\id 1TI BC1TI.SCW Central Bontoc 1 Timothy 10-Nov-92 \h 1 Timoteo \toc1 Nan Omona ay Solat Pablo ken Timoteo \toc2 1 Timoteo \toc3 1Ti \mt1 Nan Omona ay Solat Pablo ken Timoteo \imt1 Nan Makwani Maipoon isnan Omona ay Solat Pablo ken Timoteo \ip Si Timoteo nan esa'y mamati ay iDerbe. Nan inana et Judio ngem Griego nan amana. Nenfalin si Timoteo ay esa'y kafachang Pablo ay mangifab-aag isnan Khawis ay Chamag maipoon ken Cristo. Wad-ay nan tolo ay napateg ay laychen Pablo ay ibfakha isnan inmona ay solatna ken Timoteo. Nan omona et ibfakhana nan ikkan Timoteo tatno iyad-ina nan faken tet-ewa ay maisos-olo. Nan naay ay maisos-olo et aped nalpo isnan semek si takho. Nan ikadwa et infakhan Pablo nan masapol ay is-ison nan okhalin nan mangichad-alan isnan mamati ya nan osto akhes ay ikkan nan mamati isnan maam-amongancha. Isnan anongos nan solatna et infakhana ken Timoteo nan ikkana tatno omam-amed nan kinagkhawisna ay faan Cristo. \iot Nan Linaona \io1 Nan lapon nan solat 1:1-2 \io1 Tokhon maipoon isnan mamati ya nan mangichad-alan 1:3 - 3:16 \io1 Tokhon ken Timoteo maipoon isnan chonona 4:1 - 6:21 \ie \c 1 \s1 Nan Lapon nan Solat \p \v 1 Sak-en si Pablo ay apostol Cristo Jesus tay siya nan infilin Apo Dios ay omisas-alak ya si Cristo Jesus ay namnama tako. \p \v 2 Siya na nan solatko ken sik-a Timoteo, ay ifilangko ay tet-ewa ay anakko isnan pammati. \p Asop ya nan fachang, seg-ang ya talna ay nalpo ken Dios Ama ya si Cristo Jesus ay Apo tako nan wad-ay ken sik-a. \s1 Nan Tokhon Maipoon isnan Ad-i Tet-ewa ay En-isos-olo \p \v 3 Laychek ay entee ka kayet id Efeso. Siya met laeng chi nan inseg-aseg-angko ken sik-a issan nenpaMacedonia ak, tay wad-ay cha nan tapina ay en-isos-olo isnan ad-i tet-ewa issa. Iloneloneymo ken chaicha ta ad-icha itolotoloy. \v 4 Filinem akhes chaicha ta ad-icha aped sangsangawen nan timpocha isnan sinasangad-om ay og-okhod ya nan ad-i kakonkonto ay katontonan nan ngadngachan nan ikik-it id sangad-om. Kecheng nan masossosmaan is pawad-ayena ya maid ifachangna isnan pangkhep Apo Dios. Tay maangnen yangkhay nan pangkhepna isnan pammati yangkhay. \v 5 Nan pangkhepko isnan nay ay filin et ta fomikas nan layadcha ay malpo isnan nadchalos ay nemnem ya nan khawis ay semek ya nan tet-ewa ay pammaticha. \p \v 6 Wad-ay cha nan tapina ay aped nangiwayang isnan khawis ay okhali et nan ap-apat ay maid enfanfanakhana nan chonchonnencha. \v 7 Laychencha ay maifilang ay en-isos-olo isnan lenteg Apo Dios, ngem ad-icha maawatan nan kankanancha paymo nan lenteg ay ipapaticha kayet ay isolo. \s1 Nan Pangkhep nan Lenteg Apo Dios \p \v 8 Idwani, ammo tako ay nan lenteg et khawis yangkhay mo ket osto nan kaosalana. \v 9 Tay ammo tako ay faken nan nalenteg ay takho nan khotok nan nakhab-an nan lenteg, mod-i ket nan ngaag ya maid ammona's lenteg, nan ad-i enchad-ayaw ya fomafasol, nan mangad-i ya mangang-ango isnan nasantowan, nan mamse isnan amana, inana, paymo nan ib-ana ay takho, \v 10 nan mangikkan isnan asi ya nan lalaki ay mangiseyep kannay