\id JAS  
\h याकुब 
\toc1 याकुबरे़ साप्‍तुबा सक्‍इङ्‌घङ् 
\toc2 याकुब 
\toc3 याकुब 
\mt1 याकुबरे़ साप्‍तुबा सक्‍इङ्‌घङ् 
\imt1 निःसुम् 
\ip याकुबरे़ कन् सक्‍इङ्‌घङ्‌ङिन् “के़रे़क् लाजेॽओ के़से़बाआङ् के़वाॽबा ख्रिस्‍ते़न्‌नसाःन् के़जोःक्‍पा यहुदिहाॽ” हाक्‍तुसिबारो॥ कप्‍मो ख्रिस्‍तानि हिङ्‌मन् नु सुत्‍नाःन् चाहाबा के़जोःक्‍पा सिक्‍कुम्‌निङ्‌वाॽ नु लाम्‍लोमारे़ कुयाःम्‍बेओ खाहुन् पिरुसिआङ् पत्॥ कन् खाहुन् पिरुसिल्‍ले़ याकुबरे़ परिक् परिक्‍पा कुबिहाॽ ओगप् चोगुआङ् पत्॥ ख्रिस्‍तानि हिङ्‌मन्‍नो याकुबरे़ याङ्‌साकुन्‍धे नु याङ्‌साॽमा, हङ्‌साॽमा, वेॽहाॽ नुःरिक् मे़प्‍मासि, एःक्‍पएःक् चोःक्‍मा, नसाःन् नु याःम्‍बक्‍हाॽ, ले़सोःप्‍पे़न् युक्‍को कप्‍मा, सिक्‍कुम्‌निङ्‌वाॽ, खेमा थक्‍मा, नाहे़म्‍मा नु नामे़न्‍छाॽ चोःक्‍मा, नाप्‍मिहाॽ चे़ङ्‌मासि, आङ्‌दिङ् लॽमा, नासि थःप्‍मा नु तुवा चोःक्‍मा के़लॽबा पाःन्‍हाॽरे़ कुयाःम्‍बेओ पाःत्तुआङ् पत्‍लो॥ 
\ip कन् सक्‍इङ्‌घङ्‌ङो याकुबरे़ ख्रिस्‍तानि हिङ्‌मन्‍नो वाॽमाल्‍ले़ नसाःन् चोःक्‍मारक् मे़ःन् कर याःम्‍बक्‍काङ् चोःक्‍मा पोःङ् लॽरिक् पाःत्तुॽरो॥ 
\iot थामिङ्‌ 
\io1 निःसुम् १.१ 
\io1 नसाःन् नु सिक्‍कुम् निङ्‌वा १.२ 
\io1 याङ्‌साॽमा नु याङ्‌साकुन्‍धे १.९-११ 
\io1 निङ्‌वाॽ साॽमा नु हङ्‌साॽमाओ थामा १.१२-१८ 
\io1 खे़म्‍मा नु चोःक्‍मा १.१९-२७ 
\io1 एःक्‍पएःक्‍किल्‍ले़ कुदक्‍ले़ङ्‌वाओ साम्‍दिङ् २.१-१३ 
\io1 नसाःन् नु याःम्‍बक् २.१४-२६ 
\io1 ख्रिस्‍तानि नु ले़सोःप्‍पे़न्‌३.१-१८ 
\io1 ख्रिस्‍तानि नु खाम्‍बेःक्‍मान् ४.१-५.६ 
\io1 कुनुप्‍मा नु वेॽ खाहुन्‍हाॽ ५.७-२० 
\c 1  
\s1 याकुबलाम् सेवा 
\p  
\v 1 के़रे़क् लाजेॽओ के़से़बाआङ् के़वाॽबा ख्रिस्‍ते़न्‌नसाःन् के़जोःक्‍पा यहुदिसे,\f * \fr 1:1 \ft ख्रिस्‍ते़न्‌नसाःन् के़जोःक्‍पा यहुदिहाॽ–ग्रिक पाःन्‍दाङ्‌ङो “थिक्‌-ने़त् यहुदि सुवाङ्‌हाॽ” पोःङ्॥\f* निङ्‌वाॽफुमाङ् नु दाङ्‌बा ये़सु ख्रिस्‍तरे़ कुसेवारोबा इङ्‌गाॽ याकुबरे़ कन्‌सक्‍इङ्‌घङ्‌ङिन् हाक्‍निङ्‌बारो॥ 
\s1 नसाःन् नु सिक्‍कुम्‍दिङ् निङ्‌वाॽ 
\p  
\v 2 आमिःम् फुॽनुसाॽ नु ने़ॽनुसाॽसे, खिनिॽ काक् परिक्‍ले़न् इनोगे़न् तुक्‍खेओ के़ध्‍ये़ॽइल्‍ले़ खे़ङ्‌ग साॽरिक् सःप्‍मनाबा पाःन्‍लो फाॽआङ् इःत्ते़म्‍मे़ॽओ,  
\v 3 थेआङ्‌भे़ल्‍ले़ आक्‍ख्‍यारिक् नसाःन्‍साबा के़जोगि फाआङ् निङ्‌वाॽ साॽमो के़ध्‍ये़ॽइल्‍ले़ खिनिॽ नासि थःप्‍मान् पोःरो के़लॽबान् के़निःसुम्‍लो॥  
\v 4 हे़क्‍क्‍याङ् नासि थःप्‍मान् कुलिङ्‌धो के़त्‍ल थारिक् पोःर पोःङ्‌लो, हे़क्‍केलॽरिक् खिनिॽ के़धुम्‍बा नु कुलिङ्‌धो के़गे़प्‍पा के़बोःक्‍खिआङ् खिनिॽओ कुलिङ्‌धो मे़ङ्‌गे़प्‍मनाबा पाःन् थेआङ् मे़बोःङ्‌ने़ल्‍लो॥ 
\p  
\v 5 कर खिनिॽ सिक्‍कुम्‍दिङ् निङ्‌वाॽ चाहाबा के़जोगिने़ फाॽग्र निङ्‌वाॽफुमाङ्‌ङिन् नाःक्‍ते़म्‍मे़ॽ हे़क्‍क्‍याङ् खुने़ॽ के़बिरिॽरो, थेआङ्‌भे़ल्‍ले़ कुयाःक् मे़ल्‍ले़ॽए कुनिङ्‌वाॽ हन्‍दुआङ् के़नाःक्‍पाहाॽ के़रे़क् पिरुसिॽरो॥  
\v 6 कर के़नाःक्‍पाल्‍ले़ नाःक्‍तुबा पाःन्‍निन् खोःसुङ् फाॽआङ् चप्‍चि मे़न्‍जोःक्‍के नाःक्‍तुर पोःङ्‌लो॥ चप्‍चि के़जोःक्‍पाङ्‌ग सुरित् केजङ्‌ङिल्‍ले़ मुःत्तुल्‍ले़ वाहङ्‌ङो के़बोःक्‍पा वाभे़ल्‍ले़ङ्‌ङिन् कुइसिःक् यो ना थोबा पोःङ्‌लो॥  
\v 7 हे़क्‍केलॽरिक् चप्‍चि के़जोःक्‍पा मनाःल्‍ले़ यहवे दाङ्‌बाओलाम्\f * \fr 1:7 \ft ग्रिक पाःन्‍दाङ्‌ङो “कुरिओस” सुत्‍लाःन् साप्‍ते़आङ् पत्॥ याकुबरे़ “कुरिओस” पाःत्तुबे़न् ये़सु ख्रिस्‍ते़न्‌मे़त्तुबारो, कर कन्‌पाःत्‍लाओ खुने़ॽ पानुदिङ् पाः निङ्‌वाॽफुमाङ्‌ङिल्‍ले़ कुयाःम्‍बेओ पाःत्तुबारो॥\f* थे पाःन्‍नाङ् खोःसुङ् फाॽआङ् मे़इःत्तुन्‍लरो॥  
\v 8 खे़ङ्‌ग कुनिङ्‌वाॽ के़लाम्‍बा मनारो, हे़क्‍क्‍याङ् खे़ल्‍ले़ काक् चोगुबा याःम्‍बक्‍को चोगुङ्‌बि मे़जोःक्‍कान्‍बि लॽरो॥ 
