\id 2CO  
\h ᥈ ᤁᤥᤖᤴᤌᤡ 
\toc1 ᤐᤠᤘᤗᤖᤧ ᤁᤥᤖᤴᤌᤡᤜᤠ᤹ ᤜᤠᤰᤋᤢᤛᤡᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ 
\toc2 ᥈ ᤁᤥᤖᤴᤌᤡ 
\toc3 ᥈ ᤁᤥᤖᤴᤌᤡ 
\mt1 ᤐᤠᤘᤗᤖᤧ ᤁᤥᤖᤴᤌᤡᤜᤠ᤹ ᤜᤠᤰᤋᤢᤛᤡᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤐᤠᤘᤗᤖᤧ ᤁᤥᤖᤴᤌᤡ ᤕᤧᤰᤕᤰᤁᤥ ᤂᤢᤏᤧ᤹ ᤜᤣ᤺ᤰᤋᤢᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠ ᤏᤡᤛᤡᤃᤣ᤺ᤰᤐᤠ ᤛᤰᤀᤡᤱᤄᤱᤗᤥ॥ ᤐᤠᤘᤗᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤒᤠ ᤕᤧᤶᤔᤥ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤏᤢ ᤏᤢ᤺ᤒᤠ ᤁᤢᤍᤱᤈᤢᤶ ᤜᤥ᤺ᤵᤋᤧᤖᤥ॥ ᤛᤣᤛᤣᤜᤢᤵᤗᤰᤐᤠ ᤁᤢᤓᤠ ᤔᤏᤠᤜᤠ᤹ᤖᤧ ᤛᤠ᤹ᤖᤡᤰ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢᤀᤠᤱ ᤘᤕᤧᤖᤥ. ᤜᤧᤰᤁᤣᤛᤠᤱ ᤐᤠᤘᤗᤖᤧ ᤂᤧᤱᤜᤠ᤹ᤏᤢ ᤏᤠᤍᤱ ᤆᤥ᤺ᤰᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤀᤡ᤺ᤳᤋᤢᤒᤠ ᤜᤧᤰᤁᤣ ᤐᤥ᤺ᤱᤅᤡᤸᤗᤧ ᤂᤢᤏᤧ᤹ ᤛᤠ᤹ᤖᤡᤰ ᤀᤥᤔᤢ ᤗ᤹ᤒᤠ ᤐᤠ᤺ᤴᤏᤡᤴ ᤁᤵᤔᤥ ᤆᤧᤰᤂᤢ᤹ᤖᤥ॥ 
\ip ᤁᤴ ᤛᤰᤀᤡᤱᤄᤱᤅᤡᤸᤗᤧ ᤌᤡᤰᤛᤡᤃᤣ᤺ᤰᤐᤠ ᤗᤰᤁᤡᤸᤗᤧ ᤐᤠᤘᤗ ᤏᤢ ᤁᤥᤖᤴᤌᤡᤒᤠ ᤛᤣᤛᤣᤜᤢᤵᤗᤰᤁᤡᤸᤗᤧ ᤂᤢᤏᤡ᤹ ᤋᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤥᤎᤰ ᤀᤠᤈᤥ᤺ᤰᤗᤥ॥ ᤐᤠᤘᤗᤖᤧ ᤛᤣᤛᤣᤜᤢᤵᤗᤰᤐᤠ ᤁᤢᤓᤠ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢᤒᤠ ᤏᤢ ᤔᤧᤀᤳᤋᤢᤒᤠᤀᤥ ᤁᤧᤛᤠᤰᤐᤠ ᤏᤥᤃᤵ ᤐᤡᤖᤢᤛᤡᤀᤠᤱ ᤂᤧᤴ ᤏᤥᤃᤵᤐᤡᤸᤗᤧ ᤔᤏᤠᤜᤠ᤹ ᤗᤢᤶᤔᤥ ᤗᤠᤕᤥᤗᤠᤶ ᤜᤡᤶᤔᤠ ᤏᤢ ᤏᤠᤍᤱ ᤆᤥ᤺ᤰᤔᤠᤴ ᤋᤩᤧᤒᤠᤸᤗᤧ ᤂᤢᤏᤧ᤹ ᤁᤢᤛᤡᤰ ᤛᤔᤧᤀᤠᤱ ᤘᤕᤧᤖᤥ॥ 
\ip ᤜᤧᤰᤁᤩᤠᤱ ᤐᤠᤘᤗᤖᤧ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤡᤴᤏᤢ ᤕᤖᤢᤛᤗᤧᤔ ᤕᤧᤰᤕᤰᤁᤥᤒᤠ ᤕᤠᤱᤃᤧᤛᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤏᤡᤱᤘᤠ᤹ ᤜᤶᤔᤠᤀᤠᤱ ᤁᤢᤓᤠ᤹ ᤐᤡᤔᤠᤛᤡ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢ᤹ᤛᤡᤖᤥ॥ 
\ip ᤜᤧᤰᤁᤩᤠᤱ ᤀᤣᤃᤠᤱᤛ᤻ᤔᤠ ᤏᤠ᤺ᤳᤗᤠᤜᤠ᤹ᤀᤥ ᤐᤠᤘᤗᤖᤧ ᤂᤢᤏᤧ᤹ ᤁᤢᤳᤆᤠ᤹ᤀᤣ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤴ ᤀᤡᤃᤢ ᤔᤧᤳᤇᤡᤱᤅᤠᤱ ᤛᤠᤵᤋᤢᤖᤥ. ᤌᤣᤀᤠᤱᤓᤧᤸᤗᤧ ᤁᤥᤖᤴᤌᤡᤒᤠ ᤁᤢᤓᤠ ᤔᤏᤠᤜᤠ᤹ ᤛᤧᤰᤂᤠᤒᤠ ᤛᤣ᤺ᤰᤕᤢᤰᤔᤡᤒᤠᤛᤡᤃᤧ ᤗ᤹ᤖᤡᤰ ᤔᤧᤒᤠ᤺ᤳᤋᤢ ᤜᤧᤰᤁᤩᤠᤱ ᤐᤠᤘᤗᤧᤴ ᤀᤡᤱᤗᤧᤰᤐᤠᤖᤥ ᤗ᤹ᤖᤡᤰ ᤐᤠ᤺ᤴ ᤔᤧᤎᤡᤰᤋᤢᤀᤠᤱ ᤘᤕᤧᤖᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᥇.᥇-᥇᥇ 
\io1 ᤐᤠᤘᤗᤧᤴ ᤏᤢ ᤁᤥᤖᤴᤌᤡᤒᤠ ᤛᤣᤛᤣᤜᤢᤵᤗᤰ ᥇.᥇᥈-᥍.᥇᥌ 
\io1 ᤕᤜᤢᤍᤡᤕᤠ ᤌᤢᤶᤔᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤗᤠᤃᤡ ᤁᤢᤓᤠ᤹ ᤕᤠᤱ ᥎.᥇-᥏.᥇᥋ 
\io1 ᤐᤠᤘᤗᤖᤧ ᤀᤡᤱᤃᤠ᤹ ᤛᤣ᤺ᤰᤕᤢᤰᤔᤡᤒᤠᤀᤠ ᤑᤠ᤹ᤀᤠᤱ ᤀᤢᤘᤠ ᤆᤥᤃᤢᤒᤠ ᥇᥆.᥇-᥇᥉.᥇᥆ 
\io1 ᤁᤢᤏᤢᤵᤔᤠ ᥇᥉.᥇᥇-᥇᥉ 
\c 1  
\s1 ᤐᤠᤘᤗᤗᤠᤶᤒᤠ ᤛᤣᤘᤠ 
\p  
\v 1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤗᤠᤶᤒᤠ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤛᤣᤃᤠᤱᤒᤠ ᤀᤡᤱᤃᤠ᤹ ᤐᤠᤘᤗ ᤏᤢ ᤀᤠᤏᤡ᤹ ᤏᤢᤛᤠ᤹ ᤋᤡᤔᤥᤌᤡᤖᤧ\f * \fr 1:1 \ft ᤋᤡᤔᤥᤌᤡ–ᤂᤢᤏᤧ᤹ ᤐᤠᤘᤗᤖᤧ ᤔᤠᤱᤛᤣᤘᤠ ᤆᤥᤃᤢᤒᤠᤗᤠᤶᤒᤠ ᤏᤛᤠᤏᤡᤒᤠ ᤁᤧᤒᤥ᤺ᤱᤒᤠ ᤗᤳᤇᤠ ᤌᤠᤱᤒᤧᤴ ᤘᤕᤧ॥ ᤂᤢᤏᤧ᤹ ᤏᤛᤠᤏᤡᤒᤠ ᤐᤥ᤺ᤰᤂᤧᤀᤠᤱ ᤕᤖᤡᤰᤗᤧᤱ ᤐᤠᤘᤗᤏᤢ ᤗᤠᤶᤍᤡ᤺ᤰ ᤆᤥᤃᤧ॥\f* ᤁᤥᤖᤴᤌᤡ ᤕᤧᤰᤕᤰᤁᤥᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤜᤢᤵᤗᤰ ᤏᤢ ᤀᤰᤂᤤᤕᤠ ᤋᤧᤱᤃᤵ ᤂᤠᤖᤠᤰ ᤁᤧᤕᤢᤱᤒᤠ ᤁᤠᤰ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤁᤠᤛᤡᤃᤧᤒᤠᤖᤥ॥  
\v 2 ᤀᤠᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤂᤡᤏᤡ᤹ ᤁᤧᤒᤡᤖᤡᤖᤖᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤀᤠ᤺ᤴᤇᤡᤱᤔᤠ ᤀᤠᤒᤡ᤹ 
\p  
\v 3 ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤶᤒᤠ ᤕᤠᤵᤔᤡ ᤗᤢᤱᤔᤠ᤹ ᤁᤧᤍᤢᤰᤐᤠ ᤏᤢ ᤀᤠ᤺ᤴᤇᤡᤱᤔᤠ ᤕᤠᤵᤔᤡ ᤁᤧᤒᤡᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥ᤺ᤖᤖᤥ॥  
\v 4 ᤏᤡᤱᤘᤠ᤹ᤑᤢᤔᤠᤱᤗᤠᤶ ᤀᤠᤄᤥ᤺ᤛᤢᤶᤒᤠ ᤀᤠ᤺ᤴᤇᤡᤱᤔᤠᤸᤗᤧ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤁᤧᤘᤠ᤹ᤒᤠᤜᤠ᤹ ᤀᤠ᤺ᤴᤇᤡᤱᤔᤠ ᤐᤡᤔᤠ ᤀᤠᤛᤢᤰᤋᤢᤶᤛᤡᤶᤗ ᤑᤠ᤹ᤀᤠᤱ ᤂᤢᤏᤧ᤹ᤀᤣ ᤁᤠᤰ ᤀᤠᤏᤡ᤹ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤀᤠ᤺ᤴᤇᤡᤱᤔᤠ ᤀᤠᤒᤡ᤹ᤖᤥ॥  
\v 5 ᤌᤣᤀᤠᤱᤓᤧᤸᤗᤧ ᤕᤧᤛᤢ᤺ᤴ ᤋᤢᤰᤂᤣ ᤆᤩᤧᤒᤠ ᤜᤧᤰᤁᤣ ᤀᤠᤏᤡ᤹ᤀᤠᤱ ᤕᤖᤡᤰ ᤋᤢᤰᤂᤣ ᤀᤠᤈᤠ᤹᤺॥ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤗᤠᤶ ᤕᤖᤡᤰ ᤀᤠ᤺ᤴᤇᤡᤱᤔᤠᤴ ᤀᤠᤒᤡ᤹ᤖᤥ॥  
\v 6 ᤀᤠᤏᤡᤃᤧ ᤀᤡᤏᤥᤃᤧᤴ ᤋᤢᤰᤂᤣ᤺ᤸᤗᤧ ᤁᤧ᤺ᤵᤋᤡᤃᤧᤸᤗᤧ ᤂᤧᤱᤃ ᤂᤡᤏᤡ᤹ ᤀᤠ᤺ᤴᤇᤡᤱᤔᤠ ᤏᤢ ᤛᤧᤴᤗᤵᤖᤧ ᤗᤠᤃᤡᤏᤧ ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠ᤺ᤴᤇᤡᤱᤔᤠ ᤐᤡᤖᤡᤃᤧᤸᤗᤧ ᤂᤧᤴᤏᤠᤱ ᤂᤡᤏᤡ᤹ ᤀᤠ᤺ᤴᤇᤡᤱᤔᤠᤸᤗᤧ ᤗᤠᤃᤡᤖᤥ॥ ᤜᤧᤰᤁᤩᤠᤱ ᤀᤠᤏᤡᤃᤧ ᤐᤡᤀᤠᤛᤡᤃᤧᤒᤠ ᤀᤠ᤺ᤴᤇᤡᤱᤔᤠᤗᤠᤶ ᤀᤠᤏᤡᤃᤧ ᤌᤖᤢᤶᤒᤧᤒᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤂᤡᤏᤡ᤹ᤀᤠᤱ ᤏᤠᤛᤡ ᤌ᤺ᤵᤔᤠ ᤁᤧᤛᤢᤰᤋᤢᤶᤗᤥ॥  
\v 7 ᤜᤧᤰᤁᤩᤠᤱ ᤀᤠᤏᤡᤃᤧ ᤀᤡᤏᤥᤃᤧᤴ ᤋᤢᤰᤂᤣ ᤆᤩᤧ᤹ᤀᤡᤃᤧᤒᤠ ᤜᤧᤰᤁᤣ ᤂᤡᤏᤡ᤹ᤀᤠᤱ ᤋᤢᤰᤂᤣ ᤁᤧᤈᤩᤧ᤹ᤀᤡᤖᤥ. ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠ᤺ᤴᤇᤡᤱᤔᤠ ᤐᤡᤖᤡᤃᤧᤒᤠ ᤜᤧᤰᤁᤣ ᤂᤡᤏᤡ᤹ᤀᤠᤱ ᤀᤠ᤺ᤴᤇᤡᤱᤔᤠ ᤁᤧᤒᤡᤖᤡ᤹ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤛᤠᤱᤅᤡᤴ ᤔᤧᤔᤢᤴᤏᤧᤴᤗᤥ॥ 
\p  
\v 8 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤣᤛᤡᤕᤠᤒᤠ ᤋᤧᤱᤃᤵᤐᤥ ᤀᤠᤏᤡᤃᤧ ᤋᤢᤔᤢᤶᤒᤧᤒᤠ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤂᤡᤏᤡ᤹ ᤏᤡᤱᤘᤠ᤹ᤀᤥ ᤋᤠ᤺ᤵᤔᤠ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤂᤧᤴ ᤋᤢᤰᤂᤣ᤺ᤱᤃ ᤌᤶᤔᤠ ᤛᤢᤰᤔᤧᤴᤍᤧᤵᤔᤏᤠ ᤁᤢᤀᤡᤛᤡ᤺ᤰ ᤆᤥᤃᤧ. ᤜᤧᤰᤁᤣ᤺ᤸᤗᤧ ᤀᤠᤏᤡᤃᤧ ᤜᤡᤅᤡᤃᤧ᤹ ᤁᤧᤗ᤹ᤒᤠ ᤏᤡᤱᤘᤠ᤹ᤀᤣ ᤔᤧᤴᤀᤡ᤺ᤵᤔᤏᤠᤖᤥ॥  
\v 9 ᤛᤧᤰᤂᤠᤀᤣ ᤀᤠᤏᤡᤃᤧᤃ ᤛᤩᤧ᤹ᤀᤡᤃᤧᤒᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢᤶᤒᤧᤖᤥ॥ ᤁᤖ ᤁᤱᤃ ᤀᤠᤏᤡᤃᤧ ᤀᤠᤒᤠᤅᤣ ᤋᤠᤱᤛᤧ᤺ᤵᤛᤡᤱᤔᤠ ᤑᤠ᤹ᤀᤠᤱ ᤔᤧ᤺ᤴ. ᤁᤖ ᤁᤧᤛᤡ᤺ᤒᤠᤜᤠ᤹ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤖᤰ ᤋᤠᤱᤛᤧ᤺ᤵᤔᤠ ᤀᤠᤛᤢᤰ ᤁᤧᤗ᤹ᤒᤠ ᤀᤡ᤺ᤵᤔᤠ ᤛᤢᤰᤋᤢᤶᤒᤧᤖ ᤑᤠ᤹ᤀᤠᤱ ᤀᤰᤂᤣ ᤐᤥ᤺ᤰᤂᤧᤒᤠᤖᤥ॥  
\v 10-11 ᤂᤢᤏᤧ᤹ᤃ ᤀᤰᤋᤱᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤛᤡ᤺ᤔᤧᤴᤗᤠᤶ ᤛᤧ᤺ᤵᤋᤡᤃᤧ ᤜᤧᤰᤁᤩᤠᤱ ᤋᤠ᤺ᤴᤍᤡᤀᤠᤱ ᤛᤧ᤺ᤵᤋᤡᤃᤧᤖᤥ॥ ᤂᤢᤏᤧ᤹ ᤆᤰᤔᤧᤸᤗ᤹ᤀᤣ ᤕᤠᤶᤔᤥᤀᤠᤱ ᤛᤧ᤺ᤵᤋᤡᤃᤧ ᤜᤧᤰᤁᤩᤠᤱ ᤂᤡᤏᤡ᤹ ᤋᤢᤘᤠ ᤆᤥ᤺ᤰᤏᤢ ᤁᤢᤓᤠ᤹ ᤕᤠᤵᤔᤡ ᤁᤧᤒᤡᤖᤡ᤹ ᤑᤠ᤹ᤀᤠᤱ ᤂᤢᤏᤧ᤹ᤀᤥ ᤏᤡᤱᤛᤠᤱ ᤆᤥᤃᤢᤶᤒᤧᤀᤠᤱ ᤘᤕᤡᤃᤧᤖᤥ॥ ᤜᤧᤰᤁᤩᤠᤱ ᤕᤖᤡᤰ ᤔᤏᤠᤜᤠ᤹ᤖᤧ ᤀᤠᤏᤡᤃᤧ ᤗᤠᤃᤡ ᤔᤧᤈᤥᤃᤢᤒᤠ ᤋᤢᤘᤠ᤺ᤸᤗᤧᤴ ᤏᤥᤃᤵᤐᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡᤃᤧ ᤔᤢ᤹ᤀᤡᤛᤠᤶ ᤐᤡᤖᤡᤃᤧ᤹ ᤜᤧᤰᤁᤩᤠᤱ ᤀᤠᤏᤡᤃᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤔᤧᤒᤡᤖᤢ᤹ᤖᤥ॥ 
\s1 ᤐᤠᤘᤗᤖᤧ ᤁᤥᤖᤴᤌᤡ ᤔᤧᤶᤒᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ᤹ 
\p  
\v 12 ᤁᤴ ᤀᤡᤰᤛᤠ ᤂᤠᤶᤒᤣ᤺ᤰᤔᤥᤖᤰ ᤔᤧ᤺ᤴ. ᤁᤖ ᤂᤡᤏᤡ᤹ ᤋᤃᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤠᤏᤡᤃᤧ ᤕᤧᤵᤗᤧᤰᤁᤡᤴ ᤛᤣᤛᤣ ᤏᤢ ᤁᤢᤍᤥ᤺ᤵᤔᤠ ᤁᤳᤋᤢᤶᤒᤧ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤔᤢᤖᤠ ᤔᤧᤴᤕᤠᤀᤣ ᤐᤠ᤺ᤵᤔᤠ ᤛᤢᤰᤋᤢᤶᤒᤧᤖᤥ॥ ᤁᤱᤃ ᤔᤧᤴᤇᤠᤶ ᤕᤠᤵᤔᤡ ᤛᤡᤰᤁᤢᤶ ᤏᤡᤱᤘᤠ᤹ᤖᤧ ᤁᤳᤋᤢᤶᤒᤧᤒᤠ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶᤒᤠ ᤁᤳᤋᤢᤶᤒᤧᤒᤠᤖᤥ॥  
\v 13-14 ᤂᤡᤏᤡ᤹ ᤏᤡ᤺ᤵᤔᤠ ᤁᤧᤴᤇᤢᤰᤋᤢᤶᤔᤡᤶᤒᤠ ᤏᤢ ᤁᤢᤛᤡᤱ ᤏᤡ᤺ᤵᤔᤠ ᤁᤧᤴᤇᤢᤰᤋᤢᤶᤔᤡᤶᤒᤠ ᤐᤠ᤺ᤴᤜᤠ᤹ ᤛᤰᤀᤡᤱᤄᤱᤅᤥ ᤌᤣᤀᤠᤱ ᤔᤧᤛᤠᤵᤋᤢᤶᤒᤧᤴᤗᤥ॥ ᤀᤠᤸᤗᤥ ᤀᤠᤏᤡᤃᤧ ᤕᤠ᤺ᤶᤒᤣᤀᤥ ᤔᤡᤛᤠᤰᤗᤰ ᤁᤢᤛᤡᤱᤃᤧᤴᤏᤡ᤺ᤳᤋᤢᤶ. ᤁᤖ ᤌᤡᤰᤕᤧᤴ ᤂᤡᤏᤡ᤹ ᤁᤠᤰ ᤐᤠ᤺ᤴᤜᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡᤱᤛᤠᤱ ᤆᤥᤃᤢᤱᤗᤥ॥ ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ᤺ᤴ ᤏᤢ᤺ᤱ ᤕᤢ᤺ᤒᤠ ᤕᤧᤴᤏᤥ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤘᤣ᤹ ᤔᤏᤠᤜᤠ᤹ ᤏᤢ᤺ᤒᤠ ᤐᤠ᤺ᤴ ᤔᤧᤳᤋᤢᤶᤛᤡᤶᤒᤧᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤀᤠᤏᤡᤃᤧ ᤕᤠ᤺ᤶᤒᤣᤀᤥ ᤏᤢ᤺ᤒᤠ ᤐᤠ᤺ᤴ ᤁᤧᤈᤧᤰᤋᤢᤶᤛᤡᤶᤗᤥ॥ 
\p  
\v 15 ᤀᤠᤏᤡ᤹ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤀᤠᤏᤡ᤺ᤳᤋᤠᤛᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣ ᤀᤡᤃᤢ ᤁᤳᤋᤢᤱᤒᤠᤸᤗᤧ ᤆᤥᤃᤢᤸᤗᤧ ᤔᤢ᤹ᤀᤡᤛᤠᤶ ᤁᤧᤄᤥ᤺ᤛᤢᤶᤗ ᤑᤠ᤹ᤀᤠᤱ ᤕᤠᤶᤔᤥ ᤂᤡᤏᤡ᤹ᤀᤥ ᤋᤠ᤺ᤔᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤕᤠᤱᤗᤥ॥  
\v 16 ᤀᤡᤱᤃᤠ᤹ ᤔᤧᤛᤥᤍᤥᤏᤡᤕᤠ ᤋᤧᤱᤃᤵ ᤐᤣ᤺ᤰᤁᤠᤸᤗᤧ ᤂᤡᤏᤡ᤹ᤀᤥ ᤗ᤺ᤶᤔᤠᤖ ᤐᤣ᤺ᤰᤔᤠ ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤏᤢ᤺ᤱᤅᤠᤀᤡᤸᤗᤧᤀᤠᤱ ᤂᤡᤏᤡ᤹ᤀᤥ ᤗ᤺ᤶᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤜᤧᤰᤁᤩᤠᤱ ᤕᤜᤢᤍᤡᤕᤠ ᤌᤢᤶ ᤐᤣ᤺ᤰᤁᤠᤸᤗᤧ ᤁᤢᤓᤠ᤹ ᤕᤠᤵᤔᤡ ᤁᤧᤒᤡᤖᤡᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹ᤀᤠ॥  
\v 17 ᤂᤡᤏᤡ᤹ᤀᤥ ᤋᤠ᤺ᤔᤠ ᤔᤧᤴᤇᤢᤰᤐᤧᤴ. ᤁᤖ ᤀᤡᤱᤃᤠ᤹ ᤁᤴ ᤜᤏᤧ ᤏᤡᤱᤘᤠ᤹ ᤆᤥᤃᤢᤱᤒᤠ ᤔᤧ᤺ᤴ. ᤜᤧᤰᤁᤩᤠᤱ ᤀᤡᤰᤛᤠᤒᤠ ᤔᤧᤴᤇᤠᤶ ᤕᤠᤵᤔᤡ ᤁᤢᤀᤡᤛᤡ᤺ᤰ ᤗᤳᤌᤡᤰ ᤔᤢᤖᤠ᤺ᤸᤗᤧ ᤀᤥ ᤏᤢ ᤔᤧ᤺ᤴ ᤗ᤹ᤖᤡᤰ ᤐᤠ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠ ᤔᤧ᤺ᤴᤗᤥ॥  
\v 18 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴᤛᤠᤒᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤀᤠᤱ ᤏᤛᤠ᤺ᤴᤛᤠᤒᤠ ᤆᤥ᤺ᤰᤁᤠ॥ ᤀᤡᤱᤃᤠ᤹ ᤆᤥᤃᤢᤱ ᤏᤢ ᤔᤧᤈᤥᤃᤢᤱᤅᤡᤴ ᤗ᤹ᤖᤡᤰ ᤁᤧᤒᤠ᤺ᤵᤐᤠ ᤔᤏᤠ ᤔᤧ᤺ᤴᤏᤠ᤹ᤖᤥ॥  
\v 19 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹. ᤋᤡᤔᤥᤌᤡ ᤏᤢ ᤛᤡᤗᤠᤛᤗᤠᤶᤒᤠ ᤏᤡᤱᤘᤠ᤹ᤑᤢᤛᤠ᤺ ᤕᤧᤛᤢ ᤂᤪᤡᤛ᤻ᤋᤧᤴ ᤂᤡᤏᤡ᤹ᤀᤥ ᤀᤡᤱᤓᤥ᤺ᤛᤢᤶᤒᤧᤸᤗᤧ ᤀᤥ ᤏᤢ ᤔᤧ᤺ᤴ ᤁᤧᤗ᤹ᤒᤠ ᤐᤠ᤺ᤴ ᤜᤥ᤺ᤵᤋᤧᤖᤥ॥ ᤁᤖ ᤂᤢᤏᤧ᤹ “ᤀᤥᤖᤥ” ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤆᤥᤃᤢ᤹ᤀᤣᤖᤥ॥  
\v 20 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤀᤠᤰᤂᤧᤴ ᤔᤠᤱᤜᤧᤰᤜᤠ᤹ᤛᤠᤱ ᤂᤧᤱᤜᤠ᤹ ᤂᤪᤡᤛ᤻ᤋᤀᤥ “ᤀᤥᤖᤥ” ᤐᤥ᤺ᤱᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤗ ᤑᤠ᤹ᤀᤠᤱ ᤀᤠᤏᤡᤃᤧ “ᤀᤠᤔᤧᤴ”. (ᤀᤥᤖᤥ. ᤜᤧᤰᤁᤣ ᤐᤥ᤺ᤱᤗᤖᤥ). ᤐᤠ᤺ᤳᤋᤢᤶᤒᤧᤖᤥ॥ 
\p  
\v 21 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤀᤠᤏᤡ᤹ ᤁᤧᤖᤧᤰ ᤁᤧᤎᤢᤶᤒᤠ ᤀᤠᤈᤥ᤺ᤰ॥ ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤕᤠᤵᤔᤡ ᤔᤠᤱᤎᤥ᤺ᤰᤏᤠ ᤀᤠᤒᤡᤖᤧᤀᤠᤱ  
\v 22 ᤀᤠᤏᤡ᤹ ᤂᤢᤏᤧ᤹ᤀᤡᤴ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤔᤠᤖᤧ ᤗᤠᤃᤡ ᤛᤣᤛᤣᤔᤠᤱᤅᤡᤴ ᤋᤧᤴᤕᤠᤱ ᤁᤢᤀᤡᤛᤡ᤺ᤰ ᤀᤠᤏᤡ᤹ ᤛᤡᤰᤗᤢᤱᤔᤥ ᤀᤠᤒᤡᤖᤧᤀᤠᤱ ᤀᤠᤘᤠ᤹ᤖᤥ॥ ᤜᤧᤰᤁᤣᤗ᤹ᤖᤡᤰ ᤛᤣᤛᤣᤔᤠᤱᤅᤡᤴ ᤀᤠᤒᤡᤖᤧᤒᤠᤸᤗᤧ ᤆᤥᤃᤢᤸᤗᤧ ᤁᤠᤰ ᤔᤠᤱᤜᤧᤰ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤛᤧᤰᤂᤠᤀᤣ ᤋᤠ᤺ᤖᤥ ᤑᤠ᤹ᤀᤠᤱ ᤏᤡ᤺ᤴᤎᤥ ᤐᤥ᤺ᤱᤗᤥ॥ 
\p  
\v 23 ᤂᤡᤏᤡ᤹ ᤐᤠ᤺ᤴ ᤔᤧᤔᤧᤳᤏᤡᤱᤅᤡᤴᤗ ᤑᤠ᤹ᤀᤠᤱ ᤁᤥᤖᤴᤌᤡ ᤕᤧᤰᤕᤰᤁᤥ ᤕᤠᤶᤔᤥ ᤔᤧᤴᤍᤠᤒᤠᤴᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤣ ᤏᤡ᤺ᤛᤢ᤹ᤖᤥ॥  
\v 24 ᤀᤠᤏᤡᤃᤧᤃ ᤂᤡᤏᤡ᤹ ᤏᤛᤠ᤺ᤴᤏᤥ ᤕᤢᤰ ᤆᤥ᤺ᤰᤔᤠ ᤏᤡᤱᤘᤠ᤹ ᤔᤧᤃᤳᤋᤢᤶᤒᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤁᤧᤈᤥᤃᤡ᤹. ᤁᤖ ᤂᤡᤏᤡ᤹ ᤁᤧᤛ᤺ᤳᤋᤡᤖ ᤑᤠ᤹ᤀᤠᤱ ᤂᤡᤏᤡ᤹ᤏᤢ ᤛᤥᤖᤡᤰ ᤕᤠ᤺ᤶᤒᤰ ᤆᤥᤃᤡᤃᤧᤖᤥ॥ 
\c 2  
\p  
\v 1 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤐᤠ᤺ᤴ ᤔᤧᤳᤇᤧ ᤀᤡᤱᤃᤠ᤹ ᤕᤠᤶᤔᤥ ᤂᤡᤏᤡ᤹ᤀᤥ ᤔᤧᤴᤍᤠ᤺ᤔᤠ ᤏᤡᤱᤘᤠ᤹ ᤆᤥᤃᤢᤱᤗᤥ॥  
\v 2 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤏᤠᤔᤠᤰᤔᤥ ᤌᤠᤏᤡᤱᤏᤧ ᤑᤠ᤹ᤃᤪ ᤏᤠᤔᤠᤰᤔᤥ ᤌᤠ᤺ᤛᤢᤱᤛᤡᤱᤒᤠᤜᤠ᤹ᤏᤢ᤺ᤸᤗᤧ ᤘᤣ᤹ ᤜᤠ᤺ᤳᤗᤧ ᤀᤡᤱᤃᤠ᤹ ᤛ᤺ᤳᤋᤠᤖ ᤕᤠ᤺ᤶᤔᤠ ᤛᤢᤰᤁᤠᤒᤣ᥅  
\v 3 ᤀᤡᤱᤃᤠ᤹ ᤂᤡᤏᤡ᤹ᤀᤥ ᤋᤠᤀᤠᤸᤗᤧ ᤛ᤺ᤵᤔᤠ ᤁᤧᤒᤠᤱᤒᤠᤸᤗᤧᤀᤣ ᤀᤠᤏᤡᤱᤘᤠ᤹ ᤔᤧᤍᤢᤰᤂᤢᤴᤗ ᤑᤠ᤹ᤀᤠᤱ ᤋᤃᤡᤒᤠ ᤛᤰᤀᤡᤱᤄᤱᤅᤥ ᤜᤧᤰᤋᤱᤒᤠ ᤁᤧᤛᤠᤰᤐᤠ ᤐᤠ᤺ᤴ ᤛᤠᤵᤋᤢᤱᤒᤠᤖᤥ॥ ᤀᤡᤱᤃᤠ᤹ ᤛ᤺ᤳᤋᤠᤸᤗᤧ ᤂᤡᤏᤡ᤹ᤀᤠᤱ ᤁᤧᤛ᤺ᤳᤋᤡ᤹ ᤁᤧᤗ᤹ᤒᤠ ᤛᤧᤰᤂᤠᤀᤣ ᤏᤡ᤺ᤛᤢᤱᤗᤥ॥  
\v 4 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤋᤢᤰᤗ ᤑᤠ᤹ᤀᤠᤱ ᤔᤧ᤺ᤴ. ᤁᤖ ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤏᤡᤱᤒᤠᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤗ ᤑᤠ᤹ᤀᤠᤱᤅᤣ ᤀᤠᤏᤡᤱᤘᤠ᤹ ᤋᤢᤃᤧᤀᤠᤱ ᤛᤠ᤹ᤖᤡᤰ ᤀᤠᤕᤥ᤺ᤶ ᤐᤢ᤹ᤖᤧ ᤜᤧᤰᤁᤩᤠᤱ ᤀᤠᤔᤡᤰᤘᤠ ᤌᤠ᤺ᤛᤢᤱᤗ ᤂᤧᤴ ᤛᤰᤀᤡᤱᤄᤱᤅᤡᤴ ᤀᤡᤱᤃᤠ᤹ ᤜᤠᤰᤏᤡᤱᤅᤠᤱ ᤘᤕᤠᤱᤗᤥ॥ 
\s1 ᤐᤠ᤺ᤴᤃᤧᤓᤣ᤺ᤶᤒᤠᤜᤠ᤹ ᤗᤧᤵᤔᤡ ᤐᤡᤔᤠᤛᤡ 
\p  
\v 5 ᤀᤡᤱᤃᤠ᤹ ᤂᤡᤏᤡ᤹ ᤛᤠ᤹ᤖᤡᤰ ᤏᤡᤱᤘᤠ᤹ ᤁᤧᤍᤢᤰᤐᤠ ᤐᤠ᤺ᤴ ᤐᤠ᤺ᤵᤔᤠ ᤀᤠᤏᤡᤱᤘᤠ᤹ ᤜᤥ᤺ᤵᤗᤥ. ᤁᤖ ᤀᤡᤱᤃᤠ᤹ ᤕᤠᤵᤔᤡ ᤋᤢᤰᤂᤣ ᤁᤧᤈᤠ᤺ᤵᤐᤠᤸᤗᤧ ᤀᤡᤱᤃᤠ᤹ ᤋᤢᤰᤂᤣ ᤆᤠ᤺ᤳᤋᤠᤱᤒᤠᤏᤢ᤺ᤸᤗᤧᤀᤠᤱ ᤔᤠᤱᤓᤠ ᤕᤖᤡᤰ ᤂᤧᤸᤗᤧ ᤂᤡᤏᤡ᤹ ᤋᤢᤰᤂᤣ ᤁᤧᤈᤠ᤺ᤳᤋᤡᤀᤠᤱ ᤘᤠ᤹ᤖᤥ॥  
\v 6 ᤂᤡᤏᤡ᤹ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤀᤠᤱ ᤁᤧᤒᤡᤖᤢᤶᤒᤠ ᤂᤢᤶᤍᤡᤱᤅᤡᤴ ᤂᤢᤏᤧ᤹ ᤁᤢᤗᤠᤃᤡ ᤁᤧᤖᤧᤀᤠᤱ ᤘᤠ᤹ᤖᤥ॥  
\v 7 ᤜᤧᤰᤁᤣ᤺ᤸᤗᤧ ᤀᤠᤸᤗ ᤂᤧᤴ ᤗᤧᤵᤔᤡ ᤁᤧᤒᤡᤖᤢᤶᤗ ᤐᤥ᤺ᤱ. ᤀᤠ᤺ᤴᤇᤡᤱᤔᤠ ᤁᤧᤒᤡᤖᤢᤶᤗ ᤐᤥ᤺ᤱ. ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤱᤃ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤋᤢᤰᤁᤠᤱ ᤏᤡᤱᤛᤠᤶᤔᤥ ᤌᤠ᤺ᤖᤥ॥  
\v 8 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤸᤗ ᤂᤡᤏᤡ᤹ ᤂᤧᤴ ᤔᤏᤠ᤺ᤴ ᤀᤠᤸᤗᤛᤠᤱ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤋᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ 
\p  
\v 9 ᤌᤣᤀᤠᤱ ᤂᤡᤏᤡ᤹ ᤀᤰᤂᤣᤗ᤹ᤖᤡᤰ ᤛᤰᤀᤡᤱᤄᤱ ᤜᤠᤰᤏᤡᤱᤒᤠ ᤑᤠ᤹ᤗᤧ ᤁᤠᤰ ᤀᤠᤀᤡᤱᤈᤠ᤺ᤱᤜᤠ᤹ ᤁᤧᤏᤠ᤺ᤳᤋᤢᤶ ᤁᤧᤀᤡ᤺ᤳᤋᤢᤶᤗ ᤁᤧᤘᤕᤡ᤹ᤒᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤛᤠ᤹ᤖᤢᤱᤒᤠᤖᤥ॥  
\v 10 ᤂᤡᤏᤡ᤹ ᤗᤧᤵᤔᤡ ᤁᤧᤒᤡᤖᤢᤶᤒᤠ ᤔᤏᤠ᤺ᤴ ᤀᤡᤱᤃᤠ᤹ᤀᤠᤱ ᤗᤧᤵᤔᤡ ᤐᤡᤖᤢᤱᤗᤥ॥ ᤗᤧᤵᤔᤡ ᤐᤡᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴ ᤘᤠ᤹ᤏᤧ ᤑᤠ᤹ᤃᤪ. ᤂᤧᤴ ᤗᤧᤵᤔᤡ ᤐᤡᤖᤢᤱᤅᤡᤸᤗᤧ ᤀᤡᤱᤃᤠ᤹ᤃ ᤂᤪᤡᤛ᤻ᤋᤖᤧ ᤁᤢᤕᤢᤰᤁᤡᤸᤗᤧ ᤂᤡᤏᤡ᤹ ᤗᤠᤃᤡᤀᤣ ᤜᤧᤰᤁᤣ ᤆᤥᤃᤢᤱᤗᤥ॥  
\v 11 ᤔᤠᤑᤧᤴᤛᤠᤶᤔᤡᤸᤗᤧ ᤀᤠᤏᤡ᤹ ᤀᤡᤱᤀᤠᤴᤗᤧᤰᤏᤧᤸᤗ ᤑᤠ᤹ᤀᤠᤱ ᤜᤧᤰᤁᤣ ᤆᤥᤃᤢᤱᤒᤠᤖᤥ. ᤌᤣᤀᤠᤱᤓᤧᤸᤗᤧ ᤀᤡᤱᤗᤧᤰᤁᤣ ᤁᤢᤕᤠ᤺ᤶᤒᤰᤁᤡᤴ ᤀᤠᤏᤡ᤹ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤔᤠᤱ ᤘᤠ᤹ᤖᤥ॥ 
\s1 ᤐᤠᤘᤗᤧᤴ ᤋᤪᤥᤀᤠᤛ ᤕᤧᤰᤕᤰᤁᤥ ᤐᤣ᤺ᤰ 
\p  
\v 12 ᤀᤠᤸᤗ ᤀᤡᤱᤃᤠ᤹ ᤂᤪᤡᤛ᤻ᤋᤖᤧ ᤁᤢᤛᤢᤏᤠᤀᤡᤱ ᤀᤡᤱᤓᤥ᤺ᤛᤧ ᤋᤪᤥᤀᤠᤛ ᤐᤣᤃᤠᤱᤅᤡᤸᤗᤧ ᤂᤧᤵᤔᤥ ᤍᤠᤱᤒᤠᤸᤗᤧ ᤀᤡᤱᤓᤥ᤺ᤔᤠ ᤛᤢᤕᤧᤶᤎᤡᤰ ᤐᤡᤖᤠᤱᤗᤥ॥  
\v 13 ᤜᤧᤰᤁᤣᤛᤠᤱ ᤀᤡᤱᤃᤠ᤹ ᤀᤠᤏᤡᤱᤘᤠ᤹ᤀᤥ ᤛᤏᤠᤖᤢᤱ ᤜᤥ᤺ᤵᤋᤧᤖᤥ ᤌᤣᤀᤠᤱᤓᤧᤸᤗᤧ ᤂᤧᤵᤔᤥ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤡᤱᤄᤱ ᤁᤧᤍᤠ᤺ᤵᤐᤠ ᤀᤠᤴᤛᤠ᤹ ᤋᤡᤋᤛᤧᤴ ᤔᤧᤴᤍᤢᤶᤒᤠᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤵᤔᤥᤒᤠ ᤔᤏᤠᤜᤠ᤹ ᤛᤧᤶᤔᤢ᤹ᤀᤡ ᤏᤠ᤺ᤰᤋᤢᤱᤛᤡᤱᤅᤠᤱ ᤔᤧᤛᤣᤍᤥᤏᤡᤕᤠ ᤋᤧᤱᤃᤵᤗᤧᤵᤔᤠᤱ ᤐᤣᤃᤠᤱᤗᤥ॥ 
\s1 ᤂᤪᤡᤛ᤻ᤋᤗᤠᤶᤒᤠ ᤏᤠ᤺ᤶᤔᤠ ᤂᤥ᤺ᤍᤧᤳ 
\p  
\v 14 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤛᤍᤠᤍᤡᤱ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤌᤱᤏᤠ᤺ᤶᤒᤠ ᤛᤛ᤺ᤳᤛᤖᤠᤱᤅᤥ ᤗᤠᤶᤀᤠᤗᤥ᤺ᤖᤥ॥ ᤜᤧᤰᤁᤩᤠᤱ ᤁᤢᤏᤠᤶᤃᤧᤏᤢ᤹ᤒᤠ ᤑᤢᤱᤏᤠᤶᤔᤡᤴ ᤛᤧ᤺ᤒᤠ ᤁᤢᤀᤡᤛᤡ᤺ᤰ ᤂᤢᤏᤧ᤹ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥᤒᤠ ᤏᤧᤜᤡᤏᤡᤱᤘᤠ᤹ᤀᤡᤴ ᤀᤠᤏᤡ᤹ᤗᤠᤶᤒᤠ ᤁᤧᤖᤧᤰ ᤐᤡᤛᤠᤱ ᤛᤧ᤺ᤛᤢᤖᤥ.  
