\id 3JN - Rangi Translation Project
\ide UTF-8
\h 3 Yooháani
\rem Consultant: John Macaulay
\toc2 3 Yooháani
\toc1 Barʉ́wa ya katatʉ ya Yooháani
\mt2 Barʉ́wa ya katatʉ ya
\mt Yooháani
\imt Mʉlongooryo
\ip Barʉ́wa ɨhɨ, nɨ ya katatʉ ˆyaandɨkwa nɨ mutumwi Yooháani. Yooháani aandɨka barʉ́wa ɨhɨ nkufi kwa mwiimiriri wa vaantʉ ˆvamuruma Yéesu ˆasewáa Gáayo (\xt 1:1\xt*). Barúwii ɨhɨ, Yooháani amʉdʉʉmbɨrɨra Gáayo sa viintʉ ˆajáa avateengya vaantʉ ˆvamuruma Yéesu ˆveene yeeye Yooháani ajáa avatʉma na kwa Gáayo (\xt 1:5-8\xt*).
\ip Kɨɨntʉ chɨɨngɨ Yooháani alʉʉsa barúwii ɨhɨ nɨ mʉʉntʉ ʉmwɨ ˆaséwaa Diotiréefe. Ʉhʉ Diotiréefe avakaanʼyáa vaantʉ ˆvamuruma Yéesu vareke kʉndoovateengya vakiindya va Masáare Maaja (\xt 1:9-10\xt*). Na wɨɨngɨ alʉʉsa nɨ Demetirío, ʉhʉ iikaláa mwiikalo wa kɨkomi (\xt 1:12\xt*).
\iot ˆVyeene Kɨtáabu ɨkɨ Chagavwa
\io1 Lʉmbɨ na kʉvyeenda \ior 1:1-4\ior*
\io1 Mʉtɨma wo kiitoola kwa vaantʉ ˆvamuruma Yéesu \ior 1:5-8\ior*
\io1 Mɨrɨmo mɨvɨ ya Diotiréefe \ior 1:9-10\ior*
\io1 Mɨrɨmo miija ya Demetirío \ior 1:11-12\ior*
\io1 Masáare yo herererya \ior 1:13-15\ior*
\c 1
\s1 Lʉmbɨ
\p
\v 1 Nɨɨnɨ moosi mʉlongooli, nookwaandɨkɨra weewe Gáayo, kɨjeengi chaanɨ ˆnakweenda kɨkomi.
\p
\v 2 Kɨjeengi chaanɨ ˆnakweenda, nooloomba mʉvɨrɨ waako ʉwyɨɨre kiriwi, ja ˆvyeene nkaasʉ yaako yoowyɨɨra kiriwi. 
\v 3 Neeriwa mʉtɨma maatʉkʉ vii nɨ vaaniitʉ vamwɨ vara ˆvʉʉja na aha vakaangwyɨɨre ˆvyeene utúubaa njɨra ya kɨkomi. Mwiikalo waako na nteendo jaako nɨ ja kɨkomi mpɨɨndɨ joosi. 
\v 4 Kisiina kɨɨntʉ ˆchaanjéryaa mʉtɨma tʉkʉ, ja kʉteera vasinga vaanɨ kiikala viise ko tuuba kɨkomi.
\s1 Kʉkwaata Neeja Vatʉmami va Mweenevyoosi
\p
\v 5 Kɨjeengi chaanɨ ˆnakweenda, kɨra mpɨɨndɨ ˆʉrɨ kaambirirya vaaniitʉ na hasa vayeni, woónekyaa ˆvyeene ʉrɨ wo kiilaangiwa. 
\v 6 Avo vaaniitʉ voonekya kɨkomi mpuka ya vaantʉ ˆvamuruma \w Yéesu\w* aha, viintʉ ˆwaboohya mʉtɨma. Kalaama vaambirirye vatuube lʉyeendo lwaavo ja ˆvyeene ɨrɨ mweerya mʉtɨma Mʉlʉʉngʉ. 
\v 7 Sa vatʉmami ava vakwaata lʉyeendo lwaavo, sa vatʉmame mʉrɨmo wa \w Kirisitʉ\w* baa hokera nyambirirya yoyoosi fuma kwa vaantʉ sɨ ˆvamʉmányire Mʉlʉʉngʉ tʉkʉ. 
\v 8 Haaha suusu tasaakwa tʉvaambirirye vaantʉ ja ava, sa baa suusu tʉve hamwɨ novo kʉtʉmama mʉrɨmo wo vawyɨɨra vaantʉ kɨmáárɨ cha Mʉlʉʉngʉ.
\s1 Diotiréefe na Demetirío
\p
\v 9 Nɨjáa navaandɨkɨra mpuka ya vaantʉ ˆvamuruma Yéesu, maa kaa, Diotiréefe ʉhʉ ˆeenda kʉva wa ncholo, sɨ asaaka kʉʉnteerera baa kiduudi vii tʉkʉ. 
\v 10 Haaha ˆndɨrɨ kʉʉja, yavɨɨka ndɨrɨ kɨweerwii masáare yoosi ˆatʉ́mamaa, noo kʉsea, masáare mavɨ yo tʉlongowererya. Sɨ jeyyo vii tʉkʉ, yeeye sɨ avatéengyaa vaaniitʉ ˆvarɨ lʉyeendwii tʉkʉ, kei ɨndookaanʼya baa vaantʉ vɨɨngɨ vareke vateengya. Na koonɨ voosaaka vateengya, yeeye avakɨ́tɨraa na avakíbiryaa fuma kʉrɨ mpuka ya vaantʉ ˆvamuruma Yéesu!
\p
\v 11 Kɨjeengi chaanɨ ˆnakweenda, karɨ utuube wiijuviri mʉvɨ tʉkʉ, tuuba wiijuviri mʉʉja. Kɨra ˆatʉ́mamaa maaja, nɨ wa Mʉlʉʉngʉ, maa kaa, ʉra ˆatʉ́mamaa mavɨ, sɨ anamoona Mʉlʉʉngʉ tʉkʉ. 
\v 12 Kɨra mʉʉntʉ yoomʉdʉʉmba Demetirío, na mɨrɨmo yaachwe kɨkomi yoónekyaa nɨ mʉʉja. Baa suusu toomʉdʉʉmba yeeye nɨ mʉʉntʉ mʉʉja, na weewe ʉmányire koonekya kwiiswi nɨ kwa kɨkomi.
\s1 Lʉmbɨ jo Kiimikirirya
\p
\v 13 Natɨɨte masáare ˆyarɨ foo yo vawyɨɨra, maa kaa, sɨ noosaaka bweeyya jeyyo na wíino na karatáasi tʉkʉ. 
\v 14 ˆVyeene nookiilaangya kwiiyona tʉrɨ chaangʉ, aho, lʉʉsɨka tʉrɨ miiso kwa miiso.
\p
\v 15 Mwiikalo mʉʉja ʉve na weewe. Vijeengi viiswi va aha vookuluumbya. Naawe tuluumbirye vijeengi viiswi ʉko ʉmwɨ ʉmwɨ kwa irina raachwe.