\id GAL  
\h ᤃᤗᤠᤋᤡ 
\toc1 ᤐᤠᤘᤗᤖᤧ ᤃᤗᤠᤋᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\toc2 ᤃᤗᤠᤋᤡ 
\toc3 ᤃᤗᤠᤋᤡ 
\mt1 ᤐᤠᤘᤗᤖᤧ ᤃᤗᤠᤋᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤅᤡᤴ ᤛᤧ᤺ᤔᤠ ᤜᤣ᤺ᤰᤋᤧᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤂᤧᤴ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤜᤣ᤺ᤰᤋᤢᤖᤥ॥ ᤜᤧᤰᤁᤩᤠᤱ ᤛᤧᤰᤂᤠᤒᤠ ᤏᤛᤠᤏᤡᤒᤠ ᤐᤥ᤺ᤱᤔᤠᤖᤧ ᤗᤠᤃᤡ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱᤒᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤐᤠ᤺ᤴ ᤐᤥᤃᤧᤖᤥ॥ ᤐᤠᤘᤗᤖᤧ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤔᤧᤒᤥ᤺ᤱᤏᤧᤸᤗ ᤗ᤹ᤖᤡᤰ ᤐᤠ᤺ᤳᤋᤢ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤖᤧ ᤀᤠᤒᤡᤖᤧᤒᤠ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤸᤗᤧ ᤁᤢᤒᤢᤱᤃ ᤀᤠᤏᤡ᤹ ᤏᤛᤠ᤺ᤴᤏᤡᤸᤗᤥ॥ ᤏᤛᤠ᤺ᤴᤗᤠᤶᤒᤠᤀᤣ ᤀᤠᤏᤡ᤹ ᤁᤧᤖᤧᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤀᤠᤒᤥ᤺ᤱᤗᤥ॥ ᤁᤖ ᤀᤣᤛᤡᤕᤠ ᤔᤠᤀᤡᤏᤖ ᤗᤠᤈᤣ᤹ᤀᤥᤒᤠ ᤃᤗᤠᤋᤡᤕᤠ ᤔᤧᤵᤔᤏᤠᤒᤠ ᤖᤥᤔ ᤌᤢᤶᤔᤥᤒᤠ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤁᤢᤓᤠ ᤔᤏᤠᤜᤠ᤹ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤖᤧ ᤜᤢ᤹ᤖᤢᤛᤡᤒᤠ ᤏᤡᤛᤠᤶᤔᤡᤴ ᤔᤧᤀᤳᤋᤢᤖ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤔᤧᤴᤀᤡ᤺ᤳᤋᤣ ᤔᤧᤴᤏᤠ᤺ᤳᤋᤣᤃ ᤀᤠᤏᤡ᤹ ᤀᤠᤳᤋᤡᤴᤏᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤐᤥ᤺ᤱᤔᤠ ᤀᤠᤴᤇᤢᤰᤏᤧᤴᤗᤥ ᤗ᤹ᤖᤡᤰ ᤜᤠᤍᤡᤱ ᤔᤧᤎᤰᤋᤧᤖᤥ॥ 
\ip ᤐᤠᤘᤗᤖᤧ ᤀᤡᤱᤗᤧᤰᤐᤠ ᤏᤛᤠ᤺ᤴᤏᤡᤸᤗᤧ ᤋᤠᤵᤃᤧᤒᤧ᤹ᤒᤠ ᤃᤗᤠᤋᤡᤜᤠ᤹ ᤛᤧᤰᤂᤠᤒᤠ ᤏᤛᤠ᤺ᤴᤏᤥ ᤏᤢ᤺ᤰᤔᤠᤛᤡ ᤑᤠ᤹ᤀᤠᤱ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤒᤠᤖᤥ॥ ᤂᤢᤏᤧ᤹ ᤂᤪᤡᤛ᤻ᤋᤖᤧ ᤁᤢᤛᤣ᤺ᤰᤕᤢᤰᤔᤡᤒᤠᤀᤠ ᤗ᤹ᤖᤡᤰ ᤀᤥᤛᤣ᤺ᤴᤎᤠᤰᤛᤡᤱᤔᤠ ᤏᤢ ᤁᤢᤛᤣ᤺ᤰᤕᤢᤰᤔᤡᤒᤠ ᤕᤢᤰᤁᤡᤴ ᤏᤢ᤺ᤖᤡᤰᤁᤠᤱ ᤐᤥᤎᤰ ᤆᤥ᤺ᤰᤔᤠᤖᤧ ᤗᤠᤃᤡ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤒᤠᤖᤥ॥ ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤀᤠᤳᤋᤡᤴ ᤔᤏᤠᤜᤠ᤹ᤖᤧᤀᤠᤱ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤣ ᤀᤢ᤺ᤳᤋᤢᤒᤠ ᤐᤠ᤺ᤴᤏᤡᤴ ᤐᤠ᤺ᤳᤋᤢᤖ ᤂᤢᤏᤧ᤹ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤒᤠᤱᤃ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤗᤠᤃᤡᤖᤥ ᤗ᤹ᤖᤡᤰ ᤏᤡ᤺ᤴᤎᤥ ᤆᤥᤃᤢᤖᤥ॥ ᤜᤧᤰᤁᤩᤠᤱ ᤏᤛᤠ᤺ᤴᤗᤠᤶᤒᤠᤖᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤔᤧᤒᤥ᤺ᤱ ᤗ᤹ᤖᤡᤰ ᤐᤠ᤺ᤳᤋᤢᤖᤥ॥ ᤀᤣᤃᤠᤱᤛ᤻ᤔᤠ ᤏᤠ᤺ᤳᤗᤠᤜᤠ᤹ᤀᤥ ᤐᤠᤘᤗᤖᤧ ᤀᤠᤏᤡ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤀᤠᤍᤢᤰᤋᤢᤶᤛᤡᤶᤔᤡᤸᤗᤧ ᤏᤛᤠᤏᤡᤒᤠ ᤕᤧᤵᤗᤧᤰᤜᤠ᤹ᤃ ᤏᤡᤎᤠ᤺ᤵ. ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤀᤠᤈᤥᤃᤢᤶᤔᤡᤸᤗᤧ ᤘᤣ᤹ᤜᤠ᤹ ᤗᤢᤱᤔᤠ᤹ ᤋᤢᤰᤔᤠ ᤀᤠᤛᤢᤰᤋᤢᤶᤛᤡᤶᤗᤥ ᤗ᤹ᤖᤡᤰ ᤐᤠ᤺ᤳᤋᤢᤖᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᥇.᥇-᥇᥆ 
\io1 ᤐᤠᤘᤗᤖᤧ ᤛᤣ᤺ᤰᤕᤢᤰᤔᤡᤒᤠ ᤁᤢᤕᤢᤰ ᥇.᥇᥇-᥈.᥈᥇ 
\io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧᤴ ᤛᤢᤏᤠᤀᤡᤱ ᥉.᥇-᥊.᥉᥇ 
\io1 ᤂᤪᤡᤛ᤻ᤋᤠᤏᤡ ᤆᤥ᤺ᤰᤕᤢᤶᤓᤥ ᤏᤢ ᤗᤰᤐᤧᤴ ᥋.᥇-᥌.᥇᥆ 
\io1 ᤁᤢᤏᤢᤵᤔᤠ ᥌.᥇᥇-᥇᥎ 
\c 1  
\s1 ᤐᤠᤘᤗᤖᤧ ᤜᤠᤅᤢᤒᤠ ᤛᤣᤘᤠ 
\p  
\v 1 ᤀᤡᤱᤃᤠ᤹ ᤛᤣ᤺ᤰᤕᤢᤰᤔᤡᤒᤠ ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤒᤠᤖᤥ॥ ᤔᤏᤠᤜᤠ᤹ᤗᤠᤶ ᤏᤢ ᤔᤏᤠ ᤕᤢᤰᤗᤠᤶ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤰᤂᤠᤱᤒᤠ ᤔᤧ᤺ᤴ. ᤁᤖ ᤕᤧᤛᤢ ᤂᤪᤡᤛ᤻ᤋ ᤏᤢ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤕᤠᤵᤔᤡ ᤛᤣᤃᤧᤛᤡᤒᤠᤖᤥ॥  
\v 2 ᤀᤡᤱᤃᤠ᤹ᤏᤢ ᤛᤥᤖᤡᤰ ᤁᤧᤘᤠ᤹ᤒᤠ ᤁᤠᤰ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ᤖᤧᤀᤠᤱ ᤃᤗᤠᤋᤡᤕᤠ ᤌᤢᤶᤔᤥᤒᤠ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤁᤧᤘᤠ᤹ᤒᤠᤜᤠ᤹ ᤛᤣᤘᤠ ᤁᤧᤶᤜᤠᤰᤋᤡ᤹ᤖᤥ॥  
\v 3 ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶ ᤏᤢ ᤁᤢᤛᤏᤠᤖᤢᤱᤅᤡᤴ ᤂᤡᤏᤡ᤹ ᤁᤧᤒᤡᤖᤡᤖ॥  
\v 4 ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤕᤧᤛᤢᤖᤧ ᤁᤴ ᤕᤧᤶᤔᤥᤒᤠ ᤋᤠᤵᤑᤧ᤺ᤶᤒᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤋᤠᤱᤛᤧ᤺ᤵᤔᤠ ᤀᤠᤛᤢᤰᤗ ᤑᤠ᤹ᤀᤠᤱ ᤀᤠᤏᤡ᤹ ᤗᤠᤕᤥ ᤀᤠᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤗᤧᤰᤘᤠ ᤛᤩᤧᤖᤥ॥  
\v 5 ᤛᤍᤠᤍᤡᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤖᤥ॥ ᤀᤠᤔᤧᤴ᥄\f * \fr 1:5 \ft ᤀᤠᤔᤧᤴ ᤑᤠ᤹ᤀᤡᤴ ᤀᤠᤖᤥ. ᤜᤧᤰᤁᤣᤀᤣ ᤐᤥ᤺ᤱᤗᤖᤥ ᤐᤥ᤺ᤱᤗᤥ॥\f* 
\s1 ᤘᤣ᤹ᤛ᤻ᤔᤠ ᤛᤢᤏᤠᤀᤡᤱ ᤜᤥ᤺ᤵ 
\p  
\v 6 ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤔᤕᤧᤖᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤗᤠᤶ ᤁᤧᤀᤢ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤰᤂᤧᤴ ᤜᤠᤖᤠ ᤁᤧᤗᤧᤖᤢᤶᤔᤠᤱ ᤘᤣ᤹ᤛ᤻ᤔᤠ ᤛᤢᤏᤠᤀᤡᤱᤅᤥ ᤁᤧᤒᤣᤃᤡᤖ ᤁᤧᤒᤳᤇᤡᤒᤣ॥  
\v 7 ᤛᤧᤰᤂᤠ᤺ᤸᤗᤧ ᤂᤧᤱᤃ ᤁᤢᤈᤧᤰ ᤛᤢᤏᤠᤀᤡᤱ ᤔᤧ᤺ᤴᤗᤥ. ᤁᤖ ᤁᤢᤓᤠ ᤔᤏᤠᤜᤠ᤹ᤖᤧᤃ ᤂᤡᤏᤡ᤹ ᤐᤡᤷᤒᤣ᤺ᤶᤒᤥ ᤌᤠᤔᤠᤛᤡ ᤑᤠ᤹ᤀᤠᤱ ᤂᤪᤡᤛ᤻ᤋᤧᤸᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤢᤏᤠᤀᤡᤱᤅᤡᤴ ᤔᤧᤀᤡᤃᤢ ᤔᤧᤗᤧᤰᤂᤢᤖ ᤔᤧᤘᤠ᤹ᤖᤥ॥  
\v 8 ᤁᤖ ᤋᤃᤡ ᤀᤠᤏᤡᤃᤧ ᤂᤡᤏᤡ᤹ ᤀᤡᤱᤓᤥ᤺ᤀᤠᤛᤡᤃᤧᤒᤠ ᤛᤢᤏᤠᤀᤡᤱᤅᤡᤴᤏᤢ᤺ᤸᤗᤧ ᤘᤣ᤹ ᤛᤢᤏᤠᤀᤡᤱᤅᤡᤴ ᤀᤠᤏᤡᤃᤧ ᤀᤡᤱᤓᤥ᤺ᤛᤢᤶᤒᤧ᤹ ᤀᤡᤃᤪ ᤛᤠᤱᤃᤪᤠᤶᤐᤣᤍᤠᤱᤒᤠ ᤔᤠᤱᤗᤠᤀᤡᤱᤒᤠᤸᤗᤧ ᤀᤡᤱᤓᤥ᤺ᤛᤢ᤹ᤛᤠᤱ ᤂᤧᤴᤏᤡᤴ ᤛᤠᤱᤃᤪᤠ᤺ᤸᤗᤧ ᤋᤧᤳᤋᤢᤖᤖᤥ॥  
\v 9 ᤀᤠᤏᤡᤃᤧ ᤋᤃᤡ ᤔᤧᤳᤋᤠᤛᤡᤃᤧᤒᤠ ᤜᤧᤰᤁᤣ ᤕᤠᤶᤔᤥᤀᤠᤱ ᤔᤧᤳᤋᤠᤛᤡᤃᤧ᤹ᤖᤥ. ᤀᤠᤳᤋᤡᤸᤗᤧ ᤂᤡᤏᤡ᤹ ᤁᤧᤍᤠ᤺ᤰᤋᤢᤶᤒᤠ ᤛᤢᤏᤠᤀᤡᤱᤅᤡᤴᤏᤢ᤺ᤸᤗᤧᤀᤠᤱ ᤘᤣ᤹ᤛ᤻ᤔᤠ ᤛᤢᤏᤠᤀᤡᤱᤅᤡᤴ ᤀᤡᤱᤃᤧᤓᤥ᤺ᤛᤡ ᤜᤠᤖᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤱᤃᤪᤠ᤺ᤴ ᤂᤧᤸᤗᤧ ᤁᤢᤛᤶᤍᤠᤱ ᤆᤢᤰᤗᤖᤥ॥ 
\p  
\v 10 ᤀᤠᤸᤗ ᤀᤡᤱᤃᤠ᤹ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤔᤧ᤺ᤴ. ᤁᤖ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠ ᤁᤥ᤺ᤳᤋᤢᤱᤗᤥ॥ ᤀᤠᤸᤗᤛᤠᤱ ᤀᤡᤱᤃᤠ᤹ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠᤛᤡᤖᤰ ᤁᤥ᤺ᤳᤋᤢᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ᤃ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤔᤧ᤺ᤴᤏᤠ᤹ᤖᤥ॥ 
\s1 ᤐᤠᤘᤗᤖᤧ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤕᤢᤰ ᤂᤥ᤺ᤛᤢ᤹ 
\p  
\v 11 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ ᤀᤡᤱᤓᤥ᤺ᤛᤢᤱᤒᤠ ᤛᤢᤏᤠᤀᤡᤱᤅᤡᤱᤃ ᤔᤧᤴᤇᤠᤶ ᤕᤠᤵᤔᤡᤗᤠᤶ ᤋᤩᤧᤒᤠ ᤔᤧ᤺ᤴᤗᤥ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤥᤃᤢᤱᤗᤥ॥  
\v 12 ᤁᤱᤃ ᤔᤧᤴᤇᤠᤶ ᤕᤠᤵᤔᤡᤗᤠᤶᤒᤠ ᤂᤥ᤺ᤛᤢᤱᤒᤠ ᤔᤧ᤺ᤴ. ᤀᤠᤳᤋᤡᤴᤜᤠ᤹ᤖᤧᤀᤠᤱ ᤔᤧᤜᤢ᤹ᤖᤠᤱᤒᤠᤀᤠᤱ ᤔᤧ᤺ᤴ. ᤁᤖ ᤀᤡᤱᤃᤠ᤹ ᤕᤧᤛᤢ ᤂᤪᤡᤛ᤻ᤋᤧᤸᤗᤧᤀᤣ ᤀᤥᤛᤣ᤺ᤴᤎᤠᤰᤋᤠᤱᤅᤠᤱ ᤂᤥ᤺ᤛᤢᤱᤒᤠᤖᤥ॥ 
\p  
\v 13 ᤀᤡᤱᤃᤠ᤹ ᤋᤃᤡ ᤕᤜᤢᤍᤡ ᤛᤠᤶᤕᤥ᤺ᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤅᤡᤸᤗᤧ ᤀᤡᤱᤃᤠ᤹ ᤀᤠᤰᤋᤱᤒᤠ ᤔᤏᤠ ᤘᤕᤠᤱ ᤜᤧᤰᤁᤩᤠᤱ ᤀᤠᤰᤂᤧᤴ ᤛᤠ᤹ᤖᤡᤰ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹\f * \fr 1:13 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤜᤢᤵᤗᤰ” ᤐᤥ᤺ᤱ॥ \f* ᤋᤢᤰᤂᤣ ᤆᤠ᤺ᤳᤋᤢᤱᤛᤡᤱᤅᤠᤱ ᤔᤧᤱᤔᤠ ᤁᤥ᤺ᤳᤋᤢᤱᤛᤡᤱ ᤁᤧᤗ᤹ᤒᤠᤴ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 14 ᤀᤡᤱᤃᤠ᤹ ᤕᤜᤢᤍᤡ ᤀᤠᤒᤧᤖᤧᤜᤠ᤹ᤏᤢ᤺ᤸᤗᤧᤀᤠᤱ ᤕᤖᤡᤰ ᤕᤜᤢᤍᤡ ᤛᤠᤶᤕᤥᤀᤥ ᤐᤥ᤺ᤔᤠ ᤏᤡᤱᤘᤠ᤹ ᤐᤡᤖᤢᤱ ᤜᤧᤰᤁᤩᤠᤱ ᤀᤠᤶᤒᤠ ᤀᤠᤴᤎᤧᤒᤠᤜᤠ᤹ᤗᤠᤶ ᤁᤧᤒᤥ᤺ᤱᤒᤠ ᤁᤧᤕᤢ᤺ᤒᤠ ᤛᤠᤶᤕᤥᤌᤡᤶᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤢᤛᤡᤰ ᤁᤧᤛᤶᤒᤠ ᤘᤕᤠᤱᤗᤥ॥  
\v 15-16 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤛᤠᤔᤧᤴᤘᤠ᤺ᤴᤇᤡᤱᤅᤣᤀᤠᤱᤎᤥᤀᤣ ᤗᤢᤱᤔᤠ᤹ ᤋᤢᤰᤋᤠᤱ. ᤜᤧᤰᤁᤩᤠᤱ ᤛᤣᤃᤠᤱᤅᤠᤱ ᤛᤣᤘᤠ ᤆᤥ᤺ᤰᤛᤧ ᤀᤢ᤺ᤳᤋᤠᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤱᤛᤡᤱᤗ ᤑᤠ᤹ᤀᤠᤱ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤀᤥ᤺ᤴᤎᤠᤰᤔᤠ ᤁᤢᤛᤡᤖᤠ᤹ ᤌᤠᤅᤧ॥ ᤂᤧᤴ ᤕᤧᤶᤔᤥ ᤀᤡᤱᤃᤠ᤹ ᤀᤠᤳᤋᤡᤴ ᤔᤏᤠᤜᤠ᤹ᤀᤠᤱ ᤛᤢᤈᤠ ᤔᤧᤏᤠ᤺ᤰᤋᤢᤱᤛᤡᤱᤅᤡᤴ.  
