\id ACT  
\h ᤛᤣ᤺ᤰᤕᤢᤰᤔᤡᤒᤠᤜᤠ᤹ 
\toc1 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤜᤠ᤹ 
\toc2 ᤛᤣ᤺ᤰᤕᤢᤰᤔᤡᤒᤠᤜᤠ᤹ 
\toc3 ᤛᤣ᤺ᤰᤕᤢᤰᤔᤡᤒᤠᤜᤠ᤹ 
\mt1 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤜᤠ᤹ 
\imt1 ᤏᤡ᤺ᤛᤢᤶ 
\ip ᤁᤴ ᤛᤠᤵᤐᤴᤏᤡᤴ ᤗᤢᤁᤠ ᤔᤧᤵᤔᤏᤠᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤕᤠᤱᤛᤡᤒᤠ ᤁᤢᤜᤢ᤹ᤛᤠᤶᤒᤠᤸᤗᤧ ᤛᤠᤵᤋᤢᤒᤠᤖᤥ॥ ᤁᤴ ᤛᤠᤵᤐᤴᤏᤡᤱᤃ ᤋᤃᤡ ᤛᤠᤵᤋᤢᤒᤠ “ᤗᤢᤁᤠᤖᤧ ᤁᤢᤛᤢᤏᤠᤀᤡᤱᤅᤡᤸᤗᤧ” ᤁᤢᤈᤰᤗᤥ॥ ᤁᤴ ᤛᤠᤵᤐᤴ ᤛᤠᤵᤔᤠᤸᤗᤧᤴ ᤁᤢᤈᤧᤰ ᤏᤡᤱᤘᤠ᤹ᤛᤥ᤺ᤰᤁᤡᤱᤃ ᤀᤠᤰᤂᤣᤗ᤹ᤖᤡᤰ ᤜᤢ᤹ᤛᤠᤶᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶ ᤏᤢ ᤁᤢᤗᤠᤶᤗᤥ᤺ᤔᤠᤴ ᤔᤧᤄᤥ᤺ᤛᤢ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ “ᤕᤖᤢᤛᤗᤧᤶᤔᤥ. ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠ ᤌᤢᤶᤔᤥ. ᤜᤧᤰᤁᤩᤠᤱ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ” ᤛᤢᤏᤠᤀᤡᤱ ᤀᤡᤱᤔᤧᤓᤥ᤺ᤛᤢ ᤁᤧᤗ᤹ᤒᤠᤴ ᤐᤥᤎᤰ ᤆᤥ᤺ᤰᤔᤠᤖᤥ (᥇.᥎)॥ ᤁᤴ ᤜᤡᤴᤍᤥ᤺ᤰᤜᤠ᤹ᤃ ᤀᤠᤰᤂᤣᤗ᤹ᤖᤡᤰ ᤂᤪᤡᤛ᤻ᤋᤠᤏᤡ ᤛᤠᤶᤕᤥ᤺ᤴ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤗᤠᤃᤡ ᤛᤠᤶᤕᤥ ᤐᤥ᤺ᤰᤂᤧ ᤁᤧᤗ᤹ᤒᤠ ᤔᤢᤴᤎᤢᤶᤗᤥ॥ ᤂᤪᤡᤛ᤻ᤋᤠᤏᤡ ᤛᤠᤶᤕᤥ ᤁᤧᤏᤠ᤺ᤵᤐᤠᤜᤠ᤹ ᤖᤥᤔᤡ ᤜᤠᤱᤈᤢᤶᤔᤥ ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤔᤧ᤺ᤴᤇᤡ. ᤁᤖ ᤂᤪᤡᤛ᤻ᤋᤠᤏᤡ ᤏᤛᤠ᤺ᤴᤏᤡᤱᤃ ᤕᤜᤢᤍᤡ ᤛᤠᤶᤕᤥ᤺ᤴ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤛᤠᤶᤕᤥ ᤑᤠ᤹ᤀᤠᤱ ᤜᤧᤴᤏᤡ᤺ᤵᤐᤠᤜᤠ᤹ᤖᤧ ᤁᤢᤛᤡᤱ ᤔᤧᤏᤡ᤺ᤳᤋᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤁᤴ ᤛᤠᤵᤐᤴᤏᤡᤴ ᤛᤠᤵᤋᤢᤒᤠᤖᤥ॥ 
\ip ᤁᤴ ᤛᤠᤵᤐᤴᤏᤡᤴ ᤛᤢᤶᤛᤡ ᤗᤰᤁᤥ ᤜᤠ᤺ᤔᤠ ᤛᤢᤰᤋᤧᤳᤗᤥ– 
\ili1 (᥇) ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤣᤀᤠᤱ ᤕᤖᤢᤛᤗᤧᤶᤔᤥ ᤂᤪᤡᤛ᤻ᤋᤠᤏᤡ ᤏᤛᤠ᤺ᤴᤏᤡᤴ ᤀᤡᤱᤛᤧ᤺ᤖᤧᤒᤠ 
\ili1 (᥈) ᤐᤩᤠᤗᤧᤛ᤻ᤋᤠᤀᤡᤴ ᤗᤠᤈᤣ᤹ᤖᤧ ᤘᤣ᤹ ᤋᤧᤱᤃᤵ ᤜᤧᤱᤄᤠ᤺ᤳᤋᤡ ᤛᤢᤏᤠᤀᤡᤱ ᤛᤧ᤺ᤖᤧᤒᤠ 
\ili1 (᥉) ᤗᤢᤶᤒᤠ ᤘᤖ᤺ᤱ ᤁᤢᤕᤠᤒᤠ ᤗᤠᤈᤣ᤹. ᤜᤠᤱᤃᤵᤜᤠ᤹ ᤏᤢ ᤖᤥᤔ ᤗᤠᤈᤣ᤹ ᤌᤠᤖᤡᤰ ᤛᤢᤏᤠᤀᤡᤱ ᤛᤧ᤺ᤖᤧᤒᤠ ᤐᤥᤎᤰ॥ 
\ip ᤁᤴ ᤛᤠᤵᤐᤴᤏᤥᤒᤠ ᤁᤧᤕᤧᤰᤐᤠ ᤐᤠ᤺ᤴᤏᤡᤱᤃ ᤛᤣᤛᤣᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤰᤗᤥ॥ ᤂᤢᤏᤧ᤹ᤃ ᤐᤧᤴᤋᤡᤁᤥᤛ᤻ᤋ ᤕᤧᤴᤏᤥ ᤔᤢᤰᤛᤠᤶᤏᤢ ᤕᤖᤢᤛᤗᤧᤶᤔᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤌᤩᤧ ᤜᤧᤰᤁᤩᤠᤱ ᤛᤣᤛᤣᤜᤢᤵᤗᤰ ᤏᤢ ᤗᤠᤶᤗᤥ᤺ᤒᤠᤜᤠ᤹ ᤁᤴ ᤛᤠᤵᤐᤴᤏᤥ ᤐᤥᤎᤰ ᤐᤥ᤺ᤰᤂᤧᤒᤠ ᤜᤡᤴᤍᤥ᤺ᤰᤜᤠ᤹ᤀᤥ ᤗᤠᤶᤗᤥᤛᤢᤛᤡᤖ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤁᤧᤎᤢᤶᤒᤠ ᤆᤥᤃᤢ ᤜᤧᤰᤁᤩᤠᤱ ᤜᤠᤱᤜᤠᤱ ᤔᤧᤳᤋᤢᤛᤡ᤹ᤖᤥ॥ ᤁᤴ ᤛᤠᤵᤐᤴᤏᤥ ᤛᤠᤵᤋᤧᤒᤠ ᤐᤠ᤺ᤴᤜᤠ᤹ᤖᤧ ᤏᤛᤠᤏᤡᤒᤠᤜᤠ᤹ᤖᤧ ᤜᤡᤱᤔᤴ ᤏᤢ ᤂᤢᤏᤡ᤹ ᤛᤣᤛᤣ ᤆᤢᤶᤗᤢᤱᤅᤥ ᤛᤢᤏᤠᤀᤡᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤥᤎᤰ ᤆᤥᤃᤢ᤹ᤖᤥ॥ 
\is1 ᤌᤠᤔᤡᤱ 
\io1 ᤋᤥ᤺ᤴᤍᤡᤖᤧ ᤗᤠᤃᤡ ᤕᤠᤖᤡᤵ ᥇.᥇-᥈᥌ 
\io2 ᤕᤧᤛᤢᤖᤧ ᤀᤣᤃᤠᤱᤒᤠ ᤁᤢᤀᤡᤱᤈᤠ᤺ᤱ ᤏᤢ ᤁᤢᤔᤠᤱᤜᤢᤵ ᥇.᥇–᥇᥊ 
\io2 ᤕᤜᤢᤍᤠᤖᤧ ᤁᤢᤗᤧᤰᤘᤠᤀᤥ ᤛᤣ᤺ᤰᤕᤢᤰ ᥇.᥇᥋–᥈᥌ 
\io1 ᤕᤖᤢᤛᤗᤧᤶᤔᤥ ᤋᤥ᤺ᤴᤍᤡ ᥈.᥇-᥎.᥉ 
\io1 ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠᤀᤥ ᤋᤥ᤺ᤴᤍᤡ ᥎.᥊-᥇᥈.᥈᥋ 
\io1 ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥ ᤋᤥ᤺ᤴᤍᤡ ᥇᥉.᥇-᥈᥎.᥉᥇ 
\io2 ᤐᤠᤘᤗᤖᤧ ᤆᤥᤃᤢᤒᤠ ᤌᤡᤰᤛᤡᤃᤣ᤺ᤰᤐᤠ ᤀᤡᤱᤓᤴ ᥇᥉.᥇–᥇᥊.᥈᥎ 
\io2 ᤕᤖᤢᤛᤗᤧᤶᤔᤥ ᤁᤧᤒᤥ᤺ᤱᤒᤠ ᤆᤢᤶᤗᤢᤱ ᥇᥋.᥇–᥉᥋ 
\io2 ᤐᤠᤘᤗᤖᤧ ᤆᤥᤃᤢᤒᤠ ᤏᤡᤛᤡᤃᤣ᤺ᤰᤐᤠ ᤀᤡᤱᤓᤴ ᥇᥋.᥉᥌–᥇᥎.᥈᥈ 
\io2 ᤐᤠᤘᤗᤖᤧ ᤆᤥᤃᤢᤒᤠ ᤛᤢᤶᤛᤡᤃᤣ᤺ᤰᤐᤠ ᤀᤡᤱᤓᤴ ᥇᥎.᥈᥉–᥈᥇.᥇᥌ 
\io2 ᤕᤖᤢᤛᤗᤧᤔ. ᤁᤤᤛᤖᤡᤕᤠ ᤏᤢ ᤖᤥᤶᤔᤥ ᤐᤠᤘᤗᤧᤴ ᤛᤠᤰᤐᤠ ᤌᤠᤒᤠ ᥈᥇.᥇᥍–᥈᥎.᥉᥇ 
\c 1  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤛᤣᤛᤣᤔᤠᤱ 
\p  
\v 1-2 ᤀᤠᤔᤡ᤺ᤶ ᤌᤡᤕᤥᤑᤡᤗᤛᤣ. ᤀᤡᤱᤃᤠ᤹ ᤋᤃᤡᤒᤠ ᤀᤠᤛᤠᤵᤐᤴᤏᤥ\f * \fr 1:1-2 \ft ᤋᤃᤡᤒᤠ ᤀᤠᤛᤠᤵᤐᤴ–ᤗᤢᤁᤠᤖᤧ ᤛᤠᤶᤕᤥᤛᤠᤵᤗᤠᤀᤥ ᤏᤧᤳᤇᤡ ᤛᤠᤵᤐᤴᤜᤠ᤹ ᤛᤠᤵᤋᤢᤛᤡᤀᤠᤱ ᤘᤠ᤹॥ ᤂᤧᤱᤜᤠ᤹ᤃ ᤗᤢᤁᤠ ᤏᤢ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧᤴ ᤂᤢᤏᤡ᤹ ᤕᤠ᤺ᤶᤒᤰᤜᤠ᤹ᤖᤥ॥ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤔᤧᤴᤍᤣ᤹ᤀᤣ ᤌᤠᤖᤡᤰ ᤂᤢᤏᤧ᤹ ᤆᤥᤃᤢᤒᤠ ᤕᤠ᤺ᤶᤒᤰᤜᤠ᤹ ᤏᤢ ᤜᤢ᤹ᤖᤢᤛᤡᤒᤠ ᤁᤠᤰ ᤐᤠ᤺ᤴᤜᤠ᤹ ᤛᤠᤵᤋᤢᤱ ᤐᤡᤏᤧᤀᤠᤱ ᤐᤳᤗᤥ॥ \f* ᤕᤧᤛᤢᤖᤣ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤔᤧᤴᤍᤣ᤹ᤀᤣ ᤌᤠᤖᤡᤰ ᤂᤢᤏᤧ᤹ ᤆᤥᤃᤢᤒᤠ ᤕᤠ᤺ᤶᤒᤰᤜᤠ᤹ ᤏᤢ ᤜᤢ᤹ᤖᤢᤛᤡᤒᤠ ᤁᤠᤰ ᤐᤠ᤺ᤴᤜᤠ᤹ ᤛᤠᤵᤋᤢᤱ ᤐᤡᤏᤧᤀᤠᤱ ᤐᤳᤗᤥ॥ 
\p  
\v 3 ᤕᤧᤛᤢ᤺ᤴ ᤋᤢᤰᤂᤣ ᤆᤩᤧᤀᤠᤱ ᤛᤩᤧ. ᤜᤧᤰᤁᤩᤠᤱ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤀᤠᤱ ᤗᤡᤒᤥ᤺ᤱ (᥊᥆) ᤕᤧᤴ ᤌᤠᤖᤡᤰ ᤂᤢᤏᤧ᤹ ᤛᤧᤰᤂᤠᤀᤣ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤎᤠᤰᤛᤡᤱᤔᤠ ᤑᤠ᤹ᤀᤠᤱ ᤀᤧᤳᤗᤧᤱ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤆᤧᤰᤋᤢᤛᤡᤖᤥ॥  
\v 4 ᤌᤡᤰᤗᤧᤱ ᤂᤢᤏᤧ᤹ ᤂᤧᤱᤜᤠ᤹ᤏᤢ ᤆᤖ ᤕᤢᤅᤧᤸᤗᤧ ᤀᤰᤂᤣ ᤔᤧᤳᤋᤢᤛᤡ. “ᤕᤖᤢᤛᤗᤧᤔ ᤗᤧᤖᤧᤶᤔᤧ᤹ᤀᤠᤱ ᤀᤠᤸᤗᤥᤛᤠ ᤔᤧᤒᤣᤃᤧᤶᤔᤡᤴᤏᤧ᤹ᤀᤥ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤛᤣᤛᤣᤔᤠᤱ ᤐᤡᤏᤡᤱ ᤗ᤹ᤖᤡᤰ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤜᤠᤱᤄᤧᤶᤔᤧ᤹॥ ᤁᤱᤃ ᤋᤃᤡ ᤔᤧᤳᤏᤡᤱᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 5 ᤕᤢᤜᤢᤴᤏᤠᤖᤧᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ. ᤁᤖ ᤁᤢᤓᤠ ᤕᤧᤴ ᤀᤣᤃᤠᤱ ᤛᤣᤛᤣᤔᤠᤱᤗᤠᤶ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡ᤹ᤖᤥ॥” 
\s1 ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤋᤣ᤹ 
\r ᤔᤳᤋᤡ ᥇᥌.᥇᥏-᥈᥆. ᤗᤢᤁᤠ ᥈᥊.᥋᥆-᥋᥉ 
\p  
\v 6 ᤌᤡᤰᤕᤧᤴ ᤂᤧᤱᤜᤠ᤹ᤖᤧ ᤂᤢᤏᤧ᤹ᤏᤢ ᤛᤥᤖᤡᤰ ᤔᤧᤘᤕᤧᤸᤗᤧ ᤔᤧᤔᤧᤳᤋᤢ “ᤀᤠᤍᤠᤱᤒᤣ. ᤒᤠ ᤁᤴ ᤕᤧᤶᤔᤥᤀᤣ ᤀᤡᤛᤪᤠᤀᤡᤗᤡᤜᤠ᤹ ᤆᤥ᤺ᤰᤕᤢᤶᤓᤥ ᤁᤧᤒᤡᤖᤢᤛᤡᤀᤠᤱ ᤀᤠᤏᤡ᤹ ᤜᤠᤱᤈᤢᤶᤔᤡᤴ ᤕᤠᤶᤔᤥ ᤁᤧᤈᤥᤃᤢ᤹ᤒᤡ᥅” 
\p  
\v 7 ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤵᤑᤠᤸᤗᤧ ᤁᤴ ᤐᤠ᤺ᤴᤜᤠ᤹ ᤁᤧᤳ ᤁᤧᤗ᤹ᤒᤠᤴ ᤏᤡ᤺ᤔᤠ ᤌᤠ᤺ᤔᤠ ᤂᤡᤏᤡ᤹ ᤕᤠ᤺ᤶᤒᤰ ᤔᤧ᤺ᤴᤗᤥ॥ ᤂᤧᤱᤃ ᤐᤠᤏᤢᤍᤡᤱ ᤐᤠ᤺ᤸᤗᤧ ᤀᤠᤒᤠᤅᤣ ᤁᤢᤏᤡᤱᤘᤠ᤹ᤀᤥ ᤏᤡ᤺ᤴᤎᤥ ᤆᤥᤃᤢ᤹ᤖᤥ॥  
\v 8 ᤁᤖ ᤂᤡᤏᤡ᤹ ᤌᤧᤔᤠ ᤏᤡᤱᤘᤠ᤹ ᤂᤥ᤺ᤔᤠ ᤐᤥ᤺ᤱ ᤑᤠ᤹ᤗᤧ ᤛᤣᤛᤣᤔᤠᤱᤅᤡᤴ ᤂᤡᤏᤡ᤹ᤀᤥ ᤋᤠ᤺ᤸᤗᤧ ᤔᤢᤰᤛᤠᤶ ᤁᤧᤄᤥ᤺ᤛᤢᤶᤔᤠᤱ ᤂᤡᤏᤡ᤹ ᤕᤖᤢᤛᤗᤧᤶᤔᤥ. ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠ ᤌᤢᤶᤔᤥ ᤜᤧᤰᤁᤩᤠᤱ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤖᤠᤰ ᤀᤡᤱᤃᤠ᤹ ᤀᤠᤍᤥ᤺ᤴᤍᤡ ᤁᤧᤒᤥ᤺ᤰᤂᤡ᤹ᤖᤥ॥” 
\p  
\v 9 ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢ ᤛᤢᤖᤢᤀᤠᤱ ᤂᤢᤏᤧ᤹ ᤀᤥᤔᤧᤔᤧᤳᤋᤢᤖ ᤔᤧᤒᤳᤇᤧᤸᤗᤧᤀᤣ ᤌᤠ᤺ᤱᤎᤠ᤺ᤱ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤐᤰᤂᤧᤖ ᤂᤠᤵᤔᤡ᤺ᤳᤋᤡᤸᤗᤧ ᤀᤡ᤺ᤵᤋᤢ ᤋᤣ᤹ᤖᤢᤖᤥ॥ 
\p  
\v 10 ᤂᤧᤱᤜᤠ᤹ᤖᤧ ᤋᤠᤱᤛᤠᤰᤐᤥ ᤂᤢᤏᤧ᤹ ᤐᤱᤛᤡᤱᤒᤠ ᤀᤥᤔᤧᤔᤧᤳᤋᤢᤖ ᤔᤧᤕᤧᤒᤧᤸᤗᤧ ᤑ᤺ᤃᤧᤗ᤹ᤒᤠ ᤋᤣ᤺ᤳ ᤁᤧᤈᤠᤱᤒᤠ ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹\f * \fr 1:10 \ft ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤏᤧᤵᤑᤢ ᤔᤏᤠᤜᤠ᤹” ᤛᤠᤵᤋᤧᤀᤠᤱ ᤐᤳ॥ \f* ᤜᤰᤆᤄᤳ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤣᤛᤠᤱ ᤕᤧᤶᤏᤧᤳᤇᤡᤀᤠᤱ  
\v 11 ᤐᤠᤖᤧᤳᤇᤡ. “ᤃᤠᤗᤡᤗᤒᤠ ᤔᤏᤠᤛᤣ. ᤌᤣᤀᤠᤱ ᤋᤠᤱᤛᤠᤰᤐᤥ ᤀᤥᤃᤧᤔᤧᤳᤋᤢᤶᤒᤠᤒᤣ᥅ ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥᤎᤥ ᤐᤱᤛᤡᤱ ᤐᤣᤒᤠ ᤜᤧᤰᤁᤣᤀᤣ ᤂᤢᤏᤧ᤹ ᤌᤡᤰᤕᤧᤴ ᤕᤠᤶᤔᤥ ᤕᤢ᤺ᤖᤥ॥” 
\s1 ᤕᤜᤢᤍᤠ᤺ᤸᤗᤧ ᤁᤢᤗᤧᤰᤘᤠ ᤔᤏᤠᤎᤡᤰ ᤔᤧᤛᤣᤃᤢ᤹ 
\r ᤔᤳᤋᤡ ᥈᥍.᥉-᥇᥆ 
\p  
\v 12 ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤈᤤᤋᤢᤏ ᤔᤧᤵᤔᤏᤠᤒᤠ ᤁᤥ᤺ᤰᤔᤠᤗᤠᤶ ᤕᤖᤢᤛᤗᤧᤔ ᤔᤧᤏᤢ᤺ᤰᤂᤧ॥ ᤂᤧᤴ ᤕᤖᤢᤛᤗᤧᤔᤗᤠᤶ ᤁᤡᤗᤥᤔᤡᤋᤖᤎᤡᤰ\f * \fr 1:12 \ft ᤁᤡᤗᤥᤔᤡᤋᤖᤎᤡᤰ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤏᤠ᤺ᤶᤛᤡᤱ ᤕᤧᤴᤖᤧᤴ ᤗᤠᤶᤍᤡ᤺ᤰ” ᤛᤠᤵᤋᤧᤀᤠᤱ ᤐᤳ॥ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰ ᤏᤠ᤺ᤶᤛᤡᤱ ᤕᤧᤴᤏᤥ ᤁᤡᤗᤥᤔᤡᤋᤖᤎᤡᤰ ᤌᤠᤖᤡᤰᤗᤰ ᤗᤠᤱᤄᤣ᤺ᤰᤔᤠ ᤁᤧᤄᤥ᤺ᤒᤠ ᤘᤕᤧᤖᤥ॥\f* ᤔᤠ᤺ᤱᤗᤥ॥  
\v 13 ᤕᤧᤰᤕᤰᤁᤥ ᤔᤧᤗᤠ᤺ᤛᤧᤀᤠᤱ ᤂᤧᤱᤜᤠ᤹ ᤔᤧᤕᤠᤃᤧᤒᤠ ᤌᤠ᤺ᤱᤛ᤻ᤔᤠ ᤕᤠᤰᤑᤠᤀᤥ ᤔᤧᤗᤠ᤺ᤛᤧ॥ ᤂᤧᤵᤔᤥ ᤐᤋᤪᤢᤛ. ᤕᤢᤜᤢᤴᤏᤠ. ᤕᤠᤁᤢᤒ. ᤀᤠᤴᤍᤪᤡᤕᤠᤛ. ᤑᤡᤗᤡᤐ. ᤌᤥᤔᤠ. ᤒᤠᤖᤌᤥᤗᤥᤔᤠᤀᤡ. ᤔᤳᤋᤡ. ᤀᤸᤑᤠᤕᤛᤖᤧ ᤁᤢᤛ᤻ᤛᤠ᤺ ᤕᤠᤁᤢᤒ. ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤛᤡᤔᤥᤏ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤛ᤻ᤛᤠ᤺ ᤕᤜᤢᤍᤠ ᤔᤧᤘᤕᤧᤖᤥ॥  
\v 14 ᤂᤧᤱᤜᤠ᤹ ᤁᤠᤰ ᤛᤥᤖᤡᤰ ᤔᤧᤒᤥ᤺ᤰᤂᤧᤖ ᤆᤰᤔᤧᤸᤗ᤹ᤀᤣ ᤋᤢᤘᤠ ᤆᤥ᤺ᤰᤁᤡ ᤔᤧᤕᤠᤃᤧ॥ ᤂᤧᤱᤜᤠ᤹ᤀᤥ ᤕᤧᤛᤢᤖᤧ ᤁᤢᤶᤔᤠ ᤔᤖᤡᤕᤔ ᤏᤢ ᤘᤣ᤹ ᤔᤧᤴᤇᤢᤔᤠᤜᤠ᤹ ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤴᤛᤠ᤹ᤛᤡᤀᤠᤱ ᤔᤧᤘᤕᤧᤖᤥ॥ 
\p  
\v 15 ᤂᤧᤴ ᤕᤧᤶᤔᤥ ᤐᤋᤪᤢᤛᤧᤴ ᤁᤡᤵᤌᤡᤰᤁᤠᤱ ᤏᤡᤒᤥ᤺ᤱ ᤕᤠᤖᤡᤰ (᥇᥈᥆) ᤏᤛᤠᤏᤡᤒᤠ ᤗᤢᤶᤔᤥ ᤕᤧᤶᤛᤡᤱᤅᤠᤱ  
\v 16-17 ᤂᤧᤱᤜᤠ᤹ ᤔᤧᤳᤋᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤕᤜᤢᤍᤠ ᤀᤡᤛ᤻ᤁᤖᤡᤕᤥᤋᤡᤴ ᤀᤠᤏᤡ᤹ᤏᤢᤀᤣ ᤘᤕᤧ. ᤜᤧᤰᤁᤩᤠᤱ ᤁᤴ ᤔᤠᤱᤛᤣᤘᤠ ᤆᤥ᤺ᤰᤔᤠ ᤗᤰᤁᤡᤴ ᤍᤠᤱᤒᤠᤗᤠᤶ ᤂᤥ᤺ᤛᤢᤀᤠᤱ ᤘᤕᤧᤖᤥ॥ ᤁᤖ ᤂᤧᤸᤗᤧ ᤀᤰᤂᤣᤗ᤹ᤖᤡᤰ ᤕᤧᤛᤢᤖᤧ ᤁᤢᤍᤧᤶᤛᤧ ᤁᤧᤍᤠ᤺ᤒᤠᤜᤠ᤹ ᤗᤠᤶᤗᤥᤛᤢᤛᤡ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤛᤣᤛᤣᤔᤠᤱᤅᤡᤸᤗᤧ ᤋᤃᤡᤛᤠ ᤍᤠᤀᤢᤍ ᤜᤠᤱᤗᤠᤶ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤒᤠ ᤐᤠ᤺ᤴᤏᤡᤴ ᤁᤧᤵᤔᤠ ᤐᤥ᤺ᤰᤂᤧᤖᤥ॥” 
\p  
\v 18 (ᤁᤴ ᤔᤏᤠ᤺ᤸᤗᤧ ᤑᤧᤴ ᤕᤠ᤺ᤶᤒᤰᤗᤠᤶ ᤌᤃᤢᤒᤠ ᤕᤠᤱᤅᤡᤸᤗᤧ ᤐᤩᤠᤱᤛᤡᤃᤧᤴ ᤀᤡᤰᤋᤠᤵ ᤀᤡᤅᤢᤀᤠᤱ ᤘᤕᤧ॥ ᤂᤢᤏᤧ᤹ ᤂᤧᤵᤔᤥ ᤑᤥ᤺ᤴᤇᤡᤱᤅᤡᤸᤗᤧ ᤔᤰᤌᤩᤧᤀᤠᤱ ᤁᤢᤛᤠᤵᤐᤥ᤺ᤰᤁᤡᤴ ᤋᤧᤛ᤻ᤛᤧᤀᤠᤱ ᤁᤢᤜᤡᤍᤢᤳ ᤗ᤺ᤴᤍᤧᤀᤠᤱ ᤛᤩᤧ॥  
\v 19 ᤜᤧᤰᤁᤩᤠᤱ ᤕᤖᤢᤛᤗᤧᤔᤒᤠ ᤔᤏᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤂᤧᤴ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤡᤴ “ᤀᤰᤁᤣᤸᤍᤠᤔᤠ” ᤔᤡᤱ ᤔᤧᤘᤠ᤺ᤳᤋᤢᤖᤥ॥ ᤂᤧᤴ ᤑᤠ᤹ᤀᤡᤴ ᤔᤠᤰᤂᤡ᤹ ᤀᤡᤰᤋᤠᤵ ᤐᤥ᤺ᤱᤗᤥ॥) 
\p  
\v 20 ᤐᤋᤪᤢᤛᤖᤧ ᤐᤠ᤺ᤳᤋᤢ. “ᤀᤰᤂᤣᤗ᤹ᤖᤡᤰ ᤁᤴ ᤐᤠ᤺ᤴᤏᤡᤴ ᤛᤠᤵᤐᤴᤏᤥ ᤛᤠᤵᤋᤧᤀᤠᤱ ᤐᤳ. 
\q1 ‘ᤂᤧᤸᤗᤧ ᤁᤢᤜᤡᤶᤎᤠ᤺ᤱᤜᤠ᤹ ᤁᤢᤄᤠᤗᤧᤶ ᤐᤥ᤺ᤱᤗᤖᤥ॥’ 
\q1 ᤜᤧᤰᤁᤩᤠᤱ ‘ᤂᤧᤵᤔᤥ ᤁᤧᤕᤢᤱᤒᤠ ᤜᤠ᤺ᤳᤋᤠᤱ ᤔᤧᤜᤥ᤺ᤵᤗᤖᤥ॥’ 
\q1 ᤜᤧᤰᤁᤩᤠᤱ ‘ᤔᤠᤱᤛᤣᤘᤠ ᤆᤥ᤺ᤰᤔᤠ ᤁᤢᤗᤰᤁᤡᤴ ᤘᤣ᤹ ᤔᤏᤠ᤺ᤸᤗᤧ ᤂᤥ᤺ᤛᤢᤖᤖᤥ॥’\f * \fr 1:20 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥌᥏.᥈᥋. ᥇᥆.᥏᥎ \f* 
\p  
\v 21 ᤜᤧᤰᤁᤣ᤺ᤸᤗᤧ ᤍᤠᤱᤒᤠ ᤕᤧᤛᤢ᤺ᤴᤏᤢ ᤛᤥᤖᤡᤰ ᤀᤠᤘᤕᤧᤸᤗᤧ ᤀᤠᤏᤡ᤹ᤏᤢᤀᤣ ᤁᤧᤘᤠ᤹ᤒᤠ ᤔᤏᤠ᤺ᤸᤗᤧ ᤁᤢᤗᤧᤰᤘᤠ ᤗᤳᤌᤡᤰ ᤛᤣ᤺ᤰᤔᤠᤀᤣ ᤐᤥ᤺ᤱ॥  
\v 22 ᤂᤢᤏᤧ᤹ ᤕᤢᤜᤢᤴᤏᤠᤖᤧ ᤆᤥᤃᤢᤒᤠ ᤒᤵᤋᤡᤛ᤻ᤔᤠᤀᤠᤱᤎᤥ ᤍᤠᤱᤒᤠ ᤕᤧᤛᤢ᤺ᤴ ᤀᤠᤏᤡ᤹ ᤗᤢᤶᤔᤥᤏᤢ ᤛᤠᤱᤃᤪᤠᤶᤐᤣᤍᤠᤱ ᤐᤣᤒᤠ ᤌᤠᤖᤡᤰ ᤁᤧᤏᤡ᤺ᤒᤠ ᤐᤥ᤺ᤱᤔᤠ ᤐᤥ᤺ᤱ॥ ᤂᤢᤏᤧ᤹ ᤀᤠᤏᤡ᤹ᤏᤢᤀᤣ ᤍᤠᤱᤒᤠ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤸᤗᤧᤴ ᤋᤥ᤺ᤴᤍᤡ ᤐᤥ᤺ᤱᤔᤠ ᤐᤥ᤺ᤱᤗᤥ॥” 
\p  
\v 23 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤏᤧᤵᤑᤢ ᤔᤏᤠᤜᤠ᤹ ᤔᤧᤍᤥ᤺ᤴᤍᤢᤛᤡ—ᤒᤖᤛᤠᤒᤠᤛ ᤔᤧᤵᤔᤏᤠᤒᤠ ᤕᤢᤛᤢᤑ (ᤂᤧᤸᤗᤧ ᤁᤢᤔᤡᤱᤅᤡᤴ ᤕᤢᤛ᤻ᤋᤛᤀᤠᤱ ᤘᤕᤧ) ᤜᤧᤰᤁᤩᤠᤱ ᤔᤳᤋᤡᤕᤠᤛ॥  
\v 24-25 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢᤖ ᤋᤢᤘᤠ ᤔᤧᤈᤥᤃᤢ. “ᤀᤠᤍᤠᤱᤒᤣ. ᤂᤧᤏᤧ᤹ᤃ ᤔᤧᤴᤇᤠᤶᤃᤧᤴ ᤕᤠᤵᤔᤡᤖᤧ ᤂᤢᤏᤡ᤹ ᤛᤡᤰᤗᤢᤱᤔᤥᤒᤠ ᤐᤠ᤺ᤴᤏᤡᤴ ᤁᤧᤏᤡ᤺ᤛᤢ᤹ᤖᤥ॥ ᤁᤴ ᤛᤣ᤺ᤰᤕᤢᤰᤔᤡᤒᤠ ᤔᤠᤱᤛᤣᤘᤠ ᤗᤰᤁᤡᤴ ᤆᤥ᤺ᤰᤔᤠ ᤑᤠ᤹ᤀᤠᤱ ᤕᤜᤢᤍᤠ᤺ᤸᤗᤧ ᤁᤢᤗᤧᤰᤘᤠ ᤁᤴ ᤏᤧᤵᤑᤢᤀᤥ ᤁᤧᤛᤣᤃᤢᤒᤠ ᤔᤏᤠ᤺ᤴ ᤀᤥᤛᤣ᤺ᤴᤍᤠᤱ ᤆᤥᤃᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤜᤢᤍᤠ᤺ᤸᤗᤧ ᤂᤧᤴ ᤗᤧᤖᤢᤀᤠᤱ ᤗᤠ᤹ᤖᤢᤒᤠ ᤁᤢᤗᤠᤶᤔᤥ ᤐᤣᤖᤥ॥”  
\v 26 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤡᤱᤈᤣ᤺ᤰ ᤔᤧᤀᤧᤰᤂᤢᤸᤗᤧ ᤂᤧᤴ ᤔᤳᤋᤡᤕᤠᤛᤖᤧ ᤁᤢᤔᤡᤱᤅᤥ ᤌᤩᤧᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤌᤡᤰ-ᤌᤡᤰ (᥇᥇) ᤛᤣ᤺ᤰᤕᤢᤰᤔᤡᤒᤠᤜᤠ᤹ᤀᤥ ᤕᤥ᤹ᤛᤡᤱᤗᤥ॥ 
\c 2  
\s1 ᤐᤧᤴᤋᤡᤁᤥᤛᤀᤥ ᤛᤣᤛᤣᤔᤠᤱᤅᤡᤴ ᤋᤠ᤺ 
\p  
\v 1 ᤐᤧᤴᤋᤡᤁᤥᤛ\f * \fr 2:1 \ft ᤐᤧᤴᤋᤡᤁᤥᤛ–ᤁᤴ ᤋᤱᤏᤠᤶᤔᤡᤴ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶᤔᤡᤴᤏᤢ᤺ᤸᤗᤧ ᤅᤠᤃᤡᤵ (᥋᥆) ᤕᤧᤴ ᤀᤣᤃᤠᤱ ᤁᤧᤍᤠ᤺ᤒᤠ ᤋᤱᤏᤠᤶᤗᤥ॥ \f* ᤋᤱᤏᤠᤶᤔᤥ ᤕᤖᤢᤛᤗᤧᤶᤔᤥ ᤏᤛᤠᤏᤡᤒᤠᤜᤠ᤹ ᤌᤡᤰ ᤋᤧᤴᤏᤥ ᤔᤧᤈᤢᤵᤛᤧᤀᤠᤱ ᤔᤧᤘᤕᤧ॥  
\v 2 ᤜᤰᤆᤄᤳ ᤂᤧᤵᤔᤥ ᤕᤶᤒᤠ ᤛᤢᤖᤡᤳ ᤁᤣᤈᤱ ᤁᤧᤜᤢᤒᤠ ᤁᤢᤀᤡᤛᤡ᤺ᤰ ᤀᤡᤰᤗᤠᤎᤡᤰ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤕᤧᤀᤠᤱ ᤂᤧᤱᤜᤠ᤹ ᤔᤧᤕᤠᤃᤧᤒᤠ ᤜᤡᤶᤔᤡᤴ ᤛᤡᤍᤠᤰ ᤌᤡᤶᤛᤢᤖᤥ॥  
\v 3 ᤜᤧᤰᤁᤩᤠᤱ ᤔᤡᤖᤠ᤺ᤰᤗᤠᤶ ᤁᤧᤛᤧᤒᤠ ᤔᤡᤛᤠᤱ ᤜᤧᤰᤋᤱᤒᤠ ᤔᤡ᤺ᤴ ᤁᤧᤖᤧᤰᤗᤧ ᤂᤢᤏᤡ᤹ ᤌᤧᤃᤣ᤺ᤰᤁᤥ ᤆᤢᤰᤋᤧᤒᤠ ᤂᤧᤱᤜᤠ᤹ᤖᤧ ᤔᤧᤏᤡ᤺ᤛᤢᤖᤥ॥  
\v 4 ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤢᤛᤡᤀᤠᤱ ᤛᤣᤛᤣᤔᤠᤱᤅᤡᤸᤗᤧ ᤐᤡᤖᤢᤛᤡᤒᤠ ᤁᤢᤀᤡᤛᤡ᤺ᤰ ᤘᤣ᤹ ᤘᤣ᤹ ᤔᤧᤸᤗᤧᤛ᤻ᤛᤢᤶᤒᤠ ᤐᤠ᤺ᤴᤍᤠᤱᤅᤥ ᤐᤠ᤺ᤵᤔᤠ ᤔᤧᤜᤣ᤺ᤰᤋᤧᤖᤥ॥ 
\p  
\v 5 ᤀᤠᤸᤗ ᤕᤖᤢᤛᤗᤧᤶᤔᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤗᤠᤈᤣ᤹ᤀᤥᤏᤢ ᤁᤧᤍᤠ᤺ᤒᤠᤀᤠᤱ ᤁᤧᤘᤠ᤹ᤒᤠ ᤕᤜᤢᤍᤡ ᤛᤠᤶᤕᤥᤒᤠ ᤔᤏᤠᤜᤠ᤹ᤀᤠᤱ ᤔᤧᤘᤕᤧᤖᤥ॥  
\v 6 ᤕᤖᤡᤰ ᤔᤏᤠᤜᤠ᤹ᤖᤧ ᤁᤴ ᤀᤡᤰᤗᤠ᤺ᤴ ᤔᤧᤄᤧᤵᤛᤢᤀᤠᤱ ᤂᤧᤴ ᤋᤧᤴᤏᤥ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖ ᤔᤧᤈᤢᤵᤛᤧ. ᤌᤣᤀᤠᤱᤓᤧᤸᤗᤧ ᤁᤧᤍᤠ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤀᤠᤒᤠᤅᤣ ᤐᤣᤗᤡᤃᤧᤴ ᤐᤠ᤺ᤴᤍᤠᤱᤅᤥ ᤂᤧᤴ ᤏᤛᤠᤏᤡᤒᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤔᤧᤄᤧᤵᤛᤢ॥ 
\p  
\v 7 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤛᤣ᤺ᤴᤔᤧᤍᤥᤛᤢᤛᤡ. “ᤔᤧ᤺ᤶᤒᤧ᥄ ᤁᤴ ᤁᤠᤰ ᤁᤧᤒᤠ᤺ᤵᤐᤠᤜᤠ᤹ᤃ ᤃᤠᤗᤡᤗᤡᤛᤡ ᤔᤧ᤺ᤴᤇᤡᤒᤡ᥅  
\v 8 ᤜᤧᤰᤁᤣ᤺ᤸᤗᤧ ᤁᤱᤜᤠ᤹ᤖᤧ ᤀᤠᤒᤠᤅᤣ ᤀᤠᤏᤡ᤹ ᤐᤠ᤺ᤴᤍᤠᤱᤜᤠ᤹ᤀᤥ ᤀᤠᤰᤂᤣᤗ᤹ᤖᤡᤰ ᤐᤠ᤺ᤵᤔᤠ ᤔᤧᤛᤢᤰᤋᤢᤒᤠᤒᤣ᥅  
\v 9 ᤀᤠᤏᤡ᤹ᤃ ᤐᤷᤌᤡᤕᤠ. ᤔᤣᤍᤡᤕᤠ. ᤀᤣᤗᤠᤔᤡ. ᤔᤧᤛᤥᤐᤥᤋᤠᤔᤡᤕᤠ. ᤕᤜᤢᤍᤡᤕᤠ. ᤁᤠᤵᤐᤠᤍᤥᤁᤡᤕᤠ. ᤐᤥᤴᤋᤛ. ᤀᤣᤛᤡᤕᤠ.  
\v 10 ᤑᤪᤡᤃᤡᤕᤠ. ᤐᤠᤶᤑᤡᤗᤡᤕᤠ. ᤔᤡᤛᤪ ᤏᤢ ᤗᤡᤒᤡᤕᤠ ᤁᤢᤒᤣᤛᤠᤱᤒᤠ ᤛᤠᤀᤡᤖᤣᤏᤡ ᤕᤧᤰᤕᤰ. ᤜᤧᤰᤁᤩᤠᤱ ᤖᤥᤔᤗᤠᤶ ᤁᤧᤍᤠ᤺ᤒᤠ (ᤕᤜᤢᤍᤡᤜᤠ᤹ ᤏᤢ ᤕᤜᤢᤍᤡ ᤛᤠᤶᤕᤥ ᤁᤧᤏᤠ᤺ᤵᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹).  
\v 11 ᤁᤪᤣᤋᤡᤜᤠ᤹ ᤜᤧᤰᤁᤩᤠᤱ ᤀᤖᤒᤡᤜᤠ᤹ᤀᤠᤱ ᤀᤠᤘᤠ᤹॥ ᤁᤖᤛᤠᤱ ᤂᤧᤱᤜᤠ᤹ᤖᤧᤃ ᤀᤠᤏᤡ᤹ ᤀᤠᤒᤠᤅᤣ ᤐᤠ᤺ᤴᤍᤠᤱᤅᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤈᤧᤰᤂᤢᤖ ᤔᤧᤒᤵᤐᤠ ᤀᤠᤄᤧᤵᤛᤢᤶᤗᤥ॥”  
\v 12 ᤂᤢᤏᤡ᤹ ᤏᤡᤱᤘᤠ᤹ ᤔᤕᤧ ᤜᤧᤰᤁᤩᤠᤱ ᤜ᤺ᤴᤍᤠ ᤔᤧᤗᤧᤰᤋᤧᤀᤠᤱ ᤀᤰᤂᤣᤗ᤹ᤖᤡᤰ ᤛᤣ᤺ᤴᤔᤧᤍᤥ᤺ᤛᤡᤱ. “ᤁᤴ ᤑᤠ᤹ᤀᤡᤱᤃ ᤌᤧᤔᤠ᤺ᤴᤒᤣ᥅”  
\v 13 ᤁᤖ ᤁᤢᤓᤠᤖᤧ ᤁᤡᤏᤠ᤺ᤴᤍᤡ ᤔᤧᤒᤡᤖᤢᤛᤡᤖ ᤆᤧᤸᤗᤧᤰᤛᤣ᤹ ᤌᤡ᤺ᤸᤗᤧ ᤔᤕᤢᤛᤡᤀᤠᤱ ᤘᤠ᤹ ᤗ᤹ᤖᤡᤰ ᤔᤧᤔᤧᤳᤋᤢᤛᤡᤖᤥ॥ 
\s1 ᤐᤋᤪᤢᤛᤖᤧ ᤁᤢᤀᤡᤱᤄᤱ 
\p  
\v 14 ᤁᤖ ᤐᤋᤪᤢᤛᤧᤴ ᤘᤣ᤹ ᤌᤡᤰ-ᤌᤡᤰ (᥇᥇) ᤛᤣ᤺ᤰᤕᤢᤰᤔᤡᤒᤠᤜᤠ᤹ᤏᤢ ᤕᤧᤶᤛᤡᤱᤅᤠᤱ ᤕᤶᤒᤠ ᤀᤡᤰᤗᤠᤀᤥ ᤁᤠᤰᤗᤧ ᤔᤧᤄᤧᤵᤛᤢᤖ ᤔᤧᤳᤋᤢᤛᤡ. “ᤕᤜᤢᤍᤡᤕᤠᤗᤠᤶ ᤁᤧᤍᤠ᤺ᤒᤠ ᤕᤜᤢᤍᤡ ᤋᤣ᤺ᤱᤈᤢᤶᤜᤠ᤹ ᤏᤢ ᤕᤖᤢᤛᤗᤧᤶᤔᤥ ᤁᤧᤕᤢᤱᤒᤠᤛᤣ. ᤁᤴ ᤌᤣ ᤐᤥ᤺ᤰᤂᤧᤒᤠ ᤑᤠ᤹ᤀᤠᤱ ᤔᤧᤳᤏᤡᤱᤗᤥ. ᤀᤠᤒᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹ᤀᤥ᥄  
\v 15 ᤁᤴ ᤔᤏᤠᤜᤠ᤹ ᤏᤢ ᤀᤡᤱᤃᤠ᤹ ᤂᤡᤏᤡ᤹ ᤁᤧᤀᤡ᤺ᤳᤋᤢᤶᤒᤠ ᤁᤢᤀᤡᤛᤡ᤺ᤰ ᤆᤧᤸᤗᤧᤰᤛᤣ᤹ ᤌᤡ᤺ᤸᤗᤧ ᤔᤕᤡᤃᤧᤒᤠ ᤔᤧ᤺ᤴᤗᤥ॥ ᤋᤠᤏᤠᤶᤒᤠ ᤁᤢᤔᤢᤰ ᤑᤠᤱᤛᤡᤀᤥᤛᤠᤃ (᥏) ᤀᤠᤳᤋᤡᤴᤜᤠ᤹ᤖᤧᤀᤠᤱ ᤆᤧᤸᤗᤧᤰᤛᤣ᤹ ᤌᤡ᤺ ᤔᤧᤴᤎᤢᤅᤢᤴᤗᤥ॥  
\v 16 ᤁᤖ ᤁᤱᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤥᤀᤣᤗᤖᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤧᤖᤧᤒᤠᤖᤥ– 
\q1  
\v 17 ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤏᤢᤵᤔᤠ ᤕᤧᤴᤜᤠ᤹ᤀᤥ ᤀᤡᤱᤃᤠ᤹ ᤀᤠᤛᤣᤛᤣᤔᤠᤱᤅᤡᤴ ᤁᤠᤰ ᤔᤧᤴᤇᤠᤶᤃᤧᤴ ᤛᤢᤘᤠᤱ ᤛᤶᤍᤠᤱ ᤐᤠᤱᤄᤢᤱᤅᤠᤱ ᤂᤡᤏᤡ᤹ ᤕᤧᤶᤒᤡᤳᤇᤠ᤹ ᤏᤢ ᤔᤧᤴᤇᤢᤔᤠ᤹ᤛᤠᤜᤠ᤹ᤖᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤔᤧᤒᤠ᤺ᤳᤋᤢ᤹. 
\q1 ᤂᤡᤏᤡ᤹ ᤏᤠᤗᤡᤱᤃᤧᤴ ᤌᤠᤱᤒᤧᤴᤛᤠᤜᤠ᤹ᤖᤧ ᤛᤢᤑᤥ ᤔᤧᤏᤡ᤺ᤛᤢ᤹. 
\q1 ᤜᤧᤰᤁᤩᤠᤱ ᤂᤡᤏᤡ᤹ ᤂᤍᤠᤰᤔᤡᤜᤠ᤹ᤖᤧ ᤋᤠᤍᤡᤃᤧᤴ ᤛᤧᤵᤔᤠᤱ ᤔᤧᤔᤠᤰᤋᤢ᤹ᤖᤥ॥ 
\q1  
\v 18 ᤂᤧᤴ ᤕᤧᤴᤜᤠ᤹ᤀᤥ ᤀᤡᤱᤃᤠ᤹ ᤀᤠᤛᤣᤘᤠ ᤁᤧᤈᤥ᤺ᤰᤐᤠ ᤁᤧᤈᤥ᤺ᤰᤔᤠᤜᤠ᤹ᤀᤥ ᤀᤠᤛᤣᤛᤣᤔᤠᤱᤅᤡᤴ ᤐᤠᤱᤄᤢᤱ 
\q1 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤔᤧᤒᤠ᤺ᤳᤋᤢ᤹ᤖᤥ॥ 
\q1  
\v 19 ᤜᤧᤰᤁᤩᤠᤱ ᤀᤡᤱᤃᤠ᤹ ᤌᤥ ᤋᤠᤱᤛᤠᤰᤐᤥ ᤏᤡᤱᤘᤠ᤹ ᤁᤧᤔᤠᤒᤠ ᤐᤠ᤺ᤴᤜᤠ᤹ ᤆᤥᤃᤢᤱ 
\q1 ᤜᤧᤰᤁᤩᤠᤱ ᤕᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤀᤠᤱ ᤔᤡᤰᤛᤣ᤺ᤴ ᤆᤥᤃᤢᤱ– 
\q1 ᤔᤠᤰᤂᤡ᤹. ᤔᤡ ᤜᤧᤰᤁᤩᤠᤱ ᤜᤠ᤺ᤱᤃᤢᤜᤠ᤺ᤱᤃᤢ ᤁᤧᤗ᤹ᤒᤠ ᤔᤡ᤺ᤰᤂᤢ᤹ᤀᤡᤴ ᤀᤥᤛᤣ᤺ᤴᤎᤠᤰᤏᤡᤱᤗᤥ॥ 
\q1  
\v 20 ᤜᤧᤰᤁᤩᤠᤱ ᤌᤥ ᤋᤠᤱᤛᤠᤰᤐᤥ ᤏᤠᤶᤔᤡᤸᤗᤧ ᤏᤠᤶᤛᤠᤱ ᤐᤡᤔᤠ ᤗᤧᤖᤢᤀᤠᤱ ᤂᤠᤍᤠᤶᤗᤥ 
\q1 ᤜᤧᤰᤁᤩᤠᤱ ᤗᤠᤒᤠᤴ ᤔᤠᤰᤂᤡ᤹ ᤜᤧᤰᤁᤣ ᤜᤧ᤺ᤳᤗ᤹ᤖᤡᤰ ᤗᤧᤱᤛᤡᤱᤗᤥ॥ ᤁᤴ ᤁᤠᤰ ᤐᤠ᤺ᤴᤜᤠ᤹ ᤍᤠᤱᤒᤠᤴ ᤏᤢ᤺ᤱ ᤕᤢ᤺ᤒᤠ ᤐᤕᤶ ᤕᤶᤒᤠ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤧᤴᤏᤡᤴ ᤋᤠ᤺ᤔᤠᤏᤢ᤺ᤸᤗᤧ ᤋᤃᤡ ᤐᤥ᤺ᤱᤗᤥ॥ 
\q1  
\v 21 ᤜᤧᤰᤁᤩᤠᤱ ᤜᤠ᤺ᤳᤗᤧ ᤍᤠᤱᤒᤧᤸᤗᤧ ᤁᤢᤔᤡᤱᤅᤡᤴ ᤗᤥ᤺ᤰᤂᤢ᤹ ᤂᤧᤴ ᤋᤠᤱᤛᤧ᤺ᤵᤗᤥ॥’\f * \fr 2:21 \ft ᤕᤥᤀᤣᤗ ᥈.᥈᥎-᥉᥈\f* 
\p  
\v 22 ᤀᤡᤛᤪᤠᤀᤡᤗᤡᤛᤣ. ᤁᤴ ᤐᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹ᤀᤥ–ᤏᤠᤛᤖᤋᤛ᤻ᤔᤠ ᤕᤧᤛᤢ᤺ᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤜᤧᤰᤁᤩᤠᤱ ᤔᤡᤰᤛᤣ᤺ᤴᤜᤠ᤹ᤏᤢ ᤂᤡᤏᤡ᤹ ᤗᤢᤶᤔᤥ ᤐᤠᤱᤄᤢᤖᤥ॥ ᤂᤡᤏᤡ᤹ ᤗᤢᤶᤔᤥ ᤕᤠ᤺ᤶᤒᤰᤜᤠ᤹ ᤆᤥᤃᤢᤒᤠᤱᤃ. ᤂᤡᤏᤡ᤹ᤀᤠᤱ ᤁᤧᤏᤡ᤺ᤛᤢᤶᤔᤣᤖᤥ॥  
\v 23 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤀᤠᤒᤠᤅᤣ ᤁᤢᤏᤡᤱᤛᤣ᤺ᤰ ᤏᤢ ᤋᤃᤡ ᤏᤡᤱᤘᤠ᤹ᤀᤥ ᤜᤧᤰᤁᤣ ᤕᤧᤛᤢ᤺ᤴ ᤂᤡᤏᤡ᤹ ᤜᤢᤰᤁᤥ ᤐᤡᤖᤧᤀᤠᤱ ᤑᤧᤴ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥᤗᤠᤶ ᤂᤢᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤁᤧᤓᤥ᤺ᤴᤍᤢᤶᤔᤠᤱ ᤁᤧᤛᤧᤖᤢᤶᤗᤥ॥  
\v 24 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤡ᤺ᤔᤧᤸᤗᤧ ᤋᤢᤰᤂᤣᤘᤠᤗᤠᤶ ᤆᤥ᤺ᤰᤕᤢᤶᤓᤥ ᤐᤡᤖᤢᤀᤠᤱ ᤁᤢᤜᤡᤱᤘᤧᤳ ᤆᤥᤃᤢᤖᤥ. ᤌᤣᤀᤠᤱᤓᤧᤸᤗᤧ ᤛᤡ᤺ᤔᤧᤸᤗᤧ ᤂᤢᤏᤧ᤹ ᤌᤣ᤺ᤰᤔᤠ ᤔᤧᤛᤢᤰᤋᤢᤴᤗᤥ॥  
\v 25 ᤍᤠᤀᤢᤍ ᤜᤠᤱᤅᤡᤸᤗᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. 
\q1 ‘ᤛᤍᤠᤍᤡᤱ ᤀᤡᤱᤃᤠ᤹ ᤀᤠᤴᤍᤠᤱᤒᤧᤱᤃ ᤀᤠᤍᤃᤠᤱ ᤏᤡ᤺ᤛᤢᤱᤗᤥ॥ 
\q1 ᤂᤢᤏᤧ᤹ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤔᤧᤃᤡᤀᤠᤴᤗᤥ॥ 
\q1  
\v 26 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤛ᤺ᤳᤋᤠᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤱᤗᤥ॥ 
\q1 ᤏᤠᤛᤡᤱᤃᤧᤴ ᤀᤠᤎᤰᤗᤠᤀᤥ ᤀᤡᤱᤃᤠ᤹ ᤛᤡ᤺ᤀᤠᤛᤠᤱ ᤕᤠᤶᤔᤥ ᤜᤡᤱᤅᤠ ᤁᤧᤗ᤹ᤒᤠ ᤏᤡᤱᤛᤠᤱᤅᤥ ᤜᤠᤱᤜᤠᤱ ᤘᤠ᤹ᤀᤠᤖᤥ॥ 
\q1  
\v 27 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤣ. 
\q1 ᤀᤡᤱᤃᤠ᤹ ᤀᤠᤕᤠᤶᤛᤠᤶᤔᤡᤴ ᤂᤧᤔᤠᤕᤱᤛᤱᤅᤥ ᤐᤰᤁᤧᤴᤎᤏᤧᤴᤗᤥ॥ 
\q1 ᤜᤧᤰᤁᤩᤠᤱ ᤛᤣᤛᤣ ᤁᤧᤛᤣᤘᤠᤖᤥᤒᤠᤸᤗᤧ ᤁᤢᤎᤰᤁᤡᤴ ᤀᤡᤵᤐᤢᤱᤅᤥ ᤁᤡ᤺ᤔᤠ ᤕ᤺ᤵᤔᤠ ᤁᤧᤶᤒᤠᤱᤄᤢᤴᤗᤥ॥ 
\q1  
\v 28 ᤕᤠᤶᤔᤥ ᤜᤡᤱᤅᤠ ᤑᤠ᤹ᤀᤠᤱ ᤂᤧᤏᤧ᤹ ᤀᤥᤛᤣ᤺ᤴᤃᤧᤎᤠᤰᤋᤠᤱᤅᤠᤱ ᤘᤠ᤹ᤖᤥ॥ 
\q1 ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤍᤃᤠᤱ ᤘᤠ᤹ᤀᤠᤸᤗᤧ ᤛ᤺ᤵᤔᤠᤸᤗᤧ ᤁᤧᤎᤡᤶᤔᤠ᤹ᤖᤥ॥’ 
\p  
\v 29 ᤑᤢ᤹ᤏᤢᤛᤠ᤹ᤛᤣ. ᤀᤠᤸᤗ ᤀᤡᤱᤃᤠ᤹ ᤏᤡᤛ᤻ᤛᤣᤀᤠᤱ ᤀᤰᤂᤣ ᤐᤠ᤺ᤵᤔᤠ ᤛᤢᤰᤋᤢᤱᤗᤥ–ᤀᤠᤏᤡ᤹ ᤋᤠᤰᤌᤧᤒᤠ ᤍᤠᤀᤢᤍᤧᤱᤃ ᤛᤩᤧ ᤜᤧᤰᤁᤩᤠᤱ ᤔᤧᤗᤢᤵᤋᤢᤀᤠᤱ ᤁᤢᤀᤡᤵᤐᤢᤱᤅᤡᤴ ᤀᤠᤸᤗᤥ ᤌᤠᤖᤡᤰᤁᤠᤱ ᤏᤧᤖᤥ॥  
\v 30 ᤜᤧᤰᤁᤣᤛᤠᤱ ᤂᤢᤏᤧ᤹ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤆᤥᤃᤧᤒᤠᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤀᤥ ᤒᤠ ᤂᤢᤏᤧ᤹ ᤜᤧᤰᤋᤱᤒᤠ ᤜᤠᤱ ᤐᤥ᤺ᤱ ᤁᤧᤗ᤹ᤒᤠ ᤔᤠᤱᤜᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠᤴ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢ॥  
\v 31 ᤜᤧᤰᤁᤩᤠᤱ ᤍᤠᤀᤢᤍᤖᤧ ᤋᤃᤡᤏᤢᤛᤠ ᤋᤠ᤺ᤴᤍᤡ ᤌᤣ ᤐᤥ᤺ᤱ ᤁᤧᤗ᤹ᤒᤠᤴ ᤏᤡ᤺ᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤧ ᤁᤢᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣ ᤐᤠ᤺ᤳᤋᤢᤖᤥ. ‘ᤂᤢᤏᤧ᤹ᤃ ᤂᤧᤔᤠᤕᤱᤛᤱᤅᤥ ᤐᤰᤔᤧᤎᤠᤏᤧᤴ. ᤜᤧᤰᤁᤩᤠᤱ ᤂᤢᤏᤧ᤹ ᤏᤠᤛᤡᤱᤃᤧᤴ ᤁᤢᤎᤰᤁᤡᤴᤏᤠᤱ ᤔᤧᤃᤡᤏᤧᤴᤗᤥ॥’\f * \fr 2:31 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥌.᥇᥆\f* 
\p  
\v 32 ᤒᤠ ᤁᤴ ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤶᤔᤥ ᤁᤢᤜᤡᤱᤘᤧᤳ ᤆᤥᤃᤢᤒᤠ ᤐᤠ᤺ᤴᤏᤥ ᤀᤠᤏᤡᤃᤧ ᤁᤧᤖᤧᤰ ᤁᤧᤏᤡ᤺ᤒᤠ ᤋᤥ᤺ᤴᤍᤡ ᤘᤕᤡᤃᤧᤖᤥ॥  
\v 33 ᤜᤧᤰᤁᤩᤠᤱ ᤂᤢᤏᤧ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤰᤂᤢ॥ ᤂᤢᤏᤧ᤹ ᤏᤡᤱᤘᤠ᤹ᤑᤢᤐᤠ᤺ᤗᤠᤶ ᤛᤣᤛᤣᤔᤠᤱᤅᤡᤸᤗᤧᤴ ᤔᤠᤱᤜᤧᤰᤁᤡᤴ ᤂᤥ᤺ᤛᤢᤀᤠᤱ ᤀᤠᤏᤡᤃᤧᤀᤥ ᤌᤠ᤺ᤛᤢᤒᤠᤴ ᤂᤡᤏᤡ᤹ ᤀᤠᤒᤠᤅᤣ ᤁᤧᤏᤡ᤺ᤛᤢᤶ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 34-35 ᤍᤠᤀᤢᤍ ᤜᤠᤱᤅᤡᤱᤃ ᤛᤠᤱᤃᤪᤠᤶᤐᤣᤍᤠᤱ ᤌᤠ᤺ᤱ ᤔᤧᤒᤣᤏᤧᤴᤇᤠᤱ ᤂᤢᤏᤧ᤹ᤃ ᤀᤠᤒᤠᤅᤣ ᤀᤰᤂᤣ ᤐᤠ᤺ᤳᤋᤢ. 
\q1 ᤕᤜᤘᤣ ᤍᤠᤱᤒᤠᤸᤗᤧ ᤀᤠᤴᤍᤠᤱᤒᤠᤴ ᤀᤰᤂᤣ ᤔᤧᤳᤋᤢ. 
\q1 ‘ᤂᤧᤏᤧ᤹ ᤁᤧᤏᤡᤱᤔᤡᤜᤠ᤹ ᤔᤧᤏᤠ᤺ᤴᤍᤢᤱᤛᤡᤱᤅᤡᤸᤗ ᤌᤠᤖᤡᤰ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤕᤢᤅᤧ᤹ᤀᤥ॥’ 
\p  
\v 36 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤏᤢ ᤁᤠᤰ ᤀᤡᤛᤪᤠᤀᤡᤗᤛ᤻ᤔᤠ ᤜᤡᤶᤛᤕᤱᤜᤠ᤹ᤖᤧ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤁᤧᤓᤥ᤺ᤴᤍᤢᤶᤒᤠ ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤍᤠᤱᤒᤠ ᤏᤢ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤆᤥᤃᤢᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤏᤡ᤺ᤵᤔᤠᤀᤣ ᤐᤥ᤺ᤱ॥” 
\p  
\v 37 ᤀᤠᤸᤗ ᤁᤴ ᤐᤠ᤺ᤴ ᤁᤧᤄᤧᤶᤒᤠᤜᤠ᤹ᤖᤧ ᤂᤢᤏᤡ᤹ ᤕᤥ᤺ᤶ ᤐᤢ᤹ᤖᤧᤀᤠᤱ ᤐᤋᤪᤢᤛ ᤏᤢ ᤘᤣ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤛᤣ᤺ᤴᤔᤧᤍᤥᤛᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤀᤠᤸᤗ ᤀᤠᤏᤡᤃᤧ ᤌᤣ ᤆᤥᤃᤢᤶᤒᤧᤒᤠᤒᤣ᥅” 
\p  
\v 38 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤧᤖᤧᤰ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤍᤠᤱᤒᤠᤀᤥ ᤏᤢ᤺ᤰᤂᤧᤶᤔᤧ᤹. ᤜᤧᤰᤁᤩᤠᤱ ᤗᤠᤕᤥᤗᤠᤶ ᤗᤧᤵᤔᤡ ᤂᤥ᤺ᤔᤠ ᤑᤠ᤹ᤀᤠᤱ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤶᤔᤧ᤹ᤀᤥ᥄ ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧᤴ ᤐᤷᤎᤠ᤺ᤶ ᤁᤧᤄᤥ᤺ᤛᤢᤶᤗᤥ॥  
\v 39 ᤌᤣᤀᤠᤱᤓᤧᤸᤗᤧ ᤁᤴ ᤛᤣᤛᤣᤔᤠᤱᤅᤡᤸᤗᤧᤴ ᤔᤠᤱᤜᤧᤰᤁᤡᤱᤃ ᤂᤡᤏᤡ᤹ ᤗᤠᤃᤡ ᤏᤢ ᤂᤡᤏᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤗᤠᤃᤡ. ᤜᤧᤰᤁᤩᤠᤱ ᤍᤠᤱᤒᤠ ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤢ᤺ᤳᤋᤢᤛᤡᤒᤠ ᤔᤠ᤺ᤱᤄᤠ ᤔᤠ᤺ᤱᤄᤠᤒᤠ ᤁᤧᤖᤧᤰ ᤔᤏᤠᤜᤠ᤹ᤖᤧ ᤗᤠᤃᤡᤖᤥ॥”  
\v 40 ᤜᤧᤰᤁᤩᤠᤱ ᤂᤢᤏᤧ᤹ ᤕᤖᤡᤰ ᤐᤠ᤺ᤴ ᤐᤠ᤺ᤳᤋᤢᤖ ᤛᤠᤶᤍᤡᤱ ᤐᤡᤖᤢᤛᤡᤀᤠᤱ “ᤁᤴ ᤑᤧᤴ ᤕᤠᤵᤔᤡᤜᤠ᤹ᤖᤧ ᤔᤧᤄᤥ᤺ᤛᤢᤒᤠ ᤂᤢᤶᤍᤡᤱᤗᤠᤶ ᤛᤧ᤺ᤵᤐᤠᤛᤡᤶᤔᤧ᤹ᤀᤥ” ᤔᤧᤳᤋᤢᤛᤡᤖ ᤂᤠᤜᤢᤴ ᤐᤡᤖᤢᤛᤡᤖᤥ॥ 
\p  
\v 41 ᤜᤧᤰᤁᤣ᤺ᤸᤗᤧ ᤁᤴ ᤐᤠ᤺ᤴᤈᤠᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤀᤠᤱ ᤒᤠ ᤂᤧᤴ ᤕᤧᤴᤏᤥ ᤜᤧᤴᤇᤡᤱ ᤛᤢᤶᤛᤡ (᥉᥆᥆᥆) ᤕᤠᤖᤡᤰ ᤔᤏᤠᤜᤠ᤹ ᤂᤧᤱᤜᤠ᤹ᤀᤥ ᤔᤧᤕᤥ᤹ᤛᤡᤱᤗᤥ॥  
\v 42 ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤛᤠᤶᤔᤡᤴ ᤏᤢ ᤛᤣᤛᤣ ᤋᤱᤈᤢᤶᤔᤥ. ᤜᤧᤰᤁᤩᤠᤱ ᤋᤢᤘᤠ ᤆᤥ᤺ᤰᤔᤠ ᤏᤢ ᤔᤡ᤺ᤶ ᤛᤠᤓᤠᤱᤈᤠ ᤆᤠᤔᤠᤀᤥ\f * \fr 2:42 \ft ᤔᤡ᤺ᤶ ᤛᤠᤓᤠᤱᤈᤠ ᤆᤠᤔᤠᤀᤥ–ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤡ᤺ᤔᤧᤸᤗᤧᤴ ᤏᤡᤱᤘᤠ᤹ᤛᤥᤀᤥ ᤜᤢ᤹ᤛᤠᤶᤒᤠᤜᤠ᤹ ᤆᤥ᤺ᤰᤐᤠᤱᤄᤢᤛᤡᤒᤠ ᤛᤠᤓᤠᤱᤈᤠ. ᤂᤧᤱᤃ ᤂᤖᤧ᤺ᤱ ᤆᤠᤔᤠ ᤏᤢ ᤆᤧᤸᤗᤧᤰᤛᤣ᤹ ᤌᤡ᤺ ᤌᤢᤱᤔᤠ ᤌᤡᤶᤗᤥ॥\f* ᤆᤰᤔᤧᤸᤗ᤹ᤀᤣ ᤔᤧᤒᤳᤇᤧᤖᤥ॥ 
\s1 ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤛᤣᤛᤣ ᤋᤱᤈᤢᤶ 
\p  
\v 43 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤕᤖᤡᤰ ᤔᤡᤰᤛᤣ᤺ᤴᤜᤠ᤹ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢᤒᤠᤸᤗᤧ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥  
\v 44 ᤜᤧᤰᤁᤩᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤛᤥᤛᤥᤖᤡᤰ ᤔᤧᤕᤢᤅᤧ ᤔᤧᤘᤕᤧ॥ ᤜᤧᤰᤁᤣᤗ᤹ᤖᤡᤰ ᤂᤢᤏᤡ᤹ ᤆᤡᤃᤥ᤺ᤰᤘᤠᤜᤠ᤹ᤀᤠᤱ ᤛᤥᤖᤡᤰ ᤀᤥᤃᤵ ᤔᤧᤈᤥᤃᤢᤖᤥ॥  
\v 45 ᤜᤧᤰᤁᤩᤠᤱ ᤁᤢᤓᤠᤖᤧ ᤂᤢᤏᤡ᤹ ᤕᤠᤱᤛᤠᤁᤢᤴᤎᤣᤜᤠ᤹ ᤆᤡᤃ᤺ᤰᤘᤠᤜᤠ᤹ ᤔᤧᤛᤱᤄᤢᤖ ᤆᤠᤕᤥ᤺ᤶᤒᤥᤀᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤕᤠᤱᤅᤡᤴ ᤔᤧᤜᤠ᤺ᤳᤋᤢᤛᤡᤖᤥ॥  
\v 46 ᤂᤧᤱᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤌᤡᤰᤕᤠ᤺ᤴᤎᤰ ᤔᤠᤱᤜᤡᤶᤔᤥ ᤔᤧᤒᤣᤖ ᤂᤢᤏᤡ᤹ ᤜᤡᤶ ᤜᤡᤶᤔᤥ ᤔᤡ᤺ᤶ ᤛᤠᤓᤠᤱᤈᤠ ᤔᤧᤈᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤛ᤺ᤳᤋᤧᤖ ᤂᤢᤏᤡ᤹ ᤏᤡᤱᤘᤠ᤹ ᤋᤩᤧᤀᤠᤱ  
\v 47 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤀᤠᤱ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤧᤱᤜᤠ᤹ ᤏᤢ᤺ᤖᤡᤰ ᤔᤧᤔᤧᤳᤋᤢᤛᤡᤖᤥ॥ ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤌᤡᤰᤕᤠ᤺ᤴᤎᤰ ᤛᤧᤴᤗᤵ ᤁᤧᤄᤥ᤺ᤒᤠ ᤔᤏᤠᤜᤠ᤹ ᤂᤢᤏᤧ᤹ᤀᤥ ᤑᤥ᤺ᤛᤢᤛᤡᤖ ᤋᤣ᤹ᤖᤢᤛᤡᤖᤥ॥ 
\c 3  
\s1 ᤐᤋᤪᤢᤛᤖᤧ ᤗᤠᤱᤛᤰᤁᤠ᤺ᤴ ᤏᤢᤛᤢ᤹ 
\p  
\v 1 ᤌᤡᤰᤕᤧᤴ ᤗᤧᤴᤍᤡᤰ ᤁᤢᤔᤢᤰ ᤛᤢᤶᤛᤡᤒᤠ ᤋᤢᤘᤠ ᤆᤥ᤺ᤰᤔᤠ ᤕᤧᤶᤔᤥ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤔᤠᤱᤜᤡᤶᤔᤥ ᤐᤣᤛᤡ॥  
\v 2 ᤂᤧᤵᤔᤥ. ᤁᤢᤄᤧᤶᤛᤡᤱ ᤏᤢ᤺ᤒᤠ ᤔᤧᤵᤔᤏᤠᤒᤠ ᤗᤠᤶᤎᤣ᤺ᤵᤐᤥ. ᤔᤏᤠᤜᤠ᤹ᤖᤧ ᤛᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤁᤢᤗᤠᤱ ᤁᤧᤛᤰᤐᤠ ᤔᤏᤠ᤺ᤴ ᤔᤠᤱᤜᤡᤶᤔᤥ ᤋᤢᤘᤠ ᤆᤥ᤺ᤰᤛᤧ ᤁᤧᤒᤣ᤺ᤰᤐᤠᤜᤠ᤹ ᤕᤠᤱ ᤏᤠ᤺ᤰᤋᤢᤛᤡᤖ ᤑᤠ᤹ᤀᤠᤱ ᤌᤡᤰᤕᤠ᤺ᤴᤎᤰ ᤔᤧᤒᤰᤂᤢ ᤔᤧᤍᤠᤖᤢᤀᤠᤱ ᤔᤧᤕᤢᤰᤂᤢᤖ ᤔᤧᤘᤕᤧᤖᤥ॥  
\v 3 ᤂᤧᤸᤗᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤔᤠᤱᤜᤡᤶᤔᤥ ᤐᤣᤛᤡᤖ ᤐᤳᤇᤧᤳᤇᤡᤒᤠ ᤏᤡ᤺ᤛᤢᤛᤡᤀᤠᤱ ᤕᤠᤱ ᤏᤠ᤺ᤰᤋᤢᤛᤡᤖᤥ॥  
\v 4 ᤜᤧᤰᤁᤣ᤺ᤸᤗᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤂᤢᤏᤧ᤹ᤗᤧᤵᤔᤠᤱ ᤏᤢ᤺ᤖᤡᤰᤁᤠᤱ ᤀᤥᤔᤕᤧᤳᤇᤡ ᤜᤧᤰᤁᤩᤠᤱ ᤐᤋᤪᤢᤛᤖᤧ ᤔᤧᤳᤋᤢ “ᤀᤠᤴᤇᤡᤃᤧ ᤕᤠᤵᤔᤡ ᤀᤥᤀᤠᤔᤧᤳᤋᤧ᤹॥”  
\v 5 ᤂᤧᤸᤗᤧᤀᤠᤱ ᤌᤣ᤺ᤴᤏᤡ ᤂᤥ᤺ᤛᤢᤱᤅᤡᤕᤠ ᤑᤠ᤹ᤀᤠᤱ ᤀᤥᤔᤧᤳᤋᤢᤛᤡ॥ 
\p  
\v 6 ᤐᤋᤪᤢᤛᤖᤧ ᤔᤧᤳᤋᤢ. “ᤀᤡᤱᤃᤠ᤹ ᤌᤣᤀᤠᤱ ᤔᤧᤃᤳᤋᤠᤴᤗᤥ. ᤁᤖ ᤀᤡᤱᤃᤠ᤹ ᤌᤣ᤺ᤴ ᤁᤳᤋᤢᤱ ᤒᤠᤂᤧᤴᤏᤣ ᤐᤡᤏᤧ–ᤏᤠᤛᤖᤋᤛ᤻ᤔᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤂᤧᤏᤧ᤹ ᤐᤥᤃᤧ᤹ᤀᤠᤱ ᤗᤠᤱᤄᤣᤃᤧ᤹॥”  
\v 7 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤂᤧᤴ ᤗᤠᤱᤛᤰᤐᤧᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤋᤧᤶᤛᤢᤀᤠᤱ ᤑᤥ᤺ᤰᤂᤢ॥ ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠ᤺ᤸᤗᤧ ᤁᤢᤗᤠᤱ ᤏᤢ ᤁᤢᤗᤠᤱᤔᤡᤰᤁᤥ ᤌᤢᤶ ᤗᤠ᤺ᤛᤧᤀᤠᤱ  
\v 8 ᤐᤡᤆ᤻ᤆᤠᤰ ᤐᤡᤴᤍᤧᤖ ᤋᤰᤐᤧᤳ ᤕᤧᤶᤛᤡᤱ ᤜᤧᤰᤁᤩᤠᤱ ᤗᤠᤱᤄᤣ᤺ᤰᤔᤠ ᤜᤣ᤺ᤰᤋᤧᤖᤥ॥ ᤜᤧᤰᤁᤩᤠᤱᤃ ᤂᤧᤱᤃ ᤗᤠᤱᤄᤣᤃᤧᤖ. ᤐᤡᤆ᤻ᤆᤠᤰ ᤐᤡᤴᤍᤧᤖ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤖ ᤐᤋᤪᤢᤛ ᤜᤧᤰᤁᤩᤠᤱ ᤕᤢᤜᤢᤴᤏᤠ᤺ᤴᤏᤢ ᤔᤠᤱᤜᤡᤶᤛᤡᤃᤠᤱ ᤐᤣᤖᤥ॥  
\v 9 ᤂᤧᤵᤔᤥᤒᤠ ᤁᤠᤰ ᤔᤏᤠᤜᤠ᤹ᤖᤧ ᤂᤧᤴ ᤗᤠᤱᤄᤣᤃᤧᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤒᤠ ᤔᤧᤏᤡ᤺ᤛᤢᤸᤗᤧ  
\v 10 ᤂᤧᤱᤃ ᤔᤠᤱᤜᤡᤶᤔᤡᤸᤗᤧ ᤁᤢᤄᤧᤶᤛᤡᤱ ᤏᤢ᤺ᤒᤠ ᤔᤧᤵᤔᤏᤠᤒᤠ ᤗᤠᤶᤎᤣ᤺ᤵᤐᤥ ᤛᤍᤠᤍᤡᤱ ᤆᤠᤏᤠ᤺ᤰᤏᤢ ᤁᤧᤕᤢᤱᤒᤠ ᤏᤢ ᤗᤠᤱᤄᤣ᤺ᤰᤔᤠ ᤔᤧᤴᤇᤢᤰᤔᤏᤠᤒᤠ ᤔᤏᤠ᤺ᤴᤏᤣ ᤑᤠ᤹ᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥ 
\s1 ᤐᤋᤪᤢᤛᤖᤧ ᤔᤠᤱᤜᤡᤶᤔᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢ᤹ 
\p  
\v 11 ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠ᤺ᤸᤗᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤋᤧᤶᤛᤢᤛᤡᤖ ᤔᤠᤱᤜᤡᤶᤔᤥᤒᤠ ᤛᤥᤗᤥᤔᤏᤖᤧ\f * \fr 3:11 \ft ᤛᤥᤗᤥᤔᤏᤖᤧ ᤁᤢᤀᤠ᤺ᤶᤓᤥ–ᤔᤠᤱᤜᤡᤶᤔᤡᤸᤗᤧᤴ ᤏᤠᤶᤃᤧᤴ ᤐᤡᤛᤠᤱ ᤁᤧᤏᤧᤒᤠ ᤀᤠ᤺ᤶᤓᤥ᤺ᤴ ᤘᤕᤧ॥\f* ᤁᤢᤀᤠ᤺ᤶᤓᤥ ᤔᤧᤵᤔᤏᤠᤒᤠ ᤋᤧᤴᤏᤥ ᤘᤕᤧ॥ ᤂᤧᤵᤔᤥ ᤔᤏᤠᤜᤠ᤹ ᤔᤧᤗᤥ᤺ᤰᤋᤧᤖ ᤔᤧᤍᤩᤧᤀᤠᤱ ᤂᤢᤏᤡ᤹ ᤂᤡᤖᤡ ᤔᤧᤈᤢᤵᤛᤧᤖᤥ॥  
\v 12 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤂᤧᤱᤜᤠ᤹ ᤀᤥᤔᤧᤳᤋᤢᤛᤡᤖ ᤔᤧᤳᤋᤢᤛᤡ. “ᤀᤡᤛᤪᤠᤀᤡᤗᤡᤛᤣ. ᤁᤴ ᤐᤠ᤺ᤴᤏᤥ ᤌᤣᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤔᤕᤧᤒᤠᤒᤣ᥅ ᤌᤣᤀᤠᤱ ᤁᤴ ᤔᤏᤠ᤺ᤴ ᤀᤠᤴᤇᤡᤃᤧ ᤔᤢᤰᤛᤠᤶ ᤏᤢ ᤛᤠᤶᤕᤥᤒᤠᤸᤗᤧ ᤗᤠᤱᤃᤧᤄᤣ᤺ᤰᤐᤠ ᤆᤥᤃᤢᤒᤠ ᤑᤠ᤹ᤀᤠᤱ ᤕᤠᤵᤔᤡ ᤀᤥᤃᤧᤔᤧᤳᤋᤡᤒᤠᤒᤣ᥅  
\v 13 ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒ ᤜᤧᤰᤁᤩᤠᤱ ᤀᤠᤏᤡ᤹ ᤘᤣ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠ ᤕᤧᤛᤢ᤺ᤴ ᤔᤡᤔᤡᤍᤡᤱ ᤆᤥᤃᤢᤀᤠᤱ ᤘᤠ᤹ᤖᤥ॥ ᤂᤢᤏᤧ᤹ ᤁᤧᤍᤧᤶᤛᤢᤶᤔᤠᤱ ᤜᤠᤱᤕᤢᤰᤐᤠᤜᤠ᤹ᤖᤥ ᤛᤧᤳᤇᤧ ᤜᤢᤰᤁᤧᤛᤢᤵᤋᤢᤶ॥ ᤛᤢᤜᤠᤱᤃᤧᤶᤒᤠ ᤐᤡᤗᤠᤋᤛᤖᤧ ᤂᤢᤏᤧ᤹ ᤗᤧᤵᤔᤠ ᤏᤡᤱᤘᤠ᤹ ᤆᤥᤃᤢᤛᤠᤱ ᤂᤡᤏᤡ᤹ ᤁᤧᤏᤠ᤹ᤖᤢᤶᤗᤥ॥  
\v 14 ᤂᤡᤏᤡ᤹ ᤛᤣᤛᤣ ᤏᤢ ᤛᤠᤶᤕᤥᤏᤡᤒᤠ ᤔᤏᤠ᤺ᤸᤗᤧ ᤁᤢᤗᤧᤰᤘᤠ ᤔᤏᤠ ᤁᤧᤛᤧᤵᤐᤧᤴ ᤗᤧᤖᤧᤶ ᤀᤠᤒᤡᤖᤧᤶᤔᤧ᤹ ᤑᤠ᤹ᤀᤠᤱ ᤁᤧᤏᤠ᤺ᤰᤋᤢᤶᤗᤥ॥  
\v 15 ᤀᤰᤂᤣᤗ᤹ᤖᤡᤰ ᤂᤡᤏᤡ᤹ ᤏᤧᤳᤋᤡᤃᤧᤴ ᤜᤡᤱᤔᤴᤗᤧ ᤁᤢᤒᤢᤴᤏᤡᤴ ᤛᤧᤵᤔᤠ ᤁᤧᤒᤠᤱᤄᤢᤶᤛᤡᤶ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤃ ᤁᤢᤛᤡᤘᤧᤳᤗᤠᤶ ᤁᤢᤜᤡᤱᤘᤧᤳ ᤆᤥᤃᤢᤖᤥ॥ ᤂᤧᤴ ᤐᤠ᤺ᤴᤏᤡᤸᤗᤧᤴ ᤋᤥ᤺ᤴᤍᤡ ᤀᤠᤏᤡᤃᤧ ᤘᤕᤡᤃᤧᤖᤥ॥  
\v 16 ᤜᤧᤰᤁᤩᤠᤱ ᤕᤧᤛᤢᤀᤥᤒᤠ ᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤁᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤒᤠ ᤔᤏᤠ᤺ᤴ ᤁᤧᤎᤢᤶᤒᤠ ᤐᤥ᤺ᤰᤂᤧᤒᤠ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤧᤴ ᤕᤧᤛᤢᤀᤥᤒᤠ ᤏᤛᤠ᤺ᤴᤏᤡᤸᤗᤧ ᤁᤴ ᤔᤏᤠ᤺ᤴ ᤒᤠ ᤂᤡᤏᤡ᤹ ᤋᤃᤡᤀᤣ ᤘᤣ᤺ᤳᤋᤧᤀᤠᤱ ᤘᤠ᤹ᤖᤥ॥ 
\p  
\v 17 ᤀᤠᤸᤗ ᤑᤢ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤕᤧᤛᤢ᤺ᤴ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤒᤠ ᤜᤧᤰᤁᤣ ᤂᤡᤏᤡ᤹ᤃ ᤌᤣᤀᤠᤱ ᤔᤧᤴᤏᤡᤀᤣ ᤔᤧᤸᤗᤧᤀᤣ ᤁᤴ ᤁᤧᤈᤥᤃᤢᤶᤒᤠᤖᤥ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡᤱᤘᤠ᤹ ᤁᤳᤋᤢᤱᤗᤥ॥  
\v 18 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤸᤗᤧᤃ ᤋᤢᤰᤂᤣ ᤆᤠᤔᤠᤀᤠᤱ ᤛᤡ᤺ᤔᤠᤀᤣ ᤐᤥ᤺ᤱ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤗᤠᤶ ᤐᤠ᤺ᤳᤋᤢᤒᤠᤴ ᤁᤧᤖᤧᤒᤠᤖᤥ॥  
\v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗᤥ ᤂᤡᤏᤡ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤍᤠᤱᤒᤠᤀᤥ ᤏᤢ᤺ᤰᤂᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤗᤠᤕᤥ ᤗᤠᤛᤥ᤺ᤳᤜᤠ᤹ ᤔᤠᤒᤣ᤺ᤰᤏᤡ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤍᤠᤱᤒᤠᤗᤠᤶ ᤕᤠᤶᤛᤠᤶᤔᤥ ᤁᤧᤎᤢᤶᤒᤠ ᤐᤥ᤺ᤱᤔᤠ ᤕᤧᤶ ᤋᤠᤏᤡᤖᤥ॥  
\v 20 ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤋᤃᤡᤛᤠ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤂᤡᤏᤡ᤹ᤀᤥ ᤕᤠᤶᤔᤥ ᤁᤧᤒᤠᤱᤄᤡ ᤁᤧᤒᤡᤖᤡ᤹ᤖᤥ॥  
\v 21 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤃᤡᤏᤢᤛᤠᤀᤣ ᤁᤢᤛᤣᤛᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤁᤧᤖᤧᤰ ᤐᤠ᤺ᤴᤜᤠ᤹ ᤕᤠᤶᤔᤥ ᤁᤢᤛᤱ ᤔᤧᤴᤈᤥ᤺ᤰᤁᤣ ᤌᤠᤖᤡᤰ ᤕᤧᤛᤢ ᤂᤪᤡᤛ᤻ᤋᤧᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤘᤠ᤹ᤔᤠ ᤐᤥ᤺ᤱ ᤑᤠ᤹ᤀᤠᤱ ᤐᤠ᤺ᤳᤋᤢᤀᤠᤱ ᤘᤠ᤹॥  
\v 22 ᤔᤥᤛᤠᤖᤧᤀᤠᤱ ᤔᤠᤱᤎᤢᤰᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤜᤧᤰᤋᤱᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴ ᤂᤡᤏᤡ᤹ ᤑᤢ᤹ᤏᤢᤛᤠ᤹ᤗᤠᤶ ᤑᤥ᤺ᤰᤂᤢ᤹ᤖᤥ॥ 
\q1 ᤁᤢᤒᤠ᤺ᤴᤏᤡᤴ ᤂᤡᤏᤡ᤹ ᤁᤧᤄᤧᤵᤛᤢᤶᤗ ᤐᤥ᤺ᤱᤗᤥ॥ 
\q1  
\v 23 ᤂᤧᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤸᤗᤧ ᤁᤢᤒᤠ᤺ᤴᤏᤡᤴ ᤔᤧᤱᤄᤧᤶᤔᤏᤠᤒᤠᤜᤠ᤹ 
\q1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤗᤠᤶ ᤔᤧᤛᤧᤴᤏᤠᤱ ᤔᤧᤔᤧᤰᤗᤥ॥’ 
\p  
\v 24 ᤜᤧᤰᤁᤩᤠᤱ ᤛᤠᤔᤢᤀᤧᤸᤗᤠᤱᤎᤥ ᤕᤠᤱᤛᤡᤒᤠ ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤜᤠᤒᤠ ᤁᤴ ᤕᤧᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤔᤧᤒᤠ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥  
\v 25 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤐᤠᤎᤧᤒᤠᤜᤠ᤹ᤏᤢ ᤆᤥᤃᤢᤒᤠ ᤔᤠᤱᤜᤢᤵᤐᤡᤴ ᤂᤡᤏᤡ᤹ᤀᤠᤱ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤢᤏᤧ᤹ ᤀᤒᤪᤠᤜᤠᤶᤔᤡᤴ ᤀᤰᤂᤣ ᤔᤧᤳᤋᤢ. ‘ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤗᤠᤶᤔᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤛᤢᤘᤠᤱᤃᤧᤴ ᤛᤕᤱᤜᤠ᤹ᤖᤧ ᤔᤢ᤹ᤀᤡᤛᤠᤶ ᤔᤧᤄᤥ᤺ᤛᤢ᤹ᤖᤥ॥’  
\v 26 ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤑᤧᤴ ᤕᤠ᤺ᤶᤒᤰᤁᤥᤗᤠᤶ ᤏᤢ᤺ᤰᤔᤠᤛᤡᤀᤠᤱ ᤔᤢ᤹ᤀᤡᤛᤠᤶ ᤐᤡᤔᤠᤛᤡ ᤑᤠ᤹ᤀᤠᤱ ᤂᤢᤏᤧ᤹ ᤀᤠᤒᤠᤅᤣ ᤁᤢᤛᤣᤘᤠᤖᤥᤒᤠᤴ ᤁᤠᤰᤏᤢ ᤋᤃᤡ ᤂᤡᤏᤡ᤹ ᤀᤡᤛᤪᤠᤀᤡᤗᤡᤜᤠ᤹ᤖᤥ ᤐᤠᤱᤄᤢᤀᤠᤱ ᤘᤠ᤹ᤖᤥ॥” 
\c 4  
\s1 ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤕᤜᤢᤍᤡ ᤕᤧᤈᤢᤶᤓᤥ ᤋᤃᤡ 
\p  
\v 1 ᤐᤋᤪᤢᤛ ᤏᤢ ᤕᤢᤜᤢᤴᤏᤠᤖᤧ ᤔᤏᤠᤜᤠ᤹ ᤀᤡᤱᤓᤥ᤺ᤛᤧᤳᤇᤢᤖ ᤕᤠᤃᤧᤳᤇᤡᤸᤗᤧ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤔᤠᤱᤜᤡᤶ ᤁᤧᤃᤥ᤺ᤒᤠ ᤌᤰᤛᤢᤒᤠᤜᤠ᤹ᤖᤧ ᤂᤢᤏᤡ᤹ ᤌᤰᤋᤢᤶᤒᤠ ᤏᤢ ᤁᤢᤓᤠ ᤛᤍᤢᤁᤡᤜᤠ᤹\f * \fr 4:1 \ft ᤛᤍᤢᤁᤡᤜᤠ᤹–ᤛᤍᤢᤁᤡᤜᤠ᤹ ᤗᤳᤇᤠ ᤕᤜᤢᤍᤡ ᤗᤰᤛᤡᤖᤥ॥ ᤔᤏᤠᤜᤠ᤹ ᤔᤧᤛᤡ᤺ ᤔᤧᤒᤣ᤺ᤰᤁᤠᤱ ᤕᤠᤶᤔᤥ ᤁᤢᤜᤡᤱᤘᤧᤳ ᤔᤧᤶᤒᤥ᤺ᤱᤏᤧᤴ ᤁᤧᤗ᤹ᤒᤠ ᤂᤧᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢ᤹॥\f* ᤂᤧᤵᤔᤥ ᤔᤧᤍᤩᤧᤖᤥ॥  
\v 2 ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤁᤢᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤒᤠ ᤜᤧᤰᤁᤣᤀᤣ ᤘᤣ᤹ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤴ ᤘᤠ᤹ ᤑᤠ᤹ᤀᤠᤱ ᤐᤠ᤺ᤴ ᤀᤡᤱᤓᤥ᤺ᤛᤧᤳᤇᤢᤒᤠ ᤔᤧᤄᤧᤵᤛᤢᤒᤠᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤠ᤹ᤖᤡᤰ ᤛᤡᤰᤆᤡᤃᤧ ᤗ᤹ᤖᤧ.  
\v 3 ᤂᤧᤱᤜᤠ᤹ᤖᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤔᤧᤍᤧᤶᤛᤢᤛᤡ ᤜᤧᤰᤁᤩᤠᤱ ᤂᤠᤍᤠᤔᤧ ᤐᤣᤒᤠᤸᤗᤧ\f * \fr 4:3 \ft ᤕᤜᤢᤍᤡ ᤛᤠᤶᤕᤥᤌᤡᤶᤔᤥ ᤂᤠᤍᤠᤶᤔᤥ ᤂᤠᤛᤧᤴ ᤆᤥ᤺ᤰᤔᤠ ᤔᤧᤴᤏᤢ᤹ᤔᤏᤠ ᤘᤕᤧ॥\f* ᤆᤥᤃᤢᤸᤗᤧ ᤏᤠᤶᤍᤠ᤺ᤳᤋᤠ᤺ᤳ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤛᤡ॥  
\v 4 ᤁᤖ ᤂᤧᤴ ᤐᤠ᤺ᤴᤈᤠᤰ ᤁᤧᤄᤧᤶᤒᤠᤜᤠ᤹ᤀᤥ ᤕᤖᤡᤰ ᤔᤏᤠᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢ॥ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤔᤧᤒᤥ᤺ᤖᤧᤀᤠᤱ ᤕᤧᤶᤒᤡᤳᤇᤠᤜᤠ᤹ᤖᤰ ᤜᤧᤴᤇᤡᤱ ᤅᤠᤛᤡ (᥋᥆᥆᥆) ᤕᤠᤖᤡᤰ ᤔᤧᤃᤧᤖᤧᤖᤥ॥ 
\p  
\v 5 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤛᤢᤜᤠᤱᤕᤢᤰᤐᤠᤜᤠ᤹. ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤕᤖᤢᤛᤗᤧᤶᤔᤥ ᤆᤢᤶᤗᤢᤱ ᤔᤧᤈᤥᤃᤧ॥  
\v 6 ᤂᤧᤵᤔᤥᤀᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤜᤴᤏᤠᤛ. ᤜᤧᤰᤁᤩᤠᤱ ᤁᤤᤕᤠᤑᤠᤛ. ᤕᤢᤜᤢᤴᤏᤠ. ᤀᤗᤧᤰᤈᤧᤴᤍᤖ ᤜᤧᤰᤁᤩᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤜᤡᤶᤛᤕᤱᤅᤥ ᤁᤧᤘᤠ᤹ᤒᤠ ᤘᤣ᤹ ᤔᤏᤠᤜᤠ᤹ᤀᤠᤱ ᤔᤧᤈᤢᤵᤛᤧᤀᤠᤱ ᤔᤧᤘᤕᤧᤖᤥ॥  
\v 7 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤢᤜᤢᤴᤏᤠ ᤏᤢ ᤐᤋᤪᤢᤛᤧᤴ ᤂᤢᤏᤡ᤹ ᤋᤃᤡ ᤔᤧᤍᤠᤖᤢᤛᤡᤀᤠᤱ ᤀᤰᤂᤣ ᤔᤧᤔᤧᤳᤋᤢᤛᤡᤖ ᤛᤣ᤺ᤴᤔᤧᤍᤥᤛᤢᤛᤡ. “ᤀᤠᤳᤋᤡᤴ ᤔᤢᤰᤛᤠᤶᤗᤠᤶ ᤀᤡᤃᤪ ᤜᤠ᤺ᤳᤗᤧ ᤁᤢᤕᤢᤰᤁᤥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤁᤧᤈᤥᤃᤧᤳᤇᤢᤒᤠᤒᤣ᥅” 
\p  
\v 8 ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤀᤠᤱ ᤐᤋᤪᤢᤛᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤔᤏᤠᤜᤠ᤹ᤖᤧ ᤂᤢᤏᤡ᤹ ᤛᤢᤜᤠᤱᤕᤢᤰᤐᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤛᤣ.  
\v 9 ᤀᤠᤀᤡᤴ ᤀᤠᤴᤇᤡᤃᤧ ᤁᤴ ᤗᤠᤱᤛᤰᤐᤠ ᤔᤏᤠ᤺ᤴ ᤗᤢᤱᤔᤠ᤹ ᤋᤢᤰᤋᤧᤇᤢᤃᤧᤀᤠᤱ ᤘᤣ᤺ᤳᤋᤧᤒᤠ ᤏᤢ᤺ᤒᤠ ᤕᤠ᤺ᤶᤒᤰᤁᤡᤸᤗᤧ ᤗᤠᤃᤡ ᤂᤡᤏᤡ᤹ ᤋᤃᤠᤱ ᤛᤣ᤺ᤴᤍᤥ᤺ᤛᤧ ᤕᤠᤵᤔᤡ ᤁᤧᤍᤠᤖᤡᤒᤠᤏᤧ ᤑᤠ᤹ᤃᤪ.  
\v 10 ᤀᤠᤸᤗ ᤂᤡᤏᤡ᤹ ᤏᤢ ᤘᤣ᤹ ᤀᤡᤛᤪᤠᤀᤡᤗᤒᤠ ᤁᤠᤰ ᤔᤏᤠᤜᤠ᤹ᤖᤧ ᤁᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ. ᤏᤠᤛᤖᤋᤛ᤻ᤔᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤢᤰᤛᤠᤶᤗᤠᤶ ᤁᤴ ᤔᤏᤠ᤺ᤴ ᤂᤡᤏᤡ᤹ ᤋᤃᤡ ᤘᤣ᤺ᤳᤋᤧᤀᤠᤱ ᤕᤧᤵᤗᤥ॥ ᤕᤧᤛᤢ᤺ᤱᤃ ᤂᤡᤏᤡ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤑᤥ᤺ᤶᤔᤠ ᤛᤧᤵᤔᤠ ᤁᤧᤒᤠᤱᤄᤢᤶᤛᤡᤶ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤃ ᤁᤢᤛᤡᤘᤧᤳᤗᤠᤶ ᤁᤢᤜᤡᤱᤘᤧᤳ ᤆᤥᤃᤢᤀᤠᤱ ᤑᤥ᤺ᤰᤂᤢᤖᤥ॥  
\v 11 ᤂᤢᤏᤧ᤹ ᤁᤢᤔᤧᤴᤏᤥ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 ‘ᤂᤡᤏᤡ᤹ ᤗᤢᤱ ᤁᤧᤃᤠᤶᤒᤠᤜᤠ᤹ᤖᤧ ᤁᤧᤏᤠ᤹ᤖᤢᤶᤒᤠ ᤗᤢᤱᤅᤡᤴ ᤂᤢᤏᤧ᤹ᤀᤣᤖᤥ. 
\q1 ᤁᤖ ᤀᤠᤸᤗᤥ ᤔᤠᤗᤢᤱ ᤐᤥ᤺ᤰᤂᤧᤖᤥ॥’\f * \fr 4:11 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥎.᥈᥈\f* 
\m  
\v 12 ᤕᤧᤛᤢᤗᤠᤶᤗᤰ ᤛᤧᤴᤗᤵ ᤘᤠ᤹. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ ᤛᤧᤴᤗᤵ ᤕᤠᤵᤔᤡ ᤁᤧᤒᤡᤒᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤘᤣ᤹ ᤜᤠ᤺ᤳᤋᤠᤱ ᤜᤥ᤺ᤵᤗᤥ॥” 
\p  
\v 13 ᤀᤠᤸᤗ ᤕᤜᤢᤍᤡ ᤕᤧᤈᤢᤶᤓᤥᤒᤠ ᤐᤠᤛᤡᤱᤐᤠᤍᤠᤱᤗᤠᤜᤠ᤹ᤖᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤛᤠᤵᤗᤠ ᤔᤧᤴᤏᤡ᤺ᤵᤔᤏᤠ ᤔᤧᤴᤈᤥᤒᤠ ᤘᤕᤧᤳᤇᤡᤛᤠᤱ ᤂᤢᤴᤇᤡ᤹ ᤀᤠ᤺ᤴᤇᤡᤱᤔᤠᤴ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤁᤴ ᤔᤏᤠᤜᤠ᤹ ᤕᤧᤛᤢ᤺ᤴᤏᤢ ᤘᤕᤧᤳᤇᤡᤒᤠ ᤏᤡᤱᤘᤠ᤹ ᤔᤧᤄᤥ᤺ᤛᤢ॥  
\v 14 ᤁᤖ ᤂᤧᤴ ᤁᤧᤘᤣ᤺ᤵᤐᤠ ᤔᤏᤠ᤺ᤴᤏᤠᤱ ᤂᤧᤱᤜᤠ᤹ᤏᤢᤀᤣ ᤕᤧᤒᤧᤒᤠ ᤔᤧᤏᤡ᤺ᤛᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤌᤣᤀᤠᤱ ᤐᤠ᤺ᤵᤔᤠ ᤔᤧᤴᤇᤢᤰᤋᤢᤴᤗᤥ॥  
\v 15 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤕᤧᤈᤢᤶᤓᤥᤗᤠᤶ ᤗᤠ᤺ᤰᤁᤠᤳ ᤔᤧᤗ᤺ᤳᤋᤢᤛᤡ ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤐᤠ᤺ᤴ ᤔᤧᤎᤰᤋᤧᤖᤥ.  
