶᤔᤡᤴ ᤔᤧᤶᤓᤤ ᤆᤥᤃᤢ॥  
\v 15 ᤜᤧᤰᤁᤩᤠᤱ ᤛᤡ᤺ᤔᤧᤴᤏᤢ ᤁᤧᤃᤡ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤁᤡ᤺ᤔᤧᤸᤗᤧ ᤜᤡᤱᤜᤡᤱ ᤌᤠᤖᤡᤰ ᤕᤥ᤺ᤰ ᤆᤥᤃᤢᤛᤡᤒᤠᤜᤠ᤹ ᤆᤥ᤺ᤰᤕᤢᤶᤓᤥ ᤐᤡᤔᤠᤛᤡ ᤑᤠ᤹ᤀᤠᤱ ᤂᤢᤏᤧ᤹ ᤜᤧᤰᤁᤣ ᤆᤥᤃᤢᤒᤠᤖᤥ॥ 
\p  
\v 16 ᤛᤧᤰᤂᤠ᤺ᤸᤗᤧᤃ ᤂᤢᤏᤧ᤹ ᤔᤠᤱᤗᤠᤀᤡᤱᤒᤠᤜᤠ᤹ᤃ ᤔᤧ᤺ᤴ. ᤁᤖ ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤏᤧ ᤁᤶᤒᤪᤠᤱ ᤔᤧᤳᤋᤢᤛᤡ᤹ᤖᤥ॥  
\v 17 ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤗᤢᤱᤃᤢᤶᤛᤠᤒᤠ ᤏᤢ ᤏᤛᤠ᤺ᤴᤛᤠᤒᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤱᤛᤧ ᤁᤠᤰ ᤐᤖᤡᤰᤗᤧ ᤀᤠᤏᤡ᤹ ᤜᤧᤰᤁᤣ ᤐᤥ᤺ᤱᤔᤠ ᤐᤥ᤺ᤰᤂᤧᤖᤥ॥ ᤜᤧᤰᤁᤩᤠᤱ ᤀᤠᤏᤡ᤹ ᤗᤠᤕᤥ᤺ᤸᤗᤧᤴ ᤗᤧᤵᤔᤡ ᤐᤡᤔᤠ ᤁᤧᤛᤢᤰᤐᤠ ᤛᤡᤍᤢᤱᤈᤓᤠ ᤐᤥ᤺ᤰᤂᤧᤖᤥ॥  
\v 18 ᤂᤢᤏᤧ᤹ ᤜᤱᤛᤠ᤹ᤔᤥ ᤌᤩᤧᤀᤠᤱ ᤀᤠᤒᤠᤅᤣ ᤋᤢᤰᤂᤣ ᤆᤩᤧᤒᤠᤸᤗᤧ ᤆᤥᤃᤢᤸᤗᤧ ᤜᤱᤛᤠ᤹ᤔᤥ ᤁᤧᤎᤠ᤺ᤒᤠᤜᤠ᤹ᤃ ᤂᤢᤏᤧ᤹ ᤁᤢᤓᤠ᤹ ᤐᤡᤔᤠ ᤛᤢᤰᤋᤢᤛᤡ᤹ᤖᤥ॥ 
\c 3  
\s1 ᤂᤪᤡᤛ᤻ᤋᤧᤴ ᤔᤥᤛᤠᤴᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤆᤥ᤺ᤰ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤛᤣᤛᤣ ᤁᤢᤔᤏᤠ ᤐᤥ᤺ᤱᤔᤠᤀᤠᤱ ᤛᤠᤱᤃᤪᤠᤶᤐᤣᤍᤠᤱ ᤐᤣ᤺ᤰᤔᤠ ᤗᤰ ᤁᤧᤄᤥ᤺ᤛᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤛᤣ᤺ᤰᤕᤢᤰᤔᤡᤒᤠ ᤏᤢ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤑᤠ᤹ᤀᤠᤱ ᤋᤧᤴᤍᤡᤱ ᤀᤠᤈᤥᤃᤢᤶᤒᤠ ᤕᤧᤛᤢ᤺ᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥  
\v 2 ᤔᤥᤛᤠ᤺ᤴ\f * \fr 3:2 \ft ᤔᤥᤛᤠ᤺ᤴ–ᤂᤢᤏᤧ᤹ ᤀᤢᤏᤠᤜᤢᤖᤡᤀᤥ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥ᤺ᤒᤠ ᤘᤕᤧ॥ ᤂᤧᤱᤜᤠ᤹ ᤕᤥ᤺ᤰ ᤔᤧᤘᤕᤧᤒᤠ ᤔᤡᤛᤪ ᤗᤠᤈᤣ᤹ᤗᤠᤶ ᤗᤠᤶᤗᤥᤛᤢᤛᤡ ᤗ᤺ᤳᤋᤢᤛᤡ॥ ᤂᤢᤏᤧ᤹ᤀᤣ ᤕᤜᤢᤍᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱ ᤐᤡᤖᤢᤛᤡ॥\f* ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤐᤥ᤺ᤰᤂᤧᤒᤠ ᤁᤢᤀᤡᤛᤡ᤺ᤰ ᤕᤧᤛᤢ᤺ᤴᤏᤠᤱ ᤂᤢᤏᤧ᤹ ᤛᤣ᤺ᤰᤕᤢᤰ ᤁᤧᤈᤥ᤺ᤰᤐᤠᤸᤗᤥ ᤋᤠ᤺ᤰᤐᤥᤛᤠᤒᤠ ᤐᤥ᤺ᤰᤂᤧ॥  
\v 3 ᤜᤡᤶᤔᤡᤴᤏᤢ᤺ᤸᤗᤧᤀᤠᤱ ᤜᤡᤶ ᤁᤧᤈᤥ᤺ᤰᤐᤧᤴ ᤛᤠ᤹ᤖᤡᤰ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤔᤠ ᤗᤠ᤹ᤖᤢᤒᤠ ᤁᤢᤀᤡᤛᤡ᤺ᤰᤁᤣ ᤕᤧᤛᤢ᤺ᤴ ᤔᤥᤛᤠ᤺ᤴᤏᤢ᤺ᤸᤗᤧᤀᤠᤱ ᤔᤡᤱᤛᤥ ᤀᤡᤱᤎᤠ᤺ᤱᤛᤠᤒᤠ ᤐᤥ᤺ᤰᤂᤧᤖᤥ॥  
\v 4 ᤁᤧᤖᤧᤰ ᤜᤡᤶᤜᤠ᤹ᤃ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠᤖᤥ. ᤁᤖ ᤁᤠᤰ ᤐᤠ᤺ᤴᤜᤠ᤹ ᤁᤧᤈᤥ᤺ᤰᤐᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤣᤖᤥ॥ 
\p  
\v 5 ᤀᤠᤸᤗ ᤔᤥᤛᤠ᤺ᤱᤃ ᤁᤧᤍᤠ᤺ᤒᤠ ᤕᤧᤶᤔᤥ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤵᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤛᤣᤘᤠᤖᤥᤒᤠ ᤘᤕᤧᤖᤥ॥  
\v 6 ᤁᤖ ᤂᤪᤡᤛ᤻ᤋᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤖᤥ॥ ᤂᤪᤡᤛ᤻ᤋᤀᤥᤒᤠ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤏᤡᤱᤛᤠᤱᤅᤡᤴ ᤔᤧᤸᤗᤧᤳᤋᤣ ᤜᤠᤱᤜᤠᤱᤅᤠᤱ ᤀᤠᤘᤠ᤹ᤏᤧ ᤑᤠ᤹ᤃᤪ ᤀᤠᤏᤡ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤛᤕᤱᤅᤥᤒᤠᤛᤡᤖᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤠ᤺ᤶᤛᤡᤱᤔᤠᤴ 
\p  
\v 7 ᤂᤧᤸᤗᤧ ᤆᤥᤃᤢᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠ ᤜᤧᤰᤁᤣ. 
\q1 “ᤀᤠᤀᤡᤴ ᤂᤢᤏᤧ᤹ ᤁᤢᤀᤡᤰᤗᤠ᤺ᤴ ᤁᤧᤄᤧᤵᤛᤢᤶᤔᤡᤸᤗᤧ  
\v 8 ᤀᤣ᤺ᤰᤛᤠᤍᤧᤴᤏᤥ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤱᤔᤧᤛᤠ᤹ᤖᤢᤒᤠ ᤕᤧᤶᤔᤥ ᤒᤡᤑᤩᤢᤱ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤏᤡᤱᤘᤠ᤹ᤒᤠᤴ ᤁᤧᤎᤢᤱᤒᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥  
\v 9 ᤂᤧᤵᤔᤥ ᤂᤡᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤖᤧ ᤀᤡᤱᤃᤠ᤹ ᤀᤠᤏᤠᤛᤡ ᤌ᤺ᤵᤔᤠᤴ ᤔᤧᤛᤠ᤹ᤖᤢ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤆᤥᤃᤢᤱᤒᤠ ᤀᤠᤕᤠ᤺ᤶᤒᤰᤁᤡᤴ ᤔᤧᤏᤡ᤺ᤛᤢ॥  
\v 10 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤌᤠ᤺ᤰᤜᤠ᤹ᤏᤢ ᤀᤡᤱᤃᤠ᤹ ᤀᤠᤛᤡᤰ ᤐᤥᤃᤧᤀᤠᤱ ᤐᤠ᤺ᤳᤋᤢᤱ. ‘ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤠᤴ ᤛᤍᤠᤍᤡᤱ ᤋᤠᤵᤐᤧ᤹ᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤠᤗᤠᤶᤔᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤔᤧᤘᤠ᤹ᤖᤥ॥’  
\v 11 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤀᤠᤛᤡᤰ ᤐᤥ᤺ᤰᤔᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤧᤰᤛᤡᤱᤅᤠᤱᤗᤥ. ‘ᤂᤧᤱᤜᤠ᤹ᤃ ᤀᤡᤱᤃᤠ᤹ ᤕᤠᤖᤡᤵ ᤆᤥᤃᤢᤱᤒᤠ ᤏᤠ᤺ᤶᤛᤡᤱᤔᤠ ᤋᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤔᤧᤱᤄᤥᤏᤧᤴᤗᤥ॥’”\f * \fr 3:11 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥏᥋.᥍-᥇᥇\f* 
\p  
\v 12 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤋᤠᤵᤑᤧ᤺ᤶᤒᤠ ᤏᤢ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤏᤡᤱᤘᤠ᤹ᤒᤠᤸᤗᤧ ᤂᤡᤏᤡ᤹ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠ ᤔᤠ᤺ᤱᤄᤠ ᤁᤧᤴᤈᤥᤃᤡᤴᤗ ᤑᤠ᤹ᤀᤠᤱ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ॥  
\v 13 “ᤀᤠᤀᤡᤴ”\f * \fr 3:13 \ft ‘ᤀᤠᤀᤡᤴ’ ᤑᤠ᤹ᤀᤡᤴ ᤍᤠᤱᤒᤠᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤶ ᤌᤠᤖᤡᤰ ᤐᤥ᤺ᤱᤗᤥ (᥉.᥍ ᤀᤥᤔᤧᤳᤋᤧ᤹)॥\f* ᤘᤠ᤹ᤖ ᤌᤠᤖᤡᤰ ᤂᤡᤏᤡ᤹ᤃ ᤌᤡᤰᤕᤠ᤺ᤴᤎᤰ ᤜᤠᤱᤜᤠᤱ ᤔᤧᤳᤇᤡᤱᤅᤧᤶᤔᤧ᤹ ᤜᤧᤰᤁᤣᤗ᤹ᤖᤡᤰ ᤗᤠᤕᤥ᤺ᤸᤗᤧ ᤁᤢᤀᤡᤱᤗᤧᤰᤁᤥ ᤁᤧᤴᤎᤩᤧ᤹ᤀᤡᤴᤗ ᤜᤧᤰᤁᤩᤠᤱ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤔᤧᤎ᤺ᤵᤛᤢᤴᤗᤖᤥ॥  
\v 14 ᤀᤠᤏᤡ᤹ ᤋᤃᤡ ᤏᤛᤠ᤺ᤴ ᤀᤠᤈᤥᤃᤢᤶᤒᤠ ᤕᤧᤶᤔᤥ ᤂᤢᤏᤧ᤹ ᤋᤠ᤺ᤰᤐᤥ ᤀᤠᤈᤥᤃᤢᤶᤒᤠ ᤁᤢᤀᤡᤛᤡ᤺ᤰ ᤁᤢᤏᤢᤵᤔᤥ ᤌᤠᤖᤡᤰ ᤏᤛᤠ᤺ᤴᤛᤠᤒᤠ ᤀᤠᤒᤥ᤺ᤱᤏᤧ ᤑᤠ᤹ᤃᤪ ᤂᤪᤡᤛ᤻ᤋᤧᤴᤏᤢ ᤗᤰ ᤁᤧᤄᤥ᤺ᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤖᤥ॥  
\v 15 ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤶᤍᤡᤱ ᤀᤠᤒᤡ᤹ᤖᤥ. 
\q1 “ᤀᤠᤀᤡᤴ ᤂᤢᤏᤧ᤹ ᤁᤢᤀᤡᤰᤗᤠ᤺ᤴ ᤁᤧᤄᤧᤵᤛᤢᤶᤔᤡᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤒᤡᤑᤩᤢᤱ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤁᤧᤎ᤺ᤵᤐᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥”\f * \fr 3:15 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥏᥋.᥇᥇\f* 
\p  
\v 16 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤰᤗᤠ᤺ᤴ ᤔᤧᤄᤧᤵᤛᤢᤛᤠᤱ ᤂᤢᤏᤧ᤹ ᤁᤢᤍᤰᤗᤧᤱᤘᤠᤀᤥ ᤒᤡᤑᤩᤢᤱ ᤁᤧᤈᤥ᤺ᤰᤐᤠᤜᤠ᤹ ᤀᤠᤳᤋᤡᤴᤜᤠ᤹ ᤔᤧᤘᤕᤧᤒᤣ᥅ ᤜᤠᤒᤠ ᤂᤧᤴ ᤔᤥᤛᤠᤖᤧ ᤔᤡᤛᤪ ᤗᤠᤈᤣ᤹ᤗᤠᤶ ᤗ᤺ᤳᤋᤢᤛᤡᤒᤠ ᤔᤏᤠᤜᤠ᤹ᤀᤣ ᤔᤧ᤺ᤴᤇᤡᤒᤡ᥅  
\v 17 ᤜᤧᤰᤁᤩᤠᤱ ᤋᤱᤒᤣ ᤗᤡᤒᤥ᤺ᤱ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴ ᤁᤧᤓᤥ᤺ᤱᤒᤠᤜᤠ᤹ ᤀᤠᤳᤋᤡᤴᤜᤠ᤹ ᤔᤧᤘᤕᤧᤒᤣ᥅ ᤀᤣ᤺ᤰᤛᤠᤍᤧᤴᤏᤥ ᤗᤠᤕᤥ ᤁᤧᤈᤥ᤺ᤰᤐᤠᤀᤠᤱ ᤁᤧᤛᤡ᤺ᤒᤠ ᤔᤏᤠᤜᤠ᤹ᤀᤣ ᤔᤧ᤺ᤴᤇᤡᤒᤡ᥅  
\v 18 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤖᤡᤵ ᤆᤥᤃᤢᤒᤠ ᤏᤠ᤺ᤶᤛᤡᤱᤍᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤁᤧᤱᤄᤥ᤺ᤛᤡᤴᤗᤥ ᤗ᤹ᤖᤡᤰ ᤀᤠᤳᤋᤡᤴᤜᤠ᤹ᤏᤢ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤕᤧᤒᤣ᥅ ᤁᤢᤀᤡᤱᤈᤠ᤺ᤱ ᤀᤡ᤺ᤵᤔᤠ ᤏᤠ᤺ᤵᤔᤠ ᤔᤧᤴᤍᤧᤶᤔᤏᤠᤒᤠ ᤔᤏᤠᤜᤠ᤹ᤏᤢᤀᤣ ᤔᤧ᤺ᤶᤒᤡ᥅  
\v 19 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤃ ᤂᤢᤏᤡ᤹ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤏᤡᤱᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤠ᤺ᤶᤛᤡᤱᤍᤧᤴᤏᤥ ᤗᤠ᤺ᤵᤔᤠ ᤔᤧᤱᤄᤥ᤺ᤛᤢᤶᤒᤠᤴ ᤀᤠᤏᤡ᤺ᤛᤢᤶᤗᤥ॥ 
\c 4  
\s1 ᤏᤠ᤺ᤶᤛᤡᤱᤍᤧᤴᤏᤡᤸᤗᤧᤴ ᤔᤠᤱᤜᤧᤰ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠ᤺ᤶᤛᤡᤱᤍᤧᤴᤏᤥ ᤗᤠ᤺ᤵᤔᤠ ᤔᤠᤱᤜᤧᤰ ᤘᤠ᤹ᤖᤀᤣ ᤂᤡᤏᤡ᤹ ᤗᤢᤶᤔᤥ ᤀᤠᤳᤋᤡᤴᤜᤠ᤹ᤀᤠᤱ ᤁᤴ ᤔᤠᤱᤜᤧᤰᤁᤡᤴ ᤔᤧᤱᤄᤥ᤺ᤔᤏᤠᤒᤠ ᤔᤧᤶᤒᤥ᤺ᤱᤏᤧᤴᤗ ᤑᤠ᤹ᤀᤠᤱ ᤀᤠᤏᤡ᤹ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤡᤖᤥ॥  
\v 2 ᤀᤠᤏᤡ᤹ᤀᤥ ᤁᤢᤀᤡᤛᤡ᤺ᤰᤁᤣ ᤂᤧᤱᤜᤠ᤹ᤖᤥᤀᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧᤀᤠᤱ ᤘᤕᤧ. ᤁᤖ ᤂᤧᤱᤜᤠ᤹ᤖᤧ ᤂᤧᤴ ᤔᤧᤄᤧᤵᤛᤢᤒᤠ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤴᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤌᤣᤀᤠᤱ ᤀᤡᤴᤎᤠ᤺ᤱ ᤔᤧᤱᤄᤥ᤺ᤛᤢᤴᤗᤥ॥  
\v 3 ᤁᤖ ᤀᤠᤏᤡ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤰ ᤁᤴ ᤏᤠ᤺ᤶᤛᤡᤱᤍᤧᤴᤏᤥ ᤀᤠᤗᤠ᤺ᤳᤗᤥ॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 “ᤀᤠᤛᤡᤰ ᤐᤥᤃᤧᤀᤠᤱ ᤂᤧᤱᤜᤠ᤹ᤃ ᤀᤡᤱᤃᤠ᤹ ᤕᤠᤖᤡᤵ ᤆᤥᤃᤢᤱᤒᤠ ᤏᤠ᤺ᤶᤛᤡᤱᤍᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤔᤧᤱᤄᤥᤏᤧᤴ ᤑᤠ᤹ᤀᤠᤱ ᤔᤠᤱᤜᤧᤰᤛᤡᤱᤅᤠᤱᤗᤥ॥” 
\m ᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠ᤺ᤶᤛᤡᤱᤍᤧᤴᤏᤡᤱᤃ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤧᤸᤗᤧᤛᤠ ᤆᤥᤃᤧ ᤛᤢᤖᤧᤀᤠᤱ ᤘᤕᤧᤖᤥ॥  
\v 4 ᤗᤳᤇᤠ ᤛᤠᤶᤕᤥᤛᤠᤵᤗᤠ ᤗᤰᤁᤥ ᤏᤢᤛᤡᤃᤣ᤺ᤰᤐᤠ ᤕᤧᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ. 
\q1 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤏᤢ ᤏᤢᤛᤡᤃᤣ᤺ᤰᤐᤠ ᤕᤧᤴᤏᤥ ᤏᤠ᤺ᤶᤛᤡᤱᤗᤥ॥”\f * \fr 4:4 \ft ᤋᤥᤗᤡᤱᤛᤥᤔᤢ ᥈.᥈ \f* 
\m  
\v 5 ᤜᤧᤰᤁᤩᤠᤱ ᤕᤠᤶᤔᤥ ᤂᤧᤴ ᤘᤣ᤹ᤛ᤻ᤔᤠ ᤗᤰᤁᤥ ᤂᤢᤏᤧ᤹ ᤀᤰᤂᤣ ᤐᤠ᤺ᤳᤋᤢ. 
\q1 “ᤂᤧᤱᤜᤠ᤹ᤃ ᤀᤡᤱᤃᤠ᤹ ᤕᤠᤖᤡᤵ ᤆᤥᤃᤢᤱᤒᤠ ᤏᤠ᤺ᤶᤛᤡᤱᤍᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤔᤧᤱᤄᤥᤏᤧᤴᤗᤥ॥”\f * \fr 4:5 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥏᥋.᥇᥇\f* 
\m  
\v 6 ᤁᤢᤓᤠᤖᤧᤃ ᤀᤠᤸᤗᤛᤠᤱ ᤂᤧᤴ ᤏᤠ᤺ᤶᤛᤡᤱᤍᤧᤴᤏᤥ ᤗᤠ᤺ᤵᤔᤠ ᤔᤧᤄᤥ᤺ᤛᤢ᤹॥ ᤁᤖ ᤘᤣ᤹ᤜᤠ᤹ᤖᤥᤃ ᤛᤢᤏᤠᤀᤡᤱᤅᤡᤴ ᤋᤃᤡ ᤀᤡᤱᤓᤥ᤺ᤛᤧᤀᤠᤱ ᤘᤕᤧᤛᤠᤱ ᤂᤧᤱᤜᤠ᤹ ᤀᤡᤱᤈᤠ᤺ᤱ ᤀᤡ᤺ᤵᤔᤠ ᤏᤠ᤺ᤵᤔᤠ ᤔᤧᤴᤍᤧᤴᤍᤧᤴᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤔᤧᤴᤗᤠ᤺ᤛᤧᤴᤗᤥ॥  
\v 7 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠ᤺ᤶᤛᤡᤱᤍᤧᤴᤏᤥ ᤗᤠ᤺ᤵᤔᤠ ᤘᤣ᤹ᤛ᤻ᤔᤠ ᤕᤧᤴᤎᤡᤰ ᤏᤡ᤺ᤴᤎᤥ ᤆᤥᤃᤢᤀᤠᤱ ᤘᤠ᤹॥ ᤂᤧᤴ ᤕᤧᤴᤏᤡᤱᤃ ᤀᤠᤀᤡᤴᤏᤣᤖᤥ॥ ᤂᤧᤴ ᤋᤃᤡ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤍᤠᤀᤢᤍ ᤜᤠᤱᤗᤠᤶ ᤂᤢᤏᤧ᤹ ᤕᤖᤡᤰ ᤕᤧᤶ ᤀᤣᤃᤠᤱ ᤕᤠᤶᤔᤥ ᤐᤠ᤺ᤳᤋᤢ. 
\q1 “ᤀᤠᤀᤡᤴ ᤂᤢᤏᤧ᤹ ᤁᤢᤀᤡᤰᤗᤠ᤺ᤴ ᤁᤧᤄᤧᤵᤛᤢᤶᤔᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤁᤧᤎ᤺ᤵᤐᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥”\f * \fr 4:7 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥏᥋.᥋-᥍\f* 
\m  
\v 8 ᤌᤣᤀᤠᤱᤓᤧᤸᤗᤧ ᤕᤜᤥᤛᤢᤖᤧ\f * \fr 4:8 \ft ᤔᤥᤛᤠ᤺ᤴ ᤛᤩᤧᤀᤠᤱ ᤕᤜᤥᤛᤢ᤺ᤴ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥ᤺ᤒᤠ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤏᤡᤱ ᤑᤠ᤹ᤀᤠᤱ ᤔᤠᤱᤜᤧᤰ ᤆᤥᤃᤢᤒᤠ ᤗᤠᤈᤣ᤹ᤀᤥ ᤂᤧᤱᤜᤠ᤹ ᤗᤠᤶᤗᤥᤛᤢᤛᤡ॥\f* ᤂᤧᤱᤜᤠ᤹ ᤁᤴ ᤏᤠ᤺ᤶᤛᤡᤱᤔᤠ ᤋᤧᤴᤏᤡᤴ ᤐᤡᤖᤢᤛᤡᤀᤠᤱ ᤘᤕᤧᤸᤗᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤧᤰᤁᤣᤗ᤹ᤖᤡᤰ ᤘᤣ᤹ᤛ᤻ᤔᤠ ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤕᤠᤱᤛᤡ ᤔᤧᤒᤠ᤺ᤳᤋᤢᤴᤒᤠ ᤔᤧᤴ॥  
\v 9 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤏᤠ᤺ᤶᤛᤡᤱ ᤕᤧᤴᤏᤡᤴ ᤋᤠ᤺ᤔᤠ ᤁᤧᤒᤥ᤺ᤱᤒᤠ ᤘᤠ᤹ᤖᤥ॥  
\v 10 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤕᤠ᤺ᤶᤒᤰᤗᤠᤶᤒᤠ ᤏᤠ᤺ᤶᤛᤡᤱᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠ᤺ᤶᤛᤡᤱᤍᤧᤴᤏᤥ ᤁᤧᤗᤠ᤺ᤵᤐᤠᤜᤠ᤹ᤀᤠᤱ ᤂᤢᤏᤡ᤹ ᤕᤠ᤺ᤶᤒᤰᤗᤠᤶᤒᤠ ᤔᤧᤏᤠ᤺ᤶᤛᤡᤱᤗᤥ॥  
\v 11 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤂᤧᤴ ᤏᤠ᤺ᤶᤛᤡᤱᤔᤥ ᤗᤠ᤺ᤵᤔᤠ ᤛᤡᤰ ᤛᤶᤗ ᤏᤡᤱᤘᤠ᤹ ᤆᤥᤃᤢᤶᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤛᤪᤠᤀᤡᤗᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤔᤧᤓᤣ᤺ᤴᤍᤢᤀᤠᤱ ᤔᤧᤔᤧᤃᤧᤒᤠ ᤁᤢᤀᤡᤛᤡ᤺ᤰ ᤀᤠᤳᤋᤡᤴᤜᤠ᤹ᤀᤠᤱ ᤔᤧᤶᤔᤧᤰᤏᤧᤴᤗᤖᤥ॥ 
\p  
\v 12 ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤱᤃ ᤁᤢᤜᤡᤱᤘᤧᤳ ᤏᤢ ᤆᤥ᤺ᤰᤛᤠᤶᤒᤠ ᤆᤥ᤺ᤰᤗᤥ॥ ᤂᤧᤱᤃ ᤏᤧᤵᤈᤠᤱ ᤗᤧᤵᤔᤠᤱ ᤁᤢᤕᤠ ᤁᤧᤒᤵᤐᤠ ᤂᤠᤃᤧᤛᤢᤰᤐᤠ ᤋᤠᤓᤣ᤺ᤴᤏᤢ᤺ᤸᤗᤧᤀᤠᤱ ᤂᤠᤃᤧᤛᤢᤰᤐᤠ ᤆᤥ᤺ᤰᤗᤥ॥ ᤂᤧᤸᤗᤧ ᤛᤰᤔᤠᤛᤠᤶᤔᤡᤴᤏᤢ ᤕᤠᤶᤛᤠᤶᤔᤡᤴ ᤛᤧᤴᤍᤢ᤹ ᤜᤧᤰᤁᤩᤠᤱ ᤕᤧᤵᤐᤠᤸᤗᤧ ᤁᤢᤍᤢᤶᤒᤧ᤹ ᤏᤢ ᤁᤢᤛᤡ᤺ᤴ ᤗᤛ᤻ᤛᤢᤀᤠᤱ ᤛᤧᤴᤍᤢ᤹॥ ᤀᤠᤏᤡ᤹ ᤏᤡᤱᤘᤠ᤹ᤛᤢᤶᤔᤡᤴ ᤏᤢ ᤏᤡᤱᤘᤠ᤹ ᤀᤡ᤺ᤵᤔᤠᤴ ᤛᤧᤶᤔᤠ ᤛᤢᤰᤋᤢ᤹ᤖᤥ॥  
\v 13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥᤗᤠᤶᤒᤠ ᤁᤠᤰ ᤏᤠᤘᤠᤃᤧᤴ ᤆᤀᤡ᤺ᤳᤋᤥ ᤌᤧᤔᤠ᤺ᤴᤏᤠᤱ ᤆᤡᤱᤛᤡᤱᤔᤠ ᤔᤧᤛᤢᤰᤏᤧᤴᤗᤥ॥ ᤂᤢᤏᤧ᤹ ᤁᤢᤍᤃᤡ ᤁᤠᤰ ᤐᤠ᤺ᤴᤜᤠ᤹ ᤏᤢ᤺ᤖᤡᤰᤁᤠᤱ ᤏᤡᤎᤠ᤺ᤵᤗᤥ. ᤜᤧᤰᤁᤩᤠᤱ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤂᤠᤖᤠ᤺ᤳ ᤂᤢᤏᤧ᤹ᤀᤣ ᤀᤠᤏᤡ᤹ ᤐᤡᤔᤠ ᤐᤥ᤺ᤱᤗᤥ॥ 
\s1 ᤕᤧᤛᤢ᤺ᤴ ᤀᤠᤏᤡ᤹ ᤐᤕᤶ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤖᤥ 
\p  
\v 14 ᤀᤠᤸᤗ. ᤀᤠᤏᤡ᤹ ᤋᤧᤴᤍᤡᤱ ᤀᤠᤈᤥᤃᤢᤶᤒᤠ ᤏᤛᤠ᤺ᤴᤏᤡᤴ ᤌᤖᤢᤶᤗᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤒᤣ᤺ᤰᤐᤠᤀᤠᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤛᤠ᤺ ᤕᤧᤛᤢ ᤐᤕᤶ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤴ ᤀᤠᤏᤡ᤹ ᤀᤠᤃᤳᤋᤢᤶᤗᤥ॥  
\v 15 ᤀᤠᤏᤡ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤀᤠᤴᤈᤥ᤺ᤰᤏᤧᤶᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤢ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤠᤱ ᤀᤠᤏᤡ᤹ ᤜᤧᤰᤁᤣᤀᤣ ᤁᤠᤰ ᤐᤖᤡᤰᤐᤠ ᤜᤱᤛᤠ᤹ᤔᤠᤴ ᤋᤠ᤺ᤰᤋᤢ. ᤁᤖ ᤂᤢᤏᤧ᤹ ᤗᤠᤕᤥ ᤔᤧᤈᤥᤃᤢᤴᤗᤥ॥  
\v 16 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤔᤧᤱᤃᤡᤀᤣ ᤔᤧᤴᤏᤢ᤺ᤴᤏᤣ ᤗᤢᤱᤃᤢᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤠᤱᤕᤢᤰᤏᤠᤀᤥ ᤋᤩᤧ᤹ᤀᤡᤖᤥ॥ ᤂᤧᤵᤔᤥᤃ ᤀᤠᤏᤡ᤹ ᤆᤠᤜᤠᤒᤥ ᤀᤠᤎᤠ᤺ᤸᤗᤧ ᤁᤢᤓᤠ᤹ ᤂᤥ᤺ᤔᤠ ᤑᤠ᤹ᤀᤠᤱ ᤗᤢᤱᤍᤢᤰ ᤏᤢ ᤗᤢᤱᤃᤢᤶᤔᤡᤴ ᤀᤠᤄᤥ᤺ᤛᤢᤶᤗᤥ॥ 
\c 5  
\p  
\v 1 ᤀᤠᤳᤋᤡᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤴᤇᤠᤱ ᤔᤏᤠᤜᤠ᤹ᤗᤠᤶᤒᤠᤀᤣ ᤛᤣ᤺ᤰᤁᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥ᤺ᤰᤛᤧ ᤛᤣ᤺ᤰᤕᤢᤰ ᤐᤥ᤺ᤱᤗᤥ॥ ᤂᤧᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤂᤥ᤺ᤔᤠ ᤑᤠ᤹ᤀᤠᤱ ᤔᤏᤠᤜᤠ᤹ᤖᤧ ᤗᤠᤃᤡ ᤆᤥᤓᤠ᤹ ᤏᤢ ᤛᤡᤍᤢᤱᤈᤓᤠ ᤋᤥ᤺ᤴᤍᤢ᤹ᤖᤥ॥  
\v 2 ᤂᤢᤏᤧ᤹ᤃ ᤌᤣᤀᤠᤱ ᤏᤡᤱᤘᤠ᤹ ᤔᤧᤱᤄᤥᤀᤣ ᤁᤧᤘᤠ᤹ᤒᤠᤜᤠ᤹ ᤜᤧᤰᤁᤩᤠᤱ ᤋᤠᤵᤁᤧᤒᤧ᤹ᤒᤠᤜᤠ᤹ᤏᤢ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤔᤠᤱ ᤘᤠ᤹ᤔᤠ ᤛᤢᤰᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤀᤠᤒᤠᤅᤣᤀᤠᤱ ᤐᤠ᤺ᤴ ᤑᤣ᤺ᤶᤔᤠ ᤁᤧᤛᤢᤰᤐᤠ ᤔᤧᤴᤇᤠᤶ ᤕᤠᤵᤔᤡᤀᤣᤖᤥ॥  
\v 3 ᤒᤠ ᤂᤧᤸᤗᤧ ᤆᤥᤃᤢᤸᤗᤧᤀᤣ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤸᤗᤧ ᤗᤠᤃᤡᤖᤰ ᤔᤧ᤺ᤴ. ᤁᤖ ᤂᤢᤏᤧ᤹ ᤀᤠᤒᤠᤅᤣ ᤁᤢᤗᤠᤕᤥ᤺ᤸᤗᤧ ᤗᤠᤃᤡᤀᤠᤱ ᤛᤡᤍᤢᤱᤈᤓᤠ ᤋᤥ᤺ᤶᤔᤠᤀᤣ ᤐᤥ᤺ᤱᤗᤥ॥  
\v 4 ᤀᤠᤳᤋᤡᤸᤗᤧᤀᤠᤱ ᤀᤠᤒᤠᤅᤣ ᤁᤴ ᤔᤡᤱᤛᤥ ᤀᤡᤱᤎᤠ᤺ᤱᤅᤡᤴ ᤋᤠ᤺ᤰᤔᤠ ᤔᤧᤛᤢᤰᤋᤢᤴᤗᤥ. ᤁᤖ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤧᤴ\f * \fr 5:4 \ft ᤜᤠᤖᤢᤏᤧᤴ–ᤂᤢᤏᤧ᤹ ᤔᤥᤛᤠᤖᤧ ᤁᤢᤶᤓᤢ᤹ ᤘᤕᤧ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤖᤢᤏᤧᤴ ᤀᤡᤛᤪᤠᤀᤡᤗᤡᤜᤠ᤹ᤖᤧᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤱᤛᤧ ᤀᤢ᤺ᤳᤋᤢ॥ ᤜᤠᤖᤢᤏᤧᤴ ᤛᤩᤧᤀᤠᤱ ᤔᤧᤛᤣᤃᤢᤛᤡᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤜᤠᤖᤢᤏᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤘᤕᤧ॥\f* ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤢ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤀᤢ᤺ᤵᤔᤠᤀᤣ ᤐᤥ᤺ᤱᤗᤥ॥ 
\p  
\v 5 ᤂᤪᤡᤛ᤻ᤋᤖᤧᤀᤠᤱ ᤀᤰᤂᤣᤗ᤹ᤖᤡᤰ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤱᤔᤠ ᤔᤡᤱᤛᤥ ᤀᤡᤱᤎᤠ᤺ᤱᤅᤡᤴ ᤀᤠᤒᤠᤅᤣ ᤔᤧᤍᤠ᤺ᤰᤋᤢᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤣ᤺ᤰᤕᤢᤰ ᤆᤥᤃᤢᤖ ᤔᤧᤳᤋᤢ. 