\s1 याङ्‌साॽमा नु याङ्‌साकुन्‍धेसाबा 
\p  
\v 9 याङ्‌गे़साॽबा नसानिबान् हाराॽ निङ्‌वाॽफुमाङ्‌लाम् मिङ्‌सो इङ्‌धाःङ् खोःसुल्‍ले़ सःत्‍ल पोःङ्‌लो॥  
\v 10 कर याङ्‌साकुन्‍धेसाबान् निङ्‌वाॽफुमाङ्‌लाम् नःम्‍नःम्‍बा पोःङ्‌ङिल्‍ले़ सःत्‍ल पोःङ्‌लो, थेआङ्‌भे़ल्‍ले़ खुने़ॽग इगे़ले़म्‍बाआङ् मक्‍के़धा के़बेःक्‍पा ताम्‍भुङ् फुङ् कुइसिःक् इले़म्‍बेःक्‍लो॥  
\v 11 थेआङ्‌भे़ल्‍ले़ नाम्‍से़आङ् नाम्‍लाःङ्‌माल्‍ले़ याःन्‍सुङ्‌ङिन् हेःसुॽ हे़क्‍क्‍याङ् फुङ्‌ङिन्‍नाङ् मक्‍थाआङ् नुःबा कुधाःप्‍मे़न् पेःक्‍लो॥ बा हे़क्‍केलॽरिक्‍के याङ्‌साकुन्‍धेसाबान्‍नाङ् खुने़ॽ याःम्‍बक् चोगुर पत्तिल्‍ले़ए सिः पेःक्‍लो॥ 
\s1 इनोगे़न् तुक्‍खे नु हङ्‌साॽमा 
\p  
\v 12 इनोगे़न् तुक्‍खेःन् नासि के़धःप्‍पे़ङ्‌ग मुॽइसाबारो, थेआङ्‌भे़ल्‍ले़ खे़न् निङ्‌वाॽ साॽमाओ थाःल्‍ले़ कुलिङ्‌धो के़गे़प्‍पा पोःक्‍खे़आङ् निङ्‌वाॽफुमाङ्‌ङिल्‍ले़ खुने़ॽ मिःम्‍जि के़मे़प्‍पाहाॽ पिमासि फाॽआङ् माङ्‌हे़क् चोगुबा मे़न्‍नुप्‍मनाबा हिङ्‌मन्‍ले़न् तिचःन् खे़ल्‍ले़ खोःसुॽरो॥  
\v 13 हे़क्‍क्‍याङ् हङ्‌साॽमो के़धाःबाल्‍ले़ निङ्‌वाॽफुमाङ्‌ङिल्‍ले़ हङ्‌साॽराङ्‌लो फाॽआङ् आप्‍फाल्‍ले़आङ् मे़बाःत्तुन्‍लरो, थेआङ्‌भे़ल्‍ले़ निङ्‌वाॽफुमाङ्‌ङिन् फे़न् पाःन्‍लाम्‍बा हङ्‌मे़साॽने़न्‍लो, हे़क्‍क्‍याङ् खुने़ॽआङ् आत्तिन्‍हाॽआङ्‌हङ्‌मे़साॽरुन्‍छिन्‍लो॥  
\v 14 कर काक् मनाहाॽ आबाङे फे़न् निङ्‌वाॽइल्‍ले़ मुरा मे़त्तुसिआङ् हङ्‌साॽमो मे़धाःरो॥  
\v 15 कन् फे़न् निङ्‌वाॽइल्‍ले़ आनिॽ आयुक्‍काङ् लायो चोःक्‍मा आबाङ्‌लो, हे़क्‍क्‍याङ् लायोःल्‍ले़ आनिॽ सिःमे़न्‍नो आदेॽरो॥ 
\p  
\v 16 आमिःम् फुॽनुसाॽ नु ने़ॽनुसाॽसे, खिनिॽ इङ्‌ले़क्‍को मे़ध्‍ये़म्‍मिन्‍ने़ॽओ॥  
\v 17 काक् नुःबा नु कुलिङ्‌धो के़गे़प्‍पा पर्धाःम्‍मिङ्‌ग थाःङ् ताङ्‌साक्‍पो के़ओःप्‍पा ओःत्तिहाॽ के़जोःक्‍पा पानुदिङ् पाः निङ्‌वाॽफुमाङ्‌लाम् युःरो॥ खे़न् ओःत्तिहाॽग साम्‍ब्रिःप्‍पा कुइसिःक् ले़ङ्‌बेःक्, कर खुने़ॽ आप्‍फाल्‍ले़आङ् मे़ले़ङ्‌ने़न्‍लो॥  
\v 18 खुने़ॽ चोगुबा नावागे़न् चइःत्तो काक्‍नु तगि के़दुम्‍बा निङ्‌वाॽफुमाङ्‌ङो तोःम्‍मनाबा चासोःक्‌कुइसिःक् आबोःङ्‌ल फाॽआङ् आबाङे कुनिङ्‌वाॽइल्‍ले़ से़क्‍खाबा कुबाःन्‍जाक्‍लाम् कुस्‍साः आजोगे़आङ् वाॽ॥ 
\s1 खे़म्‍मा नु चोःक्‍मा 
\p  
\v 19 आमिःम् फुॽनुसाॽ नु ने़ॽनुसाॽसे, नाघे़म्‍माओ के़रे़क् चात्ते़म्‍मे़ॽओ, कर पाःप्‍माओ नु सिक् पोःक्‍माओ सुःसे़म्‍मे़ॽओ फाॽआङ् कुसिङ्‌निःत्ते़म्‍मे़ॽओ॥  
\v 20 थेआङ्‌भे़ल्‍ले़ खिनिॽ सिक्‍किल्‍ले़ आप्‍फाल्‍ले़आङ् निङ्‌वाॽफुमाङ्‌ङिल्‍ले़ कुसिराॽ के़धाङ्‌बा साम्‌योनिबा याःम्‍बक् चोःक्‍मा के़न्‍छुक्‍तुम्‍मिल्‍लो॥  
\v 21 खे़ल्‍ले़ चोगुल्‍ले़ ताप्‍फे़ःम्‍बा नु सिक्‍के़ले़ःङ्‌बा पाःन्‍हाॽ ले़रे़म्‍देःसे़म्‍मे़ॽआङ् निङ्‌वाॽफुमाङ्‌ङिल्‍ले़ खिनिॽ सिक्‍लुङ्‌मो लेःत्तुबा खिनिॽ ताङ्‌से़ःप्‍मा के़सुक्‍पा कुबाःन्‍जाक्‍किन् खिनिॽ नःम्‍नःम्‍माङ् ताःक्‍ते़म्‍मे़ॽओ॥ 
\p  
\v 22 कर पाःन्‍जाक्‍किल्‍ले़ पाःत्तुबा कुइसिःक् चोगे़म्‍मे़ॽओ॥ पाःन्‍जाक् के़घे़म्‍बारक् के़बोःक्‍खिॽने़ फाॽग्र आबाङे इङ्‌गे़ले़क्‍कासिॽरो॥  
\v 23 पाःन्‍जाक्‍किन् के़घे़प्‍सुम् कर खे़न् कुइसिःक् के़न्‍जोगुम्‍मिन्‍ने़ फाॽग्र से़ल्‍ले़ङ्‌घोओ खिनिॽ नारा ओगे़मे़त्तुम्‍बा कुइसिःक् चोःक्‍लो॥  
\v 24 खिनिॽ आबाङे ओगे़मे़त्तासिआङ् आनिगे़ आक्‍तङ्‌बा चोगिगे़ फाॽआङ् के़निःसुम्‍बान् के़बेगिनुमे़ःन्‍ने निङ्‌वाॽ के़भेःत्‍छुम्‍लो॥  
\v 25 कर आत्तिन् मनाःल्‍ले़आङ् चोःक्‌युम्‍भो के़बिबा सेसे साम्‌योथिम्‍मिन् खे़प्‍सुआङ् निङ्‌वाॽ मे़भेःत्‍छुन्, कर खे़ल्‍ले़ चक्‍मे़ल्‍लॽए नुःरिक् ओमे़त्तुआङ् खे़प्‍सुबा पाःन्‍हाॽ चोगुॽ, खे़ल्‍ले़ चोगुबा काक् कुयाःम्‍बक्‍को निङ्‌वाॽफुमाङ्‌ङिल्‍ले़ मुॽइसाम् पिरुॽरो॥ 
