\id EPH  
\h ᤀᤣᤑᤡᤛᤡ 
\toc1 ᤐᤠᤘᤗᤖᤧ ᤀᤣᤑᤡᤛᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\toc2 ᤀᤣᤑᤡᤛᤡ 
\toc3 ᤀᤣᤑᤡᤛᤡ 
\mt1 ᤐᤠᤘᤗᤖᤧ ᤀᤣᤑᤡᤛᤡᤜᤠ᤹ ᤜᤠᤰᤋᤢᤛᤡᤒᤠ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤛᤣ᤺ᤰᤕᤢᤰᤔᤡᤒᤠ ᤐᤠᤘᤗᤧᤴ ᤖᤥᤔ ᤕᤧᤰᤕᤰᤁᤥ ᤛᤠᤰᤐᤠ ᤌᤩᤧᤀᤠᤱ ᤘᤕᤧᤸᤗᤧ ᤂᤢᤏᤧ᤹ ᤀᤣᤑᤡᤛᤡ ᤕᤧᤰᤕᤰᤁᤥᤒᤠ ᤛᤣᤛᤣᤜᤢᤵᤗᤰᤁᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤋᤢᤛᤡᤖᤥ॥ ᤂᤢᤏᤧ᤹ ᤕᤖᤡᤰ ᤗᤧᤱ ᤀᤣᤑᤡᤛᤡᤀᤥ ᤐᤣᤀᤠᤱ ᤘᤕᤧ. ᤜᤧᤰᤁᤩᤠᤱ ᤌᤡᤰ ᤗᤧᤱᤅᤥ ᤋᤱᤒᤣ ᤛᤢᤶᤛᤡ ᤌᤠᤖᤡᤰ ᤂᤢᤏᤧ᤹ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤂᤧᤵᤔᤥ ᤕᤢᤅᤧ (ᤛᤣ᤺ᤰᤕᤢᤰᤔᤡᤒᤠ ᥇᥏-᥈᥆)॥ ᤁᤴ ᤛᤰᤀᤡᤱᤄᤱᤅᤥᤒᤠ ᤁᤠᤰᤏᤢ᤺ᤸᤗᤧ ᤋᤃᤡᤒᤠ ᤐᤠ᤺ᤴᤏᤡᤱᤃ “ᤛᤢᤕᤧᤶᤔᤡᤴ ᤁᤧᤳᤋᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤕᤢᤰ ᤆᤥᤃᤢᤖ ᤑᤠ᤹ᤀᤠᤱ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠ ᤂᤠᤶᤒᤣ᤺ᤰᤁᤥ ᤁᤧᤘᤠ᤹ᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤋᤠᤖᤢ” ᤁᤧᤗ᤹ᤒᤠᤖᤥ (᥇.᥇᥆)॥ ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤔᤧᤒᤥ᤺ᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤶᤒᤠ ᤁᤢᤏᤡᤱᤛᤣ᤺ᤰᤁᤥ ᤔᤧᤜᤡᤱᤗ ᤑᤠ᤹ᤀᤠᤱ ᤋᤥ᤺ᤴᤍᤧᤒᤠ ᤐᤣᤗᤡᤃᤧᤴ ᤐᤠ᤺ᤴᤈᤠᤰᤗᤥ॥ 
\ip ᤁᤴ ᤛᤰᤀᤡᤱᤄᤱᤅᤡᤸᤗᤧᤴ ᤌᤡᤰᤛᤡᤃᤣ᤺ᤰᤐᤠ ᤗᤰᤁᤥ ᤌᤡᤰᤜᤢᤵᤖᤧ ᤁᤢᤔᤧᤴᤏᤡᤴ ᤀᤰᤂᤣᤗ᤹ᤖᤡᤰ ᤐᤥᤀᤠᤎᤰᤗᤥ–ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤔᤏᤠᤜᤠ᤹ ᤛᤣᤃᤢᤛᤡᤀᤠᤱ ᤂᤧᤱᤜᤠ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ ᤕᤧᤛᤢ ᤂᤪᤡᤛ᤻ᤋᤗᤠᤶ ᤗᤧᤵᤔᤡ ᤐᤡᤖᤢᤛᤡᤖ ᤗᤠᤕᤥᤗᤠᤶᤒᤠ ᤆᤥ᤺ᤰᤕᤢᤶᤓᤥ ᤆᤥᤃᤢᤛᤡ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤕᤶ ᤕᤶᤒᤠ ᤁᤢᤔᤠᤱᤜᤧᤰᤁᤡᤴ ᤛᤣᤛᤣᤔᤠᤱᤗᤠᤶ ᤛᤧᤰᤂᤠ ᤆᤥᤃᤢᤖᤥ॥ ᤜᤧᤰᤁᤩᤠᤱ ᤁᤴ ᤛᤰᤀᤡᤱᤄᤱᤅᤡᤸᤗᤧᤴ ᤏᤡᤛᤡᤃᤣ᤺ᤰᤐᤠ ᤗᤰᤁᤥ ᤐᤠᤘᤗᤖᤧ ᤜᤧᤴᤏᤡ᤺ᤵᤐᤠᤜᤠ᤹ᤖᤧ ᤂᤪᤡᤛ᤻ᤋᤧᤴᤏᤢᤒᤠ ᤂᤢᤏᤡ᤹ ᤌᤡᤰᤜᤢᤵᤐᤡᤴ ᤂᤢᤏᤡ᤹ ᤜᤡᤱᤔᤴᤗᤠᤶᤒᤠ ᤀᤥᤛᤣ᤺ᤴᤍᤠᤱ ᤐᤥ᤺ᤱᤗ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢᤛᤡᤖᤥ॥ 
\ip ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤐᤥ᤺ᤱᤔᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤔᤠ ᤐᤠᤘᤗᤖᤧ ᤀᤰᤋᤱᤒᤠ ᤁᤢᤒᤡᤜᤠ᤹ ᤐᤡᤖᤢᤀᤠᤱ ᤘᤠ᤹ᤖᤥ–ᤛᤣᤛᤣᤜᤢᤵᤗᤰᤁᤡᤴ ᤏᤠᤛᤡᤱᤃᤧᤴ ᤌᤰ ᤁᤢᤀᤡᤛᤡ᤺ᤰ ᤆᤥ᤺ᤰ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤎᤧᤃᤣ᤺ᤰᤁᤡᤴ ᤕᤧᤛᤢᤖᤥ. ᤀᤡᤃᤪ ᤛᤣᤛᤣᤜᤢᤵᤗᤰᤁᤡᤴ ᤜᤡᤶ ᤁᤢᤀᤡᤛᤡ᤺ᤰ ᤆᤥ᤺ᤰ ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤜᤡᤶᤔᤡᤸᤗᤧ ᤁᤢᤶᤔᤠ ᤗᤢᤱᤗᤥ. ᤀᤠᤸᤗᤛᤠᤱ ᤛᤣᤛᤣᤜᤢᤵᤗᤰᤁᤡᤴ ᤛᤡᤛᤠᤔᤣ᤺ᤳ ᤁᤢᤀᤡᤛᤡ᤺ᤰ ᤆᤥ᤺ᤰᤁᤠᤱ ᤂᤪᤡᤛ᤻ᤋᤧᤴ ᤏᤠᤗᤡᤛᤠᤱ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤁᤴ ᤛᤰᤀᤡᤱᤄᤱᤅᤥ ᤐᤠᤘᤗᤖᤧ ᤛᤡᤍᤢᤱᤈᤓᤠ. ᤗᤧᤵᤔᤡ. ᤗᤢᤱᤃᤢᤶ. ᤛᤣᤛᤣ ᤏᤢ ᤂᤪᤡᤛ᤻ᤋᤧᤸᤗᤧ ᤁᤢᤔᤡ᤺ᤶᤈᤡᤖᤧᤴ ᤀᤥᤛᤣ᤺ᤴᤍᤠᤱ ᤜᤧᤰᤋᤱᤒᤠ ᤁᤧᤕᤧᤰᤐᤠ ᤏᤡᤛᤠᤶᤜᤠ᤹ ᤛᤠᤵᤋᤢᤀᤠᤱ ᤐᤳᤗᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᤏᤢ ᤛᤣᤘᤠ ᥇.᥇-᥈ 
\io1 ᤂᤪᤡᤛ᤻ᤋᤧᤴ ᤏᤢ ᤛᤣᤛᤣᤜᤢᤵᤗᤰ ᥇.᥉-᥉.᥈᥇ 
\io1 ᤂᤪᤡᤛ᤻ᤋᤧᤴᤏᤢ ᤁᤧᤘᤠ᤹ᤒᤠ ᤁᤢᤛᤱ ᤜᤡᤱᤔᤴ ᥊.᥇-᥌.᥈᥆ 
\io1 ᤁᤢᤏᤢᤵᤔᤠ ᤛᤣᤘᤠ ᥌.᥈᥇-᥈᥊ 
\c 1  
\s1 ᤐᤠᤘᤗᤗᤠᤶ ᤛᤣᤘᤠ 
\p  
\v 1 ᤀᤣᤑᤡᤛᤛ\f * \fr 1:1 \ft ᤀᤣᤑᤡᤛᤛ–ᤀᤣᤛᤡᤕᤠᤀᤥᤒᤠ ᤗᤳᤇᤠ ᤁᤧᤕᤧᤰᤐᤠ ᤕᤧᤰᤕᤰ॥ ᤀᤣᤑᤡᤛᤛᤀᤥ ᤁᤧᤖᤧᤰᤏᤢ ᤋᤃᤡ ᤐᤠᤘᤗᤖᤧ ᤛᤢᤏᤠᤀᤡᤱ ᤛᤧ᤺ᤛᤢ ᤜᤧᤰᤁᤩᤠᤱ ᤕᤖᤡᤰ ᤏᤛᤠᤏᤡᤒᤠ ᤔᤧᤒᤥ᤺ᤰᤂᤧ॥\f* ᤕᤧᤰᤕᤰᤁᤥ ᤁᤧᤘᤠ᤹ᤒᤠ ᤂᤪᤡᤛ᤻ᤋ ᤕᤧᤛᤢ᤺ᤴ ᤁᤧᤍᤡᤶᤒᤠ ᤏᤛᤠ᤺ᤴᤛᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣ ᤔᤏᤠᤛᤣ. ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤠᤱᤒᤠ ᤀᤡᤱᤃᤠ᤹ ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤒᤠᤖᤥ॥  
\v 2 ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤁᤧᤒᤡᤖᤡᤖ॥ 
\s1 ᤕᤠᤶᤛᤠᤶᤃᤧᤴ ᤜᤠᤱᤘᤠ ᤔᤢ᤹ᤀᤡ 
\p  
\v 3 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥ᤺ᤖᤖᤥ॥ ᤂᤢᤏᤧ᤹ᤀᤣ ᤕᤧᤛᤢ ᤂᤪᤡᤛ᤻ᤋᤗᤠᤶ ᤛᤠᤱᤃᤪᤠᤶᤐᤣᤍᤠᤱᤒᤠ ᤁᤧᤖᤧᤰ ᤕᤠᤶᤛᤠᤶᤃᤧᤴ ᤔᤢ᤹ᤀᤡᤛᤠᤶᤔᤡᤸᤗᤧ ᤀᤠᤏᤡ᤹ ᤔᤢ᤹ᤀᤡᤛᤠᤒᤠ ᤀᤠᤈᤥᤃᤧᤀᤠᤱ ᤘᤠ᤹॥  
\v 4 ᤂᤢᤏᤧ᤹ ᤁᤢᤏᤡ᤺ᤔᤠᤀᤥ ᤛᤣᤛᤣ ᤏᤢ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤂᤪᤡᤛ᤻ᤋᤧᤸᤗᤧ ᤆᤥᤃᤢᤸᤗᤧ ᤀᤡᤰᤛᤠ ᤂᤠᤶᤒᤣ᤺ᤰ ᤐᤥ᤺ᤱᤔᤠᤏᤢ᤺ᤸᤗᤧ ᤋᤃᤡᤛᤠ ᤀᤠᤛᤣᤃᤧᤀᤠᤱ ᤘᤕᤧ॥ ᤂᤢᤏᤧ᤹ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤆᤥᤃᤢᤸᤗᤧ  
\v 5 ᤂᤢᤏᤧ᤹ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤁᤢᤛᤡᤖᤠ᤹ ᤌᤠᤅᤧᤖ ᤕᤧᤛᤢ ᤂᤪᤡᤛ᤻ᤋᤗᤠᤶ ᤁᤢᤛ᤻ᤛᤠ᤺ ᤐᤥ᤺ᤱᤛᤧ ᤋᤃᤡᤏᤢᤀᤣ ᤀᤠᤏᤡ᤹ ᤀᤠᤛᤣᤃᤧᤀᤠᤱ ᤘᤕᤧᤖᤥ॥  
\v 6 ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤗᤢᤱᤔᤠ᤹ ᤋᤢᤰᤋᤢᤒᤠ ᤁᤢᤛ᤻ᤛᤠ᤺ᤴᤗᤠᤶᤒᤠ ᤁᤢᤏᤡᤱᤘᤠ᤹ ᤜᤴᤍᤢᤀᤠᤱ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤆᤥᤃᤢᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤶᤗᤥ॥ 
\p  
\v 7 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤆᤥᤃᤢᤸᤗᤧ ᤕᤧᤛᤢᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤠᤏᤡ᤹ ᤗᤠᤕᤥᤗᤠᤶ ᤗᤧᤵᤔᤡ ᤀᤠᤒᤡᤖᤧᤖ ᤀᤠᤎᤧ᤹ᤖᤧᤀᤠᤱ ᤘᤠ᤹॥  
\v 8 ᤛᤠ᤹ᤖᤡᤰᤁᤣ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤘᤠ᤹ᤖᤥ᥄  
\v 9 ᤁᤠᤰ ᤛᤡᤰᤁᤢᤶ ᤏᤡᤱᤘᤠ᤹ ᤏᤢ ᤂᤠᤛᤡᤱ ᤏᤡ᤺ᤵᤔᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤗᤠᤶᤒᤠ ᤆᤥ᤺ᤰᤔᤠ ᤏᤡᤱᤘᤠ᤹ ᤀᤡ᤺ᤳᤋᤢᤒᤠ ᤛᤡᤒᤡ᤹ ᤐᤠ᤺ᤴᤏᤡᤴ ᤁᤢᤛᤡᤖᤠ᤹ ᤌᤠᤅᤧᤖ ᤁᤢᤛᤡᤱ ᤏᤡ᤺ᤵᤔᤠ ᤀᤠᤒᤠᤱᤄᤧᤀᤠᤱ ᤘᤠ᤹॥  
\v 10 ᤜᤧᤰᤁᤩᤠᤱ ᤛᤢᤕᤧᤶᤔᤡᤴ ᤁᤧᤳᤋᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤕᤢᤰ ᤆᤥᤃᤢᤖ ᤑᤠ᤹ᤀᤠᤱ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠ ᤂᤠᤶᤒᤣ᤺ᤰᤁᤥ ᤁᤧᤘᤠ᤹ᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤋᤠᤖᤢ᤹ᤖᤥ॥  
\v 11 ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ᤀᤠᤱ ᤂᤢᤏᤧ᤹ᤗᤠᤶ ᤗᤰ ᤂᤥ᤺ᤛᤧ ᤀᤠᤛᤣᤃᤧᤀᤠᤱ ᤀᤠᤘᤠ᤹. ᤌᤣᤀᤠᤱᤓᤧᤸᤗᤧ ᤁᤱᤃ ᤋᤃᤡᤏᤢᤛᤠ ᤂᤢᤏᤧ᤹ ᤆᤥ᤺ᤰᤔᤠ ᤏᤡᤱᤘᤠ᤹ ᤀᤡ᤺ᤳᤋᤢᤒᤠ ᤜᤧᤰᤁᤣ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤥ᤺ᤱᤗᤥ॥  