\v 16 “ᤀᤠᤸᤗ ᤁᤴ ᤔᤏᤠᤜᤠ᤹ ᤌᤣ ᤔᤧᤵᤔᤠᤛᤡᤒᤣ᥅ ᤁᤱᤜᤠ᤹ᤖᤧᤃ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢᤒᤠᤴ ᤕᤖᤢᤛᤗᤧᤔ ᤁᤧᤕᤢᤱᤒᤠ ᤁᤠᤰ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤀᤠᤱ ᤔᤧᤘᤠ᤹॥ ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ᤀᤠᤱ ᤁᤴ ᤔᤧ᤺ᤴ ᤑᤠ᤹ᤀᤠᤱ ᤐᤠ᤺ᤵᤔᤠ ᤛᤢᤰᤔᤧᤍᤧᤳᤏᤧᤴᤗᤥ॥  
\v 17 ᤁᤖ ᤁᤴ ᤐᤠ᤺ᤴᤏᤡᤴ ᤔᤏᤠᤜᤠ᤹ᤀᤥ ᤔᤧᤛᤧᤏᤧᤴᤗ ᤑᤠ᤹ᤀᤠᤱ ᤂᤧᤱᤜᤠ᤹ ᤀᤠᤸᤗᤀᤠᤱᤎᤥ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤜᤢ᤹ᤔᤠ ᤗᤧᤖᤧᤇᤧ᤹ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤔᤠᤛᤡ ᤐᤥ᤺ᤱᤗᤥ॥” 
\p  
\v 18 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤕᤠᤶᤔᤥ ᤔᤧᤀᤢ᤺ᤳᤋᤢᤛᤡᤀᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤵᤔᤠ ᤀᤡᤃᤪ ᤜᤢ᤹ᤔᤠ ᤗᤧᤖᤧᤛᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤔᤧᤒᤡᤖᤢᤛᤡᤖᤥ॥ 
\p  
\v 19 ᤁᤖ ᤐᤋᤪᤢᤛ ᤏᤢ ᤕᤢᤜᤢᤴᤏᤠᤖᤧ ᤏᤥᤃᤵ ᤐᤡᤖᤢᤛᤡ. “ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤡᤏᤡ᤹ ᤁᤧᤒᤠ᤺ᤳᤋᤢᤶᤒᤠᤴ ᤂᤧᤶᤔᤠ ᤏᤢ᤺ᤒᤠᤒᤡ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠᤴ ᤂᤧᤶᤔᤠ ᤏᤢ᤺ᤒᤠᤒᤡ᥅ ᤂᤡᤏᤡ᤹ᤀᤣ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ᥄  
\v 20 ᤁᤖ ᤀᤠᤴᤇᤡᤃᤧ ᤕᤧᤛᤢᤖᤧ ᤆᤥᤃᤢᤒᤠ ᤐᤠ᤺ᤴ ᤏᤡ᤺ᤛᤢᤛᤡᤃᤧ ᤜᤧᤰᤁᤩᤠᤱ ᤂᤧᤵᤛᤢᤛᤡᤃᤧᤒᤠ ᤐᤠ᤺ᤴᤜᤠ᤹ ᤔᤧᤶᤒᤠ᤺ᤳᤋᤣ ᤘᤠ᤹ᤔᤠ ᤔᤧᤛᤢᤰᤛᤢᤃᤧᤴᤗᤥ॥” 
\p  
\v 21 ᤀᤠᤸᤗ ᤁᤠᤰ ᤔᤏᤠᤜᤠ᤹ᤖᤧ ᤂᤧᤵᤔᤥ ᤐᤥ᤺ᤰᤂᤧᤒᤠ ᤜᤡᤴᤍᤥ᤺ᤰᤁᤡᤴ ᤔᤧᤏᤡ᤺ᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤔᤧᤒᤡᤖᤢᤖ ᤁᤢᤏᤠᤖᤠ ᤔᤧᤓᤥ᤺ᤛᤢᤒᤠᤸᤗᤧ ᤆᤥᤃᤢᤸᤗᤧ ᤁᤴ ᤔᤏᤠᤜᤠ᤹ ᤀᤠᤰᤂᤣᤗ᤹ᤖᤡᤰ ᤂᤢᤶᤍᤡᤱ ᤐᤡᤔᤠᤛᤡ ᤑᤠ᤹ᤀᤠᤱ ᤀᤠᤵᤋᤡᤰ ᤁᤢ᤺ᤵᤔᤠ ᤗᤠᤶ ᤂᤥ᤺ᤔᤠ ᤔᤧᤴᤇᤢᤰᤋᤢᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤔᤡᤒᤠᤜᤠ᤹ ᤕᤠᤶᤔᤥ ᤕᤱᤔᤠ ᤔᤧᤛᤧᤖᤢᤛᤡᤀᤠᤱ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤛᤡ॥  
\v 22 ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤗᤠᤶ ᤁᤧᤘᤣ᤺ᤵᤐᤠ ᤔᤏᤠ᤺ᤴ ᤋᤱᤒᤣ ᤗᤡᤒᤥ᤺ᤱ (᥊᥆) ᤁᤧᤃᤧᤵᤐᤠ ᤘᤕᤧ॥ ᤂᤧᤱᤃ ᤛᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤗᤠᤱᤔᤧᤱᤄᤣ᤺ᤰᤔᤏᤠᤒᤠ ᤘᤕᤧᤖᤥ॥ 
\s1 ᤏᤛᤠᤏᤡᤒᤠᤜᤠ᤹ᤖᤧ ᤀᤠ᤺ᤴᤇᤡᤱᤔᤠ ᤂᤥ᤺ᤔᤠ ᤑᤠ᤹ᤀᤠᤱ ᤋᤢᤘᤠ ᤔᤧᤈᤥᤃᤢ᤹ 
\p  
\v 23 ᤜᤧᤰᤁᤣᤗ᤹ᤖᤡᤰ ᤔᤧᤗᤧᤖᤢᤛᤡᤀᤠᤱ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤘᤣ᤹ᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤋᤢᤶᤛᤧ ᤐᤣᤛᤡ ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤔᤧᤔᤧᤳᤋᤢᤛᤡᤒᤠ ᤐᤠ᤺ᤴᤜᤠ᤹ ᤆᤧᤰᤂᤧᤳᤇᤢᤖᤥ॥  
\v 24 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤌᤡᤰᤜᤢᤵ ᤏᤢ ᤌᤡᤰᤔᤢᤖᤠ ᤔᤧᤒᤥ᤺ᤰᤂᤧᤀᤠᤱ ᤀᤰᤂᤣᤗ᤹ᤖᤡᤰ ᤋᤢᤘᤠ ᤔᤧᤈᤥᤃᤧ. “ᤀᤠᤏᤡᤃᤧ ᤔᤢᤰᤛᤠᤶᤍᤠᤱᤒᤠᤀᤣ. ᤂᤧᤏᤧ᤹ᤃ ᤋᤠᤱᤛᤠᤰᤐᤧᤴ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ. ᤘᤠᤜᤱᤜᤠ᤹ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤁᤧᤈᤥᤃᤢᤛᤡᤒᤠᤖᤥ॥  
\v 25 ᤀᤢᤴᤇᤣ᤺ᤴ ᤂᤧᤏᤧ᤹ᤃ ᤀᤠᤏᤡᤃᤧ ᤋᤠᤰᤌᤧᤒᤠ ᤍᤠᤀᤢᤍᤖᤧ ᤁᤢᤔᤢᤖᤠᤀᤥᤗᤠᤶ ᤂᤧᤏᤧ᤹ ᤁᤧᤛᤣᤘᤠᤖᤥᤒᤠᤸᤗᤧ ᤁᤢᤔᤧᤴᤏᤥ ᤛᤣᤛᤣᤔᤠᤱᤗᤠᤶ ᤀᤰᤂᤣ ᤁᤧᤒᤠ᤺ᤳᤋᤢᤖᤥ– 
\q1 ‘ᤌᤣᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤁᤡᤴ ᤀᤠᤍᤰᤗᤧᤱᤘᤠᤀᤥ ᤐᤥ᤺ᤰᤐᤣ᥅ 
\q1 ᤜᤧᤰᤁᤩᤠᤱ ᤌᤣᤀᤠᤱ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ᤖᤧ ᤜᤏᤧᤒᤠ ᤏᤡᤱᤛᤣ᤺ᤰ ᤔᤧᤈᤥᤃᤢᤒᤣ᥅ 
\q1  
\v 26 ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤜᤠᤱᤜᤠ᤹ ᤏᤢ ᤛᤢᤜᤠᤱᤕᤢᤰᤐᤠᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤱᤅᤠᤱ 
\q1 ᤍᤠᤱᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤧᤈᤢᤶᤗᤥ॥’ 
\p  
\v 27 ᤛᤧᤰᤂᤠᤀᤣ ᤒᤠ ᤂᤧᤴ ᤐᤠ᤺ᤴᤏᤡᤴ ᤁᤴ ᤕᤧᤰᤕᤰᤁᤥ ᤁᤧᤖᤧᤀᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤜᤧᤖᤥᤍ\f * \fr 4:27 \ft ᤜᤧᤖᤥᤍ–ᤁᤴ ᤔᤏᤠ᤺ᤴ ᤕᤧᤛᤢ ᤛᤠᤘᤠ᤺ᤴᤇᤡᤱᤅᤡᤸᤗᤧ ᤜᤠᤱ ᤁᤧᤈᤥ᤺ᤰᤐᤠ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤜᤧᤖᤥᤍ ᤀᤴᤋᤡᤐᤠᤛ ᤘᤕᤧ॥\f* ᤜᤠᤱᤅᤡᤴ. ᤛᤢᤜᤠᤱᤃᤧᤶᤒᤠ ᤐᤴᤋᤡᤕᤛ ᤐᤡᤗᤠᤋᤛ. ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤧᤏᤧ᤹ ᤁᤧᤏᤡᤱᤛᤣ᤺ᤰᤁᤥ ᤁᤧᤛᤣᤃᤢᤒᤠ ᤛᤣᤛᤣ ᤁᤧᤛᤣᤘᤠᤖᤥᤒᤠ ᤕᤧᤛᤢᤖᤧ ᤁᤢᤍᤰᤗᤧᤱᤘᤠᤀᤥ ᤁᤴ ᤕᤧᤰᤕᤰᤁᤥ ᤔᤧᤈᤢᤵᤛᤧᤀᤠᤱ ᤔᤧᤘᤠ᤹ᤖᤥ॥  
\v 28 ᤂᤧᤏᤧ᤹ ᤁᤧᤏᤡᤱᤛᤣ᤺ᤰ ᤐᤥ᤺ᤱᤏᤡ ᤑᤠ᤹ᤀᤠᤱ ᤋᤃᤡᤛᤠ ᤁᤧᤔᤢᤰᤛᤠᤶ ᤏᤢ ᤁᤧᤏᤡᤱᤘᤠ᤹ᤖᤧ ᤁᤧᤀᤡ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤈᤥᤃᤢᤖᤥ॥  
\v 29 ᤍᤠᤱᤒᤣ. ᤀᤠᤸᤗ ᤂᤧᤱᤜᤠ᤹ᤖᤧ ᤕᤱᤔᤠ ᤔᤧᤛᤧᤖᤡᤃᤧᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧ᤹ᤀᤥ. ᤜᤧᤰᤁᤩᤠᤱ ᤁᤧᤛᤣᤘᤠᤖᤥᤒᤠᤜᤠ᤹ ᤐᤣᤗᤡᤃᤧᤴ ᤁᤧᤒᤠ᤺ᤴᤈᤠᤰᤁᤡᤴ ᤜᤠᤱᤜᤠᤱᤅᤠᤱ ᤐᤠ᤺ᤵᤔᤠ ᤕᤠᤵᤔᤡ ᤁᤧᤎᤢᤶᤒᤠ ᤀᤠᤈᤥᤃᤧ᤹ᤀᤥ॥  
\v 30 ᤜᤧᤰᤁᤩᤠᤱ ᤛᤣᤛᤣ ᤁᤧᤛᤣᤘᤠᤖᤥᤒᤠ ᤕᤧᤛᤢᤖᤧ ᤁᤢᤔᤢᤰᤛᤠᤶᤗᤠᤶ ᤔᤏᤠᤜᤠ᤹ ᤔᤧᤘᤣ᤺ᤳᤏᤡ. ᤜᤧᤰᤁᤩᤠᤱ ᤕᤖᤡᤰ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤐᤥ᤺ᤱᤏᤡ ᤑᤠ᤹ᤀᤠᤱ ᤁᤧᤜᤢᤰᤁᤡᤴ ᤛᤴᤇᤧ᤹ᤀᤥ॥” 
\p  
\v 31 ᤂᤧᤱᤜᤠ᤹ᤖᤧ ᤋᤢᤘᤠ ᤔᤧᤈᤥᤃᤢ ᤔᤧᤛᤢᤖᤢᤸᤗᤧ ᤔᤧᤈᤢᤵᤛᤧᤀᤠᤱ ᤔᤧᤘᤕᤧᤒᤠ ᤋᤧᤴᤏᤡᤴ ᤗᤢᤵᤗᤡ ᤌᤠᤅᤧᤒᤠ ᤜᤧᤰᤁᤣ ᤛᤠ᤹ᤖᤡᤰ ᤕᤰᤂᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤠᤰ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤀᤠᤱ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤔᤧᤱᤃᤡᤀᤣ ᤔᤧᤒᤠᤖᤧᤖᤥ॥ 
\s1 ᤏᤛᤠᤏᤡᤒᤠᤜᤠ᤹ ᤋᤢᤰᤂᤣ-ᤗᤠᤰᤂᤣᤀᤥ ᤀᤥᤔᤧᤔᤧᤳᤇᤡᤱ 
\p  
\v 32 ᤀᤠᤸᤗ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤌᤡᤰ ᤏᤡᤱᤘᤠ᤹ ᤌᤡᤰ ᤔᤢᤖᤠ ᤔᤧᤒᤥ᤺ᤰᤂᤧᤀᤠᤱ ᤂᤢᤏᤡ᤹ ᤔᤧᤃᤳᤋᤢᤒᤠ᤺ᤴ ᤀᤡᤱᤃᤠ᤹ᤀᤡᤴ ᤔᤧᤸᤗ᤹ᤀᤣ ᤁᤧᤖᤧᤰᤗᤧ ᤌᤡᤰ ᤏᤡᤱᤘᤠ᤹ ᤌᤡᤰ ᤜᤢᤵᤐᤥ ᤔᤧᤕᤠᤅᤢᤖᤥ॥  
\v 33 ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤐᤕᤶ ᤔᤢᤰᤛᤠᤶᤏᤢ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤒᤠ ᤐᤠ᤺ᤴᤜᤠ᤹ᤖᤧᤴ ᤋᤥ᤺ᤴᤍᤡ ᤔᤧᤒᤡᤖᤢᤀᤠᤱ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠ᤺ᤛᤢ ᤐᤡᤖᤢᤛᤡᤖᤥ॥  
\v 34-35 ᤂᤢᤏᤡ᤹ ᤗᤢᤶᤔᤥ ᤆᤠᤕᤥ᤺ᤶᤒᤥᤀᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤔᤧᤜᤥ᤺ᤵᤋᤧ. ᤌᤣᤀᤠᤱᤓᤧᤸᤗᤧ ᤁᤢᤓᤠᤖᤧ ᤔᤧᤃᤳᤋᤢᤒᤠ ᤕᤠᤱᤛᤠᤁᤢᤴᤎᤣ. ᤜᤡᤶᤎᤠ᤺ᤱ. ᤗᤠᤈᤣ᤹ ᤛᤡᤱᤒᤢᤱᤜᤠ᤹ ᤔᤧᤛᤱᤄᤢᤀᤠᤱ ᤂᤧᤴ ᤕᤠᤱᤅᤡᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤔᤧᤍᤠᤖᤢ. ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤆᤠᤕᤥ᤺ᤶᤒᤥ ᤁᤢᤀᤡᤛᤡ᤺ᤰ ᤔᤧᤜᤠ᤺ᤳᤋᤢᤛᤡᤖᤥ॥  
\v 36-37 ᤜᤧᤰᤁᤣ ᤁᤧᤈᤥ᤺ᤰᤐᤠᤀᤥ ᤕᤢᤛᤢᤑ ᤔᤡᤱ ᤁᤧᤘᤠ᤺ᤵᤐᤠ ᤗᤧᤒᤡ ᤌᤠ᤺ᤰᤁᤥᤒᤠ ᤛᤤᤐᤪᤛ ᤘᤠᤃᤵᤂᤠᤶᤔᤥ ᤛᤠᤃᤧᤘᤠ᤺ᤴᤇᤡᤱᤒᤠᤎᤡᤰ ᤘᤕᤧ॥ ᤂᤢᤏᤧ᤹ ᤁᤳᤋᤢᤒᤠ ᤐᤩᤠᤱᤛᤡ᤺ᤴ ᤛᤱᤄᤢᤀᤠᤱ ᤕᤠᤱᤜᤠ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤋᤠᤖᤢᤖᤥ॥ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤧ᤹ ᤒᤖᤏᤠᤒᤠᤛ ᤔᤡᤱᤔᤧᤗᤥ᤺ᤰᤂᤢ (ᤂᤧᤴ ᤑᤠ᤹ᤀᤡᤴ ᤜᤠᤱᤜᤠᤱ ᤁᤧᤈᤥ᤺ᤰᤐᤠ ᤛᤠ᤺ ᤐᤥ᤺ᤱᤗᤥ)॥ 
\c 5  
\s1 ᤜᤏᤏᤡᤕᤠ ᤏᤢ ᤛᤑᤡᤖᤠ 
\p  
\v 1 ᤁᤖ ᤂᤧᤵᤔᤥ ᤜᤏᤏᤡᤕᤠ ᤔᤧᤵᤔᤏᤠᤒᤠ ᤕᤧᤶᤒᤡᤳᤇᤠ᤹ᤀᤡᤸᤗᤧ ᤁᤢᤔᤣ᤺ᤳ ᤛᤑᤡᤖᤠ᤺ᤴᤏᤢ ᤂᤢᤴᤇᤡ᤹ ᤗᤰᤁᤥᤒᤠ ᤁᤢᤓᤠ ᤗᤠᤈᤣ᤹ᤎᤡᤰ ᤛᤱᤄᤧᤳᤇᤢᤀᤠᤱ  
\v 2 ᤁᤢᤓᤠ ᤕᤠᤱᤅᤡᤴ ᤁᤢᤔᤣ᤺ᤳᤋᤡᤸᤗᤧ ᤏᤡ᤺ᤛᤢᤖ ᤆᤡᤰᤂᤢᤗᤠᤖᤢ ᤜᤧᤰᤁᤩᤠᤱ ᤁᤢᤓᤠ ᤕᤠᤱᤅᤡᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤋᤠᤖᤢᤖᤥ॥ 
\p  
\v 3 ᤁᤖ ᤐᤋᤪᤢᤛᤖᤧ ᤛᤣ᤺ᤴᤍᤥᤛᤢ. “ᤜᤏᤏᤡᤕᤠᤀᤣ. ᤂᤧᤏᤧ᤹ ᤀᤰᤂᤣᤗ᤹ᤖᤡᤰ ᤛᤣᤛᤣᤔᤠᤱᤅᤡᤴ ᤀᤡᤱᤗᤧᤰᤔᤠ ᤑᤠ᤹ᤀᤠᤱ ᤁᤧᤏᤡᤱᤘᤠ᤹ᤀᤡᤴ ᤌᤣᤀᤠᤱᤏᤧ ᤔᤠᤑᤧᤴᤛᤠᤶᤔᤡᤴ ᤌᤡᤶᤔᤠ ᤁᤧᤒᤠᤱᤄᤢᤒᤠᤒᤣ᥅ ᤌᤣᤀᤠᤱ ᤂᤧᤏᤧ᤹ ᤁᤢᤓᤠ ᤕᤠᤱᤅᤡᤴ ᤁᤧᤗᤠᤖᤢᤀᤠᤱ ᤁᤠᤰ ᤕᤠᤱ ᤁᤧᤒᤡᤒᤠ ᤁᤧᤗᤠᤶᤛᤡᤱᤒᤠᤒᤣ᥅  
\v 4 ᤁᤱᤃ ᤔᤧᤴᤇᤱᤅᤣ ᤘᤕᤧᤛᤠᤱ ᤂᤧᤏᤧ᤹ᤀᤡᤴᤏᤣᤛᤧ ᤘᤕᤧᤒᤠ᥄ ᤀᤠᤸᤗᤥ ᤁᤧᤛᤱᤄᤢᤀᤠᤱᤛᤠᤱ ᤒᤠ ᤁᤧᤜᤢᤰᤁᤥᤀᤣᤛᤠ ᤕᤠᤱᤅᤡᤴ ᤘᤠ᤹ᤒᤠ᥄ ᤀᤰᤂᤣᤗ᤹ᤖᤡᤰ ᤌᤣᤀᤠᤱ ᤂᤧᤏᤧ᤹ ᤁᤧᤏᤡᤱᤘᤠ᤹ᤀᤥ ᤋᤠᤵᤑᤧ᤺ᤶᤒᤠ ᤁᤧᤀᤡ᤺ᤳᤋᤢᤒᤠᤒᤣ᥅ ᤂᤧᤏᤧ᤹ᤃ ᤔᤧᤴᤇᤠᤶᤃᤧᤴ ᤕᤠᤵᤔᤡ᤺ᤴᤗᤰ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤠᤱ ᤀᤡᤱᤃᤧᤗᤧᤰᤋᤢᤀᤠᤱ ᤘᤠ᤹ᤖᤥ॥” 
\p  
\v 5 ᤜᤧᤰᤁᤩᤠᤱ ᤜᤏᤏᤡᤕᤠᤖᤧ ᤁᤴ ᤐᤠ᤺ᤴᤏᤡᤴ ᤂᤧᤵᤛᤢᤏᤢᤔᤧ᤺ᤴᤏᤣ ᤜᤷᤃᤢᤵᤛᤠ ᤆᤥ᤺ᤴᤍᤧᤀᤠᤱ ᤁᤢᤛᤰᤔᤠ ᤐᤣᤖᤥ॥ ᤜᤧᤰᤁᤩᤠᤱ ᤂᤧᤵᤔᤥ ᤂᤧᤴ ᤁᤧᤄᤧᤶᤒᤠ ᤁᤠᤰ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥  
\v 6 ᤜᤧᤰᤁᤩᤠᤱ ᤂᤧᤵᤔᤥ ᤁᤢᤓᤠ ᤌᤠᤱᤒᤧᤴᤜᤠ᤹ᤖᤧ ᤆᤣ ᤋᤣ᤺ᤳᤋᤡᤸᤗᤧ ᤔᤧᤃᤡᤳᤋᤢ ᤜᤧᤰᤁᤩᤠᤱ ᤗᤠ᤺ᤰᤁᤠᤳ ᤔᤧᤍᤣ᤹ᤖᤢᤀᤠᤱ ᤔᤧᤗᤢᤵᤋᤢᤖᤥ॥ 
\p  
\v 7 ᤜᤧᤰᤁᤩᤠᤱ ᤁᤢᤔᤢᤰ ᤛᤢᤶᤛᤡ ᤀᤣᤃᤠᤱ ᤜᤏᤏᤡᤕᤠᤖᤧ ᤁᤢᤔᤣ᤺ᤳᤋᤡᤴ ᤁᤢᤕᤧᤶᤒᤠ᤹ᤀᤡᤴ ᤌᤧᤔᤠ ᤐᤥ᤺ᤰᤂᤧ ᤁᤧᤗ᤹ᤒᤠ ᤌᤣᤀᤠᤱ ᤏᤡᤱᤘᤠ᤹ ᤔᤧᤱᤄᤥᤀᤣ ᤂᤧᤵᤔᤥ ᤋᤩᤧᤖᤥ॥  
\v 8 ᤐᤋᤪᤢᤛᤖᤧ ᤂᤧᤴ ᤛᤣ᤺ᤴᤍᤥᤛᤢ. “ᤜᤏᤏᤡᤕᤠᤖᤧ ᤁᤢᤗᤠᤈᤣᤴ ᤛᤱᤄᤢᤀᤠᤱ ᤂᤥ᤺ᤛᤢᤒᤠ ᤁᤢᤔᤧᤸᤗᤢᤱ ᤕᤠᤱ ᤒᤠ ᤁᤶᤔᤩᤠᤰᤗᤰᤐᤡ᥅” 
\p ᤜᤧᤰᤁᤣ᤺ᤸᤗᤧ ᤂᤧᤸᤗᤧᤀᤠᤱ ᤏᤥᤃᤵ ᤐᤡᤖᤢ. “ᤀᤥᤖᤥ᥄ ᤁᤢᤔᤧᤸᤗᤢᤱ ᤕᤠᤱᤃ ᤒᤠ ᤂᤧᤶᤔᤩᤠᤰᤗᤰᤗᤥ॥” 
\p  
\v 9 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤂᤧᤴ ᤔᤧᤳᤋᤢ. “ᤀᤠᤰᤂᤣᤗ᤹ᤖᤡᤰ ᤍᤠᤱᤒᤠᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤛᤠ᤹ᤔᤠ ᤑᤠ᤹ᤀᤠᤱ ᤂᤡᤴᤇᤡ᤹ ᤏᤡᤱᤘᤠ᤹ᤀᤡᤴ ᤁᤧᤍᤱᤄᤧᤳᤇᤢᤒᤣ᥅ ᤂᤧᤵᤛᤧ᤹ᤀᤥ. ᤂᤧᤏᤧ᤹ ᤁᤧᤃᤠᤵᤐᤥᤒᤧᤴ ᤁᤧᤗᤢᤵᤐᤠᤜᤠ᤹ ᤂᤠ ᤗᤠᤶᤎᤣ᤺ᤵᤐᤥ ᤔᤧᤃᤧᤳᤗᤖᤰ ᤔᤧᤒᤳᤗᤥ॥ ᤂᤧᤱᤜᤠ᤹ᤖᤧ ᤁᤧᤎᤰᤁᤡᤴᤏᤠᤱ ᤔᤧᤒᤰᤂᤢᤀᤠᤱ ᤔᤧᤍᤣ᤹ᤖᤢᤖᤥ॥” 
\p  
\v 10 ᤂᤡᤔᤥ ᤐᤋᤪᤢᤛᤖᤧ ᤁᤢᤗᤠᤱᤈᤰᤐᤥ ᤂᤧᤴ ᤜᤷᤃᤢᤵᤛᤠ ᤆᤥ᤺ᤴᤍᤧᤀᤠᤱ ᤁᤢᤛᤰᤔᤠ ᤐᤣᤖᤥ॥ ᤜᤧᤰᤁᤩᤠᤱ ᤂᤧᤴ ᤌᤠᤱᤒᤧᤴᤜᤠ᤹ ᤛᤡᤃᤠᤱ ᤔᤧᤗᤠ᤺ᤛᤧᤸᤗᤧ ᤂᤧᤴ ᤛᤩᤧᤒᤠ ᤔᤧᤏᤡ᤺ᤛᤢ. ᤜᤧᤰᤁᤩᤠᤱ ᤔᤧᤒᤰᤂᤢ ᤔᤧᤍᤣ᤹ᤖᤢᤀᤠᤱ ᤁᤢᤕᤧᤶᤒᤠ᤹ᤀᤡᤸᤗᤧ ᤁᤢᤒᤣᤛᤠᤱ ᤔᤧᤗᤢᤵᤋᤢᤖᤥ॥  
\v 11 ᤜᤧᤰᤁᤩᤠᤱ ᤂᤧᤴ ᤐᤠ᤺ᤴ ᤁᤧᤄᤧᤶᤒᤠ ᤔᤏᤠᤜᤠ᤹ ᤏᤢ ᤛᤣᤛᤣᤜᤢᤵᤗᤰᤁᤥᤒᤠ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥ 
\s1 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤔᤧᤈᤥᤃᤢ᤹ 
\p  
\v 12 ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤕᤖᤡᤰ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤏᤠᤗᤢᤶᤔᤥ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤁᤧᤖᤧᤰ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤀᤧᤳᤗᤧᤱ ᤛᤥᤗᤥᤔᤏᤖᤧ ᤁᤢᤀᤠ᤺ᤶᤓᤥᤀᤥ ᤛᤥᤛᤥᤖᤡᤰ ᤔᤧᤘᤕᤧᤖᤥ॥  
\v 13 ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ᤏᤢ ᤋᤱᤛᤡᤱᤔᤠ ᤑᤠ᤹ᤀᤠᤱ ᤀᤠ᤺ᤴᤇᤡᤱᤔᤠ ᤔᤧᤴᤇᤢᤰᤋᤢᤴ. ᤁᤖ ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤛᤡᤖᤥ॥  
\v 14 ᤜᤧᤰᤁᤣᤛᤠᤱ ᤍᤠᤱᤒᤠᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤧᤴᤇᤢᤔᤠ᤹ ᤏᤢ ᤕᤧᤶᤒᤡᤳᤇᤠ᤹ᤜᤠ᤹ ᤀᤠᤸᤗᤛᤠᤱ ᤕᤖᤡᤰ ᤔᤧᤕᤥ᤹ᤛᤡᤱᤗ ᤔᤧᤒᤣᤖᤥ॥  
\v 15 ᤜᤧᤰᤁᤣ᤺ᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧᤴ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤁᤡᤸᤗᤧ ᤆᤥᤃᤢᤸᤗᤧ ᤐᤋᤪᤢᤛᤧᤴ ᤂᤧᤵᤔᤥᤗᤠᤶ ᤐᤣ᤺ᤰᤁᤡᤸᤗᤧ ᤁᤢᤛᤠᤶᤔᤪᤡ᤺ᤵᤐᤧᤴ ᤁᤧᤍᤢᤰᤐᤠ ᤛᤶᤍᤠᤱ ᤆᤢᤰᤁᤠᤱ ᤔᤧᤘᤣ᤺ᤳᤗ ᤑᤠ᤹ᤀᤠᤱ ᤔᤏᤠᤜᤠ᤹ᤖᤧ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤗᤠᤶᤗᤠᤶᤔᤥ ᤂᤢᤏᤡ᤹ ᤏᤧᤳᤏᤠᤀᤥ ᤔᤧᤏᤧᤛ᤻ᤛᤢᤛᤡᤖᤥ॥  
\v 16 ᤕᤖᤢᤛᤗᤧᤔ ᤂᤡᤖᤡᤒᤠ ᤐᤠᤱᤈᤢᤶᤗᤠᤶᤔᤠᤱ ᤂᤧᤵᤔᤥ ᤔᤏᤠᤜᤠ᤹ ᤔᤧᤈᤢᤵᤛᤧ॥ ᤂᤧᤱᤜᤠ᤹ᤖᤧ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤏᤢ ᤑᤧᤴᤛᤠᤶᤜᤠ᤹ᤖᤧ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡᤒᤠᤜᤠ᤹ ᤂᤧᤵᤔᤥ ᤔᤧᤍᤠᤖᤢᤛᤡ. ᤜᤧᤰᤁᤩᤠᤱ ᤁᤠᤰ ᤔᤧᤘᤣ᤺ᤳᤋᤧᤖᤥ॥ 
\s1 ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡ᤹ 
\p  
\v 17 ᤜᤧᤰᤁᤩᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤛᤍᤢᤁᤡ ᤗᤰᤁᤥᤒᤠ ᤂᤢᤏᤧ᤹ ᤁᤢᤴᤈᤢᤶᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤛᤠ᤹ᤖᤡᤰ ᤏᤠᤔᤧᤜᤧᤳᤋᤢᤛᤡ॥  
\v 18 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤔᤧᤍᤧᤶᤛᤢᤛᤡᤀᤠᤱ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤛᤡ॥  
\v 19 ᤁᤖ ᤛᤧᤴᤍᤡᤰ ᤍᤠᤱᤒᤠᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤧᤴ ᤋᤩᤧᤀᤠᤱ ᤗᤠᤶᤎᤣ᤺ᤵᤐᤧᤴ ᤜᤴᤍᤢᤒᤡᤖᤢᤛᤡ. ᤜᤧᤰᤁᤩᤠᤱ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡᤀᤠᤱ ᤔᤧᤳᤋᤢᤛᤡ.  
\v 20 “ᤔᤠᤱᤜᤡᤶᤔᤥ ᤐᤣᤃᤧᤶᤔᤧ᤹ᤀᤠᤱ ᤁᤴ ᤁᤢᤛᤱ ᤜᤡᤱᤔᤴᤗᤧ ᤁᤢᤕᤠ᤺ᤶᤒᤣᤀᤥᤒᤠ ᤁᤠᤰ ᤐᤠ᤺ᤴᤏᤡᤴ ᤔᤏᤠᤜᤠ᤹ ᤀᤡᤱᤓᤴ ᤆᤥᤃᤧᤶᤛᤡᤶᤔᤧ᤹ᤀᤥ॥”  
\v 21 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤋᤠᤏᤠᤶᤛᤠ ᤔᤠᤱᤜᤡᤶᤔᤥ ᤔᤧᤗᤠ᤺ᤛᤧᤀᤠᤱ ᤔᤏᤠᤜᤠ᤹ ᤜᤢ᤹ᤔᤠ ᤔᤧᤜᤣ᤺ᤰᤋᤢᤛᤡᤖᤥ॥ 
\p ᤒᤠ ᤂᤧᤴ ᤕᤧᤶᤔᤥ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤁᤢᤴᤈᤢᤶᤜᤠ᤹ᤖᤧ ᤕᤜᤢᤍᤡ ᤕᤧᤈᤢᤶᤓᤥ ᤏᤢ ᤁᤠᤰ ᤀᤡᤛᤪᤠᤀᤡᤗᤛ᤻ᤔᤠ ᤋᤢᤶᤓᤠᤰᤛᤠᤜᤠ᤹ᤖᤧᤴ ᤆᤢᤶᤗᤢᤱ ᤔᤧᤈᤥᤃᤢᤀᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤐᤢᤱᤗᤠᤜᤡᤶᤔᤥᤗᤠᤶ ᤋᤠᤖᤧᤛᤧ᤹ ᤑᤠ᤹ᤀᤠᤱ ᤐᤢᤱᤗᤠᤀᤡᤱᤒᤠᤴ ᤀᤡᤱᤄᤱ ᤔᤧᤜᤠᤰᤋᤢᤖᤥ॥  
\v 22 ᤁᤖ ᤌᤰᤛᤢᤒᤠᤜᤠ᤹ ᤐᤢᤱᤗᤠᤜᤡᤶᤔᤥ ᤔᤧᤃᤧᤖᤧᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤂᤧᤵᤔᤥ ᤔᤧᤜᤥ᤺ᤵᤋᤧ. ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤏᤢ᤺ᤰᤂᤧ ᤔᤧᤒᤣᤀᤠᤱ ᤀᤰᤂᤣ ᤔᤧᤔᤧᤳᤋᤢᤛᤡ.  
\v 23 “ᤀᤠᤏᤡᤃᤧ ᤐᤢᤱᤗᤠᤜᤡᤶᤔᤥ ᤁᤧᤖᤡᤃᤧᤸᤗᤧ ᤗᤠᤶᤎᤣ᤺ᤵᤐᤧᤴ ᤏᤢ᤺ᤖᤡᤰᤁᤠᤱ ᤀᤧᤳᤇᤡᤱᤅᤠᤱ ᤐᤳᤇᤧ. ᤜᤧᤰᤁᤩᤠᤱ ᤌᤰᤛᤢᤒᤠᤜᤠ᤹ᤀᤠᤱ ᤗᤠᤶᤎᤣ᤺ᤵᤐᤧᤴ ᤔᤧᤃᤥ᤺ᤛᤢᤖ ᤔᤧᤕᤧᤒᤧᤖᤥ. ᤁᤖ ᤀᤠᤏᤡᤃᤧ ᤗᤠᤶᤎᤣ᤺ᤵᤐᤧᤴ ᤜᤶᤏᤠ᤺ᤸᤗᤧ ᤂᤧᤵᤔᤥ ᤜᤠ᤺ᤳᤋᤠᤱ ᤔᤧᤕᤠᤃᤧᤴᤗᤥ॥” 
\p  
\v 24 ᤔᤠᤱᤜᤡᤶ ᤁᤧᤃᤥ᤺ᤒᤠ ᤌᤰᤋᤢᤶᤒᤠᤴ ᤏᤢ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤀᤠᤸᤗ ᤌᤣ ᤐᤥ᤺ᤱᤒᤠᤒᤣ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤜ᤺ᤴᤍᤠ ᤗᤧᤰᤋᤧᤖᤥ॥  
\v 25 ᤜᤧᤰᤁᤩᤠᤱ ᤂᤧᤵᤔᤥ ᤁᤢᤓᤠ ᤔᤏᤠᤎᤡᤰ ᤑᤧᤖᤧᤀᤠᤱ ᤀᤰᤂᤣ ᤔᤧᤳᤋᤢᤛᤡ. “ᤂᤡᤏᤡ᤹ ᤐᤢᤱᤗᤠᤜᤡᤶᤔᤥ ᤁᤧᤛᤠᤰᤋᤢᤶᤛᤡᤶᤒᤠ ᤔᤏᤠᤜᤠ᤹ᤖᤧᤃ ᤏᤠ ᤔᤠᤱᤜᤡᤶᤔᤥᤏᤧ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤔᤏᤠᤜᤠ᤹ ᤔᤧᤜᤢ᤹ᤖᤢᤛᤡᤖ ᤔᤧᤕᤠᤰᤗᤥ॥”  
\v 26 ᤂᤧᤴ ᤌᤰᤋᤢᤶᤒᤠᤸᤗᤧ ᤌᤰᤛᤢᤒᤠᤜᤠ᤹ ᤋᤣ᤹ᤖᤢᤛᤡᤀᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤌᤣᤀᤠᤱ ᤔᤧᤶᤔᤧᤳᤇᤡᤱᤅᤣ ᤕᤧᤈᤢᤶᤓᤥᤀᤥ ᤋᤠᤖᤢᤛᤡ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤔᤏᤠᤜᤠ᤹ᤖᤧ ᤗᤢᤱᤅᤡᤸᤗᤧ ᤀᤠᤶᤗᤧᤵ ᤀᤠᤶᤛᤧᤳ ᤑᤠ᤹ᤀᤠᤱ ᤔᤧᤃᤡᤛᤧᤖᤥ॥  
\v 27 ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤕᤧᤈᤢᤶᤓᤥ ᤋᤃᤡ ᤔᤧᤕᤧᤵᤛᤢᤛᤡᤀᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ.  
\v 28 “ᤀᤠᤏᤡᤃᤧᤃ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤔᤏᤠᤜᤠ᤹ ᤌᤣᤀᤠᤱ ᤔᤧᤜᤢ᤹ᤖᤧᤶᤛᤡᤶᤔᤧᤴᤏᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤀᤠᤛᤡᤃᤧᤀᤠᤱ ᤘᤕᤧ. ᤁᤖ ᤂᤡᤏᤡ᤹ᤃ ᤕᤖᤢᤛᤗᤧᤶᤔᤥ ᤂᤡᤏᤡ᤹ ᤏᤡᤛᤠᤶᤔᤡᤸᤗᤧ ᤁᤧᤎᤡᤶᤛᤢᤶᤔᤠᤱ ᤁᤴ ᤔᤏᤠ᤺ᤸᤗᤧ ᤁᤢᤛᤡ᤺ᤔᤧᤸᤗᤧ ᤀᤠᤵᤋᤡᤰᤁᤡᤴ ᤕᤠᤵᤔᤡ ᤁᤢ᤺ᤵᤔᤠ ᤁᤧᤃᤥ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ᥄” 
\p  
\v 29 ᤁᤖ ᤐᤋᤪᤢᤛ ᤏᤢ ᤘᤣ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧᤃ ᤂᤡᤏᤡ᤹ ᤔᤏᤠᤜᤠ᤹ᤖᤧ ᤐᤠ᤺ᤴᤏᤡᤴ ᤂᤧᤶᤔᤠᤏᤢ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴᤏᤧ ᤂᤧᤶᤔᤠ ᤐᤥ᤺ᤱᤗᤥ॥  
\v 30 ᤂᤡᤏᤡ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤑᤥ᤺ᤶᤔᤠ ᤛᤧᤵᤔᤠ ᤁᤧᤒᤠᤱᤄᤢᤶᤛᤡᤶᤒᤠ ᤕᤧᤛᤢ᤺ᤴ ᤀᤠᤏᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤶᤔᤥ ᤁᤢᤜᤡᤱᤘᤧᤳ ᤆᤥᤃᤢᤖᤥ॥  
\v 31 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤃ ᤗᤠᤶᤗᤥ᤺ᤒᤠ ᤏᤢ ᤛᤧᤴᤗᤵᤍᤠᤱᤒᤠ ᤐᤥ᤺ᤱᤛᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤰᤂᤢᤖᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤛᤪᤠᤀᤡᤗᤛ᤻ᤔᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤗᤠᤶ ᤜᤡᤶᤔᤠ ᤏᤢ ᤗᤠᤕᤥᤗᤠᤶ ᤗᤧᤵᤔᤡ ᤂᤥ᤺ᤔᤠ ᤛᤢᤕᤧᤶ ᤔᤧᤄᤥ᤺ᤛᤢᤀᤠᤱ ᤔᤧᤘᤠ᤹ᤖᤥ॥  
\v 32 ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤡᤸᤗᤧᤴ ᤋᤥ᤺ᤴᤍᤡ᤺ᤱᤃ ᤀᤠᤏᤡᤃᤧ ᤘᤕᤡᤃᤧᤖᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱ ᤋᤧᤴᤍᤡᤱ ᤁᤧᤈᤥ᤺ᤰᤐᤠᤜᤠ᤹ ᤐᤡᤖᤢᤛᤡᤒᤠ ᤛᤣᤛᤣᤔᤠᤱᤅᤡᤴᤏᤠᤱ ᤋᤥ᤺ᤴᤍᤡ ᤘᤠ᤹ᤖᤥ॥” 
\p  
\v 33 ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤕᤧᤈᤢᤶᤓᤥᤀᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤛᤠ᤹ᤖᤡᤰ ᤂᤢᤏᤡ᤹ ᤛᤠᤰᤁᤧᤴ ᤐᤥᤃᤧᤀᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤛᤧᤵᤔᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥  
\v 34 ᤁᤖ ᤂᤧᤵᤔᤥ ᤛᤠᤶᤕᤥᤌᤡᤶᤛᤠᤶᤒᤠ ᤏᤢ ᤁᤠᤰ ᤔᤏᤠᤜᤠ᤹ᤖᤧ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤒᤠ ᤃᤔᤠᤗᤡᤕᤗ ᤔᤧᤵᤔᤏᤠᤒᤠ ᤑᤖᤡᤛᤡ᤺ᤴ ᤕᤧᤶᤛᤡᤱᤅᤠᤱ ᤂᤧᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤛᤵᤑᤠᤎᤡᤰ ᤗᤠ᤺ᤰᤁᤠᤳ ᤐᤠᤱᤄᤢᤛᤡ॥  
\v 35 ᤜᤧᤰᤁᤩᤠᤱ ᤂᤢᤏᤧ᤹ ᤘᤣ᤹ ᤕᤜᤢᤍᤡ ᤕᤧᤈᤢᤶᤓᤥᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤔᤧᤳᤋᤢᤛᤡ. “ᤀᤡᤛᤪᤠᤀᤡᤗᤛ᤻ᤔᤠ ᤔᤏᤠᤛᤣ. ᤁᤴ ᤔᤏᤠᤜᤠ᤹ ᤌᤧᤔᤠ ᤔᤧᤵᤔᤠᤛᤡ ᤂᤡᤏᤡ᤹ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶᤔᤠᤱ ᤁᤧᤘᤕᤡ᤹ᤒᤣ᥅ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ᥄  
\v 36 ᤁᤢᤓᤠ ᤋᤱᤒᤣ ᤋᤃᤡ ᤌᤡᤕᤠᤍᤛ ᤔᤧᤵᤔᤏᤠᤒᤧᤴ ᤋᤩᤧᤀᤠᤱ ᤘᤕᤧ॥ ᤂᤢᤏᤧ᤹ᤃ ᤖᤥᤔᤡ ᤜᤠᤱᤈᤢᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤜᤠᤱᤒᤡᤑᤩᤢᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤀᤡᤱᤃᤠ᤹ᤀᤣ᤺ᤰ ᤗ᤹ᤖᤧᤀᤠᤱ ᤘᤕᤧᤖᤥ॥ ᤜᤧᤰᤁᤩᤠᤱ ᤁᤢᤓᤠ ᤁᤢᤃᤡᤵ ᤗᤡᤛᤡ (᥊᥆᥆) ᤔᤏᤠᤜᤠ᤹ᤖᤧᤀᤠᤱ ᤂᤢᤏᤧ᤹ ᤔᤧᤍᤡᤶᤍᤢ. ᤁᤖ ᤁᤢᤓᤠ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤛᤧᤖᤢᤀᤠᤱ ᤂᤢᤏᤧ᤹ ᤁᤧᤍᤡᤶᤒᤠ ᤔᤏᤠᤜᤠ᤹ ᤁᤠᤰ ᤔᤧᤛᤧ᤺ᤖᤧᤀᤠᤱ ᤔᤧᤏᤢᤒᤧ ᤔᤧᤒᤣᤖᤥ॥  
\v 37 ᤕᤠᤱᤛᤡ ᤐᤕᤶ ᤕᤠᤶᤏᤠ᤺ᤳᤏᤡ᤺ᤳᤋᤥ ᤃᤠᤗᤡᤗᤛ᤻ᤔᤠ ᤕᤜᤢᤍᤠ ᤔᤧᤵᤔᤏᤠᤒᤧᤴ ᤋᤩᤧᤀᤠᤱ ᤁᤢᤓᤠ ᤔᤏᤠᤜᤠ᤹ᤏᤢ ᤋᤱᤛᤡᤱᤅᤠᤱ ᤜᤠᤱᤒᤡᤑᤩᤢᤱ ᤆᤥᤃᤢᤖᤥ. ᤁᤖ ᤂᤢᤏᤧ᤹ᤀᤠᤱ ᤔᤧᤛᤧᤖᤢ ᤜᤧᤰᤁᤩᤠᤱ ᤂᤢᤏᤧ᤹ ᤁᤧᤍᤡᤶᤒᤠᤜᤠ᤹ᤀᤠᤱ ᤔᤧᤛᤧ᤺ᤖᤧ ᤔᤧᤒᤣᤖᤥ॥  
\v 38 ᤁᤴ ᤔᤏᤠᤜᤠ᤹ ᤔᤧᤛᤢᤛᤧᤶᤛᤡᤶᤔᤡᤴᤏᤧ᤹ ᤗᤧᤖᤧᤶᤍᤧ᤺ᤛᤧᤶᤛᤡᤶᤔᤧ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤛᤢᤈᤠ ᤐᤡᤏᤡᤱᤗᤥ॥ ᤌᤣᤀᤠᤱᤓᤧᤸᤗᤧ ᤁᤱᤜᤠ᤹ᤖᤧ ᤔᤧᤜᤢ᤹ᤖᤢᤛᤡᤒᤠ ᤔᤧᤈᤥᤃᤢᤛᤡᤒᤠ ᤐᤠ᤺ᤴᤏᤡᤴ ᤔᤏᤠᤗᤠᤶᤏᤧ ᤑᤠ᤹ᤃᤪ ᤁᤴ ᤔᤏᤠᤜᤠ᤹ ᤔᤧᤏᤢᤵ ᤔᤧᤒᤣ᤺ᤰᤗᤥ॥  
\v 39 ᤁᤖ ᤏᤡᤱᤘᤠ᤹ᤑᤢᤔᤠᤱᤗᤠᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤴ ᤔᤏᤠᤜᤠ᤹ ᤀᤵᤔᤠ ᤁᤧᤴᤇᤢᤰᤋᤢᤶᤛᤡᤶᤔᤡᤴᤗᤥ. ᤁᤖ ᤕᤠᤱᤏᤠ ᤂᤡᤏᤡ᤹ᤏᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤁᤧᤒᤥᤃᤡᤒᤠ ᤁᤢᤀᤡᤛᤡ᤺ᤰ ᤐᤥ᤺ᤱᤗᤥ॥” 
\p  
\v 40 ᤂᤢᤏᤧ᤹ ᤁᤢᤒᤠ᤺ᤴᤏᤡᤴ ᤕᤧᤈᤢᤶᤓᤥᤒᤠ ᤔᤏᤠᤜᤠ᤹ ᤂᤧᤶᤔᤠ ᤔᤧᤍᤧᤴᤍᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤔᤧᤀᤢ᤺ᤳᤋᤢᤛᤡᤀᤠᤱ ᤋᤧ᤺ᤶᤓᤢᤰ ᤔᤧᤕᤠᤰᤋᤢᤛᤡᤖ ᤀᤠᤸᤗ ᤁᤴ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤵᤔᤠ ᤜᤢ᤹ᤔᤠ ᤁᤧᤱᤄᤥ᤺ᤛᤢᤶᤔᤡᤴᤗᤥ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤔᤧᤒᤡᤖᤢᤛᤡᤀᤠᤱ ᤔᤧᤗᤧᤖᤢᤛᤡᤖᤥ॥ 
\p  
\v 41 ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤕᤧᤈᤢᤶᤓᤥᤗᤠᤶ ᤔᤧᤗ᤺ᤴᤍᤧ ᤔᤧᤒᤣᤀᤠᤱ ᤀᤠᤏᤡᤃᤧᤃ ᤕᤧᤛᤢᤖᤧ ᤁᤢᤔᤏᤠ ᤐᤥ᤺ᤰᤂᤡᤃᤧᤒᤠᤸᤗᤧ ᤆᤥᤃᤢᤸᤗᤧ ᤋᤢᤰᤂᤣ ᤆᤠᤔᤠ ᤗᤠ᤹ᤖᤡᤃᤧ ᤑᤠ᤹ᤀᤠᤱ ᤛᤠ᤹ᤖᤡᤰ ᤔᤧᤛ᤺ᤳᤋᤧᤖᤥ॥  
\v 42 ᤜᤧᤰᤁᤩᤠᤱ ᤌᤡᤰᤕᤠ᤺ᤴᤎᤰ ᤂᤧᤱᤜᤠ᤹ ᤔᤠᤱᤜᤡᤶᤔᤥ ᤏᤢ ᤜᤡᤶᤜᤡᤶ ᤔᤧᤒᤣᤀᤠᤱ ᤕᤧᤛᤢ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ ᤑᤠ᤹ᤀᤠᤱ ᤁᤴ ᤛᤢᤏᤠᤀᤡᤱᤅᤡᤴ ᤆᤰᤔᤧᤸᤗ᤹ᤀᤣ ᤔᤧᤜᤢ᤹ᤖᤢᤛᤡᤖ ᤀᤡᤱᤓᤴ ᤔᤧᤈᤥᤃᤢᤖᤥ॥ 
\c 6  
\s1 ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤁᤢᤓᤠ᤹ ᤁᤧᤒᤡᤒᤠ ᤏᤢᤛᤡ ᤔᤏᤠᤜᤠ᤹ ᤔᤧᤛᤣᤃᤧ 
\p  
\v 1 ᤀᤠᤸᤗ ᤂᤧᤴ ᤕᤧᤶᤔᤥ ᤜᤢ᤹ᤛᤠᤶᤒᤠᤜᤠ᤹ ᤆᤰᤔᤧᤸᤗ᤹ᤀᤣ ᤔᤧᤒᤥ᤺ᤖᤧᤖ ᤔᤧᤒᤣ᤺ᤸᤗᤧ ᤃᤪᤡᤁ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ ᤏᤢ ᤜᤡᤒᤪᤢ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ᤀᤥ ᤂᤧᤔᤠ᤹ ᤐᤥᤃᤧᤖᤥ॥ ᤃᤪᤡᤁ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ᤖᤧ ᤀᤠᤏᤡᤃᤧ ᤔᤣᤔᤣᤍᤢᤔᤠᤜᤠ᤹ ᤌᤡᤰᤕᤠ᤺ᤴᤎᤰᤐᤠ ᤆᤠᤔᤠ ᤌᤢᤱᤔᤠ ᤔᤧᤜᤠᤛᤢᤒᤠᤀᤥ ᤏᤢ᤺ᤖᤡᤰᤁᤠᤱ ᤁᤶᤒᤪᤠᤱ ᤔᤧᤴᤈᤥᤃᤢᤛᤡᤴ ᤑᤠ᤹ᤀᤠᤱ ᤗᤢᤱᤔᤧᤜᤠ᤺ᤳᤋᤢᤛᤡᤖᤥ॥  
\v 2 ᤜᤧᤰᤁᤣ᤺ᤸᤗᤧ ᤌᤡᤰ-ᤏᤧᤳ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤕᤖᤢᤛᤗᤧᤔᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤔᤧᤀᤢ᤺ᤳᤋᤢᤛᤡᤀᤠᤱ ᤀᤰᤂᤣ ᤔᤧᤔᤧᤳᤋᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤆᤥ᤺ᤰᤔᤠ ᤏᤢ ᤜᤢ᤹ᤔᤠᤛᤡ ᤗᤧᤵᤔᤠᤀᤠᤱ ᤆᤠᤔᤠ ᤌᤢᤱᤔᤠᤖᤧ ᤋᤱᤃᤠᤶ ᤆᤥ᤺ᤰᤔᤠ ᤔᤧᤗᤠ᤹ᤖᤡᤃᤧᤴᤗᤥ॥  
\v 3 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤗᤢᤶᤔᤥᤗᤠᤶ ᤏᤢᤛᤡ ᤔᤡᤱᤛᤥᤍᤠᤱᤒᤠ ᤑᤠ᤹ᤀᤠᤱ ᤁᤧᤀᤡᤱᤒᤠ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤏᤢ ᤛᤡᤰᤁᤢᤶᤍᤡᤱᤏᤡᤱᤘᤠ᤹ᤖᤧ ᤁᤢᤎᤡᤶ ᤁᤧᤒᤥ᤺ᤱᤒᤠ ᤔᤏᤠᤜᤠ᤹ ᤛᤣᤃᤧᤶᤛᤡᤶᤔᤧ᤹ᤀᤥ॥ ᤂᤧᤱᤜᤠ᤹ ᤀᤠᤏᤡᤃᤧ ᤁᤴ ᤗᤰᤐᤧᤴᤜᤠ᤹ ᤜᤢᤰᤛᤢᤵᤋᤢᤶᤛᤡᤶᤒᤧᤀᤠᤱ  
\v 4 ᤆᤰᤔᤧᤸᤗ᤹ᤀᤣ ᤋᤢᤘᤠ ᤆᤥ᤺ᤰᤔᤠ ᤏᤢ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤆᤥ᤺ᤰᤔᤠᤀᤥ ᤏᤢ ᤜᤢ᤹ᤔᤠᤀᤥ ᤕᤧᤶ ᤐᤡᤖᤢᤶᤒᤧ᤹ᤖᤥ॥”  
\v 5 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤁᤴ ᤐᤠ᤺ᤴᤏᤡᤸᤗᤧ ᤁᤠᤰ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠᤛᤢᤖᤥ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤏᤢ ᤏᤛᤠ᤺ᤴᤏᤡᤸᤗᤧ ᤁᤢᤎᤡᤶ ᤁᤧᤒᤥ᤺ᤱᤒᤠ ᤛ᤻ᤋᤡᤑᤏᤛ. ᤜᤧᤰᤁᤩᤠᤱ ᤑᤡᤗᤡᤐ. ᤐᤪᤂᤢᤖᤛ. ᤏᤡᤁᤠᤏᤥᤖ. ᤋᤡᤔᤥᤏ. ᤐᤷᤔᤡᤏᤠᤛ. ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤗᤠᤶ ᤕᤜᤢᤍᤡ ᤛᤠᤶᤕᤥᤀᤥ ᤁᤧᤍᤠ᤺ᤒᤠ ᤀᤣᤴᤋᤡᤀᤥᤁᤛ᤻ᤔᤠ ᤏᤛᤠᤏᤡᤒᤠ ᤏᤡᤁᤥᤗᤛᤧᤴ ᤔᤧᤛᤣᤃᤢᤛᤡᤀᤠᤱ  
\v 6 ᤂᤧᤱᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤔᤧᤍᤠᤖᤢᤛᤡᤖᤥ॥ ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤛᤶᤍᤠᤱ ᤜᤢᤰ ᤔᤧᤏᤧᤛ᤻ᤛᤢ ᤔᤧᤒᤡᤖᤢᤛᤡᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢ᤹ᤀᤡᤛᤠᤶ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤋᤢᤘᤠ ᤔᤧᤈᤥᤃᤢᤖᤥ 
\p  
\v 7 ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤆᤰᤔᤧᤸᤗ᤹ᤀᤣ ᤔᤧᤛᤧ᤺ᤛᤢᤖ ᤔᤧᤍᤣ᤹ᤖᤢ॥ ᤜᤧᤰᤁᤩᤠᤱ ᤕᤖᤢᤛᤗᤧᤶᤔᤥ ᤜᤢ᤹ᤛᤠᤶᤒᤠᤜᤠ᤹ ᤕᤖᤡᤰ ᤔᤧᤒᤥ᤺ᤰᤂᤧᤖ ᤔᤧᤒᤣᤀᤠᤱ ᤕᤖᤡᤰ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧᤀᤠᤱ ᤁᤴ ᤏᤛᤠ᤺ᤴᤏᤡᤴ ᤋᤧᤴᤍᤡᤱ ᤔᤧᤈᤥᤃᤢᤖᤥ॥ 
\s1 ᤛ᤻ᤋᤡᤑᤏᤛᤧᤴ ᤔᤧᤍᤧᤶᤛᤢ᤹ 
\p  
\v 8 ᤀᤠᤸᤗ ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤏᤢ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤍᤡᤶᤒᤠ ᤛ᤻ᤋᤡᤑᤏᤛᤧᤸᤗᤧ ᤔᤏᤠᤗᤢᤶᤔᤥ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤏᤢ ᤔᤡᤰᤛᤣ᤺ᤴᤜᤠ᤹ ᤆᤥᤃᤢᤖᤥ॥  
\v 9 ᤁᤖ “ᤆᤥ᤺ᤰᤕᤢᤶᤓᤥᤛᤠᤒᤠᤜᤠ᤹ᤖᤧᤴ\f * \fr 6:9 \ft “ᤆᤥ᤺ᤰᤕᤢᤶᤓᤥᤛᤠᤒᤠ” ᤔᤧᤔᤧᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤋᤃᤡ ᤖᤥᤔᤡᤜᤠ᤹ᤖᤧ ᤂᤢᤏᤡ᤹ ᤕᤥ᤺ᤰᤐᤠ ᤕᤥ᤺ᤰᤔᤠ ᤔᤧᤘᤕᤧ॥\f* ᤆᤢᤶᤗᤢᤱᤜᤡᤶ” ᤔᤧᤵᤔᤏᤠᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤁᤧᤕᤠᤰᤐᤠ ᤁᤢᤓᤠ ᤔᤏᤠᤜᤠ᤹ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤔᤧᤒᤥᤃᤧ॥ ᤂᤧᤱᤜᤠ᤹ ᤛᤠᤀᤡᤖᤣᤏᤡ ᤏᤢ ᤀᤗᤧᤰᤈᤧᤴᤍᤪᤡᤕᤠ ᤕᤧᤰᤕᤰ. ᤜᤧᤰᤁᤩᤠᤱ ᤛᤡᤗᤡᤛᤡᤕᤠ ᤏᤢ ᤀᤣᤛᤡᤕᤠ ᤋᤧᤱᤃᤵᤛ᤻ᤔᤠ ᤕᤜᤢᤍᤡ ᤔᤧᤘᤕᤧᤖᤥ॥ ᤂᤧᤱᤜᤠ᤹ᤖᤧ ᤛ᤻ᤋᤡᤑᤏᤛᤏᤢ ᤐᤠ᤺ᤴ ᤌᤰᤔᤠ ᤔᤧᤜᤣ᤺ᤰᤋᤢ.  
\v 10 ᤁᤖ ᤛᤣᤛᤣᤔᤠᤱᤗᤠᤶ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤥ ᤛ᤻ᤋᤡᤑᤏᤛᤧᤴ ᤐᤠᤖᤧᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤐᤠ᤺ᤴᤎᤱᤅᤥ ᤏᤠ᤺ᤶᤔᤠ ᤔᤧᤴᤇᤢᤰᤋᤢᤴᤗᤥ॥ 
\p  
\v 11 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤫᤠ᤺ᤳᤋᤠᤱ ᤔᤏᤠᤜᤠ᤹ ᤀᤰᤂᤣᤗ᤹ᤖᤡᤰ ᤐᤠ᤺ᤵᤔᤠ ᤔᤧᤜᤢᤛᤢᤛᤡᤖᤥ. “ᤀᤠᤏᤡᤃᤧᤃ ᤁᤸᤗᤧ ᤔᤥᤛᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠᤖᤧᤒᤠ ᤂᤧᤵᤛᤢᤶᤒᤧᤖᤥ॥” 
\p  
\v 12 ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹. ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤘᤣ᤹ ᤔᤏᤠᤜᤠ᤹ ᤔᤧᤓᤥ᤺ᤰᤂᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤍᤩᤧᤀᤠᤱ ᤛ᤻ᤋᤡᤑᤏᤛᤧᤴ ᤔᤧᤍᤧᤶᤛᤢᤀᤠᤱ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤕᤧᤈᤢᤶᤓᤥᤀᤥ ᤔᤧᤍᤣ᤹ᤖᤢᤖᤥ॥  
\v 13 ᤜᤧᤰᤁᤩᤠᤱ ᤑᤥᤋᤩᤠᤒᤠ ᤋᤥ᤺ᤴᤍᤡ ᤐᤡᤛᤧ ᤔᤧᤍᤠᤖᤢᤛᤡᤒᤠᤜᤠ᤹ᤖᤧ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢ. “ᤁᤴ ᤔᤏᤠ᤺ᤸᤗᤧᤃ ᤀᤠᤵᤑᤠᤸᤗᤧᤛᤠᤱ ᤁᤴ ᤛᤣᤛᤣᤔᤠᤱᤜᤡᤶ ᤏᤢ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤠᤖᤧᤒᤠᤖᤰ ᤂᤧᤵᤛᤢᤶᤒᤧᤖᤥ॥  
\v 14 ᤜᤧᤰᤁᤩᤠᤱ ᤁᤸᤗᤧᤃ. ᤏᤠᤛᤖᤋᤛ᤻ᤔᤠ ᤕᤧᤛᤢᤖᤧ ᤁᤴ ᤔᤠᤱᤜᤡᤶᤔᤡᤴ ᤕᤛ᤻ᤛᤢᤀᤠᤱ ᤔᤥᤛᤠᤖᤧ ᤀᤠᤒᤡᤖᤧ ᤀᤠᤕᤢᤛᤧᤒᤠ ᤛᤠᤰᤌᤡᤶᤜᤠ᤹. ᤆᤥ᤺ᤰᤌᤡᤶᤜᤠ᤹ ᤁᤧᤖᤧᤰ ᤗᤧᤰᤂᤢ ᤀᤠᤒᤡᤖᤧᤖᤥ ᤗ᤹ᤖᤡᤰ ᤐᤠ᤺ᤳᤋᤢᤖᤥ॥” 
\p  
\v 15 ᤜᤧᤰᤁᤩᤠᤱ ᤂᤧᤴ ᤆᤢᤶᤗᤢᤱᤅᤥ ᤁᤧᤕᤢᤱᤒᤠᤜᤠ᤹ᤖᤧ ᤂᤢᤏᤧ᤹ ᤀᤍᤰᤋᤰᤁᤠᤱ ᤀᤥᤔᤧᤔᤧᤳᤋᤢᤸᤗᤧ ᤁᤢᤏᤠᤖᤠ᤺ᤱᤃ ᤔᤠᤱᤗᤠᤀᤡᤱᤒᤠᤸᤗᤧᤴ ᤜᤧᤰᤁᤣ ᤀᤥ᤺ᤳᤋᤧᤒᤠ ᤔᤧᤏᤡ᤺ᤛᤢᤖᤥ॥ 
\c 7  
\s1 ᤛ᤻ᤋᤡᤑᤏᤛᤧᤸᤗᤧ ᤀᤢᤘᤠ ᤆᤥᤃᤢ᤹ 
\p  
\v 1 ᤜᤧᤰᤁᤩᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤛ᤻ᤋᤡᤑᤏᤛᤧᤴ ᤛᤣ᤺ᤴᤍᤥᤛᤢ. “ᤁᤴ ᤀᤠᤵᤋᤡᤰᤜᤠ᤹ ᤛᤧᤰᤂᤠᤀᤣᤒᤡ᥅”  
\v 2 ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤏᤥᤃᤵ ᤐᤡᤖᤢᤛᤡ. “ᤐᤠ᤺ᤛᤣ. ᤑᤢ᤹ᤏᤢᤛᤠ᤹ᤛᤣ. ᤀᤠᤄᤧᤵᤛᤧᤶᤔᤧ᤹ᤀᤥ᥄ ᤀᤠᤏᤡ᤹ ᤛᤢᤎᤧᤒᤠ ᤀᤒᤪᤠᤜᤠᤶᤔᤡᤴ ᤜᤠᤖᤠᤏ ᤕᤧᤰᤕᤰᤁᤥ ᤐᤣ᤺ᤰᤔᤠᤀᤠᤱ ᤕᤢᤱᤔᤠᤏᤢ᤺ᤸᤗᤧ ᤋᤃᤡ ᤂᤢᤏᤧ᤹ ᤔᤧᤛᤥᤐᤥᤋᤠᤔᤡᤕᤠ ᤋᤧᤱᤃᤵᤐᤥ ᤘᤕᤧᤸᤗᤧᤀᤣ ᤔᤡᤔᤡᤍᤡᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤂᤢᤏᤧ᤹ᤀᤥ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ  
\v 3 ᤀᤰᤂᤣ ᤔᤧᤳᤋᤢᤖᤥ. ‘ᤁᤴ ᤗᤠᤈᤣ᤹ ᤏᤢ ᤁᤧᤃᤠ᤹ᤀᤡ ᤛᤥ᤹ᤎᤥ᤺ᤰᤜᤠ᤹ ᤗᤧᤖᤧᤎᤩᤧᤛᤧ᤹ᤀᤠᤱ ᤂᤧᤏᤧ᤹ ᤀᤥᤛᤣ᤺ᤴᤎᤠᤰᤏᤧᤒᤠ ᤗᤠᤈᤣ᤹ᤀᤥ ᤐᤣᤃᤧ᤹ᤀᤥ॥’  
\v 4 ᤜᤧᤰᤁᤣ᤺ᤸᤗᤧ ᤂᤢᤏᤧ᤹ᤀᤠᤱ ᤁᤠᤸᤍᤡᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ᤗᤠᤶ ᤗ᤺ᤴᤍᤧᤀᤠᤱ ᤜᤠᤖᤠ᤺ᤴᤏᤥ ᤐᤣᤀᤠᤱ ᤕᤢᤱᤛᤡᤱ॥ ᤂᤧᤵᤔᤥ ᤁᤢᤶᤒᤠ ᤛᤩᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤂᤧᤴ ᤗᤠᤈᤣ᤹ᤗᤠᤶ ᤋᤣ᤹ᤖᤢᤀᤠᤱ ᤀᤠᤸᤗᤥ ᤁᤵᤔᤥ ᤀᤠᤕᤢᤱᤒᤠ ᤗᤠᤈᤣ᤹ᤀᤥ ᤋᤠᤖᤢᤖᤥ॥  
\v 5 ᤜᤧᤰᤁᤣᤛᤠᤱ ᤂᤢᤏᤧ᤹ ᤁᤴ ᤗᤠᤈᤣ᤹ᤀᤥ ᤗᤠᤱᤓᤥ ᤋᤥ᤹ᤔᤠ ᤗᤠᤈᤣ᤹ᤀᤠᤱ ᤔᤧᤒᤡᤖᤢᤴᤗᤥ. ᤁᤖ ᤁᤴ ᤂᤢᤏᤧ᤹ ᤏᤢ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤋᤠ᤺ᤴᤍᤡ ᤐᤡᤔᤠᤛᤡ ᤑᤠ᤹ᤀᤠᤱ ᤔᤠᤱᤜᤧᤰ ᤆᤥᤃᤢᤖᤥ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤕᤧᤶᤔᤥ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ᤎᤡᤰᤁᤠᤱ ᤜᤥ᤺ᤵᤋᤧᤖᤥ॥  
\v 6 ᤕᤠᤱᤛᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤀᤰᤂᤣ ᤔᤧᤳᤋᤢ. ‘ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤠ᤺ᤱᤄᤠᤒᤠ ᤘᤣ᤹ ᤗᤠᤈᤣ᤹ᤀᤥ ᤔᤧᤕᤢᤱᤗᤥ॥ ᤂᤧᤵᤔᤥᤒᤠ ᤗᤠᤈᤣ᤹ᤛᤠᤒᤠᤜᤠ᤹ᤖᤧ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤀᤠᤱ ᤁᤢᤃᤡᤵ ᤗᤡᤛᤡ ᤋᤱᤒᤣ (᥊᥆᥆) ᤌᤠᤖᤡᤰ ᤂᤢᤏᤡ᤹ ᤛᤠᤰᤁᤧᤸᤗᤧᤰᤁᤠᤱ ᤕᤥ᤺ᤰ ᤔᤧᤈᤥᤃᤢᤛᤡ᤹ᤖᤥ॥  
\v 7 ᤁᤖ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤕᤥ᤺ᤰᤐᤠ ᤁᤧᤈᤥ᤺ᤰᤐᤠ ᤂᤧᤵᤔᤥᤒᤠ ᤗᤠᤈᤣ᤹ᤛᤠᤒᤠᤜᤠ᤹ ᤀᤡᤱᤃᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱᤗᤥ॥ ᤜᤧᤰᤁᤩᤠᤱ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤴ ᤗᤠᤈᤣ᤹ᤀᤥᤗᤠᤶ ᤁᤴ ᤗᤠᤈᤣ᤹ᤀᤥ ᤔᤧᤎᤠᤱᤅᤠᤱ ᤀᤡᤱᤃᤠ᤹ ᤛᤣᤘᤠ ᤔᤧᤈᤥ᤺ᤰᤁᤠᤖᤥ॥’  
\v 8 ᤜᤧᤰᤁᤩᤠᤱ ᤀᤒᤪᤠᤜᤠᤶᤔᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣ ᤔᤠᤱᤜᤢᤵᤗᤧᤴ ᤔᤡᤰᤛᤣ᤺ᤴ ᤐᤥ᤺ᤱᤗ ᤑᤠ᤹ᤀᤠᤱ ᤜᤷᤍᤥ ᤜᤧᤰᤔᤠ\f * \fr 7:8 \ft ᤜᤷᤍᤥ ᤜᤧᤰᤔᤠ–ᤜᤷᤍᤥ ᤜᤧᤰᤔᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤔᤡᤰᤛᤣ᤺ᤴ ᤘᤕᤧ॥ \f* ᤌᤡᤶ ᤐᤡᤖᤢᤖᤥ॥ ᤜᤧᤰᤁᤣ᤺ᤸᤗᤧ ᤀᤒᤪᤠᤜᤠᤔᤖᤧ ᤀᤡᤛᤜᤠᤰᤁᤡᤴ ᤛᤠᤘᤠ᤺ᤴᤍᤢᤀᤠᤱ ᤕᤧᤳᤇᤡ (᥎) ᤕᤧᤴᤏᤥ ᤜᤷᤍᤥ ᤜᤧᤃᤢ ᤐᤡᤖᤢ॥ ᤜᤧᤰᤁᤩᤠᤱ ᤀᤡᤛᤜᤠᤁᤧᤴ ᤕᤠᤁᤢᤒᤖᤧ ᤁᤢᤶᤒᤠᤖᤥ॥ ᤀᤠᤏᤡ᤹ᤃ ᤕᤠᤁᤢᤒᤖᤧ ᤌᤡᤰ-ᤏᤧᤳ (᥇᥈) ᤁᤢᤛ᤻ᤛᤠ᤺ᤜᤠ᤹ᤖᤧ ᤂᤢᤏᤡ᤹ ᤔᤢ᤹ᤀᤡᤍᤠᤱᤛᤠᤛᤡᤖᤥ॥ 
\p  
\v 9 ᤁᤢᤶᤓᤢ᤹ᤛᤡᤖᤧ ᤕᤢᤛᤢᤑᤧᤴ ᤛᤠ᤹ᤖᤡᤰ ᤏᤠᤔᤧᤜᤧᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤔᤡᤛᤪᤡᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤔᤧᤛᤱᤄᤢᤀᤠᤱ ᤂᤢᤏᤧ᤹ ᤕᤥ᤺ᤰᤐᤠ ᤐᤥ᤺ᤰᤂᤧ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤢᤏᤧ᤹ᤏᤢ ᤘᤕᤧ.  
\v 10 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤍᤢᤰᤂᤣᤘᤠᤗᤠᤶ ᤛᤧ᤺ᤵᤋᤢᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤐᤡᤖᤢᤒᤠᤸᤗᤧ ᤆᤥᤃᤢᤸᤗᤧ ᤑᤠᤖᤥ ᤜᤠᤱᤅᤡᤸᤗᤧ ᤂᤢᤏᤧ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤢᤖ ᤔᤡᤛᤪ ᤗᤠᤈᤣ᤹ ᤏᤢ ᤁᤢᤕᤠᤱᤛᤠᤁᤢᤴᤎᤣ ᤛᤶᤍᤠᤱ ᤛᤢᤜᤠᤱᤕᤢᤰᤐᤠ ᤆᤥᤃᤢᤖᤥ॥ 
\p  
\v 11 ᤜᤧᤰᤁᤩᤠᤱ ᤔᤡᤛᤪ ᤗᤠᤈᤣ᤹ ᤏᤢ ᤁᤏᤠᤏ ᤗᤠᤈᤣ᤹ᤀᤥ ᤛᤠ᤹ᤖᤡᤰ ᤕᤶᤒᤠ ᤛᤠᤰ ᤌᤩᤧᤀᤠᤱ ᤕᤶᤒᤠ ᤋᤢᤰᤂᤣᤘᤠ ᤏᤢ ᤔᤡᤴᤍᤣ᤹ ᤐᤥᤃᤧ. ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤖᤧ ᤆᤠᤔᤠ ᤌᤧᤔᤠᤀᤠᤱ ᤔᤧᤱᤃᤳᤋᤢᤴᤗᤥ॥  
\v 12 ᤁᤖ ᤕᤠᤁᤢᤒᤖᤧ ᤔᤡᤛᤪᤀᤥ ᤕᤖᤡᤰ ᤆᤠ ᤘᤠ᤹ ᤁᤧᤗ᤹ᤒᤠ ᤂᤧᤵᤛᤢᤀᤠᤱ ᤁᤢᤛ᤻ᤛᤠ᤺ᤜᤠ᤹ ᤆᤠ ᤗᤠ᤺ᤛᤧ ᤐᤠᤱᤄᤢᤛᤡ॥ ᤂᤧᤱᤜᤠ᤹ᤖᤧ ᤕᤢᤛᤢᤑᤗᤠᤶ ᤆᤠ᤺ᤴ ᤔᤧᤀᤡᤅᤢ ᤁᤖ ᤂᤢᤏᤧ᤹ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤜᤡᤶᤔᤥ ᤔᤧᤏᤢ᤺ᤰᤂᤧᤖᤥ॥  
\v 13 ᤜᤧᤰᤁᤣᤗ᤹ᤖᤡᤰ ᤔᤡᤛᤪᤀᤥ ᤏᤡᤗᤧᤱ ᤆᤠ ᤗᤠ᤺ᤛᤧ ᤔᤧᤒᤣ᤺ᤸᤗᤧ ᤕᤢᤛᤢᤑᤖᤧ ᤁᤢᤶᤓᤢ᤹ ᤁᤢᤴᤛᤠ᤹ᤛᤡ ᤀᤡᤱᤃᤠ᤹ ᤕᤢᤛᤢᤑᤀᤠ ᤑᤠ᤹ᤀᤠᤱ ᤔᤧᤳᤋᤢᤛᤡ. ᤜᤧᤰᤁᤩᤠᤱ ᤑᤠᤖᤥᤜᤠᤱᤅᤡᤸᤗᤧᤀᤠᤱ ᤕᤢᤛᤢᤑᤖᤧ ᤁᤢᤜᤡᤶᤛᤕᤱᤜᤠ᤹ ᤁᤢᤛᤡᤱ ᤏᤡ᤺ᤳᤋᤢᤛᤡᤖᤥ॥  
\v 14 ᤜᤧᤰᤁᤩᤠᤱ ᤕᤢᤛᤢᤑᤖᤧ ᤁᤢᤶᤒᤠ ᤕᤠᤁᤢᤒ ᤏᤢ ᤁᤠᤰ ᤁᤢᤜᤡᤶᤛᤕᤱᤜᤠ᤹ ᤔᤡᤛᤪᤀᤥ ᤀᤢ᤺ᤳᤋᤢᤛᤡ॥ ᤂᤧᤱᤜᤠ᤹ ᤁᤧᤖᤧᤰ ᤏᤢ-ᤅᤠ (᥍᥋) ᤔᤧᤘᤕᤧᤖᤥ॥  
\v 15 ᤜᤧᤰᤁᤩᤠᤱ ᤕᤠᤁᤢᤒ ᤏᤢ ᤁᤢᤜᤡᤶᤛᤕᤱᤜᤠ᤹ ᤔᤡᤛᤪᤀᤥ ᤔᤧᤒᤣ॥ ᤕᤠᤱᤛᤡ ᤂᤢᤏᤧ᤹ ᤏᤢ ᤁᤢᤛ᤻ᤛᤠ᤺ᤜᤠ᤹ ᤂᤧᤵᤔᤥᤀᤣ ᤔᤧᤛᤩᤧ॥  
\v 16 ᤂᤢᤏᤡ᤹ ᤌᤰᤜᤠ᤹ ᤛᤣᤰᤁᤣᤔ ᤗᤠᤈᤣ᤹ᤀᤥ ᤔᤧᤍᤣ᤹ᤖᤢᤀᤠᤱ ᤀᤒᤪᤠᤜᤠᤔᤖᤧ ᤜᤠᤔᤥᤖᤖᤧ ᤁᤢᤛ᤻ᤛᤠ᤺ᤜᤠ᤹ᤗᤠᤶ ᤀᤡᤅᤢᤀᤠᤱ ᤘᤕᤧᤒᤠ ᤀᤡᤵᤐᤢᤱᤍᤧᤴᤏᤥ ᤔᤧᤗᤢᤵᤋᤢᤛᤡᤖᤥ॥ 
\p  
\v 17 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤔᤏᤢ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤁᤧᤵᤔᤠ ᤀᤡ᤺ᤳᤋᤧᤸᤗᤧ ᤔᤡᤛᤪᤀᤥ ᤀᤠᤏᤡ᤹ ᤔᤏᤠᤜᤠ᤹ ᤕᤖᤡᤰ ᤔᤧᤒᤥ᤺ᤴᤍᤧᤖ ᤔᤧᤒᤣᤖᤥ॥  
\v 18 ᤕᤖᤡᤰ ᤋᤱᤒᤣ ᤀᤣᤃᤠᤱ ᤂᤧᤵᤔᤥ ᤘᤣ᤹ᤛ᤻ᤔᤠ ᤔᤏᤠ᤺ᤴ ᤜᤠᤱ ᤐᤥ᤺ᤰᤂᤧᤀᤠᤱ ᤔᤡᤛᤪᤀᤥ ᤜᤠᤱ ᤆᤥ᤺ᤰᤔᤠ ᤜᤣ᤺ᤰᤋᤢ॥ ᤂᤧᤸᤗᤧ ᤕᤢᤛᤢᤑᤖᤧ ᤁᤢᤕᤠ᤺ᤶᤒᤣᤀᤥ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤗᤥ॥  
\v 19 ᤂᤧᤸᤗᤧ ᤀᤠᤏᤡ᤹ ᤌᤠ᤺ᤰᤌᤧᤒᤠᤜᤠ᤹ ᤀᤡᤱᤗᤧᤰ ᤔᤧᤳᤋᤢᤛᤡᤖ ᤛᤠ᤹ᤖᤡᤰ ᤏᤡᤱᤄᤢᤶ ᤆᤥᤃᤢᤛᤡᤀᤠᤱ ᤕᤧᤶᤒᤡᤳᤇᤠ᤹ ᤀᤅᤧ᤺ᤰᤘᤠᤛᤠᤜᤠ᤹ ᤔᤧᤛᤡᤖ ᤑᤠ᤹ᤀᤠᤱ ᤗᤠᤵᤑᤢ ᤐᤠᤱᤄᤢᤛᤡ॥ 
\p  
\v 20 ᤒᤠ ᤂᤧᤴ ᤕᤧᤶᤔᤥ ᤔᤥᤛᤠ᤺ᤴ ᤛᤠᤘᤠ᤺ᤴᤇᤡᤱ॥ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠ᤹ᤖᤡᤰ ᤏᤢ᤺ᤒᤠ ᤀᤅᤧ᤺ᤰᤘᤠ ᤆᤥᤃᤧ॥ ᤂᤢᤏᤧ᤹ ᤜᤡᤶᤔᤥ ᤗᤠ ᤛᤢᤶᤛᤡ ᤌᤠᤖᤡᤰ ᤁᤢᤶᤒᤠ ᤁᤢᤶᤔᤠᤛᤡᤖᤧ ᤆᤡᤰᤂᤧᤇᤢᤀᤠᤱ ᤁᤳᤋᤧᤇᤢᤖᤥ॥  
\v 21 ᤜᤧᤰᤁᤩᤠᤱ ᤂᤢᤏᤧ᤹ ᤜᤡᤶ ᤗᤠ᤺ᤰᤁᤠᤳ ᤔᤧᤗ᤺ᤳᤋᤢᤀᤠᤱ ᤘᤜᤱᤅᤡᤸᤗᤧ ᤁᤢᤕᤠᤀᤥ ᤔᤧᤏᤧᤛ᤻ᤛᤢᤸᤗᤧ ᤂᤧᤵᤔᤥ ᤑᤠᤖᤥᤜᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤜᤠᤱᤛᤠᤔᤠᤸᤗᤧ ᤂᤥ᤺ᤛᤢᤀᤠᤱ ᤁᤢᤛ᤻ᤛᤠ᤺ ᤆᤥᤃᤢᤀᤠᤱ ᤁᤳᤋᤢᤖᤥ॥  
\v 22 ᤜᤧᤰᤁᤣᤗ᤹ᤖᤡᤰ ᤔᤡᤛᤪᤀᤥ ᤁᤧᤘᤠ᤹ᤒᤠ ᤁᤧᤖᤧᤰ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤏᤡᤛᤠᤶᤜᤠ᤹ ᤂᤢᤏᤧ᤹ ᤔᤧᤜᤢ᤹ᤖᤢᤖᤥ॥ ᤜᤧᤰᤁᤩᤠᤱ ᤌᤠᤱᤒᤧᤴ ᤁᤧᤖᤧᤀᤠᤱ ᤂᤢᤏᤧ᤹ ᤐᤠ᤺ᤴᤏᤥ ᤏᤢ ᤕᤠ᤺ᤶᤒᤰᤁᤥ ᤔᤢᤰᤁᤧᤃᤢᤒᤠ ᤐᤥ᤺ᤰᤂᤧᤖᤥ॥ 
\p  
\v 23 ᤜᤧᤰᤁᤩᤠᤱ ᤔᤥᤛᤠ᤺ᤴ ᤋᤱᤒᤣ ᤗᤡᤒᤥ᤺ᤱ (᥊᥆) ᤁᤧᤖᤧᤸᤗᤧ ᤁᤢᤃᤠ᤹ᤀᤡ ᤀᤡᤛᤪᤠᤀᤡᤗᤡᤜᤠ᤹ ᤋᤢᤶᤛᤧ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥  
\v 24 ᤜᤧᤰᤁᤩᤠᤱ ᤔᤡᤛᤪᤡᤎᤡᤰᤗᤧ ᤌᤡᤰ ᤀᤡᤛᤪᤠᤀᤡᤗᤡ᤺ᤴ ᤏᤡᤱᤄᤢᤶ ᤔᤧᤳᤋᤢᤒᤠ ᤏᤡ᤺ᤛᤢ॥ ᤜᤧᤰᤁᤣ᤺ᤸᤗᤧ ᤂᤧᤴ ᤏᤠᤱᤔᤠ ᤑᤠ᤹ᤀᤠᤱ ᤐᤣᤀᤠᤱ ᤂᤧᤴ ᤔᤡᤛᤪᤡ᤺ᤴ ᤜᤡᤵᤋᤢ ᤛᤧᤖᤢᤖᤥ॥  
\v 25 ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤔᤏᤠ ᤀᤡᤛᤪᤠᤀᤡᤗᤡᤜᤠ᤹ ᤂᤢᤏᤡ᤹ ᤕᤥ᤺ᤰᤐᤠ ᤜᤡᤱᤔᤴᤗᤠᤶ ᤆᤥ᤺ᤰᤕᤢᤶᤓᤥ ᤐᤡᤔᤠᤛᤡ ᤑᤠ᤹ᤀᤠᤱ ᤂᤢᤏᤧ᤹ ᤐᤠᤱᤄᤢᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤖ ᤁᤧᤗ᤹ᤒᤠ ᤀᤡ᤺ᤳᤋᤢᤀᤠᤱ ᤘᤕᤧ. ᤁᤖ ᤂᤧᤱᤜᤠ᤹ᤖᤧ ᤂᤧᤴ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥  
\v 26 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤏᤧᤵᤑᤢ ᤀᤡᤛᤪᤠᤀᤡᤗᤡᤜᤠ᤹ ᤆᤢᤅᤧᤳᤇᤡᤖ ᤕᤠᤃᤧᤳᤇᤡᤒᤠ ᤏᤡ᤺ᤛᤢᤛᤡᤀᤠᤱ ᤏᤠᤍᤱ ᤆᤥ᤺ᤰᤔᤠᤛᤡ ᤑᤠ᤹ᤀᤠᤱ ᤐᤣᤀᤠᤱ ᤔᤧᤳᤋᤢᤛᤡ. ‘ᤋᤣ᤺ᤱᤒᤠᤛᤣ. ᤂᤡᤴᤇᤡ᤹ᤃ ᤑᤢ᤹ᤏᤢᤛᤠ᤹ ᤁᤧᤎᤠᤵᤛᤡ᥄ ᤌᤣᤀᤠᤱ ᤁᤧᤈᤢᤱᤛᤡᤒᤠᤒᤣ᥅’ 
\p  
\v 27 ᤁᤖ ᤂᤧᤴ ᤏᤡᤱᤄᤢᤶ ᤁᤧᤔᤧᤵᤐᤧᤸᤗᤧ ᤔᤥᤛᤠ᤺ᤴ ᤌᤡᤰᤗᤧᤵᤔᤠᤱ ᤆᤴᤍᤢᤖ ᤛᤣ᤺ᤴᤍᤥᤛᤢ. ‘ᤂᤧᤏᤧ᤹ ᤜᤠ᤺ᤳᤗᤧ ᤀᤠᤏᤡᤃᤧ ᤛᤶᤍᤠᤱ ᤜᤠᤱ ᤁᤧᤈᤥ᤺ᤰᤐᤠ ᤏᤢ ᤂᤠᤛᤧᤴᤗᤥ᤺ᤶᤒᤠ ᤁᤧᤈᤥᤃᤧᤀᤠᤱ ᤁᤧᤘᤠ᤹ᤒᤣ᥅  
\v 28 ᤂᤧᤏᤧ᤹ ᤔᤡ᤺ᤵᤔᤠ ᤔᤡᤛᤪᤡ᤺ᤴ ᤁᤧᤛᤧᤖᤢᤒᤠ ᤜᤧᤰᤁᤣ ᤀᤡᤱᤃᤠ᤹ᤀᤠᤱ ᤁᤧᤛᤧᤳᤋᤠᤒᤠᤒᤡ᥅’  
\v 29 ᤁᤴ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤔᤥᤛᤠᤖᤧ ᤀᤡᤱᤃᤠ᤹ ᤔᤡᤛᤪᤡ᤺ᤴ ᤛᤧᤖᤢᤱᤒᤠ ᤐᤠ᤺ᤴᤏᤡᤴᤏᤠᤱ ᤘᤣ᤹ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤒᤡᤗᤠ ᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤁᤡ᤺ᤛᤧᤀᤠᤱ ᤔᤡᤛᤪᤗᤠᤶ ᤔᤡᤍᤩᤠᤏ ᤗᤠᤈᤣ᤹ᤀᤥ ᤂᤧᤳᤇᤡᤱ ᤐᤣᤀᤠᤱ ᤂᤧᤵᤔᤥᤀᤣ ᤘᤠ᤹ᤔᤠ ᤜᤣ᤺ᤰᤋᤧ. ᤜᤧᤰᤁᤩᤠᤱ ᤂᤧᤵᤔᤥᤀᤣ ᤔᤣ᤺ᤰᤂᤡᤶ ᤆᤥᤃᤢᤀᤠᤱ ᤏᤧᤵᤑᤢ ᤁᤢᤛ᤻ᤛᤠ᤺ᤀᤠᤱ ᤐᤥ᤺ᤰᤂᤧᤳᤇᤡᤖᤥ॥ 
\p  
\v 30 ᤋᤱᤒᤣ ᤗᤡᤒᤥ᤺ᤱ (᥊᥆) ᤀᤣᤃᤠᤱ ᤛᤡᤏᤠᤀᤡ ᤁᤥ᤺ᤰᤔᤠᤸᤗᤧ ᤁᤢᤒᤣᤛᤠᤱ ᤀᤣᤰᤛᤠᤍᤧᤴᤏᤥᤒᤠ ᤔᤡ ᤁᤧᤍᤡ᤺ᤵᤐᤠ ᤐᤥ᤺ᤰᤗᤠᤀᤥ ᤔᤠᤱᤗᤠᤀᤡᤱᤒᤠᤴ ᤔᤥᤛᤠᤖᤥ ᤌᤠ᤺ᤴᤇᤡᤱᤗᤥ॥  
\v 31 ᤔᤥᤛᤠᤖᤧ ᤁᤢᤏᤡᤱᤘᤠ᤹ ᤔᤕᤧᤀᤠᤱ ᤌᤣ᤺ᤴᤏᤧᤒᤣ᥅ ᤑᤠ᤹ᤀᤠᤱ ᤁᤢᤒᤣᤛᤠᤱ ᤐᤣᤖᤥ॥ ᤁᤖ ᤂᤧᤸᤗᤧ ᤍᤠᤱᤒᤠᤸᤗᤧ ᤁᤢᤀᤡᤰᤗᤠ᤺ᤴ ᤂᤧᤵᤛᤢ–  
\v 32 ‘ᤀᤡᤱᤃᤠ᤹ ᤁᤧᤛᤢᤎᤧᤒᤠ ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒᤖᤧ ᤛᤣᤘᤠ ᤔᤧᤈᤥᤃᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤀᤠ॥’ ᤔᤥᤛᤠ᤺ᤴ ᤁᤢᤃᤡ᤺ᤔᤠᤸᤗᤧ ᤕᤰᤂᤧᤀᤠᤱ ᤂᤧᤴ ᤔᤡ ᤁᤧᤍᤡ᤺ᤵᤐᤠ ᤐᤥ᤺ᤰᤗᤠ᤺ᤴ ᤀᤥᤔᤧᤵᤔᤠ ᤀᤠ᤺ᤴᤇᤡᤱ ᤔᤧᤈᤥᤃᤢᤴᤗᤥ॥ 
\p  
\v 33 ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤔᤧᤳᤋᤢ. ‘ᤂᤧᤏᤧ᤹ ᤁᤧᤗᤠᤱᤛᤢ᤺ᤵᤜᤠ᤹ ᤑᤧᤴᤍᤧ᤹. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤕᤧᤵᤐᤠ ᤍᤧᤴᤏᤡᤴ ᤛᤣᤛᤣ ᤆᤥ᤺ᤰ॥’  
\v 34 ᤀᤡᤱᤃᤠ᤹ ᤀᤠᤔᤏᤠᤜᤠ᤹ ᤔᤡᤛᤪᤀᤥ ᤏᤡᤱᤄᤢᤶᤔᤥ ᤔᤧᤘᤠ᤹ᤒᤠ ᤏᤡ᤺ᤛᤢᤱᤛᤡᤱᤅᤠᤱ ᤂᤢᤏᤡ᤹ ᤔᤣᤖᤡᤱᤅᤡᤴ ᤂᤧᤵᤛᤢᤱᤅᤠᤱ ᤘᤠ᤹ᤀᤠ॥ ᤜᤧᤰᤁᤣ᤺ᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤂᤢᤏᤡ᤹ ᤕᤥ᤺ᤰᤐᤠ ᤜᤡᤱᤔᤴᤗᤠᤶ ᤆᤥ᤺ᤰᤕᤢᤶᤓᤥ ᤐᤡᤛᤧ ᤀᤡᤱᤃᤠ᤹ ᤕᤠᤱᤅᤠᤱ ᤘᤠ᤹ᤀᤠ॥ ᤀᤠᤸᤗ ᤕᤠᤱᤏᤠ ᤔᤡᤛᤪ ᤗᤠᤈᤣ᤹ᤀᤥ ᤂᤢᤏᤡ᤹ ᤁᤢᤓᤠ᤹ ᤐᤡᤛᤧ ᤏᤢ᤺ᤰᤏᤧ᤹ᤖᤥ॥ 
\p  
\v 35 ᤒᤠ ᤁᤴ ᤔᤥᤛᤠ᤺ᤴ ᤀᤡᤛᤪᤠᤀᤡᤗᤡᤜᤠ᤹ᤖᤧ ‘ᤂᤧᤏᤧ᤹ ᤀᤠᤏᤡᤃᤧ ᤛᤶᤍᤠᤱ ᤜᤠ᤺ᤳᤗᤧ ᤜᤠᤱ ᤏᤢ ᤂᤠᤛᤧᤴᤗᤥ᤺ᤶᤒᤠ ᤁᤧᤛᤣᤃᤧᤀᤠᤱ ᤁᤧᤘᤠ᤹ᤒᤣ᥅’ ᤔᤧᤔᤧᤳᤋᤢᤖ ᤔᤧᤏᤠ᤹ᤖᤢᤀᤠᤱ ᤔᤧᤘᤕᤧ. ᤁᤖ ᤐᤥ᤺ᤰᤗᤠᤀᤥ ᤀᤥᤛᤣ᤺ᤴᤃᤧᤎᤠᤰᤛᤡᤱᤒᤠ ᤔᤠᤱᤗᤠᤀᤡᤱᤒᤠᤸᤗᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤀᤣ ᤜᤠᤱ ᤁᤧᤈᤥ᤺ᤰᤐᤠ ᤏᤢ ᤋᤠᤱᤃᤧᤛᤧ᤺ᤵᤐᤠ ᤆᤥᤃᤢᤀᤠᤱ ᤐᤠᤱᤄᤢᤖᤥ॥  
\v 36 ᤔᤥᤛᤠᤖᤧᤀᤣ ᤀᤡᤛᤪᤠᤀᤡᤗᤡᤜᤠ᤹ ᤔᤡᤛᤪᤗᤠᤶ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡ. ᤜᤧᤰᤁᤩᤠᤱ ᤔᤡᤛᤪᤀᤥ. ᤜᤧ᤺ᤳᤋᤠᤱᤒᤠ ᤘᤠᤜᤱᤅᤥ ᤏᤢ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤀᤣ᤺ᤰᤛᤠᤍᤧᤴᤏᤥ ᤕᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤖᤥ॥ 
\p  
\v 37 ᤁᤴ ᤔᤥᤛᤠᤖᤧ ᤀᤡᤛᤪᤠᤀᤡᤗᤡᤜᤠ᤹ ᤀᤰᤂᤣ ᤔᤧᤳᤋᤢᤛᤡ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤜᤧᤰᤋᤱᤒᤠᤀᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤂᤡᤏᤡ᤹ ᤀᤠᤒᤠᤅᤣ ᤔᤏᤠᤗᤠᤶ ᤂᤡᤏᤡ᤹ᤀᤥ ᤐᤠᤱᤄᤢ᤹ᤖᤥ॥’  
\v 38 ᤀᤡᤛᤪᤠᤀᤡᤗᤡᤜᤠ᤹ ᤀᤣ᤺ᤰᤛᤠᤍᤧᤴᤏᤥ ᤔᤧᤈᤢᤵᤛᤧᤸᤗᤧ ᤔᤥᤛᤠ᤺ᤴ ᤂᤧᤱᤜᤠ᤹ᤏᤢ ᤘᤕᤧ. ᤛᤡᤏᤠᤀᤡ ᤁᤥ᤺ᤰᤔᤠᤀᤥ ᤔᤠᤱᤗᤠᤀᤡᤱᤒᤠᤴ ᤂᤢᤏᤧ᤹ᤏᤢ ᤐᤠᤖᤧ ᤜᤧᤰᤁᤩᤠᤱ ᤂᤧᤴ ᤜᤡᤱᤔᤴ ᤁᤧᤒᤡᤒᤠ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤂᤢᤏᤧ᤹ ᤂᤥ᤺ᤛᤢ. ᤜᤧᤰᤁᤩᤠᤱ ᤀᤠᤏᤡ᤹ ᤛᤢᤎᤧᤒᤠᤜᤠ᤹ ᤐᤡᤖᤢᤛᤡᤀᤠᤱ ᤀᤠᤏᤡ᤹ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹ᤖᤥ॥ 
\p  
\v 39 ᤁᤖ ᤀᤠᤏᤡ᤹ ᤛᤢᤎᤧᤒᤠᤜᤠ᤹ᤖᤧ ᤂᤢᤏᤧ᤹ ᤁᤢᤒᤠ᤺ᤴᤏᤡᤴ ᤋᤧᤴᤍᤡᤱ ᤆᤥ᤺ᤰᤔᤠ ᤔᤧᤏᤠ᤹ᤖᤢᤀᤠᤱ ᤔᤥᤛᤠ᤺ᤴᤏᤠᤱ ᤔᤧᤏᤠ᤹ᤖᤢ. ᤜᤧᤰᤁᤩᤠᤱ ᤔᤡᤛᤪᤀᤥ ᤏᤢ᤺ᤱᤔᤠ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥  
\v 40 ᤜᤧᤰᤁᤣ᤺ᤸᤗᤧ ᤔᤥᤛᤠᤖᤧ ᤁᤢᤶᤓᤢ᤹ ᤜᤠᤖᤢᤴᤏᤡᤴ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤢ. ‘ᤀᤠᤏᤡᤃᤧ ᤗᤠᤃᤡ ᤕᤠᤵᤔᤡ ᤗᤠᤶ ᤁᤧᤗᤥ᤺ᤒᤠ ᤔᤠᤱᤜᤠ᤹ ᤆᤥᤃᤧ ᤀᤠᤒᤡᤖᤧ᤹॥ ᤔᤡᤛᤪᤗᤠᤶ ᤕᤠᤵᤔᤡ ᤁᤧᤗ᤺ᤵᤐᤠ ᤁᤴ ᤔᤥᤛᤠ᤺ᤴ ᤌᤣ ᤐᤥ᤺ᤰᤂᤧ ᤑᤠ᤹ᤀᤠᤱ ᤀᤠᤏᤡᤃᤧ ᤔᤧᤏᤡ᤺ᤛᤢᤶᤒᤧᤴᤗᤥ॥’  
\v 41 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤐᤡᤳᤛᤠ᤺ᤳ ᤏᤠᤘᤠᤀᤡᤳᤗᤠ ᤔᤧᤈᤥᤃᤢᤀᤠᤱ ᤛᤡᤍᤢᤱᤈᤓᤠ ᤔᤧᤈᤥᤃᤢᤖᤥ॥ ᤂᤢᤏᤡ᤹ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤁᤥ ᤔᤧᤛ᤺ᤳᤋᤧᤖ ᤏᤠᤘᤠᤀᤡᤳᤗᤠ᤺ᤴ ᤀᤡᤱᤎᤠ᤺ᤱ ᤐᤡᤛᤧ ᤛᤛᤠᤱᤛᤪᤥ᤺ᤳ ᤔᤧᤈᤥᤃᤢᤖᤥ॥  
\v 42 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠᤱᤛᤠᤰᤐᤥᤒᤠ ᤂᤣ᤺ᤶᤛᤡᤰᤐᤧᤴ ᤛᤣᤘᤠ ᤔᤧᤈᤥᤃᤢᤖ ᤑᤠ᤹ᤀᤠᤱ ᤂᤧᤱᤜᤠ᤹ ᤗᤧᤖᤢᤛᤡᤖᤥ॥ ᤁᤴ ᤐᤠ᤺ᤴᤏᤡᤱᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤛᤠᤵᤐᤴᤏᤥ ᤛᤠᤵᤋᤢᤀᤠᤱ ᤁᤧᤒᤵᤐᤠ ᤁᤢᤀᤡᤛᤡ᤺ᤰ ᤁᤧᤖᤧᤖᤥ. 
\q1 ‘ᤀᤡᤛᤪᤠᤀᤡᤗᤡᤛᤣ. ᤂᤡᤏᤡ᤹ ᤀᤣ᤺ᤰᤛᤠᤍᤧᤴᤏᤥ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤁᤧᤘᤕᤡᤸᤗᤧᤀᤠᤱ 
\q1 ᤀᤡᤱᤃᤠ᤹ ᤀᤠᤛᤣᤘᤠ ᤁᤧᤈᤥᤃᤢᤶᤔᤡᤸᤗᤧ ᤛᤡᤍᤢᤱᤈᤓᤠ ᤕᤠᤵᤔᤡ ᤁᤧᤶᤒᤡᤖᤡᤴᤗᤥ॥ 
\q1  
\v 43 ᤁᤖ ᤂᤡᤏᤡ᤹ᤃ ᤔᤥᤗᤥᤁ ᤛᤠᤶᤔᤠᤱᤅᤡᤸᤗᤧ ᤁᤢᤔᤠᤱᤎᤠ᤺ᤴ ᤏᤢ ᤂᤣ᤺ᤶᤛᤡᤰᤐᤧᤴ ᤖᤧᤑᤠᤏ ᤛᤠᤶᤔᤠᤱᤅᤡᤸᤗᤧᤴ ᤏᤠᤘᤠᤀᤡᤳᤗᤠ᤺ᤴ ᤁᤧᤒᤰᤂᤢᤶᤗᤥ॥ 
\q1 ᤂᤡᤏᤡ᤹ ᤀᤠᤒᤠᤅᤣ ᤁᤧᤈᤥᤃᤢᤶᤒᤠ ᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤁᤧᤔᤧᤳᤋᤢᤶᤒᤠᤸᤗᤧ ᤆᤥᤃᤢᤸᤗᤧ ᤒᤧᤒᤡᤗᤥᤴᤏᤢ᤺ᤸᤗᤧᤀᤠᤱ ᤔᤠ᤺ᤱᤄᤠ ᤐᤠᤱᤏᤡᤱᤗᤥ॥’ 
\p  
\v 44 ᤂᤧᤱᤜᤠ᤹ ᤕᤧ᤺ᤱᤄᤠᤍᤧᤴᤏᤥ ᤔᤧᤘᤕᤧᤸᤗᤧ ᤀᤠᤏᤡ᤹ ᤛᤢᤎᤧᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶ ᤔᤧᤃᤳᤋᤢ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤀᤥᤛᤣ᤺ᤴᤎᤠᤰᤋᤢᤒᤠ ᤜᤧᤰᤁᤣᤀᤣ ᤂᤧᤴ ᤆᤥᤃᤧᤀᤠᤱ ᤘᤕᤧᤖᤥ॥  
\v 45 ᤕᤠᤱᤛᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤡ᤹ ᤋᤃᤡᤗᤠᤶ ᤏᤠ᤺ᤳᤋᤢ ᤗ᤺ᤳᤋᤢᤛᤡᤒᤠ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤗᤠᤈᤣ᤹ᤀᤥ ᤕᤜᤥᤛᤢ᤺ᤴᤏᤢ ᤔᤧᤒᤣ᤺ᤸᤗᤧ. ᤂᤧᤱᤜᤠ᤹ᤖᤧ ᤛᤠ᤺ᤱᤃᤠᤜᤡᤶᤔᤡᤴ ᤂᤢᤏᤡ᤹ᤏᤢᤀᤣ ᤔᤧᤃᤢᤕᤢᤀᤠᤱ ᤔᤧᤍᤣ᤹ᤖᤢᤖᤥ॥ ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤕᤧᤶ ᤌᤠᤖᤡᤰ ᤂᤧᤴ ᤛᤠ᤺ᤱᤃᤠᤜᤡᤶᤔᤡᤴ ᤏᤧᤛ᤻ᤛᤧᤖᤥ॥  
\v 46 ᤍᤠᤀᤢᤍ ᤜᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤛᤢᤀᤠᤱ ᤕᤠᤁᤢᤒᤖᤧ ᤛᤣᤘᤠ ᤆᤥᤃᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤜᤡᤶ ᤆᤥ᤺ᤰᤔᤠ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢ.  
\v 47 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤔᤡᤱᤃ ᤛᤥᤗᤥᤔᤏ ᤜᤠᤱᤅᤡᤸᤗᤧᤖᤰ ᤆᤥᤃᤢᤖᤥ॥  
\v 48 ᤜᤧᤰᤁᤣᤛᤠᤱ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤏᤠᤜᤠ᤹ᤖᤧ ᤆᤥ᤺ᤰᤔᤏᤠᤒᤠ ᤜᤡᤶᤔᤥ ᤔᤧᤘᤠ᤹ᤏᤧᤴ॥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤁᤢᤛᤠᤵᤐᤴᤏᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ– 
\q1  
\v 49 ‘ᤍᤠᤱᤒᤠᤸᤗᤧ ᤐᤠ᤺ᤳᤋᤢ. 
\q1 ᤛᤠᤱᤃᤪᤠᤶᤐᤣᤍᤠᤱᤅᤡᤴ ᤀᤡᤱᤃᤠ᤹ ᤀᤠᤜᤠᤱᤕᤢᤰᤏᤠᤖᤥ॥ ᤂᤧᤵᤔᤥᤗᤠᤶᤔᤣ ᤁᤠᤰ ᤛᤶᤍᤠᤱ ᤜᤠᤱ ᤆᤥ᤺ᤰᤁᤠᤖᤥ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤀᤡᤱᤃᤠ᤹ ᤀᤠᤗᤠᤱ ᤋᤥ᤹ᤓᤣ᤺ᤳᤗᤥ॥ 
\q1 ᤜᤧᤰᤁᤣ᤺ᤸᤗᤧ ᤀᤠᤰᤋᤱᤒᤠ ᤁᤧᤄᤧᤶᤒᤠ ᤀᤠᤘᤠ᤹ᤔᤠ ᤜᤡᤶ ᤁᤧᤈᤥᤃᤢᤶᤒᤠᤒᤣ᥅ 
\q1  
\v 50 ᤁᤠᤰ ᤁᤱᤜᤠ᤹ᤃ ᤀᤡᤱᤃᤠ᤹ᤀᤣ ᤆᤥᤃᤢᤱᤛᤡᤱᤒᤠ ᤔᤧ᤺ᤶᤒᤡ᥅’ 
\p  
\v 51 ᤂᤡᤏᤡ᤹ᤃ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤁᤧᤎᤢᤱᤒᤠ ᤌᤡᤱᤃᤠᤏᤡ ᤁᤧᤈᤥᤃᤡᤖᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤄᤱᤅᤡᤴ ᤂᤧᤶᤔᤠ ᤂᤡᤏᤡ᤹ ᤏᤧᤰᤂᤥ᤹ ᤌᤢᤱᤗᤥ॥ ᤂᤡᤏᤡ᤹ ᤛᤢᤎᤧᤒᤠᤜᤠ᤹ ᤜᤧᤰᤁᤣᤀᤣ ᤁᤧᤗ᤹ᤖᤡᤀᤠᤱ ᤛᤍᤠᤍᤡᤱ ᤛᤣᤛᤣᤔᤠᤱᤅᤡᤴ ᤁᤧᤀᤳᤋᤢᤶᤗᤥ॥  
\v 52 ᤂᤡᤏᤡ᤹ ᤛᤢᤎᤧᤒᤠᤜᤠ᤹ᤖᤧ ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡ॥ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤛᤠᤶᤕᤥᤏᤡᤒᤠ ᤜᤠᤱᤅᤡᤸᤗᤧ ᤁᤢᤍᤠᤔᤠᤸᤗᤧᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤠᤱ ᤔᤧᤛᤧᤖᤢᤛᤡᤖᤥ॥ ᤀᤠᤸᤗ ᤂᤢᤏᤧ᤹ ᤀᤡᤱᤗᤧᤰ ᤁᤧᤔᤧᤳᤋᤢᤶᤔᤠᤱ ᤁᤧᤛᤧᤖᤢᤶᤗᤥ॥  
\v 53 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤴ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤡᤏᤡ᤹ ᤁᤧᤶᤒᤡᤖᤡ᤹. ᤁᤖᤛᤠᤱ ᤂᤡᤏᤡ᤹ ᤁᤧᤱᤄᤧᤵᤛᤢᤶᤔᤡᤴᤗᤥ॥” 
\s1 ᤛ᤻ᤋᤡᤑᤏᤛᤧᤴ ᤗᤢᤱᤅᤡᤸᤗᤧ ᤔᤧᤒ᤺ᤳᤋᤢ᤹ 
\p  
\v 54 ᤁᤴ ᤐᤠ᤺ᤴᤏᤡᤴ ᤆᤢᤶᤗᤢᤱᤒᤠ ᤐᤠᤛᤡᤱ ᤐᤠᤍᤠᤱᤗᤠᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤛ᤻ᤋᤡᤑᤏᤛᤧᤴᤏᤢ ᤛᤠ᤹ᤖᤡᤰ ᤂᤢᤏᤡ᤹ ᤛᤡᤰ ᤐᤥᤃᤧᤀᤠᤱ ᤂᤢᤏᤡ᤹ ᤜᤠᤒᤥ᤹ ᤔᤧᤕᤧ᤺ᤰᤂᤢᤖᤥ॥  
\v 55 ᤁᤖ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤒᤠ ᤛ᤻ᤋᤡᤑᤏᤛᤧᤴ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤀᤥᤔᤕᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤏᤢ ᤁᤢᤈᤢᤵᤛᤠᤱ ᤗᤧᤵᤛᤠᤱ ᤕᤧᤛᤢ᤺ᤴ ᤕᤧᤒᤧᤒᤠ ᤏᤡ᤺ᤛᤢᤖᤥ॥  
\v 56 ᤜᤧᤰᤁᤩᤠᤱ ᤛ᤻ᤋᤡᤑᤏᤛᤧᤴ ᤀᤰᤂᤣᤗ᤹ᤖᤡᤰ ᤐᤠᤖᤧ. “ᤀᤥᤔᤧᤳᤋᤧᤶᤔᤧ᤹. ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤅᤡᤴ ᤜᤖᤧᤒᤠ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤔᤧᤴᤇᤠᤶᤛᤠ᤺ᤴ\f * \fr 7:56 \ft ᤔᤧᤴᤇᤠᤶᤛᤠ᤺ᤴ–ᤕᤧᤛᤢᤖᤧ ᤗᤳᤇᤠ ᤁᤢᤔᤡᤱ॥\f* ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤧᤵᤐᤠ ᤏᤡ᤺ᤛᤢᤱᤗᤥ᥄” 
\p  
\v 57 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤔᤧᤀ᤺ᤰᤋᤧᤖ ᤔᤧᤓᤡ᤺ᤰᤋᤧᤖ ᤂᤢᤏᤡ᤹ ᤏᤧᤰᤂᤥ᤹ᤜᤠ᤹ ᤜᤢᤰᤁᤡᤸᤗᤧ ᤔᤧᤜᤢ᤹. ᤜᤧᤰᤁᤩᤠᤱ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤌᤡᤰᤗᤧᤱᤔᤠᤸᤗᤧ ᤂᤢᤏᤧ᤹ ᤑᤢᤳᤗᤢᤶ ᤔᤧᤓᤳᤋᤢ.  
\v 58 ᤜᤧᤰᤁᤩᤠᤱ ᤕᤧᤰᤕᤰ ᤗᤠ᤺ᤰᤁᤠᤳ ᤔᤧᤀᤢ᤺ᤰᤂᤢ ᤔᤧᤗ᤺ᤳᤋᤢ॥ ᤂᤧᤴ ᤐᤠ᤺ᤴᤏᤡᤸᤗᤧᤴ ᤋᤥ᤺ᤴᤍᤡᤜᤠ᤹ᤖᤧ ᤂᤢᤏᤡ᤹ ᤛᤢᤱᤄᤣ᤺ᤰᤘᤠᤜᤠ᤹ ᤛᤠᤘᤗ ᤔᤧᤵᤔᤏᤠᤒᤠ ᤌᤠᤱᤒᤧᤴᤏᤡᤴ ᤁᤥᤔᤧᤒᤠᤱᤄᤢᤀᤠᤱ ᤛ᤻ᤋᤡᤑᤏᤛᤧᤴ ᤗᤢᤱᤅᤡᤸᤗᤧ ᤐ᤺ᤵᤔᤠ ᤔᤧᤜᤣ᤺ᤰᤋᤢᤖᤥ॥ 
\p  
\v 59 ᤗᤢᤱᤅᤡᤸᤗᤧ ᤔᤧᤒ᤺ᤳᤋᤢᤖ ᤔᤧᤒᤳᤇᤧᤸᤗᤧ ᤛ᤻ᤋᤡᤑᤏᤛᤖᤧ ᤀᤰᤂᤣᤗ᤹ᤖᤡᤰ ᤋᤢᤘᤠ ᤆᤥᤃᤢ. “ᤍᤠᤱᤒᤠ ᤕᤧᤛᤢᤀᤣ. ᤀᤡᤱᤃᤠ᤹ ᤀᤠᤕᤠᤶᤛᤠᤶᤔᤡᤴ ᤋᤠ᤺ᤰᤋᤧ᤹ᤀᤥ॥”  
\v 60 ᤜᤧᤰᤁᤩᤠᤱ ᤂᤢᤏᤧ᤹ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢ. “ᤍᤠᤱᤒᤠᤀᤣ. ᤁᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤗᤠᤕᤥᤖᤧᤴ ᤂᤢᤶᤍᤡᤱ ᤔᤧᤒᤡᤖᤧᤛᤧᤴᤏᤧ᤹ᤀᤥ॥” ᤀᤰᤂᤣ ᤐᤠ᤺ᤳᤋᤢᤖ ᤂᤧᤴ ᤛᤩᤧᤖᤥ॥ 
\c 8  
\s1 ᤛᤠᤘᤗᤖᤧ ᤛᤣᤛᤣᤜᤢᤵᤗᤰᤁᤡᤴ ᤋᤢᤰᤂᤣ ᤆᤠ᤺ᤳᤋᤢ᤹ 
\p  
\v 1-2 ᤂᤧᤵᤔᤥ ᤛᤠᤘᤗᤖᤧᤀᤠᤱ ᤛ᤻ᤋᤡᤑᤏᤛᤖᤧ ᤁᤢᤛᤡ᤺ᤔᤧᤴᤏᤥ ᤋᤧᤴᤍᤡᤱ ᤐᤡᤖᤢᤛᤡᤀᤠᤱ ᤘᤕᤧᤖᤥ॥ 
\p ᤜᤧᤰᤁᤩᤠᤱ ᤔᤡᤱᤛᤥᤍᤠᤱᤒᤠ ᤛᤠᤶᤕᤥᤛᤠᤒᤠ ᤔᤏᤠᤜᤠ᤹ᤖᤧ ᤛ᤻ᤋᤡᤑᤏᤛᤧᤴ ᤔᤧᤜᤢᤶᤛᤢ ᤔᤧᤛᤢᤖᤢᤀᤠᤱ ᤛᤠ᤹ᤖᤡᤰ ᤔᤣᤖᤡᤱ ᤔᤧᤎᤰᤋᤧᤖᤥ॥ ᤂᤧᤴ ᤕᤧᤴᤏᤠᤱᤎᤥ ᤕᤖᤢᤛᤗᤧᤶᤔᤥᤒᤠ ᤛᤣᤛᤣᤜᤢᤵᤗᤰᤁᤥ ᤛᤠ᤹ᤖᤡᤰ ᤋᤢᤰᤂᤣ ᤆᤠ᤺ᤵᤔᤠ ᤔᤧᤜᤣ᤺ᤰᤋᤢᤛᤡᤖᤥ॥ ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤏᤢ ᤘᤣ᤹ ᤁᤠᤰ ᤏᤛᤠᤏᤡᤒᤠᤜᤠ᤹ ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠ ᤋᤧᤱᤃᤵ ᤗᤧᤵᤛᤠᤱ ᤔᤧᤛᤧ᤺ᤖᤧ ᤔᤧᤒᤣᤖᤥ॥  
\v 3 ᤁᤖ ᤛᤠᤘᤗᤖᤧ ᤛᤣᤛᤣᤜᤢᤵᤗᤰᤁᤡᤴ ᤔᤧᤶᤓᤤ ᤆᤥ᤺ᤰᤔᤠ ᤜᤣ᤺ᤰᤋᤢ॥ ᤂᤢᤏᤧ᤹ ᤜᤡᤶ ᤜᤡᤶ ᤐᤣᤀᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤧᤴᤇᤢᤔᤠ᤹ ᤕᤧᤶᤒᤡᤳᤇᤠ᤹ ᤋᤧᤶᤛᤢᤛᤡᤀᤠᤱ ᤀᤢ᤺ᤰᤂᤢᤛᤡᤖ ᤐᤢᤱᤗᤠᤜᤡᤶᤔᤥ ᤌᤧᤰᤋᤢᤛᤡᤖᤥ॥ 
\s1 ᤛᤠᤔᤖᤡᤕᤠᤀᤥ ᤛᤢᤏᤠᤀᤡᤱ ᤛᤧ᤺ 
\p  
\v 4 ᤕᤖᤢᤛᤗᤧᤶᤗᤠᤶ ᤁᤧᤛᤧᤒᤠᤖ ᤁᤧᤒᤣ᤺ᤰᤐᤠᤜᤠ᤹ᤖᤧ ᤀᤠᤳᤋᤡ ᤔᤧᤒᤣᤛᤠᤱ ᤛᤢᤏᤠᤀᤡᤱ ᤔᤧᤛᤧ᤺ᤛᤢᤖᤥ॥  
\v 5 ᤑᤡᤗᤡᤵᤐᤧᤴᤏᤠᤱ ᤛᤠᤔᤖᤡᤕᤠᤛ᤻ᤔᤠ ᤕᤧᤰᤕᤰᤁᤥ ᤐᤣᤀᤠᤱ ᤂᤧᤵᤔᤥᤒᤠ ᤔᤏᤠᤜᤠ᤹ ᤕᤧᤛᤢ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤖᤥ॥  
\v 6 ᤑᤡᤗᤡᤐᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢ ᤜᤧᤰᤁᤩᤠᤱ ᤂᤢᤏᤧ᤹ ᤆᤥᤃᤢᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤏᤡ᤺ᤛᤢᤸᤗᤧ ᤔᤏᤠᤜᤠ᤹ᤖᤧ ᤏᤢ᤺ᤖᤡᤰᤁᤠᤱ ᤁᤢᤒᤠ᤺ᤴᤏᤥ ᤏᤡᤱᤘᤠ᤹ ᤔᤧᤒᤡᤖᤢᤖᤥ॥  
\v 7 ᤂᤧᤵᤔᤥ ᤕᤖᤡᤰ ᤔᤏᤠᤜᤠ᤹ᤀᤥᤏᤢ ᤑᤧᤴᤛᤠᤶᤜᤠ᤹ ᤔᤧᤓᤡ᤺ᤰᤋᤧᤖ ᤔᤧᤗ᤺ᤴᤍᤧ ᤔᤧᤒᤣ. ᤜᤧᤰᤁᤩᤠᤱ ᤕᤖᤡᤰ ᤗᤱᤗᤧ᤺ᤱᤘᤠᤜᤠ᤹ ᤏᤢ ᤗᤠᤱᤛᤰᤐᤠᤜᤠ᤹ᤀᤠᤱ ᤔᤧᤏᤢ᤺ᤖᤧᤖᤥ॥  
\v 8 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤕᤧᤰᤕᤰᤁᤥ ᤐᤕᤶ ᤛ᤺ᤵᤔᤠ ᤏᤢ ᤀᤥᤔᤢᤗ᤹ᤔᤠᤴ ᤋᤩᤧᤖᤥ॥ 
\p  
\v 9 ᤀᤠᤸᤗ ᤋᤃᤡᤀᤠᤱᤎᤥ ᤂᤧᤴ ᤕᤧᤰᤕᤰᤁᤥ ᤛᤡᤔᤥᤏ ᤔᤧᤵᤔᤏᤠᤒᤠ ᤁᤡᤳᤆᤠᤰᤌᤡᤰ ᤘᤕᤧ॥ ᤂᤧᤸᤗᤧ ᤁᤡᤳᤆᤠᤰ ᤕᤠ᤺ᤶᤒᤰ ᤆᤥᤃᤢᤀᤠᤱ ᤛᤠᤔᤖᤡᤕᤠᤛ᤻ᤔᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤠ᤺ᤛᤢ ᤐᤡᤖᤢᤛᤡᤀᤠᤱ ᤘᤕᤧᤖᤥ॥ ᤂᤧᤸᤗᤧᤃ ᤀᤠᤒᤠᤅᤣ ᤀᤡᤱᤃᤠ᤹ᤀᤣ ᤐᤕᤶ ᤕᤶᤒᤠᤀᤠ ᤑᤠ᤹ᤀᤠᤱ ᤀᤠᤱᤍᤡᤱ ᤗ᤹ᤖᤧᤀᤠᤱ ᤘᤕᤧᤖᤥ॥  
\v 10 ᤜᤧᤰᤁᤩᤠᤱ ᤕᤧᤰᤕᤰᤁᤥ ᤁᤧᤕᤢᤱᤒᤠ ᤕᤶᤒᤠ ᤆᤢᤰᤐᤠ ᤁᤧᤖᤧᤰᤗᤧ ᤁᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤕᤶ ᤁᤢᤔᤢᤰᤛᤠᤶ ᤁᤳᤋᤢᤖᤥ ᤗ᤹ᤖᤡᤰ ᤂᤧᤴ ᤔᤧᤔᤧᤳᤋᤢᤀᤠᤱ ᤔᤧᤘᤕᤧᤖᤥ॥  
\v 11 ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ ᤕᤖᤡᤰ ᤋᤱᤒᤣᤀᤠᤱᤎᤥ ᤂᤢᤏᤧ᤹ ᤁᤢᤃᤡᤳᤆᤠᤰ ᤔᤢᤴᤎᤢᤶᤔᤡᤸᤗᤧ ᤂᤢᤏᤡ᤹ ᤏᤡᤱᤘᤠ᤹ ᤔᤠ᤺ᤛᤢ ᤐᤡᤖᤢᤛᤡᤀᤠᤱ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤒᤠ᤺ᤴᤏᤥ ᤔᤧᤒᤳᤇᤧᤖᤥ॥  
\v 12 ᤁᤖ ᤂᤧᤴ ᤔᤏᤠᤜᤠ᤹ᤖᤧ ᤑᤡᤗᤡᤐᤖᤧ ᤀᤡᤱᤓᤥ᤺ᤛᤢᤒᤠ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤏᤢ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤕᤧᤶᤒᤡᤳᤇᤠ᤹ ᤔᤧᤴᤇᤢᤔᤠ᤹ ᤁᤠᤰ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤖᤥ॥  
\v 13 ᤛᤡᤔᤥᤏᤖᤧᤀᤠᤱ ᤀᤠᤒᤠᤅᤣ ᤏᤛᤠ᤺ᤴ ᤆᤥᤃᤢᤀᤠᤱ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧ॥ ᤂᤢᤏᤧ᤹ ᤑᤡᤗᤡᤐᤏᤢ ᤘᤕᤧᤃᤳᤋᤧᤸᤗᤧ ᤑᤡᤗᤡᤐᤖᤧ ᤆᤥᤃᤢᤒᤠ ᤕᤖᤡᤰ ᤐᤖᤡᤰᤗᤧᤴ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤁᤡᤴ ᤏᤡ᤺ᤛᤢᤀᤠᤱ ᤂᤢᤏᤧ᤹ ᤁᤢᤏᤡᤱᤘᤠ᤹ ᤔᤕᤧᤖᤥ॥ 
\p  
\v 14 ᤜᤧᤰᤁᤩᤠᤱ ᤕᤖᤢᤛᤗᤧᤶᤔᤥᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤛᤠᤔᤖᤡᤕᤠᤛ᤻ᤔᤠ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤋᤧᤴᤍᤡᤱ ᤔᤧᤈᤥᤃᤢ ᤁᤧᤗ᤹ᤒᤠ ᤔᤧᤄᤧᤵᤛᤢᤀᤠᤱ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤂᤧᤵᤔᤥ ᤔᤧᤒᤠᤱᤄᤢᤛᤡᤖᤥ॥  
\v 15 ᤜᤧᤰᤁᤩᤠᤱ ᤂᤢᤴᤇᤡ᤹ ᤛᤠᤔᤖᤡᤕᤠᤀᤥ ᤁᤧᤖᤧᤳᤇᤡᤀᤠᤱ ᤏᤛᤠᤏᤡᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤏᤡ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢ ᤐᤡᤖᤧᤳᤇᤢᤖᤥ.  