isnan ib-ana ay lalaki, nan manpap ay mangilako isnan ib-ana ay takho, nan engngakhan ya nan mangisapata isnan ad-i tet-ewa, ya nan tapina ay tekteken nan ang-angnencha ay ad-i maiyafoloy isnan tet-ewa ay sos-olo. \p \v 11 Nan nay ay sos-olo, et maiyafoloy isnan Khawis ay Chamag ay naitalek ken sak-en maipoon isnan katangtangachan nan machad-ayaw ay Dios. \s1 Nan Nenyamanan Pablo ken Apo Dios isnan Naneg-angana ken siya \p \v 12 Enyaman ak ken Cristo Jesus ay Apo tako ay mangipabfifikas ken sak-en ay mangangnen isnan nay ay chono, tay infilangna ay kaaafolot ak isnan nanotokana ken sak-en ay ensilfi ken siya. \v 13 Siya chi nan inangnena, olay mo issan chey et inam-amsiwko, inpap-alikhatko, ya inap-aposak siya. Ngem ket ay sinmeg-ang siya mo ke tay sisya'y egay ak namati ya ad-ik ammo ay ngaag nan chak angnen. \v 14 Chachama ay ad-i kakonto nan fachang nan Apo ken sak-en, tay inigwana nan pammati ya layad ay enkwa tako ay naiyornos ken Cristo Jesus. \v 15 Naay nan sos-olo ay tet-ewa, maid chwadchwana ya chadlos kapapati: Inmali si Cristo Jesus isnan lofong ay mangisalak isnan fomafasol. Ya sak-en nan kangaakhan ken chaicha. \v 16 Ngem siya na nan khotok nan naneg-angan Apo Dios ken sak-en ta wad-ay angnen Jesu Cristo ay mangipaila isnan ad-i kakonto ay anosna ken sak-en ay kangaakhan isnan am-in ay fomafasol. Siya chi nan inangnena ay mangipaila isnan kinaanosna isnan am-in ay at mamati ken siya ya manawat isnan fiyag ay maid pengpengna. \p \v 17 Machad-ayaw siya ay es-esang ay Dios ya eng-engkhana ay Ali ay ad-i katkatey ya ad-i maila. Siya nan matangtangad is eng-engkhana. Amen. \p \v 18 Nan ifilinko ay nay ken sik-a Timoteo ay anakko et maiyafoloy isnan cheycha'y naipadto issan chey maipoon ken sik-a. Ad-im lichongan nan inpadtocha tay siya nan mangipafikas ken sik-a ay mangangnen isnan khawis, ay siya nan iyafakmo isnan ngaag.\f + \fr 1:18 \ft Nan osto ay naisolat isnan Griego isna et, \fq “ta makigkhofat ka isnan khawis ay khofat.”\f* \v 19 Sam et eegnan nan pammati ya angnem nan khawis ay tan-oyan nan semekmo. Tay wad-ay cha nan nangokhay isnan khawis ay itchon nan semekcha et nay napakawas nan pammaticha.\f + \fr 1:19 \ft Nan osto ay naisolat isnan Griego isna et, \fq “pinakawascha nan bapor nan pammati.”\f* \v 20 Nan chwa ken chaicha et cha Himeneo ken Alejandro ay inchowak isnan kamabfalin Satanas tatno solowencha ay ad-i mangipangpangaag ken Apo Dios. \c 2 \s1 Nan Filin Maipoon isnan Angnen ay Enchayaw \p \v 1 Idwani, siya na akhes nan laychek ay ibfakha ken sik-a. Nan mang-ona, et masapol ay ilowalowan tako nan olay sino issa ay takho. Enlowalo tako ay enkechaw ya enyaman ken Apo Dios ta fachangana chaicha. \v 2 Ilowalowan tako akhes nan cheycha'y ali ya nan am-in ay ap-apo, tatno kakhigkhinek ya oompa nan angnen tako ay enfiyag ay mangipatpateg ken Apo Dios ya nan iib-a tako ay takho isnan am-in ay angnen tako.\f + \fr 2:2 \ft Nan teken ay kaifalikkasan nan nay et, \fq “nadchiosan nan angnen tako ay enfiyag ay nangipatpateg isnan iib-a ay takho isnan am-in ay angnen tako.”