\v 15 ᤌᤣᤀᤠᤱᤓᤧᤸᤗᤧ ᤛᤧᤴᤗᤵ ᤁᤧᤄᤥ᤺ᤒᤠᤖ ᤁᤧᤒᤵᤐᤠ ᤜᤧᤰᤁᤩᤠᤱ ᤁᤧᤔᤧᤰᤐᤠᤖ ᤁᤧᤒᤵᤐᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤠᤏᤡ᤹ ᤜᤡᤱᤔᤴᤏᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤥ ᤂᤪᤡᤛ᤻ᤋᤖᤧ ᤋᤥ᤺ᤴᤍᤢᤒᤠ ᤑᤢᤱᤏᤠᤶ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥  
\v 16 ᤁᤧᤔᤧᤰᤐᤠᤖ ᤁᤧᤒᤵᤐᤠᤜᤠ᤹ᤖᤧ ᤗᤠᤃᤡ ᤁᤱᤃ ᤛᤡ᤺ᤔᤧᤸᤗᤧ ᤁᤢᤏᤠᤶ ᤁᤢᤀᤡᤛᤡ᤺ᤰ ᤐᤥ᤺ᤱ. ᤁᤖ ᤛᤧᤴᤗᤵ ᤁᤧᤄᤥ᤺ᤒᤠᤖ ᤁᤧᤒᤵᤐᤠᤜᤠ᤹ᤖᤧ ᤗᤠᤃᤡ ᤁᤴ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤑᤢᤱᤏᤠᤶ ᤁᤢᤀᤡᤛᤡ᤺ᤰ ᤐᤥ᤺ᤱᤗᤥ॥ ᤀᤰᤋᤱᤒᤠ ᤕᤶᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤜᤠ᤺ᤳ ᤗᤠ᤹ᤖᤢᤒᤣ᥅  
\v 17 ᤀᤠᤏᤡᤃᤧᤃ ᤘᤣ᤹ᤜᤠ᤹ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤗᤧᤱᤜᤱ ᤁᤧᤈᤥ᤺ᤰᤐᤠᤛᤡᤃᤧᤃ ᤔᤧ᤺ᤴᤗᤥ॥ ᤂᤧᤸᤗᤧ ᤁᤢᤗᤧᤰᤘᤠᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤱᤄᤢᤛᤡᤒᤠ ᤁᤢᤍᤥ᤺ᤵᤔᤠ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤂᤪᤡᤛ᤻ᤋᤖᤧ ᤁᤢᤕᤢᤰᤁᤡᤸᤗᤧ ᤐᤠᤖᤡᤃᤧ᤹ᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥᤔᤳᤋᤡᤃᤧᤖ ᤘᤠ᤹ ᤁᤧᤗ᤹ᤒᤠᤴ ᤏᤡ᤺ᤛᤢᤶᤒᤧᤖᤥ॥ 
\c 3  
\s1 ᤁᤢᤛᤱ ᤛᤣᤛᤣᤔᤠᤱᤜᤢᤵᤐᤡᤸᤗᤧᤴ ᤛᤣᤘᤠᤖᤥᤒᤠᤜᤠ᤹ 
\p  
\v 1 ᤀᤠᤸᤗ ᤀᤠᤏᤡᤃᤧ ᤀᤠᤒᤠᤅᤣ ᤆᤶᤛᤡᤱᤔᤠ ᤜᤣ᤺ᤰᤋᤡᤃᤧᤒᤠᤒᤡ᥅ ᤜᤧᤰᤁᤩᤠᤱ ᤘᤣ᤹ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤀᤠᤏᤡᤃᤧᤀᤠᤱ ᤂᤡᤏᤡ᤹ ᤗᤠᤃᤡ ᤀᤡᤃᤪ ᤂᤡᤏᤡ᤹ᤗᤠᤶᤒᤠ ᤁᤴ ᤔᤏᤠᤜᤠ᤹ ᤏᤢ᤺ᤖᤡᤰᤁᤠᤱ ᤗᤠᤱᤍᤠ᤺ᤰᤋᤧᤶᤛᤡᤶᤔᤧ᤹ ᤁᤧᤗ᤹ᤒᤠ ᤛᤰᤀᤡᤱᤄᤱ ᤆᤠᤜᤠᤒᤠ ᤔᤧᤈᤥᤃᤡᤃᤧᤴᤗᤥ॥  
\v 2 ᤂᤡᤏᤡ᤹ ᤜᤡᤱᤔᤴᤏᤡᤱᤃ ᤁᤠᤰ ᤔᤏᤠᤜᤠ᤹ᤖᤧ ᤏᤡ᤺ᤵᤔᤠ ᤔᤧᤛᤢᤰᤋᤢᤒᤠ ᤏᤢ ᤁᤢᤛᤡᤱ ᤔᤧᤏᤡ᤺ᤳᤋᤢᤒᤠ ᤔᤧᤴᤇᤠᤶ ᤛᤡᤰᤗᤢᤱᤔᤥ ᤛᤠᤵᤔᤏᤠᤒᤠ ᤛᤰᤀᤡᤱᤄᤱᤗᤥ॥  
\v 3 ᤛᤧᤰᤂᤠᤀᤣ ᤂᤡᤏᤡ᤹ᤃ ᤂᤪᤡᤛ᤻ᤋᤖᤧ ᤛᤠᤵᤋᤢᤀᤠᤱ ᤀᤠᤏᤡᤃᤧᤗᤠᤶᤒᤠ ᤜᤠᤅᤢᤒᤠ ᤛᤰᤀᤡᤱᤄᤱᤏᤡᤱᤗᤥ॥ ᤂᤧᤱᤃ ᤏᤠᤰᤆᤠ ᤏᤢ ᤛᤠᤵᤘᤠᤖᤧ ᤔᤧ᤺ᤴ. ᤁᤖ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤱᤄᤢᤒᤠ ᤛᤣᤛᤣᤔᤠᤱᤅᤡᤸᤗᤧ ᤛᤠᤵᤋᤢᤒᤠᤖᤥ. ᤛᤠᤵᤗᤢᤱᤅᤥ\f * \fr 3:3 \ft ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤜᤢᤍᤡᤜᤠ᤹ ᤌᤡᤒᤥ᤺ᤱ ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᤐᤡᤖᤢᤛᤡᤸᤗᤧ ᤛᤠᤵᤗᤢᤱᤅᤥ ᤛᤠᤵᤋᤢ ᤐᤡᤖᤢᤛᤡᤀᤠᤱ ᤘᤕᤧ॥\f* ᤛᤠᤵᤋᤢᤒᤠ ᤔᤧ᤺ᤴ. ᤁᤖ ᤔᤧᤴᤇᤠᤶ ᤛᤡᤰᤗᤢᤱᤔᤥ ᤂᤪᤡᤛ᤻ᤋᤖᤧ ᤛᤠᤵᤋᤢᤒᤠ ᤛᤰᤀᤡᤱᤄᤱᤏᤡᤱᤗᤥ॥ 
\p  
\v 4 ᤂᤪᤡᤛ᤻ᤋᤖᤧ ᤂᤧᤴ ᤐᤠ᤺ᤴᤏᤡᤴ ᤛᤧᤰᤂᤠ ᤆᤥ᤺ᤰ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥᤀᤣ ᤏᤡ᤺ᤴᤎᤥ ᤆᤥᤃᤡᤃᤧᤖᤥ॥  
\v 5 ᤀᤠᤏᤡᤃᤧ ᤀᤠᤒᤠᤅᤣ ᤌᤣᤛᤠᤱ ᤆᤥ᤺ᤰᤔᤠ ᤛᤢᤰᤋᤢᤶᤒᤧ᤹ ᤑᤠ᤹ᤀᤠᤱ ᤔᤧᤒᤠ᤺ᤳᤋᤢᤶᤒᤧᤴᤗᤥ. ᤁᤖ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠ ᤆᤥ᤺ᤰᤔᤠ ᤛᤢᤰᤋᤢᤶᤒᤧᤖᤥ॥  
\v 6 ᤂᤢᤏᤧ᤹ᤀᤣ ᤁᤢᤛᤱ ᤛᤣᤛᤣᤔᤠᤱᤜᤢᤵᤐᤡᤸᤗᤧᤴ ᤔᤠᤱᤛᤣᤘᤠ ᤆᤥ᤺ᤰᤔᤠ ᤁᤧᤛᤢᤰᤐᤠ ᤆᤥᤃᤡᤃᤧᤀᤠᤱ ᤘᤠ᤹ᤖᤥ॥ ᤁᤱᤃ ᤛᤠᤵᤔᤏᤠᤒᤠ ᤛᤠᤶᤕᤥᤌᤡᤶᤗᤠᤶᤒᤠ ᤔᤧ᤺ᤴ. ᤁᤖ ᤛᤣᤛᤣᤔᤠᤱᤗᤠᤶᤒᤠᤖᤥ. ᤌᤣᤀᤠᤱᤓᤧᤸᤗᤧ ᤛᤠᤵᤔᤏᤠᤒᤠ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤛᤧᤳ. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤀᤠᤜᤡᤱᤗᤥ॥ 
\s1 ᤁᤢᤛᤱ ᤔᤠᤱᤜᤢᤵᤗᤧᤴ ᤔᤡᤔᤡᤍᤡᤱᤅᤡᤴ 
\p  
\v 7 ᤔᤥᤛᤠᤖᤧ ᤂᤧᤴ ᤛᤠᤶᤕᤥᤌᤡᤶᤔᤡᤴ ᤗᤢᤱᤛᤠᤵᤐᤥ ᤛᤠᤵᤋᤢᤀᤠᤱ ᤔᤡᤔᤡᤍᤡᤱᤅᤡᤴᤏᤢ ᤋᤩᤧ॥ ᤜᤧᤰᤁᤣ᤺ᤸᤗᤧ ᤔᤥᤛᤠᤖᤧ ᤁᤢᤏᤠᤖᤠ᤺ᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤛᤧᤖᤧᤶ ᤗ᤹ᤖᤧᤒᤣᤖ ᤐᤳᤇᤧᤛᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤁᤢᤏᤠᤖᤠ᤺ᤴ ᤀᤥᤔᤧᤵᤔᤠ ᤔᤧᤴᤇᤢᤰᤋᤢᤴᤗᤥ॥  
\v 8 ᤜᤧᤰᤁᤣ᤺ᤸᤗᤧ ᤛᤡ᤺ᤔᤧᤴ ᤁᤧᤍᤠ᤺ᤵᤐᤠ ᤛᤠᤶᤕᤥᤌᤡᤶᤔᤡᤴ ᤔᤡᤔᤡᤍᤡᤱᤅᤡᤴᤏᤢ ᤋᤩᤧ᤺ᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤋᤠᤖᤢᤒᤠ ᤀᤡᤱᤈᤠ᤺ᤱᤅᤡᤱᤃ ᤂᤧᤴᤏᤢ᤺ᤸᤗᤧ ᤕᤖᤡᤰ ᤔᤡᤔᤡᤍᤡᤱᤒᤠ ᤔᤧᤈᤥ᤺ᤰᤏᤧᤴᤒᤡ᥅  
\v 9 ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤐᤠ᤺ᤴ ᤁᤧᤎᤡᤰᤐᤠ ᤔᤠᤱᤛᤣᤘᤠ᤺ᤴ ᤔᤡᤔᤡᤍᤡᤱᤒᤠ ᤐᤥ᤺ᤰᤂᤧᤸᤗᤧ ᤔᤧᤴᤇᤠᤶ ᤕᤠᤵᤔᤡᤀᤥ ᤛᤠᤶᤕᤥᤏᤡᤔᤠ ᤁᤧᤍᤠ᤺ᤵᤐᤠ ᤔᤠᤱᤛᤣᤘᤠ᤺ᤴ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤔᤡᤔᤡᤍᤡᤱᤒᤠ ᤆᤥ᤺ᤰᤗᤥ᥄  
\v 10 ᤛᤧᤰᤂᤠ᤺ᤸᤗᤧ ᤁᤢᤛᤱ ᤛᤣᤛᤣᤔᤠᤱᤜᤢᤵᤐᤡᤸᤗᤧᤴ ᤛᤧᤴᤍᤠᤱᤃᤧᤴ ᤔᤡᤔᤡᤍᤡᤱᤅᤡᤴᤏᤢ ᤋᤱᤔᤠᤸᤗᤧ ᤂᤧᤴ ᤋᤃᤡᤒᤠ ᤔᤡᤔᤡᤍᤡᤱᤅᤡᤱᤃ ᤌᤣᤀᤠᤱ ᤔᤧ᤺ᤴᤗᤥ॥  
\v 11 ᤌᤣᤀᤠᤱᤓᤧᤸᤗᤧ ᤋᤃᤡᤒᤠᤴ ᤛᤧᤖᤧᤶ ᤗ᤹ᤖᤧ ᤐᤣᤛᤠᤱ ᤔᤡᤔᤡᤍᤡᤱᤒᤠ ᤆᤥᤃᤧᤸᤗᤧ. ᤛᤍᤠᤍᤡᤱ ᤁᤧᤘᤠ᤹ᤒᤠᤴ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤔᤡᤔᤡᤍᤡᤱᤒᤠ ᤆᤥ᤺ᤰᤗᤥ॥ 
\p  
\v 12 ᤀᤠᤏᤡ᤹ᤃ ᤀᤰᤋᤱᤒᤠ ᤏᤡᤱᤛᤠᤱ ᤀᤠᤃᤳᤋᤢᤶᤒᤠᤸᤗᤧ ᤆᤥᤃᤢᤸᤗᤧ ᤛᤧᤰᤂᤠ᤺ᤴ ᤀᤡᤱᤓᤥ᤺ᤔᤠ ᤀᤠᤱᤃᤡᤏᤧᤴ॥  
\v 13 ᤀᤠᤏᤡ᤹ᤃ ᤔᤥᤛᤠ᤺ᤴ ᤁᤢᤀᤡᤛᤡ᤺ᤰᤛᤡ ᤔᤧ᤺ᤴᤗᤥ॥ ᤂᤧᤸᤗᤧᤃ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤧᤖᤧᤶ ᤗ᤹ᤖᤧᤒᤣᤖ ᤐᤳᤇᤧᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤔᤧᤴᤏᤡ᤺ᤛᤢᤴᤗ ᤑᤠ᤹ᤀᤠᤱ ᤁᤢᤏᤠ᤺ᤴ ᤋᤧᤵᤋᤢ ᤑᤳᤇᤢᤖᤥ॥  
\v 14 ᤁᤖ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤒᤠᤴ ᤁᤧᤛᤠᤰᤐᤠ ᤐᤥ᤺ᤰᤂᤧᤀᤠᤱ ᤀᤠᤸᤗ ᤌᤠᤖᤡᤰᤛᤠᤱ ᤌᤡᤰᤛᤡᤃᤣ᤺ᤰᤛᤔᤠ ᤔᤠᤱᤜᤢᤵᤐᤡᤴ ᤔᤧᤏᤡ᤺ᤖᤢᤸᤗᤧ ᤛᤧᤰᤂᤠ᤺ᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗ ᤑᤠ᤹ᤀᤠᤱ ᤂᤧᤴ ᤏᤠᤍᤧᤵᤔᤠᤸᤗᤧ ᤋᤧᤵᤋᤢ᤹ᤖᤥ॥ ᤁᤴ ᤏᤠᤍᤧᤵᤔᤠᤱᤃ ᤂᤪᤡᤛ᤻ᤋᤧᤴ ᤆᤥ᤺ᤰᤔᤏᤠᤒᤠ ᤏᤛᤠ᤺ᤴᤏᤡᤸᤗᤧᤖᤰ ᤜᤴᤍᤢ᤹ᤖᤥ॥  
\v 15 ᤀᤠᤀᤡᤴ ᤌᤠᤖᤡᤰᤛᤠᤱ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶᤔᤡᤴ ᤔᤧᤏᤡ᤺ᤖᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤂᤧᤴ ᤏᤠᤍᤧᤵᤔᤠᤸᤗᤧ ᤋᤧᤵᤋᤢ᤹ᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥ 
\p  
\v 16 ᤁᤖ ᤀᤠᤳᤋᤡᤴ ᤔᤏᤠ᤺ᤸᤗᤧ ᤍᤠᤱᤒᤠᤴ ᤏᤛᤠ᤺ᤴ ᤆᤥᤃᤢ᤹. ᤂᤧᤸᤗᤧ ᤁᤢᤏᤠᤍᤧᤵᤔᤠᤴ ᤜᤴᤗᤥ॥  
\v 17 ᤀᤠᤸᤗ ᤍᤠᤱᤒᤠᤱᤃ ᤛᤣᤛᤣᤔᤠᤱᤗᤥ. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤀᤠᤳᤋᤥ ᤘᤠ᤹. ᤂᤧᤵᤔᤥ ᤆᤥ᤺ᤰᤕᤢᤶᤓᤥ ᤘᤠ᤹ᤖᤥ॥  
\v 18 ᤀᤠᤏᤡ᤹ ᤍᤠᤱᤒᤠᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤀᤥᤛᤣ᤺ᤴᤀᤠᤎᤠᤰᤗ ᤑᤠ᤹ᤀᤠᤱ ᤀᤠᤏᤡ᤹ ᤏᤠᤍᤧᤵᤔᤠᤴ ᤜᤖᤧᤀᤠᤱ ᤘᤠ᤹ᤖᤥ॥ ᤍᤠᤱᤒᤠᤴ ᤛᤣᤛᤣᤔᤠᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶᤒᤠ ᤁᤧᤍᤠ᤺ᤒᤠ ᤁᤢᤔᤡᤔᤡᤍᤡᤱᤅᤡᤸᤗᤧ ᤂᤢᤏᤧ᤹ ᤁᤢᤀᤡᤛᤡ᤺ᤰ ᤀᤠᤗᤧᤱᤛᤡᤱᤗ ᤀᤠᤒᤣ᤺ᤰ. ᤜᤧᤰᤁᤩᤠᤱ ᤀᤠᤸᤗᤛᤠᤱ ᤕᤖᤡᤰ ᤔᤡᤔᤡᤱᤍᤡᤱᤒᤠ ᤀᤠᤒᤥ᤺ᤱᤗ ᤀᤠᤒᤣ᤺ᤰᤗᤥ॥ 
\c 4  
\s1 ᤛᤢᤏᤠᤀᤡᤱ ᤛᤧ᤺ᤔᤠ 
\p  
\v 1 ᤜᤧᤰᤁᤣ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶ ᤁᤴ ᤔᤠᤱᤛᤣᤘᤠ᤺ᤴ ᤂᤥ᤺ᤛᤢᤶᤒᤧᤀᤠᤱ ᤘᤕᤡᤃᤧᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧ ᤏᤡᤱᤛᤠᤱ ᤔᤧᤒᤢᤰᤏᤧᤴᤗᤥ॥  
\v 2 ᤂᤧᤸᤗᤧ ᤁᤢᤗᤧᤰᤘᤠ ᤀᤠᤏᤡᤃᤧᤃ ᤔᤏᤠᤖᤧ ᤔᤧᤴᤏᤡᤀᤣ ᤆᤥ᤺ᤰᤔᤏᤠᤒᤠ ᤛᤡᤖᤡᤱᤔ᤺ᤔᤠ ᤕᤠ᤺ᤶᤒᤰᤜᤠ᤹ ᤏᤠ᤹ᤖᤢᤶᤒᤧᤀᤠᤱ ᤘᤕᤡᤃᤧᤖᤥ॥ ᤀᤠᤏᤡᤃᤧ ᤀᤡᤱᤗᤧᤰ ᤔᤧᤈᤥᤃᤢᤶᤒᤧᤴᤗᤥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤕᤥᤎᤥ ᤔᤧᤈᤥᤃᤢᤶᤒᤧᤴᤗᤥ॥ ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥᤔᤳᤋᤡᤃᤧᤖ ᤘᤠ᤹ ᤑᤠ᤹ᤀᤠᤱ ᤏᤡ᤺ᤛᤢᤶᤒᤧᤀᤠᤱ ᤔᤏᤠᤜᤠ᤹ ᤛᤧᤰᤂᤠ ᤐᤠ᤺ᤴᤗᤰ ᤔᤧᤳᤋᤢᤶᤛᤡᤶᤒᤧ᤹. ᤜᤧᤰᤁᤩᤠᤱ ᤁᤠᤰ ᤏᤛᤠ᤺ᤴᤛᤠᤒᤠᤜᤠ᤹ᤖᤧ ᤂᤧᤴ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ᤖᤥ॥ 
\p  
\v 3 ᤀᤠᤏᤡᤃᤧ ᤛᤧ᤺ᤛᤢᤶᤒᤧᤒᤠ ᤛᤢᤏᤠᤀᤡᤱᤅᤡᤴ ᤏᤠᤍᤧᤵᤔᤠᤸᤗᤧ ᤋᤧᤵᤋᤢᤀᤠᤱ ᤐᤳᤏᤧ ᤑᤠ᤹ᤃᤪ ᤂᤧᤱᤃ ᤁᤧᤔᤧᤰᤐᤠᤖ ᤁᤧᤒᤣ᤺ᤰᤐᤠᤜᤠ᤹ᤖᤧ ᤗᤠᤃᤡᤖᤰ ᤋᤧᤵᤋᤢ᤹ᤖᤥ॥  
\v 4 ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤠᤱ ᤔᤠᤑᤧᤴᤛᤠᤶᤔᤡᤸᤗᤧᤀᤣ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤑᤧᤳᤗᤠ᤺ᤴᤍᤢ ᤐᤡᤖᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤪᤡᤛ᤻ᤋᤖᤧ ᤁᤢᤔᤡᤔᤡᤍᤡᤱᤃᤧᤴ ᤛᤢᤏᤠᤀᤡᤱᤅᤡᤸᤗᤧᤴ ᤀᤥ᤺ᤳᤋᤡ᤺ᤴ ᤏᤡ᤺ᤔᤠ ᤔᤧᤴᤇᤢᤰᤋᤢᤴ॥ ᤂᤪᤡᤛ᤻ᤋᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡ᤺ᤳᤗᤥ॥  
\v 5 ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤧᤃ ᤀᤠᤒᤠᤅᤣ ᤕᤠ᤺ᤶᤒᤣᤀᤥ ᤀᤡᤱᤓᤴ ᤔᤧᤈᤥᤃᤢᤶᤒᤧᤴ. ᤁᤖ ᤀᤠᤏᤡᤃᤧᤃ ᤕᤧᤛᤢᤖᤧ ᤁᤢᤗᤠᤃᤡ ᤂᤡᤏᤡ᤹ ᤛᤣᤘᤠᤖᤥᤒᤠ ᤐᤥ᤺ᤰᤂᤡᤃᤧᤒᤠ ᤐᤠ᤺ᤴᤏᤡᤴ ᤏᤢ ᤕᤧᤛᤢ ᤂᤪᤡᤛ᤻ᤋᤧᤴᤏᤣ ᤍᤠᤱᤒᤠᤖᤥ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤶᤒᤧᤖᤥ॥  
\v 6 ᤌᤣᤀᤠᤱᤓᤧᤸᤗᤧ ᤂᤠᤍᤠᤶᤔᤥ ᤀᤥ᤺ᤳᤋᤡ᤺ᤴ ᤀᤥ᤺ᤳᤗ ᤑᤠ᤹ᤀᤠᤱ ᤁᤧᤒᤠ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤁᤢᤏᤠᤖᤠᤀᤥ ᤁᤧᤀᤥ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤗᤧᤴ ᤏᤧᤜᤡᤏᤡᤱᤘᤠ᤹ᤀᤡᤴ ᤁᤢᤛᤡᤱ ᤏᤡ᤺ᤵᤔᤠ ᤀᤠᤛᤢᤰᤋᤢᤶᤗ ᤑᤠ᤹ᤀᤠᤱ ᤀᤠᤏᤡᤃᤧ ᤛᤡᤰᤗᤢᤱᤔᤥ ᤂᤢᤏᤧ᤹ ᤁᤢᤀᤥ᤺ᤳᤋᤡ᤺ᤴ ᤀᤥ᤺ᤵᤐᤠᤱᤄᤢᤀᤠᤱ ᤘᤠ᤹ᤖᤥ॥ 
\s1 ᤑᤢᤈᤡᤰᤁᤥ ᤕᤠᤰᤔᤏᤠᤒᤠ ᤕᤠᤶᤛᤠᤶᤃᤧᤴ ᤕᤠᤱᤓᤢ 
\p  
\v 7 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥ᤺ᤵᤐᤠᤱᤄᤢᤒᤠ ᤁᤴ ᤛᤢᤏᤠᤀᤡᤱᤗᤧᤴ ᤀᤥ᤺ᤳᤋᤡ᤺ᤴ ᤀᤠᤏᤡ᤹ᤀᤥ ᤘᤠ᤹. ᤁᤖ ᤁᤴ ᤐᤕᤶ ᤕᤶᤒᤠ ᤔᤢᤰᤛᤠᤶᤔᤡᤱᤃ ᤀᤠᤏᤡ᤹ᤗᤠᤶᤒᤠ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠᤀᤣ ᤋᤠ᤺ ᤁᤧᤗ᤹ᤒᤠᤴ ᤁᤧᤖᤧᤰᤗᤧ ᤔᤧᤏᤡ᤺ᤛᤢᤖ ᤑᤠ᤹ᤀᤠᤱ ᤀᤠᤏᤡ᤹ᤃ ᤁᤴ ᤕᤠᤱᤓᤢ ᤕᤠᤰᤔᤏᤠᤒᤠ ᤑᤢᤈᤡᤰ ᤁᤢᤀᤡᤛᤡ᤺ᤰᤗᤰ ᤀᤠᤈᤥ᤺ᤰᤗᤥ॥ 
\p  
\v 8 ᤀᤠᤏᤡᤃᤧᤃ ᤁᤠᤰ ᤐᤡᤛᤠᤱᤗᤠᤶ ᤀᤡᤏᤥᤃᤧᤴ ᤋᤢᤰᤂᤣ᤺ᤸᤗᤧ ᤕᤢᤰᤋᤡᤃᤧᤀᤠᤱ ᤘᤕᤡᤃᤧᤛᤠᤱ ᤀᤠᤏᤡᤃᤧᤃ ᤔᤧᤴᤕᤢ᤺ᤳᤋᤣ ᤘᤕᤡᤃᤧᤖᤥ॥ ᤀᤠᤏᤡᤃᤧᤃ ᤜ᤺ᤴᤍᤠ ᤗᤧᤰᤋᤡᤃᤧᤀᤠᤱ ᤘᤕᤡᤃᤧᤛᤠᤱ ᤜᤠᤖᤡ ᤔᤧᤴᤍᤠᤀᤣ ᤘᤕᤡᤃᤧᤖᤥ॥  
\v 9 ᤀᤠᤏᤡᤃᤧᤃ ᤋᤢᤰᤂᤣ ᤔᤧᤈᤠ᤺ᤳᤋᤡᤃᤧᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡᤃᤧᤏᤢ ᤘᤠ᤹ᤖᤥ॥ ᤜᤧᤰᤁᤩᤠᤱ ᤀᤠᤏᤡᤃᤧ ᤔᤧᤛᤥ᤺ᤴᤍᤡᤃᤧᤛᤠᤱ ᤕᤠᤶᤔᤥ ᤐᤥᤃᤡᤃᤧ᤹ᤖᤥ॥  
\v 10 ᤕᤧᤛᤢᤖᤧ ᤁᤢᤜᤡᤱᤔᤴᤏᤡᤴ ᤀᤠᤏᤡᤃᤧ ᤏᤠᤛᤡᤱᤃᤧᤴ ᤌᤰᤁᤥ ᤏᤡᤎᤠ᤺ᤵᤗ ᤑᤠ᤹ᤀᤠᤱ ᤂᤢᤏᤧ᤹ ᤋᤢᤰᤂᤣ ᤆᤩᤧᤀᤠᤱ ᤛᤩᤧᤒᤠ ᤁᤢᤀᤡᤛᤡ᤺ᤰ ᤌᤡᤰᤕᤠ᤺ᤴᤎᤰ ᤀᤠᤏᤡᤃᤧ ᤏᤠᤛᤡᤱᤃᤧᤴ ᤌᤰᤁᤥ ᤋᤢᤰᤂᤣ ᤆᤩᤧ᤹ᤀᤡᤃᤧᤖᤥ॥  
\v 11 ᤀᤠᤏᤡᤃᤧ ᤁᤧᤛᤡ᤺ᤒᤠᤀᤠᤱ ᤁᤧᤒᤣ᤺ᤰᤐᤠ ᤏᤠᤛᤡᤱᤃᤧᤴ ᤌᤰᤁᤥ ᤕᤧᤛᤢᤖᤧ ᤁᤢᤜᤡᤱᤔᤴᤏᤡᤴ ᤏᤡᤎᤠ᤺ᤵᤗ ᤑᤠ᤹ᤀᤠᤱ ᤕᤧᤛᤢᤖᤧ ᤁᤢᤗᤠᤃᤡ ᤌᤡᤰᤕᤠ᤺ᤴᤎᤰ ᤛᤡ᤺ᤔᤠ ᤗᤡᤱᤎᤥᤀᤥ ᤁᤧᤖᤡᤃᤧᤖᤥ॥  
\v 12 ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤗᤢᤶᤔᤥ ᤔᤠᤱᤛᤣᤘᤠ ᤆᤥ᤺ᤰᤁᤡ ᤛᤡ᤺ᤔᤠ ᤗᤡᤱᤎᤥᤀᤥ ᤁᤧᤖᤡᤃᤧᤸᤗᤧ ᤂᤡᤏᤡ᤹ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤴ ᤁᤧᤄᤥ᤺ᤛᤢᤶᤗᤥ॥ 
