\id 1CO Doromu-Koki \ide 65001 - Unicode (UTF-8) \h 1 Corinth vene \toc1 Paul di ouresi bura Corinth vene rofu \toc2 1 Corinth vene \toc3 1 Cor \mt2 Paul di ouresi bura \mt1 Corinth vene \mt3 rofu \imt1 Ago di ini adina \im \bk Paul di ouresi bura Corinth vene rofu\bk* bi Corinth ekalesia vene di vegu ma mokena vari gira aena di vegu no fafau bura reyo. Paul yaku mina Corinth dubu kora reyo. Mirona ituari, Corinth bi Greek gagani di taoni tora, Rome vene di gagani yokoi roka Achaia di ourefeidena taoni. Ina bi kono tora noibanu di taoni kana. Ina bi voi resi sero rei mona rena, toutou vegu di matagini, koa rena vegu tau tora ma ofa sei nivakena vegu bouna bouna di roka nufa. \ip Paul di mokena tora bi amiye okuna ma koa rena ekalesia vene di fogori di vegu no fafau. Ka bi rema rumana varena, mena, uka di mokena di vegu, ekalesia vene ourefeidena ma gabireri raga rena, Vima kikifa di beika mado ma dadi rae rena di nikaitena nikabai reyo mina fafau. Mokena vabara dudu, gokai Ago buni mina nikaitena nikabai redo oteimaro. \ip Amiye tau gade gade yaku mina koro 13 di ago diba nidedi; bi Sei di beika mado buni buni—mina bi uka mana. \iot Beika sina ideri \io1 Ago di ini adina \ior 1.1–9\ior* \io1 Ekalesia vene di fogori amiye okuna \ior 1.10—4.21\ior* \io1 Rema rumana varena vegu ma yava vene di vegu \ior 5.1—7.40\ior* \io1 Ekalesia vene ma ofa sei nivakena vene \ior 8.1—11.1\ior* \io1 Ekalesia vene di vegu ma Sei nivakena vegu \ior 11.2—14.40\ior* \io1 Keriso ma mokena vari gira aededi vene di dadi rae rena \ior 15.1–58\ior* \io1 Judea ameyadi ekalesia vene rofu fore mana \ior 16.1–4\ior* \io1 Asiyaka rofu ago ma metona ago \ior 16.5–24\ior* \c 1 \p \v 1 Mina bura bi na Paul, kaere bi Sei di ura dada Iesu Keriso dudu, nifeidena amiye kana raka niyo, ma uni dubuini Sosthenes sa, una gutuna— \p \v 2 Sei di ekalesia vene Corinth ri amededi rofu, kaere Iesu Keriso dudu moi akeke risi sana tauri ini ma uni Varika amiye Iesu Keriso di roka vo nidedi, ina vene vakoisa Sei di vene kana nigedi raka niyo:\x + \xo 1.2 \xt Acts 18.1\x* \p \v 3 Uni Baba Sei ma Varika amiye Iesu Keriso di buni tora gade ma uka amuta ya maragane. \s1 Iesu Keriso dudu buni tora gade mana \p \v 4 Nai Sei rofu ya vene dada, toga toga buni tora gade maida, Sei di buni tora gade Iesu Keriso dudu ya maro dada, \v 5 ye beika tau noibanuri, ina dudu gugura tau nufa kana niyadi—ago nina ma mokena yora tau gade dudu. \v 6 Adina ya yaku niokuna ago Keriso dada bi moi gira riyadi, \v 7 ye uni Varika amiye Iesu Keriso di ogau nina meda uka dadina dudu, tua regasa buni tora gade di beika baika buni tau noibanu moiyadi dada. \v 8 Ina ka ya egira rego bogo ari metonari, ye uni Varika amiye Iesu Keriso di dena medari bi amiye yokoi ya ga ikimaraine. \v 9 Sei yaku ini nitore reyo ago kana redo, kaere bi ini Mida, uni Varika amiye Iesu Keriso sa auta rena bi sena ya raka niyo. \s1 Amiye okuna duburi \p \v 10 Kamini uni Varika amiye Iesu Keriso di roka dudu, usika ourena ya egira reida, ya vene tau noibanu ya kaya ya kaya ago moi yokoi maka risi yi utari okuna ga reyaganedi, idu mokena ma ura yokoi makari gobuno reyaganedi. \v 11 Adina usika ourena ya dada, Chloe di yava vene yaku yi utari kayamo reyadi sina na nioteimaradi. \v 12 Beika ya nigika reida bi yomakai: ya vene bedakai yaku nidedi, “Na bi Paul usi dida;” ma bedakai nidedi, “Na bi Apollos usi dida;” ma bedakai nidedi, “Na bi Peter usi dida;” ma bedakai nidedi, “Na bi Iesu Keriso usi dida.”\x + \xo 1.12 \xt Acts 18.24\x* \v 13 Makai vonisi bi Keriso bi moi berou berouri aeyadi! Ya vene dada bi Paul satauro ikoko reyadi ba? O ya bi Paul di roka dudu babatiso reyadi ba? \p \v 14 Na yaku Sei rofu buni tora gade maida ya yokoi bi babatiso de reyaka, idu Gaius ma Crispus maka.\x + \xo 1.14 \xt Acts 18.8; 19.29; Rom 16.23\x* \v 15 Ye yokoi nai roka dudu babatiso reyo bi makai de nigo. \v 16 Na ka Stephanas di yava vene babatiso reyaka, idu de mokeida amiye yokoi babatiso reyaka o de bi.\x + \xo 1.16 \xt 1 Cor 16.15\x* \v 17 Adina Keriso yaku babatiso regi de na nifeideyo, idu bi Sei di ago buni nirausi regika, diya amiye di mokena vabara di ago dudu, makai dudu bi Keriso di satauro odorori muyena bi vava de kana nigo baebu. \s1 Keriso bi Sei di vava ma ini mokena vabara \p \v 18 Adina Sei rofu boiyo rededi vene bi satauro odoro muyeyo sina bi forovai reyo, idu una moi vegu rido vene rofu bi Sei di vava mini. \v 19 Adina yomakai bura reyo:\x + \xo 1.19 \xt Is 29.14\x* \q1 “Mokena vabara nufa vene di mokena tora moi no risi \q2 diba nidedi vene di ada yora di mokena moi forovai regida.” \m \v 20 Mina ye, mokena vabara nufa amiye bi goini? Ago gira oteimana amiye bi goini? Gua medari ago nirorotari redo amiye bi goini? Sei bi mina kono tora noibanu di mokena vabara moi forovai reyo ba ide?\x + \xo 1.20 \xt Job 12.17; Is 19.12; 33.18; 44.25\x* \p \v 21 Adina kono tora noibanu amededi vene bi Sei di mokena vabara dudu bi Sei toto, ye amiye di mokenari bi forovai rena ago kana nirausi reyafa, mina dudu Sei di mokenari, bi buni mokena vari gira aededi vene moi vegu rigo. \v 22 Jew vene bi rebe usa usa nidedi ma tutubena idana vene\f + \fr 1.22 \fk tutubena idana vene: \ft Greek agori mina bi \fq Greek vene.\f* yaku mokena vabara maina rededi. \v 23 Idu una yaku Keriso bi satauro ikoko reyadi mina sina nirausi resifa. Jew vene rofu bi ini ida futu rena ago ma tutubena idana vene rofu bi forovai rena ago; \v 24 idu raka niyadi vene, Jew vene ma tutubena idana vene gogo, mina ago bi Keriso, kaere bi Sei di vava ma ini mokena vabara. \v 25 Adina Sei di forovai rena mokena yaku amiye di mokena vabara ebu redo, ma Sei di yau nina bi amiye di isivaga ebu redo. \p \v 26 Kamini nai usika ourena, Sei yaku ya raka niyori, ya bi gokai kana vene mina mokefa. Mina kono tora noibanu vene di mokena dada, ya tau de bi mokena vabara nufa, ya tau de bi vava nufa, ya tau de bi yava vene di roka tora nufa vata niyadi vene. \v 27 Idu Sei yaku beika baika bi mina kono tora noibanu vene di mokenari bi forovai rena mokena vabara nufa vene moi maena regika auba reyo; ina yaku beika baika mina kono tora noibanuri bi yau niyadi yeiva vene moi maena regika auba reyo. \v 28 Ina yaku beika baika mina kono tora noibanu vene di mokenari bi egona ma mokei itu rededi, mina auba reyo. Ye makai dada, Sei yaku beika baika konori amededi vene yaku vei mama rededi bi moi uroro rego, \v 29 ye amiye yokoi Sei di nemokori ni-ika de rebigo. \v 30 Idu Sei dada, Iesu Keriso sa, vegu amededi, ina kaere bi Sei yaku uni mokena vabara, mokena rorobo, moi akeke rina ma vegu no di voi rena kana riyo. \v 31 Mina dada, bura reyo kana: “Amiye kaere yaku ni-ika redo, bi Varika amiye ina yaku beika reyo mina dudu ni-ika rebiyaine.”\x + \xo 1.31 \xt Jer 9.24\x* \c 2 \s1 Keriso satauro ikoko reyadi di sina \p \v 1 Kamini usika ourena, na ya rofu negasa Sei di sui ago\f + \fr 2.1 \fq Sei di sui ago; \ft bura bedakai \fq niokuna ago Sei fafau \ft nufa.\f* bi diya ago buni buni o mokena vabara dudu ninegau reyaka. \v 2 Adina yi fogori amegasa beika yokoi de mokeyaka, idu Iesu Keriso ma ini satauro ikoko reyadi mina maka mokeyaka. \v 3 Ye yasa amegasa yau nisi ori resi tururu tora regamaka.\x + \xo 2.3 \xt Acts 18.9\x* \v 4 Resi nai sina ma nai ago bi diya\f + \fr 2.4 \ft Bura bedakai ka \fq amiye di \ft nufa.\f* mokena vabara di niguba regika ago dudu niyaka, idu Vima ma ini vava di oteimana ago dudu, \v 5 ye yi mokena vari gira aena bi diya amiye di mokena vabarari aebigedi, idu Sei di vavari aebigedi. \s1 Sei di mokena vabara \p \v 6 Ye tora niyadi vene rofu mokena vabara oteimasifa, idu bi diya gua ari di o ini ourefeidena vene di mokena vabara—bi uroro rebigo. \v 7 Idu sui ago dudu Sei di sui nina mokena vabara nisifa; mina Sei yaku senagi senagi oma ma kono rina koderi uni vabara dada mokeyo. \v 8 Gua ari di ourefeidena vene yokoi mina toto, adina diba niyagadu vonisi, bi vabara nufa Varika amiye satauro ikoko de reyagadu. \v 9 Idu bura reyo kana:\x + \xo 2.9 \xt Is 64.4\x* \q1 “Beika amiye yokoi di ne yaku vena de reyo ma anema yaku neidena de reyo, \q2 ma beika amiye di ukari mokena de reyo, \q2 mina bi beika Sei yaku ina uka madedi vene ina rofu dogo reyo.” \m \v 10 Idu\f + \fr 2.10 \fq Idu; \ft bura bedakai \fq Adina \ft nufa.\f* Sei yaku ini Vima dudu mina una rofu moi ogau riyo. Adina Vima yaku beika baika tau noibanu maina rei mona redo, Sei di sui nina mokena di moka ka. \v 11 Adina amiye di vima ini ideri amedo, ina maka iniye ini mokena diba. Ye makai Sei di Vima yaku maka Sei di mokena diba nido. \v 12 Kamini una bi mina kono di mokena de moiyafa, idu Vima kaere bi Sei di, mina moiyafa, ye beika baika davana nufa de, bi Sei una maro, mina diba nigedi dada. \p \v 13 Ma beika ago una yaku nisifa, mina bi amiye di mokena vabara dudu de oteimaradi, idu Vima\f + \fr 2.13 \ft Bura bedakai ka \fq kikifa \ft nufa.