\f* \v 3 Siya chi nan khawis ya malaylaychan Apo Dios ay omisas-alak. \v 4 Laychena ay maisalakan nan olay sino ta mangammowancha isnan kinatet-ewa. \v 5 Tay es-esang nan Dios, ya es-esang akhes nan mabfalin ay mangitot-oya ken chatako ken Apo Dios et siya nan takho met laeng ay si Cristo Jesus \v 6 ay nangichowa issan fiyagna ay mensofot isnan am-in ay takho. Siya chi nan naangnen issan osto ay timpo ay pinilin Apo Dios ay nangipail-ana isnan pangkhepna. \v 7 Siya chi nan khotok nan nanotokana ken sak-en ay en-apostolna, ta ek ipalawag ya isolo nan kinatet-ewa isnan Gentil ta mamati cha. Tet-ewa sa, ad-ik eng-engag. \s1 Nan Angnen nan Mamati mo Maamong cha \p \v 8 Laychek akhes ay mo ke nan lallalaki nan mangichalan isnan lowalo isnan olay entona ay maamongan nan mamati. Masapol magtek ay nadchalos nan semekcha ya maid ken chaicha nan songet paymo soma mo en-achawag cha.\f + \fr 2:8 \ft Isnan ekhad nan Judio, mo enlowalo cha et itakchegcha ay entangad ay en-achawag. Nan osto ay naisolat isna et, \fq “enlowalo nan lallalaki ay en-achawag isnan nasantowan ay lima ay maid likhet ya soma.”\f* \p \v 9 Kag akhes isnan fabfafai, masapol ay inongnongcha nan fachocha ay osto ya maifakhay. Ad-icha koma labsen ay mangartiarti isnan fookcha\f + \fr 2:9 \ft Isnan ekhad si Judio, mo nan fafai et nan kaidchayawana nan sesemkena, apiapichena nan fookna ay mangikhab-ana isnan fallitok ya nan tapina ay nenkangingina. Tay siya chi, nan osto ay naisolat isna et, “Ad-icha koma apichen nan fookcha”\f* isnan fallitok ya nenkangina ay perlas, paymo enfacho isnan kanginginaan. \v 10 Nan magtek koma wadwad-encha et nan khawis ay okhali, ay maifakhay isnan fafai ay mangwanin mangipateg ken Apo Dios. \v 11 Masapol ay nan fabfafai et ikhigkhinekcha ay enchenge ya maiyornos cha ay khawis isnan en-isolo. \v 12 Ad-ik ipalofos ay isolowan paymo ichalan nan fabfafai nan lallalaki. Masapol ay khomigkhinek cha. \v 13 Tay faken si Eva nan nang-ona ay khinaeb Apo Dios, mod-i ket si Adan. \v 14 Ya faken si Adan nan nasailowan, mod-i ket si asawana ya ket nenfalin ay fomafasol. \v 15 Ngem olay mo siya chi, maisalakan kayet nan fabfafai isnan omanakancha, mo ke cha't manenemneman ya itot-oloy ay mamangset isnan pammati, layad, ya nan nadchalos ay okhalicha. \c 3 \s1 Nan Okhalin nan Mangichalan isnan Sinfaan \p \v 1 Naay nan tet-ewa ay nakwani: “Mo wad-ay menlayad ay siya nan mangichalan isnan mamati, napateg ay chono nan laychena.” \v 2 Tay siya chi masapol ay nan mangichad-alan isnan mamati, et maid makmakwaniyana, esang nan asawana, makakatpe, khawis nan semekna, maichayaw nan okhalina, al-allayad ay enmangili, nalaing ay en-isolo, \v 3 ad-i amfotngan, ad-i naoyong, ad-i makisomsoma, ad-i naakhom isnan siping, ya naanos. \v 4 Masapol ay khawis nan angnena ay mangichalan isnan pangafongna, sa et ichayaw ya abfoloten nan anan-akna siya. \v 5 Tay mo ad-i makaichalan ay khawis isnan pangafongna, ngag kay nan angnena ay mangaywan isnan mamati ay sinfaan Apo Dios? \v 6 Masapol ay faken kalamlamot isnan pammati tay ta ket lang chomayew, ya awni et maokom ay machosa kag isnan Chimonyo.