\id EPH - Kuvi
\ide UTF-8
\h ଏପିସି
\toc3 ଏପିସି
\toc2 ଏପିସି
\toc1 ଏପିସିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ
\mt2 ଏଫିସୀୟ ମଣ୍ତଳୀ ନିକଟକୁ ପାଉଲଙ୍କ ପତ୍ର
\mt1 ଏପିସିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ
\imt ମୂଲୁ ହା଼ଡା
\ip ଏପିସିୟ କୁଲମିତି ଆ଼କୁ ପା଼ୱୁଲ ରା଼ଚାମାନେସି, ଜୀସୁ କ୍ରୀସ୍ତ ଜାର୍ନାଆ଼ତି ୬୦ ବାର୍ସା ଡା଼ୟୁ କଲସିୟ କୁଲମିତାକି ରା଼ଚିତି ବେ଼ଲା ରା଼ସ୍‌କି ଆ଼ହାମାଚେ । ରା଼ଚିନାସି ତା଼ନୁଏ ପାଣ୍ତ୍‌ୱିଆ଼ହାମାନି ପା଼ୱୁଲ ଇଞ୍ଜିମାନେସି \xt ୧:୧\xt* । କଲସିୟ ଆ଼କୁତା ତାନି ଜହରା ହିଲାଆତି ଜିକେଏ ବୁଦିଗାଟାରି ଏପିସିୟ ଆ଼କୁ ପା଼ୱୁଲ ରା଼ଚାମାନେସି ଇଞ୍ଜିଁ ଇନେରି । ଅ଼ଡ଼େ ବାରେ କୁଲମିକା ତାକି ଆ଼କୁ ହା଼ସାଲି ରା଼ସ୍‌କି ଆ଼ହାଡ଼ୟିନେ । ପା଼ୱୁଲ ଈଦାଆଁ ଜିକେଏ ୱେସାମାନେସି ଈ ଆ଼କୁ ରା଼ଚିନି ବେ଼ଲାତା ଏ଼ୱାସି କାୟିଦିତା ମାଚେସି \xt ୩:୧–୪:୧\xt* ଅ଼ଡ଼େ \xt ୬:୨୦\xt* । ପା଼ୱୁଲ ତୁକିକଇଁ ଏପିସିୟ କୁଲମିତା ପାଣ୍ତାନା ଏ଼ୱାଣି କେୟୁତା ଈ ଆ଼କୁ ହୀହାମାଚେସି \xt ୬:୨୧-୨୨ । \xt*
\ip ଏପିସିୟ ଏସିୟା ରା଼ଜିତି ର଼ କାଜା ଗା଼ଡ଼ା ମାଚେ । ଏପିସିୟ ଗା଼ଡ଼ାତି ଗ୍ରିକ୍‌ ପେ଼ନୁ ଆର୍ତେମି ଅ଼ଡ଼େ ଏ଼ଦାନି ଦେ଼ୱୁଡ଼ି ୱେ଼ଙ୍ଗିତାୟି ମାଚେ, \xt କାମା ୯:୨୩-୩୧ \xt* । ଏପିସିୟ କୁଲମି ନ଼କେଏ ବା଼ଡ଼୍‌ୟୁ ଗାଟାୟି ମାଚେ ଡା଼ୟୁ ରିହାଲି ମା଼ଟ୍‌ହେ \xt ୱେ଼ ବ଼ଲୁ ୨:୧-୭\xt* ।
\ip ପା଼ୱୁଲ ତାନି ଆଦା ଆ଼କୁତା ମାହାପୂରୁ ଏ଼ନିକିଁ ତାନି ଲ଼କୁଣି ଆ଼ଚିତେସି, ଅ଼ଡ଼େ ଏ଼ନିକିଁ ଜୀସୁ ତା଼ଣାଟି ପା଼ପୁଟି ଗେଲ୍‌ପିତେସି ଏ଼ଦାଆଁ ୱେସିମାନେସି । ପା଼ୱୁଲ କୁଲମିତି ଆଙ୍ଗା ତଲେ ତୂକ୍‌ହାନା କ୍ରୀସ୍ତ ଏ଼ଦାନି ତା଼ର୍ୟୁଁ ଅ଼ଡ଼େ କନତି ମୂଲୁ ୱାଲି, କୁଲମି ର଼ ଡକ୍ରି ଲେହେଁ କ୍ରୀସ୍ତଏ ଡକ୍ରା । ଆ଼କୁତି ଡା଼ୟୁ ବା଼ଗାତା ପା଼ୱୁଲ ପ଼ଡ଼ୱି ଆ଼ନାରାଇଁ କ୍ରୀସ୍ତ ତା଼ଣା ରଣ୍ତିଏ ଆ଼ହାଁ ଆଣ୍ତାମାନି ଲ଼କୁ ଲେହେଁ ନୀଡାଲି ବାତିମା଼ଲି ମାନେସି ।
\iot ପତିତା ମାନାୟି
\io1 ୧ ପା଼ୱୁଲ ଜହରା କିହାନା ପୁଣ୍‌ମ୍ବି କିହା କଡିନାୟି । \ior ୧:୧-୨\ior*
\io1 ୨ କ୍ରୀସ୍ତ ତଲେ କୁଲମିତି ତୂକ୍‌ନାୟି । \ior ୧:୩–୩:୨୧\ior*
\io1 ୩ କ୍ରୀସ୍ତ ତା଼ଣା ଏ଼ନିକିଁ ନୀଡିନାୟି । \ior ୪:୧–୬:୨୦\ior*
\io1 ୪ ଜହରା କିହାନା ଆ଼କୁତି ରା଼ପ୍‌ନାୟି । \ior ୬:୨୧-୨୪ \ior*
\c 1
\p
\v 1 \x + \xo ୧:୧ \xo*\xt କାମା ୧୮:୧୯-୨୧; ୧୯:୧\xt*\x*ପା଼ୱୁଲ, ମାହାପୂରୁତି ଅଣ୍‌ପୁ ତଲେ କ୍ରୀସ୍ତ ଜୀସୁତି ପାଣ୍ତ୍‌ୱି ଆ଼ହାମାନାତେଏଁ, ଏପିସିୟତା ମାନି ମାହାପୂରୁ ଲ଼କୁ ଇଞ୍ଜାଁ କ୍ରୀସ୍ତ ଜୀସୁ ତା଼ଣା ନାମୁତା ମାନି ଲ଼କୁତାକି ଈ ଆ଼କୁ ରା଼ଚିମାଇଁ ।
\p
\v 2 ମା଼ ଆ଼ବା ମାହାପୂରୁ ଇଞ୍ଜାଁ ପ୍ରବୁ ଜୀସୁ କ୍ରୀସ୍ତ ତା଼ଣାଟି କାର୍ମାମେହ୍‌ନାୟି ଅ଼ଡ଼େ ହିତ୍‌ଡ଼ି ଜୀୱୁ ମିଙ୍ଗେତାକି ଆୟାପେ ।
\s ସୁଦୁଜୀୱୁତି ବ଼ର ପା଼ଣ୍‌ନାୟି
\p
\v 3 ମା଼ ପ୍ରବୁ ଜୀସୁ କ୍ରୀସ୍ତତି ମାହାପୂରୁ ଅ଼ଡ଼େ ଆ଼ବାଇଁ ଜହରା ଆ଼ପେ । ଏ଼ୱାସି କ୍ରୀସ୍ତ ତା଼ଣା ମାଙ୍ଗେ ବାରେ ଜୀୱୁତି ବ଼ର ତଲେ ଲାକପୂରୁ ବ଼ର ହୀହାମାଞ୍ଜାନେସି । 
\v 4 ମା଼ର ଏ଼ନିକିଁ ମାହାପୂରୁ ନ଼କିତା ସୁଦୁ ଅ଼ଡ଼େ ଦ଼ହ ହିଲାଆଗାଟାତାୟି ଆ଼ନାୟି ଏ଼ଦାଆଁତାକି ଏ଼ୱାସି ଦାର୍‌ତି ଗା଼ଡ଼ି ଆ଼ଆ ନ଼କେଏ ତାନି ତା଼ଣା ମାଙ୍ଗେ ଆ଼ଚାମାଞ୍ଜାତେସି । 
\v 5 ଅ଼ଡ଼େ ଏ଼ୱାସି ମାଙ୍ଗେ କ୍ରୀସ୍ତ ଜୀସୁ ତା଼ଣାଟି ତାଙ୍ଗେତାକି ମୀର୍‌କା ମା଼ସ୍‌କା କିୟାଲି ତା଼ନୁଏ ତଲିଏ ତୀରି କିତେସି; ଈଦି ଏ଼ୱାଣି ରା଼ହାଁ ଅ଼ଡ଼େ ଅଣ୍‌ପୁ । 
\v 6 ମାହାପୂରୁତି କାର୍ମାମେହ୍‌ନାଣି ତାକି ଇଞ୍ଜାଁ ତାନି ମୀର୍‌ଏଣାଇଁ ଉଜେଏ ବେଟାଆ଼ନି ଦା଼ନା ଲେହେଁ ବେଟାଆ଼ହାମାନାକି, ମା଼ର ମାହାପୂରୁଇଁ ଜହରା କିହିମାନାୟି । 
\v 7 \x + \xo ୧:୭ \xo*\xt କଲସି ୧:୧୪\xt*\x*କ୍ରୀସ୍ତ ହା଼ତି ତା଼ଣାଟି ମା଼ର ଗେଲ୍‌ପି ଆ଼ହାମାନାୟି, ଇଚିହିଁ ମା଼ ବାରେ ପା଼ପୁ ମେଣ୍‌ଙ୍ଗାମାନେ, ମାହାପୂରୁତି କାର୍ମା ଏଚେକା କାଜାୟି ।
\p
\v 8 ଏ଼ୱାସି ଏ଼ କାର୍ମାମେହ୍‌ନାଣି ବାରେ ବୁଦି ଅ଼ଡ଼େ ଅଣ୍‌ପୁ ମାଙ୍ଗେ ହା଼ରେକା ହୀହାମାଞ୍ଜାନେସି । 
