\id REV - Kuvi
\ide UTF-8
\h ୱେ଼କ୍‌ହି ବ଼ଲୁ
\toc3 ୱେ଼ ବ଼ଲୁ
\toc2 ୱେ଼ ବ଼ଲୁ
\toc1 ଜହନଇଁ ତ଼ସାହାଁ ୱେ଼କ୍‌ହି ବ଼ଲୁ
\mt2 ଯୋହନଙ୍କ ପ୍ରତି ପ୍ରକାଶିତ ବାକ୍ୟ
\mt1 ଜହନଇଁ ତ଼ସାହାଁ ୱେ଼କ୍‌ହି ବ଼ଲୁ
\imt ମୂଲୁ ହା଼ଡା
\ip ୱେ଼କ୍‌ହି ବ଼ଲୁ ପୁଃନି ମେ଼ରାତି ରା଼ତି ପତି । ଈଦି ଜିକେଏ ଜହନ ତା଼ଣାଟି ଜୀସୁ କ୍ରୀସ୍ତ ଜାର୍ନାଆ଼ତି ୯୫ ବାର୍ସା ଡା଼ୟୁ ରା଼ସ୍‌କି ଆ଼ହାମାଚେ \xt ୧:୧\xt* । ଏ଼ୱାସି ଜହନତି ନେହିଁ କାବ୍ରୁତଲେ ତୀନିଗଟା ଆ଼କୁ ପତିୟାଁ ରା଼ଚାମାଚେସି ଏ଼ୱି \xt ୧ଜହ\xt*, \xt ୨ଜହ\xt* ଅ଼ଡ଼େ \xt ୩ଜହ\xt* । ଜହନ ଆମିନି ଗାଟାଣାଇଁ ଜୀସୁ ହା଼ରେକା ଜୀୱୁ ନ଼ହିଁମାଚେସି । ଜହନ ଏ଼ୟୁ ମାଦିମାନି ବୂମିତି ପାତ୍‌ମସ୍‌ ଟା଼ୟୁତା ମାନି ବେ଼ଲାତା ଈ ୱେ଼କ୍‌ହି ବ଼ଲୁ ରା଼ଚାମାଚେସି, ଇଚିହିଁ ଜୀସୁ କ୍ରୀସ୍ତତି ନେହିଁ କାବ୍ରୁତାକି ଏ଼ୱାଣାଇଁ ଏମ୍ବାଆଁ ଅ଼ୱିଆ଼ହାମାଚେ \xt ଜହ ୧୩:୨୩\xt* ।
\ip ଜୀସୁ ୱେଣ୍ତା ୱା଼ନି ଦିନା ଡାଗେ ୱା଼ହି ମାନାକି ଜୀସୁ କ୍ରୀସ୍ତ ତା଼ଣା ନାମୁତଲେ ମାଞ୍ଜାଲି ପ଼ଡ଼ୱି ଆ଼ନାରାକି ସା଼ସା ଅ଼ଡ଼େ ଆ଼ସା ହୀହାଲିତାକି ଈ ୱେ଼କ୍‌ହି ବ଼ଲୁ ରା଼ଚିତେସି \xt ୧:୩; ୨୨:୭\xt* । ଏ଼ୱାସି ବାରେ ନାମିତି ଲ଼କୁ ଅ଼ଡ଼େ ବାରେକିହାଁ ସା଼ତାଗଟା କୁଲମିତାକି ରା଼ଚିମାନେସି \xt ୨–୩\xt* । ଜହନ ତାନି ରା଼ଚିନି ତା଼ଣା ମାହାପୂରୁ ଅଣ୍‌ପୁତି ବ଼ଲୁ\xt ୧:୩\xt* ଅ଼ଡ଼େ ତାନି ମେସାମାନି ହା଼ରେକା ସିନାୟାଁତି କାତା ରା଼ଚିମାନେସି । ଈ ପତିତି ଏଚେକା ତା଼ଣା ପ୍ଣାଃଇ ପତି ତଲେ ସମାନା ମାନାଣି, \xt ଜିକ ୬:୧-୮\xt* ମେସାଲି ଆ଼ଡିନାୟି । ସା଼ତାଗଟା ତୀତ୍ରି ଅ଼ଡ଼େ ସା଼ତାଗଟା ଗିନାୟାଁ ଏମିନି ଗାଟାଇ ମାହାପୂରୁ ମିସରତି ଲ଼କୁଣି ଡଣ୍ତ ହୀହାଲିତାକି କସ୍ତୟାଁ ପାଣ୍ତାନେସି \xt ହାନାୟି ୭–୯\xt* ।
\ip ୱେ଼କ୍‌ହି ବ଼ଲୁ ରା଼ନି ବେ଼ଲାତି କାତା ୱେସିମାନେ, ଜୀସୁ ଡା଼ୟୁ ଜୀଣା ଆ଼ନେସି ଅ଼ଡ଼େ ଆମିନି ଗାଟାରି ଏ଼ୱାଣି ତା଼ଣା ବା଼ର୍ସୁ ଇଟିନେରି ଏ଼ୱାରି ବାରେବେ଼ଲା ଏ଼ୱାଣିତଲେ ଡ଼ୟିନେରି । ଈ ପତି ନିଙ୍ଗେ ଜାଗ୍ରାତା କିୟାପେ ଅ଼ଡ଼େ ଆ଼ସା ହିୟାପେ, ଇଚିହିଁ ଜୀସୁ ତବେ ୱେଣ୍ତା ୱା଼ହିମାନେସି ।
\iot ପତିତା ମାନାୟି
\io1 ୧ ଜହନ ତାଙ୍ଗେ ପୁଣ୍‌ମ୍ବିକିନାୟି ଅ଼ଡ଼େ ଡା଼ୟୁତି କାତା ମେହ୍‌ନାୟି । \ior ୧:୧-୨୦\ior*
\io1 ୨ ସା଼ତାଗଟା କୁଲମିକାକି ଜୀସୁ କ୍ରୀସ୍ତ ତା଼ଣାଟି ଜହନତି କାବ୍ରୁ । \ior ୨:୧–୩:୨୨\ior*
\io1 ୩ ସା଼ତାଗଟା ବୁଟୁ ମୁଦ୍ରା ଅ଼ଡ଼େ ସା଼ତାଗଟା ତୀତ୍ରି । \ior ୪:୧–୧୧:୧୯\ior*
\io1 ୪ ମୀର୍‌କା ଅ଼ଡ଼େ ସା଼ତାଗଟା ତା଼ର୍କାଗାଟି ରା଼ଚୁ ତଲେ ଜୁଜୁ । \ior ୧୨:୧–୧୪:୨୦\ior*
\io1 ୫ ସା଼ତାଗଟା କ଼ପାଗାଟି ଗିନାୟାଁ । \ior ୧୫:୧–୧୬:୧୮\ior*
\io1 ୬ ମାହାପୂରୁ ଲାକପୂରୁ ତାନି ସାତ୍ରୁଇଁ ଜୀଣା ଆ଼ନାୟି । \ior ୧୭:୧–୨୦:୧୫\ior*
\io1 ୭ ପୁଃନି ଲାକପୂରୁ ଅ଼ଡ଼େ ପୁଃନି ଦାର୍‌ତି । \ior ୨୧:୧–୨୨:୨୧ \ior*
\c 1
\p
\v 1 ଜୀସୁ କ୍ରୀସ୍ତତି ୱେ଼କ୍‌ହି ବ଼ଲୁ; ୱେ଼ଡ଼ା ଆ଼ଆନା ଏ଼ନାୟି ଗଟୱି ଆ଼ନେ ଏ଼ଦାଆଁ ବାରେ ଏ଼ୱାସି ଏ଼ନିକିଁ ତାନି ହ଼ଲିୟାଙ୍ଗାଣି ୱେହ୍‌ନେସି, ଏ଼ଦାଆଁତାକି ମାହାପୂରୁ ଈଦାଆଁ ଜୀସୁ ନ଼କିତା ହେର୍‌ପିତେସି, ଅ଼ଡ଼େ ଏ଼ୱାସି ତାନି ଦୂତୁଇଁ ପାଣ୍ତାନା ତାନି ହ଼ଲିୟା ଜହନଇଁ ଏ଼ଦାଆଁ ୱେସ୍ତେସି । 
\v 2 ଏ଼ ଜହନ ମାହାପୂରୁତି ବ଼ଲୁ ଅ଼ଡ଼େ ଜୀସୁ କ୍ରୀସ୍ତତି ସା଼କି କାତା ଇଚିହିଁ ଏ଼ୱାସି ଏ଼ନାଆଁ ମେସ୍ତେସି ଏ଼ ବାରେ କାତାତି ସା଼କି ହୀହିମାନେସି । 
\v 3 ଆମ୍ବାଆସି ଈ ପତି ପ଼ଡ଼ୱି ଆ଼ନେସି ଇଞ୍ଜାଁ ମାହାପୂରୁତି ବ଼ଲୁ ୱେଞ୍ଜାନା, ଈ ପତିତା ରା଼ସ୍‌କି ଆ଼ହାମାନାଣି ବାରେ ମା଼ନୱି ଆ଼ନାରି ନେହାଁରି, ଏ଼ନାଆଁତାକି ଇଚିହିଁ ଈ ବାରେ ଗଟୱି ଆ଼ନି କା଼ଲମି ଡାଗେ ୱା଼ତେୟିଏ ।
\s ସା଼ତାଗଟା କୁଲମିକି ଜହରା କିନାୟି
\p
\v 4 \x + \xo ୧:୪ \xo*\xt ୱେ଼ ବ଼ଲୁ ୪:୫\xt*\x*ନା଼ନୁ ଜହନତେଏଁ, ଆସିୟାତା ମାନି ସା଼ତାଗଟା କୁଲମିକାଣି ଜହରା ୱେସାନା ରା଼ଚିମାଞ୍ଜାଇଁ, ମାହାପୂରୁତି କାର୍ମାମେହ୍‌ନାୟି ଅ଼ଡ଼େ ହିତ୍‌ଡ଼ି ଜୀୱୁ ମିଙ୍ଗେ ଆୟାପେ, ନୀଏଁ ଆମ୍ବାଆସି ମାନେସି ତଲି ମାଚାସି ଅ଼ଡ଼େ ଜିକେଏ ଡା଼ୟୁ ଦିନା ୱା଼ନେସି, ଅ଼ଡ଼େ ତାନି ରା଼ଜିତି ସିଂଗାସାଣି ନ଼କିତା ନିଚାମାନି ସା଼ତାଗଟା ଜୀୱୁୟାଁ ତା଼ଣାଟି, 
\v 5 ଜୀସୁ କ୍ରୀସ୍ତ ନାମୁତି ସାତା ସା଼କି ହୀନାସି, ହା଼ତାରି ବିତ୍ରାଟି ତଲିଏ ଜାର୍ନା ଆ଼ତାସି, ଅ଼ଡ଼େ ଦାର୍‌ତିତି ରାଜାୟାଁଣି ସା଼ଲୱି କିନାସି । ଏ଼ୱାସି ମାଙ୍ଗେ ଜୀୱୁ ନ଼ହାଁମାଞ୍ଜାନେସି, ଅ଼ଡ଼େ ତାନି ନେତେରିଟି ମାଙ୍ଗେ ପା଼ପୁଟି ଗେଲ୍‌ପାତେସି । 
\v 6 \x + \xo ୧:୬ \xo*\xt ୱେ଼ ବ଼ଲୁ ୫:୧୦\xt*\x*ଅ଼ଡ଼େ ମାଙ୍ଗେ ର଼ ରାଜାତି କୂଲୁଲେହେଁ କିହାନା ଆ଼ବା ମାହାପୂରୁ ନ଼କିତା ପୂଜେରା ଲେହେଁ ଆ଼ଚାମାଞ୍ଜାନେସି, ତାନି ଗାୱୁରମି କାଜାପା଼ଣା କା଼ଲାକା଼ଲା ତାକି ଆ଼ପେ । ଆ଼ମେନ୍‌ ।
\p
\v 7 \x + \xo ୧:୭ \xo*\xt ମାତି ୨୪:୩୦; ମାର୍କ ୧୩:୨୬; ଲୂକ ୨୧:୨୭; ୧ତେସ ୪:୧୭; \xt*\xt ଜହ ୧୯:୩୪,୩୭; \xt*\xt ମାତି ୨୪:୩୦\xt*\x*ମେହଦୁ ଏ଼ୱାସି ଦୂନ୍ଦ୍ରା ତଲେ ୱା଼ହିମାନେସି, ଏଚେଟିଏ ବାରେ କାଣ୍‌କା ଏ଼ୱାଣାଇଁ ମେହ୍‌ନୁ, ଅ଼ଡ଼େ ଏ଼ୱାଣାଇଁ ଗ୍ଣାକ୍‌ହା ମାଚାରି ଜିକେଏ ମେହ୍‌ନେରି, ଦାର୍‌ତିତାରି ବାରେ କୂଡ଼ା ଏ଼ୱାସି ୱା଼ହିମାନାକି ଡ଼ୀନେରି ଏ଼ଦି ସାତା ଆ଼ନେ । ଆ଼ମେନ୍‌ ।
\p
\v 8 ବାରେ ବା଼ଡ଼୍‌ୟୁ ଗାଟି ପ୍ରବୁ ମାହାପୂରୁ ୱେସିମାନେସି, ନା଼ନୁ ମା଼ଟ୍‌ନାତେଏଁ ଅ଼ଡ଼େ ରା଼ପ୍‌ନାତେଏଁ, ଆମ୍ବାଆସି ନୀଏଁ ମାନେସି ତଲିଏ ମାଚେସି ଅ଼ଡ଼େ ଡା଼ୟୁ ଦିନା ୱା଼ନାସି ନା଼ନୁ ଏ଼ୱାତେଏଁ ।
\s କ୍ରୀସ୍ତଇଁ ମେହ୍‌ନାୟି
\p
\v 9 ନା଼ନୁ ଜହନତେଏଁ, ମୀ ତାୟିତେଏଁ, ଜୀସୁତି ସୀସୁ ଆ଼ହାଁ ତାନି ରା଼ଜି ଲ଼କୁତାକି ୱା଼ହିମାନି କସ୍ତ ଅ଼ର୍‌ହାଲି ନା଼ନୁ ମୀ ତଲେତି ର଼ ମାଣ୍‌ସିତେଏଁ । ଜୀସୁ ତ଼ସାମାନି ସାତା ଇଞ୍ଜାଁ ମାହାପୂରୁତି ବ଼ଲୁ ୱେସିମାଚାକି ନାଙ୍ଗେ ପାତ୍‌ମସ୍‌ ସାମ୍‌ଦୁରି ମାଦି ମାନି ଟା଼ୟୁତା ପାଣ୍ତାମାଞ୍ଜାତେରି । 
\v 10 ପ୍ରବୁତି ଦିନାତା ସୁଦୁଜୀୱୁ ନା଼ ଲାକ ରେ଼ଚାୱା଼ତେ, ଅ଼ଡ଼େ ନା଼ନୁ ଡା଼ୟୁ ୱାକିଟି ତୀତ୍ରି ମ଼ହ୍‌ରି ଲେହେଁତି କାଜା ଗିୟାଁତଲେ ଏଲେ ଇଞ୍ଜିମାଚି ର଼ ହା଼ଡା ୱେଚେଏଁ । 
\v 11 ନୀନୁ ମେସିମାନାଣି ରା଼ଚାମୁ ଅ଼ଡ଼େ ଈ ପତିତି ଈ ସା଼ତାଗାଟା କ୍ରୀସ୍ତାନା କୁଲମି ଇଚିହିଁ ଏପିସି, ସ୍ମର୍ନା, ପର୍ଗମ, ତୁୟାତିରା, ସାର୍ଦି, ପିଲାଦେଲ୍‌ପିୟା ଅ଼ଡ଼େ ଲାୱୁଦିକିୟାତି କୁଲମିତା ପାଣ୍ତାମୁ । \fig ଏସିୟାତି ସା଼ତାଗଟା କୁଲମିକା|alt="Map of seven churches in Asia" src="hk00378c.tif" size="span" copy="Horace Knowles ©" ref="୧:୧୧"\fig*
\p
\v 12 ଆମ୍ବାଆସି ନା଼ ତଲେ କାତା ଆ଼ହିମାନେସି, ଈଦାଆଁ ମେସାଲି ୱେଣ୍ତେ ସିନିକିତେଏଁ, ଇଞ୍ଜାଁ ସା଼ତାଗଟା ବାଂଗାରା ଦୀୱଁୟାଁ, 
\v 13 ଇଞ୍ଜାଁ ଏ଼ ଦୀୱଁୟାଁ ମାଦିଏ ମାଣ୍‌ସି ମୀର୍‌ଏଣା ଲେହେଁ ର଼ ମାଣ୍‌ସି; ଏ଼ୱାଣି ପାଃଆନାୟାଁ ପାତେକା ହିମ୍ବରି ପ୍ଡିକ୍‌ହା ମାଚେ ଅ଼ଡ଼େ ବକତା ବାଂଗାରା ପା଼ଟାତି ଡ:ରି ରୂପାମାଚେ; 
\v 14 ଏ଼ୱାଣି ତା଼ର୍ୟୁଁ ବା଼ଣାୟାଁ ଅପ୍‌ହି ଲୂଲୁ ଅ଼ଡ଼େ ପେଣ୍ଡି ମାଚୁ ଲେହେଁ ଦବ୍‌ଲା, ଅ଼ଡ଼େ ଏ଼ୱାଣି କାଣ୍‌କା ହିଚୁ ଲେହେଁ ଡ଼ୀଞ୍ଜି ମାଚୁ । 
\v 15 ତାନି ପାଃଆନାୟାଁ ହଲୁତା ହୂଡିତି ପିତାଡ଼ା ମ୍ଣିସିମାନି ଲେହେଁ ମିଣ୍‌ସି ମାଚୁ, ଅ଼ଡ଼େ ତାନି ଗିୟାଁ ଲଦ ଲଦ ଇଞ୍ଜିଁ ରିହିମାନି ଏ଼ୟୁତି ହା଼ଡା ଲେହେଁତାୟି । 
\v 16 ତାନି ଟିଃନି କେୟୁତା ସା଼ତାଗଟା ହୁକାୟାଁ ମାଚୁ, ତାନି ଗୂତିଟି ରିକୱାକି ଦା଼ରାଗାଟି କାଣ୍ତା ହ଼ତେ, ତାନି ମୂମ୍ବୁ ମାଦେନା ବେ଼ଲା ଡ଼ୀଞ୍ଜିମାନି କାରା ଲେହେଁ ଉଜେଡ଼ି ଗାଟାୟି । 
\v 17 \x + \xo ୧:୧୭ \xo*\xt ୱେ଼ ବ଼ଲୁ ୨:୮; ୨୨:୧୩\xt*\x*ନା଼ନୁ ଏ଼ୱାଣାଇଁ ମେସ୍‌ପନିଏ ହା଼ତିଲେହେଁ ତାନି କଡାୟାଁ ଡ଼଼ଇ ରିତେଏଁ, ଏମ୍ବାଟିଏ ଏ଼ୱାସି ନା଼ ଲାକ ତାନି ଟିଃନି କେୟୁ ଇଟାନା ଇଲେ ଇଞ୍ଜାତେସି, ଆଜାଆନି ନା଼ନୁ ମା଼ଟ୍‌ନାତେଏଁ ଅ଼ଡ଼େ ରା଼ପ୍‌ନାତେଏଁ । 
\v 18 ଆଜାଆଦୁ ନା଼ନୁ ନୀଡା ମାନାତେଏଁ ହା଼ତାତେଏଁ, ନା଼ନୁ କା଼ଲା କା଼ଲେଏତାକି ନୀଡାମାଇଁ, ହା଼ନାୟି ଅ଼ଡ଼େ ହା଼ତାରି ରା଼ଜିତି କୁଚିକା଼ଡ଼ି ନା଼ କେୟୁତା ମାନେ । 
\v 19 ଇଚିହିଁ ନୀନୁ ଏ଼ନାଆଁ ମେସାମାଞ୍ଜି, ଅ଼ଡ଼େ ଏ଼ନାୟି ନୀଏଁ ଆ଼ହିମାନେ ଇଞ୍ଜାଁ ଈଦାଣି ଜେ଼ଚ ଏ଼ନାୟି ଆ଼ନେ ଈ ବାରେ ରା଼ଚା ଇଟାମୁ । 
\v 20 ନା଼ ଟିଃନି କେୟୁତା ମେସାମାନି ସା଼ତାଗଟା ହୁକାୟାଁ ଅ଼ଡ଼େ ସା଼ତାଗଟା ବାଂଗାରା ଦୀୱଁ ସ଼ଡ଼ାୟାଁତି ଡ଼ୁଗାମାନି କାତା ଈଦି, ସା଼ତାଗଟା ହୁକାୟାଁ ସା଼ତାଗଟା କୁଲମିତି ଦୂତୁୟାଁ, ଅ଼ଡ଼େ ସା଼ତାଗଟା ବାଂଗାରା ଦୀୱଁ ସ଼ଡ଼ାୟାଁ ସା଼ତାଗଟା କୁଲମିକା ।
\c 2
\s ଏପିସି କୁଲମିତାକି କାବ୍ରୁ
\p
\v 1 “ଏପିସି କୁଲମିତି ଦୂତୁ ତା଼ଣା ରା଼ଚାମୁ, ଆମ୍ବାଆସି ଟିଃନି କେୟୁତା ସା଼ତାଗଟା ହୁକାୟାଁ ଆସାମାନେସି ଅ଼ଡ଼େ ସା଼ତାଗଟା ବାଂଗାରା ଦୀୱଁ ସ଼ଡ଼ାୟାଁ ମାଦି ରେ଼ଜିମାନେସି, 
\v 2 ଏ଼ୱାସି ଏଲେଇଞ୍ଜି ମାନେସି, ନୀନୁ କିହାମାନି କାମା ନା଼ନୁ ପୁଞ୍ଜାମାଇଁ, ନୀନୁ ଏ଼ନିକିଁ ୱା଼ହୁତଲେ କାମା କିହିମାଞ୍ଜି, ଅ଼ଡ଼େ ଏଚେକା ଅ଼ର୍‌ହିମାଞ୍ଜି ଏ଼ଦାଆଁ ପୁଞ୍ଜାମାଇଁ, ନୀନୁ ଲାଗେଏ ପ଼ଲେଏ କାମା କିନାରାଇଁ ଅ଼ପିହିଲଅତି, ଅ଼ଡ଼େ ପାଣ୍ତ୍‌ୱି ଆ଼ଆନା ମା଼ମ୍ବୁ ପାଣ୍ତ୍‌ୱି ଆ଼ହାମାନମି ଇଞ୍ଜିଁ ୱେସା କଡିନେରି, ନୀନୁ ତାୟିପାରି କିହାଁ ଏ଼ୱାରି ମିଚି କାତା ୱେହନାରି ଇଞ୍ଜିଁ ପୁଞ୍ଜିମାଞ୍ଜି । 
\v 3 ନା଼ ଦ଼ରୁ ତାକି ଦୁକୁ କସ୍ତ ଅ଼ର୍‌ହିମାଞ୍ଜି ଇଞ୍ଜାଁ ୱା଼ହାହିଲଅତି ଈଦାଆଁ ଜିକେଏ ନା଼ନୁ ପୁଞ୍ଜାମାଇଁ । 
\v 4 ଆତିହିଁ ଜିକେଏ ନୀ କ଼ପାଟି ନା଼ ଈ କାତା ମାନେ, ତଲି ଜୀୱୁନ଼ହିଁ ମାଞ୍ଜାତିଲେହେଁ ନୀଏଁ ଜୀୱୁନ଼ହିଁ ମାଞ୍ଜଅତି । 
\v 5 ଅ଼ଡ଼େ ନୀନୁ ଏ଼ନିକିଁ ଡ଼଼ଇ ତର୍‌ଗା ମାଞ୍ଜି ଏ଼ଦାଆଁ ଅଣ୍‌ପାନା ନୀ ପା଼ପୁ ପିସାହାଁ ମ଼ନ ୱେଟ୍‌ମୁ ଅ଼ଡ଼େ ତଲିତିଲେହେଁ ସାତା କାମା କିମୁ, ଆ଼ଆତିଁ ଏଚେ଼ତା ନୀନୁ ହିୟାଁ ୱେଟ୍‌ଅତି, ନା଼ନୁ ନୀ ତା଼ଣା ତବେ ୱା଼ହାନା ନୀ ଦୀୱଁ ନୀ ତା଼ଣାଟି ଏଟ୍‌କା ଗୁଚିକିୟାଇଁ । 
\v 6 ଆ଼ତିଜିକେଏ ନୀ ତା଼ଣା ର଼ ନେହିଁ ଗୂଣୁ ମାନେ ନା଼ନୁ ଏ଼ନିକିଁ ନିକଲାୟତାରି ବାରେ କାମା ଅ଼ପିହିଲଅଁ ଏଲେକିଁ ନୀନୁୱା ଅ଼ପିହିଲଅତି ।”
\p
\v 7 \x + \xo ୨:୭ \xo*\xt ୱେ଼ ବ଼ଲୁ ୨୨:୨\xt*\x*“କୁଲମିକାଣି ସୁଦୁଜୀୱୁ ଏ଼ନାଆଁ ୱେସିମାନେ ଆମ୍ବାଆରି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି । ଆମ୍ବାଆସି ଜୀଣା ଆ଼ନେସି, ଏ଼ୱାଣାଇଁ ନା଼ନୁ ମାହାପୂରୁ ରା଼ଜିତା ମାନି ଜୀୱୁଗାଟି ମା଼ର୍‌ନୁତି ପା଼ଡ଼େୟି ତିଞ୍ଜାଲି ହୀଇଁ ।”
\s ସ୍ମର୍ନା କୁଲମିତାକି କାବ୍ରୁ
\p
\v 8 \x + \xo ୨:୮ \xo*\xt ୱେ଼ ବ଼ଲୁ ୧:୧୭; ୨୨:୧୩\xt*\x*“ସ୍ମର୍ନା କୁଲମିତି ଦୂତୁ ତା଼ଣା ରା଼ଚାମୁ, ଆମ୍ବାଆସି ତଲିତାସି ଅ଼ଡ଼େ ଡା଼ୟୁତାସି, ଆମ୍ବାଆସି ହା଼ହାମାଚେସି ଅ଼ଡ଼େ ୱେଣ୍ତେ ନୀଡିତେସି, ଏ଼ୱାସି ଏଲେଇଞ୍ଜି ମାନେସି । 
\v 9 ନା଼ନୁ ନୀ ବାରେ କସ୍ତ ଅ଼ଡ଼େ ହାକି କା଼କୁଲି ପୁଞ୍ଜାମାଇଁ, ସାମା ନୀନୁ ବାତ୍‌କୁ ଗାଟାତି ଅ଼ଡ଼େ ଆମ୍ବାଆରି ଜୀହୁଦି ଲ଼କୁ ଆ଼ଆନା ମା଼ମ୍ବୁ ଜୀହୁଦି ଲ଼କୁତମି ଇଞ୍ଜିଁ ଇନେରି, ଏ଼ୱାରି ସୟତାନ ଗଚିତାରି ଏ଼ୱାରି ନିନ୍ଦା ଜିକେଏ ନା଼ନୁ ପୁଞ୍ଜାମାଇଁ । 
\v 10 ମୀରୁ ଏମିନି ଦୁକୁ ବେଟାଆ଼ହାଲି ହାଜି ମାଞ୍ଜେରି, ଏ଼ ବାରେ ଆଜାଆଦୁ; ମେହ୍‌ଦୁ ମିଙ୍ଗେ ତାୟିପାରି କିହାଲି ସୟତାନ ମୀ ବିତ୍ରାଟି ଆମ୍ବା ଆମ୍ବାଆରାଇଁ କା଼ୟିଦିତା ଇଟିନେ, ଅ଼ଡ଼େ ମୀରୁ ଦସ ଦିନା କସ୍ତ ବେଟାଆ଼ଦେରି । ମୀରୁ ହା଼ନି ପାତେକା ନାମୁତଲେ ମାଞ୍ଜୁ, ଆତିହିଁ ନା଼ନୁ ମିଙ୍ଗେ ଜୀୱୁତି ଟ଼ପେରି ହିୟାଇଁ ।”
\p
\v 11 \x + \xo ୨:୧୧ \xo*\xt ୱେ଼ ବ଼ଲୁ ୨୦:୧୪; ୨୧:୮\xt*\x*“କୁଲମିତି ସୁଦୁଜୀୱୁ ଏ଼ନାଆଁ ୱେସିମାନେ, ୱେଞ୍ଜାଲି କୀର୍କା ମାଚିସାରେ ୱେଣ୍‌ମ୍ବାସି, ଆମ୍ବାଆସି ଜୀଣା ଆ଼ନେସି ଏ଼ୱାଣାଇଁ ଅ଼ର ଦେବାତି ହା଼କି ତଲେ ନସ୍ତ କିହାଲି ଆ଼ଡେଏ ।”
\s ପର୍ଗମ କୁଲମିତାକି କାବ୍ରୁ
\p
\v 12 “ପର୍ଗମ କୁଲମିତି ଦୂତୁ ତା଼ଣା ରା଼ଚାମୁ, ଆମିନି ଗାଟାଣି ତା଼ଣା ରିକୱାକି ଦା଼ରା ଗାଟି କାଣ୍ତା ମାନେ ଏ଼ୱାସି ଏଲେଇଞ୍ଜି ମାନେସି । 
\v 13 ଆମିନି ତା଼ଣା ସୟତାନତି ସିଂଗାସାଣି, ଏମ୍ବାଆଁ ନୀନୁ ବାସା କିହିମାଞ୍ଜି, ଈଦାଆଁ ନା଼ନୁ ପୁଞ୍ଜାମାଇଁ, ଆତିହିଁ ଜିକେଏ ନୀନୁ ନା଼ ଦ଼ରୁତି ଆ଼ଟ୍‌ୱା ତଲେ ଆସାମାଞ୍ଜି, ଅ଼ଡ଼େ ନା଼ ସା଼କି ଆନ୍ତିପା ଏଚିବେ଼ଲା ମୀ ତା଼ଣା ସୟତାନତି ବାସା ଟା଼ୟୁତା ପା଼ୟ୍‌ୱି ଆ଼ହାମାଚେସି, ମୀରୁ ନା଼ ତା଼ଣା ନାମାମାନାକି ଏଚିବେ଼ଲାତା ଜିକେଏ ନାଙ୍ଗେ ପୁଞ୍ଜାହିଲଅଁ ଇଞ୍ଜାଆତି । 
\v 14 ଆ଼ତିଜିକେଏ ନୀ କ଼ପାଟି ର଼ କାତା ମାନେ, ଇଚିହିଁ ଆମିନି ବିଲିୟମ ପେ଼ଣ୍‌କା ବମାୟାଁକି ଡ଼ା଼କାମାନି ବ଼ଗୁ ତିନି ତା଼ଣାଟି ପା଼ପୁ ଅ଼ଡ଼େ ଦା଼ରିକାମା କିୱିକିନି ପା଼ନ୍ଦା ମେତ୍‌ହାଲି ଇସ୍ରାୟେଲ ମୀର୍‌କା ବାଲାକଇଁ ଜା଼ପ୍‌ହା ମାଚେସି, ଏଲେତି କାମା କିନି ଲ଼କୁ ମୀ ବିତ୍ରାଟି ଏଚରଜା଼ଣା ତା଼କିନାରି ମାନେରି । 
\v 15 ଏଲେକିହିଁଏ ନିକଲାୟ ଜା଼ପ୍‌ନାଣି ଆସାମାନି ଲ଼କୁ ମୀ ବିତ୍ରା ମାନେରି । 
\v 16 ଏ଼ଦାଆଁତାକି ମୀ ପା଼ପୁ ପିସାନା ହିୟାଁ ୱେଟ୍‌ଦୁ ଆ଼ଆତିଁ ନା଼ନୁ ମୀ ତା଼ଣା ତବେ ୱା଼ହାନା ନା଼ ଗୂତିଟି ହ଼ନି କାଣ୍ତାତଲେ ଏ଼ୱାରି କ଼ପାଟି ଜୁଜୁ କିଇଁ ।”
\p
\v 17 \x + \xo ୨:୧୭ \xo*\xt ଜହ ୬:୪୮-୫୦\xt*\x*“କୁଲମିକାଣି ସୁଦୁଜୀୱୁ ଏ଼ନାଆଁ ୱେସିମାନେ ଆମ୍ବାଆରି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି । ଆମ୍ବାଆସି ଜୀଣା ଆ଼ନେସି ଏ଼ୱାଣାକି ଡ଼ୁଗାମାନି ମାନା ତିଞ୍ଜାଲି ହୀଇଁ ଅ଼ଡ଼େ ଏ଼ୱାରି ବିତ୍ରାଟି ବାରେଜା଼ଣାତି ପୁଃନି ଦ଼ରୁ ରା଼ସ୍‌କି ଆ଼ହାମାନି ର଼ ଦବ୍‌ଲା ୱାଲି ହୀଇଁ, ଏ଼ ପୁଃନି ଦ଼ରୁ ଏ଼ନାୟି ୱାଲି ଆ଼ନାଣା ପିସ୍‌ପେ ଆମ୍ବାଆସି ପୁନଅସି ।”
\s ତୁୟାତିରା କୁଲମିତାକି କାବ୍ରୁ
\p
\v 18 “ତୁୟାତିରା କୁଲମିତି ଦୂତୁ ତା଼ଣା ଇଲେଇଞ୍ଜିଁ ରା଼ଚାମୁ, ମାହାପୂରୁତି ଆମିନି ମୀର୍‌ଏଣା କାଣ୍‌କା ଡ଼ୀଞ୍ଜିମାନି ହିଚୁ ଲେହେଁ ଇଞ୍ଜାଁ ପାଃଆନା କଡାୟାଁ ମ୍ଣିସିମାନି ପିତାଡ଼ା ଲେହେଁ ଏ଼ୱାସି ଏ଼ଦାଆଁ ଏଲେଇଞ୍ଜି ମାନେସି । 
\v 19 ନା଼ନୁ ନୀ କାମା, ଜୀୱୁ ନ଼ନାଣି, ନାମୁତଲେ ସେ଼ବା କିନାଣି, ଅ଼ର୍‌ହିନାଣି ପୁଞ୍ଜାମାଇଁ, ଅ଼ଡ଼େ ନୀ ତଲିତି କାମା କିହାଁ ନୀଏଁ ହା଼ରେକା ଗାଡି କାମା କିହିମାଞ୍ଜି, ଈଦାଆଁ ଜିକେଏ ପୁଞ୍ଜାମାଇଁ । 
\v 20 ଆ଼ତିଜିକେଏ ନୀ କ଼ପାଟି ର଼ ଇଚି କାତା ମାନେ, ଜିଜେବଲ୍‌ ଦ଼ରୁଗାଟି ଆମିନି ଇୟା ଜାହାରାଇଁ ମାହାପୂରୁ ଅଣ୍‌ପୁତି ବ଼ଲୁ ୱେ଼କ୍‌ନାତେଏଁ ଇଞ୍ଜିଁ ୱେସାକଡାନା, ନା଼ ସେ଼ବା କିନାରାଇଁ ଦା଼ରିକାମା ଅ଼ଡ଼େ ପେ଼ଣ୍‌କା ବମାୟାଁକି ଡ଼ା଼କାମାନି ବ଼ଗୁ ତିଞ୍ଜାଲି ଜା଼ପ୍‌ହାନା ଲାଗେଏ କିୱି କିହାମାନେ, ମୀରୁ ଏ଼ଦାଣି ଅ଼ର୍‌ହି ମାଞ୍ଜେରି । 
\v 21 ନା଼ନୁ ଏ଼ଦାନାକି ତାନି ପା଼ପୁ କାମା ପିସାନା ମ଼ନ ୱେଟ୍‌ହାଲି ହୀତି ଜିକେଏ, ତାନି ଦା଼ରିକାମା ପିସାଲି ମ଼ନ କିଆ଼ତେ । 
\v 22 ଈଦାଆଁତାକି ନା଼ନୁ ଏ଼ଦାନି ମା଼ଡ଼ୁ ହୁଞ୍ଜିକିଇଁ, ଅ଼ଡ଼େ ଆମିନି ଗାଟାରି ଏ଼ଦାନିତଲେ ଦା଼ରିକାମା କିନେରି, ଏ଼ୱାରି ତାମି ପା଼ପୁ କାମାଟି ହିୟାଁ ୱେଟ୍‌ଆତିଁ ନା଼ନୁ ଏ଼ୱାରାଇଁ ଆଜିହ଼ପେତି ସା଼ସ୍ତି ହୀଇଁ । 