\f + \fr 3:6 \ft Nan osto ay inpangachan Pablo ken Satanas isna et, \+bd Nan Enpangapangaag.\+bd*\f* \v 7 Masapol akhes ay napateg siya isnan ad-i mamati tay mo ad-i, awni't maang-ango siya ya makna isnan salachey nan Chimonyo. \s1 Nan Filin Maipoon isnan Kafachang nan Mangichad-alan isnan Sinfaan \p \v 8 Nan mapili ay mamadfachang isnan mangichad-alan isnan mamati et masapol ay manonongnong cha ya faken chwa nan chilacha,\f + \fr 3:8 \ft Nan laychen ay kanan nan chwa nan chilana isnan Griego et, ad-i kaaafolot siya tay teketeken nan kanana, ya ad-i makaomod isnan topekna.\f* ad-icha chacham-en ay ominom is fomoteng, ya ad-icha naaakhom. \v 9 Masapol ay osto nan semekcha ay mamangset isnan sikhod ay egay kaam-ammowan ay pammati tako. \v 10 Masapol ay napachas/natepeng cha ona, et mo maid makmakwaniyancha, mabfalin ay ensilfi cha ay kafachang isnan sinfaan. \p \v 11 Kag akhes isnan asaswacha, masapol met laeng akhes ay manonongnong cha, ad-i cha enpangapangaag, makakatpe cha, ya kaaafolot cha isnan am-in. \p \v 12 Nan lalaki ay kafachang, masapol ay esang nan asawana, ya khawis nan angnena ay mangichalan isnan an-ak ya pangafongna. \v 13 Siya chi tay mo eesten nan kafachang nan chonocha at maichayaw cha, sa cha't am-amed tomoled ay mangifaag isnan pammaticha ken Cristo Jesus. \s1 Nan Chadlos Napateg ay Pammati tako \p \v 14 Asop ya ad-i omannong ya makaeey ak issa, ngem khechangna'y isolatko ken sik-a tatno \v 15 olay mo mataktak ak, ammom mo ngag nan omno ay en-okhalin nan pangafong Apo Dios. Siya nan sinfaan nan matatakho ay Dios, ya nan pegnad ya tokod nan tet-ewa. \v 16 Maid chwadchwa ay chadlos napateg nan pammati tako ay sikhod ay egay kaam-ammowan. Siya na nan patiyen tako: \q1 Olay Dios siya, nenpaila ay takho, \q1 naipaila ay tet-ewa isnan Ispirito Santo, \q1 inilan nan angheles siya, \q1 naipalawag siya isnan kailiili, \q1 namati cha ken siya isnan olay entona isnan lofong, \q1 ya sa et naipalamag siya id chaya. \c 4 \s1 Nan Tokhon Maipoon isnan Ad-i Tet-ewa ay En-isos-olo \p \v 1 Nalatak nan ifagfakhan nan Ispirito Santo ay is tapin akhew, at wad-ay nan manaynan isnan pammati isnan manmanngelancha isnan ensas-ailo ay anito ya isnan mangab-abfolotancha isnan sos-olon si chimonyo. \v 2 Maichalan chana ay sos-olo isnan kas-on khawis ngem ket ay nalalangkowag ay takho ay kinmenteg nan semekcha ay kag naskheb isnan khomakhalang ay lanchok. \v 3 Ipawacha nan omasaw-an ya nan tapina ay makakan ay khinaeb Apo Dios. Ngem khinaebna chachi ta chawaten ya iyaman nan cheycha'y mamati ay mangammo isnan kinatet-ewa. \v 4 Tay am-in nan khinaeb Apo Dios, et khawis ya maid maad-i mo ket chawaten ya iyaman tako. \v 5 Tay maifilang ay naichaton chi ken Apo Dios maichalan isnan kalina ya nan lowalo. \s1 Nan Osto ay Ikkan nan Faan Jesu Cristo \p \v 6 Mo isolom nan naycha'y filin isnan ib-a ay mamati, khawis ka ay