\id PSA  
\h Yaru Divariri 
\toc2 God Kena Yaru Divariri 
\toc1 God Kena Sakai Sari, o Benunu Sari Da Yaru Divariri. 
\mt1 Banungari Da Yaruri  
\ip Buku einda jokáda yaru divari 150 ri. Israel embo totofo banunguse o God dae sakai sise divudo ghuseri. Kotugo God da Tafaroro Kambo Jerusalem aminda o sifo amboda dengoro indari kambo aminda tafaroro use divudo ghuseri, a oroko didiverera o tegeraera. Namonde Iesu tumonderaera evetu genembo buka einda yaru divari barago tegeraera a divuraera.  
\ip Yaru divari daba daba mave gefusira, namonde jo kasama aeri. Daba daba, Yaru 23, 51 Kini (king) David nune gembariá koteraera. Dabako Yaru 90 Moses gembariá koteraera. Avata namonde jo kasama e gogoghombaeri.  
\ip Geka da Jiro Baiboro mendeni aminda tamburaera, Hebrew geka aimi genembo ana eni gembiri jovereghuseri. Avata jo evetu genembo yaru gefusera aimi gembaeri, kotugo jo sifo ghousa geka Psalm daba daba jokáda irira, jo ijugae eraera.  
\ip Ainde dabade yaru mendeni da geka da jiro aminda foyago da geka “of David” tamburaera. Ainda beká jo dabako iraeri. Sifo mendeni ainda tuka mo, “David ai gefusira”, sifo mendeni “David kotise gefuseri.” Ainde dabade, sifo mendeni David da imendi eni kini edo irei kotise, ne “of David” gembudo ghuseri.  
\ip Kau daba aminga ava “of Asaph”, “to the sons of Korah” tamburaera amo, Asaph nengae Korah ghae tofo mandi yaru mendeni gefuseri, tano. Avata ainghae dabade nenda imemesiri, Levi ondi yaru God da Tafaroro kambo aminda kaifa edo ghuseri. Ava sedo “of Asaph” kotugo “to the sons of Korah” da beká mo, Asaph da imemesiri o Korah da imemesiri “gasegi edo divoro dae” gefuseri, tano. Avata, namonde oroko aminda sonemba bari jo inono iraeri.  
\ip Kau daba ava, yaru mendeni da geka da jiro aminda, Hebrew geka mendeni tamburaera, (shiggaion, maskil, miktam, gittith) ainda tuka beká mave oroko jo kasama ae eraera. Babojegari da kotari ne divari da aito o dubo ijuguse fifituseri. Aminga ava Psalm mendeni ainda geka da jiro aminda geka, “to the director of music” o “with stringed instruments” gefuseri. A evevari, avata namonde oroko aminda sonemba eni jo bae arera. Aindae sedo, Baiboro mendeni \it Good News Bible \it* avavaga geka da jiro ana dodo, totofo geka Psalm daba daba jokáda irira kotise, geka da jiro seka simbugedo fifituseri. Namane daba ava useri.  
\ip Geka \it Selah\it* yaru mendeni jokáda tamburaera, Hebrew geka eniri. Namonde oroko ainda tuka berefori. Ekaresia da babojegari yaru didivuse ojagho baoro dae sise sariá o songhe kotoro dae sariá ava koteraera. Avata jo gi gogoghombaeri. Ava sedo namane fitari dotutuseri.  
\c 1  
\s1 Ivuga Beká da Kau Isagha Resira.  
\q1
\v 1 Genembo mave ari ekoko embo da dengoro indari ava jo ningae arira,  
\q2 dubo ekoko embode dabade jo umo ae arira,  
\q1 a ari ekoko embode dabade jo tatedo, God dere jirae arira,  
\q2 genembo amo, nu ivugaghae a dubo jamaghae irarira.   
\q1
\v 2 Genembo amo, nu \nd Bajari\nd* da Agho Dari uju eraira.  
\q2 Sifo a tumba evia inono, nu dubo evevaghae \nd Bajari\nd* da Agho Dari tegutuse, dubo kotise irira.   
\q1
\v 3 Nu kau ika uvu betuda govetero viviterira, amingori.  
\q2 Nunda igi baduru use, a sifo furureari beká jighiraira.  
\q2 Jo sifo reda gharasa edo avae arira.  
\q1 Nu rea eraira amo, isambu eveva bekári.   
\q1
\v 4 O ari ekoko embo mo, ne jo kau amingo iraeri.  
\q2 Ne kau roera eni, susu beká tefori, anoso a ifu vanembori.  
\q2 Ne sena yaurai fuseari ghumburaira, ainda kaugori.   
\q1
\v 5 God bekáda bekáda ategi ururari, ne jo fetae arera.  
\q2 Evetu genembo God kotae eraera amo, ne esike yarera.  
\q2 Ne jo evetu genembo eveva ainde dabade irae arera.   
\q1
\v 6 Ainda beká mo: \nd Bajari\nd* nu ari eveva embo ava bu tavo use,  
\q2 nu ari ekoko embo ava fuge kotae ari, ya sirivo arera.   
\c 2  
\s1 Evetu Genembo Gogore Arera Ava, God Nunda Mandi Mutari Foa Ne Darira.  
\q1
\v 1 Endada oro oro redae God dodo janje ekoko eraeri?  
\q2 Ne redae manaka beká irae ava gayeraeri?   
\q1
\v 2 Endada kini (king) mane God ighagha use irera.  
\q1 Nenda kokotofu, \nd Bajari\nd* a nunda Genembo  
\q3 gategusira aikena,  
\q2 osogo ari dae sedo dabade tatedo irera.   
\q1
\v 3 “Namonde nenda agho dari do buvore!”  
\q2 “Nenda sari fuge doyore!” aminge seraera.   
\b  
\q1
\v 4 Bajari nunda anumba vasa utuda anumbirise, gegha jise,  
\q2 ne tefo tefo manaka gayeraera aindae dere jiraira.   
\q1
\v 5 God nu dubo eko edo  
\q2 oju aoro dae resira.   
\q1
\v 6 “Nanda kini ututu kakara Saion,\f + \fr 2:6 \ft \+it Saion\+it* mo, ututu ijoghako eini bogu begaya Jerusalem jokáda irira. Avata, \+it Banungari da Buku\+it* mave gefusera, kotugo feroveta mane mendeni bogu begaya Jerusalem dae sise, \+it Saion\+it* gefuseri. Kau daba aminga ava, sifo mendeni, God da Tafaroro Kambo kakara use, \+it Saion\+it* gefuseri.\f*  
\q2 aminda fiteno irira,” \nd Bajari\nd* aminge resira.   
\q1
\v 7 Kini doriri aminda irira, aimi resira,  
\q2 “Nu nandae sisira, ” Ni nanda Mandiri.  
\q1 Na oroko nimokena resena,  
\q2 “Na ninda Afa bekári.   
\q1
\v 8-9 Benunu saresa, na natofo isambu ninda ungoda fitarena.  
\q2 Ne kefata aurimi ari aimi de bejaresa.  
\q3 Kau okia fugeoro, du de fusuruma eraira, aminga ava aso itatama arera.  
\q2 Enda isambu ninda tofo arira.   
\q1
\v 10 Avori, endada kini mane a giti jighari nemokena resena,  
\q2 erá mema eove dae sise, dubo kotise nanda geka ningivu!”   
\q1
\v 11 Oju igheghi ghae Bajari tumonde bainghaore!  
\q2 Ghamo dadada ghururari nundae ivuga aore!   
\q1
\v 12 Nu janje eko totoi totoi eraira.  
\q2 Ava sedo, erama janje eko edo nimo sari totoi totoi ambeoso dae sedo,  
\q2 God da Mandikena kauboi dadarigedo tumonde bainghe!  
\q1 Mave numokena ambo sose feteraira amo,  
\q2 ivugaghae irarira.   
\c 3  
\s1 Sonemba Da Benunuri  
\q1
\v 1 Arie, \nd Bajari\nd*, nanda gitofu digarigo eredo,  
\q2 namokena osogo bu refera.   
\q1
\v 2 Ne namoá ava sise eminge resera,  
\q2 “God ni jo sonembae arira.”   
\q1
\v 3 Avata arie, \nd Bajari\nd*, ni sifo ghousa evia inono nanda dara jokáda nanda beredae buraena.  
\q1 Ni nandae ninda duró muturaesa.  
\q2 Edo nanda fakina mutari kato nimori.   
\q1
\v 4 Na \nd Bajari\nd* da sonembadae kori sirureono,  
\q2 nu nunda doriri kakara aminda irise,  
\q3 nanda kori ningiraira.   
\q1
\v 5 Na tumba ghousa eveva aviraena da beká mo,  
\q2 \nd Bajari\nd* nu na kaifa eraira.   
\q1
\v 6 Nanda gitofu nanjogoimi na jimbe birurugherera aindae,  
\q2 na jo oju ae arena.   
\q1
\v 7 Arie, \nd Bajari\nd*, ere fu! Namo sonembase, nanda God!  
\q2 Nanda gitofu sovoda dege, nenda fakina rojare!   
\q1
\v 8 Sonemba mo, \nd Bajari\nd* kena ghe foa gheraira.  
\q2 Nunda esimbugari nunda natofokena irare!   
\c 4  
\s1 Bajari Kena Nunda Sonembadae Benunu Saore!  
\q1
\v 1 Arie God, nanda sorega kato, na nimokena benunu sarena, ningi!  
\q2 Na dara jokáda tereteno, nine sonembusesi.  
\q3 Oroko eminda nandae joka edo nanda banungari ningi!   
\q1
\v 2 Ne ghousa mavega ava nanda binodae  
\q3 bengoso arevu?  
\q2 Ne ghousa mavega ava god beká irae dubo ruruse, amboda amboda arevu?   
\q1
\v 3 Kasama evu, evetu genembo eveva ava,  
\q3 \nd Bajari\nd* nunda tofodae sedo gategusira.  
\q2 Ava sedo na numokena kori seraena amo, nu ningiraira.   
\q1
\v 4 Erá janje ekoghae irise, aimi ari ekoko eose!  
\q2 Aindae ninda avari vasada fase irise nanda geka evia durumugedo kote gogoghombe!   
\q1
\v 5 \nd Bajari\nd* da joba beká ava mutaresa.  
\q2 Aminguse, ninda tumondari numokena fitaresa.   
\q1
\v 6 Natofo digari benunu seraera,  
\q2 “Arie, \nd Bajari\nd*, ninda esimbugari mokogo namanekena bofu!  
\q2 Arie, \nd Bajari\nd*, ninda kavevera aimi, namane fuge garesa.”   
\q1
\v 7 Avata, ivuga nine nandae futusesa amo, teriagori.  
\q2 O ne faravada vuji a asi vaini da muká bambudo kirumo use, ivuga eraera amo, jo amingo iraeri.   
\q1
\v 8 Arie, \nd Bajari\nd*, na nanjigo fasarena, dubo jamaghae avarena.  
\q2 Ai resira amo, nisuka, nine na kaifa tavo eraesa.   
\c 5  
\s1 Gagara Ari Da Banungariri.  
\q1
\v 1 Arie \nd Bajari\nd*, nanda geka memaghae setena, ava ningi!   
\q1
\v 2 Nanda God a Kini, na sonembadae koko resena, ningi! Arie \nd Bajari\nd*, na nimokena banungerena.   
\q1
\v 3 Ataeghae beká nanda beka niningeresa. Na tofo simbugedo, iji kosughiri,  
\q2 na nimokena benunu sise, mino saso ningari dae kaifa erena.   
\q1
\v 4 God, ari ekoko embo rea eraera ava ni imboe eraesa. Ari eko da aito ninda dombuda itako jo fetae arira.   
\q1
\v 5 Ni ivuga kakato imboe eraesa, kotugo ari ekoko embo gari beghagha beká eraesa.   
\q1
\v 6 Ni gungubo kakato isasambu urureaso, sirivo eraera. Kotugo, mave kokomana de gogorogheraera,  
\q2 nébarago imboe beká ava eraesa.   
\q1
\v 7 Avata, ninda dubo bari tomanako aindae na ya ninda kamboda tereraena.  
\q2 Na ninda kambo kakarada tere banunguse, igheghighae tumonde baingheraena.   
\q1
\v 8 \nd Bajari\nd*, nanda gitofu digari bekári. Giti jijighururaso, ninda uju ava aone!  
\q2 Ninda emboro namokena ijugaso isagha ururari gosuse, ainda amboda amboda aone!   
\q1
\v 9 Nanda gitofu da geka jo itako tumondari da kaugo iraeri.  
\q2 Ne, reju irira isambu, de tisari dae kotise  
\q3 irá gheraera.  
\q2 Nenda geka mo, vivi futo bekári.  
\q1 Avata, nenda kokomana dederuse daoro sirivo aoro dae kotise irá gheraera.   
\q1
\v 10 Nenda dara aindae nemoá bu memakena fitaso itatama use, ghamo baeteri.  
\q2 Ne reju ari kotise manaka gayeraera aimi, totofo nemoa gambari sirivo aeteri.  
\q2 Ne ari ekoko futo use, nimokena osogo eraera ágido, ondi, ninda dombuda do darigaore!   
\q1
\v 11 O evetu genembo nimokena ambo sose fetarera amo, ivugaghae irore dae resena.  
\q2 Sifo ghousa evia dubo jamaghae yaru sise irá ghedo ghaore!  
\q2 Mave ni dubo buraira ava ivuga aoro dae sise, tavo e!   
\q1
\v 12 Geka bekári, \nd Bajari\nd*, mave ninda sari ava eraera amo, nine esimbugeraesa.  
\q2 Ninda dubo bari bere amingo aimi ne gagara eraesa.   
\c 6  
\s1 Dara Itatama Use Sonemba Bari Da Benunuri.  
\q1
\v 1 Arie \nd Bajari\nd*, erá nandae janje eko use na dombuda seose!  
\q2 Ninda dubo ekoko ariimi erá nandae mema muteose!   
\q1
\v 2 Arie \nd Bajari\nd*, namokena fakina dadabetira, nandae joka aetesi.  
\q2 Na gofedo irena, ava sedo fakina bofu baone.   
\q2
\v 3 Nanda jebuga isambu fakarago, dara bouvugo beká ava itatama eraena.  
\q1 Arie \nd Bajari\nd*, ni nanjigo nembo na sonembaresi?   
\b  
\q1
\v 4 Fu, na sonembase!  
\q2 \nd Bajari\nd*, nandae joka use, erá ambeono dae sise, na saghimbe bu!   
\q1
\v 5 Ambari embo da vasa aminda mave ni jo kotae eraera.  
\q2 Aminda mave eniimi nindae jo sakai sae eraera.   
\b  
\q1
\v 6 Na dubo mema aimi tumba evia mema itatama use, gevei erena. Nanda avari vasa jivui safegeraira.  
\q2 Nanda guto jivuimi sasaka eraira.   
\q1
\v 7 Gitofuimi mema futero  
\q2 na sorara eno diti babojegetiri, gari erebunena.   
\q1
\v 8 \nd Bajari\nd*, nanda sorara ningira. Ava sedo, ari eko embo nemokena resena, na do darige esike fetevu!   
\q2
\v 9 Namo sonembare dae sorara eraena, nu nininguse,  
\q2 nanda benunu da mino muturaira.   
\q1
\v 10 Nanda gitofu mo, ne meka gosuse manamana arera.  
\q2 Edo, dudukughe manamana ururoro, ondari darigarera.   
\c 7  
\s1 God Nange Evetu Genembo Inonoda Ijujaetira, Ainda Benunuri.  
\q1
\v 1 Arie \nd Bajari\nd*, nanda God, na nimokena ambo sose fetari dae refena.  
\q2 Mave na ondi dari dae erera ava, na saghimbe bu, darigaone!   
\q1
\v 2 O jo sonembae aresa amo,  
\q3 nanda gitofu raiyoni (lion) da kaugo use,  
\q2 na bu ya sonemba irae vasa aminda gambu torere tarere ghaoro ambarena.   
\q1
\v 3-4 Arie \nd Bajari\nd*, nanda God, nanda komanakena dara o aito aetena,  
\q2 o susu tefo nanda gitofu sosighi aetena,  
\q3 avavaga aetena amo,   
\q1
\v 5 ninda ghabu sokinimbe, gitofuimi na ondi sandi budo,  
\q2 atai fati gitoro fonja dikai gambu fase ambaeteni.   
\q1
\v 6 Arie \nd Bajari\nd*, nanda gitofu dubo ekoko use, namokena isoro ari dae erera.  
\q2 Ava sedo, ere fetedo ninda janje eko da fakinaimi sorega fumbaetesi.  
\q2 Arie God ere, na soraetesi! Inonoda ijujaso dae resena!   
\q2
\v 7 Aminguse, evetu genembo isambu bu fu tatedo,  
\q2 ukuge gosuse, kaifa ase!   
\q1
\v 8 Bajari nine fu, endada natofo isambu ijujase!  
\q2 Arie \nd Bajari\nd*, na ijujaresa amo, nanda eveva mavego eregosesa ava kotaetesi.  
\q2 Arie, God Iká Bekáda, na dara eni jo ae ava kotise, nandae “eveva” saetesi.   
\q1
\v 9 Arie, God evevago a numo beká nimori.  
\q2 Namanenda kotari a uju ava gosuse ijujeraira da God barago nimori.  
\q1 Evetu genembo ari eko eraera amo, se doyore!  
\q2 Aminguse, ari eveva embo ava sonembe!   
\b  
\q1
\v 10 God Iká Bekáda amo, nanda bereri.  
\q2 God daba aimi, mave nunda geka ningiraira ava, sonemberaira.   
\q1
\v 11 God nu bekáda bekáda ijujuse,  
\q2 ari ekoko embo da mino sifo evia inono muturaira.   
\q1
\v 12 Nenda ari ekoko jo doyae arera amo,  
\q2 God nemoa dari dae sise, nunda kaiya vegedo,  
\q1 nunda feva jighi otombe asi bu asugedo,   
\q2
\v 13 isoro da ambi goroba simbugedo,  
\q2 feva da goroba mendo buburaghae aimi kato arira.   
\b  
\q1
\v 14 Givu! Ari ekoko embo ne ari eko da emboro rerebuse irera, kotugo, dara use komana derari dae sedo manaka garuse irá gheraera.   
\q1
\v 15 Avata nenda geka gunguboimi evetu genembo mendeni deraetera aimi, jovereghedo nemoa gambarira.   
\q1
\v 16 Ainda mino ava buraera.  
\q2 Kotugo nenda dara eraera ainda bouvu ava jovereghe nemokena asugeraira.   
\b  
\q1
\v 17 \nd Bajari\nd* dambu ijujuse, bekáda bekáda mino muturaira aindae, aiyakoe resena.  
\q2 Na \nd Bajari\nd* Iká Bekáda aikena yaruimi didivuse sakai sarena.   
\c 8  
\b  
\q1
\v 1 Arie, \nd Bajari\nd* namanenda Bajari  
\q2 Ninda javo teria ainda bino ava ivegedo iri, reighi isambu niningerera.  
\q1 Nindae sakai seraera amo, viti ya utuda buvuraira.   
\q2
\v 2 Sasingako a ami mindari aimi, nindae sakai sise yaru divuraera.  
\q1 Ninda gitofu isambu, jo eniimi inono edo, ni dae arera.  
\q2 Evetu genembo mave nimokena osogo eraera, avata ninda fakinaimi buregeraesa.   
\q1
\v 3 Utu nine usesa ava,  
\q2 a inua a damana nine nunda vasada fifitusesa ava,  
\q1 na fuge gido,   
\q1
\v 4 yove seraena!  
\b  
\q1 Ata, genembo mo, rejori?  
\q2 Nu jo rejo eni iraeri, ava sedo, ni redae nu koteraesi?  
\q2 Nu taká tefo genembo ava sedo, nu redae bu tavo tatau eraesi?   
\b  
\q1
\v 5 Avata ni eteso genembo sirorusira amo, ninda duruda, bajari edo irira.  
\q2 Numokena usasa, duró, a bino ava, nine kavevera edo futusesi.   
\q1
\v 6 Ni nu gategedo seteso, nu roera isambu nine eteso sirorusira,  
\q2 ainda bajari ava, nune edo irira.   
\q1
\v 7 Roera resena emo, sifi burumakava  
\q2 a sino fuka taima jokáda irá gheraera,   
\q1
\v 8 rika ikáda ghumburaera, oka, a eva da roera isasambu,  
\q2 ainda bajari, nune edo irira.   
\b  
\q1
\v 9 Arie, \nd Bajari\nd*, namanenda Bajari.  
\q2 Ninda javo teria ainda bino ava ivegedo iri, reighi isambu niningerera.   
\c 9  
\s1 God Inonoda Ijujeraera Aindae, Sakai Saore!  
\q1
\v 1 Arie \nd Bajari\nd*, na janje isambuimi nindae sakai sarena.  
\q2 Nanda gae gitida rea eteso sirorusira ava osa sarena.   
\q1
\v 2 Arie, \nd Bajari\nd*, God Iká Bekáda Iresa na nindae ivugaimi tamo erari beká erira.  
\q2 Na nindae sakai sise, ninda javo jighono erarira.   
\b  
\q1
\v 3 Ni nanjigo buvuraesa amo, nanda gitofu ojuimi sumbudo du ambu fafaseraera.   
\q1
\v 4 Ainda susu mo, ninda anumba vasada  
\q3 anumbedo, bekáda bekáda ijujuse,  
\q2 nanda sari ava bekáva kasama edo na sonembetesi.   
\q1
\v 5 Nunda oro oro ekoko use, ni jo tumondae eraera ava, ni bu ambari kena fitesi.  
\q2 Ne sosighi beká ava etesi,  
\q2 nine nenda javo ghaje fugeteso binó irae beká ava etira.   
\q1
\v 6 Arie, namanenda gitofo makoe vekaghae museteri,  
\q2 nine nenda reighi sosighi e jighi jovereghari beká etesi.  
\q2 Ne amboda eniimi jo kotae arera.   
\b  
\q1
\v 7 O \nd Bajari\nd* mo, nu kini (king) edo, evovodae irira.  
\q2 Nu evetu genembo ijujari da vasa e vatetena etiri fetirira.   
\q1
\v 8 Nune evetu genembo isasambu dambu dambughae ijujuse,  
\q2 evetu genembo isasambu bekáda bekáda use kaifa arira.   
\b  
\q1
\v 9 \nd Bajari\nd* mo, nu evetu genembo babate binó tefo ainda ambo sosari vasari,  
\q2 evetu genembo mendeniimi nemokena mema muturaera ainda sifoda,  
\q2 numo nenda jungari vasa kíkanghari bekári.   
\q1
\v 10 \nd Bajari\nd* mave ni kasama erera amo, nenda tumondari nimokena fifiterera,  
\q2 Ai resira amo, mave nimokena furaria amo, eni jo imboe ae aresa.   
\q1
\v 11 Arie! \nd Bajari\nd* ututu Saion\f + \fr 9:11 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda anumbirise, nunda natofo kaifa eraira aindae, isimbaore!  
\q2 Nu rea usira ava, natofo isambu kena isagha saore!   
\q1
\v 12 Kikita mo, God da tofori, ororo gutuse sorara eraera aindae kotise, mino mutarira.  
\q2 Nenda mema mave erefutira ainda mino ava, God nune mutarira.   
\b  
\q1
\v 13 Arie \nd Bajari\nd*, nanda gitofu nandae mema muturaera, ava gaetesi!  
\q2 Arie \nd Bajari\nd*, nandae joka edo, erá doyeoso ambeone!   
\q1
\v 14 Aso, na Jerusalem embo da dombuda fete,  
\q2 nindae sakai resena da beká saono ne ningarera.  
\q2 Edo, na sonembusesa aindae, ivuga arena.   
\q1
\v 15 Oro mendeni mave ni jo tumondae eraera aimi,  
\q2 bako ghambudo, aminda totofo du vovosegeteri.  
\q1 Ne totofo nenda vaghoda teretero nemoá fatira.   
\q1
\v 16 \nd Bajari\nd* nange bekáda bekáda ijujeraira aimi, nu mavejuri, ava ijugeari kasama eraera.  
\q2 Nune etiri, ari ekoko embo ava, totofo nenda vaghoda teretero, aimi fatira.   
\b  
\q1
\v 17 Ari ekoko embo isasambu ambari embo da vasada vosarera.  
\q2 Oro mave God imboe eraera isambu, aminda vosarera.   
\q1
\v 18 Avata makasi embo da mema amboda God kote simbugarira. Kotugo  
\q2 makasi embo da gigitari ava beká arira, jo dadabae arira.   
\b  
\q1
\v 19 Arie \nd Bajari\nd*, ere fu! Erá doyeoso, natofoimi ninda geka bu fugeure!  
\q2 Oro mave ni jo tumondae eraera ava, bu fiti, ninda dombuda fetoro, nenda ari ekoko ainda mino ava mutu baore!   
\q1
\v 20 Arie \nd Bajari\nd*, nemoá jo God iraeri, ne taká tefo  
\q2 evetu genembo ava kasama aoro dae sise,  
\q3 aso ne ojuimi ghamo takeghari itatama aeteri.   
\c 10  
\s1 God Nange Evetu Genembo Inonoda Ijujaetira, Ainda Benunuri.  
\q1
\v 1 Arie \nd Bajari\nd*, ni redae soka beká fefeteresi?  
\q2 Namane dara itatameraera da sifoda, ni redae tofo jungeraesi?   
\q1
\v 2 Ari ekoko embo gogore use, evetu genembo vagho fitiraera aminga ava use,  
\q2 makasi embo nenda derariimi sandido, nemokena mema erefutera.   
\q1
\v 3 Ari ekoko embo amo, ne oduso use, dighighi eraera, aindae totofo sakai seraera.  
\q2 Dighighi kakato amo, \nd Bajari\nd* dae jijivu sise, numokena gukai muturaira.   
\q1
\v 4 Ari ekoko embo nenda gogoreimi misurugururari, \nd Bajari\nd* dae jo igheghi ae eraera,  
\q2 Ne gogore use, God iraeva seraera.   
\q1
\v 5 Ari ekoko embo roera reju eraera, ainda beká isambu siroreraira.  
\q2 God evetu genembo nange ijujeraera ava jo kasama ae use, kokomanekena dere jiraera.   
\q1
\v 6 Ne totofo koteraera, “Namane jo nanjigo gofae arera.  
\q2 Namane sifo ghousa ivuga use irarera, dara á itako jo foa namane bae arira.”   
\q1
\v 7 Nenda sarida mo, simbora ari, gungubo sari, kotugo katiyavara ari aimi bedo edo irira.  
\q2 Ne rea seraera aimi, dara bu foa gheraira.   
\q1
\v 8 Ne reighi tinguda jungedo iritirise,  
\q2 dara tefo embo ava daoro amboro dae kaifa gigita eraera.  
\q1 Ne mavejoá ufena daoro ambarera ava kato eraera.   
\q1
\v 9 Ne raiyoni (lion) da kaugo ava use, jungedo kato use kaifa eraera.  
\q1 Ne junge kato urureoro makasi embo foa,  
\q2 nenda vaghoda teterurureoro, sandi bu jumbu ya gheraera.   
\b  
\q1
\v 10 Nene, evetu genembo gogofegari ava sandeoro, du de sirivo e fafaseoro  
\q2 nenda fakina dadaberaira.   
\q1
\v 11 Ne totofo koteraera, “Namonde rea eraera ava, God jo kotae ari ava,” seraera.  
\q2 “Nu diti gajedo itako jo gae eraira.”   
\b  
\q1
\v 12 Arie \nd Bajari\nd*, ari ekoko embo oindae mema mutu!  
\q2 Arie God, mave mema eretafera ava kotaetesi!   
\q1
\v 13 Ari ekoko embo nange nange kotise, God ighagha use,  
\q2 eminge seraeri, “Namokena mema jo mutae arira.”   
\q1
\v 14 Avata geka bekári: God, nene dara rea eraera,  
\q2 kotugo mema muturaera ava isambu ni gido, ainda mino mutari koteraesa.  
\q2 Evetu genembo gogofegari ne totofo ninda ungoda fitiraera. Sasingu babate ainda sonemba kato nimori.   
\q1
\v 15 Evetu genemboá ari ekoko eraera, ainda  
\q3 fakina ava de bejedo,  
\q2 nenda kosasa ainda mino ava futururaso, sirivo aore!   
\q1
\v 16 \nd Bajari\nd* mo, kini edo evovodae irira.  
\q2 Evetu genembo god mendeni tumonderaera ava, nune sari,  
\q2 nunda reighi do dumbarera.   
\b  
\q1
\v 17 Arie, \nd Bajari\nd*, ni gogofegari da benunu ava jave ningiraesa.  
\q2 Nenda sorara ningido nine ne sonembedo, fakina futuse eghovo deraesa.   
\q1
\v 18 Ari ekoko embo ava, nene katiyavara edo  
\q3 ghusera ava doyorodae sise,  
\q2 ni bate bagha a sabua da sorara ningido sonemberaesa.   
\c 11  
\s1 Dara Furarira Da Sifoda, Bajari Tumondaore!  
\q1
\v 1 Na Bajari tumonduse numokena  
\q3 ambo sose fetarena.  
\q2 Ágido, na gitofukena eminge saeteni, “Erá gogovara use,  
\q2 namokena eminge seose: ‘Rika da kaugo edo doririda ghumbu ya jungase!’”   
\q1
\v 2 Ai resira amo, gi! Ari ekoko embo itumuda jungutuse,  
\q2 nenda goroba fevada fifitige afedo, evetu genembo eveva ava gayari dae kato eraera.   
\q1
\v 3 Irari isambu beje soesa arira da sifoda genembo eveva nange ari?   
\q1
\v 4 \nd Bajari\nd* nunda kambo kakara jokáda irira,  
\q3 \nd Bajari\nd* nunda anumba vasa utuda irira.  
\q2 Aminda irise, evetu genembo tano reda reda endada irise,  
\q2 rejo eraera ava, ditimi gosuse kasama eraira.   
\q1
\v 5 Nu evetu genembo eveva a eko ava dere gosuse,  
\q2 mave agho dari bejise, de goroghari uju eraira ava, gari imboe beká eraira.   
\q1
\v 6 Nu imo buburago, imbosi eko masaghae ava muteari  
\q1 ari ekoko embokena vose foa gheraira.  
\q2 Nu yaura veverago aimi avari ghamo baoro dae muturaira.   
\q1
\v 7 Ainda beká mo, \nd Bajari\nd* mo kosasa tefori, nu aito fugari eveva ava dubo buraira.  
\q2 Mave amingarira aimi, ne nunda dombu gosuse ivuga use irarera.   
\c 12  
\s1 Sonemba Bari Da Banungariri.  
\q1
\v 1 \nd Bajari\nd*, namane sonembe! Nimo tumondari embo endada eni jo iraeri.  
\q2 Kotugo geka beká sari embo barago, eni jo tambari da kaugo iraeri.   
\q1
\v 2 Ne isambu tofo tofo gungubo sise irá gheraera.  
\q2 Ne kokomana dederuse, geka vivi futo seraera.   
\q1
\v 3-4 Arie \nd Bajari\nd*, mave geka vivi futo seraera, ava  
\q3 daso ambarera.  
\q1 Kotugo, mave totofo sakai sise eminge seraera, “Namondeda sari aimi namondeda uju ava barera.  
\q2 Namonde rea ava sarera, jo mave eniimi gajari da kaugo iraeri.” nembarago daso ambarera.   
\b  
\q1
\v 5 Avata \nd Bajari\nd* resira, “Na furari dae javi erena. Ainda beká mo,  
\q2 evetu genembo mendeni, makasi embo ava  
\q3 sosighi edo mema muturaera,  
\q2 katiyavara urureoro gogofegari memaghae aoro sise irá gheraera.  
\q2 Na oroko eredo, sonemba uju eraera ava futuse, ne gagara arena.”   
\q1
\v 6 Kau auri siliva (silver) umbu 7 ava itioro avi jeka voseari,  
\q2 siliva beká isagha eraira, aminga ava \nd Bajari\nd* rea beka gagojuse setiri fetirira ava foa isagha arira.   
\q1
\v 7-8 Ari ekoko embo reighi isambu nemo vanembori.  
\q2 Ne meka gari da ari eraera, aindae sakai futo seraera.  
\q1 Arie \nd Bajari\nd*, sifo ghousa namane kaifa use,  
\q2 evetu genembo avavagaikena kosegaetesi.   
\c 13  
\s1 Sonemba Bari Da Banungariri.  
\q1
\v 1 Arie \nd Bajari\nd*, ni ghousa kau mavega ava na kotae aresi?  
\q2 Ai, kotae beká usesi.  
\q1 Ghousa mavega ava na nimo geono dae sise jungeraesi?   
\q1
\v 2 Atá ghousa mavega ava mema bouvu ghae irareni?  
\q2 Sifo tumba evia inono nanda ghamo joká memaimi bedo edo, irá gheraira amo, mavegori?  
\q2 Nanda gitofui na de atai fafotusera ava, na ghousa mavega irareni?   
\b  
\q1
\v 3 Arie \nd Bajari\nd*, nanda God, namoá fuge gido, nanda benunu ningido, mino saetesi!  
\q2 Nanda fakina sekago mutaso baeteni, erá doyeoso na ambeone!   
\q1
\v 4 Erá doyeoso, nanda gitofuimi, “Namane nu de atai fateri!” seore!  
\q2 Kotugo, doyeoso, nandae, “Makoede, durira!” seore!   
\b  
\q1
\v 5 O ni nandae veka eveva use, na dubo buraesa, aminda gaiga gayeraena.  
\q2 Na saso jebugarena aindae, na riria arena.   
\q1
\v 6 Arie \nd Bajari\nd*, na nindae yaru divarena da beká mo,  
\q2 namokena veka eveva eraesa.   
\c 14  
\s1 Mave God Ighagha Arira Aikena Mo, Kotari Tefori.  
\q1
\v 1 Mave tofo mandi “God tefo” erekotira amo, nu daghe irise, sari garera.  
\q2 Evetu genembo avavaga nenda dubo joká bebeta edo irera. Ne tafasara beká ava eraera.  
\q2 Eni jo ari eveva ae eraira.   
\q1
\v 2 \nd Bajari\nd* utuda irise, evetu genembo fuge gosuse,  
\q2 evetu genembo dubo kotise numoa tumonde baingheraera ava, tava eraira.   
\q1
\v 3 Avata ne isasambu emboro eveva do dariguse ari ekoko eraera.  
\q2 Ne totofo bebeta edo irera.  
\q1 Jo dabakoimi ari eveva ae eraira, eniko tefo bekári.   
\q1
\v 4 \nd Bajari\nd* resira, “Ari ekoko embokena kotari tefori?  
\q2 Ne nanda natofokena bagia use, namokena jo banungae eraera.”   
\b  
\q1
\v 5 Avata amboda ne ghamo takegha arira.  
\q2 Ainda beká mo, God evetu genembo nunda sari ava eraera ainde dabade,  
\q3 fetirari garera.   
\q1
\v 6 Ari ekoko emboi evetu genembo eveva ainda kotari a uju ava buregeraera.  
\q2 Avata evetu genembo eveva nenda ambo sose fetari da vasa \nd Bajari\nd* numori.   
\b  
\q1
\v 7 Arie, jebuga Saion\f + \fr 14:7 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* ghedo foa Israel embo kena sirorare!  
\q2 \nd Bajari\nd* nenda ati ghayafa sekago mutari barera amo,  
\q2 Jacob da imemesiri, Israel embo, isasambu ivuga use irarera.   
\c 15  
\s1 God Evetu Genembo Nange Aoro Dae Uju Erira, Amo Eviri.  
\q1
\v 1 \nd Bajari\nd*, ninda irari vasa kakara jokáda mave terari?  
\q2 Mave ninda ututu Saion\f + \fr 15:1 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda viti ya tumonde bainghari mo, inonori?   
\q1
\v 2 Genembo mave God da geka isambu ningido, sifo ghousa evia geka beká sise,  
\q2 ari dambo vanembo eraera, a nu avori.   
\q1
\v 3 Genembo amo nu kokomanakena aji jo sae eraira,  
\q2 a nemokena ari ekoko jo ae eraira. A nu nano namendidae unongu jo sae eraira.   
\q1
\v 4 Genembo amo, mave God imboe eraira, numbarago imboe eraira.  
\q1 Avata mave \nd Bajari\nd* tumonduse, nunda sari avanembo eraera, genembo amo  
\q2 ne kakara eraira.  
\q1 Genembo amo evovodae nu rea beka gagojusira, ava eraira.  
\q1 Nunda beka gajari ava use, mema bouvu mavega itatama eraira aindae,  
\q2 nu jo kotae eraira. Nu rea ari beka gagojusira, ava ari sirorarira.   
\q1
\v 5 Genembo amo, nunda sonemba eraira ainda etoda, mino ainghae jo bae arira.  
\q2 Genembo amo, nunda komana eni ava koto sifoda genembo eni dara jo ae,  
\q2 aikena gungubo sare dae sise, moni mutari sarira amo, itako jo bae arira.  
\q1 Genembo mave ari avavaga use irarira amo, nu evovodae evevada fetarira.   
\c 16  
\s1 Genembo, God Da Sonembadae Ivuga Use, Yarué Gefusira.  
\q1
\v 1 Arie, God! Sonembe, gagara aso, na nimokena ambo sose fetone!  
\q2 Na ninda sonemba a kaifa tavo ari ava tumonderena.   
\q1
\v 2 Na \nd Bajari\nd* kena eminge seraena, “Ni nanda Bajariri,  
\q2 roera eveva namokena irira ava, isambu nimokena-ghe foa gheraira!”   
\q1
\v 3 \nd Bajari\nd* da natofo endada irise, nu tumonde gogoghomberaera amo, ne evevago a numo bekári.  
\q2 Nemo kotise, na ivuga e gogoghomberaena.   
\q1
\v 4 Evetu genembo mave god a sukaru mendeni tumonduse, nenda sonembadae sise,  
\q2 aminda sufuse irá gheraera amo, ne dara digari tamburaera.  
\q1 Avata ainda susu mo: nemori!  
\q2 Ava sedo, god a sukaru mendeni setena aikena, na jo joba futuse, ororo ava jo averegae arena,  
\q2 a kotugo na jo ne tumonde bainghae arena.   
\q1
\v 5 \nd Bajari\nd*, nanda jebuga a sonemba ainda susu isasambu, nisuka nimori!  
\q2 Nine, rejo namokena daiva eraira ava, nine muturaesa.  
\q2 A kotugo, rea namokena amboda sirorarira ava, ninda ungoda irira ava sedo, nine kaifa eraesa.   
\q1
\v 6 Ni kavevera use, namokena joba muturaesa amo, eveva bekári.  
\q2 Ava kotise, eveva seraena.   
\q1
\v 7 Na \nd Bajari\nd* dae sakai seraena.  
\q2 Ainda susu mo: na erá dara eone dae sise, nu nanda emboro ijuguse,  
\q2 tumbaghae nanda dubo jokáda geka sise,  
\q3 dengoro indiraira!   
\q1
\v 8 \nd Bajari\nd* namokena sifo ghousa irira ava, na kasama use irá gheraena.  
\q2 Nu namokena ojira, utua fetirira ava sedo, jo rejo enii derari, na jo gofae, fete gogoghombarena.   
\q1
\v 9 Aindae sedo, na aiyako sise, ivuga beká ava use, dara a mema foa gheraira aindae,  
\q2 na jo itako oju ae eraena.   
\q1
\v 10 Ainda susu mo: ni na kaifa ururaso, ambari da fakinaimi jo namoá derae arira.  
\q2 Na ni tumonde gogoghombuse, ninda saramana eraena ava sedo,  
\q2 na jo doyaso ambari embode dabade sifo ghousa irá ghae arena.   
\q1
\v 11 Na nange jebuga tambaetena ava kotise, nine nanda emboro ijugaresa.  
\q2 Ni namonde dabade irá gheraera ava itatamuse,  
\q2 na ninda dombuda irise, riria beká ava use, evovodae ivuga use irarena.   
\c 17  
\s1 Genembo Eveva Eniimi, God Da Sonembadae Benunu Sisira.  
\q1
\v 1 Arie \nd Bajari\nd*, na rea ava nimokena koko sise resena ava, ningi!  
\q2 Na geka beká seraena, ava sedo nanda benunu resena evia, jave ningi!   
\q1
\v 2 Koto sifoda namo ijujuse, nandae “kosasa tefo” saresa.  
\q2 Ai resira amo, ari eveva a eko mave eraera, isambu ni kasama eresa.   
\q1
\v 3 Ni tumbaghae fesa, nanda kotari a  
\q2 nanda janje joká fuge gosuse ijujusesa amo, nanda eko eni jo tambae usesi.  
\q1 Kotugo, nanda aviva kaifa use, reju seraena aminda barago, sembae eni jo sirurono ningae ri.   
\q1
\v 4 Na ninda sari ava use, evetu genembo ekoko a  
\q3 gogore a tafasara kakato  
\q2 ainda amboda jo yae eraena.   
\q1
\v 5 Na ninda kotuda fetirise,  
\q2 jo roimi dimbari durae edo ghuseni.   
\b  
\q1
\v 6 Arie God, na nimokena banungerena.  
\q2 Ai resira amo: na kasama erena, ni mino namokena saresa.  
\q2 Ava sedo, dengoro javuse, nanda geka ningase!   
\q1
\v 7 Arie, nanda Sonemba Kato, ninda dubo bari duroghaeimi ijuguse, na gitofuda ungoda saghimbe bu!  
\q2 Ai resira amo, mave ninda ungo gimandukena ambo sose fetarira amo, gitofudae jo oju ae arira.   
\b  
\q1
\v 8-9 Evetu genembo nenda yeye kaifa eraera aminga ava, na kaifa edo gagara e!  
\q2 Erá, evetu genembo ekoko namokena tataya eraera, namoa deoro dae sise,  
\q2 ninda ghabuimi na gagara e! Ai resira amo, ne na daoro ambono dae sise, jimbi birurughedo irera.   
\q2
\v 10 Nemokena joka ari tefori.  
\q3 Ne totofo sakai futo sise, gogore eraera.   
\q1
\v 11 Ne na anakora jimbe birurughedo, namoa fugoro endada durono dae, goroto tava use irera.   
\q1
\v 12 Nemo kau laiyoniimi (lion) ari guse, namoa sosighi ari dae kato eraera.  
\q2 Kau raiyoni fakina kato ari guse, namoa ufena sandari dae kato eraera.   
\b  
\q1
\v 13 Arie, \nd Bajari\nd*, ere foama, evetu genembo namoa, katiyavara eraera ava,  
\q2 nemoa dedo, atai fati fetaso dae resena.  
\q1 Ninda kaiya dika soveni soveni aimi, ari ekoko embo dege, darigaoro jebugaone!   
\q1
\v 14 Arie \nd Bajari\nd*, ninda sonemba da fakina aimi,  
\q2 na evetu genembo enda da irari ava nembo kotise,  
\q2 irá gheraera ainda ungoda saghimbe bu, jebugaone!  
\q1 Mino eko nendae sedo simbugusesa ava mutaso, mema ruruse itatama aore!  
\q2 Nemo, kotugo nenda sasingu barago, mino daba ava itatama ururoro,  
\q2 a kotugo nenda imemesiri barago ainda mema itatamarera.   
\b  
\q1
\v 15 Avata na ninda dombuda fetirise ni garena.  
\q3 Ainda susu mo, nanda irari dambugori.  
\q2 Na avi eroruse, dombu basari nangae minonde minonde gosuse,  
\q2 ivuga beká ava use irarena.   
\c 18  
\s1 David Gitofu De Sosighi E Rurusira Da Yaruri.  
\q1
\v 1 Arie \nd Bajari\nd*, ni dubo ererurena.  
\q2 Nanda sorega a fakina mutari kato nimori.   
