\id 1TI - Kandas \h 1 Timoti \toc1 A Mugano Pas anun o Pol torom o Timoti \toc2 1 Timoti \mt1 A Mugano Pas \mt2 anun o Pol torom \mt1 o Timoti \is1 A wasiso talapor mugu \ip A buk ri, a mugano pas anun o Pol torom o Timoti. O Timoti, i tagitong una papor Asia. O nano a ino Juda ma o tamano a te Grik. Una manru inawan anun o Pol, i pilok pas o Timoti sur der in nan tomo, ma der in papam tomo (tama Ap 16:1-3). Numur o Pol i ubek tar o Timoti sur in tene tamtamabat anun a taro na lotu tong o Epesus. \ip Una buk ri, o Pol i inanos o Timoti lena in tamtamabat a taro na lotu gusun a kum torotoro na tene ususer, sako det in banlaulau a nurnur anun a taro. I inanosi kai una wakak na etowo, ma un osi na ngas na taro ra det in pilok pas det sur det a kum tene pinapam tagun a lotu, ma una wakak na petutna ra in muri. \iot A inawan ina Mugano Timoti: \io1 A turturkibin ina buk ri (1:1-2) \io1 O Timoti in turbat a kum torotoro na etowo (1:3-20) \io1 A kisapi na lotu (2:1-15) \io1 A kum mugumugu na lotu (3:1-16) \io1 O Timoti in tamtamabat i ut, sur in nanpat a wakak na tene pinapam (4:1-16) \io1 A etowo torom o Timoti una nun a pinapam (5:1-6:21) \hr \c 1 \p \v 1 Iau o Pol, a aposel anun a Karisito Iesu, una itula anun o God, anundat a Tene Ulaun, ma a Karisito Iesu, o naro ra dat kis langlang suri nama nurnur. \v 2 A tumus a pas ri torom ui Timoti, a nutunglik mulus una nurnur. A marmaris ma a wakak na petutna ma a balano molmol, tan o God a Tamandat ma a Karisito Iesu anundat a Labino in kis torom ui. \s1 O Pol i inanos o Timoti sur in turbat a kum torotoro na etowo \p \v 3 Uniri a udekdek ui melet sur un kis ut tiro iai o Epesus, elar nami ra a sa watung tari tam ra a wan utong o Masedonia. Un kis sur un turbat det ra det ususer a taro un lako kum torotoro na etowo. \v 4 Ma gong det balon una kum etowo ororos kut, nama saksakutna na kabotaro, ra katu tintinipino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur. \v 5 A watungi lenra, sur a marmaris in lubung epotor tandat etetalai. A marmaris ra i wan tagun a tokodos na balandat, ma a wakak na nuknukindat ma a lingmulus na nurnur. \v 6 A ramano taro det sa wan gisen gusun a kum wakak na petutna ri, ma det mur a kum wasiso ororos mukut. \v 7 Det nemi sur det in ususer a taro una kum Warkurai anun o God, ra det nuki lena det tasman wakaki, ikut ka det tasman mulus asau ra det wasiso uni. \p \v 8 Dat tasmani lena a kum Warkurai det wakak, ra din papam wakak nami. \v 9 Dat tasmani lena a kum Warkurai ausur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det lotu torom o God, a kum tene sakino, det ra ka det mur a nemnem anun o God, det ra ka det ser ru o God, det ra det um doko a taro, det ra det um doko a kum tamtamandet o a kum nanandet, \v 10 det ra det pam a kum petutna na pamuk, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God. \v 11 A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri i wan tagisapat tan o God, a God na minamar ra i dan tukum. \s1 Pol i watung labo a marmaris anun o God \p \v 12 A watung wakak torom a Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi. \v 13 Numugu a ser watung laulau o Iesu, a banlaulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai. \v 14 Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino una Karisito Iesu. \p \v 15 I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop. \v 16 Ikut o God i maris iau, sur a Karisito Iesu in ese anun a wowowon na petutna torom iau, ra a laulau sakit tan a kum tene sakino rop. I ulaun iau ma