faan Jesu Cristo. Ya cha ka mapangpangan ya maeng-engngan isnan pammati ya nan tet-ewa ay sos-olo ay ab-abfolotem. \v 7 Ad-im sangsangngawen nan timpom isnan ongar ay og-okhod id sangad-om ay maid paat itchona maipoon ken Apo Dios. Ipaingsam et magtek nan okhali ay napateg ken siya. \v 8 Wad-ay enkhawisan nan mangipaingsaan isnan awak tako ay enfelay, ngem maid pengpeng nan enkhawisan nan mangipaingsaan tako isnan okhali ay ichayaw Apo Dios, tay faken yangkhay nan falo ay fiyag idwani nan inkalina mod-i ket nan fiyag ay eng-engkhana is tap-in. \v 9 Tet-ewa na ya lebfengna'y mapati ay maid chwadchwa. \v 10 Tay siya chi, ippey tako nan kafaelan tako ay enchono ay ensilfi ken siya tay inpey tako nan namnama tako isnan matatakho ay Dios ay mangisalak isnan am-in ay takho, ya am-amed ken chatako ay mamati. \p \v 11 Siya chachi nan isolom ya ifilinmo ken chaicha. \s1 Nan Tokhon Pablo ken Timoteo \p \v 12 Ad-im ipalofos ay ilayyosancha sik-a tay sisya'y egay ka naam-ama\f + \fr 4:12 \ft Tay inmannong ay infoweg Timoteo si Pablo, mabfalin ay solok si tolon poo nan tawena issan nensolatan Pablo ken siya. Nan osto ay insolat Pablo et, “Ad-im ipalofos ay ongosancha sik-a khapo isnan kinaongam.”\f*, mod-i ket ipailam isnan cheycha'y mamati nan wanchencha ay kali, layad, pammati, ya nan nadchalos ay semek ya okhali. \p \v 13 Estem ay mangifasfasa, mangipap-alawag ya mangisos-olo isnan kalin Apo Dios isnan maam-amongan nan mamati engkhana ay omali ak issa. \v 14 Ad-im iwayang nan kafaelan ay inlayad nan Ispirito Santo ken sik-a ay naipadto issan nangilowalowan ya nangipatangan nan amam-an nan mamati isnan limacha ken sik-a. \v 15 Estem ya ippey mo nan am-in ay kafaelam ay mangidno issacha ta ilaencha am-in ay cha ka maengngan. \v 16 Ilaem ay khawis nan angnem ya nan isos-olom, tay mo eestem chana at faken yangkhay sik-a nan maisalakan, mod-i ket olay akhes nan cheycha'y mannge ken sik-a. \c 5 \s1 Nan Omno ay Angnen isnan Ib-am ay Mamati \p \v 1 Ad-im ifogtakan nan naet-eteng mo sik-a, mod-i ket iloneymo ay mamagfakha ken siya ay kag mo ama. Ifilangmo ay kag mo ag-i nan lallalaki ay ong-ongang-a mo sik-a. \v 2 Nan fabfafai ay naet-eteng mo sik-a et ifilangmo ay kag mo in-a chaicha. Ilaem ta nadchalos nan semekmo isnan fabfafai ay ong-ongang-a mo sik-a, ya ifilangmo ay kag mo ag-i chaicha. \s1 Nan Filin Maipoon isnan Nailekkasan \p \v 3 Patkhem nan nailekkasan ay maid paat mamachang ken chaicha.\f + \fr 5:3 \ft Nan osto ay naisolat isnan Griego isna et, “Patkhem nan nailekkasan ay tet-ewa ay nailekkasan.”\f* \v 4 Ngem mo wad-ay an-ak paymo ap-ocha, masapol ay solowencha ay nan on-onaencha koma isnan ensilfiyancha ken Apo Dios et nan mennongnongancha isnan pangafongcha ta sobfalitancha nan chakek-echa ay nalpowancha, tay siya chi nan omno ken Apo Dios. \p \v 5 Nan nailekkasan ay maid paat mamachang ken siya ya maes-esang, et maid teken is namnamaena ay enpabfachangan mod-i ket si Apo Dios yangkhay ay ensegseg-angana isnan enlol-owalowana isnan minaschem ya