\p  
\v 13 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤡᤱᤃᤠ᤹ ᤏᤛᤠ᤺ᤴ ᤆᤥᤃᤢᤱ. ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤐᤠ᤺ᤖᤠᤱᤗᤥ॥”\f * \fr 4:13 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥌.᥇᥆\f* ᤒᤠ ᤜᤧᤰᤋᤱᤒᤠ ᤏᤛᤠ᤺ᤴᤗᤠᤶᤒᤠᤀᤣ ᤀᤠᤏᤡᤃᤧᤀᤠᤱ ᤏᤛᤠ᤺ᤴ ᤆᤥᤃᤢᤶᤒᤧ᤹. ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠᤖᤡᤃᤧ᤹ᤖᤥ॥  
\v 14 ᤍᤠᤱᤒᤠ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶᤒᤠ ᤁᤢᤜᤡᤱᤘᤧᤳ ᤁᤧᤈᤥ᤺ᤰᤐᤠᤸᤗᤧ ᤀᤠᤏᤡ᤹ᤀᤠᤱ ᤕᤧᤛᤢ᤺ᤴᤏᤢ ᤛᤥᤖᤡᤰ ᤁᤢᤜᤡᤱᤘᤧᤳ ᤀᤠᤈᤥ᤺ᤰᤁᤠᤱ ᤀᤠᤏᤡ᤹ ᤁᤧᤖᤧᤰ ᤂᤢᤏᤧ᤹ᤀᤥ ᤀᤠᤍᤠ᤺ᤳᤗᤥ ᤁᤧᤗ᤹ᤒᤠᤴ ᤏᤡ᤺ᤛᤢᤶᤒᤧᤖᤥ॥  
\v 15 ᤀᤠᤏᤡᤃᤧ ᤋᤢᤰᤂᤣ ᤆᤩᤧ᤹ᤀᤡᤃᤧᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ᤃ ᤂᤡᤏᤡ᤹ ᤗᤠᤃᤡᤀᤣ ᤐᤥ᤺ᤰᤂᤧᤒᤠᤖᤥ. ᤜᤧᤰᤁᤣ᤺ᤸᤗᤧ ᤔᤏᤠᤜᤠ᤹ᤖᤧ ᤀᤠᤰᤂᤧᤶᤔᤩᤠᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤴ ᤔᤧᤄᤥ᤺ᤛᤢ᤹. ᤂᤧᤶᤔᤩᤠᤰ ᤕᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤛᤥ ᤀᤡᤱᤎᤠ᤺ᤱᤅᤡᤴ ᤐᤥ᤺ᤱᤗ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤥᤃᤧᤴᤏᤡᤴ ᤔᤧᤓᤥ᤺ᤛᤢ᤹ᤖᤥ॥ 
\s1 ᤏᤛᤠ᤺ᤴᤗᤠᤶᤒᤠ ᤜᤡᤱᤔᤠ 
\p  
\v 16 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤵᤑᤠᤸᤗᤧᤀᤠᤱ ᤀᤠᤏᤡ᤹ ᤏᤡᤱᤛᤠᤱ ᤔᤧᤒᤢᤰᤏᤧᤴᤗᤥ॥ ᤀᤠᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤴ ᤛᤡ᤺ᤒᤣ᤺ᤰᤛᤠᤱ ᤀᤠᤏᤡ᤹ ᤕᤠᤶᤛᤠᤶᤔᤡᤱᤃ ᤌᤡᤰᤕᤠ᤺ᤴᤎᤰ ᤁᤢᤛᤱ ᤐᤥ᤺ᤱᤗ ᤐᤣ᤺ᤰᤗᤥ॥  
\v 17 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤀᤠᤍᤢᤔᤢᤶᤒᤠ ᤆᤢᤰᤛᤠ ᤏᤢ ᤛᤵᤑᤠᤎᤡᤰᤐᤠ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤖᤧᤃ ᤔᤧᤴᤏᤢᤵᤔᤏᤠᤒᤠ ᤔᤡᤔᤡᤍᤡᤱ ᤁᤧᤄᤥ᤺ᤒᤠ ᤀᤠᤈᤥ᤺ᤰᤗᤥ॥ ᤜᤧᤰᤁᤩᤠᤱ ᤔᤡᤔᤡᤍᤡᤱᤅᤡᤴᤏᤢ ᤋᤱᤔᤠᤸᤗᤧ ᤂᤧᤱᤃ ᤌᤣᤀᤠᤱ ᤔᤧ᤺ᤴᤗᤥ॥  
\v 18 ᤀᤠᤸᤗᤥ ᤀᤠᤏᤡ᤺ᤛᤢᤶᤒᤠ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤃ ᤀᤥᤀᤠᤶᤔᤧᤳᤋᤢᤶᤔᤡᤴᤗᤥ. ᤁᤖ ᤏᤡᤔᤧᤴᤍᤧᤵᤔᤏᤠ ᤐᤠ᤺ᤴᤏᤥ ᤀᤥᤀᤠᤔᤧᤳᤋᤢᤶᤗᤥ॥ ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤀᤠᤏᤡ᤺ᤛᤢᤶᤒᤠ ᤐᤠ᤺ᤴᤜᤠ᤹ ᤛᤵᤑᤠᤎᤡᤰᤐᤠᤖᤥ. ᤁᤖ ᤏᤡᤔᤧᤴᤍᤧᤳᤔᤏᤠᤒᤠ ᤐᤠ᤺ᤴᤜᤠ᤹ᤃ ᤀᤠᤵᤑᤠᤸᤗᤧᤛᤠᤱ ᤘᤠ᤹ᤖᤥ॥ 
\c 5  
\p  
\v 1 ᤀᤠᤸᤗ ᤀᤠᤏᤡ᤹ ᤀᤠᤘᤠ᤹ᤒᤠ ᤁᤴ ᤏᤠᤛᤡᤱᤃᤧᤴ ᤌᤰᤁᤡᤱᤃ ᤒᤠ ᤁᤴ ᤀᤡᤰᤛᤠᤀᤥᤒᤠ ᤛᤠ᤺ᤱᤃᤠᤜᤡᤶ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤁᤴ ᤛᤠ᤺ᤱᤃᤠᤜᤡᤶᤔᤡᤴ ᤕ᤺ᤸᤗᤧ ᤔᤏᤠ ᤜᤢᤰᤁᤡᤸᤗᤧ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢ ᤀᤠᤒᤡᤖᤧᤒᤠ ᤔᤧᤴᤏᤢᤵᤔᤏᤠᤒᤠ ᤜᤡᤶᤔᤡᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤘᤠ᤹ᤖᤥ॥  
\v 2 ᤁᤖ ᤂᤧᤴ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤜᤡᤶᤔᤡᤴ ᤂᤥ᤺ᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤀᤠᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤀᤠᤸᤗᤥ ᤏᤡᤱᤘᤠ᤹ ᤀᤡᤃᤣ᤺ᤰ ᤗ᤹ᤖᤥ.  
\v 3 ᤌᤣᤀᤠᤱᤓᤧᤸᤗᤧ ᤆᤠᤱᤅᤡᤸᤗᤧ ᤌᤰᤁᤡᤴ ᤋᤧᤵᤋᤢᤒᤠ ᤜᤧᤰᤁᤣ ᤂᤧᤴ ᤜᤡᤶᤔᤡᤸᤗᤧ ᤀᤠᤍᤧᤵᤐᤠᤱ ᤀᤠᤏᤡ᤹ ᤗᤧᤰᤆᤠᤒᤧᤎᤡ᤺ᤰ ᤀᤠᤶᤒᤥ᤺ᤱᤏᤧᤴᤗᤥ॥  
\v 4 ᤌᤣᤀᤠᤱᤓᤧᤸᤗᤧ ᤁᤴ ᤏᤠᤛᤡᤱᤃᤧᤴ ᤌᤰᤁᤡᤸᤗᤧᤴ ᤛᤠ᤺ᤱᤃᤠᤜᤡᤶᤔᤥ ᤀᤠᤘᤠ᤹ᤖ ᤌᤠᤖᤡᤰ ᤋᤢᤰᤂᤣ᤺ᤸᤗᤧ ᤛᤰᤔᤠ ᤐᤢ᤹ᤀᤠᤱ ᤀᤠᤏᤠᤖᤥ॥ ᤀᤠᤏᤡ᤹ ᤗᤧᤰᤆᤠᤒᤧᤎᤡ᤺ᤰ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤔᤧ᤺ᤴ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤜᤡᤶᤔᤡᤴ ᤀᤠᤸᤗᤛᤠᤱ ᤕᤖᤡᤰ ᤀᤠᤈᤠᤰᤛᤡᤱᤗ ᤑᤠ᤹ᤀᤠᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤁᤧᤛᤡ᤺ᤒᤠᤀᤠᤱ ᤁᤧᤒᤣ᤺ᤰᤐᤠ ᤌᤰᤁᤡᤴ ᤔᤧᤴᤇᤡ᤺ᤔᤏᤠᤒᤠ ᤌᤰᤁᤥ ᤗᤧᤱᤛᤡᤱᤗᤥ॥  
\v 5 ᤀᤠᤸᤗ ᤒᤠ ᤁᤴ ᤐᤠ᤺ᤴᤏᤡᤸᤗᤧ ᤗᤠᤃᤡᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤀᤠᤈᤥᤃᤧᤀᤠᤱ ᤀᤠᤘᤠ᤹ᤖᤥ. ᤜᤧᤰᤁᤩᤠᤱ ᤂᤧᤴ ᤁᤢᤛᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤛᤧᤰᤂᤠᤀᤣ ᤀᤠᤄᤥ᤺ᤛᤢᤶ ᤁᤧᤗ᤹ᤒᤠᤴ ᤀᤥᤛᤣ᤺ᤴᤎᤠᤰᤛᤧ ᤋᤧᤴᤕᤠᤱ ᤁᤢᤀᤡᤛᤡ᤺ᤰ ᤛᤣᤛᤣᤔᤠᤱᤅᤡᤴ ᤀᤠᤒᤡᤖᤧᤀᤠᤱ ᤀᤠᤘᤠ᤹ᤖᤥ॥ 
\p  
\v 6 ᤂᤧᤸᤗᤧ ᤆᤥᤃᤢᤸᤗᤧ ᤁᤴ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤜᤡᤱᤔᤴᤏᤥ ᤀᤠᤘᤠ᤹ᤖ ᤌᤠᤖᤡᤰ ᤍᤠᤱᤒᤠᤴᤏᤢ ᤔᤠ᤺ᤱᤄᤠᤀᤣ ᤀᤠᤘᤠ᤹ ᤁᤧᤗ᤹ᤒᤠ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤛᤠᤱ ᤀᤠᤏᤡ᤹ᤃ ᤛᤍᤠᤍᤡᤱ ᤜᤠᤱᤜᤠᤱ ᤀᤠᤗ᤹ᤖᤥ॥  
\v 7 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤏᤡ᤺ᤔᤏᤠᤒᤠᤗᤠᤶᤒᤠ ᤔᤧ᤺ᤴ. ᤁᤖ ᤏᤛᤠ᤺ᤴᤗᤠᤶᤒᤠᤏᤧ ᤀᤠᤜᤡᤱᤗᤥ॥  
\v 8 ᤀᤠᤏᤡ᤹ᤃ ᤜᤠᤱᤜᤠᤱ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤛᤧᤰᤂᤠᤀᤣ ᤐᤠ᤺ᤳᤋᤢᤱᤗᤥ. ᤜᤧᤰᤁᤩᤠᤱ ᤁᤴ ᤏᤠᤛᤡᤱᤃᤧᤴ ᤌᤰᤁᤥ ᤜᤡᤱᤔᤠᤏᤢ᤺ᤸᤗᤧᤀᤠᤱ ᤍᤠᤱᤒᤠᤴᤏᤢ ᤛᤥᤖᤡᤰ ᤜᤡᤱᤔᤠ ᤀᤠᤏᤡ᤹ ᤛᤡᤖᤠ᤹ ᤌᤠᤱᤗᤥ॥  
\v 9 ᤜᤧᤰᤁᤣ᤺ᤸᤗᤧ ᤁᤴ ᤏᤠᤛᤡᤱᤃᤧᤴ ᤌᤰᤁᤥ ᤀᤠᤘᤠ᤹ᤛᤠᤱ. ᤍᤠᤱᤒᤠᤴᤏᤢ ᤀᤠᤜᤡᤱᤛᤠᤱ. ᤀᤠᤏᤡ᤹ ᤏᤡᤱᤛᤣ᤺ᤰᤁᤡᤱᤃ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤋᤠᤔᤠᤖᤥ॥  
\v 10 ᤌᤣᤀᤠᤱᤓᤧᤸᤗᤧ ᤂᤠᤛᤧᤴᤗᤧ ᤗᤠᤃᤡ ᤀᤠᤏᤡ᤹ ᤁᤧᤖᤧᤰ ᤂᤪᤡᤛ᤻ᤋᤖᤧ ᤁᤢᤄᤠᤛᤧᤴᤏᤥ ᤕᤧᤵᤔᤠᤀᤣ ᤐᤥ᤺ᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ ᤁᤧᤖᤧᤰᤗᤧ ᤁᤴ ᤏᤠᤛᤡᤱᤃᤧᤴ ᤌᤰᤁᤥ ᤀᤠᤘᤠ᤹ᤀᤡᤸᤗᤧ ᤀᤠᤈᤥᤃᤢᤶᤒᤠ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤡᤸᤗᤧ ᤂᤥ᤺ᤔᤠ ᤁᤧᤒᤥ᤺ᤱᤒᤠ ᤂᤠᤛᤧᤴᤏᤡᤴ ᤀᤠᤄᤥ᤺ᤛᤢᤶᤗᤥ॥ 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤗᤠᤶᤒᤠ ᤂᤢᤏᤧ᤹ᤀᤥ ᤀᤠᤍᤠ᤺ᤳ 
\p  
\v 11 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧᤃ ᤍᤠᤱᤒᤠᤸᤗᤧ ᤁᤢᤔᤡᤱᤛᤥ ᤀᤡᤱᤎᤠ᤺ᤱᤅᤡᤴ ᤁᤢᤛᤡᤱ ᤏᤡ᤺ᤳᤋᤢᤶᤒᤧᤒᤠᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ ᤂᤢᤏᤧ᤹ ᤗᤧᤵᤔᤠᤱ ᤔᤧᤏᤢ᤺ᤱᤗ ᤑᤠ᤹ᤀᤠᤱ ᤜᤠᤱᤜᤠᤱ ᤔᤧᤳᤋᤢᤶᤛᤡᤶᤒᤧ᤹ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡᤃᤧ ᤀᤠᤰᤋᤱᤒᤠ ᤆᤥᤃᤡᤃᤧ᤹ ᤁᤧᤗ᤹ᤒᤠᤴ ᤏᤢ᤺ᤖᤡᤰᤁᤠᤱ ᤏᤡ᤺ᤛᤢ᤹ᤖᤥ. ᤜᤧᤰᤁᤩᤠᤱ ᤂᤡᤏᤡ᤹ᤀᤠᤱ ᤂᤧᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶ ᤁᤧᤗ᤹ᤒᤠᤴ ᤏᤡᤱᤛᤠᤱ ᤆᤥᤃᤢᤶᤒᤧ᤹ᤖᤥ॥  
\v 12 ᤕᤠᤶᤔᤥ. ᤀᤠᤏᤡᤃᤧᤃ ᤂᤡᤏᤡ᤹ ᤋᤃᤡ ᤆᤶᤔᤠᤛᤡᤃᤧᤒᤠ ᤔᤧ᤺ᤴᤗᤥ᥄ ᤀᤠᤏᤡᤃᤧ ᤆᤥᤃᤢᤶᤒᤧᤒᤠ ᤕᤠ᤺ᤶᤒᤰᤁᤥ ᤂᤡᤏᤡ᤹ ᤏᤧᤒᤥ ᤐᤥ᤺ᤔᤠ ᤛᤢᤕᤧᤶ ᤐᤡᤀᤠᤛᤡᤃᤧᤒᤠᤖᤥ॥ ᤜᤧᤰᤁᤣᤗ᤹ᤖᤡᤰ ᤛᤡᤰᤗᤢᤱᤔᤥᤒᤠ ᤐᤠ᤺ᤴᤜᤠ᤹ᤃ ᤔᤧ᤺ᤴ. ᤁᤖ ᤏᤡ᤺ᤔᤏᤠᤒᤠ ᤐᤠ᤺ᤴᤜᤠ᤹ᤀᤥᤖᤰ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ ᤏᤥᤃᤵ ᤐᤡᤔᤠ ᤁᤧᤛᤢᤰᤋᤢᤶᤛᤡᤶᤗᤖᤥ॥  
\v 13 ᤀᤠᤏᤡᤃᤧ ᤏᤡᤱᤘᤠ᤹ ᤔᤧᤴᤍᤰᤔᤏᤠᤒᤠ ᤜᤧᤰᤁᤣ ᤗ᤹ᤖᤡᤃᤧᤏᤧ ᤑᤠ᤹ᤃᤪ ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠ ᤆᤥᤃᤢᤶᤒᤧᤒᤠᤸᤗᤧ ᤆᤥᤃᤢᤸᤗᤧᤖᤥ. ᤜᤧᤰᤁᤩᤠᤱ ᤀᤠᤏᤡᤃᤧ ᤏᤡᤱᤘᤠ᤹ ᤁᤢᤍᤥ᤺ᤵᤔᤠ ᤁᤧᤃᤵᤐᤠ ᤜᤧᤰᤁᤣ ᤗ᤹ᤖᤡᤃᤧᤏᤧ ᤑᤠ᤹ᤃᤪ ᤁᤴ ᤒᤠ ᤂᤡᤏᤡ᤹ ᤗᤠᤃᤡᤀᤣᤖᤥ॥  
\v 14 ᤀᤠᤏᤡᤃᤧ ᤆᤥᤃᤢᤶᤒᤧᤒᤠ ᤐᤠ᤺ᤴᤜᤠ᤹ᤃ ᤂᤪᤡᤛ᤻ᤋᤖᤧ ᤗᤢᤱᤔᤠ᤹ ᤋᤢᤰᤋᤡᤃᤧᤒᤠᤸᤗᤧ ᤆᤥᤃᤢᤸᤗᤧ ᤆᤥᤃᤢᤶᤒᤧᤒᤠᤖᤥ. ᤌᤣᤀᤠᤱᤓᤧᤸᤗᤧ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤗᤠᤃᤡ ᤂᤢᤏᤧ᤹ ᤛᤩᤧ. ᤂᤧᤸᤗᤧ ᤆᤥᤃᤢᤸᤗᤧ ᤁᤠᤰ ᤀᤠᤛᤩᤧ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤢᤶᤒᤧᤖᤥ॥  
\v 15 ᤍᤠᤱᤒᤠᤴ ᤁᤧᤖᤧᤰᤗᤧ ᤗᤠᤃᤡ ᤛᤩᤧᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤁᤧᤜᤡᤱᤒᤠᤜᤠ᤹ ᤀᤠᤸᤗᤀᤠᤱᤎᤥ ᤀᤠᤒᤠᤅᤣ ᤗᤠᤃᤡ ᤔᤧ᤺ᤴ. ᤁᤖ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤔᤧᤜᤡᤱᤗᤖᤥ॥ 
\p  
\v 16 ᤂᤧᤸᤗᤧ ᤆᤥᤃᤢᤸᤗᤧ. ᤀᤠᤸᤗᤀᤠᤱᤎᤥ ᤀᤠᤏᤡᤃᤧ ᤔᤧᤴᤇᤠᤶ ᤕᤠᤵᤔᤡ ᤏᤡ᤺ᤔᤥᤗᤠᤶ ᤀᤠᤳᤋᤡᤴᤏᤠᤱ ᤀᤥᤔᤧᤔᤧᤳᤋᤢᤶᤒᤧᤴᤗᤥ॥ ᤋᤃᤡ ᤜᤧᤰᤁᤣᤗ᤹ᤖᤡᤰᤁᤣ ᤂᤪᤡᤛ᤻ᤋᤧᤴ ᤀᤥᤔᤧᤳᤋᤢᤶᤒᤧᤀᤠᤱ ᤘᤕᤡᤃᤧᤛᤠᤱ ᤀᤠᤸᤗ ᤀᤠᤏᤡᤃᤧ ᤜᤧᤰᤁᤣ ᤔᤧᤈᤥᤃᤢᤶᤒᤧᤴᤗᤥ॥  
\v 17 ᤀᤠᤳᤋᤡᤸᤗᤧ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤆᤥᤃᤢ᤹. ᤂᤧᤴ ᤁᤢᤛᤱ ᤔᤏᤠ ᤐᤥ᤺ᤱ॥ ᤜᤧᤰᤁᤩᤠᤱ ᤋᤃᤡᤛ᤻ᤔᤠ ᤐᤠ᤺ᤴᤜᤠ᤹ᤃ ᤗᤧᤰᤋᤧᤒᤣᤀᤠᤱ ᤁᤠᤰ ᤁᤢᤛᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ᥄  
\v 18 ᤁᤴ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤐᤥ᤺ᤰᤂᤧᤒᤠᤖᤥ॥ ᤂᤢᤏᤧ᤹ᤀᤣ ᤂᤪᤡᤛ᤻ᤋᤗᤠᤶ ᤀᤠᤒᤠᤅᤣ ᤂᤢᤏᤧ᤹ᤀᤥ ᤀᤠᤏᤡ᤹ ᤀᤠᤍᤠᤖᤧᤒᤠᤖᤥ. ᤜᤧᤰᤁᤩᤠᤱ ᤘᤣ᤹ᤜᤠ᤹ ᤂᤢᤏᤧ᤹ᤀᤥ ᤋᤠ᤺ᤵᤔᤠᤛᤡ ᤔᤠᤱᤛᤣᤘᤠ᤺ᤴ ᤀᤠᤒᤡᤖᤧᤀᤠᤱ ᤘᤠ᤹ᤖᤥ॥  
\v 19 ᤂᤧᤴ ᤑᤠ᤹ᤀᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤔᤏᤠᤜᤠ᤹ ᤂᤪᤡᤛ᤻ᤋᤗᤠᤶ ᤂᤢᤏᤧ᤹ᤀᤥ ᤋᤠᤖᤢᤛᤡ᤹॥ ᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥ᤺ᤸᤗᤧᤴ ᤀᤠᤵᤋᤡᤰ ᤔᤧᤃᤢ᤺ᤳᤋᤢᤴᤇᤡᤴᤗᤥ. ᤜᤧᤰᤁᤩᤠᤱ ᤘᤣ᤹ᤜᤠ᤹ ᤂᤢᤏᤧ᤹ᤀᤥ ᤋᤠ᤺ᤵᤔᤠᤛᤡ ᤛᤢᤏᤠᤀᤡᤱ ᤀᤠᤒᤡᤖᤧᤀᤠᤱ ᤘᤠ᤹ᤖᤥ॥  
\v 20 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧᤃ ᤂᤪᤡᤛ᤻ᤋᤖᤧ ᤁᤢᤜᤠᤱᤗᤠᤀᤡᤱᤒᤠᤛᤡᤃᤧᤖᤥ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡᤃᤧᤗᤠᤶᤒᤠ ᤐᤣᤗᤡ ᤑᤠᤰᤗ ᤘᤠ᤹ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤏᤠᤍᤱ ᤆᤥᤃᤧᤶᤔᤧ᤹ ᤑᤠ᤹ᤀᤠᤱ ᤂᤪᤡᤛ᤻ᤋ ᤗᤧᤵᤔᤠᤱᤗᤠᤶ ᤀᤠᤏᤡᤃᤧ ᤐᤣᤗᤡ ᤑᤠᤰᤁᤠᤛᤡᤃᤧᤖᤥ॥  
\v 21 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤂᤪᤡᤛ᤻ᤋᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤛᤠᤶᤕᤥᤏᤡᤒᤠ ᤀᤠᤒᤥ᤺ᤱᤗ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤕᤥ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤒᤠᤴ ᤀᤠᤏᤡ᤹ ᤗᤠᤃᤡ ᤗᤠᤕᤥ ᤁᤢ᤺ᤳᤋᤢᤖᤥ॥ 
\c 6  
\p  
\v 1 ᤜᤧᤰᤁᤩᤠᤱ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤖᤡᤰ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤐᤥ᤺ᤰᤂᤡᤃᤧᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤒᤠ ᤛᤢᤏᤠᤀᤡᤱᤅᤡᤸᤗᤧ ᤐᤠ᤺ᤴᤏᤡᤴ ᤂᤡᤏᤡ᤹ ᤜᤡᤱᤔᤴᤏᤥ ᤜᤏᤧ ᤐᤥ᤺ᤱᤔᤠ ᤔᤧᤒᤠᤱᤄᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤁᤠᤛᤡᤃᤧᤖᤥ॥  
\v 2 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤗᤠᤶ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. 