\q1 “ᤂᤧᤏᤧ᤹ᤃ ᤀᤡᤱᤃᤠ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ᤏᤧ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤱᤗᤥ. ᤀᤠᤀᤡᤴ ᤀᤡᤱᤃᤠ᤹ ᤂᤧᤏᤧ᤹ ᤐᤠᤏᤢᤍᤡᤱ ᤁᤧᤶᤒᤠ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥”\f * \fr 5:5 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥈.᥍\f* 
\m  
\v 6 ᤜᤧᤰᤁᤩᤠᤱ ᤛᤠᤶᤕᤥᤛᤠᤵᤗᤠᤀᤥᤒᤠ ᤘᤣ᤹ᤛ᤻ᤔᤠ ᤗᤰᤁᤥ ᤂᤢᤏᤧ᤹ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢ᤹. 
\q1 “ᤂᤧᤏᤧ᤹ᤃ ᤔᤸᤁᤡᤛᤧᤍᤧᤁ\f * \fr 5:6 \ft ᤔᤸᤁᤡᤛᤧᤍᤧᤁ–ᤂᤢᤏᤧ᤹ ᤜᤠᤖᤢᤏᤧᤴ ᤜᤡᤅᤧᤀᤠᤱ ᤘᤕᤧᤒᤠ ᤕᤧᤶᤏᤢ᤺ᤸᤗᤧ ᤋᤃᤡ. ᤀᤒᤪᤠᤜᤠᤔᤖᤧ ᤁᤢᤕᤧᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤛᤣ ᤔᤠᤱᤁᤧᤄᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤘᤕᤧ॥ ᤂᤢᤏᤧ᤹ ᤁᤢᤎᤠ᤺ᤰᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤛᤡ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤣᤀᤠᤱ ᤐᤠ᤺ᤳᤋᤧᤒᤠ ᤜᤥ᤺ᤵ (ᤜᤡᤒᤪᤢ ᥍.᥉ ᤜᤧᤰᤁᤩᤠᤱ ᤋᤥᤗᤡᤱᤛᤥᤔᤢ ᥊.᥇᥍. ᥈᥆)॥\f* ᤁᤢᤀᤡᤛᤡ᤺ᤰᤐᤠ ᤛᤍᤠᤍᤡᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤏᤧᤖᤥ॥”\f * \fr 5:6 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥆.᥊\f* 
\p  
\v 7 ᤕᤧᤛᤢ᤺ᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤠᤛᤡᤱᤃᤧᤴ ᤌᤰᤁᤥ ᤘᤕᤧᤸᤗᤧ ᤂᤢᤏᤧ᤹ ᤔᤡᤰᤘᤠᤏᤢ ᤆᤰᤆᤰ ᤛᤠ᤹ᤖᤡᤰ ᤜᤠᤒᤧᤖ ᤛᤡ᤺ᤔᤧᤴᤗᤠᤶ ᤋᤠᤱᤛᤧ᤺ᤵᤔᤠ ᤁᤧᤛᤢᤰᤐᤧᤴ ᤐᤣᤗᤡ ᤑᤠᤰᤋᤢᤖ ᤋᤢᤘᤠ ᤆᤥᤃᤢᤖᤥ॥ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤢᤖ ᤛᤣᤘᤠ ᤆᤥᤃᤢᤒᤠᤸᤗᤧ ᤂᤢᤏᤧ᤹ ᤆᤥᤃᤢᤒᤠ ᤋᤢᤘᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤖᤥ॥  
\v 8 ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ ᤘᤕᤧᤛᤠᤱ ᤋᤢᤰᤂᤣ ᤆᤩᤧᤒᤠᤀᤥᤗᤠᤶ ᤀᤡᤱᤈᤠ᤺ᤱᤃᤧᤶᤒᤠ ᤐᤥ᤺ᤱᤔᤠ ᤜᤢ᤹ᤛᤡᤱ.  
\v 9 ᤜᤧᤰᤁᤩᤠᤱ ᤁᤢᤛᤠᤱ ᤗᤛ᤻ᤛᤢᤀᤠᤱ ᤁᤢᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤧᤖᤧᤰᤗᤧ ᤗᤠᤃᤡ ᤂᤢᤏᤧ᤹ ᤔᤧᤴᤏᤢᤵᤔᤏᤠᤒᤠ ᤛᤧᤴᤗᤵᤖᤧ ᤁᤢᤒᤢᤴ ᤐᤥ᤺ᤰᤂᤧᤖᤥ॥  
\v 10 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤛᤣ᤺ᤰᤕᤢᤰ ᤆᤥᤃᤢᤖᤥ॥ 
\s1 ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤐᤥ᤺ᤱᤔᤠ ᤛᤢᤈᤠ 
\p  
\v 11 ᤁᤸᤗᤧ ᤁᤢᤕᤠ᤺ᤶᤒᤣᤀᤥᤃ ᤀᤠᤏᤡᤃᤧ ᤕᤖᤡᤰ ᤐᤠ᤺ᤵᤔᤠ ᤁᤳᤋᤢᤶᤒᤧᤖᤥ. ᤁᤖ ᤂᤡᤏᤡ᤹ ᤏᤡᤱᤘᤠ᤹ ᤁᤧᤎᤢᤱᤒᤠ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤐᤥᤎᤰ ᤆᤥ᤺ᤰᤔᤠ ᤛᤠᤰᤗᤥ॥  
\v 12 ᤛᤧᤰᤂᤠ᤺ᤸᤗᤧ ᤁᤴ ᤕᤧᤶ ᤌᤠᤖᤡᤰᤗᤧᤃ ᤂᤡᤏᤡ᤹ᤃ ᤘᤣ᤹ᤜᤠ᤹ ᤁᤧᤜᤢ᤹ᤒᤠ ᤛᤡᤰᤛᤠᤶᤒᤠ ᤐᤥ᤺ᤱᤔᤠ ᤁᤧᤒᤥ᤺ᤱᤒᤠ ᤘᤕᤧ. ᤁᤖ ᤂᤡᤏᤡ᤹ᤏᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤸᤗᤧ ᤁᤢᤜᤣ᤺ᤰᤛᤡᤱᤔᤠ ᤏᤡᤛᤠᤶᤔᤡᤴ ᤕᤠᤶᤔᤥ ᤜᤢ᤹ᤔᤠ ᤁᤧᤒᤥ᤺ᤱᤒᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ ᤂᤡᤏᤡ᤹ᤃ ᤁᤢᤈᤠ ᤆᤠᤔᤠ ᤔᤧᤴᤇᤢᤰᤔᤏᤠ ᤏᤢᤖᤰ ᤁᤧᤎᤢᤱᤒᤠ ᤀᤅᤧ᤺ᤰᤘᤠ ᤁᤢᤀᤡᤛᤡ᤺ᤰ ᤁᤧᤘᤕᤡ᤹ᤖᤥ॥  
\v 13 ᤏᤢᤖᤰ ᤁᤧᤎᤢᤱᤒᤠᤴ ᤀᤅᤧ᤺ᤰᤘᤠ ᤆᤥ᤺ᤰᤁᤠᤱ ᤂᤧᤸᤗᤧ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤌᤣᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤴᤗᤥ॥  
\v 14 ᤁᤖ ᤁᤢᤈᤠ᤺ᤱᤃ ᤋᤢᤶᤛᤩᤠᤰ ᤁᤧᤒᤥ᤺ᤱᤒᤠᤸᤗᤧ ᤗᤠᤃᤡᤏᤧᤖᤥ॥ ᤂᤧᤱᤃ ᤆᤰᤔᤧᤸᤗ᤹ᤀᤣ ᤛᤎᤠᤛᤡᤱᤒᤠᤸᤗᤧ ᤆᤥᤃᤢᤸᤗᤧ ᤂᤧᤸᤗᤧ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤡᤴ ᤛᤧᤶᤔᤠ ᤛᤢᤰᤋᤢ᤹ᤖᤥ॥ 
\c 6  
\s1 ᤁᤢᤛᤠᤱ ᤗ᤺ᤔᤠ ᤗᤧᤵᤔᤠᤱ ᤐᤥ᤺ᤔᤠ 
\p  
\v 1-2 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ᤃ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤁᤢᤜᤣ᤺ᤰᤛᤡᤱᤔᤠ ᤏᤡᤛᤠᤶᤜᤠ᤹ ᤗᤧᤖᤢᤶᤔᤠᤱ ᤁᤢᤛᤠᤱ ᤗ᤺ᤔᤠ ᤗᤧᤵᤔᤠᤱ ᤋᤃᤡ ᤐᤥ᤺ᤖᤡᤖᤥ॥ ᤀᤠᤏᤡ᤹ᤃ ᤛᤡ᤺ᤔᤧᤴᤏᤥ ᤁᤧᤍᤣ᤹ᤒᤠ ᤗᤠᤕᤥᤒᤠ ᤐᤠ᤺ᤴᤜᤠ᤹ᤗᤠᤶ ᤜᤡᤶᤔᤠ ᤐᤠ᤺ᤴᤜᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥ᤺ᤰᤔᤠ ᤐᤥ᤺ᤱ ᤁᤧᤗ᤹ᤒᤠ ᤐᤠ᤺ᤴᤜᤠ᤹. ᤜᤧᤰᤁᤩᤠᤱ ᤒᤵᤋᤡᤛ᤻ᤔᤠᤜᤠ᤹ᤖᤧ ᤁᤢᤕᤠ᤺ᤶᤒᤣᤒᤠ ᤏᤡᤛᤠᤶᤜᤠ᤹. ᤜᤢᤰ ᤏᤧᤔᤠ ᤐᤠ᤺ᤴᤜᤠ᤹. ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠ ᤐᤠ᤺ᤴᤜᤠ᤹ ᤜᤧᤰᤁᤩᤠᤱ ᤔᤧᤴᤏᤢᤵᤔᤏᤠᤒᤠ ᤂᤢᤶᤍᤡᤱ ᤜᤧᤰᤋᤱᤒᤠ ᤁᤢᤜᤣ᤺ᤰᤛᤡᤱᤔᤠ ᤏᤡᤛᤠᤶᤜᤠ᤹ ᤕᤠᤶᤔᤥ ᤐᤠ᤺ᤳᤋᤢᤶ ᤔᤧ᤺ᤴᤗᤥ॥  
\v 3 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤆᤥᤃᤢᤏᤧ ᤑᤠ᤹ᤃᤪ ᤜᤧᤰᤁᤣᤗ᤹ᤖᤡᤰᤁᤣ ᤁᤢᤛᤠᤱ ᤗ᤺ᤔᤠ ᤗᤧᤵᤔᤠᤱ ᤋᤃᤡ ᤀᤠᤒᤥ᤺ᤖᤥ॥ 
\p  
\v 4-6 ᤁᤖ ᤋᤃᤡᤛᤠ ᤛᤧᤰᤂᤠᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ ᤁᤧᤏᤡ᤺ᤒᤠᤜᤠ᤹. ᤛᤠᤱᤃᤪᤠᤶᤐᤣᤍᤠᤱᤅᤡᤸᤗᤧᤴ ᤐᤷᤎᤠ᤺ᤶ ᤁᤧᤛᤠ᤹ᤒᤠᤜᤠ᤹. ᤛᤣᤛᤣᤔᤠᤱ ᤗᤰ ᤁᤧᤄᤥ᤺ᤒᤠ ᤔᤏᤠᤜᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤸᤗᤧ ᤁᤢᤏᤥ-ᤁᤢᤍᤠ᤺ᤴ ᤏᤢ ᤋᤠ᤺ᤕᤧᤶᤗᤧᤴ ᤔᤢᤰᤛᤠᤶ ᤁᤧᤛᤠ᤹ᤒᤠᤜᤠ᤹ᤖᤧ ᤏᤛᤠ᤺ᤴᤏᤡᤴ ᤔᤧᤗᤧᤖᤢ ᤔᤧᤍᤣ᤺ᤛᤢ᤹ᤏᤧ ᤑᤠ᤹ᤃᤪ ᤂᤧᤱᤜᤠ᤹ ᤏᤢ᤺ᤰᤔᤠ ᤋᤠ᤺ᤵᤔᤠᤛᤡ ᤛᤢᤰᤔᤧᤴᤍᤧᤳᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤗᤠᤶᤒᤠ ᤏᤡᤱᤘᤠ᤹ᤑᤢᤛᤠ᤺ᤴ ᤕᤠᤶᤔᤥ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢᤀᤠᤱ ᤔᤏᤠᤗᤢᤶᤔᤥ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢᤒᤠ ᤜᤧᤰᤁᤣ ᤐᤥ᤺ᤱᤗᤥ॥ 
\p  
\v 7 ᤐᤠᤱᤃᤧᤴᤍᤡᤱ ᤘᤠᤜᤡᤳᤋᤡᤸᤗᤧ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤡᤴ ᤘᤠᤖᤰᤂᤢ᤹. ᤜᤧᤰᤁᤩᤠᤱ ᤀᤡᤰ ᤁᤧᤔ᤺ᤒᤠᤴ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤁᤧᤎᤥ᤺ᤰᤐᤠ ᤂᤧᤴ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤢ᤹ᤀᤡᤛᤠᤶ ᤌᤠ᤺ᤛᤢᤀᤠᤱ ᤕᤖᤡᤰ ᤁᤢᤈᤠ ᤌᤥ᤺ᤰᤗ ᤆᤥᤃᤢ᤹ᤖᤥ॥  
\v 8 ᤁᤖ ᤂᤧᤵᤔᤥ ᤋᤡᤱ ᤏᤢ ᤛᤡᤎᤪᤠ᤺ᤰᤐᤠᤖᤰ ᤗᤡᤱᤏᤧ ᤑᤠ᤹ᤃᤪ ᤂᤧᤴ ᤀᤡᤰᤋᤠᤵᤐᤡᤴ ᤀᤡᤏᤠ᤺ᤶ ᤐᤥ᤺ᤱᤅᤠᤱ ᤀᤡᤰ ᤁᤧᤔ᤺ᤒᤠᤸᤗᤧ ᤛᤠᤱᤃᤪᤠ ᤔᤧᤳᤋᤢᤀᤠᤱ ᤑᤠ᤺ᤳᤋᤪᤠ ᤁᤣ᤺ᤳᤋᤢ᤹ᤖᤥ॥ 
\p  
\v 9 ᤀᤠᤔᤡ᤺ᤶ ᤋᤣ᤺ᤱᤈᤢᤶᤛᤣ. ᤀᤠᤏᤡᤃᤧ ᤀᤰᤂᤣᤗ᤹ᤖᤡᤰ ᤐᤠᤖᤡᤃᤧᤛᤠᤱ ᤂᤡᤏᤡ᤹ ᤕᤠ᤺ᤶᤒᤣᤀᤥᤃ ᤛᤧᤴᤗᤵᤐᤡᤴ ᤁᤧᤃᤠᤵᤐᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤁᤧᤈᤥᤃᤢᤶ ᤁᤧᤗ᤹ᤒᤠ ᤛᤧᤰᤂᤠᤀᤣ ᤏᤡ᤺ᤛᤢᤶᤒᤧᤖᤥ॥  
\v 10 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤏᤢ᤺ᤖᤡᤰᤁᤠᤱ ᤂᤠᤛᤧᤴ ᤆᤥᤃᤢ᤹ᤖᤥ–ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤏᤠᤜᤠ᤹ ᤋᤃᤡ ᤁᤢᤓᤠ᤹ ᤁᤧᤒᤡᤖᤢᤶᤛᤡᤶᤔᤡᤸᤗᤧ ᤂᤢᤏᤧ᤹ ᤀᤥᤛᤣ᤺ᤴᤍᤠᤱ ᤁᤧᤈᤥᤃᤢᤶᤒᤠ ᤔᤡ᤺ᤶᤈᤡᤴ ᤂᤢᤏᤧ᤹ ᤏᤡᤱᤘᤠ᤹ ᤔᤧᤓᤢ᤺ᤳᤇᤢᤴᤗᤥ॥ ᤂᤧᤱᤃ ᤀᤠᤸᤗᤥ ᤌᤠᤖᤡᤰᤁᤠᤱ ᤁᤧᤈᤥᤃᤢᤶᤗ ᤁᤧᤘᤕᤡ᤹ᤖᤥ॥  
\v 11 ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤖᤧᤰᤗᤧ ᤏᤡᤱᤛᤠᤱ ᤁᤧᤈᤥᤃᤢᤶᤒᤠ ᤐᤠ᤺ᤴᤜᤠ᤹ ᤛᤧᤰᤂᤠᤀᤣ ᤁᤧᤄᤥ᤺ᤛᤢᤶᤗ ᤑᤠ᤹ᤀᤠᤱ ᤒᤠ ᤂᤧᤴ ᤕᤠᤶᤈᤠᤱᤘᤠ᤺ᤴ ᤂᤡᤏᤡ᤹ ᤜᤡᤱᤜᤡᤱ ᤌᤠᤖᤡᤰ ᤁᤳᤋᤧᤶᤔᤧ᤹ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ ᤆᤥᤃᤢᤶᤒᤧ᤹ᤖᤥ॥  
\v 12 ᤜᤧᤰᤁᤩᤠᤱ ᤂᤡᤏᤡ᤹ ᤗᤧᤶᤛᤫᤠᤒᤠ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤔᤧ᤺ᤴ. ᤁᤖ ᤏᤛᤠ᤺ᤴ ᤏᤢ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤠᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠᤴ ᤗᤰ ᤁᤧᤄᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤆᤥ᤺ᤱ ᤀᤡ᤺ᤳᤋᤧᤶᤔᤧ᤹ᤀᤥ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ ᤘᤠ᤹ᤖᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤜᤠ᤹ ᤏᤡ᤺ᤴᤎᤥ ᤘᤠ᤹ 
\p  
\v 13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴᤏᤢ ᤔᤠᤱᤜᤧᤰ ᤆᤥᤃᤢᤸᤗᤧ ᤂᤢᤏᤧ᤹ ᤀᤠᤒᤠᤅᤣ ᤁᤢᤔᤡᤱᤅᤡᤴᤏᤢ᤺ᤸᤗᤧ ᤘᤣ᤹ ᤕᤶᤒᤠ ᤔᤡᤱ ᤜᤥ᤺ᤵᤋᤧᤒᤠᤸᤗᤧ ᤀᤠᤒᤠᤅᤣ ᤁᤢᤔᤡᤱᤅᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤧᤰᤛᤡᤱᤗᤥ. 
\q1  
\v 14 “ᤛᤧᤰᤂᤠᤀᤣ ᤀᤡᤱᤃᤠ᤹ ᤕᤖᤡᤰ ᤔᤢ᤹ᤀᤡᤛᤠᤶ ᤐᤡᤏᤧᤖᤥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤕᤖᤡᤰ ᤑᤥ᤺ᤛᤢᤱᤛᤡᤱᤗᤥ॥”\f * \fr 6:14 \ft ᤋᤥᤗᤡᤱᤛᤥᤔᤢ ᥈᥈.᥇᥍\f* 
\m  
\v 15 ᤜᤧᤰᤁᤣᤗ᤹ᤖᤡᤰ ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤗ ᤜᤠᤱᤄᤢᤀᤠᤱ ᤔᤠᤱᤜᤧᤰᤁᤥ ᤁᤧᤘᤠ᤹ᤒᤠ ᤐᤠ᤺ᤴᤜᤠ᤹ ᤂᤥ᤺ᤛᤢᤖᤥ॥ 
\p  
\v 16 ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧᤃ ᤀᤠᤒᤠᤅᤣᤏᤢ᤺ᤸᤗᤧ ᤕᤶᤒᤠ ᤔᤡᤱᤅᤥ ᤔᤠᤱᤔᤧᤜᤧᤰᤛᤡᤱ ᤜᤧᤰᤁᤩᤠᤱ ᤂᤧᤴ ᤔᤠᤱᤜᤧᤰᤁᤡᤸᤗᤧ ᤁᤠᤰ ᤐᤠ᤺ᤴᤎᤱ ᤔᤧᤏᤢᤵᤛᤢ᤹ᤖᤥ॥  
\v 17 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤁᤡᤴ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤰᤂᤢᤴ ᤁᤧᤗ᤹ᤒᤠᤴ ᤁᤢᤔᤠᤱᤜᤧᤰ ᤁᤧᤄᤥ᤺ᤒᤠᤜᤠ᤹ ᤀᤥᤛᤣ᤺ᤴᤎᤠᤰᤔᤠᤛᤡ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤒᤠᤸᤗᤧ ᤂᤢᤏᤧ᤹ ᤔᤠᤱᤜᤧᤰᤛᤡᤱᤗᤥ॥  
\v 18 ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤀᤠᤱ ᤔᤠᤱᤜᤧᤰᤛᤡᤱᤗᤥ॥ ᤁᤴ ᤏᤧᤳᤇᤡ ᤐᤠ᤺ᤴᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤱᤏᤧᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤗᤧᤰ ᤐᤠ᤺ᤵᤔᤠᤀᤣ ᤔᤧᤛᤢᤰᤋᤢᤴ॥ ᤀᤠᤏᤡ᤹ ᤂᤢᤏᤧ᤹ ᤁᤢᤃᤶᤒᤪᤠᤱᤅᤥ ᤋᤠᤱᤛᤧ᤺ᤵᤛᤡᤱᤛᤧ ᤁᤧᤒᤣ᤺ᤰᤐᤠᤜᤠ᤹ᤖᤧ ᤀᤠᤄᤥ᤺ᤛᤢᤶ ᤁᤧᤗ᤹ᤒᤠ ᤏᤡᤱᤛᤠᤱᤅᤡᤴ ᤀᤠᤸᤗᤧᤖᤢᤶᤔᤡᤴᤏᤡᤸᤗᤧ ᤜᤠᤱᤜᤠᤱ ᤀᤠᤗ᤹ᤖᤥ॥  
\v 19 ᤁᤴ ᤏᤡᤱᤛᤠᤱᤅᤡᤸᤗᤧ ᤀᤠᤏᤡ᤹ ᤜᤡᤱᤔᤴᤏᤡᤴ ᤌᤎᤵ ᤔᤧᤸᤗ᤹ᤔᤏᤠᤒᤠ ᤆᤥᤃᤢ᤹ᤖᤥ॥ ᤁᤴ ᤏᤡᤱᤛᤠᤱ ᤀᤠᤈᤥᤃᤢᤶᤒᤠ ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤑᤥ᤺ᤴᤍᤠ ᤛᤡᤃᤠᤱᤒᤠ ᤛᤣᤛᤣᤒᤠᤍᤧᤴᤏᤥ ᤗᤠ᤺ᤳᤗᤥ॥  
\v 20 ᤂᤧᤵᤔᤥᤃ ᤕᤧᤛᤢ᤺ᤴ ᤀᤠᤏᤡ᤹ ᤗᤠᤃᤡ ᤋᤃᤡᤛᤠ ᤐᤣᤀᤠᤱ ᤘᤠ᤹ᤖᤥ॥ ᤂᤢᤏᤧ᤹ᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤛᤍᤠᤍᤡᤱ ᤁᤧᤘᤠ᤹ᤒᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 
\c 7  
\s1 ᤏᤡᤱᤘᤠ᤹ᤑᤢᤛᤠᤶᤒᤠ ᤔᤸᤁᤡᤛᤧᤍᤧᤁ 
\p  
\v 1 ᤁᤴ ᤔᤸᤁᤡᤛᤧᤍᤧᤰᤁᤡᤱᤃ ᤛᤠᤗᤧᤶ ᤕᤧᤰᤕᤰᤐᤠ ᤜᤠᤱ ᤏᤢ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤏᤡᤱᤘᤠ᤹ᤑᤢᤛᤠᤶᤒᤠ ᤘᤕᤧᤖᤥ॥ ᤀᤒᤪᤠᤜᤠᤶᤔᤡᤸᤗᤧ ᤜᤠᤱᤜᤠ᤹ ᤌᤱ ᤌᤰᤔᤠ ᤏᤠ᤺ᤴᤍᤢᤛᤡᤀᤠᤱ ᤏᤢ᤺ᤰᤂᤧᤖ ᤐᤳᤇᤧᤸᤗᤧ ᤔᤸᤁᤡᤛᤧᤍᤧᤰᤁᤡᤸᤗᤧ ᤂᤢᤏᤧ᤹ ᤋᤢᤔᤢᤀᤠᤱ ᤔᤢ᤹ᤀᤡᤛᤠᤶ ᤐᤡᤖᤢ॥  
\v 2 ᤜᤧᤰᤁᤩᤠᤱ ᤀᤒᤪᤠᤜᤠᤔᤖᤧᤀᤠᤱ ᤜᤠᤱᤜᤠ᤹ ᤏᤠᤵᤋᤢᤛᤡᤒᤠ ᤁᤠᤰ ᤆᤡᤃ᤺ᤰᤘᤠᤜᤠ᤹ᤖᤧᤴ ᤌᤡᤒᤥ᤺ᤱᤗᤰ ᤂᤢᤏᤧ᤹ ᤐᤡᤖᤢᤖᤥ॥ ᤔᤸᤁᤡᤛᤧᤍᤧᤁᤖᤧ ᤁᤢᤔᤡᤱᤅᤡᤸᤗᤧ ᤁᤢᤒᤣ᤺ᤱᤃ “ᤛᤠᤶᤕᤥᤏᤡᤒᤠ ᤜᤠᤱ” ᤐᤥ᤺ᤱ. ᤜᤧᤰᤁᤩᤠᤱ ᤛᤠᤗᤣᤶᤔᤥᤒᤠ ᤜᤠᤱᤖᤧ ᤁᤢᤒᤣ᤺ᤱᤃ “ᤛᤏᤠᤖᤢᤱ ᤜᤠᤱ” ᤐᤥ᤺ᤱᤗᤥ॥  
\v 3 ᤂᤢᤏᤧ᤹ ᤁᤢᤶᤒᤠ. ᤁᤢᤶᤔᤠ. ᤁᤢᤛᤢᤎᤧᤒᤠ ᤁᤢᤎᤠ᤺ᤰᤌᤧᤒᤠᤜᤠ᤹ ᤜᤧᤰᤁᤩᤠᤱ ᤁᤢᤛᤠᤘᤠ᤺ᤴᤇᤡᤱᤔᤠᤴ ᤏᤢ ᤁᤢᤛᤡ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤣᤀᤠᤱ ᤛᤠᤵᤋᤧᤒᤠ ᤜᤥ᤺ᤵᤗᤥ॥ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤛᤠ᤺ ᤁᤢᤀᤡᤛᤡ᤺ᤰ ᤛᤍᤠᤍᤡᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤖᤥ॥ 
\p  
\v 4 ᤀᤠᤸᤗ ᤔᤸᤁᤡᤛᤧᤍᤧᤰᤁᤡᤴ ᤀᤠᤏᤡ᤹ ᤋᤠᤰᤌᤧᤒᤠ ᤀᤒᤪᤠᤜᤠᤔᤖᤧᤀᤣ ᤜᤠᤱᤜᤠ᤹ ᤏᤠᤵᤋᤢᤛᤡᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤌᤡᤒᤥ᤺ᤱᤗᤰ ᤐᤡᤖᤢᤒᤠᤸᤗᤧ ᤂᤢᤏᤧ᤹ ᤀᤠᤰᤂᤧᤴ ᤕᤶᤒᤠ ᤆᤥᤃᤧ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ॥  
\v 5 ᤀᤠᤸᤗ ᤏᤡᤱᤘᤠ᤹ᤑᤢᤛᤠᤶᤒᤠ ᤗ᤹ᤖᤡᤰ ᤛᤣ᤺ᤰᤕᤢᤰ ᤁᤧᤒᤥ᤺ᤱᤒᤠ ᤗᤧᤒᤡᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤑᤢ᤹ᤏᤢᤛᤠ᤹ ᤀᤒᤪᤠᤜᤠᤔᤖᤧ ᤁᤢᤔᤢᤀᤡᤍᤠᤱᤛᤠᤜᤠ᤹ᤗᤠᤶᤒᤠᤀᤣ ᤌᤡᤒᤥ᤺ᤱᤗᤰ ᤋᤠ᤺ᤰᤔᤠ ᤛᤠᤶᤕᤥᤌᤡᤶᤔᤡᤸᤗᤧ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥  
\v 6 ᤁᤖ ᤁᤴ ᤔᤸᤁᤡᤛᤧᤍᤧᤰᤁᤡᤱᤃ ᤗᤧᤒᤡᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤜᤥ᤺ᤵᤋᤧᤛᤠᤱ ᤂᤧᤸᤗᤧ ᤀᤒᤪᤠᤜᤠᤔᤗᤠᤶ ᤌᤡᤒᤥ᤺ᤱᤗᤰ ᤋᤠ᤺ᤰᤋᤢᤀᤠᤱ ᤔᤠᤱᤜᤧᤰ ᤁᤧᤄᤥ᤺ᤒᤠ ᤀᤒᤪᤠᤜᤠᤶᤔᤡᤴ ᤔᤢ᤹ᤀᤡᤛᤠᤶ ᤌᤠ᤺ᤛᤢ ᤐᤡᤖᤢᤖᤥ॥  
\v 7 ᤀᤠᤸᤗ ᤆᤢᤰᤐᤠ ᤔᤏᤠ᤺ᤸᤗᤧ ᤕᤶᤒᤠᤗᤠᤶ ᤔᤢ᤹ᤀᤡᤛᤠᤶ ᤂᤥ᤺ᤛᤢ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤳᤋᤡᤸᤗᤧᤀᤠᤱ ᤔᤧᤀᤳᤋᤢᤴᤗᤥ॥  
\v 8 ᤁᤧᤛᤡ᤺ᤒᤠ ᤁᤧᤒᤣ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤌᤡᤒᤥ᤺ᤱᤗᤰ ᤔᤧᤍᤠ᤺ᤰᤋᤢ. ᤁᤖ ᤔᤸᤁᤡᤛᤧᤍᤧᤰᤁᤡᤱᤃ ᤂᤧᤱᤜᤠ᤹ᤏᤢ᤺ᤸᤗᤧᤀᤠᤱ ᤕᤶᤒᤠ ᤆᤥ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤛᤍᤠᤍᤡᤱ ᤁᤢᤜᤡᤱᤘᤧᤳ ᤁᤧᤘᤠ᤹ᤒᤠ ᤗ᤹ᤖᤡᤰ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤠᤔᤧᤳᤗᤥ॥  
\v 9 ᤜᤧᤰᤁᤩᤠᤱ ᤌᤡᤒᤥ᤺ᤱᤗᤰ ᤁᤧᤍᤠ᤺ᤰᤐᤠ ᤗᤧᤒᤡ᤺ᤸᤗᤧ ᤀᤒᤪᤠᤜᤠᤶᤗᤠᤶᤒᤠ ᤌᤡᤒᤥ᤺ᤱᤗᤰ ᤔᤸᤁᤡᤛᤧᤍᤧᤰᤁᤡᤴ ᤜᤢᤅᤢᤖᤥ ᤐᤠ᤺ᤵᤔᤠᤀᤠᤱ ᤀᤠᤛᤢᤰᤋᤢᤶᤗᤥ.  