\f* dudu, ye makai Vima di ago rama bi Vima nufa vene rofu\f + \fr 2.13 \fq Vima nufa vene rofu; \ft o \fq Vima maro ago dudu.\f* nirorotari resifa. \v 14 Kamini Vima de nufa amiye bi Sei di Vima bi beika baika asanu de rego, adina ina rofu bi forovai rena ago; diba nigi anua rego, Vima dudu maka diba nigi dada. \v 15 Vima nufa amiye yaku beika baika tau noibanu di rama veifatedo, idu amiye yokoi yaku veifatei mona de rego. \q1 \v 16 “Adina kaere yaku Varika amiye oteimagi \q2 bi ini mokena diba niyo?” \m Idu, una bi Keriso di mokena moiyafa.\x + \xo 2.16 \xt Is 40.13\x* \c 3 \s1 Sei di naivo naivo vene \p \v 1 Nai usika ourena, Vima nufa vene kana ago ya rofu de nigida, idu ya bi mina kono di vegu vene kana dada, Keriso di vegu dada mida kakua kana. \v 2 Ya mida kakua kana susu ya vana reyaka, diya iruku gira gira, adina mina rofu dogo de reyadi. Ma gua ya ka dogo de rededi,\x + \xo 3.2 \xt Heb 5.12–13\x* \v 3 adina ya gua kono di vegu dudu toga amededi. Yi utari ya kaya ya kaya maunu nigasa kayamo regasa kono di vegu, amiye di vegu kana maka dada amededi ba ide? \v 4 Adina yokoi yaku nido, “Na bi Paul usi dida,” vo nisi yokoi yaku, “Na bi Apollos usi dida,” vo nidori, bi amiye di vegu maka kana rededi ba?\x + \xo 3.4 \xt 1 Cor 1.12\x* \p \v 5 Ye Apollos bi kaere? Ma Paul bi kaere? Una bi Varika amiye ini moimai nimaro naivo resifa vene; uni moimai dudu mokena vari gira aeyadi: \v 6 Na yaku yoyava varigamaka, ma Apollos yaku koru magamo, idu Sei yaku mina yoyava moi meto bosi tora riyo.\x + \xo 3.6 \xt Acts 18.4–11, 24–28\x* \v 7 Ye kaere yaku varido ma kaere yaku bi koru mado, mina bi beika yokoi de, idu bi Sei maka, kaere bi moi meto bosi tora rido. \v 8 Kamini varido amiye ma koru mado amiye, ini idana yokoi de. Ina remanuri, yokoi yokoi yaku beika moimai reyadi dada ini obini moigo. \v 9 Adina una vakoi bi Sei di moimai vene. Ya vene bi Sei di muro rena kono. \p Ya bi Sei di yava. \v 10 Sei di buni tora gade na maro dada, yava akuna ourefeidena amiye kana, yava di tobo gado variyaka ma amiye yokoi yava fafau akudo. Yokoi yokoi gokai akugo bi ina fafau aku mona reyaine. \v 11 Adina amiye yokoi yaku gado idana sena de variyo, mina de varigo; bi Iesu Keriso maka mini. \v 12 Idu amiye yokoi yaku goro, siriva, fore buni buni, yabo, oruma o doi dudu mina gado fafau akugo vonisi, \v 13 ini reremama bi vego, adina Keriso di dena medari erau nigo; ita dudu moi ogau rigo dada. Mina ita yaku amiye neinei ini reremama bi gokai ebene rego. \v 14 Ye amiye yokoi mina gado fafau reremama dudu akuyo ma mina moi no de rigo vonisi, bi ini obini moigo. \v 15 Ma ita yaku amiye yokoi di reremama ori kamu rego vonisi, mina bi boiyo rego, idu ita gutuna ori diyo kana, ina kaya moi vegu rigo. \p \v 16 Ye ya diba ba ide? Ya bi Sei nivakena yava, ma ini Vima bi ya ideri amedo.\x + \xo 3.16 \xt 1 Cor 6.19; 2 Cor 6.16\x* \v 17 Amiye yokoi yaku Sei nivakena yava moi no rigo vonisi, Sei bi moi no rigo; adina Sei nivakena yava bi akeke, ma ya bi mina nivakena yava mini. \p \v 18 Amiye yokoi ina kaya ga eru reyaine. Yokoi yi utari gua meda di vegu dada mokena vabara nufa mokego vonisi, moi forovai reyo amiye kana niyaine, ye mokena vabara nufa nigo. \v 19 Adina Sei di nemokori, mina kono di mokena vabara bi moi forovai rena mokena. Adina yomakai bura reyo, “Ina yaku mokena vabara vene ini aonega dudu buoru rido”;\x + \xo 3.19 \xt Job 5.13\x* \v 20 ma dudusa bura reyo, “Varika amiye yaku mokena vabara nufa vene di mokena ina diba; bi mokena tavoi maka.”\x + \xo 3.20 \xt Ps 94.11\x* \v 21 Ye amiye yokoi amiye dada ni-ika ga reyaine, adina beika baika tau noibanu bi yi. \v 22 Paul, o Apollos o Peter, mina kono tora noibanu, o vegu amena, o muyena, gua medari o gabi mamo—mina tau vakoi bi yi, \v 23 ma ya bi Keriso di ma Keriso bi Sei di. \c 4 \s1 Keriso di nifeidena vene \p \v 1 Amiye yokoi yaku Keriso di naivo naivo resifa vene ma Sei di sui ago moi gira iniye resifa vene kana una mokebiyaine. \v 2 Mina kana moimai rededi vene maina renari, bi vegu rama rededi vene kana veifategori bi buni. \v 3 Idu ya vene o kota rena amiye yokoi na kota regedi vonisi, bi na rofu bi beika baika keika iniye maka. Rama iniye, na kaya ka kota de reida. \v 4 Nai uka di mokenari no yokoi na fafau mina na na toto, idu makai na moi rama de redo. Ye Varika amiye na kota redo mini. \v 5 Mina dada, mina meda koderi, Varika amiye di dena koderi, kota ga refa. Mina medari, Varika amiye yaku beika baika mukunari sui niyadi bi vabara moi baesi amiye di uka di mokena moi ogau rigo. Kamini amiye neinei ini roka tora Sei gutuna moigo. \p \v 6 Nai usika ourena, ya rofu mina beika tau di ago gira na ma Apollos fafau aesi neideyaka, ye uni oteimana ago dudu kana, beika baika sena bura reyo, mina maka neidesi berou rofu ga diyaganedi. Ye makai yi utari yokoi yaku ni-ika ga reyaine, yokoi rofu ada resi yokoi rofu vei yarenari. \v 7 Amiye yokoi rofu ya bi idana de. Beika baika tau noibanu moiyo bi Sei yaku ya maro ba ide? Moiyori, bi beika resi yi vava dudu moina kana ni-ika reisa? \p \v 8 Beika tau ya yaku ura reyadi bi sena baku reyadi! Ya bi sena gugura tau nufa niyadi! Una bi yasa de ma ya bi kini niyadi! Ya vene bi kini kana ourefeidegedi bi buni, ye una ka ya venesa ourefeidegifa! \v 9 Adina mokeida Sei yaku una, ini nifeidena vene, bi egona sana rofu aeyo, kota resi muyegi moi feideyadi vene kana, kono tora noibanu di vene ma Sei di naivo naivo vima uni muyena vegedi vene niyafa dada. \v 10 Keriso dada amiye di mokenari, una bi ada de vene, ma ya bi Keriso dudu mokena vabara nufa vene. Una bi yau niyafa, idu ya bi yeiva. Amiye ya kikifa rededi, idu una vei yarededi. \v 11 Gokai gua mina meda nemoko ramari ka, una bi koru vaigasa rauna disi varuka kori maka risifa. Una uga imiga regasa rei no rededi ma uni varena amena sana bi koina. \v 12 Uni vana dudu moimai rei gira resifa. Una kovai nidediri, bi buni tora gade masifa; esika esika una madediri, bi are rei gira resifa;\x + \xo 4.12 \xt Acts 18.3\x* \v 13 una nifafana redediri, egira resifa. Una bi kono tora noibanu di sanika kana niyafa ma toga bi beika baika tau noibanu di kukune kana! \p \v 14 Ya moi maena regika, na yaku mina bura de reida, idu nai uka maida mida kana, ya ni mama regika dada. \v 15 Adina yi nari rededi vene ka Keriso dudu bi 10,000 vonisi, yi bakai bi tau de. Adina na bi ago buni dudu Iesu Keriso rofu yi baba niyaka. \v 16 Na beika reyaka ya yaku na tari reyaganedi ya niguba reida.\x + \xo 4.16 \xt 1 Cor 11.1; Phil 3.17\x* \v 17 Mina resi Timothy, kaere bi Varika amiye dudu, nai uka maida mida ma vegu rama redo amiye, ya rofu nifeideyaka; nai oteimana vegu gagani gagani tau noibanuri, dubu tau gaderi reida, Iesu Keriso dudu mina ya oteimago, ye mina dada mokegedi. \p \v 18 Ya vene rofu de bae negida kana, ya bedakai ada gira regasa ni-ika rededi. \v 19 Idu Varika amiye ini uka ura rego vonisi, bi evade ya rofu bae nesi diya mina ada gira regasa ni-ika rededi vene di ago, idu ini vava bi gokai maina regida. \v 20 Adina Sei di ourefeidena amena sana bi ago dudu baku de redo, idu bi vava dudu baku redo. \v 21 Yi uka bi beika ura rededi? Na bi ago gira dudu ya moi rorobo rigi ba uka mana ma amuta kui yovi yovi di vima dudu, ya rofu bae negida? \c 5 \s1 Koa rena vegu duburi \p \v 1 Rama ya vene di utari koa rena vegu di sina na nioteimaradi, ma makai kana bi tutubena idana vene di utari de vata niyo, adina amiye yokoi yaku vadema aeyo nokaisa varedo.\x + \xo 5.1 \xt Deut 22.30\x* \v 2 Ya yaku ni-ika rededi! Idu ya bi iriyeduka resi isaka nibiyagadu. Mina reyo amiye yi utari meki rei feidefa. \v 3 Ma gokai ya rofu nai roaita bi gaima iniye, idu vima dudu bi yasa ameida; ma mironari kana, mina kana vegu reyo amiye sena moi kota aeyaka. \v 4 Varika amiye Iesu di roka dudu egogo regedi ma na nai vima bi yasa amegori, bi uni Varika amiye Iesu di vava dudu \v 5 mina amiye moi Satani mafa, ini roaita moi no riyaine, ye Varika Amiye\f + \fr 5.5 \ft Bura bedakai ka \fq Iesu \ft nufa.\f* di medari, bi ini vima moi vegu riyainedi dada. \p \v 6 Yi ni-ika rena bi buni de. Ya ya diba ba ide, yeast bubudo keika farava mekuna noibanuri moi urudo?\x + \xo 5.6 \xt Gal 5.9\x* \v 7 Yeast kori bi moi makufa, ye farava mekuna ruaka niyaganedi, adina rama iniye ya bi yeast nufa de. Adina Keriso, uni Ferei ebu rena irakuna di Mamoe mida, bi sena vegu no rofu ori sisika kana\f + \fr 5.7 \ft Bura bedakai ka \fq una rofu \ft nufa.