\v 17 ᤜᤧᤰᤁᤩᤠᤱ ᤀᤡᤱᤃᤠ᤹ᤏᤢ᤺ᤸᤗᤧ ᤋᤃᤡᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤀᤥᤀᤠᤱ ᤛᤢᤈᤠ ᤏᤠ᤺ᤰᤛᤧ ᤕᤖᤢᤛᤗᤧᤔ ᤕᤧᤰᤕᤰᤁᤥ ᤌᤥ ᤔᤧᤶᤒᤣ᤺ᤰᤐᤧᤴᤗᤥ. ᤁᤖ ᤀᤡᤱᤃᤠ᤹ᤃ ᤂᤡᤔᤥ ᤀᤖᤒᤡᤕᤠ ᤗᤠᤈᤣ᤹ᤀᤥ ᤐᤣᤃᤠᤱ. ᤜᤧᤰᤁᤩᤠᤱ ᤋᤠ᤺ᤴᤍᤡ ᤀᤡᤱᤃᤠ᤹ ᤍᤔᤛ᤻ᤁᤛ ᤕᤧᤰᤕᤰᤁᤥ ᤏᤢ᤺ᤰᤂᤠᤱ ᤋᤩᤠᤱᤗᤥ॥ 
\p  
\v 18 ᤜᤧᤰᤁᤩᤠᤱ ᤋᤱᤒᤣ ᤛᤢᤶᤛᤡ ᤀᤣᤃᤠᤱᤗᤰ ᤀᤡᤱᤃᤠ᤹ ᤕᤖᤢᤛᤗᤧᤶᤔᤥ ᤐᤋᤪᤢᤛᤖᤧ ᤁᤢᤍᤢᤶᤛᤧ ᤐᤣᤃᤠᤱ. ᤜᤧᤰᤁᤩᤠᤱ ᤂᤢᤏᤧ᤹ᤏᤢᤀᤣ ᤌᤡᤰ-ᤅᤠ (᥇᥋) ᤕᤧᤴ ᤌᤠᤖᤡᤰ ᤕᤢᤅᤠᤱᤗᤥ॥  
\v 19 ᤂᤧᤵᤔᤥ ᤍᤠᤱᤒᤠᤸᤗᤧ ᤁᤢᤴᤛᤠ᤹ ᤕᤠᤁᤢᤒᤧᤴᤏᤢ ᤘᤣ᤹ ᤀᤠᤳᤋᤡᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤀᤠᤱ ᤔᤧᤍᤢᤔᤢᤱᤛᤡᤱᤅᤡᤴᤗᤥ॥  
\v 20 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤧᤰᤂᤠ ᤐᤠ᤺ᤴ ᤔᤧᤳᤏᤡᤱᤗᤥ. ᤀᤡᤱᤃᤠ᤹ ᤛᤠᤵᤋᤢᤱᤒᤠ ᤐᤠ᤺ᤴᤜᤠ᤹ ᤀᤡᤱᤗᤧᤰ ᤔᤧ᤺ᤴᤗᤥ॥  
\v 21 ᤂᤧᤴ ᤀᤣᤃᤠᤱ ᤀᤡᤱᤃᤠ᤹ ᤛᤡᤖᤡᤕᤠ ᤏᤢ ᤛᤡᤗᤡᤛᤡᤕᤠ ᤌᤢᤶᤔᤥ ᤐᤣᤃᤠᤱᤗᤥ॥  
\v 22 ᤕᤜᤢᤍᤡᤕᤠ ᤗᤠᤈᤣ᤹ᤀᤥᤒᤠ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤀᤡᤱᤃᤠ᤹ ᤔᤧᤴᤏᤡᤀᤣ ᤔᤧᤘᤕᤧᤖᤥ॥  
\v 23 ᤂᤧᤱᤜᤠ᤹ᤖᤧᤃ ᤋᤃᤡ ᤕᤠᤵᤔᤡ ᤋᤢᤰᤂᤣ ᤁᤧᤈᤠ᤺ᤵᤐᤠᤸᤗᤧ ᤔᤧᤱᤔᤠ ᤁᤥ᤺ᤳᤋᤢᤒᤠ ᤏᤛᤠ᤺ᤴᤏᤡᤴ ᤀᤰᤂᤣ᤺ᤸᤗᤧ ᤀᤡᤱᤓᤥ᤺ᤛᤢᤖ ᤘᤠ᤹ᤖᤥ ᤁᤧᤗ᤹ᤒᤠ ᤐᤠ᤺ᤴᤏᤡᤴᤗᤰ ᤔᤧᤄᤧᤵᤛᤢᤀᤠᤱ ᤔᤧᤘᤕᤧᤖᤥ॥  
\v 24 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤆᤥᤃᤢᤱᤅᤡᤸᤗᤧ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤖᤥ॥ 
\c 2  
\s1 ᤐᤠᤘᤗ ᤏᤢ ᤘᤣ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ 
\p  
\v 1 ᤋᤱᤒᤣ ᤌᤡᤰ-ᤗᤡ (᥇᥊) ᤀᤣᤃᤠᤱ ᤀᤡᤱᤃᤠ᤹ ᤒᤖᤏᤠᤒᤠᤛᤧᤴᤏᤢ ᤕᤠᤶᤔᤥ ᤕᤖᤢᤛᤗᤧᤔ ᤌᤥ ᤐᤣᤃᤠᤱᤅᤡᤸᤗᤧ ᤋᤡᤋᤛᤧᤴᤏᤠᤱ ᤀᤡᤱᤃᤠ᤹ᤏᤢᤀᤣ ᤛᤥᤖᤡᤰ ᤋᤣ᤹ᤖᤢᤱᤅᤠᤱ ᤘᤕᤧ॥  
\v 2 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤂᤧᤳᤌᤥ ᤐᤣ᤺ᤰᤔᤠᤀᤣ ᤐᤥ᤺ᤱ ᤗ᤹ᤖᤡᤰ ᤀᤥ᤺ᤴᤎᤠᤰᤋᤠᤱᤅᤠᤱ ᤘᤕᤧ॥ ᤀᤡᤱᤃᤠ᤹ ᤂᤧᤵᤔᤥ ᤘᤕᤠᤱᤅᤡᤸᤗᤧ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤗᤠᤶᤗᤥ᤺ᤒᤠᤛᤡᤖᤥ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤛᤡᤒᤠᤜᤠ᤹ ᤛᤫᤠ᤺ᤳᤋᤠᤱ ᤋᤢᤔᤢᤱᤛᤡᤱᤅᤠᤱ ᤀᤡᤱᤃᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤡᤱᤓᤥ᤺ᤛᤢᤱᤛᤡᤱᤒᤠ ᤛᤢᤏᤠᤀᤡᤱᤅᤡᤴ ᤆᤧᤰᤋᤢᤱᤛᤡᤱᤗᤥ॥ ᤂᤧᤱᤜᤠ᤹ᤖᤧ ᤀᤠᤒᤠ᤺ᤴᤏᤡᤴ ᤔᤧᤄᤧᤵᤛᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤀᤡ᤺ᤳᤋᤢᤱᤅᤠᤱ ᤘᤕᤠᤱ. ᤔᤧ᤺ᤴᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤆᤥᤃᤢᤱᤒᤠ ᤔᤠᤱᤛᤣᤘᤠ᤺ᤴ ᤜᤏᤧ ᤁᤧᤒᤥ᤺ᤱᤒᤠ ᤘᤕᤧᤖᤥ॥  
\v 3 ᤁᤖ ᤀᤠᤴᤍᤣ᤺ᤱᤒᤠ ᤋᤡᤋᤛᤧᤴ ᤌᤡᤶᤔᤧᤴᤍᤱ ᤛᤢᤘᤠᤱ ᤘᤕᤧᤛᤠᤱ ᤂᤧᤸᤗᤧ ᤜᤷᤍᤥ ᤜᤧᤰᤔᤠ ᤐᤥ᤺ᤱ ᤑᤠ᤹ᤀᤠᤱ ᤔᤧᤶᤒᤠ᤺ᤳᤋᤢᤴᤗᤥ॥  
\v 4 ᤁᤖ ᤁᤢᤓᤠ ᤀᤡᤱᤗᤧᤰᤁᤣ ᤑᤢ᤹ᤏᤢᤛᤠ᤹ᤜᤠ᤹ ᤂᤪᤡᤛ᤻ᤋ ᤕᤧᤛᤢᤗᤠᤶ ᤂᤥ᤺ᤛᤢᤶᤒᤧᤒᤠ ᤆᤥ᤺ᤰᤕᤢᤶᤓᤥ᤺ᤴ ᤌᤥ᤺ᤶᤛᤧ ᤀᤠᤏᤡᤃᤧᤏᤢ ᤔᤧᤓᤢᤳᤇᤡᤱᤅᤠᤱ ᤀᤠᤏᤡᤃᤧ ᤕᤥ᤺ᤰᤐᤠ ᤜᤧᤰᤁᤣ ᤆᤥ᤺ᤰᤛᤧ ᤂᤢᤏᤡ᤹ ᤕᤜᤢᤍᤡ ᤛᤠᤶᤕᤥᤌᤡᤶᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ ᤗ᤹ᤖᤡᤰ ᤔᤧᤔᤧᤳᤋᤡᤃᤧᤒᤠᤸᤗᤧ ᤆᤥᤃᤢᤸᤗᤧ ᤁᤴ ᤁᤠᤰ ᤐᤠ᤺ᤴᤏᤡᤴ ᤐᤥᤃᤧᤒᤠᤖᤥ॥  
\v 5 ᤁᤖ ᤀᤠᤏᤡᤃᤧᤃ ᤛᤧᤰᤂᤠᤒᤠ ᤛᤢᤏᤠᤀᤡᤱᤅᤡᤴ ᤂᤡᤏᤡ᤹ᤏᤢ ᤛᤍᤠᤍᤡᤱ ᤘᤠ᤹ᤖ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤔᤧᤓᤥ᤺ᤰᤂᤢᤒᤠ ᤐᤠ᤺ᤴᤏᤡᤴ ᤛᤵᤑᤠᤎᤡᤰᤁᤠᤱ ᤔᤧᤄᤧᤵᤛᤢᤶᤒᤧᤴᤗᤥ॥ 
\p  
\v 6 ᤜᤧᤰᤁᤩᤠᤱ ᤛᤣᤛᤣᤜᤢᤵᤗᤰᤐᤠ ᤁᤢᤓᤠ ᤗᤠᤶᤗᤥ᤺ᤒᤠᤜᤠ᤹ᤃ–ᤁᤧᤗᤧᤒᤠ ᤁᤧᤏᤡ᤺ᤒᤠ ᤔᤧᤈᤥ᤺ᤰᤛᤠᤱ ᤀᤡᤱᤃᤠ᤹ᤃ ᤌᤣᤀᤠᤱ ᤔᤧᤗᤣ᤺ᤳᤋᤠᤛᤡᤱᤅᤡᤴᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤔᤧᤛᤧᤴᤍᤢᤴᤇᤡᤴᤗᤥ–ᤂᤧᤱᤜᤠ᤹ᤖᤧ ᤀᤡᤱᤓᤥ᤺ᤛᤢᤱᤒᤠ ᤛᤢᤏᤠᤀᤡᤱᤅᤥ ᤌᤣᤀᤠᤱ ᤔᤧᤴᤈᤰᤋᤢᤴᤗᤥ॥  
\v 7 ᤂᤧᤸᤗᤧ ᤁᤢᤗᤧᤰᤘᤠ ᤂᤧᤱᤜᤠ᤹ᤖᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤋᤪᤢᤛᤧᤴ ᤕᤜᤢᤍᤡᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥᤛᤧ ᤐᤠᤱᤄᤢᤒᤠ ᤜᤧᤰᤁᤣᤀᤣ ᤀᤡᤱᤃᤠ᤹ᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠᤛᤡ ᤑᤠ᤹ᤀᤠᤱ ᤗᤰᤐᤧᤴ ᤐᤡᤖᤠᤱᤒᤠᤴ ᤔᤧᤏᤡ᤺ᤛᤢᤖᤥ॥  
\v 8 ᤌᤣᤀᤠᤱᤓᤧᤸᤗᤧ ᤐᤋᤪᤢᤛᤧᤖᤧ ᤛᤣ᤺ᤰᤕᤢᤰᤔᤡᤒᤠ ᤁᤢᤕᤠ᤺ᤶᤒᤰᤗᤠᤶ ᤕᤜᤢᤍᤡᤜᤠ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤛᤣ᤺ᤰᤕᤢᤰᤔᤡᤒᤠ ᤀᤠᤕᤠ᤺ᤶᤒᤰᤗᤠᤶᤔᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤕᤠ᤺ᤶᤒᤰ ᤆᤥᤃᤢᤖᤥ॥  
\v 9 ᤛᤣᤛᤣᤜᤢᤵᤗᤰᤁᤥᤒᤠ ᤗᤠᤶᤗᤥ᤺ᤒᤠ ᤔᤧᤔᤧᤳᤋᤢᤛᤡᤒᤠ ᤕᤠᤁᤢᤒ. ᤐᤋᤪᤢᤛ ᤏᤢ ᤕᤢᤜᤢᤴᤏᤠᤛᤡᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤆᤥᤃᤢᤱᤒᤠ ᤔᤠᤱᤛᤣᤘᤠᤀᤥ ᤔᤢ᤹ᤀᤡᤛᤠᤶ ᤌᤠ᤺ᤛᤢᤒᤠ ᤔᤧᤏᤡ᤺ᤛᤢᤀᤠᤱ ᤒᤖᤏᤠᤒᤠᤛᤧᤴ ᤏᤢ ᤀᤡᤱᤃᤠ᤹ ᤔᤧᤍᤠ᤺ᤰᤋᤧᤳᤇᤡᤃᤧᤖᤥ॥ ᤂᤧᤱᤜᤠ᤹ ᤀᤠᤴᤇᤡᤃᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤐᤣ᤺ᤰᤔᤠ ᤔᤧᤍᤧᤴᤍᤧ ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤜᤢᤍᤡᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤔᤧᤍᤧᤴᤍᤧᤖᤥ॥  
\v 10 ᤂᤧᤱᤜᤠ᤹ᤖᤧᤃ ᤂᤢᤏᤡ᤹ ᤗᤢᤶᤔᤥᤒᤠ ᤕᤠᤱᤃᤧᤛᤠ᤹ᤒᤠᤜᤠ᤹ ᤑᤠ᤹ᤔᤠᤛᤡ ᤛᤢᤈᤠ ᤔᤧᤒᤡᤖᤡᤃᤧ॥ ᤜᤧᤰᤁᤣ ᤆᤥ᤺ᤰᤔᤠ ᤀᤡᤱᤃᤠ᤹ᤀᤠᤱ ᤀᤠᤛᤡᤖᤠ᤹ ᤌᤠᤅᤧᤖᤥ॥ 
\s1 ᤐᤠᤘᤗᤖᤧ ᤐᤋᤪᤢᤛᤧᤴ ᤀᤳᤋᤢ᤹ 
\p  
\v 11 ᤁᤖ ᤐᤋᤪᤢᤛᤧᤴ ᤀᤣᤴᤋᤡᤀᤥᤁ ᤕᤧᤰᤕᤰᤁᤥ ᤋᤩᤧ᤺ᤸᤗᤧ ᤘᤣ᤹ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤣ ᤀᤡᤱᤃᤠ᤹ ᤐᤠ᤺ᤴ ᤔᤧᤳᤋᤢᤱᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤕᤠ᤺ᤶᤒᤰ ᤑᤣ᤺ᤴᤍᤢᤀᤠᤱ ᤘᤕᤧ॥  
\v 12 ᤋᤃᤡ ᤂᤢᤏᤧ᤹ ᤌᤡᤶᤔᤧᤴᤍᤱ ᤛᤢᤘᤠᤱᤒᤠ ᤏᤛᤠᤏᤡᤒᤠᤜᤠ᤹ᤏᤢ ᤛᤥᤖᤡᤰ ᤆᤖ ᤘᤕᤧ. ᤁᤖ ᤕᤠᤁᤢᤒᤖᤧ ᤕᤜᤢᤍᤡ ᤁᤢᤴᤈᤢᤶᤜᤠ᤹ ᤂᤧᤵᤔᤥ ᤔᤧᤍᤩᤧᤸᤗᤧ ᤂᤢᤏᤧ᤹ ᤛᤥᤖᤡᤰ ᤕᤢᤱᤔᤠᤀᤠᤱ ᤆᤠᤔᤠ ᤗᤧᤖᤢ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤴᤏᤠᤱ ᤜᤷᤍᤥ ᤜᤧᤰᤔᤠᤀᤣ ᤐᤥ᤺ᤱ ᤁᤧᤗ᤹ᤒᤠ ᤂᤧᤴ ᤔᤏᤠᤜᤠ᤹ᤏᤢ ᤁᤡ᤺ᤛᤧᤀᤠᤱ ᤘᤕᤧᤖᤥ॥  
\v 13 ᤜᤧᤰᤁᤩᤠᤱ ᤘᤣ᤹ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤐᤋᤪᤢᤛᤖᤧ ᤁᤡᤛᤪᤢᤰᤐᤠ ᤁᤢᤕᤧᤵᤗᤧᤰᤁᤡᤴ ᤔᤧᤏᤠ᤺ᤳᤋᤢᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤧᤵᤗᤧᤰᤁᤡᤸᤗᤧ ᤒᤖᤏᤠᤒᤠᤛᤧᤴᤏᤠᤱ ᤗᤧᤰᤂᤢ ᤋᤣ᤹ᤖᤢᤖᤥ॥ 
\p  
\v 14 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤛᤢᤏᤠᤀᤡᤱᤅᤡᤸᤗᤧᤴ ᤛᤧᤰᤂᤠᤒᤠ ᤐᤠ᤺ᤴᤏᤥ ᤔᤧᤶᤒᤳᤇᤧᤶᤒᤠ ᤏᤡ᤺ᤛᤢᤱᤛᤡᤱᤅᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤣ ᤐᤋᤪᤢᤛᤧᤴ ᤀᤰᤂᤣ ᤔᤧᤳᤋᤢᤱᤗ ᤑᤧ᤺ᤰᤋᤢᤱ. “ᤂᤧᤏᤧ᤹ᤃ ᤕᤜᤢᤍᤡᤏᤧᤛᤠᤱ ᤕᤜᤢᤍᤡ ᤜᤧᤰᤁᤣ ᤁᤧᤴᤘᤠ᤹ᤏᤧᤴ. ᤁᤖ ᤌᤡᤶᤔᤧᤴᤍᤱ ᤛᤢᤘᤠᤱ ᤁᤢᤀᤡᤛᤡ᤺ᤰ ᤁᤧᤘᤠ᤹॥ ᤜᤧᤰᤁᤣ᤺ᤸᤗᤧ ᤂᤧᤏᤧ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤗᤧᤖᤢ ᤁᤧᤍᤣ᤺ᤛᤢᤒᤠ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤴ ᤀᤠᤰᤂᤣᤗ᤹ᤖᤡᤰ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ ᤗ᤹ᤖᤡᤰ ᤁᤧᤔᤧᤳᤋᤢᤛᤡᤒᤠᤒᤣ᥅” 