\v 9 ନ଼କେଏ ଅଣ୍‌ପାମାନି ତାନି କାର୍ମାତଲେ ଏ଼ୱାସି ମାଙ୍ଗେ ତାନି ଅଣ୍‌ପୁ ତଲେ ଡ଼ୁଗାମାନି ଅଣ୍‌ପୁତି ତ଼ସାମାଞ୍ଜାନେସି । 
\v 10 ଏ଼ନିକିଁ କା଼ଲାତି ତାନି ଅଣ୍‌ପୁ ତଲେ ଲାକପୂରୁ କି ଦାର୍‌ତିତା ମାନାଣି ବାରେ ଏ଼ୱାସି ତାଙ୍ଗେତାକି କ୍ରୀସ୍ତ ତା଼ଣା ରଣ୍ତେଏ କିନେସି ।
\p
\v 11 ମା଼ର ଜିକେଏ ଏ଼ୱାଣି ତା଼ଣା ଅଦିକାରା ଲେହେଁ ଆ଼ହାମାନାୟି, ଇଚିହିଁ ଏମିନି ମାହାପୂରୁ ତାନି ମ଼ନତି ଅଣ୍‌ପୁ ତଲେ ବାରେ କାତା ତୀରି କିନେସି, ଇଞ୍ଜାଁ ଏ଼ୱାସି ତଲିଟିଏ ମ଼ନତା ତୀରି କିହାମାଚିଲେହେଁ ମା଼ର ନ଼କେଏ ଆ଼ଚ୍‌ୱି ଆ଼ତାୟି 
\v 12 ମା଼ର ଏ଼ନିକିଁ କ୍ରୀସ୍ତ ତା଼ଣା ନ଼କେଏ ବା଼ର୍ସୁ କିହା ମାଚାୟି, ମା଼ର ବାରେତାୟି ମାହାପୂରୁ ଗାୱୁରମିତି ଜହରା କିନାତାୟି ଆ଼ନ ।
\p
\v 13 ଏ଼ୱାଣି ତା଼ଣାଟି ମୀରୁ ଜିକେଏ ସାତା ବ଼ଲୁ ଇଚିହିଁ ମିଙ୍ଗେ ଗେଲ୍‌ପାନି ନେହିଁ କାବ୍ରୁ ୱେଞ୍ଜାନା ନାମାହାଁ ଆ଼ଞ୍ଜାମାନି ସୁଦୁଜୀୱୁ ତଲେ ବୁଟୁ ମୁଦ୍ରା ଆ଼ହାମାଞ୍ଜେରି; 
\v 14 ମାହାପୂରୁ ତାନି ଲ଼କୁତାକି ଏ଼ନାଆଁ ହୀହାଲି ଆ଼ଞ୍ଜାମାନେସି ଏ଼ ବାରେ ମା଼ର ବେଟାଆ଼ନାୟି ସୁଦୁଜୀୱୁ ତାନି ବା଼ୟିଦା ଲେହେଁ । ମାହାପୂରୁ ତାନି ଲ଼କୁତାକି ଗେଲ୍‌ପି ଆ଼ନାଣି ହୀନେସି ଈ ବାରେତାକି ମାହାପୂରୁତି ଗାୱୁରମି କିନ ।
\s ପା଼ୱୁଲତି ପ୍ରା଼ତାନା
\p
\v 15 ଈଦାଆଁତାକି, ପ୍ରବୁ ଜୀସୁ ତା଼ଣା ମୀ ନାମୁ ଇଞ୍ଜାଁ ବାରେ ମାହାପୂରୁ ଲ଼କୁତାକି ଜୀୱୁନ଼ନାୟି ମାନେ, 
\v 16 ଏ଼ କାତା ୱେଞ୍ଜାନା ମିଙ୍ଗେତାକି ନା଼ ପ୍ରା଼ତାନାତା ମାହାପୂରୁଇଁ ଜହରା କିହିମାଇଁ । 
\v 17 ମା଼ ପ୍ରବୁ ଜୀସୁ କ୍ରୀସ୍ତତି ମାହାପୂରୁ, ଗାୱୁରମିଗାଟି ଆ଼ବା, ଏ଼ୱାସି ମିଙ୍ଗେ ସୁଦୁଜୀୱୁତି ହିୟାନେସି ଏ଼ ଜୀୱୁ ମିଙ୍ଗେ ବୁଦି ହିୟାନେ, ଅ଼ଡ଼େ ମାହାପୂରୁଇଁ ମୀ ତା଼ଣା ତ଼ଞ୍ଜି କିୟାନେ, ଆତିହିଁ ମୀରୁ ଏ଼ୱାଣାଇଁ ପୁଞ୍ଜେରି । 
\v 18 ଏମ୍ବାଟିଏ ମୀ ହିୟାଁତି କାଣ୍‌କା ଦେପି ଆ଼ତିସାରେ, ତା଼ନୁ ହା଼ଟାମାଞ୍ଜାନି ବା଼ର୍ସୁ ଏ଼ନାୟି, ମାହାପୂରୁ ଲ଼କୁତା଼ଣା ତାନି ଅଦିକାରାତି ଗାୱୁରମିଗାଟି ଦ଼ନ ଏ଼ନାୟି, 
\v 19 ତାନି ଲ଼କୁତାକି ତାନି ଆ଼ଞ୍ଜାମାନାୟି ହା଼ରେକା କାଜା ବ଼ର ଅ଼ଡ଼େ ନାମିମାନାତାୟି ମା଼ର, ତାନି ବା଼ଡ଼୍‌ୟୁତି କାମା କିନାତାୟି, ଇଞ୍ଜାଁ ମାଙ୍ଗେତାକି ତାନି ବା଼ଡ଼୍‌ୟୁ ଏଚେକା କାଜାୟି ଈ ବାରେ ପୁଞ୍ଜାଲି ଆ଼ଡିଦେରି; 
\v 20 ଏ଼ ବା଼ଡ଼୍‌ୟୁ କ୍ରୀସ୍ତ ତା଼ଣା ତ଼ସାନା ଏ଼ୱାଣାଇଁ ହା଼ତାରି ତା଼ଣାଟି ନିକ୍‌ହାନା ଲାକପୂରୁ ତାନି ଟିଃନି ଟଟତା କୁଗି କିହାମାନେସି । 
\v 21 କ୍ରୀସ୍ତ ଲାକପୂରୁ ବାରେ ସା଼ଲୱି କିନାସି, କାଜାପା଼ଣା, ବା଼ଡ଼୍‌ୟୁ, ମୁସ୍ତାଦାରିୟାଁ ଲାକ ସା଼ଲୱି କିନାସି, ଈ ଜୁଗୁତା ଅ଼ଡ଼େ ଏ଼ ଜୁଗୁତା ଏଚେକା ଦ଼ର୍‌କା ୱେ଼ଙ୍ଗା ମାନୁ, ଏ଼ ବାରେତି ମୁହେଁ ଏ଼ୱାଣି ପା଼ଣା କାଜାୟି । 
\v 22 \x + \xo ୧:୨୨ \xo*\xt କଲସି ୧:୧୮\xt*\x*ମାହାପୂରୁ ବାରେ କ୍ରୀସ୍ତତି କଡାୟାଁ ଡ଼଼ଇ ଇଟିତେସି, ଇଞ୍ଜାଁ ଏ଼ୱାଣାଇଁ ବାରେତି କିହାଁ କାଜାସି କିହାନା କ୍ରୀସ୍ତାନା କୁଲମିକା ହେର୍‌ପା ମାନେସି । 
\v 23 ଏ଼ କୁଲମିକା କ୍ରୀସ୍ତତି ଆଙ୍ଗା ଲେହେଁ, ଇଚିହିଁ ଆମ୍ବାଆସି ବାରେ କାମାତି ବାରେ ତା଼ଣା ପୂରା କିନେସି ।
\c 2
\s ହା଼କିଟି ଜୀୱୁ ପା଼ଣ୍‌ନାୟି
\p
\v 1 ମୀ ଦ଼ହ ଅ଼ଡ଼େ ପା଼ପୁ ତାକି ତଲି ଜୀୱୁତା ହା଼ହାମାଚେରି, 
\v 2 ଇଚିହିଁ ଏମିନି ଜୀୱୁ ନୀଏଁ ଜିକେଏ କାତା ମା଼ନୱି ଆ଼ଆଗାଟି ମୀର୍‌କା ତା଼ଣା ଅଦିକାରା କିହାମାନେ, ଏ଼ ଦାର୍‌ତିତି ମ଼ନତଲେ ମୀରୁ ଜିକେଏ ତଲି କା଼ଲା ଏ଼ ଜିରୁତା ତା଼କିହିଁ ଦ଼ହ କିହାନା ପା଼ପୁତାକି ହା଼ହାମାଚେରି । 
\v 3 ଏ଼ କାତା ମା଼ନୱି ଆ଼ଆଗାଟି ମୀର୍‌କା ତଲେ ମା଼ର ବାରେ ଏ଼ ବେ଼ଲାତା ମା଼ ଆଙ୍ଗାତି ମାଣ୍‌କି ତଲେ ନୀଡାନା ଆଙ୍ଗା ଅ଼ଡ଼େ ମ଼ନତି କାମା କିହିମାଚାୟି, ଇଞ୍ଜାଁ ଏଟ୍‌କାତାରି ଲେହେଁ ମା଼ର ଜିକେଏ ମାହାପୂରୁ କ଼ପାତି ଲ଼କୁ ମାଚାୟି ।
\p
\v 4 ସାମା ମାହାପୂରୁ ହା଼ରେକା କାର୍ମା ମେହ୍‌ନାସି; ଏ଼ୱାସି ମାଙ୍ଗେ ହା଼ରେକା ଜୀୱୁ ନ଼ୱୁତା ଜୀୱୁ ନ଼ୟାଁତେସି, 
\v 5 ଏଚେ଼ତା ମା଼ର ପା଼ପୁ ତାକି ହା଼ହା ମାଚାୟି, ଇଞ୍ଜାଁ ମାଙ୍ଗେ କ୍ରୀସ୍ତ ଜୀସୁ ତଲେ ନିକ୍‌ହାତେସି, ଅ଼ଡ଼େ ମାହାପୂରୁତି କାର୍ମାଟି ମୀରୁ ଗେଲ୍‌ପି ଆ଼ହାମାଞ୍ଜେରି । 
\v 6 ଇଞ୍ଜାଁ ତାନି ତଲେ ମାଙ୍ଗେ ହା଼କିଟି ନିକ୍‌ହାନା କ୍ରୀସ୍ତ ଜୀସୁ ତା଼ଣା ଲାକପୂରୁ କୁଗି କିହାମାଞ୍ଜାନେସି । 
