\id 2JN - Kuvi
\ide UTF-8
\h ୨ଜହନ
\toc3 ୨ଜହ
\toc2 ୨ଜହ
\toc1 ଜହନ ରା଼ଚାମାନି ରୀ ଲମ୍ବର ଆ଼କୁ
\mt2 ଯୋହନଙ୍କ ଦ୍ୱୀତିୟ ପତ୍ର
\mt1 ଜହନ ରା଼ଚାମାନି ରୀ ଲମ୍ବର ଆ଼କୁ
\imt ମୂଲୁ ହା଼ଡା
\ip ରୀ ଲମ୍ବର ଜହନ ଆ଼କୁତି ଜୀସୁ କ୍ରୀସ୍ତ ଜାର୍ନାଆ଼ତି ୫୦ ଟିଏ ୧୦୦ ବାର୍ସା ଡା଼ୟୁ ପାଣ୍ତ୍‌ୱିଆ଼ହାମାନି ଜହନ ତା଼ଣାଟି ରା଼ସ୍‌କି ଆ଼ହାମାନେ । ଜହନ ଜାହାରାଇଁ ଆ଼କୁ ରା଼ଚିତାସି ଇଞ୍ଜିଁ ୱେହ୍‌ଆନା କୁଲମିତି ପ୍ରାଚିନାତେଏଁ ଇଞ୍ଜିଁ ୱେସିମାନେସି । ଜହନ ରୀ ଲମ୍ବର ଆ଼କୁତି ଜହନ ରା଼ଚିତି ନେହିଁ କାବ୍ରୁତଲେ ସମାନା ମାନେ । ଈ ପତିତା ଜୀସୁ ଏ଼ନିକିଁ ରଅସି ରଅଣାଇଁ ଜୀୱୁ ନ଼ନି କାତା ୱେସାମାଚେସି, ଜୀସୁତି ହୁକୁମିତି ହା଼ରେକା ମା଼ନି କିହିମାନେସି । ଏଲେକିହିଁଏ ଜୀସୁତି ହୁକୁମି ମା଼ନୱି ଆ଼ନାୟି ଆ଼ହିମାନେ ଏ଼ୱାଣାଇଁ ଜୀୱୁନ଼ନାୟି \xt ଜହ ୧:୫-୬; ଜହ ୧୫:୯-୧୦\xt* ।
\ip ଏଚିବେ଼ଲାତା ଏ଼ୱାସି ଏପିସିୟ ଗା଼ଡ଼ାତା ମାଚେସି ଏମ୍ବାଆଁ ଏ଼ୱାସି ଜହନ ରା଼ଚିତି ନେହିଁ କାବ୍ରୁ ଅ଼ଡ଼େ ଜହନ ମୂଲୁ ଆ଼କୁ, ଜହନତି ରୀ ଲମ୍ବର, ଅ଼ଡ଼େ ଜହନ ତୀନି ଲମ୍ବର ଆ଼କୁ ରା଼ଚାମାଚେସି ଇଞ୍ଜିଁ ଲ଼କୁ ନାମିମାନେରି । ଜହନ ଈ ଆ଼କୁତା ଆ଼ଚାମାନି ଇୟା ଅ଼ଡ଼େ ତାନି ମୀର୍‌କା ମା଼ସ୍‌କା ଇଞ୍ଜିଁ କୁଲମିତି ରା଼ଚିମାନେସି । ଜହନ ଈ ଆ଼କୁ ରା଼ଚିନି କାତା ଆ଼ହିମାନେ ନାମୁତା ମାନି ଲ଼କୁଣି ସା଼ସା ହୀନାୟି ଅ଼ଡ଼େ ମିଚି କାତା ୱେହ୍‌ନାରି ତା଼ଣାଟି ଜାଗ୍ରାତା କିହାଲି ରା଼ଚାମାନେସି ।
\iot ପତିତା ମାନାୟି
\io1 ୧ ଜହନ ଆ଼କୁ ପ଼ଡ଼ୱି ଆ଼ନାରାଇଁ ଜହରା କିନାୟି । \ior ୧:୧-୩\ior*
