\id 1PE  
\h ᥇ ᤐᤋᤪᤢᤛ 
\toc1 ᤐᤋᤪᤢᤛᤖᤧ ᤛᤠᤵᤋᤢᤒᤠ ᤌᤡᤰᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ 
\toc2 ᥇ ᤐᤋᤪᤢᤛ 
\toc3 ᥇ ᤐᤋᤪᤢᤛ 
\mt1 ᤐᤋᤪᤢᤛᤖᤧ ᤛᤠᤵᤋᤢᤒᤠ ᤌᤡᤰᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ 
\imt1 ᤏᤡ᤺ᤛᤢᤶ 
\ip ᤁᤴ ᤛᤰᤀᤡᤱᤄᤱᤅᤡᤴ ᤐᤋᤪᤢᤛᤖᤧ ᤀᤣᤛᤡᤕᤠ ᤔᤠᤀᤡᤏᤖᤀᤥ ᤌᤠᤱᤃᤧᤴ ᤐᤡᤛᤠᤱᤒᤠ ᤋᤧᤱᤃᤵᤜᤠ᤹ᤀᤥ ᤁᤧᤛᤧᤒᤠᤀᤠᤱ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤁᤴ ᤛᤰᤀᤡᤱᤅᤥ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠᤛᤡ ᤑᤠ᤹ᤀᤠᤱ ᤔᤧᤔᤧᤳᤋᤧᤀᤠᤱ ᤘᤠ᤹॥ ᤁᤴ ᤛᤰᤀᤡᤱᤄᤱᤅᤡᤸᤗᤧ ᤁᤢᤏᤡᤱᤛᤣ᤺ᤰᤁᤡᤱᤃ ᤁᤴ ᤁᤧᤏᤡ᤺ᤵᤐᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤈᤥᤃᤢᤒᤠᤸᤗᤧ ᤂᤧᤱᤜᤠ᤹ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤥ ᤔᤧᤎᤩᤧᤀᤠᤱ ᤔᤧᤘᤕᤧ॥ ᤀᤰᤂᤣᤗ᤹ᤖᤡᤰ ᤜᤠᤱᤜᤠᤱ ᤔᤧᤳᤋᤢᤛᤡᤸᤗᤧ. ᤐᤋᤪᤢᤛᤖᤧ ᤂᤧᤱᤜᤠ᤹ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤄᤱ. ᤂᤢᤏᤧ᤹ ᤁᤢᤛᤡ᤺ᤔᤧᤴ. ᤂᤢᤏᤧ᤹ ᤁᤢᤜᤡᤱᤘᤧᤳ ᤁᤢᤒᤥ᤺ᤱᤔᤠᤴ ᤜᤧᤰᤁᤩᤠᤱ ᤂᤢᤏᤧ᤹ ᤕᤠᤶᤔᤥᤀᤠᤱ ᤕᤢ᤺ᤀᤠ ᤐᤠ᤺ᤳᤋᤢᤒᤠ ᤔᤠᤱᤜᤧᤰᤁᤡᤴ ᤏᤡᤱᤘᤠ᤹ᤛᤥ ᤋᤠᤖᤢᤒᤡᤖᤢᤛᤡᤖ ᤏᤡᤱᤛᤠᤱ ᤐᤡᤖᤢᤛᤡᤖᤥ॥ ᤂᤧᤱᤜᤠ᤹ᤖᤧ ᤔᤧᤍᤢᤔᤢᤒᤠ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤡᤱᤃ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤧᤰᤂᤠᤒᤠ ᤏᤛᤠ᤺ᤴᤏᤡᤸᤗᤧ ᤁᤢᤛᤠ᤹ᤔᤠᤖᤥ. ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤀᤥᤛᤣ᤺ᤴᤎᤠᤰᤛᤡᤱᤒᤠ ᤕᤧᤴᤏᤥ ᤜᤠᤱᤛᤧᤶ ᤂᤥ᤺ᤔᤠ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤡᤴ ᤌᤶᤔᤠ ᤐᤥ᤺ᤱᤗᤥ॥ 
\ip ᤐᤋᤪᤢᤛᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤁᤧᤏᤡ᤺ᤵᤐᤠᤜᤠ᤹ ᤋᤢᤰᤂᤣᤒᤠ ᤕᤧᤶᤔᤥ ᤜᤠᤱᤜᤠᤱ ᤔᤧᤳᤋᤢᤛᤡᤖ ᤂᤪᤡᤛ᤻ᤋᤖᤧ ᤁᤢᤔᤏᤠᤜᤠ᤹ ᤜᤧᤰᤁᤣ ᤜᤡᤱᤔᤠᤖᤥ ᤑᤠ᤹ᤀᤠᤱ ᤂᤧᤱᤜᤠ᤹ ᤐᤣᤗᤡ ᤑᤠᤰᤋᤢᤛᤡᤖᤥ॥ 
\is1 ᤌᤠᤔᤡᤱ 
\io1 ᤏᤡ᤺ᤛᤢᤶ ᥇.᥇-᥈ 
\io1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤴᤗᤵᤐᤡᤸᤗᤧᤴ ᤏᤡᤱᤘᤠ᤹ᤛᤢᤶ ᥇.᥉-᥇᥈ 
\io1 ᤛᤣᤛᤣᤒᤠ ᤜᤡᤱᤔᤴ ᤜᤡᤱᤔᤠᤖᤧᤴ ᤂᤠᤜᤢᤴ ᥇.᥇᥉-᥈.᥇᥆ 
\io1 ᤋᤢᤰᤂᤣᤗᤠᤰᤂᤣᤒᤠ ᤕᤧᤶᤔᤥ ᤂᤪᤡᤛ᤻ᤋᤠᤏᤡᤜᤠ᤹ᤖᤧᤴ ᤗᤰᤐᤧᤴᤜᤠ᤹ ᥈.᥇᥇-᥊.᥇᥏ 
\io1 ᤂᤪᤡᤛ᤻ᤋᤠᤏᤡ ᤏ᤺ᤶᤏ᤺ᤶ ᤗ᤹ᤔᤠᤴ ᤏᤢ ᤛᤣᤘᤠ᤺ᤴ ᥋.᥇-᥇᥇ 
\io1 ᤁᤢᤏᤢᤵᤔᤠ ᥋.᥇᥈-᥇᥊ 
\c 1  
\s1 ᤐᤋᤪᤢᤛᤗᤠᤶ ᤛᤣᤘᤠ 
\p  
\v 1 ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤀᤡᤱᤃᤠ᤹ ᤐᤋᤪᤢᤛᤗᤠᤶᤒᤠ ᤐᤴᤋᤡᤕᤛ. ᤃᤗᤠᤋᤡᤕᤠ. ᤁᤠᤵᤐᤠᤍᤥᤁᤡᤕᤠ. ᤀᤣᤛᤡᤕᤠ ᤜᤧᤰᤁᤩᤠᤱ ᤒᤡᤌᤠᤏᤡᤕᤠ ᤌᤢᤶᤜᤠ᤹ᤀᤥ ᤁᤧᤛᤧᤒᤠᤀᤠᤱ ᤁᤧᤕᤢᤱᤒᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠ ᤘᤧᤵᤔᤡᤒᤠ ᤁᤢᤀᤡᤛᤡ᤺ᤰ ᤁᤧᤘᤠ᤹ᤒᤠ ᤁᤢᤔᤏᤠᤜᤠ᤹ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤒᤠᤖᤥ॥  
\v 2 ᤏᤡᤱᤘᤠ᤹ᤑᤢᤐᤠ᤺ᤸᤗᤧ ᤋᤃᤡᤛᤠ ᤁᤢᤛᤡᤱ ᤁᤧᤏᤡ᤺ᤳᤋᤡᤒᤠ ᤁᤢᤀᤡᤛᤡ᤺ᤰ ᤁᤢᤔᤏᤠ ᤐᤥ᤺ᤱᤛᤧ ᤁᤧᤛᤣᤃᤡᤀᤠᤱ ᤛᤣᤛᤣᤔᤠᤱᤅᤡᤸᤗᤧ ᤛᤢᤳᤌᤥ ᤁᤧᤈᤥᤃᤡᤖᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤀᤡᤱᤈᤠ᤺ᤱᤃᤧᤶᤒᤠ ᤁᤧᤒᤥ᤺ᤰᤂᤡᤀᤠᤱ ᤁᤢᤔᤠᤰᤂᤡ᤹ᤀᤡᤸᤗᤧ ᤛᤣᤛᤣᤛᤠᤱᤛᤠᤱ ᤁᤧᤈᤥᤃᤡᤖᤥ॥ ᤜᤠᤖᤠ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶ ᤏᤢ ᤁᤢᤛᤏᤠᤖᤢᤱᤅᤡᤴ ᤀᤠᤸᤗᤛᤠᤱ ᤕᤖᤡᤰ ᤂᤡᤏᤡ᤹ᤀᤥ ᤘᤠ᤹ᤖᤖᤥ॥ 
\s1 ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤧᤴ ᤏᤡᤱᤛᤠᤱ 
\p  
\v 3 ᤜᤠᤖᤠ᤹ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤐᤠᤏᤢᤍᤡᤱ ᤁᤢᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥ᤺ᤖᤖᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤕᤶᤒᤠ ᤁᤢᤗᤢᤱᤃᤢᤶᤔᤡᤸᤗᤧ ᤀᤠᤏᤡ᤹ ᤁᤢᤛᤱ ᤛᤠᤘᤠ᤺ᤴᤇᤡᤱᤔᤠ ᤀᤠᤒᤡᤖᤧᤀᤠᤱ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤜᤡᤱᤄᤢᤒᤠᤸᤗᤧ ᤆᤥᤃᤢᤸᤗᤧ ᤜᤠᤱᤜᤠᤱᤒᤠ ᤏᤡᤱᤛᤠᤱ ᤀᤠᤒᤡᤖᤧᤀᤠᤱ ᤀᤠᤘᤠ᤹ᤖᤥ॥  
\v 4 ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤀᤠᤵᤑᤠᤸᤗᤧᤀᤠᤱ ᤀᤠᤛᤢᤳᤌᤥ ᤔᤧᤶᤒᤥ᤺ᤱᤔᤏᤠ. ᤀᤡᤔᤧᤸᤗᤧᤶᤔᤏᤠ ᤔᤧᤶᤒᤣ᤺ᤰᤔᤏᤠᤒᤠ ᤏᤢ ᤔᤧᤴᤕ᤺ᤵᤔᤏᤠ ᤔᤧᤴᤃᤡ᤺ᤔᤏᤠ ᤀᤡᤔᤧᤸᤗᤢᤱᤒᤠ ᤗᤰ ᤀᤠᤏᤡ᤹ ᤗᤠᤃᤡ ᤕᤢᤰᤂᤢᤀᤠᤱ ᤘᤠ᤹ᤖᤥ॥  
\v 5 ᤁᤢᤏᤢᤵᤔᤠ ᤕᤧᤶᤔᤥ ᤀᤥᤛᤣ᤺ᤴᤍᤠᤱ ᤐᤥ᤺ᤱᤔᤠ ᤁᤧᤀᤡ᤺ᤵᤐᤠ ᤛᤧᤴᤗᤵᤐᤡᤴ ᤔᤧᤴᤍᤠᤀᤣ ᤌᤠᤖᤡᤰ ᤂᤡᤏᤡ᤹ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤋᤠᤱᤃᤧᤛᤧ᤺ᤵᤋᤡᤀᤠᤱ ᤘᤠ᤹॥  
\v 6 ᤂᤧᤴ ᤐᤠ᤺ᤴᤏᤥ ᤁᤧᤛ᤺ᤳᤋᤡ᤹ᤖᤥ. ᤜᤧᤰᤁᤣᤛᤠᤱ ᤛᤵᤑᤠᤖᤧ ᤗᤠᤃᤡ ᤂᤡᤏᤡ᤹ ᤕᤖᤡᤰ ᤐᤖᤡᤰᤗᤧᤴ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ ᤁᤧᤎᤖᤢᤶᤗᤀᤣ ᤐᤥ᤺ᤱᤗᤥ॥ 
\p  
\v 7 ᤔᤡ᤺ᤸᤗᤧ ᤛᤠᤶᤔᤩᤠᤱᤅᤡᤴ ᤕᤥ᤺ᤴᤍᤢᤀᤠᤱ ᤛᤢᤳᤌᤥ ᤆᤥᤃᤢᤒᤠ ᤁᤢᤀᤡᤛᤡ᤺ᤰ ᤂᤧᤴ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ᤖᤧᤃ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤛᤠ᤹ᤖᤢᤀᤠᤱ ᤁᤧᤎᤢᤶᤒᤠ ᤏᤢ ᤛᤢᤳᤌᤥ ᤆᤥᤃᤢ᤹ᤖᤥ. ᤁᤖ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤂᤧᤴ ᤛᤠᤶᤔᤩᤠᤱᤅᤡᤴᤏᤢ᤺ᤸᤗᤧᤀᤠᤱ ᤀᤡᤔᤧᤸᤗᤢᤱᤒᤠ ᤆᤥ᤺ᤰᤗᤥ॥ ᤜᤧᤰᤁᤣᤗ᤹ᤖᤡᤰ ᤂᤧᤴ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ ᤏᤠᤛᤡ ᤁᤧᤎ᤺ᤳᤋᤢᤶᤏᤧ ᤑᤠ᤹ᤃᤪ ᤕᤧᤛᤢ ᤂᤪᤡᤛ᤻ᤋᤧᤴ ᤕᤢ᤺ᤸᤗᤧ ᤏᤧᤶᤓᤥᤃᤧᤴ ᤏᤠᤖᤠ ᤑᤥ᤺ᤔᤠᤴ. ᤔᤡᤔᤡᤍᤡᤱ ᤏᤢ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤄᤥ᤺ᤛᤢᤶᤗᤥ॥ 
\p  