\p  
\v 15 ᤀᤠᤏᤡ᤹ ᤛᤠᤀᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤕᤜᤢᤍᤡᤛᤡ. ᤌᤡᤶᤔᤧᤴᤍᤱ ᤛᤢᤘᤠᤱ ᤜᤧᤰᤋᤱᤒᤠ “ᤗᤠᤕᤥᤒᤠᤛᤡ” ᤔᤧ᤺ᤴᤗᤥ॥  
\v 16 ᤀᤠᤳᤋᤡᤴ ᤔᤏᤠ᤺ᤴᤏᤠᤱ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢᤀᤠᤱ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤔᤧᤛᤢᤰᤏᤧᤴᤗᤥ. ᤁᤖ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥᤃᤢᤀᤠᤱᤗᤰ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤛᤢᤰ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤏᤡ᤹ ᤁᤢᤛᤡᤱ ᤏᤡ᤺ᤵᤔᤠ ᤐᤥ᤺ᤱᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ᤀᤠᤱ ᤂᤪᤡᤛ᤻ᤋᤀᤥᤒᤠ ᤏᤛᤠ᤺ᤴᤗᤠᤶ ᤀᤠᤵᤋᤡᤰ ᤔᤧ᤺ᤴᤏᤣ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤀᤠᤈᤥᤃᤢᤶᤗᤥ. ᤁᤖ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤀᤠᤀᤡ᤺ᤳᤋᤢᤶ ᤀᤠᤏᤠ᤺ᤳᤋᤢᤶᤒᤠᤗᤠᤶ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢᤀᤠᤱ ᤀᤠᤳᤋᤡᤴᤏᤠᤱ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤔᤧᤒᤥ᤺ᤱᤏᤧᤸᤗᤥ॥ 
\p  
\v 17 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥ᤺ᤰᤔᤠᤗᤠᤶ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤀᤠᤃᤥ᤺ᤳᤋᤢᤶᤔᤡᤸᤗᤧ ᤘᤣ᤹ᤜᤠ᤹ᤖᤧ ᤂᤡᤏᤡ᤹ ᤗᤠᤕᤥᤀᤥ ᤁᤧᤘᤠ᤹ᤒᤠᤏᤡᤱ ᤀᤠᤶᤔᤧᤳᤗᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤀᤠᤗᤧᤖᤢᤶᤔᤠᤱ ᤀᤠᤘᤠ᤹॥ ᤂᤧᤴ ᤑᤠ᤹ᤀᤡᤴ ᤂᤪᤡᤛ᤻ᤋᤖᤧ ᤗᤠᤕᤥᤀᤥ ᤗᤠᤶᤀᤠᤗᤥ᤺ᤒᤠᤒᤡ᥅ ᤜᤧᤰᤁᤣ ᤔᤧ᤺ᤴᤗᤥ᥄  
\v 18 ᤂᤧᤸᤗᤧ ᤁᤢᤗᤧᤰᤘᤠ ᤀᤡᤱᤃᤠ᤹ ᤗᤧᤖᤢᤱᤍᤣ᤺ᤛᤢᤱᤒᤠ ᤐᤠ᤺ᤴᤏᤡᤴ ᤕᤠᤶᤔᤥ ᤜᤢ᤹ᤖᤢᤱᤛᤡᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤗᤠᤕᤥᤒᤠ ᤐᤥ᤺ᤱᤅᤠᤖᤥ॥  
\v 19 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤥ᤺ᤳᤋᤢᤱᤅᤡᤸᤗᤧ ᤜᤠᤒᤠ ᤂᤧᤴ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤡᤸᤗᤧ ᤀᤠᤵᤋᤡᤰ ᤁᤢ᤺ᤳᤋᤠᤱᤗᤥ॥ ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤜᤡᤱᤅᤠᤖ ᤑᤠ᤹ᤀᤠᤱ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠᤀᤠᤱ ᤛᤧᤴᤗᤵ ᤂᤥ᤺ᤔᤠ ᤋᤶᤛᤡᤴ ᤆᤥ᤺ᤰᤔᤠ ᤗᤧᤖᤢᤱᤗᤥ॥\f * \fr 2:19 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤜᤡᤱᤅᤠᤏᤡ ᤑᤠ᤹ᤀᤠᤱ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤗᤠᤶ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤥ ᤛᤩᤠᤱᤅᤠᤱ ᤘᤠ᤹ᤀᤠᤖᤥ” ᤐᤠ᤺ᤳᤋᤢᤀᤠᤱ ᤐᤳ॥\f* 
\v 20 ᤀᤡᤱᤃᤠ᤹ᤃ ᤂᤪᤡᤛ᤻ᤋᤧᤴᤏᤢ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤛᤩᤠᤱᤅᤠᤱ ᤘᤠ᤹ᤀᤠ. ᤜᤧᤰᤁᤩᤠᤱ ᤀᤠᤸᤗᤀᤠᤱᤎᤥ ᤀᤡᤱᤃᤠ᤹ᤃ ᤔᤧᤜᤡᤱᤅᤠᤴ. ᤁᤖ ᤂᤪᤡᤛ᤻ᤋᤧᤴ ᤀᤡᤱᤃᤠ᤹ᤀᤥ ᤜᤡᤱᤗᤥ॥ ᤀᤡᤱᤃᤠ᤹ᤃ ᤁᤴ ᤏᤠᤛᤡᤱᤃᤧᤴ ᤌᤰᤁᤥ ᤜᤡᤱᤅᤠᤸᤗᤧ ᤏᤡᤱᤘᤠ᤹ᤑᤢᤛᤠ᤺ᤀᤥᤒᤠ ᤏᤛᤠ᤺ᤴᤗᤠᤶ ᤜᤡᤱᤅᤠᤖᤥ॥ ᤂᤢᤏᤧ᤹ᤀᤣ ᤗᤢᤱᤔᤠ᤹ ᤋᤢᤰᤋᤠᤱ ᤜᤧᤰᤁᤩᤠᤱ ᤀᤠᤗᤠᤃᤡ ᤁᤢᤜᤡᤱᤔᤴᤏᤡᤴ ᤐᤡᤖᤢᤖᤥ॥  
\v 21 ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤴ ᤌᤣᤏᤠᤎᤣᤒᤠ ᤔᤧᤀᤡ᤺ᤳᤋᤠᤴᤗᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤌᤡᤶᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤀᤠᤛᤢᤰᤏᤧ ᤑᤠ᤹ᤃᤪ ᤂᤪᤡᤛ᤻ᤋᤧᤴ ᤜᤏᤧᤖᤰ ᤛᤩᤧᤖᤥ॥ 
\c 3  
\s1 ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰᤔᤠᤸᤗᤧ ᤛᤠᤶᤕᤥᤏᤡᤒᤠ ᤀᤠᤒᤥ᤺ᤱ 
\p  
\v 1 ᤃᤗᤠᤋᤡ ᤁᤧᤕᤢᤱᤒᤠ ᤏᤛᤠᤏᤡᤒᤠᤛᤣ. ᤌᤣᤀᤠᤱ ᤂᤡᤏᤡ᤹ ᤀᤍᤱ ᤁᤢᤀᤡᤛᤡ᤺ᤰ ᤁᤧᤈᤥᤃᤡᤒᤠᤒᤣ᥅ ᤜᤠ᤺ᤳᤗᤧ ᤁᤧᤗᤧᤔᤡᤀᤠᤱ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤑᤧᤳᤗᤠ᤺ᤴᤍᤢ ᤁᤧᤒᤡᤖᤡᤒᤣ᥅ ᤂᤡᤏᤡ᤹ ᤋᤃᤡᤀᤣ ᤕᤧᤛᤢ ᤂᤪᤡᤛ᤻ᤋᤧᤴ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤛᤩᤧᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤆᤧᤰᤁᤠᤛᤡᤃᤧᤀᤠᤱ ᤘᤕᤧ॥  
\v 2 ᤂᤡᤏᤡ᤹ᤏᤢ ᤐᤠ᤺ᤴᤎᤡᤰ ᤁᤢᤛᤡᤱ ᤏᤡ᤺ᤵᤔᤠ ᤀᤠᤏᤡᤱᤘᤠ᤹ ᤘᤠ᤹–ᤛᤠᤶᤕᤥᤌᤡᤶᤔᤡᤴ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤔᤠᤱ ᤛᤣᤛᤣᤔᤠᤱᤅᤡᤴ ᤁᤧᤄᤥ᤺ᤛᤢᤶᤒᤠᤒᤡ ᤀᤡ ᤛᤢᤏᤠᤀᤡᤱ ᤁᤧᤄᤧᤵᤛᤢᤶᤔᤠᤱ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤗᤠᤶ ᤁᤧᤄᤥ᤺ᤛᤢᤶᤒᤠᤒᤡ᥅  
\v 3 ᤌᤣᤀᤠᤱ ᤁᤶᤔᤩᤠᤰ ᤛᤠ᤹ᤖᤡᤰ ᤂᤡᤏᤡ᤹ ᤀᤍᤱ ᤁᤧᤈᤥᤃᤡᤒᤠᤒᤣ᥅ ᤂᤡᤏᤡ᤹ ᤂᤪᤡᤛ᤻ᤋᤠᤏᤡ ᤜᤡᤱᤔᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤗᤠᤶ ᤁᤧᤜᤣ᤺ᤰᤋᤢᤶᤔᤠᤱ ᤀᤠᤸᤗ ᤀᤠᤒᤠᤅᤣ ᤕᤠ᤺ᤶᤒᤰᤗᤠᤶ ᤁᤢᤗᤡᤱᤎᤥ ᤁᤧᤵᤔᤠ ᤁᤧᤃᤥ᤺ᤳᤋᤡᤒᤠᤒᤡ᥅  
\v 4 ᤛᤢᤏᤠᤀᤡᤱᤗᤧ ᤗᤠᤃᤡ ᤂᤡᤏᤡ᤹ ᤁᤶᤔᤩᤠᤰ ᤕᤖᤡᤰ ᤋᤢᤰᤂᤣ ᤜᤏᤧ ᤁᤧᤈᤩᤧ᤹ᤀᤡᤒᤡ᥅ ᤛᤧᤰᤂᤠ᤺ᤸᤗᤧᤃ ᤋᤢᤰᤂᤣ ᤜᤏᤧ ᤁᤧᤴᤈᤩᤧ᤹ᤀᤡᤴᤗᤥ॥  
\v 5 ᤂᤡᤏᤡ᤹ ᤛᤠᤶᤕᤥᤌᤡᤶᤔᤡᤴ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤔᤠᤱ ᤔᤧ᤺ᤴ. ᤁᤖ ᤁᤧᤄᤧᤵᤛᤢᤶᤒᤠ ᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤛᤣᤛᤣᤔᤠᤱᤅᤡᤴ ᤁᤧᤒᤡᤖᤡ ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥᤃᤢᤒᤠᤖᤥ॥ 
\p  
\v 6 ᤜᤧᤰᤁᤣᤗ᤹ᤖᤡᤰᤁᤣ ᤀᤒᤪᤠᤜᤠᤔᤖᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. “ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢ. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥”\f * \fr 3:6 \ft ᤋᤥᤗᤡᤱᤛᤥᤔᤢ ᥇᥋.᥌\f* 
\v 7 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤀᤣ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤁᤢᤶᤔᤧᤴᤇᤠ᤹ᤛᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ॥  
\v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤂᤢᤏᤡ᤹ ᤏᤛᤠ᤺ᤴᤗᤠᤶ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤢᤛᤡ᤹ ᤁᤧᤗ᤹ᤒᤠ ᤋᤠ᤺ᤴᤍᤡᤒᤠ ᤐᤠ᤺ᤴᤏᤡᤴ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. ᤜᤧᤰᤁᤩᤠᤱ ᤀᤒᤪᤠᤜᤠᤶᤔᤡᤴ ᤋᤃᤡᤛᤠ ᤀᤰᤂᤣᤗ᤹ᤖᤡᤰ ᤛᤢᤏᤠᤀᤡᤱᤅᤡᤴ ᤀᤡᤱᤓᤴ ᤆᤥᤃᤢ. “ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤧᤏᤧ᤹ᤗᤠᤶᤒᤠᤀᤣ ᤔᤢ᤹ᤀᤡᤛᤠᤶ ᤔᤧᤄᤥ᤺ᤛᤢ᤹ᤖᤥ॥”\f * \fr 3:8 \ft ᤋᤥᤗᤡᤱᤛᤥᤔᤢ ᥇᥈.᥌. ᥇᥎.᥇᥎. ᥈᥈.᥇᥎\f* 
