\id 2TH BC2TH.SCW Central Bontoc 2 Thessalonians 10-Nov-92 \h 2 Tesalonica \toc1 Nan Ikadwa ay Solat Pablo isnan iTesalonica \toc2 2 Tesalonica \toc3 2Te \mt1 Nan Ikadwa ay Solat Pablo isnan iTesalonica \imt1 Nan Makwani Maipoon isnan Maikadwa ay Solat Pablo isnan iTesalonica \ip Nan mamati id Tesalonica et cha mangawngaw nan semekcha tay ad-icha maawatan ay khawis nan maisos-olo ay mangwanin sa kasin omali si Cristo. Isonga insolat Pablo nan naay maikadwa ay solatna isnan iTesalonica tatno ipaawatna ay faken tet-ewa nan naibfakha ay apchas et inmali si Jesus. Kanana en egay kayet inmat tay isnan sisya ay ad-ina omaliyan et masapol ay omam-amed nan ngaag ay angnen nan takho khapo isnan mamatiyancha isnan mangap-apos ken Cristo. Finagfag-ana chaicha ta itot-oloycha koma ay mangipafifikas isnan pammaticha ken Cristo olay mo mapap-alikhat cha. Infakhana akhes ay masapol ay enchono cha is ikatakhocha kag nan inikkan cha Pablo ya nan iib-ana issan makitetey-ancha ken chaicha. Ya infakhana ta eestencha ay cha mangangnen isnan khawis. \iot Nan Linaona \io1 Nan lapon si solat 1:1-2 \io1 Nan nangichayawana ken chaicha khapo isnan kinagkhawischa 1:3-12 \io1 Tokhon maipoon isnan omaliyan kasin Cristo 2:1-17 \io1 Tokhon maipoon isnan okhalin nan mamati 3:1-15 \io1 Nan anongos nan solat 3:16-18 \ie \c 1 \p \v 1-2 Chakami na ay Pablo, Silas ya si Timoteo, ya siya na nan solatmi ken chakayo ay mamati issa id Tesalonica ay naiyornos ken Apo Dios ay Ama tako ya ken Apo Jesu Cristo. Asop ya nan fachang ya talna ay nalpo ken Dios Ama ya si Apo Jesu Cristo nan wad-ay ken chakayo. \s1 Nan Lagsak ay Fongan nan Likhat Midkakay ken Jesus \p \v 3 Lebfengna'y kad-in enyaman kami ken Apo Dios khapo ken chakayo ay iib-ami. Siya chi nan omno ay angnenmi, tay fomifikas nan pammatiyo ya nan layadyo am-in isnan ib-ayo. \v 4 Tay siya chi ichayechayewmi chakayo isnan am-in ay kaam-amongan nan mamati ken Apo Dios, tay olay mo chad-ama ay kholaen ya palikhatencha chakayo, ad-i enfab-aliw nan pammati ya nan anosyo. \v 5 Siya na nan mangipaila ay nalenteg nan angnen Apo Dios ay en-okom. Tay nan pangkhepna isnan mapalikhatanyo midkakay isnan en-ap-apowana et isakhanana chakayo ay maikali ay maitapi ischi. \v 6 Nalenteg tet-ewa si Apo Dios, tay chosaena ay mangipalikhat isnan cheycha'y mangipap-alikhat ken chakayo, \v 7 ya am-in tako ay maipap-alikhat, et palin-awaena. Siya nan at angnena isnan omaliyan Apo Jesus ay kag enfidfichang ay apey ay malpo id chaya, ay mangifofoweg isnan makabfalin ay anghelesna.\f + \fr 1:7 \ft Nan teken ay kaifalikkasan nan nay et, \fq “mangifoweg isnan anghelesna ay kail-an nan kamabfalina.”\f* \v 8 Sa na't chosaen nan mangad-i ken Apo Dios ya nan cheycha'y ad-i mangafolot isnan Khawis ay Chamag maipoon ken Apo tako ay Jesus. \v 9 Et siya na nan chosacha, at selaeg cha ay madchongaw is eng-engkhana, tay maipawa cha isnan kawad Apo Jesus sa cha't maisisiyan isnan langlang nan kamabfalina. \v 10 Siya chi nan omat isnan akhew ay omaliyana, ay machad-ayawana isnan takhona, ya mataalan nan am-in ay mamati isnan mangil-ancha ken siya. Maitapi kayo ken chaicha, tay pinatiyo nan nanistikhowanmi maipoon ken siya. \v 11 Tay siya chi kad-in ilowalowanmi chakayo ta si Apo Dios, ifilangna chakayo ay maikali isnan fiyag ay nangayakhana ken chakayo.