\v 10 ᤌᤣᤀᤠᤱᤓᤧᤸᤗᤧ ᤔᤸᤁᤡᤛᤧᤍᤧᤁᤖᤧ ᤀᤒᤪᤠᤜᤠᤶᤔᤡᤴ ᤋᤢᤔᤢᤸᤗᤧ ᤗᤧᤒᤡ᤺ᤱᤃ ᤛᤠᤔᤧᤴᤘᤠ᤺ᤴᤇᤡᤱᤅᤣ ᤘᤕᤧ ᤁᤖ ᤋᤠ᤺ᤴᤍᤡ ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤐᤥ᤺ᤱᤗᤥ॥ 
\p  
\v 11 ᤜᤠᤖᤢᤏᤖᤧ ᤁᤢᤎᤠ᤺ᤰ ᤗᤧᤒᤡᤜᤠ᤹ᤖᤧ ᤏᤡᤱᤘᤠ᤹ᤑᤢᤛᤠᤶᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤕᤢᤰ ᤔᤧᤄᤥ᤺ᤛᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶ ᤔᤏᤠᤜᤠ᤹ᤖᤧ ᤛᤠᤶᤕᤥᤌᤡᤶ ᤔᤧᤄᤥ᤺ᤛᤢᤀᤠᤱ ᤔᤧᤘᤕᤧ॥ ᤀᤠᤸᤗ ᤜᤠᤖᤢᤏᤖᤧ ᤁᤢᤎᤠ᤺ᤰᤗᤠᤶᤒᤠᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤡᤸᤗᤧ ᤔᤏᤠᤜᤠ᤹ ᤁᤢᤗᤡᤱᤎᤥ ᤁᤧᤵᤔᤠ ᤛᤢᤰᤋᤢᤛᤡᤀᤠᤱ ᤘᤕᤧᤸᤗᤧᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤘᤣ᤹ᤛ᤻ᤔᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤆᤠᤜᤠᤒᤠ ᤔᤧᤈᤥᤃᤧᤶᤒᤠᤔᤧᤴᤗᤥ॥  
\v 12 ᤜᤧᤰᤁᤩᤠᤱ ᤘᤣ᤹ ᤐᤖᤡᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠᤴ ᤋᤠ᤺ᤸᤗᤧ ᤛᤠᤶᤕᤥᤌᤡᤶᤔᤡᤴᤏᤠᤱ ᤗᤧᤰᤔᤠᤀᤣ ᤐᤥ᤺ᤱᤗᤥ॥  
\v 13 ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤴ ᤘᤣ᤹ᤛ᤻ᤔᤠ ᤌᤠ᤺ᤰᤗᤠᤶᤒᤠᤒᤠᤖᤥ. ᤁᤖ ᤂᤧᤴ ᤌᤠ᤺ᤰᤁᤥᤗᤠᤶ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤔᤧᤘᤠ᤹ᤖᤥ॥  
\v 14 ᤀᤠᤏᤡ᤹ ᤍᤠᤱᤒᤠᤱᤃ ᤕᤜᤢᤍᤠ᤺ᤸᤗᤧ ᤁᤢᤎᤠ᤺ᤰᤗᤠᤶᤒᤠ ᤛᤠᤘᤠ᤺ᤴᤇᤡᤱᤅᤧᤒᤠ ᤑᤠ᤹ᤀᤠᤱ ᤁᤧᤖᤧᤰᤗᤧ ᤔᤧᤏᤡ᤺ᤛᤢᤀᤣᤖᤥ ᤁᤖ ᤕᤜᤢᤍᤠ᤺ᤸᤗᤧ ᤁᤢᤎᤠ᤺ᤰᤗᤠᤶᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤛᤣ᤺ᤰᤔᤏᤠᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤥᤛᤠᤖᤧ ᤌᤣᤀᤠᤱ ᤔᤧᤒᤠ᤺ᤳᤋᤢᤴᤗᤥ॥ 
\s1 ᤂᤪᤡᤛ᤻ᤋᤧᤴ ᤔᤸᤁᤡᤛᤧᤍᤧᤰ ᤁᤢᤀᤡᤛᤡ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ 
\p  
\v 15 ᤀᤠᤸᤗ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤘᤣ᤹ᤛ᤻ᤔᤠ ᤏᤡᤱᤘᤠ᤹ᤑᤢᤛᤠᤶᤒᤠᤴ ᤋᤠ᤺ᤸᤗᤧ ᤁᤴ ᤛᤠᤶᤕᤥᤌᤡᤶ ᤗᤧᤰᤋᤧᤒᤠ ᤐᤠ᤺ᤴᤏᤡᤴ ᤀᤠᤸᤗᤛᤠᤱ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤵᤔᤠ ᤛᤢᤰᤋᤧᤳᤗᤥ॥  
\v 16 ᤂᤢᤏᤧ᤹ᤃ ᤔᤧᤴᤇᤠᤶ ᤌᤠ᤺ᤰᤐᤠ ᤛᤠᤰᤌᤡᤶ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤰᤂᤧᤒᤠ ᤔᤧ᤺ᤴ. ᤁᤖ ᤔᤧᤶᤔᤧᤰᤔᤏᤠᤒᤠ ᤜᤡᤱᤔᤴᤗᤧᤴ ᤔᤢᤰᤛᤠᤶᤗᤠᤶᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤰᤂᤧᤒᤠᤖᤥ॥  
\v 17 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. 
\q1 “ᤂᤧᤏᤧ᤹ᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤛᤍᤠᤍᤡᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤏᤧᤖᤥ॥”\f * \fr 7:17 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥆.᥊\f* 
\m  
\v 18 ᤀᤰᤂᤣᤗ᤹ᤖᤡᤰ ᤋᤃᤡᤛ᤻ᤔᤠ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤂᤠᤖᤥ᤺ᤳᤋᤡ ᤐᤥ᤺ᤰᤂᤧᤀᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤂᤧᤴ ᤌᤣᤀᤠᤱ ᤆᤥ᤺ᤰᤔᤠ ᤔᤧᤴᤇᤢᤰᤔᤏᤠ ᤏᤢ ᤕᤖᤡᤰ ᤁᤢᤛᤢᤶᤔᤧᤴᤍᤶᤔᤏᤠᤒᤠ ᤆᤥᤃᤧᤖᤥ॥  
\v 19 ᤛᤠᤶᤕᤥᤌᤡᤶᤔᤡᤸᤗᤧ ᤌᤣᤀᤠᤱ ᤁᤢᤗᤡᤱᤎᤥ ᤁᤧᤵᤔᤠ ᤔᤧᤛᤢᤰᤋᤢᤴ. ᤁᤖ ᤏᤡᤱᤛᤠᤱ ᤀᤠᤈᤥᤃᤢᤶᤒᤠ ᤐᤠ᤺ᤴᤏᤡᤴ ᤂᤧᤴᤏᤢ᤺ᤸᤗᤧᤀᤠᤱ ᤏᤢ᤺ᤒᤠ ᤆᤥ᤺ᤰ. ᤜᤧᤰᤁᤩᤠᤱ ᤂᤧᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤣᤛᤠᤱ ᤀᤠᤍᤣ᤹ᤖᤥ॥ 
\p  
\v 20-21 ᤂᤪᤡᤛ᤻ᤋᤧᤴ ᤛᤍᤠᤍᤡᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤱᤗᤥ ᤗ᤹ᤖᤡᤰ ᤔᤠᤱᤜᤧᤰᤛᤡᤱᤗᤥ. ᤁᤖ ᤘᤣ᤹ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤗᤠᤃᤡ ᤀᤠᤵᤑᤠᤸᤗᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤣᤗ᤹ᤖᤡᤰ ᤔᤠᤱᤔᤧᤜᤧᤰᤛᤡᤱᤅᤡᤴᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥᤖᤰ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹ᤖᤥ. 
\q1 “‘ᤂᤧᤏᤧ᤹ᤃ ᤛᤍᤠᤍᤡᤱ ᤏᤡᤱᤘᤠ᤹ᤑᤢᤛᤠᤶᤒᤠᤏᤧᤖᤥ’ ᤜᤧᤰᤁᤩᤠᤱ ᤀᤠᤵᤑᤠᤸᤗᤧᤀᤠᤱ ᤀᤠᤏᤡᤱᤘᤠ᤹ ᤔᤧᤗᤧᤱᤅᤠᤴᤗᤥ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤴ ᤔᤠᤱᤜᤧᤰᤛᤡᤱᤅᤠᤱ ᤘᤠ᤹ᤖᤥ॥” 
\m  
\v 22 ᤒᤠ ᤁᤴ ᤔᤠᤱᤜᤧᤰᤁᤡᤸᤗᤧ ᤆᤥᤃᤢᤸᤗᤧ ᤋᤃᤡᤒᤠ ᤔᤠᤱᤜᤢᤵᤐᤡᤴᤏᤢ᤺ᤸᤗᤧᤀᤠᤱ ᤐᤏᤢᤏᤢ᤺ᤒᤠ ᤔᤠᤱᤜᤢᤵᤐᤡᤴ ᤕᤧᤛᤢᤖᤧᤀᤣ ᤏᤡ᤺ᤴᤎᤥ ᤆᤥᤃᤢᤀᤠᤱ ᤘᤠ᤹ᤖᤥ॥ 
\p  
\v 23 ᤋᤃᤡᤛ᤻ᤔᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤕᤖᤡᤰ ᤔᤧᤘᤕᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤔᤧᤛᤩᤧᤀᤠᤱ ᤛᤍᤠᤍᤡᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤴᤇᤢᤰᤋᤢᤴᤗᤥ॥  
\v 24 ᤁᤖ ᤕᤧᤛᤢ᤺ᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤒᤠᤸᤗᤧ ᤆᤥᤃᤢᤸᤗᤧ ᤛᤍᤠᤍᤡᤱᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤱᤗᤥ॥  
\v 25 ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤁᤧᤍᤠ᤺ᤒᤠᤜᤠ᤹ ᤂᤢᤏᤧ᤹ ᤛᤍᤠᤍᤡᤱ ᤋᤠᤱᤛᤧ᤺ᤵᤔᤠ ᤛᤢᤰᤋᤢᤛᤡ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤧᤱᤜᤠ᤹ᤖᤧ ᤗᤠᤃᤡ ᤐᤣᤗᤡᤃᤧᤴ ᤋᤢᤘᤠ ᤆᤥ᤺ᤰᤛᤧ ᤛᤍᤠᤍᤡᤱ ᤜᤡᤱᤗᤥ॥ 
\p  
\v 26 ᤂᤢᤏᤧ᤹ᤃ ᤀᤠᤏᤡ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤛᤣᤛᤣ ᤏᤢ ᤑᤥᤋᤩᤠ ᤔᤧ᤺ᤴᤏᤣ. ᤗᤠᤕᤥ᤺ᤸᤗᤧ ᤔᤧᤍᤧᤳᤋᤢᤶᤒᤠ ᤆᤥ᤺ᤰᤗᤥ॥ ᤂᤢᤏᤧ᤹ᤃ ᤗᤠᤕᤥᤒᤠᤜᤠ᤹ᤗᤠᤶ ᤛᤧᤴᤍᤧᤀᤠᤱ ᤘᤠ᤹ ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤠᤰᤏᤢ᤺ᤸᤗᤧ ᤕᤶᤒᤠ ᤔᤡᤱᤛᤥ ᤀᤡᤱᤎᤠ᤺ᤱᤗᤧ ᤕᤢᤰᤏᤠ᤺ᤴ ᤂᤥ᤺ᤛᤢᤀᤠᤱ ᤘᤠ᤹ᤖᤥ॥  
\v 27 ᤂᤢᤏᤧ᤹ᤃ ᤘᤣ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤁᤢᤀᤡᤛᤡ᤺ᤰ ᤌᤡᤰᤕᤠ᤺ᤴᤎᤰ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤔᤧᤒᤥ᤺ᤱᤏᤧᤸᤗᤥ॥ ᤂᤧᤱᤜᤠ᤹ᤖᤧᤃ ᤁᤠᤰᤏᤢ᤺ᤸᤗᤧ ᤋᤃᤡ ᤀᤠᤒᤠᤅᤣ ᤗᤠᤕᤥᤜᤠ᤹ᤖᤧ ᤗᤠᤃᤡ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤜᤠ᤹ᤖᤧ ᤗᤠᤃᤡ ᤛᤡᤍᤢᤱᤈᤓᤠ ᤔᤧᤈᤥᤃᤢᤖᤥ॥ ᤁᤖ ᤕᤧᤛᤢᤖᤧᤃ ᤌᤡᤰᤗᤧᤱᤔᤠᤀᤥ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤐᤡᤛᤧ ᤀᤠᤒᤠᤅᤣ ᤋᤥ᤺ᤴᤇᤡᤱᤅᤠᤱ ᤛᤡᤍᤢᤱᤈᤓᤠ ᤐᤥ᤺ᤰᤂᤧᤖᤥ॥  
\v 28 ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤴ ᤑᤣ᤺ᤶᤔᤠ ᤁᤧᤛᤢᤰᤐᤠ ᤔᤧᤴᤇᤠᤶ ᤕᤠᤵᤔᤡ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤛᤣ᤺ᤰᤕᤢᤰ ᤆᤥᤃᤢᤛᤡ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤌᤡᤶ ᤐᤡᤖᤢᤛᤡᤀᤠᤱ ᤀᤣᤃᤠᤱ ᤔᤠᤱᤜᤧᤰᤛᤡᤱᤒᤠ ᤐᤠ᤺ᤴᤏᤡᤸᤗᤧ ᤀᤠᤒᤠᤅᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤛᤍᤠᤍᤡᤱᤗᤧ ᤗᤠᤃᤡ ᤁᤢᤗᤡᤱᤎᤥ ᤁᤧᤳᤋᤢᤀᤠᤱ ᤛᤣ᤺ᤰᤕᤢᤰ ᤆᤥᤃᤢᤖᤥ॥ 
\c 8  
\s1 ᤂᤪᤡᤛ᤻ᤋᤧᤴ ᤀᤠᤏᤡ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤖᤥ 
\p  
\v 1 ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤐᤠ᤺ᤴᤏᤡᤴ ᤒᤠ ᤁᤴᤗᤥ–ᤀᤠᤏᤡ᤹ᤏᤢ ᤀᤰᤋᤱᤒᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤴ ᤘᤠ᤹ ᤜᤧᤰᤁᤩᤠᤱ ᤂᤢᤏᤧ᤹ᤃ ᤛᤠᤱᤃᤪᤠᤶᤐᤣᤍᤠᤱᤅᤥ ᤔᤡᤔᤡᤍᤡᤱᤃᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤠᤱᤕᤢᤰᤏᤠ᤺ᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤱᤗᤥ॥  
\v 2 ᤂᤢᤏᤧ᤹ᤃ ᤛᤣᤛᤣᤍᤧᤴᤏᤥ ᤔᤠᤱᤛᤣᤘᤠ ᤆᤥᤃᤢ᤹ᤖᤥ. ᤂᤧᤴ ᤛᤣᤛᤣᤍᤧᤴᤏᤡᤱᤃ ᤔᤧᤴᤇᤠᤶ ᤕᤠᤵᤔᤡᤖᤧ ᤔᤧᤈᤥᤃᤢᤒᤠ ᤔᤧ᤺ᤴ. ᤁᤖ ᤕᤜᤘᤣ ᤍᤠᤱᤒᤠᤸᤗᤧ ᤀᤠᤒᤠᤅᤣ ᤆᤥᤃᤢᤒᤠ ᤛᤧᤰᤂᤠᤒᤠ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤗᤥ॥  
\v 3 ᤁᤧᤖᤧᤰ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤃ ᤆᤥᤓᤠ᤹ ᤏᤢ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤑᤠ᤹ᤀᤠᤱ ᤛᤣ᤺ᤰᤕᤢᤰ ᤔᤧᤒᤥ᤺ᤰᤂᤧᤒᤠᤖᤥ. ᤜᤧᤰᤁᤣ᤺ᤸᤗᤧ ᤁᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧᤀᤠᤱ ᤋᤥ᤺ᤶᤔᤠ ᤑᤠ᤹ᤀᤠᤱ ᤌᤣᤀᤡᤃ ᤁᤵᤔᤠᤀᤣ ᤐᤥ᤺ᤱᤗᤥ॥  
\v 4 ᤂᤢᤏᤧ᤹ ᤂᤠᤶᤒᤣ᤺ᤰᤔᤥᤀᤣ ᤘᤕᤧᤸᤗᤧᤃ ᤏᤡᤱᤘᤠ᤹ᤑᤢᤛᤠᤶᤒᤠ ᤔᤧᤒᤥ᤺ᤰᤂᤧᤴᤒᤠᤖᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤆᤥᤓᤠ᤹ ᤁᤧᤍᤥ᤺ᤶᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤃ ᤋᤃᤡᤏᤢᤛᤠ ᤔᤧᤘᤠ᤹ᤖᤥ॥  
\v 5 ᤂᤧᤱᤜᤠ᤹ᤖᤧ ᤔᤠᤱᤛᤣᤘᤠ ᤔᤧᤈᤥᤃᤢᤒᤠ ᤛᤣᤛᤣᤍᤧᤴᤏᤡᤱᤃ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤛᤧᤰᤂᤠᤛ᤻ᤔᤠ ᤛᤣᤛᤣᤍᤧᤴᤏᤡᤸᤗᤧ ᤁᤢᤒᤡᤀᤡᤳᤇᤠᤵᤗᤰᤗᤥ॥ ᤌᤣᤀᤠᤱᤓᤧᤸᤗᤧ ᤔᤥᤛᤠ᤺ᤸᤗᤧ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶ ᤆᤥ᤺ᤰᤔᤠ ᤀᤡ᤺ᤳᤋᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤶᤍᤡᤱ ᤐᤡᤖᤢ. “ᤂᤧᤏᤧ᤹ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤡᤴ ᤁᤧᤈᤥᤃᤢᤸᤗᤧ ᤁᤥ᤺ᤰᤔᤠ ᤛᤶᤍᤠᤱ ᤁᤧᤏᤡ᤺ᤛᤢᤒᤠ ᤜᤧᤰᤁᤣ ᤕᤥᤎᤥ ᤔᤧᤶᤒᤥ᤺ᤱᤅᤣ ᤆᤥᤃᤧ᤹ᤀᤥ॥”\f * \fr 8:5 \ft ᤗᤠᤶᤍᤡ᤺ᤰ ᥈᥋.᥊᥆. ᥈᥌.᥉᥆\f* 
\v 6 ᤁᤖ ᤕᤧᤛᤢᤖᤧ ᤂᤥ᤺ᤛᤢᤒᤠ ᤔᤠᤱᤛᤣᤘᤠ᤺ᤱᤃ ᤂᤧᤱᤜᤠ᤹ᤖᤧᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤆᤥ᤺ᤰᤗᤥ. ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱ ᤏᤢ ᤔᤧᤴᤇᤠᤶ ᤕᤠᤵᤔᤡᤗᤢᤶᤔᤥ ᤂᤢᤏᤧ᤹ ᤐᤠ᤺ᤴᤍᤱ ᤆᤥᤃᤢᤒᤠ ᤔᤠᤱᤜᤢᤵᤐᤡᤴ ᤋᤃᤡᤛ᤻ᤔᤠᤴᤏᤢ᤺ᤸᤗᤧᤀᤠᤱ ᤏᤢ᤺ᤒᤠ ᤆᤥ᤺ᤰ. ᤌᤣᤀᤠᤱᤓᤧᤸᤗᤧ ᤁᤴ ᤁᤢᤛᤱ ᤔᤠᤱᤜᤢᤵᤐᤡᤱᤃ ᤏᤢ᤺ᤒ᤻ ᤏᤢ᤺ᤒᤠ ᤔᤠᤱᤜᤧᤰᤜᤠ᤹ᤀᤥᤏᤧ ᤆᤥᤃᤧᤀᤠᤱ ᤘᤠ᤹ᤖᤥ॥  
\v 7 ᤌᤣᤀᤠᤱᤓᤧᤸᤗᤧ ᤋᤃᤡᤛ᤻ᤔᤠ ᤔᤠᤱᤜᤢᤵᤐᤡᤴ ᤑᤥᤋᤩᤠ ᤔᤧ᤺ᤴᤏᤣᤒᤠ ᤘᤕᤧᤸᤗᤧᤃ ᤘᤣ᤹ᤛ᤻ᤔᤠ ᤔᤠᤱᤜᤢᤵᤐᤡᤴ ᤆᤠᤜᤠᤒᤠ ᤔᤧᤈᤥᤃᤧᤴᤒᤠᤖᤥ॥  
\v 8 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ᤀᤥ ᤑᤥᤋᤩᤠ ᤂᤥ᤺ᤛᤢᤀᤠᤱ ᤐᤠ᤺ᤳᤋᤢ. 