\v 7 କ୍ରୀସ୍ତ ଜୀସୁ ତା଼ଣା ମାଙ୍ଗେତାକି ଜୀୱୁନ଼ହାଁନା ୱା଼ହିମାନି ଜୁଗୁତା ତାନି କାର୍ମାତି ହା଼ରେକା ଦ଼ନ ତ଼ସାଲି ମାହାପୂରୁ ଈଦାଆଁ କିତେସି । 
\v 8 ଏ଼ନାଆଁତାକି ଇଚିହିଁ ମୀରୁ ନାମିତାକି ମାହାପୂରୁତି କାର୍ମାଟି ଗେଲ୍‌ପି ଆ଼ହାମାଞ୍ଜେରି; ଏ଼ଦି ମୀ ତା଼ଣାଟି ଆ଼ହା ହିଲେଏ, ଏ଼ଦି ମାହାପୂରୁତି ଦା଼ନା, 
\v 9 ଏ଼ଦି ମୀରୁ କାମା କିତାକି ଆ଼ଏ, ଏ଼ଦାଆଁତାକି ଆମ୍ବାଆସି ବଡପଣ କିଆପେସି । 
\v 10 ଇଚିହିଁ ମା଼ର ତାନି ତା଼ଣାଟି ଗା଼ଡ଼ି ଆ଼ହାମାନାୟି; ଆମିନି ନେହିଁ କାମା କିଇଁ ଇଞ୍ଜିଁ ମାହାପୂରୁ ତଲିଏ କିହାଲି ତାକି ତିୟାରା କିହାମାଚେସି ଏ଼ ବାରେ ମା଼ନୱି ଆ଼ହାଲି କ୍ରୀସ୍ତ ଜୀସୁ ତା଼ଣାଟି ଗା଼ଡ଼ି ଆ଼ହାମାନେ ।
\s କ୍ରୀସ୍ତ ତା଼ଣା ରଣ୍ତିଏ ଆ଼ନାୟି
\p
\v 11 ମୀରୁ ଏଚିବେ଼ଲା ତଲି ଆଙ୍ଗା ତଲେ ଜୀହୁଦିଆ଼ଆନା ମାଚେରି ଅ଼ଡ଼େ ଆଙ୍ଗାତି ଅଣ୍‌ପୁତା କେୟୁତଲେ ତ଼ଲୁ ଦା଼ପି ଆ଼ତି ଲ଼କୁ ତା଼ଣାଟି ତ଼ଲୁ ଦା଼ପି ଆ଼ଆତାରି ଇଞ୍ଜିଁ ୱେ଼ଙ୍ଗିମାଚେରି । 
\v 12 ଏଚିବେ଼ଲା ମୀରୁ କ୍ରୀସ୍ତ ତା଼ଣାଟି ହେକ ମାଚେରି, ମୀରୁ ଏଟ୍‌କା ଦେ଼ସାତାତେରି ମାଚେରି, ଅ଼ଡ଼େ ମାହାପୂରୁତି ଆ଼ଚିତି ଇସ୍ରାୟେଲ କୂଡ଼ାତା ଆଣ୍ତାହିଲାଆତେରି, ମାହାପୂରୁ ତାନି ଲ଼କୁତାକି କିହାମାନି ରା଼ଜିମା଼ନାତା ମୀ ଏ଼ନି ବା଼ଗା ହିଲାଆତେ, ମାହାପୂରୁ ଅ଼ଡ଼େ ବା଼ର୍ସୁ ହିଲାଆ ଲ଼କୁ ଲେହେଁ ଦାର୍‌ତିତା ବାସା କିହାମାଚେରି । 
\v 13 ନ଼କେଏ ମୀରୁ ହେକ ମାଚେରି, ସାମା ନୀଏଁ ମୀରୁ କ୍ରୀସ୍ତ ଜୀସୁ ତା଼ଣାଟି ତାନି ନେତେରି ତଲେ ଡାଗେ ଆ଼ହାମାଞ୍ଜେରି । 
\v 14 ଏ଼ନାଆଁତାକି ଇଚିହିଁ ଏ଼ୱାସି ମା଼ ହିତ୍‌ଡ଼ି, ଏ଼ୱାସି ସାତ୍ରୁ ଲେହେଁ ପା଼ଡ଼ି କାତିନି କାତିତି ଡିକ୍‌ହାନା ବାରେତି କାଲ୍‌ହା ମାନେସି, 
\v 15 \x + \xo ୨:୧୫ \xo*\xt କଲସି ୨:୧୪\xt*\x*ଜୀହୁଦି ଲ଼କୁତି ପା଼ଣାପା଼ଟୁ ହୁକୁମିତି ମେ଼ରାତି ତାନି ଆଙ୍ଗାଟି ହେକ କିହାମାନେସି, ଏ଼ନିକିଁ ଏ଼ୱାସି ହିତ୍‌ଡ଼ି ହୀହାନା ଜୀହୁଦି ଅ଼ଡ଼େ ଜୀହୁଦିଆ଼ଆତି କୂଡ଼ାତାରାଇଁ ତାନି ତା଼ଣା ର଼ ପୁଃନି ଲ଼କୁଲେହେଁ ଗା଼ଡ଼ି କିନେସି । 
\v 16 \x + \xo ୨:୧୬ \xo*\xt କଲସି ୧:୨୦\xt*\x*ଅ଼ଡ଼େ କ୍ରୁସତା ହା଼ହାନା ଜୀହୁଦି ଅ଼ଡ଼େ ଜୀହୁଦିଆ଼ଆତାରି ସାତ୍ରୁତି ନା଼ସା କିହାନା ଏ଼ଦାଣି ତଲେ ରିଆରାଇଁ ରଣ୍ତିଏ ଆଙ୍ଗା ଲେହେଁ ଗା଼ଡ଼ିକିହାନା ମାହାପୂରୁ ତଲେ ଆଣ୍ତିକିୟାନେସି । 
\v 17 ଅ଼ଡ଼େ ହେକ ମାଚି ଜୀହୁଦିଆ଼ଆତି ଲ଼କୁଣି ଅ଼ଡ଼େ ତାନି ଡାଗେ ମାନି ଜୀହୁଦି ଲ଼କୁ ଈ ରିଆରି ତା଼ଣା ଏ଼ୱାସି ୱା଼ହାନା ହିତ୍‌ଡ଼ିତି ନେହିଁ କାବ୍ରୁ ୱେ଼କ୍‌ହେସି; 
\v 18 ଏ଼ନାଆଁତାକି ଇଚିହିଁ କ୍ରୀସ୍ତତି ତାକି ବାରେ ଜୀହୁଦିୟାଁ ଅ଼ଡ଼େ ଜୀହୁଦିଆ଼ଆତି ଲ଼କୁ ରଣ୍ତିଏ ସୁଦୁଜୀୱୁଟି ଲାକପୂରୁ ଆ଼ବା ତା଼ଣା ହାଜାଲି ଜିରୁ ବେଟାଆ଼ହାମାନାୟି ।
\p
\v 19 ଏ଼ଦାଆଁତାକି ମୀରୁ ଏଟ୍‌କା ଦେ଼ସାତାତେରି ଈ ଦେ଼ସାତାତେରି ଆ଼ଏ, ସାମା ମାହାପୂରୁ ଲ଼କୁତଲେ ଆଣ୍ତାନା ଏ଼ୱାରି ଦେ଼ସାତି ଲ଼କୁ, ଅ଼ଡ଼େ ମାହାପୂରୁ ଇଲୁ କୁଟମିତେରି । 
\v 20 ମୀରୁ ପାଣ୍ତ୍‌ୱି ଆ଼ହାମାନାରି ଅ଼ଡ଼େ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି ଇଟାମାନି ପୁନାଦି ମୁହେଁ ଇଟ୍‌କି ଆ଼ହାମାଞ୍ଜେରି, କ୍ରୀସ୍ତ ଜୀସୁ ତା଼ନୁଏ, ଏ଼ କନତି ମୂଲୁ ୱାଲି । 
\v 21 ଏ଼ୱାଣି ତା଼ଣା ବାରେ ଇଲୁତି ବାରେ କାତିୟାଁ ଦୂର୍ସାନା ପ୍ରବୁ ତା଼ଣା ର଼ ସୁଦୁ ଆ଼ଞ୍ଜାମାନି ମାହାପୂରୁ ଇଲୁ ଲେହେଁ ପାଡାଆ଼ହିମାନେ । 
\v 22 ଏ଼ୱାଣି ତା଼ଣା ମୀରୁ ଜିକେଏ ମା଼ ତଲେ ଆଣ୍ତାନା ସୁଦୁଜୀୱୁଟି ମାହାପୂରୁ ବାସାଆ଼ନି ଇଲୁ ଲେହେଁ ଦସ୍‌ପି ଆ଼ହାମାଞ୍ଜେରି ।
\c 3
\s ଏଟ୍‌କା ଲ଼କୁତା଼ଣା ପା଼ୱୁଲତି କାମା
\p
\v 1 ଈଦାଆଁତାକି ମୀ ଲେହେଁତି ଜୀହୁଦିଆ଼ଆତି ଲ଼କୁତାକି କ୍ରୀସ୍ତ ଜୀସୁ ତାକି ଦସ୍‌ପି ଆ଼ହାମାନି ପା଼ୱୁଲତେଏଁ । 
\v 2 ମିଙ୍ଗେତାକି ନାଙ୍ଗେ ହୀହାମାଞ୍ଜାନି ମାହାପୂରୁତି କାର୍ମାଟି ସେ଼ବାକିନି କାମାତି କାତା ମୀରୁ ୱେଞ୍ଜାମାଞ୍ଜେରି, 
\v 3 ଅ଼ଡ଼େ ଡ଼ୁଗାମାନି କାତା ମାହାପୂରୁ ତା଼ନୁଏ ତ଼ସାନା ପୁଣ୍‌ମ୍ବି କିୟାତେସି, ଏ଼ନିକିଁ ନା଼ନୁ ତଲି ଏ଼ ବାରେ କାତା ଇଚାଣି ରା଼ଚାମାଇଁ; 