\f + \fr 1:11 \ft Nan teken ay kaifalikkasan nan nay et, \fq “ta enfalinen Apo Dios chakayo si takho ay maikali isnan nangayakhana ken chakayo.”\f* Ya ta isnan kamabfalina, at maangnen am-in nan khawis ay pangkhepyo ya chonoyo maigkhapo isnan pammatiyo. \v 12 Mo siya chi nan maangnen at machad-ayaw nan ngachan Jesus ay Apo tako maichalan ken chakayo, ya machad-ayaw kayo akhes khapo ken siya. Maangnen am-in chana khapo isnan fachang nan Dios tako ya si Apo Jesu Cristo. \s1 Nan Enpail-an nan Takhon si Kinangaag isnan Sisya'y ad-i Tomoliyan Jesus \c 2 \p \v 1 Idwani ibfakhak ken chakayo maipoon isnan omaliyan Jesu Cristo ay Apo tako, ya nan maam-amongan tako ken siya. Iloneloneymi ken chakayo ay iib-ami, \v 2 ta ad-i kayo aped maal-allilaw paymo madchanakhan mo wad-ay cha nan mangipadpadto paymo mangifab-aag ay nan akhew ay omaliyan Cristo, inmali et. Olay mo kankanancha en wad-ay nan kag todi ay solatmi. \v 3 Ad-i kayo enpasas-ailo isnan olay sino, olay ngag issa ay kankanancha. Tay isnan sisya ay ad-i omaliyan Jesus, kholaen nan katakhotakho si Apo Dios ya at maipaila nan takhon si kinangaag. Id inferno yangkhay nan ayena. \v 4 Kholaena nan am-in ay ifilang nan takho ay dioscha, ya nan am-in ay machad-ayaw, ta patongchowena nan awakna. Sa et en tomokcho is kaTimplon Apo Dios ay mangipap-aila ay siya nan Dios. \v 5 Ad-iyo ngen sesemken ay siya chana nan chak infab-aag issan kawadko ken chakayo? \v 6 Ammoyo met mo ngag nan mangipakpakod ay manes-elat isnan takhon si kinangaag ay mangipaila isnan awakna engkhana isnan naischo ay olasna. \v 7 Wad-ay et nan maitatafon ay kinangaag ay enchonchono idwani. Ngem wad-ay akhes nan mangipakpakod ken siya, engkhana isnan timpon nan makaanan nan mangipakpakod ken siya, \v 8 sa et maipaila nan takhon si kinangaag. Ngem isnan omaliyan Apo Jesus pateyena siya isnan ngas-ana, ya pakawasena isnan chadlos somili ay enpail-ana. \p \v 9 Isnan enpail-an nan chey ay takhon si kinangaag, si Satanas nan mangipafikas ta nan chakchake ay kamabfalin ya nan kas-okas-on ay maton ya katataa, et wad-ay ken siya. \v 10 Iyalina am-in nan ilan si ngaag, ay mensailo isnan cheycha'y takho ay at madchongaw tay ad-icha laychen nan tet-ewa ay makaisalak ken chaicha. \v 11 Siya et chi nan khotok nan chadlos mangipaallilawan Apo Dios ken chaicha, ta sa cha't patpatiyen nan ineengag. \v 12 Tatno am-in nan egay namati isnan tet-ewa ya cha nangankhanas isnan kinangaag, et maokom cha am-in ay machosa. \s1 Nan Tokhon isnan Naitapi ay Maisalakan \p \v 13 Iib-ami ay laylaychen Apo Jesus, lebfengna'y kad-in enyaman kami ken Apo Dios maipoon ken chakayo, tay nailapo issan chamona, pinilin Apo Dios chakayo ay maisalakan maichalan isnan angnen nan Ispirito Santo ay mangipakapet ken chakayo ken Apo Dios ya isnan namatiyanyo isnan tet-ewa. \v 14 Siya chi nan khotok nan nangayakhan Apo Dios ken chakayo maichalan isnan Khawis ay Chamag ay infakhami, ta at maitapi kayo isnan katangtangachan Jesu Cristo ay Apo tako. \v 15 Adi kad iib-ami, pabfikasenyo nan pammatiyo ya wanchenyo nan sos-olo ay inog-okhodmi ya insos-olatmi