\v 23 ଅ଼ଡ଼େ ନା଼ନୁ ତାନି ମୀର୍‌କା ମା଼ସ୍‌କାଇଁ ହା଼କି ତଲେ ନା଼ସାକିଇଁ, ଏଚେଟିଏ ନା଼ନୁ ବାରେ ଲ଼କୁତି ହିୟାଁ ଅ଼ଡ଼େ ମ଼ନତି ଅଣ୍‌ପୁ ପୁନାତେଏଁ, ଅ଼ଡ଼େ ବାରେଜା଼ଣାକି ତାମି କାମାତି ପା଼ଡ଼େୟି ହୀନାତେଏଁ ଇଞ୍ଜିଁ ବାରେ କୁଲମିକା ପୁଞ୍ଜାନୁ ।”
\p
\v 24 “ସାମା ମୀରୁ ତୁୟାତିରାତା ଏଚରଜା଼ଣା ମାନାତେରି ଏ଼ ଲାଗେଏତି ଜା଼ପ୍‌ନାଣି ଆସା ହିଲଅତେରି, ଇଞ୍ଜାଁ ଏଟ୍‌କାତାରି ଏ଼ନାଆଁ ସୟତାନତି ଡ଼ୁଗାମାନି କାତା ଇଞ୍ଜିଁ ଇନେରି, ଏ଼ଦାଆଁ ମୀରୁ ଜା଼ପାହିଲଅତେରି, ନା଼ନୁ ଏ଼ୱାରି ଲାକ ଏ଼ନି ପୁଃନି ବ଼ଜୁ ହୀଅଁ । 
\v 25 ଇଚିହିଁ ମୀ ତା଼ଣା ଏ଼ନାୟି ମାନେ ଏ଼ଦାଆଁ ନା଼ ୱା଼ନି ଦିନା ପାତେକା ତୀରିତଲେ ଆସାମାଞ୍ଜୁ ।”
\p
\v 26 ଆମ୍ବାଆସି ଜୀଣା ଆ଼ନେସି, ଅ଼ଡ଼େ ଡା଼ୟୁ ପାତେକା ନା଼ କାମା କିନେସି, ନା଼ନୁ ଏ଼ନିକିହିଁ ନା଼ ଆ଼ବା ତା଼ଣାଟି ଅଦିକାରା ବେଟାଆ଼ହାମାଇଁ, ଏଲେକିହିଁଏ ଏ଼ୱାଣାକି ଏ଼ ଦେ଼ସାତି ଅଦିକାରା ହୀଇଁ । 
\v 27 ଏ଼ୱାସି ବାରେ କୂଡ଼ାତି ଲ଼କୁଣି ଲ଼ହ ବାଡ଼୍‌ଗା ତଲେ ସା଼ଲୱି କିନେସି ଅ଼ଡ଼େ ଇର୍‌ଆ ଡ:କାୟାଁ ଲେହେଁ କୁଟୁକୁଟା କିନେସି । 
\v 28 ଅ଼ଡ଼େ ନା଼ନୁ ଏ଼ୱାରାକି ୱେ଼ୟାଜାରା ହୁକା ଜିକେଏ ହୀଇଁ ।
\p
\v 29 “କୁଲମିକାଣି ସୁଦୁଜୀୱୁ ଏ଼ନାଆଁ ୱେସିମାନେ ଆମ୍ବାଆରାକି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି ।”
\c 3
\s ସାର୍ଦି କୁଲମିକି କାବ୍ରୁ
\p
\v 1 “ସାର୍ଦି କୁଲମିତି ଦୂତୁ ତା଼ଣା ରା଼ଚାମୁ, ଆମ୍ବାଆସି ମାହାପୂରୁତି ସା଼ତାଗଟା ଜୀୱୁୟାଁ ଅ଼ଡ଼େ ସା଼ତାଗଟା ହୁକାୟାଁ ଆସାମାନେସି ଏ଼ୱାସି ଏଲେଇଞ୍ଜି ମାନେସି, ନା଼ନୁ ମୀ କାମା ବାରେ ପୁଞ୍ଜାମାଇଁ ମୀରୁ ଦ଼ରୁ ତାକି ଜୀୱୁ ଗାଟାତେରି, ସାମା ସାତା ତଲେ ହା଼ତାତେରି । 
\v 2 ଜାଗ୍ରାତା ଆ଼ଦୁ ଅ଼ଡ଼େ ମୀ ତା଼ଣା ଏ଼ନାୟି ମାନେ ଏ଼ ବାରେ ଡ଼ୁଗିନି ନ଼କେଏ ଏ଼ୱାଆଁ ବା଼ଡ଼୍‌ୟୁ କିଦୁ, ଇଚିହିଁ ନା଼ନୁ ମୀ ବାରେ କାମା ନା଼ ମାହାପୂରୁ ନ଼କିତା ଦ଼ହ ହିଲାଆଗାଟାୟି ତ଼ଞ୍ଜା ଆ଼ହା ହିଲେଏ । 
\v 3 \x + \xo ୩:୩ \xo*\xt ମାତି ୨୪:୪୩,୪୪; ଲୂକ ୧୨:୩୯,୪୦; ୱେ଼ ବ଼ଲୁ ୧୬:୧୫\xt*\x*ଏ଼ଦାଆଁତାକି ମୀରୁ ଏ଼ନିକିଁ ଜା଼ପାମାଞ୍ଜେରି ଅ଼ଡ଼େ ୱେଞ୍ଜାମାଞ୍ଜେରି ଏ଼ଦାଣି ଅଣ୍‌ପାନା ମା଼ନୱି ଆ଼ଦୁ ଇଞ୍ଜାଁ ପା଼ପୁଟି ହିୟାଁ ୱେଟ୍‌ଦୁ; ମୀରୁ ଜାଗ୍ରାତା ଆ଼ଆତିହିଁ ନା଼ନୁ ସ଼ରୁଲେହେଁ ମୀ ତା଼ଣା ୱା଼ଇଁ, ଏ଼ଦାଣି ଏ଼ନିଜିକେଏ ମୀରୁ ପୁଞ୍ଜାଲି ଆ଼ଡଅତେରି । 
\v 4 ସାମା ସାର୍ଦିତା ମୀ ବିତ୍ରା ଏଚରଜା଼ଣା ମାନେରି, ଏ଼ୱାରି ତାମି ହିମ୍ବରିକା ମା଼ହିଁ କିହାଁ ହିଲଅରି, ଏ଼ୱାରି ଅପ୍‌ନି ହିମ୍ବରିକା ହୁଚାନା ନା଼ ତଲେ ତା଼କିନେରି, ଏ଼ନାଆଁତାକି ଇଚିହିଁ ଏ଼ୱାରି ପା଼ଡ଼ା ଆ଼ତାରି । 
\v 5 \x + \xo ୩:୫ \xo*\xt ୱେ଼ ବ଼ଲୁ ୨୦:୧୨; \xt*\xt ମାତି ୧୦:୩୨; ଲୂକ ୧୨:୮\xt*\x*ଆମ୍ବାଆରି ଜୀଣା ଆ଼ନେରି ଏ଼ୱାରି ଏଲେତି ଅପ୍‌ନି ହିମ୍ବରିକା ହୁଚିନେରି, ଅ଼ଡ଼େ ନା଼ନୁ ଏ଼ୱାରି ଦ଼ରୁ ଜୀୱୁଗାଟି ପତିଟି ଏଚେଲାୱା ମ୍ଣେକ୍‌ଅଁ, ଇଞ୍ଜାଁ ନା଼ନୁ ନା଼ ଆ଼ବା ଅ଼ଡ଼େ ତାନି ଦୂତୁୟାଁ ନ଼କିତା ନା଼ ତଲେତାରି ଇଞ୍ଜିହିଁ ଏ଼ୱାରି ଦ଼ରୁ ୱେ଼କ୍‌ଇଁ ।”
\p
\v 6 “କୁଲମିକାଣି ସୁଦୁଜୀୱୁ ଏ଼ନାଆଁ ୱେସିମାନେ ଆମ୍ବାଆରି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି ।”
\s ପିଲାଦେଲ୍‌ପିୟା କୁଲମିତାକି କାବ୍ରୁ
\p
\v 7 “ପିଲାଦେଲ୍‌ପିୟା କୁଲମିତି ଦୂତୁ ତା଼ଣା ରା଼ଚାମୁ, ଆମ୍ବାଆସି ସୁଦୁଗାଟାସି ଅ଼ଡ଼େ ସାତାତାସି ଆମିନିଗାଟାଣି କେୟୁତା ଦାୱୁଦତି କୁଚିକା଼ଡ଼ି ମାନେ, ଏ଼ୱାସି ଦା଼ରା ଦେତିସାରେ ଆମ୍ବାଆସି ସୁଣ୍ତାଲି ଆ଼ଡଅସି, ଅ଼ଡ଼େ ଦା଼ରା ସୁଣ୍ତିସାରେ ଆମ୍ବାଆସି ଦେଚାଲି ଆ଼ଡଅସି, 
\v 8 ଏ଼ୱାସି ଏଲେଇଞ୍ଜି ମାନେସି ନା଼ନୁ ମୀ କାମା ପୁଞ୍ଜାମାଇଁ, ସିନିକିଦୁ ନା଼ନୁ ମୀ ନ଼କିତା ର଼ ଦା଼ରା ଦେଚାମାଇଁ, ଏ଼ଦାଆଁ ଆମ୍ବାଆସି ସୁଣ୍ତାଲି ଆ଼ଡଅସି, ଇଚିହିଁ ମୀ ବା଼ଡ଼୍‌ୟୁ ଊଣା ମାଚି ଜିକେଏ ନା଼ ଜା଼ପ୍‌ନାଣି ମୀରୁ ମା଼ନୱି ଆ଼ହାମାଞ୍ଜେରି, ଇଞ୍ଜାଁ ନା଼ ଦ଼ରୁ ଏଚେଲା ପୁଞ୍ଜାହିଲଅମି ଇଞ୍ଜିଁ ଇଞ୍ଜାହିଲଅତେରି । 
\v 9 ମେହ୍‌ଦୁ ଆମ୍ବାଆରି ଜୀହୁଦି ଲ଼କୁ ଆ଼ଏ, ସାମା ମିଚି ତଲେ ଜୀହୁଦି ଲ଼କୁତମି ଇଞ୍ଜିଁ ଇଞ୍ଜିମାନେରି ଇଲେତି ସୟତାନ ଗଚିତି ଲ଼କୁଣି ନା଼ନୁ ମୀ କଡାଣା ଜହରା କିୱି କିୟାଇଁ, ଇଞ୍ଜାଁ ନା଼ନୁ ମିଙ୍ଗେ ଜୀୱୁନ଼ହିଁ ମାଞ୍ଜାଇଁ ଇଞ୍ଜିଁ ଏ଼ୱାରି ପୁଞ୍ଜାଲି ଆ଼ଡିନେରି । 
\v 10 ନା଼ ହୁକୁମି ତଲେ ସା଼ସା ଆସାନା ମାଞ୍ଜେରି, ଈଦାଆଁତାକି ଦାର୍‌ତିତି ଲ଼କୁଣି ତାୟିପାରି କିହାଲି ବାରେ ଦାର୍‌ତିତା ଆମିନି ତାୟିପାରି କିନି ଦିନା ୱା଼ନେ, ଏମ୍ବାଟି ନା଼ନୁ ଜିକେଏ ମିଙ୍ଗେ ଗେଲ୍‌ପାଇଁ । 
\v 11 ନା଼ନୁ ତବେ ୱା଼ହିମାଇଁ ମୀ ଜୀଣାଆ଼ତି ଟ଼ପେରି ଏ଼ନିକିଁ ଆମ୍ବାଆସି ମୀଞ୍ଜା ଅୟଅସି ଏ଼ଦାଆଁତାକି ମୀ ତା଼ଣା ଏ଼ନାୟି ମାନେ ଏ଼ଦାଆଁ ଡା଼ଟା ତଲେ ଆସାଁ ଡ଼ୟାଦୁ । 
\v 12 \x + \xo ୩:୧୨ \xo*\xt ୱେ଼ ବ଼ଲୁ ୨୧:୨\xt*\x*ଆମ୍ବାଆସି ଜୀଣା ଆ଼ନେସି ନା଼ନୁ ଏ଼ୱାଣାଇଁ ନା଼ ମାହାପୂରୁ ଇଲୁତି ମୁଣ୍ତାଲେହେଁ କିଇଁ, ଏ଼ୱାସି ଏମ୍ବାଟି ପାଙ୍ଗାତା ହାଲଅସି, ନା଼ନୁ ନା଼ ମାହାପୂରୁତି ଦ଼ରୁ ଅ଼ଡ଼େ ଲାକପୂରୁଟି ୱା଼ହାମାନି ପୁଃନି ଜିରୁସାଲମ ମା଼ ମାହାପୂରୁତି ଗା଼ଡ଼ାତି ଦ଼ରୁ ଇଞ୍ଜାଁ ନା଼ ପୁଃନି ଦ଼ରୁ ତାନି ଲାକ ରା଼ଚିଇଁ ।”
\p
\v 13 “କୁଲମିକାଣି ସୁଦୁଜୀୱୁ ଏ଼ନାଆଁ ୱେସିମାନେ, ଆମ୍ବାଆରି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି ।”
\s ଲାୱୁଦିକିୟା କୁଲମିକି କାବ୍ରୁ
\p
\v 14 “ଲାୱୁଦିକିୟା କୁଲମିତି ଦୂତୁ ତା଼ଣା ରା଼ଚାମୁ, ଆମ୍ବାଆସି ସାତା ଇଞ୍ଜାଁ ନାମୁଗାଟାସି ଅ଼ଡ଼େ ସାତା ସା଼କି ହୀନେସି, ଅ଼ଡ଼େ ଆମ୍ବାଆସି ମାହାପୂରୁ ଗା଼ଡ଼ିକିତାଣି ମୂଲୁଏ ଗା଼ଡ଼ିକିତାସି ଏ଼ୱାସି ଏଲେଇଞ୍ଜି ମାନେସି । 
\v 15 ନା଼ନୁ ମୀ କାମା ପୁଞ୍ଜାମାଇଁ, ମୀରୁ ହିତ୍‌ଡ଼ି ଆ଼ଏ କି ଉସମି ଜିକେଏ ଆ଼ଏ, ମୀରୁ ହିତ୍‌ଡ଼ି କି ଉସମି ଆ଼ହାମାଚି ନେହିଁ ଆ଼ତେମା । 
\v 16 ସାମା ମୀରୁ ହିତ୍‌ଡ଼ି କି ଉସମି ଆ଼ଆନା କା଼ୱନି ଆ଼ହାମାନାକି ନା଼ନୁ ମିଙ୍ଗେ ନା଼ ଗୂତିଟି ହୂପାଲି ହାଜିମାଇଁ । 
\v 17 ନୀନୁ ଏଲେ ଇଞ୍ଜିମାଞ୍ଜି, ‘ନା଼ନୁ ବାତ୍‌କୁ ଗାଟାତେଏଁ ନାଙ୍ଗେ ହା଼ରେକା ଦ଼ନ ମାନେ; ନାଙ୍ଗେ ଏ଼ନାୟି ଲ଼ଡ଼ା ହିଲେଏ ।’ ସାମା ନୀନୁ କାର୍ମା କା଼କୁଲି ଗାଟାତି ଅ଼ଡ଼େ ସା଼ୟେମି ହିଲାଆଗାଟାତି, ହାକି ଗାଟାତି, କା଼ଣା ଅ଼ଡ଼େ ନା଼ଗ୍‌ଡ଼ା ଗାଟାତି, ଈଦାଆଁ ପୁଞ୍ଜାହିଲଅତି; 
\v 18 ଈଦାଆଁତାକି ନା଼ନୁ ନିଙ୍ଗେ ଈ କାତା ୱେସିମାଞ୍ଜାଇଁ ନୀନୁ ବାତ୍‌କୁ ଗାଟାତି ଆ଼ହାଲିତାକି ହିଚୁତା ହୂଡିତି ବାଂଗାରା ଅ଼ଡ଼େ ନୀ ନା଼ଗ୍‌ଡ଼ାତି ଲାଜା ଏ଼ନିକିହିଁ ତ଼ଞ୍ଜା ଆ଼ଏ ଈଦାଆଁତାକି ହୁଚାଲି ଦବ୍‌ଲା ହିମ୍ବରି ଇଞ୍ଜାଁ କାଣ୍‌କା ମେସାଲି ତାକି କାଣ୍‌କାଣାଁ ରୁବାକଡିନାଣି ନା଼ ତା଼ଣାଟି କଡାମୁ । 
\v 19 \x + \xo ୩:୧୯ \xo*\xt ଏବ୍ରି ୧୨:୬\xt*\x*ନା଼ନୁ ଏଚେକା ଲ଼କୁଣି ଜୀୱୁ ନ଼ଇଁ ଏ଼ୱାରାଇଁ ଦାକା ଅ଼ଡ଼େ ଡଣ୍ତ ହୀଇଁ ଏ଼ଦାଣିତାକି ରା଼ହାଁ ଆ଼ହାଁ ମ଼ନ ୱେଟ୍‌ହା କଡାମୁ । 
\v 20 ମେହ୍‌ମୁ ନା଼ନୁ ଦୁୱେରି ଡାକିତା ନିଚାନା ଦା଼ରା ୱେ଼ଚିମାଇଁ ଆମ୍ବାଆସି ନା଼ ଗିୟାଁ ୱେଞ୍ଜାନା ଦା଼ରା ଦେନେସି ଆ଼ତିଁ ନା଼ନୁ ବିତ୍ରା ହ଼ଡାନା ତାନି ତା଼ଣା ହାଇଁ ଅ଼ଡ଼େ ନା଼ନୁ ଏ଼ୱାଣିତଲେ ରା଼ନ୍ଦା ତିଇଁ ଅ଼ଡ଼େ ଏ଼ୱାସି ନା଼ ତଲେ ରା଼ନ୍ଦା ତିନେସି । 
\v 21 ନା଼ନୁ ଏ଼ନିକିହିଁ ଜୀଣାଆ଼ହାନା ନା଼ ଆ଼ବା ତଲେ ସିଂଗାସାଣିତା କୁଗାମାଇଁ ଏଲେକିହିଁଏ ଆମ୍ବାଆସି ଜୀଣା ଆ଼ନେସି ନା଼ନୁ ଏ଼ୱାଣାଇଁ ନା଼ ତଲେ ନା଼ ସିଂଗାସାଣିତା କୁଗାଲି ହୀଇଁ ।”
\p
\v 22 “ସୁଦୁଜୀୱୁ କୁଲମିକାଣି ଏ଼ନାଆଁ ୱେସିମାନେ, ଆମ୍ବାଆରି କୀର୍କା ମାନୁ ଏ଼ଦାଆଁ ୱେଣ୍‌ମ୍ବାସି ।”
\c 4
\s ଲାକପୂରୁ ପ୍ରା଼ତାନା
\p
\v 1 ଏଚେଟିଏ ନା଼ନୁ ମେସ୍ତେଏଁ, ମେହ୍‌ଦୁ ଲାକପୂରୁଟି ର଼ ଦା଼ରା ଦେପିଆ଼ହାମାନେ; ଅ଼ଡ଼େ ତୀତ୍ରି ମ଼ହ୍‌ରି ହା଼ଡାଲେହେଁ ନା଼ ତଲେ ନ଼କେଏ ଜ଼ଲିମାଚାଣି ୱେଞ୍ଜା ମାଚେଏଁ, ଏ଼ଦି ଏଲେଇଞ୍ଜାତେ “ଇମ୍ବାଆଁ ନିଙ୍ଗା ୱା଼ମୁ, ଏ଼ନାୟି ଈଦାଆଁ ଡା଼ୟୁ ଗଟୱି ଆ଼ନେ ଏ଼ ବାରେ ନିଙ୍ଗେ ନା଼ନୁ ତ଼ସ୍ତାଇଁ ।” 
\v 2 ଏ଼ ଦେବୁଣିଏ ସୁଦୁଜୀୱୁ ନାଙ୍ଗେ ଆଲ୍‌ଗାତେ, ମେହ୍‌ଦୁ ଲାକପୂରୁ ର଼ ସିଂଗାସାଣି ମାଚେ, ଇଞ୍ଜାଁ ସିଂଗାସାଣି ଲାକ ରଅସି କୁଗାମାନେସି । 
\v 3 କୁଗାମାନାଣି ୱା଼ଣା ହୀରା ଅ଼ଡ଼େ ମାଣିକ୍ୟ ଇନି ଦାରାଗାଟି ୱାଲି ଲେହେଁ, ଅ଼ଡ଼େ ସିଂଗାସାଣିତି ମରକତ ଇନି ଦା଼ରା ଗାଟି ୱାଲ୍‌କା ଲେହେଁ ସା଼ରିସୁଟୁ ର଼ ଦାର୍‌ଣକି ଗୂର୍‌ଚାମାଚେ । 
\v 4 ଅ଼ଡ଼େ ସିଂଗାସାଣି ସା଼ରିସୁଟୁ କଡ଼େ ସା଼ରିଗଟା ସିଂଗାସାଣି ମାନୁ, ଅ଼ଡ଼େ ସିଂଗାସାଣିୟାଁ ଲାକ କଡ଼େ ସା଼ରି ଜା଼ଣା ପ୍ରାଚିନାଙ୍ଗା କୁଗାମାନେରି, ଏ଼ୱାରି ଦବ୍‌ଲା ହିମ୍ବରିକା ହୁଚାମାନେରି ଇଞ୍ଜାଁ ଏ଼ୱାରି ତା଼ର୍ୟୁଁତା ବାଂଗାରା ଟ଼ପେରି । 
\v 5 \x + \xo ୪:୫ \xo*\xt ୱେ଼ ବ଼ଲୁ ୮:୫; ୧୧:୧୯; ୧୬:୧୮; \xt*\xt ୱେ଼ ବ଼ଲୁ ୧:୪\xt*\x*ସିଂଗାସାଣିଟି ବିଲିବାଲା ମ୍ଣିହ୍‌ନାୟି ଅ଼ଡ଼େ ହା଼ଗୁ ଗୂଣ୍‌ନି ହା଼ଡା ହ଼ତେ, ଅ଼ଡ଼େ ସିଂଗାସାଣି ନ଼କିତା ହିଚୁଗାଟି ସା଼ତାଗଟା ଦୀୱଁୟାଁ ଡ଼ୀଞ୍ଜିମାଚୁ, ଈ ସା଼ତାଗଟା ହିଚୁ ବ଼ନ୍ଦାୟାଁ ମାହାପୂରୁତି ସୁଦୁଜୀୱୁୟାଁ 
\v 6 ସିଂଗାସାଣି ନ଼କିତା ଦାର୍ପେଣିଲେହେଁ ର଼ ନେହିଁ ସାମ୍‌ଦୁରି ତ଼ଞ୍ଜାଆ଼ହିମାଚେ, ସିଂଗାସାଣି ସା଼ରିସୁଟୁତି ମାଦିଏ ସା଼ରିଗଟା ଜ଼ନ୍ତ ଜୀୱେଡ଼ିକା, ଏ଼ୱାସିକା ନ଼କିତା ଅ଼ଡ଼େ ଡା଼ୟୁତା କାଣ୍‌କା ମାଚୁ । 
\v 7 ନ଼କିତି ଜ଼ନ୍ତ ସିହଁ କା଼ଃଆନି ଲେହେଁ, ଅ଼ଡ଼େ ରୀ ଲମ୍ବର ଜ଼ନ୍ତ ବାଚା କ଼ଡି ଲେହେଁ, ତୀନି ଲମ୍ବର ଜ଼ନ୍ତତି ମୂମ୍ବୁ ମାଣ୍‌ସିତି ମୂମ୍ବୁ ଲେହେଁ, ଅ଼ଡ଼େ ସା଼ରି ଲମ୍ବର ଜ଼ନ୍ତ ଲାକ ଊମ୍ବିମାନି ଲେ଼ଡ଼ୁ ଲେହେଁ ତ଼ଞ୍ଜାଆ଼ହିମାଚେ । 
\v 8 ବାରେ ଜ଼ନ୍ତୟାଁକି ସ଼ ଗଟା ମା଼ରାୟାଁ ଏ଼ ମା଼ରାୟାଁ ବିତ୍ରା ଅ଼ଡ଼େ ପାଙ୍ଗାତା କାଣ୍‌କା ମାନୁ ଏ଼ୱି ଲା଼ଆଁ ମାଦେନା ଜ଼ମାଆନା ଏଲେଇଞ୍ଜି ମାନୁ ।
\q1 “ସୁଦୁ, ସୁଦୁ, ସୁଦୁ, ବାରେ ବା଼ଡ଼୍‌ୟୁଗାଟି ମାହାପୂରୁ,
\q2 ଆମ୍ବାଆସି ତଲିଏ ମାଚେସି ନୀଏଁ ମାନେସି ଅ଼ଡ଼େ କା଼ଲେଏ ମାନେସି, ଏ଼ ପ୍ରବୁ ।”
\p
\v 9 ଜ଼ନ୍ତୟାଁ ଏଚିବେ଼ଲା ଏ଼ ସିଂଗାସାଣିତା କୁଗାମାନି କା଼ଲାକା଼ଲାତି ଜୀୱୁଗାଟି ମାଣ୍‌ସିଇଁ ଗାୱୁରମି ସାମ୍ବ୍ରମି ଅ଼ଡ଼େ ଜହରା କିନେରି । 
\v 10 ଏଚିବେ଼ଲା କଡ଼େ ସା଼ରି ଜା଼ଣା ପ୍ରାଚିନାଙ୍ଗା ସିଂଗାସାଣିତା କୁଗାମାନି ମାଣ୍‌ସିଇଁ ମେଣ୍ତାକୁତାନା କା଼ଲେଏ ନୀଡାମାନି ମାଣ୍‌ସିଇଁ ଜହରା କିତେରି, ଇଞ୍ଜାଁ ସିଂଗାସାଣି ନ଼କିତା ତାମି ଟ଼ପେରିକା ଇଟାନା ଏଲେଇଚେରି ।
\q1
\v 11 ମା଼ ପ୍ରବୁ ଅ଼ଡ଼େ ମାହାପୂରୁ ।
\q2 ନୀନୁ ଗାୱୁରମି ସାମ୍ବ୍ରମି ଅ଼ଡ଼େ ବା଼ଡ଼୍‌ୟୁ ବେଟାଆ଼ହାଲି ଜ଼ଗେ ଗାଟାତି ।
\q1 ଏ଼ନାଆଁତାକି ଇଚିହିଁ ନୀନୁ ବାରେ ଗା଼ଡ଼ିକିହା ମାଞ୍ଜି ।
\q2 ଅ଼ଡ଼େ ନୀ ଅଣ୍‌ପୁ ତଲେ ବାରେ ଗା଼ଡ଼ି ଆ଼ହାମାନୁ, ଅ଼ଡ଼େ ଜୀୱୁତଲେ ନୀଡାମାନୁ ।
\c 5
\s ରୂପିନି ପତି ଅ଼ଡ଼େ ମେ଼ଣ୍ତା ଡା଼ଲୁ
\p
\v 1 ନା଼ନୁ ସିଂଗାସାଣିତା କୁଗାମାନାଣି ଟିଃନି କେୟୁତା ର଼ ପ୍ଣାଃଇ ପତି ମେସ୍ତେଏଁ, ଏ଼ଦି ରିକୱାକି ରା଼ସ୍‌କି ଆ଼ହାମାଚେ ଇଞ୍ଜାଁ ସା଼ତାଗଟା ମୁଦ୍ରା ୱେ଼ପି ଆ଼ହାମାଚେ । 
\v 2 ଅ଼ଡ଼େ ନା଼ନୁ ବା଼ଡ଼୍‌ୟୁ ଗାଟି ର଼ ଲାକପୂରୁତି ଦୂତୁଇଁ ମେସ୍ତେଏଁ, ଏ଼ୱାସି କାଜା ଗିୟାଁତଲେ ଏଲେଇଚେସି, ଆମ୍ବାଆସି ଈ ମୁଦ୍ରା ହୁକ୍‌ହାନା ପତିତି ଦେଚାଲି ପା଼ଡ଼ାଆ଼ନେସି । 
\v 3 ସାମା ପତିତି ଦେଚାଲି, ଏମ୍ୱାଆଁ ଏ଼ନାୟି ରା଼ସ୍‌କି ଆ଼ହାମାନେ, ସିନିକିହାଲି ଲାକପୂରୁ, ଦାର୍‌ତିତା ଅ଼ଡ଼େ ତା଼ଡ଼େପୂରୁତା ଆମ୍ବାଆସି ସା଼ସା କିଆତେସି । 
\v 4 ଏ଼ ପତିତି ଦେଚାଲି କି ଏ଼ଦାଆଁ ସିନିକିହାଲି ଆମ୍ବାଆସି ସା଼ସା କିଆଲିଏ ନା଼ନୁ ହା଼ରେକା ଡ଼ୀତେଏଁ । 
\v 5 ଏମ୍ବାଟିଏ ପ୍ରାଚିନାଙ୍ଗା ବିତ୍ରାଟି ରଅସି ନାଙ୍ଗେ ସା଼ସା ହୀହାନା ଏଲେଇଞ୍ଜାତେସି, “ଡ଼ୀଆନି, ସିନିକିମୁ ଜୀହୁଦା ଗଚିତି ଦାୱୁଦ କୂଡ଼ାତି ସିଃହଁ ଜୀଣା ଆ଼ହାମାନେସି; ଏ଼ୱାସି ଈ ପତିତି ସା଼ତାଗଟା ମୁଦ୍ରା ଦେଚାଲି ଅ଼ଡ଼େ ଏ଼ ରୂପିତି ପତି ଏକ୍‌ହାଲି ପା଼ଡ଼ା ଆ଼ହାମାନେସି ।”
\p
\v 6 ଏଚେଟିଏ ନା଼ନୁ ସିନିକିତେଏଁ ସିଂଗାସାଣି, ଅ଼ଡ଼େ ପ୍ରାଚିନାଙ୍ଗା ମାଦିଏ ସା଼ରିଗଟା ଜ଼ନ୍ତ ତଲେ ର଼ ମେ଼ଣ୍ତା ଡା଼ଲୁ ନିଚାମାନାଣି ମେସ୍ତେଏଁ, ଏ଼ ମେ଼ଣ୍ତା ଡା଼ଲୁ ପା଼ୟ୍‌ୱି ଆ଼ତି ଲେହେଁ ତ଼ଞ୍ଜାଆ଼ହିମାଚେ, ଏ଼ଦାନାକି ସା଼ତାଗଟା କମ୍‌କା ଅ଼ଡ଼େ ସା଼ତାଗଟା କାଣ୍‌କା ମାଚୁ, ଏ଼ କାଣ୍‌କା ଦାର୍‌ତିତି ବାରେୱାକି ପାଣ୍ତ୍‌ୱି ଆ଼ହାମାଚି ମାହାପୂରୁତି ସା଼ତାଗଟା ସୁଦୁଜୀୱୁୟାଁ । 
\v 7 ମେ଼ଣ୍ତା ଡା଼ଲୁ ସିଂଗାସାଣିତା କୁଗାମାନାଣି ଡାଗେ ହାଜାନା ଏ଼ୱାଣି ଟିଃନି କେୟୁଟି ଏ଼ ରୂପିତି ପତି ଅ଼ତେସି । 
\v 8 ଏ଼ ପତି ଅ଼ହାଲିଏ ସା଼ରିଗଟା ଜ଼ନ୍ତ ଅ଼ଡ଼େ କଡ଼େ ସା଼ରି ଜା଼ଣା ପ୍ରାଚିନାଙ୍ଗା ଏ଼ ମେ଼ଣ୍ତା ଡା଼ଲୁ ନ଼କିତା ମୁନୁ କୁତାହାଁ ଜହରା କିତେରି, ଏ଼ ବାରେଜା଼ଣା ତାକି ର଼ ର଼ ସେର୍‌ଙ୍ଗି ଅ଼ଡ଼େ ମାହାପୂରୁ ଲ଼କୁ ପ୍ରା଼ତାନାତି ଦୁପା ଦୁପ୍‌ଣି ନେଞ୍ଜାମାନି ର଼ ବାଂଗାରା ଗିନା ମାଚେ । 
\v 9 ଏ଼ୱାରି ର଼ ପୁଃନି ପା଼ଚୁ ପା଼ଚିମାଚେରି;
\q1 “ନୀନୁ ଏ଼ ରୂପିତି ପତି ଅ଼ହାଲି ଅ଼ଡ଼େ ଏମ୍ବାତି ମୁଦ୍ରା ଦେଚାଲି ପା଼ଡ଼ା ଆ଼ନାତି,
\q2 ନୀନୁ ପା଼ୟିୱିଆ଼ହାମାଚି, ନୀ ନେତେରିଟି ବାରେ ଗଚି, ବାରେ ହା଼ଡା, ଦେ଼ସା,
\q1 ଅ଼ଡ଼େ ବାରେ କୂଡ଼ାତି ଲ଼କୁଇଁ ମାହାପୂରୁ ତାକି କଡାମାଞ୍ଜି,
\q1
\v 10 \x + \xo ୫:୧୦ \xo*\xt ୱେ଼ ବ଼ଲୁ ୧:୬\xt*\x*ନୀନୁ ଏ଼ୱାରାଇଁ ରାଜାୟାଁ କୂଡ଼ା ଅ଼ଡ଼େ ମାହାପୂରୁ ସେ଼ବା କିୟାଲି ପୂଜେରାଙ୍ଗା କିହାମାଞ୍ଜି ।
\q1 ଏ଼ୱାରି ଦାର୍‌ତିତି ସା଼ଲୱି କିନେରି ।”
\p
\v 11 ଏମ୍ବାଟିଏ ନା଼ନୁ ସିନିକିତେଏଁ, ସିଂଗାସାଣି, ଜ଼ନ୍ତୟାଁ ଅ଼ଡ଼େ ପ୍ରାଚିନାଙ୍ଗା ସା଼ରିସୁଟୁ ହା଼ରେକା ଦୂତୁୟାଁତି ହା଼ଡା ୱେଚେଏଁ, ଏ଼ୱି ମା଼ଣା ମା଼ଣା ଅ଼ଡ଼େ ଲାକେ ଲାକେ ଜା଼ଣା ନିଚାମାଚୁ । 
\v 12 ଏ଼ୱି କାଜା ଗିୟାଁତଲେ ପା଼ଚିମାଚୁ;
\q1 “ପା଼ୟ୍‌ୱି ଆ଼ହାମାନି ମେ଼ଣ୍ତା ଡା଼ଲୁଦେଁ, କାଜାପା଼ଣା, ଦ଼ନ, ବୁଦି, ବପୁ, ସାମ୍ବ୍ରମି, ଗାୱୁରମି,
\q2 ଜହରା ବେଟାଆ଼ହାଲି ପା଼ଡ଼ାଆ଼ନେସି ।”
\p
\v 13 ଅ଼ଡ଼େ ନା଼ନୁ ଲାକପୂରୁ, ଦାର୍‌ତି, ତା଼ଡ଼େପୂରୁ ଅ଼ଡ଼େ ସାମ୍‌ଦୁରିତା ମାନି ବାରେ ଜୀୱୁ ଗାଟାଇ ଇଞ୍ଜାଁ ଦାର୍‌ତିତା ମାନି ବାରେ ଜୀୱୁ ଗାଟାଇ ପା଼ଚୁ ପା଼ଚିମାନାଣି ୱେଚେଏଁ । ଏ଼ୱି ପା଼ଚିମାଚୁ;
\q1 “ସିଂଗାସାଣିତା କୁଗାମାନି ମାଣ୍‌ସିଇଁ ଇଞ୍ଜାଁ ତାନି ମେ଼ଣ୍ତା ଡା଼ଲୁଇଁ ଜହରା କିଦୁ;
\q2 ତାନି ସାମ୍ବ୍ରମି, ଗାୱୁରମି ଅ଼ଡ଼େ ବା଼ଡ଼୍‌ୟୁ କା଼ଲାକା଼ଲାତାୟି ।”
\p
\v 14 ଏଚେଟିଏ ସା଼ରିଗଟା ଜ଼ନ୍ତ ପା଼ଲି ଆସାନା ଏଲେଇଚୁ, “ଆ଼ମେନ୍‌” ଅ଼ଡ଼େ ପ୍ରାଚିନାଙ୍ଗା ମୁନୁ କୁତାହାଁ ଜହରା କିତେରି ।
\c 6
\s ସାତା ଗଟା ସୀଲିୟାଁ
\p
\v 1 ଅ଼ଡ଼େ ନା଼ନୁ ମେ଼ଣ୍ତା ଡା଼ଲୁଇଁ ସା଼ତାଗଟା ମୁଦ୍ରା ବିତ୍ରାଟି ର଼ ଲମ୍ବର ମୁଦ୍ରା ଦେତାଣି ମେସ୍ତେଏଁ, ଅ଼ଡ଼େ ସା଼ରିଗଟା ଜ଼ନ୍ତ ବିତ୍ରାଟି ର଼ ଜ଼ନ୍ତ ହା଼ଗୁ ଗୂଣ୍‌ନି ହା଼ଡାତଲେ ହା଼ଟିମାଚାଣି ୱେଚେଏଁ “ୱା଼ମୁ!” 