\q1
\v 2 \nd Bajari\nd* mo, nu nanda sorega mutari katori.  
\q2 Numokena tere fetono, na gagara arira.  
\q1 Nanda God mo, sorega mutari kato bekári.  
\q3 A nu nanda sonemba kato fakinagori.  
\q1 Na numokena junge feteraena.  
\q2 Nanda bere mo, numori, a fakina nune futurureari jebuga eraena.   
\q1
\v 3 \nd Bajari\nd* dae sakai resena.  
\q2 Na numokena kori seteno, na gitofuda ungoda ava sonembusira.   
\q1
\v 4 Ambari da fakina evagoimi na kosege birurughedo afurugusira.   
\q1
\v 5 Ambari da fakina aimi namoa kosege jimbe birurughedo, namoa ivasi fiti bari dae kato usira.   
\q1
\v 6 Na nanda dara jokáda irise, \nd Bajari\nd* dae kori siseni.  
\q1 Nanda God kena sonemba dae soraraghae kori seteno,  
\q1 nunda kambo kakara jokáda irise, nanda beka niningusira.   
\q1
\v 7 Amingetiri, enda javi use daradaraghiri, doriri susu javi javi use, ginoginoghusira.  
\q2 Ainda beká mo, God janje ekoko usira.   
\q1
\v 8 Imbosi nunda mendo tokáda gubighiri, nunda bekada avaraka buburaghae oeno veverago ava buvurutusira.   
\q1
\v 9 Utu jighi torere afigedo, foroga ingago nunda ata duruda fiti ainghae vose fusira.   
\q1
\v 10 Nu nunda Serubim aminda anumbetiri, yauraimi bu ghufusira.\f + \fr 18:10 \ft Tamo foyagoda geka etoto naká \ft \+it seraphim\+it* nengae \+it cherubim\+it* irira. Ne avose aneyada mendeniri. Ne fakina kakatori. Nenda irari mo, ne God da dombuda irá geraera. Ezekiel tano dabako aminda, a tano ghabu soveni soveni aminda tegutuse \+it cherubim\+it* da kau itako kasama arera. Ava edo, namonde geka mendeni Amboda Sirorari aminda tamburaera, ava kotarera. John nunda gekai tano 4 aminda \+it living creature\+it* gefusira. Korafe geka aminge sarera amo, namonde \+it sifo fuka da eni\+it* kotaeteri, tano. Avata, \+it seraphim\+it* nengae \+it cherubim\+it* ghae jo sino fuka iraeri. Ne God da geka ningia, mino bekami seraera, a nunda uju ava eraera. Ava sedo namane Amboda Sirorai aminda geka \+it serubim\+it* gembudo ghuseri. Avori, Baibel jokada \+it serapim\+it* vasa dabako tamburaera, Isaiah tano 6 aminda irira. Ne God da dombuda fetedo nundae sakai sise irera, a nunda uju use irera. Ne ajagha, \+it cherubim\+it* ajagha, aĩ daba avori. Namonde jo gi gogogombae irera. \+it Cherubim\+it* aminga ava, ne God da dombuda fetedo nu kakara use unda uju edo gherera. Ã Korafe gekami javo etoto naká da duka utuako bekári. Ava sedo, namane \+it seraphim\+it* nengae \+it cherubim\+it* ghae kotise geka dabako \+it serubim\+it* gefuseri.\f*   
\q1
\v 11 Numo tumba jokáda afuregedo, borija da foroga ingagoimi doghusira.   
\q1
\v 12 Usasa nunda dombukena jaragheraira aminda ghedo biria avaraka buburago avavagai tarighiri,  
\q2 borija dombu eni yaurago tamo ghamanago, foroga ingago jokáda ghe beje buvurutusira.   
\q1
\v 13 Aminguse, \nd Bajari\nd* Iká Bekáda nunda beka duka utuda ghe gururu didiviri nininguseri.   
\q1
\v 14 Nunda feva da goroba aimi afetiri, nunda gitofu sisigaga useri. Nu setiri biria tarighiri, ne oju e sufuseri.   
\q1
\v 15 Arie \nd Bajari\nd*, ninda gitofu dombuda sise, kovionoghae koko seteso,  
\q2 eva kafuru da duru saghe fasedo enda susu isagha usira.   
\q1
\v 16 \nd Bajari\nd* nu ikáda ghe sirige, na karaje kafuruda ghe jumbarigetiri vivituseni.   
\q1
\v 17 Nanda fakina dadabetiri, na nanda gitofu fakina kakato da ungoda ireno, God na saghimbe rurusira.   
\q1
\v 18 Dara ainda sifoda, ne na dari dae sufusera, avata \nd Bajari\nd* na gagara usira.   
\q1
\v 19 \nd Bajari\nd* nandae riria eraira aindae, nune sonembedo na budo jebuga vasada fitiri jebuguseni.   
\q1
\v 20 Na ari dambu use irá gheraena, aindae, \nd Bajari\nd* nandae mino eveva muturaira.  
\q1 Namokena kosasa jo tambaeri, ágido na esimbugusira.  
\v 21 Na \nd Bajari\nd* da Agho Dari rea resira ava useni.  
\q1 Na nanda God kena jo ari eko eni edo, gukai mutaeri.   
\q1
\v 22 Na nunda Agho Dari rea resira isambu kaifa useni. Na nunda sari eni jo kosasaghaeri.   
\q1
\v 23 Na ari eko eni jo ae eraena amo, nu kasamari.  
\q1 Amo na tofo ari sembae ari ava reeta eraena.   
\q1
\v 24 Na ari dambu use irá gheraena aindae, nu nandae mino eveva muturaira.  
\q1 Ai resira amo, na dara jo ae eraena, nu kasamari.   
\q1
\v 25 Arie \nd Bajari\nd*, evetu genembo mave ni tumonduse irá gheraera, nemokena ninda beka gajari ava eraesa.  
\q1 Nimokena mave bekáda bekáda use, irá gheraera aikena, veka eveva eraesa.   
\q1
\v 26 Mave da irari forosogo beká ava irarira aikena, ni kavevera beká eraesa.  
\q1 O genembo mave aito eko fugeraira aikena mo, ni aito fugari eko beká eoso itatama eraira.   
\q1
\v 27 Ni tumbari embo ava sonemberaesa,  
\q1 o ivuga use totofo sakai seraera amo, eoso tumberaera.   
\q1
\v 28 Arie \nd Bajari\nd*, nine nanda tumba emo jighi tonenembedo, nanda usasa muturaesa.   
\q1
\v 29 Gitofo nanjogo irera, ava daono dae sise, fakina nine muturaesa. Kotugo, gitofu da furu jarigari da fakina barago, nine muturaesa.   
\q1
\v 30 God emo nu rea eraira amo, dambugo bekári!  
\q1 Nu rea seraira, ainda beká siroreraira.  
\q3 Mave numokena junge feteraera, ainda bere mo, numori.   
\q1
\v 31 \nd Bajari\nd* nusukako numoa God ri, eni tefori.  
\q1 Namondeda sorega mutari kato, God nusuka numori.   
\q1
\v 32 God nune eari, na fakina eraena.  
\q1 Nune eari, na emboroda kotae kotae ya foa gheraena.   
\q1
\v 33 Nune eari, na ata fete simbugeraena.  
\q2 Nune kaifa urureari na doririda jebuga deingheraena.   
\q1
\v 34 Isoro tataya aono dae sedo, nune na ijugeraira.  
\q2 Feva auri ari ava jighi otombedo goroba afari da aito ava ijugeraira.   
\q1
\v 35 Arie \nd Bajari\nd*, nine gagara use, na sonembusesi.  
\q1 Na kaifa eso, binode edo irena. Ninda fakina tomanakoimi namoa kosegiri irena.   
\q1
\v 36 Na ondi kosege sandaetera ava, nine tavo eso, na jo gofae useni.   
\q1
\v 37 Nanda gitofu ondi sandi bambu tefo edo, isambu deteno sirivu useri, eni jo doyono jebuga yae usira.   
\q1
\v 38 Nane ne deteno du fafasusera amo, sekago jo erae arera.  
\q2 Nanda dombuda du ambu fafasedo irera.   
\q1
\v 39 Nine isoro ari da fakina ava, namokena futusesa aimi, gitofu de atai fati fefetuseni.   
\q1
\v 40 Nine eoso, nanda gitofu na do sumburaera.  
\q3 Mave na imboe gambue usera ava,  
\q3 nane de sosighi useni.   
\q1
\v 41 Ne sonembadae koko siseri, avata mave jo sonembari jebugae useri.  
\q2 \nd Bajari\nd* kena kori siseri, avata nu jo ningae usira.   
\q1
\v 42 Ne fati jaseteno, kau fonja yauraimi fuseari ya dadaberaira, ainda kaugo useri.  
\q2 Ne, kau emboroda tauya fatiraera, aminga ava useni.   
\q1
\v 43 Evetu genembo gogore kakato eredo, namoa dari dae kotisera ainde isoro eno, na sonembeteso jebuguseni.  
\q2 Nine seteso na oro mendeni mendeni da bajari edo irena.  
\q1 Evetu genembo na berefoá isambu nanda sari ava eraera.   
\q1
\v 44 Teana embo nandae igheghi edo, nanda dombuda tumoi bainghuse, nane rea seraena, ava eraera.   
\q1
\v 45 Ne rojedo, ungo ata dadara garuse, nenda jungari vasa do buvuraera.   
\q1
\v 46 \nd Bajari\nd* evovo dae irira, nanda sorega mutari katodae sakai saore!  
\q2 God namo sonembeari jebugeraena, ainda binó ava sakai sise, nunda javo jighono ikáda erare!   
\q1
\v 47 God nandae gitofu de atai fati fetari da fakina ava muturaira.  
\q2 Oro mendeni mendeni nune fitiari vosedo, nanda ata duruda irá gheraera.   
\q1
\v 48 Nune namoa gitofu kena sonembeari jebugeraena.  
\q1 Arie \nd Bajari\nd*, nine na gagara urureaso, nanda gitofu janje ekoko ari kakato de atai fati feteraena.   
\q1
\v 49 Ava sedo, \nd Bajari\nd*, na oro mendeni mendeni jokáda irise, nindae sakai seraena.  
\q2 Yaruimi didivuse ninda javo jighi eono ereraira.   
\q1
\v 50 God nune de atai fati fetari da fakina ava nunda kini dae muturaira.  
\q1 Kotugo nunda dubo bari ava,  
\q2 Kini David edo nunda imendi gamendikena evovodae ijugudo yarira.   
\c 19  
\q1
\v 1 Utu enda God etiri sirorusira ainda jokáda, God da usasa iri eregosena!  
\q2 Nu kau nangega etiri sirorusira amo, isagha beká iri eregosena!   
\q1
\v 2 Eri! Ungobu use tumba jireari, inua a damana janimberaira, a sifoghae sifo ate areghurureari ainda jokáda,  
\q2 na God da duro ava gosuse koteraena.   
\q1
\v 3 Iji, inua, a damana mo, geka vironu jo sae eraira.   
\q1
\v 4 Avata nenda duro, evetu genembo reda irera,  
\q2 isambu gi kasama erera.  
\q1 Utu mo, iji da irari vasadae God esimbugusira.   
\q2
\v 5 Iji da duro mo, kau gimasa nunda datu gagara unumbari dae sedo,  
\q2 gogho edo, kamboda ghe foa buvuraira, ainda kaugori.   
\q1
\v 6 Nu sovenikena vitido, ya jarige sovenikena voseraira.  
\q2 Nunda usasa a vevera mo, ave jo darigari da kaugo iraeri.   
\q1
\v 7 Bajari da Agho Dari jo sembae iraeri, isambu eveva vanembori.  
\q2 Ningarena amo, na ivugaghae irá ghedo gharena. Ningido tumondarena amo, na jo gofae arena.  
\q2 Genembo kotari tufako ningarira amo, jiro afigari dubo kotarira.   
\q1
\v 8 Bajari da Agho Dari isambu, beká avanembori.  
\q2 Na Agho Dari amo ningido amingarena amo, na ivugaghae irá ghedo gharena.  
\q1 Bajari da Agho Dari amo, inono a dambu bekári.  
\q2 Kotarena amo, munju afigarira.   
\q1
\v 9 Bajari da tumonde bainghari mo, evevagori.  
\q2 Sifo ghousa, aminguse irarena.  
\q1 Bajari ijujeraira amo, nu inononda ategi eraira.  
\q2 Geka beká seraira amo, evovodae irarira.   
\q1
\v 10 Bajari dae uju use, mamaso ari mo, jo kau auri “gold” evevago a finje da firukago iraeri.  
\q2 Roera resena emo, kikitakori. Nu mindafu bekári.   
\q1
\v 11 Na ninda saramana katori.  
\q2 Na ninda Geka a Agho Dari tegarena amo, kotari seka sirorari barena.  
\q2 Ninda Geka jokáda rea resira ava arena amo, na jebugarena.   
\q1
\v 12 Na ari ekoko mendeni usena ava kotae edo, jo vujegae irena ava, nine giraesa amo,  
\q2 joka edo, kote doyaso dae resena.   
\q1
\v 13 Na tavo use buregururaso,  
\q2 erá eko eniimi foa dereuri, na gofedo gogore eone!  
\q1 Amingururaso, na ari eveva avanembo aone!  
\q2 Erá ari eko teria irira aimi, na unumbeuri eko beká ainda jokáda teredo ambeone!   
\q1
\v 14 Sonembururaso, na dubo kotise, geka eveva avanembo sirurono ningido, ivuga aetesi!  
\q2 Arie, Bajari, ni nanda jebuga kaifa eraesa, a na sonemberaesa.   
\c 20  
\s1 Gitofu Sosighi E Bari Da Benunuri.  
\q1
\v 1 Namanenda kini (king), ni sifo reda dara jokada fetaresa, \nd Bajari\nd* ni sonembare!  
\q1 Namanenda abua Jacob da God tumondedo ghusira aimi, nimoa gitofukena  
\q3 kosege fetare!   
\q1
\v 2 Nunda Tafaroro Ari Kambo kakara aminda ghe sonemba nimokena mutare!  
\q1 Nunda sonemba ututu Saion\f + \fr 20:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda ghe mutari fuse, ni sonembare!   
\q1
\v 3 Nu, ninda fuyo erefutesa isambu eindae dubo eveva are!  
\q1 Kotugo, ninda sino fuka de ojedo joba dunguteresa isambu eindae, dubo jama use ivuga are!   
\q1
\v 4 Ninda janje jokáda rea uju eraesa,  
\q2 edo rea ari dae koteraesa ava, isambu futururari beká sirorare!   
\q1
\v 5 Nine gitofu dedo atai fati fetaresa aindae, namane ivugaimi fumbu aruguse,  
\q2 divu fusedo ghuse, namondeda God dae sakai saore!  
\q2 Ni rejudae benunu saresa, ainda mino mutare!   
\q1
\v 6 Oroko ava na kasama erena, \nd Bajari\nd* nunda kini gategusira ava sonemburureari gitofu de atai fati feteraira.  
\q1 God nunda irari vasa kakara utuda irise ningido, nunda fakina tomanako ava futurureari, nunda kiniimi gitofu de atai fati feteraira.   
\q1
\v 7 Evetu genembo mendeni mo, isoro sifoda nenda tumondari nenda founa ghasemo javo sariot (chariot),  
\q2 a nenda sino fuka javo hosi aminda fifituse irera.  
\q2 O namonde mo, gitofo dari da fakina bari dae sise,  
\q2 \nd Bajari\nd* namondeda God ava tumonduse irera.   
\q1
\v 8 Mave tumondari nenda ghasemo sariot seraera,  
\q2 o nenda sino fuka hosi seraera aikena fitiraera, ne dudo gogofegarera.  
\q1 O namonde mo, ere fetedo, fakina e fetarera.   
\q1
\v 9 Arie \nd Bajari\nd*, namanenda kini sonembaso, gitofu de atai fetare dae resera.  
\q1 Namane sifo reda nimokena banungarera, ningi!   
\c 21  
\s1 Gitofu Sosighi E Rurusera, Ainda Sakai Sari Da Yaruri.  
\q1
\v 1 Arie \nd Bajari\nd*, ninda fakina futusesa aindae, kini ivuga erira.  
\q2 Ni sonembeteso, gitofu sosoghi e rurusira aindae, ivuga tomanako beká erira!   
\q1
\v 2 Nunda janje jokáda rea uju usira ava futusesi. Rejodae benunu sisira ava, jo jighi jijinimbaeri.   
\q1
\v 3 Nu buvurutiri, ni ghaito tero fugutuse joba numo bekáimi esimbugusesi.  
\q2 Aminguse, kotofu da kekesa auri goldi (gold) numo beká aimi ari ava bu, nunda jiroda asugusesi.   
\q1
\v 4 Nu nimokena jebugadae benunu setiri, ni jebuga evovodae irari ava futusesi.   
\q1
\v 5 Ni sonembusesa aimi, nu duró usira. Nine sonembeteso, nu binó a duró budo irira.   
\q1
\v 6 Geka bekári: ninda esimbugari evovodae numokena irira. Nu ninda dombuda irira aindae, ivuga use irá gheraira.   
\q1
\v 7 Kini nu \nd Bajari\nd* Iká Bekáda ava tumonderaira.  
\q3 \nd Bajari\nd* nu kini barago dubo buraira aindae,  
\q2 jo rejoimi nu derari durae arira.   
\q1
\v 8 Nunda gitofu isambu sandi barira. Natofo numokena osogo futo use irera isambu sandi bambarira.   
\q1
\v 9 Numo buvarira da sifo aminda ne avaraka bubura da vevera aimi dungari avarera.  
\q1 \nd Bajari\nd*, janje eko edo, avaraka mutari, ne avarira.   
\q1
\v 10 Kini nune, nenda sasingu isambu dari sirivo e tefo arera.  
\q2 Enda eminda nenda imemesiri gamemisiri ava eniko jo irae arera.   
\q1
\v 11 Kotugo, numokena osogo use, kotari ekoko ava manaka gayeraera, avata beká jo sirorae arira.   
\q1
\v 12 Nunda feva aimi nemokena afari gido, ne jovereghe oju sumbarera.   
\q1
\v 13 Arie, \nd Bajari\nd*, ninda fakina tomanako aindae, ni jighoro eraresa.  
\q2 Namane ninda fakina aindae sakai sise, yaru divarera.   
\c 22  
\s1 Genembo Eni Nu Mema Bouvu Jokáda Ireira, Avata Nu God Kena Sakai Sisira.  
\q1
\v 1 Nanda God, nanda God, redae na dotutusesi? Namo sonembaso dae sorara janjagughae use janje gagojusira,  
\q3 avata ni redae na jo sonembaeri?   
\q1
\v 2 Arie, nanda God, na ijighae nimokena kori seraena.  
\q2 Avata, nanda kori jo ningae eraesa. A na tumbaghae barago kori sise, jo avae eraena.   
\q1
\v 3 Avata Kini kakarago beká nimori. Israel embo nindae sakai sise,  
\q2 ninda javono gatise jigheoro ereraesa.   
\q1
\v 4 Namanenda abua mane nimoa tumondedo ghuseri.  
\q2 Nenda tumondari nimokena fifiturureoro, nine sonembeoso jebugedo ghuseri.   
\q1
\v 5 Ne dara jokáda fete irise, nimokena seoro, sore bu esike ya ghedo ghusesi.  
\q2 Nenda tumondari nimokena fifitusera, ainda beká siroretiri ivuga useri.   
\q1
\v 6 O namoako mo, jo genembo iraeri, sivoro da kaugori. Evetu genembo isambu namoa gi sari futo use dere jiraera.   
\q1
\v 7 Evetu genembo mave namo giraera amo, ne  
\q2 isambu namoa dere jise, aviva sanambughuse gifoa  
\q3 gitorotoro eraera.   
\q1
\v 8 Gegha jise seraera, “Genembo nunda bouvu mema \nd Bajari\nd* kena fifituse,  
\q2 gaiga numokena gayeraira, nangetirai jo sari jebugaeri? \nd Bajari\nd* nundae ivuga ariá seraira.  
\q3 Nangetirai nu sonembaeri?”   
\q1
\v 9 \nd Bajari\nd*, bebede ninda sonemba namokena emingusesi!  
\q2 Namo nine aya da tini jokáda bu fesa jebuga siroruseni. Kotugo, na ami rise ireno, nine tavo eso babojuseni.   
\q1
\v 10 Na sirorusena ai tano, nanda gaiga nimori, kotugo God na sifo ghousa tumondudo refena amo,  
\q3 nisuka nimori.   
\q1
\v 11 Dara buvari dae erira. Erá na do darige esike yeose! Mave eni na jo sonembae arira.   
\q1
\v 12 Nanda gitofu kau burumakava da kandana aminga aimi na gayari dae erera.  
\q2 Namoa nene jimbe birurugheteri, kau burumukava babaigo Basani Frovensi iritirira, aimi ari gerera.   
\q1
\v 13 Nenda beka fafangegerera ava kau laioni (lion) imi oka bayau budo gangara sise,  
\q3 gambu torere tarere gheraira, namokena amingerera.   
\q1
\v 14 Nanda fakina dadabetira. Kau uvu endáda averegari getira.  
\q2 Nanda etu isambu didisugaetira, aminga ava, nanda kotari dadabetiri, bune jarutuse irena.   
\q1
\v 15 Nanda fakina kikisa gharaseraira aminga ava dadabetira.  
\q2 Nanda aviva saghedo viti beka ikáda takegha erira. Amingiri, namoa ambono dae fonjada fuge dotesi.   
\q1
\v 16 Gegenembo ekoko aimi na kosege, sino maneimi ariguse, nanda ungu ata gae babasigerera.   
\q1
\v 17 Nanda tamo jokáda etu isambu tege tefo ari inonori. Nanda gitofu namoa tataseguse irera.   
\q1
\v 18 Ne nanda tamo asugari dae kikindoro garuse soroé barera.   
\q1
\v 19 Arie, \nd Bajari\nd*, erá na do esike yeose! Tavaraghe fu, na sonembase!   
\q1
\v 20-21 Gitofo amo isoro da kaiyaimi na jaoro ambono dae eraera aikena, na sainghimbe bu!  
\q2 Mendeni gambari sino o laioni (lion) da kaugo namoa gambari dae use irera.  
\q3 Mendeni, burumukava kandana aminga ava na koreimi gayari dae use irera.  
\q2 Namokena nenda dombuda fakina tefori. Ágido, na sonembaso jebugaone!   
\q1
\v 22 Aso, na nanda natofo da dombuda nindae sakai sise, ninda javo jighono erare!  
\q2 Na natofo totorugarera ainda jokáda ere fetedo, nindae sakai sise, ni rea usesa ava osa sarena.   
\q1
\v 23 “\nd Bajari\nd* da saramana kakato, nemokena resena, nundae sakai sevu!  
\q2 Jacob da imendi gamendi numoa kakara evu! Natofo Israel embo numoa tumonde bainghevu!   
\q1
\v 24 Nu mave mema aimi jarutuse sorara eraera ava, jo imboe use, gi gagairego ae eraira.  
\q2 Nu nemokena gukai mutarigo itako jo ae eraira.  
\q3 Nanjigo sonemba dae kori seraera amo, nu ningido sonemberaira.”   
\q2
\v 25 Beká resena, natofo ninda dombuda totorugururoro, ainda jokáda na ere fetedo, ni rea usesa,  
\q3 aindae ninda javo jighono erarira.  
\q2 Natofo nimoa tumonde baingheraera ainda dombuda,  
\q2 na ere nimokena sino fuka rea joba mutari beka gagojusena, ava futuse dungono avarira.   
\q1
\v 26 Amingaono, makasi embo nenda uju ava inonoda mindarera.  
\q2 Mave \nd Bajari\nd* uju use foa totorugarera aimi, nundae sakai sarera. Nenda janje joká ivugaimi bedo are!   
\q1
\v 27 Endada evetu genembo \nd Bajari\nd* kotae usera, aimi sekago kotarera.  
\q2 Evetu genembo utu gambari utu gambari irera, aimi jovereghe numokena furarera.  
\q3 Endada oro oro isasambu numoa tumonde bainghedo gharera.   
\q1
\v 28 Ainda beká mo, reighi isasambu da kini mo, \nd Bajari\nd* numori. Ne isambu nune kaifa eraira.   
\q1
\v 29 Gogore kakato endada irera isambu aimi numokena tumoi baingharera.  
\q2 Kotugo, evetu genembo endada irera isambu nébarago, numoa tumonde baingharera.   
\q1
\v 30 Maveju maveju sifo amboda sirorarera, némbarago numoa tumonde baingharera.  
\q2 Ai resira amo, evetu genembo oroko irera aimi \nd Bajari\nd* da binó ava nenda sasingukena siruroro ningido,  
\q2 nenda imemesiri amboda sirorarera aikena, osa saoro ningarera.   
\q1
\v 31 \nd Bajari\nd* nange nunda natofokena jebuga futusira ava, evetu genembo amboda sirorarera, aikena barago,  
\q2 nene osa saoro ningarera.   
\c 23  
\s1 Namondeda Kaifa Kato Eveva, \nd Bajari\nd* Numori.  
\q1
\v 1 \nd Bajari\nd* nu nanda kaifa katori,  
\q2 namokena isambu inonoda muturaira.   
\q1
\v 2 Nu nandae vasa eveva simbugeari janguteraena.  
\q2 Janguteono, nanda Giti Jighari nune nanda emboro ava ijugeraira.   
\q1
\v 3 Emboroda, uvu bayau futurureari, jebuguse dubo jama eraena.  
\q2 Na nange nange ari eveva aetena ainda emboro ava ijugeari,  
\q2 aminda irureono natofo fuge gido, nundae sakai seraera.   
\q1
\v 4 Na aminguse, ambari dae use, tumba da fakina aindae jo oju ae arena.  
\q2 Ainda beká mo: ni nangae dabade deinghaeraera.  
\q2 Nanda ambari da sifo aminda, sonemba eveva mutaresa.   
\q1
\v 5 A eni mo: nanda gitofu da uju ekoko ava bureguse, na unumbedo seaso,  
\q2 nenda dombuda ninda kirumo mindiraena.  
\q1 Na ivuga eraena. Na furureono gido, na ategi use,  
\q2 usu da mukaimi nanda jiroda averegeraesa aindae sedo, na ivuga beká ava eraena.  
\q1 Namo esimbuguse, ninda sonemba a dubo jama muteaso foa,  
\q2 nanda dubo jokáda vasa bedo edo fumbu fetare!   
\q1
\v 6 Geka bekári. Na endada irono, ni na tavo use kavevera ururaso, ninda kamboda irá ghedo gharena.   
\c 24  
\s1 Kini Durode A Tomanako Beká Mo, \nd Bajari\nd* Numori.  
\q1
\v 1 Reju endada irira isambu \nd Bajari\nd* da tofori. Endada mave irira  
\q2 nébarago isasambu nunda fitariri.   
\q1
\v 2 Enda mo, kafuru irira ainda etoda simbugetiri aminda ghedo vivitusira. Enda da susu nune eva jokáda dadurusira.   
\q1
\v 3 \nd Bajari\nd* da doriri ominda mave vitiyari da kaugori? Nunda banungari kambo kakara ominda mave ya terari?   
\q1
\v 4 Mave nu aito fugarikena a kotarikena kosasa jo ae eraera. Mave beka gajari jo tefo tefo ae eraera.  
\q2 A mave god beká irae jo tumonde bainghae eraera aimi ya terarera.   
\q1
\v 5 \nd Bajari\nd* ne esimbuguse nemokena nunda jebuga mutarira. God kotua gatise, nendae “eveva” sarira.   
\q1
\v 6 Evetu genembo God kena foa gheraera, Jacob da God tava edo nunda dombuda feteraera nendae resena.   
\q1
\v 7 Guro tomanakoó fugevu ya afige fetare, guro anakora itero irira amo,  
\q2 dovu afige fetari, Kini (king) teria durode foa terare!   
\q1
\v 8 Kini teria durode resera emo, mavejori? \nd Bajari\nd* fakinago a Iká Bekáda numori.  
\q2 Isoro tataya jokáda gitofu de atai fati feteraira, amo numori.   
\q1
\v 9 Guro tomanakoó fugevu ya afige fetare, guro anakora itero irira amo, dovu afige fetari, \nd Bajari\nd* teria durode foa terare!   
\q1
\v 10 Kini teria durode resera emo mavejuri? \nd Bajari\nd* isoro kakato da giti jighari, Kini teria durode amo, numori.   
\c 25  
\s1 \nd Bajari\nd* Nu Nange Emboro Ijuguse Tavo Aetira, Ainda Benunuri.  
\q1
\v 1-2 Arie, \nd Bajari\nd*, na nimokena benunu sise resena: arie God, na ni tumonderena.  
\q2 Meka geono dae sise, na sonembaso dae resena. Erá doyeóso, gitofui na dedo ivuga use gegha jiriore!   
\q1
\v 3 Mave ni tumonderaera amo, ne meka jo gae arera.  
\q2 Avata, nimokena mave osogo futo arera, ainda evetu genembo ne meka garera.   
\q1
\v 4 Arie, \nd Bajari\nd*, ninda emboro eveva ijugaso gaone!   
\q1
\v 5 Ninda geka da beká ava ijugaso, ainda amboda amboda aone! Ainda beká mo,  
\q2 God namokena jebuga muturaira, amo nimori. Na sifo ghousa evia nimoa tumonderaena.   
\q1
\v 6 Arie, \nd Bajari\nd*, ninda kavevera a dubo bari ijugudo refesa, ava kotedo sekago amingaso dae resena.   
\q1
\v 7 Ninda dubo bari evovodae udo refesa, kotugo ninda veka eveva udo refesa ava kotise,  
\q2 na nange babojuse ari ekoko use, kosasaghudo fusena, ava nandae kote doyaso dae resena.   
\q1
\v 8 \nd Bajari\nd* nu dambugo a evevagori. Ava sedo, ari ekoko embo emboro ningi aminda yaetera, ava nune ijugeraira.   
\q1
\v 9 Tumbari embo ava giti jijighuse bu emboro evevakena ise, nunda uju ava nemokena ijugeraira.   
\q1
\v 10 Mave nunda evovo sari ava use, nunda Agho Dari kaifa eraira,  
\q2 kotugo nu rea sisira ava use irera ava, ne nune dubo ruruse, giti jighiraira.   
\q1
\v 11 \nd Bajari\nd*, ninda beka gajari kaifa use, nanda ari ekoko kote do! Ai resira amo, nanda ari ekoko digarigori.   
\q1
\v 12 Mave \nd Bajari\nd* igheghi eraera ava, nune kaifa use, emboro ningi aminda yaetera, ava ijugeraira.   
\q1
\v 13 Evetu genembo amo susu iti fafode edo evovodae aminguse irarera.  
\q2 Amingururoro, nenda sasingu enda evia nenda tofodae barera.   
\q1
\v 14 \nd Bajari\nd*, mave igheghi eraera, nemokena nune komana edo nunda evovo sari da beká ava ijugurureari ningiraera.   
\q1
\v 15 Na sonemba \nd Bajari\nd* kena bari dae gigiturureono,  
\q2 nune na sifo ghousa evia dara memaghae da jokáda saghimbe buraira.   
\q1
\v 16 \nd Bajari\nd*, jovereghe namoa gosuse, nandae joka e! Ai resira amo, na bate beká use eregofena.   
\q1
\v 17 Mema namokena refira ava baji tomanako beká etira, ava saso dubo jama aone!  
\q2 Kotugo, na mema bouvu itatama erena ava, bu fugaetesi!   
\q1
\v 18 Nanda ghamo vevera a bouvu mema itatama eraena ava kotise, nanda ari ekoko isambu kote do!   
\q1
\v 19 Nanda gitofu nanjogo irera ava fuge gi! Na imboe gamboe beká eraera, ava gaso dae resena.   
\q1
\v 20 Meka geone dae sise, na nimokena ambo sose fefetururono, na gagara edo sonembuse, kaifa aso dae resena.   
\q1
\v 21 Na nimoa tumonduse, nanda aito eveva fugeraena, a nanda geka bekáda bekáda seraena aindae, na gagara e!   
\q1
\v 22 Arie, \nd Bajari\nd*, ninda natofo Israel embo dara itatama eraera ava, sonembaso dae resena!   
\c 26  
\s1 Genembo Kosasa Tefo Ainda Banungariri.  
\q1
\v 1 Arie \nd Bajari\nd*, na kosasa tefori, na jo mana managhae ni tumondae eraena. Ava sedo, nandae “eveva” saresa.   
\q1
\v 2 Arie \nd Bajari\nd*, nanda ari rea eraena ava, ijujedo na dere gi!  
\q2 Nanda janje jokáda rea uju eraena, a reju koteraena ava ijuje gi!   
\q1
\v 3 Ninda dubo bari evovodae irira aimi, nanda emboro isagha erira. Ninda geka beká tumonduse deingheraena.   
\q1
\v 4 Na jo derari kakatode tatae eraena. Kotugo, evetu genembo nenda gunguboimi natofo dereraera ainde dabade,  
\q3 jo anumbedo umo gaumo ae eraena.   
\q1
\v 5 Na ari ekoko embode tatari beghagha eraira, kotugo ari ekoko embode jo anumbedo umo gaumo ae eraena.   
\q1
\v 6 Arie \nd Bajari\nd*, na jo dara embo irae ava ijuguse,  
\q3 nanda ungo seghedo viti ya ninda olta dombuda yaru divari jokáda tere ya foa ghuse,  
\q3 nimoa tumonde baingheraena.   
\q1
\v 7 Aminguse, na aiyakoe sise yaruimi didivuse, nine ari eveva gaveva ututeraesa, ava isimberaena.   
\q1
\v 8 Arie \nd Bajari\nd*, ni kambo eminda ireaso, ninda fakina duroghae isagha eraira ava na dubo bu gogoghomberaena.   
\q1
\v 9 Ari ekoko embo a kotugo kokomana de babarigari kakato daso amboro dae aresa, ainda sifoda, na erá deose!   
\q1
\v 10 Evetu genembo resena amo, ne evovodae ari ekoko use, komana da mendo bari dae sise ufena moni muturaera.   
\q1
\v 11 Avata nasukako namo jo amingae eraena, na emboro sokumako a dambugo beká aminda yari dae inini eraena,  
\q2 ava sedo nandae joka use na sonembaso jebugarena.   
\q1
\v 12 Na vasa evevada fetirise daradae jo oju ae eraena.  
\q2 Nunda natofo tafaroro ari dae totorugururoro, na jokáda ere fetedo, \nd Bajari\nd* dae sakai sarena.   
\c 27  
\s1 God Dae Sakai Sari Da Banungariri.  
\q1
\v 1 Bajari nu nanda usasa a nanda sonemba ava, nune edo irira.  
\q2 Na jo mavedae oju ae arena.  
\q3 Dara dombu eni dombu eni namokena foa ghaetira avata, Bajari nune kosegedo na sonembeari,  
\q2 sifo evia inono na jo oju ae eraena.   
\q1
\v 2 Ari ekoko embo isoro ari dae beje buvudo, namo dari dae kato eraera amo,  
\q2 ne ata dimbeari duraera.   
\q1
\v 3 Isoro embo dabade tatedo isambu aimi, foa na jimbe birurugharera amo,  
\q2 na jo oju ae arena, na taká God tumonduse irarena.   
\q1
\v 4 Roera dabako aindae, Bajari kena benunu sido refena.  
\q2 Dabako aindae, na uju beká ava eraena.  
\q1 Amo eviri. Na nange enda eminda jebuga irise,  
\q3 sifo ghousa Bajari da kamboda iraeteni!  
\q2 Aminguse, na nunda eveva ava itatamuse, benunu saono, nu nandae dengoro indaeti!   
\q1
\v 5 Dara da sifoda, nune gagara ari, na numokena ambo sose fetarena.  
\q2 Nunda Kambo Kakara aminda, na kaifa ururari eveva irarena.  
\q2 Na kaifa use, nune na ghamana mindafu ainda etoda fitari fetedo, gitofudae jo oju ae arena.   
\q1
\v 6 Aminguse, nanda gitofu namoá jimbe birurugheraera ava,  
\q2 nane dedo atai fati fetarena.  
\q1 Na ivuga use koko sise, joba nunda Kambo Kakara jokáda mutarena.  
\q2 Na yaru didivuse, Bajari dae sakai sarena.   
\q1
\v 7 Bajari, na kori nimokena sarena amo, ningaetesi!  
\q2 Nanda benunu ningido, joka edo mino use sonembaetesi!   
\q1
\v 8 Ni eminge sisesi, “Fu, nandae tumonde bainghase!” aminge sisesa amo,  
\q2 nanda ghamo eretiri, mino eminge siseni, “Bajari, na erenare!”   
\q1
\v 9 Erá namokena jungeose!  
\q2 Erá namokena janje eko eose!  
\q2 Erá dirigeóso ninda saramana kato esike yeure!  
\q1 Arie, Bajari, nanda sonemba kato, ni nanda sonemba edo iriasi.  
\q2 Erá oroko na dodo dumbudo yeose!   
\q1
\v 10 Nanda aya afa na dodo dumbudo yarera,  
\q2 avata Bajari mo, nu na kaifa use irarira.   
\q1
\v 11 Bajari, ninda uju, na rea aono dae seraesa ava, namokena ijugaetesi!  
\q2 Ijuguse, giti jijighururu, erá nanda gitofu digari foa namo tambeore dae sise,  
\q2 nangae emboro evevada deinghaore!   
\q1
\v 12 Erá na doyeóso, gitofu nenda uju namokena eore!  
\q1 Ainda beká mo: nanda gitofu foa nandae gungubo sise,  
\q2 namokena katiyavara eraera.   
\q1
\v 13 Na kasama erena, na jebuga irono,  
\q2 ni kavevera ururaso,  
\q3 na gosuse irarena.   
\q1
\v 14 \nd Bajari\nd* tumonduse irivu!  
\q3 Numoa tumonduse, erá bunarigo eove!  
\q2 \nd Bajari\nd* tumonduse irivu!   
\c 28  
\s1 Sonembada Banungariri.  
\q1
\v 1 Arie \nd Bajari\nd*, nanda sorega kato, nanda kori ningaso dae resena.  
\q2 Erá dengoro gajeose! Ai resira amo, nanda kori mino jo sae aresa amo,  
\q2 na ambudo natofo amomonjegedo irera, aminga ava edo irarena.   
\q1
\v 2 Na sonemba dae sorara erena, ningi! Na nanjigo benunu sise,  
\q2 ninda vasa kakara ava fuge gosuse, ungo jighono erarira amo, nanda kori ningi!   
\q1
\v 3 Erama eóso, evetu genembo ekoko mave tefo bekaimi nano namendide eveva irari da geka sise, nenda janje joká mo imboe gamboe ari ava irira, ainde dabade ambeóne!   
\q1
\v 4 Ne rejo eraera, mino ava mutu baore! Nenda ari ekokoda mino mutu baore!  
\q2 Nenda ari reju eraera, ainda mino beká ava mutu bu ghamo baore!   
\q1
\v 5 \nd Bajari\nd* rea usira, a rea etiri sirorusira ava, evetu genembo amo ne beká irae ariá koteraera.  
\q2 Ava gido, \nd Bajari\nd* ne dari sirivo e dadabarera.   
\q1
\v 6 Na sonembadae kori seteno niningusira aindae, \nd Bajari\nd* dae sakai saore!   
\q1
\v 7 \nd Bajari\nd* mo, nanda bereri. Namo gagara use, kosege feteraira.  
\q2 Nanda tumondari isambu numokena futurureono na sonemberaira.  
\q2 Nanda janje joká ivuga use yaruimi dubo jeuro use, sakai seraena.   
\q1
\v 8 Nunda natofo da fakina ainda susu mo, \nd Bajari\nd* numori. Nunda kini gategusira ava, gaga   
\q1
\v 9 Arie \nd Bajari\nd*, evetu genembo ninda tofo ava esimbuge! Ne nine kaifa use, tavo ururaso, evovodae irore!   
\c 29  
\s1 \nd Bajari\nd* Da Beka Duka Mo, Borija Biria Barara Amingori.  
\q1
\v 1 Ne maveju maveju utuda ireva, nemokena resena: \nd Bajari\nd* dae sakai sevu!  
\q2 Nunda duró a fakinadae sakai sevu!   
\q1
\v 2 \nd Bajari\nd* da Javo durode aindae sakai sevu!  
\q2 God kakarago beká ai fururari garesa amo, nunda dombuda tumonde bainghevu!   
\q1
\v 3 \nd Bajari\nd* da beka duka mo, evada sirurari ningarera.  
\q2 God durode ainda beka mo, barara evakena fugari tatarigho ningarera.   
\q1
\v 4 \nd Bajari\nd* da beka duka fakina a duroghaeimi sirurari ningarera.   
\q1
\v 5 \nd Bajari\nd* da beka dukaimi ika saoro\f + \fr 29:5 \ft Eminda ika saoro resira, mave Psalm 29 gefusira, nu jo saoro gembae. Nenda reighida ika eni javo cedar gefusira. Cedar mo, ika mindafu fakarago a garigori. Kini (king) Solomon ika cedar aimi God da tafaroro kambo itutusira.\f* ava dari jorarira,  
\q2 Lebanon da saoro barago nunda bekai dari jorarira.   
\q1
\v 6 Nunda bekaimi fugari, doriri Lebanon Frovensi aminda dadaragaruse,  
\q2 borumakava mandiimi jorujorugharigo urureari,  
\q1 Doriri Hermon mo, borumakava kandana seka bajariimi  
\q2 vurari garira.   
\q1
\v 7 \nd Bajari\nd* da beka dukaimi fugari, biria tarigharira.   
\q1
\v 8 Nunda bekaimi sari reighi evetu genembo a uvu iraeda vasa  
\q2 dara gharira, kotugo reighi uvu bayau iraeda vasa Kadesh aminda dara gharira.   
\q1
\v 9 \nd Bajari\nd* da beka dukaimi ari ika odemo\f + \fr 29:9 \ft Eminda ika odemo resira, mave Psalm 29 gefusira, nu jo odemo gembaeri. Nenda reighida ika eni javo oak gefusira. Oak ika fakara einri. Kambo itari da ika eveva eniri.\f* ava jajovururari,  
\q2 nunda igi dore vosarira.  
\q1 Aminge ururari, natofo nunda kamboda irera aimi koko sise,  
\q2 “Arie God Da Duro sirorerira evia, givu!” sarera.   
\q1
\v 10 Usegha gisi mo, \nd Bajari\nd* nunda tofori.  
\q2 Nune king edo, evovodae kaifa use irarira.   
\q1
\v 11 \nd Bajari\nd* nunda natofokena fakina futuse, nunda  
\q2 dubo jama aimi ne esimbugarira.   
\c 30  
\s1 Aiyakoe Sari Da Banungariri.  
\q1
\v 1 Arie \nd Bajari\nd*, nine na sonembeteso jebuguseni. Ni jo aso, nanda gitofu na bu  
\q2 nenda gegha yarukena fitaeri. Aindae na sakai sise, ninda javo jighono erare!   
\q1
\v 2 Arie \nd Bajari\nd*, nanda God, na nimokena sonembadae sorara eteno,  
\q2 nine eteso nanda kae dadabusira.   
\q1
\v 3 Nanda dangio uro bekada ghe saghimbe rurusesi.  
\q2 Na janje dodo ambari emboda bako jokáda vosari dae itako useni.  
\q1 Avata nanda dangio nine dirigeteso, sekago jovereghe fusira.   
\q1
\v 4 Arie God da natofo kakara, nemokena resena. “Yaru didivuse sakai sevu! ”  
\q1 God kakara, nunda ari rea usira, ava kotise,  
\q2 nundae aiyakoe sevu!   
\q1
\v 5 Ainda beká mo, nu janje ekoko jo ghousago ae eraira.  
\q2 Avata, nu sifo ghousa kavevera use, irá gheraira.  