\v 12 ᤜᤧᤰᤁᤣᤗ᤹ᤖᤡᤰ ᤀᤠᤏᤡᤃᤧ ᤕᤜᤢᤍᤡᤜᤠ᤹ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤂᤪᤡᤛ᤻ᤋᤀᤥ ᤏᤡᤱᤛᤠᤱ ᤁᤧᤈᤥ᤺ᤰᤐᤠᤜᤠ᤹ᤀᤣ ᤔᤡᤔᤡᤍᤡᤱᤃᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤁᤧᤓᤥ᤺ᤒᤠ ᤐᤥ᤺ᤰᤂᤡᤃᤧᤖᤖᤥ॥ 
\p  
\v 13 ᤀᤠᤸᤗ ᤂᤡᤏᤡ᤹ᤀᤠᤱ ᤛᤧᤰᤂᤠᤒᤠ ᤐᤠ᤺ᤴᤈᤠᤰ ᤛᤧᤴᤗᤵᤖᤧᤴ ᤛᤢᤏᤠᤀᤡᤱ ᤁᤧᤄᤧᤵᤛᤢᤶᤗᤥ. ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥᤃᤢᤶᤒᤠ ᤕᤧᤶᤔᤥ ᤂᤡᤏᤡ᤹ᤃ ᤀᤠᤔᤏᤠᤏᤡᤱ ᤑᤠ᤹ᤀᤠᤱ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤛᤣᤛᤣᤔᤠᤱᤅᤡᤴ ᤁᤧᤒᤡᤖᤡᤀᤠᤱ ᤘᤠ᤹ᤖᤥ॥  
\v 14 ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤌᤧ᤹ᤔᤠ ᤀᤠᤴᤇᤢ᤺ᤳᤏᤧᤴᤗ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤀᤠᤈᤥᤃᤧᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤛᤧᤰᤂᤠᤀᤣ ᤀᤠᤒᤡ᤹ ᤗ᤹ᤖᤡᤰ ᤛᤣᤛᤣᤔᤠᤱᤅᤡᤴ ᤋᤧᤴᤕᤠᤱ ᤁᤢᤀᤡᤛᤡ᤺ᤰ ᤀᤠᤒᤡᤖᤧᤒᤠᤖᤥ॥ ᤔᤡᤔᤡᤍᤡᤱᤃᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤁᤧᤓᤥ᤺ᤒᤠ ᤀᤠᤏᤡ᤹ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤂᤢᤏᤧ᤹ ᤜᤧᤰᤁᤣ ᤆᤥᤃᤢᤒᤠᤖᤥ॥ 
\s1 ᤐᤠᤘᤗᤖᤧ ᤆᤥᤃᤢᤒᤠ ᤋᤢᤘᤠ 
\p  
\v 15 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ᤀᤠᤱ ᤍᤠᤱᤒᤠ ᤕᤧᤛᤢ᤺ᤴ ᤁᤧᤈᤥᤃᤢᤶᤒᤠ ᤏᤛᤠ᤺ᤴᤏᤡᤴ ᤏᤢ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠ ᤏᤛᤠᤏᤡᤒᤠᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶᤒᤠ ᤐᤠ᤺ᤴᤏᤡᤴ ᤂᤧᤵᤛᤢᤱᤅᤠᤱ  
\v 16 ᤂᤡᤏᤡ᤹ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤆᤰᤔᤧᤸᤗ᤹ᤀᤣ ᤏᤥᤃᤧᤴ ᤐᤡᤖᤢᤱᤗᤥ॥ ᤀᤡᤱᤃᤠ᤹ ᤆᤥᤃᤢᤱᤒᤠ ᤋᤢᤘᤠᤀᤥ ᤏᤡᤱᤘᤠ᤹ ᤀᤡ᤺ᤳᤏᤡᤱᤗ  
\v 17 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤔᤡᤔᤡᤍᤡᤱᤃᤧᤴ ᤁᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤵᤔᤠᤖᤧ ᤗᤠᤃᤡ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤁᤧᤒᤡᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤥᤛᤣ᤺ᤴᤍᤠᤱ ᤁᤧᤈᤥ᤺ᤰᤐᤠ ᤛᤣᤛᤣᤔᤠᤱᤅᤡᤴ ᤁᤧᤒᤡᤖᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠᤖᤥ॥  
\v 18 ᤂᤡᤏᤡ᤹ ᤂᤠᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤰᤂᤡᤖ ᤑᤠ᤹ᤀᤠᤱ ᤀᤡᤱᤃᤠ᤹ ᤋᤢᤘᤠ ᤆᤥ᤺ᤰᤁᤠᤖᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤀᤢ᤺ᤳᤋᤡᤀᤠᤱ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤗᤰᤁᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤥ॥ ᤂᤧᤴ ᤛᤠ᤹ᤖᤡᤰ ᤀᤡᤔᤧᤸᤗᤢᤱᤒᤠ ᤔᤡᤔᤡᤍᤡᤱᤃᤧᤴ ᤗᤰᤁᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤏᤢ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤠ᤹ᤖᤥ॥  
\v 19 ᤜᤧᤰᤁᤩᤠᤱ ᤂᤢᤏᤧ᤹ ᤐᤕᤶ ᤕᤶᤒᤠ ᤁᤢᤔᤢᤰᤛᤠᤶᤔᤡᤸᤗᤧ ᤀᤠᤏᤡ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤁᤢᤓᤠ᤹ ᤀᤠᤒᤡ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶᤗᤥ॥ ᤜᤠᤒᤠ ᤂᤧᤴ ᤔᤢᤰᤛᤠᤶᤔᤡᤴ  
\v 20 ᤀᤥᤃᤵ ᤆᤥᤃᤢᤸᤗᤧ ᤂᤢᤏᤧ᤹ ᤁᤧᤛᤡ᤺ᤒᤠ ᤂᤪᤡᤛ᤻ᤋᤧᤴ ᤁᤢᤜᤡᤱᤘᤧᤳ ᤆᤥᤃᤢ ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤋᤧᤴᤏᤥ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤢᤖ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤰᤂᤢᤀᤠᤱ ᤕᤢᤱᤗᤥ॥  
\v 21 ᤂᤧᤵᤔᤥ ᤂᤪᤡᤛ᤻ᤋᤖᤧ ᤁᤧᤖᤧᤰ ᤛᤢᤜᤠᤱᤃᤧᤶᤒᤠᤜᤠ᤹. ᤕᤢᤰ ᤁᤧᤃᤵᤐᤠᤜᤠ᤹. ᤔᤢᤰᤛᤠᤶ ᤁᤧᤃᤵᤐᤠᤜᤠ᤹. ᤏᤢ ᤜᤠᤱᤕᤢᤰ ᤁᤧᤈᤥ᤺ᤰᤐᤠᤜᤠ᤹ ᤛᤶᤍᤠᤱ ᤜᤠᤱ ᤆᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤁᤴ ᤕᤧᤶᤔᤥᤖᤰ ᤔᤧ᤺ᤴ. ᤁᤖ ᤁᤧᤍᤠ᤺ᤒᤠ ᤕᤧᤶᤔᤥᤀᤠᤱ ᤂᤢᤏᤧ᤹ ᤘᤣ᤹ ᤁᤧᤖᤧᤰᤏᤢ᤺ᤸᤗᤧᤀᤠᤱ ᤌᤥᤎᤥᤰᤐᤠ ᤆᤥ᤺ᤰ॥  
\v 22 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤁᤢᤕᤢᤰ ᤛᤡᤃᤠᤱ ᤁᤧᤖᤧᤰ ᤕᤢᤰᤂᤢᤀᤠᤱ ᤘᤠ᤹. ᤜᤧᤰᤁᤩᤠᤱ ᤛᤣᤛᤣᤜᤢᤵᤗᤰᤗᤧ ᤗᤠᤃᤡ ᤂᤢᤏᤧ᤹ᤀᤣ ᤁᤧᤖᤧᤰ ᤛᤶᤍᤠᤱ ᤁᤢᤎᤧᤃᤣ᤺ᤰ ᤆᤥᤃᤢᤖᤥ॥  
\v 23 ᤀᤠᤸᤗ ᤁᤴ ᤛᤣᤛᤣᤜᤢᤵᤗᤰᤁᤡᤱᤃ ᤂᤪᤡᤛ᤻ᤋᤖᤧ ᤏᤠᤛᤡᤱᤃᤧᤴ ᤁᤢᤎᤰ ᤏᤢ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤐᤠ᤺ᤴᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤁᤧᤖᤧᤰ ᤁᤢᤗᤡᤱᤎᤥ ᤁᤧᤳᤋᤢ᤹ᤖᤥ॥ 
\c 2  
\s1 ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤁᤢᤜᤡᤱᤘᤧᤳ ᤀᤠᤒᤥ᤺ᤱ 
\p  
\v 1 ᤁᤧᤒᤣ᤺ᤰᤐᤠ ᤕᤧᤶᤔᤥ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤗᤠᤕᤥᤒᤠ ᤕᤠ᤺ᤶᤒᤰᤁᤡᤸᤗᤧ ᤆᤥᤃᤢᤸᤗᤧ ᤁᤧᤛᤩᤧ᤹ᤀᤡᤀᤠᤱ ᤁᤧᤘᤕᤡ॥  
\v 2 ᤂᤧᤴ ᤕᤧᤶᤔᤥ ᤂᤡᤏᤡ᤹ᤀᤠᤱ ᤁᤴ ᤂᤠᤶᤒᤣ᤺ᤰᤔᤥᤒᤠ ᤌᤡᤶᤔᤡᤴ ᤏᤢ ᤑᤧᤴᤛᤠᤶᤜᤠ᤹ᤖᤧ ᤂᤢᤏᤡ᤹ ᤜᤠᤱᤈᤢᤶᤔᤥ ᤜᤠᤱ ᤁᤧᤈᤥ᤺ᤰᤐᤠ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤒᤠ᤺ᤴᤏᤡᤴ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ॥ ᤂᤧᤴ ᤛᤠᤶᤔᤡᤴᤏᤣ ᤏᤡᤱᤘᤠ᤹ᤑᤢᤔᤠᤱ ᤀᤡᤱᤈᤠ᤺ᤱ ᤔᤧᤱᤄᤧᤶᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤥ ᤕᤠ᤺ᤶᤒᤰ ᤆᤥ᤺ᤰᤗ ᤘᤠ᤹ᤖᤥ॥  
\v 3 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤢᤴᤇᤥ᤺ᤴ ᤀᤠᤏᤡ᤹ᤀᤠᤱ ᤕᤠᤶ ᤏᤢ ᤏᤡᤱᤘᤠ᤹ᤀᤡᤸᤗᤧ ᤆᤥ᤺ᤰᤔᤠ ᤁᤥ᤺ᤳᤋᤢᤒᤠ ᤗᤠᤕᤥᤒᤠ ᤗᤠᤶᤔᤥ ᤀᤠᤘᤕᤧ॥ ᤂᤧᤱᤜᤠ᤹ ᤜᤧᤰᤁᤣ ᤀᤠᤏᤡ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴᤏᤥ ᤁᤧᤎᤠ᤺ᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤕᤧᤖᤥ॥ 
\p  
\v 4 ᤁᤖ ᤛᤠ᤹ᤖᤡᤰ ᤗᤢᤱᤃᤢᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤖᤥ॥  
\v 5 ᤀᤠᤏᤡ᤹ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧ ᤕᤠᤶᤛᤠᤶᤔᤥ ᤀᤠᤛᤩᤧᤀᤠᤱ ᤀᤠᤘᤕᤧᤛᤠᤱ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤂᤢᤏᤧ᤹ ᤁᤢᤜᤡᤱᤘᤧᤳ ᤀᤠᤈᤥᤃᤧᤀᤠᤱ ᤀᤠᤘᤠ᤹ᤖᤥ–ᤂᤢᤏᤧ᤹ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠᤸᤗᤧ ᤂᤡᤏᤡ᤹ ᤋᤠᤱᤃᤧᤛᤧ᤺ᤵᤋᤡᤀᤠᤱ ᤁᤧᤘᤕᤡ᤹॥  
\v 6 ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤁᤢᤜᤡᤱᤘᤧᤳ ᤀᤠᤈᤥᤃᤧᤀᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤋᤧᤴᤏᤥ ᤂᤪᤡᤛ᤻ᤋ ᤕᤧᤛᤢ᤺ᤴᤏᤢ ᤀᤠᤕᤢᤰᤂᤧᤀᤠᤱ ᤀᤠᤘᤠ᤹ᤖᤥ॥  
\v 7 ᤁᤱᤃ ᤁᤧᤍᤠ᤺ᤒᤠ ᤕᤧᤶᤔᤥ ᤂᤢᤏᤧ᤹ ᤛᤠ᤹ᤖᤡᤰ ᤀᤡᤔᤧᤸᤗᤢᤱᤒᤠ ᤁᤢᤗᤢᤱᤃᤢᤶᤔᤡᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢᤒᤠᤖᤥ॥ ᤂᤪᤡᤛ᤻ᤋ ᤕᤧᤛᤢᤗᤠᤶ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠ ᤁᤴ ᤗᤢᤱᤃᤢᤶᤔᤡᤴ ᤀᤥᤛᤣ᤺ᤴᤀᤠᤎᤠᤰᤋᤧᤖᤥ॥ 