\q1 “ᤂᤧᤏᤧ᤹ ᤁᤧᤈᤥᤃᤢᤒᤠ ᤋᤢᤘᤠ᤺ᤴ ᤛᤢᤕᤧᤶᤔᤥ ᤂᤧᤵᤛᤢᤱ. ᤜᤧᤰᤁᤩᤠᤱ ᤛᤧᤴᤗᤵᤐᤡᤸᤗᤧ ᤕᤧᤴᤏᤥ ᤂᤧᤏᤧ᤹ ᤁᤢᤓᤠ᤹ ᤐᤡᤏᤧᤖᤥ॥”\f * \fr 6:2 \ft ᤕᤛᤤᤕᤠ ᥊᥏.᥎\f* 
\m ᤀᤡᤱᤃᤠ᤹ ᤛᤧᤰᤂᤠ ᤔᤧᤳᤏᤡᤱ. ᤀᤠᤸᤗᤥ ᤂᤧᤴ “ᤛᤢᤕᤧᤶᤔᤡᤴ” ᤋᤩᤧᤀᤠᤱ ᤘᤠ᤹॥ ᤛᤧᤴᤗᤵᤐᤡᤸᤗᤧᤴ ᤕᤧᤴᤏᤡᤴ ᤀᤠᤀᤡᤴᤏᤣᤖᤥ॥ 
\s1 ᤐᤠᤘᤗᤖᤧ ᤁᤢᤍᤢᤰᤂᤣ᤺ᤴ 
\p  
\v 3 ᤀᤠᤏᤡᤃᤧ ᤔᤠᤱᤛᤣᤘᤠᤀᤥ ᤀᤠᤵᤋᤡᤰ ᤔᤧᤍᤠᤏᤧᤴᤗ ᤑᤠ᤹ᤀᤠᤱ ᤀᤠᤳᤋᤡᤴ ᤔᤏᤠ᤺ᤸᤗᤧ ᤁᤢᤗᤠᤶᤔᤡᤴᤏᤠᤱ ᤔᤧᤜᤶᤛᤢᤶᤒᤧᤴᤗᤥ॥  
\v 4 ᤁᤖ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤀᤣᤒᤠ ᤁᤢᤛᤣᤘᤠᤖᤥᤒᤠᤛᤡᤃᤧ ᤑᤠ᤹ᤀᤠᤱ ᤁᤠᤰ ᤐᤖᤡᤰᤗᤧ ᤀᤠᤒᤠᤅᤣ ᤀᤥᤛᤣ᤺ᤴᤎᤠᤰᤁᤠᤛᤡᤃᤧᤖᤥ॥ ᤀᤠᤏᤡᤃᤧ ᤁᤠᤰ ᤋᤢᤰᤂᤣ ᤆᤩᤧ᤹ᤀᤡᤃᤧᤸᤗᤧ. ᤁᤧᤛᤠᤰᤐᤠ ᤐᤠ᤺ᤴ ᤋᤢᤔᤢᤶᤒᤧᤸᤗᤧ ᤜᤧᤰᤁᤩᤠᤱ ᤏᤡᤱᤘᤠ᤹ ᤐᤱᤛᤡᤱᤅᤡᤸᤗᤧ ᤛᤠ᤹ᤖᤡᤰ ᤏᤠᤛᤡ ᤌ᤺ᤳᤋᤢᤶᤒᤧᤖᤥ॥  
\v 5 ᤀᤠᤏᤡᤃᤧ ᤋᤧ᤺ᤶᤓᤢᤰ ᤆᤩᤧ᤹ᤀᤡᤃᤧ. ᤐᤢᤱᤗᤠᤜᤡᤶᤔᤥ ᤌᤩᤧ᤹ᤀᤡᤃᤧᤀᤠᤱ ᤘᤕᤡᤃᤧ. ᤀᤠᤏᤡᤃᤧ ᤋᤰᤗᤧᤱᤘᤠᤀᤥ ᤕᤖᤡᤰ ᤔᤧᤒᤥᤃᤧᤀᤠᤱ ᤔᤧᤘᤠ᤹ᤖᤥ॥ ᤛᤠ᤹ᤖᤡᤰ ᤕᤠ᤺ᤶᤒᤰ ᤆᤥᤃᤢᤶᤒᤧ ᤜᤧᤰᤁᤩᤠᤱ ᤁᤢᤓᤠ ᤕᤧᤴ ᤀᤡᤶᤔᤠ ᤏᤢ ᤆᤠᤔᤠᤀᤠᤱ ᤔᤧᤱᤄᤥᤀᤣ ᤘᤕᤡᤃᤧᤖᤥ॥  
\v 6-7 ᤀᤠᤏᤡᤃᤧ ᤛᤣᤛᤣ ᤜᤡᤱᤔᤴᤗᤠᤶ. ᤂᤠᤛᤡᤱ ᤏᤡ᤺ᤵᤔᤠᤗᤠᤶ. ᤏᤠᤛᤡ ᤌ᤺ᤵᤔᤠᤗᤠᤶ. ᤏᤢ᤺ᤖᤡᤰᤁᤠᤱ ᤗᤢᤱᤔᤠ᤹ ᤋᤢᤰᤔᤠᤗᤠᤶ. ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ. ᤁᤢᤍᤥ᤺ᤵᤔᤠ ᤔᤡ᤺ᤶᤈᤡᤗᤠᤶ. ᤛᤧᤰᤂᤠᤒᤠ ᤛᤢᤏᤠᤀᤡᤱᤄᤱᤗᤠᤶ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤛᤡᤃᤧ ᤑᤠ᤹ᤀᤠᤱ ᤀᤠᤒᤠᤅᤣ ᤀᤥᤛᤣ᤺ᤴᤎᤠᤰᤁᤠᤛᤡᤃᤧᤖᤥ॥ ᤀᤠᤰᤋᤱᤒᤠ ᤕᤧᤶᤔᤥᤛᤠᤱ ᤀᤠᤏᤡᤃᤧ ᤑᤧᤈᤢᤶ ᤑᤧᤕᤠᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤖᤠ᤹ ᤁᤧᤎᤠᤱᤒᤠ ᤀᤠᤏᤡᤃᤧ ᤛᤠᤶᤕᤥᤏᤡᤒᤠ ᤜᤡᤱᤔᤴᤏᤣᤖᤥ॥  
\v 8 ᤔᤏᤠᤜᤠ᤹ᤖᤧ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤡᤃᤧᤛᤠᤱ ᤔᤧᤶᤒᤡᤖᤡᤃᤧᤴᤇᤠᤱ. ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤔᤧᤔᤧᤳᤋᤡᤃᤧᤛᤠᤱ. ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠ ᤆᤥᤃᤢᤶᤒᤧ᤹ᤖᤥ॥ ᤀᤠᤏᤡᤃᤧ ᤁᤢᤍᤥ᤺ᤵᤔᤠ ᤆᤥᤃᤡᤃᤧ᤹ ᤁᤖ ᤀᤡᤱᤗᤧᤰᤁᤣ ᤔᤧᤔᤧᤳᤋᤡᤃᤧᤖᤥ॥  
\v 9 ᤀᤠᤏᤡᤃᤧ ᤏᤢ᤺ᤖᤡᤰᤁᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤡᤃᤧᤛᤠᤱ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠ ᤔᤧᤗᤧᤱᤛᤡᤱᤗᤥ॥ ᤛᤡ᤺ᤔᤠᤗᤡᤱᤎᤥ ᤁᤧᤖᤡᤃᤧᤛᤠᤱ ᤁᤢᤜᤡᤱᤘᤧᤳ ᤘᤕᤡᤃᤧᤖᤥ॥ ᤋᤧ᤺ᤶᤓᤢᤰ ᤔᤧᤕᤠ᤺ᤰᤋᤡᤃᤧᤛᤠᤱ ᤔᤧᤴᤇᤡ᤺ᤀᤣ ᤘᤕᤡᤃᤧᤖᤥ॥  
\v 10 ᤔᤣᤖᤡᤱᤅᤥ ᤌᤩᤧ᤹ᤀᤡᤃᤧᤛᤠᤱ ᤛᤍᤠᤍᤡᤱ ᤛ᤺ᤳᤋᤡᤃᤧᤖᤥ॥ ᤕᤠᤱᤃᤧᤛᤠ᤹ᤒᤠ ᤆᤥᤃᤡᤃᤧᤛᤠᤱ ᤕᤖᤡᤰ ᤔᤏᤠᤜᤠ᤹ ᤏᤛᤠ᤺ᤴᤏᤥ ᤕᤠᤱᤛᤠᤁᤢᤴᤎᤣᤛᤠᤒᤠ ᤆᤥᤃᤢᤶᤛᤡᤶᤒᤧᤖᤥ॥ ᤌᤣᤀᤠᤱ ᤔᤧᤃᤳᤋᤢᤶᤒᤧᤴᤇᤠᤱ ᤁᤠᤰ ᤐᤠ᤺ᤴ ᤁᤧᤃᤵᤐᤠ ᤁᤢᤀᤡᤛᤡ᤺ᤰ ᤆᤥᤃᤡᤃᤧᤖᤥ॥ 
\p  
\v 11 ᤁᤥᤖᤴᤌᤡᤒᤠ ᤆᤢᤶᤛᤣ. ᤂᤡᤏᤡ᤹ ᤀᤠᤏᤡᤃᤧ ᤏᤡᤱᤘᤠ᤹ᤒᤠ ᤐᤠ᤺ᤴᤏᤡᤴ ᤔᤧᤳᤋᤠᤛᤡᤃᤧᤀᤠᤱ ᤘᤕᤡᤃᤧ. ᤂᤡᤏᤡ᤹ᤏᤢᤃ ᤀᤠᤏᤡᤃᤧ ᤏᤡᤱᤘᤠ᤹ᤀᤡᤴ ᤜᤖᤧᤀᤠᤱ ᤘᤠ᤹॥  
\v 12 ᤀᤠᤏᤡᤃᤧ ᤗᤢᤱᤔᤠ᤹ ᤔᤧᤍᤢᤰᤁᤠᤛᤡᤃᤧᤶᤒᤠ ᤔᤧ᤺ᤴᤗᤥ. ᤁᤖ ᤂᤡᤏᤡ᤹ᤏᤧ ᤕᤠᤵᤔᤡ ᤗᤢᤱᤔᤠ᤹ ᤋᤢᤰᤔᤠ ᤁᤧᤗᤖᤢᤶᤗ ᤁᤧᤒᤣᤃᤡᤀᤠᤱ ᤁᤧᤘᤕᤡ᤹ᤖᤥ॥  
\v 13 ᤀᤡᤱᤃᤠ᤹ᤃ ᤜᤡᤴᤈᤠ᤹ᤒᤡᤳᤇᤠᤜᤠ᤹ ᤔᤧᤵᤔᤏᤠᤒᤠ ᤜᤧᤰᤁᤣ ᤂᤡᤏᤡ᤹ ᤔᤧᤳᤏᤡᤱᤗᤥ–ᤀᤠᤏᤡᤃᤧ ᤏᤡᤱᤘᤠ᤹ᤀᤡᤴ ᤂᤡᤏᤡ᤹ᤏᤢ ᤕᤶᤒᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤏᤡᤱᤘᤠ᤹ᤀᤡᤴᤏᤠᤱ ᤆᤢᤰᤐᤠ ᤔᤧ᤺ᤴ. ᤕᤶᤒᤠ ᤆᤥᤃᤧᤶᤔᤧ᤹ᤀᤥ॥ 
\s1 ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤏᤢ ᤛᤡᤱᤛᤡᤱ ᤗ᤹ᤔᤠ 
\p  
\v 14 ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤏᤢ ᤛᤥᤖᤡᤰ ᤔᤧᤄᤧ᤺ᤵᤐᤠᤛᤡᤶᤔᤡᤴᤏᤧ᤹ᤀᤥ.\f * \fr 6:14 \ft ᤂᤧᤴ ᤑᤠ᤹ᤀᤡᤴ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤏᤢ ᤛᤥᤖᤡᤰ ᤔᤧᤍᤱᤅᤠᤛᤡᤶᤔᤡᤴᤏᤧ᤹ ᤐᤥ᤺ᤱᤗᤥ॥ ᤁᤢᤒᤡᤀᤥ. ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤏᤢ ᤔᤣ᤺ᤰᤂᤡᤶ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴᤗᤥ॥\f* ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤏᤡᤒᤠ ᤏᤢ ᤗᤠᤕᤥᤒᤠ ᤐᤠ᤺ᤴᤜᤠ᤹ ᤔᤧᤍᤱᤏᤧᤴᤗᤥ᥄ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤏᤢ ᤔᤠᤰᤆᤡᤃᤧᤴ ᤂᤠᤍᤠᤶᤔᤠᤴ ᤔᤧᤍᤱᤏᤧᤴᤗᤥ॥  
\v 15 ᤂᤪᤡᤛ᤻ᤋᤧᤴ ᤏᤢ ᤔᤠᤑᤧᤴᤛᤠᤶᤔᤡᤴ\f * \fr 6:15 \ft ᤔᤠᤑᤧᤴᤛᤠᤶᤔᤡᤴ–ᤃᤪᤡᤁ ᤐᤠ᤺ᤴᤍᤠᤱᤅᤥ ᤒᤣᤗᤡᤀᤠᤗ ᤐᤥ᤺ᤱ॥ ᤂᤧᤱᤃ ᤔᤠᤑᤧᤴᤛᤠᤶᤔᤡᤸᤗᤧ ᤗᤳᤇᤠ ᤁᤢᤔᤡᤱᤗᤥ॥\f* ᤀᤠᤰᤂᤣᤗ᤹ᤖᤡᤰ ᤋᤱᤔᤠ ᤛᤢᤰᤛᤡ᤹ᤒᤣ᥅ ᤜᤧᤰᤁᤣᤗ᤹ᤖᤡᤰᤁᤣ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤖᤧ ᤂᤢᤴᤇᤡ᤹ ᤐᤠ᤺ᤴᤏᤡᤴᤏᤠᤱ ᤀᤠᤰᤂᤣᤗ᤹ᤖᤡᤰ ᤋᤱᤒᤣ᥅  
\v 16 ᤏᤡᤱᤘᤠ᤹ᤑᤢ ᤔᤠᤱᤜᤡᤶᤔᤡᤴ ᤏᤢ ᤏᤠᤘᤠᤀᤡᤳᤗᤠ᤺ᤴ ᤀᤠᤰᤂᤣᤗ᤹ᤖᤡᤰ ᤋᤱᤔᤠ ᤛᤢᤰᤐᤣ᥅ ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ᤃ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤡᤶᤛᤡᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ. 
\q1 “ᤀᤡᤱᤃᤠ᤹ᤃ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤘᤠ᤹ᤀᤠᤀᤠᤱ ᤗᤠᤱᤄᤣ᤺ᤰᤁᤠᤖᤥ॥ 
\q1 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥ᤺ᤱᤅᤠ. 
\q1 ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤠᤔᤏᤠ ᤔᤧᤒᤥ᤺ᤱᤗᤥ॥”\f * \fr 6:16 \ft ᤗᤧᤒᤡ ᥈᥌.᥇᥈. ᤀᤡᤈᤡᤁᤡᤀᤣᤗ ᥉᥍.᥈᥍\f* 
\v 17 ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹. 
\q1 “ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤀᤥᤗᤠᤶᤒᤠ ᤗ᤺ᤴᤍᤧᤶᤔᤧ᤹ᤀᤠᤱ 
\q1 ᤂᤧᤱᤜᤠ᤹ᤏᤢ ᤛᤥᤖᤡᤰ ᤔᤧᤘᤕᤧᤶᤔᤡᤴᤏᤧ᤹ᤀᤥ॥ 
\q1 ᤂᤧᤱᤜᤠ᤹ᤖᤧ ᤂᤢᤏᤡ᤹ ᤀᤠᤈᤡ᤺ᤴᤈᤡ᤺ᤶᤒᤠ ᤐᤠ᤺ᤴᤜᤠ᤹ ᤔᤧᤛᤢᤛᤧᤶᤔᤡᤴᤏᤧ᤹. 
\q1 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤡᤏᤡ᤹ ᤋᤠ᤺ᤰᤏᤡᤱᤗᤥ॥\f * \fr 6:17 \ft ᤕᤛᤤᤕᤠ ᥋᥈.᥇᥇. ᤀᤡᤈᤡᤁᤡᤀᤣᤗ ᥈᥆.᥉᥊\f* 
\q1  
\v 18 ᤀᤡᤱᤃᤠ᤹ᤃ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤐᤥ᤺ᤱᤅᤠ. 
\q1 ᤜᤧᤰᤁᤩᤠᤱ ᤂᤡᤏᤡ᤹ᤃ ᤀᤡᤱᤃᤠ᤹ ᤀᤠᤒᤢᤃᤧᤴ ᤀᤠᤛ᤻ᤛᤠ᤺ ᤁᤧᤒᤥ᤺ᤰᤂᤡ᤹ᤖᤥ 
\q1 ᤗ᤹ᤖᤡᤰ ᤔᤢᤰᤛᤶᤍᤠᤱᤒᤠ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥”\f * \fr 6:18 \ft ᥈ ᤛᤠᤔᤢᤀᤧᤗ ᥍.᥇᥊\f* 
\c 7  
\p  
\v 1 ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤀᤠᤏᤡ᤹ᤃ ᤁᤴ ᤔᤠᤱᤜᤧᤰᤜᤠ᤹ ᤀᤠᤄᤥ᤺ᤛᤢᤶᤔᤠᤱ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤏᤠᤛᤡᤱᤃᤧᤴ ᤌᤰ ᤏᤢ ᤕᤠᤶᤛᤠᤶ ᤁᤧᤈᤡ᤺ᤶᤒᤠ ᤐᤠ᤺ᤴᤜᤠ᤹ᤗᤠᤶ ᤛᤣᤛᤣ ᤆᤥ᤺ᤰᤁᤠᤛᤡᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡᤱᤛᤥ ᤀᤡᤱᤎᤠ᤺ᤱ ᤂᤥ᤺ᤛᤢᤖ ᤑᤠ᤹ᤀᤠᤱ ᤀᤠᤏᤡ᤹ ᤛᤣᤛᤣ ᤐᤥ᤺ᤰᤂᤡᤖ ᤐᤡᤃᤡᤖᤥ॥ 
\s1 ᤐᤠᤘᤗᤧᤴ ᤛ᤺ᤳ 
\p  
\v 2 ᤀᤠᤏᤡᤃᤧ ᤗᤠᤃᤡ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤕᤶᤒᤠ ᤆᤥᤃᤧᤶᤔᤧ᤹ᤀᤥ॥ ᤀᤠᤏᤡᤃᤧ ᤂᤡᤏᤡ᤹ ᤜᤠ᤺ᤳᤋᤠᤱ ᤋᤠᤵᤑᤧ᤺ᤸᤗᤡᤰ ᤔᤧᤶᤔᤧᤳᤋᤣ ᤘᤕᤡᤃᤧ. ᤂᤡᤏᤡ᤹ ᤜᤠ᤺ᤳᤋᤠᤱ ᤑᤧᤳᤔᤧᤸᤗᤠ᤺ᤴᤏᤣ ᤘᤕᤡᤃᤧ. ᤜᤧᤰᤁᤩᤠᤱ ᤌᤧᤔᤠᤀᤡ ᤂᤥ᤺ᤔᤠ ᤑᤠ᤹ᤀᤠᤱ ᤂᤡᤏᤡ᤹ ᤜᤠ᤺ᤳᤋᤠᤱ ᤀᤡᤱᤔᤧᤸᤗᤧᤰᤁᤣ ᤘᤕᤡᤃᤧᤖᤥ॥  
\v 3 ᤀᤡᤱᤃᤠ᤹ᤃ ᤂᤡᤏᤡ᤹ ᤀᤠᤵᤋᤡᤰ ᤁᤢ᤺ᤳᤏᤡᤱ ᤑᤠ᤹ᤀᤠᤱ ᤁᤴ ᤐᤠ᤺ᤴᤏᤡᤴ ᤐᤠ᤺ᤳᤋᤢᤱᤒᤠ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤧᤃ ᤂᤡᤏᤡ᤹ᤏᤢ ᤜᤡᤅᤡᤃᤧᤛᤠᤱ ᤛᤩᤧ᤹ᤀᤡᤃᤧᤛᤠᤱ ᤀᤠᤏᤡᤃᤧ ᤛᤡᤰᤗᤢᤱᤔᤥ ᤁᤧᤘᤕᤡ᤹ ᤑᤠ᤹ᤀᤠᤱ ᤋᤃᤡᤀᤣ ᤐᤠ᤺ᤳᤋᤢᤱᤅᤠᤱ ᤘᤠ᤹ᤀᤠᤖᤥ॥  
\v 4 ᤀᤡᤱᤃᤠ᤹ ᤂᤡᤏᤡ᤹ᤏᤢ ᤔᤧᤱᤃᤡᤀᤣ ᤐᤠ᤺ᤵᤔᤠ ᤛᤢᤰᤋᤢᤱ. ᤂᤡᤏᤡ᤹ ᤁᤧᤈᤥᤃᤢᤶᤔᤡᤸᤗᤧ ᤀᤠᤏᤧᤒᤥ ᤐᤥ᤺ᤖᤧᤀᤠᤱ ᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤜᤠᤱᤜᤠᤱ ᤗ᤹ᤖᤠᤱᤅᤠᤱ ᤘᤠ᤹ᤀᤠ. ᤜᤧᤰᤁᤩᤠᤱ ᤀᤠᤏᤡᤃᤧ ᤁᤧᤖᤧᤰ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤀᤡᤱᤃᤠ᤹ ᤛᤠ᤹ᤖᤡᤰ ᤛ᤺ᤳᤋᤠᤱᤅᤠᤱ ᤘᤠ᤹ᤀᤠᤖᤥ॥ 
\p  
\v 5 ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤧ ᤔᤧᤛᤣᤍᤥᤏᤡᤕᤠ ᤌᤢᤶᤔᤥ ᤋᤩᤧ᤹ᤀᤡᤃᤧᤸᤗᤧ ᤁᤴ ᤀᤠᤏᤡᤃᤧ ᤏᤠᤛᤡᤱᤃᤧᤴ ᤌᤰᤁᤡᤸᤗᤧ ᤏᤠ᤺ᤶᤛᤡᤱᤔᤠ ᤕᤧᤶ ᤔᤧᤄᤥ᤺ᤛᤢᤴ॥ ᤀᤠᤏᤡᤃᤧᤃ ᤁᤠᤰ ᤐᤡᤛᤠᤱᤗᤠᤶᤒᤠ ᤕᤧᤳᤋᤢᤰᤂᤣ᤺ᤸᤗᤧ ᤁᤒᤡᤃᤧᤖᤥ. ᤗᤠ᤺ᤰᤁᤠᤳᤋᤥ ᤐᤠ᤺ᤴᤎᤱ ᤜᤧᤰᤁᤩᤠᤱ ᤏᤡᤱᤘᤠ᤹ᤛᤡᤃᤠᤱᤒᤠ ᤁᤡ᤺ᤔᤠ ᤛᤡ᤺ᤔᤧᤴ ᤘᤕᤧᤖᤥ॥  
\v 6 ᤁᤖ ᤏᤡᤱᤘᤠ᤹ ᤋᤢᤰᤔᤥ ᤁᤧᤎᤠ᤺ᤒᤠᤜᤠ᤹ ᤜᤠᤱᤜᤠᤱ ᤁᤧᤔᤧᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤡᤋᤛᤖᤧ ᤁᤢᤍᤠ᤺ᤔᤠᤀᤥᤗᤠᤶᤒᤠ ᤜᤠᤱᤜᤠᤱ ᤔᤧᤳᤋᤡᤃᤧᤖᤥ॥  
\v 7 ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤍᤠ᤺ᤔᤠᤸᤗᤧᤖᤰ ᤔᤧ᤺ᤴ. ᤁᤖ ᤂᤡᤏᤡ᤹ ᤁᤧᤒᤡᤖᤢᤶᤒᤠ ᤜᤠᤱᤜᤠᤱ ᤗ᤹ᤔᤠ ᤀᤡᤱᤄᤱᤅᤡᤸᤗᤧᤀᤠᤱ ᤜᤠᤱᤜᤠᤱ ᤔᤧᤳᤋᤡᤃᤧᤖᤥ॥ ᤂᤧᤸᤗᤧᤃ ᤀᤠᤰᤂᤧᤴ ᤛᤠ᤹ᤖᤡᤰ ᤂᤡᤏᤡ᤹ ᤀᤡᤱᤃᤠ᤹ ᤕᤠᤵᤔᤡ ᤋᤢᤶᤔᤠ ᤏᤡᤱᤘᤠ᤹ ᤁᤧᤃᤳᤋᤢᤶ. ᤜᤧᤰᤁᤩᤠᤱ ᤋᤃᤡ ᤐᤣ᤺ᤴᤍᤧᤒᤠ ᤐᤠ᤺ᤴᤏᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤛᤠ᤹ᤖᤡᤰ ᤋᤢᤃᤧᤒᤠ ᤐᤠ᤺ᤴᤏᤡᤴ. ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤰᤂᤧᤴ ᤛᤠ᤹ᤖᤡᤰ ᤁᤶᤒᤪᤠᤱ ᤕᤠᤵᤔᤡ ᤁᤧᤔᤧᤳᤋᤡ᤹ ᤁᤧᤗ᤹ᤒᤠ ᤐᤠ᤺ᤴᤜᤠ᤹ ᤆᤧᤰᤋᤡᤃᤧᤖᤥ. ᤜᤧᤰᤁᤣ᤺ᤸᤗᤧ ᤂᤧᤴ ᤐᤠ᤺ᤴᤏᤡᤴ ᤂᤧᤵᤛᤢᤱᤅᤠᤱ ᤛᤠ᤹ᤖᤡᤰ ᤛ᤺ᤳᤋᤠᤱ॥ 
\p  
\v 8 ᤀᤡᤱᤃᤠ᤹ ᤛᤠᤵᤋᤢᤱᤒᤠ ᤛᤰᤀᤡᤱᤄᤱᤅᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤋᤢᤃᤧᤛᤠᤱ ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤔᤧᤗᤥᤏᤧᤴᤗᤥ॥ ᤀᤠᤏᤡᤱᤘᤠ᤹ ᤗᤥᤛᤠᤱ ᤀᤡᤱᤃᤠ᤹ ᤛᤠᤵᤋᤢᤱᤒᤠ ᤛᤰᤀᤡᤱᤄᤱᤅᤡᤸᤗᤧ ᤛᤵᤑᤠᤖᤰ ᤂᤡᤏᤡ᤹ ᤏᤡᤱᤘᤠ᤹ ᤋᤢᤃᤧᤒᤠ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥  
\v 9 ᤂᤡᤏᤡ᤹ ᤏᤡᤱᤘᤠ᤹ ᤋᤢᤃᤧ ᤑᤠ᤹ᤀᤠᤱ ᤀᤡᤱᤃᤠ᤹ ᤛ᤺ᤳᤋᤠᤱᤒᤠ ᤔᤧ᤺ᤴ. ᤁᤖ ᤂᤡᤏᤡ᤹ ᤏᤡᤱᤘᤠ᤹ ᤋᤢᤃᤧᤒᤠᤸᤗᤧ ᤆᤥᤃᤢᤸᤗᤧ ᤗᤠᤕᤥᤗᤠᤶ ᤁᤧᤜᤡᤴᤍᤡ ᤑᤠ᤹ᤀᤠᤱᤏᤧ ᤀᤡᤱᤃᤠ᤹ ᤛ᤺ᤳᤋᤠᤱᤒᤠᤖᤥ॥ ᤂᤡᤏᤡ᤹ ᤏᤡᤱᤘᤠ᤹ ᤋᤢᤰᤔᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤘᤕᤧᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧᤗᤠᤶᤒᤠ ᤂᤡᤏᤡ᤹ ᤀᤡᤶᤔᤥ᤺ᤰ ᤌᤣᤀᤠᤱ ᤔᤧᤒᤥ᤺ᤰᤂᤧᤴᤗᤥ॥  
\v 10 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰᤐᤠ ᤏᤡᤱᤘᤠ᤹ ᤋᤢᤰᤔᤠᤸᤗᤧᤃ ᤗᤠᤕᤥᤗᤠᤶ ᤔᤏᤠᤜᤠ᤹ ᤔᤧᤜᤡᤴ. ᤜᤧᤰᤁᤩᤠᤱ ᤂᤧᤴ ᤜᤡᤶᤔᤠᤸᤗᤧ ᤛᤧᤴᤗᤵᤐᤥ ᤗᤠᤶᤗᤥᤛᤢᤛᤡ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤗᤥ᤺ᤔᤠ ᤔᤧᤒᤥ᤺ᤱᤏᤧᤸᤗᤥ॥ ᤁᤖ ᤔᤧᤴᤇᤠᤶ ᤕᤠᤵᤔᤡ ᤏᤡᤱᤘᤠ᤹ ᤁᤢᤀᤡᤛᤡ᤺ᤰᤐᤠ ᤏᤡᤱᤘᤠ᤹ ᤋᤢᤰᤔᤠᤸᤗᤧᤃ ᤛᤡ᤺ᤔᤧᤴ ᤋᤠᤖᤢ᤹ᤖᤥ॥  
\v 11 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰᤐᤠ ᤂᤡᤏᤡ᤹ ᤏᤡᤱᤘᤠ᤹ ᤋᤢᤰᤔᤠᤸᤗᤧ ᤂᤡᤏᤡ᤹ᤀᤥ ᤌᤧᤔᤠ ᤆᤥᤃᤢᤀᤠᤱ ᤘᤠ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ ᤂᤧᤸᤗᤧ ᤁᤢᤛᤡᤰᤁᤧᤛᤶᤒᤠ ᤁᤧᤈᤥᤃᤡ᤹ᤀᤠᤱ ᤂᤡᤏᤡ᤹ ᤛᤧᤰᤂᤠᤀᤣ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤆᤥᤃᤡᤃᤧ ᤑᤠ᤹ᤀᤠᤱ ᤀᤥᤛᤣ᤺ᤴᤃᤧᤎᤠᤰᤛᤡᤱᤒᤠ ᤁᤧᤈᤥᤃᤡ᤹ᤖᤥ॥ ᤂᤧᤸᤗᤧ ᤂᤡᤏᤡ᤹ ᤗᤢᤶᤔᤥ ᤗᤠᤕᤥ ᤁᤧᤈᤥ᤺ᤰᤐᤠᤜᤠ᤹ᤏᤢ ᤁᤢᤛᤠᤰᤁᤧᤴ ᤁᤧᤒᤥ᤺ᤰᤐᤠ ᤁᤧᤈᤥᤃᤡ᤹ᤖᤥ॥ ᤂᤧᤸᤗᤧ ᤗᤠᤕᤥ᤺ᤸᤗᤧ ᤋᤠᤖᤢᤒᤠ ᤂᤢᤶᤍᤡᤱᤅᤡᤴᤏᤢ ᤁᤧᤃᤡᤒᤠ ᤁᤧᤛᤡ᤺ᤒᤠ ᤁᤧᤈᤥᤃᤡᤖᤥ॥ ᤂᤧᤸᤗᤧᤃ ᤀᤡᤱᤃᤠ᤹ᤏᤢ ᤋᤢᤶᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠ ᤁᤧᤈᤥᤃᤡ᤹ᤖᤥ॥ ᤂᤧᤸᤗᤧ ᤗᤠᤕᤥ ᤁᤧᤈᤥ᤺ᤰᤐᤠᤜᤠ᤹ ᤂᤢᤶᤍᤡᤱ ᤐᤡᤔᤠᤛᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤠᤛᤡ ᤏᤡᤱᤘᤠ᤹ ᤁᤧᤈᤥ᤺ᤰᤐᤠ ᤁᤧᤈᤥᤃᤡ᤹ᤖᤥ॥ ᤂᤡᤏᤡ᤹ᤃ ᤁᤠᤰ ᤐᤠ᤺ᤴᤏᤥ ᤛᤧᤰᤂᤠᤀᤣ ᤑᤥᤋᤩᤠ ᤔᤧ᤺ᤴᤏᤣᤒᤠ ᤐᤥ᤺ᤱᤔᤠ ᤀᤥᤛᤣ᤺ᤴᤃᤧᤎᤠᤰᤁᤠᤛᤡᤖᤥ॥  
\v 12 ᤜᤧᤰᤁᤩᤠᤱ ᤀᤡᤱᤃᤠ᤹ᤃ ᤐᤠ᤺ᤴ ᤁᤧᤓᤣ᤺ᤶᤒᤠ ᤏᤢ ᤂᤧᤴ ᤐᤠ᤺ᤴᤗᤠᤶ ᤏᤡᤱᤘᤠ᤹ ᤋᤢᤰᤔᤠᤀᤥ ᤁᤧᤎᤠ᤺ᤒᤠᤜᤠ᤹ᤖᤧ ᤗᤠᤃᤡ ᤂᤧᤴ ᤛᤰᤀᤡᤱᤄᤱᤅᤡᤴ ᤛᤠᤵᤋᤢᤱᤒᤠ ᤔᤧ᤺ᤴᤗᤥ॥ ᤁᤖ ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤏᤡᤃᤧ ᤗᤧᤵᤔᤠᤱ ᤀᤠᤰᤂᤧᤴ ᤏᤢ᤺ᤒᤠ ᤏᤡᤱᤘᤠ᤹ ᤁᤧᤃᤳᤋᤢᤶ ᤁᤧᤗ᤹ᤒᤠ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ ᤑᤠ᤹ᤀᤠᤱ ᤛᤠᤵᤋᤢᤱᤒᤠᤖᤥ॥  
\v 13 ᤀᤠᤏᤡᤃᤧᤃ ᤁᤴᤗᤠᤶᤒᤠ ᤜᤠᤱᤜᤠᤱ ᤐᤥ᤺ᤰᤂᤡᤃᤧᤀᤠᤱ ᤘᤕᤡᤃᤧᤖᤥ॥ 
\p ᤂᤧᤴᤏᤢ᤺ᤸᤗᤧᤀᤠᤱ ᤁᤢᤳᤆᤡᤀᤥ ᤋᤡᤋᤛᤧᤴ ᤂᤡᤏᤡ᤹ ᤁᤧᤖᤧᤰᤗᤧ ᤜᤠᤱᤜᤠᤱ ᤁᤧᤔᤧᤳᤋᤢᤶᤔᤠᤱ ᤁᤢᤏᤡᤱᤘᤠ᤹ ᤁᤧᤍᤠ᤺ᤛᤢᤶᤒᤠᤀᤥ ᤀᤠᤏᤡᤃᤧ ᤛᤠ᤹ᤖᤡᤰᤁᤣ ᤛ᤺ᤳᤋᤡᤃᤧᤀᤠᤱ ᤘᤕᤡᤃᤧᤖᤥ॥  
\v 14 ᤂᤡᤏᤡ᤹ ᤀᤠᤏᤧᤒᤥ ᤁᤧᤓᤥ᤺ᤛᤢᤶᤒᤠ ᤐᤠ᤺ᤴᤏᤡᤴ ᤂᤢᤏᤧ᤹ ᤆᤧᤰᤋᤢᤱᤅᤠᤱ ᤘᤕᤠᤱ. ᤜᤧᤰᤁᤩᤠᤱ ᤂᤡᤏᤡ᤹ ᤏᤠᤎᤠ᤺ᤔᤥ ᤕᤠᤵᤔᤡ ᤁᤧᤴᤎᤠᤛᤡᤴᤗᤥ॥ ᤛᤍᤠᤍᤡᤱ ᤀᤠᤏᤡᤃᤧᤃ ᤂᤡᤏᤡ᤹ ᤛᤧᤰᤂᤠ ᤐᤠ᤺ᤴ ᤔᤧᤳᤋᤠᤛᤡᤃᤧᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤀᤠᤏᤡᤃᤧ ᤏᤧᤒᤥ ᤁᤧᤓᤥ᤺ᤛᤢᤶᤒᤠ ᤐᤠ᤺ᤴᤏᤡᤴ ᤋᤡᤋᤛᤧᤴ ᤆᤧᤰᤋᤢᤶᤒᤧᤒᤠ ᤜᤧᤰᤁᤣᤀᤣ ᤛᤧᤰᤂᤠ ᤁᤧᤖᤧᤒᤠᤴ ᤂᤢᤏᤧ᤹ ᤏᤡ᤺ᤛᤢᤀᤠᤱ ᤘᤠ᤹ᤖᤥ॥  
\v 15 ᤜᤧᤰᤁᤩᤠᤱ ᤂᤡᤏᤡ᤹ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤒᤥ᤺ᤰᤂᤡᤀᤠᤱ ᤔᤡᤱᤛᤥ ᤀᤡᤱᤎᤠ᤺ᤱᤏᤢ ᤁᤡ᤺ᤔᤠ ᤕᤱᤔᤠᤀᤥ ᤗᤠᤱᤃᤧᤍᤠ᤺ᤰᤋᤢᤶᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤂᤡᤏᤡ᤹ ᤗᤧᤵᤔᤠᤱ ᤂᤢᤏᤧ᤹ ᤁᤢᤔᤡ᤺ᤶᤈᤡᤴ ᤐᤥ᤺ᤖ ᤐᤳᤗᤥ॥  