\v 8 ᤂᤡᤏᤡ᤹ ᤀᤠᤵᤑᤠᤸᤗᤧᤀᤠᤱ ᤂᤢᤏᤧ᤹ ᤔᤧᤴᤏᤡᤀᤣ ᤁᤧᤘᤕᤡᤛᤠᤱ ᤂᤢᤏᤧ᤹ ᤔᤡ᤺ᤶᤈᤡ ᤁᤧᤔᤧᤳᤋᤢᤶᤗᤥ. ᤜᤧᤰᤁᤩᤠᤱ ᤀᤠᤸᤗᤥ ᤂᤢᤏᤧ᤹ ᤁᤧᤴᤏᤡ᤺ᤛᤢᤶᤔᤡᤴᤇᤠᤱ ᤂᤢᤏᤧ᤹ ᤛᤶᤍᤠᤱ ᤏᤛᤠ᤺ᤴ ᤁᤧᤈᤥᤃᤢᤶᤔᤠᤱ ᤀᤠᤳᤋᤠᤳᤋᤠᤴᤏᤣ ᤕᤖᤡᤰ ᤔᤡᤔᤡᤍᤡᤱᤃᤧᤴ ᤛ᤺ᤵᤔᤠᤸᤗᤧ ᤁᤢᤎᤡᤶ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 9 ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤕᤠᤶᤛᤠᤶᤔᤡᤸᤗᤧᤴ ᤛᤧᤴᤗᤵᤐᤡᤴ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ 
\p  
\v 10 ᤒᤠ ᤁᤴ ᤛᤧᤴᤗᤵᤐᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤀᤢᤴᤇᤣ᤺ᤴᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤏᤢ᤺ᤖᤡᤰᤁᤠᤱ ᤔᤧᤃᤥ᤺ᤳᤋᤢ ᤜᤧᤰᤁᤩᤠᤱ ᤂᤧᤴ ᤂᤡᤏᤡ᤹ᤀᤥ ᤋᤠ᤺ᤔᤠ ᤁᤧᤒᤥ᤺ᤱᤒᤠ ᤗᤢᤱᤃᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤠᤱᤏᤡᤱᤘᤠ᤹ ᤐᤠ᤺ᤴ ᤔᤧᤒᤠᤖᤧᤖᤥ॥  
\v 11 ᤂᤧᤱᤜᤠ᤹ᤀᤥ ᤁᤧᤘᤠ᤹ᤒᤠ ᤂᤪᤡᤛ᤻ᤋᤖᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤂᤪᤡᤛ᤻ᤋᤖᤧ ᤏᤠᤛᤡ ᤌ᤺ᤵᤔᤠ ᤁᤧᤒᤥ᤺ᤱᤒᤠ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤏᤢ ᤕᤠᤱᤛᤡ ᤁᤧᤒᤥ᤺ᤱᤒᤠ ᤔᤡᤔᤡᤍᤡᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤋᤃᤡᤛᤠ ᤂᤧᤱᤜᤠ᤹ ᤔᤧᤳᤋᤢᤛᤡᤖᤥ॥ ᤁᤴ ᤐᤠ᤺ᤴᤜᤠ᤹ ᤀᤠᤰᤂᤣᤗ᤹ᤖᤡᤰ ᤐᤥ᤺ᤱ ᤜᤧᤰᤁᤩᤠᤱ ᤀᤠᤵᤑᤠᤸᤗᤧ ᤐᤥ᤺ᤱ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤁᤢᤛᤡᤱ ᤏᤡ᤺ᤵᤔᤠ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥ 
\p  
\v 12 ᤂᤢᤏᤡ᤹ ᤔᤠᤱᤛᤣᤘᤠ᤺ᤴ ᤀᤠᤒᤠᤅᤣ ᤂᤧᤱᤜᤠ᤹ᤖᤧ ᤗᤠᤃᤡ ᤔᤧ᤺ᤴ. ᤁᤖ ᤂᤡᤏᤡ᤹ ᤗᤠᤃᤡ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤥᤛᤣ᤺ᤴᤎᤠᤰᤋᤢᤛᤡᤖᤥ॥ ᤜᤧᤰᤁᤩᤠᤱ ᤀᤠᤸᤗ ᤁᤴ ᤕᤧᤶᤔᤥᤒᤠ ᤔᤏᤠᤜᤠ᤹ᤖᤧ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤛᤢᤏᤠᤀᤡᤱᤅᤡᤴ ᤀᤡᤱᤃᤧᤶᤓᤥ᤺ᤛᤡᤖᤥ॥ ᤔᤠᤱᤗᤠᤀᤡᤱᤒᤠᤜᤠ᤹ᤖᤧᤀᤠᤱ ᤁᤴ ᤐᤠ᤺ᤴᤜᤠ᤹ ᤀᤥᤔᤧᤵᤔᤠ ᤛᤠ᤹ᤖᤡᤰ ᤏᤡᤱᤘᤠ᤹ ᤔᤧᤈᤥᤃᤢᤀᤠᤱ ᤔᤧᤘᤕᤧ॥ 
\s1 ᤛᤣᤛᤣ ᤜᤡᤱᤔᤴᤏᤥ ᤘᤠ᤹ᤔᤠ ᤐᤥ᤺ᤱ 
\p  
\v 13 ᤂᤧᤸᤗᤧ ᤆᤥᤃᤢᤸᤗᤧ ᤔᤠᤱᤛᤣᤘᤠ ᤆᤥ᤺ᤰᤔᤠ ᤑᤠ᤹ᤀᤠᤱ ᤏᤡᤱᤘᤠ᤹ᤀᤥ ᤕᤠᤖᤡᤵ ᤐᤥ᤺ᤰᤂᤧᤶᤔᤧ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤀᤡᤴ ᤕᤥᤎᤥ ᤔᤧᤶᤔᤧᤳᤋᤣ ᤘᤕᤧᤶᤔᤧ᤹ᤀᤥ॥ ᤕᤧᤛᤢ ᤂᤪᤡᤛ᤻ᤋᤧᤴ ᤏᤢ᤺ᤱ ᤕᤢ᤺ᤸᤗᤧ ᤁᤧᤄᤥ᤺ᤛᤢᤶᤒᤠ ᤗᤢᤱᤃᤢᤶᤔᤡᤴ ᤁᤢᤗᤡᤱᤎᤥ ᤁᤧᤳᤗ ᤏᤡᤱᤛᤠᤱ ᤆᤥᤃᤧᤶᤔᤧ᤹ᤀᤥ॥  
\v 14 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤈᤠ᤺ᤱ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡᤒᤠᤸᤗᤧ ᤆᤥᤃᤢᤸᤗᤧ ᤋᤃᤡ ᤔᤧᤴᤏᤡᤀᤣ ᤔᤧᤸᤗᤧᤀᤣ ᤁᤧᤘᤕᤡᤸᤗᤧ ᤁᤧᤈᤥᤃᤢᤶᤒᤠ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠ ᤏᤡᤱᤘᤠ᤹ᤀᤥ ᤕᤠᤶᤔᤥ ᤔᤧᤒᤳᤇᤧᤶᤔᤡᤴᤏᤧ᤹ᤀᤥ॥  
\v 15 ᤁᤖ ᤂᤡᤏᤡ᤹ ᤁᤧᤀᤢ᤺ᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤛᤣ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤁᤧᤈᤥᤃᤢᤶ ᤁᤧᤒᤠ᤺ᤳᤋᤢᤶᤒᤠ ᤁᤠᤰ ᤐᤠ᤺ᤴᤏᤥ ᤛᤣᤛᤣ ᤘᤕᤧᤶᤔᤧ᤹ᤀᤥ॥  
\v 16 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ. “ᤀᤡᤱᤃᤠ᤹ ᤛᤣᤛᤣ ᤘᤠ᤹ᤀᤠᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ᤀᤠᤱ ᤛᤣᤛᤣ ᤘᤕᤧᤶᤔᤧ᤹ᤀᤥ॥”\f * \fr 1:16 \ft ᤗᤧᤒᤡ ᥇᥇.᥊᥊-᥊᥋. ᥇᥏.᥈. ᥈᥆.᥍\f* 
\p  
\v 17 ᤋᤢᤘᤠ ᤁᤧᤈᤥᤃᤢᤶᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰ ᤁᤢᤀᤡᤛᤡ᤺ᤰ ᤂᤠᤛᤧᤴ ᤆᤥᤃᤢᤛᤡᤸᤗᤧ ᤀᤣ᤺ᤰ ᤐᤀᤣ᤺ᤰ ᤔᤧᤈᤥᤃᤢᤴᤇᤡᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤕᤡᤖ ᤌᤠᤖᤡᤰ ᤂᤢᤏᤧ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤔᤧ᤹ᤖ ᤘᤕᤧᤶᤔᤧ᤹ᤀᤥ॥  
\v 18 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤐᤠᤎᤧᤒᤠᤗᤠᤶᤒᤠ ᤁᤧᤏᤠ᤺ᤳᤋᤢᤶ ᤁᤧᤀᤡ᤺ᤳᤋᤢᤶᤗ ᤁᤧᤕᤢ᤺ᤖᤢᤶᤒᤠ ᤜᤏᤧᤒᤠ ᤌᤡᤶᤜᤠ᤹ᤗᤠᤶ ᤁᤧᤔᤧᤰᤐᤠ ᤁᤧᤒᤣ᤺ᤰᤐᤠ ᤛᤠᤶᤔᤩᤠᤱ ᤕᤢᤵᤐᤠ ᤜᤧᤰᤋᤱᤒᤠ ᤐᤠ᤺ᤴᤜᤠ᤹ᤖᤧ ᤁᤧᤎᤧ᤹ᤖᤡᤀᤠᤱ ᤋᤠᤱᤃᤧᤛᤧ᤺ᤵᤋᤡᤒᤠ ᤔᤧ᤺ᤴ ᤑᤠ᤹ᤀᤠᤱ ᤂᤡᤏᤡ᤹ ᤁᤧᤏᤡ᤺ᤛᤢᤶᤗᤥ॥  
\v 19 ᤁᤖ ᤔᤧᤱᤃᤠ᤺ᤴᤏᤣᤒᤠ ᤏᤢ᤺ᤒᤠ ᤔᤧᤸᤗᤢᤰᤛᤠ ᤁᤢᤀᤡᤛᤡ᤺ᤰᤐᤠ ᤂᤪᤡᤛ᤻ᤋ ᤕᤧᤛᤢᤖᤧ ᤀᤡᤔᤧᤸᤗᤢᤱᤒᤠ ᤁᤢᤔᤠᤰᤂᤡ᤹ᤀᤡᤸᤗᤧ ᤂᤡᤏᤡ᤹ ᤁᤧᤎᤧ᤹ᤖᤡᤒᤠᤖᤥ॥  
\v 20 ᤂᤢᤏᤧ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤔᤠᤏᤢ᤺ᤸᤗᤧ ᤋᤃᤡᤀᤣ ᤛᤣᤃᤧᤒᤠᤖᤥ. ᤁᤖ ᤂᤡᤏᤡ᤹ᤗᤠᤃᤡ ᤁᤴ ᤁᤢᤏᤢᤵᤔᤠ ᤕᤧᤶᤔᤥ ᤂᤢᤏᤧ᤹ ᤀᤥᤛᤣ᤺ᤴᤍᤠᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 
\p  
\v 21 ᤂᤢᤏᤧ᤹ᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤁᤧᤈᤥᤃᤢᤶ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤜᤡᤱᤄᤢᤀᤠᤱ ᤁᤢᤔᤡᤔᤡᤍᤡᤱ ᤆᤥᤃᤢ॥ ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ ᤏᤛᤠ᤺ᤴ ᤏᤢ ᤏᤡᤱᤛᤠᤱ ᤁᤧᤈᤥᤃᤢᤶᤔᤠᤱ ᤁᤧᤘᤕᤡ᤹ᤖᤥ॥ 
\s1 ᤔᤧᤴᤏᤢᤵᤔᤏᤠᤒᤠ ᤐᤠ᤺ᤴᤈᤠᤰ 
\p  
\v 22 ᤀᤠᤸᤗ ᤛᤧᤰᤂᤠ ᤐᤠ᤺ᤴᤏᤡᤴ ᤂᤧᤶᤔᤠ ᤁᤧᤍᤧᤴᤍᤡᤀᤠᤱ ᤀᤠᤒᤠᤅᤣ ᤛᤢᤳᤌᤥ ᤁᤧᤈᤥ᤺ᤰᤁᤠᤛᤡᤀᤠᤱ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ ᤏᤢ᤺ᤖᤡᤰ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶ. ᤜᤧᤰᤁᤣ᤺ᤸᤗᤧ ᤛᤡᤰᤗᤢᤱᤔᤥᤗᤠᤶᤔᤣ ᤛᤠ᤹ᤖᤡᤰ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥  
\v 23 ᤂᤡᤏᤡ᤹ᤃ ᤁᤧᤔᤧᤰᤐᤠᤀᤠᤱ ᤁᤧᤒᤣ᤺ᤰᤐᤠ ᤕᤠ᤹ᤖᤡ᤺ᤶᤒᤠᤗᤠᤶ ᤔᤧ᤺ᤴ. ᤁᤖ ᤁᤢᤜᤡᤱᤘᤧᤳ ᤏᤢ ᤛᤍᤠᤍᤡᤱ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤥᤗᤠᤶ ᤁᤢᤛᤱ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥  
\v 24 ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. 