\f* umuyeyadi.\x + \xo 5.7 \xt Ex 12.5\x* \v 8 Mina dada, yeast kori dudu irakuna bi moi ada ga rebinadi, mina bi gubuyo ma no, idu yeast de nufa beredi dudu, mina bi mokena yokoi maka ma ago rama dudu mini.\x + \xo 5.8 \xt Ex 13.7; Deut 16.3\x* \p \v 9 Nai bura renari niyaka koa rededi venesa auta ga refa. \v 10 Idu ini adina, bi diya mina kono tora noibanu di koa rededi vene, o udu rededi vene, o duma duma rededi vene, o ofa sei nivakededi vene, adina makai kana vonisi, bi mina kono tora noibanu ferei digedi. \v 11 Idu gua na yaku ya vene rofu bura reida bi usika ourena yokoi di roka nufa ma amiye diba nidedi ina bi koa redo, o udu redo, o ofa sei nivakedo, o amiye kovai nido, o koru gira tau gade irido, o duma duma redo vonisi, bi auta ga refa. Mina kana amiyesa iruku ka irina ga rebifa. \p \v 12 Adina na bi beika resi etofaro vene moi kota regida? Ya bi ekalesia vene di fogori vene moi kota reyaganedi. \v 13 Idu Sei yaku etofaro vene moi kota rego. “Amiye no yi utari meki rei feidefa.”\x + \xo 5.13 \xt Deut 13.5; 17.7\x* \c 6 \s1 Usika ourena moi kota aena \p \v 1 Ya yokoi yaku yokoi rofu kayamo regasa bi mokena vari gira de aededi vene di budari moi kota aego, idu Sei di vene di budari moi kota de aego ba? \v 2 Ya ya diba ba ide Sei di vene yaku kono tora noibanu di vene kota regedi? Resi ya bi kono tora noibanu di vene kota regedi vonisi, beika resi ya bi buni de, mina kayamo keika kota regika? \v 3 Ya ya diba ba ide una yaku Sei di naivo naivo vima kota regifa? Gokai regasa besa besa mina vegu amenadi? \v 4 Ye, mina kana kayamo nufa vonisi, beika resi ekalesia vene di utari, kikifa de rededi vene di budari, mina moi kota aededi? \v 5 Ya moi maena regika makai nida. Rama yi utari bi amiye yokoi, kaere mokena vabara nufa, usika ourena remanu di kayamo moi kota rego ba ide? \v 6 Idu gokai bi usika ourena yaku mokena vari gira de aededi vene di budari ini usika ourena moi kota redo? \p \v 7 Rama iniye yi utari ya kaya ya kaya moi kota rededi, mina bi oteimado ya bi sena yareyadi. Idu, bi buni ya rofu no rena moiyaganedi. Bi buni ya rofu duma duma rena moiyaganedi. \v 8 Idu ya kaya ya kaya rofu no resi duma duma rededi—kaere bi mokena vari gira aededi vene mini! \v 9 Ya ya diba ba ide mokena vari gira de aededi vene yaku Sei di ourefeidena amena sana de moigedi? Ya kaya ya kaya ga eru rebifa; kaere ina bi koa rededi, o ofa sei nivakededi, o meyadi vene kana bi koa rededi, o rumana vene bi rumana vene idanasa ini roaita rau rededi, o rumana vene bi rumana venesa koa rededi, \v 10 o duma duma rededi, o udu rededi, o koru gira tau gade iridedi, o amiye nifafana rededi, o eru rena dudu duma duma rededi vene yaku Sei di ourefeidena amena sana de moigedi. \v 11 Ma ya vene bedakai bi makai regamadi. Idu Varika amiye Iesu Keriso di roka ma uni Sei di Vima dudu ya koitesi moi akeke risi yi vegu bi moi rorobo riyo. \s1 Yi beika yi roaita dudu regedi bi Sei di roka moi odoro riyaganedi \p \v 12 Amiye bedakai yaku nidedi, “Beika baika tau noibanu na rofu bi tabu de,” idu mina beika tau noibanu bi buni de. “Beika baika tau noibanu na rofu bi tabu de,” idu beika yokoi yaku moimai rei tavoi rena amiye kana ga na ourefeideyaine.\x + \xo 6.12 \xt 1 Cor 10.23\x* \v 13 Amiye yaku ka nidedi, “Iruku bi uni rivo di, ma uni rivo bi iruku di.” Idu, Sei yaku mina remanu moi no rego. Idu roaita bi diya koa rena vegu di, idu bi Varika amiye di, ma Varika amiye bi uni roaita nari redo. \v 14 Ma Sei yaku muyenari Varika amiye moi dadi rae reyo kana, ini vava dudu una ka moi dadi rae rego. \p \v 15 Ya ya diba ba ide yi roaita bi Keriso di? Na yaku Keriso di roaita eta berou moisi koa redo rema di roaitasa moi kake rigida ba? Ide mada! \v 16 Ye ya ya diba ba ide kaere ini roaita koa redo, rema di roaitasa moi kake rido bi inasa roaita yokoi maka nigo ba? Adina yomakai bura reyo, “Ina remanu bi roaita yokoi maka nigedi.”\x + \xo 6.16 \xt Gen 2.24\x* \v 17 Idu kaere amiye yaku Varika amiyesa moi kake rigo bi inasa vima yokoi maka nigo. \p \v 18 Koa rena vegu egavoi refa. Vegu no idana tau gade amiye yaku redo bi roaita tunu de redo, idu koa redo amiye bi ini roaita rofu vegu no redo. \v 19 Ye ya ya diba ba ide yi roaita bi yi ideri amedo Vima kikifa di nivakena yava ba? Bi Sei rofu moiyadi; kamini toga bi diya yi, idu Sei di.\x + \xo 6.19 \xt 1 Cor 3.16; 2 Cor 6.16\x* \v 20 Adina davana dudu ya voi reyo. Mina dada, yi roaita\f + \fr 6.20 \ft Bura bedakai ka \fq ma yi vima, bi Sei di, mina \ft nufa.\f* dudu Sei di roka moi odoro rifa. \c 7 \s1 Rema mena di nikaitena \p \v 1 Kamini ya beika bura reyo dada: \p Buni bi rumana yaku remasa ga vareyaine.\f + \fr 7.1 \fq remasa ga vareyaine; \ft o \fq rema ga meyaine.\f* \v 2 Idu koa regi uka maina regika nivena dada, rumana neinei bi ini odima yokoi maka nufa ma rema neinei bi ini maruka yokoi maka nufa bi buni. \v 3 Maruka yaku ini odima ini meyo reremama rofu reyaine, ma odima ka makai dudu ini maruka rofu reyaine. \v 4 Odima bi ini roaita fafau ourefeidena vegu nufa de, idu bi ini maruka di. Mina makai kana, maruka bi ini roaita fafau ourefeidena vegu nufa de, idu bi ini odima di. \v 5 Ya kaya ya kaya ga moi kekevata uyagane, idu yi uka yokoi maka nina dudu meda keika makari, ye usa usa nina gabireri raga regedi dada. Mina usi bi dudusa dairisi vakoi egogo refa, yuka vana nari rena nufa de dudu dada, Satani bi yi uka maina regika nivego baebu. \p \v 6 Idu mina nida bi ya aedegika; diya bi ago gira kana. \v 7 Ye nai ura reida bi amiye tau noibanu bi mena de amiye kana ka nigedi, na kana. Idu amiye neinei yaku ini beika baika buni bi Sei yaku maro, yokoi bi mina ma yokoi bi mirona. \p \v 8 Kamini na yaku mena de vene ma obu vene rofu nida bi buni na kana toga mena de ameyaganedi. \v 9 Idu ini yuka vana nari rena anua regedi vonisi, buni bi megedi. Adina mego bi buni, de bi moke moke dudu vai goragora rego. \p \v 10 Ye na yaku mena vene rofu mina ago gira ya maida. Bi diya na yaku ya maida, idu Varika amiye yaku: odima yaku ini maruka ferei gaima ga reyaine.\x + \xo 7.10 \xt Mt 5.32; 19.9; Mk 10.11–12; Lk 16.18\x* \v 11 Idu makai rego vonisi, dudusa ga meyaine, o ini marukasa uka moi amuta reyaine. Maruka ka ini odima ga fereyaine. \p \v 12 Ya bedakai vene rofu ago nida. Mina ago bi na yaku nida, ma diya Varika Amiye yaku: dubuini yokoi bi ini mokena vari gira de aedo rema nufa, ma ini ura rena bi inasa toga amebigo vonisi, mina rumana bi ga fereyaine. \v 13 Ma rema yokoi bi mokena vari gira de aedo maruka nufa, ma ini ura bi inasa toga amebigo vonisi, mina rema bi ga fereyaine. \v 14 Adina mokena vari gira de aedo maruka bi ini odima dada moi kikifa redo, ma mokena vari gira de aedo odima bi ini maruka dada moi kikifa redo. Mina makai de regori bi yi mida mida kino nigedi, idu makai dudu bi kikifa. \v 15 Idu mokena vari gira de aedo amiye yaku ferego vonisi, bi kaini reyaine. Mina ida dudu usika ourena bi erufugo. Sei ya uka amuta rofu raka niyo. \v 16 Adina odima bi ina toto ini rumana moi vegu rigo, ma maruka ka ina toto ini rema moi vegu rigo. \s1 Sei ya raka niyo kana vegu amefa \p \v 17 Kamini amiye neinei bi vegu gokai Varika amiye masi raka niyo dudu makai amebiyaine. Mina bi nai ago gira ekalesia vene tau noibanu rofu. \v 18 Amiye yokoi raka niyori bi sena ini roaita nugaro vonisi, bi mina bera moi etae ga riyaine. Amiye yokoi raka niyori bi ini roaita de nugaro vonisi, bi ini roaita ga nugaraine. \v 19 Adina roaita nugana ma roaita de nugana bi ini buni yokoi de, idu Sei di ago gira neidena bi buni. \v 20 Amiye neinei raka niyori gokai vegu amegamo kana, makai toga ameyaine. \v 21 Ya raka niyori bi moimai rei tavoi reyo amiye ba? Mina rofu mokena ga moi toe reyaine. Idu ya erufugo di ida baku regiya vonisi, bi mina re. \v 22 Adina amiye kaere moimai rei tavoi reyo amiye kana Varika Amiye yaku raka niyori, bi Varika amiye yaku erufuyo amiye. Mina makai, amiye kaere erufuyo amiye kana Varika Amiye yaku raka niyori, bi Keriso di moimai rei tavoi redo amiye. \v 23 Sei yaku davana dudu ya voi reyo; ye amiye di moimai rei tavoi rededi vene ga nifa. \v 24 Kamini usika ourena, gokai kana amiye ya neinei raka niyo, bi Sei sa makai ameyainedi. \s1 Mena de vene ma obu vene di nikaitena \p \v 25 Kamini mena de vene dada bi Varika amiye rofu ago gira yokoi de moiyaka, idu amiye yokoi kana, kaere bi Varika amiye di iriyeduka dudu vegu rama reida, na yaku nai mokena ya maida. \p \v 26 Mina dada gua mina uka vorivori renari, nai mokeida bi buni amiye gokai vegu amedo kana, makai amebiyaine. \v 27 Ya rema meyo ba? Odima feregi maina ga re. Ya bi mena de reyo ba? Rema maina ga re. \v 28 Idu ya