\v 4 \x + \xo ୩:୪ \xo*\xt କଲସି ୧:୨୬,୨୭\xt*\x*ମୀରୁ ଏ଼ଦାଆଁ ପ଼ଡ଼ୱି ଆ଼ହାନା କ୍ରୀସ୍ତତି ଡ଼ୁଗାମାନି କାତା ନା଼ନୁ ଏ଼ନାଆଁ ତେଲ୍‌ହାମାଇଁ ଏ଼ଦାଆଁ ମୀରୁ ତେଲ୍‌ହାଲି ଆ଼ଡିଦେରି, 
\v 5 ତଲି କା଼ଲାତା ମାଣ୍‌ସିୟାଁ ତା଼ଣା ତ଼ଞ୍ଜା ଆ଼ହାହିଲାଆତେ, ଏ଼ ଡ଼ୁଗାମାନାୟି ନୀଏଁ ସୁଦୁଜୀୱୁଟି ତାନି ସୁଦୁତି ପାଣ୍ତ୍‌ୱି ଆ଼ହାମାନାରି ଅ଼ଡ଼େ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି ତା଼ଣା ଏ଼ନିକିଁ ତ଼ଞ୍ଜା ଆ଼ହାମାନେ, 
\v 6 ଏ଼ ଡ଼ୁଗାମାନି କାତା ଈଦି ନେହିଁ କାବ୍ରୁ ତା଼ଣାଟି ଜୀହୁଦିୟାଁ ମାହାପୂରୁତି ବ଼ର ବେଟାଆ଼ନି ଲେହେଁ, ଏଟ୍‌କା କୂଡ଼ାତାରି ଜିକେଏ ବାରେଜା଼ଣା ଆଣ୍ତାନା ର଼ ଆଙ୍ଗା ଲେହେଁ ଆ଼ହାନା କ୍ରୀସ୍ତ ଜୀସୁ ତା଼ଣାଟି ମାହାପୂରୁ ଆ଼ଞ୍ଜାମାନାଣି ବାରେ ବେଟାଆ଼ନେରି ।
\p
\v 7 ମାହାପୂରୁତି କାମା କିନି ବା଼ଡ଼୍‌ୟୁ ତଲେ ନାଙ୍ଗେ ଏମିନି କାର୍ମାତି ଦା଼ନା ହୀହାମାଞ୍ଜାନେସି ଏ଼ଦାଆଁତାକି ଏ଼ ନେହିଁ କାବ୍ରୁତି ୱେ଼କ୍‌ନାତେଏଁ ଆ଼ହାମାଇଁ । 
\v 8 ମାହାପୂରୁ ଲ଼କୁ ବିତ୍ରାଟି ନା଼ନୁ ବାରେତି କିହାଁ ଊଣାତେଏଁ ମାଚି ଜିକେଏ ଏଟ୍‌କା କୂଡ଼ାତି ଲ଼କୁତା଼ଣା ଏଜିକିହାଲି ଆ଼ଡାଆଗାଟି କ୍ରୀସ୍ତତି କାର୍ମାତି ନେହିଁ କାବ୍ରୁ ୱେ଼କ୍‌ହାଲି ମାହାପୂରୁ ପାରୁ ହୀହାମାଞ୍ଜାନେସି, 
\v 9 ଅ଼ଡ଼େ ବାରେ ଗା଼ଡ଼ିକିତି ମାହାପୂରୁ ତା଼ଣା ତଲି କା଼ଲାଟିଏ ଡ଼ୁଗାମାନି କାତାତାକି ଏ଼ୱାଣି ଅଣ୍‌ପୁ ଏ଼ନାୟି ଏ଼ଦାଆଁ ଉଜେଡ଼ିତା ତ଼ସାଲି ତାକି ମାହାପୂରୁତି କାର୍ମା ମେ଼ଡ଼ା ଆ଼ହାମାଞ୍ଜାନେ, 
\v 10 ଏ଼ନିକିହିଁ ନୀଏଁ କ୍ରୀସ୍ତାନା କୁଲମିତି କାମାଟି ଲାକପୂରୁତି ସା଼ଲୱି କିନାରି ବା଼ଡ଼୍‌ୟୁ ଗାଟି ମାହାପୂରୁତି ବୁଦି ନେହିଁକିଁ ପୁଞ୍ଜାଲି ଆ଼ଡିନେରି, 
\v 11 ମାହାପୂରୁ ତାନି କା଼ଲାକା଼ଲାତି ଅଣ୍‌ପୁ ଲେହେଁ ମା଼ ପ୍ରବୁ କ୍ରୀସ୍ତ ଜୀସୁ ତା଼ଣାଟି ବାରେ କିହାମାନେସି । 
\v 12 ଏ଼ ପ୍ରବୁ ତା଼ଣା ନାମାମାନାକି ମା଼ର ଏ଼ୱାଣି ତା଼ଣା ସା଼ସାଟି ଆଜାଆନା ମାହାପୂରୁ ତା଼ଣା ହାଜାଲି ସା଼ସା ବେଟାଆ଼ହାମାନାୟି । 
\v 13 ଏ଼ଦାଆଁତାକି ନା଼ନୁ ମିଙ୍ଗେ ବାତିମା଼ଲିମାଞ୍ଜାଇଁ, ମିଙ୍ଗେତାକି ନା଼ନୁ ବେଟାଆ଼ହିମାନି ଦୁକୁ କସ୍ତ ତାକି ସା଼ସା ପିହ୍‌ଆଦୁ, ସାତେଏ ଏ଼ଦି ମୀ ଗାୱୁରମି ତାକି ଆ଼ହାମାନେ ।
\s କ୍ରୀସ୍ତତି ଜୀୱୁନ଼ନାୟି
\p
\v 14 ଏ଼ଦାଆଁତାକି ଆମିନି ଆ଼ବା ତା଼ଣାଟି ଲାକପୂରୁ ଅ଼ଡ଼େ ଦାର୍‌ତିତି ବାରେ କୁଟମି, ତାନି କୂଡ଼ାତି ଦ଼ରୁ ବେଟାଆ଼ହାମାନେ, 
\v 15 ଏ଼ ମାହାପୂରୁ ଆ଼ବା ନ଼କିତା ମେଣ୍ତାକୁତାନା ପ୍ରା଼ତାନା କିହିମାଇଁ । 
\v 16 ଏ଼ନିକିଁ ଏ଼ୱାସି ତାନି ଗାୱୁରମିଗାଟି ଦ଼ନ ତାନି ସୁଦୁଜୀୱୁ ତଲେ ମିଙ୍ଗେ ମୀ ଅଣ୍‌ପୁତା ତୀରି ମାଣ୍‌ସି ଆ଼ହାଲି ବା଼ଡ଼୍‌ୟୁ ହିୟାନେସି, 
\v 17 ମୀ ନାମୁତଲେ କ୍ରୀସ୍ତ ମୀ ହିୟାଁତା ବାସା କିନେସି, ଏ଼ନିକିଁ ମୀ ଜୀୱୁ ନ଼ୱୁତା ପୁନାଦି ଅ଼ଡ଼େ ଆ଼ଟ୍‌ୱା ତଲେ ତୀରିଆ଼ହାନା ଏଜିକିହାଲି ଆ଼ଡାଆଗାଟି କ୍ରୀସ୍ତତି ଜୀୱୁ ନ଼ୱୁ, 
\v 18 ଏ଼ଦାଆଁ ପୁଞ୍ଜୁ ଇଞ୍ଜାଁ ବାରେ ମାହାପୂରୁ ଲ଼କୁତଲେ ଏମ୍ବାତି ଅ଼ସାରା ଅ଼ଡ଼େ ଲାମ୍ବା ପାଡ୍‌ଣି ଅ଼ଡ଼େ ଗା଼ଡ଼୍‌ୟୁତି ପୁଞ୍ଜାଲି ବା଼ଡ଼୍‌ୟୁ ବେଟାଆ଼ଦି । 
\v 19 ହାଅ ମୀରୁ ଏ଼ନିକିଁ କ୍ରୀସ୍ତତି ଜୀୱୁ ନ଼ନାଣି ପୁଞ୍ଜେରି ଆତିହିଁ ଜିକେଏ ଏ଼ଦାଆଁ ନେହିଁକିଁ ପୁଞ୍ଜାଲି ଆ଼ଏ, ଅ଼ଡ଼େ ଏଲେକିହିଁ ମାହାପୂରୁତି ଗୂଣୁତଲେ ପାଡାଆ଼ଦୁ ।
\p
\v 20 ଆମିନି ମାହାପୂରୁ ମା଼ ହିୟାଁତା କାମା କିହିମାନି ତାନି ବା଼ଡ଼୍‌ୟୁ ତଲେ ମା଼ର ରୀହ୍‌ନାଣି ଅ଼ଡ଼େ ଅଣ୍‌ପିନାଣି କିହାଁ ହା଼ରେକା ଆଗାଡ଼ା ହିୟାଲି ଆ଼ଡାନେସି, 
\v 21 କୁଲମିଟି ଅ଼ଡ଼େ କ୍ରୀସ୍ତ ଜୀସୁ ତା଼ଣାଟି ଏ଼ ମାହାପୂରୁତି ଗାୱୁରମି କା଼ଲାକା଼ଲାତାକି ମାଣ୍‌ମ୍ବେ । ଆ଼ମେନ୍‌ ।
\c 4
\s ରଣ୍ତିଏ ଆଙ୍ଗା
\p
\v 1 ପ୍ରବୁତି ସେ଼ବାତାକି ନା଼ନୁ କାୟିଦିତା ମାଇଁ, ମିଙ୍ଗେ ବାତିମା଼ଲିମାଞ୍ଜାଇଁ, ଏ଼ନିକିଁ ନୀଡାବାତ୍‌କାଲି ତାକି ମାହାପୂରୁ ମିଙ୍ଗେ ହା଼ଟାମାଞ୍ଜାନେସି, ଏଲେତି ମାଣ୍‌କି ତଲେ ମାଞ୍ଜୁ । 
\v 2 \x + \xo ୪:୨ \xo*\xt କଲସି ୩:୧୨,୧୩\xt*\x*ଇଚିହିଁ ବାରେଲେହେଁତି ଊଣା ଗାଟାତେରି, ସୁଦୁ ସୁୱାଲା, ହା଼ରେକା ଅ଼ର୍‌ହିନାତେରି ଅ଼ଡ଼େ ଜୀୱୁନ଼ହାଁନା ରଅତେରି ରଅଣାଇଁ ଅ଼ର୍‌ହିନାତେରି ଆ଼ଦୁ; 
\v 3 ମୀରୁ ବାରେଜା଼ଣା ତେରି ହିତ୍‌ଡ଼ିତି ଡ:ରିତଲେ ଦସ୍‌ପି ଆ଼ହାନା ସୁଦୁଜୀୱୁ ବା଼ଡ଼୍‌ୟୁଟି ରଣ୍ତିଏ ଲେହେଁ ଆ଼ହାଲିତାକି ଜାତ୍‌ନୁ ଆ଼ଦୁ । 