\q1 “ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤃ ᤕᤠ᤺ᤴ ᤛᤢᤱ ᤁᤢᤀᤡᤛᤡ᤺ᤰ ᤔᤧᤈᤥ᤺ᤰᤗᤥ॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤂᤣ᤺ᤶᤛᤡᤱᤔᤧᤱᤃ ᤑᤢᤱᤅᤡᤸᤗᤧᤴ ᤁᤢᤀᤡᤛᤡ᤺ᤰ ᤆᤥ᤺ᤰ॥ ᤕᤠ᤺ᤴ ᤛᤢᤱᤅᤡᤴ ᤀᤡᤖᤧᤶ. ᤜᤧᤰᤁᤩᤠᤱ ᤑᤢᤱᤅᤡᤴ ᤗᤢ᤺ᤰᤌᤠ.  
\v 25 ᤁᤖ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠᤰᤁᤡᤱᤃ ᤛᤍᤠᤍᤡᤱ ᤛᤍᤠᤍᤡᤱ ᤘᤠ᤹ᤖᤥ॥”\f * \fr 1:25 \ft ᤕᤛᤤᤕᤠ ᥊᥆.᥌-᥎\f* ᤜᤧᤰᤁᤩᤠᤱ ᤂᤡᤏᤡ᤹ᤀᤥ ᤀᤡᤱᤓᤥ᤺ᤛᤧᤒᤠ ᤛᤢᤏᤠᤀᤡᤱᤅᤡᤴ ᤒᤠ ᤂᤧᤴ ᤐᤠ᤺ᤴᤈᤠᤰᤁᤡᤴᤗᤥ॥ 
\c 2  
\nb  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ᤃ ᤔᤏᤠ ᤋᤢᤰᤂᤣ ᤁᤧᤈᤠ᤺ᤵᤐᤠ ᤁᤠᤰ ᤑᤧᤴ ᤕᤠ᤺ᤶᤒᤰᤜᤠ᤹ ᤗᤧᤖᤧᤶᤍᤣ᤺ᤛᤧᤶᤔᤧ᤹ᤀᤥ॥ ᤀᤡᤱᤗᤧᤰ ᤌᤣᤀᤠᤱ ᤔᤧᤒᤠ᤺ᤳᤋᤧᤶᤔᤡᤴᤏᤧ᤹. ᤛᤠᤶᤕᤥᤏᤡᤒᤠ ᤔᤧᤗᤧᤱᤅᤠᤛᤡᤶᤔᤧᤴᤏᤧ᤹. ᤏᤠᤜᤧᤶᤔᤠ ᤕᤠ᤺ᤶᤒᤰ ᤔᤧᤈᤥᤃᤧᤶᤔᤡᤴᤏᤧ᤹ ᤜᤧᤰᤁᤩᤠᤱ ᤁᤠᤰ ᤐᤖᤡᤰᤐᤠ ᤆᤧ᤹ᤕᤠ ᤐᤠ᤺ᤴ ᤔᤧᤒᤠᤖᤧᤶᤔᤡᤴᤏᤧ᤹ᤀᤥ॥  
\v 2 ᤂᤠᤖᤰ ᤛᤠᤃᤧᤘᤠ᤺ᤴᤇᤡᤱᤒᤠ ᤀᤅᤧ᤺ᤰᤘᤠ᤺ᤸᤗᤧ ᤏᤢ᤺ᤴ ᤌᤢᤱᤔᤠ ᤁᤥ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤸᤗᤧᤴ ᤛᤢᤳᤌᤥ ᤕᤠᤶᤛᤠᤶᤃᤧᤴ ᤏᤢ᤺ᤴ ᤌᤢᤱᤔᤠ ᤏᤡᤱᤘᤠ᤹ ᤆᤥᤃᤧᤶᤔᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤂᤧᤴᤗᤠᤶᤒᤠ ᤂᤡᤏᤡ᤹ ᤛᤧᤴᤗᤵᤐᤥ ᤁᤧᤒᤥ᤺ᤖᤡᤖ ᤁᤧᤒᤣᤃᤡ᤹ᤖᤥ॥  
\v 3 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤍᤠᤱᤒᤠᤴ ᤏᤢ᤺ᤒᤠ ᤆᤥ᤺ᤰ ᤑᤠ᤹ᤀᤠᤱ ᤏᤡᤱᤘᤠ᤹ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ 
\s1 ᤁᤢᤜᤡᤱᤘᤧᤳ ᤗᤢᤱᤜᤠ᤹ᤖᤧᤴ ᤕᤠᤶᤛᤠᤶᤃᤧᤴ ᤔᤠᤱᤜᤡᤶ 
\p  
\v 4 ᤔᤏᤠᤜᤠ᤹ᤖᤧ ᤔᤧᤏᤠ᤹ᤖᤢᤒᤠ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤒᤠ ᤀᤡᤔᤧᤸᤗᤢᤱᤒᤠ ᤁᤢᤜᤡᤱᤘᤧᤳ ᤗᤢᤱ ᤂᤪᤡᤛ᤻ᤋᤀᤥ ᤁᤧᤍᤩᤧ᤹ᤀᤡᤸᤗᤧ  
\v 5 ᤂᤡᤏᤡ᤹ᤀᤠᤱ ᤁᤢᤜᤡᤱᤘᤧᤳ ᤗᤢᤱ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤶᤛᤠᤶᤃᤧᤴ ᤔᤠᤱᤜᤡᤶ ᤁᤧᤈᤥᤃᤡ᤹ᤖᤥ॥ ᤂᤡᤏᤡ᤹ᤃ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤧᤍᤠ᤺ᤒᤠ ᤕᤠᤶᤛᤠᤶᤃᤧᤴ ᤛᤡᤍᤢᤱᤈᤓᤠ ᤁᤧᤍᤥ᤺ᤶᤒᤠ ᤛᤣᤛᤣ ᤏᤡᤱᤘᤠ᤹ᤑᤢᤛᤠᤶᤒᤠᤏᤡᤱᤗᤥ॥  
\v 6 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. 
\q1 “ᤀᤥᤔᤧᤳᤋᤧᤶᤔᤧ᤹ᤀᤥ. ᤀᤡᤱᤃᤠ᤹ ᤛᤣ᤺ᤰᤔᤏᤠᤒᤠ ᤏᤢ ᤀᤡᤔᤧᤸᤗᤢᤱᤒᤠ ᤁᤢᤶᤔᤠᤗᤢᤱᤅᤡᤴ\f * \fr 2:6 \ft ᤁᤢᤶᤔᤠᤗᤢᤱ–ᤁᤴ ᤑᤠ᤹ᤀᤡᤴ ᤗᤢᤱᤎᤠᤰ ᤛᤧᤵᤔᤠᤸᤗᤧ ᤁᤢᤛᤢᤰᤐᤥ ᤏᤧᤔᤏᤠᤒᤠ ᤁᤧᤕᤧᤰᤐᤠ ᤕᤶᤒᤠ ᤗᤢᤱᤗᤥ॥\f* ᤕᤖᤢᤛᤗᤧᤶᤔᤥ ᤏᤧᤛ᤻ᤛᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤛᤶᤍᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠᤱᤃ ᤀᤠᤵᤑᤠᤸᤗᤧᤀᤠᤱ ᤛᤡᤖᤡᤱ ᤔ᤺ᤔᤥ ᤔᤧᤎᤠᤏᤧᤴᤗᤥ॥”\f * \fr 2:6 \ft ᤕᤛᤤᤕᤠ ᥈᥎.᥇᥌ \f* 
\p  
\v 7 ᤀᤠᤸᤗ ᤂᤡᤏᤡ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤗᤠᤃᤡ ᤂᤢᤏᤧ᤹ ᤀᤡᤔᤧᤸᤗᤢᤱᤒᤠ ᤗᤢᤱ ᤆᤥ᤺ᤰᤗᤥ. ᤁᤖ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤖᤧ ᤗᤠᤃᤡᤃ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. 