\v 2 ଏମ୍ବାଟିଏ ନା଼ନୁ ସିନିକିତେଏଁ ଅ଼ଡ଼େ ର଼ ଦବ୍‌ଲା ଗ଼ଡ଼ା ଇଞ୍ଜାଁ ତାନି ଲାକ ହ଼ଚାମାଚାଣି କେୟୁତା ର଼ ଆମ୍ବୁ ଆସାମାଚେସି, ଅ଼ଡ଼େ ଏ଼ୱାଣାକି ର଼ ଟ଼ପେରି ହୀପ୍‌କିଆ଼ତେ, ଅ଼ଡ଼େ ଏ଼ୱାସି ଜୀଣା ଆ଼ହାଁ ଜୀଣା ଆୟାଲି ହ଼ଚାହାଚେସି ।
\p
\v 3 ମେ଼ଣ୍ତା ଡା଼ଲୁ ଏଚିବେ଼ଲା ରୀ ଲମ୍ବର ମୁଦ୍ରା ଦେତେସି, ଏଚିବେ଼ଲା ଅ଼ଡ଼େ ରୀ ଲମ୍ବର ଜ଼ନ୍ତ ଏଲେଇଚାଣି ୱେଚେଏଁ “ୱା଼ମୁ,” 
\v 4 ଏମ୍ବାଟିଏ ଅ଼ଡ଼େ ର଼ ଗ଼ଡ଼ା ହ଼ଚା ୱା଼ତେ, ଏ଼ଦି ନେତେରି ୱା଼ଣାଗାଟାୟି; ଲ଼କୁ ଏ଼ନିକିଁ ତା଼ମ୍ବୁ ତା଼ମ୍ବୁ ପା଼ୟ୍‌ୱି ଆ଼ନେରି, ଏ଼ଦାଆଁତାକି ଦାର୍‌ତିଟି ହିତ୍‌ଡ଼ି ହେକ କିହାଲି ତାନି ଲାକ ହ଼ଚାମାନାଣାକି ବା଼ଡ଼୍‌ୟୁ ହୀପ୍‌କିଆ଼ତେ ଅ଼ଡ଼େ ଏ଼ୱାଣାକି କାଜା କାଣ୍ତା ହୀପ୍‌କିଆ଼ତେ ।
\p
\v 5 ମେ଼ଣ୍ତା ଡା଼ଲୁ ଏଚିବେ଼ଲା ତୀନି ଲମ୍ବର ମୁଦ୍ରା ଦେତେସି, ଏଚିବେ଼ଲା ତୀନି ଲମ୍ବର ଜ଼ନ୍ତ ଏଲେଇଞ୍ଜିମାନାଣି ୱେଚେଏଁ, “ୱା଼ହାଁ ସିନିକିମୁ” ଏମ୍ବାଟିଏ ନା଼ନୁ ସିନିକିତେଏଁ, ମେହ୍‌ଦୁ ର଼ କା଼ଡ଼ିନି ଗ଼ଡ଼ା; ଅ଼ଡ଼େ ଏମ୍ବାଆଁ ହ଼ଚାମାନାଣି କେୟୁତା ର଼ କେ଼ଜି ତୂକ୍‌ନାୟି ମାଚେ । 
\v 6 ଅ଼ଡ଼େ ନା଼ନୁ, ସା଼ରିଗଟା ଜ଼ନ୍ତତି ଗୂତିଟି ହ଼ତି ଲେହେଁତି ର଼ ହା଼ଡା ୱେଚେଏଁ; “ର଼ ଟାକା ତାକି ର଼ କେ଼ଜି ଗ଼ହଁ ଅ଼ଡ଼େ ତୀନି କେ଼ଜି କାୱ୍‌ଆ ଜ଼ନାୟାଁ ମେ଼ଡ଼ା ଆ଼ନୁ ସାମା ମୀରୁ ଜୀତ ମା଼ର୍‌ନୁତି ନିୟୁଁ ଅ଼ଡ଼େ ଅଙ୍ଗୁରି ରାସା ନସ୍ତ କିଆଦୁ ।”
\p
\v 7 ମେ଼ଣ୍ତା ଡା଼ଲୁ ଏଚିବେ଼ଲା ସା଼ରି ଲମ୍ବର ମୁଦ୍ରା ଦେତେସି, ଇଞ୍ଜାଁ ନା଼ନୁ ସା଼ରି ଲମ୍ବର ଜ଼ନ୍ତ ଏଲେ ଇଞ୍ଜିମାଚାଣି ୱେଚେଏଁ, “ୱା଼ମୁ!” 
\v 8 ଏମ୍ବାଟିଏ ନା଼ନୁ ସିନିକିତେଏଁ ଦାର୍‌ମ୍ବୁ ୱା଼ଣାଗାଟି ଗ଼ଡ଼ା, ତାନି ଲାକ ହ଼ଚାମାଚାଣି ଦ଼ରୁ ହା଼କି, ଏ଼ୱାଣି ଜେ଼ଚ ଜେ଼ଚ ଦାର୍‌ତି ହାଜିମାଚେ, ଏ଼ୱାରାକି ଦାର୍‌ତିତି ସା଼ରି ବା଼ଗା ବିତ୍ରା ର଼ ବା଼ଗା ମୁହେଁ କାଣ୍ତା, ହା଼କି, ର଼ଗ ଅ଼ଡ଼େ ଜା଼ଡ଼ାତି ଜ଼ନ୍ତ ଜୀୱେଡ଼ିକା ତଲେ ପା଼ୟାଲି ବା଼ଡ଼୍‌ୟୁ ହୀପ୍‌କିଆ଼ତେ ।
\p
\v 9 ମେ଼ଣ୍ତା ଡା଼ଲୁ ଏଚିବେ଼ଲା ପା଼ସା ଲମ୍ବର ମୁଦ୍ରା ଦେତେସି, ଏଚିବେ଼ଲା ଆମିନି ଲ଼କୁ ମାହାପୂରୁତି ବ଼ଲୁ ତାକି ଅ଼ଡ଼େ ଏ଼ୱାରାକି ହୀପ୍‌କି ଆ଼ହାମାନି ସା଼କି ତାକି ହା଼ହାମାଚେରି, ଏ଼ୱାରି ଜୀୱୁୟାଁ ନା଼ନୁ ପୂଜାପିଣ୍ତା ଡ଼଼ଇ ମେସ୍ତେଏଁ । 
\v 10 ଏ଼ୱାରି କାଜା ଗିୟାଁତଲେ ହା଼ଟିହିଁ ଏଲେ ଇଞ୍ଜିମାଚେରି, “ସୁଦୁ ଅ଼ଡ଼େ ସାତା ପ୍ରବୁ, ନୀନୁ ଏଚରଦିନା ପାତେକା ଦାର୍‌ତିତି ଲ଼କୁଇଁ ନୀହାଁୟି କିଆନା ମାଙ୍ଗେ ପା଼ୟାଲି ତାକି ଏ଼ୱାରାକି ଡଣ୍ତ ହୀଆନା ପିହ୍‌ଦି ?” 
\v 11 ଏଚେଟିଏ ଏ଼ ବାରେଜା଼ଣା ତାକି ଦବ୍‌ଲା ହିମ୍ବରିକା ହୀପ୍‌କିଆ଼ତେ, ଇଞ୍ଜାଁ ଏ଼ୱାରି ତଲେତି ତାୟିୟାଁ ସେ଼ବା କିନାରି ଏଚରଜା଼ଣା ପା଼ୟ୍‌ୱି ଆ଼ନି କାତା ପା଼ୟ୍‌ୱି ଆ଼ଆପାତେକା ଏ଼ୱାରାକି ଅ଼ଡ଼େ ଏଚରଦିନା ଜ଼ମାଲି ୱେସ୍‌ପିଆ଼ତେ ।
\p
\v 12 \x + \xo ୬:୧୨ \xo*\xt ୱେ଼ ବ଼ଲୁ ୧୧:୧୩; ୧୬:୧୮; \xt*\xt ମାତି ୨୪:୨୯; ମାର୍କ ୧୩:୨୪,୨୫; ଲୂକ ୨୧:୨୫\xt*\x*ମେ଼ଣ୍ତା ଡା଼ଲୁ ସ଼ ଲମ୍ବର ମୁଦ୍ରା ଦେଚିମାଚାଟି ନା଼ନୁ ମେସ୍ତେଏଁ; ଦେବୁଣିଏ ଆଜିହ଼ପେତି ବୂମି ୱୀଡିତେ । ୱେ଼ଡ଼ା କା଼ଡ଼ିନି ୱା଼ଣା ହିମ୍ବରି ଲେହେଁ ଆ଼ତେ, ଅ଼ଡ଼େ ଲେ଼ଞ୍ଜୁ ନେତେରି ୱା଼ଣା ଆ଼ତେ । 
\v 13 କାଜା ଗା଼ଲି ଏ଼ନିକିଁ ମା଼ର୍‌ନୁଇଁ ୱୀଟ୍‌ହିସାରେ ହିଇଲି ତ଼ୟା ପା଼ଡ଼େୟିକା ତର୍‌ଗିନି ଲେହେଁ ହା଼ଗୁଲାକତି ହୁକାୟାଁ ଦାର୍‌ତିତା ତର୍‌ଗା ହାଚୁ । 
\v 14 ହା଼ଗୁପା଼କା ତ଼ଲୁ ପତି ରୂପ୍‌ୱି ଆ଼ତି ଲେହେଁ ରୂପ୍‌ୱିଆହାଁ ମେଣ୍‌ଙ୍ଗାହାଚେ । ଅ଼ଡ଼େ ହ଼ର୍‌କା ଇଞ୍ଜାଁ ସାମ୍‌ଦୁରି ବିତ୍ରାମାନି ଇଚି ଇଚି ଦେ଼ସାୟାଁ ତାମି ଟା଼ୟୁଟି ଗୁଚା ଆ଼ହାହାଚୁ । 
\v 15 ଅ଼ଡ଼େ ଦାର୍‌ତିତି ରାଜାୟାଁ, ସା଼ଲୱି କିନାରି, ଜୁଜୁକିନି କାଜାରି, ଦ଼ନ ଗାଟାରି, ବା଼ଡ଼୍‌ୟୁ ଗାଟାରି, ହ଼ଲିୟାଙ୍ଗା ଅ଼ଡ଼େ ହ଼ଲିୟାଙ୍ଗା ଆ଼ଆତାରି ଏ଼ୱାରି ବାରେଜା଼ଣା ପା଼ୱୁତା ଇଞ୍ଜାଁ ହ଼ର୍‌କାତି କାଜା ୱାଲ୍‌କା ପାର୍‌ଡ଼ା ଡ଼଼ଇ ହାଜାନା ଡ଼ୁଗିତେରି । 
\v 16 \x + \xo ୬:୧୬ \xo*\xt ଲୂକ ୨୩:୩୦\xt*\x*ଅ଼ଡ଼େ ଏ଼ୱାରି ହ଼ର୍‌କା ଇଞ୍ଜାଁ ୱାଲ୍‌କାଣି ହା଼ଟିହିଁ ଏଲେଇଚେରି, “ମା଼ ମୁହେଁ ତର୍‌ଗାନା ସିଂଗାସାଣିତା କୁଗାମାନାଣି ତା଼ଣାଟି ଅ଼ଡ଼େ ମେ଼ଣ୍ତା ଡା଼ଲୁ କ଼ପାଟି ମାଙ୍ଗେ ଡ଼ୁକ୍‌ହାମୁ । 
\v 17 ଇଚିହିଁ ଏ଼ୱାରାକି ଆଜିହ଼ପେତି କ଼ପାତି ଦିନା ଏଦାତେୟିଏ, ଇଞ୍ଜାଁ ଏମ୍ବାଆଁ ଆମ୍ବାଆସି ନିଚାଲି ଆ଼ଡିନେସି ?”
\c 7
\s ଇସ୍ରାୟେଲତି ୧୪୪,୦୦୦ ଲ଼କୁ
\p
\v 1 ଏଚେଟିଏ ନା଼ନୁ ଦାର୍‌ତିତି ସା଼ରି କନତା ସା଼ରିଗଟା ଦୂତୁୟାଁଇଁ ନିଚାମାନାଣି ମେସ୍ତେଏଁ, ଅ଼ଡ଼େ ଦାର୍‌ତିତି ସା଼ରିୱାକିତି ଗା଼ଲି ଆ଼ଙ୍ଗାମାନେରି, ଏଚେଟିଏ ଦାର୍‌ତି ସାମ୍‌ଦୁରି ଅ଼ଡ଼େ ଆମିନି ମା଼ର୍‌ନୁ ମୁହେଁ ଗା଼ଲି ୱା଼ଆପେୱା ଇଞ୍ଜିଁ ଗା଼ଲିତି ଆ଼ଙ୍ଗାମାନେରି । 
\v 2 ଅ଼ଡ଼େ ନା଼ନୁ ର଼ ଦୂତୁଇଁ ୱେ଼ଡ଼ା ହ଼ପୁୱାକିଟି ହ଼ଚାୱା଼ତାଣି ମେସ୍ତେଏଁ, ଏ଼ଦାନି କେୟୁତା ଜୀୱୁତି ମାହାପୂରୁତି ବୁଟୁ ମୁଦ୍ରା ମାଚେ, ଏ଼ ଦୂତୁ ଦାର୍‌ତି ଅ଼ଡ଼େ ସାମ୍‌ଦୁରି ନସ୍ତ କିହାଲିତାକି ସା଼ରିଗଟା ଦୂତୁକି ଅଦିକାରା ହୀହାମାଚେ, ଏ଼ଦି କାଜା ଗିୟାଁତଲେ ହା଼ଟାନା ଏଲେଇଚେ, 
\v 3 “ମା଼ମ୍ବୁ ମାହାପୂରୁତି ସେ଼ବା କିନାରି ମୁଞ୍ଜୁତା ବୁଟୁ ମୁଦ୍ରା ନାବ୍‌ଗାଆ ପାତେକା ମୀରୁ ଦାର୍‌ତି, ସାମ୍‌ଦୁରି, କି ମା଼ର୍‌କାଣି ନସ୍ତ କିଆଦୁ ।” 
\v 4 ଏଚେଟିଏ ମୁଞ୍ଜୁତା ବୁଟୁ ମୁଦ୍ରା ନାବ୍‌ଗା କଡିତାରି ୧୪୪,୦୦୦ ଲ଼କୁ ମାଚେରି ଇଞ୍ଜିଁ ନା଼ନୁ ୱେଚେଏଁ ଏ଼ୱାରି ଇସ୍ରାୟେଲତି ବା଼ର କୂଡ଼ାତି ଲ଼କୁ ମାଚେରି । 
\v 5 ଜୀହୁଦା କୂଡ଼ାଟି ବା଼ର ମା଼ଣା ଲ଼କୁଇଁ ବୁଟୁ ମୁଦ୍ରା କିହାମାନେସି, ରୁବେନ୍‌ କୂଡ଼ାଟି ବା଼ର ମା଼ଣା, ଗାଦ୍‌ କୂଡ଼ାଟି ବା଼ର ମା଼ଣା, 
\v 6 ଆସେର୍‌ କୂଡ଼ାଟି ବା଼ର ମା଼ଣା, ନପ୍ତାଲି କୂଡ଼ାଟି ବା଼ର ମା଼ଣା, ମନସି କୂଡ଼ାଟି ବା଼ର ମା଼ଣା, 
\v 7 ସିମିୟନ କୂଡ଼ାଟି ବା଼ର ମା଼ଣା, ଲେ଼ବି କୂଡ଼ାଟି ବା଼ର ମା଼ଣା, ଇସାକାର କୂଡ଼ାଟି ବା଼ର ମା଼ଣା, 
\v 8 ସୁବୁଲୁନ୍‌ କୂଡ଼ାଟି ବା଼ର ମା଼ଣା, ଜସେପ କୂଡ଼ାଟି ବା଼ର ମା଼ଣା, ବିନ୍ୟାମିନ୍‌ କୂଡ଼ାଟି ବା଼ର ମା଼ଣା ଲ଼କୁଇଁ ବୁଟୁ ମୁଦ୍ରା କିହାମାନେସି ।
\s ଗାଡି ମାନ୍ଦା ଲ଼କୁ
\p
\v 9 ଏଚେଟିଏ ନା଼ନୁ ସିନିକିତେଏଁ ମେହ୍‌ଦୁ ବାରେ ଜା଼ତି, ବାରେ କୂଡ଼ା, ବାରେ ଦେ଼ସା, ବାରେ ହା଼ଡା, ଏଜିକିହାଲି ଆ଼ଡାଆଗାଟି ର଼ ମାନ୍ଦା ଲ଼କୁ ଅ଼ଜିତି ଦବ୍‌ଲା ହିମ୍ବରିକା ହୁଚାନା କାଜୁରି ମାଟାୟାଁ କେୟୁତା ଆସାନା ସିଂଗାସାଣି ଅ଼ଡ଼େ ମେ଼ଣ୍ତା ଡା଼ଲୁ ନ଼କିତା ନିଚାମାନେରି । 
\v 10 ଏ଼ୱାରି କାଜା ଗିୟାଁତଲେ ଏଲେଇଚେରି, “ୱାର୍‌ଇ ସିଂଗାସାଣିତା କୁଗାମାନି ମାହାପୂରୁ ଅ଼ଡ଼େ ମେ଼ଣ୍ତା ଡା଼ଲୁ ମାଙ୍ଗେ ଗେଲ୍‌ପାନାସି ।” 
\v 11 ସିଂଗାସାଣି, ପ୍ରାଚିନାଙ୍ଗା ଅ଼ଡ଼େ ବାରେ ସା଼ରିଗଟା ଜ଼ନ୍ତ ସା଼ରିସୁଟୁ ଲାକପୂରୁତି ଦୂତୁୟାଁ ନିଚାମାନେରି, ଅ଼ଡ଼େ ସିଂଗାସାଣି ନ଼କିତା ମୁନୁ କୁତାନା ମାହାପୂରୁଇଁ ଜହରା କିହାନା, 
\v 12 ଏଲେଇଚେରି, “ଆ଼ମେନ୍‌ ନେହାୟି, ଗାୱୁରମି, ବୁଦି, ଜହରା, ସାମ୍ବ୍ରମି, ଅଦିକାରା ଅ଼ଡ଼େ ବା଼ଡ଼୍‌ୟୁ, କା଼ଲାକା଼ଲା ତାକି ମା଼ ମାହାପୂରୁୱାୟି! ଆ଼ମେନ୍‌ ।”
\p
\v 13 ଅ଼ଡ଼େ ପ୍ରାଚିନାଙ୍ଗା ବିତ୍ରାଟି ରଅସି ନାଙ୍ଗେ ୱେଞ୍ଜାତେସି, “ଦବ୍‌ଲା ହିମ୍ବରିକା ହୁଚାମାନି ଈ ଲ଼କୁ ଆମ୍ବାଆରି ? ଅ଼ଡ଼େ ଏ଼ୱାରି ଏମ୍ବିଟି ୱା଼ହାମାନେରି ?” 
\v 14 \x + \xo ୭:୧୪ \xo*\xt ମାତି ୨୪:୨୧; ମାର୍କ ୧୩:୧୯\xt*\x*ନା଼ନୁ ଏ଼ୱାଣାଇଁ ଏଲେଇଚେଏଁ, “ଏ଼ ନା଼ ପ୍ରବୁ ନୀନୁଏ ଏ଼ଦାଆଁ ପୁଞ୍ଜାମାଞ୍ଜି” ଏମ୍ବାଟିଏ ଏ଼ୱାସି ଏଲେଇଞ୍ଜାତେସି, “ଈୱାରି ଆଜିହ଼ପେତି ସା଼ସ୍ତି ଅ଼ର୍‌ହାନା ହ଼ଚା ୱା଼ହାମାନେରି, ଇଞ୍ଜାଁ ମେ଼ଣ୍ତା ଡା଼ଲୁତି ନେତେରି ତଲେ ଏ଼ୱାରି ତାମି ହିମ୍ବରିକା ରା଼ଚାନା ଦବ୍‌ଲା କିହାମାନେରି । 
\v 15 ଏ଼ଦାଆଁତାକି ଏ଼ୱାରି ମାହାପୂରୁ ଇଲୁତି ସିଂଗାସାଣି ନ଼କିତା ନିଚାନା ଲା଼ଆଁ ମାଦେନା ଏ଼ୱାଣି ଜହରା କିନେରି, ଇଞ୍ଜାଁ ସିଂଗାସାଣିତା କୁଗାମାନାସି ଏ଼ୱାରାକି ବାସାଟା଼ୟୁ ହୀନେସି । 
\v 16 ଏ଼ୱାରାକି ଏଚେଲାୱା ହାକି କି ଏ଼ସ୍‌କି ଆ଼ଏ; ଇଞ୍ଜାଁ କାରା କି ଏ଼ନି ୱେହ୍‌ନାୟି ଡୀଗାଲି ଆ଼ଡେଏ । 
\v 17 ଇଚିହିଁ ସିଂଗାସାଣି ମାଦିତି ମେ଼ଣ୍ତା ଡା଼ଲୁ ଏ଼ୱାରି ମେ଼ଣ୍ତା ଗ଼ଡ଼ୁ ଆ଼ନେସି । ଅ଼ଡ଼େ ଜୀୱୁହୀନି ଏ଼ୟୁ ହ଼ଚିମାନି ତା଼ଣା ଏ଼ୱାରାଇଁ ତା଼କିକିହା ଅ଼ନେସି, ଅ଼ଡ଼େ ମାହାପୂରୁ ଏ଼ୱାରି କାନୁତି ବାରେ କାଣ୍ତ୍ରୁ ଜେ଼ଜାତୁହ୍‌ନେସି ।”
\c 8
\s ସା଼ତା ଲମ୍ବର ସୀଲି
\p
\v 1 ମେ଼ଣ୍ତା ଡା଼ଲୁ ଏଚିବେ଼ଲା ସା଼ତା ଲମ୍ବର ମୁଦ୍ରା ଦେତି ଦେବୁଣିଏ ଲାକପୂରୁ ଆଦା ଗଂଟା ପାତେକା ସାପିଆ଼ତେ । 
\v 2 ଏମ୍ବାଟିଏ ନା଼ନୁ ମାହାପୂରୁ ନ଼କିତା ନିଚାମାନି ସା଼ତା ଜା଼ଣା ଦୂତୁୟାଁଇଁ ମେସ୍ତେଏଁ, ଏ଼ୱାରାକି ସା଼ତାଗଟା ତୀତ୍ରି ମ଼ହ୍‌ରି ହୀପ୍‌କି ଆ଼ତୁ ।
\p
\v 3 ଏମ୍ବାଟିଏ ଅ଼ଡ଼େ ର଼ ଦୂତୁ ୱା଼ହାଁ ପିଣ୍ତା ନ଼କିତା ନିତେସି, ଏ଼ୱାଣି କେୟୁତା ବାଂଗାରା ଦୁପ୍‌ଣି ସାଡ଼୍‌ୱା ମାଚେ, ଅ଼ଡ଼େ ସିଂଗାସାଣି ନ଼କିତି ବାଂଗାରା ପୂଜାପିଣ୍ତା ଲାକ ବାରେ ମାହାପୂରୁ ଲ଼କୁତି ପ୍ରା଼ତାନା ତଲେ ହେର୍‌ପାଲି ତାକି ହା଼ରେକା ଦୁପ୍‌ଣି ହୀପ୍‌କିଆ଼ତେ । 
\v 4 ଏମ୍ବାଟିଏ ଲାକପୂରୁ ଦୂତୁ କେୟୁତି ଦୁପ୍‌ଣି ବ଼ୟିଁ ମାହାପୂରୁ ଲ଼କୁତି ପ୍ରା଼ତାନା ତଲେ ଆଣ୍ତାନା ମାହାପୂରୁ ନ଼କିତା ଏଗାତେ । 
\v 5 ଡା଼ୟୁ ଏ଼ ଦୂତୁ ଦୁପ୍‌ଣି ସାଡ଼୍‌ୱାତା ପୂଜା ପିଣ୍ତାତି ହିଚୁତଲେ ନେଞ୍ଜିକିହାନା ଦାର୍‌ତି ଲାକ ଡ଼ାଞ୍ଜିତେସି, ଏମ୍ବାଟି ହା଼ଗୁ ଗୂଣ୍‌ତେ ବିଜା ରିନିହା଼ଡା ୱେ଼ଙ୍ଗିତେ ଇଞ୍ଜାଁ ବୂମି ୱୀଡିତେ ।
\s ତୀତ୍ରି ଊକିନାୟି
\p
\v 6 ଏଚିବେ଼ଲା ସା଼ତା ଜା଼ଣା ତୀତ୍ରି ଆସାମାନି ଦୂତୁୟାଁ ସା଼ତା ଜା଼ଣା ତୀତ୍ରି ଊକାଲି ତିୟାରା ଆ଼ତେରି ।
\p
\v 7 ର଼ ଲମ୍ବର ଦୂତୁ ତାନି ତୀତ୍ରି ଊକିତେସି ଏଚେଟିଏ ନେତେରି ତଲେ ଆ଼ଜିୟାଁ ଅ଼ଡ଼େ ହିଚୁ ଆଣ୍ତ୍‌ୱି ଆ଼ହାଁ ଦାର୍‌ତି ଲାକ ରିତୁ, ଇଞ୍ଜାଁ ବାରେ ମା଼ର୍‌ନୁ ମା଼ଡ଼ା, ହିଇଲି ଜା଼ଡ଼ା ତଲେ ଦାର୍‌ତିତି ତୀନି ବା଼ଗାଟି ର଼ ବା଼ଗା ବାରେ ୱେହା ହାଚେ ।
\p
\v 8 ଏଚେଟିଏ ରୀ ଲମ୍ବର ଦୂତୁ ତାନି ତୀତ୍ରି ଊକିନି ଦେବୁଣିଏ ଡ଼ୀଞ୍ଜିମାନି ର଼ କାଜା ହ଼ରୁ ଲେହେଁତାୟି ସାମ୍‌ଦୁରି ଲାକ ରୀତେ ଇଞ୍ଜାଁ ସାମ୍‌ଦୁରିତି ଏ଼ୟୁ ତୀନି ବା଼ଗାଟି ର଼ ବା଼ଗା ନେତେରି ଆ଼ହାହାଚୁ । 
\v 9 ସାମ୍‌ଦୁରିତା ମାନି ତୀନି ବା଼ଗାଟି ର଼ ବା଼ଗା ଜୀୱୁ ଗାଟାଇ ହା଼ହାହାଚୁ, ଅ଼ଡ଼େ ସାମ୍‌ଦୁରିତା ମାନି ଜା଼ଜାୟାଁ ତୀନି ବା଼ଗାଟି ର଼ ବା଼ଗା ଜା଼ଜାୟାଁ ବିଡ଼୍‌ହାହାଚୁ ।
\p
\v 10 ତୀନି ଲମ୍ବର ଦୂତୁ ତୀତ୍ରି ଊକିତେସି, ଇଞ୍ଜାଁ ଦେବୁଣିଏ ହିଚୁ ବ଼ନ୍ଦାଲେହେଁ ଡ଼ୀଞ୍ଜିମାନି ର଼ କାଜା ହୁକା ହା଼ଗୁଟି ତୀନି ବା଼ଗା କାଡା ଅ଼ଡ଼େ ଊସାଣାଁ ରୀତେ । 
\v 11 ଏ଼ ହୁକାତି ଦ଼ରୁ “କାମ୍ବେଲି” ଏଚେଟିଏ ତୀନି ବା଼ଗାଟିଏ ର଼ ବା଼ଗା ଏ଼ୟୁ କାମ୍ବେଲି ଆ଼ତୁ, ଇଞ୍ଜାଁ ହା଼ରେକା ଲ଼କୁ ଏ଼ୟୁ ଗସାନା ହା଼ତେରି, ଇଚିହିଁ ଏ଼ୱି କାମ୍ବେଲି କିୱି ଆ଼ହାମାଚୁ ।
\p
\v 12 ସା଼ରି ଲମ୍ବର ଦୂତୁ ତୀତ୍ରି ଊକିତେସି ଇଞ୍ଜାଁ ୱେ଼ଡ଼ା, ଲେ଼ଞ୍ଜୁ, ହୁକାୟାଁତି ବାରେ ତୀନି ବା଼ଗାଟି ର଼ ବା଼ଗା ନସ୍ତ ଆ଼ତୁ, ଇଞ୍ଜାଁ ତୀନି ବା଼ଗାଟି ର଼ ବା଼ଗା ଉଜେଡ଼ି ଊଣା ଆ଼ତେ, ଇଞ୍ଜାଁ ଲା଼ଆଁୟାଁ ମାଦେନା ତୀନି ବା଼ଗାଟି ର଼ ବା଼ଗା ଉଜେଡ଼ି ଊଣା ଆ଼ତେ ।
\p
\v 13 ଡା଼ୟୁ ନା଼ନୁ ମେସ୍ତେଏଁ, ହା଼ଗୁତି ମାଦି ଊମ୍ବିମାନି ର଼ ଲେ଼ଡ଼ୁ କାଜା ହା଼ଡାତଲେ ଏଲେଇଞ୍ଜିମାଚାଣି ୱେଚେଏଁ, “ଆ଼ହା! ଦାର୍‌ତିତା ବାସା ଆ଼ହାମାନି ଲ଼କୁ ଆଜିହ଼ପେତି ଡଣ୍ତ ବେଟାଆ଼ନାରି, ଇଚିହିଁ ଅ଼ଡ଼େ ତୀନି ଜା଼ଣା ଦୂତୁୟାଁ ତୀତ୍ରି ଊକାଲି ହାଜିମାନେରି ।”
\c 9
\p
\v 1 ଏଚେଟିଏ ପା଼ସା ଲମ୍ବର ଦୂତୁ ତୀତ୍ରି ଊକିତେସି ନା଼ନୁ ର଼ ହୁକା ହା଼ଗୁଟି ଦାର୍‌ତିତା ରିତାଣି ମେସ୍ତେଏଁ, ଏ଼ୱାଣାକି ତା଼ଡ଼େପୂରୁତି କୁଚିକା଼ଡ଼ି ହୀପ୍‌କି ଆ଼ହାମାଚେ । 
\v 2 ଏ଼ୱାସି ଏ଼ ତା଼ଡ଼େପୂରୁ ଗା଼ଡ଼୍‌ୟୁ ଦେଚାଲିଏ ଏମ୍ବାଟି କାଜା ହଲୁତା ହ଼ନିଲେହେଁ ବ଼ୟିଁ ହ଼ଚାୱାତେ, ଇଞ୍ଜାଁ ଏ଼ ହିଚୁ ଗା଼ଡ଼୍‌ୟୁତି ବ଼ୟିଁ ତାକି ୱେ଼ଡ଼ା ଇଞ୍ଜାଁ ହା଼ଗୁ ଆନ୍ଦେରି ଆ଼ତେ । 
\v 3 ଏ଼ ବ଼ୟିଁଟି ଗପ୍‌ଏରିକା ହ଼ଚାନା ଦାର୍‌ତିତା ୱା଼ତୁ, ଏ଼ୱାସିକାକି ଦାର୍‌ତିତି କାଚାକୁପିତା ମାନି ବୀସାତି ବା଼ଡ଼୍‌ୟୁ ହୀପ୍‌କିଆ଼ତେ । 
\v 4 ଏ଼ୱି ଦାର୍‌ତିତି ମା଼ର୍‌କା ଗଚା ଜା଼ଡ଼ାତି ନସ୍ତ କିଆନା, ଆମ୍ବାଆରି ମୁଞ୍ଜୁତା ମାହାପୂରୁତି ବୁଟୁ ମୁଦ୍ରା ହିଲାଆତେ ଏ଼ୱାରାଇଁ କସ୍ତ ହୀହାଲି ଏଲେଇଣ୍‌ମ୍ବି ଆ଼ତେ । 
\v 5 ଏ଼ୱାରାଇଁ ପା଼ୟାଆନା ପା଼ସା ଲେ଼ଞ୍ଜୁ ତାକି କସ୍ତ ହୀହାଲି ଗପ୍‌ଏରିକାକି ଅଦିକାରା ହୀପ୍‌କିଆ଼ତେ, କାଚାକୁପି କାଚିତେ ଇଚିସାରେ ଏ଼ନିକିଁ ବୀସା ଆ଼ନେ ଏ଼ କସ୍ତ ଏଲେତାୟି । 
\v 6 ଏଚିବେ଼ଲା ଲ଼କୁ ହା଼ହାଲି ଅଣ୍‌ପିନେରି ସାମା ହା଼ଅରି, ଏ଼ୱାରି ହା଼ହାଲି ଅଣ୍‌ପିନେରି, ସାମା ହା଼କି ଏ଼ୱାରି ତା଼ଣାଟି ହଟାତୁହ୍‌ନେ ।
\p
\v 7 ଏ଼ ଗପ୍‌ଏରିକା ଜୁଜୁତା ହାଜାଲି ତିୟାରା ଆ଼ହାମାନି ଗ଼ଡ଼ାୟାଁ ଲେହେଁ ତ଼ଞ୍ଜାଆ଼ହିମାଚୁ, ଏ଼ୱାସିକା ତା଼ର୍କାଣା ବାଂଗାରା ଟ଼ପେରି ଲେହେଁ ପିଡ଼୍‌ଗି ଆ଼ହାମାଚେ, ଏ଼ୱାସିକା ମୂମ୍ବୁ ମାଣ୍‌ସି ମୂମ୍ବୁ ଲେହେଁ ମାଚେ । 
\v 8 ଇୟାସିକା ତା଼ର୍ୟୁଁ ବା଼ଣାୟାଁ ଲେହେଁ ଏ଼ୱାସିକା ବା଼ଣାୟାଁ, ସିହଁ କ୍ଡାଃନିତି ପାଲ୍‌କା ଲେହେଁତି ତାମି ପାଲ୍‌କା ମାଚୁ । 
\v 9 ତାମି ବକତା ଲ଼ହ ପା଼ଟା ଲେହେଁତି ପା଼ଟା, ତାମି ମା଼ରାୟାଁ ୱୀଡିମାନି ହା଼ଡା ଜୁଜୁ ତାକି ଗ଼ଡ଼ାୟାଁ ରାତାୟାଁଣି ରେଜା ଅ଼ହିମାନି ଲେହେଁତି ହା଼ଡା । 