\p  
\v 26 आत्तिल्‍ले़ इङ्‌गाॽ साम्‌योसाबा चोःक्‍का लॽरिक् निङ्‌वाॽ इःत्तुॽ, कर कुले़सोःप्‍पे़न्‌युक्‍को मे़गत्तुन्‍ने़ फाॽग्र खे़ङ्‌ग इङ्‌ले़क्‍सिङ्‌ङाङ् खे़ल्‍ले़ कुसाम्‌योःङ्‌ग हने़रक् पोःङ्‌लो॥  
\v 27 पानुदिङ् पाः निङ्‌वाॽफुमाङ्‌ङिल्‍ले़ ते़न्‍दिङ् चोगुबा सुत्‍थो नु सेसेबा साम्‌योसाबा पोःङ्‌माङ्‌ग बा कन्‍लो–ये़त्‍छाबाहाॽ नु मेमेदुमाहाॽ खुनिॽ इनोगे़न् तुक्‍खेहाॽओ कम्‍ब्राङ् मे़प्‍मासि, हे़क्‍क्‍याङ् इक्‍सादिङ् खाम्‍बेःक्‍मोबा याप्‍मि के़जिःम्‍बा पाःन्‍हाॽलाम् माःङ्‌घा वाॽमारो॥ 
\c 2  
\s1 मनाहाॽ एःक्‍पएःक् चोःक्‍मासि मे़ःन् 
\p  
\v 1 आमिःम् फुॽनुसाॽ नु ने़ॽनुसाॽसे, मिमिदिङ्‌गे़न् आनिॽ दाङ्‌बा ये़सु ख्रिस्‍ते़न्‌नसाःन् के़जोःक्‍पा मनाहाॽरे़ग वेॽ मनाहाॽ से़म्‍मासि मे़नुॽने़न्‍लो॥  
\v 2 आल्‍ल खिनिॽ सेसे चुम्‍लुङ्‌ङो मनाधिक् साम्‍म्‍याङ् स्‍वाःगे़प्‍पिन् नु नुःबा चाङ् चाक्‍खुआङ् ताः, हे़क्‍क्‍याङ् हाबा खे़न् ये़म्‍मोए याङ्‌गे़साॽबा चिरिङ्‌लिङ्‌बा चाङ् के़जाङ्‌बा मनाधिक्‍काङ् ताने़ फाॽग्र,  
\v 3 खे़न् नुःबा चाङ् के़जाङ्‌बा मनाःन् मिङ्‌सो इङ्‌धाःङ् के़बिरुम्‍ल “कप्‍मो नुःबा ते़न्‍नो युङे़ॽओ” के़मे़त्तुम्, कर खे़न् याङ्‌गे़साॽबान् “खे़ने़ॽ खे़त्‍ना ये़बे़ॽ” इग्र “कप्‍मो खाम्‍मो युङे़ॽ” के़मे़त्तुम्‍ने़ फाॽग्र,  
\v 4 खिनिॽग आबाङे लुम्‍मो मना के़से़म्‍बा नु फे़न् निङ्‌वाॽलाम् खासे़न्‍लोःम्‍बा के़म्‍बोःक्‍खिन्‍बि? 
\p  
\v 5 आमिःम् फुॽनुसाॽ नु ने़ॽनुसाॽसे, खे़प्‍से़म्‍मे़ॽओ! निङ्‌वाॽफुमाङ्‌ङिल्‍ले़ इक्‍सादिङ् खाम्‍बेःक्‍मोबा याङ्‌गे़साॽबाहाॽ नसाःन्‍नो याङ्‌साकुन्‍धेसाबा चोःक्‍से़ नु कुहाङ्‌जुम् लक् खोःसे़ सेगुसिआङ् वाॽ॥ खे़न् हाङ्‌जुम्‍मिङ्‌ग खुने़ॽ काक् मिःम्‍जि के़मे़प्‍पाहाॽ पिमासि माङ्‌हे़क् चोगुआङ् वाॽरो॥  
\v 6 कर खिनिॽग याङ्‌गे़साॽबाहाॽरे़ खुनिॽ नागे़धाःसुम् के़बिरुम्‍सिम्‍माङ्‌के़वयिॽरो॥ खिनिॽ निङ्‌घुम् के़मे़प्‍पाआङ् खासे़न् हिम्‍मो के़उःङ्‌बा के़देॽबाहाॽ खे़न् याङ्‌साकुन्‍धेसाबाहाॽए मे़ःन्‍छिबि?  
\v 7 खिनिॽ नसाःन् के़जोगुम्‍बा ये़सु ख्रिस्‍तरे़ नुःबा कुमिङ्‌ङिन् चाःत्‍थि के़देःबाहाॽ खे़ङ्‌हाॽए मे़ःन्‍छिबि? 
\p  
\v 8 से़क्‍खाए साम्‌योसाप्‍लाओ साप्‍ते़आङ् के़बप्‍पा खिनिॽ पाङ्‌भेॽसाबाहाॽ आबाङे कुइसिःक्‍के लुङ्‌माॽ तुक्‍ते़म्‍सिम्‍मे़ॽओ के़लॽबा निङ्‌वाॽफुमाङ्‌ङिल्‍ले़ सुहाङ्‌गे़न् थिम्‍मिन् के़इःत्तुम् के़नाःत्तुम्‍ने़ फाॽग्र नुःबाए के़जोगुम्‍लो॥  
\v 9 कर खिनिॽ मनाहाॽ के़से़न्‍दुम्‍सिम्‍ने़ फाॽग्र लायो के़जोगुम्‍माङ् साम्‌योथिम्‍मिल्‍ले़ कुभाङ्‌के़भेःम्‍बा फाॽआङ् आप्‍तिक् के़गुःत्तिॽरो॥ 
\p  
\v 10 थेआङ्‌भे़ल्‍ले़ आत्तिल्‍ले़ के़रे़क् साम्‌योथिम्‍मिन् इःत्तु नाःत्तुॽ कर लत्‍थिक् पाःन्‍निन् फेःन्‍दुने़ फाॽग्र, खे़ल्‍ले़ के़रे़क् साम्‌योथिम्‍मिन् फेःन्‍दुबा कुइसिःक् पोःङ्‌लो॥  
\v 11 थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ “चाराम्‍मा याःम्‍बक् मे़जोगे़न्‍ने़ॽओ” लॽरिक् पाःत्तु, हे़क्‍क्‍याङ् खुने़ॽए “मना मे़से़रे़न्‍ने़ॽ” लॽरिक्‍काङ् पाःत्तुआङ् वाॽरो॥ खे़ल्‍ले़ चोगुल्‍ले़ चाराम्‍मा याःम्‍बक् के़न्‍जोगुन्‍छाङ् मना के़से़त्‍ने़ फाॽग्र, खे़ने़ॽ साम्‌योथिम् के़भेःम्‍बा के़बोःङ्‌लो॥ 
\p  
\v 12 हे़क्‍केःल्‍ले़ मे़न्‍छाम् याप्‍मिःन् चोःक्‌युम्‍भो के़बिबा साम्‌योथिम्‍लाम् खासे़न् खोःमा के़बोःङ्‌बा मनाःन् कुइसिःक् पारे़म्‍मे़ॽ चोगे़म्‍मे़ॽओ,  
\v 13 थेआङ्‌भे़ल्‍ले़ आत्तिन् मनाःल्‍ले़ लुङ्‌माॽ मे़न्‍दुक्‍सिङ्‌ङे वेॽहाॽ खासे़न् लोःन्‍दुसिॽ, खे़ल्‍ले़न्‍नाङ् कुघासे़न्‍निन् बा हे़क्‍केलॽरिक्‍के पोःङ्‌लो॥ वेॽहाॽ लुङ्‌माॽ के़दुक्‍पाल्‍ले़ निङ्‌वाॽफु खासे़न्‍निन् मे़गिरुन्‍लो! 