yaku rema megiya vonisi, bi vegu no de regiya, ma rema yaku rumana mego vonisi, ka bi vegu no de rego. Idu mededi vene bi mina kono tora noibanu di mena vegu di esika esika baku rededi, ma na ura reida ya mina no de baku rebigedi. \p \v 29 Idu nai usika ourena, na beika nida di adina bi yomakai: ari bi tumu niyo. Ye gua bodo mamo rema nufa vene bi rema mena de kana ameyagane; \v 30 ye isaka isaka nidedi vene bi isaka de nidedi kana ameyagane; ma uka ada rededi vene bi ada de rededi kana ameyagane; ma voi rededi vene bi beika yokoi de nufa kana ameyagane; \v 31 ma kono tora noibanu di gugura dudu moimai rededi vene bi mina gugura nufa de kana moimai reyagane. Adina mina kono tora noibanu di beika baika bi evade tutumui digedi. \p \v 32 Na ura reida ya bi mokena toe de moigedi. Mena de reyo amiye yaku Varika amiye di beika baika rofu mokei tora aedo; mina bi gokai Varika amiye di uka moi ada rego. \v 33 Idu meyo rumana bi kono tora noibanu di beika baika rofu mokei tora aedo; mina bi gokai ini odima di uka moi ada rego, \v 34 ye ina bi eta remanuri moi adaka riyo. Ma sena meyo ma gua bi mena de amedo rema, ma mena kode rema bi Varika amiye di beika baika rofu mokei tora rededi, mina bi gokai roaitari ma vimari moi akeke rigedi. Idu meyo rema bi mina kono tora noibanu di beika baika rofu mokei tora redo, ini maruka di uka moi ada regi ura redo dada. \p \v 35 Ye na yaku yi buni dada mina nida, toe ya fafau aegika rofu de, idu ya yaku vegu buni resi moi adaka de reyo mokena de dudu, ya kaya ya kaya Varika amiye ekure reyagane rofu. \p \v 36 Ye rumana yokoi ini nikau reyo rema rofu vegu rama de regika mokego, ma ini roaita di ura dadigo ma rema ka mena roaita niyo vonisi, bi ini uka di ura rena kana megori: bi meyaine.\f + \fr 7.36 \fq ini nikau reyo rema…meyaine; \ft o \fq ini mena kode vefa rofu vegu rama de regika mokego ma mena ari bi doba deri okigo vonisi, bi ini uka di ura rena kana megori: bi meyaine.\f* Mina bi vegu no de. \v 37 Idu amiye kaere ini ukari, ini mokena bi moi gira risi amiye di vava gabireri de amedo, ye ini yuka vana nari resi ini ukari ini mokena moi nomu rigo vonisi, bi nikau rena kana amego,\f + \fr 7.37 \fq bi nikau rena kana amego; \ft o \fq ini vefa di mena gana rigo.\f* mina bi ina rofu bi buni. \v 38 Mina resi kaere ini nikau reyo rema mego\f + \fr 7.38 \fq ini kau reyo rema mego; \ft o \fq ini vefa megi ferego.\f* bi vegu buni rego, ma kaere mena de rego\f + \fr 7.38 \fq mena de rego; \ft o \fq ini mena gana rigo.\f* bi vegu buni iniye rego. \p \v 39 Rema ini maruka vegu amebigori, bi ferena anua de rego. Idu ini maruka muyego vonisi, bi erufugo ma ini ura rego dada, Varika amiye auta redo rumana maka mego. \v 40 Idu nai mokenari, mina rema yaku gokai amedo kana amego vonisi, bi ada tora rego. Ye na ka bi Sei di Vima nufa mokeida. \c 8 \s1 Ofa sei nivakegi iruku mana di nikaitena \p \v 1 Kamini ofa sei nivakegi vibani umuyesi mana dada: \p Ye nidedi kana, una una diba, “una tau vakoi bi diba nina nufa.” Amiye yaku mina “diba nina” dudu ni-ika redo, idu uka mana dudu amiye moi odoro rido. \v 2 Amiye yokoi bi beika yokoi diba niyo mina mokego vonisi, bi diba niyaine ini diba bi keika maka. \v 3 Idu amiye yokoi Sei uka mago vonisi, bi Sei yaku ina diba nigo. \p \v 4 Mina resi ofa sei nivakegi vibani umuyesi mana mina irina dada, una una diba bi ofa sei bi rama iniye de; ma Sei bi yokoi maka, ma ina bi rama. \v 5 Adina omari ma konori bi beika tau “sei” roka nidedi; bi “sei” ma “varika vene” bi tau. \v 6 Idu una rofu Sei bi yokoi maka, ma uni Baba, kaere yaku beika baika tau noibanu riyo ma ina dada gua amesifa; ka bi Varika Amiye yokoi maka, Iesu Keriso, kaere beika baika tau noibanu bi ina dudu riyo ma gua amesifa. \p \v 7 Idu amiye tau noibanu bi mina toto. Ye bedakai, ofa sei sena nivakegamadi dudu, gua ini iruku ofa sei nivakegi manari kana iridedi ma ini uka di mokena yau ninari moi kino ridedi. \v 8 Idu iruku yaku Sei atafu una afei de bogo; mina iruku de irigifa vonisi, bi no de nigifa, ma irigifa vonisi, bi buni de nigifa. \p \v 9 Idu nari refo, ye yi mina regedi di vava bi uka di mokena yau vene moi yaregedi baebu. \v 10 Adina amiye yokoi yaku yi “diba nina” nufa amiye ofa sei nivakena yavari iruku irigiyari, bi mina vego vonisi, bi ini uka di mokena moi yau nina dudu, bi makai kana ofa sei nivakegi maradi iruku irigika rofu egira rego ba ide? \v 11 Ye yi “diba nina” dudu, mina uka di mokena moi yau riyo amiye bi moi no rigo, kaere bi usika ourena, Keriso yaku ina dada muyeyo! \v 12 Ye yi usika ourena rofu, vegu no resi ini uka di mokena yau nina besa ubobo regasa Keriso rofu vegu no rededi. \v 13 Mina dada, iruku yaku nai usika ourena moi eyarego vonisi, bi dudusa vibani di musa toga toga de irigida, nai usika ourena yaregedi baebu. \c 9 \s1 Nifeidena amiye di vava ma reremama \p \v 1 Na bi erufuna amiye ba ide? Na bi nifeidena amiye ba ide? Na yaku Iesu uni Varika amiye veyaka ba ide? Ya bi nai reremama regamaka Varika amiye dudu ba ide? \v 2 Na bi bedakai vene rofu bi diya nifeidena amiye vonisi, rama ya maka rofu bi, adina nai reremama rena Varika amiye dudu, ya rofu oteimadedi na bi nifeidena amiye rama. \p \v 3 Amiye na emadediri, mina bi gokai na kaya nigira reida: \v 4 Uni rama nufa moimai rena rofu iruku ma koru irigifa ba ide? \v 5 Nifeidena vene bedakai, Varika amiye di dubuiyaka ma Peter rededi kana, uni rama nufa bi mokena vari gira aedo odima unasa afei digifa ba ide? \v 6 O bi Barnabas ma na maka kaere bi vegu amena di moimai reyagane ba? \v 7 Kaere amiye yaku ini fore dudu iya rena amiye kana naivo rego? Kaere yaku waini meko di muro varisi bi ini meko irina de rego? O kaere yaku boromakau o gouti dogo resi ini miruka be bi irina de rego? \p \v 8 Na yaku amiye di mokena dada mina nida ba? Ago gira yaku ka makai kana nido ba ide? \v 9 Adina Moses di ago girari yomakai bura reyo: “Boromakau yaku witi meko etei rigasa iruku irigi regori, ini vena fafa ga ri.” Makai ye, Sei yaku boromakau rofu mokedo ba de?\x + \xo 9.9 \xt Deut 25.4; 1 Tim 5.18\x* \fig Boromakau witi meko etei rigasa iruku iridedi|src="47_1Cor9.9_OxTread.tif" size="col" ref="9.9" \fig* \v 10 O una dada makai kana nido ba ide? Una dada bura reyo, kono guri rido amiye ma meko etei risi udo rido amiye uka mokena dudu muro di iruku rau reyagane dada. \v 11 Yi utari vima di beika baika variyafa vonisi, ya gutuna gugura be moigifa bi buni ba ide?\x + \xo 9.11 \xt Rom 15.27\x* \v 12 Ye amiye bedakai bi mina vava ya fafau nufa vonisi, una ka besa bi mina kana vava nufa ba ide? \p Una bi mina usa nina vava nufa, idu de nigifa, adina bi buni una yaku beika baika tauri are rei gira regifa, idu Keriso di ago buni biri rigifa vonisi, bi no. \v 13 Ya ya diba ba ide, Sei nivakena yavari naivo rededi vene minari ini iruku moidedi, ma ori sisika rena fore fatari, naivo rededi vene ini beika baika rau rededi ba ide?\x + \xo 9.13 \xt Deut 18.1\x* \v 14 Mina ida yokoi maka dudu, Varika amiye yaku ago gira maro bi ago buni niogau rededi vene bi ini moimai dudu obini moigasa amebiyaganedi.\x + \xo 9.14 \xt Mt 10.10; Lk 10.7\x* \p \v 15 Idu mina vava dudu beika yokoi de reyaka, ma na ka mina vava moigika dada, mina bura de reyaka. Adina bi na kaya dogo regida, ide vonisi, bi muyegida bi buni ma amiye yokoi bi nai ni-ika regida di ida biri de rego. \v 16 Adina ago buni niogau regida vonisi, bi ni-ika rena di ida de na mago. Adina rama iniye na regida. Ago buni niogau de regida vonisi, bi na rofu iriyeduka no iniye! \v 17 Adina na mina regi ura regida vonisi, bi mina moimai di obini moigida, idu ura de dudu vonisi, bi Sei yaku toga mina moimai regida di na nimaro. \v 18 Ye nai obini bi beika? Bi mini: nai niogau renari, davana de dudu\f + \fr 9.18 \ft Bura bedakai ka \fq Keriso di \ft nufa.\f* ago buni nioteimagida, ye ago buni dada, nai vava tau noibanu dudu de reremama regida. \p \v 19 Adina na bi amiye yokoi di moimai rei tavoi reida amiye de. Idu na bi amiye tau noibanu rofu naivo reida amiye kana na kaya niyaka, ye besa amiye tau moi yova rigida dada. \v 20 Jew vene rofu Jew amiye kana niyaka, ye Jew vene moi yova rigida dada. Ago gira gabireri raga rededi vene rofu ago gira gabireri raga reida amiye kana niyaka (idu rama na bi ago gira gabireri raga de reida),\f + \fr 9.20 \fq idu...reida; \ft bura bedakai mina ago nufa de.