\q1 “ᤗᤢᤱ ᤁᤧᤃᤠᤶᤒᤠᤜᤠ᤹ᤖᤧ ᤔᤧᤏᤠ᤹ᤖᤢᤒᤠ ᤗᤢᤱᤅᤡᤴ ᤁᤢᤶᤔᤠᤗᤢᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥”\f * \fr 2:7 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥇᥇᥎.᥈᥈\f* 
\p  
\v 8 ᤜᤧᤰᤁᤩᤠᤱ “ᤂᤧᤴ ᤗᤢᤱᤅᤡᤸᤗᤧ ᤔᤏᤠᤜᤠ᤹ ᤂ᤺ᤛᤢᤛᤡᤀᤠᤱ ᤔᤧᤈᤥ᤺ᤴᤗᤥ॥” ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤔᤧᤴᤀᤡ᤺ᤳᤋᤢᤴ ᤔᤧᤴᤏᤠ᤺ᤳᤋᤢᤴᤒᤠᤸᤗᤧ ᤆᤥᤃᤢᤸᤗᤧ ᤔᤧᤈᤥ᤺ᤴᤗᤥ॥ ᤜᤧᤰᤋᤱᤒᤠ ᤔᤏᤠᤜᤠ᤹ ᤔᤧᤈᤥ᤺ᤴ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤃᤡᤛᤠ ᤏᤡ᤺ᤴᤎᤥ ᤆᤥᤃᤢᤀᤠᤱ ᤘᤕᤧ॥ 
\p  
\v 9 ᤁᤖ ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤣᤃᤡᤒᤠ ᤔᤏᤠ. ᤜᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ. ᤛᤣᤛᤣ ᤛᤢᤘᤠᤱ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤏᤡᤱᤗᤥ॥ ᤂᤡᤏᤡ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤀᤡᤱᤃᤧᤓᤥ᤺ᤛᤢᤶᤗ ᤑᤠ᤹ᤀᤠᤱ ᤔᤠᤰᤆᤡᤃᤧᤴ ᤂᤠᤍᤠᤶᤔᤥᤗᤠᤶ ᤏᤡᤱᤘᤠ᤹ ᤁᤧᤔᤠᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡᤀᤥ ᤂᤡᤏᤡ᤹ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥ 
\q1  
\v 10 ᤋᤃᤡᤃ ᤂᤡᤏᤡ᤹ ᤁᤢᤔᤏᤠ ᤁᤧᤜᤥ᤺ᤵᤋᤡ. ᤁᤖ ᤀᤠᤸᤗᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹॥ ᤋᤃᤡ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤔᤧᤴᤍᤢᤰᤁᤣ ᤁᤧᤘᤕᤡ. ᤁᤖ ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤁᤧᤍᤢᤰᤋᤡᤀᤠᤱ ᤁᤧᤘᤕᤡ᤹ᤖᤥ॥\f * \fr 2:10 \ft ᤜᤥᤛᤣ ᥇.᥌. ᥏. ᥈.᥈᥉\f* 
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠ ᤜᤧᤰᤁᤣ ᤘᤕᤧᤶᤔᤧ᤹ 
\p  
\v 11 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ᤃ ᤁᤵᤔᤥ ᤘᤧᤵᤔᤡᤒᤠ ᤏᤢ ᤔᤠ᤺ᤱᤄᤠ ᤗᤠᤈᤣ᤹ᤒᤠ ᤁᤢᤀᤡᤛᤡ᤺ᤰ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤗᤠᤕᤥᤒᤠ ᤑᤧᤴ ᤏᤡᤱᤘᤠ᤹ᤗᤠᤶ ᤗᤠ᤺ᤳᤗᤠ᤺ᤳ ᤘᤕᤧᤶᤔᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤏᤡᤱᤗᤥ॥ ᤂᤧᤴ ᤗᤠᤕᤥᤒᤠ ᤑᤧᤴ ᤏᤡᤱᤘᤠ᤹ᤀᤡᤱᤃ ᤂᤡᤏᤡ᤹ ᤕᤠᤶᤛᤠᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ॥  
\v 12 ᤂᤡᤏᤡ᤹ᤃ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ᤏᤢ ᤏᤢ᤺ᤖᤡᤰᤁᤠᤱ ᤏᤢ᤺ᤒᤠ ᤜᤡᤱᤔᤴᤏᤥ ᤘᤕᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤂᤡᤏᤡ᤹ ᤑᤧᤴ ᤐᤠ᤺ᤴᤜᤠ᤹ ᤁᤧᤈᤥᤃᤢᤶ ᤗ᤹ᤖᤡᤰ ᤐᤠ᤺ᤴ ᤁᤧᤶᤎᤡᤰᤋᤡᤛᤠᤱ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ ᤔᤧᤏᤡ᤺ᤛᤢᤖ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤔᤧᤈᤥᤃᤢ᤹ᤀᤠᤱ ᤂᤠᤛᤧᤴ ᤆᤥ᤺ᤰᤛᤧ ᤕᤢ᤺ᤒᤠ ᤕᤧᤴᤏᤥ ᤁᤢᤏᤠᤖᤠ ᤔᤧᤓᤥ᤺ᤛᤢ᤹ᤖᤥ॥ 
\p  
\v 13 ᤁᤠᤰ ᤔᤧᤴᤇᤠᤶ ᤕᤢᤰᤛᤠᤒᤠᤜᤠ᤹ ᤜᤧᤰᤁᤩᤠᤱ ᤁᤠᤰᤏᤢ ᤕᤶᤒᤠ ᤕᤢᤰ ᤁᤧᤃᤵᤐᤠ ᤜᤠᤱᤅᤡᤸᤗᤧ ᤁᤢᤕᤢᤰᤁᤥ ᤘᤕᤧᤶᤔᤧ᤹ ᤁᤧᤗ᤹ᤒᤠ ᤍᤠᤱᤒᤠᤸᤗᤧ ᤏᤡᤱᤘᤠ᤹ ᤆᤥᤃᤢ᤹ᤖᤥ॥  
\v 14 ᤂᤡᤏᤡ᤹ᤃ ᤁᤠᤰ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤜᤠ᤹ ᤋᤧᤴᤍᤡᤱ ᤆᤥ᤺ᤰᤔᤠ ᤐᤥ᤺ᤱᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤂᤢᤶᤍᤡᤱ ᤐᤡᤔᤠᤛᤡ ᤏᤢ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤏᤠᤖᤠ ᤑᤥ᤺ᤔᤠ ᤐᤠᤱᤄᤢᤛᤡᤒᤠᤖᤥ॥ 
\p  
\v 15 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤏᤢ᤺ᤒᤠ ᤕᤠ᤺ᤶᤒᤰᤜᤠ᤹ᤖᤧ ᤐᤠ᤺ᤴ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠᤒᤠᤜᤠ᤹ᤖᤧ ᤂᤢᤏᤡ᤹ ᤔᤢᤖᤠ᤺ᤴ ᤜᤢ᤹ᤖᤧᤶ ᤐᤡᤖᤧᤶᤛᤡᤶᤔᤧ᤹ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤘᤠ᤹ᤖᤥ॥  
\v 16 ᤂᤡᤏᤡ᤹ᤃ ᤆᤥ᤺ᤰᤕᤢᤶᤓᤥᤒᤠᤏᤡᤱᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤘᤠᤖᤥᤒᤠᤏᤡᤱᤗᤥ. ᤁᤖ ᤆᤥ᤺ᤰᤕᤢᤶᤓᤥᤒᤠᤛᤡᤃᤧ ᤑᤠ᤹ᤀᤠᤱ ᤑᤧᤴ ᤕᤠ᤺ᤶᤒᤰ ᤔᤧᤈᤥᤃᤧᤶᤔᤡᤴᤏᤧ᤹॥  
\v 17 ᤁᤠᤰ ᤔᤏᤠᤜᤠ᤹ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹. ᤘᤣ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹. ᤁᤡ᤺ᤛᤧᤶᤔᤧ᤹ᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤐᤡᤖᤧᤶᤔᤧ᤹ ᤜᤧᤰᤁᤩᤠᤱ ᤜᤠᤱ ᤁᤧᤈᤥ᤺ᤰᤐᤧᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤶᤔᤧ᤹ᤀᤥ॥ 
\s1 ᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤔᤠ ᤐᤥ᤺ᤱ 
\p  
\v 18 ᤛᤣᤘᤠᤖᤥᤒᤠᤛᤣ. ᤂᤡᤏᤡ᤹ ᤍᤠᤱᤒᤠᤜᤠ᤹ᤖᤧᤴ ᤁᤠᤰ ᤕᤢᤰᤁᤥ ᤘᤕᤧᤶᤔᤧ᤹ᤀᤥ॥ ᤏᤢ᤺ᤒᤠ ᤏᤢ ᤁᤢᤏᤡᤱᤘᤠ᤹ ᤁᤧᤒᤠ᤺ᤱᤒᤠᤜᤠ᤹ᤖᤧᤴᤗᤰ ᤔᤧ᤺ᤴ. ᤁᤖ ᤁᤧᤀᤠ᤺ᤶᤒᤠ ᤜᤡᤶᤍᤠᤱᤒᤠᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤕᤢᤰᤁᤥ ᤘᤕᤧᤶᤔᤧ᤹ᤀᤥ॥  
\v 19 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤐᤡᤖᤢᤱ ᤑᤠ᤹ᤀᤠᤱ ᤔᤧᤸᤗᤠ᤹ᤔᤏᤠᤒᤠ ᤀᤡᤏᤥᤃᤧᤴ ᤋᤢᤰᤂᤣᤜᤠ᤹ ᤁᤧᤎᤶᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤛᤢ᤹॥  
\v 20 ᤂᤡᤏᤡ᤹ ᤕᤠ᤺ᤶᤒᤰ ᤁᤧᤓᤣ᤺ᤴᤍᤢᤶᤔᤠᤱ ᤁᤧᤶᤗ᤺ᤵᤛᤡᤏᤧ ᤑᤠ᤹ᤃᤪ ᤌᤣᤀᤠᤱ ᤕᤶᤒᤠ ᤕᤠ᤺ᤶᤒᤰ ᤁᤧᤴᤈᤥᤃᤢᤶᤔᤡᤴᤗᤥ॥ ᤁᤖ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤔᤠᤱ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤁᤧᤎᤖᤢᤶᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ᤏᤢ ᤁᤢᤏᤡᤱᤘᤠ᤹ ᤋᤠ᤺ᤖᤥ॥  
\v 21 ᤒᤠ ᤂᤧᤸᤗᤧ ᤗᤠᤃᤡ ᤂᤡᤏᤡ᤹ ᤁᤧᤀᤢ᤺ᤳᤋᤡᤀᤠᤱ ᤘᤠ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤖᤧᤀᤠᤱ ᤂᤡᤏᤡ᤹ᤗᤠᤃᤡ ᤀᤡᤏᤥᤃᤧᤴ ᤋᤢᤰᤂᤣ᤺ᤴ ᤌᤖᤢᤀᤠᤱ ᤂᤡᤏᤡ᤹ᤗᤠᤃᤡ ᤁᤢᤒᤡ ᤐᤥ᤺ᤰᤂᤧᤀᤠᤱ ᤘᤠ᤹॥ ᤂᤡᤏᤡ᤹ᤀᤠᤱ ᤂᤢᤏᤧ᤹ ᤁᤢᤗᤠᤱᤕᤥ᤺ᤰᤁᤡᤴ ᤁᤧᤍᤡᤶᤍᤢᤶᤗ ᤐᤥ᤺ᤱᤗᤥ॥ 
\q1  
\v 22 “ᤂᤢᤏᤧ᤹ᤃ ᤌᤣᤀᤠᤱ ᤗᤠᤕᤥ ᤗᤠᤛᤥ᤺ᤳ ᤔᤧᤈᤥᤃᤢᤴ. ᤜᤧᤰᤁᤩᤠᤱ ᤌᤣᤀᤠᤱ ᤀᤡᤱᤗᤧᤰ ᤐᤠ᤺ᤴᤏᤠᤱ ᤔᤧᤒᤠᤖᤧᤴᤗᤥ॥”\f * \fr 2:22 \ft ᤕᤛᤤᤕᤠ ᥋᥉.᥏\f* 
\p  
\v 23 ᤂᤢᤏᤧ᤹ ᤔᤏᤠᤜᤠ᤹ᤖᤧ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢᤸᤗᤧ ᤂᤧᤱᤜᤠ᤹ᤀᤥ ᤕᤠᤱᤏᤠ ᤐᤠ᤺ᤴ ᤔᤧᤏᤢ᤺ᤰᤋᤢᤴᤗᤥ॥ ᤂᤢᤏᤧ᤹ ᤋᤢᤰᤂᤣ ᤆᤧ᤺ᤸᤗᤧ ᤔᤏᤠ ᤔᤧᤓᤧ᤺ᤰᤋᤢᤴᤇᤡᤴᤗᤥ॥ ᤁᤖ ᤏᤢ᤺ᤒᤠ ᤂᤠᤛᤧᤴᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤥᤀᤣ ᤀᤠᤒᤠᤅᤣ ᤜᤢᤰᤛᤢᤵᤛᤡᤱᤗᤥ॥  
\v 24 ᤂᤢᤏᤧ᤹ ᤀᤠᤏᤡ᤹ ᤗᤠᤕᤥ ᤗᤠᤛᤥ᤺ᤳᤋᤡᤴ ᤀᤠᤗᤧᤖᤢᤶᤔᤠᤱ ᤛᤠᤶᤕᤥᤏᤡᤒᤠ ᤜᤡᤱᤔᤴᤏᤥ ᤀᤠᤜᤡᤱᤗ ᤑᤠ᤹ᤀᤠᤱ ᤀᤠᤏᤡ᤹ ᤗᤠᤕᤥ᤺ᤴ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤀᤠᤒᤠᤅᤣ ᤏᤠᤛᤡᤱᤃᤧᤴ ᤁᤢᤎᤰᤁᤥ ᤁᤢᤕᤢᤍᤣ᤹ᤖᤢᤖᤥ॥ ᤂᤢᤏᤧ᤹ ᤁᤢᤃᤠ᤺ᤶᤔᤠᤀᤥᤗᤠᤶ ᤂᤡᤏᤡ᤹ ᤁᤧᤘᤣ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥  
\v 25 ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤋᤠᤵᤁᤧᤒᤧ᤹ᤒᤠᤖ ᤁᤧᤘᤠ᤹ᤒᤠ ᤔᤧᤸᤗᤢᤰᤜᤠ᤹ ᤁᤢᤀᤡᤛᤡ᤺ᤰ ᤁᤧᤘᤕᤡ. ᤁᤖ ᤀᤠᤸᤗᤥ ᤂᤡᤏᤡ᤹ ᤕᤠᤶᤛᤠᤶᤔᤡᤴ ᤁᤧᤃᤶᤒᤠ ᤏᤢ ᤁᤶᤒᤪᤠᤱ ᤁᤧᤔᤧᤵᤐᤠ ᤍᤠᤱᤒᤠᤀᤥ ᤁᤧᤏᤢ᤺ᤰᤂᤡ ᤁᤧᤍᤩᤧ᤹ᤀᤡᤀᤠᤱ ᤁᤧᤘᤕᤡ᤹ᤖᤥ॥ 
\c 3  
\s1 ᤜᤡᤶᤛᤠᤔᤠ ᤏᤢ ᤜᤡᤶᤛᤠᤒᤠᤜᤠ᤹ 
\p  
\v 1-2 ᤜᤧᤰᤁᤣᤗ᤹ᤖᤡᤰ ᤜᤡᤶᤛᤠᤔᤠᤛᤣ. ᤂᤡᤏᤡ᤹ ᤜᤡᤶᤛᤠᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤕᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤀᤥ ᤁᤢᤓᤠ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤔᤧᤈᤥ᤺ᤰᤛᤠᤱ ᤂᤡᤏᤡ᤹ ᤌᤣᤀᤠᤱ ᤔᤧᤶᤔᤧᤳᤋᤣ ᤛᤣᤛᤣᤒᤠ ᤜᤡᤱᤔᤴᤏᤡᤴ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤁᤧᤒᤡᤖᤢᤶᤒᤠ ᤂᤧᤱᤜᤠ᤹ᤖᤧ ᤔᤧᤏᤡ᤺ᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤛᤢᤰᤋᤢ᤹ᤖᤥ॥ 
\p  
\v 3 ᤂᤡᤏᤡ᤹ᤃ ᤐᤖᤡᤰᤐᤖᤡᤰᤐᤠ ᤌᤠ᤺ᤰ ᤑ᤺ᤔᤠᤴ. ᤛᤠᤶᤔᤩᤠᤱ ᤘᤠ᤺ᤳᤋᤡᤜᤠ᤹ ᤘᤠ᤺ᤵᤔᤠᤴ ᤏᤢ ᤀᤡᤔᤧᤸᤗᤢᤱᤒᤠ ᤏᤠ-ᤏᤠ ᤐᤖᤡᤰᤐᤠ ᤆᤠᤱᤜᤠ᤹ ᤆᤠᤱᤔᤠᤴ. ᤗᤠ᤺ᤰᤁᤠᤳᤗᤠᤶᤒᤠ ᤁᤧᤎᤠ᤺ᤵᤐᤠ ᤆᤥ᤺ᤰᤛᤡᤱᤔᤥ ᤔᤧ᤺ᤴ.  
