\id 2JN - Dũya Translation Project
\ide UTF-8
\h 2 Uyohana
\toc1 Ubvur uwu uvaa Uyohana aka atsɛng
\toc2 2 Uyohana
\toc3 2Uyo
\mt2 Ubvur uwu uvaa
\mt1 Uyohana
\mt2 aka atsɛng
\imt Utsutson ri itsi ubvur uwu uvaa Uyohana aka atsɛng
\ip Awu Uyohana uner itser Uyesu atsɛng ubvur uwurɛ. Abɔɔ akaifɛrhkɔ ugɛ atsɛng ubvur uwurɛ ra amɛk aki 85-95 udzur ru unumkpi umbɔ aka amar Uyesu.
\ip Ru ubvur uwurɛ, Uyohana ayisi itsinga agɛ, <<ukukũ hã>>. Unga atsɛnge ubvur uwurɛ ru <<utsɛrh ha umbɔ aka asɛng nu angwɛ̃nga,>> ugɛɛ agbena agburh ikikɔng abika adɔsa nu abimbɔ. Ungwɛ̃rhũ ubvur uwurɛ udɛ̃ɛ̃ ishɔ̃rhã ugɛ umɛn ibema adɔka nu ikɛi igbiite ato abika adɔsa ri itsi abika amesuwe imesi igbɛrangwĩ.
\iot Abinkɛ aka awe umɔ
\io1 Utsutson ri itsi ubvur ha \ior (1-3)\ior*
\io1 Ugarh ibibema \ior (4-6)\ior*
\io1 Igbiir ato ru abika amesuwe imesi igbɛrangwĩ \ior (7-11)\ior*
\io1 Imimasha \ior (12-13)\ior*
\c 1
\p
\v 1 Ubvur udzeku ukukũ hã, uzĩ ru utsɛrh ha umbɔ aka asɛng unga nu angwɛ̃nga,\f + \fr 1.1 \fr*\ft Utsɛrh ha awu ikikɔng abika adɔsa nu angwɛ̃nga awu abika adɔsa.\ft*\f* abirabɛ umum iki ĩbema ri idzidzɛrhe, asi iwea umum ukpekũ, bɔr abika ahwɛng idzidzɛrhe. 
\v 2 Idzidzɛrhe iyɛ iki isei ru umɛn itsu umɛn ĩbema umbi, ikɛi idzidzɛrhe ha iwuri iwe nggu umɛn ugbagbaa.
\p
\v 3 Imimuta, atorh nu ididɔɔr idzeku Unum Utɛ nu Uyesu Ukiristo, Ungwɛ̃ Utɛ ha, iwuri iwe nggu umɛn ri idzidzɛrhe nu ibibema.
\p
\v 4 Umum inggɔmanggɔm akarhãrhã umum iki inyã awɛkacimbi abɔɔ aka azɛ̃rhã ri idzidzɛrha ha, ru nyaku Utɛ aka atsuka umɛn. 
\v 5 Icɛrɛ, uze ukutsɛrh, umum isi itsɛngamum ungo ikpem iyiki ifa, bɔr iyimɛn iki igũ ri inggbaashia. Umum ifɛn umbi ugɛ umɛn ĩbema adɔka. 
\v 6 Ibibema hã iyɛ, ugɛ umɛn izɛ̃rhã ri itsitsuk Utɛ. Ru nyaka umbi aka agũ ri inggbaashia, itsitsuknga igɔr igɛ umbi azɛ̃rhã ri ibibema.
\p
\v 7 Abika arhurhɛm arhɛrhɛ aka ashimbɔ ri imangmang ugɛ Uyesu Ukiristo aka aba ri iyor, àka adzek amaa upfunga. Ubɛn ikpũ abɛrɛ ha awu abika arhurhɛm na awe abika akpɛ̃ Ukiristo.
\p
\v 8 Àka arhi utsur itsermɛn iwengge ibɛm, bɔr umbi ama akpo undzumu itosa itsermbi.
\p
\v 9 Ubɛn unera aka atoma akase na asi idɛ̃ɛ̃nga ri imesa Ukiristo, asi iwea ru Unum, uwuruwi aka adɛ̃ɛ̃ ri imesa ha awea ru Utɛ nu Ungwɛ̃. 
\v 10 Unera aba abanga ru umbi na asi ikũwãnga imesa iyɛrɛ, àka niba akũna unga atsĩmbi ra ayambi use ayɛimbi unga. 
\v 11 Ubɛn unera aba ayɛisa ikpũnga, agashi itser iyiki ibewanga.
\p
\v 12 Umum iwu ra abina arhɛrhɛ umum iki itsɛnga umbi, bɔr umum isi ĩbeemum itsɛng ake ru ubvur. Nu ngge iki iwe rimi, umum ifosa ĩba iyepa umbi ru umɛn irherhe ri inyinyã adɔka, nggee ra anggɔmmɛn ama atsuafɛr. 
\v 13 Awɛkaci unapumbi abi Unum aka asɛng, aghwe ungo.