i dumano ru anung a kum sakino petutna. Lenra, a wanpat a wakak na larlar, sur a taro det in tama asau ra o Iesu i pami un iau, ma det in nurnur un o Iesu, ma det in rakon a nilaun tukum. \v 17 Dat in pitar a wariru ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen. \p \v 18 Timoti a nutunglik, a kum etowo ri ra a pitari tam, i elar nama wasiso na poropet ra di sa watung tari un ui ra det wararing un ui. Ra un mur a kum etowo ri, ui ara wakak na tene inaim nama Wakak na Wasiso. \v 19 Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus rege ru i. \v 20 O Emineus ma o Aleksanda aru tagun det, ma a sa pitar tar der una laman o Satan, sur der in tasmani lena gong melet mo der watung laulau o God. \c 2 \s1 A etowo una kisapi na lotu \p \v 1 A mugano utna, a nemi lena a taro na nurnur det in wararing, nama niaring sur a utna det sibo suri, a niaring una taro, ma a niaring na watung wakak torom o God. Mot in wararing lenra una taro rop, \v 2 ma una kum king ma a kum mugumugu rop, sur dat in kis wowowon nama malmal, ma dat in mur a petutna ra o God i nemi ma dat in urur torom o God. \v 3 Ra mot in pami lenri, in wakak sakit ra o God, anundat a Tene Ulaun, in gas nami. \v 4 I nemi sur in ulaun a taro rop, ma det in tasman a lingmulus ino. \v 5 Uni ara God sot kut, ma ara sot kut kai ra i dat tomo o God ma a taro, a musano ri a Karisito Iesu, \v 6 i ra i pitar tar anun a nilaun sur in kul ulangolango pas a taro rop. Una du bung ra o God i sa kubus tari, o Iesu i ulingmulus a nemnem anun o God lena i nem na ulaun a taro rop. \v 7 Iri a kibino ra o God i pilok pas iau sur an aposel ma an warawai nama Wakak na Wasiso, ma an ususer a taro ra ausur a taro Juda nama nurnur mulus. A watung a lingmulus, ausur a torotoro. \p \v 8 A nemi sur a kum musano una kum tamon det in wararing ma det in tulsu a kum lamandet usapat netes, det in pitar tar det torom o God, ma gong det kankan ma gong det engaras. \p \v 9 A nemi kai sur a wardain det in emar nama malu ra i sot nama ememar anun a wardain. Det in emar nama ememar i upuaso a urur ma a wakak na ninunuk. Gong det iris a lorindet, gong det emar nama kum ngatngat na kamkabaran ra di pami nama gol o a kum ngatngat na wat, ma gong kai det emar nama kum malu na ememar ra a matandet i ka. \v 10 A wardain ra det watungi lena det lotu torom o God, det in emar nama kum wakak na pinapam. \p \v 11 Ra a wardain det in los a etowo tagun a Buk Tabu, i wakak sur det in kis wowowon ma det in unatino pas det. \v 12 Ka madek tar tu ino sur in ususer tu musano, ma ka madek tari kai sur tu ino in mugu tu musano. I wakak sur in kis wowowon kut. \v 13 Uni o God i ukis mugu o Adam ra numur o Iwa. \v 14 Ausur o Adam ra o Satan i lari. Awu! O Iwa kut ra o Satan i lari ra i puku, ra i pam a sakino. \v 15 Din ulaun a wardain kibino una usus. Din ulaun det ra det ser tur dekdek una nurnur, ma una marmaris. Det ra det ser mur a petutna ra o God i nemi, ma a petutna ra i sot sur a wardain det in muri. \c 3 \s1 A kum mugumugu na lotu \p \v 1 A wasiso ri i lingmulus sakit, lenri: Ra taio i nemi sur in mugumugu na lotu, i nem a wakak na pinapam sakit. \v 2 A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in warkurai bat anun a nilaun, i a ngas na musano ra a taro det urur uni, in ser gas pas a taro una nun a rumu, ma i a wakak na tene ususer. \v 3 Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani. \v 4 I wakak sur in mugu wakak det tamtamano, ma in ususer a kum nutnutunu sur det in tarom toromi nama urur. \v 5 