\v 16 ᤀᤡᤱᤃᤠ᤹ᤃ ᤂᤡᤏᤡ᤹ᤀᤥ ᤛᤧᤰᤂᤠᤀᤣ ᤋᤠ᤺ᤰᤐᤥ ᤆᤥ᤺ᤰᤔᤠ ᤛᤢᤰᤋᤢᤱ ᤑᤠ᤹ᤀᤠᤱ ᤛ᤺ᤳᤋᤠᤖᤥ॥ 
\c 8  
\s1 ᤏᤡᤱᤘᤠ᤹ ᤜᤶᤔᤠᤀᤠᤱ ᤐᤡᤔᤠ 
\p  
\v 1 ᤀᤠᤸᤗ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤛᤣᤍᤥᤏᤡᤕᤠ ᤌᤢᤶᤔᤥᤒᤠ ᤛᤣᤛᤣᤜᤢᤵᤗᤰᤜᤠ᤹ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠᤴ ᤂᤡᤏᤡ᤹ ᤏᤡᤱᤘᤠ᤹ ᤂᤥ᤺ᤛᤧᤶᤔᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤥᤃᤢᤶᤒᤧᤖᤥ॥  
\v 2 ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤕᤧᤳᤋᤢᤰᤂᤣ ᤔᤧᤍᤢᤔᤢᤛᤠᤱ ᤔᤧᤛ᤺ᤳᤋᤧ. ᤜᤧᤰᤁᤩᤠᤱ ᤕᤠᤱᤔᤧᤛᤠ᤹ᤖᤧᤛᤠᤱ ᤀᤠᤳᤋᤠᤳᤋᤠᤴᤏᤣ ᤂᤢᤏᤡ᤹ ᤏᤡᤱᤘᤠ᤹ ᤔᤧᤜᤴᤍᤢᤀᤠᤱ ᤀᤠᤳᤋᤠᤳᤋᤠᤴᤏᤣ ᤁᤢᤓᤠ᤹ ᤔᤧᤒᤡᤖᤢᤖᤥ॥  
\v 3 ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤢᤰᤛᤢᤰᤗᤰ ᤔᤧ᤺ᤴ. ᤁᤖ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤀᤠᤒᤠᤅᤣ ᤂᤢᤏᤡ᤹ ᤏᤡᤱᤘᤠ᤹ ᤔᤧᤜᤴᤍᤢᤀᤠᤱ ᤔᤧᤒᤡᤖᤢᤒᤠᤴ ᤛᤧᤰᤂᤠᤀᤣ ᤐᤠ᤺ᤳᤋᤢᤱᤗᤥ॥  
\v 4 ᤂᤧᤱᤜᤠ᤹ᤖᤧ ᤕᤖᤢᤛᤗᤧᤔᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤀᤠᤏᤡᤃᤧᤀᤠᤱ ᤁᤢᤓᤠ᤹ ᤐᤡᤔᤠ ᤛᤢᤕᤧᤶ ᤀᤠᤒᤡᤖᤧᤶᤔᤧ᤹ ᤗ᤹ᤖᤡᤰ ᤀᤠᤏᤡᤃᤧ ᤀᤧᤳᤗᤧᤱ ᤐᤣᤗᤡ ᤔᤧᤓᤠᤰᤋᤡᤃᤧᤖᤥ॥  
\v 5 ᤀᤠᤸᤗ ᤂᤧᤱᤜᤠ᤹ᤖᤧᤃ ᤀᤠᤏᤡᤃᤧ ᤏᤡᤱᤛᤠᤱ ᤆᤥ᤺ᤰᤔᤏᤠᤒᤠ ᤜᤧᤰᤁᤣᤖᤰ ᤔᤧᤴᤈᤥᤃᤢᤴᤗᤥ. ᤁᤖ ᤍᤠᤱᤒᤠᤀᤥ ᤋᤃᤡ ᤔᤧᤒᤡᤛᤡᤱ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤠᤏᤡᤃᤧ ᤁᤠᤰ ᤐᤠ᤺ᤴᤜᤠ᤹ ᤔᤧᤄᤧᤵᤛᤢ॥ 
\p  
\v 6 ᤜᤧᤰᤁᤣ᤺ᤸᤗᤧ ᤋᤡᤋᤛᤖᤧᤀᤣ ᤂᤡᤏᤡ᤹ᤀᤥ ᤋᤃᤡ ᤜᤧᤰᤁᤣ ᤆᤥ᤺ᤰᤔᤠ ᤛᤢᤈᤠ ᤁᤧᤒᤡᤖᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤢ᤺ᤒᤠ ᤕᤠ᤺ᤶᤒᤰᤁᤡᤴ ᤆᤥ᤺ᤰᤔᤠ ᤛᤢᤵᤔᤠᤖᤧ ᤗᤠᤃᤡ ᤁᤢᤓᤠ᤹ ᤁᤧᤒᤡᤖᤡᤖ ᤑᤠ᤹ᤀᤠᤱ ᤂᤢᤏᤧ᤹ ᤐᤣᤗᤡ ᤑᤠᤰᤋᤢᤶᤒᤧᤖᤥ॥  
\v 7 ᤂᤡᤏᤡ᤹ᤃ ᤁᤠᤰ ᤐᤠ᤺ᤴᤜᤠ᤹ ᤛᤠ᤹ᤖᤡᤰ ᤏᤢ᤺ᤖᤡᤰ ᤁᤧᤈᤥᤃᤢᤶᤗᤥ–ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤍᤡ᤹. ᤏᤢ᤺ᤖᤡᤰᤁᤠᤱ ᤁᤧᤒᤠᤖᤡ᤹. ᤆᤠ᤺ᤵᤐᤠ ᤁᤧᤈᤥᤃᤡ᤹. ᤛᤡᤰᤗᤢᤱᤔᤥᤗᤠᤶᤒᤠᤀᤣ ᤁᤢᤓᤠ᤹ ᤐᤡᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤁᤧᤃᤳᤋᤢᤶ ᤜᤧᤰᤁᤩᤠᤱ ᤏᤢ᤺ᤖᤡᤰᤁᤠᤱ ᤗᤢᤱᤔᤠ᤹ ᤕᤠᤵᤔᤡ ᤁᤧᤍᤢᤰᤋᤡ᤹॥ ᤜᤧᤰᤁᤣᤗ᤹ᤖᤡᤰᤁᤣ ᤁᤴ ᤐᤡᤔᤠ ᤏᤢ᤺ᤒᤠ ᤕᤠ᤺ᤶᤒᤰᤁᤥᤀᤠᤱ ᤀᤠᤳᤋᤠᤳᤋᤠᤴᤏᤣ ᤂᤡᤏᤡ᤹ ᤏᤡᤱᤘᤠ᤹ ᤜᤴᤍᤧᤶᤔᤧ᤹ᤀᤠᤱ ᤐᤡᤖᤧᤶᤔᤧ᤹ᤀᤥ॥  
\v 8 ᤁᤱᤃ ᤀᤡᤱᤃᤠ᤹ ᤂᤡᤏᤡ᤹ ᤁᤧᤈᤥᤃᤢᤶᤗᤀᤣ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤈᤠ᤺ᤱ ᤐᤡᤏᤡᤱᤒᤠ ᤔᤧ᤺ᤴᤗᤥ. ᤁᤖ ᤘᤣ᤹ᤜᤠ᤹ᤖᤧ ᤛᤡᤰᤗᤢᤱᤔᤥᤗᤠᤶᤒᤠᤀᤣ ᤁᤢᤓᤠ᤹ ᤐᤡᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤔᤧᤃᤳᤋᤢᤒᤠᤴᤏᤢ ᤋᤱᤄᤢᤱᤗ ᤂᤡᤏᤡ᤹ ᤘᤣ᤹ᤜᤠ᤹ ᤛᤧᤰᤂᤠᤀᤣ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶᤒᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤛᤠ᤹ᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠᤖᤥ॥  
\v 9 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤢᤏᤧ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤆᤥᤃᤧᤛᤠᤱ. ᤁᤢᤕᤠᤱᤛᤠ᤹ᤔᤠᤴᤗᤠᤶᤒᤠ ᤂᤡᤏᤡ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤁᤧᤒᤥ᤺ᤰᤂᤡᤖ ᤑᤠ᤹ᤀᤠᤱ ᤂᤡᤏᤡ᤹ ᤗᤠᤃᤡ ᤂᤢᤏᤧ᤹ ᤕᤠᤱᤃᤧᤛᤠ᤹ᤒᤠ ᤐᤥ᤺ᤰᤂᤧᤖᤥ॥ 
\p  
\v 10 ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤥᤃ ᤂᤡᤏᤡ᤹ ᤀᤰᤂᤣᤗ᤹ᤖᤡᤰ ᤛᤢᤈᤠ ᤐᤡᤏᤡᤱᤗᤥ–ᤔᤡ᤺ᤳᤗᤡᤱ ᤂᤡᤏᤡ᤹ ᤁᤧᤜᤣ᤺ᤰᤋᤢᤶᤒᤠ ᤐᤡᤔᤠ ᤕᤠ᤺ᤶᤒᤰᤁᤡᤴ ᤀᤠᤸᤗ ᤁᤧᤛᤢᤖᤢᤶᤔᤡᤸᤗᤧ ᤏᤢ᤺ᤒᤠ ᤐᤥ᤺ᤱᤗᤥ॥ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤐᤡᤔᤥᤖᤰ ᤔᤧ᤺ᤴ. ᤁᤖ ᤜᤧᤰᤋᤱᤒᤠ ᤁᤢᤓᤠ᤹ ᤐᤡᤔᤠ ᤏᤡᤱᤘᤠ᤹ ᤆᤥ᤺ᤰᤔᤠᤀᤥᤀᤠᤱ ᤁᤠᤰᤏᤢ ᤋᤃᤡ ᤁᤧᤘᤕᤡᤖᤥ॥  
\v 11 ᤀᤠᤸᤗ ᤂᤧᤴ ᤕᤠ᤺ᤶᤒᤰᤁᤡᤴ ᤛᤢᤖᤧᤶᤔᤧ᤹ᤀᤥ॥ ᤜᤧᤰᤁᤣ᤺ᤸᤗᤧ ᤐᤡᤔᤠ ᤏᤡᤱᤘᤠ᤹ ᤆᤥ᤺ᤰᤔᤠᤀᤥ ᤕᤠᤖᤡᤵ ᤁᤧᤘᤕᤡᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤁᤧᤃᤳᤋᤢᤶᤒᤠᤀᤥᤗᤠᤶᤔᤣ ᤂᤧᤴ ᤕᤠ᤺ᤶᤒᤰᤁᤡᤴ ᤆᤢ᤺ᤳᤗᤖᤥ॥  
\v 12 ᤂᤡᤏᤡ᤹ ᤐᤡᤔᤠ ᤏᤡᤱᤘᤠ᤹ ᤁᤧᤃᤳᤋᤢᤶᤏᤧ ᤑᤠ᤹ᤃᤪ ᤆᤩᤠ ᤁᤧᤃᤳᤋᤢᤶ ᤒᤠ ᤂᤧᤴᤗᤠᤶᤒᤠ ᤁᤧᤒᤡᤖᤢᤶᤒᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢ᤹ᤖᤥ. ᤁᤖ ᤁᤧᤱᤃᤳᤋᤢᤶᤔᤡᤴᤒᤠᤴ ᤔᤧᤃᤥ᤺ᤳᤋᤢᤴᤗᤥ॥  
\v 13 ᤂᤡᤏᤡ᤹ ᤘᤣ᤹ᤜᤠ᤹ ᤕᤠᤱᤕᤠᤱ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤕᤖᤡᤰ ᤁᤧᤒᤡᤖᤢᤶᤛᤡᤶᤒᤠᤸᤗᤧ ᤋᤢᤰᤂᤣ ᤁᤧᤈᤩᤧ᤹ᤀᤡᤖ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ᤃ ᤜᤥ᤺ᤵᤗᤥ. ᤁᤖ ᤁᤧᤖᤧᤰᤁᤥ ᤁᤢᤍᤱᤒᤠ ᤐᤥ᤺ᤱᤗᤖᤥ॥  
\v 14 ᤁᤖ ᤁᤴ ᤕᤧᤶᤔᤥ ᤂᤡᤏᤡ᤹ ᤕᤖᤡᤰ ᤁᤧᤃᤳᤋᤢᤶᤒᤠᤗᤠᤶ ᤁᤧᤛᤠᤰᤐᤥ ᤁᤧᤘᤠ᤹ᤒᤠᤜᤠ᤹ ᤁᤢᤓᤠ᤹ ᤐᤡᤔᤠ ᤁᤧᤛᤢᤰᤋᤢᤶᤛᤡᤶ. ᤜᤧᤰᤁᤣᤗ᤹ᤖᤡᤰ ᤋᤠ᤺ᤴᤍᤡ ᤂᤡᤏᤡ᤹ ᤁᤧᤛᤠᤰᤐᤥ ᤁᤧᤘᤕᤡᤸᤗᤧ ᤂᤧᤱᤜᤠ᤹ᤖᤧ ᤕᤖᤡᤰ ᤔᤧᤃᤳᤋᤢᤒᤠᤗᤠᤶᤒᤠ ᤁᤢᤓᤠ᤹ ᤐᤡᤔᤠ ᤁᤧᤶᤛᤢᤰᤋᤡᤖᤥ॥ ᤜᤧᤰᤁᤣᤗ᤹ᤖᤡᤰ ᤁᤧᤖᤧᤰᤁᤥ ᤁᤢᤍᤱᤒᤠ ᤐᤥ᤺ᤱᤗᤥ॥  
\v 15 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤠᤳᤋᤡᤸᤗᤧ ᤕᤖᤡᤰ ᤛᤢᤵᤛᤢ. ᤂᤧᤸᤗᤧᤴ ᤀᤠᤳᤋᤠᤳᤋᤠᤴᤏᤣ ᤕᤖᤡᤰ ᤔᤧᤒᤥ᤺ᤰᤂᤧᤴ. ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ᤆᤩ᤹ᤖᤰ ᤛᤢᤵᤛᤢ. ᤂᤧᤸᤗᤧᤴᤏᤠᤱ ᤛᤠ᤹ᤖᤡᤰ ᤛᤢ᤺ᤸᤗᤡᤰ ᤔᤧᤒᤥ᤺ᤰᤂᤧᤴᤗᤥ॥”\f * \fr 8:15 \ft ᤀᤡᤛᤪᤠᤀᤡᤗᤡᤜᤠ᤹ ᤔᤡᤛᤪᤗᤠᤶ ᤔᤧᤗ᤺ᤴᤍᤧ ᤔᤧᤓᤧᤖᤧᤀᤠᤱ ᤗᤠᤶᤍᤡ᤺ᤰ ᤔᤧᤈᤥᤃᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤔᤴᤏᤠ ᤔᤧᤵᤔᤏᤠᤒᤠ ᤁᤢᤈᤠ ᤐᤡᤖᤢᤛᤡᤀᤠᤱ ᤘᤕᤧ॥ ᤂᤧᤴ ᤁᤢᤈᤠ᤺ᤴ ᤌᤡᤰ ᤕᤧᤴᤖᤧ ᤗᤠᤃᤡᤖᤰ ᤋᤠᤏᤠᤶᤛᤠ ᤛᤢᤶᤔᤠ ᤁᤧᤒᤥ᤺ᤱᤒᤠ ᤘᤕᤧ (ᤗᤠᤶᤍᤡ᤺ᤰ ᥇᥌.᥇᥎)॥\f* 
\s1 ᤋᤡᤋᤛᤧᤴ ᤁᤥᤖᤴᤌᤡ ᤕᤧᤰᤕᤰᤁᤥ ᤔᤧᤒᤠᤱᤄᤢ᤹ 
\p  
\v 16 ᤀᤡᤱᤃᤠ᤹ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤏᤡᤱᤘᤠ᤹ ᤀᤡ᤺ᤳᤋᤢᤱᤒᤠ ᤁᤢᤀᤡᤛᤡ᤺ᤰ ᤋᤡᤋᤛᤧᤴᤏᤠᤱ ᤂᤡᤏᤡ᤹ ᤏᤡᤱᤘᤠ᤹ ᤀᤡ᤺ᤵᤔᤠ ᤁᤧᤒᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤱᤗᤥ॥  
\v 17 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤡᤏᤡ᤹ ᤋᤢᤶᤔᤠᤖᤧ ᤗᤠᤃᤡ ᤀᤠᤏᤡᤃᤧ ᤐᤣᤗᤡ᤺ᤴ ᤋᤧᤴᤍᤡᤱᤖᤰ ᤔᤧᤈᤥᤃᤢᤴ. ᤁᤖ ᤂᤢᤏᤧ᤹ ᤀᤠᤒᤠᤅᤣ ᤂᤡᤏᤡ᤹ ᤋᤢᤶᤛᤧ ᤋᤠ᤺ᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢ᤹ᤖᤥ॥  
\v 18 ᤜᤧᤰᤁᤩᤠᤱ ᤀᤠᤏᤡᤃᤧ ᤂᤢᤏᤧ᤹ᤏᤢᤀᤣ ᤁᤠᤰ ᤛᤣᤛᤣᤜᤢᤵᤗᤰᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤥ ᤁᤧᤀᤡᤱᤒᤠ ᤘᤣ᤹ ᤏᤢᤛᤠ᤹ᤎᤡᤰ ᤐᤠᤱᤄᤢᤶᤒᤧᤖ ᤐᤳᤇᤡᤃᤧᤖᤥ॥  
\v 19 ᤂᤧᤶᤔᤩᤠᤰᤗᤰ ᤔᤧ᤺ᤴ. ᤁᤖ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤂᤧᤴ ᤏᤢᤛᤠ᤹ᤀᤡᤱᤃ ᤁᤢᤓᤠ᤹ ᤕᤠᤱᤅᤡᤴ ᤕᤖᤢᤛᤗᤧᤶᤔᤥ ᤋᤣ᤹ᤔᤠᤖᤧ ᤗᤠᤃᤡ ᤀᤠᤏᤡᤃᤧᤏᤢ ᤐᤣ᤺ᤰᤗ ᤑᤠ᤹ᤀᤠᤱ ᤔᤧᤛᤣᤃᤢᤀᤠᤱ ᤘᤕᤧᤖᤥ॥ ᤁᤴ ᤔᤠᤱᤛᤣᤘᤠ᤺ᤱᤃ ᤍᤠᤱᤒᤠᤸᤗᤧ ᤁᤢᤏᤠᤖᤠ ᤑᤥ᤺ᤔᤠ ᤑᤠ᤹ᤀᤠᤱ ᤜᤧᤰᤁᤩᤠᤱ ᤀᤠᤏᤡᤃᤧ ᤘᤣ᤹ᤜᤠ᤹ ᤁᤢᤓᤠ᤹ ᤐᤡᤔᤠᤛᤡ ᤏᤡᤱᤘᤠ᤹ ᤁᤳᤋᤢᤶᤒᤧ ᤁᤧᤗ᤹ᤒᤠ ᤀᤥᤛᤣ᤺ᤴᤍᤠᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤆᤥᤃᤢᤶᤒᤧᤖᤥ॥  
\v 20 ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ ᤔᤧᤜᤴᤍᤢᤀᤠᤱ ᤔᤧᤒᤡᤖᤢᤒᤠ ᤁᤴ ᤕᤖᤡᤰ ᤁᤢᤓᤠ᤹ ᤕᤠᤱᤅᤡᤴ ᤋᤣ᤹ᤖᤢᤶᤒᤧᤀᤠᤱ ᤔᤏᤠᤜᤠ᤹ ᤜᤠ᤺ᤳᤋᤢᤶᤛᤡᤶᤒᤧᤸᤗᤧ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤆᤧ᤹ᤕᤠ ᤀᤡᤱᤍᤥ ᤐᤠ᤺ᤵᤔᤠ ᤔᤧᤱᤄᤥ᤺ᤛᤢᤴᤗ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤶᤒᤧᤖᤥ॥  
\v 21 ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤧᤃ ᤍᤠᤱᤒᤠᤸᤗᤧ ᤁᤢᤏᤡ᤺ᤔᤠᤀᤥᤖᤰ ᤔᤧ᤺ᤴ. ᤁᤖ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤸᤗᤧᤀᤠᤱ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤡᤃᤧᤖᤥ॥ 
\p  
\v 22 ᤜᤧᤰᤁᤩᤠᤱ ᤂᤢᤴᤇᤡ᤹ᤏᤢ ᤘᤣ᤹ ᤏᤢᤛᤠ᤹ᤎᤡᤰᤁᤠᤱ ᤐᤠᤱᤄᤢᤶᤒᤧᤖ ᤐᤳᤇᤡᤃᤧᤖᤥ॥ ᤂᤢᤏᤧ᤹ᤃ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤥ ᤕᤠᤶᤈᤠᤱᤘᤠ ᤁᤢᤎᤡᤶ ᤆᤥ᤺ᤰ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤕᤖᤡᤰ ᤐᤖᤡᤰᤗᤧ ᤕᤠᤵᤔᤡ ᤀᤥᤛᤣ᤺ᤴᤎᤠᤰᤋᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤡᤏᤡ᤹ ᤛᤶᤍᤠᤱ ᤐᤕᤶ ᤋᤠ᤺ᤰᤐᤥ ᤕᤢᤰᤂᤢᤒᤠᤸᤗᤧ ᤆᤥᤃᤢᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤕᤠᤶᤈᤠᤱᤘᤠ ᤁᤢᤎᤡᤶ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥  
\v 23 ᤋᤡᤋᤛᤧᤱᤃ. ᤀᤡᤱᤃᤠ᤹ᤏᤢ ᤛᤥᤖᤡᤰᤁᤣ ᤂᤡᤏᤡ᤹ ᤁᤢᤓᤠ᤹ ᤐᤡᤔᤠᤀᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤀᤠᤴᤈᤢᤶᤗᤥ॥ ᤜᤧᤰᤁᤩᤠᤱ ᤂᤧᤴ ᤏᤢᤛᤠ᤹ᤜᤠ᤹ᤃ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤔᤧᤒᤠᤱᤄᤢᤛᤡᤒᤠ ᤀᤡᤱᤛᤠᤒᤠᤛᤡ ᤏᤢ ᤂᤪᤡᤛ᤻ᤋᤖᤧ ᤁᤢᤔᤡᤔᤡᤍᤡᤱ ᤁᤧᤈᤥ᤺ᤰᤐᤠᤛᤡᤖᤥ॥  
\v 24 ᤂᤧᤸᤗᤧ ᤆᤥᤃᤢᤸᤗᤧ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤔᤧᤏᤡ᤺ᤛᤢᤖ ᤑᤠ᤹ᤀᤠᤱ ᤂᤡᤏᤡ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶᤒᤠᤴ ᤏᤢ ᤂᤡᤏᤡ᤹ ᤁᤧᤈᤥᤃᤢᤶᤔᤡᤸᤗᤧ ᤀᤠᤏᤡᤃᤧ ᤏᤧᤒᤥ ᤐᤥ᤺ᤖᤧᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ᤀᤥ ᤁᤧᤍᤠ᤺ᤒᤠᤜᤠ᤹ ᤀᤥᤛᤣ᤺ᤴᤎᤠᤰᤋᤧᤶᤛᤡᤶᤔᤧ᤹ᤀᤥ॥ 
\c 9  
\s1 ᤕᤖᤢᤛᤗᤧᤶᤛᤔᤠ ᤏᤛᤠᤏᤡᤒᤠᤜᤠ᤹ᤖᤧ ᤗᤠᤃᤡ ᤁᤢᤓᤠ᤹ᤕᤠᤱ 
\p  
\v 1 ᤕᤖᤢᤛᤗᤧᤶᤛᤔᤠ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤗᤠᤃᤡ ᤁᤢᤓᤠ᤹ ᤕᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤡᤏᤡ᤹ ᤛᤠᤵᤔᤠᤖ ᤏᤧᤔᤠ ᤀᤡᤱᤃᤠ᤹ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴᤗᤥ॥  
\v 2 ᤌᤣᤀᤠᤱᤓᤧᤸᤗᤧ ᤁᤢᤓᤠ᤹ ᤐᤡᤖᤢᤶᤛᤡᤶ ᤁᤧᤗ᤹ᤒᤠ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤀᤡᤱᤃᤠ᤹ ᤏᤡ᤺ᤛᤢᤱ. ᤜᤧᤰᤁᤩᤠᤱ ᤂᤡᤏᤡ᤹ ᤀᤰᤂᤤᤕᤠ ᤌᤢᤶᤔᤥ ᤁᤧᤘᤠ᤹ᤒᤠᤜᤠ᤹ ᤁᤢᤓᤠ᤹ ᤐᤡᤔᤠ ᤕᤠ᤺ᤶᤒᤰᤁᤥ ᤔᤡ᤺ᤳᤗᤡᤱᤅᤠᤱᤎᤥᤀᤣ ᤕᤠᤖᤡᤵ ᤁᤧᤘᤕᤡᤒᤠᤸᤗᤧ ᤀᤡᤱᤃᤠ᤹ ᤀᤠᤏᤧᤒᤥ ᤐᤥ᤺ᤖᤧᤀᤠᤱ ᤘᤠ᤹ᤒᤠ ᤐᤠ᤺ᤴᤏᤡᤴ ᤔᤧᤛᤣᤍᤥᤏᤡᤕᤠ ᤌᤢᤶᤔᤥᤒᤠ ᤔᤏᤠᤜᤠ᤹ ᤔᤧᤳᤋᤢᤱᤛᤡᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤁᤢᤓᤠ ᤐᤡᤔᤠ ᤕᤠᤖᤡᤵ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤀᤥ ᤕᤖᤡᤰᤗᤧ ᤁᤢᤓᤠ ᤐᤡᤔᤠ ᤕᤠᤶᤈᤠᤱᤘᤠ ᤔᤧᤄᤥ᤺ᤛᤢᤀᤠᤱ ᤔᤧᤘᤠ᤹ᤖᤥ॥  
\v 3 ᤜᤧᤰᤁᤩᤠᤱ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤡᤱᤃᤠ᤹ ᤀᤠᤏᤧᤒᤥ ᤐᤥ᤺ᤖᤧᤒᤠ ᤐᤠ᤺ᤴᤏᤡᤴ ᤜᤏᤧ ᤔᤧᤒᤥ᤺ᤱᤅᤡᤴᤗ ᤁᤖ ᤂᤧᤱᤜᤠ᤹ ᤔᤧᤳᤋᤢᤱᤛᤡᤱᤒᤠ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ ᤕᤠᤖᤡᤵ ᤁᤧᤒᤥ᤺ᤰᤂᤡᤀᤠᤱ ᤁᤧᤕᤢᤅᤡᤖ ᤑᤠ᤹ᤀᤠᤱ ᤋᤃᤡᤀᤣ ᤁᤵᤔᤥᤗᤠᤶ ᤑᤢ᤹ᤏᤢᤛᤠ᤹ᤜᤠ᤹ ᤂᤡᤏᤡ᤹ᤀᤥ ᤐᤠᤱᤄᤢᤱᤛᤡᤱᤗ ᤐᤳᤋᤠᤖᤥ॥  
\v 4 ᤁᤢᤓᤠ ᤔᤧᤛᤣᤍᤥᤏᤡᤕᤠᤒᤠ ᤔᤏᤠᤜᤠ᤹ ᤀᤡᤱᤃᤠ᤹ᤏᤢ ᤂᤧᤵᤔᤥ ᤔᤧᤍᤠ᤺ᤸᤗᤧ ᤀᤡᤱᤃᤠ᤹ ᤔᤧᤳᤋᤢᤱᤛᤡᤱᤒᤠ ᤁᤢᤀᤡᤛᤡ᤺ᤰ ᤂᤧᤴ ᤕᤠ᤺ᤶᤒᤰᤁᤥ ᤕᤠᤖᤡᤵ ᤔᤧᤶᤒᤥ᤺ᤱᤅᤣ ᤁᤧᤘᤕᤡᤒᤠ ᤁᤧᤶᤍᤢᤔᤡᤏᤧ ᤑᤠ᤹ᤃᤪ ᤀᤠᤏᤡᤃᤧᤖᤰ ᤔᤧ᤺ᤴ. ᤁᤖ ᤂᤡᤏᤡ᤹ᤀᤠᤱ ᤛᤠ᤹ᤖᤡᤰ ᤛᤡᤖᤡᤱᤔ᤺ᤔᤥ ᤁᤧᤎᤩᤧ᤹ᤀᤡᤖᤥ॥  
\v 5 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤔᤠᤱᤜᤧᤰ ᤁᤧᤈᤥᤃᤢᤶᤒᤠ ᤁᤢᤀᤡᤛᤡ᤺ᤰ ᤁᤢᤓᤠ᤹ ᤕᤠᤱᤅᤡᤴ ᤕᤠᤖᤡᤵ ᤆᤥ᤺ᤰᤔᤠ ᤁᤧᤛᤢᤰᤋᤢᤶᤗ ᤑᤠ᤹ᤀᤠᤱ ᤂᤧᤴ ᤑᤢ᤹ᤏᤢᤛᤠ᤹ᤜᤠ᤹ ᤀᤡᤱᤃᤠ᤹ᤏᤢ᤺ᤸᤗᤧ ᤋᤃᤡ ᤂᤡᤏᤡ᤹ᤀᤥ ᤐᤠᤱᤔᤠᤛᤡ ᤏᤢ᤺ᤒᤠ ᤐᤥ᤺ᤱ ᤁᤧᤗ᤹ᤒᤠ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥ ᤜᤧᤰᤁᤣ᤺ᤸᤗᤧ ᤂᤧᤴ ᤁᤢᤓᤠ᤹ ᤕᤠᤱᤅᤡᤱᤃ ᤏᤡᤱᤘᤠ᤹ ᤋᤢᤰᤗ ᤔᤧ᤺ᤴ. ᤁᤖ ᤏᤡᤱᤘᤠ᤹ ᤜᤶᤔᤠᤀᤠᤱ ᤐᤡᤔᤠ ᤐᤥ᤺ᤱᤗᤥ॥ 
\p  
\v 6 ᤁᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ. ᤀᤠᤳᤋᤡᤸᤗᤧ ᤆᤩ᤹ᤖᤰ ᤕᤠ᤹ᤖᤡ᤺ᤶᤒᤧᤴ ᤜᤣ᤹ᤖᤢ. ᤂᤧᤸᤗᤧ ᤆᤩ᤹ᤖᤰ ᤆᤠ ᤛᤢᤵᤛᤢ᤹ᤖᤥ॥ ᤀᤠᤳᤋᤡᤸᤗᤧ ᤕᤖᤡᤰ ᤕᤠ᤹ᤖᤡ᤺ᤶᤒᤠ ᤜᤣ᤹ᤖᤢ. ᤂᤧᤸᤗᤧ ᤕᤖᤡᤰᤁᤣ ᤆᤠ ᤛᤢᤵᤛᤢ᤹ᤖᤥ॥  
\v 7 ᤁᤧᤖᤧᤰ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤴᤍᤧᤴᤏᤣ ᤔᤧ᤺ᤴ. ᤁᤖ ᤁᤶᤔᤩᤠᤰ ᤐᤡᤔᤠ ᤛᤢᤰᤋᤢᤶᤒᤧ᤹ ᤗ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ᤀᤥ ᤏᤡ᤺ᤴᤎᤥ ᤔᤧᤈᤥᤃᤢᤒᤠ ᤁᤢᤀᤡᤛᤡ᤺ᤰ ᤔᤧᤒᤡᤖᤢᤖᤖᤥ॥ ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤸᤗᤧ ᤁᤢᤛᤡᤖᤠ᤹ ᤌᤠᤱᤗ ᤐᤡᤖᤢ᤹. ᤂᤧᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤋᤢᤰᤋᤢ᤹ᤖᤥ॥  
\v 8 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤴᤍᤢᤀᤠᤱ ᤂᤡᤏᤡ᤹ ᤆᤠᤜᤠᤒᤠ ᤁᤧᤈᤥᤃᤡᤒᤠᤏᤢ᤺ᤸᤗᤧᤀᤠᤱ ᤕᤖᤡᤰ ᤁᤧᤒᤡᤖᤡ᤹ᤖᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ ᤛᤍᤠᤍᤡᤱ ᤁᤧᤃᤳᤋᤢᤶᤔᤠᤱ ᤁᤠᤰ ᤏᤢ᤺ᤒᤠ ᤕᤠ᤺ᤶᤒᤰᤁᤥ ᤕᤖᤡᤰ ᤐᤡᤔᤠ ᤁᤧᤛᤢᤰᤋᤢᤶᤗᤥ॥  
\v 9 ᤀᤰᤂᤣᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. 