\v 16 ᤌᤣᤀᤠᤱᤓᤧᤸᤗᤧ ᤀᤠᤸᤗᤥ ᤌᤠᤖᤡᤰ ᤏᤛᤠᤏᤡᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤴ ᤔᤧᤱᤄᤥᤀᤣ ᤔᤧᤘᤕᤧ. ᤁᤖ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤡᤱᤅᤥᤖᤰ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤕᤧ॥  
\v 17 ᤜᤧᤰᤁᤩᤠᤱ ᤐᤋᤪᤢᤛ ᤏᤢ ᤕᤢᤜᤢᤴᤏᤠᤖᤧ ᤂᤢᤴᤇᤡ᤹ ᤜᤢᤰᤜᤠ᤹ ᤛᤠᤔᤖᤡᤕᤠᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤛᤶᤍᤠᤱ ᤏᤧᤛ᤻ᤛᤢ ᤐᤡᤖᤧᤳᤇᤢᤀᤠᤱ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱ ᤔᤧᤄᤥ᤺ᤛᤢᤖᤥ॥ 
\p  
\v 18 ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤡᤴ ᤏᤧᤛ᤻ᤛᤧᤳᤇᤢᤸᤗᤧ ᤔᤏᤠᤜᤠ᤹ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤛᤡᤔᤥᤏᤖᤧᤀᤠᤱ ᤏᤡ᤺ᤛᤢ ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤱ ᤐᤡᤖᤢᤛᤡᤖ  
\v 19 ᤀᤰᤂᤣ ᤔᤧᤳᤋᤢᤛᤡ. “ᤔᤏᤠ ᤛᤶᤍᤠᤱ ᤀᤡᤱᤃᤠ᤹ᤀᤠᤱ ᤀᤠᤜᤢᤰ ᤏᤧᤛ᤻ᤛᤢᤱ ᤐᤡᤖᤢᤱᤛᤡᤱᤅᤡᤸᤗᤧ ᤜᤠᤖᤠ᤹ ᤛᤣᤛᤣᤔᤠᤱᤅᤡᤴ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤁᤴ ᤔᤢᤰᤛᤠᤶᤔᤡᤴ ᤕᤠᤵᤔᤡ ᤀᤠᤒᤡᤖᤧᤳᤇᤧ᤹ᤀᤥ॥” 
\p  
\v 20 ᤁᤖ ᤐᤋᤪᤢᤛᤖᤧ ᤏᤥᤃᤵ ᤐᤡᤖᤢ. “ᤁᤧᤕᤠᤱᤅᤡᤴ ᤂᤧᤏᤧ᤹ᤏᤢᤀᤣ ᤔᤧᤰᤗᤖᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤷᤎᤠ᤺ᤶᤔᤡᤴ ᤕᤠᤱᤅᤡᤸᤗᤧ ᤀᤡᤱᤔᤠ ᤁᤧᤀᤡ᤺ᤳᤋᤢ᤹ᤖᤥ॥  
\v 21 ᤂᤧᤏᤧ᤹ᤃ ᤁᤴ ᤛᤣᤘᤠᤀᤥ ᤗᤰ ᤂᤥ᤺ᤔᤠ ᤏᤢ ᤁᤵᤔᤠ ᤌᤣᤀᤠᤱ ᤁᤧᤴᤇᤢᤰᤋᤢᤴᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤛᤡᤰᤗᤢᤱᤔᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤏᤢ᤺ᤒᤠ ᤜᤥ᤺ᤵᤗᤥ॥  
\v 22 ᤜᤧᤰᤁᤣ᤺ᤸᤗᤧ ᤁᤧᤓᤧᤴ ᤏᤡᤱᤘᤠ᤹ᤀᤥᤗᤠᤶ ᤜᤡᤴᤍᤧ᤹ᤀᤠᤱ ᤍᤠᤱᤒᤠᤴᤏᤢ ᤋᤢᤘᤠ ᤆᤥᤃᤧ᤹ᤀᤥ॥ ᤜᤧᤰᤋᤱᤒᤠ ᤑᤧᤴ ᤏᤡᤱᤘᤠ᤹ᤀᤥᤗᤠᤶ ᤗᤧᤵᤔᤡ ᤁᤧᤄᤥ᤺ᤛᤢᤒᤡ᥄  
\v 23 ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤏᤠᤜᤧᤶᤔᤠᤸᤗᤧ ᤁᤢᤎᤡᤶ ᤏᤢ ᤗᤠᤕᤥ ᤀᤡᤛᤣ᤺ᤱᤒᤠ ᤏᤡᤱᤘᤠ᤹ᤀᤡᤸᤗᤧ ᤁᤧᤕᤢᤰᤋᤧᤒᤠᤴ ᤀᤡᤱᤃᤠ᤹ ᤏᤡ᤺ᤏᤧᤖᤥ” 
\p  
\v 24 ᤜᤧᤰᤁᤩᤠᤱ ᤛᤡᤔᤥᤏᤖᤧ ᤏᤥᤃᤵ ᤐᤡᤖᤢᤛᤡ. “ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤀᤠᤳᤋᤡᤴ ᤐᤠ᤺ᤴᤜᤠ᤹ᤀᤠᤱ ᤀᤡᤱᤃᤠ᤹ ᤀᤠᤛᤶᤍᤠᤱ ᤔᤧᤈᤢᤰᤏᤧᤴᤗ ᤑᤠ᤹ᤀᤠᤱ ᤍᤠᤱᤒᤠᤴᤏᤢ ᤀᤡᤱᤃᤠ᤹ ᤀᤠᤗᤠᤃᤡ ᤋᤢᤘᤠ ᤆᤥᤃᤧ ᤀᤠᤒᤡᤖᤧᤳᤇᤧ᤹ᤀᤥ॥” 
\p  
\v 25 ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤆᤧᤰᤂᤧᤳᤇᤢᤖ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠᤰ ᤀᤡᤱᤓᤴ ᤆᤥᤃᤧᤳᤇᤢᤀᤠᤱ ᤕᤢᤜᤢᤴᤏᤠ᤺ᤴ ᤏᤢ ᤐᤋᤪᤢᤛᤧᤴ ᤕᤖᤢᤛᤗᤧᤔ ᤗᤧᤵᤔᤠᤱ ᤏᤢ᤺ᤰᤂᤧᤳᤇᤡᤸᤗᤧ ᤗᤠᤶᤔᤥᤒᤠ ᤕᤖᤡᤰ ᤛᤠᤔᤖᤡᤕᤠᤛ᤻ᤔᤠ ᤐᤠᤱᤓᤣ᤹ᤜᤠ᤹ᤀᤥ ᤛᤢᤏᤠᤀᤡᤱ ᤛᤧ᤺ᤛᤧᤳᤇᤢᤖᤥ॥ 
\s1 ᤑᤡᤗᤡᤵᤐᤧᤴ ᤏᤢ ᤀᤡᤌᤡᤕᤥᤐᤡᤕᤠ ᤗᤠᤈᤣ᤹ᤒᤠ ᤔᤏᤠ᤺ᤴ 
\p  
\v 26 ᤌᤡᤰ ᤕᤧᤴ ᤍᤠᤱᤒᤠᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤠᤸᤗᤧ ᤑᤡᤗᤡᤵᤐᤧᤴ ᤀᤰᤂᤣ ᤔᤧᤳᤋᤢ. “ᤕᤖᤢᤛᤗᤧᤔᤗᤠᤶ ᤕᤥ ᤗᤠᤱᤃᤧᤴ ᤗᤧᤵᤔᤠᤱᤒᤠ ᤃᤠᤈᤠ ᤁᤧᤒᤣ᤺ᤰᤐᤠ ᤕᤧ᤺ᤱᤄᤠᤍᤧᤴᤒᤠ ᤔᤠᤖᤠᤶᤔᤥ ᤐᤣᤃᤧ᤹॥”  
\v 27 ᤜᤧᤰᤁᤣ᤺ᤸᤗᤧ ᤑᤡᤗᤡᤵᤐᤧᤴᤏᤠᤱ ᤂᤧᤵᤔᤥ ᤌᤠᤛᤡᤱᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤌᤡᤕᤥᤐᤡᤕᤠᤛ᤻ᤔᤠ ᤛᤧᤓᤰᤐᤠ\f * \fr 8:27 \ft ᤛᤧᤓᤰᤐᤠ–ᤂᤧᤴ ᤕᤧᤶᤔᤥ ᤜᤠᤱᤜᤡᤶᤔᤥᤒᤠ ᤔᤧᤴᤇᤢᤔᤠᤜᤠ᤹ ᤀᤥᤃᤧᤔᤧᤵᤐᤠ ᤕᤧᤶᤒᤡᤳᤇᤠ᤹ᤜᤠ᤹ᤃ ᤛᤧᤓᤰᤐᤠ ᤔᤧᤘᤕᤧ॥\f* ᤕᤶᤒᤠ ᤛᤢᤜᤠᤱᤕᤢᤰᤐᤧᤴ ᤋᤢᤔᤢ॥ ᤂᤧᤴ ᤀᤡᤌᤡᤕᤥᤐᤡᤕᤠᤛ᤻ᤔᤠ ᤜᤠᤱᤔᤠ ᤁᤴᤍᤠᤁᤡᤖᤧ ᤁᤢᤕᤠᤱᤛᤠᤁᤢᤴᤎᤣ ᤀᤥᤃᤧᤔᤧᤵᤐᤠ ᤛᤢᤜᤠᤱᤕᤢᤰᤐᤠ ᤘᤕᤧᤖᤥ॥ ᤂᤢᤏᤧ᤹ ᤕᤖᤢᤛᤗᤧᤶᤔᤥ ᤛᤣᤘᤠ ᤆᤥ᤺ᤰᤛᤧ ᤐᤣᤀᤠᤱ ᤘᤕᤧᤖᤥ॥  
\v 28 ᤜᤧᤰᤁᤩᤠᤱ ᤀᤴᤗᤠᤀᤥ ᤕᤢᤱᤛᤡᤱᤅᤠᤱ ᤁᤢᤜᤡᤶᤔᤥ ᤏᤢ᤺ᤰᤂᤧᤖ ᤐᤳᤇᤧᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤛᤠᤵᤋᤢᤒᤠ ᤛᤠᤵᤐᤴᤏᤡᤴ ᤏᤡ᤺ᤖᤢᤖ ᤕᤢᤅᤧ॥  
\v 29 ᤛᤣᤛᤣᤔᤠᤱᤅᤡᤸᤗᤧ ᤑᤡᤗᤡᤵᤐᤧᤴ ᤔᤧᤳᤋᤢ. “ᤀᤴᤗᤠ᤺ᤸᤗᤧ ᤁᤢᤒᤣᤛᤠᤱ ᤐᤣᤃᤧ᤹॥” 
\p  
\v 30 ᤜᤧᤰᤁᤩᤠᤱ ᤑᤡᤗᤡᤵᤐᤧᤴᤏᤠᤱ ᤗᤥ᤺ᤰᤋᤧᤖ ᤀᤴᤗᤠ᤺ᤸᤗᤧ ᤁᤢᤒᤣᤛᤠᤱ ᤐᤣ ᤜᤧᤰᤁᤩᤠᤱ ᤂᤧᤴ ᤔᤏᤠ᤺ᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤛᤠᤵᤋᤢᤒᤠ ᤛᤠᤵᤐᤴᤏᤡᤴ ᤏᤡ᤺ᤖᤢᤖ ᤕᤢᤅᤧᤒᤠ ᤂᤧᤵᤛᤢ॥ ᤜᤧᤰᤁᤩᤠᤱ ᤑᤡᤗᤡᤐᤖᤧ ᤛᤣ᤺ᤴᤍᤥᤛᤢ. “ᤁᤴ ᤁᤧᤏᤡ᤺ᤖᤢᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤒᤡ᥅” 
\p  
\v 31 ᤂᤧᤴ ᤛᤧᤓᤰᤐᤧᤸᤗᤧ ᤏᤥᤃᤵ ᤐᤡᤖᤢ. “ᤐᤥᤎᤰ ᤕᤠᤵᤔᤡ ᤁᤧᤈᤥ᤺ᤰ ᤁᤧᤒᤡᤒᤠ ᤔᤏᤠ ᤔᤧ᤺ᤴᤏᤣᤃ ᤀᤠᤰᤂᤣᤗ᤹ᤖᤡᤰ ᤁᤢᤛᤡᤱ ᤏᤡ᤺ᤵᤔᤠ ᤛᤢᤰᤋᤢᤱᤒᤣ᥅” ᤜᤧᤰᤁᤣ᤺ᤸᤗᤧ ᤂᤧᤸᤗᤧ ᤑᤡᤗᤡᤵᤐᤧᤴ ᤀᤢ᤺ᤳᤋᤢᤀᤠᤱ ᤛᤥᤖᤡᤰ ᤂᤢᤏᤧ᤹ᤏᤢᤀᤣ ᤕᤢᤰᤂᤢ॥ 
\p  
\v 32 ᤂᤧᤸᤗᤧ ᤏᤡ᤺ᤖᤢᤒᤠ ᤛᤠᤶᤕᤥᤛᤠᤵᤗᤠ ᤗᤰᤁᤡᤴ ᤁᤴ ᤘᤕᤧᤖᤥ– 
\q1 “ᤂᤢᤏᤧ᤹ᤃ ᤛᤧᤳᤇᤧ ᤋᤣ᤹ᤔᤏᤠᤒᤠ ᤔᤧᤸᤗᤢᤰ ᤜᤧᤰᤁᤣ ᤆᤥᤃᤧ 
\q1 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤢᤖᤡᤰ ᤁᤧᤏ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤠᤱ ᤛᤫᤠ᤺ᤳ ᤁᤧᤕᤧᤵᤐᤠ ᤔᤧᤸᤗᤢᤰᤛᤠ᤺ ᤜᤧᤰᤁᤣᤀᤣ ᤌᤣᤀᤠᤱ ᤔᤧᤒᤠ᤺ᤳᤋᤢᤴᤗᤥ॥ 
\q1  
\v 33 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤠ ᤔᤧᤎᤠ᤺ᤛᤢ ᤔᤧᤒᤡᤖᤢᤀᤠᤱ ᤋᤢᤰᤂᤣ ᤔᤧᤈᤠ᤺ᤳᤋᤢᤖᤥ॥ 
\q1 ᤁᤢᤔᤢ᤹ᤀᤡᤍᤠᤱᤛᤠᤖᤧ ᤁᤢᤕᤠ᤺ᤶᤒᤣᤀᤥ ᤜᤠ᤺ᤳᤗᤧᤀᤠᤱ ᤐᤠ᤺ᤵᤔᤠ ᤔᤧᤛᤢᤰᤋᤢᤴᤗᤥ. 
\q1 ᤌᤣᤀᤠᤱᤓᤧᤸᤗᤧ ᤏᤧᤳᤋᤡᤃᤧᤴ ᤁᤢᤜᤡᤱᤔᤴᤏᤡᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤋᤣ᤹ᤖᤧᤖᤥ॥”\f * \fr 8:33 \ft ᤕᤛᤤᤕᤠ ᥋᥉.᥍–᥎\f* 
\p  
\v 34 ᤜᤧᤰᤁᤩᤠᤱ ᤂᤧᤴ ᤛᤧᤓᤰᤐᤧᤸᤗᤧ ᤑᤡᤗᤡᤵᤐᤧᤴ ᤛᤣ᤺ᤴᤍᤥᤛᤢ. “ᤁᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤜᤠ᤺ᤳᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤣ᥅ ᤂᤢᤏᤧ᤹ ᤀᤠᤒᤠᤅᤣ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤡ. ᤘᤣ᤹ᤛ᤻ᤔᤠ ᤔᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤡ᥅ ᤀᤡᤱᤃᤠ᤹ ᤐᤥᤎᤰ ᤆᤥᤃᤠᤱ ᤐᤡᤖᤠᤱᤅᤧ᤹ᤀᤥ॥”  
\v 35 ᤜᤧᤰᤁᤣ᤺ᤸᤗᤧ ᤑᤡᤗᤡᤐᤖᤧ ᤛᤠᤶᤕᤥᤛᤠᤵᤗᤠᤒᤠ ᤒᤠ ᤁᤴ ᤗᤰᤁᤥᤗᤠᤶ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤛᤢᤏᤠᤀᤡᤱᤅᤡᤴ ᤐᤥᤎᤰ ᤆᤥᤃᤢᤸᤗᤧ ᤂᤧᤴ ᤛᤧᤓᤰᤐᤧᤸᤗᤧ ᤏᤛᤠ᤺ᤴ ᤆᤥᤃᤢᤖᤥ॥ 
\p  
\v 36-37 ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤴ ᤗᤠᤶᤔᤥ ᤗᤠᤶᤍᤡ᤺ᤰ ᤆᤥᤃᤧᤳᤇᤡᤖ ᤐᤳᤇᤧᤳᤇᤡᤸᤗᤧ ᤆᤫᤠ᤺ᤳ ᤁᤧᤏᤧᤒᤠ ᤋᤧᤴᤏᤥ ᤁᤧᤖᤧᤳᤇᤡ॥ ᤜᤧᤰᤁᤩᤠᤱ ᤂᤧᤴ ᤛᤧᤓᤰᤐᤧᤸᤗᤧ ᤛᤣ᤺ᤴᤍᤥᤛᤢ. “ᤀᤥᤔᤧᤳᤋᤧ᤹. ᤁᤵᤔᤥ ᤆᤫᤠ᤺ᤳ ᤏᤧᤖᤥ॥ ᤀᤡᤱᤃᤠ᤹ ᤒᤵᤋᤡᤛ᤻ᤔᤠ ᤐᤥ᤺ᤱᤔᤠ ᤔᤧᤛᤢᤰᤁᤠᤴᤒᤡ᥅” ((ᤑᤡᤗᤡᤐᤖᤧ ᤔᤧᤳᤋᤢ. “ᤂᤧᤏᤧ᤹ ᤁᤠᤰ ᤁᤧᤏᤡᤱᤘᤠ᤹ᤖᤧ ᤏᤛᤠ᤺ᤴ ᤁᤧᤈᤥᤃᤢᤏᤧ ᤑᤠ᤹ᤃᤪ ᤁᤧᤛᤢᤰᤋᤢᤖᤥ” ᤂᤧᤴ ᤛᤧᤓᤰᤐᤧᤸᤗᤧ ᤏᤥᤃᤵ ᤐᤡᤖᤢ. “ᤕᤧᤛᤢ ᤂᤪᤡᤛ᤻ᤋᤧᤴ ᤏᤡᤱᤘᤠ᤹ᤑᤢᤛᤠ᤺ ᤑᤠ᤹ᤀᤠᤱ ᤏᤛᤠ᤺ᤴ ᤆᤥᤃᤢᤱᤗᤥ॥”))  
\v 38 ᤜᤧᤰᤁᤩᤠᤱ ᤂᤧᤴ ᤀᤴᤗᤠ᤺ᤴ ᤕᤧᤵᤔᤠ ᤐᤠᤱᤄᤢᤀᤠᤱ ᤂᤢᤴᤇᤡ᤹ ᤕᤥ ᤆᤫᤠ᤺ᤳᤋᤥ ᤐᤣᤛᤡᤀᤠᤱ ᤑᤡᤗᤡᤐᤖᤧ ᤂᤧᤴ ᤒᤵᤋᤡᤛ᤻ᤔᤠ ᤐᤡᤖᤢ॥  
\v 39-40 ᤂᤧᤱᤜᤠ᤹ ᤕᤥ ᤆᤫᤠ᤺ᤳᤋᤥᤗᤠᤶ ᤗ᤺ᤴᤍᤧ ᤌᤠᤅᤧᤳᤇᤡᤖ ᤐᤳᤇᤧᤳᤇᤡᤸᤗᤧ ᤍᤠᤱᤒᤠᤸᤗᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤂᤡᤔᤥ ᤑᤡᤗᤡᤵᤐᤧᤴ ᤐᤰᤂᤢ ᤋᤣ᤹ᤖᤢᤀᤠᤱ ᤀᤠᤈᤥᤳᤋᤥᤛ\f * \fr 8:39-40 \ft ᤀᤠᤈᤥᤳᤋᤥᤛ–ᤁᤱᤃ ᤗᤢᤶᤒᤠ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤁᤧᤏᤧᤒᤠ ᤕᤧᤰᤕᤰᤗᤥ॥ ᤋᤃᤡ ᤔᤠᤱᤜᤢᤵᤐᤥ (ᤕᤜᤥᤛᤢ ᥇᥉.᥉) ᤁᤴ ᤕᤧᤰᤕᤰᤁᤡᤴ ᤀᤛ᤻ᤍᤥᤍ ᤔᤧᤔᤧᤳᤋᤢ॥ ᤁᤱᤃ ᤛᤡᤈᤖᤡᤕ ᤕᤧᤰᤕᤰᤁᤡᤴᤏᤢ᤺ᤸᤗᤧ ᥏᥆ ᤁᤡᤗᤥᤔᤡᤋᤖ ᤔᤠ᤺ᤱᤄᤠ ᤏᤧᤛ᤻ᤛᤧ॥\f* ᤔᤧᤵᤔᤏᤠᤒᤠ ᤋᤧᤴᤏᤥ ᤁᤧᤳᤋᤢᤖᤥ॥ ᤂᤧᤵᤔᤥ ᤂᤢᤏᤧ᤹ ᤛᤡᤈᤖᤡᤕᤠ\f * \fr 8:39-40 \ft ᤛᤡᤈᤖᤡᤕᤠ–ᤁᤱᤃ ᤐᤕᤶ ᤜᤠᤱ ᤜᤧᤖᤥᤍᤧᤸᤗᤧ ᤛᤡᤈᤖ ᤀᤃᤛ᤻ᤋᤛᤖᤧ ᤁᤢᤔᤡᤱᤅᤥ ᤁᤢᤀᤡᤱᤛᤥᤀᤥ ᤆᤥᤃᤢᤒᤠ ᤕᤧᤰᤕᤰᤗᤥ॥\f* ᤔᤧᤱᤃᤧᤳᤋᤣ ᤌᤠᤖᤡᤰ ᤗᤠᤶᤔᤥ ᤁᤧᤏᤧᤒᤠ ᤐᤠᤱᤈᤢᤶᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤖ ᤐᤣᤖᤥ॥ ᤛᤧᤓᤰᤐᤧᤸᤗᤧ ᤂᤢᤏᤧ᤹ ᤕᤠᤶᤔᤥ ᤔᤧᤏᤡ᤺ᤛᤢᤴ. ᤁᤖ ᤂᤧᤴ ᤛ᤺ᤳᤋᤧᤖ ᤁᤢᤗᤠᤶᤍᤡ᤺ᤰᤁᤥ ᤐᤣᤖᤥ॥ 
\c 9  
\s1 ᤍᤔᤛ᤻ᤁᤛᤒᤠ ᤗᤠᤶᤔᤥ ᤛᤠᤘᤗᤖᤧ ᤕᤧᤛᤢ᤺ᤴ ᤏᤛᤠ᤺ᤴ ᤆᤥᤃᤢ᤹ 
\r ᤛᤣ᤺ᤰᤕᤢᤰᤔᤡᤒᤠ ᥈᥈.᥌-᥇᥌. ᥈᥌.᥇᥈-᥇᥎ 
\p  
\v 1-2 ᤁᤖ ᤍᤠᤱᤒᤠᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤁᤧᤖᤧᤰ ᤛᤧᤵᤔᤠᤛᤡ ᤑᤠ᤹ᤀᤠᤱ ᤛᤠᤘᤗᤖᤧ ᤛᤠ᤹ᤖᤡᤰ ᤕᤱᤔᤠ ᤛᤧᤖᤢᤛᤡᤖᤥ॥ ᤂᤢᤏᤧ᤹ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤥ ᤐᤣᤀᤠᤱ ᤍᤔᤛ᤻ᤁᤛᤀᤥ ᤁᤧᤘᤠ᤹ᤒᤠ ᤁᤧᤖᤧᤰ ᤍᤠᤱᤒᤠᤸᤗᤧ ᤁᤢᤗᤠᤶ ᤁᤧᤍᤡᤶᤒᤠ ᤔᤧᤴᤇᤢᤔᤠ᤹ ᤕᤧᤶᤒᤡᤳᤇᤠ᤹ᤜᤠ᤹ ᤐᤢᤱᤗᤠᤎᤠᤒᤠ ᤆᤥ᤺ᤰᤔᤠᤛᤡᤀᤠᤱ ᤕᤖᤢᤛᤗᤧᤶᤔᤥ ᤋᤠ᤺ᤵᤔᤠᤛᤡ ᤜᤧᤰᤁᤩᤠᤱ ᤂᤢᤶᤍᤡᤱ ᤐᤡᤔᤠᤛᤡ ᤛᤢᤰᤋᤢᤱᤗ ᤑᤠ᤹ᤀᤠᤱ ᤍᤔᤛ᤻ᤁᤛᤀᤥᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤗᤠᤃᤡ ᤛᤰᤀᤡᤱᤄᤱ ᤛᤠᤵᤐᤠᤱᤄᤢᤛᤡᤖᤥ॥  
\v 3 ᤜᤧᤰᤁᤩᤠᤱ ᤂᤢᤏᤧ᤹ ᤍᤔᤛ᤻ᤁᤛᤖᤧ ᤁᤢᤒᤣᤛᤠᤱ ᤁᤧᤖᤧᤖ ᤐᤳᤇᤧᤸᤗᤧ ᤜᤰᤆᤄᤳ ᤋᤠᤱᤛᤠᤰᤐᤥᤗᤠᤶ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ ᤂᤢᤏᤧ᤹ ᤁᤢᤄᤡᤖᤡ ᤗᤧᤰᤋᤧᤖᤥ॥  
\v 4 ᤜᤧᤰᤁᤩᤠᤱ ᤂᤢᤏᤧ᤹ ᤂᤠᤶᤔᤥ ᤜᤷᤃᤢᤵ ᤆᤥ᤺ᤴᤍᤧᤀᤠᤱ ᤀᤡᤰᤗᤠᤎᤡᤰ ᤂᤧᤵᤛᤢ. “ᤛᤠᤘᤗᤀᤣ. ᤛᤠᤘᤗᤀᤣ. ᤀᤡᤱᤃᤠ᤹ ᤌᤣᤀᤠᤱ ᤋᤢᤰᤂᤣ ᤁᤧᤈᤠ᤺ᤳᤋᤠᤒᤠᤒᤣ᥅” 
\p  
\v 5 ᤛᤠᤘᤗᤖᤧ ᤛᤣ᤺ᤴᤍᤥᤛᤢ. “ᤍᤠᤱᤒᤣ. ᤂᤧᤏᤧ᤹ᤃ ᤜᤠ᤺ᤳᤏᤧᤴᤒᤣ᥅” 
\p ᤜᤧᤰᤁᤣ᤺ᤸᤗᤧ ᤀᤰᤂᤣᤗ᤹ᤖᤡᤰ ᤏᤥᤃᤵ ᤋᤩᤧ. “ᤀᤡᤱᤃᤠ᤹ᤃ ᤋᤢᤰᤂᤣ ᤁᤧᤈᤠ᤺ᤳᤋᤢᤖ ᤁᤧᤘᤠ᤹ᤒᤠ ᤕᤧᤛᤢᤀᤠᤖᤥ॥  
\v 6 ᤀᤠᤸᤗ ᤂᤧᤏᤧ᤹ ᤐᤥᤃᤧ᤹ᤀᤠᤱ ᤕᤧᤰᤕᤰᤁᤥ ᤐᤣᤃᤧ᤹॥ ᤂᤧᤵᤔᤥᤀᤣ ᤂᤧᤏᤧ᤹ ᤌᤣ ᤆᤥ᤺ᤰᤔᤠ ᤐᤥ᤺ᤱ ᤀᤡᤱᤃᤠ᤹ ᤔᤧᤳᤏᤧ᤹ᤖᤥ॥” 
\p  
\v 7 ᤀᤠᤸᤗ ᤛᤠᤘᤗᤏᤢ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤌᤣᤀᤠᤱ ᤔᤧᤶᤒᤠ᤺ᤳᤋᤣ ᤔᤧᤕᤧᤒᤧ ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤧᤴ ᤀᤡᤰᤗᤠ᤺ᤴ ᤂᤧᤶᤔᤠᤃ ᤔᤧᤄᤧᤵᤛᤢ. ᤁᤖ ᤜᤠ᤺ᤳᤋᤠᤱ ᤔᤧᤴᤏᤡ᤺ᤛᤢᤴᤗᤥ॥  
\v 8 ᤛᤠᤘᤗᤧᤴ ᤂᤠᤶᤔᤥᤗᤠᤶ ᤔᤢᤳᤌᤪᤡᤰ ᤐᤥᤃᤧ. ᤁᤖ ᤁᤢᤔᤡᤰᤁᤡᤴ ᤜᤴᤍᤢᤸᤗᤧ ᤌᤣᤀᤠᤱ ᤏᤡ᤺ᤔᤠ ᤔᤧᤛᤢᤰᤋᤢᤴ॥ ᤜᤧᤰᤁᤣ᤺ᤸᤗᤧ ᤂᤢᤏᤧ᤹ᤏᤢ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤁᤢᤜᤢᤰᤁᤥ ᤔᤧᤍᤧᤶᤛᤢᤀᤠᤱ ᤔᤧᤀᤢ᤺ᤰᤂᤢᤖ ᤍᤔᤛ᤻ᤁᤛᤀᤥ ᤔᤧᤍᤣ᤹ᤖᤢᤖᤥ॥  
\v 9 ᤜᤧᤰᤁᤣᤗ᤹ᤖᤡᤰ ᤛᤢᤶᤕᤧᤴ ᤌᤠᤖᤡᤰ ᤌᤧᤔᤠᤀᤠᤱ ᤏᤡ᤺ᤔᤠ ᤔᤧᤛᤢᤰᤋᤢᤴ ᤜᤧᤰᤁᤩᤠᤱ ᤌᤧᤔᤠᤀᤠᤱ ᤔᤧᤈᤏᤧᤴ. ᤔᤧᤎᤢᤅᤢᤴᤗᤥ॥ 
\p  
\v 10 ᤀᤠᤸᤗ ᤍᤔᤛ᤻ᤁᤛᤀᤥ ᤜᤏᤏᤡᤕᤠ ᤔᤧᤵᤔᤏᤠᤒᤠ ᤜᤢ᤹ᤛᤠᤶᤒᤠᤎᤡᤰ ᤘᤕᤧ॥ ᤂᤧᤴ ᤛᤢᤑᤥᤀᤥ ᤍᤠᤱᤒᤠᤸᤗᤧ ᤀᤰᤂᤣ ᤔᤧᤳᤋᤢ. “ᤜᤏᤏᤡᤕᤠᤀᤣ᥄” 
\p ᤜᤏᤏᤡᤕᤠᤖᤧ ᤏᤥᤃᤵ ᤐᤡᤖᤢ. “ᤌᤧᤔᤠᤒᤣ. ᤀᤠᤍᤠᤱᤒᤣ᥅” 
\p  
\v 11 ᤍᤠᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤋᤥ᤺ᤴᤍᤥ᤺ᤴ ᤔᤧᤵᤔᤏᤠᤒᤠ ᤗᤠᤶᤔᤥ ᤕᤜᤢᤍᤠ᤺ᤸᤗᤧ ᤁᤢᤜᤡᤶᤔᤥ ᤐᤣᤃᤧ᤹॥ ᤂᤧᤵᤔᤥ ᤋᤠᤷᤛᤛᤒᤠ ᤛᤠᤘᤗ ᤔᤧᤵᤔᤏᤠᤒᤠ ᤔᤏᤠ᤺ᤴ ᤘᤠ᤹ᤒᤡ ᤑᤠ᤹ᤀᤠᤱ ᤛᤣ᤺ᤴᤍᤥ᤺ᤛᤧ᤹॥ ᤁᤴ ᤕᤧᤶᤔᤥ ᤂᤢᤏᤧ᤹ ᤂᤧᤵᤔᤥ ᤋᤢᤘᤠ ᤆᤥ᤺ᤰᤏᤢ ᤕᤢᤱᤗᤥ॥  
\v 12 ᤂᤢᤏᤧ᤹ ᤛᤢᤑᤥᤀᤥ ᤜᤏᤏᤡᤕᤠ ᤔᤧᤵᤔᤏᤠᤒᤠ ᤔᤏᤠ᤺ᤴ ᤋᤠᤀᤠᤱ ᤂᤢᤏᤧ᤹ ᤕᤠᤶᤔᤥ ᤏᤡ᤺ᤔᤠ ᤛᤢᤰᤋᤢᤏᤡ ᤑᤠ᤹ᤀᤠᤱ ᤁᤢᤜᤢᤰᤜᤠ᤹ ᤁᤢᤎᤧᤃᤣ᤺ᤰᤐᤥ ᤏᤧᤛ᤻ᤛᤢᤒᤡᤖᤢᤒᤠ ᤏᤡ᤺ᤛᤢᤀᤠᤱ ᤘᤠ᤹ᤖᤥ॥” 
\p  
\v 13 ᤜᤏᤏᤡᤕᤠ᤺ᤸᤗᤧ ᤀᤳᤋᤢᤖ ᤏᤥᤃᤵ ᤐᤡᤖᤢ. “ᤁᤖ ᤀᤠᤍᤠᤱᤒᤣ. ᤂᤧᤸᤗᤧᤃ ᤕᤖᤢᤛᤗᤧᤶᤔᤥᤒᤠ ᤂᤧᤏᤧ᤹ ᤛᤣᤛᤣ ᤁᤧᤔᤏᤠᤜᤠ᤹ ᤕᤖᤡᤰ ᤋᤢᤰᤂᤣ ᤆᤠ᤺ᤳᤋᤢᤛᤡᤒᤠ ᤀᤡᤱᤃᤠ᤹ ᤂᤧᤵᤛᤢᤱᤅᤠᤱ ᤘᤠ᤹ᤀᤠᤖᤥ॥  
\v 14 ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤗᤠᤶ ᤕᤢᤰ ᤂᤥ᤺ᤛᤢᤀᤠᤱ ᤂᤧᤏᤧ᤹ᤀᤥ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤋᤧᤶᤔᤠᤛᤡ ᤑᤠ᤹ᤀᤠᤱ ᤁᤵᤔᤥᤀᤠᤱ ᤋᤩᤧᤀᤠᤱ ᤘᤠ᤹ᤖᤥ॥” 
\p  
\v 15 ᤁᤖ ᤍᤠᤱᤒᤠᤸᤗᤧ ᤜᤏᤏᤡᤕᤠ᤺ᤴ ᤔᤧᤳᤋᤢ. “ᤂᤧᤏᤧ᤹ ᤐᤣᤃᤧ᤹᥄ ᤌᤣᤀᤠᤱᤓᤧᤸᤗᤧ ᤂᤧᤴ ᤔᤏᤠ᤺ᤴ ᤀᤡᤱᤃᤠ᤹ ᤀᤠᤛᤣᤘᤠ ᤆᤥᤃᤢᤏᤡ ᤑᤠ᤹ᤀᤠᤱ ᤛᤣᤃᤢᤱᤅᤠᤱ ᤘᤠ᤹ᤀᤠᤖᤥ॥ ᤂᤧᤸᤗᤧᤃ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹. ᤜᤠᤱᤜᤠ᤹. ᤏᤢ ᤀᤡᤛᤪᤠᤀᤡᤗᤡᤜᤠ᤹ ᤀᤠᤔᤡᤱ ᤀᤡᤱᤓᤴ ᤆᤥᤃᤢᤛᤡ᤹ᤖᤥ॥  
\v 16 ᤀᤡᤱᤃᤠ᤹ ᤀᤠᤗᤠᤃᤡ ᤂᤧᤸᤗᤧ ᤀᤠᤰᤂᤧᤴ ᤋᤢᤰᤂᤣ ᤆᤠᤔᤠ ᤐᤥ᤺ᤱ ᤑᤠ᤹ᤀᤠᤱ ᤀᤡᤱᤃᤠ᤹ ᤀᤥᤛᤣ᤺ᤴᤎᤠᤰᤋᤢᤱᤗᤥ॥” 
\p  
\v 17 ᤜᤧᤰᤁᤩᤠᤱ ᤜᤏᤏᤡᤕᤠ᤺ᤴ ᤂᤧᤴ ᤜᤡᤶᤔᤥ ᤐᤣᤀᤠᤱ ᤛᤠᤘᤗᤖᤧ ᤁᤢᤎᤧᤃᤣ᤺ᤰ ᤛᤶᤍᤠᤱ ᤁᤢᤜᤢᤰᤜᤠ᤹ ᤏᤧᤛ᤻ᤛᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤠᤴᤛᤠ᤹ ᤛᤠᤘᤗᤀᤣ. ᤍᤠᤱᤒᤠ ᤕᤧᤛᤢᤖᤧ ᤀᤡᤱᤃᤠ᤹ ᤐᤠᤱᤄᤠᤱᤒᤠᤖᤥ॥ ᤂᤢᤏᤧ᤹ᤃ ᤁᤵᤔᤥ ᤍᤔᤛ᤻ᤁᤛᤀᤥ ᤁᤧᤍᤩᤧᤖ ᤁᤧᤒᤳᤇᤧᤸᤗᤧ ᤗᤠᤶᤔᤥ ᤂᤧᤏᤧ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤂᤧᤏᤧ᤹ ᤕᤠᤶᤔᤥ ᤏᤡ᤺ᤔᤠ ᤁᤧᤛᤢᤰᤋᤢᤖ. ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤎᤢᤰᤗ ᤑᤠ᤹ᤀᤠᤱ ᤐᤠᤱᤄᤠᤱᤒᤠᤖᤥ॥”  
\v 18 ᤂᤡᤔᤥ ᤛᤠᤘᤗᤖᤧ ᤁᤢᤔᤡᤰᤁᤥᤗᤠᤶ ᤅᤠᤛᤣ᤺ᤰ ᤜᤧᤰᤋᤱᤒᤠ ᤔᤰᤌᤩᤧᤀᤠᤱ ᤂᤢᤏᤧ᤹ ᤕᤠᤶᤔᤥ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧ॥ ᤂᤢᤏᤧ᤹ ᤐᤥᤃᤧᤀᤠᤱ ᤜᤏᤏᤡᤕᤠ᤺ᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤖᤥ॥  
\v 19 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤈᤠ ᤆᤀᤠᤱ ᤁᤢᤛᤰᤔᤠ ᤋᤩᤧᤖᤥ॥ 
\s1 ᤛᤠᤘᤗᤖᤧ ᤍᤔᤛ᤻ᤁᤛᤀᤥ ᤛᤢᤏᤠᤀᤡᤱ ᤛᤧ᤺ᤛᤢ᤹ 
\p ᤛᤠᤘᤗᤧᤴ ᤁᤢᤓᤠ ᤕᤧᤴ ᤌᤠᤖᤡᤰ ᤍᤔᤛ᤻ᤁᤛᤀᤥᤒᤠ ᤏᤛᤠᤏᤡᤒᤠᤜᤠ᤹ᤏᤢ ᤘᤕᤧ॥  
\v 20 ᤂᤢᤏᤧ᤹ ᤂᤧᤵᤔᤥ ᤕᤜᤢᤍᤡ ᤆᤢᤶᤗᤢᤱᤜᤡᤶ ᤜᤧᤱᤄᤠ᤺ᤳᤋᤡ ᤐᤣᤀᤠᤱ ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤛᤠ᤺ᤖᤥ ᤑᤠ᤹ᤀᤠᤱ ᤂᤡᤔᤥ ᤀᤡᤱᤓᤴ ᤆᤥ᤺ᤰᤔᤠ ᤜᤣ᤺ᤰᤋᤢᤖᤥ॥  
\v 21 ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴ ᤁᤧᤄᤧᤶᤒᤠ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤀᤰᤂᤣᤗ᤹ᤖᤡᤰ ᤔᤧᤔᤧᤳᤇᤡᤱ. “ᤕᤖᤢᤛᤗᤧᤶᤔᤥ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤜᤶ ᤁᤧᤈᤥ᤺ᤰᤐᤧᤴ ᤒᤠᤁᤴ ᤔᤏᤠ᤺ᤴ ᤔᤧ᤺ᤶᤒᤡ᥅ ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤥ ᤋᤧᤶᤔᤠ ᤋᤣ᤹ᤔᤠᤛᤡ ᤑᤠ᤹ᤀᤠᤱ ᤁᤵᤔᤥᤀᤠᤱ ᤋᤩᤧᤒᤠᤃ ᤔᤧ᤺ᤶᤒᤡ᥅”  
\v 22 ᤁᤖ ᤛᤠᤘᤗᤖᤧ ᤀᤠᤸᤗᤛᤠᤱ ᤔᤢᤰᤛᤠᤶ ᤁᤢᤎᤡᤶᤒᤠ ᤀᤡᤱᤓᤴ ᤛᤧ᤺ᤛᤢᤖ ᤐᤣᤀᤠᤱ ᤍᤔᤛ᤻ᤁᤛᤀᤥ ᤁᤧᤘᤠ᤹ᤒᤠ ᤕᤜᤢᤍᤡᤜᤠ᤹. ᤕᤧᤛᤢ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ ᤑᤠ᤹ᤀᤠᤱ ᤕᤠ᤺ᤴᤍᤢᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤏᤥᤃᤵᤐᤣ ᤐᤡᤔᤠ ᤔᤧᤴᤇᤢᤰᤋᤢᤴᤗᤥ॥  
\v 23 ᤜᤧᤰᤁᤩᤠᤱ ᤕᤖᤡᤰ ᤕᤧᤶ ᤀᤣᤃᤠᤱ ᤂᤧᤵᤔᤥᤒᤠ ᤕᤜᤢᤍᤡᤜᤠ᤹ᤖᤧ ᤛᤠᤘᤗᤧᤴ ᤛᤧᤵᤔᤠ ᤑᤠ᤹ᤀᤠᤱ ᤀᤡᤱᤔᤧᤍᤱᤄᤢ.  
\v 24 ᤁᤖ ᤁᤴ ᤐᤠ᤺ᤴᤏᤡᤴ ᤛᤠᤘᤗᤖᤧ ᤏᤡᤱᤘᤠ᤹ ᤂᤥ᤺ᤛᤢᤖᤥ॥ ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ᤖᤧ ᤛᤧᤴᤍᤡᤰ ᤗᤧᤴᤍᤡᤰ ᤂᤢᤏᤧ᤹ ᤋᤧᤶᤔᤠᤀᤠᤱ ᤛᤧᤵᤔᤠ ᤑᤠ᤹ᤀᤠᤱ ᤕᤧᤰᤕᤰᤁᤥᤒᤠ ᤐᤕᤶ ᤗᤠᤶᤎᤣ᤺ᤵᤜᤠ᤹ᤀᤥ ᤔᤧᤛᤢᤃᤢᤖᤥ॥  
\v 25 ᤁᤖ ᤌᤡᤰ ᤛᤧᤴᤍᤡᤰ ᤛᤠᤘᤗᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤢᤏᤧ᤹ ᤛᤠᤵᤐᤥᤀᤥ ᤔᤧᤕᤠᤰᤋᤢᤀᤠᤱ ᤕᤧᤰᤕᤰᤁᤡᤸᤗᤧ ᤗᤢᤱᤎᤠᤰ ᤗᤠ᤺ᤰᤁᤠᤳ ᤀᤡᤍᤠ᤺ᤰᤁᤡᤸᤗᤧ ᤔᤧᤓᤥ᤺ᤴᤍᤢ ᤔᤧᤎᤠᤛᤢᤀᤠᤱ ᤔᤧᤄᤧᤳᤋᤢ ᤔᤧᤍᤣ᤺ᤛᤢᤖᤥ॥ 
\p  
\v 26 ᤛᤠᤘᤗᤧᤴ ᤕᤖᤢᤛᤗᤧᤔ ᤐᤣᤀᤠᤱ ᤂᤧᤵᤔᤥᤒᤠ ᤜᤢ᤹ᤛᤠᤶᤒᤠᤜᤠ᤹ᤏᤢ ᤛᤥᤖᤡᤰ ᤘᤠ᤹ᤔᤠ ᤏᤡᤱᤘᤠ᤹ ᤆᤥᤃᤢ. ᤁᤖ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤛᤠ᤹ᤖᤡᤰ ᤔᤧᤃᤡᤖᤢ ᤜᤧᤰᤁᤩᤠᤱ ᤂᤢᤏᤧ᤹ ᤜᤢ᤹ᤛᤠᤶᤒᤠ ᤑᤠ᤹ᤀᤠᤱ ᤁᤢᤏᤠᤛᤠ᤹ᤔᤠᤀᤣ ᤔᤧᤴᤇᤢᤰᤋᤢᤴᤗᤥ॥  
\v 27 ᤁᤖ ᤒᤖᤏᤠᤒᤠᤛᤧᤴ ᤋᤩᤧᤀᤠᤱ ᤛᤠᤘᤗᤧᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤋᤠᤖᤢᤀᤠᤱ ᤀᤠᤰᤂᤣᤗ᤹ᤖᤡᤰ ᤛᤠᤘᤗᤖᤧ ᤍᤔᤛ᤻ᤁᤛ ᤐᤣ᤺ᤰᤔᤠ ᤗᤠᤶᤔᤥ ᤍᤠᤱᤒᤠᤴ ᤋᤢᤔᤢ ᤜᤧᤰᤁᤩᤠᤱ ᤍᤠᤱᤒᤠᤴ ᤂᤢᤏᤧ᤹ᤏᤢ ᤐᤠᤖᤧ. ᤜᤧᤰᤁᤩᤠᤱ ᤀᤠᤰᤂᤣᤗ᤹ᤖᤡᤰ ᤍᤔᤛ᤻ᤁᤛᤀᤥ ᤔᤧᤱᤃᤡᤀᤣ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤠᤘᤗᤖᤧ ᤀᤡᤱᤓᤴ ᤛᤧ᤺ᤛᤢ ᤁᤧᤗ᤹ᤒᤠᤴ ᤁᤠᤰ ᤆᤧᤰᤋᤢᤛᤡᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤔᤧᤍᤠ᤺ᤰᤋᤢᤖᤥ॥  
\v 28 ᤜᤧᤰᤁᤩᤠᤱ ᤛᤠᤘᤗᤧᤴ ᤂᤧᤱᤜᤠ᤹ᤏᤢ ᤛᤥᤖᤡᤰ ᤘᤠ᤹ᤔᤠ ᤜᤣ᤺ᤰᤋᤧᤀᤠᤱ ᤕᤖᤢᤛᤗᤧᤔ ᤂᤠᤖᤠᤰ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤔᤧᤱᤃᤡᤀᤣ ᤀᤡᤱᤓᤴ ᤆᤥᤃᤢᤖᤥ॥  
\v 29 ᤜᤧᤰᤁᤩᤠᤱ ᤃᤪᤡᤁ ᤁᤧᤒᤠ᤺ᤵᤐᤠ ᤕᤜᤢᤍᤡᤜᤠ᤹ᤏᤢᤀᤠᤱ ᤐᤠ᤺ᤴᤎᤰᤋᤧ. ᤁᤖ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤛᤧᤵᤔᤠ ᤑᤠ᤹ᤀᤠᤱ ᤗᤠᤶ ᤔᤧᤃᤥ᤺ᤳᤋᤢᤖ ᤔᤧᤘᤕᤧ॥  
\v 30 ᤁᤴ ᤐᤠ᤺ᤴᤏᤡᤴ ᤘᤣ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤂᤢᤏᤧ᤹ ᤛᤡᤈᤖᤡᤕᤠᤀᤥ ᤔᤧᤍᤣ᤹ᤖᤢ॥ ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤛᤠᤘᤗᤧᤴ ᤋᤠᤷᤛᤛ ᤕᤧᤰᤕᤰ ᤗᤧᤵᤔᤠᤱ ᤘᤠᤗᤠᤎᤠᤗᤠᤶ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤖᤥ॥ 
\p  
\v 31 ᤜᤧᤰᤁᤩᤠᤱ ᤕᤜᤢᤍᤡᤕᤠ. ᤃᤠᤗᤡᤗ. ᤏᤢ ᤛᤠᤔᤖᤡᤕᤠᤀᤥᤛ᤻ᤔᤠ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤏᤡᤱᤄᤢᤶ ᤐᤥ᤺ᤱᤔᤠ ᤆᤰ ᤌᤩᤧᤀᤠᤱ ᤕᤧᤶᤕᤧᤶᤘᤠ ᤋᤩᤧ॥ ᤂᤧᤱᤜᤠ᤹ᤖᤧ ᤍᤠᤱᤒᤠᤴ ᤛᤠ᤹ᤖᤡᤰ ᤀᤡᤱᤎᤠ᤺ᤱ ᤔᤧᤒᤡ. ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤀᤠ᤺ᤴᤇᤡᤱᤔᤠ ᤐᤡᤖᤢᤛᤡᤀᤠᤱ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤔᤧᤒᤥ᤺ᤰᤂᤧᤖ ᤂᤧᤱᤜᤠ᤹ ᤔᤧᤒᤥ᤺ᤖᤧᤖ ᤔᤧᤒᤣᤖᤥ॥ 
\s1 ᤀᤣᤏᤡᤕᤠᤛᤧᤴ ᤘᤣ᤺ᤳ 
\p  
\v 32 ᤜᤧᤰᤁᤩᤠᤱ ᤐᤋᤪᤢᤛᤧᤴ ᤗᤠᤶᤍᤡ᤺ᤰ ᤆᤥᤃᤧᤖ ᤗᤡᤍ᤻ᤍᤠᤒᤠ ᤏᤛᤠᤏᤡᤒᤠᤜᤠ᤹ᤀᤠᤱ ᤛᤠ᤹ᤖᤢᤛᤡᤖᤥ॥  
\v 33 ᤂᤧᤵᤔᤥ ᤀᤣᤏᤡᤕᤠᤛ ᤔᤧᤵᤔᤏᤠᤒᤠ ᤋᤱᤒᤣ ᤕᤧᤳᤇᤡᤀᤠᤱᤎᤥ (᥎) ᤗᤱᤗᤧ᤺ᤱ ᤋᤢᤰᤔᤠᤸᤗᤧ ᤋᤖᤢᤀᤠᤱ ᤏᤧᤳᤏᤠᤀᤥᤖᤰ ᤁᤧᤏᤧᤒᤠ ᤔᤏᤠ᤺ᤴ ᤋᤢᤔᤢ॥  
\v 34 ᤐᤋᤪᤢᤛᤖᤧ ᤂᤧᤴ ᤔᤧᤳᤋᤢ. “ᤀᤣᤏᤡᤕᤠᤛᤣ. ᤕᤧᤛᤢ ᤂᤪᤡᤛ᤻ᤋᤖᤧ ᤁᤧᤘᤣ᤺ᤴᤗᤥ॥ ᤐᤥᤃᤧ᤹ᤀᤠᤱ ᤁᤧᤏᤧᤳᤏᤠ᤺ᤴ ᤑᤥ᤺ᤰᤂᤧ᤹ᤀᤥ᥄” ᤂᤡᤔᤥ ᤂᤧᤴ ᤔᤢᤳᤌᤪᤡᤰ ᤐᤥᤃᤧ॥  
\v 35 ᤜᤧᤰᤁᤩᤠᤱ ᤗᤡᤍ᤻ᤍᤠ ᤕᤧᤰᤕᤰᤁᤥ ᤏᤢ ᤛᤠᤖᤥᤏ ᤋᤧᤶᤒᤣ᤹ᤀᤥ ᤁᤧᤘᤠ᤹ᤒᤠ ᤕᤖᤡᤰ ᤔᤏᤠᤜᤠ᤹ᤖᤧ ᤂᤧᤴ ᤔᤏᤠ᤺ᤴ ᤘᤣ᤺ᤳᤋᤧᤒᤠ ᤔᤧᤏᤡ᤺ᤛᤢᤀᤠᤱ ᤍᤠᤱᤒᤠ ᤗᤧᤵᤔᤠᤱ ᤔᤧᤜᤡᤛᤡᤱᤗᤥ॥ 
\s1 ᤐᤋᤪᤢᤛᤖᤧ ᤋᤒᤡᤳᤋᤠ᤺ᤴ ᤘᤣ᤺ᤴᤍᤢ᤹ 
\p  
\v 36 ᤜᤧᤰᤁᤩᤠᤱ ᤈᤥᤵᤐᤠ ᤕᤧᤰᤕᤰᤁᤥ ᤋᤒᤡᤋᤠ ᤔᤡᤱ ᤁᤧᤘᤠ᤺ᤵᤔᤠ ᤜᤢ᤹ᤛᤠᤶᤔᤠ ᤌᤡᤰ ᤘᤕᤧ॥ (ᤂᤧᤸᤗᤧ ᤁᤢᤔᤡᤱ ᤃᤪᤡᤰᤁᤥ ᤍᤥᤖᤁᤠᤛ ᤘᤕᤧ–ᤂᤧᤴ ᤑᤠ᤹ᤀᤡᤴ ᤐᤧ᤺ᤱᤘᤠ ᤐᤥ᤺ᤱᤗᤥ॥) ᤂᤧᤴ ᤛᤍᤠᤍᤡᤱ ᤘᤣ᤹ᤜᤠ᤹ᤖᤧ ᤗᤠᤃᤡ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤏᤢ ᤕᤠᤱᤃᤧᤛᤠ᤹ᤒᤠᤜᤠ᤹ ᤁᤧᤓᤠ᤹ᤔᤠ ᤘᤕᤧᤖᤥ॥  
\v 37 ᤂᤢᤏᤧ᤹ ᤂᤧᤴ ᤕᤧᤶᤔᤥ ᤋᤢᤃᤧᤀᤠᤱ ᤛᤩᤧ. ᤜᤧᤰᤁᤩᤠᤱ ᤁᤢᤎᤰᤁᤡᤴ ᤘᤠᤔᤧᤜᤵᤋᤢᤀᤠᤱ ᤌᤥ᤺ᤛ᤻ᤔᤠ ᤕᤠᤰᤑᤠᤀᤥ ᤔᤧᤍᤣ᤹ᤖᤢᤀᤠᤱ ᤔᤧᤏᤧᤛ᤻ᤛᤢᤖᤥ॥  
\v 38 ᤈᤥᤵᤐᤠ ᤕᤧᤰᤕᤰᤁᤡᤴ ᤗᤡᤍ᤻ᤍᤠ ᤕᤧᤰᤕᤰᤗᤠᤶ ᤔᤧᤔᤠ᤺ᤰᤂᤧᤴ. ᤜᤧᤰᤁᤣ᤺ᤸᤗᤧ ᤜᤢ᤹ᤛᤠᤶᤒᤠᤜᤠ᤹ᤖᤧ ᤐᤋᤪᤢᤛᤧᤴ ᤗᤡᤍ᤻ᤍᤠᤀᤥ ᤘᤠ᤹ ᤁᤧᤗ᤹ᤒᤠ ᤔᤧᤄᤧᤵᤛᤢᤀᤠᤱ ᤏᤧᤵᤑᤢ ᤔᤏᤠᤜᤠ᤹ ᤁᤢᤗᤠ᤺ᤛᤧ ᤔᤧᤒᤠᤱᤄᤢᤛᤡᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤣᤛᤧᤳᤇᤡᤀᤠᤱ ᤐᤋᤪᤢᤛᤧᤴ. “ᤀᤠᤍᤠᤱᤒᤣ. ᤜᤠᤖᤠ᤹ ᤈᤥᤵᤐᤠᤀᤥ ᤑᤧᤖᤧ᤹ᤀᤥ.” ᤔᤧᤳᤋᤧᤇᤢᤖ ᤐᤣᤗᤡ ᤑᤠᤰᤋᤧᤳᤇᤢᤖᤥ॥ 
\p  
\v 39 ᤂᤧᤸᤗᤧ ᤆᤥᤃᤢᤸᤗᤧ ᤐᤋᤪᤢᤛᤧᤴᤏᤠᤱ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤂᤧᤱᤜᤠ᤹ᤏᤢ ᤈᤥᤵᤐᤠᤀᤥ ᤐᤣ॥ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤖᤧᤏᤢᤔᤧ᤺ᤴᤏᤣ ᤂᤢᤏᤧ᤹ ᤌᤥ᤺ᤛ᤻ᤔᤠ ᤕᤠᤰᤑᤠᤀᤥ ᤔᤧᤍᤣ᤹ᤖᤢ॥ ᤂᤧᤵᤔᤥ ᤔᤣᤔᤣᤍᤢᤔᤠᤜᤠ᤹ ᤐᤋᤪᤢᤛᤖᤧ ᤁᤢᤄᤡᤖᤡ ᤔᤧᤕᤧᤒᤧᤀᤠᤱ ᤍᤥᤖᤁᤠᤛᤖᤧ ᤁᤢᤜᤡᤱᤘᤧᤳ ᤘᤕᤧᤸᤗᤧ ᤋᤕᤢᤒᤠ ᤋᤣ᤺ᤵᤑᤢᤱᤜᤠ᤹ ᤀᤥᤛᤣ᤺ᤴᤔᤧᤎᤠᤰᤋᤢᤖ ᤔᤧᤜᤠᤒᤧ॥ 
\p  
\v 40 ᤐᤋᤪᤢᤛᤧᤴ ᤐᤣᤀᤠᤱ ᤂᤧᤵᤔᤥᤒᤠ ᤁᤧᤖᤧᤰ ᤔᤏᤠᤜᤠ᤹ ᤕᤠᤰᤑᤠᤗᤠᤶ ᤗᤠ᤺ᤰᤁᤠᤳ ᤐᤠᤱᤄᤢᤛᤡ ᤜᤧᤰᤁᤩᤠᤱ ᤂᤢᤏᤧ᤹ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤋᤢᤘᤠ ᤆᤥᤃᤢᤀᤠᤱ ᤂᤧᤴ ᤁᤧᤛᤡ᤺ᤔᤠ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤔᤧᤳᤋᤢ. “ᤋᤒᤡᤋᤠᤀᤣ. ᤐᤥᤃᤧ᤹ᤀᤥ॥” ᤂᤧᤸᤗᤧ ᤁᤢᤔᤡᤰᤜᤠ᤹ ᤜᤴᤍᤢ. ᤜᤧᤰᤁᤩᤠᤱ ᤐᤋᤪᤢᤛᤧᤴ ᤏᤡ᤺ᤛᤢ ᤜᤧᤰᤁᤩᤠᤱ ᤐᤥᤃᤧᤀᤠᤱ ᤕᤢᤱᤛᤡᤱᤗᤥ॥  
\v 41 ᤐᤋᤪᤢᤛᤖᤧ ᤁᤢᤜᤢᤰᤁᤥ ᤋᤧᤶᤛᤢᤀᤠᤱ ᤕᤧᤵᤛᤢ ᤜᤧᤰᤁᤩᤠᤱ ᤔᤣᤔᤣᤍᤢᤔᤠᤜᤠ᤹ ᤏᤢ ᤘᤣ᤹ ᤏᤛᤠᤏᤡᤒᤠᤜᤠ᤹ ᤐᤋᤪᤢᤛᤖᤧ ᤀᤢ᤺ᤳᤋᤢᤛᤡᤀᤠᤱ ᤂᤧᤴ ᤜᤢᤰᤛᤢᤵᤋᤢᤛᤡᤖᤥ॥  
\v 42 ᤜᤧᤰᤁᤩᤠᤱ ᤈᤥᤵᤐᤠ ᤂᤠᤖᤠᤰ ᤁᤴ ᤐᤠ᤺ᤴᤏᤡᤴ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤕᤖᤡᤰᤗᤧ ᤍᤠᤱᤒᤠᤴ ᤏᤛᤠ᤺ᤴ ᤔᤧᤈᤥᤃᤢᤖᤥ॥  
\v 43 ᤐᤋᤪᤢᤛᤧᤴ ᤈᤥᤵᤐᤠᤀᤥ ᤁᤢᤓᤠ ᤕᤧᤶ ᤛᤧᤜᤥᤒᤠᤸᤗᤧ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤛᤡᤔᤥᤏᤖᤧ ᤁᤢᤜᤡᤶᤔᤥ ᤕᤠ᤺ᤰᤋᤧᤖᤥ॥ 
\c 10  
\s1 ᤐᤋᤪᤢᤛ ᤏᤢ ᤁᤷᤏᤠᤗᤡᤕᤛ 
\p  
\v 1 ᤛᤡᤈᤖᤡᤕᤠ ᤕᤧᤰᤕᤰᤁᤥ ᤁᤷᤏᤠᤗᤡᤕᤛ ᤔᤡᤱ ᤁᤧᤘᤠ᤺ᤵᤐᤠ ᤔᤏᤠᤎᤡᤰ ᤘᤕᤧ॥ ᤂᤧᤴ ᤀᤡᤋᤠᤗᤡᤕᤠ ᤔᤧᤵᤔᤏᤠᤒᤠ ᤖᤥᤔᤡ ᤋᤢᤖᤠᤖᤧᤴ ᤌᤰᤋᤢᤶᤒᤠ ᤘᤕᤧᤖᤥ॥  
\v 2 ᤂᤢᤏᤧ᤹ ᤏᤢ ᤁᤢᤜᤡᤶᤛᤕᤱᤜᤠ᤹ ᤔᤡᤱᤛᤥᤍᤠᤱᤒᤠ ᤏᤢ ᤛᤠᤶᤕᤥᤛᤠᤒᤠ ᤔᤧᤘᤕᤧᤖᤥ॥ ᤂᤢᤏᤧ᤹ᤃ ᤕᤠᤱᤃᤧᤛᤠ᤹ᤒᤠᤜᤠ᤹ ᤕᤖᤡᤰ ᤁᤢᤓᤠ᤹ ᤕᤠᤱ ᤁᤧᤒᤡᤒᤠ ᤏᤢ ᤌᤡᤰᤕᤠ᤺ᤴᤎᤰ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤋᤢᤘᤠ ᤁᤧᤈᤥ᤺ᤰᤐᤠ ᤘᤕᤧᤖᤥ॥  
\v 3 ᤌᤡᤰᤕᤧᤴ ᤗᤧᤴᤍᤡᤰ ᤁᤢᤔᤢᤰ ᤛᤢᤶᤛᤡ ᤔᤢᤰᤋᤧᤀᤠᤱ ᤘᤕᤧᤸᤗᤧ ᤂᤢᤏᤧ᤹ ᤛᤢᤑᤥᤎᤡᤰ ᤏᤡ᤺ᤛᤢ॥ ᤂᤧᤴ ᤛᤢᤑᤥᤀᤥ ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤠᤴ ᤂᤢᤏᤧ᤹ ᤗᤧᤵᤔᤠᤱ ᤑᤧᤖᤧᤖ “ᤁᤷᤏᤠᤗᤡᤕᤛᤣ.” ᤔᤧᤳᤋᤢᤖᤥ॥ 
\p  
\v 4 ᤁᤷᤏᤠᤗᤡᤕᤛᤖᤧ ᤁᤡ᤺ᤛᤧᤖ ᤀᤥᤔᤧᤳᤋᤢᤖ ᤀᤥᤒᤧ ᤀᤠᤍᤠᤱᤒᤣ ᤗ᤹ᤖᤡᤰ ᤏᤥᤃᤵ ᤐᤡᤖᤢ॥ 
\p ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤁᤧᤈᤥᤃᤢᤒᤠ ᤋᤢᤘᤠᤜᤠ᤹ ᤏᤢ ᤕᤠᤱᤃᤧᤛᤠ᤹ᤒᤠᤜᤠ᤹ ᤕᤖᤡᤰ ᤁᤢᤓᤠ᤹ ᤕᤠᤱ ᤁᤧᤒᤡᤖᤢᤛᤡᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤀᤡ᤺ᤳᤋᤢᤀᤠᤱ ᤘᤠ᤹ᤖᤥ॥”  
\v 5 ᤀᤠᤸᤗ ᤈᤥᤵᤐᤠ ᤕᤧᤰᤕᤰᤁᤥ ᤛᤡᤔᤥᤏ ᤐᤋᤪᤢᤛ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤧ ᤁᤢᤀᤢ᤺ᤳᤇᤧ ᤔᤏᤠᤜᤠ᤹ ᤐᤠᤱᤄᤧᤛᤧ᤹ᤀᤥ॥  
\v 6 ᤂᤧᤴ ᤘᤠᤜᤱ ᤐᤣᤛᤠᤱᤒᤠ ᤛᤧᤜᤥᤒᤠᤖᤧ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤛᤡᤔᤥᤏᤖᤧ ᤁᤢᤜᤡᤶᤔᤥ ᤘᤠ᤹॥ 
\p  
\v 7 ᤂᤧᤴ ᤔᤠᤱᤗᤠᤀᤡᤱᤒᤠᤴ ᤜᤧᤰᤁᤣ ᤐᤠ᤺ᤳᤋᤢᤀᤠᤱ ᤐᤣ. ᤜᤧᤰᤁᤩᤠᤱ ᤁᤷᤏᤠᤗᤡᤕᤛᤖᤧ ᤏᤧᤵᤑᤢ ᤁᤢᤛᤣᤘᤠᤖᤥᤒᤠᤜᤠ᤹ ᤏᤢ ᤛᤠᤶᤕᤥᤒᤠ ᤁᤢᤍᤠᤱᤛᤧ᤺ᤵ ᤌᤰᤛᤢᤒᤠᤴ ᤀᤢ᤺ᤳᤋᤢᤀᤠᤱ  
\v 8 ᤁᤴ ᤐᤠ᤺ᤴᤏᤡᤴ ᤆᤧᤰᤋᤢᤛᤡᤖ ᤈᤥᤵᤐᤠᤀᤥ ᤐᤋᤪᤢᤛᤖᤧ ᤁᤢᤗᤠ᤺ᤛᤧ ᤂᤧᤱᤜᤠ᤹ ᤐᤠᤱᤄᤢᤍᤣ᤺ᤛᤢᤛᤡᤖᤥ॥ 
\p  
\v 9 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤗᤧᤴᤍᤡᤰ ᤐᤥ᤺ᤰᤂᤧᤖ ᤐᤳᤇᤧᤸᤗᤧ ᤂᤧᤱᤜᤠ᤹ ᤈᤥᤵᤐᤠ ᤐᤣᤛᤠᤱ ᤔᤧᤃᤧᤖᤧ॥ ᤗᤧᤴᤍᤡᤰ ᤁᤢᤔᤢᤰ ᤌᤡᤰ-ᤏᤧᤳ (᥇᥈) ᤔᤢᤰᤋᤧᤸᤗᤧ ᤐᤋᤪᤢᤛᤧᤴ ᤋᤢᤘᤠ ᤆᤥ᤺ᤰᤛᤧ ᤌᤠ᤺ᤱᤛ᤻ᤔᤠ ᤀᤠ᤺ᤶᤓᤥᤀᤥ ᤐᤣ॥  
\v 10 ᤂᤢᤏᤧ᤹ ᤛᤠ᤹ᤖᤡᤰ ᤁᤢᤛᤧᤳ ᤗᤠ᤺ᤰᤋᤧᤀᤠᤱ ᤌᤣᤀᤡ ᤆᤠᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤘᤣ᤹ᤜᤠ᤹ᤖᤧ ᤆᤠ ᤔᤧᤈᤥᤃᤢᤖ ᤔᤧᤒᤳᤇᤧᤸᤗᤧ ᤁᤢᤎᤏᤠ ᤗᤧᤰᤂᤧᤖᤥ॥  
\v 11 ᤜᤧᤰᤁᤩᤠᤱ ᤋᤠᤱᤛᤠᤰᤐᤧᤴ ᤜᤖᤧᤒᤠ ᤁᤢᤀᤡᤛᤡ᤺ᤰ ᤂᤧᤳᤌᤥᤗᤠᤶ ᤕᤶᤒᤠ ᤋᤣ᤺ᤳ ᤜᤧᤰᤋᤱᤒᤠᤴ ᤗᤡᤛᤡ ᤁᤢᤛᤢᤰᤐᤥ ᤂᤣ᤺ᤱᤔᤏᤠᤒᤠ ᤌᤩᤧᤖ ᤐᤳᤇᤧᤒᤠ ᤏᤡ᤺ᤛᤢ॥  
\v 12 ᤂᤧᤵᤔᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤐᤖᤡᤰᤗᤧᤴ ᤌᤰᤛᤠᤜᤠ᤹. ᤁᤧᤛ᤺ᤴᤇᤡᤱᤒᤠ ᤌᤰᤛᤠᤜᤠ᤹ ᤏᤢ ᤐᤢᤛᤠᤜᤠ᤹ ᤔᤧᤕᤠᤃᤧ॥ ᤂᤧᤱᤜᤠ᤹ᤀᤥ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤸᤗᤧ ᤆᤠᤔᤠ ᤀᤠᤶᤒᤡᤏᤧᤴᤒᤠᤜᤠ᤹ᤀᤠᤱ ᤔᤧᤕᤠᤃᤧ॥  
\v 13 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤀᤰᤂᤣ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢ. “ᤐᤋᤪᤢᤛᤣ. ᤐᤥᤃᤧ᤹᥄ ᤛᤧᤖᤧᤛᤧ᤹ᤀᤠᤱ ᤆᤧ᤹ᤀᤥ॥” 
\p  
\v 14 ᤐᤋᤪᤢᤛᤖᤧ ᤏᤥᤃᤵ ᤐᤡᤖᤢ. “ᤛᤧᤰᤂᤠᤛᤠᤱ ᤀᤰᤋᤱᤒᤠᤃ ᤀᤡᤱᤃᤠ᤹ ᤔᤧᤈᤠᤀᤠᤴᤗᤥ॥ ᤀᤠᤸᤗᤥ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤍᤠ᤺ᤰᤋᤢᤶᤒᤠ ᤆᤠ ᤌᤣᤀᤠᤱ ᤔᤧᤴᤈᤠᤀᤣ ᤘᤠ᤹ᤀᤠᤖᤥ॥” 
\p  
\v 15 ᤜᤧᤰᤁᤩᤠᤱ ᤕᤠᤶᤔᤥ ᤀᤡᤰᤗᤠ᤺ᤴ ᤋᤩᤧ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤒᤠ ᤁᤢᤈᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤕᤠᤵᤔᤡ ᤁᤧᤈᤡ᤺ᤶᤒᤠ ᤔᤧᤗᤣ᤺ᤳᤋᤧᤴᤏᤧ᤹ᤀᤥ॥” 
\p  
\v 16 ᤀᤰᤂᤣᤗ᤹ᤖᤡᤰ ᤁᤴ ᤛᤢᤶᤗᤧᤱ ᤌᤠᤖᤡᤰ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤂᤧᤴ ᤁᤢᤛᤢᤱᤔᤧᤴ ᤕᤠᤱᤎᤥ ᤋᤠᤱᤛᤠᤰᤐᤥ ᤀᤢ᤺ᤰᤂᤧ ᤋᤣ᤹ᤖᤧᤖᤥ॥ 
\p  
\v 17 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤁᤴ ᤛᤢᤑᤥ᤺ᤸᤗᤧ ᤁᤢᤒᤣ᤺ᤴ ᤌᤣᤀᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤗ ᤐᤳᤇᤧᤸᤗᤧ ᤁᤷᤏᤠᤗᤡᤕᤛᤖᤧ ᤐᤠᤱᤄᤢᤛᤡᤒᤠ ᤔᤏᤠᤜᤠ᤹ ᤛᤡᤔᤥᤏᤖᤧ ᤁᤢᤜᤡᤶᤔᤡᤴ ᤔᤧᤃᤥ᤺ᤳᤋᤢᤖ ᤗᤠᤶᤎᤣ᤺ᤵᤐᤥ ᤔᤧᤍᤩᤧᤖᤥ॥  
\v 18 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ. ᤛᤡᤔᤥᤏ ᤔᤧᤵᤔᤏᤠᤒᤠ ᤐᤋᤪᤢᤛᤧᤴ ᤁᤵᤔᤥ ᤘᤠ᤹ᤒᤡ ᤜᤥ᤺ᤵᤐᤡ ᤑᤠ᤹ᤀᤠᤱ ᤛᤣ᤺ᤴᤍᤥᤀᤡ ᤔᤧᤕᤧᤒᤧᤖᤥ॥ 
\p  
\v 19 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤀᤠᤸᤗᤛᤠᤱ ᤁᤴ ᤛᤢᤑᤥᤀᤡᤴ ᤌᤣᤀᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤐᤳᤇᤧᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤔᤧᤳᤋᤢ. “ᤛᤡᤔᤥᤏᤣ. ᤛᤢᤶᤛᤡ ᤔᤏᤠᤜᤠ᤹ ᤁᤧᤃᤥ᤺ᤳᤇᤧ ᤔᤧᤍᤩᤧᤀᤠᤱ ᤔᤧᤘᤠ᤹ᤖᤥ॥  
\v 20 ᤂᤧᤸᤗᤧ ᤆᤥᤃᤢᤸᤗᤧ ᤐᤥᤃᤧ᤹ᤀᤠᤱ ᤕᤥ ᤌᤩᤧ᤹. ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤛᤡ ᤑᤠ᤹ᤀᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤂᤧᤱᤜᤠ᤹ᤏᤢ ᤐᤣᤃᤧ᤹ᤀᤥ॥ ᤂᤧᤱᤜᤠ᤹ᤃ ᤀᤡᤱᤃᤠ᤹ᤀᤣ ᤐᤠᤱᤄᤢᤱᤛᤡᤱᤒᤠᤖᤥ॥” 
\p  
\v 21 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤧᤴ ᤕᤥ ᤌᤩᤧᤀᤠᤱ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤧᤃᤥ᤺ᤳᤋᤢᤶᤒᤠ ᤔᤏᤠ᤺ᤱᤃ ᤀᤡᤱᤃᤠ᤹ᤀᤣᤖᤥ॥ ᤌᤣᤀᤠᤱ ᤁᤵᤔᤥ ᤁᤧᤍᤩᤧ᤹ᤀᤡᤒᤠᤒᤣ᥅” 
\p  
\v 22 ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧᤃ ᤁᤷᤏᤠᤗᤡᤕᤛ ᤔᤧᤵᤔᤏᤠᤒᤠ ᤌᤰᤋᤢᤶᤒᤧᤸᤗᤧ ᤕᤠᤵᤔᤡ ᤐᤠᤱᤄᤧᤒᤠᤖᤥ॥ ᤂᤢᤏᤧ᤹ᤃ ᤛᤠᤶᤕᤥᤏᤡᤒᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤧᤃᤡᤒᤠ ᤔᤏᤠ ᤏᤢ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ᤃ ᤛᤠ᤹ᤖᤡᤰᤁᤣ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤱᤄᤢᤒᤠ ᤛᤣᤛᤣ ᤔᤠᤱᤗᤠᤀᤡᤱᤒᤠᤎᤡᤰᤗᤧ ᤂᤧᤏᤧ᤹ ᤁᤢᤜᤡᤶᤔᤥ ᤀᤢ᤺ᤵᤔᤠᤀᤠᤱ ᤂᤧᤏᤧ᤹ᤗᤠᤶ ᤐᤠ᤺ᤵᤔᤠ ᤁᤧᤃᤳᤋᤢᤒᤠ ᤐᤠ᤺ᤴᤜᤠ᤹ ᤂᤧᤶᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤔᤧᤳᤋᤢᤖᤥ॥”  
\v 23 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤂᤧᤱᤜᤠ᤹ ᤜᤡᤶᤛᤡᤃᤠᤱ ᤀᤢ᤺ᤳᤋᤢᤛᤡᤀᤠᤱ ᤋᤖᤣ ᤋᤠ᤺ᤰᤋᤢᤛᤡᤖᤥ॥ 
\p ᤁᤢᤏᤠᤶᤍᤠ᤺ᤵᤔᤠ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤂᤧᤱᤜᤠ᤹ᤏᤢᤀᤣ ᤐᤣ॥ ᤜᤧᤰᤁᤩᤠᤱ ᤈᤥᤵᤐᤠᤒᤠ ᤁᤢᤓᤠ ᤏᤛᤠᤏᤡᤒᤠᤜᤠ᤹ᤀᤠᤱ ᤂᤢᤏᤧ᤹ᤏᤢᤀᤣ ᤔᤧᤒᤣᤖᤥ॥  
\v 24 ᤁᤢᤀᤠᤳᤇᤡᤴᤍᤠ᤺ᤴ ᤂᤧᤱᤜᤠ᤹ ᤛᤡᤈᤖᤡᤕᤠᤀᤥ ᤔᤧᤃᤧᤖᤧᤀᤠᤱ ᤁᤷᤏᤠᤗᤡᤕᤛᤖᤧ ᤁᤢᤃᤠᤀᤡᤜᤠ᤹ ᤏᤢ ᤏᤡ᤺ᤳᤋᤠᤱᤒᤠ ᤁᤢᤴᤍᤣ᤺ᤱ ᤁᤢᤴᤈᤢᤶᤜᤠ᤹ ᤛᤥᤖᤡᤰ ᤔᤧᤒᤥ᤺ᤰᤂᤧᤀᤠᤱ ᤂᤧᤱᤜᤠ᤹ ᤔᤧᤜᤠᤱᤄᤢᤛᤡᤖ ᤔᤧᤕᤢᤅᤧᤖᤥ॥  
\v 25 ᤐᤋᤪᤢᤛᤧᤴ ᤜᤡᤶᤛᤡᤃᤠᤱ ᤗᤠ᤺ᤵᤔᤠ ᤀᤡ᤺ᤳᤋᤧᤸᤗᤧ ᤁᤷᤏᤠᤗᤡᤕᤛᤖᤧ ᤂᤢᤏᤧ᤹ ᤋᤢᤔᤢᤀᤠᤱ ᤁᤢᤗᤠᤱᤈᤰᤐᤥ ᤛᤠᤶᤒᤥ᤺ᤴ ᤑᤴᤇᤡᤱᤅᤠᤱ ᤛᤣᤘᤠ ᤆᤥᤃᤢᤖᤥ॥  
\v 26 ᤁᤖ ᤐᤋᤪᤢᤛᤖᤧ ᤂᤧᤴ ᤑᤥ᤺ᤰᤂᤢᤀᤠᤱ ᤔᤧᤳᤋᤢ. “ᤂᤧᤏᤧ᤹ ᤐᤥᤃᤧ᤹ᤀᤥ. ᤀᤡᤱᤃᤠ᤹ᤃ ᤔᤏᤠᤀᤠᤖᤰᤗᤥ॥” 
\p  
\v 27 ᤐᤋᤪᤢᤛᤧᤴ ᤁᤷᤏᤠᤗᤡᤕᤛᤧᤴᤏᤢ ᤋᤠ᤹ᤈᤧᤰᤂᤧᤖ ᤜᤡᤶᤛᤡᤃᤠᤱ ᤗᤠ᤺ᤛᤧ॥ ᤂᤧᤵᤔᤥ ᤕᤖᤡᤰ ᤔᤏᤠᤜᤠ᤹ ᤔᤧᤈᤢᤵᤛᤧᤀᤠᤱ ᤔᤧᤕᤢᤅᤧᤒᤠ ᤏᤡ᤺ᤛᤢᤛᤡᤖᤥ॥  
\v 28 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤏᤢ ᤛᤥᤖᤡᤰ ᤘᤠ᤹ᤔᤠ. ᤂᤢᤏᤡ᤹ ᤜᤡᤶᤔᤥ ᤐᤣ᤺ᤰᤔᤠ ᤀᤠᤏᤡᤃᤧ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤸᤗᤧ ᤔᤧᤒᤡᤖᤡᤃᤧᤴ ᤁᤧᤗ᤹ᤒᤠ ᤂᤡᤏᤡ᤹ ᤏᤢ᤺ᤖᤡᤰᤁᤠᤱ ᤁᤧᤏᤡ᤺ᤛᤢᤶᤗᤥ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤳᤋᤡᤴ ᤔᤏᤠᤜᤠ᤹ᤀᤠᤱ ᤀᤠᤈᤡ᤺ᤴᤈᤡ᤺ᤶᤒᤠ ᤔᤧᤵᤔᤠᤛᤡ ᤔᤧᤏᤢ᤹ᤏᤧᤴᤗᤥ ᤗ᤹ᤖᤡᤰ ᤀᤥᤛᤣ᤺ᤴᤎᤠᤰᤋᤠᤱᤗᤥ॥  
\v 29 ᤜᤧᤰᤁᤣ᤺ᤸᤗᤧ ᤂᤧᤏᤧ᤹ ᤁᤧᤒᤠᤱᤄᤢᤛᤡᤒᤠ ᤔᤏᤠᤜᤠ᤹ᤏᤢ ᤌᤣᤀᤠᤱ ᤔᤧᤶᤒᤠ᤺ᤳᤋᤣ ᤀᤡᤱᤃᤠ᤹ ᤁᤵᤔᤥ ᤋᤩᤠᤱᤗᤥ॥ ᤀᤠᤸᤗ ᤌᤣᤀᤠᤱ ᤁᤧᤀᤢ᤺ᤳᤋᤠᤱᤒᤠ ᤐᤠ᤺ᤳᤋᤧ᤹ᤀᤥ॥” 
\p  
\v 30 ᤁᤖᤏᤠᤗᤡᤛᤕᤖᤧ ᤂᤢᤏᤧ᤹ ᤔᤧᤳᤋᤢ. “ᤗᤡᤛᤡᤕᤧᤴ ᤋᤃᤡ ᤀᤡᤱᤃᤠ᤹ ᤗᤧᤴᤍᤡᤰ ᤁᤢᤔᤢᤰ ᤛᤢᤶᤛᤡ ᤔᤢᤰᤋᤧᤸᤗᤧ ᤋᤢᤘᤠ ᤆᤥ᤺ᤰᤁᤡ ᤀᤠᤜᤡᤶᤔᤥ ᤕᤠᤃᤠᤱ॥ ᤂᤡᤔᤥ ᤔᤡᤰᤁᤡᤴᤏᤣ ᤁᤧᤈᤧᤶᤒᤠ ᤋᤣ᤺ᤳ ᤁᤧᤈᤠᤱᤒᤠ ᤔᤏᤠᤎᤡᤰ ᤀᤡᤱᤃᤠ᤹ ᤀᤠᤍᤃᤡ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ  
\v 31 ᤔᤧᤳᤋᤠᤱ. ‘ᤁᤷᤏᤠᤗᤡᤕᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ ᤁᤧᤈᤥᤃᤢᤒᤠ ᤋᤢᤘᤠ᤺ᤴ ᤂᤧᤵᤛᤢᤀᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ ᤁᤧᤒᤡᤖᤢᤛᤡᤒᤠ ᤁᤢᤓᤠ᤹ ᤕᤠᤱᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤀᤠᤱ ᤘᤠ᤹ᤖᤥ॥  
\v 32 ᤜᤧᤰᤁᤣ᤺ᤸᤗᤧ ᤈᤥᤵᤐᤠᤀᤥ ᤛᤡᤔᤥᤏ ᤐᤋᤪᤢᤛ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤧ ᤁᤢᤗᤠ᤺ᤛᤧ ᤔᤏᤠᤜᤠ᤹ ᤐᤠᤱᤄᤧᤛᤧ᤹ᤀᤥ॥ ᤂᤢᤏᤧ᤹ᤃ ᤛᤧᤜᤥᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤛᤡᤔᤥᤏᤖᤧ ᤁᤢᤜᤡᤶᤔᤥ ᤕᤠ᤺ᤰᤋᤧᤀᤠᤱ ᤘᤠ᤹॥ ᤂᤧᤴ ᤜᤡᤶᤔᤡᤴ ᤘᤠᤜᤱᤅᤡᤸᤗᤧ ᤁᤢᤕᤠᤀᤥ ᤏᤧᤖᤥ॥’  
\v 33 ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤂᤡᤔᤥ ᤁᤧᤗᤠ᤺ᤛᤧ ᤐᤠᤱᤄᤢᤱᤛᤡᤱ ᤜᤧᤰᤁᤣᤗ᤹ᤖᤡᤰ ᤂᤧᤏᤧ᤹ᤀᤠᤱ ᤁᤵᤔᤥ ᤁᤧᤍᤩᤧᤀᤠᤱ ᤏᤢ᤺ᤒᤠᤀᤣ ᤐᤥ᤺ᤰᤂᤧᤖᤥ॥ ᤀᤠᤸᤗᤥᤃ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤘᤕᤡᤃᤧᤀᤠᤱ ᤍᤠᤱᤒᤠᤸᤗᤧ ᤂᤧᤏᤧ᤹ ᤌᤣ ᤐᤠ᤺ᤵᤔᤠ ᤀᤡᤱᤈᤠ᤺ᤱ ᤁᤧᤒᤡᤖᤧᤀᤠᤱ ᤘᤠ᤹. ᤂᤧᤴ ᤐᤠ᤺ᤴ ᤂᤧᤶᤛᤧ ᤁᤵᤔᤥ ᤕᤠᤖᤡᤵ ᤐᤥ᤺ᤰᤂᤡᤃᤧᤀᤠᤱ ᤘᤕᤡᤃᤧᤖᤥ॥” 
\s1 ᤐᤋᤪᤢᤛᤖᤧ ᤀᤢᤘᤠ ᤆᤥᤃᤢ᤹ 
\p  
\v 34 ᤁᤴ ᤂᤧᤵᤛᤢᤀᤠᤱ ᤐᤋᤪᤢᤛᤖᤧ ᤐᤠ᤺ᤵᤔᤠ ᤜᤣ᤺ᤰᤋᤢ. “ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ ᤔᤧᤛᤧᤴᤍᤢᤴᤇᤡᤴ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤸᤗ ᤀᤡᤱᤃᤠ᤹ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥  
\v 35 ᤁᤖ ᤂᤧᤸᤗᤧ ᤁᤢᤗᤧᤰᤘᤠ ᤂᤢᤏᤧ᤹ ᤀᤡᤱᤎᤠ᤺ᤱ ᤁᤧᤒᤡᤒᤠ ᤏᤢ ᤁᤢᤏᤡᤱᤘᤠ᤹ ᤜᤧᤰᤁᤣ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤋᤠ᤺ᤰᤋᤢᤛᤡᤒᤠ ᤐᤠ᤺ᤴᤏᤡᤱᤃ ᤛᤧᤰᤂᤠᤀᤣᤖᤥ॥  
\v 36 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤏᤠᤖᤢᤱᤗᤧᤴ ᤛᤢᤏᤠᤀᤡᤱᤅᤡᤴ ᤁᤠᤰ ᤀᤡᤛᤪᤠᤀᤡᤗᤡᤜᤠ᤹ᤖᤥ ᤐᤠᤱᤄᤢᤖᤥ॥ ᤂᤧᤴ ᤛᤢᤏᤠᤀᤡᤱᤅᤡᤱᤃ ᤕᤜᤢᤍᤡᤜᤠ᤹ᤖᤧᤴᤗᤰ ᤔᤧ᤺ᤴ. ᤁᤖ ᤀᤠᤏᤡ᤹ ᤁᤧᤖᤧᤰᤗᤧ ᤗᤠᤃᤡ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤋᤩᤧᤀᤠᤱ ᤘᤠ᤹ᤖᤥ॥  
\v 37-38 ᤃᤠᤗᤡᤗᤗᤠᤶ ᤕᤢᤜᤢᤴᤏᤠᤖᤧ ᤀᤡᤱᤓᤥ᤺ᤛᤢᤒᤠ ᤒᤵᤋᤡᤛ᤻ᤔᤠᤀᤠᤱᤎᤥ ᤕᤜᤢᤍᤡᤕᤠᤀᤥ ᤐᤥ᤺ᤰᤂᤧᤒᤠ ᤁᤠᤰ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤧᤏᤡ᤺ᤛᤢᤶᤗᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠᤛᤖᤋᤛ᤻ᤔᤠ ᤕᤧᤛᤢ᤺ᤴ ᤛᤣᤛᤣᤔᤠᤱᤅᤡᤴ ᤏᤢ ᤔᤢᤰᤛᤠᤶᤔᤡᤸᤗᤧ ᤔᤠᤱᤎᤥ᤺ᤰᤏᤠ ᤐᤡᤖᤢᤀᤠᤱ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤁᤡ ᤔᤠᤑᤧᤴᤛᤠᤶᤔᤡᤸᤗᤧ ᤀᤣ᤺ᤵᤋᤢᤛᤡᤒᤠᤜᤠ᤹ ᤘᤣ᤺ᤴᤍᤢᤛᤡᤖ ᤗᤠᤶᤍᤡ᤺ᤰ ᤆᤥᤃᤢᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤢᤏᤧ᤹ᤏᤢ ᤘᤕᤧᤒᤠᤴᤏᤠᤱ ᤁᤧᤏᤡ᤺ᤛᤢᤶᤗᤥ॥ 
\p  
\v 39 ᤜᤧᤰᤁᤩᤠᤱ ᤕᤧᤛᤢᤖᤧ ᤕᤖᤢᤛᤗᤧᤔ ᤏᤢ ᤁᤠᤰ ᤕᤜᤢᤍᤡᤕᤠᤛ᤻ᤔᤠ ᤗᤠᤈᤣ᤹ᤀᤥ ᤆᤥᤃᤢᤒᤠ ᤕᤠ᤺ᤶᤒᤰᤜᤠ᤹ᤖᤧᤴ ᤀᤠᤏᤡᤃᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤋᤥ᤺ᤴᤍᤡ ᤘᤕᤡᤃᤧᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤧ᤹ᤃ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢ ᤔᤧᤛᤧᤖᤢ.  
\v 40 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤀᤣ ᤛᤢᤶᤕᤧᤴ ᤀᤣᤃᤠᤱ ᤑᤥ᤺ᤰᤂᤢᤀᤠᤱ ᤀᤥᤛᤣ᤺ᤴᤍᤠᤱ ᤆᤥᤃᤡᤃᤧᤖᤥ॥  
\v 41 ᤂᤢᤏᤧ᤹ᤃ ᤁᤠᤰ ᤕᤜᤢᤍᤡᤜᤠ᤹ᤏᤢᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤥ᤺ᤴᤍᤡ ᤐᤡᤛᤧ ᤛᤣᤃᤡᤃᤧᤒᤠᤜᤠ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤱᤗᤥ॥ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤜᤡᤅᤧᤀᤠᤱ ᤀᤠᤏᤡᤃᤧ ᤂᤢᤏᤧ᤹ᤏᤢᤀᤣ ᤛᤥᤖᤡᤰ ᤆᤠ᤺ᤔᤏᤠ ᤌᤢᤱᤔᤏᤠᤖᤥ॥  
\v 42 ᤜᤧᤰᤁᤩᤠᤱ ᤁᤠᤰ ᤔᤏᤠᤜᤠ᤹ ᤀᤡᤱᤓᤴ ᤆᤥ᤺ᤰᤔᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤡ᤺ᤒᤠ ᤏᤢ ᤁᤧᤜᤡᤱᤒᤠᤜᤠ᤹ᤖᤧᤴ ᤂᤠᤛᤧᤴ ᤆᤥ᤺ᤰᤛᤧ ᤂᤢᤏᤧ᤹ᤀᤣ ᤛᤣᤃᤢᤒᤠ ᤐᤠ᤺ᤴᤏᤡᤴ ᤐᤠ᤺ᤳᤋᤧᤶᤔᤧ᤹ᤀᤥ ᤗ᤹ᤖᤡᤰ ᤂᤢᤏᤧ᤹ ᤕᤠᤵᤔᤡ ᤀᤡᤱᤈᤠ᤺ᤱ ᤐᤡᤖᤧᤖᤥ  
\v 43 ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢᤀᤠᤱ ᤘᤠ᤹. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤢᤵ ᤆᤥᤃᤢᤒᤠ ᤜᤠᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤀᤠᤳᤋᤡᤸᤗᤧᤛᤠᤱ ᤂᤢᤏᤧ᤹ᤗᤠᤶ ᤁᤢᤗᤠᤕᤥᤖᤧᤴ ᤗᤧᤵᤔᤡ ᤂᤥ᤺ᤛᤢᤖᤥ॥” 
\s1 ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤣᤛᤣᤔᤠᤱ ᤔᤧᤄᤥ᤺ᤛᤢ᤹ 
\p  
\v 44 ᤐᤋᤪᤢᤛᤖᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤖ ᤐᤳᤇᤧᤸᤗᤧᤛᤠ ᤂᤧᤴ ᤛᤢᤏᤠᤀᤡᤱ ᤁᤧᤄᤧᤶᤒᤠᤜᤠ᤹ ᤛᤶᤍᤠᤱ ᤛᤣᤛᤣᤔᤠᤱᤅᤡᤴ ᤆᤢᤰᤋᤧᤖᤥ॥  
\v 45 ᤂᤧᤴ ᤐᤋᤪᤢᤛ ᤏᤢ ᤈᤥᤵᤐᤠᤗᤠᤶ ᤁᤧᤓᤧᤶᤒᤠ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤛᤣᤛᤣᤔᤠᤱᤅᤡᤸᤗᤧᤴ ᤐᤷᤎᤠ᤺ᤶ ᤐᤡᤖᤢᤛᤡᤒᤠ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥  
\v 46 ᤌᤣᤀᤠᤱᤓᤧᤸᤗᤧ ᤂᤧᤴ ᤔᤏᤠᤜᤠ᤹ᤖᤧ ᤘᤣ᤹ ᤐᤠ᤺ᤴᤍᤠᤱᤜᤠ᤹ ᤔᤧᤒᤠ᤺ᤳᤋᤢᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤒᤠ ᤂᤧᤱᤜᤠ᤹ᤖᤧ ᤔᤧᤄᤧᤵᤛᤢᤖᤥ॥ 
\p ᤜᤧᤰᤁᤩᤠᤱ ᤐᤋᤪᤢᤛᤖᤧ ᤔᤧᤳᤋᤢᤛᤡ.  