\v 9 ᤂᤧᤸᤗᤧ ᤆᤥᤃᤢᤸᤗᤧ ᤀᤒᤪᤠᤜᤠᤔᤖᤧ ᤏᤛᤠ᤺ᤴ ᤆᤥᤃᤢᤀᤠᤱ ᤔᤢ᤹ᤀᤡᤛᤠᤶ ᤂᤥ᤺ᤛᤢᤒᤠ ᤁᤢᤀᤡᤛᤡ᤺ᤰ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤔᤧᤄᤥ᤺ᤛᤢ᤹ᤖᤥ॥ 
\p  
\v 10 ᤁᤖ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ ᤁᤧᤖᤧᤰ ᤛᤠᤱᤃᤪᤠᤖᤧ ᤋᤧᤳᤋᤢᤛᤡᤀᤠᤱ ᤔᤧᤘᤠ᤹ᤖᤥ. ᤌᤣᤀᤠᤱᤓᤧᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤛᤠᤶᤕᤥᤌᤡᤶ ᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤁᤠᤰ ᤐᤠ᤺ᤴᤜᤠ᤹ ᤆᤰᤔᤧᤸᤗ᤹ᤀᤣ ᤔᤧᤴᤀᤡ᤺ᤵᤔᤏᤠ ᤔᤧᤴᤏᤠ᤺ᤵᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱ ᤂᤥ᤺ᤔᤠ ᤗᤠ᤹ᤖᤢᤛᤡᤀᤠᤱ ᤘᤠ᤹ᤖᤥ॥”\f * \fr 3:10 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥈᥍.᥈᥌\f* 
\v 11 ᤛᤠᤶᤕᤥᤌᤡᤶᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤳᤋᤡᤴᤜᤠ᤹ᤀᤠᤱ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤔᤧᤶᤒᤥ᤺ᤱᤏᤧᤴ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣ ᤏᤡ᤺ᤍᤧᤳᤗᤥ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. “ᤛᤠᤶᤕᤥᤏᤡᤒᤠᤱᤃ ᤏᤛᤠ᤺ᤴᤗᤠᤶᤒᤠᤀᤣ ᤜᤡᤱᤗᤥ॥”\f * \fr 3:11 \ft ᤜᤒᤠᤁᤢᤁ ᥈.᥊\f* 
\v 12 ᤛᤠᤶᤕᤥᤌᤡᤶᤔᤡᤴ ᤏᤢ ᤏᤛᤠ᤺ᤴᤏᤡᤴ ᤔᤧᤍᤱᤛᤡᤴᤗᤥ॥ ᤂᤧᤸᤗᤧ ᤁᤢᤗᤧᤰᤘᤠ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. “ᤛᤠᤶᤕᤥᤌᤡᤶᤔᤥ ᤁᤧᤒᤵᤐᤠ ᤁᤠᤰ ᤀᤡᤱᤈᤠ᤺ᤱᤜᤠ᤹ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤧᤴ ᤂᤧᤴᤗᤠᤶᤔᤣ ᤜᤡᤱᤗᤥ॥”\f * \fr 3:12 \ft ᤗᤧᤒᤡ ᥇᥎.᥋\f* 
\v 13 ᤁᤖ ᤛᤠᤶᤕᤥᤌᤡᤶᤔᤡᤸᤗᤧ ᤋᤠᤖᤢᤒᤠ ᤂᤢᤶᤍᤡᤱᤅᤡᤸᤗᤧ ᤁᤢᤔᤧᤸᤗᤢᤱᤅᤡᤴ ᤂᤪᤡᤛ᤻ᤋᤖᤧ ᤜᤢᤅᤢᤀᤠᤱ ᤀᤠᤏᤡ᤹ ᤀᤠᤎᤧ᤹ᤖᤧᤖᤥ॥ ᤂᤢᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤑᤥ᤺ᤴᤇᤡᤱᤅᤡᤸᤗᤧ ᤂᤢᤏᤧ᤹ ᤀᤠᤒᤠᤅᤣ ᤀᤠᤏᤡ᤹ ᤂᤢᤶᤍᤡᤱᤅᤡᤴ ᤁᤢᤕᤢᤍᤣ᤹ᤖᤢᤖᤥ॥ ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. “ᤛᤡᤱᤛᤶᤍᤠᤱ ᤁᤧᤓᤥ᤺ᤴᤇᤡᤱᤒᤠ ᤁᤧᤛᤡ᤺ᤒᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤖᤢᤒᤠᤖᤥ॥”\f * \fr 3:13 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥈᥇.᥈᥉\f* 
\v 14 ᤂᤪᤡᤛ᤻ᤋᤖᤧ ᤀᤠᤏᤡ᤹ ᤀᤠᤎᤧ᤹ᤖᤧ. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴ ᤐᤡᤖᤢᤒᤠ ᤔᤢ᤹ᤀᤡᤛᤠᤶᤔᤡᤴ ᤂᤪᤡᤛ᤻ᤋ ᤕᤧᤛᤢᤗᤠᤶ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤐᤡᤖᤢᤛᤡᤀᤠᤱ ᤘᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤛᤣᤛᤣᤔᤠᤱᤅᤡᤴ ᤏᤛᤠ᤺ᤴᤗᤠᤶ ᤀᤠᤄᤥ᤺ᤛᤢᤶᤗᤥ॥ 
\s1 ᤛᤠᤶᤕᤥᤌᤡᤶ ᤏᤢ ᤔᤠᤱᤜᤧᤰ 
\p  
\v 15 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤱᤃᤠ᤹ ᤁᤵᤔᤥ ᤔᤧᤴᤇᤠᤶ ᤕᤠᤵᤔᤡ ᤌᤡᤶᤗᤠᤶ ᤁᤢᤒᤡᤎᤡᤰ ᤐᤡᤏᤡᤱᤗᤥ॥ ᤏᤧᤵᤑᤢᤖᤧ ᤔᤠᤱᤜᤧᤰ ᤆᤥ᤺ᤰᤛᤢᤀᤠᤱ ᤐᤠ᤺ᤴ ᤋᤱᤛᤢᤒᤠ ᤛᤠᤵᤗᤠᤀᤥ ᤀᤠᤳᤋᤡᤸᤗᤧᤀᤠᤱ ᤗᤧᤱᤔᤠ ᤏᤢ ᤕᤥ᤹ᤔᤠ ᤔᤧᤛᤢᤰᤋᤢᤴᤗᤥ॥  
\v 16 ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴ ᤏᤢ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤠᤱᤜᤧᤰᤜᤠ᤹ ᤐᤡᤖᤢᤛᤡᤖᤥ॥ ᤜᤧᤰᤁᤩᤠᤱ ᤛᤠᤶᤕᤥᤛᤠᤵᤗᤠ᤺ᤸᤗᤧ “ᤁᤢᤔᤢ᤹ᤀᤡᤍᤠᤱᤛᤠᤜᤠ᤹” ᤑᤠ᤹ᤀᤡᤱᤃ ᤕᤖᤡᤰ ᤔᤏᤠᤜᤠ᤹ ᤔᤧ᤺ᤴ. ᤁᤖ “ᤁᤢᤔᤢ᤹ᤀᤡᤍᤠᤱᤛᤠ᤺ᤴ” ᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ॥ ᤂᤧᤴ ᤑᤠ᤹ᤀᤡᤱᤃ ᤗᤳᤇᤠ ᤔᤏᤠ᤺ᤸᤗᤧᤴ ᤔᤡᤰᤛᤣ᤺ᤴ ᤐᤥ᤺ᤱ. ᤂᤧᤱᤃ ᤂᤪᤡᤛ᤻ᤋᤖᤥ॥  
\v 17 ᤁᤵᤔᤥ ᤀᤡᤱᤃᤠ᤹ ᤌᤣ ᤐᤠ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠ ᤑᤠ᤹ᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴ ᤔᤠᤱᤜᤢᤵ ᤆᤥᤃᤢᤒᤠᤴ ᤁᤢᤃᤡᤵ ᤗᤡᤛᤡᤀᤠᤱ ᤛᤢᤶᤒᤥ᤺ᤱ (᥊᥉᥆) ᤋᤱᤒᤣ ᤀᤣᤃᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤛᤠᤶᤕᤥᤌᤡᤶ ᤐᤡᤖᤢᤸᤗᤧ ᤂᤧᤴ ᤔᤠᤱᤜᤢᤵᤐᤡᤴ ᤔᤧᤄᤰᤋᤢᤴᤗᤥ. ᤔᤧ᤺ᤴᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤂᤰᤋᤢᤔᤧᤴ॥  
\v 18 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤏᤡᤱ ᤗ᤹ᤖᤡᤰ ᤆᤥᤃᤢᤒᤠ ᤔᤢ᤹ᤀᤡᤛᤠᤶᤔᤡᤴ ᤛᤠᤶᤕᤥᤌᤡᤶ ᤀᤡ᤺ᤵᤔᤠ ᤏᤠ᤺ᤵᤔᤠᤗᤠᤶ ᤂᤥᤍᤧᤳᤏᤧ ᤑᤠ᤹ᤃᤪ ᤂᤧᤴ ᤔᤠᤱᤜᤧᤰᤁᤣ ᤔᤧᤒᤥ᤺ᤱᤏᤧᤴ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰᤗᤠᤶᤒᤠᤀᤣ ᤀᤒᤪᤠᤜᤠᤶᤔᤡᤴ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤁᤴ ᤔᤢ᤹ᤀᤡᤛᤠᤶᤔᤡᤴ ᤐᤡᤖᤢᤖᤥ॥ 
\p  
\v 19 ᤜᤧᤰᤁᤣ᤺ᤸᤗᤧ ᤛᤠᤶᤕᤥᤌᤡᤶᤔᤡᤴ ᤌᤣᤀᤠᤱ ᤐᤡᤖᤧᤒᤠᤒᤣ᥅ ᤔᤠᤱᤜᤧᤰ ᤆᤥᤃᤢᤒᤠ ᤔᤢ᤹ᤀᤡᤍᤠᤱᤛᤠ᤺ᤴ\f * \fr 3:19 \ft ᤔᤢ᤹ᤀᤡᤍᤠᤱᤛᤠ–ᤂᤧᤴ ᤑᤠ᤹ᤀᤡᤴ ᤕᤧᤛᤢ ᤂᤪᤡᤛ᤻ᤋᤖᤥ॥\f* ᤔᤧᤴᤍᤠᤀᤣ ᤌᤠᤖᤡᤰ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤡᤴ ᤕᤥ᤹ᤛᤡᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤗᤠᤀᤡᤱᤒᤠᤗᤠᤶ ᤛᤠᤶᤕᤥᤌᤡᤶᤔᤡᤴ ᤐᤠ᤺ᤴᤍᤱᤛᤠᤒᤠ ᤔᤥᤛᤠ᤺ᤴ ᤐᤡᤖᤢᤖᤥ॥  
\v 20 ᤀᤠᤸᤗ ᤐᤠ᤺ᤴᤍᤱᤗᤧ ᤗᤠᤃᤡ ᤏᤧᤵᤑᤢ ᤔᤏᤠ ᤆᤠᤜᤠᤒᤠ ᤆᤥ᤺ᤰ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤗᤳᤌᤡᤰᤗᤰ ᤘᤠ᤹ᤖᤥ॥ 
\s1 ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤠ᤺ᤶᤒᤰ 
\p  
\v 21 ᤜᤧᤰᤁᤣᤏᤧ ᤑᤠ᤹ᤃᤪ ᤁᤢᤛᤠᤶᤕᤥᤌᤡᤶᤔᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤜᤠ᤹ ᤀᤳᤋᤢᤒᤡ᥅ ᤛᤧᤰᤂᤠ᤺ᤸᤗᤧᤃ ᤜᤧᤰᤁᤣ ᤔᤧ᤺ᤴᤗᤥ᥄ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤛᤱ ᤜᤡᤱᤔᤴᤏᤡᤴ ᤐᤡᤔᤠ ᤀᤠᤛᤢᤰᤋᤧᤸᤗᤧᤃ ᤂᤧᤴ ᤛᤠᤶᤕᤥᤌᤡᤶᤔᤡᤴ ᤀᤠᤀᤡ᤺ᤳᤋᤢᤶ ᤀᤠᤏᤠ᤺ᤳᤋᤢᤶᤔᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤀᤠᤛᤢᤰᤋᤧᤒᤠᤖᤥ॥  
\v 22 ᤁᤖ ᤗᤠᤕᤥ᤺ᤸᤗᤧ ᤁᤠᤰ ᤔᤏᤠᤜᤠ᤹ ᤛᤠᤰᤐᤠ ᤁᤧᤎᤠ᤺ᤒᤠ ᤁᤢᤀᤡᤛᤡ᤺ᤰ ᤆᤥᤃᤢᤛᤡᤀᤠᤱ ᤘᤠ᤹ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤡᤱᤓᤴ ᤆᤥᤃᤢᤀᤠᤱ ᤘᤠ᤹॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤢᤵᤐᤡᤱᤃ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥ᤺ᤰᤔᤠᤀᤠᤱᤗᤰ ᤂᤥ᤺ᤔᤠ ᤀᤠᤛᤢᤰᤋᤢᤶᤗᤥ॥ 
\p  
\v 23 ᤂᤪᤡᤛ᤻ᤋᤧᤴ ᤋᤠ᤺ᤔᤠᤏᤢ᤺ᤸᤗᤧ ᤋᤃᤡ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤏᤛᤠ᤺ᤴᤏᤡᤴ ᤀᤠᤏᤡ᤹ ᤀᤥᤛᤣ᤺ᤴᤔᤧᤴᤎᤠᤰᤁᤣ ᤌᤠᤖᤡᤰ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤘᤕᤧᤀᤠᤱ ᤀᤠᤏᤡ᤹ ᤁᤧᤖᤧᤰ ᤛᤠᤰᤐᤠ ᤁᤧᤎᤠ᤺ᤒᤠ ᤜᤧᤰᤁᤣ ᤀᤠᤈᤥᤃᤧᤀᤠᤱ ᤀᤠᤘᤕᤧ॥  