\f* ye ago gira gabireri raga rededi vene moi yova rigida dada. \v 21 Ago gira nufa de vene rofu ago gira nufa de amiye kana niyaka (idu rama na bi diya Sei di ago gira nufa de, idu Keriso di ago gira gabireri raga reida), ye ago gira nufa de vene moi yova rigida dada. \v 22 Yau niyadi vene rofu yau nina amiye kana niyaka, ye yau niyadi vene moi yova rigida dada. Amiye tau noibanu rofu beika baika tau kana niyaka, ye beika baika dudu bedakai moi vegu rigida dada. \p \v 23 Mina tau noibanu, ago buni dada reida, ye ini buni tora gade mana dudu, ina venesa rau regida dada. \v 24 Ya ya diba ba ide, raga rena sanari, raga rededi vene tau noibanu raga rededi, idu yokoi maka ini obini moigo? Kamini obini moigi kana raga refa. \v 25 Isira redo amiye neinei yaku beika baika tau noibanuri ini yuka vana nari redo. Obini gabi no nigo, mina moigi makai rededi, idu obini de no nigo mina moigi una makai resifa. \v 26 Mina resi raga rei tavoi de reida; ruda amiye aura ubobo redo kana ruda de reida. \v 27 Idu esika dudu nai roaita dogo resi moimai rei tavoi redo amiye kana ourefeideida, bedakai rofu ago nirausi resi obini de moigida baebu. \c 10 \s1 Ofa sei fafau ago gira mana \p \v 1 Adina nai usika ourena, na ura reida ya mina diba nigedi, uni bobada vene tau noibanu seuya gabireri amesi davara tobori boi neyadi.\x + \xo 10.1 \xt Ex 13.21–22; 14.22–29\x* \v 2 Ina tau noibanu bi mina seuya ma davara dudu babatiso rena kana, Moses di usi dina vene niyadi. \v 3 Ina tau noibanu yaku Vima di iruku yokoi maka irisi\x + \xo 10.3 \xt Ex 16.35\x* \v 4 Vima di koru yokoi maka irigamadi. Adina Vima di fore ina usi diyo ma mina gutuna koru iriyadi; mina fore bi Keriso.\x + \xo 10.4 \xt Ex 17.6; Num 20.11\x* \v 5 Idu Sei bi ina tau tora rofu ada de reyo, ye gagani autu sanari muyei vau reyadi ma ini roaita mina kono fafau feresi ameyadi.\x + \xo 10.5 \xt Num 14.29–30\x* \p \v 6 Kamini mina vegu una oteimasi ni mama regi dada bi vata niyadi, ye ina vene yaku makai reyadi bi ga ura renadi.\x + \xo 10.6 \xt Num 11.4\x* \v 7 Ina bedakai ofa sei nivakededi vene kana ga nifa; yomakai bura reyo kana, “Amiye yaku iruku ma koru gira irigi ameinu resi koa rena vegu regi kora reyadi.”\x + \xo 10.7 \xt Ex 32.6\x* \v 8 Bedakai koa reyadi kana una bi makai kana ga renadi—ye meda yokoi makari amiye 23,000 muyeyadi.\x + \xo 10.8 \xt Num 25.1–18\x* \v 9 Keriso\f + \fr 10.9 \fq Keriso; \ft bura bedakai \fq Varika amiye \ft nufa.\f* ebene ga renadi, bedakai yaku reyadi kana, ma aruma yaku aki rei umuyeyadi.\x + \xo 10.9 \xt Num 21.5–6\x* \v 10 Ma mumugu ga nifa, bedakai reyadi kana, ma moi no rena naivo vima yaku moi no reyo.\x + \xo 10.10 \xt Num 16.41–49\x* \p \v 11 Ye mina\f + \fr 10.11 \ft Bura bedakai ka \fq tau noibanu \ft nufa.\f* ina vene rofu vata niyadi bi rebe kana una oteimado, ye una ni mama regi bura reyadi, una rofu, una kaere meda bae koina nigori. \p \v 12 Mina resi, are resi mokedo amiye iniye dogo rei mona mona reyaine, abougo baebu. \v 13 Uka maina regika nivena neinei bi amiye tau noibanu magamo kana, de ya ebu rego. Sei bi vegu rama redo; yi yeiva odoro yi uka maina rena nivegika biri rego, ye mina uka maina rena nivegika dudu ka bi ferei tae rina ida mago, ye ya ina dudu are rei gira regedi. \p \v 14 Mina resi, nai uka maida vene, ofa sei nivakena feresi tae rifa. \v 15 Na bi diba nina nufa vene kana ya rofu ago nida; nai ago dada mokei mona refa. \v 16 Mina buni tora gade mana di biyo rofu buni tora gade masifa, bi Keriso di dava rau rena eni? Beredi odesifa, bi Keriso di roaita rau rena eni?\x + \xo 10.16 \xt Mt 26.26–28; Mk 14.22–24; Lk 22.19–20\x* \v 17 Adina bi beredi yokoi maka, ma una tau noibanu bi roaita yokoi maka, adina mina beredi yokoi maka rau resifa. \p \v 18 Israel vene mokefo: ori sisika rena vibani di musa iridedi vene bi ori sisika rena fore fata di naivo rena Sei rofu, bi rau rededi vene ba ide?\x + \xo 10.18 \xt Lev 7.6\x* \v 19 Ye nai ago di adina bi beika? Ofa sei rofu ori sisika rena vibani bi beika yokoi ba ide? O ofa sei bi beika yokoi ba ide? \v 20 Ide iniye, nai ago di adina bi ini ori sisika rena bi vima no rofu, ma diya Sei rofu. Na ura reida ya bi vima no rau ga reyaganedi.\x + \xo 10.20 \xt Deut 32.17\x* \v 21 Varika amiye di biyo ma vima no di biyo bi moi gogo resi de irigedi. Varika amiye ma vima no dabarari moi gogo risi iruku rau de regedi. \v 22 Varika amiye moi maunu resi moi gubuyo regika regifa ba? Uni yeiva bi ini yeiva ebu redo ba?\x + \xo 10.22 \xt Deut 32.21\x* \p \v 23 “Beika baika tau noibanu\f + \fr 10.23 \ft Bura bedakai ka \fq na rofu \ft nufa.\f* bi tabu de,” idu beika baika tau noibanu bi buni de. “Beika baika tau noibanu\f + \fr 10.23 \ft Bura bedakai ka \fq na rofu \ft nufa.\f* bi tabu de,” idu beika baika tau noibanu de yaku amiye moi gira rededi.\x + \xo 10.23 \xt 1 Cor 6.12\x* \v 24 Amiye yokoi yaku ini buni maina ga reyaine, idu amiye idana di buni maina reyaine. \p \v 25 Vibani beika baika tau noibanu maketiri sero rededi, mina irisi uka di mokena dada nikaitena yokoi ga refa. \v 26 Adina “kono tora noibanu bi Varika amiye di, ma beika baika ka vata baeyadi.”\x + \xo 10.26 \xt Ps 24.1\x* \p \v 27 Ye mokena vari gira de aedo amiye yaku iruku irigi ya raka nigo ma ya ura resi digi regedi vonisi, beika baika yi budari dabara rego, uka di mokena dada ga nikaitesi irifa. \v 28 Idu yokoi yaku ya nigo vonisi, “Mina bi ofa sei rofu ori sisika reyo,” kamini irina ga refa, kaere ya mina niyo dada ma uka di mokena dada\f + \fr 10.28 \ft Bura bedakai ka \fq adina kono tora noibanu ma ini ideri beika baika tau noibanu vakoisa bi Varika amiye di \ft nufa.\f*— \v 29 Nai ago di ini adina bi yi uka di mokena de, idu mina amiye di. \p “Adina beika resi nai erufuna vegu bi amiye yokoi di uka di mokena gabireri raga redo? \v 30 Ye Sei rofu buni tora gade masi iruku irigida vonisi, beika resi mina dada na nifafana rego?” \p \v 31 Mina resi, iruku o koru irigedi, beika baika regasa Sei di vabara rofu beika baika tau noibanu refa. \v 32 Jew vene, tutubena idana vene,\f + \fr 10.32 \fk tutubena idana vene: \ft Greek agori mina bi \fq Greek vene.\f* o Sei di ekalesia vene rofu esika ga mafa, \v 33 amiye tau noibanu nai vegu tau noibanu renari moi ada regika reida dada; nai buni dada maina de reida, idu amiye tau di, moi vegu riyaganedi dada. \c 11 \p \v 1 Na yaku reida kana na tari refa, Keriso di vegu tari reida kana.\x + \xo 11.1 \xt 1 Cor 4.16; Phil 3.17\x* \s1 Sei nivakenari ada bou nufa \p \v 2 Ye ya nimaida, adina beika baika tau noibanuri na mokesi oteimana ago ya maraka kana, mina makai kana moi gira ridedi. \v 3 Idu na ura reida ya diba nigedi, rumana tau noibanu di ada bi Keriso, ma rema di ada bi rumana, ma Keriso di ada bi Sei. \v 4 Rumana neinei, kaere ini ada bou nufa usa usa nigo, o Sei di ago nigo, bi ini ada moi maena rego. \v 5 Idu rema neinei, kaere ini ada bou nufa de usa usa nigo, o Sei di ago nigo, ini ada moi maena rego—bi ini ada iye nugai koara reyo kana. \v 6 Adina rema ini ada fafa de rigo vonisi, bi ini ada iye nugai tumu riyaine. Idu rema yaku ini ada iye nugai tumu rigo, o nugai koara rego, bi ina rofu moi maena rego dada, ini ada bou reyaine. \v 7 Adina rumana ini ada bou ga reyaine, ina bi Sei di vima kana ma ini vabara nufa dada, idu rema bi rumana di vabara nufa.\x + \xo 11.7 \xt Gen 1.26–27\x* \v 8 Adina rumana bi rema rofu de baeyo, idu rema bi rumana rofu baeyo.\x + \xo 11.8 \xt Gen 2.18–23\x* \v 9 Ma rumana bi rema rofu de riyo, idu rema bi rumana rofu riyo. \v 10 Mina resi, rema bi rumana di vava di rebe kana ini ada bou riyaine, Sei di naivo naivo vima vegedi dada. \v 11 Ye Varika amiye dada, rema bi inaike maka rumanasa gogo de rego, ma rumana ka inaike maka remasa gogo de rego. \v 12 Adina rema bi rumana gutuna riyo kana, ye gua rumana bi rema gutuna evata rido. Ye beika baika tau noibanu bi Sei yaku riyo. \p \v 13 Ya kaya mokei mona refo, rema yaku ini ada bou de risi Sei rofu usa usa nigo, mina bi rorobo ba ide? \v 14 Sei yaku ini gokai beika baika tau noibanu riyo dada, mina bi una oteimado rumana ini ada iye doba nufa bi moi maena rego, eni voni? \v 15 Idu rema bi ina ada iye doba nufa vonisi, bi ini vabara mini, adina bi ini ada iye maro bi ini ada bou. \v 16 Ye amiye yokoi yaku nivabi regi ura rego vonisi, una bi mina kana vegu maka nufa, ma Sei di ekalesia vene ka mina maka nufa. \s1 Varika amiye di irina iruku \r (Mt 26.26–29; Mk 14.22–25; Lk 22.14–20) \p \v 17 Idu mina ni mama rena ago dudu de ya nimaida, ya egogo redediri, bi buni rofu de, idu bi no iniye rofu dada. \v 18 Adina ouresi ago bi yomini, neideyaka ya ekalesia vene egogo redediri, ya kaya yi utari okudedi. Ye nai mokenari ago be bi ini rama nufa. \v 19 Adina amiye rorobo yi utari vei mama regika, bi ya kaya yi utari okuyaganedi. \v 20 Egogo redediri, rama iniye bi Varika amiye di irina iruku de iridedi. \v 21 Adina mina irinari, ya kaya ya kaya tua de resi iruku iridedi. Ye yokoi yaku rauna redo ma yokoi yaku koru gira tau gade irido. \v 22 Makai kana bi gokai? Ya bi iruku koru irinari yava nufa! Ya bi Sei di ekalesia vene mokei itu resi kaere vene bi beika yokoi nufa de, moi maena regi rededi. Ye ya rofu beika nigida? Mina resi ya nimagida ba ide? Ide iniye, de regida! \p \v 23 Adina Varika amiye gutuna beika ago moisi ya rofu niyaka bi yomakai: ye Varika amiye Iesu di siri reyo urusari bi beredi be moisi \v 24 buni tora gade masi uroki resi niyo, “Mina bi nai roaita, ya dada\f + \fr 11.24 \ft Bura bedakai ka \fq uroki reyo \ft nufa.