\v 47 “ᤁᤴ ᤔᤏᤠᤜᤠ᤹ᤖᤧᤀᤠᤱ ᤛᤣᤛᤣᤔᤠᤱᤅᤡᤴ ᤀᤠᤏᤡ᤹ ᤜᤧᤰᤁᤣᤀᤣ ᤔᤧᤄᤥ᤺ᤛᤢᤀᤠᤱ ᤔᤧᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤁᤴ ᤔᤏᤠᤜᤠ᤹ ᤜᤠ᤺ᤳᤗᤧ ᤒᤵᤋᤡᤛ᤻ᤔᤠ ᤐᤥ᤺ᤱᤔᤠ ᤛᤠᤰᤋᤢᤛᤡᤒᤣ᥅”  
\v 48 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤂᤧᤱᤜᤠ᤹ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ ᤐᤡᤔᤠ ᤐᤠᤱᤄᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤁᤢᤓᤠ ᤕᤧᤴ ᤂᤢᤏᤡ᤹ᤏᤢᤀᤣ ᤘᤠ᤹ᤏᤡ ᤑᤠ᤹ᤀᤠᤱ ᤂᤢᤏᤧ᤹ ᤐᤣᤗᤡ ᤔᤧᤓᤠᤰᤋᤢᤖᤥ॥ 
\c 11  
\s1 ᤐᤋᤪᤢᤛᤖᤧ ᤕᤖᤢᤛᤗᤧᤶᤒᤠ ᤛᤣᤛᤣᤜᤢᤵᤗᤰᤁᤥ ᤐᤥᤎᤰ ᤆᤥᤃᤢ᤹ 
\p  
\v 1 ᤀᤠᤸᤗ ᤕᤜᤢᤍᤡᤕᤠᤀᤥ ᤁᤧᤘᤠ᤹ᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤘᤣ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤁᤢᤓᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤔᤧᤍᤠ᤺ᤰᤋᤢ ᤁᤧᤗ᤹ᤒᤠᤴ ᤔᤧᤄᤧᤵᤛᤢᤖᤥ॥  
\v 2 ᤜᤧᤰᤁᤩᤠᤱ ᤐᤋᤪᤢᤛᤧᤴ ᤕᤖᤢᤛᤗᤧᤔ ᤏᤢ᤺ᤰᤂᤧᤀᤠᤱ ᤘᤕᤧᤸᤗᤧ ᤁᤢᤓᤠ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤧ᤹ ᤀᤡᤱᤍᤥ ᤔᤧᤔᤧᤳᤋᤢᤖ  
\v 3 ᤀᤰᤂᤣᤗ᤹ᤖᤡᤰ ᤔᤧᤔᤧᤳᤋᤢ. “ᤂᤧᤏᤧ᤹ᤃ ᤜᤷᤍᤥ ᤔᤧᤴᤜᤧᤰᤔᤏᤠᤒᤠ ᤛᤢᤘᤠᤱᤅᤥ ᤋᤖᤣ ᤁᤧᤒᤥ᤺ᤰᤂᤧᤀᤠᤱ ᤁᤧᤈᤖᤥ॥ ᤁᤱᤃ ᤀᤠᤏᤡᤃᤧ ᤛᤠᤰᤌᤡᤶᤖᤧ ᤁᤢᤍᤰᤗᤧᤱᤘᤠᤀᤥ ᤘᤕᤧᤖᤥ॥” 
\p  
\v 4 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤁᤴ ᤁᤠᤰ ᤐᤥ᤺ᤰᤂᤧᤒᤠ ᤜᤡᤴᤍᤥ᤺ᤰᤜᤠ᤹ ᤌᤧᤵᤌᤧᤵᤐᤠᤱ ᤐᤥᤎᤰ ᤆᤥᤃᤢᤛᤡ–  
\v 5 “ᤀᤡᤱᤃᤠ᤹ ᤈᤥᤵᤐᤠ ᤕᤧᤰᤕᤰᤁᤥ ᤋᤢᤘᤠ ᤆᤥ᤺ᤰᤁᤡ ᤘᤕᤠᤱᤅᤡᤸᤗᤧ ᤛᤢᤑᤥᤎᤡᤰ ᤏᤡ᤺ᤛᤢᤱ॥ ᤋᤠᤱᤛᤠᤰᤐᤥᤗᤠᤶ ᤕᤶᤒᤠ ᤋᤣ᤺ᤳ ᤜᤧᤰᤋᤱᤒᤠᤴ ᤗᤡᤛᤡ ᤁᤢᤛᤢᤰᤐᤥ ᤂᤣ᤺ᤱᤔᤏᤠᤒᤠ ᤀᤠᤒᤣᤛᤠᤱ ᤔᤰᤌᤩᤧᤒᤠ ᤀᤡᤱᤃᤠ᤹ ᤏᤡ᤺ᤛᤢᤱ॥  
\v 6 ᤂᤧᤵᤔᤥ ᤀᤡᤰᤛᤠᤀᤥᤒᤠ ᤁᤠᤰ ᤐᤖᤡᤰᤐᤠ ᤆᤠᤔᤠ ᤔᤧᤴᤏᤢ᤹ᤔᤏᤠᤒᤠ ᤁᤧᤛ᤺ᤴᤇᤡᤱᤒᤠ. ᤋᤠᤶᤓᤢᤱ ᤏᤢ ᤜᤡᤶᤌᤰᤛᤠᤜᤠ᤹ ᤜᤧᤰᤁᤩᤠᤱ ᤐᤢᤛᤠᤜᤠ᤹ ᤔᤧᤕᤠᤃᤧᤒᤠ ᤏᤡ᤺ᤛᤢᤱᤛᤡᤱ॥  
\v 7 ᤋᤠᤱᤛᤠᤰᤐᤥᤗᤠᤶ ᤀᤡᤰᤗᤠᤎᤡᤰ ᤂᤧᤵᤛᤢᤱ. ‘ᤐᤋᤪᤢᤛᤣ. ᤐᤥᤃᤧ᤹᥄ ᤛᤧᤖᤧᤛᤧ᤹ᤀᤠᤱ ᤆᤧ᤹ᤀᤥ॥’ 
\p  
\v 8 ᤁᤖ ᤀᤡᤱᤃᤠ᤹ ᤏᤥᤃᤵ ᤐᤡᤖᤢᤱ. ‘ᤛᤧᤰᤂᤠᤛᤠᤱ ᤀᤰᤋᤱᤒᤠᤃ ᤀᤡᤱᤃᤠ᤹ ᤔᤧᤈᤠᤀᤠᤴᤗᤥ॥ ᤀᤠᤸᤗᤥ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤍᤠ᤺ᤰᤋᤢᤶᤒᤠ ᤆᤠ ᤌᤣᤀᤠᤱ ᤔᤧᤴᤈᤠᤀᤣ ᤘᤠ᤹ᤀᤠᤖᤥ॥’ 
\p  
\v 9 ᤕᤠᤶᤔᤥ ᤋᤠᤱᤛᤠᤰᤐᤥᤗᤠᤶ ᤂᤧᤴ ᤀᤡᤰᤗᤠ᤺ᤴ ᤂᤧᤵᤛᤢᤱ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤒᤠ ᤁᤢᤈᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤕᤠᤵᤔᤡ ᤁᤧᤈᤡ᤺ᤶᤒᤠ ᤔᤧᤗᤣ᤺ᤳᤋᤧᤴᤏᤧ᤹ᤀᤥ॥’  
\v 10 ᤜᤧᤰᤁᤣᤗ᤹ᤖᤡᤰ ᤛᤢᤶᤗᤧᤱ ᤀᤰᤂᤣ ᤐᤥ᤺ᤰᤂᤧᤀᤠᤱ ᤋᤠᤱᤛᤠᤱ ᤌᤥ ᤂᤧᤴ ᤐᤰᤂᤧ ᤋᤣ᤹ᤖᤧᤒᤠ ᤏᤡ᤺ᤛᤢᤱᤗᤥ॥  
\v 11 ᤒᤠ ᤂᤧᤴ ᤕᤧᤶᤔᤥ ᤛᤡᤈᤖᤡᤕᤠᤗᤠᤶ ᤀᤠᤗᤠ᤺ᤛᤧ ᤔᤧᤒᤠᤱᤄᤢᤛᤡᤒᤠ ᤛᤢᤶᤛᤡ ᤔᤏᤠᤜᤠ᤹ ᤀᤡᤱᤃᤠ᤹ ᤕᤠ᤺ᤰᤋᤠᤱᤒᤠ ᤜᤡᤶᤔᤥ ᤔᤧᤃᤧᤖᤧ॥ 
\p  
\v 12 ᤛᤣᤛᤣᤔᤠᤱᤅᤡᤸᤗᤧᤀᤠᤱ ᤔᤧᤳᤋᤠᤱ. ‘ᤌᤡᤶᤔᤧᤴᤍᤱ ᤛᤢᤘᤠᤱᤛᤡᤛᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤂᤧᤱᤜᤠ᤹ᤏᤢ ᤐᤣᤃᤧ᤹ᤀᤥ॥’ ᤂᤧᤵᤔᤥ ᤋᤢᤰᤛᤡ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤀᤡᤱᤃᤠ᤹ᤏᤢ ᤛᤡᤈᤖᤡᤕᤠᤀᤥ ᤔᤧᤒᤣ. ᤜᤧᤰᤁᤩᤠᤱ ᤛᤥᤖᤡᤰ ᤁᤷᤏᤠᤗᤡᤕᤛᤖᤧ ᤁᤢᤜᤡᤶᤔᤥ ᤐᤣ᤺ᤰᤔᤏᤠᤖᤥ॥  
\v 13 ᤂᤢᤏᤧ᤹ᤀᤠᤱ ᤀᤠᤰᤂᤣᤗ᤹ᤖᤡᤰ ᤔᤠᤱᤗᤠᤀᤡᤱᤒᤠᤴ ᤁᤢᤜᤡᤶᤔᤥ ᤋᤩᤧᤀᤠᤱ ᤂᤢᤏᤧ᤹ ᤔᤧᤳᤋᤢᤒᤠᤴ ᤕᤠᤵᤔᤡ ᤆᤧᤰᤋᤧ. ‘ᤁᤢᤓᤠ ᤔᤏᤠᤜᤠ᤹ ᤈᤥᤵᤐᤠᤀᤥ ᤛᤡᤔᤥᤏ ᤐᤋᤪᤢᤛᤖᤧ ᤁᤢᤗᤠ᤺ᤛᤧ ᤐᤠᤱᤛᤧᤛᤧ᤹ᤀᤥ॥  
\v 14 ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤈᤠᤰᤁᤡᤸᤗᤧ ᤂᤧᤏᤧ᤹ ᤏᤢ ᤁᤠᤰ ᤁᤧᤜᤡᤶᤛᤕᤱᤜᤠ᤹ᤖᤧ ᤛᤧᤴᤗᤵ ᤁᤧᤄᤥ᤺ᤛᤢᤶᤗᤥ॥’ 
\p  
\v 15 ᤀᤡᤱᤃᤠ᤹ ᤐᤠ᤺ᤵᤔᤠ ᤜᤣ᤺ᤰᤋᤢᤱᤗ ᤐᤳᤇᤠᤱᤅᤡᤸᤗᤧ ᤛᤣᤛᤣᤔᤠᤱᤅᤡᤴ ᤋᤃᤡ ᤀᤠᤏᤡ᤹ ᤛᤶᤍᤠᤱ ᤆᤢᤰᤋᤧᤒᤠ ᤜᤧᤰᤁᤣ ᤂᤧᤱᤜᤠ᤹ ᤛᤶᤍᤠᤱᤅᤠᤱ ᤆᤢᤰᤋᤧᤖᤥ॥  
\v 16 ᤜᤧᤰᤁᤩᤠᤱ ᤀᤡᤱᤃᤠ᤹ ᤍᤠᤱᤒᤠᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤱ–‘ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ. ᤁᤖ ᤂᤡᤏᤡ᤹ᤃ ᤛᤣᤛᤣᤔᤠᤱᤅᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡ᤹ᤖᤥ॥’  
\v 17 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤀᤠᤈᤥᤃᤢᤶᤔᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤷᤎᤠ᤺ᤶ ᤀᤠᤒᤡᤖᤧᤒᤠ ᤁᤢᤀᤡᤛᤡ᤺ᤰᤁᤣ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤛᤣᤛᤣᤔᤠᤱᤅᤡᤸᤗᤧᤴ ᤐᤷᤎᤠ᤺ᤶᤔᤠᤱ ᤔᤧᤄᤥ᤺ᤛᤢᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣᤗ᤹ᤖᤡᤰ ᤕᤠ᤺ᤶᤒᤰ ᤆᤥᤃᤢᤒᤠᤴ ᤀᤵᤔᤠ ᤁᤧᤛᤢᤰᤐᤠ ᤀᤡᤱᤃᤠ᤹ ᤜᤠ᤺ᤳᤀᤠᤒᤣ᥅” 
\p  
\v 18 ᤜᤧᤰᤁᤩᤠᤱ ᤂᤧᤴ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤸᤗᤧ ᤂᤢᤏᤧ᤹ᤏᤢ ᤐᤠ᤺ᤴ ᤌᤰᤔᤠ ᤔᤧᤗᤧᤖᤢᤀᤠᤱ ᤀᤰᤂᤣ ᤔᤧᤒᤠ᤺ᤳᤋᤢᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤔᤠ ᤔᤧᤜᤣ᤺ᤰᤋᤢᤖᤥ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤗᤠᤕᤥᤗᤠᤶ ᤜᤡᤶᤔᤠᤀᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤧᤴ ᤛᤢᤕᤧᤶ ᤐᤡᤖᤢᤛᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤁᤧᤏᤡ᤺ᤛᤢᤶᤗᤥ॥” 
\s1 ᤀᤣᤴᤋᤡᤀᤥᤰᤁᤥᤒᤠ ᤛᤣᤛᤣᤜᤢᤵᤗᤰ 
\p  
\v 19 ᤀᤠᤸᤗ ᤛ᤻ᤋᤡᤑᤏᤛᤧᤴ ᤔᤧᤛᤧᤖᤢᤀᤠᤱ ᤀᤣᤃᤠᤱ ᤕᤖᤢᤛᤗᤧᤶᤔᤥ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤏᤛᤠᤏᤡᤒᤠᤜᤠ᤹ ᤁᤠᤰ ᤐᤡᤛᤠᤱ ᤔᤧᤛᤧ᤺ᤖᤧᤖ ᤔᤧᤒᤣᤖᤥ॥ ᤁᤢᤓᤠᤃ ᤑᤥᤏᤡᤛᤡᤕᤠ ᤋᤧᤱᤃᤵ. ᤛᤤᤐᤪᤛ ᤘᤠᤃᤵᤂᤠᤶ. ᤏᤢ ᤀᤣᤴᤋᤡᤀᤥᤁ ᤕᤧᤰᤕᤰᤁᤠᤱ ᤔᤧᤃᤧᤖᤧᤖᤥ॥ ᤂᤧᤱᤜᤠ᤹ᤖᤧᤃ ᤂᤧᤵᤔᤥᤒᤠ ᤕᤜᤢᤍᤡᤜᤠ᤹ᤖᤰ ᤛᤢᤏᤠᤀᤡᤱ ᤀᤡᤱᤔᤧᤓᤥ᤺ᤛᤢᤛᤡᤖᤥ॥  
\v 20 ᤁᤖ ᤛᤤᤐᤪᤛ ᤏᤢ ᤛᤠᤀᤡᤖᤣᤏᤡᤒᤠ ᤁᤢᤓᤠ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤀᤣᤴᤋᤡᤀᤥᤰᤁᤥ ᤔᤧᤒᤣᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤍᤠᤱᤒᤠ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤅᤡᤴ ᤀᤡᤱᤓᤴ ᤔᤧᤈᤥᤃᤢᤛᤡᤖᤥ॥  
\v 21 ᤍᤠᤱᤒᤠᤸᤗᤧ ᤁᤢᤔᤢᤰᤛᤠᤶᤔᤡᤴ ᤂᤧᤱᤜᤠ᤹ᤏᤢ ᤘᤕᤧ. ᤜᤧᤰᤁᤩᤠᤱ ᤕᤖᤡᤰ ᤔᤏᤠᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤍᤠᤱᤒᤠ ᤗᤧᤵᤔᤠᤱ ᤔᤧᤜᤡᤛᤡᤱᤗᤥ॥ 
\p  
\v 22 ᤁᤴ ᤀᤡᤱᤄᤱᤅᤡᤴ ᤕᤖᤢᤛᤗᤧᤶᤔᤥᤒᤠ ᤛᤣᤛᤣᤜᤢᤵᤗᤰᤁᤥᤀᤠᤱ ᤁᤧᤖᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤒᤖᤏᤠᤒᤠᤛᤧᤴ ᤀᤣᤴᤋᤡᤀᤥᤰᤁᤥ ᤔᤧᤒᤠᤱᤄᤢᤖᤥ॥  
\v 23 ᤂᤢᤏᤧ᤹ ᤂᤧᤵᤔᤥ ᤁᤧᤖᤧᤀᤠᤱ ᤂᤧᤵᤔᤥᤒᤠ ᤔᤏᤠᤜᤠ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤢ᤹ᤀᤡᤛᤠᤶ ᤌᤠ᤺ᤛᤢᤒᤠ ᤏᤡ᤺ᤛᤢ. ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤛᤠ᤹ᤖᤡᤰᤁᤣ ᤛ᤺ᤳᤋᤧᤀᤠᤱ ᤂᤧᤱᤜᤠ᤹ ᤛᤡᤰᤗᤢᤱᤔᤥᤏᤢ ᤛᤧᤰᤂᤠᤀᤣ ᤍᤠᤱᤒᤠᤀᤥ ᤘᤕᤧᤶᤔᤧ᤹ᤀᤥ ᤑᤠ᤹ᤀᤠᤱ ᤜᤠᤱᤜᤠᤱ ᤔᤧᤳᤋᤢᤛᤡᤖᤥ॥  
\v 24 ᤒᤖᤏᤠᤒᤠᤛᤧᤴ ᤔᤡᤱᤛᤥ ᤀᤡᤱᤎᤠ᤺ᤱᤛᤠᤒᤠ ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤢᤒᤠ ᤏᤢ ᤏᤛᤠ᤺ᤴᤏᤡᤸᤗᤧ ᤁᤢᤎᤡᤶ ᤆᤥᤃᤧᤖᤥ॥ ᤜᤧᤰᤁᤩᤠᤱ ᤕᤖᤡᤰ ᤔᤏᤠᤜᤠ᤹ ᤂᤢᤏᤧ᤹ ᤁᤢᤕᤠ᤺ᤶᤒᤰᤁᤥᤗᤠᤶ ᤍᤠᤱᤒᤠᤀᤥ ᤔᤧᤍᤩᤧᤖᤥ॥ 
\p  
\v 25 ᤜᤧᤰᤁᤩᤠᤱ ᤒᤖᤏᤠᤒᤠᤛᤧᤴ ᤛᤠᤘᤗᤖᤧ ᤁᤢᤃᤥ᤺ᤳᤇᤧ ᤋᤠᤷᤛᤛ ᤐᤣᤖᤥ॥  
\v 26 ᤂᤧᤵᤔᤥ ᤂᤢᤏᤧ᤹ ᤋᤢᤔᤢᤀᤠᤱ ᤀᤣᤴᤋᤡᤀᤥᤰᤁᤥ ᤋᤠᤖᤢ॥ ᤜᤧᤰᤁᤩᤠᤱ ᤋᤱᤒᤣ ᤂᤠᤖᤠᤰ ᤂᤧᤱᤜᤠ᤹ᤖᤧ ᤛᤣᤛᤣᤜᤢᤵᤗᤰᤁᤥ ᤔᤏᤠᤜᤠ᤹ ᤋᤢᤔᤧᤳᤇᤢᤖ ᤕᤖᤡᤰ ᤔᤏᤠᤜᤠ᤹ ᤜᤢ᤹ᤖᤧᤳᤇᤢᤖᤥ॥ (ᤜᤢ᤹ᤛᤠᤶᤒᤠᤜᤠ᤹ ᤀᤣᤴᤋᤡᤀᤥᤰᤁᤥᤀᤣ ᤁᤠᤰᤏᤢ ᤋᤃᤡ ᤂᤪᤡᤛ᤻ᤋᤠᤏᤡᤛᤡ ᤑᤠ᤹ᤀᤠᤱ ᤔᤧᤔᤧᤳᤋᤢᤛᤡᤖᤥ॥) 
\p  
\v 27 ᤁᤴ ᤕᤧᤶᤔᤥ ᤁᤢᤓᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤕᤖᤢᤛᤗᤧᤶᤗᤠᤶ ᤀᤣᤴᤋᤡᤀᤥᤰᤁᤥ ᤔᤧᤍᤩᤧ॥  
\v 28 ᤂᤧᤱᤜᤠ᤹ᤀᤥ ᤌᤡᤰ ᤀᤃᤠᤒᤛ ᤔᤧᤵᤔᤏᤠᤒᤧᤴ ᤐᤥᤃᤧᤀᤠᤱ ᤀᤠᤸᤗ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤋᤠ᤺ᤴᤍᤡ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤐᤕᤶ ᤛᤠᤰᤁᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤣᤛᤣᤔᤠᤱᤗᤠᤶ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠᤖᤧᤖᤥ॥ (ᤁᤱᤃ ᤰᤗᤠᤀᤢᤍᤡᤕᤛ ᤜᤠᤱᤅᤡᤸᤗᤧ ᤜᤠᤱ ᤆᤥᤃᤢᤒᤠ ᤕᤧᤶᤔᤥ ᤐᤥ᤺ᤰᤂᤧᤖᤥ॥)  
\v 29 ᤀᤣᤴᤋᤡᤀᤥᤰᤁᤥᤒᤠ ᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤒᤥ ᤕᤜᤢᤍᤡᤕᤠᤀᤥ ᤁᤧᤘᤠ᤹ᤒᤠ ᤁᤠᤰ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤗᤠᤃᤡ ᤂᤢᤏᤡ᤹ ᤛᤢᤰᤛᤢᤰ ᤁᤢᤓᤠ᤹ ᤐᤡᤔᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤍᤱᤄᤢᤖᤥ॥  
\v 30 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤁᤢᤓᤠ᤹ ᤕᤠᤱᤅᤡᤴ ᤔᤧᤓᤥ᤺ᤰᤂᤢᤀᤠᤱ ᤒᤖᤏᤠᤒᤠᤛ ᤏᤢ ᤛᤠᤘᤗᤖᤧ ᤂᤢᤴᤇᤡ᤹ ᤜᤢᤰᤗᤠᤶ ᤂᤧᤴ ᤑᤠ᤹ᤕᤠᤱᤅᤡᤴ ᤕᤜᤢᤍᤡᤕᤠᤛ᤻ᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤔᤧᤜᤠᤰᤋᤢᤛᤡᤖᤥ॥ 
\c 12  
\s1 ᤜᤧᤖᤥᤍᤖᤧ ᤛᤣᤛᤣᤜᤢᤵᤗᤰᤁᤡᤴ ᤏᤡᤱᤄᤢᤶ ᤔᤧᤳᤋᤢ᤹ 
\p  
\v 1 ᤂᤧᤴ ᤕᤧᤶᤔᤥ ᤜᤧᤖᤥᤍ ᤀᤃᤪᤡᤐᤠ\f * \fr 12:1 \ft ᤜᤧᤖᤥᤍ–ᤌᤡᤰᤛᤡᤃᤣ᤺ᤰᤛ᤻ᤔᤠ ᤜᤧᤖᤥᤍ ᤀᤃᤪᤡᤐᤠ᤺ᤴ ᤕᤧᤛᤢ ᤛᤠᤘᤠ᤺ᤴᤇᤡᤱᤅᤧᤸᤗᤧ ᤜᤠᤱ ᤁᤧᤈᤥ᤺ᤰᤐᤠ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤶᤔᤧᤴᤇᤠ᤹ ᤘᤕᤧ॥ \f* ᤜᤠᤱᤅᤡᤸᤗᤧ ᤛᤣᤛᤣᤜᤢᤵᤗᤰᤁᤥᤒᤠ ᤁᤢᤓᤠ ᤏᤛᤠᤏᤡᤒᤠᤜᤠ᤹ ᤋᤢᤰᤂᤣ ᤆᤠ᤺ᤵᤔᤠ ᤜᤣ᤺ᤰᤋᤢᤛᤡᤀᤠᤱ  
\v 2 ᤂᤧᤸᤗᤧ ᤕᤢᤜᤢᤴᤏᤠᤖᤧ ᤁᤢᤶᤓᤢ᤹ ᤕᤠᤁᤢᤒᤧᤴᤏᤠᤱ ᤋᤠᤓᤣ᤺ᤸᤗᤧ ᤛᤧᤵᤔᤠ ᤐᤠᤱᤄᤢᤛᤡᤖᤥ॥  
\v 3 ᤜᤧᤰᤁᤩᤠᤱ ᤂᤧᤸᤗᤧ ᤜᤧᤰᤁᤣ ᤆᤥᤃᤢᤸᤗᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤔᤧᤛ᤺ᤳᤋᤧᤒᤠ ᤏᤡ᤺ᤛᤢᤛᤡ. ᤂᤧᤸᤗᤧ ᤆᤥᤃᤢᤸᤗᤧ ᤐᤋᤪᤢᤛᤧᤴᤏᤠᤱ ᤋᤧᤶᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥ ᤁᤴ ᤜᤡᤴᤍᤥ᤺ᤰᤁᤡᤴ ᤛᤡᤍᤠ᤹ ᤔᤧᤶᤓ᤺ᤴᤏᤣᤒᤠ ᤂᤖᤧ᤺ᤱ ᤆᤠᤔᤠ ᤋᤱᤏᤠᤶᤔᤥ ᤐᤥ᤺ᤰᤂᤧᤀᤠᤱ ᤘᤕᤧᤖᤥ॥  
\v 4 ᤜᤧᤖᤥᤍᤖᤧ ᤐᤋᤪᤢᤛᤧᤴ ᤋᤧᤶᤔᤠ ᤐᤠᤱᤄᤢᤛᤡᤀᤠᤱ ᤐᤢᤱᤗᤠᤜᤡᤶᤔᤥ ᤛᤠᤰᤋᤢ॥ ᤜᤧᤰᤁᤩᤠᤱ ᤂᤧᤵᤔᤥ ᤌᤡᤰ ᤌᤡᤰ ᤗᤰᤁᤥ ᤗᤡᤛᤡ ᤗᤡᤛᤡ ᤌᤰᤛᤢᤒᤠᤜᤠ᤹ᤖᤧ ᤐᤋᤪᤢᤛᤧᤴ ᤛᤧᤴᤍᤡᤰ ᤗᤧᤴᤍᤡᤰ ᤁᤥᤔᤠ ᤐᤠᤱᤄᤢᤛᤡᤖᤥ॥ ᤜᤧᤰᤁᤩᤠᤱ ᤜᤧᤖᤥᤍ ᤜᤠᤱᤅᤡᤸᤗᤧ ᤂᤧᤴ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶ ᤆᤢ᤺ᤳᤋᤠᤱ ᤐᤋᤪᤢᤛᤧᤴ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤂᤠᤛᤧᤴ ᤗᤥ᤺ᤶᤔᤠᤀᤠᤱ ᤂᤢᤶᤍᤡᤱ ᤐᤡᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧᤖᤥ॥ 
\p  
\v 5 ᤜᤧᤰᤁᤣᤗ᤹ᤖᤡᤰ ᤐᤋᤪᤢᤛᤧᤴ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤀᤠᤱ ᤘᤕᤧᤸᤗᤧ ᤛᤣᤛᤣᤜᤢᤵᤗᤰᤁᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤁᤢᤗᤠᤃᤡ ᤆᤰᤔᤧᤸᤗ᤹ᤀᤣ ᤐᤣᤗᤡᤃᤧᤴ ᤋᤢᤘᤠ ᤆᤥ᤺ᤰᤁᤡ ᤔᤧᤕᤠᤃᤧᤖᤥ॥ 
\s1 ᤐᤋᤪᤢᤛᤧᤴ ᤐᤢᤱᤗᤠᤜᤡᤶᤔᤥᤗᤠᤶ ᤗᤧᤳ 
\p  
\v 6 ᤜᤧᤰᤁᤩᤠᤱ ᤜᤧᤖᤥᤍ ᤜᤠᤱᤅᤡᤸᤗᤧ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤐᤋᤪᤢᤛᤧᤴ ᤋᤠ᤺ᤵᤔᤠᤏᤢ᤺ᤸᤗᤧ ᤋᤃᤡᤛ᤻ᤔᤠ ᤛᤧᤴᤍᤡᤰᤁᤥ ᤏᤧᤳᤇᤡ ᤌᤰᤛᤢᤒᤠᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤏᤧᤳᤇᤡ ᤑᤧᤴᤈᤣ᤹ ᤜᤢᤰᤐᤠ᤺ᤱᤃᤡᤸᤗᤧ ᤀᤡᤔᤧᤄᤣ᤺ᤰᤂᤢᤀᤠᤱ ᤂᤧᤴ ᤀᤡᤵᤛᤧᤀᤠᤱ ᤏᤧᤛ᤻ᤛᤧᤖᤥ॥ ᤜᤧᤰᤁᤩᤠᤱ ᤐᤢᤱᤗᤠᤜᤡᤶᤔᤥᤒᤠ ᤗᤠᤶᤔᤥᤀᤠᤱ ᤌᤰᤛᤢᤒᤠᤜᤠ᤹ ᤗᤠᤶᤃᤥᤀᤡ ᤔᤧᤕᤧᤒᤧᤖᤥ॥  
\v 7 ᤂᤡᤔᤥ ᤂᤧᤴ ᤐᤢᤱᤗᤠᤜᤡᤶᤔᤥᤒᤠ ᤕᤠᤰᤑᤠᤱᤅᤡᤴ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤸᤗᤧ ᤌᤥ᤹ᤖᤢᤖ ᤍᤠᤱᤒᤠᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤠᤴᤏᤠᤱ ᤂᤧᤵᤔᤥ ᤌᤠ᤺ᤴᤇᤡᤱ॥ ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤐᤋᤪᤢᤛᤖᤧ ᤁᤢᤓᤰᤋᤠᤱᤅᤥ ᤑᤧᤰᤑᤧᤰ ᤜᤡᤵᤋᤢᤖ ᤑᤥ᤺ᤰᤂᤢᤀᤠᤱ ᤀᤰᤂᤣ ᤔᤧᤳᤋᤢ. “ᤜᤠᤖᤠ ᤐᤥᤃᤧ᤹॥” ᤜᤧᤰᤁᤩᤠᤱ ᤐᤋᤪᤢᤛᤖᤧ ᤁᤢᤜᤢᤰᤁᤥ ᤁᤧᤒᤵᤐᤠ ᤑᤧᤴᤈᤣ᤹ ᤜᤢᤰᤐᤠ᤺ᤱᤃᤡᤜᤠ᤹ ᤐᤠ᤺ᤰᤂᤧᤀᤠᤱ ᤔᤰᤌᤩᤧᤖᤥ॥ 
\p  
\v 8 ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤑ᤹ᤀᤡ ᤕᤢᤵᤛᤧᤀᤠᤱ ᤗᤠᤱᤛᤢ᤺ᤵᤐᤡᤴ ᤆᤠᤰᤂᤧ᤹॥” ᤐᤋᤪᤢᤛᤖᤧ ᤜᤧᤰᤁᤣ ᤆᤥᤃᤢ. ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤔᤧᤳᤋᤢ. “ᤛᤢᤱᤄᤣ᤺ᤰᤘᤠ᤺ᤴ ᤜᤧᤵᤛᤡᤱᤅᤧ᤹ᤀᤠᤱ ᤋᤡᤶᤍᤠᤱᤅᤧ᤹ᤀᤥ॥”  
\v 9 ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧᤀᤠᤱ ᤐᤢᤱᤗᤠᤜᤡᤶᤗᤠᤶ ᤗᤠ᤺ᤰᤁᤠᤳ ᤋᤡᤶᤍᤢᤖᤥ॥ ᤁᤴ ᤔᤠᤱᤗᤠᤀᤡᤱᤒᤠᤸᤗᤧ ᤋᤠᤍᤡᤃᤧᤴ ᤛᤧᤵᤔᤠᤱᤅᤥ ᤆᤥᤃᤢᤒᤠᤒᤡ ᤀᤡ ᤕᤠᤰᤌᤢᤱᤎᤥᤀᤥ ᤆᤥᤃᤢᤒᤠᤒᤡ ᤑᤠ᤹ᤀᤠᤱ ᤂᤢᤏᤧ᤹ ᤌᤣᤀᤠᤱ ᤏᤡᤱᤘᤠ᤹ ᤔᤧᤄᤥ᤺ᤛᤢᤴᤗᤥ॥ ᤂᤢᤏᤧ᤹ᤃ ᤛᤢᤑᤥᤏᤧ ᤏᤡ᤺ᤛᤢᤱᤒᤠᤒᤡ ᤗ᤹ᤖᤧᤖᤥ॥  
\v 10 ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤌᤡᤰᤛᤡᤃᤣ᤺ᤰᤛ᤻ᤔᤠ ᤏᤢ ᤏᤡᤛᤡᤃᤣ᤺ᤰᤛ᤻ᤔᤠ ᤗᤠᤶ ᤁᤧᤃᤥ᤺ᤒᤠ ᤌᤰᤛᤢᤒᤠ ᤕᤧᤵᤏᤠ᤺ᤴ ᤁᤠ᤺ᤰᤋᤧᤳᤇᤢᤀᤠᤱ ᤕᤧᤰᤕᤰᤁᤥ ᤗᤠ᤺ᤵᤔᤠ ᤑᤧᤴᤈᤣ᤹ ᤗᤠᤶᤎᤣ᤺ᤵᤐᤥ ᤁᤧᤖᤧᤳᤇᤡ॥ ᤂᤧᤴ ᤗᤠᤶᤎᤣ᤺ᤵᤐᤡᤴᤏᤠᤱ ᤂᤢᤴᤇᤡ᤹ ᤗᤠᤃᤡ ᤀᤠᤒᤠᤅᤣ ᤜᤴᤇᤡᤱ. ᤜᤧᤰᤁᤩᤠᤱ ᤏᤧᤵᤔᤠᤱ ᤗᤠ᤺ᤰᤁᤠᤳ ᤗ᤺ᤴᤍᤧᤳᤇᤡᤖᤥ॥ ᤂᤧᤱᤜᤠ᤹ ᤕᤧᤰᤕᤰᤁᤥᤒᤠ ᤔᤠᤖᤠᤶᤔᤥ ᤗ᤺ᤴᤍᤧᤳᤇᤡᤀᤠᤱ ᤗᤠᤱᤄᤣ᤺ᤃᤧᤳᤇᤡᤖ ᤐᤳᤇᤧᤳᤇᤡᤸᤗᤧᤀᤣ ᤔᤠᤱᤗᤠᤀᤡᤱᤒᤠᤸᤗᤧ ᤂᤡᤔᤥ ᤐᤋᤪᤢᤛᤧᤴ ᤗᤧᤖᤢᤎ॥ 
\p  
\v 11 ᤜᤧᤰᤁᤩᤠᤱ ᤐᤋᤪᤢᤛᤖᤧ ᤁᤴ ᤛᤧᤰᤂᤠᤀᤣ ᤐᤥ᤺ᤰᤂᤧᤒᤠᤖᤥ ᤑᤠ᤹ᤀᤠᤱ ᤂᤢᤏᤧ᤹ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤀᤰᤂᤣ ᤔᤧᤳᤇᤡᤱ. “ᤁᤴ ᤐᤠ᤺ᤴᤏᤡᤱᤃ ᤛᤧᤰᤂᤠᤀᤣᤖᤥ॥ ᤍᤠᤱᤒᤠᤸᤗᤧ ᤂᤢᤏᤧ᤹ ᤁᤢᤔᤠᤱᤗᤠᤀᤡᤱᤒᤠᤴ ᤐᤠᤱᤄᤢᤀᤠᤱ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤏᤡᤱᤛᤠᤱ ᤔᤧᤈᤥᤃᤢᤒᤠ ᤏᤢ ᤜᤧᤖᤥᤍᤗᤠᤶ ᤀᤡᤱᤃᤠ᤹ ᤛᤧ᤺ᤵᤋᤠᤱᤗᤥ॥” 
\p  
\v 12 ᤜᤧᤰᤁᤩᤠᤱ ᤂᤢᤏᤧ᤹ ᤁᤴ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤕᤢᤜᤢᤴᤏᤠ ᤔᤷᤁᤢᤛᤖᤧ ᤁᤢᤶᤔᤠ ᤔᤖᤡᤕᤔᤖᤧ ᤁᤢᤜᤡᤶᤔᤥ ᤐᤣ॥ ᤂᤧᤵᤔᤥ ᤕᤖᤡᤰ ᤏᤛᤠᤏᤡᤒᤠᤜᤠ᤹ ᤔᤧᤈᤢᤵᤛᤧᤀᤠᤱ ᤋᤢᤘᤠ ᤆᤥ᤺ᤰᤁᤡ ᤔᤧᤕᤠᤃᤧᤖᤥ॥  
\v 13 ᤐᤋᤪᤢᤛᤖᤧ ᤗᤠᤶᤎᤣ᤺ᤵᤐᤡᤴ ᤗᤠ᤺ᤰᤁᤠᤳᤗᤠᤶ ᤂᤠᤰᤂᤢ ᤜᤧᤰᤁᤩᤠᤱ ᤖᤥᤍᤠ ᤔᤧᤵᤔᤏᤠᤔᤠ ᤛᤣᤘᤠᤖᤥᤔᤠᤴ ᤀᤥᤔᤧᤳᤇᤧ ᤑᤧᤖᤧ॥  
\v 14 ᤂᤧᤸᤗᤧ ᤐᤋᤪᤢᤛᤖᤧ ᤁᤢᤀᤡᤰᤗᤠ᤺ᤴ ᤁᤢᤛᤡᤱ ᤏᤡ᤺ᤳᤋᤢᤀᤠᤱ ᤗᤠᤶᤎᤣ᤺ᤵᤐᤡᤴ ᤔᤧᤴᤜᤴᤏᤣ ᤛ᤺ᤳᤋᤧᤖ ᤗᤥ᤺ᤰᤋᤧ ᤐᤣᤀᤠᤱ “ᤐᤋᤪᤢᤛᤧᤴ ᤗᤠ᤺ᤰᤁᤠᤳ ᤋᤩᤧᤀᤠᤱ ᤕᤧᤵᤗᤥ” ᤔᤧᤳᤋᤢᤛᤡᤖᤥ॥ 
\p  
\v 15 ᤂᤧᤱᤜᤠ᤹ᤖᤧ “ᤂᤧᤏᤧ᤹ᤃ ᤁᤧᤏᤠᤰᤂᤧᤒᤡ ᤌᤣ᤺ᤴᤒᤣ” ᤔᤧᤔᤧᤳᤋᤢᤖᤥ॥ ᤂᤧᤸᤗᤧ ᤁᤴ ᤐᤠ᤺ᤴᤏᤡᤴ ᤛᤧᤰᤂᤠᤀᤣᤖᤥ ᤗ᤹ᤖᤡᤰ ᤜᤠᤍᤡᤱ ᤌᤰᤋᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤏᤥᤃᤵ ᤔᤧᤒᤡᤖᤢ. “ᤂᤧᤱᤃ ᤐᤋᤪᤢᤛᤧᤴ ᤁᤶᤒᤪᤠᤱ ᤁᤧᤔᤧᤵᤐᤠ ᤔᤠᤱᤗᤠᤀᤡᤱᤒᤠᤴ ᤗᤠ᤹ᤒᤣ᥄” 
\p  
\v 16 ᤁᤖ ᤐᤋᤪᤢᤛᤖᤧ ᤆᤰᤔᤧᤸᤗ᤹ᤀᤣ ᤗᤠᤶᤎᤣ᤺ᤵᤐᤧᤴ ᤂᤠᤰᤂᤢᤖᤥ॥ ᤕᤠᤱᤛᤡ ᤂᤧᤱᤜᤠ᤹ ᤔᤧᤒᤣᤀᤠᤱ ᤗᤠᤶᤎᤣ᤺ᤵᤐᤧᤴ ᤔᤧᤜᤴᤍᤢᤸᤗᤧ ᤂᤢᤏᤧ᤹ ᤛᤧᤰᤂᤠᤀᤣ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥  
\v 17 ᤐᤋᤪᤢᤛᤖᤧ ᤂᤧᤱᤜᤠ᤹ ᤜᤢᤰᤆᤠ᤺ᤸᤁᤡ᤺ᤸᤗᤧ ᤛᤫᤠ᤺ᤳ ᤆᤥᤃᤢᤛᤡᤀᤠᤱ ᤀᤠᤰᤂᤣᤗ᤹ᤖᤡᤰ ᤍᤠᤱᤒᤧᤸᤗᤧ ᤂᤢᤏᤧ᤹ ᤐᤢᤱᤗᤠᤜᤡᤶᤔᤥᤗᤠᤶ ᤗᤠ᤺ᤰᤁᤠᤳ ᤗ᤺ᤳᤋᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤐᤥᤎᤰᤋᤢᤛᤡᤖᤥ॥ ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤡᤴ ᤀᤠᤏᤡ᤹ ᤗᤠᤶᤗᤥ᤺ᤒᤠ ᤕᤠᤁᤢᤒ ᤏᤢ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤔᤧᤳᤋᤧᤶᤛᤡᤶᤔᤧ᤹ ᤗ᤹ᤖᤡᤰ ᤔᤧᤳᤋᤢᤛᤡᤀᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤘᤣ᤹ᤛ᤻ᤔᤠ ᤋᤧᤴᤏᤥ ᤐᤣᤖᤥ॥ 
\p  
\v 18 ᤜᤧᤰᤁᤩᤠᤱ ᤁᤢᤏᤠᤶᤍᤠ᤺ᤵᤔᤠ ᤂᤠᤀᤥ᤺ᤳᤋᤧᤀᤠᤱ ᤐᤋᤪᤢᤛᤧᤴ ᤌᤧᤔᤠ ᤐᤥ᤺ᤰᤂᤧᤒᤣ ᤑᤠ᤹ᤀᤠᤱ ᤂᤧᤴ ᤐᤢᤱᤗᤠᤜᤡᤶ ᤁᤧᤃᤥ᤺ᤒᤠ ᤌᤰᤛᤢᤒᤠ ᤗᤢᤶᤔᤥ ᤕᤶᤒᤠ ᤜᤕᤱ ᤁᤡᤸᤗᤡᤱ ᤐᤥ᤺ᤰᤂᤧᤖᤥ॥  
\v 19 ᤂᤧᤴ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤜᤧᤖᤥᤍᤖᤧ ᤌᤰᤛᤢᤒᤠᤜᤠ᤹ ᤛᤣ᤺ᤴᤍᤥᤛᤢᤛᤡᤸᤗᤧ ᤂᤧᤱᤜᤠ᤹ᤖᤧ ᤌᤣᤀᤠᤱ ᤏᤥᤃᤵ ᤐᤡᤔᤠ ᤔᤧᤴᤇᤢᤰᤋᤢᤴ. ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤛᤧᤵᤔᤠ ᤐᤠᤱᤄᤢᤛᤡᤖᤥ॥ ᤜᤧᤰᤁᤩᤠᤱ ᤜᤧᤖᤥᤍᤧᤏ ᤕᤜᤢᤍᤡᤕᤠᤗᤠᤶ ᤛᤡᤈᤖᤡᤕᤠ ᤕᤧᤰᤕᤰᤁᤥ ᤁᤢᤓᤠ ᤕᤧᤴ ᤘᤠ᤹ᤛᤧ ᤐᤣᤖᤥ॥ 
\s1 ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤛᤡ᤺ᤔᤧᤴ 
\p  
\v 20 ᤂᤧᤴ ᤕᤧᤶᤔᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤋᤠᤕᤖ ᤏᤢ ᤛᤡᤍᤥᤏᤛ᤻ᤔᤠ ᤔᤏᤠᤜᤠ᤹ᤏᤢ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤀᤠᤱ ᤘᤕᤧ॥ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤜᤧᤖᤥᤍ ᤜᤠᤱᤅᤡᤴᤏᤢ ᤏᤠᤍᤱ ᤆᤥ᤺ᤰᤛᤧ ᤁᤢᤍᤢᤶᤛᤧ ᤔᤧᤒᤣ. ᤌᤣᤀᤠᤱᤓᤧᤸᤗᤧ ᤁᤧᤖᤧᤰ ᤆᤠᤔᤠ ᤌᤢᤱᤔᤠᤜᤠ᤹ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤗᤠᤈᤣ᤹ᤀᤥᤗᤠᤶ ᤔᤧᤍᤠᤖᤢᤖ ᤔᤧᤘᤕᤧ ᤁᤖ ᤜᤠᤱᤅᤡᤸᤗᤧ ᤂᤧᤴ ᤆᤠᤔᤠ ᤌᤢᤱᤔᤠ ᤁᤧᤍᤠ᤺ᤒᤠ ᤗᤠᤶᤔᤡᤴ ᤛᤠᤰᤔᤠ ᤐᤠᤱᤄᤢᤛᤡᤀᤠᤱ ᤘᤕᤧᤖᤥ॥ ᤁᤠᤰᤏᤢ ᤋᤃᤡ ᤜᤠᤱ ᤜᤡᤶᤔᤥᤒᤠ ᤒᤠᤗᤠᤛ᤻ᤋᤛ ᤔᤧᤵᤔᤏᤠᤒᤠ ᤏᤛᤠ᤺ᤴᤛᤠᤒᤠ ᤔᤏᤠ᤺ᤴ ᤜᤢᤰᤁᤥ ᤔᤧᤍᤠᤖᤢᤀᤠᤱ ᤜᤠᤱᤅᤡᤴᤏᤢ ᤋᤠ᤹ᤈᤧᤱᤔᤠ ᤕᤧᤶ ᤔᤧᤄᤥ᤺ᤛᤢᤖᤥ॥ 
\p  
\v 21 ᤜᤧᤰᤁᤩᤠᤱ ᤂᤧᤴ ᤋᤢᤶᤔᤠ ᤕᤧᤴᤏᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤜᤠᤱᤍᤣ᤺ᤳᤋᤡᤴ ᤆᤠᤰᤂᤢᤀᤠᤱ ᤜᤠᤱᤕᤢᤰᤏᤠᤀᤥ ᤕᤢᤱᤛᤡᤱᤅᤠᤱ ᤔᤏᤠᤜᤠ᤹ ᤀᤢᤘᤠ ᤆᤥᤃᤢᤛᤡᤖᤥ॥  
\v 22 ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤁᤴ ᤁᤧᤒᤠ᤺ᤵᤐᤧᤴ ᤔᤠᤱᤗᤥ. ᤔᤧᤴᤇᤠᤶᤃᤧᤴ ᤕᤠᤵᤔᤡᤃ ᤔᤧ᤺ᤴᤗᤥ ᤗ᤹ᤖᤡᤰ ᤔᤧᤀ᤺ᤰᤋᤧᤖᤥ॥  
\v 23 ᤂᤡᤔᤥ ᤍᤠᤱᤒᤠᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤠᤸᤗᤧ ᤜᤧᤖᤥᤍ ᤜᤠᤱᤅᤡᤴ ᤕ᤹ᤎᤧᤳᤋᤢᤖ ᤕᤠ᤺ᤴᤍᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤛᤩᤥ᤺ᤱ ᤛᤩᤥ᤺ᤱ ᤗ᤹ᤖᤡᤰ ᤑᤣ᤹ᤒᤠ᤺ᤳ ᤌᤩᤧᤀᤠᤱ ᤛᤩᤧᤖᤥ॥ 
\p  
\v 24 ᤁᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤆᤰᤔᤧᤸᤗ᤹ᤀᤣ ᤛᤧ᤺ᤖᤧᤀᤠᤱ ᤐᤥᤖᤧᤖ ᤐᤣᤖᤥ॥ 
\s1 ᤒᤖᤏᤠᤒᤠᤛ ᤏᤢ ᤛᤠᤘᤗᤧᤴ ᤔᤧᤛᤣᤃᤢᤛᤡᤀᤠᤱ ᤔᤧᤒᤠᤱᤄᤢᤛᤡ᤹ 
\p  
\v 25 ᤒᤖᤏᤠᤒᤠᤛ ᤏᤢ ᤛᤠᤘᤗᤖᤧᤀᤠᤱ ᤕᤖᤢᤛᤗᤧᤶᤔᤥ ᤑᤠ᤹ᤕᤠᤱ ᤛᤧᤎᤩᤧᤳᤇᤢᤀᤠᤱ ᤀᤣᤴᤋᤡᤀᤥᤰᤁᤥ ᤏᤢ᤺ᤰᤂᤧᤳᤇᤡ ᤋᤩᤧᤳᤇᤡᤖᤥ॥ ᤂᤢᤴᤇᤡ᤹ᤏᤢᤀᤣ ᤕᤢᤜᤢᤴᤏᤠ ᤔᤷᤁᤢᤛᤧᤴᤏᤠᤱ ᤋᤠᤖᤧᤳᤇᤢᤖᤥ॥ 
\c 13  
\p  
\v 1 ᤀᤣᤴᤋᤡᤀᤥᤁᤛ᤻ᤔᤠ ᤛᤣᤛᤣᤜᤢᤵᤗᤰᤁᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤏᤢ ᤛᤡᤰᤛᤠᤶᤒᤠᤜᤠ᤹ ᤔᤧᤘᤕᤧ–ᤒᤖᤏᤠᤒᤠᤛ. ᤔᤠᤰᤗᤠ ᤔᤧᤵᤔᤏᤠᤒᤠ ᤛᤡᤔᤡᤕᤥᤏ. ᤛᤠᤀᤡᤖᤣᤏᤡᤗᤠᤶ ᤁᤧᤍᤠ᤺ᤒᤠ ᤗᤢᤛᤡᤕᤛ. ᤛᤢᤜᤠᤱᤃᤧᤶᤒᤠ ᤜᤧᤖᤥᤍᤧᤴᤏᤢ ᤁᤧᤒᤥ᤺ᤒᤠ ᤔᤠᤏᤧᤏ ᤜᤧᤰᤁᤩᤠᤱ ᤛᤠᤘᤗ ᤘᤕᤧᤖᤥ॥  
\v 2 ᤌᤡᤰᤕᤧᤴ ᤂᤧᤱᤜᤠ᤹ᤖᤧ ᤆᤠ᤺ᤏᤧᤳᤋᤥ ᤔᤧᤕᤢᤅᤧᤖ ᤍᤠᤱᤒᤠᤸᤗᤧᤴ ᤛᤣᤘᤠ ᤔᤧᤈᤥᤃᤢᤖ ᤔᤧᤘᤕᤧᤸᤗᤧ ᤛᤣᤛᤣᤔᤠᤱᤅᤡᤴ ᤂᤧᤱᤜᤠ᤹ᤀᤥ ᤀᤰᤂᤣᤗ᤹ᤖᤡᤰ ᤐᤠᤖᤧ. “ᤒᤖᤏᤠᤒᤠᤛ ᤏᤢ ᤛᤠᤘᤗᤧᤴ ᤀᤡᤱᤃᤠ᤹ ᤀᤠᤗᤠᤃᤡ ᤛᤧᤴᤍᤧᤶᤛᤡᤶᤔᤧ᤹ᤀᤥ. ᤂᤧᤱᤜᤠ᤹ᤃ ᤀᤡᤱᤃᤠ᤹ ᤀᤠᤕᤠ᤺ᤶᤒᤰ ᤆᤥ᤺ᤰᤛᤧ ᤀᤢ᤺ᤳᤋᤢᤱᤛᤡᤱᤅᤠᤱ ᤘᤠ᤹ᤛᤡᤖᤥ॥”  
\v 3 ᤜᤧᤰᤁᤣ᤺ᤸᤗᤧ ᤕᤠᤶᤔᤥ ᤂᤧᤱᤜᤠ᤹ᤖᤧ ᤆᤠ᤺ᤏᤧᤳᤋᤥ ᤔᤧᤕᤢᤅᤧᤀᤠᤱ ᤋᤢᤘᤠ ᤔᤧᤈᤥᤃᤢ. ᤜᤧᤰᤁᤩᤠᤱ ᤂᤢᤏᤡ᤹ ᤜᤢᤰᤜᤠ᤹ ᤒᤖᤏᤠᤒᤠᤛ ᤏᤢ ᤐᤠᤘᤗᤖᤧ ᤂᤢᤴᤇᤡ᤹ ᤛᤶᤍᤠᤱ ᤔᤧᤏᤧᤛ᤻ᤛᤢᤀᤠᤱ ᤋᤢᤘᤠ ᤔᤧᤈᤥᤃᤢ ᤜᤧᤰᤁᤩᤠᤱ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤛᤡᤖᤥ॥ 
\s1 ᤐᤠᤘᤗᤖᤧ ᤌᤡᤰᤛᤡᤃᤣ᤺ᤰᤛ᤻ᤔᤠ ᤔᤠᤱᤛᤣᤘᤠ ᤁᤢᤗᤠᤶᤍᤡ᤺ᤰ 
\p  
\v 4 ᤒᤖᤏᤠᤒᤠᤛ ᤏᤢ ᤛᤠᤘᤗᤧᤴ ᤛᤣᤛᤣᤔᤠᤱᤅᤡᤸᤗᤧ ᤐᤠᤱᤄᤢᤛᤡᤀᤠᤱ ᤛᤡᤗᤢᤁᤡᤕᤠ ᤕᤧᤰᤕᤰᤁᤥ ᤐᤣᤛᤡ॥ ᤂᤧᤵᤔᤥᤏᤢ ᤘᤠᤗᤠᤎᤠᤗᤠᤶ ᤛᤤᤐᤪᤛ ᤘᤠᤃᤵᤗᤠᤈᤣ᤹ᤀᤥ ᤐᤣᤛᤡᤖᤥ॥  
\v 5 ᤜᤧᤰᤁᤩᤠᤱ ᤛᤠᤗᤠᤔᤡᤛ ᤐᤠᤱᤈᤢᤶᤔᤥ ᤁᤧᤖᤧᤳᤇᤡᤀᤠᤱ ᤂᤧᤵᤔᤥ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤜᤠ᤹ᤀᤥ ᤀᤡᤱᤓᤴ ᤆᤥᤃᤧᤛᤢᤖᤥ॥ ᤂᤧᤱᤜᤠ᤹ᤏᤢ ᤁᤢᤓᤠ᤹ ᤁᤧᤒᤡᤒᤠ ᤕᤢᤜᤢᤴᤏᤠ ᤔᤷᤁᤢᤛᤧᤴᤏᤠᤱ ᤘᤕᤧᤖᤥ॥ 
\p  
\v 6 ᤂᤧᤱᤜᤠ᤹ ᤐᤠᤑᤥᤛ ᤕᤧᤰᤕᤰᤁᤥ ᤔᤧᤱᤃᤧᤳᤋᤣ ᤌᤠᤖᤡᤰ ᤘᤠᤃᤵᤗᤠᤈᤣ᤹ ᤂᤠᤖᤠᤰ ᤗᤠᤶᤍᤡ᤺ᤰ ᤔᤧᤈᤥᤃᤧ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤌᤡᤰ ᤕᤜᤢᤍᤡ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤒᤠᤖ-ᤕᤧᤛᤢ ᤔᤧᤵᤔᤏᤠᤒᤠ ᤁᤡᤆ᤻ᤆᤠᤰᤁᤡᤴ ᤔᤧᤍᤢᤔᤢ॥  
\v 7 ᤂᤧᤸᤗᤧ ᤁᤢᤴᤍᤣ᤺ᤱᤒᤠᤴ ᤂᤧᤴ ᤘᤠᤃᤵᤗᤠᤈᤣ᤹ᤀᤥᤒᤠ ᤛᤢᤜᤠᤱᤃᤧᤶᤒᤠ ᤛᤷᤃᤡᤕᤛ ᤐᤦᤗᤢᤛᤧᤴ ᤘᤕᤧᤀᤠᤱ ᤛᤥᤖᤡᤰ ᤂᤧᤴ ᤂᤢᤏᤧ᤹ᤏᤢ ᤋᤠᤰᤁᤴᤍᤧᤖᤥ॥ ᤛᤷᤃᤡᤕᤛ ᤐᤦᤗᤢᤛᤧᤴ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤛᤠᤒᤠ ᤘᤕᤧ॥ ᤂᤧᤸᤗᤧ ᤒᤖᤏᤠᤒᤠᤛ ᤏᤢ ᤛᤠᤘᤗᤧᤴ ᤀᤢ᤺ᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤂᤧᤶᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥  
\v 8 ᤁᤖ ᤂᤧᤴ ᤁᤡᤳᤆᤠᤰ ᤀᤡᤗᤢᤔᤠᤛᤧᤴ (ᤃᤪᤡᤁ ᤐᤠ᤺ᤴᤍᤠᤱᤅᤥ ᤂᤧᤸᤗᤧ ᤁᤢᤔᤡᤱᤅᤡᤸᤗᤧ ᤁᤢᤒᤣ᤺ᤴ ᤁᤡᤳᤆᤠᤰ ᤐᤥ᤺ᤱᤗᤥ) ᤂᤢᤴᤇᤡ᤹ ᤋᤰᤗᤧᤱᤘᤠᤀᤥ ᤐᤥᤃᤧᤀᤠᤱ ᤛᤢᤜᤠᤱᤃᤧᤶᤒᤠ ᤛᤷᤃᤡᤕᤛ ᤐᤦᤗᤢᤛᤧᤴ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰ ᤔᤧᤶᤒᤠᤱᤔᤠ ᤋᤶᤛᤡᤴ ᤆᤥᤃᤢᤀᤠᤱ ᤂᤧᤱᤜᤠ᤹ ᤀᤳᤋᤢᤛᤡᤖᤥ॥  
\v 9 ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤢᤀᤠᤱ ᤛᤠᤘᤗᤖᤧ (ᤂᤧᤸᤗᤧ ᤁᤢᤔᤡᤱ ᤐᤠᤘᤗᤀᤠᤱ ᤘᤕᤧᤖᤥ) ᤂᤧᤴ ᤀᤡᤗᤢᤔᤠᤛᤧᤴ ᤀᤍᤰᤋᤰᤁᤠᤱ ᤀᤥᤔᤧᤳᤋᤢᤖ ᤔᤧᤳᤋᤢ.  
\v 10 “ᤂᤧᤏᤧ᤹ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤛ᤻ᤛᤠ᤺ᤀᤣ. ᤁᤠᤰ ᤛᤠᤶᤕᤥᤏᤡᤔᤠᤸᤗᤧ ᤁᤢᤏᤡᤱᤔᤡᤀᤣ. ᤂᤧᤏᤧ᤹ᤃ ᤁᤠᤰ ᤀᤡᤱᤗᤧᤰ ᤏᤢ ᤑᤧᤴ ᤕᤠ᤺ᤶᤒᤰᤗᤧ ᤁᤢᤎᤡᤶ ᤁᤧᤘᤠ᤹ᤖᤥ॥ ᤂᤧᤏᤧ᤹ ᤍᤠᤱᤒᤠᤸᤗᤧ ᤋᤥ᤺ᤴᤍᤥ᤺ᤶᤒᤠ ᤁᤢᤗᤠᤶᤔᤡᤴ ᤐᤧᤃᤧᤰ-ᤘᤃᤧᤰ ᤆᤥ᤺ᤰᤔᤠ ᤗᤧᤖᤧ᤹᥄  
\v 11 ᤍᤠᤱᤒᤠᤸᤗᤧ ᤂᤢᤶᤍᤡᤱ ᤁᤧᤒᤡ᤹ᤀᤠᤱ ᤀᤠᤸᤗ ᤂᤠᤏᤡ᤺ᤔᤠ ᤔᤧᤴᤇᤢᤰᤔᤏᤠᤒᤠ ᤁᤧᤒᤥ᤺ᤱᤅᤠᤱ ᤁᤢᤓᤠ ᤕᤧᤶ ᤌᤠᤖᤡᤰ ᤂᤧᤏᤧ᤹ᤃ ᤏᤠᤶᤔᤡᤴᤏᤠᤱ ᤏᤡ᤺ᤔᤠ ᤁᤧᤴᤇᤢᤰᤋᤢᤴᤗᤥ॥” ᤂᤡᤔᤥ ᤀᤡᤗᤢᤔᤠᤛᤖᤧ ᤁᤢᤔᤡᤰᤁᤥ ᤂᤠᤶᤍ᤺ᤶᤒᤠᤸᤗᤧ ᤋᤧᤵᤋᤢᤒᤠ ᤁᤢᤀᤡᤛᤡ᤺ᤰ ᤐᤥ᤺ᤰᤂᤧᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤌᤣᤀᤠᤱ ᤏᤡ᤺ᤔᤠ ᤔᤧᤛᤢᤰᤋᤢᤴᤗᤥ॥ ᤂᤢᤏᤧ᤹ᤃ ᤁᤢᤓᤠᤖᤧ ᤔᤧᤍᤧᤶᤔᤠᤀᤠᤱ ᤔᤧᤀᤢ᤺ᤱᤅᤠᤏᤡ ᤑᤠ᤹ᤀᤠᤱ ᤛᤵᤛᤢᤖ ᤗᤠᤱᤄᤣ᤺ᤰᤔᤠ ᤜᤣ᤺ᤰᤋᤧᤖᤥ॥  
\v 12 ᤛᤢᤜᤠᤱᤃᤧᤶᤒᤠᤸᤗᤧ ᤁᤴ ᤜᤡᤴᤍᤥ᤺ᤰᤁᤡᤴ ᤏᤡ᤺ᤛᤢᤀᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤆᤥᤃᤢ. ᤌᤣᤀᤠᤱᤓᤧᤸᤗᤧ ᤍᤠᤱᤒᤧᤸᤗᤧ ᤁᤢᤏᤡᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤁᤢᤏᤡᤱᤘᤠ᤹ ᤔᤕᤧᤖᤥ॥ 
\s1 ᤐᤡᤛᤡᤍᤡᤕᤠᤛ᤻ᤔᤠ ᤀᤣᤴᤋᤡᤀᤥᤰᤁᤥ 
\p  
\v 13 ᤂᤧᤴ ᤕᤠᤱᤛᤡ ᤐᤠᤘᤗ ᤏᤢ ᤁᤢᤴᤈᤢᤶᤜᤠ᤹ ᤐᤠᤑᤥᤛᤗᤠᤶ ᤐᤠᤶᤑᤡᤗᤡᤕᤠ ᤌᤢᤶᤔᤥᤒᤠ ᤐᤷᤃᤠᤀᤥ ᤘᤠᤗᤠᤶᤍᤡ᤺ᤰ ᤔᤧᤈᤥᤃᤢ. ᤁᤖ ᤕᤢᤜᤢᤴᤏᤠ ᤔᤷᤁᤢᤛᤖᤧ ᤂᤧᤱᤜᤠ᤹ ᤂᤧᤵᤔᤥ ᤐᤰᤌᤛᤡᤀᤠᤱ ᤕᤖᤢᤛᤗᤧᤶᤔᤥ ᤏᤢ᤺ᤰᤂᤧ ᤐᤣᤖᤥ॥  
\v 14 ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤐᤷᤃᤠᤗᤠᤶ ᤐᤡᤛᤡᤍᤡᤕᤠ ᤌᤢᤶᤔᤥᤒᤠ ᤀᤣᤴᤋᤡᤀᤥᤁ ᤕᤧᤰᤕᤰᤁᤥ ᤐᤣᤛᤡ॥ ᤜᤧᤰᤁᤩᤠᤱ ᤏᤠ᤺ᤶᤛᤡᤱ ᤕᤧᤴᤏᤥ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤂᤧᤱᤜᤠ᤹ ᤐᤣᤛᤡᤀᤠᤱ ᤕᤢᤱᤏᤧᤇᤡᤖᤥ॥  
\v 15 ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤛᤠᤵᤐᤴᤗᤠᤶ ᤔᤧᤏᤡ᤺ᤖᤢ ᤔᤧᤛᤢᤖᤢᤀᤠᤱ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤀᤠᤏᤡᤃᤧ ᤔᤏᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡ ᤀᤡᤱᤄᤱ ᤁᤧᤃᤳᤇᤢᤏᤧ ᤑᤠ᤹ᤃᤪ ᤐᤠ᤺ᤳᤋᤧᤛᤧ᤹ᤀᤥ॥” 
\p  
\v 16 ᤐᤠᤘᤗᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤜᤢᤰᤆᤠ᤺ᤸᤁᤡ ᤆᤥᤃᤢᤖ ᤐᤠ᤺ᤵᤔᤠ ᤜᤣ᤺ᤰᤋᤧ. “ᤀᤡᤛᤪᤠᤀᤡᤗᤡ ᤑᤢ᤹ᤏᤢᤛᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤛᤣ. ᤀᤠᤄᤧᤵᤛᤧᤶᤔᤧ᤹ᤀᤥ᥄  
\v 17 ᤁᤴ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤣᤘᤠ ᤔᤧᤈᤥᤃᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤐᤠᤎᤧᤒᤠ ᤛᤢᤎᤧᤒᤠᤜᤠ᤹ ᤛᤣᤃᤢᤛᤡᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤔᤠ᤺ᤱᤄᤠᤒᤠ ᤗᤠᤈᤣ᤹ᤛᤠᤒᤠ ᤜᤧᤰᤁᤣ ᤔᤧᤘᤕᤧᤸᤗᤧ ᤕᤶᤒᤠ ᤛᤢᤘᤠᤱ ᤆᤥᤃᤢᤛᤡᤖᤥ॥ ᤜᤧᤰᤁᤩᤠᤱ ᤐᤕᤶ ᤔᤢᤰᤛᤠᤶᤏᤢ ᤂᤧᤴ ᤗᤠᤈᤣ᤹ᤀᤥᤏᤢ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡᤀᤠᤱ  
\v 18 ᤀᤣ᤺ᤰᤛᤠᤍᤧᤴᤏᤥ ᤋᤱᤒᤣ ᤗᤡᤒᤥ᤺ᤱ ᤌᤠᤖᤡᤰ ᤂᤧᤱᤜᤠ᤹ ᤁᤶᤒᤪᤠᤱ ᤔᤧᤳᤋᤢᤛᤡᤖᤥ॥  
\v 19 ᤜᤧᤰᤁᤩᤠᤱ ᤂᤢᤏᤧ᤹ᤃ ᤁᤏᤠᤏ ᤗᤠᤈᤣ᤹ᤛ᤻ᤔᤠ ᤏᤢᤛᤡ ᤛᤢᤘᤠᤱᤜᤠ᤹ ᤔᤧᤰᤂᤢᤛᤡᤀᤠᤱ ᤂᤧᤴ ᤗᤠᤈᤣ᤹ᤀᤥ ᤁᤢᤔᤏᤠᤜᤠ᤹ ᤕᤢᤰᤍᤠᤱᤒᤠ ᤆᤥᤃᤢᤛᤡᤀᤠᤱ  
\v 20 ᤋᤱᤒᤣ ᤁᤢᤃᤡᤵ ᤗᤡᤛᤡᤀᤠᤱ ᤁᤢᤓᤪᤧ᤺ᤱ (᥊᥋᥆) ᤌᤠᤖᤡᤰ ᤂᤧᤱᤜᤠ᤹ᤖᤧ ᤂᤧᤴ ᤗᤠᤈᤣ᤹ᤀᤡᤴ ᤔᤧᤕᤢᤰᤋᤢᤖᤥ॥ 
\p ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤛᤠᤔᤢᤀᤧᤗ ᤌᤠᤖᤡᤰ ᤂᤠᤛᤧᤴᤕᤢᤰᤐᤠᤜᤠ᤹ ᤐᤡᤖᤢᤛᤡᤖᤥ॥  
\v 21 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤜᤠᤱ ᤔᤧᤏᤠ᤺ᤰᤋᤢᤸᤗᤧ ᤂᤢᤏᤧ᤹ ᤒᤧᤴᤈᤠᤔᤡᤏ ᤛᤢᤘᤠᤱᤛ᤻ᤔᤠ ᤁᤡᤛᤖᤧ ᤁᤢᤛ᤻ᤛᤠ᤺ ᤛᤠᤘᤗᤧᤴ ᤐᤡᤖᤢᤛᤡᤀᤠᤱ ᤂᤧᤸᤗᤧ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤜᤠᤱ ᤆᤥᤃᤢᤖᤥ॥  
\v 22 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤜᤠᤱᤕᤢᤰᤗᤠᤶ ᤂᤧᤳᤋᤢᤀᤠᤱ ᤍᤠᤀᤢᤍᤧᤴ ᤜᤠᤱ ᤆᤥᤃᤢᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. ‘ᤕᤡᤛᤤᤖᤧ ᤁᤢᤛ᤻ᤛᤠ᤺ ᤍᤠᤀᤢᤍᤧᤱᤃ ᤀᤠᤏᤡᤱᤘᤠ᤹ ᤜᤧᤰᤁᤣ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤀᤠᤛᤡᤖᤠ᤹ ᤁᤧᤎᤠᤱᤒᤠ ᤔᤏᤠᤖᤥ॥’\f * \fr 13:22 \ft ᥇ ᤛᤠᤔᤢᤀᤧᤗ ᥇᥉.᥇᥊\f* 
\p  
\v 23 ᤒᤠ ᤁᤴ ᤔᤧᤴᤇᤠᤶ ᤌᤠ᤺ᤰᤁᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤛᤡᤒᤠ ᤁᤢᤀᤡᤛᤡ᤺ᤰ ᤛᤧᤴᤗᤵᤍᤠᤱᤒᤠ ᤕᤧᤛᤢ᤺ᤴ ᤀᤠᤏᤡ᤹ ᤀᤡᤛᤪᤠᤀᤡᤗᤡᤜᤠ᤹ᤀᤥ ᤐᤠᤱᤄᤢᤖᤥ॥  
\v 24 ᤕᤧᤛᤢᤖᤧ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤜᤣ᤺ᤰᤔᤠᤏᤢ᤺ᤸᤗᤧ ᤋᤃᤡ ᤕᤢᤜᤢᤴᤏᤠᤖᤧ ᤀᤡᤛᤪᤠᤀᤡᤗᤛ᤻ᤔᤠ ᤁᤠᤰ ᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥᤗᤠᤶ ᤔᤧᤜᤡᤴᤏᤠᤱ ᤒᤵᤋᤡᤛ᤻ᤔᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤛᤡᤖᤥ॥  
\v 25 ᤜᤧᤰᤁᤩᤠᤱ ᤕᤢᤜᤢᤴᤏᤠᤖᤧ ᤂᤢᤏᤧ᤹ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤛᤢ᤺ᤵᤔᤠ ᤀᤡ᤺ᤳᤋᤢᤸᤗᤧ ᤔᤏᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡ. ‘ᤀᤡᤱᤃᤠ᤹ ᤜᤠ᤺ᤳᤀᤠ ᤑᤠ᤹ᤀᤠᤱ ᤕᤠᤵᤔᤡ ᤁᤧᤀᤡ᤺ᤳᤋᤡᤒᤣ᥅ ᤀᤡᤱᤃᤠ᤹ᤃ ᤂᤡᤏᤡ᤹ ᤁᤧᤜᤠᤱᤄᤢᤶᤒᤠ ᤔᤏᤠ᤺ᤱᤃ ᤔᤧ᤺ᤴᤏᤠᤖᤥ. ᤂᤢᤏᤧ᤹ᤃ ᤀᤡᤱᤃᤠ᤹ᤏᤢ᤺ᤸᤗᤧ ᤕᤠᤱᤛᤡ ᤋᤠ᤺ᤖᤥ॥ ᤂᤢᤏᤧ᤹ ᤁᤢᤗᤠᤱᤛᤢ᤺ᤵᤐᤡᤸᤗᤧ ᤁᤢᤏᤠᤶᤜᤠ᤹ᤀᤠᤱ ᤑᤠ᤺ᤱᤔᤠ ᤔᤧᤗᤠ᤹ᤀᤠᤴᤗᤥ॥’ 
\p  
\v 26 ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤀᤡᤛᤪᤠᤀᤡᤗᤡ ᤑᤢ᤹ᤏᤢᤛᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠ ᤁᤧᤈᤥ᤺ᤰᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤛᤣ. ᤀᤠᤏᤡ᤹ᤀᤥᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤛᤧᤴᤗᤵᤐᤡᤸᤗᤧᤴ ᤛᤢᤏᤠᤀᤡᤱᤄᤱᤅᤡᤴ ᤐᤠᤱᤄᤢᤀᤠᤱ ᤘᤠ᤹ᤖᤥ॥  
\v 27 ᤁᤴ ᤕᤖᤢᤛᤗᤧᤶᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤏᤢ ᤂᤢᤏᤡ᤹ ᤗᤠᤶᤗᤥ᤺ᤒᤠᤜᤠ᤹ᤖᤧ ᤕᤧᤛᤢ᤺ᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ. ᤁᤖ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤸᤗᤧ ᤏᤠ᤺ᤶᤛᤡᤱ ᤕᤧᤴ ᤌᤵᤔᤣ ᤔᤧᤏᤡ᤺ᤖᤢᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤴ ᤁᤧᤖᤧᤒᤠᤖᤥ॥  
\v 28 ᤜᤧᤰᤁᤩᤠᤱ ᤂᤢᤏᤧ᤹ᤃ ᤛᤡ᤺ᤔᤧᤸᤗᤧᤴ ᤂᤢᤶᤍᤡᤱ ᤐᤡᤔᤠ ᤌᤧᤔᤠ ᤀᤠᤵᤋᤡᤰᤁᤠᤱ ᤔᤧᤱᤄᤥ᤺ᤛᤢᤴᤇᤠᤱ ᤐᤡᤗᤠᤋᤛᤧᤴ ᤂᤧᤴ ᤛᤧᤵᤔᤠᤀᤣ ᤐᤥ᤺ᤱ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤸᤗᤧ ᤋᤧᤴᤍᤧᤖᤥ॥  
\v 29 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤐᤠ᤺ᤴᤜᤠ᤹ ᤔᤧᤈᤥᤃᤢ ᤔᤧᤛᤢᤖᤢᤀᤠᤱ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱᤗᤠᤶ ᤁᤢᤴᤈᤢᤶᤜᤠ᤹ᤖᤧ ᤔᤧᤎᤠᤛᤢᤀᤠᤱ ᤀᤡᤵᤐᤢᤱᤅᤥ ᤔᤧᤏᤧᤛ᤻ᤛᤢᤖᤥ॥  
\v 30 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤃ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤆᤥᤃᤢᤖᤥ॥  
\v 31 ᤜᤧᤰᤁᤩᤠᤱ ᤕᤖᤡᤰ ᤕᤧᤴ ᤌᤠᤖᤡᤰ ᤂᤢᤏᤧ᤹ᤏᤢ ᤃᤠᤗᤡᤗᤗᤠᤶ ᤕᤖᤢᤛᤗᤧᤔ ᤌᤠᤖᤡᤰ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠᤜᤠ᤹ᤖᤥ ᤀᤥᤛᤣ᤺ᤴᤎᤠᤰᤛᤡᤱᤗ ᤘᤕᤧᤖᤥ॥ ᤀᤠᤸᤗ ᤂᤧᤱᤜᤠ᤹ ᤀᤡᤛᤪᤠᤀᤡᤗᤛ᤻ᤔᤠ ᤔᤏᤠᤜᤠ᤹ᤖᤧ ᤗᤠᤃᤡ ᤋᤥ᤺ᤴᤍᤡ ᤔᤧᤘᤠ᤹ᤖᤥ॥ 
\p  
\v 32 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡᤃᤧ ᤐᤠᤎᤧᤒᤠᤜᤠ᤹ ᤐᤡᤖᤢᤛᤡᤒᤠ ᤔᤠᤱᤜᤧᤰᤁᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤁᤴ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤀᤠᤏᤡᤃᤧ ᤂᤡᤏᤡ᤹ᤀᤥ ᤋᤩᤧ᤹ᤀᤡᤃᤧᤀᤠᤱ ᤘᤕᤡᤃᤧᤖᤥ–  
\v 33 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤄᤢᤀᤠᤱ ᤔᤠᤱᤜᤧᤰᤁᤡᤴ ᤀᤠᤏᤡ᤹ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤥ ᤁᤧᤳᤋᤢᤖᤥ॥ ᤁᤴ ᤏᤡᤛᤡᤃᤣ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤧᤛᤢ᤺ᤴ ᤀᤰᤂᤣ ᤔᤧᤳᤋᤢᤀᤠᤱ ᤘᤠ᤹ᤖᤥ. 
\q1 ‘ᤂᤧᤏᤧ᤹ᤃ ᤀᤠᤛ᤻ᤛᤠ᤺ᤏᤧᤖᤥ. 
\q1 ᤀᤡᤱᤃᤠ᤹ ᤛᤧᤰᤂᤠᤀᤣ ᤁᤧᤶᤒᤠᤀᤠ ᤑᤠ᤹ᤀᤠᤱ ᤀᤥᤛᤣ᤺ᤴᤍᤠᤱ ᤆᤥᤃᤢᤱᤅᤠᤱ ᤘᤠ᤹ᤖᤥ॥’\f * \fr 13:33 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥈.᥍ \f* 
\p  
\v 34 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤑᤥ᤺ᤰᤂᤢᤸᤗᤧ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤛᤡ᤺ᤔᤠ ᤔᤧᤒᤥ᤺ᤱᤏᤧᤴᤗ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤠ᤹– 
\q1 ‘ᤀᤠᤀᤡᤴ ᤂᤡᤏᤡ᤹ᤃ ᤀᤡᤱᤃᤠ᤹ ᤛᤣᤛᤣ ᤏᤢ ᤏᤡᤛ᤻ᤛᤣᤀᤣ ᤍᤠᤀᤢᤍᤧᤴᤏᤢ ᤔᤠᤱᤜᤢᤵ ᤆᤥᤃᤢᤱᤒᤠ ᤔᤢ᤹ᤀᤡᤛᤠᤶᤔᤡᤴ ᤐᤡᤏᤡᤱᤅᤠᤱ ᤘᤠ᤹ᤀᤠᤖᤥ॥’\f * \fr 13:34 \ft ᤕᤛᤤᤕᤠ ᥋᥋.᥉ \f* 
\m  
\v 35 ᤜᤧᤰᤁᤩᤠᤱ ᤘᤣ᤹ᤛ᤻ᤔᤠ ᤋᤧᤴᤏᤥᤀᤠᤱ ᤂᤢᤏᤧ᤹ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 ‘ᤂᤧᤏᤧ᤹ᤃ ᤛᤣᤛᤣ ᤁᤧᤛᤣᤘᤠᤖᤥᤒᤠᤸᤗᤧ ᤁᤢᤎᤰᤁᤡᤴ ᤁᤡ᤺ᤔᤠ ᤕ᤺ᤵᤔᤠ ᤁᤧᤶᤒᤠᤱᤄᤢᤴᤗᤥ॥’\f * \fr 13:35 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥌.᥇᥆ \f* 
\m  
\v 36 ᤍᤠᤀᤢᤍᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤁᤢᤜᤡᤱᤔᤴ ᤂᤠᤖᤠᤰ ᤛᤣᤘᤠ ᤆᤥᤃᤢ. ᤜᤧᤰᤁᤩᤠᤱ ᤂᤢᤏᤧ᤹ ᤛᤩᤧᤖᤥ॥ ᤜᤧᤰᤁᤩᤠᤱ ᤀᤠᤏᤡᤃᤧ ᤐᤠᤎᤧᤒᤠᤜᤠ᤹ᤏᤢᤀᤣ ᤔᤧᤜᤢᤶᤛᤢᤀᤠᤱ ᤁᤡ᤺ᤖᤧ ᤐᤣᤖᤥ॥  
\v 37 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤡ᤺ᤔᤧᤴᤗᤠᤶ ᤜᤡᤱᤄᤢᤒᤠᤸᤗᤧ ᤁᤢᤎᤰᤁᤡᤴ ᤔᤧᤃᤡᤖᤧᤴᤗᤥ॥ 
\p  
\v 38 ᤂᤧᤸᤗᤧ ᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ᤛᤣ. ᤒᤠ ᤁᤴ ᤕᤧᤛᤢᤖᤧ ᤆᤥᤃᤢᤒᤠᤗᤠᤶᤔᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤗᤠᤕᤥᤜᤠ᤹ᤖᤧᤴ ᤗᤧᤵᤔᤡ ᤀᤠᤒᤡ᤹ ᤑᤠ᤹ᤀᤠᤱ ᤁᤴ ᤀᤡᤱᤄᤱᤅᤡᤴ ᤂᤡᤏᤡ᤹ᤀᤥ ᤀᤡᤱᤓᤥ᤺ᤛᤧᤀᤠᤱ ᤘᤠ᤹ᤒᤠᤴ ᤀᤠᤸᤗ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ॥  
\v 39 ᤂᤢᤏᤧ᤹ᤀᤥ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤢ᤺ᤴᤍᤢᤐᤡᤖᤢᤛᤡ᤹ᤖᤥ॥ ᤁᤧᤖᤧᤰᤗᤧ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶ ᤀᤡ᤺ᤵᤔᤠ ᤏᤠ᤺ᤵᤔᤠᤗᤠᤶ ᤂᤥ᤺ᤔᤠ ᤁᤧᤴᤇᤢᤰᤋᤢᤶᤔᤡᤶᤒᤠ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ᤺ᤴ ᤂᤡᤏᤡ᤹ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 40 ᤜᤧᤰᤁᤩᤠᤱ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤏᤡᤴ ᤂᤡᤏᤡ᤹ ᤛᤶᤍᤠᤱ ᤁᤧᤳᤗᤥ॥ 
\q1  
\v 41 ‘ᤀᤥᤔᤧᤳᤋᤧᤶᤔᤧ᤹. ᤂᤡᤏᤡ᤹ ᤁᤡᤏᤠ᤺ᤴᤍᤡ ᤁᤧᤔᤧᤵᤐᤠᤛᤣ. 
\q1 ᤂᤡᤏᤡ᤹ ᤏᤡᤱᤘᤠ᤹ ᤔᤕᤧᤶᤔᤧ᤹ᤀᤠᤱ ᤛᤧᤶᤔᤧ᤹॥ 
\q1 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤕᤧᤶᤜᤠ᤹ᤀᤥ ᤔᤏᤠᤜᤠ᤹ᤖᤧ ᤐᤥᤎᤰ ᤁᤧᤶᤈᤥᤃᤡᤛᤠᤱ ᤀᤠᤵᤑᤠᤸᤗᤧᤀᤠᤱ ᤏᤛᤠ᤺ᤴ ᤁᤧᤴᤈᤥᤃᤢᤶᤔᤡᤶᤒᤠ ᤕᤠ᤺ᤶᤒᤰ ᤀᤡᤱᤃᤠ᤹ ᤆᤥᤃᤢᤱᤗᤥ॥’”\f * \fr 13:41 \ft ᤜᤒᤁᤢᤁ ᥇.᥋\f* 
\p  
\v 42 ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤗᤠᤶ ᤗ᤺ᤴᤍᤧᤛᤡᤀᤠᤱ ᤐᤣᤛᤡᤸᤗᤧ ᤔᤏᤠᤜᤠ᤹ᤖᤧ ᤂᤧᤱᤜᤠ᤹. ᤕᤠᤶᤔᤥ ᤁᤧᤍᤠ᤺ᤒᤠ ᤏᤠ᤺ᤶᤛᤡᤱ ᤕᤧᤴᤏᤥ ᤋᤩᤧᤛᤧ᤹ᤀᤠᤱ ᤁᤴ ᤐᤠ᤺ᤴᤏᤡᤴ ᤆᤧᤰᤂᤧᤛᤧ᤹ᤀᤥ ᤑᤠ᤹ᤀᤠᤱ ᤔᤧᤀᤢ᤺ᤳᤋᤢᤛᤡᤖᤥ॥  
\v 43 ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤡᤴ ᤔᤧᤗᤧᤖᤢᤀᤠᤱ ᤕᤖᤡᤰ ᤕᤜᤢᤍᤡᤜᤠ᤹ ᤏᤢ ᤕᤜᤢᤍᤡ ᤛᤠᤶᤕᤥᤀᤥ ᤁᤧᤍᤠ᤺ᤒᤠᤜᤠ᤹ᤖᤧ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤔᤧᤍᤡᤶᤍᤢᤛᤡᤖᤥ॥ ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤧᤱᤜᤠ᤹ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤥ ᤆᤰᤔᤧᤸᤗ᤹ᤀᤣ ᤏᤛᤠ᤺ᤴ ᤆᤥᤃᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤧᤇᤢᤖᤥ॥ 
\p  
\v 44 ᤜᤧᤰᤁᤩᤠᤱ ᤁᤧᤍᤠ᤺ᤒᤠ ᤏᤠ᤺ᤶᤛᤡᤱ ᤕᤧᤴᤏᤥ ᤂᤵᤔᤧᤴ ᤂᤧᤴ ᤕᤧᤰᤕᤰᤁᤥᤒᤠ ᤁᤠᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤂᤧᤶᤛᤧ ᤔᤧᤍᤩᤧᤖᤥ॥  
\v 45 ᤁᤖ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤧᤴ ᤔᤏᤠᤜᤠ᤹ ᤔᤧᤏᤡ᤺ᤛᤢᤛᤡᤀᤠᤱ ᤛᤠ᤹ᤖᤡᤰ ᤏᤠᤔᤧᤜᤧᤳᤋᤢᤛᤡ. ᤜᤧᤰᤁᤩᤠᤱ ᤐᤠᤘᤗᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ᤖᤧ ᤁᤢᤍᤰᤗᤧᤱᤘᤠᤀᤥ ᤔᤧᤒᤠᤖᤧᤖ ᤔᤧᤍᤖᤢᤖᤥ॥ 
\p  
\v 46 ᤁᤖ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤔᤧᤱᤃᤡᤀᤣ ᤀᤰᤂᤣᤗ᤹ᤖᤡᤰ ᤐᤠᤖᤧᤳᤇᤡ. “ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤱᤃ ᤁᤠᤰᤏᤢ ᤋᤃᤡ ᤂᤡᤏᤡ᤹ ᤕᤜᤢᤍᤡᤜᤠ᤹ᤏᤢ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠ ᤘᤕᤧ. ᤁᤖ ᤂᤡᤏᤡ᤹ᤀᤣ ᤁᤴ ᤁᤧᤏᤠ᤹ᤖᤢᤶᤗᤥ॥ ᤜᤧᤰᤁᤩᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤂᤥ᤺ᤔᤠ ᤛᤢᤶᤒᤥᤎᤠᤛᤠᤒᤠ ᤔᤧᤶᤒᤥ᤺ᤱᤔᤠ ᤑᤠ᤹ᤀᤠᤱ ᤂᤡᤏᤡ᤹ ᤀᤥᤛᤣ᤺ᤴᤃᤧᤎᤠᤰᤋᤢᤶᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤀᤠᤏᤡᤃᤧ ᤂᤡᤏᤡ᤹ᤗᤠᤶ ᤗ᤺ᤴᤍᤡᤃᤧᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤥ ᤐᤣᤃᤡᤃᤧ᤹ᤖᤥ॥  
\v 47 ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤀᤥ ᤀᤡᤱᤈᤠ᤺ᤱ ᤕᤠᤵᤔᤡ ᤐᤡᤖᤡᤃᤧᤀᤠᤱ ᤘᤠ᤹ᤖᤥ. 
\q1 ‘ᤂᤡᤏᤡ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤏᤢᤵᤔᤥ ᤌᤠᤖᤡᤰ ᤛᤧᤴᤗᤵᤐᤡᤸᤗᤧᤴ ᤛᤢᤏᤠᤀᤡᤱᤅᤡᤴ ᤋᤣ᤹ᤔᤠ ᤑᤠ᤹ᤀᤠᤱ 
\q1 ᤀᤡᤱᤃᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤗᤠᤃᤡ ᤀᤥ᤺ᤳᤋᤡ ᤁᤢᤀᤡᤛᤡ᤺ᤰ ᤆᤥ᤺ᤰᤏᤡᤱᤅᤠᤱ ᤘᤠ᤹ᤀᤠᤖᤥ॥’” 
\p  
\v 48 ᤁᤴ ᤐᤠ᤺ᤴᤏᤡᤴ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤛᤠ᤹ᤖᤡᤰ ᤔᤧᤛ᤺ᤳᤋᤧᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤎᤠ᤺ᤱ ᤔᤧᤒᤡᤖᤢ॥ ᤜᤧᤰᤁᤩᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤧ ᤗᤠᤃᤡ ᤛᤣ᤺ᤰᤕᤢᤰ ᤁᤧᤒᤥ᤺ᤱᤒᤠᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤖᤥ॥  
\v 49 ᤜᤧᤰᤁᤩᤠᤱ ᤏᤛᤠᤏᤡᤒᤠᤜᤠ᤹ᤖᤧ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠᤰᤁᤡᤴ ᤂᤧᤴ ᤌᤢᤶᤔᤥ ᤁᤠᤰ ᤐᤡᤛᤠᤱ ᤔᤧᤛᤧ᤺ᤛᤢᤖᤥ॥  
\v 50 ᤁᤖ ᤕᤜᤢᤍᤡᤜᤠ᤹ᤖᤧ ᤕᤧᤰᤕᤠᤔᤠ ᤛᤠᤶᤕᤥᤔᤠ ᤔᤧᤴᤇᤢᤔᤠᤜᤠ᤹ ᤏᤢ ᤂᤧᤴ ᤕᤧᤰᤕᤰᤁᤥᤒᤠ ᤔᤡᤱᤛᤥᤍᤠᤱᤒᤠ ᤔᤏᤠᤜᤠ᤹ ᤔᤧᤜᤢᤛᤢᤛᤡ ᤔᤧᤒᤰᤛᤢᤛᤡᤖᤥ॥ ᤂᤧᤱᤜᤠ᤹ᤖᤧ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤋᤢᤰᤂᤣ ᤆᤠ᤺ᤵᤔᤠ ᤔᤧᤜᤣ᤺ᤰᤋᤢᤛᤡᤀᤠᤱ ᤂᤧᤴ ᤌᤢᤶᤔᤥᤗᤠᤶ ᤗᤠ᤺ᤰᤁᤠᤳ ᤔᤧᤏᤠ᤺ᤳᤋᤢ ᤔᤧᤍᤣ᤺ᤛᤢᤛᤡᤖᤥ॥  
\v 51 ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠ᤹ᤖᤢᤛᤡᤒᤠᤴ ᤀᤥᤛᤣ᤺ᤴᤎᤠᤰᤔᤠᤛᤡ ᤑᤠ᤹ᤀᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧᤀᤠᤱ ᤂᤢᤏᤡ᤹ ᤗᤠᤱᤓᤥᤀᤥᤒᤠ ᤂᤠᤶ ᤜᤡ᤺ᤰᤁᤡᤴ ᤂᤧᤱᤜᤠ᤹ᤖᤧ ᤔᤧᤎᤠᤵᤛᤢ ᤔᤧᤎ᤺ᤀᤠᤱ\f * \fr 13:51 \ft ᤂᤢᤏᤡ᤹ ᤗᤠᤱᤓᤥᤒᤠ ᤂᤠᤶ ᤜᤡ᤺ᤰᤁᤡᤴ ᤂᤧᤱᤜᤠ᤹ᤖᤧ ᤔᤧᤎᤠᤵᤛᤢ ᤔᤧᤎ–ᤂᤧᤵᤔᤥ ᤁᤧᤕᤢᤱᤒᤠ ᤔᤏᤠᤜᤠ᤹ᤖᤧ ᤗᤠᤃᤡ ᤂᤧᤶᤔᤩᤠᤰᤁᤠᤱ ᤌᤥ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴ ᤌᤣᤀᤠᤱ ᤜᤥ᤺ᤵᤗᤥ ᤁᤧᤗ᤹ᤒᤠ ᤔᤡᤰᤛᤣ᤺ᤴᤖᤧ ᤗᤠᤃᤡ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤈᤥᤃᤢᤒᤠᤖᤥ॥\f* ᤀᤠᤀᤡᤁᤥᤏᤡᤕᤔ ᤕᤧᤰᤕᤰ ᤗᤧᤵᤔᤠᤱ ᤔᤧᤎᤠᤛᤡᤱᤗᤥ॥  
\v 52 ᤒᤠ ᤂᤧᤴ ᤕᤧᤶᤔᤥ ᤀᤣᤴᤋᤡᤀᤥᤰᤛᤔᤠ ᤜᤢ᤹ᤛᤠᤶᤒᤠᤜᤠ᤹ᤀᤠᤱ ᤛᤣᤛᤣᤔᤠᤱᤅᤡᤴ ᤏᤢ ᤀᤥᤔᤢᤗ᤹ᤔᤠᤸᤗᤧ ᤁᤢᤎᤡᤶ ᤔᤧᤒᤥ᤺ᤰᤂᤧᤖᤥ॥ 
\c 14  
\s1 ᤀᤠᤀᤡᤁᤥᤏᤡᤕᤶᤔᤥ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ 
\p  
\v 1 ᤀᤠᤸᤗ ᤀᤣᤴᤋᤡᤀᤥᤰᤁᤥ ᤁᤢᤀᤡᤛᤡ᤺ᤰ ᤀᤠᤀᤡᤁᤥᤏᤡᤕᤶᤔᤥᤀᤠᤱ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤛᤡᤀᤠᤱ ᤛᤠ᤹ᤖᤡᤰ ᤛᤡᤰᤁᤢᤶ ᤏᤡᤱᤘᤠ᤹ ᤗᤛ᤻ᤛᤢᤖ ᤐᤠᤖᤧᤳᤇᤡᤸᤗᤧ ᤂᤧᤵᤔᤥ ᤕᤖᤡᤰ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤕᤧᤛᤢᤖᤧ ᤁᤢᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤔᤧᤈᤥᤃᤢᤖᤥ॥  
\v 2 ᤁᤖ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤕᤜᤢᤍᤡᤜᤠ᤹ᤖᤧ ᤂᤧᤵᤔᤥᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤔᤧᤜᤢᤛᤢᤛᤡᤀᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤏᤡᤱᤘᤠ᤹ ᤔᤧᤗᤧᤰᤂᤢ ᤔᤧᤒᤡᤖᤢᤛᤡᤖᤥ॥  
\v 3 ᤜᤧᤰᤁᤣ᤺ᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤂᤧᤵᤔᤥ ᤕᤖᤡᤰ ᤕᤧᤶ ᤌᤠᤖᤡᤰ ᤘᤕᤧᤳᤇᤡᤸᤗᤧ ᤂᤧᤱᤜᤠ᤹ ᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤧᤱᤃᤡᤀᤣ ᤐᤠᤖᤧᤳᤇᤡᤖᤥ॥ ᤍᤠᤱᤒᤠᤸᤗᤧ ᤂᤧᤱᤜᤠ᤹ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥ᤺ᤰᤔᤠ ᤔᤢᤰᤛᤠᤶ ᤐᤡᤖᤢᤛᤡ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤡᤱᤓᤴ ᤆᤥᤃᤧᤳᤇᤢᤒᤠ ᤁᤢᤗᤢᤱᤃᤢᤶᤔᤡᤴ ᤛᤧᤰᤂᤠᤀᤣ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤋᤢᤛᤡᤖᤥ॥  
\v 4 ᤂᤧᤴ ᤕᤧᤰᤕᤰᤁᤥᤒᤠ ᤔᤏᤠᤜᤠ᤹ ᤁᤢᤓᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤗᤧᤵᤔᤠᤱ ᤏᤢ ᤁᤢᤓᤠ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤕᤜᤢᤍᤡᤜᤠ᤹ ᤗᤧᤵᤔᤠᤱ ᤔᤧᤛᤧᤴᤇᤡᤱᤗᤥ॥  
\v 5 ᤂᤧᤵᤔᤥ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤜᤧᤰᤁᤩᤠᤱ ᤂᤢᤏᤡ᤹ ᤗᤠᤶᤗᤥ᤺ᤒᤠᤜᤠ᤹ ᤔᤧᤍᤱᤛᤡᤱᤅᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤐᤥ᤺ᤰᤔᤠᤀᤠᤱ ᤗᤢᤱᤅᤡᤸᤗᤧ ᤗᤧᤵᤔᤠ ᤛᤧᤵᤔᤠᤛᤡ ᤑᤠ᤹ᤀᤠᤱ ᤀᤡᤱᤔᤧᤍᤱᤄᤢᤖᤥ.  
\v 6 ᤁᤖ ᤁᤴ ᤆᤧᤶᤑᤴᤏᤡᤴ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤂᤧᤵᤔᤥᤏᤢ ᤗᤢᤁᤥᤏᤡᤕᤠ ᤌᤢᤶᤔᤥᤒᤠ ᤗᤢᤛ᤻ᤋᤪᤠ ᤏᤢ ᤍᤷᤒᤡ ᤔᤧᤵᤔᤏᤠᤒᤠ ᤕᤧᤰᤕᤰᤜᤠ᤹ ᤏᤢ ᤂᤧᤴ ᤂᤡᤖᤡᤒᤠ ᤋᤧᤴᤏᤥ ᤔᤧᤄᤧᤳᤇᤡᤱ ᤔᤧᤒᤣᤀᤠᤱ  
\v 7 ᤂᤧᤵᤔᤥᤀᤠᤱ ᤂᤧᤱᤜᤠ᤹ᤖᤧ ᤛᤢᤏᤠᤀᤡᤱᤅᤡᤴ ᤀᤡᤱᤓᤴ ᤔᤧᤈᤥᤃᤢᤖᤥ॥ 
\s1 ᤗᤢᤛ᤻ᤋᤪᤠ ᤏᤢ ᤍᤷᤒᤡᤀᤥ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ 
\p  
\v 8 ᤗᤢᤛ᤻ᤋᤪᤠᤀᤥ ᤛᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤗᤠᤱᤄᤣ᤺ᤰᤔᤠ ᤔᤧᤴᤇᤢᤰᤔᤏᤠᤒᤠ ᤗᤠᤱᤛᤰᤐᤠᤎᤡᤰ ᤘᤕᤧᤖᤥ॥ ᤂᤧᤴ ᤀᤠᤵᤑᤠᤸᤗᤧᤀᤠᤱ ᤗᤠᤱᤔᤧᤱᤄᤣ᤺ᤰᤁᤣ ᤘᤕᤧ॥  
\v 9 ᤂᤧᤵᤔᤥ ᤂᤧᤸᤗᤧ ᤐᤠᤘᤗᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤏᤢ᤺ᤖᤡᤰᤁᤠᤱ ᤂᤧᤵᤛᤢᤖ ᤕᤢᤅᤧ॥ ᤐᤠᤘᤗᤖᤧ ᤂᤧᤸᤗᤧ ᤘᤣ᤺ᤵᤔᤠ ᤁᤧᤛᤢᤰᤐᤠ ᤁᤢᤏᤛᤠ᤺ᤴᤏᤡᤴ ᤏᤡ᤺ᤛᤢᤀᤠᤱ ᤀᤍᤰᤋᤰᤁᤠᤱ ᤀᤥᤔᤧᤳᤋᤢᤖ  
\v 10 ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣ ᤔᤧᤳᤋᤢ. “ᤂᤧᤏᤧ᤹ ᤕᤧᤒᤧ᤹᥄” ᤂᤧᤴ ᤔᤏᤠ᤺ᤴᤏᤠᤱ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤗᤠᤱᤄᤣ᤺ᤰᤔᤠ ᤜᤣ᤺ᤰᤋᤧᤖᤥ॥ 
\p  
\v 11 ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤐᤠᤘᤗᤖᤧ ᤆᤥᤃᤢᤒᤠ ᤂᤧᤴ ᤕᤠ᤺ᤶᤒᤰᤁᤡᤴ ᤔᤧᤏᤡ᤺ᤛᤢᤀᤠᤱ ᤂᤧᤱᤜᤠ᤹ᤖᤧ ᤗᤢᤁᤥᤏᤡᤕᤠᤛ᤻ᤔᤠ ᤐᤠ᤺ᤴᤏᤥ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢᤖ ᤔᤧᤀ᤺ᤰᤋᤧ. “ᤔᤠᤱᤜᤠ᤹ ᤔᤏᤠ ᤗᤧᤱᤏᤧᤳᤇᤡᤀᤠᤱ ᤀᤠᤏᤡ᤹ᤀᤥ ᤋᤩᤧᤇᤡᤀᤠᤱ ᤘᤠ᤹ᤛᤡᤖᤥ॥”  
\v 12 ᤂᤧᤱᤜᤠ᤹ᤖᤧ ᤒᤖᤏᤠᤒᤠᤛᤧᤴ ᤈᤡᤀᤢᤛ ᤏᤢ ᤐᤠᤘᤗᤧᤴ ᤜᤷᤔᤣᤛ ᤔᤧᤔᤧᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤐᤠᤘᤗᤧᤴ ᤁᤧᤒᤠ᤺ᤵᤐᤠ ᤆᤥᤃᤧᤖᤥ॥ (ᤃᤪᤡᤁᤣᤗᤡᤜᤠ᤹ᤖᤧᤴ ᤈᤡᤀᤢᤛ ᤔᤧᤵᤔᤏᤠᤒᤠᤴ ᤋᤢᤶ ᤔᤠᤱ ᤏᤢ ᤜᤷᤔᤣᤛ ᤔᤧᤵᤔᤏᤠᤒᤠᤴ ᤀᤡᤱᤃᤧᤛᤠᤒᤠ ᤔᤠᤱ ᤘᤕᤧᤖᤥ॥)  
\v 13 ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤈᤡᤀᤢᤛ ᤔᤠᤱᤅᤡᤸᤗᤧᤴ ᤔᤠᤱᤜᤡᤶ ᤏᤧᤛ᤻ᤛᤧ॥ ᤈᤡᤀᤢᤛ ᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤐᤡᤳᤜᤠ᤹ ᤏᤢ ᤑᤢᤱᤜᤠ᤹ ᤋᤠ᤺ᤵᤔᤠ ᤐᤠᤱᤄᤢᤛᤡᤀᤠᤱ ᤕᤧᤰᤕᤰᤁᤡᤸᤗᤧᤴ ᤐᤕᤶ ᤗᤠᤶᤎᤣ᤺ᤵᤐᤥ ᤋᤩᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤏᤢ ᤔᤏᤠᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤏᤡᤱᤘᤠ᤹ ᤔᤧᤈᤥᤃᤢᤀᤠᤱ ᤔᤧᤘᤕᤧᤖᤥ॥ 
\p  
\v 14 ᤒᤖᤏᤠᤒᤠᤛ ᤏᤢ ᤐᤠᤘᤗᤖᤧ ᤂᤧᤴ ᤂᤧᤵᤛᤧᤳᤇᤢᤀᤠᤱ ᤔᤠᤱ ᤆᤧ᤹ᤕᤠ ᤐᤠ᤺ᤴ ᤐᤥ᤺ᤱᤔᤠ ᤀᤡ᤺ᤳᤋᤧ ᤑᤠ᤹ᤀᤠᤱ ᤏᤧᤵᤔᤠᤱᤗᤧ ᤂᤢᤴᤇᤡ᤹ ᤋᤣ᤺ᤳᤋᤡᤴ ᤌᤧ᤺ᤰᤂᤧᤳᤇᤢ\f * \fr 14:14 \ft ᤂᤢᤴᤇᤡ᤹ ᤋᤣ᤺ᤳᤋᤡᤴ ᤌᤧ᤺ᤰᤂᤧᤳᤇᤢ–ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤛᤣᤘᤠ ᤔᤧᤔᤧᤳᤋᤢᤛᤡᤒᤠᤀᤥ ᤂᤢᤴᤇᤡ᤹ ᤛᤡᤰᤂᤧᤅᤧᤒᤠ ᤏᤡ᤺ᤍᤧᤳᤗᤥ॥\f* ᤜᤧᤰᤁᤩᤠᤱ ᤔᤏᤠᤗᤢᤶᤔᤥ ᤗᤥ᤺ᤰᤋᤧᤳᤇᤡᤖ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧᤳᤇᤡ.  
\v 15 “ᤀᤠᤍᤠᤱᤒᤠᤛᤣ. ᤁᤴ ᤌᤣ ᤆᤥ᤺ᤰᤔᤠ ᤁᤧᤀᤡ᤺ᤳᤋᤢᤶᤒᤠᤒᤣ᥅ ᤀᤠᤴᤇᤡᤃᤧᤃ ᤒᤠ ᤂᤡᤏᤡ᤹ ᤜᤧᤰᤁᤣ ᤔᤧᤴᤇᤠᤶᤃᤧᤴ ᤕᤠᤵᤔᤡᤛᤡᤃᤧᤖᤥ᥄ ᤂᤡᤏᤡ᤹ ᤁᤴ ᤜᤏᤧᤒᤠ ᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤆᤥ᤺ᤰᤔᤠ ᤗᤧᤖᤧᤶᤔᤧ᤹ᤀᤠᤱ ᤋᤠᤱᤛᤠᤰᤐᤧᤴ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ. ᤘᤠᤜᤱᤜᤠ᤹ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤥ ᤏᤢ᤺ᤰᤂᤧᤶᤔᤧ᤹ ᤑᤠ᤹ᤀᤠᤱ ᤛᤢᤏᤠᤀᤡᤱ ᤀᤡᤱᤓᤴ ᤆᤥ᤺ᤰᤛᤧ ᤀᤠᤴᤇᤡᤃᤧ ᤁᤵᤔᤥ ᤋᤩᤧᤳᤇᤡᤃᤧᤒᤠᤖᤥ॥  
\v 16 ᤁᤴ ᤐᤣᤒᤠ ᤕᤧᤶᤔᤥᤃ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤀᤠᤒᤠᤅᤣ ᤛᤠᤰᤌᤡᤶ ᤁᤢᤀᤡᤛᤡ᤺ᤰ ᤂᤢᤏᤡ᤹ ᤔᤠᤱᤜᤠ᤹ ᤛᤣᤘᤠ ᤆᤥ᤺ᤰᤛᤧ ᤗᤧᤖᤢᤍᤣ᤺ᤛᤢᤛᤡ.  
\v 17 ᤁᤖ ᤀᤠᤸᤗᤥᤃ ᤂᤢᤏᤧ᤹ᤃ ᤀᤠᤒᤠᤅᤣ ᤋᤥ᤺ᤴᤍᤡ ᤔᤧ᤺ᤴᤏᤣᤃ ᤜᤥ᤺ᤵᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤐᤠᤱᤃᤧᤴᤍᤡᤱ ᤘᤠᤜᤡᤳ ᤌᤠ᤺ᤛᤢ ᤁᤧᤒᤡᤖᤡᤀᤠᤱ ᤆᤠᤔᤠ ᤌᤢᤱᤔᤠᤖᤧ ᤂᤡᤏᤡ᤹ ᤏᤡᤱᤘᤠ᤹ ᤁᤧᤍᤠᤛᤡ ᤁᤧᤒᤡᤖᤡᤀᤠᤱ ᤛᤡᤰ ᤛᤶᤔᤠᤸᤗᤧ ᤁᤢᤎᤡᤶ ᤁᤧᤈᤥᤃᤡᤀᤠᤱ ᤁᤧᤘᤕᤡᤖᤥ॥”  
\v 18 ᤁᤴ ᤐᤠ᤺ᤴᤜᤠ᤹ ᤐᤠ᤺ᤳᤋᤧᤳᤇᤢᤖ ᤐᤠᤘᤗ ᤏᤢ ᤒᤖᤏᤠᤒᤠᤛᤖᤧ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤔᤧᤀᤡ᤺ᤳᤋᤢᤒᤠᤴ ᤐᤸᤗᤡᤔᤠᤸᤗᤧ ᤛᤠᤰᤔᤠ ᤛᤢᤰᤋᤧᤳᤇᤢᤖᤥ॥ 
\p  
\v 19 ᤜᤧᤰᤁᤩᤠᤱ ᤁᤢᤓᤠ ᤕᤜᤢᤍᤡᤜᤠ᤹ ᤀᤣᤴᤋᤡᤀᤥᤁ ᤏᤢ ᤀᤠᤀᤡᤁᤥᤏᤡᤕᤶᤗᤠᤶ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤔᤏᤠᤜᤠ᤹ ᤔᤧᤜᤢᤛᤢᤛᤡᤀᤠᤱ ᤂᤢᤏᤡ᤹ ᤗᤧᤵᤔᤠᤱ ᤔᤧᤈᤥᤃᤢᤛᤡᤀᤠᤱ ᤐᤠᤘᤗᤧᤴ ᤗᤢᤱᤅᤡᤸᤗᤧ ᤔᤧᤗᤧᤵᤋᤢ. ᤜᤧᤰᤁᤩᤠᤱ ᤐᤠᤱᤈᤢᤶ ᤗᤠ᤺ᤰᤁᤠᤳ ᤔᤧᤀᤢ᤺ᤰᤂᤢ ᤔᤧᤍᤣ᤹ᤖᤢᤀᤠᤱ ᤂᤢᤏᤧ᤹ ᤛᤩᤧ ᤑᤠ᤹ᤀᤠᤱ ᤗᤠᤵᤔᤧᤓᤢᤛᤢ॥  
\v 20 ᤁᤖ ᤏᤛᤠᤏᤡᤒᤠᤜᤠ᤹ ᤔᤧᤈᤢᤵᤛᤧᤀᤠᤱ ᤁᤢᤄᤡᤖᤡ ᤔᤧᤕᤧᤶᤛᤡᤱᤅᤠᤱ ᤔᤧᤕᤧᤒᤧᤸᤗᤧ ᤂᤧᤴ ᤕᤧᤶᤔᤥ ᤏᤡᤱᤘᤠ᤹ ᤔᤕᤧᤖ ᤐᤠᤘᤗᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤕᤠᤱᤏᤠ ᤕᤧᤰᤕᤰᤁᤥ ᤐᤣᤖᤥ॥ ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤒᤖᤏᤠᤒᤠᤛᤧᤴᤏᤢ ᤍᤷᤒᤡᤀᤥ ᤐᤣᤛᤧᤳᤇᤡᤖᤥ॥ 
\s1 ᤛᤡᤖᤡᤕᤠᤛ᤻ᤔᤠ ᤀᤣᤴᤋᤡᤀᤥᤰᤁᤥ ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ 
\p  
\v 21 ᤐᤠᤘᤗ ᤏᤢ ᤒᤖᤏᤠᤒᤠᤛᤖᤧ ᤍᤷᤒᤡᤀᤥ ᤛᤢᤏᤠᤀᤡᤱ ᤀᤡᤱᤓᤴ ᤆᤥᤃᤧᤳᤇᤢᤀᤠᤱ ᤂᤧᤵᤔᤥ ᤕᤖᤡᤰ ᤔᤏᤠᤜᤠ᤹ ᤜᤢ᤹ᤛᤠᤶᤒᤠ ᤔᤧᤒᤥ᤺ᤰᤂᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤢᤛ᤻ᤋᤪᤠ. ᤀᤠᤀᤡᤁᤥᤏᤡᤕᤔ ᤏᤢ ᤀᤣᤴᤋᤡᤀᤥᤰᤁᤥ ᤏᤢ᤺ᤰᤂᤧᤳᤇᤡᤀᤠᤱ  
\v 22 ᤂᤧᤵᤔᤥ ᤂᤧᤱᤜᤠ᤹ᤖᤧ ᤜᤢ᤹ᤛᤠᤶᤒᤠᤜᤠ᤹ ᤏᤛᤠ᤺ᤴᤏᤥ ᤆᤰᤔᤧᤸᤗ᤹ᤀᤣ ᤘᤕᤧᤶᤔᤧ᤹ ᤔᤧᤳᤋᤧᤇᤢᤛᤡᤖ ᤜᤠᤱᤜᤠᤱ ᤆᤥᤃᤧᤳᤇᤢᤛᤡ. ᤜᤧᤰᤁᤩᤠᤱ ᤕᤖᤡᤰ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤍᤢᤔᤢᤶᤛᤠᤱ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤗᤠ᤺ᤵᤔᤠᤀᤣ ᤐᤥ᤺ᤱᤗᤥ ᤑᤠ᤹ᤀᤠᤱ ᤀᤠ᤺ᤴᤇᤡᤱᤔᤠ ᤐᤡᤖᤧᤳᤇᤢᤛᤡᤖᤥ॥  
\v 23 ᤜᤧᤰᤁᤩᤠᤱ ᤐᤠᤘᤗ ᤏᤢ ᤒᤖᤏᤠᤒᤠᤛᤖᤧ ᤂᤧᤴ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤛᤣ᤺ᤰᤕᤢᤰ ᤆᤥᤃᤧᤳᤇᤢᤀᤠᤱ ᤋᤢᤘᤠ ᤏᤢ ᤆᤠ᤺ᤏᤧᤳᤋᤥ ᤔᤧᤕᤢᤅᤧᤀᤠᤱ ᤂᤧᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤒᤠ ᤍᤠᤱᤒᤠᤸᤗᤧ ᤁᤢᤃᤶᤒᤪᤠᤱᤅᤥ ᤂᤧᤱᤜᤠ᤹ ᤕᤢᤰᤂᤧᤳᤇᤢᤛᤡᤖᤥ॥  
\v 24 ᤕᤠᤱᤛᤡ ᤂᤧᤱᤜᤠ᤹ ᤐᤡᤛᤡᤍᤡᤕᤠ ᤌᤢᤶᤔᤥ ᤐᤥ᤺ᤰᤂᤧᤳᤇᤡᤖ ᤐᤠᤶᤑᤡᤗᤡᤕᤠ ᤌᤢᤶᤔᤥ ᤌᤩᤧᤛᤡ॥  
\v 25 ᤂᤧᤱᤜᤠ᤹ᤖᤧ ᤕᤠᤶᤔᤥ ᤐᤷᤃᤠᤀᤥ ᤀᤡᤱᤓᤴ ᤆᤥᤃᤧᤳᤇᤢ. ᤜᤧᤰᤁᤩᤠᤱ ᤀᤋᤠᤗᤡᤕᤠ ᤕᤧᤰᤕᤰᤁᤥ ᤐᤣᤛᤡᤖᤥ॥ 
\p  
\v 26 ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤂᤧᤱᤜᤠ᤹ᤖᤧ ᤛᤡᤖᤡᤕᤠᤛ᤻ᤔᤠ ᤀᤣᤴᤋᤡᤀᤥᤰᤁᤥ ᤕᤠᤱᤏᤠ ᤘᤠᤗᤠᤶᤍᤡ᤺ᤰ ᤆᤥᤃᤧᤳᤇᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤥ ᤂᤢᤴᤇᤡ᤹ ᤜᤣ᤺ᤰᤋᤧᤳᤇᤢᤒᤠ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤀᤠᤸᤗᤥ ᤂᤧᤵᤔᤥᤀᤣ ᤆᤥ᤺ᤰᤔᤠ ᤛᤢᤖᤧᤳᤇᤢᤖᤥ॥  
\v 27 ᤂᤧᤱᤜᤠ᤹ ᤀᤣᤴᤋᤡᤀᤥᤰᤁᤥ ᤁᤧᤖᤧᤳᤇᤡᤀᤠᤱ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤴᤇᤡ᤹ᤗᤠᤶ ᤆᤥᤃᤢᤒᤠ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤛᤧᤴᤗᤵ ᤂᤥ᤺ᤔᤠ ᤔᤧᤛᤢᤰᤋᤢᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤶᤎᤣ᤺ᤵᤐᤧᤴ ᤜᤴᤍᤢᤒᤠ ᤐᤠ᤺ᤴᤏᤡᤴ ᤆᤧᤰᤂᤧᤳᤇᤢᤖᤥ॥  
\v 28 ᤜᤧᤰᤁᤩᤠᤱ ᤂᤧᤵᤔᤥ ᤏᤛᤠᤏᤡᤒᤠᤜᤠ᤹ᤏᤢ ᤕᤖᤡᤰ ᤕᤧᤶ ᤌᤠᤖᤡᤰ ᤘᤕᤧᤳᤇᤡᤖᤥ॥ 
\c 15  
\s1 ᤕᤖᤢᤛᤗᤧᤶᤔᤥᤒᤠ ᤕᤧᤈᤢᤶᤓᤥ 
\p  
\v 1 ᤁᤢᤓᤠ ᤕᤧᤶ ᤀᤣᤃᤠᤱ ᤕᤜᤢᤍᤡᤕᤠᤗᤠᤶ ᤀᤣᤴᤋᤡᤀᤥᤰᤁᤥ ᤁᤢᤓᤠ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ ᤔᤧᤍᤩᤧᤀᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡᤖ ᤏᤡᤛᤠᤶ ᤔᤧᤜᤢ᤹ᤖᤢᤛᤡ. “ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤛᤠᤵᤗᤠᤀᤥᤒᤠ ᤛᤠᤰᤌᤡᤶ ᤁᤢᤀᤡᤛᤡ᤺ᤰ ᤜᤷᤍᤥ ᤁᤧᤴᤜᤧᤃᤢᤶᤔᤡᤴᤏᤧ ᤑᤠ᤹ᤃᤪ ᤛᤧᤴᤗᤵ ᤂᤥ᤺ᤔᤠ ᤁᤧᤴᤇᤢᤰᤋᤢᤶᤔᤡᤸᤗᤥ॥”  
\v 2 ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤂᤧᤱᤜᤠ᤹ᤏᤢ ᤛᤠ᤹ᤖᤡᤰ ᤐᤠ᤺ᤴ ᤌᤰᤋᤧᤳᤇᤡ॥ ᤜᤧᤰᤁᤣ᤺ᤸᤗᤧ ᤐᤠᤘᤗ. ᤒᤖᤏᤠᤒᤠᤛ ᤏᤢ ᤀᤣᤴᤋᤡᤀᤥᤁᤛ᤻ᤔᤠ ᤁᤢᤓᤠ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤕᤖᤢᤛᤗᤧᤶᤔᤥ ᤐᤣ᤺ᤰᤔᤠᤀᤠᤱ ᤂᤧᤵᤔᤥᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤜᤧᤰᤁᤩᤠᤱ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤏᤢ ᤁᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤋᤠ᤹ᤈᤧᤱᤔᤠ ᤑᤠ᤹ᤀᤠᤱ ᤔᤧᤛᤣᤃᤢᤛᤡᤖᤥ॥ 
\p  
\v 3 ᤀᤣᤴᤋᤡᤀᤥᤰ ᤛᤣᤛᤣᤜᤢᤵᤗᤰᤐᤠ ᤏᤛᤠᤏᤡᤒᤠᤜᤠ᤹ᤖᤧ ᤂᤧᤱᤜᤠ᤹ ᤂᤧᤵᤔᤥᤗᤠᤶ ᤛᤧᤶᤔᤢ᤹ᤀᤡ ᤔᤧᤈᤥᤃᤢᤛᤡ॥ ᤂᤧᤱᤜᤠ᤹ ᤑᤥᤏᤡᤛᤡᤕᤠ ᤏᤢ ᤛᤠᤔᤖᤡᤕᤠ ᤌᤢᤶᤔᤥ ᤐᤥ᤺ᤰᤂᤧᤳᤇᤡᤖ ᤗᤠᤶᤍᤡ᤺ᤰ ᤆᤥᤃᤧᤳᤇᤡᤸᤗᤧ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤔᤧᤈᤥᤃᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤆᤧᤰᤂᤧᤇᤢᤖᤥ॥ ᤜᤧᤰᤁᤣ᤺ᤸᤗᤧ ᤂᤧᤵᤔᤥᤒᤠ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤛᤠ᤹ᤖᤡᤰ ᤔᤧᤛ᤺ᤳᤋᤧᤖᤥ॥ 
\p  
\v 4 ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤖᤢᤛᤗᤧᤶᤔᤥ ᤁᤧᤖᤧᤳᤇᤡᤀᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹. ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤏᤢ ᤛᤣᤛᤣᤜᤢᤵᤗᤰᤐᤠ ᤘᤣ᤹ ᤔᤏᤠᤜᤠ᤹ᤖᤧ ᤂᤧᤱᤜᤠ᤹ ᤗᤠᤱᤍᤠ᤺ᤰᤔᤠ ᤔᤧᤒᤡᤖᤢᤛᤡᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤵᤔᤥ ᤁᤧᤘᤠ᤹ᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤴᤇᤡ᤹ᤗᤠᤶ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤆᤧᤰᤂᤧᤇᤢᤖᤥ॥ 
\p  
\v 5 ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤑᤖᤡᤛᤡ ᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤔᤧᤒᤥᤃᤧᤀᤠᤱ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡ. “ᤌᤡᤶᤔᤧᤴᤍᤱ ᤏᤛᤠᤏᤡᤒᤠᤜᤠ᤹ᤖᤧ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤛᤠᤵᤗᤠᤀᤥᤒᤠ ᤛᤠᤰᤌᤡᤶ ᤀᤡ᤺ᤵᤔᤠ ᤏᤠ᤺ᤵᤔᤠᤖ ᤜᤷᤍᤥᤀᤠᤱ ᤜᤧᤰᤔᤠᤀᤣ ᤐᤥ᤺ᤱᤗᤥ॥” 
\p  
\v 6 ᤜᤧᤰᤁᤣ᤺ᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤛᤥᤖᤡᤰ ᤔᤧᤈᤢᤵᤛᤧᤀᤠᤱ ᤁᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤴᤎᤱ ᤔᤧᤈᤥᤃᤢᤖᤥ॥  
\v 7 ᤂᤧᤵᤔᤥ ᤐᤕᤶ ᤐᤠ᤺ᤴᤎᤱ ᤐᤥ᤺ᤰᤂᤧᤀᤠᤱ ᤁᤢᤏᤢᤵᤔᤥ ᤐᤋᤪᤢᤛᤧᤴ ᤐᤥᤃᤧᤀᤠᤱ ᤔᤧᤳᤋᤢᤛᤡ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤕᤖᤡᤰ ᤋᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤢᤏᤠᤀᤡᤱ ᤂᤧᤶᤔᤠ ᤏᤢ ᤏᤛᤠ᤺ᤴ ᤔᤧᤈᤥᤃᤢᤖ ᤑᤠ᤹ᤀᤠᤱ ᤀᤡᤱᤓᤴ ᤆᤥ᤺ᤰᤛᤧ ᤂᤡᤏᤡ᤹ᤀᤥᤗᤠᤶ ᤀᤡᤱᤃᤠ᤹ ᤛᤣᤃᤠᤱᤒᤠᤴ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 8 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤛᤡᤰᤗᤢᤱᤔᤠᤴ ᤏᤡ᤺ᤛᤢᤖᤥ॥ ᤂᤢᤏᤧ᤹ᤃ ᤀᤠᤏᤡ᤹ ᤜᤧᤰᤁᤣᤀᤣ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤛᤣᤛᤣᤔᤠᤱ ᤐᤡᤖᤢᤛᤡᤖ ᤋᤠ᤺ᤰᤋᤢᤛᤡᤀᤠᤱ ᤘᤠ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤏᤡ᤹ ᤀᤥᤛᤣ᤺ᤴᤀᤠᤎᤠᤰᤋᤧᤖᤥ॥  
\v 9 ᤀᤠᤸᤗ ᤂᤢᤏᤧ᤹ ᤌᤡᤶᤔᤧᤴᤍᤱ ᤛᤢᤘᤠᤱ ᤏᤢ ᤀᤠᤏᤡ᤹ ᤀᤠᤴᤇᤧᤴᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤜᤧᤰᤁᤣ ᤍᤠᤱᤒᤠᤀᤥᤒᤠ ᤏᤛᤠ᤺ᤴᤗᤠᤶ ᤂᤢᤏᤡ᤹ ᤛᤡᤰᤗᤢᤱᤔᤠᤴ ᤛᤣᤛᤣ ᤆᤥᤃᤢ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥  
\v 10 ᤜᤧᤰᤁᤣ᤺ᤸᤗᤧ ᤌᤣᤀᤠᤱᤏᤧ ᤁᤧᤛᤠᤰᤐᤠ ᤕᤜᤢᤍᤡ ᤛᤠᤰᤌᤡᤶᤔᤡᤴ ᤌᤡᤶᤔᤧᤴᤍᤱ ᤏᤛᤠᤏᤡᤒᤠᤜᤠ᤹ ᤁᤧᤃᤢ᤺ᤳᤋᤢᤶᤛᤡᤶᤔᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰ ᤑᤥ᤺ᤱᤔᤠ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶᤒᤠᤒᤣ᥅ ᤂᤧᤱᤃ ᤀᤠᤏᤡ᤹ ᤐᤠᤎᤧᤒᤠᤜᤠ᤹ᤖᤧᤀᤠᤱ ᤁᤢ᤺ᤔᤠ ᤔᤧᤴᤇᤢᤰᤋᤢᤴ. ᤜᤧᤰᤁᤩᤠᤱ ᤀᤠᤏᤡ᤹ᤀᤠᤱ ᤁᤢ᤺ᤔᤠ ᤀᤠᤴᤇᤢᤰᤋᤢᤶᤔᤡᤴᤗᤥ॥  
\v 11 ᤛᤧᤰᤂᤠ᤺ᤸᤗᤧᤃ. ᤂᤧᤱᤜᤠ᤹ ᤜᤧᤰᤁᤣᤀᤣ ᤀᤠᤏᤡ᤹ᤀᤠᤱ ᤍᤠᤱᤒᤠᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧᤖᤰ ᤋᤠᤱᤀᤠᤛᤣ᤺ᤵᤋᤧ ᤁᤧᤗ᤹ᤒᤠᤴ ᤏᤛᤠ᤺ᤴ ᤀᤠᤈᤥᤃᤢᤶᤗᤥ॥” 
\p  
\v 12 ᤒᤖᤏᤠᤒᤠᤛ ᤏᤢ ᤐᤠᤘᤗᤖᤧ ᤂᤢᤴᤇᤡ᤹ᤗᤠᤶ ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤧᤰᤂᤧᤇᤢᤸᤗᤧ ᤕᤧᤈᤢᤶᤓᤥᤒᤠ ᤁᤠᤰ ᤔᤏᤠᤜᤠ᤹ ᤛᤫᤠ᤺ᤳᤋᤠᤱ ᤔᤧᤄᤧᤵᤛᤢᤖ ᤔᤧᤕᤢᤅᤧᤖᤥ॥  
\v 13 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤠ᤺ᤵᤔᤠ ᤛᤢᤖᤧᤳᤇᤢᤀᤠᤱ ᤕᤠᤁᤢᤒᤧᤴ ᤕᤧᤶᤛᤡᤱᤅᤠᤱ ᤐᤠ᤺ᤳᤋᤢ. “ᤑᤢ᤹ᤏᤢᤛᤠ᤹ᤛᤣ. ᤀᤠᤒᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹ᤀᤥ॥  
\v 14 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰᤏᤢ ᤋᤃᤡ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤰᤂᤣᤗ᤹ᤖᤡᤰ ᤀᤠᤒᤠᤅᤣ ᤁᤢᤔᤏᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤀᤢ᤺ᤳᤋᤢᤛᤡ ᤁᤧᤗ᤹ᤒᤠᤴ ᤛᤡᤔᤥᤏ ᤐᤋᤪᤢᤛᤖᤧ ᤆᤧᤰᤂᤢᤖᤥ॥  
\v 15 ᤁᤱᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤏᤢ ᤂᤢᤏᤡ᤹ ᤐᤠ᤺ᤴᤏᤡᤴ ᤛᤠ᤹ᤖᤡᤰᤁᤣ ᤋᤱᤗᤥ॥ ᤛᤠᤶᤕᤥᤛᤠᤵᤗᤠᤖᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. 
\q1  
\v 16 ‘ᤁᤴ ᤀᤣᤃᤠᤱ ᤀᤡᤱᤃᤠ᤹ ᤏᤢ᤺ᤱᤅᤠᤖᤥ. ᤜᤧᤰᤁᤩᤠᤱ ᤏᤢᤒᤧᤒᤠ ᤍᤠᤀᤢᤍᤖᤧ ᤁᤢᤜᤠᤱᤈᤢᤶᤔᤡᤴ ᤀᤡᤱᤃᤠ᤹ ᤕᤠᤶᤔᤥ ᤆᤥᤃᤢᤱᤗᤥ॥ 
\q1 ᤀᤡᤱᤃᤠ᤹ ᤁᤧᤕ᤺ᤒᤠ ᤗᤢᤱᤎᤠᤰᤜᤠ᤹ ᤛᤧᤳᤋᤢᤱᤗᤥ॥ 
\q1 ᤕᤠᤶᤔᤥ ᤆᤥᤃᤢᤱᤅᤠᤱ ᤕᤧᤵᤛᤢᤱᤗᤥ॥ 
\q1  
\v 17-18 ᤜᤧᤰᤁᤣᤗ᤹ᤖᤡᤰ ᤘᤣ᤹ ᤔᤏᤠᤜᤠ᤹ᤖᤧᤀᤠᤱ ᤀᤡᤱᤃᤠ᤹ ᤍᤠᤱᤒᤠᤴ ᤁᤥ᤺ᤵᤔᤠ ᤔᤧᤛᤢᤰᤁᤠᤖ॥ ᤀᤠᤔᤡᤱ ᤁᤧᤍᤠ᤺ᤰᤐᤠ ᤁᤠᤰ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤡᤱᤃᤠ᤹ ᤀᤠᤒᤠᤅᤣ ᤀᤠᤛᤢᤘᤠᤱ ᤑᤠ᤹ᤀᤠᤱ ᤀᤢ᤺ᤳᤋᤢᤱᤛᤡᤱᤗᤥ॥ 
\q1 ᤁᤴ ᤐᤠ᤺ᤴᤜᤠ᤹ ᤁᤧᤈᤥ᤺ᤰᤐᤠ ᤀᤡᤱᤃᤠ᤹ ᤍᤠᤱᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤕᤖᤡᤰ ᤋᤱᤒᤣ ᤋᤃᤡᤀᤣ ᤐᤠ᤺ᤳᤋᤧ ᤆᤢᤖᤧᤀᤠᤱ ᤘᤠ᤹ᤖᤥ॥’”\f * \fr 15:17-18 \ft ᤀᤠᤔᤥᤛ ᥏.᥇᥇-᥇᥈\f* 
\p  
\v 19 ᤕᤠᤁᤢᤒᤖᤧ ᤕᤠᤶᤔᤥ ᤀᤰᤂᤣ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤥ ᤁᤧᤏᤢ᤺ᤱᤒᤠᤀᤠᤱ ᤁᤧᤍᤠ᤺ᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤢᤰᤂᤣ ᤆᤠ᤺ᤵᤔᤠᤛᤡ ᤔᤧ᤺ᤴᤗᤥ ᤁᤧᤗ᤹ᤒᤠ ᤀᤠᤏᤡᤱᤘᤠ᤹ ᤘᤠ᤹ᤖᤥ॥  
\v 20 ᤁᤖ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤰᤋᤱᤒᤠ ᤛᤰᤀᤡᤱᤄᤱ ᤜᤠᤰᤋᤢᤶᤛᤡᤶᤗᤥ. ‘ᤏᤠᤘᤠᤀᤡᤳᤗᤠᤀᤥ ᤋᤥ᤺ᤶᤏᤠᤒᤠ ᤆᤠᤜᤠ᤹ ᤆᤠᤔᤠ ᤔᤧᤏᤢ᤹ᤏᤧᤴ॥ ᤜᤧᤰᤁᤩᤠᤱ ᤆᤠᤖᤠᤶᤔᤠ ᤔᤧᤏᤢ᤹ᤏᤧᤴ॥ ᤁᤢᤛᤡᤳᤗᤠ ᤕ᤹ᤔᤏᤠ ᤛᤧᤵᤔᤏᤠᤒᤠ ᤛᤠ᤺ ᤏᤢ ᤛᤠᤔᤠᤰᤂᤡ᤹ᤀᤠᤱ ᤆᤠᤔᤠ ᤔᤧᤏᤢ᤹ᤏᤧᤴᤗᤥ॥’  
\v 21 ᤌᤣᤀᤠᤱᤓᤧᤸᤗᤧ ᤒᤠ ᤁᤴ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶᤔᤡᤴ ᤁᤠᤰ ᤐᤠᤱᤈᤢᤶᤔᤥ ᤀᤢᤴᤇᤥ᤺ᤴ ᤀᤢᤴᤇᤥ᤺ᤴᤏᤠᤱᤎᤥᤀᤣ ᤀᤡᤱᤓᤥ᤺ᤛᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤌᤡᤰᤕᤠ᤺ᤴᤎᤰ ᤏᤠ᤺ᤶᤛᤡᤱ ᤕᤧᤴ ᤌᤵᤔᤣ ᤏᤡ᤺ᤳᤗ ᤘᤠ᤹ᤖᤥ॥” 
\s1 ᤌᤡᤶᤔᤧᤴᤍᤱ ᤏᤛᤠᤏᤡᤒᤠᤜᤠ᤹ ᤕᤧᤈᤢᤶᤓᤥᤗᤠᤶ ᤛᤰᤀᤡᤱᤄᤱ ᤔᤧᤜᤠᤰᤋᤢᤛᤡ᤹ 
\p  
\v 22 ᤜᤧᤰᤁᤣ᤺ᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤜᤧᤰᤁᤩᤠᤱ ᤁᤠᤰ ᤛᤣᤛᤣᤜᤢᤵᤗᤰᤁᤥᤒᤠᤜᤠ᤹ ᤔᤧᤍᤅᤧᤀᤠᤱ ᤏᤧᤵᤑᤢ ᤔᤏᤠᤜᤠ᤹ ᤕᤜᤢᤍᤠ ᤔᤧᤵᤔᤏᤠᤒᤠ ᤒᤖᤛᤠᤒᤠᤛ ᤏᤢ ᤛᤡᤗᤠᤛᤧᤴ ᤛᤣ᤺ᤰᤔᤠᤛᤡᤀᤠᤱ ᤐᤠᤘᤗ ᤜᤧᤰᤁᤩᤠᤱ ᤒᤖᤏᤠᤒᤠᤛᤧᤴᤏᤢ ᤀᤣᤴᤋᤡᤀᤥᤰᤁᤥ ᤐᤠᤱᤔᤠᤛᤡ ᤏᤡ᤺ᤴᤎᤥ ᤐᤥ᤺ᤰᤂᤧᤖᤥ॥ ᤂᤧᤱᤜᤠ᤹ᤃ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤗᤢᤶᤔᤥ ᤛᤠ᤹ᤖᤡᤰᤁᤣ ᤔᤡᤱᤛᤥᤍᤠᤱᤒᤠ ᤆᤥᤃᤧᤳᤇᤡᤖᤥ॥  
\v 23 ᤂᤧᤱᤜᤠ᤹ᤖᤧ ᤀᤰᤋᤱᤒᤠ ᤛᤰᤀᤡᤱᤄᤱᤅᤡᤴ ᤂᤧᤴ ᤗᤡᤛᤡ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥᤏᤢ ᤔᤧᤜᤠᤰᤋᤢᤛᤡ. 
