\id LUK - Nyindrou NT with Gen, Ruth, Jon -Papua New Guinea 2001 (DBL 2014) \h Luk \toc1 Tarou ta Luk \toc2 Luk \toc3 Luk \mt2 Tarou ta \mt1 LUK \imt1 Sahou Tanan \ip Sahou Luk atorou taha anyolom Jises iy ndramak ta akohok iri Isra-el, ma iri lau mwan ma badih rayah ja ame hamon. Udu bolo len ma bwena Jises mene amekes gok tan, iy tiye iri lau mwan ma badih i buku doh, Malawin Ndrabun badeh tutuni iy ta tiye sahou mwasin ta Kindrei ili tiri lau ndra-in tiri lakou bwe (ou anyolom sahou udu ta kalan 4:18). Ma handru labai, udu bolo buk dah Luk asehek kundruh solo-an ta Jises tikisi iri mwan ma badih bwese iri maha-an solo-an labai, ma iy eme amekes mwasin ili tiri. \ip Iri lakou Jises amekes, eme bwidi iri lau tan sekesek tinan labai i tan. Udu bolo len mene Mariya edeu Jises, iri lau mwan ma badih badeh, sekesek, (ou anyolom sahou udu ta kalan 1:42-48, ma 2:10), ma ta ano ta buk, ta len mene Jises iu i loken ili kandrah, iri lau badeh, sekesek tinan labai (ou anyolom sahou udu ta kalan 24:52). \ip Lakou solo-an ta nyala Jises Luk le ari asehek kundruh ta aliy. Sahou ta nyala iri lakou marakon nane doh bado bolo iri buk rayah ja bwe. Luk le ari badeh, asehek iri kundruh ta iri lakou solo-an mene asahan na len ta Jises eme asahan kon munyak. Luk le ari asehek sahou sokek Jises asehek kundruh ta ndramak ari badu Samariya aseben ndramak ari iri lalou adai iy udu san, ma sahou sokek ta kundruh ta nah ari iy ruwani taman ma iy edek laleyah na budon tan, ma iri sahou sokek ta Jises rayah ja. Luk le ari badeh, asehek kundruh ta iri lakou marakon mene asahan ta Sakiyas, iy doh ta akohok luk tiri lau. \ip Iri lakou rayah Luk asehek sahou solo-an ta aliy, idoh iri kandriyen ta salom, ma gok ta Malawin Ndrabun, ma kandriyen ta Kindrei ta mani kandriyen ndra-in ta iri lau mwan ma badih. Sahou ta Luk solo-an sese ta lakou ale iri badih amekes. \ip Ta buk dah sahou ta Luk badeh, bano bwe le. Luk ale atorou buk ari taha aloh Lahou toro Aposel, buk doh badeh, asehek kundruh ta iri lakou mene iri aposel amekes na len Jises ndra-au ndrala loken ndra kandrah. \iot Iri Sahou Tinan \io1 Tasah handru Luk atorou buk dah (\ior 1:1-4\ior*) \io1 Len ta adeu Jon ta alomwa uru Jises (\ior 1:5–2:52\ior*) \io1 Sahou eme boho Jon ta alomwa (\ior 3:1-20\ior*) \io1 Jon inyu Jises ano ma balik none iy (\ior 3:21–4:13\ior*) \io1 Jises amekes gok tan ma bwena handru udu Galili (\ior 4:14–9:50\ior*) \io1 Jises ere Galili edek ili Jerusalem (\ior 9:51–19:27\ior*) \io1 Jises ili Jerusalem buku kabin ano iy imek. (\ior 19:28–23:56\ior*) \io1 Jises ndramak ja. (\ior 24:1-12\ior*) \io1 Jises amai laleyah. Kindrei andrei iy ili kandrah (\ior 24:13-53\ior*) \c 1 \p \v 1 Jo ai, Tiyopilus. Jo atorou la-ukei dah ewek tam: \p Iri lau solo-an mene ndratorou sahou solo-an ta nyala lakou mene asahan bolo ndrokowa taha. \v 2 Oro atorou ta nyala lakou mene to ndranuhun bwena mene ndra-au. Ya lakou doh mene, oro atou na mada oro amwenen, udu ndra bada katin eme, eme ma oro a lohowan ta atiye. \v 3 Ou le ai, Tiyopilus, i buku jo mene ndratakalahei lakou mari doh, ndramwenen udu ndra bada katin eme. Eme jo abudon mwasin handru ta jo katorou sarada lakou mari doh, ki tam. \v 4 Jo atorou ewek tam, ta ou atanam kamwenen handru ta nyala lakou mene ou ndranuhun ndra-au. \ms1 Kundruh tiri lakou mene asahan kabatana Elisabet edeu Jon ta alomwa ma Mariya edeu Jises \mr (Kalan 1:5–2:52) \s1 Sahou nyala Jon ta alomwa asahan \p \v 5 Na len kabin Herot atondrok munyak badu Judiya, pris\f + \fr 1:5 \ft Pris badeh, iri lau ta ndrokowa lau hawe Kindrei ta asolom ma ta asun salom udu mada koto-ok. Ma iri ale udu bolo jaha ari ari asun ndrelekei i ta Kindrei udu asiu tinan ta Kindrei.\f* ari udu aliy. Nyaran Sekaraya. Iy asahan ta lundriye pris Abijah oro. Ya udun badeh, nyaran Elisabet, lundriye Aron oro badu hawe oro pris ale. \v 6 Uru ma la-uh badeh, bamekes se kandriyen ndra-in bandra-i ta mada Kindrei bwe. Uru badeh, an hamon handru ta sahou batanau ta Laban, ma an hamon ta kandriyen ta Laban mari. \v 7 Uru badeh, ndra alon labai, ya uru bato-ou ari nah bwe. Tasah, Elisabet badeh, kis. \p \v 8 Eme na len ari, Sekaraya hawe oro lau badu hawen, amekes lahou ta pris, i ta Kindrei. \v 9 Eme i buku none in hamon ta kandriyen tiri pris, oro asoh nyek, ta are handru ki bolo bosoh ndrabun udu bolo asiu tinan ta Kindrei, ta asun ndrelekei udu mada koto-ok. Eme nyek badeh, tiye Sekaraya. \v 10 Ano len ta asun ndrelekei asahan, Sekaraya i bolon, ya iri lau ame are manan atudun, ma amekes salom. \m \v 11 Eme angelo\f + \fr 1:11 \ft Angelo badeh, iri lau rayah badu hawe Kindrei ta ndrahu so-ok tan. Iri doh badeh ndrabun ale.\f* ari ta Kindrei badu loken eme, ales udu loboho lim salin bilisiu ta ndrelekei nane, anya udu mada koto-ok dah. \v 12 Sekaraya atou iy le badeh, iy toroyani iy ma iy inoh. \v 13 Arile angelo dah tiye i tan, “Sekaraya, ou sanoh. Kindrei ndranuhun salom tam, udum kameh atehei nah mwan ari. Eme ou tondrohani nyaran ki Jon. \v 14 Buku atehei iy eme len, ado kameh sekesek, ma hawe iri lau mari kameh sekesek ale. \v 15 Ya udu mada Kindrei, iy kameh asahan ndramak ari tinan handru. Iy sa-un waen hawe gwa boto-on, ndri-iy labai. Atehei iy eme len le badeh, iy kameh idih na Malawin Ndrabun. \v 16 Iy le kameh tiyani iri lau badu Isra-el kameh ame hamon ja, ame hawe Laban Kindrei tiri. \v 17 Ma idah kameh iy i bwena ta Laban na boto-on, ma hawe nyaran i tinan i buku none propet Alaija. Ma idah kameh iy kameh tubuni ndrine tama iri nah eme hamon ja, aseken nadu iri; ma iy kameh tubuni ndrine iri lau ta banuhun sahou bwe, ame hamon ta budon lewen ta lau mwasin; ma hawe idah kameh iy lowosa iri lau ta Laban, ado abe-en iy.” \p \v 18 Eme Sekaraya tiye i ta angelo, “Ki buku sah kameh jo ki tanan lakou handru dah kasahan? Tasah, aru uduk ma la-uh badeh, ndra alon labai.” \p \v 19 Eme angelo dah tiye, “Jo dah, angelo Gabiriyel. Jo ales udu mada Kindrei eme dah, ta asehek nyalam ta sahou mwasin dah. \v 20 Ma idah kameh ou winiyan basehek sahou bwe; winiya le len ta aliy barasahan. Tasah, ou batehei budon tam handru ba-en ta sahou tek bwe.” \p \v 21 Eme iri lau abe-en Sekaraya, abe-en abe-en labwe. Eme iri lomondra anya, “Iy ndra luluwen labai udu bolo asiu tinan ta Kindrei.” \v 22 Ano Sekaraya eme len badeh, iy winiyan basehek sahou bala tiri bwe. Eme iy asehek sahou na andra lim le i tiri. Eme iri anya, “Iy kede-eh nane amekes lele in asiu tinan ta Kindrei.” \p \v 23 Lahou tan ta amekes ano, iy iu i asiu tan. \v 24 Udu len rayah ano iu, Elisabet nah ere tan. Eme iy udu le asiu winiya bun ma limeh. \v 25 Eme Elisabet tiye, “Kabwai, Laban ndrasebenei jo i san dah. Iy ndrabwidi maha-an ta bwilima udu tek badeh, ndra-au!” \s1 Lau atanan Jises eme len \p \v 26 Eme nah udu ta Elisabet asahan bun onoh badeh, Kindrei suni angelo Gabiriyel ja, ili kon Nasaret, udu loboho Galili. \v 27 Iy anya katiye sahou ta tandrakan ari, anya ki ta badih ari bakohok mwan bwe le, san tan ndra ta ndramak ari nyaran Josep. Ya Josep doh, badu boho kamen ta kabin Debit oro. Ya nyara badih doh, Mariya. \v 28 Eme angelo Gabiriyel ili asahan hawen ma asumon iy anya, “Bada-an tam! Laban udu hawem, ma iy atehei nyosowan laba tinan ewek la-um!” \p \v 29 Eme Mariya manin atur ta sahou ta angelo dah, eme iy lomondra saba sahou tan doh kameh. \v 30 Eme angelo dah anya, “Mariya, ou sanoh. Kindrei badeh, sekesek tam handru. \v 31 Idah kameh, ou tuwi nah mwan ari ere ndrinem, eme ou tondrohani nyaran ki Jises. \v 32 Iy kameh asahan ndramak tinan, ma idah kameh aloh iy Nadu Kindrei udu loken labai. Laban Kindrei kameh mesekei iy asahan kabin, i buku none tubun Debit mene, \v 33 ma idah kameh iy asahan kabin ta atondrok lundriye Jekop oro, udu le buku doh; ma tondrok tan kameh winiyan bano bwe!” \p \v 34 Eme Mariya tiye i ta angelo, “Jo badeh, bakohok ari mwan bwe. Idah kameh ki buku sah handru?” \p \v 35 Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei. \v 36 Ou tanam boram Elisabet, iri asehek anya iy kameh nadun bwe; iy badeh, ndra alon labai. Arile na len dah badeh, nah udu tan bun tan ndrasahan onoh ai. \v 37 Lakou mari kede-eh Kindrei winiyan mesekei le ai.” \p \v 38 Eme Mariya anya, “Jo dah, jo lohowan ta Laban, kasahan ki buku ou asehek badeh!” Eme ma angelo dah iu ai. \s1 Mariya ili selesen Elisabet \p \v 39 Ano udu hamon ja, Mariya alokou iy, ano iy edek suwi iu ili bolo ndrondro-ou, badu kon tinan ili kon ari udu bolo Judiya. \v 40 Iy ma sekesek tan edek iu ili bolo asiu ta Sekaraya atou Elisabet. \v 41 Eme Elisabet anuhun sahou sekesek ta Mariya, ma nah udu ndrinen nyokolokon. Eme Elisabet idih na Malawin Ndrabun, \v 42 ma iy asehek sahou boto-on anya, “Ou badeh, nyosowan tam, sakalawi nyosowan tiri badih mari, ma nyosowan ki la-u nah, na len ou kameh adeu iy eme len! \v 43 Lakou laba tinan dah, asahan eme tek, ta sasah handru? Ya eme tine Laban eme selesen jo dah. \v 44 Jo anuhun sahou sekesek tam le badeh, ma nah udu ndrinek nyokolokon ta sekesek. \v 45 Idah kameh ou sekesek handru, tasah budon handru tam ndra-en ta sahou mene Laban ndrasehek tam.” \s1 Wari ta Mariya ta atudun nyara Kindrei \p \v 46 Eme Mariya iyah wari ma tiye i buku doh: \q1 “Ndrinek atudun nyara Laban; \q1 \v 47 ma kohak handru sekesek ta Kindrei, ta aseben jo, \q1 \v 48 tasah jo badeh, lohowan tan ma iy tondrokei jo! \q1 Na dah kameh iri lau rebesem, ano rebesem kameh aloh jo akohok nyosowan. \q1 \v 49 Tasah, Kindrei tinan labai, iy mesekei lakou tinan labai ndrame tek, ya nyaran badeh, ndrabun. \q1 \v 50 Iy leheya tikisiy tan i tiri lau heh anoh iy; ano ili ta lau rebesem au, ano lau rebesem au, i le buku doh. \q1 \v 51 Iy amekes kalem tinan na bohan; \q2 ma iy tikahei iri lau ta budon, udu ndrine iri anya iri le ai, badeh iu. \q1 \v 52 Iy tikahei iri kabin tinan ame andri ta koyeu tiri; \q2 ma iy tutuni iri lau, amekes lahou i buku iri nah a loken. \q1 \v 53 Iy nyohonei iri lau ta son na lakou mwasin; \q2 ma tikahei iri lau, tiri lakou solo-an au, na luka lim ma na luka kati. \q1 \v 54-55 Eme iy tawi tandrakan tan i tiri lau badu Isra-el, \q2 ma iy bamani tikisiy tan i ta Abraham ma lundriyen oro bwe, ta udu le buku doh, i buku iy mene ndratiye ta tubu ahi iri mene ndra-au.” \p \v 56 Mariya udu hawe Elisabet udu gwek winiya bun taloh, ano iy iu i hamon ja ili kon tan. \s1 Elisabet edeu Jon eme len \p \v 57 Eme len ano ta Elisabet anya kedeu nadun, iy atehei nah mwan. \v 58 Eme ya iri lau asiu tiri udu mirihik tan, hawe lowan oro ndranuhun ta Laban amekes mwasin i tan handru. Eme ya oro mari ame sekesek hawen. \p \v 59 Ano udu, nah dah len tan asahan ndru la-uh badeh, oro ala ta asan ku-in; eme oro anya katondrohon nyaran, ki nyara taman Sekaraya. \v 60 Arile tinen anya ja, “Bwe! Nyaran kameh aloh iy Jon.” \p \v 61 Eme oro tiye i tan, “Nyara lowa ado ari bala buku aliy, bwe oh!” \v 62 Ano oro amekes kalem i ta taman ta nyaran nah dah, ki are lau handru. \v 63 Eme Sekaraya edeu kalem anya, “Ari barak keme, ya jo katorou nyaran.” Eme iy torowenei nyaran badeh, Jon. Eme oro mari, boho oro asak! \v 64 Eme na le liliy, Sekaraya asehek sahou ja, ma iy atudun Kindrei. \v 65 Eme iri lau badu mirihik badeh, boho iri asak labai. Eme ma nyala lakou dah aseker ili bolo ndrondro-ou, kon tinan loboho Judiya. \v 66 Iri lau anuhun nyala aliy, eme iri lomondra ma ndremenya, “Iy nah doh kameh asahan sah handru kameh?” Oro badeh, lomondra i buku doh, tasah boto-on ta Laban udu bwele-en. \s1 Sahou propet ta Sekaraya \p \v 67 Ano tama Jon Sekaraya idih na Malawin Ndrabun, ma iy asehek sahou ta lele. \q1 \v 68 “Taha katudun Laban Kindrei ta Isra-el! \q2 Tasah, iy ndrame ta akunoh iri lau tan. \q1 \v 69 Iy atehei ndramak ari boto-on eme ta seben taha, badu boho kamen ta lohowan tan Debit, \q1 \v 70 i buku none iy mene atehei sahou kani iri propet ndrabun, bwena mene ndratiye ndra-au, \q1 \v 71 Ya iy aseben taha are mine iri lau ta amekes bahun eme tataha, \q2 ma aseben taha ado mine iri lau, ta ato-ou kaliu eme tataha, ame len. \q1 \v 72 Ma iy kameh leheya tikisiy i ta tama taha iri, \q2 ma ta budon ta sahou randra le tan mene, \q1 \v 73 ta sahou tandrakan tan mene iy tandrakan i ta Abraham: \q1 \v 74 Ta aseben taha ado mine iri lau ta amekes bahun eme bada taha, \q3 ma mesekei taha sanoh ta amekes lahou tan. \q1 \v 75 Ma taha ka ndrabun, \q3 ma kado mwasin ta mada Kindrei na len mari, udu bolo manyah tataha. \q1 \v 76 Ya idah kameh ou naduk kameh, aloh ou propet ta Kindrei, udu loken labai; \q2 Ma ou kameh au ala bwena atehe san ta Laban, \q1 \v 77 ma atiye sahou tanan i tiri lau tan ta nyala seben, ndrame. \q2 Ya iy kameh balen mani karei ma lomondra ndra-in tiri. \q1 \v 78 Tasah, ta tikisiy mwasin ta Kindrei tataha, iy kameh mesekei lomadan ta aseben kameh eme loke la-u taha. \q1 \v 79 Ma anya udu kandrah eme la-u iri lau badu heh, badu heh, are bolo lulik ta imek, ma leheya san ta kati taha, eme san mwasin ta bahun bwe.” \p \v 80 Eme iy nah dah, i tinan, ma hawe boto-on ta Malawin Ndrabun udu la-un, ma manyah tan badeh, badu lomale an winiya iy le barasahan barame lewan, mada lau mari badu Isra-el. \c 2 \s1 Mariya atehei Jises eme len \r (Metiu 1:18-25) \p \v 1 Na len doh Sisa, ndramak ta atondrok nyaran Akustus, suni sahou i tiri lau mari badu bahandra tondrok ta Rom katorou nyara iri, ma kondrek kane iri lau. \v 2 Lahou doh ma mwena handru barasahan ai, ta ondrek kane lau na len, Kuriniyus atondrok kon Siriya. \v 3 Eme iri lau mari ala kon tinan ta tubu iri ari ari, adeu nyara iri. \p \v 4 Eme Josep badeh, udu kon tinan Nasaret. Kon doh udu bolo Galili, eme Josep ili. Ano, iy ili loboho Judiya ma ili kon tinan Betlehem. Kon doh mene adeu Debit udu aliy. Eme Josep ili doh, tasah iy badu boho kamen ta Debit. \v 5 Iy mene, iri amekes san ta Mariya i tan. Eme uru ala doh ta adeu nyara uru. Arile Mariya badeh, nah udu tan. \v 6 Eme uru ado Betlehem are gwek le badeh, ben asahan ta Mariya anya kedeu nadun. \v 7 Eme uru ala, iy atehei nadun udu bolo asiu tiri bulumakau. Iy mwan, su-i iy na kolau, ma nyahani iy udu bolo bwekei ta ndrahu nyamon tiri bulumakau, tasah oro badeh, ari asiu ta ala aliy bwe. \s1 Iri lau ta atondrok sipsip hawe iri angelo \p \v 8 Ya eme, oro lau rayah ta atondrok iri sipsip badu kon doh, atondrok iri sipsip an lobwidiu na ben. \v 9 Eme angelo ari ta Laban badu loken eme asahan hawe oro, ma lomadan ta Laban lomatani oro. Eme ya oro anoh andra-i labai. \v 10 Arile angelo dah, tiye i toro, “Ado sanoh! Ado kanuhun! Jo eme dah ta tiye nyala ado ta sahou mwasin, ma hawe idah kameh amekes lau mari kameh sekesek tinan labai. \v 11 Na len dah, udu kon tinan ta Debit, nah ari ta seben ado ndrasahan. Iy badeh, Laban Krais!\f + \fr 2:11 \ft Krais badeh, moson Kindrei suni iy\f* \v 12 Kalem ta aliy kameh ado atanan iy handru i buku doh: Idah kameh ado atou nah doh kameh su-i iy na kolau, ma nyahani iy, udu bolo bwekei ta ndrahu nyamon ta bulumakau.” \p \v 13 Eme nawin bwe, iri angelo solo-an labai badu loken ame hawe angelo ari nane dah, ma iri ayah wari ta atudun nyara Kindrei i buku doh, \q1 \v 14 “Lomadan ki ta Kindrei, udu loken labai bwele-e kandrah, \q1 Ma mondrei udu bwele-e munyak i toro are iy aseken oro labai, ado mwasin ta madan.” \p \v 15 Ano iri angelo au a len ta mada oro, ma iri au ala kandrah. Eme ya oro lau ta atondrok sipsip ame, ndremenya oro ari ari anya, “To ka-au kala Betlehem, kanyolom lakou nane Laban asehek ta to.” \p \v 16 Eme ya oro suri oro suwi suwi, ma oro ala takaleh, ma atou Mariya uru Josep, ma anyolom nah nane dah, amadin udu bolo bwekei ta ndrahu nyamon ta bulumakau. \v 17 Eme oro lau ta atondrok iri sipsip anyolom iy. Ano oro asehek i tiri ta nyala nah nane dah mene angelo asehek i toro. \v 18 Ya eme iri lau anuhun sahou nane oro asehek dah, ma iri abudon solo-an labai ta aliy. \v 19 Eme bale Mariya bamaniy bwe, iy lomondra boto-on labai ta aliy kahis le. \v 20 Ano oro lau ta atondrok sipsip au ala hamon ja, ma ayah wari ta atudun Kindrei ta lakou mari oro anuhun, ma lakou mari oro anyolom, asahan i buku le angelo mene ndrasihidi toro ndra-au. \s1 Tondrohani nyaran i Jises \p \v 21 Eme ya len tan asahan ndru la-uh, idoh len ta asan ku-in. Ano uru tondrohani nyaran i Jises, nyaran mene le, angelo tiye, na len doh mene, nah bare ta Mariya bwe le. \s1 Jises ili asiu tinan ta Kindrei \p \v 22 Ano, len asahan ta Josep uru Mariya kamekes kandriyen malen ta Moses mene batanau ta sikine uru. Eme uru tiyani nah dah, ili Jerusalem ta leheya iy ki mada Laban, \v 23 i buku none ndratorowenei udu bolo sahou batanau malen ta Laban, \q1 “Ta nah kadok mari badeh, kadeu iri ka mine Laban.” \rq Eksodus 13:2, 12\rq* \m \v 24 Eme uru ale ala adeu \q1 “la-uh ban, ya i buku ban bwe, na la-uh ku, i mine iri pris ta asun” \rq Lebitikus 12:8\rq* \m i nyara salom in hamon ta batanau ta Laban. \p \v 25 Eme ndramak ari badu Jerusalem nyaran Simiyon badeh, udu aliy. Iy badeh, mwasin handru ta mada Kindrei ma iy inoh Kindrei labai. Ya iy badeh, Malawin Ndrabun udu tan, ma iy abe-en len ta seben ta lau badu Isra-el kameh asahan. \v 26 Ma Malawin Ndrabun ndratiye tan, ta iy kameh winiyan bamak bwe, winiya iy udu atou tandrakan ta Laban, Krais. \v 27 Eme Malawin Ndrabun tiye Simiyon ili bolo asiu tinan ta Kindrei. Ano Josep uru Mariya ala atiye nah dah, ili bolo asiu tinan ta Kindrei in hamon le ta batanau mene ndratiye. \v 28 Eme Simiyon bwese-ei nah dah udu bohan, ma iy edeu wurah i ta Kindrei: \q1 \v 29 “Kabwai Laban, ou bamani tandrakan tam i ta lohowan tam bwe, \q2 kabwe, ou anya jo kimek, jo kimek ai ma sekesek. \q1 \v 30 Tasah, udu madak amwenen jo ndranyolom seben tam ai, \q1 \v 31 Ou mene lowosani udu mada lau mari anyolom: \q1 \v 32 Anya ma lomadan eme len, ta leheya ou ame len mada iri lau badu leheleh, \q2 ma lomadan anya i tiri lau tam, Isra-el.” \p \v 33 Eme tama Jises uru tinen badeh, boho uru asak ta sahou nane Simiyon asehek nyala Jises dah. \v 34 Ano, Simiyon atehei nyosowan i la-u oro, ano iy tiye i ta Mariya, “Iy nah le doh, Kindrei le edeu iy, ma idah kameh iy aseben iri lau badu Isra-el rayah, ya iri rayah kameh bwale iri iy. Ma idah kameh, iy i kalem ta lau kameh asehek sahou nyarahan i tan, \v 35 ma idah kameh, iy leheya budon ndra-in tiri kameh eme lewan. Ma idah kameh ou tikisiy handru, i buku none samen madan, mesekei ndrinem tikisiy tinan labai.” \p \v 36 Eme ya propet badih ari nyaran Ana nadu Panuwel udu aliy. Iy badu boho kamen ta Aser. Iy udu ta udun jaha ma ndro taloh le, ano udun imek. Iy i nyau udu udu, iy i alon, ma jaha tan asahan ndru lunoh hahuw (84). \v 37 Ya ben len, ben len, iy abeles iy ta nyamon, ma iy baruwani ta ili asiu tinan ta Kindrei ta amekes solom, ma ta atudun Kindrei, bwe. \v 38 Eme iy eme isos hawe oro na len doh, ma iy edeu wurah i ta Kindrei, hawe iy asehek nyala nah doh, i tiri lau heh mari abe-en bohon ili bwena, ta ndramak ta akunoh iri Jerusalem. \p \v 39 Eme uru mesekei lahou mari in hamon ta batanau mari ta Laban. Ano uru ala hamon ja, ala Galili ma ala kon turu Nasaret. \v 40 Eme nah dah i tinan i boto-on; ma iy idih ta tanan badu loken, hawe nyosowan ta Kindrei udu tan. \s1 Jises udu bolo asiu tinan ta Kindrei \p \v 41 Jaha mari ndra-au, tine Jises uru badeh, ala Jerusalem na len ta nyamon tinan tiri Juwis mene ado Ijip ame len, aloh Pasoba. \v 42 Ano, jaha ta Jises asahan ronoh la-uh, oro ala ta nyamon i le buku bwena. \v 43 Eme len ta nyamon ano, oro adek ala hamon ala kon, arile Jises badeh, udu ndra Jerusalem udu gwek. Taman uru tinen tana uru bwe; \v 44 uru anya deh, iy deh udu bolo oro le. Eme oro adek ala len ari buruwen ano badeh, bale uru bwetenei iy. Eme uru takalahei bolo ndrokowa lowa uru, ma kawas turu nane dah, \v 45 arile uru batakalahei iy bwe. Eme uru adek ja, ala hamon ala Jerusalem takaleh iy. \v 46 Ya eme i bada len taloh badeh, uru takalahei iy manyah udu bolo iri lau ta leheya kandriyen tiri Juwis. Iy udu asiu tinan ta Kindrei, anuhun iri ma lelen ndremenya i tiri. \v 47 Eme iri mari anuhun tanan ta sahou iy akeh, i hamon i tiri, ma boho iri asak tan. \v 48 Eme ya taman uru tinen atou, boho uru asak. Eme tinen tiye i tan, “Naduk, ou amekes saba kandriyen eme taru dah? Aru tamam badeh, bale aru asin ou, ya eme aru ame takaleh ou dah.” \p \v 49 Eme iy anya, “I buku sah ah anya kame katakaleh jo? Ah badeh, bala tana ah, ta jo dah udu asiu ta tama bwe nadeh?” \v 50 Arile uru bakohok bolo sahou tan nane iy asehek i turu dah, bwe. \p \v 51 Eme ya, i buku none kandriyen tan ta anuhun sahou badeh, iy i hawe uru, ma oro au ala andri ala Nasaret. Ya eme tinen tone tanan mari doh udu le ndrinen. \v 52 Eme Jises badeh, salin i tinan ma hawe tanan tan ale i tinan. Ma Kindrei sekesek tan labai, hawe iri lau ale sekesek tan. \ms1 Kundruh tiri lakou mene asahan ta adik san ta Jises eme amekes gok tan \mr (Kalan 3:1–4:13) \c 3 \s1 Jon ta alomwa lowosa san \r (Metiu 3:1-12; Mak 1:2-8; Jon 1:19-28) \p \v 1 Idoh, udu bada jaha ronoh limeh ta Sisa ari ja nyaran, Taiberiyus atondrok kon mari; eme Pontiyus Pailat badeh, atondrok kon loboho Judiya. Ya Herot badeh, atondrok kon loboho Galili. Ya nadu tinen Pilip badeh, atondrok kon loboho Ituriya hawe Trakonitis; ma Lisaniyas atondrok Abilene, \v 2 ya Anas uru Kayapas badeh, uru lau tinan tiri pris. Eme nadu Sekaraya Jon udu kon lomale an, ya eme Kindrei suni sahou i tan. \v 3 Eme Jon edek ili bolo kon mari badu loboho gwa Jodan ili atiye sahou, ta tiye iri lau katubuni ndrine iri ta kandriyen ndra-in ma Kindrei kameh sikine iu. \v 4 I buku none propet Aisaya mene ndratorowenei udu bolo tarou tan: \q1 “Ndramak ari aloh udu bolo kon lomale an i buku doh, \q1 ‘Kalowosa san ta Laban, ma kadik san kales lewan. \q1 \v 5 Bolo sa-eu badeh, katurukiy kanyemes keme loke, \q1 ma hawe iri bwili ndrondro-ou hawe mandrei badeh, katiriy kanyemes keme andri, \q1 Ma san mwekele-eu badeh, kales le, \q1 Ma san totokon badeh, kanyemes le. \q1 \v 6 Ya eme iri lau mari kanyolom ndramak ta seben ta Kindrei.’” \rq Aisaya 40:3-5\rq* \p \v 7 Eme iri lau solo-an ame hawe Jon ta iy kinyu iri. Arile, iy tiye i tiri i buku doh, “Aha badeh, mwak ndra-in. Are lau tiye aha ta atobwak au a len ta losen ta Kindrei kameh eme? \v 8 Ado kadeu nah ma ado kabatanau oro ta oro katubuni ndrine oro ta kandriyen ndra-in toro ki san ta tikisiy. Ya ado sabudon ado ma satiye ado sala buku doh: ‘Aso badeh tama aso Abraham, eme ya aso anya, aso mwasin.’ Arile bwe. Jo katiye tado kamwenen, Kindrei winiyan mesekei iri bek dah, winiyan asahan i nadu Abraham. \v 9 Samen kamondrou ta Kindrei badeh, ndrala ndrado mwe-e kei, ya iri kei ala bato-ou sali iri bala mwasin bwe, idah kameh amundroh iri ala andri, ano ma akeh iri au ala bolo jih.” \p \v 10 Eme iri lau ndremenya, “Ya ahi kameh ki buku sah handru bah?” \v 11 Eme Jon anya, “Ado lau heh, awin tado la-uh, ado kanyohan ari ki ta ndramak tan awin bwe. Ma are lau nan nyamon udu aliy, iy kanyohan ki na ndramak nan nyamon bwe.” \p \v 12 Ano iri lau ta akohok luk ta takis ame anya kanyu iri ma iri ndremenya Jon, “Ndramak ta leheya, ahi ka buku sah handru bah?” \p \v 13 Ya eme Jon anya, “Ado sakohok lakou sawek la-u lakou tado bwena ja!” \p \v 14 Eme iri lau rayah ta bahun ndremenya iy ja, “Ya, aso ka buku sah bah?” \p Eme iy tiye i toro, “Ado kasekesek ta sihine ado le. Ya ado sawendreya ta satara luk ta ari ndramak, ma ado sandres ndramak laleyah ta sahou.” \p \v 15 Eme ya mada iri lau asak, ma iri lomondra i bada Jon. Eme ya iri anya, “Iy sala Krais?” \v 16 Eme Jon anya, “Jo alomwa ado na gwa, arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta talou malou ta molowa ku-i katin bwe. Arile, iy kameh inyu ado na boto-on ta Malawin Ndrabun ma aleben ado buku jih. \v 17 Ma iy andrei lakou tan udu minen ta asorok bada kalom eme len lewa salin. Idah kameh iy atukum sali kalom ili asiu ta asumwe nyamon, ma idah kameh, iy asun iri bada kalom ili bolo jih ta winiyan bamak bwe.” \p \v 18 San solo-an, Jon badeh atiye sahou mwasin ta aliu iri. \v 19 Ya eme Jon asehek sahou boto-on i ta Herot, ndramak ta atondrok, tasah iy sudi udu nadu tinen Pilip Herodiyas i tan, hawe iy amekes kandriyen ndra-in solo-an labai. \v 20 Ano ma ndra-in labai ja badeh, iy atehei Jon i bolo kou. \s1 Jon inyu Jises \r (Metiu 3:13-17; Mak 1:9-11) \p \v 21 Jon bala bolo kou bwe le badeh, iy anyuwi iri lau mari, ano iy inyu Jises. Eme ya iy amekes salom le badeh, kandrah asak, ano \v 22 Malawin Ndrabun atah i buku ban eme andri eme bwele-en. Ya eme aloh ari udu kandrah tiye i buku doh, “Ou badeh, naduk handru, ma ou adek handru; ou le mesekei jo sekesek labai.” \s1 Sare Jises \r (Metiu 1:1-17) \p \v 23 Ano Jises jaha tan ndra buku none tonoh (30), iy amekes lahou tan eme len. Eme iri lau mari abudon anya tama Jises badeh, Josep. Arile, \li1 tinen badeh, edek ndrine Heli, \li1 \v 24 ano Heli edek ndrine Matat, \li1 ano Matat edek ndrine Libai, \li1 ano Libai edek ndrine Melki, \li1 ano Melki edek ndrine Janai, \li1 ano Janai edek ndrine Josep, \li1 \v 25 ano Josep edek ndrine Matatiyas, \li1 ano Matatiyas edek ndrine Amos, \li1 ano Amos edek ndrine Nahum, \li1 ano Nahum edek ndrine Esli, \li1 ano Esli edek ndrine Nagai, \li1 \v 26 ano Nagai edek ndrine Mat, \li1 ano Mat edek ndrine Matatiyas, \li1 ano Matatiyas edek ndrine Semen, \li1 ano Semen edek ndrine Josek, \li1 ano Josek edek ndrine Joda, \li1 \v 27 ano Joda edek ndrine Jo-anan, \li1 ano Jo-anan edek ndrine Resa, \li1 ano Resa edek ndrine Serubabel, \li1 ano Serubabel edek ndrine Seyaltiyel, \li1 ano Seyaltiyel edek ndrine Neri, \li1 \v 28 ano Neri edek ndrine Melki, \li1 ano Melki edek ndrine Adi, \li1 ano Adi edek ndrine Kosam, \li1 ano Kosam edek ndrine Elmadam, \li1 ano Elmadam edek ndrine Er, \li1 \v 29 ano Er edek ndrine Josuwa, \li1 ano Josuwa edek ndrine Eliyeser, \li1 ano Eliyeser edek ndrine Jorim, \li1 ano Jorim edek ndrine Matat, \li1 ano Matat edek ndrine Libai, \li1 \v 30 ano Libai edek ndrine Simiyon, \li1 ano Simiyon edek ndrine Juda, \li1 ano Juda edek ndrine Josep, \li1 ano Josep edek ndrine Jonam, \li1 ano Jonam edek ndrine Eliyakim, \li1 \v 31 ano Eliyakim edek ndrine Meleya, \li1 ano Meleya edek ndrine Mena, \li1 ano Mena edek ndrine Matata, \li1 ano Matata edek ndrine Netan, \li1 ano Netan edek ndrine Debit, \li1 \v 32 ano Debit edek ndrine Jesi, \li1 ano Jesi edek ndrine Obet, \li1 ano Obet edek ndrine Bowas, \li1 ano Bowas edek ndrine Salmon, \li1 ano Salmon edek ndrine Nason, \li1 \v 33 ano Nason edek ndrine Aminadap, \li1 ano Aminadap edek ndrine Atmin, \li1 ano Atmin edek ndrine Arni, \li1 ano Arni edek ndrine Hesron, \li1 ano Hesron edek ndrine Peres, \li1 ano Peres edek ndrine Juda, \li1 \v 34 ano Juda edek ndrine Jekop, \li1 ano Jekop edek ndrine Aisik, \li1 ano Aisik edek ndrine Abraham, \li1 ano Abraham edek ndrine Tera, \li1 ano Tera edek ndrine Nahor, \li1 \v 35 ano Nahor edek ndrine Seruk, \li1 ano Seruk edek ndrine Reu, \li1 ano Reu edek ndrine Pelek, \li1 ano Pelek edek ndrine Eber, \li1 ano Eber edek ndrine Sela, \li1 \v 36 ano Sela edek ndrine Kenan, \li1 ano Kenan edek ndrine Apasat, \li1 ano Apasat edek ndrine Sem, \li1 ano Sem edek ndrine Nowa, \li1 ano Nowa edek ndrine Lemek, \li1 \v 37 ano Lemek edek ndrine Matusala, \li1 ano Matusala edek ndrine Inok, \li1 ano Inok edek ndrine Jaret, \li1 ano Jaret edek ndrine Mahalalel, \li1 ano Mahalalel edek ndrine Kenan, \li1 \v 38 ano Kenan edek ndrine Inos, \li1 ano Inos edek ndrine Set, \li1 ano Set edek ndrine Adam, \li1 ya ano Adam badeh, nadu Kindrei. \c 4 \s1 Balik none Jises \r (Metiu 4:1-11; Mak 1:12-13) \p \v 1 Ano Jises udu gwa Jodan eme loken le badeh, iy idih na boto-on ta Malawin Ndrabun. Eme Malawin Ndrabun andrei iy iu ili kon lomale an. \v 2 Udu loboho kon doh, balik none iy ta iy kataku udu bolo len ma hanoh (40). Udu bolo len doh Jises baimon se nyamon bwe, eme suniya len anya kano badeh, iy imeson. \p \v 3 Eme balik tiye i ta Jises i buku doh, “I buku none ou anya, ou Nadu Kindrei, ou asehek sahou ki ta bek kede-eh, kasahan jabi ramen.” \p \v 4 Eme Jises tiye i tan i buku doh, \q1 “Ndratorowenei, ‘Lau winiyan balelei le jabi ramen ta samak bwe!’” \rq Dutoronomi 8:3\rq* \p \v 5 Ano ja, balik andrei iy uru ala loke, suwi suwi iy leheya iy ta kon tinan mari badu munyak, iri kabin atondrok. \v 6 Eme ma balik tiye i ta Jises i buku doh, “Lakou mari ou atou nane kede-eh, udu minek. Eme ya jo winiyan edeu i tare lau na seken tek, ya eme idah kameh, jo edeu boto-on ma hawe lakou mwasin mari doh kameh i tam, \v 7 i buku none ou atehei bwili ndru-um keme tek, ma atudun nyarak.” \p \v 8 Eme Jises tiye i tan ja i buku doh, “Sahou ta Kindrei badeh, ndratorowenei ale, \q1 ‘Ou atudun le nyara Laban Kindrei tam, ma ou a-en hamon tan le ari kabwe.’” \rq Dutoronomi 6:13\rq* \p \v 9 Ano ja, balik andrei iy uru ala Jerusalem, eme ma balik atehei iy ales udu bwele-e no-o asiu tinan ta Kindrei loken on. Ano balik tiye i tan i buku doh, “Ou anya ou Nadu Kindrei handru eh, ou akahei ou ado dah ala andri. \v 10 Tasah, i buku ndratorowenei, \q1 ‘Kindrei kameh edeu sahou batanau ili tiri angelo tan ame ta aseben ou ma atondrok ou. \v 11 Ma idah kameh, iri bwese-ei ou, ma bek winiyan batahi katim bwe.’” \rq Wari 91:11-12\rq* \p \v 12 Jises tiye i buku doh i tan, “Sahou ta Kindrei badeh, ndratiye, \q1 ‘Ou satehei Laban Kindrei tam sala ta bolo none.’” \rq Dutoronomi 6:16\rq* \p \v 13 Ano balik none iy ta madasan mari, arile Jises banuhun iy bwe, ano iy ruwani iy ma iy iu, winiya len ari ja, iy barasahan. \ms1 Jises edek ili Galili ma iy amekes gok na boto-on ta Malawin Ndrabun \mr (Kalan 4:14–9:50) \s1 Jises amekes lahou tan ma bwena udu Galili \r (Metiu 4:12-17; Mak 1:14-15) \p \v 14 Ano Jises eme hamon eme Galili, hawe boto-on ta Malawin Ndrabun udu hawen eme. Ya eme sahou ta nyala iri lakou iy amekes badeh, aseker ili winiya loboho doh. \v 15 Ano iy leheya iri udu asiu ta atukum tiri Juwis, eme ma iri atudun iy. \s1 Iri lau badu Nasaret bwale iri Jises \r (Metiu 13:53-58; Mak 6:1-6) \p \v 16 Ano Jises iu i hamon ja ili Nasaret, kon mene iy i tinan udu aliy. Eme i buku none len ta amunyau mari ndra-au, eme na len ta amunyau dah ja, Jises ili bolo asiu ta atukum tiri Juwis. \v 17 Eme iy ales ere loke, iri atehei tarou ta Aisaya i minen. Ano iy sihi buk i ta sahou nane Aisaya atorou dah. Ano iy aloh: \q1 \v 18 “Malawin Ndrabun ta Laban badeh, udu bwele-ek, \q1 Tasah, iy suni jo ta atiye sahou ki tiri lau lakou bwe. \q1 Iy suni jo ta tiye sahou ki tiri lau are bolo kou kame len, \q1 Ma kamekes iri lau mada iri kaseu, kanyolom ja; \q1 Ma ta talou malou tiri lau, ado ndra-in handru ka-au. \q1 \v 19 Ma hawe ta tiye ta Laban kameh aseben iri lau tan na jaha doh.” \rq Aisaya 61:1-2\rq* \p \v 20 Ano Jises lukumwi buk nane dah, ya atehei i mine ndramak ta atondrok, ano ma iy udu andri leheya oro. Eme iri lau mari nane ado asiu ta ndrahu tukum tiri Juwis dah, mada oro asoh ili le tan. \v 21 Ano iy tiye i toro, “Sahou nane ado ndranuhun badeh, ndrasahan handru na len dah.” \p \v 22 Eme oro asehek anya, iy ndramak mwasin labai. Ya, mani oro atur, ma oro lomondra solo-an labai ta sahou mwasin iy asehek. Ya eme oro anya, “Iy kede-eh nadu Josep labai, neh?” \p \v 23 Ano Jises tiye i toro, “Jo tanan labai, idah kameh ado anya, ‘Ou tiye sahou mwasin ki tam le. Ou badeh, ndramak ta amekes lau oh? Ou amekes kudu kon tam mwena op!’ Ya idah kameh, ado tiye eme tek ale anya, ‘Abo, ou none amekes lahou mene ou amekes udu Kapena-um kudu kon tam amwenen dah se.’” \v 24 Eme Jises anya, “Jo katiye tado kamwenen, iri lau badu bolo kon tiri propet amwenen badeh, iri winiyan baseken iy bwe. \v 25 Arile jo katiye tado kamwenen, kabatana Alaija, iri badih nyau badu Isra-el badeh, solo-an labai. Idoh, amwenen na len iri lau badu kon mari mene ameson, tasah ur badeh, bandruk se bwe, winiya jaha taloh ranah. \v 26 Eme Alaija badeh, bala baselesen oro ari badu Isra-el bwe, arile iy le ili hawe badih nyau ari udu kon Sarepat, udu loboho kon Saidon. \v 27 Ya na len propet Alaisa in ndra propet badeh, iri Isra-el solo-an badeh, sik lepra udu tiri. Ya udu bolo iri mari badeh, ndramak ari le badu Siriya, nyaran Naman badeh, Alaisa mesekei iy amwenen.” \p \v 28 Eme iri mari nane ado bolo asiu ta atukum nane dah anuhun, ma iri abolosen. \v 29 Eme iri ato-ou ame loken ma aluwi iy eme len ta kon. Eme iri seheyani iy ili loken bwele-e kiri mandrei, kon tinan nane udu aliy dah, ma iri anya kakeh iy ki andri. \v 30 Arile, Jises asoh bolo ndrokowa iri iu. \s1 Jises tikahei malawin ndra-in udu la-u ndramak ari iu \r (Mak 1:21-28) \p \v 31 Ano, na len ari ja, Jises edek iu ili andri i kon tinan ari aloh Kapena-um udu loboho Galili. Ma iy leheya iri lau mwan ma badih na len ta amunyau. \v 32 Eme iri lau mani iri atur ta bolo leheya tan, tasah sahou tan badeh, nyarahan labai. \v 33 Eme udu bolo asiu ta atukum nane dah, ndramak ari malawin ndra-in udu la-un. Eme iy aloh bohon i tinan, \v 34 “Ei! Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei!” \v 35 Eme Jises tiye i ta malawi ndra-in anya, “Ou andru-uk ma ou ame len ta ndramak badeh!” Eme malawin ndra-in dah morahani ndramak dah i andri ndrokowa iri lau. Ma iri malawin ndra-in ame len ma au, udu mada iri lau mari nane dah. Iri bamesekei ari isi bala bada ndramak dah, bwe. \p \v 36 Eme iri lau mani iri mari atur, ma iri asehek i tiri ari ari, “Saba lahou handru dah? Sahou tan nyarahan ma boto-on labai, tasah iy tiye sahou i ta malawin ndra-in le badeh, ma iri ame len!” \v 37 Eme sahou ta nyala Jises aseker ili bolo kon mari badu loboho doh. \s1 Jises amekes lau solo-an amwenen ja \r (Metiu 8:14-17; Mak 1:29-34) \p \v 38 Ano Jises udu asiu ta atukum tiri Juwis eme len ales ili asiu ta Saimon. Eme oro asehek i tan ta iy kaseben salahu Saimon. Tasah, iy badeh, ibo sik ma badan badeh, nyarahan nyarahan. \v 39 Eme Jises edek ili ka-au sau hawen, ma tiye sahou nyarahan i ta sik nane dah. Ano ma badan anyala, ma iy suri iy le eme loke, ma iy amekes noro nyamon. \s1 Jises bwidiy lau solo-an sik udu tiri amwenen ja \p \v 40 Eme len ta amunyau ano, an anya ki andri, iri atiye iri lau solo-an, saba sik udu tiri ame hawe Jises. Ya eme iy edeu minen i la-u iri mari, ma iy mesekei iri amwenen ja. \v 41 Ma hawe iri malawin ndra-in solo-an ado la-u iri lau anyar ame len, tiye i buku doh, “Ou badeh, Nadu Kindrei.” Arile, iy tiye iri kandru-uk le, tasah iri ndratanan, iy badeh, Krais. \s1 Jises asehek sahou udu bolo asiu ta atukum tiri Juwis \r (Mak 1:35-39) \p \v 42 Ano na mandraben handru Jises udu kon tinan eme len, ili kon ari doh, lau bare aliy bwe. Eme iri lau takaleh iy, ma iri ala hawen. Ya eme iri ateu iy na sahou ta iy sa-au, iy badeh, kudu. \v 43 Arile Jises tiye i tiri, “Bwe! Jo ki-iu kili katiye sahou mwasin ta nyala tondrok ta Kindrei ki tiri kon tinan rayah ja. Tasah, Kindrei suni jo eme dah ta atiye sahou tan.” \v 44 Eme iy atiye sahou ili loboho Judiya, udu bolo asiu ta tukum tiri Juwis. \c 5 \s1 Jises aloh oro lau tan \r (Metiu 4:18-22; Mak 1:16-20) \p \v 1 Ano na len ari ja, Jises badeh, ales udu babi ta gwa li ari aloh Genesaret. Ya iri lau badeh, awudi iy, kon aso, ta anya kanuhun sahou ta Kindrei. \v 2 Eme madan ili badeh, atou ndron lu-ei ta ni iri aluwi in babi. Oro lau ta ni badeh, ruwani ndron udu gwek, ya oro soroya kubwin toro. \v 3 Eme Jises sandroh in bolo ndron ta Saimon, eme iy tiye Saimon susuwini iy i len sese ta babi. Ya eme Jises udu ndron badeh, leheya sahou ta Kindrei i tiri lau mari an babi. \v 4 Eme sahou tan ano le badeh, iy tiye i ta Saimon, “Ado kasowe kame len, ya ado kakeh kubwin tado ki gwa, kawe-ek ni.” \p \v 5 Eme Saimon anya, “Ndramak ta leheya, aso badeh, ndramekes na ben ari buruwen ndra-au, arile aso bakohok se ni bwe. Arile, in hamon ta bohom ou ndratiye, jo kameh akeh kubwin ili gwa ja.” \v 6 Eme oro akahei kubwin i gwa, eme ya kubwin toro anya katarah, tasah ni badeh, solo-an labai. \v 7 Eme oro anyoleh i toro lau toro are ndron ra-ei ja kame kaseben oro. Ano oro weleyani ndron toro, ma lu-ei na ni, ma ndron toro anya katuh. \p \v 8 Eme Saimon Pita anyolom lakou dah asahan, ma iy taku i andri na bwili ndru-un udu kati Jises, ma tiye i buku doh, “Ou sado madak Laban, ou au. Jo badeh, kandriyen tek ndra-in!” \v 9 Ya eme Saimon hawe oro lau tan ta ni are hawen badeh, mani oro atur labai, tasah ni oro kuhiy solo-an labai. \v 10 Ma uru lau badu hawe Saimon, Jemis uru Jon nadu Sebedi badeh, mani uru atur ale. Ano Jises tiye i ta Saimon, “Kabwai, ou sanoh; na dah, ma na len hamon eme, ou kameh akohok iri ndramak, i buku ou awe-ek ni badeh.” \v 11 Eme oro aluwi ndron toro eme babi eme loken, ano oro ruwani lakou toro mari udu api, ma oro an hamon ta Jises. \s1 Jises amekes ndramak ari sik lepra udu tan amwenen ja \r (Metiu 8:1-4; Mak 1:40-45) \p \v 12 Ano na len ari ja, Jises udu kon tinan ari, ya udu loboho doh badeh, ndramak ari sik lepra ini badan mari. Iy eme atou Jises le badeh, iy morahani iy i andri anyolou iy anya, “Laban, i buku ou aseken ou winiyan mesekei jo kamwenen ja udu mada Kindrei!” \p \v 13 Eme Jises atehei minen i badan ma tawi iy, ano iy tiye, “Jo aseken. Ya ou amwenen ja.” Eme ma sik lepra tan amai i le rasan. \p \v 14 Ano Jises tiye i tan, “Ou satiye lakou dah, sala ta ari ndramak labai; arile ou ales ala hawe iri pris, leheya badam ki tiri kanyolom; ano ou adeu salom ta asun i le buku Moses mene ndrabatanau. Ya eme iri kanyolom ma katanan ou badeh, ndramwenen ja.” \p \v 15 Arile, sahou ta nyala Jises badeh, ndraseker ndra tinan labai, eme ya iri lau solo-an ame ta anuhun sahou tan, ma hawe kamekes iri kamwenen. \v 16 Arile len solo-an badeh, Jises iu ili kon lau aliy bwe ta asolom. \s1 Jises amekes ndramak ari badan imek amwenen ja \r (Metiu 9:1-8; Mak 2:1-12) \p \v 17 Ano na len ari ja, Jises leheya iri lau mwan ma badih udu bolo asiu ari. Eme iri Parasi,\f + \fr 5:17 \ft Parasi badeh, moson Ndramak ta atondrok kandriyen malen tiri Juwis, ma ta anyolom lau mari badeh, ka-en hamon ta aliy\f* hawe iri lau ta leheya kandriyen tiri Juwis, badu bolo kon tinan Galili, iri badu Judiya ma hawe badu Jerusalem ame manyah anuhun Jises asehek sahou. Ya eme boto-on ta Laban badeh, eme la-u Jises ta amekes iri lau sik udu tiri kamwenen. \v 18 Eme lau rayah badeh, bwese-ei ndramak ari, badan imek udu bada sau eme. Oro anya kabwese iy keme bolo asiu, ma kadeu iy kudu mada Jises. \v 19 Arile iri lau solo-an labai, eme oro san ta bwese iy ili bolo asiu bwe. Eme oro bwese-ei ndramak dah i loke bwele-e asiu, ano oro bosokei bwele-e asiu dah, ma atehei ndramak dah, in bada nyahan i andri bolo lau nane dah, ili udu mada Jises. \v 20 Ya eme Jises anyolom budon toro handru, eme iy tiye i ta ndramak dah, “Kawas tek, kandriyen ndra-in tam ndrasikinei ndra-au.” \p \v 21 Eme oro lau ta leheya kandriyen tiri Juwis, hawe oro Parasi badeh, asehek i toro ari ari anya, “Iy ndramak kede-eh bobose o! Iy aluhe Kindrei kede-eh! Ari ndramak winiyan basikine kandriyen ndra-in bwe; Kindrei le ari, kabwe!” \p \v 22 Eme Jises badeh, ndratanan budon toro, eme iy tiye i toro, “Tasah handru ado ndremenya solo-an udu ndrine ado? \v 23 San manamun ndraheh, katiye, ‘Kandriyen ndra-in tam ndrasikine ndra-au,’ deh, bwe katiye, ‘Ou suri ou, ma ou adek.’ \v 24 Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai udu bwele-e munyak dah ta tiye i ta ndramak ta mani kandriyen ndra-in tan iu.” Eme Jises tiye i ta ndramak badan imek dah, “Jo tiye tam, ou suri ou, ou andrei nyahan tam ma ou au a kon!” \p \v 25 Ano suwi labai, iy suri iy eme loken udu mada iri mari, ma andrei nyahan tan nane, ma iy atudun Kindrei udu bohon, ma iu i kon. \v 26 Eme iri mari badeh, mani iri atur handru en, ma iri atudun nyara Kindrei. Ya boho iri asak, ma iri tiye i buku doh, “Taha na dah badeh, ndranyolom kalem randrah labai.” \s1 Jises aloh Libai \r (Metiu 9:9-13; Mak 2:13-17) \p \v 27 Ano Jises eme len badeh, iy atou ndramak ari ta akohok luk ta takis, nyaran Libai, iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.” \v 28 Eme Libai ruwani lakou tan mari, ma iy in hamon tan. \p \v 29 Ano, Libai mesekei tine nyamon udu asiu tan, i na Jises. Ma hawe iri lau solo-an ta akohok luk ta takis badeh, ame aimon nyamon hawe oro ale. \v 30 Ya oro Parasi rayah, hawe oro lau rayah ta leheya kandriyen tiri Juwis, badu bolo oro nane dah, nunu-uh oro lau ta Jises anya, “Tasah handru ado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?” \p \v 31 Ya eme Jises asumon i buku doh, “Iri lau ale babo sik bwe, iri winiyan baso-ok ndramak ta anyumor bwe. Arile, iri lau tiri sik le badeh, aseken seben. \v 32 Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri badeh, katubuni ndrine iri, ma iri kasahan mwasin.” \s1 Ndremenya ta san ta abeles ta nyamon \r (Metiu 9:14-17; Mak 2:18-22) \p \v 33 Eme ya iri ndremenya Jises anya, “Oro lau ta Jon ta alomwa mene abeles oro ta nyamon, ma hawe oro amekes salom solo-an sese. Ma hawe oro lau tiri Parasi badeh, amekes i le buku oro le; arile oro lau tam badeh, babeles oro ta nyamon bwe.” \p \v 34 Eme Jises asumon i buku doh, “I buku none ndramak tasou bolohau udu aliy, ado winiyan babilisi oro lau ta molak bwe! \v 35 Arile, na len hamon eme kameh, iri lau ta kaliu tan kuhi iy eme len, ma na len doh kameh oro winiyan baimon nyamon bwe.” \p \v 36 Ano Jises tiye sahou sokek ari ja i toro i buku doh, “Ari ndramak winiyan batarani kolau ha-un, ya iy winiyan baserehei bala ta ndrabwak, udu ta kolau malen bwe. Ya i buku none iy kaserehei kolau ha-un ki aliy kameh tarani andra-i labai. Ma kolau malen kameh ndrabwak i tinan le gwek, ma winiya kolau ha-un bala winiyan ja bwe. \v 37 Ari ndramak winiyan basukuni waen ha-un bala bolo ku-i me malen bwe. Buku none iy amekes i buku doh, waen doh kameh tuburok, ma kohan kameh tarani ku-i me nane, ma waen kamou ma iu laleyah; ma ku-i me ale kameh andra-i. \v 38 Arile, waen ha-un badeh, ki bolo ku-i me ale ma bweseken kahis le.” \v 39 Eme iy anya, “Ma idah kameh, iri lau ndra-un waen malen kameh bwale iri a-un waen mamakahis le, tasah iri anya waen malen badeh, simidin.” \c 6 \s1 Jo tama len ta amunyau \r (Metiu 12:1-8; Mak 2:23-28) \p \v 1 Ano, udu bolo len ari ta amunyau, Jises hawe oro lau tan adek bolo bilin ari ta wit. Eme oro lau tan abwe-eh buwa wit nane dah, ano oro bosowa udu bolo mine oro, ano oro aimon. \v 2 Eme oro lau rayah ta Parasi anya, “Tasah handru ado abwe-eh buwa wit na len ta amunyau? I buku sah ado ba-en hamon ta kandriyen tahi bwe?” \p \v 3 Eme Jises asumon iri i buku doh, “Buku sah handru ya ado abolosen eme tek ma hawe oro lau tek? Sebwe ado babudon bamwenen ta kundruh ta lakou mene kabin Debit mesekei bwena bwe nadeh? Jo asehek ta lakou kala Debit hawe oro lau tan mene amak son. \v 4 Ya, iy ili bolo asiu ta Kindrei; ya iy andrei jabi ramen nane iri pris ndraleheyaniy ndrala ta mada Kindrei, in bolo bosoh ndrabun handru doh. Debit hawe oro lau tan aniy, arile jabi ramen doh ndrabun handru ta oro aimon. Iri pris le winiyan ta aimon.” \v 5 Ano Jises edeu sendrehendreh i buku doh, “Jo Nadu Ndramak Awas, ya jo tama len ta amunyau.” \s1 Ndramak badan imek \r (Metiu 12:9-14; Mak 3:1-6) \p \v 6 Ano na len ta amunyau ari ja badeh, Jises ili leheya sahou udu bolo asiu ta atukum tiri Juwis. Eme ndramak ari udu aliy, minen salin imek. \v 7 Ya iri Parasi, ma hawe iri lau ta leheya kandriyen tiri Juwis badeh, takaleh madasan ta kadeu Jises ki ta mada sahou. Eme iri atehei mada iri udu tan, i buku iy kamesekei ndramak dah kamwenen na len ta amunyau dah, deh bwe. \v 8 Arile, Jises ndratanan budon toro, eme iy tiye i ta ndramak minen imek dah anya, “Ou are loke mada lau mari dah!” Eme ndramak minen imek dah, suri iy ere loken. \p \v 9 Ano Jises lelen oro, “Jo anya kandremenya ado, saba kandriyen mwasin kameh taha kamekes na len ta amunyau? Kamekes kandriyen mwasin ta aseben koha lakou deh, bwe kamekes kandriyen ndra-in ta adai lau?” \p \v 10 Ano, Jises anyolom ili eme i toro mari, ano iy tiye i ta ndramak minen imek dah anya, “Minem kales!” Eme iy talasei minen ma minen ndramwenen ja. \v 11 Arile, bwai, ndrine oro badeh, isi handru, eme oro asehek nyala oro ari ari, ta saba madasan handru, oro kamekes ki bada Jises. \s1 Oro lau ma ronoh la-uh ta Jises \r (Metiu 10:1-4; Mak 3:13-19) \p \v 12 Ano len ari, Jises iu i kabede-e mandrei, ma iy udu gwek ben ari, amekes salom i ta Kindrei. \v 13 Ano kon aleu, iy luhi oro lau tan ame badeh, iy lebelei oro ronoh la-uh, badu bolo oro ame len, eme iy tondrohani nyara oro badeh, i aposel.\f + \fr 6:13 \ft Aposel badeh, batun ta atondrok iri lau ta Kindrei ma iy badeh, ndramak ta atiye sahou ta Kindrei i kon ari ari.\f* \v 14 Ya oro badeh: Saimon (udu ja, iy aloh iy Pita), ano nadu tinen Enduru; ano Jemis, ano Jon, ano Pilip, ano Batolomiu, \v 15 ano Metiu, ano Tomas, ano Jemis nadu Alpeyus, ano Saimon aloh Selot,\f + \fr 6:15 \ft Selot badeh, moson Ndramak ta aliu iri Juwis kame len ta baha tondrok ta Rom\f* \v 16 ano Judas nadu Jemis, ma hawe Judas Iskariyot, ndramak kameh ta edeu sa-oh. \s1 Jises amekes sik ta lau solo-an amwenen \r (Metiu 4:24-25; Mak 3:7-12) \p \v 17 Ano, iy eme andri hawe oro, ales udu bwele-e munyak nyemesen. Ma hawe iri lau tan solo-an handru ado aliy. Ma ale, iri lau buku liliy badu loboho Judiya, badu loboho Jerusalem, ma hawe lau badu loboho mada ndras ta kon tinan Tair hawe Saidon nane an doh ale. Iri ame badeh, anya kanuhun Jises asehek sahou, ma hawe iri atiye iri lau sik udu tiri ame hawen, ta iy kamekes iri kamwenen. \v 18 Ma iri lau ala malawin ndra-in udu la-u iri ale, iy mesekei iri amwenen ja. \v 19 Eme ma iri lau solo-an anya kateu le badan, tasah nyaraha boto-on ta Jises eme len ma mesekei iri mari amwenen ta sik tiri. \s1 Jises leheya lau \r (Metiu 5:1-12) \p \v 20 Ano mada Jises anyolom oro lau tan badeh, ma iy tiye anya: \q1 “Ou are lau ou lakou bwe badeh, ou sekesek. \q2 Tasah, lakou udu baha tondrok ta Kindrei kameh, tam. \q1 \v 21 Ou are lau, ou ameson badeh, na dah, ou sekesek. \q2 Idah kameh, ou adih handru. \q1 Ou are lau ou taya na dah, \q2 idah kameh, ou sekesek. \q1 \v 22 Ou are lau, iri lau amekes budon ndra-in i tam, ya iri bwale iri ou, hawe iri aluhe, ma hawe iri kaloh ou anya malawin ndra-in udu la-um badeh, ou sekesek, \q2 tasah ou badeh, an hamon ta Nadu Ndramak Awas! \p \v 23 “Ou sekesek ma ou sandroh ta sekesek i buku lakou doh, katok badam, tasah ndramas mwasin ta lakou doh kameh abe-en ou udu kandrah. Tasah, iri doh mene tubu iri amekes i buku aliy, ili tiri propet. \q1 \v 24 “Arile, ado lau tado lakou solo-an mada ado kaleu! \q2 Sisi-in tinan labai kameh ewek bwele-e ado, \q2 tasah len ta sekesek mari tado mene ndrano! \q1 \v 25 Ya ado lau bameson bwe kede-eh, mada ado kaleu! \q2 Sisi-in tinan labai kameh ewek bwele-e ado, \q2 tasah ado kameh akohok andra-i labai ta son. \q1 Ya ado lau ta abasa kede-eh, mada ado kaleu! \q2 Sisi-in tinan labai kameh ewek bwele-e ado, \q2 tasah idah kameh ado aden ma taya. \q1 \v 26 Ma, mada ado kaleu, i buku none oro lau kamasiye ado, ya ado anya, ado le ai. \q2 Idah kameh sisi-in tinan labai kameh ewek bwele-e ado. \q2 Idoh, i buku none tubu oro mene amekes, anya oro badeh, propet handru. Arile, bwe. \s1 Ado kaseken iri lau amekes budon ndra-in i tado \r (Metiu 5:38-48) \p \v 27 “Arile, jo katiye tado, are lau anuhun bohok dah: Ado badeh, kaseken iri lau amekes budon ndra-in ewek tado. Ma hawe ado ale, kamekes kandriyen mwasin ki toro lau ala budon ndra-in toro udu tado, \v 28 ma hawe ado ale kamekes salom ki ta Kindrei kanyosowani oro lau ala aten ado, hawe oro lau ala amekes bolo manyah tado, udu ndra-in. \p \v 29 “Ki buku none ari ndramak kubwi lim ki kapam badeh, ou tubuni bilisiu kili ja, iy kubwiy ale; ya ki buku none iy kandrei awin tam, badeh ou atehei awin tam lawe-en kili ale. \p \v 30 “Ya ki buku none are lau kandremenya ou ta ari lakou tam kili tan, mwasin, ou atehei kili tan. Ya ki buku none are lau kandrei lakou tam badeh, ou sandrek same hamon ja. \v 31 Saba lakou ou aseken iri kamekes kewek tam, badeh, ou amekes ki tiri ki le buku aliy. \p \v 32 “Ya, buku none ou aseken oro lau le nane aso-ok ou; idah kameh, ou winiyan akohok nyosowan ta aliy i buku sah bah? Ya iri lau ta karei ma lomondra ndra-in badeh, aseken le iri lau ala amekes kandriyen ndra-in i le buku iri. \v 33 Ou winiyan bakohok nyosowan laleyah bwe, i buku none ou aseken le iri lau amekes mwasin le ewek tam. Iri lau ta karei ma lomondra ndra-in amekes ale i buku aliy. \v 34 Ma i buku none ou aseken ta adeu lakou i ta lau mwasin tam le; tasah ou badeh, aseken ta akohok bundruwen keme hamon. Idah kameh, ou winiyan bakohok nyosowan laleyah ta aliy bwe! Iri lau ta karei ma lomondra ndra-in badeh, amekes i buku aliy ale. \v 35 Ndri-iy labai! Ou badeh, aseken iri lau ta amekes bahun i badam, ma ou amekes mwasin i tiri; ya buku ou adeu lakou, ou sabudon ta bundruwen. Badeh, ou kameh akohok ndramas mwasin labai, ma idah kameh ou asahan nadu Kindrei handru badu loken. Tasah, iy badeh, amekes mwasin i bada iri ta adeu wurah bwe, hawe lau ta kandriyen ndra-in ale. \v 36 Ou badeh, ki ndramak ta tikisiy, i buku none tamam Kindrei le.” \s1 Ou satiye ndramak ari ja \r (Metiu 7:1-5) \p \v 37 “Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam. \v 38 Ou anyohan iri lau lakou, ya idah kameh, Kindrei anyohan ou ale. Ma hawe bundruwe lakou tam eme hamon kameh solo-an labai, ma amou i andri, ma idah kameh, bolo asiu idih na aliy. Idah kameh, ou akohok bundruwe lakou tam, eme hamon kameh in hamon ta bundruwe lakou tam mene. I buku none ou adeu lakou solo-an, idah kameh, ou akohok bundruwe lakou tam in hamon ta lakou tam solo-an. Ya i buku none lakou tam solo-an bwe, idah kameh, ou akohok bundruwe lakou tam i le buku aliy.” \p \v 39 Jises ale tiye sahou sokek i toro, “I buku none ari ndramak madan bwe anya kaleheya san ki ta ndramak ari ja madan bwe ale, sebwe uru ma la-uh kameh taku a bolo lek nadeh? \v 40 Ado kanuhun. Ari ndramak ta akohok tanan basakalawi ndramak ta leheya iy bwe. Arile, i buku none ari ndramak ta akohok tanan asahan buku ndramak ta leheya iy, mwasin. \p \v 41 “I buku sah handru, ou nyowonya mutahu kei udu mada nadu tinem ari ja, arile ou batona sobola kei ranah buruwen udu madam bwe nadeh? \v 42 I buku sah handru, ou tiye ili ta nadu tinem ari ja i buku doh, ‘Nadu tine, jo kandrei mutahu kei ranah buruwen udu madam keme len,’ arile len mari ou batona sobola kei ranah buruwen udu bolo madam bwe? Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len. \s1 Kei ma buwan \r (Metiu 7:1-16; Metiu 12:33-35) \p \v 43 “Kei mwasin badeh, winiyan bato-ou buwa kei ndra-in bwe. Ma kei ndra-in badeh, winiyan bato-ou buwa kei mwasin bwe. \v 44 Taha winiyan akohok tanan badeh, udu ta buwa kei ari ari ato-ou. Ya malou bobodon ndra-in badeh, winiyan bato-ou buwa kei pik bwe, ma malou kakarik badeh, winiyan bato-ou buwa waen bwe. \v 45 Idoh badeh, moson i buku doh: Buku none ndramak mwasin ma budon mwasin solo-an idih ereu ndrinen, idon adeh, iy ale amekes kandriyen mwasin ale. Iri lau ndra-in, tiri budon ndra-in solo-an ereu ndrine iri, ma iri ale amekes kandriyen ndra-in le. Tasah, boho ndramak badeh, asehek iri budon solo-an ale idih ereu bolo ndrinen. \s1 Ndramak budon mwasin ma ndramak budon ndra-in \r (Metiu 7:24-27) \p \v 46 “Ado aloh jo badeh, ‘Laban, Laban’ ta laleyah le, arile ado ba-en hamon ta sahou tek bwe. \v 47 Arile, jo winiyan leheya ado ta saba san, i buku ari ndramak keme hawek kanuhun sahou tek, ma iy ki-in hamon ta aliy. \v 48 Iy badeh, i buku none ndramak a-eh ndru ta asiu tan udu bada ndren boto-on. Ya eme na len ta wadah atohou badeh, batoho-ei asiu tan bala andri bwe. Tasah, ndru-u asiu tan badeh, boto-on. \v 49 Arile, i buku none ndramak anuhun sahou tek ya eme iy ba-en hamon ta aliy bwe; badeh, iy i buku none ndramak atah asiu tan udu bwele-e ndren laleyah, ya ndru bala andri handru bwe. Ya eme wadah anya katohou, asiu tan taku i andri, ma atokos andra-i labai.” \c 7 \s1 Jises amekes lohowan ta ndramak ta lau tinan ta bahun amwenen ja \r (Metiu 8:5-13) \p \v 1 Jises asehek sahou tan i tiri lau doh ano, iy edek eme isos Kapena-um. \v 2 Eme ndramak batun tinan ta atondrok lau ta bahun udu Kapena-um ale. Iy ma hawe ndramak ta lohowan tan, ma lohowan tan doh badeh, iy aseken iy tinan labai. Arile, iy badeh, ibo sik ma iy anya kimek. \v 3 Eme ya, batun ta atondrok iri lau ta bahun anuhun Jises ndrame. Ya eme iy suni oro lau-en rayah badu Juwis badeh, ala anya katandra-un Jises keme kamekes lohowan tan dah, kamwenen. \v 4 Eme oro ala asahan hawe Jises ma oro tiye sahou boto-on i tan anya, “Jises, ndramak ta atondrok iri lau ta bahun doh badeh, mwasin labai, ya iy aseken seben tam. \v 5 Iy ndramak doh badeh, aseken taha labai, ma iy mene tahi asiu ta tukum tataha.” \v 6 Ano Jises i hawe oro ili. Ya eme Jises bala mirihik ta asiu bwe le badeh, tinan ta lohowan dah, suni lau rayah ja ala tiye i tan: “Laban, ou sala mirihik ta asiu tan, tasah iy anya, iy ndramak ndra-in, iy winiyan baseken ou ta ala bolo asiu tan bwe. \v 7 Eme ya iy salin amwenen bame batou ou bwai. Arile iy anya, ou sala, ou asehek le sahou, ya lohowan tan kamwenen ja. \v 8 Tasah, iy amwenen asehek anya iy badeh, udu bahandra boto-on ta batun tinan ta tondrok lau mari ta bahun, ma iy badeh, tan lau rinek (100) ta bahun ale ado bahandran. I buku iy katiye ki ta ari lau anya, ‘Ou ala,’ idah kameh iy ilih. Ya i buku iy katiye anya, ‘Ou ame,’ idah kameh iy eme. I buku none iy katiye ki ta ndramak ta ndrahu so-ok tan anya, ‘Ou bwidi lahou doh,’ ya idah kameh iy bwidiy.” \p \v 9 Ano Jises anuhun sahou doh, manin atur ta aliy. Eme iy tubuni batalan eme hamon, i tiri lau solo-an an hamon tan nane dah badeh, ma iy tiye anya, “Jo katiye tado kamwenen, jo bandruni ari lau badu Isra-el tan budon tinan bala buku iy lau dah bwe.” \v 10 Ano oro lau nane ala iy suni oro ame dah, ala hamon ala asiu badeh, anyolom lohowan nane doh, ndramwenen ja. \s1 Jises mete-ei nadu badih nyau ari amak ja \p \v 11 Ano udu sese badeh, Jises hawe oro lau tan ma hawe iri lau mari nane are hamon tan badeh, ala kon tinan ari aloh Na-in. \v 12 Eme iy ili mirihik ta madasan tinan ta ili bolo kon le badeh, iri bwese-ei nadu badih nyau ari badeh, ndramak in bada sau eme. Eme ya iri lau solo-an ale badu kon tinan an hawen ame. Badih nyau doh badeh, nadun mwan ari le doh, kabwe. \v 13 Eme Laban Jises anyolom iy ma iy tikisi badih nyau dah, tinan labai. Ya eme Jises tiye i tan, “Balem sasin.” \p \v 14 Ano Jises edek ili badeh, atehei minen i bwele-e ndramak nane, iri su-i iy ma bwese-ei iy dah, eme iri ado rasi. Ano Jises tiye i ta ndramak loweu nane dah, anya, “Jo tiye tam, ou amak!” \v 15 Eme ndramak loweu dah, suri iy ma iy asehek sahou. Ano Jises atehei iy i hawe tinen. \p \v 16 Eme iri lau mari badeh, boho iri asak ma iri atudun Kindrei. Ma iri anya, “Propet tinan ndrasahan bolo taha. Eme Kindrei badeh, ndrame ta aseben iri lau tan.” \v 17 Eme ya sahou ta nyala Jises badeh, aseker ili bolo Judiya ma hawe aseker ili bolo kon tinan mirihik ale. \s1 Jises hawe Jon ta alomwa \r (Metiu 11:2-19) \p \v 18 Ano, oro lau ta Jon ame asehek nyalan, ta lakou mari oro nane anyolom. \v 19 Eme Jon luhi uru lau tan la-uh ame, ano iy tiye i turu, “Ah kala hawe Laban badeh, kandremenya iy ki buku doh, ‘Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?’” \p \v 20 Eme uru ame hawe Jises, ma uru anya, “Jon ta alomwa badeh, suni aru ame dah ta ndremenya ou, ‘Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?’” \p \v 21 Na len doh badeh, amwenen ta Jises amekes sik udu tiri lau iu, hawe amekes iri lau malawin ndra-in udu la-u iri iu ale. Ma hawe iri lau batou kon bwe, atou kon ja. \v 22 Eme Jises asumon boho oro i buku doh, “Ah kala hamon katiye ta Jon ta saba lakou ah ndratou, ma ndranyolom dah: Iri lau mada iri bwe, iri atou kon ja, ya iri kati iri ndra-in iri adek ja, ya iri lau lepra udu tiri, bada iri asahan amwenen, ya iri lau ndranye iri banuhun kon bwe, iri ndranuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe. \v 23 Eme ya, sekesek ki toro lau heh le nane bataku ta budon toro bwe, tasah ta jo le.” \p \v 24 Ano uru lau ta Jon ma la-uh au ala hamon. Eme Jises asehek i tiri lau ta nyala Jon, “Buku sah, aha mene ala kon lomale an, anya katou sasah? Ari bwidiu awa-is nyukunyok ereu bolo jor neh? Sebwe, bwe nadeh! \v 25 Ya ado ala atou sah? Ndramak ari atehei awin mwasin ereu badan? Bwe oh! Iri lau ta adeu kolau hawe awin nyikilikin badeh, ado kon ta ndrahu kabin. \v 26 Eme ya ado ala anyolom are lau? Sebwe ado anya kala kanyolom propet? Ehe, ado atou iy, ma jo katiye tado kamwenen, iy badeh sakalawi iri lau mene ta atiye boho Kindrei ndra-au ndra bwena. \v 27 Eme sahou torowenei udu bolo buk ndrabun tiye i buku doh, \q1 ‘Jo kameh suni ndramak ari ewek bwena tam. \q1 Iy kameh atehe san tam.’ \rq Malakai 3:1\rq* \m \v 28 Eme jo katiye kamwenen kewek tado, Jon badeh, sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.” \p \v 29 Eme iri mwan ma badih hawe iri lau ta akohok luk ta takis anuhun sahou Jises asehek ma oro barala tanan ai, sahou ta Kindrei badeh, mwasin handru. Tasah, oro mene, Jon ndranyu oro. \v 30 Arile, iri Parasi hawe iri lau ta tanan ta kandriyen tiri Juwis ndra-au mene, baseken budon ta Kindrei bwe, ya eme Jon badeh, banyu iri bwe. \p \v 31 Eme iy asehek ili le, “Ya jo kasehek iri lau na len dah ki buku sah handru? Iri ki buku are handru? \v 32 Iri badeh, i buku none le iri nah nadu bwisik manyah areu mada ba-en. Ra-on arah i ta ra-on i buku doh, \q1 ‘Aso oloh bala eu ta molak ewek tado, \q1 arile ado bada mana bwe; \q1 ya aso ayah wari ta kabek, \q1 arile ado bataya bwe.’ \m \v 33 Tasah, kala Jon mene eme, iy abeles iy ta nyamon ta iy kedeu budon tan boto-on kili ta Kindrei, ma iy ba-un gwa waen bwe, eme ado anya, iy badeh, malawin ndra-in ereu la-un! \v 34 Ya, jo Nadu Ndramak Awas, jo eme aimon nyamon ma a-un gwa waen hawe iri lau. Eme ma ado asehek jo i buku doh, ‘Aden, ado katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis,\f + \fr 7:34 \ft Iri abudon anya oro lau ta akohok luk ta takis doh badeh, lau ta amekes kandriyen ndra-in.\f* ma iri lau ba-en hamon ta batanau ta Moses bwe?’ \v 35 Ehe, iri amekes sahou i buku doh. Arile, are lau mwan ma badih ale idih ta tanan mwasin ta Kindrei, ya iri lau kameh atana iri buku none ndramak doh asahan nadu Kindrei handru.” \s1 Badih ta karei asolou ndrelekei i kati Jises \p \v 36 Ano Parasi ari eme badeh, tiye Jises na beyeh ili aimon nyamon ili asiu tan. Eme iy ili manyah, udu andri ndrahu nyamon udu asiu ta Parasi dah. \v 37 Eme ya badih ari ta madasan udu kon tinan doh badeh, anuhun Jises badeh, udu asiu ta Parasi aimon nyamon. Eme iy andrei bwisi ndrau ari suluw, \v 38 ya eme iy ili ales udu hamon ta kati Jises eden, ma amekes wa-i madan i kona katin. Ano iy o-ou kona kati Jises na lami batun, ano iy aluh i andri atehei no-on i kati Jises. Ano ja, iy asolou ndrelekei i bwele-e katin. \p \v 39 Ya eme ndramak nane andrei Jises i asiu tan doh, anyolom badeh, iy lomondra udu budon tan anya, “Ki buku none ndramak kede-eh, ki ari propet, idah nane, iy ndratona i badih anyokar katin kede-en adeh? Ma iy ndratanan badih doh badeh, ta madasan adeh.” \p \v 40 Eme Jises tiye i ta Parasi doh anya, “Saimon, jo tek sahou udu tam.” \p Eme ya Saimon anya, “Sasah, ndramak ta leheya, ou tiye tek.” \p \v 41 Eme Jises anya, “Uru lau la-uh badeh, andrei luk rayah ta ndramak ari atehei i mine uru. Iy ari badeh, andrei rawa (K100), ya iy ari ja, andrei rinek (K10). \v 42 Eme udu, uru ma la-uh badeh, winiyan batehei saluwe luk ta ndramak doh, bala hamon bwe. Ya eme tama luk doh, anya ndri-iy ai, bale ah kamaniy ai. Eme ya, Saimon, ou abudon are handru kameh aseken tama luk tinan labai.” \p \v 43 Eme Saimon anya, “Ta budon tek badeh, ndramak nane andrei luk solo-an.” \p Eme Jises anya, “Ou seleya badeh, amwenen.” \v 44 Ano Jises tubuni batalan i ta i badih dah, ano Jises tiye i ta Saimon, “Ou ndratou badih dah amekes lahou dah? Jo eme asiu tam nane, ou badeu gwa ta sikine katik bwe. Arile, iy badeh, sikine katik na wa-i madan ma owei abosar na lami batun. \v 45 Ou badeh, basekesek jo bwe, arile jo eme asiu le badeh, badih doh, baruwani no-on ta katik bwe le. \v 46 Ma ou badeh, basolou suluw bala batuk bwe, arile iy badeh, asolou suluw i kona katik. \v 47 Eme jo katiye tam kamwenen, karei tan mari badeh, ndrasikine ndrano ndra-au, tasah iy badeh, leheya kandriyen ta tikisiy tinan labai. Ya eme, are lau bala tanan ta iy, bamani karei tan ba-au bwe, iy ale winiyan batikisi ari ndramak bwe le.” \p \v 48 Ano Jises tiye i ta badih dah, “Kabwe, karei tam ndrasikinei ndra-au.” \p \v 49 Eme iri lau rayah nane aimon nyamon hawe oro asehek i toro ari ari anya, “Are ndramak kede-eh? Iy leheya anya iy winiyan sikine karei kede-eh?” \p \v 50 Ano Jises tiye i ta badih dah ja, “Ou au ma ou sabwerei, tasah budon tam handru le, sebenei ou.” \c 8 \s1 Oro badih rayah an hamon ta Jises \p \v 1 Eme idoh ano badeh, Jises edek ili eme bolo iri kon tinan mari, hawe ili bolo iri kon bwisik mari, atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin ta Kindrei. Ma hawe oro lau tan ma ronoh la-uh badeh, ado hawen, \v 2 ma hawe oro badih rayah ale mene Jises amekes sik hawe malawin ndra-in udu bwele-e oro iu badeh, ado hawen ale: Oro badeh, Mariya badu Makdala, iy mene ale malawin ndra-in ma ndro taloh ado la-un ame len; \v 3 ya Jo-ana, udu ndramak ta atondrok asiu ta Herot nyaran Kusa; ya Susana hawe badih rayah ja. Oro badih doh badeh, adek hawe oro adeu lakou toro amwenen i ta sisih, akohok luk ta aseben oro. \s1 Sahou sokek ta ndramak ta atah buwa kei \r (Metiu 13:1-9; Mak 4:1-9) \p \v 4 Ano udu, iri lau solo-an badu kon tinan ari ari atukum ame hawe Jises, eme iy tiye sahou sokek ari i tiri i buku doh: \v 5 “Na len ari badeh, ndramak ari ili sabara badu wit ili bolo bilin. Iy akeh ili, badu wit ra-on taku in san; eme ya iri lau adek la-un ma hawe iri sirih atah ame aniy. \v 6 Ya rayah badeh, taku in bwele-e bek, ano eme apwak, ano awa-is, tasah munyak sese le in bwele-en. \v 7 Ya rayah ja badeh, taku udu bolo malou bobodon nane ateh eme loken, ma tubuluhi wit nane ma iy bato-ou buwan bwai. \v 8 Ano rayah ja badeh, taku ili bolo ndren mwasin. Eme ateh eme loken, ato-ou buwan solo-an; ya ra-on ja badeh, ato-ou rinek (100).” Eme iy tiye doh ano badeh, iy aloh anya, “Ou are lau ndranyem udu aliy, ou anuhun.” \s1 Moso sahou sokek \r (Metiu 13:10-23; Mak 4:10-20) \p \v 9 Ano oro lau tan ndremenya Jises, ta moso sahou sokek nane doh. \v 10 Eme iy anya, “Kindrei aseken ado lau tek katanan iri sahou mene aton ta nyala tondrok ta Kindrei. Arile, i tiri lau buku liliy badeh, jo asehek i san ta sahou sokek. Eme ya, \q1 ‘Iri kameh anyolom anyolom ja, arile iri winiyan baseleyani bwe; ya iri anuhun amwenen, arile batu iri winiyan baleu ta aliy bwe.’” \rq Aisaya 6:9\rq* \s1 Sali sahou sokek ta buwa kei \p \v 11 Ano Jises tiye, “Sali sahou sokek asah i buku doh: Buwa wit badeh, moson i buku sahou ta Kindrei. \v 12 Ya oro buwa wit taku udu san badeh, i buku none lau rayah ai. Oro doh badeh, anuhun sahou ta Kindrei, arile balik eme kuhi iu sahou mwasin Kindrei tahiy ereu budon toro, eme ya oro satehei budon toro handru sa-en ta sahou. Koro-an sahou doh, kasebenei koha oro kudu mwasin. \v 13 Ya buwa wit taku udu bwele-e bek badeh, i buku none lau rayah ai. Oro doh badeh, sekesek ta anuhun sahou ta Kindrei, arile kandro oro badeh, barih bala andri handru bwe. Ya oro badeh, atehei budon handru, arile bado luwen bwe, eme ya buku none ndrine sen asahan deh, ndra-i asahan toro badeh, oro taku. \v 14 Ya buwa wit taku udu bolo malou bobodon badeh, i buku none oro lau doh, anuhun sahou ta Kindrei, arile oro ado badeh, abudon boto-on ta lakou solo-an badu kon munyak. Ya oro abudon boto-on labai ta atukum iri luk, ma hawe bale oro asin ta kandriyen badu bada oro tinan labai. Eme ma, oro badeh, buni ta budon bwe. \v 15 Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin. \s1 Sun udu leheleh \r (Mak 4:21-25) \p \v 16 “Ki buku ari ndramak katelem sun, iy winiyan batone bado bolo sabok bwe, ma iy ale winiyan batehei bala baha sau bwe. Iy kameh suriniy udu loken. Ya, i buku none are lau eme anyolom kameh iy eme asiu. \v 17 Eme ya lakou mari aton badeh kameh asahan eme lewan. Ma saba lakou tubuluhiy kameh asahan eme lewan ale. \v 18 Eme ya, ou lomondra kamwenen ta sahou ou anuhun ma an hamon ta aliy. Ndramak tanan tan mwasin udu aliy, iy kameh akohok tanan mwasin labai ja i la-un. Ya eme, are lau anya iy tan tanan sese udu aliy, idah kameh, tanan sese le doh kameh kuhiy mari iu.” \s1 Tine Jises hawe nadu tinen oro ame anyolom iy \r (Metiu 12:46-50; Mak 3:31-35) \p \v 19 Ano, tine Jises hawe nadu tinen oro ame anyolom iy, arile lau solo-an labai ya oro winiyan bala mirihik tan bwe. \v 20 Eme ndramak ari ili tiye tan anya, “Jises ei, tinem hawe nadu tinem oro ales ado manan, anya katou ou.” \p \v 21 Eme Jises tiye i tan anya, “Tine hawe oro nadu tine handru asah oro are hawek anuhun sahou ta Kindrei, ma oro amekes lahou ta aliy dah.” \s1 Jises tiye jor amondrei \r (Metiu 8:23-27; Mak 4:35-41) \p \v 22 Ano na len ari ja badeh, Jises tiye i toro lau tan anya, “To ka-au kala kapa gwa bilisiu kodo-oh.” Eme oro sandroh a ndron ra-ei badeh, ma oro alakak ala bilisiu. \v 23 Eme oro alakak ala badeh, Jises ndramadin. Eme laba jor atohou eme andri bwele-e gwa li, ya bayau i tinan ma eme ndron, eme ya oro akohok andra-i labai. \p \v 24 Eme oro lau tan ala badeh, mete-ei iy anya, “Laban, Laban, to dah kameh atuh ma amak ai!” Ano Jises suri iy eme loken, tiye sahou boto-on i ta jor hawe bayau, ma jor amondrei hawe bayau ameres. \v 25 Ano iy tiye i toro, “I deh, budon tado handru ndraheh?” \p Eme oro anoh, hawe mani oro atur, ma oro tiye i toro ari ari anya, “Iy are lau handru kede-eh? Iy tiye sahou boto-on le badeh, jor hawe bayau anuhun bohon!” \s1 Jises tikahei malawin ndra-in udu bwele-e ndramak ari iu \r (Metiu 8:28-34; Mak 5:1-20) \p \v 26 Ano, oro alakak ala loboho Gerasa. Kon doh, udu bilisiu ta Galili. \v 27 Eme Jises sandroh i babi le badeh, ndramak ari badu kon tinan doh, iri malawin ndra-in udu la-un eme hawen. Ya ndramak doh badeh, ndra bwena ndra-au badeh, iy ndrakane le. Iy badeh, ari asumwen bwe, asumwen badeh, munu bek ta ndrahu lau amak ala aliy. \v 28 Eme iy atou Jises le badeh, iy anyar ma aluh i andri udu mada Jises ma iy aloh i tinan i tan anya, “Jises, Nadu Kindrei badu loken, ou anya amekes sasah keme tek? Ndri-iy, ou samekes sisi-in same badak!” \v 29 Iy aloh i buku doh, tasah Jises badeh, ndratiye sahou boto-on ndra ta malawin ndra-in ta anya keme len. Ya malawin ndra-in badeh, ndrahas ndrado la-un luluwen labai. Iri sawei minen hawe katin na sen, ma lau ta ndrokei atondrok iy, arile iy mindrindri sen, eme malawin ndra-in lolowa iy ili kon lomale an, ili bolo ndrokowa bek. \p \v 30 Eme Jises ndremenya iy, “Nyaram are lau?” \p Eme iy anya, “Nyarak badeh, Solo-an.” Tasah, malawin ndra-in solo-an ndrado bwele-en badeh nyaran bwe. \v 31 Eme oro asehek sahou ta tikisiy i ta Jises i buku doh, “Ou satikahei aso sala bolo lek ta isi.” \p \v 32 Eme udu loboho doh badeh, bou rakou aimon nyamon are ka-u mandrei. Eme oro tiye sahou ta tikisiy i ta Jises anya, “Ou tikahei aso kala bwele-e iri bou nane doh.” Eme ya Jises tiye le badeh, \v 33 oro malawin ndra-in are la-un ame len, ma a bwele-e iri bou. Eme oro sakaliye are bwele-e mandrei ame andri ala bolo gwa li, ma oro amak. \p \v 34 Eme oro lau ta atondrok iri bou anyolom lakou doh asahan ma oro atobwak au a kon tinan ma hawe a lokei asehek i tiri. \v 35 Ya eme iri lau ala anyolom. Iri ala asos hawe Jises le badeh, iri atou iy ndramak nane malawin ndra-in mene udu la-un ndramwenen ja. Iy ndratani kolau hawe budon tan ndramwenen ya iy manyah udu kati Jises. Eme ma iri anoh. \v 36 Ano iri lau nane anyolom dah, ala asehek tiri lau ta nyala ndramak mene malawin ndra-in udu la-un badeh, ndramwenen ja. \v 37 Ano iri lau badu loboho kon Gerasa tiye Jises ta ki-iu, tasah iri badeh, anoh boto-on tan. Eme ma Jises sandroh i ndron ma anya ki-iu ai. \v 38 Arile ndramak nane malawin ndra-in udu la-un eme tiye Jises ta iy anya ki hawen. Arile Jises eme tiye iy iu, ma asehek i tan i buku doh, \v 39 “Ou ala kon asehek tiri ta nyala lahou tinan Kindrei ndramesekei ndrawek tam.” Eme ndramak nane dah, iu ili bolo kon tinan mari doh asehek ta nyala lahou tinan mene Jises ndramesekei i tan. \s1 Badih bihin imek hawe badih en ibo sik \r (Metiu 9:18-26; Mak 5:21-43) \p \v 40 Ano Jises eme hamon le badeh, iri lau solo-an ame sekesek iy, tasah iri mene abe-en iy. \v 41 Ano, ndramak batun ari badu asiu ta ndrahu tukum tiri Juwis nyaran Jairus, iy eme aluh i andri udu kati Jises. Ano iy tiye sahou tikisiy i ta Jises i buku doh, “Ou ame asiu tek op.” \v 42 Tasah, nadun ari le badih, jaha tan badeh, ronoh la-uh, ya iy anya kimek. \p Eme Jises edek ili badeh, kon ndraso tiri lau ma sese le iri kandribitini iy. \v 43 Ya udu bolo iri nane doh badeh, badih ari udu aliy ya sik ndra badeh, udu tan winiya jaha ronoh la-uh. Eme ari lau badeh, winiyan bamesekei iy bamwenen bwe. \v 44 Ya eme iy badih nane dah, sokohani iy i ndrokowa iri lau ili in hamon ta Jises, eme iy tawi awin tan, ma se nawin bwe, sik ndra tan iu ma ano mara-ei. \p \v 45 Eme Jises ndremenya, “Are lau tawi jo?” Ya eme iri bisiniy, ya eme Pita tiye i tan anya, “Laban, iri lau sola nane ahas badam badeh.” \p \v 46 Arile Jises tiye, “Boto-on badu badak ewek len badeh, jo atona ndramak ari tawi jo.” \p \v 47 Ano badih dah ndraseleyani iri lau badeh, ndratanan, eme iy eme morohani iy i andri kati Jises. Eme ma udu mada iri lau mari nane iy asehek ta saba katin handru iy ateu bada Jises hawe i buku sah iy amwenen ja. \v 48 Ano Jises tiye sahou i ta badih nane dah, “Nadu badih, ou atehei budon tam handru in tek, ma mesekei ou asahan amwenen. Ou au ma ndrinem kamunum.” \p \v 49 Eme iy asehek sahou kahis le, ndramak ari badu asiu ta ndramak ta batun eme tiye i ta Jairus; “Nadum badih ndramak. Ou sasehek sahou ja sala ta ndramak ta leheya badeh, ndri-iy.” \p \v 50 Eme Jises anuhun le badeh, iy tiye i ta Jairus, “Ou sanoh; budon tam handru ki-in tek, ma idah kameh, nadum amwenen ja.” \p \v 51 Ano iy eme asahan asiu ta Jairus badeh, iy batiye ari lau bala hawen bala asiu bwe. Pita le, Jon le, Jemis le hawe taman uru tinen le badeh, ala bolo asiu hawen ai. \v 52 Ya iri lau badeh, aden hawe iri taya ndranyen. Eme Jises anya, “Aha kandru-uk, iy bamak bwe, iy badeh, amadin le oh.” \v 53 Eme iri ehe-en iy, tasah iri tanan badih badeh, ndramak handru. \v 54 Arile, Jises tawi mine badih imek dah, ma iy tiye, “Naduk, ou amak!” \v 55 Eme kohan handru asahan ma iy suri iy. Ano ma Jises tiye oro adeu nyamon i nan. \v 56 Eme ya taman uru tinen badeh, boho uru asak, arile Jises tiye turu i buku doh: “Ah badeh, sasehek ta ari lau, ndri-iy, ta nyala lahou asahan dan, ndri-iy labai.” \c 9 \s1 Jises suni oro lau tan ma ronoh la-uh au ala ta amekes gok \r (Metiu 10:5-15; Mak 6:7-13) \p \v 1 Ano, Jises luhi oro lau tan ma ronoh la-uh ame hawen, ano iy edeu boto-on i toro, ta atikah iri malawin ndra-in ka-au hawe edeu boto-on i toro, ta amekes iri lau sik udu tiri kamwenen. \v 2 Ano, iy tiye oro au ala atiye sahou mwasin, ta nyala tondrok ta Kindrei, ma kamekes iri sik kamwenen. \v 3 Eme iy tiye i toro anya: “Ado sakohok kandro, ya ado sakohok kohei, ya ado sakohok jabi ramen, ya ado sakohok luk, ma hawe ado sakohok ari kolau ja, sawek hawe ado, na len ta tekedek tado. \v 4 Ya, i buku none ado kala kon tinan, ya buku ari lau kasumon ado badeh, ado kare asiu tan le kado gwek, winiya le ado barame len ta kon tinan badeh; \v 5 Ya, i buku none ado kala, ya iri lau basekesek ta akohok ado ala asiu tiri bwe, ya buku ado anya ka-au, ado katuruhi kasu on ma ndren ta kati ado ki-iu, ma ado ka-au. Ya eme ta kalem doh iri kalomondra ta kandriyen ndra-in tiri.” \v 6 Eme oro ala kon ari ari, ala aliy atiye sahou mwasin, ma amekes sik tiri lau badu heh, badu heh, iu. \p \v 7 Eme ya Herot Antipas ndramak ta atondrok Galili badeh, anuhun nyala lahou mari doh. Eme ndrinen badeh, amaha ta aliy, tasah lau rayah asehek anya, Jon ndramak ja ereu bolo lek ndrame loken, \v 8 ya iri rayah anya ja, Alaija ndrasahan ja, ma hawe iri rayah anya ja, ari propet badu bolo oro bwena mene ndramak ja. \v 9 Arile bwe, Herot anya, “Jo mene ndramwetehei batu Jon o! Ya are lau handru ja asahan dah?” Eme iy badeh, anya kanyolom ndramak doh. \s1 Jises anyohan iri lau ma lamawa (5,000) \r (Metiu 14:13-21; Mak 6:30-44) \p \v 10 Ano, oro lau tan ame hamon, ya oro asehek nyala Jises ta lakou mari oro amekes. Ano iy kuhi oro ala hawen ma oro ala kon tinan ari aloh Betsaida. \v 11 Arile, iri lau badeh, ndrandrei budon tan, eme iri an hamon tan ala. Eme iy tiye sahou sekesek i tiri, ano iy asehek sahou ta nyala tondrok ta Kindrei, ma amekes iri lau sik udu tiri amwenen. \p \v 12 Ano kon abeyeh, oro lau tan ma ronoh la-uh ame tiye i ta Jises i buku doh, “Ou tiye iri lau kede-eh ka-au kala kon mirihik ma ndrahu iri kasilah niri nyamon, ma kasilah ndrahu iri ta matinou. Tasah, to dah bare kon bwe, to dah are kon laleyah!” \p \v 13 Eme Jises tiye i toro, “Ado kadeu niri nyamon.” \p Eme oro anya, “Aso badeh, nyamon bwe, udu kada-ah badeh, limeh jabi ramen le, hawe la-uh ni. Ki buku none to kala kasih sola ja, keme hawen badeh, winiya iri ai.” \v 14 Iri lau badeh, i buku lamawa (5,000). Arile, Jises tiye i toro lau tan, “Ado