\q1 “ᤏᤡᤱᤘᤠ᤹ ᤁᤧᤜᤶᤒᤠᤀᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ ᤁᤧᤒᤡᤒᤠᤜᤠ᤹ᤖᤧ ᤂᤢᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰᤁᤡᤴ ᤛᤍᤠᤍᤡᤱ ᤛᤍᤠᤍᤡᤱ ᤘᤠ᤹ᤖᤥ॥”\f * \fr 9:9 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥈.᥏\f* 
\m  
\v 10 ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠ᤺ᤴᤁᤧᤔ᤺ᤒᤠᤜᤠ᤹ ᤕᤠ᤹ᤖᤡ᤺ᤶᤒᤠ ᤐᤡᤖᤢᤛᤡ ᤜᤧᤰᤁᤩᤠᤱ ᤆᤠᤔᤠ ᤁᤢᤈᤠ ᤐᤡᤖᤢᤛᤡ᤹ᤖᤥ॥ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ᤀᤣ ᤂᤡᤏᤡ᤹ ᤁᤧᤃᤳᤋᤢᤶᤒᤠᤴᤏᤠᤱ ᤑᤥ᤺ᤛᤢ᤹ ᤁᤧᤒᤡᤖᤡ᤹. ᤜᤧᤰᤁᤩᤠᤱ ᤂᤡᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰᤁᤡᤴ ᤑᤥ᤺ᤛᤢ᤹ ᤁᤧᤒᤡᤖᤡ᤹ᤖᤥ॥ 
\p  
\v 11 ᤂᤡᤏᤡ᤹ᤃ ᤏᤡᤱᤘᤠ᤹ ᤜᤶᤔᤠᤀᤠᤱ ᤐᤡᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤰᤂᤡᤖ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤐᤖᤡᤰᤗᤧ ᤔᤢ᤹ᤀᤡᤛᤠᤒᤠ ᤁᤧᤈᤥᤃᤡ᤹ᤖᤥ॥ ᤜᤧᤰᤁᤩᤠᤱ ᤀᤠᤏᤡᤃᤧ ᤂᤡᤏᤡ᤹ ᤁᤧᤛᤢᤵᤛᤢᤶᤒᤠ ᤁᤢᤓᤠ᤹ ᤕᤠᤱᤅᤡᤴ ᤆᤠᤜᤠᤒᤥ ᤁᤧᤘᤠ᤹ᤒᤠᤜᤠ᤹ ᤐᤡᤖᤢᤶᤛᤡᤶᤒᤧᤸᤗᤧ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤔᤧᤒᤡᤖᤢ᤹ᤖᤥ॥  
\v 12 ᤂᤡᤏᤡ᤹ ᤁᤧᤛᤢᤵᤛᤢᤶᤒᤠ ᤁᤢᤓᤠ᤹ ᤕᤠᤱᤅᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤆᤠᤜᤠᤒᤠ ᤔᤧᤈᤥᤃᤧᤀᤠᤱ ᤔᤧᤘᤕᤧᤒᤠᤀᤥ ᤁᤢᤓᤠ᤹ᤖᤰ ᤔᤧᤒᤥ᤺ᤰᤂᤧᤴ ᤁᤖ ᤁᤴ ᤕᤠ᤺ᤶᤒᤰᤁᤡᤸᤗᤧᤃ ᤕᤖᤡᤰ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤔᤧᤒᤡᤖᤢᤖᤥ॥  
\v 13 ᤁᤴ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤥᤗᤠᤶ ᤂᤡᤏᤡ᤹ ᤀᤠᤰᤋᤱᤒᤠ ᤁᤧᤈᤥᤃᤡ᤹ ᤁᤧᤗ᤹ᤒᤠᤴ ᤘᤣ᤹ᤜᤠ᤹ ᤀᤥᤛᤣ᤺ᤴᤃᤧᤎᤠᤰᤋᤢᤶᤛᤡᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤡᤏᤡ᤹ ᤂᤪᤡᤛ᤻ᤋᤖᤧ ᤁᤢᤛᤢᤏᤠᤀᤡᤱᤅᤡᤴ ᤏᤛᤠ᤺ᤴ ᤁᤧᤈᤥᤃᤢᤶᤔᤠᤱ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤒᤥ᤺ᤰᤂᤡᤒᤠᤴ. ᤜᤧᤰᤁᤩᤠᤱ ᤁᤧᤃᤳᤋᤢᤶᤒᤠ ᤐᤠ᤺ᤴᤜᤠ᤹ ᤂᤡᤏᤡ᤹ ᤏᤡᤱᤘᤠ᤹ ᤁᤧᤜᤴᤍᤢᤶᤔᤠᤱ ᤁᤧᤖᤧᤰ ᤁᤧᤜᤠ᤺ᤳᤋᤢᤶᤛᤡᤶᤒᤠᤴ ᤔᤧᤏᤡ᤺ᤛᤢᤒᤠᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢ᤹ᤖᤥ॥  
\v 14 ᤜᤧᤰᤁᤩᤠᤱ ᤂᤡᤏᤡ᤹ᤀᤥᤗᤠᤶ ᤁᤧᤍᤠ᤺ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧᤃ ᤛᤡᤰᤗᤢᤱᤔᤥᤗᤠᤶ ᤂᤡᤏᤡ᤹ᤗᤠᤃᤡ ᤋᤢᤘᤠ ᤔᤧᤈᤥᤃᤢ᤹ᤖᤥ॥ 
\p  
\v 15 ᤛᤠ᤹ᤖᤡᤰ ᤀᤡᤔᤧᤸᤗᤢᤱᤒᤠ ᤁᤢᤒᤷᤎᤠᤶᤔᤡᤸᤗᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ᥄ 
\c 10  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤓᤧᤈᤢᤶ ᤁᤢᤓᤧᤕᤠᤜᤠ᤹ 
\p  
\v 1-2 ᤀᤡᤱᤃᤠ᤹ ᤐᤠᤘᤗᤧᤴ ᤂᤡᤏᤡ᤹ᤏᤢ ᤘᤠ᤹ᤀᤠᤸᤗᤧ ᤏ᤺ᤶᤏ᤺ᤶ ᤗ᤹ᤀᤠᤔᤢ. ᤁᤖ ᤔᤠ᤺ᤱᤄᤠ ᤘᤠ᤹ᤀᤠᤸᤗᤧ ᤁᤧᤀᤠ᤺ᤶᤒᤠ ᤆᤥ᤺ᤰᤁᤠᤔᤢ ᤗ᤹ᤖᤡᤰ ᤂᤡᤏᤡ᤹ ᤗᤢᤶᤔᤥ ᤁᤢᤓᤠᤖᤧ ᤁᤧᤒᤠ᤺ᤳᤋᤢᤶᤔᤢ॥ ᤀᤠᤸᤗ ᤁᤧᤏᤢ᤹ᤒᤠ ᤏᤢ ᤗᤢᤶᤗᤢᤶᤒᤠ ᤂᤪᤡᤛ᤻ᤋᤖᤧ ᤁᤢᤕᤢᤰᤁᤥᤗᤠᤶ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤋᤠᤀᤠᤸᤗᤧ ᤁᤧᤀᤠ᤺ᤶᤒᤠ ᤐᤠ᤺ᤴ ᤐᤠ᤺ᤵᤔᤠ ᤕᤠᤵᤔᤡ ᤔᤧᤒᤠᤱᤄᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱ. ᤌᤣᤀᤠᤱᤓᤧᤸᤗᤧ ᤛᤧᤰᤂᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ ᤜᤧᤰᤋᤱᤒᤠ ᤁᤧᤈᤥᤃᤡ᤹ ᤗ᤹ᤖᤡᤰ ᤕᤠᤵᤔᤡ ᤁᤧᤔᤧᤵᤐᤠᤜᤠ᤹ᤏᤢ ᤀᤡᤱᤃᤠ᤹ ᤁᤧᤀᤠ᤺ᤶᤒᤠᤀᤣ ᤐᤥ᤺ᤱᤔᤠ ᤛᤢᤰᤁᤠᤖᤥ॥  
\v 3 ᤀᤠᤏᤡ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤘᤠ᤹ᤛᤠᤱ ᤀᤡᤰᤛᤠᤒᤠ ᤔᤧᤴᤇᤠᤶ ᤕᤠᤵᤔᤡ ᤁᤢᤀᤡᤛᤡ᤺ᤰ ᤌᤱ ᤀᤠᤴᤈᤥᤃᤢᤶᤔᤡᤴᤗᤥ॥  
\v 4 ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤌᤱᤅᤥ ᤕᤠᤱᤔᤏᤠᤒᤠ ᤑᤧᤈᤢᤶ ᤑᤧᤕᤠᤜᤠ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤧ᤺ᤴ. ᤁᤖ ᤀᤠᤏᤡ᤹ ᤑᤧᤈᤢᤶ ᤑᤧᤕᤠᤜᤠ᤹ᤃ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤢᤰᤛᤠᤶ ᤏᤠ᤺ᤶᤔᤠ ᤁᤧᤛᤢᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤴᤗᤥ॥  
\v 5 ᤀᤠᤏᤡ᤹ ᤁᤴ ᤑᤧᤈᤢᤶ ᤑᤧᤕᤠᤜᤠ᤹ᤗᤠᤶ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤀᤡᤱᤗᤧᤰᤁᤣ ᤐᤠ᤺ᤴᤎᤱᤜᤠ᤹ ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗ ᤑᤠ᤹ᤀᤠᤱ ᤁᤧᤒᤥ᤺ᤰᤐᤠ ᤀᤠᤄᤄᤒᤠ ᤐᤠ᤺ᤴᤜᤠ᤹ ᤀᤠᤏᤠ᤺ᤴᤍᤢᤶᤗᤥ॥ ᤜᤧᤰᤁᤩᤠᤱ ᤁᤧᤖᤧᤰ ᤔᤧᤀᤡ᤺ᤳᤋᤢᤒᤠ ᤑᤧᤴ ᤏᤡᤱᤘᤠ᤹ᤜᤠ᤹ ᤐᤢᤱᤗᤠᤎᤠᤒᤠᤴ ᤋᤧᤶᤏᤠ ᤋᤠ᤺ᤵᤔᤏᤠᤒᤠ ᤁᤢᤀᤡᤛᤡ᤺ᤰ ᤂᤪᤡᤛ᤻ᤋᤖᤧ ᤁᤢᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤕᤢᤰᤁᤥ ᤀᤠᤍᤠᤖᤢᤶᤗᤥ॥  
\v 6 ᤜᤧᤰᤁᤩᤠᤱ ᤂᤡᤏᤡ᤹ ᤀᤡᤱᤈᤠ᤺ᤱᤃᤧᤶᤒᤠ ᤁᤧᤒᤥ᤺ᤰᤂᤡ ᤁᤧᤈᤢᤖᤡᤀᤠᤱ ᤘᤣ᤹ ᤁᤧᤖᤧᤰ ᤀᤡᤱᤈᤠ᤺ᤱ ᤀᤡ᤺ᤵᤔᤠ ᤏᤠ᤺ᤵᤔᤠ ᤔᤧᤴᤍᤧᤶᤔᤏᤠᤒᤠᤜᤠ᤹ ᤂᤢᤶᤍᤡᤱ ᤐᤡᤔᤠᤛᤡ ᤕᤠᤖᤡᤵ ᤐᤥ᤺ᤰᤂᤡᤃᤧᤖᤥ॥ 
\s1 ᤐᤠᤘᤗᤖᤧ ᤁᤢᤕᤢᤰᤁᤡᤴ 
\p  
\v 7 ᤂᤡᤏᤡ᤹ᤃ ᤗᤠ᤺ᤰᤁᤠᤳ ᤁᤧᤎᤠ᤺ᤵᤐᤠ ᤐᤠ᤺ᤴᤜᤠ᤹ᤖᤰ ᤀᤥᤃᤧᤔᤧᤳᤋᤢᤶ. ᤁᤖ ᤂᤡᤏᤡ᤹ᤀᤥ ᤁᤢᤓᤠᤎᤡᤰᤗᤧ ᤀᤡᤱᤃᤠ᤹ ᤂᤪᤡᤛ᤻ᤋᤖᤧ ᤁᤢᤔᤏᤠᤀᤠ ᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢᤏᤧ ᤑᤠ᤹ᤃᤪ ᤂᤧᤸᤗᤧ ᤂᤢᤏᤧ᤹ ᤁᤢᤀᤡᤛᤡ᤺ᤰ ᤀᤠᤏᤡᤃᤧᤀᤠᤱ ᤂᤪᤡᤛ᤻ᤋᤖᤧ ᤁᤢᤔᤏᤠᤛᤡᤃᤧ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤵᤔᤠ ᤐᤥ᤺ᤱᤗᤥ॥  
\v 8 ᤍᤠᤱᤒᤠᤸᤗᤧ ᤐᤡᤖᤡᤃᤧᤒᤠ ᤕᤢᤰᤁᤡᤸᤗᤧ ᤁᤢᤕᤠ᤺ᤶᤒᤣᤀᤥᤃ ᤕᤖᤡᤰ ᤕᤶᤒᤠ ᤁᤧᤗᤧᤱᤛᤡᤱᤒᤠ ᤁᤢᤀᤡᤛᤡ᤺ᤰ ᤌᤠ᤺ᤵᤐᤠᤛᤠᤱ ᤁᤴ ᤐᤠ᤺ᤴᤏᤥ ᤀᤡᤱᤃᤠ᤹ ᤛᤡᤖᤡᤱ ᤔᤧᤔᤀᤠᤴ. ᤌᤣᤀᤠᤱᤓᤧᤸᤗᤧ ᤁᤴ ᤕᤢᤰᤁᤡᤱᤃ ᤂᤡᤏᤡ᤹ ᤑᤧᤳᤗᤠ᤺ᤶᤔᤠ ᤔᤧ᤺ᤴ. ᤁᤖ ᤂᤡᤏᤡ᤹ ᤌᤥᤒᤥ ᤆᤥ᤺ᤰᤔᤠᤖᤧ ᤗᤠᤃᤡᤖᤥ॥  
\v 9 ᤀᤡᤱᤃᤠ᤹ᤃ ᤛᤰᤀᤡᤱᤗᤠᤶᤒᤠ ᤂᤡᤏᤡ᤹ ᤕᤱᤔᤠ ᤛᤧᤵᤔᤠ ᤁᤥ᤺ᤳᤏᤡᤱᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ.  
\v 10 ᤌᤣᤀᤠᤱᤓᤧᤸᤗᤧ ᤁᤢᤓᤠᤖᤧ ᤔᤧᤒᤠ᤺ᤳᤋᤢ. “ᤂᤧᤸᤗᤧ ᤛᤠᤵᤋᤢᤒᤠ ᤛᤰᤀᤡᤱᤄᤱᤜᤠ᤹ ᤁᤢᤈᤠ᤹ᤀᤡ ᤏᤢ ᤁᤧᤀᤠ᤺ᤶᤒᤠ ᤆᤥ᤺ᤰ. ᤁᤖ ᤂᤧᤴ ᤔᤏᤠ᤺ᤴ ᤀᤠᤏᤡ᤹ᤏᤢ ᤘᤠ᤹ᤀᤡᤸᤗᤧ ᤕᤥ᤺ᤴᤈᤥᤈᤥᤒᤠ ᤆᤥ᤺ᤰ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤒᤠ᤺ᤴᤜᤠ᤹ᤃ ᤌᤣᤀᤠᤱ ᤔᤧ᤺ᤴᤗᤥ॥”  
\v 11 ᤀᤰᤋᤱᤒᤠ ᤔᤏᤠᤜᤠ᤹ᤖᤧ ᤀᤠᤏᤡᤃᤧ ᤛᤰᤀᤡᤱᤄᤱᤜᤠ᤹ᤀᤥ ᤐᤠ᤺ᤳᤋᤢᤶᤒᤧᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤏᤢ ᤘᤕᤡᤃᤧᤸᤗᤧᤀᤠᤱ ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤕᤠ᤺ᤶᤒᤰ ᤆᤥᤃᤢᤶᤒᤧ ᤁᤧᤗ᤹ᤒᤠ ᤁᤢᤛᤡᤱ ᤏᤡ᤺ᤵᤔᤠ ᤐᤥ᤺ᤱᤗᤥ॥ 
\p  
\v 12 ᤀᤠᤒᤠᤅᤣ ᤀᤡᤱᤃᤠ᤹ᤀᤣ᤺ᤰ ᤁᤧᤗ᤹ᤒᤠᤜᤠ᤹ᤏᤢ ᤀᤠᤏᤡᤃᤧ ᤋᤱᤛᤡᤱᤔᤠ ᤔᤧᤀᤠ᤺ᤴᤏᤠᤛᤡᤃᤧᤴᤗᤥ॥ ᤂᤧᤱᤜᤠ᤹ ᤀᤠᤒᤠᤅᤣ ᤁᤧᤍᤶᤒᤠ ᤔᤧᤗᤧᤱᤛᤡᤱᤅᤠᤱ ᤔᤧᤜᤧᤴᤇᤡᤱᤗᤥ. ᤁᤖ ᤂᤧᤱᤜᤠ᤹ᤖᤧ ᤌᤣᤀᤠᤱ ᤂᤠᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ᥄  
\v 13 ᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤡᤃᤧᤒᤠ ᤕᤢᤰᤁᤥᤖᤰ ᤀᤠᤏᤡᤃᤧ ᤕᤠ᤺ᤶᤒᤣᤀᤥ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢᤶᤒᤧᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤡᤃᤧᤒᤠ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴᤏᤢ᤺ᤸᤗᤧ ᤘᤣ᤹ ᤐᤠ᤺ᤴᤏᤥ ᤕᤶᤒᤠ ᤐᤠ᤺ᤴ ᤔᤧᤒᤠ᤺ᤳᤋᤢᤶᤒᤧᤴᤗᤥ. ᤜᤧᤰᤁᤩᤠᤱ ᤂᤡᤏᤡ᤹ᤀᤥᤀᤠᤱ ᤂᤧᤴ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤁᤧᤖᤧᤀᤠᤱ ᤘᤠ᤹ᤖᤥ॥  
\v 14 ᤂᤡᤏᤡ᤹ ᤀᤠᤏᤡᤃᤧ ᤕᤢᤰᤁᤥ ᤁᤧᤘᤕᤡ᤹ ᤗ᤹ᤖᤡᤰ ᤐᤠ᤺ᤳᤋᤢᤶᤒᤧᤸᤗᤧ ᤕᤶᤒᤠ ᤗᤧᤱᤅᤠᤛᤡᤃᤧᤒᤠ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤁᤠᤰᤏᤢ᤺ᤸᤗᤧ ᤋᤃᤡ ᤂᤡᤏᤡ᤹ᤀᤥ ᤂᤪᤡᤛ᤻ᤋᤖᤧ ᤁᤢᤛᤢᤏᤠᤀᤡᤱ ᤁᤧᤍᤠ᤺ᤵᤐᤠᤃ ᤀᤠᤏᤡᤃᤧᤀᤣ ᤘᤕᤡᤃᤧᤖᤥ॥  
\v 15 ᤘᤣ᤹ᤜᤠ᤹ᤖᤧ ᤔᤠᤱᤛᤣᤘᤠ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤁᤥ ᤔᤧ᤺ᤴ. ᤁᤖ ᤀᤠᤏᤡᤃᤧ ᤆᤥᤃᤢᤶᤒᤧᤒᤠ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤥᤖᤰ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢᤶᤒᤧᤖᤥ॥ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤆᤰᤔᤧᤸᤗ᤹ᤀᤣ ᤐᤥ᤺ᤸᤗᤧ ᤂᤡᤏᤡ᤹ ᤗᤢᤶᤔᤥ ᤀᤠᤏᤡᤃᤧ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴᤏᤠᤱ ᤐᤥ᤺ᤖ ᤁᤧᤗ᤹ᤒᤠ ᤏᤡᤱᤛᤠᤱ ᤁᤳᤋᤢᤶᤒᤧᤖᤥ॥  
\v 16 ᤜᤧᤰᤁᤣ᤺ᤸᤗᤧ ᤀᤠᤏᤡᤃᤧ ᤂᤡᤏᤡ᤹ ᤁᤧᤘᤕᤡᤒᤠ ᤋᤧᤴᤏᤡᤴᤏᤢ᤺ᤸᤗᤧᤀᤠᤱ ᤔᤠ᤺ᤱᤄᤠ ᤔᤠ᤺ᤱᤄᤠ ᤛᤢᤏᤠᤀᤡᤱ ᤀᤡᤱᤓᤥ᤺ᤔᤠ ᤛᤢᤰᤋᤢᤶᤒᤧᤖᤥ॥ ᤌᤣᤀᤠᤱᤓᤧᤸᤗᤧ ᤘᤣ᤹ᤜᤠ᤹ᤖᤧ ᤔᤧᤈᤥᤃᤢ ᤔᤧᤛᤢᤖᤢᤒᤠ ᤔᤠᤱᤛᤣᤘᤠᤀᤥ ᤀᤠᤏᤡᤃᤧ ᤕᤶᤒᤠ ᤐᤠ᤺ᤴ ᤐᤠ᤺ᤵᤔᤠ ᤏᤡᤱᤘᤠ᤹ ᤔᤧᤈᤥᤃᤢᤶᤒᤧᤴᤗᤥ॥  
\v 17 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤠᤳᤋᤡᤸᤗᤧ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢ᤹. ᤂᤧᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤖᤰ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢᤖᤖᤥ॥”\f * \fr 10:17 \ft ᤕᤷᤔᤡᤕᤠ ᥏.᥈᥊\f* 
\v 18 ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤆᤥ᤺ᤰᤁᤠ ᤗ᤹ᤖᤡᤰ ᤁᤧᤒᤠ᤺ᤵᤐᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧᤍᤠᤛᤢᤴ. ᤁᤖ ᤍᤠᤱᤒᤠᤸᤗᤧ ᤏᤢ᤺ᤒᤠ ᤆᤥ᤺ᤰ ᤔᤧᤳᤋᤢᤒᤠ ᤔᤏᤠ᤺ᤸᤗᤧᤀᤣ ᤂᤢᤏᤧ᤹ ᤁᤢᤏᤡᤱᤘᤠ᤹ ᤋᤠᤛᤢ᤹ᤖᤥ॥ 
\c 11  
\s1 ᤐᤠᤘᤗᤧᤴ ᤏᤢ ᤀᤡᤱᤗᤧᤰᤁᤣ ᤛᤣ᤺ᤰᤕᤢᤰᤔᤡᤒᤠᤜᤠ᤹ 
\p  
\v 1 ᤀᤡᤱᤃᤠ᤹ ᤀᤡᤈᤧ᤺ᤳᤇᤡᤰ ᤀᤍᤱ ᤆᤥ᤺ᤰᤁᤠᤛᤠᤱ ᤕᤠᤵᤔᤡ ᤁᤧᤎ᤺ᤳᤋᤡ᤹ ᤑᤠ᤹ᤀᤠᤱ ᤏᤡᤱᤛᤠᤱ ᤆᤥᤃᤢᤱᤗᤥ॥ ᤂᤡᤏᤡ᤹ ᤀᤠᤎᤖᤧᤶᤔᤧ᤹ᤀᤥ॥  
\v 2 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠᤃᤧᤜᤧᤳᤋᤡᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤀᤠᤱ ᤏᤠᤜᤧᤳᤏᤡᤱᤅᤠᤱ ᤘᤠ᤹ᤀᤠ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤀᤡᤳᤌᤢᤱᤃᤧᤴ ᤏᤠᤗᤡᤛᤠᤱ ᤂᤪᤡᤛ᤻ᤋᤧᤴᤏᤢᤖᤰ ᤔᤣ᤺ᤰᤂᤡᤶ ᤆᤥ᤺ᤰᤔᤠ ᤐᤡᤔᤠ ᤔᤠᤱᤜᤧᤰ ᤆᤥᤃᤢᤱ ᤐᤡᤏᤡᤱᤅᤠᤱ ᤘᤠ᤹ᤀᤠ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤛᤣᤛᤣᤔᤠ ᤛᤡᤛᤠᤔᤣ᤺ᤳ ᤁᤢᤀᤡᤛᤡ᤺ᤰ ᤂᤢᤏᤧ᤹ᤀᤥᤀᤣ ᤋᤥ᤺ᤶᤔᤠ ᤛᤢᤰᤏᤡᤱᤗ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤳᤋᤢᤱᤗᤥ॥  
\v 3 ᤁᤖ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤀᤡᤛᤫᤠᤔᤠᤀᤥᤗᤠᤶ ᤜᤘᤠ᤺ᤴ\f * \fr 11:3 \ft ᤜᤘᤠ–ᤌᤡᤰᤛᤡᤃᤣ᤺ᤰᤛᤔᤠ ᤔᤧᤴᤇᤡᤔᤠ᤹॥ ᤔᤠᤑᤧᤴᤛᤠᤶᤔᤡᤴ ᤀᤛᤣ᤺ᤰ ᤗᤧᤱᤛᤡᤱᤅᤠᤱ ᤜᤘᤠ᤺ᤸᤗᤥ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤛᤡᤱᤛᤣ᤹ᤀᤡᤴ ᤆᤠᤔᤠ ᤔᤧᤏᤢ᤹ᤏᤧᤴ ᤑᤠ᤹ᤀᤠᤱ ᤐᤠ᤺ᤳᤋᤢᤒᤠ ᤐᤠ᤺ᤴᤏᤥ ᤏᤛᤠ᤺ᤴ ᤔᤧᤈᤥᤃᤧᤴᤏᤧ᤹ ᤔᤧᤳᤋᤢᤀᤠᤱ ᤘᤕᤧ (ᤋᤥᤗᤡᤱᤛᤥᤔᤢ ᥉)॥ ᤜᤘᤠ᤺ᤸᤗᤧ ᤔᤠᤑᤧᤴᤛᤠᤶᤔᤡᤴ ᤏᤛᤠ᤺ᤴ ᤆᤥᤃᤢ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤑᤣ᤺ᤴᤍᤢ॥\f* ᤀᤡᤱᤗᤧᤰᤋᤧᤒᤠ ᤁᤢᤀᤡᤛᤡ᤺ᤰᤁᤣ ᤂᤡᤏᤡ᤹ ᤂᤪᤡᤛ᤻ᤋᤀᤥ ᤁᤧᤍᤥ᤺ᤴᤍᤢᤶᤒᤠ ᤔᤡ᤺ᤶᤈᤡᤴ ᤏᤢ ᤋᤥ᤺ᤴᤍᤥ᤺ᤶᤒᤠ ᤏᤡᤱᤘᤠ᤹ᤀᤡᤴ ᤗᤠᤶᤓᤥ᤺ᤳᤋᤢ᤹ ᤑᤠ᤹ᤀᤠᤱ ᤀᤡᤱᤃᤠ᤹ ᤁᤡ᤺ᤀᤠᤖᤥ॥  