\q1 “ᤀᤠᤏᤡᤃᤧ ᤕᤖᤢᤛᤗᤧᤶᤒᤠ ᤂᤡᤏᤡ᤹ ᤑᤢ᤹ᤏᤢᤛᤠ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤗᤠᤶ. 
\q1 ᤀᤣᤴᤋᤡᤀᤥᤁ. ᤛᤡᤖᤡᤕᤠ. ᤏᤢ ᤛᤡᤗᤡᤛᤡᤕᤠᤀᤥ ᤁᤧᤘᤠ᤹ᤒᤠ ᤌᤡᤶᤔᤧᤴᤍᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤀᤥ. 
\q1 ᤁᤴ ᤛᤰᤀᤡᤱᤄᤱᤗᤠᤶ ᤛᤣᤘᤠ ᤜᤠᤅᤢᤶᤒᤧ᤹ᤖᤥ॥  
\v 24 ᤀᤠᤏᤡᤃᤧ ᤔᤧᤶᤒᤠᤱᤅᤣ ᤁᤢᤓᤠ ᤔᤏᤠᤜᤠ᤹ ᤂᤡᤏᤡ᤹ᤀᤥ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤁᤠᤰ ᤕᤜᤢᤍᤡ ᤛᤠᤶᤕᤥᤌᤡᤶ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ ᤁᤧᤶᤔᤧᤳᤋᤡᤀᤠᤱ ᤗᤠᤶ ᤁᤧᤶᤓᤥ᤺ᤳᤋᤡᤖ ᤂᤡᤏᤡ᤹ ᤗᤢᤱᤔᤠ᤹ ᤁᤧᤶᤛᤥ᤺ᤴᤍᤡ ᤁᤧᤶᤒᤡᤖᤡᤒᤠ ᤐᤠ᤺ᤴᤏᤡᤴ ᤀᤠᤏᤡᤃᤧ ᤂᤧᤵᤛᤢᤶᤒᤧᤖᤥ॥  
\v 25 ᤜᤧᤰᤁᤩᤠᤱ ᤀᤠᤏᤡᤃᤧ ᤔᤡ᤺ᤶ ᤆᤢᤶ ᤒᤖᤏᤠᤒᤠᤛ ᤜᤧᤰᤁᤩᤠᤱ ᤐᤠᤘᤗᤧᤴᤏᤢ ᤂᤡᤏᤡ᤹ᤀᤥ ᤐᤠᤱᤔᤠᤛᤡ ᤑᤠ᤹ᤀᤠᤱ ᤁᤢᤓᤠ ᤔᤏᤠᤜᤠ᤹ ᤛᤣ᤺ᤰᤔᤠᤛᤡ ᤁᤧᤗ᤹ᤒᤠ ᤀᤡᤱᤋᤱᤔᤏᤠᤖᤥ॥  
\v 26 ᤂᤧᤱᤜᤠ᤹ᤖᤧᤃ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣᤘᤠ ᤆᤥ᤺ᤰᤔᤥ ᤂᤢᤏᤡ᤹ ᤜᤡᤱᤔᤴᤏᤡᤴ ᤔᤧᤴᤍᤠᤱᤄᤢᤴᤗᤥ॥  
\v 27 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧ ᤛᤠᤵᤋᤢᤶᤒᤧᤒᤠ ᤛᤰᤀᤡᤱᤄᤱᤅᤥ ᤁᤴ ᤐᤠ᤺ᤴᤜᤠ᤹ᤀᤣ ᤆᤧᤱᤔᤠ ᤑᤠ᤹ᤀᤠᤱ ᤕᤜᤢᤍᤠ ᤏᤢ ᤛᤡᤗᤠᤛᤛᤡ ᤂᤡᤏᤡ᤹ᤀᤥ ᤐᤠᤱᤄᤢᤶᤛᤡᤶᤒᤧᤖ ᤐᤳᤇᤡᤃᤧᤖᤥ॥  
\v 28 ᤛᤣᤛᤣᤔᤠᤱ ᤏᤢ ᤀᤠᤏᤡᤃᤧᤃ ᤂᤡᤏᤡ᤹ ᤛᤶᤍᤠᤱ ᤁᤵᤔᤥ ᤁᤧᤒᤵᤐᤠ ᤐᤠ᤺ᤴᤜᤠ᤹ᤏᤢ᤺ᤸᤗᤧ ᤘᤣ᤹ ᤁᤧᤛᤠᤰᤐᤠ ᤐᤠ᤺ᤴᤜᤠ᤹ ᤌᤧᤔᤠᤀᤠᤱ ᤔᤧᤱᤃᤢ᤺ᤵᤔᤠᤏᤡᤱ ᤏᤡᤱᤘᤠ᤹ ᤆᤥᤃᤢᤶᤒᤧᤖᤥ॥  
\v 29 ᤜᤧᤰᤁᤣ᤺ᤸᤗᤧ 
\q1 ᤏᤠᤘᤠᤀᤡᤳᤗᤠᤀᤥ ᤛᤡᤍᤢᤱᤈᤓᤠ ᤆᤥ᤺ᤰᤔᤏᤠᤒᤠ ᤆᤠᤜᤠ᤹ ᤔᤧᤈᤧᤶᤔᤡᤴᤏᤧ᤹. 
\q1 ᤛᤠᤔᤠᤰᤂᤡ᤹ᤀᤠᤱ ᤔᤧᤈᤧᤶᤔᤡᤴᤏᤧ᤹. 
\q1 ᤜᤧᤰᤁᤩᤠᤱ ᤁᤢᤛᤡᤳᤗᤠ ᤕ᤹ᤔᤏᤠ ᤛᤧᤵᤔᤏᤠᤒᤠ ᤛᤠ ᤔᤧᤈᤧᤶᤔᤡᤴᤏᤧ᤹ᤀᤥ॥ 
\q1 ᤜᤧᤰᤁᤩᤠᤱ ᤆᤠᤗᤠᤶᤔᤠᤏᤢᤀᤠᤱ ᤀᤣ᤺ᤰ ᤘᤕᤧᤶᤔᤧ᤹ᤀᤥ॥ 
\q1 ᤀᤰᤂᤣ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤏᤢ᤺ᤒᤠᤀᤣ ᤁᤧᤈᤥᤃᤢᤶᤗᤥ॥ ᤛᤧᤶᤔᤢ᤹ᤀᤡᤖᤥ॥” 
\p  
\v 30 ᤜᤧᤰᤁᤣᤗ᤹ᤖᤡᤰ ᤂᤧᤴ ᤗᤡᤛᤡ ᤀᤡᤱᤛᤠᤒᤠᤜᤠ᤹ ᤔᤧᤎᤠᤛᤡᤱᤅᤠᤱ ᤀᤣᤴᤋᤡᤀᤥᤰᤁᤥ ᤔᤧᤃᤧᤖᤧ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤁᤠᤰ ᤏᤛᤠᤏᤡᤒᤠᤜᤠ᤹ ᤌᤡᤰᤋᤧᤴᤏᤥ ᤔᤧᤛᤢᤵᤛᤢᤛᤡᤀᤠᤱ ᤂᤧᤴ ᤛᤰᤀᤡᤱᤄᤱᤅᤡᤴ ᤜᤢᤰᤔᤧᤛᤢᤵᤋᤢᤛᤡᤖᤥ॥  
\v 31 ᤜᤧᤰᤁᤩᤠᤱ ᤂᤧᤴ ᤛᤰᤀᤡᤱᤄᤱᤗᤠᤶ ᤀᤠ᤺ᤴᤇᤡᤱᤔᤠ ᤔᤧᤄᤥ᤺ᤛᤢᤀᤠᤱ ᤏᤛᤠᤏᤡᤒᤠᤜᤠ᤹ ᤛᤠ᤹ᤖᤡᤰ ᤔᤧᤛ᤺ᤳᤋᤧᤖᤥ॥  
\v 32 ᤕᤜᤢᤍᤠ ᤏᤢ ᤛᤡᤗᤠᤛᤡᤀᤠᤱ ᤀᤠᤒᤠᤅᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤘᤕᤧᤳᤇᤡ॥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤜᤠᤱᤜᤠᤱ ᤏᤢ ᤂᤢᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤆᤥ᤺ᤰᤔᤠᤛᤡ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤕᤖᤡᤰ ᤐᤠ᤺ᤴᤜᤠ᤹ ᤔᤧᤳᤋᤧᤳᤇᤢᤖᤥ॥  
\v 33 ᤂᤧᤵᤔᤥ ᤁᤢᤓᤠ ᤕᤧᤴ ᤘᤕᤧᤳᤇᤡᤀᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤡᤴᤇᤡ᤹ ᤏᤢ᤺ᤖᤡᤰᤁᤠᤱ ᤐᤣᤃᤧᤳᤇᤧ᤹ᤀᤥ ᤗ᤹ᤖᤡᤰ ᤕᤠᤱᤏᤠ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤛᤡᤖᤥ॥  
\v 34 ((ᤁᤖ ᤛᤡᤗᤠᤛᤖᤧ ᤂᤧᤵᤔᤥᤀᤣ ᤘᤠ᤹ᤔᤠ ᤗᤠ᤺ᤵᤔᤠ ᤏᤡ᤺ᤴᤎᤥ ᤆᤥᤃᤢᤖᤥ॥))  
\v 35 ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴᤏᤠᤱ ᤀᤣᤴᤋᤡᤀᤥᤰᤁᤥᤀᤣ ᤘᤕᤧ ᤗᤠᤖᤧᤳᤇᤡᤖᤥ॥ ᤂᤧᤱᤜᤠ᤹ ᤏᤢ ᤘᤣ᤹ ᤕᤖᤡᤰᤗᤧ ᤛᤥᤛᤥᤖᤡᤰ ᤍᤠᤱᤒᤠᤸᤗᤧᤴ ᤐᤣᤗᤡᤃᤧᤴ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤔᤧᤈᤥᤃᤢᤖ ᤔᤏᤠᤜᤠ᤹ ᤔᤧᤜᤢ᤹ᤖᤢᤛᤡᤖᤥ॥ 
\s1 ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤛᤧᤴᤇᤡ᤹ 
\p  
\v 36 ᤁᤢᤓᤠ ᤕᤧᤴ ᤀᤣᤃᤠᤱ ᤐᤠᤘᤗᤖᤧ ᤒᤖᤏᤠᤒᤠᤛᤧᤴ ᤔᤧᤳᤋᤢ. “ᤀᤠᤸᤗ ᤀᤠᤴᤇᤡ᤹ᤀᤠᤱ ᤏᤢ᤺ᤱᤛᤡ ᤐᤡᤳᤇᤡ. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤀᤠᤈᤥᤃᤧᤳᤇᤢᤒᤠ ᤐᤠᤱᤈᤢᤶᤜᤠ᤹ᤀᤥ ᤗ᤺ᤴᤇᤡᤖ ᤑᤢ᤹ᤏᤢᤛᤠ᤹ᤜᤠ᤹ ᤀᤠᤰᤂᤣ ᤔᤧᤈᤥᤃᤢᤖ ᤔᤧᤕᤠᤰᤐᤣ ᤑᤠ᤹ᤀᤠᤱ ᤛᤠ᤹ᤛᤢᤛᤡᤖᤥ॥”  
\v 37 ᤒᤖᤏᤠᤒᤠᤛᤖᤧ ᤕᤢᤜᤢᤴᤏᤠ ᤔᤧᤵᤔᤏᤠᤒᤠ ᤔᤷᤁᤢᤛᤧᤴ ᤛᤥᤖᤡᤰ ᤋᤣ᤹ᤔᤠ ᤏᤡᤱᤘᤠ᤹ ᤆᤥᤃᤢ.  
\v 38 ᤁᤖ ᤐᤠᤘᤗᤖᤧ ᤀᤳᤋᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤂᤧᤱᤜᤠ᤹ ᤔᤠᤱᤛᤣᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤓᤠ᤹ᤖᤢᤴᤛᤡᤴᤏᤠᤱ ᤐᤠᤶᤑᤡᤗᤡᤕᤠᤀᤥᤗᤠᤶᤔᤣ ᤐᤰᤌᤛᤡᤀᤠᤱ ᤏᤢ᤺ᤰᤂᤧ ᤐᤣᤀᤠᤱ ᤘᤕᤧᤖᤥ॥  
\v 39 ᤂᤢᤴᤇᤡ᤹ ᤛᤠ᤹ᤖᤡᤰ ᤐᤠ᤺ᤴ ᤌᤰᤋᤧᤇᤡᤀᤠᤱ ᤘᤣ᤹ ᤘᤣ᤹ ᤛᤧᤴᤍᤧᤇᤡᤀᤠᤱ ᤐᤣᤛᤡᤖᤥ॥ ᤒᤖᤏᤠᤒᤠᤛᤖᤧ ᤕᤢᤜᤢᤴᤏᤠ ᤔᤧᤵᤔᤏᤠᤒᤠ ᤔᤷᤁᤢᤛᤧᤴ ᤋᤣ᤹ᤖᤢᤀᤠᤱ ᤛᤤᤐᤪᤛ ᤘᤠᤃᤵᤂᤠᤶ ᤗᤧᤵᤔᤠᤱ ᤘᤠᤗᤠᤎᤠᤗᤠᤶ ᤌᤠᤛᤡᤱ.  
\v 40 ᤁᤖ ᤐᤠᤘᤗᤖᤧ ᤛᤡᤗᤠᤛᤧᤴ ᤛᤣᤃᤢ. ᤜᤧᤰᤁᤩᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤧᤱᤜᤠ᤹ ᤍᤠᤱᤒᤠᤸᤗᤧ ᤁᤢᤗᤢᤱᤃᤢᤶᤔᤥ ᤔᤧᤍᤥ᤺ᤴᤍᤢᤛᤡᤀᤠᤱ ᤔᤧᤒᤠᤱᤄᤢᤛᤡᤖᤥ॥  
\v 41 ᤂᤢᤴᤇᤡ᤹ ᤛᤡᤖᤡᤕᤠ ᤏᤢ ᤛᤡᤗᤡᤛᤡᤕᤠ ᤌᤢᤶᤔᤥ ᤐᤥ᤺ᤰᤂᤧᤇᤡᤖ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤜᤠ᤹ ᤁᤧᤎᤢᤶᤒᤠ ᤆᤥᤃᤧᤳᤇᤢᤖᤥ॥ 
\c 16  
\s1 ᤐᤠᤘᤗᤖᤧ ᤏᤡᤛᤡᤃᤣ᤺ᤰᤐᤠ ᤁᤢᤔᤠᤱᤛᤣᤘᤠ ᤗᤠᤶᤍᤡ᤺ᤰ 
\p  
\v 1 ᤐᤠᤘᤗᤧᤴ ᤍᤷᤒᤡ ᤏᤢ ᤗᤢᤛ᤻ᤋᤪᤠ ᤕᤧᤰᤕᤰᤜᤠ᤹ᤀᤥ ᤋᤩᤧᤖᤥ॥ ᤂᤧᤵᤔᤥ ᤋᤡᤔᤥᤌᤡ ᤔᤧᤵᤔᤏᤠᤒᤠ ᤏᤛᤠᤏᤡᤒᤠᤎᤡᤰ ᤘᤕᤧ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤶᤔᤠ ᤏᤛᤠ᤺ᤴ ᤁᤧᤈᤥ᤺ᤰᤔᤠ ᤕᤜᤢᤍᤡ ᤘᤕᤧ. ᤁᤖ ᤁᤢᤶᤒᤠ ᤃᤪᤡᤁ ᤘᤕᤧ॥  
\v 2 ᤗᤢᤛ᤻ᤋᤪᤠ ᤏᤢ ᤀᤠᤀᤡᤁᤥᤏᤡᤕᤶᤒᤠ ᤁᤠᤰ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤀᤥ ᤋᤡᤔᤥᤌᤡ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤏᤢ᤺ᤒᤠ ᤁᤢᤀᤡᤱ ᤛᤧ᤺ᤖᤧᤀᤠᤱ ᤘᤕᤧᤖᤥ॥  
\v 3 ᤐᤠᤘᤗᤖᤧ ᤋᤡᤔᤥᤌᤡ᤺ᤴᤏᤠᤱ ᤛᤥᤖᤡᤰ ᤋᤣ᤹ᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤂᤧᤵᤔᤥᤒᤠ ᤁᤠᤰ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠᤛᤡ ᤑᤠ᤹ᤀᤠᤱ ᤂᤧᤴ ᤜᤷᤍᤥ ᤜᤧᤃᤢ ᤐᤡᤖᤢ. ᤌᤣᤀᤠᤱᤓᤧᤸᤗᤧ ᤂᤧᤴ ᤗᤠᤈᤣ᤹ᤒᤠ ᤁᤠᤰ ᤕᤜᤢᤍᤡᤜᤠ᤹ᤖᤧ ᤋᤡᤔᤥᤌᤡᤖᤧ ᤁᤢᤶᤒᤠ ᤃᤪᤡᤁ ᤘᤕᤧᤒᤠᤴ ᤔᤧᤏᤡ᤺ᤛᤢᤀᤠᤱ ᤔᤧᤘᤕᤧ ᤜᤧᤰᤁᤩᤠᤱ ᤂᤧᤴ ᤜᤷᤍᤥ ᤔᤧᤴᤜᤧᤰᤁᤣ ᤘᤕᤧᤖᤥ॥  
\v 4 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤗᤠᤶᤔᤥ ᤁᤧᤏᤧᤒᤠ ᤐᤠᤱᤈᤢᤶᤜᤠ᤹ ᤌᤵᤔᤣ ᤕᤖᤢᤛᤗᤧᤔᤛ᤻ᤔᤠ ᤛᤣ᤺ᤰᤕᤢᤰᤔᤡᤒᤠ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤏᤡ᤺ᤴᤎᤥ ᤔᤧᤈᤥᤃᤢᤒᤠ ᤌᤡᤶᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠᤖᤥ ᤑᤠ᤹ᤀᤠᤱ ᤏᤛᤠᤏᤡᤒᤠᤜᤠ᤹ ᤔᤧᤔᤧᤳᤋᤢᤛᤡᤖᤥ॥  
\v 5 ᤜᤧᤰᤁᤣᤗ᤹ᤖᤡᤰ ᤛᤣᤛᤣᤜᤢᤵᤗᤰᤜᤠ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤔᤧᤒᤥ᤺ᤰᤂᤧᤖ ᤌᤡᤰᤕᤠ᤺ᤴᤎᤰ ᤔᤧᤒᤥ᤺ᤖᤧᤖ ᤔᤧᤒᤣᤖᤥ॥ 
\s1 ᤐᤠᤘᤗᤖᤧ ᤋᤪᤥᤀᤠᤛ᤻ᤛᤥ ᤋᤠᤍᤡᤃᤧᤴ ᤛᤢᤑᤥ ᤏᤡ᤺ᤛᤢ᤹ 
\p  
\v 6 ᤐᤠᤘᤗ ᤏᤢ ᤁᤢᤴᤍᤣ᤺ᤱᤜᤠ᤹ ᤑᤪᤡᤃᤡᤕᤠ ᤏᤢ ᤃᤗᤠᤋᤡᤕᤠᤛ᤻ᤔᤠ ᤌᤢᤶᤔᤥ ᤗᤠᤶᤍᤡ᤺ᤰ ᤔᤧᤈᤥᤃᤧ. ᤌᤣᤀᤠᤱᤓᤧᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤂᤧᤴ ᤕᤧᤶᤔᤥ ᤂᤧᤱᤜᤠ᤹ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤛᤢᤏᤠᤀᤡᤱ ᤛᤧ᤺ᤔᤠ ᤛᤠᤰᤋᤢᤛᤡᤀᤠᤱ ᤘᤕᤧᤖᤥ॥  
\v 7 ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤠᤀᤡᤛᤡᤕᤠᤛ᤻ᤔᤠ ᤀᤡ᤺ᤴᤎᤥᤀᤥ ᤔᤧᤃᤧᤖᤧᤀᤠᤱ ᤒᤡᤌᤠᤏᤡᤕᤠᤛ᤻ᤔᤠ ᤌᤢᤶᤔᤥ ᤐᤣ᤺ᤰᤔᤠ ᤋᤶᤛᤡᤴ ᤔᤧᤈᤥᤃᤧ. ᤁᤖ ᤕᤧᤛᤢᤖᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤜᤧᤰᤁᤣ ᤆᤥ᤺ᤰᤔᤠ ᤂᤧᤱᤜᤠ᤹ ᤔᤧᤒᤠᤱᤄᤢᤴᤛᤡᤴᤗᤥ॥  
\v 8 ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ ᤏᤠᤶᤎᤠ ᤐᤡᤛᤠᤱᤒᤠ ᤔᤠᤀᤡᤛᤡᤕᤠ ᤔᤧᤒᤥ᤺ᤰᤂᤧᤖ ᤋᤪᤥᤀᤠᤛ ᤕᤧᤰᤕᤰᤁᤥ ᤔᤧᤒᤣ॥  
\v 9 ᤂᤧᤵᤔᤥ ᤂᤧᤴ ᤛᤧᤴᤍᤡᤰ ᤐᤠᤘᤗᤖᤧ ᤋᤠᤍᤡᤃᤧᤴ ᤛᤢᤑᤥᤎᤡᤰ ᤏᤡ᤺ᤛᤢ॥ ᤂᤧᤵᤔᤥ ᤔᤧᤛᤣᤍᤥᤏᤡᤕᤠᤛ᤻ᤔᤠ ᤔᤏᤠᤎᤡᤰ ᤔᤧᤛᤣᤍᤥᤏᤡᤕᤠᤀᤥ ᤌᤠᤅᤧᤀᤠᤱ ᤀᤠᤏᤡᤃᤧ ᤕᤠᤵᤔᤡ ᤁᤢᤓᤠ᤹ ᤀᤠᤒᤡᤖᤧ᤹ ᤗ᤹ᤖᤡᤰ ᤐᤣᤗᤡ ᤑᤠᤰᤋᤢᤖ ᤕᤧᤒᤧᤒᤠ ᤏᤡ᤺ᤛᤢᤖᤥ॥  
\v 10 ᤐᤠᤘᤗᤖᤧ ᤁᤴ ᤋᤠᤍᤡᤃᤧᤴ ᤛᤢᤑᤥ᤺ᤴ ᤏᤡ᤺ᤛᤢᤀᤠᤱ ᤀᤠᤏᤡᤃᤧ\f * \fr 16:10 \ft ᤁᤴ ᤛᤠᤵᤐᤴ ᤁᤧᤛᤠᤵᤐᤠ ᤗᤢᤁᤠ᤺ᤸᤗᤧ ᤋᤪᤥᤀᤠᤛ ᤕᤧᤰᤕᤰᤁᤥᤗᤠᤶ ᤋᤣ᤺ᤱ ᤔᤧᤳᤋᤢᤛᤡᤖᤥ॥\f* ᤂᤡᤔᤥ ᤔᤧᤛᤣᤍᤥᤏᤡᤕᤠᤀᤥ ᤐᤣ᤺ᤰᤔᤠ ᤕᤠᤖᤡᤵ ᤐᤥ᤺ᤰᤂᤡᤃᤧ. ᤌᤣᤀᤠᤱᤓᤧᤸᤗᤧ ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤵᤔᤥᤒᤠ ᤔᤏᤠᤜᤠ᤹ᤀᤥ ᤛᤢᤏᤠᤀᤡᤱ ᤛᤧ᤺ᤔᤠ ᤕᤠᤵᤔᤡ ᤀᤢ᤺ᤳᤋᤧᤒᤠ ᤑᤠ᤹ᤀᤠᤱ ᤏᤡ᤺ᤴᤎᤥ ᤆᤥ᤺ᤰᤔᤏᤠᤖᤥ॥ 
\s1 ᤗᤡᤍᤡᤕᤠᤖᤧ ᤍᤠᤱᤒᤠᤀᤥ ᤏᤛᤠ᤺ᤴ ᤆᤥᤃᤢ᤹ 
\p  
\v 11 ᤀᤠᤏᤡᤃᤧ ᤋᤪᤥᤀᤠᤛ ᤗᤧᤵᤔᤏᤠᤀᤠᤱ ᤘᤠᤗᤠᤎᤠᤗᤠᤶ ᤛᤠᤔᤥᤌᤪᤧᤛ ᤘᤠᤃᤵᤂᤠᤶ ᤐᤣ᤺ᤰᤔᤏᤠ॥ ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤏᤡᤕᤠᤐᤥᤗᤡᤛ ᤁᤧᤖᤡᤃᤧᤖᤥ॥  
\v 12 ᤂᤧᤵᤔᤥᤗᤠᤶ ᤀᤠᤏᤡᤃᤧ ᤗᤠᤱᤄᤣ᤺ᤰᤔᤏᤠᤀᤠᤱ ᤑᤡᤗᤡᤵᤐᤡᤀᤥ ᤁᤧᤵᤔᤏᤠᤖᤥ॥ ᤂᤧᤱᤃ ᤔᤧᤛᤣᤍᤥᤏᤡᤕᤠᤛ᤻ᤔᤠ ᤌᤢᤶᤔᤥᤒᤠ ᤁᤧᤕᤧᤰᤐᤠ ᤕᤧᤰᤕᤰ ᤏᤢ ᤖᤥᤔᤡ ᤕᤰᤗᤠᤈᤣ᤹ᤀᤠᤱ ᤘᤕᤧᤖᤥ॥ ᤂᤧᤵᤔᤥ ᤀᤠᤏᤡᤃᤧ ᤁᤢᤓᤠ ᤕᤧᤴ ᤘᤕᤡᤃᤧᤖᤥ॥ 
\p  
\v 13 ᤜᤧᤰᤁᤩᤠᤱ ᤘᤣ᤹ᤛ᤻ᤔᤠ ᤏᤠ᤺ᤶᤛᤡᤱ ᤕᤧᤴᤏᤥ ᤀᤠᤏᤡᤃᤧ ᤕᤧᤰᤕᤰᤁᤥᤛ᤻ᤔᤠ ᤘᤠᤜᤱ ᤗᤧᤵᤔᤠᤱᤒᤠ ᤁᤢᤕᤠᤀᤥ ᤐᤣ᤺ᤰᤔᤏᤠ॥ ᤁᤴ ᤋᤧᤴᤏᤡᤴ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤋᤢᤘᤠ ᤆᤥ᤺ᤰᤔᤠᤍᤧᤴ ᤑᤠ᤹ᤀᤠᤱ ᤀᤠᤏᤡᤃᤧ ᤏᤡᤱᤘᤠ᤹ ᤀᤡ᤺ᤵᤔᤏᤠᤖᤥ॥ ᤀᤠᤏᤡᤃᤧ ᤂᤧᤵᤔᤥ ᤛᤣᤘᤠ ᤆᤥ᤺ᤰᤛᤧ ᤁᤧᤈᤢᤶᤔᤠ ᤔᤧᤴᤇᤢᤔᤠᤜᤠ᤹ᤏᤢ ᤋᤠ᤹ᤈᤧᤱᤔᤏᤠᤖ ᤕᤢᤱᤔᤏᤠᤖᤥ॥  
\v 14 ᤂᤧᤵᤔᤥ ᤛᤢᤏᤠᤀᤡᤱ ᤁᤧᤄᤧᤶᤔᤠᤜᤠ᤹ᤀᤥ ᤗᤡᤍᤡᤕᤠ ᤔᤧᤵᤔᤏᤠᤔᤠ ᤌᤡᤕᤠᤋᤡᤖᤠ ᤕᤧᤰᤕᤰᤁᤥᤛ᤻ᤔᤠ ᤐᤖᤠᤴᤗᤠ ᤋᤣ᤺ᤳ ᤗᤧᤱᤜᤱ ᤁᤧᤈᤥ᤺ᤰᤔᤠᤎᤡᤰ ᤘᤕᤧ॥ ᤜᤧᤰᤁᤩᤠᤱ ᤂᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤔᤠ ᤌᤡᤶᤔᤧᤴᤍᤱ ᤛᤢᤘᤠᤱᤛ᤻ᤔᤠ ᤘᤕᤧ॥ ᤐᤠᤘᤗᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤢᤀᤠᤱ ᤏᤛᤠ᤺ᤴ ᤆᤥᤃᤢᤖ ᤑᤠ᤹ᤀᤠᤱ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤜᤴᤍᤢ ᤐᤡᤖᤢ॥  
\v 15 ᤜᤧᤰᤁᤩᤠᤱ ᤂᤢᤏᤧ᤹ ᤏᤢ ᤁᤠᤰ ᤁᤢᤜᤡᤶᤛᤕᤱᤜᤠ᤹ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧ॥ ᤜᤧᤰᤁᤩᤠᤱ ᤂᤧᤸᤗᤧ ᤀᤡᤱᤃᤠ᤹ ᤛᤧᤰᤂᤠᤀᤣ ᤍᤠᤱᤒᤠᤸᤗᤧ ᤁᤢᤏᤛᤠᤏᤡᤔᤠ ᤑᤠ᤹ᤀᤠᤱ ᤕᤠᤵᤔᤡ ᤁᤧᤀᤡ᤺ᤳᤋᤡᤏᤧ ᤑᤠ᤹ᤃᤪ ᤀᤠᤜᤡᤶᤔᤥ ᤋᤩᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ᤀᤥ ᤗ᤹ᤖᤡᤰ ᤕᤠᤵᤔᤡ ᤀᤢ᤺ᤳᤋᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤜᤡᤶᤔᤥ ᤕᤠᤵᤔᤡ ᤋᤣ᤹ᤔᤠ ᤑᤠ᤹ᤀᤠᤱ ᤛᤠᤰᤁᤧᤸᤗᤧᤰ ᤆᤥᤃᤧᤖᤥ॥ 
\s1 ᤐᤠᤘᤗ ᤏᤢ ᤛᤡᤗᤠᤛᤧᤴ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤛᤡ᤹ 
\p  
\v 16 ᤌᤡᤰᤕᤧᤴ ᤀᤠᤏᤡᤃᤧ ᤋᤢᤘᤠ ᤆᤥ᤺ᤰᤔᤠᤍᤧᤴᤏᤥ ᤐᤣ᤺ᤰᤔᤏᤠᤖ ᤐᤵᤔᤏᤠ᤺ᤸᤗᤧ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤔᤠ ᤕᤥ᤺ᤰᤔᤠᤎᤡᤰ ᤋᤢᤶᤏᤠ॥ ᤂᤧᤸᤗᤧ ᤂᤠᤀᤡᤃᤢᤀᤠᤱ ᤁᤢᤴᤍᤠᤱᤒᤠᤜᤠ᤹ ᤕᤖᤡᤰ ᤕᤠᤱ ᤌᤃᤢ ᤐᤡᤖᤢᤛᤡᤖ ᤘᤕᤧᤖᤥ॥  
\v 17 ᤂᤧᤸᤗᤧ ᤐᤠᤘᤗ ᤏᤢ ᤀᤠᤏᤡᤃᤧ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧᤖ ᤕᤠᤵᤔᤡ ᤋᤡᤶᤍᤧᤖᤥ. “ᤁᤴ ᤔᤏᤠᤜᤠ᤹ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤛᤡᤖᤥ॥ ᤁᤱᤜᤠ᤹ᤖᤧ ᤀᤠᤰᤂᤣᤗ᤹ᤖᤡᤰ ᤛᤧᤴᤗᤵ ᤁᤧᤄᤥ᤺ᤛᤢᤶ ᤂᤧᤴ ᤂᤡᤏᤡ᤹ ᤁᤧᤶᤔᤧᤳᤋᤡᤖᤥ॥”  
\v 18 ᤂᤧᤸᤗᤧ ᤕᤖᤡᤰ ᤕᤧᤴ ᤌᤠᤖᤡᤰ ᤜᤧᤰᤁᤣ ᤆᤥᤃᤢᤖ ᤏᤧᤛ᤻ᤛᤧ॥ ᤜᤧᤰᤁᤩᤠᤱ ᤐᤠᤘᤗᤧᤴ ᤁᤢᤏᤡᤱᤄᤧᤴᤍᤢᤒᤠᤸᤗᤧ ᤆᤥᤃᤢᤸᤗᤧ ᤜᤡᤛᤡᤱᤅᤠᤱ ᤂᤧᤴ ᤕᤥ᤺ᤰᤔᤠᤀᤥ ᤁᤧᤕᤠᤰᤐᤠ ᤑᤧᤴᤛᤠᤶᤔᤡᤴ ᤀᤰᤂᤣ ᤔᤧᤳᤋᤢᤖ ᤑᤧ᤺ᤰᤋᤢᤖᤥ. “ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤢᤰᤛᤠᤶᤔᤡᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤥᤗᤠᤶ ᤗ᤺ᤴᤍᤧ ᤐᤣᤃᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤏᤧ॥” ᤂᤡᤔᤥ ᤂᤧᤴ ᤑᤧᤴᤛᤠᤶᤔᤡᤴᤏᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤐᤰᤌ᤺ᤀᤠᤱ ᤐᤣᤖᤥ॥ 
\p  
\v 19 ᤜᤧᤰᤁᤩᤠᤱ ᤂᤧᤴ ᤕᤥ᤺ᤰᤔᤠᤸᤗᤧ ᤁᤢᤴᤍᤠᤱᤒᤠᤜᤠ᤹ᤖᤧ ᤀᤠᤸᤗ ᤕᤠᤱᤌᤰᤔᤠ ᤗᤠᤶᤔᤡᤴ ᤏᤢᤒᤧᤒᤠ ᤔᤧᤏᤡ᤺ᤛᤢᤀᤠᤱ ᤐᤠᤘᤗ ᤏᤢ ᤛᤡᤗᤠᤛᤧᤴ ᤔᤧᤍᤧᤶᤛᤢᤛᤡᤀᤠᤱ ᤔᤧᤀᤢ᤺ᤰᤂᤢᤛᤡᤖ ᤕᤧᤰᤕᤰᤛ᤻ᤔᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤥ ᤔᤧᤍᤠᤖᤢᤛᤡᤖᤥ॥  
\v 20 ᤂᤧᤱᤜᤠ᤹ᤖᤧ ᤖᤥᤔᤡ ᤛᤢᤜᤠᤱᤕᤢᤰᤐᤠᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡ. “ᤁᤴ ᤔᤏᤠᤜᤠ᤹ ᤕᤜᤢᤍᤡᤛᤡᤖᤥ. ᤜᤧᤰᤁᤩᤠᤱ ᤁᤱᤜᤠ᤹ᤖᤧ ᤀᤠᤏᤡ᤹ ᤕᤧᤰᤕᤰᤁᤥ ᤜᤕᤱᤁᤡᤸᤗᤡᤱ ᤆᤥ᤺ᤰᤛᤢᤖ ᤕᤠᤰᤛᤡᤖᤥ॥  
\v 21 ᤂᤧᤱᤜᤠ᤹ᤖᤧ ᤀᤠᤏᤡ᤹ ᤖᤥᤔᤡ ᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥᤒᤠ ᤛᤠᤰᤌᤡᤶᤜᤠ᤹ ᤜᤢ᤹ᤛᤢᤛᤡᤖ ᤕᤠᤰᤛᤡᤖᤥ॥ ᤀᤠᤏᤡ᤹ ᤖᤥᤔᤡᤜᤠ᤹ᤖᤧᤃ ᤂᤧᤴ ᤋᤧᤴᤍᤡᤱ ᤆᤥ᤺ᤰᤔᤠ ᤏᤢ ᤀᤡ᤺ᤵᤔᤠ ᤏᤠ᤺ᤵᤔᤠ ᤛᤢᤰᤔᤧᤍᤧᤳᤋᤡᤴᤗᤥ॥” 
\p  
\v 22 ᤜᤧᤰᤁᤣ᤺ᤸᤗᤧ ᤂᤧᤵᤔᤥ ᤁᤧᤈᤢᤶᤒᤠᤀᤠᤱ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤂᤢᤴᤇᤡ᤹ ᤜᤡᤵᤛᤧ ᤔᤧᤓᤢᤱᤛᤡᤱ ᤜᤧᤰᤁᤩᤠᤱ ᤕᤧᤰᤕᤰᤁᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧᤀᤠᤱ ᤐᤠᤘᤗ ᤏᤢ ᤛᤡᤗᤠᤛᤖᤧ ᤂᤢᤴᤇᤡ᤹ ᤆᤠᤱᤍᤣ᤺ᤳᤜᤠ᤹ ᤑᤧᤶᤔᤠᤀᤠᤱ ᤜᤡᤵᤔᤠ ᤔᤧᤒᤠᤱᤄᤢᤛᤡ॥  
\v 23 ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤠ᤹ᤖᤡᤰ ᤋᤧ᤺ᤶᤓᤢᤰ ᤔᤧᤕᤠᤰᤋᤢᤛᤡᤀᤠᤱ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤛᤡᤖᤥ॥ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤐᤢᤱᤗᤠᤀᤡᤱᤒᤠᤴ ᤏᤢ᤺ᤖᤡᤰᤁᤠᤱ ᤂᤧᤱᤜᤠ᤹ ᤁᤥᤔᤠ ᤐᤠᤱᤄᤧᤛᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤔᤧᤒᤡᤖᤢᤖᤥ॥  
\v 24 ᤀᤰᤋᤱᤒᤠ ᤀᤡᤱᤈᤠ᤺ᤱ ᤂᤥ᤺ᤛᤢᤀᤠᤱ ᤐᤢᤱᤗᤠᤀᤡᤱᤒᤠᤸᤗᤧ ᤂᤧᤱᤜᤠ᤹ ᤐᤢᤱᤗᤠᤜᤡᤶᤔᤥᤒᤠ ᤛᤡᤃᤠᤱᤛ᤻ᤔᤠ ᤕᤠᤰᤑᤠᤀᤥ ᤂᤢᤴᤇᤡ᤹ ᤗᤠᤱᤜᤠ᤹ ᤑᤧᤴᤌᤰᤁᤪᤱᤅᤥ ᤕᤠᤰᤐᤠᤱᤄᤢᤛᤡᤀᤠᤱ ᤛᤠᤰᤋᤢᤛᤡᤖᤥ॥ 
\p  
\v 25 ᤛᤧᤳᤗᤢᤶ ᤑᤰᤋᤧᤖ ᤐᤳᤇᤧᤸᤗᤧ ᤐᤠᤘᤗ ᤏᤢ ᤛᤡᤗᤠᤛᤧᤴ ᤋᤢᤘᤠ ᤆᤥᤃᤢᤛᤡᤖ ᤛᤠᤶᤗᤥᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤧᤳᤇᤢᤖ ᤕᤠᤃᤧᤳᤇᤡᤖᤥ॥ ᤘᤣ᤹ ᤐᤢᤱᤗᤠᤎᤠᤒᤠᤜᤠ᤹ᤖᤧᤀᤠᤱ ᤂᤧᤱᤜᤠ᤹ ᤔᤧᤄᤧᤵᤛᤢᤛᤡᤖ ᤔᤧᤕᤢᤅᤧᤖᤥ॥  
\v 26 ᤜᤰᤆᤄᤳ ᤁᤡᤵᤔᤠ ᤁᤧᤄᤢ᤺ᤒᤠ ᤗᤢᤵᤗᤡ ᤌᤠᤅᤧᤀᤠᤱ ᤐᤢᤱᤗᤠᤜᤡᤶ ᤕᤰᤜᤠ᤹ᤀᤣ ᤕᤰᤂᤢᤖ ᤗᤠᤶᤎᤣ᤺ᤵᤜᤠ᤹ ᤜᤸᤗᤧᤰ ᤘᤖᤧᤰ ᤜᤖᤧᤀᤠᤱ ᤁᤧᤖᤧᤰ ᤐᤢᤱᤗᤠᤎᤠᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤄᤣ᤺ᤱᤜᤠ᤹ ᤐᤠ᤺ᤰᤂᤧᤖᤥ॥  
\v 27 ᤜᤧᤰᤁᤣ᤺ᤸᤗᤧ ᤐᤢᤱᤗᤠᤀᤡᤱᤒᤠᤴ ᤁᤢᤔᤡᤰ ᤛᤥᤖᤧᤀᤠᤱ ᤐᤢᤱᤗᤠᤜᤡᤶᤔᤥᤒᤠ ᤗᤠᤶᤎᤣ᤺ᤵᤜᤠ᤹ ᤜᤖᤧᤀᤠᤱ ᤐᤳᤇᤧᤒᤠ ᤏᤡ᤺ᤛᤢ ᤜᤧᤰᤁᤩᤠᤱ ᤐᤢᤱᤗᤠᤎᤠᤒᤠᤜᤠ᤹ ᤔᤧᤄᤧᤳᤇᤡᤱ ᤔᤧᤒᤣᤒᤡᤗᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢ॥ ᤜᤧᤰᤁᤣ᤺ᤸᤗᤧ ᤜᤣ᤺ᤛᤢᤒᤠ ᤋᤠᤓᤣ᤺ᤴ ᤋᤖᤵ ᤑᤡ᤺ᤰᤂᤢᤀᤠᤱ ᤛᤧᤳᤇᤡᤱᤔᤠ ᤁᤥ᤺ᤳᤋᤢᤖᤥ॥  
\v 28 ᤁᤖ ᤐᤠᤘᤗᤖᤧ ᤀ᤺ᤰᤋᤧᤖ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤠᤀᤣ. ᤌᤣᤀᤠᤱ ᤔᤧᤔᤧᤳᤇᤡᤅᤧᤴᤏᤧ᤹ᤀᤥ᥄ ᤀᤠᤏᤡᤃᤧᤃ ᤂᤠ ᤁᤵᤔᤥᤀᤣ ᤕᤠᤃᤡᤃᤧ᤹ᤖᤥ॥” 
\p  
\v 29 ᤂᤧᤴ ᤐᤢᤱᤗᤠᤀᤡᤱᤒᤠᤸᤗᤧ ᤛᤣᤔᤡ᤺ᤴ ᤜᤠ᤺ᤶᤔᤠ ᤐᤠᤱᤄᤢᤛᤡᤀᤠᤱ ᤛᤡᤃᤠᤱ ᤗᤥ᤺ᤰᤋᤧᤖ ᤋᤩᤧ॥ ᤂᤧᤴ ᤕᤰᤂᤧᤖ ᤐᤠᤘᤗ ᤏᤢ ᤛᤡᤗᤠᤛᤖᤧ ᤂᤢᤴᤇᤡ᤹ ᤗᤠᤱᤈᤰᤐᤥ ᤌᤢᤱᤒᤥᤜᤈ᤹ ᤕᤢᤱᤛᤡᤱᤗᤥ॥  
\v 30 ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡᤀᤠᤱ ᤛᤣ᤺ᤴᤍᤥᤛᤢᤛᤡ. “ᤀᤠᤍᤠᤱᤒᤠᤛᤣ. ᤀᤡᤱᤃᤠ᤹ ᤌᤣ ᤆᤥᤃᤢᤱᤅᤡᤸᤗᤧ ᤛᤧᤴᤗᤵ ᤂᤥᤀᤠᤒᤣ᥅” 
\p  
\v 31 ᤂᤧᤱᤜᤠ᤹ᤖᤧ ᤏᤥᤃᤵ ᤐᤡᤖᤧᤳᤇᤢ. “ᤍᤠᤱᤒᤠ ᤕᤧᤛᤢ᤺ᤴ ᤏᤛᤠ᤺ᤴ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤏᤧ᤹ ᤛᤧᤴᤗᤵ ᤁᤧᤄᤥ᤺ᤛᤢ᤹. ᤜᤧᤰᤁᤣᤗ᤹ᤖᤡᤰᤁᤣ ᤁᤧᤜᤡᤶᤛᤕᤱᤜᤠ᤹ᤖᤧᤀᤠᤱ ᤏᤛᤠ᤺ᤴ ᤔᤧᤈᤥᤃᤢᤏᤧ ᤑᤠ᤹ᤃᤪ ᤛᤧᤴᤗᤵ ᤔᤧᤄᤥ᤺ᤛᤢ᤹ᤖᤥ॥”  
\v 32 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠᤰᤁᤡᤴ ᤂᤢᤏᤧ᤹ ᤏᤢ ᤁᤢᤜᤡᤶᤛᤕᤱᤜᤠ᤹ ᤆᤧᤰᤋᤧᤳᤇᤢᤛᤡᤀᤠᤱ ᤂᤧᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤖᤥ॥  
\v 33 ᤛᤧᤴᤍᤡᤰ ᤒᤠᤂᤧᤴ ᤕᤧᤶᤔᤥ ᤐᤢᤱᤗᤠᤀᤡᤱᤒᤠᤸᤗᤧ ᤂᤧᤱᤜᤠ᤹ ᤋᤣ᤹ᤖᤢᤛᤡᤀᤠᤱ ᤂᤢᤴᤇᤡ᤹ ᤕᤠᤱᤄᤣ᤺ᤰᤜᤠ᤹ ᤘᤠᤜᤵᤋᤢ ᤐᤡᤖᤢᤛᤡ. ᤜᤧᤰᤁᤩᤠᤱ ᤐᤢᤱᤗᤠᤀᤡᤱᤒᤠᤴ ᤏᤢ ᤁᤢᤜᤡᤶᤛᤕᤱᤜᤠ᤹ ᤂᤡᤔᤥ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤖᤥ॥  
\v 34 ᤂᤧᤸᤗᤧ ᤐᤠᤘᤗ ᤏᤢ ᤛᤡᤗᤠᤛᤧᤴ ᤁᤢᤜᤡᤶᤔᤥ ᤋᤣ᤹ᤖᤢᤛᤡᤀᤠᤱ ᤆᤠᤔᤠ ᤌᤢᤱᤔᤠ ᤐᤡᤖᤢᤛᤡ॥ ᤂᤢᤏᤧ᤹ ᤏᤢ ᤁᤢᤜᤡᤶᤛᤕᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤛᤠ᤹ᤖᤡᤰ ᤀᤥᤔᤢ ᤔᤧᤗ᤹ᤖᤧᤖᤥ॥ 
\p  
\v 35 ᤁᤢᤍᤠ᤺ᤴᤍᤡᤰᤔᤠ ᤒᤠ ᤂᤧᤴ ᤕᤧᤰᤕᤰᤁᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤜᤠᤖᤠ᤹ ᤐᤢᤱᤗᤠᤀᤡᤱᤒᤠᤸᤗᤧ ᤂᤧᤴ ᤔᤏᤠᤜᤠ᤹ ᤐᤢᤱᤗᤠᤜᤡᤶᤔᤥᤗᤠᤶ ᤐᤣ᤺ᤰᤔᤠ ᤐᤠᤱᤄᤢᤛᤡᤏᤡ ᤑᤠ᤹ᤀᤠᤱ ᤋᤡᤗᤡᤱᤃᤠᤜᤠ᤹ᤗᤠᤶ ᤀᤡᤱᤈᤠ᤺ᤱ ᤔᤧᤜᤠᤰᤋᤢᤖᤥ॥  
\v 36 ᤜᤧᤰᤁᤣ᤺ᤸᤗᤧ ᤐᤢᤱᤗᤠᤀᤡᤱᤒᤠᤸᤗᤧ ᤐᤠᤘᤗᤧᤴ ᤀᤰᤂᤣ ᤔᤧᤳᤋᤢ. “ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤧᤏᤧ᤹ ᤏᤢ ᤛᤡᤗᤠᤛᤧᤴ ᤗᤧᤵᤔᤠᤍᤣ᤺ᤔᤠᤏᤧᤛᤡᤱ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤔᤧᤜᤠᤅᤢᤀᤠᤱ ᤔᤧᤘᤠ᤹॥ ᤜᤧᤰᤁᤣ᤺ᤸᤗᤧ ᤂᤡᤴᤇᤡ᤹ ᤐᤣ᤺ᤰᤔᤠ ᤁᤧᤛᤢᤰᤛᤢᤖᤥ॥ ᤏᤢ᤺ᤖᤡᤰᤁᤠᤱ ᤐᤣᤛᤧᤳᤇᤧ᤹ᤀᤥ॥” 
\p  
\v 37 ᤁᤖ ᤐᤠᤘᤗᤖᤧ ᤂᤧᤴ ᤋᤡᤗᤡᤱᤃᤠᤜᤠ᤹ ᤔᤧᤳᤋᤢᤛᤡ. “ᤀᤠᤴᤇᤡᤃᤧᤃ ᤖᤥᤔᤡ ᤕᤰᤕᤢᤱᤒᤠᤛᤡᤃᤧᤛᤠᤱ\f * \fr 16:37 \ft ᤕᤰᤕᤢᤱᤒᤠᤛᤡᤃᤧ᤹–ᤂᤧᤴ ᤕᤧᤶᤔᤥᤒᤠ ᤖᤥᤔᤡ ᤋᤢ᤺ᤴᤍᤣ᤹ ᤔᤧ᤺ᤴᤏᤣ ᤖᤥᤔᤡ ᤕᤰᤕᤢᤱᤒᤠᤜᤠ᤹ ᤐᤢᤱᤗᤠᤜᤡᤶᤔᤥ ᤛᤠᤰᤔᤠᤛᤡ ᤌᤡᤶ ᤜᤥ᤺ᤵᤋᤧᤖᤥ॥\f* ᤌᤧᤔᤠᤀᤠᤱ ᤋᤢ᤺ᤴᤍᤣ᤹ ᤔᤧ᤺ᤴᤏᤣ ᤔᤏᤠᤗᤢᤶᤔᤥ ᤀᤠᤴᤇᤡᤃᤧ ᤕᤠᤵᤔᤡ ᤋᤧ᤺ᤶᤓᤢᤰ ᤔᤧᤕᤠᤰᤋᤧᤳᤇᤡᤃᤧᤀᤠᤱ ᤐᤢᤱᤗᤠᤜᤡᤶᤔᤥ ᤕᤠᤵᤔᤡ ᤔᤧᤛᤠᤰᤋᤧ॥ ᤀᤠᤸᤗ ᤂᤧᤱᤜᤠ᤹ᤖᤧ ᤛᤫᤠ᤺ᤳᤋᤠᤱ ᤗᤧᤵᤔᤠᤍᤣ᤺ᤔᤠ ᤔᤧᤃᤥ᤺ᤳᤋᤧᤳᤇᤡᤃᤧᤒᤠᤒᤡ᥅ ᤁᤱᤃ ᤐᤥ᤺ᤱᤔᤠ ᤔᤧᤛᤢᤰᤏᤧᤴᤗᤥ᥄ ᤜᤠᤖᤠ᤹ ᤛᤢᤜᤠᤱᤕᤢᤰᤐᤠᤜᤠ᤹ᤀᤣ ᤁᤵᤔᤥ ᤔᤧᤍᤠᤀᤠᤱ ᤔᤧᤗᤧᤳᤇᤡᤃᤧᤖ ᤐᤥ᤺ᤱᤗᤥ॥” 
\p  
\v 38 ᤜᤧᤰᤁᤩᤠᤱ ᤋᤡᤗᤡᤱᤃᤠᤜᤠ᤹ᤖᤧ ᤛᤢᤜᤠᤱᤕᤢᤰᤐᤠᤜᤠ᤹ ᤒᤠᤁᤴ ᤐᤠ᤺ᤴᤜᤠ᤹ ᤔᤧᤔᤧᤳᤋᤢᤛᤡ॥ ᤂᤧᤱᤜᤠ᤹ᤖᤧ ᤐᤠᤘᤗ ᤏᤢ ᤛᤡᤗᤠᤛᤧᤴ ᤖᤥᤔᤡ ᤕᤰᤕᤢᤱᤒᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤂᤧᤱᤜᤠ᤹ ᤔᤧᤃᤡᤛᤧᤖᤥ॥  
\v 39 ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤵᤔᤥ ᤔᤧᤍᤩᤧᤀᤠᤱ ᤔᤧᤏ᤺ᤶᤛᤡᤱᤗ ᤂᤧᤱᤜᤠ᤹ᤏᤢ ᤗᤧᤵᤔᤡ ᤔᤧᤏᤠ᤺ᤰᤋᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤢᤱᤗᤠᤜᤡᤶᤔᤥᤗᤠᤶ ᤗᤠ᤺ᤰᤁᤠᤳ ᤔᤧᤗ᤺ᤳᤋᤢᤛᤡᤀᤠᤱ ᤀᤠᤸᤗ ᤁᤴ ᤕᤧᤰᤕᤰᤁᤥᤗᤠᤶ ᤐᤣᤛᤧᤇᤧ᤹ᤀᤥ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤛᤡᤖᤥ॥  
\v 40 ᤜᤧᤰᤁᤩᤠᤱ ᤐᤠᤘᤗ ᤏᤢ ᤛᤡᤗᤠᤛᤧᤴ ᤂᤧᤵᤔᤥᤗᤠᤶ ᤗᤡᤍᤡᤕᤠᤖᤧ ᤁᤢᤜᤡᤶᤔᤥ ᤐᤣᤛᤡ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤗᤡᤍᤡᤕᤠ ᤏᤢ ᤘᤣ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤋᤢᤔᤧᤳᤇᤢᤖ ᤀᤠ᤺ᤴᤇᤡᤱᤔᤠ ᤐᤡᤖᤧᤳᤇᤢᤀᤠᤱ ᤂᤧᤵᤔᤥᤗᤠᤶ ᤐᤣᤛᤡᤖᤥ॥ 
\c 17  
\s1 ᤌᤡᤛ᤻ᤛᤗᤥᤏᤡᤁᤠᤀᤥ ᤏᤡᤱᤄᤢᤶ 
\p  
\v 1 ᤐᤠᤘᤗ ᤏᤢ ᤛᤡᤗᤠᤛᤧᤴ ᤀᤶᤑᤡᤐᤥᤗᤡᤛ ᤏᤢ ᤀᤵᤐᤥᤗᤥᤏᤡᤕᤠ ᤐᤥ᤺ᤰᤂᤧᤛᤡᤖ ᤌᤡᤛ᤻ᤛᤗᤥᤏᤡᤁᤠ ᤕᤧᤰᤕᤰᤁᤥ ᤁᤧᤖᤧᤳᤇᤡ॥ ᤂᤧᤵᤔᤥ ᤕᤜᤢᤍᤡ ᤆᤢᤶᤗᤢᤱᤜᤡᤶᤎᤡᤰ ᤏᤧᤛ᤻ᤛᤧ॥  
\v 2-3 ᤐᤠᤘᤗᤖᤧ ᤏᤠ᤺ᤶᤛᤡᤱ ᤕᤧᤴ ᤌᤵᤔᤣ ᤂᤢᤏᤧ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣ᤺ᤸᤗᤧ ᤛᤢᤶᤗᤧᤱ ᤏᤠ᤺ᤶᤛᤡᤱᤔᤠ ᤕᤧᤴᤏᤥ ᤂᤧᤵᤔᤥᤒᤠ ᤔᤏᤠᤜᤠ᤹ ᤀᤠᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤋᤢᤰᤂᤣ ᤆᤠᤀᤠᤱ ᤛᤡ᤹᤺ ᤜᤧᤰᤁᤩᤠᤱ ᤛᤡ᤺ᤔᤧᤴᤗᤠᤶ ᤜᤡᤱ ᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤗᤠᤶ ᤀᤥᤛᤣ᤺ᤴᤎᤠᤰᤋᤢᤛᤡ॥ “ᤀᤡᤱᤃᤠ᤹ ᤀᤡᤱᤓᤥ᤺ᤛᤢᤱᤒᤠ ᤁᤴ ᤕᤧᤛᤢ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ” ᤔᤧᤳᤋᤢᤛᤡ॥  
\v 4 ᤂᤧᤵᤔᤥ ᤁᤧᤘᤠ᤹ᤒᤠ ᤁᤢᤓᤠ ᤕᤜᤢᤍᤡᤜᤠ᤹ ᤁᤴ ᤐᤠ᤺ᤴᤏᤡᤸᤗᤧ ᤂᤢᤏᤡ᤹ ᤏᤡᤱᤘᤠ᤹ ᤋᤩᤧᤀᤠᤱ ᤜᤢ᤹ᤛᤠᤶᤒᤠ ᤔᤧᤒᤥ᤺ᤰᤂᤧᤖᤥ॥ ᤂᤧᤵᤔᤥᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤕᤖᤡᤰ ᤃᤪᤡᤰᤜᤠ᤹ ᤏᤢ ᤔᤡᤱᤛᤥᤍᤠᤱᤔᤠ ᤔᤧᤴᤇᤢᤔᤠᤜᤠ᤹ᤖᤧᤀᤠᤱ ᤏᤛᤠ᤺ᤴ ᤔᤧᤈᤥᤃᤢᤖᤥ॥ 
\p  
\v 5 ᤁᤖ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤕᤜᤢᤍᤡᤜᤠ᤹ᤖᤧ ᤂᤧᤱᤜᤠ᤹ ᤏᤠᤔᤧᤜᤧᤳᤋᤢᤛᤡᤀᤠᤱ ᤂᤧᤴ ᤕᤧᤰᤕᤰᤁᤥᤒᤠ ᤀᤠᤗᤧᤵᤐᤠ ᤗᤧᤃᤧᤒᤠᤜᤠ᤹ ᤔᤧᤛᤢᤵᤛᤢᤛᤡᤀᤠᤱ ᤔᤧᤜᤢᤛᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤧᤰᤕᤰᤁᤥ ᤐᤕᤶ ᤜᤕᤱᤁᤡᤸᤗᤡᤱ ᤔᤧᤈᤥᤃᤢᤀᤠᤱ ᤕᤧᤛᤥᤏᤖᤧ ᤁᤢᤜᤡᤶᤔᤥ ᤔᤧᤒᤣᤀᤠᤱ ᤐᤠᤘᤗ ᤏᤢ ᤛᤡᤗᤠᤛᤧᤴ ᤔᤏᤠᤜᤠ᤹ᤖᤥ ᤋᤣ᤹ᤔᤠ ᤐᤡᤔᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥  
\v 6 ᤁᤖ ᤂᤧᤱᤜᤠ᤹ᤖᤧ ᤂᤧᤵᤔᤥ ᤐᤠᤘᤗ ᤏᤢ ᤛᤡᤗᤠᤛᤧᤴ ᤔᤧᤴᤍᤢᤔᤢᤴᤛᤡᤴ. ᤜᤧᤰᤁᤣ᤺ᤸᤗᤧ ᤕᤧᤛᤥᤏ ᤏᤢ ᤘᤣ᤹ ᤑᤢ᤹ᤏᤢᤛᤠ᤹ ᤏᤛᤠᤏᤡᤒᤠᤜᤠ᤹ ᤕᤧᤰᤕᤰᤁᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤥ ᤀᤰᤂᤣᤗ᤹ᤖᤡᤰ ᤔᤧᤀ᤺ᤰᤋᤧᤖ ᤔᤧᤀᤢ᤺ᤰᤂᤢ ᤔᤧᤍᤠᤖᤢᤛᤡ. “ᤁᤴ ᤔᤏᤠᤜᤠ᤹ᤖᤧ ᤀᤠᤳᤋᤡᤛᤠᤱ ᤋᤢᤰᤂᤣ ᤔᤧᤍᤠᤖᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤃ ᤀᤠᤸᤗᤥ ᤀᤠᤏᤡ᤹ ᤕᤧᤰᤕᤰᤁᤥᤀᤠᤱ ᤔᤧᤍᤩᤧᤀᤠᤱ ᤔᤧᤘᤠ᤹ᤖᤥ॥  
\v 7 ᤕᤧᤛᤥᤏᤖᤧ ᤂᤧᤱᤜᤠ᤹ ᤁᤢᤜᤡᤶᤔᤥ ᤗᤠᤱᤍᤠ᤺ᤰᤔᤠ ᤐᤡᤖᤢᤛᤡᤀᤠᤱ ᤘᤠ᤹॥ ᤂᤧᤱᤜᤠ᤹ᤖᤧᤃ ‘ᤕᤧᤛᤢ ᤔᤧᤵᤔᤏᤠᤒᤠ ᤀᤠᤏᤡ᤹ ᤘᤣ᤹ ᤜᤠᤱ ᤘᤠ᤹’ ᤔᤧᤒᤠ᤺ᤳᤋᤢᤖ ᤖᤥᤔᤡ ᤐᤕᤶ ᤜᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤕᤠ᤺ᤶᤒᤰ ᤔᤧᤈᤥ᤺ᤰᤗᤥ॥”  
\v 8 ᤁᤴ ᤐᤠ᤺ᤴᤏᤡᤴ ᤕᤧᤰᤕᤰᤁᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ ᤏᤢ ᤘᤣ᤹ ᤔᤏᤠᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤂᤢᤏᤡ᤹ ᤛᤡᤰ ᤐᤥᤃᤧᤖᤥ॥  
\v 9 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤧᤛᤥᤏ ᤏᤢ ᤘᤣ᤹ ᤑᤢ᤹ᤏᤢᤛᤠ᤹ᤜᤠ᤹ ᤛᤠᤶᤒᤠ᤺ᤴ ᤔᤧᤃᤢ᤺ᤳᤋᤢᤛᤡᤀᤠᤱ ᤔᤧᤗᤧᤖᤢ ᤔᤧᤍᤣ᤺ᤛᤢᤛᤡᤖᤥ॥ 
\s1 ᤒᤣᤖᤡᤕᤠ ᤕᤧᤰᤕᤰᤁᤥ ᤐᤠᤘᤗ ᤏᤢ ᤛᤡᤗᤠᤛᤧᤴ 
\p  
\v 10 ᤜᤧᤰᤁᤩᤠᤱ ᤛᤧᤴᤍᤡᤰ ᤐᤥ᤺ᤰᤂᤧᤀᤠᤱ ᤂᤡᤔᤥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤐᤠᤘᤗ ᤏᤢ ᤛᤡᤗᤠᤛᤧᤴ ᤒᤣᤖᤡᤕᤠ ᤐᤠᤱᤈᤢᤶ ᤗᤧᤵᤔᤠᤱ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤛᤡ॥ ᤂᤧᤵᤔᤥ ᤁᤧᤖᤧᤳᤇᤡᤀᤠᤱ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤛᤡᤖᤥ॥  
\v 11 ᤒᤣᤖᤡᤕᤠᤛ᤻ᤔᤠ ᤔᤏᤠᤜᤠ᤹ᤃ ᤌᤡᤛ᤻ᤛᤗᤥᤏᤡᤁᤠᤒᤠ ᤔᤏᤠᤜᤠ᤹ᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤁᤧᤜᤶᤒᤠ ᤔᤧᤈᤥᤃᤧ॥ ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤏᤢ᤺ᤖᤡᤰᤁᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤔᤧᤄᤧᤵᤛᤢᤀᤠᤱ ᤌᤡᤰᤕᤠ᤺ᤴᤎᤰ ᤐᤠᤘᤗᤖᤧ ᤐᤠ᤺ᤳᤋᤢᤒᤠᤴ ᤛᤧᤰᤂᤠᤒᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠᤀᤥ ᤔᤧᤃᤥ᤺ᤳᤋᤢ ᤔᤧᤏᤡ᤺ᤖᤢᤖᤥ॥  
\v 12 ᤂᤧᤱᤜᤠ᤹ᤀᤥ ᤕᤖᤡᤰ ᤕᤜᤢᤍᤡᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢ. ᤜᤧᤰᤁᤩᤠᤱ ᤔᤡᤱᤛᤥ ᤀᤡᤱᤎᤠ᤺ᤱᤛᤠᤒᤠ ᤃᤪᤡᤁ ᤕᤧᤶᤒᤡᤳᤇᤠ᤹ ᤔᤧᤴᤇᤢᤔᤠᤜᤠ᤹ᤖᤧᤀᤠᤱ ᤏᤛᤠ᤺ᤴ ᤔᤧᤈᤥᤃᤢᤖᤥ॥ 
\p  
\v 13 ᤁᤖ ᤌᤡᤛ᤻ᤛᤗᤥᤏᤡᤁᤠᤒᤠ ᤕᤜᤢᤍᤡᤜᤠ᤹ᤖᤧ ᤒᤣᤖᤡᤕᤠᤀᤥ ᤐᤠᤘᤗᤖᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤥ᤺ᤛᤢᤖ ᤘᤠ᤹ ᤁᤧᤗ᤹ᤒᤠ ᤔᤧᤄᤧᤵᤛᤢ. ᤜᤧᤰᤁᤣ᤺ᤸᤗᤧ ᤂᤧᤵᤔᤥᤀᤠᤱ ᤔᤧᤍᤩᤧᤀᤠᤱ ᤔᤏᤠᤜᤠ᤹ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤔᤧᤜᤢᤛᤢᤛᤡᤖ ᤔᤧᤓᤥ᤺ᤰᤂᤢᤛᤡᤖᤥ॥  
\v 14 ᤂᤡᤔᤥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤘᤠᤗᤠᤶᤍᤡ᤺ᤰ ᤆᤥ᤺ᤰᤛᤧ ᤐᤠᤘᤗᤧᤴ ᤘᤠᤜᤱᤅᤡᤸᤗᤧ ᤁᤢᤕᤠᤀᤥ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤖᤥ॥ ᤁᤖ ᤛᤡᤗᤠᤛ ᤏᤢ ᤋᤡᤔᤥᤌᤡ᤺ᤴ ᤏᤧᤵᤔᤠᤱ ᤒᤣᤖᤡᤕᤠᤀᤥ ᤘᤕᤧ ᤗᤠᤖᤧᤳᤇᤡᤖᤥ॥  
\v 15 ᤐᤠᤘᤗᤧᤴ ᤁᤧᤛᤠᤒᤠ ᤔᤏᤠᤜᤠ᤹ ᤂᤢᤏᤧ᤹ᤏᤢᤀᤣ ᤀᤧᤌᤧᤴᤛ ᤕᤧᤰᤕᤰ ᤌᤠᤖᤡᤰ ᤔᤧᤒᤣ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤶᤔᤥ ᤕᤠᤱᤏᤠ ᤒᤣᤖᤡᤕᤠᤀᤥ ᤔᤧᤏᤢ᤺ᤰᤂᤧ ᤔᤧᤍᤩᤧᤀᤠᤱ ᤐᤠᤘᤗᤖᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤛᤡᤗᤠᤛ ᤏᤢ ᤋᤡᤔᤥᤌᤡ᤺ᤴ ᤜᤠᤖᤠᤀᤣ ᤁᤧᤒᤡᤳᤇᤡᤀᤠᤱ ᤂᤢᤏᤧ᤹ ᤁᤧᤍᤢᤶᤛᤢᤔᤢᤖᤥ ᤑᤠ᤹ᤀᤠᤱ ᤂᤧᤱᤜᤠ᤹ ᤔᤧᤔᤧᤳᤋᤢᤛᤡᤖᤥ॥ 
\s1 ᤐᤠᤘᤗᤖᤧ ᤀᤧᤌᤧᤴᤛᤀᤥ ᤀᤡᤱᤓᤥ᤺ᤛᤢ 
\p  
\v 16 ᤐᤠᤘᤗᤖᤧ ᤀᤧᤌᤧᤴᤛᤀᤥ ᤛᤡᤗᤠᤛ ᤏᤢ ᤋᤡᤔᤥᤌᤡ᤺ᤴ ᤜᤠᤱᤄᤢᤛᤡᤖ ᤘᤕᤧᤸᤗᤧ ᤕᤧᤰᤕᤰᤁᤥ ᤕᤖᤡᤰ ᤏᤠᤘᤠᤀᤡᤳᤗᤠᤜᤠ᤹ ᤏᤡ᤺ᤛᤢᤀᤠᤱ ᤛᤠ᤹ᤖᤡᤰᤁᤣ ᤁᤢᤗᤢᤱᤔᤠ᤹ ᤕᤥ᤺ᤴᤍᤧᤖᤥ॥  
\v 17 ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤒᤠ ᤕᤜᤢᤍᤡᤜᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤜᤧᤰᤁᤩᤠᤱ ᤐᤠᤱᤈᤢᤶᤔᤥ ᤌᤡᤰᤕᤠ᤺ᤴᤎᤰ ᤁᤧᤍᤠ᤺ᤒᤠ ᤁᤧᤒᤣ᤺ᤰᤐᤠ ᤔᤏᤠᤜᤠ᤹ᤏᤢ ᤐᤠ᤺ᤴᤌᤰᤋᤧᤖᤥ॥  
\v 18 ᤂᤧᤵᤔᤥ ᤀᤣᤐᤡᤁᤩᤢᤖᤡ ᤏᤢ ᤛ᤻ᤋᤥᤁᤡ ᤛᤡᤰᤛᤠᤶᤒᤠᤜᤠ᤹ᤀᤠᤱ ᤂᤢᤏᤧ᤹ᤏᤢ ᤐᤠ᤺ᤴ ᤔᤧᤎᤰᤋᤧᤖᤥ॥ ᤁᤢᤓᤠ ᤀᤰᤂᤣ ᤔᤧᤔᤧᤳᤇᤡᤱ. “ᤁᤴ ᤀ᤹ᤀᤒᤠᤸᤗᤧ ᤌᤧᤔᤠ᤺ᤴ ᤐᤠ᤺ᤳᤋᤢᤒᤣ᥅” ᤘᤣ᤹ᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤢ. “ᤁᤸᤗᤧᤃ ᤁᤢᤛᤱ ᤘᤣ᤹ ᤛᤠᤶᤔᤠᤱᤈᤩᤠᤱ ᤏᤢ ᤔᤠᤱ ᤐᤠ᤺ᤴ ᤆᤧᤰᤂᤢ ᤐᤠ᤺ᤳᤋᤢᤒᤠ ᤜᤧᤰᤁᤣ ᤗ᤹ᤖᤥ॥” ᤐᤠᤘᤗᤖᤧ ᤕᤧᤛᤢ᤺ᤴ ᤏᤢ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤓᤴ ᤆᤥᤃᤢᤒᤠᤸᤗᤧ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢᤒᤠᤖᤥ॥ 
\p  
\v 19 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤀᤖᤡᤕᤥᤐᤠᤃᤛ ᤔᤧᤵᤔᤏᤠᤒᤠ ᤆᤢᤶᤗᤢᤱᤅᤥ ᤔᤧᤍᤠᤖᤢᤀᤠᤱ ᤀᤰᤂᤣ ᤔᤧᤔᤧᤳᤋᤢ. “ᤁᤴ ᤁᤧᤒᤠ᤺ᤳᤋᤢᤖ ᤁᤧᤘᤠ᤹ᤒᤠ ᤁᤢᤛᤱ ᤏᤡᤛᤠᤶᤔᤡᤴ ᤀᤠᤏᤡᤃᤧᤀᤠᤱ ᤂᤧᤶᤔᤠ ᤛᤡᤖᤠ᤹ ᤌᤠᤅᤧᤀᤠᤱ ᤘᤠ᤹ᤖᤥ॥  
\v 20 ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤁᤢᤓᤠ ᤐᤠ᤺ᤴᤜᤠ᤹ᤃ ᤀᤠᤏᤡᤃᤧᤀᤥᤃ ᤁᤢᤛᤱ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤆᤥ᤺ᤰᤐᤠ ᤏᤡ᤺ᤛᤢᤶᤒᤧ॥ ᤂᤧᤸᤗᤧ ᤁᤢᤒᤣ᤺ᤴᤏᤡᤱᤃ ᤌᤧᤔᤠᤒᤣ᥅ ᤕᤠᤵᤔᤡ ᤀᤠᤔᤧᤳᤋᤧ᤹ᤀᤥ॥”  
\v 21 (ᤀᤧᤌᤧᤴᤛᤒᤠ ᤁᤠᤰ ᤕᤰᤕᤢᤱᤒᤠᤜᤠ᤹ ᤏᤢ ᤔᤠ᤺ᤱᤄᤠ ᤗᤠᤈᤣ᤹ᤗᤠᤶ ᤁᤧᤍᤠ᤺ᤒᤠ ᤔᤏᤠᤜᤠ᤹ᤖᤧ ᤁᤢᤛᤱ ᤐᤠ᤺ᤴ ᤆᤧᤱᤔᤠ ᤏᤢ ᤂᤧᤶᤔᤠᤀᤥᤖᤰ ᤏᤠᤶ ᤔᤧᤎᤠᤛᤢᤖᤥ॥) 
\p  
\v 22 ᤜᤧᤰᤁᤣ᤺ᤸᤗᤧ ᤀᤖᤡᤕᤥᤐᤠᤃᤛᤒᤠ ᤆᤢᤶᤗᤢᤱᤅᤡᤸᤗᤧ ᤁᤢᤗᤢᤶᤔᤥ ᤐᤠᤘᤗᤧᤴ ᤕᤧᤶᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤛᤡ. “ᤀᤧᤌᤧᤴᤛᤀᤥ ᤁᤧᤕᤢᤱᤒᤠ ᤀᤠᤍᤠᤱᤒᤠᤛᤣ. ᤂᤡᤏᤡ᤹ᤃ ᤛᤠ᤹ᤖᤡᤰ ᤛᤠᤶᤕᤥᤛᤠᤒᤠ ᤁᤧᤈᤥᤃᤡ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡᤱᤘᤠ᤹ ᤂᤥ᤺ᤛᤢᤱᤗᤥ॥  
\v 23 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤕᤧᤰᤕᤰᤁᤥ ᤗᤠᤱᤄᤣᤃᤠᤱᤗ ᤐᤳᤇᤠᤱᤅᤡᤸᤗᤧ ᤂᤡᤏᤡ᤹ ᤛᤣᤘᤠ ᤁᤧᤈᤥᤃᤡᤒᤠ ᤋᤧᤴᤜᤠ᤹ ᤀᤥᤔᤧᤳᤋᤢᤱᤅᤡᤸᤗᤧ ᤁᤢᤛᤡᤱ ᤔᤧᤴᤏᤡ᤺ᤳᤋᤣᤒᤠ ᤔᤠᤱᤅᤡᤸᤗᤧᤴ ᤗ᤹ᤖᤡᤰ ᤛᤠᤵᤋᤧᤒᤠ ᤛᤠᤱᤒᤣᤎᤡᤰ ᤏᤡ᤺ᤛᤢᤱᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ. ᤀᤠᤸᤗᤥ ᤂᤡᤏᤡ᤹ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤛᤣᤘᤠ ᤁᤧᤈᤥᤃᤢᤶᤒᤠ ᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤠᤀᤡᤴ ᤀᤡᤱᤃᤠ᤹ ᤀᤡᤱᤓᤴ ᤆᤥᤃᤢᤱᤗᤥ॥ 
\p  
\v 24 ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤴᤍᤠᤱᤒᤠᤖᤥ॥ ᤂᤢᤏᤧ᤹ᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤂᤧᤵᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤆᤥᤃᤢᤛᤡᤒᤠᤸᤗᤧ ᤂᤢᤏᤧ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤔᤠᤱᤜᤡᤶᤔᤥ ᤔᤧᤕᤢᤱᤅᤡᤴᤗᤥ॥  
\v 25 ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤁᤢᤓᤠ᤹ ᤂᤢᤏᤧ᤹ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴ. ᤌᤣᤀᤠᤱᤓᤧᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤏᤢ ᤛᤠ᤺ᤱᤃᤢᤃᤧᤴ ᤛᤰᤔᤠ ᤜᤧᤰᤁᤩᤠᤱ ᤁᤠᤰ ᤐᤠ᤺ᤴᤜᤠ᤹ ᤁᤧᤒᤡᤒᤠ ᤂᤢᤏᤧ᤹ᤀᤣᤖᤥ॥  
\v 26 ᤂᤢᤏᤧ᤹ᤀᤣ ᤌᤡᤰ ᤔᤧᤴᤇᤠᤶ ᤕᤠᤵᤔᤡᤗᤠᤶ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤆᤥᤃᤢᤛᤡᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤡᤍᤠᤰ ᤕᤢᤱᤔᤠ ᤐᤠᤱᤄᤢᤛᤡᤒᤠᤖᤥ॥ ᤂᤢᤏᤧ᤹ᤀᤣ ᤂᤧᤱᤜᤠ᤹ ᤀᤠᤳᤋᤥ ᤕᤢᤱᤔᤠ ᤐᤥ᤺ᤱ ᤀᤠᤵᤑᤠᤸᤗᤧ ᤕᤢᤱᤔᤠ ᤐᤥ᤺ᤱ ᤑᤠ᤹ᤀᤠᤱ ᤋᤃᤡᤛᤠ ᤏᤡᤱᤛᤣ᤺ᤰ ᤆᤥᤃᤢᤀᤠᤱ ᤘᤕᤧ॥  
\v 27 ᤂᤢᤏᤧ᤹ ᤔᤧᤃᤥ᤺ᤳᤋᤢᤸᤗᤧ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢ ᤐᤡᤖᤢᤛᤡᤒᤠᤖᤥ॥ ᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤀᤠᤏᤡ᤹ᤏᤢ ᤔᤠ᤺ᤱᤄᤠ ᤜᤥ᤺ᤵᤗᤥ॥  
\v 28 ᤔᤏᤠᤎᤡᤰᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. ‘ᤂᤢᤏᤧ᤹ ᤆᤥᤃᤢᤸᤗᤧᤀᤣ ᤀᤠᤏᤡ᤹ ᤀᤠᤜᤡᤱ. ᤗᤠᤱᤀᤠᤄᤣ᤺ᤰᤁᤠᤱ ᤜᤡᤱᤔᤴᤏᤥ ᤀᤠᤘᤠ᤹ᤖᤥ॥’ ᤂᤡᤏᤡ᤹ ᤁᤢᤓᤠ ᤛᤠᤶᤔᤡᤗᤠ ᤛᤠᤶᤒᤠᤜᤠ᤹ᤖᤧᤀᤠᤱ ᤀᤰᤂᤣ ᤔᤧᤒᤠ᤺ᤳᤋᤢᤀᤠᤱ ᤘᤠ᤹. ‘ᤀᤠᤏᤡ᤹ᤀᤠᤱ ᤂᤢᤏᤧ᤹ ᤁᤢᤔᤢ᤹ᤀᤡᤍᤠᤱᤛᤠᤛᤡᤖᤥ॥’ 
\p  
\v 29 ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠ ᤀᤠᤒᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ. ᤀᤠᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤴᤇᤠᤶ ᤕᤠᤵᤔᤡᤖᤧ ᤜᤢᤰᤛᤠᤵᤃᤧᤴ ᤛᤢᤶᤒᤥᤎᤠᤖᤧ ᤆᤥ᤺ᤰᤔᤏᤠᤒᤠ ᤛᤠᤶᤔᤩᤠᤱ. ᤕᤢᤵᤐᤠ. ᤏᤢ ᤗᤢᤱ ᤏᤠᤘᤠᤀᤡᤳᤗᤠ ᤁᤢᤀᤡᤛᤡ᤺ᤰ ᤆᤥ᤺ᤰ ᤑᤠ᤹ᤀᤠᤱ ᤀᤠᤏᤡ᤹ ᤀᤡ᤺ᤵᤔᤠ ᤔᤧᤏᤢ᤹ᤏᤧᤴᤗᤥ॥  
\v 30 ᤐᤣᤒᤠ ᤕᤧᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤴᤏᤡ ᤔᤧᤴᤎᤠᤀᤣ ᤑᤧᤴ ᤕᤠ᤺ᤶᤒᤰ ᤔᤧᤈᤥᤃᤢᤒᤠᤀᤥ ᤂᤢᤶᤍᤡᤱ ᤔᤧᤒᤡᤖᤢᤴᤛᤡᤴ. ᤁᤖ ᤀᤠᤸᤗ ᤂᤧᤱᤜᤠ᤹ ᤀᤠᤳᤋᤠᤴ ᤐᤡᤛᤠᤱᤛᤠᤱ ᤔᤏᤠᤜᤠ᤹ ᤑᤧᤴ ᤕᤠ᤺ᤶᤒᤰ ᤁᤢᤎᤡᤶ ᤜᤡᤱᤔᤴᤗᤠᤶ ᤔᤧᤜᤡᤴᤗ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥  
\v 31 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤒᤠ ᤁᤴ ᤔᤏᤠᤗᤠᤶ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤠᤵᤔᤡᤜᤠ᤹ ᤛᤠᤶᤕᤥᤏᤡᤒᤠ ᤂᤠᤛᤧᤴ ᤆᤥ᤺ᤰᤔᤠ ᤛᤢᤕᤧᤶ ᤏᤡ᤺ᤴᤎᤥ ᤆᤥᤃᤢᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ᤃ ᤂᤧᤴ ᤛᤣᤃᤢᤒᤠ ᤔᤏᤠ᤺ᤴ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤆᤥᤃᤢᤀᤠᤱ ᤁᤴ ᤐᤠ᤺ᤴᤏᤡᤴ ᤀᤥᤛᤣ᤺ᤴᤀᤠᤎᤠᤰᤋᤧᤀᤠᤱ ᤘᤠ᤹ᤖᤥ॥” 
\p  
\v 32 ᤐᤠᤘᤗᤖᤧ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤸᤗᤧᤴ ᤐᤠ᤺ᤴ ᤐᤠ᤺ᤳᤋᤢᤒᤠ ᤔᤧᤄᤧᤵᤛᤢᤀᤠᤱ ᤁᤢᤓᤠᤖᤧ ᤂᤢᤏᤧ᤹ ᤁᤡᤏᤠ᤺ᤴᤍᤡ ᤔᤧᤒᤡᤖᤢᤛᤠᤱ ᤘᤣ᤹ᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤢ. “ᤀᤠᤏᤡᤃᤧ ᤁᤧᤒᤠ᤺ᤳᤋᤢᤒᤠ ᤁᤴ ᤐᤠ᤺ᤴᤏᤡᤴ ᤕᤠᤶᤔᤥᤀᤠᤱ ᤂᤧᤶᤔᤠ ᤛᤡᤖᤠ᤹ ᤌᤠᤅᤧᤀᤠᤱ ᤘᤠ᤹ᤖᤥ॥”  
\v 33 ᤜᤧᤰᤁᤩᤠᤱ ᤐᤠᤘᤗᤧᤴ ᤆᤢᤶᤗᤢᤱᤗᤠᤶ ᤗ᤺ᤴᤍᤧ ᤐᤣ॥  
\v 34 ᤁᤖ ᤁᤢᤓᤠ ᤔᤏᤠᤜᤠ᤹ ᤐᤠᤘᤗᤖᤥ ᤔᤧᤍᤩᤧᤀᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢ॥ ᤂᤧᤱᤜᤠ᤹ᤀᤥ ᤍᤣᤀᤢᤏᤡᤛᤡᤕᤛ ᤔᤧᤵᤔᤏᤠᤒᤠ ᤀᤖᤡᤕᤥᤐᤠᤃᤛᤖᤧᤴ ᤐᤠᤛᤡᤱᤐᤠᤍᤠᤱ ᤏᤢ ᤍᤠᤔᤠᤖᤡᤕᤛ ᤔᤧᤵᤔᤏᤠᤔᤠ ᤔᤧᤴᤇᤢᤔᤠ᤹ ᤏᤢ ᤘᤣ᤹ ᤔᤏᤠᤜᤠ᤹ᤀᤠᤱ ᤔᤧᤘᤕᤧᤖᤥ॥ 
\c 18  
\s1 ᤐᤠᤘᤗᤧᤴ ᤁᤥᤖᤴᤌᤡ ᤕᤧᤰᤕᤰᤁᤥ 
\p  
\v 1 ᤂᤧᤴ ᤀᤣᤃᤠᤱ ᤐᤠᤘᤗᤧᤴ ᤀᤧᤌᤧᤴᤛᤗᤠᤶ ᤁᤥᤖᤴᤌᤡ ᤕᤧᤰᤕᤰᤁᤥ ᤐᤣ॥  
\v 2 ᤂᤧᤵᤔᤥ ᤂᤢᤏᤧ᤹ ᤀᤁᤫᤡᤗᤠ ᤔᤧᤵᤔᤏᤠᤒᤠ ᤕᤜᤢᤍᤡᤎᤡᤰ ᤋᤢᤔᤢ॥ ᤂᤧᤴ ᤐᤥᤴᤋᤛ ᤗᤠᤈᤣ᤹ᤒᤠ ᤘᤕᤧ॥ ᤂᤧᤴ ᤂᤠᤖᤰ ᤀᤡᤋᤠᤗᤡᤗᤠᤶ ᤔᤣᤗᤡᤱᤃᤧᤴ ᤁᤢᤔᤣ᤺ᤳ ᤐᤪᤡᤛ᤻ᤁᤡᤗᤠ᤺ᤴᤏᤢ ᤋᤩᤧᤛᤡᤀᤠᤱ ᤘᤕᤧᤳᤇᤡ. ᤌᤣᤀᤠᤱᤓᤧᤸᤗᤧ ᤐᤕᤶ ᤜᤠᤱ ᤰᤗᤠᤀᤢᤍᤡᤕᤛᤖᤧ ᤁᤠᤰ ᤕᤜᤢᤍᤡᤜᤠ᤹ ᤖᤥᤔ ᤕᤧᤰᤕᤰᤁᤡᤴ ᤐᤰᤌᤩᤧᤶᤔᤧ᤹ᤀᤠᤱ ᤐᤣᤃᤧᤶᤔᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤘᤕᤧᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤶᤛᤧ ᤐᤠᤘᤗᤧᤴ ᤐᤣ.  