\v 4 ᤁᤖ ᤂᤡᤏᤡ᤹ ᤏᤢ᤺ᤔᤠᤱᤃ ᤀᤠᤵᤑᤠᤸᤗᤧᤀᤠᤱ ᤔᤧᤶᤔᤠ᤺ᤔᤏᤠᤒᤠ ᤛᤢᤶᤛᤢᤶ ᤕᤧᤰᤕᤧᤰ ᤏᤢ ᤏ᤺ᤶᤏ᤺ᤶ ᤗ᤹ᤔᤠᤴ ᤛᤡᤃᤠᤱᤗᤠᤶᤒᤠᤀᤣ ᤏᤡᤎᤠ᤺ᤵᤗ ᤐᤥ᤺ᤱᤗᤥ॥ ᤂᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤡᤔᤧᤸᤗᤢᤱᤒᤠ ᤆᤥ᤺ᤰᤗᤥ॥  
\v 5 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤋᤠ᤺ᤰᤐᤥ ᤁᤧᤈᤥ᤺ᤰᤔᤠ ᤀᤢᤴᤇᤣ᤺ᤴᤛᤔᤠ ᤛᤣᤛᤣ ᤔᤧᤴᤇᤢᤔᤠᤜᤠ᤹ᤖᤧᤀᤠᤱ ᤜᤧᤰᤁᤣᤗ᤹ᤖᤡᤰᤁᤣ ᤏᤢ᤺ᤔᤠ ᤔᤧᤈᤥ᤺ᤰᤛᤡᤱᤅᤠᤱ ᤔᤧᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤠᤒᤠᤅᤣ ᤜᤡᤶᤛᤠᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤔᤧᤘᤕᤧᤖᤥ॥  
\v 6 ᤁᤢᤒᤡᤀᤥ ᤛᤠᤖᤠᤖᤧ ᤁᤢᤜᤡᤶᤛᤠᤒᤠ ᤀᤒᤪᤠᤜᤠᤶᤔᤡᤸᤗᤧ ᤁᤢᤒᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤂᤢᤏᤧ᤹ ᤀᤠᤍᤠᤱᤒᤣ ᤗ᤹ᤖᤡᤰ ᤔᤧᤳᤋᤢᤖᤥ॥ ᤂᤡᤏᤡ᤹ᤀᤠᤱ ᤔᤧᤱᤃᤡᤀᤣ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤛᤠᤖᤠᤖᤧ ᤁᤢᤛ᤻ᤛᤠ᤺ ᤔᤧᤴᤇᤢᤔᤠ᤹ᤏᤡᤱᤗᤥ॥ 
\p  
\v 7 ᤜᤡᤶᤛᤠᤒᤠᤛᤣ. ᤂᤡᤏᤡ᤹ᤀᤠᤱ ᤂᤡᤏᤡ᤹ ᤜᤡᤶᤛᤠᤔᤠᤜᤠ᤹ᤏᤢ ᤛᤥᤖᤡᤰ ᤁᤧᤘᤕᤡᤸᤗᤧ ᤀᤡᤱᤎᤠ᤺ᤱ ᤐᤡᤖᤧᤶᤛᤡᤶᤔᤧ᤹ᤖ ᤋᤅᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ᤀᤥ॥ ᤂᤡᤏᤡ᤹ ᤜᤧᤰᤁᤣ ᤁᤧᤎᤢᤶᤔᤠ ᤔᤧᤴᤈᤥ᤺ᤰᤏᤧᤴᤇᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤡᤒᤠ ᤁᤢᤛᤱ ᤜᤡᤱᤔᤴᤏᤥ ᤂᤧᤱᤜᤠ᤹ᤃ ᤂᤡᤏᤡ᤹ ᤗᤰᤛᤠᤔᤠᤛᤡᤖᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤋᤢᤘᤠ᤺ᤴ ᤌᤣ᤺ᤸᤗᤧᤀᤠᤱ ᤔᤧᤎᤣ᤺ᤰᤋᤢᤴᤗ ᤑᤠ᤹ᤀᤠᤱ ᤏᤢ᤺ᤖᤡᤰ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ 
\s1 ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤸᤗᤧ ᤁᤧᤍᤠ᤺ᤒᤠ ᤋᤢᤰᤂᤣ᤺ᤴ 
\p  
\v 8 ᤁᤢᤏᤢᤵᤔᤥ. ᤂᤡᤏᤡ᤹ ᤏᤡᤱᤘᤠ᤹ᤀᤥ ᤁᤠᤰ ᤌᤡᤰᤜᤢᤵ ᤐᤥ᤺ᤰᤂᤧᤶᤔᤧ᤹. ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹. ᤔᤡ᤺ᤶᤈᤡ ᤔᤧᤳᤋᤠᤛᤡᤶᤔᤧ᤹. ᤜᤠᤱᤜᤠᤱᤘᤠ ᤀᤥᤛᤣ᤺ᤴᤎᤠᤰᤁᤠᤛᤡᤶᤔᤧ᤹ ᤜᤧᤰᤁᤩᤠᤱ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤐᤥ᤺ᤰᤂᤧᤶᤔᤧ᤹ᤀᤥ॥  
\v 9 ᤑᤧᤴ ᤐᤠ᤺ᤴᤏᤡᤸᤗᤧ ᤁᤢᤗᤧᤰᤘᤠ ᤑᤧᤴ ᤐᤠ᤺ᤴ ᤔᤧᤈᤥᤃᤧᤶᤔᤡᤴᤏᤧ᤹. ᤁᤡᤏᤠ᤺ᤴᤍᤡ᤺ᤸᤗᤧ ᤁᤢᤗᤧᤰᤘᤠ ᤁᤡᤏᤠ᤺ᤴᤍᤡ ᤔᤧᤒᤡᤖᤧᤶᤛᤡᤶᤔᤡᤴᤏᤧ᤹. ᤁᤖ ᤂᤧᤸᤗᤧ ᤁᤢᤗᤧᤰᤘᤠᤃ ᤔᤢ᤹ᤀᤡᤛᤠᤶ ᤐᤡᤖᤧᤶᤛᤡᤶᤔᤧ᤹॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤔᤢ᤹ᤀᤡᤛᤠᤶ ᤐᤡᤛᤧ ᤁᤧᤀᤢ᤺ᤳᤋᤡᤀᤠᤱ ᤘᤠ᤹ᤖᤥ॥  
\v 10 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. 