\v 10 କାଚାକୁପିତି ଲେଂଗୁଣି ଇଞ୍ଜାଁ ବୀସା ସୂଜା ଲେହେଁ ଏ଼ୱାସିକାକି ଲେଂଗୁଣି ଅ଼ଡ଼େ ବୀସା ସୂଜା ମାଚେ, ପା଼ସା ଲେ଼ଞ୍ଜୁ ତାକି ମାଣ୍‌ସିୟାଁଇଁ ସା଼ସ୍ତି ହିୟାଲି ଏ଼ୱାସିକା ଲେଂଗୁଣିକାଣା ବା଼ଡ଼୍‌ୟୁ ବେଟାଆ଼ହାମାଚୁ । 
\v 11 ଏ଼ୱାସିକା ମୁହେଁ ର଼ ରାଜା ସା଼ଲୱି କିହିମାନେସି, ଏ଼ୱାସି ତା଼ଡ଼େପୂରୁ ଗା଼ଡ଼୍‌ୟୁତି ଦୂତୁ, ଏ଼ଦାନି ଦ଼ରୁ ଏବ୍ରି ହା଼ଡାତଲେ ଆବାଦନ୍‌ ଅ଼ଡ଼େ ଗ୍ରିକ୍‌ ହା଼ଡାତଲେ ଅପ୍‌ଲିୟନ୍‌ ଇଚିସାରେ “ନା଼ସା କିନାଇ ।”
\p
\v 12 ତଲିତି ଆଜିହ଼ପେତି ଡଣ୍ତ ଊଣା ଆ଼ତେ ଅ଼ଡ଼େ ଜ଼ଡ଼େକା ଆଜିହ଼ପେତି ଡଣ୍ତୟାଁ ୱା଼ହିମାନୁ ।
\p
\v 13 ସ଼ ଲମ୍ବର ଦୂତୁ ତୀତ୍ରି ଊକିତେସି, ଇଞ୍ଜାଁ ନା଼ନୁ ମାହାପୂରୁ ନ଼କିତି ବାଂଗାରା ପୂଜା ପିଣ୍ତାତି ସା଼ରିଗଟା କମ୍‌କା ବିତ୍ରାଟି ର଼ ହା଼ଡା ୱେଚେଏଁ । 
\v 14 ଏ଼ୱାସି ତୀତ୍ରି ଆସାମାନି ସ଼ ଲମ୍ବର ଦୂତୁଇଁ ଏଲେଇଚେସି, “ପରାତ୍‌ କାଜା କାଡାତା ଦସ୍‌ପି ଆ଼ହାମାନି ସା଼ରି ଜା଼ଣା ଦୂତୁୟାଁଇଁ ପିସ୍‌ପି କିମୁ ।” 
\v 15 ଏମ୍ବାଟିଏ ମାଣ୍‌ସିୟାଁଇଁ ତୀନି ବା଼ଗାଟି ର଼ ବା଼ଗା ଲ଼କୁଇଁ ପା଼ୟାଲି ତାକି ତିୟାରା ଆ଼ହାମାନି ଆମିନି ସା଼ରି ଜା଼ଣା ଦୂତୁୟାଁଇଁ ଏ଼ ଦିନା, ଲେ଼ଞ୍ଜୁ, ଅ଼ଡ଼େ ବାର୍ସା କିୱି ଆ଼ହାମାଚେ ଏ଼ୱାରାଇଁ ପିସ୍‌ପି କିୱିଆ଼ତେ । 
\v 16 ଗ଼ଡ଼ାୟାଁ ଲାକ କୁଗାନା ଜୁଜୁ କିନାରି ରୀ କଟି ମାଚେରି ନା଼ନୁ ୱେଚେଏଁ । 
\v 17 ଅ଼ଡ଼େ ନା଼ନୁ ଗ଼ଡ଼ା ଇଞ୍ଜାଁ ଏମ୍ବାଆଁ ହ଼ଚାମାନାରାଇଁ ମେସ୍ତେଏଁ, ଏ଼ୱାରି ବକ ପା଼ଟା ହିଚୁ ଅ଼ଡ଼େ ନୀଲି, ହୀଙ୍ଗେରି ୱା଼ଣା; ଗ଼ଡ଼ାୟାଁତି ତା଼ର୍କା ସିହଁକ୍ଡାଃନି ତା଼ର୍କା ଲେହେଁ, ଇଞ୍ଜାଁ ଏ଼ୱାସିକା ଗୂତିଟି ହିଚୁ, ବ଼ୟିଁ, ଅ଼ଡ଼େ ଗାନ୍ଦାଗୁଣ୍ତା ହ଼ଚିମାଚେ । 
\v 18 ଏ଼ୱାସିକା ଗୂତିଟି ହିଚୁ, ବ଼ୟିଁ, ଅ଼ଡ଼େ ଗାନ୍ଦାଗୁଣ୍ତା ଲେହେଁ ଈ ତୀନିଗଟା ଡଣ୍ତୟାଁ ହ଼ତୁ, ଈ ଡଣ୍ତୟାଁଟି ମାଣ୍‌ସିୟାଁ ତୀନି ବା଼ଗାଟି ର଼ ବା଼ଗା ପା଼ୟ୍‌ୱି ଆ଼ତେରି । 
\v 19 ଏ଼ନାଆଁତାକି ଇଚିହିଁ ଗ଼ଡ଼ାୟାଁତି ବା଼ଡ଼୍‌ୟୁ ତାମି ଗୂତି ଅ଼ଡ଼େ ଲେଂଗୁଣିତା ମାଚେ, ଇଚିହିଁ ଏ଼ୱାସିକା ଲେଂଗୁଣିକା ତା଼ର୍ୟୁଁ ଗାଟି ରା଼ଚୁ ଲେହେଁ ମାଚାକି ତାମି ଲେଂଗୁଣିକା ତଲେ ଲ଼କୁଣି ନସ୍ତ କିହିମାଚୁ ।
\p
\v 20 ଆମିନି ଲ଼କୁ ଈ କସ୍ତତଲେ ପା଼ୟ୍‌ୱି ଆ଼ହା ହିଲାଆତେରି, ଏ଼ୱାରି ତାମି କେୟୁତଲେ କିତି କାମାତାକି ମ଼ନ ୱେଟ୍‌ପି କିଆତେରି, ଇଚିହିଁ ବୂତୁୟାଁଣି ପୂଜା, ଅ଼ଡ଼େ ମେସାଲି, ୱେଞ୍ଜାଲି, ତା଼କାଲି ଆ଼ଡାଆଗାଟି ବାଂଗାରା, ୱେଣ୍ତି, ପିତାଡ଼ା, ୱାଲ୍‌କା ଅ଼ଡ଼େ ମା଼ର୍‌କା ତଲେ କେ଼ପିତି ପେ଼ଣ୍‌କା ବମାୟାଁଣି ପୂଜା କିହାଲି ପିହ୍‌ଆତେରି । 
\v 21 ଅ଼ଡ଼େ ଏ଼ୱାରି ଲ଼କୁଣି ପା଼ୟିନାୟି, ଗୂଣି ଗାର୍‌ଡ଼ି, ଦା଼ରିକାମା, ଅ଼ଡ଼େ ସ଼ରୁ କାମା କିନିତା଼ଣାଟି ମ଼ନ ୱେଟ୍‌ଆତେରି ।
\c 10
\s ଲାକପୂରୁତି ଦୂତୁ ଅ଼ଡ଼େ ରୂପିତି ଊଣା ପତି
\p
\v 1 ଏଚେଟିଏ ନା଼ନୁ ର଼ ବାଡ଼୍‌ୟୁଗାଟି ଦୂତୁଇଁ ଲାକପୂରୁଟି ରେ଼ଚା ୱା଼ହିମାଚାଣି ମେସ୍ତେଏଁ, ଏ଼ୱାଣି ସା଼ରିସୁଟୁ ଦୂନ୍ଦ୍ରା ଇଞ୍ଜାଁ ତାନି ତା଼ର୍ୟୁଁ ଲାକ ଦାର୍‌ଣକି ଅ଼ଡ଼େ ତାନି ମୂମ୍ବୁ ୱେ଼ଡ଼ା ଲେହେଁ ଅ଼ଡ଼େ ତାନି କଡାୟାଁ ହିଚୁ ମୁଣ୍ତାଲେହେଁ ତ଼ଞ୍ଜାଆ଼ହିମାଚୁ; 
\v 2 ତାନି କେୟୁତା ଦେପି ଆ଼ହାମାନି ର଼ ଊଣା ତ଼ଲୁ ପତି, ଏ଼ୱାସି ତାନି ଟିଃନି କଡା ସାମ୍‌ଦୁରିତା ଅ଼ଡ଼େ ଟେ଼ବ୍ରି କଡା ଦାର୍‌ତିତା ଇଟାମାଚେସି; 
\v 3 ସିହଁକ୍ଡାଃନି ଗାର୍ଜିନିଲେହେଁ କାଜା ହା଼ଡାତଲେ ହା଼ଟିତେସି, ଏ଼ୱାସି ହା଼ଟାଲିଏ ଏଲେକିହିଁଏ ସା଼ତାଗଟା ହା଼ଗୁ ଗୂଣ୍‌ନାଇ ତାମି ହା଼ଡା ୱେ଼ଙ୍ଗି କିତୁ । 
\v 4 ଏ଼ ସା଼ତାଗଟା ହା଼ଗୁ ଗୂଣ୍‌ନାଇ ୱେସାଲିଏ ନା଼ନୁ ରା଼ଚିଇଁ ଇଞ୍ଜିଁ ତିୟାରା ଆ଼ତେଏଁ, ଏଚେଟିଏ ନା଼ ତାକି ହା଼ଗୁଟି ଈ ହା଼ଡା ୱେଚେଏଁ, “ଏ଼ ସା଼ତାଗଟା ହା଼ଗୁ ଗୂଣ୍‌ନିତା଼ଣାଟି ଏ଼ନାଆଁ ୱେଞ୍ଜାମାଞ୍ଜି ଏ଼ଦାଆଁ ରା଼ଚାଆନା ଡ଼ୁକ୍‌ହା ଇଟାମୁ ।”
\p
\v 5 ଏଚେଟିଏ ଆମିନି ଦୂତୁଇଁ ସାମ୍‌ଦୁରି ଅ଼ଡ଼େ ଦାର୍‌ତି ଲାକ ନିଚାମାଚାଣି ନା଼ନୁ ମେସାମାଚେଏଁ, ଏ଼ୱାସି ତାନି ଟିଃନି କେୟୁ ଲାକପୂରୁ ୱାକି ଦା଼ସାନା 
\v 6 ଆମ୍ବାଆସି ଲାକପୂରୁ, ଦାର୍‌ତି, ସାମ୍‌ଦୁରି, ଅ଼ଡ଼େ ଏମ୍ବାଆଁ ମାନାଣି ବାରେ ଗା଼ଡ଼ି କିହାମାନେସି, ଏ଼ କା଼ଲେଏ ତାକି ନୀଡାମାନାଣି ଦ଼ରୁଟି ପାର୍‌ମାଣା କିହାନା ଏଲେଇଚେସି, “ଅ଼ଡ଼େ ୱେ଼ଡ଼ା ଆ଼ଏଦେଁ” 
\v 7 ଏଚିବେ଼ଲାତା ସା଼ତା ଲମ୍ବର ଦୂତୁ ତୀତ୍ରି ଊକିନେସି, ମାହାପୂରୁ ଅଣ୍‌ପୁତି ବ଼ଲୁ ୱେ଼କ୍‌ନାରି ଅ଼ଡ଼େ ତାନି ସେ଼ବା କିନାରାଇଁ ନେହିଁ କାବ୍ରୁ ୱେସାମାଚେସି, ଏଚିବେ଼ଲା ମାହାପୂରୁ ତାନି ଡ଼ୁଗାମାନି ଅଣ୍‌ପୁ ପୂରା କିନେସି ।
\p
\v 8 ଇଞ୍ଜାଁ ନା଼ନୁ ଲାକପୂରୁଟି ଆମିନି ହା଼ଡା ୱେଞ୍ଜା ମାଚେଏଁ, ଅ଼ଡ଼େ ୱେଣ୍ତେ ନା଼ ତାକି ଏଲେଇଞ୍ଜି ୱେ଼ଙ୍ଗିତେ, “ହାଲାମୁ, ସାମ୍‌ଦୁରି ଅ଼ଡ଼େ ଦାର୍‌ତି ଲାକ ନିଚାମାନି ଦୂତୁ କେୟୁତା ଆମିନି ତ଼ଲୁ ପତି ଦେପିଆ଼ହାମାନେ ଏ଼ଦାଆଁ ଅ଼ମୁ ।” 
\v 9 ଏଚେଟିଏ ନା଼ନୁ ଏ଼ ଦୂତୁ ଡାଗେ ହାଜାହାଁ ଏ଼ ଊଣା ତ଼ଲୁ ପତିତି ରୀସ୍ତେଏଁ, ଏ଼ୱାସି ନାଙ୍ଗେ ଏଲେଇଞ୍ଜାତେସି, “ଈଦାଆଁ ଅ଼ହାଁ ତିନାମୁ; ଈଦି ନୀ ବାଣ୍ତିତି କାମ୍ବେଲି କିୟାନେ ସାମା ନୀ ଗୂତି ତାକି କିର୍‌ୟାଁ ଲେହେଁ ଆ଼ନେ ।” 
\v 10 ଏଚେଟିଏ ନା଼ନୁ ଦୂତୁ କେୟୁଟି ଏ଼ ଊଣା ତ଼ଲୁ ପତି ଅ଼ହାଁ ତିଚେଏଁ, ଏ଼ଦି ନା଼ ଗୂତି ତାକି କିର୍‌ୟାଁ ଲେହେଁ ଆ଼ତେ, ସାମା ଏ଼ଦାଆଁ ତିଚି ଡା଼ୟୁ ନା଼ ବାଣ୍ତି କାମ୍ବେଲି ଆ଼ହାହାଚେ ।
\p
\v 11 ଏଚେଟିଏ ନାଙ୍ଗେ ଏଲେଇଞ୍ଜି ୱେସ୍ତାତେସି ହା଼ରେକା ଗଚି, କୂଡ଼ା, ହା଼ଡା ଗାଟାରି ଅ଼ଡ଼େ ରାଜାୟାଁ କ଼ପାଟି ଡା଼ୟୁ ଏ଼ନାୟି ଗଟୱି ଆ଼ନେ ଏ଼ଦାଆଁ ନୀନୁ ଅ଼ଡ଼େ ୱେଣ୍ତେ ୱେହ୍‌ନାୟି ମାନେ ।
\c 11
\s ରିଆରି ସା଼କି ହୀନାରି
\p
\v 1 ଏଚେଟିଏ ନାଙ୍ଗେ ଲା଼ଚିନି ଲେହେଁତି ର଼ ବାଡ଼୍‌ଗା ହୀପ୍‌କିଆ଼ତେ, ରଅସି ନାଙ୍ଗେ ଏଲେଇଞ୍ଜାତେସି, “ହାଲାମୁ, ମାହାପୂରୁ ଦେ଼ୱୁଡ଼ି, ପୂଜାପିଣ୍ତା ଲା଼ଚାମୁ ଅ଼ଡ଼େ ଆମ୍ବାଆରି ଏମ୍ବାଆଁ ପ୍ରା଼ତାନା କିନେରି ଏ଼ୱାରାଇଁ ଏଜିକିମୁ । 
\v 2 \x + \xo ୧୧:୨ \xo*\xt ଲୂକ ୨୧:୨୪\xt*\x*ସାମା ଦେ଼ୱୁଡ଼ି ପାଙ୍ଗାତି ଆଂଗେଣିତି ପିହ୍‌ମୁ ଏ଼ଦାଆଁ ଲା଼ଚାଆନି, ଇଚିହିଁ ଏ଼ଦି ଜୀହୁଦିଆ଼ଆତାରାକି ହୀପ୍‌କି ଆ଼ହାମାନେ, ଏ଼ୱାରି ରୀ କ଼ଡ଼ି ରୀ ଲେ଼ଞ୍ଜୁ ପାତେକା ମାହାପୂରୁ ସୁଦୁ ଗା଼ଡ଼ାତି କଡାତଲେ ୱିସାନା ଦୂଡ଼ି କିନେରି । 
\v 3 ଅ଼ଡ଼େ ନା଼ନୁ ନା଼ ରୀ ସା଼କିୟାଁଇଁ ପାଣ୍ତିଇଁ ଏ଼ୱାରି ବାସ୍ତାୟାଁ ପର୍‌ହାନା ୧,୨୬୦ ଦିନା ପାତେକା ମାହାପୂରୁ ଅଣ୍‌ପୁତି ବ଼ଲୁ ୱେ଼କ୍‌ନେରି ।”
\p
\v 4 ଏ଼ୱାରି ଦାର୍‌ତିତି ପ୍ରବୁତି ନ଼କିତା ନିଚାମାନି ରୀ ଜୀତ ମା଼ର୍‌କା ଅ଼ଡ଼େ ରୀ ଦୀୱଁ ସ଼ଡ଼ାୟାଁ ଲେହେଁତାରି । 
\v 5 ଆମ୍ବାଆସି ଏ଼ୱାରାଇଁ ନସ୍ତ କିହାଲି ଅଣ୍‌ପିନେସି, ଆତିହିଁ ଏ଼ୱାରି ଗୂତିଟି ହିଚୁ ହ଼ଚାହାଁ ଏ଼ୱାରି ସାତ୍ରୁୟାଁଇଁ ନା଼ସାକିନେ, ଆମ୍ବାଆସି ଏ଼ୱାରାଇଁ ନସ୍ତ କିହାଲି ଅଣ୍‌ପିତିହିଁ, ଏ଼ୱାସି ନା଼ସା ଆ଼ନେସି । 
\v 6 ଏ଼ୱାରି ମାହାପୂରୁ ବ଼ଲୁ ୱେ଼କ୍‌ନାଟି ଏ଼ନିକିଁ ପିୟୁ ଆ଼ଏ ଏ଼ଦାଆଁତାକି ହା଼ଗୁତି ସୁଣ୍ତାଲି ଅଦିକାରା ହୀପ୍‌କି ଆ଼ହାମାନେ, ଏଚର ଦେବା ଏ଼ୱାରି ମ଼ନ ଆ଼ନେ ଏଚର ଦେବା ଏ଼ୱାରି ଏ଼ୟୁଣି ନେତେରି ମ୍ଣିପ୍‌ହାଲି ଅ଼ଡ଼େ ଦାର୍‌ତିତି ଏ଼ନି ଇଚି ଏଲେତି ମର୍‌ଡ଼ି ତଲେ ଡଣ୍ତ ହୀହାଲି ଏ଼ୱାରାକି ଅଦିକାରା ମାନେ ।
\p
\v 7 \x + \xo ୧୧:୭ \xo*\xt ୱେ଼ ବ଼ଲୁ ୧୩:୫-୭; ୧୭:୮\xt*\x*ଏ଼ୱାରି ସା଼କି ହୀହାଲି ରା଼ତି ଡା଼ୟୁ ତା଼ଡ଼େପୂରୁ ଗା଼ଡ଼୍‌ୟୁଟି ର଼ ଜ଼ନ୍ତ ହ଼ଚାୱା଼ହାନା, ଏ଼ୱାରିତଲେ ଜୁଜୁ କିନେ । 
\v 8 ଏମ୍ବାତି ଏମିନି କାଜା ଗା଼ଡ଼ା ସୁଦୁଜୀୱୁ ତଲେ ସଦମ ଅ଼ଡ଼େ ମିସର ଇଞ୍ଜିଁ ଇନେରି, ଏମିନିତା଼ଣା ତାମି ପ୍ରବୁ ଜିକେଏ ପା଼ସିତା ହା଼ହାମାଚେସି, ଏ଼ କାଜା ଗା଼ଡ଼ାତି ଆଂଗେଣିତା ଏ଼ୱାରି ମାଡ଼୍‌ହାୟାଁ ଡ଼ୟିନୁ । 
\v 9 ଅ଼ଡ଼େ ବାରେ ଦେ଼ସା ଗଚି, ହା଼ଡା, ଇଞ୍ଜାଁ କୂଲୁତି ଲ଼କୁ ତୀନିଦିନା ଆଦା ପାତେକା ଏ଼ୱାରି ମାଡ୍‌ହାୟାଁଇଁ ମେହ୍‌ନେରି ଅ଼ଡ଼େ ଏ଼ ମାଡ୍‌ହାୟାଁଇଁ ମୁସାଲି ହେଲ ହୀଅରି । 
\v 10 ଏଚେଟିଏ ଦାର୍‌ତିତା ବାସା ଆ଼ହାମାନାରି ଏ଼ୱାରି ହା଼ତି କାବ୍ରୁ ୱେଞ୍ଜାନା ତିଞ୍ଜି ଊଣ୍ତିହିଁ ରା଼ହାଁ କିନେରି, ଅ଼ଡ଼େ ରଅସି ରଅଣାକି ରା଼ହାଁତଲେ ବେଟୁ ହୀପ୍‌କି ଆ଼ନେରି, ଇଚିହିଁ ଈ ରୀ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି ଦାର୍‌ତିତି ଲ଼କୁଣି କସ୍ତ ହୀହିମାଚେରି । 
\v 11 ତୀନିଦିନା ଆଦା ଡା଼ୟୁ ମାହାପୂରୁ ତା଼ଣାଟି ଜୀୱୁତି ଗା଼ଲି ୱା଼ହାଁ ଏ଼ୱାରି ଆଙ୍ଗାତା ହଟେ, ଏଚେଟିଏ ଏ଼ୱାରି କଡାଁଣି ବା଼ଡ଼୍‌ୟୁ କିହାନା ନିତେରି, ଅ଼ଡ଼େ ଆମ୍ବାଆରି ଈ କାମାତି ମେସ୍ତେରି ଏ଼ୱାରି ଆଜାହାଚେରି । 
\v 12 ଏଚେଟିଏ ଏ଼ୱାରି ଲାକପୂରୁଟି ର଼ କାଜା ହା଼ଡାତଲେ ଏ଼ ରିଆରାକି ଏଲେ ଇଞ୍ଜିମାଚାଣି ୱେଚେରି, “ଇମ୍ବାଆଁ ୱା଼ଦୁ” ଏଚେଟିଏ ଏ଼ୱାରି ତାମି ସାତ୍ରୁୟାଁ ଏ଼ୱାରାଇଁ ମେସ୍‌ପନିଏ ଦୂନ୍ଦ୍ରା ତଲେ ଲାକପୂରୁ ହାଚେରି । 
\v 13 \x + \xo ୧୧:୧୩ \xo*\xt ୱେ଼ ବ଼ଲୁ ୬:୧୨; ୧୬:୧୮\xt*\x*ଏ଼ ଦେବୁଣିଏ ବୂମି ହା଼ରେକା ୱୀଡିତେ ଅ଼ଡ଼େ ଗା଼ଡ଼ାତି ଦସ ବା଼ଗାଟି ର଼ ବା଼ଗା ନା଼ସା ଆ଼ତେ, ଅ଼ଡ଼େ ୭,୦୦୦ ଲ଼କୁ ହା଼ତେରି, ଇଞ୍ଜାଁ ଏଚେକା ଲ଼କୁ ନୀଡାମାଚେରି ଆଜିତାକି ଲାକପୂରୁତି ମାହାପୂରୁଇଁ ଗାୱୁରମି କିତେରି ।
\p
\v 14 ରୀ ଲମ୍ବର ଆଜିହ଼ପେତି ଡଣ୍ତ ରା଼ତେ, ସାମା ତୀନି ଲମ୍ବର ଆଜିହ଼ପେତି ଡଣ୍ତ ତବେ ୱା଼ହିମାନେ ।
\s ସାତା ଲମ୍ବର ତୀତ୍ରି ମ଼ହ୍‌ରି
\p
\v 15 ଡା଼ୟୁ ସାତା ଲମ୍ବର ଦୂତୁ ତୀତ୍ରି ଊକିତେସି ଇଞ୍ଜାଁ ଲାକପୂରୁ କାଜା ହା଼ଡାତଲେ ଈ ହା଼ଡା ୱେ଼ଙ୍ଗିତେ, “ମା଼ ପ୍ରବୁ ଅ଼ଡ଼େ ଏ଼ୱାଣି ମସିହା ଦାର୍‌ତିତି ସା଼ଲୱି କିନି ଅଦିକାରା ନୀଏଁ ତାନି କେୟୁତା ଅ଼ହାମାନେସି, ଏ଼ୱାସି କା଼ଲେଏ ତାକି ରା଼ଜି କିନେସି ।” 
\v 16 ଏଚେଟିଏ ମାହାପୂରୁ ନ଼କିତା ଜାହା ଜାହାରା ସିଂଗାସାଣିତା କୁଗାମାନି କଡ଼େ ସା଼ରି ଜା଼ଣା ପ୍ରାଚିନାଙ୍ଗା ମୁନୁ କୁତାହାଁ ମାହାପୂରୁଇଁ ଜହରା କିହାଁ, 
\v 17 ଏଲେଇଚେରି,
\q1 “ପ୍ରବୁ, ବାରେକିହାଁ ବାଡ଼୍‌ୟୁଗାଟି ମାହାପୂରୁ, ନୀନୁ ନୀଏଁ ଅ଼ଡ଼େ ତଲିତାତି,
\q1 ମା଼ମ୍ବୁ ନିଙ୍ଗେ ଜହରା କିହିମାଞ୍ଜାନମି;
\q2 ଏ଼ନାଆଁତାକି ଇଚିହିଁ ନୀନୁ ନୀ କାଜା ବା଼ଡ଼୍‌ୟୁ ତଲେ ସା଼ଲୱି କିୟାଲି ଅଦିକାରା ନୀଞ୍ଜୁଟିଏ ଅ଼ହାମାଞ୍ଜି ।
\q1
\v 18 ଜୀହୁଦିଆ଼ଆତାରି କାର୍‌ବି ଆ଼ହାମାଚେରି,
\q2 ସାମା ନୀଏଁ ନୀ କ଼ପା ଆ଼ନି ଦିନା ୱା଼ତେ,
\q2 ଇଞ୍ଜାଁ ହା଼ତାରି ନୀଏଁ ନୀହାଁୟି କିୱିଆ଼ନେରି,
\q1 ଇଞ୍ଜାଁ ନୀ ହ଼ଲିୟାଙ୍ଗା ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି,
\q2 ମାହାପୂରୁ ଲ଼କୁ, ଅ଼ଡ଼େ ନୀ ଦ଼ରୁତି ଆଜିନି କାଜାରି ଇଚାରି ବାରେ ଲ଼କୁ ଦା଼ନା ବେଟାଆ଼ନେରି,
\q2 ଅ଼ଡ଼େ ଆମ୍ବାଆରି ଦାର୍‌ତିତି ନା଼ସା କିନେରି ଏ଼ୱାରି ଜିକେଏ ନା଼ସା ଆ଼ନେରି ।”
\p
\v 19 \x + \xo ୧୧:୧୯ \xo*\xt ୱେ଼ ବ଼ଲୁ ୮:୫; ୧୬:୧୮; \xt*\xt ୱେ଼ ବ଼ଲୁ ୧୬:୨୧\xt*\x*ଏଚେଟିଏ ଲାକପୂରୁ ମାନି ମାହାପୂରୁ ଇଲୁତି ଦା଼ରା ଦେପିଆ଼ତେ, ଅ଼ଡ଼େ ତାନି ଇଲୁତା ମାନି ରା଼ଜିମା଼ନାତି ପେ଼ଡ଼ା ତ଼ଞ୍ଜାଆ଼ତେ, ଅ଼ଡ଼େ ବିଲିବାଲା ମ୍ଣିହ୍‌ନାୟି, ହା଼ରେକା ଗିୟାଁ, ହା଼ଗୁ ଗୂଣ୍‌ନି ହା଼ଡା, ଇଞ୍ଜାଁ ବୂମି ୱୀଡିତେ ଅ଼ଡ଼େ ହା଼ରେକା ଆ଼ଜିୟାଁ ରିତୁ ।
\c 12
\s ଆୟାଟି ଅ଼ଡ଼େ ରା଼ଚୁ
\p
\v 1 ଡା଼ୟୁ କାବାଆ଼ନି ଲେହେଁତି ସିନା ହା଼ଗୁତା ତ଼ଞ୍ଜାଆ଼ତେ, ର଼ ଆୟାଟି ଲେ଼ଞ୍ଜୁ ଲାକ ନିଚାମାଚେ ଅ଼ଡ଼େ ୱେ଼ଡ଼ାତି ଉଜେଡ଼ି ପର୍‌ହାମାଚେ । ଏ଼ଦାଣି ତା଼ର୍ୟୁଁତା ବା଼ରଗଟା ହୁକାୟାଁଗାଟି ଟ଼ପେରି ମାଚେ । 
\v 2 ଏ଼ଦି ପୂରା ମା଼ସା ଆ଼ହାନା ଜାର୍ନିକିନି ବେ଼ଲାତା ଲୁଞ୍ଜିନି ବୀସା ତାକି କସ୍ତ ବେଟାଆ଼ହିମାଚେ ।
\p
\v 3 ଏଚିବେ଼ଲା ହା଼ଗୁ ଲାକ କାବାଆ଼ନି ର଼ ସିନା ତ଼ଞ୍ଜାଆ଼ତେ, ଏମ୍ବାଆଁ ପା଼ଟୁ ୱା଼ଣାଗାଟି କାଜା ରା଼ଚୁ ଏ଼ ରା଼ଚୁକି ସା଼ତାଗଟା ତା଼ର୍କା, ଇଞ୍ଜାଁ ଦସଗଟା କମ୍‌କା, ଅ଼ଡ଼େ ତା଼ର୍କା ଲାକ ସା଼ତାଗଟା ଟ଼ପେରିକା ମାଚୁ । 
\v 4 ତାନି ଲେଂଗୁଣି ତଲେ ହା଼ଗୁତି ତୀନି ବା଼ଗା ହୁକାୟାଁଣି ଦାର୍‌ତି ଲାକ ମେତ୍‌ହେ, ଇଞ୍ଜାଁ ଏ଼ ରା଼ଚୁ, ଜାର୍ନିକିନି ଦେବୁଣିଏ ଇୟାନି ଡା଼ଲୁତି ଗୂସାଲି ଏ଼ଦାନି ନ଼କିତା ନିତେ । 
\v 5 ଆମ୍ବାଆସି ବାରେ କୂଡ଼ାତି ଲ଼କୁଣି ଲ଼ହ ବାଡ଼୍‌ଗା ତଲେ ସା଼ଲୱି କିନେସି ଇଲେତି ର଼ କକାଣି ଡା଼ଲୁଇଁ ଏ଼ ଇୟା ଜାର୍ନିକିତେ, ଅ଼ଡ଼େ କକାଣି ଡା଼ଲୁଇଁ ମାହାପୂରୁ ଇଞ୍ଜାଁ ତାନି ସିଂଗାସାଣି ନ଼କିତା ପେର୍‌ହା ଅ଼ୱିଆ଼ତେ । 
\v 6 ଅ଼ଡ଼େ ଏ଼ ଇୟା ଲ଼କୁ ହିଲାଆ ବାଟାତା ହଟେ, ଏମ୍ବାଆଁ ୧,୨୬୦ ଦିନା ପାତେକା ପ଼ହିକିୱି ଆୟାଲି ମାହାପୂରୁ ତା଼ଣାଟି ଏମ୍ବାଆଁ ଏ଼ଦାନାକି ର଼ ଟା଼ୟୁ କେ଼ପି ଆ଼ହାମାଚେ ।
\p
\v 7 \x + \xo ୧୨:୭ \xo*\xt ଜୀହୁଦା ୧:୯\xt*\x*ଏମ୍ବାଟିଏ ଲାକପୂରୁ ଜୁଜୁ ଆ଼ତେ, ମିକାୟେଲ ଅ଼ଡ଼େ ତାନି ଦୂତୁୟାଁ ଏ଼ ରା଼ଚୁ ତଲେ ଜୁଜୁ କିତୁ, ଏଚେଟିଏ ଏ଼ ରା଼ଚୁ ଅ଼ଡ଼େ ତାନି ଦୂତୁୟାଁ ଜିକେଏ ଜୁଜୁ କିତେରି । 
\v 8 ସାମା ରା଼ଚୁ ଇଞ୍ଜାଁ ତାନି ଦୂତୁୟାଁ ଜୀଣା ଆ଼ହାଲି ଆ଼ଡାଆତୁ, ଇଞ୍ଜାଁ ଲାକପୂରୁ ଏ଼ୱି ଟା଼ୟୁ ବେଟାଆ଼ଆତୁ । 
\v 9 \x + \xo ୧୨:୯ \xo*\xt ଲୂକ ୧୦:୧୮\xt*\x*ଏଚିବେ଼ଲା ଦାର୍‌ତିତି ନା଼ଡ଼ିକିନି ପ଼ଲ୍‌ଆ ପେ଼ନୁ ଇଞ୍ଜାଁ ସୟତାନ ଦ଼ରୁଟି ୱେ଼ଙ୍ଗିତି କାଜା ରା଼ଚୁ ଏ଼ ପ୍ଣାଃଇ ନା଼ଗା, ଏ଼ଦି ତାମି ଦୂତୁୟାଁ ତଲେ ଦାର୍‌ତିତା ମେତ୍‌ପି ଆ଼ତେ ।
\p