\io1 ୨ କୁଲମିତି ସା଼ସା ହୀହାନା ମାହାପୂରୁତି କାଜା ହୁକୁମିତି ଅଣ୍‌ପି କିନାୟି । \ior ୧:୪-୬\ior*
\io1 ୩ ମିଚି ଜା଼ପ୍‌ନାରି ତା଼ଣାଟି ଜାଗ୍ରାତା କିନାୟି । \ior ୧:୭-୧୧ \ior*
\io1 ୪ କୁଲମିତି ନାମୁଗାଟି ଲ଼କୁଣି ଜହରା କିହାନା ଆ଼କୁତି ରା଼ପ୍‌ନାୟି । \ior ୧:୧୨-୧୩\ior*
\c 1
\p
\v 1 ନା଼ନୁ, କୁଲମିତି ପ୍ରାଚିନାତେଏଁ, ମାହାପୂରୁ ଆ଼ଚାମାନି ଇୟା ଅ଼ଡ଼େ ତାନି ମୀର୍‌କା ମା଼ସ୍‌କାକି ଈ ଆ଼କୁ ରା଼ଚିମାଇଁ, ନା଼ନୁ ଏ଼ୱାରାଇଁ ସାତା ଜୀୱୁ ନ଼ହିଁମାଇଁ, ଅ଼ଡ଼େ ୱାର୍‌ଇ ନା଼ନୁ ଆ଼ଏ, ସାମା ସାତାତି ପୁଞ୍ଜାମାନି ବାରେଜା଼ଣା ଜୀୱୁନ଼ହିଁ ମାଞ୍ଜାନେରି । 
\v 2 ଆମିନି ସାତା ମା଼ ହିୟାଁତା ଡ଼ୟାମାନେ ଅ଼ଡ଼େ କା଼ଲାକା଼ଲାତାକି ମା଼ ତା଼ଣା ଡ଼ୟିନେ ।
\p
\v 3 ଆ଼ବା ମାହାପୂରୁ ଅ଼ଡ଼େ ତାନି ମୀର୍‌ଏଣା ଜୀସୁ କ୍ରୀସ୍ତ ତା଼ଣାଟି କାର୍ମାମେହ୍‌ନାୟି, ହିତ୍‌ଡ଼ି ଜୀୱୁ ହୀହାନା, ସାତା ଅ଼ଡ଼େ ଜୀୱୁ ନ଼ୱିଆ଼ହାନା ଡ଼ୟିଦେରି ।
\s ସାତା ଅ଼ଡ଼େ ଜୀୱୁନ଼ନାୟି
\p
\v 4 ନୀ ମୀର୍‌କା ମା଼ସ୍‌କା ବିତ୍ରାଟି ଏଚରଜା଼ଣା ଆ଼ବା ତା଼ଣାଟି ମାଙ୍ଗେ ହୀହାମାଞ୍ଜାନି ହୁକୁମି ଲେହେଁ ସାତାତି ତା଼କିନି ତା଼କୁ ମେସାନା ନା଼ନୁ ହା଼ରେକା ରା଼ହାଁ ଆ଼ହିମାଇଁ । 
\v 5 \x + \xo ୧:୫ \xo*\xt ଜହ ୧୩:୩୪; ୧୫:୧୨,୧୭\xt*\x*ଏ଼ ଜୀୱୁତି ଇୟା ନା଼ନୁ ନୀଏଁ ନିଙ୍ଗେ ର଼ ପୁଃନି ହୁକୁମି ରା଼ଚିମାଞ୍ଜାଇଁ ଏ଼ଦି ଆ଼ଏ, ସାମା ତଲିଟିଏ ବେଟାଆ଼ହାମାନି ହୁକୁମି ରା଼ଚାନା ବାତିମା଼ଲିମାଞ୍ଜାଇଁ, ମା଼ର ରଅତାୟି ରଅଣାଇଁ ଜୀୱୁନ଼ନାୟି ମାନେ । 
\v 6 ମା଼ର ତାନି ହୁକୁମି ମା଼ନୱି ଆ଼ହାନା ମାଞ୍ଜେ ମାନାୟି, ଈଦିଏ ଜୀୱୁ ନ଼ନି କାତା, ମୀରୁ ତଲିଟିଏ ଏ଼ନାଆଁ ୱେଞ୍ଜାମାଞ୍ଜେରି, ଏଲେଆ଼ହିଁଏ ମାଞ୍ଜୁ, ଈଦି ଏ଼ ହୁକୁମି ।