\q1 “ᤀᤥᤔᤧᤳᤋᤧᤶᤔᤧ᤹. ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤕᤧᤶᤔᤥ. ᤀᤡᤱᤃᤠ᤹ ᤀᤡᤛᤪᤠᤀᤡᤗᤛ᤻ᤔᤠ ᤔᤏᤠᤜᤠ᤹ ᤜᤧᤰᤁᤩᤠᤱ ᤕᤜᤢᤍᤠᤛ᤻ᤔᤠ ᤔᤏᤠᤜᤠ᤹ᤏᤢ ᤁᤢᤛᤱ ᤛᤣᤛᤣᤔᤠᤱᤜᤢᤵ ᤆᤥᤃᤢᤱ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥  
\v 9 ᤁᤴ ᤁᤢᤛᤱ ᤔᤠᤱᤜᤢᤵᤐᤡᤱᤃ ᤔᤡᤛᤪᤗᤠᤶ ᤀᤠᤜᤢᤰᤁᤡᤸᤗᤧ ᤋᤧᤶᤛᤢᤱᤛᤡᤱᤅᤠᤱ ᤗᤠᤶᤗᤥᤛᤢᤱ ᤗ᤺ᤳᤋᤢᤱᤛᤡᤱᤒᤠ ᤂᤢᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤏᤢ ᤆᤥᤃᤢᤱᤒᤠ ᤔᤠᤱᤜᤢᤵᤐᤡᤴ ᤁᤢᤀᤡᤛᤡ᤺ᤰ ᤔᤧᤒᤥ᤺ᤱᤏᤧᤸᤗᤥ॥ ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤃ ᤀᤡᤱᤃᤠ᤹ ᤆᤥᤃᤢᤱᤒᤠ ᤔᤠᤱᤜᤢᤵᤐᤥ ᤏᤛᤠ᤺ᤴᤛᤠᤒᤠ ᤔᤧᤶᤒᤥ᤺ᤰᤂᤧᤴ ᤜᤧᤰᤁᤩᤠᤱ ᤁᤶᤒᤪᤠᤱ ᤔᤧᤵᤔᤠ ᤗᤧᤖᤢᤱᤛᤡᤱᤗᤥ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥  
\v 10 ᤂᤧᤴ ᤕᤧᤶ ᤀᤣᤃᤠᤱ ᤀᤡᤛᤪᤠᤀᤡᤗᤡ ᤔᤏᤠᤜᤠ᤹ᤏᤢ ᤁᤴ ᤛᤣᤛᤣᤔᤠᤱᤜᤢᤵᤐᤡᤴ ᤆᤥᤃᤢᤱ. ᤂᤢᤏᤡ᤹ ᤏᤡᤱᤘᤠ᤹ᤒᤥ ᤀᤠᤎᤡᤶᤜᤠ᤹ ᤁᤣ᤺ᤳᤋᤢᤱ ᤐᤡᤖᤢᤱᤛᤡᤱᤅᤠᤱ ᤂᤢᤏᤡ᤹ ᤛᤡᤰᤗᤢᤱᤔᤥ ᤛᤠᤵᤋᤢᤱ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥ᤺ᤱᤅᤠᤀᤠᤱ ᤂᤧᤱᤜᤠ᤹ ᤀᤠᤔᤏᤠ ᤔᤧᤒᤥ᤺ᤱᤗᤥ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥  
\v 11 ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤁᤢᤗᤠᤈᤣ᤹ᤒᤠ ᤔᤏᤠ᤺ᤴ ᤜᤢ᤹ᤔᤠ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴᤗᤥ ᤜᤧᤰᤁᤩᤠᤱ ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤁᤢᤶᤓᤢ᤹ ᤁᤢᤴᤛᤠ᤹ᤛᤡ ᤍᤠᤱᤒᤠᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ ᤗ᤹ᤖᤡᤰ ᤔᤧᤵᤔᤠᤛᤡ ᤔᤧᤒᤥ᤺ᤱᤏᤧᤸᤗᤥ. ᤌᤣᤀᤠᤱᤓᤧᤸᤗᤧ ᤕᤶᤒᤠ ᤆᤢᤰᤐᤠ ᤁᤧᤖᤧᤰᤗᤧ ᤀᤡᤱᤃᤠ᤹ ᤁᤢᤛᤡᤱ ᤔᤧᤏᤡ᤺ᤳᤋᤠᤖᤥ॥  
\v 12 ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤡᤴ ᤗᤧᤵᤔᤡ ᤐᤡᤖᤢᤱᤛᤡᤱ ᤜᤧᤰᤁᤩᤠᤱ ᤂᤢᤏᤡ᤹ ᤗᤠᤕᤥ᤺ᤴ ᤀᤠᤵᤑᤠᤸᤗᤧᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤱᤅᤡᤴᤗᤥ॥”\f * \fr 8:12 \ft ᤕᤷᤔᤡᤕᤠ ᥉᥇.᥉᥇-᥉᥊\f* 
\p  
\v 13 ᤀᤰᤂᤣᤗ᤹ᤖᤡᤰ ᤂᤢᤏᤧ᤹ ᤁᤢᤛᤱ ᤔᤠᤱᤜᤢᤵ ᤐᤠ᤺ᤳᤋᤢᤸᤗᤧ ᤋᤃᤡᤛ᤻ᤔᤠᤴ ᤕᤢᤰ ᤔᤧ᤺ᤴᤏᤣᤒᤠ ᤆᤥᤃᤢᤒᤠ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤕᤢᤰ ᤔᤧ᤺ᤴᤏᤣᤒᤠ ᤏᤢ ᤀᤥᤃᤵ ᤔᤧᤶᤒᤥ᤺ᤱᤔᤏᤠ ᤀᤠᤳᤋᤡᤴ ᤐᤠ᤺ᤴᤏᤡᤴᤇᤠᤱ ᤜᤠᤖᤠᤀᤣ ᤔᤠᤒᤣ᤺ᤰᤗᤥ॥ 
\c 9  
\s1 ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤀᤥᤒᤠ ᤛᤣᤘᤠ ᤆᤥ᤺ᤰᤔᤠᤴ 
\p  
\v 1 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤌᤡᤰᤛᤡᤃᤣ᤺ᤰᤛ᤻ᤔᤠ ᤔᤠᤱᤜᤢᤵᤐᤥ ᤛᤣᤘᤠ ᤆᤥ᤺ᤰᤔᤠ ᤌᤡᤶᤜᤠ᤹ ᤘᤕᤧ. ᤜᤧᤰᤁᤩᤠᤱ ᤀᤡᤰᤛᤠᤀᤥ ᤛᤣᤛᤣᤒᤠ ᤋᤧᤴᤏᤠᤱ ᤏᤧᤛ᤻ᤛᤧᤖᤥ॥  
\v 2 ᤂᤧᤴ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤥ ᤏᤧᤳᤇᤡ ᤕᤠᤰᤑᤠ ᤏᤧᤛ᤻ᤛᤧ॥ ᤂᤧᤵᤔᤥ ᤌᤡᤰᤛᤡᤃᤣ᤺ᤰᤛ᤻ᤔᤠ ᤕᤠᤰᤑᤠᤀᤥ ᤛᤣᤔᤡ ᤕᤢᤱᤍᤧᤴ. ᤆᤵᤋᤧᤴ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤛᤣᤛᤣ ᤂᤖᤧ᤺ᤱᤜᤠ᤹ ᤏᤧᤛ᤻ᤛᤧ॥ ᤁᤴ ᤋᤧᤴᤏᤡᤴ ᤛᤣᤛᤣᤒᤠ ᤋᤧᤴ ᤔᤧᤔᤧᤳᤋᤢᤖᤥ॥  
\v 3 ᤜᤧᤰᤁᤩᤠᤱ ᤂᤧᤵᤔᤥ ᤑᤥ᤺ᤴᤍᤠᤎᤡᤰ ᤐᤳᤇᤧ॥ ᤂᤧᤴ ᤑᤥ᤺ᤴᤍᤠ᤺ᤸᤗᤧ ᤌᤣ᤺ᤰᤋᤢᤒᤠ ᤏᤡᤛᤡᤃᤣ᤺ᤰᤐᤠ ᤕᤠᤰᤑᤠ᤺ᤴ ᤁᤠᤰᤏᤢ᤺ᤸᤗᤧ ᤛᤣᤛᤣᤒᤠ ᤋᤧᤴ ᤔᤧᤔᤧᤳᤋᤢᤖᤥ॥  
\v 4 ᤂᤧᤵᤔᤥ ᤛᤠᤶᤔᤩᤠᤱ ᤛᤠᤱᤛᤡᤱ ᤜᤠ᤺ᤶᤔᤠᤍᤧᤴᤎᤡᤰ ᤏᤢ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤔᤏᤠᤒᤠ ᤔᤠᤱᤜᤢᤵᤐᤡᤸᤗᤧᤴ ᤛᤴᤍᤥ᤺ᤰᤁᤡᤴ ᤕᤢᤅᤧ॥ ᤜᤧᤰᤁᤩᤠᤱ ᤂᤧᤴ ᤛᤴᤍᤥ᤺ᤰ ᤛᤡᤃᤠᤱ ᤔᤴᤏᤠ\f * \fr 9:4 \ft ᤔᤴᤏᤠ–ᤀᤡᤛᤪᤠᤀᤡᤗᤡᤜᤠ᤹ ᤀᤣ᤺ᤰᤛᤠᤍᤧᤴᤏᤥ ᤗᤠᤶᤍᤡ᤺ᤰ ᤔᤧᤈᤥᤃᤧᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠᤱᤛᤠᤰᤐᤥᤗᤠᤶ ᤌᤡᤰᤕᤠ᤺ᤴᤎᤰ ᤔᤴᤏᤠ ᤔᤧᤵᤔᤏᤠᤒᤠ ᤁᤢᤈᤠ ᤌᤩᤧᤖ ᤕᤠ᤺ᤴᤍᤢ॥ ᤂᤧᤱᤜᤠ᤹ᤖᤧ ᤂᤧᤴ ᤔᤡᤛᤠᤰ ᤔᤧᤍᤠᤱᤄᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤠᤱ ᤛᤠ᤺ᤱᤃᤠᤜᤡᤶᤔᤥ ᤛᤠᤶᤔᤩᤠᤱ ᤂᤵᤐᤩᤠᤀᤥ ᤔᤧᤕᤠᤰᤋᤢᤀᤠᤱ ᤛᤣᤛᤣ ᤛᤴᤍᤢᤰ ᤛᤡᤃᤠᤱ ᤔᤧᤕᤢᤰᤂᤢ॥\f* ᤁᤧᤕᤠᤰᤐᤠ ᤛᤠᤶᤔᤩᤠᤱ ᤂᤵᤐᤩᤠ᤺ᤴ. ᤁᤢᤑᤧᤰᤔᤣ᤺ᤳ ᤁᤧᤒᤵᤐᤠ ᤜᤠᤖᤢᤏᤖᤧ ᤁᤢᤍᤰᤁᤠ᤺ᤳᤋᤡᤴ ᤏᤢ ᤌᤡᤒᤥ᤺ᤱ ᤛᤠᤶᤕᤥ ᤀᤡᤱᤈᤠ᤺ᤱ ᤁᤧᤒᤵᤐᤠ ᤔᤠᤱᤜᤢᤵᤐᤡᤸᤗᤧᤴ ᤗᤢᤱᤛᤠᤵᤜᤠ᤹ ᤕᤠᤃᤧᤖᤥ॥  
\v 5 ᤂᤧᤴ ᤛᤴᤍᤥ᤺ᤰ ᤛᤶᤍᤠᤱ ᤁᤖᤢᤒ ᤔᤧᤵᤔᤏᤠᤒᤠ ᤔᤡᤔᤡᤍᤡᤱᤃᤧᤴ ᤁᤢᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤴᤇᤡ᤹ ᤛᤠᤶᤒᤪᤡ᤺ᤵᤐᤠᤸᤗᤧ ᤗᤠᤕᤥᤗᤠᤶ ᤗᤧᤵᤔᤡ ᤂᤥ᤺ᤔᤠ ᤋᤧᤴᤏᤡᤴ ᤀᤡ᤺ᤵᤋᤧᤳᤇᤢᤀᤠᤱ ᤕᤧᤒᤧᤳᤇᤡᤖᤥ॥ ᤁᤖ ᤀᤠᤸᤗᤥ ᤁᤴ ᤁᤠᤰ ᤐᤠ᤺ᤴᤜᤠ᤹ᤃ ᤀᤠᤏᤡᤃᤧ ᤏᤢ᤺ᤖᤡᤰᤁᤠᤱ ᤐᤠ᤺ᤵᤔᤠ ᤔᤧᤛᤢᤰᤋᤢᤶᤒᤧᤴᤗᤥ॥ 
\p  
\v 6 ᤀᤠᤸᤗ ᤁᤠᤰ ᤁᤴ ᤐᤠ᤺ᤴᤜᤠ᤹ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤌᤡᤰᤕᤠ᤺ᤴᤎᤰ ᤂᤧᤴ ᤗᤠ᤺ᤰᤁᤠᤳᤐᤠ ᤛᤣᤛᤣᤒᤠ ᤋᤧᤴᤏᤥ ᤔᤠᤱᤛᤣᤘᤠ ᤆᤥ᤺ᤰᤛᤧ ᤔᤧᤗᤠ᤺ᤛᤧ॥  
\v 7 ᤁᤖ ᤛᤡᤃᤠᤱ ᤗᤧᤵᤔᤠᤱᤒᤠ ᤁᤠᤰᤏᤢ᤺ᤸᤗᤧ ᤛᤣᤛᤣ ᤋᤧᤴᤏᤥᤃ ᤔᤠᤏᤡᤱᤘᤠ᤹ᤑᤢᤛᤠᤶᤒᤧᤴᤗᤰ ᤋᤱᤒᤣᤖᤧ ᤌᤡᤰᤗᤧᤱ ᤔᤠᤰᤂᤡ᤹ᤏᤢ ᤗᤠ᤺ᤛᤧᤖᤥ॥ ᤂᤧᤴ ᤔᤠᤰᤂᤡ᤹ᤀᤡᤱᤃ ᤂᤢᤏᤧ᤹ ᤀᤠᤒᤠᤅᤣ ᤁᤢᤗᤠᤕᤥᤖᤧ ᤗᤠᤃᤡ ᤏᤢ ᤔᤏᤠᤜᤠ᤹ᤖᤧ ᤔᤧᤴᤏᤡ ᤔᤧᤸᤗᤧᤀᤣ ᤔᤧᤈᤥᤃᤢᤒᤠ ᤗᤠᤕᤥᤜᤠ᤹ ᤗᤧᤵᤔᤡ ᤂᤥ᤺ᤔᤠᤖᤧ ᤗᤠᤃᤡ ᤂᤢᤏᤧ᤹ ᤋᤥ᤺ᤴᤍᤢᤖᤥ॥  
\v 8 ᤛᤣᤛᤣᤔᤠᤱᤅᤡᤸᤗᤧ ᤁᤴ ᤁᤠᤰ ᤐᤠ᤺ᤴᤗᤠᤶᤒᤠ ᤗᤠ᤺ᤰᤁᤠᤳᤐᤠ ᤛᤣᤛᤣᤒᤠ ᤋᤧᤴᤏᤡᤴ ᤏᤧᤖ ᤌᤠᤖᤡᤰ ᤛᤡᤃᤠᤱᤛ᤻ᤔᤠ ᤁᤠᤰᤏᤢ᤺ᤸᤗᤧ ᤛᤣᤛᤣᤒᤠ ᤋᤧᤴᤏᤥ ᤗᤠ᤺ᤵᤔᤠ ᤗᤠᤶᤔᤡᤴ ᤔᤧᤜᤖᤧᤴ ᤑᤠ᤹ᤀᤠᤱ ᤔᤏᤠᤜᤠ᤹ ᤀᤥᤛᤣ᤺ᤴᤎᤠᤰᤋᤢᤛᤡᤖᤥ॥ 
\p  
\v 9 ᤁᤱᤃ ᤀᤠᤀᤡᤴ ᤋᤠ᤺ᤴᤍᤡᤰᤐᤠ ᤕᤧᤶᤔᤡᤴ ᤀᤥᤛᤣ᤺ᤴᤍᤠᤱ ᤁᤧᤈᤥ᤺ᤰᤐᤠ ᤔᤡᤰᤛᤣ᤺ᤴᤗᤥ॥ ᤂᤧᤸᤗᤧᤃ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤧᤍᤥ᤺ᤴᤍᤢᤒᤠ ᤆᤥᤓᤠ᤹ᤀᤡᤴ ᤏᤢ ᤛᤡᤍᤢᤱᤈᤓᤠᤜᤠ᤹ᤖᤧ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤂᤠᤛᤡᤱᤅᤡᤴ ᤛᤢᤳᤌᤥ ᤔᤧᤴᤈᤥᤃᤢᤴ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤀᤠᤎᤠᤰᤗᤥ॥  
\v 10 ᤂᤧᤴ ᤐᤠ᤺ᤴᤜᤠ᤹ᤃ ᤆᤠᤔᤠ ᤌᤢᤱᤔᤠ ᤏᤢ ᤐᤖᤡᤰᤐᤖᤡᤰᤐᤠ ᤛᤢᤳᤌᤥ ᤆᤥ᤺ᤰᤛᤡᤱᤔᤠᤖᤧ ᤗᤠᤃᤡ ᤘᤠᤜᤵᤛᤡᤱᤔᤠ ᤌᤡᤶᤖᤰᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤁᤢᤛᤱ ᤔᤧᤴᤈᤥ᤺ᤰᤁᤣ ᤌᤠᤖᤡᤰ ᤂᤧᤱᤜᤠ᤹ᤃ ᤏᤠᤛᤡᤱᤃᤧᤴ ᤌᤰᤁᤥ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤒᤥ᤺ᤱᤒᤠ ᤌᤡᤶᤜᤠ᤹ ᤘᤕᤧᤖᤥ॥ 
\s1 ᤂᤪᤡᤛ᤻ᤋᤧᤴ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤛᤡᤍᤢᤱᤈᤓᤠ 
\p  
\v 11 ᤁᤧᤖᤧᤰ ᤋᤩᤧ ᤆᤢᤖᤧᤒᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤁᤧᤒᤡᤒᤠ ᤂᤪᤡᤛ᤻ᤋᤧᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤰᤂᤧᤸᤗᤧ ᤂᤢᤏᤧ᤹ᤃ ᤐᤕᤶ ᤕᤶᤒᤠ ᤏᤢ ᤁᤢᤛᤠᤱ ᤁᤧᤗ᤺ᤒᤠ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤥ ᤗᤠ᤺ᤛᤧᤖᤥ॥ ᤂᤧᤴ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤡᤴ ᤔᤧᤴᤇᤠᤶ ᤜᤢᤰᤁᤡᤸᤗᤧ ᤆᤥ᤺ᤰᤔᤏᤠᤒᤠ ᤔᤧ᤺ᤴᤗᤥ. ᤐᤠ᤺ᤵᤔᤠᤀᤣ ᤐᤥ᤺ᤱᤅᤡᤸᤗᤧ ᤂᤧᤱᤃ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤸᤗᤧᤴᤏᤠᤱ ᤔᤧ᤺ᤴᤗᤥ॥  
\v 12 ᤂᤢᤏᤧ᤹ᤃ ᤔᤧᤴᤍᤠᤰ ᤏᤢ ᤐᤡᤳ ᤔᤠᤰᤂᤡ᤹ᤀᤡᤴ ᤔᤧ᤺ᤴ. ᤁᤖ ᤂᤢᤏᤧ᤹ᤃ ᤛᤍᤠᤍᤡᤱᤗᤧ ᤗᤠᤃᤡ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤐᤡᤛᤧ ᤂᤧᤴ ᤁᤠᤰᤏᤢ᤺ᤸᤗᤧ ᤛᤣᤛᤣᤒᤠ ᤋᤧᤴᤏᤥ ᤌᤡᤰᤗᤧᤱᤔᤥ ᤛᤍᤠᤍᤡᤱᤗᤧ ᤗᤠᤃᤡ ᤀᤠᤒᤠᤅᤣ ᤁᤢᤔᤠᤰᤂᤡ᤹ᤀᤡᤴ ᤋᤥ᤺ᤴᤍᤢᤖ ᤗᤠ᤺ᤛᤧᤖᤥ॥  
\v 13 ᤔᤧᤴᤍᤠᤰ ᤏᤢ ᤁᤢᤶᤒᤠᤒᤠ ᤐᤡᤳ ᤔᤠᤰᤂᤡ᤹ᤀᤡᤸᤗᤧ ᤛᤠᤱᤔᤠᤛᤡᤸᤗᤧ ᤜᤧᤰᤁᤩᤠᤱ ᤁᤖ᤺ᤱ ᤐᤡᤵᤔᤠ᤺ᤴ ᤀᤥ᤹ᤔᤠᤀᤠᤱ ᤁᤧᤗ᤺ᤶᤒᤠ ᤂᤠᤵᤐᤢ᤺ᤸᤗᤧ ᤀᤠᤛᤢᤳᤌᤥ ᤔᤏᤠᤜᤠ᤹ ᤆᤢ᤺ᤵᤔᤠᤛᤡᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤌᤰᤁᤡᤴ ᤛᤢᤳᤌᤥ ᤐᤥ᤺ᤱᤏᤧ ᤑᤠ᤹ᤃᤪ  
\v 14 ᤂᤧᤴᤏᤢ᤺ᤸᤗᤧᤃ ᤂᤪᤡᤛ᤻ᤋᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤠᤰᤂᤩᤠᤰ ᤕᤖᤡᤰ ᤛᤢᤳᤌᤥ ᤀᤠᤈᤥ᤺ᤰ᥄ ᤂᤢᤏᤧ᤹ ᤔᤧᤴᤏᤢᤵᤔᤏᤠᤒᤠ ᤛᤣᤛᤣᤔᤠᤱᤗᤠᤶ ᤁᤢᤛᤠᤱ ᤁᤧᤗ᤺ᤒᤠ ᤛᤡᤍᤢᤱᤈᤓᤠ ᤐᤥ᤺ᤱᤛᤧ ᤏᤡᤱᤘᤠ᤹ᤑᤢᤔᤠᤱᤅᤥ ᤀᤠᤒᤠᤅᤣ ᤋᤥ᤺ᤴᤇᤡᤱᤗᤥ॥ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥ᤺ᤰᤔᤠ ᤀᤠᤛᤢᤰᤋᤢᤶᤗ ᤑᤠ᤹ᤀᤠᤱ ᤁᤢᤔᤠᤰᤂᤡ᤹ᤀᤡᤸᤗᤧ ᤛᤡ᤺ᤔᤧᤴᤏᤥ ᤁᤧᤍᤣ᤹ᤒᤠ ᤕᤠ᤺ᤶᤒᤰᤗᤠᤶ ᤀᤠᤏᤡ᤹ ᤂᤠᤛᤡᤱᤅᤡᤴ ᤛᤢᤳᤌᤥ ᤆᤥᤃᤢ᤹ᤖᤥ॥  
\v 15 ᤒᤠ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤔᤧᤴᤏᤢᤵᤔᤏᤠᤒᤠ ᤗᤰᤁᤡᤴ ᤀᤢ᤺ᤳᤋᤢᤛᤡᤒᤠᤜᤠ᤹ᤖᤧ ᤔᤧᤄᤥ᤺ᤛᤢᤖ ᤑᤠ᤹ᤀᤠᤱ ᤂᤪᤡᤛ᤻ᤋᤧᤴ ᤁᤢᤛᤱ ᤔᤠᤱᤜᤢᤵᤗᤧᤴ ᤐᤠ᤺ᤴᤍᤱᤛᤠᤒᤠᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤌᤡᤰᤛᤡᤃᤣ᤺ᤰᤛᤔᤠ ᤔᤠᤱᤜᤢᤵᤐᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤧᤈᤥᤃᤢᤒᤠ ᤗᤠᤕᤥᤗᤠᤶ ᤂᤧᤱᤜᤠ᤹ ᤌᤧ᤹ᤔᤠᤛᤡ ᤑᤠ᤹ᤀᤠᤱ ᤂᤢᤏᤧ᤹ ᤛᤩᤧᤒᤠᤖᤥ॥  
\v 16 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤛᤡ᤺ᤀᤠᤸᤗᤧ ᤀᤠᤕᤠᤱᤛᤠᤁᤢᤴᤎᤣ᤺ᤴ ᤂᤢᤏᤧ᤹ ᤂᤥ᤺ᤛᤢ᤹ ᤑᤠ᤹ᤀᤠᤱ ᤆᤥᤃᤢᤒᤠ ᤛᤠᤵᤗᤠ ᤔᤢᤴᤎᤣ᤺ᤱᤃ. ᤂᤧᤴ ᤛᤠᤵᤗᤠ ᤔᤢᤴᤎᤣ ᤁᤧᤛᤠᤵᤐᤠ ᤔᤏᤠ᤺ᤴ ᤛᤩᤧ ᤁᤧᤗ᤹ᤒᤠ ᤐᤷᤔᤠᤱᤃᤡ ᤐᤥ᤺ᤱᤅᤠᤱᤗᤰ ᤛᤧᤰᤂᤠ ᤐᤥ᤺ᤱᤗᤥ॥  
\v 17 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤜᤡᤱᤘᤧᤳ ᤘᤠ᤹ᤖ ᤌᤠᤖᤡᤰ ᤂᤧᤴ ᤀᤠᤵᤑᤠᤸᤗᤧᤀᤠᤱ ᤛᤧᤰᤂᤠ ᤔᤧᤒᤥ᤺ᤱᤏᤧᤸᤗᤥ. ᤁᤖ ᤔᤏᤠ᤺ᤴ ᤛᤡ᤺ᤀᤠᤱᤗᤰ ᤛᤧᤰᤂᤠ ᤐᤥ᤺ᤱᤗᤥ॥  
\v 18 ᤒᤠ ᤂᤧᤸᤗᤧ ᤆᤥᤃᤢᤸᤗᤧ ᤌᤡᤰᤛᤡᤃᤣ᤺ᤰᤛᤔᤠ ᤔᤠᤱᤜᤢᤵᤐᤡᤴᤏᤠᤱ ᤔᤠᤰᤂᤡ᤹ ᤘᤠᤔᤧᤴᤍᤧ᤺ᤴᤏᤣ ᤌᤠᤖᤡᤰ ᤛᤧᤰᤂᤠ ᤔᤧᤒᤥ᤺ᤱᤏᤧᤸᤗᤥ॥  
\v 19 ᤌᤣᤀᤠᤱᤓᤧᤸᤗᤧ ᤔᤥᤛᤠᤖᤧ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤜᤠ᤹ ᤐᤡᤖᤢᤛᤡᤀᤠᤱ ᤂᤧᤸᤗᤧ ᤜᤡᤛᤵ ᤛᤡᤱᤒᤥᤖᤠ᤺ᤰ ᤏᤢ ᤜᤧ᤺ᤰᤁᤧᤗ᤹ᤒᤠ ᤛᤧᤔᤢᤖᤡᤰᤁᤡᤴ ᤆᤫᤠ᤺ᤳᤋᤥ ᤑᤢᤵᤔᤏᤠᤒᤠ ᤐᤡᤳᤛᤠᤳ ᤏᤢ ᤔᤧᤴᤍᤠᤰ ᤔᤠᤰᤂᤡ᤹ᤀᤥ ᤏᤡ᤺ᤵᤛᤢᤀᤠᤱ ᤛᤠᤶᤕᤥᤌᤡᤶ ᤛᤠᤵᤗᤠ ᤏᤢ ᤁᤠᤰ ᤔᤏᤠ ᤛᤶᤍᤠᤱ ᤛᤠᤰᤂᤢᤖᤥ॥  
\v 20 ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤒᤡᤖᤡᤒᤠ ᤔᤠᤱᤜᤢᤵᤐᤡᤴ ᤛᤧᤰᤂᤠ ᤁᤧᤈᤥ᤺ᤰᤐᤠ ᤔᤠᤰᤂᤡ᤹ᤀᤡᤴ ᤜᤠᤒᤠ ᤁᤴᤗᤥ॥”\f * \fr 9:20 \ft ᤗᤠᤶᤍᤡ᤺ᤰ ᥈᥊.᥎\f* 
\v 21 ᤜᤧᤰᤁᤣᤗ᤹ᤖᤡᤰᤁᤣ ᤔᤥᤛᤠ᤺ᤸᤗᤧ ᤛᤣᤛᤣ ᤛᤠ᤺ᤱᤃᤠᤜᤡᤶᤔᤥ ᤏᤢ ᤛᤣᤘᤠ ᤆᤥ᤺ᤰᤔᤠᤸᤗᤧ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤁᤠᤰ ᤛᤠᤔᤠᤑᤢᤔᤠ ᤛᤶᤍᤠᤱ ᤔᤠᤰᤂᤡ᤹ᤀᤡᤴ ᤛᤠᤰᤂᤢᤖᤥ॥  
\v 22 ᤛᤧᤰᤂᤠ᤺ᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤕᤖᤡᤰ ᤁᤢᤛᤡᤰ ᤐᤠ᤺ᤴᤜᤠ᤹ᤃ ᤔᤠᤰᤂᤡ᤹ᤖᤧ ᤛᤢᤳᤌᤥ ᤐᤥ᤺ᤱᤗᤥ. ᤜᤧᤰᤁᤩᤠᤱ ᤔᤠᤰᤂᤡ᤹ ᤘᤠᤔᤧᤴᤍᤧ᤺ᤴᤏᤣᤃ ᤗᤠᤕᤥ᤺ᤴ ᤗᤧᤵᤔᤡ ᤔᤧᤒᤥ᤺ᤱᤏᤧᤸᤗᤥ॥ 
\p  
\v 23 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤜᤧᤰᤋᤱᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠ᤺ᤴᤜᤠ᤹ᤖᤧ ᤁᤢᤒᤡᤜᤠ᤹ ᤛᤣᤛᤣ ᤛᤢᤳᤌᤥ ᤆᤥ᤺ᤰᤔᤠ ᤐᤥ᤺ᤰᤂᤧ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠ᤺ᤴᤜᤠ᤹ᤀᤣ ᤛᤢᤳᤌᤥ ᤆᤥ᤺ᤰᤔᤠ ᤑᤠ᤹ᤀᤠᤱ ᤂᤧᤴᤏᤢ᤺ᤸᤗᤧ ᤏᤢ᤺ᤒᤠ ᤛᤡᤍᤢᤱᤈᤓᤠ᤺ᤴ ᤆᤠᤜᤠᤒᤠ ᤆᤥᤃᤧ॥  
\v 24 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤱᤃ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤡᤸᤗᤧ ᤁᤢᤒᤡ ᤁᤢᤀᤡᤛᤡ᤺ᤰᤐᤠ ᤔᤧᤴᤇᤠᤶ ᤜᤢᤰᤁᤡᤸᤗᤧ ᤆᤥ᤺ᤰᤔᤏᤠ ᤛᤣᤛᤣᤒᤠ ᤋᤧᤴᤏᤥ ᤔᤧᤗᤠ᤺ᤛᤧᤴ. ᤁᤖ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡᤀᤣ ᤀᤠᤏᤡ᤹ ᤗᤠᤃᤡ ᤛᤠᤱᤃᤪᤠᤶᤐᤣᤍᤠᤱᤅᤥ ᤗᤠ᤺ᤛᤧᤖᤥ॥  
\v 25 ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤴ ᤁᤠᤰᤏᤢ᤺ᤸᤗᤧ ᤛᤣᤛᤣᤒᤠ ᤋᤧᤴᤏᤥ ᤋᤱᤒᤣ ᤌᤵᤔᤣ ᤌᤰᤛᤠ ᤔᤠᤰᤂᤡ᤹ᤏᤢ ᤗᤠ᤺ᤛᤧᤒᤠ ᤁᤢᤀᤡᤛᤡ᤺ᤰ ᤂᤪᤡᤛ᤻ᤋᤧᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤗᤠ᤺ᤛᤧᤸᤗᤧ ᤂᤢᤏᤧ᤹ ᤀᤧᤳᤗᤧᤱ ᤀᤠᤒᤠᤅᤣ ᤛᤡᤍᤢᤱᤈᤓᤠ ᤐᤥ᤺ᤱᤛᤧ ᤔᤧᤗᤠ᤺ᤛᤧᤴᤗᤥ॥  
\v 26 ᤔᤧ᤺ᤴᤏᤡᤸᤗᤧᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤠᤘᤠᤃᤧᤴ ᤆᤀᤡ᤺ᤳ ᤐᤥ᤺ᤰᤂᤧᤀᤠᤱᤎᤥ ᤂᤢᤏᤧ᤹ ᤕᤖᤡᤰᤗᤧᤱ ᤀᤡᤏᤥᤃᤧᤴ ᤋᤢᤰᤂᤣ ᤆᤠᤔᤠ ᤁᤧᤒᤥ᤺ᤱᤒᤠ ᤘᤕᤧ. ᤁᤖ ᤂᤢᤏᤧ᤹ᤃ ᤁᤴ ᤁᤢᤏᤢᤵᤔᤠ ᤕᤧᤶᤔᤥ ᤕᤖᤡᤰᤗᤧ ᤂᤢᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤐᤡᤔᤠᤛᤡ ᤑᤠ᤹ᤀᤠᤱ ᤌᤡᤰᤗᤧᤱᤔᤠᤸᤗᤧ ᤂᤢᤏᤧ᤹ ᤀᤠᤒᤠᤅᤣ ᤛᤡᤍᤢᤱᤈᤓᤠ ᤐᤥ᤺ᤰᤂᤧᤖᤥ॥  
\v 27 ᤔᤧᤴᤇᤠᤶ ᤕᤠᤵᤔᤡ ᤁᤧᤖᤧᤰ ᤌᤡᤰᤗᤧᤱᤃ ᤛᤡ᤺ᤔᤠ ᤐᤥ᤺ᤱ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴᤏᤥ ᤕᤧᤵᤔᤠ ᤐᤥ᤺ᤱᤒᤠ ᤁᤢᤀᤡᤛᤡ᤺ᤰ  
\v 28 ᤂᤪᤡᤛ᤻ᤋᤧᤴ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤜᤠ᤹ ᤁᤢ᤺ᤛᤧ ᤌᤡᤰᤗᤧᤱᤔᤥ ᤛᤡᤍᤢᤱᤈᤓᤠ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤕᤠᤶᤔᤥ ᤕᤢ᤺ᤸᤗᤧ ᤀᤠᤏᤡ᤹ ᤗᤠᤕᤥᤜᤠ᤹ ᤁᤢ᤺ᤛᤧᤃ ᤔᤧ᤺ᤴ. ᤁᤖ ᤂᤢᤏᤧ᤹ ᤁᤢᤕᤢ᤺ᤔᤠᤴ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤁᤧᤜᤠᤱᤒᤠᤜᤠ᤹ ᤛᤧᤴᤗᤵ ᤐᤡᤛᤧᤏᤧ ᤕᤢ᤺ᤖᤥ॥ 
\c 10  
\s1 ᤂᤪᤡᤛ᤻ᤋᤖᤧ ᤌᤡᤰᤗᤧᤱᤒᤠ ᤁᤢᤛᤡᤍᤢᤱᤈᤓᤠ᤺ᤴ ᤛᤍᤠᤍᤡᤱᤗᤧ ᤗᤠᤃᤡ 
\p  
\v 1 ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤱᤃ ᤋᤠ᤺ᤴᤍᤡ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤁᤧᤎᤠᤰᤐᤠ ᤛᤠᤶᤒᤪᤡ᤺ᤵᤐᤠ ᤁᤢᤀᤡᤛᤡ᤺ᤰᤗᤰᤗᤥ. ᤛᤧᤰᤂᤠᤒᤠ ᤐᤠ᤺ᤴ ᤔᤧ᤺ᤴᤗᤥ॥ ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤏᤠ᤺ᤰᤋᤢᤒᤠ ᤋᤱᤒᤣ ᤌᤵᤔᤣ ᤀᤧᤳᤗᤧᤱ ᤋᤥ᤺ᤶᤔᤏᤠᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤂᤧᤴ ᤛᤣᤛᤣ ᤔᤠᤱᤃᤧᤄᤒᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤁᤢᤗᤡᤱᤎᤥ ᤔᤧᤃᤧᤳᤋᤢᤴᤇᤡᤴᤗᤥ॥  
\v 2 ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤗᤡᤱᤎᤥ ᤁᤧᤵᤔᤠ ᤛᤢᤰᤋᤢᤛᤡᤸᤗᤧᤃ ᤛᤡᤍᤢᤱᤈᤓᤠ ᤆᤥ᤺ᤰᤔᤠ ᤕᤠ᤺ᤶᤒᤰᤁᤡᤴ ᤆᤰ ᤗ᤹ᤖᤧᤒᤠᤖᤥ॥ ᤜᤧᤰᤁᤣ᤺ᤸᤗᤧ ᤛᤣᤘᤠ ᤁᤧᤈᤥ᤺ᤰᤐᤠᤜᤠ᤹ ᤌᤡᤰᤗᤧᤱᤔᤥ ᤁᤠᤰ ᤐᤖᤡᤰᤗᤧ ᤛᤢᤳᤌᤥ ᤔᤧᤒᤥ᤺ᤰᤂᤧᤔᤧᤴ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤗᤠᤕᤥ ᤔᤧᤈᤥᤃᤢᤸᤗᤧ ᤂᤢᤏᤡ᤹ ᤏᤡᤱᤘᤠ᤹ ᤔᤧᤗᤥ᤺ᤖᤧᤴᤒᤠᤔᤧᤴ॥  
\v 3 ᤁᤖ ᤂᤧᤴ ᤛᤡᤍᤢᤱᤈᤓᤠᤜᤠ᤹ᤖᤧ ᤗᤠᤕᤥ᤺ᤴ ᤋᤱᤒᤣ ᤌᤵᤔᤣ ᤏᤡᤱᤘᤠ᤹ᤛᤢᤶᤔᤥ ᤋᤠᤖᤢᤖᤥ.  