inakhew. \v 6 Ngem nan nailekkasan ay mangankhanas isnan laychen nan awakna, et maifilang ay natey olay mo sisya'y matatakho. \p \v 7 Siya chana nan ifilinmo ta maid makmakwaniyancha: \p \v 8 Omona, mo wad-ay mangiwayang isnan kikib-ana, am-amed isnan chadlos pangafongna, et inwayangna nan pammati ya am-amed ay ngaag mo nan maid pammatina. \p \v 9 Ikadwa, nan nailekkasan ay mabfalin ay mailista et masapol ay ad-i enkolang is enem poo ay tawen, ya namingsan yangkhay ay nakiasawa.\f + \fr 5:9 \ft Nan teken ay kaifalikkasan nan nay et, \fq “egay nakiid-ichang paymo nenchwa isnan pantewna.”\f* \v 10 Masapol ay khawis nan kachamchamakhana isnan khawis ay ang-angnena, kag isnan inangnena ay nangengngan isnan an-akna, nan nenmangiliyana isnan mangili, nan nangifafan-ikhana isnan awakna ay mensilfi isnan ib-a ay mamati,\f + \fr 5:10 \ft Nan osto ay naisolat isnan Griego isna et, \fq “nan nen-owasanana isnan sikin nan sasanto.”\f* nan namadfachangana isnan maliglikhatan, ya nan nanangsetana ay mangangnen isnan ngag sisa ay khawis. \p \v 11 Ikatlo, ad-i mabfalin ay mailista nan cheycha'y nailekkasan ay sisya'y egay nain-ina, tay mo fomikas nan semekcha ay kasin mangasawa et maafak nan layadcha ay ensilfi ken Cristo, \v 12 et nay cha cha maokom isnan egaycha nanongpalan isnan sikhod ay inkalicha ken siya. \v 13 Nan esang akhes, et tay omeomey cha isnan kaafoafong, ke cha't ay omingsa ay manangsangaw isnan timpocha, ya faken yangkhay nan sangacha nan somya, mod-i ket en cha akhes okhookhochen nan tapina sa cha't makifibfiyang ay mangap-apat isnan ad-icha lebfeng ay kankanan. \v 14 Adi kad khapesna't si kasin mangasawa nan sisya'y egay nain-ina ay nailekkasan, ta omanak ya nongnongencha nan pangafongcha, ta maid wayan nan khomola ken chatako ay chomopchopis. \v 15 Kanak na tay wad-ay et nan tapina ay apchas nangiwayang isnan pammati ya ket ay si Satanas nan ab-abfolotencha. \p \v 16 Ikap-at, mo wad-ay nan mamati\f + \fr 5:16 \ft Nan nateketeken ay naisolat isnan tapin nan naisolat ay kalin Apo Dios isna et, \fq “mo wad-ay fafai ay mamati” \ft paymo \fq “mo wad-ay nan lalaki ay mamati”\f* ay nen-ib-a isnan nailekkasan, masapol ay siya nan mamachang ken siya, ta ad-i mapalikhatan nan maam-among ay mamati mod-i ket ta wad-ay angnencha ay mamachang isnan tapina ay nailekkasan ay maid paat mamachang. \s1 Nan Filin isnan Mamati Maipoon isnan Angnencha isnan Mangichad-alan ken chaicha \p \v 17 Idwani, nan cheycha'y tet-ewa'y osto nan angnencha ay mangichad-alan isnan mamati, et am-amed cha koma maichayaw ya maad-acha nan lagfocha,\f + \fr 5:17 \ft Nan teken ay kaifalikkasan nan nay et, \fq “mapidwa koma nan lagfocha,” \ft paymo, \fq “mapidwapidwa koma ay maichayaw.”\f* am-amed nan cheycha'y nakakhet ay enpalawag ya en-isolo. \v 18 Tay wad-ay nan infilin Apo Dios ay nangwanin, “Ad-iyo takchen nan topek nan faka mo cha na khatinan nan ilik ay naani.”\f + \fr 5:18 \ft Ilaenyo nan Deuteronomio 25:4, ya nan 1 Corinto 9:9.\f* Wad-ay akhes nan naisolat: “Nan enchono et lebfengcha'y malagfowan.”