\p  
\v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤗᤠᤶᤒᤠ ᤂᤡᤏᤡ᤹ ᤋᤠᤱᤃᤧᤛᤧ᤺ᤵᤋᤡᤀᤠᤱ ᤁᤧᤘᤕᤡ᤹॥ ᤁᤱᤃ ᤀᤠᤒᤠᤅᤣ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤕᤠ᤺ᤶᤒᤰᤗᤠᤶ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤷᤎᤠ᤺ᤶᤔᤡᤸᤗᤧ ᤆᤥᤃᤢᤒᤠᤖᤥ॥  
\v 9 ᤔᤏᤠᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤗᤠᤶ ᤀᤰᤂᤣ ᤐᤥ᤺ᤰᤂᤧᤒᤠ ᤔᤧ᤺ᤴᤗᤥ. ᤂᤧᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤀᤠᤱᤍᤡᤱ ᤗ᤹ᤔᤠ ᤐᤠ᤺ᤴᤏᤣ ᤜᤥ᤺ᤵᤗᤥ॥  
\v 10 ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ ᤆᤥ᤺ᤰᤔᤠ ᤑᤠ᤹ᤀᤠᤱ ᤂᤪᤡᤛ᤻ᤋ ᤕᤧᤛᤢᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤀᤠᤈᤥᤃᤧᤒᤠᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ ᤀᤠᤏᤡ᤹ ᤀᤠᤈᤥᤃᤢᤶᤗ ᤑᤠ᤹ᤀᤠᤱ ᤋᤃᤡᤛᤠ ᤕᤠᤖᤡᤵ ᤆᤥᤃᤢᤀᤠᤱ ᤘᤕᤧᤒᤠᤖᤥ॥ 
\s1 ᤂᤪᤡᤛ᤻ᤋᤧᤴᤏᤢ ᤌᤡᤰᤜᤢᤵ ᤀᤠᤒᤥ᤺ᤱ 
\p  
\v 11 ᤂᤧᤸᤗᤧ ᤆᤥᤃᤢᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤅᤥ ᤛᤠᤃᤧᤘᤠ᤺ᤴᤏᤠᤛᤡᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤀᤠᤏᤡᤃᤧ ᤜᤷᤍᤥ ᤜᤧᤰᤔᤠ ᤌᤡᤶ ᤁᤧᤃᤵᤐᤠᤛᤡᤃᤧ ᤁᤧᤗ᤹ᤒᤠ ᤕᤜᤢᤍᤡᤜᤠ᤹ᤖᤧ ᤂᤡᤏᤡ᤹ “ᤜᤷᤍᤥ ᤔᤧᤴᤜᤧᤰᤔᤏᤠᤏᤡᤱ” ᤁᤧᤶᤔᤧᤳᤋᤡ᤹ (ᤁᤖ ᤂᤧᤱᤃ ᤔᤏᤠᤜᤠ᤹ᤖᤧ ᤏᤠᤛᤡᤱᤃᤧᤴ ᤌᤰᤁᤥ ᤔᤧᤈᤥᤃᤢᤒᤠ ᤌᤡᤶᤗᤰᤗᤥ)॥  
\v 12 ᤂᤧᤴ ᤕᤧᤶᤔᤥ ᤂᤡᤏᤡ᤹ ᤂᤪᤡᤛ᤻ᤋ ᤔᤧ᤺ᤴᤏᤣ. ᤀᤡᤛᤪᤠᤀᤡᤗᤒᤠ ᤕᤰᤕᤢᤱᤒᤠ ᤁᤧᤴᤘᤕᤡᤴ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤏᤡᤱ ᤑᤠ᤹ᤀᤠᤱ ᤔᤠᤱᤜᤧᤰ ᤆᤥᤃᤢᤒᤠ ᤔᤠᤱᤜᤢᤵᤜᤠ᤹ ᤔᤧᤱᤄᤥ᤺ᤔᤏᤠᤒᤠ. ᤏᤡᤱᤛᤠᤱ ᤁᤧᤜᤥ᤺ᤵᤐᤠ ᤏᤢ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤀᤥ ᤏᤡᤱᤘᤠ᤹ᤑᤢᤔᤠᤱ ᤔᤧ᤺ᤴᤏᤣ ᤁᤧᤘᤕᤡᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥  
\v 13 ᤁᤖ ᤂᤡᤏᤡ᤹ ᤋᤃᤡ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤠ᤺ᤱᤄᤠ ᤁᤧᤘᤕᤡᤛᤠᤱ ᤀᤠᤸᤗᤥ ᤂᤡᤏᤡ᤹ ᤂᤪᤡᤛ᤻ᤋ ᤕᤧᤛᤢ᤺ᤴᤏᤢ ᤌᤡᤰᤜᤢᤵ ᤁᤧᤒᤥ᤺ᤱᤒᤠᤜᤠ᤹ ᤂᤪᤡᤛ᤻ᤋᤖᤧ ᤁᤢᤔᤠᤰᤂᤡ᤹ᤀᤡᤴ ᤘᤠᤍᤣ᤺ᤴᤍᤢᤒᤠᤸᤗᤧ ᤆᤥᤃᤢᤸᤗᤧ ᤏᤡ᤺ᤳᤋᤠᤱ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 14 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤗᤠᤶᤒᤠᤀᤣ ᤀᤠᤏᤡ᤹ ᤛᤏᤠᤖᤢᤱ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹॥ ᤂᤢᤏᤧ᤹ᤀᤣ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤁᤧᤛᤧᤶᤒᤠ ᤏᤡᤱᤔᤡᤃᤧᤴ ᤗᤢᤱᤎᤠᤰ ᤁᤢᤀᤡᤛᤡ᤺ᤰᤐᤠ ᤌᤡᤶᤔᤡᤴ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤁᤢᤎᤰᤁᤥ ᤕᤛ᤻ᤛᤢᤖ ᤂᤧᤱᤜᤠ᤹ ᤌᤡᤰᤜᤢᤵ ᤆᤥᤃᤢᤛᤡᤀᤠᤱ ᤘᤠ᤹॥  
\v 15 ᤂᤢᤏᤧ᤹ᤀᤣ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱᤅᤥᤒᤠ ᤌᤡᤶᤜᤠ᤹ ᤌᤣᤏᤠᤎᤣᤒᤠ ᤆᤥᤃᤢ॥ ᤂᤢᤏᤧ᤹ᤀᤣ ᤕᤜᤢᤍᤡ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤛᤏᤠᤖᤢᤱ ᤋᤠ᤺ᤳᤇᤧ ᤏᤧᤳᤇᤡ ᤛᤢᤘᤠᤱᤗᤠᤶᤒᤠ ᤂᤢᤏᤧ᤹ᤏᤢ ᤌᤡᤰᤜᤢᤵ ᤁᤧᤒᤥ᤺ᤱᤒᤠ ᤗᤳᤇᤠ ᤁᤢᤛᤱ ᤛᤢᤘᤠᤱᤎᤡᤰ ᤆᤥᤃᤢᤀᤠᤱ ᤘᤠ᤹ᤖᤥ॥  
\v 16 ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤛᤩᤧᤀᤠᤱ ᤀᤠᤏᤡ᤹ ᤏᤧᤳᤇᤡ ᤛᤢᤘᤠᤱᤒᤠ ᤔᤏᤠᤜᤠ᤹ ᤌᤡᤰᤜᤢᤵᤐᤥ ᤀᤠᤍᤠᤖᤧ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤏᤠᤍᤱ ᤀᤠᤈᤥᤃᤧ. ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ ᤗᤢᤶᤔᤥᤒᤠ ᤆᤡ᤺ᤳᤇᤡᤱᤔᤠᤴ ᤂᤧᤳᤋᤢᤍᤣ᤺ᤛᤢᤖᤥ॥  
\v 17 ᤂᤪᤡᤛ᤻ᤋᤧᤴ ᤋᤩᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤔᤠ᤺ᤱᤄᤠ ᤁᤧᤘᤠ᤹ᤒᤠ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤏᤢ ᤏᤡ᤺ᤳᤋᤠᤱ ᤁᤧᤘᤠ᤹ᤒᤠ ᤕᤜᤢᤍᤡᤜᤠ᤹ᤀᤥ ᤛᤏᤠᤖᤢᤱᤅᤡᤸᤗᤧᤴ ᤛᤢᤏᤠᤀᤡᤱ ᤛᤧ᤺ᤛᤢᤖᤥ॥  
\v 18 ᤂᤢᤏᤧ᤹ᤗᤠᤶᤔᤣ ᤀᤠᤏᤡ᤹ ᤁᤧᤖᤧᤰᤗᤧ ᤌᤡᤰ ᤛᤣᤛᤣᤔᤠᤱ ᤀᤠᤄᤥ᤺ᤛᤢᤶᤔᤠᤱ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤥ ᤐᤣ᤺ᤰᤔᤠ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹ᤖᤥ॥ 
\p  
\v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤘᤣ᤹ ᤗᤠᤈᤣ᤹ᤒᤠ ᤏᤢ ᤋᤠᤛᤫᤠᤒᤠᤏᤡᤱ ᤔᤧ᤺ᤴ. ᤁᤖ ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤛᤕᤱᤅᤥᤒᤠ ᤕᤰᤕᤢᤱᤒᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 20 ᤀᤠᤏᤡ᤹ᤃ ᤛᤣ᤺ᤰᤕᤢᤰᤔᤡᤒᤠ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤏᤧᤛ᤻ᤛᤢᤒᤠ ᤜᤡᤶᤐᤠᤱᤕᤰᤁᤥ ᤆᤥ᤺ᤰᤔᤏᤠᤒᤠ ᤜᤡᤶ ᤁᤢᤀᤡᤛᤡ᤺ᤰ ᤀᤠᤈᤥ᤺ᤰ॥ ᤜᤧᤰᤁᤩᤠᤱ ᤂᤧᤴ ᤜᤡᤶᤔᤡᤸᤗᤧᤴ ᤁᤧᤕᤧᤰᤐᤠ ᤁᤢᤶᤔᤠᤗᤢᤱᤅᤡᤱᤃ ᤂᤪᤡᤛ᤻ᤋ ᤕᤧᤛᤢ᤺ᤴᤏᤣᤖᤥ॥  
\v 21 ᤂᤢᤏᤧ᤹ᤀᤥᤀᤣ ᤁᤠᤰ ᤜᤡᤶᤔᤡᤴ ᤁᤠᤶᤔᤠᤱ ᤍᤠᤱᤒᤠᤸᤗᤧ ᤗᤠᤃᤡ ᤛᤣᤛᤣᤒᤠ ᤔᤠᤱᤜᤡᤶ ᤐᤥ᤺ᤱᤅᤠᤱ ᤐᤥ᤺ᤖ ᤐᤣ᤺ᤰᤗᤥ॥  
\v 22 ᤜᤧᤰᤁᤩᤠᤱ ᤂᤡᤏᤡ᤹ᤀᤠᤱ ᤂᤢᤏᤧ᤹ᤏᤢ ᤛᤥᤖᤡᤰ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤢᤱᤔᤠᤍᤧᤴ ᤁᤧᤒᤥ᤺ᤰᤂᤡ᤹. ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤛᤣᤔᤠᤱᤗᤠᤶ ᤕᤢᤱᤗᤥ॥ 
\c 3  
\s1 ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤐᤠᤘᤗᤖᤧ ᤁᤢᤔᤠᤱᤛᤣᤘᤠ 
\p  
\v 1 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤐᤠᤘᤗᤖᤧ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤛᤧ᤺ᤛᤢᤱᤒᤠᤸᤗᤧ ᤆᤥᤃᤢᤸᤗᤧ ᤐᤢᤱᤗᤠᤜᤡᤶᤔᤥ ᤛᤠᤰᤐᤠ ᤌᤩᤠᤱᤒᤠᤖᤥ॥  
\v 2 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤡᤏᤡ᤹ ᤀᤡᤱᤓᤥ᤺ᤔᤠ ᤗᤰᤐᤧᤴᤏᤡᤴ ᤂᤢᤏᤧ᤹ ᤐᤡᤖᤠᤱᤒᤠᤴ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥  
\v 3 ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥᤛᤣ᤺ᤴᤎᤠᤰᤋᤠᤱᤒᤠ ᤁᤢᤏᤡᤱᤘᤠ᤹ ᤛᤡᤃᤠᤱᤒᤠ ᤐᤠ᤺ᤴᤗᤥ॥ ᤁᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤃᤠ᤹ ᤋᤃᤡᤛᤠ ᤔᤡᤛᤠᤰ ᤛᤠᤵᤋᤢᤱᤅᤠᤱ ᤘᤠ᤹ᤖᤥ॥  
\v 4 ᤁᤴ ᤛᤰᤀᤡᤱᤄᤱᤅᤡᤴ ᤁᤧᤏᤡ᤺ᤖᤢᤶᤔᤠᤱ ᤀᤡᤱᤃᤠ᤹ ᤏᤡᤱᤘᤠ᤹ ᤂᤥ᤺ᤛᤢᤱᤒᤠ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤡᤒᤡ᤹ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶᤗᤥ॥  
\v 5 ᤂᤧᤴ ᤐᤠ᤺ᤴᤏᤡᤴ ᤁᤧᤒᤣ᤺ᤰᤐᤠ ᤕᤧᤶᤔᤥᤒᤠ ᤔᤏᤠᤜᤠ᤹ᤀᤥ ᤀᤥᤛᤣ᤺ᤴᤍᤠᤱ ᤔᤧᤶᤒᤥ᤺ᤱᤅᤣ ᤘᤕᤧ. ᤁᤖ ᤁᤴ ᤕᤧᤶᤔᤥ ᤛᤣᤛᤣᤔᤠᤱᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤥ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥  