A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God. \v 6 Gong taio i mugumugu na lotu ra i nukpukus matok taru kut, sako in umuman labino, ra in puku, ma din warkurai i elar nam o Satan. \v 7 I wakak sur a mugumugu i a ngas na musano ra a taro kai ra ka det ser lotlotu, det ser ru i. Ra awu, det in watung suri, ma in iru un in nukun anun o Satan. \s1 A kum tene warut una lotu \p \v 8 Lenkutkai ra torom a kum tene warut una lotu, i wakak sur det a kum ngas na musano ra a taro det ser urur un det, det in lingmulus una nundet a wasiso, gong det tene ininum ma gong det nemnem sur a labino mani. \v 9 Det in utur ukai a nurnur mulus ma a tokodos na ninunuk. \v 10 Din lar mugu tar det, ra numur, ra kataio in takun det un tu utna, din utur det maragom una pinapam na tene warut una lotu. \p \v 11 Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop. \p \v 12 A tene warut una lotu in nolin kut nam ara ino, ma in mugu wakak a kum nutnutunu, ma det rop una nun a rumu. \p \v 13 Det ra det papam wakak una pinapam na tene warut una lotu, a risandet in wakak, ma ka det in ngara sur det in wasiso puaso una nundet a nurnur una Karisito Iesu. \s1 A kibin anundat a nurnur \p \v 14 A nem na wanpat lakit torom ui, ikut a nuki lena in wakak ra an tumtumus mugu torom ui. \v 15 Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, a laun ino, det elar nama kum pos ma a kibin a rumu ra det udekdek a lingmulus. \v 16 A lingmulus, o God i upuaso mulusi lena, a etowo ra dat nurnur uni i labo sakit. I lenri: \q1 A Karisito i wanpat a musano, \q1 a Tokodos na Nion i upuaso i lena a Karisito i tokodos umatan o God, \q1 a kum ensel det tama i, \q1 a wasiso puaso uni i wan sarara torom a kum kamkabo taro rop, \q1 ma a susut una rakrakon bual det nurnur uni, \q1 i wan usapat ma i kis una minamar. \c 4 \s1 A kum torotoro na tene ususer \p \v 1 A Tokodos na Nion i watung puaso i lena, una kum tintinip na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion. \v 2 A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukindet i sa mat. \v 3 A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulus ino, det in watung wakak torom o God uni ma det in nani. \v 4 Uni a kum utna rop ra o God i ukis tar det, det wakak, ra gong dat ngaran ru det. Dat in watung wakak torom o God uni, ra dat in nani. \v 5 Uni a wasiso anun o God ma a niaring der uwakak a utna na inangon sur in wakak umatan o God. \s1 A wakak na tultul anun a Karisito Iesu \p \v 6 Ra un ususer a kum tistisim nama kum etowo ri, ui a wakak na tultul anun a Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri. \v 7 Un nan gisen gusun a kum saksak utna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God. \v 8 Ra dat ulason a pinindat una wap, i warut a pinindat. Ikut ra dat ulason dat sur a magirandat in wakak umatan o God, i warut dat una kum utna rop. Ausur una nilaun kut ri, i warut kai una nilaun kura numur. \v 9 A wasiso ri a watungi, i lingmulus sakit, i wakak sur dat in nurnur uni ma dat in muri. \v 10 I mo ri dat papam dekdek, uni dat kis langlang nama nurnur sur o God, i ra a lalaun ino ma a Tene Ulaun anun a taro rop, ra det nurnur uni. \p \v 11 Un inanos det ma un ususer det una kum utna ri. \v 12 Gong u madek tar taio sur in pas tataun tar ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri. \v 13 Un dekdek nama luk a Buk Tabu torom a kum tene nurnur, ma nama warawai ma a etowo torom det, tuk an nanpat. \v 14 Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui. \p \v 15 Un ulason ui una