\v 4 ଆଙ୍ଗା ରଣ୍ତିଏ, ସୁଦୁଜୀୱୁ ଜିକେଏ ରଣ୍ତିଏ, ଏ଼ନିକିଁ ମୀରୁ ମୀ ହା଼ଟାମାନି ରଣ୍ତିଏ ବା଼ର୍ସୁ ତଲେ ହା଼ଟ୍‌କି ଆ଼ହାମାଞ୍ଜେରି; 
\v 5 ପ୍ରବୁ ରଅସିଏ, ନାମୁ ରଣ୍ତିଏ ଅ଼ଡ଼େ ବାପ୍ତିସ୍ମ\f + \fr ୪:୫\fr*\ft ମୁଞ୍ଜିନାୟି\ft*\f* ଜିକେଏ ରଣ୍ତିଏ, 
\v 6 ବାରେ ମାଣ୍‌ସିୟାଁତି ରଣ୍ତିଏ ମାହାପୂରୁ ଅ଼ଡ଼େ ତାଞ୍ଜି; ଏ଼ୱାସି ବାରେତି ମୁହେଁ, ବାରେତି ବିତ୍ରା ଇଞ୍ଜାଁ ବାରେତି ହିୟାଁତା ମାନେସି ।
\p
\v 7 ସାମା କ୍ରୀସ୍ତତି ଦା଼ନା ଏଚେକା ବେଟାଆ଼ନାୟି ମାନେ ଏଚେକା ମାଙ୍ଗେ ବାରେଜା଼ଣା ତାକି ମାହାପୂରୁତି କାର୍ମାମେହ୍‌ନାୟି ହୀପ୍‌କି ଆ଼ହାମାଞ୍ଜାନେ । 
\v 8 ଦାର୍ମୁ ସା଼ସ୍ତେରିତା ରା଼ସ୍‌କି ଆ଼ହାମାନେ,
\q1 “ଏ଼ୱାସି ଲାକ ହାଜାନା, ହା଼ରେକା ଦସ୍‌ପି ଆ଼ହାମାନାରାଇଁ ତାନିତଲେ ଅ଼ତେସି;
\q2 ଅ଼ଡ଼େ ମାଣ୍‌ସିୟାଁକି ଏଟ୍‌କା ଏଟ୍‌କାତି ବ଼ର ହୀତେସି ।”
\m
\v 9 “ଏ଼ୱାସି ଲାକ ହାଚେସି” ଇଚିସାରେ ଏ଼ନାୟି ? ଏଲେଇଚିସାରେ ମୂଲୁଏ ଏ଼ୱାସି ଦାର୍‌ତିତି ଡ଼଼ଇ ପାତେକା ରେ଼ଚା ୱା଼ହାମାଚେସି । 
\v 10 ଆମ୍ବାଆସି ଡ଼଼ଇପୂରୁ ୱା଼ହାମାଚେସି, ବାରେ ଦାର୍‌ତିଇଁ ତା଼ନୁ ମାଞ୍ଜାନା ବାରେ ପୂରା କିହାଲିତାକି ଏ଼ୱାସି ଅ଼ଡ଼େ ୱେଣ୍ଡେ ଲାକପୂରୁ ହାଚେସି, 
\v 11 ଏ଼ୱାସି ଲ଼କୁତାକି ହା଼ରେକା ଦା଼ନା ହୀତେସି; ଆମ୍ବାଆରାଇଁ ପାଣ୍ତ୍‌ୱି ଆ଼ତାରି ଆ଼ହାଲି, ଆମ୍ବାଆରାଇଁ ମାହାପୂରୁ ଅଣ୍‌ପୁତି ବ଼ଲୁ ୱେ଼କ୍‌ନାରି ଆ଼ହାଲି, ଆମ୍ବାଆରାଇଁ ନେହିଁ କାବ୍ରୁ ୱେ଼କ୍‌ନାରି ଆ଼ହାଲି, ଅ଼ଡ଼େ ଏଚର ଜା଼ଣାଇଁ କୁଲମି ଜାତ୍‌ନୁ କିନାରି ଅ଼ଡ଼େ ଜା଼ପ୍‌ନାରି ଆ଼ହାଲି ଦା଼ନା ହୀହାମାନେସି, 
\v 12 ଏ଼ନିକିଁ ମାହାପୂରୁ ଲ଼କୁତି ସେ଼ବା କାମାତାକି ତୀରି ଆ଼ହାଲି ଆ଼ଡିନେ ଇଞ୍ଜାଁ କ୍ରୀସ୍ତତି ଆଙ୍ଗା ପାଡାଆ଼ହାଲି ଆ଼ଡିନେ 
\v 13 ଏ଼ନିକିଁ ମା଼ର ବାରେଜା଼ଣା ନାମୁତା ଅ଼ଡ଼େ ମାହାପୂରୁତି ମୀର୍‌ଏଣା କାତାତି ବୁଦିତା ରଣ୍ତିଏ ଆ଼ହାଲି ଆ଼ଡିନାୟି, ଇଚିହିଁ କ୍ରୀସ୍ତ ଲେହେଁ ଆ଼ହାନା ପାଡାଆ଼ତି ଲ଼କୁ ଲେହେଁ ଆ଼ନାୟି, 
\v 14 ଗା଼ଲି ୱା଼ନାଟି ଅ଼ଡ଼େ ଏ଼ୟୁ ଉଣ୍ଡାତା ଦା଼ଙ୍ଗିମାନି କକାରି ପ଼ଦାୟାଁ ଲେହେଁ ମା଼ର ଇତାଲା ଆତାଲା ଆ଼ଆପ । ଏଟ୍‌କା ଲ଼କୁଣି ଜିରୁ ବା଼ଣି କିହିମାନି ନା଼ଡ଼ିକିନି ଅଣ୍‌ପୁତି ଜା଼ପ୍‌ନି ତା଼ଣା ମା଼ର ତର୍‌ଗାଆପ । 
\v 15 ସାମା ସାତାତି ଆସାନା ତା଼ର୍ୟୁଁ ଲେହେଁତି କ୍ରୀସ୍ତ ଏ଼ୱାଣି ତାକି ବାରେ ଜୀୱୁ ନ଼ୱୁତା ପାଡାଆ଼ନ । 
\v 16 \x + \xo ୪:୧୬ \xo*\xt କଲସି ୨:୧୯\xt*\x*ଏ଼ୱାଣି ତା଼ଣାଟି ବାରେ ଆଙ୍ଗା ବାରେ ହାନ୍ଦୁଲିକା ସା଼ୟେମି ତଲେ ଅ଼ଡ଼େ ବାରେ ଆଙ୍ଗାତି କାମା କିନି ବା଼ଡ଼୍‌ୟୁ ତଲେ ଦୂର୍‌ଞ୍ଜି ଆ଼ହାନା ଜୀୱୁ ନ଼ୱୁତା ତାମି ନେହେଁତାକି ଜାହାରାଇଁ ପାଡି କିହିମାନୁ ।
\s କ୍ରୀସ୍ତ ତା଼ଣା ପୁଃନି ଜୀୱୁ
\p
\v 17 ପ୍ରବୁ ଦ଼ରୁତଲେ, ନା଼ନୁ ମିଙ୍ଗେ ଜାଗ୍ରାତା କିହାଁ ୱେସିମାଞ୍ଜାଇଁ, ନାମାଆତାରି ଏ଼ନିକିଁ ତାମି ମ଼ନତା ଉଜେଏତି ଅଣ୍‌ପୁ ତଲେ ନୀଡିନେରି ମୀରୁ ଏଲେକିଁ ନୀଡାଆଦୁ, 
\v 18 ଏ଼ୱାରି ତାମି ତା଼ଣା ମାନି ମୁର୍କୁ ତାକି ଜାହା ଜାହାରା ମ଼ନ ଆ଼ଟ୍‌ୱା ମାନାକି ଏ଼ୱାରି ମାହାପୂରୁ ହୀହାମାନି ଜୀୱୁତି ବୁଦି ଆନ୍ଦେରି ଆ଼ହାମାନେ, ଅ଼ଡ଼େ ମାହାପୂରୁ ତା଼ଣାଟି ଏଟ୍‌କା ଆ଼ହାମାନେରି; 
\v 19 ଏ଼ୱାରି ଆ଼ଟ୍‌ୱା ଆ଼ହାନା ଦ଼ନ ଜୂପ୍‌କା ଆ଼ହାନା ବାରେ ଲାଗେଏତି କାମା କିହାଲି ଜାହାରାଇଁ ହେର୍‌ପା କଡାମାନେରି । 
\v 20 ସାମା ମୀରୁ କ୍ରୀସ୍ତଇଁ ଏଲେକିହିଁ ଜା଼ପାହିଲଅତେରି । 
\v 21 ମୀରୁ ତାନି କାତା ସାତାତଲେ ୱେଞ୍ଜାମାଞ୍ଜେରି, ଅ଼ଡ଼େ ଜୀସୁ ତା଼ଣା ମାନି ସାତାତି ତାନିତଲେ ମାଞ୍ଜାନା ଜା଼ପାମାଞ୍ଜେରି, 
\v 22 \x + \xo ୪:୨୨ \xo*\xt କଲସି ୩:୯\xt*\x*ଇଚିହିଁ, ମୀରୁ ମୀ ନ଼କେଏତି ମାଣ୍‌କିତା ନା଼ଡ଼ିକିନି ରା଼ହାଁତା ହା଼ରେ ହା଼ରେକା ଲାଗେଏ ଆ଼ହିମାଚେ । 
\v 23 ମୀ ମ଼ନତା ପୁଃନି ଗୂଣୁ ଆ଼ହାନା । 
\v 24 \x + \xo ୪:୨୪ \xo*\xt କଲସି ୩:୧୦\xt*\x*ଏମିନି ପୁଃନି ଗୂଣୁ ମାହାପୂରୁତି ୱା଼ଣା ତଲେ ଦାର୍ମୁ ଅ଼ଡ଼େ ସାତାତି ସୁଦୁତା ଗା଼ଡ଼ି ଆ଼ହାମାଞ୍ଜେରି, ଏ଼ଦାଆଁ ପର୍‌ହାଲି ଜା଼ପାମାଞ୍ଜେରି । 