\s1 याःम्‍बक् मे़ःन्‍नेबा नसाःन्‍निन् कुलिङ्‌धो मे़गे़त्‍ने़न् 
\p  
\v 14 आमिःम् फुॽनुसाॽ नु ने़ॽनुसाॽसे, आत्तिन् मनाःल्‍ले़ नसाःन् कत्तुङ् लॽरिक् पाःत्तुॽ कर याःम्‍बक् मे़जोगुन्‍ने़ फाॽग्र थे पोःक्‍खे़आङ्‌बे? हे़क्‍तङ्‌बा नसाःन्‍निल्‍ले़ खे़न् ताङ्‌से़ःप्‍मा सुक्‍तुॽबि?  
\v 15 आल्‍ल फुॽनुसाॽ इग्र ने़ॽनुसाॽ थिक्‍ले़ चाङ् तेःत् मे़गत्तुन् हे़क्‍क्‍याङ् थिक्‌याःन्‍धक्‍पा चामा थुङ्‌मा थेआङ् मे़गत्तुन्,  
\v 16 हे़क्‍केःल्‍ले़ खिनिॽओ थिक्‍किल्‍ले़ “नुःरिक्‍काङ् पेगे़ॽओ, नुःरिक् चे़ॽ थुङे़ॽआङ् पगोगोःर वये़ॽओ” मे़त्तुॽ, कर खे़न् नासिङ्‌गे़न् कुधक्‍को चाहाबा के़जोःक्‍पा थेआङ् कुभाॽ मे़बिरुन्‍ने़ फाॽग्र थे नुःबा पोःक्‍खे़आङ्‌बे?  
\v 17 हे़क्‍केलॽरिक्‍के नसाःन्‍निन् के़गत्तुम्‍साङ् खे़न् कुइसिःक् याःम्‍बक् के़न्‍जोगुम्‍मिन्‍ने़ फाॽग्र, खे़न् नसाःन्‍निङ्‌ग कुसुम् मे़न्‍दम्‍मनाबा पोःङ्‌लो॥ 
\p  
\v 18 आल्‍ल कुभारे़ मे़बाःत्तुबिला, “खे़ने़ॽ नसाःन् के़गत्तुॽ, कर इङ्‌गाॽ याःम्‍बक् कत्तुङ्॥” कर इङ्‌गाॽ मे़त्‍निङ्, “खे़ने़ॽ याःम्‍बक्‍किल्‍ले़ मे़गाप्‍तुम्‍बा के़नसाःन्‍निन् ओसेःन्‍धाक्‍ताङ्‌ङे़ॽ, हे़क्‍क्‍याङ् इङ्‌गाॽआङ् आयाःम्‍बक्‍लाम् आनसाःन्‍निन् ओसेःन्‍धाक्‍ने़ॽरो॥”  
\v 19 कुत्‍चाॽए थिक्‍लक् निङ्‌वाॽफुमाङ्‌ङिन् वाॽ लॽरिक् नसाःन् के़जोगुॽ॥ खे़ङ्‌ग नुःबारो! फे़न्‍साम्‍हाॽरे़आङ् खे़न् पाःन्‍निन् नसाःन् मे़जोगुआङ् मे़गिर थे़गक्‍कक्‍ना मे़यङ्‌लो॥  
\v 20 अदङ्‌से, याःम्‍बक्‍किल्‍ले़ मे़गाप्‍तुम्‍बा नसाःन्‍निन् कुसुम् मे़न्‍दम्‍मनाबा पोःङ् के़लॽबा पर्माङ्‌गिःन् के़गोःत्तुम्‍बि? 
\p  
\v 21 आनिॽ ताक्‍थे़बा अब्राहामरे़ कुस्‍साः इसहाक्‍किन् ले़त्तिङ्‌तोःम्‍मादे़न्‍नो सिदुङ्‌जभा चोःक्‍से़ तोःन्‍दुबा याःम्‍बक्‍किल्‍ले़ए खुने़ॽ आप्‍तिक् मे़ःन्‍नेबा चोगुबा मे़ःम्‍बि?  
\v 22 खुने़ॽ कुनसाःन्‍निन् कुयाःम्‍बक्‍किल्‍ले़ काप्‍तुबान् नु बा खे़न् याःम्‍बक्‍किल्‍ले़ए कुनसाःन्‍निन् कुलिङ्‌धो के़त्तुबान् के़निःसुम्‍लो॥  
\v 23 कन् पाःन्‍निङ्‌ग साम्‌योसाप्‍लाःल्‍ले़ अक्‍खेलॽरिक् पाःत्तुबान् के़रे़बारो, “अब्राहामरे़ निङ्‌वाॽफुमाङ्‌ङिन् नसाःन् चोगु, हे़क्‍केःल्‍ले़ निङ्‌वाॽफुमाङ्‌ङिल्‍ले़ खुने़ॽ साम्‌योनिबा लेःत्तुरो॥”\f * \fr 2:23 \ft तोलिङ्‌सोमु १५.६\f* हे़क्‍क्‍याङ् खुने़ॽ निङ्‌वाॽफुमाङ्‌ङिल्‍ले़ आन्‍जुम् फाॽआङ् मे़त्तुरो॥  
\v 24 नसाःन्‍लाम्‌रक्‌मे़ःन्, कर आनिॽ आजोगुम्‍बा याःम्‍बक्‍लाम्‍माङ् आप्‍तिक् मे़ःन्‍नेबा आबोःङ् फाॽआङ् के़निःसुम्‍लो॥ 
\p  
\v 25 हे़क्‍केलॽरिक्‍के के़त्‍निमा राहाबरे़ थोःम्‍जिबाहाॽ तरे तोःसुसिआङ् खे़ङ्‌हाॽ ताङ्‌से़ःप्‍से़ वेॽ लाम् पाङ्‌घुसिबा कुयाःम्‍बक्‍किल्‍ले़ए खे़न् आप्‍तिक् मे़ःन्‍नेमा पोःक्‍खे़रो॥  
\v 26 याम्‍साम् मे़ःन्‍नेबा नासिङ्‌गे़न् थक्‍किन् कुसिवे़त् पोःङ्‌बा कुइसिःक्‍के याःम्‍बक् मे़ःन्‍नेबा नसाःन्‍निन्‍नाङ् कुसिवे़त् पोःङ्‌लो॥ 