\v 6 ᤂᤧᤴ ᤛᤡᤒᤡ᤹ᤒᤠ ᤐᤠ᤺ᤴᤏᤡᤴ ᤒᤠ ᤁᤴᤗᤥ–ᤛᤢᤏᤠᤀᤡᤱᤗᤠᤶᤒᤠᤀᤣ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤕᤜᤢᤍᤡᤜᤠ᤹ᤏᤢ ᤛᤥᤖᤡᤰ ᤕᤢᤰᤛᤠᤒᤠᤛᤡ. ᤛᤥᤖᤡᤰ ᤌᤡᤰᤜᤢᤵ ᤁᤧᤒᤥ᤺ᤱᤒᤠᤛᤡ ᤜᤧᤰᤁᤩᤠᤱ ᤂᤪᤡᤛ᤻ᤋ ᤕᤧᤛᤢᤗᤠᤶ ᤁᤧᤍᤠ᤺ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤁᤡᤸᤗᤧᤴ ᤛᤥᤖᤡᤰ ᤗᤰ ᤁᤧᤄᤥ᤺ᤒᤠᤛᤡᤖᤥ॥  
\v 7 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤏᤢ ᤁᤢᤔᤢᤰᤛᤠᤶᤗᤠᤶ ᤀᤡᤱᤃᤠ᤹ ᤁᤴ ᤛᤢᤏᤠᤀᤡᤱ ᤁᤧᤛᤧᤒᤠ ᤛᤣᤘᤠᤖᤥᤒᤠ ᤐᤥ᤺ᤰᤂᤠᤱᤗᤥ॥ 
\p  
\v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤖᤧᤰ ᤛᤣᤛᤣ ᤁᤢᤔᤏᤠᤜᤠ᤹ᤏᤢ᤺ᤸᤗᤧ ᤀᤡᤱᤃᤠ᤹ ᤕᤥ᤺ᤕᤥ᤺ᤰᤐᤠ ᤆᤥ᤺ᤰᤁᤠᤛᤠᤱ ᤁᤢᤛᤡᤱ ᤏᤡ᤺ᤵᤔᤠᤀᤣ ᤛᤢᤰᤔᤧᤴᤍᤧᤵᤔᤏᤠᤒᤠ ᤂᤪᤡᤛ᤻ᤋᤖᤧ ᤀᤠᤒᤡᤖᤧᤒᤠ ᤜᤠᤱᤘᤠ ᤔᤢ᤹ᤀᤡᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤡᤱᤓᤥ᤺ᤔᤠᤛᤡ ᤑᤠ᤹ᤀᤠᤱ ᤁᤴ ᤗᤢᤱᤃᤢᤶᤔᤡᤴ ᤀᤡᤱᤃᤠ᤹ ᤐᤡᤖᤠᤱᤗᤥ॥  
\v 9 ᤜᤧᤰᤁᤩᤠᤱ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤢᤏᤠᤜᤢᤖᤡᤀᤠᤱᤎᤥ ᤔᤠ᤹ᤖᤢᤒᤠ ᤐᤠ᤺ᤴᤏᤡᤸᤗᤧᤴ ᤏᤡᤱᤛᤣ᤺ᤰᤁᤡᤴ ᤁᤠᤰ ᤔᤏᤠᤜᤠ᤹ ᤆᤧᤰᤔᤠᤛᤡ ᤑᤠ᤹ᤀᤠᤱ ᤀᤡᤱᤃᤠ᤹ ᤛᤣᤃᤠᤱᤗᤥ॥  
\v 10 ᤀᤰᤂᤣᤗ᤹ᤖᤡᤰ ᤛᤣᤛᤣᤜᤢᤵᤗᤰᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤁᤠᤰ ᤐᤖᤡᤰᤐᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ ᤋᤠᤱᤛᤠᤰᤐᤠᤀᤥᤒᤠ ᤁᤠᤰ ᤜᤠᤱ ᤁᤧᤈᤥ᤺ᤰᤐᤠ ᤏᤢ ᤕᤢᤰ ᤁᤧᤈᤥ᤺ᤰᤐᤠ ᤑᤧᤴᤛᤠᤶᤜᤠ᤹ᤀᤥ ᤀᤥᤛᤣ᤺ᤴᤍᤠᤱ ᤐᤥ᤺ᤱᤗᤥ॥  
\v 11 ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤔᤧᤴᤏᤢᤵᤔᤏᤠᤒᤠ ᤏᤡᤱᤘᤠ᤹ᤛᤥ᤺ᤰ ᤁᤢᤀᤡᤛᤡ᤺ᤰ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤗᤠᤶᤒᤠ ᤁᤢᤗᤡᤱᤎᤥ ᤁᤧᤳᤋᤢᤖᤥ॥  
\v 12 ᤂᤢᤏᤧ᤹ ᤆᤥᤃᤢᤸᤗᤧ ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤈᤥᤃᤢᤶᤒᤠ ᤏᤛᤠ᤺ᤴᤗᤠᤶᤒᤠ ᤜᤠᤱᤜᤠᤱ ᤗ᤹ᤖᤡᤰ ᤔᤧᤱᤃᤡᤀᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤐᤣ᤺ᤰᤔᤠ ᤀᤠᤄᤥ᤺ᤛᤢᤶᤗᤥ॥  
\v 13 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤗᤠᤃᤡ ᤀᤡᤱᤃᤠ᤹ ᤋᤢᤔᤢᤱᤒᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤁᤧᤏᤡ᤺ᤛᤢᤶᤔᤡᤸᤗᤧ ᤂᤡᤏᤡ᤹ ᤏᤡᤱᤛᤠᤱ ᤔᤧᤒᤢᤰᤏᤧᤴᤗ ᤁᤖ ᤂᤧᤱᤃ ᤂᤡᤏᤡ᤹ ᤀᤡᤱᤎᤠ᤺ᤱ ᤁᤧᤄᤥ᤺ᤛᤢᤶᤒᤠ ᤜᤧᤰᤁᤣ ᤀᤡ᤺ᤳᤋᤧᤶᤔᤧ᤹ᤀᤥ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ 
\s1 ᤐᤠᤘᤗᤖᤧ ᤀᤣᤑᤡᤛᤡᤜᤠ᤹ᤖᤧ ᤗᤠᤃᤡ ᤆᤥᤃᤢᤒᤠ ᤋᤢᤘᤠ 
\p  
\v 14 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤀᤡᤱᤃᤠ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤌᤢᤱᤒᤥᤜᤈ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠᤖᤥ॥  
\v 15 ᤂᤢᤏᤧ᤹ᤗᤠᤶᤒᤠᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤏᤢ ᤛᤠᤱᤃᤪᤠᤶᤐᤣᤍᤠᤱᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤕᤱᤜᤠ᤹ᤖᤧ ᤂᤢᤏᤡ᤹ ᤔᤡᤱ ᤔᤧᤄᤥ᤺ᤛᤢ᤹ᤖᤥ॥  
\v 16 ᤂᤢᤏᤧ᤹ ᤔᤢᤸᤗᤢᤰ ᤔᤡᤔᤡᤍᤡᤱᤃᤧᤴ ᤁᤢᤔᤢᤰᤛᤠᤶᤗᤠᤶ ᤁᤢᤛᤣᤛᤣᤔᤠᤱᤅᤡᤸᤗᤧ ᤂᤡᤏᤡ᤹ ᤕᤠᤶᤛᤠᤶᤔᤥ ᤁᤧᤎᤢᤶᤒᤠ ᤁᤧᤈᤥᤃᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤁᤠᤖᤥ॥  
\v 17 ᤜᤧᤰᤁᤣᤗ᤹ᤖᤡᤰ ᤏᤛᤠ᤺ᤴᤗᤠᤶ ᤂᤪᤡᤛ᤻ᤋᤧᤴ ᤂᤡᤏᤡ᤹ ᤛᤡᤰᤗᤢᤱᤔᤥ ᤘᤠ᤹ᤖ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡᤀᤥ ᤂᤡᤏᤡ᤹ ᤛᤠ᤺ᤵ ᤗᤣ᤺ᤳᤇᤡᤱᤅᤠᤱ ᤁᤧᤎᤢᤶᤒᤠ ᤁᤧᤒᤥ᤺ᤰᤂᤡᤖ.  
\v 18 ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤏᤢ ᤂᤪᤡᤛ᤻ᤋᤖᤧ ᤀᤠᤰᤂᤧᤴ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰ ᤁᤧᤗ᤹ᤒᤠᤴ ᤁᤠᤰ ᤐᤖᤡᤰᤗᤠᤶ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶᤗᤥ॥  
\v 19 ᤜᤧᤰᤁᤩᤠᤱ ᤏᤧᤜᤡᤏᤡᤱᤘᤠ᤹ᤖᤧ ᤔᤧᤄᤥ᤺ᤵᤋᤢᤶᤒᤠ ᤂᤪᤡᤛ᤻ᤋᤖᤧ ᤁᤢᤔᤡ᤺ᤶᤈᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤁᤧᤒᤥ᤺ᤰᤂᤡᤖᤖᤥ॥ 
\p  
\v 20 ᤀᤠᤸᤗ ᤀᤠᤏᤡ᤹ ᤏᤠ᤺ᤰᤔᤏᤠᤒᤠ ᤜᤧᤰᤁᤩᤠᤱ ᤀᤡ᤺ᤵᤔᤏᤠᤒᤠᤏᤢ᤺ᤸᤗᤧᤀᤠᤱ ᤕᤖᤡᤰ ᤆᤥ᤺ᤰᤔᤠ ᤁᤧᤛᤢᤰᤐᤠ ᤀᤠᤏᤡ᤹ᤀᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤂᤢᤏᤧ᤹ ᤁᤢᤔᤢᤰᤛᤠᤶᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ  
\v 21 ᤁᤧᤖᤧᤰ ᤕᤧᤶᤔᤥ. ᤁᤧᤖᤧᤰ ᤔᤧᤴᤇᤠᤶ ᤌᤠ᤺ᤰᤁᤥ. ᤛᤣᤛᤣᤜᤢᤵᤗᤰᤁᤥ ᤏᤢ ᤂᤪᤡᤛ᤻ᤋ ᤕᤧᤛᤢᤀᤥ ᤛᤍᤠᤍᤡᤱ ᤛᤍᤠᤍᤡᤱ ᤁᤢᤏᤠᤖᤠ ᤐᤥ᤺ᤖᤖᤥ॥ ᤀᤠᤔᤧᤴ॥ 
\c 4  
\s1 ᤕᤠᤶᤛᤠᤶᤃᤧᤴ ᤌᤡᤰᤜᤢᤵ ᤐᤥ᤺ᤱᤔᤠ 
\p  
\v 1 ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤓᤥ᤺ᤛᤢᤱᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤐᤢᤱᤗᤠᤜᤡᤶᤔᤥ ᤛᤠᤰᤐᤠ ᤁᤧᤎᤠ᤺ᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤔᤏᤠᤜᤠ᤹ ᤂᤧᤶᤍᤢ ᤗᤠ᤹ᤖᤢᤛᤡᤒᤠ ᤜᤡᤱᤔᤴᤏᤥ ᤔᤧᤘᤠ᤹ᤒᤠ ᤜᤧᤰᤁᤣ ᤘᤕᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥  
\v 2 ᤁᤠᤰ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤏᤢ ᤛᤢᤶᤛᤢᤶᤔᤠᤱ ᤘᤕᤧᤶᤔᤧ᤹॥ ᤜᤧᤰᤁᤩᤠᤱ ᤏᤡᤱᤘᤠ᤹ ᤕᤥ ᤎᤥ ᤔᤧᤸᤗ᤹ᤀᤣ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹ᤖ ᤏᤠᤛᤡ ᤌ᤺ᤳᤋᤧᤶᤔᤧ᤹ᤀᤥ॥  
\v 3 ᤘᤣ᤹ᤜᤠ᤹ᤏᤢ ᤛᤏᤠᤖᤢᤱᤅᤥ ᤘᤕᤧᤶᤔᤧ᤹ᤀᤠᤱ ᤛᤣᤛᤣᤔᤠᤱᤗᤠᤶ ᤁᤧᤍᤠ᤺ᤒᤠ ᤌᤡᤰᤜᤢᤵᤐᤥ ᤘᤠ᤹ᤔᤠ ᤛᤠ᤹ᤖᤡᤰ ᤁᤥ᤺ᤳᤋᤧᤶᤔᤧ᤹ᤀᤥ॥ ᤛᤣᤛᤣᤔᤠᤱᤗᤠᤶ ᤁᤧᤍᤠ᤺ᤒᤠ ᤌᤡᤰᤜᤢᤵᤐᤥ ᤘᤠ᤹ᤔᤠ ᤑᤠ᤹ᤀᤠᤱ ᤁᤠᤰ ᤐᤖᤡᤰᤗᤧ ᤋᤶᤛᤡᤴ ᤆᤥᤃᤧᤶᤔᤧ᤹ᤖ ᤛᤏᤠᤖᤢᤱᤅᤥ ᤘᤕᤧᤶᤔᤧ᤹ᤀᤥ॥ 
\p  
\v 4 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤀᤢ᤺ᤳᤋᤡᤸᤗᤧ ᤗᤳᤇᤠ ᤏᤡᤱᤛᤠᤱ ᤁᤧᤒᤡᤖᤡᤒᤠ ᤁᤢᤀᤡᤛᤡ᤺ᤰᤁᤣ. ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤗᤳᤌᤡᤰ ᤌᤰᤛᤡᤖᤥ॥ ᤜᤧᤰᤁᤩᤠᤱ ᤛᤣᤛᤣᤔᤠᤱ ᤗᤳᤌᤡᤰ ᤘᤠ᤹.  
\v 5 ᤍᤠᤱᤒᤠᤴ ᤗᤳᤌᤡᤰ ᤘᤠ᤹. ᤏᤛᤠ᤺ᤴ ᤗᤳᤌᤡᤰ ᤘᤠ᤹. ᤜᤧᤰᤁᤩᤠᤱ ᤒᤵᤋᤡᤛ᤻ᤔᤠᤀᤠᤱ ᤗᤳᤌᤡᤰ ᤘᤠ᤹॥  
\v 6 ᤜᤧᤰᤁᤩᤠᤱ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤖᤧ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤗᤳᤌᤡᤰ ᤘᤠ᤹ᤖᤥ॥ ᤂᤢᤏᤧ᤹ᤀᤣ ᤀᤠᤏᤡ᤹ ᤁᤧᤖᤧᤰ ᤛᤶᤍᤠᤱ ᤕᤢᤰ ᤁᤳᤋᤢ᤹. ᤀᤠᤏᤡ᤹ ᤁᤧᤖᤧᤰᤗᤠᤶᤒᤠ ᤕᤠ᤺ᤶᤒᤰ ᤆᤥᤃᤢ᤹. ᤜᤧᤰᤁᤩᤠᤱ ᤀᤠᤏᤡ᤹ ᤁᤧᤖᤧᤰᤁᤥ ᤘᤠ᤹ᤖᤥ॥ 
\p  
\v 7 ᤁᤖ ᤂᤪᤡᤛ᤻ᤋᤖᤧ ᤜᤠᤒᤠ ᤐᤡᤔᤠ ᤏᤡᤱᤘᤠ᤹ ᤆᤥᤃᤢᤒᤠ ᤀᤡᤛᤡ᤺ᤰ ᤀᤠᤏᤡ᤹ ᤁᤧᤖᤧᤰᤗᤧ ᤐᤷᤎᤠ᤺ᤶ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹॥  
\v 8 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. 
\q1 “ᤂᤢᤏᤧ᤹ ᤌᤠ᤺ᤱ ᤐᤣ᤺ᤸᤗᤧ ᤏᤠ᤺ᤴᤍᤢᤛᤡᤒᤠᤜᤠ᤹ 
\q1 ᤂᤢᤏᤧ᤹ᤏᤢ ᤋᤣ᤹ᤖᤢᤛᤡ. 