\v 10 ଏଚେଟିଏ ଲାକପୂରୁଟି ଏଲେଇଞ୍ଜି ର଼ କାଜା ହା଼ଡା ୱେଚେଏଁ, ନୀଏଁ ମାହାପୂରୁ ତା଼ଣାଟି ଗେଲ୍‌ପିନାୟି ଏଗାୱା଼ତେ, ତାନି ରା଼ଜି ଅ଼ଡ଼େ ବା଼ଡ଼୍‌ୟୁ ଇଞ୍ଜାଁ କ୍ରୀସ୍ତତି ଅଦିକାରା ୱା଼ହାମାନେ, ଇଚିହିଁ ଆମିନି ସାତ୍ରୁ ମା଼ ତାୟି ତାଙ୍ଗିସ୍କା କ଼ପାଟି ନିଙ୍ଗାନା ଲା଼ଆଁ ମାଦେନା ମାହାପୂରୁ ନ଼କିତା ଦାୱା କିହିମାଚେ, ଏ଼ଦି ଲାକପୂରୁଟି ଦାର୍‌ତିତା ମେତ୍‌ପି ଆ଼ହାମାନେ । 
\v 11 ଏ଼ୱାରି ମେ଼ଣ୍ତା ଡା଼ଲୁତି ନେତେରି ତଲେ ଅ଼ଡ଼େ ୱେ଼କ୍‌ହାମାନି ସାତା କାତାତଲେ ଜୀଣା ଆ଼ହାମାନେରି ଇଞ୍ଜାଁ ଏ଼ୱାରି ହା଼ହାଲିତାକି ଜିକେଏ ତାମି ଜୀୱୁଇଁ ଜୀୱୁ ନ଼ହାଁ ହିଲାଆତେରି । 
\v 12 ଏ଼ଦାଆଁତାକି ଏ଼ ଲାକପୂରୁ ଅ଼ଡ଼େ ଏମ୍ବାଆଁ ବାସା ଆ଼ହାମାନାତେରି ରା଼ହାଁ ଆ଼ଦୁ, ସାମା ଦାର୍‌ତି ଅ଼ଡ଼େ ସାମ୍‌ଦୁରି ମୀରୁ ଡଣ୍ତ ବେଟା ଆ଼ନାତେରି ଏ଼ନାଆଁତାକି ଇଚିହିଁ ତାନି ବେ଼ଲା ହା଼ରେକା ଊଣା ମାନେ ଇଞ୍ଜିଁ ପୁଞ୍ଜାନା ପ଼ଲ୍‌ଆ ପେ଼ନୁ ସୟତାନ ହା଼ରେକା କ଼ପାତଲେ ମୀ ତା଼ଣା ରେ଼ଚା ୱା଼ହାମାନେ ।
\p
\v 13 ରା଼ଚୁ ଜାହାରାଇଁ ଦାର୍‌ତିତା ମେତ୍‌ପି ଆ଼ହାମାନାଣି ମେସାନା ଏ଼ କକାଣି ଡା଼ଲୁଇଁ ଜାର୍ନି କିତି ଇୟାନି ଜେ଼ଚ ଜେ଼ଚ ପେ଼ର୍‌ହା ଅ଼ତେ । 
\v 14 ଏଚେଟିଏ ଏ଼ ଇୟା ରା଼ଚୁ ଗୂତିଟି ଏ଼ନିକିଁ ଗେଲ୍‌ପିଆ଼ହାଁ ତୀନି ବାର୍ସା ସ଼ ଲେ଼ଞ୍ଜୁ ପାତେକା ପ଼ହିକିୱି ଆ଼ନେ, ଏ଼ଦାଆଁତାକି ଲ଼କୁ ହିଲାଆ ବାଟାତି ତାନି ଟା଼ୟୁତା ଊମ୍ବାହାଜାଲି ଲେ଼ଡ଼ୁତି ରୀ ମା଼ରାୟାଁ ହୀପ୍‌କି ଆ଼ତୁ । 
\v 15 ଏଚେଟିଏ ଏ଼ ଇୟାନି ଅ଼ୱି କିୟାଲି ରା଼ଚୁ ତାନି ଗୂତିଟି ର଼ କାଜା କାଡା ଏ଼ୟୁ ହ଼ପ୍‌ହେ । 
\v 16 ସାମା ଏ଼ ଇୟାନି ସା଼ୟେମି କିହାଲି ଦାର୍‌ତି ତାନି ଗୂତିତି ଦେଚାନା ରା଼ଚୁ ଗୂତିଟି ହ଼ତି କାଡା ଏ଼ୟୁଣି ଗୂସ୍ତେ । 
\v 17 ଏଚେଟିଏ ରା଼ଚୁ ଏ଼ ଇୟାନି ହା଼ରେକା କ଼ପା ଆ଼ହାଁ ତାନି କୂଡ଼ାତାରି ଏଚେକା ଲ଼କୁ ମାହାପୂରୁତି ହୁକୁମି ମା଼ନୱି ଆ଼ହାଁ ଜୀସୁତି କାତା ୱେସିମାନେରି, ଏ଼ୱାରିତଲେ ଜୁଜୁ କିହାଲି ହାଚେ । 
\v 18 ଇଞ୍ଜାଁ ରା଼ଚୁ ସାମ୍‌ଦୁରି ଗାଟୁତି ବାଃଲିତା ନିତେ ।
\c 13
\s ରୀ ଜ଼ନ୍ତୟାଁ
\p
\v 1 \x + \xo ୧୩:୧ \xo*\xt ୱେ଼ ବ଼ଲୁ ୧୭:୩,୭-୧୨\xt*\x*ଏଚେଟିଏ ନା଼ନୁ ସାମ୍‌ଦୁରି ମାଦିଟି ହ଼ଚାୱା଼ହିମାନି ର଼ ଜ଼ନ୍ତ ମେସ୍ତେଏଁ, ଏ଼ୱାଣାକି ଦସଗଟା କମ୍‌କା ଅ଼ଡ଼େ ସା଼ତାଗଟା ତା଼ର୍କା, ତାନି କମ୍‌କାଣା ଦସଗଟା ଟ଼ପେରିକା ଇଞ୍ଜାଁ ତା଼ର୍କା ଲାକ ମାହାପୂରୁ ନିନ୍ଦାକିନି ର଼ ର଼ ଦ଼ର୍‌କା ମାଚୁ । 
\v 2 ଏ଼ ଜ଼ନ୍ତ ତୀରିରେଙ୍ଗ୍‌ଣା କ୍ଡାଃନି ଲେହେଁ ତ଼ଞ୍ଜାଆ଼ହିମାଚେ, ତାନି କଡାୟାଁ ଅଃଅଡ଼ି କଡାୟାଁ ଲେହେଁ ଇଞ୍ଜାଁ ଗୂତି ସିହଁକ୍ଡାଃନି ଗୂତି ଲେହେଁ ଏ଼ କାଜା ରା଼ଚୁ ଜ଼ନ୍ତକି ତାନି ବା଼ଡ଼୍‌ୟୁ, ସିଂଗାସାଣି, ଅ଼ଡ଼େ ବାରେ ଅଦିକାରା ହୀତେ । 
\v 3 ଏ଼ ଜ଼ନ୍ତତି ତା଼ର୍ୟୁଁତା ଆମିନି ହା଼ନିଲେହେଁତି ଗା଼ହାଁ ତ଼ଞ୍ଜାଆ଼ହିମାଚେ, ସାମା ଏ଼ ଗା଼ହାଁ ନେହିଁ ଆ଼ତେ, ଅ଼ଡ଼େ ଦାର୍‌ତିତା ମାନାରି ବାରେ କାବା ଆ଼ହାଁ ତାନି ଜେ଼ଚ ହାଚେରି । 
\v 4 ଅ଼ଡ଼େ କାଜା ରା଼ଚୁ ଜ଼ନ୍ତକି ତାନି ଅଦିକାରା ହୀତାକି ଏ଼ୱାରି ରା଼ଚୁଇଁ ଜହରା କିତେରି, ଏ଼ୱାରି ଏ଼ ଜ଼ନ୍ତଇଁ ଜିକେଏ ଜହରା କିହାଁ ଏଲେଇଚେରି, “ଆମ୍ବାଆସି ଈ ଜ଼ନ୍ତ ଲେହେଁ ଆ଼ନେସି ଅ଼ଡ଼େ ଆମ୍ବାଆସି ଏ଼ଦାଣି ତଲେ ଜୁଜୁ କିହାଁ ଜୀଣା ଆ଼ନେସି ।”
\p
\v 5 ଏ଼ଦାନାକି ଆଙ୍କାରା ଅ଼ଡ଼େ ମାହାପୂରୁ ନିନ୍ଦାତି କାତା ୱେସାଲି ଗୂତି ହୀୱିଆ଼ତେ, ଅ଼ଡ଼େ ରୀ କ଼ଡ଼ି ରୀ ଲେ଼ଞ୍ଜୁ ପାତେକା ସା଼ଲୱି କିୟାଲି ଅଦିକାରା ହୀପ୍‌କିଆ଼ତେ । 
\v 6 ଏମ୍ବାଟିଏ ଏ଼ଦି ତାନି ଗୂତି ଏ଼କ୍‌ହାନା ମାହାପୂରୁ ନିନ୍ଦା କାତା ଜ଼ଲାନା, ମାହାପୂରୁ ଦ଼ରୁ, ମାହାପୂରୁ ବାସାଆ଼ନି ଟା଼ୟୁ, ଅ଼ଡ଼େ ଲାକପୂରୁ ବାସା ଆ଼ହାମାନାରାଇଁ, ବାରେତି ନିନ୍ଦା କିତେ । 
\v 7 ବାରେ ମାହାପୂରୁ ଲ଼କୁଇଁ ଜୁଜୁ କିହାଁ ଜୀଣା ଆ଼ହାଲି ଅଦିକାରା ହୀୱିଆ଼ହାମାଚେ, ଅ଼ଡ଼େ ବାରେ ଗଚି, କୂଡ଼ା, ହା଼ଡା, ଦେ଼ସା, ଲାକ ଅଦିକାରା ହୀୱିଆ଼ହାମାଚେ । 
\v 8 ଆମ୍ବାଆରି ଦ଼ରୁ ଦାର୍‌ତିତି ଗା଼ଡ଼ି ଆ଼ଆ ନ଼କେଏ ପୂଜା ମେ଼ଣ୍ତା ଡା଼ଲୁତି ଜୀୱୁଗାଟି ପତିତା ରା଼ସ୍‌କି ଆ଼ହାହିଲେଏ, ଦାର୍‌ତିତା ବାସା କିହାମାନି ଏ଼ ବାରେ ଲ଼କୁ ଏ଼ ଜ଼ନ୍ତଇଁ ଜହରା କିନେରି ।
\p
\v 9 “ଆମ୍ବାଆରାକି କୀର୍କା ମାନୁ ଏ଼ୱାସି ୱେଣ୍‌ମ୍ବାସି! 
\v 10 ଆମ୍ବାଆସି ଦସାହାଁ ଅ଼ନେସି, ଏ଼ୱାସି ଏଲେକିହିଁଏ ଦସ୍‌ପି ଆ଼ନେସି, ଆମ୍ବାଆସି କାଣ୍ତାତଲେ ପା଼ୟିନେସି, ଆତିହିଁ ଏ଼ୱାସି ଏଲେଆ଼ହିଁଏ କାଣ୍ତାତଲେ ପା଼ୟ୍‌ୱି ଆ଼ନେସି, ଏଚିବେ଼ଲାତା ମାହାପୂରୁ ଲ଼କୁତାକି ନାମୁ ଅ଼ଡ଼େ ଅ଼ର୍‌ହିନାୟି ଲ଼ଡ଼ାମାନେ ।”
\p
\v 11 ଏଚେଟିଏ ନା଼ନୁ ର଼ ଜ଼ନ୍ତଇଁ ବୂମି ବିତ୍ରାଟି ହ଼ଚାୱା଼ତାଣି ମେସ୍ତେଏଁ, ମେ଼ଣ୍ତା ଡା଼ଲୁ ଲେହେଁ ଜ଼ଡ଼େକା କମ୍‌କା, ଅ଼ଡ଼େ ଏ଼ଦି ରା଼ଚୁ ଲେହେଁ କାତା ଆ଼ହିମାଚେ । 
\v 12 ଏ଼ ଜ଼ନ୍ତ ନ଼କେଏତି ଜ଼ନ୍ତ ନ଼କିତା ତାନି ବା଼ଡ଼୍‌ୟୁ ତ଼ସାନା ଏମିନି ନ଼କେଏତି ଜ଼ନ୍ତକି ହା଼ନିଲେହେଁତି ଗା଼ହାଁ ମା଼ଡ଼ାମାଚେ, ଏ଼ଦାନି ଜହରା କିହାଲି ଦାର୍‌ତି ଅ଼ଡ଼େ ଏମ୍ବାଆଁ ବାସା ଆ଼ହାମାନାରାଇଁ ବାଲାମାତମି କିନେ । 
\v 13 ଏ଼ ଜ଼ନ୍ତ କାବାଆ଼ନି କାମାୟାଁ କିନେ, ଏ଼ଦି ବାରେ ଲ଼କୁ ନ଼କିତା ହା଼ଗୁଟି ଦାର୍‌ତିତା ହିଚୁ ରିୱିକିନେ । 
\v 14 ଇଞ୍ଜାଁ ଏ଼ ତଲିତି ଜ଼ନ୍ତ ନ଼କିତା ଆମିନି କାବାଆ଼ନି କାମା କିହାଲି ଅଦିକାରା ବେଟାଆ଼ହାମାଚେ, ଏମ୍ବାଟି ଦାର୍‌ତିତା ବାସାଆ଼ହାମାନି ଲ଼କୁଣି ନା଼ଡ଼ିକିହାଁ, ଆମିନି ଜ଼ନ୍ତ କାଣ୍ତାତଲେ ଗା଼ହାଁ ଆ଼ହାମାଚି ଜିକେଏ ନୀଡିତେ, ଏ଼ଦାନି ର଼ ବମା କିହାଲି ଏ଼ୱାରାଇଁ ଏଲେଇନେ । 
\v 15 ଏ଼ ଜ଼ନ୍ତତି ବମା ଏ଼ନିକିଁ ଜ଼ଲାଲି ଆ଼ଡିନେ ଅ଼ଡ଼େ ଏଚେକା ଲ଼କୁ ଜ଼ନ୍ତତି ବମାତି ଜହରା କିଅରି, ଏ଼ୱାରି ଏ଼ନିକିଁ ପା଼ୟ୍‌ୱି ଆ଼ନେରି, ଏ଼ଦାଆଁତାକି ଡା଼ୟୁତି ଜ଼ନ୍ତକି ତଲିତି ଜ଼ନ୍ତତି ବମାକି ଜୀୱୁ ହୀହାଲି ଅଦିକାରା ହୀପ୍‌କିଆ଼ତେ । 
\v 16 ଅ଼ଡ଼େ ଏ଼ ଜ଼ନ୍ତ ଊଣା, କାଜାରି, ବାତ୍‌କୁ ଗାଟାରାଇଁ, ହାକି ଗାଟାରାଇଁ, ହ଼ଲିୟାଙ୍ଗା, ହ଼ଲିୟାଙ୍ଗା ଆ଼ଆତାରାଇଁ, ବାରେଜା଼ଣାତି ତାମି ଟିଃନି କେୟୁତା ଆ଼ଆତିଁ ମୁଞ୍ଜୁତା ର଼ ସିନା ଇଟା କଡାଲି ବାଲାମାତମି କିନେ । 
\v 17 ଅ଼ଡ଼େ ଏ଼ ସିନା ଇଚିହିଁ ଜ଼ନ୍ତତି ଦ଼ରୁ ଆ଼ଆତିଁ ତାନି ଦ଼ରୁତି ଲମ୍ବର ଇଟା କଡାଆତି ଲ଼କୁଣି ଏ଼ନାଆଁ କଡାଲି କି ପାର୍‌ଚାଲି ହୀଏ ।
\p
\v 18 ଏ଼ ବାରେତାକି ବୁଦି ଲ଼ଡ଼ାମାନେ, ଆମ୍ବାଆରାକି ବୁଦି ମାନେ ଏ଼ୱାସି ଏ଼ ଜ଼ନ୍ତତି ଲମ୍ବର ଏଜିକିପାସି, ଏ଼ନାଆଁତାକି ଇଚିହିଁ ଏ଼ଦି ର଼ ମାଣ୍‌ସିତି ଲମ୍ବର ଅ଼ଡ଼େ ଏ଼ ଲମ୍ବର ଆ଼ହିମାନେ ସ଼ ୱାଞ୍ଜା ତୀନିକ଼ଡ଼ି ସ଼ ।
\c 14
\s ମେ଼ଣ୍ତା ଡା଼ଲୁ ଅ଼ଡ଼େ ତାନି ଲ଼କୁ
\p
\v 1 \x + \xo ୧୪:୧ \xo*\xt ୱେ଼ ବ଼ଲୁ ୭:୩\xt*\x*ଏଚେଟିଏ ନା଼ନୁ ସିନିକିହାଁ ମେସ୍ତେଏଁ, ଅ଼ଡ଼େ ମେ଼ଣ୍ତା ଡା଼ଲୁ ସିୟନ ହ଼ରୁତା ନିଚାମାନେ, ଅ଼ଡ଼େ ଆମ୍ବାଆରି ମୁଞ୍ଜୁତା ମେ଼ଣ୍ତା ଡା଼ଲୁ ଇଞ୍ଜାଁ ତାନି ଆ଼ବାତି ଦ଼ରୁ ରା଼ସ୍‌କି ଆ଼ହାମାଚେ ଇଲେତି ଲ଼କୁ ସା଼ତାକ଼ଡ଼ି ସା଼ରି ମା଼ଣା ଲ଼କୁ ତାନିତଲେ ନିଚାମାଚାଣି ମେସ୍ତେଏଁ । 
\v 2 ଅ଼ଡ଼େ ଲାକପୂରୁଟି ଲଦ ଲଦ ଆ଼ହି ରିନି ଏ଼ୟୁ ଇଞ୍ଜାଁ ହା଼ଗୁ ଗୂଣ୍‌ନିଲେହେଁତି ର଼ କାଜା ହା଼ଡା ୱେଚେଏଁ, ଆମିନି ହା଼ଡା ନା଼ନୁ ୱେଚେଏଁ ଏ଼ଦି ସେର୍‌ଙ୍ଗି ଡ଼ିତ୍‌ହିମାନାରି ହା଼ଡାଲେହେଁ ୱେ଼ଙ୍ଗିମାଚେ । 
\v 3 ସିଂଗାସାଣି ସା଼ରିଗଟା ଜ଼ନ୍ତ ଅ଼ଡ଼େ ପ୍ରାଚିନାଙ୍ଗା ନ଼କିତା ର଼ ପୁଃନି ପା଼ଚୁ ପା଼ଚିମାଚେରି, ଅ଼ଡ଼େ ଦାର୍‌ତିଟି କଡ୍‌ୱି ଆ଼ହାମାନି ସା଼ତାକ଼ଡ଼ି ସା଼ରି ମା଼ଣା ଲ଼କୁ ପିସ୍‌ପେ ଆମ୍ବାଆରି ଏ଼ ପା଼ଚୁ ପା଼ଚାଲି ଆ଼ଡାଆତେରି । ବାରେ ମାଣ୍‌ସି କୂଡ଼ା ବିତ୍ରାଟି ୱାର୍‌ଇ ଏ଼ୱାରିଦେଁ ଗେଲ୍‌ପି ଆ଼ହାମାଚେରି । 
\v 4 ଏ଼ୱାରି ଇୟାସିକା ତଲେ କାଲ୍‌ହାନା ତା଼ମ୍ବୁ ଜାହାରାଇଁ ଦ଼ହ କିହାଁ କଡା ହିଲାଆତେରି, ଇଚିହିଁ ଏ଼ୱାରି ଅଟ୍‌ହାରି, ମେ଼ଣ୍ତା ଡା଼ଲୁ ଆମ୍ବିୟାୱାକି ହାନେ ଏ଼ୱାରି ତାନି ଜେ଼ଚ ହାନେରି, ଏ଼ୱାରି ମାହାପୂରୁ ମେ଼ଣ୍ତା ଡା଼ଲୁତି ତଲିତି ପା଼ଡ଼େୟି ସମାନା ମାଣ୍‌ସିୟାଁ ବିତ୍ରାଟି ଗେଲ୍‌ପି ଆ଼ହାନା ମେ଼ଣ୍ତା ଡା଼ଲୁ ନ଼କିତା ହେର୍‌ପିଆ଼ହାମାନେରି । 
\v 5 ଏ଼ୱାରି ଗୂତିତା ଏ଼ନି ମିଚି ଜ଼ଲିନାୟି ହିଲେଏ, ଏ଼ୱାରି ଦ଼ହ ହିଲାଆ ଗାଟାରି ।
\s ତୀନି ଜା଼ଣା ଦୂତୁ
\p
\v 6 ଏଚେଟିଏ ନା଼ନୁ ହା଼ଗୁତି ମାଦି ଊମ୍ବିମାନି ର଼ ଦୂତୁଇଁ ମେସ୍ତେଏଁ, ଏ଼ୱାସି ଦାର୍‌ତିତା ବାସାଆ଼ହାମାନି ବାରେ ଗଚି, କୂଡ଼ା, ହା଼ଡା ଅ଼ଡ଼େ ଦେ଼ସାତି ଲ଼କୁତା଼ଣା ୱେ଼କ୍‌ହାଲି କା଼ଲାକା଼ଲା ତାକି ଡ଼ୟିନି ନେହିଁ କାବ୍ରୁ ୱେ଼କ୍‌ହି ମାନେସି । 
\v 7 ଏ଼ୱାସି କାଜା ଗିୟାଁତଲେ ଏଲେଇଚେସି, “ମାହାପୂରୁଇଁ ଆଜାଦୁ ଅ଼ଡ଼େ ଏ଼ୱାଣାଇଁ ଗାୱୁରମି ହୀଦୁ, ଇଚିହିଁ ମାଣ୍‌ସିତି ନୀହାଁୟି କିନି ଦିନା ଏଗାୱା଼ତେ, ଅ଼ଡ଼େ ଆମ୍ବାଆସି ହା଼ଗୁ, ଦାର୍‌ତି, ସାମ୍‌ଦୁରି ଇଞ୍ଜାଁ ଜାର୍‌ଣା ଏ଼ୟୁତି ଗା଼ଡ଼ିକିହା ମାନେସି, ଏ଼ୱାଣାଇଁ ଜହରା କିଦୁ ।”
\p
\v 8 \x + \xo ୧୪:୮ \xo*\xt ୱେ଼ ବ଼ଲୁ ୧୮:୨\xt*\x*ତାନି ଡା଼ୟୁ ଅ଼ଡ଼େ ର଼ ଦୂତୁ ଇଚିହିଁ ରୀ ଲମ୍ବର ଦୂତୁ ୱା଼ହାନା ଏଲେଇଚେସି, “ଆମିନି କାଜା ଗା଼ଡ଼ା ବାବିଲନ ବାରେ କୂଡ଼ାତି ଲ଼କୁଇଁ ତାନି ଦା଼ରିକାମା କିୱିକିନି କା଼ଡ଼ୁ ଊଟ୍‌ହାନା ହ଼ଚିକିହାମାଚେ, ଏ଼ଦି ରିହା ହାଜାମାନେ ।”
\p
\v 9 ଏ଼ଦାଣି ଡା଼ୟୁ ଅ଼ଡ଼େ ର଼ ଦୂତୁ ଇଚିହିଁ ତୀନି ଲମ୍ବର ଦୂତୁ ୱା଼ହାନା କାଜା ଗିୟାଁତଲେ ଏଲେଇଚେସି, “ଆମ୍ବାଆସି ଏ଼ ଜ଼ନ୍ତ ଅ଼ଡ଼େ ତାନି କିହାମାନି ବମାତି ଜହରା କିନେସି ଅ଼ଡ଼େ ମୁଞ୍ଜୁତା କି କେୟୁତା ତାନି ସିନା ଇଟା କଡିନେସି, 
\v 10 ଏ଼ୱାସି ମାହାପୂରୁତି କ଼ପାଗାଟି ସ଼ଲାତା ୱା଼କ୍‌ହାମାନି ହା଼ରେକା କାର୍‌ବିତି କା଼ଡ଼ୁ ଗହ୍‌ନେସି, ଆମ୍ବାଆରି ଈ କାମା କିନେରି ଏ଼ୱାରି ବାରେ ମେ଼ଣ୍ତା ଡା଼ଲୁ ଅ଼ଡ଼େ ସୁଦୁ ଲାକପୂରୁତି ଦୂତୁୟାଁ ନ଼କିତା ହିଚୁ ଅ଼ଡ଼େ ଗାନ୍ଦାଗାଟି ଗୁଣ୍ତା ତଲେ କସ୍ତ ବେଟା ଆ଼ନେସି । 
\v 11 ଇଲେତି ଲ଼କୁଣି କସ୍ତ ହୀନି ହିଚୁ ବ଼ୟିଁ କା଼ଲାକା଼ଲା ତାକି ହ଼ଚେମାନେ, ଆମିନି ଗାଟାରି ଜ଼ନ୍ତ ଅ଼ଡ଼େ ବମାତି ଜହରା କିନେରି ଅ଼ଡ଼େ ତାନି ଦ଼ରୁ ଇଞ୍ଜାଁ ସିନା ବେଟା ଆ଼ହାମାନେରି, ଏ଼ୱାରି ଲା଼ଆଁ ମାଦେନା ଜ଼ମାଲି ବେଟାଆ଼ଅରି ।”
\p
\v 12 ଇମ୍ବାଆଁ ମାହାପୂରୁ ଲ଼କୁ ଇଚିହିଁ ମାହାପୂରୁତି ହୁକୁମି ମା଼ନୱିଆ଼ନେରି, ଇଞ୍ଜାଁ ଜୀସୁଇଁ ନାମିନେରି, ଏ଼ୱାରାକି ଅ଼ର୍‌ହିନାୟି ଲ଼ଡ଼ାମାନେ ।
\p
\v 13 ଇଞ୍ଜାଁ ଲାକପୂରୁଟି ଈ ହା଼ଡା ୱେଚେଏଁ, ଈ କାତା ରା଼ଚାମୁ, “ନୀଏଁ ଆମ୍ବାଆରି ମାହାପୂରୁ ତା଼ଣା ମାଞ୍ଜାନା ହା଼ନେରି, ଏ଼ୱାରି ନେହେଁ ।” ଅ଼ଡ଼େ ନା଼ନୁ ୱେଚେଏଁ ସୁଦୁଜୀୱୁ ୱେସିମାଞ୍ଜାନେ, “ଏ଼ୱାରି ତାମି କାମାତି ୱା଼ହୁଟି ଜ଼ମିନେରି, ଇଚିହିଁ ଏ଼ୱାରି କାମାତି ପା଼ଡ଼େୟି ଏ଼ୱାରିତଲେ ଡ଼ୟିନେ ।”
\s ତା଼ସା ଦା଼ନାୟି
\p
\v 14 ଅ଼ଡ଼େ ନା଼ନୁ ମେସ୍ତେଏଁ, ଇଚାୟି ଦବ୍‌ଲା ହା଼ଗୁ ଇଞ୍ଜାଁ ଏ଼ଦାଣି ଲାକ କୁଗାମାନେସି ର଼ ମାଣ୍‌ସି ମୀର୍‌ଏସି ଲେହେଁତାସି; ତାନି ତା଼ର୍ୟୁଁତା ବାଂଗାରା ଟ଼ପେରି, ଇଞ୍ଜାଁ କେୟୁତା ର଼ ୱାହ୍‌ନି କ଼ଚାଡୱେଲି । 
\v 15 ଏମ୍ବାଟିଏ ମାହାପୂରୁତି ଇଲୁଟି ର଼ ଦୂତୁ ୱା଼ହାନା ହା଼ଗୁତା କୁଗାମାନାଣାଇଁ କାଜା ଗିୟାଁତଲେ ଏଲେଇଚେସି, “ନୀ କ଼ଚାଡୱେଲି ଆସାନା ତା଼ସା ଦା଼ମୁ । ଦାର୍‌ତିତି ତା଼ସା ଦା଼ଃନି କାଟୁ ଏଗାୱା଼ତେୟିଏ ।” 
\v 16 ଈଦାଆଁ ୱେଞ୍ଜାନା ହା଼ଗୁତା କୁଗାମାନି ମାଣ୍‌ସି ତାନି କ଼ଚାଡୱେଲି ଅଗିତେସି ଇଞ୍ଜାଁ ଦାର୍‌ତିତି ତା଼ସା ବାରେ କୂଡ଼ିକିୱିଆ଼ତେ ।
\p
\v 17 ଏ଼ଦାଆଁ ଡା଼ୟୁ ଲାକପୂରୁତି ମାହାପୂରୁ ଇଲୁଟି ଅ଼ଡ଼େ ର଼ ଦୂତୁ ହ଼ଚାୱା଼ତେସି, ଏ଼ ଦୂତୁ କେୟୁତା ଜିକେଏ ୱାହ୍‌ନି କ଼ଚାଡୱେଲି ମାଚେ ।
\p
\v 18 ଅ଼ଡ଼େ ପୂଜା ପିଣ୍ତାତି ହିଚୁ ଅଦିକାରାତା ମାନି ର଼ ଦୂତୁ କ଼ଚାଡୱେଲି ଆସାମାନି ଅ଼ର ଦୂତୁଇଁ କାଜା ଗିୟାଁତଲେ ଏଲେଇଚେସି, “କ଼ଚାଡୱେଲି ଅଗାନା ଦାର୍‌ତିତି ଅଙ୍ଗୁରି ବା଼ଡ଼ାଟି ଅଙ୍ଗୁରିକା ବାରେ ଡ଼ତ୍‌ହା ତୁହ୍‌ମୁ; ଏ଼ୱି ବାରେ କାମ୍ବାମାନୁ ।” 
\v 19 ଏମ୍ବାଟିଏ ଦୂତୁ ଦାର୍‌ତିତା ତାନି କ଼ଚାଡୱେଲି ଅଗାନା ଅଙ୍ଗୁରିମା଼ଡ଼ାୟାଁଟି ଅଙ୍ଗୁରି ଡ଼ତ୍‌ହେ ଇଞ୍ଜାଁ ଏ଼ୱାସି ମାହାପୂରୁ କାର୍‌ବିତି ଅଙ୍ଗୁରି ପୀଡ଼ିକିନି ଦ଼ନିତା ମେତ୍‌ହେସି । 
\v 20 \x + \xo ୧୪:୨୦ \xo*\xt ୱେ଼ ବ଼ଲୁ ୧୯:୧୫\xt*\x*ଗା଼ଡ଼ାତି ପାଙ୍ଗାତା ମାନି ଏ଼ ଦ଼ନିତା ଅଙ୍ଗୁରି ପୀଡ଼ିକିୱିଆ଼ତେ ଇଞ୍ଜାଁ ଏମ୍ବାଟି ଗ଼ଡ଼ାୟାଁ ବାକେରି ପାତେକା ନିଙ୍ଗାନା ତୀନି ୱାଞ୍ଜା କିଲମିଟର ହେକ ପାତେକା ଇଞ୍ଜାଁ ରୀ ମିଟର ଲାକ ପାତେକା ନେତେରି ୱା଼ଙ୍ଗିତେ ।
\c 15
\s ସା଼ତାଗଟା ର଼ଗ କିନି ସା଼ତାଗଟା ଦୂତୁୟାଁ
\p
\v 1 ଏମ୍ବାଟିଏ ନା଼ନୁ ହା଼ଗୁତା ଅ଼ଡ଼େ ର଼ କାବାଆ଼ନି ଲେହେଁତି ସିନା ମେସ୍ତେଏଁ, ସା଼ତାଗଟା ଦୂତୁୟାଁ ସା଼ତାଗଟା ର଼ଗୟାଁ ତାମି କେୟୁତା ଆସାନା ତ଼ଞ୍ଜାଆ଼ତୁ, ଏ଼ ର଼ଗୟାଁ ମାହାପୂରୁତି କ଼ପା ତ଼ହ୍‌ନାୟି ରା଼ନାୟି ମାଚେ ।
\p
\v 2 ଅ଼ଡ଼େ ନା଼ନୁ ମେସ୍ତେଏଁ, ହିଚୁ କାଲ୍‌ହି ଦାର୍ପେଣି ଲେହେଁତି ସାମ୍‌ଦୁରି, ଆମ୍ବାଆରି ଜ଼ନ୍ତ, ଏ଼ଦାନି ବମା ଇଞ୍ଜାଁ ଏ଼ଦାନି ଦ଼ରୁତି ଲମ୍ବରଟି ଜୀଣା ଆ଼ତାରି, ଏ଼ୱାରି ମାହାପୂରୁ ହୀହାମାନି ସେର୍‌ଙ୍ଗି ଆସାନା ଗା଼ଜୁ ଲେହେଁତି ସାମ୍‌ଦୁରି ଗିଚୁତା ନିଚାମାଚେରି । 
\v 3 ଏ଼ୱାରି ମାହାପୂରୁ ହୀତି ରାମଗଂଟା ୱେଚିହିଁ ମାହାପୂରୁତି ସେ଼ବାକିନି ମ଼ସାତି ପା଼ଚୁ ଇଞ୍ଜାଁ ମେ଼ଣ୍ତା ଡା଼ଲୁତି ପା଼ଚୁ ପା଼ଚିହିଁ ଏଲେ ଇଞ୍ଜିଁ ମାନେରି,
\q1 “ବାରେତି କିହାଁ ବା଼ଡ଼୍‌ୟୁ ଗାଟି ପ୍ରବୁ ମାହାପୂରୁତି,
\q2 ନୀ କାମା ଏଚେକା କାଜାୟି ଅ଼ଡ଼େ କାବା ଆ଼ନାୟି,
\q1 ବାରେ ଲ଼କୁତି ରାଜାତି,
\q2 ନୀ କାମାତି ଜିରୁ ବାରେ ନୀହାଁୟି ଗାଟାୟି ଇଞ୍ଜାଁ ସାତାତାୟି ।
\q1
\v 4 ପ୍ରବୁ! ନିଙ୍ଗେ ଆମ୍ବାଆସି ଆଜାଆ ଗାଟାସି ମାନେସି ?