\c 3  
\s1 ले़सोःप्‍पे़न्‌युक्‍को कप्‍मा 
\p  
\v 1 आमिःम् फुॽनुसाॽ नु ने़ॽनुसाॽसे, खिनिॽ लुम्‍मो यरिक् सिक्‍साम्‍बा पोःङ्‌मा मे़गोःत्ते़म्‍मिन्‍ने़ॽओ, थेआङ्‌भे़ल्‍ले़ आनिॽ सिक्‍साम्‍बाहाॽ वेॽहाॽनुःल्‍ले़ के़साक्‍पा खासे़न्‍नो आधाःॽ के़लॽबान् के़निःसुम्‍लो॥  
\v 2 आनिॽ के़रे़क् यरिक् पाःन्‍हाॽओ आबेःन्‍लो, कर आत्तिन् मनाःन् आबाङे पाःत्तुबा पाःन्‍नो मे़बेःन्‍निन्‍ने़ फाॽग्र से़क्‍खासाङ् खे़ल्‍ले़ग नासिङ्‌गे़न् कुधक्‍किन् युक्‍को कप्‍मा सुक्‍तुॽ, हे़क्‍क्‍याङ् खे़न् मनाःन् कुलिङ्‌धो के़गे़प्‍पा पोःङ्‌लो॥ 
\p  
\v 3 अन्‍निल्‍ले़ कुमुराओ चुक्‍सा करे़लिःन् केःप्‍माआङ् खे़न् यम्‍बा थक्‍साःन् आत्तान् तेॽमा निङ्‌वाॽ आजोगुम् खे़प्‍मोए तेॽमा आसुक्‍तुम्‍लो॥  
\v 4 हे़क्‍केलॽरिक्‍के वालाधाःन् यम्‍बा चोःक्, हे़क्‍क्‍याङ् यम्‍बा सुरित्तिल्‍ले़ मुःत्तु तेॽरुसाङ् वादो चाःक्‍पाल्‍ले़ ना कत्‍ना के़हिबा चुक्‍सा सामाःल्‍ले़ वालाधाःन् आत्तान्‍साङ् तेॽमा सुक्‍तुॽरो॥ \fig यम्‍बा वालाधा|src="hk00215c.tif" size="span" loc="jas.3:4" ref="३.४" \fig* 
\v 5 हे़क्‍केलॽरिक्‍के ले़सोःप्‍पे़न्‍नाङ् नासिङ्‌गे़न् थक्‍को चुःक्‍साङ् कन्‌यम्‍ब्‌यम्‍बा पाःन्‍निल्‍ले़ कुयाःम्‍बेओ आङ्‌दिङ् लॽरो॥ 
\p चुक्‍सा मिसेःक्‍किल्‍ले़ यम्‍बा ताम्‍भुङ्‌ङिन् खाप्‍पु थ्‍यःङ् चोःक्‍मा सुक्‍तुॽरो लॽरिक् इःत्ते़म्‍मे़ॽओ!  
\v 6 हे़क्‍केलॽरिक्‍के ले़सोःप्‍पाङ्‌ग मि हे़क्‍तङ्‌बारो॥ कङ्‌ग नासिङ्‌गे़न् थक्‍को ताप्‍फे़ःम्‍बा पाःन्‍हाॽरे़ कुबुङ्‌लो॥ खे़न् ले़सोःप्‍पाल्‍ले़ मनाःल्‍ले़ काक् नासिङ्‌गे़न् कुधक्‍किन् चिःन्‍दुॽआङ् कुहिङ्‌मन्‍निन् के़रे़क् मिधिक्‍खुॽरो॥ खे़न् मिङ्‌ग खे़मायङ्‌सङ्‌लाम्‍मे लःन्‍लो॥ 
\p  
\v 7 काक् परिक्‍पा थक्‍सा पुसा, के़उःङ्‌सिङ्‌बा के़सःन्‍छिङ्‌बा नु वाहङ्‌ङोबा थक्‍साहाॽ खुम्‍मा सुक्‍मे़दे़त्‍लो, हे़क्‍क्‍याङ् मे़न्‍छाम् याप्‍मिहाॽरे़ खे़ङ्‌हाॽ मे़घुम्‍सुसिॽरो,  
\v 8 कर ले़सोःप्‍पाङ्‌ग आत्तिन् मनाःल्‍ले़आङ् खुम्‍मा मे़सुक्‍तुन्‍लो॥ कङ्‌ग युक्‍को कप्‍मा सुक्‍मे़न्‍दे़प्‍मना ताप्‍फे़ःम्‍बा चोःक्, हे़क्‍क्‍याङ् मे़न्‍छाम् याप्‍मि के़से़प्‍पा निङ्‌ङिल्‍ले़ कुधिम्‍बा चोःक्‍लो॥ 
\p  
\v 9 बा कन् ले़सोःप्‍पाल्‍ले़ए आनिॽ दाङ्‌बा नु पानुदिङ् पाः निङ्‌वाॽफुमाङ्‌ङिल्‍ले़ कुनारा आभोःसुम्, हे़क्‍क्‍याङ् बा कन्‍लाम्‍बाए निङ्‌वाॽफुमाङ्‌ङिल्‍ले़ आबाङे कुबि कुइत्‍छाप्‍पो चोगुसिबा मे़न्‍छाम् याप्‍मिहाॽ साक्‍मुरा आमे़त्तुम्‍सिम्‍लो॥  
\v 10 हे़क्‍केलॽरिक् लत्‍छा मुराओलाम् मुॽइसाम् नु साक्‍मुराःन्‌लःन्‍लो॥ आमिःम् फुॽनुसाॽ नु ने़ॽनुसाॽसे, अक्‍खे पोःङ्‌माग मे़नुॽने़न्‍लो॥  
\v 11 लत्‍थिक् वाबुन्‍नोलाम् कुजा के़नुॽबा नु के़लाःक्‍पा च्‍वाःत्तिन् पुन्‍बि?  