\v 4 ᤌᤣᤀᤠᤱᤓᤧᤸᤗᤧ ᤁᤢᤶᤒᤠᤒᤠ ᤐᤡᤳ ᤏᤢ ᤔᤧᤴᤍᤠᤰ ᤔᤠᤰᤂᤡ᤹ᤀᤡᤸᤗᤧ ᤗᤠᤕᤥᤜᤠ᤹ ᤘᤠᤍᤣ᤹ᤔᤠ ᤔᤧᤛᤢᤰᤋᤢᤴᤗᤥ॥ 
\p  
\v 5 ᤂᤧᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤧᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤧ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣ ᤔᤧᤳᤋᤢ. 
\q1 “ᤛᤡᤍᤢᤱᤈᤓᤠ ᤏᤢ ᤆᤥᤓᤠ᤹ᤜᤠ᤹ ᤂᤧᤏᤧ᤹ ᤏᤡᤱᤘᤠ᤹ ᤁᤧᤴᤈᤥᤃᤢᤴᤗᤥ. ᤁᤖ ᤏᤠᤛᤡᤱᤃᤧᤴ ᤌᤰᤁᤡᤴ ᤋᤥ᤺ᤶᤔᤠ ᤑᤠ᤹ᤀᤠᤱ ᤁᤧᤒᤡᤖᤠᤱᤗᤥ॥  
\v 6 ᤔᤡᤎᤡᤱᤔᤏᤠᤀᤠᤱ ᤋᤥ᤺ᤶᤔᤏᤠᤒᤠ ᤏᤢ ᤗᤠᤕᤥᤖᤧ ᤗᤠᤃᤡ ᤋᤥ᤺ᤶᤔᤏᤠᤒᤠ ᤛᤡᤍᤢᤱᤈᤓᤠᤜᤠ᤹ᤖᤧ ᤂᤧᤏᤧ᤹ ᤁᤧᤏᤡᤱᤘᤠ᤹ ᤔᤧᤍᤩᤧᤏᤧᤴᤗᤥ॥  
\v 7 ᤜᤧᤰᤁᤩᤠᤱ ᤕᤠᤶᤔᤥ ᤀᤡᤱᤃᤠ᤹ ᤐᤠ᤺ᤳᤋᤢᤱ. ‘ᤀᤥᤔᤧᤳᤋᤧ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤣ. ᤛᤠᤶᤕᤥᤛᤠᤵᤗᤠᤀᤥ ᤀᤡᤱᤃᤠ᤹ ᤀᤠᤕᤠ᤺ᤶᤒᤣᤀᤥ ᤛᤠᤵᤋᤧᤀᤠᤱ ᤐᤵᤐᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤁᤧᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤛᤧ ᤁᤵᤔᤥ ᤋᤩᤠᤱᤅᤠᤱ ᤘᤠ᤹ᤀᤠᤖᤥ॥’” \f * \fr 10:7 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥊᥆.᥌-᥎\f* 
\p  
\v 8 ᤂᤪᤡᤛ᤻ᤋᤖᤧ ᤋᤃᤡ ᤐᤠ᤺ᤳᤋᤢ. “ᤂᤧᤏᤧ᤹ ᤛᤡᤍᤢᤱᤈᤓᤠ ᤏᤢ ᤋᤥ᤺ᤶᤔᤏᤠᤒᤠ ᤜᤧᤰᤁᤩᤠᤱ ᤔᤡᤎᤡᤱᤔᤏᤠᤀᤠᤱ ᤋᤥ᤺ᤶᤔᤏᤠᤒᤠ ᤏᤢ ᤗᤠᤕᤥᤖᤧ ᤗᤠᤃᤡ ᤋᤥ᤺ᤶᤔᤏᤠᤒᤠ ᤛᤡᤍᤢᤱᤈᤓᤠᤜᤠ᤹ ᤋᤠ᤺ᤰᤔᤠ ᤏᤡᤱᤘᤠ᤹ ᤁᤧᤴᤈᤥᤃᤢᤴᤗᤥ ᤜᤧᤰᤁᤩᤠᤱ ᤁᤧᤏᤡᤱᤘᤠ᤹ᤀᤠᤱ ᤔᤧᤍᤩᤧᤏᤧᤴᤗᤥ॥” (ᤜᤧᤰᤁᤣᤛᤠᤱ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ ᤔᤧᤍᤥ᤺ᤴᤍᤢᤖᤥ)॥  
\v 9 ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢ. “ᤀᤥᤔᤧᤳᤋᤧ᤹ᤀᤥ. ᤀᤡᤱᤃᤠ᤹ ᤁᤧᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤛᤧ ᤁᤵᤔᤥ ᤋᤩᤠᤱᤅᤠᤱ ᤘᤠ᤹ᤀᤠᤖᤥ॥” ᤂᤢᤏᤧ᤹ ᤁᤢᤛᤱ ᤔᤠᤱᤜᤢᤵᤐᤡᤴ ᤕᤢᤰᤛᤡᤱ ᤆᤥ᤺ᤰᤛᤧ ᤋᤃᤡᤛ᤻ᤔᤠ ᤔᤠᤱᤜᤢᤵᤐᤡᤴ ᤂᤠᤖᤥ᤺ᤳᤋᤡ ᤆᤥᤃᤢᤖᤥ॥  
\v 10 ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤗᤠᤶᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤌᤡᤰᤗᤧᤱᤔᤥ ᤛᤍᤠᤍᤡᤱᤗᤧ ᤗᤠᤃᤡ ᤋᤥ᤺ᤴᤍᤢᤒᤠ ᤛᤡᤍᤢᤱᤈᤓᤠᤗᤠᤶ ᤀᤠᤏᤡ᤹ ᤛᤣᤛᤣ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤖᤥ॥ 
\p  
\v 11 ᤋᤃᤡᤒᤠ ᤔᤠᤱᤜᤢᤵᤐᤥᤃ ᤏᤡᤱᤘᤠ᤹ᤑᤢᤛᤠᤶᤒᤠ ᤁᤧᤖᤧᤰᤗᤧ ᤌᤡᤰᤕᤠ᤺ᤴᤎᤰ ᤛᤠᤶᤕᤥᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖ ᤗᤳᤇᤠ ᤐᤖᤡᤰᤐᤠ ᤛᤡᤍᤢᤱᤈᤓᤠ᤺ᤴ ᤀᤧᤳᤗᤧᤱ ᤔᤧᤍᤥ᤺ᤴᤍᤢᤖᤥ. ᤁᤖ ᤂᤧᤸᤗᤧᤃ ᤀᤠᤵᤑᤠᤸᤗᤧᤀᤠᤱ ᤗᤠᤕᤥ᤺ᤴ ᤋᤣ᤹ᤔᤠ ᤔᤧᤛᤢᤰᤋᤢᤴᤗᤥ॥  
\v 12 ᤁᤖ ᤀᤠᤏᤡ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤕᤧᤛᤢ ᤂᤪᤡᤛ᤻ᤋᤖᤧᤃ ᤏᤡᤱᤘᤠ᤹ᤑᤢᤔᤠᤱᤅᤥ ᤌᤡᤰᤗᤧᤱᤔᤥ ᤛᤍᤠᤍᤡᤱᤗᤧ ᤗᤠᤃᤡ ᤗᤠᤕᤥ᤺ᤴ ᤋᤣ᤹ᤔᤠ ᤑᤠ᤹ᤀᤠᤱ ᤀᤠᤒᤠᤅᤣ ᤛᤡᤍᤢᤱᤈᤓᤠ ᤐᤥ᤺ᤰᤂᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤱᤛᤡᤱᤗᤥ॥  
\v 13 ᤂᤧᤴ ᤕᤧᤶᤔᤠᤱᤎᤥ ᤂᤢᤏᤧ᤹ ᤁᤢᤏᤡᤱᤔᤡᤜᤠ᤹ ᤁᤢᤕᤢᤰᤁᤥ ᤔᤧᤴᤍᤠ᤺ᤳᤇᤡᤱᤅᤣ ᤌᤠᤖᤡᤰ ᤜᤠᤱᤄᤢᤛᤡᤖ ᤕᤢᤱᤗᤥ॥  
\v 14 ᤌᤣᤀᤠᤱᤓᤧᤸᤗᤧ ᤁᤴ ᤗᤳᤌᤡᤰ ᤛᤡᤍᤢᤱᤈᤓᤠ᤺ᤸᤗᤧ ᤗᤠᤕᤥᤗᤠᤶ ᤛᤣᤛᤣ ᤁᤧᤒᤥ᤺ᤱᤒᤠᤖ ᤁᤧᤒᤵᤐᤠᤜᤠ᤹ ᤛᤍᤠᤍᤡᤱᤗᤧ ᤗᤠᤃᤡ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤆᤥᤃᤢᤛᤡᤀᤠᤱ ᤘᤠ᤹ᤖᤥ॥ 
\p  
\v 15 ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧᤀᤠᤱ ᤁᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤠᤏᤡ᤹ ᤀᤰᤂᤣ ᤀᤠᤔᤧᤳᤗᤥ. 
\q1  
\v 16 “ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ. ‘ᤂᤧᤴ ᤀᤣᤃᤠᤱ ᤂᤧᤱᤜᤠ᤹ᤏᤢ ᤆᤥᤃᤢᤱᤒᤠ ᤁᤢᤛᤱ ᤔᤠᤱᤜᤢᤵᤐᤡᤴ ᤒᤠ ᤁᤴᤗᤥ–ᤀᤡᤱᤃᤠ᤹ ᤀᤠᤎᤡᤶᤜᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤥ ᤕᤢᤰᤂᤢᤱ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤂᤢᤏᤡ᤹ ᤏᤡᤱᤘᤠ᤹ᤒᤥ ᤛᤠᤵᤋᤢᤱ ᤐᤡᤖᤢᤱᤛᤡᤱᤗᤥ॥’”  
\v 17 ᤂᤢᤏᤧ᤹ ᤕᤠᤶᤔᤥᤀᤠᤱ ᤐᤠ᤺ᤳᤋᤢ. 
\q1 “ᤀᤡᤱᤃᤠ᤹ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤗᤠᤕᤥᤜᤠ᤹ ᤏᤢ ᤑᤧᤴ ᤕᤠ᤺ᤶᤒᤰᤜᤠ᤹ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤱᤅᤡᤴᤗᤥ॥” \f * \fr 10:17 \ft ᤕᤷᤔᤡᤕᤠ ᥉᥇.᥉᥉-᥉᥊\f* 
\v 18 ᤀᤠᤸᤗ ᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ ᤕᤠᤶᤔᤥ ᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤱᤔᤠ ᤑᤠ᤹ᤀᤠᤱ ᤛᤡᤍᤢᤱᤈᤓᤠ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴᤗᤥ॥ 
\s1 ᤜᤠᤱᤜᤠᤱ ᤏᤢ ᤛᤠᤶᤍᤡᤱ 
\p  
\v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤏᤧ᤹ᤏᤢᤛᤠ᤹ ᤏᤢ ᤑᤢ᤹ᤏᤢᤛᤠ᤹ᤛᤣ. ᤀᤠᤏᤡ᤹ᤃ ᤁᤠᤰᤏᤢ᤺ᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤛᤣᤛᤣᤒᤠ ᤋᤧᤴᤏᤥ ᤕᤧᤛᤢᤖᤧ ᤁᤢᤔᤠᤰᤂᤡ᤹ᤗᤠᤶ ᤜᤠᤱᤜᤠᤱᤅᤠᤱ ᤗᤠ᤺ᤵᤔᤠ ᤀᤠᤄᤥ᤺ᤛᤢᤶ॥  
\v 20 ᤁᤴ ᤁᤢᤛᤱ ᤏᤢ ᤜᤡᤱᤔᤴ ᤁᤧᤒᤡᤒᤠ ᤗᤠᤶᤔᤡᤴ ᤀᤠᤏᤡ᤹ ᤗᤠᤃᤡ ᤛᤣᤛᤣ ᤑᤥ᤺ᤴᤍᤠ᤺ᤴ ᤜᤶᤒᤠ ᤁᤢᤀᤡᤛᤡ᤺ᤰ ᤜᤖᤧᤀᤠᤱ ᤘᤠ᤹ᤖᤥ–ᤂᤧᤴ ᤛᤣᤛᤣ ᤑᤥ᤺ᤴᤍᤠ᤺ᤱᤃ ᤕᤧᤛᤢᤖᤧ ᤏᤠᤛᤡᤱᤃᤧᤴ ᤁᤢᤎᤰᤗᤥ॥  
\v 21 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶ ᤛᤶᤍᤠᤱ ᤕᤢᤰ ᤁᤧᤃᤵᤐᤠ ᤀᤠᤏᤡ᤹ ᤐᤕᤶ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤀᤠᤃᤳᤋᤢᤶᤒᤠᤸᤗᤧ ᤆᤥᤃᤢᤸᤗᤧ.  
\v 22 ᤀᤠᤏᤡ᤹ ᤋᤥ᤺ᤴᤍᤥ᤺ᤶᤒᤠ ᤛᤣᤛᤣ ᤛᤡᤰᤗᤢᤱᤔᤠᤴᤏᤢ ᤜᤧᤰᤁᤩᤠᤱ ᤜᤠᤱᤜᤠᤱᤒᤠ ᤏᤛᤠ᤺ᤴᤏᤡᤴᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤣᤛᤠᤱ ᤐᤣᤃᤡᤖᤥ॥ ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤛᤣᤛᤣ ᤆᤥ᤺ᤰᤛᤧ ᤂᤪᤡᤛ᤻ᤋᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤠᤏᤡ᤹ ᤋᤠᤵᤑᤧ᤺ᤶᤒᤠ ᤂᤠᤛᤡᤱᤅᤡᤴ ᤛᤠᤰᤂᤢᤀᤠᤱ ᤘᤠ᤹ ᤜᤧᤰᤁᤩᤠᤱ ᤀᤠᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤴ ᤛᤣᤛᤣᤒᤠ ᤆᤫᤠ᤺ᤳᤋᤡᤸᤗᤧ ᤘᤠᤜᤵᤋᤢᤀᤠᤱ ᤘᤠ᤹ᤖᤥ॥  
\v 23 ᤜᤧᤰᤁᤩᤠᤱ ᤀᤠᤏᤡ᤹ ᤀᤠᤃᤳᤋᤢᤶ ᤗ᤹ᤖᤡᤰ ᤋᤧᤴᤍᤡᤱ ᤀᤠᤈᤥᤃᤢᤶᤒᤠ ᤏᤡᤱᤛᤠᤱᤅᤡᤴ ᤔᤧᤸᤗᤧᤳᤋᤣ ᤁᤳᤋᤢᤶᤗᤥ. ᤌᤣᤀᤠᤱᤓᤧᤸᤗᤧ ᤔᤠᤱᤜᤧᤰ ᤁᤧᤈᤥ᤺ᤰᤐᤠᤱᤃ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ॥  
\v 24 ᤀᤠᤸᤗ ᤀᤠᤏᤡ᤹ ᤗᤢᤶᤔᤥ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤏᤢ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤥ ᤜᤠᤱᤜᤠᤱ ᤔᤧᤳᤇᤡᤱᤔᤠ ᤀᤠᤰᤂᤣᤀᤠᤱ ᤀᤠᤛᤢᤰᤋᤢᤶ ᤂᤧᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤶᤗᤥ॥  
\v 25 ᤁᤢᤓᤠ ᤏᤛᤠᤏᤡᤒᤠᤜᤠ᤹ᤖᤧ ᤛᤥᤖᤡᤰ ᤆᤢᤶᤔᤠ ᤕᤧᤵᤗᤧᤰ ᤔᤧᤱᤃᤳᤋᤢᤴ. ᤁᤖ ᤀᤠᤏᤡ᤹ᤃ ᤛᤥᤖᤡᤰ ᤆᤢᤶᤔᤠ ᤗᤧᤖᤢᤶ ᤔᤧ᤺ᤴᤗᤥ॥ ᤁᤖ ᤍᤠᤱᤒᤠᤸᤗᤧ ᤁᤢᤕᤢ᤺ᤔᤠ ᤕᤧᤴᤏᤡᤴ ᤏᤡ᤺ᤳᤋᤠᤱ ᤋᤠᤖ ᤐᤵᤐᤠ ᤂᤡᤏᤡ᤹ ᤁᤧᤏᤡ᤺ᤛᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤜᤠᤱᤜᤠᤱ ᤔᤧᤳᤋᤠᤛᤡ᤹ᤖᤥ॥ 
\p  
\v 26 ᤀᤠᤏᤡ᤹ ᤛᤧᤰᤂᤠ᤺ᤴ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤛᤠᤱ ᤏᤡ᤺ᤏᤡ᤺ᤒᤠᤀᤣ ᤗᤠᤕᤥ ᤀᤠᤈᤥᤃᤢᤶᤗ ᤀᤠᤘᤠ᤹ᤏᤧ ᤑᤠ᤹ᤃᤪ ᤂᤧᤴ ᤗᤠᤕᤥᤗᤠᤶ ᤗᤧᤵᤔᤡ ᤐᤡᤔᤠ ᤁᤧᤛᤢᤰᤐᤠ ᤛᤡᤍᤢᤱᤈᤓᤠ ᤌᤣᤀᤠᤱ ᤜᤥ᤺ᤵᤗᤥ॥  
\v 27 ᤁᤖ ᤂᤧᤸᤗᤧ ᤁᤢᤗᤧᤰᤘᤠ ᤂᤧᤴ ᤜᤧᤰᤋᤱᤒᤠ ᤗᤠᤕᤥ ᤁᤧᤈᤥ᤺ᤰᤐᤠᤸᤗᤧ ᤁᤡᤵᤔᤠ ᤁᤧᤄᤢ᤺ᤒᤠ ᤂᤢᤶᤍᤡᤱᤅᤡᤴ ᤛᤧᤰᤂᤠᤀᤣ ᤂᤥ᤺ᤛᤢ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤁᤧᤒᤥ᤺ᤰᤐᤠ ᤂᤧᤴ ᤔᤏᤠ᤺ᤴ ᤜᤢᤖᤢᤖᤢᤏᤠ ᤁᤧᤍᤡ᤺ᤵᤐᤠ ᤔᤡ᤺ᤸᤗᤧ ᤔᤧᤰᤂᤢ᤹ᤖᤥ॥  
\v 28 ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤁᤧᤏᤠ᤹ᤒᤠ ᤔᤏᤠ᤺ᤴ ᤏᤧᤳᤇᤡ ᤀᤡᤃᤪ ᤛᤢᤶᤛᤡᤖᤧ ᤔᤧᤒᤡᤖᤢᤒᤠ ᤐᤷᤔᤠᤱᤃᤡ ᤘᤠ᤹ᤏᤧ ᤑᤠ᤹ᤃᤪ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤔᤧ᤺ᤴᤏᤧ ᤛᤡ᤺ᤔᤠ ᤐᤥ᤺ᤱ॥  
\v 29 ᤏᤡᤱᤘᤠ᤹ᤑᤢᤛᤠ᤺ᤴ ᤁᤢᤏᤠᤔᤧᤴᤇᤠ᤹ ᤁᤧᤔᤧᤵᤐᤧᤴ. ᤀᤠᤒᤠᤅᤣ ᤛᤣᤛᤣ ᤁᤧᤈᤥ᤺ᤰᤐᤠ ᤔᤠᤱᤜᤢᤵᤐᤡᤸᤗᤧᤴ ᤔᤠᤰᤂᤡ᤹ᤀᤡᤴ ᤀᤠᤛᤢᤳᤌᤥ ᤁᤧᤈᤥ᤺ᤰᤐᤧᤴ ᤜᤧᤰᤁᤩᤠᤱ ᤗᤢᤱᤃᤢᤶ ᤁᤧᤒᤡᤒᤠ ᤛᤣᤛᤣᤔᤠᤱᤅᤡᤴ ᤁᤧᤀᤵᤐᤧᤴ ᤂᤧᤴᤏᤢ᤺ᤸᤗᤧᤀᤠᤱ ᤁᤧᤛᤠᤰᤐᤠ ᤂᤢᤶᤍᤡᤱ ᤂᤥ᤺ᤔᤠ ᤗᤠ᤹ᤖᤢᤖᤥ॥  
\v 30 ᤌᤣᤀᤠᤱᤓᤧᤸᤗᤧ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤧᤴ ᤂᤢᤶᤍᤡᤱ ᤐᤡᤔᤠ ᤀᤠᤗᤰᤐᤧᤴᤗᤥ. ᤀᤡᤱᤃᤠ᤹ᤀᤣ ᤁᤢᤗᤧᤰᤘᤠ ᤏᤢ᤺ᤰᤋᤢᤱ ᤐᤡᤖᤢᤱ ᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠᤴ ᤀᤠᤏᤡ᤹ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ॥ ᤀᤰᤂᤣᤀᤠᤱ ᤐᤠ᤺ᤳᤋᤢᤀᤠᤱ ᤘᤠ᤹ᤖᤥ. “ᤕᤜᤘᤣ ᤍᤠᤱᤒᤠᤸᤗᤧ ᤀᤠᤒᤠᤅᤣ ᤁᤢᤔᤏᤠᤜᤠ᤹ ᤂᤠᤛᤧᤴ ᤗᤥ᤺ᤴᤍᤢᤛᤡ᤹ᤖᤥ॥” \f * \fr 10:30 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥈.᥉᥋\f* 
\v 31 ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤢᤰᤁᤥ ᤌᤠᤔᤠᤃ ᤛᤠ᤹ᤖᤡᤰ ᤁᤡᤵᤔᤠ ᤁᤧᤄᤢ᤺ᤒᤠ ᤐᤠ᤺ᤴᤗᤥ᥄ 
\p  
\v 32 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤥ᤺ᤳᤋᤡ᤺ᤴ ᤁᤧᤏᤡ᤺ᤛᤢᤶᤔᤠᤱ ᤏᤛᤠ᤺ᤴ ᤁᤧᤈᤥᤃᤢᤶᤒᤠ ᤋᤃᤡᤒᤠ ᤕᤧᤴᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ ᤂᤡᤏᤡ᤹ ᤛᤠ᤹ᤖᤡᤰ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤍᤢᤔᤢᤶᤛᤠᤱ ᤏᤛᤠ᤺ᤴᤏᤥ ᤀᤕᤠᤰ ᤔᤧᤸᤗ᤹ᤀᤣ ᤁᤧᤘᤕᤡᤒᤠᤴ ᤀᤡ᤺ᤳᤋᤧᤶᤔᤧ᤹ᤀᤥ॥  
\v 33 ᤁᤢᤓᤠ ᤕᤧᤶᤔᤥᤃ ᤂᤡᤏᤡ᤹ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤜᤡᤏᤠ᤺ᤶ ᤁᤧᤶᤔᤧᤳᤋᤡᤀᤠᤱ ᤋᤢᤰᤂᤣ ᤁᤧᤶᤈᤠ᤺ᤳᤋᤡ᤹॥ ᤜᤧᤰᤁᤩᤠᤱ ᤁᤢᤓᤠ ᤕᤧᤶᤔᤥᤃ ᤜᤧᤰᤋᤱᤒᤠ ᤐᤠ᤺ᤴᤏᤥ ᤁᤧᤎᤠ᤺ᤒᤠᤜᤠ᤹ᤏᤢ ᤛᤥᤖᤡᤰ ᤁᤧᤘᤕᤡᤀᤠᤱ ᤁᤢᤓᤠ᤹ ᤁᤧᤒᤡᤖᤢᤶᤛᤡᤶᤗᤥ॥  
\v 34 ᤂᤡᤏᤡ᤹ᤃ ᤐᤢᤱᤗᤠᤜᤡᤶᤔᤥ ᤁᤧᤎᤠ᤺ᤒᤠᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶ॥ ᤔᤏᤠᤜᤠ᤹ᤖᤧ ᤂᤡᤏᤡ᤹ ᤕᤠᤱᤛᤠᤁᤢᤴᤎᤣᤜᤠ᤹ ᤁᤧᤶᤏᤠᤵᤋᤡ ᤁᤧᤶᤍᤣ᤹ᤖᤡᤛᤠᤱ ᤁᤧᤛ᤺ᤳᤋᤡᤖ ᤏᤠᤛᤡᤁᤧᤎ᤺ᤳᤋᤢᤶ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤁᤧᤃᤳᤋᤢᤶᤒᤠ ᤐᤠ᤺ᤴᤜᤠ᤹ᤏᤢ᤺ᤸᤗᤧᤀᤠᤱ ᤏᤢ᤺ᤒᤠ ᤏᤢ ᤛᤍᤠᤍᤡᤱ ᤁᤧᤘᤠ᤹ᤒᤠ ᤕᤠᤶᤛᤠᤶᤃᤧᤴ ᤕᤠᤱᤛᤠᤁᤢᤴᤎᤣ᤺ᤴ ᤁᤧᤃᤳᤋᤢᤶ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤥ॥  
\v 35 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤏᤡᤛ᤻ᤛᤣᤒᤠ ᤏᤛᤠ᤺ᤴᤏᤡᤴ ᤔᤧᤗᤧᤖᤧᤶᤔᤡᤶᤏᤧ᤹ᤀᤥ॥ ᤂᤧᤸᤗᤧ ᤕᤶᤒᤠ ᤜᤠᤱᤛᤧᤶᤔᤡᤴ ᤋᤠᤖᤢᤖᤥ॥  
\v 36 ᤂᤡᤏᤡ᤹ ᤏᤠᤛᤡᤁᤧᤎ᤺ᤳᤋᤢᤶᤗ ᤐᤥ᤺ᤱᤗᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤁᤧᤈᤥᤃᤢᤶᤔᤡᤸᤗᤧ ᤂᤢᤏᤧ᤹ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤁᤧᤄᤥ᤺ᤛᤢᤶᤗᤥ॥  
\v 37 ᤛᤠᤶᤕᤥᤛᤠᤵᤗᤠ᤺ᤸᤗᤧ ᤐᤠ᤺ᤳᤋᤢ᤹. 