\q1 “ᤜᤡᤱᤔᤴᤏᤡᤴ ᤔᤡ᤺ᤶᤈᤡ ᤁᤧᤔᤧᤵᤐᤠᤀᤠᤱ ᤛᤢᤕᤧᤴᤜᤠ᤹ ᤀᤥᤔᤧᤵᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠᤸᤗᤧ ᤑᤧᤴ ᤐᤠ᤺ᤴ ᤐᤠ᤺ᤵᤔᤠ ᤏᤢ ᤀᤡᤱᤗᤧᤰ ᤐᤠ᤺ᤴ ᤐᤠ᤺ᤵᤔᤠ ᤔᤧᤏᤢ᤹ᤏᤧᤴ॥\f * \fr 3:10 \ft ᤃᤪᤡᤁ ᤐᤠ᤺ᤴᤍᤠᤱᤅᤥ “ᤗᤧᤛᤥ᤺ᤵᤐᤠᤴ ᤑᤧᤴ ᤐᤠ᤺ᤴ ᤐᤠ᤺ᤵᤔᤠᤗᤠᤶ ᤜᤧᤰᤁᤩᤠᤱ ᤔᤢᤖᤠ᤺ᤴ ᤀᤡᤱᤗᤧᤰ ᤐᤠ᤺ᤴ ᤐᤠ᤺ᤵᤔᤠᤗᤠᤶ ᤛᤠᤰᤔᤠ ᤐᤥ᤺ᤱ॥”\f* 
\v 11 ᤂᤧᤸᤗᤧ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤵᤔᤠᤀᤠᤱ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤥ᤺ᤱ॥ ᤛᤏᤠᤖᤢᤱᤅᤥ ᤘᤠ᤹ᤔᤠ ᤋᤶᤛᤡᤴ ᤆᤥᤃᤢᤖ ᤐᤥ᤺ᤱ ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤐᤠ᤺ᤴᤏᤥ ᤐᤵᤔᤠᤀᤣ ᤐᤥ᤺ᤱᤗᤥ॥  
\v 12 ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤛᤠᤶᤕᤥᤏᤡᤒᤠ ᤔᤏᤠᤜᤠ᤹ ᤁᤶᤒᤪᤠᤱ ᤔᤧᤳᤋᤢᤛᤡ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤘᤠ᤺ᤴ ᤂᤧᤵᤛᤢ᤹. ᤁᤖ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤥ᤺ᤰᤗᤥ॥”\f * \fr 3:12 \ft ᤏᤡᤱᤘᤠ᤹ᤑᤢᤛᤠᤶᤗᤥ ᤛᤢᤶ ᥉᥊.᥇᥈\f* 
\p  
\v 13 ᤂᤡᤏᤡ᤹ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤡᤰ ᤛᤶᤒᤠᤸᤗᤧ ᤛᤧᤰᤂᤠᤀᤣ ᤀᤠᤳᤋᤡᤸᤗᤧᤀᤠᤱ ᤂᤠ᤺ᤶᤔᤠ ᤁᤧᤴᤇᤢᤰᤋᤡᤴᤗᤥ॥  
\v 14 ᤁᤖ ᤏᤢ᤺ᤒᤠ ᤁᤧᤈᤥᤃᤢᤶᤔᤡᤸᤗᤧ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤍᤢᤔᤢᤶᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤢ᤹ᤀᤡᤛᤠᤶ ᤁᤧᤒᤡᤖᤡ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ “ᤘᤣ᤹ᤜᤠ᤹ᤏᤢ ᤔᤧᤃᤡᤛᤧᤶᤔᤡᤴᤏᤧ᤹ ᤜᤧᤰᤁᤩᤠᤱ ᤏᤡᤱᤛᤠᤶᤔᤥᤀᤠᤱ ᤔᤧᤎᤩᤧᤶᤔᤡᤴᤏᤧ᤹ᤀᤥ॥”\f * \fr 3:14 \ft ᤕᤛᤤᤕᤠ ᥎.᥇᥈\f* 
\v 15 ᤁᤖ ᤂᤡᤏᤡ᤹ ᤜᤡᤱᤔᤴᤏᤥ ᤂᤪᤡᤛ᤻ᤋᤧᤴ ᤍᤠᤱᤒᤠ ᤗ᤹ᤖᤡᤰ ᤛᤣᤘᤠ ᤆᤥᤃᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤃᤳᤋᤢᤶᤒᤠ ᤏᤡᤱᤛᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤣ᤺ᤴᤃᤧᤶᤗᤠᤵᤋᤡᤸᤗᤧ ᤗᤢᤶᤗᤢᤶᤔᤠᤱ ᤀᤡᤱᤎᤠ᤺ᤱᤅᤡᤴᤏᤢ ᤏᤥᤃᤵ ᤐᤡᤔᤠ ᤛᤍᤠᤍᤡᤱ ᤕᤠᤖᤡᤵ ᤐᤥ᤺ᤰᤂᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ᤀᤥ॥  
\v 16 ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤑᤧᤴ ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤪᤡᤛ᤻ᤋᤀᤥᤒᤠ ᤂᤡᤏᤡ᤹ ᤏᤢ᤺ᤒᤠ ᤕᤧᤵᤗᤧᤰᤁᤡᤴ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤀᤠᤱ ᤂᤧᤱᤜᤠ᤹ ᤛᤡᤖᤡᤱ ᤔᤧᤔᤖ ᤑᤠ᤹ᤀᤠᤱ ᤛᤣᤛᤣ ᤂᤠᤛᤡᤱ ᤁᤳᤋᤧᤶᤔᤧ᤹ᤀᤥ॥  
\v 17 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤆᤥᤃᤢ᤹ᤏᤧ ᤑᤠ᤹ᤃᤪ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠᤀᤠᤱ ᤀᤡᤏᤥᤃᤧᤴ ᤋᤢᤰᤂᤣ ᤆᤠᤔᤠᤏᤢ᤺ᤸᤗᤧ ᤏᤢ᤺ᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤠᤱ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤌᤠᤔᤠᤀᤣ ᤏᤢ᤺ᤒᤠ ᤐᤥ᤺ᤱᤗᤥ॥ 
\p  
\v 18 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤠ᤺ᤳᤇᤧ ᤀᤠᤏᤡ᤹ ᤗᤠᤕᤥᤜᤠ᤹ ᤛᤍᤠᤍᤡᤱ ᤗᤧᤵᤔᤡ ᤐᤡᤔᤠ ᤑᤠ᤹ᤀᤠᤱ ᤌᤡᤰᤗᤧᤱ ᤛᤩᤧᤖᤥ॥ ᤛᤠᤶᤕᤥᤏᤡᤒᤠ ᤂᤪᤡᤛ᤻ᤋᤧᤴ ᤗᤠᤕᤥᤒᤠᤖᤧ ᤁᤢᤗᤧᤰᤘᤠ ᤛᤩᤧᤖᤥ॥ ᤂᤢᤏᤧ᤹ ᤏᤠᤛᤡᤱᤃᤧᤴ ᤌᤰᤁᤥ ᤛᤩᤧ. ᤁᤖ ᤛᤣᤛᤣᤔᤠᤱᤅᤥᤗᤠᤶ ᤕᤠᤶᤔᤥ ᤜᤡᤅᤧᤖᤥ॥ 
\p  
\v 19 ᤒᤠ ᤁᤴ ᤛᤣᤛᤣᤔᤠᤱᤗᤠᤶ ᤐᤣᤀᤠᤱ ᤂᤢᤏᤧ᤹ ᤐᤢᤱᤗᤠᤜᤡᤶᤔᤥ ᤁᤧᤕᤠᤰᤐᤠ ᤑᤧᤴᤛᤠᤶᤜᤠ᤹\f * \fr 3:19 \ft ᤑᤧᤴᤛᤠᤶᤜᤠ᤹–ᤁᤢᤓᤠ ᤔᤏᤠᤜᤠ᤹ᤖᤧ ᤁᤴ ᤑᤠ᤹ᤀᤡᤴ ᤛᤡᤛᤠᤶ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢ᤹॥\f* ᤀᤡᤱᤓᤥ᤺ᤛᤢᤛᤡᤖᤥ॥  
\v 20 ᤂᤧᤱᤜᤠ᤹ᤖᤧᤃ ᤀᤢᤴᤇᤣ᤺ᤴ ᤏᤢᤜᤠ᤺ᤸᤗᤧ ᤘᤠᤗᤠᤎᤠ ᤆᤥᤃᤢᤸᤗᤧ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠᤛᤡ ᤌ᤺ᤳᤋᤢᤛᤡᤀᤠᤱ ᤜᤠᤱᤄᤢᤛᤡᤸᤗᤧ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴ ᤂᤧᤶᤔᤠ ᤔᤧᤴᤍᤧᤴᤍᤧᤴᤏᤠᤱ ᤔᤧᤘᤕᤧᤖᤥ॥ ᤂᤧᤵᤔᤥ ᤕᤧᤳᤇᤡ ᤔᤏᤠᤜᤠ᤹ᤖᤰ ᤁᤡᤵᤔᤠ ᤁᤧᤄᤢ᤺ᤒᤠ ᤘᤠᤍᤥ᤺ᤰᤔᤥᤗᤠᤶ ᤋᤠᤱᤔᤧᤛᤧ᤺ᤵᤋᤧᤀᤠᤱ ᤔᤧᤘᤕᤧ॥  
\v 21 ᤁᤴ ᤘᤠᤍᤥ᤺ᤰᤁᤡᤗᤧᤴ ᤆᤫᤠ᤺ᤳᤋᤡᤱᤃ ᤋᤠᤱᤃᤧᤛᤧ᤺ᤵᤋᤡᤒᤠ ᤒᤵᤋᤡᤛ᤻ᤔᤠᤸᤗᤧ ᤁᤢᤒᤡ ᤜᤧᤰᤋᤱᤒᤠᤖᤥ. ᤁᤱᤃ ᤌᤰᤁᤥᤗᤠᤶ ᤔᤠᤰᤂᤪᤰᤁᤡᤴ ᤘᤠᤃᤧᤜᤵᤋᤢᤶᤒᤠ ᤜᤧᤰᤁᤣᤃ ᤔᤧ᤺ᤴ. ᤁᤖ ᤛᤣᤛᤣ ᤂᤠᤛᤡᤱᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤆᤥ᤺ᤰᤔᤏᤠᤒᤠ ᤔᤠᤱᤜᤧᤰᤗᤥ॥ ᤜᤧᤰᤁᤩᤠᤱ ᤂᤧᤴ ᤛᤣᤛᤣ ᤂᤠᤛᤡᤱᤅᤡᤱᤃ ᤕᤧᤛᤢ ᤂᤪᤡᤛ᤻ᤋᤧᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤒᤠᤗᤠᤶ ᤋᤠ᤺ᤖᤥ॥ 
\p  
\v 22 ᤀᤠᤸᤗ ᤕᤧᤛᤢ ᤂᤪᤡᤛ᤻ᤋᤧᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤣᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤈᤢᤵᤛᤠᤱ ᤗᤧᤵᤔᤠᤱ ᤕᤢᤱ. ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤜᤠ᤹. ᤕᤢᤰᤛᤠᤒᤠᤜᤠ᤹ ᤏᤢ ᤔᤢᤰᤛᤠᤶᤜᤠ᤹ ᤁᤢᤕᤢᤰᤁᤥ ᤁᤳᤋᤢᤛᤡᤖᤥ॥ 
\c 4  
\s1 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤠᤃᤡ ᤜᤡᤱᤔᤠ 
\p  