\q2 ଆମ୍ବାଆସି ନୀ ଗାୱୁରମି ୱେ଼କ୍‌ଆଗାଟାସି ମାନେସି ?
\q2 ଇଚିହିଁ ନୀନୁ ରଅତିଏ ସୁଦୁ ଗାଟାତି;
\q1 ବାରେ କୂଡ଼ାତି ଲ଼କୁ ୱା଼ହାନା ନୀ ପୂଜା କିନେରି,
\q2 ଏ଼ନାଆଁତାକି ଇଚିହିଁ ନୀ ଦାର୍ମୁଗାଟି ନୀହାଁୟିତି କାମାୟାଁ ବାରେଜା଼ଣା ମେସାମାନେରି ।”
\p
\v 5 ଏମ୍ବାଟିଏ ନା଼ନୁ ମେସ୍ତେଏଁ, ଲାକପୂରୁତି ସା଼କି ହୀନି ତୂମୁ ଦେ଼ୱୁଡ଼ିତି ଦା଼ରା ଦେପିଆ଼ତେ 
\v 6 ସା଼ତାଗଟା କସ୍ତୟାଁ ଆସାମାନି ସା଼ତାଗଟା ଦୂତୁୟାଁ ଲାକପୂରୁତି ଦେ଼ୱୁଡ଼ିଟି ହ଼ଚାୱା଼ତେରି; ଏ଼ୱାରି ଅପ୍‌ହି ମ୍ଣିହ୍‌ନି ହିମ୍ବରିକା ହୁଚାମାଚେରି ଇଞ୍ଜାଁ ଏ଼ୱାସିକା ବକ ସା଼ରିସୁଟୁ ବାଂଗାରା ପା଼ଟା ଦସାମାଚେରି । 
\v 7 ସା଼ରିଗଟା ଜ଼ନ୍ତୟାଁ ବିତ୍ରାଟି ର଼ ଜ଼ନ୍ତ କା଼ଲେଏତାକି ନୀଡାମାନି ମାହାପୂରୁ କ଼ପାତଲେ ନେଞ୍ଜାମାନି ସା଼ତାଗଟା ବାଂଗାରା ଗିନାୟାଁ ଏ଼ ସା଼ତାଗଟା ଦୂତୁୟାଁକି ହୀତେସି । 
\v 8 ମାହାପୂରୁତି ଗାୱୁରମି ଅ଼ଡ଼େ ତାନି ବା଼ଡ଼୍‌ୟୁଟି ହ଼ଚିମାନି ବ଼ୟିଁ ଦେ଼ୱୁଡ଼ିତା ନେଞ୍ଜାହାଚେ; ସା଼ତାଗଟା ଦୂତୁୟାଁ ତାଚାମାନି ସା଼ତାଗଟା ର଼ଗୟାଁ ରା଼ଆ ପାତେକା ଏ଼ ଦେ଼ୱୁଡ଼ି ବିତ୍ରା ଆମ୍ବାଆସି ହ଼ଡାଲି ଆ଼ଡାଆତେସି ।
\c 16
\s ମାହାପୂରୁ କ଼ପାତି ସା଼ତାଗଟା ଗିନାୟାଁ
\p
\v 1 ଏଚେଟିଏ ନା଼ନୁ ୱେଚେଏଁ, ଦେ଼ୱୁଡ଼ିଟି ରଅସି କାଜା ଗିୟାଁତଲେ ଏ଼ ସା଼ତାଗଟା ଦୂତୁୟାଁଇଁ ୱେସିମାଚେସି, “ହାଜୁ, ସା଼ତାଗଟା ଗିନାୟାଁଣା ନେଞ୍ଜାମାନି ମାହାପୂରୁତି କ଼ପାତି ଦାର୍‌ତି ଲାକ ୱା଼କ୍‌ଦୁ ।”
\p
\v 2 ଏଚେଟିଏ ମୂଲୁତି ଦୂତୁ ହାଜାନା ତାନି ଗିନାତା ଏ଼ନାୟି ମାଚେ, ଦାର୍‌ତି ଲାକ ୱା଼କ୍‌ହେସି; ଏ଼ ଦେବୁଣିଏ ଆମ୍ବାଆରି ତା଼ଣା ଜ଼ନ୍ତତି ସିନା ମାଚେ, ଇଞ୍ଜାଁ ତାନି ବମାତି ପୂଜା କିହାମାଚେରି, ଏ଼ୱାରି ଆଙ୍ଗାତା ହା଼ରେକା କସ୍ତଗାଟି ବୀସା ପଟ୍‌କାୟାଁ ହ଼ତୁ । 
\v 3 ଏଚେଟିଏ ରୀ ଲମ୍ବର ଦୂତୁ ତାନି ଗିନାତାଣି ସାମ୍‌ଦୁରି ଲାକ ୱା଼କ୍‌ହେ; ଇଞ୍ଜାଁ ସାମ୍‌ଦୁରିତି ଏ଼ୟୁ ହା଼ତି ଲ଼କୁତି ନେତେରିଲେହେଁ ଆ଼ତୁ, ଇଞ୍ଜାଁ ସାମ୍‌ଦୁରିତା ମାଚି ବାରେ ଜ଼ନ୍ତୟାଁ ହା଼ହାହାଚୁ ।
\p
\v 4 ତୀନି ଲମ୍ବର ଦୂତୁ ତାନି ଗିନାତା ଏ଼ନାୟି ମାଚେ, କାଡା ଇଞ୍ଜାଁ ଊସା ଏ଼ୟୁ ଲାକ ୱା଼କ୍‌ହେସି; ଇଞ୍ଜାଁ ଏ଼ ଏ଼ୟୁ ବାରେ ନେତେରି ମିଣ୍‌ହା ହାଚୁ । 
\v 5 ଏଚିବେ଼ଲାତା ନା଼ନୁ ୱେଚେଏଁ, ଏ଼ୟୁ ଲାକ ଅଦିକାରା ବେଟାଆ଼ହାମାନି ଦୂତୁ ଏଲେଇଞ୍ଜିମାଚେସି, “ନୀନୁ ସୁଦୁ ଗାଟାତି, ନୀଏଁ ମାନାତି ଅ଼ଡ଼େ ତଲିଏ ମାଚାତି; ନୀନୁ ତୀର୍‌ପୁତଲେ ନୀହାଁୟି କିହାମାଞ୍ଜି । 
\v 6 ଏ଼ୱାରି ମାହାପୂରୁ ଲ଼କୁଇଁ ଇଞ୍ଜାଁ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି ଆମିନି ନେତେରି ବକ୍‌ହାମାଚେରି, ଏ଼ଦାଆଁ ମୀରୁ ଏ଼ୱାରାଇଁ ଊଟ୍‌ହାମାଞ୍ଜି । ଏ଼ୱାରି ଏ଼ନାଆଁ ବେଟାଆ଼ନାଣି ବେଟାଆ଼ହାମାନେରି ।” 
\v 7 ଏଚେଟିଏ ପୂଜା ପିଣ୍ତାଟି ର଼ ହା଼ଡା ୱେଚେଏଁ, ବାରେତି କିହାଁ ବା଼ଡ଼୍‌ୟୁଗାଟି ମାହାପୂରୁ ପ୍ରବୁ! ନୀ ନୀହାଁୟି ବାରେ ସାତା ଅ଼ଡ଼େ ଟିକାଣାତାୟି ।
\p
\v 8 ସା଼ରି ଲମ୍ବର ଦୂତୁ ତାନି ଗିନାତା ମାଚାଣି ୱେ଼ଡ଼ା ଲାକ ୱା଼କ୍‌ହେସି, ଏ଼ଦାଆଁତାକି ୱେ଼ଡ଼ା ହା଼ରେକା ଡ଼ୀଞ୍ଜାନା ଲ଼କୁଣି ହୂଡିତେ । 
\v 9 ଏଚିବେ଼ଲା ଲ଼କୁ କଣ୍‌ଚା ହାଚି କାରାତା ୱେହାହାଚେରି, ଅ଼ଡ଼େ ଈ ସା଼ସ୍ତି ଲାକ ଅଦିକାରା ମାନି ମାହାପୂରୁ ଦ଼ରୁତି ନିନ୍ଦାକିତେରି । ସାମା ହିୟାଁ ବାଦ୍‌ଲି କିହାଁ ଏ଼ୱାଣି ଗାୱୁରମି କିଆତେରି ।
\p
\v 10 ପା଼ସା ଲମ୍ବର ଦୂତୁ ତାନି ଗିନାତା ମାଚାଣି ଜ଼ନ୍ତତି ସିଂଗାସାଣି ଲାକ ୱା଼କ୍‌ହେସି, ଜ଼ନ୍ତତି ରା଼ଜିତା ଆନ୍ଦେରି ଆ଼ହାହାଚେ, ଇଞ୍ଜାଁ ଲ଼କୁ କସ୍ତତଲେ ତାମି ୱେନ୍ଦରିକା କା଼ଚା କଡିତେରି । 
\v 11 ଅ଼ଡ଼େ ଏ଼ୱାରି ଆଙ୍ଗାତି ରା଼ଣାରାକା ତାକି ଇଞ୍ଜାଁ ପଟ୍‌କାୟାଁ ବୀସା ତାକି ଲାକପୂରୁତି ମାହାପୂରୁଇଁ ବା଼କା ଇଟିତେରି । ସାମା ତାମି ଲାଗେଏତି କାମାଟି ମ଼ନ ୱେଟ୍‌ଆତେରି ।
\p
\v 12 ସ଼ ଲମ୍ବର ଦୂତୁ ତାନି ଗିନାତା ମାଚାଣି ପରାତ୍‌ କାଜା କାଡା ଲାକ ୱା଼କ୍‌ହେସି, ଏ଼ କାଡାତି ଏ଼ୟୁ ୱା଼ୟାହାଚୁ, ୱେ଼ଡ଼ା ହ଼ପୁ ୱାକିଟି ୱା଼ହିମାନି ରାଜାୟାଁକି ଜିରୁ ପାର୍‌ଲିଆ଼ତେ । 
\v 13 ଏଚେଟିଏ ନା଼ନୁ ମେସ୍ତେଏଁ, ପାନାୟାଁଲେହେଁ ତ଼ଞ୍ଜାଆ଼ହିମାନି ତୀନିଗଟା ଲାଗେଏତି ଜୀୱୁୟାଁ । ଏ଼ୱି ରା଼ଚୁ ଗୂତିଟି, ଜ଼ନ୍ତ ଗୂତିଟି, ମିଚି ବ଼ଲୁ ୱେହ୍‌ନାରି ଗୂତିଟି ହ଼ଚାୱା଼ହିମାଚୁ । 
\v 14 ଏ଼ ଲାଗେଏତି ଜୀୱୁଗାଟି ବୂତୁୟାଁ କାବାଆ଼ନି କାମା କିହାଲି ଆ଼ଡିନୁ, ଏ଼ୱି ବା଼ଡ଼୍‌ୟୁ ଗାଟି ମାହାପୂରୁତି ଦିନାତା ଜୁଜୁ କିହାଲିତାକି ଦାର୍‌ତିତି ରାଜାୟାଁଣି କୂଡ଼ିକିହାଲି ହା଼ଚାହାଚୁ ।
\p
\v 15 \x + \xo ୧୬:୧୫ \xo*\xt ମାତି ୨୪:୪୩,୪୪; ଲୂକ ୧୨:୩୯,୪୦; ୱେ଼ ବ଼ଲୁ ୩:୩\xt*\x*“ୱେଞ୍ଜୁ! ନା଼ନୁ ସ଼ରୁଲେହେଁ ୱା଼ଇଁ, ଆମ୍ବାଆସି ଜାଗ୍ରାତା ଆ଼ହାଁ ସ଼ରୁ ତା଼ଣାଟି ଜାହାରା ହିମ୍ବରିକା ଡ଼ୁକ୍‌ହାଲି ଆ଼ଡିମାନେସି, ଏ଼ୱାସି ନେହେଁ । ଏ଼ୱାସି ନା଼ଗ୍‌ଡ଼ା ଆ଼ହାଁ ରେ଼ଅସି, ଅ଼ଡ଼େ ଏ଼ୱାସି ଲାଜା ବେଟାଆ଼ଅସି ।”
\p
\v 16 ପ଼ଲ୍‌ଆ ଜୀୱୁୟାଁ ଏ଼ ବେ଼ଲାତା ଦାର୍‌ତିତି ରାଜାୟାଁଣି ଆମିନି ଟା଼ୟୁତା କୂଡ଼ିକିତୁ ଏବ୍ରି ହା଼ଡାତଲେ ଏ଼ଦାନି ଦ଼ରୁ ଆର୍ମାଗାଡେନ ।
\p
\v 17 ସାତା ଲମ୍ବର ଦୂତୁ ତାନି ଗିନାତା ମାଚାଣି ଗା଼ଲି ଲାକ ୱା଼କ୍‌ହେସି, ଏଚେଟିଏ ଦେ଼ୱୁଡ଼ିତି ସିଂଗାସାଣିଟି ର଼ କାଜା ହା଼ଡା ୱେ଼ଙ୍ଗିତେ, “ଈଦାଆଁ କିୱିଆ଼ତେ!” 
\v 18 \x + \xo ୧୬:୧୮ \xo*\xt ୱେ଼ ବ଼ଲୁ ୮:୫; ୧୧:୧୩,୧୯\xt*\x*ଦେବୁଣିଏ ବିଲିବାଲା ଆ଼ହିଁ ମ୍ଣିସ୍ତେ ଇଞ୍ଜାଁ ହା଼ଗୁ ଗୂଣ୍‌ନି ହା଼ଡା ଆ଼ତେ, ଇଞ୍ଜାଁ ହା଼ରେକା ବୂମି ୱୀଡିତେ, ଇଚିହିଁ ଦାର୍‌ତିତା ମାଣ୍‌ସିୟାଁ ଗା଼ଡ଼ିଆ଼ତି ଦିନାଟିଏ ଏଚେଲାୱା ଇଲେତି ବୂମି ୱୀଡାହିଲାଆତେ, ଈଦି ବାରେକିହାଁ ଆଜିହ଼ପେତି ବୂମି ୱୀଡିନାୟି ମାଚେ । 
\v 19 ଏମ୍ବାଟିଏ ଏ଼ କାଜା ଗା଼ଡ଼ା ତୀନି ବା଼ଗା ତଲେ ବା଼ଗା ଆ଼ତେ ଅ଼ଡ଼େ ଦାର୍‌ତିତି ବାରେ ଗା଼ଡ଼ାୟାଁ ବିଡ଼୍‌ହାହାଚୁ, ଅ଼ଡ଼େ କାଜା ଗା଼ଡ଼ା ବାବିଲନତି ମାହାପୂରୁ ବା଼ଣା ଆ଼ହା ହିଲାଆତେସି, ଏ଼ୱାସି ତାନି ଗହ୍‌ନି ସ଼ଲାଟି ତାନି ହା଼ରେକା କ଼ପାଗାଟି କା଼ଡ଼ୁ ଏ଼ଦାଣି ଊଟ୍‌ହେସି । 
\v 20 \x + \xo ୧୬:୨୦ \xo*\xt ୱେ଼ ବ଼ଲୁ ୬:୧୪\xt*\x*ସାମ୍‌ଦୁରି ମାଦି ମାନି ଦେ଼ସାୟାଁ ମେଣ୍‌ଙ୍ଗାହାଚୁ ଇଞ୍ଜାଁ ହ଼ର୍‌କା ବାରେ ଡ଼ୁଗା ହାଚୁ । 
\v 21 \x + \xo ୧୬:୨୧ \xo*\xt ୱେ଼ ବ଼ଲୁ ୧୧:୧୯\xt*\x*ରୀ କ଼ଡ଼ି ଦସ କେ଼ଜି ବ଼ଜୁଗାଟି ଆ଼ଜିୟାଁ ହା଼ଗୁ ଲାକଟି ମାଣ୍‌ସିୟାଁ ଲାକ ରିତୁ, ଲ଼କୁ ଈ ମର୍‌ଡ଼ି ତାକି ମାହାପୂରୁଇଁ ନିନ୍ଦାକିତେରି ।
\c 17
\s ୱେ଼ଙ୍ଗିତି ଦା଼ରେଣି
\p
\v 1 ଏମ୍ବାଟିଏ ସା଼ତାଗଟା ଗିନାୟାଁ ଆସାମାନି ଦୂତୁ ବିତ୍ରାଟି ରଅସି ନା଼ ଡାଗେ ୱା଼ହାନା ଏଲେଇଞ୍ଜାତେସି, “ଇମ୍ବାଆଁ ୱା଼ମୁ ହା଼ରେକା କାଡା ଦାରି ଗା଼ଡ଼ି ଆ଼ହାମାନି ଦା଼ରେଣି ଲେହେଁତି କାଜା ଗା଼ଡ଼ା ଏ଼ନି ସା଼ସ୍ତି ବେଟାଆ଼ନେ ଏ଼ଦାଆଁ ତ଼ସ୍ତାଇଁ । 
\v 2 ଦାର୍‌ତିତି ରାଜାୟାଁ ଏ଼ ଦା଼ରେଣି ତଲେ ଦା଼ରିକାମା କିହାମାନେରି, ଇଞ୍ଜାଁ ଦାର୍‌ତିତା ବାସା ଆ଼ହାମାନାରି ବାରେ ଦା଼ରି କାମାଲେହେଁତି କା଼ଡ଼ୁ ଗସାହାଁ ହ଼ଚାମାନେରି ।”
\p
\v 3 \x + \xo ୧୭:୩ \xo*\xt ୱେ଼ ବ଼ଲୁ ୧୩:୧\xt*\x*ଏଚିବେ଼ଲାତା ସୁଦୁଜୀୱୁ ନା଼ ତା଼ଣା ୱା଼ତେ ଇଞ୍ଜାଁ ଏ଼ ଦୂତୁ ନାଙ୍ଗେ ବାଃଲି ବୂମିତା ଅୟାତେସି । ଏମ୍ବାଆଁ ନା଼ନୁ ମେସ୍ତେଏଁ, ର଼ ପା଼ଟୁ ୱା଼ଣାଗାଟି ଜ଼ନ୍ତ ଲାକ ର଼ ଇୟା କୁଗାମାଚେ । ଏ଼ ଜ଼ନ୍ତତି ଆଙ୍ଗାତା ମାହାପୂରୁ ନିନ୍ଦାକିନି ଦ଼ର୍‌କା ରା଼ସ୍‌କି ଆ଼ହାମାଚୁ, ଅ଼ଡ଼େ ଏ଼ଦାନାକି ସା଼ତାଗଟା ତା଼ର୍କା ଇଞ୍ଜାଁ ଦସଗଟା କମ୍‌କା ମାଚୁ । 
\v 4 ଏ଼ ଇୟା ହେୟାଁ ଲେହେଁତି ୱା଼ଣା ଅ଼ଡ଼େ ପା଼ଟୁ ୱା଼ଣାଗାଟି ହିମ୍ବରି ହୁଚାମାଚେ, ଇଞ୍ଜାଁ ଏ଼ଦି ବାଂଗାରା ଅ଼ଡ଼େ ଗାଡି ଦାରାଗାଟି ମଣି, ମୁକ୍ତା ତଲେ ସାଜୁ ଆ଼ହାମାଚେ, ତାନି ନା଼ଡ଼ିକିନି ପା଼ଡ଼େୟିକା ଲେହେଁ ଅ଼ପାଆଗାଟି ଦିଣ୍‌ସୁ ଇଞ୍ଜାଁ ଦା଼ରିକାମା କିନି ଲାଗେଏତି କାମା ତଲେ ନେଞ୍ଜାମାନି ର଼ ବାଂଗାରା ଗିନା ଏ଼ଦି ଆସାମାଚେ । 
\v 5 ଏ଼ଦାନି ମୁଞ୍ଜୁତା ଡ଼ୁଗାମାନି ର଼ ଦ଼ରୁ ରା଼ସ୍‌କି ଆ଼ହାମାଚେ, “କାଜା ଗା଼ଡ଼ା ବାବିଲନ ଦାର୍‌ତିତି ବାରେ ଦା଼ରି ଇଞ୍ଜାଁ ଅ଼ପାଆଗାଟି କାମାତି ତାଲି ।” 
\v 6 ନା଼ନୁ ଅ଼ଡ଼େ ମେସ୍ତେଏଁ, ଏ଼ ଆୟାଟି ମାହାପୂରୁ ଲ଼କୁ ଇଞ୍ଜାଁ ଜୀସୁ ତା଼ଣା ମା଼ନି ତଲେ ମାଞ୍ଜା ସା଼କି ହୀହାନା ହା଼ହାମାନି ଲ଼କୁତି ନେତେରି ଗସାନା ହ଼ଚାମାଚେ । ନା଼ନୁ ଏ଼ଦାନି ମେସାନା ହା଼ରେକା କାବା ଆ଼ତେଏଁ । 
\v 7 ଅ଼ଡ଼େ ଦୂତୁ ନାଙ୍ଗେ ଏଲେଇଞ୍ଜାତେସି, “ଏ଼ନାଆଁତାକି କାବା ଆ଼ହିମାଞ୍ଜି ? ନା଼ନୁ ଏ଼ ଆୟାଟି ଅ଼ଡ଼େ ସାତା ଗଟା ତା଼ର୍କା ଇଞ୍ଜାଁ ଦସଗଟା କମ୍‌କା ଗାଟି ଏ଼ଦାଣି ଡେ଼କାମାନି ଜ଼ନ୍ତତି ଡ଼ୁଗାମାନି କାତା ନା଼ନୁ ନିଙ୍ଗେ ୱେସିମାଞ୍ଜାଇଁ, ୱେନାମୁ । 
\v 8 \x + \xo ୧୭:୮ \xo*\xt ୱେ଼ ବ଼ଲୁ ୧୧:୭\xt*\x*ଜ଼ନ୍ତ ର଼ ଦିନା ନୀଡାମାଚେ; ନୀଏଁ ଅ଼ଡ଼େ ନୀଡାହିଲେଏ, ସାମା ତବେ ତା଼ଡ଼େପୂରୁଟି ନିଙ୍ଗା ୱା଼ନେ ଇଞ୍ଜାଁ ଅ଼ର ଦେବା ନା଼ସା ଆ଼ନେ । ଦାର୍‌ତି ଗା଼ଡ଼ି ଆ଼ତି ନ଼କେଏ ଆମ୍ବାଆରି ଦ଼ରୁ ଜୀୱୁତି ପତିତା ରା଼ସ୍‌କି ଆ଼ହାହିଲେଏ, ଦାର୍‌ତିତା ବାସାଆ଼ହାମାନି ବାରେ ଲ଼କୁ ଜ଼ନ୍ତଇଁ ମେସାଁ କାବାଆ଼ନେରି । ଏ଼ଦି ର଼ ଦିନା ନୀଡାମାଚେ, ନୀଏଁ ଅ଼ଡ଼େ ହିଲେଏ, ସାମା ଅ଼ଡ଼େ ର଼ ଦେବା ତ଼ଞ୍ଜାଆ଼ନେ ।”
\p
\v 9 “ଈ ବାରେ କାତା ତେଲ୍‌ହାଲି ତାକି ବୁଦି ଲ଼ଡ଼ାମାନେ । ଜ଼ନ୍ତତି ସା଼ତାଗଟା ତା଼ର୍କା ସାତେଏ ସା଼ତାଗଟା ହ଼ର୍‌କା, ଆମିନି ଲାକ ଆୟାଟି କୁଗାମାନେ । ଏ଼ୱାରି ଜିକେଏ ସା଼ତା ଜା଼ଣା ରାଜାୟାଁ ଲେହେଁ । 
\v 10 ଏ଼ୱାରି ବିତ୍ରାଟି ପା଼ସାଜା଼ଣା ମେଣ୍‌ଙ୍ଗା ହାଜାମାନେରି, ନୀଏଁ ରଅସି ମାନେସି, ଅ଼ଡ଼େ ରଅସି ନୀଏଁ ପାତେକା ୱା଼ହାହିଲଅସି, ଏ଼ୱାସି ୱା଼ତିସାରେ ଗା଼ଡ଼େକା ତାକିଏ ସା଼ଲୱି କିନେସି । 
\v 11 ଅ଼ଡ଼େ ଆମିନି ଜ଼ନ୍ତ ର଼ ଦିନା ନୀଡାମାଚେ, ଏ଼ଦି ଆ଼ଟା ଲମ୍ବର ରାଜା, ଏ଼ ବାରେ ରାଜାୟାଁ ବିତ୍ରାଟି ରଅସି ଇଞ୍ଜାଁ ଏ଼ୱାସି ଜିକେଏ ତବେ ନା଼ସା ଆ଼ନେସି ।”
\p
\v 12 “ମୀରୁ ମେସାମାନି ଦସଗଟା କମ୍‌କା, ଦସ ଜା଼ଣା ରାଜାୟାଁ ଲେହେଁ, ଏ଼ୱାରି ନୀଏଁ ପାତେକା ସା଼ଲୱି କିହାହିଲଅରି । ସାମା ଜ଼ନ୍ତ ତଲେ ସା଼ଲୱି କିହାଲିତାକି ର଼ ଗଂଟା ତାକି ଏ଼ୱାରାକି ବା଼ଡ଼୍‌ୟୁ ହୀପ୍‌କିଆ଼ନେ । 
\v 13 ଏ଼ୱାରି ରଣ୍ତିଏ ଅଣ୍‌ପୁ ତଲେ ମାଞ୍ଜାନା ତାମି ବା଼ଡ଼୍‌ୟୁ ଅ଼ଡ଼େ ଅଦିକାରା ଏ଼ ଜ଼ନ୍ତକି ହୀନେରି । 
\v 14 ଏ଼ୱାରି ମେ଼ଣ୍ତା ଡା଼ଲୁ ତଲେ ଜୁଜୁ କିନେରି, ଅ଼ଡ଼େ ମେ଼ଣ୍ତା ଡା଼ଲୁ ଏ଼ୱାରାଇଁ ଜୀଣା ଆ଼ନେ, ଇଚିହିଁ ଏ଼ୱାସି ପ୍ରବୁ କିହାଁ ପ୍ରବୁ ଅ଼ଡ଼େ ରାଜା କିହାଁ ରାଜା, ଅ଼ଡ଼େ ଆମିନି ଗାଟାରି ଏ଼ୱାଣିତଲେ ମାନେରି ଏ଼ ହା଼ଟାମାନାରି, ଆ଼ଚାମାନାରି ଅ଼ଡ଼େ ନାମୁଗାଟାରି ଜିକେଏ ଜୀଣା ଆ଼ନେରି ।”
\p
\v 15 ଦୂତୁ ନାଙ୍ଗେ ଅ଼ଡ଼େ ଏଲେଇଞ୍ଜାତେସି, “ନୀନୁ ଆମିନି ଏ଼ୟୁଣି ମେସ୍ତି, ଆମିନି ଲାକ ଏ଼ ଦା଼ରେଣି କୁଗାମାନେ, ଏ଼ଦି ଆ଼ହିମାନେ ଏଟ୍‌କା ଏଟ୍‌କାତି ଦେ଼ସା, କୂଡ଼ା, ଗଚି ଇଞ୍ଜାଁ ହା଼ଡାଗାଟି କୁଲମି । 
\v 16 ନୀନୁ ମେସାମାନି ଦସଗଟା କମ୍‌କା ଇଞ୍ଜାଁ ଏ଼ ଜ଼ନ୍ତ, ଦା଼ରେଣିନି ଅ଼ପାଉ; ଏ଼ୱି ଏ଼ଦାନି ତା଼ଣାଟି ବାରେ ପିସ୍‌ପିକିହା ଅ଼ହାନା ନା଼ଗ୍‌ଡ଼ା କିହାନା ପିହ୍‌ନୁ । ଏ଼ୱି ଏ଼ଦାନି ଊଙ୍ଗା ତିଞ୍ଜାନା ହିଚୁତା ହୂଡାନା ନା଼ସା କିନୁ । 
\v 17 ଏ଼ନାଆଁତାକି ଇଚିହିଁ, ମାହାପୂରୁ ତା଼ନୁ ଅଣ୍‌ପାମାନାଣି କିହାଲିତାକି ଏ଼ୱାଆଁତାକି ଈ ଅଣ୍‌ପୁ ହୀହାମାନେସି । ଏ଼ୱି ରଣ୍ତିଏ ମ଼ନ ଆ଼ହାନା କାମା କିନୁ ଇଞ୍ଜାଁ ମାହାପୂରୁତି ବ଼ଲୁ ସାତାତଲେ ଆ଼ଆପାତେକା ରା଼ଜିତି ସା଼ଲୱି କିନି ବ଼ଜୁ ଏ଼ ଜ଼ନ୍ତ କେୟୁତା ପିସାହୀନେସି ।”
\p
\v 18 “ଇଞ୍ଜାଁ ଆମିନି ଆୟାଟି ମେସ୍ତି, ଏ଼ଦି ଆ଼ହିମାନେ, ଦାର୍‌ତିତି ରାଜାୟାଁଣି ସା଼ଲୱି କିହିମାନି ଏ଼ କାଜା ଗା଼ଡ଼ା ।”
\c 18
\s ବାବିଲନ ନା଼ସା ଆ଼ନାୟି
\p
\v 1 ଏଚେଟିଏ ନା଼ନୁ ଅ଼ଡ଼େ ର଼ ଦୂତୁଇଁ ଲାକପୂରୁଟି ରେ଼ଚା ୱା଼ହିମାଚାଣି ମେସ୍ତେଏଁ; ଏ଼ୱାସି କାଜା ଅଦିକାରା ଗାଟାସି, ତାନି ଗାୱୁରମି ତାକି ଦାର୍‌ତି ବାରେ ଉଜେଡ଼ି ଆ଼ହାହାଚେ । 
\v 2 \x + \xo ୧୮:୨ \xo*\xt ୱେ଼ ବ଼ଲୁ ୧୪:୮\xt*\x*ଏ଼ୱାସି କାଜା ହା଼ଡାତଲେ କା଼ଲ୍‌ୱି ଆ଼ହିଁ ଏଲେଇଚେସି, “କାଜା ଗା଼ଡ଼ା ବାବିଲନ ମେଣ୍‌ଙ୍ଗିତେ! ଏ଼ଦି ବାରେ ମେଣ୍‌ଙ୍ଗିତେ! ଏ଼ଦି ବୂତୁୟାଁ ବାସାଟା଼ୟୁ ଅ଼ଡ଼େ ପ଼ଲ୍‌ଆ ଜୀୱୁୟାଁ ଅ଼ଡ଼େ ପ଼ଲ୍‌ଆ କାମାୟାଁ, ଇଞ୍ଜାଁ ଅ଼ପାଆଗାଟି ପଟାୟାଁତି ବାସାଟା଼ୟୁ ଆ଼ହାମାନେ । 
\v 3 ଇଚିହିଁ ବାରେ ଜା଼ତିତାରି ତାନି ଦା଼ରି କାମାଲେହେଁତି କା଼ଡ଼ୁ ଗସାମାନେରି, ଦାର୍‌ତିତି ରାଜାୟାଁ ତାନିତଲେ ଦା଼ରିକାମା କିହାମାନେରି, ଅ଼ଡ଼େ ଦାର୍‌ତିତି ବେ଼ବାରା ଗାଟାରି ତାନି ଜୂପ୍‌କାଟି ବାତ୍‌କୁ ଗାଟାରି ଆ଼ହାମାନେରି ।”
\p
\v 4 ଏଚେଟିଏ ନା଼ନୁ ଲାକପୂରୁଟି ଅ଼ଡ଼େ ର଼ ହା଼ଡା ଏଲେ ଇଞ୍ଜିମାନାଣି ୱେଚେଏଁ,
\q1 “ଏ଼ ମା଼ ଲ଼କୁତେରି! ଏ଼ଦାଆଁତାକି ଏ଼ଦାନି ତା଼ଣାଟି ହ଼ଚା ୱା଼ଦୁ!