\q1 Tumbaghae jivu gutarera, avata sifo atarira amo, dubo jama tambarera.   
\q1
\v 6 Na fakina budo nasukako siseni,  
\q2 “Na jo itako gofono de atai fatae arera.”   
\q1
\v 7 Arie \nd Bajari\nd*, namokena veka eveva edo ghusesi.  
\q2 Na nine eteso, doriri susu gambu fefetusira, aminga ava useni.  
\q1 Avata ainda amboda ni tofo jungeteso,  
\q2 na gae irise, oju useni.   
\q1
\v 8 Arie \nd Bajari\nd*, na mema use, nimokena benunu siseni.  
\q2 Nandae joka edo sonembaso dae sise, eminge siseni.   
\q1
\v 9 “Na jo sonembae aso, ambono furugarera amo, nimokena eveva eni rea sirorari baetesi?  
\q1 Ambari embo jo nimokena sakai sari da kaugo iraeri. Kotugo, ne ninda kavevera eraesa aindae, itako jo osa sae arera.”   
\q1
\v 10 Arie \nd Bajari\nd*, na resena evia ningido, nandae joka aso dae resena!  
\q2 Arie \nd Bajari\nd*, namo sonembe!   
\q1
\v 11 Na to rovarova usena ava, nine bu fugeteso divu fusedo gherena.  
\q2 Nine vujeteso, ivuga use atai fefeterena.   
\q1
\v 12 Ava sedo na jo itako beka dodo irae arena.  
\q2 Na beka afigedo, nindae sakai yaruimi isimbuse irarena.  
\q1 Arie \nd Bajari\nd*, nanda God, nimoa tumonde bainghuse, evovodae nindae aiyakoe sise irá gharena.   
\c 31  
\s1 Mema Jokáda Irise God Da Sonembadae Tumondaore!  
\q1
\v 1 Arie, \nd Bajari\nd* na ambo nimokena sose fetari refena.  
\q2 Erá doyeoso, gitofuimi na dereore!  
\q1 God ari dambu beká ari kato nimori, ágido namoa gitofukena bu darige!   
\q1
\v 2 Na nange resena ningi!  
\q2 Oroko nembo tavaraghe fu, sonembaso jebugaone!  
\q1 Nanda ambo sose fetari vasa nimori, ava sedo na gagara e!  
\q2 Nanda sorega kato aso jebugaone!   
\q1
\v 3 Beká resena, nanda ambo sose fetari vasa, a sorega kato nimori.  
\q2 Nine nanda emboro ijuguse, giti bu iruraso,  
\q1 yaono dae beka gagojusesi. Aminguse, iruru yaone!   
\q1
\v 4 Erá doyeóso, vagho nanda bega se fifitusera, aminda yeóne! Ainda beká mo, nanda jungari vasa nimori.   
\q1
\v 5 Tofo nanda jebuga nine tavo aso dae sise,  
\q3 ninda ungoda fifiterena.  
\q1 Arie \nd Bajari\nd* God, ni rea seraesa, ava eraesa.  
\q2 Ava sedo, na sonembaso jebugarena.   
\q1
\v 6 Evetu genembo ove mane a god beká irae  
\q2 tumonde bainghuse irá gheraera ava,  
\q3 ni gari beghagha beká eraesa.  
\q2 Avata namo, nanda tumondari \nd Bajari\nd* nisuka nimokena fifituse irá gheraena.   
\q1
\v 7 Ninda dubo bari teriago aindae, ivuga use, riria arena.  
\q1 Na mema itatama urureono, ni giraesa.  
\q2 Nanda ghamo jokáda bouvu itatama eraena, ni kasama eresa.   
\q1
\v 8 Ni na jo doyaso gitofui sandi bu yaeri.  
\q2 Na emboro evevada fiteso, dubo jamaghae ya foa gheraena.   
\q1
\v 9-10 Arie, \nd Bajari\nd*, nandae joka e! Ai resira, na dara beni.  
\q1 Na sorara teria futo use, diti kokoi edo yaya resira.  
\q1 Nanda etu jorujara ghetiri, gevei use, ambari dae urogho erena.  
\q2 Ainda susu mo, nanda irari isambu memai janje gagojururari,  
\q2 na jivu menjuga gutise, gofeteni.  
\q1 Na dubo mema use, fakina dadabetiri rojeteni.  
\q3 Na geveiimi etu goghorogo erena.   
\q1
\v 11 Nanda gitofu isasambu, kotugo mokogo mo nanda nano namendi barago nandae seraera,  
\q1 “Foká tamonda!”  
\q2 O nanda kokomana mendeni na emboroda tamburaera, nandae oju sumburaera.   
\q1
\v 12 Ambari embo kotae eraera aminga ava, evetu genembo isasambu na kotae useri.  
\q1 Namoa kau sena fugari guseri.   
\q1
\v 13 Beká resena, nandae gitofu use, isi basi sirureoro ningiraena. Tingu tanga isambu gitofu vanembori.  
\q2 Ne nandae osogo use, namoa ufena daoro ambono dae manaka eregarera.   
\q1
\v 14 Avata, \nd Bajari\nd*, nanda God nimori. Ava sedo, nanda tumondari isambu nimokena fifiterena.   
\q1
\v 15 Na sifo ghousa ninda kaifada irá gheraena. Namoa sonembedo, nanda gitofukena bu darige! Mave nandae mema erefutera aikena, bu darige.   
\q1
\v 16 Na ninda saramana katori. Nandae mendo vivi use, kavevera e!  
\q2 Ninda dubo bari udo refesa aimi, na sonembe jebugaone!   
\q1
\v 17 Arie, \nd Bajari\nd*, ninda sonembadae kori resena. Ava sedo, erá doyeoso na meka geone!  
\q2 O ari ekoko embo mo, do meka gaore! Nenda beka jighi gotaso guga use ambudo,  
\q3 ambari embo da vasada yaore!   
\q1
\v 18 Gungubo kakato isasambu da beka jighi gotaso guga aoro dae resena. Na, ivuga kakato mave meka irae tamoi tamoi use, evetu genembo eveva dere jise, jijivu seraera, aindae resena.   
\q1
\v 19 Arie, evetu genembo ni igheghi use, irá gheraera ainda e simbugari eveva nanjogo fiteso irira!  
\q2 Amboda mutaso barera.  
\q1 Ninda natofo ni tumonderaera,  
\q2 ava nine gagara edo tavo use nemokena eveva eraesa ava,  
\q2 evetu genembo isambu kasama eraera.   
\q1
\v 20 Evetu genembo mendeni ninda natofo daoro amboro dae manaka gayeraera aikena,  
\q2 nine bu, ninda jungari vasada fitaresa.  
\q3 Gitofuimi nendae jijivu ekoko saetera aikena,  
\q2 ne nine bu darigedo, ninda sasoro eveva aminda jungaresa.   
\q1
\v 21 \nd Bajari\nd* dae sakai saore! Gitofui na dari dae sedo,  
\q2 jimbe birurughusera, avata, nunda dubo bari tomanakogo bekáimi  
\q2 namokena ijuguse, na sonembetiri jebuguseni.   
\q1
\v 22 Na nune ondari nunda dombu do darigariá kotise, oju useni.  
\q2 Avata, nunda sonembadae kori seteno ningido sonembusira.   
\q1
\v 23 Mave \nd Bajari\nd* tumonderaeva, nemokena resena ningivu!  
\q2 Numoa dubo buvu! Evetu genembo numoa tumonderaera ava \nd Bajari\nd* nune gagara eraira.  
\q1 O ivuga kakato, aikena reju baetera, ava mutarira.  
\q2 Amo nu mema mutari itatamarera.   
\q1
\v 24 Ne maveju maveju \nd Bajari\nd* gigituse ireva, nemokena resena.  
\q1 Ghamo gambari fakina eve!   
\c 32  
\s1 Namonde Da Ari Ekoko God Kena Vujegedo, Kote Doyare Dae Saore!  
\q1
\v 1 Evetu genembo maveda ari ekoko \nd Bajari\nd* kote doyeraira amo,  
\q2 ne ivuga beká ava arera.  
\q1 Mave dara aoro gido, \nd Bajari\nd* kote dotutuse mino mutari jo sae arira amo,  
\q2 nembarago dubo jama use ivuga arera.   
\q1
\v 2 Genembo maveda ari Bajari jo ijujuse,  
\q2 nunda dara jo tava ae arira amo,  
\q3 nu ivuga arira.  
\q2 Mave nunda komana jo itako derae eraira amo, nu ivuga arira.   
\q1
\v 3 Avata namo, nanda ari ekoko jo vujegae irise,  
\q2 na isonga numboru sorara janjagughae use iriana, tamo roroghotetiri sifo dadabusira.   
\q1
\v 4 Bajari, sifo a tumba evia inono, nine na deaso nanda fakina dadabe gogoghombedo ghusira.  
\q2 Kau borija da sifo aminda, mungo voseari iji totoi aveari kaingheraira aminga ava, nanda fakina dadabusira.   
\q1
\v 5 Dadabetiri, nanda ari ekoko nimokena vujeguseni.  
\q2 Nanda ari sembae ava, jo jungae useni.  
\q1 Nanda dubo jovereghetiri, nanda ari ekoko nimokena vujegeteno ningido,  
\q2 ni nanda ari ekoko isasambu kote dotutusesi.   
\q1
\v 6 Ava sedo, kau nimokena banungusena aminga ava,  
\q2 ninda evetu genembo tumondari kakato dara jokáda fetirise itatamarera amo,  
\q2 nimokena banungaeteri.  
\q1 Amingarera amo, dara kau usegha gisi aminga ava foa nemokena bejarira amo,  
\q2 ne jo derari itatamae arera.   
\q1
\v 7 Ni nanda tere jungari vasa fakaragori.  
\q2 Ni na sonembeaso, dara da mema eniko jo itatamae eraena.  
\q1 Ni na gagara easo, na nimokena ambo sose feteraena ava sedo,  
\q2 na beka fainghedo, ninda sonemba ava kotise, yaru divuraena.   
\q1
\v 8 Bajari eminge resira, “Ni reda yaetesa ainda emboro ava nane ijugaono garesa.  
\q2 Na ninda dengoro induduse, emboro eveva ijugarena.   
\q1
\v 9 Erá gogore eose! Hosi (horse) o sino fuka ‘mule’ seraera,  
\q2 ainda kiki mo eviri: nu kotae kotae eraira.  
\q1 Ava sedo, ninda uju ava are dae sedo, auri nunda bekada dighido fakinaghae jumbaso,  
\q2 mema itatamuse, ninda uju aminda yarira. Erá hosi (horse) da gogorego eose!”   
\q1
\v 10 Ari ekoko embo nenda dara da bouvu ava fumbarera, avata evetu genembo mave \nd Bajari\nd* tumonderaera amo,  
\q2 nunda dubo bari evovodae irira aimi, ne gagara ari evevada irarera.   
\q1
\v 11 Ne mave ari eveva a dambu eraeva amo, ne riria use ivuga evu!  
\q2 \nd Bajari\nd* nu rea nendae usera ava kotise, ivuga evu!  
\q2 Ne mave nunda geka ningiraeva amo, ne ivuga use, koko sevu!   
\c 33  
\s1 Sakai Sari Da Yaruri.  
\q1
\v 1 Ne maveju mavejuimi kosasa tefo ireva, nemokena resena.  
\q2 \nd Bajari\nd* rea usira aindae ivuga use fumbu arugevu!  
\q2 Ne maveju mavejuimi nunda sari ava eraeva, isambu nundae sakai sevu!   
\q1
\v 2 Gita aimi doruse, \nd Bajari\nd* dae aiyakoe sevu! Yuka doruse, nundae yaru sevu! \f + \fr 33:2 \ft Israel embo jo namondeda \ft \+it gita o uka\+it* mane agho ghoghousa dae edo ghuseri. Nemokena mendeni ijoghako, genembo fetirise dari da kaugo aindae foyagoda gekaimi \+it lyre\+it* seraera. O mendeni mindafu, avo anumbarida anumbedo dari da kaugo aindae \+it harp\+it* seraera.\f*   
\q1
\v 3 Yaru seka nundae gate divuvu! Gita doruse, asi fativu, duka garigo ururari, ivugai fumbu arugevu!   
\q1
\v 4 Ai resira amo, \nd Bajari\nd* da geka mo beká ava nembori. Kotugo, nu rea eraira amo, isambu numo bekári.   
\q1
\v 5 Evetu genembo mave ari dambugo use bekáda bekáda eraera ava, \nd Bajari\nd* nu uju beká eraira. Nu evovodae dubo buraira, aimi endaé bedo edo irira.   
\q1
\v 6 Utu mo, \nd Bajari\nd* nunda bekaimi setiri sirorusira. Iji, tambuno, a damana mane nune setiri sirorusira.   
\q1
\v 7 Karaje nune doregetiri fira, vasa dabako fefetusira. Kafuru teria nunda bogu bogu usira.   
\q1
\v 8 Evetu genembo endada ireva isambu, \nd Bajari\nd* dae oju use, igheghi evu! Endada nunda oro oro isambu nemokena resena. Numoa kakara evu!   
\q1
\v 9 Ainda beká mo, geka nune sisira aimi, enda sirorusira. Nune setiri, roera isambu sirorusira.   
\q1
\v 10 Enda da oro oro rea ari kotise manaka gayeraera ava, \nd Bajari\nd* nune buregeraira. Ne rea ari seoro feteraira ava, nune gajeari, beká jo sirorae eraira.   
\q1
\v 11 O nune manaka garuse, rea ari sarira, ainda beká siroredo evovodae irarira, jo sifo nanjigo tano ae arira.   
\q1
\v 12 Oro mave \nd Bajari\nd* nenda God dae sedo budo irera, ivugaghae irarera. Nune natofo nunda tofodae gategusira, ne ivuga use irarera.   
\q1
\v 13 \nd Bajari\nd*, utuda ghe diti duruda use, evetu genembo isasambu giraira.   
\q1
\v 14 Nunda anumba vasada anumbirise, dombu durukena use, endada evetu genembo rea eraera ava, nu giraira.   
\q1
\v 15 Evetu genembo isasambu nenda janje joká nune etiri sirorusira. Ava sedo, ne rea eraera a koteraera isasambu ava, nune gi kasama urureari siroreraera.   
\q1
\v 16 Kini jo nunda isoro kakato da fakina aimi gitofu de sosighi e bae arira. Isoro embo jo nunda fakina aimi gitofu de duboda fatae arira.   
\q1
\v 17 Hosi da fakina barago amingori. Mave hosi da fakina tumonduse isoro arira aimi jo gitofu de sosighi e bae arira. Roera isambu tegetena, ainda fakina tomanakogo aimi jo ari jebuga tambae arera.   
\q1
\v 18 \nd Bajari\nd*, evetu genembo mave nundae oju use, igheghi eraera ava gosurari irá gheraera, evetu genembo mave nunda dubo bari tomanakogo ava tumonduse irá gheraera ava,   
\q1
\v 19 nune sonemburureari ne jebuga irá gheraera. Baimara sifoda nune kaifa urureari, ne uvu bayaughae irá gheraera.   
\q1
\v 20 Namondeda gigitari isambu \nd Bajari\nd* kena fitiraera. Namondeda gagara ari kato a sonemba kato numori.   
\q1
\v 21 Nune eari, namonde dubo jama eraera. Namondeda tumondari nunda javo kakara aminda fitiraera.   
\q1
\v 22 Arie, \nd Bajari\nd*, ninda dubo bari namanekena evovodae irira, aimi namane esimbuge! Namane nimoa gigitururoro esimbugaso dae resena.   
\c 34  
\s1 God Da Sonembadae Sakai Saore!  
\q1
\v 1 Na sifo evia inono, God kena aiyakoe sise irarena.  
\q2 Na nundae sakai sise irarena, sifo nanjigo aminda nundae sakai sari jo doyae arena.   
\q1
\v 2 Nu rejo nandae usira ava kotise, nundae sakai sise irarena.  
\q2 Evetu genembo mave gitofuimi deoro dara jokáda irise mema itatameraeva amo nembarago, nundae sakai sirurono ningido, ivuga evu!   
\q1
\v 3 \nd Bajari\nd* nu teria beká ava sedo, ne na sonembedo, \nd Bajari\nd* da bino aindae osa sise sakai saore!  
\q2 Nunda javo aindae sakai dabade saore!   
\q1
\v 4 Na \nd Bajari\nd* kena benunu seteno ningido, na vujegetiri,  
\q2 nanda oju isambu dadabe tefo usira.   
\b  
\q1
\v 5 Evetu genembo mave gitofuimi deoro,  
\q2 dara jokáda irise mema itatameraera amo,  
\q3 ne \nd Bajari\nd* kena dombu fainghedo ivuga eraera.  
\q2 Aminguse, ne jo sifo nanjigo aminda dubo mema ae arera.   
\q1
\v 6 Evetu genembo fakina tefo embo aimi, numokena kori seoro, nu ningiraira.  
\q2 Ningido, ne dara ainda jokáda ava sonembuse, saghimbe buraira.   
\q1
\v 7 Evetu genembo mave \nd Bajari\nd* kakara use tumonderaera ava,  
\q2 nunda aneyaimi kaifa use, saghimbe buraera.   
\q1
\v 8 \nd Bajari\nd* da kavevera ava, ni tofo mandi, itatame gi!  
\q2 Evetu genembo mave numokena ya nunda sonemba itatamururoro ne kaifa arira amo, ne ivuga beká ava arera.   
\q1
\v 9 \nd Bajari\nd* da natofo isambu, nemokena resena. \nd Bajari\nd* kakara use tumondevu!  
\q2 Evetu genembo mave nunda geka ningiraera amo, ne rejo baetera ava budo, inono edo irera.   
\q1
\v 10 Raiyoni (lions) bayaudae ighoi itatamuse tava eraera,  
\q2 avata evetu genembo mave \nd Bajari\nd* da geka ningiraera amo,  
\q2 ne inono beká ava arera, roera eveva enidae dubo mema jo ae arera.   
\q1
\v 11 Nanda kokomana, evetu genembo seseka, fuvu, sirurono ningove!  
\q2 Niningururovo, ne nange \nd Bajari\nd* kakara use tumondaeteva ava, ijugaono ningareva!   
\q1
\v 12 Ne endada ivugaghae irari uju eraeva, ai?  
\q2 Ne eminda ghousa jebuga irise, ivugaghae irari uju eraeva, ai?   
\q2
\v 13 Avori, erá aji seove,  
\q3 a erá gungubo seove!   
\q1
\v 14 Ari eko da emboro ava imboe edo gukai futuse,  
\q2 ari eveva avanembo use irivu!  
\q1 Mainungari da emboro ava,  
\q2 fakina use ininighae tava evu!   
\q1
\v 15 \nd Bajari\nd* nu, evetu genbembo ari eveva a dambu eraera ava, kaifa use, nenda kori ningiraira,  
\q2 a nenda irari ava, giraira.   
\q1
\v 16 Avata evetu genembo mave ari ekoko eraera ainde, nu osogo edo tataya use deraira.  
\q2 Amingurureari, ne amburaera amo, evetu genembo ne jo kakara use kotae eraera.   
\q1
\v 17 Avata evetu genembo ari eveva a dambu eraera amo, ne Bajari kena kori sirureoro ningiraira.  
\q2 Aminguse nu, ne dara ainda jokáda ava sonembuse, saghimbe buraira.   
\q1
\v 18 Evetu genembo mave dubo mema use irera aikena, \nd Bajari\nd* foa utua feteraira,  
\q2 a evetu genembo mave bune jarutuse, fakina jo bae eraera ava, nune sonemberaira.   
\q1
\v 19 Genembo eveva mo, nu dara digari ainda mema itatameraira,  
\q2 avata dara isambu rea itatameraira ainda jokáda, \nd Bajari\nd* foa nu budo sonemberaira.   
\q1
\v 20 \nd Bajari\nd* nu sonembuse kaifa e gogoghomburureari, nu eveva irá gheraira,  
\q2 jo nunda etu eniko degagae arira.   
\q1
\v 21 Ekoimi foa, evetu genembo ari ekoko eraera ava, deari amburaera.  
\q2 A evetu genembo mave ari eveva embo imboe eraera amo, ne ainda bouvu fufuse mino eko buraera.   
\q1
\v 22 Avata \nd Bajari\nd* nunda natofo sonembarira.  
\q2 Mave numokena ya, nunda sonemba a kaifa ari aindae uju eraera amo,  
\q2 ne nunda sonemba ruruse, mino eko jo bae arera.   
\c 35  
\s1 God Da Sonembadae Benunu Saore!  
\q1
\v 1 \nd Bajari\nd*, evetu genembo mave namokena osogo futo erera ainde osogo e!  
\q2 A kotugo, evetu genembo mave namokena isoro erera ainde, isoro aso dae resena.   
\q1
\v 2 Ninda bere bu jighido, ere fu, namoa gagara use dombukena kosege fetase!   
\q1
\v 3 Gitofu namoa ondi utua erera, aindae ninda gika vara ghae jighi erari nandae sorega fumbu!  
\q2 “Ninda sonemba kato namori,” ava saso ningido, dubo jama aone!   
\q1
\v 4 Evetu genembo mave namoa daoro ambono  
\q3 dae ufena manaka garuse kato erera ava,  
\q2 nine dedo atai duboda fafatigaso, mana mana use meka gaoro dae resena. Ondi dubo bunedo jovereghaore!   
\q1
\v 5 \nd Bajari\nd*, nine se, ninda Aneya ne ondirari, kau kikisa gharasa yauraimi fuseari ghumbu ya gheraira aminga ava, sumbu ya baghimbaore!   
\q1
\v 6 \nd Bajari\nd*, nine aso, nenda dombukena tumba  
\q2 jinjanghururari a emboro seriseri ghari,  
\q3 ninda aneyaimi ne ondi dari du fafasaore!   
\q1
\v 7 Ai resira amo, na nemokena dara jo aeri. Avata, ne susu tefo namoa ufena daoro ambono dae sise,  
\q3 bako ghafuse a ivasi fitari guseri.   
\q1
\v 8 Avata ne kotae kotae iroro, nemoa sosighi aso itatamarera.  
\q2 Ne totofo nemoa nenda vaghoimi dorurari a kotugo totofo nene nenda bakoda du vovoseguse sirivo e tefo arera.   
\b  
\q1
\v 9 Amingaoro, na \nd Bajari\nd* dae ivuga arena. Na sari, jebugarena aindae, na ivuga arena.   
\q1
\v 10 Na nanda janje joka isambuimi \nd Bajari\nd* kena sarena, “Arie \nd Bajari\nd*, endada a utuda nimongo eni tefori.  
\q2 Rorojegari amo, nine fakina kakatokena kosegeraesa.  
\q2 A makasi irari jarutuse irera barago, nine evetu genembo nemoa degi degi eraera, aikena kosegeraesa.”   
\q1
\v 11 Natofoimi aji sise, nane dara ariá gesire eraera, avata na berefo bekári.   
\q1
\v 12 Na nendae ari eveva urureono, ne namokena mino ari ekoko ututeraera.  
\q2 Amingeoro, na dubo mema bekáimi bune jarutuse irá gheraena.   
\q1
\v 13-14 Sifo reda ne kae tambudo ghusera, nanda aya, koro mandako  
\q2 a kotugo komana eni kae bu ambari dae ururoro, joka use banungaetena aminga ava use,  
\q2 \nd Bajari\nd* nemo sonembari jebugaoro dae sise, na nendae rovarova use, nendae sedo banungedo ghuseni,  
\q2 a kotugo, uvu bayau kanangara use janje joka isambuimi nendae sedo banungedo ghuseni.  
\q2 Na nendae sedo dubo mema use, tumo darido ya foa ghedo ghuseni.   
\q1
\v 15 Avata dara namokena sirorusira, da sifo aminda, ne isasambu ivuga useri.  
\q2 Evetu genembo na berefoimi totorugedo, namo dere jise dedo ghuseri.   
\q1
\v 16 Inono daguna embo dere jiraera aminga ava use, ne namokena dombu fakara futo use, dere jiseri.   
\q1
\v 17 Arie \nd Bajari\nd*, rekato sifo ghousa gosuraso nandae emingeraeri?  
\q2 Evetu genembo amo laioni (lion) da ari aminga use,  
\q3 namo daoro ambono dae eraera, aikena na sainghimbe bu!   
\q1
\v 18 Amingaresa amo, na nindae aiyakoe sarena. Ninda natofo tomanako  
\q2 totorugarera ainda dombuda fetedo, nindae sakai sarena.   
\q1
\v 19 Erá eoso, evetu genembo gungubo kakato namokena gitofu eraera aimi,  
\q2 na nenda dere jirarikena fiteore! Erá eoso, evetu genembo susu tefo na imboe gamboe eraera aimi,  
\q2 dubo mema arena sifoda gi mendó fainghuse ivuga eore!   
\q1
\v 20 Nano namendi da geka ava jo sae eraera.  
\q2 Ne tatera genembo dubo jamada irera,  
\q3 ainda javoda geka gungubo kau eni kau eni ava sise undeoro,  
\q3 baji tomanako eraira.   
\q1
\v 21 Ne namoa gesire use, koko siseri, “Namane, rea etesa, geri!”   
\q1
\v 22 Avata, \nd Bajari\nd*, ni ava gosusesi. Ava sedo, erá namokena tumbedo, ya tofo mandi soka beká eose!   
\q1
\v 23 Arie \nd Bajari\nd*, tofo ere fete, nandae sorega fumbu!  
\q2 Nanda God, tofo nandae enjise, namo sonembuse sorega fumbu!   
\q1
\v 24 Arie \nd Bajari\nd*, nanda God, nimo dambugo bekári, ava sedo,  
\q2 nandae “kosasa tefori” saso dae resena. Era doyeoso, nanda gitofuimi na dedo gegha jiriore!   
\q1
\v 25 Erá doyeoso ne totofo seore, “Makoe! Nu sandi beri! Amo namonde rea uju usera ava, beká etira!”   
\q1
\v 26 Evetu genembo mave, na mema  
\q3 tafurureono, namoa dere jiraera ava dedo, atai duboda fati tefo edo aso dubo bunarera.  
\q2 Evetu genembo mave nesuka nemoa nembo eveva sise,  
\q2 na ighagha eraera ava aso, nenda javo eko ari mekai jarutarera.   
\q1
\v 27 Evetu genembo mave, ijujari kato nandae  
\q3 “kosasa tefori” sare dae uju arera aimi, ivugai fumbu arugedo ghuse eminge sarera,  
\q2 “\nd Bajari\nd* mo nu teriagori! Nunda saramana kato koto sifoda jebugetira aindae, nu ivuga erira!”   
\q1
\v 28 Sifo aminda, ni bekáda bekáda eraesa aindae, na osa sise, evovodae nindae sakai sise irarena.   
\c 36  
\s1 Evetu Genembo Da Dubo Joká Ekoimi Bedo Edo Irira.  
\q1
\v 1 Ari ekoko embo da janje jokáda ari eko aimi misurugururari,  
\q2 nu God imboe use, God dae igheghi itako jo ae eraira.   
\q1
\v 2 Ainda susu mo, nu tofo numokena sarira, “Na jiro raugo bekári, ágido,  
\q2 na rea eraena, God jo tambudo dombuda sari da kaugo iraeri.”   
\q1
\v 3 Nunda geka isambu ekoko beká sise,  
\q3 gungubo teria futo seraira.  
\q2 Nu dubo kotari da emboro kosasaghuse, nu sifo nanjigo aminda kotofu da ari ava jo ae eraira.   
\q1
\v 4 Nu kambo jokáda fase irise, kotari ekoko kotise fase irá gheraira.  
\q1 Nu tofo numoa bu sembaeda fifituse, ari eko ari da goroto nanjogo foa gheraira ava, itako jo darigae eraira.   
\s1 God Veka Eveva Eraira Kau Emingori!  
\q1
\v 5 Arie \nd Bajari\nd*, ninda dubo bari teriago bekári, utu tambudo irira.  
\q1 Ninda beka gajari nanjogo aresa, ava evovodae kaifa udo yaresa, tano tefori.   
\q1
\v 6 Doriri ghousa vitaira utuda vaghuse fetirira, ainda ghousa jo ave kasama arigo iraeri.  
\q2 Aminga ava, God ari dambu ava nembo eraira ainda kafuru,  
\q2 jo mave tambae arira. Kotugo, nu evetu genembo bekáda bekáda ategi eraira da aito fugari mo,  
\q2 amingori, tano tefori. Sino fuka a evetu genembo barago nine kaifa eraesa.   
\q1
\v 7 Arie God, ninda dubo bari evovodae eraesa amo, numo bekári.  
\q1 Evetu genembo isambu ninda ghabu duruda tereoro, nine gagara eraesa.   
\q1
\v 8 Kirumu nine berugeraesa ava nene mindiraera.  
\q1 Nine seoso, ninda esimbugari, usegha buvuraira aminga ava namanekena bejedo foa gheraira.   
\q1
\v 9 Jebuga da susu mo nimori, nimokena ghedo foa gheraira.  
\q2 Ninda usasa jarageraira aimi, namane sifo sevo eregosera.   
\q1
\v 10 Evetu genembo ni kasama erera ava evovodae dubo budo ghe!  
\q1 Kotugo evetu genembo ari dambugo eraera aikena ninda jebuga ghasido yaresa!   
\q1
\v 11 Erá doyeoso, gegenembo ivuga kakatoimi na deore!  
\q1 Evetu genembo ekoko barago, erá doyeoso, na ondioro sumbione!   
\q1
\v 12 Arie givu! Evetu genembo ekoko reda du fafasetera. O, gi!  
\q2 Ominda burudughe fafasedo, erari erebunera.   
\c 37  
\s1 Ari Ekoko Embo Vasa Ekoda Iruroro, Ari Eveva Embo Vasa Eveva Da Yarera.  
\q1
\v 1 Erá ari ekoko embo rea arera aindae, mema use, kotari futo eove!  
\q1 Ari ekoko ari kakato rea arera aindae, erá bengoso futo eove!   
\q1
\v 2 Ai resira amo, kau kikisa gharasa edo aviraira, ne aminga ava use, totoi nembo manje tefo arera.  
\q1 Kotugo, vive gharasa edo aviraira aminga ava, ne ambu tefo arera.   
\q1
\v 3 Tumondari isambu \nd Bajari\nd* kena fifituse, ari eveva nembo edo ghevu!  
\q1 Amingareva, ne nenda enda nane futusena aminda irise, mema eni tefo, dubo jamaghae irareva.   
\q1
\v 4 Ninda ivuga \nd Bajari\nd* kena bari dae kotise iraresa amo,  
\q2 ninda janje jokáda rea uju beká use koteraesa ava, nune mutari baresa.   
\q1
\v 5 Ninda kotari a uju isambu \nd Bajari\nd* da ungoda fiti!  
\q1 Tumondari isambu numokena fifitururaso, nune sonembarira.   
\q1
\v 6 Nune ari, ninda irari dambugo beká, kau isonga iji janimberaira aminga ava use, ijugururari isagha ari natofo garera.   
\q1
\v 7 Erá, evetu genembo ari ekoko ururoro nenda gugua nanjogo dige fasarira,  
\q2 o evetu genembo mave dara ari dae manaka gayeraera aindae, janje takegha eure!  
\q2 Durumugedo \nd Bajari\nd* sonembari dae, gigita use iri!   
\q1
\v 8 Nimokena dubo mema futo ari, o janje eko ari avaga erá afigeuri fureure!  
\q1 Roera avavagaimi dara undiari siroreraira.   
\q1
\v 9 Evetu genembo mave nenda tumondari \nd Bajari\nd* kena fifituse irá gheraera aimi, enda nene tofo arera.  
\q1 O ari ekoko embo mo, ondari do buvarera.   
\q1
\v 10 Ari ekoko embo mo, totoi manjarera.  
\q2 Nemo gari dae kakova aresa, avata ne itako jo tambae aresa.   
\q1
\v 11 O tumbari embo aimi enda nene budo, gugua ghayafade edo, ririaghae irarera.   
\q1
\v 12 Genembo ari ekoko ari kato aimi genembo eveva ava ambare dae aito use, imboe gamboe use,  
\q2 ababa gambu bainbaingheraira.   
\q1
\v 13 Avata, \nd Bajari\nd* ari ekoko ari kakato aindae gegha jiraira.  
\q1 Ainda susu mo, nemo sosighi ari da sifo utua ari dae erira ava, nu kasama erira.   
\q1
\v 14 Ari ekoko embo nene eredo, makasi a jarutari embo,  
\q2 kotugo evetu genembo aito eveva fugeraera ava isambu, dedo gaedo ghaoro amboro dae sise,  
\q2 nenda isoro da kaiya jigheoro erorureari, a nenda feva jighi otomberaera.   
\q1
\v 15 Avata, God nenda feva jighi joredo, totofo nenda isoro da kaiya aimi nemoa jari ambarera.   
\q1
\v 16 Genembo eveva ainda gugua jo anjaga iraeri, avata eveva use irá gheraira, ava sedo, ivuga tambarira.  
\q1 O ari ekoko embo mo, nenda ghayafa digarigo, avata ekoko use irá gheraera aindae, ivuga jo tambae arera.   
\q1
\v 17 Ainda susu mo, \nd Bajari\nd* nune ari, ekoko embo da fakina, ava dadabarira.  
\q1 O evetu genembo eveva da mo, nune gagara arira.   
\q1
\v 18 Evetu genembo \nd Bajari\nd* da sari ava nembo eraera amo, nune kaifa tavo eraira.  
\q1 Kotugo enda nene anumbirera amo, evovodae nenda tofodae barera.   
\q1
\v 19 Baimara sifoda ne jo mema itatama use, meka gae arera.  
\q2 Baimara sifoda ne inono beká irarera.   
\q1
\v 20 O ari ekoko embo mo, ambu tefo arera.  
\q1 \nd Bajari\nd* dae osogo ari kakato mo, manjarera.  
\q2 Kau vare joka gharasedo dore dudurugeraira, amingari garera.  
\q1 A kau imbosi yauraimi bu ghumbu irureari dadaberaira, ava arera.   
\q1
\v 21 Genembo ari eko ari kato roera se bambudo, mino jo mutae eraira.  
\q1 O genembo ari eveva embo mo, kavevera use nunda gugua soro eraira.   
\q1
\v 22 Evetu genembo mavejoa \nd Bajari\nd* esimbugarira, aimi  
\q2 enda nenda tofodae barera.  
\q1 O evetu genembo mavejoa nune simbora arira amo, ondari buvarera.   
\q1
\v 23 Evetu genembo da emboro mo, \nd Bajari\nd* nune ijugeraira.  
\q1 Evetu genembo nune uju eraira ava, nu gagara eraira.   
\q1
\v 24 Ne ata de fokugharera amo, ne jo du burudughe fasae arera.  
\q2 Ainda susu mo, \nd Bajari\nd* nune jijighururari, totoi erarera.   
\q1
\v 25 Na bajido ghousago iriani. Ava oroko na genembako eteni.  
\q2 Avata, \nd Bajari\nd* genembo eveva ava jo doyari na gaeri.  
\q2 Kotugo, nunda sasingu barago, bayaudae benunu sise, deinghururoro jo gaeri.   
\q1
\v 26 Genembo amo sifo ghousa soro vesa use, kokomana rejudae benunu sarera, sonembarira.  
\q2 God genembo amo esimbuguse, sasingu mutari barira.   
\q1
\v 27 Ari ekoko da ari amo dodo, ari eveva vanembo use irareva amo,  
\q2 nenda imemesiri gamemisiri sifo ghousa enda eminda irarera.   
\q1
\v 28 Ainda beká mo, \nd Bajari\nd* ari dambu aindae uju use,  
\q2 natofo nunda sari ava eraera aikena, gukai jo mutae arira.  
\q1 Nemo evovodae nune gagara eraira.  
\q3 O ari ekoko embo da imemisiri gamemisiri mo, nune ondari darigarera.   
\q1
\v 29 Ari eveva gaveva embo aimi enda nenda tofodae budo, aminda dighi anumbedo evovodae irarera.   
\q1
\v 30 Genembo eveva mo, nu geka evevago a kotofu geka ava seraira.  
\q1 Nu rea eraira, ava evetu genembo isambukena inonoda inonoda eraira.   
\q1
\v 31 Nu God da Agho Dari ava bu nunda janje jokáda fiti kaifa use,  
\q2 jo sifo nanjigo emboro kosasaghedo, ajagha yae eraira.   
\q1
\v 32 Ari eko embo mo, genembo eveva ava dari ambare dae sise,  
\q2 kato use irá gheraira.   
\q2
\v 33 Avata, \nd Bajari\nd* genembo eveva amo jo itako doyari, nunda gitofu da vaghoda terae arira.  
\q1 Aminguse, koto ari sifoda jo doyari, genembo eveva amo mema tambae arira.   
\q1
\v 34 Nenda gigitari isambu \nd Bajari\nd* kena fifituse, nunda sari ava edo ghevu!  
\q1 Amingururovo gido aindae, ne kakara use, enda nemokena mutari bareva.  
\q2 Budo gosururovo, ari ekoko embo God nune ondari darigarera.   
\q1
\v 35 Anakora na genembo ghambura, geka ningae tambuno ava gosuseni.  
\q1 Nu kau Lebanon da beriberiya aminga ava use, ika mendeni do darige viti ikáda vagheraira.  
\q2 Aminguse, evetu genembo digari ava nune kateyavara edo ghusira.   
\q1
\v 36 Avata amboda, na sekago aminda buvudo, nu jo aminda irari gaeri.  
\q1 Na numoa gari dae kakova usena, avata nu jo itako tambaeri.   
\q1
\v 37 Genembo eveva ava gi gogoghombaresa, a genembo ari dambugo ava kote garesa.  
\q1 Ai resira amo, genembo mainugarighae irá gheraira, ainda imemesiri gamemisiri digari sirorarera.   
\q1
\v 38 O, ari ekoko ari kakato mo, God nune dari amomonjegarera.  
\q1 Kotugo nenda imemisiri gamemisiri barago vekaghae musarera.   
\q1
\v 39 \nd Bajari\nd* gegenembo dambugo ava, dara sifoda nune gagara use sonembeari jebugeraera.   
\q1
\v 40 Ne ambo numokena sosiroro, nune ne sonembuse, darakena saighimbe buraira.  
\q1 Nune nemoa ari ekoko embokena saighimbe bu darigeari jebugeraera.   
\c 38  
\s1 Kae Tambudo Mema Itatama Use Banungariri.  
\q1
\v 1 Arie, \nd Bajari\nd*, erá ninda janje ekoimi na dombuda seose!   
\q1
\v 2 Ai resira amo, na ninda feva da gorobaimi na gaetesi.  
\q2 Na nine deteso du faseteni.   
\q1
\v 3 Ninda janje eko etesa, aimi na tamo mema teria futo itatama erena.  
\q1 Nanda ari ekoko teria futo aindae, nanda tamo isambu gambisi gambisi etira.   
\q1
\v 4 Ai resira amo, nanda ari ekoko teriago beká aimi afurugetiri, usegha jokáda mindi ambari gerena.  
\q1 Nanda ari ekoko da mema ava bouvugori, jo nane fumbarigo iraeri.   
\q1
\v 5 Nanda gogore tamonda tamo gambisi futo edo masa use metegerira.   
\q1
\v 6 Na kukurufa use, otombedo, isonga numboro sorara urureono, tumba jiraira.   
\q1
\v 7 Kae tambudo, tamo veriveri teria beká iri, ambari dae erena.   
\q1
\v 8 Na rojari beká edo, fakina dadabetiri, nanda janje feriferi ghuse,  
\q2 mema siri, aoro sise fasirena.   
\q1
\v 9 Arie, \nd Bajari\nd*, na rea uju eraena, ni isambu kasama eresa.  
\q1 Na aoro sise fasirena ábarago, isambu niningeresa.   
\q1
\v 10 Nanda janje feriferi ghiri, na rojari beká eteni. Namokena ivuga isambu dadabetira.   
\q1
\v 11 Na tamo gambisi beda etiri, aindae nanda kokomana a nano namendi itako jo foa nanda tinguda fetae eraera.  
\q2 Nanda ambo bego ajagha beká irá gheraera, jo foa na gae eraera.   
\q1
\v 12 Evetu genembo namo daoro ambono dae uju use, ivasi fifitigeraera.  
\q2 Evetu genembo mendeni na mema itatama use gofono dae sise, manaka gayeraera.   
\q1
\v 13 Namo dengoro gajetiri a guga embo da kaugo use, beka jo sae eraena.   
\q1
\v 14 Na guga a dengoro irae embo mave geka jo ningae irise, mino jo sae eraira da kaugori.   
\q1
\v 15 Avata, \nd Bajari\nd*, nanda tumondari nimokena fifituse irá gheraena.  
\q1 Kotugo, \nd Bajari\nd* nanda God, nanda benunu ningido sonembaresa.   
\q1
\v 16 Erá doyeoso, na mema eretafena aindae, gitofu na dere jiriore!  
\q1 Erá doyeoso, nane dara aono, nandae “makoede” sise, na bu gego yaru kena fifituse, dere jireore!   
\q1
\v 17 Ai resira amo, nanda kae teria beká saviri, na durari dae itatako erena.   
\q1
\v 18 Na nanda ari ekoko vujegeraena. Nanda kosasa aindae mema use irena.   
\q1
\v 19 Nanda gitofu fakina kakatori, ne kae itako jo tambae eraera.  
\q2 Ne susu tefo na imboe gamboe eraera.   
\q1
\v 20 Na ari dambugo ari dae inini use irá gheraena aindae, evetu genembo mendeni nandae osogo eraera.  
\q2 Na nendae ari eveva eraena, avata namokena ari ekoko eraera.   
\q1
\v 21 Arie, \nd Bajari\nd*, erá na doyeose!  
\q3 Nanda God, erá na darige, soka yeose!   
\q1
\v 22 Arie, \nd Bajari\nd*, namo saso jebugari kato nimori, oroko namo sonembe!   
\c 39  
\s1 Namonde Endada Jo Ghousa Irae Arera!  
\q1
\v 1 Na siseni, “Na rea arena, kaifa e gogoghombuse arena.  
\q1 Kotugo nanda beka kaifa use, geka eko eni jo saono buvae arira.  
\q2 Ava sedo, na evetu genembo ekoko da dombuda irise, geka itako eni jo sae arena.”   
\q1
\v 2 Na beka gotedo, geka eni itako jo saeri.  
\q3 Eveva geka barago jo saeri.  
\q2 Avata, nanda mema ava baji tomanako usira.   
\q2
\v 3 Amo nanda mema aindae oju useni.  
\q3 Na kotari futo usena, avata eko beká useni.  
\q2 Na ghousa mavega irari bunise ategi useni:   
\q1
\v 4 “Bajari, na ghousa mavega ava irareni? Na nanjigo ambareni?  
\q2 Nanda ambari da sifo saso ningaeteni.   
\q1
\v 5 Nange eteso, na jo ghousa irae areni?  
\q2 Na ninda dombuda jo ghousa irae arena.  
\q1 Geka bekári, namane evetu genembo jebuga irá gheraera amo, inono ghamo asegeraera amingori.   
\q1
\v 6 Namanenda irari mo, dangio da kaugori, beká tefori.  
\q1 Namane tefo janjagu eraera.  
\q2 Namane gugua bambu dabade eraera, avata mave rete bambarira amo, namane berefori.   
\q1
\v 7 \nd Bajari\nd*, nanda gigita ari mo, jo soesa ae eraena.  
\q1 Nanda kaifa gigita ari mo, nimokenari.   
\q1
\v 8 Nanda ari ekoko bu fugaso, jebugaone!  
\q2 Kotugo erá eoso, evetu genembo gogovara use God imboe eraera aimi, na dere jiriore!   
\q1
\v 9 Na beka gotedo, geka eni itako jo sae arena. Ainda susu mo, nine eteso na mema tafuse irena.   