\f* mini.\f + \fr 11.24 \ft Bura bedakai ka \fq Moisi irifa \ft nufa.\f* Mina na mokegasa rebifa.” \v 25 Iri vau reyadiri, mina ida yokoi maka dudu biyo ka moisi niyo, “Mina biyo bi uka ago ruaka nai dava dudu. Ari tauri iribigediri, mina na mokegasa rebifa.”\x + \xo 11.25 \xt Ex 24.6–8; Jer 31.31–34\x* \p \v 26 Adina ari tau noibanuri, mina beredi irisi biyo iribigediri, Varika amiye di muyena niogau regedi bogo dairi dego mamo. \v 27 Mina dada, amiye kaere yaku ida rorobo de dudu beredi irigo, o Varika amiye di biyo irigo vonisi, bi vegu no resi Varika amiye di roaita ma dava moi no rego. \v 28 Ye mina amiye yaku ini uka maina rei mona reyaine kumo gabi beredi irisi biyo iriyaine. \v 29 Adina amiye kaere\f + \fr 11.29 \ft Bura bedakai ka \fq vegu buni de dudu \ft nufa.\f* Varika amiye di roaita vei mama de resi beredi ma biyo irigo vonisi, bi makai renari inaike nifafana rego. \v 30 Mina resi yi utari ya tau gade bi yau nisi gauka regamadi, ma bedakai bi muyeyadi. \v 31 Idu uni uka maina rei mona regifa vonisi, bi una rofu kota de rego. \v 32 Idu Varika amiye yaku una kota regasa moi rorobo rigo, ye kono tora noibanu di venesa nifafana de rego dada. \p \v 33 Mina resi nai usika ourena, iruku irigi egogo regediri, ya kaya ya kaya tua refa. \v 34 Ye amiye yokoi rauna rego vonisi, bi ini yavari iruku iriyaine, ye Sei di kota rena di ida dudu egogo de regedi dada. Mina ago idana dada, baesi ni mama rena ago nigida. \c 12 \s1 Vima kikifa di beika baika buni mana \p \v 1 Kamini nai usika ourena, na ura reida ya Vima kikifa di beika baika dada diba niyagane. \v 2 Ya ya diba, ya mokena vari gira aena koderi, ofa sei babo dudu ya ourefeidesi moi keto reyadi. \v 3 Mina dada, na ura reida ya diba nigedi amiye yokoi Sei di Vima dudu bi toga Iesu kiraini de nigo. Ma amiye yokoi bi Vima kikifa dudu nigo, “Iesu bi Varika amiye mini.” \p \v 4 Vima bi yokoi maka, idu ini beika baika mana bi idana idana.\x + \xo 12.4 \xt Rom 12.6–8\x* \v 5 Naivo rena ka bi idana idana, idu mina bi Varika amiye yokoi maka di naivo rena. \v 6 Reremama ka idana idana, idu Sei bi yokoi maka, kaere mina tau noibanu dudu amiye tau noibanu moi yeiva rido. \v 7 Vima kikifa bi amiye tau noibanu aedegi ini vava amiye neinei mado. \v 8 Amiye yokoi rofu bi Vima dudu mokena vabara ago nina masi yokoi rofu bi diba nina ago nina mado, mina Vima yokoi maka dudu. \v 9 Mina Vima yokoi maka dudu, yokoi rofu bi mokena vari gira aena masi yokoi rofu gauka moi buni rina vegu mado, mina Vima yokoi maka dudu. \v 10 Yokoi rofu bi mokena vegu regi di vava masi yokoi rofu bi Sei di ago nigi di vava masi yokoi rofu vima rama o vima ofa diba nina di vava masi yokoi rofu ago bouna bouna nina di vava masi yokoi rofu ago bouna bouna di adina diba nina di vava mado. \v 11 Ye mina beika baika tau vakoi bi mina Vima yokoi maka dudu vata nidedi, kaere yaku ina ura redo dada, amiye neinei rofu mado. \s1 Roaita yokoi maka ini eta tau nufa \p \v 12 Adina roaita bi yokoi maka ini eta tau nufa kana, ye mina eta tau noibanu, tau tora gade dada, bi roaita yokoi maka di, ye makai kana Keriso di roaita bi.\x + \xo 12.12 \xt Rom 12.4–5\x* \v 13 Adina una bi Vima yokoi maka dudu roaita yokoi maka kana babatiso reyadi—Jew vene ma tutubena idana vene,\f + \fr 12.13 \fk tutubena idana vene: \ft Greek agori mina bi \fq Greek vene.\f* moimai rei tavoi rededi vene ma diya moimai rei tavoi rededi vene—ma Sei yaku mina Vima yokoi maka una tau vanu di uka ideri aeyo. \p \v 14 Adina roaita di eta bi yokoi maka de, idu ini eta bi tau. \v 15 Ye yuka yaku nigo vonisi, “Na vana de dada, na bi diya roaita di,” bi toga roaita di ba ide? \v 16 Ye anema yaku nigo vonisi, “Na nemoko de dada, na bi diya roaita di,” bi toga roaita di ba ide? \v 17 Ye roaita noibanu bi nemoko maka vonisi, bi gokai ida dudu neideyagadu? Ye roaita noibanu bi anema yokoi maka vonisi, bi gokai ida dudu sau uyagadu? \v 18 Idu Sei yaku ini ura reyo kana, roaita di eta neinei ini sanari aeyo. \v 19 Kamini ina tau vanu bi eta yokoi maka vonisi, roaita bi gokai ameyagadu? \v 20 Ye ini eta tau nufa, idu roaita bi yokoi maka. \p \v 21 Nemoko yaku vana rofu nigi anua rego, “Ya de amegiya vonisi, nai amena bi buni nigo,” o ada yaku yuka rofu nigi anua rego, “Ya de amegiya vonisi, nai amena bi buni nigo.” \v 22 Idu rama iniye, yau niyadi roaita di eta bi ini buni iniye nufa. \v 23 Ye roaita di eta uni mokenari bi buni de, bi dogo rei mona resifa, ma roaita di eta veveri bi buni de, bi fafa rei mona resifa. \v 24 Ye uni venari roaita di eta bi makai kana de resifa. Kamini Sei yaku roaita risi kikifa nufa de eta ini kikifa tora redo. \v 25 Ye makai kana roaita di eta bi de okugedi, idu ina yaku ida dudu, iniye iniye rofu nari rei mona reyaganedi. \v 26 Kamini eta yokoi yaku esika moigo vonisi, bi ina tau vakoi esika moigedi; eta yokoi rofu bi kikifa rego vonisi, bi ina tau vakoi ada regedi. \p \v 27 Ye ya vene bi Keriso di roaita, ma ya yokoi yokoi bi ini roaita di eta mini. \v 28 Kamini Sei yaku ekalesia vene di utari ini moimai rededi vene auba reyo: ouresi bi nifeidena vene, remanu ere bi Sei di ago nidedi vene, regode ere bi oteimadedi vene, usi bi mokena vegu rededi vene, mina usi bi gauka moi buni ridedi vene, aedena vene, ourefeidena vene ma ago bouna bouna nidedi vene.\x + \xo 12.28 \xt Eph 4.11\x* \v 29 Tau vanu bi nifeidena vene ba? Tau vanu bi Sei di ago nina vene ba? Tau vanu bi oteimana vene ba? Tau vanu yaku mokena vegu rededi ba? \v 30 Tau vanu bi gauka moi buni ridedi di vava maro? Tau vanu yaku ago bouna bouna nidedi ba? Tau vanu yaku ago bouna bouna ini adina diba nidedi ba? \v 31 Idu yi uka dudu, beika baika mana buni buni ura rei mona refa. \p Ye na yaku ida burefe iniye ya oteimagida. \c 13 \s1 Uka mana \p \v 1 Amiye ma Sei di naivo naivo vima di ago bouna bouna nigida, idu uka de magida vonisi, nai ago bi tini feya tora una di kukuroka dudusa dudusa raka nina o tini feya keika una di kukuroka kana. \v 2 Resi na bi Sei di ago nina di vava nufa, sui nina ago tau noibanu diba nisi ada yora tau noibanu nufa, ma omuna moi etagae rigi mokena vari gira aena tau noibanu nufa—idu uka de magida vonisi, na bi beika yokoi de iniye.\x + \xo 13.2 \xt Mt 17.20; 21.21; Mk 11.23\x* \v 3 Resi nai gugura fore tau noibanu irava vene rofu masi nai roaita ori kamu regi\f + \fr 13.3 \fq ori kamu regi; \ft bura bedakai \fq ori sisika kana ni-ika regi \ft nufa.\f* magida—idu uka de magida vonisi, na yaku beika baika yokoi de moigida. \p \v 4 Uka mana bi toro redo ma bi uka buni nufa; bi maunu de nisi ni-ika de redo; ka bi negiyagiya de. \v 5 Uka mana bi ni no de redo; bi iniye ini buni maina de redo ma amiye vegu no ina rofu renari, bi mokena de redo; ka evade gubuyo de redo. \v 6 Uka mana bi mokena rorobo de rofu moi ada de redo, idu ago rama rofu moi ada redo. \v 7 Uka mana yaku beika baika no tau noibanu udiko redo. Uka mana di mokena vari gira aena, uka mokena ma are rei gira resi toro rena bi toga iniye yau de nigedi. \p \v 8 Uka mana bi koina de nigo. Idu Sei di ago nina bi koina nigedi; ago bouna bouna nina bi ferego; ma ada yora nina ka bi koina nigo. \v 9 Adina gua ada yora di berou keika maka diba nisi Sei di ago bi keika maka nisifa, \v 10 idu gabi rorobo iniye baegori, beika baika rorobo de bi koina nigedi. \p \v 11 Na mida kakuari, bi mida kakua kana ago nisi mida kakua kana mokesi mida kakua di mokena kana regamaka. Amiye tora nigasa mida kakua di vegu fereyaka. \v 12 Adina gua una yaku garasi dudu agubori kana vesifa, idu gabi bi uniye Sei di seira vegifa. Gua bi ini berou maka diba nida; gabi diba ni vau regida—Sei yaku na ka diba ni vau redo kana. \p \v 13 Ye gua mina regode are rei gira rededi: mokena vari gira aena, uka mokena ma uka mana; ma mina utari tora iniye bi uka mana. \c 14 \s1 Sei di ago nina ma ago bouna bouna nina \p \v 1 Uka mana maina rei mona resi Vima di beika baika mana ura rei mona refa, besa bi buni Sei di ago nina di vava ura rei mona reyaganedi. \v 2 Adina amiye kaere ago bouna dudu ago nido, bi amiye rofu ago de nido, idu Sei maka rofu nido; adina amiye bedakai bi mina ago nido