\q2 ମୀରୁ ଏ଼ନିକିଁ ଏ଼ଦାନି ପା଼ପୁତା ଆଣ୍ତଅତେରି;
\q2 ଇଞ୍ଜାଁ ତାନି ଡଣ୍ତତି ବା଼ଗା ବେଟାଆ଼ଅତେରି;
\q1
\v 5 ଏ଼ନାଆଁତାକି ଇଚିହିଁ ଏ଼ଦାନି ପା଼ପୁ ବାରେ ଲାକପୂରୁ ପାତେକା ଏଜାମାନେ,
\q2 ଅ଼ଡ଼େ ଏ଼ଦି କିହାମାନି ଲାଗେଏତି କାମା ମାହାପୂରୁ ମ଼ନତା ଅଣ୍‌ପାମାନେସି ।
\q1
\v 6 ଏ଼ଦି ମିଙ୍ଗେ ଏ଼ନି କିହାମାଞ୍ଜାନେ ଏଲେକିଁ ମୀରୁ ଏ଼ଦାନାକି କିଦୁ;
\q2 ତାନି କିହାମାନାଣି କିହାଁ ରୀ ଗୂଣୁ ୱେଟ୍‌ଦୁ,
\q1 ଏ଼ଦି ଆମିନି ସ଼ଲାତା କା଼ଡ଼ୁ ଆଟ୍‌ହାମାନେ,
\q2 ଏମ୍ବାଆଁ ରୀ ଗୂଣୁ କା଼ଡ଼ୁ ତାନି ସ଼ଲାତା ଆଟ୍‌ଦୁ ।
\q1
\v 7 ଏ଼ଦି ଏଚେକା ତାନି ଗାୱୁରମି କିହାମାନେ ଅ଼ଡ଼େ ବଡପଣ ତଲେ ମାଞ୍ଜାମାନେ,
\q2 ଏଲେକିଁ ଏ଼ଦାନାକି ଦୁକୁ କସ୍ତ ହୀଦୁ;
\q1 ଏ଼ନାଆଁତାକି ଇଚିହିଁ ଏ଼ଦି ଜାହାରାଇଁ ମ଼ନତା ୱେସା କଡିମାନେ,
\q1 ‘ନା଼ନୁ ରା଼ଣି ଆ଼ହାଁ କୁଗାମାଇଁ,
\q2 ନା଼ନୁ ରା଼ଣ୍ତେଣିତେଏଁ ଆ଼ଏ,
\q2 ନାଙ୍ଗେ ଏଚେଲାୱା ଦୁକୁ କିହାଲି ଆ଼ଏ ।’
\q1
\v 8 ଈଦାଣିତାକି ର଼ ଦିନା ବିତ୍ରା ଡଣ୍ତ ପା଼ଣ୍‌ନେ,
\q2 ଇଚିହିଁ ହା଼କି, ଡ଼ୀକି, ଅ଼ଡ଼େ କାର୍‌ୱୁ ଆ଼ନେ,
\q1 ଅ଼ଡ଼େ ଏ଼ଦି ହିଚୁତା ୱେହାହାନେ,
\q2 ଇଚିହିଁ ଏ଼ଦାନି ନୀହାଁୟି କିନାସି ପ୍ରବୁ ମାହାପୂରୁ ବାରେ ବା଼ଡ଼୍‌ୟୁ ଗାଟାସି ।”
\p
\v 9 ଦାର୍‌ତିତି ବାରେ ରାଜାୟାଁ ତାନିତଲେ ଦା଼ରିକାମା କିହାନା ରା଼ହାଁଟି ନୀଡାମାନେରି, ଏ଼ୱାରି ଏ଼ଦାନି ହୂଡିମାନି ହିଚୁ ବ଼ୟିଁ ମେହ୍‌ନେରି, ଇଞ୍ଜାଁ ଏ଼ଦାନି ତାକି ଦୁକୁ ଆ଼ହାଁ ଡ଼ୀନେରି; 
\v 10 ଏ଼ୱାରି ଏ଼ଦାନି କା଼କୁଲିଟି ଆଜିତାକି ହେକ ନିଚାନା ଏଲେଇନେରି, “ଆୟ଼ତା, ଆୟ଼ତା, କାଜା ଗା଼ଡ଼ା, ବା଼ଡ଼୍‌ୟୁ ଗାଟି ଗା଼ଡ଼ା ବାବିଲନ ନୀନୁ ବା଼କା ପଣ୍‌ନାତି, ଇଚିହିଁ ରଣ୍ତିଏ ଗଂଟା ବିତ୍ରା ନୀ ଡଣ୍ତ ୱା଼ତେ ।”
\p
\v 11 ଅ଼ଡ଼େ ଦାର୍‌ତିତି ବେ଼ବାରା ଗାଟାରି ଏ଼ଦାନି ତାକି ଦୁକୁ ଆ଼ହାଁ ଡ଼ୀନେରି, ଏ଼ନାଆଁତାକି ଇଚିହିଁ ଆମ୍ବାଆରି ଏ଼ୱାରି ପାର୍‌ନି ଦିଣ୍‌ସୁ କଡଅରି, 
\v 12 ଇଚିହିଁ ବାଂଗାରା, ୱେଣ୍ତି, ଦା଼ରା ଗାଟି ମଣି ଅ଼ଡ଼େ ମୁକ୍ତାୟାଁ, ସିଲ୍‌କୁ ହିମ୍ବରିକା, ହେୟାଁ ୱା଼ଣାଗାଟି ହିମ୍ବରିକା, ପା଼ଟୁ ହିମ୍ବରିକା, ଏଟ୍‌କା ଏଟ୍‌କାତି ଅ଼ଜିତି ହିମ୍ବରିକା, ଚନ୍ଦନ ଇଞ୍ଜାଁ ଏ଼ଦାନି ଲେହେଁତି ଗାନ୍ଦା ଗାଟି ମା଼ର୍‌କା, ହାତି ପାଲ୍‌କା, ଦା଼ରା ଗାଟି ୱେସ୍‌କା, ପିତାଡ଼ା, ଲ଼ହ, ଅ଼ଜିତି ଡ଼ୁସ୍‌ପା ୱାଲ୍‌କାତଲେ କେ଼ପିତି ବାରେ ଆ଼ସ୍ତି । 
\v 13 ଡ଼ାକ୍‌ନି ସା଼ଲି, ଗାନ୍ଦାଗାଟି ଆ଼ସ୍ତି, ଦୁପ୍‌ଣି, ଗାନ୍ଦାଗାଟି ରୁବିନି ନିୟୁଁ, ଗାନ୍ଦାଗାଟି ଦୁପ୍‌ଣି, କା଼ଡ଼ୁ, ନିୟୁଁ, ଗୁଣ୍ତା, ଗ଼ହଁ, କ଼ଡିୟାଁ, ମେ଼ଣ୍ତାୟାଁ, ଗ଼ଡ଼ାୟାଁ, ରାତାୟାଁ, କଡାମାନି ହ଼ଲିୟାଙ୍ଗା, ଅ଼ଡ଼େ ମାଣ୍‌ସିୟାଁତି ଜୀୱୁ । 
\v 14 “ନୀ ଜୀୱୁତି ଜୂପ୍‌କା ଗାଟି ଅଣ୍‌ପୁତି ପା଼ଡ଼େୟିକା ନୀ ତା଼ଣାଟି ମେଣ୍‌ଙ୍ଗା ହାଚୁ, ଅ଼ଡ଼େ ବାରେ ଡ଼ାକ୍‌ନାୟି, ରା଼ହାଁତି ବାରେ ନୀ ତା଼ଣାଟି ଏଟ୍‌କା କିୱି ଆ଼ହାଁ ନା଼ସା ଆ଼ହାମାନେ, ଅ଼ଡ଼େ ଏଚେଲାୱା ଏ଼ ବାରେ ମେ଼ଡ଼ା ଆୟେଏ ।” 
\v 15 ଈ ବାରେ ଦିଣ୍‌ସୁତି ବେ଼ବାରା କିନାରି ଏ଼ କାଜା ଗା଼ଡ଼ା ତଲେ ବାତ୍‌କୁ ଗାଟାରି ଆ଼ହାମାଚେରି, ଏ଼ୱାରି ଏ଼ଦାନି କସ୍ତତି ଆଜିତାକି ହେକ ନିଚାନା ଦୁକୁତଲେ ଡ଼ୀହିଁ ଏଲେଇନେରି । 
\v 16 “ଆୟ଼ତା! କାଜା ଗା଼ଡ଼ାତି! ନିଙ୍ଗେତାକି ଏଚେକା ଆଜିହ଼ପେତି କସ୍ତ ୱା଼ତେ, ନୀନୁ ଅ଼ଜିତି ହିମ୍ବରିକା, ହେୟାଁ ୱା଼ଣାଗାଟି ହିମ୍ବରିକା, ପା଼ଟୁ ହିମ୍ବରିକା ହୁଚାମାଚି, ଅ଼ଡ଼େ ବାଂଗାରା, ଦାରାଗାଟି ମଣି ଇଞ୍ଜାଁ ମୁକ୍ତାୟାଁ ତଲେ ମିଣ୍‌ସି ମାଚି ସାଜୁୟାଁ ତୁର୍‌ହାମାଚି । 
\v 17 ଇଚିହିଁ ରଣ୍ତିଏ ଗଂଟା ବିତ୍ରା ଏ଼ ବାରେ ଦ଼ନ ମେଣ୍‌ଙ୍ଗାହାଚେ ।
\p ଏ଼ୟୁ ଜା଼ଜାୟାଁ ସା଼ଲୱି କିନାରି ଏମ୍ବାଆଁ କୁଗାମାନାରି ଡଂଗାଁୟାଁ ସା଼ଲୱି କିନାରି ଇଞ୍ଜାଁ ସାମ୍‌ଦୁରିତା ଇତାଲା ଆତାଲା ରେ଼ଜିହିଁ ବେ଼ବାରା କିନାରି ହେକ ନିଚାନା, 
\v 18 ଏ଼ ଗା଼ଡ଼ାତି ହୂଡିମାନି ହିଚୁ ବ଼ୟିଁ ମେସାନା କାଜା ଗିୟାଁତଲେ ଏଲେଇନେରି, ଈ କାଜା ଗା଼ଡ଼ା ଲେହେଁ ଆମିନି ଗା଼ଡ଼ାମାନେ । 
\v 19 ଏ଼ୱାରି ତାମି ତା଼ର୍କା ଲାକ ଦୂଡ଼ି ଡ଼ାଞ୍ଜା କଡାନା ଦୁକୁତଲେ ଡ଼ୀହି ଡ଼ୀହିଁ ଏଲେଇଚେରି, ଆୟ଼ତା ଏ଼ କାଜା ଗା଼ଡ଼ାତି, ନିଙ୍ଗେ ଏଚେକା ଆଜିହ଼ପେତି ଡଣ୍ତ ଆ଼ତେ, ନୀ ବାତ୍‌କୁ ତଲେ ସାମ୍‌ଦୁରିତି ଜା଼ଜାଣା ରେ଼ଜିହିଁ ବାତ୍‌କା ମାଚେରି, ନୀଏଁ ରଣ୍ତିଏ ଗଂଟା ବିତ୍ରା ଏ଼ ବାରେ ମେଣ୍‌ଙ୍ଗାହାଚେ ।”
\p
\v 20 ଲାକପୂରୁ, ମାହାପୂରୁ ଲ଼କୁ, ପାଣ୍ତ୍‌ୱି ଆ଼ହାମାନାତେରି, ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାତେରି, ମୀରୁ ଏ଼ଦାନି ନା଼ସା ଆ଼ନାଣି ତାକି ରା଼ହାଁ ଆ଼ଦୁ, ଏ଼ନାଆଁତାକି ଇଚିହିଁ ମାହାପୂରୁ ମିଙ୍ଗେ କିହା ମାଞ୍ଜାନାଣି ତାକି ବାଦୁଲି ଅ଼ହାମାନେସି ।
\p
\v 21 ଏଚେଟିଏ ଡା଼ୟୁ ର଼ କାଜା ଦୂତୁ, ର଼ ଜେତାୱାଲି ଲେହେଁତି ର଼ ୱାଲି ସାମ୍‌ଦୁରି ଲାକ ମେତ୍‌ହାନା ଏଲେଇଚେସି, “ଇଲେକିଁ କାଜା ଗା଼ଡ଼ା ବାବିଲନ ମେତ୍‌ପି ଆ଼ନେ, ଅ଼ଡ଼େ ଏ଼ଦି ଏଚେଲାୱା ତ଼ଞ୍ଜା ଆ଼ଏ । 
\v 22 ସେର୍‌ଙ୍ଗିୟାଁ ଅ଼ଡ଼େ ପା଼ଚିନାରି ହା଼ଡା, ପୀରୁଡ଼ି ଊକିନାରି, ତୀତ୍ରି ଊକିନାରି ହା଼ଡା ଏଚେଲାୱା ଏ଼ଦାନି ତା଼ଣା ୱେ଼ଙ୍ଗେଏ, ନେହିଁ ନେହିଁ ସାଜୁ ଇଞ୍ଜାଁ ଏଟ୍‌କାତି ଆ଼ସ୍ତି କେ଼ପିନାରି ନୀ ତା଼ଣା ତ଼ଞ୍ଜା ଆ଼ଅରି, ଅ଼ଡ଼େ ଜେତାୱାଲ୍‌କା ତଲେ ନୂୟିଁନାୟି ଏଚେଲାୱା ହା଼ଡା ୱେ଼ଙ୍ଗେଏ । 
\v 23 ଦୀୱଁୟାଁତି ଉଜେଡ଼ି ନୀ ତା଼ଣା ଏଚେଲାୱା ଡ଼ୀଞ୍ଜେଏ, ବୀହା ଆ଼ନି ମା଼ସ୍‌କା ଅ଼ଡ଼େ ବୀହା ଆ଼ନି କକାରି ହା଼ଡା ନୀ ତା଼ଣା ଏଚେଲାୱା ୱେ଼ଙ୍ଗେଏ, ଏ଼ନାଆଁତାକି ଇଚିହିଁ ନୀ ତା଼ଣା ବେ଼ବାରା କିନାରି ଦାର୍‌ତିତା କାଜାରି ମାଚେରି, ଅ଼ଡ଼େ ନୀ ମାୟାମନ୍ତରତା ବାରେ କୂଡ଼ାତି ଲ଼କୁ ମୁଞ୍ଜା ହାଜାମାଚେରି ।”
\p
\v 24 ଗା଼ଡ଼ାତା ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି, ମାହାପୂରୁ ଲ଼କୁ, ଇଞ୍ଜାଁ ଦାର୍‌ତିତା ପା଼ୟୱିଆ଼ହାମାନି ଲ଼କୁତି ନେତେରି ଏ଼ଦାନି ତା଼ଣା ତ଼ଞ୍ଜାଆ଼ହାମାଚେ ।
\c 19
\p
\v 1 ଏଚେଟିଏ ଲାକପୂରୁ ର଼ କାଜା ମାନ୍ଦା ଲ଼କୁତି ହା଼ଡାଲେହେଁତି ର଼ କାଜା ହା଼ଡା ଏଲେଇଞ୍ଜିମାଚାଣି ୱେଚେଏଁ, “ହାଲେଲୁୟା! ଗେଲ୍‌ପିନି, ଗାୱୁରମି ଅ଼ଡ଼େ କାଜାପା଼ଣା ମା଼ ମାହାପୂରୁୱାୟି । 
\v 2 ଇଚିହିଁ ଏ଼ୱାଣି ନୀହାଁୟି ସାତା ଅ଼ଡ଼େ ନେହାୟି, ଆମିନି କାଜା ଦା଼ରେଣି ତାନି ଦା଼ରିକାମା ତଲେ ଦାର୍‌ତିତି ଲ଼କୁଣି ପ଼ଲ୍‌ଆ କିହାମାଚେ, ମାହାପୂରୁ ଏ଼ଦାନି ଡଣ୍ତ ହୀହାନା ତାନି ହ଼ଲିୟାଙ୍ଗାଣି ପା଼ୟିତି ନେତେରିତି ବାଦୁଲି ଅ଼ତେସି ।” 
\v 3 ଅ଼ଡ଼େ ଏ଼ୱାରି ରୀ ପା଼ଲି ଏଲେଇଚେରି “ହାଲେଲୁୟା! ଏ଼ ଗା଼ଡ଼ା ୱେହିମାନି ବ଼ୟିଁ କା଼ଲାକା଼ଲାତାକି ହ଼ଚେମାନେ ।” 
\v 4 ଏଚେଟିଏ କଡ଼େ ସା଼ରି ଜା଼ଣା ପ୍ରାଚିନାଙ୍ଗା ଅ଼ଡ଼େ ସା଼ରିଗଟା ଜ଼ନ୍ତୟାଁ ମୁନୁ କୁତାନା ସିଂଗାସାଣିତା କୁଗାମାନି ମାହାପୂରୁଇଁ ଜହରା କିହାନା ଏଲେଇଚୁ, “ଆ଼ମେନ୍‌ ହାଲେଲୁୟା ।”
\s ମେ଼ଣ୍ତା ଡା଼ଲୁତି ବୀହା ବ଼ଜି
\p
\v 5 ଏଚିବେ଼ଲା ସିଂଗାସାଣିଟି ର଼ ହା଼ଡା ହ଼ଚାନା ୱେ଼ଙ୍ଗିତେ, “ଏ଼ ମାହାପୂରୁତି ହ଼ଲିୟାଙ୍ଗାତେରି, ଏ଼ୱାଣାଇଁ ଆଜିନି କାଜାରି ଇଚାରି ବାରେଜା଼ଣା ତେରି ମୀରୁ ମାହାପୂରୁଇଁ ଜହରା କିଦୁ ।” 
\v 6 ଅ଼ଡ଼େ ନା଼ନୁ କାଜା ମାନ୍ଦା ଲ଼କୁ ଲେହେଁତି ହା଼ଡା, ଲଦ ଲଦ ରିହିମାନି ଏ଼ୟୁ ଲେହେଁତି ହା଼ଡା, ଅ଼ଡ଼େ ହା଼ଗୁ ଗୂଣ୍‌ହିମାନି କାଜା ହା଼ଡାଲେହେଁ ଏଲେଇଞ୍ଜି ୱେସିମାନାଣି ୱେଚେଏଁ, “ହାଲେଲୁୟା! ଇଚିହିଁ ପ୍ରବୁ ମା଼ ବା଼ଡ଼୍‌ୟୁଗାଟି ମାହାପୂରୁ ରାଜା ଆ଼ହାନା ପା଼ଣା ବେଟା ଆ଼ହାମାନେସି । 
\v 7 ୱା଼ଦୁ ମା଼ର ରା଼ହାଁ ଆ଼ନ, ଇଞ୍ଜାଁ ଏ଼ୱାଣି ଗାୱୁରମି ତାକି ଏ଼ୱାଣାଇଁ ଜହରା କିନ, ଏ଼ନାଆଁତାକି ଇଚିହିଁ ମେ଼ଣ୍ତା ଡା଼ଲୁତି ବୀହା ଆ଼ନି ଦିନା ଏଦାତେୟିଏ, ଇଞ୍ଜାଁ ଏ଼ୱାସି ବୀହା ଆ଼ନି ମା଼ଙ୍ଗା ତିୟାରା ଆ଼ହାମାନେ । 
\v 8 ଏ଼ଦାନାକି ମ୍ଣିହ୍‌ନି ଅ଼ଡ଼େ ଅପ୍‌ନି ହିମ୍ବରି ହୁଚାଲି ହୀପ୍‌କି ଆ଼ତୁ;” ଏ଼ ଦବ୍‌ଲା ହିମ୍ବରି ଇଚିହିଁ ମାହାପୂରୁ ଲ଼କୁତି ଦାର୍ମୁ କାମାୟାଁ ।
\p
\v 9 \x + \xo ୧୯:୯ \xo*\xt ମାତି ୨୨:୨,୩\xt*\x*ଏଚିବେ଼ଲା ଦୂତୁ ନାଙ୍ଗେ ଏଲେଇଞ୍ଜାତେସି, “ରା଼ଚାମୁ, ଆମିନି ଗାଟାରି ମେ଼ଣ୍ତା ଡା଼ଲୁତି ବୀହା ବ଼ଜିତା ହା଼ଟ୍‌କି ଆ଼ହାମାନେରି, ଏ଼ୱାରାକି ନେହେଁ ।” ଅ଼ଡ଼େ ଏ଼ୱାସି ନାଙ୍ଗେ ଏଲେଇଞ୍ଜାତେସି, “ଈ ବାରେ ମାହାପୂରୁତି ସାତା ବ଼ଲୁ ।” 
\v 10 ଏଚେଟିଏ ନା଼ନୁ ଏ଼ୱାଣାଇଁ ଜହରା କିହାଲି ତାନି କଡାୟାଁ ଡ଼଼ଇ ରିତେଏଁ, ଏଚେଟିଏ ଏ଼ୱାସି ନାଙ୍ଗେ ଏଲେଇଞ୍ଜାତେସି, “ଜାଗ୍ରାତା, ଇଲେ କିଆନି, ନା଼ନୁ ଜୀସୁ ଅ଼ଡ଼େ ମୀ ସା଼କି ଇଞ୍ଜାଁ ମୀ ତାୟିୟାଁ ତଲେ ର଼ ହ଼ଲେଏଣା ଲେହେଁ; ନୀନୁ ମାହାପୂରୁଇଁ ଜହରା କିମୁ,” ଜୀସୁତି ସା଼କି ଏ଼ଦି ସାତା, ମାହାପୂରୁ ବ଼ଲୁ ୱେହ୍‌ନାରି ଜୀୱୁ ।
\s ଦବ୍‌ଲା ଗ଼ଡ଼ା ମୁହେଁ କୁଗାମାନାସି
\p
\v 11 ଏଚେଟିଏ ନା଼ନୁ ଲାକପୂରୁତି ଦେପିଆ଼ହାମାନାଣି ମେସ୍ତେଏଁ, ଏମ୍ବାଆଁ ର଼ ଦବ୍‌ଲା ୱା଼ଣାଗାଟି ଗ଼ଡ଼ା ମାଚେ, ଏମ୍ବାଆଁ ହ଼ଚାମାନାଣି ଦ଼ରୁ ନାମିତାୟି ଅ଼ଡ଼େ ସାତାତାୟି; ଏ଼ୱାସି ନେହିଁକିଁ ନୀହାଁୟି କିନେସି, ଅ଼ଡ଼େ ଜୁଜୁ କିନେସି । 
\v 12 ଏ଼ୱାଣି କାଣ୍‌କା ହିଚୁ ଗୁଦ୍‌ୱା ଲେହେଁତାଇ, ତାନି ତା଼ର୍ୟୁଁତା ହା଼ରେକା ଟ଼ପେରିକା, ଅ଼ଡ଼େ ଏ଼ୱାଣି ର଼ ଦ଼ରୁ ରା଼ସ୍‌କି ଆ଼ହାମାନେ, ଏ଼ ଦ଼ରୁ ଏ଼ୱାଣି ପିସ୍‌ପେ ଆମ୍ବାଆରି ପୁନଅରି । 
\v 13 ଏ଼ୱାସି ନେତେରିତା ଊତ୍‌ହା ମାନି ର଼ ହିମ୍ବରି ହୁଚାମାନେସି, ଇଞ୍ଜାଁ ଏ଼ୱାଣି ଦ଼ରୁ “ମାହାପୂରୁତି ବ଼ଲୁ ।” 
\v 14 ଲାକପୂରୁତି ଜୁଜୁ କିନାରି ଅପ୍‌ନି ଦବ୍‌ଲା ହିମ୍ବରିକା ହୁଚାନା ଦବ୍‌ଲା ୱା଼ଣା ଗ଼ଡ଼ାୟାଁ ଲାକ କୁଗାନା ତାନି ଜେ଼ଚ ହାଚେ । 
\v 15 \x + \xo ୧୯:୧୫ \xo*\xt ୱେ଼ ବ଼ଲୁ ୧୪:୨୦\xt*\x*ଏ଼ୱାଣି ଗୂତିଟି ୱାସ୍ତି କାଣ୍ତା ହ଼ନେ, ଏ଼ କାଣ୍ତାତଲେ ବାରେ ଦେ଼ସାତି ଲ଼କୁଇଁ ଟୂଣ୍‌ନେସି; ଏ଼ୱାସି ଏ଼ୱାରାଇଁ ଲ଼ହ ବାଡ଼୍‌ଗା ତଲେ ସା଼ଲୱି କିନେସି, ଅ଼ଡ଼େ ଏ଼ୱାସି ତା଼ନୁଏ ବାରେ ବା଼ଡ଼୍‌ୟୁଗାଟି ମାହାପୂରୁ କାଜା କ଼ପା ଲେହେଁତି ଅଙ୍ଗୁରି ପା଼ଡ଼େୟିକା ପୀଚିନି ଗା଼ଡ଼୍‌ୟୁତା ମାନି ପା଼ଡେୟିକା ୱିହ୍‌ନେସି । 
\v 16 ଏ଼ୱାଣି ହିମ୍ବରିତା ଅ଼ଡ଼େ ଏ଼ୱାଣି କୁଦ୍‌ଗୁତା ଈ ଦ଼ରୁ ରା଼ସ୍‌କି ଆ଼ହାମାନେ, “ରାଜା କିହାଁ ରାଜା ଅ଼ଡ଼େ ପ୍ରବୁ କିହାଁ ପ୍ରବୁ ।”
\p
\v 17 ଏଚେଟିଏ ନା଼ନୁ ର଼ ଦୂତୁଇଁ ୱେ଼ଡ଼ା ଲାକ ନିଚାମାନାଣି ମେସ୍ତେଏଁ; ଏ଼ୱାସି ହା଼ଗୁତି ମାଦି ଊମ୍ବିମାନି ବାରେ ପଟାୟାଁଣି କାଜା ହା଼ଡାତଲେ ହା଼ଟାନା ଏଲେଇଚେସି, “ୱା଼ଦୁ ମାହାପୂରୁତି କାଜା ବ଼ଜିତା କୂଡ଼ା ଆ଼ଦୁ । 
\v 18 ଏ଼ନିକିଁ ମୀରୁ ରାଜାୟାଁ, ଜୁଜୁ ତାକି କାଜାରି, ବା଼ଡ଼୍‌ୟୁ ଗାଟାରି, ଗ଼ଡ଼ାୟାଁ ଅ଼ଡ଼େ ଗ଼ଡ଼ା ଲାକ କୁଗାମାନାରି, କଡାମାନି ହ଼ଲିୟାଙ୍ଗା, ହ଼ଲିୟାଙ୍ଗା ଆ଼ଆତାରି, କାଜାରି ଅ଼ଡ଼େ ଇଚାରି ବାରେତି ଊଙ୍ଗା ତିଞ୍ଜେରି ।”
\p
\v 19 ଡା଼ୟୁ ନା଼ନୁ ଜ଼ନ୍ତତି ଅ଼ଡ଼େ ଦାର୍‌ତିତି ରାଜାୟାଁଣି ଅ଼ଡ଼େ ଏ଼ୱାରି ଜୁଜୁ କିନାରାଇଁ, ଏ଼ୱାରି ଗ଼ଡ଼ାୟାଁ ଲାକ କୁଗାମାନାରି ଇଞ୍ଜାଁ ଏ଼ୱାରି ଜୁଜୁ କିନାରି କ଼ପାଟି ଜୁଜୁ କିହାଲି କୂଡ଼ା ଆ଼ହାମାନାଣି ମେସ୍ତେଏଁ । 
\v 20 ଏ଼ ଜୁଜୁତା ଜ଼ନ୍ତ ଅ଼ଡ଼େ ଏ଼ଦାନି ନ଼କିତା କାବାଆ଼ନି କାମା କିହିମାନି ଏ଼ ନା଼ଡ଼ିକିନି କ୍ରୀସ୍ତଇଁ ଆସାନା ଦସ୍‌ପିଆ଼ତେ । ଆମିନି ଲ଼କୁତା଼ଣା ଏ଼ ଜ଼ନ୍ତତି ସିନା ମାଚେ ଇଞ୍ଜାଁ ଆମ୍ବାଆରି ଏ଼ଦାନି ବମାତି ପୂଜା କିହିମାଚେରି, ଜ଼ନ୍ତ ତାନି କାବାଆ଼ନି କାମା ତଲେ ଏ଼ୱାରାଇଁ ନା଼ଡ଼ି କିହାମାଚେ । ଜ଼ନ୍ତ ଇଞ୍ଜାଁ ନା଼ଡ଼ିକିନି କ୍ରୀସ୍ତଇଁ ଡ଼ୀଞ୍ଜିମାନି ହିଚୁତା ଜୀୱୁତଲେ ମେତ୍‌ପିଆ଼ତେ । 
\v 21 ଅ଼ଡ଼େ ଏଚେକା ଡ଼ୟିତି ଲ଼କୁ ଗ଼ଡ଼ା ଲାକ କୁଗାମାନାଣି ଗୂତିଟି ହ଼ଚିମାନି କାଣ୍ତାତଲେ ପା଼ୟୱିଆ଼ତେରି; ଏଚେଟିଏ ବାରେ ପଟାୟାଁ ଏ଼ୱାରି ଊଙ୍ଗା ତିଞ୍ଜାନା ବାଣ୍ତି ପାଞ୍ଜିତୁ ।
\c 20
\s ର଼ ମା଼ଣା ବାର୍ସାତି ରା଼ଜି କିନାୟି
\p
\v 1 ଏଚେଟିଏ ନା଼ନୁ ର଼ ଦୂତୁଇଁ ଲାକପୂରୁଟି ରେ଼ଚା ୱା଼ହିମାଚାଣି ମେସ୍ତେଏଁ, ଏ଼ୱାଣି କେୟୁତା ତା଼ଡ଼େପୂରୁ ଗା଼ଡ଼୍‌ୟୁତି କୁଚିକା଼ଡ଼ି ଅ଼ଡ଼େ ର଼ କାଜା ହିକ୍‌ଣି ମାଚୁ । 
\v 2 ଏ଼ୱାସି କାଜା ରା଼ଚୁତି, ଏ଼ ପ୍ଣାଃଇ ନା଼ଗା, ଇଚିହିଁ ଦିୟାବଲ ଅ଼ଡ଼େ ସୟତାନତି ଆସାନା ର଼ ମା଼ଣା ବାର୍ସା ପାତେକା ଦସ୍‌ପା ଇଟିତେସି । 
\v 3 ଅ଼ଡ଼େ ଏ଼ଦାନି ତା଼ଡ଼େପୂରୁ ଗା଼ଡ଼୍‌ୟୁତା ମେତ୍‌ହାନା ଗା଼ଡ଼୍‌ୟୁତି ଦୁୱେରି ସୁଣ୍ତାନା ଏ଼ଦାନି ଲାକ ହା଼କିତି ମୁଦ୍ରା ୱେ଼ତେସି, ଇଞ୍ଜାଁ ଏ଼ନିକିଁ ଏ଼ଦି ର଼ ମା଼ଣା ବାର୍ସା ରା଼ଆ ପାତେକା ଦେ଼ସାତି ଲ଼କୁଣି ନା଼ଡ଼ି କିହାଲି ଆ଼ଡେଏ; ଅ଼ଡ଼େ ଡା଼ୟୁ ଗା଼ଡ଼େକା ତାକି ପିସ୍‌ପି କିୱି ଆ଼ନେ ।
\p
\v 4 ଏଚେଟିଏ ନା଼ନୁ ଏଚରଗଟା ସିଂଗାସାଣିୟାଁ ମେସ୍ତେଏଁ, ଏ଼ ବାରେ ଲାକ ଏଚରଜା଼ଣା କୁଗିତେରି, ଏ଼ୱାରାକି ନୀହାଁୟି କିହାଲି ଅଦିକାରା ହୀପ୍‌କିଆ଼ତେ, ଅ଼ଡ଼େ ଜୀସୁତି କାତା ଇଞ୍ଜାଁ ମାହାପୂରୁତି ବ଼ଲୁ ତାକି ଆମ୍ବାଆରି ତା଼ର୍କା ଦା଼ପି ଆ଼ହାମାଚୁ, ଇଞ୍ଜାଁ ଆମ୍ବାଆରି ଏ଼ ଜ଼ନ୍ତ ଅ଼ଡ଼େ ତାନି ବମାତି ଜହରା କିହାଁ ହିଲାଆତେରି ଅ଼ଡ଼େ ତାନି ସିନାତି ମୁଞ୍ଜୁତା କି କେୟୁତା ବେଟାଆ଼ହା ହିଲାଆତେରି, ଏ଼ୱାରି ଜୀୱୁୟାଁ ମେସ୍ତେଏଁ; ଏ଼ୱାରି ୱେଣ୍ତେ ନୀଡାନା କ୍ରୀସ୍ତ ତଲେ ର଼ ମା଼ଣା ବାର୍ସା ପାତେକା ସା଼ଲୱି କିତେରି । 
\v 5 ଅ଼ଡ଼େ ଏଚେକା ହା଼ତି ଲ଼କୁ ଏ଼ ର଼ ମା଼ଣା ବାର୍ସା ରା଼ଆ ପାତେକା ନୀଡାଆତେରି, ଈଦିଏ ତଲିତି ହା଼କିଟି ନିଙ୍ଗିନାୟି । 
\v 6 ଆମ୍ବାଆରି ମୂଲୁ ୱେଣ୍ତେ ନିଙ୍ଗିନି ତା଼ଣା ଆଣ୍ତିନେରି ଏ଼ୱାରି ନେହେଁ, ଅ଼ଡ଼େ ଏ଼ୱାରି ସୁଦୁଗାଟାରି; ଅ଼ଡ଼େ ଏ଼ୱାରି ମୁହେଁ ଡା଼ୟୁତି ହା଼କିତି ଏ଼ନି ଅଦିକାରା ହିଲେଏ, ସାମା ଏ଼ୱାରି ମାହାପୂରୁ ଅ଼ଡ଼େ କ୍ରୀସ୍ତତି ପୂଜେରାଙ୍ଗା ଆ଼ହାନା ଏ଼ୱାଣିତଲେ ର଼ ମା଼ଣା ବାର୍ସା ପାତେକା ସା଼ଲୱି କିନେରି ।
\s ସୟତାନତି ହା଼ରୱି ଆ଼ନାୟି
\p
\v 7 ଏ଼ ର଼ ମା଼ଣା ବାର୍ସା ରା଼ତିସାରେ ସୟତାନ ଦସ୍‌ପି ଆ଼ହାମାଚି ଇଲୁଟି ପିସ୍‌ପି ଆ଼ନେ । 
\v 8 ଏଚେଟିଏ ସୟତାନ ଦାର୍‌ତିତି ସା଼ରିସୁଟୁ ମାନି ଦେ଼ସାତାରାଇଁ ଇଚିହିଁ ସାମ୍‌ଦୁରିତି ବାଃଲି ସମାନା ହା଼ରେକା ଗଗ୍‌ ଅ଼ଡ଼େ ମେଗଗ୍‌ ଏ଼ୱାରାଇଁ ନା଼ଡ଼ିକିହାନା ଜୁଜୁ ତାକି କୂଡ଼ିକିହାଲି ହ଼ଚାହାନେ । 