badeh, katukumwi iri lau kase, lomonoh (50) kase, lomonoh (50) kase, ki le buku doh.” \v 15 Eme oro lau tan mesekei i le buku bohon, ya eme oro tiye iri lau badeh, kamanyah ka-en andri. \v 16 Ano iy andrei jabi ramen ma limeh, hawe ni ma la-uh nane dah eme, ano iy anyolom iu i loken bolo kandrah, ma iy edeu wurah i ta Kindrei. Ano iy boso-ei jabi ramen dah. Ya eme iy edeu ili mine oro lau tan. Eme oro ala adeu ili winiya iri lau mari. \v 17 Eme iri aimon ma ndrine iri idih. Ya tikibwah tiri erah, eme oro lau tan anyuhiy i bwak badeh, asahan ronoh la-uh. \s1 Pita asehek ndrinen handru ta Krais \r (Metiu 16:13-19; Mak 8:27-29) \p \v 18 Ano na len ari ja badeh, Jises hawe oro lau tan le ala rasi ja asolom. Eme iy ndremenya oro lau tan, “Iri lau anya jo are lau handru?” \p \v 19 Eme oro anya, “Iri rayah anya ou Jon ta alomwa, ya iri rayah anya ja, ou Alaija; ma iri rayah anya ja, ou badeh, oro ari propet mene ndramak ndrame loke ja.” \v 20 Eme Jises ndremenya oro, “Ya ado amwenen anya jo are lau?” \p Eme Pita asumon iy i buku doh, “Ou badeh, Krais, Kindrei suni ou ame dah.” \s1 Jises asehek nyala imek ma amak tan \r (Metiu 16:20-28; Mak 8:30–9:1) \p \v 21 Ma eme Jises batanau oro boto-on ta oro badeh, sasehek ta ari lau ndri-iy. \v 22 Ano iy tiye, “Nadu Ndramak Awas kameh akohok sisi-in solo-an labai, ma iri lau tinan areu bwena, hawe iri lau tinan tiri pris, ma hawe iri lau ta leheya kandriyen tiri Juwis kameh baseken iy bwe. Ma idah kameh, iri adai iy imek, ya len taloh ano iy kameh amak ja.” \p \v 23 Ano iy tiye i toro mari: “Buku none ari ndramak anya ki-in hamon tek, mwasin, iy kamani so-ok tan mari, ya iy kabwese-ei kei tondreh tan na len mari. Ya iy ki-in hamon tek. \v 24 Tasah, buku none ari ndramak anya katawi kohan kudu, kohan kameh ano. Arile, buku none ari ndramak abudon jo ya kohan ano, iy kameh winiyan andrei kohan ja. \v 25 Ya, buku none ari ndramak kuhi lakou mari badu kon munyak, ya iy kimek, iri lakou doh kameh sebenei iy i buku sah handru? \v 26 Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken. \v 27 Jo asehek sahou handru ewek tado. Lau ra-on ales ereu bolo to dah kameh winiyan bamak bwe, ya iri kameh anyolom tondrok ta Kindrei.” \s1 Bada Jises asahan i randrah labai ja \r (Metiu 17:1-13; Mak 9:2-13) \p \v 28 Jises asehek sahou tan ano badeh, udu, ben ndru la-uh ano, iy kuhi Pita, Jon ma hawe Jemis a hawen, ma oro ala bwele-e mandrei ala asolom. \v 29 Eme iy asolom le badeh, badan asahan i randrah labai, bwilin anya ma awin tan badeh, nyikadin tinan labai, anya i buku kalik. \v 30-31 Eme oro atou Moses uru Alaija asahan ma lomadan badu loken ame, asehek sahou hawen ta nyala imek kameh iy bwese udu Jerusalem. \v 32 Ya Pita hawe Jon uru Jemis badeh, ndramadin tuk, eme oro amak badeh, oro anyolom lomada Jises hawe lomada uru lau nane ales are hawen dah. \v 33 Eme ya uru lau nane are hawe Jises anya ka-au le badeh, Pita tiye i ta Jises i buku doh, “Laban, mwasin handru ta aso are ndra kada-ah, ya aso katahi taloh mandron kudu dah, ra-em tam, ra-em ta Moses, ma ra-em ta Alaija.” Arile, Pita bala tanan sasah iy asehek doh, bwe. \p \v 34 Ya sahou ta Pita udu ndra bohon kahis le badeh, asi kandrah seselek eme anya katubuluhi oro, ma oro anoh. \v 35 Eme ya sahou ari asahan bolo asi kandrah nane asehek i buku doh, “Idah naduk handru, jo suni iy ewek; ya ado kanuhun sahou tan.” \v 36 Eme sahou doh ano le badeh, oro atou Jises le ari udu ndrahun. Ya eme oro badeh, tawi le udu budon toro, oro basehek nyala lakou nane udu bolo len doh mene oro atou, bwe. \s1 Nah ari malawin ndra-in udu la-un \r (Metiu 17:14-21; Mak 9:14-29) \p \v 37 Ben ari oro are bwele-e mandrei, ano oro are mandrei ame andri, ano len ari ja badeh, lau solo-an labai ame hawe Jises. \v 38 Eme ndramak ari udu bolo iri aloh, “Ndramak ta leheya, jo naduk ari le dah, jo aseken ou ame anyolom iy se. \v 39 Iy nah doh, malawin ndra-in udu la-un, ya i le mani tur malawin ndra-in kameh amekes iy arah. Ano, iy totoreh hawe bubusi bohon kameh atau; ma amekes badan kameh isi udu gwek, luluwen labai. \v 40 Eme jo badeh, tiye oro lau tam rayah ta katikahei malawin ndra-in udu la-un doh ki-iu, arile oro winiyan bwe.” \p \v 41 Eme Jises asehek sahou i buku doh, “Ado lau mwan ma badih batehei budon handru bwe, budon ma kandriyen tado bamwenen bwe. Len sabe kameh jo kereu hawe ado, ano ado barala tanan boto-on ta Kindrei? Ou tiyani nadum keme dah.” \p \v 42 Ano nah dah, edek eme hawe Jises le badeh, malawin ndra-in mudi iy i andri bwidi iy totoreh, ma bubusi bohon atau. Eme Jises ibolosen i ta malawin ndra-in udu la-un iu, ma iy amwenen ja. Eme iy atehei nah dah, i hawe taman. \v 43 Eme mani iri lau mari atur labai, ta boto-on ta Kindrei. \s1 Jises asehek nyala imek ma amak tan san rasan ja \r (Metiu 17:22-23; Mak 9:30-32) \p Ya eme iri lau boho iri asak kahis le ta lakou nane Jises amekes, eme ma Jises tiye i toro lau tan, \v 44 “Ado badeh, katehei ndranye ado kamwenen ki-in ta sahou jo anya kasehek tado: Iri kameh atehei Nadu Ndramak Awas ili mine iri lau ta atondrok.” \v 45 Arile, budon toro baleu ta sahou tan nane bwe. Tasah, sahou dah badeh, ndraton ma oro bandrei bwe, ma oro ale badeh, anoh ta ndremenya Jises ta aliy. \s1 Are udu bwele-en labai \r (Metiu 18:1-5; Mak 9:33-37) \p \v 46 Ano, oro lau ta Jises andres oro, ta are kudu bwele-en toro. \v 47 Eme Jises badeh, ndratanan budon toro, eme iy andrei nadu nah ari nadu bwisik eme, ales udu kabeden. \v 48 Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.” \s1 Are lau tan bahun tado bwe, iy badeh, kawas tado \r (Mak 9:38-40) \p \v 49 Eme Jon anya, “Ndramak ta leheya, aso atou ndramak ari atikah malawin ndra-in eme len na boto-on ta nyaram, ya eme aso anya kabarah iy, tasah iy badeh, ari taso bwe.” \p \v 50 Eme Jises anya, “Ado sabarah iy, tasah are lau tan bahun tado bwe, iy badeh, kawas tado ma badu hawe ado.” \ms1 Jises edek ili Jerusalem hawe oro lau tan \mr (Kalan 9:51–19:28) \s1 Iri lau badu kon Samariya bwale iri Jises \p \v 51 Jises badeh, tanan, mirihik kameh Kindrei akohok iy udu Jerusalem iu i kandrah. Eme ya mesekei budon tan badeh, abadok ta ili Jerusalem. \v 52 Eme iy suni iri lau rayah ta tiye sahou ala bwena, ala kon Samariya ta lowosa lakou mari lewan; \v 53 Iy ili, arile iri lau badeh, baseken iy bwe, tasah tekedek tan doh nane ta ili Jerusalem labai. \v 54 Eme Jemis uru Jon anuhun kandriyen doh badeh, eme uru ndremenya Jises, “Laban, ou aseken to kaloh jih udu kandrah keme andri kasulumwi iri?” \v 55 Arile, Jises tubuni iy eme, iy tiye boto-on i toro anya, “Bwe.” \v 56 Eme oro au a kon ari ja. \s1 Ndramak bwese maha-an buku iy ki-in hamon ta Jises \r (Metiu 8:19-22) \p \v 57 Eme oro adek san ala badeh, ndramak ari tiye i tan anya, “Jises, loboho heh, ou ala aliy, jo kameh in le hamon tam.” \p \v 58 Eme Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas badeh, ari ndrahu matinou tek, bwe.” \p \v 59 Ano, Jises tiye sahou i ta ndramak ari ja anya, “Ou ame an hamon tek.” \p Eme ndramak dah anya ja, “Laban, jo kili kihi tama op. Ano jo barawek bara-en hamon tam.” \p \v 60 Arile Jises tiye i tan ja, “Iri lau amak badeh, kado gwek. Idah kameh, iri lau badu hawe iri barala bara-eh iri. Arile, ou badeh, adek ala atiye sahou ta nyala tondrok ta Kindrei.” \p \v 61 Ano ja, ndramak ari ja tiye anya, “Laban, jo kameh in hamon tam; arile jo kili katiye tanan ta lowak oro op.” \p \v 62 Eme ya Jises tiye i tan, “I buku none are lau kapou ndren ta bilin, ya iy bamesekei bano bwe, badeh, iy atalei labai, ta amekes lahou badu baha tondrok ta Kindrei.” \c 10 \s1 Jises suniy oro lau ma ndro tonoh la-uh (72) ala ta amekes lahou ta Kindrei \p \v 1 Udu hamon ta idoh ano badeh, Laban tiye i toro lau ma ndro tonoh la-uh (72) le, ano iy suni uru la-uh, la-uh a se, ala mwena tan ala bolo iri kon tinan ari ari, ma hawe iri kon kameh iy ilih aliy. \v 2 Ma iy tiye i toro anya, “Ado katou, nyamon solo-an labai ndruni in bolo bilin, arile lau solo-an bwe, ta gok ta akohok nyamon nane doh bwe. Eme ya ado kasolom ki ta Laban ta kati bilin, ta iy kasuni lau kala katukumwi iri nyamon tan. \v 3 Eme ado kala! Jo suni ado i buku iri nadu sipsip ala bolo iri mwi badu lokei. \v 4 Ado badeh, sakohok kohei ta ndrahu luk sawek, ya ado sakohok kohei ta ndrahu lakou sawek, ya ado badeh, sakohok ku-i kati ado ale; ya i buku none ado adek ala badeh, ado sare rasi sasumon ma sasehek sahou luluwen hawe ndramak. Ado badeh, kadek kales le kala. \v 5 Ya i buku none ado anya kala ra-em asiu, badeh, ado katiye anya, ‘Ado mwasin? Nyosowan udu la-u ado.’ \v 6 Ya i buku none are ndramak mwasin udu aliy, iy aseken ado badeh, mwasin tado kudu tan kudu gwek; ya i buku none ndramak baseken sahou mwasin tado bwe, ado kakuhi sahou mwasin nane keme hamon ja. \v 7 Ya i buku none iri lau mwasin ado aliy, asumon ado badeh, ado kala kado asiu toro kado gwek; kaimon sasah, ka-un sasah oro anyohan ado. Tasah, ndramak ibo gok, iri lau mwan ma badih kameh anyohan iy na nyamon, ma adeu sihinen i tan ta gok. Ado badeh, sasar sala mada asiu ra-em sala ra-em. \p \v 8 “Ya, buku none ado ala bolo kon tinan, iri kasumon ado, saba nyamon iri adeu badeh, ado kaimon le. \v 9 Ma ado kamekes iri lau sik udu tiri kamwenen, ma hawe ado katiye tiri, ‘Tondrok ta Kindrei badeh, ndrame mirihik tado.’ \v 10 Arile, ki buku none ado kala kon tinan, ya iri baseken ado bwe, badeh, udu ndra bolo kon tinan nane badeh, ado katiye anya, \v 11 ‘Aso anyas ndren ta kon tinan tado udu kati aso iu, ta leheya ki mada ado, tasah ado badeh, baseken sahou, ma ado ndrandra-i labai. Ma ale, ado badeh, ki tanan, ta tondrok ta Kindrei badeh, ndrame mirihik tado. Arile, ado badeh, baseken bwe.’ \v 12 Eme jo katiye tado kamwenen, na len Kindrei edeu lau ala ta mada sahou eme kameh, kon tinan dah kameh bwese maha-an laba tinan labai sakalawi maha-an asahan tiri lau ndra-in badu kon tinan Sodom mene ja! \p \v 13 “Eme ya, ado lau badu kon Korasin, hawe ado lau badu kon Betsaida, ado katou! Sisi-in tinan labai kameh ewek bwele-e ado. Tasah, ki buku none lau ra-on mene kala kon tinan Tair hawe Saidon ma kamekes lahou tinan buku none jo ndramekes ereu ndrokowa ado, sebwe ndra bwena iri lau badu kon ma lubuk doh ndrasin awin bokodon, ma ndratahi iri na koloweh, ta leheya buku none iri tikisi handru ta kandriyen ndra-in tiri mene, iri ndrabwidiy. \v 14 Arile, na len Kindrei le tanan ta adeu lau ala ta mada sahou, ado kameh bwese maha-an udu bwele-en labai ja ta kon Tair hawe kon Saidon. \v 15 Ya ado lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy. \p \v 16 “Ya are lau anuhun ado badeh, iy anuhun jo ale; ya are lau baseken ado bwe, i buku none iy badeh, baseken jo bwe ale. Ma hawe are lau baseken jo bwe, iy ale, baseken Kindrei bwe le, iy ndramak nane suni jo eme dah.” \p \v 17 Ano udu badeh, oro lau ma ndro tonoh la-uh (72) nane ame asahan, eme oro sekesek andra-i labai ma oro tiye i ta Jises anya, “Laban, iri malawin ndra-in ale badeh, anuhun boho aso, ya ame len na boto-on ta nyaram.” \p \v 18 Eme Jises tiye toro, “Jo badeh, anyolom boto-on ta tama balik Satan badeh, taku udu kandrah eme andri, i buku none kalik takamek. \v 19 Ado kanuhun! Jo badeh, ndratehei boto-on handru ndrawek tado, ta ado winiyan adek bwele-e mwak ndra-in, hawe adek bwele-e sabiyep; ma boto-on ta sakalau boto-on ta balik; ya eme ari lakou winiyan batok tado bwe. \v 20 Arile, ado badeh, sasekesek ta ado badeh, sakalawi boto-on ta malawin ndra-in, ndri-iy, arile ado badeh, kasekesek, tasah nyara ado badeh, ndratorowenei udu kandrah.” \s1 Jises idih na sekesek ta Malawin Ndrabun \r (Metiu 11:25-27; Metiu 13:16-17) \p \v 21 Na len doh badeh, Jises idih labai na sekesek ta Malawin Ndrabun, eme iy tiye, “Tama, ou Laban badu munyak ma kandrah! Jo masiye ou! Tasah, ou tone lakou dah ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe. Ehe, idoh asahan na seken tam le. \v 22 Tama ndratehei lakou mari ndrame minek. Ya ari ndramak ja winiyan bala tanan jo bala mwasin bwe. Tama le badeh, tanan jo udu mwasin labai. Ma ari ndramak ja winiyan bala tanan tama bala mwasin bwe; jo nadun le ari tanan iy, hawe oro lau le jo ndranyowonyani oro ndrala mada taman, oro le tana oro tama.” \p \v 23 Ano iy tubuni batalan i toro lau tan le, eme iy tiye i toro, “Sekesek handru i toro are lau an hamon ame kameh anyolom lakou ado ndratou asahan eme lewan dah! \v 24 Ya eme jo katiye tado, iri propet hawe iri kabin mene badeh, aseken labai ta atou lakou ado atou na dah, arile iri batou bwe. Ma hawe iri aseken labai ta anuhun iri sahou ado anuhun dah, arile iri banuhun bwe.” \s1 Sahou sokek ta ndramak badu kon Samariya \p \v 25 Ano, ndramak ari tanan ta leheya kandriyen tiri Juwis ales ere loke none Jises. Eme iy anya, “Ndramak ta leheya, jo kamekes sasah handru, ya kohak kudu le buku doh?” \p \v 26 Eme Jises tiye i tan, “Torowenei udu bolo tarou malen mene, ou ndratou, tiye i buku sah handru?” \p \v 27 Ano ndramak nane dah anya, “Tiye badeh, i buku doh: \q1 ‘Ou aseken Laban tam Kindrei na ndrinem mari, ma na koham handru mari, ma na boto-on tam mari, ma hawe na budon tam mari.’ \rq Dutoronomi 6:5\rq* \m Ma ano ja, \q1 ‘Ou aseken iri lau ari ari badu hawem, i le buku, ou aseken ou le.’” \rq Lebitikus 19:18\rq* \p \v 28 Eme Jises anya, “Ou badeh, tiye amwenen labai, ya i buku none ou amekes iri lakou mari doh, idah kameh, koham udu le buku doh.” \p \v 29 Arile, ndramak ta leheya kandriyen tiri Juwis doh badeh, anya kaleheya iy le, anya iy ndra ari ai. Eme iy ndremenya Jises anya, “Are oro le handru badu hawek? Ya eme jo kaseken oro.” \p \v 30 Ano Jises tiye i hamon i tan, i buku doh: “Ndramak ari badeh, anya kedek kudu Jerusalem kili Jeriko. Eme iy edek ili badeh, iri lalou ado san tawi iy, ma bene-ei lakou tan marakon. Eme iri adai iy andra-i labai imek i kei ra-ei, ma iri ruwani iy udu api. Ya iri atobwak au. Ya iy ndramak nane doh amadin udu ka-u san mirihik anya kimek. \v 31 Ano, pris ari badeh, edek san nane eme. Iy edek eme badeh, anyolom ndramak nane, arile iy abelek i san bilisiu iu ai. \v 32 Ano ja, ndramak ari badu boho kamen ta Libai edek san doh, eme ja. Eme iy anyolom ndramak dah, ale, arile iy abelek i san bilisiu iu ai. \v 33 Arile, udu ja, ndramak ari badu kon Samariya edek eme amwenen ta ndrahune ndramak dah udu aliy, iy atou ndramak doh. Eme iy tikisi ndramak doh, labai. \v 34 Eme iy ili hawen badeh, solowei ndrelekei hawe waen i badan, ano sawei na kari kolau. Eme iy bwese-ei ndramak dah, i bwele-e donki tan, ma tiyani iy ili asiu ra-em ta ndrahu iri lau. Eme iy atondrok iy. \v 35 Udu len ari ja badeh, ndramak dah atehei luk ma lunek (K20) i ta ndramak ta asiu dah. Ano iy tiye ta ndramak ta asiu dah, anya, ‘Ou atondrok iy ya i buku none jo eme hamon, idah kameh jo edeu saluwe luk tam, ou ndrakahei ndra-au ta atondrok iy kewek hamon.’ \p \v 36 “Ya ou anya, udu bolo oro lau ma taloh doh, are handru amekes kandriyen mwasin i ta ndramak nane, iri lalou adai iy doh?” \p \v 37 Eme ndramak ta leheya kandriyen tiri Juwis doh, anya, “Iy ndramak ala ili aseben iy en.” \p Ano Jises tiye sahou i tan i buku doh, “Ou ala amekes kandriyen ki le buku iy ndramak nane amekes doh!” \s1 Jises udu asiu ta Mata uru Mariya \p \v 38 Ano, Jises hawe oro lau tan, adek san au ala bolo kon ari badeh, badih ari nyaran Mata, iy luhi oro ala asiu tan. \v 39 Ma nadu tinen badih ari badeh, udu aliy ale, ya nyaran Mariya. Iy edek eme manyah udu kati Jises anuhun iy asehek sahou. \v 40 Eme Mata badeh, nunu-uh ta nadu tinen baseben iy ta amekes lahou hawen bwe. Eme iy ili hawe Jises tiye i tan anya, “Laban, ou batou nadu tine titili jo ta amekes lakou mari kada-ah bwe? Ou tiye iy keme kaseben jo!” \p \v 41 Ano Laban tiye, “Mata, ou tikisiy ma ou nunu-uh ta lakou solo-an labai. \v 42 Kandriyen ari le doh, udu ta Mariya ta anuhun sahou, idoh kandriyen mwasin, ya jo winiyan batiye iy ta aliy bwe.” \c 11 \s1 Jises leheya san ta asolom \r (Metiu 6:9-15; Metiu 7:7-11) \p \v 1 Na len ari badeh, Jises udu kon ari asolom. Iy amekes salom ano badeh, lau tan oro ari ndremenya iy anya, “Laban, ou leheya aso ta san ta asolom, i buku none Jon mene leheya oro lau tan.” \p \v 2 Eme Jises tiye i toro anya, “I buku none ado anya kasolom badeh, ado kasolom ki buku doh: \q1 ‘Tama aso, \q1 Nyaram badeh, ki ndrabun, \q1 Ma ou ame atondrok kon mari. \q1 \v 3 Ou atehei nyamon ki le winiyan ta aso kaimon, na len ari ari. \q1 \v 4 Ou mani kandriyen ndra-in taso, \q2 i le buku aso mani kandriyen ndra-in toro are lau le, amekes eme taso. \q1 Ma ou satehei aso sala bolo iri none, ndri-iy.’” \p \v 5 Ano ja iy tiye i toro, “I buku none ou ari kawas tam udu aliy, ya na ndrukulu ben badeh, ou ala hawe kawas tam anyar iy ta jabi ramen ma tolo-os, \v 6 tasah kawas tam ari badeh, udu len barame ai, ya eme ou nyamon ta amekes nan bwe. \p \v 7 “Eme kawas tam udu asiu anya, ‘Au, ou ame amak jo, na ben alih dah ta sah? Kou taso ndrala, ma naduk oro ale ndramadin. Ya jo winiyan basuri jo, ta edeu nam nyamon bwai.’ \v 8 Eme jo katiye tado kamwenen, ou badeh, kawas tan handru, arile iy winiyan basuri iy banyohan ou nyamon bwe. Arile, ta boto-on ta bwilima tam bwe, ou ndremenya ndremenya ja. Idah kameh, kawas tam kameh suri iy eme loken, anyohan ou na sasah ou aseken ta aliy. \p \v 9 “Eme ya jo katiye tado: Ado kandremenya, ya ado kameh akohok. Ado kasilah, ya ado kameh takalahei. Ado kalim kou, ya kou kameh asak tado. \v 10 Tasah, iy are lau ndremenya, iy kameh akohok. Iy are lau asilah, iy kameh takalahei. Ya iy are lau alim kou, ya kou kameh asak tan. \p \v 11 “Ya, i buku none ou badeh, a tama ari nah, ya iy kandremenya ou ta ari ni, ya ou badeu ni bwe? Ya, ou kameh adeu nan mwak ai? \v 12 O, buku iy kanyar ta ndrusu sirih, idah kameh ou atehei nan sabiyep ai? \v 13 Ya, ou tanam ou ndra-in, arile ou tanam ta adeu lakou mwasin ili na nadum oro, ou winiyan atanam handru, tama ado udu kandrah kameh sekesek labai ta edeu Malawin Ndrabun ale ili toro are lau ndremenya iy!” \s1 Jises hawe Belsabul \r (Metiu 12:22-30; Mak 3:20-27) \p \v 14 Ano udu, Jises tikahei malawin ndra-in udu la-u ndramak ari, mesekei iy basehek sahou bwe. Eme malawin ndra-in dah iu, ma ndramak dah asehek sahou ja. Eme ya iri lau boho iri asak. \v 15 Arile oro lau rayah anya, “Iy atikah malawin ndra-in iu tasah tinan tiri malawin ndra-in nyaran Belsabul badeh, edeu boto-on ili tan ta amekes lakou doh.” \v 16 Eme ya iri lau rayah badu bolo oro le badeh, ndremenya iy ma anya kanone iy, ta kamekes kalem badu kandrah ta leheya buku none iy amekes gok ta Kindrei handru. \p \v 17 Arile, Jises ndrandrei budon toro ndra-in tan, ya eme iy asehek toro i buk doh, “Ki buku none iri lau badu kon munyak tinan kapou iri ranah i len, ma ranah i len, ma iri amekes bahun, iri lau badu kon doh kameh andra-i. Ya, ki buku none, boho kamen ra-em kaseker, idah kameh, iri lau doh winiyan bales boto-on bwe. \v 18 Ya, ki buku none oro lau ta Satan kapou oro ki lumuk, ya, ki buku dah handru iy tan boto-on ta atondrok iri lakou? Jo asehek sahou ewek tado dah, tasah ado anya boto-on jo akohok dah, ta atikah iri malawin ndra-in au, badeh, ta Belsabul edeu eme tek. \v 19 Ya, ki buku none Belsabul aseben jo handru, ma jo katikah iri malawin ndra-in, ya are lau handru aseben iri lau taha ta atikah malawin ndra-in? Sebwe balik aseben oro nadeh? Iri gok oro lau tado amekes, leheya buku none sahou tado badeh, bamwenen bwe. \v 20 Arile ado kanuhun, i buku none boto-on ta Kindrei amwenen aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el. \p \v 21 “Ya, ki buku ari ndramak boto-on kandrei beteleu tan, ya iy katehei ndrokei ta asiu tan, idah kameh, lakou tan mari udu mwasin. \v 22 Arile, ki buku none ari ndramak boto-on ja, keme hawen uru kada uru, idah kameh, ndramak hamon nane, kameh idi iy ma kuhi lakou tan ta bahun kameh iu. Ano, iy akohok lakou tan mari ma atehei i tiri lau. \p \v 23 “Ya, eme are lau iy kawas tek bwe, iy ndramak ta amekes bahun eme tek. Ya are lau baseben jo ta atukum iri lau kame ka-en hamon ta Kindrei bwe, iy kameh atikah iri lau ka-en ndra len ta Kindrei. \s1 Malawin ndra-in eme hamon ja \r (Metiu 12:43-45) \p \v 24 “Buku none ari ndramak tikahei malawi ndra-in ereu la-u ari ndramak iu, malawi ndra-in doh iu laleyah i bolo kon lomale an ta iy katakaleh ari kon ja, iy kili aliy. Eme, buku iy batou ari kon mwasin ta iy ili aliy bwe, \v 25 iy kameh asehek, ‘Jo ndrawoyah ai, sebwe jo kili hamon kili asiu tek bwena mene jo ereu aliy.’ Eme iy ili hamon anyolom asiu nane ereu laleyah, ndrasahan ha-un, ma ndranyosowani kabwe. \v 26 Ehe, iy atou buku doh, eme iy ili hamon ja andrei oro malawi ndra-in ndro taloh ja sakalawi iy ta amekes kandriyen ndra-in. Ya oro kameh ala bolo asiu nane. Ya eme ndramak dah, bala buku bwena mene ja bwai, iy ndrandra-i labai ai.” \p \v 27 Eme Jises asehek sahou kahis le badeh, udu bolo iri lau mari nane dah, badih tasou ari aloh, “Sekesek handru labai i tare badih atehei ou, ma hawe nyohonei ou badeh.” \p \v 28 Arile, Jises tiye ja i buku doh, “Sekesek badeh, ki toro are lau anuhun sahou ta Kindrei, ma an hamon ta aliy.” \s1 Kalem ta propet Jona \r (Metiu 12:38-42; Mak 8:12) \p \v 29 Eme lau ame a sola badeh, Jises tiye i tiri anya, “Iri lau mwan ma badih ta len dah badeh, iri ndra-in handru. Iri ndremenya ta anya katou kalem, arile winiyan bwai, kalem ari le kameh iri atou, kalem ta Jona. \v 30 Jona badeh, i nyara kalem ta lau badu Ninibe na len bwena mene, ya jo Nadu Ndramak Awas ale, i nyara kalem ta lau na len dah. \v 31 Na len hamon ta Kindrei kameh atehei iri lau mari badu kon munyak dah ala ta mada sahou, badih tinan kabin badu kon tinan Seba, kon tan in loboho kum, kameh ales ereu ta mada sahou, iy kameh asehek ma nyowonya iri kandriyen ndra-in taha lau ta len hamon dah amekes. Tasah, iy badih kabin doh ereu len labai ta Isra-el, arile iy eme ta anuhun le kabin Solomon leheya iri tanan mwasin tan. Na dah, ndramak ari ereu ndrokowa ado, iy sakalawi ja Solomon, arile ado banuhun sahou, ma batubuni ndrine ado bwe. \v 32 Na len Kindrei le tanan ta edeu iri lau ala ta mada sahou, iri lau mwan ma badih badu Ninibe ale kameh ales ala ta mada sahou, ma iri kameh asehek sahou boto-on labai i taha lau ta len hamon dah. Tasah, iri lau badu Ninibe anuhun sahou Jona asehek, ma iri tubuni ndrine iri. Na idah, ndramak ari ereu ndrokowa ado dah, sakalawi ja Jona, arile ado banuhun sahou tan, ma batubuni ndrine ado bwe! \s1 Sun ta lomada lau \r (Metiu 5:15; Metiu 6:22-23) \p \v 33 “I buku none ari ndramak iy katelemei sun, iy winiyan batehei bala kon korohan bwe, ma hawe iy winiyan batehei bado bahandra bwekei bwe; iy kameh atehei udu ndrahunen loken. Ya, i buku none are lau eme anyolom kameh, iy eme asiu. \v 34 Mada ado badeh, i buku lomada sun ta atelem bolo oda ado. Ya, i buku none mada ado udu mwasin, badeh kameh bolo ado mara-ei idih na lomadan. Arile, i buku none mada ado ndra-in, idah kameh bolo ado kameh ilik. \v 35 Eme ya mada ado kaleu ta sun udu bolo ado badeh, samak. \v 36 Ya, i buku none sun lomatani bolo ado mari, ya sese lulik aliy bwe, idah kameh lomadan telemei kon mari. I buku none sun anya badeh, lomatani ado mara-ei.” \s1 Jises asehek sahou nyarahan i tiri Parasi hawe iri lau ta leheya kandriyen tiri Juwis \r (Metiu 23:1-36; Mak 12:38-40; Luk 20:45-47) \p \v 37 Eme ya sahou ta Jises ano le bohon badeh, Parasi ari andrei Jises i hawen aimon nyamon. Eme Jises ili manyah udu andri aimon nyamon. \v 38 Eme ya iy anyolom Jises badeh, basikine minen bwe, ya iy aimon nyamon, eme ya iy lomondra solo-an labai. \p \v 39 Ano Jises tiye i tan anya, “Ado Parasi badeh, sikine kona bwesam ma kona bwekei tado le, arile bolo ado badeh, ndrarahak le ko-ak hawe manahun ndra-in. \v 40 Ado bale ado bwe! Ndramak mene amekes konan badeh, iy ale amekes bolon. \v 41 Abo, i buku none ado anya kamekes kandriyen mwasin udu bolon ma konan badeh, ado kanyohan lakou udu bolo bwekei ki tiri lau tiri lakou bwe. Ma idoh kameh ado asahan mwasin. \p \v 42 “Ado Parasi, mada ado kaleu! Sisi-in laba tinan kameh ewek bwele-e ado! Ado badeh, apou la-ukei mint hawe la-ukei ruwe tado badeh, i ronoh, ronoh. Ano ado adeu ari ari badu bolo ronoh doh, i ta Kindrei. Ado ale, amekes i buku aliy i ta lakou mari badu bilin tado. Idoh mwasin, arile ado ndramani iri kandriyen ta tikisiy hawe kandriyen mwasin ta Kindrei. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale. \p \v 43 “Ya ado Parasi, mada ado kaleu! Sisi-in laba tinan ale kameh ewek bwele-e ado! Tasah, ado badeh, aseken le ta manyah ado bada bwabwai mwasin udu ndrahu tukum taha Juwis. Ma hawe ado badeh, aseken lau le badeh, kasumon ado hawe kamasiye ado an bolo ba-en. \p \v 44 “Ado ndranuhun! Sisi-in laba tinan doh kameh ewek bwele-e ado! Nyolom ta bada ado badeh, mwasin. Arile bolo ado badeh, ndrandra-i labai, tasah ado badeh, mahu ado ndrala. I buku none iri lau adek ame badeh, banyolom mada lek bwe. Ya eme iri adek bwele-en ma bales balesani iri.” \p \v 45 Eme ari badu bolo oro lau ta leheya kandriyen tiri Juwis badeh, tiye i ta Jises anya, “Ndramak ta leheya, ou asehek sahou badeh, eme orowei aso amwenen.” \p \v 46 Eme Jises tiye i hamon ja anya, “Ado lau ta leheya kandriyen tiri Juwis, mada ado kaleu! Sisi-in laba tinan ale kameh ewek bwele-e ado! Tasah, ado atisih lau na kandriyen malen solo-an labai ta iri ka-en hamon ta aliy. Arile, ado badeh, batehei mine ado ta aseben bwe. \p \v 47 “Ado ndranuhun! Sisi-in laba tinan doh kameh ewek bwele-e ado! Tasah, iri propet mene, tubu ado oro amwenen badeh, adai oro. Eme ado lowosa lek amwenen badeh, ta aliy ai. \v 48 Eme ya ado kede-eh asakau ado laleyah, i buku none tubu ado mene amekes. Tubu ado oro adai iri propet, ya ado badeh, kani ado ta a-eh lek ai. \v 49 Ado kanuhun kamwenen! Tasah, ta katin doh, na tanan ta Kindrei mwasin le, iy anya, ‘Jo kameh suni iri propet hawe iri lau ta batun tiri lau ta Kindrei, ala hawe iri. Ma idah kameh, iri adai iri propet rayah amak, hawe adai iri lau rayah ta batun tiri lau ta Kindrei kameh amak ma hawe bwese isi tinan.’ \v 50 Ya eme ado lau na len dah kameh a saluwe iri lau ala adai iri propet mene amak, kabatana munyak asahan le. \v 51 Udu ndra kabatana ndraye Ebol eme isos ndraye Sekaraya, mene adai iy ya ndrayen amou udu ndrokowa mada koto-ok ma asiu ta atudun. Eme jo bawendreya bwe, ado lau na len dah kameh a saluwe oro bwese isi mari doh. \p \v 52 “Ado lau ta leheya kandriyen tiri Juwis, mada ado kaleu! Sisi-in laba tinan ale kameh ewek bwele-e ado! Tasah, ado ndrasulu-i kou ta asiu ta akohok tanan handru ndrala. Eme ya ado amwenen ale, bala se bolon bwe, ya eme iri lau buku liliy anya ka bolon, arile ado aturuk san ta iri sala bolon.” \p \v 53 Ano, Jises udu hawe iri anya ki-iu badeh, iri Parasi hawe iri lau ta leheya kandriyen tiri Juwis badeh, asehek sahou ndra-in ta losen i tan, hawe lelen iy ta ndremenya solo-an. \v 54 Iri anya kamekes iy kasehek saba sahou ndra-in ya iri kabarah iy. \c 12 \s1 Wasai tiri Parasi \r (Metiu 10:26-27) \p \v 1 Udu, iri lau solo-an solo-an labai, ari ndramak winiyan bandromwei bwe, iri ame atukum ta anya kanuhun Jises. Eme ma kon aso mara-ei, ma rayah adek bwele-e rayah. Tasah, kon ari soson bwe. Ya eme Jises asehek sahou ma mwena i toro lau tan anya, “Mada ado badeh, kaleu ta yis tiri Parasi. Kandriyen ta wasai tiri doh badeh, i buku yis; sese le winiyan ta edeu ili bolo jabi ramen buruwen kolek. \v 2 Lakou mari ale aton kede-eh kameh asahan eme lewan, lau mari kameh anuhun ma atou na mada iri. \v 3 Ma saba lakou ado asehek hawe saba lakou ado tone badeh kameh asahan eme lewan mada lau mari. Ma hawe saba lakou ado ohei le ta aliy, udu bolo asiu kameh, iri are bwele-e ndrahu tukum tiri lau kameh asehek i tinan ta lau mari kanuhun. \s1 Ado badeh, kanoh Kindrei le \r (Metiu 10:28-31) \p \v 4 “Jo kasehek ki tado kamwenen ado kawas tek, ado sanoh tiri lau ale winiyan adai bada ado na dah. Badeh, iri adai bada ado le, arile iri winiyan badai malawi ado bwe. \v 5 Arile, jo anya kaleheya ado ta are handru kameh ado kanoh iy: Ado kanoh labai ta Kindrei, tasah iy winiyan idi ndramak imek, ano iy le tan boto-on udu aliy ta akeh ndramak doh, i bolo jih. Eme jo asehek tado dah badeh, ado kanoh iy. \v 6 Ado badeh, ndratana ado, iri lau asih sirih nadu bwisik ma limeh na luk bororoh saraman la-uh (2t) le, neh? Arile, tama ado badeh, atondrok sirih doh udu mwasin labai. Kindrei bamani iri ari se bwe. \v 7 Handru labai, Kindrei ale badeh, ndrandromwei lami batu ado mari, ya iy tanan ado mwasin labai. Ya, ado sanoh tiri lakou ndra-in iri lau anya kamekes kewek tado. Kindrei winiyan tondrokei ado handru. Ado kanuhun! Ereu budon ta Kindrei, iri sirih badeh, lakou laleyah, arile iy atondrok iri. Eme ya iy winiyan tondrokei ado areu mwasin labai ja. \s1 Are lau tiye iy anya, iy tanan Jises \r (Metiu 10:32-33; Metiu 12:32; Metiu 10:19-20) \p \v 8 “Ya, jo kasehek tado kamwenen, are lau ale asehek ili tiri lau mwan ma badih buku none iy badeh badu hawek, jo Nadu Ndramak Awas ale kameh asehek tiri angelo ta Kindrei buku iy ndramak doh badu hawek handru. \v 9 Arile, are lau asehek ta ndramak ari ja buku iy badu hawek bwe, jo ale kameh asehek i tiri angelo ta Kindrei buku iy lau doh badu hawek bwe ale. \v 10 Ma are lau oro asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau oro aluhe i bada nyara Malawin Ndrabun, Kindrei winiyan bamani kandriyen ndra-in tan doh bwe. \p \v 11 “Ya, i buku none iri katehei ou ales are ta sahou, are bolo asiu ta atukum deh, iri katehei ou ales are mada iri lau ta atondrok kon, badeh, ou sabwerei ou, ta saba sahou kameh ou asehek ta aliy. Ado sabudon sandra-i, ndri-iy. \v 12 Na le bolo len doh kameh Malawin Ndrabun kameh leheya ou ta sahou ou kameh asehek.” \s1 Sahou sokek ta ndramak tan lakou solo-an labai \p \v 13 Eme ndramak ari udu bolo iri lau nane doh, tiye i ta Jises buku doh, “Ndramak ta leheya, ou tiye ki ta nadu tine badeh, kapwai lakou ta tama aru ki le winiya aru.” \p \v 14 Eme Jises tiye i tan i buku doh, “Ou den, are lau tiye tam anya, jo kanuhun sahou ta apou lakou ta tama ah, ki ta ah nadu tinem?” \v 15 Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.” \p \v 16 Ano Jises asehek sahou sokek ari doh, i ndranye oro: “Bilin ta ndramak ari tan lakou solo-an badeh, ato-ou sali iri badeh, solo-an. \v 17 Eme iy lomondra anya, ‘Idah kameh, barala buku sah bah? Jo ari kon ta adeu iri nyamon tek marakon ki aliy bwai.’ \p \v 18 “Ano iy anya, ‘Jo kamekes ki buku sah bah? Sebwe jo badeh, kamekes ki buku doh: Jo katokosei asiu ta nyamon ki-iu, ya jo katahiy ki tinan ja. Idoh kameh, winiya iri nyamon hawe iri lakou tek mwasin mari i bolon ai.’ \v 19 Ano iy le asehek nyalan anya, ‘Jo badeh, lakou tek solo-an labai, winiyan udu andrei jaha solo-an. Idah kameh, mesekei jo sekesek ma a-un gwa, tasah manyah tek ndramwenen kabwe.’ \p \v 20 “Arile, Kindrei tiye i tan anya, ‘Balem bwe, na ben dah kameh ou amak; ya lakou tam mari doh kameh ki tare bah?’ \p \v 21 “Lakou i buku doh kameh asahan i tare lau, i buku iy anya katukum lakou sola sola badu munyak; arile ta mada Kindrei badeh, lakou doh, bala mwasin ta madan bwe.” \s1 Ado sabwerei \r (Metiu 6:25-34) \p \v 22 Ano Jises tiye i toro lau tan: “Ado sabwerei ta manyah tado, saba lakou kameh ado aimon, ma ta bada ado ale, saba lakou kameh ado kataliye. \v 23 Koha ado sakalawi nyamon, ma bada ado sakalawi kalawi ado ale. \v 24 Ado kanone kanyolom iri sirih se: Iri batah nyamon bwe, ma iri babwe-eh nyamon bwe. Ma hawe iri ari asiu ta asumwe nyamon bwe, arile Kindrei le badeh, anyohan iri. Udu budon ta Kindrei ja badeh, iy kameh atondrok ado udu mwasin labai ja tiri sirih! \v 25 Buku ado abwerei ta iri lakou doh, idah kameh winiyan edeu ari len ja ili hawe len ta manyah tado, ta ado luluwen deh? Bwe! \v 26 I buku none ado winiyan bamesekei lakou nadu bwisik doh bwe, ya i buku sah ado abwerei ta lakou mari? \p \v 27 “Ado kanone kanyolom iri kanyeu ateh se. Ya iri babo gok bwe, ma iri bamekes kalawi iri bwe. Arile, jo katiye tado, bwena mene kabin Solomon asini iri awin tan mwasin mara-ei handru ano, arile nyasou tiri kanyeu ja sakalawi nyasou ta kabin Solomon. \v 28 Idah Kindrei edeu nyasou ma awin ili tiri bwidiu badu lokei, iri bwidiu ado na len dah, ano na len bi-i akeh iri au ala bolo jih ta asun iu. I buku sah, sebwe Kindrei winiyan badeu kolau ma awin bawek tado bwe nadeh? Budon tado handru tinan bwe? \v 29 Ya ado sabudon sandra-i ta saba nyamon kameh ado kaimon, hawe sabwerei ta saba gwa kameh ado ka-un, ndri-iy. \v 30 Tasah, iri lau badu kon munyak tinan mara-ei aseken ma asilah iri lakou doh. Ado sala buku iri, tasah tama ado Kindrei iy tanan saba lakou ado aseken. \v 31 Arile, ado kanyolom bwena kili ta tondrok ta Kindrei op. Ano ya iri lakou doh Kindrei kameh edeu ewek tado. \s1 Ado badeh katakaleh tado kohei kohoya luk udu kandrah \r (Metiu 6:19-21) \p \v 32 “Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen. \v 33 Eme lakou tado mari badeh, kasihinei ki-iu ta luk ya luk ta aliy badeh, ado kadeu ki tiri lau lakou bwe. Ado badeh, katakaleh tado kohei kohoya luk udu kandrah; lakou winiyan ta apus bwe, hawe winiyan ta amu-uk bwe, ma hawe iri lau ta bahana winiyan babene-ei bwe. \v 34 Tasah, i buku none ou tam lakou solo-an udu bolo munyak dah, kameh mesekei ou abudon solo-an ta aliy. \s1 Mada ado kasak kudu le \r (Metiu 24:42-44) \p \v 35 “Ado badeh, kanyasou, hawe kalokou ado, ma katelemei sun tado kudu le, koro-an lakou kasahan, \v 36 ki buku none iri lohowan abe-en ndramak ta kati asiu udu ta molak eme hamon. Ya i buku none iy eme asumon, oro kameh sulu-i kou asak tan. \v 37 Idah kameh, udu mwasin toro labai, tasah mada oro badeh, bamadin bwe, na len ndramak ta kati asiu asahan. Eme ya jo katiye tado kamwenen, idah kameh, iy asini awin ta lohowan tan, ano iy tiye oro manyah ado andri ano iy bwese nyamon i noro. \v 38 Ma idah kameh, mwasin labai i toro lohowan, i buku none ndramak ta asiu eme anyolom oro badeh, abe-en. I buku none iy eme na ndrukulu ben deh, na boho len badeh, oro ndra abe-en iy le. \p \v 39 “Arile, budon tado kaleu ta tanan doh: Buku none tama asiu i tanan saba mada an handru iri lau ta bahana kameh ame apou asiu tan, iy kameh atehei ndrokei, tasah iy winiyan bamukuni iri lau ame apou asiu tan bwe. \v 40 Ya, buku none ado ale, ado kalokou ado na len mari. Tasah, Nadu Ndramak Awas kameh asahan na len ado batehei budon ta iy eme bwe.” \s1 Lohowan mwasin ma lohowan ndra-in \r (Metiu 24:45-51) \p \v 41 Eme Pita anya, “Laban, ou tiye sahou sokek badeh, eme tahi mari deh, bwe, eme taso lau tam le?” \p \v 42 Eme Jises tiye i hamon ja anya, “Are lau iy mwasin ta gok, ma iy budon mwasin? Iy don adeh, tinan tan kameh atehei iy ta atondrok iri lau tan ra-on ja an bahandran ta adeu niri nyamon na len ari, ari, iy le tanan. \v 43 Sekesek handru in bwele-e ndramak doh, buku none tinan tan eme takalahi iy amekes gok tan mwasin. \v 44 Jo tiye tado handru, tinan tan kameh atehei iy ta atondrok iri lakou tan mari. \v 45 Arile, buku none iy lau ta gok tan nane katiye anya, ‘Ndramak ta asiu doh kameh winiyan bame suwi bwe,’ ya iy kameh a-um iri lau mwan ma badih ta gok. Ano iy aimon nyamon aimon aimon, ano iy a-un gwa boto-on a-un a-un, ma iy ibo lolo-ou. \v 46 Ya, na len ari, tinan ta ndramak nane ta gok kameh eme hamon na len iy ndramak nane tanan bwe. Tinan tan kameh sani iy i lunah, ma mesekei iy akohok maha-an buku le iri lau ta tebelese mene. \p \v 47 “Ya ki buku none ari lohowan tanan lahou ta tinan tan, ya iy bamesekei bwe, idah kameh, iy bwese maha-an tinan labai. \v 48 Arile, i buku none ari lohowan bala tanan lahou ta tinan tan bwe, ya iy amekes lahou laleyah, idah kameh, adai iy udu, le udu. Ma i buku none are lau akohok lakou solo-an labai, badeh, iy kedeu solo-an ale, ki hamon; ma i buku none are lohowan katondrok lakou solo-an kudu bahan, iy badeh, kamekes lahou kirih le gwek. \s1 Jo eme ta amekes mondrei bwe, jo eme ta apou lau \r (Metiu 10:34-36) \p \v 49 “Jo eme dah badeh, ta asun kon munyak. Ki jo aseken handru mene badeh, jih ndranya! \v 50 Arile, jo kameh ilih bolo isi udu mwena tek eme, eme ya jo aseken keme suwi ya lokohak! \v 51 Ado anya jo eme munyak dah, ta amekes mondrei? Bwe! Jo katiye tado kamwenen, jo eme kameh ta apou lau. \v 52 Na dah kameh, oro limeh badu boho kamen ra-em le, arile idah kameh apou oro, taloh a bilisiu ya la-uh a bilisiu ma oro andra-i. \v 53 Idah kameh, oro apou oro, taman kameh andres i la-u nadun mwan, ma nadun ale kameh andres i la-u taman. Ya tinen kameh andres i la-u nadun badih, ma nadun badih ale kameh andres i la-u tinen. Ya salahun uru kayon kameh andres uru, i le buku aliy.” \s1 Seleya mada kon \r (Metiu 16:2-3) \p \v 54 Eme Jises tiye i tiri anya, “I buku none ado atou kon abakak udu loboho an i andri, idah kameh, ado tanan, ur kameh eme. Ma idah kameh asahan handru. \v 55 Ya, i buku none ado atou jor lan atohou badeh, ado tanan, idah kameh lolan. Ma idah kameh asahan handru. \v 56 Bale ado bwe! Ado atou kalem ere bolo kandrah ma munyak, ma tiye amwenen. Arile, buku sah ja ado winiyan batou ma baleheya bamwenen iri kalem ta len dah bwe? \s1 Buku ndramak atehei ou a ta sahou \r (Metiu 5:25-26) \p \v 57 “Ya buku sah ado winiyan ta amekes budon ta kandriyen mwasin bwe? \v 58 Ki buku none ari ndramak tan losen udu tam ya iy katehei ou a ta sahou, ya sahou kahis le, badeh, ou ala hawen ya ah kasehek ta aliy bwena. I buku none ou bala bwe badeh, iy kameh seheyani ou ala mine iri lau ta anuhun sahou. Ano iri lau ta anuhun sahou kameh tiye iri lulik atehei ou ala bolo asiu lulik. \v 59 Jo katiye tado kamwenen, ado winiyan bame len bwe, winiya le ado sihinei labai na luk in hamon ta maha-an tado.” \c 13 \s1 I buku ou batubuni ndrinem bwe, ou kameh amak \p \v 1 Ya eme lau rayah are hawe oro na len doh mene tiye i ta Jises ta nyala ndraye iri lau rayah badu Galili badeh, Pailat ndrasolowei ndrala hawe katin haka ta asun ta salom tiri. \v 2 Eme Jises anya, “Ado abudon i buku sah handru? Ado anya oro lau badu Galili adai oro doh badeh, lomondra ndra-in ma karei toro sakalawi karei ma lomondra ndra-in tiri Galili mari deh bwe? Tasah, oro amak i buku doh? \v 3 Jo katiye tado kamwenen: Bwe! Arile, i buku none ado batubuni ndrine ado bwe, idah kameh, ado amak i le buku aliy. \v 4 Ya ado kanone kabudon oro lau ma ronoh ndru la-uh (18) mene asiu boko bek lawe tihisi oro ado Silowam se? Ado badeh, abudon anya oro doh badeh, ndra-in labai ja, sakalawi oro lau are Jerusalem dan ai? \v 5 Bwe! Jo katiye tado kamwenen. Arile, i buku none ado batubuni ndrine ado bwe le, badeh kameh ado amak i le buku aliy.” \p \v 6 Ano Jises asehek sahou sokek nyala ndramak ari anya: “Ndramak ari mene badeh, tahi kei pik udu bolo bilin tan. Ano iy anya kili katou kei doh, ndrato-ou salin deh bwe. Eme iy ili tandrana tandrana, arile iy banyolom ari bwe. \v 7 Eme iy tiye i ta ndramak ta atondrok anya, ‘Jaha taloh ai, jo eme anya katou kei pik dah, ta salin ya eme, jo se batou ari salin bwe. Kei pik kede-eh a-un gwa ta munyak laleyah, ya eme kamwetehei ki-iu!’ \p \v 8 “Arile, ndramak ta atondrok bilin anya, ‘Ndri-iy, kudu gwek jaha ari dan op, ya jo kanone kawudi na lek ya jo kakeh sisoh ki mwe-en. \v 9 Ki buku none ato-ou salin na jaha eme eh, mwasin ai, ya i buku none bwe eh, badeh, baramwetehei bara-au ai.’” \s1 Badih ari ndrokonan ihun Jises bwidi iy amwenen ja na len ta amunyau \p \v 10 Na len ta amunyau ari, Jises leheya iri lau udu asiu ta atukum tiri Juwis. \v 11 Eme badih ari udu aliy badeh, malawin ndra-in ndramesekei konan ndrahun, andrei jaha ronoh ndru la-uh (18) ai. Eme iy winiyan bales bwe, iy akor le. \v 12-13 Eme Jises anyolom iy ma iy luhi iy eme mwena. Ano iy atehei minen i badan, ma tiye i tan anya, “Badih den, ndrokonam ndramwenen!” Eme konan ales ja ma iy atudun Kindrei. \p \v 14 Eme ndramak ari batun ta atondrok ndrahu asiu ta atukum badeh, ibolosen ta Jises nane mesekei badih doh badeh, udu bolo len ta amunyau. Eme ndramak dah, asehek eme lewan i tiri lau i buku doh, “Taha badeh, atehei len onoh le, ta taha kamekes lahou; ya buku none ou anya amekes lahou badeh, ou amekes kudu bolo oro len doh. Ya na len ta amunyau badeh, ou samekes lakou!” \p \v 15 Eme Laban tiye i tan anya, “Ado ta wasai! Sebwe ado kede-eh batalou iri oks hawe donki na len ta amunyau, ma basariye iri bala ba-un gwa bwe nadeh? \v 16 Ya ado abudon i buku sah handru ta i badih, badu boho kamen ta Abraham dah, Satan mesekei ndrokonan badeh, samwenen na len ta amunyau?” \p \v 17 Ya eme sahou iy tiye dah badeh, mesekei iri lau heh budon tiri ndra-in udu tan badeh, bwili iri ama. Arile, iri lau buku liliy badeh, sekesek labai ta lakou mwasin iy amekes. \s1 Sahou sokek ta buwa kei aloh mastet hawe yis \r (Metiu 13:31-33; Mak 4:30-32) \p \v 18 Ano Jises ndremenya, “Bolo tondrok ta Kindrei badeh, i buku sah handru? Jo kasehek ki buku sah bah? \v 19 Bolo tondrok ta Kindrei badeh, i buku none buwa kei ari aloh mastet, ndramak tahi in bolo bilin tan. Iy ateh eme loken ma i tinan, ya iri sirih atah ame amekes awi iri udu bada andran.” \p \v 20 Ano iy ndremenya ja, “Ya eme jo kasehek bolo tondrok ta Kindrei ki bada sah handru bah? \v 21 Bolo tondrok ta Kindrei badeh, i buku none yis, badih andrei ya iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.” \s1 Madasan bwisik \r (Metiu 7:13-14; Metiu 7:21-23) \p \v 22 Ano Jises edek ma atiye sahou i tiri lau badu bolo kon tinan, ma i tiri lau badu kon bwisik, ma ili ales ili Jerusalem. \v 23 Eme ndramak ari ndremenya anya, “Laban, idah kameh, lau rayah le kameh koha iri bano bwe? I buku none iri ala baha tondrok ta Kindrei?” \p Eme iy tiye i toro, \v 24 “Ado badeh, kabadok ado ta ala madasan bwisik. Tasah, jo katiye tado kamwenen, iri lau solo-an anya kanone ta ala bolon, arile iri winiyan bwe. \v 25 Eme ya ki buku none, ndramak ta ali asiu udu bolo asiu, ya iy kasulu-i kou kili, ya ado badeh, kare manan, kaloh anya, ‘Laban, ou sulu-i kou, aso anya kawek asiu.’ Arile ndramak ta ali asiu kameh anya, ‘Ado badu heh badeh? Jo tanan ado bwe oh!’ \p \v 26 “Ano kameh ado tiye anya, ‘Aso mene aimon nyamon hawe a-un gwa hawem en, ma ou mene leheya aso an bolo kon taso en!’ \p \v 27 “Arile, idah kameh, iy tiye i toro anya, ‘Jo tanan ado bwe oh! Ya ado are heh ame dah? Ado same madak. Ado ka-au! Ado badeh, lau ta amekes kandriyen ndra-in labai!’ \p \v 28 “Idah kameh, akeh ado ame len ta baha tondrok ta Kindrei, ala bolo jih, ya ado kameh aden, ma andrebek lihi ado, tasah ado kameh anyolom Abraham, Aisik hawe Jekop ma hawe iri propet mari are baha tondrok tan. Arile, ado le, bwai! \v 29 Ma idah kameh, iri lau badu leheleh kameh ame, badu loboho an eme loken, ya iri lau badu loboho an i andri, hawe iri lau badu kum, hawe iri lau badu tolau, kameh akohok ndrahune iri ta manyah ta nyamon tinan ado baha tondrok ta Kindrei. \v 30 Handru labai, idah kameh, lau rayah badu ndrobek kameh ala mwena, ya lau rayah badu mwena kameh ame ndrobek.” \s1 Jises tikisi Jerusalem \r (Metiu 23:37-39) \p \v 31 Na len doh, iri Parasi rayah ame hawe Jises tiye i tan anya, “Ou au a kon ari ja. Kabin Herot anya kidi ou!” \p \v 32 Arile, Jises tiye i toro, “Ado kala katiye ta mwi badu lokei badeh, anya, ‘Jo kameh udu gwek atikah iri malawin ndra-in au, hawe amekes iri lau sik udu tiri iu na dah, ma hawe na bi-i, ano na atoha, lahou tek barano adeh. \v 33 Aliy ai, arile bwai, jo na dah hawe na bi-i ili isos atoha badeh, jo ndrado Jerusalem ai, tasah udu bolo oro len doh nane ari propet badeh, winiyan bamak bare ari kon buku liliy bwe. Iy imek udu Jerusalem amwenen.’ \p \v 34 “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile, ado bwale ado! \v 35 Nadah asiu ta salom tado kameh udu laleyah. Eme, jo katiye tado kamwenen, ado winiyan batou jo ja bwe, winiya le len hamon kameh ado anya, \q1 ‘Kasekesek ki ta ndramak doh iy eme ta nyara Laban.’” \rq Wari 118:26\rq* \c 14 \s1 Jises udu asiu ta Parasi ari \p \v 1 Na len ta amunyau ari, Jises aimon nyamon udu asiu ta tinan tiri Parasi ari. Eme iri badeh, atehei mada iri udu tan. \v 2 Eme udu batalan badeh, ndramak ari badeh, sik pis udu ta bohan hawe katin. \v 3 Eme Jises ndremenya oro Parasi hawe iri lau tanan ta leheya kandriyen tiri Juwis anya, “Mwasin ta amekes ndramak amwenen na len ta amunyau deh bwe?” \v 4 Eme iri badeh, ari sahou bwe. Ya eme iy tawi ndramak dah, ma mesekei iy amwenen ma hawe tiye iy iu. \p \v 5 Ano Jises ndremenya oro anya, “Ya, ki buku none ari nadu ado, deh ari katin haka tado oks, kataku ki bolo lek na len ta amunyau. Ado tana ado, sebwe ndramak nane winiyan tawi iy ma aluwi iy eme loken nadeh? Handru, iy ibo gok na len ta amunyau, tasah buku none iy bamekes bwe eh, iy kameh imek neh?” \v 6 Eme oro ari sahou bwe. \p \v 7 Eme Jises atou oro lau ame ta nyamon dah badeh, soso-on ndrahu manyah tiri lau tinan udu mirihik ta nyamon, ya eme iy asehek sahou sokek i toro anya, \v 8 “I buku none ari ndramak katiye ou ala aimon nyamon ta molak hawen, ou badeh, sasoso-on sala bwena, hawe iri lau tinan. Koro-an ari ndramak udu bale iri kodo-oh ja, iri aseken iy. \v 9 Ki buku i handru kameh, ndramak ta kati nyamon kameh suni ndramak ta tiye ou nane, ame kameh tiye tam anya, ‘Ou suri ou, ya ndramak dah kamanyah kudu badeh.’ Ano kameh bwilim ama andra-i, ma ou ala manyah are ndrobek. \v 10 Arile, i buku none iri katiye ou ala ta aimon nyamon badeh, ou manyah are ndrobek. Ya i buku none ndramak ta kati nyamon eme atou ou kameh anya, ‘Kawas tek, ou ame manyah ame ndrahu manyah mwasin udu bwena kada-ah.’ Ma idah kameh, iri tinan kameh barala tanan ou ai, ta ou badeh, ndramak ari awas. \v 11 Eme ya, i buku none are lau anya katudun iy ki loke, iy kameh ari nyaran bwe. Ya are lau amekes iy i buku iri nah nadu bwisik, idah kameh, nyaran i tinan.” \p \v 12 Ano Jises tiye i ta ndramak nane kuhi iy aimon nyamon hawen anya, “I buku none ou awer nyamon tinan, badeh, ou sakohok iri kawas le, ma ou sakohok nadu tinem oro le, ma hawe ou sakohok lowam oro le, ma hawe ou sakohok iri lau lakou tiri solo-an, asiu tiri udu ka-u asiu tam le; i buku none ou akohok oro, idah kameh, oro akohok ou ala hawe oro ja, i saluwe ou mene akohok oro. \v 13 Arile, i buku none ou awer nyamon tinan badeh, ou akohok iri lau tiri lakou bwe, ou akohok iri lau boha iri imek, hawe kati iri imek, ya ou akohok iri lau bada iri imek, ma hawe iri lau mada iri bwe, kawek kaimon nyamon hawem. \v 14 Ya idah kameh, ou akohok nyosowan ta aliy. Tasah, iri badeh, lakou bwe, eme ya iri badeu saluwen bwe, arile idah kameh, ou akohok bundruwe nyamon tam na len iri lau mwasin amak, ame loken.” \s1 Sahou sokek ta nyamon tinan \r (Metiu 22:1-10) \p \v 15 Eme ndramak ari badu bolo oro ta tukum ta nyamon tinan anuhun sahou Jises asehek badeh, eme ma iy tiye i ta Jises, “Are lau aimon nyamon udu baha tondrok ta Kindrei eme kameh, iy badeh, kasekesek.” \p \v 16 Eme Jises anya, “Ndramak ari badeh, iwer tine nyamon, ya eme iy atehei sahou i tiri lau solo-an labai, ta ame. \v 17 Eme na len ta nyamon amwenen, ndramak ta iwer nyamon suni lohowan tan ari ili, ta tandra-un iri lau mene sahou i tiri badeh, anya, ‘Ado kame, lakou mari ndra lokowaniy ndrano.’ \p \v 18 “Arile, iri mari badeh, ari bala bwe, iri anya tiri gok le. Eme iy ari ma mwena eme, tiye anya, ‘Jo badeh, tikisiy handru en, jo barasihinei bilin ranah ai, ya eme jo kili katou op.’ \p \v 19 “Ano iy ari ja ili tiye anya, ‘Jo badeh, tikisiy handru en, jo barasihinei bulumakau ma ronoh ai, ya eme jo ki-iu kaseu uru la-uh la-uh kase, ma kanone oro ta apou ndren.’ \p \v 20 “Ano ari ja eme anya, ‘Jo bawek bwai, tasah jo barala tasou ai.’ \p \v 21 “Ano lohowan dah, iu i hamon tandra-un ta ndramak ta iwer nyamon tan dah. Eme ndramak ta iwer nyamon nane dah, ibolosen, ma tiye lohowan tan dah, anya, ‘Ou ala suwi ala bolo kon badeh, kuhi iri lau tiri lakou bwe kame, ou kuhi iri lau mine iri imek hawe kati iri imek, ou kuhi iri lau mada iri bwe, ma hawe iri lau bada iri imek, ala ado loboho heh, loboho heh, bolo kon badeh, kame.’ \p \v 22 “Ano lohowan dah anya, ‘Tinan tek, sasah ou tiye badeh, ndrano, arile asiu baso bwe le.’ \p \v 23 “Ano ja, ndramak ta kati nyamon dah, tiye i ta lohowan tan anya, ‘Ou ala loboho san tinan hawe san bwisik hawe lobwilis badeh, tiye iri lau kame, ya bolo asiu tek kidih.’ \v 24 Eme jo katiye tado kamwenen, idah kameh oro lau mene sahou i toro mwena badeh, winiyan baimon nyamon dah bwe.” \s1 Ou anya asahan lau ta Kindrei, ou abudon kamwenen op \r (Metiu 10:37-38) \p \v 25 Eme ya iri lau solo-an badeh, are hamon ta Jises, eme iy tubuni batalan i hamon i tiri ma iy tiye: \v 26 “I buku none are lau anya ki-in hamon tek, iy badeh, karuwani tinen uru taman, ma iy karuwani udun hawe nadun oro, ma iy karuwani nadu tinen oro mwan hawe badih. Ma hawe kohan ale, iy sabwerei labai ta aliy. Ya, i buku none iy abudon iri lakou doh tinan labai, badeh, iy ma nah bwisik kahis le, ma iy winiyan basahan lau tek bwe. \v 27 Ma are lau mwan ma badih balokou iy ta imek bwe, ta ereu hamon tek, buku none ndramak ta imek iy kabwese kei tondreh tan amwenen, iy badeh, winiyan basahan lau tek bwe le. \p \v 28 “Ya, i buku none ari tado anya katah bokok, badeh kameh iy winiyan batah bwena bwe op. Idah kameh, iy manyah mwena lomondra ta luk sabe kameh winiyan ta tahi asiu bokok, deh bwe. \v 29 Ya, i buku iy banyolom bolo luk bwena bwe, ya iy katehei ndru kili ya bano bwe; idah kameh, iri lau atou kameh, iri kabobose iy anya, \v 30 ‘Katou iy, iy anya katah asiu ki loke badeh, bano bwe.’ \p \v 31 “O bwe em, ki buku none ari kabin kili kamekes bahun i ta kabin ari ja. Idah kameh iy manyah ma lomondra op, ‘Oro lau ta bahun tek ma 10,000 kada-ah winiyan adai oro lau ta bahun ta kabin ma 20,000 kodo-oh, deh bwe?’ \v 32 I buku none iy winiyan bwe; ya iy kabin ari nane in ndra len kahis le, iy kameh suni oro lau ala tandra-un i tan ta bahun ndri-iy ai, oro kado le ai. \v 33 I le buku aliy, i buku none are tado baruwani lakou tan mari bado api bwe, badeh, iy winiyan basahan lau tek bwe. \s1 Sahou sokek ta ndras \r (Metiu 5:13; Mak 9:50) \p \v 34 “Ndras badeh, mwasin, arile i buku none nyakadan tan ki-iu, idah kameh, ou baramesekei nyiminye ndras doh barame hamon barala buku sah bah? \v 35 Idah kameh, iy winiyan bakahei bala bwele-e munyak ta amekes munyak amwenen, bwe. Idah kameh akahei iu. I buku none ou are lau ndranyem udu aliy, ou anuhun!” \c 15 \s1 Sahou sokek ta sipsip amai \r (Metiu 18:12-14) \p \v 1 Ano iri lau ta akohok luk\f + \fr 15:1 \ft Iri lau ta akohok luk ta takis tiri lau, arile iri ale ta bahana luk tiri lau. I buku none iri kandrei ronoh, idah kameh, iri adeu ronoh ja i bohon, kameh i lunoh. Ronoh doh kamen eh, i bolo mine oro ai.\f* ta takis, hawe iri lau ta amekes karei ma lomondra ndra-in ame awudi Jises, ta anuhun sahou tan. \v 2 Eme ya iri Parasi hawe iri lau ta leheya kandriyen tiri Juwis badeh, nunu-uh anya, “Iy ndramak kede-eh, aseken iri lau ta karei ma lomondra ndra-in hawe aimon nyamon hawe iri.” \p \v 3 Ano Jises tiye sahou sokek doh i toro, \v 4 “Ya, i buku none ari tado sipsip tan ma rinek (100) udu aliy, ya buku none ari sipsip tan kamai; sebwe iy winiyan bala batakaleh bwe nadeh? Neh? Bwe labai. Iy kameh ruwani oro sipsip tan ma ndro ronoh ndro ari (99) nane ado lobwidiu are gwek. Ya idah kameh, iy ili takaleh ari nane amai dah, iy takaleh, takaleh ndra iy takalahei iy labai. \v 5-6 Ya, i buku none iy katakalahei iy, idah kameh, iy sekesek handru ma bwese-ei iy kameh udu kasen ma uru au a kon. Ano kameh, iy luhi oro kawas tan hawe oro lau badu mirihik ta asiu tan ame anya, ‘Ado kame kasekesek hawek, ta sipsip tek mene amai, jo ndratakalahei iy ja.’” \v 7 Eme Jises anya, “Jo katiye tado kamwenen, idah kameh i le buku aliy; sekesek laba tinan labai kameh udu kandrah i buku none ari ndramak ta karei ma lomondra ndra-in katubuni ndrinen. Sakalawi oro lau ma ndro ronoh ndro ari (99) mene oro anya oro mwasin, arile oro batubuni ndrine oro bwe. \s1 Sahou sokek ta luk bororoh amai \p \v 8 “Ya, i buku none ari badih badeh, tan luk ronoh bororoh udu aliy, ya ari kamai. Idah kameh, iy telemei sun ma andrei sisir, asir bolo asiu, asir asir, winiya le iy baratakalahei. \v 9 Ya, i buku none iy takalahei, idah kameh, iy tiye oro kawas tan hawe oro lau asiu toro udu mirihik tan kameh ame ma iy anya, ‘Jo ndratakalahei luk tek bororoh ari mene amai, ado kame kasekesek hawek.’ \v 10 Idah kameh, i le buku aliy; iri angelo badu kandrah kameh sekesek ado mada Kindrei i buku none, ari ndramak katubuni ndrinen.” \s1 Sahou sokek ta nah mwan ari ruwani taman \p \v 11 Eme Jises asehek ili le anya: “Ndramak ari badeh, nadun mwan ma la-uh udu aliy. \v 12 Eme iy bahan tiye i ta taman anya, ‘Tama ou atehei lakou tek keme ai.’ Eme tama uru apwai lakou tan mari badeh, i turu. \p \v 13 “Se luwen bwe, iy bahan eme tukumwi lakou tan mari ma sihinei i ta luk. Eme iy andrei luk ma iy iu ili kon munyak tinan ari. Eme iy sabarani luk tan badeh, i ta lakou laleyah. \v 14 Udu hamon ta luk tan mari anya kano, kon munyak doh badeh, nyamon bwe. Eme badeh, iy nyamon bwe. \v 15 Eme iy ili amekes lahou ta ndramak ari badu kon munyak doh, eme iy suni iy ili anyohan iri bou tan. \v 16 Iy badeh, abudon anya, ‘Jo kini ku-i ndrakeyam ala bou aimon kede-eh kameh, son tek iu ai.’ Arile, ari ndramak banyohan se nyamon bala nan bwe. \p \v 17 “Ano iy lomondra i hamon anya, ‘Jo kada-ah anya kimek ta son! Ya oro lau ta lahou ta tama badeh, aimon nyamon solo-an labai, ma nyamon badeh, erah. \v 18 Jo ki-iu ki hamon hawe tama, ya jo katiye tan ki buku doh: Jo badeh, amekes kandriyen ndra-in i ta Kindrei ma i tam. \v 19 Jo badeh, mwasin ta asahan nadum ja bwai; jo badeh, kasahan i buku none iri lau ta lahou tam.’ \v 20 Eme iy suri iy, ma edek iu ili hamon hawe taman. Arile, iy udu ndra len kahis le badeh, taman atou iy ma ndrinen eden tan. Eme taman sakaliye ili badeh, akabah i la-un ma tawi iy. \p \v 21 “Ano nadun tiye i tan anya, ‘Tama jo badeh, amekes kandriyen ndra-in i ta Kindrei ma i tam. Jo badeh, mwasin ta asahan nadum ja bwai.’ \p \v 22 “Arile, taman tiye i ta lohowan tan anya, ‘Ou ala suwi andrei ari awin mwasin ha-un, keme kasini ki la-un. Katehei ring ki andra limen hawe kasini ku-i katin kili. \v 23 Kadai bulumakau kasen, ya to kamekes nyamon tan, ma kasekesek. \v 24 Tasah, jo anya, naduk dah mene ndramak, arile iy bamak bwe; iy mene amai, arile iy ndrasahan ja.’ Eme iri amekes nyiminye aliy. \p \v 25 “Ya nadu tinen bwele-en badeh, udu ndra lokei. Iy eme mirihik ta asiu badeh, iy anuhun ndran hawe lau ada mana. \v 26 Eme iy luhi lohowan ari eme, iy lelen iy, ‘Iri amekes sasah doh?’ \v 27 Eme lohowan anya, ‘Nadu tinem mene badeh, ndrame hamon ja. Ya eme tamam badeh, idi bulumakau kasen i ta aimon tan, tasah iy badeh, bamak bwe, iy ma mwasin le ndrame hamon ja.’ \p \v 28 “Eme nadun bwele-en badeh, ibolosen, eme iy bwalen ta i bolon. Eme taman eme manan indrek iy, ta ki bolon. \v 29 Arile, iy tiye i ta taman anya, ‘Ou anyolom se! Na jaha ndra-au, ndra-au badeh, jo amekes lahou tam i buku none iri bonyo-ou, ya jo batebelese sese ta bohom bwe. Arile, ou badeh, batehei ari me kasen bame ya jo hawe iri kawas tek basekesek bwe. \v 30 Arile, nadum dah mene sabarani luk tam iu laleyah i tiri badih ta madasan, ya iy eme hamon ja badeh, ou adai bulumakau kasen i nan!’ \p \v 31 “Eme taman anya, ‘Naduk, ou badeh, badu hawek ya lakou tek mari kameh i tam. \v 32 Arile, naduk, to badeh, kasekesek hawe kamekes nyiminyen, tasah aso anya iy mene ndramak, arile iy bamak bwe; iy mene amai, arile iy ndrasahan ja!’” \c 16 \s1 Sahou sokek i bada lau ta wasai \p \v 1 Ano Jises asehek sahou sokek ari i toro lau tan anya: “Lohowan ari badeh, atondrok lakou ta ndramak ari, tan lakou solo-an. Ndramak tan lakou solo-an nane dah, anuhun lohowan tan atondrok lakou dah badeh, sabara luk tan laleyah. \v 2 Eme iy luhi lohowan ta atondrok dah eme, ya iy lelen iy, ‘Jo mene anuhun ou amekes lakou ari. Ou torowenei sasah le ndra-au, hawe sasah le udu kede-eh kudu, ya keme tek. Tasah, ou ndrano, ou winiyan batondrok lakou tek ja bwai.’ \p \v 3 “Eme lohowan ta atondrok lomondra iy tan le, anya, ‘Jo ki buku sah bah? Ndramak tan lakou solo-an tek kede-eh, ndratikahei jo ndrano ta gok. Ya jo badeh, boto-on ta apou ndren bwe, hawe jo ta bwilima ta anyolou lakou. \v 4 Jo tanan, jo badeh, ndrano. Eme ya jo badeh, kamekes tanan doh; ya idah kameh iri lau winiyan aseken jo ili asiu tiri ai.’ \p \v 5 “Eme lohowan ta atondrok dah luhi iri lau mari mene, andrei lakou ta ndramak tan lakou solo-an mene tan dah, ame. Eme iy ndremenya iy ari bwena anya, ‘Ou mene andrei lakou sabe ta ndramak mene tan lakou solo-an?’ \p \v 6 “Eme iy anya, ‘Jo mene andrei sabok ndrelekei ta olip ma rinek (100).’ \p “Eme iy anya, ‘Ou manyah atorou, ou mene andrei sabok ma lomonoh (50) le.’ \p \v 7 “Ano iy ndremenya ndramak ari ja, ‘Ya ou mene andrei sabe?’ \p “Eme iy anya, ‘Jo mene andrei ndrom sahin wit rinek (100).’ \p “Eme iy tiye i tan, ‘Ou torowenei ndru lunoh (80) le.’ \p \v 8 “Eme ndramak tan lakou solo-an nane dah, masiye lohowan tan. Tasah, iy badeh, anyolom bohon ili bwena, ta bolo manyah tan. Idoh badeh, leheya iri lau badu munyak dah badeh, iri tanan mwasin labai ta atondrok lakou tiri. Iri badeh, sakalau iri lau badu lomadan ta Kindrei. \p \v 9 “Eme ya jo katiye tado kamwenen, ado badeh, katamar iri lau na lakou tado badu munyak. Ya, i buku none ano badeh, iri kameh aseken ado ala kon ta udu le buku doh. \p \v 10 “Are lau winiyan tondrokei lakou bwisik badeh, iy winiyan tondrokei lakou tinan ale; ya are lau winiyan batondrokei lakou bwisik bwe badeh, iy winiyan batondrokei lakou tinan bwe ale. \v 11 Ya, i buku none ou winiyan batondrokei lakou badu munyak bwe; idah kameh, ou winiyan baratondrokei lakou handru barala buku sah? \v 12 Ya, i buku none ou winiyan batondrokei lakou ta ari ndramak bwe, ya idah kameh, are lau le kanyohan ou lakou bah? \p \v 13 “Lohowan ari winiyan bateu lahou ta lau tinan la-uh bala le rasan bwe. Ya idah kameh iy bwalen iy ari, ya iy aseken iy ari; deh bwe, kameh iy anuhun sahou ta iy ari labai ja, ta iy ari. Ado winiyan balelei Kindrei ta atondrok ado, ma hawe aseken luk ta atondrok ado bala le rasan bwe.” \p \v 14 Eme oro Parasi badeh, oro lau ta aseken luk labai, eme oro anuhun sahou mari doh badeh, ma oro bobose iy. \v 15 Eme Jises tiye i toro anya, “Ado le baden adeh, anya, ado mwasin ta mada lau adeh, arile bwe, Kindrei badeh, tanan ndrine ado. Tasah, sasah lau atou ta mada iri, anya idoh aliy le ai; arile bwe! Ta mada Kindrei anyolom badeh, lakou ndra-in laleyah.” \s1 Sahou rayah ja \p \v 16 “Sahou ta nyala batanau mene Moses torowenei hawe iri sahou tiri propet badeh, sendrehendreh ta aliy kabatana le Jon ta alomwa, kabwe. Ya, sahou mwasin ta nyala tondrok ta Kindrei badeh, ndratiye udu kabatana Jon ta alomwa, eme taku idah. Eme lau mari badeh, atuw iri alih bolon. \v 17 Kandrah hawe kon munyak dah kameh ano iu mara-ei. Arile, ari kono-o tarou badu bolo batanau malen winiyan ta bano bwe. \s1 Jises asehek ta ndramak tikahei udun iu ma iy i tasou ja \r (Metiu 5:31-32; Metiu 19:9; Mak 10:11-12) \p \v 18 “Ya, i buku none are lau katikahei udun ki-iu, ano ja iy kasudi badih ari ja, iy le mesekei karei i tan. Ya i buku none are ndramak kasudi ari badih udun ndratikahei iy, iy le mesekei karei i badan. \s1 Lasarus hawe ndramak tan lakou solo-an \p \v 19 “Ndramak ari badeh, lakou tan solo-an labai. Iy badeh, anyasou na lakou saraman mwasin asih na luk solo-an, ma iy badeh, iwer nyamon ta aimon na len mari. \v 20 Udu boho mwendreu tan badeh, ndramak ari nyaran Lasarus. Ya iy badeh, manyah udu andri, ma badan mari ndrarahak le soso-ou. \v 21 Iy udu aliy badeh, atondrok kahu nyamon ta ndramak tan lakou solo-an kataku, ya iy kaimon. Ya iri mwi badeh, asom mada soso-ou tan. \p \v 22 “Ano, Lasarus imek ya iri angelo badu kandrah ame andrei iy ili manyah udu ka-u Abraham. Ano ndramak tan lakou solo-an ale imek, ya eme iri ahi iy. \v 23 Eme udu bolo jih kodo-oh badeh, odan isi, ma iy anyolom i len badeh, iy atou Lasarus manyah udu ka-u Abraham. \v 24 Eme iy aloh, ‘Tama Abraham, ou tikisi jo, ya ou suni Lasarus katehei andra limen ki ta gwa keme ta kalimek, ya kanyala. Tasah, jo akohok isi laba tinan labai, udu bolo jih dah!’ \p \v 25 “Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai. \v 26 Ya laba tinan labai ja badeh, lek laba tinan labai udu ndrokowa to kada-ah. Ma i buku none, are lau anya kudu dah kewek bilisiu hawem badeh, winiyan bwe. Ma ale, i buku none are lau kudu bilisiu tado badeh, anya keme hawe aso kameh winiyan bwe le.’ \p \v 27-28 “Eme iy anya, ‘Tama, ou suni Lasarus kili asiu ta tama oro, katiye tanan ta nadu tine oro ma limeh same bolo sisi-in, jo udu aliy dah.’ \p \v 29 “Eme Abraham anya, ‘Sahou ta Moses hawe sahou tiri propet badeh, ndrawek toro; Eme nadu tinem oro badeh, kanuhun sahou doh!’ \p \v 30 “Eme iy anya, ‘Tama Abraham, ki buku none ari lau ndrasu-u, ya iy kamak ki loke, idoh mwasin ai. Winiyan tiye tanan i toro, ma idah kameh, oro ruwani kandriyen ndra-in toro ai.’ \p \v 31 “Arile, Abraham tiye tan anya, ‘I buku none oro banuhun sahou ta Moses hawe sahou tiri propet bwe, idah kameh oro winiyan banuhun sahou ta su-u udu bolo lek tan amak eme loke, bwe ale.’” \c 17 \s1 Kandriyen ndra-in bokoro-ei budon handru \r (Metiu 18:6-7; Metiu 18:21-22; Mak 9:42) \p \v 1 Ya eme Jises tiye i toro lau tan anya: “Lakou ala, amekes lau taku ta kandriyen ndra-in ma karei kameh barasahan. Arile, oro lau ta amekes asahan kameh akohok sisi-in ndra-in labai ta aliy! \v 2 Buku ari ndramak bwidi ari nadu nah kataku ki bolo kandriyen ndra-in, sebwe mwasin ta ndramak doh kasawei ari bek maha-an ki balen, ya kakahei iy katuh kili bolo ndras ki-in gwek ai. \v 3 Eme ya mada ado kaleu tado. \p “Ya, i buku none nadu tinem ari amekes kandriyen ndra-in badeh, ou tiye sahou boto-on ki tan. Ya, i buku none iy tubuni ndrinen badeh, ou mani ki-iu. \v 4 Ya, i buku none iy amekes kandriyen ndra-in i tam san ma ndro taloh, udu bolo len ari. Ya, i buku none iy keme hamon san ndro taloh keme hawem katiye ou, iy ndratubuni ndrinen, badeh, ou mani kandriyen ndra-in nane iy amekes ewek tam.” \p \v 5 Eme oro aposel tiye i ta Laban anya, “Ou mesekei budon handru taso ki tinan!” \p \v 6 Eme iy anya, “Buku budon tado kasahan ki buku badu buwa kei mastet, badeh, idoh ado winiyan tiye i ta kei malberi dah, anya, ‘Ou sudi ou, ma kandrom keme loke, ya ou ala gwa ndras ma ateh ame loke!’ Idah kameh iy anuhun boho ado. \p \v 7 “Ya, i buku none ado ari lohowan tado kapou ndren ta bilin, o, iy katondrok iri sipsip tado; kon abeyeh ya iy badeh, udu bilin eme lewan, ya ou winiyan tiye iy suwi ewek hawem ta aimon nyamon, deh bwe? \v 8 Winiyan bwe! Idah kameh, ou tiye tan anya, ‘Ou mesekei nyamon tek ta beyeh suwi, ano ou bwese-ei keme bada sau ma ou abe-en jo kaimon nyamon, ma ka-un gwa bwena op. Ano ou baraimon barado hamon.’ \v 9 Ano kameh, iy winiyan edeu wurah i ta lohowan tan, ta anuhun sahou tan, deh bwe? Winiyan bwe! \v 10 Ya eme ado ale kamekes ki le buku aliy; i buku none ado kamesekei lahou mari iri tiye ado ta amekes, ano ado katiye anya, ‘Aso badeh, lohowan laleyah, aso ndramesekei lahou, arile aso an hamon le ta batanau.’” \s1 Jises bwidiy oro lau ma ronoh sik lepra udu bada oro ano iu \p \v 11 Ano Jises anya kedek kili Jerusalem eme ya iy andrei san ndrokowa kobek ta Samariya hawe Galili. \v 12-13 Eme iy edek anya kili bolo kon ari badeh, oro lau lepra ma ronoh ndruni iy. Ya eme oro are ndra len badeh, aloh i ta Jises anya, “Jises, ndramak ta leheya, ou tikisi aso!” \p \v 14 Eme Jises atou oro badeh, ma iy anya, “Ado kala kaleheya bada ado, kili tiri pris.” Eme ya oro adek ala, se nawin bwe ma bada oro ndramwenen ja. \p \v 15 Eme iy ari badu bolo oro ma ronoh nane anyolom sik lepra udu badan badeh, ndra-au. Iy eme hamon atou Jises, bohon ndra loken le hawe sekesek, ma iy atudun Kindrei. \v 16 Iy eme morahani iy udu kati Jises edeu wurah i tan. Ma iy ndramak nane doh badeh, badu Samariya. \p \v 17 Jises anyolom i ndramak doh le badeh, ma iy lelen iy anya, “Jo anya kede-eh, ado ma ronoh badeh, ndramwenen. Ya oro ndro ari ndra heh bah? \v 18 I buku sah handru iy ndramak badu leheleh le badeh, eme hamon edeu wurah? Ya oro lau badu Isra-el ndraheh bah?” \v 19 Ano Jises tiye i tan, “Ou suri ou, ya ou au; budon tam handru le badeh, ndramesekei ou ndramwenen ja.” \s1 Tondrok ta Kindrei eme \r (Metiu 24:23-28; Metiu 24:37-41) \p \v 20 Len ari, oro Parasi rayah ame ndremenya Jises, “Na saba len handru kameh tondrok ta Kindrei kasahan tiri mwan ma badih badu kon munyak?” Eme Jises tiye i toro anya, “Tondrok ta Kindrei eme kameh bala buku none kalem ado kameh atou bwe. \v 21 Iri winiyan basehek anya, ‘Aha kanyolom, iy asah kada-ah,’ o ‘Iy asah kodo-oh.’ Aha kanuhun! Lahou Kindrei amekes kameh udu bolo ndrine aha.” \p \v 22 Ano Jises tiye i toro lau tan anya, “Na len eme, ado kameh aseken labai ta atou ari len ta Nadu Ndramak Awas, arile ado kameh winiyan batou bwe. \v 23 Ya, i buku none iri lau kanyowonya anya, ‘Asah kodo-oh,’ o, iri anya, ‘Asah idah!’ badeh, ado sarou sa-en hamon tiri. \v 24 Len ta Nadu Ndramak Awas asahan kameh lau mari atou iy. Len tan badeh, i buku none kalik takamek udu kandrah bilisiu ili taku bilisiu. \v 25 Arile, ma mwena ta aliy, jo kameh bwese maha-an, ma iri lau na bolo len dah kameh adeu kona iri eme tek. \p \v 26 “Len ta Nadu Ndramak Awas kameh asahan, buku le iri lakou mene asahan na len ta Nowa. \v 27 Iri lau amekes nyamon tinan, iri a-un gwa, iri mwan ma badih atasou ili eme, ili le isos ta len Nowa oro ala bolo ndron tan tinan. Eme kon atuh ma iri lau mari amak. \p \v 28 “I le buku none Lot oro mene. Iri lau mari badeh, aimon nyamon, iri badeh, a-un gwa, iri badeh, adeu lakou tiri i ta sisih, iri badeh, atah baso i bilin hawe iri atah asiu. Eme iri amekes ili ili, \v 29 winiya le Lot oro, ado Sodom ame len. Bek solpa anya i buku mada ur taku udu kandrah eme andri, ma sulumwi iri lau mari amak. \p \v 30 “Ya eme Nadu Ndramak Awas kameh asahan na len tan amwenen i le buku aliy. \v 31 Na len doh, are lau ereu bwele-e asiu loken sala hamon sala bolo asiu sakohok lakou tan ndri-iy. Ya are lau ereu bolo bilin iy sala hamon sala asiu tan ja ai, ndri-iy. \v 32 Ado badeh, samani kundruh ta udu Lot! \v 33 Are lau abudon labai ta kohan, iy kameh winiyan bandrei bwe handru en. Arile, are lau imek ta lahou tek, kohan handru kameh ta udu le buku doh. \v 34 Jo katiye tado kamwenen, na ben doh kameh, uru la-uh kameh an sau rasou ya ari kameh iu, ya ari kameh udu api. \v 35-36 Ya uru badih la-uh kameh alim badu wit areu se, ari kameh andrei iy iu, ya ari kameh udu api.”\f + \fr 17:35-36 \ft Iri lau ta tanan rayah anya sahou ari ja udu bolo tarou dah i buku doh, (36) Ma uru lau la-uh ado bilin, idah kameh, Laban kameh andrei ari iu, ya ari kameh udu api.\f* \p \v 37 Oro lau tan anuhun sahou doh badeh, ma oro ndremenya Jises anya, “Laban, idoh kameh asahan heh handru?” \p Eme, Jises tiye i toro anya, “Kon ale oda ari lakou, o ndramak ereu aliy, idoh kamen adeh, iri sirih ta aimon lakou bolo-an le kameh atukum areu aliy.” \c 18 \s1 Sahou sokek ta badih nyau hawe lau ta anuhun sahou \p \v 1 Ano Jises tiye sahou sokek ari i toro lau tan ta oro badeh, saruwani budon handru toro, ma oro saruwani kandriyen ta salom. \v 2 Eme iy tiye anya, “Udu bolo kon tinan ari, ndramak ari ta anuhun sahou ta lau badeh, udu aliy. Iy badeh, banoh se Kindrei bwe, hawe iy ari tikisi tan, tiri lau bwe. \v 3 Ya udu kon tinan doh badeh, badih nyau ari udu aliy. Badih nyau doh, eme hawe ndramak ta anuhun sahou san solo-an ta tiye tan anya, ‘Ou aseben jo ta sahou, hawe ndramak ales hawek ta sahou!’ \p \v 4 “Len solo-an, ndramak ta anuhun sahou badeh, bwalen ta aseben iy. Arile, udu badeh, iy le lomondra i tan anya, ‘Jo badeh, batudun Kindrei ma ba-en hamon tan bwe. Ma hawe jo ale batikisi ari lau bwe. \v 5 Arile, iy badih nyau kede-eh eme eme ja, eme eme ja, ya jo ndraliliy ai. Arile, ndri-iy ai, jo kaseben iy ta sahou tan ai.’” \p \v 6 Eme ya Laban anya, “Ado kanuhun sahou ta ndramak ndra-in ta anuhun sahou doh. \v 7 Ado abudon i buku sah handru i ta Kindrei? I buku none lau ta Kindrei amwenen, kaden ki tan na len na ben mara-ei. Ado anya idah kameh Kindrei ndrawoyah, ma iy winiyan banuhun boho oro bwai? \v 8 Jo katiye tado kamwenen, iy kameh anuhun sahou toro ma sebenei oro suwi labai! Arile, i buku none jo Nadu Ndramak Awas keme hamon keme kon munyak dah ja, jo kameh winiyan silahei iri mwan ma badih nane atehei budon tiri handru in tek, deh bwe?” \s1 Sahou sokek ta Parasi hawe ta ndramak ta atondrok luk ta takis \p \v 9 Eme Jises tiye sahou sokek dah, i toro lau anya oro le mwasin, oro an hamon ta kandriyen malen mari, ya oro badeh, anyolom ndra-in i tiri lau buku liliy. \v 10 Eme iy anya, “Uru lau la-uh badeh, ala bolo asiu tinan ta Kindrei, amekes salom. Iy ari badeh, Parasi, ya iy ari ja badeh, ndramak ta akohok luk ta takis. \v 11 Eme iy Parasi dah, ales ere loken asolom i badan le, i buku doh, ‘Jo edeu wurah ewek tam Kindrei, ta jo badeh, bala buku none iri lau mari ta ndrakok, hawe bala buku none iri lau ta nyaladan, hawe lau ta amekes madasarah kede-eh, bwe. Ma hawe bala buku none ndramak ta akohok luk ta takis kede-eh, bwe. \v 12 Ya jo badeh, abeles jo san la-uh la-uh, udu bolo wik ari ari, ma hawe udu bolo iri lakou tek ronoh, ronoh mari, jo edeu ari ari badu bolo iri lakou doh, ewek tam.’ \p \v 13 “Arile, ndramak ta akohok luk ta takis dah, udu len badeh, ales ere loken ma kandrun i andri, ma hawe minen udu aden, anya, ‘Kindrei, ou tikisi jo, jo ndramak ndra-in ta karei ma lomondra ndra-in.’ \p \v 14 “Jo katiye tado kamwenen, iy Parasi, bwai, arile ndramak ta akohok luk ta takis dah kameh iu i hamon i asiu tan, ma iy kameh udu mwasin ta mada Kindrei. Eme ya i buku none, are lau atudun iy le, idah kameh, iy ari nyaran bwe, ya i buku none are lau batudun iy bwe, idah kameh nyaran i tinan.” \s1 Iri nah bwisik ame hawe Jises \r (Metiu 19:13-15; Mak 10:13-16) \p \v 15 Eme ale iri lau atiye nadu iri bwisik ame hawe Jises ya iy kedeu minen le ki bada iri, ta edeu nyosowan ki tiri. Eme oro lau ta Jises anyolom badeh, oro abolosen i tiri. \v 16 Arile, Jises luhi oro nah bwisik ame hawen ma iy tiye i toro lau tan, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh. \v 17 Jo tiye sahou handru ewek tado. I buku ado basahan buku none iri nah bwisik dah bwe, ado kameh winiyan bala bolo tondrok ta Kindrei bwe.” \s1 Ndramak ta atondrok, tan lakou solo-an \r (Metiu 19:16-30; Mak 10:17-31) \p \v 18 Ano ndramak ari ta atondrok eme ndremenya Jises anya, “Ndramak ta leheya, ou mwasin handru en. Jo kamekes saba kandriyen handru ya jo kakohok kohan mwasin ta ereu le buku doh len mari?” \p \v 19 Eme Jises tiye i tan i buku doh, “Tasah handru ou aloh jo mwasin? Ari ndramak badeh, bala mwasin i buku none Kindrei bwe, Kindrei le ari, kabwe. \v 20 Ou tanam batanau ta Kindrei, \q1 ‘Ou samekes karei ta badih tasou, ou sadai ndramak samak, ou sabahana, ou sawasai. Arile, ou a-en bahandra tamam uru tinem, ma ou anuhun sahou turu.’” \rq Eksodus 20:12-16; Dutoronomi 5:16-20\rq* \p \v 21 Eme ndramak dah anya, “Jo ma loweu eme taku dah, jo in hamon ta sahou batanau mari le ai.” \p \v 22 Eme Jises anuhun ano, iy tiye i tan, “Lakou ari le kahis. Ou atehei iri lakou tam mari kili ba-en, ya luk ou akohok ta iri lakou tam nane, ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.” \p \v 23 Eme ndramak dah anuhun badeh, ma sa-ar asahan bwilin, ma iy tikisi labai, tasah tan lakou solo-an labai. \v 24 Eme Jises anyolom ndramak dah, ano iy anya, “Idah kameh, boto-on labai ta ndramak tan lakou solo-an, i buku none iy anya kili bolo tondrok ta Kindrei! \v 25 Handru labai, masakan boto-on boto-on labai ta ndramak tan lakou solo-an ta iy ili bolo tondrok ta Kindrei, arile manamun labai ja, ta kamel, i buku iy i bolo manamunu nunu.” \p \v 26 Eme oro lau anuhun sahou ta Jises badeh, oro anya, “Buku none i buku baden eh, are lau handru kameh winiyan akohok kohan mwasin ta ereu le buku doh?” \p \v 27 Eme Jises tiye i hamon i toro, “Saba lakou lau winiyan bamesekei bwe badeh, Kindrei winiyan mesekei.” \p \v 28 Ano Pita tiye i ta Jises anya, “Ou atou, aso ndraruwani lakou mari, ya aso ndra-en hamon tam.” \p \v 29 Eme Jises tiye i toro anya, “Jo tiye tado handru. Are lau abudon tondrok ta Kindrei, ma iy ruwani asiu tan, ya are lau ruwani udun oro hawe nadun oro, ma nadu tinen oro, ma taman oro hawe tinen oro ado kon ado gwek, \v 30 idah kameh, iy akohok lakou solo-an handru labai na dah, hawe akohok kohan mwasin ta ereu le buku doh, na len eme.” \s1 Asahan san tulusin ai, Jises asehek nyala imek ma amak tan \r (Metiu 20:17-19; Mak 10:32-34) \p \v 31 Ano Jises kuhi oro lau tan ma ronoh la-uh ala a ka-un, ma iy tiye i toro, “To kameh ala loke ala Jerusalem, ya lakou mari iri propet mene asehek ta nyala Nadu Ndramak Awas, idah kameh asahan i handru. \v 32-33 Idah kameh, iri atehei iy ili mine iri lau ra-on badu leheleh. Ma iri kameh bobose iy, ma iri kameh amekes sahou ndra-in ta bwilima i tan, ma hawe omor iy. Ya iri kameh a-um iy na malou sakabuk i bek, ma hawe adai iy imek. Ya ano udu, i bada len taloh kameh iy amak ja.” \p \v 34 Arile, oro lau tan badeh, bakohok bolo sahou tan bwe, moson amai labai toro. \s1 Ndramak madan bwe ta anyolou lakou madan ndrasak ja \r (Metiu 20:29-34; Mak 10:46-52) \p \v 35 Jises eme mirihik ta Jeriko badeh, ndramak ari madan bwe, manyah udu ka-u san anyolou lakou. \v 36 Eme ya iy anuhun iri lau arou ala ame badeh, iy ndremenya iri anya, “Sasah badeh?” \v 37 Eme iri anya, “Jises badu Nasaret asah, edek san ewek eh.” \p \v 38 Eme ya iy aloh anya, “Jises, ou nadu tubu kabin Debit, ou tikisi jo!” \p \v 39 Eme oro lau adek an bwena badeh, abolosen i tan ma tiye iy kandru-uk. Arile, bwai, iy aloh ma arah boto-on le gwek anya, “Nadu tubu kabin Debit, ou tikisi jo!” \p \v 40 Eme Jises udu rasi ya tiye iri katiye ndramak doh, keme hawen. Iy eme mirihik badeh, Jises tiye i tan, \v 41 “Ou aso-ok jo kamekes sasah kewek tam?” \p Ya eme iy anya, “Laban, jo anya kanyolom kon ja.” \p \v 42 Eme Jises tiye i tan anya, “Madam kasak, budon handru tam badeh, ndramesekei ou ndramwenen ja.” \v 43 Eme nawin bwe, madan amwenen ma iy anyolom kon ja. Eme ma iy atudun nyara Kindrei, ma iy in hamon ta Jises. Eme iri lau mari anyolom badeh, iri mari atudun nyara Kindrei. \c 19 \s1 Sakiyas ndramak ta akohok luk ta takis \p \v 1 Jises ili bolo kon Jeriko. Iy edek san amwenen ta iu. \v 2 Ya ndramak ari nyaran Sakiyas udu aliy. Iy ndramak ta atondrok iri lau ta akohok luk ta takis. Ya iy ale tan lakou solo-an. \v 3 Iy badeh, aseken handru ta atou bada Jises, arile iy badeh, mo-on labai, ya eme koroha iri lau solo-an badeh, iy batou Jises bwe. \v 4 Eme iy sakaniy i bwena ta san kameh Jises edek eme aliy, ya iy nyikidi kei ari aloh, Sikamo. \p \v 5 Jises edek eme isos bahandra kei nane iy udu aliy, ya madan anya ki loke badeh, atou iy. Eme Jises tiye i tan anya, “Sakiyas, ou ame andri suwi, na dah kameh jo anya kewek asiu tam.” \p \v 6 Eme iy ales eme andri, ndrinen badeh sekesek labai, ma iy kuhi Jises i asiu tan. \v 7 Ya eme iri lau atou badeh, iri nunu-uh nunu-uh anya, “Aha kanyolom se! Iy badeh, ilih amadin asiu ta ndramak ari ta amekes kandriyen ndra-in.” \p \v 8 Sakiyas eme ales ere loke udu asiu tan, tiye sahou i ta Laban anya, “Laban, ou ndratou! Na dah kameh jo edeu lakou tek ranah mara-ei kameh i tiri lau tiri lakou bwe. Ya, i buku none jo mene ndrabene-ei rayah lakou tiri ndrame tek, idah kameh, jo edeu lakou san hasan ja, i la-u toro mene ja.” \p \v 9 Eme Jises tiye i tan i buku doh, “Na len dah Kindrei ndrasebenei oro ndramak badu asiu dah, tasah na dah, ndramak dah, ndrasan lundriye Abraham. \v 10 Tasah, Nadu Ndramak Awas eme andri dah badeh, ta asilah ma ta aseben are oro taku ta kandriyen ndra-in.” \s1 Sahou sokek ta luk ta amekes lahou \r (Metiu 25:14-30) \p \v 11 Iri lau anuhun iy asehek sahou nane dah kahis le badeh, iy asehek sahou sokek i tiri, tasah iy ndrame mirihik ta Jerusalem. Eme iri lau lomondra anya, idah kameh Kindrei atondrok kon dan ai? \v 12 Eme Jises anya, “Na len ari badeh, ndramak batun ta boho kamen ra-em badeh, anya kili kon munyak ari udu len, ta iri kadeu iy kasahan kabin ta atondrok iri, ano iy barame hamon ja. \v 13 Eme iy luhi oro lohowan tan ma ronoh ame, ya iy atehei luk ma luwa (K200) i mine oro. Udu bolo luk ma luwa (K200) doh badeh, iy ari ari akohok lunek (K20). Ano iy tiye i toro i buku doh, ‘Ado kadeu luk doh, ki ta amekes lahou, ya kaliu bundruwen keme hamon, winiya le jo barasahan.’ \p \v 14 “Arile, iri lau badu kon tan baseken iy asahan kabin bwe. Eme iri suni iri lau rayah are hamon tan ala, ta tiye i tan anya, ‘Ahi bwale ahi ndramak kede-eh asahan kabin tahi.’ \p \v 15 “Arile, bwe adeh, iy ndrasahan kabin ai. Ano iy eme hamon eme kon. Eme iy suni sahou ili toro lohowan mene iy edeu luk i mine oro ame, ya iy ndremenya oro ta sabe handru oro ndraluwi ndrame na luk mene. \p \v 16 “Eme iy ari ma mwena ili anya, ‘Tinan tek, luk tam mene, badeh, jo ndraluwiy luwa (K200) ja ndrame hawe lunek (K20) mene eme minek.’ \p \v 17 “Eme kabin tan anya, ‘Lohowan tek, ou mwasin handru. Ou tondrokei luk nadu bwisik asahan sola, ou kameh atondrok kon tinan ronoh udu baha tondrok tam.’ \p \v 18 “Ano iy ari eme ja anya, ‘Tinan tek, luk tam mene badeh, jo ndraluwiy rawa (K100) ja ndrame hawe lunek (K20) mene eme minek.’ \p \v 19 “Eme kabin tiye i tan anya, ‘Ou kameh atondrok kon tinan limeh.’ \p \v 20 “Ano iy ari eme ja anya, ‘Tinan tek, luk tam mene asah idah, jo su-iy na ndrari kolau, ma tone udu abe-en ou. \v 21 Jo badeh, inoh ou, tasah ou badeh, ndramak ta losen. Ou akohok lakou laleyah ma akohok lakou badu bwisi limem bwe.’ \p \v 22 “Eme kabin tiye i tan anya, ‘Ou lohowan ndra-in! Jo kameh edeu maha-an ewek tam in hamon ta sahou tam. Ou tanam jo badeh, ndramak ta losen. Jo akohok lakou laleyah ma akohok lakou badu bwisi limek, jo atah bwe. \v 23 Ya, i buku sah handru, ou batehei luk tek bala bolo buk ta ndrahu luk bwe? Ya, i buku none jo keme hamon badeh, jo winiyan andrei ma hawe bundruwen ale.’ \p \v 24 “Ano iy tiye i toro lau nane ales are mirihik dah, anya, ‘Ado kakuhi luk ma lunek (K20) tan, ya katehei ki ta ndramak nane luk ma luwa (K200) udu minen.’ \p \v 25 “Eme oro lau tiye i ta kabin anya, ‘Tinan taso, iy mene ndrandrei luk ma luwa (K200) bwena mene o!’ \p \v 26 “Arile, ndramak tinan dah, tiye i toro ja anya, ‘Jo katiye tado, are lau oro mene ndrakohok bwena, idah kameh oro akohok i la-un ja. Arile, are lau oro sese le udu aliy, idah kameh kuhi mari ano iu. \v 27 Ma ado katiyani are lau oro mene anya jo sasahan kabin badeh, kame, ya ado kadai oro kamak kare madak.’” \p \v 28 Jises asehek sahou doh, ano iy edek in bwena toro iu ili Jerusalem. \ms1 Jises edek ili asahan Jerusalem ma iy leheya iri mwan ma badih udu bolo asiu tinan ta Kindrei \mr (Kalan 19:29–21:38) \s1 Jises edek eme Jerusalem i buku kabin \r (Metiu 21:1-11; Mak 11:1-11; Jon 12:12-19) \p \v 29 Iy edek eme mirihik ta kon Betapes ma Betani, udu loboho kesehe mandrei aloh Olip. Eme iy suni uru lau tan la-uh ma tiye turu anya, \v 30 “Ah kala kon udu bwena ta to badeh. Ya ah ala bolo kon le kameh ah atou donki ari loweu, ari ndramak bamanyah bare bwele-en bwe le. Ya ah katolowei malou, ma ah kasiriniy keme dah. \v 31 Ya, i buku none are lau kandremenya ah anya, ‘Ah anya katalou malou tan ta sasah?’ Ah katiye ki buku doh, ‘Laban gok udu tan.’” \p \v 32 Eme uru lau tan nane ala badeh, atou udu aliy, i le buku none Jises nane ndrasehek turu. \v 33 Ya uru talou malou kahis le badeh, iri lau ta nadu donki dah, anya, “Hei, ah anya katalou donki badeh, ta sasah?” \p \v 34 Eme uru tiye i tan anya, “Laban gok udu tan.” \p \v 35 Eme uru sirini iy ili hawe Jises, ano oro lowosani kolau toro lawe-en badu bwele-e awin toro i konan, ma bwese-ei Jises manyah udu la-un. \v 36 Eme iy edek ili badeh, iri lau ame asin awin tiri lawe-en ya iri talaha in san. \p \v 37 Ano iy edek eme mirihik ta kon tinan, san ili andri ili bwilin ndrondro-ou Olip. Eme iri lau solo-an badu hamon tan badeh, iri sekesek tinan labai, ma hawe iri atudun nyara Kindrei na boho iri i loken, ta lahou tinan mari mene iri ndranyolom ndra-au. \v 38 Ma iri anya, \q1 “Kasekesek ki ta kabin! \q1 Kasore nyaran! \q1 Iy eme ta nyara Laban!” \rq Wari 118:26\rq* \q1 “Mondrei udu kandrah, \q2 ma lomadan ki ta Kindrei badu loken!” \p \v 39 Eme oro Parasi rayah ado bolo iri lau nane, tiye i ta Jises anya, “Ndramak ta leheya, ou abarah iri lau tam kandru-uk!” \p \v 40 Eme iy tiye i toro anya, “I buku none oro kandru-uk kameh iri bek kameh katubuni iri, ma iri kasarakau.” \p \v 41 Eme iy edek eme mirihik ta kon tinan Jerusalem, ma iy anyolom badeh, iy eden ndranye Jerusalem. \v 42 Iy anya, “Jo badeh, aseken labai na len dah, ado katanan kandriyen ta amekes mondrei. Arile, bwai, ndramai ta mada ado ai. \v 43 Na len eme kameh iri lau ta amekes bahun ewek tado kameh tabadah munyak eme loke anyek kon tado. Ma iri kameh awudi kon tado mari, ma turuki madasan mari awek bolon. \v 44 Iri kameh adai ado ma hawe nadu ado oro. Kon ma asiu tado kameh atokos, ari lakou winiyan bado bwe. Tasah, ado banyolom tanan ta Kindrei bwe, ta aseben ado bwe.” \s1 Jises udu asiu tinan ta Kindrei \r (Metiu 21:12-17; Mak 11:15-19; Jon 2:13-22) \p \v 45 Ano Jises ili bolo asiu tinan ta Kindrei, ya iy atikah iri lau asih lakou are aliy, au a manan. \v 46 Eme iy tiye i tiri anya, “Buk ndrabun tiye i buku doh, \q1 ‘Asiu tek dah, asiu ta amekes salom labai,’ \rq Aisaya 56:7\rq* \m arile ado ndramesekei asiu tek badeh, ndrasahan \q1 ‘asumwe iri lau ta bahana.’” \rq Jeremaya 7:11\rq* \p \v 47 Eme na len mari badeh, Jises leheya udu asiu tinan ta Kindrei, arile iri tinan tiri pris, ma hawe iri lau ta leheya kandriyen tiri Juwis, ma hawe iri lau batun tiri lau lomondra ta anya kadai iy. \v 48 Arile, iri takaleh madasan ta kada iy labwe, tasah iri lau mari badeh, tawi sahou tan. \c 20 \s1 Ndremenya ta boto-on ta Jises \r (Metiu 21:23-27; Mak 11:27-33) \p \v 1 Ano na len ari, Jises leheya iri lau ta bolo sahou mwasin udu bolo asiu tinan ta Kindrei. Eme iri lau tinan tiri pris, hawe iri lau ta leheya kandriyen tiri Juwis, ma hawe iri lau ta batun tiri lau badu Isra-el ame hawen. \v 2 Eme iri tiye i tan anya, “Ou tiye keme taso, ou akohok boto-on badu heh handru, ma ou amekes iri lakou kede-eh? Are lau atehei nyaran tinan ewek tam ma tiye ou ta amekes iri lahou dah?” \p \v 3 Eme Jises asumon boho oro i buku doh, “Jo anya kandremenya ado ta lakou ari. Ano ado katiye keme tek ja. \v 4 Kala Jon mene alomwa iri lau, iy akohok boto-on badu heh? Lakou doh badu kandrah deh, badu kon munyak le?” \p \v 5 Eme oro asehek nyala aliy udu ndrokowa oro ari ari anya, “Buku none to katiye anya, ‘Idoh lakou badu kandrah,’ idah kameh iy ndremenya to ja anya, ‘Buku sah ado batehei budon tado bala ta aliy bwe?’ \v 6 Arile, i buku none to katiye anya, ‘Idoh kandriyen tiri lau le,’ idah kameh, iri lau korowei to na bek, tasah budon tiri lau ndrahas anya, Jon badeh, propet ta Kindrei handru.” \p \v 7 Eme iri asumon bohon i buku doh, “Ahi tana ahi bwe.” \p \v 8 Eme Jises tiye tiri i buku doh, “Jo ale, jo winiyan batiye bawek taha are lau handru atehei nyaran tinan eme tek ya jo amekes iri gok dah.” \s1 Sahou sokek ta lau ta lahou ado bilin ta waen \r (Metiu 21:33-46; Mak 12:1-12) \p \v 9 Ano Jises asehek sahou sokek ari ili tiri lau anya, “Ndramak ari bwidi bilin ta waen ari. Eme iy atehei bilin ili mine iri salibah ta atondrok, ma iy iu i kon rakon ja, ma udu gwek luluwen labai. \v 10 Eme na len ta abwe-eh buwan asahan, iy suni lohowan tan ari ili hawe oro salibah atondrok bilin waen nane dah, anya kakohok rayah buwa waen ki minen. Eme oro salibah adai iy ma tikahei iy iu na luka minen ma luka katin. \v 11 Ano ja, tama bilin dah, suni lohowan tan ari ili ja. Iy ili i le buku aliy le, oro adai iy ma abolei iy andra-i labai, ma tikahei iy iu na luka minen ma luka katin. \v 12 Ano ja, iy suni lohowan tan ari ili ja san tulusin ai. Eme oro adai iy, ma iy akohok andra-i labai, ma oro akahei iy eme len. \p \v 13 “Ano tama bilin anya, ‘Ki buku sah bah? I buku none jo kasuni naduk amwenen ala jo aseken iy labai kede-eh, sebwe oro kameh anuhun boho naduk.’ \p \v 14 “Arile, oro salibah ta bilin atou iy edek eme, oro asehek nyala oro anya, ‘Ei, nadun eme, to kadai iy, ma to kakuhi iri lakou tan mari.’ \v 15 Eme oro kuhi iy eme len ta bilin, ma oro adai iy imek. \p “Ya ado abudon i buku sah? Tama bilin kameh amekes saba lakou handru kili toro salibah nane abo gok an bolo bilin nane? \v 16 Iy kameh idi oro lau doh amak, ma iy kameh atehei bilin ili mine iri lau rayah ja kabo gok ta aliy.” \p Ya iri lau anuhun sahou sokek doh aleu labai, eme iri anya, “Sasahan ai, ma ndri-iy ai!” \p \v 17 Arile, Jises anyolom boto-on i toro ma i lelen, “Sahou mene ndratorowenei ndra-au, saba moson ta aliy handru? Sahou i buku doh, \q1 ‘Bek ale iri lau ta atah asiu bwale iri, na dah, iy ndrasahan kati ndru ta ka-u asiu bek.’ \rq Wari 118:22\rq* \m \v 18 Are lau oro taku a bada bek doh kameh, ndruwi oro kameh ibok i le bwisik, arile are lau oro i buku none bek doh, taku i la-u oro, idah kameh ati-i oro abwesek.” \p \v 19 Eme iri lau ta leheya kandriyen tiri Juwis hawe iri tinan tiri pris nane anya ja Jises asehek sahou sokek doh i bada iri. Eme ma iri anya katakaleh madasan ta ateu iy na le liliy. Arile, oro winiyan bwe, tasah oro anoh iri lau. \s1 Kadeu luk ta takis ki ta Sisa \r (Metiu 22:15-22; Mak 12:13-17) \p \v 20 Eme oro atehei mada oro udu ta Jises, ma oro suni iri lalou rayah atehei mada iri udu ta Jises. Oro amekes oro i buku none lau ta tandra-un sahou handru, ala, anya kasan Jises na sahou. Ya eme oro anya katehei iy ki mine iri lau ta atondrok hawe kili baha boto-on ta tondrok tiri Rom. \v 21 Eme ya oro lalou lelen Jises anya, “Ndramak ta leheya, aso badeh, tanan sasah ou leheya kede-eh, ndra handru le ai, ma ou badeh, banoh are ndramak bwe. Ou badeh are le alih turu. Tasah, ou badeh, leheya san ta Kindrei handru i tiri lau. \v 22 Ou abudon i buku sah? Mwasin ta taha kadeu takis ki ta Sisa, deh ndri-iy?” \p \v 23 Arile, Jises anyolom ili mada oro ta wasai ma tiye toro anya, \v 24 “Ado kaleheya keme tek ari luk bororoh. Malawi ndramak ma nyaran kede-eh are lau handru?” \p \v 25 Eme oro anya, “Ta Sisa.” \p Ya eme Jises tiye i toro, “Mwasin, saba lakou ta Sisa, ado kadeu ki ta Sisa. Ya saba lakou ta Kindrei, ado kadeu ki ta Kindrei.” \p \v 26 Eme oro anya kawasai iy kasehek sahou ndra-in kudu mada iri lau, ma oro kateu iy. Arile, oro winiyan batawi iy bwe. Eme ya boho oro asak ta sahou tan i toro, ma oro andru-uk. \s1 Nyala ndramak amak ame awas ja hawe nyala tasou \r (Metiu 22:23-33; Mak 12:18-27) \p \v 27 Eme oro Sadusi rayah ame hawe Jises anya kanone iy. Oro anya, iri lau ale ndramak bwena mene, iri kameh winiyan bamak ja bwe. \v 28 Eme oro ndremenyani Jises i buku doh, “Ndramak ta leheya, Moses bwena mene torowenei nyala taha anya, \q1 ‘Buku none ari ndramak imek, ya udun erah ya iy nadun bwe, nadu tinen kameh kandrei nyau tan ki udun, ya iy katehei nah ki tan, ma nah doh ki nyara nadu tinen, ya nyara nadu tinen sa-au, ndri-iy.’ \rq Dutoronomi 25:5\rq* \p \v 29 Ya, len ari bwena, oro lau ma ndro taloh, oro badeh, nadu tine oro. Eme kadok toro i tasou ta badih ari, eme ya iy imek ma iy nadun bwe. \v 30 Ano iy bwaneh sudi nyawe nadu tinen i tan, eme iy imek, ma nadun bwe le. \v 31 Ano ja silih sudi nyawe nadu tinen uru ja, eme iy imek ale, nadun bwe le. Eme amekes i buku doh, ili ano ta kalai. Oro mari badeh, amak ari nadu oro bwe. \v 32 Ano udu hamon badeh, badih imek ale. \v 33 Ya, ou tiye taso. Na len hamon ta iri lau mari amak ame loken ja, badih doh kameh ili udu are lau handru? Ou tanam, iy i tasou ili toro ma ndro taloh nane doh.” \p \v 34 Eme Jises tiye i toro anya, “Lau mwan hawe badih are munyak dah, asoh iri a tasou. \v 35 Arile, iri mwan hawe iri badih mwasin ta mada Kindrei kameh, na len eme kameh iri amak ame awas ja, iri winiyan bala tasou ja bwe. \v 36 Iri kameh asahan buku iri angelo, ya iri badeh, nadu Kindrei labai, tasah iri amak ame awas ja. \v 37 Handru labai. Iri lau ndramak bwena, hamon kameh iri amak ja. Moses ale leheya i buku aliy le. Idoh asehek nyala len mene Moses atou jih anya udu ta kei. Tasah, Moses mene tiye nyala Laban i buku doh: \q1 ‘Ou badeh, Kindrei ta Abraham, ta Aisik, ma ta Jekop.’ \rq Eksodus 3:6\rq* \m \v 38 Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le. Handru labai. Iri lau mari mene ndramak ndrasu-u, ma hawe iri lau mari ado loken kahis le, iri mara-ei a buku awas kahis le, tasah Kindrei atondrok iri.” \p \v 39 Eme oro lau rayah ta leheya kandriyen tiri Juwis anya, “Ndramak ta leheya, ou tiye sahou badeh, amwenen handru.” \v 40 Ya eme ma iri anoh, ma iri bandremenya iy ja bwe. \s1 Krais badeh nadu are lau \r (Metiu 22:41-46; Mak 12:35-37) \p \v 41 Ano Jises ndremenya oro anya, “I buku sah handru iri mwan ma badih anya ja, Krais badeh, nadu Debit? \v 42 Tasah, udu bolo buk Wari ta Debit tiye i buku doh, \q1 ‘Laban Kindrei tiye i ta Laban tek i buku doh: \q1 “Ou ame manyah ado loboho minek salin, \q1 \v 43 winiya jo le, baratehei iri lau ta amekes budon ndra-in ewek tam, barabwesek barado bahandra katim.”’ \rq Wari 110:1\rq* \m \v 44 Ado kanuhun. Debit amwenen aloh ndramak nane Laban tan. Ya ki buku sah handru kameh iy ndramak nane ja ki nadu Debit?” \s1 Mada ado kaleu toro lau ta leheya kandriyen tiri Juwis \r (Metiu 23:1-36; Mak 12:38-40; Luk 11:37-54) \p \v 45 Eme iri lau anuhun kahis le badeh, Jises tiye i toro lau tan anya, \v 46 “Mada ado kaleu toro lau ta leheya kandriyen tiri Juwis. Oro badeh, aseken adek ala ame na kolau moroyan lawe toro, eme oro anya lau mari kasumon oro na len ta baen. Ya oro anya kamanyah kareu le bwabwai mwasin badu ndrahu tukum tiri Juwis, ma ndrahu kon ta atudun ta nyamon tinan. \v 47 Oro bene-ei asiu tiri badih nyau, ya iri wendreya ta aliu salom lawe-en lawe-en. Oro lau buku doh kameh akohok maha-an laba tinan labai.” \c 21 \s1 Luk ta badih nyau i ta Kindrei \r (Mak 12:41-44) \p \v 1 Jises badeh, udu ndra bolo asiu tinan ta Kindrei kahis, iy eme suri madan eme loken badeh, iy atou iri lau tiri lakou solo-an, adeu luk tiri i bolo lakou ta ndrahu luk udu asiu tinan ta Kindrei dah. \v 2 Ano ja, iy atou badih nyau ari tan se lakou bwe badeh, akahei luk tan bororoh saraman ma la-uh le. \v 3 Eme Jises anya, “Jo katiye tado handru en! Iy badih nyau tan lakou bwe kede-eh, akeh luk solo-an labai ja ta lau mari. \v 4 Tasah, iri lau mari kede-eh akahei rayah le badu bolo luk tiri solo-an, arile iy badih nyau tan lakou bwe badeh, atehei luk mari ta sukunyan ndrala.” \s1 Kalem ta kon munyak ano \r (Metiu 24:1-21; Mak 13:1-23) \p \v 5 Eme oro lau tan rayah atou asiu tinan ta Kindrei amekes na bek badeh, konen konen labai; ma lakou moroyan adeu i ta Kindrei, eme oro asehek nyala aliy. Arile, Jises eme tiye i toro, \v 6 “Ado ndratou lakou mari kede-eh, na len eme kameh ado winiyan batou ari ndruwi asiu bek winiyan bales, bareu loken bwe. Iri marakon kameh ato-oh iu i andri.” \p \v 7 Eme oro ndremenya iy anya, “Ndramak ta leheya, na saba len handru kameh lakou doh kasahan? Ya saba kalem kameh kasahan bwena ta leheya lakou doh eme bakep ai?” \p \v 8 Eme Jises tiye i buku doh, “Ado kanyolom kamwenen, ya ari ndramak sawendreyani ado, ndri-iy. Iri lau solo-an kameh ame anya iri asehek sahou tek ma anya, ‘Jo dah Krais,’ ma, ‘Len ndra bakep ai, ta Kindrei eme akohok taha ame hamon.’ Arile, ado sa-en hamon toro. \v 9 Ya, i buku none ado anuhun kurutuwe bahun, hawe lakou maha-an asahan, budon tado sandra-i, ndri-iy. Iri lakou doh kameh asahan bwena op, arile lakou mari ta ano kameh kahis le.” \p \v 10 Ano iy tiye i toro ja anya: “Kon munyak tinan ari kameh amekes bahun i ta kon tinan ari; ya kabin badu kon rakon kameh amekes bahun i ta kabin badu kon rakon ja. \v 11 Ma idah kameh kon ari ari kameh ndroi asahan aliy, ya son kameh asahan bolo kon, hawe sik asahan aliy. Ma idah kameh kalem ta nohowa lau kameh asahan bada kandrah. \p \v 12 “Arile, lakou mari doh kahis le kameh iri ateu ado. Ma iri kameh adai ado, ano seheyani ado ala asiu ta atukum tiri Juwis ales are mada sahou. Ano ja kameh iri seheyani ado ala hawe iri kabin hawe iri lau ta atondrok. Iri amekes doh tasah, idoh len ta ado katiye sahou tek mwasin ki tiri. \v 13 Ma idoh kameh atehe san mwasin i tado kasehek nyala sahou tek ki toro. \v 14 Arile, ado badeh, kalomondra bohon ki bwena ta ado sabwerei ta sasah kameh ado kasehek. \v 15 Jo le kameh edeu sahou hawe budon mwasin ewek tado, ya iri lau kameh winiyan bandres ma tebelese budon nane jo edeu ewek tado ta atiye bwe. Ma winiyan babisini sahou tado bwe. \v 16 Ya tama ado oro, hawe tine ado oro, hawe nadu tine ado oro, hawe lowa ado oro, ma hawe kawas tado oro kameh adeu sa-oh tado, ma eme iri kameh adai ado rayah kameh amak. \v 17 Ya iri lau mari kameh baseken ado bwe, tasah ado an hamon tek. \v 18 Arile, ari lami batu ado winiyan ba-au bwe, ma koha ado kameh udu le buku doh. \v 19 Arile, i buku none ado le kabadok ado, idah kameh, ado le winiyan sebenei koha ado handru. \p \v 20 “Ya, i buku none ado katou iri lau ta bahun kawudi Jerusalem, badeh, ado tanan ai, mirihik kameh Jerusalem atokos ai. \v 21 Eme ya, are lau oro are kon Judiya badeh, katobwak kala bolo mandrei. Ya are lau oro are bolo kon tinan badeh, katobwak kame len. Ma hawe are lau oro are len badeh, sala bolo kon tinan, ndri-iy. \v 22 Tasah, idoh badeh, len ta adeu maha-an i hamon, amwenen le ta sahou ta Kindrei mene ndratorowenei. \v 23 Len doh kameh len ndra-in labai tiri badih ale nah ereu tiri, ma badih nah ma nyandren! Tasah, Kindrei kameh ibolosen i tiri lau badu munyak dah, ma iri kameh bwese maha-an laba tinan labai. \v 24 Ya idah kameh, iri amundroh lau rayah na samen, ya iri rayah kameh kuhi iri a bonyo-ou a kon munyak tinan mari. Ma iri lau badu leheleh kameh atondrok lakou mari badu Jerusalem, winiya le tondrok tiri barano. \s1 Nadu Ndramak Awas kameh eme \r (Metiu 24:29-31; Mak 13:24-27) \p \v 25 “Idah kameh kalem asahan ta an, kalem asahan ta bun hawe iri ndrau. Ya iri kon munyak tinan kameh bwese maha-an laba tinan labai, hawe iri anoh ma anyon ala ame ta kurutuwe bayau badu ndras. \v 26 Lau mari kameh anoh ma mada iri abuluw ta lakou kameh asahan la-u kon munyak, ma boto-on mari badu kandrah kameh nyukunyok. \v 27 Ano amwenen ta lakou doh, asahan kameh, iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai. \v 28 Eme ya, i buku none ado atou lakou mari doh kasahan badeh, mada ado katele ai, tasah len ta ndramak ta seben badeh, ndrame bakep ai.” \s1 Sahou sokek ta kei pik \r (Metiu 24:32-35; Mak 13:28-31) \p \v 29 Ano ja iy asehek sahou sokek doh i toro, “Ado kanyolom kei pik hawe iri kei mari kede-eh se. \v 30 I buku none ado katou la-un ha-un kasahan badeh, ado tana ado, idah kameh kon i le an ai. \v 31 Ya, buku ado anyolom iri lakou nane jo ndrasehek, ado tana ado tondrok ta Kindrei ndrame bakep ai. \v 32 Jo tiye tado handru en! Iri lau rebesem areu kede-eh kahis na len dah kameh bamak bwe le, iri lakou doh kameh asahan. \v 33 Kandrah ma kon munyak dah kameh ano iu, arile sahou tek le kameh winiyan bano bwe. \p \v 34 “Bale ado ki tado doh! Ado satehei budon hawe ndrine ado sahis ta lakou badu kon munyak, hawe ado sabulum ndrine ado na nyamon hawe a-un gwa boto-on ta amekes manyah tado kudu mwasin. Bwe kameh, len doh asahan kameh i le mani tur. \v 35 Tasah, lakou doh kameh asahan eme ta lau mari badu munyak. \v 36 Arile, na len mari, mada ado kaleu hawe ado kasolom, eme ya ado winiyan ales boto-on ma ado winiyan teleyani lakou doh kameh asahan. Ma hawe ado winiyan ales are mada Nadu Ndramak Awas.” \p \v 37 Na len ari ari badeh, Jises leheya udu asiu tinan ta Kindrei. Ano kon eben, iy iu ili mandrei Olip amadin. \v 38 Eme iri lau mari na mandraben badeh, ala anuhun iy asehek sahou udu asiu tinan ta Kindrei. \ms1 Jises akohok sisi-in ma iy imek ano iy amak ja \mr (Kalan 22–24) \c 22 \s1 Judas tandrakan ta edeu sa-oh ta Jises \r (Metiu 26:1-5; Metiu 26:14-16; Mak 14:1-2; Mak 14:10-11; Jon 11:45-53) \p \v 1 Kabwai, mirihik ta len ta nyamon tinan, ta jabi ramen yis bolon bwe asahan ai, iri aloh Pasoba. \v 2 Eme iri lau tinan tiri pris, hawe iri lau ta leheya kandriyen tiri Juwis anya kadi Jises ki san ta bahana le. Tasah, iri badeh, anoh iri lau solo-an ado aliy. \v 3 Eme Satan badeh, i bolo ndramak ari badu bolo oro lau ma ronoh la-uh ta Jises, nyaran Judas Iskariyot. \v 4 Eme iy ili edeu sa-oh i tiri lau tinan tiri pris, ma hawe iri lau tinan ta ndrokei ta atondrok asiu tinan ta Kindrei, ma oro asehek nyala aliy; ta Judas kameh edeu Jises ki mine oro ki buku sah handru. \v 5 Eme oro sekesek ta aliy, ma sekesek ta asih Judas na luk. \v 6 Eme Judas sekesek ta aliy, ma iy ili takaleh madasan ta kadeu Jises ki san ta bahana le, ya iri lau sala tanan ta aliy labai. \s1 Len ta jabi ramen yis bolon bwe asahan \r (Metiu 26:17-25; Mak 14:12-21; Jon 13:21-30) \p \v 7 Ano, len ta nyamon tinan ta jabi ramen yis bolon bwe badeh, asahan. Len doh, iri aloh Pasoba. Idoh badeh, iri pris adai sipsip kasen ta aimon ta Pasoba. \v 8 Eme Jises suni Pita uru Jon kala Jerusalem ma tiye turu anya, “Ah kala bwena kalowosa lakou ta to ta aimon na len ta Pasoba.” \p \v 9 Eme uru anya, “Ou aseken aru kala heh, kalowosa na to nyamon?” \p \v 10 Eme Jises tiye turu anya, “Ah kanuhun. Ah kadek kala bolo kon tinan badeh, ya idah kameh, ah atou ndramak ari bwese-ei gwa in bolo sabok kameh ndruni ah. Eme ah ka-en hamon tan kala asiu iy ili aliy, \v 11 ma ah katiye ki ta ndramak ta asiu anya, ‘Ndramak ta leheya anya, asiu tan ndraheh? Ya idah kameh oro lau tan ma iy kameh aimon nyamon ta Pasoba a-en aliy.’ \v 12 Idah kameh, iy leheyani ah ta bolo asiu ari udu loken badeh, ndralowosani le. Eme ah kala aliy kamekes nyamon kudu le tato ai.” \p \v 13 Eme uru ala amwenen le, i buku boho Jises ndratiye turu nane. Eme oro lowosani nyamon ta Pasoba ma asiu buku le aliy. \s1 Jises hawe oro lau tan aimon nyamon ta Pasoba \r (Metiu 26:26-30; Mak 14:22-26; 1 Korin 11:23-25) \p \v 14 Eme mada an ta aimon nyamon asahan badeh, Jises hawe oro lau tan manyah ado andri ndrahu nyamon. \v 15 Ano iy tiye i toro anya, “Jo badeh, aseken handru ta aimon nyamon ta Pasoba dah hawe ado, tasah len hamon eme kameh, jo kameh bwese sisi-in tinan labai. \v 16 Eme jo katiye tado kamwenen, jo kameh winiyan baimon nyamon na len ta Pasoba ja bwai; winiya le barasahan handru i san ta imek tek i nyara Pasoba, ma tondrok ta Kindrei winiya udu le buku doh.” \p \v 17 Ano, Jises kuhi bwiniu ma iy edeu wurah, ma edeu salom, ma tiye anya, “Ado ka-un waen dah, a sese le ki winiya ado. \v 18 Jo katiye tado kamwenen, jo kameh winiyan ba-un ndraye buwa waen dah ja bwai, winiya le tondrok ta Kindrei barasahan.” \p \v 19 Ano Jises kuhi jabi ramen, iy edeu wurah i ta aliy, ano iy boso-ei i noro ma iy anya, “Idah odak amwenen. [Jo edeu ta aseben ado. Ado kamekes kandriyen ki le buku doh ta abudon jo.” \p \v 20 Ano i le buku aliy, nyamon ano badeh, iy kuhi bwiniu waen, ma iy anya, “Bwiniu waen dah, kalem ta sahou randra le ha-un ja, ta ndrayek amou ewek ta aseben ado mari.] \v 21 Arile, ndramak ta edeu sa-oh tek hawe ta edeu jo i mine iri lau ndra-in badeh, manyah udu ndrahu nyamon hawek kada-ah. \v 22 Nadu Ndramak Awas kameh imek, ya sahou ta aliy bwai. Idoh in hamon ta seken ta Kindrei le. Arile sisi-in laba tinan kameh i bwele-e ndramak iy ale atehei iy ili mine iri lau ndra-in.” \v 23 Eme oro ndremenya oro ari ari ta are lau handru badu bolo oro doh kameh amekes lakou doh. \p \v 24 Ma hawe oro ale andres oro ta are handru kameh kudu bwele-en toro. \v 25 Eme Jises tiye i toro anya, “Iri kabin tiri lau badu leheleh badeh, atondrok iri lau tiri, ya oro aseken iri lau doh badeh, kaloh oro kawas toro ta aseben oro. \v 26 Arile, ado badeh, sala buku doh, ndri-iy labai. Are tado nyaran udu loken badeh, katehei iy keme andri ki buku nah bwisik. Ya are tado udu bwena badeh, iy kasahan lau ta gok kereu ndrokowa ado. \v 27 Are lau handru udu bwele-en? Ndramak ta asiu aimon nyamon deh, bwe, iy lohowan ta atiye nyamon? Sebwe iy ndramak ta asiu dah, nadeh? Arile, jo udu ndrokowa ado badeh, i buku lohowan ta aseben le ado. \v 28 Ado le badeh, baruwani jo bwe, ado an hawek na len mari jo bwese maha-an. \v 29 I buku none tama le edeu boto-on dah, eme tek ta atondrok, ya na dah jo kameh edeu ewek tado atondrok i le buku aliy. \v 30 Eme ya ado kameh aimon nyamon, ma a-un gwa ado bolo tondrok tek, ma ado kameh manyah ado koyeu hawek anuhun sahou toro boho kamen ma ronoh la-uh badu Isra-el. \s1 Jises nyowonya besebes ta Pita \r (Metiu 26:31-35; Mak 14:27-31; Jon 13:36-38) \p \v 31 “Ou ndranuhun Saimon! Tama Balik Satan badeh, ndrasumon ta none ado mari ta anya kapou ado, i buku ndramak ta bilin aleben buwa wit i len, ya munyahun i len. \v 32 Arile, Saimon, jo badeh, ndrasolom ta budon handru tam sataku. Ya, i buku none ou taku, ou badeh, tubuni ndrinem ma ou aseben budon toro kirih ja.” \p \v 33 Arile, Pita tiye i ta Jises anya, “Laban, i buku none ou ala bolo kou kameh jo ewek hawem ale. Ya, i buku none ou amak kameh jo imek hawem ale.” \p \v 34 Eme Jises tiye i tan anya, “Pita, jo katiye tam kamwenen. Na ben kameh, kakaro baden bwe le, ou kameh besebes anya ou tanam jo bwe san tulusin.” \p \v 35 Ano Jises ndremenya oro anya, “Jo mene suni ado ala laleyah, ari kohoya ado bwe, ya ari kohei ndrahu luk tado bwe, ma hawe ari ku-i kati ado bwe. Eme ado andriliu ta ari lakou deh bwe?” \p Eme oro anya, “Bo-oh, aso bandriliu ta ari lakou bo-oh.” \p \v 36 Ya eme iy tiye i toro, “Arile, na dah kameh i buku none ado ari kohei ta kohoya luk bwe, hawe i buku none ado ari kohoya ado ari kohei ta ndrahu lakou bwe badeh, ado kasilah tado ai. Ma i buku none ado ari samen ta bahun bwe, badeh, ado katehei lakou tado ki ta sisih ya ado kasih samen ta bahun ki tado. \v 37 Sahou mene ndratorowenei anya; \q1 ‘Iri lau badeh, ondrek jo ale udu mada sahou, hawe iri lau ndra-in.’ \rq Aisaya 53:12\rq* \m Ya eme, jo katiye tado kamwenen, lakou doh kameh asahan handru eme badak. Handru labai sahou mene ndratorowenei asehek ta nyalak, ndrame bakep handru.” \p \v 38 Eme oro lau tan anya, “Laban, ou anyolom samen ta bahun la-uh asah idah.” \p Eme Jises anya, “Badeh, ka-iy ai.” \s1 Jises asolom udu mandrei Olip \r (Metiu 26:36-46; Mak 14:32-42) \p \v 39 Ya eme, i buku none Jises mene ndramekes ndra-au ndra-au badeh, iy hawe oro lau tan ala bwili ndrondro-ou Olip. \v 40 Oro asos badeh, Jises tiye i toro anya, “Ado kasolom ki ta Kindrei ta ado, sataku sala bolo kandriyen ndra-in.” \v 41 Ano iy ili bwena sese, reu i buku none ndramak korou bek kili kisos aliy en. Eme iy atehei bwili ndru-un i andri ma iy asolom anya, \v 42 “Tama, na seken tam le, i buku none ou aseken badeh, ou andrei bwiniu ta isi udu hawek ki-iu. Arile idoh budon tek le, ou amekes ta seken tam le kasahan ki handru.” [ \v 43-44 Eme angelo ari badu kandrah eme edeu boto-on i tan. Eme ya Jises atona maha-an laba tinan labai, ma iy asolom irih le gwek; ma sa-ar tan atekeu i buku none ndra i andri bada munyak.] \v 45 Ano iy suri iy eme loke edek ili hawe oro lau tan atou oro ndramadin ta tikisiy. \v 46 Eme iy anya, “Ado amadin ta sasah? Ado kamak kasolom ki ta Kindrei ta ado sataku sala bolo kandriyen ndra-in.” \s1 Iri ateu Jises \r (Metiu 26:47-56; Mak 14:43-50; Jon 18:3-11) \p \v 47 Ya eme iy asehek sahou kahis le, Judas, iy badu hawe oro lau ma ronoh la-uh nane, in mwena ma hawe lau rayah an hamon tan, ame. Iy edek eme hawe Jises anya kedeu bohon ki boho Jises. \v 48 Arile, Jises lelen iy anya, “Judas, ou kameh adeu bohom eme bohok ma leheya Nadu Ndramak Awas i mine iri lau ai?” \p \v 49 Eme oro lau ta Jises anyolom teheya lakou asahan badeh, oro tiye i ta Jises anya, “Laban, aso amundroh oro na samen ai?” \v 50 Eme ari toro badeh, mwetehei ndranye bonyo-ou ta tinan tiri pris ari, salin iu. \p \v 51 Eme Jises eme anya, “Ka-iy ai!” Eme Jises atehei minen i ndranye bonyo-ou dah, ma ndranyen amwenen ja. \p \v 52 Ano Jises tiye i tiri tinan tiri pris, ma i tiri tinan ta atondrok asiu tinan ta Kindrei, ma hawe i tiri lau batun tiri Juwis nane, ame ta ateu iy dah anya, “Buku sah ya ado ame ma samen hawe kei? Jo ari lau ta amekes ramwes deh? \v 53 Jo badeh, udu hawe ado na len mari udu asiu tinan ta Kindrei, eme ya ado bateu jo bwe. Arile, na ben dah, ben tado ta amekes ai, tasah boto-on ta balik badeh, ndratondrok kon ai.” \s1 Pita maliye Jises \r (Metiu 26:57-58; Metiu 26:69-75; Mak 14:53-54; Mak 14:66-72; Jon 18:12-18; Jon 18:25-27) \p \v 54 Iri tawi Jises ma andrei iy ili asiu ta tinan tiri pris. Ya Pita badeh, edek udu hamon tiri amunum le, udu ndra len eme. \v 55 Ya iri badeh, tabani jih udu lohalak ta bolo kowah ta mada asiu doh, ma iri manyah anyan jih. Pita ili badeh, manyah udu hawe iri. \v 56 Eme badih ari ta lohowan atou Pita udu lomada jih. Eme iy anyolom Pita amwenen badeh, iy anya, “Iy ndramak kede-eh mene, ari badu hawen adeh.” \p \v 57 Eme Pita besebes anya, “Ou badih den, jo tanan iy ndramak kede-eh bo-oh.” \p \v 58 Ano udu ja badeh, ndramak ari atou iy ja anya, “Ou kede-eh, ari badu hawe oro adeh.” \p Eme Pita anya, “Aden, jo bwe!” \p \v 59 Ano udu luluwen badeh, ndramak ari ja anyolom Pita ili ili, ya iy seleyani Pita ma iy anya, “Iy ndramak kede-eh, badu hawen handru ma iy badu Galili.” \p \v 60 Eme Pita anya, “Aden, jo maliye sahou ou asehek badeh!” Pita asehek udu ndra bohon le badeh, kakaro eden. \v 61 Eme ya Jises tubuni iy, ma anyolom amwenen eme ta Pita. Eme Pita bwetenei sahou ta Laban mene asehek i tan i buku doh: “Na ben dah kameh kakaro baden bwe le, ou kameh besebes anya ou tanam jo bwe san tulusin.” \v 62 Eme iy iu ili len, ma iy eden andra-i labai. \s1 Iri lau ta bahun bobose Jises \r (Metiu 26:67-68; Mak 14:65) \p \v 63 Ya eme oro lau ta ndrokei atondrok Jises badeh, bobose iy ma a-um iy. \v 64 Eme oro sawei madan na kolau ma oro andrek iy anya, “Abo, buku none ou propet, ou none tiye se, are lau a-um ou doh?” \v 65 Ma hawe oro asehek sahou ndra-in solo-an i badan. \s1 Iri tiyani Jises ili ales udu mada iri kansol \r (Metiu 26:59-66; Mak 14:55-64; Jon 18:19-24) \p \v 66 Kon aleu badeh, iri lau tinan atukum ame hawe iri tinan tiri pris, hawe iri lau ta leheya kandriyen tiri Juwis atukum iri ase. Ano iri lau tiyani Jises ili ales udu mada iri. \v 67 Eme iri anya, “Abo, ou tiye taso! Ou kede-eh Krais deh?” \p Eme Jises anya, “I buku none jo katiye tado kameh, ado anya jo wasai. \v 68 Ma i buku none jo kandremenya ado ale kameh, ado winiyan basumon bohok bwe. \v 69 Arile, na dah ma na len eme kameh Nadu Ndramak Awas kameh manyah udu loboho lim salin ta Kindrei iy boto-on labai.” \p \v 70 Eme iri ndremenya iy anya, “Sebwe, ou kede-eh Nadu Kindrei ai?” \p Eme iy tiye i hamon i toro anya, “Ehe, ado tiye badeh, amwenen handru!” \p \v 71 Ano iri anya, “To anya kanuhun bohon ja ta sasah? To ndranuhun amwenen udu bohon kede-eh!” \c 23 \s1 Jises udu mada Pailat \r (Metiu 27:1-2; Metiu 27:11-14; Mak 15:1-5; Jon 18:28-38) \p \v 1 Ano iri lau mari nane suri iri are loken ma tiyani Jises ili hawe Pailat, \v 2 Eme iri tebeya wasai anya, “Ahi badeh, ndratakalahei ndramak dah amekes bolo manyah tiri lau tahi, bamwenen bwe. Iy tandra-un tiri lau badeh, sakeh luk sala ta Sisa, ma tiye anya, iy badeh, Krais, ma iy kabin tiri Isra-el.” \p \v 3 Ya eme Pailat ndremenya iy, “Ou kabin tiri Juwis neh?” \p Eme Jises anya, “Ou ndrasehek badeh kabwai.” \p \v 4 Ano, Pailat aloh i tiri tinan tiri pris, hawe iri lau mari dah, anya, “Jo batou ari lakou ndra-in iy ndramak dah, amekes bo-oh!” \p \v 5 Arile, iri sarakau anya, “Iy mene leheya ma amekes ndrokowa iri lau badu loboho Judiya bado mwasin bwe. Iy mene amekes kandriyen doh, udu ndra Galili on, eme taku dah.” \p \v 6 Eme Pailat anuhun sahou nane iri asehek ano iy ndremenya iri anya, “Iy badu Galili handru?” \v 7 Ya eme Pailat akohok tanan amwenen ta kon ta Jises. Kon ta Jises badeh, udu baha tondrok ta Herot, eme iy suni Jises ili hawe Herot. Tasah, na len doh badeh, Herot udu Jerusalem ale. \p \v 8 Eme Herot atou Jises badeh, iy sekesek handru, tasah iy ndra mwena mwena ndra-au badeh, aseken ta atou Jises labai. Iy mene anuhun le nyalan, eme na dah, iy anya kanyolom Jises kamekes kalem. \v 9 Iy ndremenya Jises san solo-an solo-an, arile Jises andru-uk le. \v 10 Eme iri lau tinan tiri pris, hawe iri lau ta leheya kandriyen tiri Juwis adek ame mirihik asehek sahou boto-on i bada Jises. \v 11 Ano Herot hawe oro lau ta bahun tan bobose iy, ma atehei kolau moroyan i la-un, ma suni iy i hamon hawe Pailat ja. \v 12 Na len bwena ndra-au, Herot uru Pailat badeh, ndrokowa uru udu aliy, arile na le len dah, badeh, uru ndra kawas ja. \s1 Pailat atehei Jises iu ta kei tondreh \r (Metiu 27:15-26; Mak 15:6-15; Jon 18:39–19:16) \p \v 13 Ano Pailat luhi iri lau hawe iri tinan tiri pris, ma hawe iri lau ta atondrok, hawe iri mari, ame. \v 14 Ya eme iy tiye i tiri anya, “Ado tiyani ndramak dah eme, ado anya iy badeh, amekes bolo ndrokowa iri lau andra-i. Udu mada ado nane ndra-au badeh, jo batakalahei ari lakou ndramak dah, amekes andra-i, i buku none ado mene asehek, bwe. \v 15 Ma Herot ale batakalahei ari lakou iy amekes andra-i bwe le. Ya eme ado anyolom, iy suni iy eme hamon ja dah. Iy winiyan bamak laleyah bwe, tasah iy bamesekei ari lakou bandra-i bwe. \v 16-17 Ya eme, idah kameh jo tiye iri lau ta bahun tek amekes isi i badan, ano iy bara-au.” \p \v 18 Arile, iri mari sarakau i le rasan anya, “Kadai iy, kadai iy! Ya karuwani Barabas keme hawe ahi!” \v 19 Barabas in bolo kou mene badeh, iy ta amekes bahun udu bolo kon tinan, ma hawe idi ndramak amak. \p \v 20 Eme Pailat tiye i toro ja anya, “Katolowei Jises ki-iu ai?” \v 21 Arile, iri aloh ma sarakau anya ja, “Katahi iy ki bada kei tondreh! Katahi iy ki bada kei tondreh!” \p \v 22 Ano i san tulusin ja iy tiye: “Buku sah handru, saba lakou ndra-in handru iy mesekei? Ndramak dah bamesekei se ari lakou bandra-i bwe, ya iy kimek laleyah ai? Eme idah kameh oro lau ta bahun tek ubwi iy ano iy bara-au.” \p \v 23 Arile, iri arah ma tiye sahou boto-on anya, “Katahi iy ki bada kei tondreh!” Eme ma abadok i tiri ai. \v 24 Eme Pailat in hamon ta boho iri ma tiye ta Jises badeh, kadai iy. \v 25 Ya eme iy ruwani Barabas mene amekes bahun udu kon tinan, ma idi ndramak badeh, udu bolo kou eme len. Ano iy atehei Jises ili mine iri, ma iri amekes sasah na seken tiri ai. \s1 Iri tatahi Jises i bada kei tondreh \r (Metiu 27:32-44; Mak 15:21-32; Jon 19:17-27) \p \v 26 Eme iri lau ta bahun badu Rom sirini Jises ili le badeh, iri ndruni ndramak ari nyaran Saimon badu kon Sairini. Iy edek udu kon munyak tinan eme. Eme iri tawi iy, atehei kei tondreh i kasen ma iy bwese udu hamon ta Jises. \v 27 Na bolo len doh badeh, iri lau mwan ma badih solo-an solo-an labai adek an hamon ta Jises. Ma hawe iri badih solo-an aden ma taya ndranye Jises. \v 28 Eme Jises tubuni iy ma tiye i toro anya, “Ado badih badu Jerusalem, ado saden ndranyek; ado kaden ndranye ado le, hawe nadu ado oro. \v 29 Tasah, udu bolo maha-an doh, eme kameh iri tiye anya, ‘Iri badih kis, hawe iri badih bato-ou nah bwe, hawe iri badih ta asus nah bwe kameh ado mwasin ja tiri ala nah udu aliy.’ \v 30 Tasah, na bolo len hamon doh kameh iri lau badu Israel tiye i tiri mandrei anya, \q1 ‘Ado katohou kame bwele-e aso!’ \m Ma hawe tiye i ta bwilin ndrondro-ou anya, \q1 ‘Ado tubuluhi aso ma katone aso ta lakou ndra-in doh!’ \rq Hoseya 10:8\rq* \m \v 31 Iri kameh amekes lakou doh, eme badak. Ya jo kameh i buku kei nyamanyak. Ya i buku none len ndra-in handru keme kameh, ado kameh i buku kei sana-an.”\f + \fr 23:31 \ft Jises asehek sahou sokek ya moson badeh, i buku doh: Jises le amwenen i buku kei nyamanyak. Iy bamekes ari lakou bandra-i bwe ma bamekes ari kandriyen ndra-in bwe. Ya, iri lau badu Isra-el badeh, i buku kei sana-an, ma idoh leheya i buku iri ndradih ta kandriyen ndra-in. Eme ya, buku Jises nane bamekes ari kandriyen ndra-in bwe, arile iy akohok sisi-in tinan, ya, saba lakou ja kameh asahan tiri lau rayah ja buku iri ndradih ta kandriyen ndra-in? Iri kameh akohok sisi-in tinan labai ja!\f* \p \v 32 Eme uru lau la-uh ndra-in ta tebelese badeh, sariye uru ala ta adeu uru ala bada kei tondreh ale. \v 33 Eme iri asos kon aloh, “Bwisi bar ta ndramak.” Eme iri atahi Jises i bada kei tondreh. Ma hawe atahi uru lau ma la-uh nane ale. Eme, iy ari udu loboho lim salin ta Jises, ya ari badeh, udu loboho lim kamweu. \v 34 Eme Jises tiye anya, “Tama, ou mani kandriyen ndra-in toro, tasah oro bala tana oro sasah oro amekes dah bwe.” Eme oro lau ta bahun atehei kolau tan i andri, ma oro amekes laki ta aliy, ta andrei kolau tan i le winiya oro. \p \v 35 Iri lau mari badeh, anyolom Jises, ya iri lau ta atondrok badu Juwis badeh, bobose iy anya, “Iy badeh, aseben iri lau rayah oh; ya abo, i buku none iy anya iy Krais handru, Kindrei suni iy; kanone iy kasebenei iy le amwenen se.” \p \v 36 Eme ya iri lau ta bahun ame bobose iy ale. Ma iri adeu waen titi-in i tan, \v 37 ma iri anya, “Buku none ou kabin tiri Juwis handru eh, ou none sebenei ou le se!” \p \v 38 Ya sahou tanan ari badeh, torowenei udu bwele-e batu Jises tiye i buku doh: “Idah Kabin tiri Juwis” \p \v 39 Eme ndramak ndra-in ari udu ta kei tondreh mirihik tan nane asehek sahou ndra-in i ta Jises anya, “Ou kede-eh Krais, bwe nadeh? Ou sebenei ou, ma hawe aru ah!” \p \v 40 Arile, ndramak ari udu bilisiu badeh, ibolosen i tan anya, “Ou kede-eh, banoh Kindrei bwe nadeh? Ou badeh, bwese maha-an i le buku iy kede-eh! \v 41 Talu bwese maha-an dah, amwenen ai, ta lakou talu amekes, arile iy badeh, bamekes se ari lakou bandra-i bwe.” \p \v 42 Ano iy tiye i ta Jises anya, “Jises, i buku none ou ame hamon, ma boto-on tam atondrok kon mari, ou samani jo.” \p \v 43 Eme Jises tiye i tan, “Jo katiye tam kamwenen handru en, na le dah kameh, ou ado hawek ado kon mwasin udu kandrah.” \s1 Jises imek \r (Metiu 27:45-56; Mak 15:33-41; Jon 19:28-30) \p \v 44 Eme, an eme udu le alih badeh, lulik tubuluhi kon marakon udu gwek winiya mada an taloh na beyeh. \v 45 Ma an banya bwe. Eme ma kolau ta aturuk madasan ta asiu tinan ta Kindrei badeh, atarah i le ma lusi. \v 46 Eme Jises aloh bohon i loke, anya, “Tama! Jo atehei kohak handru ewek minem.” Iy tiye sahou doh ano le badeh, kohan ano ma iy imek. \p \v 47 Eme ndramak ari tinan ta bahun anyolom lakou nane doh asahan badeh, iy atudun nyara Kindrei ma anya, “Handru labai, ndramak kede-eh, mwasin labai ta mada Kindrei.” \v 48 Ya eme iri lau mari anyolom lakou marakon doh badeh, ndrine iri tikisiy andra-i labai, ma mine iri i ade iri, hawe kandru iri i andri, ma iri adek au. \v 49 Arile, oro are tanan iy, hawe oro badih mene an hamon tan ado ndra Galili ame badeh, ales ado len anyolom lakou mari doh asahan. \s1 Jises i lek \r (Metiu 27:57-61; Mak 15:42-47; Jon 19:38-42) \p \v 50 Ya eme ndramak ari badu hawe iri kansol nyaran, Josep badeh, ndramak ari mwasin handru ta mada Kindrei. Iy badeh, badu kon ari iri aloh Arimateya udu bolo kon loboho Judiya. \v 51 Ya iy mene basekesek ta budon tiri mene amekes i bada Jises bwe. Ma hawe iy udu le, abe-en tondrok ta Kindrei kasahan. \v 52 Eme iy ili hawe Pailat ta ndremenya bada kei. \v 53 Ano iy eme kuhi bada kei eme andri, su-i iy na kolau ra-ei belen, ma atehei iy i munu bek ari, ndrasaniy bwena, ya lau bala aliy bwe le. \v 54 Idoh badeh, asahan na len ta alokou len ta amunyau, anya kasahan ai. \p \v 55 Eme oro badih mene ado hamon ta Jises ado ndra Galili ame badeh, an hamon ta Josep ala anyolom munu bek nane, hawe anyolom lowosa iy i bolon i andri i buku sah. \v 56 Ano oro au ala kon anyas ndrelekei hawe suluw ta amekes ki badan. Arile, oro amunyau na len ta amunyau in hamon ta batanau ndratiye. \c 24 \s1 Jises amak ja \r (Metiu 28:1-10; Mak 16:1-8; Jon 20:1-10) \p \v 1 Len ta amunyau ano, ya ma ndra wahun ta len ma bwena ta wik ari ja, oro badih mene andrei ndrelekei hawe suluw, oro mene amekes badeh, oro ala mada lek. \v 2 Oro ala badeh, anyolom bek ta mada lek ndratundruwiy ndra len. \v 3 Eme oro ala bolon badeh, oro banyolom Laban Jises bare aliy bwe. \v 4 Eme ya oro lomondra solo-an solo-an ta aliy le badeh, oro anyolom lau la-uh asini awin lomadan labai i buku kalik ame ales are ka-u oro. \v 5 Eme oro badih dah, anoh labai badeh, oro aluh ala andri bada munyak. Eme uru lau ma la-uh dah, tiye i toro anya, “Ado anya kame kanyolom ndramak mulin udu ndrahu lau amak dah ta sah? \v 6 Ado ndramani sahou mene iy tiye tado udu Galili ja? Iy bado dah bwe; Iy ndramak ja! \v 7 Nadu Ndramak Awas mene atehei iy i mine iri lau ndra-in ta karei ma lomondra ndra-in, ya iri atahi iy i bada kei tondreh, ma iy imek. Ya eme na len taloh ja badeh, iy ndramak ja ndrame loken.” \v 8 Ano badeh, oro baralomondrani ai. \p \v 9 Ano oro ado mada lek ame hamon badeh, oro asehek i toro lau ta Jises ma ronoh ari hawe asehek i tiri lau rayah ja. \v 10 Oro badih nane badeh, Mariya Makdala, Jo-ana hawe Mariya tine Jemis ma hawe oro lau rayah are hawe oro asehek nyala oro aposel. \v 11 Arile, oro batehei budon toro handru bala ta sahou toro badih nane bwe, tasah oro anya sahou toro badeh, ari moson bwe. \v 12 Ya eme Pita suri iy ma sakaliye ili mada lek. Eme iy aluh anya kanyolom kili badeh, atou le kolau le udu api. Ya eme iy eme len badeh, lomondra i tan le, ta lakou nane asahan dah. \s1 Udu san ili kon Ema-us \r (Mak 16:12-13) \p \v 13 Eme na le len doh badeh, uru lau ta Jises la-uh badeh, adek ado san ala kon Ema-us. San doh, udu Jerusalem ili Ema-us badeh, i buku none kilomita ronoh ari. \v 14 Uru adek san asehek nyala lakou mari mene ndra-au. \v 15 Uru asehek nyala uru ala le, eme Jises asahan hawe uru. \v 16 Arile, uru baseleyani se iy bwai. \p \v 17 Eme iy tiye i turu anya, “Ah asehek nyala ah ta sasah nane adek san dah?” Eme uru ado rasi, ma mada uru i andri ta tikisiy. \v 18 Eme iy ari nyaran Kliyopas anya, “Ou dah, lau badu leheleh barame Jerusalem ai, ya ou tanam lakou mari mene asahan doh bwe?” \p \v 19 Eme iy anya, “Saba lakou asahan deh?” \p Eme uru anya, “Aru badeh, asehek nyala Jises badu Nasaret. Iy badeh, propet. Iy asehek sahou badeh, sahou tan nyarahan labai, ma iy badeh, udu mwasin labai udu mada iri lau mari, ma udu mada Kindrei, ta bolo lahou tan mari iy amekes. \v 20 Eme ya iri tinan tiri pris tahi, ma hawe iri lau ta atondrok ahi, atehei iy ili mine iri lau ta bahun badu Rom, ma atahi iy i bada kei tondreh. \v 21 Arile, ahi badeh, abudon boto-on tan anya, iy le kameh winiyan sebenei iri lau badu Isra-el ado mwasin. Ya eme idah, i bada len taloh ai, ta lakou mari mene asahan. \v 22 Ma laba tinan ja badeh, oro badih rayah badu hawe aso badeh, mesekei boho aso asak handru ta aliy. Oro badeh, ala mada lek na mandraben nane anya katou iy, \v 23 arile oro batou iy bado aliy bwe. Eme oro ame badeh, tandra-un nyala aso mari ta aliy, ma oro tiye badeh, anya oro atou oro angelo ale. Ya eme oro angelo tiye i toro anya, ‘Jises ndramak ja.’ \v 24 Eme oro lau taso rayah ja ala atou, i le buku aliy. I buku none oro nane ndrasehek, oro banyolom iy bwe.” \p \v 25 Eme iy tiye turu anya, “Ah badeh, ndra bwe oh, ma ndrine ah badeh, edek amunum labai ta budon handru ta lakou mari mene iri propet asehek! \v 26 Idoh mwasin o? Ta Krais mene bwese maha-an doh, ya eme iy winiyan ili bolo lomadan tan.” \v 27 Eme iy asehek nyala lakou mari udu bolo sahou ta Kindrei i turu aleu labai, udu ndra kabatana Moses hawe tarou tiri propet, ano i turu. \p \v 28 Ya eme oro adek ame mirihik ta kon nane oro anya ka aliy badeh, Jises edek ales ili. \v 29 Arile, uru anya, “Ei, ou anya a heh? Ou amadin hawe aru na ben dan op, mirihik kon eben ai.” Eme iy eme hamon hawe uru. \p \v 30 Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru. \v 31 Eme mada uru aleu, ma uru baraseleyani iy ai. Arile, bwe adeh, iy ndramai ta mada uru ai. \v 32 Eme uru asehek i turu ari ari anya, “Sahou tan doh mene adeh, mesekei aru abadok ma sekesek adeh! Na len mene, iy edek san hawe talu asehek sahou mari badu bolo sahou ta Kindrei aleu eme ta talu.” \p \v 33 Eme uru suri uru suwi suwi ala Jerusalem. Eme uru ala badeh, ndruni oro lau ma ronoh ari ta Jises hawe lau rayah are hawe oro atukum. \v 34 Eme oro anya, “Handru! Handru! Laban badeh, ndramak handru, iy badeh, asahan hawe Saimon.” \v 35 Ano, uru asehek nyala oro ta lakou mene asahan san hawe uru, ma hawe asehek ta uru seleyani iy badeh, udu ta iy abo-os jabi ramen. \s1 Jises asahan hawe oro lau tan \r (Metiu 28:16-20; Mak 16:14-18; Jon 20:19-23) \p \v 36 Ya oro asehek nyala lakou doh, kahis le badeh, Jises amwenen asahan alih toro ma tiye anya, “Mondrei kudu hawe ado.” \p \v 37 Eme oro anya oro atou nyam, ma oro toroyani oro. \v 38 Eme iy tiye i toro anya, “Ado anoh ta sasah? I buku sah ado lomondra i buku badeh, udu ndrine ado? \v 39 Ado kanyolom minek hawe katik se. Idah jo amwenen! Ado ndranyolom ai, nyam badeh, salin bwe, hawe iy ndruwin le, arile jo badeh, salik udu aliy.” \p [ \v 40 Eme iy tiye sahou ano badeh, iy leheya minen hawe katin i toro.] \v 41 Eme ya oro sekesek tinan labai, arile budon toro androndro kahis le. Eme iy ndremenya oro anya, “Ado ari nyamon udu aliy deh bwe?” \v 42 Eme oro atehei ni sese ame-er i minen, \v 43 eme iy aimon udu mada oro mari atou. \p \v 44 Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.” \p \v 45 Ano, iy amekes budon toro aleu na sahou ta Kindrei. \v 46 Eme iy asehek i toro anya, “Sahou mene ndratorowenei asah i buku doh: Krais badeh, bwese maha ma iy imek, ya na len taloh ja kameh iy amak ja. \v 47 Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari. \v 48 Ya ado dah badeh, kasehek nyala lakou mari ado ndratou dah. \v 49 Ma jo kameh suni lakou mene tama mene tandrakan ta aliy badeh kameh, ewek tado. Arile, ado badeh, kado kon tinan dah kado, winiya ado le barakohok boto-on badu loken.” \s1 Jises iu i loken \r (Mak 16:19-20; Aposel 1:9-12) \p \v 50 Ano iy kuhi oro ame len ta kon tinan ame loboho Betani, ano iy suruni minen i loke ma iy edeu nyosowan i la-u oro. \v 51 Eme iy edeu nyosowan i la-u oro le badeh, ma Kindrei andrei iy iu i loken bolo kandrah. \v 52 Eme oro atudun nyaran, ano oro ma sekesek au a hamon ala Jerusalem. \v 53 Ya eme na len mari badeh, oro are asiu tinan ta Kindrei adeu wurah i tan.