\v 3 ᤜᤧᤰᤁᤩᤠᤱ ᤂᤢᤴᤇᤡ᤹ ᤜᤧᤰᤁᤣᤀᤣ ᤂᤢᤏᤧ᤹ᤀᤠᤱ ᤛᤠ᤺ᤱᤃᤠᤜᤡᤶ ᤂᤠᤵᤔᤠ ᤋᤣ᤺ᤳ ᤁᤧᤎᤠᤰᤐᤠ ᤘᤕᤧᤒᤠᤸᤗᤧ ᤂᤧᤱᤜᤠ᤹ᤏᤢᤀᤣ ᤛᤥᤖᤡᤰ ᤘᤕᤧᤖ ᤕᤠ᤺ᤶᤒᤰ ᤆᤥᤃᤧᤖᤥ॥  
\v 4 ᤜᤧᤰᤁᤩᤠᤱ ᤁᤠᤰ ᤏᤠ᤺ᤶᤛᤡᤱ ᤕᤧᤴ ᤌᤵᤔᤣ ᤂᤢᤏᤧ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤀᤠᤱ ᤕᤜᤢᤍᤡᤜᤠ᤹ ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤏᤢ ᤐᤠ᤺ᤴᤌᤰᤋᤧᤖ ᤂᤧᤱᤜᤠ᤹ᤖᤧᤀᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢᤖ ᤑᤠ᤹ᤀᤠᤱ ᤐᤥᤎᤰ ᤆᤥᤃᤢᤛᤡᤖᤥ॥ 
\p  
\v 5 ᤛᤡᤗᤠᤛ ᤏᤢ ᤋᤡᤔᤥᤌᤡ᤺ᤴ ᤔᤧᤛᤣᤍᤥᤏᤡᤕᤠᤗᤠᤶ ᤂᤧᤵᤔᤥ ᤁᤧᤖᤧᤳᤇᤡᤀᤠᤱ ᤐᤠᤘᤗᤧᤴ ᤁᤠᤰ ᤕᤧᤶᤔᤥ ᤛᤢᤏᤠᤀᤡᤱ ᤛᤧ᤺ᤔᤠ ᤏᤢ ᤕᤜᤢᤍᤡᤜᤠ᤹ ᤂᤡᤏᤡ᤹ ᤁᤧᤃᤥ᤺ᤳᤋᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤕᤧᤛᤢ᤺ᤴᤏᤣᤖᤥ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤔᤠ ᤕᤠ᤺ᤶᤒᤰᤁᤥ ᤀᤠᤸᤗᤛᤠᤱ ᤛᤠ᤹ᤖᤡᤰ ᤑᤴᤇᤡᤱᤗᤥ॥  
\v 6 ᤁᤖ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤀᤳᤋᤢᤖ ᤁᤢᤏᤠ ᤔᤧᤎᤠᤛᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤧᤱᤜᤠ᤹ᤏᤢ ᤛᤡᤳᤇᤡᤱᤅᤠᤱ ᤘᤠ᤹ ᤗ᤹ᤖᤡᤰ ᤀᤥᤛᤣ᤺ᤴᤎᤠᤰᤔᤠᤛᤡ ᤑᤠ᤹ᤀᤠᤱ ᤐᤠᤘᤗᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤁᤢᤍᤣ᤺ᤳᤋᤡᤴ ᤛᤠᤰᤂᤢᤖ ᤀᤰᤂᤣ ᤔᤧᤳᤋᤢᤛᤡ. “ᤂᤡᤏᤡ᤹ ᤛᤠᤶᤍᤡᤱ ᤐᤡᤔᤠ ᤀᤠᤕᤠ᤺ᤶᤒᤰᤁᤡᤴ ᤆᤢᤖᤧᤖᤥ॥ ᤂᤡᤏᤡ᤹ ᤁᤧᤛᤩᤧ᤹ᤀᤡ ᤁᤧᤔᤧᤃᤡᤛᤠᤱ ᤀᤡᤱᤃᤠ᤹ ᤌᤣᤀᤠᤱ ᤀᤠᤵᤋᤡᤰ ᤔᤧᤄᤥᤀᤠᤴᤗᤥ॥ ᤀᤠᤸᤗᤀᤠᤱᤎᤥᤃ ᤀᤡᤱᤃᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤐᤣᤃᤠᤱᤗᤥ॥” 
\p  
\v 7 ᤜᤧᤰᤁᤣᤗ᤹ᤖᤡᤰ ᤐᤠᤘᤗᤧᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤗᤠᤶ ᤗ᤺ᤴᤍᤧᤀᤠᤱ ᤂᤧᤸᤗᤧ ᤁᤢᤒᤣᤛᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤋᤡᤋᤛ ᤔᤧᤵᤔᤏᤠᤒᤠ ᤕᤢᤛ᤻ᤋᤛᤖᤧ ᤁᤢᤜᤡᤶᤔᤥ ᤘᤠ᤹ᤛᤧ ᤐᤣ (ᤂᤢᤏᤧ᤹ ᤌᤡᤶᤔᤧᤴᤍᤱ ᤛᤢᤘᤠᤱ ᤘᤕᤧ)॥  
\v 8 ᤁᤪᤡᤛ᤻ᤐᤛ ᤔᤧᤵᤔᤏᤠᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤒᤠ ᤗᤠᤶᤗᤥ᤺ᤒᤧᤴ ᤏᤢ ᤁᤢᤜᤡᤶᤛᤕᤱᤜᤠ᤹ᤖᤧᤀᤠᤱ ᤏᤛᤠ᤺ᤴ ᤔᤧᤈᤥᤃᤢ॥ ᤜᤧᤰᤁᤣᤗ᤹ᤖᤡᤰ ᤁᤥᤖᤴᤌᤡᤒᤠ ᤕᤖᤡᤰ ᤘᤣ᤹ ᤔᤏᤠᤜᤠ᤹ᤖᤧ ᤛᤢᤏᤠᤀᤡᤱ ᤔᤧᤄᤧᤵᤛᤢᤀᤠᤱ ᤏᤛᤠ᤺ᤴ ᤔᤧᤈᤥᤃᤢᤖ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤖᤥ॥ 
\p  
\v 9 ᤌᤡᤰ ᤛᤧᤴᤍᤡᤰ ᤋᤠᤍᤡᤃᤧᤴ ᤛᤧᤵᤔᤠᤱᤔᤥ ᤍᤠᤱᤒᤠᤸᤗᤧ ᤐᤠᤘᤗᤧᤴ ᤀᤰᤂᤣ ᤔᤧᤳᤋᤢ. “ᤂᤧᤏᤧ᤹ ᤔᤧᤃᤡᤛᤧᤴᤏᤧ᤹ᤀᤥ. ᤁᤖ ᤛᤫᤠ᤺ᤳ ᤔᤧᤘᤕᤧᤴᤏᤧ᤹. ᤆᤰᤔᤧᤸᤗ᤹ᤀᤣ ᤛᤢᤏᤠᤀᤡᤱ ᤛᤧ᤺ᤛ᤻ᤛᤧ᤹ᤖ ᤘᤕᤧ᤹ᤀᤥ᥄  
\v 10 ᤀᤡᤱᤃᤠ᤹ᤃ ᤂᤧᤏᤧ᤹ᤏᤢᤀᤣ ᤘᤠ᤹ᤀᤠᤖᤥ. ᤜᤧᤰᤁᤩᤠᤱ ᤜᤠ᤺ᤳᤗᤧᤀᤠᤱ ᤌᤣᤀᤠᤱ ᤁᤧᤶᤔᤧᤳᤏᤧᤸᤗᤥ. ᤌᤣᤀᤠᤱᤓᤧᤸᤗᤧ ᤁᤴ ᤕᤧᤰᤕᤰᤁᤥ ᤆᤰᤔᤧᤸᤗ᤹ᤀᤣ ᤛᤢᤏᤠᤀᤡᤱ ᤀᤡᤱᤃᤧᤓᤥ᤺ᤛᤢᤏᤧ ᤑᤠ᤹ᤃᤪ ᤏᤛᤠ᤺ᤴᤏᤥ ᤋᤠ᤺ᤔᤠ ᤕᤖᤡᤰ ᤀᤠᤔᤏᤠᤜᤠ᤹ ᤔᤧᤘᤠ᤹ᤖᤥ॥”  
\v 11 ᤜᤧᤰᤁᤣᤗ᤹ᤖᤡᤰ ᤂᤧᤵᤔᤥ ᤐᤠᤘᤗᤖᤧ ᤋᤱᤒᤣ ᤌᤡᤰᤁᤠᤱ ᤁᤢᤓᤪᤧ᤺ᤱ ᤌᤠᤖᤡᤰ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤜᤢ᤹ᤖᤢᤛᤡᤖ ᤘᤕᤧᤖᤥ॥ 
\p  
\v 12 ᤜᤧᤰᤁᤩᤠᤱ ᤃᤠᤗᤡᤕᤥ ᤔᤧᤵᤔᤏᤠᤒᤠ ᤔᤏᤠ᤺ᤴ ᤀᤰᤂᤤᤕᤠ ᤗᤠᤈᤣ᤹ᤒᤠ ᤖᤥᤔᤡ ᤛᤢᤜᤠᤱᤃᤧᤶᤒᤠ ᤘᤕᤧᤸᤗᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤐᤠᤘᤗᤧᤴ ᤔᤧᤍᤧᤶᤛᤢ ᤜᤧᤰᤁᤩᤠᤱ ᤖᤥᤔᤡ ᤛᤢᤜᤠᤱᤃᤧᤶᤒᤠᤸᤗᤧ ᤁᤢᤍᤃᤡ ᤂᤠᤛᤧᤴ ᤗᤥ᤺ᤴᤇᤧ ᤔᤧᤍᤠᤖᤢ॥  
\v 13 ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤢ. “ᤁᤴ ᤔᤏᤠ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡᤃᤧ ᤛᤠᤶᤕᤥᤌᤡᤶᤏᤢ ᤔᤧᤴᤍᤱᤔᤏᤠ ᤛᤣᤘᤠ ᤆᤥ᤺ᤰᤔᤠ ᤔᤏᤠᤜᤠ᤹ ᤜᤢᤛᤢᤛᤡᤀᤠᤱ ᤘᤠ᤹ᤖᤥ॥”  
\v 14 ᤜᤧᤰᤁᤣ᤺ᤸᤗᤧ ᤐᤠᤘᤗᤧᤴ ᤐᤠ᤺ᤵᤔᤠ ᤀᤡ᤺ᤳᤋᤧᤀᤠᤱ ᤘᤕᤧᤸᤗᤧ ᤃᤠᤗᤡᤕᤥᤖᤧ ᤂᤧᤴ ᤕᤜᤢᤍᤡᤜᤠ᤹ ᤔᤧᤳᤋᤢᤛᤡ. “ᤕᤜᤢᤍᤡᤛᤣ. ᤁᤴ ᤔᤏᤠ᤺ᤸᤗᤧ ᤆᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤏᤢ ᤁᤴ ᤔᤏᤠ᤺ᤸᤗᤧ ᤖᤥᤔᤡ ᤌᤡᤶ ᤑᤣ᤺ᤴᤍᤢᤒᤠ ᤐᤠ᤺ᤴ ᤘᤠ᤹ᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤂᤡᤏᤡ᤹ ᤐᤠ᤺ᤴ ᤂᤧᤶᤔᤠᤀᤠᤱ ᤂᤠᤛᤧᤴ ᤗᤥ᤺ᤶᤔᤠ ᤏᤢ᤺ᤒᤠᤀᤣ ᤐᤥ᤺ᤱ॥  
\v 15 ᤁᤖ ᤁᤴ ᤐᤠ᤺ᤴᤏᤡᤴ ᤂᤡᤏᤡ᤹ ᤛᤠᤶᤕᤥᤌᤡᤶᤔᤥᤒᤠ ᤔᤡᤱᤜᤠ᤹. ᤛᤢᤳᤗᤠᤜᤠ᤹ ᤏᤢ ᤌᤡᤶᤔᤡᤸᤗᤧᤴᤗᤰ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤁᤱᤃ ᤂᤡᤏᤡ᤹ ᤀᤠᤒᤠᤅᤣ ᤋᤱᤄᤧᤶᤔᤧ᤹ᤀᤥ॥ ᤀᤡᤱᤃᤠ᤹ᤃ ᤁᤴ ᤐᤠ᤺ᤴᤜᤠ᤹ ᤂᤠᤛᤧᤴ ᤔᤧᤗᤥ᤺ᤴᤏᤠᤴᤗᤥ॥”  
\v 16 ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤧᤖᤧᤰ ᤂᤠᤛᤧᤴᤜᤡᤶᤗᤠᤶ ᤗᤠ᤺ᤰᤁᤠᤳ ᤐᤠᤱᤄᤢᤍᤣ᤺ᤛᤢᤛᤡᤖᤥ॥  
\v 17 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤁᤧᤖᤧᤰᤗᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤒᤠ ᤗᤠᤶᤗᤥ᤺ᤒᤠ ᤛᤥᤛ᤻ᤌᤣᤏᤛᤧᤴ ᤔᤧᤍᤧᤶᤛᤢᤀᤠᤱ ᤂᤠᤛᤧᤴᤜᤡᤶ ᤋᤃᤡᤀᤣ ᤔᤧᤗ᤺ᤵᤛᤢᤖᤥ॥ ᤁᤖ ᤃᤠᤗᤡᤕᤥᤖᤧ ᤂᤧᤱᤜᤠ᤹ ᤂᤧᤶᤂᤧᤶᤔᤠᤱ ᤔᤧᤗᤠᤵᤋᤢᤛᤡᤴ॥ 
\p  
\v 18 ᤐᤠᤘᤗᤧᤴ ᤁᤥᤖᤴᤌᤡᤀᤥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤏᤢ ᤕᤖᤡᤰ ᤕᤧᤴ ᤘᤕᤧ. ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤐᤪᤡᤛ᤻ᤁᤡᤗᤠ ᤜᤧᤰᤁᤩᤠᤱ ᤁᤢᤕᤧᤶᤒᤠ᤹ ᤀᤁᤫᤡᤗᤠ᤺ᤴᤏᤢ ᤛᤡᤖᤡᤕᤠ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰ ᤆᤥᤃᤧ॥ ᤁᤖ ᤂᤢᤏᤧ᤹ ᤐᤣ᤺ᤰᤔᤠᤏᤢ᤺ᤸᤗᤧ ᤋᤃᤡ. ᤔᤠᤱᤜᤧᤰ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤐᤠᤘᤗᤖᤧ ᤁᤡᤱᤁᤪᤡᤕᤠ ᤕᤧᤰᤕᤰᤁᤥ ᤁᤢᤎᤧᤃᤣ᤺ᤰ ᤏ᤺ᤰᤂᤢᤖᤥ॥\f * \fr 18:18 \ft ᤔᤠᤱᤜᤢᤵ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤐᤠᤘᤗᤖᤧ ᤁᤢᤎᤧᤃᤣ᤺ᤰ ᤏ᤺ᤰᤂᤢ–ᤐᤠᤘᤗᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤃᤡ ᤗᤳᤇᤠ ᤕᤠ᤺ᤶᤒᤰᤌᤡᤰ ᤔᤧᤴᤈᤥ᤺ᤰᤁᤣ ᤌᤠᤖᤡᤰ ᤀᤠᤎᤧᤃᤣ᤺ᤰ ᤔᤧᤏ᤺ᤱᤅᤠᤴ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤠᤱᤜᤧᤰᤛᤡᤱᤅᤠᤱ ᤘᤕᤧ॥ ᤀᤠᤸᤗ ᤂᤧᤴ ᤕᤠ᤺ᤶᤒᤰᤁᤡᤴ ᤆᤥᤃᤢ ᤛᤢᤖᤢᤒᤠᤸᤗᤧ ᤁᤢᤎᤧᤃᤣ᤺ᤰ ᤏ᤺ᤰᤂᤢᤒᤠᤖᤥ॥\f* 
\v 19 ᤂᤧᤱᤜᤠ᤹ ᤀᤣᤑᤡᤛᤛᤀᤥ ᤔᤧᤃᤧᤖᤧᤀᤠᤱ ᤐᤠᤘᤗᤖᤧ ᤐᤪᤡᤛ᤻ᤁᤡᤗᤠ ᤏᤢ ᤀᤁᤫᤡᤗᤠ᤺ᤴ ᤂᤧᤵᤔᤥ ᤐᤰᤌᤛᤡ॥ ᤁᤖ ᤂᤧᤵᤔᤥ ᤘᤕᤧᤸᤗᤧ ᤂᤢᤏᤧ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤀᤠᤱ ᤕᤜᤢᤍᤡᤜᤠ᤹ᤏᤢ ᤐᤠ᤺ᤴᤌᤰᤋᤧᤖᤥ॥  
\v 20 ᤂᤧᤱᤜᤠ᤹ᤖᤧ ᤁᤢᤓᤠ ᤕᤧᤴ ᤀᤠᤏᤡᤃᤧᤏᤢᤀᤣ ᤘᤕᤧ᤹ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤛᤠᤱ ᤂᤢᤏᤧ᤹ ᤘᤠ᤹ᤔᤠ ᤔᤧᤍᤧᤴᤍᤧᤴᤗᤥ॥  
\v 21 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤐᤥ᤺ᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤕᤠᤶᤔᤥ ᤋᤠᤀᤠᤖᤥ॥” ᤜᤧᤰᤁᤣ ᤔᤧᤳᤋᤢᤎᤛᤡᤀᤠᤱ ᤂᤢᤏᤧ᤹ ᤀᤣᤑᤡᤛᤛᤗᤠᤶ ᤛᤡᤈᤖᤡᤕᤠ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰᤁᤥ ᤌᤠᤛᤡᤱᤗᤥ॥  
\v 22 ᤜᤧᤰᤁᤩᤠᤱ ᤂᤢᤏᤧ᤹ ᤛᤡᤈᤖᤡᤕᤠᤀᤥ ᤁᤧᤖᤧᤀᤠᤱ ᤂᤧᤵᤔᤥᤏᤢ ᤌᤠ᤺ᤱ ᤕᤖᤢᤛᤗᤧᤶᤔᤥ ᤐᤣᤀᤠᤱ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤆᤢᤱᤈᤡᤃᤧᤴ ᤛᤣᤘᤠ ᤋᤥ᤺ᤴᤍᤢ॥ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤀᤣᤴᤋᤡᤀᤥᤰᤁᤥ ᤌᤩᤧᤖᤥ॥ 
\p  
\v 23 ᤂᤧᤵᤔᤥ ᤁᤢᤓᤠ ᤕᤧᤶ ᤕᤠ᤺ᤰᤋᤧᤀᤠᤱ ᤂᤧᤵᤔᤥᤗᤠᤶ ᤐᤠᤘᤗᤧᤴ ᤃᤗᤠᤋᤡᤕᤠ ᤏᤢ ᤑᤪᤡᤃᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤕᤠᤶᤔᤥ ᤗᤠᤶᤍᤡ᤺ᤰ ᤆᤥᤃᤧᤖ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤆᤥᤃᤢᤛᤡᤖᤥ॥ 
\s1 ᤀᤵᤐᤥᤗᤥᤛᤖᤧ ᤀᤣᤑᤡᤛᤛ ᤏᤢ ᤁᤥᤖᤴᤌᤡᤀᤥ ᤀᤡᤱᤓᤥ᤺ᤛᤢ᤹ 
\p  
\v 24 ᤂᤧᤴ ᤕᤧᤶᤔᤥ ᤀᤗᤧᤰᤈᤧᤴᤍᤪᤡᤕᤠ\f * \fr 18:24 \ft ᤀᤗᤧᤰᤈᤧᤴᤍᤪᤡᤕᤠ–ᤁᤴ ᤕᤧᤰᤕᤰᤁᤡᤴ ᤔᤡᤛᤪ ᤗᤠᤈᤣ᤹ᤖᤧᤴ ᤜᤠᤱᤐᤠᤱ ᤘᤕᤧ. ᤜᤧᤰᤁᤩᤠᤱ ᤖᤥᤔᤡ ᤜᤠᤱᤈᤢᤶᤔᤥᤒᤠ ᤗᤳᤇᤠ ᤁᤧᤕᤧᤰᤐᤠ ᤕᤧᤰᤕᤰ ᤘᤕᤧᤖᤥ॥\f* ᤕᤧᤰᤕᤰᤁᤥ ᤛᤠᤃᤧᤘᤠ᤺ᤴᤇᤡᤱᤒᤠ ᤀᤵᤐᤥᤸᤗᤥᤛ ᤔᤧᤵᤔᤏᤠᤒᤠ ᤕᤜᤢᤍᤡᤎᤡᤰ ᤀᤣᤑᤡᤛᤛᤀᤥ ᤋᤩᤧ॥ ᤂᤢᤏᤧ᤹ᤃ ᤛᤠ᤹ᤖᤡᤰ ᤏᤢ᤺ᤖᤡᤰ ᤐᤠ᤺ᤵᤔᤠ ᤁᤧᤛᤢᤰᤐᤠ ᤆᤥᤃᤧ. ᤜᤧᤰᤁᤩᤠᤱ ᤛᤠᤶᤕᤥᤛᤠᤵᤗᤠᤀᤠᤱ ᤏᤢ᤺ᤖᤡᤰ ᤗᤧᤛ᤻ᤛᤢᤀᤠᤱ ᤘᤕᤧᤖᤥ॥  
\v 25 ᤂᤢᤏᤧ᤹ᤃ ᤍᤠᤱᤒᤠᤸᤗᤧ ᤁᤢᤔᤏᤠᤜᤠ᤹ ᤀᤠᤰᤂᤣᤗ᤹ᤖᤡᤰ ᤜᤡᤱᤔᤠ ᤐᤥ᤺ᤱ ᤁᤧᤗ᤹ᤒᤠᤴ ᤜᤢ᤹ᤖᤢᤛᤡᤀᤠᤱ ᤘᤕᤧ. ᤜᤧᤰᤁᤩᤠᤱ ᤛᤠ᤹ᤖᤡᤰ ᤏᤢ᤺ᤖᤡᤰᤁᤠᤱ ᤁᤢᤛᤡᤰ ᤛᤔᤧᤖ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤒᤠ ᤛᤧᤰᤂᤠ ᤐᤠ᤺ᤴᤜᤠ᤹ ᤜᤢ᤹ᤖᤢᤛᤡᤖᤥ॥ ᤜᤧᤰᤁᤣᤛᤠᤱ ᤂᤢᤏᤧ᤹ᤃ ᤕᤢᤜᤢᤴᤏᤠᤖᤧ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤸᤗᤧ ᤜᤢ᤹ᤖᤢᤛᤡᤒᤠᤴᤗᤰ ᤗᤧᤛ᤻ᤛᤢᤀᤠᤱ ᤘᤕᤧᤖᤥ॥  
\v 26 ᤂᤢᤏᤧ᤹ ᤐᤕᤶ ᤀᤠ᤺ᤴᤇᤡᤱᤔᤠᤏᤢ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤠᤖᤧᤸᤗᤧ ᤐᤪᤡᤛ᤻ᤁᤡᤗᤠ ᤏᤢ ᤀᤁᤫᤡᤗᤠᤖᤧ ᤂᤧᤸᤗᤧ ᤁᤢᤒᤠ᤺ᤴᤏᤡᤴ ᤂᤧᤵᤛᤧᤳᤇᤢᤀᤠᤱ ᤂᤢᤴᤇᤡ᤹ ᤜᤡᤶᤔᤥ ᤀᤢ᤺ᤳᤋᤧᤳᤇᤢ. ᤜᤧᤰᤁᤩᤠᤱ ᤂᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤜᤡᤱᤔᤠ ᤁᤧᤗ᤹ᤒᤠᤴ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤏᤡ᤺ᤳᤋᤢᤖ ᤑᤠ᤹ᤀᤠᤱ ᤐᤥᤎᤰ ᤆᤥᤃᤢ ᤐᤡᤖᤧᤳᤇᤢᤖᤥ॥ 
\p  
\v 27 ᤀᤵᤐᤥᤗᤥᤛ ᤀᤰᤂᤤᤕᤠ ᤌᤢᤶᤔᤥ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤸᤗᤧ ᤀᤣᤑᤡᤛᤛ᤻ᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤧ᤹ ᤂᤧᤵᤔᤥ ᤐᤣ᤺ᤰᤔᤠ ᤀᤠ᤺ᤴᤇᤡᤱᤔᤠ ᤔᤧᤒᤡᤖᤢᤖ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ ᤂᤡᤏᤡ᤹ᤀᤥ ᤀᤵᤐᤥᤗᤥᤛᤧᤴ ᤋᤠᤖ ᤐᤳ. ᤏᤢ᤺ᤖᤡᤰᤁᤠᤱ ᤗᤠᤱᤍᤠ᤺ᤰᤔᤠ ᤐᤡᤖᤧᤶᤔᤧ᤹ᤀᤥ ᤗ᤹ᤖᤡᤰ ᤛᤰᤀᤡᤱᤄᤱ ᤔᤧᤜᤠᤰᤋᤢᤛᤡ॥ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤵᤔᤥ ᤁᤧᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤏᤛᤠᤏᤡᤒᤠᤜᤠ᤹ ᤕᤖᤡᤰ ᤁᤢᤓᤠ᤹ ᤐᤡᤖᤢᤛᤡᤖᤥ॥  
\v 28 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤔᤏᤠᤗᤢᤶᤔᤥᤀᤣ ᤂᤧᤵᤔᤥᤒᤠ ᤕᤜᤢᤍᤡᤜᤠ᤹ᤏᤢ ᤛᤠ᤹ᤖᤡᤰ ᤐᤠ᤺ᤴᤌᤰᤋᤧᤀᤠᤱ ᤂᤢᤏᤡ᤹ ᤐᤠ᤺ᤴᤏᤡᤴ ᤀᤳᤋᤢᤖ ᤛᤠᤶᤕᤥᤛᤠᤵᤗᤠᤗᤠᤶ ᤕᤧᤛᤢ᤺ᤴᤏᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤋᤢᤛᤡᤖ ᤕᤠ᤺ᤴᤍᤢᤛᤡᤖᤥ॥ 
\c 19  
\s1 ᤕᤧᤛᤢᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ 
\p  
\v 1 ᤀᤵᤐᤥᤗᤥᤛᤧᤴ ᤁᤥᤖᤴᤌᤡ ᤕᤧᤰᤕᤰᤁᤥ ᤘᤕᤧᤸᤗᤧ ᤐᤠᤘᤗᤧᤴ ᤀᤣᤛᤡᤕᤠ ᤋᤧᤱᤃᤵ ᤛᤡᤃᤠᤱ ᤗᤠᤶᤍᤡ᤺ᤰ ᤆᤥᤃᤧᤖ ᤀᤣᤑᤡᤛᤛ ᤕᤧᤰᤕᤰᤁᤥ ᤁᤧᤖᤧ ᤋᤩᤧᤖᤥ॥ ᤂᤧᤵᤔᤥ ᤁᤢᤓᤠ ᤏᤛᤠᤏᤡᤒᤠᤜᤠ᤹ ᤋᤢᤔᤢᤛᤡᤀᤠᤱ  
\v 2 ᤛᤣ᤺ᤴᤍᤥᤛᤢᤛᤡ. “ᤏᤛᤠ᤺ᤴ ᤁᤧᤈᤥᤃᤢᤶᤔᤡᤸᤗᤧ ᤛᤣᤛᤣᤔᤠᤱᤅᤡᤴ ᤁᤧᤄᤥ᤺ᤛᤢᤶᤒᤡ᥅” 
\p ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧᤃ ᤛᤣᤛᤣᤔᤠᤱ ᤘᤠ᤹ ᤁᤧᤗ᤹ᤒᤠ ᤐᤠ᤺ᤱᤃ ᤔᤧᤱᤄᤧᤶᤔᤣ ᤘᤕᤡᤃᤧᤖᤥ॥” 
\p  
\v 3 ᤜᤧᤰᤁᤣ᤺ᤸᤗᤧ ᤐᤠᤘᤗᤖᤧ ᤂᤧᤱᤜᤠ᤹ ᤛᤣ᤺ᤴᤍᤥᤛᤢᤛᤡ. “ᤜᤧᤰᤁᤣᤏᤧ ᤑᤠ᤹ᤃᤪ ᤀᤠᤰᤋᤱᤒᤠ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡᤒᤣ᥅” 
\p ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧ ᤏᤛᤠ᤺ᤴ ᤆᤥ᤺ᤰᤔᤏᤠ᤺ᤸᤗᤧ ᤕᤢᤜᤢᤴᤏᤠᤖᤧ ᤜᤢ᤹ᤖᤡᤃᤧᤒᤠ ᤒᤵᤋᤡᤛ᤻ᤔᤠᤴ ᤐᤥ᤺ᤰᤂᤡᤃᤧᤖᤥ॥” 
\p  
\v 4 ᤐᤠᤘᤗᤖᤧ ᤔᤧᤳᤋᤢᤛᤡ. “ᤕᤢᤜᤢᤴᤏᤠᤖᤧᤃ ᤗᤠᤕᤥᤗᤠᤶ ᤁᤧᤜᤡᤶᤒᤠᤜᤠ᤹ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤀᤡᤛᤪᤠᤀᤡᤗᤡᤜᤠ᤹ ᤀᤰᤂᤣ ᤔᤧᤳᤋᤢᤛᤡ. ᤋᤠ᤺ᤴᤍᤡ ᤀᤠᤀᤣᤃᤠᤱ ᤁᤧᤍᤠ᤺ᤒᤠᤖ ᤁᤧᤒᤵᤐᤧᤴ ᤏᤛᤠ᤺ᤴ ᤆᤥᤃᤧᤶᤔᤧ᤹ᤀᤥ. ᤂᤢᤏᤧ᤹ᤀᤣ ᤕᤧᤛᤢᤖᤥ॥” 
\p  
\v 5 ᤂᤧᤱᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧ॥  
\v 6 ᤐᤠᤘᤗᤖᤧ ᤂᤢᤏᤡ᤹ ᤛᤶᤍᤠᤱ ᤜᤢᤰ ᤏᤧᤛ᤻ᤛᤢ ᤐᤡᤖᤢᤛᤡᤸᤗᤧ ᤛᤣᤛᤣᤔᤠᤱᤅᤡᤴ ᤂᤢᤏᤡ᤹ ᤛᤶᤍᤠᤱ ᤌᤩᤧᤀᤠᤱ ᤂᤧᤱᤜᤠ᤹ ᤘᤣ᤹ ᤐᤠ᤺ᤴᤍᤠᤱᤜᤠ᤹ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤔᤧᤒᤠᤖᤧᤖᤥ॥  
\v 7 ᤂᤧᤵᤔᤥ ᤁᤧᤖᤧᤰᤁᤥ ᤌᤡᤰ-ᤏᤧᤳ (᥇᥈) ᤕᤠᤖᤡᤰ ᤕᤧᤶᤒᤡᤳᤇᤠ᤹ᤜᤠ᤹ ᤔᤧᤘᤕᤧᤖᤥ॥ 
\p  
\v 8 ᤐᤠᤘᤗᤧᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤖ ᤗᤠ ᤛᤢᤶᤛᤡ ᤌᤠᤖᤡᤰ ᤜᤠᤱᤜᤠᤱ ᤗ᤹ᤖᤡᤰ ᤔᤏᤠᤜᤠ᤹ᤏᤢ ᤐᤠ᤺ᤴᤎᤱ ᤆᤥᤃᤢᤖ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠᤛᤡ ᤋᤶᤛᤡᤴ ᤆᤥᤃᤢ॥  
\v 9-10 ᤁᤢᤓᤠᤖᤧ ᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤔᤧᤈᤥᤃᤢ. ᤁᤖ ᤁᤢᤓᤠᤃ ᤂᤢᤏᤡ᤹ ᤏᤡᤱᤘᤠ᤹ ᤁᤧᤎᤢᤱᤒᤠ ᤔᤧᤘᤕᤧᤀᤠᤱ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤴᤍᤧᤴᤍᤧᤴᤏᤠᤱ ᤍᤠᤱᤒᤠᤖᤧ ᤁᤢᤗᤠᤶᤔᤡᤸᤗᤧ ᤁᤢᤍᤰᤗᤧᤱᤅᤥ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤣ ᤋᤠᤵᤑᤧ᤺ᤶᤒᤠ ᤔᤧᤒᤠ᤺ᤳᤋᤢ॥ ᤜᤧᤰᤁᤣ᤺ᤸᤗᤧ ᤐᤠᤘᤗᤖᤧ ᤂᤧᤱᤜᤠ᤹ ᤐᤰᤌᤛᤡᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤘᤣ᤹ᤛ᤻ᤔᤠ ᤋᤧᤴᤏᤥ ᤋᤣ᤹ᤖᤢᤛᤡ॥ ᤜᤧᤰᤁᤩᤠᤱ ᤋᤡᤖᤠᤏᤛ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤧ ᤁᤢᤏᤡᤛᤠᤶᤜᤡᤶᤔᤥ ᤌᤡᤰᤕᤠ᤺ᤴᤎᤰ ᤋᤱᤒᤣ ᤏᤧᤳᤇᤡ ᤌᤠᤖᤡᤰ ᤔᤏᤠᤜᤠ᤹ᤏᤢ ᤐᤠ᤺ᤴᤎᤱ ᤆᤥᤃᤢ॥ ᤀᤰᤂᤣᤗ᤹ᤖᤡᤰ ᤀᤣᤛᤡᤕᤠ ᤋᤧᤱᤃᤵᤐᤥᤒᤠ ᤁᤠᤰ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤁᤢᤒᤠ᤺ᤴᤈᤠᤰᤁᤡᤴ ᤔᤧᤄᤧᤵᤛᤢᤖᤥ॥ 
\s1 ᤀᤣᤑᤡᤛᤛᤀᤥ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ 
\p  
\v 11 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤘᤗᤗᤠᤶ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤖᤥ॥  
\v 12 ᤀᤰᤂᤣᤗ᤹ᤖᤡᤰ ᤂᤢᤏᤧ᤹ ᤛᤢᤛ᤻ᤛᤢᤒᤠ ᤐᤱᤃᤧᤴᤜᤠ᤹ ᤏᤢ ᤐᤌᤠᤱᤜᤠ᤹ ᤔᤧᤍᤣ᤹ᤖᤢᤀᤠᤱ ᤁᤧᤍᤢᤰᤐᤠ ᤁᤧᤕ᤹ᤒᤠ ᤛᤶᤍᤠᤱ ᤔᤧᤏᤧᤛ᤻ᤛᤢ ᤔᤧᤒᤡᤖᤢᤛᤡᤸᤗᤧ ᤂᤧᤱᤜᤠ᤹ ᤋᤢᤰᤔᤠ ᤕ᤹ᤔᤠᤗᤠᤶ ᤔᤧᤘᤣ᤺ᤳᤋᤧᤀᤠᤱ ᤑᤧᤴᤛᤠᤶᤜᤠ᤹ ᤔᤧᤗ᤺ᤴᤍᤧ ᤔᤧᤒᤣᤖᤥ॥ 
\p  
\v 13 ᤂᤧᤵᤔᤥ ᤋᤠᤰᤁᤴᤏᤢ ᤑᤧᤴᤛᤠᤶ ᤁᤧᤗ᤺ᤵᤐᤠ ᤁᤢᤓᤠ ᤕᤜᤢᤍᤡᤜᤠ᤹ᤀᤠᤱ ᤔᤧᤘᤕᤧ॥ ᤂᤧᤱᤜᤠ᤹ᤖᤧ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤡᤱᤅᤡᤴ ᤀᤥᤃᤵ ᤆᤥ᤺ᤰᤔᤠ ᤋᤶᤛᤡᤴ ᤔᤧᤈᤥᤃᤢᤖ ᤂᤧᤱᤜᤠ᤹ᤖᤧ ᤑᤧᤴᤛᤠᤶᤔᤡᤴ ᤀᤰᤂᤣ ᤔᤧᤔᤧᤳᤋᤢ. “ᤐᤠᤘᤗᤖᤧ ᤀᤡᤱᤓᤥ᤺ᤛᤢᤒᤠ ᤕᤧᤛᤢᤖᤧ ᤁᤢᤔᤡᤱᤅᤥ ᤗ᤺ᤴᤍᤧ ᤐᤣᤃᤧ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤀᤡᤱᤈᤠ᤺ᤱ ᤐᤡᤏᤧᤖᤥ॥”  
\v 14 ᤂᤧᤵᤔᤥ ᤛ᤻ᤁᤣᤘᤠᤛ ᤔᤧᤵᤔᤏᤠᤒᤠ ᤕᤜᤢᤍᤡ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤏᤢᤛᤡ ᤁᤢᤛ᤻ᤛᤠ᤺ ᤕᤧᤶᤒᤡᤳᤇᤠ᤹ᤜᤠ᤹ᤖᤧᤀᤠᤱ ᤜᤧᤰᤋᤱᤒᤠ ᤕᤠ᤺ᤶᤒᤰ ᤔᤧᤈᤥᤃᤢ॥  
\v 15 ᤜᤧᤰᤁᤣ ᤔᤧᤈᤥᤃᤢᤸᤗᤧ ᤑᤧᤴᤛᤠᤶᤔᤡᤸᤗᤧ ᤀᤰᤂᤣ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤐᤠᤘᤗᤧᤴ ᤁᤢᤛᤡᤱ ᤏᤡ᤺ᤳᤋᤢᤱ. ᤕᤧᤛᤢ᤺ᤴ ᤁᤢᤛᤡᤱ ᤏᤡ᤺ᤳᤋᤢᤱ. ᤁᤖ ᤂᤡᤏᤡ᤹ᤃ ᤜᤠ᤺ᤳᤏᤡᤱᤒᤣ᥅”  
\v 16 ᤂᤧᤴ ᤑᤧᤴᤛᤠᤶᤔᤡᤸᤗᤧ ᤕᤢᤰᤋᤢᤒᤠ ᤔᤏᤠ᤺ᤴ ᤐᤡᤳᤆᤠᤰ ᤐᤡᤴᤍᤧᤖ ᤂᤧᤱᤜᤠ᤹ ᤑᤳᤋᤢᤛᤡᤖ ᤕᤢᤰᤋᤢᤛᤡᤀᤠᤱ ᤂᤧᤸᤗᤧ ᤂᤢᤏᤡ᤹ ᤋᤣ᤺ᤳᤜᤠ᤹ ᤌᤧ᤺ᤰᤂᤢᤒᤡᤖᤢᤛᤡᤖ ᤂᤠ᤺ᤴᤍᤢᤛᤡᤀᤠᤱ ᤂᤧᤴ ᤜᤡᤶᤔᤥᤗᤠᤶ ᤂᤧᤱᤜᤠ᤹ ᤗᤧᤰᤆᤠᤒᤧᤎᤡ᤺ᤰ ᤔᤧᤗ᤺ᤴᤍᤧᤀᤠᤱ ᤔᤧᤗᤥ᤺ᤰᤋᤧ ᤔᤧᤒᤣᤖᤥ॥ 
\p  
\v 17 ᤜᤧᤰᤁᤩᤠᤱ ᤀᤣᤑᤡᤛᤛᤀᤥ ᤁᤧᤘᤠ᤹ᤒᤠ ᤁᤠᤰ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤁᤴ ᤔᤧᤄᤧᤵᤛᤢᤀᤠᤱ ᤔᤧᤃᤡᤛᤧᤖᤥ॥ ᤂᤧᤱᤜᤠ᤹ᤖᤧ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤡᤱᤅᤡᤴ ᤐᤕᤶ ᤀᤡᤱᤎᤠ᤺ᤱ ᤔᤧᤒᤡᤖᤢᤖ ᤌᤠ᤺ᤱᤎᤠ᤺ᤱ ᤔᤧᤈᤥᤃᤢᤖᤥ॥  
\v 18 ᤕᤖᤡᤰ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤂᤧᤵᤔᤥ ᤔᤧᤍᤩᤧᤀᤠᤱ ᤘᤣ᤹ ᤏᤛᤠᤏᤡᤒᤠ ᤋᤃᤡ ᤂᤢᤏᤡ᤹ ᤔᤧᤈᤥᤃᤢᤒᤠ ᤑᤧᤴ ᤕᤠ᤺ᤶᤒᤰᤜᤠ᤹ ᤕᤠᤶᤔᤥ ᤔᤧᤈᤥᤃᤢᤶᤒᤧᤴ ᤑᤠ᤹ᤀᤠᤱ ᤔᤧᤒᤠ᤺ᤳᤋᤢᤖᤥ॥  
\v 19 ᤀᤰᤂᤣᤗ᤹ᤖᤡᤰ ᤕᤖᤡᤰ ᤁᤡᤳᤆᤠᤰ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤴ ᤔᤏᤠᤜᤠ᤹ ᤂᤧᤵᤔᤥ ᤔᤧᤍᤩᤧᤀᤠᤱ ᤁᤡᤳᤆᤠᤰ ᤛᤠᤵᤗᤠᤜᤠ᤹ ᤔᤧᤛᤢᤵᤛᤢᤀᤠᤱ ᤔᤏᤠ ᤋᤃᤡᤀᤣ ᤔᤧᤜᤠ᤺ᤴᤍᤢ ᤔᤧᤍᤣ᤺ᤛᤢᤖᤥ॥ ᤂᤧᤴ ᤁᤡᤳᤆᤠᤰ ᤛᤠᤵᤗᤠᤜᤠ᤹ᤖᤧ ᤁᤢᤔᤧᤸᤗᤢᤱᤃ ᤜᤧᤴᤇᤡᤱ ᤅᤠᤒᤥ᤺ᤱᤏᤢ᤺ᤸᤗᤧᤀᤠᤱ ᤕᤖᤡᤰ (᥋᥆.᥆᥆᥆) ᤕᤢᤵᤐᤠᤕᤠᤱ ᤘᤕᤧᤖᤥ॥  
\v 20 ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤍᤠᤱᤒᤠᤖᤧ ᤁᤢᤕᤠ᤺ᤶᤒᤣᤀᤥ ᤁᤢᤒᤠ᤺ᤴᤈᤠᤰᤁᤡᤴ ᤔᤢᤰᤛᤠᤶᤏᤢ ᤁᤢᤎᤡᤶ ᤛᤧ᤺ᤖᤧᤖ ᤐᤣᤖᤥ॥ 
\s1 ᤀᤣᤑᤡᤛᤛᤀᤥ ᤜᤕᤱᤋᤧᤴᤎᤱ 
\p  
\v 21 ᤁᤴ ᤐᤠ᤺ᤴᤜᤠ᤹ ᤐᤥ᤺ᤰᤂᤧ ᤆᤢᤖᤧᤀᤠᤱ ᤐᤠᤘᤗᤖᤧ ᤔᤧᤛᤣᤍᤥᤏᤡᤕᤠ ᤏᤢ ᤀᤰᤂᤤᤕᤠ ᤌᤢᤶ ᤐᤥ᤺ᤱᤔᤠᤖ ᤕᤖᤢᤛᤗᤧᤔ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ॥ ᤜᤧᤰᤁᤩᤠᤱ ᤂᤧᤸᤗᤧ ᤀᤰᤂᤣ ᤔᤧᤳᤋᤢᤛᤡ. “ᤀᤡᤱᤃᤠ᤹ᤃ ᤂᤧᤵᤔᤥ ᤐᤣ᤺ᤰᤔᤠᤀᤠᤱ ᤖᤥᤔ ᤕᤧᤰᤕᤰᤁᤥᤀᤠᤱ ᤐᤣ᤺ᤰᤔᤠᤀᤣ ᤐᤥ᤺ᤱᤗᤥ॥”  
\v 22 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤓᤠ᤹ ᤁᤧᤒᤡᤒᤠ ᤏᤧᤵᤑᤢ ᤁᤢᤴᤈᤢᤶᤜᤠ᤹ ᤋᤡᤔᤥᤌᤡ ᤏᤢ ᤀᤡᤖᤠᤛ᤻ᤋᤛᤧᤴ ᤋᤃᤡ ᤔᤧᤛᤣᤍᤥᤏᤡᤕᤠᤀᤥ ᤐᤠᤱᤄᤢᤛᤡᤀᤠᤱ ᤂᤢᤏᤧ᤹ᤃ ᤀᤣᤛᤡᤕᤠ ᤋᤧᤱᤃᤵᤐᤥᤀᤣ ᤁᤢᤓᤠ ᤕᤧᤴ ᤕᤠ᤺ᤰᤋᤧᤖᤥ॥ 
\p  
\v 23 ᤒᤠ ᤂᤧᤴ ᤕᤧᤶᤔᤥ ᤀᤣᤑᤡᤛᤛᤀᤥ ᤍᤠᤱᤒᤠᤸᤗᤧ ᤁᤢᤗᤠᤶᤔᤡᤸᤗᤧ ᤁᤢᤍᤰᤗᤧᤱᤅᤥ ᤕᤶᤒᤠ ᤜᤕᤱᤁᤡᤸᤗᤡᤱ ᤐᤥ᤺ᤰᤂᤧᤖᤥ॥  
\v 24 ᤍᤧᤔᤧᤋᤪᤡᤕᤛ ᤔᤧᤵᤔᤏᤠᤒᤠ ᤕᤢᤵᤐᤠ ᤆᤥᤒᤧᤃᤢᤎᤡᤰ ᤘᤕᤧ॥ ᤂᤧᤴ ᤀᤠᤷᤋᤣᤔᤡᤛ\f * \fr 19:24 \ft ᤀᤠᤷᤋᤣᤔᤡᤛ–ᤃᤪᤡᤁᤣᤗᤡᤜᤠ᤹ᤖᤧ ᤀᤠᤷᤋᤣᤔᤡᤛ ᤔᤧᤵᤔᤏᤠᤔᤠ ᤛᤠᤶᤔᤠᤱᤅᤡᤴ ᤔᤏᤠᤜᤠ᤹ ᤏᤢ ᤕᤖᤡᤰ ᤘᤣ᤹ ᤛᤠᤶᤔᤠᤱᤜᤠ᤹ᤖᤧ ᤂᤢᤏᤡ᤹ ᤔᤠ ᤑᤠ᤹ᤀᤠᤱ ᤏᤛᤠ᤺ᤴ ᤔᤧᤈᤥᤃᤢ॥ ᤀᤣᤑᤡᤛᤡᤒᤠ ᤔᤏᤠᤜᤠ᤹ᤖᤧ ᤗᤳᤇᤠ ᤏᤢ᤺ᤒᤠ ᤏᤢ ᤕᤶᤒᤠ ᤔᤠᤱᤜᤡᤶᤎᤡᤰ ᤔᤧᤈᤥᤃᤢᤀᤠᤱ ᤘᤕᤧ॥ ᤂᤧᤵᤔᤥ ᤀᤠᤷᤋᤣᤔᤡᤛᤧᤸᤗᤧ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤔᤧᤳᤋᤢ॥\f* ᤛᤠᤶᤔᤠᤱᤅᤡᤸᤗᤧᤴ ᤆᤢᤈᤢᤰᤛᤠ ᤕᤢᤵᤐᤠ ᤔᤠᤱᤜᤡᤶ ᤁᤧᤈᤥ᤺ᤰᤐᤠ ᤘᤕᤧ ᤜᤧᤰᤁᤩᤠᤱ ᤂᤧᤴ ᤕᤠ᤺ᤶᤒᤰᤁᤥᤗᤠᤶ ᤕᤖᤡᤰ ᤏᤠᤘᤠᤀᤡᤳᤗᤠ ᤁᤧᤈᤥ᤺ᤰᤐᤠᤜᤠ᤹ᤖᤧ ᤜᤡᤶᤒᤪᤠᤶ ᤔᤧᤈᤥᤃᤢᤀᤠᤱ ᤔᤧᤘᤕᤧᤖᤥ॥  
\v 25 ᤜᤧᤰᤁᤩᤠᤱ ᤁᤴ ᤏᤠᤘᤠᤀᤡᤳᤗᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤘᤣ᤹ ᤜᤧᤰᤋᤱᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤁᤧᤖᤧᤰ ᤛᤢᤵᤛᤢᤛᤡᤀᤠᤱ ᤆᤢᤶᤗᤢᤱ ᤆᤥᤃᤢᤖ ᤀᤰᤂᤣ ᤔᤧᤳᤋᤢᤛᤡ. “ᤋᤣ᤺ᤱᤈᤢᤶᤛᤣ. ᤁᤴ ᤕᤠ᤺ᤶᤒᤰᤁᤥᤗᤠᤶ ᤀᤠᤏᤡ᤹ᤃ ᤛᤠ᤹ᤖᤡᤰᤁᤣ ᤕᤖᤡᤰ ᤕᤠᤱ ᤀᤠᤎᤃᤢᤶᤒᤠᤴ ᤂᤡᤏᤡ᤹ ᤁᤧᤏᤡ᤺ᤛᤢᤶᤔᤠᤱ ᤘᤠ᤹ᤖᤥ॥  
\v 26 ᤀᤠᤸᤗ ᤂᤡᤏᤡ᤹ ᤀᤠᤒᤠᤅᤣ ᤁᤧᤏᤡ᤺ᤛᤢᤶᤔᤠᤱ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ᤁᤴ ᤐᤠᤘᤗ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤧ ᤀᤣᤑᤡᤛᤛᤀᤥᤖᤰ ᤔᤧ᤺ᤴ. ᤁᤖ ᤀᤣᤛᤡᤕᤠ ᤂᤠᤖᤠᤰᤐᤠ ᤋᤧᤱᤃᤵᤐᤥ ᤕᤖᤡᤰ ᤔᤏᤠᤜᤠ᤹. ᤀᤠᤏᤡ᤹ ᤔᤏᤠᤜᤠ᤹ᤖᤧ ᤜᤢᤰᤁᤡᤸᤗᤧ ᤆᤥ᤺ᤰᤔᤏᤠᤛᤡᤒᤠ ᤏᤠᤘᤠᤀᤡᤳᤗᤠᤜᤠ᤹ ᤔᤠᤱᤛᤡ ᤔᤧ᤺ᤴᤗᤥ ᤑᤠ᤹ᤀᤠᤱ ᤗᤧᤔᤢᤛᤡᤖ ᤘᤠ᤹ᤖᤥ॥  
\v 27 ᤜᤧᤰᤁᤣ᤺ᤸᤗᤧ ᤁᤸᤗᤧᤃ ᤀᤠᤏᤡ᤹ ᤕᤠ᤺ᤶᤒᤰᤁᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤏᤠᤜᤠ᤹ᤖᤧ ᤑᤧᤴ ᤐᤠ᤺ᤴ ᤔᤧᤒᤠ᤺ᤳᤋᤢᤒᤠ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤏᤠᤜᤠ᤹ᤖᤧ ᤛᤣᤘᤠ ᤔᤧᤈᤥᤃᤢᤒᤠ ᤀᤠᤷᤋᤣᤔᤡᤛ ᤛᤠᤶᤔᤠᤱᤅᤡᤴ ᤏᤢ ᤁᤢᤔᤠᤱᤜᤡᤶᤔᤡᤸᤗᤧ ᤁᤢᤈᤠ᤺ᤳᤌᤡ ᤁᤧᤒᤣ᤺ᤰᤐᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥” 
\p  
\v 28 ᤀᤠᤸᤗ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤂᤧᤱᤜᤠ᤹ ᤁᤧᤖᤧᤰᤗᤧ ᤂᤢᤏᤡ᤹ ᤛᤡᤰ ᤐᤥᤃᤧᤀᤠᤱ ᤀᤰᤂᤣᤗ᤹ᤖᤡᤰ ᤀ᤺ᤰᤔᤠ ᤔᤧᤜᤣ᤺ᤰᤋᤧ. “ᤀᤣᤑᤡᤛᤛ᤻ᤔᤠ ᤀᤠᤷᤋᤣᤔᤡᤛ ᤛᤠᤶᤔᤠᤱᤅᤡᤴᤏᤣ ᤛᤠ᤹ᤖᤡᤰ ᤐᤕᤶ ᤕᤶᤒᤠ ᤛᤠᤶᤔᤠᤱᤗᤥ᥄”  
\v 29 ᤜᤧᤰᤁᤣ᤺ᤸᤗᤧ ᤛᤵᤑᤠᤖᤧᤛᤠ ᤁᤠᤰ ᤕᤧᤰᤕᤰᤁᤥ ᤜᤕᤱᤁᤡᤸᤗᤡᤱ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤔᤏᤠᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤐᤠᤘᤗᤧᤴᤏᤢ ᤔᤧᤛᤣᤍᤥᤏᤡᤕᤠᤗᤠᤶ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠ ᤁᤢᤴᤈᤢᤶᤜᤠ᤹ ᤃᤠᤕᤛ ᤏᤢ ᤀᤖᤡᤛ᤻ᤋᤠᤷᤂᤛᤛᤡ ᤔᤧᤍᤧᤶᤛᤢᤛᤡᤀᤠᤱ ᤐᤱᤘᤠᤀᤡᤳᤗᤠᤍᤧᤴᤏᤥ\f * \fr 19:29 \ft ᤐᤱᤘᤠᤀᤡᤳᤗᤠᤍᤧᤴ–ᤀᤣᤑᤡᤛᤛ ᤕᤧᤰᤕᤰᤁᤡᤸᤗᤧ ᤁᤢᤗᤢᤶᤔᤥ ᤐᤱᤘᤠᤀᤡᤳᤗᤠᤍᤧᤴ ᤘᤕᤧ॥ ᤂᤧᤵᤔᤥ ᤕᤖᤡᤰ ᤔᤏᤧᤜᤠ᤹ ᤆᤢᤶᤗᤢᤱ ᤔᤧᤈᤥᤃᤧ. ᤜᤧᤰᤁᤩᤠᤱ ᤐᤱᤘᤠᤀᤡᤳᤗᤠ ᤏᤢ ᤜᤰᤆᤠᤳᤋᤠᤱ ᤔᤧᤈᤠ᤺ᤳᤋᤢ॥\f* ᤔᤧᤍᤠᤖᤢᤛᤡᤖᤥ॥  
\v 30 ᤐᤠᤘᤗᤖᤧᤀᤠᤱ ᤂᤧᤵᤔᤥ ᤐᤣ᤺ᤰᤔᤠᤀᤠᤱ ᤐᤠ᤺ᤵᤔᤠ ᤏᤡᤱᤘᤠ᤹ ᤆᤥᤃᤢ. ᤁᤖ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤧ᤹ ᤂᤧᤵᤔᤥ ᤐᤣ᤺ᤰᤔᤠ ᤔᤧᤶᤒᤠᤱᤄᤢᤴᤗᤥ॥  
\v 31 ᤐᤠᤘᤗᤖᤧ ᤁᤢᤓᤠ ᤁᤢᤴᤈᤢᤶ ᤋᤧᤱᤃᤐᤩᤢᤰᤐᤠᤜᤠ᤹ᤖᤧᤀᤠᤱ ᤂᤢᤏᤧ᤹ ᤐᤱᤘᤠᤀᤡᤳᤗᤠᤍᤧᤴᤏᤥ ᤀᤥᤛᤣ᤺ᤴᤔᤧᤎᤠᤰᤛᤡᤱᤅᤡᤴᤏᤡ ᤑᤠ᤹ᤀᤠᤱ ᤀᤡᤱᤄᤱ ᤔᤧᤜᤠᤅᤢᤖᤥ॥ 
\p  
\v 32 ᤜᤧᤰᤁᤩᤠᤱ ᤆᤢᤶᤗᤢᤱᤒᤠ ᤔᤏᤠᤜᤠ᤹ᤖᤧ ᤜᤕᤱᤁᤡᤸᤗᤡᤱ ᤔᤧᤈᤥᤃᤢᤖ ᤁᤢᤓᤠ ᤌᤡᤰ ᤐᤠ᤺ᤴᤏᤥ ᤔᤧᤀ᤺ᤰᤋᤧ. ᤘᤣ᤹ᤜᤠ᤹ ᤘᤣ᤹ ᤐᤠ᤺ᤴᤏᤥ ᤔᤧᤀ᤺ᤰᤋᤧ. ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤡ᤹ ᤐᤠ᤺ᤴ ᤔᤧᤍᤅᤧᤴᤏᤠᤱ ᤌᤣᤀᤠᤱ ᤔᤏᤠᤜᤠ᤹ ᤂᤧᤵᤔᤥ ᤔᤧᤈᤢᤵᤛᤧᤒᤠ ᤕᤖᤡᤰᤗᤧ ᤌᤣᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥  
\v 33 ᤁᤢᤓᤠ ᤕᤜᤢᤍᤡᤜᤠ᤹ᤖᤧ ᤀᤗᤧᤰᤈᤧᤴᤍᤖ ᤔᤧᤵᤔᤏᤠᤒᤠ ᤔᤏᤠ᤺ᤴ ᤁᤴ ᤜᤕᤱᤁᤡᤸᤗᤡᤱᤅᤡᤴ ᤌᤣᤀᤠᤱ ᤐᤥ᤺ᤰᤂᤧᤒᤠ ᤑᤠ᤹ᤀᤠᤱ ᤆᤧᤱᤛᤧ ᤂᤢᤏᤧ᤹ ᤋᤃᤡ ᤔᤧᤈᤴᤍᤢ॥ ᤜᤧᤰᤁᤩᤠᤱ ᤀᤗᤣᤰᤈᤣᤴᤍᤖᤗᤧ ᤌᤡᤰ ᤏᤧᤳᤇᤡ ᤏᤠᤱᤛᤡᤱᤔᤠ ᤐᤠ᤺ᤴᤜᤠ᤹ ᤐᤠ᤺ᤵᤔᤠ ᤑᤠ᤹ᤀᤠᤱ ᤜᤢᤰᤑᤥ᤺ᤰᤂᤢᤖ ᤔᤏᤠᤜᤠ᤹ ᤛᤫᤠ᤺ᤳ ᤆᤥ᤺ᤰᤔᤠᤛᤡ ᤏᤡᤱᤘᤠ᤹ ᤆᤥᤃᤢᤖᤥ॥  
\v 34 ᤁᤖ ᤂᤢᤏᤧ᤹ ᤕᤜᤢᤍᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤔᤏᤠᤜᤠ᤹ ᤛᤠ᤹ᤖᤡᤰ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤂᤵᤔᤧ ᤁᤢᤔᤢᤰ ᤏᤧᤳᤇᤡ ᤌᤠᤖᤡᤰ ᤀᤰᤂᤣ ᤗ᤹ᤖᤡᤰ ᤔᤧᤀ᤺ᤰᤋᤧ. “ᤀᤣᤑᤡᤛᤛ᤻ᤔᤠ ᤀᤠᤷᤋᤣᤔᤡᤛ ᤛᤠᤶᤔᤠᤱᤅᤡᤴᤏᤣ ᤛᤠ᤹ᤖᤡᤰ ᤐᤕᤶ ᤕᤶᤒᤠ ᤛᤠᤶᤔᤠᤱᤗᤥ᥄” 
\p  
\v 35 ᤜᤧᤰᤁᤩᤠᤱ ᤁᤢᤏᤢᤵᤔᤥ ᤕᤧᤰᤕᤰ ᤛᤢᤜᤠᤱᤃᤧᤶᤒᤠᤸᤗᤧ ᤁᤠᤰ ᤔᤏᤠᤜᤠ᤹ ᤛᤫᤠ᤺ᤳ ᤆᤥᤃᤢᤛᤡᤀᤠᤱ ᤔᤧᤳᤋᤢᤛᤡ. “ᤋᤣ᤺ᤱᤈᤢᤶᤛᤣ. ᤁᤴ ᤀᤣᤑᤡᤛᤛ᤻ᤔᤠ ᤋᤧᤱᤃᤵᤐᤡᤱᤃ ᤐᤕᤶ ᤀᤠᤷᤋᤣᤔᤡᤛ ᤔᤠᤱᤅᤡᤸᤗᤧ ᤁᤢᤔᤠᤱᤜᤡᤶ ᤏᤢ ᤋᤠᤱᤛᤠᤰᤐᤥᤗᤠᤶ ᤔᤰᤁᤧᤎᤠ᤺ᤒᤠ ᤁᤢᤏᤠᤘᤠᤀᤡᤳᤗᤠ ᤁᤧᤃᤵᤐᤠ ᤑᤠ᤹ᤀᤠᤱ ᤁᤠᤰ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤔᤧᤘᤠ᤹ᤖᤥ॥  
\v 36 ᤀᤠᤳᤋᤡᤸᤗᤧᤀᤠᤱ ᤁᤴ ᤐᤠ᤺ᤴᤏᤡᤴ ᤀᤵᤔᤠ ᤔᤧᤛᤢᤰᤋᤢᤴᤗᤥ. ᤌᤣᤀᤠᤱᤓᤧᤸᤗᤧ ᤁᤠᤰᤗᤧ ᤁᤴ ᤐᤠ᤺ᤴᤏᤡᤴ ᤛᤧᤰᤂᤠᤀᤣᤖᤥ ᤑᤠ᤹ᤀᤠᤱ ᤔᤧᤏᤡ᤺ᤛᤢᤀᤠᤱ ᤔᤧᤘᤠ᤹ᤖᤥ॥ ᤜᤧᤰᤁᤣ᤺ᤸᤗᤧ ᤀᤠᤸᤗᤥ ᤂᤡᤏᤡ᤹ᤃ ᤔᤧᤴᤀᤡ᤺ᤳᤋᤣ ᤌᤣᤀᤠᤱ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤍᤠ᤺ᤒᤠ ᤕᤠ᤺ᤶᤒᤰ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥  
\v 37 ᤂᤡᤏᤡ᤹ ᤁᤴ ᤏᤧᤵᤑᤢ ᤔᤏᤠᤜᤠ᤹ ᤁᤧᤍᤠᤖᤢᤶᤛᤡᤶᤔᤠᤱ ᤘᤠ᤹ᤛᤡ. ᤁᤖ ᤁᤱᤜᤠ᤹ᤖᤧ ᤔᤠᤱᤜᤡᤶᤔᤥᤗᤠᤶ ᤌᤣᤀᤠᤱ ᤔᤧᤱᤄᤢ᤺ᤳᤋᤣ ᤘᤠ᤹ᤛᤡ. ᤜᤧᤰᤁᤩᤠᤱ ᤀᤠᤏᤡ᤹ ᤀᤠᤷᤋᤣᤔᤡᤛ ᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠ᤺ᤴᤏᤠᤱ ᤔᤧᤶᤒᤠ᤺ᤳᤋᤣ ᤘᤠ᤹ᤛᤡᤖᤥ॥  
\v 38 ᤍᤧᤔᤧᤋᤪᤡᤕᤛ ᤏᤢ ᤁᤢᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤁᤢᤓᤠ ᤔᤏᤠᤜᤠ᤹ᤖᤧ ᤋᤰᤗᤧᤱᤘᤠᤀᤥ ᤀᤠᤵᤋᤡᤰ ᤘᤠ᤹ᤏᤧ ᤑᤠ᤹ᤃᤪ ᤂᤠᤛᤧᤴᤜᤡᤶ ᤏᤢ ᤛᤢᤜᤠᤱᤜᤡᤶ ᤘᤠ᤹. ᤜᤠᤖᤠ᤹ ᤂᤧᤵᤔᤥ ᤔᤧᤍᤠᤖᤢᤏᤡ॥  
\v 39 ᤁᤖ ᤂᤧᤴᤏᤠᤱᤎᤥ ᤘᤣ᤹ ᤐᤠ᤺ᤴ ᤁᤧᤃᤳᤋᤢᤶᤏᤧ ᤑᤠ᤹ᤃᤪ ᤆᤥ᤺ᤰᤌᤡᤶ ᤆᤢᤶᤗᤢᤱᤅᤥᤗᤠᤶ ᤐᤠ᤺ᤴ ᤁᤧᤔᤠ ᤐᤥ᤺ᤱᤗᤥ॥  
\v 40 ᤜᤧᤰᤁᤣ᤺ᤸᤗᤧ ᤀᤠᤀᤡᤴ ᤁᤧᤒᤥ᤺ᤱᤒᤠ ᤁᤴ ᤜᤕᤱᤁᤡᤸᤗᤡᤱᤖᤧᤴ ᤀᤠᤵᤋᤡᤰᤁᤡᤴ ᤖᤥᤔᤡ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤀᤠᤏᤡ᤹ ᤀᤠᤶᤃᤢ᤺ᤵᤐᤠ ᤐᤥ᤺ᤰᤂᤧᤖᤥ॥ ᤜᤧᤰᤁᤣ᤺ᤸᤗᤧ ᤁᤴ ᤌᤣ ᤐᤥ᤺ᤰᤂᤧᤒᤠ ᤑᤠ᤹ᤀᤠᤱ ᤌᤣᤀᤠᤱ ᤐᤠ᤺ᤵᤔᤠ ᤀᤠᤴᤇᤢᤰᤋᤢᤶᤔᤡᤴᤗᤥ॥”  
\v 41 ᤕᤧᤰᤕᤰ ᤛᤢᤜᤠᤱᤔᤡᤒᤠᤸᤗᤧ ᤜᤧᤰᤁᤣ ᤔᤧᤳᤋᤢᤛᤡᤀᤠᤱ ᤁᤧᤍᤠ᤺ᤒᤠ ᤔᤏᤠᤜᤠ᤹ ᤐᤠᤱᤄᤢᤍᤣ᤺ᤛᤢᤛᤡᤖᤥ॥ 
\c 20  
\s1 ᤐᤠᤘᤗᤧᤴ ᤔᤧᤛᤣᤍᤥᤏᤡᤕᤠ ᤏᤢ ᤃᤪᤡᤛ ᤗᤠᤈᤣ᤹ᤀᤥ ᤗᤠᤶᤍᤡ᤺ᤰ ᤆᤥ᤺ᤰ 
\p  
\v 1 ᤜᤧᤰᤁᤩᤠᤱ ᤂᤧᤴ ᤜᤕᤱᤁᤡᤸᤗᤡᤱ ᤗ᤹ᤔᤧᤴ ᤆᤡᤈᤡᤂᤰᤂᤰ ᤐᤥ᤺ᤰᤂᤧᤀᤠᤱ ᤐᤠᤘᤗᤖᤧ ᤀᤣᤑᤡᤛᤛ᤻ᤔᤠ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤀᤠ᤺ᤴᤇᤡᤱᤔᤠ ᤐᤡᤖᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤏᤢ ᤛᤧᤶᤔᤢ᤹ᤀᤡ ᤆᤥᤃᤢᤀᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤔᤧᤛᤣᤍᤥᤏᤡᤕᤠᤀᤥ ᤐᤣᤖᤥ॥  
\v 2 ᤜᤧᤰᤁᤩᤠᤱ ᤂᤧᤴ ᤌᤢᤶᤔᤥ ᤐᤥ᤺ᤰᤂᤧᤖ ᤗᤠᤶᤍᤡ᤺ᤰ ᤆᤥᤃᤧᤸᤗᤧ ᤏᤛᤠᤏᤡᤒᤠᤜᤠ᤹ ᤀᤠ᤺ᤴᤇᤡᤱᤔᤠ ᤐᤡᤖᤢᤛᤡ॥ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤃᤪᤡᤛ ᤗᤠᤈᤣ᤹ᤀᤥ ᤁᤧᤖᤧᤀᤠᤱ  
\v 3 ᤂᤢᤏᤧ᤹ ᤂᤧᤵᤔᤥ ᤗᤠ ᤛᤢᤶᤛᤡ ᤌᤠᤖᤡᤰ ᤕᤠ᤺ᤰᤋᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤛᤡᤖᤡᤕᤠ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠᤀᤠᤱ ᤐᤣ᤺ᤰᤔᤠ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤘᤕᤧᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤛᤧᤵᤔᤠ ᤀᤡᤱᤔᤧᤍᤱᤄᤢᤀᤠᤱ ᤘᤠ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤂᤧᤵᤔᤥᤗᤠᤶ ᤂᤢᤏᤧ᤹ ᤔᤧᤛᤣᤍᤥᤏᤡᤕᤠᤗᤠᤶ ᤗᤠᤱᤄᤣ᤺ᤰᤔᤠᤀᤠᤱ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ॥  
\v 4 ᤜᤧᤰᤁᤩᤠᤱ ᤒᤣᤖᤡᤕᤠ ᤁᤧᤕᤢᤱᤒᤠ ᤐᤢᤖᤛᤖᤧ ᤁᤢᤛ᤻ᤛᤠ᤺ ᤛᤥᤐᤠᤋᤪᤥᤛ. ᤌᤡᤛ᤻ᤛᤗᤥᤏᤡᤁᤠᤗᤠᤶ ᤀᤖᤡᤛ᤻ᤋᤠᤷᤂᤛ ᤏᤢ ᤛᤡᤁᤴᤍᤛ. ᤍᤷᤒᤡᤗᤠᤶ ᤃᤠᤕᤛ. ᤃᤗᤠᤋᤡᤕᤠᤗᤠᤶ ᤋᤡᤔᤥᤌᤡ. ᤜᤧᤰᤁᤩᤠᤱ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥᤗᤠᤶ ᤋᤢᤂᤡᤁᤛ ᤏᤢ ᤋᤪᤥᤑᤡᤔᤛᤛᤡ ᤂᤢᤏᤧ᤹ᤏᤢᤀᤣ ᤔᤧᤘᤕᤧᤖᤥ॥  
\v 5 ᤂᤧᤱᤜᤠ᤹ ᤀᤠᤴᤇᤡᤃᤧᤏᤢ ᤋᤃᤡ ᤔᤧᤒᤣᤀᤠᤱ ᤋᤪᤥᤀᤠᤛᤀᤥᤀᤣ ᤕᤠᤵᤔᤡ ᤔᤧᤜᤠᤱᤄᤡᤃᤧᤖᤥ॥  
\v 6 ᤀᤠᤏᤡᤃᤧ ᤛᤡᤍᤠ᤹ ᤔᤧᤶᤓ᤺ᤴᤏᤣᤒᤠ ᤂᤖᤧ᤺ᤱ ᤆᤠᤔᤠ ᤋᤱᤏᤠᤶ ᤁᤢᤀᤣᤃᤠᤱ ᤘᤠᤗᤠᤶᤍᤡ᤺ᤰᤁᤥ ᤑᤡᤗᤡᤵᤐᤡᤗᤠᤶ ᤌᤠᤛᤡᤱᤔᤏᤠᤀᤠᤱ ᤅᤠᤛᤡ ᤕᤧᤴ ᤀᤣᤃᤠᤱ ᤘᤣ᤹ ᤑᤢ᤹ᤏᤢᤛᤠ᤹ᤜᤠ᤹ ᤋᤪᤥᤀᤠᤛᤀᤥ ᤋᤢᤶᤏᤠᤛᤡ ᤜᤧᤰᤁᤩᤠᤱ ᤂᤧᤵᤔᤥ ᤏᤢᤛᤡ (᥍) ᤕᤧᤴ ᤛᤥᤖᤡᤰ ᤘᤠ᤹ᤔᤏᤠᤖᤥ॥ 
\s1 ᤐᤠᤘᤗᤖᤧ ᤌᤠᤱᤒᤧᤴᤎᤡᤰ ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤆᤥᤃᤢ᤹ 
\p  
\v 7 ᤜᤧᤰᤁᤩᤠᤱ ᤋᤧᤏᤧᤒᤠ ᤕᤧᤴᤏᤡᤸᤗᤧᤴ ᤕᤢ᤺ᤴᤇᤡᤰ ᤀᤠᤏᤡᤃᤧ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤏᤢ ᤍᤠᤱᤒᤠᤸᤗᤧᤴ ᤛᤠᤓᤠᤱᤈᤠ ᤆᤠᤔᤠ ᤑᤠ᤹ᤀᤠᤱ ᤛᤥᤖᤡᤰ ᤆᤢᤶᤔᤏᤠᤖᤥ॥ ᤁᤴ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤏᤢ ᤐᤠᤘᤗᤧᤴ ᤛᤧᤳᤗᤢᤶᤓᤰᤋᤧᤖ ᤌᤠᤖᤡᤰ ᤐᤠᤖᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤁᤢᤏᤠᤶᤍᤠ᤺ᤵᤔᤠ ᤂᤧᤵᤔᤥᤗᤠᤶ ᤁᤧᤒᤣ᤺ᤰᤐᤠ ᤘᤕᤧᤖᤥ॥  
\v 8 ᤀᤠᤏᤡᤃᤧ ᤆᤢᤶᤗᤢᤱ ᤆᤥ᤺ᤰᤔᤏᤠᤒᤠ ᤌᤥ᤺ᤛ᤻ᤔᤠ ᤕᤠᤰᤑᤠᤀᤥ ᤕᤖᤡᤰ ᤛᤣᤔᤡᤜᤠ᤹ ᤔᤧᤜᤠ᤺ᤴᤍᤢᤀᤠᤱ ᤕᤢᤅᤧᤖᤥ॥  
\v 9 ᤂᤧᤵᤔᤥ ᤕᤢᤋᤠᤀᤡᤁᤛ ᤔᤧᤵᤔᤏᤠᤒᤠ ᤏᤠᤗᤡᤱᤃᤧᤴ ᤌᤠᤱᤒᤧᤴᤎᤡᤰ ᤐᤣᤎᤠ᤺ᤵᤐᤥ ᤐᤣᤀᤠᤱ ᤕᤢᤱᤛᤡᤱ॥ ᤐᤠᤘᤗᤧᤴ ᤆᤰᤔᤧᤸᤗ᤹ᤀᤣ ᤐᤠᤖᤧᤖ ᤐᤳᤇᤧᤸᤗᤧ ᤂᤧᤴ ᤌᤠᤱᤒᤧᤴᤏᤡᤴ ᤁᤢᤔᤡᤁᤩᤢ᤺ᤛᤧᤀᤠᤱ ᤀᤡᤶᤎᤰᤘᤠ ᤗᤥᤖᤧᤖ ᤕᤢᤅᤧ॥ ᤜᤧᤰᤁᤩᤠᤱ ᤂᤧᤴ ᤛᤠ᤹ᤖᤡᤰ ᤀᤡᤵᤛᤧᤸᤗᤧ ᤛᤢᤶᤛᤡᤃᤣ᤺ᤰᤛᤔᤠ ᤂᤠᤶᤗᤥᤀᤥᤏᤢ ᤕᤥ ᤔᤰᤌᤩᤧᤀᤠᤱ ᤛᤩᤧᤖᤥ॥ ᤔᤏᤠᤜᤠ᤹ᤖᤧ ᤔᤧᤒᤣᤀᤠᤱ ᤀᤥᤔᤧᤔᤧᤳᤋᤢᤸᤗᤧᤃ ᤀᤠᤴᤍᤣ᤺ᤴᤇᤠ ᤛᤩᤧᤀᤠᤱ ᤏᤧᤛ᤻ᤛᤧᤖᤥ॥  
\v 10 ᤁᤖ ᤐᤠᤘᤗᤧᤴ ᤕᤥ ᤐᤣᤀᤠᤱ ᤂᤢᤏᤧ᤹ ᤛᤶᤍᤠᤱ ᤛᤸᤗᤡᤰ ᤛᤴᤇᤡᤱᤗ ᤜᤧᤵᤐᤪᤧᤰ ᤜᤧᤵᤋᤢᤀᤠᤱ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤏᤡᤱᤘᤠ᤹ᤀᤥ ᤔᤧᤃᤡᤛᤧᤶᤔᤡᤴᤏᤧ᤹ᤀᤥ. ᤂᤢᤏᤧ᤹ᤃ ᤁᤢᤜᤡᤱᤘᤧᤳ ᤘᤠ᤹ᤖᤥ᥄”  
\v 11 ᤜᤧᤰᤁᤩᤠᤱ ᤌᤥ᤺ᤛ᤻ᤔᤠ ᤕᤠᤰᤑᤠᤀᤥ ᤔᤧᤒᤣᤀᤠᤱ ᤍᤠᤱᤒᤠᤸᤗᤧᤴ ᤛᤠᤓᤠᤱᤈᤠ ᤛᤥᤖᤡᤰ ᤔᤧᤈᤖᤥ॥ ᤂᤢᤏᤧ᤹ ᤂᤠᤀᤥ᤺ᤳᤋᤧᤖ ᤌᤠᤖᤡᤰ ᤂᤢᤏᤡ᤹ᤏᤢ ᤋᤠ᤹ᤈᤧᤰᤂᤧ. ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤛᤧᤶᤔᤢ᤹ᤀᤡ ᤐᤥ᤺ᤰᤂᤧᤀᤠᤱ ᤌᤠᤛᤡᤱᤗᤥ॥  
\v 12 ᤂᤧᤱᤜᤠ᤹ᤖᤧ ᤂᤧᤴ ᤌᤠᤱᤒᤧᤴᤏᤡᤴ ᤁᤢᤜᤡᤱᤘᤧᤳᤋᤣ ᤁᤢᤜᤡᤶᤔᤥ ᤔᤧᤍᤣ᤹ᤖᤢᤀᤠᤱ ᤂᤧᤱᤜᤠ᤹ ᤛᤠ᤹ᤖᤡᤰᤁᤣ ᤜᤠᤱᤜᤠᤱ ᤔᤧᤗ᤹ᤖᤧᤖᤥ॥ 
\s1 ᤋᤪᤥᤀᤠᤛᤗᤠᤶ ᤔᤡᤗᤣᤋᤛ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰ 
\p  
\v 13 ᤀᤠᤏᤡᤃᤧ ᤘᤠᤗᤠᤎᤠᤗᤠᤶ ᤋᤃᤡ ᤀᤛ᤻ᤛᤥᤛ ᤕᤧᤰᤕᤰᤁᤥ ᤐᤣ᤺ᤰᤔᤏᤠ॥ ᤂᤧᤵᤔᤥᤀᤣ ᤐᤠᤘᤗᤧᤴ ᤘᤠᤗᤠᤎᤠᤗᤠᤀᤥ ᤁᤣ᤺ᤵᤔᤠ ᤐᤠ᤺ᤴ ᤘᤕᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤧᤵᤔᤥ ᤌᤠᤖᤡᤰ ᤗᤠᤱᤄᤣ᤺ᤰᤔᤠᤖ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧᤖᤥ॥  
\v 14 ᤜᤧᤰᤁᤩᤠᤱ ᤐᤠᤘᤗᤖᤧ ᤀᤛ᤻ᤛᤥᤛᤀᤥ ᤕᤠᤵᤔᤡ ᤋᤢᤔᤡᤃᤧ ᤜᤧᤰᤁᤩᤠᤱ ᤘᤠᤗᤠᤎᤠᤀᤥ ᤁᤣ᤺ᤵᤔᤏᤠᤀᤠᤱ ᤂᤧᤵᤔᤥᤗᤠᤶ ᤔᤡᤳᤋᤡᤗᤣᤏᤡ ᤘᤠᤃᤵᤂᤠᤶ ᤗᤧᤵᤔᤠᤱ ᤌᤠᤛᤡᤱᤔᤏᤠᤖᤥ॥  
\v 15 ᤂᤧᤵᤔᤥᤗᤠᤶ ᤀᤠᤏᤡᤃᤧ ᤁᤢᤍᤠ᤺ᤴᤍᤡᤰᤔᤠ ᤂᤡᤕᤛ ᤘᤠᤃᤵᤂᤠᤶᤔᤥ ᤁᤧᤵᤔᤏᤠ॥ ᤜᤧᤰᤁᤩᤠᤱ ᤁᤢᤀᤠᤳᤇᤡᤴᤍᤠ᤺ᤴ ᤛᤠᤔᤥᤛ ᤘᤠᤃᤵᤂᤠᤶᤔᤥ ᤁᤧᤵᤔᤏᤠᤀᤠᤱ ᤁᤢᤀᤠᤰᤂᤧᤴᤍᤠ᤺ᤴ ᤔᤡᤗᤣᤋᤛ ᤕᤧᤰᤕᤰᤁᤥ ᤋᤠ᤺ᤶᤏᤠᤖᤥ॥  
\v 16 ᤐᤠᤘᤗᤖᤧ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤔᤧᤴᤏᤠ᤺ᤶᤛᤡᤱᤅᤣ. ᤜᤧᤰᤁᤩᤠᤱ ᤀᤣᤑᤡᤛᤛᤀᤥ ᤔᤧᤴᤗ᤺ᤴᤏᤣ ᤁᤢᤒᤣᤛᤠᤱ ᤐᤥ᤺ᤱᤔᤠᤖ ᤐᤣ᤺ᤰᤔᤠᤀᤠᤱ ᤜᤠᤖᤠᤀᤣ ᤕᤖᤢᤛᤗᤧᤔ ᤁᤧᤵᤔᤠ ᤏᤡᤱᤘᤠ᤹ ᤆᤥᤃᤢ. ᤌᤣᤀᤠᤱᤓᤧᤸᤗᤧ ᤐᤧᤴᤋᤡᤁᤥᤛ᤻ᤋ ᤋᤱᤏᤠᤶᤔᤥ ᤂᤧᤵᤔᤥ ᤘᤠ᤹ᤔᤠ ᤁᤧᤗ᤹ᤒᤠ ᤁᤢᤏᤡᤱᤘᤠ᤹ ᤘᤕᤧ॥ 
\s1 ᤐᤠᤘᤗᤧᤴ ᤀᤣᤑᤡᤛᤛ᤻ᤔᤠ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤏᤢ ᤛᤧᤶᤔᤢ᤹ᤀᤡ ᤏᤠ᤺ᤰ 
\p  
\v 17 ᤐᤠᤘᤗᤖᤧ ᤔᤡᤗᤣᤋᤛ᤻ᤗᤠᤶ ᤀᤣᤑᤡᤛᤛ᤻ᤔᤠ ᤛᤣᤛᤣᤜᤢᤵᤗᤰᤐᤠ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤁᤢᤍᤢᤶᤛᤧ ᤀᤢ᤺ᤳᤋᤢᤛᤡ॥  
\v 18 ᤂᤧᤱᤜᤠ᤹ ᤂᤧᤵᤔᤥ ᤔᤧᤃᤧᤖᤧᤀᤠᤱ ᤐᤠᤘᤗᤖᤧ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤁᤧᤖᤠᤱᤒᤠ ᤌᤡᤰᤛᤡᤃᤣ᤺ᤰᤛᤔᤠ ᤕᤧᤴᤏᤠᤱᤎᤥᤀᤣ ᤀᤠᤰᤂᤣᤗ᤹ᤖᤡᤰ ᤂᤡᤏᤡ᤹ᤏᤢ ᤘᤕᤠᤱ ᤁᤧᤗ᤹ᤒᤠ ᤂᤡᤏᤡ᤹ ᤏᤢ᤺ᤖᤡᤰᤁᤠᤱ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡᤖᤥ॥  
\v 19 ᤀᤡᤱᤃᤠ᤹ᤃ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤏᤢ ᤔᤡᤰᤘᤠ ᤛᤥᤖᤡᤰ ᤕᤜᤢᤍᤡ ᤏᤡᤱᤄᤢᤶᤔᤥᤀᤠᤱ ᤍᤠᤱᤒᤠᤸᤗᤧ ᤁᤢᤛᤣᤘᤠ ᤆᤥᤃᤢᤱᤗᤥ॥  
\v 20 ᤜᤧᤰᤁᤩᤠᤱ ᤂᤡᤏᤡ᤹ ᤏᤡ᤺ᤔᤠ ᤌᤠ᤺ᤔᤠ ᤁᤧᤒᤥ᤺ᤱᤒᤠ ᤁᤠᤰ ᤐᤠ᤺ᤴᤜᤠ᤹ ᤔᤧᤳᤏᤡᤱᤅᤠᤱ ᤘᤕᤠᤱ ᤜᤧᤰᤁᤩᤠᤱ ᤔᤏᤠᤗᤢᤶᤔᤥ ᤀᤡᤱᤓᤴ ᤆᤥ᤺ᤰᤔᤠ ᤏᤢ ᤂᤡᤏᤡ᤹ ᤜᤡᤶᤜᤡᤶ ᤋᤠᤰᤁᤶᤔᤠᤖ ᤏᤡᤛᤠᤶ ᤜᤢ᤹ᤔᤠ ᤀᤡᤱᤃᤠ᤹ ᤆᤰᤔᤧᤸᤗ᤹ᤀᤣ ᤆᤥᤃᤢᤱᤅᤠᤱ ᤘᤕᤠᤱᤒᤠᤱᤃ ᤂᤡᤏᤡ᤹ ᤁᤧᤏᤡ᤺ᤛᤢᤶᤔᤠᤱᤅᤣ ᤁᤧᤘᤕᤡ᤹ᤖᤥ॥  
\v 21 ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱ ᤗᤧᤵᤔᤠᤱ ᤏᤢ᤺ᤰᤂᤧᤶᤔᤧ᤹ ᤔᤧᤵᤔᤠᤛᤡ ᤏᤢ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋ ᤛᤶᤍᤠᤱ ᤏᤛᤠ᤺ᤴ ᤆᤥ᤺ᤰ ᤐᤠᤱᤔᤠᤛᤡ ᤑᤠ᤹ᤀᤠᤱ ᤀᤡᤱᤃᤠ᤹ ᤛᤠᤶᤍᤡᤱ ᤐᤡᤖᤢᤱᤛᤡᤱᤅᤠᤱ ᤘᤠ᤹ᤀᤠᤖᤥ॥ 
\p  
\v 22 ᤀᤠᤸᤗ ᤛᤣᤛᤣᤔᤠᤱᤅᤡᤸᤗᤧ ᤀᤥᤛᤣ᤺ᤴᤎᤠᤰᤋᤠᤱᤒᤠ ᤁᤢᤀᤡᤛᤡ᤺ᤰ ᤕᤖᤢᤛᤗᤧᤔ ᤐᤣ᤺ᤰᤁᤠᤖ ᤐᤳᤋᤠᤖᤥ॥ ᤂᤧᤵᤔᤥ ᤌᤣ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤃᤠ᤹ ᤌᤣᤀᤠᤱ ᤏᤡᤱᤘᤠ᤹ ᤔᤧᤃᤳᤋᤠᤴᤗᤥ॥  
\v 23 ᤁᤖ ᤁᤧᤖᤧᤰ ᤀᤡᤱᤃᤠ᤹ ᤐᤣᤃᤠᤱᤒᤠ ᤕᤧᤰᤕᤰᤁᤥ ᤛᤣᤛᤣᤔᤠᤱᤅᤡᤸᤗᤧ ᤀᤡᤱᤃᤠ᤹ ᤔᤧᤳᤋᤠᤱᤒᤠ ᤁᤢᤀᤡᤛᤡ᤺ᤰ. ᤐᤢᤱᤗᤠᤜᤡᤶ ᤏᤢ ᤋᤢᤰᤂᤣᤖᤧ ᤂᤧᤵᤔᤥ ᤜᤠᤱᤅᤠᤖ ᤘᤠ᤹ᤀᤠᤖᤥ॥  
\v 24 ᤁᤖ ᤀᤠᤜᤡᤱᤔᤴᤏᤥ ᤍᤠᤱᤒᤠ ᤕᤧᤛᤢᤖᤧ ᤐᤡᤖᤠᤱᤒᤠ ᤕᤠ᤺ᤶᤒᤰᤁᤡᤴ ᤆᤥ᤺ᤰᤔᤠ ᤛᤢ᤺ᤵᤔᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤄᤱ ᤀᤡᤱᤓᤥ᤺ᤔᤠᤀᤠᤱᤎᤥ ᤘᤣ᤹ ᤌᤣᤀᤠᤱ ᤔᤧᤀᤡ᤺ᤳᤋᤢᤱᤅᤡᤴᤗᤥ॥ 
\p  
\v 25 ᤀᤠᤸᤗ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤀᤡᤱᤓᤴ ᤆᤥ᤺ᤰᤏᤡᤱᤒᤠ ᤂᤡᤏᤡ᤹ ᤀᤠᤳᤋᤡᤸᤗᤧᤀᤠᤱ ᤀᤡᤱᤃᤠ᤹ ᤕᤠᤶᤔᤥ ᤕᤠᤵᤔᤡ ᤁᤧᤴᤏᤡ᤺ᤛᤡᤴ ᤑᤠ᤹ᤀᤠᤱ ᤏᤡ᤺ᤛᤢᤱᤗᤥ॥  
\v 26 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤀᤠᤳᤋᤡᤸᤗᤧᤴᤏᤠᤱ ᤔᤧᤰᤔᤠᤸᤗᤧᤴ ᤀᤡᤱᤃᤠ᤹ ᤀᤠᤵᤋᤡᤰ ᤔᤧᤄᤥᤀᤠᤴᤗᤥ ᤑᤠ᤹ᤀᤠᤱ ᤀᤠᤀᤡᤴ ᤀᤡᤱᤃᤠ᤹ ᤔᤧᤳᤏᤡᤱᤗᤥ॥  
\v 27 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤏᤡᤱᤛᤣ᤺ᤰ ᤀᤡᤱᤓᤴ ᤆᤥ᤺ᤰᤔᤠ ᤀᤣᤃᤠᤱ ᤔᤧᤶᤒᤵᤐᤧᤴᤗᤥ॥  
\v 28 ᤜᤧᤰᤁᤣ᤺ᤸᤗᤧ ᤁᤧᤖᤧᤰ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤡᤏᤡ᤹ ᤗᤰᤐᤧᤴᤏᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤏᤢ᤺ᤖᤡᤰᤁᤠᤱ ᤀᤥᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤛᤣᤛᤣᤔᤠᤱᤅᤡᤸᤗᤧ ᤂᤡᤏᤡ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤁᤧᤈᤥᤃᤡᤀᤠᤱ ᤘᤠ᤹॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤋᤢᤰᤋᤢᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤡᤅᤢᤒᤠ ᤛᤣᤛᤣᤜᤢᤵᤗᤰᤁᤡᤴ ᤁᤶᤒᤪᤠᤱ ᤔᤧᤳᤋᤧᤶᤔᤧ᤹॥  
\v 29 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤐᤰᤌᤠᤏᤡᤱᤅᤠᤱᤃ ᤁᤡᤵᤔᤠ ᤁᤧᤄᤢ᤺ᤒᤠ ᤐᤖᤠᤒᤠᤜᤠ᤹ ᤔᤧᤍᤠᤀᤠᤱ ᤔᤧᤸᤗᤢᤰ ᤗᤢᤵᤜᤠ᤹ ᤔᤧᤴᤏᤴᤇᤢᤴᤛᤡᤴᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤢᤶᤔᤥᤀᤣ ᤀᤡᤱᤗᤧᤰᤐᤠ ᤛᤡᤰᤛᤠᤶᤒᤠᤜᤠ᤹ ᤔᤧᤗ᤺ᤴᤏᤠᤱ ᤂᤡᤏᤡ᤹ ᤁᤧᤔᤧᤴᤍᤠᤱᤄᤡᤴ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤁᤳᤋᤢᤱᤗᤥ॥  
\v 30 ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥᤏᤢᤀᤣ ᤀᤡᤱᤗᤧᤰᤐᤠᤜᤠ᤹ ᤔᤧᤗ᤺ᤴ ᤔᤧᤍᤠᤀᤠᤱ ᤏᤛᤠᤏᤡᤒᤠᤜᤠ᤹ ᤀᤡᤱᤔᤧᤗᤧᤰᤋᤢᤛᤡᤀᤠᤱ ᤗᤠᤶ ᤔᤧᤓᤥ᤺ᤳᤋᤢ ᤔᤧᤍᤣ᤹ᤖᤢᤛᤡᤖᤥ॥  
\v 31 ᤜᤧᤰᤁᤣ᤺ᤸᤗᤧ ᤜᤧᤰᤋᤱᤒᤠᤜᤠ᤹ᤏᤢ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ᥄ ᤌᤣᤀᤠᤱᤓᤧᤸᤗᤧ ᤋᤱᤒᤣ ᤛᤢᤶᤛᤡ ᤌᤠᤖᤡᤰ ᤗᤧᤴᤍᤡᤰ ᤛᤧᤴᤍᤡᤰ ᤀᤡᤱᤃᤠ᤹ ᤔᤡᤰᤘᤠᤖᤧ ᤁᤢᤎᤡᤶ ᤐᤥ᤺ᤰᤂᤠᤱᤗ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤏᤡᤱᤗ ᤘᤕᤠᤱᤗᤥ॥ 
\p  
\v 32 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱ ᤏᤢ ᤗᤢᤱᤃᤢᤶᤃᤧᤴ ᤁᤢᤒᤠ᤺ᤴᤈᤠᤰᤗᤧᤴ ᤁᤶᤒᤪᤠᤱᤅᤥ ᤀᤡᤱᤃᤠ᤹ ᤜᤢᤰᤛᤢᤵᤏᤡᤱᤗᤥ॥ ᤆᤰᤔᤧᤸᤗ᤹ᤀᤣ ᤂᤢᤏᤧ᤹ ᤏᤛᤠ᤺ᤴ ᤆᤥᤃᤧᤶᤔᤧ᤹. ᤂᤢᤏᤧ᤹ ᤁᤢᤗᤢᤱᤃᤢᤶᤔᤥ ᤋᤠᤱᤃᤧᤛᤧ᤺ᤵᤋᤡ᤹ ᤗ᤹ᤖᤡᤰ ᤔᤧᤳᤏᤡᤱᤗᤥ॥ ᤂᤧᤸᤗᤧ ᤂᤡᤏᤡ᤹ ᤁᤧᤎᤢᤶᤒᤠ ᤆᤥ᤺ᤰᤔᤠ ᤏᤢ ᤛᤣᤛᤣ ᤁᤧᤒᤥ᤺ᤱᤒᤠ ᤁᤢᤔᤏᤠᤜᤠ᤹ᤏᤢ ᤕᤢᤰ ᤂᤥ᤺ᤔᤠᤴ ᤐᤡᤔᤠ ᤁᤧᤛᤢᤰᤋᤡ᤹ᤖᤥ॥  
\v 33 ᤀᤡᤱᤃᤠ᤹ᤃ ᤀᤠᤳᤋᤡᤴᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤛᤠᤶᤔᤩᤠᤱ ᤕᤢᤵᤐᤠ ᤏᤢ ᤏᤢ᤺ᤒᤠ ᤋᤧ᤺ᤳᤑᤢᤱᤜᤠ᤹ᤀᤥ ᤔᤡᤰᤔᤧᤱᤃᤣ᤺ᤐᤠᤴᤗᤥ॥  
\v 34 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤱᤅᤠᤱ ᤕᤠᤱ ᤌᤃᤢᤱᤅᤠᤱ ᤀᤠᤴᤈᤢᤶᤜᤠ᤹ ᤏᤢ ᤀᤡᤱᤃᤠ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ ᤋᤱᤃᤠᤶ ᤆᤥᤃᤢᤱᤅᤠᤱ ᤘᤕᤠᤱᤒᤠᤴ ᤂᤡᤏᤡ᤹ ᤀᤠᤒᤠᤅᤣ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 35 ᤆᤠᤔᤠ ᤌᤢᤱᤔᤠ ᤀᤠᤒᤠᤅᤣ ᤋᤱᤃᤠᤶ ᤆᤥ᤺ᤰᤔᤠ ᤔᤧᤴᤇᤢᤰᤔᤏᤠᤒᤠᤜᤠ᤹ ᤁᤢᤓᤠ᤹ ᤐᤡᤔᤠᤛᤡ ᤑᤠ᤹ᤀᤠᤱ ᤀᤠᤰᤂᤣᤗ᤹ᤖᤡᤰ ᤕᤠᤶᤒᤢᤎᤡᤰᤐᤠ ᤐᤥ᤺ᤱᤔᤠ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤃᤠ᤹ ᤀᤥᤛᤣ᤺ᤴᤎᤠᤰᤏᤡᤱᤅᤠᤱ ᤘᤠ᤹ᤀᤠ॥ ᤜᤧᤰᤁᤩᤠᤱ ‘ᤋᤠ᤺ᤰᤔᤠᤏᤢ᤺ᤸᤗᤧ ᤐᤡᤔᤠᤀᤥᤀᤣ ᤕᤖᤡᤰ ᤔᤢ᤹ᤀᤡᤛᤠᤶ ᤘᤠ᤹’ ᤗ᤹ᤖᤡᤰ ᤍᤠᤱᤒᤠ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴᤏᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥” 
\p  
\v 36 ᤜᤧᤰᤁᤩᤠᤱ ᤐᤠᤘᤗᤖᤧ ᤁᤴ ᤐᤠ᤺ᤴᤜᤠ᤹ ᤐᤠ᤺ᤳᤋᤢ ᤛᤢᤖᤢᤀᤠᤱ ᤂᤧᤱᤜᤠ᤹ ᤁᤠᤰ ᤌᤢᤱᤒᤥᤜᤈ᤹ ᤔᤧᤕᤢᤱᤛᤡᤱᤅᤠᤱ ᤋᤢᤘᤠ ᤔᤧᤈᤥᤃᤧᤖᤥ॥  
\v 37 ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤔᤧᤜᤧᤵᤋᤢᤀᤠᤱ ᤔᤧᤜᤠᤒᤧᤖ ᤆᤢᤵ ᤔᤧᤔᤧᤳᤋᤢᤖᤥ॥  
\v 38 ᤐᤠᤘᤗᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡᤒᤠ ᤘᤣ᤹ ᤐᤠ᤺ᤴᤜᤠ᤹ᤏᤢ᤺ᤸᤗᤧᤀᤠᤱ ᤀᤠᤵᤑᤠᤸᤗᤧᤀᤠᤱ ᤀᤠᤏᤠᤖᤠ᤺ᤴ ᤁᤧᤴᤏᤡ᤺ᤛᤢᤶᤔᤡᤴᤗᤥ ᤔᤧᤳᤋᤢᤛᤡᤒᤠᤸᤗᤧ ᤂᤧᤱᤜᤠ᤹ ᤛᤠ᤹ᤖᤡᤰ ᤏᤡᤱᤛᤠᤶᤔᤥ ᤔᤧᤎᤩᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤘᤠᤗᤠᤎᤠᤀᤥ ᤌᤠᤖᤡᤰ ᤔᤧᤛᤔᤧᤎ᤺ᤖᤥ॥ 
\c 21  
\s1 ᤐᤠᤘᤗᤖᤧ ᤕᤖᤢᤛᤗᤧᤔ ᤗᤧᤵᤔᤠᤱ ᤗᤠᤶᤍᤡ᤺ᤰ ᤆᤥᤃᤢ᤹ 
\p  
\v 1 ᤀᤠᤸᤗ ᤀᤣᤑᤡᤛᤛᤛ᤻ᤔᤠ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤛᤧᤶᤔᤢ᤹ᤀᤡ ᤐᤡᤖᤢᤛᤡᤀᤠᤱ ᤂᤧᤵᤔᤥᤏᤢ ᤘᤠᤗᤠᤎᤠᤗᤠᤶ ᤁᤥᤛ ᤘᤠᤃᤵᤂᤠᤶ ᤗᤧᤵᤔᤠᤱ ᤐᤣ᤺ᤰᤔᤏᤠ॥ ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤖᤥᤍᤥᤛ ᤔᤧᤵᤔᤏᤠᤒᤠ ᤘᤠᤃᤵᤂᤠᤶ ᤁᤧᤵᤔᤏᤠᤀᤠᤱ ᤂᤧᤵᤔᤥᤗᤠᤶ ᤐᤋᤠᤖᤠ ᤕᤧᤰᤕᤰᤁᤥ ᤋᤠ᤺ᤔᤏᤠᤖᤥ॥  
\v 2 ᤂᤧᤵᤔᤥ ᤛᤡᤖᤡᤕᤠᤛ᤻ᤔᤠ ᤑᤥᤏᤡᤛᤡᤕᤠ ᤋᤧᤱᤃᤵ ᤗᤧᤵᤔᤠᤱ ᤁᤧᤒᤣ᤺ᤰᤐᤠᤖ ᤁᤧᤒᤵᤐᤠ ᤘᤣ᤹ ᤘᤠᤗᤠᤎᤠᤎᤡᤰ ᤂᤥ᤺ᤔᤏᤠ. ᤜᤧᤰᤁᤩᤠᤱ ᤂᤧᤵᤔᤥ ᤗᤠ᤺ᤵᤔᤏᤠᤀᤠᤱ ᤌᤠᤛᤡᤱᤔᤏᤠᤖᤥ॥  
\v 3 ᤜᤧᤰᤁᤩᤠᤱ ᤛᤤᤐᤪᤛ ᤗᤠᤈᤣ᤹ᤀᤡᤴ ᤏᤡᤎᤠ᤺ᤒᤧᤀᤠᤱ ᤀᤠᤏᤡᤃᤧ ᤆᤢᤵᤛᤠᤱ ᤗᤧᤵᤔᤠᤱ ᤐᤥ᤺ᤱᤔᤏᤠᤖ ᤛᤡᤖᤡᤕᤠ ᤗᤧᤵᤔᤠᤱ ᤌᤠᤛᤡᤱᤔᤏᤠ॥ ᤘᤠᤗᤠᤎᤠ᤺ᤸᤗᤧ ᤘᤠᤃᤰᤜᤠ᤹ ᤋᤠᤕᤖ ᤕᤧᤰᤕᤰᤁᤥ ᤗ᤺ᤵᤔᤠ ᤑᤠ᤹ᤀᤠᤱ ᤂᤧᤵᤔᤥ ᤏᤠ᤺ᤶᤛᤡᤱᤗᤥ॥  
\v 4 ᤂᤧᤵᤔᤥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤁᤥ᤺ᤵᤔᤏᤠᤛᤡᤀᤠᤱ ᤂᤧᤱᤜᤠ᤹ ᤋᤢᤶᤔᤏᤠᤛᤡ ᤜᤧᤰᤁᤩᤠᤱ ᤕᤧᤳᤏᤠᤶ ᤌᤠᤖᤡᤰ ᤂᤧᤱᤜᤠ᤹ᤏᤢ ᤘᤠ᤹ᤔᤏᤠ॥ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱᤗᤠᤶ ᤐᤠᤘᤗᤧᤴ ᤕᤖᤢᤛᤗᤧᤶᤔᤥ ᤔᤧᤒᤣᤃᤧᤏᤧ᤹ ᤑᤠ᤹ᤀᤠᤱ ᤔᤧᤔᤧᤳᤋᤢᤖᤥ॥  
\v 5 ᤁᤖ ᤂᤧᤴ ᤕᤧᤳᤏᤠᤶ ᤀᤣᤃᤠᤱ ᤂᤧᤱᤜᤠ᤹ᤏᤢ ᤛᤧ᤺ᤶᤏᤠᤀᤠᤱ ᤌᤠᤛᤡᤱᤶᤏᤠ॥ ᤁᤧᤖᤧᤰ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤂᤢᤏᤡ᤹ ᤔᤣ᤺ᤳ ᤛᤠ᤺ᤜᤠ᤹ ᤀᤠᤏᤡᤃᤧ ᤛᤠ᤺ᤛᤧ ᤕᤧᤰᤕᤰ ᤗᤠ᤺ᤰᤁᤠᤳ ᤌᤠᤖᤡᤰ ᤔᤧᤓᤧᤖᤧᤀᤠᤱ ᤀᤠᤏᤡᤃᤧ ᤛᤥᤖᤡᤰ ᤘᤠᤜᤱᤅᤡᤸᤗᤧ ᤁᤢᤕᤠᤀᤥ ᤌᤢᤱᤒᤥᤜᤈ᤹ ᤕᤢᤱᤔᤏᤠᤖ ᤋᤢᤘᤠ ᤆᤥ᤺ᤰᤔᤏᤠᤖᤥ॥  
\v 6 ᤛᤧᤶᤔᤢ᤹ᤀᤡ ᤆᤥ᤺ᤰᤔᤏᤠᤀᤠᤱ ᤀᤠᤏᤡᤃᤧ ᤘᤠᤗᤠᤎᤠᤀᤥ ᤗᤠᤛᤡᤃᤧᤀᤠᤱ ᤂᤧᤱᤜᤠ᤹ ᤂᤢᤏᤡ᤹ ᤜᤡᤶᤔᤥ ᤔᤧᤏᤢ᤺ᤰᤂᤧ ᤔᤧᤒᤣᤖᤥ॥ 
\p  
\v 7 ᤀᤠᤏᤡᤃᤧ ᤋᤠᤕᤖᤏᤢ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤏᤠᤖ ᤋᤥᤗᤣᤔᤠᤀᤡᤛ ᤁᤧᤵᤔᤏᤠ॥ ᤂᤧᤵᤔᤥ ᤏᤛᤠᤏᤡᤒᤠᤜᤠ᤹ᤏᤢ ᤛᤣᤘᤠ ᤔ᤺ᤔᤏᤠᤀᤠᤱ ᤌᤡᤰᤕᤧᤴ ᤕᤠ᤺ᤰᤔᤏᤠ॥  
\v 8 ᤁᤢᤍᤠ᤺ᤴᤍᤡᤰᤔᤠ ᤛᤡᤈᤖᤡ ᤁᤧᤵᤔᤏᤠᤀᤠᤱ ᤛᤢᤏᤠᤀᤡᤱᤄᤱ ᤀᤡᤱᤓᤴ ᤁᤧᤈᤥ᤺ᤰᤐᤠ ᤑᤡᤗᤡᤐᤖᤧ ᤁᤢᤜᤡᤶᤔᤥ ᤐᤣ᤺ᤰᤔᤏᤠᤖᤥ॥ ᤂᤢᤏᤧ᤹ᤀᤣ ᤕᤖᤢᤛᤗᤧᤶᤔᤥ ᤔᤣᤔᤣᤍᤢᤔᤠᤜᤠ᤹ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤥ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤁᤢᤓᤠ᤹ ᤐᤡᤛᤧ ᤔᤧᤛᤣᤃᤢᤛᤡᤒᤠ ᤏᤢᤛᤡ ᤔᤏᤠᤜᤠ᤹ᤀᤥ ᤌᤡᤰ ᤘᤕᤧᤖᤥ॥  
\v 9 ᤂᤧᤸᤗᤧᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤔᤠ ᤗᤡᤛᤡ ᤔᤣ᤺ᤰᤂᤡᤶ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤔᤠ ᤁᤢᤛ᤻ᤛᤠ᤺ᤜᤠ᤹ ᤔᤧᤘᤕᤧ॥  
\v 10 ᤀᤠᤸᤗ ᤂᤧᤵᤔᤥ ᤘᤕᤡᤃᤧᤒᤠ ᤁᤢᤓᤠ ᤕᤧᤴ ᤀᤣᤃᤠᤱ ᤕᤜᤢᤍᤡᤕᤠᤗᤠᤶ ᤀᤃᤠᤒᤛ ᤔᤧᤵᤔᤏᤠᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤎᤡᤰ ᤋᤩᤧ॥  
\v 11 ᤂᤧᤴ ᤀᤠᤏᤡᤃᤧ ᤘᤕᤡᤃᤧᤒᤠᤀᤥ ᤋᤩᤧᤀᤠᤱ ᤐᤠᤘᤗᤖᤧ ᤁᤢᤓ᤹ᤀᤡ᤺ᤴ ᤑᤠ᤺ᤰᤂᤢᤀᤠᤱ ᤀᤠᤒᤠᤅᤣ ᤁᤢᤗᤠᤱ ᤁᤢᤜᤢᤰᤁᤥ ᤀᤡᤄᤣ᤺ᤱᤛᤡᤱᤗ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢ. “ᤛᤣᤛᤣᤔᤠᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. ‘ᤁᤴ ᤑ᤹ᤀᤡ ᤍᤠᤱᤒᤠᤴ ᤕᤖᤢᤛᤗᤧᤶᤔᤥ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤔᤧᤍᤧᤶᤛᤢᤀᤠᤱ ᤀᤰᤂᤣᤗ᤹ᤖᤡᤰ ᤀᤡᤔᤧᤄᤣ᤺ᤰᤂᤢ. ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤜᤢᤰᤔᤧᤛᤢᤵᤋᤢ᤹॥’” 
\p  
\v 12 ᤜᤧᤰᤁᤩᤠᤱ ᤀᤠᤏᤡᤃᤧ ᤁᤴ ᤐᤠ᤺ᤴᤏᤡᤴ ᤂᤧᤶᤔᤏᤠᤀᤠᤱ ᤀᤠᤏᤡᤃᤧ ᤏᤢ ᤘᤣ᤹ ᤂᤧᤵᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤕᤖᤢᤛᤗᤧᤔ ᤔᤧᤒᤣᤃᤧᤴᤏᤧ᤹ ᤑᤠ᤹ᤀᤠᤱ ᤂᤢᤏᤧ᤹ᤏᤢ ᤆᤰᤔᤧᤸᤗ᤹ᤀᤣ ᤐᤣᤗᤡ ᤑᤠᤰᤔᤏᤠ॥  
\v 13 ᤁᤖ ᤐᤠᤘᤗᤖᤧ ᤀᤠᤏᤡᤃᤧ ᤀᤰᤂᤣ ᤔᤧᤳᤋᤡᤃᤧ. “ᤂᤡᤏᤡ᤹ ᤌᤣᤀᤠᤱ ᤁᤧᤜᤠᤒᤡᤀᤠᤱ ᤀᤠᤛᤠ᤹ᤀᤡ ᤕᤰᤗ ᤁᤧᤕᤠ᤺ᤴᤍᤢᤶᤒᤠᤒᤣ᥅ ᤀᤡᤱᤃᤠ᤹ᤃ ᤕᤖᤢᤛᤗᤧᤶᤔᤥ ᤍᤠᤱᤒᤠ ᤕᤧᤛᤢᤖᤧ ᤁᤢᤗᤠᤃᤡ ᤛᤠᤰᤛᤡᤱᤔᤠᤖᤰ ᤔᤧ᤺ᤴ. ᤁᤖ ᤛᤡ᤺ᤔᤠ ᤐᤥ᤺ᤱᤛᤠᤱ ᤕᤠᤖᤡᤵ ᤘᤠ᤹ᤀᤠᤖᤥ॥”  
\v 14 ᤜᤧᤰᤁᤩᤠᤱ ᤀᤠᤸᤗ ᤂᤢᤏᤧ᤹ ᤁᤢᤏᤡᤱᤘᤠ᤹ ᤏᤢ᤺ᤰᤔᤠ ᤛᤢᤰᤔᤧᤍᤧᤳᤏᤧᤴᤒᤠ ᤏᤡ᤺ᤔᤏᤠᤀᤠᤱ ᤀᤰᤂᤣ ᤐᤠ᤺ᤵᤔᤏᤠ. “ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣᤀᤣ ᤐᤥ᤺ᤱᤏᤡᤖᤥ॥” 
\s1 ᤐᤠᤘᤗᤧᤴ ᤕᤖᤢᤛᤗᤧᤶᤔᤥ ᤔᤧᤍᤣ᤹ᤖᤢ᤹ 
\p  
\v 15 ᤂᤧᤴ ᤀᤣᤃᤠᤱ ᤕᤠᤖᤡᤵ ᤐᤥ᤺ᤱᤔᤏᤠᤀᤠᤱ ᤕᤖᤢᤛᤗᤧᤔ ᤗᤧᤵᤔᤠᤱ ᤐᤣ᤺ᤰᤔᤏᤠᤖᤥ॥  
\v 16 ᤛᤡᤈᤖᤡᤕᤠᤗᤠᤶ ᤁᤢᤓᤠ ᤏᤛᤠᤏᤡᤒᤠᤜᤠ᤹ᤀᤠᤱ ᤀᤠᤏᤡᤃᤧᤏᤢᤀᤣ ᤔᤧᤎᤠᤛᤡᤱᤅᤠᤱ ᤛᤤᤐᤪᤛ ᤘᤠᤃᤵᤂᤠᤶᤒᤠ ᤋᤃᤡ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤛᤥᤏᤖᤧ ᤁᤢᤜᤡᤶᤔᤥ ᤘᤠ᤹ᤔᤠ ᤑᤠ᤹ᤀᤠᤱ ᤕᤠᤵᤔᤡ ᤋᤣ᤹ᤖᤧᤖᤥ॥ 
\p  
\v 17 ᤜᤧᤰᤁᤩᤠᤱ ᤕᤖᤢᤛᤗᤧᤔ ᤁᤧᤵᤔᤏᤠ᤺ᤸᤗᤧ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤗᤢᤱᤔᤧᤴᤍᤡᤱ ᤕᤠᤵᤔᤡ ᤗᤠᤶᤔᤧᤍᤠ᤺ᤰᤋᤡᤃᤧᤖᤥ॥  
\v 18 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤐᤠᤘᤗᤧᤴ ᤀᤠᤏᤡᤃᤧ ᤗᤠᤶᤗᤥ᤺ᤒᤠ ᤕᤠᤁᤢᤒᤖᤧ ᤁᤢᤜᤡᤶᤔᤥ ᤀᤠᤏᤡᤃᤧᤏᤢ ᤐᤣ॥ ᤂᤧᤵᤔᤥ ᤁᤧᤖᤧᤰ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤔᤧᤈᤢᤵᤛᤧᤀᤠᤱ ᤔᤧᤕᤢᤅᤧᤖᤥ॥  
\v 19 ᤐᤠᤘᤗᤖᤧ ᤂᤧᤱᤜᤠ᤹ ᤁᤧᤖᤧᤰ ᤛᤣᤘᤠ ᤔᤧᤳᤋᤢᤛᤡᤀᤠᤱ ᤂᤢᤏᤧ᤹ ᤁᤢᤜᤢᤰᤁᤥᤗᤠᤶ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠ᤺ᤶᤒᤰ ᤆᤥᤃᤢ ᤁᤧᤗ᤹ᤒᤠ ᤁᤠᤰ ᤐᤠ᤺ᤴᤜᤠ᤹ ᤆᤧᤰᤋᤢᤛᤡᤖᤥ॥ 
\p  
\v 20 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤔᤧᤄᤧᤵᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤀᤰᤂᤣ ᤔᤧᤔᤧᤳᤋᤢ. “ᤏᤢᤛᤠ᤹ᤀᤣ. ᤀᤥᤔᤧᤳᤋᤧ᤹ᤏᤠ. ᤁᤵᤔᤥᤀᤠᤱ ᤕᤖᤡᤰ ᤜᤧᤴᤇᤡᤱ ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤂᤢᤏᤡ᤹ ᤛᤡᤰ ᤁᤧᤛᤶᤒᤠ ᤔᤧᤈᤥ᤺ᤰ॥ 
\p  
\v 21 ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤁᤧᤕᤢᤱᤒᤠ ᤕᤜᤢᤍᤡᤜᤠ᤹ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤗᤧᤵᤔᤠᤍᤣ᤺ᤔᤠ ᤜᤧᤰᤁᤩᤠᤱ ᤂᤢᤏᤡ᤹ ᤕᤧᤶᤒᤡᤳᤇᤠ᤹ᤛᤠ᤺ᤜᤠ᤹ᤀᤠᤱ ᤜᤷᤍᤥ ᤜᤧᤰᤔᤠ ᤐᤡᤔᤠᤛᤡ ᤔᤧ᤺ᤴ. ᤜᤧᤰᤁᤩᤠᤱ ᤀᤠᤏᤡ᤹ ᤕᤜᤢᤍᤡ ᤛᤠᤶᤕᤥᤌᤡᤶᤔᤠᤱ ᤏᤠ᤺ᤵᤔᤠ ᤔᤧ᤺ᤴ ᤗ᤹ᤖᤡᤰ ᤁᤧᤜᤢ᤹ᤖᤢᤛᤡᤖᤥ ᤑᤠ᤹ᤀᤠᤱ ᤂᤧᤏᤧ᤹ ᤁᤧᤕᤠ᤺ᤶᤒᤣᤀᤥ ᤂᤧᤱᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤔᤧᤘᤠ᤹ᤖᤥ॥  
\v 22 ᤂᤧᤏᤧ᤹ ᤁᤵᤔᤥ ᤁᤧᤍᤩᤧᤀᤠᤱ ᤁᤧᤘᤠ᤹ᤒᤠ ᤐᤠ᤺ᤴᤏᤡᤴ ᤂᤧᤱᤜᤠ᤹ᤖᤧ ᤛᤧᤰᤂᤠᤛᤠᤱ ᤔᤧᤄᤧᤵᤛᤢ᤹॥ ᤀᤠᤸᤗ ᤌᤣ ᤆᤥ᤺ᤰᤔᤠᤒᤣ᥅ 
\p  
\v 23 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧ ᤛᤢᤈᤠ ᤐᤡᤀᤠᤛᤡᤃᤧᤒᤠ ᤁᤢᤀᤡᤛᤡ᤺ᤰᤁᤣ ᤂᤧᤏᤧ᤹ ᤆᤥᤃᤧ᤹ᤀᤥ॥ ᤁᤵᤔᤥ ᤀᤠᤏᤡᤃᤧᤏᤢ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤠᤱᤃᤧᤜᤧᤰᤛᤡᤱᤒᤠ ᤗᤡᤛᤡ ᤑᤢ᤹ᤏᤢᤛᤠ᤹ᤜᤠ᤹ ᤔᤧᤘᤠ᤹ᤖᤥ॥  
\v 24 ᤂᤧᤏᤧ᤹ᤀᤠᤱ ᤁᤱᤜᤠ᤹ ᤔᤠᤱᤜᤡᤶᤔᤥ ᤋᤣ᤹ᤖᤧᤛᤧ᤹ᤀᤠᤱ ᤂᤧᤱᤜᤠ᤹ᤏᤢᤀᤣ ᤛᤥᤖᤡᤰ ᤛᤣᤛᤣ ᤐᤥ᤺ᤰᤂᤧ᤹ᤀᤥ॥ ᤂᤧᤱᤜᤠ᤹ᤖᤧ ᤛᤡᤍᤢᤱᤈᤓᤠ ᤆᤥ᤺ᤰᤔᤠᤖᤧ ᤗᤠᤃᤡ ᤂᤧᤴ ᤌᤡᤶᤔᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ ᤂᤧᤏᤧ᤹ ᤁᤣ᤺ᤳᤋᤧ ᤐᤡᤖᤧᤛᤧ᤹ᤀᤥ॥ ᤂᤧᤱᤜᤠ᤹ᤖᤧ ᤔᤠᤱᤜᤧᤰᤛᤡᤱᤔᤠᤴ ᤁᤧᤖᤧᤖᤥ ᤁᤧᤗ᤹ᤒᤠ ᤀᤥᤛᤣ᤺ᤴᤎᤠᤰᤛᤧ ᤂᤢᤏᤡ᤹ ᤌᤧᤃᤣ᤺ᤰᤁᤡᤴ ᤜᤠᤖᤠ᤹ ᤔᤧᤏ᤺ᤰᤂᤢᤏᤡᤖᤥ॥ ᤀᤰᤂᤣᤗ᤹ᤖᤡᤰ ᤂᤧᤏᤧ᤹ ᤛᤠᤶᤕᤥᤌᤡᤶᤔᤡᤴ ᤁᤧᤏᤠ᤺ᤳᤋᤢᤒᤠ ᤁᤧᤀᤡ᤺ᤳᤋᤢᤒᤠ ᤕᤜᤢᤍᤡᤜᤠ᤹ᤖᤧ ᤔᤧᤏᤡ᤺ᤛᤢᤀᤠᤱ ᤁᤧᤕᤠ᤺ᤶᤒᤣᤀᤥ ᤔᤧᤄᤧᤵᤛᤢᤒᤠ ᤐᤠ᤺ᤴᤏᤡᤴ ᤛᤧᤰᤂᤠ ᤔᤧ᤺ᤴᤗᤧᤇ ᤑᤠ᤹ᤀᤠᤱ ᤁᤧᤖᤧᤰᤗᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤖᤥ॥  
\v 25 ᤁᤖ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧᤃ. ᤜᤠᤖᤠ᤹ ᤏᤠᤘᤠᤀᤡᤳᤗᤠᤀᤥ ᤛᤡᤍᤢᤱᤈᤓᤠ ᤆᤥ᤺ᤰᤔᤏᤠᤒᤠ ᤆᤠ᤺ᤴ ᤔᤧᤴᤈ᤺ᤏᤧᤴᤗ. ᤛᤠᤔᤠᤰᤂᤡ᤹ ᤏᤢ ᤁᤢᤛᤡᤳᤗᤠ ᤕ᤹ᤔᤏᤠ ᤛᤧᤵᤔᤏᤠᤒᤠ ᤛᤠ ᤆᤠᤔᤠ ᤔᤧᤏᤢ᤹ᤏᤧᤴᤗᤥ. ᤜᤧᤰᤁᤩᤠᤱ ᤆᤠᤖᤠᤶᤔᤥᤗᤠᤶ ᤀᤣ᤺ᤰ ᤔᤧᤘᤠ᤹ᤏᤡᤖᤥ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡ᤺ᤴᤎᤥ ᤐᤠ᤺ᤴᤜᤠ᤹ ᤛᤰᤀᤡᤱᤄᤱᤅᤥ ᤛᤠᤵᤋᤢᤶᤒᤧᤀᤠᤱ ᤐᤳᤗᤥ॥” 
\s1 ᤐᤠᤘᤗᤧᤴ ᤔᤧᤍᤧᤶᤛᤢ᤹ 
\p  
\v 26 ᤜᤧᤰᤁᤣᤗ᤹ᤖᤡᤰ ᤐᤠᤘᤗᤧᤴ ᤋᤧᤴᤍᤧᤀᤠᤱ ᤁᤢᤍᤠ᤺ᤴᤍᤡᤰᤔᤠ ᤂᤧᤴ ᤗᤡᤛᤡ ᤔᤏᤠᤜᤠ᤹ ᤋᤣ᤹ᤖᤢᤛᤡᤀᤠᤱ ᤂᤧᤱᤜᤠ᤹ᤏᤢ ᤛᤥᤖᤡᤰ ᤕᤜᤢᤍᤡ ᤌᤡᤶ ᤁᤢᤀᤡᤛᤡ᤺ᤰ ᤛᤢᤳᤌᤥ ᤆᤥ᤺ᤰᤛᤡᤱ॥ ᤜᤧᤰᤁᤩᤠᤱ ᤛᤣᤛᤣ ᤐᤥ᤺ᤱᤔᤠ ᤕᤧᤴᤏᤡᤴ ᤀᤠᤵᤑᤠᤸᤗᤧ ᤆᤢ᤺ᤳᤋᤠᤱ ᤁᤠᤰᤗᤧ ᤗᤠᤃᤡ ᤛᤡᤍᤢᤱᤈᤓᤠ ᤋᤥ᤺ᤶᤔᤠ ᤐᤥ᤺ᤱ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤛᤠᤶᤒᤠᤴ ᤀᤡᤱᤄᤱ ᤐᤡᤛᤧ ᤂᤢᤏᤧ᤹ ᤔᤠᤱᤜᤡᤶ ᤛᤡᤃᤠᤱ ᤗᤠ᤺ᤛᤧᤖᤥ॥ 
\p  
\v 27 ᤛᤣᤛᤣ ᤆᤥ᤺ᤰᤛᤡᤱᤔᤠ ᤏᤢᤛᤡᤃᤣ᤺ᤰᤛᤔᤠ ᤕᤧᤴ ᤁᤧᤵᤔᤠ ᤀᤡ᤺ᤳᤋᤧᤀᤠᤱ ᤘᤕᤧᤸᤗᤧ ᤁᤢᤓᤠ ᤀᤣᤛᤡᤕᤠᤛ᤻ᤔᤠ ᤕᤜᤢᤍᤡᤜᤠ᤹ᤖᤧ ᤐᤠᤘᤗᤧᤴ ᤔᤠᤱᤜᤡᤶ ᤛᤡᤃᤠᤱ ᤔᤧᤏᤡ᤺ᤛᤢᤀᤠᤱ ᤔᤏᤠᤜᤠ᤹ ᤔᤧᤜᤢᤛᤢᤛᤡᤖ ᤂᤢᤏᤧ᤹ ᤔᤧᤍᤧᤶᤛᤢᤖᤥ॥  
\v 28-29 ᤂᤧᤱᤜᤠ᤹ᤖᤧ ᤀᤣᤑᤡᤛᤛᤀᤥ ᤒᤠ ᤋᤪᤥᤑᤡᤔᤛ ᤔᤧᤵᤔᤏᤠᤒᤠ ᤔᤏᤠ᤺ᤴ ᤕᤧᤰᤕᤰᤁᤥ ᤂᤢᤏᤧ᤹ᤏᤢ ᤋᤠᤰᤁᤴᤏᤡ ᤘᤕᤧᤒᤠ ᤔᤧᤏᤡ᤺ᤛᤢᤀᤠᤱ ᤒᤠ ᤂᤧᤴᤏᤣ ᤐᤠᤘᤗᤖᤧ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤍᤰᤗᤧᤱᤅᤥ ᤔᤠᤱᤜᤡᤶ ᤛᤡᤃᤠᤱ ᤁᤣ᤺ᤳᤋᤢᤒᤠ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤔᤧᤀᤡ᤺ᤳᤋᤢᤀᤠᤱ ᤂᤧᤱᤜᤠ᤹ ᤀᤡᤛᤪᤠᤀᤡᤗᤡᤛᤣ. ᤕᤠᤵᤔᤡ ᤁᤢᤓᤠ᤹ ᤀᤠᤒᤡᤖᤧᤶᤔᤧ᤹ᤀᤥ᥄ ᤁᤴ ᤔᤏᤠ᤺ᤸᤗᤧ ᤀᤠᤳᤋᤠᤴᤇᤠᤱ ᤀᤠᤏᤡ᤹ ᤛᤢᤘᤠᤱᤜᤠ᤹ ᤏᤢ ᤀᤠᤏᤡ᤹ ᤕᤜᤢᤍᤡ ᤛᤠᤶᤕᤥᤌᤡᤶ ᤜᤧᤰᤁᤩᤠᤱ ᤁᤴ ᤔᤠᤱᤜᤡᤶ ᤋᤰᤗᤧᤱᤘᤠᤀᤥ ᤔᤏᤠᤜᤠ᤹ ᤏᤡᤛᤠᤶ ᤜᤢ᤹ᤖᤢᤛᤡᤖ ᤘᤠ᤹ᤖᤥ॥ ᤁᤶᤔᤩᤠᤰᤗᤰ ᤔᤧ᤺ᤴᤗᤥ. ᤁᤸᤗᤧᤃ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤔᤠᤱᤜᤡᤶ ᤛᤡᤃᤠᤱ ᤋᤠᤖᤢᤛᤡᤀᤠᤱ ᤁᤴ ᤛᤣᤛᤣ ᤋᤧᤴᤏᤡᤴᤏᤣ ᤆᤡ᤺ᤴᤍᤢᤖᤥ ᤗ᤹ᤖᤡᤰ ᤀ᤺ᤰᤔᤠ ᤔᤧᤜᤣ᤺ᤰᤋᤧᤖᤥ॥ 
\p  
\v 30 ᤜᤧᤰᤁᤩᤠᤱ ᤕᤧᤰᤕᤰᤁᤥ ᤛᤡᤍᤠᤰ ᤜᤕᤱᤁᤡᤸᤗᤡᤱ ᤐᤥ᤺ᤰᤂᤧᤀᤠᤱ ᤁᤠᤰ ᤐᤡᤛᤠᤱᤗᤠᤶ ᤔᤏᤠᤜᤠ᤹ ᤔᤧᤗᤥ᤺ᤰᤋᤧᤖ ᤔᤧᤍᤩᤧᤖᤥ॥ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤔᤧᤍᤧᤶᤛᤢᤀᤠᤱ ᤔᤠᤱᤜᤡᤶᤗᤠᤶ ᤗᤠ᤺ᤰᤁᤠᤳ ᤔᤧᤀᤢ᤺ᤰᤂᤢᤖ ᤔᤧᤗ᤺ᤳᤋᤢᤀᤠᤱ ᤂᤡᤔᤥ ᤔᤠᤱᤜᤡᤶᤗᤧᤴ ᤗᤠᤶᤎᤣ᤺ᤵᤜᤠ᤹ ᤔᤧᤛᤢᤒᤢᤖᤥ॥\f * \fr 21:30 \ft ᤗᤠᤶᤎᤣ᤺ᤵᤜᤠ᤹ ᤔᤧᤛᤢᤒᤢ–ᤐᤠᤘᤸᤗᤧᤴ ᤕᤠᤶᤔᤥ ᤔᤠᤱᤜᤡᤶᤔᤥ ᤗᤠ᤺ᤳᤋᤠᤱ ᤔᤠᤱᤜᤡᤶᤔᤴ ᤔᤧᤈᤡ᤺ᤴᤍᤢᤴᤗ ᤑᤠ᤹ᤀᤠᤱ ᤔᤠᤱᤜᤡᤶᤔᤡᤸᤗᤧᤴ ᤗᤠᤶᤎᤣ᤺ᤵᤜᤠ᤹ ᤔᤧᤛᤢᤒᤢᤒᤠᤖᤥ॥\f* 
\v 31 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤛᤧᤵᤔᤠ ᤔᤧᤃᤥ᤺ᤳᤋᤢᤸᤗᤧ ᤕᤖᤢᤛᤗᤧᤶᤔᤥ ᤜᤕᤱᤁᤡᤸᤗᤡᤱ ᤁᤧᤒᤥ᤺ᤱᤒᤠᤖ ᤁᤧᤒᤵᤐᤠ ᤀᤡᤱᤄᤱᤅᤡᤴ ᤖᤥᤔᤡ ᤋᤢᤖᤠᤛ᤻ᤔᤠ ᤌᤰᤋᤢᤶᤒᤠᤸᤗᤧ ᤁᤢᤏᤧᤰᤂᤥ᤹ᤀᤥ ᤋᤥ᤺ᤰᤋᤧ॥  
\v 32 ᤂᤡᤔᤥ ᤂᤧᤴ ᤌᤰᤋᤢᤶᤒᤠᤸᤗᤧ ᤁᤢᤓᤠ ᤋᤢᤶᤌᤰᤛᤢᤒᤠᤜᤠ᤹ ᤏᤢ ᤌᤰᤛᤢᤒᤠᤜᤠ᤹ ᤋᤣ᤹ᤖᤢᤛᤡᤀᤠᤱ ᤔᤏᤠᤜᤠ᤹ ᤔᤧᤘᤕᤧᤒᤠ ᤋᤧᤴᤏᤥ ᤗᤥ᤺ᤰᤋᤧᤖ ᤁᤧᤖᤧ. ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤂᤧᤱᤜᤠ᤹ ᤔᤧᤏᤡ᤺ᤛᤢᤛᤡᤀᤠᤱ ᤐᤠᤘᤗᤧᤴ ᤜᤡᤵᤔᤠ ᤔᤧᤗᤧᤖᤢᤖᤥ॥ 
\p  
\v 33 ᤂᤧᤴ ᤌᤰᤋᤢᤶᤒᤧᤴ ᤐᤣᤀᤠᤱ ᤐᤠᤘᤗᤧᤴ ᤋᤧᤶᤛᤢᤀᤠᤱ ᤏᤧᤳᤇᤡ ᤑᤧᤴᤛᤡᤰᤂᤡᤜᤠ᤹ᤖᤧ ᤀᤡᤄᤣ᤺ᤱᤔᤠ ᤐᤠᤱᤄᤢᤛᤡ॥ ᤜᤧᤰᤁᤩᤠᤱ ᤂᤧᤸᤗᤧ ᤂᤧᤵᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤛᤣ᤺ᤴᤍᤥᤛᤢᤛᤡ. “ᤁᤴ ᤔᤏᤠ᤺ᤴ ᤜᤠ᤺ᤳᤏᤡᤒᤣ᥅ ᤜᤧᤰᤁᤩᤠᤱ ᤁᤸᤗᤧ ᤌᤣ ᤆᤥᤃᤢᤀᤠᤱ ᤘᤠ᤹᥅”  
\v 34 ᤂᤧᤴ ᤔᤏᤠᤜᤠ᤹ᤀᤥ ᤁᤢᤓᤠᤖᤧ ᤌᤡᤰ ᤐᤠ᤺ᤴ ᤔᤧᤒᤠ᤺ᤳᤋᤢ ᤜᤧᤰᤁᤩᤠᤱ ᤘᤣ᤹ᤜᤠ᤹ᤖᤧ ᤘᤣ᤹ ᤐᤠ᤺ᤴ ᤔᤧᤒᤠ᤺ᤳᤋᤢᤖ ᤔᤧᤀ᤺ᤰᤋᤧ॥ ᤁᤴ ᤌᤣ ᤐᤥ᤺ᤰᤂᤧᤒᤠ ᤑᤠ᤹ᤀᤠᤱ ᤂᤧᤴ ᤌᤰᤋᤢᤶᤒᤧᤸᤗᤧ ᤛᤧᤰᤂᤠ ᤐᤠ᤺ᤴ ᤌᤣᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤢᤔᤏᤠᤜᤠ᤹ ᤐᤠᤘᤗᤧᤴ ᤌᤰᤛᤢᤒᤠ ᤕᤰᤁᤥ ᤌᤠ᤺ᤱ ᤋᤣ᤹ᤔᤠ ᤐᤠᤱᤄᤢᤛᤡᤖᤥ॥  
\v 35 ᤜᤧᤰᤁᤩᤠᤱ ᤂᤧᤱᤜᤠ᤹ ᤌᤖᤣ᤹ᤀᤡᤴ ᤔᤧᤗᤡᤅᤢᤖ ᤔᤧᤒᤳᤇᤧᤸᤗᤧ ᤔᤏᤠᤜᤠ᤹ᤖᤧ ᤀᤠᤳᤋᤡᤋᤡ ᤜᤕᤱᤁᤡᤸᤗᤡᤱ ᤔᤧᤈᤥᤃᤢᤀᤠᤱ ᤐᤠᤘᤗᤧᤴ ᤛᤧᤵᤔᤠ ᤔᤧᤃᤥ᤺ᤳᤋᤢᤸᤗᤧ ᤌᤰᤛᤢᤒᤠᤜᤠ᤹ᤖᤧ ᤐᤠᤘᤗᤧᤴ ᤔᤧᤒᤰᤂᤢᤀᤠᤱ ᤔᤧᤍᤣ᤹ᤖᤢᤖᤥ॥  
\v 36 ᤂᤧᤱᤜᤠ᤹ ᤂᤢᤏᤡ᤹ ᤀᤣ᤺ᤰᤀᤣ᤺ᤰ ᤂᤧᤴ ᤔᤏᤠ᤺ᤴ ᤛᤧᤖᤧᤶᤔᤧ᤹. ᤛᤧᤖᤧᤶᤔᤧ᤹ ᤗ᤹ᤖᤡᤰ ᤔᤧᤀ᤺ᤰᤋᤧᤖ ᤔᤧᤍᤡᤶᤍᤢᤛᤡᤖᤥ॥ 
\s1 ᤐᤠᤘᤗᤧᤴ ᤏᤠᤱᤛᤡᤱ 
\r ᤛᤣ᤺ᤰᤕᤢᤰᤔᤡᤒᤠ ᥏.᥇-᥇᥏. ᥈᥌.᥇᥈-᥇᥎ 
\p  
\v 37 ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤌᤰᤛᤢᤒᤠ ᤕᤰᤁᤥ ᤋᤣ᤹ᤔᤠ ᤔᤧᤀᤡ᤺ᤳᤋᤢᤸᤗᤧ ᤐᤠᤘᤗᤖᤧ ᤌᤰᤋᤢᤶᤒᤧᤴ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤣ. ᤀᤡᤱᤃᤠ᤹ ᤂᤧᤏᤧ᤹ᤏᤢ ᤁᤢᤓᤠ ᤐᤠ᤺ᤴ ᤐᤠ᤺ᤵᤔᤠ ᤛᤢᤰᤁᤠᤒᤡ᥅” 
\p ᤜᤧᤰᤁᤩᤠᤱ ᤂᤧᤴ ᤌᤰᤋᤢᤶᤒᤠᤸᤗᤧᤀᤠᤱ ᤀᤰᤂᤣ ᤔᤧᤳᤋᤢ. “ᤂᤧᤏᤧ᤹ ᤃᤪᤡᤁ ᤐᤠ᤺ᤴᤏᤠᤱ ᤐᤠ᤺ᤵᤔᤠ ᤁᤧᤗᤧᤛ᤻ᤛᤢᤒᤡ᥅  
\v 38 ᤜᤧᤰᤁᤣᤏᤧ ᤑᤠ᤹ᤃᤪ ᤁᤢᤓᤠ ᤋᤱᤒᤣ ᤋᤃᤡ ᤜᤠᤱᤒᤡᤑᤩᤢᤱ ᤁᤧᤜᤣ᤺ᤰᤐᤠ ᤂᤧᤴ ᤔᤡᤛᤪᤡ ᤔᤏᤠ᤺ᤱᤃ ᤂᤧᤏᤧ᤹ᤀᤣᤒᤡᤗᤠᤒᤧ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥ ᤂᤧᤸᤗᤧ ᤕᤧ᤺ᤱᤄᤠᤍᤧᤴᤏᤥ ᤜᤧᤴᤇᤡᤱ ᤗᤡᤛᤡ (᥊᥆᥆᥆) ᤜᤠᤱᤒᤡᤑᤩᤢᤱᤒᤠᤜᤠ᤹ ᤗᤠᤶᤗᤥᤛᤢᤛᤡᤀᤠᤱ ᤘᤕᤧᤖᤥ॥” 
\p  
\v 39 ᤐᤠᤘᤗᤖᤧ ᤔᤧᤳᤋᤢ. “ᤀᤡᤱᤃᤠ᤹ ᤔᤧ᤺ᤴᤏᤠ᤹ᤖᤥ. ᤀᤡᤱᤃᤠ᤹ᤃ ᤕᤜᤢᤍᤡᤀᤠ. ᤜᤧᤰᤁᤩᤠᤱ ᤛᤡᤗᤡᤛᤡᤕᤠ ᤌᤢᤶᤔᤥᤒᤠ ᤋᤠᤷᤛᤛ᤻ᤛᤥ ᤛᤠᤘᤠ᤺ᤴᤇᤡᤱᤅᤠᤱᤒᤠ॥ ᤀᤡᤱᤃᤠ᤹ ᤁᤧᤕᤧᤰᤐᤠ ᤕᤧᤰᤕᤰᤁᤥᤒᤠ ᤕᤰᤕᤢᤱᤒᤠᤀᤠ॥ ᤀᤠᤍᤠᤱᤒᤣ. ᤁᤴ ᤔᤏᤠᤜᤠ᤹ᤏᤢ ᤀᤡᤱᤃᤠ᤹ ᤐᤠ᤺ᤵᤔᤠ ᤐᤠᤱᤄᤠᤱᤅᤧ᤹ᤀᤥ॥” 
\p  
\v 40 ᤌᤰᤋᤢᤶᤒᤧᤸᤗᤧᤀᤠᤱ ᤐᤠ᤺ᤵᤔᤠ ᤋᤧᤴᤍᤡᤱ ᤐᤡᤖᤢ॥ ᤜᤧᤰᤁᤩᤠᤱ ᤐᤠᤘᤗᤧᤴ ᤌᤖᤣ᤹ᤗᤧ ᤏᤠᤱᤛᤣ᤺ᤰᤁᤥ ᤕᤧᤶᤛᤡᤱᤅᤠᤱ ᤔᤏᤠᤜᤠ᤹ ᤜᤢᤰᤆᤠ᤺ᤸᤁᤡ ᤐᤡᤖᤢᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠᤜᤠ᤹ ᤛᤫᤠ᤺ᤳ ᤔᤧᤒᤥ᤺ᤰᤂᤧᤀᤠᤱ ᤂᤧᤴ ᤔᤏᤠᤜᤠ᤹ᤏᤢ ᤐᤠᤘᤗᤧᤴ ᤜᤡᤒᤪᤢ ᤐᤠ᤺ᤴᤏᤥ ᤐᤠ᤺ᤵᤔᤠ ᤜᤣ᤺ᤰᤋᤧᤖᤥ॥ 
\c 22  
\p  
\v 1 “ᤀᤠᤍᤠᤱᤒᤠᤛᤣ. ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤂᤡᤏᤡ᤹ ᤋᤃᤡ ᤐᤠ᤺ᤳᤋᤢᤱᤒᤠ ᤀᤠᤏᤠᤱᤛᤡᤱᤔᤠ ᤀᤠᤒᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹ᤀᤥ॥” 
\p  
\v 2 ᤀᤰᤂᤣᤗ᤹ᤖᤡᤰ ᤜᤡᤒᤪᤢ ᤐᤠ᤺ᤴᤏᤥ ᤂᤢᤏᤧ᤹ ᤐᤠᤖᤧᤒᤠ ᤔᤧᤄᤧᤵᤛᤢᤀᤠᤱ ᤁᤠᤰ ᤛᤫᤠ᤺ᤳ ᤔᤧᤒᤥ᤺ᤰᤂᤧᤖᤥ॥ ᤜᤧᤰᤁᤩᤠᤱ ᤐᤠᤘᤗᤖᤧ ᤀᤰᤂᤣ ᤔᤧᤳᤋᤢᤛᤡ.  