\v 25 ଈଦାଆଁତାକି ମିଚିତି ପିସାନା ମୀରୁ ବାରେଜା଼ଣା ତେରି ନାମିତି ତାୟିୟାଁ ତଲେ ସାତା କାତା ୱେସ୍‌ପି ଆ଼ଦୁ, ଇଚିହିଁ ମା଼ର ରଣ୍ତିଏ ଆଙ୍ଗାତାୟି । 
\v 26 କାର୍‌ବି ଆ଼ଦୁ, ସାମା ପା଼ପୁ କିଆଦୁ; ୱେ଼ଡ଼ା ହାଲାଆ ନ଼କେଏ କାର୍‌ବି ପିହ୍‌ଦୁ; 
\v 27 ଅ଼ଡ଼େ ସୟତାନକି ଟା଼ୟୁ ହୀଆଦୁ । 
\v 28 ସ଼ରୁ ଅ଼ଡ଼େ ସ଼ରୁ କିଆପେସି, ଇଚିହିଁ ହିଲାଆ ଗାଟାରାକି ହୀହାଲିତାକି ଏ଼ନିକିହିଁ ତାନି ତା଼ଣା ଏ଼ନାୟି ଡ଼ୟିନେ, ଈଦାଆଁତାକି ତାନି କେୟୁତଲେ ନେହିଁ କାମା କିହାନା କସ୍ତ କିପେସି । 
\v 29 ମୀ ଗୂତିଟି ଏ଼ନି ଲାଗେଏତି କାତା ହ଼ଆପେ, ମୀ ଲ଼ଡ଼ାମାନି ଲେହେଁ ନେହିଁ କାତା ହ଼ପେ ଏ଼ନିକିଁ ଏ଼ଦି ୱେନାରାକି ନେହାୟି ଆ଼ନେ । 
\v 30 ମାହାପୂରୁତି ସୁଦୁଜୀୱୁ ତଲେ ମିଙ୍ଗେ ଗେଲ୍‌ପିନି ଦିନାତାକି ବୁଟୁ ମୁଦ୍ରା କିୱି ଆ଼ହାମାଞ୍ଜେରି ଏ଼ଦାଣି ଦୁକୁ ହୀଆଦୁ । 
\v 31 ବାରେଲେହେଁତି କୁଟୁ ଅଣ୍‌ପୁ, କାର୍‌ବି, କ଼ପା, ଗଡ଼୍‌ହା ଅ଼ଡ଼େ ନିନ୍ଦା, ଇଞ୍ଜାଁ ବାରେଲେହେଁତି ଅ଼ପାଆଗାଟାୟି ମୀ ତା଼ଣାଟି ହେକ ଆ଼ପେ । 
\v 32 \x + \xo ୪:୩୨ \xo*\xt କଲସି ୩:୧୩\xt*\x*ଅ଼ଡ଼େ, ରଅତେରି ରଅଣାଇଁ କାର୍ମା ଅଣ୍‌ପାଦୁ, ହିତ୍‌ଡ଼ି ହିୟାଁ, ଅ଼ଡ଼େ ମାହାପୂରୁ କ୍ରୀସ୍ତ ତା଼ଣା ମିଙ୍ଗେ ଏ଼ନିକିହିଁ ଦ଼ହ ପିସ୍ତାନେସି, ଏଲେକିହିଁ ରଅତେରି ରଅଣି ଦ଼ହ ପିହ୍‌ଦୁ ।
\c 5
\s ଉଜେଡ଼ିତା ନୀଡିନାୟି
\p
\v 1 ମୀରୁ ମାହାପୂରୁତି ଜୀୱୁତି ମୀର୍‌କା ମା଼ସ୍‌କାତେରି ଆ଼ହାମାନାକି, ମାହାପୂରୁ ଲେହେଁ ଆ଼ଦୁ; 
\v 2 କ୍ରୀସ୍ତ ଏ଼ନିକିଁ ମିଙ୍ଗେ ଜୀୱୁ ନ଼ୟାଁତେସି, ଅ଼ଡ଼େ ମା଼ ତାକି ମାହାପୂରୁ ତାକି ଗାନ୍ଦାଗାଟି ନେହିଁ ପୂଜାଲେହେଁ ଜାହାରାଇଁ ହେର୍‌ପାକଡିତେସି, ମୀ ଜୀୱୁତା ଜିକେଏ ଏଲେକିହିଁ ଜୀୱୁ ନ଼ୱିଆ଼ହାନା ନୀଡାଦୁ ।
\p
\v 3 ସାମା ଦା଼ରିକାମା, ବାରେଲେହେଁତି ଲାଗେଏତି କାମା କି ଜୂପ୍‌କା, ଈ ବାରେ ମୀ ତା଼ଣା ଟା଼ୟୁ ବେଟା ଆ଼ଆପେ; ଏ଼ଦି ମାହାପୂରୁ ଲ଼କୁତା଼ଣା ନେହାୟି ଆ଼ଏ; 
\v 4 ଅ଼ଡ଼େ ଏ଼ନାୟି ଆ଼ଆଗାଟାୟି, ଅ଼ଜାଆତି କାତା, ଲାଗେଏତି କାତା, ଲ଼କୁଣି ଲାଜା କିହାଁ କାକ୍‌ନାୟି ମୀ ବିତ୍ରା ତ଼ଞ୍ଜା ଆ଼ଆପେ, ସାମା ବାରେ କାତାତାକି ମାହାପୂରୁଇଁ ଜହରା କିଦୁ । 
\v 5 ଇଚିହିଁ ମୀରୁ ସାତେଏ ପୁଞ୍ଜାମାଞ୍ଜେରି, ଏମିନି ଦା଼ରି କାମାକିନାସି କି ଲାଗେଏତି କାମାକିନାସି କି ହା଼ରେକା ଜୂପ୍‌କା ଆ଼ନାସି ଏ଼ୱାସି ପେ଼ଣ୍‌କା ବମାୟାଁତି ପୂଜା କିନାସି, ଏଲେତି ଲ଼କୁକି କ୍ରୀସ୍ତ ଅ଼ଡ଼େ ମାହାପୂରୁତି ରା଼ଜିତା ଅଦିକାରା ହିଲେଏ ।
\p
\v 6 ଆମ୍ବାଆସି ମିଙ୍ଗେ ଉଜେଏତି କାତା ୱେସାନା ନା଼ଡ଼ି କିୟାଆପେସି, ଏ଼ନାଆଁତାକି ଇଚିହିଁ ଈ ବାରେ ଲାଗେଏତି କାମାତାକି କାତା ମା଼ନୱି ଆ଼ଆଗାଟି ମୀର୍‌କା ମୁହେଁ ମାହାପୂରୁତି କାର୍‌ବି ୱା଼ନେ । 
\v 7 ଈଦାଆଁତାକି, ମୀରୁ ଏ଼ୱାରିତଲେ ଏ଼ୱାରିଲେହେଁ ଆ଼ଆଦୁ; 
\v 8 ଏ଼ନାଆଁତାକି ଇଚିହିଁ ମୀରୁ ତଲି ଆନ୍ଦେରି ଲେହେଁ ମାଚେରି, ସାମା ନୀଏଁ ପ୍ରବୁତି ଲ଼କୁ ଆ଼ତାକି ଉଜେଡ଼ି ଲେହେଁ ଆ଼ହାମାଞ୍ଜେରି; ଉଜେଡ଼ିତି ମୀର୍‌କା ଲେହେଁ ତା଼କାଦୁ, 
\v 9 ଇଚିହିଁ ବାରେଲେହେଁତି ନେହାୟି, ଦାର୍ମୁଗାଟାୟି ଅ଼ଡ଼େ ସାତା ଉଜେଡ଼ିତି ପା଼ଡ଼େୟି ଲେହେଁ, 
\v 10 ପ୍ରବୁକି ଏ଼ନାୟି ନେହେଁ, ଏଲେତି କାମା କିହାଲି ଜା଼ପାଦୁ; 
\v 11 ଲ଼କୁ ଆନ୍ଦେରିତା ଆମିନି ବାରେ ଲାଗେଏତି କାମା କିହିମାନେରି, ଏ଼ ବାରେ କାମାତା ଆଣ୍ତାଆଦୁ, ଇଞ୍ଜାଁ ଏ଼ୱାରି ବାରେ କାମାତି ଦ଼ହ ତ଼ହ୍‌ଦୁ । 
\v 12 ଏ଼ନାଆଁତାକି ଇଚିହିଁ ଏ଼ୱାରି ଏ଼ନାଆଁ ଡ଼ୁଗାନା କିନେରି, ଏ଼ ବାରେ କାତା ୱେହ୍‌ନାୟି ଜିକେଏ ଲାଜାତି କାତା, 
\v 13 ସାମା ବାରେ ଲାଗେଏତି କାମା ଉଜେଡ଼ି ତଲେ ତ଼ସ୍‌ପିଆ଼ନେ, ଏ଼ନାୟି ବାରେ ତ଼ଞ୍ଜାଆ଼ନେ ଏ଼ଦି ବାରେ ଉଜେଡ଼ି । 
\v 14 ଏ଼ଦାଆଁତାକି ରା଼ସ୍‌କି ଆ଼ହାମାନେ,
\q1 “ଇଦା କିହାମାନାତେରି, ନିଙ୍ଗାଦୁ,
\q2 ହା଼ତାରି ତା଼ଣାଟି ନିଙ୍ଗାଦୁ,
\q1 ଅ଼ଡ଼େ କ୍ରୀସ୍ତ ମିଙ୍ଗେ ଉଜେଡ଼ି ହିୟାନେସି ।”
\p
\v 15 ଇଚିହିଁ ବୁଦି ହିଲାଆ ଗାଟାରିଲେହେଁ ଆ଼ଆନା ବୁଦି ମାନାରି ଲେହେଁ ମୀ ନୀଡିନାଣି ତାକି ଜାଗ୍ରାତା ଆ଼ଦୁ, ବୁଦି ହିଲାଆଗାଟାତେରି ଲେହେଁ ଆ଼ଆନା ବୁଦି ଗାଟାତେରି ଲେହେଁ ଆ଼ଦୁ । 
\v 16 \x + \xo ୫:୧୬ \xo*\xt କଲସି ୪:୫\xt*\x* ପା଼ଗାତି ନେହିଁକିଁ ଲେ଼ମ୍ବାଦୁ, ଏ଼ନାଆଁତାକି ଇଚିହିଁ କା଼ଲା ଲାଗେଏତାୟି । 