\v 12 आमिःम् फुॽनुसाॽ नु ने़ॽनुसाॽसे, पःत्‍छेॽइल्‍ले़ कुबुङ्‌मो जैतुने़ल्‍ले़ कुसेॽ थोःक्‍पि, इग्र चे़ल्‍ले़क्‍सेॽइल्‍ले़ कुबुङ्‌मो पःत्‍छेॽइन् थोःक्‍पि? मे़धोःक्‍ने़न्‍लो! हे़क्‍क्‍याङ् के़लाःक्‍पा वाबुन्‍नोलाम् कुजा के़नुॽबा च्‍वाःत्तिन् मे़बुन्‍ने़न्‍लो॥ 
\s1 से़क्‍खाबा सिक्‍कुम्‍दिङ् निङ्‌वाॽइन्‌निङ्‌वाॽफुमाङ्‌लाम् ताः 
\p  
\v 13 खिनिॽ लुम्‍मो निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के सिक्‍कुम्‍साबा नु इत्‍छिङ्‌साम्‍साबाल्‍ले़ नुःबा कुहिङ्‌मन्‍नोलाम् हे़क्‍क्‍याङ् सिक्‍कुम्‍दिङ् निङ्‌वाॽलाम् के़दाःबा चुङ्‌जिगे़न् नःम्‍नःम्‍मो चोगुबा याःम्‍बक्‍कोलाम् ओसेःन्‍धाक्‍सिङ्‌लरो॥  
\v 14 कर खिनिॽ तिङ्‌दिङ्‌गे़न् नाहे़म्‍मा नु आबाङेरक् नुॽमा ताःमा निङ्‌वाॽ के़गत्तुम्‍ने़ फाॽग्र खिनिॽ से़क्‍खाए के़जोगुम्‍बा लायोःन् आङ्‌दिङ् के़लॽरिर हे़क्‍क्‍याङ् इङ्‌ले़क् के़बारिर मे़माॽरे़म्‍मिन्‍ने़ॽओ॥  
\v 15 अक्‍तङ्‌बा “सिक्‍कुम्‍दिङ् निङ्‌वाॽइङ्‌ग” थाःङ् साङ्‌ग्राम्‍पेदाङ्‌लाम् मे़ःन्, कर इक्‍साबा नु याम्‍निङ्‌वाॽबा चोःक्, हे़क्‍क्‍याङ् खे़ङ्‌ग माफे़न्‍साम्‍लाम् ताःरो॥  
\v 16 थेआङ्‌भे़ल्‍ले़ आत्तो नाहे़म्‍मा नु आबाङेरक् नुॽमा ताःमा निङ्‌वाॽ के़गप्‍पा मना मे़वाॽ, खे़प्‍मो ये़मे़न्‍दङ् पाःन् नु काक् परिक्‍ले़न् फे़न् पाःन् पोःङ्‌लो॥ 
\p  
\v 17 कर थाःङ् साङ्‌ग्राम्‍पेदाङ्‌लाम् के़युःबा सिक्‍कुम्‍दिङ् निङ्‌वाॽइन्‌काक्‍नुःल्‍ले़ तगिग सेसेबा चोःक्, हे़क्‍क्‍याङ् सनारुङ्‌बा, लुम्‍लुम्‍बा, वेॽहाॽनु के़दङ्‌बा, लुङ्‌दुक्‌कुधिम्, नुःबा याःम्‍बक्‍हाॽरे़ कुधिम्, मना मे़न्‍छे़म्‍मनाबा नु नसाःन्‍साबा चोःक्‍लो॥  
\v 18 सनारुङ् के़दाःप्‍पाहाॽरे़ याॽरिःम्‍बान् तेःमनाबा कुइसिःक् सनारुङ्‌ङिन् मे़देःसुॽ, हे़क्‍क्‍याङ् यरिक् कुजा मे़सुप्‍सुबा कुइसिःक् खे़ङ्‌हाॽरे़ यरिक् साम्‌योनिबा मनाहाॽ मे़सुप्‍सुसिॽरो॥ 
\c 4  
\s1 निङ्‌वाॽफुमाङ्‌ङो आबाङे पिआसे़म्‍मे़ॽओ 
\p  
\v 1 खिनिॽ लुम्‍मो थे़माःल्‍ले़ खेमा थक्‍माहाॽ तारुॽबे? खे़ङ्‌हाॽग खिनिॽ सिगाङ् थङ् के़जोःक्‍पा फे़न् निङ्‌वाॽलाम् लःम्‍बा मे़ःम्‍बि?  
\v 2 खिनिॽ खोःमा निङ्‌वाॽ के़जोगुम्, कर के़ङ्‌घोःसुम्‍मिन्॥ हे़क्‍क्‍याङ् खिःम्‍ब्राक् के़जोगुम्‍माङ् मना के़से़रुम्‍सिम्‍लो॥ हे़क्‍केसाङ् खिनिॽ निङ्‌वाॽ के़जोगुम्‍बा पाःन्‍निन् खोःमा के़न्‍छुक्‍तुम्‍मिन् हे़क्‍क्‍याङ् के़घेॽइ के़धक्‍तिॽ॥ आल्‍लसाङ् के़ङ्‌घोःसुम्‍मिन् थेआङ्‌भे़ल्‍ले़ खिनिॽ निङ्‌वाॽफुमाङ्‌ङिन् के़न्‍नाःक्‍तुम्‍मिन्‍लो॥  
\v 3 खिनिॽ के़नाःक्‍तुम् कर के़ङ्‌घोःसुम्‍मिन्, थेआङ्‌भे़ल्‍ले़ खिनिॽ आबाङे निङ्‌वाॽ पाःप्‍पाःत् चोःक्‍मा फाॽआङ् फे़न् निङ्‌वाॽइल्‍ले़ के़नाःक्‍तुम्‍लो॥ 
\p  
\v 4 नसाःन् मे़न्‍जोःक्‍मनाबासे, इक्‍सादिङ् खाम्‍बेःक्‍मोबा पाःन्‍हाॽ मिःम्‍जि के़मे़प्‍पे़न्‌निङ्‌वाॽफुमाङ्‌ङिल्‍ले़ कुनिङ्‌मि पोःङ् फाॽआङ् कुसिङ् के़न्‍निःत्तुम्‍मिन्‍बि? इक्‍सादिङ् खाम्‍बेःक्‍मोबा पाःन्‍हाॽ मिःम्‍जि के़मे़प्‍पे़ङ्‌ग निङ्‌वाॽफुमाङ्‌ङिल्‍ले़ कुनिङ्‌मि पोःङ्‌लो॥  
\v 5 निङ्‌वाॽफुमाङ्‌ङिल्‍ले़ आनिॽओ युक्‍खुबा सेसेमाङ्‌ङिल्‍ले़ साॽरिक्‍के कुनाहे़न् फाॽआङ् साम्‌योसाप्‍लाओ साप्‍ते़आङ् के़बप्‍पे़न्‌हने़रो फाॽआङ् के़इःत्तुम्‍बि?  
\v 6 कर खे़न्‍नुःल्‍ले़आङ् साॽरिक् निङ्‌वाॽफुमाङ्‌ङिल्‍ले़ लुङ्‌माॽ आदुक्‍लो॥ खे़ल्‍ले़ चोगुल्‍ले़ याम्‍मो साम्‌योसाप्‍लाःल्‍ले़ पाःत्तुॽ, 
\q1 “निङ्‌वाॽफुमाङ्‌ङिल्‍ले़ आङ्‌दिङ् के़लॽबाहाॽ अत्तुसिॽ, कर नःम्‍नःम्‍बाहाॽ लुङ्‌माॽ तुक्‍तुसिॽरो॥”\f * \fr 4:6 \ft सिवादिङ् खाहुन्‍हाॽ ३.३४\f* 
\p  
\v 7 खे़ल्‍ले़ चोगुल्‍ले़ नःम्‍नःम्‍बा पोःक्‍खे़म्‍मे़ॽआङ् निङ्‌वाॽफुमाङ्‌ङो आबाङे पिआसिम्‍मे़ॽओ॥ माफे़न्‍साम्‍मिन् अत्ते़म्‍मे़ॽ, हे़क्‍क्‍याङ् खे़न् खिनिॽलाम् माःङ्‌घा खे़त्‍छिङ्‌लो॥  
\v 8 निङ्‌वाॽफुमाङ्‌ङिल्‍ले़ कुबेसाङ् त्‍ये़म्‍मे़ॽ, हे़क्‍क्‍याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्‍मा ले़रे़म्‍मे़ॽओ, हे़क्‍क्‍याङ् हिल्‍लिक्‍लिक्‍पा निङ्‌वाॽ के़गप्‍पासे, खिनिॽ सिक्‍लुङ्‌मान् सेसे चोगे़म्‍मे़ॽओ  
\v 9 लायो के़जोगुम्‍बाओ मेरिङ् थक्‍ते़म्‍मे़ॽ, हाबे़म्‍मे़ॽओ॥ खिनिॽ एःप्‍मान् मेरिङ् थक्‍मो, हे़क्‍क्‍याङ् खिनिॽ सःप्‍मे़न् तुक्‍खेओ ले़क्‍खे़म्‍मे़ॽओ॥  
\v 10 दाङ्‌बाल्‍ले़ कुदगि नःम्‍नःम्‍बा पोःक्‍खे़म्‍मे़ॽ, हे़क्‍क्‍याङ् खिनिॽ मिङ्‌सो इङ्‌धाःङ् के़भोःसि के़बिरिॽरो॥ 
\s1 चे़ङ्‌सिङ्‌मा मे़ःन् 
\p  
\v 11 फुॽनुसाॽ नु ने़ॽनुसाॽसे, वेॽहाॽरे़ तक्‍ले़ङ्‌वाओ ताप्‍फे़ःम्‍बा पाःन् मे़बारे़म्‍मिन्‍ने़ॽओ॥ आत्तिन् कुन्‍साॽरे़ कुदक्‍ले़ङ्‌वाओ ताप्‍फे़ःम्‍बा फे़न् पाःन् पाःत् इग्र आत्तिल्‍ले़ कुन्‍साॽ आप्‍तिक्‌कुःत्तुॽ, खे़ङ्‌ग साम्‌योथिम्‍मिल्‍ले़ कुदक्‍ले़ङ्‌वाओ पाःत्ताङ् साम्‌योथिम्‍मिन् खासे़न् लोःन्‍दुॽरो॥ आल्‍ल साम्‌योथिम्‍मिन् खासे़न् के़लोःन्‍दुॽने़ फाॽग्र, साम्‌योथिम् के़इःप्‍पा के़नाःप्‍पा मे़ःन्, कर साम्‌योथिम्‍मिल्‍ले़न् खासे़न्‍लोःम्‍बा के़बोःङ्‌लो॥  
\v 12 साम्‌योथिम् के़बिबा नु खासे़न्‍दाङ्‌बाग थिक्‍लक् वाॽरो॥ खुने़ॽनुए ताङ्‌से़ःप्‍मा नु मे़ङ्‌मा मुक्‍साम्‌वाॽरो॥ कर खे़ने़ॽग आबाङे पाङ्‌भेॽसाबाहाॽ आप्‍तिक् के़गुःप्‍पे़न्‌हाःत्‍ने़बे? 