\v 3 “ᤀᤡᤱᤃᤠ᤹ ᤛᤡᤗᤡᤛᤡᤕᤠᤛ᤻ᤔᤠ ᤋᤠᤷᤛᤛ᤻ᤛᤥ ᤛᤠᤃᤧᤘᤠ᤺ᤴᤇᤡᤱᤒᤠ ᤕᤜᤢᤍᤡᤀᤠᤖᤥ. ᤁᤖ ᤒᤠ ᤁᤵᤔᤥ ᤕᤖᤢᤛᤗᤧᤶᤔᤥᤀᤣ ᤌᤠᤱᤒᤧᤴ ᤁᤧᤖᤠᤱᤅᤠᤱ ᤋᤢᤳᤋᤢᤃᤧᤴ ᤋᤢᤶᤔᤩᤠᤱᤜᤠᤱ ᤛᤡᤰᤛᤠᤶᤒᤠ ᤃᤔᤠᤗᤡᤕᤗᤖᤧ\f * \fr 22:3 \ft ᤃᤔᤠᤗᤡᤕᤠᤗ–ᤕᤖᤢᤛᤗᤧᤔᤛ᤻ᤔᤠ ᤃᤔᤠᤗᤡᤕᤠᤗ ᤔᤧᤵᤔᤏᤠᤒᤠ ᤔᤏᤠ᤺ᤴ ᤛᤠᤶᤏᤡᤒᤠ ᤛᤡᤰᤛᤠᤶᤒᤠᤴ ᤘᤕᤧ॥ ᤂᤢᤏᤧ᤹ ᤑᤖᤡᤛᤡ ᤏᤢ ᤕᤜᤢᤍᤡ ᤕᤰᤆᤢᤶᤖᤧᤴ ᤐᤠᤛᤡᤱᤐᤠᤍᤠᤱᤗᤠ ᤘᤕᤧ (ᤛᤣ᤺ᤰᤕᤢᤰᤔᤡᤒᤠ ᥋.᥉᥊)॥\f* ᤁᤢᤜᤢ᤹ᤛᤠᤶᤒᤠ ᤐᤥ᤺ᤰᤂᤠᤱᤗᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤛᤠᤶᤕᤥᤌᤡᤶ ᤏᤢ ᤀᤠᤏᤡ᤹ ᤐᤠᤎᤧᤒᤠᤜᤠ᤹ᤖᤧ ᤔᤧᤏᤠ᤺ᤳᤋᤢ ᤔᤧᤕᤢᤖᤢᤒᤠ ᤛᤠᤰᤌᤡᤶᤜᤠ᤹ ᤁᤵᤔᤥ ᤜᤢ᤹ᤛᤡᤱᤅᤠᤱᤗᤥ॥ ᤀᤠᤀᤡᤴ ᤂᤡᤏᤡ᤹ ᤜᤧᤰᤁᤣᤀᤣ ᤀᤡᤱᤃᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤐᤡᤔᤠ ᤁᤢᤛᤡᤰ ᤁᤧᤛᤶᤒᤠ ᤘᤕᤠᤱᤗᤥ॥  
\v 4 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤍᤠᤱᤒᤠᤸᤗᤧ ᤁᤢᤗᤠᤶ ᤁᤧᤍᤡᤶᤒᤠᤜᤠ᤹ ᤛᤡ᤺ᤔᤧᤴ ᤌᤠᤖᤡᤰ ᤋᤢᤰᤂᤣ ᤆᤠ᤺ᤳᤋᤢᤱᤛᤡᤱ. ᤜᤧᤰᤁᤩᤠᤱ ᤔᤧᤴᤇᤢᤔᤠ᤹ ᤕᤧᤶᤒᤡᤳᤇᤠ᤹ᤜᤠ᤹ ᤋᤧᤶᤛᤢᤱᤛᤡᤱᤅᤠᤱ ᤐᤢᤱᤗᤠ ᤜᤡᤶᤔᤥ ᤛᤠᤰᤋᤢᤱᤛᤡᤱᤗᤥ॥  
\v 5 ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤁᤠᤰ ᤕᤧᤈᤢᤶᤓᤥᤒᤠ ᤔᤏᤠᤜᤠ᤹ᤖᤣ ᤁᤴ ᤐᤠ᤺ᤴᤏᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤗᤠᤶ ᤀᤡᤱᤃᤠ᤹ ᤍᤔᤛ᤻ᤁᤛᤀᤥ ᤁᤧᤘᤠ᤹ᤒᤠ ᤕᤜᤢᤍᤡ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤂᤢᤏᤡ᤹ ᤋᤧᤶᤔᤠ ᤕᤢᤰ ᤁᤧᤒᤡᤒᤠ ᤛᤰᤀᤡᤱᤄᤱᤜᤠ᤹ᤀᤠᤱ ᤂᤥ᤺ᤛᤢᤱᤅᤠᤱ ᤀᤡᤱᤃᤠ᤹ ᤂᤧᤵᤔᤥ ᤁᤴ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤕᤖᤢᤛᤗᤧᤶᤔᤥ ᤋᤧᤶᤔᤠ ᤋᤠ᤺ᤵᤔᤠᤛᤡᤀᤠᤱ ᤂᤢᤶᤍᤡᤱ ᤐᤡᤔᤠᤛᤡ ᤑᤠ᤹ᤀᤠᤱ ᤍᤔᤛ᤻ᤁᤛᤀᤥ ᤐᤣᤃᤠᤱᤗᤥ॥ 
\p  
\v 6 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤗᤠᤶᤍᤡ᤺ᤰᤁᤥ ᤐᤣᤃᤠᤱᤗ ᤐᤳᤇᤠᤱᤅᤡᤸᤗᤧ ᤍᤔᤛ᤻ᤁᤛ ᤁᤢᤒᤣᤛᤠᤱ ᤁᤧᤖᤠᤱᤅᤡᤸᤗᤧ ᤗᤧᤴᤍᤡᤰ ᤐᤥ᤺ᤰᤂᤧᤖ ᤐᤳᤇᤧ. ᤂᤧᤵᤔᤥ ᤜᤰᤆᤄᤳ ᤋᤠᤱᤛᤠᤰᤐᤥᤗᤠᤶ ᤀᤡᤱᤃᤠ᤹ ᤀᤠᤄᤡᤖᤡ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤗᤧᤰᤋᤧᤖᤥ॥  
\v 7 ᤀᤡᤱᤃᤠ᤹ ᤂᤧᤵᤔᤥ ᤜᤷᤃᤢᤵ ᤆᤥ᤺ᤴᤍᤠᤱᤅᤡᤸᤗᤧ ᤀᤰᤋᤱᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ. ‘ᤛᤠᤘᤗᤀᤣ. ᤛᤠᤘᤗᤀᤣ. ᤀᤡᤱᤃᤠ᤹ ᤌᤣᤀᤠᤱ ᤋᤢᤰᤂᤣ ᤁᤧᤈᤠ᤺ᤳᤋᤠᤒᤠᤒᤣ᥅’ 
\p  
\v 8 ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤛᤣ᤺ᤴᤍᤥᤛᤢᤱ ‘ᤂᤧᤏᤧ᤹ᤃ ᤜᤠ᤺ᤳᤏᤧᤒᤣ. ᤀᤠᤍᤠᤱᤒᤣ᥅’ 
\p ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤏᤥᤃᤵ ᤐᤡᤖᤠᤱ. ‘ᤀᤡᤱᤃᤠ᤹ᤃ ᤋᤢᤰᤂᤣ ᤁᤧᤈᤠ᤺ᤳᤋᤢᤖ ᤁᤧᤘᤠ᤹ᤒᤠ ᤏᤠᤛᤖᤋᤒᤠ ᤕᤧᤛᤢᤀᤠᤖᤥ॥’  
\v 9 ᤂᤧᤵᤔᤥ ᤀᤡᤱᤃᤠ᤹ᤏᤢ ᤛᤥᤖᤡᤰ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ᤖᤧ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤱᤃ ᤔᤧᤏᤡ᤺ᤛᤢ. ᤁᤖ ᤀᤡᤱᤃᤠ᤹ᤏᤢ ᤁᤧᤒᤠ᤺ᤵᤐᤠ ᤀᤡᤰᤗᤠ᤺ᤴ ᤔᤧᤄᤧᤵᤛᤢᤛᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤗᤥ॥ 
\p  
\v 10 ᤀᤡᤱᤃᤠ᤹ ᤕᤠᤶᤔᤥ ᤛᤣ᤺ᤴᤍᤥᤛᤢᤱ. ‘ᤀᤠᤍᤠᤱᤒᤣ. ᤀᤠᤸᤗ ᤀᤡᤱᤃᤠ᤹ ᤌᤣ ᤆᤥᤃᤢᤱᤒᤠᤒᤣ᥅’ 
\p ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤔᤧᤳᤋᤠᤱ. ‘ᤐᤥᤃᤧ᤹ᤀᤠᤱ ᤍᤔᤛ᤻ᤁᤛᤀᤥ ᤐᤣᤃᤧ᤹॥ ᤂᤧᤵᤔᤥ ᤂᤧᤏᤧ᤹ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤜᤠ᤹ ᤁᤢᤓᤠᤖᤧ ᤁᤧᤶᤔᤧᤳᤗᤥ॥’  
\v 11 ᤂᤧᤴ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤗᤧᤰᤋᤧᤒᤠᤸᤗᤧ ᤀᤠᤔᤡᤰᤁᤡᤴ ᤆᤧᤔᤢᤀᤠᤱ ᤂᤠᤏᤡ᤺ᤔᤠ ᤔᤧᤴᤇᤢᤰᤁᤣ ᤔᤡᤰᤑ᤺ᤶᤒᤠ ᤁᤢᤀᤡᤛᤡ᤺ᤰ ᤐᤥ᤺ᤰᤂᤠᤱᤗᤥ॥ ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ᤏᤢ ᤛᤥᤖᤡᤰ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠ ᤀᤠᤴᤍᤣ᤺ᤱ ᤀᤠᤴᤈᤢᤶᤜᤠ᤹ᤖᤧ ᤀᤠᤜᤢᤰᤁᤥ ᤔᤧᤍᤧᤶᤛᤠᤱᤗ ᤍᤔᤛ᤻ᤁᤛᤀᤥ ᤔᤧᤃᤧᤳᤋᤠᤱᤗᤥ॥ 
\p  
\v 12 ᤜᤧᤰᤁᤩᤠᤱ ᤂᤧᤵᤔᤥ ᤜᤏᤏᤡᤕᤠ ᤔᤧᤵᤔᤏᤠᤒᤠ ᤀᤠᤏᤡ᤹ ᤕᤜᤢᤍᤡ ᤛᤠᤶᤕᤥᤌᤡᤶ ᤁᤧᤏᤠ᤺ᤵᤐᤠ ᤁᤧᤀᤡ᤺ᤵᤐᤠ ᤛᤠᤶᤕᤥᤏᤡᤒᤠ ᤔᤏᤠᤎᤡᤰ ᤀᤠᤍᤢᤶᤛᤧ ᤋᤩᤧ॥ ᤂᤧᤱᤃ ᤍᤔᤛ᤻ᤁᤛᤀᤥ ᤁᤧᤘᤠ᤹ᤒᤠ ᤁᤠᤰ ᤕᤜᤢᤍᤡᤜᤠ᤹ᤖᤧ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤒᤠ ᤔᤏᤠ ᤘᤕᤧᤖᤥ॥  
\v 13 ᤂᤢᤏᤧ᤹ ᤀᤡᤱᤃᤠ᤹ ᤘᤕᤠᤱᤒᤠ ᤋᤧᤴᤏᤥ ᤋᤩᤧᤀᤠᤱ ᤀᤰᤂᤣ ᤔᤧᤳᤋᤠᤱ. ‘ᤏᤢᤛᤠ᤹ ᤛᤠᤘᤗᤀᤣ. ᤀᤠᤸᤗᤥ ᤂᤧᤏᤧ᤹ ᤕᤠᤶᤔᤥ ᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧ᤹ᤀᤥ.’ ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤡᤔᤥ ᤂᤢᤏᤧ᤹ ᤏᤡ᤺ᤔᤠ ᤛᤢᤰᤋᤢᤱᤗᤥ॥ 
\p  
\v 14 ᤂᤧᤸᤗᤧ ᤔᤧᤳᤋᤠᤱ. ‘ᤂᤧᤏᤧ᤹ᤃ ᤀᤠᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤛᤡᤱ ᤏᤡ᤺ᤵᤔᤠ. ᤛᤠᤶᤕᤥᤏᤡᤒᤠ ᤁᤢᤔᤏᤠ ᤕᤧᤛᤢ᤺ᤴ ᤏᤡ᤺ᤔᤠ ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴ ᤂᤧᤶᤔᤠ ᤑᤠ᤹ᤀᤠᤱ ᤁᤧᤛᤣᤃᤧᤀᤠᤱ ᤁᤧᤘᤠ᤹ᤖᤥ॥  
\v 15 ᤂᤧᤏᤧ᤹ ᤁᤧᤏᤡ᤺ᤛᤢᤒᤠ ᤏᤢ ᤁᤧᤄᤧᤵᤛᤢᤒᤠ ᤐᤠ᤺ᤴᤜᤠ᤹ᤖᤧᤴ ᤁᤠᤰ ᤔᤏᤠᤜᤠ᤹ᤀᤥ ᤁᤢᤍᤥ᤺ᤴᤍᤡ ᤁᤧᤒᤥ᤺ᤱᤗᤥ॥  
\v 16 ᤀᤠᤸᤗ ᤌᤣ᤺ᤴ ᤁᤧᤜᤠᤱᤄᤢᤒᤠᤒᤣ᥅ ᤐᤥᤃᤧ᤹ᤀᤠᤱ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧ᤹. ᤜᤧᤰᤁᤩᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤆᤥᤃᤧ᤹ᤀᤠᤱ ᤁᤧᤗᤠᤕᤥᤗᤠᤶ ᤛᤣᤛᤣ ᤐᤥ᤺ᤰᤂᤧ᤹ᤀᤥ॥’ 
\p  
\v 17 ᤜᤧᤰᤁᤩᤠᤱ ᤀᤡᤱᤃᤠ᤹ ᤕᤖᤢᤛᤗᤧᤶᤔᤥ ᤕᤠᤶᤔᤥ ᤏᤢ᤺ᤰᤂᤠᤱ ᤐᤣᤃᤠᤱᤅᤠᤱ ᤔᤠᤱᤜᤡᤶᤔᤥ ᤋᤢᤘᤠ ᤆᤥ᤺ᤰᤁᤡ ᤕᤢᤅᤠᤱᤅᤡᤸᤗᤧ ᤀᤡᤱᤃᤠ᤹ ᤛᤢᤑᤥ ᤏᤡ᤺ᤛᤢᤱᤗᤥ॥  
\v 18 ᤂᤧᤵᤔᤥ ᤍᤠᤱᤒᤠᤸᤗᤧ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤠᤱᤗᤥ. ‘ᤕᤖᤢᤛᤗᤧᤔᤗᤠᤶ ᤜᤠᤖᤠ ᤗᤠ᤺ᤰᤁᤠᤳ ᤗ᤺ᤴᤍᤧ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤁᤵᤔᤥᤒᤠ ᤔᤏᤠᤜᤠ᤹ᤖᤧ ᤀᤡᤱᤃᤠ᤹ ᤀᤠᤕᤠ᤺ᤶᤒᤣᤀᤥ ᤂᤧᤏᤧ᤹ ᤁᤧᤒᤡᤖᤢᤒᤠ ᤋᤥ᤺ᤴᤍᤡᤴ ᤔᤧᤴᤍᤠ᤺ᤰᤋᤢᤴᤗᤥ॥’ 
\p  
\v 19 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤂᤢᤏᤧ᤹ ᤔᤧᤳᤋᤢᤱ. ‘ᤀᤠᤍᤠᤱᤒᤣ. ᤀᤡᤱᤃᤠ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤜᤠ᤹ᤀᤥ ᤐᤣᤃᤠᤱᤅᤠᤱ ᤂᤧᤏᤧ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤋᤧᤶᤛᤢᤱᤛᤡᤱᤅᤠᤱ ᤗ᤺ᤵᤛᤢᤱᤛᤡᤱ ᤜᤧᤰᤁᤩᤠᤱ ᤐᤢᤱᤗᤠᤜᤡᤶᤔᤥ ᤛᤠᤰᤋᤢᤱᤛᤡᤱᤒᤠ ᤐᤠ᤺ᤴᤜᤠ᤹ᤃ ᤂᤧᤱᤜᤠ᤹ᤖᤧ ᤔᤧᤏᤡ᤺ᤛᤢᤖᤥ॥  
\v 20 ᤜᤧᤰᤁᤩᤠᤱ ᤛ᤻ᤋᤡᤑᤏᤛᤧᤴ ᤔᤧᤛᤧᤖᤢᤸᤗᤧ ᤀᤡᤱᤃᤠ᤹ᤃ ᤋᤥ᤺ᤴᤍᤡ ᤐᤥ᤺ᤰᤂᤠᤱᤅᤠᤱ ᤂᤧᤴ ᤐᤠ᤺ᤴᤏᤡᤴ ᤋᤧᤴᤍᤡᤱ ᤆᤥᤃᤢᤱᤅᤠᤱ ᤂᤧᤴ ᤔᤏᤠ ᤁᤧᤛᤧᤵᤐᤠᤜᤠ᤹ᤖᤧ ᤂᤢᤏᤡ᤹ ᤆᤠᤱᤍᤣ᤺ᤳᤜᤠ᤹ ᤁᤥᤛᤢᤱᤗ ᤕᤧᤒᤠᤱᤗᤥ॥’ 
\p  
\v 21 ᤁᤖ ᤍᤠᤱᤒᤠᤸᤗᤧ ᤀᤡᤱᤃᤠ᤹ ᤔᤧᤳᤋᤠᤱ. ᤐᤣᤃᤧ᤹. ‘ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤔᤠ᤺ᤱᤄᤠ ᤔᤠ᤺ᤱᤄᤠ ᤌᤠᤖᤡᤰ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤀᤠᤕᤠ᤺ᤶᤒᤣᤀᤥ ᤀᤡᤱᤓᤴ ᤆᤥ᤺ᤰᤛᤧ ᤐᤠᤱᤏᤧ᤹ᤖᤥ॥’” 
\p  
\v 22 ᤁᤴ ᤐᤠ᤺ᤳᤋᤢᤖ ᤌᤠᤖᤡᤰ ᤔᤏᤠᤜᤠ᤹ᤖᤧ ᤐᤠᤘᤗᤖᤧ ᤁᤢᤒᤠ᤺ᤴᤏᤡᤴ ᤔᤧᤄᤧᤵᤛᤢᤖᤥ. ᤁᤖ ᤌᤡᤶᤔᤧᤴᤍᤱ ᤛᤢᤘᤠᤱ ᤗ᤹ᤖᤡᤰ ᤐᤠ᤺ᤴᤛᤢᤳᤗᤠ᤺ᤴ ᤐᤠ᤺ᤳᤋᤢᤏᤠᤔᤧ᤺ᤴᤏᤣ ᤂᤧᤱᤜᤠ᤹ ᤔᤧᤀ᤺ᤰᤋᤧᤖ ᤀᤰᤂᤣ ᤗ᤹ᤔᤠ ᤔᤧᤜᤣ᤺ᤰᤋᤧ. “ᤁᤴ ᤛᤧᤵᤔᤠᤀᤣ ᤐᤥ᤺ᤱ᥄ ᤀᤠᤸᤗ ᤁᤴ ᤔᤏᤠ᤺ᤴ ᤁᤢᤜᤡᤱᤘᤧᤳ ᤗᤧᤵᤔᤠ ᤔᤧᤏᤢ᤹ᤏᤧᤴᤗᤥ᥄” 
\p  
\v 23 ᤀᤰᤂᤣᤗ᤹ᤖᤡᤰ ᤛᤡᤰᤁᤡᤸᤗᤧ ᤀᤠᤒᤠᤅᤣ ᤂᤢᤏᤡ᤹ ᤛᤢᤱᤄᤣ᤺ᤰᤘᤠᤜᤠ᤹ ᤔᤧᤎᤧ᤺ᤰᤂᤢᤖ ᤂᤠᤶᤜᤡ᤺ᤰᤜᤠ᤹ ᤌᤥ ᤔᤧᤛᤧ᤺ᤛᤢᤖ ᤔᤧᤀ᤺ᤰᤋᤧ॥ 
\s1 ᤐᤠᤘᤗᤖᤧ ᤖᤥᤔᤡ ᤕᤰᤕᤢᤱᤒᤠᤀᤠ ᤐᤠ᤺ᤳᤋᤢ᤹ 
\p  
\v 24 ᤀᤠᤸᤗ ᤖᤥᤔᤡ ᤌᤰᤐᤧᤒᤠᤸᤗᤧ ᤁᤴ ᤏᤡ᤺ᤛᤢᤀᤠᤱ ᤐᤠᤘᤗᤧᤴ ᤋᤢᤖᤠ ᤜᤡᤶᤛᤡᤃᤠᤱ ᤋᤠ᤺ᤵᤔᤠᤀᤠᤱ ᤁᤴ ᤔᤏᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤣᤀᤠᤱ ᤕᤜᤢᤍᤡᤜᤠ᤹ ᤔᤧᤀ᤺ᤰᤋᤧᤒᤠᤒᤣ᥅ ᤗ᤹ᤖᤡᤰ ᤏᤡᤱᤘᤠ᤹ ᤂᤥ᤺ᤔᤠ ᤑᤠ᤹ᤀᤠᤱ ᤋᤧ᤺ᤶᤓᤢᤰ ᤕᤠᤰᤔᤠ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥  
\v 25 ᤋᤡᤗᤡᤱᤃᤠᤜᤠ᤹ᤖᤧ ᤋᤧ᤺ᤶᤓᤢᤰ ᤕᤠᤰᤔᤠ ᤑᤠ᤹ᤀᤠᤱ ᤐᤠᤘᤗᤧᤴ ᤀᤡᤄᤣ᤺ᤱᤔᤠ ᤔᤧᤜᤣ᤺ᤰᤋᤢᤸᤗᤧ ᤁᤢᤒᤣᤛᤠᤱ ᤁᤧᤕᤧᤵᤐᤠ ᤌᤰᤋᤢᤶᤒᤧᤴ ᤐᤠᤘᤗᤖᤧ ᤀᤰᤂᤣ ᤔᤧᤳᤋᤢ. “ᤖᤥᤔᤡ ᤕᤰᤕᤢᤱᤒᤠᤴᤏᤠᤱ ᤀᤠᤵᤋᤡᤰ ᤔᤧ᤺ᤴᤏᤣ ᤋᤧ᤺ᤶᤓᤢᤰ ᤕᤠᤰᤔᤠ ᤖᤥᤔᤡ ᤌᤡᤶᤔᤡᤸᤗᤧ ᤁᤧᤒᤡᤖᤡᤒᤡ᥅” 
\p  
\v 26 ᤌᤰᤋᤢᤶᤒᤧᤸᤗᤧ ᤂᤧᤴ ᤌᤰᤐᤧᤒᤠᤴ ᤐᤣᤀᤠᤱ ᤔᤧᤳᤋᤢ. “ᤀᤠᤍᤠᤱᤒᤣ. ᤁᤴ ᤌᤣ᤺ᤴ ᤁᤧᤈᤥᤃᤢᤖ ᤁᤧᤒᤵᤐᤣ᥅ ᤁᤴ ᤔᤏᤠ᤺ᤱᤃ ᤖᤥᤔᤡ ᤕᤰᤕᤢᤱᤒᤠᤔᤢᤖᤥ᥄” 
\p  
\v 27 ᤂᤧᤴ ᤌᤰᤐᤧᤒᤠᤴ ᤋᤩᤧᤀᤠᤱ ᤐᤠᤘᤗᤧᤴ ᤀᤰᤂᤣᤗ᤹ᤖᤡᤰ ᤛᤣ᤺ᤴᤍᤥᤛᤢ. “ᤂᤧᤏᤧ᤹ ᤛᤧᤰᤂᤠᤀᤣ ᤖᤥᤔᤡ ᤕᤰᤕᤢᤱᤒᤠᤏᤧᤴᤒᤡ᥅” 
\p ᤜᤧᤰᤁᤩᤠᤱ ᤐᤠᤘᤗᤖᤧ ᤀᤥᤖᤥ ᤗ᤹ᤖᤡᤰ ᤏᤥᤃᤵ ᤐᤡᤖᤢ॥ 
\p  
\v 28 ᤂᤧᤴ ᤌᤰᤐᤧᤒᤠᤸᤗᤧ ᤔᤧᤳᤋᤢ. “ᤁᤖ ᤀᤡᤱᤃᤠ᤹ᤃ ᤕᤖᤡᤰ ᤕᤠᤱᤛᤠᤁᤢᤴᤎᤣᤖᤧ ᤁᤴ ᤖᤥᤔᤡ ᤕᤰᤕᤢᤱᤒᤠ ᤕᤢᤰᤁᤡᤴ ᤀᤡᤅᤢᤱᤒᤠᤖᤥ॥” 
\p ᤐᤠᤘᤗᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ᤃ ᤛᤠᤘᤠ᤺ᤴᤇᤡᤅᤠᤱᤅᤡᤸᤗᤧᤛᤠ ᤖᤥᤔᤡᤀᤠᤖᤥ॥” 
\p  
\v 29 ᤁᤖ ᤂᤢᤏᤧ᤹ ᤛᤣ᤺ᤴᤗᤠᤵᤔᤠ ᤕᤠᤖᤡᤵ ᤁᤧᤒᤥ᤺ᤱᤒᤠᤜᤠ᤹ᤖᤧ ᤜᤰᤆᤄᤳ ᤂᤢᤏᤧ᤹ ᤔᤧᤗᤧᤖᤢ ᤔᤧᤎ᤺ᤀᤠᤱ ᤔᤧᤒᤣ. ᤜᤧᤰᤁᤩᤠᤱ ᤐᤠᤘᤗᤧᤴ ᤖᤥᤔᤡ ᤕᤰᤕᤢᤱᤒᤠ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤂᤧᤴ ᤌᤰᤐᤧᤒᤠᤴᤏᤠᤱ ᤁᤡ᤺ᤛᤧᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤠᤛᤧᤴ ᤔᤧᤴᤗᤥ᤺ᤴᤏᤣ ᤂᤧᤴ ᤀᤡᤄᤣ᤺ᤰᤂᤢᤀᤠᤱ ᤘᤕᤧᤖᤥ॥ 
\s1 ᤐᤠᤘᤗ ᤕᤜᤢᤍᤡ ᤕᤧᤈᤢᤶᤓᤥ ᤋᤃᤡ 
\p  
\v 30 ᤁᤖ ᤁᤢᤍᤠ᤺ᤴᤍᤡᤰᤔᤠ ᤂᤧᤴ ᤖᤥᤔᤡ ᤌᤰᤐᤧᤒᤠᤸᤗᤧ ᤌᤣᤀᤠᤱ ᤕᤜᤢᤍᤡᤜᤠ᤹ᤖᤧ ᤐᤠᤘᤗᤧᤴ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤒᤠ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤂᤧᤴ ᤗᤧᤖᤢ॥ ᤜᤧᤰᤁᤩᤠᤱ ᤁᤠᤰ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤧᤈᤢᤶᤓᤥ ᤆᤢᤶᤗᤢᤱ ᤆᤥ᤺ᤰᤔᤠ ᤀᤡᤱᤈᤠ᤺ᤱ ᤐᤡᤖᤢᤛᤡᤖ ᤐᤠᤘᤗᤧᤴ ᤂᤧᤵᤔᤥ ᤔᤧᤍᤠᤖᤢᤀᤠᤱ ᤂᤢᤏᤡ᤹ ᤋᤃᤡ ᤔᤧᤕᤧᤵᤛᤢᤖᤥ॥ 
\c 23  
\p  
\v 1 ᤐᤠᤘᤗᤖᤧ ᤕᤧᤈᤢᤶᤓᤥ᤺ᤴ ᤏᤢ᤺ᤖᤡᤰᤁᤠᤱ ᤀᤥᤔᤧᤳᤋᤢᤀᤠᤱ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤀᤡᤴ ᤌᤠᤖᤡᤰ ᤀᤠᤜᤡᤱᤔᤴᤏᤥ ᤛᤣᤛᤣ ᤂᤠᤛᤡᤱᤅᤥ ᤔᤠᤱᤛᤣᤘᤠ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥”  
\v 2 ᤁᤴ ᤂᤧᤵᤛᤢᤀᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤜᤏᤏᤡᤕᤠᤖᤧ ᤐᤠᤘᤗᤖᤧ ᤁᤢᤒᤣᤛᤠᤱ ᤁᤧᤕᤧᤵᤐᤠ ᤌᤰᤋᤢᤶᤒᤠᤴ ᤐᤠᤘᤗᤖᤧ ᤁᤢᤔᤢᤖᤠᤀᤥ ᤜᤡᤵᤋᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤖᤥ॥  
\v 3 ᤐᤠᤘᤗᤖᤧᤀᤠᤱ ᤜᤏᤏᤡᤕᤠ᤺ᤴ ᤔᤧᤳᤋᤢ. “ᤂᤧᤏᤧ᤹ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤀᤣ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ᤀᤠᤱ ᤁᤧᤜᤡᤵᤗᤥ॥ ᤂᤧᤏᤧ᤹ᤃ ᤂᤧᤵᤔᤥ ᤔᤥᤛᤠᤖᤧ ᤐᤡᤖᤢᤒᤠ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤀᤠᤄᤠᤛᤧᤴ ᤗᤥ᤺ᤶᤔᤠ ᤑᤠ᤹ᤀᤠᤱ ᤁᤧᤕᤢᤱ. ᤁᤖ ᤂᤧᤏᤧ᤹ᤃ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤂᤠᤛᤧᤴ ᤗᤥ᤺ᤶᤔᤠᤏᤢ᤺ᤸᤗᤧ ᤋᤃᤡᤀᤣ ᤀᤡᤱᤃᤠ᤹ ᤕᤠᤵᤔᤡ ᤜᤡᤵᤔᤠ ᤁᤧᤒᤠᤱᤄᤢᤛᤡᤒᤡ᥅” 
\p  
\v 4 ᤜᤧᤰᤁᤩᤠᤱ ᤁᤢᤒᤣᤛᤠᤱ ᤁᤧᤕᤧᤵᤐᤠ ᤔᤏᤠᤜᤠ᤹ᤖᤧ ᤐᤠᤘᤗᤧᤴ ᤔᤧᤔᤧᤳᤋᤢ. “ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤏᤠᤎᤠ᤺ᤔᤠ ᤀᤠᤰᤂᤣᤀᤠᤱ ᤁᤧᤀᤠ᤺ᤴᤇᤡᤱᤒᤣ᥅” 
\p  
\v 5 ᤐᤠᤘᤗᤖᤧ ᤏᤥᤃᤵ ᤐᤡᤖᤢ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤂᤢᤏᤧ᤹ᤃ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤑᤠ᤹ᤀᤠᤱ ᤀᤡᤱᤃᤠ᤹ ᤔᤧᤴᤏᤡ᤺ᤒᤧᤴᤗᤥ॥ ᤛᤠᤶᤕᤥᤛᤠᤵᤗᤠᤀᤥᤃ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. ‘ᤂᤡᤏᤡ᤹ ᤗᤠᤶᤗᤥ᤺ᤒᤠᤸᤗᤧ ᤁᤢᤍᤰᤗᤧᤱᤘᤠᤀᤥ ᤑᤧᤴ ᤐᤠ᤺ᤴ ᤔᤧᤒᤠᤖᤧᤶᤔᤡᤴᤏᤧ᤹ᤀᤥ॥’” 
\p  
\v 6 ᤜᤧᤰᤁᤩᤠᤱ ᤐᤠᤘᤗᤖᤧ ᤂᤧᤵᤔᤥ ᤑᤖᤡᤛᤡ ᤏᤢ ᤛᤍᤢᤁᤡᤜᤠ᤹ ᤔᤧᤘᤠ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤡ᤺ᤔᤧᤴ ᤀᤣᤃᤠᤱ ᤌᤣ ᤐᤥ᤺ᤱ ᤁᤧᤗ᤹ᤒᤠ ᤐᤠ᤺ᤴᤏᤥ ᤂᤢᤏᤡ᤹ ᤏᤛᤠ᤺ᤴ ᤔᤧᤍᤅᤧᤴᤒᤠ ᤏᤡ᤺ᤛᤢᤀᤠᤱ ᤕᤶᤒᤠ ᤀᤡᤰᤗᤠᤀᤥ ᤕᤧᤈᤢᤶᤓᤥᤀᤥ ᤀᤰᤂᤣᤗ᤹ᤖᤡᤰ ᤔᤧᤳᤋᤢᤛᤡ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤀᤡᤱᤃᤠ᤹ᤃ ᤑᤖᤡᤛᤡ᤺ᤸᤗᤧ ᤁᤢᤛ᤻ᤛᤠ᤺ ᤑᤖᤡᤛᤡᤀᤠᤖᤥ॥ ᤀᤡᤱᤃᤠ᤹ᤃ ᤁᤧᤛᤡ᤺ᤒᤠᤜᤠ᤹ ᤔᤧᤜᤡᤱ ᤗ᤹ᤖᤡᤰ ᤏᤡᤱᤛᤠᤱ ᤆᤥᤃᤢᤱᤒᤠᤸᤗᤧ ᤀᤠᤀᤡᤴ ᤁᤴ ᤋᤢ᤺ᤴᤍᤣ᤹ᤀᤥ ᤌᤩᤠᤱᤅᤠᤱ ᤘᤠ᤹ᤀᤠᤖᤥ॥”  
\v 7 ᤂᤢᤏᤧ᤹ ᤁᤴ ᤐᤠ᤺ᤴᤏᤡᤴ ᤐᤠ᤺ᤳᤋᤢᤏᤢᤔᤧ᤺ᤴᤏᤣ ᤑᤖᤡᤛᤡ ᤏᤢ ᤛᤍᤢᤁᤡᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤂᤧᤔᤠ᤹ ᤐᤥᤃᤧᤀᤠᤱ ᤂᤧᤱᤜᤠ᤹ ᤔᤧᤛᤧ᤺ᤖᤧ ᤔᤧᤒᤣᤖᤥ॥  
\v 8 (ᤌᤣᤀᤠᤱᤓᤧᤸᤗᤧ ᤛᤍᤢᤁᤡᤜᤠ᤹ᤖᤧ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤀᤥ ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤜᤠ᤹ ᤏᤢ ᤛᤠᤶᤜᤠ᤹ ᤔᤧᤘᤠ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤴᤈᤥᤃᤢᤴᤗᤥ॥ ᤁᤖ ᤑᤖᤡᤛᤡᤜᤠ᤹ᤖᤧ ᤁᤴ ᤛᤢᤶᤛᤡ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤈᤥᤃᤢᤖᤥ॥) 
\p  
\v 9 ᤜᤧᤰᤁᤩᤠᤱ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤀ᤺ᤰᤋᤧ॥ ᤂᤧᤵᤔᤥ ᤑᤖᤡᤛᤡ ᤗᤰᤁᤥᤒᤠ ᤁᤢᤓᤠ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ᤀᤠᤱ ᤔᤧᤒᤥᤃᤧᤀᤠᤱ ᤘᤣ᤹ᤜᤠ᤹ ᤛᤠ᤹ᤖᤡᤰ ᤔᤧᤀᤳᤋᤢᤛᤡᤖ ᤔᤧᤒᤠ᤺ᤳᤋᤢ. “ᤁᤴ ᤔᤏᤠ᤺ᤸᤗᤧ ᤕᤠ᤺ᤶᤒᤰ ᤑᤣ᤺ᤴᤍᤢᤒᤠ ᤌᤣᤀᤠᤱ ᤔᤧᤏᤡ᤺ᤛᤢᤶᤒᤧᤴᤗᤥ॥ ᤔᤠᤱᤗᤠᤀᤡᤱᤒᤠᤜᤠ᤹ ᤀᤡᤃᤪ ᤛᤠᤶᤜᤠ᤹ᤀᤠᤱᤛᤠ ᤛᤧᤰᤂᤠᤀᤣ ᤁᤴᤏᤢ ᤐᤠ᤺ᤵᤔᤠ ᤔᤧᤛᤢᤰᤛᤧᤒᤠ᥄”  
\v 10 ᤜᤧᤰᤁᤩᤠᤱ ᤐᤠ᤺ᤴᤎᤱᤅᤡᤴ ᤐᤥ᤺ᤖᤧᤖ ᤐᤣᤒᤠᤸᤗᤧ ᤌᤰᤋᤢᤶᤒᤠᤸᤗᤧ ᤐᤠᤘᤗᤧᤴᤏᤠᤱ ᤔᤧᤎᤧ᤺ᤰᤂᤢ ᤔᤧᤛᤧᤖᤢ ᤑᤠ᤹ᤀᤠᤱ ᤁᤡ᤺ᤛᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ ᤕᤥ ᤐᤠᤱᤄᤢᤛᤡᤀᤠᤱ ᤐᤠᤘᤗᤧᤴ ᤌᤰᤛᤢᤒᤠ ᤕᤰᤁᤥ ᤌᤠᤰᤋᤧᤶᤔᤧ᤹ ᤗ᤹ᤖᤡᤰ ᤀᤡᤱᤈᤠ᤺ᤱ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶ ᤐᤠᤘᤗᤧᤴ ᤛᤠᤰᤁᤧᤸᤗᤧᤰᤁᤠᤱ ᤌᤰᤛᤢᤒᤠ ᤕᤰᤁᤥ ᤔᤧᤎᤠᤰᤋᤢᤖᤥ॥ 
\p  
\v 11 ᤒᤠ ᤂᤧᤴ ᤛᤧᤴᤍᤡᤰ ᤐᤠᤘᤗᤖᤧ ᤁᤢᤒᤣᤛᤠᤱ ᤍᤠᤱᤒᤧᤴ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤀᤰᤂᤣ ᤔᤧᤳᤋᤢ. “ᤐᤠᤘᤗᤀᤣ. ᤂᤧᤏᤧ᤹ ᤜᤠᤱᤜᤠᤱ ᤔᤧᤳᤇᤡᤱᤅᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤰᤂᤣᤗ᤹ᤖᤡᤰ ᤁᤴ ᤕᤖᤢᤛᤗᤧᤶᤔᤥ ᤀᤡᤱᤃᤠ᤹ ᤀᤠᤕᤠ᤺ᤶᤒᤣᤀᤥ ᤋᤥ᤺ᤴᤍᤡ ᤁᤧᤒᤡᤖᤢᤒᤠ ᤁᤢᤀᤡᤛᤡ᤺ᤰ ᤖᤥᤔ ᤗᤠᤈᤣ᤹ᤀᤥᤀᤠᤱ ᤋᤥ᤺ᤴᤍᤡ ᤁᤧᤒᤡᤖᤢᤖ ᤐᤥ᤺ᤱᤗᤥ॥” 
\s1 ᤐᤠᤘᤗᤧᤴ ᤛᤧᤵᤔᤠ ᤆᤧᤶᤑᤴ 
\p  
\v 12 ᤁᤢᤍᤠ᤺ᤴᤍᤡᤰᤔᤠ ᤕᤜᤢᤍᤡᤜᤠ᤹ ᤔᤧᤓᤢᤱᤛᤡᤱᤅᤠᤱ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤖ ᤀᤡᤱᤔᤧᤍᤱᤄᤢᤖᤥ॥ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤔᤧᤴᤇᤧᤳᤋᤣ ᤌᤠᤖᤡᤰ ᤌᤧᤔᤠᤀᤠᤱ ᤔᤧᤈᤠᤶᤒᤧᤴ ᤔᤧᤎᤢᤱᤃᤢᤶᤒᤧᤴ ᤗ᤹ᤖᤡᤰ ᤔᤠᤱᤔᤧᤜᤧᤰᤛᤡᤱᤗᤥ॥  
\v 13 ᤁᤴ ᤆᤧᤶᤑᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ ᤗᤡᤒᤥ᤺ᤱᤅᤠᤱ (᥊᥆) ᤌᤥ ᤔᤧᤘᤕᤧᤖᤥ॥  
\v 14 ᤂᤧᤴ ᤆᤧᤶᤑᤴ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ᤖᤧ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤥ ᤔᤧᤒᤣᤀᤠᤱ ᤀᤰᤂᤣ ᤔᤧᤔᤧᤳᤋᤢᤛᤡ. “ᤀᤠᤏᤡᤃᤧᤃ ᤐᤠᤘᤗᤧᤴ ᤔᤧᤴᤇᤧᤳᤋᤣ ᤌᤠᤖᤡᤰ ᤌᤣᤀᤠᤱ ᤔᤧᤈᤠᤶᤒᤧᤴ ᤔᤧᤎᤢᤅᤢᤶᤒᤧᤴ ᤗ᤹ᤖᤡᤰ ᤔᤠᤱᤜᤧᤰᤛᤡᤱᤔᤏᤠᤀᤠᤱ ᤘᤕᤡᤃᤧᤖᤥ॥  
\v 15 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤂᤡᤏᤡ᤹ ᤏᤢ ᤕᤧᤈᤢᤶᤓᤥ᤺ᤴ ᤋᤱᤅᤠᤛᤡᤶᤔᤧ᤹ᤀᤠᤱ ᤖᤥᤔᤡ ᤌᤰᤋᤢᤶᤒᤧᤸᤗᤥ ᤐᤣᤃᤧᤶᤔᤧ᤹. ᤜᤧᤰᤁᤩᤠᤱ ‘ᤂᤧᤴ ᤐᤠᤘᤗᤧᤴ ᤆᤢᤶᤗᤢᤱᤅᤥ ᤕᤢᤖᤧ᤹’ ᤔᤧᤳᤋᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤁᤠᤛᤡᤃᤧᤖᤥ॥ ᤂᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤆᤢᤶᤗᤢᤱᤅᤡᤸᤗᤧ ᤕᤖᤡᤰ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤘᤠ᤹ᤖᤥ ᤗ᤹ᤖᤡᤰ ᤐᤠ᤺ᤴ ᤆᤥᤃᤧᤶᤔᤧ᤹ᤀᤥ॥ ᤁᤖ ᤂᤢᤏᤧ᤹ ᤁᤵᤔᤥ ᤔᤧᤕᤢᤖᤢᤖ ᤔᤧᤒᤳᤋᤡᤸᤗᤧ ᤗᤠᤶᤔᤥᤛᤠ ᤀᤠᤏᤡᤃᤧ ᤛᤧᤖᤢᤶᤒᤧ᤹ᤖᤥ॥” 
\p  
\v 16 ᤁᤖ ᤐᤠᤘᤗᤖᤧ ᤁᤢᤸᤗᤠᤶᤛᤠ᤹ᤀᤡᤸᤗᤧ ᤁᤴ ᤆᤧᤶᤑᤴ ᤔᤧᤈᤥᤃᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤌᤰᤛᤢᤒᤠ ᤕᤰᤁᤥ ᤐᤣᤀᤠᤱ ᤁᤴ ᤐᤠ᤺ᤴᤜᤠ᤹ ᤁᤠᤰ ᤐᤠᤘᤗᤧᤴ ᤆᤧᤰᤋᤢᤖᤥ॥ 
\p  
\v 17 ᤜᤧᤰᤁᤩᤠᤱ ᤐᤠᤘᤗᤖᤧ ᤂᤧᤵᤔᤥ ᤁᤧᤘᤠ᤹ᤒᤠ ᤌᤡᤰ ᤌᤰᤋᤢᤶᤒᤧᤴ ᤀᤢ᤺ᤳᤋᤢᤀᤠᤱ ᤀᤰᤂᤣ ᤔᤧᤳᤋᤢᤖᤥ. “ᤀᤠᤍᤠᤱᤒᤣ. ᤁᤴ ᤌᤠᤱᤒᤧᤴᤏᤡᤸᤗᤧ ᤁᤢᤓᤠ ᤋᤠ᤹ᤈᤧᤱ ᤐᤠ᤺ᤴᤜᤠ᤹ ᤌᤰᤋᤢᤶᤒᤧᤴ ᤔᤧᤵᤔᤠ ᤁᤳᤋᤢᤖᤥ॥”  
\v 18 ᤜᤧᤰᤁᤣ᤺ᤸᤗᤧ ᤂᤧᤴ ᤛᤢᤜᤠᤱᤕᤢᤰᤐᤧᤸᤗᤧ ᤐᤠᤘᤗᤖᤧ ᤁᤢᤸᤗᤠᤶᤛᤠ᤹ᤀᤡᤴ ᤌᤰᤋᤢᤶᤒᤠᤸᤗᤥ ᤋᤣ᤹ᤖᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤣ. ᤐᤢᤱᤗᤠᤎᤠᤒᤠ ᤐᤠᤘᤗᤖᤧ ᤀᤡᤱᤃᤠ᤹ ᤀᤢ᤺ᤳᤋᤠᤱᤅᤠᤱ ᤁᤴ ᤔᤏᤠ᤺ᤸᤗᤧ ᤀᤠᤍᤠᤱᤒᤠᤏᤢ ᤋᤠ᤹ᤈᤧᤱᤔᤠ ᤁᤢᤓᤠ ᤐᤠ᤺ᤴᤜᤠ᤹ ᤁᤳᤋᤢᤖᤥ ᤗ᤹ᤖᤡᤰ ᤔᤧᤳᤋᤠᤱᤅᤠᤱ ᤁᤴ ᤁᤵᤔᤥ ᤋᤠᤖᤢᤱᤒᤠᤖᤥ॥” 
\p  
\v 19 ᤜᤧᤰᤁᤣ᤺ᤸᤗᤧ ᤐᤠᤘᤗᤖᤧ ᤁᤢᤸᤗᤠᤶᤛᤠ᤹ᤀᤡᤸᤗᤧ ᤁᤢᤜᤢᤰᤁᤡᤴ ᤋᤧᤶᤛᤢᤀᤠᤱ ᤌᤡᤰᤗᤧᤵᤔᤠᤱ ᤋᤣ᤹ᤖᤢᤀᤠᤱ ᤌᤰᤋᤢᤶᤒᤠᤸᤗᤧ ᤛᤣ᤺ᤴᤍᤥᤛᤢ. “ᤀᤡᤱᤃᤠ᤹ᤏᤢ ᤋᤠ᤹ᤈᤧᤱ ᤐᤠ᤺ᤴᤜᤠ᤹ ᤌᤧᤔᤠ ᤁᤧᤃᤳᤋᤢ᤹. ᤗᤢ ᤐᤠ᤺ᤳᤋᤧ᤹᥄” 
\p  
\v 20 ᤂᤧᤸᤗᤧ ᤔᤧᤳᤋᤢ. “ᤀᤠᤍᤠᤱᤒᤣ. ᤁᤢᤓᤠ ᤕᤜᤢᤍᤡ ᤕᤢᤰᤛᤠᤒᤠᤜᤠ᤹ᤖᤧ ᤋᤠ᤺ᤴᤍᤡᤰ ᤐᤠᤘᤗᤧᤴ ᤕᤥ ᤕᤧᤈᤢᤶᤓᤥᤀᤥ ᤕᤢᤖᤧ᤹ ᤑᤠ᤹ᤀᤠᤱ ᤂᤧᤏᤧ᤹ᤏᤢ ᤐᤣᤗᤡ ᤑᤠᤰᤔᤠ ᤀᤡᤱᤔᤧᤍᤱᤄᤢᤀᤠᤱ ᤔᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤁᤴ ᤆᤢᤶᤗᤢᤱᤅᤡᤸᤗᤧᤃ ᤐᤠᤘᤗᤖᤧ ᤁᤢᤕᤠ᤺ᤶᤒᤣᤀᤥ ᤕᤖᤡᤰ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤘᤠ᤹ ᤑᤠ᤹ᤀᤠᤱ ᤐᤠ᤺ᤴ ᤔᤧᤈᤥᤃᤢᤀᤠᤱ ᤘᤠ᤹ᤖᤥ॥  
\v 21 ᤁᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤏᤡᤴ ᤔᤧᤄᤧᤵᤛᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤗᤡᤒᤥ᤺ᤱᤅᤠᤱᤎᤥ ᤔᤏᤠᤜᤠ᤹ᤖᤧ ᤐᤠᤘᤗᤧᤴ ᤛᤧᤵᤔᤠ ᤑᤠ᤹ᤀᤠᤱ ᤔᤧᤛᤢᤃᤢᤀᤠᤱ ᤔᤧᤕᤢᤱᤗᤥ॥ ᤂᤧᤱᤜᤠ᤹ᤖᤧᤃ ᤂᤢᤏᤧ᤹ ᤔᤧᤴᤇᤧᤳᤋᤣ ᤌᤠᤖᤡᤰ ᤌᤣᤀᤠᤱ ᤔᤧᤈᤠᤶᤒᤧᤴ ᤔᤧᤎᤢᤅᤢᤶᤒᤧᤴ ᤗ᤹ᤖᤡᤰ ᤔᤠᤱᤔᤧᤜᤧᤰᤛᤡᤱᤅᤠᤱ ᤕᤠᤖᤡᤵ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹॥ ᤂᤧᤱᤜᤠ᤹ᤖᤧ ᤂᤧᤏᤧ᤹ ᤁᤧᤏᤡᤱᤘᤠ᤹ ᤐᤠ᤺ᤴᤏᤡᤸᤗᤧ ᤀᤡᤱᤈᤠ᤺ᤱ ᤂᤥ᤺ᤔᤠᤖᤰ ᤔᤧᤜᤠᤱᤄᤢᤀᤠᤱ ᤔᤧᤕᤢᤱᤗᤥ॥” 
\p  
\v 22 ᤜᤧᤰᤁᤣ᤺ᤸᤗᤧ ᤌᤰᤋᤢᤶᤒᤧᤸᤗᤧ ᤂᤧᤴ ᤔᤏᤠ᤺ᤴ ᤀᤰᤂᤣ ᤔᤧᤳᤋᤢᤀᤠᤱ ᤛᤠᤶᤍᤡᤱ ᤐᤡᤖᤢᤖ ᤐᤠᤱᤄᤢᤍᤣ᤺ᤛᤢ. “ᤁᤴ ᤀᤡᤱᤃᤠ᤹ ᤁᤧᤈᤧᤰᤋᤠᤱᤒᤠ ᤐᤠ᤺ᤴᤏᤡᤴ ᤜᤠ᤺ᤳᤋᤠᤱ ᤔᤧᤔᤧᤳᤋᤧᤴᤏᤧ᤹ᤀᤥ॥” 
\s1 ᤐᤠᤘᤗᤧᤴ ᤛᤡᤈᤖᤡᤕᤠᤀᤥ ᤔᤧᤒᤠᤱᤄᤢ᤹ 
\p  
\v 23 ᤜᤧᤰᤁᤩᤠᤱ ᤂᤧᤴ ᤌᤰᤋᤢᤶᤒᤠᤸᤗᤧ ᤏᤧᤵᤑᤢ ᤛᤢᤜᤠᤱᤕᤢᤰᤐᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤀᤰᤂᤣ ᤔᤧᤳᤋᤢᤛᤡ. “ᤀᤠᤰᤂᤥ ᤛᤧᤴᤍᤡᤰ ᤁᤢᤔᤢᤰ ᤑᤠᤱᤛᤡ (᥏) ᤔᤢᤰᤁᤡᤸᤗᤧ ᤁᤡᤵ ᤏᤧᤳᤇᤡ (᥈᥆᥆) ᤌᤰᤛᤢᤒᤠᤜᤠ᤹. ᤏᤢᤒᤥ᤺ᤱ (᥍᥆) ᤀᤴ ᤁᤧᤕᤢᤰᤐᤠ ᤌᤰᤛᤢᤒᤠᤜᤠ᤹ ᤜᤧᤰᤁᤩᤠᤱ ᤁᤡᤵ ᤏᤧᤳᤇᤡ ᤗᤠ᤺ᤰ ᤁᤧᤕᤠᤱᤒᤠ ᤌᤰᤛᤢᤒᤠᤜᤠ᤹ ᤛᤡᤈᤖᤡᤕᤠᤀᤥ ᤐᤣ᤺ᤰᤔᤠ ᤕᤠᤖᤡᤵ ᤆᤥᤃᤧᤳᤇᤧ᤹.  
\v 24 ᤜᤧᤰᤁᤩᤠᤱ ᤐᤠᤘᤗ ᤏᤢ ᤁᤢᤴᤍᤣ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤔᤠ ᤀᤴᤜᤠ᤹ᤖᤧᤴᤏᤠᤱ ᤋᤱᤃᤠᤶ ᤆᤥᤃᤧᤳᤇᤧ᤹ᤀᤥ॥ ᤂᤢᤏᤧ᤹ ᤏᤢ᤺ᤖᤡᤰᤁᤠᤱ ᤌᤣᤀᤠᤱ ᤔᤧᤶᤒᤥ᤺ᤱᤅᤣ ᤛᤢᤜᤠᤱᤃᤧᤶᤒᤠ ᤑᤧᤗᤡᤰᤛᤖᤥ ᤁᤧᤳᤋᤧᤇᤧ᤹ᤀᤥ॥”  
\v 25 ᤌᤰᤋᤢᤶᤒᤧᤸᤗᤧ ᤀᤰᤂᤣᤗ᤹ᤖᤡᤰ ᤛᤢᤜᤠᤱᤃᤧᤶᤒᤠ ᤑᤧᤗᤡᤰᤛᤧᤴ ᤛᤰᤀᤡᤱᤄᤱ ᤜᤠᤰᤋᤢᤖᤥ– 
\q1  
\v 26 “ᤋᤢᤳᤋᤢ ᤀᤠᤍᤠᤱᤒᤠ ᤛᤢᤜᤠᤱᤃᤧᤶᤒᤠ ᤑᤧᤗᤡᤰᤛᤣ. 
\q1 ᤰᤗᤠᤀᤢᤍᤡᤕᤛ ᤗᤢᤛᤡᤕᤛᤗᤠᤶ. ᤀᤠᤛᤣᤘᤠᤖᤥ॥  
\v 27 ᤁᤴ ᤔᤏᤠ᤺ᤴ ᤕᤜᤢᤍᤡᤜᤠ᤹ᤖᤧ ᤔᤧᤍᤧᤶᤛᤢᤀᤠᤱ ᤛᤧᤵᤔᤠ ᤔᤧᤃᤥ᤺ᤳᤋᤢᤀᤠᤱ ᤔᤧᤘᤕᤧ. ᤁᤖ ᤀᤡᤱᤃᤠ᤹ ᤁᤴ ᤔᤏᤠ᤺ᤱᤃ ᤖᤥᤔᤡ ᤕᤰᤕᤢᤱᤒᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤂᤥ᤺ᤛᤢᤱᤅᤠᤱ ᤌᤰᤛᤢᤒᤠᤜᤠ᤹ᤏᤢ ᤐᤣᤃᤠᤱᤅᤠᤱ ᤕᤜᤢᤍᤡᤜᤠ᤹ᤗᤠᤶ ᤛᤧ᤺ᤵᤋᤢᤱᤗᤥ॥  
\v 28 ᤁᤴ ᤔᤏᤠ᤺ᤴ ᤌᤣ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤒᤠ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤂᤢᤏᤡ᤹ ᤕᤧᤈᤢᤶᤓᤥᤀᤥ ᤋᤣ᤹ᤖᤢᤱ.  
\v 29 ᤁᤖ ᤂᤢᤏᤡ᤹ ᤀᤠᤒᤠᤅᤣ ᤕᤜᤢᤍᤡ ᤛᤠᤶᤕᤥᤌᤡᤶᤔᤥᤒᤠ ᤏᤡᤱᤘᤠ᤹ ᤔᤧᤴᤍᤠ᤺ᤔᤏᤠ ᤐᤠ᤺ᤴᤏᤥᤖᤰ ᤁᤴ ᤔᤏᤠ᤺ᤴ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥ ᤁᤴ ᤔᤏᤠ᤺ᤸᤗᤧ ᤛᤡ᤺ᤔᤧᤸᤗᤧ ᤂᤢᤶᤍᤡᤱ ᤂᤥ᤺ᤔᤠ ᤏᤢ ᤐᤢᤱᤗᤠᤎᤠᤒᤠ ᤐᤥ᤺ᤱᤔᤠ ᤌᤣᤀᤠᤱ ᤕᤠ᤺ᤶᤒᤰ ᤔᤧᤶᤓᤣ᤺ᤴᤏᤣ ᤘᤠ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤱᤗᤥ॥  
\v 30 ᤜᤧᤰᤁᤩᤠᤱ ᤁᤴ ᤔᤏᤠ᤺ᤴ ᤛᤧᤵᤔᤠ ᤑᤠ᤹ᤀᤠᤱ ᤕᤜᤢᤍᤡᤜᤠ᤹ᤖᤧ ᤆᤧᤶᤑᤴ ᤔᤧᤈᤥᤃᤢᤖ ᤔᤧᤕᤠᤰ ᤁᤧᤗ᤹ᤒᤠ ᤀᤡᤱᤃᤠ᤹ ᤀᤡᤱᤄᤱ ᤂᤥ᤺ᤛᤢᤱ॥ ᤜᤧᤰᤁᤣ᤺ᤸᤗᤧ ᤁᤴ ᤔᤏᤠ᤺ᤴ ᤂᤧᤏᤧ᤹ᤀᤥᤀᤣ ᤐᤠᤱᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤜᤠ᤹ᤀᤠᤱ ᤜᤠᤖᤠ᤹ ᤂᤧᤏᤧ᤹ᤀᤥᤀᤣ ᤔᤧᤕᤢᤀᤠᤱ ᤂᤢᤏᤧ᤹ ᤁᤢᤍᤰᤗᤧᤱᤅᤥ ᤔᤧᤃᤢ᤺ᤳᤋᤢᤒᤠ ᤀᤠᤵᤋᤡᤰᤜᤠ᤹ᤀᤠᤱ ᤂᤧᤏᤧ᤹ᤀᤣ ᤁᤧᤶᤔᤧᤳᤗ. ᤑᤠ᤹ᤀᤠᤱ ᤔᤧᤳᤋᤢᤱᤛᤡᤱᤅᤠᤱ ᤔᤧᤘᤠ᤹ᤖᤥ॥” 
\p  
\v 31 ᤜᤧᤰᤁᤣ᤺ᤸᤗᤧ ᤌᤰᤛᤢᤒᤠᤜᤠ᤹ᤖᤧ ᤂᤧᤴ ᤀᤡᤱᤈᤠ᤺ᤱᤅᤡᤴ ᤋᤧᤴᤍᤡᤱ ᤔᤧᤈᤥᤃᤢᤀᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤔᤧᤍᤣ᤹ᤖᤢᤀᤠᤱ ᤛᤧᤴᤍᤡᤰᤛᤠ ᤀᤣᤴᤋᤡᤐᤋᤪᤡᤛ\f * \fr 23:31 \ft ᤀᤣᤴᤋᤡᤐᤠᤋᤪᤡᤛ–ᤀᤣᤴᤋᤡᤐᤠᤋᤪᤡᤛ ᤐᤠᤱᤈᤢᤶᤔᤡᤴ ᤖᤥᤔᤡ ᤌᤰᤛᤢᤓᤠ ᤋᤢᤖᤠᤖᤧᤴ ᤔᤠᤕᤰ ᤘᤕᤧᤖᤥ॥\f* ᤕᤧᤰᤕᤰᤁᤥ ᤔᤧᤃᤧᤳᤋᤢᤖᤥ॥  
\v 32 ᤜᤧᤰᤁᤩᤠᤱ ᤁᤢᤏᤠᤶᤍᤠ᤺ᤵᤔᤠ ᤌᤰᤛᤢᤒᤠᤜᤠ᤹ᤖᤧ ᤂᤢᤏᤧ᤹ ᤀᤴ ᤁᤧᤕᤢᤰᤐᤠ ᤌᤰᤛᤢᤒᤠᤜᤠ᤹ᤏᤢ ᤐᤣ᤺ᤰᤏᤡ ᤑᤠ᤹ᤀᤠᤱ ᤐᤰᤔᤧᤎᤛᤡᤀᤠᤱ ᤕᤰᤁᤥ ᤔᤧᤏᤢ᤺ᤰᤂᤧ ᤔᤧᤍᤩᤧᤖᤥ॥  
\v 33 ᤀᤴ ᤁᤧᤕᤢᤰᤐᤠ ᤌᤰᤛᤢᤒᤠᤜᤠ᤹ᤖᤧᤀᤠᤱ ᤛᤡᤈᤖᤡᤕᤠ ᤔᤧᤃᤧᤖᤧᤀᤠᤱ ᤛᤰᤀᤡᤱᤄᤱᤅᤡᤴ ᤏᤢ ᤐᤠᤘᤗᤧᤴᤏᤠᤱ ᤛᤢᤜᤠᤱᤃᤧᤶᤒᤠᤸᤗᤥ ᤔᤧᤍᤥ᤺ᤴᤍᤢ ᤔᤧᤒᤡᤖᤢᤖᤥ॥  
\v 34 ᤛᤢᤜᤠᤱᤃᤧᤶᤒᤠᤸᤗᤧ ᤂᤧᤴ ᤛᤰᤀᤡᤱᤄᤱᤅᤡᤴ ᤏᤡ᤺ᤖᤢᤀᤠᤱ ᤐᤠᤘᤗᤧᤴ ᤀᤠᤳᤋᤡᤴ ᤋᤧᤱᤃᤐᤛ᤻ᤔᤠ ᤑᤠ᤹ᤀᤠᤱ ᤛᤣ᤺ᤴᤍᤥᤛᤢᤸᤗᤧ ᤂᤢᤏᤧ᤹ ᤛᤡᤗᤡᤛᤡᤕᤠᤛ᤻ᤔᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤂᤥ᤺ᤛᤢ॥  
\v 35 ᤜᤧᤰᤁᤩᤠᤱ ᤀᤰᤂᤣ ᤔᤧᤳᤋᤢ. “ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤜᤠ᤹ ᤔᤧᤍᤠ᤺ᤀᤠᤱᤗᤰ ᤁᤧᤍᤢ᤺ᤴᤍᤣᤴ ᤀᤥᤔᤧᤳᤋᤢᤱᤗᤥ॥” ᤜᤧᤰᤁᤩᤠᤱ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤜᤠᤱᤜᤡᤶᤔᤥ ᤂᤡᤏᤡ᤹ ᤗᤰᤐᤧᤴᤏᤥ ᤁᤳᤋᤧᤶᤔᤧ᤹ ᤑᤠ᤹ᤀᤠᤱ ᤌᤰᤛᤢᤒᤠᤜᤠ᤹ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥ 
\c 24  
\s1 ᤕᤜᤢᤍᤡᤜᤠ᤹ᤖᤧ ᤐᤠᤘᤗᤧᤴ ᤀᤠᤵᤋᤡᤰ ᤔᤧᤃᤢ᤺ᤳᤋᤢ᤹ 
\p  
\v 1 ᤅᤠᤛᤡ ᤕᤧᤴ ᤀᤣᤃᤠᤱ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤜᤏᤏᤡᤕᤠᤖᤧ ᤁᤢᤓᤠ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤏᤢ ᤋᤖᤋᤢᤗᤛ ᤔᤧᤵᤔᤏᤠᤒᤠ ᤁᤢᤓᤠᤱᤛᤧᤶᤒᤠᤴ ᤋᤣ᤹ᤖᤢᤀᤠᤱ ᤕᤥ ᤛᤡᤈᤖᤡᤕᤠ ᤕᤧᤰᤕᤰᤁᤥ ᤐᤣ. ᤂᤧᤵᤔᤥ ᤛᤢᤜᤠᤱᤃᤧᤶᤒᤠᤸᤗᤧ ᤁᤢᤍᤃᤡ ᤐᤠᤘᤗᤖᤧ ᤁᤢᤍᤰᤗᤧᤱᤘᤠᤀᤥ ᤂᤢᤏᤡ᤹ ᤀᤠᤵᤋᤡᤰ ᤐᤠ᤺ᤴᤏᤡᤴ ᤔᤧᤍᤥ᤺ᤴᤍᤢᤖᤥ॥  
\v 2 ᤐᤠᤘᤗᤧᤴ ᤂᤧᤵᤔᤥ ᤔᤧᤀᤢ᤺ᤳᤋᤢᤀᤠᤱ ᤋᤖᤋᤢᤗᤛᤖᤧ ᤂᤢᤏᤧ᤹ ᤀᤠᤵᤋᤡᤰ ᤐᤠ᤺ᤴᤏᤡᤴ ᤀᤰᤂᤣᤗ᤹ᤖᤡᤰ ᤑᤧᤗᤡᤰᤛᤖᤧ ᤁᤢᤍᤃᤡ ᤕᤢᤰᤂᤢᤖᤥ– 
\q1 “ᤀᤠᤍᤠᤱᤒᤠ ᤋᤢᤳᤋᤢ ᤛᤢᤜᤠᤱᤃᤧᤶᤒᤠᤀᤣ. ᤂᤧᤏᤧ᤹ ᤛᤡᤁᤢᤶᤏᤡᤒᤠ ᤁᤧᤗᤠᤶᤗᤥ᤺ᤸᤗᤧ ᤕᤖᤡᤰ ᤋᤱᤒᤣᤀᤠᤱᤎᤥ ᤀᤠᤏᤡᤃᤧ ᤛᤏᤠᤖᤢᤱᤅᤥ ᤘᤠ᤹ᤔᤠ ᤂᤥ᤺ᤛᤢᤶᤒᤧᤀᤠᤱ ᤘᤕᤡᤃᤧ. ᤜᤧᤰᤁᤩᤠᤱ ᤀᤠᤏᤡᤃᤧ ᤗᤠᤈᤣ᤹ᤀᤥ ᤌᤥᤒᤥᤀᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥  
\v 3 ᤀᤠᤏᤡᤃᤧ ᤀᤠᤳᤋᤡᤛᤠᤱ ᤀᤠᤵᤑᤠᤸᤗᤧᤛᤠᤱ ᤂᤧᤏᤧ᤹ ᤏᤢ ᤏᤢ᤺ᤒ᤻ ᤏᤢ᤺ᤒᤠ ᤁᤧᤕᤠ᤺ᤶᤒᤰᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤶᤒᤧᤸᤗᤧ ᤏᤡᤱᤘᤠ᤹ ᤛᤡᤃᤠᤱᤗᤠᤶ ᤂᤧᤏᤧ᤹ ᤏᤥᤃᤧᤴ ᤐᤡᤀᤠᤛᤡᤃᤧ᤹ᤖᤥ॥  
\v 4 ᤜᤧᤰᤁᤣ᤺ᤸᤗᤧ ᤕᤖᤡᤰ ᤜᤶᤔᤠᤛᤡᤃᤧᤛᤠᤱ ᤏᤠᤛᤡ ᤌ᤺ᤳᤋᤧ᤹ᤀᤠᤱ ᤀᤠᤏᤡᤃᤧ ᤐᤣᤗᤡᤃᤧᤴ ᤐᤠ᤺ᤴᤏᤡᤴ ᤆᤢᤰᤔᤢᤰᤁᤥ ᤂᤧᤵᤛᤧ᤹ ᤀᤠᤒᤡᤖᤧ᤹ᤀᤥ॥ 
\p  
\v 5 ᤁᤴ ᤔᤏᤠ᤺ᤴ ᤀᤠᤏᤡᤃᤧ ᤁᤢ᤹ᤀᤡ ᤁᤧᤓᤧ᤹ᤒᤠ ᤏᤡ᤺ᤛᤢᤶᤒᤧᤀᤠᤱ ᤘᤕᤡᤃᤧᤖᤥ॥ ᤁᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤳᤋᤡᤛᤠᤱ ᤕᤜᤢᤍᤡ ᤗᤢᤶᤔᤥ ᤒᤡᤑᤩᤢᤱ ᤆᤥᤃᤢᤖᤥ॥ ᤁᤴ ᤔᤏᤠ᤺ᤴ ᤏᤠᤛᤖᤡ ᤛᤠᤶᤕᤥ ᤏᤛᤠ᤺ᤴᤒᤠ\f * \fr 24:5 \ft ᤏᤠᤛᤖᤡ ᤛᤠᤶᤕᤥ ᤏᤛᤠ᤺ᤴ–ᤕᤧᤛᤢᤖᤧ ᤁᤢᤒᤠᤱᤓᤧ᤹ᤀᤡᤴ ᤏᤠᤛᤖᤋ ᤘᤕᤧ. ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤏᤠᤛᤖᤋᤒᤠ ᤔᤏᤠ᤺ᤴ ᤁᤧᤍᤡᤶᤒᤠᤛᤡᤖᤥ ᤑᤠ᤹ᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤛᤡᤀᤠᤱ ᤘᤕᤧ॥\f* ᤗᤠᤶᤗᤥ᤺ᤒᤠᤀᤠᤱᤗᤥ॥  
\v 6 ᤁᤴ ᤔᤏᤠ᤺ᤸᤗᤧ ᤔᤠᤱᤜᤡᤶᤔᤡᤴ ᤆᤡ᤺ᤶᤔᤠ ᤁᤥ᤺ᤳᤋᤢᤸᤗᤧ ᤀᤠᤏᤡᤃᤧ ᤋᤧᤶᤛᤢᤶᤒᤧᤒᤠᤖᤥ॥ ((ᤜᤧᤰᤁᤩᤠᤱ ᤛᤠᤶᤕᤥᤌᤡᤶ ᤁᤢᤀᤡᤛᤡ᤺ᤰ ᤂᤠᤛᤧᤴ ᤗᤥ᤺ᤴᤍᤢᤶᤒᤧᤔᤧᤴ  
\v 7 ᤁᤖ ᤌᤰᤋᤢᤶᤒᤠ ᤗᤢᤛᤡᤕᤛᤖᤧ ᤛᤠᤰᤁᤧᤸᤗᤧᤰ ᤀᤠᤏᤡᤃᤧ ᤜᤢᤰᤁᤥᤗᤠᤶ ᤁᤴ ᤔᤏᤠ᤺ᤴ ᤏᤠᤵᤋᤡᤃᤧᤀᤠᤱ ᤋᤣ᤹ᤖᤢᤖᤥ॥  
\v 8 ᤜᤧᤰᤁᤩᤠᤱ ᤌᤰᤋᤢᤶᤒᤠ ᤗᤢᤛᤡᤕᤛᤖᤧ ᤀᤠᤵᤋᤡᤰ ᤁᤧᤃᤢ᤺ᤵᤐᤠ ᤔᤏᤠᤜᤠ᤹ ᤀᤠᤍᤠᤱᤒᤠ ᤛᤢᤜᤠᤱᤃᤧᤶᤒᤠᤸᤗᤥ ᤔᤧᤍᤠᤏᤡ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥)) ᤀᤠᤍᤠᤱᤒᤠᤖᤧ ᤀᤠᤒᤠᤅᤣ ᤁᤴ ᤔᤏᤠ᤺ᤴ ᤛᤣ᤺ᤴᤃᤧᤍᤥ᤺ᤛᤢᤏᤧ ᤑᤠ᤹ᤃᤪ ᤀᤠᤏᤡᤃᤧ ᤁᤢᤍᤰᤗᤧᤱᤘᤠᤀᤥ ᤁᤢ᤺ᤳᤋᤢᤶᤒᤧᤒᤠ ᤀᤠᤵᤋᤡᤰᤁᤡᤴ ᤛᤧᤰᤂᤠᤖᤥ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤄᤥ᤺ᤛᤢ᤹ᤖᤥ॥” 
\p  
\v 9 ᤂᤧᤵᤔᤥ ᤘᤣ᤹ ᤕᤜᤢᤍᤡᤜᤠ᤹ᤖᤧᤀᤠᤱ ᤂᤧᤴ ᤀᤠᤵᤋᤡᤰᤁᤡᤴ ᤛᤧᤰᤂᤠᤀᤣᤖᤥ ᤑᤠ᤹ᤀᤠᤱ ᤔᤢᤖᤠ ᤔᤧᤍᤱᤄᤢᤖᤥ॥ 
\p  
\v 10 ᤜᤧᤰᤁᤩᤠᤱ ᤛᤢᤜᤠᤱᤃᤧᤶᤒᤠᤸᤗᤧ ᤐᤠᤘᤗᤧᤴ ᤐᤠᤖᤧ᤹ ᤑᤠ᤹ᤀᤠᤱ ᤜᤢᤰᤆᤠ᤺ᤸᤁᤡ ᤐᤡᤖᤢᤀᤠᤱ ᤐᤠᤘᤗᤧᤴ ᤀᤰᤂᤣᤗ᤹ᤖᤡᤰ ᤐᤠᤖᤧ. “ᤀᤠᤍᤠᤱᤒᤠ ᤛᤢᤜᤠᤱᤃᤧᤶᤒᤠᤀᤣ. ᤁᤴ ᤗᤠᤈᤣ᤹ᤀᤥ ᤂᤠᤛᤧᤴᤗᤥ᤺ᤶᤒᤠ ᤁᤧᤒᤥ᤺ᤰᤂᤧᤒᤠ ᤕᤖᤡᤰ ᤋᤱᤒᤣ ᤁᤧᤖᤧ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤁᤳᤋᤢᤱᤗᤥ॥ ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤀᤠᤏᤠᤱᤛᤡᤱᤔᤠ ᤀᤠᤒᤠ᤺ᤴᤏᤡᤴ ᤕᤢᤱᤔᤠ ᤀᤠᤛᤡᤖᤠ᤹ ᤌᤠᤱᤗᤥ॥  
\v 11 ᤕᤖᤢᤛᤗᤧᤶᤔᤥ ᤔᤠᤱᤛᤣᤘᤠ ᤆᤥ᤺ᤰᤛᤧ ᤀᤡᤱᤃᤠ᤹ ᤐᤣᤃᤠᤱᤒᤠ ᤌᤡᤰ-ᤏᤧᤳ ᤕᤧᤴᤏᤠᤱ ᤔᤧᤱᤃᤧᤳᤋᤣ ᤘᤠ᤹ ᤁᤧᤗ᤹ᤒᤠᤱᤃ ᤀᤠᤍᤠᤱᤒᤠᤖᤧ ᤀᤢᤛᤢᤖᤢ ᤏᤡᤱᤘᤠ᤹ ᤁᤧᤄᤥ᤺ᤛᤢ᤹ᤖᤥ॥  
\v 12 ᤕᤠᤵᤔᤡ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤜᤠ᤹ᤖᤧ ᤔᤧᤍᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤔᤠᤱᤜᤡᤶᤔᤥ ᤐᤠ᤺ᤴ ᤌᤰᤁᤡ ᤕᤠᤃᤠᤱᤒᤠ. ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤏᤢ ᤕᤧᤰᤕᤰᤁᤥ ᤀᤠᤳᤋᤡᤛᤠᤱ ᤔᤏᤠᤜᤠ᤹ ᤜᤢᤛᤢᤱᤛᤡᤱᤗ ᤘᤕᤠᤱᤒᤠ ᤜᤥ᤺ᤵᤋᤧᤖᤥ॥  
\v 13 ᤂᤧᤱᤜᤠ᤹ᤖᤧ ᤔᤧᤃᤢ᤺ᤳᤋᤠᤱᤒᤠ ᤀᤠᤵᤋᤡᤰᤗᤧ ᤋᤥ᤺ᤴᤍᤡᤀᤠᤱ ᤋᤠ᤺ᤵᤔᤠ ᤔᤧᤴᤇᤢᤰᤋᤢᤴᤗᤥ॥  
\v 14 ᤁᤖᤛᤠᤱ. ᤀᤡᤱᤃᤠ᤹ᤃ ᤀᤠᤏᤡᤃᤧ ᤌᤠ᤺ᤰᤌᤧᤒᤠᤜᤠ᤹ᤖᤧ ᤛᤣᤘᤠ ᤔᤧᤈᤥᤃᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤆᤥᤃᤢᤱᤒᤠ ᤐᤠ᤺ᤴᤏᤡᤴ ᤀᤠᤍᤠᤱᤒᤠᤖᤧ ᤁᤧᤍᤃᤡ ᤋᤧᤴᤍᤡᤱ ᤆᤥᤃᤢᤱᤗᤥ॥ ᤂᤧᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤒᤠ ᤕᤧᤛᤢᤖᤧ ᤁᤢᤗᤠᤶᤔᤡᤴ. ᤂᤧᤱᤜᤠ᤹ᤖᤧ ᤑᤥᤋᤩᤠᤒᤠ ᤔᤧᤔᤧᤳᤋᤢᤖᤥ॥ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤛᤠᤵᤗᤠᤀᤥ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤛᤠᤵᤐᤴᤏᤥ ᤛᤠᤵᤋᤧᤀᤠᤱ ᤁᤧᤒᤵᤐᤠ ᤁᤠᤰ ᤐᤠ᤺ᤴᤜᤠ᤹ ᤏᤛᤠ᤺ᤴ ᤆᤥᤃᤢᤱᤗᤥ॥  
\v 15 ᤀᤡᤱᤃᤠ᤹ ᤂᤢᤏᤡ᤹ ᤜᤧᤰᤁᤣᤀᤣ ᤛᤠᤶᤕᤥᤏᤡᤒᤠᤜᤠ᤹ ᤏᤢ ᤗᤠᤕᤥᤒᤠᤜᤠ᤹ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤔᤧᤜᤡᤱ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤥ ᤏᤡᤱᤛᤠᤱ ᤆᤥᤃᤢᤱᤗᤥ॥  
\v 16 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ᤃ ᤛᤍᤠᤍᤡᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤏᤢ ᤔᤧᤴᤇᤠᤶᤃᤧᤴ ᤕᤠᤵᤔᤡᤖᤧ ᤂᤢᤏᤡ᤹ ᤋᤃᤡ ᤛᤣᤛᤣ ᤂᤠᤛᤡᤱ ᤁᤵᤔᤠ ᤋᤶᤛᤡᤴ ᤆᤥ᤺ᤰᤁᤠᤖᤥ॥ 
\p  
\v 17 ᤕᤖᤢᤛᤗᤧᤶᤔᤥᤏᤢ ᤗᤠ᤺ᤰᤁᤠᤳ ᤘᤕᤠᤱᤒᤠ ᤕᤖᤡᤰ ᤋᤱᤒᤣ ᤐᤥ᤺ᤰᤂᤧᤀᤠᤱ ᤂᤠᤖᤰ ᤀᤡᤱᤃᤠ᤹ ᤕᤠᤱᤃᤧᤛᤠ᤹ᤒᤠ ᤕᤜᤢᤍᤡᤕᤠᤛ᤻ᤔᤠ ᤀᤠᤔᤏᤠᤜᤠ᤹ ᤀᤣᤴᤋᤡᤀᤥᤰᤗᤠᤶ ᤛᤢᤶᤔᤏᤠᤒᤠ ᤜᤢᤰᤛᤥ ᤕᤠᤱ ᤜᤢ᤹ᤔᤠᤛᤡ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤡᤍᤢᤱᤈᤓᤠ ᤆᤥ᤺ᤰᤔᤠ ᤑᤠ᤹ᤀᤠᤱ ᤁᤵᤔᤥ ᤋᤩᤠᤱᤗᤥ॥  
\v 18 ᤀᤡᤱᤃᤠ᤹ ᤂᤠᤖᤰ ᤔᤠᤱᤜᤡᤶᤔᤥ ᤛᤣᤛᤣ ᤐᤥ᤺ᤱᤔᤠ ᤌᤡᤶ ᤆᤥᤃᤢᤱ ᤛᤢᤖᤢᤱᤅᤠᤱ ᤘᤕᤠᤱᤅᤡᤸᤗᤧ ᤁᤢᤓᤠ ᤕᤜᤢᤍᤡᤜᤠ᤹ᤖᤧ ᤀᤡᤱᤃᤠ᤹ ᤔᤧᤏᤡ᤺ᤛᤠᤱ॥ ᤀᤡᤱᤃᤠ᤹ᤏᤢ ᤕᤖᤡᤰ ᤔᤏᤠᤜᤠ᤹ᤀᤠᤱ ᤔᤧᤜᤥ᤺ᤵᤋᤧ. ᤜᤕᤱᤁᤡᤸᤗᤡᤱᤅᤠᤱ ᤜᤥ᤺ᤵᤋᤧ॥  
\v 19 ᤁᤖ ᤂᤧᤵᤔᤥ ᤀᤣᤛᤡᤕᤠ ᤋᤧᤱᤃᤵᤗᤠᤶ ᤁᤧᤍᤠ᤺ᤒᤠ ᤁᤢᤓᤠ ᤕᤜᤢᤍᤡᤜᤠ᤹ᤀᤠᤱ ᤔᤧᤘᤕᤧ॥ ᤂᤧᤱᤜᤠ᤹ᤖᤧ ᤀᤠᤍᤰᤗᤧᤱᤘᤠᤀᤥ ᤀᤠᤵᤋᤡᤰ ᤔᤧᤃᤢ᤺ᤳᤋᤠᤏᤧ ᤑᤠ᤹ᤃᤪ ᤜᤠᤖᤠ᤹ ᤀᤠᤍᤠᤱᤒᤠᤖᤧ ᤁᤧᤍᤃᤡ ᤀᤠᤵᤋᤡᤰ ᤋᤥ᤺ᤴᤇᤧ ᤔᤧᤍᤠᤖᤖᤥ॥  
\v 20 ᤔᤧ᤺ᤴᤏᤧ ᤑᤠ᤹ᤃᤪ ᤜᤠᤖᤠ᤹ ᤁᤵᤔᤥ ᤁᤧᤘᤠ᤹ᤒᤠᤜᤠ᤹ᤖᤧᤀᤠᤱ ᤕᤧᤈᤢᤶᤓᤥᤀᤥ ᤏᤠᤱᤛᤡᤱᤛᤧ ᤕᤧᤒᤠᤱᤅᤡᤸᤗᤧ ᤀᤠᤍᤰᤗᤧᤱᤘᤠᤀᤥ ᤀᤠᤵᤋᤡᤰ ᤔᤧᤄᤥ᤺ᤛᤢᤒᤠ ᤐᤠ᤺ᤴᤏᤡᤴ ᤀᤠᤍᤠᤱᤒᤠᤖᤧ ᤁᤧᤍᤃᤡ ᤔᤧᤍᤠᤖᤢᤸᤗᤧ ᤐᤥ᤺ᤱᤗᤥ.  