\v 4 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤀᤥ ᤔᤧᤍᤠᤀᤠᤱ ᤁᤢᤓᤠᤖᤧᤃ ᤀᤠᤏᤡᤃᤧ ᤀᤡᤱᤓᤥ᤺ᤛᤢᤶᤒᤧᤒᤠ ᤕᤧᤛᤢ᤺ᤴᤏᤢ᤺ᤸᤗᤧᤀᤠᤱ ᤘᤣ᤹ᤛ᤻ᤔᤠ ᤕᤧᤛᤢ᤺ᤴ ᤀᤡᤱᤔᤧᤓᤥ᤺ᤛᤢ᤹ᤏᤧ ᤑᤠ᤹ᤃᤪ. ᤀᤡᤃᤪ ᤁᤧᤄᤥ᤺ᤛᤢᤶᤒᤠ ᤛᤣᤛᤣᤔᤠᤱᤅᤡᤴᤏᤢ᤺ᤸᤗᤧᤀᤠᤱ ᤘᤣ᤹ᤛ᤻ᤔᤠᤴ ᤁᤧᤄᤥ᤺ᤛᤢᤶᤏᤧ ᤑᤠ᤹ᤃᤪ. ᤀᤡᤃᤪ ᤕᤠᤶᤔᤥ ᤋᤧᤴᤍᤡᤱ ᤁᤧᤈᤥᤃᤢᤶᤒᤠ ᤛᤢᤏᤠᤀᤡᤱᤅᤡᤴᤏᤢ᤺ᤸᤗᤧᤀᤠᤱ ᤘᤣ᤹ᤛ᤻ᤔᤠ ᤛᤢᤏᤠᤀᤡᤱᤅᤡᤴ ᤁᤧᤍᤠ᤺ᤰᤋᤢᤶᤏᤧ ᤑᤠ᤹ᤃᤪ ᤂᤧᤴ ᤐᤠ᤺ᤴᤜᤠ᤹ ᤁᤧᤎᤖᤢᤶᤔᤠᤱ ᤋᤧᤴᤍᤡᤱ ᤁᤧᤈᤥᤃᤢᤶᤗᤥ॥  
\v 5 ᤁᤖ ᤕᤶᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤛᤡᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤏᤢ᤺ᤸᤗᤧ ᤀᤡᤱᤃᤠ᤹ᤃ ᤆᤢ᤺ᤰᤁᤠᤒᤡᤗᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤱᤅᤡᤴᤗᤥ॥  
\v 6 ᤂᤧᤱᤜᤠ᤹ ᤜᤧᤰᤁᤣ ᤀᤡᤱᤃᤠ᤹ ᤗᤧᤛ᤻ᤛᤢᤱ ᤏᤡ᤺ᤛᤢᤱᤒᤠ ᤐᤠ᤺ᤴᤜᤠ᤹ ᤏᤢ᤺ᤖᤡᤰᤁᤠᤱ ᤋᤱᤔᤠᤖ ᤐᤠ᤺ᤵᤔᤠ ᤔᤧᤛᤢᤰᤁᤠᤴᤒᤡᤗᤠ. ᤜᤧᤰᤁᤣᤛᤠᤱ ᤀᤡᤱᤃᤠ᤹ ᤕᤖᤡᤰ ᤗᤧᤛ᤻ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤩᤠᤱ ᤁᤴ ᤐᤠ᤺ᤴᤜᤠ᤹ ᤋᤃᤡᤛᤠ ᤁᤠᤰ ᤐᤖᤡᤰᤗᤧ ᤏᤢ᤺ᤖᤡᤰᤁᤠᤱ ᤂᤡᤏᤡ᤹ᤀᤥ ᤀᤥᤛᤣ᤺ᤴᤍᤠᤱ ᤆᤥᤃᤢᤶᤒᤧᤀᤠᤱ ᤘᤕᤡᤃᤧᤖᤥ॥ 
\p  
\v 7 ᤀᤡᤱᤃᤠ᤹ ᤆᤢᤱᤈᤡᤃᤧᤶᤒᤠ ᤐᤥ᤺ᤰᤂᤠᤱᤅᤠᤱ ᤂᤡᤏᤡ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤛᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤢᤏᤠᤀᤡᤱᤅᤡᤴ ᤀᤠᤶᤓᤠᤀᤣ ᤂᤡᤏᤡ᤹ ᤀᤡᤱᤓᤥ᤺ᤏᤡᤱᤅᤡᤸᤗᤧ ᤗᤠᤕᤥ ᤆᤥᤃᤢᤱᤒᤡ᥅  
\v 8 ᤂᤡᤏᤡ᤹ᤀᤥ ᤔᤠᤱᤛᤣᤘᤠ ᤆᤥᤃᤢᤱᤅᤡᤸᤗᤧ ᤘᤣ᤹ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤁᤢᤓᤠ᤹ ᤕᤠᤱ ᤔᤧᤒᤡᤖᤠᤱᤗᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ᤀᤥ ᤀᤠᤶᤓᤠᤀᤣ ᤛᤣᤘᤠ ᤆᤥ᤺ᤰᤛᤧ ᤘᤣ᤹ᤜᤠ᤹ ᤏᤠᤵᤋᤢᤱᤛᤡᤱᤒᤠ ᤁᤢᤀᤡᤛᤡ᤺ᤰ ᤐᤥ᤺ᤰᤂᤧᤖᤥ॥  
\v 9 ᤜᤧᤰᤁᤩᤠᤱ ᤂᤡᤏᤡ᤹ᤏᤢ ᤘᤕᤠᤱᤅᤡᤸᤗᤧ ᤀᤡᤱᤃᤠ᤹ ᤕᤠᤵᤔᤡ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ᤖᤧᤗᤠᤃᤡ ᤂᤡᤏᤡ᤹ ᤀᤠᤳᤋᤡᤴᤏᤠᤱ ᤋᤢᤰᤂᤣ ᤔᤧᤈᤠ᤺ᤳᤏᤡᤱᤅᤡᤴᤗᤥ॥ ᤌᤣᤀᤠᤱᤓᤧᤸᤗᤧ ᤔᤧᤛᤣᤍᤥᤏᤡᤕᤠᤗᤠᤶ ᤁᤧᤍᤠ᤺ᤒᤠ ᤑᤢ᤹ᤏᤢᤛᤠ᤹ᤜᤠ᤹ᤖᤧ ᤀᤡᤱᤃᤠ᤹ ᤕᤠᤵᤔᤡ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ᤖᤧᤴ ᤋᤱᤃᤠᤶ ᤔᤧᤈᤥᤃᤠᤱ ᤔᤧᤒᤡᤖᤠᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤀᤠᤳᤋᤡᤴᤏᤠᤱ ᤀᤠᤳᤋᤡᤴ ᤐᤖᤡᤰᤗᤧᤀᤠᤱ ᤋᤢᤰᤂᤣ ᤔᤧᤴᤈᤠ᤺ᤳᤏᤡᤱᤅᤡᤸᤗᤥ॥ ᤜᤧᤰᤁᤩᤠᤱ ᤋᤠ᤺ᤴᤍᤡᤀᤠᤱ ᤜᤧᤰᤁᤣᤀᤣ ᤆᤥᤃᤢᤱᤗᤥ॥  
\v 10 ᤂᤪᤡᤛ᤻ᤋᤖᤧ ᤁᤢᤛᤧᤰᤂᤠ᤺ᤴ ᤀᤡᤱᤃᤠ᤹ᤀᤥ ᤘᤠ᤹ᤖ ᤌᤠᤖᤡᤰ ᤀᤰᤂᤤᤕᤠ ᤌᤢᤶᤔᤥᤒᤠ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤁᤴ ᤕᤶᤒᤠ ᤗᤧᤱᤛᤡᤱᤔᤠ ᤐᤠ᤺ᤴ ᤐᤠ᤺ᤵᤔᤠᤗᤠᤶ ᤛᤠᤰᤔᤠ ᤔᤧᤴᤇᤢᤰᤁᤠᤴᤗᤥ॥  
\v 11 ᤌᤣᤀᤠᤱᤒᤣ᥅ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤂᤡᤏᤡ᤹ ᤗᤢᤱᤔᤠ᤹ ᤔᤧᤍᤢᤰᤏᤡᤱᤅᤡᤴᤏᤠᤱᤒᤡ᥅ ᤔᤧ᤺ᤴᤗᤥ᥄ ᤀᤡᤱᤃᤠ᤹ ᤂᤡᤏᤡ᤹ ᤗᤢᤱᤔᤠ᤹ ᤋᤢᤰᤏᤡᤱᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡ᤺ᤛᤢ᤹ᤖᤥ॥ 
\p  
\v 12 ᤀᤠᤏᤡᤃᤧ ᤆᤥᤃᤢᤶᤒᤧᤖ ᤘᤕᤡᤃᤧᤒᤠ ᤕᤠ᤺ᤶᤒᤰ ᤜᤧᤰᤋᤱᤒᤠᤀᤣ ᤂᤧᤴ ᤘᤣ᤹ “ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ” ᤔᤧᤈᤥᤃᤢᤀᤠᤱ ᤀᤠᤱᤍᤡᤱ ᤗ᤹ᤔᤠ ᤔᤧᤱᤄᤥ᤺ᤛᤢᤴᤗ ᤑᤠ᤹ᤀᤠᤱ ᤀᤡᤱᤃᤠ᤹ ᤀᤠᤸᤗᤥ ᤆᤥᤃᤢᤱᤗ ᤘᤠ᤹ᤀᤠᤒᤠ ᤔᤠᤱᤛᤣᤘᤠ᤺ᤴ ᤛᤍᤠᤍᤡᤱ ᤁᤢᤓᤠ᤹ ᤕᤠᤱ ᤔᤧ᤺ᤴᤏᤣ ᤀᤠᤶᤓᤠ ᤆᤥᤃᤢᤱᤗᤥ॥  
\v 13 ᤌᤣᤀᤠᤱᤓᤧᤸᤗᤧ ᤜᤧᤰᤋᤱᤒᤠ ᤔᤏᤠᤜᤠ᤹ᤃ ᤑᤥᤋᤩᤠᤒᤠ ᤛᤣ᤺ᤰᤕᤢᤰᤔᤡᤒᤠᤛᤡ ᤏᤢ ᤀᤡᤱᤗᤧᤰ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤛᤡᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤪᤡᤛ᤻ᤋᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤔᤧᤗᤧᤱᤛᤡᤱᤗᤥ॥  
\v 14 ᤔᤠᤑᤧᤴᤛᤠᤶᤔᤡᤴᤏᤠᤱ ᤀᤥ᤺ᤳᤋᤡ᤺ᤸᤗᤧᤴ ᤔᤠᤱᤗᤠᤀᤡᤱᤒᤠ ᤗᤧᤱᤛᤡᤱᤗᤥ. ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ ᤁᤧᤔᤠᤒᤠ ᤐᤠ᤺ᤴ ᤌᤣᤀᤠᤱ ᤜᤥ᤺ᤵᤗᤥ॥  
\v 15 ᤜᤧᤰᤁᤣᤗ᤹ᤖᤡᤰᤁᤣ ᤂᤧᤸᤗᤧ ᤁᤢᤛᤣᤘᤠᤖᤥᤒᤠᤜᤠ᤹ᤀᤠᤱ ᤛᤠᤶᤕᤥᤏᤡᤒᤠ ᤔᤠᤱᤛᤣᤘᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤛᤣᤘᤠᤖᤥᤒᤠ ᤁᤢᤀᤡᤛᤡ᤺ᤰ ᤔᤧᤗᤧᤱᤛᤡᤱᤅᤡᤸᤗᤧ ᤏᤡᤱᤘᤠ᤹ ᤁᤧᤔᤠᤒᤠ ᤐᤠ᤺ᤴ ᤜᤥ᤺ᤵᤗᤥ॥ ᤁᤢᤏᤢᤵᤔᤠ ᤕᤧᤴᤏᤥ ᤂᤧᤱᤜᤠ᤹ᤖᤧᤃ ᤂᤢᤏᤡ᤹ ᤑᤧᤴ ᤕᤠ᤺ᤶᤒᤰᤁᤡᤸᤗᤧ ᤗᤠ᤹ᤖᤢᤒᤠ ᤂᤢᤶᤍᤡᤱ ᤔᤧᤄᤥ᤺ᤛᤢ᤹ᤖᤥ॥ 
\s1 ᤐᤠᤘᤗᤖᤧ ᤋᤢᤰᤂᤣ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢ᤹ 
\p  
\v 16 ᤀᤡᤱᤃᤠ᤹ ᤕᤠᤶᤔᤥ ᤐᤠ᤺ᤳᤋᤢᤱ. ᤀᤠᤳᤋᤡᤸᤗᤧᤀᤠᤱ ᤀᤡᤱᤃᤠ᤹ ᤀᤍᤱ ᤁᤢᤀᤡᤛᤡ᤺ᤰ ᤔᤧᤴᤀᤡ᤺ᤳᤋᤠᤴᤗᤖᤥ॥ ᤁᤖ ᤂᤡᤏᤡ᤹ ᤜᤧᤰᤁᤣ ᤕᤠᤵᤔᤡ ᤁᤧᤀᤡ᤺ᤳᤋᤡᤛᤠᤱ ᤀᤡᤱᤃᤠ᤹ ᤆᤩ᤹ᤛᤡᤰ ᤆᤶᤛᤡᤱᤔᤠ ᤂᤥ᤺ᤛᤢᤱᤗ ᤑᤠ᤹ᤀᤠᤱ ᤀᤍᤱ ᤁᤢᤀᤡᤛᤡ᤺ᤰᤁᤣ ᤕᤠᤵᤔᤡ ᤀᤡ᤺ᤳᤋᤧᤀᤠᤱ ᤀᤠᤍᤠ᤺ᤰᤋᤧᤶᤔᤧ᤹ᤀᤥ॥  
\v 17 ᤀᤰᤂᤣᤗ᤹ᤖᤡᤰ ᤆᤶᤛᤡᤱᤅᤠᤸᤗᤧ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤔᤧ᤺ᤴ. ᤁᤖ ᤀᤡᤱᤃᤠ᤹ ᤀᤍᤱ ᤁᤢᤀᤡᤛᤡ᤺ᤰᤏᤧ ᤆᤥ᤺ᤰᤁᤠᤖᤥ॥  
\v 18 ᤘᤣ᤹ ᤔᤏᤠᤜᤠ᤹ ᤕᤠ᤺ᤶᤒᤰᤁᤥ ᤔᤧᤈᤶᤛᤡᤱᤒᤠ ᤁᤢᤀᤡᤛᤡ᤺ᤰᤁᤣ ᤀᤡᤱᤃᤠ᤹ᤀᤠᤱ ᤆᤶᤛᤡᤱᤅᤠᤖᤥ॥  
\v 19 ᤛᤧᤰᤂᤠ᤺ᤸᤗᤧ ᤂᤡᤏᤡ᤹ᤃ ᤛᤡᤰᤁᤢᤶᤛᤠᤒᤠ ᤁᤧᤀᤡ᤺ᤳᤋᤠᤛᤡᤒᤠᤸᤗᤧ ᤀᤍᤱᤜᤠ᤹ᤀᤠᤱ ᤁᤧᤎᤖᤢᤶᤛᤡᤶᤔᤠᤱ ᤘᤠ᤹ᤖᤧᤳᤇ᥄  
\v 20 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤂᤧᤱᤜᤠ᤹ᤖᤧ ᤕᤥ᤺ᤰ ᤁᤧᤶᤈᤥᤃᤡ᤹. ᤂᤡᤏᤡ᤹ ᤁᤧᤃᤳᤋᤢᤶᤒᤠᤴ ᤁᤧᤖᤧᤰ ᤔᤧᤍᤣ᤹ᤖᤢ᤹. ᤂᤡᤏᤡ᤹ᤗᤠᤶᤒᤠ ᤀᤡᤴᤎᤠ᤺ᤰ ᤔᤧᤈᤥᤃᤢ᤹. ᤀᤡᤱᤃᤠ᤹ᤀᤣ᤺ᤰ ᤗ᤹ᤖᤡᤰ ᤔᤧᤜᤧᤴᤇᤡᤱ. ᤜᤧᤰᤁᤩᤠᤱ ᤂᤡᤏᤡ᤹ ᤏᤧᤍᤧᤱᤒᤠᤴ ᤁᤧᤶᤗᤧᤰᤂᤡ᤹ ᤁᤧᤶᤒᤡᤖᤡ᤹ᤛᤠᤱ ᤁᤧᤖᤧᤰ ᤁᤧᤎᤖᤢᤶᤛᤡᤶᤔᤠᤱ ᤘᤠ᤹ᤖᤧᤇ॥  
\v 21 ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤜᤧᤰᤁᤣ ᤀᤠᤏᤡᤃᤧᤃ ᤂᤡᤏᤡ᤹ ᤔᤧᤵᤔᤠ ᤀᤠ᤺ᤴᤇᤡᤱᤔᤠ ᤔᤧᤛᤢᤰᤋᤢᤶᤒᤠᤴᤗᤥ ᤗ᤹ᤖᤡᤰ ᤐᤠ᤺ᤵᤔᤠ ᤀᤡᤱᤃᤠ᤹ ᤛᤡᤖᤡᤱ ᤔ᤺ᤀᤠᤖᤥ॥ 
\p ᤕᤠᤶᤔᤥ ᤀᤍᤱ ᤁᤢᤀᤡᤛᤡ᤺ᤰ ᤐᤠ᤺ᤳᤋᤠᤖᤥ–ᤀᤠᤳᤋᤡᤴ ᤐᤠ᤺ᤴᤏᤥ ᤂᤧᤱᤜᤠ᤹ ᤔᤧᤜᤧᤴᤇᤡᤱ. ᤀᤡᤱᤃᤠ᤹ᤀᤠᤱ ᤒᤠ ᤂᤧᤴ ᤐᤠ᤺ᤴᤏᤥ ᤜᤧᤴᤇᤡᤱᤔᤠ ᤛᤢᤰᤁᤠᤖᤥ॥  
\v 22 ᤂᤧᤱᤜᤠ᤹ ᤜᤡᤒᤪᤢᤛᤡᤒᤡ᥅ ᤀᤡᤱᤃᤠ᤹ᤀᤠᤱ ᤜᤡᤒᤪᤢᤀᤠᤖᤥ॥ ᤂᤧᤱᤜᤠ᤹ ᤀᤡᤛᤪᤠᤀᤡᤗᤡᤛᤡᤒᤡ᥅ ᤀᤡᤱᤃᤠ᤹ᤀᤠᤱ ᤀᤡᤛᤪᤠᤀᤡᤗᤡᤀᤠᤖᤥ॥ ᤂᤧᤱᤜᤠ᤹ ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤛᤡᤒᤡ᥅ ᤀᤡᤱᤃᤠ᤹ᤀᤠᤱ ᤀᤒᤪᤠᤜᤠᤔᤖᤧ ᤁᤢᤔᤢ᤹ᤀᤡᤍᤠᤱᤛᤠᤀᤠᤖᤥ॥  
\v 23 ᤂᤧᤱᤜᤠ᤹ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠᤛᤡᤒᤡ᥅ ᤀᤡᤱᤃᤠ᤹ᤃ ᤀᤠᤸᤗᤛᤠᤱ ᤛᤠ᤹ᤖᤡᤰ ᤁᤢᤛᤣᤘᤠᤖᤥᤒᤠᤀᤠᤖᤥ. ᤁᤖ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤠᤸᤗᤧ ᤁᤢᤎᤏᤠ ᤁᤧᤗᤧᤱᤒᤠ ᤁᤢᤀᤡᤛᤡ᤺ᤰ ᤆᤥ᤺ᤰᤁᤠᤖᤥ॥ ᤂᤧᤱᤜᤠ᤹ᤏᤢ᤺ᤸᤗᤧᤀᤠᤱ ᤀᤡᤱᤃᤠ᤹ ᤕᤠᤶᤒᤢᤎᤡᤰᤁᤠᤱ ᤕᤠ᤺ᤶᤒᤰ ᤆᤥᤃᤠᤱ. ᤕᤖᤡᤰᤗᤧᤱ ᤐᤢᤱᤗᤠᤜᤡᤶᤔᤥ ᤛᤠᤰᤐᤠ ᤌᤩᤠᤱ. ᤕᤖᤡᤰᤗᤧᤱ ᤋᤧ᤺ᤶᤓᤢᤰ ᤆᤩᤠᤱ. ᤜᤧᤰᤁᤩᤠᤱ ᤀᤧᤳᤗᤧᤱ ᤛᤡ᤺ᤔᤠ ᤗᤡᤱᤎᤥᤀᤥ ᤁᤧᤖᤠᤱᤗᤥ॥  
\v 24 ᤅᤠᤛᤡ ᤗᤧᤱ ᤕᤜᤢᤍᤡᤜᤠ᤹ᤖᤧ ᤀᤡᤱᤃᤠ᤹ ᤛᤢᤶ-ᤑᤠᤱ (᥉᥏) ᤌᤠᤖᤡᤰ ᤋᤧ᤺ᤶᤓᤢᤰ ᤔᤧᤕᤠᤰᤋᤠᤱ.  
\v 25 ᤛᤢᤶᤗᤧᤱ ᤖᤥᤔᤡᤜᤠ᤹ᤖᤧ ᤋᤰᤁᤠ᤺ᤳᤋᤡᤸᤗᤧ ᤔᤧᤜᤡᤵᤋᤠᤱ. ᤌᤡᤰᤗᤧᤱ ᤏᤡᤱᤔᤡᤜᤠ᤹ᤖᤧ ᤗᤢᤱᤅᤡᤸᤗᤧ ᤔᤧᤒ᤺ᤳᤋᤠᤱ. ᤛᤢᤶᤗᤧᤱ ᤀᤡᤱᤃᤠ᤹ ᤗᤠᤶᤍᤡ᤺ᤰ ᤆᤥᤃᤠᤱᤒᤠ ᤘᤠᤗᤠᤎᤠ᤺ᤴ ᤏᤡᤒᤧ. ᤜᤧᤰᤁᤩᤠᤱ ᤌᤡᤰᤗᤧᤱ ᤌᤡᤰ ᤕᤧᤴ ᤏᤢ ᤌᤡᤰ ᤛᤧᤴᤍᤡᤰ ᤂᤠᤖᤠᤰ ᤀᤡᤱᤃᤠ᤹ ᤘᤖᤰᤁᤥᤀᤣ ᤕᤠᤃᤠᤱᤗᤥ॥  
\v 26 ᤀᤡᤱᤃᤠ᤹ᤃ ᤕᤖᤡᤰᤗᤧᤱ ᤗᤠᤶᤍᤡ᤺ᤰ ᤆᤥᤃᤠᤱᤅᤡᤸᤗᤧ ᤘᤠᤜᤱᤅᤥ ᤜᤧᤰᤁᤩᤠᤱ ᤑᤠ᤺ᤴᤍᤠᤜᤠ᤹ᤗᤠᤶᤒᤠ. ᤀᤠᤒᤠᤅᤣ ᤗᤠᤈᤣ᤹ᤛᤠᤒᤠᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤗᤠᤶᤒᤠ ᤁᤧᤛᤠᤰᤐᤠ ᤋᤢᤰᤂᤣᤜᤠ᤹ ᤋᤢᤔᤢᤱᤗᤥ॥ ᤜᤧᤰᤁᤩᤠᤱ ᤕᤧᤰᤕᤰᤁᤥ. ᤕᤧ᤺ᤱᤄᤠᤍᤧᤴᤏᤥ. ᤘᤖᤰᤁᤥᤒᤠ ᤁᤡᤵᤔᤠ ᤁᤧᤄᤢ᤺ᤒᤠ ᤛᤢᤖᤡᤳ ᤁᤣᤈᤱᤅᤥ. ᤜᤧᤰᤁᤩᤠᤱ ᤑᤥᤋᤩᤠᤒᤠ ᤑᤢ᤹ᤏᤢᤛᤠ᤹ᤗᤠᤶᤒᤠᤀᤠᤱ ᤁᤧᤛᤠᤰᤐᤠ ᤋᤢᤰᤂᤣᤜᤠ᤹ ᤋᤢᤔᤢᤱᤅᤠᤱ ᤘᤠ᤹ᤀᤠᤖᤥ॥  
\v 27 ᤀᤡᤱᤃᤠ᤹ᤃ ᤕᤠᤶᤒᤢᤎᤡᤰᤁᤠᤱ ᤕᤠ᤺ᤶᤒᤰ ᤆᤥᤃᤠᤱ ᤜᤧᤰᤁᤩᤠᤱ ᤕᤖᤡᤰᤗᤧᤱ ᤛᤧᤴᤍᤡᤰ ᤔᤧᤀᤡᤵᤛᤠᤱᤅᤡᤴᤗᤥ॥ ᤛᤧᤳᤗᤠ᤺ᤰᤔᤠ ᤏᤢ ᤘᤠᤔᤡ᤺ᤔᤠᤸᤗᤧ ᤋᤖᤠᤱ ᤜᤧᤰᤁᤩᤠᤱ ᤕᤖᤡᤰᤗᤧᤱ ᤌᤣᤀᤠᤱ ᤆᤠᤔᤠ ᤌᤢᤱᤔᤠ ᤔᤧᤱᤄᤥ᤺ᤒᤠᤴᤗᤥ॥ ᤆᤢᤱᤅᤡᤸᤗᤧ ᤌᤳᤋᤠᤱ ᤌᤣᤀᤠᤱᤓᤧᤸᤗᤧ ᤁᤧᤃᤥ᤺ᤒᤠ ᤆᤠᤱᤍᤣ᤺ᤳ ᤔᤧᤱᤃᤵᤐᤧᤴᤗᤥ॥  
\v 28 ᤜᤧᤰᤁᤩᤠᤱ ᤂᤧᤴ ᤋᤢᤰᤂᤣᤜᤠ᤹ᤖᤰ ᤔᤧ᤺ᤴ. ᤁᤖ ᤁᤠᤰ ᤛᤣᤛᤣᤜᤢᤵᤗᤰᤜᤠ᤹ᤖᤧ ᤗᤠᤃᤡᤀᤠᤱ ᤌᤡᤰᤕᤠ᤺ᤴᤎᤰ ᤏᤡᤱᤛᤠᤶᤔᤥ ᤌᤩᤠᤱᤅᤠᤱ ᤀᤠᤏᤡᤱᤘᤠ᤹ᤒᤥ ᤋᤢᤰᤂᤣ ᤆᤩᤠᤱᤗᤥ॥  
\v 29 ᤜᤠ᤺ᤳᤋᤠᤱ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤔᤧᤈᤥ᤺ᤰᤏᤧᤴᤏᤡᤸᤗᤧ ᤀᤡᤱᤃᤠ᤹ᤀᤠᤱ ᤀᤠᤗᤢᤱᤔᤠ᤹ ᤛᤩᤠ᤺ᤳ ᤗ᤹ᤖᤥ॥ ᤜᤧᤰᤁᤩᤠᤱ ᤘᤣ᤹ᤜᤠ᤹ ᤗᤠᤕᤥᤀᤥ ᤔᤧᤎᤠ᤺ᤸᤗᤧ ᤀᤡᤱᤃᤠ᤹ ᤛᤠ᤹ᤖᤡᤰ ᤀᤠᤏᤡᤱᤘᤠ᤹ ᤋᤢᤰᤗᤥ॥ 
\p  
\v 30 ᤀᤡᤱᤃᤠ᤹ ᤆᤶᤛᤡᤱᤔᤠᤀᤣ ᤐᤥ᤺ᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤁᤧᤎᤢᤶᤒᤠ ᤔᤧᤈᤥ᤺ᤰᤁᤠᤴ ᤗ᤹ᤖᤡᤰ ᤀᤥᤛᤣ᤺ᤴᤍᤠᤱ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ᤀᤥᤏᤧ ᤆᤶᤛᤡᤱᤅᤠᤖᤥ॥  
\v 31 ᤛᤍᤠᤍᤡᤱ ᤏᤧᤶᤓᤥᤃᤧᤴ ᤁᤢᤏᤠᤖᤠ ᤑᤥ᤺ᤔᤏᤠᤒᤠ ᤍᤠᤱᤒᤠ ᤕᤧᤛᤢᤖᤧ ᤐᤠᤏᤢᤍᤡᤱ ᤁᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤀᤡᤱᤗᤧᤰ ᤔᤧᤒᤠ᤺ᤳᤋᤢᤱᤅᤡᤴ ᤑᤠ᤹ᤀᤠᤱ ᤏᤡ᤺ᤛᤢ᤹ᤖᤥ॥  
\v 32 ᤍᤔᤛ᤻ᤁᤛ ᤕᤧᤰᤕᤰᤁᤥ ᤘᤕᤠᤱᤅᤡᤸᤗᤧ ᤀᤖᤡᤋᤛ ᤜᤠᤱᤅᤡᤸᤗᤧ ᤁᤢᤛᤢᤜᤠᤱᤕᤢᤰᤐᤠᤸᤗᤧ ᤀᤡᤱᤃᤠ᤹ ᤀᤠᤍᤧᤶᤛᤧ ᤕᤧᤰᤕᤰᤁᤥ ᤌᤰᤛᤢᤒᤠᤜᤠ᤹ ᤕᤧᤵᤛᤢᤛᤡᤖᤥ॥  
\v 33 ᤁᤖ ᤀᤡᤱᤃᤠ᤹ᤃ ᤗᤢᤶᤓᤢ᤹ᤀᤥ ᤔᤧᤕᤠᤰᤋᤠᤱᤅᤠᤱ ᤕᤧᤰᤕᤰᤗᤧᤴ ᤗᤢᤱᤎᤠᤰᤁᤥᤒᤠ ᤐᤣᤎᤠ᤺ᤵᤗᤠᤶᤒᤠ ᤕᤥ ᤗᤠ᤺ᤰᤁᤠᤳ ᤔᤧᤎᤠᤛᤠᤱ ᤔᤧᤗ᤺ᤳᤋᤠᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤁᤢᤜᤢᤰᤁᤥ ᤔᤧᤴᤎᤠᤒᤠᤴᤗᤥ॥ 
\c 12  
\s1 ᤐᤠᤘᤗᤖᤧ ᤏᤡ᤺ᤛᤢᤒᤠ ᤛᤠᤱᤃᤪᤠᤶᤐᤣᤍᤠᤱᤒᤠ ᤛᤢᤑᤥ 
\p  
\v 1 ᤀᤡᤱᤃᤠ᤹ ᤆᤶᤛᤡᤱᤅᤠᤸᤗᤧ ᤌᤣᤀᤠᤱ ᤔᤧᤈᤰᤁᤠᤴᤇᤠᤱ ᤀᤡᤱᤃᤠ᤹ ᤍᤠᤱᤒᤠᤗᤠᤶᤒᤠ ᤂᤥ᤺ᤛᤢᤱᤒᤠ ᤛᤢᤑᤥᤜᤠ᤹ ᤏᤢ ᤀᤥᤛᤣ᤺ᤴᤍᤠᤱᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤆᤶᤛᤡᤱᤅᤠᤖᤀᤣ ᤐᤥ᤺ᤱᤗᤥ॥  
\v 2 ᤀᤡᤱᤃᤠ᤹ ᤌᤡᤰ-ᤗᤡ (᥇᥊) ᤋᤱᤒᤣ ᤋᤃᤡ ᤛᤢᤶᤛᤡᤃᤣ᤺ᤰᤐᤠ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥ ᤋᤣ᤹ᤖᤧᤀᤠᤱ ᤘᤕᤧᤒᤠ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤔᤏᤠᤎᤡᤰ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤂᤧᤴ ᤔᤏᤠ᤺ᤴ\f * \fr 12:2 \ft ᤂᤧᤴ ᤑᤠ᤹ᤀᤡᤴ ᤀᤠᤒᤠᤅᤣ ᤔᤧᤳᤇᤡᤱᤒᤠᤖᤥ॥ \f* ᤏᤠᤛᤡᤱᤃᤧᤴ ᤌᤰᤁᤥᤒᤡ ᤔᤧ᤺ᤶᤒᤡ ᤀᤡᤱᤃᤠ᤹ ᤔᤧᤏᤡᤀᤠᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡ᤺ᤛᤢ᤹ᤖᤥ॥  
\v 3-4 ᤀᤡᤱᤃᤠ᤹ ᤁᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥ ᤔᤧᤍᤧᤶᤛᤢᤀᤠᤱ ᤔᤧᤍᤣ᤹ᤖᤢᤒᤠ ᤔᤏᤠ᤺ᤴ ᤁᤢᤛᤡᤱ ᤏᤡ᤺ᤳᤋᤢᤱᤗᤥ (ᤕᤠᤶᤔᤥᤀᤠᤱ ᤐᤠ᤺ᤳᤋᤢᤱ–ᤂᤧᤴ ᤔᤏᤠ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥ ᤐᤣ᤺ᤸᤗᤧ ᤏᤠᤛᤡᤱᤃᤧᤴ ᤌᤰᤁᤥ ᤐᤣᤒᤡ ᤀᤡ ᤛᤢᤑᤥᤖᤰ ᤏᤡ᤺ᤛᤢᤱᤒᤡ ᤀᤡᤱᤃᤠ᤹ ᤔᤧᤏᤡᤀᤠᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡ᤺ᤛᤢ᤹ᤖᤥ)॥ ᤂᤧᤸᤗᤧ ᤔᤏᤠᤖᤧ ᤐᤠ᤺ᤵᤔᤠ ᤔᤧᤸᤗᤠ᤹ᤔᤏᤠᤒᤠ ᤛᤠ᤹ᤖᤡᤰ ᤛᤣᤛᤣᤒᤠ ᤐᤠ᤺ᤴᤜᤠ᤹ ᤂᤧᤵᤛᤢᤖᤥ॥  
\v 5 ᤀᤡᤱᤃᤠ᤹ᤃ ᤀᤰᤋᤱᤒᤠ ᤔᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥᤏᤧ ᤆᤶᤛᤡᤱᤅᤠᤖᤥ. ᤁᤖ ᤀᤡᤱᤃᤠ᤹ ᤁᤧᤎᤢᤶᤒᤠ ᤔᤧᤈᤥ᤺ᤰᤁᤠᤴ ᤗ᤹ᤖᤡᤰ ᤀᤥᤛᤣ᤺ᤴᤍᤠᤱ ᤁᤧᤈᤥ᤺ᤰᤐᤠ ᤐᤠ᤺ᤴᤏᤢ᤺ᤸᤗᤧ ᤘᤣ᤹ ᤀᤠᤒᤠᤅᤣ ᤀᤠᤕᤠ᤺ᤶᤒᤣᤀᤥ ᤔᤧᤈᤶᤛᤡᤱᤅᤠᤴᤗᤥ॥  
\v 6 ᤀᤡᤱᤃᤠ᤹ᤃ ᤆᤶᤛᤡᤱᤔᤠᤀᤣ ᤐᤥ᤺ᤱᤛᤠᤱ ᤀᤍᤱ ᤔᤧᤒᤥ᤺ᤱᤅᤠᤴᤗᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤛᤧᤰᤂᤠᤀᤣ ᤐᤠ᤺ᤳᤋᤠᤖ ᤘᤠ᤹ᤀᤠᤖᤥ॥ ᤁᤖ ᤀᤡᤱᤃᤠ᤹ ᤔᤧᤈᤶᤛᤡᤱᤅᤠᤴᤗᤥ. ᤜᤧᤰᤁᤣᤗ᤹ᤖᤡᤰ ᤆᤥᤃᤢᤱ ᤐᤠ᤺ᤳᤋᤢᤱᤒᤠᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤀᤠᤳᤋᤡᤸᤗᤧᤀᤠᤱ ᤔᤧᤀᤡ᤺ᤳᤋᤠᤴᤗᤖᤥ॥ 