\f + \fr 5:18 \ft Ilaenyo nan Lucas 10:7.\f* \p \v 19 Ad-im chengchengngen nan isodsodcha ay fasol nan esang ay mangichad-alan isnan mamati mo maid chwa paymo tolo ay manistikho. \v 20 Ngem mo tet-ewa ay finmasol, tokhonem isnan sakhang nan am-in ay mamati ta wad-ay omegyatancha am-in. \p \v 21 Idwani, filinek sik-a isnan sakhang Apo Dios ya si Cristo Jesus sa et nan cheycha'y nasantowan ay angheles\f + \fr 5:21 \ft Nan osto ay naisolat isnan Griego isna et, \fq “nan nadchotokan ay angheles.”\f* ta maid pawadwad-em isnan mangiyangnenam isnan naycha'y filinko ken sik-a, mod-i ket en-isowem nan angnem ken chaicha. \v 22 Ad-im fafallangen ay menchotok isnan mangichad-alan isnan mamati. Ilaem ay khawis ona mo maid fasolna esam pay ipatong nan limam tay ta ket lang maitapi ka isnan fasolna. Ilaem ta nadchalos ka et yangkhay. \v 23 Faken yangkhay nan chanom is inomem, ngem khapo tay kad-in ensakit ka am-amed isnan potom, khawis akhes mo ominom ka is sin-ak-it ay fayas mo omchan nan sakitmo. \p \v 24 Sesemkem ay wad-ay cha nan takho ay maiila nan fasolcha, ay mangischo isnan madchosaancha. Ngem wad-ay akhes nan tapina ay sok-ed awni ona sa et maammowan nan finmasolancha. \v 25 Siya akhes isnan khawis ay angnen nan takho, wad-ay nan maiila, ngem olay mo ad-i kannay maila, khechangna'y ad-i maitafon is eng-engkhana. \c 6 \s1 Nan Khawis ay Angnen nan Faa ay Mamati \p \v 1 Nan tokhonko isnan cheycha'y nalakwan ay faa ay mamati,\f + \fr 6:1 \ft Nan osto ay naisolat isnan Griego isna et, “Chaicha ay wad-ay isnan sallong si faa”\f* et ta figfikhencha ay lebfengna'y maichayaw nan apocha, ta ad-i madchilaw nan ngachan Apo Dios paymo nan isos-olo tako. \v 2 Nan akhes cheycha'y faa ay mamati nan apocha, et ad-icha koma am-ammisan nan apocha khapo tay ib-acha ay mamati, mod-i ket onanig cha koma kayet ipapati ay enchono tay nan laylaychencha ay ib-acha kannay ay mamati nan manad-awat isnan fongan nan felaycha.\f + \fr 6:2 \ft Nan teken ay kaifalikkasan nan nay et, \fq “ib-acha kannay ay mamati ay laylaychen Apo Dios.”\f* \s1 Nan En-isos-olo isnan Tekteken ya nan Menlayad ay Fomaknang \p Siya chana nan isolom ya iloneloneymo ken chaicha. \v 3 Mo wad-ay en-isos-olo is teken ay ad-i maiyafoloy isnan osto ay sos-olon Jesu Cristo ay Apo tako, ya nan sos-olo ay ichayaw Apo Dios, \v 4 et chayew yangkhay nan kwana. Maid ammona. Enkhate nan chilana ay makisomsoma, ya nan yangkhay makiapeapes isnan ayen nan kali nan ab-abfikasana ay oomchas is apal, kholo, pangaag, atap \v 5 ya nan makisongfasongfatan nan takho ay nafang-es nan semekcha ya maid ammocha is tet-ewa. Kanancha en mo wad-ay fongaencha ay ifaknangcha isnan maitapiyancha isnan mamati. \p \v 6 Chakchake tet-ewa nan fongaen nan takho ay mamatpateg ken Apo Dios mo ket mamang-ep isnan wad-ay ken siya. \v 7 Tay maid ineegnan tako issan naiyanakan tako isnan lofong, ya at maid akhes itakin tako isnan komaanan tako. \v 8 Et nay mamang-ep tako koma mo ket yangkhay wad-ay omanay si kanen tako ya