\q1
\v 10 Erá, nanda ari ekoko da mino futuse, na sekago deose! Na deteso ambari dae itako erena.   
\q1
\v 11 Ni evetu genembo da ari ekoko ainda mino futuse, ghoghora sise dombuda seraesa.  
\q1 Aminguse, ne rea dubo buraera ava, kau jiriko aimi mindeari bakomba eraira, aminga ava sosighi eraesa.  
\q2 Geka bekári, namane evetu genembo jebuga irá gheraera amo, inono ghamo asegeraera amingori.   
\q1
\v 12 Arie, \nd Bajari\nd*, nanda banungari ningi! Namo sonembaso dae sorara erena, ningi!  
\q1 Na sorara ururono ningaresa, fu, na sonembase!  
\q2 Ai resira amo, nanda afamane abuamane usera avavaga,  
\q2 namo ninda esa embori, sifo tufako ava nembo irarena.   
\q1
\v 13 Ninda ungu sokinembaso dae resena. Doyaso, na jo ambae irise, ivuga itako edo, na ambono dadabare!”   
\c 40  
\s1 Sakai Sari Da Yaruri.  
\q1
\v 1 Na durumugedo, \nd Bajari\nd* da sonemba dae kaifa use ireno, nu nanda sorara jave ninigusira.   
\q1
\v 2 Na bako eko beká tauya aminda ghe jumbiri vivituseni. Eteno, na budo enda fakarada fitiri fetedo jebuguseni.   
\q1
\v 3 God dae sakai sari da yaru seka eni ava divono dae sedo, namokena ijugusira.  
\q2 Natofo digari evia gosuse, ne dudukughedo, nenda tumondari \nd Bajari\nd* kena fitarera.   
\q1
\v 4 Mave, natofo ove keveraera, a god gungubo tumonde bainghari kakatode dabade jo tatae irise,  
\q2 God beká ava tumonduse irarera amo, ne ivuga ghae irarera.   
\q1
\v 5 Arie \nd Bajari\nd*, namaneda God, ni namanendae roera digari ambari usesi.  
\q2 Mave eni jo ninda tega iraeri. Namane ninda eveva ava tamboro dae sise, manaka gayeraesa.  
\q2 Ni rea eraesa da digari ava, jo nane tege sari da kaugo iraeri.   
\q1
\v 6 Ni fuyo a joba mutari ava jo uju ae eraesa. Sino fuka olta (altar) da dungoro dae ni jo uju ae,  
\q2 a ari ekoko kote doyaso dae sedo, sino fuka dungoro dae barago, ni jo uju aeri.  
\q2 Ninda uju mo, na ninda geka ningaeteni. Ava sedo, ninda geka ningono dae sise, namokena dengoro futusesi.   
\q1
\v 7 Eteso, “Na evirere,” siseni. “Ninda Agho Dari jokáda, rea aono dae sisesa, ava irira.”   
\q1
\v 8 Ava ari dae sedo refena. Ninda uju ava ivugaghae arena. Nanda God, ninda ijuga nanda janje jokáda fiteno irira.   
\q1
\v 9 Arie \nd Bajari\nd*, namane sonemberaesa ainda  
\q2 bino eveva ava, ninda natofo isambu totorugusera da dombuda osa siseni,  
\q2 kotugo sise irarena. Jo itako doyae, sise irarena, ava ni kasama eresa.   
\q1
\v 10 Na jebuga da bino ava jo kivo edo, nasuka bu jighiraeri. Na sifo ghousa ninda sonemba aindae sise, irá gheraena.  
\q2 Ni rea ari sisesa, ava eraesa aindae barago, osa sise irá gheraena.  
\q2 Ninda natofo totorugeraera ainda jokáda na eredo ninda sari nange eraesa ava, a evovodae namane dubo buraesa,  
\q2 ava osa sise, itako jo beka gotae eraena.   
\q1
\v 11 Arie \nd Bajari\nd*, na kasama erena, ni nandae joka eraesa.  
\q2 Ni rea ari sisesa ava use, na dubo buraesa aimi, na gagara ururaso irarena.   
\s1 Sonemba Da Benunuri.  
\q1
\v 12 Na dara digari futo, jo tegari da kaugo irae aimi jimbe birurughetira.  
\q2 Nanda ari ekoko jo daba etoto irae aimi nanda irari kosasaghetiri, na emboro erebunena.  
\q2 Nanda kosasa da digari nanda beo amingori. Aimi etiri, nanda fakina dadabetiri, dubo bunise irena.   
\q1
\v 13 Arie \nd Bajari\nd*, oroko nembo tavaraghe fu, na sonembase jebugaone!   
\q1
\v 14 Mave na daoro ambono dae eraera ovia, sosighi urururaso dubo bunore!  
\q1 Mave nanda dara aindae ivuga eraera amo, buregaso ne meka gosuse jovereghe darigaore!   
\q1
\v 15 Mave namoa dere jiraera amo, aso oju edo ungu ata dadadaghururari, meka garera.   
\q1
\v 16 Nimokena mave furarera isambu, ivuga use riria aore!  
\q1 Mave ninda sonembadae ivuga eraera, ne aiyakoe sise eminge sise irarera, “\nd Bajari\nd* teriago beká nimori!”   
\q1
\v 17 Na makasi edo jarutuse irena, avata \nd Bajari\nd*, ni na kotise irá gheraesa.  
\q2 Arie nanda God, nanda sonemba kato nimori, tavaraghe fu, na sonembase jebugaone!   
\c 41  
\s1 Kae Embo Mema Bouvu Itatameraera, Ainda Banungariri.  
\q1
\v 1 Mave makasi embo sonembuse irá gheraera, God ne esimbugururari ivugaghae irarera.  
\q3 Ne dara barera, \nd Bajari\nd* ne sonembarira.   
\q1
\v 2 \nd Bajari\nd*, ne sonembuse gagara ururari jebuga irarera. Nu jo doyari, ne gitofu da sari ningari ae arera.  
\q3 Nune sonembari, ne enda nune futusira aminda, ivuga ghae irarera.   
\q1
\v 3 Ne kae barera amo, \nd Bajari\nd* sonembururari jebugarera.   
\q1
\v 4 Na tofo nandae eminge siseni, “\nd Bajari\nd*, na nimokena dara useni.  
\q2 Nandae joka use saso na jebugarera.”   
\q1
\v 5 Nanda gitofu nane mema itatama use ambono dadabare dae uju use,  
\q2 geka mendeni mendeni seraira.   
\q1
\v 6 Mave namo gari foa gheraera amo, ne jo geka bekáda bekáda sae eraera.  
\q2 Nanda kae da bino eko eni ningarera amo, ne totoi totoi nati do buvudo osa sarera.   
\q1
\v 7 Nanda kae nange bouvu digaetira, ava kotise, nandae mave imboe eraera,  
\q2 aimi unongu tofo tofo dengoroda se ningiraera.   
\q1
\v 8 Aminguse seraera, “Nu kae budo ambari dae urogho erira, itako jo jebugedo erae arira.”   
\q1
\v 9 Nanda eni, nundae nanda komana beká irariá sise, nangae uvu bayau dabade sore mindido ghusera aimi,  
\q3 na gukai futusira.   
\q1
\v 10 Arie \nd Bajari\nd*, joka edo, nandae fakina sekago mutaso budo aimi nanda gitofu kena mino aone!   
\q1
\v 11 Nanda gitofu na jo dedo atai fati fetae usira, aindae na kasama erena,  
\q3 ni nandae ivuga eraesa.   
\q1
\v 12 Ni na sonemberaesa ainda beká mo, na rea eraena isambu beká vanembori.  
\q2 Na kaifa ururaso, ninda dombuda evovodae irarena.   
\q1
\v 13 \nd Bajari\nd*, Israel embo da God dae sakai saore! Oroko a evovodae nundae sakai sise irore!  
\q3 Ai bekári. Ai bekári.   
\c 42  
\s1 Genembo Eni Gitofuimi Sandi Budo Isera, Ainda Banungariri.  
\q1
\v 1 Sino fuka eni diya (deer) seraera,  
\q3 aimi dubo sagheari uvu tava eraira aminga ava,  
\q2 God, na nimo tava erena.   
\q1
\v 2 God jebuga iresa, nimoa tava erena.  
\q3 Na nanjigo ya ninda  
\q2 dombuda tumonde bainghaeteni?   
\q1
\v 3 Nanda gitofu nandae eminge sise irera,  
\q2 “Ninda God nangetirai ni sonembaeri?” Sifo tumba evia soraraghae irena.  
\q2 Jivu nanda bayauri.   
\q1
\v 4 Anakora na giti jighido, natofode yaru didivuse  
\q2 vuredo jasedo ghuse,  
\q1 God dae sakai sise,  
\q2 nunda Kamboda ya teredo ghuseri. Ava kotise aindae, mema eraena.   
\q1
\v 5 Na redae mema ereni?  
\q2 Na redae bune jarutereni? Avori, jo amingae arena.  
\q1 Na sekago nanda tumondari nanda God a sonemba katokena fifituse,  
\q2 nundae sakai sarena.   
\q1
\v 6-7 Janje gagojurureari, na sekago numoa koteraena.  
\q1 Dubo mema nanda janje jokáda mo,  
\q2 kau voru viti bari gerira.  
\q1 Dubo bunari kau uvu usegha doriri Hermon nengae Mizar ghaekena ghedo jorughuse,  
\q2 vose foa Jordan buvuraira, amingaimi na fatira.   
\q1
\v 8 Ijighae \nd Bajari\nd* da kavevera a dubo bari namokena irá gheraira.  
\q1 Tumbaghae, God nandae jebuga muturaira aikena, nunda yaru muturaira aimi yaru, didivuse banungeraena.   
\q1
\v 9 God namokena sorega muturaira, numokena resena. “Redae na kotae eteso,  
\q2 nanda gitofuda ari ekoko einda bovu fufuse irareni?”   
\q1
\v 10 Evovodae nandae koviono sise,  
\q2 “Ninda God nangetirai ni sonembaeri?”  
\q3 sirureoro, na ambaetena, ava koteraena.   
\q1
\v 11 Na redae mema ereni?  
\q2 Na redae bune jarutereni? Avori, jo amingae arena.  
\q1 Na sekago nanda tumondari nanda God a sonemba katokena fifituse,  
\q2 nundae sakai sarena.   
\c 43  
\s1 Genembo Eni Gitofuimi Sandi Budo Isera, Ainda Banungariri. (Yaru 42 da mendori.)  
\q1
\v 1 Arie God, evetu genembo ni buneraera, gungubo kakato,  
\q2 a evetu genembo ekoko ainda dombuda ere, na sonembuse, “Embavokena kosasa tefo beká”, ava saetesi.   
\q1
\v 2 Nimo nanda sonemba katori,  
\q2 ava redae na doteso, gitofu mema namokena futero, ainda bouvu erefufeni?   
\q1
\v 3 Ninda Geka Beká a usasa mutu foa, na giti jijighuse bu ya Saion,\f + \fr 43:3 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f*  
\q2 ninda doriri kakara aminda buvudo, ninda banungari kambo nimo irá gheraesa, aminda terone!   
\q1
\v 4 Aminda teredo, na ninda olta (altar) da yaone!  
\q2 Arie God, nimoa nanda ivuga da susuri.  
\q1 Arie God, nanda God, na gita bu doruse,\f + \fr 43:4 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f*  
\q2 nindae sakai sise, yaru divarena.   
\q1
\v 5 Na redae mema ereni?  
\q2 Na redae bune jarutereni? Avori, jo amingae arena.  
\q1 Na sekago nanda tumondari nanda God a sonemba katokena fifituse,  
\q2 nundae sakai sarena.   
\c 44  
\s1 God Genembo Eni Gagara Aetira, Ainda Banungariri.  
\q1
\v 1 Arie God, anakora beká avia abua agira mane da sifoda, ni ari tomanako rea usesa ava setero,  
\q2 totofo namanenda dengoroi nininguseri.   
\q1
\v 2 Ni aminguse, evetu genembo ni jo tumondae usera ava, nine tofo ondeso buvu dariguseri.  
\q1 O ninda natofo mo, seteso, nenda enda futusesa aminda dighi anumbuseri.  
\q1 Aminguse, oro mendenikena fakarago eso, tofo ninda natofo sonembeteso aimi iti fafode useri.   
\q1
\v 3 Ninda natofo jo nenda misi gandigha aimi isoro edo enda baeri.  
\q1 A ne jo totofo nenda fakinai gitofu dedo enda baeri.  
\q2 Ni ne dubo budo ghusesa ava ijuguse, tofo mandi nemonde ise enda sanghimbe rurusevu.   
\q1
\v 4 Nanda Kini a nanda God, Jacob da imemesiri Israel embo da gitofu de atai fati feteraira amo, nimori.   
\q1
\v 5 Ninda fakinaimi namane gitofu ava dedo atai fati feteraera.   
\q1
\v 6 Na jo nanda feva, O nanda misi gandigha ava tumondururono, aimi na sonembaeri.   
\q1
\v 7 Tefo, namanenda sonemba kato namane gitofu jokáda sorisira,  
\q2 a evetu genembo namane imboe eraera ava, de atai fati fefetusira, amo nimori.   
\q1
\v 8 Namane evovodae nindae sakai sise a aiyakoe sise irarera.   
\q1
\v 9 Avata oroko mo, ni nange namane gukai muteso, gitofu namane de atai fati fefetumutari. Namane isorodae ya gheraera ainda jokáda, ni tefori.   
\q1
\v 10 Ni eteso namane gitofu dae oju sufero, namanenda gugua rea irira ava, nene sosighi e barimutari.   
\q1
\v 11 Ni ghabu sokinimbeteso, namane sino fuka de ojarigo umutari.  
\q2 Kotugo, namane mendeni kotae fuge doteso, teana embo da reighi aminda sisigaga edo irera.   
\q1
\v 12 Tofo ninda natofo, jo mino kitako oriri ari da kaugo irae avata, mino kitako da oriri umutasi.   
\q1
\v 13 Namanenda kokomana tinguda irá gheraera aimi, namanendae rea umutasa ava gido, dere jise gegha seraera.   
\q1
\v 14 Nine eteso, natofo nunda oro oro namane gi derejise gegha seraera. Ne namanendae fakina tefova sise, mendó faingheraera.   
\q1
\v 15-16 Nanda gitofui unongu sise, nandae mendo kininje kananje ghuse dere jiraera,  
\q2 a evetu genembo na imboe eraera, aimi koviono seraera aindae, na sifo ghousa evia meka giraena.   
\q1
\v 17 Namane ni jo kotae eraera, a ninda evovo geka jo bejae eraera.  
\q2 Avata, ari avavaga namanekena sirorerira.   
\q1
\v 18 Namane nimokena jo gukai mutaeri, a ninda Agho Dari ava jo bejaeri.   
\q1
\v 19 Avata ni namane bu, taima sino evetu genembo gamburaera da vasa aminda fiteso,  
\q3 tumba jinjanghari jokáda irera.   
\q1
\v 20 Namane nimokena gukai futuse, teana embo da god kena banungaetera amo,   
\q1
\v 21 ni anakora namane tambaetesi.  
\q3 Ai resira amo, namanenda kotari jungarida mo, isasambu ni kasama eraesa.   
\q1
\v 22 Avata, namane ni tumonduse irera aindae, gitofuimi namane kau sifi (sheep) de ojari geraera,  
\q3 aminga ava use, namane sifo ghousa evia dorureoro sirivo eraera.   
\q1
\v 23 Arie \nd Bajari\nd*, diti fange ere! Ni redae ravesi?  
\q2 Diti fange ere, namane erá doyari beká eose!   
\q1
\v 24 Ni redae namanekena junguteresi? Namanenda dara a mema erá kotae eose!   
\q1
\v 25 Namane endada du degigitege fafaseteri. Sonemba eni tefo gido, namane gofedo, fonja jokáda fafaseteri.   
\q1
\v 26 Fu, namane sorase! Namane evovodae dubo buraesa aindae, fu, namane sonembase!   
\c 45  
\s1 Kini Evetu Fifitusira Da Yaruri.  
\q1
\v 1 Na kini da javoda nanda duboda yaru eveva gaveva irira, aimi gate divarena.  
\q2 Gembono dae sise, nanda kotari geka eveva gavevaimi bedo erira.  
\q2 Buku gembari kato nunda sonemba susufikena buraira aminga ava,  
\q3 nanda aviva aimi na sonembari kini da yaru gembarena.   
\q1
\v 2 Gegenembo iritirera ainda jokáda, genembo mendode sovode beká nimori.  
\q2 Nimo geka seoso ghamo beungheraera. Sifo ghousa God nimoa esimbugeraira.   
\q1
\v 3 Nanda kini fakinago, gogho use, ninda isoroda kaiya ifuda dighi. Ai bekári, ni duroghaeri.   
\q1
\v 4 Kini da aito fugari ava fugutuse, ninda isoro kakato da giti jighido,  
\q2 evetu genembo nanjogo geka bekáda bekáda seraera, a ari bekáda bekáda eraera ava sorise,  
\q2 ninda gitofu sosighi e baresa. Ninda fakinaimi ninda gitofu de atai fati fetaresa.   
\q1
\v 5 Ninda feva da goroba isambu sighonogori, aimi ninda gitofu da gomoda gayeraesa.  
\q2 Oro oro irera, a isambu ninda ata duruda du fafasegeraera.   
\q1
\v 6 God nimokena kini da anumba vasa futusira, ainda fakina jo nanjigo dadabae arira, evovodae irarira.  
\q3 Ninda natofo inonoda kaifa eraesa.   
\q1
\v 7 Ni ari dambu beká ava uju use, ari ekoko mo, gari imboe eraesa aindae,  
\q2 God nine tumonde baingheraesa aimi, nimoa gategedo, usu muká ninda jiroda avereguse,  
\q2 nunda ivuga barago, mutiri itatama use iresa. Kini eni nunda ivuga avavaga jo bae irira.   
\q1
\v 8 Ika moor (myrrh) a alo (aloe) a kotugo kásia (cassia) jasisera,  
\q2 ainda muká muno futo ava ninda embo boka aimi muno yavegeraira.  
\q2 Kini da kambo Sino fuka elefanti (elefant) da kore aimi gogho usera aminda, yaru didivururoro umo aresa.   
\q1
\v 9 Ninda kaifa kakato totorugetera ainda jokáda, kini mendeni da ade jamena ojighera fetirera.  
\q2 Ninda avo anumba ainda ungo gimandukena ninda datu gagara, ninda evetu seka ereruresa,  
\q2 aimi fetirira. Datu gagara ainda gogho mo isambu goldi (gold) numo bekáimi ariri.   
\q1
\v 10 Arie Kini da Datu Gagara, oroko dengoro indari dae erena, ningi!  
\q2 Kini kena vai edo, ninda natofo a kotugo nano namendi dodo, ninda kotari irari sekakena fitaresa.   
\q1
\v 11 Ni eveva gagara aindae kini sereregharira, ninda bajari numori, ava sedo nunda sari ava edo ghe!   
\q1
\v 12 Bogu nati Tyre seraera aimi ninda dombu doruse, fuyo fitarera.  
\q2 Kokotofu susu iti fafode nanjogo iritirera barago, ninda dombu darera.   
\q1
\v 13 Arie! Kini da datu gagara kini da kamboda teteriri eregosera!  
\q2 Nunda embo duroghae amo, goldi (gold) imi arigo firiseri.   
\q1
\v 14 Kini da datu gagara amo nunda embo gembari gegembaghaeimi avido irurari,  
\q2 nunda ade jamena tamo sandi iruroro, ne isambu unumbe bu yaoro kini kena terarera.   
\q1
\v 15 Ne ivugaghae riria use foa kinida kamboda terarera.   
\q1
\v 16 Arie nanda kini, nimokena resena, ningi!  
\q3 Ninda sasingu vide jamena ghagurugo sirorarera aimi, nembua maneda vasa nene budo kini arera.  
\q2 Nine aso, enda da frovensi isambu ainda kini nene edo, kaifa arera.   
\q1
\v 17 Nanda yaru gembena evia sise, ninda bino jighoro eroruse irarira evovodae,  
\q2 a kotugo evetu genembo isasambu sakai nindae sarera, kotugo evovodae sido yarera.  
\q2 Nanda yaru gembena evia didivururoro ninda binó ivegedo irurari,  
\q3 evetu genembo isambu nindae sakai sido evovodae yarera.   
\c 46  
\s1 Namondeda Sorega Mutari Kato God Numori.  
\q1
\v 1 God nu namondeda tere jungari vasa fakaragori a fakina ava, nune edo irira.  
\q2 Nu namonde dabade irise, sifo evia inono, namonde sonembari dae kato eraira.  
\q2 Dara rea sirorarira amo, nu anakora sumbudo namonde sonembarira.   
\q1
\v 2 Ava sedo, namonde jo oju ae arera.  
\q2 Enda daradaragharira,  
\q1 o doriri gigisedo ya eva jokáda tifugharira,   
\q1
\v 3 o eva teria eredo, duka didivuse, sumbu viti founada beje foró arira,  
\q2 o reighi jajovurari aimi, doriri daradaragharira, avata namonde aindae jo oju ae arera.   
\q1
\v 4 God da reighi aminda, uvu eni eresufira.  
\q2 Aimi, God Iká Bekáda irira ainda kambo kakara kena dubo jama muturaira.   
\q1
\v 5 God reighi aminda irá gheraira ava sedo, jo nanjigo aminda daoro bejae arira.  
\q2 Nu sifo ataeghae eredo, reighi ava sonembarira.   
\q1
\v 6 Natofo endada irera, oju teria beká use, ungo ata dadaragayeraera.  
\q2 Frovensi a reighi isambu nenda gavanaghae dabade, ere fetedo ungo ata dadaragayeraera.  
\q2 God nunda bekaimi barara fugeari, enda munjeraira.   
\q1
\v 7 \nd Bajari\nd* Fakina Kato namondeda jokáda irira,  
\q2 Jacob da God mo, nu namondeda tere jungari vasa fakaragori.   
\q1
\v 8 Fuvu, \nd Bajari\nd* rea etiri sirorusira ava, fuge gaove!  
\q2 Nu nange nunda fakina ijuguse, enda da reighi mendeni dorusira, ava kote givu!   
\q1
\v 9 Evetu genembo endada isoro use irera ava, nune gajedo seari doyeraera.  
\q2 Nu nenda feva ava jighi joredo, nenda goroba fafaki ava fati jore fugedo, nenda bere ava dungeari aviraira.   
\q1
\v 10 Aminguse, nu eminge seraira, “Tataya dovu! Durumuguse, sunghe fete evia kasama evu:  
\q2 Nasuka namoá, na God! Enda jokáda a enda da natofo jokáda, jo eni namongo iraeri.  
\q2 Na teria bekári. Na giti jighari edo irena.  
\q1 Ava natofo kasama edo nandae sakai sarera”.   
\q1
\v 11 \nd Bajari\nd* Fakina Kato namondeda jokáda irira,  
\q2 Jacob da God mo, nu namondeda tere jungari vasa fakaragori.   
\c 47  
\s1 Namondeda Bajari Iká Bekáda, God Numori.  
\q1
\v 1 Natofo isambu ivugai ghabu foku foku ghevu! Yaru divu fumbu aruguse, God dae sakai sevu!   
\q1
\v 2 Ai resira amo, \nd Bajari\nd* iká bekáda mo, igheghi ari da kaugori.  
\q3 Kokotofu isambu irera ainda iká bekáda, numori.  
\q2 A enda utu gambari utu gambari isambu ainda giti nune jighiraira.   
\q1
\v 3 Nune etiri, namane oro nunda nunda atai de fati fefetuseri.  
\q2 Kotugo, nune setiri, natofo endada irera, namondeda sari ningari useri.   
\q1
\v 4 God namonde dubo ruruse, enda nune gatege futusira.  
\q2 Enda nune futusira aindae, namane Jacob da imemesiri ivuga erera.   
\q1
\v 5 God nunda anumba vasada vitiya gheraira aminda, ivugai fumbu aruguse tavuya fusiroro, \nd Bajari\nd* viti ya gheraira.   
\q1
\v 6 Namondeda God kena sakai sise, yaru divore! Namondeda Kinikena sakai sise, yaru divore!   
\q1
\v 7 God mo kini iká bekádari. Nu enda da numamori. Yaruimi nundae sakai saore!   
\q1
\v 8 God nunda anumba vasa kakarago aminda anumbirira.  
\q2 Aminda anumbirise, oro mendeni mendeni ava tavo eraira.   
\q1
\v 9 Oro isambu da babojegari, Abraham da God da natofo de dabade totorugedo irera.  
\q2 Ai resira amo, nunda fakina tomanako mo, jo isoro embo da amingo iraeri.  
\q1 Nunda giti jighari mo, fakina ghaeri.   
\c 48  
\s1 Reighi Jerusalem, Ututu Saion Ghae\f + \fr 48:0 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* da Yaruri.  
\q1
\v 1 \nd Bajari\nd* mo iká bekádari. God da reighi aminda, nunda doriri kakara aminda fetirise,  
\q3 numoa sakai sarera, evevari. Amingaore!   
\q1
\v 2 Saion, God da ututu mo, ikáda a numo bekári. Enda da oro oro isambu,  
\q2 Kini tomanako ainda bogu begaya gosuse, ivuga eraera.   
\q1
\v 3 Reighi Jerusalem da furu aminda mave terarira amo,  
\q2 ambo sose fetari da vasa eveva God kena tambarira ava, nune ijugusira.   
\q1
\v 4 Kini nanjogo totorugedo, ututu Saion ava sosighi ari dae fuseri.   
\q1
\v 5 Avata, ne ava gi dudukughedo, beka sari bunise, oju sufuseri.   
\q1
\v 6-7 Aminda ne ojuimi biri jarutuse, kau evetu mandi sasingu fumbari dae use, mema itatameraira,  
\q2 o bouti da natofo eva dika kanjijigo da jokáda ise oju eraira, ava useri.   
\q1
\v 8 O namonde mo, God rea usira ava namonde nininguseri.  
\q2 Avata, oroko namondeda God, \nd Bajari\nd* fakina kato ainda reighida teredo, totofo namondeda ditiimi eregosera.  
\q3 Reighié, nune evovodae tavo ururari dara eni jo tambae arira.   
\q1
\v 9 Arie God, ninda kamboda tere irise, namane dubo rurudo refesa ava koteraera.   
\q1
\v 10-11 Evetu genembo isasambu irera, nindae sakai sise irera.  
\q2 Ninda binó tomanakoi ivegedo ira utu gambari utu gambari tafusira.  
\q3 Ni bekáda bekáda use, natofo kaifa eraesa aindae, ututu Saion da natofo ivuga arera!  
\q2 Natofo ijujuse aito eveva fugeraesa aindae, Judah frovensi aminda reighi nanjogo iritirera ava ivuga arera!   
\q2
\v 12-13 God da natofo, na nemokena resena, namonde furu fakarago ututu Saion eminda dighi birurughusera,  
\q3 aminda viti denghe birurughuse, ainda duró ava tege givu!  
\q2 Aminda birurughuse, isoro embo da jungari vasa nanjogo irira, ava tege gae budo kotise irivu!  
\q2 Amingaovo dae resena da beká mo, sasingu amboda sirorarera aikena eminge sareva.   
\q1
\v 14 “God roeraé isambu etiri sirorusira, namondeda God ri. Evovodae irarira.  
\q2 A namondeda giti evovodae jijighuse irarira.”   
\c 49  
\s1 Tumondari Ati Ghayafa Kena Fitarera, Jebuga Kosasagharera.  
\q1
\v 1-2 Gekaé ninguvu! Sabua kotofu, makasi embo, evetu genembo iti fafode isambu, nemokena resena,  
\q3 dengoro jave ningivu!   
\q1
\v 3 Ghuna basetiri, na oroko geka isagha sari dae erena, ningivu!   
\q1
\v 4 Na gita\f + \fr 49:4 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* doruse geka jungarida ava saono vosarira.  
\q2 Amingedo, geka da tuka se disugaono ningareva.   
\q1
\v 5-6 Evetu genembo ekoko, nenda gugua ghayafadae sakai sise,  
\q3 sonemba aminda tambari dae kotise irera aimi, nanda gitofu edo irera.  
\q2 Gitofu resena, aimi na jimbe birurugharera, o mema dombu eni dombu eni nanjigo sirorarira amo,  
\q3 na jo oju ae eraena.   
\q1
\v 7 Genembo eni jebuga irari dae sise, God kena ghamanai ombu bari da kaugo iraeri.  
\q2 Jebuga irari da mino tambudo, God kena mutari jo genembo eni ae arira.   
\q1
\v 8 Ainda tuka mo, evetu genembo da jebuga ainda mino mo, teria bekári.  
\q3 Jo itako tambudo, mutari da kaugo iraeri.   
\q1
\v 9 Mino rea mutaetira, aimi jo itako sonembari, nu ofofo darige jebuga evovodae irari tambae arira.   
\q1
\v 10 Namonde isambu kasama erera,  
\q3 genembo eni jo ambudo nunda gugua bu yae arira.  
\q2 Evetu genembo isasambu, eveva a ekoko, dubo kotari kakato a jiro fafakara embo isambu ambudo,  
\q3 nenda gugua gayafa nenda imemesiridae do darigeraera.   
\q1
\v 11 Ne jebuga iriara da sifo aminda mo, ne enda nenda tofodae bu jighiriari.  
\q2 Avata oroko mo, ofofo nemo evovodae irari da vasari. Aminda evovodae irarera.   
\q1
\v 12 Genembo binóde aikena kau daba avori. Nu binonde irira aimi jo sonembari jebugae arira. Nu sino fukai ambarigo arira.   
\q1
\v 13 Evetu genembo mave totofo nemoa tumonderaera ava kote givu.  
\q2 Mave nesuka nenda gugua tumonderaera, aikena eminge sirorarira.   
\q1
\v 14 Ambari mo, evetu genembo setena, ainda giti jighari use, nune unumbe bu ya dari, sifi ambari garera.  
\q2 Evetu genembo kosasa tefo aimi ne de atai fatoro, ambudo totoi masa arera.  
\q3 Nenda reighi dodo ofofo vasada irarera.   
\q1
\v 15 Avata, God namoa nune ambari da fakina aminda ava saghimbe bari jebugarena.   
\q1
\v 16 Erá, genembo eni guguade arira aindae, dubo mema eove!  
\q2 Komana ati ghayafade ururarira ainda sifoda, erá mema eove!   
\q1
\v 17 Ai resira amo, nu ambarira, nunda gugua jo bu yae arira. Jo nunda gugua dabade ya ofofoda vosae arira.   
\q1
\v 18 Genembo mave endada irise, nunda irari aindae ivuga ururari natofo nundae sakai sarera,   
\q1
\v 19 numoa barago nombua mane ambudo, ningaminda isera, daba aminda vosarira.  
\q3 Vosedo, usasa jo gae irise, evovodae tumbada irarira.   
\q1
\v 20 Genembo binode aikena kau daba avori. Nu binonde irira aimi jo sonembari jebugae arira.  
\q3 Nu sino fukai ambarigo arira.   
\c 50  
\s1 Namonde God Tumonde Bainghari Da Emboro Bekáda Ise, Nundae Aiyakoe Saore!  
\q1
\v 1 \nd Bajari\nd* God fakina tofo aimi beka afigedo, evetu genembo iji vitarida a iji vosarida irera,  
\q3 ava isambu numokena furoro dae aghi erira.   
\q1
\v 2 God nunda ututu Saion\f + \fr 50:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* gari duróde aminda ghedo, nunda usasa janimberaira.   
\q1
\v 3 Namondeda God refira, a jo sainghe furaeri. Nu avaraka buburaghae dombuda aviri,  
\q3 yaura vovoga aimi jimbi birurughiri refira.   
\q1
\v 4 Nunda natofo kau nange ijujarira ava, utu endaghae foa gosuroro ijujari dae resira.   
\q1
\v 5 “Nanda natofo nanda geka ningiraera, a nanda evovo geka\f + \fr 50:5 \ft God Da Geka seka afige ya geka se disugari da vasa aminda geka “emboro” afige tegaso dae resera. Eminda “evovo geka” irira ainda tuka daba avori. \f* kaifa ari dae sise,  
\q3 joba namokena de dungedo futusera, ava aghi aovo furore!”   
\q1
\v 6 Utu da duróimi ijugerira, God mo, ari bekáda bekáda ava nembo eraira.  
\q2 A ijujari kato beká, numori.   
\q1
\v 7 Nanda natofo Israel embo, nininguruvu, saone! God, nenda God namori.  
\q2 Nenda kosasa rea eraeva isambu, tegono ningareva.   
\q1
\v 8 Ne dombuda sari dae erena, avata, nenda joba muturaeva ekori o sinofuka de dunge muturaeva  
\q3 jo inono irae ava erá koteóve!   
\q1
\v 9 Eregoseva? Borumakau da kandana nenda karoda irira,  
\q3 a gouti unduraeva barago, redae bareni?   
\q1
\v 10 Ai resira amo, taimada sino fuka  
\q3 a borumakava nanjogo jiro fumbari aminda unduraeva  
\q3 isambu nanda fitariri.   
\q1
\v 11 Taima da rika a roera endada jebuga irera ábarago nanda tofori.   
\q1
\v 12 Na ighoi ambaetena, jo nendae bayau dae benunu sae aeteni.  
\q2 Ainda beká mo, enda da roera reju irera, isambu nanda tofori.   
\q1
\v 13 Na burumakauva kandana ainda fisí, o gouti da ororo mindarena, aĩ?   
\q1
\v 14 Ava sedo, God fakina kato, na ne dombuda resena ainda beká mo eviri.  
\q2 Ne rea namokena mutari siseva ava, mutareva.  
\q2 Avata nenda joba beká namokena mutareva amo, beka afigedo nandae aiyakoe sareva, avori.   
\q1
\v 15 Dara nanjigo furarira amo, nandae kori sevu, ne sonembururono nandae sakai saove!   
\q1
\v 16 Avata God ari ekoko embokena eminge resira, “Nanda Agho Dari redae teguterevu?  
\q2 Kotugo nanda evovo geka nombua manekena futusena, aindae redae sakai resevu?”   
\q1
\v 17 Aminge resena da beká mo, ne dengoro indiraena ava bu fugeraeva. Nanda geka itako jo bae eraeva.   
\q1
\v 18 Ne bagia kakato tambudo, nemonde komana usevu. Aminguse, yagera kakato ainde dabade tatedo, umo use ireva.   
\q1
\v 19 Ne evovodae besiga use, geka eko sari dae kaifa use irá gheraeva. Ne kotae kotae gungubo seraeva.   
\q1
\v 20 Ne totofo nenda nano namendi dae aji seraeva. A nenda irari gosuse ijujeraesa.   
\q1
\v 21 Ne amingudo fuseva ava, na rejo eni jo saeri. Amingudo feno gido, na nemongo ava kotisevu.  
\q2 Avata oroko ne dara eraeva ava isagha sise, dombuda resena, ningivu!   
\q1
\v 22 Na ningi ningaego eraeva, ava dengoro afige ningivu!  
\q2 Jo nanda geka ningae areva amo, ne sosighi aono, jo mave ne sonembae arira.   
\q1
\v 23 Na kakara ari sareva amo, beka afigedo, nandae aiyakoe sareva.  
\q2 Ainda beká mo, nenda joba beká namokena mutareva, aiyakoe sari avori.  
\q2 Mave nanda geka ningido amingarira amo, ne na sonembuse jebuga mutarena.   
\c 51  
\s1 David Mema Use, God Nunda Ari Eko Kote Doyare Dae Benunu Sisira.  
\q1
\v 1 Arie, God, ninda dubo bari sifo ghousa ijugeraesa aindae sise, na joka aetesi!  
\q2 Ninda joka ari tomanako aimi, nanda ari ekoko isasambu ghaje fugaetesi.   
\q1
\v 2 Nanda ari ekoko isambu seghaso, na eveva aone!   
\q1
\v 3 Nanda dara ava, na kasama erena.  
\q2 Nanda ari ekoko ainda bouvu ava, sifo evia inono, na itatamuse irá gheraena.   
\q1
\v 4 Na nimokena ari eko useni, nisuka ninda dombuda ari eko eteno gido, aindae ni nandae “eko” sisesi.  
\q2 Ava sedo, namo ijujeresa amo, evevada eresa.  
\q2 Ã kotugo, nanda dara da bouvu ava fumbono dae resesa amo, geka bekári.   
\q1
\v 5 Na sirorusena amo, ari eko jokáda siroredo refena.  
\q2 O saone, na aya tambuno ambo tafusegusira ai tano ghedo, na ari eko jokáda siroredo refena.   
\q1
\v 6 Ni geka beká sari ã ari beká ari ava uju eraesa.  
\q2 Avori, ninda dubo kotari ava namokena mutaso sembudo, nanda dubo joká bedo are!   
\q1
\v 7 Nanda ari ekoko bu darigaso, na eveva aone!  
\q2 Nanda ari ekoko seghe kosughe fugaso, na eveva aone, nanda asisi forosogo beká ava are!  
\q2 Avata rofoma amo jo foyago beká iraeri.  
\q2 O namo segharesa amo, nanda dubo joká foyago beká ava arira.   
\q1
\v 8 “Avori” saso, na sekago divu fuse, sino tavuya da duka nininguse, riria aone!  
\q2 Ni nanda jebuga fati munjisesi, a kotugo, nanda fakina ava jighi bejisesi.  
\q2 Avata sonembaso, na sekago dubo jama arena.   
\q1
\v 9 Ninda diti gajaetesi! Erá fuge, nanda ari ekoko geose!  
\q2 A nanda ari ekoko isasambu ghaje fugaetesi!   
\q1
\v 10 Arie, God, nanda dubo aso, eveva ã kakara are.  
\q2 Ã kotugo, asisi seka eni, ni tumonde gogoghombarira ava, nanda dubo jokáda fitaso irare.   
\q1
\v 11 Erá na dirigeóso, ni do buvu ya esike irione!  
\q2 Ninda Asisi Kakara namokena erá bu dirigeóso yeure!   
\q1
\v 12 Ninda sonemba muteaso, namane ivuga eraera. Ainda ivuga ava, sekago mutaso itatamaone!  
\q3 Ã kotugo, na nange ninda geka ningido, sekago ava ari uju arena ava kotise,  
\q2 ni sonembaso dae resena.   
\q1
\v 13 Amingaresa amo, na ninda agho dari ari ekoko embokena ijugaono kasama use, ne dubo jovereghari, foa ni tambarera.   
\q1
\v 14 Arie, God, na genembo deteno ororo gutusira ainda bouvu ava,  
\q2 joka edo erá namokena muteose dae sise,  
\q3 benunu resena.  
\q2 Sonembaso, na jebuga irarena.  
\q2 Aminguse, na ninda kavevera aindae,  
\q3 ivugaghae osa sarena.   
\q1
\v 15 Bajari, sonembaso, na beka fainghedo, nindae sakai sarena.   
\q1
\v 16 Na joba nimokena mutaetena, avata ni joba amo jo uju ae eraesa.  
\q2 Joba futuse dungeoro avirureari ni gido, jo ivuga ae eraesa.   
\q1
\v 17 O joba nane mutarena amo, na tumo darido,  
\q2 nanda ari ekoko vujeguse, nanda asisi ninda ungoda fitarena.  
\q2 Arie, God, evetu genembo namoá avaga tumo darido nimokena ya gheraera,  
\q2 nenda asisi ava, ni jo imboe use ighagha ae aresa.   
\q1
\v 18 Arie, God, ututu Saion\f + \fr 51:18 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* gido, veka eveva ururaso fakina barira.  
\q2 Jerusalem da furu ava, sekago dighaso, namane gajari irarera.   
\q1
\v 19 Amingaso gido, joba nine mutoro dae sisesa ava mutarera.  
\q2 Mutoro gido, ni ivuga aresa.  
\q1 Amo, burumakava (bulls) ninda oltada fiti dungoro gido, ni ivuga aresa.   
\c 52  
\s1 God, Genembo Ari Ekoko Udo Fusira, Ava Detiri Ambududurusira.  
\q1
\v 1 Arie kotofuko, ni redae ninda dara eraesa aindae sakai seraesi?  
\q2 Ni rekato evovodae evetu genembo God tumonderaera, ava katiyavara use, tofo sakai seraesi?   
\q1
\v 2 Ni kokomana sosighi ari dae manaka garuse irá gheraesa.  
\q1 Ni aji, a unongu ava seraesa, gharita da dikagori.  
\q2 Ni sifo ghousa tefo tefo gesire use irá gheraesa.   
\q1
\v 3 Ni ari eveva gaveva imboe use, ari ekoko ari ava ninda uju bekári.  
\q1 Kotugo geka beká jo sae irise, gungubo teria futo seraesa.   
\q1
\v 4 Arie, ni genembo aviva fotatari! Ni nanjigo gekaimi mema mutaso,  
\q3 komana itatama arira aindae, ivuga aresa.   
\q1
\v 5 Ava sedo, God ni dari ghamo ruruse iraresa.  
\q1 Ni reda iresa, aminda ghe God ni saghimbe bu fugarira. Ni diti jebuga iresa, ava sandi bu fugari du degite ambaresa.   
\q1
\v 6 Avaga nimokena sirorari, evetu genembo irari dambugo ava gido dudukugharera.  
\q2 Amingedo, ne tuturo edo, nimoa dere jise eminge sarera,   
\q1
\v 7 “Givu, genembo eregoseva emo, nunda tumondari tofo nunda guguakena fifituse,  
\q2 nu gugua aimi sonembari, jebuga tambaetira ava kotise, irá ghusira.  
\q2 Nu jo God kena ambo sosise, fakina bae usira.”   
\q1
\v 8 Avata namo ika orivi da kaugo, God da kamboda viti irise, igi bababaghuse javuji eraira, amingori.  
\q2 God na evovodae dubo buraira, ava tumonduse irena.   
\q1
\v 9 Ni rea usesa ava kotise, na sifo ghousa aiyakoe sise sakai sarena.  
\q2 Ninda natofo da dombuda na ere fetedo, ni eveva eraesa ava, osa saono ningarera.   
\c 53  
\s1 Mave God Ighagha Arira Aikena Mo, Kotari Tefori.  
\q1
\v 1 Mave “God tefo” kotarira amo, nu gogovara ai sari garira.  
\q2 Evetu genembo avavaga nenda dubo joká bebeta edo irera.  
\q2 Nenda ari isambu foká da kaugori. Eniimi jo ari eveva ae eraira.   
\q1
\v 2 God utuda irise, evetu genembo fuge gosuse, evetu genembo dubo kotise,  
\q2 numoa tumonde baingheraera ava, tava eraira.   
\q1
\v 3 Avata ne isasambu emboro kosasaghedo ari ekoko eraera.  
\q2 Ne totofo bebeta edo irera.  
\q1 Jo dabakoimi ari eveva ae eraira,  
\q2 eniko tefo bekári.   
\q1
\v 4 God resira, “Ari ekoko embokena kotari tefori.  
\q2 Ne nanda natofokena bagia use, namokena jo banungae eraera.”   
\q1
\v 5 Giti ne jo oju ae, avata ne amboda ghamo takegha arera.  
\q2 Giti amingo ava jo itatama aeri.  
\q3 Ai resira amo, God nunda natofo Israel embo da gitofu ava dari sirivu aoro,  
\q2 nenda etu bu mainge mainge arira.  
\q1 Bajari anakora ne imboe use,  
\q2 gukai futusira, ágido, Israel embo eredo,  
\q3 ne de atai fati fetarera.   
\q1
\v 6 Arie, jebuga Saion\f + \fr 53:6 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* ghedo foa Israel embo kena sirorare!  
\q2 God nenda ati ghayafa sekago mutari barera amo,  
\q2 Jacob da imemesiri, Israel embo, isasambu ivuga use irarera.   