\v 21 ᤁᤖ ᤀᤡᤱᤃᤠ᤹ᤃ ᤂᤢᤏᤡ᤹ ᤋᤃᤠᤱ ᤀᤰᤂᤣᤗ᤹ᤖᤡᤰᤗᤰ ᤀ᤺ᤰᤋᤠᤱᤗ ᤕᤧᤒᤠᤱᤗᤥ. ‘ᤀᤡᤱᤃᤠ᤹ᤃ ᤁᤧᤛᤡ᤺ᤒᤠ ᤁᤧᤒᤣ᤺ᤰᤐᤠᤜᤠ᤹ ᤔᤧᤜᤡᤱ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤛᤠ᤺ᤴ ᤆᤥᤃᤢᤱᤒᤠᤸᤗᤧ ᤆᤥᤃᤢᤸᤗᤧ ᤀᤠᤀᤡᤴ ᤀᤠᤄᤠᤛᤧᤴ ᤁᤧᤗᤥ᤺ᤴᤍᤡᤖ ᤁᤧᤒᤳᤇᤡᤖᤥ॥’” 
\p  
\v 22 ᤑᤧᤗᤡᤰᤛᤖᤧ ᤁᤴ ᤕᤧᤛᤢᤖᤧ ᤁᤢᤛᤱ ᤁᤢᤗᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤏᤢ᤺ᤖᤡᤰᤁᤠᤱ ᤗᤧᤛ᤻ᤛᤢᤀᤠᤱ ᤘᤕᤧᤀᤠᤱ ᤒᤠ ᤂᤧᤴ ᤕᤧᤶᤔᤥᤀᤣ ᤂᤠᤛᤧᤴ ᤗᤥ᤺ᤶᤔᤠᤀᤠᤱ ᤁᤧᤛᤢᤰᤐᤠ ᤆᤥᤃᤧ. ᤁᤖ ᤂᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤆᤢᤶᤗᤢᤱᤅᤡᤴ ᤏᤢᤵᤛᤢ. “ᤀᤠᤸᤗ ᤌᤰᤋᤢᤶᤒᤠ ᤗᤢᤛᤡᤕᤛᤧᤴ ᤕᤢ᤺ᤀᤠᤱ ᤂᤠᤛᤧᤴ ᤗᤥ᤺ᤴᤍᤢᤱ ᤐᤡᤏᤡᤱᤗᤥ॥”  
\v 23 ᤜᤧᤰᤁᤩᤠᤱ ᤑᤧᤗᤡᤰᤛᤖᤧ ᤐᤠᤘᤗᤧᤴ ᤁᤥᤔᤠ ᤌᤰᤛᤢᤒᤠᤜᤠ᤹ ᤕᤢᤱᤔᤠᤛᤡ ᤜᤧᤰᤁᤩᤠᤱ ᤘᤠ᤹ᤔᤠ ᤐᤣ᤺ᤰᤔᤠ ᤛᤠ᤹ᤖᤡᤰ ᤛᤠᤰᤔᤠ ᤔᤧ᤺ᤴᤏᤠᤱ ᤁᤢᤴᤈᤢᤶ ᤁᤢᤴᤍᤣ᤺ᤱᤜᤠ᤹ᤖᤧ ᤂᤢᤏᤧ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ ᤔᤧᤍᤠᤖᤢ ᤔᤧᤒᤡᤖᤢᤏᤡ ᤑᤠ᤹ᤀᤠᤱ ᤌᤰᤋᤢᤶᤒᤠᤴ ᤀᤡᤱᤈᤠ᤺ᤱ ᤐᤡᤖᤢᤖᤥ॥ 
\s1 ᤐᤠᤘᤗᤧ ᤑᤧᤗᤡᤰᤛ ᤍᤪᤢᤛᤡᤸᤗᤠ᤺ᤴᤏᤢ ᤐᤠ᤺ᤳ 
\p  
\v 24 ᤜᤧᤰᤁᤩᤠᤱ ᤁᤢᤓᤠ ᤕᤧᤴ ᤀᤣᤃᤠᤱ ᤑᤧᤗᤡᤰᤛᤧᤴ ᤁᤢᤔᤣ᤺ᤳ ᤍᤪᤢᤛᤡᤸᤗᤠ᤺ᤴᤏᤢ ᤋᤩᤧᤳᤇᤡ॥ ᤍᤪᤢᤛᤡᤸᤗᤠ᤺ᤴ ᤕᤜᤢᤍᤡ ᤘᤕᤧᤖᤥ॥ ᤑᤧᤗᤡᤰᤛᤖᤧ ᤐᤠᤘᤗᤧᤴ ᤀᤢ᤺ᤳᤋᤢᤀᤠᤱ ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰᤔᤏᤠᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤢᤏᤧ᤹ᤗᤠᤶ ᤂᤧᤵᤛᤢ॥  
\v 25 ᤐᤠᤘᤗᤖᤧ ᤋᤠ᤹ᤎᤰᤋᤢᤖ ᤋᤣ᤹ᤖᤢᤸᤗᤧ ᤛᤠᤶᤕᤥᤏᤡᤒᤠ. ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤠ ᤏᤢ ᤋᤠ᤺ᤴᤍᤡ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤐᤕᤶ ᤂᤢᤶᤍᤡᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥᤀᤠᤱ ᤐᤥᤎᤰ ᤆᤥᤃᤢᤖᤥ॥ ᤁᤖ ᤑᤧᤗᤡᤰᤛᤧᤴ ᤁᤡ᤺ᤛᤧᤀᤠᤱ ᤔᤧᤳᤋᤢ. “ᤀᤠᤸᤗ ᤂᤧᤏᤧ᤹ ᤐᤣᤃᤧ᤹. ᤀᤡᤱᤃᤠ᤹ ᤕᤠ᤺ᤴᤍᤡᤰ ᤋᤠᤀᤠᤸᤗᤧ ᤕᤠᤶᤔᤥ ᤀᤢ᤺ᤳᤏᤧᤀᤠᤱ ᤁᤧᤒᤠ᤺ᤴᤏᤡᤴ ᤂᤧᤵᤛᤢᤱᤗᤥ॥”  
\v 26 ᤂᤢᤏᤧ᤹ᤃ ᤐᤠᤘᤗᤗᤠᤶ ᤛᤢᤖᤢᤳ-ᤕᤠᤱ ᤂᤥ᤺ᤛᤢᤱᤒᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤧᤳᤗᤧᤱ ᤀᤢ᤺ᤳᤋᤢᤖ ᤋᤠ᤹ᤈᤧᤰᤂᤧᤛᤠᤱ ᤐᤠᤘᤗᤖᤧ ᤌᤣᤀᤠᤱ ᤔᤧᤒᤡᤖᤢᤴᤗᤥ॥ 
\p  
\v 27 ᤀᤠᤸᤗ ᤋᤱᤒᤣ ᤏᤧᤳᤇᤡ ᤀᤣᤃᤠᤱ ᤑᤧᤗᤡᤰᤛᤖᤧ ᤁᤢᤗᤧᤰᤘᤠ ᤐᤥᤷᤁᤡᤕᤛ ᤑᤧᤛ᤻ᤋᤛᤧᤴ ᤛᤢᤜᤠᤱᤃᤧᤶᤒᤠ ᤐᤥ᤺ᤰᤂᤧᤀᤠᤱ ᤋᤩᤧᤖᤥ. ᤁᤖ ᤑᤧᤗᤡᤰᤛᤖᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠ᤺ᤔᤠ ᤐᤡᤔᤠᤛᤡ ᤑᤠ᤹ᤀᤠᤱ ᤐᤠᤘᤗᤧᤴ ᤐᤢᤱᤗᤠᤜᤡᤶᤔᤥᤀᤣ ᤗᤧᤖᤢᤎᤀᤠᤱ ᤐᤣᤖᤥ॥ 
\c 25  
\s1 ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛᤖᤥ ᤐᤠᤘᤗᤖᤧ ᤁᤢᤍᤢ᤺ᤴᤍᤣ᤹ᤀᤡᤴ 
\p  
\v 1 ᤑᤧᤛ᤻ᤋᤛᤧᤴ ᤛᤢᤜᤠᤱᤃᤧᤶᤒᤠ ᤐᤥ᤺ᤰᤂᤧᤀᤠᤱ ᤖᤥᤔᤗᤠᤶ ᤕᤜᤢᤍᤡᤕᤠ ᤌᤢᤶᤔᤥ ᤋᤩᤧᤒᤠ ᤛᤢᤶ ᤕᤧᤴ ᤀᤣᤃᤠᤱ ᤛᤡᤈᤖᤡᤕᤠᤗᤠᤶ ᤌᤥ ᤕᤖᤢᤛᤗᤧᤔ ᤐᤣ॥  
\v 2 ᤂᤧᤵᤔᤥ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤧ᤹ ᤁᤢᤍᤃᤡ ᤐᤠᤘᤗᤖᤧ ᤁᤢᤍᤰᤗᤧᤱᤘᤠᤀᤥ ᤀᤠᤵᤋᤡᤰᤜᤠ᤹ ᤔᤧᤕᤢᤰᤂᤢᤖᤥ॥  
\v 3 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤑᤧᤛ᤻ᤋᤛᤧᤴ ᤐᤠᤘᤗᤖᤧ ᤁᤢᤍᤢ᤺ᤴᤍᤣ᤹ᤗᤧᤴ ᤂᤠᤛᤧᤴ ᤗᤥ᤺ᤴᤇᤧ ᤕᤖᤢᤛᤗᤧᤶᤔᤥ ᤌᤠᤰᤔᤠ ᤀᤠᤒᤡᤖᤧ᤹ᤀᤥ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢ. ᤌᤣᤀᤠᤱᤓᤧᤸᤗᤧ ᤐᤠᤘᤗᤧᤴ ᤂᤧᤱᤜᤠ᤹ᤖᤧ ᤗᤠᤶᤔᤥᤛᤠ ᤛᤧᤵᤔᤠ ᤁᤧᤗ᤹ᤒᤠ ᤆᤧᤶᤑᤴ ᤔᤧᤈᤥᤃᤢᤀᤠᤱ ᤔᤧᤘᤕᤧᤖᤥ॥  
\v 4 ᤁᤖ ᤑᤧᤛ᤻ᤋᤛᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤐᤠᤘᤗᤧᤱᤃ ᤛᤡᤈᤖᤡᤕᤠᤛ᤻ᤔᤠ ᤐᤢᤱᤗᤠᤜᤡᤶᤔᤥ ᤛᤠᤰᤋᤧᤀᤠᤱ ᤘᤠ᤹॥ ᤀᤡᤱᤃᤠ᤹ᤀᤣ ᤛᤡᤈᤖᤡᤕᤠᤀᤥ ᤜᤠᤖᤠ ᤐᤣ᤺ᤰᤁᤠᤖ ᤐᤳᤋᤠ॥  
\v 5 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ᤀᤥ ᤁᤢᤓᤠ ᤗᤠᤶᤗᤥ᤺ᤒᤠᤜᤠ᤹ ᤀᤡᤱᤃᤠ᤹ᤏᤢᤀᤣ ᤌᤩᤧᤶᤔᤧ᤹ ᤜᤧᤰᤁᤩᤠᤱ ᤂᤧᤴ ᤔᤏᤠ᤺ᤸᤗᤧ ᤛᤧᤰᤂᤠᤀᤣ ᤐᤠ᤺ᤴ ᤑᤣ᤺ᤴᤍᤢᤀᤠᤱ ᤘᤠ᤹ᤏᤧ ᤑᤠ᤹ᤃᤪ ᤁᤢᤍᤰᤗᤧᤱᤘᤠᤀᤥ ᤜᤠᤖᤠ᤹ ᤂᤧᤵᤔᤥᤀᤣ ᤀᤠᤵᤋᤡᤰ ᤁᤢ᤺ᤳᤋᤧᤶᤔᤧ᤹ᤀᤥ॥” 
\p  
\v 6 ᤜᤧᤰᤁᤩᤠᤱ ᤑᤧᤛ᤻ᤋᤛᤧᤴ ᤕᤖᤢᤛᤗᤧᤶᤔᤥ ᤕᤧᤳᤇᤡ ᤕᤧᤴᤏᤠᤱᤎᤥ ᤌᤡᤒᤥ᤺ᤱ ᤕᤧᤴ ᤌᤠᤖᤡᤰ ᤕᤠ᤺ᤰᤋᤧᤀᤠᤱ ᤂᤢᤏᤧ᤹ ᤛᤡᤈᤖᤡᤕᤠᤀᤥ ᤌᤩᤧᤒᤣᤖᤥ॥ ᤕᤖᤡᤰ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤀᤠᤱ ᤂᤧᤵᤔᤥ ᤔᤧᤒᤣ॥ ᤛᤡᤈᤖᤡᤕᤠ ᤁᤧᤖᤧᤒᤠ ᤁᤢᤍᤠ᤺ᤴᤍᤡᤰᤔᤠ ᤂᤠᤛᤧᤴ ᤕᤢᤰᤏᤠᤀᤥ ᤕᤢᤱᤛᤡᤱᤅᤠᤱ ᤐᤠᤘᤗᤧᤴ ᤂᤧᤵᤔᤥ ᤔᤧᤍᤠᤖᤢᤏᤡ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡᤖᤥ॥  
\v 7 ᤐᤠᤘᤗᤧᤴ ᤂᤧᤵᤔᤥ ᤔᤧᤍᤠᤖᤢᤀᤠᤱ ᤕᤖᤢᤛᤗᤧᤶᤗᤠᤶ ᤁᤧᤕᤢ᤺ᤒᤠ ᤕᤜᤢᤍᤡᤜᤠ᤹ ᤂᤢᤏᤧ᤹ ᤁᤢᤄᤡᤖᤡ ᤔᤧᤕᤧᤶᤛᤡᤱᤅᤠᤱ ᤐᤕᤶ ᤕᤶᤒᤠ ᤀᤠᤵᤋᤡᤰᤜᤠ᤹ ᤁᤢ᤺ᤵᤔᤠ ᤔᤧᤜᤣ᤺ᤰᤋᤢ. ᤁᤖ ᤂᤢᤏᤧ᤹ ᤔᤧᤃᤢ᤺ᤳᤋᤢᤒᤠ ᤀᤠᤵᤋᤡᤰᤜᤠ᤹ ᤛᤧᤰᤂᤠᤀᤣ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤔᤠ ᤔᤧᤴᤇᤢᤰᤋᤢᤴᤗᤥ॥ 
\p  
\v 8 ᤜᤧᤰᤁᤩᤠᤱ ᤐᤠᤘᤗᤖᤧ ᤏᤠᤱᤛᤡᤱᤗ ᤀᤰᤂᤣ ᤔᤧᤳᤋᤢᤛᤡ. “ᤀᤠᤍᤠᤱᤒᤣ. ᤀᤡᤱᤃᤠ᤹ᤃ ᤕᤜᤢᤍᤡ ᤛᤠᤶᤕᤥᤌᤡᤶ. ᤔᤠᤱᤜᤡᤶ ᤏᤢ ᤖᤥᤔᤡ ᤜᤠᤱᤈᤢᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤣᤀᤠᤱ ᤑᤧᤴ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤘᤠ᤹ᤀᤠᤖᤥ॥” 
\p  
\v 9 ᤁᤖ ᤑᤧᤛ᤻ᤋᤛᤖᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤐᤠᤘᤗᤧᤴ ᤛᤣ᤺ᤴᤍᤥᤛᤢ. “ᤂᤧᤏᤧ᤹ ᤁᤧᤶᤃᤢ᤺ᤳᤋᤧᤒᤠ ᤀᤠᤵᤋᤡᤰᤁᤡᤸᤗᤧᤴ ᤋᤢ᤺ᤴᤍᤣ᤹ᤖᤧ ᤂᤠᤛᤧᤴᤏᤡᤴ ᤌᤥ ᤕᤖᤢᤛᤗᤧᤶᤔᤥ ᤀᤠᤍᤃᤡ ᤐᤥ᤺ᤱᤏᤡ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤧᤈᤥᤃᤢᤒᤡ᥅” 
\p  
\v 10 ᤐᤠᤘᤗᤖᤧ ᤏᤥᤃᤵ ᤐᤡᤖᤢ. “ᤔᤧ᤺ᤴᤗᤥ. ᤀᤠᤍᤠᤱᤒᤣ. ᤀᤡᤱᤃᤠ᤹ᤃ ᤛᤡᤈᤖᤧᤸᤗᤣ ᤁᤢᤄᤠᤛᤧᤴ ᤕᤢᤰᤏᤠ᤺ᤸᤗᤣ ᤁᤢᤍᤃᤡ ᤕᤧᤵᤐᤠ᤹ᤖᤥ॥ ᤁᤵᤔᤥᤀᤣ ᤀᤡᤱᤃᤠ᤹ ᤀᤠᤍᤢ᤺ᤴᤍᤣᤸᤗᤧᤴ ᤂᤠᤛᤧᤴ ᤐᤥ᤺ᤱᤔᤠ ᤐᤥ᤺ᤱᤗᤥ॥ ᤌᤣᤀᤠᤱᤓᤧᤸᤗᤧ ᤕᤜᤢᤍᤡᤜᤠ᤹ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤀᤡᤱᤃᤠ᤹ ᤌᤣᤀᤠᤱ ᤑᤧᤴ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤘᤠ᤹ᤀᤠ ᤁᤧᤗ᤹ᤒᤠ ᤀᤠᤍᤠᤱᤒᤠᤖᤧ ᤁᤢᤛᤡᤱ ᤁᤧᤏᤡ᤺ᤳᤋᤢᤀᤠᤱ ᤁᤧᤘᤠ᤹ᤖᤥ॥  
\v 11 ᤛᤡ᤺ᤔᤧᤸᤗᤧᤴ ᤂᤢᤶᤍᤡᤱ ᤂᤥ᤺ᤔᤠ ᤌᤡᤶ ᤑᤣ᤺ᤴᤍᤢᤱᤅᤠᤱ ᤘᤠ᤹ᤀᤠᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤛᤡ᤺ᤔᤠ ᤐᤥ᤺ᤱᤛᤠᤱ ᤔᤧᤀᤳᤋᤢᤱᤅᤡᤴᤗᤥ॥ ᤁᤖ ᤀᤡᤱᤃᤠ᤹ ᤔᤧᤃᤢ᤺ᤳᤋᤠᤱᤒᤠ ᤀᤠᤵᤋᤡᤰ ᤐᤠ᤺ᤴᤏᤥ ᤛᤧᤰᤂᤠ ᤐᤠ᤺ᤴ ᤜᤥ᤺ᤵᤐᤠᤸᤗᤧ ᤆᤥᤃᤢᤸᤗᤧ ᤀᤠᤳᤋᤡᤸᤗᤧᤀᤠᤱ ᤀᤡᤱᤃᤠ᤹ ᤂᤢᤏᤡ᤹ᤀᤥ ᤜᤢᤰᤛᤢᤵᤔᤠ ᤔᤧᤴᤇᤢᤰᤁᤠᤴᤗᤥ॥ ᤀᤡᤱᤃᤠ᤹ ᤖᤥᤔᤀᤥ ᤜᤠᤱᤕᤢᤰᤐᤠ ᤛᤡᤈᤖᤖᤧᤸᤗᤥ ᤀᤠᤍᤢ᤺ᤴᤍᤣᤸᤗᤧᤴ ᤂᤠᤛᤧᤴ ᤐᤥ᤺ᤱᤗ ᤑᤠ᤹ᤀᤠᤱ ᤕᤧᤰᤐᤣᤗᤡ ᤆᤥ᤺ᤰᤁᤠᤖᤥ᥄” 
\p  
\v 12 ᤑᤧᤛ᤻ᤋᤛᤧᤴ ᤁᤢᤛᤢᤈᤠᤛᤠᤒᤠᤜᤠ᤹ᤏᤢ ᤋᤠ᤹ᤈᤧᤰᤂᤧᤀᤠᤱ ᤐᤠᤘᤗᤧᤴ ᤔᤧᤳᤋᤢ. “ᤂᤧᤏᤧ᤹ ᤛᤡᤈᤖᤗᤥ ᤕᤧᤰᤐᤣᤗᤡ\f * \fr 25:12 \ft ᤛᤈᤖᤗᤥ ᤕᤧᤰᤐᤣᤗᤡ–ᤖᤥᤔᤡ ᤕᤰᤕᤢᤱᤒᤠᤜᤠ᤹ᤖᤧ ᤐᤕᤶ ᤜᤠᤱ ᤛᤡᤈᤖᤗᤧ ᤂᤢᤏᤡ᤹ ᤋᤢᤴᤍᤧᤖᤧᤴ ᤕᤧᤰᤐᤣᤗᤡ ᤆᤥ᤺ᤰᤔᤠ ᤕᤢᤰ ᤔᤧᤃᤳᤋᤢᤖᤥ॥\f* ᤁᤧᤈᤥᤃᤢᤀᤠᤱ ᤁᤧᤘᤠ᤹॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ ᤛᤡᤈᤖᤗᤥᤀᤣ ᤐᤠᤱᤏᤧ᤹ᤖᤥ॥” 
\s1 ᤑᤧᤛ᤻ᤋᤛᤧᤴ ᤀᤃᤪᤡᤐᤠ ᤜᤠᤱᤅᤡᤴᤏᤢ ᤛᤢᤈᤠ ᤆᤥ᤺ᤰ 
\p  
\v 13 ᤁᤢᤓᤠ ᤕᤧᤴ ᤀᤣᤃᤠᤱ ᤀᤃᤪᤡᤐᤠ ᤜᤠᤱ ᤏᤢ ᤁᤢᤴᤈᤣᤗᤡ ᤒᤷᤏᤡᤛᤧᤴ ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛᤧᤴ ᤋᤢᤶᤍᤢᤶ ᤗᤠᤱᤍᤠ᤺ᤰᤛᤧ ᤛᤡᤈᤖᤡᤕᤠᤀᤥ ᤋᤩᤧᤳᤇᤡᤖᤥ॥ 
\p  
\v 14 ᤂᤢᤴᤇᤡ᤹ ᤕᤖᤡᤰ ᤕᤧᤴ ᤘᤕᤧᤳᤇᤡᤸᤗᤧ ᤑᤧᤛ᤻ᤋᤛᤖᤧ ᤀᤃᤪᤡᤐᤠ\f * \fr 25:14 \ft ᤀᤃᤪᤡᤐᤠ–ᤁᤴ ᤜᤧᤖᤥᤍ ᤀᤃᤪᤡᤐᤠ ᤌᤡᤰᤛᤡᤃᤣ᤺ᤰᤛ᤻ᤔᤠ ᤜᤠᤱᤖᤧ ᤁᤢᤛ᤻ᤛᤠ᤺ ᤜᤧᤖᤥᤍ ᤀᤃᤪᤡᤐᤠ ᤏᤡᤛᤡᤃᤣ᤺ᤰᤛ᤻ᤔᤠ ᤘᤕᤧ॥\f* ᤜᤠᤱᤅᤡᤴ ᤐᤠᤘᤗᤖᤧ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤔᤧᤳᤋᤢ. “ᤑᤧᤗᤡᤰᤛᤧᤴ ᤁᤵᤔᤥᤗᤠᤶ ᤐᤣ᤺ᤸᤗᤧ ᤐᤠᤘᤗ ᤔᤧᤵᤔᤏᤠᤒᤠ ᤐᤢᤱᤗᤠᤎᤠᤒᤠᤴ ᤐᤰᤌ᤺ᤀᤠᤱ ᤘᤕᤧ॥  
\v 15 ᤀᤡᤱᤃᤠ᤹ ᤌᤥ ᤕᤖᤢᤛᤗᤧᤶᤔᤥ ᤐᤣᤃᤠᤱᤅᤡᤸᤗᤧ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤠᤵᤋᤡᤰ ᤔᤧᤍᤥ᤺ᤴᤍᤢᤀᤠᤱ ᤜᤠᤖᤠ᤹ ᤂᤢᤶᤍᤡᤱ ᤂᤥ᤺ᤛᤢᤏᤡ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤖᤥ॥ 
\p  
\v 16 ᤀᤡᤱᤃᤠ᤹ ᤂᤧᤱᤜᤠ᤹ ‘ᤀᤠᤵᤋᤡᤰᤛᤠᤒᤠᤜᤠ᤹ᤖᤧ ᤂᤢᤏᤧ᤹ ᤔᤧᤃᤢ᤺ᤳᤋᤢᤒᤠ ᤀᤠᤵᤋᤡᤰᤗᤧ ᤁᤢᤍᤰᤗᤧᤱᤘᤠᤀᤥ ᤏᤠᤱᤛᤡᤱᤔᤠ ᤛᤢᤕᤧᤶ ᤔᤧᤶᤒᤡᤀᤣ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤜᤠ᤹ ᤂᤧᤴ ᤜᤢᤰᤛᤢᤵᤔᤠ ᤖᤥᤔᤡᤌᤡᤶ ᤜᤥ᤺ᤵᤗᤥ’ ᤗ᤹ᤖᤡᤰ ᤔᤧᤳᤋᤢᤱᤛᤡᤱᤗᤥ॥  
\v 17 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤀᤡᤱᤃᤠ᤹ᤏᤢᤀᤣ ᤛᤥᤖᤡᤰ ᤛᤡᤈᤖᤡᤕᤠᤀᤥ ᤔᤧᤍᤩᤧᤀᤠᤱ ᤀᤡᤱᤃᤠ᤹ ᤔᤧᤴᤏᤠ᤺ᤶᤛᤡᤱᤅᤣ ᤁᤢᤍᤠ᤺ᤴᤍᤡᤰᤔᤠᤀᤣ ᤂᤠᤛᤧᤴᤜᤡᤶᤔᤥ ᤀᤢ᤺ᤳᤋᤢᤱᤛᤡᤱᤅᤠᤱ ᤂᤧᤴ ᤐᤠᤘᤗᤧᤴᤏᤠᤱ ᤂᤧᤵᤔᤥ ᤋᤠ᤺ᤵᤔᤠ ᤐᤠᤱᤄᤢᤱᤛᤡᤱᤗᤥ॥  
\v 18 ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤵᤋᤡᤰ ᤁᤧᤃᤢ᤺ᤵᤐᤠᤜᤠ᤹ ᤔᤧᤕᤧᤶᤛᤡᤱᤅᤠᤱ ᤀᤠᤵᤋᤡᤰ ᤁᤢ᤺ᤵᤔᤠ ᤔᤧᤜᤣ᤺ᤰᤋᤢ. ᤁᤖ ᤀᤡᤱᤃᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤱᤒᤠ ᤜᤧᤰᤁᤣ ᤐᤕᤶ ᤀᤠᤵᤋᤡᤰ ᤌᤣᤀᤠᤱ ᤁᤢ᤺ᤵᤔᤠ ᤔᤧᤴᤇᤢᤰᤋᤢᤴᤗᤥ॥  
\v 19 ᤁᤖ ᤁᤢᤀᤠᤵᤋᤡᤰᤁᤡᤱᤃ ᤀᤠᤒᤠᤅᤣ ᤂᤢᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤏᤡᤱᤘᤠ᤹ ᤔᤧᤴᤍᤱ ᤐᤠ᤺ᤴᤎᤱᤜᤠ᤹ ᤏᤢ ᤁᤧᤛᤡ᤺ᤒᤠᤀᤠᤱ ᤁᤧᤒᤣ᤺ᤰᤐᤠ ᤕᤧᤛᤢ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥᤖᤰ ᤘᤕᤧᤖᤥ॥ ᤂᤧᤴ ᤀᤠᤸᤗᤥᤀᤠᤱ ᤁᤢᤜᤡᤱᤘᤧᤳ ᤘᤠ᤹ ᤗ᤹ᤖᤡᤰ ᤐᤠᤘᤗᤧᤴ ᤆᤰᤔᤧᤸᤗ᤹ᤀᤣ ᤜᤠᤍᤡᤱ ᤌᤰᤋᤧᤖᤥ॥  
\v 20 ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤡᤴ ᤀᤰᤂᤣᤗ᤹ᤖᤡᤰ ᤁᤥ᤺ᤶᤓᤥ ᤆᤥ᤺ᤰᤔᤠ ᤀᤡᤱᤃᤠ᤹ ᤌᤣᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤘᤕᤠᤱ॥ ᤜᤧᤰᤁᤣ᤺ᤸᤗᤧ ᤐᤠᤘᤗᤧᤴ ᤌᤥ ᤕᤖᤢᤛᤗᤧᤶᤔᤥ ᤁᤧᤍᤢ᤺ᤴᤍᤣ᤹ᤖᤧ ᤂᤠᤛᤧᤴ ᤗᤥ᤺ᤶᤔᤠ ᤁᤧᤛᤡᤖᤠ᤹ ᤌᤠᤱᤒᤡ᥅ ᤑᤠ᤹ᤀᤠᤱ ᤛᤣ᤺ᤴᤍᤥᤛᤢᤱᤗᤥ॥  
\v 21 ᤁᤖ ᤐᤠᤘᤗᤖᤧ ᤂᤢᤏᤧ᤹ ᤁᤢᤍᤢ᤺ᤴᤍᤣ᤹ᤗᤧᤴ ᤂᤠᤛᤧᤴᤏᤡᤴ ᤖᤥᤔᤡ ᤜᤠᤱᤕᤢᤰᤐᤠᤸᤗᤧ ᤆᤥᤃᤢᤏᤡ ᤗ᤹ᤖᤡᤰ ᤕᤧᤰᤐᤣᤗᤡ ᤆᤥᤃᤢᤒᤠᤸᤗᤧ ᤀᤡᤱᤃᤠ᤹ᤀᤠᤱ ᤂᤢᤏᤧ᤹ ᤐᤕᤶ ᤜᤠᤱ ᤛᤡᤈᤖᤧᤸᤗᤥᤀᤣ ᤐᤠᤱᤔᤠᤍᤣ᤺ᤔᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤂᤢᤏᤧ᤹ ᤔᤧᤶᤒᤠᤱᤅᤣ ᤌᤠᤖᤡᤰ ᤋᤡᤗᤡᤱᤃᤠᤜᤠ᤹ ᤁᤥᤔᤠᤀᤠᤱ ᤁᤵᤔᤠ ᤀᤡᤱᤈᤠ᤺ᤱ ᤐᤡᤖᤢᤱᤛᤡᤱᤗᤥ॥”  
\v 22 ᤜᤧᤰᤁᤣ᤺ᤸᤗᤧ ᤀᤃᤪᤡᤐᤠ ᤜᤠᤱᤅᤡᤸᤗᤧ ᤑᤧᤛ᤻ᤋᤛᤧᤴ ᤔᤧᤳᤋᤢ. “ᤁᤴ ᤔᤏᤠ᤺ᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤂᤧᤶᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥” 
\p ᤑᤧᤛ᤻ᤋᤛᤖᤧ ᤏᤥᤃᤵ ᤐᤡᤖᤢ. “ᤐᤥ᤺ᤱ ᤀᤠᤍᤠᤱᤒᤣ. ᤂᤧᤏᤧ᤹ ᤋᤠ᤺ᤴᤍᤡᤰ ᤂᤧᤵᤛᤧ᤹ᤀᤥ॥” 
\p  
\v 23 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤀᤃᤪᤡᤐᤠ ᤜᤠᤱ ᤏᤢ ᤒᤷᤏᤡᤛᤧᤴ ᤀᤠᤳᤋᤠᤳᤋᤠᤴᤏᤣ ᤔᤡᤱᤛᤥ ᤀᤡᤱᤎᤠ᤺ᤱᤏᤢ ᤋᤩᤧᤳᤇᤡᤀᤠᤱ ᤆᤢᤶᤗᤢᤱᤜᤡᤶᤔᤥ ᤌᤰᤋᤢᤶᤒᤠᤜᤠ᤹ ᤏᤢ ᤕᤧᤰᤕᤰᤁᤥᤒᤠ ᤔᤡᤱᤛᤥᤍᤠᤱᤒᤠᤜᤠ᤹ᤏᤢ ᤗᤠ᤺ᤛᤧᤳᤇᤡ॥ ᤜᤧᤰᤁᤩᤠᤱ ᤑᤧᤛ᤻ᤋᤛᤖᤧ ᤐᤠᤘᤗᤧᤴ ᤋᤠ᤺ᤵᤔᤠ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤂᤢᤏᤧ᤹ ᤂᤧᤵᤔᤥ ᤔᤧᤍᤠᤖᤢ॥  
\v 24 ᤜᤧᤰᤁᤩᤠᤱ ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛᤖᤧ ᤐᤠ᤺ᤳᤋᤢ. “ᤀᤠᤍᤠᤱᤒᤠ ᤀᤃᤪᤡᤐᤠ ᤜᤠᤱ ᤏᤢ ᤁᤵᤔᤥ ᤁᤧᤍᤠ᤺ᤒᤠ ᤋᤢᤳᤋᤢᤃᤧᤴ ᤋᤢᤶᤔᤩᤠᤱᤜᤠᤱᤛᤣ. ᤂᤡᤏᤡ᤹ ᤁᤧᤖᤧᤰᤗᤧ ᤁᤴ ᤔᤏᤠ᤺ᤴ ᤁᤧᤏᤡ᤺ᤛᤢᤶ॥ ᤁᤸᤗᤧ ᤁᤢᤕᤠ᤺ᤶᤒᤣᤀᤥ ᤕᤖᤢᤛᤗᤧᤔ ᤏᤢ ᤁᤵᤔᤥᤒᤠ ᤁᤢᤓᤠ ᤕᤜᤢᤍᤡᤜᤠ᤹ᤖᤧ ᤁᤸᤗᤧ ᤀᤠᤸᤗ ᤜᤡᤱᤔᤠ ᤔᤧᤄᤥ᤺ᤛᤢᤴᤏᤡ. ᤂᤧᤴ ᤛᤡ᤺ᤔᤠᤀᤣ ᤐᤥ᤺ᤱ ᤗ᤹ᤖᤡᤰ ᤔᤧᤀ᤺ᤰᤋᤧᤖ ᤀᤡᤱᤃᤠ᤹ᤀᤥ ᤐᤣᤗᤡ ᤔᤧᤍᤥ᤺ᤴᤍᤢᤀᤠᤱ ᤔᤧᤘᤠ᤹ᤖᤥ॥  
\v 25 ᤁᤖ ᤁᤴ ᤔᤏᤠ᤺ᤸᤗᤧ ᤛᤡ᤺ᤔᤧᤸᤗᤧ ᤂᤢᤶᤍᤡᤱ ᤂᤥ᤺ᤔᤠ ᤌᤧᤔᤠᤀᤠᤱ ᤐᤠ᤺ᤴ ᤔᤧᤶᤓᤣ᤺ᤴᤏᤣ ᤘᤠ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤱ॥ ᤕᤠᤶᤔᤥ ᤁᤴ ᤔᤏᤠ᤺ᤸᤗᤧ ᤐᤕᤶ ᤜᤠᤱ ᤛᤡᤈᤖᤗᤥ ᤕᤧᤰᤐᤣᤗᤡ ᤆᤥᤃᤢᤒᤠᤸᤗᤧ ᤀᤡᤱᤃᤠ᤹ᤀᤠᤱ ᤛᤡᤈᤖᤧᤸᤗᤥᤀᤣ ᤖᤥᤶᤔᤥ ᤂᤧᤴ ᤐᤠᤱᤔᤠ ᤏᤡᤱᤘᤠ᤹ ᤏᤡ᤺ᤴᤎᤥ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥  
\v 26 ᤁᤖ ᤂᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤕᤶ ᤜᤠᤱ ᤛᤡᤈᤖᤧᤴ ᤛᤰᤀᤡᤱᤄᤱᤅᤥ ᤌᤣ ᤛᤠᤵᤔᤠ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤃᤠ᤹ ᤔᤧᤏᤡᤀᤠᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤴ ᤔᤏᤠ᤺ᤴ ᤁᤢᤳᤆᤡᤀᤥ ᤂᤧᤏᤧ᤹ ᤀᤠᤍᤠᤱᤒᤠ ᤀᤃᤪᤡᤐᤠ ᤜᤠᤱᤅᤡᤸᤗᤧ ᤁᤧᤍᤃᤡ ᤋᤠᤖᤢᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤣᤗ᤹ᤖᤡᤰ ᤛᤥᤖᤡᤰ ᤀᤠᤏᤡ᤹ ᤁᤥ᤺ᤶᤓᤥ ᤀᤠᤈᤥᤃᤢᤶᤔᤡᤸᤗᤧ ᤛᤠᤵᤔᤠ ᤐᤠ᤺ᤴ ᤁᤢᤓᤠ ᤀᤡᤱᤃᤠ᤹ ᤂᤥ᤺ᤛᤢᤱᤅᤣᤖᤥ॥  
\v 27 ᤌᤣᤀᤠᤱᤓᤧᤸᤗᤧ ᤐᤢᤱᤗᤠᤎᤠᤒᤠᤸᤗᤧ ᤁᤢᤍᤰᤗᤧᤱᤘᤠᤀᤥ ᤛᤧᤰᤂᤠ ᤀᤠᤵᤋᤡᤰ ᤐᤠ᤺ᤴᤜᤠ᤹ ᤔᤧᤴᤇᤠᤵᤐᤣ ᤛᤡᤈᤖᤗᤥ ᤐᤠᤱᤔᤠ ᤀᤡᤱᤃᤠ᤹ ᤏᤢ᤺ᤒᤠ ᤔᤧᤴᤏᤡ᤺ᤒᤧᤴᤗᤥ॥” 
\c 26  
\s1 ᤀᤃᤪᤡᤐᤠ ᤜᤠᤱᤅᤡᤸᤗᤧ ᤁᤢᤍᤃᤡ ᤐᤠᤘᤗᤧᤴ ᤏᤠᤱᤛᤡᤱ 
\p  
\v 1 ᤀᤃᤪᤡᤐᤠ ᤜᤠᤱᤅᤡᤸᤗᤧ ᤐᤠᤘᤗᤧᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤏᤠᤱᤛᤡᤱᤔᤠ ᤐᤠ᤺ᤴᤏᤡᤴ ᤕᤢᤱᤔᤠ ᤁᤧᤄᤥ᤺ᤛᤢ᤹ᤖᤥ॥” 
\p ᤐᤠᤘᤗᤖᤧᤀᤠᤱ ᤁᤢᤜᤢᤰᤜᤠ᤹ ᤛᤴᤇᤢᤖ ᤁᤢᤏᤠᤱᤛᤡᤱᤔᤠ ᤐᤠ᤺ᤴᤏᤡᤴ ᤀᤰᤂᤣᤗ᤹ᤖᤡᤰ ᤕᤢᤰᤂᤢ–  
\v 2 “ᤀᤠᤍᤠᤱᤒᤠ ᤀᤃᤪᤡᤐᤠ ᤜᤠᤱᤅᤣ. ᤀᤡᤱᤃᤠ᤹ᤃ ᤀᤠᤀᤡᤴ ᤕᤜᤢᤍᤡᤜᤠ᤹ᤖᤧ ᤔᤧᤃᤢ᤺ᤳᤋᤠᤱᤒᤠ ᤀᤠᤵᤋᤡᤰᤗᤧ ᤁᤢᤍᤰᤗᤧᤱᤘᤠᤀᤥ ᤏᤠᤱᤛᤡᤱᤔᤠ ᤐᤠ᤺ᤴ ᤁᤧᤍᤃᤠᤱ ᤕᤢᤱᤔᤠ ᤛᤢᤕᤧᤶ ᤂᤥ᤺ᤛᤢᤱᤒᤠᤀᤥ ᤀᤡᤱᤃᤠ᤹ ᤀᤠᤒᤠᤅᤣ ᤁᤢᤍ᤹ᤕᤠ᤺ᤴ ᤁᤧᤏᤢ᤹ᤒᤠ ᤆᤥ᤺ᤰᤁᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤅᤠᤖᤥ॥  
\v 3 ᤌᤣᤀᤠᤱᤓᤧᤸᤗᤧ ᤁᤢᤳᤆᤡᤀᤥᤃ ᤂᤧᤏᤧ᤹ ᤏᤢ᤺ᤖᤡᤰᤁᤠᤱ ᤀᤠᤏᤡᤃᤧ ᤕᤜᤢᤍᤡ ᤆᤥ᤺ᤰᤌᤡᤶ ᤏᤢ ᤕᤧᤔᤧᤴᤍᤱ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤁᤧᤏᤡ᤺ᤛᤢ ᤁᤧᤗᤧᤛ᤻ᤛᤢᤖᤥ॥ ᤜᤧᤰᤁᤣ᤺ᤸᤗᤧ ᤀᤠᤒᤠ᤺ᤴᤏᤡᤴ ᤏᤠᤛᤡ ᤌ᤺ᤳᤋᤧ᤹ᤀᤠᤱ ᤂᤧᤵᤛᤧ᤹ᤀᤥ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤧ᤹ᤖᤥ॥ 
\p  
\v 4 ᤀᤡᤱᤃᤠ᤹ ᤆᤢᤰᤋᤠᤱᤅᤠᤱᤎᤥᤀᤣ ᤀᤠᤒᤠᤅᤣ ᤀᤠᤗᤠᤈᤣ᤹ᤛᤠᤒᤠᤗᤢᤶᤔᤥ ᤏᤢ ᤕᤖᤢᤛᤗᤧᤶᤔᤥ ᤘᤕᤠᤱᤅᤡᤸᤗᤧ ᤀᤠᤜᤡᤱᤔᤴ ᤀᤠᤰᤋᤱᤒᤠ ᤘᤕᤧ ᤑᤠ᤹ᤀᤠᤱ ᤕᤜᤢᤍᤡᤜᤠ᤹ᤖᤧ ᤔᤧᤏᤡ᤺ᤛᤢᤖᤥ॥  
\v 5 ᤀᤢᤴᤇᤣ᤺ᤴᤏᤠᤱᤎᤥᤀᤣ ᤂᤧᤱᤜᤠ᤹ᤖᤧ ᤀᤠᤕᤠ᤺ᤶᤒᤣᤀᤥ ᤔᤧᤏᤡ᤺ᤛᤢᤀᤠᤱ ᤔᤧᤘᤠ᤹ᤖᤥ. ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ ᤔᤧᤈᤥᤃᤢᤏᤧ ᤑᤠ᤹ᤃᤪ ᤀᤡᤱᤃᤠ᤹ᤃ ᤀᤠᤏᤡᤃᤧ ᤛᤠᤶᤕᤥᤌᤡᤶᤔᤥ ᤁᤠᤰᤏᤢ ᤁᤧᤛᤠᤰᤐᤠ ᤜᤧᤴᤌᤡᤶᤒᤠ ᤑᤖᤡᤛᤡ ᤛᤠᤶᤕᤥᤗᤰᤁᤥᤒᤠ ᤘᤕᤠᤱ ᤑᤠ᤹ᤀᤠᤱ ᤁᤵᤔᤥᤀᤠᤱ ᤋᤥ᤺ᤴᤍᤡ ᤐᤡᤔᤠ ᤔᤧᤛᤢᤰᤋᤢ᤹ᤖᤥ॥  
\v 6 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤏᤢ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤁᤧᤳ ᤗ᤹ᤖᤡᤰ ᤏᤡᤱᤛᤠᤱ ᤆᤥᤃᤢᤱᤒᤠᤸᤗᤧ ᤀᤡᤱᤃᤠ᤹ᤃ ᤀᤠᤀᤡᤴ ᤁᤵᤔᤥ ᤂᤠᤛᤧᤴ ᤗᤥ᤺ᤶᤔᤠ ᤋᤧᤴᤏᤥ ᤕᤧᤵᤐᤠᤖᤥ॥  
\v 7 ᤒᤠ ᤂᤧᤴ ᤔᤠᤱᤜᤧᤰᤁᤡᤴ ᤂᤥ᤺ᤔᤠ ᤏᤡᤱᤛᤠᤱ ᤔᤧᤈᤥᤃᤢᤖ ᤀᤠᤏᤡᤃᤧ ᤌᤡᤰ-ᤏᤧᤳ ᤌᤠ᤺ᤰᤛᤢᤘᤠᤱᤜᤠ᤹ᤖᤧ ᤛᤧᤴᤍᤡᤰ ᤗᤧᤴᤍᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤔᤧᤈᤥᤃᤢᤖᤥ॥ ᤀᤠᤍᤠᤱᤒᤠ ᤜᤠᤱᤅᤣ. ᤒᤠ ᤂᤧᤴ ᤏᤡᤱᤛᤠᤱᤅᤡᤸᤗᤧ ᤆᤥᤃᤢᤸᤗᤧ ᤀᤠᤀᤡᤴ ᤁᤴ ᤕᤜᤢᤍᤡᤜᤠ᤹ᤖᤧ ᤀᤠᤵᤋᤡᤰ ᤔᤧᤃᤢ᤺ᤳᤋᤠᤱᤅᤠᤱ ᤘᤠ᤹ᤀᤠᤖᤥ॥  
\v 8 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤡ᤺ᤒᤠ ᤔᤏᤠᤜᤠ᤹ ᤁᤢᤜᤡᤱᤘᤧᤳ ᤆᤥᤃᤢᤛᤡ᤹ ᤁᤧᤗ᤹ᤒᤠ ᤐᤠ᤺ᤴᤏᤥ ᤌᤣᤀᤠᤱ ᤂᤡᤏᤡ᤹ ᤏᤛᤠ᤺ᤴ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤶᤔᤡᤶᤒᤠᤒᤣ᥅ 
\p  
\v 9 ᤀᤡᤱᤃᤠ᤹ ᤀᤠᤒᤠᤅᤣ ᤏᤠᤛᤖᤋᤒᤠ ᤕᤧᤛᤢᤖᤧ ᤁᤢᤍᤰᤗᤧᤱᤘᤠᤀᤥ ᤕᤖᤡᤰ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤐᤥ᤺ᤱ ᤁᤧᤗ᤹ᤒᤠ ᤀᤡ᤺ᤳᤇᤡᤱᤅᤠᤱ ᤘᤕᤠᤱᤅᤠᤱ  
\v 10 ᤕᤖᤢᤛᤗᤧᤶᤔᤥ ᤒᤠ ᤜᤧᤰᤁᤣᤀᤣ ᤆᤥᤃᤢᤱᤗᤥ॥ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤥᤗᤠᤶ ᤕᤢᤰ ᤂᤥ᤺ᤛᤢᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤐᤢᤱᤗᤠᤜᤡᤶᤔᤥ ᤌᤧᤰᤋᤢᤱᤛᤡᤱ. ᤜᤧᤰᤁᤩᤠᤱ ᤛᤡ᤺ᤔᤧᤸᤗᤧ ᤂᤢᤶᤍᤡᤱ ᤔᤧᤒᤡᤖᤢᤛᤡᤸᤗᤧ ᤀᤡᤱᤃᤠ᤹ᤀᤠᤱ ᤋᤧᤴᤍᤡᤱ ᤐᤡᤖᤢᤱᤛᤡᤱᤗᤥ॥  
\v 11 ᤀᤡᤱᤃᤠ᤹ ᤕᤖᤡᤰᤗᤧᤱ ᤕᤜᤢᤍᤡ ᤆᤢᤶᤗᤢᤱᤜᤡᤶ ᤌᤵᤔᤣ ᤐᤣᤃᤠᤱᤅᤠᤱ ᤂᤧᤱᤜᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤍᤰᤗᤧᤱᤘᤠᤀᤥ ᤛᤠᤰᤁᤧᤸᤗᤧᤰᤁᤠᤱ ᤔᤠᤱᤆᤧ᤹ᤕᤠ ᤐᤠ᤺ᤵᤔᤠ ᤐᤠᤱᤄᤢᤱᤛᤡᤱᤗᤥ॥ ᤛᤠ᤹ᤖᤡᤰ ᤀᤠᤛᤡᤰᤁᤡᤴ ᤐᤥᤃᤧᤒᤠᤸᤗᤧ ᤕᤧᤛᤢ᤺ᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤠ᤺ᤱᤄᤠ ᤗᤠᤈᤣ᤹ᤀᤥᤒᤠ ᤕᤧᤰᤕᤰᤁᤥᤀᤠᤱ ᤂᤧᤱᤜᤠ᤹ ᤋᤢᤰᤂᤣ ᤆᤠ᤺ᤳᤇᤧ ᤐᤣᤃᤠᤱᤗᤥ॥  
\v 12 ᤌᤡᤰᤕᤧᤴ ᤁᤴ ᤕᤠ᤺ᤶᤒᤰᤁᤥ ᤕᤖᤢᤛᤗᤧᤶᤔᤥᤒᤠ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤥᤗᤠᤶ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤋᤧᤶᤔᤠᤛᤡᤀᤠᤱ ᤛᤠᤰᤔᤠᤛᤡ ᤁᤧᤗ᤹ᤒᤠ ᤕᤢᤰ ᤏᤢ ᤀᤡᤱᤍᤳ ᤂᤥ᤺ᤛᤢᤱᤅᤠᤱ ᤍᤔᤛ᤻ᤁᤛᤀᤥ ᤐᤣᤃᤠᤱᤗ ᤐᤳᤇᤠᤱ॥  
\v 13 ᤀᤠᤍᤠᤱᤒᤠ ᤜᤠᤱᤅᤣ. ᤗᤧᤴᤍᤡᤰ ᤗᤠᤶᤔᤥ ᤐᤣᤃᤠᤱᤗ ᤐᤳᤇᤠᤱᤅᤡᤸᤗᤧ ᤋᤠᤱᤛᤠᤰᤐᤥᤗᤠᤶ ᤏᤠᤶᤔᤡᤴᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤁᤧᤗᤧᤰᤐᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤀᤠᤏᤡᤃᤧ ᤂᤡᤖᤡ ᤔᤡᤰᤁᤡᤴ ᤆᤧᤔᤢᤖ ᤗᤧᤰᤋᤧᤖᤥ॥  
\v 14 ᤀᤠᤏᤡᤃᤧ ᤁᤠᤰ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠᤜᤠ᤹ ᤗᤠᤶᤔᤥ ᤜᤷᤃᤢᤵᤛᤠ ᤆᤥ᤺ᤴᤍᤡᤃᤧᤖᤥ॥ ᤜᤧᤰᤁᤩᤠᤱ ᤜᤡᤒᤪᤢ ᤐᤠ᤺ᤴᤏᤥ ᤀᤰᤋᤱᤒᤠ ᤀᤡᤰᤗᤠᤎᤡᤰ ᤂᤧᤶᤔᤏᤠ. ‘ᤛᤠᤘᤗᤀᤣ. ᤛᤠᤘᤗᤀᤣ. ᤀᤡᤱᤃᤠ᤹ ᤌᤣᤀᤠᤱ ᤋᤢᤰᤂᤣ ᤁᤧᤈᤠ᤺ᤳᤋᤠᤒᤠᤒᤣ᥅ ᤀᤡᤱᤃᤠ᤹ᤏᤢ ᤌᤱ ᤁᤧᤈᤥ᤺ᤰᤏᤧ ᤑᤠ᤹ᤃᤪ ᤀᤠᤒᤠᤅᤣᤖᤰ ᤁᤧᤄᤢᤶᤗᤥ॥’ 
\p  
\v 15 ᤀᤡᤱᤃᤠ᤹ᤀᤠᤱ ᤍᤠᤱᤒᤣ. ᤂᤧᤏᤧ᤹ᤃ ᤜᤠ᤺ᤳᤏᤧᤴᤒᤣ᥅ ᤑᤠ᤹ᤀᤠᤱ ᤛᤣ᤺ᤴᤍᤥᤛᤢᤱ॥ 
\p ᤍᤠᤱᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤏᤥᤃᤵ ᤐᤡᤖᤠᤱ. ‘ᤀᤡᤱᤃᤠ᤹ᤃ ᤋᤢᤰᤂᤣ ᤁᤧᤈᤠ᤺ᤳᤋᤢᤖ ᤁᤧᤘᤠ᤹ᤒᤠ ᤕᤧᤛᤢᤀᤠᤖᤥ॥  
\v 16 ᤀᤠᤸᤗ ᤐᤥᤃᤧ᤹. ᤀᤠᤀᤡᤴ ᤂᤧᤏᤧ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤅᤠᤱᤅᤠᤱ ᤀᤠᤛᤣᤘᤠᤖᤥᤒᤠ ᤏᤢ ᤀᤠᤍᤥ᤺ᤴᤍᤡ ᤁᤧᤒᤡᤒᤠ ᤆᤥ᤺ᤰᤏᤧᤀᤠᤱ ᤘᤠ᤹ᤀᤠᤖᤥ॥ ᤂᤧᤏᤧ᤹ ᤀᤠᤀᤡᤴ ᤁᤧᤏᤡ᤺ᤛᤢᤒᤠ ᤐᤠ᤺ᤴᤏᤡᤴ ᤏᤢ ᤋᤠ᤺ᤴᤍᤡ ᤋᤠᤕᤧᤶᤔᤥ ᤀᤥᤛᤣ᤺ᤴᤎᤠᤰᤏᤧᤒᤠ ᤐᤠ᤺ᤴᤜᤠ᤹ ᤘᤣ᤹ ᤔᤏᤠᤜᤠ᤹ ᤀᤡᤱᤃᤧᤓᤥ᤺ᤛᤢᤛᤡᤖ ᤐᤥ᤺ᤱᤗᤥ॥  
\v 17-18 ᤀᤡᤱᤃᤠ᤹ ᤂᤧᤏᤧ᤹ ᤁᤧᤔᤏᤠᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤏᤧᤵᤈᤠᤱᤗᤠᤶ ᤋᤠᤱᤛᤧ᤺ᤵᤏᤧ᤹ᤖᤥ॥ ᤜᤧᤰᤁᤩᤠᤱ ᤂᤢᤏᤡ᤹ ᤔᤡᤰᤜᤠ᤹ ᤜᤴᤇᤧ. ᤔᤠᤰᤆᤡᤃᤧᤴ ᤂᤠᤍᤠᤶᤔᤥᤗᤠᤶ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡᤀᤥ ᤋᤠ᤺ᤳᤇᤧ ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤕᤢᤰᤁᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤢᤰᤁᤥ ᤋᤠ᤺ᤳᤇᤧ ᤂᤧᤱᤜᤠ᤹ᤖᤥ ᤐᤠᤱᤏᤧ᤹ᤖᤥ॥ ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤀᤡᤱᤃᤠ᤹ ᤏᤛᤠ᤺ᤴ ᤔᤧᤈᤥᤃᤠᤱᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤡ᤹ ᤗᤠᤕᤥᤗᤠᤶ ᤗᤧᤵᤔᤡ ᤔᤧᤄᤥ᤺ᤛᤢ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤛᤣᤛᤣ ᤆᤥᤃᤢᤛᤡᤒᤠ ᤁᤢᤔᤏᤠᤜᤠ᤹ᤏᤢ ᤂᤢᤏᤡ᤹ ᤕᤢᤱᤍᤧᤴ ᤔᤧᤄᤥ᤺ᤛᤢ᤹ᤖᤥ॥’ 
\p  
\v 19 ᤜᤧᤰᤁᤣ᤺ᤸᤗᤧ ᤀᤠᤍᤠᤱᤒᤠ ᤀᤃᤪᤡᤐᤠ ᤜᤠᤱᤅᤣ. ᤀᤡᤱᤃᤠ᤹ᤃ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤂᤥ᤺ᤛᤢᤱᤒᤠ ᤛᤢᤑᤥᤖᤧ ᤀᤡᤱᤈᤠ᤺ᤱᤃᤧᤶᤒᤠᤀᤣ ᤐᤥ᤺ᤰᤂᤠᤱᤗᤥ॥  
\v 20 ᤁᤠᤰᤏᤢ ᤋᤃᤡ ᤍᤔᤛ᤻ᤁᤛᤀᤥ ᤜᤧᤰᤁᤩᤠᤱ ᤕᤖᤢᤛᤗᤧᤔ ᤏᤢ ᤁᤠᤰ ᤕᤜᤢᤍᤡᤕᤠ ᤗᤠᤈᤣ᤹ᤒᤠ. ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤂᤡᤏᤡ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤥ ᤏᤢ᤺ᤰᤂᤧᤶᤔᤧ᤹ ᤜᤧᤰᤁᤩᤠᤱ ᤂᤡᤏᤡ᤹ ᤗᤠᤕᤥᤗᤠᤶ ᤁᤧᤜᤡᤴᤍᤡᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤛᤧᤶᤔᤧ᤹ᤀᤥ ᤑᤠ᤹ᤀᤠᤱ ᤀᤡᤱᤓᤴ ᤆᤥᤃᤢᤱᤛᤡᤱᤗᤥ॥  
\v 21 ᤜᤧᤰᤁᤣᤗ᤹ᤖᤡᤰ ᤀᤡᤱᤓᤴ ᤆᤥᤃᤢᤱᤒᤠᤸᤗᤧ ᤆᤥᤃᤢᤸᤗᤧᤀᤣ ᤕᤜᤢᤍᤡᤜᤠ᤹ᤖᤧ ᤔᤠᤱᤜᤡᤶᤔᤥ ᤀᤡᤱᤃᤠ᤹ ᤔᤧᤍᤧᤶᤛᤠᤱᤅᤠᤱ ᤛᤧᤵᤔᤠ ᤔᤧᤃᤥ᤺ᤳᤋᤠᤱᤒᤠᤖᤥ॥  
\v 22 ᤁᤖ ᤀᤠᤀᤡᤴ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤓᤠ᤹ ᤐᤡᤖᤠᤱᤅᤠᤱ ᤘᤠ᤹ᤀᤠ॥ ᤜᤧᤰᤁᤣ᤺ᤸᤗᤧᤀᤣ ᤀᤡᤱᤃᤠ᤹ ᤆᤢᤰᤐᤠ ᤕᤶᤒᤠ ᤁᤧᤖᤧᤰᤗᤧ ᤂᤢᤏᤡ᤹ ᤋᤃᤡ ᤕᤧᤵᤔᤠᤀᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤋᤥ᤺ᤴᤍᤡ ᤐᤡᤔᤠ ᤛᤢᤕᤧᤶ ᤂᤥ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤔᤥᤛᤠ ᤜᤧᤰᤁᤩᤠᤱ ᤘᤣ᤹ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤋᤠ᤺ᤴᤍᤡ ᤐᤥ᤺ᤱ ᤗ᤹ᤖᤡᤰ ᤔᤧᤒᤠ᤺ᤳᤋᤢᤒᤠᤴᤏᤠᤱᤎᤥ. ᤘᤣ᤹ ᤌᤣᤀᤠᤱ ᤀᤡᤱᤃᤠ᤹ ᤔᤧᤶᤒᤠ᤺ᤳᤋᤣ ᤘᤠ᤹ᤀᤠᤖᤥ॥  
\v 23 ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤸᤗᤧ ᤋᤢᤰᤂᤣ ᤆᤠᤔᤠᤀᤠᤱ ᤛᤡ᤺ᤔᤠᤀᤣ ᤐᤥ᤺ᤱ. ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤐᤥ᤺ᤱᤔᤠ ᤜᤧᤰᤁᤩᤠᤱ ᤁᤠᤰᤏᤢ ᤋᤢᤶᤒᤠ ᤐᤥ᤺ᤱᤅᤠᤱ ᤛᤧᤴᤗᤵᤖᤧᤴ ᤀᤥ᤺ᤳᤋᤡ᤺ᤴ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤀᤡᤱᤓᤥ᤺ᤛᤢᤛᤡᤖᤥ ᤗ᤹ᤖᤡᤰ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤀᤠᤱ ᤔᤧᤘᤕᤧᤖᤥ॥” 
\p  
\v 24 ᤀᤰᤂᤣᤗ᤹ᤖᤡᤰ ᤐᤠᤘᤗᤖᤧ ᤏᤠᤱᤛᤡᤱᤔᤠ ᤐᤠ᤺ᤴᤏᤡᤴ ᤐᤠ᤺ᤳᤋᤢᤖ ᤐᤳᤇᤧᤸᤗᤧ ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛᤖᤧ ᤑᤧ᤺ᤰᤋᤢ. “ᤐᤠᤘᤗᤀᤣ. ᤂᤧᤏᤧ᤹ᤃ ᤁᤧᤏᤠᤰᤂᤧ ᤁᤧᤒᤣᤖᤥ᥄ ᤂᤧᤏᤧ᤹ᤃ ᤕᤖᤡᤰ ᤏᤡᤛᤠᤶᤔᤡᤸᤗᤧ ᤁᤧᤏᤠᤰᤂᤧ ᤁᤧᤒᤣᤖᤥ॥” 
\p  
\v 25 ᤁᤖ ᤐᤠᤘᤗᤖᤧ ᤏᤥᤃᤵ ᤐᤡᤖᤢ. “ᤀᤠᤍᤠᤱᤒᤠ ᤛᤢᤜᤠᤱᤃᤧᤶᤒᤠᤀᤣ. ᤀᤡᤱᤃᤠ᤹ᤃ ᤔᤧᤴᤏᤠᤱᤅᤣ ᤘᤠ᤹ᤀᤠ॥ ᤀᤡᤱᤃᤠ᤹ᤃ ᤛᤧᤰᤂᤠ ᤛᤣᤏᤡᤱᤘᤠ᤹ᤀᤥ ᤐᤠ᤺ᤳᤋᤠᤖᤥ॥  
\v 26 ᤀᤠᤍᤠᤱᤒᤠ ᤀᤃᤪᤡᤐᤠ ᤜᤠᤱᤅᤡᤸᤗᤧᤀᤠᤱ ᤁᤴ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤏᤡ᤺ᤛᤢᤒᤠᤸᤗᤧ ᤂᤢᤏᤧ᤹ ᤁᤢᤍᤃᤡ ᤜᤠᤱ ᤜᤠᤱᤅᤠᤱ ᤐᤠ᤺ᤵᤔᤠ ᤛᤢᤰᤁᤠᤖᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤁᤴ ᤐᤠ᤺ᤴᤜᤠ᤹ᤃ ᤏᤢ᤺ᤖᤡᤰᤁᤠᤱ ᤁᤢᤏᤡᤱᤘᤠ᤹ᤀᤥ ᤕᤢᤰᤂᤢᤀᤠᤱ ᤘᤠ᤹ ᤗ᤹ᤖᤡᤰ ᤀᤡᤱᤃᤠ᤹ ᤏᤡᤛ᤻ᤛᤣ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤒᤠ ᤐᤠ᤺ᤴᤜᤠ᤹ᤃ ᤁᤧᤖᤧᤰᤗᤧ ᤔᤧᤏᤡ᤺ᤛᤢᤖᤥ॥”  
\v 27 ᤜᤧᤰᤁᤩᤠᤱ ᤐᤠᤘᤗᤖᤧ ᤔᤧᤳᤋᤢ. “ᤀᤃᤪᤡᤐᤠ ᤜᤠᤱᤅᤣ. ᤂᤧᤏᤧ᤹ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤐᤠ᤺ᤴᤜᤠ᤹ ᤏᤛᤠ᤺ᤴ ᤁᤧᤈᤥᤃᤢᤒᤡ᥅ ᤛᤧᤰᤂᤠᤛᤠᤱ ᤂᤧᤏᤧ᤹ ᤁᤧᤈᤥᤃᤢ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ॥” 
\p  
\v 28 ᤀᤃᤪᤡᤐᤠ ᤜᤠᤱᤅᤡᤸᤗᤧ ᤐᤠᤘᤗᤧᤴ ᤔᤧᤳᤋᤢ. “ᤛᤵᤑᤠᤖᤧᤛᤠ ᤂᤧᤏᤧ᤹ ᤀᤡᤱᤃᤠ᤹ᤀᤠᤱ ᤂᤪᤡᤛ᤻ᤋᤠᤏᤡ ᤆᤥ᤺ᤰᤔᤠ ᤏᤡᤱᤘᤠ᤹ ᤁᤧᤈᤥᤃᤢᤒᤡ᥅” 
\p  
\v 29 ᤐᤠᤘᤗᤖᤧ ᤏᤥᤃᤵ ᤐᤡᤖᤢ. “ᤀᤠᤸᤗᤥᤛᤠᤱ ᤋᤠ᤺ᤴᤍᤡᤛᤠᤱ. ᤀᤠᤍᤠᤱᤒᤠᤖᤰ ᤔᤧ᤺ᤴ. ᤁᤖ ᤀᤠᤀᤡᤴ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤐᤠ᤺ᤴ ᤁᤧᤄᤧᤶᤒᤠ ᤁᤧᤖᤧᤰ ᤔᤏᤠᤜᤠ᤹ ᤁᤴ ᤐᤢᤱᤗᤠ ᤌᤠ᤺ᤔᤠᤀᤥᤖᤰ ᤔᤧ᤺ᤴᤏᤠᤱᤃ ᤘᤣ᤹ ᤀᤡᤱᤃᤠ᤹ ᤜᤧᤰᤁᤣᤀᤣ ᤏᤛᤠᤏᤡᤒᤠ ᤔᤧᤒᤥ᤺ᤱᤏᤡ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤢᤘᤠ ᤆᤥ᤺ᤰᤁᤠᤖᤥ॥” 
\p  
\v 30 ᤜᤧᤰᤁᤩᤠᤱ ᤀᤃᤪᤡᤐᤠ ᤜᤠᤱ. ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛ ᤏᤢ ᤒᤷᤏᤡᤛ ᤜᤧᤰᤁᤣᤗ᤹ᤖᤡᤰ ᤂᤧᤵᤔᤥᤒᤠ ᤘᤣ᤹ ᤔᤏᤠᤜᤠ᤹ ᤔᤧᤒᤥᤃᤧᤀᤠᤱ  
\v 31 ᤂᤧᤵᤔᤥᤗᤠᤶ ᤗᤠ᤺ᤰᤁᤠᤳ ᤔᤧᤗ᤺ᤴᤍᤧᤖ ᤔᤧᤒᤳᤇᤧᤸᤗᤧ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤇᤡᤱᤗᤥ. “ᤁᤴ ᤔᤏᤠ᤺ᤸᤗᤧᤃ ᤐᤢᤱᤗᤠᤎᤠᤒᤠ ᤐᤥ᤺ᤱᤔᤠ ᤏᤢ ᤛᤡ᤺ᤔᤧᤸᤗᤧᤴ ᤂᤢᤶᤍᤡᤱ ᤂᤥ᤺ᤔᤠᤃ ᤌᤣᤀᤠᤱ ᤕᤠ᤺ᤶᤒᤰ ᤔᤧᤶᤓᤣ᤺ᤴᤏᤣ ᤘᤠ᤹ᤖᤥ॥” 
\p  
\v 32 ᤜᤧᤰᤁᤩᤠᤱ ᤀᤃᤪᤡᤐᤠ ᤜᤠᤱᤅᤡᤸᤗᤧ ᤛᤢᤜᤠᤱᤃᤧᤶᤒᤠ ᤑᤧᤛ᤻ᤋᤛᤧᤴ ᤔᤧᤳᤋᤢ. “ᤁᤸᤗᤧ ᤛᤡᤈᤖᤧᤴ ᤕᤧᤰᤐᤣᤗᤡ ᤔᤧᤴᤈᤥ᤺ᤰᤁᤣ ᤘᤕᤧᤸᤗᤧᤃ ᤗᤧᤵᤔᤠᤍᤣ᤺ᤔᤠᤀᤠᤱ ᤛᤢᤰᤋᤧᤳᤋᤧᤒᤠᤖᤥ॥” 
\c 27  
\s1 ᤐᤠᤘᤗᤧᤴ ᤖᤥᤔ ᤐᤣ᤺ᤰ 
\p  
\v 1 ᤀᤠᤸᤗ ᤀᤠᤏᤡᤃᤧ ᤀᤡᤋᤠᤗᤡ\f * \fr 27:1 \ft ᤀᤡᤋᤠᤗᤡ–ᤀᤡᤋᤠᤗᤡ ᤗᤠᤈᤣ᤹ᤀᤥ ᤖᤥᤔ ᤕᤧᤰᤕᤰ ᤏᤧᤛ᤻ᤛᤧᤖᤥ॥ ᤖᤥᤔᤡ ᤜᤠᤱᤈᤢᤶᤖᤧ ᤂᤠᤛᤧᤴᤗᤥ᤺ᤶᤔᤠ ᤋᤧᤴᤏᤥ ᤐᤠᤘᤸᤗᤧᤴ ᤁᤢᤍᤥ᤺ᤴᤇᤧ ᤋᤣ᤺ᤔᤠ ᤁᤧᤒᤥ᤺ᤱᤒᤠ ᤘᤕᤧ॥ \f* ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤐᤥ᤺ᤱ ᤁᤧᤗ᤹ᤒᤠ ᤏᤡᤱᤘᤠ᤹ ᤏᤡ᤺ᤴᤎᤥ ᤐᤥ᤺ᤰᤂᤧ॥ ᤂᤧᤱᤜᤠ᤹ᤖᤧ ᤐᤠᤘᤗ ᤏᤢ ᤘᤣ᤹ ᤐᤢᤱᤗᤠᤎᤠᤒᤠᤜᤠ᤹ ᤐᤕᤶ ᤜᤠᤱᤅᤡᤸᤗᤧᤴ ᤋᤢᤖᤠ ᤔᤧᤵᤔᤏᤠᤒᤠ ᤋᤢᤖᤠᤖᤧᤴ ᤌᤰᤋᤢᤶᤒᤠ ᤈᤢᤗᤡᤕᤛᤖᤧ ᤁᤢᤜᤢᤰᤁᤥ ᤗᤰᤐᤧᤴ ᤔᤧᤒᤡᤖᤢᤛᤡᤖᤥ॥  
\v 2 ᤜᤧᤰᤁᤩᤠᤱ ᤀᤠᤏᤡᤃᤧ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥᤒᤠ ᤘᤠᤃᤵᤂᤣ᤺ᤱᤜᤠ᤹ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤕᤠᤖᤡᤵ ᤁᤧᤒᤥ᤺ᤱᤒᤠ ᤀᤠᤍᤪᤠᤔᤡᤋᤣᤏᤛᤗᤠᤶ ᤁᤧᤓᤧᤶᤒᤠ ᤘᤠᤗᤠᤎᤠᤀᤥ ᤗᤠ᤺ᤵᤔᤏᤠᤀᤠᤱ ᤗᤠᤶᤍᤡ᤺ᤰ ᤆᤥ᤺ᤰᤔᤏᤠᤖᤥ॥ ᤀᤠᤏᤡᤃᤧ ᤏᤢ ᤌᤡᤛ᤻ᤛᤗᤥᤏᤡᤁᤠᤗᤠᤶ ᤁᤧᤍᤠ᤺ᤒᤠ ᤀᤖᤡᤛ᤻ᤋᤠᤷᤂᤛ ᤔᤧᤵᤔᤏᤠᤒᤠ ᤔᤧᤛᤣᤍᤥᤏᤡᤕᤠᤗᤡ ᤏᤛᤠᤏᤡᤒᤠ ᤆᤢᤶᤎᤡᤰᤁᤠᤱ ᤘᤕᤧᤖᤥ॥ 
\p  
\v 3 ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤀᤠᤏᤡᤃᤧ ᤛᤡᤍᤥᤴᤏᤥ ᤁᤧᤵᤔᤏᤠᤀᤠᤱ ᤌᤰᤋᤢᤶᤒᤠ ᤈᤢᤗᤡᤕᤛᤧᤸᤗᤧ ᤐᤠᤘᤗᤧᤴ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤁᤢᤴᤍᤣ᤺ᤱ ᤁᤢᤴᤈᤢᤶᤜᤠ᤹ᤏᤢ ᤋᤢᤶᤔᤠ ᤜᤧᤰᤁᤩᤠᤱ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠ ᤋᤱᤃᤠᤶ ᤆᤥ᤺ᤰᤔᤠ ᤋᤧᤴᤍᤡᤱ ᤐᤡᤖᤢᤖᤥ॥  
\v 4 ᤂᤧᤵᤔᤥᤗᤠᤶ ᤀᤠᤏᤡᤃᤧ ᤋᤃᤡ ᤐᤥ᤺ᤱᤔᤏᤠᤖ ᤐᤣ᤺ᤰᤔᤏᤠ ᤁᤖ ᤛᤢᤖᤡᤳ ᤁᤣᤈᤱᤅᤡᤴ ᤀᤠᤏᤡᤃᤧ ᤋᤰᤗᤧᤱᤘᤠ ᤗᤧᤵᤔᤠᤱᤗᤠᤶ ᤜᤢ᤺ᤖᤧᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤛᤢᤖᤡᤳᤔᤠᤴᤏᤢ ᤛᤧ᤺ᤵᤛᤡᤱᤔᤠ ᤑᤠ᤹ᤀᤠᤱ ᤀᤠᤏᤡᤃᤧ ᤛᤤᤐᤪᤛ ᤘᤠᤃᤵᤂᤠᤶᤔᤡᤸᤗᤧ ᤌᤥᤜᤠᤱᤗᤧᤵᤔᤠᤱᤏᤢ ᤁᤢᤕᤠ ᤁᤢᤕᤠ ᤐᤥ᤺ᤱᤔᤏᤠᤖ ᤐᤣ᤺ᤰᤔᤏᤠᤖᤥ॥  
\v 5 ᤜᤧᤰᤁᤩᤠᤱ ᤛᤡᤗᤡᤛᤡᤕᤠ ᤏᤢ ᤐᤠᤶᤑᤡᤗᤡᤕᤠ ᤋᤧᤱᤃᤵᤖᤧ ᤁᤢᤕᤠᤀᤥ ᤐᤥ᤺ᤱᤶᤏᤠᤖ ᤐᤣ᤺ᤰᤔᤏᤠᤀᤠᤱ ᤗᤡᤛᤡᤕᤠ ᤌᤢᤶᤔᤥᤒᤠ ᤔᤀᤡᤖᤠ ᤐᤠᤱᤈᤢᤶᤔᤥ ᤁᤧᤵᤔᤏᤠᤖᤥ॥  
\v 6 ᤂᤧᤵᤔᤥ ᤌᤰᤋᤢᤶᤒᤧᤸᤗᤧ ᤔᤡᤛᤪᤛ᤻ᤔᤠ ᤀᤗᤧᤰᤈᤧᤴᤍᤪᤡᤕᤠᤗᤠᤶ ᤁᤧᤓᤧᤶᤒᤠᤀᤠᤱ ᤀᤡᤋᤠᤗᤡ ᤗᤧᤵᤔᤠᤱ ᤗᤠᤶᤍᤡ᤺ᤰ ᤆᤥ᤺ᤰᤔᤠ ᤕᤠᤖᤡᤵ ᤁᤧᤒᤥ᤺ᤱᤒᤠ ᤘᤣ᤹ ᤘᤠᤗᤠᤎᤠ᤺ᤴ ᤂᤥ᤺ᤛᤢ. ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧ ᤂᤧᤵᤔᤥ ᤆᤳᤇᤡᤱᤔᤏᤠᤖᤥ॥  
\v 7 ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤕᤖᤡᤰ ᤕᤧᤴ ᤏᤅᤣ᤺ᤰᤁᤠᤱ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤏᤠᤖ ᤐᤕᤶ ᤋᤢᤰᤂᤣᤏᤢ ᤏᤡᤍᤛ ᤔᤧᤵᤔᤏᤠᤒᤠ ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤁᤧᤵᤔᤏᤠᤖᤥ॥ ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤀᤡᤋᤠᤗᤡ ᤗᤧᤵᤔᤠᤱ ᤐᤣ᤺ᤰᤔᤠ ᤛᤢᤖᤡᤳ ᤁᤣᤈᤱᤅᤡᤸᤗᤧ ᤔᤧᤒᤡᤖᤡᤃᤧᤴᤒᤠᤸᤗᤧ ᤆᤥᤃᤢᤸᤗᤧ ᤁᤪᤣᤋ ᤔᤧᤵᤔᤏᤠᤒᤠ ᤘᤠᤃᤵᤂᤠᤶᤛᤔᤠ ᤛᤠᤗᤔᤥᤏᤣᤏᤢ ᤗᤠᤱᤃᤧᤳ ᤗᤧᤵᤔᤠᤱ ᤐᤥ᤺ᤱᤔᤏᤠᤀᤠᤱ  
\v 8 ᤁᤪᤣᤋᤖᤧ ᤗᤠᤱᤃᤧᤳ ᤐᤡᤛᤠᤱ ᤁᤢᤕᤠ ᤁᤢᤕᤠ ᤐᤥ᤺ᤰᤂᤡᤃᤧᤖ ᤐᤕᤶ ᤋᤢᤰᤂᤣᤘᤠᤏᤢ ᤀᤠᤏᤡᤃᤧ ᤗᤛᤡᤕᤠ ᤐᤠᤱᤈᤢᤶᤔᤡᤸᤗᤧ ᤁᤢᤒᤣᤛᤠᤱᤒᤠ “ᤛᤧ᤺ᤵᤛᤡᤱᤍᤧᤴ” ᤔᤧᤵᤔᤏᤠᤒᤠ ᤋᤧᤴᤏᤥ ᤁᤧᤵᤔᤏᤠᤖᤥ॥ 
\p  
\v 9 ᤂᤧᤱᤜᤠ᤹ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤔᤧᤛᤢᤛᤧᤒᤠᤸᤗᤧ ᤆᤥᤃᤢᤸᤗᤧ. ᤜᤧᤰᤁᤩᤠᤱ ᤛᤢᤖᤡᤳ ᤁᤣᤈᤱ ᤜᤢ᤺ᤔᤠ ᤕᤧᤶᤔᤡᤴ ᤏᤡ᤺ᤳᤋᤠᤱᤅᤣ ᤋᤩᤧᤖ ᤐᤳᤇᤧᤒᤠᤸᤗᤧ. ᤂᤧᤵᤔᤥᤏᤢ ᤋᤃᤡ ᤗᤠᤶᤍᤡ᤺ᤰ ᤆᤥ᤺ᤰᤔᤠ ᤁᤡᤵᤔᤠ ᤁᤧᤄᤢ᤺ᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥\f * \fr 27:9 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤋ᤺ᤰ ᤏᤧᤵᤔᤏᤠᤒᤠ ᤕᤧᤴ ᤌᤩᤧᤀᤠᤱ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤁᤡᤵᤔᤠ ᤂᤢ᤺ᤛᤧᤖᤥ॥” ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤁᤧᤕᤧᤰᤐᤠ ᤋ᤺ᤰ ᤏᤧᤵᤔᤏᤠᤒᤠ ᤋᤱᤏᤠᤶ ᤀᤣᤃᤠᤱ. ᤋᤱᤒᤣᤒᤠ ᤂᤧᤴ ᤕᤧᤶᤔᤥ. ᤛᤢᤖᤡᤳ ᤁᤣᤈᤱ ᤛᤠ᤹ᤖᤡᤰ ᤜᤢ᤺ᤔᤠ ᤜᤣ᤺ᤰᤋᤧ॥\f* ᤜᤧᤰᤁᤣ᤺ᤸᤗᤧ ᤐᤠᤘᤗᤖᤧ ᤘᤠᤍᤥᤆᤠ᤺ᤰᤐᤠᤜᤠ᤹ ᤛᤢᤈᤠ ᤐᤡᤖᤢᤛᤡ.  
\v 10 “ᤀᤠᤍᤠᤱᤒᤠᤛᤣ. ᤀᤠᤸᤗ ᤋᤃᤡᤒᤠ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤁᤡᤵᤔᤠ ᤁᤧᤄᤢ᤺ᤒᤠ ᤐᤥ᤺ᤰᤂᤧᤒᤠ ᤏᤡ᤺ᤛᤢᤱᤗᤥ॥ ᤆᤰᤔᤧᤸᤗ᤹ᤀᤣ ᤘᤠᤗᤠᤶᤍᤡ᤺ᤰ ᤀᤠᤈᤥᤃᤢᤶᤏᤧ ᤑᤠ᤹ᤃᤪ. ᤘᤠᤗᤠᤎᤠ ᤏᤢ ᤘᤠᤃᤰᤖᤧ ᤐᤕᤶ ᤀᤡᤶᤔᤥ᤺ᤰᤗᤰ ᤔᤧ᤺ᤴ. ᤁᤖ ᤀᤠᤏᤡ᤹ᤀᤠᤱ ᤛᤡ᤺ᤔᤠ ᤀᤠᤛᤢᤰᤗᤥ॥”  
\v 11 ᤁᤖ ᤌᤰᤋᤢᤶᤒᤧᤸᤗᤧ ᤐᤠᤘᤗᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴᤏᤢ᤺ᤸᤗᤧᤀᤠᤱ ᤘᤠᤍᤥᤕᤢᤰᤐᤧᤴ ᤏᤢ ᤘᤠᤍᤥᤍᤠᤱᤒᤠᤸᤗᤧ ᤗᤠᤶᤍᤡ᤺ᤰ ᤆᤥᤃᤡ ᤗ᤹ᤖᤡᤰ ᤐᤠ᤺ᤳᤋᤧᤳᤇᤢᤒᤠ ᤐᤠ᤺ᤴᤏᤥᤀᤣ ᤏᤡᤱᤘᤠ᤹ ᤐᤡᤖᤢᤖᤥ॥  
\v 12 ᤁᤴ ᤋᤧᤴᤏᤡᤴ ᤆᤢᤱᤘᤠ᤺ᤶᤔᤠᤀᤥ ᤘᤠ᤹ᤔᤠ ᤏᤢ᤺ᤒᤠ ᤔᤧᤈᤥᤃᤧᤶᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰᤍᤱᤒᤠ ᤔᤏᤠᤜᤠ᤹ ᤗᤠᤶᤍᤡ᤺ᤰ ᤆᤥ᤺ᤰᤔᤠᤀᤠᤱ ᤑᤥᤏᤡᤰᤛ ᤕᤧᤰᤕᤰᤁᤥ ᤁᤧᤵᤔᤠᤀᤠᤱ ᤆᤢᤱᤘᤠ᤺ᤶᤔᤠᤀᤥ ᤘᤠ᤹ᤔᤠ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥ ᤂᤧᤴ ᤘᤠᤃᤵᤂᤧ᤺ᤱᤅᤡᤱᤃ ᤁᤪᤣᤋᤛ᤻ᤔᤠ ᤌᤠᤱᤃᤧᤳ ᤏᤠᤶᤎᤠ ᤏᤢ ᤗᤠᤱᤃᤧᤳ ᤏᤠᤶᤎᤠ ᤗᤧᤵᤔᤠᤱ ᤋᤰᤁᤧᤔᤧᤵᤐᤠ ᤏᤢ᤺ᤒᤠ ᤘᤠᤃᤵᤂᤣ᤺ᤱ ᤆᤥᤃᤧᤖᤥ॥ 
\p  
\v 13 ᤗᤠᤱᤃᤧᤳ ᤐᤡᤛᤠᤱᤗᤠᤶ ᤕᤧᤶᤕᤧᤶᤃᤧᤴ ᤛᤢᤖᤡᤳ ᤁᤣᤈᤱ ᤜᤢ᤺ᤔᤠ ᤜᤣ᤺ᤰᤋᤧᤀᤠᤱ ᤘᤠᤍᤥᤆᤠ᤺ᤰᤐᤠᤜᤠ᤹ᤖᤧ ᤁᤱᤃ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤠ ᤏᤢ᤺ᤒᤠ ᤔᤡᤰᤛᤣ᤺ᤴᤗᤥ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢ॥ ᤜᤧᤰᤁᤩᤠᤱ ᤘᤠᤍᤥᤂᤧ᤺ᤰᤆᤢᤖᤡᤴ ᤔᤧᤀᤢ᤺ᤰᤂᤢᤀᤠᤱ ᤁᤪᤣᤋᤖᤧ ᤗᤠᤱᤃᤧᤳ ᤐᤡᤛᤠᤱᤗᤠᤶ ᤁᤢᤕᤠ ᤁᤢᤕᤠ ᤔᤧᤒᤥ᤺ᤰᤂᤧᤖ ᤏᤠᤶᤎᤠ ᤐᤡᤛᤠᤱ ᤗᤧᤵᤔᤠᤱ ᤗᤠᤶᤍᤡ᤺ᤰ ᤆᤥ᤺ᤰᤔᤠ ᤔᤧᤜᤣ᤺ᤰᤋᤢᤖᤥ॥  
\v 14 ᤁᤖ ᤜᤠᤖᤠᤀᤣ ᤂᤧᤵᤔᤥ “ᤌᤠᤱᤃᤧᤳ-ᤏᤠᤶᤃᤧᤴ” ᤔᤧᤵᤔᤏᤠᤒᤠ ᤀᤡᤎᤢᤃᤧᤒᤠ ᤛᤢᤖᤡᤳ ᤁᤣᤈᤱᤅᤡᤴ ᤘᤠᤃᤵᤂᤠᤶᤗᤠᤶ ᤁᤡᤵᤔᤠ ᤂᤢ᤺ᤛᤧᤖ ᤜᤢ᤺ᤔᤠ ᤜᤣ᤺ᤰᤋᤧᤖᤥ॥  
\v 15 ᤂᤧᤸᤗᤧ ᤘᤠᤗᤠᤎᤠ᤺ᤴ ᤜᤡᤵᤋᤢᤀᤠᤱ ᤛᤢᤖᤡᤳ ᤁᤣᤈᤱ ᤁᤧᤜᤢᤒᤠ ᤗᤧᤵᤔᤠᤱ ᤋᤃᤡ ᤐᤥ᤺ᤔᤠ ᤁᤧᤛᤠᤰᤐᤠ ᤐᤥ᤺ᤰᤂᤧᤀᤠᤱ ᤘᤠᤗᤠᤎᤠ᤺ᤴ ᤀᤠᤏᤡᤃᤧ ᤛᤢᤖᤡᤳ ᤁᤣᤈᤱᤅᤥᤀᤣ ᤗᤧᤵᤔᤏᤠᤍᤣᤔᤏᤠᤖᤥ॥  
\v 16 ᤜᤧᤰᤁᤩᤠᤱ ᤀᤠᤏᤡᤃᤧ ᤁᤠᤀᤢᤍᤠ ᤔᤧᤵᤔᤏᤠᤒᤠ ᤆᤢᤰᤛᤠ ᤘᤠᤃᤵᤂᤠᤶᤔᤡᤸᤗᤧ ᤁᤢᤕᤠᤀᤥ ᤀᤡ᤺ᤶᤛᤡᤱᤔᤏᤠᤖ ᤐᤣ᤺ᤰᤔᤏᤠ॥ ᤂᤧᤵᤔᤥ ᤘᤠᤗᤠᤎᤠ᤺ᤴ ᤑᤧᤳᤗᤠᤀᤠᤱ ᤏᤡ᤺ᤶᤔᤡᤸᤗᤧ ᤛᤧ᤺ᤵᤛᤡᤱᤛᤧ ᤀᤥᤃᤵ ᤆᤥ᤺ᤰᤔᤏᤠᤒᤠ ᤂ᤺ᤱᤒᤣᤜᤠ᤹ ᤀᤠᤏᤡᤃᤧ ᤛᤢᤰᤔᤧᤴᤇᤢᤰ ᤆᤫᤠ᤺ᤳᤋᤥᤗᤠᤶ ᤌᤥ ᤀᤢ᤺ᤰᤂᤢᤶᤒᤧᤀᤠᤱ ᤀᤡᤄᤣ᤺ᤱᤔᤏᤠᤀᤠᤱ ᤋᤠᤱᤔᤏᤠᤖᤥ॥  
\v 17 ᤂᤧᤱᤜᤠ᤹ᤖᤧ ᤂᤧᤴ ᤌᤥ ᤔᤧᤀᤢ᤺ᤰᤂᤢᤀᤠᤱ ᤘᤠᤗᤠᤎᤠ᤺ᤴ ᤔᤧᤕ᤺ᤏᤧᤴᤗ ᤑᤠ᤹ᤀᤠᤱ ᤁᤢᤛᤡᤃᤠᤱᤗᤠᤶ ᤀᤡᤍᤠ᤺ᤰᤁᤡᤸᤗᤧ ᤆᤡᤃᤧᤰ ᤆᤡᤃᤧᤰ ᤀᤡᤔᤧᤄᤣ᤺ᤰᤂᤢᤖᤥ॥ ᤛᤡᤖᤋᤡᤛ\f * \fr 27:17 \ft ᤁᤴ ᤋᤧᤴᤏᤡᤏᤱᤃ ᤀᤠᤀᤡᤴ ᤋᤠ᤺ᤴᤍᤡᤰ ᤀᤑᤪᤡᤁᤠᤛ᤻ᤔᤠ ᤗᤡᤒᤡᤕᤠ ᤗᤠᤈᤣ᤹ᤀᤡᤴᤗᤥ॥\f* ᤔᤧᤵᤔᤏᤠᤒᤠ ᤕᤧ᤺ᤱᤄᤠ ᤘᤠᤈᤡᤶᤒᤣᤀᤥ ᤀᤠᤎᤠ᤺ ᤑᤠ᤹ᤀᤠᤱ ᤔᤧᤃᤡᤛᤧᤀᤠᤱ ᤕᤶᤒᤠ ᤘᤠᤍᤥᤛᤠᤖᤡ᤺ᤴ ᤕᤥ ᤔᤧᤎᤠ᤺ᤛᤢ॥ ᤜᤧᤰᤁᤩᤠᤱ ᤛᤢᤖᤡᤳ ᤁᤣᤈᤱ ᤜᤢᤖᤧᤒᤠ ᤗᤧᤵᤔᤠᤱ ᤘᤠᤗᤠᤎᤠ᤺ᤴ ᤔᤧᤗᤧᤖᤢ ᤔᤧᤍᤣ᤺ᤛᤢᤖᤥ॥  
\v 18 ᤆᤰᤔᤧᤸᤗ᤹ᤀᤣ ᤛᤢᤖᤡᤳ ᤁᤣᤈᤱ ᤁᤡᤵᤔᤠ ᤂᤢ᤺ᤛᤧᤖ ᤜᤢᤖᤧᤖ ᤏᤧᤛ᤻ᤛᤧ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤢᤍᤠ᤺ᤴᤍᤡᤰᤔᤥ ᤂᤧᤱᤜᤠ᤹ᤖᤧ ᤘᤠᤃᤰᤜᤠ᤹ ᤆᤫᤠ᤺ᤳᤋᤥ ᤗᤠᤵᤑᤢᤔᤠ ᤔᤧᤜᤣ᤺ᤰᤋᤢᤖᤥ॥  
\v 19 ᤁᤢᤀᤠᤳᤇᤧᤴᤍᤠ᤺ᤴ ᤘᤠᤗᤠᤎᤠ᤺ᤴ ᤕᤠᤱᤕᤠᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤕᤠᤶᤔᤥ ᤂᤧᤱᤜᤠ᤹ᤖᤧ ᤘᤠᤍᤥᤛᤠᤔᤠᤜᤠ᤹\f * \fr 27:19 \ft ᤘᤠᤍᤥᤛᤠᤔᤠᤜᤠ᤹–ᤁᤱᤃ ᤘᤠᤗᤠᤎᤠᤀᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ᤖᤥ॥\f* ᤆᤫᤠ᤺ᤳᤋᤥ ᤀᤠᤒᤠᤅᤣ ᤗᤠᤵᤔᤧᤓᤢᤛᤢᤖᤥ॥  
\v 20 ᤕᤖᤡᤰ ᤕᤧᤴ ᤌᤠᤖᤡᤰ ᤁᤡᤵᤔᤠ ᤂᤢ᤺ᤛᤧᤖ ᤛᤢᤖᤡᤳ ᤁᤣᤈᤱᤅᤡᤴ ᤜᤢᤖᤧᤖ ᤏᤧᤛ᤻ᤛᤧᤒᤠᤸᤗᤧ ᤆᤥᤃᤢᤸᤗᤧ ᤗᤠᤶ ᤁᤧᤗᤥ᤺ᤒᤠ ᤂᤣᤛᤣ᤹. ᤏᤠᤶ ᤌᤣᤀᤠᤱ ᤀᤠᤏᤡᤃᤧ ᤏᤡ᤺ᤔᤠ ᤔᤧᤛᤢᤰᤋᤢᤶᤒᤧᤴᤏᤠᤱᤗᤥ॥ ᤜᤧᤰᤁᤣ᤺ᤸᤗᤧ ᤀᤠᤜᤡᤱ ᤁᤧᤗ᤹ᤒᤠ ᤏᤡᤱᤛᤠᤱᤅᤠᤱ ᤔᤠ᤺ᤔᤏᤠᤍᤣ᤺ᤔᤏᤠᤖᤥ॥ 
\p  
\v 21 ᤘᤠᤗᤠᤎᤠᤀᤥᤒᤠ ᤔᤏᤠᤜᤠ᤹ ᤆᤠ ᤔᤧᤴᤈᤠᤀᤣᤒᤠ ᤕᤖᤡᤰ ᤕᤧᤴ ᤐᤥ᤺ᤰᤂᤧᤀᤠᤱ ᤘᤕᤧᤒᤠᤸᤗᤧ ᤐᤠᤘᤗᤧᤴ ᤂᤢᤴᤇᤡ᤹ ᤗᤢᤶᤔᤥ ᤕᤧᤶᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤛᤡ. “ᤀᤠᤍᤠᤱᤒᤠᤛᤣ. ᤀᤠᤒᤠ᤺ᤴ ᤁᤧᤄᤧᤵᤛᤢᤶᤔᤠᤱ ᤁᤪᤣᤋᤗᤠᤶ ᤀᤠᤴᤎᤠᤛᤡᤱᤅᤡᤴᤏᤡᤸᤗᤧᤃ ᤀᤰᤂᤣᤗ᤹ᤖᤡᤰ ᤀᤡᤶᤔᤥ᤺ᤰ ᤔᤧᤒᤥ᤺ᤰᤂᤧᤶᤒᤠᤖᤥ॥  
\v 22 ᤁᤖ ᤀᤠᤸᤗ ᤜᤠᤱᤜᤠᤱ ᤗ᤹ᤖᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤗᤳᤌᤡᤰᤁᤠᤱ ᤀᤠᤴᤇᤡ᤺ᤏᤧᤴᤗᤥ. ᤁᤖ ᤁᤴ ᤘᤠᤗᤠᤎᤠ᤺ᤴᤗᤰ ᤀᤡᤶᤔᤥ᤺ᤰ ᤐᤥ᤺ᤱᤗᤥ॥  
\v 23 ᤀᤡᤱᤃᤠ᤹ ᤛᤣᤘᤠ ᤆᤥᤃᤢᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤗᤠᤀᤡᤱᤒᤧᤴ ᤀᤠᤴᤍᤧ᤺ᤴ ᤛᤧᤴᤍᤡᤰ ᤀᤡᤱᤃᤠ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ  
\v 24 ᤀᤰᤂᤣ ᤔᤧᤳᤋᤠᤱ. ‘ᤐᤠᤘᤗᤀᤣ. ᤔᤧᤃᤡᤛᤧᤴᤏᤧ᤹ᤀᤥ. ᤂᤧᤏᤧ᤹ᤃ ᤛᤡᤈᤖᤗᤧ ᤁᤢᤍᤃᤡ ᤂᤠᤛᤧᤴ ᤗᤥ᤺ᤴᤇᤡᤱᤛᤧ ᤕᤧᤵᤔᤠᤀᤣ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ᤏᤢ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠᤜᤠ᤹ᤀᤠᤱ ᤜᤡᤱᤄᤢᤛᤡ᤹ᤖᤥ॥’  
\v 25 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤍᤠᤱᤒᤠᤛᤣ. ᤜᤠᤱᤜᤠᤱ ᤗ᤹ᤖᤧᤶᤔᤧ᤹ᤀᤥ᥄ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤱᤗᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤧᤳᤋᤠᤱᤒᤠ ᤁᤢᤀᤡᤛᤡ᤺ᤰ ᤁᤧᤳᤗᤥ॥  
\v 26 ᤜᤧᤰᤁᤣᤛᤠᤱ ᤀᤠᤏᤡ᤹ᤃ ᤁᤢᤓᤠ ᤘᤠᤃᤵᤂᤠᤶᤔᤥ ᤀᤠᤜᤠᤰᤛᤡᤱᤗᤥ॥” 
\p  
\v 27 ᤂᤠᤶᤍᤥᤗᤢᤶ ᤘᤖᤰᤁᤥ ᤛᤢᤖᤡᤳ ᤁᤣᤈᤱᤅᤡᤸᤗᤧ ᤕᤠᤵᤔᤡ ᤔᤢ᤺ᤳᤋᤧᤒᤠ ᤌᤡᤰ-ᤗᤡ (᥇᥊) ᤕᤧᤴ ᤐᤥ᤺ᤰᤂᤧ ᤆᤢᤖᤧᤀᤠᤱ ᤘᤕᤧᤖᤥ॥ ᤛᤧᤳᤗᤢᤶᤓᤰᤋᤧᤸᤗᤧ ᤘᤠᤍᤥᤆᤠ᤺ᤰᤐᤠᤜᤠ᤹ᤖᤧ ᤗᤠᤈᤣ᤹ᤖᤧ ᤁᤢᤒᤣᤛᤠᤱ ᤔᤧᤃᤧᤖᤧᤒᤠ ᤏᤡᤱᤘᤠ᤹ ᤔᤧᤄᤥ᤺ᤛᤢᤖᤥ॥  
\v 28 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤆᤫᤠ᤺ᤳᤋᤡᤸᤗᤧ ᤁᤢᤓᤡ᤺ᤶᤔᤧᤴ ᤀᤠᤰᤂᤧᤶᤔᤩᤠᤰ ᤏᤧᤒᤣ ᤑᤠ᤹ᤀᤠᤱ ᤗᤢᤱᤅᤡᤴ ᤀᤡᤍᤠ᤺ᤰᤁᤡᤸᤗᤧ ᤀᤡᤔᤧᤄᤣ᤺ᤰᤂᤢᤀᤠᤱ ᤆᤫᤠ᤺ᤳᤋᤥ ᤔᤧᤎᤠᤛᤢᤀᤠᤱ ᤔᤧᤛᤡ᤺ᤰᤋᤢᤸᤗᤧ ᤜᤢᤰᤛᤡᤰ ᤕᤧᤳᤁᤡᤵ (᥎᥆) ᤔᤧᤄᤥ᤺ᤛᤢ॥ ᤜᤧᤰᤁᤩᤠᤱ ᤛᤵᤑᤠᤱ ᤔᤧᤛᤡ᤺ᤰᤋᤢᤸᤗᤧ ᤜᤢᤰᤛᤡᤰ ᤋᤢᤰᤁᤡᤵ (᥌᥆) ᤔᤧᤄᤥ᤺ᤛᤢᤖᤥ॥  
\v 29 ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤢᤕᤠᤀᤥᤒᤠ ᤐᤕᤶ ᤗᤢᤱᤅᤥ ᤀᤠᤍᤥ᤺ᤰᤐᤡᤗᤠ ᤑᤠ᤹ᤀᤠᤱ ᤛᤠ᤹ᤖᤡᤰ ᤔᤧᤃᤡᤛᤧᤀᤠᤱ ᤘᤠᤗᤠᤎᤠ᤺ᤸᤗᤧ ᤁᤢᤀᤣ᤺ᤰᤗᤧᤵᤔᤠᤱᤏᤢ ᤗᤡᤛᤡ ᤘᤠᤍᤥᤂᤧ᤺ᤰᤆᤢᤖᤡᤜᤠ᤹ ᤔᤧᤎᤠᤛᤢᤀᤠᤱ ᤀᤠᤸᤗ ᤜᤠᤖᤠ ᤂᤠᤀᤥ᤺ᤳᤏᤡᤖᤥ ᤑᤠ᤹ᤀᤠᤱ ᤋᤢᤘᤠ ᤆᤥ᤺ᤰᤔᤠ ᤔᤧᤜᤣ᤺ᤰᤋᤢᤖᤥ॥  
\v 30 ᤜᤧᤰᤁᤩᤠᤱ ᤘᤠᤍᤥᤆᤠ᤺ᤰᤐᤠᤜᤠ᤹ᤖᤧ ᤘᤠᤗᤠᤎᤠᤸᤗᤧᤴ ᤋᤰᤗᤧᤵᤔᤠᤱᤏᤢ ᤘᤠᤍᤥᤂᤧᤰᤆᤢᤖᤡᤜᤠ᤹ ᤁᤧᤎᤠ᤺ᤒᤠ ᤔᤧᤗᤠᤶᤛᤡᤱᤗ ᤂᤧᤳᤇᤡᤱᤔᤠ ᤑᤠ᤹ᤀᤠᤱ ᤂ᤺ᤱᤒᤣᤴ ᤕᤥ ᤆᤫᤠ᤺ᤳᤋᤥ ᤌᤠ᤺ᤔᤠ ᤔᤧᤜᤣ᤺ᤰᤋᤢᤖᤥ॥  
\v 31 ᤁᤖ ᤐᤠᤘᤗᤖᤧ ᤌᤰᤋᤢᤶᤒᤠ ᤏᤢ ᤌᤰᤛᤢᤒᤠᤜᤠ᤹ ᤔᤧᤳᤋᤢᤛᤡ. “ᤁᤴ ᤘᤠᤍᤥᤆᤠ᤺ᤰᤐᤠᤜᤠ᤹ ᤁᤴ ᤘᤠᤗᤠᤎᤠᤀᤥ ᤔᤧᤴᤕᤠ᤺ᤰᤏᤧᤴᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤧᤴᤜᤡᤱᤅᤡᤴᤗᤥ॥”  
\v 32 ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ᤖᤧ ᤂ᤺ᤱᤒᤣᤴ ᤁᤧᤓᤥ᤺ᤶᤒᤠᤀᤠᤱ ᤁᤧᤒᤵᤐᤠ ᤀᤡᤍᤠ᤺ᤰᤜᤠ᤹ ᤔᤧᤄᤰᤋᤢ ᤔᤧᤍᤣ᤺ᤛᤢᤀᤠᤱ ᤂ᤺ᤱᤒᤣᤴ ᤆᤫᤠ᤺ᤳᤋᤥ ᤔᤧᤗᤧᤖᤢ ᤔᤧᤍᤣ᤺ᤛᤢᤖᤥ॥ 
\p  
\v 33 ᤀᤠᤸᤗ ᤂᤠᤀᤥ᤺ᤳᤋᤧᤖ ᤐᤳᤇᤧᤸᤗᤧ ᤐᤠᤘᤗᤖᤧ ᤂᤧᤱᤜᤠ᤹ ᤁᤢᤈᤠᤛᤡᤰ ᤆᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢᤛᤡ. “ᤂᤡᤏᤡ᤹ᤃ ᤁᤧᤃᤡᤛᤡᤒᤠᤸᤗᤧ ᤆᤥᤃᤢᤸᤗᤧ ᤌᤣᤀᤠᤱ ᤔᤧᤴᤈᤠᤀᤣ ᤁᤧᤘᤕᤡᤒᤠ ᤌᤡᤰ-ᤗᤡ (᥇᥊) ᤕᤧᤴ ᤐᤥ᤺ᤰᤂᤧ॥  
\v 34 ᤜᤡᤱᤔᤠᤖᤧ ᤗᤠᤃᤡ ᤌᤣᤀᤡᤃ ᤆᤠᤔᤠᤀᤣ ᤐᤥ᤺ᤱ. ᤜᤧᤰᤁᤣ᤺ᤸᤗᤧ ᤆᤠᤈᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ ᤂᤡᤏᤡ᤹ ᤌᤧᤃᤣ᤺ᤰᤀᤡᤎᤡᤰᤁᤠᤱ ᤌᤣᤀᤠᤱ ᤔᤧᤒᤥ᤺ᤱᤏᤧᤸᤗᤥ॥”  
\v 35 ᤐᤠᤘᤗᤖᤧ ᤜᤧᤰᤁᤣ ᤔᤧᤳᤋᤢ ᤛᤢᤖᤢᤛᤡᤀᤠᤱ ᤁᤢᤓᤠ ᤂᤖᤧ᤺ᤱ ᤂᤵᤛᤢᤀᤠᤱ ᤁᤧᤖᤧᤰᤗᤧ ᤂᤢᤏᤡ᤹ ᤋᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤖ ᤆᤠᤔᤠ ᤜᤣ᤺ᤰᤋᤢᤖᤥ॥  
\v 36 ᤂᤧᤱᤜᤠ᤹ ᤁᤠᤰ ᤜᤠᤱᤜᤠᤱ ᤔᤧᤗ᤹ᤖᤧᤀᤠᤱ ᤆᤠᤈᤠᤔᤠ ᤔᤧᤜᤣ᤺ᤰᤋᤢ॥  
\v 37 ᤀᤠᤏᤡᤃᤧ ᤘᤠᤗᤠᤎᤠᤀᤥ ᤁᤡᤵ ᤌᤡᤰ ᤏᤧᤳᤇᤡᤀᤠᤱ ᤏᤢ-ᤋᤢᤰ (᥈᥍᥌) ᤔᤏᤠᤜᤠ᤹ ᤕᤠᤰᤔᤏᤠᤖᤥ॥  
\v 38 ᤁᤧᤖᤧᤰᤗᤧ ᤂᤢᤏᤡ᤹ ᤂᤠᤄᤠ ᤆᤠ ᤔᤧᤈᤀᤠᤱ ᤘᤠᤗᤠᤎᤠ᤺ᤴ ᤕᤠᤱ ᤕᤠᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤛᤡ-ᤈᤠᤜᤠ᤹ ᤆᤫᤠ᤺ᤳᤋᤥ ᤗᤠᤵᤔᤧᤓᤢᤛᤢᤖᤥ॥ 
\p  
\v 39 ᤜᤧᤰᤁᤩᤠᤱ ᤏᤠᤶᤒᤡᤴᤍᤧᤀᤠᤱ ᤘᤠᤍᤥᤆᤠ᤺ᤰᤐᤠᤜᤠ᤹ᤖᤧ ᤘᤠᤖᤰ ᤁᤢᤕᤠᤀᤥᤒᤠ ᤕᤧ᤺ᤱᤄᤠ ᤋᤧᤴ ᤔᤧᤏᤡ᤺ᤛᤢ. ᤁᤖ ᤗᤠᤈᤣ᤹ᤀᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ॥ ᤜᤧᤰᤁᤩᤠᤱ ᤁᤢᤕᤠᤀᤥ ᤋᤣ᤹ᤔᤠᤀᤠᤱ ᤁᤧᤗᤢᤶᤛᤡᤱᤒᤠᤀᤠᤱ ᤁᤧᤏᤧᤒᤠ ᤕᤧ᤺ᤱᤄᤠᤀᤥ ᤘᤠᤗᤠᤎᤠ᤺ᤴ ᤜᤠᤰᤔᤠ ᤏᤡᤱᤘᤠ᤹ ᤏᤡ᤺ᤴᤎᤥ ᤔᤧᤈᤥᤃᤢᤖᤥ॥  
\v 40 ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤘᤠᤍᤥᤂᤧ᤺ᤰᤆᤢᤖᤡ ᤀᤡᤍᤠ᤺ᤰᤜᤠ᤹ ᤔᤧᤄᤰᤋᤢᤀᤠᤱ ᤘᤖᤰᤁᤥ ᤔᤧᤏᤡ᤺ᤒᤧ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤁᤢᤍᤥ᤺ᤶᤔᤠ ᤁᤢᤜᤡᤔᤠ ᤛᤡᤱᤅᤡᤴ ᤁᤧᤎᤶᤒᤠᤀᤠᤱ ᤁᤧᤒᤵᤐᤠ ᤀᤡᤍᤠ᤺ᤰᤜᤠ᤹ᤀᤠᤱ ᤔᤧᤓᤠ᤺ᤰᤂᤢ ᤔᤧᤍᤣ᤺ᤛᤢᤖᤥ॥ ᤂᤧᤱᤜᤠ᤹ᤖᤧ ᤘᤠᤍᤥᤛᤠᤖᤡ᤺ᤴ ᤔᤧᤓᤠ᤺ᤰᤂᤢᤀᤠᤱ ᤔᤧᤓᤥ᤺ᤴᤍᤢ॥ ᤜᤧᤰᤁᤣᤗ᤹ᤖᤡᤰ ᤛᤢᤖᤡᤳᤔᤠᤸᤗᤧ ᤘᤠᤗᤠᤎᤠ᤺ᤴ ᤔᤢ᤺ᤳᤋᤢᤖ ᤁᤢᤕᤠᤀᤥ ᤋᤣ᤹ᤖᤢᤖᤥ॥  
\v 41 ᤁᤖ ᤘᤠᤗᤠᤎᤠ᤺ᤸᤗᤧᤴ ᤋᤰᤗᤧᤵᤔᤠᤱᤒᤧᤴ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤁᤧᤗᤢᤶᤛᤡᤱᤒᤠᤀᤠᤱ ᤁᤧᤏᤧᤒᤠ ᤕᤧ᤺ᤱᤄᤠᤀᤥ ᤛᤠ᤹ᤖᤡᤰ ᤜᤠᤰᤛᤡᤱᤅᤠᤱ ᤔᤢᤶᤔᤠᤀᤠᤱ ᤔᤧᤴᤇᤢᤰᤔᤏᤠ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤀᤣ᤺ᤰᤗᤧᤵᤔᤠᤱᤒᤠᤴ ᤘᤠᤓᤧᤸᤗᤧᤱᤅᤡᤸᤗᤧ ᤜᤡᤵᤋᤢᤀᤠᤱ ᤕᤶᤔᤠ ᤜᤣ᤺ᤰᤋᤧᤖᤥ॥ 
\p  
\v 42 ᤌᤰᤛᤢᤒᤠᤜᤠ᤹ᤖᤧ ᤐᤢᤱᤗᤠᤎᤠᤒᤠᤜᤠ᤹ ᤘᤠᤔᤧᤈᤠ᤺ᤰᤁᤠᤱ ᤔᤧᤄᤧᤳᤇᤡᤱ ᤔᤧᤒᤣ᤺ᤰ ᤑᤠ᤹ᤀᤠᤱ ᤛᤧᤵᤔᤠᤛᤡ ᤏᤡᤱᤛᤣ᤺ᤰ ᤔᤧᤈᤥᤃᤢ॥  
\v 43 ᤁᤖ ᤌᤰᤋᤢᤶᤒᤠᤸᤗᤧ ᤐᤠᤘᤗᤧᤴ ᤋᤠᤱᤛᤧ᤺ᤵᤔᤠ ᤑᤠ᤹ᤀᤠᤱ ᤔᤠ᤹ᤖᤢᤀᤠᤱ ᤘᤠᤈᤠ᤺ᤰᤔᤠ ᤁᤧᤗᤧᤒᤠᤜᤠ᤹ ᤋᤃᤡ ᤔᤧᤒᤡᤴ ᤔᤧᤎᤠᤏᤡᤀᤠᤱ ᤘᤠᤔᤧᤈᤠ᤺ᤰᤁᤠᤱ ᤁᤢᤕᤠᤀᤥ ᤔᤧᤒᤣ᤺ᤰᤏᤡ ᤜᤧᤰᤁᤩᤠᤱ  
\v 44 ᤘᤠᤈᤠ᤺ᤰᤔᤠ ᤔᤧᤸᤗᤧ᤺ᤔᤏᤠᤒᤠᤜᤠ᤹ ᤛᤡᤱᤓᤧᤸᤗᤧᤰ ᤏᤢ ᤁᤧᤕᤶᤒᤠ ᤘᤠᤗᤠᤎᤠ ᤛᤡᤱ ᤜᤧᤵᤔᤥ ᤔᤧᤄᤡᤶᤛᤡᤱᤅᤠᤱ ᤘᤠᤔᤧᤈᤠ᤺ᤰᤗ ᤁᤢᤕᤠᤀᤥ ᤔᤧᤒᤣ᤺ᤰᤏᤡ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤛᤡ॥ ᤜᤧᤰᤁᤣᤗ᤹ᤖᤡᤰ ᤁᤧᤖᤧᤰ ᤌᤣᤀᤠᤱ ᤔᤧᤶᤒᤥ᤺ᤱᤅᤣ ᤀᤠᤏᤡᤃᤧ ᤁᤢᤕᤠᤀᤥ ᤁᤧᤵᤔᤏᤠᤖᤥ॥ 
\c 28  
\s1 ᤐᤠᤘᤗᤧᤴ ᤔᤠᤸᤋᤠ ᤘᤠᤃᤵᤂᤠᤶᤔᤥ 
\p  
\v 1 ᤜᤧᤰᤁᤩᤠᤱ ᤀᤠᤏᤡᤃᤧ ᤁᤧᤖᤧᤰ ᤌᤣᤀᤠᤱ ᤔᤧᤶᤒᤥ᤺ᤱᤅᤣ ᤁᤢᤕᤠᤀᤥ ᤗ᤺ᤴᤍᤡᤃᤧᤀᤠᤱ ᤁᤴ ᤘᤠᤃᤵᤂᤠᤶᤔᤡᤸᤗᤧ ᤁᤢᤔᤡᤱ ᤔᤠᤸᤋᤠ ᤘᤕᤧᤒᤠᤴ ᤏᤡᤱᤘᤠ᤹ ᤂᤥ᤺ᤶᤏᤠᤖᤥ॥  
\v 2 ᤂᤧᤵᤔᤥ ᤁᤧᤕᤢᤱᤒᤠ ᤐᤠᤱᤋᤡᤒᤠ ᤕᤰᤕᤢᤱᤒᤠᤜᤠ᤹ᤖᤧ ᤀᤠᤏᤡᤃᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤔᤧᤍᤢᤰᤋᤡᤃᤧᤀᤠᤱ ᤔᤡᤔᤧᤍᤢᤵᤋᤢᤀᤠᤱ ᤗᤠᤱᤍᤠ᤺ᤰᤔᤠ ᤔᤧᤒᤡᤖᤡᤃᤧᤖᤥ. ᤌᤣᤀᤠᤱᤓᤧᤸᤗᤧ ᤘᤠᤜᤡᤳᤔᤠᤴ ᤌᤩᤧᤖ ᤐᤳᤇᤧᤀᤠᤱ ᤆᤢᤱᤈᤡ᤺ᤰᤋᤧᤖᤥ॥ 
\p  
\v 3 ᤐᤠᤘᤗᤖᤧ ᤛᤡᤱᤔᤢᤈᤡ᤹ ᤛᤢᤵᤛᤢᤖ ᤔᤡᤀᤥ ᤁᤣ᤺ᤳᤋᤢᤸᤗᤧ ᤔᤡ᤺ᤸᤗᤧ ᤕᤧᤶᤍᤢᤀᤠᤱ ᤀᤛᤣ᤺ᤰᤐᤧᤴ ᤂᤧᤴ ᤛᤡᤱᤔᤢᤈᤡ᤹ᤀᤥᤏᤢ ᤗ᤺ᤴᤍᤧᤀᤠᤱ ᤐᤠᤘᤗᤖᤧ ᤁᤢᤜᤢᤰᤁᤥ ᤁᤡᤳᤇᤡᤱᤗᤥ॥  
\v 4 ᤐᤠᤱᤋᤡᤒᤠ ᤕᤰᤕᤢᤱᤒᤠᤜᤠ᤹ᤖᤧ ᤐᤠᤘᤗᤖᤧ ᤁᤢᤜᤢᤰᤁᤥ ᤀᤛᤣ᤺ᤰᤐᤧᤴ ᤁᤡᤳᤇᤡᤱᤒᤠ ᤔᤧᤏᤡ᤺ᤛᤢᤀᤠᤱ ᤀᤰᤂᤣ ᤔᤧᤔᤧᤳᤇᤡᤱ. “ᤁᤱᤃ ᤛᤧᤰᤂᤠᤛᤠᤱ ᤔᤏᤠ ᤁᤧᤛᤧᤵᤐᤠᤀᤣᤖᤥ॥ ᤁᤴ ᤘᤠᤜᤱᤅᤥᤗᤠᤶ ᤜᤡᤅᤧᤛᤠᤱ ᤁᤴ ᤂᤠᤛᤧᤴ ᤁᤧᤗᤥ᤺ᤶᤒᤠ ᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱᤗᤠᤶ ᤐᤡᤶᤔᤠ ᤔᤧᤛᤢᤰᤋᤧᤴᤗᤥ॥”  
\v 5 ᤁᤖ ᤐᤠᤘᤗᤖᤧ ᤂᤧᤴ ᤀᤛᤣ᤺ᤰᤐᤧᤸᤗᤧ ᤀ᤺ᤰᤔᤠ ᤔᤧᤱᤄᤥᤀᤣ ᤔᤡᤀᤥ ᤛᤠᤰᤂᤢ ᤁᤣ᤺ᤳᤋᤢᤀᤠᤱ ᤌᤣᤀᤠᤱ ᤔᤧᤒᤥ᤺ᤰᤂᤧᤴᤗᤥ॥  
\v 6 ᤀᤠᤸᤗ ᤐᤠᤘᤗᤧᤴ ᤌᤱᤍᤢᤀᤠᤱ ᤜᤷᤃᤢᤵ ᤆᤥ᤺ᤴᤏᤠᤱ ᤛᤡ᤹᤺ ᤗ᤹ᤖᤡᤰ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤀᤠᤱ ᤔᤏᤠᤜᤠ᤹ᤖᤧ ᤔᤧᤜᤠᤱᤄᤢᤖᤥ॥ ᤕᤖᤡᤰ ᤕᤧᤶ ᤔᤧᤜᤠᤱᤄᤢᤛᤠᤱ ᤂᤢᤏᤧ᤹ ᤌᤧᤔᤠᤀᤠᤱ ᤔᤧᤒᤥ᤺ᤰᤂᤧᤶᤒᤠ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤔᤧᤗᤧᤰᤂᤢᤖ ᤀᤰᤂᤣ ᤔᤧᤔᤧᤳᤇᤡᤱᤗᤥ. “ᤁᤱᤃ ᤛᤧᤰᤂᤠᤛᤠᤱ ᤔᤠᤱᤗᤥ॥” 
\p  
\v 7 ᤂᤧᤵᤔᤥ ᤏᤡ᤺ᤳᤋᤠᤱᤅᤣ ᤂᤧᤴ ᤘᤠᤃᤵᤂᤠᤶ ᤕᤢᤰᤐᤠ ᤐᤒ᤻ᤗᤡᤕᤛᤖᤧ ᤁᤢᤗᤠᤈᤣ᤹ ᤏᤧᤛ᤻ᤛᤧ॥ ᤂᤧᤸᤗᤧ ᤀᤠᤏᤡᤃᤧ ᤁᤢᤜᤡᤶᤔᤥ ᤋᤣ᤹ᤖᤡᤃᤧᤀᤠᤱ ᤛᤠ᤹ᤖᤡᤰ ᤏᤢ᤺ᤖᤡᤰ ᤔᤧᤳᤋᤡᤃᤧᤖ ᤛᤢᤶᤕᤧᤴ ᤌᤠᤖᤡᤰ ᤋᤖᤣ ᤕᤠᤵᤔᤡ ᤋᤥ᤺ᤛᤧᤖᤥ॥  
\v 8 ᤐᤒ᤻ᤗᤡᤕᤛᤖᤧ ᤁᤢᤶᤒᤠ ᤋᤢᤱ ᤏᤢ ᤔᤠᤰᤂᤡ᤹ ᤜᤡᤒᤡ᤺ᤵᤔᤠᤸᤗᤧ ᤋᤖᤢᤀᤠᤱ ᤏᤧᤳᤏᤠᤀᤥ ᤏᤧᤛ᤻ᤛᤧ॥ ᤜᤧᤰᤁᤣ᤺ᤸᤗᤧ ᤐᤠᤘᤗᤧᤴ ᤁᤢᤜᤡᤶᤔᤥ ᤐᤣᤀᤠᤱ ᤋᤢᤘᤠ ᤆᤥᤃᤢ ᤐᤡᤖᤢᤀᤠᤱ ᤜᤢᤰ ᤏᤧᤛ᤻ᤛᤢᤀᤠᤱ ᤘᤣ᤺ᤴᤍᤢᤖᤥ॥  
\v 9 ᤀᤰᤂᤣ ᤐᤥ᤺ᤰᤂᤧᤸᤗᤧ ᤘᤠᤃᤵᤗᤠᤈᤣ᤹ᤀᤥᤒᤠ ᤁᤠᤰ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤔᤧᤍᤩᤧᤀᤠᤱ ᤔᤧᤘᤣ᤺ᤳᤋᤧᤖᤥ॥  
\v 10 ᤂᤧᤱᤜᤠ᤹ᤖᤧ ᤕᤖᤡᤰ ᤀᤡᤱᤎᤠ᤺ᤱ ᤔᤧᤒᤡᤖᤡᤃᤧᤖ ᤔᤡᤰᤋᤥ᤺ᤰ ᤏᤢ ᤆᤧᤛ᤻ᤛᤢᤱᤜᤠ᤹ ᤔᤧᤍᤥ᤺ᤴᤍᤡ ᤔᤧᤒᤡᤖᤡᤃᤧ॥ ᤕᤠᤱᤛᤡ ᤐᤣ᤺ᤰᤔᤠ ᤕᤧᤶ ᤐᤥ᤺ᤰᤂᤧᤸᤗᤧ ᤘᤠᤗᤠᤶᤍᤡ᤺ᤰᤁᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤁᤧᤖᤧᤰ ᤆᤡᤃ᤺ᤰᤘᤠᤜᤠ᤹ ᤘᤠᤗᤠᤎᤠᤀᤥ ᤔᤧᤕᤠᤰᤋᤢ ᤔᤧᤒᤡᤖᤡᤃᤧᤖᤥ॥ 
\p  
\v 11 ᤜᤧᤰᤁᤩᤠᤱ ᤂᤧᤵᤔᤥ ᤗᤠ ᤛᤢᤶᤛᤡ ᤌᤠᤖᤡᤰ ᤘᤕᤡᤃᤧᤀᤠᤱ ᤂᤧᤵᤔᤥ ᤀᤗᤧᤰᤈᤧᤴᤍᤪᤡᤕᤠᤗᤠᤶ ᤁᤧᤍᤠ᤺ᤒᤠ ᤁᤠᤵᤛᤠᤒᤠ ᤃᤪᤡᤁ ᤔᤠᤱᤜᤠ᤹ᤖᤧᤴ ᤂᤥ᤺ᤶᤔᤏᤠᤒᤠ ᤀᤡᤳᤇᤠᤵ ᤁᤧᤒᤵᤐᤠ ᤘᤠᤗᤠᤎᤠᤀᤥ ᤗᤠ᤺ᤵᤔᤏᤠᤀᤠᤱ ᤀᤠᤏᤡᤃᤧ ᤘᤠᤗᤠᤶᤍᤡ᤺ᤰᤁᤥ ᤌᤠᤛᤡᤱᤔᤏᤠᤖᤥ॥ ᤂᤧᤴ ᤘᤠᤗᤠᤎᤠ᤺ᤴ ᤆᤢᤱᤘᤠ᤺ᤶᤔᤠᤀᤥ ᤂᤧᤴ ᤘᤠᤃᤵᤂᤣ᤺ᤱᤅᤥ ᤋᤩᤧᤀᤠᤱ ᤘᤕᤧᤖᤥ॥  
\v 12 ᤜᤧᤰᤁᤩᤠᤱ ᤀᤠᤏᤡᤃᤧ ᤛᤡᤖᤠᤁᤛ ᤔᤧᤵᤔᤏᤠᤒᤠ ᤕᤧᤰᤕᤰᤁᤥ ᤁᤧᤵᤔᤏᤠᤀᤠᤱ ᤛᤢᤶᤕᤧᤴ ᤌᤠᤖᤡᤰ ᤂᤧᤵᤔᤥ ᤏᤧᤔᤏᤠ॥  
\v 13 ᤂᤧᤵᤔᤥᤗᤠᤶ ᤌᤠᤛᤡᤱᤔᤏᤠᤀᤠᤱ ᤀᤡᤋᤠᤗᤡ ᤗᤠᤈᤣ᤹ᤒᤠ ᤖᤣᤃᤡᤕᤔ ᤔᤧᤵᤔᤏᤠᤒᤠ ᤕᤧᤰᤕᤰᤁᤥ ᤁᤧᤵᤔᤏᤠᤖᤥ॥ ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤗᤠᤱᤃᤧᤳ ᤐᤡᤛᤠᤱᤗᤠᤶ ᤛᤢᤖᤡᤳ ᤁᤣᤈᤱ ᤜᤢ᤺ᤖᤧ. ᤜᤧᤰᤁᤩᤠᤱ ᤌᤠᤛᤡᤱᤔᤏᤠᤀᤠᤱ ᤁᤢᤀᤠᤳᤇᤧᤴᤍᤠ᤺ᤴ ᤐᤋᤡᤀᤥᤗᤡ ᤔᤧᤵᤔᤏᤠᤒᤠ ᤐᤠᤱᤈᤢᤶᤔᤥ ᤁᤧᤵᤔᤏᤠᤖᤥ॥  
\v 14 ᤂᤧᤵᤔᤥ ᤀᤠᤏᤡᤃᤧ ᤁᤢᤓᤠ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤋᤢᤶᤔᤏᤠᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤧᤳᤏᤠᤶᤎᤡᤰ ᤕᤠ᤺ᤰᤋᤧᤶᤔᤧ᤹ ᤗ᤹ᤖᤡᤰ ᤐᤣᤗᤡ ᤕᤠᤵᤔᤡ ᤔᤧᤓᤠᤰᤋᤧᤖᤥ॥ ᤀᤠᤏᤡᤃᤧ ᤂᤢᤴᤇᤡ᤹ᤏᤢ ᤕᤧᤴᤏᤠᤶᤎᤡᤰ ᤕᤠ᤺ᤰᤔᤏᤠᤀᤠᤱ ᤖᤥᤔ ᤗᤧᤵᤔᤠᤱ ᤌᤠᤛᤡᤱᤔᤏᤠᤖᤥ॥  
\v 15 ᤖᤥᤶᤔᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤀᤠᤏᤡᤃᤧ ᤋᤩᤧ᤹ᤀᤡᤃᤧᤖ ᤐᤳᤇᤡᤃᤧᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤀᤵᤐᤡᤕᤠᤛ᤻ᤔᤠ ᤐᤠᤱᤈᤢᤶ ᤏᤢ ᤛᤢᤶᤛᤡ ᤀᤡ᤺ᤰᤂᤡᤶ ᤔᤧᤵᤔᤏᤠᤒᤠ ᤍᤧᤴᤏᤥ ᤀᤠᤏᤡᤃᤧ ᤋᤢᤶᤛᤧ ᤗᤠᤶᤍᤣ᤺ᤱ ᤌᤠᤖᤡᤰ ᤗᤠᤶᤗᤰᤛᤧ ᤔᤧᤍᤩᤧᤖᤥ॥ ᤜᤧᤰᤁᤩᤠᤱ ᤐᤠᤘᤗᤖᤧ ᤂᤧᤱᤜᤠ᤹ ᤏᤡ᤺ᤛᤢᤛᤡᤀᤠᤱ ᤜᤠᤱᤜᤠᤱ ᤐᤥ᤺ᤰᤂᤧᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤖᤥ॥  
\v 16 ᤀᤠᤏᤡᤃᤧ ᤖᤥᤶᤔᤥ ᤁᤧᤵᤔᤏᤠᤀᤠᤱ ᤂᤧᤵᤔᤥ ᤌᤰᤛᤢᤒᤠ ᤁᤥᤔᤠᤀᤥ ᤐᤠᤘᤗᤖᤧ ᤀᤠᤒᤠᤅᤣ ᤋᤱᤃᤠᤶ ᤆᤥᤃᤢᤒᤠ ᤕᤧᤱᤘᤠᤜᤡᤶᤔᤥ ᤘᤠ᤹ᤔᤠ ᤔᤧᤒᤠᤱᤄᤢᤖᤥ॥ 
\p  
\v 17 ᤛᤢᤶᤕᤧᤴ ᤀᤣᤃᤠᤱ ᤐᤠᤘᤗᤖᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤆᤢᤶᤗᤢᤱᤅᤥ ᤀᤢ᤺ᤳᤋᤢᤛᤡᤀᤠᤱ ᤂᤧᤱᤜᤠ᤹ ᤔᤧᤈᤢᤵᤛᤧᤸᤗᤧ ᤀᤰᤂᤣ ᤔᤧᤳᤋᤢᤛᤡᤖᤥ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤀᤡᤱᤃᤠ᤹ᤃ ᤀᤠᤏᤡ᤹ ᤔᤏᤠᤜᤠ᤹ ᤏᤢ ᤀᤠᤏᤡ᤹ ᤛᤢᤎᤧᤒᤠᤜᤠ᤹ᤖᤧ ᤀᤠᤶᤒᤡᤖᤧ ᤀᤠᤶᤕᤢᤛᤧᤒᤠ ᤛᤠᤰᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤣᤀᤠᤱ ᤔᤧᤶᤒᤠ᤺ᤵᤐᤧᤴᤗᤥ. ᤜᤧᤰᤁᤣᤛᤠᤱ ᤀᤡᤱᤃᤠ᤹ᤃ ᤕᤖᤢᤛᤗᤧᤶᤔᤥ ᤔᤧᤍᤧᤶᤛᤠᤱᤅᤠᤱ ᤖᤥᤔᤡ ᤛᤢᤜᤠᤱᤕᤢᤰᤐᤠᤜᤠ᤹ᤖᤥ ᤜᤢᤰᤔᤧᤛᤢᤵᤋᤠᤱᤗᤥ॥  
\v 18 ᤂᤧᤱᤜᤠ᤹ᤖᤧ ᤀᤡᤱᤃᤠ᤹ ᤔᤧᤛᤠ᤹ᤖᤠᤱᤅᤠᤱ ᤕᤠᤵᤔᤡ ᤗᤧᤵᤔᤠᤍᤣ᤺ᤔᤠ ᤏᤡᤱᤘᤠ᤹ ᤔᤧᤈᤥᤃᤢ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤛᤡ᤺ᤔᤧᤸᤗᤧ ᤂᤢᤶᤍᤡᤱ ᤂᤥ᤺ᤔᤠ ᤌᤣᤀᤠᤱ ᤑᤧᤴ ᤐᤠ᤺ᤴ ᤔᤧᤴᤈᤥ᤺ᤰᤁᤣ ᤘᤕᤠᤱᤗᤥ॥  
\v 19 ᤀᤠᤏᤡ᤹ ᤀᤠᤒᤠᤅᤣ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤀᤠᤵᤋᤡᤰ ᤌᤣᤀᤠᤱ ᤔᤧᤃᤳᤋᤠᤴᤇᤠᤱ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤛᤠ᤹ᤖᤡᤰ ᤔᤧᤀᤳᤋᤠᤱᤅᤡᤸᤗᤧ ᤀᤡᤱᤃᤠ᤹ ᤜᤠᤱ ᤕᤢᤰᤐᤠ ᤛᤡᤈᤖᤗᤥ ᤕᤧᤰᤐᤣᤗᤡ ᤆᤥ᤺ᤰᤔᤠᤀᤣ ᤁᤧᤒᤥ᤺ᤱᤒᤠ ᤐᤥ᤺ᤰᤂᤠᤱᤗᤥ॥  
\v 20 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤀᤡᤱᤃᤠ᤹ ᤂᤡᤏᤡ᤹ᤏᤢ ᤋᤢᤶᤔᤠᤀᤠᤱ ᤌᤣᤀᤠᤱ ᤀᤠᤵᤋᤡᤰ ᤔᤧᤃᤢ᤺ᤳᤋᤠᤱ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤆᤧᤱᤔᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤁᤵᤔᤥ ᤋᤩᤧᤶᤔᤧ᤹ ᤑᤠ᤹ᤀᤠᤱ ᤀᤢ᤺ᤳᤏᤡᤱᤒᤠᤖᤥ॥ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤋᤠ᤺ ᤁᤧᤗ᤹ᤒᤠ ᤏᤡᤱᤛᤠᤱ ᤔᤧᤈᤥᤃᤢᤒᤠ ᤔᤠᤱᤌᤢᤰᤐᤧᤴ ᤏᤛᤠ᤺ᤴ ᤆᤥᤃᤢᤱᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤀᤠᤀᤡᤴ ᤁᤴ ᤀᤡᤄᤣ᤺ᤱᤅᤥ ᤌᤩᤠᤱᤅᤠᤱ ᤘᤠ᤹ᤀᤠᤖᤥ॥” 
\p  
\v 21 ᤂᤧᤱᤜᤠ᤹ᤖᤧ ᤂᤢᤏᤧ᤹ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧᤃ ᤕᤜᤢᤍᤡᤕᤠᤗᤠᤶ ᤁᤧᤕᤠ᤺ᤶᤒᤣᤀᤥ ᤌᤣᤀᤠᤱ ᤛᤰᤀᤡᤱᤄᤱ ᤔᤧᤱᤄᤥᤀᤣ ᤘᤕᤡᤃᤧᤖᤥ॥ ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤑᤧᤴ ᤐᤠ᤺ᤴᤜᤠ᤹ ᤁᤧᤍᤠ᤺ᤵᤐᤠ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤔᤧᤜᤥ᤺ᤵᤗᤥ॥  
\v 22 ᤁᤖ ᤁᤴ ᤁᤧᤏᤠ᤺ᤳᤋᤢ ᤁᤧᤀᤡ᤺ᤳᤋᤢᤀᤠᤱ ᤁᤧᤘᤠ᤹ᤒᤠ ᤏᤡᤛᤠᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤧᤒᤠ᤺ᤳᤋᤢᤒᤠ ᤀᤠᤳᤋᤡᤛᤠᤱ ᤂᤧᤵᤛᤢᤶᤒᤧᤖ ᤘᤕᤡᤃᤧ॥ ᤁᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤧᤏᤧ᤹ ᤁᤧᤏᤡᤱᤘᤠ᤹ ᤌᤧᤔᤠ ᤘᤠ᤹ᤒᤣ ᤑᤠ᤹ᤀᤠᤱ ᤂᤧᤶᤔᤠ ᤛᤡᤖᤠ᤹ ᤌᤠᤅᤧᤀᤠᤱ ᤘᤠ᤹ᤖᤥ॥” 
\p  
\v 23 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤐᤠᤘᤗᤏᤢ ᤕᤠᤶᤔᤥ ᤋᤢᤶᤔᤠ ᤕᤧᤶ ᤏᤡ᤺ᤴᤎᤥ ᤔᤧᤈᤥᤃᤢ ᤜᤧᤰᤁᤩᤠᤱ ᤂᤧᤴ ᤕᤧᤶᤔᤥ ᤂᤧᤱᤜᤠ᤹ ᤐᤠᤘᤗᤖᤧ ᤁᤢᤕᤧᤱᤘᤠᤜᤡᤶᤔᤥ ᤕᤖᤡᤰ ᤔᤧᤍᤩᤧᤖᤥ॥ ᤜᤧᤰᤁᤩᤠᤱ ᤐᤠᤘᤗᤖᤧ ᤋᤠᤏᤠᤶᤏᤢ ᤏᤠᤶᤎᤩᤧᤖ ᤌᤠᤖᤡᤰ ᤏᤡᤱᤘᤠ᤹ᤑᤢᤜᤠᤱᤈᤢᤶ ᤏᤢ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤂᤧᤱᤜᤠ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤆᤥ᤺ᤰᤔᤠᤛᤡ ᤑᤠ᤹ᤀᤠᤱ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤛᤠᤵᤗᤠᤗᤠᤶ ᤁᤢᤒᤣ ᤜᤴᤍᤢᤀᤠᤱ ᤆᤧᤰᤋᤢᤛᤡᤖᤥ॥  
\v 24 ᤂᤧᤱᤜᤠ᤹ ᤁᤢᤓᤠᤖᤧᤃ ᤐᤠᤘᤗᤖᤧ ᤐᤠ᤺ᤳᤋᤢᤒᤠᤴ ᤏᤠᤔᤧᤛᤠ᤹ᤖᤢ ᤁᤖ ᤘᤣ᤹ᤜᤠ᤹ᤖᤧᤃ ᤏᤠᤔᤧᤴᤇᤠ᤹ᤖᤢᤴᤗᤥ॥  
\v 25 ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤡ᤹ ᤗᤢᤶᤔᤥᤀᤣ ᤏᤡᤱᤘᤠ᤹ ᤔᤧᤴᤍᤱ ᤐᤥ᤺ᤰᤂᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤣ᤺ᤰᤔᤠᤏᤢ᤺ᤸᤗᤧ ᤋᤃᤡ ᤐᤠᤘᤗᤖᤧ ᤀᤰᤂᤣ ᤔᤧᤳᤋᤢᤛᤡ. “ᤛᤧᤰᤂᤠᤀᤣ ᤏᤢ᤺ᤖᤡᤰᤁᤠᤱ ᤛᤣᤛᤣᤔᤠᤱᤅᤡᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤁᤢᤔᤢᤖᤠᤀᤥᤗᤠᤶ ᤂᤡᤏᤡ᤹ ᤌᤠ᤺ᤰᤌᤧᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡᤀᤠᤱ ᤘᤠ᤹ᤖᤥ– 
\q1  
\v 26 ‘ᤁᤴ ᤔᤏᤠᤜᤠ᤹ᤖᤥ ᤐᤣᤃᤧ᤹ᤀᤠᤱ ᤀᤰᤂᤣ ᤔᤧᤳᤋᤧᤛᤧ᤹. 
\q1 ᤀᤠᤒᤠ᤺ᤴᤈᤠᤰᤁᤡᤴ ᤂᤡᤏᤡ᤹ ᤁᤧᤄᤧᤵᤛᤢᤶ ᤀᤠᤸᤗᤛᤠᤱ ᤏᤢ᤺ᤖᤡᤰᤁᤠᤱ ᤁᤧᤄᤧᤵᤛᤢᤶ. 
\q1 ᤁᤖ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤗᤥ॥ 
\q1 ᤀᤠᤕᤠ᤺ᤶᤒᤰᤁᤡᤴ ᤂᤡᤏᤡ᤹ ᤀᤥᤃᤧᤔᤧᤳᤋᤢᤶ ᤀᤠᤸᤗᤛᤠᤱ ᤏᤢ᤺ᤖᤡᤰᤁᤠᤱ ᤀᤥᤃᤧᤔᤧᤳᤋᤢᤶ ᤜᤧᤰᤁᤣᤛᤠᤱ ᤁᤧᤴᤏᤡ᤺ᤛᤢᤶᤔᤡᤴᤗᤥ॥ 
\q1  
\v 27 ᤌᤣᤀᤠᤱᤓᤧᤸᤗᤧ ᤁᤴ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤁᤧᤎᤢᤱᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 
\q1 ᤂᤢᤏᤡ᤹ ᤏᤧᤰᤂᤥ᤹ᤜᤠ᤹ ᤛᤢᤒᤧᤀᤠᤱ ᤐᤳᤗᤥ॥ 
\q1 ᤂᤢᤏᤡ᤹ ᤔᤡᤰᤜᤠ᤹ ᤛᤢᤒᤧᤀᤠᤱ ᤐᤳᤗᤥ॥ 
\q1 ᤔᤧ᤺ᤴᤏᤧ ᤑᤠ᤹ᤃᤪ ᤔᤧᤏᤡ᤺ᤛᤢ. ᤔᤧᤄᤧᤵᤛᤢ. 
\q1 ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤀᤡᤱᤃᤠ᤹ᤀᤥ ᤔᤧᤏᤢ᤺ᤰᤂᤧᤒᤠᤖᤥ 
\q1 ᤜᤧᤰᤁᤩᤠᤱ ᤘᤣ᤺ᤴᤏᤡᤱᤒᤠ ᤘᤕᤧᤖᤥ ᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤖᤥ॥’” 
\p  
\v 28 ᤜᤧᤰᤁᤩᤠᤱ ᤐᤠᤘᤗᤖᤧ ᤁᤢᤏᤢᤵᤔᤥ ᤀᤰᤂᤣ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤴ ᤛᤧᤴᤗᤵᤖᤧ ᤛᤢᤏᤠᤀᤡᤱᤅᤡᤴ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤐᤠᤱᤄᤢᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤢ᤺ᤖᤡᤰᤁᤠᤱ ᤔᤧᤄᤧᤵᤛᤢ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ॥”  
\v 29 ((ᤜᤧᤰᤁᤩᤠᤱ ᤐᤠᤘᤗᤖᤧ ᤁᤴ ᤐᤠ᤺ᤳᤋᤢ ᤛᤢᤖᤢᤀᤠᤱ ᤕᤜᤢᤍᤡᤜᤠ᤹ ᤂᤢᤏᤡ᤹ ᤗᤢᤶᤔᤥ ᤛᤠ᤹ᤖᤡᤰ ᤐᤠ᤺ᤴᤎᤱ ᤔᤧᤎᤰᤋᤧᤖ ᤂᤧᤵᤔᤥᤗᤠᤶ ᤔᤧᤒᤣᤖᤥ॥))  
\v 30 ᤋᤱᤒᤣ ᤏᤧᤳᤇᤡ ᤌᤠᤖᤡᤰ ᤐᤠᤘᤗᤖᤧ ᤀᤠᤒᤠᤅᤣ ᤋᤱᤃᤠᤶ ᤆᤥᤃᤢᤒᤠ ᤕᤧᤱᤘᤠᤜᤡᤶᤔᤥ ᤕᤠ᤺ᤰᤋᤧᤀᤠᤱ ᤁᤢᤍᤢᤶᤛᤧ ᤁᤧᤍᤠ᤺ᤒᤠ ᤁᤧᤖᤧᤰ ᤔᤏᤠᤜᤠ᤹ ᤗᤠᤱᤍᤠ᤺ᤰᤔᤠ ᤐᤡᤖᤢᤛᤡᤖ ᤘᤕᤧᤖᤥ॥  
\v 31 ᤜᤧᤰᤁᤩᤠᤱ ᤔᤧᤱᤃᤡᤀᤣ ᤜᤠᤱᤜᤠᤱ ᤗ᤹ᤖᤡᤰ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤓᤴ ᤆᤥᤃᤢᤖ ᤁᤧᤍᤠ᤺ᤒᤠ ᤁᤧᤒᤣ᤺ᤰᤐᤠᤜᤠ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤜᤢ᤹ᤖᤢᤛᤡᤖᤥ॥ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤜᤧᤰᤁᤣ ᤆᤥ᤺ᤰᤔᤥᤗᤠᤶ ᤂᤢᤏᤧ᤹ ᤛᤠᤰᤔᤠ ᤔᤧᤱᤃᤥ᤺ᤳᤋᤢᤴᤗᤥ॥