\q1 ᤜᤧᤰᤁᤩᤠᤱ ᤁᤢᤔᤏᤠᤜᤠ᤹ ᤐᤷᤎᤠ᤺ᤶᤜᤠ᤹ ᤐᤡᤖᤢᤛᤡ॥”\f * \fr 4:8 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥌᥎.᥇᥎\f* 
\m  
\v 9 ᤀᤠᤸᤗ ᤁᤴ “ᤌᤠ᤺ᤱ ᤐᤣ” ᤑᤠ᤹ᤀᤡᤱᤃ ᤌᤣ᤺ᤴᤒᤣ᥅ ᤁᤴ ᤑᤠ᤹ᤀᤡᤱᤃ ᤂᤢᤏᤧ᤹ᤃ ᤕᤥ ᤂᤠᤶᤒᤣ᤺ᤰ ᤛᤡᤃᤠᤱ ᤌᤠᤖᤡᤰᤁᤠᤱ ᤌᤩᤧ ᤁᤧᤗ᤹ᤒᤠᤏᤧ ᤐᤥ᤺ᤱᤗᤥ॥\f * \fr 4:9 \ft ᤕᤥ ᤂᤠᤶᤒᤣ᤺ᤰ ᤛᤡᤃᤠᤱ–ᤁᤴ ᤏᤧᤳᤇᤡ ᤐᤖᤡᤰᤗᤧ ᤁᤢᤛᤡᤱ ᤏᤡ᤺ᤵᤔᤠ ᤛᤢᤰᤋᤧᤳ॥ ᤕᤖᤡᤰᤋᤱᤒᤠ ᤔᤏᤠᤜᤠ᤹ᤖᤧ ᤕᤧᤛᤢ᤺ᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥ ᤕᤧᤀᤠᤱ ᤛᤩᤧ ᤜᤧᤰᤁᤩᤠᤱ ᤔᤧᤗᤢᤵᤋᤢ ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤏᤢ᤺ᤰᤂᤧ ᤐᤣᤒᤠᤴ ᤔᤧᤀᤡ᤺ᤳᤋᤢ᤹. ᤁᤖ ᤘᤣ᤹ᤜᤠ᤹ᤖᤧ ᤂᤣᤔᤠᤍᤡᤱ ᤕᤱᤛᤱ ᤌᤠᤖᤡᤰᤁᤠᤱ ᤁᤧᤖᤧᤖᤥ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢ॥\f* 
\v 10 ᤌᤥᤗᤠᤶᤏᤢ ᤁᤧᤎᤠ᤺ᤒᤠᤴᤏᤣ ᤁᤧᤖᤧᤰ ᤂᤠᤶᤒᤣ᤺ᤰᤔᤠᤀᤥ ᤏᤢ ᤋᤖ᤺ᤱᤃᤧᤴ ᤋᤠᤱᤛᤠᤱᤅᤥ ᤘᤠ᤹ᤖ ᤑᤠ᤹ᤀᤠᤱ ᤋᤠᤱᤛᤠᤰᤐᤧᤴᤏᤢ᤺ᤸᤗᤧᤀᤠᤱ ᤌᤥ ᤌᤠᤖᤡᤰ ᤐᤣ॥ 
\p  
\v 11 ᤂᤢᤏᤧ᤹ᤀᤣ ᤁᤢᤓᤠ ᤛᤣ᤺ᤰᤕᤢᤰᤔᤡᤒᤠ. ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ. ᤛᤢᤏᤠᤀᤡᤱ ᤁᤧᤛᤧᤒᤠ ᤜᤧᤰᤁᤩᤠᤱ ᤏᤛᤠᤏᤡᤒᤠᤜᤠ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤏᤢ ᤛᤡᤰᤛᤠᤶᤒᤠ ᤐᤥ᤺ᤱᤛᤧ ᤐᤷᤎᤠ᤺ᤶᤜᤠ᤹ ᤐᤡᤖᤢᤛᤡᤖᤥ॥  
\v 12 ᤜᤧᤰᤁᤣᤗ᤹ᤖᤡᤰ ᤛᤣᤛᤣᤜᤢᤵᤗᤰ ᤂᤪᤡᤛ᤻ᤋᤖᤧ ᤁᤢᤎᤰᤁᤡᤴ ᤌᤥᤒᤥ ᤐᤥ᤺ᤱᤗ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤔᤠᤱᤛᤣᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤕᤠᤖᤡᤵ ᤔᤧᤒᤥ᤺ᤱᤗᤖᤥ॥  
\v 13 ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ ᤁᤧᤖᤧᤰ ᤏᤛᤠ᤺ᤴᤏᤥ ᤏᤢ ᤏᤡᤱᤘᤠ᤹ᤑᤢᤛᤠ᤺ᤸᤗᤧ ᤁᤢᤏᤧᤜᤡᤏᤡᤱᤘᤠ᤹ᤀᤥ ᤌᤡᤰᤜᤢᤵ ᤀᤠᤒᤥ᤺ᤱ. ᤜᤧᤰᤁᤩᤠᤱ ᤍᤠᤱᤒᤠᤀᤥ ᤁᤧᤖᤧᤰ ᤂᤠᤛᤡᤱ ᤁᤧᤏᤡ᤺ᤵᤐᤠ ᤀᤠᤒᤥ᤺ᤱᤅᤠᤱ ᤂᤪᤡᤛ᤻ᤋᤀᤥ ᤁᤢᤗᤡᤱᤎᤥ ᤀᤠᤃᤧᤳᤗᤥ॥ 
\p  
\v 14 ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤀᤅᤧ᤺ᤰᤘᤠᤜᤠ᤹ ᤁᤢᤀᤡᤛᤡ᤺ᤰ ᤁᤢᤏᤡᤱᤘᤠ᤹ ᤁᤧᤒᤠ᤺ᤰᤐᤠ ᤀᤠᤶᤒᤥ᤺ᤱᤏᤧᤴ॥ ᤜᤧᤰᤁᤩᤠᤱ ᤘᤠᤓᤧᤸᤗᤧᤱᤅᤡᤸᤗᤧ ᤜᤡᤵᤋᤢᤀᤠᤱ ᤘᤠ᤺ᤴᤍᤢᤒᤠ ᤂ᤺ᤱᤒᤣᤴ ᤁᤢᤀᤡᤛᤡ᤺ᤰ ᤀᤡᤱᤗᤧᤰᤁᤣ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤔᤢᤈᤠ᤺ᤵᤐᤠ ᤑᤧᤴ ᤏᤡᤛᤠᤶᤔᤡᤸᤗᤧ ᤀᤠᤏᤡ᤹ ᤏᤠ-ᤁᤳᤏᤠ ᤀᤠᤴᤘᤠ᤺ᤴᤏᤧᤴᤗᤥ॥  
\v 15 ᤂᤧᤸᤗᤧ ᤁᤢᤗᤧᤰᤘᤠ ᤔᤡ᤺ᤶᤈᤡᤴᤏᤢ ᤛᤧᤰᤂᤠ ᤐᤠ᤺ᤴ ᤀᤠᤒᤠ᤺ᤳᤋᤢᤶᤔᤡᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤀᤠᤏᤡ᤹ ᤁᤠᤰ ᤐᤖᤡᤰᤗᤧ ᤂᤪᤡᤛ᤻ᤋᤧᤴ ᤜᤧᤰᤁᤣᤀᤣ ᤀᤠᤒᤥ᤺ᤱ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤣ ᤀᤠᤏᤡ᤹ ᤌᤧᤃᤣ᤺ᤰᤐᤠᤖᤥ॥  
\v 16 ᤂᤢᤏᤧ᤹ᤗᤠᤶᤒᤠᤀᤣ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤁᤧᤖᤧᤰ ᤕᤠᤶᤗᤰᤜᤠ᤹ ᤆᤰᤛᤡᤱᤅᤠᤱ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤖ ᤔᤡ᤺ᤶᤈᤡ᤺ᤸᤗᤧ ᤁᤢᤎᤡᤶ ᤐᤥ᤺ᤱᤅᤠᤱ ᤁᤧᤎᤢᤶᤒᤠ ᤐᤥ᤺ᤱᤗ ᤐᤣ᤺ᤰᤗᤥ॥ 
\s1 ᤂᤪᤡᤛ᤻ᤋᤀᤥ ᤁᤢᤛᤱ ᤜᤡᤱᤔᤴ 
\p  
\v 17 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤍᤠᤱᤒᤠᤸᤗᤧ ᤁᤢᤕᤢᤰᤁᤡᤸᤗᤧ ᤀᤰᤂᤣ ᤔᤧᤳᤏᤡᤱ. ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠᤒᤠᤜᤠ᤹ ᤔᤧᤘᤠ᤹ᤒᤠ ᤁᤢᤀᤡᤛᤡ᤺ᤰ ᤔᤧᤘᤕᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤁᤢᤛᤢᤶᤔᤧᤴᤍᤶᤔᤏᤠᤒᤠ ᤆᤥ᤺ᤰᤗᤥ॥  
\v 18 ᤂᤧᤱᤜᤠ᤹ᤖᤧ ᤁᤧᤛᤠᤰᤐᤠ ᤂᤢᤏᤡ᤹ ᤏᤡᤱᤘᤠ᤹ᤀᤡᤸᤗᤧ ᤏᤢ ᤏᤡᤱᤘᤠ᤹ ᤐᤠ᤺ᤰᤔᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤛᤡᤒᤠ ᤜᤡᤱᤔᤴᤗᤠᤶ ᤔᤠ᤺ᤱᤄᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤂᤠᤍᤠᤵᤋᤢᤀᤠᤱ ᤘᤠ᤹॥  
\v 19 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤌ᤺ᤵᤐᤠᤱ ᤏᤡᤱᤘᤠ᤹ ᤌᤠᤵᤌᤠᤵ ᤑᤧᤴ ᤕᤠ᤺ᤶᤒᤰ ᤔᤧᤈᤥᤃᤢᤖᤥ॥ ᤂᤧᤱᤜᤠ᤹ᤖᤧ ᤁᤧᤖᤧᤰ ᤐᤖᤡᤰᤐᤠ ᤀᤠᤈᤡ᤺ᤴᤈᤡ᤺ᤶᤒᤠ ᤏᤢ ᤛᤡᤰᤁᤧᤗᤧ᤺ᤱᤒᤠ ᤐᤠ᤺ᤴᤏᤥ ᤆᤰᤔᤧᤸᤗ᤹ᤀᤣ ᤏᤡᤱᤘᤠ᤹ ᤔᤧᤒᤡᤖᤢ᤹ᤖᤥ॥ 
\p  
\v 20 ᤁᤖ ᤂᤡᤏᤡ᤹ᤃ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤜᤧᤰᤁᤣᤗ᤹ᤖᤡᤰ ᤁᤧᤴᤜᤢ᤹ᤀᤠᤛᤡᤴ॥  
\v 21 ᤁᤢᤈᤧᤰᤁᤣ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤁᤧᤄᤧᤵᤛᤢᤶᤔᤠᤱ ᤕᤧᤛᤢᤖᤧ ᤁᤢᤛᤧᤰᤂᤠ᤺ᤴ ᤁᤧᤜᤢ᤹ᤀᤠᤛᤡᤀᤠᤱ ᤁᤧᤘᤕᤡ᤹ᤖᤥ॥  
\v 22 ᤂᤧᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤴᤈᤥ᤺ᤰᤁᤣ ᤁᤧᤘᤕᤡᤸᤗᤧ ᤀᤡᤱᤗᤧᤰᤁᤣ ᤑᤧᤴ ᤏᤡᤱᤘᤠ᤹ᤀᤡᤸᤗᤧ ᤑᤧᤳᤗᤠ᤺ᤴᤍᤢᤒᤠ ᤂᤡᤏᤡ᤹ ᤋᤃᤡᤒᤠ ᤕᤧᤵᤗᤧᤰᤁᤡᤴ ᤗᤠᤵᤑᤢᤛᤧᤶᤔᤧ᤹ᤀᤠᤱ  
\v 23 ᤂᤡᤏᤡ᤹ ᤛᤡᤰᤗᤢᤱᤔᤠᤴ ᤏᤢ ᤏᤡᤱᤘᤠ᤹ᤀᤡᤴ ᤁᤢᤛᤱ ᤐᤥ᤺ᤱᤔᤠᤀᤣ ᤐᤥ᤺ᤱ॥  
\v 24 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱ ᤁᤢᤀᤡᤛᤡ᤺ᤰ ᤛᤧᤰᤂᤠ. ᤛᤠᤶᤕᤥᤏᤡᤒᤠ ᤏᤢ ᤛᤣᤛᤣ ᤆᤥᤃᤧᤒᤠ ᤁᤢᤛᤱ ᤕᤧᤵᤗᤧᤰᤁᤡᤴ ᤁᤢᤛᤱ ᤆᤠᤱ ᤁᤢᤀᤡᤛᤡ᤺ᤰ ᤆᤠᤰᤂᤧᤶᤔᤧ᤹ᤀᤥ॥ 
\p  
\v 25 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤗᤧᤰ ᤐᤠ᤺ᤴᤜᤠ᤹ ᤂᤡᤏᤡ᤹ ᤁᤧᤖᤧᤰᤗᤧ ᤗᤧᤖᤧᤶᤔᤧ᤹ᤀᤠᤱ ᤂᤡᤏᤡ᤹ ᤗᤢᤶᤔᤥ ᤛᤧᤰᤂᤠ ᤐᤠᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤗᤳᤇᤠ ᤌᤰᤁᤥᤒᤠ ᤕᤠᤶᤗᤰᤛᤡᤖᤥ॥  
\v 26 ᤂᤡᤏᤡ᤹ ᤛᤡᤰ ᤐᤥ᤺ᤰᤛᤠᤱ ᤗᤠᤕᤥ ᤔᤧᤈᤥᤃᤧᤶᤔᤡᤴᤏᤧ᤹॥ ᤏᤠᤶᤎᤠᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤡᤏᤡ᤹ ᤛᤡᤰ ᤐᤥ᤺ᤰᤔᤠᤴ ᤆᤡᤵᤗ.  