kum pinapam ri. Un pitar tar anum a nilaun uni, sur a taro rop det in tama ui lena u lubung una num a nilaun torom o God. \v 16 Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui. \c 5 \s1 A warut torom a kum ula \p \v 1 Ra un ukodos tu musano ra a mugano tam, gong u wasiso na kankan, un wasiso wowon kut elar nam i ra u pami torom o tamam. Un pam a wakak na petutna torom a kum barman elar nam i ra u pami torom a kum tistisim. \v 2 Un papam torom a kum ino ra a kum mugano tam, elar nam i ra u pami torom o nam, ma un papam torom a kum toraro, nama tokodos na petutna, elar nami ra u pami torom a kum tistisim a kum ino. \p \v 3 Un warut a kum ula ra kataio i tamtamabat det ma det sibo. \v 4 Ikut, ra tu ula a kum nutnutunu o a kum tumtubunu kura, i wakak ra det in upuaso mugu anundet a nurnur nama warut torom a kum kukundet, sur det in balu a marmaris anun a tamandet ma a nandet ma a kum tumtubundet. Ra det in pami lenra, o God in gas. \v 5 A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti. \v 6 Ikut, a ula, ra i nemi lena in gasgas oros kut, i laun, ikut a niono i sa mat. \v 7 Un ususer a taro nama kum etowo ri, sur gong tu etakun i los det. \v 8 Ra taio ke warut a kum kukunu, ma det kai ra tagun anun a rumu, i sa wan gisen gusun a nurnur. I ra i laulau sakit tan a taro ra ka det nurnur. \p \v 9 Un tumus ukai kut a risan a kum ula ra a wonom na noino kilalo anundet, ma usapat, sur a taro na lotu det in warut det. Det in warut a ngas na ino ra i nolin pas kut nam ara musano, \v 10 ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gis ru a kubus gusun a kikin a taro anun o God,\f + \fr 5:10 \ft A petutna anun a taro Juda i lenri: ra tu usiro in ruk una rumu, ma a kikino i kubus, a tultul in gisi. \f* i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop. \p \v 11 Ikut a kum ula ra ke wonom na noino kilalo utmakai, gong u tumus ukai a kum risandet. Uni, ra anundet a nemnem na nolin in katutur melet, det in nan gisen gusun o Karisito. \v 12 Ra a warkurai anun o God in los det, uni det sa kutus anundet a mugano liliman torom o Karisito. \v 13 Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra ausur anundet, ma det in watung a kum wasiso ra ke wakak sur det in watungi. \v 14 A nemi lena, a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni. \v 15 A ramano kum ula, det sa wan gisen ma det mur mukut o Satan. \v 16 Ra tu ino a tene nurnur, ma tu ula kura una nuna kabotaro, i wakak sur in tamtamabati, sur gong a taro na lotu det balon uni. A taro na lotu det in balon kut una kum ula ra kataio sur in tamtamabat det ma det sibo mulus. \s1 A wasiso una kum mugumugu \p \v 17 I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo. \v 18 Uni a Buk Tabu i watungi lena, “Gong u ker bat a wan a karabau ra i pas rumrum a wit, i kai in nangon ut.” \rq Lo 25:4 \rq* \m Ma i watungi kai lena, “I wakak sur a tene pinapam in los ut anun a ikul.” \rq Lk 10:7 \rq* \p \v 19 Gong u longoro tu etakun un tu mugumugu ra ara kut i takuni. Ra lako ru o lako tul detul in takuni, un longoro a etakun ra. \v 20 Ra tu mugumugu in pam a sakino petutna, un ukodosi umatana taro na lotu rop, sur in utumarong lako taro kai tagun det. \v 21 A wasiso dekdek torom ui umatan o God ma a Karisito Iesu ma a kum ensel ra o God i pilok pas det, sur un mur a kum itula ri, ma un pam a takano petutna kut torom a taro rop, ma gong u tur takano papor. \v 22 Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos. \p \v 23 Gong u inum a danim kut, un inumi kai lakalik