\id 2TH \h ᥈ ᤌᤡᤛ᤻ᤛᤗᤥᤏᤡᤁᤡ \toc1 ᤐᤠᤘᤗᤖᤧ ᤌᤡᤛ᤻ᤛᤗᤥᤏᤡᤁᤡᤜᤠ᤹ ᤜᤠᤰᤋᤢᤛᤡᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \toc2 ᥈ ᤌᤡᤛ᤻ᤛᤗᤥᤏᤡᤁᤡ \toc3 ᥈ ᤌᤡᤛ᤻ᤛᤗᤥᤏᤡᤁᤡ \mt1 ᤐᤠᤘᤗᤖᤧ ᤌᤡᤛ᤻ᤛᤗᤥᤏᤡᤁᤡᤜᤠ᤹ ᤜᤠᤰᤋᤢᤛᤡᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \imt1 ᤏᤡ᤺ᤛᤢᤶ \ip ᤌᤡᤛ᤻ᤛᤗᤥᤏᤡᤁᤡ ᤕᤧᤰᤕᤰᤁᤥᤒᤠ ᤛᤣᤛᤣᤜᤢᤵᤗᤰᤁᤥ ᤂᤪᤡᤛ᤻ᤋᤖᤧ ᤁᤢᤕᤢ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤴᤎᤱ ᤐᤥᤃᤧᤀᤠᤱ ᤘᤕᤧ॥ ᤁᤴ ᤐᤠ᤺ᤴᤎᤱᤅᤡᤴ ᤛᤠ᤹ᤖᤡᤰ ᤐᤥᤃᤧᤸᤗᤧ ᤏᤛᤠᤏᤡᤒᤠ ᤗᤢᤶᤔᤥ ᤐᤡᤷᤒᤣ᤺ᤴᤒᤠ ᤐᤠ᤺ᤴ ᤋᤩᤧᤖᤥ॥ ᤁᤢᤓᤠᤖᤧ ᤂᤪᤡᤛ᤻ᤋᤧᤴ ᤋᤃᤡᤛᤠ ᤕᤧ ᤆᤢᤖᤧᤀᤠᤱ ᤘᤠ᤹ ᤗ᤹ᤖᤡᤰ ᤏᤛᤠ᤺ᤴ ᤔᤧᤈᤥᤃᤢᤖᤥ॥ ᤛᤣ᤺ᤰᤕᤢᤰᤔᤡᤒᤠ ᤐᤠᤘᤗᤖᤧ ᤀᤰᤋᤱᤒᤠ ᤏᤛᤠ᤺ᤴᤏᤡᤴ ᤀᤳᤋᤢᤖ ᤁᤴ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤒᤠᤖᤥ॥ ᤁᤴ ᤛᤰᤀᤡᤱᤄᤱᤅᤥ ᤂᤪᤡᤛ᤻ᤋᤧᤴ ᤋᤠᤔᤠᤏᤢ᤺ᤸᤗᤧ ᤋᤃᤡ ᤂᤪᤡᤛ᤻ᤋᤧᤴ ᤁᤧᤀᤵᤐᤠ ᤛᤡᤒᤡ᤹ ᤐᤠ᤺ᤴ ᤁᤢᤎᤡᤶᤒᤠ ᤔᤏᤠ᤺ᤴ ᤌᤠ᤺ᤶᤛᤡᤱ ᤜᤧᤰᤁᤩᤠᤱ ᤂᤧᤸᤗᤧ ᤛᤠ᤹ᤖᤡᤰᤁᤣ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤑᤥ᤺ᤛᤢᤖ ᤋᤣ᤹ᤖᤢᤖᤥ ᤗ᤹ᤖᤡᤰ ᤐᤠᤘᤗᤖᤧ ᤛᤠᤵᤋᤢᤖᤥ॥ \ip ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱ ᤁᤧᤏᤡ᤺ᤵᤐᤠᤜᤠ᤹ ᤀᤠᤰᤋᤱᤒᤠ ᤀᤡᤏᤥᤃᤧᤴ ᤋᤢᤰᤂᤣ ᤐᤥ᤺ᤱᤛᤠᤱ. ᤏᤛᤠ᤺ᤴᤏᤥ ᤔᤧᤶᤔᤢᤴᤏᤣ ᤘᤠ᤹ᤔᤠ ᤐᤥ᤺ᤱ ᤔᤧᤳᤋᤢᤛᤡ॥ ᤜᤧᤰᤁᤩᤠᤱ ᤂᤢᤏᤧ᤹ ᤏᤢ ᤁᤢᤴᤈᤢᤶᤜᤠ᤹ᤖᤧ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰᤁᤣ ᤕᤠᤶᤒᤢᤎᤡᤰᤁᤠᤱ ᤜᤡᤶᤒᤪᤠᤶᤗᤧ ᤗᤠᤃᤡ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤥ᤺ᤱ. ᤜᤧᤰᤁᤣᤗ᤹ᤖᤡᤰᤁᤣ ᤔᤧᤴᤏᤠ᤺ᤶᤛᤡᤱᤅᤣ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤥ᤺ᤱ ᤑᤠ᤹ᤀᤠᤱ ᤔᤧᤳᤋᤢᤛᤡᤖᤥ॥ \is1 ᤌᤠᤔᤡᤱ \io1 ᤏᤡ᤺ᤛᤢᤶ ᤏᤢ ᤛᤣᤘᤠ ᥇.᥇-᥈ \io1 ᤏᤡᤱᤄᤢᤶᤔᤥ ᤀᤠ᤺ᤴᤇᤡᤱᤔᤠᤴ ᥇.᥉-᥇᥈ \io1 ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤏᤡᤛᤠᤶ ᥈.᥇-᥇᥍ \io1 ᤂᤪᤡᤛ᤻ᤋᤠᤏᤡ ᤜᤡᤱᤔᤴᤗᤧ ᤗᤠᤃᤡ ᤂᤠᤜᤢᤴ ᥉.