\q1 “ᤀᤠᤰᤂᤥ ᤛᤵᤔᤠᤀᤠᤱ ᤁᤧᤍᤠ᤺ᤒᤠᤖ ᤁᤧᤒᤵᤐᤧᤴ ᤋᤠ᤺ᤀᤣᤖᤥ. ᤜᤧᤰᤁᤩᤠᤱ ᤂᤢᤏᤧ᤹ ᤔᤧᤛᤢ᤺ᤏᤧᤴᤗᤥ॥  
\v 38 ᤁᤖ ᤀᤡᤱᤃᤠ᤹ ᤀᤠᤛᤠᤶᤕᤥᤏᤡᤒᤠ ᤔᤏᤠᤜᤠ᤹ ᤏᤛᤠ᤺ᤴᤗᤠᤶᤒᤠᤀᤣ ᤔᤧᤜᤡᤱᤗᤥ॥ ᤂᤧᤱᤜᤠ᤹ ᤀᤡᤱᤃᤠ᤹ᤗᤠᤶ ᤔᤧᤏᤢ᤺ᤱ ᤔᤧᤒᤣ᤺ᤰᤏᤧ ᤑᤠ᤹ᤃᤪ ᤂᤧᤱᤜᤠ᤹ᤏᤢ ᤀᤠᤛᤡᤰ ᤂᤧᤱᤗᤥ॥”\f * \fr 10:38 \ft ᤜᤒᤁᤢᤁ ᥈.᥉-᥊\f* 
\m  
\v 39 ᤁᤖ ᤀᤠᤏᤡ᤹ᤃ ᤁᤧᤏᤢ᤺ᤱᤒᤠ ᤁᤧᤒᤣ᤺ᤰᤐᤠᤀᤠᤱ ᤁᤧᤔᤧᤰᤐᤠ ᤔᤏᤠᤛᤡ ᤔᤧ᤺ᤴᤗᤥ. ᤁᤖ ᤀᤠᤏᤡ᤹ᤃ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤀᤠᤱ ᤔᤧᤰᤔᤠᤗᤠᤶ ᤋᤠᤱᤛᤧ᤺ᤵ ᤁᤧᤄᤥ᤺ᤒᤠᤛᤡᤖᤥ॥ 
\c 11  
\s1 ᤏᤛᤠ᤺ᤴ 
\p  
\v 1 ᤀᤠᤸᤗ ᤏᤛᤠ᤺ᤴ ᤑᤠ᤹ᤀᤡᤴ ᤌᤧᤔᤠ ᤑᤠ᤹ᤗᤧ ᤏᤡᤱᤛᤠᤱ ᤀᤠᤈᤥᤃᤢᤶᤒᤠᤴ ᤛᤧᤰᤂᤠᤀᤣ ᤐᤥ᤺ᤱ ᤜᤧᤰᤁᤩᤠᤱ ᤀᤠᤴᤏᤡ᤺ᤛᤢᤶᤔᤡᤴᤒᤠᤴ ᤛᤧᤰᤂᤠᤀᤣ ᤘᤠ᤹ ᤑᤠ᤹ᤀᤠᤱ ᤏᤡᤛ᤻ᤛᤣ ᤆᤥ᤺ᤰᤔᤠᤖᤥ॥  
\v 2 ᤀᤢᤏᤠᤜᤢᤖᤡᤒᤠ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤏᤛᤠ᤺ᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤩᤧᤖᤥ॥ 
\p  
\v 3 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤈᤠᤰᤁᤡᤸᤗᤧ ᤁᤠᤰ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤒᤠ ᤑᤠ᤹ᤀᤠᤱ ᤀᤠᤏᤡ᤹ ᤏᤛᤠ᤺ᤴᤗᤠᤶᤒᤠ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ. ᤜᤧᤰᤁᤣᤗ᤹ᤖᤡᤰ ᤏᤡ᤺ᤔᤏᤠᤒᤠ ᤐᤠ᤺ᤴᤜᤠ᤹ᤃ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠ᤺ᤴᤜᤠ᤹ᤗᤠᤶ ᤐᤥ᤺ᤰᤂᤧᤒᤠᤖᤥ॥ 
\p  
\v 4 ᤏᤛᤠ᤺ᤴᤗᤠᤶᤒᤠᤀᤣ ᤜᤠᤒᤡᤗᤖᤧ ᤁᤢᤶᤓᤢ᤹ ᤁᤕᤡᤏᤧᤴᤏᤢ᤺ᤸᤗᤧᤀᤠᤱ ᤏᤢ᤺ᤒᤠ ᤛᤡᤍᤢᤱᤈᤓᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤍᤢᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤋᤥ᤺ᤴᤍᤢᤒᤠ ᤛᤡᤍᤢᤱᤈᤓᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤀᤠᤱ ᤂᤧᤴᤗᤠᤶᤒᤠᤀᤣ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤔᤏᤠ ᤔᤧᤳᤋᤢᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤛᤩᤧᤛᤠᤱ ᤀᤠᤸᤗᤥ ᤌᤠᤖᤡᤰ ᤂᤢᤏᤧ᤹ ᤁᤢᤏᤛᤠ᤺ᤴᤏᤡᤸᤗᤧ ᤏᤢ᤺ᤒᤠ ᤐᤠ᤺ᤴ ᤀᤠᤜᤢ᤹ᤖᤥ॥\f * \fr 11:4 \ft ᤋᤥᤗᤡᤱᤛᤥᤔᤢ ᥊.᥉-᥇᥆\f* 
\p  
\v 5 ᤏᤛᤠ᤺ᤴᤗᤠᤶᤒᤠᤀᤣ ᤜᤏᤥᤰᤁᤧᤴ ᤔᤧᤴᤇᤡᤀᤣ ᤁᤢᤜᤡᤱᤘᤧᤳ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤠ᤺ᤱ ᤋᤣ᤹ᤖᤧᤖᤥ॥ ᤂᤢᤏᤧ᤹ ᤁᤢᤎᤰᤁᤡᤴ ᤂᤥ᤺ᤔᤧᤍᤧᤳᤋᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤠ᤺ᤱ ᤋᤣ᤹ᤖᤢᤖᤥ॥ ᤂᤢᤏᤧ᤹ ᤌᤠ᤺ᤱ ᤋᤣ᤹ᤔᤠᤏᤢ᤺ᤸᤗᤧ ᤋᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤏᤡᤱᤘᤠ᤹ ᤋᤠᤛᤢᤀᤠᤱ ᤘᤕᤧ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤋᤥ᤺ᤴᤍᤡ ᤐᤡᤖᤢ᤹ᤖᤥ॥\f * \fr 11:5 \ft ᤋᤥᤗᤡᤱᤛᤥᤔᤢ ᥋.᥈᥇-᥈᥊\f* 
\v 6 ᤜᤧᤰᤁᤩᤠᤱ ᤏᤛᤠ᤺ᤴ ᤔᤧ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤛᤢᤰᤔᤧᤍᤧᤳᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤥ ᤁᤧᤍᤠ᤺ᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤧᤰᤂᤠᤀᤣ ᤘᤠ᤹ ᤜᤧᤰᤁᤩᤠᤱ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤂᤢᤏᤧ᤹ ᤁᤧᤃᤥ᤺ᤵᤐᤠᤜᤠ᤹ ᤜᤠᤱᤛᤧᤶ ᤐᤡᤖᤢᤛᤡ᤹ᤖᤥ ᤗ᤹ᤖᤡᤰ ᤏᤛᤠ᤺ᤴ ᤆᤥ᤺ᤰᤔᤠᤀᤣ ᤐᤥ᤺ᤱᤗᤥ॥ 
\p  
\v 7 ᤏᤛᤠ᤺ᤴᤗᤠᤶᤒᤠᤀᤣ ᤏᤢᤜᤠᤖᤧ ᤁᤢᤜᤡᤶᤛᤕᤱᤜᤠ᤹ ᤋᤠᤱᤛᤧ᤺ᤵᤛᤧ ᤘᤠᤗᤠᤎᤠ ᤆᤥᤃᤢᤖᤥ॥ ᤋᤃᤡ ᤀᤠᤵᤑᤠᤸᤗᤧᤀᤠᤱ ᤔᤧᤶᤒᤥ᤺ᤱᤅᤣ ᤁᤧᤘᤠ᤹ᤒᤠ ᤐᤠ᤺ᤴᤜᤠ᤹ ᤀᤠᤸᤗ ᤐᤥ᤺ᤱᤗᤥ ᤗ᤹ᤖᤡᤰ ᤛᤠᤶᤍᤡᤱ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤂᤧᤵᤛᤢᤀᤠᤱ ᤜᤧᤰᤁᤣ ᤆᤥᤃᤢᤖᤥ॥ ᤂᤢᤏᤧ᤹ ᤁᤢᤏᤛᤠ᤺ᤴᤗᤠᤶᤒᤠᤀᤣ ᤂᤧᤴ ᤕᤧᤶᤔᤥᤒᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ ᤀᤠᤵᤋᤡᤰᤁᤥ ᤔᤧᤎᤩᤧ ᤜᤧᤰᤁᤩᤠᤱ ᤏᤛᤠ᤺ᤴᤗᤠᤶ ᤁᤧᤍᤠ᤺ᤒᤠ ᤛᤠᤶᤕᤥᤏᤡᤒᤠ ᤗᤰ ᤁᤧᤄᤥ᤺ᤒᤠ ᤐᤥ᤺ᤰᤂᤧᤖᤥ॥\f * \fr 11:7 \ft ᤋᤥᤗᤡᤱᤛᤥᤔᤢ ᥌.᥇᥉-᥉᥈\f* 
\p  
\v 8 ᤏᤛᤠ᤺ᤴᤗᤠᤶᤒᤠᤀᤣ ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤂᤧᤵᤛᤢ॥ ᤜᤧᤰᤁᤩᤠᤱ ᤀᤢ᤺ᤳᤋᤢᤀᤠᤱ ᤐᤣᤃᤧ᤹ ᤔᤧᤳᤋᤢᤒᤠ ᤗᤠᤈᤣ᤹ᤀᤥ ᤐᤣᤖᤥ॥ ᤂᤧᤴ ᤗᤠᤈᤣ᤹ᤀᤡᤱᤃ ᤋᤠ᤺ᤴᤍᤡ ᤂᤢᤏᤧ᤹ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤁᤢᤗᤰ ᤘᤕᤧᤖᤥ॥ ᤂᤢᤏᤧ᤹ ᤀᤠᤳᤋᤠᤴ ᤐᤣ᤺ᤰᤁᤠᤖ ᤐᤳᤋᤠ ᤑᤠ᤹ᤀᤠᤱ ᤌᤣᤀᤠᤱ ᤔᤧᤏᤡ᤺ᤛᤢᤴᤗᤥ॥\f * \fr 11:8 \ft ᤋᤥᤗᤡᤱᤛᤥᤔᤢ ᥇᥈.᥇-᥋\f* 
\v 9 ᤏᤛᤠ᤺ᤴᤗᤠᤶᤒᤠᤀᤣ ᤂᤢᤏᤧ᤹ ᤔᤠᤱᤜᤧᤰᤁᤥ ᤂᤥ᤺ᤛᤢᤒᤠ ᤗᤠᤈᤣ᤹ᤀᤥ ᤜᤡᤶ ᤆᤥᤃᤢᤀᤠᤱ ᤕᤠ᤺ᤰᤋᤧᤛᤠᤱ ᤂᤢᤏᤧ᤹ᤃ ᤔᤠ᤺ᤱᤄᤠ ᤗᤠᤈᤣ᤹ᤀᤥ ᤋᤠᤵᤁᤧᤒᤧ᤹ᤒᤠᤀᤠᤱ ᤁᤧᤘᤠ᤹ᤒᤠ ᤁᤢᤀᤡᤛᤡ᤺ᤰ ᤘᤕᤧᤖᤥ॥ ᤂᤢᤏᤧ᤹ᤏᤢ ᤛᤥᤖᤡᤰ ᤔᤠᤱᤜᤧᤰᤗᤧᤴ ᤗᤰ ᤁᤧᤄᤥ᤺ᤒᤠ ᤀᤡᤛᤜᤠᤁ ᤏᤢ ᤕᤠᤁᤢᤒ ᤁᤢᤀᤡᤛᤡ᤺ᤰ ᤂᤢᤏᤧ᤹ᤀᤠᤱ ᤛᤠ᤺ᤱᤃᤠᤜᤡᤶᤔᤥ ᤘᤕᤧᤃᤳᤋᤧᤖᤥ॥\f * \fr 11:9 \ft ᤋᤥᤗᤡᤱᤛᤥᤔᤢ ᥉᥋.᥈᥍\f* 
\v 10 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤔᤧᤴᤏᤢᤵᤔᤏᤠᤒᤠ ᤐᤠᤱᤕᤰ ᤁᤧᤏᤧᤒᤠ ᤕᤧᤰᤕᤰᤌᤡᤰ ᤁᤥ᤺ᤳᤋᤢᤖ ᤘᤕᤧᤖᤥ॥ ᤂᤧᤴ ᤕᤧᤰᤕᤰᤁᤡᤸᤗᤧᤴ ᤀᤡᤳᤇᤠᤵ ᤁᤧᤛᤠᤵᤐᤠᤀᤠᤱ ᤁᤧᤈᤥ᤺ᤰᤐᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤣᤖᤥ॥ 
\p  
\v 11 ᤀᤒᤪᤠᤜᤠᤔᤖᤧ ᤁᤢᤔᤣ᤺ᤳ ᤛᤠᤖᤠ᤺ᤴ ᤛᤠᤔᤧᤱᤃᤵᤔᤏᤠᤔᤠ ᤘᤕᤧ ᤜᤧᤰᤁᤩᤠᤱ ᤛᤠᤃᤵᤔᤠ ᤗᤧᤳᤋᤢᤀᤠᤱ ᤘᤕᤧᤛᤠᤱ ᤏᤛᤠ᤺ᤴᤗᤠᤶᤒᤠᤀᤣ ᤛᤠᤃᤵᤔᤠ ᤛᤢᤰᤋᤢᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤔᤠᤱᤜᤧᤰ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴᤛᤠᤒᤠ ᤆᤥ᤺ᤰ ᤑᤠ᤹ᤀᤠᤱ ᤀᤡ᤺ᤳᤋᤢᤖᤥ॥  
\v 12 ᤜᤧᤰᤁᤣᤗ᤹ᤖᤡᤰ ᤁᤴ ᤛᤡ᤺ᤔᤠ ᤁᤧᤀᤡ᤺ᤵᤐᤠ ᤔᤏᤠᤎᤡᤰᤗᤠᤶᤒᤠ ᤀᤠᤳᤋᤠᤳᤋᤠᤴᤏᤣ ᤏᤡ᤺ᤵᤔᤧᤴᤍᤧᤵᤔᤏᤠᤒᤠ ᤋᤠᤱᤛᤠᤰᤐᤥᤒᤠ ᤂᤣ᤺ᤶᤛᤡᤰ ᤏᤢ ᤘᤠᤜᤱᤅᤡᤸᤗᤧ ᤁᤢᤕᤠᤀᤥᤒᤠ ᤕᤧ᤺ᤱᤄᤠ ᤁᤢᤀᤡᤛᤡ᤺ᤰ ᤁᤢᤔᤢ᤹ᤀᤡᤍᤠᤱᤛᤠ ᤔᤧᤒᤥ᤺ᤰᤂᤧᤖᤥ॥  
\v 13 ᤁᤴ ᤁᤠᤰ ᤏᤛᤠ᤺ᤴᤛᤠᤒᤠᤜᤠ᤹ᤖᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ᤏᤢ ᤆᤥᤃᤢᤒᤠ ᤔᤠᤱᤜᤧᤰ ᤔᤧᤱᤄᤥᤀᤣ ᤔᤧᤛᤩᤧ. ᤁᤖ ᤂᤧᤱᤜᤠ᤹ᤖᤧᤃ ᤔᤠ᤺ᤱᤄᤠᤗᤠᤶ ᤂᤧᤴ ᤔᤧᤏᤡ᤺ᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤁᤡᤴ ᤗᤠᤱᤔᤧᤍᤠ᤺ᤰᤋᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤃ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤘᤣ᤹ ᤗᤠᤈᤣ᤹ᤒᤠ ᤏᤢ ᤋᤠᤰᤁᤧᤃᤶᤒᤠ ᤘᤕᤡᤃᤧᤖᤧᤳᤇ ᤗ᤹ᤖᤡᤰ ᤋᤧᤴᤍᤡᤱ ᤔᤧᤈᤥᤃᤢᤖᤥ॥  
\v 14 ᤀᤰᤂᤣᤗ᤹ᤖᤡᤰ ᤁᤧᤒᤠ᤺ᤵᤐᤠ ᤔᤏᤠᤜᤠ᤹ᤖᤧᤃ ᤛᤧᤰᤂᤠᤛᤠᤱ ᤀᤠᤒᤠᤅᤣ ᤂᤢᤏᤡ᤹ ᤗᤠᤈᤣ᤹ᤀᤡᤴ ᤔᤧᤃᤥ᤺ᤳᤋᤢᤖ ᤔᤧᤘᤠ᤹ᤒᤠ ᤏᤡ᤺ᤴᤎᤥ ᤐᤥ᤺ᤱᤗᤥ॥  
\v 15 ᤂᤧᤱᤜᤠ᤹ᤖᤧ ᤔᤧᤗᤧᤖᤢ ᤔᤧᤎᤒᤠ ᤗᤠᤈᤣ᤹ᤀᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤀᤠᤱ ᤔᤧᤘᤕᤧᤸᤗᤧᤃ ᤂᤧᤵᤔᤥ ᤂᤧᤱᤜᤠ᤹ᤖᤧ ᤕᤠᤶᤔᤥ ᤏᤢ᤺ᤱᤔᤠ ᤐᤣ᤺ᤰᤔᤠ ᤕᤧᤶ ᤔᤧᤄᤥ᤺ᤛᤢᤒᤠᤔᤧᤴ॥  
\v 16 ᤁᤖ ᤂᤧᤱᤜᤠ᤹ᤖᤧᤃ ᤂᤧᤴᤏᤢ᤺ᤸᤗᤧᤀᤠᤱ ᤏᤢ᤺ᤒᤠᤃ ᤛᤠᤱᤃᤪᤠᤶᤐᤣᤍᤠᤱᤒᤠ ᤗᤠᤈᤣ᤹ᤀᤡᤴ ᤂᤥ᤺ᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤀᤠ ᤐᤠ᤺ᤵᤔᤠ ᤂᤧᤱᤜᤠ᤹ᤏᤢ ᤛᤡᤖᤡᤱ ᤔᤧᤔᤕᤧᤴᤏᤠᤱ ᤂᤢᤏᤡ᤹ ᤗᤠᤃᤡ ᤏᤢ᤺ᤒᤠ ᤕᤧᤰᤕᤰᤌᤡᤰ ᤕᤠᤖᤡᤵ ᤆᤥᤃᤢ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥ 
\p  
\v 17-18 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤸᤗᤧ ᤁᤢᤏᤡᤱᤘᤠ᤹ ᤛᤠ᤹ᤖᤢᤸᤗᤧ ᤂᤢᤏᤧ᤹ ᤏᤛᤠ᤺ᤴᤗᤠᤶᤒᤠᤀᤣ ᤀᤡᤛᤜᤠᤰᤁᤡᤴ ᤛᤡᤍᤢᤱᤈᤓᤠ ᤁᤢᤀᤡᤛᤡ᤺ᤰ ᤋᤥ᤺ᤴᤍᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤛᤜᤠᤁᤗᤠᤶᤒᤠᤀᤣ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤒᤥ᤺ᤱᤗᤥ\f * \fr 11:17-18 \ft ᤋᤥᤗᤡᤱᤛᤥᤔᤢ ᥈᥈.᥇-᥇᥊. ᥈᥇.᥇᥈\f* ᤗ᤹ᤖᤡᤰ ᤔᤠᤱᤜᤧᤰ ᤐᤡᤖᤢᤀᤠᤱ ᤘᤕᤧᤛᤠᤱ ᤀᤒᤪᤠᤜᤠᤶᤔᤡᤸᤗᤧ ᤗᤳᤌᤡᤰᤗᤰ ᤁᤢᤛ᤻ᤛᤠ᤺ᤴ ᤛᤡᤍᤢᤱᤈᤓᤠ ᤆᤥ᤺ᤰᤔᤠ ᤕᤠᤖᤡᤵ ᤐᤥ᤺ᤰᤂᤧᤖᤥ॥  
\v 19 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤡ᤺ᤒᤠᤜᤠ᤹ ᤕᤠᤶᤔᤥ ᤁᤢᤜᤡᤱᤘᤧᤳ ᤆᤥ᤺ᤰᤔᤠ ᤛᤢᤰᤋᤢᤛᤡ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ ᤀᤡ᤺ᤳᤋᤢᤖᤥ॥ ᤜᤧᤰᤁᤩᤠᤱ ᤛᤧᤰᤂᤠ᤺ᤸᤗᤧᤃ. ᤂᤢᤏᤧ᤹ ᤁᤢᤛᤡᤘᤧᤳ ᤁᤢᤀᤡᤛᤡ᤺ᤰ ᤐᤥ᤺ᤰᤂᤧᤒᤠ ᤀᤡᤛᤜᤠᤰᤁᤡᤴ ᤕᤠᤶᤔᤥ ᤁᤢᤜᤡᤱᤘᤧᤳᤋᤣ ᤂᤥ᤺ᤛᤢᤖᤥ॥  
\v 20 ᤏᤛᤠ᤺ᤴᤗᤠᤶᤒᤠᤀᤣ ᤀᤡᤛᤜᤠᤁᤖᤧᤀᤠᤱ ᤕᤠᤁᤢᤒ ᤏᤢ ᤀᤧᤛᤠᤀᤢ᤺ᤴ ᤂᤢᤴᤇᤡ᤹ ᤁᤧᤍᤠ᤺ᤒᤠ ᤕᤧᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤢ᤹ᤀᤡᤛᤠᤶ ᤌᤠ᤺ᤛᤢᤐᤡᤖᤢᤛᤡᤖᤥ॥\f * \fr 11:20 \ft ᤋᤥᤗᤡᤱᤛᤥᤔᤢ ᥈᥍.᥈᥍-᥈᥏. ᥉᥏-᥊᥆\f* 
\v 21 ᤏᤛᤠ᤺ᤴᤗᤠᤶᤒᤠᤀᤣ ᤕᤠᤁᤢᤒᤧᤴ ᤛᤡ᤺ᤔᤠ ᤕᤧᤶᤔᤥ ᤁᤢᤍᤰᤁᤠ᤺ᤳᤋᤡᤸᤗᤧ ᤋᤰᤛᤡᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥᤃᤢᤖ ᤕᤢᤛᤢᤑᤖᤧ ᤁᤠᤰ ᤁᤢᤛ᤻ᤛᤠ᤺ᤜᤠ᤹ ᤔᤢ᤹ᤀᤡᤛᤠᤶ ᤌᤠ᤺ᤛᤢᤐᤡᤖᤢᤛᤡᤖᤥ॥\f * \fr 11:21 \ft ᤋᤥᤗᤡᤱᤛᤥᤔᤢ ᥊᥍.᥉᥇. ᥊᥎.᥇-᥈᥆\f* 
\p  
\v 22 ᤏᤛᤠ᤺ᤴᤗᤠᤶᤒᤠᤀᤣ ᤕᤢᤛᤢᤑᤖᤧᤀᤠᤱ ᤛᤡ᤺ᤔᤠ ᤀᤡ᤺ᤳᤋᤧᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤔᤧᤗ᤺ᤴ ᤔᤧᤒᤣ᤺ᤰᤐᤠ ᤐᤠ᤺ᤴᤏᤡᤴ ᤆᤧᤰᤂᤢᤀᤠᤱ ᤂᤧᤴ ᤕᤧᤶᤔᤥ ᤁᤢᤕᤧᤵᤐᤡᤴᤏᤠᤱ ᤂᤢᤏᤡ᤹ᤏᤢᤀᤣ ᤔᤧᤍᤣ᤹ᤖᤢᤖ ᤗ᤹ᤖᤡᤰ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥\f * \fr 11:22 \ft ᤋᤥᤗᤡᤱᤛᤥᤔᤢ ᥋᥆.᥈᥊-᥈᥋. ᤗᤠᤶᤍᤡ᤺ᤰ ᥇᥉.᥇᥏\f* 
\p  
\v 23 ᤏᤛᤠ᤺ᤴᤗᤠᤶᤒᤠᤀᤣ ᤔᤥᤛᤠ᤺ᤴ ᤛᤠᤘᤠ᤺ᤴᤇᤡᤱᤅᤡᤸᤗᤧ ᤁᤢᤶᤔᤠ ᤁᤢᤶᤒᤠᤛᤡᤖᤧ ᤗᤠ ᤛᤢᤶᤛᤡ ᤌᤠᤖᤡᤰ ᤆᤡᤰᤂᤧᤳᤇᤢᤀᤠᤱ ᤁᤳᤋᤧᤳᤇᤢ. ᤌᤣᤀᤠᤱᤓᤧᤸᤗᤧ ᤂᤧᤴ ᤀᤅᤧ᤺ᤰᤘᤠ᤺ᤴ ᤛᤠ᤹ᤖᤡᤰ ᤏᤢ᤺ᤒᤠ ᤏᤡ᤺ᤛᤧᤳᤇᤢ. ᤜᤧᤰᤁᤩᤠᤱ ᤜᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴᤏᤠᤱ ᤔᤧᤃᤡᤖᤧᤳᤇᤢᤴᤗᤥ॥\f * \fr 11:23 \ft ᤗᤠᤶᤍᤡ᤺ᤰ ᥇.᥈᥈. ᥈.᥈ \f* 
\p  
\v 24 ᤔᤥᤛᤠ᤺ᤴ ᤌᤠᤱᤒᤧᤴ ᤁᤧᤖᤧᤸᤗᤧ ᤏᤛᤠ᤺ᤴᤗᤠᤶᤒᤠᤀᤣ ᤑᤠᤖᤥ ᤜᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤛ᤻ᤛᤠ᤺ᤀᤠ ᤐᤠ᤺ᤵᤔᤠ ᤔᤧᤍᤧᤴᤍᤧᤴᤗᤥ॥\f * \fr 11:24 \ft ᤗᤠᤶᤍᤡ᤺ᤰ ᥈.᥇᥆-᥇᥈\f* 
\v 25 ᤂᤢᤏᤧ᤹ ᤗᤠᤕᤥᤒᤠ ᤛᤢᤰᤂᤣᤘᤠᤀᤥ ᤛᤵᤑᤠᤎᤡᤰ ᤘᤠ᤹ᤔᤠᤏᤢ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠᤵᤔᤡᤜᤠ᤹ᤏᤢ ᤋᤢᤰᤂᤣᤘᤠᤀᤥ ᤘᤠ᤹ᤔᤠᤀᤣ ᤏᤡᤱᤘᤠ᤹ ᤆᤥᤃᤢᤖᤥ॥  
\v 26 ᤔᤡᤛᤪ ᤗᤠᤈᤣ᤹ᤛ᤻ᤔᤠ ᤕᤠᤱᤛᤠᤁᤢᤴᤎᤣ᤺ᤴᤏᤢ᤺ᤸᤗᤧᤃ ᤂᤪᤡᤛ᤻ᤋᤖᤧ ᤁᤢᤗᤠᤃᤡ ᤏᤡᤱᤄᤢᤶᤔᤥ ᤌᤠᤔᤠᤀᤣ ᤏᤢ᤺ᤒᤠ ᤀᤡ᤺ᤳᤋᤢᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤏᤡᤱᤘᤠ᤹ᤀᤡᤴ ᤋᤠ᤺ᤴᤍᤡ ᤂᤥᤃᤧᤍᤧᤵᤐᤠ ᤌᤢᤶᤄᤥᤀᤥ ᤐᤳᤇᤧᤖᤥ॥  
\v 27 ᤏᤛᤠ᤺ᤴᤗᤠᤶᤒᤠᤀᤣ ᤂᤢᤏᤧ᤹ᤃ ᤏᤡ᤺ᤔᤧᤴᤎᤠ᤺ᤵᤔᤏᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤡ᤺ᤛᤢᤒᤠ ᤁᤢᤀᤡᤛᤡ᤺ᤰᤁᤣ ᤜᤠᤱᤅᤡᤸᤗᤧ ᤁᤢᤛᤡᤰᤁᤡᤴᤏᤢ ᤔᤧᤃᤡᤛᤧᤴᤏᤠᤱ ᤔᤡᤛᤪᤗᤠᤶ ᤗ᤺ᤴᤍᤧᤐᤣᤒᤠᤴ ᤐᤣᤒᤠᤀᤣ ᤐᤥ᤺ᤰᤂᤧᤀᤠᤱ ᤔᤧᤏᤢ᤺ᤰᤂᤧᤴ॥  
\v 28 ᤏᤛᤠ᤺ᤴᤗᤠᤶᤒᤠᤀᤣ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤋᤢᤶᤒᤠ ᤛᤠ᤺ᤜᤠ᤹ ᤁᤧᤔᤧᤱᤒᤠᤸᤗᤧ\f * \fr 11:28 \ft ᤁᤧᤔᤧᤱᤒᤠ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤛᤡ᤺ᤔᤧᤸᤗᤧᤴ ᤔᤠᤱᤗᤠᤀᤡᤱᤒᤠᤴ” ᤐᤥ᤺ᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡᤜᤠ᤹ ᤔᤧᤱᤛᤧ ᤔᤠᤱᤗᤠᤀᤡᤱᤒᤠᤴ ᤐᤠᤱᤄᤢ ᤕᤢ᤺ᤛᤢᤖᤥ (ᤗᤠᤶᤍᤡ᤺ᤰ ᥇᥈.᥈᥇-᥉᥆)॥\f* ᤛᤢ᤺ᤔᤠ ᤔᤧᤛᤢᤰᤋᤢᤴᤇᤡᤴᤗ ᤑᤠ᤹ᤀᤠᤱ ᤂᤢᤏᤧ᤹ ᤔᤠᤰᤂᤡ᤹ᤀᤡᤴ ᤑᤡᤴᤍᤢᤖ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶ ᤌᤡᤶᤔᤡᤴ ᤜᤣ᤺ᤰᤋᤢᤖᤥ॥ 
\p  
\v 29 ᤏᤛᤠ᤺ᤴᤗᤠᤶᤒᤠᤀᤣ ᤀᤡᤛᤪᤠᤀᤡᤗᤡᤜᤠ᤹ ᤛᤧᤱᤛᤧᤱᤒᤠ ᤂᤠᤶᤔᤥ ᤗᤠᤱᤔᤧᤄᤣᤃᤧᤖ ᤜᤧ᤺ᤳᤋᤠᤱᤒᤠ ᤘᤠᤜᤱᤅᤡᤴ ᤔᤧᤃᤠ᤺ᤰᤋᤢᤀᤠᤱ ᤏᤠᤎᤠ᤺ᤶᤒᤡ ᤔᤧᤒᤣᤖᤥ. ᤁᤖ ᤔᤡᤛᤪᤡᤜᤠ᤹ᤖᤧᤀᤠᤱ ᤒᤠ ᤜᤧᤰᤁᤣ ᤆᤥ᤺ᤰᤔᤠ ᤔᤧᤃᤥ᤺ᤳᤋᤢᤸᤗᤧ ᤂᤧᤱᤜᤠ᤹ ᤁᤠᤰ ᤂᤩᤠᤶ ᤔᤧᤜᤢᤔᤧ ᤔᤧᤛᤩᤧᤖᤥ॥\f * \fr 11:29 \ft ᤗᤠᤶᤍᤡ᤺ᤰ ᥇᥊.᥈᥇-᥉᥇\f* 
\p  
\v 30 ᤏᤛᤠ᤺ᤴᤗᤠᤶᤒᤠᤀᤣ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤢᤛᤡ ᤕᤧᤴ ᤌᤠᤖᤡᤰ ᤕᤧᤖᤡᤜᤥ ᤕᤧᤰᤕᤰᤁᤡᤴ ᤔᤧᤃᤒᤢᤀᤠᤱ ᤂᤧᤸᤗᤧ ᤁᤢᤄᤡᤖᤡᤒᤠ ᤗᤢᤱᤎᤠᤰᤁᤡᤴ ᤗᤢ᤺ᤴᤍᤧᤖᤥ॥\f * \fr 11:30 \ft ᤕᤜᤥᤛᤢ ᥌.᥇᥈-᥈᥇\f* 
\p  
\v 31 ᤏᤛᤠ᤺ᤴᤗᤠᤶᤒᤠᤀᤣ ᤕᤧᤖᤡᤜᤥᤀᤥᤔᤠ ᤁᤧᤳᤏᤡᤔᤠ ᤖᤠᤜᤠᤒᤖᤧ ᤀᤡᤛᤪᤠᤀᤡᤗᤡ ᤌᤥ᤺ᤶᤈᤡᤒᤠᤜᤠ᤹ ᤋᤖᤧᤍᤥ᤺ᤛᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤔᤧᤱᤄᤧᤔᤏᤠᤒᤠᤜᤠ᤹ᤏᤢ ᤔᤧᤛᤩᤧᤏᤧᤴᤗᤥ॥\f * \fr 11:31 \ft ᤕᤜᤥᤛᤢ ᥈.᥇-᥈᥇. ᥌.᥈᥈-᥈᥋\f* 