toto, ye sui nina ago Vima dudu ago nido mini. \v 3 Ye amiye kaere Sei di ago nido, bi amiye moi are resi egira resi moi amuta regi mina ago nido. \v 4 Amiye kaere ago bouna nido, bi iniye moi are redo, idu kaere Sei di ago nido, bi ekalesia vene moi are redo. \p \v 5 Ye na ura reida bi ya tau vanu bi ago bouna ago niyagane, idu besa na ura reida bi ya bi Sei di ago niyaganedi. Amiye kaere Sei di ago nido, bi kaere ago bouna nido mina ebu redo—idu de bi, amiye yokoi yaku ini ago di adina nigori, ekalesia vene moi are rego dada. \v 6 Kamini nai usika ourena, ya rofu baesi ago bouna nisi moi ogau rina ago, o diba nina ago, o Sei di ago o oteimana ago be moi de baegida vonisi, ini buni ya rofu bi beika? \p \v 7 Kamini vegu de amededi gugura, bibo o yabo feya gita asini kana, bi ini kukuroka idana idana raka de nigedi vonisi, amiye yokoi bi goina yauta isira reyo bi gokai diba nigo? \v 8 Adina kibi una amiye ini kibi kukuroka raka ni mona de rego vonisi, kaere yaku ruda regi ina kaya dogo rego? \v 9 Ma ya makai kana dada, yi afiye dudu diba de nina ago nigedi vonisi, amiye yokoi bi gokai kana yi ago nina diba nigo? Adina ya bi aura rofu ago nigedi kana! \v 10 Bi rama bi ago bouna bouna tau gade mina kono tora noibanuri amededi, ma neinei bi ini adina nufa. \v 11 Idu na yaku ago yokoi di adina toto vonisi, na bi mina ago nido amiye rofu yava ika amiye nigida, ma na rofu, mina ago nido amiye bi yava ika amiye nigo. \v 12 Mina resi ya Vima di beika baika mana, mina ura rei mona rededi vonisi, ekalesia vene moi gira rei mona regi beika baika, mina maina rei yeiva refa. \p \v 13 Mina dada, kaere ago bouna nido, bi ini adina nina di vava rofu usa usa niyaine. \v 14 Adina ago bouna dudu usa usa nigida vonisi, nai vima bi usa usa nigo, idu nai mokena bi amei tavoi redo. \v 15 Ye na bi beika regida? Nai vima dudu usa usa nigida, ma bi nai mokena dudu ka usa usa nigida; Nai vima dudu yauta nigida, ma nai mokena dudu ka yauta nigida. \v 16 Idu, yi vima dudu maka Sei rofu buni tora gade magiya vonisi, ye etofaro amiye yi buni tora gade magiyari, bi gokai “Rama” nigo, yi ago di adina ina toto dada? \v 17 Adina rama ya bi Sei rofu buni tora gade mabigiya, idu mina amiye bi moi are de rego. \p \v 18 Na yaku Sei rofu buni tora gade maida, na bi besa ago bouna tau gade nigi ya tau vanu ebu reyaka. \v 19 Idu, duburi bi buni na yaku amiye ni mama regi nai mokena dudu ago 5 maka nigida, ma ago bouna dudu ago 10,000 nigida bi buni de. \p \v 20 Nai usika ourena, yi mokenari bi mida kakua kana ga nifa. No dada bi mida kakua kana nifa, idu yi mokenari bi amiye tora nifa. \v 21 Ago girari bura reyo yomakai kana:\x + \xo 14.21 \xt Is 28.11–12\x* \q1 Varika amiye yaku niyo, “Ago bouna ago nidedi vene dudu, \q2 ma yava ika di afiye dudu, \q1 mina vene rofu ago nigida, \q2 idu ina ka na neidena de regedi,” vo niyo. \m \v 22 Mina resi, ago bouna nina bi mokena vari gira aededi vene rofu bi rebe de, idu bi mokena vari gira de aededi vene rofu bi, ma Sei di ago nina bi mokena vari gira de aededi vene rofu bi rebe de, idu bi mokena vari gira aededi vene rofu. \p \v 23 Ye ekalesia vene tau noibanu egogo resi ago bouna bouna ago nigedi ma etofaro vene o mokena vari gira de aededi vene bae dui regedi vonisi, ya bi mokena forovai reyadi nigedi ba ide? \v 24 Idu amiye tau noibanu Sei di ago nigedi ma mokena vari gira de aedo amiye o etofaro amiye yokoi bae dui rego vonisi, bi tau noibanu di ago dudu bi vegu no amiye nirorotari rego, ma ina vene di ago yaku emago. \v 25 Ye ini sui nina mokena bi erau nigo ma ini efuka meimisi Sei di roka moi odoro rigasa nigedi, “Rama iniye Sei bi minari yi fogori amedo!” \s1 Duburi vegu moi rorobo rina \p \v 26 Mina dada, nai usika ourena, ya bi gokai? Egogo regediri, yokoi bi yauta nigo, yokoi bi oteima ago nigo, yokoi bi niogau rena ago nigo, yokoi bi ago bouna o ago bouna di adina ago nigo. Mina beika baika tau noibanu rena bi amiye moi gira reyaganedi. \v 27 Bedakai yaku ago bouna nigedi vonisi, bi remanu o regode maka ago niyagane, iniye ini ariri, ma yokoi yaku mina ago di adina niyaine. \v 28 Idu ini adina nina amiye yokoi de, neinei bi duburi bere nisi ina kaya Sei rofu ago niyaine. \v 29 Sei di ago nidedi vene remanu o regodenu ago niyagane ma bedakai yaku ini ago mokei mona reyaganedi. \v 30 Ye amiye yokoi amebigori, bi niogau rena ago maro vonisi, bi ago nido amiye bi ini ago fereyaine. \v 31 Adina ya tau noibanu yi utari ya yokoi yokoi bi Sei di ago nigo, ye tau noibanu diba nigedi ma makai egira rego. \v 32 Ye Sei di ago nidedi vene di vima bi nidedi vene di ini vava gabireri raga rededi, \v 33 adina Sei ura redo bi ago tau ruda kayamo de dudu beika baika tau regifa, idu bi uka amuta maka dudu regifa. \p Sei di vene di dubu tau noibanuri kana, \v 34 ini rema vene duburi bi ago ga nigi ka bere niyagane. Adina bi tabu ina yaku ago nigedi, idu ini maruka gabireri raga reyagane, ago gira ka nido kana. \v 35 Idu beika yokoi diba nigi ura regedi vonisi, bi ini yavari ini maruka vene nikaitegedi. Rema yaku duburi ago nina bi maena. \p \v 36 Sei di ago bi ya gutuna baeyo ba? O ya vene rofu maka baeyo? \v 37 Amiye yokoi mokego bi Sei di ago nido amiye, o Vima di vava nufa amiye vonisi, bi beika bura reida bi Varika amiye di ago gira mina vei mama reyaine. \v 38 Ye amiye yokoi yaku mina sina neide mama rego vonisi, bi ya de vei mama rego. \p \v 39 Mina resi, nai usika ourena, Sei di ago nina ura rei mona resi ago bouna nina biri ga refa. \v 40 Idu beika baika tau noibanu bi ida rama dudu rei mona reyagane. \c 15 \s1 Keriso di dadi rae rena \p \v 1 Kamini nai usika ourena, ago buni nirausi reyaka dada ya ni-itara reida; mina moiyadi ma ina dada are rei gira rededi. \v 2 Ya mina nirausi reyaka ago buni moi gira rigedi vonisi, ya bi mina dudu moi vegu rido—idu de bi, mokena vari gira ae tavoi reyadi dada. \p \v 3 Adina na siko beika ago bi buni vayavaya ma moiyaka bi mina ya oteimaraka. Mina bi: Keriso bi Sei di ago dada uni vegu no rofu muyeyo;\x + \xo 15.3 \xt Is 53.5–12\x* \v 4 ye Sei di ago dada, meda regodenuri guri aeyadi ma moi dadi rae reyo;\x + \xo 15.4 \xt Ps 16.8–10; Mt 12.40; Acts 2.24–32\x* \v 5 Peter rofu siko ogau nisi ini nifeidena vene 12 rofu ka ogau niyo.\x + \xo 15.5 \xt Mt 28.16–17; Mk 16.14; Lk 24.34, 36; Jn 20.19\x* \v 6 Mina resi, ari yokoi makari usika ourena 500 ma besa rofu ogau niyo, ina kaere tau gade bi toga amededi, idu bedakai bi sena muyeyadi. \v 7 Gabi bi James rofu ogau nisi nifeidena vene tau noibanu rofu ogau niyo. \p \v 8 Ye gabi iniye bi na rofu ogau niyo—na kaere bi meda ramari de\f + \fr 15.8 \fq meda ramari de; \ft o \fq ida buniri de.\f* vata niyo.\x + \xo 15.8 \xt Acts 9.3–6\x* \v 9 Adina na bi nifeidena vene di fogori egona amiye—na bi nifeidena amiye kana raka nigi bi buni de iniye, Sei di ekalesia vene emi regamaka dada.\x + \xo 15.9 \xt Acts 8.3\x* \v 10 Idu Sei di buni tora gade dudu, na gokai kana bi gua na mini, ma ini buni tora gade na rofu bi na mai tavoi de reyo. Ye nai moimai gira renari, ina vene tau noibanu ebu reyaka. Idu mina bi nai yeiva dudu de, idu bi Sei di buni tora gade nasa dada. \v 11 Ye na o ina vene, una bi ago nirausi reyafa ma ya vene bi mokena vari gira aeyadi. \s1 Muyena gutuna dadi rae regifa \p \v 12 Ye Keriso bi muyena gutuna moi dadi rae reyo kana nirausi reyagadu vonisi, bi gokai kana ya bedakai nidedi muyena gutuna moi dadi rae rena bi de? \v 13 Idu muyena vene bi moi dadi rae de reyagadu, kamini Keriso ka moi dadi rae rena de reyo. \v 14 Ma Keriso moi dadi rae de reyagadu, uni ago nirausi rena bi rei tavoi reyaidu, ma yi mokena vari gira aena ka bi rei tavoi reyaidu mini. \v 15 Ye yomakai, Sei di ago dada, ofa ago nisifa kana ka baku reyagadu, Sei yaku Keriso moi dadi rae reyo niokuyafa dada—idu rama muyena vene bi moi dadi rae de reyagadu vonisi, bi Keriso moi dadi rae de reyagadu. \v 16 Adina muyena vene moi dadi rae de reyagadu vonisi, Keriso ka bi moi dadi rae de reyagadu mini. \v 17 Ye Keriso bi moi dadi rae de reyagadu vonisi, ya bi mokena vari gira ae tavoi resi toga yi vegu no nufa ameyagadu. \v 18 Kamini Keriso sa muyeyadi vene ka afu niyadi. \v 19 Ye mina vegu amenari, uni uka mokena bi Keriso rofu maka aeyagadu vonisi, amiye tau noibanu di fogori bi besa una rofu iriyeduka iniye reyaidu. \p \v 20 Idu rama bi Sei siko muyeyadi vene di fogori Keriso muyena gutuna moi dadi rae reyo. \v 21 Adina muyena bi amiye yokoi maka dudu vata niyo kana, ye muyena gutuna moi dadi rae rena ka amiye yokoi dudu vata niyo. \v 22 Adina Adam dada amiye tau noibanu muyegedi kana, ye Keriso dada amiye tau noibanu ka moi vegu rigo. \v 23 Idu neinei bi ini ariri moi dadi rae regedi: Keriso sena moi dadi rae reyo, ye gabi ini dairi degori, bi ini vene ka moi dadi rae rego. \v 24 Mina usi vima di varika, ourefeidena vene ma vava nufa vene tau noibanu moi no risi Sei di ourefeidena amena sana Baba Sei yaku magori, bi ari bi koina nigo mini. \v 25 Adina ina yaku ourefeideyaine, resi bogo ini tuma vene tau noibanu ini vava\f + \fr 15.25 \fk vava: \ft Greek agori mina bi \fq yuka.