\v 24 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤡᤴ ᤀᤠᤏᤡ᤹ ᤏᤛᤠ᤺ᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤂᤪᤡᤛ᤻ᤋᤀᤥ ᤌᤠᤖᤡᤰ ᤗᤠᤶᤗᤥ᤺ᤛᤧ ᤀᤠᤏᤡ᤹ ᤀᤥᤃᤧᤔᤧᤵᤐᤠ ᤐᤥ᤺ᤰᤂᤧᤀᤠᤱ ᤘᤕᤧᤖᤥ॥  
\v 25 ᤀᤠᤸᤗ ᤂᤧᤴ ᤏᤛᤠ᤺ᤴᤏᤡᤴ ᤋᤩᤧᤀᤠᤱ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤏᤡ᤹ ᤀᤥᤔᤧᤵᤔᤠ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴᤗᤥ॥ 
\p  
\v 26 ᤂᤪᤡᤛ᤻ᤋ ᤕᤧᤛᤢᤀᤥᤒᤠ ᤂᤡᤏᤡ᤹ ᤏᤛᤠ᤺ᤴᤗᤠᤶ ᤁᤧᤖᤧᤰ ᤏᤡᤱᤘᤠ᤹ᤑᤢᤛᤠ᤺ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 27 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤀᤥ ᤒᤵᤋᤡᤛ᤻ᤔᤠ ᤁᤧᤒᤥ᤺ᤱᤒᤠ ᤁᤧᤖᤧᤰᤗᤧ ᤂᤪᤡᤛ᤻ᤋᤖᤧ ᤏᤢ᤺ᤒᤠ ᤁᤢᤏᤥᤛᤪᤱᤅᤡᤴ ᤁᤢᤛᤱ ᤋᤣ᤺ᤳ ᤁᤧᤈᤠᤰᤂᤢᤶᤒᤠ ᤁᤢᤀᤡᤛᤡ᤺ᤰ ᤁᤧᤈᤠᤰᤂᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 28 ᤀᤠᤸᤗ ᤕᤜᤢᤍᤡ. ᤌᤡᤶᤔᤧᤴᤍᤱ ᤛᤢᤘᤠᤱ. ᤕᤥ᤺ᤰ ᤏᤢ ᤆᤥ᤺ᤰᤕᤢᤶᤓᤥᤒᤠ. ᤕᤧᤶᤒᤡᤳᤇᤠ᤹ ᤏᤢ ᤔᤧᤴᤇᤢᤔᤠ᤹ ᤁᤢᤍᤱᤒᤠᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤂᤪᤡᤛ᤻ᤋ ᤕᤧᤛᤢᤀᤥ ᤗᤳᤇᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 29 ᤂᤡᤏᤡ᤹ ᤂᤪᤡᤛ᤻ᤋᤖᤧ ᤁᤢᤔᤏᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤏᤧ ᤑᤠ᤹ᤃᤪ ᤂᤡᤏᤡ᤹ᤃ ᤀᤒᤪᤠᤜᤠᤔᤖᤧ ᤛᤧᤰᤂᤠ ᤁᤢᤔᤢ᤹ᤀᤡᤍᤠᤱᤛᤠᤏᤡᤱᤗᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴ ᤐᤡᤖᤢᤒᤠ ᤔᤠᤱᤜᤧᤰᤁᤡᤸᤗᤧᤴ ᤗᤰ ᤁᤧᤄᤥ᤺ᤒᤠᤏᤡᤱᤗᤥ॥ 
\c 4  
\p  
\v 1 ᤀᤡᤱᤃᤠ᤹ ᤌᤧᤔᤠ ᤐᤠ᤺ᤵᤔᤠ ᤁᤥ᤺ᤳᤋᤢᤱᤒᤠ ᤑᤠ᤹ᤗᤧ. ᤗᤰ ᤁᤧᤄᤥ᤺ᤒᤠᤴ ᤜᤡᤴᤈᤠ᤹ ᤘᤠ᤹ᤖ ᤌᤠᤖᤡᤰ ᤕᤖᤡᤰ ᤕᤠᤱᤛᤠᤁᤢᤴᤎᤣᤖᤧ ᤁᤢᤴᤍᤠᤱᤒᤠ ᤁᤧᤒᤥ᤺ᤱᤒᤠ ᤘᤠ᤹ᤛᤠᤱ ᤕᤥ᤺ᤰᤐᤠ ᤁᤢᤀᤡᤛᤡ᤺ᤰᤁᤣ ᤐᤥ᤺ᤱᤗᤥ॥  
\v 2 ᤁᤢᤶᤒᤠᤖᤧ ᤕᤢᤰᤋᤡᤱ ᤆᤥᤃᤢᤒᤠ ᤗᤰ ᤂᤥ᤺ᤔᤠ ᤋᤱᤒᤣ ᤔᤧᤱᤃᤧᤳᤋᤣ ᤌᤠᤖᤡᤰ ᤂᤢᤏᤧ᤹ᤃ ᤁᤶᤒᤪᤠᤱ ᤁᤧᤔᤧᤵᤐᤠ ᤏᤢ ᤀᤥᤃᤧᤔᤧᤵᤐᤠᤸᤗᤧ ᤁᤢᤜᤢᤰᤁᤥᤀᤣ ᤘᤠ᤹ᤖᤥ॥  
\v 3 ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡ᤹ᤀᤠᤱ ᤜᤡᤴᤈᤠ᤹ ᤁᤢᤀᤡᤛᤡ᤺ᤰ ᤀᤠᤘᤕᤧᤸᤗᤧ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤢᤜᤣ᤺ᤰᤛᤡᤱᤔᤥᤒᤠ ᤜᤏᤧᤒᤠ ᤂᤠᤜᤢᤴᤜᤠ᤹ᤖᤧ ᤕᤥ᤺ᤰ ᤀᤠᤈᤥᤃᤧᤀᤠᤱ ᤀᤠᤘᤕᤧᤖᤥ॥  
\v 4 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤢᤰᤋᤡᤱ ᤆᤥᤃᤢᤒᤠ ᤕᤧᤶᤔᤡᤴ ᤁᤧᤖᤧᤸᤗᤧ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤐᤠᤱᤄᤢ ᤕᤢ᤺ᤛᤢᤖᤥ॥ ᤂᤢᤏᤧ᤹ ᤛᤡᤛᤠᤍᤡᤱ ᤔᤧᤴᤇᤢᤔᤠ᤹ᤀᤥᤗᤠᤶ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤛᤠᤘᤠ᤺ᤴᤇᤡᤱᤅᤠᤱ ᤘᤕᤧᤖᤥ॥  
\v 5 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤗᤠᤶ ᤀᤠᤏᤡ᤹ ᤀᤠᤎᤧ᤹ᤖ ᤑᤠ᤹ᤀᤠᤱ ᤜᤧᤰᤁᤩᤠᤱ ᤀᤠᤒᤠᤅᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤂᤢᤏᤧ᤹ ᤐᤠᤱᤄᤢᤖᤥ॥  
\v 6 ᤂᤡᤏᤡ᤹ ᤏᤡᤱᤘᤠ᤹ᤑᤢᤛᤠ᤺ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤀᤠᤏᤡ᤹ ᤛᤡᤰᤗᤢᤱᤔᤥ ᤐᤠᤱᤄᤢᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤧᤴ ᤛᤣᤛᤣᤔᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤠᤏᤢᤍᤡᤱ ᤀᤠᤶᤒᤦ ᤗ᤹ᤖᤡᤰ ᤔᤧᤳᤋᤢ᤹ᤖᤥ॥  
\v 7 ᤀᤠᤸᤗᤀᤠᤱᤎᤥ ᤂᤡᤏᤡ᤹ᤃ ᤕᤥ᤺ᤰ ᤁᤧᤜᤥ᤺ᤵᤋᤡ᤹ᤖᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ ᤜᤧᤰᤁᤩᤠᤱ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤳᤋᤢᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤂᤡᤏᤡ᤹ ᤗᤰ ᤁᤧᤄᤥ᤺ᤒᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ 
\s1 ᤐᤠᤘᤗᤖᤧ ᤃᤗᤠᤋᤡᤒᤠ ᤏᤛᤠᤏᤡᤒᤠᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤛᤡ᤹ 
\p  
\v 8 ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤏᤡ᤺ᤵᤔᤠᤏᤢ᤺ᤸᤗᤧ ᤋᤃᤡ ᤂᤡᤏᤡ᤹ᤃ ᤜᤏᤧᤒᤠ ᤔᤠᤱᤜᤠ᤹ᤖᤧ ᤂᤢᤏᤡ᤹ ᤕᤥ᤺ᤰ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤖᤥ॥  
\v 9 ᤁᤖ ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤠᤱ ᤁᤧᤘᤕᤡ᤹ (ᤀᤡᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤣ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤡᤀᤠᤱ ᤘᤠ᤹). ᤜᤧᤰᤁᤣ᤺ᤸᤗᤧ ᤀᤠᤰᤂᤣᤗ᤹ᤖᤡᤰ ᤁᤢᤒᤢᤱᤏᤠ ᤁᤢᤛᤶᤒᤠ ᤁᤢᤛᤢᤶᤔᤧᤴᤍᤶᤔᤏᤠᤒᤠ ᤂᤠᤜᤢᤴᤜᤠ᤹ᤀᤥ ᤏᤢ᤺ᤱᤔᤠᤀᤠᤱ ᤕᤥ᤺ᤰ ᤐᤥ᤺ᤱᤔᤠ ᤂᤡᤏᤡ᤹ ᤛᤡᤖᤠ᤹ ᤌᤠᤱᤒᤠᤒᤣ᥅  
\v 10 ᤂᤡᤏᤡ᤹ᤃ ᤕᤜᤢᤍᤡ ᤛᤠᤶᤕᤥ ᤛᤠᤰᤌᤡᤶᤜᤠ᤹ ᤁᤢᤀᤡᤛᤡ᤺ᤰᤁᤣ ᤕᤧᤴᤜᤠ᤹. ᤗᤠᤜᤠ᤹. ᤆᤢᤱ ᤘᤠ᤺ᤶᤔᤠ ᤜᤠᤱ ᤘᤠ᤺ᤶᤔᤠ ᤕᤧᤶᤜᤠ᤹ ᤏᤢ ᤋᤱᤒᤣᤜᤠ᤹ᤏᤧ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤗᤥ॥  
\v 11 ᤂᤡᤏᤡ᤹ ᤗᤠᤃᤡ ᤀᤡᤱᤃᤠ᤹ ᤆᤥᤃᤢᤱᤒᤠ ᤕᤠᤶᤒᤢᤎᤡᤰᤐᤠ ᤕᤠ᤺ᤶᤒᤰᤁᤡᤴ ᤜᤏᤧ ᤐᤥ᤺ᤱᤒᤡᤗᤠ ᤑᤠ᤹ᤀᤠᤱ ᤁᤡ᤺ᤛᤠᤱᤅᤠᤱ ᤘᤕᤠᤱᤗᤥ॥  
\v 12 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤧᤴ ᤐᤠ᤺ᤴᤜᤠ᤹ᤗᤠᤶ ᤀᤡᤱᤃᤠ᤹ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤆᤥ᤺ᤰᤕᤢᤶᤓᤥᤒᤠ ᤐᤥ᤺ᤰᤂᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ. ᤌᤣᤀᤠᤱᤓᤧᤸᤗᤧ ᤋᤃᤡ ᤀᤡᤱᤃᤠ᤹ᤃ ᤂᤡᤏᤡ᤹ ᤜᤧᤰᤁᤣ ᤛᤠᤶᤕᤥ ᤛᤠᤰᤌᤡᤶᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠᤗᤠᤶ ᤆᤥ᤺ᤰᤕᤢᤶᤓᤥᤒᤠ ᤐᤥ᤺ᤰᤂᤠᤱᤅᤠᤱ ᤘᤕᤠᤱᤗᤥ॥ 
\p ᤂᤡᤏᤡ᤹ᤃ ᤀᤡᤱᤃᤠ᤹ ᤌᤣᤀᤠᤱ ᤋᤠᤵᤑᤧ᤺ᤸᤗᤡᤰ ᤕᤠᤵᤔᤡ ᤁᤧᤶᤔᤧᤳᤋᤡᤴᤗᤥ॥  
\v 13 ᤀᤡᤱᤃᤠ᤹ ᤂᤡᤏᤡ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤴ ᤆᤥ᤺ᤰᤛᤧ ᤋᤩᤠᤱᤅᤡᤸᤗᤧ ᤀᤠᤕᤠᤶ ᤋᤢᤃᤧᤀᤠᤱ ᤘᤕᤧᤒᤠᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤠᤱ ᤘᤠ᤹ᤖᤥ॥  
\v 14 ᤀᤠᤕᤠᤶ ᤋᤢᤰᤔᤠᤸᤗᤧ ᤋᤢᤰᤂᤣ ᤁᤧᤈᤩᤧ᤹ᤀᤡᤛᤠᤱ ᤕᤠᤵᤔᤡ ᤁᤧᤴᤈᤡ᤺ᤳᤋᤡᤴ. ᤕᤠᤵᤔᤡ ᤁᤧᤴᤏᤠ᤹ᤖᤡᤴᤗᤥ॥ ᤂᤧᤸᤗᤧ ᤁᤢᤗᤧᤰᤘᤠ ᤔᤠᤱᤗᤠᤀᤡᤱᤒᤠ ᤀᤡᤃᤪ ᤂᤪᤡᤛ᤻ᤋ ᤕᤧᤛᤢ᤺ᤴ ᤗᤠᤱ ᤁᤧᤍᤠ᤺ᤰᤋᤢᤶᤒᤠ ᤁᤢᤀᤡᤛᤡ᤺ᤰ ᤕᤠᤵᤔᤡ ᤗᤠᤱ ᤁᤧᤍᤠ᤺ᤰᤋᤡᤖᤥ॥  
\v 15 ᤂᤡᤏᤡ᤹ ᤂᤧᤴ ᤕᤧᤶᤔᤥ ᤛᤠ᤹ᤖᤡᤰ ᤁᤧᤛ᤺ᤳᤋᤡᤀᤠᤱ ᤁᤧᤘᤕᤡᤒᤠᤴ ᤌᤣ ᤐᤥ᤺ᤰᤂᤧᤀᤠᤱᤒᤣ᥅ ᤐᤥ᤺ᤱᤔᤠ ᤛᤢᤰᤋᤧᤸᤗᤧᤃ ᤀᤡᤱᤃᤠ᤹ ᤁᤢᤓᤠ᤹ ᤐᤡᤔᤠᤖᤧ ᤗᤠᤃᤡ ᤂᤡᤏᤡ᤹ ᤔᤡᤰᤜᤠ᤹ᤀᤠᤱ ᤁᤧᤕᤃᤢᤶ ᤁᤧᤗ᤺ᤳᤋᤢᤶᤔᤠᤱ ᤀᤡᤱᤃᤠ᤹ ᤕᤠᤵᤔᤡ ᤐᤡᤔᤠ ᤁᤧᤛᤢᤰᤋᤡᤔᤧᤴ ᤑᤠ᤹ᤀᤠᤱ ᤐᤠ᤺ᤵᤔᤠ ᤛᤢᤰᤋᤢᤱ॥  
\v 16 ᤁᤖ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱᤒᤠᤸᤗᤧ ᤀᤠᤸᤗᤥ ᤂᤡᤏᤡ᤹ ᤏᤡᤱᤔᤡ ᤐᤥ᤺ᤰᤂᤠᤱᤒᤠᤒᤡ᥅ 
\p  