\s1 ᤏᤠᤛᤡᤱᤃᤧᤴ ᤌᤰᤁᤥ ᤀᤠᤄᤄᤒᤠ ᤋᤡᤱᤅᤡᤴ 
\p  
\v 7 ᤁᤴ ᤐᤕᤶ ᤕᤶᤒᤠ ᤀᤥᤛᤣ᤺ᤴᤍᤠᤱᤜᤠ᤹ ᤂᤥ᤺ᤛᤢᤱᤒᤠᤸᤗᤧ ᤀᤠᤱᤍᤡᤱ ᤔᤧᤗ᤹ᤀᤠᤴᤗ ᤑᤠ᤹ᤀᤠᤱ ᤏᤠᤛᤡᤱᤃᤧᤴ ᤀᤠᤎᤰᤁᤥ ᤋᤡᤱ\f * \fr 12:7 \ft ᤏᤠᤛᤡᤱᤃᤧᤴ ᤌᤰᤁᤥ ᤋᤡᤱ ᤑᤠ᤹ᤀᤡᤴ ᤐᤍᤢᤰᤁᤧᤍᤢᤰᤐᤠ ᤐᤠ᤺ᤴ॥\f* ᤁᤢᤀᤡᤛᤡ᤺ᤰ ᤀᤠᤄᤄᤒᤠ ᤐᤠ᤺ᤴᤎᤡᤰ ᤂᤥ᤺ᤛᤢᤱᤅᤠᤱ ᤘᤠ᤹ᤀᤠᤖᤥ॥ ᤂᤧᤱᤃ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤀᤡᤱᤛᤠᤒᤠᤖᤥ. ᤂᤧᤸᤗᤧ ᤀᤡᤱᤃᤠ᤹ ᤋᤢᤰᤂᤣ ᤆᤠ᤺ᤳᤋᤠᤖ ᤘᤠ᤹ᤖᤥ॥  
\v 8 ᤁᤴ ᤀᤡᤱᤃᤠ᤹ᤀᤥᤏᤢ ᤂᤧᤳᤋᤠᤱ ᤐᤡᤖᤠᤱᤅᤧ᤹ ᤑᤠ᤹ᤀᤠᤱ ᤛᤢᤶᤗᤧᤱ ᤌᤠᤖᤡᤰ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢᤱ॥  
\v 9 ᤁᤖ ᤂᤢᤏᤧ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ᤀᤥ ᤀᤡᤱᤃᤠ᤹ ᤀᤠᤗᤢᤱᤃᤢᤶᤔᤡᤴ ᤀᤠᤳᤋᤠᤳᤋᤠᤴᤏᤣ ᤕᤖᤡᤰ ᤘᤠ᤹ᤖᤥ. ᤌᤣᤀᤠᤱᤓᤧᤸᤗᤧ ᤛᤠ᤹ᤀᤡᤔᤧᤴᤕᤠᤰᤔᤏᤠᤒᤠ ᤐᤠ᤺ᤴᤜᤠ᤹ᤀᤥ ᤀᤠᤔᤢᤰᤛᤠᤶᤔᤡᤴ ᤁᤢᤗᤡᤱᤎᤥ ᤁᤧᤳᤗᤥ॥” ᤂᤧᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤖᤧ ᤁᤢᤔᤢᤰᤛᤠᤶᤔᤡᤴ ᤀᤡᤱᤃᤠ᤹ᤀᤥ ᤘᤠ᤹ᤖ ᤑᤠ᤹ᤀᤠᤱ ᤔᤧᤴᤎᤢᤶᤔᤏᤠ ᤀᤠᤒᤠ᤺ᤴᤜᤠ᤹ᤀᤥᤏᤧ ᤛ᤺ᤳᤋᤠᤖ ᤆᤶᤛᤡᤱᤅᤠᤖᤥ॥  
\v 10 ᤀᤡᤱᤃᤠ᤹ᤃ ᤂᤪᤡᤛ᤻ᤋᤖᤧ ᤁᤢᤗᤠᤃᤡ ᤛᤠ᤹ᤀᤡᤔᤧᤴᤕᤠᤰᤔᤏᤠ ᤐᤠ᤺ᤴᤜᤠ᤹ᤀᤥ. ᤏᤠᤎᤠᤔᤠᤀᤥ. ᤕᤧᤳᤋᤢᤰᤂᤣᤀᤥ. ᤏᤡᤱᤄᤢᤶᤔᤥ ᤏᤢ ᤁᤧᤛᤠᤰᤐᤠ ᤐᤠ᤺ᤴᤜᤠ᤹ᤀᤥ ᤌᤠᤀᤠᤸᤗᤧᤀᤣ ᤛ᤺ᤳᤋᤠᤖᤥ॥ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤠ᤹ᤀᤡ ᤔᤧᤕᤠᤰᤏᤧᤴᤏᤡᤸᤗᤧ ᤂᤪᤡᤛ᤻ᤋᤖᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤎᤢᤶᤒᤠ ᤐᤥ᤺ᤱᤅᤠᤖᤥ॥ 
\s1 ᤛᤣ᤺ᤰᤕᤢᤰᤔᤡᤒᤠ ᤔᤡᤰᤛᤣ᤺ᤴ 
\p  
\v 11 ᤀᤡᤱᤃᤠ᤹ᤃ ᤀᤍᤱ ᤁᤢᤀᤡᤛᤡ᤺ᤰ ᤐᤥ᤺ᤰᤂᤠᤱᤗᤥ. ᤁᤖ ᤂᤡᤏᤡ᤹ᤀᤣ ᤀᤡᤱᤃᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤕᤠᤵᤔᤡ ᤁᤧᤒᤠᤱᤄᤡᤖᤥ॥ ᤛᤧᤰᤂᤠ᤺ᤸᤗᤧ ᤂᤡᤏᤡ᤹ ᤀᤡᤱᤃᤠ᤹ ᤀᤠᤕᤠ᤺ᤶᤒᤣᤀᤥ ᤏᤢ᤺ᤒᤠ ᤐᤠ᤺ᤴ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠ ᤘᤕᤧ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤌᤣᤀᤠᤱ ᤔᤧ᤺ᤴᤏᤠ᤹ᤛᤠᤱ ᤕᤶᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤛᤡᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤏᤢ᤺ᤸᤗᤧ ᤆᤢᤰᤛᤠ ᤔᤧᤈᤥ᤺ᤰᤁᤠᤴᤗᤥ॥  
\v 12 ᤛᤧᤰᤂᤠ᤺ᤸᤗᤧ ᤂᤡᤏᤡ᤹ ᤗᤢᤶᤔᤥ ᤏᤠᤛᤡ ᤌ᤺ᤳᤋᤢᤱᤗ ᤔᤡᤰᤛᤣ᤺ᤴᤜᤠ᤹ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤱᤗᤥ॥ ᤒᤠ ᤁᤴ ᤐᤠ᤺ᤴᤜᤠ᤹ᤖᤧ ᤛᤣ᤺ᤰᤕᤢᤰᤔᤡᤒᤠᤀᤠ ᤑᤠ᤹ᤀᤠᤱ ᤀᤥᤛᤣ᤺ᤴᤍᤠᤱ ᤆᤥᤃᤢ᤹ᤖᤥ॥  
\v 13 ᤂᤡᤏᤡ᤹ ᤀᤠᤳᤋᤡᤴ ᤐᤠ᤺ᤴᤏᤥ ᤘᤣ᤹ᤛ᤻ᤔᤠ ᤛᤣᤛᤣᤜᤢᤵᤗᤰᤜᤠ᤹ᤏᤢ᤺ᤸᤗᤧ ᤁᤧᤛᤢ᤺ᤴᤍᤡᤒᤣ᥅ ᤁᤶᤔᤩᤠᤰᤗᤰᤗᤥ–ᤀᤡᤱᤃᤠ᤹ ᤂᤡᤏᤡ᤹ ᤁᤢᤓᤠ᤹ ᤕᤠᤱ ᤔᤧᤏᤠ᤺ᤰᤏᤡᤱᤅᤡᤴᤗᤥ᥄ ᤀᤰᤂᤣᤗ᤹ᤖᤡᤰ ᤋᤢᤰᤂᤣ ᤆᤠᤳᤏᤡᤱᤒᤠᤀᤥ ᤗᤧᤵᤔᤡ ᤀᤠᤒᤡᤖᤧᤶᤔᤧ᤹ᤀᤥ᥄ 
\s1 ᤐᤠᤘᤗᤖᤧ ᤁᤥᤖᤴᤌᤡ ᤛᤣᤛᤣᤜᤢᤵᤗᤰᤁᤡᤴ ᤁᤶᤒᤪᤠᤱ ᤔᤧᤳᤋᤢ᤹ 
\p  
\v 14 ᤀᤠᤸᤗ ᤛᤢᤶᤗᤧᤱᤅᤥ ᤂᤡᤏᤡ᤹ ᤛᤠ᤹ᤛᤧ ᤋᤠ᤺ᤔᤠ ᤕᤠᤖᤡᤵ ᤐᤥ᤺ᤰᤂᤠᤱᤅᤠᤱ ᤘᤠ᤹ᤀᤠᤖᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤋᤢᤰᤂᤣ ᤔᤧᤈᤠ᤺ᤳᤏᤡᤱᤅᤡᤴᤗᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤂᤡᤏᤡ᤹ ᤕᤠᤱᤛᤠᤁᤢᤴᤎᤣ᤺ᤴ ᤔᤧ᤺ᤴ. ᤁᤖ ᤂᤡᤏᤡ᤹ᤏᤧ ᤆᤠᤜᤠᤒᤠ ᤆᤥ᤺ᤰᤁᤠᤖᤥ॥ ᤌᤣᤀᤠᤱᤓᤧᤸᤗᤧ ᤛᤠ᤺ᤜᤠ᤹ᤖᤧ ᤔᤠ-ᤒᤠᤜᤠ᤹ᤖᤧᤗᤠᤃᤡ ᤔᤧ᤺ᤴ. ᤁᤖ ᤔᤠ-ᤒᤠᤜᤠ᤹ᤖᤧᤏᤧ ᤛᤠ᤺ᤜᤠ᤹ᤖᤧᤗᤠᤃᤡ ᤕᤠᤱᤛᤠᤁᤢᤴᤎᤣ ᤕᤠᤱᤄᤥ᤺ᤵᤔᤠ ᤐᤥ᤺ᤱᤗᤥ॥  
\v 15 ᤂᤡᤏᤡ᤹ ᤏᤢ᤹ᤔᤠ ᤋᤠᤔᤠᤖᤧ ᤗᤠᤃᤡ ᤀᤡᤱᤃᤠ᤹ ᤁᤳᤋᤢᤱᤒᤠ ᤁᤠᤰ ᤕᤠᤱᤅᤡᤴ ᤛᤠ᤹ᤖᤡᤰ ᤀᤠᤛᤡᤖᤠ᤹ ᤐᤎᤠᤱᤎᤠᤱᤗ ᤋᤣ᤺ᤛᤢᤱᤗᤥ. ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤐᤡᤛᤡᤱᤅᤠᤖᤥ॥ ᤀᤡᤱᤃᤠ᤹ ᤂᤡᤏᤡ᤹ ᤕᤖᤡᤰ ᤗᤢᤱᤔᤠ᤹ ᤋᤢᤰᤏᤡᤱᤅᤡᤸᤗᤧ ᤌᤣᤀᤠᤱ ᤂᤡᤏᤡ᤹ ᤆᤩ᤹ᤖᤰ ᤗᤢᤱᤔᤠ᤹ ᤕᤠᤵᤔᤡ ᤁᤧᤍᤢᤰᤋᤡᤒᤠᤒᤣ᥅  
\v 16 ᤕᤠᤱ ᤏᤠ᤺ᤰᤏᤡᤱᤅᤠᤱ ᤋᤢᤰᤂᤣ ᤔᤧᤈᤠ᤺ᤳᤏᤡᤱᤅᤡᤴᤒᤠ ᤐᤠ᤺ᤴᤏᤡᤴ ᤁᤧᤏᤡ᤺ᤛᤢᤶᤗᤥ. ᤁᤖ ᤀᤡᤱᤃᤠ᤹ ᤀᤡᤱᤗᤧᤰᤏᤡᤱᤅᤠᤱ ᤂᤡᤏᤡ᤹ ᤀᤡᤈᤥᤀᤥ ᤌᤠᤏᤡᤱ ᤑᤠ᤹ᤀᤠᤱ ᤁᤢᤓᤠᤖᤧ ᤁᤧᤒᤠ᤺ᤳᤋᤢᤶᤗᤥ॥  
\v 17 ᤀᤡᤱᤃᤠ᤹ ᤂᤡᤏᤡ᤹ᤀᤥ ᤐᤠᤱᤄᤢᤱᤛᤡᤱᤒᤠ ᤔᤏᤠᤜᤠ᤹ᤗᤠᤶ ᤌᤣᤀᤡ ᤂᤥ᤺ᤛᤢᤱᤗ ᤑᤠ᤹ᤀᤠᤱ ᤀᤡᤱᤗᤧᤰᤏᤡᤱᤒᤡ᥅  
\v 18 ᤀᤡᤱᤃᤠ᤹ ᤋᤡᤋᤛᤧᤴ ᤂᤡᤏᤡ᤹ᤀᤥ ᤐᤠᤱᤔᤠ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢᤱᤅᤠᤱ ᤘᤣ᤹ᤛ᤻ᤔᤠ ᤏᤢᤛᤠ᤹ᤀᤡᤴᤏᤠᤱ ᤂᤢᤏᤧ᤹ᤏᤢᤀᤣ ᤐᤠᤱᤄᤢᤱᤗᤥ॥ ᤋᤡᤋᤛᤖᤧ ᤂᤡᤏᤡ᤹ᤗᤠᤶᤒᤠ ᤌᤣᤀᤡ ᤂᤥ᤺ᤛᤢᤱᤗ ᤑᤠ᤹ᤀᤠᤱ ᤀᤡᤱᤃᤧᤗᤧᤰᤋᤡᤒᤡ᥅ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤀᤠᤴᤇᤡᤃᤧᤃ ᤌᤡᤰ ᤛᤣᤛᤣᤔᤠᤱᤅᤡᤴ ᤁᤳᤇᤢᤃᤧ ᤜᤧᤰᤁᤩᤠᤱ ᤌᤡᤰ ᤗᤠᤶᤔᤥ ᤗᤠᤱᤄᤣᤃᤧᤳᤇᤡᤃᤧᤖᤥ॥ 
\p  
\v 19 ᤀᤠᤏᤡᤃᤧ ᤀᤠᤸᤗ ᤌᤠᤖᤡᤰ ᤂᤡᤏᤡ᤹ᤗᤠᤶᤒᤠ ᤀᤠᤒᤠᤅᤣ ᤛᤧ᤺ᤵᤐᤠᤛᤡᤃᤧᤖ ᤘᤕᤡᤃᤧ ᤑᤠ᤹ᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ॥ ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤂᤪᤡᤛ᤻ᤋᤖᤧ ᤁᤢᤛᤣᤘᤠᤖᤥᤒᤠ ᤁᤢᤀᤡᤛᤡ᤺ᤰ ᤐᤠᤖᤡᤃᤧᤖ ᤘᤕᤡᤃᤧᤖᤥ॥ ᤀᤠᤏᤡᤃᤧ ᤔᤡ᤺ᤶ ᤆᤢᤶᤛᤣ. ᤀᤠᤏᤡᤃᤧ ᤆᤥᤃᤢᤶᤒᤧᤒᤠ ᤁᤠᤰ ᤐᤠ᤺ᤴᤜᤠ᤹ ᤂᤡᤏᤡ᤹ ᤁᤧᤎᤢᤶᤒᤠ ᤁᤧᤒᤥ᤺ᤰᤂᤡᤖ ᤑᤠ᤹ᤀᤠᤱ ᤆᤥᤃᤢᤶᤒᤧᤒᤠᤖᤥ॥  
\v 20 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤋᤢᤶᤛᤧ ᤋᤠᤀᤠᤸᤗᤧ ᤀᤡᤱᤃᤠ᤹ ᤏᤡᤱᤛᤠᤱ ᤆᤥᤃᤢᤱᤒᤠ ᤁᤢᤀᤡᤛᤡ᤺ᤰ ᤔᤧᤄᤥ᤺ᤏᤡᤱᤅᤡᤴ. ᤜᤧᤰᤁᤩᤠᤱ ᤂᤡᤏᤡ᤹ ᤏᤡᤱᤛᤠᤱ ᤁᤧᤈᤥᤃᤢᤶᤒᤠ ᤁᤢᤀᤡᤛᤡ᤺ᤰ ᤕᤠᤵᤔᤡ ᤁᤧᤱᤄᤥᤛᤡᤴᤒᤡ ᤑᤠ᤹ᤀᤠᤱ ᤁᤡ᤺ᤀᤠᤖᤥ॥ ᤀᤡᤱᤃᤠ᤹ ᤂᤡᤏᤡ᤹ ᤋᤢᤶᤛᤧ ᤋᤠᤀᤠᤸᤗᤧ ᤂᤣᤔᤠ. ᤏᤠᤜᤧᤶᤔᤠ. ᤛᤡᤰ ᤐᤥ᤺ᤰᤔᤠ. ᤛᤧ᤺ᤔᤠ. ᤆᤧ᤹ᤕᤠ ᤐᤱᤔᤠ. ᤔᤏᤠ ᤆᤧᤱᤔᤠ. ᤀᤠᤱᤍᤡᤱ ᤗ᤹ᤔᤠ ᤏᤢ ᤕᤧᤔᤧᤴᤍᤱ ᤕᤧᤵᤗᤧᤰᤜᤠ᤹ᤀᤥ ᤁᤧᤕᤠᤃᤡᤒᤠ ᤋᤢᤶᤏᤡᤱᤒᤡ ᤑᤠ᤹ᤀᤠᤱ ᤀᤡᤱᤃᤠ᤹ ᤁᤡ᤺ᤀᤠᤖᤥ॥  
\v 21 ᤂᤡᤏᤡ᤹ ᤋᤢᤶᤛᤧ ᤕᤠᤶᤔᤥ ᤋᤠᤀᤠᤸᤗᤧ ᤀᤠᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤋᤃᤡ ᤏ᤺ᤶᤏ᤺ᤶ ᤆᤥ᤺ᤰᤁᤠ ᤑᤠ᤹ᤀᤠᤱ ᤁᤡ᤺ᤀᤠᤖᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥ ᤋᤃᤡ ᤗᤠᤕᤥ ᤁᤧᤈᤥ᤺ᤰᤐᤠᤀᤠᤱ ᤂᤧᤴ ᤀᤠᤛᤢᤳᤌᤥᤗᤠᤶ. ᤆᤠᤖᤠᤶᤔᤠ ᤕᤠ᤺ᤶᤒᤰᤗᤠᤶ. ᤏᤢ ᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠᤗᤠᤶ ᤕᤖᤡᤰ ᤔᤧᤴᤜᤡᤶᤔᤏᤠᤒᤠ ᤔᤧᤴᤏᤢ᤺ᤱᤔᤏᤠᤒᤠᤜᤠ᤹ᤖᤧ ᤗᤠᤃᤡ ᤀᤡᤱᤃᤠ᤹ ᤔᤣᤖᤡᤱ ᤌᤰᤔᤠ ᤐᤥ᤺ᤱᤒᤡᤗᤠᤖᤥ᥄ 
\c 13  
\s1 ᤁᤢᤏᤢᤵᤔᤠ ᤛᤠᤶᤍᤡᤱ 
\p  
\v 1 ᤁᤱᤃ ᤂᤡᤏᤡ᤹ᤀᤥ ᤋᤠᤀᤠᤒᤠ ᤛᤢᤶᤛᤡᤃᤣ᤺ᤰᤐᤠ ᤕᤧᤶ ᤐᤥ᤺ᤱᤗᤥ॥ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤏᤧᤵᤇᤡ ᤀᤡᤃᤪ ᤛᤢᤶᤛᤡᤖᤧ ᤋᤥ᤺ᤴᤍᤡ ᤔᤧᤒᤡᤖᤢᤀᤠᤱᤗᤰ ᤁᤠᤰ ᤐᤠ᤺ᤴᤜᤠ᤹ ᤁᤢᤈᤧᤰ ᤐᤥ᤺ᤱᤗᤥ॥”\f * \fr 13:1 \ft ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥇᥏.᥇᥋\f* 
\v 2 ᤀᤡᤱᤃᤠ᤹ᤃ ᤏᤡᤛᤡᤃᤣ᤺ᤰᤐᤠ ᤕᤧᤶᤔᤥ ᤂᤡᤏᤡ᤹ᤏᤢ ᤘᤕᤠᤱᤅᤡᤸᤗᤧᤀᤣ ᤂᤧᤴ ᤋᤃᤡ ᤗᤠᤕᤥ ᤆᤥ᤺ᤰᤏᤢ ᤁᤧᤘᤠ᤹ᤒᤠᤜᤠ᤹ ᤛᤠᤶᤍᤡᤱ ᤐᤡᤖᤢᤱᤛᤡᤱᤅᤠᤱ ᤘᤕᤧ॥ ᤀᤠᤸᤗ ᤕᤠᤶᤔᤥ ᤂᤡᤏᤡ᤹ᤏᤢ ᤜᤥ᤺ᤵᤐᤠᤛᤠᤱ ᤛᤠᤶᤍᤡᤱ ᤐᤡᤏᤡᤱᤗᤥ–ᤀᤡᤱᤃᤠ᤹ ᤂᤡᤏᤡ᤹ᤀᤥ ᤏᤢ᤺ᤱᤅᤠ ᤋᤠᤀᤠᤸᤗᤧ ᤂᤧᤴ ᤋᤃᤡ ᤗᤠᤕᤥ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤘᤣ᤹ ᤗᤠᤕᤥ ᤆᤥ᤺ᤰᤏᤢ ᤁᤧᤘᤠ᤹ᤒᤠ ᤀᤠᤳᤋᤡᤴᤜᤠ᤹ᤀᤠᤱ ᤔᤧᤍᤠᤱᤄᤢᤱᤛᤡᤱᤅᤡᤴᤗᤥ॥  
\v 3 ᤀᤡᤱᤃᤠ᤹ᤗᤠᤶᤒᤠ ᤂᤪᤡᤛ᤻ᤋᤧᤴ ᤐᤠ᤺ᤵᤐᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤂᤡᤏᤡ᤹ ᤁᤧᤃᤥ᤺ᤳᤋᤢᤶᤒᤠ ᤐᤷᤔᤠᤱᤃᤡ᤺ᤴ ᤁᤧᤄᤥ᤺ᤛᤢᤶᤔᤣᤖᤥ॥ ᤂᤢᤏᤧ᤹ ᤂᤡᤏᤡ᤹ᤏᤢ ᤔᤧᤴᤎᤢᤶᤔᤏᤠᤒᤠ ᤔᤧᤈᤥ᤺ᤰᤏᤧᤴ. ᤁᤖ ᤂᤢᤏᤧ᤹ ᤂᤡᤏᤡ᤹ ᤗᤢᤶᤔᤥ ᤔᤢᤰᤛᤠᤶᤍᤠᤱᤒᤠ ᤆᤥ᤺ᤰᤗᤥ॥  
\v 4 ᤂᤪᤡᤛ᤻ᤋᤧᤱᤃ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤴᤎᤢᤶᤔᤏᤠᤒᤠ ᤁᤢᤀᤡᤛᤡ᤺ᤰ ᤔᤧᤓᤥ᤺ᤴᤍᤢ. ᤁᤖᤛᤠᤱ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤁᤢᤜᤡᤱᤘᤧᤳ ᤘᤠ᤹ᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤏᤡᤃᤧᤀᤠᤱ ᤂᤢᤏᤧ᤹ ᤁᤢᤀᤡᤛᤡ᤺ᤰ ᤔᤧᤴᤎᤢᤶᤔᤏᤠᤒᤠ ᤆᤥᤃᤡᤃᤧ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤂᤡᤏᤡ᤹ ᤗᤢᤶᤔᤥ ᤕᤠ᤺ᤶᤒᤰ ᤆᤥ᤺ᤰᤛᤧ ᤂᤢᤏᤧ᤹ᤏᤢᤀᤣ ᤜᤡᤅᤡᤃᤧ᤹ᤖᤥ॥ 
\p  
\v 5 ᤂᤡᤏᤡ᤹ ᤏᤛᤠ᤺ᤴᤏᤡᤴ ᤛᤧᤰᤂᤠᤒᤠ ᤆᤥ᤺ᤰᤐᤡ ᤔᤧ᤺ᤶᤒᤡ ᤑᤠ᤹ᤀᤠᤱ ᤀᤠᤒᤠᤅᤣ ᤛᤠ᤹ᤖᤧᤶᤔᤧ᤹ᤀᤥ॥ ᤕᤧᤛᤢ ᤂᤪᤡᤛ᤻ᤋᤧᤴ ᤂᤡᤏᤡ᤹ᤀᤥ ᤘᤠ᤹ ᤑᤠ᤹ᤀᤠᤱ ᤁᤧᤴᤏᤡ᤺ᤛᤢᤶᤔᤡᤶᤒᤡ᥅ ᤂᤪᤡᤛ᤻ᤋᤧᤴ ᤂᤡᤏᤡ᤹ᤀᤥ ᤜᤥ᤺ᤵᤏᤧ ᤑᤠ᤹ᤃᤪ ᤛᤧᤰᤂᤠᤀᤣ ᤁᤢᤛᤠᤱ ᤁᤧᤴᤗᤛ᤻ᤛᤢᤶᤔᤡᤴᤗᤥ॥  
\v 6 ᤜᤧᤰᤁᤩᤠᤱ ᤀᤠᤏᤡᤃᤧᤃ ᤁᤢᤛᤠᤱ ᤔᤧᤴᤗ᤺ᤶᤔᤏᤠᤒᤠ ᤔᤧᤶᤒᤥ᤺ᤱᤅᤣ ᤘᤕᤡᤃᤧ ᤁᤧᤗ᤹ᤒᤠᤴ ᤂᤡᤏᤡ᤹ ᤏᤡᤱᤘᤠ᤹ ᤁᤧᤄᤥ᤺ᤛᤢᤶ ᤑᤠ᤹ᤀᤠᤱ ᤏᤡᤱᤛᤠᤱ ᤆᤥᤃᤢᤱᤗᤥ॥ 
\p  
\v 7 ᤂᤡᤏᤡ᤹ᤃ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤌᤣᤀᤠᤱ ᤁᤧᤴᤈᤥᤃᤢᤶᤔᤡᤴᤗ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤋᤢᤘᤠ ᤆᤥᤃᤢᤶᤒᤧ᤹ᤖᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤗᤢᤶᤔᤥ ᤀᤠᤏᤡᤃᤧ ᤔᤠᤱᤛᤣᤘᤠ᤺ᤴ ᤁᤢᤛᤠᤱ ᤗᤛ᤻ᤛᤢ ᤑᤠ᤹ᤀᤠᤱ ᤌᤠ᤺ᤶᤔᤠᤛᤡᤃᤧᤒᤠ ᤔᤧ᤺ᤴ. ᤁᤖ ᤀᤠᤏᤡᤃᤧ ᤁᤢᤛᤠᤱ ᤔᤧᤗᤛ᤻ᤛᤢᤶᤒᤧᤶᤒᤠ ᤁᤢᤀᤡᤛᤡ᤺ᤰ ᤗ᤹ᤛᤠᤱ ᤂᤡᤏᤡ᤹ ᤏᤢ᤺ᤒᤠ ᤁᤧᤈᤥᤃᤢᤶᤗ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ ᤘᤠ᤹ᤖᤥ॥  
\v 8 ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤧᤃ ᤛᤧᤰᤂᤠ᤺ᤸᤗᤧ ᤁᤢᤍᤰᤗᤧᤱᤅᤥ ᤌᤣᤀᤠᤱ ᤆᤥ᤺ᤰᤔᤠ ᤔᤧᤛᤢᤰᤋᤢᤶᤒᤧᤴᤗᤥ. ᤁᤖ ᤛᤧᤰᤂᤠ᤺ᤸᤗᤧ ᤗᤠᤃᤡᤖᤰ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢᤰᤋᤢᤶᤒᤧᤖᤥ॥  
\v 9 ᤀᤠᤏᤡᤃᤧ ᤔᤧᤴᤎᤢᤶᤔᤏᤠ ᤐᤥ᤺ᤰᤂᤡᤃᤧᤀᤠᤱ ᤂᤡᤏᤡ᤹ ᤛᤧᤰᤂᤠᤀᤣ ᤁᤧᤎᤢᤶᤒᤠ ᤁᤧᤒᤥ᤺ᤰᤂᤡᤸᤗᤧ ᤛ᤺ᤳᤋᤡᤃᤧᤖᤥ॥ ᤀᤠᤏᤡᤃᤧᤃ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤢᤗᤡᤱᤎᤥ ᤁᤧᤃᤧᤖᤡᤖ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢᤶᤒᤧ᤹ᤖᤥ॥  
\v 10 ᤒᤠ ᤂᤧᤸᤗᤧ ᤆᤥᤃᤢᤸᤗᤧ ᤁᤴ ᤐᤠ᤺ᤴᤜᤠ᤹ᤃ ᤂᤡᤏᤡ᤹ᤀᤥ ᤋᤠᤔᤠᤏᤢ᤺ᤸᤗᤧ ᤋᤃᤡ ᤛᤠᤵᤋᤢᤱᤗ ᤐᤳᤋᤠᤖᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤋᤠᤀᤠᤸᤗᤧ ᤀᤠᤕᤢᤰᤁᤡᤴ ᤛᤠᤰᤗ ᤀᤥᤃᤵ ᤆᤥ᤺ᤰᤔᤠ ᤔᤧᤒᤥ᤺ᤱᤏᤧᤴᤗ ᤁᤧᤗ᤹ᤒᤠ ᤏᤡᤱᤛᤠᤱ ᤆᤥᤃᤢᤱᤗᤥ॥ ᤍᤠᤱᤒᤠᤸᤗᤧ ᤀᤡᤱᤃᤠ᤹ ᤁᤴ ᤕᤢᤰᤁᤡᤱᤃ ᤂᤡᤏᤡ᤹ ᤑᤧᤳᤗᤠ᤺ᤴᤇᤧ ᤔᤧ᤺ᤴ. ᤁᤖ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤌᤥᤒᤥ ᤆᤥ᤺ᤰᤔᤠ ᤑᤠ᤹ᤀᤠᤱ ᤐᤡᤖᤠᤱᤒᤠᤖᤥ॥ 
\s1 ᤁᤢᤏᤢᤵᤔᤠ ᤛᤧᤶᤔᤢ᤹ᤀᤡ 
\p  
\v 11 ᤀᤠᤸᤗ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤁᤢᤏᤢᤵᤔᤥ ᤛᤧᤶᤔᤢ᤹ᤀᤡ ᤛᤣᤘᤠᤖᤥ॥ ᤁᤢᤗᤡᤱᤎᤥ ᤁᤧᤵᤔᤠ ᤏᤡᤱᤘᤠ᤹ ᤆᤥᤃᤧᤶᤔᤧ᤹. ᤀᤠᤒᤠ᤺ᤴᤏᤡᤴ ᤂᤧᤵᤛᤧᤶᤔᤧ᤹. ᤏᤡᤱᤘᤠ᤹ᤀᤥ ᤌᤡᤰᤜᤢᤵ ᤐᤥ᤺ᤰᤂᤧᤶᤔᤧ᤹. ᤛᤏᤠᤖᤢᤱᤅᤥ ᤘᤕᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤔᤡ᤺ᤶᤈᤡ ᤏᤢ ᤛᤏᤠᤖᤢᤱ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ᤏᤢ ᤘᤠ᤹ᤖᤥ॥  
\v 12 ᤂᤡᤏᤡ᤹ᤃ ᤏᤛᤠᤏᤡᤒᤠ ᤔᤡ᤺ᤶᤈᤡ᤺ᤸᤗᤧ ᤛᤣᤘᤠ ᤔᤧᤳᤋᤠᤛᤡᤶᤔᤧ᤹ᤀᤥ॥  
\v 13 ᤁᤵᤔᤥᤒᤠ ᤁᤧᤖᤧᤰ ᤏᤛᤠᤏᤡᤒᤠᤜᤠ᤹ᤖᤧ ᤂᤡᤏᤡ᤹ ᤛᤣᤘᤠ ᤁᤧᤶᤜᤠᤰᤋᤡ᤹ᤖᤥ॥  
\v 14 ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤔᤡᤴ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡᤴ ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤁᤢᤛᤣᤛᤣ ᤋᤱᤈᤢᤶᤔᤡᤴ ᤂᤡᤏᤡ᤹ᤏᤢ ᤘᤠ᤹ᤖᤖᤥ॥