\f* egona rofu aego mamo.\x + \xo 15.25 \xt Ps 110.1\x* \v 26 Ini tuma vene moi no rei vau reyori, gabi koukou bi muyena moi no rigo. \v 27 Adina “Sei yaku \em beika baika noibanu\em* ourefeidegi ini yuka gabireri aeyo.” Idu mina “beika baika noibanu” niyori, una diba ni mona resifa Sei bi iniye ini vava gabireri de aeyo.\x + \xo 15.27 \xt Ps 8.6\x* \v 28 Kamini tau noibanu ini vava gabireri aegori, bi Mida ka Sei, di vava gabireri iniye aego, kaere mina tau noibanu ini vava gabireri aeyo, ye makai dudu, tau noibanu bi Sei di maka nigedi. \p \v 29 Ye amiye yaku muyena vene dada babatiso moigedi di adina bi beika? Bi rama muyena vene bi moi dadi rae de regedi vonisi, amiye bi beika resi ina vene dada babatiso moiyadi? \v 30 Ye uni vegu amenari bi beika resi meda nemoko tau noibanuri bi ravegeragera? \v 31 Nai usika ourena, ago rama nida ya dada, nai ni-ika renari, bi meda tau noibanuri na umuyegika rededi; mina bi uni Varika amiye Iesu Keriso dudu. \v 32 Adina na bi Ephesus ri na dobu reyadi venesa ruda reyagadu vonisi, bi beika buni moiyadu? Muyena vene moi dadi rae de reyagadu vonisi, “Iruku ma koru irinadi, agiya muyegifa dada.”\x + \xo 15.32 \xt Is 22.13\x* \p \v 33 Ya kaya ga eru refa: “Vegu no toga toga rededi venesa auta rena bi vegu buni moi no rigedi.” \v 34 Ida rama dada, yi mokena forovai youfeidesi vegu no ga rebifa. Adina bedakai bi Sei rofu ada yora kode. Ya moi maena regi makai nida. \s1 Moi dadi rae renari di roaita \p \v 35 Idu amiye yokoi bi yomakai nikaitego, “Muyena vene bi gokai kana moi dadi rae rego? Ina bi gokai kana roaita dudu dairi baegedi?” \v 36 Ya bi ada de amiye! Ya beika yo varisa maka yaku meto de bogo, siko muyeyaine kumo. \v 37 Ma beika varisa bi ini gabi rama aego meko kana de, idu yo maka, witi o oruma yaku bouna yokoi baeko. \v 38 Ye Sei yaku ini ura reyo kana, ini rama idana idana magasa ini yo ka maro. \p \v 39 Roaita tau noibanu bi yokoi maka de, yokoi bi amiye di roaita, ma yokoi bi tuma dona nadina di, ma yokoi bi erena di, ma yokoi bi oyena di. \p \v 40 Ma omari ma konori ka makai idana idana, ye oma di vabara bi yokoi, ma kono di vabara ka idana. \v 41 Meda bi ini vabara yokoi maka, ma eyo di bi idana, ma iya di ka idana; adina iya neinei bi ini vabara idana. \p \v 42 Ye muyena vene moi dadi rae rena ka makai kana. Beika variyo bi muyego; beika bi moi dadi rae rego bi de muyego. \v 43 Bi kikifa de dudu variyo; vabara dudu moi dadi rae rego. Yau nina dudu variyo; bi vava dudu moi dadi rae rego. \v 44 Mina kono di roaita kana variyo; bi vima di roaita kana moi dadi rae rego. Kono di roaita amedo dada, ka bi vima di roaita. \v 45 Ye yomakai bura reyo, “Mina ouresi amiye, Adam, bi vegu amedo amiye niyo”; ma gabi koukou baeyo amiye, ka Adam kana raka niyadi, bi vegu mana vima.\x + \xo 15.45 \xt Gen 2.7\x* \v 46 Ye vima di roaita bi de oureyo, idu kono di roaita bi oureyo, ma vima di roaita bi gabi. \v 47 Ouresi amiye bi kono gutuna baeyo, budoka dudu riyo; gabi amiye\f + \fr 15.47 \ft Bura bedakai ka \fq Varika amiye \ft nufa.\f* bi oma gutuna deyo. \v 48 Kono vene ka bi mina kono dudu riyo amiye kana, ma omari amededi vene bi mina oma gutuna deyo amiye kana. \v 49 Ini adina una bi mina kono dudu riyo amiye kana, ye makai una ka mina oma gutuna deyo amiye kana nigifa.\f + \fr 15.49 \fq nigifa; \ft bura bedakai \fq ninadi \ft nufa.\f* \p \v 50 Ye nai usika ourena, na beika ago nida ini adina bi yomini: roaita ma dava nufa amiye bi Sei di ourefeidena amena sana moigi anua regedi, ma beika baika iko nigedi ka bi beika baika iko de nigedi bi de moigedi. \p \v 51 Neidefo! Na yaku sui nina ago ya oteimaida mini: una tau noibanu bi de muyegifa, idu una moi idana rigedi.\x + \xo 15.51 \xt 1 Thes 4.15–17\x* \v 52 Mina bi, kibi gabi koukou raka nigediri, nemoko fute rena kana vata nigo. Adina kibi raka nigo ma muyena vene bi iko de nigedi, dada moi dadi rae rego ma una moi idana rigedi. \v 53 Ini adina, mina iko nigo roaita bi iko de nigo kana orefaraine, ye mina muyego roaita bi de muyego kana orefaraine. \v 54 Kamini beika baika iko nigedi, bi iko de nina kana orefasi muyegedi roaita bi de muyegedi roaita kana orefagediri, mina sina bi moi rama aego: “Moi rama rina dudu muyena bi moi koina rei vau reyo mini!”\x + \xo 15.54 \xt Is 25.8\x* \q1 \v 55 “Muyena, ya ebu rena di moi rama rina bi goidu?\f + \fr 15.55 \ft Bura bedakai ka \fq Muyena vene di amena sana, \ft nufa.\f*\x + \xo 15.55 \xt Hos 13.14\x* \q1 Yi esika mana di vava bi goidu?” \m \v 56 Muyena di esika mana bi vegu no mini, ma vegu no di vava bi ago girari amedo. \v 57 Idu Sei rofu buni tora gade manadi, kaere uni Varika amiye Iesu Keriso dudu ebu rena di moi rama rina una maro! \p \v 58 Mina resi nai uka maida usika ourena, are rei gira resi etagae ga risi Varika amiye di moimairi toga rei mona mona refa, ya ya diba yi moimai Varika amiye dada, bi rei tavoi de rededi dada. \c 16 \s1 Usika ourena aedena moni butu butu rena \p \v 1 Kamini Sei di vene rofu aedegika moni butu butu rena dada: Galatia ekalesia vene tau noibanu ago gira maraka kana, ye ya ka makai reyaganedi.\x + \xo 16.1 \xt Rom 15.25–26\x* \v 2 Fura neinei di ourena medari, ya neinei bi moni be moi etagae risi ae torekai reyagane, yi moimai di yeiva dada, ye na baegidari, bi moni butu butu ga reyaganedi. \v 3 Ye na okigasa, kaere ya bura rena dudu nimaradi nifeidegida, yi beika baika magedi, mina Jerusalem rofu moi boyagane. \v 4 Bi buni na ka bogida vonisi, bi mina venesa bogida. \s1 Paul di nirorotari rena ago \p \v 5 Macedonia bi ura reida kana ebu rei yavoi resi ya vene rofu egoru bae negida.\x + \xo 16.5 \xt Acts 19.21\x* \v 6 Ye meda be ya venesa amegida baeko, o ava di meda noibanuri ka amegida, ye na goidu bogida ya na aedegedi. \v 7 Adina gua ebu rei yavoi rena maka dudu ya vegika, bi ura de reida. Yasa meda be amegida uka mokena moiyaka, Varika amiye eyounego vonisi bi. \p \v 8 Ye Pentecost di irakuna di meda okigo bogo Ephesus ri amegida mamo.\x + \xo 16.8 \xt Lev 23.15–21; Deut 16.9–11\x*\x + \xo 16.8 \xt Acts 19.8–10\x* \v 9 Adina moimai tora ini rama nufa regika ida vena rafo di biri bi na rofu ekeyo, ma tourage rededi vene bi tau. \p \v 10 Ye Timothy baego vonisi, nari rei mona refo, yi fogori ori ga reyaine, adina bi Varika amiye di moimai redo, na yaku reida kana.\x + \xo 16.10 \xt 1 Cor 4.17\x* \v 11 Mina resi amiye yokoi yaku ina rofu mokei itu ga reyaine. Ini ida digori, bi uka amuta dudu nifeidefa, ye na rofu baeyaine, adina usika ourenasa baegedi bi toro reida. \p \v 12 Kamini uni dubuini Apollos dada, guyaguya niyaka bi usika ourena bedakaisa ya egoru reyaganedi, idu gua bae negi ura bi rei mona de reyo. Idu ari rama okigori, bi ya vene rofu baego. \s1 Metona ago \p \v 13 Nari rei mona resi mokena vari gira aena dudu are rei gira resi ori de dudu amesi yeiva refa. \v 14 Ya beika baika tau noibanu renari bi uka mana dudu refa. \p \v 15 Ye nai usika ourena, ya ya diba Stephanas di yava vene bi Achaia gaganiri ourena ekalesia vene nisi Sei di vene naivo regi gabireri, ina kaya raga reyadi. Ye ya egira reida,\x + \xo 16.15 \xt 1 Cor 1.16\x* \v 16 mina kana amiye, ma yasa moimai rededi vene ma reremama rei gira rededi vene tau noibanu rofu ini gabireri raga reyaganedi. \p \v 17 Kamini Stephanas, Fortunatus ma Achaicus di baena dada ada reida, ya minari amena de reyo bi gaubo reyadi dada. \v 18 Adina nai vima ma yi vima ka egira reyadi. Ye mina kana vene bi kikifa refa. \p \v 19 Asia di ekalesia vene ya yuata nifeideyadi. Aquila ma Priscilla ma ekalesia vene ini yavari egogo rededi vene, Varika amiye dudu ya yuata tora nifeideyadi.\x + \xo 16.19 \xt Acts 18.2\x* \v 20 Usika ourena tau noibanu ya yuata nifeideyadi. \p Ya kaya ya kaya ekalesia vene di fuka refa. \p \v 21 Nai vana dudu yomina bura reida: \sig Na Paul ya yuata nifeideyaka.\sig* \p \v 22 Amiye yokoi yaku Varika amiye uka de mago vonisi—bi nikiraini reyaine! \p \tl Marana tha\tl*\f + \fr 16.22 \fk Marana tha: \ft Mina bi Aramaic agori; ini adina bi \fq Varika amiye, bae.\f*—Varika amiye, bae! \p \v 23 Varika amiye Iesu di buni tora gade bi ya venesa ameyaine. \p \v 24 Nai uka mana bi Iesu Keriso dudu ya tau noibanusa ameyaine.\f + \fr 16.24 \ft Bura bedakai ka \fq Rama \ft nufa.\f*