\id 2PE \h ᥈ ᤐᤋᤪᤢᤛ \toc1 ᤐᤋᤪᤢᤛᤖᤧ ᤛᤠᤵᤋᤢᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \toc2 ᥈ ᤐᤋᤪᤢᤛ \toc3 ᥈ ᤐᤋᤪᤢᤛ \mt1 ᤐᤋᤪᤢᤛᤖᤧ ᤛᤠᤵᤋᤢᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ \imt1 ᤏᤡ᤺ᤛᤢᤶ \ip ᤁᤴ ᤛᤰᤀᤡᤱᤄᤱᤅᤡᤴ ᤐᤋᤪᤢᤛᤖᤧ ᤁᤠᤰ ᤐᤡᤛᤠᤱ ᤁᤧᤛᤧᤒᤠᤀᤠᤱ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤁᤴ ᤛᤰᤀᤡᤱᤅᤡᤸᤗᤧᤴ ᤁᤢᤈᤧᤰ ᤏᤡᤱᤘᤠ᤹ ᤛᤥ᤺ᤰᤁᤡᤱᤃ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ᤖᤧ ᤔᤧᤜᤢ᤹ᤖᤢᤛᤡᤒᤠ ᤏᤡᤛᤠᤶ ᤏᤢ ᤂᤧᤴ ᤏᤡᤛᤠᤶᤗᤠᤶᤒᤠ ᤋᤩᤧᤒᤠ ᤑᤧᤴ ᤐᤠ᤺ᤴᤜᤠ᤹ ᤋᤥ᤺ᤶᤔᤠ ᤘᤕᤧᤖᤥ॥ ᤂᤧᤴ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ᤖᤧ ᤕᤧᤛᤢ ᤂᤪᤡᤛ᤻ᤋᤧᤴ ᤕᤠᤶᤔᤥ ᤔᤧᤏᤢ᤺ᤱᤏᤧᤴ ᤔᤧᤕᤢᤏᤧᤴ ᤗ᤹ᤖᤡᤰ ᤔᤧᤒᤠ᤺ᤳᤋᤢ. ᤁᤖ ᤐᤋᤪᤢᤛᤖᤧ ᤂᤧᤴ ᤐᤠ᤺ᤴᤏᤡᤴ ᤀᤰᤂᤣ ᤔᤧᤳᤋᤢᤛᤡᤖ ᤀᤳᤋᤢ. “ᤀᤠᤳᤋᤡᤸᤗᤧᤴᤏᤠᤱ ᤔᤧᤶᤓᤤ ᤔᤧᤒᤥ᤺ᤱᤏᤧᤴᤗ ᤁᤧᤖᤧᤰᤗᤧ ᤗᤠᤕᤥ᤺ᤴ ᤔᤧᤗᤧᤖᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤖᤧ ᤁᤢᤕᤢ᤺ᤔᤠᤴ ᤛᤢ᤺ᤛᤧᤒᤠᤖᤥ॥” \is1 ᤌᤠᤔᤡᤱ \io1 ᤏᤡ᤺ᤛᤢᤶ ᥇.᥇-᥈ \io1 ᤏᤛᤠᤏᤡᤒᤠᤜᤠ᤹ᤖᤧᤴ ᤀᤢ᤺ᤳᤇᤡᤱ ᥇.᥉-᥈᥇ \io1 ᤀᤡᤱᤗᤧᤰᤐᤠ ᤛᤡᤰᤛᤠᤶᤒᤠᤜᤠ᤹ ᥈.᥇-᥈᥈ \io1 ᤂᤪᤡᤛ᤻ᤋᤧᤴ ᤁᤢᤏᤢᤵᤔᤠ ᤕᤧᤴᤏᤥ ᤕᤢ᤹᤺ ᥉.᥇-᥇᥎ \c 1 \s1 ᤐᤋᤪᤢᤛᤗᤠᤶ ᤛᤣᤘᤠ \p \v 1 ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤏᤢ ᤁᤢᤛᤣ᤺ᤰᤕᤢᤰᤔᤡᤒᤠ ᤀᤡᤱᤃᤠ᤹ ᤛᤡᤔᤥᤏ ᤐᤋᤪᤢᤛᤗᤠᤶ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤱᤅᤠᤱ ᤀᤠᤏᤡᤃᤧ ᤁᤢᤀᤡᤛᤡ᤺ᤰ ᤀᤡᤔᤧᤸᤗᤢᤱᤒᤠ ᤏᤛᤠ᤺ᤴ ᤁᤧᤄᤥ᤺ᤒᤠ ᤂᤡᤏᤡ᤹ ᤁᤧᤖᤧᤰ ᤜᤠᤰᤏᤡᤱᤗᤥ॥ ᤂᤧᤴ ᤏᤛᤠ᤺ᤴᤏᤡᤴ ᤀᤠᤏᤡ᤹ ᤛᤠᤶᤕᤥᤏᤡᤒᤠ ᤏᤡᤱᤘᤠ᤹ᤑᤢᤔᤠᤱ ᤏᤢ ᤛᤧᤴᤗᤵᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤀᤠᤒᤡᤖᤧᤀᤠᤱ ᤀᤠᤘᤠ᤹ᤖᤥ॥ \p \v 2 ᤀᤠᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤂᤢᤴᤇᤡ᤹ ᤕᤠ᤺ᤶᤒᤣᤒᤠ ᤛᤠᤶᤈᤡᤰᤁᤥᤗᤠᤶ ᤗᤢᤱᤃᤢᤶ ᤏᤢ ᤛᤏᤠᤖᤢᤱᤅᤡᤴ ᤀᤠᤳᤋᤠᤳᤋᤠᤴᤏᤣ ᤕᤖᤡᤰ ᤁᤧᤄᤥ᤺ᤶᤛᤢᤶᤗᤖᤥ॥ \p \v 3 ᤀᤠᤒᤠᤅᤣ ᤁᤢᤔᤡᤔᤡᤍᤡᤱ ᤏᤢ ᤁᤢᤏᤥ-ᤁᤢᤍᤠᤀᤥ ᤕᤠᤵᤔᤡ ᤁᤧᤀᤢ᤺ᤵᤐᤧᤴ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤒᤠᤸᤗᤧ ᤆᤥᤃᤢᤸᤗᤧ ᤜᤡᤱᤔᤴᤏᤥ ᤏᤢ ᤔᤠᤱᤛᤣᤘᤠ ᤆᤥ᤺ᤰᤔᤠᤀᤥ ᤆᤠᤜᤠᤒᤠ ᤀᤠᤈᤥ᤺ᤰᤐᤠ ᤁᤠᤰ ᤐᤠ᤺ᤴᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤂᤢᤏᤧ᤹ ᤀᤠᤒᤡ᤹ᤖᤥ॥ \v 4 ᤒᤠ ᤂᤧᤴ ᤁᤢᤔᤡᤔᤡᤍᤡᤱ ᤏᤢ ᤁᤢᤏᤥ-ᤁᤢᤍᤠᤀᤥᤗᤠᤶ ᤀᤠᤏᤡ᤹ ᤕᤶᤒᤠ ᤏᤢ ᤀᤡᤔᤧᤸᤗᤢᤱᤒᤠ ᤔᤠᤱᤜᤧᤰᤜᤠ᤹ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹॥ ᤂᤢᤏᤧ᤹ ᤑᤧᤴ ᤏᤡᤱᤘᤠ᤹ᤗᤠᤶ ᤁᤧᤍᤠ᤺ᤒᤠ ᤑᤧᤴ ᤐᤠ᤺ᤴᤜᤠ᤹ᤗᤠᤶ ᤋᤠᤱᤛᤧ᤺ᤵᤔᤠ ᤏᤢ ᤏᤡᤱᤘᤠ᤹ᤑᤢ ᤏᤥᤛᤪᤱ ᤂᤥ᤺ᤔᤠ ᤔᤠᤱᤜᤧᤰ ᤀᤠᤈᤥᤃᤧᤀᤠᤱ ᤀᤠᤘᤠ᤹ᤖᤥ॥ \p \v 5 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤢᤏᤥ-ᤁᤢᤍᤠ ᤕᤥ᤹ᤔᤠ ᤂᤡᤏᤡ᤹ ᤛᤢᤰᤛᤢᤰ ᤋᤶᤛᤡᤴ ᤆᤥᤃᤧᤶᤔᤧ᤹. ᤜᤧᤰᤁᤩᤠᤱ ᤁᤢᤏᤥ-ᤁᤢᤍᤠᤀᤥ ᤛᤠᤶᤈᤡᤰᤁᤡᤴ ᤕᤥ᤹ᤖᤧᤶᤔᤧ᤹. \v 6 ᤛᤠᤶᤈᤡᤰᤁᤥ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤠᤴ. ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤥ ᤏᤠᤛᤡ ᤌ᤺ᤵᤔᤠᤴ. ᤏᤠᤛᤡ ᤌ᤺ᤵᤔᤥ ᤛᤠᤵᤆᤢᤘᤠ᤺ᤴ ᤕᤥ᤹ᤖᤧᤶᤔᤧ᤹. \v 7 ᤛᤠᤵᤆᤢᤘᤠᤀᤥ ᤑᤢ᤹ᤏᤢᤛᤠ᤹ ᤗᤢᤱᤔᤠ᤹ ᤋᤢᤰᤛᤡᤱᤔᤠᤴ. ᤜᤧᤰᤁᤩᤠᤱ ᤑᤢ᤹ᤏᤢᤛᤠ᤹ ᤗᤢᤱᤔᤠ᤹ ᤋᤢᤰᤛᤡᤱᤔᤥ ᤔᤡ᤺ᤶᤈᤡᤴ ᤕᤥ᤹ᤖᤧᤶᤔᤧ᤹ᤀᤥ॥ \v 8 ᤌᤣᤀᤠᤱᤓᤧᤸᤗᤧ ᤁᤴ ᤛᤢᤶᤒᤥᤎᤠ ᤐᤠ᤺ᤴᤜᤠ᤹ ᤁᤧᤕᤥ᤹ᤖᤢᤶᤗ ᤁᤧᤒᤡᤃᤡᤏᤧ ᤑᤠ᤹ᤃᤪ ᤂᤧᤴ ᤐᤠ᤺ᤴᤜᤠ᤹ᤖᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤒᤠ ᤂᤡᤏᤡ᤹ ᤛᤠᤶᤈᤡᤰᤁᤥ ᤁᤢᤛᤡ ᤔᤧᤴᤕᤠ᤺ᤶᤔᤏᤠᤒᤠ ᤏᤢ ᤁᤢᤈᤠ᤹ ᤔᤧᤶᤓᤶᤔᤏᤠᤒᤠ ᤐᤥ᤺ᤱᤔᤠᤗᤠᤶ ᤋᤠᤱᤃᤧᤛᤧ᤺ᤵᤋᤡ᤹ᤖᤥ॥ \v 9 ᤁᤖ ᤁᤴ ᤛᤢᤶᤒᤥᤎᤠ ᤐᤠ᤺ᤴᤜᤠ᤹ ᤔᤧᤱᤃᤵᤔᤏᤠᤒᤠᤜᤠ᤹ᤃ ᤔᤠ᤺ᤱᤄᤠᤒᤠ ᤐᤠ᤺ᤴᤜᤠ᤹ ᤔᤧᤴᤏᤡ᤺ᤔᤏᤠᤒᤠ ᤔᤡᤰᤑ᤺ᤶᤒᤠ ᤁᤢᤀᤡᤛᤡ᤺ᤰᤐᤠᤛᤡᤖᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤃᤡᤒᤠ ᤗᤠᤕᤥᤜᤠ᤹ ᤘᤠᤜᤵᤋᤧᤒᤧᤴᤏᤠᤱ ᤏᤡᤱᤘᤠ᤹ ᤔᤧᤓᤣ᤺ᤳᤇᤢ ᤔᤧᤍᤣ᤺ᤛᤢᤀᤠᤱ ᤘᤠ᤹ᤖᤥ॥ \p \v 10 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤁᤧᤀᤢ᤺ᤳᤋᤡᤒᤠᤴ ᤏᤢ ᤁᤧᤛᤣᤃᤡᤒᤠᤴ ᤏᤢ᤺ᤖᤡᤰᤁᤠᤱ ᤏᤡ᤺ᤴᤎᤥ ᤆᤥ᤺ᤰᤔᤠ ᤋᤶᤛᤡᤴ ᤆᤥᤃᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤜᤧᤰᤁᤣ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤀᤠᤵᤑᤠᤸᤗᤧᤀᤠᤱ ᤁᤧᤴᤈᤥ᤺ᤴᤍᤡᤴᤗᤥ॥ \v 11 ᤀᤰᤂᤣᤗ᤹ᤖᤡᤰ ᤀᤠᤏᤡ᤹ ᤍᤠᤱᤒᤠ ᤏᤢ ᤛᤧᤴᤗᤵᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤔᤧᤴᤏᤢᤵᤔᤏᤠᤒᤠ ᤁᤢᤜᤠᤱᤈᤢᤶᤔᤥ ᤗᤠ᤺ᤵᤔᤠᤖᤧ ᤗᤠᤃᤡ ᤗᤠᤱᤍᤠ᤺ᤰᤔᤠ ᤁᤧᤒᤡᤖᤡᤖᤥ॥ \s1 ᤛᤠᤶᤕᤥᤛᤠᤵᤗᤠᤀᤥ ᤏᤡᤱᤘᤠ᤹ ᤐᤡᤖᤧᤶᤔᤧ᤹ \p \v 12 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤂᤧᤴ ᤁᤠᤰ ᤐᤠ᤺ᤴᤜᤠ᤹ ᤁᤧᤏᤡ᤺ᤛᤢᤶ ᤁᤧᤗᤧᤛ᤻ᤛᤢᤶᤔᤠᤱ ᤛᤧᤰᤂᤠᤀᤥ ᤔᤧᤶᤔᤢᤴᤏᤣ ᤁᤧᤘᤕᤡᤛᤠᤱ ᤛᤍᤠᤍᤡᤱ ᤁᤴ ᤐᤠ᤺ᤴᤜᤠ᤹ ᤂᤡᤏᤡ᤹ ᤏᤡᤱᤘᤠ᤹ᤛᤢᤶᤔᤥ ᤋᤠ᤺ᤵᤔᤠ ᤐᤡᤔᤠ ᤀᤡᤱᤃᤠ᤹ ᤀᤠᤵᤑᤠᤸᤗᤧᤛᤠᤱ ᤕᤠᤖᤡᤵ ᤘᤠ᤹ᤀᤠᤖᤥ॥ \v 13 ᤁᤴ ᤏᤠᤛᤡᤱᤃᤧᤴ ᤌᤰᤁᤥ ᤘᤠ᤹ᤀᤠᤖ ᤌᤠᤖᤡᤰ ᤂᤡᤏᤡ᤹ ᤁᤴ ᤐᤠ᤺ᤴᤜᤠ᤹ ᤏᤡᤱᤘᤠ᤹ᤛᤢᤶᤔᤥ ᤋᤠᤖᤢᤱᤅᤠᤱ ᤆᤠᤱᤈᤠᤱ ᤔᤧᤳᤏᤡᤱ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤳᤋᤢᤱᤗᤥ॥ \v 14 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤀᤥᤛᤣ᤺ᤴᤎᤠᤰᤋᤠᤱᤒᤠ ᤁᤢᤀᤡᤛᤡ᤺ᤰ ᤀᤠᤛᤡ᤺ᤔᤠ ᤕᤧᤴᤏᤡᤴ ᤜᤠᤖᤠᤀᤣ ᤋᤠᤖ ᤐᤳᤗᤥ॥ \v 15 ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤛᤡ᤺ᤀᤠ ᤐᤣ᤺ᤰᤁᤠᤛᤠᤱ ᤛᤍᤠᤍᤡᤱ ᤁᤴ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶᤗ ᤑᤠ᤹ᤀᤠᤱ ᤀᤠᤛᤢᤰᤛᤢᤰ ᤋᤶᤛᤡᤴ ᤆᤥᤃᤢᤱᤗᤥ॥ \p \v 16 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤢᤰᤛᤠᤶ ᤏᤢ ᤁᤢᤕᤢ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤡᤏᤡ᤹ᤏᤢ ᤐᤠᤖᤡᤃᤧᤸᤗᤧ ᤀᤠᤏᤡᤃᤧ ᤐᤠ᤺ᤴ ᤂᤧᤍᤠ᤹ᤜᤠ᤹ ᤆᤥᤃᤢᤶᤒᤣᤀᤠᤱ ᤐᤠ᤺ᤳᤋᤢᤶᤒᤧᤒᤠ ᤔᤧ᤺ᤴᤗᤥ. ᤁᤖ ᤀᤠᤏᤡᤃᤧ ᤀᤠᤒᤠᤅᤣ ᤔᤡᤰᤁᤡᤸᤗᤧ ᤂᤢᤏᤧ᤹ ᤁᤢᤔᤡᤔᤡᤍᤡᤱᤅᤡᤴ ᤏᤡ᤺ᤛᤢᤶᤒᤧᤖᤥ॥ \v 17 ᤌᤣᤀᤠᤱᤓᤧᤸᤗᤧ ᤔᤡᤔᤡᤍᤡᤱᤃᤧᤴ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤂᤢᤏᤧ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤏᤢ ᤔᤡᤔᤡᤍᤡᤱ ᤂᤥ᤺ᤛᤢᤸᤗᤧ ᤁᤴ ᤀᤠᤔᤡ᤺ᤶ ᤀᤠᤛ᤻ᤛᤠ᤺ᤖᤥ. ᤂᤢᤏᤧ᤹ᤏᤢ ᤀᤡᤱᤃᤠ᤹ ᤀᤥᤔᤢ ᤗ᤹ᤖᤠᤱᤅᤠᤱ ᤘᤠ᤹ᤀᤠᤖᤥ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤕᤧᤖᤥ॥ \v 18 ᤛᤣᤛᤣ ᤁᤥ᤺ᤰᤔᤠᤀᤥ ᤂᤢᤏᤧ᤹ᤏᤢ ᤘᤠ᤹ᤔᤏᤠ᤺ᤸᤗᤧ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤁᤴ ᤀᤡᤰᤗᤠ᤺ᤴ ᤀᤠᤏᤡᤃᤧ ᤀᤠᤒᤠᤅᤣ ᤂᤧᤶᤔᤏᤠᤖᤥ॥ \p \v 19 ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤛᤧᤰᤂᤠ ᤐᤥ᤺ᤰᤂᤧᤀᤠᤱ ᤘᤠ᤹ ᤁᤧᤗ᤹ᤒᤠ ᤏᤡ᤺ᤴᤎᤥ ᤀᤠᤃᤳᤋᤢᤶᤗᤥ॥ ᤂᤠᤔᤧᤴᤀᤥ᤺ᤳᤋᤣ ᤏᤢ ᤂᤡᤏᤡ᤹ ᤏᤡᤱᤘᤠ᤹ᤀᤥ ᤋᤠᤴᤇᤥ᤺ᤰᤐᤧᤴ ᤔᤧᤴᤗᤡᤱᤅᤣ ᤌᤠᤖᤡᤰ ᤂᤠᤔᤠᤰᤔᤠᤀᤥ ᤁᤧᤀᤥ᤺ᤵᤐᤠ ᤛᤣᤔᤡ᤺ᤴ ᤜᤧᤰᤁᤣ ᤂᤧᤴ ᤐᤠ᤺ᤴᤈᤠᤰᤁᤡᤴ ᤏᤡᤱᤘᤠ᤹ᤀᤥ ᤁᤧᤕᤢᤰᤂᤢᤶᤔᤡᤸᤗᤧ ᤏᤢ᤺ᤒᤠ ᤐᤥ᤺ᤱᤗᤥ॥ \v 20 ᤁᤠᤰᤏᤢ᤺ᤸᤗᤧᤀᤠᤱ ᤕᤶᤒᤠ ᤐᤠ᤺ᤴᤏᤡᤱᤃ ᤛᤠᤶᤕᤥᤛᤠᤵᤗᤠᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤏᤡᤱᤘᤠ᤹ᤒᤥᤗᤠᤶ ᤋᤩᤧᤒᤠ ᤔᤧ᤺ᤴ ᤑᤠ᤹ᤀᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗᤀᤣ ᤐᤥ᤺ᤱᤗᤥ॥ \v 21 ᤌᤣᤀᤠᤱᤓᤧᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤱᤃ ᤔᤧᤴᤇᤠᤶ ᤏᤡᤱᤘᤠ᤹ᤗᤠᤶ ᤋᤩᤧᤒᤠ ᤔᤧ᤺ᤴᤗᤥ. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤢᤛᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤔᤧᤒᤠᤖᤧᤒᤠᤖᤥ॥ \c 2 \s1 ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ \p \v 1 ᤁᤖ ᤀᤢᤴᤇᤥ᤺ᤴ ᤀᤡᤛᤪᤠᤀᤡᤗᤀᤥ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤔᤧᤘᤕᤧᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤢᤶᤔᤥᤀᤠᤱ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ ᤔᤧᤗ᤺ᤴ ᤔᤧᤍᤠᤖᤥ॥ ᤂᤧᤱᤜᤠ᤹ᤖᤧᤃ ᤛᤫᤠ᤺ᤳᤋᤠᤱ ᤕᤠᤵᤔᤡ ᤁᤧᤔᤧᤱᤒᤠ ᤀᤡᤱᤗᤧᤰ ᤐᤠ᤺ᤴᤜᤠ᤹ ᤔᤧᤜᤢ᤹ᤖᤢᤛᤡ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤧᤸᤗᤢᤱ ᤁᤧᤜᤢᤱᤒᤠᤀᤠᤱ ᤁᤧᤎᤧ᤹ᤒᤠ ᤍᤠᤱᤒᤠᤴᤏᤠᤱ ᤔᤧᤏᤠ᤹ᤖᤢᤀᤠᤱ ᤜᤠᤖᤠᤀᤣ ᤀᤠᤒᤠᤅᤣ ᤂᤢᤏᤡ᤹ᤀᤥ ᤔᤧᤰᤔᤧᤴ ᤔᤧᤍᤠᤖᤢ᤹॥ \v 2 ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤠᤵᤑᤧ᤺ᤶᤒᤠ ᤗᤠᤶᤔᤡᤴ ᤕᤖᤡᤰᤗᤧ ᤔᤧᤍᤡᤶᤍᤢ ᤔᤧᤏᤠ᤺ᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤛᤧᤰᤂᤠᤒᤠ ᤗᤠᤶᤔᤡᤸᤗᤧᤴᤏᤠᤱ ᤁᤢᤈᤠ᤺ᤳᤌᤡ ᤐᤣ᤺ᤰᤗᤥ॥ \v 3 ᤂᤢᤏᤡ᤹ ᤂᤡ᤺ᤶᤒᤪᤠᤰᤔᤥ ᤁᤴ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠᤍᤠᤒᤠ ᤀᤡᤱᤗᤧᤰᤐᤠ ᤐᤠ᤺ᤴᤜᤠ᤹ ᤔᤧᤈᤥᤃᤢᤀᤠᤱ ᤂᤡᤏᤡ᤹ ᤀᤡᤱᤃᤧᤶᤗᤧᤰᤋᤡᤀᤠᤱ ᤀᤡᤴᤎᤠ᤺ᤰ ᤔᤧᤎᤃᤢ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤂᤢᤶᤍᤡᤱᤅᤡᤴ ᤋᤃᤡᤛᤠ ᤂᤠᤛᤧᤴ ᤆᤥᤃᤢᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤢᤏᤡ᤹ ᤔᤧᤰᤔᤧᤴ ᤏᤡ᤺ᤴᤎᤥ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ \p \v 4 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤕᤥ ᤁᤧᤈᤥ᤺ᤰᤐᤠ ᤔᤠᤱᤗᤠᤀᤡᤱᤒᤠᤜᤠ᤹ᤀᤠᤱ ᤂᤠᤛᤧᤴᤗᤠᤶ ᤔᤧᤍᤠᤱᤄᤢᤴᤇᤡᤴᤗᤥ. ᤁᤖ ᤂᤧᤱᤜᤠ᤹ ᤀᤡᤄᤣ᤺ᤰᤂᤢᤛᤡᤀᤠᤱ ᤂᤧᤔᤠᤕᤱᤛᤱᤅᤥ ᤁᤣ᤺ᤳᤋᤢᤛᤡᤀᤠᤱ ᤂᤠᤛᤧᤴ ᤕᤧᤴ ᤌᤠᤖᤡᤰ ᤂᤧᤴ ᤂᤠᤔᤠᤰᤗᤢᤶᤒᤠ᤺ᤳᤋᤥ ᤔᤧᤕᤠᤰᤗᤥ॥ \v 5 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ ᤘᤠᤍᤥ᤺ᤰᤔᤥᤗᤠᤶ ᤔᤧᤰᤂᤢᤛᤡᤸᤗᤧ ᤂᤧᤴ ᤀᤢᤴᤇᤣ᤺ᤴᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤀᤠᤱ ᤔᤧᤍᤠᤱᤄᤢᤴᤇᤡᤴᤗᤥ. ᤁᤖ ᤛᤠᤶᤕᤥᤏᤡᤒᤠ ᤐᤠ᤺ᤴ ᤀᤡᤱᤃᤧᤓᤥ᤺ᤒᤠ ᤏᤢᤜᤠ᤺ᤴ ᤏᤢ ᤘᤣ᤹ ᤏᤢᤛᤡ ᤔᤏᤠᤜᤠ᤹ᤖᤰ ᤋᤠᤱᤄᤢᤛᤡᤖᤥ॥ \v 6 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤕᤥ ᤁᤢᤎᤡᤶ ᤛᤍᤥᤔ ᤏᤢ ᤃᤔᤥᤖᤠ ᤕᤧᤰᤕᤰᤜᤠ᤹ᤀᤠᤱ ᤔᤡᤎᤡᤰᤂᤢᤀᤠᤱ ᤂᤠᤵᤐᤢ ᤌᤩ᤺ᤱ ᤆᤥᤃᤢᤛᤡᤀᤠᤱ ᤂᤧᤴ ᤕᤧᤰᤕᤰᤜᤠ᤹ᤖᤧ ᤁᤢᤔᤡᤱ ᤔᤠᤛᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤂᤧᤴ ᤕᤠᤵᤔᤡᤜᤠ᤹ᤖᤧᤴ ᤀᤠᤰᤋᤱᤒᤠ ᤜᤡᤱᤃᤳ ᤐᤥ᤺ᤱ ᤁᤧᤗ᤹ᤒᤠ ᤁᤢᤒᤡ ᤆᤥᤃᤢᤛᤡᤀᤠᤱ ᤘᤠ᤹ᤖᤥ॥ \v 7 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥᤒᤠ ᤛᤠᤶᤕᤥᤏᤡᤒᤠ ᤗᤢ᤺ᤋᤧᤱᤃ ᤛᤧ᤺ᤵᤋᤢᤖᤥ॥ ᤂᤢᤏᤧ᤹ᤃ ᤂᤧᤴ ᤕᤧᤶᤔᤥᤒᤠ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤋᤠᤵᤑᤧ᤺ᤶᤒᤠ ᤕᤧᤵᤗᤧᤰᤜᤠ᤹ ᤏᤡ᤺ᤛᤢᤀᤠᤱ ᤁᤢᤏᤡᤱᤘᤠ᤹ ᤋᤢᤃᤧᤀᤠᤱ ᤘᤕᤧᤖᤥ॥ \v 8 (ᤂᤢᤏᤧ᤹ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤌᤡᤰᤕᤠ᤺ᤴᤎᤰ ᤘᤕᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤠᤵᤑᤧ᤺ᤶᤒᤠ ᤑᤧᤴ ᤕᤠ᤺ᤶᤒᤰᤁᤡᤴ ᤏᤡ᤺ᤛᤢ ᤂᤧᤵᤛᤢᤸᤗᤧ ᤛᤠᤶᤕᤥᤏᤡᤒᤠ ᤗᤢ᤺ᤳᤋᤧᤴ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤋᤢᤃᤧᤀᤠᤱ ᤘᤕᤧ॥) \p \v 9 ᤜᤧᤰᤁᤣᤗ᤹ᤖᤡᤰ ᤍᤠᤱᤒᤠᤸᤗᤧ ᤛᤠᤶᤕᤥᤏᤡᤒᤠ ᤔᤏᤠᤜᤠ᤹ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤗᤠᤶ ᤛᤧ᤺ᤵᤔᤠᤛᤡᤀᤠᤱ ᤗᤧᤛ᤻ᤛᤢ᤹ᤖᤥ॥ ᤜᤧᤰᤁᤩᤠᤱ ᤗᤠᤕᤥᤒᤠ ᤔᤏᤠᤜᤠ᤹ ᤂᤢᤶᤍᤡᤱ ᤐᤡᤖᤢᤛᤡᤖ ᤂᤠᤛᤧᤴ ᤕᤧᤴᤏᤥ ᤌᤠᤖᤡᤰ ᤁᤵᤔᤠᤛᤡᤀᤠᤱ ᤗᤧᤛ᤻ᤛᤢᤖᤥ॥ \v 10 ᤀᤰᤋᤱᤒᤠᤜᤠ᤹ᤃ ᤀᤠᤒᤠᤅᤣ ᤑᤧᤴ ᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤕᤠᤶᤍᤠᤍᤠᤀᤥ ᤁᤧᤘᤠ᤹ᤒᤠ ᤏᤢ ᤍᤠᤱᤒᤠᤸᤗᤧ ᤁᤢᤕᤢᤰᤁᤡᤴ ᤁᤧᤏᤠ᤹ᤒᤠ ᤔᤏᤠᤛᤡᤖᤥ॥ ᤂᤧᤴ ᤀᤠᤎᤡᤱᤃᤠᤏᤡ ᤏᤢ ᤀᤠᤱᤍᤡᤱ ᤁᤧᤗ᤹ᤒᤠ ᤔᤏᤠᤜᤠ᤹ᤖᤧᤃ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠᤜᤠ᤹ ᤜᤡᤏᤠ᤺ᤶ ᤔᤧᤵᤔᤠᤛᤡ ᤔᤧᤱᤃᤡ᤺ᤏᤧᤴᤗᤥ॥ \v 11 ᤁᤖ ᤁᤴ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ᤏᤢ᤺ᤸᤗᤧ ᤔᤠᤱᤗᤠᤀᤡᤱᤒᤠᤜᤠ᤹ ᤁᤧᤎᤢᤶᤒᤠ ᤏᤢ ᤔᤢᤰᤛᤠᤶᤛᤠᤒᤠ ᤔᤧᤈᤥ᤺ᤰᤛᤠᤱ ᤍᤠᤱᤒᤠᤸᤗᤧ ᤁᤢᤍᤃᤡ ᤂᤧᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠᤜᤠ᤹ ᤀᤠᤵᤋᤡᤰ ᤁᤢ᤺ᤵᤔᤠᤛᤡ ᤔᤧᤴᤀᤠ᤺ᤴᤇᤡᤱᤅᤡᤴᤗᤥ॥ \p \v 12 ᤁᤖ ᤁᤴ ᤔᤏᤠᤜᤠ᤹ᤖᤧᤃ ᤁᤢᤛᤡᤱ ᤔᤧᤴᤏᤡ᤺ᤳᤋᤣᤒᤠ ᤐᤠ᤺ᤴᤜᤠ᤹ᤖᤧ ᤋᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠ᤺ᤴ ᤔᤧᤒᤠ᤺ᤳᤋᤢ᤹ᤖᤥ॥ ᤂᤧᤱᤜᤠ᤹ ᤋᤧᤶᤔᤠᤛᤡᤀᤠᤱ ᤛᤧᤵᤔᤠᤛᤡ ᤑᤠ᤹ᤀᤠᤱ ᤛᤡᤰᤁᤢᤶ ᤏᤡᤱᤘᤠ᤹ ᤔᤧ᤺ᤴᤏᤣ ᤁᤧᤎᤠᤵᤐᤠ ᤌᤰᤛᤠᤜᤠ᤹ ᤁᤢᤀᤡᤛᤡ᤺ᤰ ᤔᤧᤈᤥ᤺ᤰᤗᤥ॥ ᤁᤴ ᤀᤡᤱᤗᤧᤰᤁᤣ ᤛᤡᤰᤛᤠᤶᤒᤠᤜᤠ᤹ ᤂᤧᤴ ᤌᤰᤛᤠᤜᤠ᤹ ᤁᤢᤀᤡᤛᤡ᤺ᤰᤁᤣ ᤔᤧᤔᤧᤰᤗᤥ॥ \v 13 ᤂᤧᤱᤜᤠ᤹ᤖᤧᤃ ᤔᤧᤈᤥᤃᤢᤒᤠ ᤋᤠᤵᤑᤧ᤺ᤶᤒᤠ ᤕᤠ᤺ᤒᤰᤁᤡᤸᤗᤧ ᤁᤢᤗᤧᤰᤘᤠ ᤋᤠᤵᤑᤧ᤺ᤶᤒᤠᤀᤣ ᤔᤧᤍᤢᤔᤢ᤹ᤖᤥ॥ ᤂᤧᤱᤜᤠ᤹ᤖᤧᤃ ᤗᤧᤴᤍᤡᤰᤛᤠ ᤕᤠᤶᤍᤠᤍᤠ ᤏᤢ ᤏᤡᤱᤘᤠ᤹ᤋᤠᤍᤠ ᤆᤥ᤺ᤰᤔᤠ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗᤥ॥ ᤂᤧᤱᤜᤠ᤹ᤖᤧᤃ ᤂᤡᤏᤡ᤹ᤏᤢ ᤔᤧᤈ ᤔᤧᤎᤢᤅᤢᤸᤗᤧ ᤔᤧᤛ᤺ᤳᤗ ᤀᤡᤱᤃᤧᤶᤗᤧᤰᤋᤡᤀᤠᤱ ᤏᤠᤃᤧᤶᤎᤠᤛᤡ ᤁᤧᤶᤒᤡᤖᤡ᤹ᤖᤥ॥ \v 14 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤡᤰᤁᤡᤸᤗᤧ ᤋᤠᤵᤑᤧ᤺ᤶᤒᤠ ᤕᤠᤶᤍᤠᤍᤠᤒᤠ ᤆᤠᤖᤠᤶᤔᤠ ᤕᤠ᤺ᤶᤒᤰᤜᤠ᤹ ᤔᤧᤈᤥᤃᤢᤀᤠᤱ ᤀᤠᤰᤂᤧᤴ ᤗᤠᤕᤥ ᤔᤧᤈᤥᤃᤢᤛᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤧᤍᤠᤏᤧᤴᤗᤥ॥ ᤂᤧᤱᤜᤠ᤹ᤖᤧ ᤁᤢᤍᤥ᤺ᤵᤔᤠ ᤔᤏᤠᤜᤠ᤹ ᤗᤠᤕᤥᤀᤥ ᤔᤧᤎᤠᤛᤢᤛᤡ᤹॥ ᤂᤧᤱᤜᤠ᤹ᤖᤧᤃ ᤂᤡ᤺ᤶᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤠ᤹ᤖᤡᤰ ᤔᤧᤗᤧᤛ᤻ᤛᤢ᤹ᤖᤥ॥ ᤂᤧᤱᤜᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤱᤃᤪᤠᤖᤧ ᤋᤧᤳᤋᤢᤛᤡᤒᤠ ᤔᤏᤠᤛᤡᤖᤥ॥ \v 15 ᤂᤧᤱᤜᤠ᤹ᤖᤧᤃ ᤋᤥ᤺ᤴᤍᤥ᤺ᤶᤒᤠ ᤗᤠᤶᤔᤡᤴ ᤔᤧᤗᤧᤖᤢᤀᤠᤱ ᤂᤧᤱᤜᤠ᤹ ᤋᤠᤵᤑᤧ᤺ᤶᤒᤠ ᤗᤠᤶᤔᤥ ᤔᤧᤗᤠ᤺ᤛᤧᤀᤠᤱ ᤔᤧᤘᤠ᤹ᤖᤥ॥ ᤒᤥᤀᤖᤖᤧ ᤁᤢᤛ᤻ᤛᤠ᤺ᤜᤠ᤹ ᤒᤠᤗᤠᤔᤖᤧ ᤁᤢᤗᤠᤶᤔᤥ ᤔᤧᤒᤣᤀᤠᤱ ᤔᤧᤘᤠ᤹॥ ᤒᤠᤗᤠᤶᤔᤡᤸᤗᤧᤃ ᤗᤠᤕᤥᤗᤠᤶ ᤕᤠᤱᤛᤠᤁᤢᤴᤎᤣ ᤌᤰᤔᤠ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤘᤕᤧ. \v 16 ᤁᤖ ᤜᤧᤰᤋᤱᤒᤠ ᤑᤧᤴ ᤕᤠ᤺ᤶᤒᤰ ᤆᤥᤃᤢᤒᤠᤸᤗᤧ ᤁᤢᤒᤠ᤺ᤴ ᤔᤧᤴᤗ᤺ᤶᤔᤏᤠᤒᤠ ᤀᤍᤱᤅᤡᤸᤗᤧ ᤂᤢᤏᤧ᤹ ᤑᤧ᤺ᤰᤋᤢ॥ ᤂᤧᤴ ᤀᤍᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡ ᤐᤠ᤺ᤴᤗᤠᤶᤒᤠ ᤒᤠᤗᤠᤶᤔᤡᤸᤗᤧ ᤁᤧᤏᤠᤱᤒᤠ ᤁᤢᤀᤡᤛᤡ᤺ᤰ ᤆᤥᤃᤢᤒᤠ ᤀᤍᤱ ᤁᤢᤕᤠ᤺ᤶᤒᤰᤁᤡᤴ ᤛᤠᤰᤋᤢᤖᤥ॥ \p \v 17 ᤀᤰᤋᤱᤒᤠ ᤔᤏᤠᤜᤠ᤹ᤃ ᤁᤧᤈᤵᤐᤠ ᤘᤠᤒᤢᤴ ᤏᤢ ᤛᤢᤖᤡᤳᤔᤠᤸᤗᤧ ᤔᤢ᤺ᤳᤋᤢ ᤋᤣ᤹ᤖᤢᤒᤠ ᤂᤠᤵᤔᤡ᤺ᤵᤐᤠ ᤜᤧᤰᤋᤱᤒᤠᤛᤡᤖᤥ॥ ᤁᤱᤜᤠ᤹ᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤠᤔᤠᤰ ᤗᤢᤶᤒᤠ᤺ᤳᤋᤡᤴ ᤕᤠᤖᤡᤵ ᤆᤥᤃᤢᤀᤠᤱ ᤏᤧᤖᤥ॥ \v 18 ᤂᤧᤱᤜᤠ᤹ᤃ ᤁᤢᤛᤢᤶ ᤔᤧᤴᤍᤶᤔᤏᤠ ᤀᤠᤱᤍᤡᤱ ᤀᤡᤛᤣ᤺ᤱᤒᤠ ᤐᤠ᤺ᤴ ᤔᤧᤒᤠ᤺ᤳ. ᤜᤧᤰᤁᤩᤠᤱ ᤂᤠᤖᤰ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤧᤗᤧᤵᤐᤠᤀᤠᤱ ᤍᤠᤱᤒᤠᤀᤥ ᤁᤧᤍᤠ᤺ᤒᤠᤜᤠ᤹ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠᤸᤗᤧ ᤌᤣᤀᤠᤱ ᤔᤧᤗ᤹ᤏᤧᤴ ᤗ᤹ᤖᤡᤰ ᤔᤧᤜᤢᤛᤢᤛᤡᤖ ᤕᤠᤶᤔᤥ ᤗᤠᤕᤥᤀᤥ ᤔᤧᤎᤠᤛᤢᤛᤡᤖᤥ॥ \v 19 ᤂᤧᤱᤜᤠ᤹ᤃ ᤀᤠᤒᤠᤅᤣ ᤑᤧᤴ ᤏᤡᤱᤘᤠ᤹ ᤕᤧᤵᤗᤧᤰᤁᤡᤸᤗᤧ ᤁᤢᤕᤥ᤺ᤰ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤛᤠᤱ ᤘᤣ᤹ᤜᤠ᤹ᤃ ᤆᤥ᤺ᤰᤕᤢᤶᤓᤥᤖᤧᤴ ᤔᤠᤱᤜᤧᤰ ᤔᤧᤒᤡᤖᤢᤛᤡ᤹॥ ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤴ ᤐᤠ᤺ᤴᤏᤡᤸᤗᤧ ᤔᤏᤠᤜᤠ᤹ ᤕᤢᤰᤋᤢᤛᤡ᤹. ᤂᤧᤱᤜᤠ᤹ ᤒᤠ ᤂᤧᤴ ᤐᤠ᤺ᤴᤏᤡᤸᤗᤧ ᤁᤢᤕᤥ᤺ᤰᤐᤠ ᤔᤧᤒᤥ᤺ᤱᤗᤥ॥ \v 20 ᤁᤖ ᤂᤧᤱᤜᤠ᤹ᤖᤧ ᤍᤠᤱᤒᤠ ᤏᤢ ᤛᤧᤴᤗᤵᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤀᤠᤈᤡ᤺ᤴᤈᤡ᤺ᤶᤒᤠ ᤐᤠ᤺ᤴᤗᤠᤶ ᤔᤧᤗ᤺ᤴ ᤜᤧᤰᤁᤩᤠᤱ ᤕᤠᤶᤔᤥ ᤔᤧᤏᤢ᤺ᤱ ᤔᤧᤒᤣ᤺ᤰᤏᤧ ᤑᤠ᤹ᤃᤪ ᤂᤧᤱᤜᤠ᤹ᤖᤧ ᤗᤠᤃᤡ ᤋᤃᤡᤏᤢ᤺ᤸᤗᤧᤀᤠᤱ ᤁᤢᤏᤢᤵᤔᤥᤃ ᤛᤠ᤹ᤖᤡᤰ ᤋᤠᤵᤑᤧ᤺ᤶᤒᤠ ᤐᤥ᤺ᤱᤗᤥ॥ \v 21 ᤂᤧᤱᤜᤠ᤹ᤖᤧ ᤛᤠᤶᤕᤥᤏᤡᤒᤠ ᤗᤠᤶᤔᤡᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤔᤧᤄᤥ᤺ᤛᤢᤒᤠ ᤛᤣᤛᤣ ᤀᤡᤱᤈᤠ᤺ᤱᤅᤡᤴ ᤔᤧᤏᤠ᤹ᤖᤢᤏᤢ᤺ᤸᤗᤧᤃ ᤂᤧᤴ ᤛᤠᤶᤕᤥᤏᤡᤒᤠ ᤗᤠᤶᤔᤡᤴ ᤀᤠᤵᤑᤠᤸᤗᤧᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤏᤡᤸᤗᤧ ᤏᤢᤖᤧᤒᤠᤖᤥ॥ \v 22 ᤂᤧᤱᤜᤠ᤹ᤃ ᤛᤡᤘᤠᤍᤡᤱ ᤂᤠᤜᤢᤴᤏᤡᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰᤁᤣ ᤔᤧᤈᤥ᤺ᤰᤗᤥ. “ᤁᤥ᤺ᤳᤆᤥ᤺ᤸᤗᤧ ᤐᤧᤛ᤻ᤛᤢᤀᤠᤱ ᤁᤢᤒᤧ᤹ᤔᤠ᤺ᤳᤋᤡᤴ ᤀᤠᤒᤠᤅᤣ ᤆᤖᤥ.”\f * \fr 2:22 \ft ᤛᤡᤘᤠᤍᤡᤱ ᤂᤠᤜᤢᤴᤜᤠ᤹ ᥈᥌.᥇᥇\f* ᤜᤧᤰᤁᤩᤠᤱ “ᤑᤠᤰᤁᤡᤴ ᤘᤠᤖᤢ᤺ᤶᤔᤠᤛᤠᤱ ᤕᤠᤶᤔᤥ ᤂ᤺ᤱᤘᤠ ᤏᤧ᤺ᤴᤇᤡᤱᤗᤥ॥” \c 3 \s1 ᤍᤠᤱᤒᤠᤸᤗᤧ ᤁᤢᤕᤧᤴ \p \v 1 ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤂᤡᤏᤡ᤹ ᤜᤠᤰᤏᤡᤱᤒᤠ ᤁᤴ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱᤗᤥ॥ ᤁᤴ ᤏᤧᤵᤔᤠᤱ ᤛᤰᤀᤡᤱᤄᤱᤅᤥ ᤏᤡᤱᤘᤠ᤹ᤛᤢᤶ ᤆᤥ᤺ᤰᤏᤡᤱ ᤐᤡᤏᤡᤱᤗ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤆᤠᤱᤈᤠᤱᤘᤠ ᤆᤥ᤺ᤰᤔᤠ ᤐᤡᤔᤠ ᤁᤥ᤺ᤳᤋᤢᤱᤒᤠᤖᤥ॥ \v 2 ᤕᤖᤡᤰ ᤋᤱᤒᤣ ᤋᤃᤡ ᤛᤣᤛᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤜᤧᤰᤁᤩᤠᤱ ᤀᤠᤏᤡ᤹ ᤍᤠᤱᤒᤠ ᤏᤢ ᤛᤧᤴᤗᤵᤍᤠᤱᤒᤠᤸᤗᤧ ᤂᤡᤏᤡ᤹ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤗᤠᤶ ᤁᤧᤒᤡᤖᤡᤒᤠ ᤀᤡᤱᤈᤠ᤺ᤱᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ ᤁᤧᤗ᤹ᤒᤠ ᤀᤠᤏᤡᤱᤘᤠ᤹ ᤘᤠ᤹ᤖᤥ॥ \p \v 3 ᤁᤠᤰᤏᤢ ᤋᤃᤡ ᤂᤡᤏᤡ᤹ ᤁᤴ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤵᤔᤠᤀᤣ ᤐᤥ᤺ᤱᤗᤥ॥ ᤁᤢᤏᤢᤵᤔᤠ ᤕᤧᤴᤜᤠ᤹ᤀᤥ ᤁᤡᤏᤠ᤺ᤴᤍᤡ ᤁᤧᤒᤡᤒᤠᤜᤠ᤹ ᤁᤡᤏᤠ᤺ᤴᤍᤡ ᤐᤡᤏᤢ ᤔᤧᤍᤠᤀᤠᤱ ᤂᤧᤱᤜᤠ᤹ᤖᤧ ᤀᤠᤒᤠᤅᤣ ᤂᤢᤏᤡ᤹ ᤋᤠᤵᤑᤧ᤺ᤶᤒᤠ ᤏᤡᤱᤘᤠ᤹ᤀᤥ ᤔᤧᤘᤠ᤹ \v 4 ᤜᤧᤰᤁᤩᤠᤱ ᤀᤰᤂᤣ ᤔᤧᤒᤠ᤺ᤳᤋᤢ᤹ᤖᤥ. “ᤀᤡᤱᤃᤠ᤹ ᤕᤠᤶᤔᤥ ᤕᤢ᤺ᤀᤠ ᤗ᤹ᤖᤡᤰ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤕᤧᤒᤠ ᤔᤧ᤺ᤶᤒᤡ᥅ ᤂᤢᤏᤧ᤹ ᤀᤠᤳᤋᤥ ᤕᤧ᥅ ᤀᤠᤏᤡᤃᤧ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ ᤁᤠᤰ ᤔᤧᤛᤩᤧ ᤔᤧᤒᤣ. ᤜᤧᤰᤁᤩᤠᤱ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤧᤀᤠᤱᤎᤥ ᤁᤠᤰ ᤐᤠ᤺ᤴᤜᤠ᤹ ᤒᤠ ᤜᤧᤰᤁᤣᤀᤣ ᤏᤧᤖᤥ॥” \p \v 5 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤐᤣᤗᤡᤃᤧᤴ ᤁᤢᤒᤠ᤺ᤴᤈᤠᤰᤗᤠᤶᤒᤠ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤢᤒᤠ ᤐᤠ᤺ᤴᤏᤡᤴ ᤂᤧᤱᤜᤠ᤹ᤖᤧ ᤏᤡ᤺ᤏᤡ᤺ᤒᤠᤀᤣ ᤏᤡᤱᤘᤠ᤹ ᤔᤧᤓᤣ᤺ᤳᤇᤢᤖᤥ॥