\v 27 ᤜᤧᤰᤁᤣᤗ᤹ᤖᤡᤰᤁᤣ ᤔᤠᤑᤧᤴᤛᤠᤶᤔᤡᤴ ᤂᤡᤏᤡ᤹ ᤏᤡᤱᤘᤠ᤹ᤀᤥ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤒᤠᤱᤄᤧᤶᤔᤡᤴᤏᤧ᤹ᤀᤥ॥ 
\p  
\v 28 ᤁᤧᤄᤢ᤺ᤶᤒᤠᤸᤗᤧ ᤀᤠᤸᤗᤀᤠᤱᤎᤥ ᤂᤢ᤺ᤵᤔᤠ ᤔᤧᤏᤢ᤹ᤏᤧᤴᤗᤥ. ᤁᤖ ᤂᤧᤸᤗᤧ ᤔᤧᤱᤃᤵᤔᤏᤠᤒᤠᤜᤠ᤹ ᤐᤡᤔᤠ ᤛᤢᤰᤋᤢᤛᤡᤖ ᤑᤠ᤹ᤀᤠᤱ ᤕᤠᤶᤒᤢᤎᤡᤰᤁᤠᤱ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤣ ᤐᤥ᤺ᤱᤗᤥ॥ 
\p  
\v 29 ᤂᤡᤏᤡ᤹ ᤋᤠᤵᤑᤧ᤺ᤶᤒᤠ ᤐᤠ᤺ᤴ ᤐᤠ᤺ᤵᤔᤠ ᤔᤧᤏᤢ᤹ᤏᤧᤴ. ᤁᤖ ᤁᤧᤄᤧᤶᤒᤠᤜᤠ᤹ᤖᤧ ᤁᤢᤓᤠ᤹ ᤔᤧᤄᤥ᤺ᤛᤢᤖ ᤑᤠ᤹ᤀᤠᤱ ᤁᤢᤛᤢᤶᤃᤧᤍᤶᤒᤠ ᤏᤢ ᤜᤠᤱᤜᤠᤱ ᤁᤧᤔᤧᤵᤐᤠ ᤐᤠ᤺ᤴᤗᤰ ᤐᤠᤖᤧᤶᤔᤧ᤹॥ 
\p  
\v 30 ᤜᤧᤰᤁᤩᤠᤱ ᤁᤧᤈᤥᤃᤢᤶᤒᤠ ᤐᤠ᤺ᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧᤍᤢᤰᤂᤧᤶᤔᤡᤴᤏᤧ᤹. ᤌᤣᤀᤠᤱᤓᤧᤸᤗᤧ ᤁᤠᤰ ᤆᤥ᤺ᤰᤕᤢᤶᤓᤥ ᤂᤥ᤺ᤔᤠ ᤕᤧᤴ ᤌᤠᤖᤡᤰ ᤂᤡᤏᤡ᤹ ᤀᤠᤔᤏᤠᤏᤡᤱ ᤑᤠ᤹ᤀᤠᤱ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣᤔᤠᤱᤅᤡᤴ ᤁᤧᤒᤡᤖᤡᤀᤠᤱ ᤘᤠ᤹ᤖᤥ॥ 
\p  
\v 31 ᤁᤧᤖᤧᤰ ᤛᤡᤰ ᤁᤢ᤺ᤔᤠ. ᤛᤡᤰ ᤐᤥ᤺ᤰᤔᤠ. ᤕᤠ᤺ᤰ ᤗᤧ᤹ᤔᤠ. ᤜᤕᤱᤁᤡᤸᤗᤡᤱ ᤆᤥ᤺ᤰᤔᤠ. ᤆᤧ᤹ᤕᤠ ᤀᤡᤱᤍᤥ ᤐᤠ᤺ᤵᤔᤠ ᤜᤧᤰᤁᤩᤠᤱ ᤁᤠᤰ ᤐᤖᤡᤰᤐᤠ ᤔᤏᤠ ᤆᤡ᤺ᤵᤔᤠ ᤗᤧᤖᤧᤶᤔᤧ᤹ᤀᤥ॥  
\v 32 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤗᤠᤶ ᤂᤡᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤁᤧᤒᤡᤖᤡᤒᤠ ᤜᤧᤰᤁᤣᤀᤣ. ᤂᤡᤏᤡ᤹ᤀᤠᤱ ᤗᤧᤵᤔᤡ ᤐᤡᤀᤠᤛᤡᤶᤔᤧ᤹ᤖ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹ᤀᤠᤱ ᤗᤢᤱᤔᤠ᤹ ᤛᤩᤠ᤺ᤳ ᤔᤧᤳᤋᤠᤛᤡᤶᤔᤧ᤹ᤀᤥ॥ 
\c 5  
\s1 ᤀᤥ᤺ᤳᤋᤡᤀᤥ ᤗᤠᤱᤄᤣ᤺ᤰᤔᤠ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤜᤧᤰᤁᤣ ᤐᤥ᤺ᤱᤔᤠ ᤁᤥ᤺ᤳᤋᤧᤶᤔᤧ᤹ᤀᤥ॥  
\v 2 ᤂᤪᤡᤛ᤻ᤋᤖᤧ ᤀᤠᤏᤡ᤹ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤀᤠᤏᤡ᤹ ᤗᤠᤃᤡ ᤛᤩᤧᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹ᤀᤥ॥ ᤂᤢᤏᤧ᤹ᤀᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤁᤢᤏᤠᤶ ᤁᤧᤏᤢ᤹ᤒᤠ ᤏᤢ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤛᤡᤍᤢᤱᤈᤓᤠ ᤐᤥ᤺ᤱᤛᤧ ᤀᤠᤒᤠᤅᤣ ᤐᤡᤛᤡᤱᤗᤥ॥ 
\p  
\v 3 ᤁᤖ ᤕᤠᤶᤒᤥ᤺ᤵᤔᤠᤴ. ᤁᤠᤰ ᤀᤠᤈᤡ᤺ᤴᤈᤡ᤺ᤶᤒᤠ ᤐᤠ᤺ᤴᤜᤠ᤹ ᤀᤡᤃᤪ ᤂᤡ᤺ᤶᤔᤠ ᤐᤠ᤺ᤴᤏᤡᤴ ᤗᤳᤇᤠᤀᤠᤱ ᤂᤡᤏᤡ᤹ ᤗᤢᤶᤔᤥ ᤔᤧᤘᤠ᤹ᤏᤧᤴᤗ. ᤌᤣᤀᤠᤱᤓᤧᤸᤗᤧ ᤜᤧᤰᤋᤱᤒᤠ ᤐᤠ᤺ᤴᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ ᤔᤧᤄᤧᤶᤍᤢᤴᤇᤡᤴ ᤔᤧᤗᤠ᤹ᤖᤢᤴᤇᤡᤴᤗᤥ॥  
\v 4 ᤜᤧᤰᤁᤩᤠᤱ ᤔᤧᤄᤧᤶᤍᤢᤴᤇᤡᤴᤒᤠ ᤔᤧᤴᤈᤡᤰᤁᤪᤠ ᤐᤠ᤺ᤴ. ᤀᤍᤱ ᤐᤠ᤺ᤴ ᤏᤢ ᤔᤠᤱᤒᤠ᤺ᤴ ᤐᤠ᤺ᤵᤔᤠ ᤔᤧᤏᤢ᤹ᤏᤧᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤔᤠ ᤐᤠ᤺ᤴ ᤐᤠ᤺ᤵᤔᤠ ᤐᤥ᤺ᤱᤗᤥ॥  
\v 5 ᤌᤣᤀᤠᤱᤓᤧᤸᤗᤧ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ. ᤀᤠᤈᤡ᤺ᤴᤈᤡ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤏᤢ ᤂᤡ᤺ᤶᤒᤪᤠᤰᤐᤠ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤪᤡᤛ᤻ᤋ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤴᤇᤡ᤹ ᤜᤠᤱᤈᤢᤶᤔᤥ ᤗᤰ ᤔᤧᤱᤄᤥ᤺ᤛᤢᤴ ᤑᤠ᤹ᤀᤠᤱ ᤂᤡᤏᤡ᤹ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤣᤖᤥ॥ ᤂᤧᤴ ᤂᤡ᤺ᤶᤒᤪᤠᤰᤐᤠᤱᤃ ᤏᤠᤘᤠᤀᤡᤳᤗᤠ ᤛᤣᤘᤠ ᤁᤧᤈᤥ᤺ᤰᤐᤠᤀᤣᤖᤥ॥  
\v 6 ᤂᤧᤴ ᤜᤧᤰᤋᤱᤒᤠ ᤐᤠ᤺ᤴᤏᤥ ᤜᤠ᤺ᤳᤗᤧᤀᤠᤱ ᤂᤡᤏᤡ᤹ ᤜᤏᤧᤒᤠ ᤐᤠ᤺ᤴᤗᤠᤶ ᤀᤡᤱᤗᤧᤰᤔᤠ ᤁᤧᤴᤇᤢᤰᤋᤡᤴᤗᤖᤥ. ᤌᤣᤀᤠᤱᤓᤧᤸᤗᤧ ᤂᤧᤴ ᤜᤏᤧᤒᤠ ᤐᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴ ᤂᤢᤏᤧ᤹ ᤔᤧᤴᤀᤡ᤺ᤵᤔᤏᤠ ᤔᤧᤴᤏᤠ᤺ᤵᤔᤏᤠᤒᤠᤜᤠ᤹ᤀᤥ ᤌᤠ᤺ᤖᤥ॥ 
\p  
\v 7 ᤂᤧᤸᤗᤧ ᤆᤥᤃᤢᤸᤗᤧ ᤜᤧᤰᤋᤱᤒᤠ ᤔᤏᤠᤜᤠ᤹ᤏᤢ ᤗᤠ᤺ᤳᤗᤠ᤺ᤳ ᤘᤕᤧᤶᤔᤧ᤹ᤀᤥ.  
\v 8 ᤌᤣᤀᤠᤱᤓᤧᤸᤗᤧ ᤋᤃᤡ ᤂᤡᤏᤡ᤹ᤀᤠᤱ ᤂᤠᤍᤠᤶᤔᤥ ᤁᤧᤘᤕᤡ. ᤁᤖ ᤀᤠᤸᤗ ᤂᤡᤏᤡ᤹ ᤍᤠᤱᤒᤠᤴᤏᤢ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤀᤠᤱ ᤀᤥ᤺ᤳᤋᤡᤀᤥ ᤁᤧᤘᤕᤡ᤹॥ ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤀᤥ᤺ᤳᤋᤡᤀᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤘᤕᤧᤶᤔᤧ᤹॥  
\v 9 ᤌᤣᤀᤠᤱᤓᤧᤸᤗᤧ ᤀᤥ᤺ᤳᤋᤡᤀᤥ ᤁᤧᤘᤠ᤹ᤒᤠᤜᤠ᤹ᤖᤧ ᤁᤧᤖᤧᤰ ᤏᤢ᤺ᤒᤠ. ᤛᤠᤶᤕᤥᤏᤡᤒᤠ ᤏᤢ ᤛᤧᤰᤂᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢ᤹॥  
\v 10 ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤐᤠ᤺ᤴᤜᤠ᤹ ᤁᤥ᤺ᤳᤋᤧᤶᤔᤧ᤹॥  
\v 11 ᤂᤠᤍᤠᤶᤔᤠᤗᤢᤶᤔᤥᤒᤠ ᤁᤢᤛᤢᤶᤔᤧᤴᤍᤶᤔᤏᤠᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤏᤢ ᤔᤧᤃᤠᤶᤔᤠᤛᤡᤶᤔᤧᤴᤏᤧ᤹. ᤁᤖ ᤂᤧᤴ ᤜᤧᤰᤋᤱᤒᤠ ᤕᤠ᤺ᤶᤒᤰᤜᤠ᤹ ᤏᤢ᤺ᤒᤠ ᤔᤧ᤺ᤴ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤋᤧᤶᤛᤡᤶᤔᤧ᤹॥  
\v 12 ᤌᤣᤀᤠᤱᤓᤧᤸᤗᤧ ᤗᤠᤕᤥ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ᤖᤧ ᤛᤫᤠ᤺ᤳᤋᤠᤱ ᤔᤧᤈᤥᤃᤢᤒᤠ ᤐᤠ᤺ᤴᤜᤠ᤹ ᤐᤠ᤺ᤵᤔᤠᤀᤠᤱ ᤀᤠᤏᤢ᤺ᤴᤗᤥ॥  
\v 13 ᤁᤖ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤜᤠ᤹ ᤀᤠᤰᤂᤧᤴ ᤋᤠᤵᤑᤧ᤺ᤶᤒᤠ ᤆᤥ᤺ᤰ ᤑᤠ᤹ᤀᤠᤱ ᤀᤥ᤺ᤳᤋᤡᤀᤥ ᤌᤠ᤺ᤵᤗᤥ॥  
\v 14 ᤌᤣᤀᤠᤱᤓᤧᤸᤗᤧ ᤀᤥ᤺ᤳᤋᤡ᤺ᤸᤗᤧ ᤌᤥ᤹ᤖᤢᤒᤠ ᤁᤠᤰ ᤐᤠ᤺ᤴᤜᤠ᤹ ᤏᤡᤎᤠ᤺ᤵᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤢᤓᤠᤖᤧ ᤀᤰᤂᤣ ᤔᤧᤒᤠ᤺ᤳᤋᤢ᤹. 
\q1 “ᤁᤧᤀᤡᤶᤒᤠᤛᤣ. ᤛᤥᤖᤧᤶᤔᤧ᤹᥄ ᤛᤡ᤺ᤔᤧᤴᤗᤠᤶ ᤐᤥᤃᤧᤶᤔᤧ᤹. 