\p  
\v 32 ᤂᤧᤴ ᤕᤠᤖᤡᤰᤁᤠᤱᤎᤥ ᤀᤡᤱᤃᤠ᤹ ᤌᤣ ᤐᤠ᤺ᤵᤔᤠᤒᤣ᥅ ᤃᤡᤍᤡᤕᤥᤏ. ᤒᤠᤖᤠᤁ. ᤛᤡᤶᤛᤏ. ᤕᤡᤵᤋᤠᤜ. ᤍᤠᤀᤢᤍ. ᤛᤠᤔᤢᤀᤧᤗ ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤐᤠ᤺ᤵᤔᤠ ᤕᤧᤶ ᤔᤧᤃᤳᤋᤠᤴᤗᤥ॥\f * \fr 11:32 \ft ᤂᤠᤛᤧᤴᤗᤥᤒᤠ ᥌.᥇᥇-᥎.᥉᥈. ᥊.᥌-᥋.᥉᥇. ᥇᥉.᥈-᥇᥌.᥉᥇. ᥇᥇.᥇-᥇᥈.᥍. ᥇ ᤛᤠᤔᤢᤀᤧᤗ ᥇᥌.᥇-᥇ ᤜᤠᤱᤜᤠ᤹ ᥈.᥇᥇. ᥇ ᤛᤠᤔᤢᤀᤧᤗ ᥇.᥇-᥈᥋.᥇᥇\f* 
\v 33 ᤂᤧᤱᤜᤠ᤹ᤖᤧᤃ ᤏᤛᤠ᤺ᤴᤗᤠᤶᤒᤠᤀᤣ ᤜᤠᤱᤈᤢᤶᤜᤠ᤹ ᤔᤧᤏᤠ᤺ᤴᤍᤢ. ᤛᤠᤶᤕᤥᤏᤡᤒᤠ ᤂᤠᤛᤧᤴ ᤔᤧᤗᤥ᤺ᤴᤍᤢ. ᤔᤠᤱᤜᤧᤰ ᤆᤥ᤺ᤰᤔᤏᤠᤒᤠ ᤐᤠ᤺ᤴᤜᤠ᤹ ᤔᤧᤄᤥ᤺ᤛᤢ॥ ᤂᤧᤱᤜᤠ᤹ᤖᤧ ᤌᤧᤖᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤔᤢᤖᤠ᤺ᤴ ᤔᤧᤛᤢᤒᤢ.\f * \fr 11:33 \ft ᤍᤠᤏᤡᤀᤣᤗ ᥌.᥇-᥈᥍\f* 
\v 34 ᤐᤕᤶ ᤕᤶᤒᤠ ᤔᤡᤖᤠ᤺ᤰᤜᤠ᤹ ᤔᤧᤛᤧᤖᤢ. ᤋᤠᤓᤣᤗᤠᤶᤒᤠ ᤋᤠᤱᤔᤧᤛᤧ᤺ᤵᤋᤧ. ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤠ᤹ᤀᤡ ᤜᤥ᤺ᤵᤋᤧᤛᤠᤱ ᤁᤧᤎᤢᤶᤒᤠ ᤔᤧᤒᤥ᤺ᤰᤂᤧ ᤜᤧᤰᤁᤩᤠᤱ ᤌᤱᤅᤥ ᤔᤢᤰᤁᤧᤃᤢᤒᤠ ᤔᤧᤒᤥ᤺ᤰᤂᤧᤀᤠᤱ ᤏᤡᤱᤔᤡᤜᤠ᤹ ᤔᤧᤏᤠ᤺ᤴᤍᤢᤛᤡᤖᤥ॥\f * \fr 11:34 \ft ᤍᤠᤏᤡᤀᤣᤗ ᥉.᥇-᥉᥆\f* 
\v 35 ᤔᤧᤴᤇᤢᤔᤠᤜᤠ᤹ᤖᤧ ᤁᤧᤛᤡ᤺ᤒᤠ ᤁᤧᤒᤣ᤺ᤰᤐᤠ ᤀᤠᤒᤠᤅᤣ ᤂᤢᤏᤡ᤹ ᤔᤏᤠᤜᤠ᤹ ᤕᤠᤶᤔᤥ ᤁᤢᤜᤡᤱᤘᤧᤳ ᤔᤧᤄᤥ᤺ᤛᤢᤛᤡᤖᤥ॥\f * \fr 11:35 \ft ᥇ ᤜᤠᤱᤜᤠ᤹ ᥇᥍.᥇᥍-᥈᥊. ᥈ ᤜᤠᤱᤜᤠ᤹ ᥊.᥈᥋-᥉᥍\f* 
\p ᤘᤣ᤹ᤜᤠ᤹ᤖᤧ ᤛᤡ᤺ᤔᤧᤴ ᤀᤣᤃᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤴ ᤂᤥ᤺ᤔᤠ ᤑᤠ᤹ᤀᤠᤱ ᤆᤥ᤺ᤰᤕᤢᤶᤓᤥ ᤐᤥ᤺ᤱᤔᤠ ᤔᤧᤴᤍᤧᤴᤍᤧᤴᤏᤠᤱ ᤏᤡᤱᤄᤢᤶᤔᤡᤴ ᤔᤧᤍᤠ᤺ᤰᤋᤢᤖᤥ॥  
\v 36 ᤁᤢᤓᤠᤃ ᤜᤡᤏᤠ᤺ᤶ ᤔᤧᤔᤧᤳᤋᤢᤛᤡᤀᤠᤱ ᤋᤧ᤺ᤶᤓᤢᤰ ᤔᤧᤕᤠᤰᤋᤢᤛᤡ. ᤁᤢᤓᤠᤃ ᤀᤡᤔᤧᤄᤣ᤺ᤰᤂᤢᤛᤡᤀᤠᤱ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤛᤡᤖᤥ॥\f * \fr 11:36 \ft ᥇ ᤜᤠᤱᤜᤠ᤹ ᥈᥈.᥈᥌-᥈᥍. ᥈ ᤛᤠᤵᤔᤢᤴᤎᤢᤶ ᥇᥎.᥈᥋-᥈᥌. ᤕᤷᤔᤡᤕᤠ ᥈᥆.᥈. ᥉᥍.᥇᥋. ᥉᥎.᥌\f* 
\v 37 ᤁᤢᤓᤠ ᤗᤢᤱᤅᤡᤸᤗᤧ ᤔᤧᤗᤧᤵᤋᤢ ᤔᤧᤛᤧᤖᤢᤛᤡ. ᤁᤢᤓᤠ ᤆᤧᤴᤍᤡᤖᤡ᤺ᤸᤗᤧ ᤔᤧᤈᤧᤖᤢ ᤔᤧᤛᤧᤖᤢᤛᤡ. ᤁᤢᤓᤠᤃ ᤋᤠᤓᤣ᤺ᤸᤗᤧ ᤔᤧᤈᤧᤵᤋᤢ ᤔᤧᤛᤧᤖᤢᤛᤡᤖᤥ॥ ᤁᤢᤓᤠᤃ ᤏᤡᤱᤄᤢᤶ ᤏᤢ ᤋᤢᤰᤂᤣ ᤔᤧᤈᤩᤧᤀᤠᤱ ᤆᤠᤜᤠᤒᤥ ᤔᤧᤘᤕᤧᤸᤗᤧ ᤔᤧᤸᤗᤢᤰ ᤏᤢ ᤔᤧᤴᤍᤠᤰ ᤛᤧᤜᤥᤒᤠ ᤆᤠᤱ ᤔᤧᤈᤠᤰᤂᤢ॥\f * \fr 11:37 \ft ᥈ ᤛᤠᤵᤔᤢᤴᤎᤢᤶ ᥈᥊.᥈᥇\f* 
\v 38 ᤂᤧᤱᤜᤠ᤹ᤃ ᤗᤢᤱᤓᤢᤰᤁᤢ ᤏᤢ ᤂᤠᤶᤓᤢᤰᤁᤢᤜᤠ᤹ᤀᤥ ᤕᤠᤱᤎᤥ᤺ᤰᤁᤡ ᤕᤧ᤺ᤱᤄᤠᤍᤧᤴᤏᤥ ᤏᤢ ᤁᤥ᤺ᤰᤔᤠ ᤑᤠᤱᤈᤱ ᤜᤧᤱᤄᤠ᤺ᤳᤋᤡ ᤔᤧᤀᤡᤖᤧᤖ ᤔᤧᤘᤕᤧᤖᤥ॥ ᤂᤧᤴ ᤜᤧᤰᤋᤱᤒᤠ ᤔᤏᤠᤜᤠ᤹ᤖᤧ ᤗᤠᤃᤡ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤛᤢᤶᤒᤥᤎᤠᤒᤠ ᤜᤥ᤺ᤵᤋᤧᤖᤥ॥ 
\p  
\v 39 ᤂᤧᤱᤜᤠ᤹ ᤁᤧᤖᤧᤰᤗᤧ ᤂᤢᤏᤡ᤹ ᤏᤛᤠ᤺ᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧᤍᤠᤛᤢᤛᤠᤱ ᤂᤧᤱᤜᤠ᤹ᤏᤢ ᤆᤥᤃᤧᤒᤠ ᤔᤠᤱᤜᤧᤰᤁᤡᤴ ᤔᤧᤱᤄᤥᤀᤣ ᤔᤧᤛᤩᤧ ᤔᤧᤒᤣᤖᤥ॥  
\v 40 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤸᤗᤛᤠᤱ ᤛᤠ᤹ᤖᤡᤰ ᤏᤢ᤺ᤒᤠ ᤏᤡᤱᤛᤣ᤺ᤰ ᤀᤠᤏᤡ᤹ ᤁᤧᤖᤧᤰᤗᤧ ᤗᤠᤃᤡ ᤁᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤃ ᤀᤠᤏᤡ᤹ᤏᤢᤖᤰ ᤁᤢᤗᤡᤱᤎᤥ ᤔᤧᤃᤧᤳᤗᤥ॥ 
\c 12  
\s1 ᤕᤧᤛᤢᤖᤧ ᤁᤢᤒᤡ᤺ᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤏᤛᤠᤏᤡᤒᤠ ᤜᤡᤱᤔᤴᤗᤧ ᤁᤢᤕᤠ᤺ᤶᤒᤣᤀᤥ ᤁᤶᤔᤩᤠᤰ ᤕᤖᤡᤰ ᤋᤥ᤺ᤴᤍᤡᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤕᤠᤵᤔᤡ ᤁᤧᤜᤶᤒᤠ ᤐᤠ᤺ᤴᤜᤠ᤹ ᤏᤢ ᤁᤧᤖᤧᤰ ᤐᤖᤡᤰᤗᤧᤴ ᤕᤠᤵᤔᤡ ᤁᤧᤄ᤺ᤒᤠ ᤗᤠᤕᤥᤜᤠ᤹ ᤗᤠᤵᤑᤢᤛᤢᤶᤗᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤧᤛ᤻ᤛᤢ ᤀᤠᤒᤡᤖᤧᤒᤠ ᤗᤥ᤺ᤰᤗᤥ᤺ᤰᤁᤣ ᤆᤠ᤺ᤳᤋᤥ ᤏᤠᤛᤡ ᤌ᤺ᤳᤋᤢᤶᤗ ᤗᤥ᤺ᤰᤋᤡᤖᤥ॥  
\v 2 ᤀᤠᤏᤡ᤹ ᤏᤛᤠ᤺ᤴᤏᤡᤴ ᤁᤧᤜᤣ᤺ᤰᤐᤠ ᤏᤢ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤕᤧᤛᤢ᤺ᤴ ᤀᤥᤔᤧᤳᤋᤢᤶᤗᤥ॥ ᤋᤠ᤺ᤴᤍᤡ ᤁᤧᤍᤠ᤺ᤒᤠ ᤀᤥᤔᤢ ᤗ᤹ᤔᤠᤸᤗᤧ ᤗᤠᤃᤡ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱᤒᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤏᤢ ᤏᤠᤎᤠᤔᤠᤴ ᤂᤢᤏᤧ᤹ ᤌᤣᤀᤠᤱ ᤔᤧᤴᤀᤡ᤺ᤳᤋᤣ ᤌᤖᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤠᤱᤕᤢᤰᤏᤠ᤺ᤸᤗᤧ ᤁᤢᤈᤢᤵᤛᤠᤱᤗᤧᤵᤔᤠᤱ ᤕᤢᤱᤛᤡᤱᤗᤥ॥ 
\p  
\v 3 ᤗᤠᤕᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤁᤢᤍᤰᤗᤧᤱᤅᤥ ᤔᤧᤍᤠᤖᤢᤒᤠ ᤀᤰᤋᤱᤒᤠ ᤐᤠ᤺ᤴᤜᤠ᤹ ᤁᤧᤎᤶᤒᤠ ᤕᤧᤛᤢ᤺ᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ. ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤒᤥ ᤏᤠᤕᤥ ᤁᤧᤶᤒᤥ᤺ᤰᤂᤡᤴᤗᤥ. ᤜᤧᤰᤁᤩᤠᤱ ᤂᤡᤏᤡ᤹ ᤛᤰᤔᤠᤀᤠᤱ ᤔᤧᤒᤢ᤹ᤏᤧᤴᤗᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤠᤏᤢᤍᤡᤱ ᤐᤠ᤺ ᤁᤢᤀᤡᤛᤡ᤺ᤰ ᤆᤥ᤺ᤰ 
\p  
\v 4 ᤂᤡᤏᤡ᤹ ᤗᤠᤕᤥ᤺ᤸᤗᤧ ᤁᤢᤍᤰᤗᤧᤱᤘᤠᤀᤥᤒᤠ ᤌᤱᤅᤥ ᤁᤧᤘᤕᤡᤛᤠᤱ ᤛᤡ᤺ᤔᤠᤗᤡᤱᤎᤥᤀᤥ ᤌᤠᤖᤡᤰ ᤔᤧᤱᤃᤧᤳᤋᤣ ᤁᤧᤘᤕᤡ᤹ᤖᤥ॥  
\v 5 ᤂᤡᤏᤡ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ᤛᤣ ᤗ᤹ᤖᤡᤰ ᤁᤧᤶᤔᤧᤳᤋᤡᤒᤠ ᤂᤠᤜᤢᤴᤏᤡᤴ ᤏᤡᤱᤘᤠ᤹ ᤁᤧᤓᤣ᤺ᤳᤇᤢᤶᤒᤡ᥅ 
\q1 “ᤀᤠᤒᤢᤃᤧᤴ ᤀᤠᤛ᤻ᤛᤠ᤺ᤀᤣ. ᤕᤜᤘᤣ ᤍᤠᤱᤒᤠᤸᤗᤧ ᤁᤢᤜᤧᤴᤌᤡᤶᤔᤡᤴ ᤕᤠᤱᤕᤠᤱ ᤔᤧᤀᤡ᤺ᤳᤋᤧᤴᤏᤧ᤹ᤀᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤧᤓᤧ᤺ᤰᤁᤡᤸᤗᤧ ᤁᤧᤏᤡᤱᤛᤠᤱ ᤔᤧᤒᤢᤃᤧᤴᤏᤧ᤹ᤀᤥ.  
\v 6 ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤴ ᤕᤜᤘᤣ ᤍᤠᤱᤒᤠᤸᤗᤧ ᤗᤢᤱᤔᤠ᤹ ᤋᤢᤰᤋᤢ᤹. ᤂᤧᤴ ᤜᤧᤴᤌᤡᤶ ᤕᤠᤰᤋᤢ᤹. ᤜᤧᤰᤁᤩᤠᤱ ᤂᤢᤏᤧ᤹ ᤋᤧᤴᤍᤡᤱ ᤆᤥᤃᤢᤒᤠ ᤀᤠᤳᤋᤡᤴ ᤁᤢᤛ᤻ᤛᤠ᤺ᤴᤇᤠᤱ ᤂᤢᤶᤍᤡᤱ ᤐᤡᤖᤢ᤹ᤖᤥ॥”\f * \fr 12:6 \ft ᤛᤡᤘᤠᤍᤡᤱ ᤂᤠᤜᤢᤴ ᥉.᥇᥇-᥇᥈\f* 
\m  
\v 7 ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤜᤧᤴᤌᤡᤶ ᤁᤢᤀᤡᤛᤡ᤺ᤰ ᤌᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ ᤁᤢᤀᤡᤛᤡ᤺ᤰ ᤁᤧᤀᤡ᤺ᤳᤋᤡ᤹ᤖᤥ॥ ᤀᤠᤳᤋᤡᤴ ᤐᤠ᤺ᤸᤗᤧ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤜᤧᤴᤌᤡᤶ ᤔᤧᤕᤠᤰᤋᤢᤴᤒᤣ᥅  
\v 8 ᤂᤡᤏᤡ᤹ ᤀᤠᤳᤋᤡᤴᤜᤠ᤹ᤖᤧ ᤐᤠ᤺ᤗᤠᤶ ᤁᤠᤰ ᤛᤠ᤺ᤜᤠ᤹ᤖᤧ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤜᤧᤴᤌᤡᤶᤔᤡᤴ ᤁᤧᤱᤄᤥ᤺ᤛᤢᤶᤔᤡᤴᤏᤧ ᤑᤠ᤹ᤃᤪ ᤂᤡᤏᤡ᤹ᤃ ᤛᤧᤰᤂᤠᤒᤠ ᤛᤠ᤺ ᤔᤧ᤺ᤴ. ᤁᤖ ᤂᤥ᤹ᤛᤠᤏᤡᤱᤗᤥ॥  
\v 9 ᤀᤠᤸᤗ ᤀᤡᤰᤛᤠᤒᤠ ᤀᤠᤏᤡ᤹ ᤐᤠ᤺ᤜᤠ᤹ᤖᤧ ᤜᤧᤴᤌᤡᤶ ᤀᤠᤔᤩᤠᤰᤋᤧᤸᤗᤧᤃ ᤀᤠᤏᤡ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤀᤠᤒᤡᤖᤢᤶᤛᤡᤶᤗᤥ॥ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤀᤠᤏᤡ᤹ ᤕᤠᤶᤛᤠᤶᤔᤡᤸᤗᤧᤴ ᤐᤠ᤺ᤸᤗᤧ ᤜᤧᤴᤌᤡᤶ ᤀᤠᤕᤠᤰᤁᤡᤸᤗᤧ ᤀᤠᤏᤡ᤹ ᤛᤧᤰᤂᤠᤒᤠ ᤜᤡᤱᤔᤴ ᤂᤥ᤺ᤔᤠ ᤑᤠ᤹ᤀᤠᤱ ᤂᤧᤴ ᤜᤧᤴᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤋᤠ᤺ᤔᤠ ᤐᤥ᤺ᤱᤗᤥ॥  
\v 10 ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤒᤠ ᤀᤠᤏᤡ᤹ ᤐᤠ᤺ᤜᤠ᤹ᤖᤧ ᤁᤢᤓᤠ ᤋᤱᤒᤣ ᤌᤠᤖᤡᤰ ᤂᤢᤏᤡ᤹ ᤔᤧᤗᤧᤛ᤻ᤛᤢ ᤔᤧᤏᤡ᤺ᤛᤢᤒᤠ ᤕᤠᤖᤡᤰ ᤜᤧᤴᤌᤡᤶ ᤀᤠᤶᤕᤠᤰᤗᤥ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤀᤡᤛᤡ᤺ᤰ ᤛᤣᤛᤣᤒᤠ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤀᤠᤏᤡ᤹ ᤀᤡᤴᤎᤠ᤺ᤰᤗᤧ ᤗᤠᤃᤡ ᤂᤢᤏᤧ᤹ ᤜᤧᤴᤌᤡᤶ ᤀᤠᤕᤠᤰᤗᤥ॥  
\v 11 ᤀᤠᤳᤋᤡᤴ ᤜᤧᤴᤌᤡᤶᤔᤡᤴᤏᤠᤱ ᤂᤥ᤺ᤔᤠ ᤕᤧᤶᤔᤥ ᤂᤧᤴ ᤛᤡᤖᤠ᤹ ᤁᤧᤎᤠᤱᤒᤠ ᤔᤧᤈᤥ᤺ᤰᤏᤧᤴᤗᤥ ᤁᤖ ᤁᤱᤃ ᤛᤠᤰᤗᤥ. ᤜᤧᤰᤁᤣᤛᤠᤱ ᤕᤠᤱᤛᤡ ᤂᤧᤴ ᤜᤧᤴᤌᤡᤶᤗᤠᤶ ᤛᤃᤧᤎᤠᤛᤡᤱᤒᤠᤜᤠ᤹ ᤛᤠᤶᤕᤥᤏᤡᤒᤠ ᤜᤡᤱᤔᤴᤏᤥ ᤔᤧᤜᤡᤱᤅᤠᤱ ᤛᤏᤠᤖᤢᤱ ᤔᤧᤄᤥ᤺ᤛᤢ᤹ᤖᤥ॥ 
\p  
\v 12 ᤂᤧᤸᤗᤧ ᤆᤥᤃᤢᤸᤗᤧ ᤛᤥᤖᤥ ᤁᤧᤗ᤹ᤒᤠ ᤜᤢᤰᤜᤠ᤹ ᤑᤥ᤺ᤰᤂᤧᤶᤔᤧ᤹ ᤜᤧᤰᤁᤩᤠᤱ ᤌᤧᤃᤰᤁᤰ ᤁᤧᤕᤱᤒᤠ ᤌᤢᤱᤒᤥᤜᤠ᤹ ᤁᤧᤎᤢᤶᤒᤠ ᤆᤥᤃᤧᤶᤔᤧ᤹॥  
\v 13 ᤗᤠᤱᤛᤰᤐᤠᤜᤠ᤹ ᤔᤧᤘᤣ᤺ᤳᤋᤠᤱ ᤔᤧᤴᤈᤥ᤺ᤴᤏᤣ ᤔᤧᤱᤃᤧᤱᤅᤣ ᤗᤠᤱᤄᤣ᤺ᤰᤔᤠ ᤔᤧᤛᤢᤰᤗ ᤑᤠ᤹ᤀᤠᤱ ᤂᤡᤏᤡ᤹ ᤗᤠᤶᤔᤡᤴ ᤋᤥ᤺ᤴᤍᤧᤶᤔᤧ᤹ᤀᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤗᤠᤶ ᤛᤠᤶᤍᤡᤱ 
\p  
\v 14 ᤁᤠᤰ ᤔᤏᤠᤜᤠ᤹ᤏᤢ ᤛᤏᤠᤖᤢᤱᤅᤥ ᤘᤠ᤹ᤔᤠ ᤏᤢ ᤛᤣᤛᤣ ᤐᤥ᤺ᤱᤔᤠ ᤁᤠᤰ ᤐᤖᤡᤰᤗᤧ ᤋᤶᤛᤡᤴ ᤆᤥᤃᤧᤶᤔᤧ᤹ᤀᤥ॥ ᤛᤣᤛᤣ ᤔᤧᤶᤒᤥ᤺ᤱᤅᤣᤃ ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤕᤜᤘᤣ ᤍᤠᤱᤒᤠᤴ ᤔᤧᤏᤡ᤺ᤛᤢᤴᤗᤥ॥  
\v 15 ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥ ᤀᤠᤳᤋᤡᤴᤏᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤔᤧᤱᤄᤥ᤺ᤔᤏᤠᤒᤠ ᤔᤧᤒᤥ᤺ᤱᤏᤧᤴᤗ. ᤛᤡᤰ ᤐᤥ᤺ᤰᤔᤠᤸᤗᤧ ᤂᤣᤔᤠ ᤌᤰᤔᤠ ᤔᤧᤓᤥ᤺ᤰᤂᤢᤴᤗ. ᤜᤧᤰᤁᤩᤠᤱ ᤂᤧᤴ ᤏᤡᤱ ᤁᤢᤀᤡᤛᤡ᤺ᤰᤐᤠ ᤛᤡᤰᤁᤢ᤺ᤔᤠᤸᤗᤧ ᤘᤣ᤹ ᤔᤏᤠᤜᤠ᤹ᤀᤠᤱ ᤔᤧᤈᤡ᤺ᤴᤍᤢᤴᤇᤡᤸᤗ ᤑᤠ᤹ᤀᤠᤱ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ॥  
\v 16 ᤜᤧᤰᤁᤩᤠᤱ ᤀᤠᤳᤋᤡᤴᤏᤠᤱ ᤆᤠᤃᤧᤗᤠᤶᤒᤠ ᤀᤡᤃᤪ ᤀᤧᤛᤠᤀᤢ ᤜᤧᤰᤋᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤱᤃᤥ᤺ᤵᤔᤏᤠ ᤔᤧᤶᤒᤥ᤺ᤱᤏᤧᤴᤗᤖᤥ॥ ᤂᤧᤸᤗᤧᤃ ᤆᤠᤔᤠ ᤌᤢᤱᤔᤠᤖᤧᤗᤠᤃᤡ ᤋᤢᤶᤒᤠ ᤁᤢᤕᤢᤰᤁᤡᤴ ᤗᤧᤰᤋᤢᤖᤥ॥  
\v 17 ᤜᤧᤰᤁᤩᤠᤱ ᤕᤠᤱᤛᤡ ᤁᤢᤶᤒᤠᤗᤠᤶᤒᤠ ᤔᤢ᤹ᤀᤡᤛᤠᤶ ᤂᤥ᤺ᤔᤠ ᤑᤠ᤹ᤀᤠᤱ ᤀᤠᤰᤂᤧᤴ ᤁᤥ᤺ᤳᤋᤢᤛᤠᤱ ᤂᤧᤴ ᤏᤠ᤹ᤖᤧᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤧᤏᤡ᤺ᤛᤢᤶᤗᤥ॥ ᤂᤧᤸᤗᤧ ᤁᤢᤔᤡᤰᤘᤠ ᤌᤠ᤺ᤛᤢᤖ ᤔᤢ᤹ᤀᤡᤛᤠᤶ ᤂᤥ᤺ᤔᤠ ᤏᤡᤱᤘᤠ᤹ ᤆᤥᤃᤢᤛᤠᤱ ᤋᤠᤵᤑᤧ᤺ᤶᤒᤠ ᤁᤢᤕᤠ᤺ᤶᤒᤰᤗᤠᤶᤒᤠ ᤏᤢ᤺ᤱᤔᤠ ᤕᤧᤶᤔᤡᤴ ᤗᤧᤰᤋᤧᤒᤣᤀᤠᤱ ᤘᤕᤧᤖᤥ॥ 
\p  
\v 18-19 ᤂᤡᤏᤡ᤹ᤃ ᤛᤡᤏᤠᤀᤡ ᤁᤥ᤺ᤰᤔᤠ ᤜᤧᤰᤋᤱᤒᤠ ᤛᤢ᤺ᤔᤠ ᤛᤢᤰᤁᤧᤍᤧᤵᤐᤠ ᤍᤧᤴᤏᤥ ᤔᤧᤴᤍᤠᤀᤣ ᤁᤧᤘᤕᤡ᤹. ᤜᤧᤰᤁᤩᤠᤱ ᤔᤡ ᤁᤧᤍᤡ᤺ᤵᤐᤠ. ᤂᤠᤃᤧᤍᤠᤶᤒᤠ. ᤔᤠᤰᤁᤧᤗ᤹ᤒᤠ ᤜᤧᤰᤁᤩᤠᤱ ᤁᤡᤵᤔᤠ ᤁᤧᤄᤢ᤺ᤒᤠ ᤛᤥᤖᤡᤳ ᤁᤣᤈᤱ ᤁᤧᤜᤢᤒᤠ ᤍᤧᤴᤏᤥ. ᤌᤢᤳᤋᤢᤖᤡ᤺ᤵᤐᤠ ᤔᤢᤰᤋᤧᤒᤠ ᤀᤡᤰᤗᤠ ᤏᤢ ᤁᤡᤵᤔᤠ ᤁᤧᤄᤢᤒᤠ ᤀᤡᤰᤗᤠ᤺ᤸᤗᤧ ᤁᤢᤒᤣᤛᤠᤱ ᤔᤧᤴᤍᤠᤀᤣ ᤁᤧᤘᤕᤡ᤹ᤖᤥ॥ ᤂᤧᤴ ᤁᤧᤄᤧᤶᤒᤠᤜᤠ᤹ᤖᤧ ᤕᤠᤶᤔᤥ ᤀᤰᤋᤱᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤀᤡᤰᤗᤠᤀᤥ ᤂᤢᤏᤡ᤹ᤏᤢ ᤔᤧᤒᤠ᤺ᤳᤏᤧᤴᤗ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤖᤥ॥  
\v 20 ᤌᤣᤀᤠᤱᤓᤧᤸᤗᤧ “ᤁᤴ ᤁᤥ᤺ᤰᤔᤠᤴ ᤁᤧᤛᤢᤒᤠ ᤀᤠᤳᤋᤡᤴ ᤌᤰᤛᤠ᤺ᤴᤇᤠᤱ ᤗᤢᤱᤅᤡᤸᤗᤧ ᤗᤧᤵᤋᤧᤶ ᤛᤧᤖᤧᤶᤔᤧ᤹”\f * \fr 12:20 \ft ᤗᤠᤶᤍᤡ᤺ᤰ ᥇᥏.᥇᥉\f* ᤁᤧᤗ᤹ᤒᤠ ᤀᤡᤱᤈᤠ᤺ᤱᤅᤡᤴ ᤂᤧᤱᤜᤠ᤹ᤖᤧ ᤌ᤺ᤵᤔᤠ ᤔᤧᤴᤇᤢᤰᤋᤢᤴᤗᤥ॥  
\v 21 ᤁᤴ ᤏᤡᤕᤠᤖᤠ᤺ᤱᤃ ᤛᤠ᤹ᤖᤡᤰ ᤁᤡᤵᤔᤠ ᤁᤧᤄᤢ᤺ᤒᤠ ᤆᤥᤃᤧ. ᤜᤧᤰᤁᤩᤠᤱ ᤔᤥᤛᤠᤖᤧᤀᤠᤱ ᤀᤡᤱᤃᤠ᤹ᤃ ᤀᤠᤃᤡ᤺ᤔᤠᤸᤗᤧ ᤕᤱᤅᤠᤖᤥ\f * \fr 12:21 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥏.᥇᥏\f* ᤗ᤹ᤖᤡᤰ ᤐᤠ᤺ᤳᤋᤢᤖᤥ॥  
\v 22 ᤁᤖ ᤂᤡᤏᤡ᤹ᤃ ᤛᤡᤕᤥᤏ ᤁᤥ᤺ᤰᤔᤠᤀᤥ. ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤧᤰᤕᤰ ᤛᤠᤱᤃᤪᤠᤶᤐᤣᤍᤠᤱᤒᤠ ᤕᤖᤢᤛᤗᤧᤶᤔᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡᤖᤥ॥ ᤂᤡᤏᤡ᤹ᤃ ᤜᤧᤴᤇᤡᤱ ᤜᤧᤴᤇᤡᤱᤅᤠᤱᤎᤥ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤀᤥᤔᤢ ᤗ᤹ᤔᤠᤖᤧ ᤁᤢᤎᤡᤶᤒᤠ ᤂᤢᤏᤡ᤹ ᤆᤢᤶᤗᤢᤱᤅᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡ᤹ᤖᤥ॥  
\v 23 ᤂᤡᤏᤡ᤹ᤃ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤢᤏᤡ᤹ ᤔᤡᤱᤜᤠ᤹ ᤛᤠᤵᤋᤧᤀᤠᤱ ᤁᤧᤘᤠ᤹ᤒᤠ ᤋᤢᤶᤒᤠ ᤗᤰ ᤁᤧᤄᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤆᤢᤶᤗᤢᤱᤅᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡ᤹ᤖᤥ॥ ᤂᤡᤏᤡ᤹ᤃ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤂᤠᤛᤧᤴᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤥ. ᤜᤧᤰᤁᤩᤠᤱ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤔᤧᤈᤥᤃᤧᤒᤠ ᤛᤠᤶᤕᤥᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤕᤠᤶᤛᤠᤶᤗᤢᤶᤔᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡ᤹ᤖᤥ॥  