\v 17 ଏ଼ଦାଆଁତାକି, ବୁଦି ହିଲାଆ ଗାଟାରିଲେହେଁ ଆ଼ଆନା ପ୍ରବୁତି ଅଣ୍‌ପୁ ଏ଼ନାୟି ଏ଼ଦାଆଁ ତେଲ୍‌ହାଦୁ ।
\p
\v 18 ଅ଼ଡ଼େ କା଼ଡ଼ୁ ଗସାନା ହ଼ଚାଆଦୁ, ଏ଼ନାଆଁତାକି ଇଚିହିଁ ଏ଼ୱି ମିଙ୍ଗେ ନା଼ସା କିୟାନୁ; ସାମା ପା଼ଚୁ, ସୁଦୁଜୀୱୁଟି ଜହରା କିହିଁ ରଅତେରି ରଅଣାଇଁ ବା଼ର୍ସୁ ହୀଦୁ, 
\v 19 \x + \xo ୫:୧୯ \xo*\xt କଲସି ୩:୧୬,୧୭\xt*\x*ଅ଼ଡ଼େ ମୀ ହିୟାଁ ମାହାପୂରୁ ତାକି ସୁଦୁଜୀୱୁ ତଲେ ଜହରା ପା଼ଚୁ ପା଼ଚାଦୁ । 
\v 20 ବାରେବେ଼ଲା ବାରେ କାତାତାକି ପ୍ରବୁ ଜୀସୁ କ୍ରୀସ୍ତତି ଦ଼ରୁତଲେ ଆ଼ବା ମାହାପୂରୁଇଁ ଜହରା କିଦୁ ।
\s ଡକ୍ରି ଅ଼ଡ଼େ ଡକ୍ରା
\p
\v 21 ଅ଼ଡ଼େ କ୍ରୀସ୍ତଇଁ ଆଜାନା ରଅତେରି ରଅଣାଇଁ ମା଼ନି କିଦୁ ।
\p
\v 22 \x + \xo ୫:୨୨ \xo*\xt କଲସି ୩:୧୮; ୧ପିତ ୩:୧\xt*\x*ଏ଼ ଆୟାସିକା ମୀରୁ ଏ଼ନିକିଁ କ୍ରୀସ୍ତଇଁ ମା଼ନି କିହିମାନି ଲେହେଁ ମୀରୁ ମୀ ଡକ୍ରାୟାଁଣି ମା଼ନି କିଦୁ, 
\v 23 ଇଚିହିଁ କ୍ରୀସ୍ତ ଏ଼ନିକିଁ କୁଲମିତି ତା଼ର୍ୟୁଁ ଲେହେଁ, ଡକ୍ରା ଜିକେଏ ଏଲେକିଁ ଡକ୍ରିନି ତା଼ର୍ୟୁଁ ଲେହେଁତାସି, ଇଞ୍ଜାଁ କ୍ରୀସ୍ତ ତାନି ଆଙ୍ଗା ଲେହେଁତି କୁଲମିତି ଗେଲ୍‌ପିନେସି । 
\v 24 ହାଅ, କୁଲମି ଏ଼ନିକିହିଁ କ୍ରୀସ୍ତଇଁ ମା଼ନି କିନେ, ଏଲେକିହିଁ ଡକ୍ରିସିକା ଜିକେଏ ବାରେ କାତାତା ତାମି ଡକ୍ରାୟାଁଣି ମା଼ନି କିପୁ ।
\p
\v 25 \x + \xo ୫:୨୫ \xo*\xt କଲସି ୩:୧୯; ୧ପିତ ୩:୭\xt*\x*ଏ଼ ଡକ୍ରାୟାଁତେରି, କ୍ରୀସ୍ତ ଏ଼ନିକିଁ କୁଲମିତି ଜୀୱୁ ନ଼ତେସି, ମୀରୁ ଜିକେଏ ଏଲେକିହିଁ ମୀ ଡକ୍ରିସିକାଣି ଜୀୱୁନ଼ଦୁ; ଇଚିହିଁ ଏ଼ୱାସି ଏ଼ଦାନାକି ତାନି ଜୀୱୁ ହୀତେସି, 
\v 26 ଏ଼ୱାସି କୁଲମିତି ବ଼ଲୁ ଅ଼ଡ଼େ ଏ଼ୟୁତଲେ ନର୍‌ହାନା ମାହାପୂରୁ ତାକି ସୁଦୁ କିହାନା ହେର୍‌ପିତେସି, 
\v 27 ଏ଼ନିକିଁ କୁଲମି ଗା଼ହାଁଗାରି, ଅ଼ଡ଼େ ଦ଼ହ ହିଲାଆଗାଟାୟି ଆ଼ହାନା ସୁଦୁ ଗାଟାୟି ଆ଼ନେ, ଅ଼ଡ଼େ ଏଲେକିହିଁଏ ଗାୱୁରମି ତଲେ ମାହାପୂରୁ ତାନି ତା଼ଣା ଅ଼ନେସି । 
\v 28 ଏଲେକିହିଁ ଡକ୍ରାୟାଁ ଜିକେଏ ତାମି ଡକ୍ରିସିକାଣି ଜାହାରା ଆଙ୍ଗା ଲେହେଁ ଜୀୱୁନ଼ନାୟି ମାନେ, ଆମ୍ବାଆସି ଜାହାରା ଡକ୍ରିନି ଜୀୱୁ ନ଼ନେସି, ଏ଼ୱାସି ଜାହାରାଇଁ ଜୀୱୁ ନ଼ନେସି; 
\v 29 ଆମ୍ବାଆସି ଜିକେଏ ଜାହାରା ଆଙ୍ଗାତି ନା଼ନୁ ଅ଼ପଅଁ ଇଞ୍ଜିଁ ଇନଅସି, ସାମା ତାନି ଆଙ୍ଗା ତାକି ତିନେସି ଉନେସି ଅ଼ଡ଼େ ଜାତ୍‌ନୁ ଇଟିନେସି, କ୍ରୀସ୍ତ ଜିକେଏ କୁଲମିତାକି ଏଲେକିହିଁ କିନେସି, 
\v 30 ଏ଼ନାଆଁତାକି ଇଚିହିଁ ମା଼ର ତାନି ଆଙ୍ଗାତି ଆଙ୍ଗା ଉଡ଼େଲି ତାୟି । 
\v 31 ଦାର୍ମୁପତିତା ରା଼ସ୍‌କି ଆ଼ହାମାନେ, “ଈଦାଣି ତାକି ଆ଼ବାଟି ତାଲି ତାଞ୍ଜିଇଁ ପିସାନା ଜାହାରା ଡକ୍ରି ତା଼ଣା ଆଣ୍ଡିନେସି, ଅ଼ଡ଼େ ଏ଼ ରିଆରି ରଣ୍ତିଏ ଆଙ୍ଗା ଆ଼ନେରି ।” 
\v 32 ଈ ଦାର୍ମୁ ସା଼ସ୍ତେରିତା ରା଼ସ୍‌କି ଆ଼ହାମାନି ତା଼ଣା ହା଼ରେକା ଡ଼ୁଗାମାନି କାତା ମାନେ, ସାମା ନା଼ନୁ କ୍ରୀସ୍ତ ଅ଼ଡ଼େ କୁଲମିତି କାତା ୱେସିମାଞ୍ଜାଇଁ । 
\v 33 ଏ଼ନାୟି ଆ଼ପେ, ମୀରୁ ବାରେଜା଼ଣା ଜାହାରା ଡକ୍ରିଇଁ ଜାହାରା ଜୀୱୁ ଲେହେଁ ଜୀୱୁନ଼ଦୁ, ଇଞ୍ଜାଁ ଡକ୍ରି ଜିକେଏ ଜାହାରା ଡକ୍ରାଇଁ ମା଼ନି କିନାୟିମାନେ ।
\c 6
\s ତାଲି ତାଞ୍ଜି ଅ଼ଡ଼େ କକାରି ପ଼ଦାଁ
\p
\v 1 \x + \xo ୬:୧ \xo*\xt କଲସି ୩:୨୦\xt*\x*କକାରି ପ଼ଦାୟାଁତେରି, ପ୍ରବୁତି ତାକି ମୀ ତାଲି ତାଞ୍ଜି କାତା ମା଼ନୱି ଆ଼ଦୁ; ଇଚିହିଁ ଏ଼ଦି ମିଙ୍ଗେ ତାକି ନେହାୟି । 
\v 2 “ମୀ ତାଲି ତାଞ୍ଜିଇଁ ମା଼ନି କିଦୁ, ଈଦି ମାହାପୂରୁ ଆ଼ଞ୍ଜାମାନି ର଼ କାଜା ହୁକୁମି, 
\v 3 ଏ଼ନିକିହିଁ ମିଙ୍ଗେ ନେହିଁ ଆ଼ନେ, ଇଞ୍ଜାଁ ମୀରୁ ଦାର୍‌ତିତା ହା଼ରେକା ଦିନା ନୀଡିଦେରି ।”
\p
\v 4 \x + \xo ୬:୪ \xo*\xt କଲସି ୩:୨୧\xt*\x*ତାଲି ତାଞ୍ଜି ତେରି, ମୀ କକାରି ପ଼ଦାଁଣି କ଼ପା କିଆଦୁ, ସାମା ଏ଼ୱାରାଇଁ ପ୍ରବୁତି କାତା ଜା଼ପ୍‌ଦୁ ଅ଼ଡ଼େ ସେତ୍‌ନା ତଲେ ପ଼ହିକିଦୁ ।
\s ହ଼ଲିୟା ଅ଼ଡ଼େ ସା଼ୱୁକାରି
\p
\v 5 \x + \xo ୬:୫ \xo*\xt କଲସି ୩:୨୨-୨୫\xt*\x*ଏ଼ ହ଼ଲିୟାଙ୍ଗାତେରି, ମୀରୁ ଏ଼ନିକିଁ କ୍ରୀସ୍ତଇଁ ମା଼ନୱି ଆ଼ହିମାଞ୍ଜେରି, ଏଲେକିହିଁ ଆଜି ଅ଼ଡ଼େ ତୀର୍‌ଗିହିଁ ତୀରି ହିୟାଁ ତଲେ ମୀ ଦାର୍‌ତିତି ସା଼ୱୁକାରିୟାଁ କାତା ଆହ୍‌ଦୁ; 