wain sur in warut ui una misait ra kura un in balam, uni u misait liklik nami. \p \v 24 A sakino petutna anun a ramano taro din tama lele i, ra ka det in nanpat utmakai una kinkinis na warkurai. Ikut a sakino petutna anun ara taro kai kataio in tama lele lakiti, numur ut in nanpat talapor. \v 25 Lenkutkai ra, una kum wakak na pinapam. A kum wakak na pinapam anun a ramano taro i sa wanpat talapor. Ikut, anun ara taro kai, ka din tama lele i uniri, numur ut in nanpat talapor. \c 6 \s1 A etowo torom a kum tene ititula \p \v 1 Det ra a kum tene ititula, det in urur torom anundet a kum mugumugu, sur gong taio i watung laulau a risan o God ma anundat a etowo. \v 2 Ma det ra anundet a mugumugu a tene nurnur, gong det rosumur toromi, uni det tasmani lena det tar tistisino una nurnur. Det in ser tarom wakak toromi, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri. \s1 A nemnem sur a mani \p \v 3 Ra taio in ususer a taro nam tu etowo gisen, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God, \v 4 a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a sakino nuknuk eno sur a utna anun taio, a engaras, a emang, a nuknuk laulau torom a taro. \v 5 A ngas na taro ri, det ser pam pat a purpuruon, a nuknukindet ke tokodos, ma det rosumur gusun a lingmulus ino. Det nuki lena anundet a kinkinis una lotu in pam pat a mani sur det in tene ululeng. \p \v 6 Ikut ra dat mur a petutna anun o God, tomo nama gasgas una sau ra o God i etabor nami, i ra a ululeng mulus. \v 7 Ra dat wanpat nin una rakrakon bual ka dat los tu utna, ma ra dat in milet, ka dat in los tu utna kai taginin. \v 8 Ra andat a utna na inangon ma anundat a malu kai kuri i kis, asau ra dat in nuknuk melet suri? A nuknukindat in mana. \v 9 Ma det ra det nem a labino mani, det in puku una ululam, ma det in iru un in nukun, ma a kum nemnem ororos kut, ma a nemnem sur a utna ra, in banlaulau det. Ra in woro pirso a susut na taro una minat ma a iniru tukum. \v 10 Uni a nemnem sur a mani, i a kimkibina wur matano sakino petutna. Ma a ramano taro ra det ngara suri, det sa wan gisen gusun a nurnur, ma det banlaulau anundet a nilaun nama susut na mamaut. \s1 O Pol i udekdek o Timoti una pinapam na lotu \p \v 11 Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna. \v 12 Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro. \v 13 A inanos ui umatan o God, i ra i pitar a nilaun torom a kum utna rop, ma umatan a Karisito Iesu i ra i wasiso talapor un i ut umatan o Pontias Pailat. A inanos ui lenri: \v 14 Un tarom mulus una kum itula, ma gong u pam tu utna ra taio in takun ui uni, tuk una bung ra anundat a Labino o Iesu Karisito in nanpat melet. \v 15 Ra a bung in sot, o God ut in tulu ru i sur in nanpat melet. O God ara sot kut, a labino Tene Warkurai ma i dan tukum, a King anun a kum king, ma a Labino anun a kum lamlabino. \v 16 I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen. \p \v 17 Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami. \v 18 Un inanos det sur det in pam a wakakino, ma det in bukus nama kum wakak na pinapam, det in etetabor, ma det in ser isuaro a utna kai torom lako taro. \v 19 Ra det in pami lenri, det in utur ukai a ululeng mulus. I ra a wakak na kibina nundet a nilaun numur, sur det in los a nilaun ra a nilaun mulus. \p \v 20 Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut ausur a mananos mulus. \v 21 A ramano taro det watungi lena det tasmani ut a mananos ra, ra det sa wan gisen pas gusun a nurnur un o Iesu. \p A marmaris anun o God torom mot.