\q1 ᤜᤧᤰᤁᤩᤠᤱ ᤂᤪᤡᤛ᤻ᤋᤖᤧ ᤁᤢᤀᤥ᤺ᤳᤋᤡ᤺ᤴ ᤂᤡᤏᤡ᤹ᤀᤥ ᤀᤥ᤺ᤳᤗᤥ॥” 
\p  
\v 15 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤧᤶᤔᤧ᤹. ᤀᤍᤱ ᤜᤧᤰᤁᤣ ᤔᤧ᤺ᤴ. ᤁᤖ ᤛᤡᤰᤁᤢᤶᤛᤠᤒᤠ ᤜᤧᤰᤁᤣ ᤘᤕᤧᤶᤔᤧ᤹॥  
\v 16 ᤁᤠᤰ ᤛᤢᤕᤧᤶᤔᤡᤴ ᤏᤢ᤺ᤖᤡᤰᤁᤠᤱ ᤀᤥᤃᤵ ᤆᤥᤃᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤁᤴ ᤕᤧᤶᤔᤡᤴ ᤋᤠᤵᤑᤧ᤺ᤶᤒᤠ ᤆᤥ᤺ᤰ॥  
\v 17 ᤂᤧᤸᤗᤧ ᤆᤥᤃᤢᤸᤗᤧ ᤀᤍᤱ ᤔᤧᤒᤥ᤺ᤰᤂᤧᤶᤔᤡᤴᤏᤧ᤹. ᤁᤖ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤠᤱ ᤆᤥᤃᤧᤶᤔᤧ᤹॥  
\v 18 ᤆᤧᤸᤗᤧᤰᤛᤣ᤹ ᤌᤡ᤺ᤸᤗᤧ ᤔᤧᤔᤀᤠᤛᤡᤶᤔᤡᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤋᤠᤵᤑᤧ᤺ᤶᤒᤠ ᤗᤠᤶᤔᤥ ᤗᤠᤶᤀᤠᤗᤥ. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤁᤢᤎᤡᤶ ᤐᤥ᤺ᤰᤂᤧᤶᤔᤧ᤹ᤀᤥ॥  
\v 19 ᤂᤡᤏᤡ᤹ ᤗᤢᤶᤔᤥ ᤏᤡᤱᤘᤠ᤹ᤑᤢ ᤛᤠᤶᤗᤥᤜᤠ᤹. ᤛᤣᤘᤠᤛᤠᤶᤗᤥᤜᤠ᤹ ᤜᤧᤰᤁᤩᤠᤱ ᤕᤠᤶᤛᤠᤶᤃᤧᤴ ᤛᤠᤶᤗᤥᤜᤠ᤹ᤀᤥ ᤐᤠᤖᤧᤶᤔᤧ᤹ᤀᤠᤱ ᤛᤡᤰᤗᤢᤱᤔᤥᤗᤠᤶᤒᤠ ᤁᤢᤛᤠᤃᤧᤏᤢ᤹ᤒᤠ ᤀᤡᤰᤗᤠ᤺ᤸᤗᤧ ᤍᤠᤱᤒᤠᤴ ᤛᤠᤶᤔᤧᤳᤋᤧᤶᤔᤧ᤹ᤀᤥ॥  
\v 20 ᤛᤍᤠᤍᤡᤱ ᤁᤠᤰ ᤐᤠ᤺ᤴᤜᤠ᤹ᤖᤧ ᤗᤠᤃᤡ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤧᤶᤔᤧ᤹॥ 
\s1 ᤂᤪᤡᤛ᤻ᤋ ᤏᤢ ᤛᤣᤛᤣᤜᤢᤵᤗᤰ 
\p  
\v 21 ᤀᤠᤸᤗ ᤂᤪᤡᤛ᤻ᤋᤧᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤔᤏᤠᤒᤠᤸᤗᤧ ᤆᤥᤃᤢᤸᤗᤧ ᤌᤡᤰᤁᤡᤴ ᤘᤣ᤹ᤀᤡᤸᤗᤧ ᤁᤢᤕᤢᤰᤁᤥ ᤘᤕᤧᤶᤔᤧ᤹ᤀᤥ॥  
\v 22 ᤔᤣᤗᤡᤱᤃᤧᤴ ᤔᤣ᤺ᤳᤇᤣ. ᤍᤠᤱᤒᤠᤸᤗᤧ ᤁᤢᤕᤢᤰᤁᤥ ᤘᤠ᤹ᤔᤏᤠᤒᤠ ᤜᤧᤰᤁᤣᤀᤣ ᤂᤡᤏᤡ᤹ ᤕᤧᤶᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤕᤧᤶᤔᤧ᤹ᤀᤥ॥  
\v 23 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤴ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤎᤧᤃᤣ᤺ᤰ ᤘᤠ᤹ᤒᤠ ᤁᤢᤀᤡᤛᤡ᤺ᤰ ᤕᤧᤶᤒᤠ᤹ᤀᤡᤴᤏᤠᤱ ᤔᤣ᤺ᤳᤋᤡᤸᤗᤧ ᤁᤢᤎᤧᤃᤣ᤺ᤰᤗᤥ॥ ᤀᤠᤸᤗ ᤛᤣᤛᤣᤜᤢᤵᤗᤰᤁᤡᤴ ᤂᤪᤡᤛ᤻ᤋᤖᤧ ᤁᤢᤎᤰᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤧᤴ ᤛᤣᤛᤣᤜᤢᤵᤗᤰᤁᤡᤸᤗᤧᤴ ᤛᤧᤴᤗᤵᤍᤠᤱᤒᤠᤖᤥ॥  
\v 24 ᤀᤠᤸᤗ ᤛᤣᤛᤣᤜᤢᤵᤗᤰᤁᤡᤴ ᤂᤪᤡᤛ᤻ᤋᤖᤧ ᤁᤢᤕᤢᤰᤁᤥ ᤘᤠ᤹ᤒᤠ ᤁᤢᤀᤡᤛᤡ᤺ᤰᤁᤣ. ᤔᤣ᤺ᤳᤜᤠ᤹ᤀᤠᤱ ᤁᤠᤰ ᤐᤠ᤺ᤴᤜᤠ᤹ᤀᤥ ᤕᤧᤶᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤔᤠ ᤐᤥ᤺ᤱᤗᤥ॥ 
\p  
\v 25 ᤀᤡᤳᤌᤢᤱᤃᤧᤴ ᤕᤧᤶᤒᤠ᤹ᤛᤣ. ᤂᤪᤡᤛ᤻ᤋᤖᤧ ᤛᤣᤛᤣᤜᤢᤵᤗᤰᤁᤡᤴ ᤗᤢᤱᤔᤠ᤹ ᤋᤢᤰᤋᤢᤒᤠ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ ᤔᤣ᤺ᤳᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥ ᤂᤢᤏᤧ᤹ᤃ ᤛᤣᤛᤣᤜᤢᤵᤗᤰᤗᤧ ᤗᤠᤃᤡ ᤁᤢᤜᤡᤱᤔᤴᤏᤡᤴ ᤐᤡᤖᤢᤖᤥ॥  
\v 26 ᤂᤪᤡᤛ᤻ᤋᤖᤧ ᤛᤣᤛᤣᤜᤢᤵᤗᤰᤁᤡᤴ ᤛᤣᤛᤣ ᤆᤥ᤺ᤰᤛᤧ ᤆᤫᤠ᤺ᤳᤋᤡᤸᤗᤧ ᤘᤠᤜᤵᤋᤢᤀᤠᤱ ᤁᤢᤒᤠ᤺ᤴᤈᤠᤰᤁᤡᤸᤗᤧ ᤛᤣᤛᤣᤛᤠᤱᤛᤠᤱ ᤆᤥᤃᤢᤖᤥ॥  
\v 27 ᤂᤢᤏᤧ᤹ᤃ ᤀᤡᤃᤧᤛᤢ᤹ᤒᤠ ᤏᤢ ᤛᤧᤖᤧᤶ ᤔᤧ᤺ᤴᤏᤣᤒᤠ ᤀᤡᤃᤪ ᤀᤰᤋᤱᤒᤠ ᤌᤣᤀᤠᤱ ᤔᤧᤶᤒᤵᤔᤏᤠᤒᤠ. ᤛᤣᤛᤣ ᤏᤢ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤔᤡᤔᤡᤍᤡᤱᤃᤧᤴ ᤛᤣᤛᤣᤜᤢᤵᤗᤰᤁᤡᤴ ᤀᤠᤒᤠᤅᤣᤀᤥ ᤋᤥ᤺ᤶᤔᤠ ᤛᤢᤰᤋᤢᤖ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢᤖᤥ॥  
\v 28 ᤜᤧᤰᤁᤣᤗ᤹ᤖᤡᤰᤁᤣ ᤕᤧᤶᤒᤠᤜᤠ᤹ᤖᤧ ᤀᤠᤒᤠᤅᤣ ᤌᤰᤁᤡᤴ ᤏᤢ᤺ᤖᤡᤰ ᤔᤧᤔᤧᤳᤋᤢᤒᤠ ᤜᤧᤰᤁᤣ ᤂᤢᤏᤡ᤹ ᤔᤣ᤺ᤳᤜᤠ᤹ ᤏᤢ᤺ᤖᤡᤰ ᤔᤧᤵᤔᤠᤛᤡ ᤐᤥ᤺ᤱ. ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤸᤗᤧ ᤁᤢᤔᤣ᤺ᤳᤋᤡᤴ ᤗᤢᤱᤔᤠ᤹ ᤋᤢᤰᤋᤢ᤹. ᤂᤧᤴ ᤀᤠᤒᤠᤅᤣ ᤗᤢᤱᤔᤠ᤹ ᤋᤢᤰᤛᤡᤱᤗᤥ॥  
\v 29 ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤀᤠᤵᤑᤠᤸᤗᤧᤀᤠᤱ ᤔᤧᤈᤡ᤺ᤳᤋᤢᤴ. ᤁᤖ ᤂᤪᤡᤛ᤻ᤋᤖᤧ ᤛᤣᤛᤣᤜᤢᤵᤗᤰᤁᤡᤴ ᤁᤶᤒᤪᤠᤱ ᤔᤧᤳᤋᤢᤒᤠ ᤁᤢᤀᤡᤛᤡ᤺ᤰᤁᤣ ᤂᤧᤸᤗᤧ ᤀᤠᤒᤠᤅᤣ ᤁᤢᤎᤰᤁᤡᤴ ᤁᤶᤒᤪᤠᤱ ᤔᤧᤳᤋᤢ᤹ᤖᤥ॥  
\v 30 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤂᤢᤏᤧ᤹ ᤁᤢᤎᤰᤁᤡᤸᤗᤧᤴ ᤕᤠᤶᤗᤰᤛᤡᤖᤥ॥ 
\p  
\v 31 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤂᤧᤸᤗᤧ ᤆᤥᤃᤢᤸᤗᤧ ᤔᤏᤠ᤺ᤸᤗᤧ ᤀᤠᤒᤠᤅᤣ ᤁᤢᤶᤒᤠ ᤏᤢ ᤁᤢᤶᤔᤠᤛᤡ ᤗᤧᤖᤢᤛᤡᤀᤠᤱ ᤁᤢᤔᤣ᤺ᤳᤋᤡᤴᤏᤢ ᤌᤡᤰᤜᤢᤵ ᤐᤥ᤺ᤱᤗᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤳᤇᤠ ᤌᤰ ᤐᤥ᤺ᤱᤛᤡ᤹॥”\f * \fr 5:31 \ft ᤋᤥᤗᤡᤱᤛᤥᤔᤢ ᥈.᥈᥊\f* 
\v 32 ᤁᤴ ᤐᤠ᤺ᤴᤏᤡᤱᤃ ᤏᤡᤱᤘᤠ᤹ ᤁᤧᤔᤠᤒᤠ ᤛᤡᤒᤡ᤹ ᤐᤠ᤺ᤴᤗᤥ. ᤁᤖ ᤀᤡᤱᤃᤠ᤹ᤃ ᤂᤪᤡᤛ᤻ᤋ ᤏᤢ ᤛᤣᤛᤣᤜᤢᤵᤗᤰᤁᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤱᤒᤠᤖᤥ॥  
\v 33 ᤁᤖ ᤂᤡᤏᤡ᤹ᤀᤠᤱ ᤁᤧᤀᤡ᤺ᤳᤋᤢᤶᤗ ᤐᤥ᤺ᤱᤗᤥ. ᤂᤡᤏᤡ᤹ ᤁᤧᤖᤧᤰ ᤀᤠᤒᤠᤅᤣ ᤗᤢᤱᤔᤠ᤹ ᤁᤧᤍᤢᤰᤁᤠᤛᤡᤒᤠ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ ᤔᤣ᤺ᤳᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹. ᤜᤧᤰᤁᤩᤠᤱ ᤔᤣ᤺ᤳᤜᤠ᤹ᤖᤧᤀᤠᤱ ᤂᤡᤏᤡ᤹ ᤕᤧᤶᤒᤠᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹ᤀᤥ॥ 
\c 6  
\s1 ᤜᤡᤴᤈᤠ᤹ᤒᤡᤳᤇᤠ ᤏᤢ ᤐᤠ᤺ ᤔᤠᤖᤧ ᤗᤠᤃᤡ ᤂᤠᤜᤢᤴ 
\p  
\v 1 ᤜᤡᤴᤈᤠ᤹ᤒᤡᤳᤇᤠᤛᤣ. ᤍᤠᤱᤒᤠᤸᤗᤧ ᤁᤢᤔᤏᤠ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤐᤠ᤺ ᤔᤠᤜᤠ᤹ᤖᤧ ᤔᤢᤖᤠ ᤁᤧᤶᤔᤧᤳᤋᤡᤒᤠ ᤐᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤀᤰᤂᤣ ᤆᤥ᤺ᤰᤔᤠᤸᤗᤧ ᤏᤢ᤺ᤒᤠ ᤐᤥ᤺ᤱᤗᤥ॥  
\v 2 “ᤂᤡᤏᤡ᤹ ᤐᤠ᤺ ᤏᤢ ᤔᤠᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹”–ᤁᤱᤃ ᤔᤠᤱᤜᤧᤰᤏᤢᤒᤠ ᤌᤡᤰᤛᤡᤃᤣ᤺ᤰᤐᤠ ᤀᤡᤱᤈᤠ᤺ᤱᤗᤥ–  
\v 3 ᤂᤢᤴᤇᤡ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤒᤡᤖᤢᤶᤛᤡᤶᤏᤧ ᤑᤠ᤹ᤃᤪ “ᤂᤡᤏᤡ᤹ ᤁᤧᤏᤢ᤺ᤖᤡ ᤁᤧᤍᤠᤛᤡᤖᤥ. ᤜᤧᤰᤁᤩᤠᤱ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤢᤎᤠ᤺ᤰ ᤁᤣ᤺ᤶᤒᤠ ᤁᤧᤒᤥ᤺ᤰᤂᤡ᤹ᤖᤥ॥”\f * \fr 6:3 \ft ᤗᤠᤶᤍᤡ᤺ᤰ ᥈᥆.᥇᥈. ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥋.᥇᥌\f* 
\p  
\v 4 ᤐᤠᤏᤢᤍᤡᤱ ᤐᤠ᤺ᤛᤣ. ᤂᤡᤏᤡ᤹ ᤛᤠ᤺ᤜᤠ᤹ ᤂᤢᤏᤡ᤹ ᤛᤡᤰ ᤔᤧᤓᤥ᤺ᤰᤂᤧᤶ ᤔᤧᤒᤡᤖᤧᤶᤛᤡ᤺ᤔᤧᤴᤏᤧ᤹. ᤁᤖ ᤍᤠᤱᤒᤠᤸᤗᤧ ᤁᤢᤜᤧᤴᤎᤡᤶ ᤏᤢ ᤁᤢᤏᤡᤛᤠᤶᤔᤥ ᤌᤠᤱᤒᤧᤴ ᤔᤧᤴᤇᤡᤴ ᤁᤧᤳᤋᤧᤶᤛᤡᤶᤔᤧ᤹ᤀᤥ॥ 
\s1 ᤛᤣᤘᤠᤖᤥᤒᤠ ᤏᤢ ᤁᤢᤴᤍᤠᤱᤒᤠᤸᤗᤧ ᤗᤠᤃᤡ ᤂᤠᤜᤢᤴ 
\p  