\c 54  
\s1 Bajari Nu Nange Gitofukena Gagara Aetira, Ainda Banungariri.  
\q1
\v 1 Arie, God, ninda javo fakinagoimi na sonembuse, vujege jebugaone!   
\q1
\v 2 Arie, God, nanda benunu resena evia, ningaso dae resena!   
\q1
\v 3 Ivuga kakato namo dari dae refera. Evetu genembo joka ari tefo, God ningi ningae eraera,  
\q3 aimi namo tambu doaro ambono dae refera.   
\q1
\v 4 Avata, nanda sonemba a sorega fumbari kato mo, God numori.   
\q1
\v 5 Gitofu nandae ari ekoko ari seraera, aimi jovereghe nemoa gayare! Nu rea ari sisira ava use, ne sosighi arira.   
\q1
\v 6 Arie \nd Bajari\nd*, na ivugaghae joba nimokena mutarena.  
\q2 Ni kavevera eraesa aindae, na nimokena aiyakoe sise sakai sarena.   
\q1
\v 7 Na dara nanjogo da jokáda ireno, na bu darigeteso jebuguseni.  
\q3 Nanda gitofo doreso, nanda diti mokoi gosuseni.   
\c 55  
\s1 Genembo Nunda Komanaimi Aito Usira, Aindae God Numo Sonembare Dae Banungusira.  
\q1
\v 1 Arie God, nanda benunu ningi! Erá, nanda benunu resena evia imboe use, ninda dengoro gajeose!   
\q1
\v 2 Nanda benunu ningido na sonembe! Na mema itatama use, kotari tomanako futo use, garoro eteni.   
\q1
\v 3 Gitofuimi na daoro ambono dae setero ningido, ungu ata dadadagherira.  
\q2 Ari ekoko emboimi na kateyavara urureoro, dubo vevera use irena. Ne namokena dara bu refera.  
\q3 Aminguse, ne janje ekoghae na gari imboe eraera.   
\q1
\v 4 Na ghamo takegha erena. Na daoro ambaetena aindae oju use, gofari beká edo irena.   
\q1
\v 5 Beká resena, na ojuimi duduku dudukughuse ungu ata dadadagherira.  
\q2 Nanda tamo ghaunja bambariguse, ghamo kenkenghedo gherira.   
\q1
\v 6 Namokena ungu kau rika ribo da ghabu iraeti! Na ghumbu esike yama ghamo asegaeteni.   
\q1
\v 7 Na ghumbu soka beká yama reighi evetu genembo a uvu irae da vasada iraeteni.   
\q1
\v 8 Na bibitaimi ghumbu yama, nasuka nanda jungari vasa tambu jungaeteni.  
\q2 Yaura vovoga eko beká darige ya esike jungaeteni.   
\q1
\v 9 Arie \nd Bajari\nd*, aso nanda gitofu beka soesa saore!  
\q2 Ainda susu mo, reighi begaya aminda kaera tataya a titigho ari avanembo urureari giraena.   
\q1
\v 10 Kaera tataya a titigho ariimi birurughuse, sifo tumba ava, kusia bagia a dara dombu eni dombu eni bu refera.   
\q1
\v 11 Sosighi ariimi vasa isambu bedo edo irira.  
\q3 Maketa vasada, kokomana katiyavaraimi a kotugo kokomana derariimi ganjimberira.   
\q1
\v 12 Gitofu eniimi namoa dere jise gegha yaruda fitaetira amo, na fakina edo fetaeteni.  
\q2 O nanda vasai namoa e darigedo, totofo sakai sise na dere jiraetira amo, na numokena jungaeteni.   
\q1
\v 13 Avata genembo namokena mema bouvu erefutira, amo nimori.  
\q2 Ni nanda karona, nanda ambo bego, a kotugo nanda komana beká edo iriasi.   
\q1
\v 14 Nangae kiki eveva gaveva dabade se ningido ghuseri, a kotugo God da tafaroro kamboda teredo,  
\q3 tafaroro dabade edo ghuseri.   
\q1
\v 15 \nd Bajari\nd*, aso nanda gitofu isambu evetu genembo seka irise amomonjegarera.  
\q2 Aso, nenda ofofoda diti jebuga furugaoro dae resena!  
\q2 Nenda ofo kambo mo ari ekokoimi bedo edo irira a nenda janje joká barago ekokori.   
\q1
\v 16 Avata namo, \nd Bajari\nd* God kena sonemba dae kori saono, nune namoa saghimbe bari jebugarena.   
\q1
\v 17 Ataeghae, isonga a kotugo tumba evia inono nanda bouvu, mema numokena osa sise a aoro sirureono,  
\q3 nu nanda banungari ningiraira.   
\q1
\v 18 Gegenembo digari futo namo daoro ambono dae eraera,  
\q2 avata God na gagara urureari, na jebuga jovereghe foa gheraena.   
\q1
\v 19 Ne God jo igheghi ae irise, dubo jovereghari imboe eraera.  
\q2 Ava sedo, God roera isasambu reju irira ava kaifa eraira, aimi nanda benunu ningido,  
\q3 ne dedo atai duboda fatarira.   
\q1
\v 20 Nanda komana manai nunda beka gajari ava bejise, nunda kokomana ava dedo gaedo ghari dae usira.   
\q1
\v 21 Nunda geka mo nu vivigori, avata nunda janje jokáda kokomana imboe ariimi bedo usira.  
\q2 Nunda geka mo, ferukogori, avata rea sisira aimi, garureari mema siroredo ghusira.   
\q1
\v 22 Nenda bouvu mema \nd Bajari\nd* kena fiti dovu, nendae sorega nune fumbarira.  
\q2 Nu jo itatako doyari, evetu genembo bekáda bekáda eraera ava, gitofuimi de atai fatae arera.   
\q1
\v 23 Avata God, evetu genembo kokomana aito use daoro ambarera, ava seka iroro,  
\q2 nine rete budo foama nenda ofofoda gorogharesa.  
\q1 O namo, na God nisuka nimoa tumondarena.   
\c 56  
\s1 Tumondari God Kena Fitarera, Ainda Gekari.  
\q1
\v 1 Arie God, nandae joka aresa. Ai resira amo, nanda gitofu na de babasigeraera.  
\q2 Sifo evia inono namokena mema bouvu muturaera.   
\q1
\v 2 Osogo ari kakato sifo evia inono namokena mema bouvu muturaera.  
\q2 Namokena tataya eraera amo, jo daba etoto iraeri.   
\q1
\v 3 Arie, \nd Bajari\nd*, na sifo reda oju eraena amo, nanda tumondari nimokena fitiraena.   
\q1
\v 4 God nunda sari nanjogo ava eraira aindae, na sakai seraena.  
\q2 Na nanda tumondari God kena fitiraena, ava sedo, genembo eni namokena rejoa arira, na redae oju areni?   
\q2
\v 5 Nanda gitofu sifo evia inono namokena dara dombu eni dombu eni eraera.  
\q3 Nenda kotari namokena eko vanembori.   
\q1
\v 6 Namoa daoro ambono dae uju use, ne foa dabade junge fetedo,  
\q3 nanda yari furari fuge gosuse, namoa kato eraera.   
\q1
\v 7 Arie, God, nenda ari eko ari dae koteraera aindae, daso ghamo barera!  
\q2 Ninda janje ekoimi ururaso kasama edo, ghamo barera.   
\q1
\v 8 Nanda irari jarutarigo amo, ni kasama eraesa. Nanda diti jivu ninda roroda averege kaifa aso dae resena.  
\q2 Nanda jivu nanjogo vovoserira tegedo, ninda bukuda gembeso irira, tano.   
\q2
\v 9 Na nimokena sonembadae kori sarena amo, nanda gitofu kosegaso jovereghe yarera.  
\q3 Aimi na kasama arena, God nangae irera.   
\q1
\v 10 \nd Bajari\nd* nunda sari nanjogo urureari na sakai seraena amo, nangae irera ava kasama erena.   
\q1
\v 11 Na nanda tumondari numokena fitiraena, ava sedo, genembo eni namokena rejoa arira, na redae oju areni?   
\q1
\v 12 Arie God, na nimokena joba rea mutari dae beka gagojusena, ava mutarena.  
\q2 Nindae aiyakoe sise nanda joba nimokena mutarena.   
\q1
\v 13 Ai resira amo, na tataya jokáda ambaeteni, avata na saghimbe beso jebuguseni.  
\q1 Ni jo doyaso gitofuimi na de atai fati fetae useri.  
\q2 Ágido, ninda dombuda usasa gosuse, jebuga irena.   
\c 57  
\s1 Genembo Eni God Sonembare Dae Banungusira.  
\q1
\v 1 Arie God, nandae joka beká, joka beká aetesi, ainda susumo na nimokena ambo sose fetari refena.  
\q2 Ninda ghabu duruda terono, yaura vovoga ekoimi na afuregaetira, ava darigari ghamo asegarena.   
\q1
\v 2 Na God ika bekáda aikena kori seraena.  
\q2 God, namokena rea aono dae uju eraira, ava nune ari beká sirorarira.   
\q1
\v 3 Nune utuda irise nanda benunu da mino futuse sari na jebugarena.  
\q2 Evetu genembo namoa kateyavara eraera ava, nune dedo atai duboda fatarira.  
\q2 Aminguse, God namokena rea ari sisira ava use, na evovodae dubo buraira ava ijugarira.   
\q1
\v 4 Nanda gitofu, raioni (lion) genembo mindiraera da kakaugo aimi na jimbe birurugheteri.  
\q2 Nenda dika mane mo, kau goroba a feva da goroba amingori. Nenda aviva mo, kaeya da dikagori.   
\q1
\v 5 Arie God, ninda teria kau mavega ava utu aminda ijuge, isagha are! Ninda usasa mutaso vose endaé beda are!   
\q1
\v 6 Nanda gitofuimi nane ombono bari dae sedo, futo bariseri. Na dubo bunise irena.  
\q2 Na vosono sandari dae sedo, nanda emboroda bako ghaghambuguseri, avata makoe,  
\q3 ne totofo du vovoseguseri.   
\q1
\v 7 Arie God, nanda tumondari nimokena amo jo roimi ari doyae arena. Na yaru didivuse, ninda javo jighono erarira.   
\q1
\v 8 Arie namoako, erone! Nanda gita\f + \fr 57:8 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* a yuka ghae, divari dae erena! Nane giti yaru didivururono, iji vitarira.   
\q1
\v 9 Arie \nd Bajari\nd*, evetu genembo utu gambari utu gambari irera, ainda dombuda nindae aiyakoe sarena.  
\q2 Natofo isambu irera, ainda dombuda fetedo, ninda javo jighono erarira.   
\q1
\v 10 Ni dubo rurudo refesa aimi, enda beda edo viti ya utu tamburaira.  
\q2 Ni rea ari seraesa ava, bekáda bekáda eraesa, aimi viti ya utu tamburaira.   
\q1
\v 11 Arie God, ninda teria kau mavega ava utu aminda ijuge, isagha are!  
\q1 Ninda usasa mutaso vose endaé beda are!   
\c 58  
\s1 God Kena Banungaoro, Mino Mutari, Ari Ekoko Embo Ghamo Baore!  
\q1
\v 1 Reighi da babojegari ne geka bekáda bekáda vegeraeva, ai?  
\q2 Ne evetu genembo isambu inonoda ijujeraeva, ai?   
\q1
\v 2 Tefo! Nenda kotarida mo ari ekoko nanjogo aeteva ava kotise ireva.  
\q2 Aminguse, kusia bagia reighi eminda ututuse kaera tataya eraeva.   
\q1
\v 3 Ari ekoko embo ne tini jokáda siroredo buvurutusera, ai tano ghedo kosasa udo refera.  
\q2 Ne sirorusera, ai tano ghedo, gungubo sise irá gheraera.   
\q1
\v 4-5 Jingabu da kakaugo ava nenda beka kae aimi beda edo irira.  
\q2 Avata, ne jo, jingabu mendeni genembo kosimi urureari tamo dedo jo gambae eraera, aminga ava iraeri.  
\q2 Ne geka ningaego use, sifo ghousa eko use irá gheraera, iji nanjigo jo dababae eraera.\f + \fr 58:4-5 \ft Genembo yarué gefusira, jingabu \+it cobra\+it* seraera kotise gefusira. \+it cobra\+it* mo evetu genembo mendeni fekuimi fuseari jingabué tamo dedo, nenda uju ava use genembo tofo o evetu genembo dengesida umo eraera, jo gambae eraira.\f*   
\q1
\v 6 Arie God, gegenembo ekoko setena, raioni (lion) ekoko aikena eraera, aminga ava use,  
\q3 nenda bekada dika de jojorege. Arie \nd Bajari\nd*, raioni fakina kato einda dika jighi sosofughe!   
\q1
\v 7 Gegenembo amo uvu usoro sagheraira amingo ava use, manje tefo aore!  
\q2 Kau vive a kikisa emboroda fati jasivi geraera ava, nemokena amingari gaso dae uju erena.   
\q1
\v 8 Nine aso, ne kau tutubia ambu totoi tive enda jineraira amingari gaore dae uju erena, o kau kokoiya ambari ava siroredo sifo sevo jo gae eraira amingari gaoro dae uju erena.   
\q2
\v 9 Na uju erena, ne jo itatama ae iroro,  
\q3 kau vive firirigheoro, gharasa eari, yaurai bu fuseari manjeraira aminga ava,  
\q3 God janje ekoko edo, ne dari ambore!   
\q1
\v 10 God ari ekoko embo sifo reda nenda ari ekoda mino futuse, ne dari ambarera amo,  
\q3 dambu irari emboimi gido, dubo jama ghae vure jasise, ari ekoko emboda ororo yausi gutuse ya foa gharera.   
\q1
\v 11 Ava gosuse, natofoimi eminge sarera, “Geka bekári, evetu genembo dambugo irá gheraera,  
\q3 nenda mino sirorari barera. Geka bekári, God amboda enda da evetu genembo ijujarira seraera amo,  
\q3 beká seraera.”   
\c 59  
\s1 Bajari Nu Nange Gitofukena Gagara Aetira, Ainda Banungariri.  
\q1
\v 1  Arie, nanda God, nanda gitofukena namo sonembe!  
\q1 Mave namoa dari dae erera aikena, kosege fete!   
\q1
\v 2 Evetu genembo ari ekoko ari kakato aikena na sonembe!  
\q1 Evetu genembo kokomana anakora detero amomonjegusera evia, erá doyeoso, na deore!   
\q1
\v 3-4 \nd Bajari\nd*, gi! Evetu genembo setena, nemokena joka ari tefo bekári, aimi na daoro ambono dae, junge kaifa erera.  
\q1 Arie \nd Bajari\nd*, na kosege dari dae sise, junge fetari dae eresufera da beká mo, jo nanda ari eko eni usena,  
\q2 o dara usena, o kosasa eni usena, aindae sise erera.   
\q1
\v 5 \nd Bajari\nd* God fakina isambu da tofo, Israel da God, ere fu, na sorase!  
\q2 Evetu genembo ni ighagha edo, namane dari dae sise, aito usera aikena, erá joka eose!  
\q2 Ne rea usera ainda mino ava mutu, budo itatama aore!   
\q1
\v 6 Ne ungobu evia inono jovereghe foa, bogu begaya eminda sino maneimi gangara sise deindangheraera,  
\q2 aminga ava eraera.   
\q1
\v 7 Evetu genembo setena buvudo, kateyavara use, jijivu ekoko resera ningi!  
\q2 Geka ekoko nenda bekáda buvuruterira amo, tataya da kaiya ainda kaugori.  
\q2 Ne rea resera amo, mave enii jo ningae ari ava kotise, resera.   
\q1
\v 8 Avata \nd Bajari\nd*, ni nendae gegha jiraesa,  
\q1 evetu genembo ni ighagha eraera ava, dere jise gegha seraesa.   
\q1
\v 9 Arie God, na ambo nimokena sose feteono, fakina nine futururaso, na fete gogoghomberaena.   
\q1
\v 10 Nanda God na dubo buraira aimi,  
\q3 namokena fuse,  
\q2 nanda gitofu de atai fati fefetuse,  
\q3 ijugururari garena.  
\v 11  Arie God, namanenda Bajari a sorega kato,  
\q3 namanenda gitofu daso ambarera amo,  
\q2 nanda natofo ninda sonemba kotae arera. Ava sedo, ninda fakinaimi, ne ondido bu soesa fugaresa.   
\q1
\v 12 Nenda bekaimi dara eraera, nenda geka isambu ekoko vanembori.  
\q1 Totofo nenda gogore ariimi jovereghe nemoa gayari ambore!  
\q2 Gitofu resena aimi, gungubo sise, jijivu teria futo seraera aindae,   
\q1
\v 13 ninda janje ekoimi ne sosighi aso manjarera.  
\q2 Amingaso, evetu genembo utu gambari utu gambari aminda  
\q3 isambu kasama arera, God ni Israel tavo use kaifa eraesa.   
\q1
\v 14 Ne ungobu evia inono jovereghe foa,  
\q3 bogu begaya eminda sino maneimi gangara sise deindangheraera,  
\q3 aminga ava eraera.   
\q1
\v 15 Kau sino mane bayau tava use, jo mindoro inono ae urureari,  
\q2 gangaraghae deindanghuse eraera, amingeraera.   
\q1
\v 16 Avata namo, ninda fakina aindae yaru divarena.  
\q1 Sifo evia inono nindae beka fainghedo, na evovodae dubo buraesa aindae, yaruimi koko fuge divarena.  
\q1 Ni na gagara urureaso, nanda dara sifoda nimokena ambo sose feteraena.   
\q1
\v 17 Na nindae sakai sarena. Nimo nanda bereri.  
\q1 Arie God, nanda sorega kato nimori. God, nine na evovodae dubo buraesa.   
\c 60  
\s1 Mema Itatama Use, God Ne Sonembare Dae Benunu Siseri.  
\q1
\v 1 Arie God, ni namane imboe use namane de atai fati fefetusesi.  
\q2 Ni namanekena janje ekoko use iriasi. Avata oroko mo, dubo jama edo jovereghe, namane jighaso erore!   
\q1
\v 2 Nine eteso, reighi Israel eminda enda daradara ghuse, sasarigedo betira betira ari usira.  
\q2 Enda benbanghuse embebegerira. Ava sedo oroko ava, aso, fa nunda ari fatonga ava are!   
\q1
\v 3 Nine eteso, namanekena roera fakarago siroriri, mema teriago beká eretafera.  
\q2 Namanekena uvu fakara mutari geteso, namane teteteghuse ya foa gheraera.   
\q1
\v 4 Evetu genembo ni igheghi eraera, aikena tataya refira ava darigaoro dae sise,  
\q3 ninda sonembada tano jigheso eretira.   
\q1
\v 5 Ninda natofo dubo buraesa ava,  
\q3 nange darakena darige jebugaetera ava kotise resena, namanenda benunu ningi!  
\q2 Ningido, ninda fakina tomanakoimi namane saghimbe, bu darige jebugaore!   
\q1
\v 6 God nunda tafaroro kambo kakarago aminda irise sisira,  
\q2 “Reighi Sekem nane sosighi e budo, tano ghoredo, nanda natofokena soro vesa arena.  
\q2 Enda uvu ghajughu tevisa Sukot seraera, ábarago nane sosighi e budo, tano ghoredo, soro vesa arena.   
\q1
\v 7 Gilead frovensi mo, nandari, a kotugo Oro Manasseh ningiaminda anumbirera, ábarago nanda tofori.  
\q2 Ephraim ondi da jokáda mo, nanda isoro embo sirorudo refera,  
\q3 kotugo Judah ondi da jokáda nanda kini (king) sirorudo refera.   
\q1
\v 8 O Moab mo, nanda uvu dimbu gutari agha dae ererurena.  
\q2 A kotugo natofo Edom da vasa nanda tofori.  
\q3 Ata anoso goroghusena amo, nanda yoyovari, aimi imbara ururono irarira.  
\q2 Filistia embo da enda sosighi e ruruse, na sosighi e bari da kuvai koko fuge resena.”   
\q1
\v 9 Arie God, na mave unumbari ya Edom embo da reighi begaya beká Sela, karo iti kinkanghusera,  
\q3 aminda beje terareni? Na mave giti jighi bu ya aminda teredo sosighi areni?   
\q1
\v 10 Arie God, ni namane mo, imboe beká usesi, ai?  
\q2 Arie God, ni namaneda isoro embo tataya ari dae yarera, ni yaresa, ai?   
\q1
\v 11 Arie! Sonemba futuru, gitofude isoro aore! Evetu genembokena sonemba bari sarera amo,  
\q3 beká eni jo sirorari bae arera.   
\q1
\v 12 Namonde God sonembururari tataya arera amo, gitofu de sosighié atai duboda fafatigarera.  
\q2 Amo nune namondeda gitofu firirighari, du fafasarera.   
\c 61  
\s1 Genembo Eni God Numoa Kaifa Tavo Are Dae Benunu Sisira.  
\q1
\v 1 Arie God, nanda sorara ningi! Nanda benunu ningaso dae resena!   
\q1
\v 2 Na vasa ajagha beká aminda fetirise, nimokena kori resena.  
\q2 Mana mana use resena, na budo fitaso, ambo sose fetari vasa eveva aminda jungase!   
\q1
\v 3 Ainda susu mo, ni nanda jungari vasa evevari. Aminda nanda gitofu na jo tambae arera.   
\q1
\v 4 Na do evovodae ninda vasa kakarago aminda irone! Arie, namoako, ninda ghabu duruda afurugaso, eveva irone!   
\q1
\v 5 Arie God, ni nanda beka gajari ningesi. Ningido, natofo ni igheghi eraera, aikena rea mutaresa ava,  
\q3 anakora namokena muteso ruruseni.   
\q1
\v 6 Kini da irari da ghaeko do ghousago yare! Nunda jebuga erá totoi gombu eure!   
\q1
\v 7 Arie God, nu evovodae ninda dombuda irise, namane kaifa edo ghare!  
\q2 Nu dubo buraesa, ágido nu nange kaifa ari sisesa ava use, nu kaifa edo ghe!   
\q1
\v 8 Amingururaso, nindae sakai sise, evovodae ninda javoda yaru didivuse sakai sarera.  
\q2 Sifo evia inono, nanda beka gajojuse rea mutari sisena, ava mutono baresa.   
\c 62  
\s1 God Namonde Kaifa Eraira, Ágido Nusuka Numoá Tumondaore!  
\q1
\v 1 Na durumugedo, God da sonemba kaifa use irena, God nusuka na sonemburureari,  
\q3 dara a mema jokáda jebugeraena.   
\q1
\v 2 Namo nusukako nune gagara urureari irá gheraena.  
\q2 Nanda sorega nune fufurureari, evevada irá gheraena.  
\q2 Numokena ambo sose fefeturureono, gitofuimi jo fua na de atai duboda fatae eraera.   
\q1
\v 3 Na karo bunununghari amingori, namokena fakina dadabetira.  
\q2 Ne rekato na sifo ghousa de babasegari dae eraevu?   
\q1
\v 4 Na sifo ghousa fitovo vosono dae manaka garuse irá gheraeva.  
\q2 Ne nandae aji sise irá gheraeva. Nenda bekaimi nandae sakai seraeva.  
\q2 Avata nenda janje jokaimi na simbora eraeva.   
\q1
\v 5 Na nanda tumondari isasambuimi God kena fifituse irá gheraena.  
\q2 Namo sonembari jebugari dae sise, nusukako numoa gigituse irá gheraena.   
\q1
\v 6 Namo nusukako nune gagara urureari irá gheraena.  
\q2 Nanda sorega nune futurureari, evevada irá gheraena, numokena ambo sose fefeturureono,  
\q3 gitofuimi jo fua na de atai duboda fatae eraera.   
\q1
\v 7 Nanda jebuga nengae binóghaeda susu mo, God numori.  
\q2 Namo gagara ari kato fakinago mo, numori. Numo nanda bereri.   
\q1
\v 8 Arie, nanda natofo, nenda tumondari sifo ghousa God kena fifituse irá ghedo ghevu!  
\q2 Nenda bouvu mema ava numokena sedo ghevu! Ainda susu mo, namondeda bere numori.   
\q1
\v 9 Endada evetu genembo isasambu mo, eni jo ghousago irae arera.  
\q2 Kokotofu kotugo sabua isasambu God da dombuda eveva eni tefori.  
\q2 Nenda bouvu kau mavego ava sikere aetesa amo, isambu tefo bekári.   
\q1
\v 10 Kokomana dederuse, nenda gugua baresa ava, erá koteove!  
\q2 Erá komanada gugua bagia bareva aindae totofo sakai seove!  
\q2 O nenda gugua moni roera diguturarira amo, erá gido ghamo beove!   
\q1
\v 11 Avori, fakina isambu God da tofori, ava nune sirureari na umbo nanjogo ningido ghuseni.   
\q1
\v 12 Kotugo ni evetu genembo isasambu dubo buraesa.  
\q2 Arie Bajari, nisukako nine evetu genembo isambu da ari rea eraera aminda gosuse, mino mutaso barera.   
\c 63  
\s1 God Dae Uju Beká Aore!  
\q1
\v 1 Arie God, nanda God nimori. Nanda janje nimokena afigedo gherena.  
\q2 Nanda janje joka isasambuimi nindae uju beká erena.  
\q2 Kau enda kareva irae kainghari beká betira sasarigariguse nanda asisi nindae uju use angasa angasa gherira.   
\q1
\v 2 Ninda vasa kakara aminda isagha aso gaeteni.  
\q2 Ninda fakina, a duro kakaraghae ava ijugaso gari uju erena.   
\q1
\v 3 Ninda dubo bari, a kotugo kavevera mo, numo bekári, jo roera eni enda eminda amingo iraeri.  
\q3 Na aindae sedo nindae sakai sarena.   
\q1
\v 4 Na sifo ghousa nindae aiyakoe sido ya ambarena.  
\q2 Na nanda ungo jighono erorurari nimokena banunguse irá gharena.   
\q1
\v 5 Ninda dombuda fetirise, nanda asisi kirumu berugaso mindi inono arira. Nindae roro use yaruimi sakai sise irarena.   
\q1
\v 6 Na avari vasada fasirise, nimoa koteraena, tumba soro ghousa nimoa kotise fase irá gheraena.   
\q1
\v 7 Ni sifo ghousa na sonemberaesa aindae, ninda ghabu itumo duruda irise, na ririaghae yaru seraena.   
\q1
\v 8 Na nimokena gangono ururono, ninda ungoimi na kaifa e tavo ururaso, jebuga irá gheraena.   
\q1
\v 9 Mave namoa daoro ambono dae kato eraera, ne ambari embo da vasada ya vovosegarera.   
\q1
\v 10 Ne isoro tataya use, daoro sirivo arera. Nenda tamo gambari sino maneimi mindarera.   
\q1
\v 11 God sonembureari nunda gitofu de atai fatiraira aindae, kini (king) riria use irá gheraira.  
\q2 Mave God da javoda beka gajarera aimi, nundae sakai sise, nunda javo jighoro erarira.  
\q1 O gungubo kakato mo, God sari ambarera.   
\c 64  
\s1 God Gagara Are Dae Benunu Sisira.  
\q1
\v 1 Arie God, nanda memadae resena, ningi! Nanda gitofudae oju erena. Namo sonembaso jebugari dae resena!   
\q1
\v 2 Ari ekoko emboimi manaka garuse irera. Namoa ufena daoro ambono dae kato erera ava sedo, kosege fete!   
\q1
\v 3 Ne avivaimi mema mutari dae sise, kotise irá gheraera. Geka seraera, kaiya siverego afari aminga ava,  
\q3 seoro mema siroreraira.   
\q1
\v 4 Ne meka jo gae irise, gungubo seoro ivege ya gheraira.  
\q2 Ne ufena evetu genembo eveva gaveva aindae aji sise, nenda bino eoro sembae eraira.   
\q1
\v 5 Ne totorugedo, kokomana daoro sirivo aore dae tofo tofo ghamo dedoruse manaka gayeraera.  
\q2 Nenda ivasi reda fifitigarera ava kotise, eminge seraera, “Ifu mave jo fumbae arira.”   
\q1
\v 6 Ne dara ari dae manaka garuse seraera, “Namonde taká tafasara ari da manaka beká ava gaeteri.”  
\q2 Ai resira amo, genembo da janje jokáda kotari rea irá gheraira amo, jungari bekári.   
\q1
\v 7 Avata God nunda goroba nemokena afuse, ne totoi nembo gagayegeraira.   
\q1
\v 8  Ainda susu mo, ne rea sisera aindae, ne sosighi arira. Evetu genembo nemoa gido gifua gitorotoro edo gharera.   
\q1
\v 9 Ainda beká sirorari gido, evetu genembo isasambu oju edo,  
\q3 God rea usira a etiri sirorusira ava kotise, aindae osa sarera.   
\q1
\v 10 Eveva gaveva irari embodae resena. \nd Bajari\nd* rea usira aindae riria evu! Numokena ambo sose fetevu!  
\q2 Evetu genembo eveva gaveva isasambu sakai numoa saore!   
\c 65  
\s1 1-13 Sakai Sise, God Da Javo Jighoro Erare!  
\q1
\v 1 Arie God, Saion\f + \fr 65:1 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda iresa, namane rejo ava ari dae beka gagosusera ava use,  
\q3 nindae sakai sarera, amo evevari.   
\q1
\v 2-3 Ni evetu genemboda benunu ningido sonemberaesa.  
\q2 Ágido, endada iritirera nenda ari ekoko da bouvu aindae nimokena furarera.  
\q2 Namaneda ari ekokoimi namonde bu fatiraira, avata ni ari ekoko amo kote doyeraesa.   
\q1
\v 4 Ni mavejua gategedo unumbedo, ninda vasa kakarago aminda iroro dae fitaresa, aimi dubo jamaghae irarera.  
\q2 Namane ninda kambo kakarago ainda roera eveva gaveva ava barise, ivuga ghae iritirarera.   
\q1
\v 5 Arie God, namaneda jebuga mutari kato, ninda ari babaigo gae gitida eregosera aimi,  
\q3 namanenda benunu ningido, namane gitofu kena sorega fumburaesa.  
\q2 Endada evetu genembo reighi isasambu da iritirera, a soka beká evada a butuda iritirera,  
\q3 nenda tumondari isambu nimokena fitiraera.   
\q1
\v 6 Ninda fakina teriago beká ava ijuguse, doriri isasambu nine ututusesi.   
\q1
\v 7 Nine eva anje gugugugheraira ava, eoso binono gamburaira,  
\q3 a kotugo evetu genembo gogore use nimokena osogo futo eraera ava, nine eoso songheraera.   
\q1
\v 8 Endada evetu genembo tano reda reda isambu ninda tano babaigo eraesa,  
\q3 ava gosuse oju use, ghamo takegha eraera.  
\q2 Ninda ari ututeraesa aindae, utu gambari utu gambari ivugaghai fumbu aruguse irá gheraera.   
\q1
\v 9 Enda nine tavo tatau use, borija muturaesa. Nine eoso, enda raugo use bayau roera digari futo vivitigeraera.  
\q3 Arie God, nine ninda sasaka averegeoso, uvu isambu bedo ututeraera.  
\q2 Nine enda esimbuguse seoso, roera veka vivitegeraera. Emo ninda ariri.   
\q1
\v 10 Nine borija muteoso enda gae dureraera aminda dise, sasaka aimi enda safegeraira.  
\q2 Nine borija muteoso enda raugo use, roera veka seka vivitigeraira.   
\q1
\v 11 Nimo kavevera katori ava sedo ghaeko sifoda bayau dige faseraira. Ninda yari furari aminda dige faseraira.   
\q1
\v 12 Oka mane ningaminda kaifa eoso, mamandi digari fumburaera. Ganasa, enda fumbari aminda ivuga siroreraira.   
\q1
\v 13 Eke vasada sifi aimi dige faseari, enda tevisa farava vujiimi dige fasedo gherira,  
\q3 isambu aimi ivugaghae fumbu aruguse yaru divuraera.   
\c 66  
\s1 Genembo Eni God Numoa Nange Sonembusira Aindae, Aiyakoe Sisira.  
\q1
\v 1 Evetu genembo isambu, God da javo jighoro erorurari, ivugai fumbu arugaore!   
\q1
\v 2 Yaruimi isimbuse, God nunda javo durode ava jighoro erorurari, nundae sakai saore!   
\q1
\v 3 Sevu, “Arie God, ni rea ututeraesa evia gido, ghamo kenghari ungo ata dadadagheraira.  
\q2 Ninda fakina teriago beká ava gido, ninda gitofu ojuimi ninda dombuda tumoi baingheraera.   
\q1
\v 4 Evetu genembo endada iritirera isasambu, nimoa tumonde bainghaeraera.  
\q2 Ne nindae yaru sise, sakai seraera, ne yaruimi javono nimoa gatise seraera.”   
\q1
\v 5 Fuvu gaove, God rea evetu genembo dae etiri,  
\q3 nenda gae gitida gi dudukughusera, ava kotovo dae sise resena.   
\q1
\v 6 Nune etiri, eva gasumbetiri atai enda bekáda fete sembiseri.  
\q2 Susu aindae namane aminda fete ivugaimi vure jasiseri.   
\q1
\v 7 Nu fakinago bekári, ava sedo nu evovodae irise, oro nunda nunda ava ditimi jighi jijinimberaira.  
\q2 Gogore, osogo ari kakato nimokena osogo jo ae aoro dae resena.   
\q1
\v 8 Arie, endada nunda oro oro nemokena resena, ningivu, God tumonde bainghuse, sakai saore!  
\q2 Sakai beka teriago siruroro, isambu ningore!   
\q1
\v 9 Nune kaifa iri namonde jebuga irera, a kotugo namonde jo doyari duraeri.   
\q1
\v 10 Arie God, ni namane bu dere gosusesi. Kau siliva (silver) avarakada itioro,  
\q3 jeka voseari beká vanembo buraera amingava,  
\q3 nine namane dere gosusesi.   
\q1
\v 11 Nine namane bu feso, ninda vaghoda teteruseri. Namanenda gukada mema bouvugo ava fifitigusesi.   
\q1
\v 12 Nine eteso, namane gitofuimi fati jasedo iseri,  
\q3 mema tafusera evia inono evetu genembo avarakada mema a kotugo usegha da mema tamburaera amingori.  
\q2 Avata oroko nine eteso namane digutuse, iti susu fafode irera.   
\q1
\v 13 Na ninda kambo Jerusalem aminda joba nimokena dungari dae tige yarena,  
\q3 na nimokena joba rea mutari beka gagojusena, ava mutarena.   
\q1
\v 14 Na dara jokáda irise, nimokena rea mutari sisena ava, mutarena.   
\q1
\v 15 Na sino fuka unduse irena, ava olta (altar) da dungoro dae joba bu furarena.  
\q2 Na borumukava da kandana o gouti (goat) eini ava de ojedo dungono, imbosi nimokena utuda viti yarira.   
\q1
\v 16 Fuvu, ningove! Natofo maveju maveju God tumonde baingheraeva, fuvu, ningove!  
\q2 Na nemokena God nandae rea usira ava sarena.   
\q1
\v 17 Na numokena sonembadae kori siseni. Na yaru nunda javoda sakai sise, didivuseni.   
\q1
\v 18 Nanda dara jo vujegae aetena amota, \nd Bajari\nd* nanda benunu jo ningae aetira.   
\q1
\v 19 Avata na geka beká resena, God na sonembusira, na rea sise banungusena, nu niningusira.   
\q1
\v 20 God dae sakai resena, ainda beká mo, na banungusena amo, nu jo ningi ningae da kaugo aeri,  
\q3 a nunda dubo bari a kavevera namokena jo doyaeri.   
\c 67  
\s1 God Kena Aiyakoe Sari Da Yaruri.  
\q1
\v 1 Arie God namanendae joka use esimbugase! Namanendae kavevera ase!   
\q1
\v 2 Amingaresa amo, natofo tomanakogo endada irera ninda uju ava kasama arera.  
\q2 Kotugo, jebuga mutari da fakina ninda tofo edo irira, ábarago natofo isambu kasama arera.   
\q1
\v 3 Arie God, nanda uju mo, evetu genembo isasambu nindae sakai sise,  
\q3 ninda javo jighoro erarira.   
\q1
\v 4 Na uju erena amo, oro oro isasambu dubo jeuro use vurejasore.  
\q2 Ainda susu mo, ni natofo isambu inono da ijujeraesa.  
\q2 Kotugo endada oro isasambudae emboro eveva nine ijugeraesa.   
\q1
\v 5 Arie God nanda uju mo, evetu genembo isasambu nindae sakai sise, ninda javo jighoro erarira.   
\q1
\v 6 Namondeda vasada bayau eveva gaveva ava beká jijighusira. God, namondeda God, namonde esimbugusira.   
\q1
\v 7 Beká resena, God namonde esimbugusira. Oro nunda nunda utu gambari utu gambari aminda irera,  
\q3 nundae igheghi aoro dae resena.   
\c 68  
\s1 God Nunda Natofo Sonembari Inonori.  
\q1
\v 1 Arie God, ere fete! Ondi, ninda gitofu sumbu taraghaore!  
\q2 Evetu genembo ni imboe gamboe eraera ava, ondi bera beraghe, rojedo sumbu taraghaore!   
\q1
\v 2 Ondi bera beraghe, ne kau imbosi rave ise dadaberaira aminguse,  
\q3 a kotugo tavaya avaraka dombuda tiveraira avavaga use, ya tefo aore!  
\q2 Arie God, ari eko embo ninda dombuda ambu tefo aoro dae uju erena.   
\q1
\v 3 Kotugo nanda uju eni mo, evetu genembo God da sari vanembo eraera aimi,  
\q3 nunda dombuda fetirise, ivugaghae ivisa kavisa arera.  
\q2 Aminguse, ne divu fusedo ghuse, ivugaimi fumbu arugarera.   
\q1
\v 4 God kena yaru divore! Javono numoa gatise, yaru divore!  
\q2 Nunda emboro rerebevu, nu foroga nunda ghasemodae budo, etoda anumbe furare!  
\q2 Nunda javo mo \nd Bajari\nd* ri. Nunda dombuda fete ivuga aore!   
\q1
\v 5 God, nunda tafaroro kambo kakara jokáda irise, babate da afa edo, roriri kaifa eraira.   
\q1
\v 6 Totofo irae a babate ainda kambo nune simbuge muturaira,  
\q3 a kotugo dibura embo nune unumbeari buvu, dubo jama eraera.  
\q2 O gogore osogo futo ari kakato baimara a memaghae irarera.   
\q1
\v 7 Arie God, ninda natofo giti beso uvu bayau irae vasada sefusera da sifo aminda,   
\q1
\v 8 Israel embo da God, doriri Sinai aminda isagha etiri nunda natofo gosusera,  
\q3 aimi fusira aindae, enda daradaragiri borija utudaghe ati tino tafusegarigusira.   
\q1
\v 9 Arie God, nine borija mokogo dirari dae eteso dise,  
\q3 ninda reighi fanotedo irei ava, jovereghedo fira, ari fatonga ava usira.   
\q1
\v 10 Ninda natofo Israel embo aminda dighi anumbuseri.  
\q2 God, ni kavevera use, makasi embokena reju daiva usira ava, nine muteso ruruseri.   
\q1
\v 11 \nd Bajari\nd* aghi aoro dae setiri, evevetu reighida iritirisera aimi, bino budo era siseri,   
\q1
\v 12 “Kini (King) mane nenda isoro embode namonde sosighi ari fusera, aimi oju sumberi.”  
\q2 Amingusera amo, Israel embo evevetu natida iritirisera aimi,  
\q3 roera bagia barise fera oju sufuse goro ghusera, ava soro e bariseri.   
\q1
\v 13 Ainda jokáda, rika ribo da ove nunda tamo mo, auri siliva (silver) aimi gutuseri,  
\q3 ghabu mo auri goldi (gold) garigoimi gutuseri.  
\q2 (Avata ne mendeni meka givu! Ne redae isoro sifoda sifi da karoda jungutusevu?)   
\q1
\v 14 God fakina kato doriri Salmoni aminda kini mane ondiri, oju sufusera da sifo amo, nune etiri borija dombu eni yaughari beká aimi rururughe vovosusira.   
\q1
\v 15 Arie, doriri Bashan, ninda mendo digari futo, ninda natofo barago amingori!   
\q1
\v 16 Arie Bashan embo, ne redae God nunda doriri Saion\f + \fr 68:16 \ft Saion mo, ututu ijoghako eini bogu begaya Jerusalem jokáda irira. Avata, David da Yaru buku mave gefusera, kotugo feroveta mane mendeni bogu begaya Jerusalem dae sise, “Saion” gefuseri. Kau daba aminga ava, sifo mendeni, God da Tafaroro Kambo kakara use, “Saion” gefuseri.\f* gategusira ava, tataseguse, dere erejirevu?  
\q2 \nd Bajari\nd* aminda dighi anumbusira,  
\q3 a kotugo evovodae aminda irarira.   
\q1
\v 17 \nd Bajari\nd*, nunda isoro ghasemo digarigo jo tegari da kaugo irae ainde Sainai ghedo ira,  
\q3 vasa kakarago aminda teterusira.   
\q1
\v 18 Nu utuda vitise, evetu genembo mendeni sandi bundisira ava unumbe budo vitisira.  
\q2 Evetu genembo gogore kakato barago numokena joba muturaera.  
\q3 \nd Bajari\nd* God aminda irá gheraira.   
\q1
\v 19 \nd Bajari\nd* dae sakai saore! Nu sifo inono evia namondeda mema bouvu nune fumburaira.  
\q3 Namonde nune seari jebugeraera.   
\q1
\v 20 Namondeda God mo, sari jebugari katori.  
\q2 Mave seari namonde ambarida vaghodaghe buvuraera amo,  
\q3 \nd Bajari\nd* numori.   
\q1
\v 21 O ari eko embo numokena osogo eraera, ainda jiro ava nune dari bebejegarira.   
\q1
\v 22 Bajari aindae eminge sisira,  
\q3 “Nenda gitofu nane sandido, doriri Bashan ghedo bu fua nenda ungoda fitarena.  
\q2 A kotugo nenda gitofu mendeni eva kafurudaghe sandi bu fua nenda ungoda fitarena.   
\q1
\v 23 Fitono, nenda gitofo daovo gitofuda ororoimi gaunghe vitari aminda sive sembiyareva.  
\q2 Kotugo nenda sino mane aimi gitofu da ororo ava sosofuse mindoro inono arera.”   
\q1
\v 24 Arie God, nine gitofu sosighi usesa ainda totorugari tomanakogo erera evia,  
\q3 natofo isambu eregosera.  
\q2 Arie God, ni giti jijighururaso, natofo ninda amboda ya,  
\q3 ninda vasa kakarago jokáda teterero eregosera.   
\q1
\v 25 Yaru divari kakato giti etero, gita\f + \fr 68:25 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* dari kakato ambo gaetero,  
\q3 a kotugo ade jamena ghasaghasa eredorera aimi, soroda fetedo refera.   
\q1
\v 26 Arie, Jacob da veka beká Israel embo nemokena resena, eminda totoruge ireva, \nd Bajari\nd*  
\q3 God dae sakai saovo dae resena.   
\q1
\v 27 Oro veveyako Benjamin ondi giti  
\q3 Judah ondi nenda giti jigharide  
\q2 nenda oro oro ava ambo gayoro,  
\q3 Sebulun ondi nenda giti jigharide fitoro  
\q2 a kotugo Naphtali ondi nenda giti jigharide ambo gaedo refera.   
\q1
\v 28-29 Arie \nd Bajari\nd*, kini (king) mane ninda fuyo tige,  
\q3 kambo Jerusalem bu foa gheraera, eminda namane sorise,  
\q3 ninda fakina nange ijugusesa, kau daba aminga ava sekago ijugaso gaore!   
\q1
\v 30 Arie \nd Bajari\nd*, Egypt embo ava dombuda sase!  