ken chakayo. \p \v 16-17 Idwani, asop ya si Jesu Cristo ay Apo tako ya si Apo Dios ay Ama tako nan mangipafifikas isnan nemnemyo ya mangengngan isnan semekyo ta kecheng nan khawis is angnenyo ya kankananyo. Tay inpailan Apo Dios nan layadna ken chatako ya khapo isnan fachangna ken chatako pafibfikasena nan semek tako is eng-engkhana, ya ichowana nan khawis ay namnama ken chatako. \s1 Nan Kinchaw cha Pablo isnan iTesalonica \c 3 \p \v 1 Idwani chakayo ay iib-ami, omilol-owalo kayo ta menkaiwawalas ya machad-ayaw nan kalin Apo Jesus ay kag isnan naangnen ken chakayo. \v 2 Ilowaloyo akhes ta maikaskasiw kami isnan naoyong ya ngaag ay takho, tay ad-i am-in mamati nan takho. \v 3 Ngem olay mo siya chi khechangna'y kaaafolot si Apo Jesus. Pabfikasena chakayo ya isalakana chakayo ken Satanas.\f + \fr 3:3 \ft Nan inpangachan Pablo ken Satanas isna et, \+bd Nan Ngaag\+bd*.\f* \v 4 Khapo ken Apo Jesus, ad-i kami enchwadchwa ay cha yo ab-abfoloten nan am-in ay filinmi, ya siya akhes nan cha yo itot-oloy ay angnen. \v 5 Asop ya si Apo Jesus nan mangipaspasmek ken chakayo isnan layad Apo Dios ya isnan kinaanos Cristo. \s1 Nan Tokhon isnan Sangaan \p \v 6 Idwani, filinenmi chakayo ay iib-a isnan ngachan Jesu Cristo ay Apo tako, ta ad-iyo fob-owekhen nan ib-a ay mamati ay sangaan, ay ad-i omab-afolot isnan insos-olomi ken chakayo am-in. \v 7 Ammoyo met mo ngag nan cheycha'y inang-angnenmi ay wanchenyo koma. Tay maid paat sinangsangawmi is akhew issan kawadmi ken chakayo. \v 8 Maid akhes inal-alami is masapolmi ay egaymi finayachan, mod-i ket inkak-alikhatanmi ay nenfelay isnan inakhew ya minaschem ay nenchono ta maid palikhatenmi ken chakayo isnan kasapolanmi. \v 9 Ad-i khapo tay maid lebfengmi ay komchaw ken chakayo, mod-i ket ta iyangnenmi nan okhali ay osto ay wanchenyo. \v 10 Tay olay issan nakitey-anmi ken chakayo egaymi ngen infilin ken chakayo ay mo sino nan ad-i menlayad ay enchono, et ad-i akhes mangan? \v 11 Kananmi na tay chinngemi ay wad-ay ken chakayo issa nan ad-i enchonchono ay aped manangsangaw isnan akhew, ya en cha't yangkhay makifibfiyang isnan fiyang nan tapina. \v 12 Chaicha nan filinenmi isnan ngachan Apo Jesu Cristo, ya tokhonenmi ta nongnongencha nan angnencha ya ta enchono cha't yangkhay is ikatakhocha. \p \v 13 Nay met achi ken chakayo ay iib-ami, ad-i kayo maoma ay mangang-angnen isnan khawis. \v 14 Sa et mo wad-ay mamapaat ay ad-i mangafolot isnan ifagfakhami isnan nay ay solat, ilaenyo mo sino siya ta ad-iyo tottot-oyyen ta asop ya fomain. \v 15 Ad-iyo magtek kholaen, mod-i ket tokhonenyo siya ay kag yo akhi kannay. \s1 Nan Namindisyonan Pablo isnan iTesalonica \p \v 16 Idwani, asop ya si Apo Jesus ay kalpowan nan talna nan mangipaoornos ken chakayo olay mo ngag nan enfalinanyo. Asop ya wad-ay siya ay Apo tako ken chakayo am-in. \p \v 17 Isnan nay ochichin nan solat ay inpaisolatko ken chakayo et sak-en kannay ay Pablo nan ensolat ay mangomosta ken chakayo.\f + \fr 3:17 \ft Nan osto ay naisolat isna et, “Sak-en ay Pablo (nan mangisolat) isnan limak kannay isnan nay ay pakomosta.” \f* Siya na nan maton nan am-in ay solatko. \v 18 Asop ya wad-ay nan fachang Jesu Cristo ay Apo tako ken chakayo am-in.