\v 17 ᤂᤧᤴ ᤔᤏᤠᤜᤠ᤹ᤖᤧᤃ\f * \fr 4:17 \ft ᤂᤧᤴ ᤑᤠ᤹ᤀᤡᤴ. “ᤀᤡᤱᤗᤧᤰᤐᤠ ᤛᤠᤶᤕᤥ ᤛᤡᤰᤛᤠᤶᤒᤠᤜᤠ᤹” ᤐᤥ᤺ᤱᤗᤥ॥ ᥇.᥇᥍ ᤀᤥᤔᤳᤋᤧ᤹ᤀᤥ॥ \f* ᤂᤡᤏᤡ᤹ ᤂᤢᤏᤡ᤹ ᤗᤧᤵᤔᤠᤱ ᤀᤢ᤺ᤱᤔᤠᤛᤡ ᤑᤠ᤹ᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤛᤡᤰ ᤛᤶᤗᤥ. ᤁᤖ ᤁᤴ ᤂᤡᤏᤡ᤹ᤗᤠᤃᤡ ᤏᤢ᤺ᤒᤠ ᤔᤧ᤺ᤴᤗᤥ॥ ᤂᤧᤱᤜᤠ᤹ᤖᤧᤃ ᤀᤠᤏᤡᤃᤧ ᤋᤰᤗᤧᤱᤘᤠᤀᤥ ᤁᤧᤒᤥᤃᤡᤀᤠᤱ ᤂᤧᤱᤜᤠ᤹ᤖᤰ ᤁᤧᤍᤡᤶᤍᤢᤶᤛᤡᤶᤗ ᤁᤧᤗ᤹ᤒᤠ ᤏᤡᤱᤘᤠ᤹ ᤔᤧᤈᤥᤃᤢᤀᤠᤱ ᤔᤧᤘᤠ᤹ᤖᤥ॥  
\v 18 ᤀᤠᤸᤗ ᤀᤡᤱᤃᤠ᤹ ᤂᤡᤏᤡ᤹ᤏᤢ ᤘᤠ᤹ᤀᤠᤸᤗᤧᤖᤰ ᤔᤧ᤺ᤴ. ᤁᤖ ᤂᤡᤏᤡ᤹ᤏᤢ ᤜᤥ᤺ᤵᤐᤠᤛᤠᤱ ᤘᤣ᤹ᤜᤠ᤹ᤖᤧ ᤂᤡᤏᤡ᤹ ᤗᤠᤃᤡ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤡᤰ ᤛᤶᤏᤧ ᤑᤠ᤹ᤃᤪ ᤏᤢ᤺ᤒᤠᤖᤥ॥  
\v 19 ᤀᤠᤔᤡ᤺ᤶ ᤀᤠᤛ᤻ᤛᤠ᤺ᤛᤣ. ᤂᤪᤡᤛ᤻ᤋᤧᤴ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ ᤔᤧᤶᤒᤥ᤺ᤱᤅᤣ ᤌᤠᤖᤡᤰ ᤀᤡᤱᤃᤠ᤹ᤃ ᤀᤠᤸᤗᤥ ᤕᤠᤶᤔᤥ ᤛᤠᤘᤠ᤺ᤶᤔᤠ ᤋᤢᤱᤅᤡᤸᤗᤧ ᤋᤖᤢᤔᤠ ᤔᤧᤴᤇᤢᤔᤠ᤹ ᤁᤢᤀᤡᤛᤡ᤺ᤰ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥  
\v 20 ᤀᤡᤱᤃᤠ᤹ ᤀᤠᤸᤗᤥ ᤂᤡᤏᤡ᤹ᤏᤢ ᤘᤠ᤹ᤀᤠᤸᤗᤧ ᤀᤰᤂᤣ ᤐᤠ᤺ᤵᤔᤠ ᤔᤧᤒᤥ᤺ᤰᤂᤧᤶᤒᤠ ᤘᤕᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤜᤧᤰᤁᤣ ᤁᤧᤗ᤹ᤖᤡᤒᤠᤀᤥ ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤋᤢᤃᤧᤀᤠᤱ ᤘᤠ᤹ᤖᤥ॥ 
\s1 ᤜᤠᤃᤠᤖ ᤏᤢ ᤛᤠᤖᤠ 
\p  
\v 21 ᤂᤡᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤘᤠ᤹ᤔᤠ ᤏᤡᤱᤘᤠ᤹ ᤁᤧᤈᤥᤃᤢᤶᤒᤡ᥅ ᤂᤧᤵᤛᤧᤶᤔᤧ᤹ᤀᤥ᥄ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤠᤱ ᤁᤧᤘᤕᤡ᤹ᤒᤡ᥅  
\v 22 ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤕᤧᤶᤒᤡᤳᤇᤠ᤹ ᤏᤧᤳᤇᤡ ᤘᤕᤧᤳᤇᤡ ᤑᤠ᤹ᤀᤠᤱ ᤐᤠ᤺ᤳᤋᤢ᤹॥ ᤌᤡᤰᤁᤡᤴ ᤛᤣᤘᤠᤖᤥᤔᤠ\f * \fr 4:22 \ft ᤛᤣᤘᤠᤖᤥᤔᤠ ᤁᤢᤔᤣ᤺ᤳ ᤑᤠ᤹ᤀᤡᤴ ᤀᤒᤪᤠᤜᤠᤔᤖᤧ ᤁᤢᤔᤣ᤺ᤳ ᤛᤠᤖᤠᤖᤧ ᤁᤢᤛᤣᤘᤠᤖᤥᤔᤠ ᤜᤠᤃᤠᤖᤖᤥ॥ ᤀᤡᤛ᤻ᤔᤠᤀᤣᤸᤗᤧᤴ ᤜᤠᤃᤠᤖᤖᤧ ᤁᤢᤛ᤻ᤛᤠ᤺ᤖᤥ॥\f* ᤁᤢᤔᤣ᤺ᤳ ᤗᤧᤵᤔᤠᤱᤒᤠ ᤘᤕᤧ. ᤘᤣ᤹ᤛ᤻ᤔᤠᤴ ᤆᤥ᤺ᤰᤕᤢᤶᤓᤥᤔᤠ\f * \fr 4:22 \ft ᤆᤥ᤺ᤰᤕᤢᤶᤓᤥᤔᤠ ᤁᤢᤔᤣ᤺ᤳ ᤑᤠ᤹ᤀᤡᤴ ᤀᤒᤪᤠᤜᤠᤔᤖᤧ ᤁᤢᤔᤣ᤺ᤳ ᤛᤠᤖᤠᤖᤥ॥ ᤀᤡᤛᤜᤠᤰᤁᤧᤴ ᤛᤠᤖᤠᤖᤧ ᤁᤢᤛ᤻ᤛᤠ᤺ᤖᤥ॥\f* ᤁᤢᤔᤣ᤺ᤳ ᤗᤧᤵᤔᤠᤱᤒᤠ ᤘᤕᤧᤖᤥ॥\f * \fr 4:22 \ft ᤋᤥᤗᤡᤱᤛᤥᤔᤢ ᥇᥌.᥇᥋. ᥈᥇.᥈-᥉\f* 
\v 23 ᤜᤠᤃᤠᤖ ᤔᤧᤵᤔᤏᤠᤔᤠ ᤛᤣᤘᤠᤖᤥᤔᤠ ᤁᤢᤔᤣ᤺ᤳᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠᤴ ᤔᤧᤴᤇᤠᤶ ᤏᤡᤱᤘᤠ᤹ᤗᤠᤶ ᤛᤠᤘᤠ᤺ᤴᤇᤡᤱᤒᤠᤖᤥ॥ ᤁᤖ ᤛᤠᤖᤠ ᤔᤧᤵᤔᤏᤠᤔᤠ ᤆᤥ᤺ᤰᤕᤢᤶᤓᤥᤔᤠ ᤀᤠᤒᤠᤅᤣ ᤁᤢᤔᤣ᤺ᤳᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤗᤠᤶ ᤐᤥ᤺ᤰᤂᤧᤒᤠᤖᤥ॥  
\v 24 ᤀᤠᤸᤗ ᤁᤴ ᤏᤧᤵᤑᤢ ᤔᤧᤴᤇᤢᤔᤠᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤏᤧᤳᤇᤡ ᤔᤠᤱᤜᤢᤵᤐᤡᤸᤗᤧ ᤁᤢᤒᤡᤛᤡᤖᤥ॥ ᤛᤣᤘᤠᤖᤥᤔᤠ ᤜᤠᤃᤠᤖᤖᤧᤱᤃ ᤛᤡᤏᤠᤀᤡ\f * \fr 4:24 \ft ᤛᤡᤏᤠᤀᤡ–ᤂᤧᤱᤃ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤛᤠᤶᤕᤥᤌᤡᤶ ᤂᤥ᤺ᤔᤠ ᤑᤠ᤹ᤀᤠᤱ ᤔᤥᤛᤠᤖᤧ ᤗᤡᤅᤢᤒᤠ ᤁᤥ᤺ᤰᤔᤠ॥\f* ᤁᤥ᤺ᤰᤔᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤂᤧᤵᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤛᤠᤶᤕᤥᤌᤡᤶᤔᤡᤴ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤧᤴ ᤛᤠᤶᤕᤥᤌᤡᤶᤔᤡᤸᤗᤧ ᤔᤏᤠᤜᤠ᤹ ᤕᤥ᤺ᤰ ᤆᤥᤃᤢᤛᤡᤖᤥ॥  
\v 25 ᤀᤠᤸᤗ ᤀᤠᤸᤗᤥᤒᤠ ᤕᤖᤢᤛᤗᤧᤔ ᤕᤧᤰᤕᤰᤁᤡᤴ ᤀᤖᤒ ᤗᤠᤈᤣ᤹ᤒᤠ ᤛᤡᤏᤠᤀᤡ ᤁᤥ᤺ᤰᤔᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤕᤧᤰᤕᤰᤁᤡᤴ ᤏᤢ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤧᤖᤧᤰ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤥ᤺ᤰ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥  
\v 26 ᤁᤖ ᤆᤥ᤺ᤰᤕᤢᤶᤓᤥᤔᤠ ᤛᤠᤖᤠ᤺ᤱᤃ ᤛᤠᤱᤃᤪᤠᤶᤐᤣᤍᤠᤱᤒᤠ ᤕᤖᤢᤛᤗᤧᤔ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤂᤢᤏᤧ᤹ᤀᤣ ᤀᤠᤏᤡ᤹ ᤔᤠᤖᤥ॥  
\v 27 ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 “ᤛᤠᤔᤧᤱᤃᤵᤔᤏᤠᤔᤠᤀᤣ. ᤛ᤺ᤳᤋᤧ᤹ᤀᤥ᥄ ᤂᤧᤏᤧ᤹ ᤛᤠᤃᤧᤴᤘᤠ᤺ᤴᤍᤢᤴᤇᤠᤱ ᤛ᤺ᤳᤋᤧ᤹ᤖ ᤀ᤺ᤰᤋᤧ᤹ᤀᤥ᥄ ᤌᤣᤀᤠᤱᤓᤧᤸᤗᤧ ᤂᤧᤴ ᤘᤣ᤹ ᤔᤧᤴᤇᤢᤔᤠ᤹ᤏᤢ᤺ᤸᤗᤧᤀᤠᤱ ᤛᤠᤔᤧᤱᤃᤵᤔᤏᤠᤔᤠᤸᤗᤧ ᤁᤢᤛ᤻ᤛᤠ᤺ᤜᤠ᤹ ᤕᤖᤡᤰ ᤔᤧᤒᤥ᤺ᤱᤗᤥ॥”\f * \fr 4:27 \ft ᤕᤛᤤᤕᤠ ᥋᥊.᥇\f* 
\p  
\v 28 ᤀᤠᤸᤗ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ᤃ ᤀᤡᤛᤜᤠᤁ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤔᤢ᤹ᤀᤡᤍᤠᤱᤛᤠᤏᤡᤱᤗᤥ॥  
\v 29 ᤁᤖ ᤂᤧᤴ ᤕᤥ᤺ᤰᤔᤠ ᤔᤣ᤺ᤳᤋᤡᤸᤗᤧ ᤁᤢᤛ᤻ᤛᤠ᤺ ᤀᤡᤛ᤻ᤔᤠᤀᤣᤗᤖᤧ ᤔᤠᤱᤜᤧᤰᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠ ᤀᤡᤛᤜᤠᤰᤁᤡᤴ ᤋᤢᤰᤂᤣ ᤆᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤛᤣᤛᤣᤔᤠᤱᤗᤠᤶ ᤀᤠᤏᤡ᤹ ᤛᤠᤃᤧᤘᤠ᤺ᤴᤇᤡᤱᤒᤠᤜᤠ᤹ᤀᤠᤱ ᤛᤠᤶᤕᤥᤌᤡᤶ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤖᤧ ᤋᤢᤰᤂᤣ ᤀᤠᤶᤈᤠ᤺ᤳᤗᤥ॥  
\v 30 ᤁᤖ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤌᤣ ᤐᤠ᤺ᤳᤋᤢ᤹᥅ “ᤛᤣᤘᤠᤖᤥᤔᤠ ᤔᤧᤴᤇᤢᤔᤠ᤹ᤀᤡᤴ ᤏᤢ ᤁᤢᤛ᤻ᤛᤠ᤺ᤴ ᤏᤠ᤺ᤳᤋᤧᤍᤣ᤺ᤛᤧᤛᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤣᤘᤠᤖᤥᤔᤠᤸᤗᤧ ᤁᤢᤛ᤻ᤛᤠ᤺ᤴ ᤆᤥ᤺ᤰᤕᤢᤶᤓᤥᤔᤠ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤛ᤻ᤛᤠ᤺ᤴᤏᤢ ᤛᤥᤖᤡᤰ ᤗᤰ ᤁᤧᤄᤥ᤺ᤒᤠ ᤐᤥ᤺ᤱᤔᤠ ᤔᤧᤛᤢᤰᤏᤧᤴᤗᤥ॥”\f * \fr 4:30 \ft ᤋᤥᤗᤡᤱᤛᤠᤔᤢ ᥈᥇.᥇᥆\f* 
\v 31 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤏᤡ᤹ᤃ ᤛᤣᤘᤠᤖᤥᤔᤠ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤛ᤻ᤛᤠ᤺ᤛᤡ ᤔᤧ᤺ᤴᤗᤥ. ᤁᤖ ᤀᤠᤏᤡ᤹ᤃ ᤆᤥ᤺ᤰᤕᤢᤶᤓᤥᤔᤠ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤛ᤻ᤛᤠ᤺ᤛᤡᤖᤥ॥ 
\c 5  
\s1 ᤂᤪᤡᤛ᤻ᤋᤖᤧ ᤆᤥ᤺ᤰᤕᤢᤶᤓᤥ ᤀᤠᤒᤡ᤹ 
\p  
\v 1 ᤂᤪᤡᤛ᤻ᤋᤖᤧ ᤛᤧᤰᤂᤠᤀᤣ ᤆᤥ᤺ᤰᤕᤢᤶᤓᤥ ᤀᤠᤒᤡᤖᤧᤀᤠᤱ ᤘᤠ᤹. ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤆᤥ᤺ᤰᤕᤢᤶᤓᤥᤀᤥ ᤔᤧᤶᤔᤢᤴᤏᤣ ᤘᤕᤧᤶᤔᤧ᤹. ᤜᤧᤰᤁᤩᤠᤱ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤥ᤺ᤰ ᤕᤠᤶᤔᤥ ᤔᤧᤒᤥ᤺ᤰᤂᤧᤶᤔᤡᤴᤏᤧ᤹ᤀᤥ॥ 
\p  
\v 2 ᤀᤡᤱᤃᤠ᤹ ᤐᤠᤘᤗᤖᤧ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹ᤀᤥ᥄ ᤜᤷᤍᤥ ᤜᤧᤰᤔᤠᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤡᤏᤡ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤏᤡᤱᤘᤠ᤹ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤂᤪᤡᤛ᤻ᤋᤖᤧ ᤆᤥᤃᤢᤒᤠ ᤕᤠ᤺ᤶᤒᤰᤁᤡᤴ ᤂᤡᤏᤡ᤹ ᤗᤠᤃᤡ ᤜᤏᤧᤒᤠᤖᤰ ᤐᤥ᤺ᤱᤗᤥ॥  