\q2 Oro oro mendeni burumakava da kandana nenda mamandi da kaugo use,  
\q3 gogore eraera barago, dombuda saso, oju edo nenda siliva (silver)  
\q3 nimokena joba mutore! (Evetu genembo isoro uju eraera ava,  
\q3 soesa ondi bera beraghe taraghaore!)   
\q1
\v 31 Egypt embo nenda gavana mane mendeni dirigaoro furarera.  
\q2 Ethiopia embo nenda ungo jighoro erorurari God kena banungarera.   
\q1
\v 32-33 Enda da oro oro isasambukena eminge resena, God dae yaru divuvu!  
\q2 Bajari utu etoda, utu anakora etiri sirorusira da etoda,  
\q2 anumbedo ya gheraera aikena, yaru didivuse sakai sevu!  
\q2 Nunda beka teriago utuda barara fugeraira aminga ava ningivu!   
\q1
\v 34 God nu fakina isambu da tofo ava isuri basuri evu! Nu kini (king) ri.  
\q2 Nunda usasa Israel embokena futuse, kaifa e tavo eraira.  
\q2 Utuda mo, nunda fakina tomanakogo isagha erira.   
\q1
\v 35 God nunda vasa kakarada ghe fururari evetu genembo itatamedo,  
\q3 ghamo kengheraera. God Israel embo tumonde baingheraera aindae resena.  
\q2 Nunda natofokena nunda fakina tomanakogo ava futurureari, ne fakina eraera.  
\q2 Ava sedo, God dae sakai sevu!   
\c 69  
\s1 Genembo, God Numo Sonembare Dae, Benunu Resira.  
\q1
\v 1 Arie God, na sonembe, uvu gaunganghe viti ojira, na duboi tatano erira.   
\q1
\v 2 Na fororo basusuda tifugherena, enda fakara eminda gegori.  
\q2 Na uvu kafuru sorodari, a kotugo eva fumbasa futo use, fatari mindi ambono dae erira.   
\q1
\v 3 Na sonembaso dae kori sise irana, fakina dadaberira, dubo ghoré ghoré mema resira,  
\q3 kotugo ninda sonemba kakovuse, sorara eno, nanda diti yaya iri, gari erebunena.   
\q1
\v 4 Evetu genembo susu tefo namoa imboe eraera ava,  
\q3 genembo eni da beo tegaetera amo, darige vitaetira.  
\q2 Nanda gitofu gungubo futo sise namokena osogo eraera.  
\q2 Ne fakina beká use, namoa daoro ambono dae eraera.  
\q2 Ne kateyavara etero, roera nanda tofo, na jo bagia ae, ava nemokena futuseni.   
\q1
\v 5 Arie God, nanda ari ekoko mo jo nimokena jungarigo iraeri.  
\q2 Na gogovara da ari use irena ava, ni kasamari.   
\q1
\v 6 Arie \nd Bajari\nd* God Fakina kato, erá doyeoso nane eono,  
\q3 evetu genembo nimo tumonderaera ava, meka geore!  
\q2 Arie God, Israel embo da tofo, erá doyeoso nane eono,  
\q3 evetu genembo nimoa tumonde baingheraera,  
\q3 ainda javo sembae eure!   
\q1
\v 7 Na nimoa tumonde baingheraena aindae,  
\q2 namokena geka ekoko sesegero, na mekai jaruterena.   
\q1
\v 8 Nanda nano namendikena na kau mo teano embogo edo irena,  
\q2 nanda ambo begoimi namokena kau oro enidae arigo eraera.   
\q1
\v 9 Nanda kotari enikena jo fitae, nanda kotari a uju isambu  
\q3 ninda tafaroro kambokena fifituse irá gheraena.  
\q2 Jijivu ekoko nimokena sesegeraera, ainda bouvu ava, nane fumburaena.   
\q1
\v 10 Na uvu bayau reta use tofo fitiono vovosurureari, natofo nandae geka ekoko sesegeraera.   
\q1
\v 11 Na tou rovarova urureono, ne nandae gegha jiraera.   
\q1
\v 12 Emboro soró soró ava nenda kiki namoa nembo sariva nembori,  
\q3 a kotugo uvu fakara mindi jiro birurughari yaru namoa isimberaera.   
\q1
\v 13 O namo, \nd Bajari\nd*, nimokena banungarena. Nine sifo reda uju aresa aminda, na sonembe.  
\q2 Ni na dubo bu gogoghomberaesa, kotugo na sonembari dae sisesa aindae,  
\q3 na sonembaso dae resena.   
\q1
\v 14 Erá na tauya basusuda tifugheono dae sise, na sonembe!  
\q2 Erá gitofuimi na deoro dae sise, na kaifa ururu!  
\q2 Kotugo uvu kafuru aminda na kaifa ururu, jebuga irone!   
\q1
\v 15 Erá doyeoso, na useghami viti jarigiure!  
\q3 Erá doyeoso, na ghighi eminda mindi ambeone,  
\q3 o tifughe ambari emboda bakoda voseone!   
\q1
\v 16 Arie \nd Bajari\nd*, nandae evovodae kavevera use, dubo buraesa aindae, na sonembe!  
\q2 Nandae joka eraesa aindae, namokena jovereghe!   
\q1
\v 17 Na ninda saramana katori. Erá nanda dombuda jungeose!  
\q2 Na dara eko beká eretafena. Tavaraghe fu, na sonembase.   
\q1
\v 18 Fu namokena utua edo sonembaso jebugaone! Gitofu da ungoda na saghimbe bu darige.   
\q1
\v 19 Nandae jijivu ekoko seraera, ava ni kasama eresa.  
\q3 Kotugo, nanda gitofu nange eoro, na meka giraena a nanda javo sembae eraira,  
\q3 ava ni eregosesa. Nanda gitofo isambu ni kasama eresa.   
\q1
\v 20 Jijivu ekoko futo sari aimi na ghamo gaetiri bune jaruterena.  
\q2 Nandae joka edo sonembaetira aindae, gigitusena, avata aminda eni gegori.  
\q2 Mave na eghovo daetera ava kotise kakovusena, avata gegori.   
\q1
\v 21 Na ighoi usira, nandae kae ava futuseri.  
\q2 Na dubo saghusira, nandae vaini dokegha ava futuseri.   
\q1
\v 22 Na uju erena, nenda kirumu karumu rise, aimi ari kosasaghedo sirivu aeteri.  
\q2 Kau daba aminga ava, ne God kena sino fuka dungarera ava rise,  
\q3 aimi ari gofe dudo ghuse irore.   
\q1
\v 23 Aso, nenda diti digoi are, kotugo nenda guka degagururari, evovodae gofuse irore!   
\q1
\v 24 Ninda janje ekoko averege nemokena vosare!  
\q2 Aso ninda girivaita aimi asugari itatama arera.   
\q1
\v 25 Na uju erena, ne reda dighi anumbusera, aminda natofo sirivu aeteri,  
\q3 kotugo nenda dobo do dumbaeteri.   
\q1
\v 26 Ai resira amo, evetu genembo nine ghamo baoro dae usesa aikena,  
\q3 ne mema bouvu erefutera.  
\q2 Kotugo, evetu genembo nine eteso, mema eretafera aindae unongu seraera.   
\q1
\v 27 Nenda ari ekoko isambu gembu fitido ghe!  
\q2 Erá doyeoso, ninda jebuga muturaesa, ava tambu beore!   
\q1
\v 28 Na uju erena, nenda javo jebuga evovodae irarida buku aminda ghajaresa.  
\q2 Ninda natofoda javo gembaresa ainghae dabade, itako jo gembae aresa.   
\q1
\v 29 Avata namo mema itatama use, mana mana beká ava erena.  
\q2 Arie God, na saighimbe bu fiti jebugaone!   
\q1
\v 30 Na yaru didivuse, God dae sakai sarena.  
\q2 Na nundae aiyakoe sise irarena aimi, nunda fakina tomanako isagha arira.   
\q1
\v 31 Sino fuka da mamandi o burumakava da kandana eni  
\q3 bu oje dungedo joba mutarera amo,  
\q2 \nd Bajari\nd* ivuga itako arira. O nundae sakai sarena amo, nu ivuga ambari ava arira.   
\q1
\v 32 Evetu genembo mave mema itatama use irera aimi,  
\q2 God da sonemba garera, ne ivugai jarutarera.  
\q2 Evetu genembo God tumonde baingheraera aikena ghamo erarira.   
\q1
\v 33 Ai resira amo, \nd Bajari\nd* makasi embo da benunu ningiraira,  
\q3 a kotugo nunda natofo diburada irera ava, kotise irá gheraira.   
\q1
\v 34 Arie utu, enda a karaje a kotugo sino fuka, oka, a rika nanjogo ainda jokáda ireva,  
\q3 ne isambu God dae sakai sevu!   
\q1
\v 35 Ai resira amo, God nune sari Jeruselem embo jebugarera, a kotugo sonemba futuse,  
\q3 Judah frovensi da reighi nanjogo nune sekago itarira.  
\q2 Nunda natofo aminda dighi anumbedo, enda ava nene tofo arera.   
\q1
\v 36 God da saramana kakato Israel embo da imemisiri gamemisiri aimi  
\q3 enda ava nene tofo arera.  
\q2 Kotugo, evetu genembo mave numoa dubo buraera aimi, aminda irarera.   
\c 70  
\s1 Genembo Eni God Kena Sonemba Dae Banungusira.  
\q1
\v 1 Arie God, nine namoa dara kena sainghimbe baso jebugaone. \nd Bajari\nd*,  
\q3 oroko nembo foa na sonembase!   
\q1
\v 2 Gegenembo mendeni namoa daoro ambono dae erera, ava dedo atai dubo da fatido aso,  
\q3 dubo bunedo meka gaore! Kotugo gegenembo mendeni, na dara jokáda irena aindae,  
\q3 ivugai jaruterera, ava ondaso jovereghe yaoro, aso nenda binó dadabare!   
\q1
\v 3 Gegenembo aimi namoa sise dere jido gherera, ava fugaso gofedo meka gaore!   
\q1
\v 4 O evetu genembo nimokena ya gheraera amo, aso ne dubo jama use vure jasedo ghaore!  
\q2 Evetu genembo nine saghimbe beso jebugusera aimi,  
\q3 nindae aiyakoe sise eminge sise irore,  
\q3 “God nusukako numóa teriagori!”   
\q1
\v 5 Arie God, na rojari a kotugo na makasi bekári. Ava sedo tavareghe, namokena fu!  
\q2 Arie \nd Bajari\nd*, nanda sonemba kato eni tefori. Erá gaimbo eose, totoigo fu, na sonembase!   
\c 71  
\s1 Evetako Embako Da Banungariri.  
\q1
\v 1 Arie \nd Bajari\nd*, na nimokena ojeni. Namo kaifa aso dae resena.  
\q2 Erama doyeoso, gitofuimi na de atai duboda fatiore!   
\q1
\v 2 Ni ari dambugo beká eraesa, ágido na sonembaso dae resena,  
\q3 a kotugo na darakena saghimbe bu! Nanda benunu ningido, na sonembaso jebugaone!   
\q1
\v 3 Saso na nimokena junge fetarena! Nine se, nimokena tere fetono, na gagara ase!  
\q2 Nanda ambo sosari vasa a kotugo bere mo, nimori.   
\q1
\v 4 Arie nanda God, namoa ari ekoko ari kakato aikena saghimbe bu darige!  
\q2 Evetu enembo sembae use, namokena mema mutari koteraera aikena,  
\q3 na saghimbe baso dae resena!   
\q1
\v 5 Arie \nd Bajari\nd*, fakina isambu da tofo, nanda gigitari isasambu nimokenari.  
\q2 Na sasingako irise tuturo edo nanda tumondari nimokena fifituseni.   
\q1
\v 6 Nanda gaiga nimokena garuse irá gheraena.  
\q2 Na sirorusena, ai tano, nine kaifa e tavo eso irena.  
\q2 Na evovodae nindae sakai sise, irá gheraena.   
\q1
\v 7 Nanda sorega fumbari kato fakingo nimori.  
\q2 Ninda sonemba namokena gosuse, ni mavega ava natofo tomanako kasama useri.   
\q1
\v 8 Na sifo evia inono ava nindae sakai sise, ninda duro usasaghae aindae osa seraena.   
\q1
\v 9 Jo, na embako usena aindae, na imboe ae aresa!  
\q2 Erá, namokena fakina dadabariá sise, na doyeose!   
\q1
\v 10 Nanda gitofo na daoro ambono dae uju eraera.  
\q2 Aminguse, ne se ningido irise, namo daoro ambono dae, manaka gaeyeraera.   
\q1
\v 11 Ne eminge seraera, “God nundae guka futusira.  
\q2 Erevu, namonde sumbu nu sandi baore! Nunda sorega fumbari kato eni tefori.” seraera.   
\q1
\v 12 Arie God, erá soka iriose! Arie nanda God, oroko nembo foa na sonembase!   
\q2
\v 13 Evetu genembo mave namoa dedo gaedo ghari dae arera,  
\q3 ava dedo atai duboda fafatigedo sosighi aso dae uju erena.  
\q2 Evetu genembo mave namokena mema mutari dae kato erera amo, aso meka gosuroro,  
\q3 nenda binó sembae are dae uju erena.   
\q1
\v 14 Na sifo evia inono ava nanda gigitari nimokena fitido gharena.  
\q2 Na giti nindae sakai sedo ghusena, oroko mo, tuturo edo, teria beká sido yarena.   
\q1
\v 15 Ninda ari eveva gaveva mo, jo tegari da kaugo ututeraesa aindae, vironu sedo gharena.  
\q2 Sifo evia inono ava nine sonembeoso namane jebuga tamburaera ava,  
\q3 sedo gharena.   
\q1
\v 16 \nd Bajari\nd* God, ninda fakina muturaesa ava budo, aimi fuama,  
\q3 na ninda kavevera tomanakogo aindae sakai sarena.   
\q1
\v 17 Na sasingu ireno ai tano, na nine ijugedo usesi.  
\q2 A ninda tano gae gitida gi dudukugharigo ututeraesa aindae, osa sise irá gheraena.   
\q1
\v 18 Arie God, oroko na embako eteno, beo furigha mongago etira evia, erá na doyeose!  
\q2 Nangae irise, na ninda ari babaigo ututeraesa,  
\q3 a kotugo ninda fakina tomanakogo ava sirurono,  
\q3 nanda sasingu imemesiri gamemisiri ningido ghaore!   
\q1
\v 19 Arie God, ari eveva gaveva utututeraesa amo, jo tegari da kaugo iraeri.  
\q2 Ninda fakinaimi ututusesa aminga ava, evetu genembo eniimi jo ari da kaugo iraeri.   
\q1
\v 20 Nine namokena dara a mema itatama aono dae futusesi.  
\q2 Avata nanda fakina sekago nine mutudo, na kaifa ururaso jo ambae irarena.   
\q1
\v 21 Nine sekago sonembaso na genembo binode ava arena.  
\q3 Ni nandae kavenu sekago saresa.   
\q1
\v 22 Arie nanda God, geka bekári, na nindae gita doruse sakai sarena.  
\q2 Arie, Israel embo da God kakarago, ni rea seraesa,  
\q3 isambu urureaso beká siroreraira aindae, nanda gita\f + \fr 71:22 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* doruse yaru nimokena divarena.   
\q1
\v 23 Na nine sonembeteso jebugusena aindae, na nindae dubo jeuro use,  
\q3 gita doruse ivugai yaru sise fumbu arugarena.  
\q2 Dubo joka isambuimi nindae yaru sarena.   
\q1
\v 24 Evetu genembo namokena mema mutari dae kato usera ava,  
\q3 nine dedo atai duboda fafatigeteso, nenda bino sembae usira ágido,  
\q3 na sifo evia inono ninda ari dambugo ututeraesa aindae, vironu sedo gharena.   
\c 72  
\s1 God Nange Kini (King) Esimbugaetira Da Banungariri!  
\q1
\v 1 Arie God, ni nange sifo ghousa ari dambugo beká use ijujeraesa,  
\q3 ainda aito ava ijuge, namanenda kini kasama edo aimi ijujare!  
\q2 Ni nange bekáda bekáda use, natofo ijujeraesa ava, dengoro induduraso,  
\q3 namanenda kini (king) ningido amingare!   
\q1
\v 2 Nanda uju, God, ni amingaso, kini nu bekáda bekáda use, ninda natofo kaifa tavo arira.  
\q2 A kotugo, makasi embo sonemba tefo, nenda sorega kato mo, kini nu kavevera use,  
\q3 ne kaifa e gogoghombare dae, uju erena.   
\q1
\v 3 Nanda uju, nunda kaifada vare aminda bayau dighi fasarira,  
\q3 a kotugo evetu genembo da irari barago ivu durari irarera.   
\q1
\v 4 Na uju erena, sonembururaso namanenda kini makasi embo ava sorise,  
\q3 bekáda bekáda use kaifa arira! A kotugo evetu genembo mave makasi embo  
\q3 kateyavara eraera, aikena gitofu use dari itatama arera.   
\q1
\v 5 Na uju erena, iji nengae tambunoghae utuda ghousa mavega janimbuse irarera,  
\q3 ainghae dabade kini nunda natofo kaifa use irarira.   
\q1
\v 6 Na uju erena, borija kikisa etoda dise nunda esimbugari bu foa gheraira,  
\q3 kotugo ghasisi vareda dise esimbugari muteari bayau vitiraira aminga ava,  
\q3 kini nunda natofo kaifa use esimbugari bu furarira.   
\q1
\v 7 Na uju erena, kini nu ghousa mavego irarira,  
\q3 evetu genembo aito dambugo beká fugutuse irarera.  
\q2 A kotugo tambuno ghousa mavega janimbuse irarira,  
\q3 nunda natofo kena gugua ghayafa sirorari ivugaghae irá ghedo ghaore!   
\q1
\v 8 Na uju erena, kini da kaifa ari tano eva sovenikena ghedo ya sovenikena buvarira.  
\q2 Kotugo, uvu (Euphrates) Eiferate ghedo ya enda tano reda irira, aminda buvarira.   
\q1
\v 9 Na uju erena, nunda gitofu reighi evetu genembo a uvu irae vasada irari emboi  
\q3 nunda dombuda kauboi dadarigedo numoa tumoi baingharera.  
\q2 Nundae osogo eraera aimi, foama fororoda dombuimi dari fafasarera.   
\q1
\v 10 Na uju erena, Spain embo da kini  
\q3 a kotugo reighi butu butu ainda kini mane  
\q3 a reighi Sheba nengae Seba ghae da kini mane ainde dabade,  
\q3 numokena fuyo mutarera.   
\q1
\v 11 Beká resena, kini mane nanjogo irera isambu,  
\q3 nunda dombuda kauboi dadariguse tumoi baingharera.  
\q2 Nunda oro oro ainda evetu genembo isasambu nunda duruda iritirise,  
\q3 nunda sari ava edo gharera.   
\q1
\v 12 Makasi embo numokena sonembadae kori seraera ava,  
\q3 nune bu darigeari jebugeraera.  
\q2 Natofo mavekena gitofuimi kateyavara eraera,  
\q3 nébarago numokena sonembadae kori sirureoro sonemberaira.   
\q1
\v 13 Kini nu joka ari katori, rojari embo a kotugo makasi embodae joka eraira.  
\q2 Sonemba tefo embo ava sonembeari jo ambae eraera.   
\q1
\v 14 Natofo sonemba tefo setena ava gitofuimi mema futero tafuse irera ava,  
\q3 nune seari jebugeraera. A mavekena gitofuimi dari gayari dae eraera,  
\q3 nébarago dara jokáda saghimbe bu darigheraira.  
\q2 Ainda beká mo, nenda jebuga numokena teriago bekári.   
\q1
\v 15 Kini ghousago irare! Na uju erena, reighi Sheba da goldi (gold) ava nundae mutoro barira.  
\q2 A nundae banungururoro, God numo evovodae esimbugururari irare!   
\q1
\v 16 Na uju erena, vare isambu eminda bayau dige fasarira.  
\q2 A kotugo enda jiro fumbari aminda barago, bayau dige fasarira.  
\q2 Kau Lebanon frovensi iritirira aminga ava vitari garera.  
\q2 Na uju erena, reighi bogu begaya isasambu, kau ekeda badurugo ava use,  
\q3 natofo digari beká sirorarera.   
\q1
\v 17 Na uju erena, kini da binó evovodae irare!  
\q3 Nunda binó evovodae, kau iji janimbariguse irira, aminga ava irare!  
\q2 Na uju erena, evetu genembo isambu nunda jokáda esimbugari baeteri,  
\q3 nunda oro oro isambu sakai numoa sarera.   
\q1
\v 18 \nd Bajari\nd*, Israel embo da God, aindae sakai saore! Nusukako roera durode ava ututeraira.   
\q1
\v 19 Nunda javo duro usasaghae ava sifo ghousa sakai sise jighoro eredo ghare!  
\q2 Nunda duró usasaghaeimi enda isasambu afurugare! Ai bekári, a kotugo, Ai bekári!   
\q1
\v 20 (Eminda tano erena. Jesse da mandi David da banungari tano eviri.)   
\c 73  
\s1 God Nange Evetu Genembo Bekáda Bekáda Ijugarira Ainda Gekari!  
\q1
\v 1 Geka bekári, natofo Israel embo jokáda mave janje joká keosogo beká eraera aikena,  
\q3 God ari eveva beká eraira.   
\q1
\v 2 O namo, nanda tumondari feghako usira.  
\q2 Jo soka irae, nanda tumondari dadabe tefo aetira.   
\q1
\v 3 Ainda tuka mo, na evetu genembo God da Agho Dari ighagha use,  
\q2 “A jo rejo eni iraeri,” sise, ivuga futo usera aindae bengoso useni.  
\q2 Ari eko embokena roera isambu eveva siroreraera, siseni.   
\q1
\v 4 Ne fakinago a tamo mema eni tefori. Ne jo totoi kae tambae eraera.   
\q1
\v 5 Nemokena mema eni tefori,  
\q3 jo evetu genembo mendenigo memaghae iritirá gheraera amingo iraeri.  
\q2 Evetu genembo mendeni mema tamburaera avaga nemokena tefori.   
\q1
\v 6 Susu aindae nenda ivuga amota, kau guri duboda dighido isagha beká giraera ava gareva.  
\q2 A kotugo meka irae titigho ari ava nenda goghori.   
\q1
\v 7 Evetu genembo amo rea koteraera aimi misurugurureari eko vanembo eraera.  
\q1 Ne ari ekoko dombu eni dombu eni ari dae manaka garuse irá gheraera.   
\q1
\v 8 Ne God dere jise, itatako jo oju ae eraera, a kotugo nunda natofo ava kateyavara beká eraera.  
\q2 Nemo ivuga kakatori. A kotugo ne evetu genembo mendenikena  
\q3 mema mutari dae manaka gayeraera.   
\q1
\v 9 Ne God utuda irira aikena, geka ekoko seseguse ivuga ututeraera.  
\q2 A kotugo God da Agho Dari ighagha use, “A jo rejo eni iraeri.” sise,  
\q2 evetu genembo endada irera aikena, katiyavara use irera.   
\q1
\v 10 Susu aindae, nene rea seraera ava, God da natofo barago aminguse,  
\q3 nenda ambo gayeraera, a kotugo nene rea seraera ava totoi tumonderaera.   
\q1
\v 11 A kotugo ari ekoko embo setena, eminge seraera, “Namonde rea eraera evia,  
\q3 God jo gae eraira. God ika bekáda irira jo kasama ae arira.”   
\q1
\v 12 Ari ekoko embokena gugua diguterira, a kotugo sifo ghousa digutuse irá gheraira.   
\q1
\v 13 Arie namoako, redae soro ghousa ari eko darigari dae korai use ireni?  
\q2 Redae korai janjago use ari eveva vanembo udo refeni?   
\q2
\v 14 Arie God, nandae mo, sifo ghousa mema ava muturaesa, sifo inono evia ataeghae nandae mema ava ghamo baono dae eraesa.   
\q1
\v 15 Na avaga saetena amota, a jo ninda natofo da kaugo iraeri. Ava sedo, na ainda kotari ighagha ari dae sise, resena.   
\q1
\v 16 Na ari evia nange kasama aetena aindae inini useni. Avata nanda munju jo inono ae etiri, mana mana udo fena,   
\q1
\v 17 amboda, na ena, ninda tafaroro kambo jokáda teredo, nanda kotari afigetiri,  
\q3 ari ekoko embokena amboda rea sirorarira amo, kasama useni.   
\q1
\v 18 Arie Dara! Ari ekoko embo amo, God seriri vasada fitari,  
\q2 jo numbo irae, ne gosasaghe vovosegedo ambu tefo arera.   
\q1
\v 19 Ne totoigo amomonjegarera. Ne ya ambari embo da vasa eko aminda vovosegarera.   
\q1
\v 20 Nemoa taká aturu avavagori. Tumbaghae aturu edo, sifo ateari, kotae eraera amingori.  
\q2 Arie Bajari, ni nanjigo eraresa amo, ne manjarera.   
\q1
\v 21 Na kotari ekoko use itatamari sembae beká use, dubo mema useni.   
\q1
\v 22 Na kavakava edo kotari dadabeari, sino fuka da ari ava edo ghuseni. Na ni itatako jo kasama aeri.   
\q1
\v 23 Avata na sifo ghousa ninda tinguda irá ghedo ghuseni.  
\q2 A kotugo, nine namoa ungoda bu jighi irá ghedo ghusesi.   
\q1
\v 24 Ninda ijugaimi namoa giti buraesa, a kotugo sifo gombuda nine namoa nati joká doruse unumbaresa.   
\q1
\v 25 Nisukako nimoa nanda uju bekári. Utuda a kotugo, endada eni nimongo tefo gido,  
\q3 nanda uju isambu nimokena fifituse irá gheraena.   
\q1
\v 26 Nanda fisíkena a kotugo asisikena rojaetena, avata God nu irira.  
\q2 Numo nanda fakinari, nusukako numoa evovodae nanda tofo bekári.   
\q1
\v 27 O evetu genembo mave God tumonde bainghari imboe gamboe eraera amo ambarera.  
\q2 Ainda tuka mo, evetu genembo mave ni dodo, ove kevari ava tumonde baingheraera amo,  
\q3 nine daso sirivo arera.   
\q1
\v 28 O namo taká God da tinguda irarena amo, evevago bekári.  
\q2 Namo \nd Bajari\nd* God ava nanda ambo sose fetari vasadae ruruseni. Nune rea ututusira, ava osa sedo gharena.   
\c 74  
\s1 God Nunda Natofo Darakena Saghimbe Bu Darigari Da Banungariri!  
\q1
\v 1 Arie God, namane mo, ninda natofo bekári. Susu redae namane doyari beká usesi?  
\q2 Namanekena redae evovodae janje ekoko eraesi?   
\q1
\v 2 Ninda natofo anakora gategusesa ava sekago kotaso dae resena.  
\q2 Namane sabua use irero, ninda natofo beká aoro dae sedo, namane nange saghimbe bu darigusesa,  
\q3 a kotugo ututu Saion\f + \fr 74:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* irá ghedo ghusesa, aindae barago sekago kotedo, joka aso dae resena.   
\q1
\v 3 Reighié sosighi e de bebejegusera, ainda jokáda deinghuse fuge garesa, titigho beká useri.  
\q2 Gitofuimi ninda tafaroro kambo jokáda roera isambu titigho beká useri.   
\q1
\v 4 Gitofu ninda tafaroro kambo sosighi use javono gatise, koko fumbu aruguseri.  
\q2 A kotugo ninda vasa sosighi e rurusera aindae, nenda sobeya dadarigetero fefetuseri.   
\q1
\v 5 Ne kau faragho sarari embo karivako aimi ika mane je dive gafeoro vose fafaseraira.  
\q2 Aminguse roera reju irei ava, dive gafetero vovosusira.   
\q1
\v 6 A kotugo nenda karivako nengae koroba (crowbar) ghae aimi ika faiyaghae botou dae tendi birurughusera,  
\q3 ava isasambu de bunununguseri.   
\q1
\v 7 Ne ninda tafaroro kambo jighi bununghetero vosetiri, avarakaimi dungutuseri.  
\q2 Ne vasa nimo tumonde baingheraera ava bebeta etero, ninda bino sembae usira.   
\q1
\v 8 Nenda uju mo, namane ava fati bebetegaeteri.  
\q2 Enda eminda God da Tafaroro vasa isasambu nene dungetero aviseri.   
\q1
\v 9 Ninda fakinaimi tano eni aso gaetera ava gigitusera. Avata tefori. Feroveta eni jo fetaeri.  
\q2 A kotugo, ari amo sifo nanjigo tano arira ava, mave eni jo kasama aeri.   
\q1
\v 10 Arie God, namanenda gitofuimi nimoa ghousa mavega dere jirareri?  
\q2 Ne sifo ghousa nindae jijivu sise irá gheraera.   
\q1
\v 11 Susu redae namane sonembari imboe eraesi? Ni redae tumbe taunghe irá gheraesi?  
\q3 Ne daso sirivo aoro dae uju eraera!   
\q1
\v 12 Arie God, bebede beká ni namanenda kini (king) edo, umbu nanjogo namane sonembudo fusesi.   
\q1
\v 13 Ninda fakina tomanakogo aimi nine eva jighi sarigusesi.  
\q2 A kotugo, evada gambauva mane irera, ainda jiro fati mumunjegusesi.   
\q1
\v 14 Nine eva gambauva da giti jighari ainda gifua fati mumunjegedo,  
\q3 reighi evetu genembo a uvu irae vasada nunda tamo soro vesa eteso, sino fuka aimi riseri.   
\q1
\v 15 Uvu veveyako karevada a kotugo ghamana tokáda kirikara gheraera ava nine eteso siroredo sumburaira.  
\q2 Kotugo nine eteso uvu babai amo gasumbedo irira.   
\q1
\v 16 Nine seteso, sifo nengae tumbaghae siroruseri.  
\q2 Nine seteso, iji nengae tambunoghae nenda vasada fefeteguseri.   
\q1
\v 17 Enda da tano nine fifitigusesi. Baimara sifo nengae ghaeko sifo ghae nine usesi.   
\q1
\v 18 Avata, \nd Bajari\nd*, ninda gitofu nindae gegha jiraera, a kotugo gogovara embo nimoa ighagha urureoro ninda javo eko eraira, ava kotaso dae resena.   
\q1
\v 19 Arie \nd Bajari\nd* erá, ninda natofo da asisi ribogo rojari beká ava, gitofu ekoko eikena fuge doyeose!  
\q2 Ninda natofo nindae sedo mema eretafera ava, erá kotae eose!   
\q1
\v 20 Beka gajari nine namanekena usesa ava kotedo ghe!  
\q2 Enda eminda vasa tumba aminda isambu titigho ari vanembori.   
\q1
\v 21 Arie \nd Bajari\nd*, evetu genembo mendeni gitofuimi kateyavara ero, mema tafuse irera ava, erá doyeoso,  
\q3 meka geore! Sonembururaso, bate foivo nindae sakai sise, ninda javo jighoro erarira.   
\q3
\v 22 Arie God, javi e fu, ninda gitofu ava koto use ijujase!  
\q2 Evetu genembo ni ighagha baghagha use, sifo ghousa gegha jiraera ava, kotaso dae resena.   
\q1
\v 23 Ninda gitofu janje ekoghae fumbu aruguse irera ava, erá kotae eose!  
\q2 Ninda gitofu gogore use, koko se doyae tambuno erera ava, erá kotae eose!   
\c 75  
\s1 Ijujari Kato Beká, God Numori.  
\q1
\v 1 Arie God, namane nimokena aiyakoe—aiyakoe beká resera.  
\q2 Namane ninda binó teria aindae osa resera. Nine tano nanjogo urureoso gi dudukugheraera,  
\q3 aindae vironu seraera.   
\q1
\v 2 God resira, “Na evetu genembo ijujari da sifo seteno fetirira,  
\q3 a kotugo na evetu genembo nenda ari rea eraera aminda bekáda bekáda ategi arena.   
\q1
\v 3 Endada evetu genembo a roera nanjogo jebuga iritirera, ojuimi ungo ata dadadaghururoro,  
\q3 enda barago dara dara gharira, avata nunda susu nane anakora fiteno fefetusira ava,  
\q3 aono gambu kinghari beká edo irarira.   
\q1
\v 4 Ari ekoko ari kakato, erá gogore eoro dae sise, irá gheraena!   
\q1
\v 5 Totofo sakai sise, nenda binodae bengoso futo eraera, doyoro dae sise irá gheraena.”   
\q1
\v 6 Evetu genembo ijujari da fakina mo, jo iji vitarikena o iji vosarikena, jo ningaminda tambari da kaugo iraeri.   
\q1
\v 7 Tefo, God nusukako ijujari inonori. Evetu genembo mendeni seari darige buvuraera,  
\q3 a mendeni nune seari, vose mema itatama eraera.   
\q1
\v 8 Ai resira amo, \nd Bajari\nd* nunda ungoda agha eni bu jighirira.  
\q2 Agha amo nunda janje ekoko da vaini (wine) fakinaghae aimi bedo edo irira.  
\q2 Nune averegeari vovosurureari ari ekoko embo ai rise, ghaghonoko ainghae mindi tefo eraera.   
\q1
\v 9 O namo, God Jacob tumonde bainghedo ghusira, ainda bino ava evovodae osa sise nundae sakai sido yarena.   
\q1
\v 10 Ari ekoko embo da fakina ava nune dari bejarira, o ari eveva gaveva embo da fakina ava,  
\q3 nune ambisegari baji tomanako arira.   
\c 76  
\s1 Gitofu Sosighi Ari Da Tofo God Numori.  
\q1
\v 1 God da binó Judah Frovensi aminda mindafu bekári. Israel Frovensi aminda nunda Javo kakara eraera.   
\q1
\v 2 Nunda dobo Salem o Jerusalem seraera aminda fitiri fetirira.  
\q2 Nunda irari vasa ututu Saion\f + \fr 76:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda irá gheraira.   
\q1
\v 3 Vasa aminda gitofu da feva goroba mane ava nune fati jojorugusira, nenda bere,  
\q3 a kotugo nenda isoro da kaeya mane, nenda ambi goroba isasambu ava, nune fati jojorugusira.   
\q2
\v 4 Arie God, duro usasago beká mo, nimori.  
\q3 Ni doriri aminda ninda gitofu dedo, atai duboda fafatigusesa amindaghe jovereghe fuse,  
\q3 ninda duró, kini (king) da gogho aminga ava asugedo deinghe refesa.   
\q1
\v 5 Nenda isoro embo da genembo fakinago beká ainda gugua ava nine sosighi e rurusesi.  
\q2 Oroko mo, ne isambu ambu fafase irera. Nenda fakina kotugo nenda kasama isasambu dika irae ututusira.   
\q1
\v 6 Arie Jacob da God, nine katiyavara use seteso, hosi (horse) mane isoro embo nenda etoda anumbe sufuse,  
\q3 isoro usera ainde dabade isambu du fafasedo amomonjeguseri.   
\q1
\v 7 Avata \nd Bajari\nd*, evetu genembo isasambu nindae oju eraera.  
\q2 Nine janje ekoko aresa da sifo aminda, mave eniko ninda dombuda jo fetae eraera.   
\q1
\v 8-9 Gitofuimi kateyavara ero, mema tafuse iritirera ava, sonembaso jebugaoro dae sise, ni utuda irise,  
\q3 ategi ari erorusesa amo, ni reju ava ari dae kotisesa ava seteso,  
\q3 endada evetu genembo isasambu oju beká use beka gotiseri.   
\q1
\v 10 Evetu genembo nu janje ekoko eraera, avata nine eoso, nindae sakai seraera.  
\q2 Evetu genembo nimokena isoro tataya doyeraera aimi, ninda kirumu sifo seteso fefetusira aminda  
\q3 tafaroro use, nimoa tumonde bainghedo gharera.   
\q1
\v 11 Nenda \nd Bajari\nd* God kena rea mutari beka gagojuseva ava mutuvu!  
\q3 Ne oro mendeni tinguda iritireva isasambu, numokena fuyo tige fuvu!  
\q2 God nune seari natofo isambu nundae oju eraera.   
\q1
\v 12 Gavana da kokotofu nenda babojegaride, ivuga ari kakato amo nune fitiari vovosegeraera,  
\q3 a kotugo nune eari kini mane binonde amo ojuimi ungo ata dadadagheraera.   
\c 77  
\s1 Nange Dara Tafuse, Dubo Jama Tambari Da Benunuri.  
\q1
\v 1-2 Na God kena sorara eraena. Ningare dae sedo, sorara use irá gheraena.  
\q2 Na dara tamburaena da sifo aminda na \nd Bajari\nd* kena benunu seraena,  
\q3 tumba ghousa ava nanda ungo jigheono ikáda erorureari benunu seraena, avata dubo jama jo tambae eraena.   
\q1
\v 3 Na God koteraena, avata kote jo tambae use jaredo, ghosio seraena.  
\q2 Nu nanangedo tambaetena ava kote simbuguse irá gheraena, avata na dubo buneraena.   
\q1
\v 4 Arie \nd Bajari\nd*, nine tumba ghousa ava na jo doyaso fase avi jebugae eraena aindae,  
\q2 na ghamo vevera tafuse, geka sari buneraena.   
\q1
\v 5 Na reju ava anakora namokena siroredo ghusira ava koteraena,  
\q2 a kotugo ghaeko ana ainda irari ava erekotena.   
\q1
\v 6 Na tumbaghae kotari tomanakogo beká ava kotise irá ghraena.  
\q2 Kote simbugari dae use, nasuka namokena eminge ategi eraena,   
\q1
\v 7 “\nd Bajari\nd* namonde sifo ghousa gukai mutarira ai? Nu jo sekago namondekena ivuga ae arira, tano?   
\q1
\v 8 Namonde dubo buraira amo, dotira, aĩ? Nunda beka gajari namondekena usira amo, oroko fugetira, aĩ?   
\q1
\v 9 Avose, God namondedae joka ari dae sisira ava, kotae usira, tanojo?  
\q2 Avose, namondedae joka edo ghusira ava, nunda janje ekoimi etiri dadabusira, tanojo?”   
\q1
\v 10 Aminge kotise, na eminge siseni, na roera reimi iri, dubo mema tomanakogo eretafena amo,  
\q3 God namondekena rea edo ghusira ava oroko jo ae eraira.   
\q1
\v 11 \nd Bajari\nd*, na nine roera babaigo edo ghusesa ava kote tambarena.  
\q2 Tano dombu eni dombu eni anakora eteso dudukuhusera, ava kotedo gharena.   
\q1
\v 12 Ni roera rea usesa isambu kotarena. Nine tano dombu eni dombu eni eteso dudukuhusera, ava kotedo gharena.   
\q1
\v 13 Arie God, roera isambu nine eraesa amo kakaragori, God babaigo a nimongo eni tefori.   
\q1
\v 14 God, nine tano mendeni mendeni easo siroreraira.  
\q2 Ninda fakina ava oro mendeni mendenikena ijugeteso isagha usira.   
\q1
\v 15 Ninda fakinaimi ninda natofo Jacob nengae Joseph ghaeda imemisiri ava sonembeteso jebuguseri.   
\q1
\v 16 Arie God, evetu genembo oju use ungo ata dadadagheraera aminga ava, uvu ninda dombuda fetirise,  
\q3 oju edo tiro taraghuseri. Karaje kafuru ghighi ábarago nindae oju use aminguseri.   
\q1
\v 17 Foroga borija dise, utu gambari utu gambari biria tarighuse, barara fugutusira.   
\q1
\v 18 Ninda barara gururu gararaghuse kerere karara ghiri a kotugo biria tarighuse  
\q3 usasa tomanako use, jaraghetiri enda isagha usira.  
\q2 Amingiri, dumo firi, enda barago daradaraghusira.   
\q1
\v 19 Ni eva anjeraira ainda jokada tere deinghedo isesi.  
\q2 A kotugo karaje ghighi aminda sive sembesa sovenikena buvurutusesi. Avata ninda ata kotu mave jo gaeri.   
\q1
\v 20 Ni sifi kaifa kato aminga ava use, ninda evetu genembo unumbedo isesi,  
\q2 Moses nengae Aron ghae giti bero nemonde isevu.   
\c 78  
\s1 God Nunda Natofo Eveva Iroro Dae Sonembedo Ghusira, Avata Nunda Geka Imboe Edo Ghuseri.  
\q1
\v 1 Nanda evetu genembo dengoro javevu! Nanda ijuga erena evia ningido, bu jighi fetevu!   
\q1
\v 2 Na kotofuda dubo kotari ava sari dae erena. Aminguse, tuka sufurono geka jungarida anakora sirorusira,  
\q3 ava se disugari dae arena.   
\q1
\v 3 Roera abuamane setero niningusera a kasama usera ava,  
\v 4 namondeda sasingukena jo jungae arera.  
\q2 Namondeda imemesiri amboda sirorarera nemokena barago saoro ningarera.  
\q3 Amo Bajari da fakina a roera rejua ava edo ghusira, kotugo nunda tano dombu eni dombu eni etero,  
\q3 dudukughusera, ainda bino ava saoro ningarera.   
\q1
\v 5 Nunda evovo Israel embokena futusira, a nunda Agho Dari Jacob da imendi gamendikena futusira.  
\q2 Amingedo, namondeda abua mane kena, nunda agho dari nanjogo nenda sasingukena ijugaoro dae sisira.   
\q1
\v 6 Ainda beká mo, imendi gamendi seka sirorarera ningi kasama edo, nenda sasingu sirorarera barago,  
\q3 saoro kasama aeteri.   
\q1
\v 7 Emboro eminguse, némbarago nenda tumondari God kena fitaeteri.  
\q2 Aminguse, God reava nemokena usira ava kote gosuse, evovodae nunda Agho Dari ava edo ghaeteri.   
\q1
\v 8 Ne jo nombuamane da ari ava ae aeteri. Nombuamane gogore use, geka bu fugari kakatori.  
\q3 Ne God jo tumonde gogoghombae edo ghuseri, a nunda sari ava jo evovodae ae edo ghuseri.   
\q1
\v 9 Ephraim ondi nenda feva nunda gorobaghae bambudo, iseri.  
\q2 Avata tataya sirorusira ainda sifoda, ne oju edo do sufuseri.   
\q1
\v 10 Ne God de dabade beka gagojusera, ava bejedo, nunda Agho Dari imboe use, jo kaifa ae useri.   
\q1
\v 11 Nu rea ava nemokena usira amo, kotae useri, a tano mendeni mendeni nemokena etiri gosusera,  
\q3 ábarago ne kotae useri.   
\q1
\v 12 Nenda nombuamane gosero, vasa tevisa Soan aminda, amo reighi Egypt ainda jokáda,  
\q3 nu tano mendeni mendeni etiri gosuseri.   
\q1
\v 13 Nune etiri, karaje sarige furu digharige fetetero, Israel embo sembera, betu sovenikena vivituseri.   
\q1
\v 14 Ijighae mo, emboro kasama aoro dae sedo, God foroga muteari,  
\q3 giti irureari ne gosuse amboda amboda ya ghedo ghuseri.  
\q2 A tumba ghousa mo, God avaraka buburaghae muteari, giti irureari, ne gosuse amboda amboda  
\q3 ya ghedo ghuseri.   
\q1
\v 15 Reighi evetu genembo a uvu irae vasa aminda nune setiri, ghamana sarigusira.  
\q2 Sarigetiri, uvu duru bekáda ava fira vitiri riseri.   
\q1
\v 16 Nune etiri, uvu ghoghoro ava aroroda kirighe fira buvudo, uvu tomanako dukaghae sufusira.   
\q1
\v 17 Avata, ne God kena ari eko doyae tambuno edo ghuseri,  
\q3 ne reighi uvu a evetu genembo irae vasa aminda God Ika Bekáda irá gheraira aikena, osogo edo ghuseri.   