\v 24 ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤔᤏᤠᤜᤠ᤹ ᤗᤢᤶᤔᤥ ᤁᤢᤛᤱ ᤔᤠᤱᤜᤢᤵᤗᤧᤴ ᤐᤠ᤺ᤴᤍᤱᤛᤠᤒᤠ ᤕᤧᤛᤢᤖᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡ᤹॥ ᤜᤧᤰᤁᤩᤠᤱ ᤂᤡᤏᤡ᤹ᤃ ᤜᤠᤒᤡᤗᤖᤧ ᤁᤢᤔᤠᤰᤂᤡ᤹ᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤏᤢ᤺ᤒᤠ ᤐᤠ᤺ᤴ ᤁᤧᤒᤠ᤺ᤵᤐᤠ ᤛᤠᤱᤔᤏᤠᤒᤠ ᤕᤧᤛᤢᤖᤧ ᤁᤢᤔᤠᤰᤂᤡ᤹ᤀᤥ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡᤖᤥ॥\f * \fr 12:24 \ft ᤀᤢᤴᤇᤣ᤺ᤴ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤐᤡᤔᤠᤖᤧ ᤗᤠᤃᤡ ᤔᤠᤱᤜᤡᤶᤔᤥᤒᤠ ᤛᤣᤛᤣ ᤋᤧᤴᤏᤥ ᤔᤠᤰᤂᤡ᤹ ᤛᤠᤰᤂᤢᤒᤠ ᤜᤧᤰᤁᤣ. ᤀᤠᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤐᤡᤔᤠᤖᤧ ᤗᤠᤃᤡ ᤕᤧᤛᤢᤖᤧ ᤁᤢᤔᤠᤰᤂᤡ᤹ᤀᤡᤴ ᤘᤠᤍᤣ᤺ᤴᤍᤢ॥ ᤁᤖ ᤁᤕᤡᤏᤖᤧ ᤛᤧᤖᤢᤒᤠ ᤁᤢᤴᤛᤠ᤹ ᤜᤠᤒᤡᤗᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤂᤢᤶᤍᤡᤱ ᤏᤠ᤺ᤰᤋᤢᤖ ᤀ᤺ᤰᤋᤧ (ᤋᤥᤗᤡᤱᤛᤥᤔᤢ ᥊)\f* 
\p  
\v 25 ᤂᤡᤏᤡ᤹ᤏᤢ ᤁᤧᤒᤠ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤴᤏᤠ᤹ᤔᤠ ᤑᤠ᤹ᤀᤠᤱ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ॥ ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤒᤠ ᤀᤡᤱᤃᤧᤛᤠᤒᤠ ᤔᤥᤛᤠ᤺ᤸᤗᤧ ᤁᤢᤛᤠᤶᤍᤡᤱᤅᤡᤴ ᤂᤧᤶᤔᤠ ᤔᤧᤴᤍᤧᤶᤔᤏᤠᤒᤠ ᤀᤡᤛᤪᤠᤀᤡᤗᤡᤜᤠ᤹ ᤋᤠᤱᤔᤧᤴᤇᤧ᤺ᤵᤋᤧᤴᤏᤡᤸᤗᤧ ᤛᤠᤱᤃᤪᤠᤶᤐᤣᤍᤠᤱᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤍᤡᤱ ᤀᤠᤒᤡ᤺ᤸᤗᤧ ᤀᤠᤏᤡ᤹ ᤀᤠᤏᤠ᤹ᤖᤢᤶᤏᤧ ᤑᤠ᤹ᤃᤪ ᤀᤠᤏᤡ᤹ᤀᤠᤱ ᤀᤠᤴᤍᤠᤱᤏᤧᤴᤗᤥ॥  
\v 26 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤡᤏᤠᤀᤡ ᤁᤥ᤺ᤰᤔᤠᤗᤠᤶ ᤐᤠᤖᤧᤸᤗᤧ ᤁᤢᤀᤡᤰᤗᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤕᤰᤂᤢ. ᤁᤖ ᤀᤠᤸᤗᤥ ᤂᤢᤏᤧ᤹ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤠ᤹. “ᤕᤠᤶᤔᤥ ᤌᤡᤰᤗᤧᤱ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴᤗᤰ ᤔᤧ᤺ᤴ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤡᤴᤏᤠᤱ ᤕᤰᤂᤢᤱᤗᤥ॥”\f * \fr 12:26 \ft ᤜᤠᤃ᤻ᤃᤤ ᥈.᥌\f* 
\v 27 ᤁᤴ “ᤕᤠᤶᤔᤥ ᤌᤡᤰᤗᤧᤱ” ᤐᤠ᤺ᤵᤔᤏᤠᤒᤠ ᤛᤢᤳᤗᤠ᤺ᤸᤗᤧᤃ ᤁᤠᤰ ᤏᤠᤘᤠᤃᤧᤴ ᤆᤀᤡ᤺ᤳᤋᤡᤴ ᤕᤱᤅᤠᤱ ᤆᤳᤇᤡᤱ ᤐᤣ᤺ᤰᤗᤥ ᤁᤧᤗ᤹ᤒᤠᤴ ᤀᤥᤛᤣ᤺ᤴᤀᤠᤎᤠᤰᤗᤥ. ᤁᤖ ᤕᤱᤔᤠ ᤛᤢᤰᤔᤧᤴᤍᤧᤵᤔᤏᤠᤒᤠ ᤐᤠ᤺ᤴᤜᤠ᤹ᤖᤰ ᤏᤧᤕᤠ᤺ᤰᤗᤥ॥  
\v 28 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤕᤱᤔᤠ ᤛᤢᤰᤔᤧᤴᤍᤧᤵᤔᤏᤠᤒᤠ ᤜᤠᤱᤈᤢᤶᤔᤡᤴ ᤀᤠᤄᤥ᤺ᤛᤢᤶᤗ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤏᤥᤃᤧᤴᤛᤠᤒᤠ ᤐᤥ᤺ᤰᤂᤡᤖᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤑᤠ᤹ᤀᤠᤱ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤀᤡ ᤁᤡᤖᤢᤶᤗ ᤛᤣᤘᤠ ᤆᤥᤃᤢᤶᤗᤥ॥  
\v 29 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ “ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤁᤠᤰ ᤔᤡᤍᤡᤰᤔᤠ ᤁᤧᤛᤢᤰᤐᤠ ᤐᤠ᤺ᤴᤜᤠ᤹ ᤂᤠᤵᤐᤢ ᤌᤩ᤺ᤱ ᤁᤧᤈᤥ᤺ᤰᤐᤠ ᤔᤡᤖᤥ॥”\f * \fr 12:29 \ft ᤗᤠᤶᤍᤡ᤺ᤰ ᥈᥊.᥈᥌. ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥊.᥈᥊\f* 
\c 13  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤜᤡᤱᤔᤴ 
\p  
\v 1 ᤀᤠᤸᤗ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤆᤰᤔᤧᤸᤗ᤹ᤀᤣ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹ᤀᤥ॥  
\v 2 ᤜᤡᤶᤔᤥ ᤁᤧᤍᤠ᤺ᤒᤠᤜᤠ᤹ ᤋᤖᤣ ᤔᤧᤴᤍᤥ᤺ᤛᤡᤱᤅᤣ ᤔᤧᤒᤠᤱᤄᤧᤶᤛᤡᤶᤔᤧᤴᤏᤧ᤹ᤀᤥ॥ ᤁᤢᤓᤠᤖᤧ ᤜᤧᤰᤁᤣ ᤔᤧᤈᤥᤃᤢᤸᤗᤧ ᤏᤡᤱᤘᤠ᤹ ᤔᤧᤱᤄᤥᤀᤣ ᤔᤠᤱᤗᤠᤀᤡᤱᤒᤠᤜᤠ᤹ ᤋᤖᤣ ᤔᤧᤍᤥ᤺ᤛᤢᤛᤡᤀᤠᤱ ᤘᤠ᤹ᤖᤥ॥  
\v 3 ᤂᤡᤏᤡ᤹ᤀᤠᤱ ᤐᤢᤱᤗᤠᤜᤡᤶᤔᤥ ᤛᤠᤰᤐᤠ ᤁᤧᤎᤩᤧ᤹ᤀᤡᤀᤠᤱ ᤁᤧᤘᤕᤡᤒᤠ ᤁᤢᤀᤡᤛᤡ᤺ᤰᤁᤣ ᤐᤢᤱᤗᤠᤜᤡᤶᤔᤥ ᤁᤧᤕᤠᤰᤐᤠᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧᤶᤛᤡᤶᤔᤧ᤹ᤀᤥ. ᤜᤧᤰᤁᤩᤠᤱ ᤂᤡᤏᤡ᤹ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤌᤰᤁᤥ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤀᤠᤱ ᤁᤧᤘᤕᤡᤒᤠ ᤜᤧᤰᤁᤣ ᤀᤡ᤺ᤳᤋᤧᤶᤔᤧ᤹ᤀᤠᤱ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥ 
\p  
\v 4 ᤋᤧᤴᤎᤠᤶᤃᤧᤴ ᤔᤣ᤺ᤰᤂᤡᤶᤔᤡᤴ ᤁᤧᤖᤧᤰ ᤔᤏᤠᤜᤠ᤹ᤖᤧ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤒᤠ ᤐᤥ᤺ᤱᤔᤠ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤔᤣ᤺ᤳ ᤕᤧᤶᤒᤠ᤹ ᤗᤢᤶᤔᤥ ᤏᤛᤠ᤺ᤴᤛᤠᤒᤠ ᤐᤥ᤺ᤱᤔᤠ ᤐᤥ᤺ᤱᤗᤥ॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤏᤢ ᤁᤧᤖᤧᤰ ᤐᤖᤡᤰᤗᤧᤴ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤂᤠᤛᤧᤴ ᤆᤥᤃᤢᤛᤡ᤹ᤖᤥ॥ 
\p  
\v 5 ᤕᤠᤱᤛᤠᤁᤢᤴᤎᤣ ᤌᤰᤔᤠᤀᤥ ᤛᤩᤠᤱᤐᤧᤴᤍᤠᤱ ᤔᤧᤒᤳᤇᤧᤶᤔᤡᤴᤏᤧ᤹ᤀᤥ. ᤁᤖ ᤁᤧᤃᤳᤋᤢᤶᤒᤠ ᤐᤠ᤺ᤴᤜᤠ᤹ᤀᤥᤀᤣ ᤂᤡᤏᤡ᤹ ᤏᤡᤱᤘᤠ᤹ ᤋᤠᤛᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 “ᤀᤡᤱᤃᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤳᤏᤡᤱᤅᤡᤴ. ᤀᤠᤵᤑᤠᤸᤗᤧᤀᤠᤱ ᤔᤧᤏᤠ᤹ᤏᤡᤱᤅᤡᤴᤗᤥ॥”\f * \fr 13:5 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥉᥇.᥌.᥎\f* 
\m  
\v 6 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤜᤠᤱᤜᤠᤱᤅᤠᤱ ᤀᤰᤂᤣ ᤐᤠ᤺ᤵᤔᤠ ᤀᤠᤛᤢᤰᤋᤢᤶᤗᤥ. 
\q1 “ᤀᤡᤱᤃᤠ᤹ ᤕᤠᤵᤔᤡ ᤁᤢᤓᤠ᤹ ᤁᤧᤒᤡᤒᤧᤱᤃ ᤍᤠᤱᤒᤠᤸᤗᤥ. ᤀᤡᤱᤃᤠ᤹ ᤔᤧᤃᤡᤀᤠᤴᤗᤥ॥ ᤀᤡᤱᤃᤠ᤹ ᤜᤠ᤺ᤳᤗᤧ ᤌᤣ ᤔᤧᤵᤔᤠ ᤛᤢᤰᤁᤠᤒᤣ᥅”\f * \fr 13:6 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥈᥍.᥇. ᥇᥇᥎.᥌.\f* 
\p  
\v 7 ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤧᤜᤢ᤹ᤒᤠ ᤂᤡᤏᤡ᤹ ᤗᤠᤶᤗᤥ᤺ᤒᤠᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧᤶᤛᤡᤶᤔᤧ᤹ᤀᤥ॥ ᤂᤢᤏᤡ᤹ ᤜᤡᤱᤔᤴᤏᤥᤒᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤠᤱ ᤏᤛᤠ᤺ᤴ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ᤀᤠᤱ ᤆᤥᤃᤧᤶᤔᤧ᤹ᤀᤥ॥  
\v 8 ᤕᤧᤛᤢ ᤂᤪᤡᤛ᤻ᤋᤧᤱᤃ ᤔᤡ᤺ᤵᤔᤠ. ᤀᤠᤀᤡᤴ ᤜᤧᤰᤁᤩᤠᤱ ᤀᤠᤓᤧᤸᤗᤧᤛᤠᤱ ᤁᤢᤀᤡᤛᤡ᤺ᤰ ᤘᤠ᤹ᤖᤥ॥  
\v 9 ᤐᤖᤡᤰ ᤐᤖᤡᤰᤐᤠ ᤁᤢᤛᤱ ᤏᤡᤛᤠᤶᤜᤠ᤹ᤀᤥ ᤗᤠᤶᤔᤧᤒᤥ᤺ᤳᤋᤧᤶᤔᤡᤴᤏᤧ᤹ᤀᤥ॥ ᤛᤠᤰᤌᤡᤶ ᤁᤢᤀᤡᤛᤡ᤺ᤰᤐᤠ ᤆᤠᤔᤠ ᤌᤢᤱᤔᤠᤸᤗᤧᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤗᤠᤶᤒᤠᤏᤧ ᤂᤡᤏᤡ᤹ ᤕᤠᤶᤛᤠᤶᤔᤡᤴ ᤁᤧᤎᤢᤶᤒᤠ ᤐᤥ᤺ᤱᤔᤠ ᤏᤢ᤺ᤒᤠ ᤐᤥ᤺ᤱᤗᤥ॥ ᤜᤧᤰᤋᤱᤒᤠ ᤆᤠᤔᤠ ᤌᤢᤱᤔᤠ ᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤖᤧ ᤌᤣᤀᤠᤱ ᤀᤡᤴᤎᤠ᤺ᤰ ᤔᤧᤱᤄᤥ᤺ᤛᤢᤴᤗᤥ॥ 
\p  
\v 10 ᤜᤧᤰᤁᤩᤠᤱ ᤀᤠᤏᤡ᤹ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤎᤡᤰ ᤀᤠᤃᤳᤋᤢᤶ॥ ᤂᤧᤵᤔᤥ ᤋᤥ᤺ᤶᤔᤏᤠᤒᤠ ᤆᤥᤓᤠ᤹ᤜᤠ᤹ ᤛᤣᤛᤣ ᤛᤠ᤺ᤱᤃᤠᤜᤡᤶᤔᤥ ᤔᤠᤱᤛᤣᤘᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤌᤣᤀᤠᤱ ᤆᤠᤔᤠ ᤕᤢᤰ ᤜᤥ᤺ᤵᤋᤧᤖᤥ॥  
\v 11 ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤠᤰᤏᤢ᤺ᤸᤗᤧ ᤛᤣᤛᤣᤒᤠ ᤍᤧᤴᤏᤥ ᤌᤰᤛᤠ ᤔᤠᤰᤂᤡ᤹ᤀᤡᤴ ᤕᤠᤱᤛᤡᤱᤅᤠᤱ ᤗᤠᤕᤥᤖᤧᤴ ᤛᤡᤍᤢᤱᤈᤓᤠ ᤋᤥ᤺ᤴᤇᤧ ᤗᤠ᤺ᤳᤗᤥ. ᤁᤖ ᤌᤰᤛᤠ᤺ᤱᤃ ᤔᤏᤠ ᤘᤠ᤹ᤔᤠ ᤐᤠᤱᤈᤢᤶᤔᤡᤸᤗᤧ ᤗᤠ᤺ᤰᤁᤠᤳ ᤔᤡ ᤔᤧᤎᤡᤰᤂᤢᤖᤥ॥  
\v 12 ᤒᤠ ᤁᤸᤗᤧ ᤆᤥᤃᤢᤸᤗᤧ ᤕᤧᤛᤢ᤺ᤴᤏᤠᤱ ᤀᤠᤒᤠᤅᤣ ᤁᤢᤔᤠᤰᤂᤡ᤹ᤀᤡᤸᤗᤧ ᤔᤏᤠᤜᤠ᤹ ᤛᤢᤳᤌᤥ ᤆᤥ᤺ᤰᤛᤧ ᤕᤧᤰᤕᤰ ᤗᤠ᤺ᤰᤁᤠᤳ ᤛᤩᤧᤖᤥ॥  
\v 13 ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ᤀᤠᤱ ᤂᤢᤏᤧ᤹ᤀᤥ ᤐᤥ᤺ᤰᤂᤡᤀᤠᤱ ᤗᤠ᤺ᤰᤁᤠᤳ ᤐᤡᤃᤡ. ᤜᤧᤰᤁᤩᤠᤱ ᤂᤢᤏᤧ᤹ ᤋᤠ᤺ᤰᤋᤢᤒᤠ ᤜᤡᤏᤠ᤺ᤶᤔᤡᤴ ᤋᤠ᤺ᤰᤋᤢᤶᤗᤥ॥  
\v 14 ᤌᤣᤀᤠᤱᤓᤧᤸᤗᤧ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤍᤠᤍᤡᤱ ᤁᤧᤏᤧᤒᤠ ᤕᤧᤰᤕᤰ ᤀᤠᤱᤃᤳᤋᤢᤶᤔᤡᤴᤗᤥ. ᤁᤖ ᤀᤠᤏᤡ᤹ᤃ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤕᤧᤰᤕᤰᤁᤡᤴ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤀᤠᤜᤠᤱᤄᤢᤶᤗ ᤀᤠᤘᤠ᤹ᤖᤥ॥  
\v 15 ᤀᤠᤸᤗ ᤕᤧᤛᤢᤖᤧ ᤁᤢᤓᤠ᤹ᤗᤠᤶᤒᤠ ᤀᤠᤏᤡ᤹ ᤛᤡᤍᤢᤱᤈᤓᤠ ᤆᤥ᤺ᤰᤔᤏᤠᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤆᤰᤔᤧᤸᤗ᤹ᤀᤣ ᤁᤢᤏᤠᤖᤠ ᤑᤥ᤺ᤛᤢᤶᤗᤥ॥ ᤂᤧᤱᤃ ᤂᤢᤏᤧ᤹ ᤍᤠᤱᤒᤠ ᤗ᤹ᤖᤡᤰ ᤋᤧᤴᤍᤡᤱ ᤆᤥ᤺ᤰᤔᤏᤠᤒᤠ ᤔᤢᤖᤠᤀᤥᤗᤠᤶ ᤁᤧᤗ᤺ᤶᤒᤠ ᤆᤥᤓᤠ᤹ᤖᤥ॥  
\v 16 ᤀᤠᤸᤗ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤏᤢ ᤁᤶᤒᤪᤠᤱ ᤔᤧᤳᤇᤡᤱᤔᤠ ᤁᤢᤓᤠ᤹ ᤐᤡᤛᤡᤱᤔᤠ ᤏᤡᤱᤘᤠ᤹ ᤔᤧᤓᤣ᤺ᤳᤇᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤰᤋᤱᤒᤠ ᤛᤡᤍᤢᤱᤈᤓᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤛᤢᤖᤥ॥ 
\p  
\v 17 ᤂᤡᤏᤡ᤹ ᤗᤠᤶᤗᤥ᤺ᤒᤠᤜᤠ᤹ᤖᤧ ᤁᤧᤶᤔᤧᤳᤋᤡᤒᤠ ᤐᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹. ᤜᤧᤰᤁᤩᤠᤱ ᤂᤢᤏᤡ᤹ ᤕᤢᤰᤁᤥ ᤘᤕᤧᤶᤔᤧ᤹ᤀᤥ॥ ᤂᤧᤱᤜᤠ᤹ᤖᤧ ᤂᤡᤏᤡ᤹ ᤁᤶᤒᤪᤠᤱ ᤁᤧᤶᤔᤧᤳᤋᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤗᤰᤐᤧᤴᤛᤠᤒᤠ ᤔᤧᤒᤥ᤺ᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤂᤧᤴ ᤕᤠ᤺ᤶᤒᤰᤁᤡᤴ ᤔᤧᤛ᤺ᤳᤗ ᤏᤡᤱᤘᤠ᤹ ᤔᤧᤴᤍᤢᤰᤁᤣ ᤔᤧᤈᤥᤃᤢᤖᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤁᤧᤍᤢᤰᤛᤢᤶ ᤁᤧᤒᤡᤖᤢᤶᤛᤡᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤗᤠᤃᤡ ᤌᤣᤀᤠᤱ ᤀᤡᤴᤎᤠ᤺ᤰ ᤔᤧᤒᤥ᤺ᤱᤏᤧᤸᤗᤥ॥ 
\p  
\v 18 ᤀᤠᤏᤡᤃᤧ ᤗᤠᤃᤡ ᤋᤢᤘᤠ ᤆᤥᤃᤧᤶᤔᤧ᤹ᤀᤥ॥ ᤀᤠᤏᤡᤃᤧᤃ ᤛᤣᤛᤣ ᤂᤠᤛᤡᤱ ᤁᤳᤋᤢᤶᤒᤠ ᤜᤧᤰᤁᤩᤠᤱ ᤁᤧᤖᤧᤰ ᤐᤖᤡᤰᤗᤧᤴ ᤔᤡᤱᤛᤥ ᤀᤡᤱᤎᤠ᤺ᤱᤅᤥ ᤜᤡᤱᤔᤠ ᤏᤡᤱᤘᤠ᤹ ᤆᤥᤃᤢᤶᤒᤧᤖᤥ ᤑᤠ᤹ᤀᤠᤱ ᤏᤡᤛ᤻ᤛᤣ ᤘᤕᤡᤃᤧᤖᤥ॥  
\v 19 ᤀᤠᤸᤗᤥ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤕᤠᤶᤔᤥ ᤜᤠᤖᤠᤀᤣ ᤋᤠ᤺ᤔᤠ ᤛᤢᤰᤁᤠᤏᤡᤖᤥ ᤑᤠ᤹ᤀᤠᤱ ᤀᤠᤗᤠᤃᤡ ᤋᤢᤘᤠ ᤆᤥᤃᤧᤶᤔᤧ᤹ ᤗ᤹ᤖᤡᤰ ᤐᤣᤗᤡ ᤑᤠᤰᤏᤡᤱᤗᤥ॥ 
\s1 ᤁᤢᤏᤢᤵᤔᤠ ᤋᤢᤘᤠ ᤏᤢ ᤛᤧᤶᤔᤢ᤹ᤀᤡ ᤛᤣᤘᤠ 
\p  
\v 20 ᤀᤠᤸᤗ ᤐᤕᤶ ᤕᤶᤒᤠ ᤔᤧᤸᤗᤢᤰᤁᤶᤒᤠ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ᤺ᤸᤗᤧ ᤔᤧᤴᤏᤢᤵᤔᤏᤠᤒᤠ ᤔᤠᤱᤜᤢᤵᤐᤡᤸᤗᤧ ᤁᤢᤔᤠᤰᤂᤡ᤹ᤀᤡᤴ ᤘᤠᤃᤧᤍᤣ᤺ᤶᤒᤠᤀᤠᤱ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠ ᤛᤏᤠᤖᤢᤱᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ  
\v 21 ᤂᤢᤏᤧ᤹ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤆᤥ᤺ᤰᤔᤠ ᤆᤠᤜᤠᤒᤠ ᤁᤧᤈᤥᤃᤡᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧ ᤁᤧᤃᤠᤵᤋᤡᤖᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤁᤠᤰ ᤐᤠ᤺ᤴᤜᤠ᤹ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤂᤡᤏᤡ᤹ᤀᤥ ᤆᤥᤃᤢᤏᤡᤖᤥ॥ ᤜᤧᤰᤁᤩᤠᤱ ᤛᤍᤠᤍᤡᤱ ᤛᤍᤠᤍᤡᤱ ᤂᤪᤡᤛ᤻ᤋᤖᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤏᤡᤖᤥ॥ ᤀᤠᤔᤧᤴ॥ 
\p  
\v 22 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ ᤛᤠᤵᤋᤢᤱᤒᤠ ᤁᤴ ᤋᤠᤱᤛᤠ ᤛᤰᤀᤡᤱᤄᤱᤅᤥ ᤁᤧᤒᤵᤐᤠ ᤂᤠᤜᤢᤴᤜᤠ᤹ ᤏᤡᤱᤘᤠ᤹ᤒᤥ ᤋᤠ᤺ᤰᤋᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ 
\p  
\v 23 ᤀᤠᤏᤡ᤹ ᤏᤢᤛᤠ᤹ ᤋᤡᤔᤥᤌᤡ᤺ᤴ ᤐᤢᤱᤗᤠᤜᤡᤶᤔᤥᤗᤠᤶ ᤗᤧᤖᤧᤀᤠᤱ ᤘᤠ᤹ᤒᤠᤴ ᤂᤡᤏᤡ᤹ ᤏᤡᤱᤘᤠ᤹ ᤂᤥ᤺ᤛᤧᤶᤔᤧ᤹ ᤁᤧᤗ᤹ᤒᤠ ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤘᤠ᤹ᤖᤥ॥ ᤂᤢᤏᤧ᤹ ᤁᤵᤔᤥ ᤀᤡᤱᤃᤠ᤹ᤀᤥ ᤜᤠᤖᤠᤀᤣ ᤋᤠ᤺ᤏᤧ ᤑᤠ᤹ᤃᤪ ᤂᤡᤏᤡ᤹ ᤋᤢᤶᤛᤧ ᤀᤠᤴᤇᤡᤃᤧ ᤛᤥᤖᤡᤰ ᤑᤧᤴᤇᤡᤃᤧ᤹ᤖᤥ॥ 
\p  
\v 24 ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤁᤧᤖᤧᤰ ᤗᤠᤶᤗᤥ᤺ᤒᤠᤜᤠ᤹ ᤏᤢ ᤏᤛᤠᤏᤡᤒᤠᤜᤠ᤹ ᤀᤠᤛᤣᤘᤠᤖᤥ ᤔᤧᤳᤋᤧᤶᤛᤡᤶᤔᤧ᤹ᤀᤥ ᤁᤵᤔᤥ ᤀᤡᤋᤠᤗᤡ ᤗᤠᤈᤣ᤹ᤒᤠ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤛᤣᤘᤠ ᤁᤧᤶᤜᤠᤰᤋᤡᤀᤠᤱ ᤘᤠ᤹ᤖᤥ॥  
\v 25 ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤡᤴ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤖᤥ॥