\v 3 ᤀᤡᤱᤃᤠ᤹ ᤕᤠᤶᤔᤥ ᤔᤧᤳᤏᤡᤱ. ᤜᤷᤍᤥ ᤜᤧᤰᤔᤠᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤡᤏᤡ᤹ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤏᤡᤱᤘᤠ᤹ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤛᤠᤶᤕᤥᤌᤡᤶᤔᤥ ᤁᤧᤒᤵᤐᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤂᤡᤏᤡ᤹ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤗᤀᤣ ᤐᤥ᤺ᤱᤗᤥ॥  
\v 4 ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤑᤠ᤹ᤀᤠᤱ ᤛᤠᤶᤕᤥᤌᤡᤶᤔᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ ᤂᤪᤡᤛ᤻ᤋᤗᤠᤶ ᤁᤧᤛᤧᤴᤍᤡ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶ ᤔᤠ᤺ᤱᤄᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 5 ᤁᤖ ᤀᤠᤏᤡ᤹ ᤏᤛᤠ᤺ᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤱ ᤁᤧᤗ᤹ᤒᤠ ᤏᤡᤱᤛᤠᤱᤅᤡᤴ ᤛᤣᤛᤣᤔᤠᤱᤅᤡᤸᤗᤧ ᤜᤠᤱᤔᤠ ᤀᤠᤓᤠ᤹ᤖᤥ॥  
\v 6 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤗᤠᤃᤡᤃ ᤜᤷᤍᤥ ᤜᤧᤰᤔᤠ ᤏᤢ ᤔᤧᤴᤜᤧᤰᤔᤠ ᤐᤠ᤺ᤴᤏᤡᤴ ᤌᤣᤀᤠᤱ ᤔᤧ᤺ᤴᤗᤥ॥ ᤁᤖ ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠ ᤐᤠ᤺ᤴᤏᤡᤱᤃ ᤀᤠᤏᤡ᤹ ᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤘᤣ᤹ᤜᤠ᤹ ᤗᤢᤱᤔᤠ᤹ ᤀᤠᤍᤢᤰᤋᤢᤶᤛᤡᤶᤗᤥ॥ 
\p  
\v 7 ᤂᤡᤏᤡ᤹ᤃ ᤏᤢ᤺ᤖᤡᤰᤁᤠᤱ ᤏᤛᤠ᤺ᤴ ᤁᤧᤈᤥᤃᤢᤶᤔᤠᤱ ᤁᤧᤘᤕᤡ᤹. ᤁᤖ ᤛᤧᤰᤂᤠᤒᤠ ᤐᤠ᤺ᤴᤏᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤜᤠ᤺ᤳᤗᤧ ᤁᤧᤛᤠᤰᤋᤡᤒᤣ᥅  
\v 8 ᤁᤴ ᤐᤠ᤺ᤴᤏᤡᤱᤃ ᤛᤧᤰᤂᤠᤛᤠᤱ ᤂᤡᤏᤡ᤹ ᤁᤧᤀᤢ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤋᤩᤧᤒᤠ ᤔᤧ᤺ᤴᤗᤥ॥  
\v 9 ᤂᤖᤧ᤺ᤱ ᤁᤧᤓᤱᤒᤠ ᤆᤩ᤹ᤛᤡᤰ ᤛᤡᤍᤠ᤹ᤀᤡᤸᤗᤧ ᤁᤧᤖᤧᤰ ᤑᤣ᤹ᤖᤢᤶᤔᤡᤴ ᤕᤢᤰᤋᤢᤒᤠ ᤁᤢᤀᤡᤛᤡ᤺ᤰ ᤗᤳᤇᤠ ᤀᤡᤱᤗᤧᤰᤐᤠ ᤐᤠ᤺ᤴᤏᤡᤸᤗᤧ ᤕᤖᤡᤰ ᤔᤏᤠᤜᤠ᤹ ᤑᤧᤳᤗᤠ᤺ᤴᤍᤢᤛᤡ᤹ᤖᤥ॥  
\v 10 ᤂᤧᤴ ᤀᤡᤱᤗᤧᤰᤐᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤏᤛᤠ᤺ᤴ ᤁᤧᤴᤈᤥᤃᤢᤶᤔᤡᤴ ᤑᤠ᤹ᤀᤠᤱ ᤍᤠᤱᤒᤠᤴ ᤋᤠ᤺ᤰᤐᤥ ᤆᤥᤃᤢᤱᤗᤥ॥ ᤏᤡᤱᤘᤠ᤹ ᤁᤧᤓᤥ᤺ᤵᤐᤠ ᤏᤢ ᤋᤢᤰᤂᤣ ᤁᤧᤈᤠ᤺ᤵᤐᤠ ᤀᤠᤳᤋᤡᤴᤇᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤖᤢ᤹ᤖᤥ॥ 
\p  
\v 11 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤁᤢᤓᤠᤖᤧ ᤔᤧᤒᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤀᤠᤸᤗᤛᤠᤱ ᤜᤷᤍᤥ ᤜᤧᤰᤔᤠᤀᤣ ᤐᤥ᤺ᤱ ᤗ᤹ᤖᤡᤰ ᤀᤡᤱᤓᤴ ᤆᤥᤃᤢᤱᤅᤡᤸᤗᤧ ᤌᤣᤀᤠᤱ ᤔᤏᤠᤜᤠ᤹ᤖᤧ ᤀᤡᤱᤃᤠ᤹ ᤋᤢᤰᤂᤣ ᤔᤧᤈᤠ᤺ᤳᤋᤠᤒᤠᤒᤣ᥅ ᤀᤡᤱᤃᤠ᤹ ᤂᤪᤡᤛ᤻ᤋᤖᤧ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤆᤥᤃᤢᤒᤠ ᤁᤢᤕᤠ᤺ᤶᤒᤰᤁᤥᤗᤠᤶ ᤛᤧᤴᤗᤵ ᤂᤥ᤺ᤍᤧᤳᤗᤥ ᤗ᤹ᤖᤡᤰ ᤀᤡᤱᤓᤴ ᤔᤧᤈᤥᤃᤢᤱᤅᤡᤴᤏᤧ ᤑᤠ᤹ᤃᤪ ᤀᤠᤳᤋᤡᤸᤗᤧᤀᤠᤱ ᤁᤢᤛᤡᤰ ᤔᤧᤄᤧᤅᤧᤴᤒᤠᤔᤧᤴ॥  
\v 12 ᤂᤡᤏᤡ᤹ ᤏᤡᤱᤘᤠ᤹ ᤑᤧᤳᤁᤧᤗᤠ᤺ᤶᤒᤠᤜᤠ᤹ᤖᤧᤃ ᤜᤷᤍᤥ ᤜᤧᤰᤔᤠᤖᤰ ᤔᤧ᤺ᤴ. ᤁᤖ ᤁᤢᤒᤢᤱ ᤌᤧᤖᤧ᤺ᤵ ᤔᤧᤜᤧᤃᤢᤛᤠᤱ ᤐᤥ᤺ᤱᤒᤠᤖᤥ॥ 
\p  
\v 13 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥ᤺ᤰᤕᤢᤶᤓᤥ ᤐᤥ᤺ᤱᤛᤧ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹॥ ᤂᤧᤱᤃ ᤗᤠᤕᤥᤒᤠ ᤏᤡᤱᤘᤠ᤹ᤀᤡᤸᤗᤧ ᤔᤢᤖᤠ ᤁᤧᤔᤧᤳᤋᤡᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤕᤠᤶᤍᤠᤍᤠ ᤆᤥ᤺ᤰᤔᤠᤖᤧ ᤗᤠᤃᤡ ᤔᤧ᤺ᤴᤗᤥ. ᤁᤖ ᤗᤢᤱᤔᤠ᤹ ᤋᤢᤰᤛᤡᤱᤔᤠᤀᤠᤱ ᤁᤢᤓᤠ᤹ ᤐᤡᤛᤡᤱᤔᤠᤖᤧ ᤗᤠᤃᤡᤏᤧᤖᤥ॥  
\v 14 ᤌᤣᤀᤠᤱᤓᤧᤸᤗᤧ ᤁᤠᤰ ᤛᤠᤶᤕᤥᤌᤡᤶᤔᤡᤴ ᤗᤳᤇᤠ ᤀᤡᤱᤈᤠ᤺ᤱᤅᤥ ᤁᤧᤖᤧᤀᤠᤱ ᤘᤠ᤹ᤖᤥ. “ᤀᤠᤒᤠᤅᤣ ᤗᤢᤱᤔᤠ᤹ ᤁᤧᤍᤢᤰᤛᤡᤱᤒᤠ ᤁᤢᤀᤡᤛᤡ᤺ᤰ ᤁᤧᤒᤠᤱᤓᤣ᤹ᤛᤠᤒᤠᤴ ᤗᤢᤱᤔᤠ᤹ ᤋᤢᤰᤋᤧ᤹ᤀᤥ॥”\f * \fr 5:14 \ft ᤗᤧᤒᤡ ᥇᥏.᥇᥎\f* 
\v 15 ᤁᤖ ᤂᤡᤏᤡ᤹ ᤁᤧᤜᤠ᤹ᤀᤠᤛᤡ ᤁᤧᤕᤧ᤺ᤱᤅᤠᤛᤡᤸᤗᤧᤃ ᤔᤧᤒᤥ᤺ᤱᤏᤧᤸᤗᤥ. ᤁᤖ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤀᤠᤒᤠᤅᤣ ᤁᤧᤔᤧᤱᤅᤠᤛᤡ᤹ᤖᤥ॥ 
\s1 ᤛᤣᤛᤣᤔᤠᤱᤗᤠᤶᤒᤠ ᤜᤡᤱᤔᤠ 
\p  
\v 16 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤏᤡᤱ. ᤛᤣᤛᤣᤔᤠᤱᤅᤡᤸᤗᤧ ᤗᤠᤶᤃᤧᤗᤥ᤺ᤛᤡᤒᤠ ᤁᤢᤀᤡᤛᤡ᤺ᤰ ᤘᤕᤧᤶᤔᤧ᤹ᤀᤥ. ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤗᤠᤕᤥᤒᤠ ᤏᤡᤱᤘᤠ᤹ᤀᤡᤸᤗᤧ ᤏᤡᤱᤘᤠ᤹ ᤆᤥᤃᤢᤒᤠ ᤐᤠ᤺ᤴᤏᤡᤴ ᤁᤧᤴᤈᤥᤃᤢᤶᤔᤡᤴᤗᤥ॥  
\v 17 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤗᤠᤕᤥᤒᤠ ᤏᤡᤱᤘᤠ᤹ᤀᤡᤴ ᤛᤣᤛᤣᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ. ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤴᤏᤠᤱ ᤗᤠᤕᤥᤒᤠ ᤏᤡᤱᤘᤠ᤹ᤀᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤔᤧᤍᤱᤛᤡᤴᤗᤥ॥ ᤜᤧᤰᤁᤣᤗ᤹ᤖᤡᤰ ᤆᤥ᤺ᤰᤔᤠ ᤁᤧᤀᤡ᤺ᤳᤋᤢᤶᤒᤠ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ ᤛᤍᤠᤍᤡᤱ ᤁᤧᤴᤈᤥᤃᤢᤶᤔᤡᤴᤗᤥ॥  
\v 18 ᤁᤖ ᤛᤣᤛᤣᤔᤠᤱᤅᤡᤸᤗᤧ ᤗᤠᤶᤃᤧᤗᤥ᤺ᤛᤡᤒᤠ ᤁᤢᤀᤡᤛᤡ᤺ᤰ ᤁᤧᤘᤕᤡ᤹ᤏᤧ ᤑᤠ᤹ᤃᤪ ᤀᤰᤂᤣ ᤜᤧᤰᤁᤣ ᤆᤥᤃᤧ᤹ ᤑᤠ᤹ᤀᤠᤱ ᤔᤧᤶᤔᤧᤳᤋᤣ ᤛᤠᤶᤕᤥᤌᤡᤶᤔᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤁᤧᤖᤧᤰ ᤂᤡᤏᤡ᤹ ᤀᤠᤒᤠᤅᤣ ᤁᤧᤈᤥᤃᤢᤶᤗᤥ॥ 
\p  
\v 19 ᤗᤠᤕᤥᤒᤠ ᤏᤡᤱᤘᤠ᤹ᤗᤠᤶ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤜᤠ᤹ ᤏᤡᤎᤠ᤺ᤵᤗᤥ॥ ᤂᤧᤱᤜᤠ᤹ᤖᤧ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤔᤧᤈᤥᤃᤢ᤹. ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤔᤧᤈᤥᤃᤢ᤹. ᤛᤡᤖᤡᤱ ᤀᤠᤔᤔᤒᤠ ᤕᤠ᤺ᤶᤒᤰ ᤔᤧᤈᤥᤃᤢ᤹.  
\v 20 ᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤈᤥᤃᤢ᤹. ᤁᤡᤳᤆᤠᤰ ᤔᤧᤈᤥᤃᤢ᤹. ᤔᤏᤠᤜᤠ᤹ ᤔᤧᤈᤡ᤺ᤳᤋᤢᤛᤡ᤹. ᤂᤧᤔᤠ᤹ ᤔᤧᤓᤥ᤺ᤰᤂᤢ᤹. ᤔᤏᤠᤜᤠ᤹ ᤏᤠᤔᤧᤜᤧᤳᤋᤢᤛᤡ᤹. ᤂᤢᤏᤡ᤹ ᤛᤡᤰ ᤐᤥ᤺ᤰ. ᤀᤠᤏᤡᤃᤧᤖᤰ ᤆᤥᤃᤢᤶᤒᤧ ᤐᤠ᤺ᤳᤋᤢᤶᤒᤧ ᤁᤧᤗ᤹ᤒᤠ ᤏᤡᤱᤘᤠ᤹ ᤔᤧᤈᤥᤃᤢ᤹. ᤀᤣ᤺ᤰ ᤛᤧᤴᤇᤡᤱᤔᤠ ᤏᤡᤱᤘᤠ᤹ ᤔᤧᤈᤥᤃᤢ᤹. ᤌᤢᤰᤛᤡᤱᤔᤠ ᤏᤡᤱᤘᤠ᤹ ᤔᤧᤈᤥᤃᤢ᤹.  
\v 21 ᤘᤣ᤹ᤜᤠ᤹ᤖᤧ ᤔᤧᤈᤥᤃᤢ ᤔᤧᤈᤒᤠᤴ ᤀᤥᤔᤧᤵᤔᤠ ᤔᤧᤴᤇᤢᤰᤋᤢᤴ. ᤌᤡ᤺ᤸᤗᤧ ᤔ᤺ᤛᤡᤱᤔᤠ ᤏᤡᤱᤘᤠ᤹ ᤔᤧᤈᤥᤃᤢ᤹. ᤕᤠᤶᤍᤠᤍᤠ ᤑᤧᤴ ᤕᤠ᤺ᤶᤒᤰ ᤔᤧᤈᤥᤃᤢ᤹. ᤜᤧᤰᤁᤩᤠᤱ ᤒᤠ ᤜᤧᤰᤋᤱᤒᤠ ᤘᤣ᤹ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢ᤹ᤖᤥ॥ ᤋᤃᤡᤒᤠ ᤁᤢᤀᤡᤛᤡ᤺ᤰ ᤛᤠᤶᤍᤡᤱ ᤐᤡᤏᤡᤱᤗᤥ. ᤀᤰᤋᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤗᤰ ᤂᤥ᤺ᤔᤠ ᤔᤧᤴᤇᤢᤰᤋᤢᤴᤗᤥ॥  
\v 22 ᤁᤖ ᤛᤣᤛᤣᤔᤠᤱᤅᤡᤸᤗᤧ ᤗᤠᤶᤗᤥᤛᤢᤛᤡᤒᤠ ᤔᤏᤠᤜᤠ᤹ᤖᤧ ᤘᤣ᤹ᤜᤠ᤹ ᤗᤢᤱᤔᤠ᤹ ᤔᤧᤍᤢᤰᤋᤢᤛᤡ᤹. ᤂᤧᤱᤜᤠ᤹ ᤔᤧᤛ᤺ᤳ. ᤛᤏᤠᤖᤢᤱᤅᤥ ᤔᤧᤘᤠ᤹. ᤏᤠᤛᤡ ᤔᤧᤎ᤺ᤳ. ᤂᤧᤱᤜᤠ᤹ᤖᤧ ᤘᤣ᤹ᤜᤠ᤹ ᤏᤢ᤺ᤖᤡᤰ ᤔᤧᤔᤧᤳᤋᤢᤛᤡ᤹. ᤂᤧᤱᤜᤠ᤹ ᤏᤢ᤺ᤒᤠ ᤕᤠ᤺ᤶᤒᤰ ᤔᤧᤈᤥ᤺ᤰ. ᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤛᤡᤒᤠ ᤔᤧᤈᤥ᤺ᤰ.  