\s1 ताये़म्‍मिल्‍ले़ कुयाःम्‍बेओ आङ्‌दिङ् लॽमा मे़ःन् 
\p  
\v 13 आइन् इग्र ताःन्‍दिक् आनिगे़ ये़क्‌यक्‍थिक्‍को पिगिगे़ॽआङ् खे़प्‍मो तङ्‌बेधिक् वयिगे़, हे़क्‍क्‍याङ् ले़ङ्‌हङ् चोगुम्‍बे़ॽआङ् याङ् थगुम्‍बे़ॽ लॽरिक् के़बाःप्‍पासे, नुःरिक्‍काङ् खे़प्‍से़म्‍मे़ॽओ,  
\v 14 थेआङ्‌भे़ल्‍ले़ ताःन्‍दिक् थे पोःङ् के़लॽबा पाःन्‍निन् खिनिॽ के़न्‍निःसुम्‍मिन्‍लो॥ खिनिॽ हिङ्‌मन्‍निङ्‌ग सप्‍फाधिक्‌के़धाःप्‍पाआङ् के़माबा के़बेःक्‍पा तुङ्‌हिःक् कुइसिःक् चोःक्‍लो॥  
\v 15 खिनिॽ हे़क्‍के पाःप्‍माल्‍ले़ कुले़क्‌वाग दाङ्‌बाल्‍ले़ कुनिङ्‌वाॽ कुइसिःक् पोःङ्‌ने़ फाॽग्र हिङिगे़आङ् अक्‍खे हे़क्‍के चोगुम्‍बे़ॽ पाःप्‍मा के़बोःङ्‌बाने़ वये़॥  
\v 16 कर खिनिॽग आबाङे निङ्‌सेःक्‍कोने़ आङ्‌दिङ् के़लॽरिआङ् के़हे़न्‍नाॽसिरो॥ खे़न् हे़क्‍तङ्‌बा काक् हे़न्‍छिङ्‌माङ्‌ग ताप्‍फे़ःम्‍बा पाःन्‍लो॥ 
\p  
\v 17 खे़ल्‍ले़ चोगुल्‍ले़ आत्तिल्‍ले़ नुःबा याःम्‍बक् चोःक्‍मा ले़स्‍सुआङ्‌साङ् मे़जोगुन्‍ने़ फाॽग्र खे़ल्‍ले़ लायो चोगुॽरो॥ 
\c 5  
\s1 याङ्‌साकुन्‍धेसाबाहाॽ साम्‍दिङ् 
\p  
\v 1 याङ्‌साकुन्‍धेसाबासे, नुःरिक्‍काङ् खे़प्‍से़म्‍मे़ॽओ, आल्‍ल खिनिॽ सम्‍दाङ् के़दाःबार के़बप्‍पा साॽरिक् के़साक्‍पा इनोगे़न् तुक्‍खेःल्‍ले़ चोगुल्‍ले़ हाःबे़म्‍मे़ॽ फिःक्‍ते़म्‍मे़ॽओ॥  
\v 2 खिनिॽ याङ्‌साकुन्‍धेःङ्‌ग यःप्‍पेःक्‍लो, हे़क्‍क्‍याङ् खिनिॽ चाङ् तेःत्‍हाॽ थक् थाःरो॥  
\v 3 खिनिॽ साम्‍म्‍याङ् युप्‍पाहाॽ हने़बा पोःक्‍खे़आङ् वाॽरो हे़क्‍क्‍याङ् मिःल्‍ले़ लाबुबा कुइसिःक् ताःक्‍पो के़जोगुम्‍बा याङ्‌साकुन्‍धेःल्‍ले़ खिनिॽ ने़क्‍साःन् चरो॥ खिनिॽ यरिक् याङ्‌गे़घोःत्तुम्‍बा याङ्‌साकुन्‍धेःङ्‌ग ताःन्‍दि खासे़न् चोःक्‍मा ये़न्‍नो खिनिॽ तक्‍ले़ङ्‌वाओ तोःन्‍दि पोःङ्‌लो॥  
\v 4 ओमे़त्ते़म्‍मे़ॽओ! खिनिॽ इक्‍ताप्‍पो नाम्‌याक् मे़म्‍बिए याःम्‍बक्‍को के़भत्‍छुम्‍सिम्‍बा मनाहाॽरे़ खुनिॽ नाम्‌याक्‍किन् खिनिॽ तक्‍ले़ङ्‌वाओ अःक्‍लो॥ खे़न् चागे़सुम्‍बाहाॽरे़ खुनिॽ इक्‍लाःङ्‌ग मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ खे़प्‍सुआङ् वाॽरो॥ 
\p  
\v 5 इक्‍सादिङ् खाम्‍बेःक्‍मो खिनिॽ याम्‍दादा नु आबाङेरक् निङ्‌वाॽ तादा के़वयिॽआङ् से़प्‍मा ये़न्‍नो थारिक् थक्‍साःन् चालुप्‍मनाबा कुइसिःक् खिनिॽ चागे़लुप्‍पासिआङ् के़वयिरो॥  
\v 6 खिनिॽ साम्‌योनिबा मनाहाॽ आप्‍तिक् के़गुःत्तुम्‍सिम्‍माङ् के़से़रुम्‍सिम्‍साङ् के़मे़न्‍अत्तिन्‍लो॥ 
\s1 इनोगे़न् तुक्‍खेओ नासि थःप्‍मा पोःङ् 
\p  
\v 7 खे़ल्‍ले़ चोगुल्‍ले़ फुॽनुसाॽ नु ने़ॽनुसाॽसे, दाङ्‌बाल्‍ले़ कुनुःङ्‌मा युःमा ये़म्‍मिन् के़हाङ्‌घुम्‍मिल्‍ले़ खिनिॽ नासि थःप्‍माआङ् हाङ्‌माए पोःङ्‌लो॥ इक्‍मःबाल्‍ले़ कुइक्‍ताप्‍पो इमे़ल्‍लुङ्‌बा कुजाॽ नुःरिक्‍काङ् थोःक्‍ल फाॽआङ् हाङ्वाःम्‍मा नु चुङ्वाःम्‍माओ पाङ्‌गे़न्‍दिङ् वाहित्‍मान् नासि थःत्तुआङ् हाङ्‌घुबान् निङ्‌वाॽ इःत्ते़म्‍मे़ॽओ॥  
\v 8 हे़क्‍केलॽरिक्‍के खिनिॽआङ् नासि के़धःप्‍पा नु निङ्‌साङ् के़जोःक्‍पा पोःक्‍खे़म्‍मे़ॽओ, थेआङ्‌भे़ल्‍ले़ दाङ्‌बाल्‍ले़ कुयुःमा ये़म्‍मिङ्‌ग निःत्ताङ्‌ङे वाॽरो॥ 
\p  
\v 9 फुॽनुसाॽ नु ने़ॽनुसाॽसे, खिनिॽ लुम्‍मो चे़ॽया मे़मे़त्तासिम्‍मिन्‍ने़ॽओ॥ मे़ःन्‍ने़ फाॽग्र निङ्‌वाॽफुमाङ्‌ङिल्‍ले़ खिनिॽ खासे़न् चोगुॽरो॥ पयम् यम्‍बा खासे़न्‍दाङ्‌बान् ताःमा इःत्ते़आङ् वाॽरो! 