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤆᤫᤠ᤺ᤳᤗᤠᤶ ᤗ᤺ᤳᤋᤢᤀᤠᤱ ᤆᤫᤠ᤺ᤳᤋᤡᤸᤗᤧᤀᤣ ᤆᤥᤃᤢ. \v 6 ᤜᤧᤰᤁᤩᤠᤱ ᤒᤠ ᤂᤧᤴ ᤆᤫᤠ᤺ᤳᤗᤠᤶᤒᤠ ᤀᤢᤴᤇᤣ᤺ᤴᤛ᤻ᤔᤠ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤜᤢᤔᤧᤀᤠᤱ ᤔᤧᤃᤧᤖᤥ॥ \v 7 ᤁᤖ ᤒᤠ ᤂᤧᤴ ᤐᤣᤗᤡᤃᤧᤴ ᤐᤠ᤺ᤴᤈᤠᤰᤁᤡᤸᤗᤧ ᤀᤠᤸᤗᤥᤒᤠ ᤋᤠᤱᤛᤠᤰᤐᤧᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤔᤡᤗᤠᤶᤒᤠ ᤔᤧᤱᤔᤠ ᤑᤠ᤹ᤀᤠᤱ ᤋᤠᤱᤄᤢᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤔᤧᤶᤒᤡᤔᤏᤠ ᤔᤏᤠᤜᤠ᤹ ᤂᤠᤛᤧᤴ ᤕᤧᤴᤏᤥ ᤔᤧᤶᤔᤧᤱᤛᤡᤱᤅᤣ ᤌᤠᤖᤡᤰ ᤋᤠᤱᤛᤠᤰᤐᤧᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤒᤠ ᤕᤠ᤺ᤰᤋᤧᤀᤠᤱ ᤏᤧᤖᤥ॥ \p \v 8 ᤁᤖ ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤗᤳᤇᤠ ᤐᤠ᤺ᤴᤎᤡᤰ ᤏᤡᤱᤘᤠ᤹ ᤔᤧᤓᤣ᤺ᤳᤇᤧᤶᤔᤡᤴᤏᤧ᤹ᤀᤥ–ᤍᤠᤱᤒᤠᤸᤗᤧ ᤁᤢᤗᤠᤃᤡ ᤌᤡᤰ ᤕᤧᤴᤏᤡᤴ ᤋᤱᤒᤣ ᤜᤧᤴᤇᤡᤱ (᥇᥆᥆᥆) ᤁᤢᤀᤡᤛᤡ᤺ᤰ ᤏᤢ ᤜᤧᤴᤇᤡᤱ ᤋᤱᤒᤣᤴ ᤌᤡᤰ ᤕᤧᤴ ᤁᤢᤀᤡᤛᤡ᤺ᤰ ᤐᤥ᤺ᤱᤗᤥ॥ \v 9 ᤁᤢᤓᤠ ᤔᤏᤠᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤍᤠᤱᤒᤠᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤔᤠᤱᤜᤧᤰᤁᤡᤴ ᤁᤧᤵᤔᤠ ᤔᤧᤛᤢ᤺ᤏᤧᤴᤗᤥ. ᤁᤖ ᤂᤢᤏᤧ᤹ ᤏᤠᤛᤡ ᤌ᤺ᤳᤋᤢᤖ ᤂᤡᤏᤡ᤹ ᤁᤧᤜᤠᤱᤄᤡᤖ ᤘᤠ᤹ᤖᤥ॥ ᤂᤡᤏᤡ᤹ ᤗᤠᤕᤥᤗᤠᤶ ᤁᤧᤜᤡᤴᤍᤡᤀᤠᤱ ᤀᤠᤳᤋᤡᤴᤜᤠ᤹ᤀᤠᤱ ᤁᤧᤶᤔᤧᤃᤡᤴᤗ ᤁᤧᤗ᤹ᤒᤠ ᤂᤢᤏᤧ᤹ ᤏᤡᤱᤘᤠ᤹ ᤆᤥᤃᤢᤖᤥ॥ \v 10 ᤁᤖ ᤍᤠᤱᤒᤠᤴ ᤏᤢ᤺ᤱ ᤕᤢ᤺ᤒᤠ ᤕᤧᤴᤏᤡᤱᤃ ᤛᤧᤴᤍᤡᤰ ᤁᤧᤄᤢ᤺ᤶᤒᤠᤴ ᤂᤢ᤺ᤴᤇᤧ ᤋᤠᤒᤠ ᤁᤢᤀᤡᤛᤡ᤺ᤰ ᤜᤰᤆᤄᤳ ᤐᤥ᤺ᤱᤗᤥ॥ ᤕᤶᤒᤠ ᤀᤡᤰᤗᤠᤀᤥ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤔᤠᤒᤣ᤺ᤰ. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤒᤵᤐᤠᤜᤠ᤹ ᤁᤠᤰ ᤔᤡᤍᤡᤰᤁᤠᤱ ᤕᤥ᤺ᤶᤒᤣ᤺ᤰ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤏᤢ ᤂᤧᤵᤔᤥ ᤁᤧᤘᤠ᤹ᤒᤠ ᤁᤠᤰ ᤐᤠ᤺ᤴᤜᤠ᤹ᤀᤠᤱ ᤔᤡ᤺ᤸᤗᤧ ᤂᤠᤵᤐᤢ ᤌᤩ᤺ᤱ ᤆᤥᤃᤢᤛᤡᤖᤥ॥ \p \v 11 ᤜᤧᤰᤁᤣᤗ᤹ᤖᤡᤰ ᤁᤠᤰ ᤐᤠ᤺ᤴᤜᤠ᤹ ᤔᤧᤰᤐᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ᤃ ᤛᤣᤛᤣᤒᤠ ᤏᤢ ᤛᤠᤶᤕᤥᤏᤡᤒᤠ ᤜᤡᤱᤔᤴᤏᤥ ᤘᤠ᤹ᤔᤠ ᤐᤥ᤺ᤱᤗᤥ॥ \v 12 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤧᤴᤏᤡᤴ ᤁᤧᤜᤠᤱᤄᤢᤶ. ᤜᤧᤰᤁᤩᤠᤱ ᤁᤢᤕᤧᤴᤏᤡᤴ ᤜᤠᤖᤠ ᤋᤠᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤧᤈᤥᤃᤢᤶ. ᤁᤖ ᤂᤧᤴ ᤕᤧᤴᤏᤥ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤔᤡᤍᤡᤰᤁᤠᤱ ᤔᤧᤰ. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤒᤵᤐᤠ ᤁᤠᤰ ᤐᤠ᤺ᤴᤜᤠ᤹ ᤕᤥ᤺ᤶᤒᤣ᤺ᤰᤗᤥ॥ \v 13 ᤁᤖ ᤀᤠᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤁᤢᤛᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤁᤢᤛᤱ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤏᤡᤱᤛᤠᤱ ᤀᤠᤈᤥᤃᤢᤶᤔᤠᤱ ᤀᤠᤜᤠᤱᤄᤢᤶᤗ ᤀᤠᤘᤠ᤹ᤖᤥ॥ ᤂᤧᤵᤔᤥ ᤛᤠᤶᤕᤥᤏᤡᤒᤠ ᤔᤏᤠᤜᤠ᤹ᤖᤰ ᤔᤧᤘᤠ᤹ᤖᤥ॥ \p \v 14 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤁᤴ ᤐᤠ᤺ᤴᤜᤠ᤹ ᤏᤡᤱᤛᤠᤱ ᤁᤧᤈᤥᤃᤢᤶᤔᤠᤱ ᤁᤧᤜᤠᤱᤄᤢᤶᤒᤠᤸᤗᤧ ᤆᤥᤃᤢᤸᤗᤧ ᤛᤢᤳᤌᤥ ᤏᤢ ᤛᤣᤛᤣᤒᤠ ᤜᤡᤱᤔᤴᤏᤥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤏᤠᤖᤢᤱᤅᤥ ᤘᤠ᤹ᤔᤠ ᤂᤡᤏᤡ᤹ ᤛᤢᤰᤛᤢᤰ ᤏᤡᤱᤘᤠ᤹ ᤆᤥᤃᤧᤶᤔᤧ᤹ᤀᤥ॥ \p \v 15 ᤁᤧᤖᤧᤰ ᤔᤏᤠᤜᤠ᤹ᤖᤧ ᤛᤧᤴᤗᤵ ᤔᤧᤄᤥ᤺ᤛᤢᤖ ᤑᤠ᤹ᤀᤠᤱ ᤍᤠᤱᤒᤠᤸᤗᤧ ᤏᤠᤛᤡ ᤌ᤺ᤳᤋᤢᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ ᤀᤠᤏᤡ᤹ ᤔᤡ᤺ᤶ ᤏᤢᤛᤠ᤹ ᤐᤠᤘᤗᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤂᤥ᤺ᤛᤢᤒᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤗᤠᤶ ᤁᤴ ᤐᤠ᤺ᤴᤜᤠ᤹ ᤛᤠᤵᤋᤢᤀᤠᤱ ᤁᤧᤜᤠᤰᤋᤡᤀᤠᤱ ᤘᤕᤧᤖᤥ॥ \v 16 ᤁᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥᤃ ᤐᤠᤘᤗᤖᤧ ᤒᤠ ᤀᤰᤂᤣᤗ᤹ᤖᤡᤰᤁᤣ ᤁᤢᤛᤰᤀᤡᤱᤄᤱᤜᤠ᤹ᤀᤥ ᤛᤠᤵᤋᤢᤀᤠᤱ ᤘᤕᤧ॥ ᤂᤢᤏᤧ᤹ ᤛᤠᤵᤋᤢᤒᤠ ᤁᤢᤓᤠ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤛᤠᤰᤗᤥ॥ ᤌᤣᤀᤠᤱ ᤔᤧᤸᤗᤧᤔᤏᤠᤒᤠ ᤏᤢ ᤜᤡᤸᤗᤡᤰᤗᤡᤰᤐᤠ ᤔᤏᤠᤜᤠ᤹ᤖᤧᤃ ᤂᤧᤴ ᤐᤠ᤺ᤴᤏᤡᤸᤗᤧ ᤁᤢᤒᤣ᤺ᤴ ᤔᤧᤗᤧᤰᤂᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤖᤧ ᤘᤣ᤹ ᤛᤠᤶᤕᤥᤛᤠᤵᤗᤠᤀᤥ ᤁᤧᤒᤵᤐᤠ ᤐᤠ᤺ᤴᤜᤠ᤹ᤖᤧ ᤁᤢᤒᤣ᤺ᤴᤏᤠᤱ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤔᤧᤗᤧᤰᤂᤢᤀᤠᤱ ᤔᤧᤘᤠ᤹॥ ᤜᤧᤰᤁᤣ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤔᤧᤰᤔᤠᤴ ᤀᤠᤒᤠᤅᤣ ᤔᤧᤍᤠᤖᤢᤖᤥ॥ \p \v 17 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤂᤡᤏᤡ᤹ᤃ ᤁᤴ ᤐᤠ᤺ᤴᤜᤠ᤹ ᤏᤡᤱᤘᤠ᤹ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤧᤶᤔᤧ᤹ᤀᤥ॥ ᤜᤧᤰᤁᤣ᤺ᤸᤗᤧ ᤑᤧᤴ ᤐᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤀᤡᤱᤗᤧᤰᤁᤣ ᤐᤠ᤺ᤴᤏᤡᤸᤗᤧ ᤂᤡᤏᤡ᤹ ᤁᤧᤔᤧᤴᤓᤥ᤺ᤳᤋᤡᤴᤗ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤎᤢᤶᤒᤠ ᤏᤛᤠ᤺ᤴᤗᤠᤶ ᤁᤧᤴᤈᤥ᤺ᤴᤍᤡᤴᤗᤖᤥ॥ \v 18 ᤁᤖ ᤀᤠᤏᤡ᤹ ᤍᤠᤱᤒᤠ ᤏᤢ ᤛᤧᤴᤗᤵᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤀᤠᤒᤡᤒᤠ ᤏᤧᤜᤡᤏᤡᤱᤘᤠ᤹ᤀᤥ ᤏᤢ ᤁᤢᤗᤢᤱᤃᤢᤶᤔᤥ ᤐᤥ᤺ᤖᤧᤶᤔᤧ᤹ᤀᤥ॥ ᤀᤠᤸᤗᤥ ᤏᤢ ᤛᤍᤠᤍᤡᤱ ᤍᤠᤱᤒᤠᤸᤗᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤖᤥ᥄ ᤀᤠᤔᤧᤴ॥