\v 1 ᤂᤧᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤧᤴ ᤏᤠᤛᤡᤱᤃᤧᤴ ᤌᤰᤁᤥ ᤋᤢᤰᤂᤣ ᤆᤩᤧ. ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ᤀᤠᤱ ᤒᤠ ᤜᤧᤰᤋᤱᤒᤠ ᤏᤡᤱᤘᤠ᤹ᤀᤡᤴ ᤁᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤏᤠᤛᤡᤱᤃᤧᤴ ᤌᤰᤁᤥ ᤋᤢᤰᤂᤣ ᤁᤧᤈᤠᤒᤠᤸᤗᤧ ᤗᤠᤕᤥ ᤆᤥ᤺ᤰᤔᤠ ᤗᤧᤖᤢᤀᤠᤱ ᤘᤠ᤹ᤖᤥ॥  
\v 2 ᤜᤧᤰᤁᤣ᤺ᤸᤗᤧ ᤂᤧᤴ ᤜᤡᤱᤗ ᤌᤠᤖᤡᤰ ᤔᤏᤠᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠ ᤑᤧᤴ ᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤜᤡᤱᤗᤥ॥  
\v 3 ᤌᤣᤀᤠᤱᤓᤧᤸᤗᤧ ᤁᤧᤒᤣ᤺ᤰᤐᤠ ᤕᤧᤶᤔᤥ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠᤜᤠ᤹ ᤜᤧᤰᤁᤣ ᤕᤠᤶᤒᤥ᤺ᤵᤔᤠ ᤕᤠ᤺ᤶᤒᤰ ᤆᤥ᤺ᤰᤔᤠ. ᤑᤧᤴ ᤏᤡᤱᤘᤠ᤹ ᤆᤥ᤺ᤰᤔᤠ. ᤌᤡ᤺ᤸᤗᤧ ᤔ᤺ᤛᤡᤱᤔᤠ. ᤕᤖᤡᤰ ᤆᤠᤔᤠ ᤌᤢᤱᤔᤠᤀᤠᤱ ᤕᤠᤶᤒᤥ᤺ᤳᤇᤧ ᤆᤢᤶᤔᤠ. ᤕᤠᤶᤍᤠᤍᤠᤒᤠ ᤆᤠᤔᤢᤰ ᤌᤡᤔᤢᤰ ᤆᤥ᤺ᤰᤔᤠ ᤏᤢ ᤛᤡᤰᤁᤧᤗᤧ᤺ᤱᤒᤠ ᤏᤠᤘᤠᤀᤡᤳᤗᤠᤜᤠ᤹ ᤛᤣᤘᤠ ᤆᤥ᤺ᤰᤔᤠᤀᤥ ᤕᤖᤡᤰ ᤕᤧᤶ ᤁᤧᤍᤣ᤺ᤛᤢᤶᤗᤥ॥ 
\p  
\v 4 ᤂᤧᤱᤜᤠ᤹ᤖᤧ ᤀᤠᤸᤗᤥ ᤜᤧᤰᤋᤱᤒᤠ ᤑᤧᤴ ᤐᤠ᤺ᤴᤜᤠ᤹ ᤂᤢᤏᤡ᤹ᤏᤢ ᤛᤥᤖᤡᤰ ᤁᤧᤶᤒᤳᤇᤡᤴᤒᤠ ᤔᤧᤏᤡ᤺ᤛᤢᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤡᤏᤡ᤹ ᤏᤠᤃᤧᤶᤎᤠᤛᤡ ᤁᤧᤶᤒᤡᤖᤡ᤹ᤖᤥ  
\v 5 ᤁᤖ ᤁᤢᤜᤡᤱᤘᤧᤳ ᤏᤢ ᤁᤧᤛᤡ᤺ᤒᤠᤜᤠ᤹ᤖᤧ ᤂᤠᤛᤧᤴ ᤆᤥ᤺ᤰᤔᤠ ᤕᤠᤖᤡᤵ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤃᤡ ᤂᤧᤱᤜᤠ᤹ᤃ ᤕᤧᤵᤔᤠᤀᤣ ᤐᤥ᤺ᤱᤗᤥ॥  
\v 6 ᤒᤠ ᤂᤧᤸᤗᤧ ᤆᤥᤃᤢᤸᤗᤧᤀᤣ ᤀᤠᤸᤗᤥ ᤁᤧᤛᤡ᤺ᤒᤠᤜᤠ᤹ᤀᤠᤱ ᤔᤧᤴᤇᤠᤶ ᤕᤠᤵᤔᤡ ᤜᤧᤰᤁᤣ ᤏᤠᤛᤡᤱᤃᤧᤴ ᤌᤰᤁᤥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤂᤠᤛᤧᤴ ᤐᤥ᤺ᤱᤗᤥ. ᤁᤖ ᤕᤠᤶᤛᤠᤶᤔᤥ ᤏᤡᤱᤘᤠ᤹ᤑᤢᤔᤠᤱ ᤁᤢᤀᤡᤛᤡ᤺ᤰ ᤔᤧᤜᤡᤱᤗ ᤑᤠ᤹ᤀᤠᤱ ᤛᤢᤏᤠᤀᤡᤱᤅᤡᤴ ᤀᤡᤱᤓᤥ᤺ᤛᤧᤀᤠᤱ ᤘᤠ᤹ᤖᤥ॥ 
\p  
\v 7 ᤁᤠᤰ ᤐᤠ᤺ᤴᤜᤠ᤹ᤖᤧ ᤁᤢᤏᤢᤵᤔᤠᤴ ᤏᤡ᤺ᤳᤋᤠᤱᤅᤣ ᤋᤩᤧᤀᤠᤱ ᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤘᤠ ᤆᤥ᤺ᤰᤔᤠ ᤁᤧᤛᤢᤰᤋᤡᤖ ᤑᤠ᤹ᤀᤠᤱ ᤛᤣᤛᤣ ᤏᤡᤱᤘᤠ᤹ ᤏᤢ ᤆᤠᤱᤈᤠᤱᤅᤠᤱ ᤘᤕᤧᤶᤔᤧ᤹ᤀᤥ॥  
\v 8 ᤁᤠᤰᤏᤢ᤺ᤸᤗᤧ ᤕᤶᤒᤠ ᤐᤠ᤺ᤴᤏᤡᤱᤃ ᤛᤡᤰᤗᤢᤱᤔᤥᤗᤠᤶ ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤗᤢᤱᤔᤠ᤹ ᤋᤢᤰᤔᤠᤸᤗᤧᤃ ᤕᤖᤡᤰ ᤗᤠᤕᤥᤜᤠ᤹ ᤋᤧᤵᤋᤢ᤹ᤖᤥ॥  
\v 9 ᤜᤧᤰᤁᤩᤠᤱ ᤁᤠᤏᤠᤰᤏᤠᤰ ᤔᤧᤸᤗ᤹ᤀᤣ ᤋᤖᤣ ᤋᤥ᤺ᤀᤠᤛᤡᤶᤔᤧ᤹ᤀᤥ॥ 
\p  
\v 10 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤠᤶ ᤐᤖᤡᤰ ᤐᤖᤡᤰᤐᤠ ᤐᤷᤎᤠ᤺ᤶᤔᤡᤴ ᤁᤧᤄᤥ᤺ᤛᤢᤶᤔᤠᤱ ᤘᤠ᤹॥ ᤁᤠᤰᤗᤧ ᤂᤧᤴ ᤁᤧᤄᤥ᤺ᤛᤢᤶᤒᤠ ᤐᤷᤎᤠ᤺ᤶᤔᤡᤴ ᤁᤢᤓᤠ᤹ ᤐᤡᤛᤡᤱᤔᤠᤀᤥ ᤏᤢ᤺ᤖᤡᤰᤁᤠᤱ ᤕᤠᤅᤧᤶᤔᤧ᤹ᤀᤥ॥  
\v 11 ᤐᤠ᤺ᤴᤈᤠᤰ ᤁᤧᤒᤠ᤺ᤵᤐᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤈᤠᤰ ᤁᤢᤀᤡᤛᤡ᤺ᤰ ᤐᤠ᤺ᤳᤋᤢᤖ. ᤘᤣ᤹ᤜᤠ᤹ ᤛᤣᤘᤠ ᤁᤧᤈᤥ᤺ᤰᤐᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤒᤠ ᤌᤢᤶᤔᤡᤸᤗᤧ ᤛᤣᤘᤠ ᤆᤥᤃᤢᤖᤖᤥ॥ ᤜᤧᤰᤁᤣᤗ᤹ᤖᤡᤰ ᤁᤠᤰ ᤐᤠ᤺ᤴᤏᤥ ᤕᤧᤛᤢ ᤂᤪᤡᤛ᤻ᤋᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤖᤥ॥ ᤁᤠᤰ ᤔᤡᤔᤡᤍᤡᤱ ᤏᤢ ᤔᤢᤰᤛᤠᤶᤔᤡᤱᤃ ᤛᤍᤠᤍᤡᤱ ᤂᤢᤏᤧ᤹ᤀᤡᤴᤏᤧᤖᤥ॥ ᤀᤠᤔᤧᤴ॥ 
\s1 ᤂᤪᤡᤛ᤻ᤋᤖᤧ ᤗᤠᤃᤡ ᤋᤢᤰᤂᤣ ᤆᤠᤔᤠ ᤐᤥ᤺ᤱ 
\p  
\v 12 ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤂᤡᤏᤡ᤹ ᤁᤧᤛᤠᤰᤐᤠ ᤀᤡᤏᤥᤃᤧᤴ ᤋᤢᤰᤂᤣ ᤁᤢᤎᤡᤶᤒᤠ ᤜᤱᤛᤠ᤹ᤔᤥ ᤁᤧᤎᤩᤧ᤹ᤀᤡᤸᤗᤧ ᤂᤡᤏᤡ᤹ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤐᤠ᤺ᤴ ᤐᤥ᤺ᤰᤂᤧ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤔᤧᤔᤕᤧᤶᤔᤡᤴᤏᤧ᤹ᤀᤥ.  
\v 13 ᤁᤖ ᤂᤪᤡᤛ᤻ᤋᤧᤴ ᤋᤢᤰᤂᤣ ᤆᤩᤧᤒᤠ ᤜᤧᤰᤁᤣ ᤂᤡᤏᤡ᤹ᤀᤠᤱ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤁᤧᤎᤩᤧ᤹ᤀᤡᤸᤗᤧ ᤛ᤺ᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤁᤢᤕᤢ᤺ᤔᤠ ᤕᤧᤴᤏᤥ ᤁᤢᤔᤡᤔᤡᤍᤡᤱᤅᤡᤴ ᤀᤥᤛᤣ᤺ᤴᤍᤠᤱ ᤐᤥ᤺ᤱᤅᤡᤸᤗᤧ ᤐᤛ᤺ᤳ ᤁᤧᤛ᤺ᤳᤋᤡ᤹ᤖᤥ॥ 
\p  
\v 14 ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤏᤠᤃᤧᤶᤎᤠᤛᤡ ᤁᤧᤶᤒᤡᤖᤡᤏᤧ ᤑᤠ᤹ᤃᤪ ᤔᤢ᤹ᤀᤡᤛᤠᤒᤠᤏᤡᤱᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤃᤧᤴ ᤛᤣᤛᤣᤔᤠᤱᤅᤡᤴ ᤂᤡᤏᤡ᤹ᤏᤢ ᤘᤠ᤹ᤖᤥ॥  
\v 15 ᤂᤡᤏᤡ᤹ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤸᤗᤧ ᤔᤏᤠ ᤁᤧᤛᤧᤵᤐᤠ. ᤁᤧᤄᤢ᤺ᤶᤒᤠ. ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤜᤧᤰᤁᤩᤠᤱ ᤘᤣ᤹ᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤏᤥ ᤜᤢᤰ ᤁᤧᤕᤠᤰᤐᤠ ᤔᤏᤠ᤺ᤴ ᤋᤢᤰᤂᤣ ᤆᤠ᤺ᤒᤠ ᤁᤢᤀᤡᤛᤡ᤺ᤰ ᤋᤢᤰᤂᤣ ᤔᤧᤈᤧᤶᤔᤡᤴᤏᤧ᤹ᤀᤥ॥  
\v 16 ᤁᤖ ᤂᤪᤡᤛ᤻ᤋᤠᤏᤡ ᤁᤧᤒᤥ᤺ᤰᤂᤡᤒᤠᤸᤗᤧ ᤋᤢᤰᤂᤣ ᤁᤧᤈᤩᤧ᤹ᤀᤡᤏᤧ ᤑᤠ᤹ᤃᤪ ᤛᤡᤖᤡᤱ ᤔᤧᤔᤕᤧᤶᤔᤡᤴᤏᤧ᤹ᤀᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤔᤡᤱᤅᤡᤴ ᤂᤡᤏᤡ᤹ ᤁᤧᤍᤰᤋᤢᤶᤔᤠᤱ ᤁᤧᤘᤕᤡ᤹ᤖᤥ॥  
\v 17 ᤀᤠᤸᤗ ᤂᤠᤛᤧᤴ ᤐᤥ᤺ᤱᤔᤠ ᤕᤧᤶ ᤋᤩᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤀᤥᤏᤢ ᤜᤣ᤺ᤰᤛᤡᤱᤗᤥ॥ ᤀᤠᤸᤗ ᤀᤠᤏᤡ᤹ᤗᤠᤶᤔᤣ ᤂᤠᤛᤧᤴ ᤐᤥ᤺ᤱᤔᤠ ᤜᤣ᤺ᤰᤛᤡᤱᤏᤧ ᤑᤠ᤹ᤃᤪ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤢᤏᤠᤀᤡᤱ ᤂᤧᤶᤔᤠ ᤔᤧᤴᤍᤧᤶᤔᤏᤠᤒᤠᤜᤠ᤹ ᤌᤣ ᤔᤧᤒᤥ᤺ᤱᤒᤣ᥅  
\v 18 ᤀᤠᤸᤗ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. 