\p  
\v 10 फुॽनुसाॽ नु ने़ॽनुसाॽसे, दाङ्‌बाल्‍ले़ कुमिङ्‌ङो उन्‍छेःन्‍बा माङ्‌निङ्‌वाॽपाःन् के़बाःप्‍पाहाॽ\f * \fr 5:10 \ft माङ्‌निङ्‌वाॽपाःन् के़बाःप्‍पान् निङ्‌वाॽफुमाङ्‌लाम्‍बाबा इङ्‌घङ् के़बाःप्‍पा मनारो॥ कुभा ये़म्‍मो ताःन्‍दि के़बोःङ्‌बा पाःन्‍नाङ् खुने़ॽ पाःत्तुरो॥\f* ओमे़त्ते़म्‍सिम्‍मे़ॽओ॥ खे़ङ्‌हाॽरे़ इनोगे़न् तुक्‍खेओ नासि मे़धःत्तुआङ् कुबि मे़बोःक्‍खे़आङ् मे़वाॽरो॥  
\v 11 ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़\f * \fr 5:11 \ft अयुब १.२१-२२, २.१०, निङ्‌वाॽफुसाम्‍लो सुम्‌१०३.८\f* कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुःबा पाःन्‍हाॽ तारु पिरुबान् के़निःसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक्‌कुधिम् चोःक्‍लो॥ 
\s1 माङ्‌हे़क्‍सिङ्‌मा मे़ःन् 
\p  
\v 12 फुॽनुसाॽ नु ने़ॽनुसाॽसे, आल्‍ल साङ्‌ग्राम्‍पेदाङ् इग्र इक्‍सादिङ् खाम्‍बेःक् हे़क्‍क्‍याङ् वेॽ थे पाःन्‍नोआङ् माङ्‌मे़हे़क्‍कासिम्‍मे़न्‍ने़ॽओ॥ हाराॽ खिनिॽ पाःन्‍निन् ओने़ फाॽग्र “ओ” मे़ःन्‍ने़ फाॽग्र “मे़ःन्” पोःङ्‌लरो, मे़ःङ्‌ग्र खिनिॽ खुम्‍दिङ्‌ङो के़ध्‍ये़ॽइरो॥ 
\s1 नसाःन् कुधिम्‍बा तुवा 
\p  
\v 13 खिनिॽओ हाःत् इनोगे़न् तुक्‍खेओ वाॽबे? हाराॽ खे़ल्‍ले़ तुवा चोगुररो॥ हाःत् ओमु लॽमाओ वाॽ? हाराॽ खे़ल्‍ले़ दाङ्‌बाल्‍ले़ कुनारा फोःमा साम्‍लोःन् साम् मे़त्तुररो॥ 
\p  
\v 14 हे़क्‍क्‍याङ् खिनिॽओ हाःत् तुक्‍पे? हाराॽ खे़ल्‍ले़ सेसेहुप्‍लक्‍कोबा तुम्‍लाम्‍लोःबा तुम्‍भाक्‍साहाॽ उःत्तुसिररो॥ हे़क्‍क्‍याङ् खे़ङ्‌हाॽरे़ वेःत्‍ल फाॽआङ् दाङ्‌बाल्‍ले़ कुमिङ्‌ङो निःङ्‌गेःन् मे़हुःत्तुआङ् तुवा मे़जोगुररो॥  
\v 15 हे़क्‍क्‍याङ् नसाःन्‍लाम्‍बा चोःक्‍मनाबा तुवाःल्‍ले़ खे़न् के़दुक्‍पे़न्‌वेःत्‍लो॥ दाङ्‌बाल्‍ले़ खे़न् वेःन्‍दुॽरो॥ खे़ल्‍ले़ लायो चोगुआङ् वये़साङ्, दाङ्‌बाल्‍ले़ खे़न् ले़प्‍मि पिरुॽरो॥ 
\p  
\v 16 खे़ल्‍ले़ चोगुल्‍ले़ खिनिॽ लायोहाॽ मे़त्तासिम्‍मे़ॽआङ् हिन्‍दे़म्‍मे़ॽओ, हे़क्‍क्‍याङ् दाङ्‌बाल्‍ले़ के़वेःन्‍दिर फाॽआङ् तुवा चोःक्‍का पिआसिम्‍मे़ॽओ॥ साम्‌योनिबा मनाःल्‍ले़ कुदुवाःन् मुक्‍साम्‍बा चोःक्‍काङ् यम्‍बा याःम्‍बक् चोगुॽरो॥  
\v 17 माङ्‌निङ्‌वाॽपाःन् के़बाःप्‍पा एलियाःन्‍नाङ् आनिॽ हे़क्‍तङ्‌बा मनाए चोगे़रो॥ खुने़ॽ पाङ्‌गे़न्‍दिङ् वाहित्‍मान् मे़धाने़न्‍ल फाॽआङ् तुवा चोगुल्‍ले़ खे़न् लाजेॽओ तङ्‌बे सुम्‍सिआङ् तुक्‍सि ला थारिक् वाहित्‍मान् मे़ध्‍ये़न्‍ने़न्‍लो॥  
\v 18 याम्‍मो खे़ल्‍ले़ तुवा चोगु, हे़क्‍क्‍याङ् ताङ्‌साक्‍पोलाम् वाहित्‍मान् थ्‍ये़आङ् खाम्‍बेःक्‍माओ पोगुगे़न् कुजा थोःक्‍ते़रो॥ 
\s1 नसाःन्‍लाम्‍बा ताप्‍के़बे़ॽबाहाॽ नुःक्‍मा ताःप्‍मासि 
\p  
\v 19 फुॽनुसाॽ नु ने़ॽनुसाॽसे, खिनिॽ लुम्‍मो से़क्‍खालाम् ताप्‍के़बे़ॽबाआङ् के़बेःक्‍पे़न्‌नुःक्‍ते़म् तारे़म्‍मे़ॽओ॥  
\v 20 कन् पाःन्‍नो नुःरिक्‍काङ् निङ्‌वाॽ इःत्ते़म्‍मे़ॽओ–आत्तिल्‍ले़ लायोबान् ताप्‍फे़ःम्‍बा कुलाम्‍मोलाम् नुःक्‍तु तारुॽ, खे़ल्‍ले़ग खे़न्‍निन् सिःमे़न्‍लाम् ताङ्‌से़ःप्‍तुआङ् यरिक् लायोहाॽरे़न् ले़प्‍मि के़घोःबा चोगुॽरो॥