\q1
\v 18 Ne avito sise, bayau mutari mindari dae sise, God dere gosuseri.   
\q1
\v 19 Ne God dae bauso use geka eminge siseri, “Reighi uvu a evetu genembo irae vasa eminda  
\q2 God bayau mutari inonori, aĩ?   
\q1
\v 20 Geka bekári, nune ghamana de sarigetiri, uvu tomanako ava averege fira vovosusira.  
\q2 Avata, nu oka bayaughae nunda evetu genembodae mutari inonori, aĩ, tefo?”   
\q1
\v 21 Ava ningido, \nd Bajari\nd* dubo ekoko usira. Edo, nunda natofo mendeni setiri avarakai dungetiri ambubuduruseri.  
\q2 Aminguse, nunda dubo ekoko nemokena baji tomanako beká usira.   
\q1
\v 22 Ai resira amo, nenda tumondari God kena tefori. Nu sari ne jebugaetera, ava ne jo tumondae edo ghuseri.   
\q1
\v 23 Avata, nu utu iká ominda kena setiri afigetiri   
\q1
\v 24 utuda farava da vuji futuse, mena\f + \fr 78:24 \ft Roera javo “\ft \+it mena\+it* ” (manna) amo, God muteari, mungoghae dabade sifo ava inono vose furiari, Israel embo reighi evetu genembo a uvu irae da vasa aminda deinghuse, rete mindido ghuseri.\f* mindoro dae sedo setiri vose firi riseri.   
\q1
\v 25 Ágido, ne anera da bayau ava riseri, a nanjogo mindari sisera, isambu God nune futusira.   
\q1
\v 26 Kotugo, nu etiri, yaura iji vitarikenaghe sufusira, a nunda fakinaimi etiri,  
\q3 yaura beina doririkenaghe\f + \fr 78:26 \ft Eminda “doririkenaghe” resira mo, foyagoda geka aimi “south wind” resira.\f* tuturo e sufusira.   
\q1
\v 27 A nunda evetu genembokena mo, rika mane da digari mo, inono kora da ghonesa aminga  
\q3 ava mutiri vosefusira.   
\q1
\v 28 Rika mane du fafasusera amo, dobo itutugusera ainda soroda a demo damo isasambu  
\q3 du birurughe fafasuseri.   
\q1
\v 29 Amingetiri, evetu genembo mindi tini babojusira.  
\q2 God ne reju ava uju usera ava futusira.   
\q1
\v 30 Avata, nenda bayau da oduso, jo tukughae iriri, ne mokogo mokogo rero,   
\q1
\v 31 God nemokena dubo ekoko edo, nenda gegenembo fakina kakato,  
\q2 amo Israel da gegenembo seseka gari garigo ava detiri amomonjeguseri.   
\q1
\v 32 God nu amingusira, avata, ne ari ekoko jo doyae, udo fuseri.  
\q2 Aminguse, God tano nanjogo ututusira ava jo gi tumondae useri.   
\q1
\v 33 Ava sedo, ne iji nanjogo jebuga iraetera ava, God gafugetiri tufoko etiri ambubuduruseri.  
\q2 Nenda jebuga irari da ghaeko ava dara a ojuimi gafugetiri, amomonjeguseri.   
\q1
\v 34 Sifo mendeni mendeni ne deari amomonjegedo ghusera ainda sifoda,  
\q3 nenda mendeni dubo joveregheari, sekago God kena fa ghuseri. Aminguse,  
\q3 ne sororaghae numokena vujeguse, benunu sedo ghuseri.   
\q1
\v 35 Sifo aminda, God mo nenda bere ava, a God fakina kato nemo sonembari jebugaoro dae sedo fusira,  
\q3 ava sekago kotiseri.   
\q1
\v 36 Avata, nenda geka mo, isambu gungubori. Geka rea ava sedo ghusira amo, beká eni tefori.   
\q1
\v 37 Ne numokena jo dubo dabako aeri. Ne God de dabade beka gagojuse, rea ari dae sisera ava,  
\q3 nene jo kaifa ae useri.   
\q1
\v 38 Avata, God nunda evetu genembokena joka edo ghusira. Nenda ari ekoko kote dotutuse,  
\q3 jo dari amomonjegaeri. Sifo mendeni mendeni nu janje ekoko edo ghusira, avata, fati fetedo ghusira.   
\q1
\v 39 Nemo ambari embori, a kotugo ne taká yaura sumbu ya dadaberaira, amingo ava kotedo ghusira.   
\q1
\v 40 Sifo digari beká reighi uvu a evetu genembo irae vasa aminda numokena osogo edo ghuseri.  
\q3 ifo digari beká ava urureoro, nu mema edo ghusira!   
\q1
\v 41 Sifo ghousa rea edo ghusera, ne ari daba ava use, God dere gido ghuseri.  
\q2 Aminguse, Israel embo da God kakara aikena ghamo vevera bu foa ghedo ghuseri.   
\q1
\v 42 Nunda fakina teriago ava ne kotae useri. Ne nanjigo gitofu da ungoda saghimbe rurusira, ava ne jo kotaeri.   
\q1
\v 43 Nu nange enda tevisa Soan Egypt provensi aminda nunda fakina ijuguse, roera mendeni mendeni usira,  
\q3 kotugo tano mendeni mendeni etiri dudukughusera, ábarago kotae edo ghuseri.   
\q1
\v 44 Nune etiri, uvu ororo jinisira. Etiri, Egypt embo uvu reda bu mindaetera ava buniseri.   
\q1
\v 45 Soini mutiri fera, nemokena buvu etero vevera teria beká itatama useri,  
\q3 a gerakuimi nenda reighi bebeta usira.   
\q1
\v 46 A sisi mutiri fera, nenda bare baka mindi tefo useri.  
\q2 Amingetero, bayau beká usira amo, jo digarigo sirorari bambudo mindaeri.   
\q1
\v 47 Nune nenda vaini da asi ava borija dombu eni aisi yaurago aimi detiri amomonjeguseri,  
\q3 a nenda ika kayuyu barago ais (ice) imi etiri amomonjeguseri.   
\q1
\v 48 A nenda buramakau barago boriji aisi avavaga setena, aimi detiri amomonjeguseri,  
\q3 a nenda sino fukamane mendeni biria barara aimi detiri amomonjeguseri.   
\q1
\v 49 Nu dubo eko beká ava usira nemokena. Aminguse, nunda janje eko nemokena bu fuse setiri,  
\q3 nunda anera mane ambari budo fero, itatama useri.   
\q1
\v 50 Nu nemokena janje ekoko beká usira, ava jo jighi fetaeri.  
\q2 Jo avori sari jebugae useri. Nu tauno eko mutiri, iri bambu sirivo useri.   
\q1
\v 51 Nu Egypt embo da ofo kambo daba daba da vide jamena bebego siroredo irara, ava detiri amomonjeguseri.   
\q1
\v 52 Inono sifi kaifa kato eraira aminga nunda evetu enembo unumbe bu buvurutusira.  
\q2 Buvu, reighi uvu a evetu genembo irae vasa aminda tavo udo budo fusira.   
\q1
\v 53 Nune emboro ijuguse, eveva jebuga budo isira aindae, ne jo oju aeri.  
\q2 Avata, nenda gitofu mo, evaimi viti fira, fatiri amomonjeguseri.   
\q1
\v 54 Ne budo, nunda enda kakara aminda, a doriri nune gitofukena isoro e rurusira aminda fira buvurutusira.   
\q1
\v 55 Nune setiri, evetu genembo aminda giti dighi iriara ava, nunda evetu genemboimi ondero buvutero,  
\q3 ne era teteruseri. Nenda enda budo, Israel embo dae ghasedo, nenda ofo kambo barago  
\q3 nunda natofodae futusira.   
\q1
\v 56 Avata, ne God Iká Beká aikena osogo bu fuseri. Aminguse, nu dere gosuse, nunda Agho Dari jo kaifa aeri.   
\q1
\v 57 Aminguse, ne osogo use, nombua mane nange edo ghusera aminga ava use, God da sari ava ighagha useri.  
\q2 Ne rea sedo ghusera amo, goroba otombari amingori.   
\q1
\v 58 Ne eteni emboda tumondari ava eoro, nu dubo ekoko edo ghusira.  
\q3 Ove kave ava tumondeoro gido, nu dubo eko beká ava edo ghusira.   
\q1
\v 59 God ava gosusira amo, nu dubo eko usira. Amingedo, nunda natofokena guka mutudo ghusira.   
\q1
\v 60 Nunda dobo reighi Sailo aminda namonde Israel embode dabade irá ghedo ghusira ava gukai futusira.   
\q1
\v 61 Nu ungo bebesugetiri, namondeda gitofui nunda fakina a usasa da tano,  
\q3 amo Agho Dari da Mauva ava, nene ruruseri.   
\q1
\v 62 Nu nunda natofodae dubo ekoko usira. Amingedo,  
\q3 ungo sokinembetiri, gitofui namonde dedo gaedo ghuseri.   
\q1
\v 63 Genembo gimasa seka bajari isambu isoroda de tefo useri. Etero, ade jamena mavekena vai ari?   
\q1
\v 64 Gitofui fristi mane de tefo useri. Amingedo, jo doyoro, nenda roriri sorara rovarova jo aeri.   
\q1
\v 65 Avori, Bajari kau genembo eni inono avise irara, erari da kaugo arira, o vaini da fakinaimi derari,  
\q3 diti fangarira aminga ava nune usira.   
\q1
\v 66 Aminge eredo, nunda gitofu ondi detiri, tukughedo amboi iseri.  
\q2 Ne de duboda fati fetetiri, nunda gitofo meka gosuse irá ghedo ghuseri.   
\q1
\v 67 Avata, nu Joseph da imendi gamendi gukai futusira. A Ephraim ondi mo, eni jo gatege baeri.   
\q1
\v 68 Ainda vasada mo, Judah ondi, a ututu Saion\f + \fr 78:68 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* dubo bu gogoghombedo ghusira ava gatege rurusira.   
\q1
\v 69 Reighi aminda nunda Tafaroro Kambo inono nunda irari vasa utuda amingo ava itutusira.  
\q2 Inono enda evovodae fakina e fetirira, aminga ava usira.   
\q1
\v 70-71 God da saramana kato, David, nunda sifi ekeroro jokáda kaifa use iriri, God nune David gategedo,  
\q3 Israel embo da kini (king) a kotugo nenda sifi kaifa kato aminga ava are dae sisira.   
\q1
\v 72 Etiri, David natofo kaveveraimi unumbusira. Kaifa use, dubo kotise ne giti jighido ghusira.   
\c 79  
\s1 God, Natofo Israel Embo Ava Nange Gitofukena Saghimbe Bu Darigaetira Ainda Banungariri.  
\q1
\v 1 Arie God, gitofu ni jo tumondae eraera aimi, ninda enda ava bari dae fera namanekena isoro useri.  
\q2 Edo, nene ninda Kambo Kakarago ava bebeta edo, reighi Jerusalem ava basa eko beká jijighuseri.   
\q1
\v 2 Ne ninda natofo Israel embo ava dedo,  
\q3 tamo rika riduna mane aimi mindoro dae dodo iseri.  
\q2 Ninda saramana kakato da tamo ava taima sino fukaimi mindoro dae useri.   
\q1
\v 3 Ne ninda natofo Israel embo ava dive gafetero ororo vose gaunghusira.  
\q2 Ororoimi reighi Jerusalem isambu yausa gaghari gusira. Kokomana bu furugari embo eniko jo fetaeri.   
\q1
\v 4 Oro mendeni God jo tumonde bainghae eraera tinguda iritirera aimi,  
\q3 namanendae jijivu ekoko sesegeraera. Ne namanendae gegha jise,  
\q3 ã kotugo namanedae makoede sise, dere jise gegha yaru eraera.   
\q1
\v 5 Arie \nd Bajari\nd*, namanekena evovodae janje eko use iraresa, ai?  
\q2 Ninda janje eko beká namanekena eraesa ava, nanjigo tukughari?   
\q3
\v 6 Namane dodo, oro mendeni ni jo tumonde bainghae eraera aikena janje eko aetesi.  
\q2 Natofo nimokena jo tumonduse banungae eraera aikena, ninda dubo eko ava ijugaetesi.   
\q1
\v 7 Ai resira amo, nene ninda natofo Israel embo ava detero amomonjeguseri.  
\q2 Ninda reighi teria ava, nene basa eko beká ava jijighuseri.   
\q1
\v 8 Erá avia abua da ari ekoko aindae sedo namanedae mema mutudo, ghamo baoro dae eose!  
\q2 Oroko namanendae joka aetesi. Namanenda gigitari isasambu dadabetira.   
\q1
\v 9 Arie God, namane sonembuse, a kotugo namane gitofukena bu darige jebugaore!  
\q2 Ninda binódae sedo, namane dara jokáda saghimbe ruruse, namanenda ari ekoko kote doyaso dae resena.   
\q1
\v 10 Redae oro mendeni mendeni namanekena eminge sareri,  
\q2 “Nenda God da sonemba mo, redari?”  
\q3 Ninda saramana kakato ava oro mendeni mendeniimi dive gafetero,  
\q3 ororo yausa gaghari gusira aindae nine daso ghamo baoro dae resena.   
\q1
\v 11 Dibura embo aoro sise irera, ava ningaso dae resena.  
\q2 Evetu genembo amboro dae setero diburada iritirera ava,  
\q3 ninda fakina teriago aimi vujege, buvu jebugaore!   
\q1
\v 12 Arie \nd Bajari\nd*, namanenda gitofu dengesida irá gheraera aikena,  
\q3 ninda javoda jijivu ekoko sisera, ainda mino futuse, etoda mokogo mutaso, itatamudo yarera.   
\q1
\v 13 Amingaso, namane ninda totofo, ninda sifi (sheep) mane kaifa eraesa, nindae aiyakoe sise irarera.  
\q2 A namane, namanenda sasingu, imemesiri gamemesiride nindae sakai sido yarera.   
\c 80  
\s1 Bajari Nange Jovereghe Sekago Joka Aetira Ainda Benunuri.  
\q1
\v 1 Arie, Israel embo tavo tatau ari kato, namane Joseph da imendi gamendi Israel embo da giti jijighuse,  
\q3 tavo tatau eraesa. Ni kini (king) edo Serubim\f + \fr 80:1 \ft Tamo foyagoda geka etoto naká \ft \+it seraphim\+it* nengae \+it cherubim\+it* irira. Ne avose aneyada mendeniri. Ne fakina kakatori. Nenda irari mo, ne God da dombuda irá geraera. Ezekiel tano dabako aminda, a tano ghabu soveni soveni aminda tegutuse \+it cherubim\+it* da kau itako kasama arera. Ava edo, namonde geka mendeni Amboda Sirorari aminda tamburaera, ava kotarera. John nunda gekai tano 4 aminda \+it living creature\+it* gefusira. Korafe geka aminge sarera amo, namonde \+it sifo fuka da eni\+it* kotaeteri, tano. Avata, \+it seraphim\+it* nengae \+it cherubim\+it* ghae jo sino fuka iraeri. Ne God da geka ningia, mino bekami seraera, a nunda uju ava eraera. Ava sedo namane Amboda Sirorai aminda geka \+it serubim\+it* gembudo ghuseri. Avori, Baibel jokada \+it serapim\+it* vasa dabako tamburaera, Isaiah tano 6 aminda irira. Ne God da dombuda fetedo nundae sakai sise irera, a nunda uju use irera. Ne ajagha, \+it cherubim\+it* ajagha, aĩ daba avori. Namonde jo gi gogogombae irera. \+it Cherubim\+it* aminga ava, ne God da dombuda fetedo nu kakara use unda uju edo gherera. Ã Korafe gekami javo etoto naká da duka utuako bekári. Ava sedo, namane \+it seraphim\+it* nengae \+it cherubim\+it* ghae kotise geka dabako \+it serubim\+it* gefuseri.\f* maneda ikáda anumberaesa aimi,  
\q3 dengoro namanekena fiti!   
\q1
\v 2 Oro Ephraim, Benjamin a Manasseh ondikena isagha aso gaore!  
\q2 Fu, ninda fakina namanekena ijuguse, namane sonembaso jebugaore!   
\q1
\v 3 Arie God, sonembaso, namaneda irari nunda ari fatonga aeti. Namanekena joka ururaso, namane jebugaore!   
\q1
\v 4 Arie \nd Bajari\nd* God, fakina isambu da tofo, ni ghousa mavega ninda evetu genembo kena dubo eko use,  
\q3 namanenda banungari jo ningae aresi?   
\q1
\v 5 Ni namaneda bayau dubo vevera ava futusesi, jivu ava agha tomanakoda averege mindoro dae futusesi.   
\q1
\v 6 Ni doteso, oro mendeni namanenda tinguda iritirera aimi, namanenda enda soro vesa ari dae tataya use irera.  
\q2 Aminguse, namanendae jijivu ekoko seraera.   
\q1
\v 7 Arie God, fakina isambu da tofo, sonembaso namaneda irari nunda ari fatonga aeti.  
\q3 Namanekena joka ururaso, namane jebugaore!   
\q1
\v 8 Ni vaini da asi veka Egypt aminda ghe bu fesa, oro mendeni mendeni ondeso,  
\q3 nenda enda do buvurutero nenda endada govusesi.   
\q1
\v 9 Ni aminda govari dae sedo, enda jedo goveteso, nunda besisi enda jokáda vose gogogho edo,  
\q3 reighi isambu bedo usira.   
\q1
\v 10 Enda jiro fumbari isambu nunda itumuimi gajojusira, ika babai Lebanon frovensi ami   
\q1
\v 11 Nunda fafatuimi siregetiri era, eva Mediterranean aminda buvurutuseri,  
\q3 a kotugo era uvu Euphrates aminda barago buvurutuseri.   
\q1
\v 12 Ni redae furu dighi birurughetero ireira ava, de bejeteso vovosusi?  
\q2 Oroko mave vare aminda ya buvu darige yari dae arera, aimi ninda vaini da vuji kotae kotae bagia ari inonori.   
\q1
\v 13 Bao fukaimi fati beteraera. Kotugo taima sino fukaimi ainda vuji mindiraera.   
\q1
\v 14 God, fakina isambu da tofo, dombu namanekena jovereghe!  
\q2 Utudaghe diti fuge vose fururari namane gase! Aminguse fu, ninda natofo sonembaso jebugaore!   
\q1
\v 15 Fu, asi seka evia govedo, tavo eteso baji fakina usira ava, sonembaso jebugare!   
\q1
\v 16 Namanenda gitofuimi divetero fasetiri avarakai dungutuseri. Gi, dombuda sise, dege amomonjegaore!   
\q1
\v 17 Evetu genembo nine gategusesa, a oro nine eteso fakina usera ava, tavo use, gagara e fete!   
\q1
\v 18 Amingaresa amo, namane sifo nanjigo aminda ni jo sekago gukai mutae arera.  
\q2 Namane tavo ururaso jebuga irarera amo, ni jighoro erase!   
\q1
\v 19 \nd Bajari\nd* God, fakina isambu da tofo, namanekena joka ururaso, namane jebugaore!   
\c 81  
\s1 Kirumu Gaso Da Yaruri.  
\q1
\v 1 Namondeda sonemba kato God dae ivuga ghae fumbu arugaore!  
\q2 Jacob da God dae sakai sise, yaru didivuse fumbu arugaore!   
\q1
\v 2 Foyago da ghasaghasa (tambourine) doruse, yaru tuturo edo divore!  
\q2 A yaru ningari vivi ava gita\f + \fr 81:2 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* dombu eni dombu eni aimi doruse divore!   
\q1
\v 3 Tambuno seka jorugharira ainda kirumudae, a tambuno vosiya tifughe jorughedo gharira,  
\q3 ainda kirumudae barago tavuya fusevu!   
\q1
\v 4 Emo Israel embo da agho dariri. Geka emo Jacob da God kena ghe fusira.   
\q1
\v 5 Agho dari setena ava, Egypt embo dedo gaedo ghusira da sifo aminda Israel embodae futusira.  
\q2 Genembo eni na jo kasama ae, geka eminge siri niningusena, amo eviri:   
\q1
\v 6 “Na ango bouvu nenda sagada ava bu fiteno vovosusira. Egypt aminda kanda fumbudo ghuseva barago, nane seteno fitevo vovosusira.   
\q1
\v 7 Ne dubo mema use, javono namoa gatetevo sonembuseni. Nanda junge irari vasa, biria barara jokáda irise,  
\q3 nenda tumondari uvu Meribah dengesida dere gosuseni.   
\q1
\v 8 Nanda natofo, ningivu! Dombuda sari dae erena. Israel embo nanda geka ningaeteva, aindae uju erena.   
\q1
\v 9 Ne jo sifo nanjigo aminda oro eninda god tumonde bainghae areva.   
\q1
\v 10 \nd Bajari\nd* God ne unumbe Egypt ghedo bu fusira amo, namori.  
\q2 Ava sedo nenda beka fangevu, bayau mutono mindove!   
\q1
\v 11 Avata nanda natofo nanda geka jo ningae eraera. Israel embo nanda geka jo bae eraera.   
\q1
\v 12 Ava sedo na ungo bebesugeteno ghambura da irari ava use irá ghuseri, kotugo reju uju usera ava, edo ghuseri.   
\q1
\v 13 Nanda natofo nanda geka ningaetera aindae, uju erena. A Israel embo nanda geka baetera, aindae uju erena.   
\q1
\v 14 Amingaetera, na nenda gitofu totoigo de atai duboda fataeteni,  
\q3 nenda isoro embo isambu barago de atai duboda fataeteni.   
\q1
\v 15 Mave na imboe eraera amo, ne ojuimi tumo taroroda sire nanda dombuda anosegaeteri.  
\q2 Nenda dara eraera da mino mo, evovodae tafudo yaeteri.   
\q1
\v 16 Avata ne nanda natofori. Ava sedo, na farava evevago bekáimi undaeteni  
\q3 a taimada finje firukago aimi undono, tini bajaetira.”   
\c 82  
\s1 God Nu Kini (King) Iká Bekádari.  
\q1
\v 1 Enda da babojegari babai babai nanjigo totorugeraera einda jokáda God nu giti jighiraira.  
\q2 Amo, enda da kokotofu nenda oro oroimi gungubo sise “namondeda god”\f + \fr 82:1 \ft Natofo mendeni nenda kokotofu kakara use ne ategi use \ft \+it Arie, namondeda god \+it*sedo gherera. Avata amo gungubori. Nenda kini o kokotofudae aminge seraera, avata jo God beká eini iraeri.\f* sedo ghusera,  
\q3 nenda dombuda God nunda kotari seari voseraira.   
\q1
\v 2 Ne evetu genembo ari ekoko eraera ava ijujareva amo, bekáda bekáda use ijujevu!  
\q2 A ari ekoko embo ava ijujeraesa amo, erá nemo sonembuse, eko arera ava, kivo eose!   
\q1
\v 3 Ne makasi embo a babate embo gagara use irareva!  
\q2 Kotugo iti fafo iraede embo barago inonoda kaifa tavo use irareva!   
\q1
\v 4 Makasi a fakina tefo embo ava ari ekoko embo da ungoda sainghimbe baovo ne jebugarera.  
\v 5 Ne rekato bunari a daghari bekári! Ne ghaghi garuse, evovodae kosasa eraeva.  
\q2 Koto da sifoda geka beká eini jo isagha ae eraira, gungubo vanembori.   
\q1
\v 6 “Ne god maneri” siseni. Ne isasambu God tomanako iká bekáda irá gheraira ainda sasinguri.   
\q1
\v 7 Avata ne isambu endada gegenembo amburaera aminga ava ambareva.  
\q2 Kini nanjogo enda eminda irera aminga ava ambu tefo areva.   
\q1
\v 8 Ava sedo, Afa God fu, enda é nine ijujase! Oro nanjogo enda eminda irera, isasambu ninda tofori.   
\c 83  
\s1 God Nange Israel Embo Da Gitofu De Atai Duboda Fati Fetaetira, Ainda Benunuri.  
\q1
\v 1 Arie God, erá beka gote iriose. Erá tumbe tauntaunghe irise, beka baka sae use iriose!   
\q1
\v 2 Gi! Ninda gitofu osogo nimokena bu refera. Mave ni imboe eraera ábarago nemonde tataya ari dae erera.   
\q1
\v 3 Ninda natofokena ufena manaka eregarera. Ne ninda natofo tavo tatau eraesa ainde,  
\q3 tataya ari dae sise, agho ituterera.   
\q1
\v 4 “Fuvu,” resera, “Oro Israel embo daoro vekaghae sirivo aore!  
\q3 Amingaoro, Israel embo da javo manjarira.”   
\q1
\v 5 Ne dubo dabako edo manaka gae, oro mendenide tatedo, nemonde tataya ari dae sise resera.   
\q1
\v 6 Oro nanjogode tatari sisera, amo eviri: Edom ondi, Ishmael ondi, Moab ondi á Hakri embode dabade.   
\q1
\v 7 A kotugo Gebal ondi, Ammon ondi, Amalek ondi, Philistia ondi á Tyre embode dabade.   
\q1
\v 8 Assyria ondi barago kotugo Lot da imendi gamendi Amori embo edo Moab embo seraera ainde tatedo tataya ari dae resera.   
\q1
\v 9 Midia embo dae rea ava usesa, a kotugo uvu Kislon aminda Sisera nengae Jabin ghaekena rea usesa aminga ava,  
\q2 oro oroko nembo tegetena aikena, kau daba ava aso dae resena.   
\q1
\v 10 Ne reighi Endor aminda deteso amomonje getero, nenda tamo bete endada vovosegusira.   
\q1
\v 11-12 Nenda giti jijighigari Oreb nengae Zeeb ghae kena usesa, kau daba ava e!  
\q2 Zebah nengae Zalmunna ghae siseri, “Namonde enda é God da tofori ava namondeda tofodae baore!”  
\q2 Avori, gegenembo etoto naká ava setero ningido, rea usesa, oro tegetena,  
\q3 ainda babojegari kena avavaga use, daso amomonje gaoro dae resena!   
\q1
\v 13 God natakoé inono fonja o farava vuji anoso yauraimi bambu kotae kotae gorogheraira aminga ava e!   
\q1
\v 14 Kau avaraka taimada gambu aviraira aminga ava, a enda fumbarida gambu bubura eraira aminga ava,   
\q1
\v 15 ninda yaura vovoga aimi ondaso sumbarera, a ninda yaura fakinago bekáimi ondi, oju aore!   
\q1
\v 16 Arie \nd Bajari\nd*, nenda dombu mekai afuruge, ninda fakina ava gido kasama e gogoghombaore!   
\q1
\v 17 Ne isoroda dedo gaedo ghaoro evovodae ojughae irore! A meka gosudo ya ambore!   
\q1
\v 18 \nd Bajari\nd* iká bekáda, utu enda kaifa eraira, nisuka nimori, ava kasama aore!   
\c 84  
\s1 God Da Kambo Dae Uju Beká Eraera, Ainda Gekari!  
\q1
\v 1 \nd Bajari\nd* Fakina Isambu da Tofo, na ninda banungari kambo dae dubo ererurena.   
\q1
\v 2 Na nanangedo Bajari da Banungari Kambo jokáda iraetena, aindae uju erena!  
\q2 Arie, \nd Bajari\nd* God, evovodae irá gheraesa, nanda tamo a asisi isambuimi ivugaghae nimokena yaru seraena.   
\q1
\v 3 Arie \nd Bajari\nd* Fakina Isambu da Tofo, nanda kini (king) a nanda God,  
\q3 rika veveyako barago ninda kamboda moghá fitiraera a kaughoro barago nenda mamandi fumbudo,  
\q3 ninda olta (altar) dengesida kaifa eraera.   
\q1
\v 4 Mave ninda banungari kamboda irá gheraera amo, ivuga use irera.  
\q2 Ne evovodae yaru sise ninda javo jigheoro ereraira.   
\q1
\v 5 Evetu genembo mave nimokena fakina buraera amo, ne ivuga use irera,  
\q3 a mave evovodae doriri Saion\f + \fr 84:5 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda yari dae uju eraera, nembarago ivuga use irera.   
\q1
\v 6 Ne govi eni uvu tefo javo Baka aminda deinghe sembi yarera amo, reighi aminda,  
\q3 uvu kirikara gharira, a ghaeko sifo dadaba ururari borija tuturo edo dise, uvu sirorarira.   
\q2
\v 7 Aminguse, ne fakina rurudo yarera. Ne ya Saion buvudo, god mendeni irera nenda God beká ava,  
\q3 aminda irari garera.   
\q1
\v 8 Arie \nd Bajari\nd* God Fakina Isambu da Tofo, Jacob da God, nanda benunu ningi!   
\q1
\v 9 Arie God, namane da kini nine gategusesa ava, esimbuge!   
\q1
\v 10 Iji dabako ninda tafaroro kamboda anumbiraetena a nu evevagori,  
\q2 iji 1,000 ava reighi mendeni kena irari mo, jo amingo iraeri.  
\q2 Arie nanda God, ninda kambo guro bekada fetaetena amo, evevari,  
\q3 jo kusia bagia ari kakato da kamboda irari amingo iraeri.   
\q1
\v 11 \nd Bajari\nd* mo, namondeda bere a Kini usasago bekári.  
\q2 Nunda kavevera a tumondari namonde kena eraira, aimi namonde esimbugeraira.  
\q2 Ari eveva embokena roera eveva reju ava uju eraera, ivugaghae muturaira.   
\q1
\v 12 \nd Bajari\nd* Fakina Isambu da Tofo, mave ni tumonderaera amo, ne ivuga use irera.   
\c 85  
\s1 God Nange Israel Embo Da Irari Esimbugaetira, Ainda Banungariri.  
\q1
\v 1 \nd Bajari\nd*, ni ninda natofo da enda dae joka usesi. Ni sifo aminda sonembeteso, Israel sekago ati ghayafade useri.   
\q2
\v 2 Ninda natofo da ari ekoko kote dotutusesi, a nenda dimbari isambu kote dodo gukai futusesi.   
\q1
\v 3 Dubo ekoko nemokena edo ghusesa tukughusesi.  
\q2 Aminguse, ninda dubo ekoko da fakina jighi fefetusesi.   
\q1
\v 4 Arie God, namanenda jebuga da susu nimori. Namane bu jovereghe fu!  
\q2 Aminguse, namanekena bauso sosou eraesa, ava dodo, dubo jama e!   
\q1
\v 5 Are! Ni evovodae namanekena dubo ekoko use iraresa, ai? Ninda dubo ekoko jo nanjigo fua tukughae arira, ai?   
\q1
\v 6 Sonembe, namane ninda natofo sekago fakina edo, ni jighoro erase!   
\q1
\v 7 Arie \nd Bajari\nd*, namane nange evovo dae dubo buraesa ava, aso isagha ari gaore!  
\q2 Namane sonembuse, ninda jebuga mutaso baore!   
\q1
\v 8 \nd Bajari\nd* God reava resira ava, na niningerena: namonde nunda totofori.  
\q2 Ágido, namonde jo sekago jovereghe yama daghari da ari ae arera amo, nunda mainungari namonde kena mutarira.   
\q1
\v 9 Geka bekári, nu simbuge fetedo, mave numo igheghi eraera ava sonembari jebugarera.  
\q2 Kotugo namonde sonembeari jebugeraera ainda duro ava, namondeda reighi eminda irarira.   
\q1
\v 10 God rea ari dae sisira ainda beká ava nune ari nunda dubo bari ainghae dabade isagha ari garera.  
\q1 Akotugo dambugo irari nengae mainungari ghae barago sifo daba aminda isagha ari garera.   
\q1
\v 11 Namonde Israel embo God tumonde baingheraera aimi ungo God kena sirigaoro,  
\q3 God aito kakara fugeraira aimi nunda ungo sirige namonde unumbarira.   
\q1
\v 12 \nd Bajari\nd* namonde esimbugari susu iti fafode arera.  
\q2 Aminguse, namondeda enda emo oka bayau digutururari mindarera.   
\q1
\v 13 Ari dambugo ari aimi, \nd Bajari\nd* da emboro rerebe, giti irurari, nu amboda yarira.   
\c 86  
\s1 Sonemba Da Benunuri.  
\q1
\v 1 Arie \nd Bajari\nd*, na gofari bekári. Na tofo sonembari da emboro eni tefori.  
\q2 Ava sedo, nanda benunu ningido, na sonembe!   
\q1
\v 2 Na ni tumonduse, ninda sari ava eraena, na ninda saramana katori.  
\q2 Ava sedo, ambari dae erena ava sonembe, jebugaone!   
\q1
\v 3 Nanda God nimori. Na banungurureono sifo ate fa ya tumba jiraira. Ava sedo, nandae joka aso dae resena.   
\q1
\v 4 Arie Bajari, nanda benunu nimokena viti ya gheraira. Na ninda saramana katori.  
\q2 Ava sedo sonembaso, na ivuga aone!   
\q1
\v 5 Ni namanekena veka eveva use, namanenda ari ekoko kote doyeraesa.  
\q2 Mave nimokena banungeraera aindae, ni evovodae dubo buraesa.   
\q1
\v 6 \nd Bajari\nd*, nanda benunu ningi! Nanda kori nininguse, na sonembe!   
\q1
\v 7 Ni nanda banungari ningiraesa, ava sedo na dara tafuse, nimokena kori seraena.   
\q1
\v 8 Arie \nd Bajari\nd*, god eni nimongo tefori. Nine usesa avavaga enimi jo ae eraera.   
\q1
\v 9 Oro isasambu nine eteso sirorusera aimi, fua tumoi bainghuse ni tumondarera.  
\q3 Ninda javo tomanako ava jighoro erarira.   
\q1
\v 10 Ni fakinago bekári, a ni tano dombu eni a ari gae gitida ava eoso siroreraira. God nisuka nimori.   
\q1
\v 11 Arie \nd Bajari\nd*, ni rejoa aono dae uju eresa ava, ijugaso amingaone! Ijuge, na dubo dabako use nindae farago jighone!   
\q1
\v 12 Arie \nd Bajari\nd*, nanda God, nanda janje joká isambu aimi ni jighono eraresa.  
\q2 Ninda javo tomanakogo kau mavega ava natofo isambu kena evovodae osa sise irarena.   
\q1
\v 13 Evovodae ninda dubo bari tomanakoi na dubo buraesa! Aminguse, na ujeda ava sonembe beso jebuguseni.   
\q1
\v 14 Arie God, evetu genembo ivuga kakato aimi eredo, namoa dari dae refera.  
\q2 Tafasara kakato, ninda geka jo ningae eraera aimi, na daoro ambono dae erera.   
\q1
\v 15 Avata, Arie Bajari, ni joka ari a dubo bari da God ri.  
\q1 Ni evovodae durumuguse kavevera eraesa, kotugo ni rea ari dae beka gajeraesa ava,  
\q3 isambu urureoso beká siroreraira.   
\q1
\v 16 Jovereghe namo gosuse, joka e! Aya nindae farago edo ghusira, aminga ava use irena.  
\q3 Ava sedo, fakina futururaso jebugaone!   
\q1
\v 17 \nd Bajari\nd*, ninda kavevera eraesa, ainda beká ava ijugururaso isagha are!  
\q2 Amingarira amo, evetu genembo na imboe gamboe eraera ava,  
\q3 na nange sonembuse yove sisesa ava gosuse, meka garera.   
\c 87  
\s1 Jerusalem Dae Sakai Sisira Ainda Gekari.  
\q1
\v 1 Enda jiro fumbari kakara aminda \nd Bajari\nd* nunda bogu begaya didighusira.   
\q1
\v 2 Israel jokáda reighi mendeni mendeni iritirira, avata \nd Bajari\nd* Jerusalem ava dubo bu gogoghomberaira.   
\q1
\v 3 God da bogu begaya aminda dighi ireva, nemokena resena.  
\q2 Geka eveva gaveva nendae setiri vovoserira, ningivu!   
\q1
\v 4 Oro ningiami nanda sari ava eraera, tege nanda bukuda gembarena amo,  
\q3 na oro Egypt nengae Babylon ghae da javo ava, nébarago gembarena.  
\q2 Evetu genembo Jerusalem aminda siroredo irera, tege nanda bukuda gembarena amo, na Philistia embo, Taia embo  
\q3 Ethiopia embo da javo ava gembarena.   
\q1
\v 5 Saion\f + \fr 87:5 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* dae mo, eminge sarera, “Nunda oro oro nanjogo ainda sirorari vasa mo, Jerusalem numori.  
\q2 Ainda sedo, God iká bekáda aimi sari fakina e fetarira.”   
\q1
\v 6 \nd Bajari\nd* nunda oro oro nanjogoda javo gefuse, ne isasambu Jerusalem aminda siroredo,  
\q3 Jerusalem embo beká irarira ava gembarira.   
\q1
\v 7 Amingari, Jerusalem embo divu fusedo ghuse eminge sise irarera,  
\q2 “Arie Jerusalem, namanenda jebuga a esimbugari da susumo nimori.”   
\c 88  
\s1 God Numo Sonembaetira Da Benunuri.  
\q1
\v 1 Arie \nd Bajari\nd* God, nanda jebuga mutari kato, sifo ate refira evia inono,  
\q3 na nimokena sonembadae koko seraena a tumbaghae barago foa nimokena banungeraena.   
\q1
\v 2 Nanda banungari ningi! A na ninda sonemba dae kori seraena barago, ningi!   
\q1
\v 3 Dara digari beká namokena foa gheraira aimi, na ambari dae itako erena.   
\q1
\v 4 Namo evetu genembo nanjogo ambari dae erera, amingori. Nanda fakina isambu dadabetira.   
\q1
\v 5 Na fitero aena, ambari embode feteteni. Na ambari embo ambu ujo da fafasirera ainda kaugori.  
\q2 Na evetu genembo kotae eteso nimokena ajagha irise ninda sonemba jo bae eraera, amingori.   
\q1
\v 6 Na bu fugeteso, ujo jokáda vose faseteni. Bako ghousago a tumba jinjagharigo beká,  
\q3 aminda vosedo irena.   
\q1
\v 7 Ninda dubo ekoko da bouvu aimi fatiri faseteni!  
\q2 Na ninda janje eko da bouvu inono eva da kaugoi fatiri vose duruda fasirena.   
\q1
\v 8 Nine eteso, nano namendi na gukai mutudo, na gari imboe eraera.  
\q3 Na nange buvu jebugaetena da emboro, gaje tefo etira.   
\q1
\v 9 Ninda janje eko ava itatamuse, sorara eno diti jivu aimi afurugetiri, roera garikena fakara erira.  
\q2 \nd Bajari\nd*, sifo evia inono nindae kori sise, nanda ungo jigheono erorureari benunu seraena.   
\q1
\v 10 O ambari embo kote gi! Ni ambari embokena tano mendeni mendeni eraesa, ai?  
\q2 O ne eredo yaru sise, ninda javo jigheoro ereraira, ai?   
\q1
\v 11 O ambari embo ninda dubo bari itatama edo, aindae osa seraera, ai?  
\q2 O ambari embo bete dadaberaera ainda jokáda ninda sonemba a kavevera eraesa aindae osa jo sae eraera, aĩ?   
\q1
\v 12 Aminga ava, ambari embo aimi ninda tano mendeni mendeni tumba jinjagharida irera,  
\q3 aimi jo gae eraera. A ambari embo ofofo da kotari dadabusira, aimi ninda veka eveva gaveva eraesa,  
\q3 ava ne jo kotae eraera.   
\q1
\v 13 Avata \nd Bajari\nd*, na jo amingo iraeri. Sifo atuterira evia inono, nimokena sonembaso dae kori sise  
\q3 banungeraena.   
\q1
\v 14 \nd Bajari\nd*, ni redae na imboe eresi? Ni redae na gukai erefutesi?   
\q1
\v 15 Na mandi seka sirorusena aitano ghedo, na tamo vevera itatamuse ambari dae ghosuguseni.  
\q2 Nandae mema muturaesa da bouvu ava fufuse, nanda tamo eregofira.   
\q1
\v 16 Ninda janje ekoko teria bekáimi na afuregetira. Na dari beká deteso, ambududurerena.   
\q1
\v 17 Sifo tumba evia ninda mema muturaesa, kau useghai na jimbe birurughari getira.  
\q2 Jebuga da gorota isambu gaje doindanghetira.   
\q1
\v 18 Nine eteso, nanda kokomana utua beká isambu na imboe eteri.  
\q2 Amingetero, tumba aimi nusuka nanda karona eraira.   
\c 89  
\s1 God Teria Bekáda Fakina Inono Beká Ainda Gekari. Natofo Da Bouvu Mema Sifoda Yaru Divari  
\q1
\v 1 Arie \nd Bajari\nd*, ni evovodae na dubo buraesa aindae, nimokena yaru didivuse irarena.  
\q2 Ninda beká gajari namokena isambu eraesa aindae, osa sarena.   
\q1
\v 2 Na kasama erena ninda dubo bari evovodae irira.  
\q2 A ninda sari bekava nembori jo dombu eni ae arira, kau utu fakinaé fetirira aminga ava evovodae irarira.   
\q1
\v 3 Ni sisesi, “Na genembo eni gategedo nangae tofo tofo beka gagojuseri.  
\q2 Nanda saramana kato David kena beka gagojuse eminge siseni,   
\q1
\v 4 ‘Ninda imendi gamendiimi evovodae kini nene edo gharera.  
\q2 Na evovodae nine kini edo irari da vasa ava kaifa ururono irarira jo eniimi bae arera’”.   
\q1
\v 5 Tano fakina ghae garigo beká eraesa aindae ninda natofo aneya utuda irera aimi yaru divuraera.  
\q2 \nd Bajari\nd*, ninda sari isambu kaifa udo refesa aindae, ninda aneya kakarago osa sise yaru divuraera.   
\q1
\v 6 \nd Bajari\nd*, mave utuda irera amo, jo nimongo iraeri. Aneya mane utuda irera á jo nemonde fitoro inono ari iraeri.   
\q1
\v 7 Aneya da giti jighari kakato totorugedo irera isambu, nindae oju eraera.  
\q2 A mave ni jimbe birurughe fetirágheraera aimi, isambu nindae oju eraera.   
\q1
\v 8 Bajari, God Fakina Isambu da Tofo, ninda fakina ava jo enií ghae inono arigo iraeri.  
\q3 Evovodae ni reava seraesa ava aminge eoso siroreraira.   
\q1
\v 9 Karaje fakina kato emo ninda sari ningariri. Eva anje foa gheraira, nine seaso binono eraira.   
\q1
\v 10 Ni eva da gambauva nombua teria ava nine deteso ambududurusira.  
\q2 Ninda fakina aimi gitofu de atai duboda fafotusesi.\f + \fr 89:10 \ft Eminda “gambauva” resira amo, Hebrew geka aimi Rahab resira. Jo Jericho evetu Rahab dae saeri. Jo Egypt embodae saeri. (87:4 aminda Egypt embo dae sisira)\f*   
\q1
\v 11 Utu a enda amo ninda tofori. Utu gambari utu gambari aminda reju irera ava, nine eteso sirorusira.   
\q1
\v 12 Reighi utu gambari utu isambu ninda fitariri.\f + \fr 89:12 \ft Foyago da gekaimi tuturo eminda “north” nengae “south” resira, avata Korafe geka beká tefori.\f*  
\q2 Doriri Tabor nengae Hermon ghae ivuga use nimokena yaru divuraera.   
\q1
\v 13 Ni fakinago bekári! Ninda fakina mo, tomanako bekári!.   
\q1
\v 14 Ni geka bekáda bekáda sise ari bekáda bekáda use irágheraesa aindae,  
\q3 ninda avo anumba fete gogoghombedo irira.  
\q2 Ni rea eraesa aimi ijugeraira, dubo bari kato nimori, a kotugo ni rea seraesa ava eoso beká siroreraira.   