\q1 “ᤛᤠᤶᤕᤥᤏᤡᤒᤠᤜᤠ᤹ ᤋᤠᤱᤛᤧ᤺ᤵᤔᤠᤛᤡ ᤛᤠᤰᤏᤧ ᤑᤠ᤹ᤃᤪ. ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤔᤧᤴᤈᤥ᤺ᤰᤔᤏᤠᤒᤠ ᤏᤢ ᤗᤠᤕᤥᤒᤠᤴ ᤌᤣ ᤐᤥ᤺ᤱᤒᤠᤒᤣ᥅”\f * \fr 4:18 \ft ᤛᤡᤘᤠᤍᤡᤱ ᤂᤠᤜᤢᤴᤜᤠ᤹ ᥇᥇.᥉᥇\f* 
\p  
\v 19 ᤂᤧᤸᤗᤧ ᤆᤥᤃᤢᤸᤗᤧ ᤀᤠᤳᤋᤡᤴᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤔᤧᤎᤠ᤹᤺. ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴᤛᤠᤒᤠ ᤆᤀᤡ᤺ᤳᤍᤠᤱᤒᤠᤀᤥ ᤋᤠ᤺ᤰᤐᤥ ᤔᤧᤕᤢᤰᤂᤢᤖ ᤜᤧᤰᤁᤩᤠᤱ ᤆᤰᤔᤧᤸᤗ᤹ᤀᤣ ᤏᤢ᤺ᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤖᤖᤥ॥ 
\c 5  
\s1 ᤋᤢᤶᤓᤠᤰᤛᤠᤜᤠ᤹ ᤏᤢ ᤌᤠᤱᤒᤧᤴᤜᤠ᤹ᤖᤧ ᤗᤠᤃᤡ ᤛᤢᤈᤠ 
\p  
\v 1 ᤀᤠᤸᤗ ᤂᤪᤡᤛ᤻ᤋᤖᤧ ᤀᤡᤏᤥᤃᤧᤴ ᤁᤢᤍᤢᤰᤂᤣ᤺ᤸᤗᤧᤴ ᤋᤥ᤺ᤴᤍᤡ ᤏᤢ ᤋᤠ᤺ᤴᤍᤡ ᤀᤥᤛᤣ᤺ᤴᤍᤠᤱ ᤁᤧᤒᤥ᤺ᤱᤒᤠ ᤔᤡᤔᤡᤍᤡᤱᤅᤡᤸᤗᤧᤴ ᤗᤰᤛᤠᤒᤠ ᤐᤥ᤺ᤰᤂᤠᤱᤒᤠᤸᤗᤧ ᤆᤥᤃᤢᤸᤗᤧ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤛᤣᤛᤣᤜᤢᤵᤗᤰᤁᤥᤒᤠ ᤗᤳᤇᤠ ᤋᤢᤶᤗᤠᤶᤗᤥ᤺ᤒᤠ ᤐᤥ᤺ᤰᤂᤠᤱᤒᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤐᤣᤗᤡ ᤑᤠᤰᤏᤡᤱᤗᤥ–  
\v 2 ᤂᤡᤏᤡ᤹ ᤁᤶᤒᤪᤠᤱᤅᤥ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤧᤸᤗᤢᤰᤜᤠ᤹ ᤏᤢ᤺ᤖᤡᤰᤁᤠᤱ ᤁᤔᤧᤶᤛᤡᤶᤔᤧ᤹ᤀᤥ–ᤔᤢᤖᤠ ᤀᤠᤶᤔᤧᤳᤋᤡᤸᤗᤧᤖᤰ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤏᤡᤱᤘᤠ᤹ᤒᤥᤗᤠᤶ ᤁᤔᤧᤶᤛᤡᤶᤔᤧ᤹. ᤕᤠᤱᤛᤠᤁᤢᤴᤎᤣᤖᤧ ᤗᤠᤃᤡᤃ ᤔᤧ᤺ᤴ. ᤁᤖ ᤂᤡᤏᤡ᤹ ᤛᤡᤰ ᤐᤛᤶᤛᤶᤗ ᤛᤣᤘᤠ ᤆᤥᤃᤧᤶᤛᤡᤶᤔᤧ᤹ᤀᤥ॥  
\v 3 ᤂᤡᤏᤡ᤹ ᤁᤶᤒᤪᤠᤱᤅᤥ ᤁᤧᤘᤠ᤹ᤒᤠᤜᤠ᤹ ᤛᤶᤍᤠᤱ ᤕᤢᤰ ᤆᤥ᤺ᤰᤔᤠ ᤔᤧ᤺ᤴ. ᤁᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤢᤒᤡ ᤐᤥ᤺ᤱᤔᤠ ᤐᤥ᤺ᤱᤗᤥ॥  
\v 4 ᤜᤧᤰᤁᤩᤠᤱ ᤋᤢᤶ ᤔᤧᤸᤗᤢᤰᤁᤶᤒᤠᤴ ᤕᤢ᤺ᤸᤗᤧ ᤀᤠᤵᤑᤠᤸᤗᤧᤀᤠᤱ ᤀᤡᤔᤧᤸᤗᤧᤶᤔᤏᤠᤒᤠ ᤔᤡᤔᤡᤍᤡᤱ ᤏᤢ ᤀᤡᤱᤎᤠ᤺ᤱᤅᤡᤸᤗᤧᤴ ᤋᤡᤆ᤺ ᤁᤧᤄᤥ᤺ᤛᤢᤶᤗᤥ॥ 
\p  
\v 5 ᤂᤡᤏᤡ᤹ ᤌᤠᤱᤒᤧᤴᤛᤠᤛᤣ. ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤔᤠ ᤐᤥ᤺ᤱᤗᤥ॥ ᤂᤡᤏᤡ᤹ ᤁᤠᤰ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤏᤢ᤺ᤖᤡᤰ ᤔᤧᤳᤋᤠᤛᤡᤶᤔᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. 
\q1 “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ ᤀᤳᤋᤢᤛᤡ᤹. ᤁᤖ ᤏ᤺ᤶᤏ᤺ᤶᤒᤠᤜᤠ᤹ ᤗᤢᤱᤃᤢᤶ ᤐᤡᤖᤢᤛᤡ᤹ᤖᤥ॥”\f * \fr 5:5 \ft ᤛᤡᤘᤠᤍᤡᤱ ᤂᤠᤜᤢᤴᤜᤠ᤹ ᥉.᥉᥊\f* 
\m  
\v 6 ᤂᤧᤸᤗᤧ ᤆᤥᤃᤢᤸᤗᤧ ᤔᤢᤰᤛᤠᤶᤛᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤢᤰᤁᤥ ᤂᤡᤏᤡ᤹ ᤆᤢᤱᤈᤡᤃᤧᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹. ᤜᤧᤰᤁᤩᤠᤱ ᤛᤢᤕᤧᤶᤔᤥ ᤂᤡᤏᤡ᤹ ᤀᤡᤱᤎᤠ᤺ᤱ ᤁᤧᤒᤡᤖᤡᤀᤠᤱ ᤌᤠ᤺ᤱ ᤁᤧᤓᤥ᤺ᤰᤂᤡ᤹ᤖᤥ॥  
\v 7 ᤁᤠᤰ ᤂᤡᤏᤡ᤹ ᤏᤡᤱᤛᤠᤶᤜᤠ᤹ ᤂᤢᤏᤧ᤹ᤀᤥ ᤋᤠᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤶᤒᤪᤠᤱ ᤁᤧᤔᤧᤳᤋᤡ᤹ᤖᤥ॥ 
\p  
\v 8 ᤂᤡᤏᤡ᤹ ᤛᤡᤱᤛᤡᤱ ᤕᤧᤰᤕᤧᤰ ᤏᤢ ᤆᤠᤱᤈᤠᤱ ᤗ᤹ᤖᤧᤶᤔᤧ᤹᥄ ᤂᤡᤏᤡ᤹ ᤏᤡᤱᤔᤡ ᤔᤠᤑᤧᤴᤛᤠᤶᤔᤡᤴ ᤁᤧᤜᤢ᤺ᤰᤐᤠ ᤌᤧᤖᤡᤱᤒᤠᤴ ᤁᤢᤀᤡᤛᤡ᤺ᤰ ᤀᤠᤳᤋᤡᤴ ᤂᤥ᤺ᤛᤢᤱᤅᤠᤱ ᤗᤖᤢᤱᤍᤣ᤺ᤛᤢᤱ ᤗ᤹ᤖᤡᤰ ᤁᤥ᤺ᤳᤋᤢᤖ ᤋᤠᤰᤁᤴᤗᤥ॥  
\v 9 ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤂᤧᤴ ᤀᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤖᤠᤰ ᤂᤡᤏᤡ᤹ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤂᤡᤏᤡ᤹ ᤁᤧᤍᤢᤔᤢᤶᤒᤠ ᤀᤡᤏᤥᤃᤧᤴ ᤋᤢᤰᤂᤣ ᤜᤧᤰᤋᤱᤒᤠ ᤋᤢᤰᤂᤣᤀᤥᤀᤣ ᤔᤧᤘᤠ᤹ ᤁᤧᤗ᤹ᤒᤠᤴ ᤁᤧᤏᤡ᤺ᤛᤢᤶᤗᤥ॥ 
\p  
\v 10 ᤁᤠᤰ ᤗᤢᤱᤃᤢᤶ ᤁᤧᤃᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤔᤧᤴᤏᤢᤵᤔᤏᤠᤒᤠ ᤁᤢᤔᤡᤔᤡᤍᤡᤱᤅᤡᤴ ᤗᤰ ᤁᤧᤄᤥ᤺ᤛᤢᤶᤗ ᤑᤠ᤹ᤀᤠᤱ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥ ᤁᤖ ᤛᤵᤑᤠᤎᤡᤰ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤀᤠᤱ ᤂᤢᤏᤧ᤹ᤀᤣ ᤂᤡᤏᤡ᤹ ᤁᤢᤗᤡᤱᤎᤥ ᤁᤧᤃᤧᤳᤋᤡ᤹ ᤜᤧᤰᤁᤩᤠᤱ ᤌᤎᤵ ᤔᤧᤸᤗ᤹ᤔᤏᤠᤒᤠ ᤏᤢ ᤁᤧᤎᤢᤶᤒᤠ ᤁᤧᤈᤥᤃᤡᤀᤠᤱ ᤔᤧᤶᤔᤢᤶᤔᤏᤠ ᤏᤧᤶᤓᤥᤀᤥ ᤁᤧᤕᤢᤰᤂᤡ᤹ᤖᤥ॥  
\v 11 ᤁᤠᤰ ᤔᤢᤰᤛᤠᤶᤔᤡᤴ ᤛᤍᤠᤍᤡᤱ ᤂᤢᤏᤧ᤹ᤀᤡᤴᤏᤣ ᤐᤥ᤺ᤱᤗᤥ॥ ᤀᤠᤔᤧᤴ॥ 
\s1 ᤁᤢᤏᤢᤵᤔᤠ ᤛᤣᤘᤠ 
\p  
\v 12 ᤏᤛᤠ᤺ᤴᤛᤠᤒᤠ ᤀᤡ᤺ᤳᤋᤢᤱᤒᤠ ᤏᤢᤛᤠ᤹ ᤛᤡᤗᤠᤛᤖᤧ ᤁᤢᤓᤠ᤹ᤗᤠᤶ ᤁᤴ ᤆᤢᤰᤛᤠ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤗ ᤐᤳᤋᤠᤖᤥ॥ ᤀᤡᤱᤃᤠ᤹ ᤜᤠᤱᤜᤠᤱ ᤔᤧᤳᤏᤡᤱᤗ ᤁᤱᤃ ᤛᤧᤰᤂᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤗᤥ ᤗ᤹ᤖᤡᤰ ᤋᤥ᤺ᤴᤍᤡ ᤐᤡᤏᤡᤱᤗᤥ॥ ᤁᤴ ᤗᤢᤱᤃᤢᤶᤔᤥᤀᤣ ᤂᤡᤏᤡ᤹ ᤌᤎᤵ ᤔᤧᤴᤗ᤹ᤔᤏᤠᤒᤠ ᤐᤥ᤺ᤰᤂᤧᤶᤔᤧ᤹ᤀᤥ॥ 
\p  
\v 13 ᤂᤡᤏᤡ᤹ ᤜᤧᤰᤁᤣᤀᤣ ᤛᤣᤃᤧᤔᤠ ᤒᤧᤒᤡᤗᤥᤴᤒᤠ\f * \fr 5:13 \ft ᤒᤧᤒᤡᤗᤥᤏ–ᤁᤸᤗᤧ ᤖᤥᤔ ᤕᤧᤰᤕᤰᤁᤡᤴ ᤀᤥᤛᤣ᤺ᤴᤀᤠᤎᤠᤰᤗᤥ॥\f* ᤛᤣᤛᤣᤜᤢᤵᤗᤰᤁᤡᤸᤗᤧ ᤛᤣᤘᤠ ᤁᤧᤜᤠᤰᤋᤡᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤛ᤻ᤛᤠ᤺ ᤔᤷᤁᤢᤛᤖᤧᤀᤠᤱ ᤛᤣᤘᤠ ᤁᤧᤜᤠᤰᤋᤡᤖᤥ॥  
\v 14 ᤔᤡ᤺ᤶᤈᤡ᤺ᤸᤗᤧ ᤛᤣᤘᤠ ᤔᤧᤳᤋᤠᤛᤡᤶᤔᤧ᤹ᤀᤥ॥ ᤂᤪᤡᤛ᤻ᤋᤧᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤛᤏᤠᤖᤢᤱ ᤁᤧᤄᤥ᤺ᤛᤢᤶᤗᤖᤥ॥