\v 23 ᤂᤧᤱᤜᤠ᤹ ᤏ᤺ᤶᤏ᤺ᤶ ᤔᤧᤗ᤹ ᤜᤧᤰᤁᤩᤠᤱ ᤏᤠᤛᤡ ᤔᤧᤎ᤺ᤳᤗᤥ॥ ᤀᤰᤋᤱᤒᤠ ᤕᤠ᤺ᤶᤒᤰᤁᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤣᤀᤠᤱ ᤌᤡᤶ ᤜᤥ᤺ᤵᤗᤥ॥  
\v 24 ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧᤃ ᤗᤠᤕᤥᤒᤠ ᤏᤡᤱᤘᤠ᤹ ᤏᤢ ᤂᤧᤸᤗᤧ ᤁᤢᤓᤧᤴ ᤕᤠ᤺ᤶᤒᤰᤁᤡᤸᤗᤧ ᤁᤢᤕᤢᤰᤁᤡᤴ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢᤀᤠᤱ ᤘᤠ᤹ᤖᤥ॥  
\v 25 ᤛᤣᤛᤣᤔᤠᤱᤅᤡᤸᤗᤧ ᤀᤠᤏᤡ᤹ ᤁᤢᤛᤱ ᤜᤡᤱᤔᤴ ᤀᤠᤒᤡᤖᤧᤀᤠᤱ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤠᤏᤡ᤹ ᤘᤕᤡᤖᤥ॥  
\v 26 ᤀᤠᤏᤡ᤹ᤃ ᤀᤠᤱᤍᤡᤱ ᤗ᤹ᤖᤡ ᤔᤧ᤺ᤴ. ᤛᤡᤰ ᤑᤥ᤺ᤱᤛᤡᤱ ᤐᤡᤛᤡᤱᤔᤠ ᤔᤧ᤺ᤴ. ᤜᤧᤰᤁᤩᤠᤱ ᤏᤠᤜᤧᤳᤇᤡᤱᤔᤠ ᤔᤧ᤺ᤴᤗᤥ॥ 
\c 6  
\s1 ᤑᤠ᤹ᤀᤠᤛᤡᤶᤔᤧ᤹ 
\p  
\v 1 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤏᤢᤛᤠ᤹ᤎᤡᤰ ᤗᤠᤕᤥᤀᤥ ᤌᤠ᤺ᤸᤗᤧ ᤂᤡᤏᤡ᤹ ᤛᤣᤛᤣᤔᤠᤱᤅᤡᤸᤗᤧ ᤗᤠᤶᤃᤧᤗᤥᤛᤡᤒᤠᤜᤠ᤹ᤖᤧ ᤏ᤺ᤶᤏ᤺ᤶᤔᤠᤱ ᤂᤧᤴ ᤋᤥ᤺ᤴᤍᤧᤶᤔᤧ᤹ᤀᤥ॥ ᤁᤖ ᤜᤧᤰᤁᤣ ᤁᤧᤈᤥᤃᤢᤶᤔᤡᤸᤗᤧ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤂᤡᤏᤡ᤹ᤀᤠᤱ ᤗᤠᤕᤥᤀᤥ ᤌᤠ᤺ᤔᤠ ᤁᤧᤛᤢᤰᤋᤡ᤹ᤖᤥ॥  
\v 2 ᤀᤡᤏᤥᤃᤧᤴ ᤋᤢᤰᤂᤣᤀᤥ ᤑᤠ᤹ᤀᤠᤛᤡᤶᤔᤧ᤹ᤀᤥ॥ ᤀᤰᤂᤣᤗ᤹ᤖᤡᤰ ᤂᤪᤡᤛ᤻ᤋᤖᤧ ᤀᤠᤒᤡᤖᤧᤒᤠ ᤛᤠᤶᤕᤥᤌᤡᤶᤔᤡᤴ ᤁᤧᤃᤧᤳᤋᤢᤶᤗᤥ॥  
\v 3 ᤂᤧᤏᤧ᤹ ᤁᤧᤕᤧᤰᤐᤠ ᤁᤧᤴᤈᤥ᤺ᤰᤏᤧᤴᤇᤠᤱ ᤘᤣ᤹ᤜᤠ᤹ ᤁᤢᤓᤠ᤹ ᤐᤡᤔᤠᤛᤡᤀᤥ ᤘᤣ᤹ ᤔᤏᤠᤜᤠ᤹ᤏᤢ᤺ᤸᤗᤧ ᤁᤧᤕᤧᤰᤐᤠ ᤆᤥ᤺ᤰᤁᤠ ᤗ᤹ᤖᤡᤰ ᤏᤡᤱᤘᤠ᤹ ᤁᤧᤀᤡ᤺ᤳᤇᤡᤱᤏᤧ ᤑᤠ᤹ᤃᤪ ᤀᤠᤒᤠᤅᤣ ᤀᤡᤱᤃᤧᤗᤧᤰᤛᤡᤱᤗᤥ॥ 
\p  
\v 4 ᤁᤖ ᤂᤡᤏᤡ᤹ ᤜᤡᤱᤔᤴᤏᤥ ᤁᤧᤈᤥᤃᤢᤶᤒᤠ ᤕᤠ᤺ᤶᤒᤰᤁᤡᤴ ᤁᤧᤖᤧᤰᤗᤧ ᤀᤠᤒᤠᤅᤣ ᤁᤧᤛᤠ᤹ᤖᤢᤶᤗ ᤐᤥ᤺ᤱ. ᤜᤧᤰᤁᤩᤠᤱ ᤘᤣ᤹ᤜᤠ᤹ᤏᤢ ᤔᤧᤴᤍᤱᤛᤡᤱᤅᤣ ᤂᤡᤏᤡ᤹ ᤏᤢ᤺ᤖᤡᤰᤁᤠᤱ ᤁᤧᤈᤥᤃᤢᤶᤒᤠ ᤕᤠ᤺ᤶᤒᤰᤁᤥ ᤂᤡᤏᤡ᤹ ᤏᤡᤱᤘᤠ᤹ ᤋᤠ᤺ᤖᤥ॥  
\v 5 ᤌᤣᤀᤠᤱᤓᤧᤸᤗᤧ ᤁᤧᤖᤧᤰᤗᤧ ᤁᤢ᤺ᤔᤠ ᤁᤧᤒᤥ᤺ᤱᤒᤠ ᤗᤰᤐᤧᤴᤖᤧᤴ ᤁᤰᤜᤠ᤹ ᤀᤠᤒᤠᤅᤣ ᤁᤢ᤺ᤔᤠᤀᤣ ᤐᤥ᤺ᤱᤗᤥ॥ 
\p  
\v 6 ᤐᤠ᤺ᤴᤈᤠᤰ ᤁᤧᤜᤢ᤹ᤛᤡᤱᤒᤠᤸᤗᤧ ᤂᤢᤏᤧ᤹ ᤁᤳᤋᤢᤒᤠ ᤁᤠᤰ ᤏᤢ᤺ᤒᤠ ᤐᤠ᤺ᤴᤜᤠ᤹ ᤁᤢᤛᤡᤰᤛᤠᤶᤒᤠᤜᤠ᤹ᤏᤢ ᤜᤠ᤺ᤔᤠ ᤐᤥ᤺ᤱᤗᤥ॥ 
\p  
\v 7 ᤂᤡᤏᤡ᤹ ᤀᤡᤱᤔᤧᤗᤧᤰᤁᤠᤛᤡᤶᤔᤡᤴᤏᤧ᤹ᤀᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤡᤏᤠ᤺ᤴᤍᤡ ᤐᤡᤔᤠ ᤛᤢᤰᤔᤧᤍᤧᤳᤏᤧᤴᤗᤥ॥ ᤔᤏᤠ᤺ᤸᤗᤧ ᤌᤧᤔᤠ᤺ᤴ ᤋᤣ᤺ᤛᤢ᤹. ᤜᤠᤒᤠ ᤂᤧᤴ ᤛᤢᤵᤛᤢ᤹ᤖᤥ॥  
\v 8 ᤀᤠᤳᤋᤡᤴ ᤔᤏᤠ᤺ᤸᤗᤧ ᤗᤠᤕᤥᤒᤠ ᤁᤢᤏᤡᤱᤘᤠ᤹ᤀᤡᤴ ᤁᤢᤏᤡᤱᤘᤠ᤹ ᤋᤠ᤺ᤔᤠᤀᤥᤖᤰ ᤋᤣ᤺ᤛᤢ᤹. ᤂᤧᤸᤗᤧ ᤗᤠᤕᤥᤒᤠ ᤁᤢᤏᤡᤱᤘᤠ᤹ᤗᤠᤶ ᤛᤡ᤺ᤔᤧᤴ ᤛᤢᤵᤛᤢ᤹ᤖᤥ॥ ᤁᤖ ᤀᤠᤳᤋᤡᤴ ᤔᤏᤠ᤺ᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠᤀᤥ ᤋᤣ᤺ᤛᤢ᤹. ᤂᤧᤸᤗᤧᤃ ᤛᤣᤛᤣᤔᤠᤱᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤴ ᤛᤢᤵᤛᤢ᤹ᤖᤥ॥  
\v 9 ᤀᤠᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤥ ᤏᤠ᤺ᤛ᤻ᤛᤡ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤀᤠᤸᤗᤧᤖᤢᤶᤔᤡᤴᤏᤧ ᤑᤠ᤹ᤃᤪ ᤛᤢᤕᤧᤶᤔᤥ ᤀᤠᤏᤡ᤹ ᤔᤢ᤹ᤀᤡᤛᤠᤶ ᤀᤠᤛᤢᤵᤛᤢᤶᤗᤥ॥  
\v 10 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤛᤢᤕᤧᤶ ᤀᤠᤄᤥ᤺ᤛᤢᤶᤔᤡᤸᤗᤧ ᤁᤠᤰ ᤔᤏᤠᤜᤠ᤹ ᤏᤢ᤺ᤖᤡᤰ ᤔᤧᤵᤔᤠᤛᤡ ᤐᤥ᤺ᤱᤗᤥ॥ ᤁᤢᤏᤥ-ᤁᤢᤒᤡ᤹ᤀᤥᤃ ᤀᤠᤏᤡ᤹ ᤏᤛᤠᤏᤡᤒᤠ ᤜᤡᤶᤛᤕᤱᤜᤠ᤹ ᤏᤢ᤺ᤖᤡᤰ ᤔᤧᤵᤔᤠᤛᤡ ᤐᤥ᤺ᤱᤗᤥ॥ 
\s1 ᤐᤠᤘᤗᤖᤧ ᤃᤗᤠᤋᤡᤜᤠ᤹ ᤐᤡᤖᤢᤛᤡᤒᤠ ᤁᤢᤏᤢᤵᤔᤠ ᤛᤢᤈᤠ 
\p  
\v 11 ᤀᤥᤔᤧᤳᤋᤧᤶᤔᤧ᤹ᤀᤥ. ᤀᤡᤱᤃᤠ᤹ ᤀᤠᤒᤠᤅᤣ ᤀᤠᤜᤢᤰᤁᤡᤸᤗᤧ ᤕᤶᤕᤶᤒᤠ ᤛᤰᤛᤣ᤹ᤜᤠ᤹ᤀᤥ ᤁᤴ ᤁᤢᤏᤢᤵ ᤐᤠ᤺ᤴᤜᤠ᤹ ᤛᤠᤵᤋᤢᤱᤒᤠᤖᤥ॥  
\v 12 ᤂᤧᤴ ᤜᤷᤍᤥ ᤜᤧᤰᤔᤠ ᤁᤧᤒᤠᤱᤒᤠᤜᤠ᤹ᤖᤧ ᤘᤣ᤹ᤜᤠ᤹ᤖᤧ ᤏᤢ᤺ᤒᤠ ᤔᤧᤏᤡ᤺ᤛᤡᤃᤧᤖ ᤑᤠ᤹ᤀᤠᤱ ᤜᤧᤰᤁᤣ ᤔᤧᤈᤥᤃᤢᤒᤠᤖᤥ॥ ᤂᤪᤡᤛ᤻ᤋᤖᤧ ᤁᤢᤛᤡᤗᤠᤶᤛᤠᤰᤔᤠ ᤛᤡᤱᤅᤡᤴ ᤀᤡᤱᤓᤥ᤺ᤔᤠᤸᤗᤧ ᤁᤧᤍᤠ᤺ᤒᤠ ᤋᤢᤰᤂᤣ᤺ᤴ ᤔᤧᤃᤡᤖᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤡᤏᤡ᤹ ᤜᤷᤍᤥ ᤜᤧᤰᤔᤠ ᤁᤧᤶᤒᤠᤱᤄᤡᤒᤠᤖᤥ॥  
\v 13 ᤁᤖ ᤂᤧᤴ ᤜᤷᤍᤥ ᤁᤧᤜᤧᤰᤐᤠᤜᤠ᤹ᤖᤧ ᤀᤠᤒᤠᤅᤣᤀᤠᤱ ᤛᤠᤶᤕᤥᤌᤡᤶᤔᤡᤴ ᤔᤧᤴᤏᤠ᤺ᤳᤋᤢᤴᤗᤥ॥ ᤜᤧᤰᤁᤣᤛᤠᤱ ᤂᤧᤱᤜᤠ᤹ ᤀᤠᤱᤍᤡᤱ ᤗ᤹ᤔᤠ ᤔᤧᤄᤥ᤺ᤖ ᤑᤠ᤹ᤀᤠᤱ ᤜᤷᤍᤥ ᤜᤧᤰᤔᤠ ᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤶᤒᤠᤱᤄᤡ᤹ᤖᤥ॥  
\v 14 ᤁᤖ ᤀᤡᤱᤃᤠ᤹ᤃ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤛᤡᤗᤠᤶᤛᤠᤰᤔᤠ ᤁᤢᤛᤡᤱᤅᤡᤴᤏᤢ᤺ᤸᤗᤧ ᤘᤣ᤹ ᤌᤧᤔᤠᤀᤥᤀᤠᤱ ᤀᤠᤱᤍᤡᤱ ᤔᤧᤗ᤹ᤀᤠᤴᤗᤥ॥ ᤂᤪᤡᤛ᤻ᤋᤧᤴ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤛᤩᤧᤒᤠᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤔᤧᤀᤡ᤺ᤳᤋᤢ ᤔᤧᤏᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤀᤠᤗᤠᤃᤡ ᤌᤣᤀᤠᤱ ᤔᤧ᤺ᤴᤗᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤃᤡᤀᤠᤱ ᤀᤡᤱᤃᤠ᤹ ᤌᤣᤀᤠᤱ ᤔᤧ᤺ᤴᤏᤠᤖᤥ॥  
\v 15 ᤜᤷᤍᤥ ᤜᤧᤰᤔᤠᤛᤠᤱ ᤔᤧᤴᤜᤧᤰᤔᤠᤛᤠᤱ ᤌᤣᤀᤠᤱ ᤔᤧᤒᤥ᤺ᤱᤏᤧᤸᤗᤥ. ᤁᤖ ᤁᤢᤛᤱ ᤔᤏᤠ ᤐᤥ᤺ᤱᤔᤠᤴᤏᤣ ᤕᤶᤒᤠ ᤐᤠ᤺ᤴᤗᤥ॥  
\v 16 ᤁᤴ ᤐᤠ᤺ᤴᤏᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤏᤠᤖᤢᤱ ᤁᤧᤒᤡᤖᤡᤖ ᤜᤧᤰᤁᤩᤠᤱ ᤗᤢᤱᤔᤠ᤹ ᤁᤧᤍᤢᤰᤋᤡᤖᤖᤥ॥ ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤁᤢᤛᤱ ᤀᤡᤛᤪᤠᤀᤡᤗᤡᤛᤡᤖᤥ॥ 
\p  
\v 17 ᤁᤢᤏᤢᤵᤔᤠᤀᤥ. ᤀᤡᤱᤃᤠ᤹ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤋᤢᤰᤂᤣ ᤔᤧᤴᤈᤠ᤺ᤳᤋᤠᤴᤗᤖᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤕᤧᤛᤢᤖᤧ ᤁᤢᤕᤥ᤺ᤰᤐᤠᤀᤠ ᤑᤠ᤹ᤀᤠᤱ ᤏᤠᤛᤡᤱᤃᤧᤴ ᤀᤠᤎᤰᤁᤥ ᤔᤡᤰᤛᤣ᤺ᤴᤜᤠ᤹ ᤁᤳᤋᤢᤱᤗᤥ॥  
\v 18 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ᤏᤢ ᤘᤠ᤹ᤖᤖᤥ॥ ᤀᤠᤔᤧᤴ॥