\v 5 ᤛᤣᤘᤠᤖᤥᤒᤠᤛᤣ. ᤁᤧᤃᤡ᤺ᤛᤡ ᤁᤧᤕᤰᤂᤡᤖ ᤁᤢᤍᤥ᤺ᤵᤔᤠ ᤏᤡᤱᤘᤠ᤹ᤗᤠᤶ ᤂᤪᤡᤛ᤻ᤋᤖᤧ ᤁᤢᤛᤣᤘᤠ ᤁᤧᤈᤥᤃᤢᤶᤒᤠ ᤜᤧᤰᤁᤣ ᤁᤴ ᤀᤡᤰᤛᤠᤒᤠ ᤂᤡᤏᤡ᤹ ᤍᤠᤱᤒᤠᤜᤠ᤹ᤖᤧ ᤁᤧᤶᤔᤧᤳᤋᤡᤒᤠ ᤐᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹॥  
\v 6 ᤂᤡᤏᤡ᤹ ᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤔᤧᤏᤡ᤺ᤛᤢᤸᤗᤧᤖᤰ ᤕᤠ᤺ᤶᤒᤰ ᤔᤧᤈᤥᤃᤧᤶᤔᤡᤴᤏᤧ᤹. ᤁᤖ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤁᤢᤀᤡᤛᤡ᤺ᤰ ᤛᤡᤰᤗᤢᤱᤔᤥᤗᤠᤶᤔᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤜᤧᤰᤁᤣ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥  
\v 7 ᤔᤏᤠᤜᤠ᤹ ᤛᤣᤘᤠ ᤁᤧᤈᤥᤃᤢᤶᤛᤡᤶᤒᤠ ᤜᤧᤰᤁᤣ ᤔᤧ᤺ᤴ. ᤁᤖ ᤍᤠᤱᤒᤠᤴ ᤛᤣᤘᤠ ᤁᤧᤈᤥᤃᤢᤶᤒᤠ ᤜᤧᤰᤁᤣ ᤂᤡᤏᤡ᤹ ᤛᤡᤖᤠ᤹ ᤐᤎᤠᤱᤎᤠᤱᤗ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥  
\v 8 ᤕᤥ᤺ᤰᤐᤠᤛᤠᤱ ᤕᤥ᤺ᤰᤐᤠ ᤔᤧ᤺ᤶᤒᤠᤛᤠᤱ. ᤀᤠᤳᤋᤡᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰ ᤆᤥᤃᤢ᤹. ᤂᤧᤸᤗᤧ ᤆᤥᤃᤢᤒᤠ ᤜᤧᤰᤁᤣᤀᤣ ᤍᤠᤱᤒᤠᤗᤠᤶ ᤜᤠᤱᤛᤧᤶ ᤂᤥ᤺ᤛᤢ᤹ ᤑᤠ᤹ᤀᤠᤱ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤥ॥ 
\p  
\v 9 ᤜᤧᤰᤁᤩᤠᤱ ᤍᤠᤱᤒᤠᤛᤣ. ᤂᤡᤏᤡ᤹ ᤛᤣᤘᤠᤖᤥᤒᤠᤜᤠ᤹ᤀᤠᤱ ᤜᤧᤰᤁᤣᤗ᤹ᤖᤡᤰᤁᤣ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ ᤕᤱᤔᤠ ᤔᤧᤛᤧᤖᤧᤶᤛᤡᤔᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧᤴ ᤏᤢ ᤂᤡᤏᤡ᤹ ᤍᤠᤱᤒᤠᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤀᤣ᤺ᤰᤐᤀᤣ᤺ᤰ ᤔᤧᤈᤥᤃᤢᤴ ᤑᤠ᤹ᤀᤠᤱ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤥ॥ 
\s1 ᤕᤠᤶᤛᤠᤶᤃᤧᤴ ᤑᤧᤈᤢᤶ ᤑᤧᤕᤠᤜᤠ᤹ 
\p  
\v 10 ᤀᤠᤸᤗ ᤁᤢᤏᤢᤵᤔᤠ ᤐᤠ᤺ᤴ–ᤍᤠᤱᤒᤠᤸᤗᤧ ᤐᤕᤶ ᤕᤶᤒᤠ ᤁᤢᤔᤢᤰᤛᤠᤶᤔᤡᤸᤗᤧᤀᤣ ᤁᤧᤎᤢᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤥ॥  
\v 11 ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤈᤧᤶᤓᤴᤏᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤰᤔᤠ ᤁᤧᤛᤢᤰᤋᤡᤖ ᤑᤠ᤹ᤀᤠᤱ ᤌᤰᤛᤢᤒᤠ ᤆᤠᤱᤅᤡᤸᤗᤧ ᤌᤰᤛᤢᤒᤠᤴ ᤁᤠᤵᤋᤢᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤒᤠ ᤁᤠᤰ ᤑᤧᤈᤢᤶ ᤑᤧᤕᤠ᤺ᤴ ᤁᤠᤵᤛᤡᤱᤅᤧᤶᤔᤧ᤹ᤀᤥ॥  
\v 12 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤌᤱᤅᤡᤱᤃ ᤔᤧᤴᤇᤠᤶ ᤕᤠᤵᤔᤡᤏᤢ ᤔᤧ᤺ᤴ. ᤁᤖ ᤜᤠᤱᤃᤧᤈᤥ᤺ᤰᤐᤠᤜᤠ᤹. ᤕᤢᤰᤍᤠᤱᤒᤠᤜᤠ᤹. ᤁᤴ ᤂᤠᤃᤧᤔᤠᤰᤐᤠ ᤂᤠᤶᤒᤣ᤺ᤰᤁᤥᤒᤠ ᤔᤢᤰᤛᤠᤶᤜᤠ᤹ ᤜᤧᤰᤁᤩᤠᤱ ᤋᤠᤱᤛᤠᤰᤐᤠᤀᤥᤒᤠ ᤁᤠᤰ ᤑᤧᤴᤛᤠᤶᤜᤠ᤹ᤏᤢ ᤌᤰᤔᤏᤠᤒᤠ ᤌᤱᤗᤥ॥ 
\p  
\v 13 ᤂᤧᤸᤗᤧ ᤆᤥᤃᤢᤸᤗᤧ ᤑᤧᤴ ᤕᤧᤶᤜᤠ᤹ ᤋᤠ᤺ᤸᤗᤧ ᤛᤧ᤺ᤵᤛᤡᤱᤔᤠ ᤁᤧᤛᤢᤰᤁᤠᤛᤡᤖ ᤑᤠ᤹ᤀᤠᤱ ᤌᤰᤛᤢᤒᤠ ᤆᤠᤱᤅᤡᤸᤗᤧ ᤌᤰᤛᤢᤒᤠᤴ ᤁᤠᤵᤋᤢᤒᤠ ᤜᤧᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤒᤠ ᤁᤠᤰ ᤐᤠ᤺ᤴᤏᤡᤸᤗᤧ ᤁᤠᤵᤛᤡᤱᤅᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤂᤧᤴ ᤌᤱ ᤀᤣᤃᤠᤱ ᤂᤡᤏᤡ᤹ ᤌᤎᤵ ᤔᤧᤸᤗ᤹ᤀᤣ ᤕᤧᤵᤔᤠ ᤁᤧᤛᤢᤰᤋᤡ᤹ᤖᤥ॥  
\v 14 ᤜᤧᤰᤁᤣ᤺ᤸᤗᤧ ᤕᤠᤖᤡᤵ ᤐᤥ᤺ᤰᤂᤧᤶᤔᤧ᤹ᤀᤠᤱ ᤕᤧᤒᤧᤶᤔᤧ᤹॥ ᤂᤡᤏᤡ᤹ ᤛᤧᤰᤂᤠ᤺ᤸᤗᤧᤴ ᤑ᤹ᤀᤡ᤺ᤴ ᤕᤢᤵᤛᤧᤶᤔᤧ᤹ ᤜᤧᤰᤁᤩᤠᤱ ᤛᤠᤶᤕᤥᤏᤡᤒᤠ ᤛᤧ᤺ᤵᤆᤠᤱᤅᤡᤴ ᤆᤠᤰᤂᤧᤶᤔᤧ᤹.  
\v 15 ᤜᤧᤰᤁᤩᤠᤱ ᤛᤏᤠᤖᤢᤱ ᤁᤧᤍᤠ᤺ᤵᤐᤠ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤁᤧᤒᤣ᤺ᤰᤐᤠ ᤗᤠᤱᤛᤢ᤺ᤵᤐᤡᤴ ᤆᤠᤰᤂᤧᤶᤔᤧ᤹ᤀᤠᤱ ᤕᤠᤖᤡᤵ ᤐᤥ᤺ᤰᤂᤧᤶᤔᤧ᤹ᤀᤥ॥  
\v 16 ᤂᤧᤴᤗᤰ ᤔᤧ᤺ᤴ. ᤁᤖ ᤏᤛᤠ᤺ᤴᤏᤡᤸᤗᤧᤴ ᤂᤥ᤺ᤴ ᤕᤠᤱᤅᤠᤛᤡᤶᤔᤧ᤹॥ ᤂᤧᤴᤗᤠᤶ ᤂᤡᤏᤡ᤹ ᤔᤠᤑᤧᤴᤛᤠᤶᤔᤡᤸᤗᤧ ᤁᤧᤀᤠᤒᤡᤒᤠ ᤔᤡᤖᤠ᤺ᤰ ᤀᤡᤛᤣ᤺ᤱᤒᤠ ᤋᤥ᤺ᤱᤜᤠ᤹ᤗᤠᤶ ᤛᤧ᤺ᤵᤛᤡᤱᤔᤠ ᤁᤧᤛᤢᤰᤋᤡ᤹ᤖᤥ॥  
\v 17 ᤑᤧᤴᤈᤣ᤹ ᤋᤠᤱᤄᤢ᤺ᤰᤁᤡᤴ ᤁᤢᤀᤡᤛᤡ᤺ᤰ ᤛᤧᤴᤗᤵᤐᤡᤴ ᤂᤢ᤺ᤰᤂᤧᤶᤔᤧ᤹. ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤁᤢᤍᤠᤓᤣ᤺ᤴ ᤕᤠᤱᤅᤠᤛᤡᤶᤔᤧ᤹. ᤂᤧᤱᤃ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤗᤥ॥  
\v 18 ᤁᤧᤖᤧᤰ ᤕᤧᤶᤜᤠ᤹ᤀᤥ ᤁᤧᤖᤧᤰ ᤐᤖᤡᤰᤗᤧᤴ ᤋᤢᤘᤠ ᤏᤢ ᤕᤧᤰᤐᤣᤗᤡᤜᤠ᤹ ᤛᤣᤛᤣᤔᤠᤱᤅᤡᤸᤗᤧ ᤗᤠᤶᤃᤧᤗᤥ᤺ᤛᤡᤒᤠ ᤁᤢᤀᤡᤛᤡ᤺ᤰ ᤋᤢᤘᤠ ᤆᤥᤃᤧᤶᤔᤧ᤹॥ ᤁᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤖ ᤛᤡᤱᤛᤡᤱ ᤕᤧᤰᤕᤧᤰᤁᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤛᤣ ᤁᤢᤔᤏᤠᤜᤠ᤹ᤖᤧ ᤗᤠᤃᤡ ᤋᤢᤘᤠ ᤆᤥ᤺ᤰᤔᤠ ᤐᤡᤔᤠᤛᤡ ᤔᤧᤗᤧᤖᤧᤶᤔᤡᤴᤏᤧ᤹ᤀᤥ॥ 
\p  
\v 19 ᤀᤡᤱᤃᤠ᤹ ᤛᤢᤏᤠᤀᤡᤱ ᤛᤧ᤺ᤛᤢᤱᤅᤡᤸᤗᤧ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤈᤠᤰᤁᤡᤴ ᤂᤥ᤺ᤛᤢᤱᤗ ᤜᤧᤰᤁᤩᤠᤱ ᤔᤧᤱᤃᤡᤀᤣ ᤛᤢᤏᤠᤀᤡᤱᤅᤡᤸᤗᤧᤴ ᤛᤡᤒᤡ᤹ ᤐᤠ᤺ᤴᤜᤠ᤹ ᤀᤡᤱᤓᤥ᤺ᤔᤠ ᤛᤢᤰᤋᤢᤱᤗ ᤑᤠ᤹ᤀᤠᤱ ᤀᤡᤱᤃᤠ᤹ ᤀᤠᤗᤠᤃᤡᤀᤠᤱ ᤋᤢᤘᤠ ᤀᤠᤈᤥᤃᤧ᤹ ᤀᤠᤒᤡᤖᤧ᤹ᤀᤥ॥  
\v 20 ᤛᤢᤏᤠᤀᤡᤱᤅᤡᤴ ᤛᤧ᤺ᤛᤢᤱᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤀᤡᤄᤣ᤺ᤱᤅᤥ ᤁᤧᤎᤠ᤺ᤒᤠ ᤜᤠᤱᤗᤠᤀᤡᤱᤒᤠᤀᤠᤖᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤜᤧᤰᤁᤣᤀᤣ ᤔᤧᤱᤃᤡ ᤔᤧᤴᤕᤱᤅᤣ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤱᤗ ᤑᤠ᤹ᤀᤠᤱ ᤋᤢᤘᤠ ᤀᤠᤈᤥᤃᤧ᤹ ᤀᤠᤒᤡᤖᤧ᤹ᤀᤥ॥ 
\s1 ᤁᤢᤏᤢᤵᤔᤠ ᤛᤣᤘᤠ 
\p  
\v 21 ᤀᤡᤱᤃᤠ᤹ ᤀᤠᤰᤂᤣ ᤗ᤹ᤀᤠ ᤜᤧᤰᤁᤩᤠᤱ ᤌᤣ ᤆᤥᤃᤢᤱᤗ ᤘᤠ᤹ᤀᤠ. ᤂᤧᤴ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗ ᤑᤠ᤹ᤀᤠᤱ ᤀᤠᤏᤡ᤹ ᤗᤢᤱᤔᤠ᤹ ᤀᤠᤍᤢᤰᤋᤢᤶᤒᤠ ᤏᤢᤛᤠ᤹ ᤏᤢ ᤍᤠᤱᤒᤠᤀᤥ ᤏᤛᤠ᤺ᤴᤛᤠᤒᤠ ᤛᤣᤘᤠᤖᤥᤒᤠ ᤋᤢᤂᤡᤁᤛᤖᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤁᤧᤈᤧᤰᤋᤡ᤹ᤖᤥ॥  
\v 22 ᤀᤠᤏᤡᤃᤧ ᤀᤠᤰᤂᤣᤗ᤹ᤖᤡᤰ ᤘᤕᤡᤃᤧ ᤁᤧᤗ᤹ᤒᤠᤴ ᤁᤧᤔᤧᤳᤋᤡᤀᤠᤱ ᤂᤡᤏᤡ᤹ ᤜᤠᤱᤜᤠᤱ ᤁᤧᤈᤥᤃᤡᤖ ᤑᤠ᤹ᤀᤠᤱᤅᤣ ᤂᤢᤏᤧ᤹ ᤂᤡᤏᤡ᤹ᤀᤥ ᤐᤠᤱᤄᤢᤱᤒᤠᤖᤥ॥ 
\p  
\v 23 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤛᤏᤠᤖᤢᤱ ᤁᤧᤒᤡᤖᤡᤖ ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤆᤰᤔᤧᤸᤗ᤹ᤀᤣ ᤏᤛᤠ᤺ᤴ ᤆᤥ᤺ᤰᤔᤠ ᤏᤢ ᤂᤡᤏᤡ᤹ ᤗᤢᤶᤔᤥ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤰᤂᤡᤖᤖᤥ॥  
\v 24 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤔᤡ᤺ᤶᤈᤡ ᤁᤧᤔᤧᤵᤐᤠ ᤁᤧᤖᤧᤰᤏᤢ ᤗᤢᤱᤃᤢᤶᤔᤡᤴ ᤛᤍᤠᤍᤡᤱ ᤘᤠ᤹ᤖᤖᤥ॥