\v 6 ମାଣ୍‌ସିଇଁ ରା଼ହାଁ କିନିଲେହେଁ ତାମି ନ଼କିତା ଏ଼ଦାଆଁ କିଆଦୁ, ସାମା କ୍ରୀସ୍ତତି ହ଼ଲିୟା ଲେହେଁ ହିୟାଁ ତଲେ ମାହାପୂରୁତି ଅଣ୍‌ପୁ ତୀରିକିଦୁ । 
\v 7 ୱାର୍‌ଇ ମାଣ୍‌ସିୟାଁତି ସେ଼ବା କିହିମାନମି ଇଞ୍ଜିଁ ଅଣ୍‌ପାନା ପ୍ରବୁତି ସେ଼ବା କିନିଲେହେଁ ରା଼ହାଁତଲେ ଏ଼ଦାଆଁ କିଦୁ, 
\v 8 ଈଦାଆଁ ପୁଞ୍ଜାନା, ଏ଼ୱାସି କଡିତି ହ଼ଲେଏସି ଆ଼ପେସି କି ହ଼ଲେଏସି ଆ଼ଆପେସି ପ୍ରବୁ ବାରେ ଲ଼କୁକି ଏ଼ୱାରି ନେହିଁ କାମାତାକି ଏ଼ୱାରି ଏ଼ନାଆଁ ବେଟାଆ଼ନାୟି ମାନେ ଏ଼ଦାଆଁ ହୀନେସି ।
\p
\v 9 \x + \xo ୬:୯ \xo*\xt କଲସି ୪:୧; \xt*\xt କଲସି ୩:୨୫\xt*\x*ଏ଼ ସା଼ୱୁକାରିୟାଁତେରି, ହ଼ଲିୟାଙ୍ଗାଣି ଲାଗେଏ ତଲେ ଲେ଼ମ୍ବାଆ଼ଦୁ କି ଏ଼ୱାରାଇଁ ଆଜିକିଆଦୁ; ମୀରୁ ଅ଼ଡ଼େ ମୀ ହ଼ଲିୟାଙ୍ଗା ବାରେଜା଼ଣା ତେରି ଲାକପୂରୁତି ପ୍ରବୁତି ହ଼ଲିୟାଙ୍ଗାତେରି; ଏ଼ୱାସି ବାରେଜା଼ଣାତି ପାର୍‌ଡ଼ା ବାଚି କିଆନା ବିଚାରା କିନେସି ।
\s ମାହାପୂରୁତି ଜୁଜୁକିନି ଜୁତି
\p
\v 10 ଡା଼ୟୁତି କାତା ଈଦି, ପ୍ରବୁ ତା଼ଣାଟି ବା଼ଡ଼୍‌ୟୁ ବେଟାଆ଼ହାନା ଏ଼ୱାଣି ବା଼ଡ଼୍‌ୟୁଟି ବା଼ଡ଼୍‌ୟୁ ଗାଟାତେରି ଆ଼ଦୁ । 
\v 11 ମୀରୁ ଏ଼ନିକିଁ ସୟତାନତି ବାରେ ପ଼ଲ୍‌ଆ କାମାଟି ଜୀଣା ଆୟାଲି ଆ଼ଡିଦେରି, ଏ଼ଦାଆଁତାକି ମାହାପୂରୁ ହୀହାମାଞ୍ଜାନି ଜୁଜୁକିନି ଜୁତି ବାରେ ତୁର୍‌ଦୁ । 
\v 12 ଇଚିହିଁ ମା଼ ଜୁଜୁ ଦାର୍‌ତିତାରି କ଼ପାଟି ଆ଼ଏ, ସାମା ଲାକପୂରୁତି କାଜାପା଼ଣା କ଼ପାଟି, ସା଼ଲୱି କିନାରି କ଼ପାଟି ଈ ଆନ୍ଦେରିତି ପା଼ଣାଗାଟାରି କ଼ପାଟି ଅ଼ଡ଼େ ହା଼ଗୁ ପା଼କାତି ପ଼ଲ୍‌ଆ ଜୀୱୁୟାଁ କ଼ପାଟି ଜୁଜୁ କିହିମାନାୟି । 
\v 13 ଏ଼ଦାଆଁତାକି ନୀଏଁ ମାହାପୂରୁ ହୀହାମାଞ୍ଜାନି ଜୁଜୁକିନି ଜୁତିତି ତୁର୍‌ଦୁ, ଆତିହିଁ ଲାଗେଏତି ବେ଼ଲାତା ମୀରୁ ସାତ୍ରୁ ନ଼କିତା ନିଚାଲି ଆ଼ଡିଦେରି ଇଞ୍ଜାଁ ରା଼ନି ପାତେକା ଜୁଜୁକିହିଁ ତୀରିଆ଼ହାଁ ଡ଼ୟାଲି ଆ଼ଡିଦେରି । \fig ରମିୟ ଦେ଼ସାତି କ଼ସ୍‌କା|alt="Roman soldier" src="lb00196c.tif" size="col" copy="Horace Knowles ©" ref="୬:୧୦"\fig*
\p
\v 14 ଇଚିହିଁ, ସାତାତି ଜାଟି ଟେଡେଲିତା ରୂପାକଡାହାଁ, ଦାର୍ମୁତି ବକ ପା଼ଟା ଲେହେଁ ତୁର୍‌ଦୁ, 
\v 15 ହିତ୍‌ଡ଼ି ହୀନି ନେହିଁ କାବ୍ରୁତାକି ଅ଼ଜିକିୱି ଆ଼ହାମାନି ସେପୁୟାଁ କଡାଣା ତୁର୍‌ହାନା ଡା଼ଟା ଆ଼ହାମାଞ୍ଜୁ; 
\v 16 ବାରେବେ଼ଲା ନାମୁତି ଆଡୁ ପା଼ଟା ଆସାମାଞ୍ଜୁ, ଏ଼ଦାଣି ତଲେ ମୀରୁ ସୟତାନତି ବାରେ ଡ଼ୀଞ୍ଜିମାନି ଆପ୍‌କାତି ହିଚୁ ବାରେ ଡୁପ୍‌ହାଲି ଆ଼ଡିଦେରି । 
\v 17 ଅ଼ଡ଼େ, ଗେଲ୍‌ପିନି ଟ଼ପେରି ତା଼ର୍ୟୁଁତା ତୁର୍‌ଦୁ ଅ଼ଡ଼େ ସୁଦୁଜୀୱୁତି ହିୟାତି ମାହାପୂରୁତି ବ଼ଲୁତି କାଣ୍ତା ଆହ୍‌ଦୁ; 
\v 18 ବାରେଲେହେଁତି ପ୍ରା଼ତାନା ଅ଼ଡ଼େ ବାତିମା଼ଲିନି ତା଼ଣା ବାରେବେ଼ଲା ସୁଦୁଜୀୱୁ ସା଼ୟେମି ତଲେ ପ୍ରା଼ତାନା କିଦୁ, ଇଞ୍ଜାଁ ବାରେ ମାହାପୂରୁ ଲ଼କୁତାକି କା଼ପୁ କା଼ଚାନା ପ୍ରା଼ତାନା କିହେ଼ମାଞ୍ଜୁ । 
\v 19 ଅ଼ଡ଼େ, ନାଙ୍ଗେତାକି ଜିକେଏ ପ୍ରା଼ତାନା କିଦୁ, ଏ଼ନିକିଁ ନେହିଁ କାବ୍ରୁତାକି ଦୂତୁ ସମାନା ନା଼ନୁ, ନାଙ୍ଗେ ଏ଼ ଡ଼ୁଗାମାନାଣି ପୁଣ୍‌ମ୍ବି କିହାଲି ସା଼ସାତଲେ ବ଼ଲୁ ୱେସାଲି ମାହାପୂରୁ ନା଼ ଗୂତିତା ନେହିଁ କାବ୍ରୁ ହିୟାନେସି । 
\v 20 ଅ଼ଡ଼େ ନା଼ନୁ ଏ଼ନିକିଁ ଏମ୍ବାତି ସାତା କାତା ସା଼ସାତଲେ ୱେସାଲି ଆ଼ଡିଇଁ ।
\s ଜହରା ୱେସାହାଁ ଆ଼କୁତି ରା଼ପ୍‌ନାୟି
\p
\v 21 \x + \xo ୬:୨୧ \xo*\xt କାମା ୨୦:୪; ୨ତିମ ୪:୧୨\xt*\x*\x + \xo ୬:୨୧ \xo*\xt କଲସି ୪:୭,୮\xt*\x*ନା଼ କାତା, ଇଚିହିଁ ନା଼ନୁ ଏ଼ନିକିଁ ମାଇଁ, ଈଦାଆଁ ମୀରୁ ଜିକେଏ ଏ଼ନିକିଁ ପୁଞ୍ଜାଲି ଆ଼ଡିଦେରି, ଈଦାଣି ତାକି ନା଼ ଜୀୱୁତି ତାୟି ଅ଼ଡ଼େ କ୍ରୀସ୍ତତି କାମାତା ନାମୁତି ହ଼ଲେଏସି ତୁକିକ, ନା଼ ବାରେ କାତା ଏ଼ୱାସି ୱେସ୍ତାନେସି; 
\v 22 ଏ଼ ବାରେ କାତା ୱେସାଲି ନା଼ନୁ ଏ଼ୱାଣାଇଁ ମୀ ତା଼ଣା ପାଣ୍ତାତେଏଁ, ଏ଼ନିକିଁ ମୀରୁ ମା଼ ବାରେ କାତା ପୁଞ୍ଜାଲି ଆ଼ଡିଦେରି ଅ଼ଡ଼େ ମୀ ହିୟାଁ ଏ଼ୱାଣି ତା଼ଣାଟି ରା଼ହାଁ ଆ଼ନେ ।
\p
\v 23 ଆ଼ବା ମାହାପୂରୁ ଅ଼ଡ଼େ ପ୍ରବୁ ଜୀସୁ କ୍ରୀସ୍ତଇଁ ନାମିତି ତାୟି ତାଙ୍ଗିସ୍କାକି ହିତ୍‌ଡ଼ି, ଜୀୱୁନ଼ନାୟି ଅ଼ଡ଼େ ନାମୁ ହିୟାପେସି । 
\v 24 ଏଚେକା ଲ଼କୁ ମା଼ ପ୍ରବୁ ଜୀସୁ କ୍ରୀସ୍ତଇଁ କା଼ଲେଏ ଜୀୱୁ ନ଼ନେରି, ମାହାପୂରୁତି କାର୍ମାମେହ୍‌ନାୟି ଏ଼ ବାରେତାକି ଆ଼ପେ ।