᥇-᥇᥋ \io1 ᤁᤢᤏᤢᤵᤔᤠ ᤛᤣᤘᤠ ᥉.᥇᥌-᥇᥎ \c 1 \s1 ᤐᤠᤘᤗᤗᤠᤶ ᤛᤣᤘᤠ \p \v 1 ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤀᤥ ᤌᤡᤛ᤻ᤛᤗᤥᤏᤡᤁᤠᤛ᤻ᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤁᤢᤕᤠᤵᤔᤡᤜᤠ᤹ᤀᤥ ᤀᤡᤱᤃᤠ᤹ ᤐᤠᤘᤗ. ᤛᤡᤗᤠᤛ ᤏᤢ ᤋᤡᤔᤥᤌᤡᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤁᤠᤛᤡᤃᤧᤒᤠᤖᤥ॥ \v 2 ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤂᤡᤏᤡ᤹ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤁᤧᤒᤡᤖᤡᤖ॥ \s1 ᤏᤡᤱᤄᤢᤶᤔᤥ ᤀᤠ᤺ᤴᤇᤡᤱᤔᤠ \p \v 3 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤍᤠᤍᤡᤱ ᤏᤥᤃᤧᤴ ᤐᤡᤔᤠᤀᤣ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤜᤧᤰᤁᤣ ᤆᤥ᤺ᤰᤔᤠᤃ ᤗᤠ᤹ᤖᤢᤀᤣᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤒᤥ᤺ᤖᤡᤖ ᤁᤧᤒᤳᤇᤡᤀᤠᤱ ᤗᤢᤱᤔᤠ᤹ ᤁᤧᤍᤢᤰᤁᤠᤛᤡᤒᤠ ᤐᤠ᤺ᤴᤏᤡᤴ ᤐᤥ᤺ᤖ ᤐᤳᤗᤥ॥ \v 4 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤘᤣ᤹ ᤁᤢᤛᤣᤛᤣᤜᤢᤵᤗᤰᤜᤠ᤹ᤀᤥ ᤀᤠᤏᤡᤃᤧ ᤏᤧᤒᤥ ᤆᤠᤱᤈᤠᤱ ᤔᤧᤳᤋᤢᤶᤒᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠ᤺ᤴ ᤁᤧᤈᤥᤃᤢᤶᤔᤠᤱ ᤁᤠᤰ ᤁᤧᤛᤠᤰᤐᤠ ᤐᤠ᤺ᤴ ᤏᤢ ᤋᤢᤰᤂᤣᤜᤠ᤹ ᤆᤰᤔᤧᤸᤗ᤹ᤀᤣ ᤁᤧᤎᤖᤢᤶᤔᤠᤱ ᤁᤧᤘᤕᤡ᤹ᤖᤥ॥ \p \v 5 ᤁᤸᤗᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤏᤡᤒᤠ ᤂᤠᤛᤧᤴ ᤆᤥᤃᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤆᤥᤃᤢᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤰᤂᤣ ᤁᤧᤎ᤺ᤖᤢᤶᤗ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤜᤠᤱᤈᤢᤶᤗᤧᤴ ᤛᤢᤶᤒᤥᤎᤠᤛᤠᤒᤠ ᤁᤧᤒᤥ᤺ᤰᤂᤡ᤹ᤖᤥ॥ \v 6 ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤶᤕᤥᤏᤡᤒᤠ ᤆᤥ᤺ᤰᤐᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤰᤂᤣ ᤁᤧᤈᤠ᤺ᤵᤐᤠᤜᤠ᤹ ᤂᤢᤏᤧ᤹ ᤂᤢᤶᤍᤡᤱ ᤐᤡᤖᤢᤛᤡ᤹ᤖᤥ॥ \v 7-8 ᤍᤠᤱᤒᤠ ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤏᤢ᤺ᤱ ᤕᤢ᤺ᤸᤗᤧ ᤂᤡᤏᤡ᤹ ᤋᤢᤰᤂᤣᤀᤥᤗᤠᤶ ᤏᤠ᤺ᤶᤛᤡᤱᤔᤠ ᤁᤧᤒᤡᤖᤡ᤹. ᤜᤧᤰᤁᤩᤠᤱ ᤀᤠᤏᤡᤃᤧᤀᤠᤱ ᤏᤠ᤺ᤶᤛᤡᤱᤔᤠ ᤂᤥ᤺ᤛᤢᤶᤒᤧ᤹ᤖᤥ॥ ᤂᤢᤏᤧ᤹ ᤁᤢᤔᤢᤰᤛᤠᤶᤃᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ ᤔᤡᤖᤠ᤺ᤰᤁᤥ ᤕᤢ᤺ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠᤒᤠᤜᤠ᤹ ᤏᤢ ᤔᤡ᤺ᤶᤈᤡ ᤍᤠᤱᤒᤠ ᤕᤧᤛᤢᤖᤧ ᤁᤢᤛᤢᤏᤠᤀᤡᤱ ᤋᤧᤴᤍᤡᤱ ᤆᤥ᤺ᤰᤔᤠ ᤔᤧᤴᤍᤧᤶᤔᤏᤠᤒᤠᤜᤠ᤹ ᤂᤢᤶᤍᤡᤱ ᤐᤡᤖᤢᤛᤡᤖᤥ॥ \v 9 ᤂᤧᤱᤜᤠ᤹ᤖᤧᤃ ᤔᤧᤴᤏᤢᤵᤔᤏᤠᤒᤠ ᤔᤧᤰᤔᤠ ᤂᤢᤶᤍᤡᤱ ᤔᤧᤄᤥ᤺ᤛᤢ᤹. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤍᤃᤡᤗᤠᤶ ᤏᤢ ᤔᤢᤰᤛᤠᤶᤃᤧᤴ ᤁᤢᤔᤡᤔᤡᤍᤡᤱᤗᤠᤶ ᤘᤣ᤹ ᤔᤧᤛᤧᤴᤗᤥ॥ \v 10 ᤂᤢᤏᤧ᤹ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴᤏᤥ ᤀᤠᤒᤠᤅᤣ ᤛᤣᤛᤣ ᤁᤢᤔᤏᤠᤜᤠ᤹ ᤏᤢ ᤂᤢᤏᤧ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤀᤥᤗᤠᤶ ᤔᤡᤔᤡᤍᤡᤱ ᤏᤧᤶᤓᤥ᤺ᤔᤠ ᤋᤠ᤺ᤰᤋᤢᤖᤥ॥ ᤂᤧᤵᤔᤥᤃ ᤂᤡᤏᤡ᤹ᤀᤠᤱ ᤁᤧᤘᤕᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤡᤱᤓᤴ ᤆᤥ᤺ᤰᤁᤠᤛᤡᤃᤧᤒᤠ ᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤁᤧᤈᤥᤃᤢᤶᤗᤥ॥ \v 11 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤀᤢ᤺ᤳᤋᤡᤒᤠ ᤜᤡᤱᤔᤴᤏᤥ ᤛᤢᤶᤒᤥᤎᤠᤛᤠᤒᤠ ᤁᤧᤒᤥ᤺ᤰᤂᤡᤏᤡ. ᤜᤧᤰᤁᤩᤠᤱ ᤂᤡᤏᤡ᤹ ᤏᤥᤏᤡᤱᤘᤠ᤹ᤛᤥ᤺ᤰ. ᤏᤛᤠ᤺ᤴ. ᤏᤢ ᤁᤧᤈᤥᤃᤢᤶᤒᤠ ᤏᤥᤕᤠ᤺ᤶᤒᤰᤜᤠ᤹ ᤂᤢᤏᤧ᤹ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤗᤡᤱᤎᤥ ᤁᤧᤃᤧᤳᤋᤡ ᤁᤧᤒᤡᤖᤡᤏᤡ ᤑᤠ᤹ᤀᤠᤱ ᤀᤠᤵᤑᤠᤸᤗᤧᤛᤠᤱ ᤆᤰᤔᤧᤸᤗ᤹ᤀᤣ ᤂᤡᤏᤡ᤹ ᤏᤡᤱᤘᤠ᤹ ᤀᤡ᤺ᤳᤋᤠᤛᤡᤃᤧᤖ ᤂᤡᤏᤡ᤹ ᤕᤠ᤺ᤶᤒᤥᤀᤥ ᤋᤢᤘᤠ ᤆᤥᤃᤢᤶᤒᤧ᤹ᤖᤥ॥ \v 12 ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤗᤠᤶ ᤍᤠᤱᤒᤠ ᤕᤧᤛᤢᤖᤧ ᤁᤢᤏᤠᤖᤠ ᤁᤧᤓᤥ᤺ᤛᤢᤶᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶ ᤂᤡᤏᤡ᤹ᤀᤠᤱ ᤀᤡᤱᤎᤠ᤺ᤱ ᤁᤧᤄᤥ᤺ᤛᤢᤶᤗᤥ॥ \c 2 \s1 ᤍᤠᤱᤒᤠᤴ ᤏᤢ᤺ᤱᤔᤠ ᤕᤢ᤺ᤔᤠ ᤋᤃᤡ ᤁᤧᤒᤥ᤺ᤱᤒᤠ ᤜᤡᤴᤍᤥ᤺ᤰᤜᤠ᤹ \p \v 1-2 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤧᤴ ᤏᤢ ᤂᤢᤏᤧ᤹ᤀᤥ ᤀᤠᤏᤡ᤹ ᤁᤠᤰ ᤏᤛᤠᤏᤡᤒᤠ ᤑᤢᤱᤛᤡᤱᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ. ᤍᤠᤱᤒᤠᤖᤧ ᤁᤢᤕᤢ᤺ᤔᤧᤴ ᤐᤥ᤺ᤰᤂᤧ ᤆᤢᤖᤧ ᤑᤠ᤹ᤀᤠᤱ ᤘᤣ᤹ᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤵᤔᤠᤀᤠᤱ ᤗᤢᤱᤔᤠ᤹ ᤛᤥ᤺ᤶᤔᤠ ᤔᤧ᤺ᤴᤗᤥ ᤗ᤹ᤖᤡᤰ ᤐᤣᤗᤡ ᤑᤠᤰᤁᤠᤛᤡᤃᤧᤖᤥ॥ ᤜᤧᤰᤁᤣᤗ᤹ᤖᤡᤰ ᤁᤢᤓᤠᤖᤧᤃ ᤀᤠᤏᤡᤃᤧᤗᤠᤶᤒᤠ ᤁᤧᤍᤠ᤺ᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ. ᤀᤡᤱᤓᤴ. ᤜᤧᤰᤁᤩᤠᤱ ᤛᤠᤵᤋᤢᤶᤒᤧᤒᤠ ᤛᤰᤀᤡᤱᤄᤱᤅᤡᤸᤗᤧ ᤁᤢᤒᤣ᤺ᤴ ᤐᤡᤷᤒᤣ᤺ᤴ ᤔᤧᤀᤡ᤺ᤳᤋᤢ ᤔᤧᤒᤠ᤺ᤳᤋᤢᤖᤥ॥ \v 3 ᤁᤖ ᤀᤰᤂᤣᤗ᤹ᤖᤡᤰ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤀᤡᤱᤗᤧᤰ ᤁᤧᤔᤧᤶᤔᤧᤳᤋᤡᤴᤗ. ᤌᤣᤀᤠᤱᤓᤧᤸᤗᤧ ᤂᤧᤴ ᤕᤧᤶᤔᤡᤴ ᤔᤧᤴᤍᤠᤀᤣ ᤘᤠ᤹ᤖᤥ॥ ᤂᤧᤴ ᤕᤧᤶᤔᤡᤴ ᤋᤠᤔᤠᤏᤢ᤺ᤸᤗᤧ ᤋᤃᤡᤃ ᤁᤢᤏᤢᤵᤔᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤕᤶ ᤒᤡᤑᤩᤢᤱ ᤐᤥ᤺ᤱ. ᤜᤧᤰᤁᤩᤠᤱ ᤐᤕᤶ ᤗᤠᤕᤥ ᤁᤧᤈᤥ᤺ᤰᤐᤠ ᤐᤠᤰᤁᤢᤶᤓᤡᤀᤥ ᤁᤧᤒᤣ᤺ᤰᤐᤠ ᤔᤏᤠ᤺ᤴ ᤌᤠ᤺ᤶᤛᤡᤱᤗᤥ॥ \v 4 ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱ ᤏᤢ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ᤖᤧ ᤛᤣᤘᤠ ᤔᤧᤈᤥᤃᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤀᤳᤋᤢᤛᤡᤀᤠᤱ ᤁᤠᤰᤏᤢ᤺ᤸᤗᤧ ᤕᤶᤒᤠ ᤗᤧᤱᤛᤡᤱᤗᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤀᤠᤖᤥ ᤗ᤹ᤖᤡᤰ ᤔᤧᤳᤇᤡᤱᤗ ᤏᤡᤱᤘᤠ᤹ᤑᤢ ᤔᤠᤱᤜᤡᤶᤔᤥ ᤗᤠ᤺ᤳᤋᤠᤱ ᤕᤢᤱᤛᤡᤱᤗᤥ॥ \p \v 5 ᤀᤡᤱᤃᤠ᤹ ᤂᤡᤏᤡ᤹ᤏᤢ ᤘᤕᤠᤱᤅᤡᤸᤗᤧᤛᤠ ᤔᤧᤳᤏᤡᤱᤒᤠ ᤁᤴ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤁᤧᤴᤀᤡ᤺ᤳᤋᤢᤶᤔᤡᤴᤒᤡ᥅ \v 6 ᤐᤕᤶ ᤗᤠᤕᤥ ᤁᤧᤈᤥ᤺ᤰᤐᤧᤴ ᤜᤠᤖᤠ᤹ ᤁᤢᤕᤧᤶ ᤁᤧᤳᤋᤠᤱᤗᤰ ᤌᤠ᤺ᤶᤛᤡᤱᤗ ᤑᤠ᤹ᤀᤠᤱ ᤁᤢᤗᤠᤶ ᤁᤧᤛᤠᤰᤐᤧᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤔᤣᤖᤥ॥ \v 7 ᤋᤃᤡᤏᤢᤀᤣ ᤗᤠᤕᤥ᤺ᤸᤗᤧ ᤛᤡᤃᤠᤱᤃᤧᤴ ᤔᤢᤰᤛᤠᤶᤔᤡᤴ ᤕᤠ᤺ᤶᤒᤰ ᤆᤥ᤺ᤰᤏᤢ ᤕᤠᤰ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤗᤠᤶ ᤁᤧᤛᤠᤰᤐᤧᤴ ᤁᤢᤗᤠᤶᤔᤥᤗᤠᤶ ᤔᤧᤱᤄᤧᤳᤋᤣ ᤌᤠᤖᤡᤰ ᤂᤧᤸᤗᤧ ᤁᤢᤕᤠ᤺ᤶᤒᤰᤁᤡᤴ ᤗᤠ᤺ᤰᤁᤠᤳ ᤔᤧᤎᤠ᤺ᤵᤏᤧᤴᤗᤥ॥ \v 8 ᤜᤧᤰᤁᤩᤠᤱ ᤐᤕᤶ ᤕᤶᤒᤠ ᤗᤠᤕᤥ ᤁᤧᤈᤥ᤺ᤰᤐᤧᤴ ᤌᤠ᤺ᤶᤛᤡᤱᤗᤥ॥ ᤁᤖ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤢᤖᤠᤀᤥᤗᤠᤶ ᤁᤧᤗ᤺ᤶᤒᤠ ᤛᤠ᤺ᤱᤃᤢᤃᤧᤴ ᤛᤰᤔᤠ᤺ᤸᤗᤧ ᤔᤢ᤺ᤳᤋᤢ ᤛᤧᤖᤢ᤹. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤕᤢ᤺ᤔᤠᤸᤗᤧ ᤔᤡᤔᤡᤍᤡᤱᤃᤧᤴ ᤁᤢᤀᤥ᤺ᤴᤎᤠᤰᤁᤡᤸᤗᤧ ᤂᤧᤴ ᤔᤧᤶᤓᤤ ᤆᤥᤃᤢᤖᤥ॥ \v 9 ᤐᤕᤶ ᤗᤠᤕᤥ ᤁᤧᤈᤥ᤺ᤰᤐᤧᤸᤗᤧ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤕᤖᤡᤰ ᤐᤖᤡᤰᤗᤧᤴ ᤑᤥᤋᤩᤠᤒᤠ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥᤃᤢᤖ ᤋᤠ᤺ᤖᤥ॥ \v 10 ᤂᤧᤸᤗᤧ ᤔᤧᤶᤓᤤ ᤁᤧᤒᤥ᤺ᤱᤒᤠᤜᤠ᤹ ᤁᤠᤰ ᤐᤖᤡᤰᤗᤧᤴ ᤑᤧᤴ ᤕᤠ᤺ᤶᤒᤰᤜᤠ᤹ᤖᤧ ᤀᤡᤱᤗᤧᤰ ᤔᤧᤳᤋᤢᤛᤡ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤛᤧᤰᤂᤠ᤺ᤴ ᤔᤡ᤺ᤶᤈᤡ ᤔᤧᤵᤔᤠᤖ ᤋᤠᤱᤛᤧ᤺ᤵᤛᤡᤱᤔᤠ ᤔᤧᤏᤠ᤹ᤖᤢᤀᤠᤱ ᤔᤧᤘᤠ᤹ᤖᤥ॥ \v 11 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤠᤖᤠ᤹ ᤀᤡᤱᤗᤧᤰᤁᤡᤴ ᤏᤛᤠ᤺ᤴ ᤔᤧᤈᤥᤃᤢᤖ ᤑᤠ᤹ᤀᤠᤱ ᤂᤧᤱᤜᤠ᤹ᤀᤥ ᤀᤡᤱᤗᤧᤰᤁᤣ ᤔᤢᤰᤛᤠᤶᤔᤡᤴ ᤐᤠᤱᤄᤢᤖᤥ॥ \v 12 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤛᤧᤰᤂᤠ᤺ᤴ ᤏᤛᤠ᤺ᤴ ᤔᤧᤴᤈᤥᤃᤢᤴ. ᤁᤖ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠᤀᤣ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗᤥ. ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤶᤍᤡᤱ ᤔᤧᤄᤥ᤺ᤛᤢ᤹ᤖᤥ॥ \s1 ᤏᤛᤠ᤺ᤴᤏᤥ ᤔᤧᤶᤔᤢᤴᤏᤣ ᤘᤠ᤹ᤔᤠ \p \v 13 ᤍᤠᤱᤒᤠᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡᤃᤧ ᤛᤍᤠᤍᤡᤱ ᤏᤥᤃᤧᤴ ᤐᤡᤔᤠᤀᤣ ᤐᤥ᤺ᤱᤗᤥ. ᤌᤣᤀᤠᤱᤓᤧᤸᤗᤧ ᤋᤥᤗᤡᤱᤛᤥᤔᤢᤀᤠᤱᤎᤥᤀᤣ ᤛᤣᤛᤣᤔᤠᤱᤅᤡᤸᤗᤧ ᤛᤣᤛᤣᤃᤧᤴ ᤛᤢᤳᤌᤥ ᤆᤥᤃᤢᤒᤠ ᤁᤢᤕᤠ᤺ᤶᤒᤰᤗᤠᤶ ᤏᤢ ᤛᤧᤰᤂᤠᤀᤥ ᤏᤛᤠ᤺ᤴ ᤆᤥ᤺ᤰᤔᤠᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤋᤠᤱᤛᤧ᤺ᤵᤛᤡᤱᤔᤠ ᤑᤠ᤹ᤀᤠᤱ ᤁᤧᤛᤣᤃᤡᤖᤥ॥ \v 14 ᤒᤠ ᤁᤴ ᤐᤠ᤺ᤴᤏᤡᤸᤗᤧ ᤗᤠᤃᤡ ᤀᤠᤏᤡᤃᤧ ᤀᤡᤱᤓᤥ᤺ᤛᤢᤶᤒᤧᤒᤠ ᤛᤢᤏᤠᤀᤡᤱᤗᤠᤶ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤔᤡᤍᤡᤱᤅᤡᤴ ᤁᤧᤄᤥ᤺ᤛᤢᤶᤗ ᤑᤠ᤹ᤀᤠᤱ ᤁᤧᤀᤢ᤺ᤳᤋᤡᤒᤠᤖᤥ॥ \v 15 ᤂᤧᤸᤗᤧ ᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤁᤧᤎᤢᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤐᤣᤗᤡᤃᤧᤴ ᤐᤠ᤺ᤴᤈᤠᤰᤁᤡᤴ ᤏᤢ ᤛᤰᤀᤡᤱᤄᤱᤗᤠᤶᤒᤠ ᤁᤧᤄᤥ᤺ᤛᤢᤶᤒᤠ ᤏᤡᤛᤠᤶᤔᤡᤴ ᤋᤰᤋᤧᤶᤔᤧ᤹ᤀᤥ॥ \p \v 16 ᤀᤠᤸᤗ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋ ᤏᤢ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤀᤠᤏᤡ᤹ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤁᤢᤗᤢᤱᤃᤢᤶᤒᤠ ᤔᤧᤴᤏᤢᤵᤔᤏᤠᤒᤠ ᤜᤠᤱᤜᤠᤱ ᤏᤢ ᤐᤏᤢᤏᤢ᤺ᤒᤠ ᤏᤡᤱᤛᤠᤱᤅᤡᤴ ᤀᤠᤒᤡᤖᤧᤖᤥ॥ \v 17 ᤂᤢᤏᤧ᤹ᤀᤣ ᤂᤡᤏᤡ᤹ ᤜᤠᤱᤜᤠᤱ ᤁᤧᤔᤧᤳᤋᤡᤖ ᤜᤧᤰᤁᤩᤠᤱ ᤁᤠᤰ ᤁᤧᤈᤥᤃᤢᤶᤒᤠ ᤏᤢ᤺ᤒᤠ ᤕᤠ᤺ᤶᤒᤰᤁᤥ ᤏᤢ ᤁᤧᤒᤠ᤺ᤳᤋᤢᤶᤒᤠ ᤐᤠ᤺ᤴᤏᤥ ᤁᤧᤎᤢᤶᤒᤠ ᤁᤧᤈᤥᤃᤡᤖᤖᤥ॥ \c 3 \s1 ᤐᤠᤘᤗ ᤋᤢᤘᤠᤖᤧ ᤁᤢᤓᤠ᤹ ᤏᤠ᤺ᤰ \p \v 1 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤁᤢᤏᤢᤵᤔᤥ ᤀᤠᤏᤡᤃᤧ ᤕᤠ᤺ᤶᤒᤣᤀᤥ ᤋᤢᤘᤠ ᤆᤥᤃᤧᤶ ᤀᤠᤒᤡᤖᤧᤶᤔᤧ᤹ ᤑᤠ᤹ᤀᤠᤱ ᤔᤧᤳᤋᤠᤛᤡᤃᤧ᤹ᤖᤥ॥ ᤜᤧᤰᤁᤣᤗ᤹ᤖᤡᤰ ᤍᤠᤱᤒᤠᤸᤗᤧ ᤁᤢᤛᤢᤏᤠᤀᤡᤱᤅᤡᤴ ᤁᤠᤰ ᤐᤡᤛᤠᤱ ᤜᤠᤖᤠ ᤛᤧ᤺ᤖ ᤜᤧᤰᤁᤩᤠᤱ ᤂᤡᤏᤡ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤒᤡᤖᤢᤶᤒᤠ ᤜᤧᤰᤁᤣᤀᤣ ᤘᤣ᤹ᤜᤠ᤹ᤖᤧᤀᤠᤱ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤖᤖᤥ॥ \v 2 ᤀᤠᤏᤡᤃᤧ ᤋᤠᤵᤑᤧ᤺ᤶᤒᤠ ᤏᤢ ᤁᤢ᤹ᤀᤡ ᤁᤧᤓᤧ᤹ᤒᤠ ᤔᤏᤠᤜᤠ᤹ᤖᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤵᤔᤡ ᤋᤠᤱᤛᤧ᤺ᤵᤋᤡᤃᤧᤖ ᤑᤠ᤹ᤀᤠᤱ ᤋᤢᤘᤠ ᤆᤥᤃᤧᤶ ᤀᤠᤒᤡᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧᤃ ᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤔᤧᤴᤈᤥᤃᤢᤴᤗᤥ॥ \v 3 ᤁᤖ ᤍᤠᤱᤒᤠᤱᤃ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ॥ ᤂᤢᤏᤧ᤹ᤀᤣ ᤂᤡᤏᤡ᤹ ᤁᤢ᤹ᤀᤡᤃᤧᤓᤧ᤹ᤒᤠ ᤔᤠᤑᤧᤴᤛᤠᤶᤔᤥᤗᤠᤶ ᤋᤠᤱᤃᤧᤛᤧ᤺ᤵᤋᤡᤀᤠᤱ ᤁᤧᤎᤢᤶᤒᤠ ᤁᤧᤈᤥᤃᤡ᤹ᤖᤥ॥ \v 4 ᤜᤧᤰᤁᤩᤠᤱ ᤀᤠᤏᤡᤃᤧ ᤜᤢ᤹ᤀᤠᤛᤡᤃᤧᤒᤠ ᤁᤠᤰ ᤐᤠ᤺ᤴᤜᤠ᤹ ᤂᤡᤏᤡ᤹ ᤁᤧᤈᤥᤃᤢᤶ ᤜᤧᤰᤁᤩᤠᤱ ᤁᤧᤍᤠ᤺ᤒᤠ ᤕᤧᤶᤔᤥᤀᤠᤱ ᤁᤧᤈᤥᤃᤢᤶ ᤁᤧᤗ᤹ᤒᤠ ᤍᤠᤱᤒᤠᤀᤥ ᤋᤠ᤺ᤰᤐᤥ ᤆᤥ᤺ᤰᤁᤠᤛᤡᤃᤧᤀᤠᤱ ᤘᤕᤡᤃᤧᤖᤥ॥ \v 5 ᤜᤠᤖᤠ᤹ ᤍᤠᤱᤒᤠᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡ ᤏᤢ ᤂᤪᤡᤛ᤻ᤋᤖᤧ ᤁᤧᤒᤡᤖᤡᤒᤠ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤥ ᤗᤠᤶᤃᤧᤗᤥ᤺ᤛᤡᤖᤖᤥ॥ \s1 ᤗᤧᤶᤛᤫᤠᤒᤠᤜᤠ᤹ ᤛᤠᤶᤍᤡᤱ \p \v 6 ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤢᤰᤁᤡᤸᤗᤧ ᤀᤠᤏᤡᤃᤧ ᤂᤡᤏᤡ᤹ ᤀᤡᤱᤈᤠ᤺ᤱ ᤐᤡᤀᤠᤛᤡᤃᤧ᤹ᤖᤥ॥ ᤀᤠᤳᤋᤡᤴ ᤗᤧᤶᤛᤫᤠᤒᤠ ᤆᤥ᤺ᤰᤁᤠᤱ ᤀᤠᤏᤡᤃᤧ ᤀᤥ᤺ᤴᤎᤠᤰ ᤐᤡᤖᤢᤶᤒᤧᤒᤠ ᤐᤠ᤺ᤴᤏᤥ ᤔᤧᤒᤳᤏᤧᤴ. ᤂᤧᤴᤏᤢ ᤗᤠ᤺ᤳᤗᤠ᤺ᤳ ᤘᤕᤧᤶᤔᤧ᤹ᤀᤥ॥ \v 7 ᤀᤠᤏᤡᤃᤧ ᤂᤡᤏᤡ᤹ᤏᤢ ᤘᤕᤡᤃᤧᤸᤗᤧ ᤀᤠᤰᤂᤣᤗ᤹ᤖᤡᤰ ᤀᤠᤏᤡᤃᤧ ᤆᤥ᤺ᤱ ᤀᤡ᤺ᤵᤔᤠ ᤏᤠ᤺ᤵᤔᤠ ᤐᤥ᤺ᤱ ᤁᤧᤗ᤹ᤒᤠᤴ ᤏᤢ᤺ᤖᤡᤰᤁᤠᤱ ᤁᤧᤏᤡ᤺ᤛᤢᤶᤗᤥ॥ ᤀᤠᤏᤡᤃᤧᤃ ᤂᤡᤏᤡ᤹ᤏᤢ ᤘᤕᤡᤃᤧᤸᤗᤧ ᤗᤧᤶᤛᤫᤠᤒᤠ ᤔᤧᤈᤥᤃᤡᤃᤧᤴ. \v 8 ᤜᤧᤰᤁᤩᤠᤱ ᤀᤠᤏᤡᤃᤧ ᤔᤏᤠᤜᤠ᤹ᤖᤧ ᤔᤧᤒᤡᤖᤡᤃᤧᤒᤠ ᤆᤠᤔᤠ ᤌᤢᤱᤔᤠᤴ ᤁᤢᤔᤧᤸᤗᤢᤱ ᤔᤧᤴᤜᤢᤱᤅᤣ ᤜᤏᤧ ᤔᤧᤈᤠᤶᤒᤧᤴ ᤔᤧᤎᤢᤅᤢᤶᤒᤧᤴᤗᤥ॥ ᤁᤖ ᤂᤡᤏᤡ᤹ ᤋᤢᤰᤂᤣ ᤔᤧᤈᤠ᤺ᤳᤋᤠᤛᤡᤃᤧᤴᤗ ᤑᤠ᤹ᤀᤠᤱ ᤀᤠᤏᤡᤃᤧ ᤛᤧᤴᤍᤡᤰ ᤗᤧᤴᤍᤡᤰ ᤕᤠᤶᤒᤢᤎᤡᤰᤐᤠ ᤐᤥ᤺ᤰᤂᤡᤃᤧᤀᤠᤱ ᤕᤠ᤺ᤶᤒᤰ ᤆᤥᤃᤢᤶᤒᤧᤖᤥ॥ \v 9 ᤀᤠᤏᤡᤃᤧ ᤜᤧᤰᤁᤣᤗ᤹ᤖᤡᤰ ᤕᤠ᤺ᤶᤒᤰ ᤆᤥᤃᤢᤶᤒᤧᤒᤠᤱᤃ ᤁᤢᤓᤠ᤹ ᤂᤥ᤺ᤔᤠ ᤗᤠᤄᤥ ᤔᤧᤃᤳᤋᤢᤶᤒᤧᤴᤏᤠᤱ ᤔᤧ᤺ᤴ. ᤁᤖ ᤂᤡᤏᤡ᤹ ᤗᤠᤃᤡ ᤁᤢᤒᤡ ᤐᤥ᤺ᤱᤅᤠᤱ ᤂᤡᤏᤡ᤹ ᤕᤠᤵᤔᤡ ᤆᤥ᤺ᤱ ᤁᤧᤀᤡ᤺ᤳᤋᤡᤖ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢᤶᤒᤧᤒᤠᤖᤥ॥ \v 10 ᤂᤡᤏᤡ᤹ᤏᤢ ᤘᤕᤡᤃᤧᤸᤛᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤴᤍᤧᤶᤔᤏᤠᤒᤠᤸᤗᤧ ᤜᤠᤖᤠ᤹ ᤆᤠᤀᤠᤱ ᤔᤧᤈᤏᤧᤴᤗ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤀᤠᤛᤡᤃᤧᤀᤠᤱ ᤘᤕᤡᤃᤧᤖᤥ॥ \p \v 11 ᤌᤣᤀᤠᤱ ᤁᤴ ᤐᤠ᤺ᤴᤜᤠ᤹ ᤔᤧᤳᤋᤠᤛᤡᤃᤧᤒᤠ ᤑᤠ᤹ᤗᤧ ᤂᤡᤏᤡ᤹ ᤗᤢᤶᤔᤥ ᤕᤠ᤺ᤶᤒᤰ ᤔᤧᤴᤈᤥ᤺ᤰᤔᤏᤠᤒᤠ ᤁᤢᤓᤠ ᤗᤧᤶᤛᤫᤠᤒᤠ ᤔᤏᤠᤜᤠ᤹ ᤔᤧᤘᤠ᤹॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤘᤣ᤹ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤥ ᤏᤢ ᤐᤠ᤺ᤴᤏᤥᤖᤰ ᤜᤢᤰᤔᤧᤃᤣ᤺ᤳᤋᤢ ᤁᤧᤗ᤹ᤒᤠᤴ ᤂᤧᤵᤛᤢᤶᤒᤧᤀᤠᤱ ᤘᤕᤡᤃᤧᤖᤥ॥ \v 12 ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤀᤡᤱᤈᤠ᤺ᤱᤃᤧᤴ ᤛᤠᤶᤍᤡᤱ ᤂᤧᤱᤜᤠ᤹ ᤐᤡᤖᤢᤶᤛᤡᤶᤒᤧ᤹–ᤂᤧᤱᤜᤠ᤹ᤖᤧ ᤘᤣ᤹ᤜᤠ᤹ ᤔᤧᤴᤜᤶᤛᤡᤱᤅᤣ ᤀᤠᤒᤠᤅᤣ ᤕᤠ᤺ᤶᤒᤰ ᤔᤧᤈᤥ᤺ᤰᤁᤠᤱ ᤔᤧᤈᤖ॥ \p \v 13 ᤁᤖ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤛᤠᤶᤔᤥ ᤂᤡᤏᤡ᤹ ᤁᤧᤘᤕᤡᤛᤠᤱ ᤛᤢᤕᤠ᤺ᤶᤒᤰ ᤆᤥ᤺ᤰᤔᤠ ᤀᤠᤵᤑᤠᤸᤗᤧᤀᤠᤱ ᤔᤧᤏᤠᤛᤧᤶᤔᤡᤴᤏᤧ᤹ᤀᤥ॥ \v 14 ᤀᤠᤏᤡᤃᤧ ᤁᤴ ᤛᤰᤀᤡᤱᤄᤱ ᤛᤠᤵᤋᤢᤶᤒᤧᤒᤠ ᤐᤠ᤺ᤴ ᤔᤧᤱᤄᤧᤶᤔᤏᤠ ᤔᤏᤠ᤺ᤴ ᤂᤡᤏᤡ᤹ ᤗᤢᤶᤔᤥ ᤘᤠ᤹ᤏᤧ ᤑᤠ᤹ᤃᤪ ᤂᤧᤴ ᤏᤢ᤺ᤖᤡᤰᤁᤠᤱ ᤔᤡᤰᤆᤥ ᤔᤧᤳᤋᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤂᤧᤴ ᤛᤡᤖᤡᤱ ᤔ᤺ᤖ ᤑᤠ᤹ᤀᤠᤱ ᤂᤧᤴᤏᤢ ᤗᤠ᤺ᤳᤗᤠ᤺ᤳ ᤘᤕᤧᤶᤔᤧ᤹ᤀᤥ॥ \v 15 ᤜᤧᤰᤁᤣᤛᤠᤱ ᤂᤧᤴ ᤏᤡᤱᤔᤡ ᤜᤧᤰᤁᤣᤃ ᤔᤧ᤺ᤴ. ᤁᤖ ᤀᤠᤒᤠᤅᤣ ᤑᤢ᤹ᤏᤢᤛᤠ᤹ ᤁᤢᤀᤡᤛᤡ᤺ᤰ ᤀᤡ᤺ᤳᤋᤧᤶᤔᤧ᤹ᤖ ᤛᤠᤶᤍᤡᤱ ᤐᤡᤖᤧᤶᤔᤧ᤹ᤀᤥ॥ \s1 ᤁᤢᤏᤢᤵᤔᤠ ᤛᤣᤘᤠ᤺ᤴ \p \v 16 ᤀᤠᤸᤗ ᤛᤏᤠᤖᤢᤱ ᤍᤠᤱᤒᤠᤸᤗᤧ ᤁᤠᤰ ᤐᤖᤡᤰᤗᤠᤶ ᤆᤰᤔᤧᤸᤗ᤹ᤀᤣ ᤛᤏᤠᤖᤢᤱ ᤁᤧᤒᤡᤖᤡᤖ॥ ᤍᤠᤱᤒᤠᤱᤃ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤖᤥ॥ \p \v 17 ᤀᤡᤱᤃᤠ᤹ ᤐᤠᤘᤗᤖᤧ ᤁᤴ ᤛᤣᤘᤠ᤺ᤴ ᤀᤠᤒᤠᤅᤣ ᤀᤠᤜᤢᤰᤁᤡᤸᤗᤧ ᤛᤠᤵᤋᤢᤱᤅᤠᤱ ᤘᤠ᤹ᤀᤠᤖᤥ॥ ᤀᤡᤱᤃᤠ᤹ ᤀᤠᤛᤰᤀᤡᤱᤄᤱᤅᤡᤸᤗᤧᤴ ᤔᤡᤰᤛᤣ᤺ᤴᤏᤡᤴ ᤒᤠ ᤁᤴᤗᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤛᤠᤵᤋᤢᤱᤗ ᤐᤳᤋᤠᤖᤥ॥ \p \v 18 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤂᤡᤏᤡ᤹ ᤁᤧᤖᤧᤰᤏᤢ ᤘᤠ᤹ᤖᤥ॥