\id 2TI \h ᥈ ᤋᤡᤔᤥᤌᤡ \toc1 ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤜᤠᤰᤋᤢᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \toc2 ᥈ ᤋᤡᤔᤥᤌᤡ \toc3 ᥈ ᤋᤡᤔᤥᤌᤡ \mt1 ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤜᤠᤰᤋᤢᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \imt1 ᤏᤡ᤺ᤛᤢᤶ \ip ᤁᤴ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱᤅᤥ ᤛᤣ᤺ᤰᤕᤢᤰᤔᤡᤒᤠ ᤐᤠᤘᤗᤖᤧ ᤂᤢᤏᤧ᤹ᤏᤢ ᤔᤠᤱᤛᤣᤘᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤂᤢᤏᤧ᤹ᤏᤢ᤺ᤸᤗᤧ ᤐᤠ᤺ᤰᤐᤠ ᤋᤡᤔᤥᤌᤡ᤺ᤴ ᤛᤢᤈᤠ ᤐᤡᤖᤢᤒᤠ ᤐᤠ᤺ᤴᤜᤠ᤹ ᤛᤠᤵᤋᤢᤀᤠᤱ ᤐᤳᤗᤥ॥ ᤁᤴ ᤛᤠᤵᤐᤴᤏᤡᤸᤗᤧ ᤁᤢᤗᤢᤶ ᤌᤥ᤺ᤰᤐᤡᤃ ᤏᤠᤛᤡ ᤌ᤺ᤵᤔᤠᤖᤥ॥ ᤁᤵᤔᤥ ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤛᤠᤵᤆᤢᤘᤠᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤋᤥ᤺ᤴᤍᤡ ᤐᤡᤔᤠᤖ ᤘᤠ᤹ᤔᤠ. ᤜᤧᤰᤁᤩᤠᤱ ᤛᤢᤏᤠᤀᤡᤱ ᤏᤢ ᤋᤃᤡᤒᤠ ᤔᤠᤱᤜᤢᤵᤗᤧᤴ ᤛᤧᤰᤂᤠᤒᤠ ᤏᤡᤛᤠᤶᤔᤥ ᤗᤡᤱᤒᤡᤳᤋᤠᤱ ᤘᤠ᤹ᤔᤠ ᤐᤥ᤺ᤱ॥ ᤀᤡᤏᤥᤃᤧᤴ ᤋᤢᤰᤂᤣ ᤏᤢ ᤋᤰᤗᤧᤱᤘᤠᤀᤥᤒᤠ ᤐᤠ᤺ᤴᤜᤠ᤹ ᤋᤠ᤺ᤸᤗᤧ ᤛᤡᤰᤛᤠᤶᤒᤠ ᤏᤢ ᤀᤡᤱᤃᤧᤓᤥ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖ ᤏᤛᤠᤏᤡᤒᤠᤜᤠ᤹ ᤕᤠᤶᤈᤠᤱᤘᤠ ᤐᤡᤔᤠᤛᤡ ᤐᤥ᤺ᤱ ᤗ᤹ᤖᤡᤰ ᤛᤠᤵᤋᤢᤖᤥ॥ \ip ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤥ ᤏᤛᤠᤏᤡᤒᤠᤜᤠ᤹ ᤀᤡᤰᤛᤠᤒᤠ ᤀᤍᤱ ᤐᤠ᤺ᤴᤜᤠ᤹ᤗᤠᤶ ᤗᤠ᤺ᤳᤗᤠ᤺ᤳ ᤘᤕᤧᤶᤔᤧ᤹ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥ ᤀᤍᤱ ᤐᤠ᤺ᤴᤎᤱ ᤁᤧᤄᤧᤶᤒᤠᤜᤠ᤹ᤖᤧᤴ ᤀᤡᤴᤎᤠ᤺ᤱ ᤐᤥ᤺ᤱᤔᤠᤖᤧ ᤁᤢᤗᤧᤰᤘᤠ ᤔᤧᤶᤓᤤᤖᤰ ᤐᤥ᤺ᤱᤗᤥ॥ \is1 ᤌᤠᤔᤡᤱ \io1 ᤏᤡ᤺ᤛᤢᤶ ᤏᤢ ᤛᤣᤘᤠ ᥇.᥇-᥈ \io1 ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤔᤢᤖᤠ ᤔᤧᤳᤋᤢ᤹ ᥇.᥉-᥊.᥋ \io1 ᤐᤠᤘᤗᤖᤧ ᤀᤠᤒᤠᤅᤣ ᤁᤢᤕᤠᤰᤏᤠᤶ ᥊.᥇-᥇᥎ \io1 ᤁᤢᤏᤢᤵᤔᤠ ᤛᤣᤘᤠ ᥊.᥇᥏-᥈᥈ \c 1 \s1 ᤛᤣᤘᤠ ᤏᤢ ᤏᤥᤃᤧᤴ \p \v 1-2 ᤀᤠᤔᤡ᤺ᤶ ᤀᤠᤛ᤻ᤛᤠ᤺ ᤋᤡᤔᤥᤌᤡᤀᤣ.\f * \fr 1:1-2 \ft ᤋᤡᤔᤥᤌᤡ–ᤂᤢᤏᤧ᤹ ᤕᤖᤡᤰᤗᤧᤱ ᤐᤠᤘᤗᤏᤢ ᤗᤠᤶᤍᤡ᤺ᤰ ᤆᤥᤃᤧ॥ ᤐᤠᤘᤗᤖᤧ ᤀᤣᤑᤡᤛᤛ ᤕᤧᤰᤕᤰᤁᤡᤴ ᤗᤧᤖᤢᤎ᤺ᤸᤗᤧ ᤂᤧᤵᤔᤥᤒᤠ ᤔᤏᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡᤖᤧ ᤗᤠᤃᤡ ᤂᤢᤏᤧ᤹ ᤋᤡᤔᤥᤌᤡ᤺ᤴ ᤛᤵᤑᤠ ᤘᤕᤧ ᤗᤠᤖᤧ᤹ᤀᤥ ᤔᤧᤳᤋᤢ॥\f* ᤂᤪᤡᤛ᤻ᤋ ᤕᤧᤛᤢᤀᤥ ᤁᤧᤘᤠ᤹ᤒᤠ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤸᤗᤧᤴ ᤔᤠᤱᤜᤧᤰ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤀᤥᤗᤠᤶ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤛᤣᤃᤠᤱᤒᤠ ᤁᤢᤛᤣ᤺ᤰᤕᤢᤰᤔᤡᤒᤠ ᤀᤡᤱᤃᤠ᤹ ᤐᤠᤘᤗᤗᤠᤶ ᤁᤴ ᤛᤰᤀᤡᤱᤅᤡᤴ ᤜᤠᤰᤏᤧ᤹ᤖᤥ॥ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤗᤢᤱᤃᤢᤶ. ᤗᤢᤱᤔᤠ᤹ ᤋᤢᤰᤔᤠ ᤏᤢ ᤛᤏᤠᤖᤢᤱᤅᤡᤴ ᤂᤧᤏᤧ᤹ᤏᤢ ᤘᤠ᤹ᤖᤖᤥ॥ \p \v 3 ᤀᤡᤱᤃᤠ᤹ ᤀᤠᤎᤠ᤺ᤰᤌᤧᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤛᤣᤛᤣ ᤂᤠᤛᤡᤱᤗᤧ ᤂᤢᤏᤧ᤹ ᤁᤢᤛᤣᤘᤠ ᤆᤥᤃᤢᤱ॥ ᤜᤧᤰᤁᤩᤠᤱ ᤛᤍᤠᤍᤡᤱ ᤀᤡᤱᤃᤠ᤹ ᤋᤢᤘᤠ ᤆᤥᤃᤢᤱᤅᤡᤸᤗᤧ ᤛᤧᤴᤍᤡᤰ ᤗᤧᤴᤍᤡᤰ ᤂᤧᤏᤧ᤹ ᤏᤡᤱᤘᤠ᤹ ᤀᤡ᤺ᤳᤏᤧᤀᤠᤱ ᤂᤢᤏᤧ᤹ ᤏᤥᤃᤧᤴ ᤐᤡᤖᤢᤱᤗᤥ॥ \v 4 ᤂᤧᤏᤧ᤹ ᤁᤧᤔᤡᤰᤘᤠ᤺ᤴ ᤏᤡᤱᤘᤠ᤹ ᤀᤡ᤺ᤳᤋᤢᤱᤅᤡᤸᤗᤧ ᤁᤧᤛᤠ᤹ᤛᤧ ᤋᤠ᤺ᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤀᤥᤔᤢᤗ᤹ᤔᤠᤸᤗᤧ ᤁᤢᤎᤡᤶ ᤐᤥ᤺ᤱᤅᤠᤔᤧᤴ॥ \p \v 5 ᤀᤡᤱᤃᤠ᤹ ᤂᤧᤏᤧ᤹ ᤛᤧᤰᤂᤠᤒᤠ ᤁᤧᤏᤛᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥ ᤂᤧᤏᤧ᤹ᤀᤠᤱ ᤁᤧᤕᤢᤔᤠ᤹ ᤗᤥᤀᤡᤛ ᤏᤢ ᤁᤧᤶᤔᤠ ᤕᤢᤏᤡᤛᤖᤧ ᤁᤳᤋᤧᤳᤇᤢᤒᤠ ᤜᤧᤰᤋᤱᤒᤠ ᤏᤢ᤺ᤒᤠ ᤏᤛᤠ᤺ᤴ ᤁᤧᤃᤳᤋᤢ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡᤛ᤻ᤛᤣ᤹ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥ \s1 ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤀᤠ᤺ᤴᤇᤡᤱᤔᤠ ᤐᤡᤖᤢ᤹ \p \v 6 ᤁᤴ ᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ ᤛᤶᤍᤠᤱ ᤜᤢᤰ ᤏᤧᤛ᤻ᤛᤢᤱ ᤐᤡᤏᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤒᤡᤖᤧᤒᤠ ᤐᤷᤎᤠ᤺ᤶᤔᤡᤴ ᤁᤧᤍᤡ᤺ᤵᤐᤠ ᤔᤡ ᤁᤢᤀᤡᤛᤡ᤺ᤰ ᤁᤳᤋᤧ᤹ᤀᤥ ᤑᤠ᤹ᤀᤠᤱ ᤔᤧᤳᤏᤧ᤹ᤖᤥ॥ \v 7 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤖᤧᤒᤠ ᤛᤣᤛᤣᤔᤠᤱᤅᤡᤸᤗᤧ ᤀᤠᤏᤡ᤹ ᤁᤡᤛᤪᤢᤰᤐᤠ ᤀᤠᤴᤈᤥ᤺ᤰᤏᤧᤴ. ᤁᤖ ᤔᤢᤰᤛᤠᤶ. ᤔᤡ᤺ᤶᤈᤡ. ᤜᤧᤰᤁᤩᤠᤱ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤠ ᤀᤠᤒᤡ᤹॥ \v 8 ᤂᤧᤸᤗᤧ ᤆᤥᤃᤢᤸᤗᤧ ᤍᤠᤱᤒᤠᤸᤗᤧᤴ ᤛᤠ᤺ᤰᤂᤡ ᤐᤡᤔᤠ ᤏᤢ ᤁᤢᤗᤠᤃᤡ ᤀᤡᤱᤃᤠ᤹ ᤛᤠᤰᤐᤠ ᤁᤧᤎᤠ᤺ᤒᤠᤴᤏᤢ ᤂᤧᤏᤧ᤹ ᤛᤡᤖᤡᤱ ᤔᤧᤔᤕᤧᤴᤏᤧ᤹ᤀᤥ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤥ ᤀᤠᤏᤡᤃᤧᤏᤢ ᤛᤥᤖᤡᤰ ᤂᤧᤏᤧ᤹ᤀᤠᤱ ᤛᤢᤏᤠᤀᤡᤱᤗᤧ ᤗᤠᤃᤡ ᤋᤢᤰᤂᤣ ᤆᤧ᤹ᤀᤥ॥ \q1 \v 9 ᤂᤢᤏᤧ᤹ᤀᤣ ᤀᤠᤏᤡ᤹ ᤋᤠᤱᤀᤠᤛᤧ᤺ᤵᤋᤧᤀᤠᤱ ᤀᤠᤵᤑᤣ᤺ᤰ ᤛᤣᤛᤣ ᤁᤢᤔᤏᤠ ᤐᤥ᤺ᤱᤛᤧ ᤀᤠᤛᤣᤃᤧᤀᤠᤱ ᤀᤠᤘᤠ᤹ᤖᤥ॥ ᤁᤱᤃ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤕᤠ᤺ᤶᤒᤰᤁᤡᤸᤗᤧ ᤐᤥ᤺ᤰᤂᤧᤒᤠ ᤔᤧ᤺ᤴᤗᤥ. ᤁᤖ ᤂᤢᤏᤧ᤹ ᤀᤠᤵᤑᤣ᤺ᤰ ᤁᤢᤏᤡᤱᤘᤠ᤹ᤛᤥ᤺ᤰ ᤏᤢ ᤁᤢᤗᤢᤱᤃᤢᤶᤖᤧ ᤆᤥᤃᤢᤒᤠᤖᤥ॥ ᤋᤥᤗᤡᤱᤛᤥᤔᤢᤀᤠᤱᤎᤥ ᤂᤪᤡᤛ᤻ᤋ ᤕᤧᤛᤢᤖᤧ ᤁᤴ ᤗᤢᤱᤃᤢᤶᤔᤡᤴ ᤀᤠᤒᤡᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤛᤣ᤺ᤰ ᤆᤥᤃᤢᤀᤠᤱ ᤘᤕᤧ॥ \q1 \v 10 ᤁᤖ ᤀᤠᤸᤗᤥ ᤀᤠᤏᤡ᤹ ᤛᤧᤴᤗᤵᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢ᤺ᤴ ᤋᤩᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤂᤢᤏᤧ᤹ᤀᤥ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤖᤥ॥ ᤂᤢᤏᤧ᤹ᤀᤣ ᤛᤡ᤺ᤔᤧᤸᤗᤧ ᤁᤢᤔᤢᤰᤛᤠᤶᤔᤡᤴ ᤔᤧᤰᤂᤢᤀᤠᤱ ᤛᤢᤏᤠᤀᤡᤱᤗᤠᤶ ᤏᤧᤳᤋᤡᤃᤧᤴ ᤜᤡᤱᤔᤴ ᤏᤢ ᤀᤠᤈᤢᤏᤡ ᤜᤡᤱᤔᤴ ᤀᤥᤛᤣ᤺ᤴᤍᤠᤱ ᤆᤥᤃᤢᤖᤥ॥ \p \v 11 ᤁᤴ ᤛᤢᤏᤠᤀᤡᤱᤅᤡᤸᤗᤧ ᤗᤠᤃᤡ ᤀᤡᤱᤃᤠ᤹ ᤛᤣᤛᤣ ᤛᤣ᤺ᤰᤕᤢᤰᤔᤡᤒᤠ. ᤛᤡᤰᤛᤠᤶᤒᤠ. ᤜᤧᤰᤁᤩᤠᤱ ᤀᤡᤱᤃᤧᤓᤥ᤺ᤒᤠ ᤐᤥ᤺ᤱᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤰᤕᤢᤰ ᤆᤥᤃᤠᤱᤗᤥ॥ \v 12 ᤜᤧᤰᤁᤩᤠᤱ ᤒᤠ ᤂᤧᤸᤗᤧ ᤆᤥᤃᤢᤸᤗᤧᤀᤣ ᤀᤡᤱᤃᤠ᤹ ᤋᤢᤰᤂᤣ ᤆᤠᤀᤠᤖ ᤘᤠ᤹ᤀᤠᤖᤥ॥ ᤁᤖ ᤀᤡᤱᤃᤠ᤹ ᤛᤡᤖᤡᤱ ᤔᤧᤔᤀᤠᤴᤗᤥ. ᤌᤣᤀᤠᤱᤓᤧᤸᤗᤧ ᤜᤠ᤺ᤳ ᤀᤡᤱᤃᤠ᤹ ᤏᤛᤠ᤺ᤴ ᤆᤥᤃᤢᤱᤅᤠᤱ ᤘᤠ᤹ᤀᤠ ᤑᤠ᤹ᤀᤠᤱ ᤏᤢ᤺ᤖᤡᤰᤁᤠᤱ ᤏᤡ᤺ᤛᤢᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤩᤠᤱ ᤀᤡᤱᤃᤠ᤹ ᤁᤢᤜᤢᤰᤁᤥ ᤐᤡᤖᤢᤱᤒᤠ ᤐᤠ᤺ᤴᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴ ᤌᤠᤖᤡᤰ ᤛᤧ᤺ᤵᤋᤢᤀᤠᤱ ᤁᤳᤋᤢ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤏᤡᤛ᤻ᤛᤣ ᤘᤠ᤹ᤀᤠᤖᤥ॥ \p \v 13 ᤀᤡᤱᤃᤠ᤹ ᤜᤢ᤹ᤏᤧᤒᤠ ᤛᤧᤰᤂᤠ ᤏᤡᤛᤠᤶᤜᤠ᤹ᤖᤧ ᤁᤢᤒᤡᤜᤠ᤹ ᤀᤡ᤺ᤳᤋᤧ ᤏᤠ᤺ᤳᤋᤧ᤹ᤀᤥ. ᤜᤧᤰᤁᤩᤠᤱ ᤂᤪᤡᤛ᤻ᤋ ᤕᤧᤛᤢᤀᤥ ᤂᤥᤃᤧᤍᤧᤵᤐᤠ ᤔᤡ᤺ᤶᤈᤡ ᤏᤢ ᤏᤛᤠ᤺ᤴᤏᤥ ᤏᤢ᤺ᤖᤡᤰᤁᤠᤱ ᤘᤕᤧ᤹ᤀᤥ॥ \v 14 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤒᤡᤖᤧᤒᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤀᤠᤏᤡ᤹ᤀᤥ ᤁᤧᤘᤠ᤹ᤒᤠ ᤛᤣᤛᤣᤔᤠᤱᤅᤡᤸᤗᤧ ᤁᤢᤓᤠ᤹ᤗᤠᤶ ᤏᤢ᤺ᤖᤡᤰᤁᤠᤱ ᤁᤳᤋᤧ᤹ᤀᤥ॥ \p \v 15 ᤀᤣᤛᤡᤕᤠᤛ᤻ᤔᤠ ᤌᤢᤶᤔᤥᤗᤠᤶ ᤁᤧᤍᤠ᤺ᤒᤠ ᤁᤠᤰ ᤏᤛᤠᤏᤡᤒᤠᤜᤠ᤹ᤖᤧ ᤀᤡᤱᤃᤠ᤹ ᤔᤧᤗᤧᤖᤠᤱ ᤔᤧᤍᤣ᤺ᤛᤠᤱᤒᤠ ᤐᤠ᤺ᤴᤜᤠ᤹ᤃ ᤂᤧᤏᤧ᤹ ᤁᤧᤏᤡ᤺ᤛᤢᤖᤥ॥ ᤂᤧᤱᤜᤠ᤹ᤀᤥ ᤑᤢᤃᤣᤗᤛ ᤏᤢ ᤜᤷᤔᤥᤈᤣᤏᤛᤧᤴᤏᤠᤱᤗᤥ॥ \v 16 ᤍᤠᤱᤒᤠᤸᤗᤧ ᤜᤠᤖᤠ᤹ ᤀᤥᤏᤣᤛᤡᤑᤥᤖᤛᤖᤧ ᤁᤢᤜᤡᤶᤛᤕᤱᤅᤡᤴ ᤗᤢᤱᤔᤠ᤹ ᤋᤢᤰᤋᤢᤖᤖᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤐᤢᤱᤗᤠᤜᤡᤶᤔᤥ ᤘᤕᤠᤱᤅᤡᤸᤗᤧ ᤂᤢᤏᤧ᤹ ᤕᤖᤡᤰ ᤗᤧᤱ ᤜᤠᤱᤜᤠᤱ ᤔᤧᤳᤇᤧ ᤀᤠᤍᤢᤶᤛᤧ ᤋᤠ᤺ᤔᤠ ᤔᤧᤏᤢ᤺ᤴᤍᤧᤴ. \v 17 ᤁᤖ ᤂᤢᤏᤧ᤹ ᤖᤥᤔ ᤕᤧᤰᤕᤰᤁᤥ ᤁᤧᤖᤧᤀᤠᤱ ᤛᤠ᤹ᤖᤡᤰ ᤁᤥ᤺ᤳᤋᤠᤱᤅᤠᤱ ᤀᤡᤱᤃᤠ᤹ ᤋᤢᤔᤠᤱᤗᤥ॥ \v 18 ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴᤏᤥ ᤜᤠᤖᤠ᤹ ᤍᤠᤱᤒᤠᤸᤗᤧ ᤂᤢᤏᤧ᤹ ᤗᤢᤱᤃᤢᤶ ᤀᤥᤛᤣ᤺ᤴᤎᤠᤰᤋᤢᤏᤡᤖᤥ॥ ᤀᤡᤱᤃᤠ᤹ ᤀᤣᤑᤡᤛᤛᤀᤥ ᤘᤕᤠᤱᤅᤡᤸᤗᤧ ᤀᤠᤰᤂᤧᤴ ᤛᤠ᤹ᤖᤡᤰ ᤁᤢᤓᤠ᤹ ᤐᤡᤖᤠᤱ ᤁᤧᤗ᤹ᤒᤠ ᤐᤠ᤺ᤴᤏᤡᤱᤃ ᤂᤧᤏᤧ᤹ ᤁᤧᤏᤡ᤺ᤛᤢᤀᤣᤖᤥ॥ \c 2 \s1 ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤒᤠ ᤁᤢᤎᤰᤛᤢᤒᤠᤴ \p \v 1 ᤜᤧᤰᤁᤣ᤺ᤸᤗᤧ ᤀᤠᤛ᤻ᤛᤠ᤺ᤀᤣ. ᤂᤧᤏᤧ᤹ᤃ ᤂᤪᤡᤛ᤻ᤋ ᤕᤧᤛᤢᤀᤥ ᤁᤧᤘᤠ᤹ᤒᤠ ᤗᤢᤱᤃᤢᤶᤗᤠᤶᤒᤠ ᤁᤧᤎᤢᤶᤒᤠ ᤐᤥ᤺ᤰᤂᤧ᤹ᤀᤥ॥ \v 2 ᤕᤖᤡᤰ ᤋᤥ᤺ᤴᤍᤡᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤧᤄᤧᤵᤛᤢᤒᤠ ᤀᤠᤒᤠ᤺ᤴᤏᤡᤴ ᤁᤧᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤛᤡᤒᤠ ᤔᤏᤠᤜᤠ᤹ ᤜᤢ᤹ᤔᤠ ᤁᤧᤛᤢᤰᤐᤠ ᤏᤛᤠ᤺ᤴᤛᤠᤒᤠ ᤘᤣ᤹ ᤔᤏᤠᤜᤠ᤹ ᤜᤢᤰᤛᤢᤵᤋᤧᤛᤧ᤹ᤀᤥ॥ \p \v 3 ᤂᤪᤡᤛ᤻ᤋ ᤕᤧᤛᤢᤖᤧ ᤛᤧᤰᤂᤠᤀᤣᤒᤠ ᤁᤢᤎᤰᤛᤢᤒᤠ ᤁᤢᤀᤡᤛᤡ᤺ᤰ ᤂᤧᤏᤧ᤹ ᤀᤠᤏᤡᤃᤧᤏᤢ ᤋᤢᤰᤂᤣ ᤆᤠᤔᤠᤀᤥ ᤆᤢᤶ ᤐᤥ᤺ᤰᤂᤧ᤹ᤀᤥ॥ \v 4 ᤌᤰᤛᤢᤒᤠ ᤋᤢᤖᤠᤀᤥ ᤁᤧᤕᤠᤰᤐᤠ ᤀᤠᤳᤋᤡᤴ ᤌᤰᤛᤢᤒᤠᤴᤏᤠᤱ ᤜᤡᤶ ᤕᤠ᤺ᤶᤒᤰᤁᤥ ᤔᤧᤜᤶᤛᤡᤱᤅᤡᤴ. ᤁᤖ ᤂᤧᤸᤗᤧᤃ ᤂᤢᤏᤧ᤹ ᤁᤢᤎᤰᤋᤢᤶᤒᤠᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤔᤠ ᤏᤡᤱᤘᤠ᤹ ᤆᤥᤃᤢ᤹ᤖᤥ॥ \v 5 ᤜᤰᤆᤠ᤺ᤳᤋᤥ ᤁᤧᤗᤥ᤺ᤰᤐᤧᤴ ᤜᤰᤆᤠ᤺ᤳᤋᤥᤒᤠ ᤌᤡᤶᤜᤠ᤹ ᤁᤢᤀᤡᤛᤡ᤺ᤰ ᤔᤧᤗᤥ᤺ᤰᤏᤧᤴᤏᤧ ᤑᤠ᤹ᤃᤪ ᤂᤧᤸᤗᤧ ᤌᤢᤶᤄᤥ ᤔᤧᤄᤥ᤺ᤛᤢᤴᤗᤥ॥ \v 6 ᤕᤠᤶᤒᤢᤎᤡᤰᤁᤠᤱ ᤕᤠ᤺ᤴᤃᤧᤔ᤺ᤒᤠ ᤔᤏᤠ᤺ᤸᤗᤧᤀᤣ ᤁᤧᤍᤢᤶᤒᤠ ᤆᤠ᤺ᤴ ᤁᤠᤰᤏᤢ ᤋᤃᤡ ᤂᤢᤏᤧ᤹ᤀᤣ ᤆᤠᤔᤠ ᤂᤥ᤺ᤔᤠ ᤐᤥ᤺ᤱᤗᤥ॥ \v 7 ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤐᤠ᤺ᤴᤜᤠ᤹ ᤏᤢ᤺ᤖᤡᤰᤁᤠᤱ ᤏᤡᤱᤘᤠ᤹ ᤀᤡ᤺ᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤂᤧᤏᤧ᤹ ᤁᤠᤰ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤑᤠ᤹ᤀᤠᤱ ᤀᤡ᤺ᤳᤇᤡᤱᤛᤠᤶ ᤁᤧᤒᤡ᤹ᤖᤥ॥ \p \v 8 ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤧᤜᤡᤱᤒᤠ ᤍᤠᤀᤢᤍ\f * \fr 2:8 \ft ᤍᤠᤀᤢᤍᤧᤴ ᤀᤡᤛᤪᤠᤀᤡᤗᤡᤜᤠ᤹ᤖᤧᤴ ᤕᤶᤒᤠ ᤜᤠᤱ ᤘᤕᤧ॥ ᤂᤢᤏᤧ᤹ ᤂᤪᤡᤛ᤻ᤋᤧᤴᤏᤢ᤺ᤸᤗᤧ ᤋᤱᤒᤣ ᤜᤧᤴᤇᤡᤱ ᤌᤡᤰ (᥇᥆᥆᥆) ᤋᤃᤡ ᤘᤕᤧ॥ ᤍᤠᤀᤢᤍᤖᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤀᤥ ᤌᤡᤰᤐᤠ ᤔᤛᤡᤜ (ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ) ᤐᤥ᤺ᤱᤗᤥ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤋᤠᤱᤛᤧ᤺ᤵᤛᤧ ᤂᤢᤏᤧ᤹ᤀᤣ ᤐᤠᤱᤄᤢᤒᤠᤖᤥ ᤑᤠ᤹ᤀᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤀᤠᤱ ᤘᤕᤧ॥ \f* ᤜᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠ ᤕᤧᤛᤢ ᤂᤪᤡᤛ᤻ᤋᤧᤴ ᤏᤡᤱᤘᤠ᤹ ᤀᤡ᤺ᤳᤋᤧ᤹ᤀᤥ॥ ᤀᤡᤱᤃᤠ᤹ ᤀᤡᤱᤓᤴ ᤆᤥᤃᤢᤱᤒᤠ ᤛᤢᤏᤠᤀᤡᤱᤅᤡᤴ ᤒᤠ ᤁᤴᤏᤣᤖᤥ॥ \v 9 ᤒᤠ ᤂᤧᤴ ᤛᤢᤏᤠᤀᤡᤱᤅᤡᤴ ᤀᤡᤱᤃᤠ᤹ ᤀᤡᤱᤓᤥ᤺ᤛᤢᤱᤒᤠᤸᤗᤧ ᤆᤥᤃᤢᤸᤗᤧ ᤋᤢᤰᤂᤣ ᤆᤠᤀᤠᤖ ᤘᤠ᤹ᤀᤠ. ᤜᤧᤰᤁᤩᤠᤱ ᤁᤢᤓᤠᤱ ᤁᤧᤓᤣ᤺ᤶᤒᤠ ᤁᤢᤀᤡᤛᤡ᤺ᤰᤁᤠᤱ ᤀᤡᤄᤣ᤺ᤱᤅᤥ ᤌᤠ᤺ᤀᤠᤖᤥ॥ ᤁᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤱᤃ ᤀᤠᤵᤑᤠᤸᤗᤧᤀᤠᤱ ᤀᤡᤄᤣ᤺ᤱᤅᤥ ᤔᤧᤎᤠᤏᤧᤴᤗᤥ॥ \v 10 ᤂᤧᤸᤗᤧ ᤆᤥᤃᤢᤸᤗᤧᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤁᤢᤔᤏᤠᤜᤠ᤹ ᤂᤪᤡᤛ᤻ᤋ ᤕᤧᤛᤢᤀᤥ ᤛᤧᤴᤗᤵ ᤏᤢ ᤔᤧᤴᤏᤢᤵᤔᤏᤠᤒᤠ ᤔᤡᤔᤡᤍᤡᤱ ᤔᤧᤄᤥ᤺ᤛᤢᤖ ᤑᤠ᤹ᤀᤠᤱ ᤁᤠᤰ ᤋᤢᤰᤂᤣᤜᤠ᤹ ᤀᤡᤱᤃᤠ᤹ ᤌᤶᤔᤠ ᤛᤢᤰᤋᤢᤱᤗᤥ॥ \p \v 11 ᤁᤴ ᤐᤠ᤺ᤵᤔᤏᤠᤒᤠ ᤐᤠ᤺ᤴᤏᤡᤱᤃ ᤛᤧᤰᤂᤠᤀᤣᤖᤥ. \q1 ᤀᤠᤏᤡ᤹ ᤂᤢᤏᤧ᤹ᤏᤢᤀᤣ ᤀᤠᤛᤩᤧᤀᤠᤱ ᤀᤠᤘᤠ᤹ᤏᤧ ᤑᤠ᤹ᤃᤪ ᤂᤢᤏᤧ᤹ᤏᤢᤀᤣ ᤀᤠᤜᤡᤱᤗᤥ॥ \q1 \v 12 ᤀᤠᤏᤡ᤹ ᤆᤰᤔᤧᤸᤗ᤹ᤀᤣ ᤏᤠᤛᤡ ᤀᤠᤎ᤺ᤳᤋᤢᤶᤏᤧ ᤑᤠ᤹ᤃᤪ ᤀᤠᤏᤡ᤹ᤀᤠᤱ ᤂᤢᤏᤧ᤹ᤏᤢᤀᤣ ᤜᤠᤱ ᤀᤠᤈᤥᤃᤢᤶ॥ \q1 ᤀᤠᤏᤡ᤹ ᤂᤢᤏᤧ᤹ ᤀᤠᤏᤠ᤹ᤖᤢᤔᤏᤧ ᤑᤠ᤹ᤃᤪ. ᤂᤢᤏᤧ᤹ᤀᤠᤱ ᤀᤠᤏᤡ᤹ ᤀᤠᤏᤠ᤹ᤖᤥ॥ \q1 \v 13 ᤀᤠᤏᤡ᤹ ᤏᤛᤠ᤺ᤴᤛᤠᤒᤠ ᤀᤠᤶᤒᤥ᤺ᤱᤏᤧᤴᤇᤠᤱ ᤂᤢᤏᤧ᤹ᤃ ᤏᤛᤠ᤺ᤴ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ॥ \q1 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤀᤠᤵᤑᤣ᤺ᤰ ᤏᤠ᤹ᤛᤡᤱᤔᤠ ᤔᤧᤛᤢᤰᤏᤧᤴᤗᤥ॥ \s1 ᤁᤢᤛᤠᤱ ᤁᤧᤗ᤺ᤒᤠ ᤕᤠ᤺ᤶᤒᤰ \p \v 14 ᤛᤣᤛᤣᤜᤢᤵᤗᤰᤁᤥᤒᤠ ᤁᤠᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤜᤠᤖᤠ᤹ ᤂᤧᤱᤜᤠ᤹ ᤐᤠ᤺ᤴᤛᤢᤳᤗᤠᤀᤥ ᤐᤠ᤺ᤴᤎᤱ ᤔᤧᤴᤈᤥ᤺ᤰᤏᤧᤴᤗ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤖᤧᤛᤧ᤹ᤀᤥ॥ ᤂᤧᤴ ᤐᤠ᤺ᤴᤎᤱᤅᤡᤸᤗᤧ ᤏᤢ᤺ᤒᤠ ᤔᤧᤒᤥ᤺ᤱᤏᤧᤴ. ᤁᤖ ᤁᤧᤄᤧᤶᤒᤠᤜᤠ᤹ᤖᤧ ᤂᤢᤏᤡ᤹ ᤀᤡᤶᤔᤥ᤺ᤰᤗᤰ ᤐᤥ᤺ᤱᤗᤥ॥ \v 15 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤖᤠ᤹ ᤌᤠᤱᤗ ᤑᤠ᤹ᤀᤠᤱ ᤏᤢ᤺ᤖᤡᤰᤁᤠᤱ ᤁᤧᤛᤢᤰᤛᤢᤰ ᤕᤠ᤺ᤶᤒᤰ ᤆᤥᤃᤧ᤹ᤀᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤒᤠ ᤐᤣᤗᤡᤃᤧᤴ ᤁᤢᤒᤠ᤺ᤴᤈᤠᤰᤁᤡᤴ ᤌᤥ ᤕᤥ ᤔᤧᤴᤈᤥ᤺ᤰᤁᤣ ᤜᤢ᤹ᤖᤧᤛᤧ᤹ᤖ ᤛᤡᤖᤡᤱ ᤔ᤺ᤔᤠ ᤔᤧᤶᤒᤥ᤺ᤱᤅᤣ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤐᤥ᤺ᤰᤂᤧ᤹ᤀᤥ॥ \v 16 ᤁᤖ ᤂᤧᤏᤧ᤹ᤃ ᤁᤢᤒᤢᤱᤏᤠ ᤁᤢᤛᤶᤒᤠ ᤀᤍᤱ ᤐᤠ᤺ᤴᤎᤱᤅᤥᤗᤠᤶ ᤀᤣ᤺ᤰ ᤘᤕᤧ᤹ᤀᤥ॥ ᤜᤧᤰᤋᤱᤒᤠ ᤐᤠ᤺ᤴᤎᤱᤅᤡᤸᤗᤧ ᤏᤛᤠᤏᤡᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤠ᤺ᤱᤄᤠ ᤋᤣ᤹ᤖᤢᤛᤡᤖᤥ॥ \v 17 ᤜᤧᤰᤋᤱᤒᤠ ᤐᤠ᤺ᤴᤜᤠ᤹ᤃ ᤀᤠᤵᤑᤠᤸᤗᤧᤀᤠᤱ ᤔᤧᤴᤘᤣ᤺ᤵᤔᤏᤠᤒᤠ ᤕᤠᤱᤄᤣ᤺ᤰ ᤁᤢᤀᤡᤛᤡ᤺ᤰᤗᤥ॥ ᤀᤰᤋᤱᤒᤠ ᤛᤡᤰᤛᤠᤶᤒᤠᤜᤠ᤹ᤀᤥᤃ ᤜᤠᤀᤡᤔᤣᤏᤡᤕᤛ ᤏᤢ ᤑᤡᤗᤣᤋᤛᤛᤡᤖᤥ॥ \v 18 ᤂᤧᤱᤜᤠ᤹ᤖᤧᤃ ᤛᤧᤰᤂᤠᤒᤠ ᤔᤠᤖᤠᤶᤔᤡᤴ ᤗᤧᤖᤧᤳᤇᤢᤀᤠᤱ ᤀᤠᤏᤡ᤹ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤱᤃ ᤋᤃᤡ ᤐᤥ᤺ᤰᤂᤧ ᤆᤢᤖᤧᤖᤥ ᤗ᤹ᤖᤡᤰ ᤜᤢ᤹ᤛᤢᤛᤡᤀᤠᤱ ᤁᤢᤓᤠ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤗᤧᤱᤛᤢᤖ ᤘᤠ᤹ᤛᤡᤖᤥ॥ \p \v 19 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤛᤠᤶᤔᤡᤸᤗᤧᤴ ᤕᤢᤰᤛᤡᤱᤃᤧᤴ ᤐᤠᤱᤕᤢᤰᤁᤡᤴ ᤔᤧᤶᤔᤢᤴᤏᤣᤀᤣ ᤏᤧᤖᤥ. ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤛᤠᤵ ᤗᤰᤛᤡᤱᤅᤠᤱ ᤘᤠ᤹ᤖᤥ. “ᤍᤠᤱᤒᤠᤸᤗᤧ ᤀᤠᤵᤑᤣ᤺ᤰ ᤁᤢᤔᤏᤠᤜᤠ᤹ ᤁᤢᤛᤡᤱ ᤏᤡ᤺ᤳᤋᤢᤛᤡ᤹ᤖᤥ.” ᤜᤧᤰᤁᤩᤠᤱ “ᤍᤠᤱᤒᤠᤸᤗᤧ ᤁᤢᤔᤡᤱ ᤁᤧᤗᤥ᤺ᤱᤒᤠᤜᤠ᤹ ᤁᤠᤰ ᤗᤠᤕᤥᤗᤠᤶ ᤔᤠ᤺ᤱᤄᤠᤀᤣ ᤔᤧᤒᤥ᤺ᤱᤗᤖᤥ॥” \p \v 20 ᤕᤶᤒᤠ ᤜᤡᤶᤔᤥ ᤕᤖᤡᤰ ᤐᤖᤡᤰᤗᤧᤴ ᤛᤠᤶᤔᤩᤠᤱ ᤏᤢ ᤕᤢᤵᤐᤠ ᤜᤧᤰᤁᤩᤠᤱ ᤛᤡᤱ ᤏᤢ ᤂᤠᤶᤔᤡᤸᤗᤧᤴ ᤆᤧᤳᤌᤩᤠ ᤏᤢ ᤂᤵᤐᤩᤠᤜᤠ᤹ ᤔᤧᤘᤠ᤹ᤖᤥ॥ ᤁᤢᤓᤠᤃ ᤀᤡᤱᤎᤠ᤺ᤱᤒᤠ ᤏᤢ ᤁᤢᤓᤠ ᤀᤡᤱᤎᤠ᤺ᤱᤔᤧ᤺ᤴᤒᤠ ᤕᤠ᤺ᤶᤒᤰᤁᤥ ᤀᤥᤃᤵ ᤐᤥ᤺ᤱᤗᤥ॥ \v 21 ᤀᤠᤳᤋᤡᤸᤗᤧ ᤑᤧᤴ ᤕᤠ᤺ᤶᤒᤰᤁᤡᤴ ᤗᤧᤖᤢᤀᤠᤱ ᤛᤣᤛᤣ ᤆᤥ᤺ᤰᤛᤡᤱ. ᤂᤧᤱᤃ ᤀᤡᤱᤎᤠ᤺ᤱᤒᤠ ᤕᤠ᤺ᤶᤒᤰᤁᤥ ᤀᤥᤃᤵ ᤐᤥ᤺ᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤁᤢᤴᤍᤠᤱᤒᤠᤸᤗᤧ ᤁᤢᤕᤠ᤺ᤶᤒᤰᤁᤥ ᤀᤠᤳᤋᤡᤴ ᤏᤢ᤺ᤒᤠ ᤕᤠ᤺ᤶᤒᤰᤁᤥᤛᤠᤱ ᤂᤧᤱᤃ ᤀᤥᤃᤵ ᤐᤥ᤺ᤱᤔᤠ ᤕᤠᤖᤡᤵ ᤐᤥ᤺ᤱᤗᤥ॥ \p \v 22 ᤌᤠᤱᤒᤧᤴ ᤔᤧᤴᤇᤡᤕᤠ᤹ ᤗ᤹ᤔᤠᤗᤠᤶ ᤁᤧᤍᤠ᤺ᤒᤠ ᤑᤧᤴ ᤏᤡᤱᤘᤠ᤹ᤗᤠᤶ ᤀᤣ᤺ᤰ ᤘᤕᤧ᤹ᤀᤥ॥ ᤜᤧᤰᤁᤩᤠᤱ ᤛᤣᤛᤣ ᤏᤡᤱᤘᤠ᤹ᤀᤥᤗᤠᤶ ᤍᤠᤱᤒᤠᤴᤏᤢ ᤋᤢᤘᤠ ᤁᤧᤈᤥ᤺ᤰᤐᤠ ᤔᤏᤠᤜᤠ᤹ᤏᤢ ᤛᤠᤶᤕᤥᤏᤡᤔᤥ. ᤏᤛᤠ᤺ᤴᤏᤥ. ᤔᤡ᤺ᤶᤈᤡᤀᤥ ᤜᤧᤰᤁᤩᤠᤱ ᤛᤏᤠᤖᤢᤱᤅᤥ ᤘᤕᤧ᤹ᤀᤥ॥ \v 23 ᤁᤖ ᤁᤢᤒᤢᤱᤏᤠ ᤁᤢᤛᤶᤒᤠ ᤐᤠ᤺ᤴᤎᤱᤅᤡᤴ ᤏᤠ᤹ᤖᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧᤃ ᤂᤧᤔᤠ᤹ᤖᤰ ᤑᤥ᤺ᤰᤂᤢ᤹ᤖᤥ॥ \v 24 ᤍᤠᤱᤒᤠᤸᤗᤧ ᤁᤢᤛᤣᤘᤠᤖᤥᤒᤠᤴ ᤂᤣᤔᤠ ᤔᤧᤏᤢ᤹ᤏᤧᤴᤗᤥ॥ ᤂᤢᤏᤧ᤹ᤃ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤐᤠ. ᤜᤢ᤹ᤔᤠ ᤁᤧᤛᤢᤰᤐᤠ. ᤜᤧᤰᤁᤩᤠᤱ ᤏᤡᤱᤘᤠ᤹ ᤜᤠᤱᤃᤧᤃᤧᤶᤛᤡᤱᤒᤠ ᤐᤥ᤺ᤱᤔᤠ ᤐᤥ᤺ᤱᤗᤥ॥ \v 25 ᤜᤧᤰᤁᤩᤠᤱ ᤋᤰᤗᤧᤱᤘᤠᤀᤥ ᤁᤧᤒᤥ᤺ᤰᤐᤠᤜᤠ᤹ᤀᤠᤱ ᤛᤡᤰ ᤏ᤺ᤶᤏ᤺ᤶᤔᤠᤱ ᤂᤠᤜᤢᤴ ᤐᤡᤔᤠ ᤁᤧᤛᤢᤰᤐᤠ ᤐᤥ᤺ᤱᤔᤠ ᤐᤥ᤺ᤱ. ᤜᤧᤰᤁᤣᤗ᤹ᤖᤡᤰ ᤛᤧᤰᤂᤠᤒᤠ ᤐᤠ᤺ᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤡ᤹ ᤗᤠᤕᤥᤗᤠᤶ ᤏᤢ᤺ᤰᤋᤢ ᤋᤠᤖᤢᤛᤡᤖᤖᤥ॥ \v 26 ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤐᤠᤱᤔᤠᤛᤡ ᤑᤠ᤹ᤀᤠᤱ ᤀᤡᤈᤥ ᤕᤢᤰᤋᤢᤛᤡᤒᤠ ᤐᤠ᤺ᤴᤏᤡᤴ ᤂᤢᤏᤡ᤹ ᤏᤡᤱᤘᤠ᤹ ᤛᤣ᤺ᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤀᤡᤈᤥᤗᤠᤶ ᤐᤡᤶᤔᤠ ᤔᤧᤛᤢᤰᤗᤥ॥ \c 3 \s1 ᤁᤢᤏᤢᤵᤔᤠ ᤕᤧᤴᤜᤠ᤹ᤀᤥ ᤛᤠᤶᤕᤥ ᤔᤧ᤺ᤴᤏᤣᤒᤠᤜᤠ᤹ \p \v 1 ᤀᤠᤸᤗ ᤁᤢᤏᤢᤵᤔᤠ ᤕᤧᤴᤜᤠ᤹ᤀᤥ ᤁᤧᤛᤠᤰᤐᤠ ᤕᤧᤶ ᤋᤠ᤺ ᤑᤠ᤹ᤀᤠᤱ ᤁᤧᤏᤡᤱᤘᤠ᤹ᤛᤥᤀᤥ ᤕᤢᤰᤂᤧ᤹ᤀᤥ॥ \v 2 ᤂᤧᤴ ᤕᤧᤶᤔᤥᤒᤠ ᤔᤏᤠᤜᤠ᤹ᤃ ᤀᤠᤵᤑᤣ᤺ᤰᤗᤰ ᤔᤡ᤺ᤶᤈᤡ ᤁᤧᤔᤧᤳᤇᤡᤱᤒᤠ. ᤕᤠᤱᤛᤠᤁᤢᤴᤎᤣᤖᤰ ᤔᤡ᤺ᤶᤈᤡ ᤁᤧᤔᤧᤵᤐᤠ ᤏᤢ ᤀᤠᤵᤑᤣ᤺ᤰᤗᤰ ᤕᤶᤒᤠᤛᤡᤃᤧ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤀᤡ᤺ᤵᤐᤠ. ᤀᤠᤱᤍᤡᤱ ᤁᤧᤗ᤹ᤒᤠ ᤜᤧᤰᤁᤩᤠᤱ ᤔᤏᤠ ᤆᤠ᤺ᤳᤌᤡ ᤁᤧᤍᤣ᤺ᤒᤠ ᤔᤧᤒᤥ᤺ᤱᤗᤥ॥ ᤂᤧᤱᤜᤠ᤹ᤃ ᤐᤠ ᤔᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤏᤥ ᤔᤧᤶᤒᤵᤔᤏᤠᤒᤠ. ᤀᤥᤒᤧ ᤁᤧᤈᤥᤃᤢ ᤁᤧᤒᤡᤖᤠᤱᤒᤧ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤴᤀᤡ᤺ᤵᤔᤏᤠᤒᤠ. ᤜᤧᤰᤁᤩᤠᤱ ᤛᤠᤶᤕᤥ ᤔᤧᤴᤀᤡ᤺ᤵᤔᤏᤠᤒᤠ ᤀᤠᤈᤡ᤺ᤴᤈᤡ᤺ᤶᤒᤠ ᤔᤧᤒᤥ᤺ᤱᤗᤥ॥ \v 3 ᤂᤧᤱᤜᤠ᤹ᤖᤧ ᤀᤠᤳᤋᤡᤴᤜᤠ᤹ᤀᤠᤱ ᤗᤢᤱᤔᤠ᤹ ᤔᤧᤴᤍᤢᤰᤋᤢᤴᤛᤡᤴ. ᤘᤣ᤹ᤜᤠ᤹ ᤗᤧᤵᤔᤡ ᤔᤧᤶᤒᤡᤖᤢᤴᤇᤡᤴ. ᤜᤧᤰᤁᤩᤠᤱ ᤆᤧ᤹ᤕᤠ ᤁᤧᤔ᤺ᤒᤠ. ᤜᤧ᤹ᤗᤧ᤹ᤗᤧᤒᤠ. ᤁᤡᤵᤔᤠ ᤁᤧᤄᤢ᤺ᤒᤠ. ᤏᤢ᤺ᤒᤠ ᤐᤠ᤺ᤴ ᤛᤡᤖᤠ᤹ ᤔᤧᤴᤎᤠᤱᤔᤏᤠᤒᤠ ᤔᤧᤒᤥ᤺ᤱᤗᤥ॥ \v 4 ᤂᤧᤱᤜᤠ᤹ ᤘᤣ᤹ ᤔᤏᤠ ᤀᤡᤱᤗᤧᤰ ᤁᤧᤔᤧᤵᤐᤠ. ᤏᤡᤱᤘᤠ᤹ᤋᤠᤍᤠ ᤁᤧᤈᤥ᤺ᤰᤐᤠ. ᤀᤠᤱᤍᤡᤱᤅᤠᤱ ᤀᤡᤱᤃᤠ᤹ᤀᤣ᤺ᤰ ᤁᤧᤗ᤹ᤒᤠ ᤔᤧᤒᤥ᤺ᤱᤗᤥ॥ ᤂᤧᤱᤜᤠ᤹ᤖᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤧᤰᤘᤠ ᤕᤠᤶᤍᤠᤍᤠ ᤏᤡᤱᤘᤠ᤹ᤋᤠᤍᤠ ᤆᤥ᤺ᤰᤔᤠᤀᤣ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗᤥ॥ \v 5 ᤂᤧᤱᤜᤠ᤹ᤃ ᤛᤠᤶᤕᤥᤒᤠ ᤔᤧᤗᤧᤱᤛᤡᤱ ᤁᤖ ᤔᤢᤰᤛᤠᤶᤔᤡᤴ ᤔᤧᤴᤜᤧᤵᤋᤢᤴᤗᤥ॥ ᤀᤰᤋᤱᤒᤠ ᤔᤏᤠᤜᤠ᤹ᤏᤢ ᤂᤧᤏᤧ᤹ᤃ ᤀᤣ᤺ᤰ ᤘᤕᤧ᤹ᤀᤥ॥ \p \v 6 ᤁᤢᤓᤠᤃ ᤜᤡᤶ ᤜᤡᤶ ᤔᤧᤒᤣ᤺ᤰᤁᤠᤱ ᤗᤠᤕᤥ᤺ᤸᤗᤧ ᤁᤧᤵᤋᤢᤛᤡᤔᤠᤜᤠ᤹ ᤏᤢ ᤁᤠᤰ ᤐᤖᤡᤰᤗᤧᤴ ᤕᤠᤶᤏᤡᤱᤘᤠ᤹ᤀᤥ ᤁᤧᤒᤵᤔᤠ ᤏᤡᤱᤘᤠ᤹ ᤛᤢᤱᤃᤡᤰᤔᤠ ᤔᤧᤴᤇᤢᤔᤠᤜᤠ᤹ ᤕᤢᤰᤁᤥ ᤔᤧᤍᤠᤖᤢᤛᤡᤖᤥ॥ \v 7 ᤂᤧᤴ ᤔᤧᤴᤇᤢᤔᤠᤜᤠ᤹ ᤀᤠᤰᤂᤧᤴ ᤔᤧᤜᤢ᤹ᤛᤡᤱᤛᤠᤱ ᤀᤠᤵᤑᤠᤸᤗᤧᤀᤠᤱ ᤛᤧᤰᤂᤠ᤺ᤴ ᤁᤢᤛᤡᤱ ᤏᤡ᤺ᤵᤔᤠ ᤔᤧᤴᤇᤢᤰᤋᤢᤴᤗᤥ॥ \v 8 ᤈᤣᤴᤏᤛ ᤏᤢ ᤈᤣᤶᤒᤪᤛᤛᤡᤖᤧ ᤔᤥᤛᤠ᤺ᤴ ᤔᤧᤀᤳᤋᤢᤒᤠ ᤁᤢᤀᤡᤛᤡ᤺ᤰ ᤂᤧᤴ ᤔᤏᤠᤜᤠ᤹ᤖᤧ ᤛᤧᤰᤂᤠ᤺ᤴ ᤔᤧᤀᤳᤋᤢᤖᤥ॥ ᤂᤧᤴ ᤔᤏᤠᤜᤠ᤹ ᤑᤧᤴᤏᤡᤱᤘᤠ᤹ᤒᤠᤛᤡᤖᤥ. ᤜᤧᤰᤁᤩᤠᤱ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤛᤧᤰᤂᤠᤒᤠ ᤔᤧᤈᤥ᤺ᤰᤏᤧᤴ॥ \v 9 ᤁᤖ ᤂᤧᤱᤜᤠ᤹ᤖᤧ ᤒᤠ ᤜᤧᤰᤁᤣᤖᤰ ᤆᤥ᤺ᤰᤔᤠᤖ ᤘᤠ᤹ᤔᤠ ᤔᤧᤴᤇᤢᤰᤋᤢᤴᤗᤥ॥ ᤈᤣᤴᤏᤛ ᤏᤢ ᤈᤣᤶᤒᤪᤛᤛᤡ ᤁᤢᤀᤡᤛᤡ᤺ᤰ ᤂᤧᤱᤜᤠ᤹ᤖᤧᤀᤠᤱ ᤂᤢᤏᤡ᤹ ᤀᤍᤱ ᤆᤥ᤺ᤰᤔᤠᤴᤏᤠᤱ ᤁᤧᤖᤧᤰ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢ᤹ᤖᤥ॥ \s1 ᤐᤠᤘᤗᤖᤧ ᤋᤡᤔᤥᤌᤡ᤺ᤴ ᤀᤡᤱᤈᤠ᤺ᤱ ᤐᤡᤖᤢ᤹ \p \v 10-11 ᤁᤖ ᤂᤧᤏᤧ᤹ᤃ ᤀᤡᤱᤃᤠ᤹ ᤀᤠᤏᤡᤛᤠᤶᤔᤡᤴ. ᤀᤠᤕᤧᤵᤗᤧᤰᤁᤡᤴ. ᤜᤡᤱᤔᤴᤗᤧᤴ ᤀᤠᤏᤡᤱᤘᤠ᤹ᤛᤥ᤺ᤰᤁᤡᤴ. ᤀᤠᤏᤛᤠ᤺ᤴᤏᤡᤴ. ᤀᤠᤜᤠᤱᤃᤧᤶᤛᤡᤱᤔᤠᤴ. ᤀᤠᤔᤡ᤺ᤶᤈᤡᤴ. ᤀᤠᤏᤠᤛᤡ ᤌ᤺ᤵᤔᤠᤴ. ᤋᤢᤰᤂᤣ ᤆᤩᤠᤱᤒᤠ ᤐᤠ᤺ᤴᤜᤠ᤹. ᤀᤠᤍᤢᤰᤂᤣᤜᤠ᤹ ᤁᤧᤖᤧᤰ ᤁᤧᤏᤠ᤺ᤳᤋᤢ ᤁᤧᤀᤡ᤺ᤳᤋᤢᤀᤠᤱ ᤁᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤀᤣᤴᤋᤡᤀᤥᤁ. ᤀᤠᤀᤡᤁᤥᤏᤡᤕᤔ ᤏᤢ ᤗᤢᤛ᤻ᤋᤪᤠᤀᤥ ᤀᤡᤱᤃᤠ᤹ ᤋᤢᤔᤢᤱᤒᤠ ᤁᤧᤖᤧᤰ ᤋᤢᤰᤂᤣᤜᤠ᤹ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢᤀᤠᤱ ᤁᤧᤘᤠ᤹ᤖᤥ॥ ᤁᤖ ᤍᤠᤱᤒᤠᤸᤗᤧ ᤁᤠᤰ ᤂᤧᤴ ᤋᤢᤰᤂᤣ ᤗᤠᤰᤂᤣᤗᤠᤶ ᤀᤡᤱᤃᤠ᤹ ᤛᤧ᤺ᤵᤋᤠᤱᤗᤥ॥ \v 12 ᤂᤪᤡᤛ᤻ᤋ ᤕᤧᤛᤢᤀᤥ ᤛᤠᤶᤕᤥᤏᤡᤒᤠ ᤜᤡᤱᤔᤴᤏᤥ ᤜᤡᤱᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠᤱᤃ ᤋᤢᤰᤂᤣ ᤆᤠᤀᤣᤖᤥ॥ \v 13 ᤁᤖ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤏᤠ ᤏᤢ ᤀᤡᤱᤃᤧᤗᤧᤰᤐᤠ ᤔᤏᤠᤜᤠ᤹ᤃ ᤘᤣ᤹ ᤔᤏᤠᤜᤠ᤹ ᤀᤡᤱᤗᤧᤰᤋᤢᤶᤛᤡᤶᤒᤠ. ᤋᤠᤵᤑᤧ᤺ᤸᤗᤡᤰ ᤔᤧᤳᤋᤢᤶᤛᤡᤶᤒᤠ ᤗ᤹ᤖᤡᤰ ᤔᤧᤀᤡ᤺ᤳᤋᤢᤖ ᤔᤧᤒᤣ᤺ᤰᤁᤡᤸᤗᤧ ᤀᤠᤵᤑᤣ᤺ᤰ ᤀᤡᤱᤔᤧᤗᤧᤰᤛᤡᤱᤗ ᤛᤠ᤹ᤖᤡᤰᤁᤠᤱ ᤋᤠᤵᤑᤧ᤺ᤶᤒᤠ ᤔᤧᤒᤥ᤺ᤱᤗ ᤔᤧᤒᤣ᤺ᤰᤗᤥ॥ \v 14 ᤁᤖ ᤂᤧᤏᤧ᤹ᤃ ᤁᤧᤄᤥ᤺ᤛᤢᤒᤠ ᤏᤡᤛᤠᤶᤔᤥ ᤆᤰᤔᤧᤸᤗ᤹ᤀᤣ ᤐᤳᤇᤧ᤹ᤀᤥ॥ ᤂᤧᤴ ᤏᤡᤛᤠᤶᤜᤠ᤹ ᤛᤧᤰᤂᤠᤀᤣ ᤔᤧᤈᤥ᤺ᤰ ᤑᤠ᤹ᤀᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤏᤡᤛᤠᤶ ᤁᤧᤜᤢ᤹ᤒᤠᤜᤠ᤹ ᤋᤠ᤺ᤰᤐᤥ ᤕᤢᤱᤔᤠ ᤁᤧᤛᤢᤰᤋᤢᤛᤡ᤹ᤖᤥ॥ \v 15 ᤂᤧᤏᤧ᤹ ᤁᤧᤈᤢ᤺ᤰᤋᤧᤀᤠᤱᤎᤥ ᤏᤢ᤺ᤖᤡᤰᤁᤠᤱ ᤛᤣᤛᤣ ᤛᤠᤶᤕᤥᤛᤠᤵᤗᤠ ᤁᤧᤗᤧᤛ᤻ᤛᤢᤀᤠᤱ ᤁᤧᤘᤠ᤹ᤖᤥ॥ ᤒᤠ ᤁᤴ ᤐᤠ᤺ᤴᤜᤠ᤹ᤀᤥᤗᤠᤶ ᤂᤪᤡᤛ᤻ᤋ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰᤔᤠ ᤂᤥᤃᤧᤍᤧᤵᤐᤠ ᤛᤧᤴᤗᤵᤖᤧᤴ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ ᤁᤧᤄᤥ᤺ᤛᤢ᤹ᤖᤥ॥ \v 16 ᤁᤠᤰ ᤛᤠᤶᤕᤥᤛᤠᤵᤗᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠᤶᤈᤠᤱᤘᤠᤗᤠᤶ ᤀᤠᤒᤡᤖᤧᤒᤠᤖᤥ. ᤜᤧᤰᤁᤩᤠᤱ ᤂᤧᤱᤃ ᤛᤠᤶᤕᤥᤏᤡᤒᤠ ᤏᤡᤛᤠᤶ ᤐᤡᤔᤠ. ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤧᤴ ᤏᤢ᤺ᤖᤡᤰᤁᤠᤱ ᤋᤥ᤺ᤶᤔᤠ. ᤜᤧᤰᤁᤩᤠᤱ ᤏᤛᤠᤏᤡᤒᤠ ᤜᤡᤱᤔᤴᤏᤥ ᤜᤡᤱᤔᤠ ᤀᤥ᤺ᤴᤎᤠᤰ ᤐᤡᤔᤠ. ᤛᤠ᤹ᤖᤡᤰ ᤕᤠ᤺ᤶᤒᤰ ᤀᤠᤒᤡ᤹ᤖᤥ॥ \v 17 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤖᤧ ᤁᤠᤰ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ ᤆᤥ᤺ᤰᤔᤠ ᤔᤧᤛᤢᤰᤋᤢᤖ ᤑᤠ᤹ᤀᤠᤱ ᤛᤠᤶᤕᤥᤛᤠᤵᤗᤠ ᤀᤠᤒᤡᤖᤧᤒᤠᤖᤥ॥ \c 4 \p \v 1 ᤂᤪᤡᤛ᤻ᤋ ᤕᤧᤛᤢ᤺ᤴ ᤜᤠᤱ ᤆᤥ᤺ᤰᤛᤧ ᤕᤢ᤺ᤸᤗᤧ ᤁᤠᤰ ᤁᤢᤜᤡᤱᤘᤧᤳ ᤏᤢ ᤁᤢᤛᤡᤘᤧᤳ ᤔᤏᤠᤜᤠ᤹ ᤂᤠᤛᤧᤴ ᤆᤥᤃᤢᤛᤡ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢ ᤕᤧᤛᤢ ᤂᤪᤡᤛ᤻ᤋᤖᤧ ᤂᤢᤴᤇᤡ᤹ ᤋᤃᤡ ᤀᤡᤱᤈᤠ᤺ᤱ ᤐᤡᤏᤧᤖᤥ– \v 2 ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ᤹॥ ᤀᤠᤵᤑᤠᤸᤗᤧᤛᤠᤱ ᤛᤢᤏᤠᤀᤡᤱ ᤛᤧ᤺ᤔᤠ ᤂᤧᤏᤧ᤹ᤃ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤘᤕᤧ᤹ᤀᤥ॥ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤗ ᤏᤡᤛᤠᤶᤏᤢ ᤔᤏᤠᤜᤠ᤹ ᤏᤢ᤺ᤖᤡᤰᤁᤠᤱ ᤂᤠᤜᤢᤴ ᤐᤡᤖᤧᤛᤧ᤹. ᤑᤧ᤺ᤰᤋᤧᤛᤧ᤹. ᤜᤧᤰᤁᤩᤠᤱ ᤜᤠᤱᤜᤠᤱ ᤔᤧᤳᤋᤧᤛᤧ᤹ᤀᤥ॥ \v 3 ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤛᤧᤰᤂᤠ ᤏᤡᤛᤠᤶ ᤂᤧᤶᤔᤠ ᤂᤢᤏᤡ᤹ ᤛᤡᤖᤠ᤹ ᤔᤧᤴᤎᤠᤱᤔᤏᤠ ᤕᤧᤶ ᤋᤠᤖ ᤐᤳ॥ ᤁᤖ ᤂᤧᤱᤜᤠ᤹ᤖᤧᤃ ᤀᤠᤒᤠᤅᤣ ᤕᤠᤶᤏᤡᤱᤘᤠ᤹ᤀᤥ ᤔᤧᤒᤣ᤺ᤰᤁᤠᤱ ᤂᤢᤏᤡ᤹ ᤂᤧᤶᤔᤠ ᤛᤡᤖᤠ᤹ ᤁᤧᤎᤠᤱᤒᤠ ᤐᤠ᤺ᤴᤗᤰ ᤂᤧᤶᤔᤠ ᤑᤠ᤹ᤀᤠᤱ ᤒᤠ ᤜᤧᤰᤋᤱᤒᤠ ᤐᤠ᤺ᤴ ᤁᤧᤒᤠ᤺ᤵᤐᤠ ᤛᤡᤰᤛᤠᤶᤒᤠᤜᤠ᤹ ᤔᤧᤗᤢᤵᤛᤢᤛᤡᤖᤥ॥ \v 4 ᤂᤧᤱᤜᤠ᤹ᤖᤧᤃ ᤛᤧᤰᤂᤠᤒᤠ ᤐᤠ᤺ᤴᤏᤡᤴ ᤔᤧᤏᤠ᤹ᤖᤢᤀᤠᤱ ᤂᤢᤏᤡ᤹ ᤁᤢᤒᤢᤱᤏᤠ ᤁᤢᤛᤶᤒᤠ ᤂᤧᤍᤠ᤹ᤜᤠ᤹ ᤗᤧᤵᤔᤠᤱ ᤏᤡᤱᤘᤠ᤹ ᤔᤧᤒᤡᤖᤢ᤹ᤖᤥ॥ \v 5 ᤁᤖ ᤂᤧᤏᤧ᤹ᤃ ᤁᤠᤰ ᤐᤖᤡᤰᤐᤠ ᤘᤠᤏᤠᤶᤔᤥ ᤜᤠᤱᤜᤠᤱ ᤘᤕᤧ᤹ᤀᤠᤱ ᤋᤢᤰᤂᤣ᤺ᤴ ᤌᤖᤧ᤹. ᤛᤢᤏᤠᤀᤡᤱ ᤛᤧ᤺ᤛ᤻ᤛᤧ᤹. ᤜᤧᤰᤁᤩᤠᤱ ᤂᤧᤏᤧ᤹ ᤔᤠᤱᤛᤣᤘᤠ ᤆᤥ᤺ᤰᤔᤠ ᤁᤧᤕᤠ᤺ᤶᤒᤰᤁᤡᤴ ᤆᤥᤃᤧ ᤛᤢᤖᤧ᤹ᤀᤥ॥ \v 6 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤡ᤺ᤔᤠ ᤕᤧᤶᤔᤡᤱᤃ ᤏᤡ᤺ᤳᤋᤠᤱᤅᤣ ᤋᤩᤧᤀᤠᤱ ᤘᤠ᤹ᤖᤥ॥ ᤀᤡᤱᤃᤠ᤹ ᤀᤠᤜᤡᤱᤔᤴᤏᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤋᤥ᤺ᤶᤔᤏᤠᤒᤠ ᤛᤡᤍᤢᤱᤈᤓᤠ ᤁᤢᤀᤡᤛᤡ᤺ᤰ ᤆᤥ᤺ᤰ॥ \v 7 ᤀᤡᤱᤃᤠ᤹ᤃ ᤀᤠᤛᤢᤰᤛᤢᤰ ᤏᤢ᤺ᤖᤡᤰᤁᤠᤱ ᤏᤛᤠ᤺ᤴᤗᤧᤴ ᤌᤱ ᤌᤰᤋᤠᤱᤅᤠᤱ. ᤀᤠᤗᤥ᤺ᤰᤔᤠᤴ ᤛᤢᤖᤢᤱᤅᤠᤱ ᤘᤠ᤹ᤀᤠ ᤜᤧᤰᤁᤩᤠᤱ ᤏᤛᤠ᤺ᤴᤏᤡᤴ ᤔᤧᤶᤔᤠᤀᤣ ᤁᤳᤋᤢᤱᤅᤠᤱ ᤘᤠ᤹ᤀᤠᤖᤥ॥ \v 8 ᤀᤠᤏᤡ᤹ ᤁᤢᤍᤥ᤺ᤵᤔᤠ ᤂᤠᤛᤧᤴ ᤁᤧᤈᤥ᤺ᤰᤐᤠ ᤍᤠᤱᤒᤠᤸᤗᤧ ᤂᤧᤴ ᤕᤧᤴᤏᤥ ᤛᤠᤶᤕᤥᤏᤡᤒᤠ ᤋᤡᤆ᤺ᤴ ᤜᤠᤱᤛᤧᤶ ᤁᤢᤀᤡᤛᤡ᤺ᤰ ᤐᤡᤀᤠᤖᤥ॥ ᤀᤡᤱᤃᤠ᤹ᤖᤰ ᤔᤧ᤺ᤴ. ᤁᤖ ᤂᤢᤏᤧ᤹ ᤁᤢᤎᤠ᤺ᤴᤇᤡᤱᤔᤠᤴ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤁᤧᤜᤠᤱᤒᤠ ᤁᤠᤰᤗᤧ ᤔᤧᤄᤥ᤺ᤛᤢ᤹ᤖᤥ॥ \s1 ᤐᤠᤘᤗᤖᤧ ᤁᤢᤏᤢᤵᤔᤠ ᤁᤢᤒᤠ᤺ᤴᤏᤡᤴ \p \v 9 ᤂᤧᤏᤧ᤹ ᤀᤡᤱᤃᤠ᤹ᤀᤥ ᤜᤠᤖᤠ ᤑᤧᤶᤔᤠ ᤁᤧᤛᤢᤰᤛᤢᤰ ᤋᤶᤛᤡᤴ ᤆᤥᤃᤧ᤹ᤀᤥ॥ \v 10 ᤌᤣᤀᤠᤱᤓᤧᤸᤗᤧ ᤍᤣᤔᤠᤛᤖᤧ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ ᤔᤡ᤺ᤶᤈᤡ ᤔᤧᤳᤋᤢ ᤜᤧᤰᤁᤩᤠᤱ ᤀᤡᤱᤃᤠ᤹ ᤗᤧᤖᤠᤱᤅᤠᤱ ᤌᤡᤛ᤻ᤛᤗᤥᤏᤡᤁᤠ ᤐᤣᤀᤠᤱ ᤘᤠ᤹ᤖᤥ॥ ᤁᤪᤣᤛᤣᤴᤛᤧᤴ ᤃᤗᤠᤋᤡᤕᤠ ᤌᤢᤶᤔᤥ ᤐᤣᤀᤠᤱ ᤘᤠ᤹ ᤜᤧᤰᤁᤩᤠᤱ ᤋᤡᤋᤛᤧᤴ ᤍᤠᤸᤔᤠᤋᤡᤕᤠ ᤌᤢᤶᤔᤥ ᤐᤣᤖᤥ॥ \v 11 ᤀᤡᤱᤃᤠ᤹ᤏᤢᤃ ᤗᤢᤁᤠᤖᤰ ᤘᤠ᤹ᤖᤥ॥ ᤂᤧᤏᤧ᤹ ᤁᤧᤓᤧᤴᤏᤡᤸᤗᤧ ᤔᤷᤁᤢᤛᤧᤴᤏᤠᤱ ᤂᤧᤏᤧ᤹ᤏᤢ ᤛᤥᤖᤡᤰ ᤑᤧᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤕᤠ᤺ᤶᤒᤰᤁᤥ ᤂᤧᤸᤗᤧ ᤕᤖᤡᤰ ᤁᤢᤓᤠ᤹ ᤐᤡᤀᤠᤖᤥ॥ \v 12 ᤀᤡᤱᤃᤠ᤹ ᤋᤢᤂᤡᤁᤛᤧᤴ ᤀᤣᤑᤡᤛᤛᤀᤥ ᤐᤠᤱᤄᤢᤱᤍᤣ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ \v 13 ᤂᤧᤏᤧ᤹ ᤁᤧᤓᤧᤴᤏᤡᤸᤗᤧ ᤋᤪᤥᤀᤠᤛᤗᤠᤶ ᤁᤠᤷᤐᤛᤧᤸᤗᤥ ᤏᤧᤛ᤻ᤛᤢᤱᤎᤠᤱᤒᤠ ᤆᤢᤱᤃᤠ ᤏᤢ ᤛᤠᤵᤐᤴᤜᤠ᤹ ᤑᤧᤳᤋᤧᤛᤧ᤹ᤀᤥ॥ ᤜᤧᤰᤁᤩᤠᤱ ᤛᤧᤜᤥᤒᤠ ᤛᤠᤵᤐᤴᤏᤡᤴ ᤏᤡᤱᤘᤠ᤹ ᤔᤧᤶᤓᤣ᤺ᤴᤏᤣ ᤑᤧᤳᤋᤧ᤹ᤀᤥ॥ \v 14 ᤑᤧᤴ ᤁᤧᤎᤰᤐᤠ ᤀᤗᤧᤰᤈᤧᤴᤍᤖᤗᤧ ᤀᤡᤱᤃᤠ᤹ ᤛᤠ᤹ᤖᤡᤰ ᤋᤢᤰᤂᤣ ᤆᤠ᤺ᤳᤋᤠᤱᤗᤥ॥ ᤍᤠᤱᤒᤠᤸᤗᤧ ᤜᤠᤖᤠ᤹ ᤁᤢᤕᤠ᤺ᤶᤒᤰ ᤁᤢᤀᤡᤛᤡ᤺ᤰ ᤐᤡᤖᤢᤏᤡᤖᤥ॥ \v 15 ᤂᤧᤏᤧ᤹ᤀᤠᤱ ᤂᤧᤴᤏᤢ ᤛᤡᤱᤛᤡᤱ ᤕᤧᤰᤕᤧᤰ ᤘᤕᤧ᤹. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤀᤠᤏᤡᤃᤧ ᤏᤡᤛᤠᤶᤔᤡᤴ ᤛᤠ᤹ᤖᤡᤰ ᤀᤳᤋᤢᤖᤥ॥ \v 16 ᤌᤡᤰᤛᤡᤃᤣ᤺ᤰᤐᤥ ᤀᤡᤱᤃᤠ᤹ ᤂᤠᤛᤧᤴᤗᤥᤒᤠᤸᤗᤥ ᤔᤧᤍᤠᤖᤠᤱᤅᤡᤸᤗᤧ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤕᤠᤵᤔᤡ ᤁᤢᤓᤠ᤹ ᤔᤧᤶᤒᤡᤖᤠᤱᤅᤡᤴ. ᤁᤖ ᤁᤧᤖᤧᤰᤗᤧ ᤀᤡᤱᤃᤠ᤹ ᤔᤧᤗᤧᤖᤠᤱᤅᤠᤱ ᤔᤧᤒᤣᤖᤥ॥ ᤁᤴ ᤐᤠ᤺ᤴᤏᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤂᤠᤛᤧᤴ ᤔᤧᤈᤥᤃᤢᤴᤏᤡᤖᤥ॥ \v 17 ᤁᤖ ᤍᤠᤱᤒᤠᤴ ᤀᤡᤱᤃᤠ᤹ᤏᤢ ᤘᤕᤧᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤢᤏᤠᤀᤡᤱ ᤂᤧᤶᤔᤠ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤁᤧᤛᤢᤰᤐᤠ ᤐᤥ᤺ᤱᤔᤠ ᤌᤢᤶ ᤐᤡᤖᤠᤱᤗᤥ॥ ᤍᤠᤱᤒᤠᤸᤗᤧᤃ ᤀᤡᤱᤃᤠ᤹ ᤌᤧᤖᤡᤱᤒᤠᤸᤗᤧ ᤁᤢᤔᤢᤖᤠᤀᤥᤗᤠᤶᤔᤠᤱ ᤛᤧ᤺ᤵᤋᤠᤱᤗᤥ॥ \v 18 ᤍᤠᤱᤒᤠᤸᤗᤧ ᤀᤡᤱᤃᤠ᤹ ᤁᤠᤰ ᤑᤧᤴ ᤐᤠ᤺ᤴᤏᤥᤗᤠᤶ ᤛᤧ᤺ᤵᤐᤠᤀᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤁᤢᤜᤠᤱᤈᤢᤶᤔᤥ ᤁᤶᤒᤪᤠᤱ ᤔᤧᤳᤋᤠᤖ ᤋᤣ᤹ᤀᤠᤖᤥ॥ ᤍᤠᤱᤒᤠᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤛᤍᤠᤍᤡᤱ ᤏᤢ ᤛᤍᤠᤍᤡᤱ ᤐᤥ᤺ᤱᤏᤡᤖᤥ॥ ᤀᤠᤔᤧᤴ॥ \s1 ᤁᤢᤏᤢᤵᤔᤠ ᤛᤧᤶᤔᤢ᤹ᤀᤡ ᤛᤣᤘᤠ \p \v 19 ᤀᤡᤱᤃᤠ᤹ ᤐᤪᤡᤛ᤻ᤁᤡᤗᤠ ᤏᤢ ᤀᤁᤫᤡᤗᤠ ᤜᤧᤰᤁᤩᤠᤱ ᤀᤥᤏᤣᤛᤡᤑᤥᤖᤛᤖᤧ ᤁᤢᤜᤡᤶᤛᤕᤱᤜᤠ᤹ ᤀᤠᤛᤣᤘᤠᤔᤢ ᤔᤧᤳᤋᤧᤛᤧ᤹ᤀᤥ॥ \v 20 ᤀᤡᤖᤠᤛ᤻ᤋᤛᤧᤴ ᤁᤥᤖᤴᤌᤡᤀᤥ ᤘᤕᤧ ᤗᤠᤖᤧᤖᤥ॥ ᤜᤧᤰᤁᤩᤠᤱ ᤋᤪᤥᤑᤡᤔᤛᤧᤴ ᤋᤢᤃᤧᤖ ᤘᤕᤧᤒᤠᤸᤗᤧ ᤔᤡᤗᤣᤋᤛᤀᤥᤀᤣ ᤐᤰᤌᤠᤱᤗᤥ॥ \v 21 ᤁᤧᤛᤢᤰᤋᤢᤏᤧ ᤑᤠ᤹ᤃᤪ ᤆᤢᤱᤘᤠ᤺ᤶᤔᤠ ᤋᤠᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤧᤏᤧ᤹ ᤀᤡᤱᤃᤠ᤹ᤀᤥ ᤋᤠ᤺ᤔᤠ ᤋᤶᤛᤡᤴ ᤆᤥᤃᤧ᤹ᤀᤥ॥ ᤕᤢᤒᤗᤛ. ᤜᤧᤰᤁᤩᤠᤱ ᤐᤢᤍᤣᤏᤛ. ᤗᤡᤏᤛ. ᤰᤗᤦᤍᤡᤕᤠ ᤜᤧᤰᤁᤩᤠᤱ ᤁᤠᤰ ᤘᤣ᤹ ᤑᤢ᤹ᤏᤢᤛᤠ᤹ᤜᤠ᤹ᤖᤧᤀᤠᤱ ᤂᤧᤏᤧ᤹ ᤛᤣᤘᤠ ᤁᤧᤶᤜᤠᤰᤋᤧᤀᤠᤱ ᤘᤠ᤹ᤖᤥ॥ \v 22 ᤍᤠᤱᤒᤠᤴ ᤂᤧᤏᤧ᤹ᤏᤢ ᤘᤠ᤹ᤖᤖᤥ॥ ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤴ ᤁᤧᤖᤧᤰᤏᤢ ᤘᤠ᤹ᤖᤖᤥ॥