facho tako. \p \v 9 Ngem nan takho ay nan fomaknangancha nan an-anapencha et kad-in makna cha isnan sailo, ya masalacheyan cha isnan linilewlew ya omipasakit ay pangkhepcha ay mangiyey ken chaicha isnan eng-engkhana ay madchongawancha. \v 10 Tay nan layad isnan siping nan poon nan am-in ay ilan si kinangaag. Wad-ay cha nan tapina ay nangiwayang isnan pammaticha tay siping nan figfikhawencha et siya nan nangal-ancha isnan angsan ay sakit si semekcha ay kag manebtefek isnan nemnemcha.\f + \fr 6:10 \ft Nan osto ay naisolat isnan Griego isna et, \fq “manebtefek cha isnan angsan ay sakit.”\f* \s1 Nan Filin Pablo ken Timoteo \p \v 11 Ngem sik-a ay takhon Apo Dios, ikasiwam chachi. Ippeymo nan semekmo isnan nalenteg ay okhali ay ichayaw Apo Dios, nan pammati, nan layad, nan katpe ya nan anos. \v 12 Ippeymo nan kafaelam ay mangafak isnan ngaag. Siya nan khawis ay ischon nan pammati tako\f + \fr 6:12 \ft Nan osto ay naisolat isnan Griego isna et, “Makigkhofat ka isnan khawis ay khofat si pammati.”\f* tatno kowaem nan fiyag ay maid pengpengna ay khotok nan nangayakhan Apo Dios ken sik-a issan nangifag-am isnan namatiyam isnan khawis ay pammati issan chey isnan sakhang nan angsan ay takho. \p \v 13 Idwani filinek sik-a isnan sakhang Apo Dios ay manatakho isnan am-in ya si Cristo Jesus ay nangifaag isnan tet-ewa ken Poncio Pilato. \v 14 Ilaem ta chadlos mo abfoloten am-in nan naifilin ken sik-a ta ad-i mafab-aliwan paymo madchilaw engkhana isnan enpail-an kasin Jesu Cristo ay Apo tako. \v 15 Siya chi nan angnen Apo Dios isnan osto ay timpo ay ischona. Siya nan machad-ayaw ya siya yangkhay nan mangiyap-apo isnan am-in, nan Katongchowan ay Ali isnan am-in ay ali, ya nan Katongchowan ay Apo isnan am-in ay apo. \v 16 Kecheng siya is poon nan fiyag ay maid pengpengna. Maid paat makasag-en isnan kawadna tay chadlos somili. Maid paat takho is nangila ken siya, ya maid akhes makaila ken siya. Siya nan machad-ayaw ya en-apo is eng-engkhana. Amen. \s1 Nan Filin isnan Nafaknang ay Mamati \p \v 17 Timoteo, fagfag-am nan cheycha'y fafaknang isnan kalotaan ta ad-i cha chomayew. Ibfakham ta faken nan sin-ak-itan ay kinafaknang nan namnamaencha, mod-i ket si Apo Dios ay al-allayad ay mangichowa isnan am-in ay khawis ay kasapolan ta khanasen tako. \v 18 Ifilinmo ken chaicha ta angnencha nan khawis ya ta fomaknang cha akhes isnan khawis ay angnen, ya ad-icha imotan nan kinafaknangcha mod-i ket ta al-allayad cha ay en-ichowa. \v 19 Tay mo siya chi nan angnencha, et omam-among cha is poonancha id chaya ay khag-anasencha is tap-in akhew, ya kowaencha nan tet-ewa ay fiyag ay siya nan fiyag ay maid pengpengna. \p \v 20 Timoteo, ilaem ta itakchegmo nan sos-olo ay naitalek ken sik-a. Ad-im chengchengngen nan maid silfina ay ap-apat ay teketeken nan ayena, ay kankananchan tet-ewa ay sos-olo ngem maid ischona maipoon ken Apo Dios. \v 21 Wad-ay cha nan tapina ay nangafolot sidi ya chinnongawcha nan tet-ewa ay pammati. \p Idwani, asop ya waday ken chakayo am-in nan fachang Apo Dios.