\id 2JN - LABEL \h 2 Jon \toc3 2 Jon \toc2 2 Jon \toc1 A Munaur a Pas ane Jon \mt1 A Munaur a Pas \mt2 ane \mt1 Jon \imt1 A warwara talapor nigo \ip A pas ne e Jon i tumusi. I tumusi tetek a hane, ika a galis a tena tastasmanla la nuki mang a hane i warwara larlar ana lotu, pa na natnatna i warwara larlar ana tena tortorotla. Ning i warwara o e tasna hane a hane ning, i warwara ana lotu ana ning a hanua masik. \ip Ana pas ne i atai la mang lar mang artalai sur la, pa lar tai alar la kusun a asasongo na tena asaerla. \iot A tinan ana Munaur a Buk ane Jon: \io1 A kamkama buk ne (1-3) \io1 A marmaris (4-6) \io1 A tumarang ana tena asasongo (7-11) \io1 A ararop na warwara (12-13) \ie \c 1 \p \v 1 Iau e Jon, a ningnigo, a tumtumus tetek u, a hane ning e God i aslang pas u, pa na natnatum, ning a mang kol sur mulo ana momolna. Pa bel ia ka, mila rop otleng ning mila tasman a momolna. \v 2 Mila mang sur mulo anasa ana momolna ning i laun ondala, pa ir kes tikin taum ondala. \p \v 3 A marmaris, a wakak a toltol pa a bal molmol miting ta e God a Tamandala pa e Iesu Karisito e Natnalik, ir kes taum ondala ning dala kes ana momolna pa dala mang artalai sur dala. \s1 Dalar mang artalai sur dala \p \v 4 A gas kol ning a longori mang na natnatum la mur a momolna, arlar ana warkurai e Tamandala ka saran tari tetek dala. \v 5 Pa onone a nunung u, wan, sur dalar mang artalai sur dala. Bel a tumus ta tona warkurai tetek u. A warkurai ka ning dala longor tari nating ot. \v 6 A marmaris i manglarne: Dalar mur a warkurai ane God. Anuna warkurai, ning nating mulo ka longor tari, i manglarne, mulor laun ana marmaris. \s1 Mulor tai alar mulo kusun a tena asasongola \p \v 7 A galis a tena asasongola ning la puai mang e Iesu Karisito bel i hanot a barsan momol, la ka han sarara te na rakrakan hanua. A ngas a taraila ning, la na tena asasongo, pa la na hiruala ane Karisito. \v 8 Mulor tai alar mulo sur gong mulo suah sen a utna ning mulo ka titol suri. Ika, mulor tur rakrakai sur mulor kibas pas anumulo na kidol a arlou. \v 9 La ning la han masik kusun a asasaerla ane Karisito pa bel la muri, e God bel i kes onla. Ika la rop ning la mur a asasaerla ne, a Tamandala pa e Natnalik dia kes onla. \v 10 Ning tik ir han tetek mulo anal asasaer ning bel i arlar ana asasaer o e Karisito, gong mulo gasgas pasi pa mulo ben kasi ana numulo na rumaila. \v 11 Ning tik ir gasgas pasi, i harnangai ana nuna na laulau a titol. \s1 A ararop a warwara \p \v 12 A galis a utna ning ar tumusi tetek mulo, ika bel a mang sur ar tumtumus ana paka buk pa pen. Ika a nuki mang ar geren mulo, par awara mulo, sur a gasgas anundala ir itna kol. \p \v 13 Na natnat a tasimhane ning e God ka aslang pasi, la saran anunla marmaris tetek u.