\v 9 ଏ଼ୱାରି ଦାର୍‌ତିତି ସା଼ରିସୁଟୁ ହାଜାନା ମାହାପୂରୁ ଲ଼କୁ ବାସାଆ଼ନି ତା଼ଣା ଅ଼ଡ଼େ ମାହାପୂରୁ ଜୀୱୁ ନ଼ହାଁମାନି କାଜା ଗା଼ଡ଼ାତା ମୁଚିତେରି, ଏଚିବେ଼ଲା ଲାକପୂରୁଟି ହିଚୁ ରିହାନା ଏ଼ୱାରାଇଁ ନା଼ସା କିତେ । 
\v 10 ଆମିନି ସୟତାନ ଏ଼ୱାରାଇଁ ନା଼ଡ଼ି କିହାମାଚେ, ଏ଼ଦାନି ହିଚୁ ଅ଼ଡ଼େ ଗାନ୍ଦାଗୁଣ୍ତା ତଲେ ଡ଼ୀଞ୍ଜିମାନି ଗା଼ଡ଼୍‌ୟୁତା ମେତ୍‌ପିଆ଼ତେ, ଏମ୍ବାଆଁ ଏ଼ ଜ଼ନ୍ତ ଇଞ୍ଜାଁ ମାହାପୂରୁ ବ଼ଲୁ ମିଚି ୱେହ୍‌ନାସି ଜିକେଏ ମାନେସି; ଅ଼ଡ଼େ ଏ଼ୱାରି ଏମ୍ବାଆଁ ଲା଼ଆଁ ମାଦେନା କା଼ଲାକା଼ଲା ତାକି ଡଣ୍ତ ବେଟାଆ଼ନେରି ।
\s ରା଼ନି କା଼ଲାତି ନୀହାଁୟି
\p
\v 11 ଏଚେଟିଏ ନା଼ନୁ ର଼ କାଜା ଦବ୍‌ଲା ସିଂଗାସାଣି ଇଞ୍ଜାଁ ଏମ୍ବାଆଁ ରଅସି କୁଗାମାନାଣି ମେସ୍ତେଏଁ; ଏ଼ୱାଣି ନ଼କିଟି ଦାର୍‌ତି ଅ଼ଡ଼େ ହା଼ଗୁପା଼କା ହଟାତୁସ୍ତୁ, ଏ଼ୱାସିକାକି ଅ଼ଡ଼େ ଟା଼ୟୁ ମେ଼ଡ଼ା ଆ଼ଆତେ । 
\v 12 ଅ଼ଡ଼େ ନା଼ନୁ ଇଚାରି କାଜାରି ବାରେ ହା଼ତାରାଇଁ ସିଂଗାସାଣି ନ଼କିତା ନିଚାମାନାଣି ମେସ୍ତେଏଁ, ଅ଼ଡ଼େ ପତିୟାଁ ବାରେ ଦେପିଆ଼ତୁ; ଡା଼ୟୁ ଜୀୱୁତି ପତି ଇଞ୍ଜିଁ ଅ଼ଡ଼େ ର଼ ପତି ଦେପିଆ଼ତେ; ଏ଼ ପତିଣାଁ ରା଼ସ୍‌କି ଆ଼ହାମାନି ଲେହେଁ ହା଼ତାରି ତାମି କିତି କାମା ଲେହେଁ ନୀହାଁୟି କିୱି ଆ଼ତେରି । 
\v 13 ସାମ୍‌ଦୁରି ତାନିତା଼ଣାଟି ହା଼ତାରାଇଁ ହେର୍‌ପିତେ, ଇଞ୍ଜାଁ ହା଼କି ଅ଼ଡ଼େ ତା଼ଡ଼େପୂରୁ ତାନି ତା଼ଣା ହା଼ତାରାଇଁ ହେର୍‌ପିତୁ; ଇଞ୍ଜାଁ ଏ଼ୱାରି ବାରେ ତାମି କିତି କାମା ତଲେ ନୀହାଁୟି କିୱି ଆ଼ତେରି । 
\v 14 ଏଚେଟିଏ ହା଼କି ଅ଼ଡ଼େ ତା଼ଡ଼େପୂରୁତି\f + \fr ୨୦:୧୪ \fr*\ft ହା଼ତାରି ମାନି ଦେ଼ସାତି\ft*\f* ହିଚୁତଲେ ଡ଼ୀଞ୍ଜିମାନି ଗା଼ଡ଼୍‌ୟୁତା ମେତ୍‌ପିଆ଼ତେ, ଈ ଡା଼ୟୁତି ହା଼କି ଇଚିହିଁ ହିଚୁ ଗା଼ଡ଼୍‌ୟୁ । 
\v 15 ଆମ୍ବାଆରି ଦ଼ରୁ ଜୀୱୁତି ପତିତା ରା଼ସ୍‌କି ଆ଼ହା ହିଲାଆତେ ଏ଼ୱାରାଇଁ ଡ଼ୀଞ୍ଜିମାନି ହିଚୁ ଗା଼ଡ଼୍‌ୟୁତା ମେତ୍‌ପିଆ଼ତେ ।
\c 21
\s ପୁଃନି ହା଼ଗୁପା଼କା ଅ଼ଡ଼େ ପୁଃନି ଦାର୍‌ତି
\p
\v 1 \x + \xo ୨୧:୧ \xo*\xt ୨ପିତ ୩:୧୩\xt*\x*ଏମ୍ବାଟିଏ ନା଼ନୁ ର଼ ପୁଃନି ହା଼ଗୁପା଼କା ଅ଼ଡ଼େ ପୁଃନି ଦାର୍‌ତି ମେସ୍ତେଏଁ, ଇଚିହିଁ ତଲିତି ହା଼ଗୁପା଼କା ଅ଼ଡ଼େ ତଲିତି ଦାର୍‌ତି ମେଣ୍‌ଙ୍ଗା ହାଜାମାଚେ, ଇଞ୍ଜାଁ ସାମ୍‌ଦୁରି ଅ଼ଡ଼େ ହିଲାଆତେ । 
\v 2 \x + \xo ୨୧:୨ \xo*\xt ୱେ଼ ବ଼ଲୁ ୩:୧୨\xt*\x*ଅ଼ଡ଼େ ନା଼ନୁ ସୁଦୁ ଗା଼ଡ଼ା ଇଚିହିଁ ପୁଃନି ଜିରୁସାଲମତା ତାନି ବୀହା ଆ଼ନି ଡକ୍ରାଇଁ ବେଟାଆୟାଲି ତିୟାରା ଆ଼ହାମାନି ଡ଼ାଆ ମା଼ଙ୍ଗାଲେହେଁ ଲାକପୂରୁଟି ମାହାପୂରୁ ତା଼ଣାଟି ରେ଼ଚାୱାହି ମାଚାଣି ମେସ୍ତେଏଁ । 
\v 3 ଅ଼ଡ଼େ ନା଼ନୁ ସିଂଗାସାଣିଟି ର଼ କାଜା ହା଼ଡା ଏଲେ ଇଞ୍ଜିମାଚାଣି ୱେଚେଏଁ, “ମେହ୍‌ଦୁ ମାଣ୍‌ସିୟାଁ ତା଼ଣା ମାହାପୂରୁତି ବାସାଟା଼ୟୁ ମାନେ, ଏ଼ୱାସି ଏ଼ୱାରିତଲେ ବାସା ଆ଼ନେସି, ଇଞ୍ଜାଁ ଏ଼ୱାରି ଏ଼ୱାଣି ଲ଼କୁ ଆ଼ନେରି, 
\v 4 ଅ଼ଡ଼େ ମାହାପୂରୁ ତା଼ନୁଏ ଏ଼ୱାରିତଲେ ଡ଼ୟିନେସି, ଇଞ୍ଜାଁ ଏ଼ୱାରି କାନୁତି ବାରେ କାଣ୍ତ୍ରୁ ଜେ଼ଜାତୁହ୍‌ନେସି; ଏମ୍ବାଆଁ ହା଼କି ଅ଼ଡ଼େ ୱା଼ଏ; ଦୁକୁ, ଡ଼ୀକି, ଇଞ୍ଜାଁ ବୀସା ଅ଼ଡ଼େ ଡ଼ୟେଏ; ଇଚିହିଁ ପ୍ଣାଃଆୟି ବାରେ ମେଣ୍‌ଙ୍ଗା ହାଜାମାନେ ।”
\p
\v 5 ଏଚେଟିଏ ସିଂଗାସାଣିତା କୁଗାମାନାସି ଏଲେଇଚେସି, “ମେହ୍‌ମୁ ନା଼ନୁ ବାରେ ପୁଃନି କିହିମାଇଁ!” ଅ଼ଡ଼େ ଏ଼ୱାସି ଏଲେଇଞ୍ଜାତେସି, “ରା଼ଚାମୁ, ଏ଼ନାଆଁତାକି ଇଚିହିଁ ଈ ବାରେ କାତା ସାତାତାୟି ଅ଼ଡ଼େ ନାମୁଗାଟାୟି ।” 
\v 6 ଏ଼ୱାସି ନାଙ୍ଗେ ଅ଼ଡ଼େ ଏଲେଇଞ୍ଜାତେସି, “ବାରେ ରା଼ତେୟିଏ, ନା଼ନୁ ଆଲ୍‌ପା ଅ଼ଡ଼େ ଅମେଗା, ମା଼ଟ୍‌ନାତେଏଁ ଅ଼ଡ଼େ ରା଼ପ୍‌ନାତେଏଁ, ଆମ୍ବାଆସି ଏ଼ସ୍‌କି ଗାଟାସି ଏ଼ୱାଣାକି ଜୀୱୁହୀନି ଜାର୍‌ଣାଟି ଡାବୁୟାଁ ହୀଆନା ଏ଼ୟୁ ଗସାଲି ହୀଇଁ । 
\v 7 ଆମ୍ବାଆସି ଜୀଣା ଆ଼ନେସି, ଏ଼ୱାସି ଈ ବାରେତି ଅଦିକାରା ଆ଼ନେସି; ନା଼ନୁ ଏ଼ୱାଣି ମାହାପୂରୁ ଆ଼ଇଁ, ଇଞ୍ଜାଁ ଏ଼ୱାସି ନା଼ ମୀର୍‌ଏସି ଆ଼ନେସି । 
\v 8 ସାମା ଆମ୍ବାଆରି ଆଜିନାରି, ନାମୁ ହିଲାଆ ଗାଟାରି, ଅ଼ପାଆଗାଟି କାମାକିନାରି, ଲ଼କୁଣି ପା଼ୟିନାରି, ଦା଼ରି କିନାରି, ଗୂଣି ଗାର୍‌ଡ଼ି କିନାରି, ପେ଼ଣ୍‌କା ବମାୟାଁ ପୂଜା କିନାରି, ଏ଼ୱାରି ଅ଼ଡ଼େ ବାରେ ମିଚି କାତା ୱେହ୍‌ନାରି, ହିଚୁ ଅ଼ଡ଼େ ଗାନ୍ଦାଗୁଣ୍ତା ତଲେ ଡ଼ୀଞ୍ଜିମାନି ଗା଼ଡ଼୍‌ୟୁତା ଟା଼ୟୁ ବେଟାଆ଼ନେରି, ଏ଼ଦି ଡା଼ୟୁତି ହା଼କି ।”
\s ପୁଃନି ଜିରୁସାଲମ
\p
\v 9 ଏଚେଟିଏ ସା଼ତାଗଟା ଦୂତୁୟାଁ ଡା଼ୟୁତି ସା଼ତାଗଟା ଡଣ୍ତୟାଁଇଁ ଆସାମାନି ସା଼ତାଗଟା ଗିନାୟାଁଣା ସା଼ତାଗଟା ଦୂତୁୟାଁ ବିତ୍ରାଟି ର଼ ଦୂତୁ ନା଼ ତା଼ଣା ୱା଼ହାନା ଏଲେଇଞ୍ଜାତେସି, “ଇମ୍ବାଆଁ ୱା଼ମୁ, ବୀହା ଆ଼ହିମାନି ଡ଼ାଆମା଼ଙ୍ଗା ଇଚିହିଁ ମେ଼ଣ୍ତା ଡା଼ଲୁତି ଡକ୍ରିନି ନିଙ୍ଗ ତ଼ସ୍ତାଇଁ ।” 
\v 10 ଏଚେଟିଏ ଏ଼ ଦୂତୁ ନାଙ୍ଗେ ସୁଦୁଜୀୱୁ ବା଼ଡ଼୍‌ୟୁଟି ର଼ କାଜାୟି ଅ଼ଡ଼େ ପାଡାଆ଼ତି ହ଼ରୁତା ଅ଼ହାନା ଏ଼ ସୁଦୁ ଗା଼ଡ଼ା ଜିରୁସାଲମତି ତ଼ସ୍ତାତେସି, ଏ଼ଦି ଲାକପୂରୁଟି ଇଚିହିଁ ମାହାପୂରୁ ତା଼ଣାଟି ରେ଼ଚା ୱା଼ହିମାଚେ, 
\v 11 ଅ଼ଡ଼େ ଏ଼ଦି ମାହାପୂରୁତି ଗାୱୁରମି ତଲେ ମ୍ଣିସିମାଚେ, ଏ଼ଦାନି ଉଜେଡ଼ି ହା଼ରେକା ଦାରାଗାଟି ମଣି ଅ଼ଡ଼େ ୱେ଼ଡ଼ାତି ଅପ୍‌ନି ଦାର୍ପେଣିଲେହେଁ । 
\v 12 ଏ଼ଦାନି ସା଼ରିସୁଟୁ ର଼ କାଜାୟି ଅ଼ଡ଼େ ପାଡାଆ଼ତି କ଼ଟା ମାନେ, ଏମ୍ବାଆଁ ବା଼ରଗଟା ଦୁୱେରିକା, ଏ଼ ଦୁୱେରିକାଣା ବା଼ରଜା଼ଣା ଦୂତୁୟାଁ ଇଞ୍ଜାଁ ଦୁୱେରିକା ଲାକ ଇସ୍ରାୟେଲ ମୀର୍‌କାତି ବା଼ର କୂଡ଼ାତି ଦ଼ର୍‌କା ରା଼ସ୍‌କି ଆ଼ହାମାନେ । 
\v 13 ୱେ଼ଡ଼ା ହ଼ପୁୱାକି ତୀନିଗଟା ଦୁୱେରିକା, ଟିଃନିୱାକି ତୀନିଗଟା ଦୁୱେରିକା, ଟେ଼ବ୍ରିୱାକି ତୀନିଗଟା ଦୁୱେରିକା, ଅ଼ଡ଼େ ୱେ଼ଡ଼ା କୂଡ଼୍‌ନି ୱାକି ତୀନିଗଟା ଦୁୱେରିକା । 
\v 14 ଏ଼ ଗା଼ଡ଼ାତି କ଼ଟା ବା଼ରଗଟା ପୁନାଦିକା ଇଟ୍‌କି ଆ଼ହାମାନୁ, ଏ଼ ୱାଲ୍‌କା ଲାକ ମେ଼ଣ୍ତା ଡା଼ଲୁ ତା଼ଣାଟି ବା଼ରଜା଼ଣା ପାଣ୍ତ୍‌ୱି ଆ଼ହାମାନାରି ବା଼ରଗଟା ଦ଼ର୍‌କା ରା଼ସ୍‌କି ଆ଼ହାମାନୁ 
\v 15 ନା଼ ତଲେ କାତା ଆ଼ହିମାଚି ଦୂତୁତି କେୟୁତା ଗା଼ଡ଼ାତି, ଇଞ୍ଜାଁ ଏମ୍ବାତି ଦୁୱେରିକା ଅ଼ଡ଼େ ସା଼ରିସୁଟୁତି କ଼ଟା ଲା଼ଚାଲି ର଼ ବାଂଗାରା ବାଡ଼୍‌ଗା ମାଚେ । 
\v 16 ଏ଼ ଗା଼ଡ଼ାତି ସା଼ରି କନ, ତାନି ଲାମ୍ବା ଅ଼ଡ଼େ ଅ଼ସାରା ରଣ୍ତିଏ ସମାନା; ଏ଼ୱାସି ଏ଼ ଗା଼ଡ଼ାତି ଏ଼ ବାଡ଼୍‌ଗା ତଲେ ଲା଼ଚାଲିଏ ବା଼ର ମା଼ଣା ବାଡ଼୍‌ଗା ଆ଼ତେ; ଏମ୍ବାତି ଲାମ୍ବା ଅ଼ସାରା ଅ଼ଡ଼େ ପାଡ୍‌ଣି ଜିକେଏ ସମାନା ଆ଼ତେ । 
\v 17 ଅ଼ଡ଼େ ଡା଼ୟୁ ଏ଼ଦି ଗା଼ଡ଼ାତି ସା଼ରିସୁଟୁ କ଼ଟା ଲା଼ଚାଲିଏ ଏ଼ଦି ମାଣ୍‌ସିତି ଲେକାତଲେ ସା଼ତାକ଼ଡ଼ି ସା଼ରି ହା଼ତା ଆ଼ତେ, ଦୂତୁ ଏ଼ ଲେକାତଲେ ଲା଼ଚି ମାଚେସି । 
\v 18 ଏ଼ ସା଼ରିସୁଟୁତି କ଼ଟା ୱେ଼ଡ଼ାତି ଅପ୍‌ନି ଦାର୍ପେଣି ଲେହେଁତି ମଣି ତଲେ କେ଼ପି ଆ଼ହାମାନେ, ଅ଼ଡ଼େ ଗା଼ଡ଼ା ଅପ୍‌ନି ଦାର୍ପେଣି ଲେହେଁତି ସୁଦୁ ବାଂଗାରା ତଲେ କେ଼ପି ଆ଼ହାମାନେ । 
\v 19 ଗା଼ଡ଼ାତି ସା଼ରିସୁଟୁ କ଼ଟାତି ପୁନାଦି ଏଟ୍‌କା ଏଟ୍‌କାତି ହା଼ରେ ଦାରାଗାଟି ମଣି ୱାଲ୍‌କାତଲେ ଅ଼ଜିକିୱି ଆ଼ହାମାନେ, ତଲିତି ପୁନାଦି ଜାସପର୍‌, ରୀ ଲମ୍ବର ପୁନାଦି ନିଲକାନ୍ତମଣି, ତୀନି ଲମ୍ବର ପୁନାଦି ବଦୁଜ୍ୟମଣି, ସା଼ରି ଲମ୍ବର ପୁନାଦି ମରକତମଣି, 
\v 20 ପା଼ସା ଲମ୍ବର ପୁନାଦି ପଲକମଣି, ସ଼ ଲମ୍ବର ପୁନାଦି ମାଣିକ୍ୟ ମଣି, ସାତା ଲମ୍ବର ପୁନାଦି ପୁସ୍‌ପରା଼ଗମଣି, ଆ଼ଟା ଲମ୍ବର ପୁନାଦି ପିରଜମଣି, ନ଼ ଲମ୍ବର ପୁନାଦି ଗମେସଦକ ମଣି, ଦସ ଲମ୍ବର ପୁନାଦି ଇସୁନିୟମଣି, ଏଗାର ଲମ୍ବର ପୁନାଦି ଦାର୍‌ଣକି ୱା଼ଣାଗାଟି ମଣି, ବା଼ର ଲମ୍ବର ପୁନାଦି ନେହିଁ ଗାନ୍ଦାଗାଟି ମଣି ମାଚେ । 
\v 21 ବା଼ର ଗଟା ଦୁୱେରିକାଣାଁ ବା଼ରଗଟା ମୁକ୍ତାୟାଁ, ର଼ ଦୁୱେରିତି ର଼ ମୁକ୍ତା ତଲେ କେ଼ପି ଆ଼ହାମାନୁ; ଅ଼ଡ଼େ ଗା଼ଡ଼ାତି ଆଂଗେଣିକା ନେହିଁ ଦାର୍ପେଣି ଲେହେଁତି ସୁଦୁ ବାଂଗାରା ତଲେ ଆ଼ହାମାନୁ ।
\p
\v 22 ନା଼ନୁ ଏ଼ ଗା଼ଡ଼ାତା ଏ଼ନି ଦେ଼ୱୁଡ଼ି ଜିକେଏ ମେହ୍‌ଆତେଏଁ, ଇଚିହିଁ ପ୍ରବୁ ବାରେ ବା଼ଡ଼୍‌ୟୁ ଗାଟି ମାହାପୂରୁ ଅ଼ଡ଼େ ମେ଼ଣ୍ତା ଡା଼ଲୁଏ ଏମ୍ବାତି ଦେ଼ୱୁଡ଼ି ସମାନା । 
\v 23 ଉଜେଡ଼ି ତାକି ଏମ୍ବାଆଁ ୱେ଼ଡ଼ା କି ଲେ଼ଞ୍ଜୁତି ଲ଼ଡ଼ା ଆ଼ଏ, ଇଚିହିଁ ମାହାପୂରୁତି ଗାୱୁରମିଏ ଏମ୍ବାଆଁ ଉଜେଡ଼ି କିନେ, ଅ଼ଡ଼େ ମେ଼ଣ୍ତା ଡା଼ଲୁ ଏମ୍ବାତି ଦୀୱଁ ସମାନା । 
\v 24 ଏମ୍ବାତି ଉଜେଡ଼ି ତଲେ ବାରେ ଦାର୍‌ତିତି ଲ଼କୁ ତା଼କିନେରି, ଅ଼ଡ଼େ ଦାର୍‌ତିତି ରାଜାୟାଁ ତାମି ହା଼ରେକା ଦ଼ନ ଏ଼ ଗା଼ଡ଼ା ବିତ୍ରା ତାନେରି । 
\v 25 ଏମ୍ବାତି ଦୁୱେରିକା ମାଦେନା ବେ଼ଲା ଦେପି ଆ଼ହାଁ ଡ଼ୟିନୁ; ଏ଼ୱି ଏଚେଲା ଜିକେଏ ସୁଣ୍ତ୍‌କି ଆ଼ଉ, ଇଚିହିଁ ଏ଼ ଟା଼ୟୁତା ଲା଼ଆଁୟାଁ ଇନାୟି ହିଲେଏ । 
\v 26 ବାରେ କୂଡ଼ାତି ଲ଼କୁ ତାମି ଗାୱୁରମି ଅ଼ଡ଼େ ହା଼ରେକା ଦ଼ନ ଏ଼ ଗା଼ଡ଼ାତା ତାନେରି । 
\v 27 ଏ଼ନି ପ଼ଲ୍‌ଆ ଗାଟାରି କି ଅ଼ପାଆଗାଟି କାମାକିନାରି, ମିଚି ଜ଼ଲିନାରି ଆମ୍ବାଆରି ଏମ୍ବାଆଁ ହ଼ଡାଲି ଆ଼ଡଅରି; ସାମା ଆମ୍ବାଆରି ଦ଼ରୁ ମେ଼ଣ୍ତା ଡା଼ଲୁତି ଜୀୱୁତି ପତିତା ରା଼ସ୍‌କି ଆ଼ହାମାନେ, ଏ଼ୱାରି ହ଼ଡାଲି ଆ଼ଡିନେରି ।
\c 22
\p
\v 1 ଡା଼ୟୁ ଦୂତୁ ନାଙ୍ଗେ ଜୀୱୁହୀନି ଏ଼ୟୁତି ର଼ କାଡା ତ଼ସ୍ତାତେସି, ଏ଼ଦି ଅପ୍‌ନି ଦାର୍ପେଣିଲେହେଁ ଉଜେଡ଼ି, ଅ଼ଡ଼େ ମାହାପୂରୁ ଇଞ୍ଜାଁ ମେ଼ଣ୍ତା ଡା଼ଲୁତି ସିଂଗାସାଣିଟି ହ଼ଚାନା ଗା଼ଡ଼ାତି ଜିରୁ ମାଦିଟି ହାଜିମାନେ । 
\v 2 ଏ଼ କାଡାତି ରିକୱାକି ବା଼ର ଦେବା ପା଼ଡ଼େୟି ଆ଼ୟିନି ଜୀୱୁତି ମା଼ର୍‌ନୁ ମାନେ, ଏମ୍ବାଆଁ ଲେ଼ଞ୍ଜୁ ତାକି ଲେ଼ଞ୍ଜୁ ପା଼ଡ଼େୟି ଆ଼ୟିନେ, ଇଞ୍ଜାଁ ଏ଼ ମା଼ର୍‌ନୁତି ଆ଼କା ବାରେ କୂଡ଼ାତାରାଇଁ ର଼ଗଟି ନେହିଁ କିନାଇ ।
\p
\v 3 ଏମ୍ବାଆଁ ଏ଼ନି ବା଼କା ଡ଼ୟେଏ, ମାହାପୂରୁ ଅ଼ଡ଼େ ମେ଼ଣ୍ତା ଡା଼ଲୁତି ସିଂଗାସାଣି ଗା଼ଡ଼ା ମାଦିଏ ଡ଼ୟିନେ, ଇଞ୍ଜାଁ ଏ଼ୱାଣି ହ଼ଲିୟାଙ୍ଗା ଏ଼ୱାଣି ସେ଼ବା କିନେରି । 
\v 4 ଏ଼ୱାରି ତାନି ମୂମ୍ବୁ ମେହ୍‌ନେରି, ଇଞ୍ଜାଁ ତାନି ଦ଼ରୁ ଏ଼ୱାରି ମୁଞ୍ଜୁତା ରା଼ଚିନେସି । 
\v 5 ଏମ୍ବାଆଁ ଲା଼ଆଁୟାଁ ଆ଼ଏ, ଏ଼ୱାରାକି ଦୀୱଁ କି ୱେ଼ଡ଼ାତି ଉଜେଡ଼ି ଲ଼ଡ଼ା ଆ଼ଏ, ଇଚିହିଁ ପ୍ରବୁ ମାହାପୂରୁ ଏ଼ୱାରି ମୁହେଁ ଉଜେଡ଼ି ଲେହେଁ ଆ଼ନେସି, ଇଞ୍ଜାଁ ଏ଼ୱାରି କା଼ଲାକା଼ଲା ତାକି ରା଼ଜି କିନେରି ।
\s ଜୀସୁ ୱେଣ୍ତା ୱା଼ନାୟି
\p
\v 6 ଏଚେଟିଏ ଦୂତୁ ନାଙ୍ଗେ ଏଲେଇଚେସି, “ଈ ବ଼ଲୁ ସାତା ଇଞ୍ଜାଁ ନାମୁଗାଟାୟି; ଏ଼ନାୟି ଗା଼ଡ଼େକେଏ ଗଟୱି ଆ଼ନେ, ଏ଼ ବାରେ ତାନି ସେ଼ବା କିନାରାଇଁ ତ଼ସାଲି ତାକି, ପ୍ରବୁ, ମାହାପୂରୁ ଅଣ୍‌ପୁତି ବ଼ଲୁ ୱେହନାରି ଜୀୱୁୟାଁତି ମାହାପୂରୁ, ତାନି ଦୂତୁଇଁ ପାଣ୍ତାମାଞ୍ଜାନେସି ।”
\p
\v 7 “ମେହ୍‌ମୁ ନା଼ନୁ ତବେ ୱା଼ହିମାଇଁ; ଆମ୍ବାଆସି ଈ ପତିତି ବ଼ଲୁତି ମା଼ନୱି ଆ଼ନେସି ଏ଼ୱାସି ନେହେଁ ।”
\p
\v 8 ନା଼ନୁ ଜହନତେଏଁ, ଈ ବାରେ ୱେଚି ଅ଼ଡ଼େ ମେସ୍ତି ଡା଼ୟୁ ଆମିନି ଦୂତୁ ନାଙ୍ଗେ ଏ଼ ବାରେ ତ଼ସ୍ତାତେସି, ନା଼ନୁ ଏ଼ଦାନି ଜହରା କିହାଲି ତାନି ପାଃଆନା କଡାଣା ରିତେଏଁ । 
\v 9 ସାମା ଏ଼ୱାସି ନାଙ୍ଗେ ଏଲେଇଞ୍ଜାତେସି, “ଜାଗ୍ରାତା ଏଲେକିଆନି, ନା଼ନୁ ଜିକେଏ ନୀ ତଲେ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନି ନୀ ତାୟିୟାଁ ତଲେ, ଅ଼ଡ଼େ ଈ ପତିତା ରା଼ସ୍‌କି ଆ଼ହାମାନି ବ଼ଲୁତି ବାରେ ମା଼ନୱି ଆ଼ନାରି ତଲେ ର଼ ହ଼ଲେଏଣା ଲେହେଁ; ମାହାପୂରୁଇଁ ଜହରା କିମୁ ।” 
\v 10 ଅ଼ଡ଼େ ଏ଼ଦି ନାଙ୍ଗେ ଏଲେଇଞ୍ଜାତେସି, “ନୀନୁ ଈ ପତିତି ଡା଼ୟୁ ଗଟୱି ଆ଼ନି ବ଼ଲୁତି ସୀଲି କିଆନି, ଏ଼ନାଆଁତାକି ଇଚିହିଁ କା଼ଲମି ଏଦାତେୟିଏ । 
\v 11 ଆମ୍ବାଆସି ଦାର୍ମୁ ହିଲାଆଗାଟାସି, ଏ଼ୱାସି ଅ଼ଡ଼େ ଦାର୍ମୁ ହିଲାଆ କାମା କିପାସି, ଆମ୍ବାଆସି ଲାଗେଏ କାମା କିନେସି, ଏ଼ୱାସି ଅ଼ଡ଼େ ଲାଗେଏ କାମା କିପାସି, ଆମ୍ବାଆସି ଦାର୍ମୁଗାଟାସି, ଏ଼ୱାସି ଅ଼ଡ଼େ ଦାର୍ମୁଗାଟାସି ଆ଼ପେସି, ଆମ୍ବାଆସି ସୁଦୁଗାଟାସି, ଏ଼ୱାସି ଅ଼ଡ଼େ ସୁଦୁ ଆ଼ପେସି ।”
\p
\v 12 “ମେହ୍‌ମୁ, ନା଼ନୁ ତବେ ୱା଼ହିମାଇଁ, ବାରେଜା଼ଣା ତାକି ତାମି କାମାତି ଲେକାତଲେ ପା଼ଡ଼େୟି ହୀହାଲି ନା଼ ଦା଼ନା ନା଼ ତା଼ଣା ମାନେ । 
\v 13 \x + \xo ୨୨:୧୩ \xo*\xt ୱେ଼ ବ଼ଲୁ ୧:୮; \xt*\xt ୱେ଼ ବ଼ଲୁ ୧:୧୭; ୨:୮\xt*\x*ନା଼ନୁ ଆଲ୍‌ପା ଅ଼ଡ଼େ ଅମେଗାତେଏଁ, ନ଼କିତାତେଏଁ ଇଞ୍ଜାଁ ଡା଼ୟୁତାତେଏଁ, ମୂଲୁତାତେଏଁ ଅ଼ଡ଼େ ରା଼ପ୍‌ନାତେଏଁ ।”
\p
\v 14 ଜୀୱୁତି ମା଼ର୍‌ନୁତି ଅଦିକାରା ଆୟାଲି ଅ଼ଡ଼େ ଦୁୱେରିଟି ଗା଼ଡ଼ାତା ହ଼ଡାଲି ତାକି ଆମ୍ବାଆରି ତାମି ହିମ୍ବରିକା ରା଼ଚାମାନେରି ଏ଼ୱାରି ନେହେଁ । 
\v 15 ସାମା ରେ଼ଜିମାନି ନେସ୍‌କା ଲେହେଁତାରି, ଗୂଣି ଗାର୍‌ଡ଼ି କିନାରି, ଦା଼ରିକାମା କିନାରି, ଲ଼କୁଣି ପା଼ୟିନାରି, ପେ଼ଣ୍‌କା ବମାୟାଁଣି ପୂଜା କିନାରି, ମିଚିକାତାତି ଜୀୱୁ ନ଼ନାରି, ମିଚି କାମାତି କିହାଲି ରା଼ହାଁ ଆ଼ନାରି ବାରେ ପାଙ୍ଗାତା ଡ଼ୟିନେରି ।
\p
\v 16 “ନା଼ନୁ ଜୀସୁତେଏଁ, ମାହାପୂରୁ କୁଲମିକା ତାକି ମିଙ୍ଗେ ଈ କାତା ୱେସାଲି ନା଼ ଦୂତୁଇଁ ପାଣ୍ତାମାଞ୍ଜାଇଁ, ନା଼ନୁଏ ଦାୱୁଦତି ମୂଲୁ ଅ଼ଡ଼େ କୂଡ଼ାତାତେଏଁ; ଏ଼ ଉଜେଡ଼ିତି ୱେ଼ୟାଜାରା ହୁକାତେଏଁ ।”
\p
\v 17 ସୁଦୁଜୀୱୁ ଅ଼ଡ଼େ ବୀହା ଆ଼ନି ଡ଼ାଆ ମା଼ଙ୍ଗା ଏଲେଇନୁ, “ୱା଼ମୁ!”
\q1 ଆମ୍ବାଆସି ୱେନେସି ଏ଼ୱାସି ଏଲେଇଣ୍‌ମ୍ବାସି, “ୱା଼ମୁ!”
\q1 ଏ଼ସ୍‌କି ଗାଟାସି, ୱା଼ପାସି, ଆମ୍ବାଆସି ମ଼ନ କିନେସି; ଏ଼ୱାସି ଜୀୱୁହୀନି ଏ଼ୟୁ ଉଜେଏ ଗସ୍‌ପେସି ।
\s ରା଼ନି କାତା
\p
\v 18 ଆମ୍ବାଆରି ଈ ପତିତା ମାନି ଡା଼ୟୁ ଗଟୱି ଆ଼ନି କାତାତି ୱେନେରି, ନା଼ନୁ ଏ଼ୱାରାଇଁ ଜାଗ୍ରାତା କିହିଁ ୱେସିମାଇଁ, ଆମ୍ବାଆସି ଈ ପତିତା ଏ଼ନାଆଁ ଆଟ୍‌ନେସି, ଆତିହିଁ ମାହାପୂରୁ ଈ ପତିତା ରା଼ସ୍‌କି ଆ଼ହାମାନି ଡଣ୍ତୟାଁ ଏ଼ୱାଣାକି ହୀନେସି; 
\v 19 ଅ଼ଡ଼େ ଆମ୍ବାଆସି ଈ ପତିତି ବ଼ଲୁତି ମ୍ଣେକ୍‌ନେସି, ଆତିହିଁ ମାହାପୂରୁ ଈ ପତିତା ରା଼ସ୍‌କି ଆ଼ହାମାନି ଜୀୱୁତି ମା଼ର୍‌ନୁ, ଅ଼ଡ଼େ ସୁଦୁ ଗା଼ଡ଼ାତି ତାନି ବା଼ଗା ମ୍ଣେକ୍‌ନେସି ।
\p
\v 20 ଆମ୍ବାଆସି ଈ ବାରେତାକି ସା଼କି ହୀହିମାନେସି, ଏ଼ୱାସି ଏଲେଇଞ୍ଜି ମାନେସି, ସାତା, “ନା଼ନୁ ତବେ ୱା଼ହିମାଇଁ!” ଆ଼ମେନ୍‌ । ପ୍ରବୁ ଜୀସୁ ୱା଼ମୁ ।
\p
\v 21 ପ୍ରବୁ ଜୀସୁତି କାର୍ମାମେହ୍‌ନାୟି ବାରେତାୟି ମାଙ୍ଗେ ଆୟାପେ । ଆ଼ମେନ୍‌ ।