\p
\v 7 ନା଼ନୁ ୱେସିମାଇଁ, ଇଚିହିଁ ଆମିନି ଗାଟାରି ଜୀସୁ କ୍ରୀସ୍ତ ମାଣ୍‌ସି ୱା଼ଣା ତଲେ ୱା଼ହାହିଲଅସି ଇଞ୍ଜିଁ ଇନେରି, ଇଲେତି ହା଼ରେକା ନା଼ଡ଼ିକିନାରି ଦାର୍‌ତିତା ହ଼ଚା ୱା଼ହାମାନେରି, ଇଲେତି ଲ଼କୁ ନା଼ଡ଼ିକିନାରି ଅ଼ଡ଼େ ନା଼ଡ଼ିକିନି କ୍ରୀସ୍ତ । 
\v 8 ସାମା ମୀ ତାକି ମା଼ମ୍ବୁ କିହାମାନି କାମାତି ପା଼ଡ଼େୟି ବାରେ ଜା଼କ୍‌ଆନା ଏ଼ନିକିଁ ଏମ୍ବାଟି ହା଼ରେ ପୁରେ ବ଼ର ବେଟାଆ଼ଦେରି ଏ଼ଦାଆଁତାକି ଜାଗ୍ରାତା ଆ଼ଦୁ ।
\p
\v 9 ଆମ୍ବାଆସି କ୍ରୀସ୍ତ ଜା଼ପ୍‌ହା ମାନାଣି କିହାଁ ଆଗାଡ଼ା ଗା଼ଣ୍‌ନେସି, ଏ଼ୱାସି ମାହାପୂରୁଇଁ ବେଟାଆ଼ହାହିଲଅସି; ଆମ୍ବାଆସି କ୍ରୀସ୍ତ ଜା଼ପ୍‌ହା ମାନାଣି ତଲେ ଡ଼ୟିନେସି, ଏ଼ୱାସି ଆ଼ବା ଅ଼ଡ଼େ ମୀର୍‌ଏସି ଈ ରିଆରାଇଁ ଜିକେଏ ବେଟାଆ଼ହାମାନେସି । 
\v 10 ଆମ୍ବାଆସି ଇଲେକିଁ ଜା଼ପ୍‌ନାଣି ଆସାନା ମୀ ତା଼ଣା ୱା଼ଅସି, ଏ଼ୱାଣାଇଁ ମୀ ଇଜ ହା଼ଟାଆଦୁ, ଇଞ୍ଜାଁ ନେହିଁମାଞ୍ଜି କି ଜିକେଏ ଇନାଆଦୁ; 
\v 11 ଏ଼ନାଆଁତାକି ଇଚିହିଁ ଆମ୍ବାଆସି ଏ଼ୱାଣାଇଁ ନେହିଁମାଞ୍ଜି କି ଇନେସି, ଏ଼ୱାସି ତାନି ଲାଗେଏତି କାମାତା ଆଣ୍ତିନାସି ଆ଼ନେସି ।
\s ଆ଼କୁତି ରା଼ନି କାତା
\p
\v 12 ନା଼ନୁ ମିଙ୍ଗେ ହା଼ରେକା କାତା ରା଼ଚିନାୟି ମାନେ, ସାମା ଆ଼କୁତା ଇଞ୍ଜାଁ ସୀରା ତଲେ ରା଼ଚାଲି ଅଣ୍‌ପି ହିଲଅଁ; ମୀ ତା଼ଣା ୱା଼ହାନା ମୂମ୍ବୁ ମେସ୍‌ପି ଆ଼ହାନା ଗୂତି ତଲେ ଜ଼ଲ୍‌କି ଆୟାଲି ଆ଼ସା କିହିମାଇଁ, ଏ଼ନିକିଁ ମା଼ ରା଼ହାଁ ହା଼ରେକା ଆ଼ନେ ।
\p
\v 13 ମାହାପୂରୁ ଆ଼ଚାମାନି ନୀ ତାଙ୍ଗିନି ମୀର୍‌କା ମା଼ସ୍‌କା ମିଙ୍ଗେ ଜହରା କିହିମାଞ୍ଜାନେରି । ଆ଼ମେନ୍‌ ।