\q1
\v 15 Evetu genembo mave ninda dombuda usasa jokáda deinghuse,  
\q3 nindae yaru divu fumbu aruguse tumonde baingheraera, ne ivuga use irarera.   
\q1
\v 16 Nindae sise ne sifo ghousa evia ivuga eraera. Ninda kavevera aindae sakai sise ninda javo jighioro ereraira.   
\q1
\v 17 Tataya sifoda namane sonembeoso gitofo de atai fati feteraera.  
\q2 Ninda dubo bari tomanako bekáimi namane sonembeaso gitofu fakinago ava dedo gaedo gherera.   
\q1
\v 18 Arie Bajari, namane kaifa arida genembo ava, nine gategusesi.  
\q2 Namane Israel emboda God kakara nimori. Namane da kini (king) ava nine gatege futusesi.   
\s1 God Rea David Kena Ari dae Sise, Beka Gagojusira, Amo Eviri.  
\q1
\v 19 Anakora beka saramana kakato ninda sari ava edo ghusera aikena, eminge sisesi,  
\q2 “Na isoro embo binonde eni Israel embo jokáda ghe gatege sonembuse, numo kini are dae siseni.”   
\q1
\v 20 Nanda saramana kato David ava, usu kakarai jijighuse eteno, kini (king) usira.   
\q1
\v 21 Nanda fakina evovodae numokena irarira, nanda fakina aimi sonembururari nu fakina edo fetarira.   
\q1
\v 22 Gitofu numo dari dae arera amo, nu jo dae arera.  
\q2 Ari ekoko embo nemonde tataya arera amo nu jo dedo atai fati fetae arera.   
\q1
\v 23 Nunda gitofu nane daono sirivo e tefo arera, a mave nu imboe eraera, ábarago daono amomonje garera.   
\q1
\v 24 Na nu dubo ruruse, rea nundae sisena ava, jo kotae edo gharena.  
\q2 Amingururono, nu evovo dae sosighi use, fati fetedo gharira.   
\q3
\v 25 Nunda enda mutarena amo, eva Mediteranian seraera,  
\q3 aminda ghe ya, uvu tomanako Eupharates seraera, aminda tano arira.   
\q2
\v 26 Nu nandae eminge sarira, “Nanda God a afa mo, nimori.  
\q3 Ni nanda gagara a sonembari katori.”   
\q1
\v 27 Nu nanda mandi bego dae barena. Kini mane nanjogo irera, einda jokáda kini tomanakogo beká nune arira.   
\q1
\v 28 Na numokena beka gagojusena ava evovodae ava udo yarena, a nanda agho dari reava usena,  
\q3 amo evovo dae irarira.   
\q1
\v 29 Nunda sasingu reighié nene kaifa udo yarera.  
\q2 Utu evovodae irá gheraira aminga ava, nunda imendi gamendi nene kini udo yarera.   
\q1
\v 30 “Avata, nunda imendi gamendi nanda agho dari imboe use, nanda agho dari jo amboda amboda ae arera.   
\q1
\v 31 A nanda ijuga gukai mutudo, nanda agho dari jo kaifa ae arera amo,   
\q1
\v 32 avori, nenda ari eko dae na ne daono ghamo barera, a nenda kosasadae bouvu mutono, nene barera.   
\q1
\v 33 Avata nanda dubo bari David kena jo nanjigo tano ae arira. A na beka rea ava gagojusena amo jo bejae arena.   
\q1
\v 34 Na agho reava nangae dabade sise dorusera, ainda geka da mendó eni jo kote doyae arena.  
\q2 Na beka gagojuse rea sisena, ainda geka eni jo kosasaghaono durae arira.   
\q1
\v 35 Nanda javo kakaragoimi javono tofo gatise, beka gajeteno fetedo evovodae irarira.  
\q2 Na jo sifo nanjigo aminda David kena gungubo sae arena.   
\q1
\v 36 Nunda imendi gamendi evovodae sirorudo yarera.  
\q2 Nunda natofo kaifa ururono, iji janimbuse irá gheraira aminga ava ne kini udo yarera.   
\q1
\v 37 Tambuno evovodae irira amingudo yarira. Utu evovodae irira, aminga ava kini (king) udo yarera.”   
\s1 Nenda Kini Gitofuimi De Atai Duboda fafotusera, Aindae God Da Dombuda Sorara Useri.  
\q1
\v 38 Avata ninda kini gategusesa aikena dubo ekoko edo, nu imboe use, gukai muteso, nusuka fetetira.   
\q1
\v 39 Ninda saramana kato ghae rea ava tofo tofo beka gagojuseva ava, nine bejedo,  
\q3 nunda kini (king) da gogho kekesa avavaga bu fugeteso, fororoda du fasetira.   
\q1
\v 40 Nunda bogu begaya furu dighi birurughusera ava, ninda fakina aimi de bejisesi.  
\q2 Nunda isoro embo da jungari vasa isambu barago nine de bejeteso, bununughuseri.   
\q1
\v 41 Amingetiri, aminda mave ya fa gheraera aimi nunda gugua bagia eraera,  
\q3 a oro mendeni tinguda iritirera, aimi nundae gegha jiraera.   
\q1
\v 42 Ni sonembeteso, gitofui nu dedo atai duboda fafotuseri. Amingeteso, ne isambu ivuga useri.   
\q1
\v 43 Nine eteso, nunda ambi goroba mendo baumba usira.  
\q2 Ni ungo sokinimbeteso, gitofuimi isoroda nu de duboda atai fafotuseri.   
\q1
\v 44 Aminguse, nunda kini da kotofu ungo jighari, kefata avavaga ava saghimbe bu babaregusesi.  
\q2 Nunda kini da avo anumba barago jighi rokombeteso du fasusira.   
\q1
\v 45 Nine bouvu futeso, nu genembo seka ava, nunda sifo jo buvae iriri totoi embako usira.  
\q2 Amingedo, meka gosuse irira.   
\s1 God Ne Nange Sonembaetira, Aindae Banungusira.  
\q1
\v 46 Arie \nd Bajari\nd*, ni redae evovodae na gi gagaerego eraesi? Junge iraresa ai?  
\q2 Ninda dubo ekoko ghousa mavega ava avaraka avariguse irari? Gi gagaerego eraesi.   
\q1
\v 47 Nanda jebuga tufako beka erira, ava kotaetesi!  
\q2 Namane endada evetu genembo isambu nine eteso siroruseri, ava kotaso dae resena!   
\q1
\v 48 Mave jo ambae jebuga irari? Namane evetu genembo eni jo uje da fakina darigae arera.   
\q1
\v 49 Arie Bajari, ni giti namane dubo budo ghusesa da beká oroko redari?  
\q2 A ni David kena beka gagojuse sonembari sisesa, ábarago redari?   
\q1
\v 50 Ninda saramana kato namori. Nandae jijivu sisera ava, erá kotae eose!  
\q2 Gitofui nandae jijivu sisera ava na gambu tainghuse irena.   
\q1
\v 51 Arie \nd Bajari\nd*, ninda gitofui kini nine gategusesa, aindae jijivu sise “nimoá” seraera.  
\q1 Nu reda ya foa gheraira aminda, ne aminge seraera.   
\q1
\v 52 \nd Bajari\nd* da javo evovodae jighoro erarira! Ai bekári, Ai bekári.   
\c 90  
\q1
\v 1 Arie, Bajari, ni evovodae namanenda irari vasa, namanenda nati ava, nine edo iresa.   
\q1
\v 2 Ni doriri a enda jo aso sirorae iriri ainda gitida, ni evovodae iriasi.  
\q2 A kotugo, ni iresa, a evovodae iraresa.   
\q1
\v 3 Ni seaso evetu genembo jovereghedo sekago fonja jineraera.   
\q1
\v 4 Ghaeko 1,000 tegaresa amo, nimokena mo, kau sifo dabako da kaugori.  
\q2 Ghaeko a sifo amo, inono sife irara jiriri dadabumuta, aminga ava dadabarira.  
\q2 O kau tumba jokáda sifo goroto tufako ya dadaberaira, aminga ava dadabarira.   
\q1
\v 5-6 Kau usegha o gisi foa, roera isambu bu yeari dadaberaira aminga ava,  
\q2 ni namane beoso dadaberaera, amo kau aturu da kaugori.  
\q1 Namane mo, kau vive sifoghae vitido vuji gatedo,  
\q2 kotugo tumba jireari gharasa edo aviraira aminga ava eraera.   
\q1
\v 7 Ninda janje ekoimi namane deaso sirivo eraera.  
\q2 Ninda janje eko teria beká aindae, namane oju beká ava use, ungo ata dadadagheraera.   
\q1
\v 8 Ni namanenda ari ekoko ninda dombuda fitiraesa.  
\q2 Namanenda ari ekoko ufena eraera ava, ninda usasada fiti gosuse irá gheraesa.   
\q1
\v 9 Ni janje eko eari seaso namane amburaera, jo ghousa irá ghae eraera.  
\q2 Namanenda jebuga, kau beka roboghoi sirureoro ya dadaberaira aminga ava eraira.   
\q1
\v 10 Ghaeko 70 edo irarera amo, inonori, namanenda boandari.  
\q2 O namane fakina beká ava arera amo, ghaeko 80 edo iria ambarera.  
\q2 Avata ainda jokáda, dara a mema avanembo itatamuse iria gheraera.  
\q2 A kotugo, namane totoi namanenda jebuga dodo ambeoro dadaberaira.   
\q1
\v 11 Mave eniimi, ninda janje eko ainda bouvu isambu jo itatamae usira!  
\q2 Mave eniimi, oju ninda janje eko teria beká bu foa gheraira ava, jo itatame gogoghombae eraira!   
\q1
\v 12 Namanenda irari enda eminda, sifo tufako irarera ava ijugaso, namane gi kasama use, dubo kote gogoghombarera.   
\q1
\v 13 Arie, \nd Bajari\nd*, ninda janje eko namanekena nanjigo dadabari?  
\q2 \nd Bajari\nd*, jovereghe fu, namane ninda saramana kakato, namanekena joka aetesi!   
\q1
\v 14 Sifo ava inono, ninda dubo bari averegaso, namanenda dubo joká bedo beká are!  
\q2 Amingaresa amo, namane yaru didivuse, namanenda jebuga jokáda sifo ghousa ivuga use irarera.   
\q1
\v 15 Giti, ni namanekena dubo mema muteaso, namane ghaeko ghousa dubo mema tafuse irá ghedo ghuseri.  
\q2 Ava sedo, kau giti dubo mema begogo futusesa aminga ava, oroko dubo jama a ivuga begogo mutaso itatamuse irore!   
\q1
\v 16 Sonembaso, namane ninda saramana kakato ninda ari fakina ava gaore!  
\q2 A kotugo sonembaso, namanenda imemesiri nembarago ninda fakina duroghae ava gaore!   
\q1
\v 17 \nd Bajari\nd* namanenda God, sonembaso ninda esimbugari namanekena irare!  
\q2 Namane rea ari dae erekotera ava, sonembururaso inononda aoro beká sirorare!   
\c 91  
\s1 God Namondeda Gagara Ari Katori.  
\q1
\v 1 Mave \nd Bajari\nd* Iká Beká irira, aikena ya nunda sonemba bari dae sise irá gheraira amo,  
\q2 \nd Bajari\nd* Fakina Isambu da Tofo, aimi genembo amo, tavo ururari eveva irarira, \nd Bajari\nd* da dombuda.   
\q1
\v 2 Aminguse, nu \nd Bajari\nd* kena eminge sarira,  
\q2 “Nanda ambo sose fetari vasa amo, nimori.  
\q2 Ni nandae sedo isoro edo, namo kaifa urureaso, nanda gitofu jo foa na dae eraera.  
\q2 Ni nanda God, na nimo tumonduse irena,” aminge sarira.   
\q1
\v 3 God ni kaifa ururari, ni jo ya vagho jungetero irira aminda teraso fatae arira.  
\q2 A kotugo, ambari da kae jo foa ninda tamonda vitae arira.   
\q1
\v 4 Nunda ghabuimi ni gagara edo kaifa ururari, ni eveva iraresa.  
\q2 Nunda kaifa ari mo, jo nanjigo aminda dadabae arira.  
\q1 Kau bere tamo gajeraira aminga ava, nu ni kaifa use gajari,  
\q2 ni ambo numokena sose fetaresa.   
\q1
\v 5 Dara tumbaghae foa gheraira aindae, jo oju ae aresa.  
\q1 O gitofu isonga ufena foa, isoro ari dae beje buveoro gi dudukugheraesa aindae, jo oju ae aresa.   
\q1
\v 6 O taono ambari tumbaghae bu foa gheari, natofo digari buraera,  
\q2 aindae jo oju ae aresa.  
\q1 O ambari da kae aimi isonga sosighi eari amburaera,  
\q2 aindae jo oju ae aresa.   
\q1
\v 7 Gegenembo 1,000 ninda dengesida fetarera, avata ne isambu ambu fafasarera.  
\q2 O saone, gegenembo 10,000 ninda ungo gimandu kena fetarera, avata isambu ambududururoro,  
\q2 ni eveva fetaresa, jo mema eni ninda tamonda sirorae arira.   
\q1
\v 8 Aminguse, ni ditii fuge gosuse, ari ekoko embo mino rejo buraera ava kasama aresa.   
\q1
\v 9 Avata nimo, ni benunu seteso \nd Bajari\nd* gagara etiri, ni ambo numokena sose fetedo iresa.  
\q2 \nd Bajari\nd* Iká Bekáda ninda tavo kato edo irira.   
\q1
\v 10 Ava sedo, dara eniko jo foa nimokena sirorae arira,  
\q2 mema dombu eni dombu eni ava, jo foa ninda kamboda buvae arira.   
\q1
\v 11 Ainda beká mo: God nunda aneya ni kaifa aoro dae sedo dengoro indari,  
\q2 ni reda yaresa amo, ne gagara ururoro deingharesa.   
\q1
\v 12 Aneya nenda ungoimi ni unumbe bu ya foa ghururoro,  
\q2 ninda ata jo ghamanai de fokughari mema sae arira.   
\q1
\v 13 Aminguse, ni raiyoni (lions) a jingabu ava dedo atai fati fetaresa.  
\q2 Raiyoni (lions) tataya kakato a jingabu kaeghae ava dedo atai fati fetaresa.   
\q1
\v 14 God eminge resira, “Evetu genembo mave na dubo buraera amo, na sonembarena.  
\q2 Na, evetu genembo mave nandae sise, ‘Bajari’ seraera amo, na ne sonembuse gagara eono, ne namokena ambo sose fetarera.   
\q1
\v 15 Ne namokena kori sarera amo, sifo daba aminda, na mino sarena.  
\q2 Ne dara jokáda fetarera amo, na namonde dabade fetarera.  
\q2 A kotugo, na nemo sonembuse, dara da ungoda ava saghimbe budo, vasa evevada fitido, nenda javo jighono erarira.   
\q1
\v 16 Na nanda mino eveva, sifo ghousago enda eminda irari, ava mutono, ivuga use dubo jama arera.  
\q2 A nanda sonemba ijugaono garera,” God aminge resira.   
\c 92  
\s1 Sakai Sari Da Yaruri.  
\q1
\v 1 Arie \nd Bajari\nd*, nimokena aiyakoe sari mo, evevago bekári.  
\q2 Arie God ika bekáda iresa, javono nimoa gatise yaru sarera, evevari.   
\q1
\v 2-3 Ninda kavevera eraesa aindae, gita\f + \fr 92:2-3 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* dombu eni dombu eniimi doruse evovodae sifoghae osa sedo gharera,  
\q3 a kotugo ninda geka seteso irira isambu eraesa aindae osa sedo gharera, ábarago evevari.   
\q1
\v 4 Arie \nd Bajari\nd*, ninda ari babaigo eraesa aimi eari, na dubo eveva beká eraena.  
\q2 Nine rea ututusesa aindae na ivugaghae yaru sise dubo jeuro edo gharera.   
\q1
\v 5 Arie \nd Bajari\nd*, ninda aito fugari ava babaigo bekári. Ninda kotari mo, kafurugori.   
\q1
\v 6 Geka sari dae erena ava, genembo ghuna irae jo kasama ae arira.  
\q2 Genembo kotari tufako aimi mino jo bae arira, amo eviri:   
\q1
\v 7 Ari ekoko embo, vive totoi vitiraira aminga ava, ne digeraera.  
\q1 Aminga ava, evetu genembo kosasa teria futo eraera, aikena gugua dige faseraira.  
\q2 Avata sifo amboda Bajari sari ne ambu tefo arera.   
\q1
\v 8 Ainda tuka mo, \nd Bajari\nd*, nimo God ikada bekári, evovodae iresa.   
\q1
\v 9 Namane kasama erera, nindae osogo ari kakato amomonjegarera, a kotugo ari ekoko embo da fakina ava nine daso bejarira.   
\q2
\v 10 Nine eteso, nanda fakina kau borumakava babaigo ainda fakinago avavago edo irira.  
\q3 Na esimbugeteso, ivugaghae irá gheraena.   
\q1
\v 11 Nanda gitofu da fakina deteso bejisira amo na gosuseni,  
\q3 a kotugo ari ekoko embo mema dae dimbia sorara ero nininguseni.   
\q1
\v 12 O irari dambugo irari embo ninda sari ava eraera amo,  
\q3 kau ika goroba totoigo vitiraera aminga ava, ne digarigo eraera.  
\q2 A kotugo nenda bajari kau ika beriberia babaigo Lebenon iritirera aminga ava, bajarera.   
\q1
\v 13 Nemo kau ika mane \nd Bajari\nd* da kambo jokáda govetero iritirera, ainda kakaugori.  
\q2 God da tafaroro kambo aminda irise, eveva itatamuse irera.   
\q1
\v 14 Ana edo irera, avata beká jijighuse irera, a kotugo evovodae baduru use, igi yauya ghuse fakinago beká iritirera.   
\q1
\v 15 Aminda fuge gosuse kasama erera, \nd Bajari\nd* numo dambugo bekári. Nanda gagara katokena,  
\q3 kosasa eni tefori.   
\c 93  
\s1 God Numo Namondeda Kiniri (king).  
\q1
\v 1 \nd Bajari\nd* numo Kiniri (king). Nunda fakina duroghae, inono embo asugeraera aminga ava, asugedo irira.  
\q3 Enda nune fitiri, fete gogoghomberira.   
\q1
\v 2 Arie \nd Bajari\nd*, utu enda ae gitida ni iriasi. Ni sifo aminda kini edo, amingudo refesa.  
\q2 Ninda avo anumba da fakina jo nanjigo dadabae arira.   
\q1
\v 3 Arie \nd Bajari\nd*, kafuru ghighi beka duka javi eraira, eva anje gugugugheraira.   
\q1
\v 4 Avata, \nd Bajari\nd*, fakinago beká utuda irá gheraira, nunda fakina mindafugo bekári,  
\q3 jo kafuru eva da gugugughari amingo iraeri. Eva fumbasa eraira da fakina barago, jo numongo iraeri.   
\q1
\v 5 Arie \nd Bajari\nd*, ninda Agho Dari mo evovodae irarira.  
\q2 Ninda tafaroro kambo kakara kakarago beká edo irira, a evovodae amingudo yarira.   
\c 94  
\s1 Evetu Genembo Isasambu Da Ijujari Kato Mo, God Numori.  
\q1
\v 1 Arie \nd Bajari\nd*, God ari ekoko embo ghamo baoro dae eraira, nimori. Nendae janje eko eraesa ava, ijugaso gaore!   
\q1
\v 2 Evetu genembo isasambu ainda ijujari kato nimori. Arie, ere fu!  
\q2 Evetu enembo totofo sakai sise, ivuga futo eraera, ainda mino ava, mutaso baore!   
\q1
\v 3 Arie \nd Bajari\nd*, ari ekoko embo amo ghousa mavega ivuga ghae irareri?   
\q1
\v 4 Tafasara embo ghousa mavega totofo sakai sido yareri, ákotugo nenda tafasara eraera aindae sakai seraeri?   
\q1
\v 5 Arie \nd Bajari\nd*, ne ninda natofo ava fati bebetegerera, ne ninda totofo ava kateyavara futo use mema erefutera.   
\q1
\v 6 Ne roriri a babate ava dorureoro amomonjegeraera, a kotugo oro mendeni esa fera,  
\q3 namondeda endada iritirera ava, de goregheraera.   
\q1
\v 7 Aminguse seraera, “\nd Bajari\nd* namonde jo gae eraira.  
\q2 Namonde rea eraera ava, Israel embo da God jo kasama ae eraira.”   
\q1
\v 8 Aminge seraeva aindae resena, ne daghariri. Ne kasama nanjigo barevu?   
\q1
\v 9 God namondeda dengoro mane ututusira, ava nenda geka ningari jo inono iraeri?  
\q3 God namondeda diti ututusira, aikena gari fakarari? Givu!   
\q1
\v 10 Enda da natofo nanjogo irera, aindae ghoghora nune seraira.  
\q2 Avata jo ghoghora vanembo sae arira. Nenda aito fugari da mino barago mutari, itatama arera.  
\q2 Evetu genembo isasambu ainda ijuga kato numori. Ágido, kasama nunda tofori.   
\q1
\v 11 Evetu genembo rea koteraera amo, \nd Bajari\nd* nu kasamari. Ne jo kote simbugae eraera, ava nu kasamari.   
\q1
\v 12 Arie \nd Bajari\nd*, evetu genembo nine dengoro induduse, ninda agho dari ijugeraesa, aimi ivuga use irera!   
\q1
\v 13 Gitofu aimi nemokena dombu kosero refera ainda jokáda, ninda natofo dae goroto mutaso jangutururoro,  
\q3 ni gitofu da vagho simbugaso vosarera.   
\q1
\v 14 Ainda tuka mo, \nd Bajari\nd* nunda natofo, jo doyae arira.  
\q2 Evetu genembo nunda tofo dae gategusira aikena, gukai jo mutae arira.   
\q1
\v 15 Sifo aminda, aito fugari sembae use koto edo ghusera, ava dodo geka bekáda bekáda sise koto udo yarera.  
\q2 Avavaga sirorarira amo, natofo eveva isambu ivugaghae amboda amboda udo yarera.   
\q1
\v 16 Gitofu osogo ari dae sedo fusera amo, na mave sonembari dae erorusi? Na mave sorise, gitofude osogo usi?   
\q1
\v 17 \nd Bajari\nd*, na jo sorae aetira amota, na ambudo, totoi vosiya, ambari embode dabade fasaeteni.   
\q1
\v 18 Arie \nd Bajari\nd*, “Na durariá” kotiseni. Avata ninda kavevera eraesa aimi na jigheso eroruseni.   
\q1
\v 19 Na mana mana use dubo buneraena amo, nandae kavenu nine seoso na saga faingheraira.   
\q1
\v 20 Ni itako jo, gavana mane ari eko ari da emboro rerebuse agho deraera ainde dabade, fetae aresa.   
\q1
\v 21 Gavana mane resena, evetu genembo eveva derari dae sise, manaka gayeraera, kotugo nenda ujuda use,  
\q3 evetu genembo dara jo ae usera ava, seoro deoro amburaera.   
\q1
\v 22 Avata \nd Bajari\nd*, namoa soreraira, nanda God nane tumonde baingheraena aimi nandae sorega nune eraira.   
\q1
\v 23 Ari ekoko embo resena, nenda ari ekoko aindae sari ghamo barera.  
\q2 A kotugo nenda ari ekoko edo ghusera aindae nemoa basa eko beká ava jigharira.  
\q1 Namondeda \nd Bajari\nd* God, aimi dari sirivo arera.   
\c 95  
\q1
\v 1-2 Fuvu, ya totorugaore! \nd Bajari\nd* kena dubo jeuro use, yaru divore!  
\q2 Namondeda kaifa a sonemba katokena, ivugaghae beka fainghe sakai saore!  
\q2 Aminguse, ya \nd Bajari\nd* kena tere nunda dombuda fetedo, “aiyakoe” saore!  
\q2 Ivugaghae aruguse, sakai sise yaru numokena divore!   
\q1
\v 3 Ainda tuka mo: \nd Bajari\nd* God nu iká bekádari.  
\q2 Nu god mendeni irera, nenda dombu bekádari.   
\q1
\v 4 Enda isambu nunda tofori. Beku enda jokáda irira amo, nunda fitariri.  
\q2 Endada doriri fetirira a barago, nunda fitariri.   
\q1
\v 5 Eva a enda mo, nune setiri sirorusira ava sedo, nune kaifa eraira.   
\q1
\v 6 Ava sedo, fuvu ya totorugaore!  
\q2 \nd Bajari\nd* namonde setiri sirorusera ainda dombuda, tumoi bainghuse kauboi dadarigaore!   
\q1
\v 7 Nu namondeda God, a kau sifi (sheep) kaifa kato nunda sifi (sheep) kaifa eraira,  
\q3 daba aminga ava,  
\q2 God namonde kaifa eraira.  
\q1 Oroko God beka sirurari ningareva amo,  
\v 8 erama gogore edo, God ighagha eove dae resena.  
\q2 “Kau nembuamane reighi Meriba aminda usera aminga ava, eove dae sise resena.  
\q1 Ne reighi uvu a evetu genembo irae vasada,  
\q2 Masa aminda usera, aminga ava eove!”   
\q1
\v 9-10 Nembuamane usera aindae, God eminge resira:  
\q1 “Ne na ighagha edo, nanda fakina ava dere gosuseri.  
\q2 Ne ghaeko 40 ainda jokáda, nange nanda fakinaimi tavo eno gosusera ava kotae edo,  
\q2 nanda fakina sekago dere gosuseri.  
\q1 Na aindae sedo nembua manedae janje eko etiri siseni,  
\q2 ‘Ne na sifo ghousa ighagha eraera, a nanda sari ava jo ningae eraera.’   
\q1
\v 11 Aminge sedo, na dubo eko etiri,  
\q3 durumuguse beka gagojuse eminge siseni,  
\q2 ‘Ne jo ya, reighi ne jangutaoro dae sedo, nemokena mutari dae kotisena aminda,  
\q3 namonde dabade tere jangutae arera,’ aminge siseni.”   
\c 96  
\s1 God Nu Kini (King) Tomanakogo Endada Evetu Genembo Isambu Kaifa E Tavo Ari Katori.  
\q1
\v 1 Arie, endada evetu genembo isambu! \nd Bajari\nd* dae yaru seka saore!  
\q3 \nd Bajari\nd* kena yaru saore!   
\q1
\v 2 \nd Bajari\nd* kena yaru sise, nunda javo jighoro erare!  
\q2 Nune sonembetiri namonde jebugusera ainda binó ava, sifo evia inono vironu sedo ghaore!   
\q1
\v 3 Nu duroderi a nunda ari isambu fakinagori. Ainda binó ava oro isambukena vironu siruroro dudukughaore!   
\q1
\v 4 Airesira, \nd Bajari\nd* numo teriagori, a kotugo sakai teriago mo nundae saore!  
\q2 Ove keveraera aindae igheghi jo ae arera. \nd Bajari\nd* nusuka nundae igheghi aore!   
\q1
\v 5 Ai resira amo, oro mendeni mendeni ne isambu god mendeni ava, tumonde baingheraera, fakina tefori.  
\q2 O \nd Bajari\nd*, numo utuda roera isambu nune ututusira.   
\q1
\v 6 Numo duró a usasa aimi doghedo irira, fakina tomanakogo a usasa garigo beká aimi  
\q3 nunda tafaroro kambo beda edo irira.   
\q1
\v 7 Arie, endada evetu genembo nenda ghagurude isambu, \nd Bajari\nd* da javo jighivu, erare!  
\q2 Nunda duró a fakina tomanakogo aindae numokena sakai sise jighoro erare!   
\q1
\v 8 \nd Bajari\nd* da javo durode ava jighoro erare! Ango fayaya bambu fuvu, nunda tafaroro vasada terove!   
\q1
\v 9 God kakarago beká ai fururari garesa amo, nunda dombuda tumonde bainghevu!  
\q2 Endada evetu genembo isasambu, nemokena resena,  
\q3 nunda dombuda igheghi ojughae tumonde bainghevu!   
\q1
\v 10 Endada oro oro isambukena saore,  
\q3 “\nd Bajari\nd* numo Kini (king) ri! Enda mo, nune fitiri susu gambu fetirira, jo itako gisighae arira.  
\q2 Nu evetu genembo isasambu ava nenda ari ekoko a eveva eraera, aminda gosuse ijujarira.”   
\q1
\v 11 Utu endaghae nemokena resena, dubo eveva use, ivuga aovo dae resena.  
\q2 Eva a eva da roera gindovi gandovi isambu, nemokena resena, duka aovo dae resena.   
\q1
\v 12 Vare a vare jokáda reju iritireva, nemokena resena, ririaghae koko sevu!  
\q2 Ika mane taimada iritireva isambu, nemokena resena, ivugaimi fumbu arugevu!   
\q1
\v 13 Ai resira amo, \nd Bajari\nd* endada evetu genembo ijujari dae refira.  
\q2 Nu endada evetu genembo isasambukena inono use, ne bekáda bekáda ijujarira.   
\c 97  
\s1 God Numo Evetu Genembo Isasambu Ainda Kaifa Arikato Fakinagori.  
\q1
\v 1 \nd Bajari\nd* numo kiniri, enda riria aso dae resena!  
\q3 Butu utu gambari utu gambari aminda fugedo ireva isambu ivuga aovo dae resena.   
\q1
\v 2 Foroga aimi a tumba jinjangharigo aimi nu doghedo irira.  
\q2 Roera isambu nune bekáda bekáda use kaifa e goghomberaira.   
\q1
\v 3 Avaraka aimi nunda dombukena ise, evetu genembo numokena osogo use irágheraera ava, dungiari aviraera.   
\q1
\v 4 Nunda biria tarighuse usasa jaraghurureari, enda aimi gido ungo ata dadadagheraira.   
\q1
\v 5 Enda jiro fumbari kau tavaya tiveraira aminga ava,  
\q3 endada oro oro iritirera, ainda \nd Bajari\nd* da dombuda tivarira.   
\q1
\v 6 Utu da roeraimi ijugerira, God numo, ari bekáda bekáda vanembo eraira.  
\q2 Evetu genembo nunda oro oro isasambu nunda duro giraera.   
\q1
\v 7 Evetu genembo mave ove keve ava tumonde baingheraera, ne meka garera.  
\q2 Ainda beká amo, ove mo, fakina tefori, nenda god mane amo isasambu  
\q3 \nd Bajari\nd* da dombuda numoa tumonde baingharera.   
\q1
\v 8 Arie \nd Bajari\nd* God, nenda gitofu ijujuse easo ghamo buraera ava ningido,  
\q3 evetu genembo Saion\f + \fr 97:8 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* iritirera a evetu genembo Judah bogu begaya digari futo aminda iritirera,  
\q3 riria aimi jaruteraera.   
\q1
\v 9 Arie \nd Bajari\nd* Fakina Kato, natofo isasambu endada iritirera ainda kaifaé tavo arikato amo nimori.  
\q2 Nimo ika bekadari, god mane ninda duruda iritirera jo nimongo iraeri.   
\q1
\v 10 Mave ari ekoko imboe eraera ava, \nd Bajari\nd* nune dubo buraira.  
\q2 Nunda natofo da jebuga nune tavo eraira. Kotugo ari ekoko ari kakato ainda fakinkena saghimbe buraira.   
\q1
\v 11 Evetu genembo mave God da sari ava eraera aikena, God da usasa janimberaira,  
\q2 a kotugo nunda ivuga futurureari itatama eraera.   
\q1
\v 12 Arie, ari eveva gaveva embo, \nd Bajari\nd* nendae rea usira aindae, riria use irivu!  
\q2 God kakarago beká rea usira ava kotise, nundae aiyakoe sedo ghevu!   
\c 98  
\s1 God Numo Endada Kini Numori Aindae, Númokena Sakai Saore!  
\q1
\v 1 Arie, \nd Bajari\nd* kena yaru seka saore! Ainda susu mo, nu tano a ari fakinago etiri sirorusira.  
\q2 Tofo nunda fakina aimi a nunda ungo kakarago aimi, nune gitofu sosighi usira.   
\q1
\v 2 Nunda gitofu sosighi usira ava, \nd Bajari\nd* nusuka osa sisira.  
\q2 Nunda natofo nange sonembetiri jebugusera ava, nune osa setiri, endada oro oro isambu ne kasama useri.   
\q1
\v 3 Nunda natofo Israel embokena beka gagojuse rea ari sisira ava kotise, ne dubo ruruse ava usira.  
\q2 God namanenda gitofu sosighi usira ava, evetu genembo endada irera isasambu, ne gosuseri.   
\q1
\v 4 Evetu genembo endada ireva, nemokena resena, ivugaghae \nd Bajari\nd* kena yaru sise dubo jeuro evu!  
\q2 Nunda yaruimi sakai sise dubo jeuro use ivugaghae arugevu!   
\q1
\v 5 \nd Bajari\nd* dae sakai sise, yaru dubo jeuro evu! Gita\f + \fr 98:5 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* mane da duka aimi numokena yaru sise sakai sevu!   
\q1
\v 6 Tavuya dombu eini dombu enimi fusise, \nd Bajari\nd*, namondeda kinikena ivugaghae koko fuge arugaore!   
\q1
\v 7 Eva, nimokena kotugo reju ava ninda jokáda iritirira nemokena resena, \nd Bajari\nd* kena duka use yaru sevu!  
\q2 Enda akotugo roera ninda etoda iritirera isasambu nemokena resena, \nd Bajari\nd* kena yaru divuvu!   
\q1
\v 8 Uvu mane barago, nemokena resena, kotugo enda jiro fumbari mane nemokena resena,  
\q2 ungo de fokufoku ghuse, \nd Bajari\nd* da dombuda dabade ivuga use yaru sevu!   
\q1
\v 9 Ainda tuka mo, \nd Bajari\nd* nune enda kaifa ari dae refira.  
\q2 Nu endada evetu genembo isasambukena inonoda use, bekáda bekáda use ne kaifa arira.   
\c 99  
\s1 God Numo Kini Kakarago Á Iká Bekádari.  
\q2
\v 1 \nd Bajari\nd*, numo kini evovodae irira, susu aindae evetu genembo isasambu oju aimi ungo ata dadadagheraera.  
\q3 Nunda anumba vasada serubim\f + \fr 99:1 \ft Afige, geka eni \ft \+it Serubim\+it* dae gefusera, tuturo 18:10 duruda tege, garesa! \f* soroda anumburureari enda daradaragheraira.   
\q1
\v 2 \nd Bajari\nd* Saion\f + \fr 99:2 \ft Afige, geka eni \+it Saion\+it* dae gefusera, tuturo 2:6 duruda tege, garesa!\f* aminda anumbetiri nunda duro aminda ghedo refira.  
\q2 Evetu genembo isasambu da Bajari fakinago nusuka numori.   
\q1
\v 3 Evetu genembo isambu nunda javo tomanakogo akotugo duroghae ava javono gatise, sakai sarera.  
\q3 Kakarago beká amo, numori.   
\q1
\v 4 Arie, Kini fakina kato, ari dambugo irari embo ava dubo buraesa.  
\q2 Nine Israel eminda ari eveva ava bu fusesi. Nine Israel kaifa use inono beká edo ari bekáda bekáda eraesa.   
\q1
\v 5 Namondeda \nd Bajari\nd* God kena sakai saore, kakarago beká mo numori.  
\q2 Nunda anumba vasa da dombuda tere tumonde bainghevu! Kakarago beká mo numori!   
\q1
\v 6 Nunda fristi mane mo, Moses nengae Aaron ghae useri,  
\q3 a kotugo Samuel barago numokena banungedo ghusira. \nd Bajari\nd* kena nene seoro, nu ningido ghusira.   
\q1
\v 7 Nu foroga darido irurari ainda jokádaghe nemokena geka seari,  
\q3 ne nunda Agho Dari kotugo rea aoro dae sisira, ava edo ghuseri.   
\q1
\v 8 Arie \nd Bajari\nd* namaneda God, ni ninda natofo Israel emboda benunu ningido ghusesi.  
\q2 Geka bekári, ni nenda kosasa da mino nu futusesi, avata nenda ari ekoko kote dodo ghusesi.   
\q1
\v 9 Namondeda \nd Bajari\nd* God kena sakai saore! Namondeda \nd Bajari\nd* God kakarago bekári.  
\q3 Ágido nunda doriri kakara aminda numoá tumonde bainghevu!   
\c 100  
\s1 Aiyakoe Sari Da Yaruri.  
\q1
\v 1 Namonde isambu endada irera, dubo evevaghae beka fainghedo, Bajari kena yaru divore!   
\q1
\v 2 Nunda geka ningido, ivugaghae yaru didivuse,  
\q2 nunda dombuda tere fetore!   
\q1
\v 3 Aminguse, namonde kasama arera:  
\q2 God nu Bajariri! Namonde jo namondeda kotariimi siroraeri.  
\q2 Namonde, God nune setiri siroruseri. Namonde nunda natofori, nu namonde kaifa eraira.   
\q1
\v 4 Nunda kambo guro teria afigetiri irira aminda, “aiyakoe” sise, ya terore!  
\q2 Ya nundae sakai sise, jokáda terore!  
\q2 Nundae “aiyakoe” sise, nunda javo kakara aore!   
\q1
\v 5 Ainda beká mo: Bajari sifo ghousa evia veka eveva use irira.  
\q2 Nu kavevera ari kato a joka ari katori.  
\q2 Nu namonde joka use, dubo budo ghusira, dubo buraira, a dubo ruruse irarira.  
\q2 Nunda kaifa ari mo, namondeda imemesiri siroruse itatamudo yarera.   
\c 101  
\s1 Kini (King) Eni God Kena Nange Beka Gagojusira, Amo Eviri.  
\q1
\v 1 Arie \nd Bajari\nd*, nanda yaru mo, namane dubo ruruse bekáda bekáda eraesa aindae, yaru divarena.   
\q1
\v 2 Nanda aito fugarena, kosasa eni tefori. Ni nanjigo namokena furaresi?  
\q2 Nanda kamboda na irari dambugo beká ava arena.   
\q1
\v 3 Aminguse, na jo doyono, ari sembaego nanda kamboda sirorae arira.  
\q2 Mave God gukai muturaera, rea eraera ava, na imboe beká ava eraena.  
\q2 Na jo itako nemonde dabade tatedo umo gaumo ae arena.   
\q1
\v 4 Na aroro kaifa ari da gorotoda jo kosasaghae arena. Na jo ari eko enimi bebeta ae arena.   
\q1
\v 5 Mave evetu genembo mendenidae unongu kivuimi siruroro ningarena amo, saono ne daoro ambarera.  
\q2 Genembo mave riria use, tofo nunda javo jighari erarira amo, ondono darigarira.   
\q1
\v 6 Nane evetu genembo God tumonderaera  
\q3 a geka bekáda bekáde sise irá gheraera ava, nemokena, “avori” saono, nanda kamboda teredo irarera.  
\q2 Mave aroro kaifa ari da gorotoda kosasa jo ae eraera, avanembo doyono nandae saramana arera.   
\q1
\v 7 Gungubo futo seraera aimi, nanda kamboda jo irae arira.  
\q2 Geka vivi sise, gesire use irari embo eni, jo nanda dombuda fetae arira.   
\q1
\v 8 Evetu genembo ekoko \nd Bajari\nd* da reighi begaiya namonde irera eminda amo,  
\q3 sifo evia inono nanjigo tambarena ava, daono sirivo arera.   
\c 102  
\s1 Genembo Seka Bajari Kae Bu Irise Kae Saviri Banungusira.  
\q1
\v 1 Arie \nd Bajari\nd*, nanda banungari ningaetesi, sonemba dae sorara erena, ningi!   
\q1
\v 2 Na kae budo irise resena erá ningi ningaego eóse!  
\q2 Na nanjigo nimokena kori sarena, dengoro jave ningaso dae resena!   
\q1
\v 3 Ai resira amo, nanda jebuga kau imbosi aminga ava rave ise dadabari gerira.  
\q2 Nanda tamo kau avarakai veri vara gheraira, amingori.   
\q1
\v 4 God na detiri taká, kau eke gharasa e muse vosari guse rojari beká erena. Na bayau mindari jo uju ae erena.   
\q1
\v 5 Na kae saviri aoro sise, gevei etu yavarara gerena.   
\q1
\v 6 Namoako kau rika reighi uvu a evetu genembo irae vasada irari gerena.  
\q2 Kau rika kafu reighi do dumboro notuda irari gerena.   
\q1
\v 7 Na itako jo avae eraena, namoa kau rika dabako tainako aimi nati enoda anumbirari gerena.   
\q1
\v 8 Sifo inono evia isonga numboro nandae osogo ari kakato namoa dere jise,  
\q3 namokena geka ekoko mendeni mendeni sesegeraera.  
\q2 Dere jirari kakato amo simboro use eminge seraera, “Mave embavo jighiri nunda kae dika etiri,  
\q3 kae saviri aoro sise irira, aminga ava namondeda kae dika aeti!”   
\q1
\v 9-10 Ainda susu mo, nandae janje ekoko edo na esike fugeteso,  
\q3 na bayau avegha ava rise, a nanda uvu diti jivughae baingoro ururari ava rise irena.   
\q1
\v 11 Nanda jebuga kau ungobu use tutumbageraira amingori. Namoa kau kikisa gharasa ari gerena.   
\q1
\v 12 Avata, arie \nd Bajari\nd*, kini (king) kotofuko mo nimori, evovodae iresa.  
\q2 Evetu genembo ghaeko ghaeko evia siroruse irarera aimi ninda binó nininguse irarera.   
\q1
\v 13 Nine sifo gategusesa ava ojighira buvira aindae, ni orokoé foa tuturo edo Saion\f + \fr 102:13 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* dae joka aresa.   
\q1
\v 14 Ai resira amo, reighié gitofuimi sosighi edo de bejisera,  
\q3 avata ninda saramana kakato ava jo kotae irise, Saion dubo buraera.  
\q2 De bejetero tise fasirira gido, ninda saramana kakato mema use irá gheraera.   
\q1
\v 15 \nd Bajari\nd*, endada oro oro isambu ninda duró gido ungo ata dadadagharira.  
\q2 Enda da kini isambu ninda dombuda ojuimi ungo ata dadadagharera.   
\q1
\v 16 Ainda tuka mo, \nd Bajari\nd* nu sekago Saion itarira.  
\q2 Nu sifo aminda ari ainda duró isagha ururari garera.   
\q1
\v 17 Nunda natofo imboe e fugetiri yabayaba ghuse irera, ainda banungari ava jave ningarira.   
\q1
\v 18 \nd Bajari\nd* rea ari dae erira ava gosuse, gembovo, evetu genembo sifo amboda sirorudo yarera aimi,  
\q3 tege nundae sakai sise irore!   
\q1
\v 19 Eminge sevu ningore, “\nd Bajari\nd* nunda irari vasa kakarago iká beká utudaghe nunda natofo gari dae diti fugetiri vovosusira amo,   
\q1
\v 20 nunda natofo Israel embo ava gitofui kateyavara ero, sabua use ambari da aoro sero niningusira.  
\q2 O gotofuimi daoro amboro dae sisera, ava nune vujegetiri jejebuguseri.”   
\q1
\v 21-22 Amingari, natofo nanjogo averege foa Jerusalem tafaroro kamboda teteruroro,  
\q3 enda da babojegari gavana mane isasambu ainde dabade teredo,  
\q3 Saion aminda tumonde bainghuse, \nd Bajari\nd* da javoda sakai sise irarera.   
\q1
\v 23 Na endada jo ghousago irae aono dae sedo, \nd Bajari\nd*imi nanda fakina de bejedo, nanda sifo soroda gafugusira.   
\q1
\v 24 Avata na sorara use, numokena siseni, “Arie nanda \nd Bajari\nd* God evovodae iresa, nimokena kori resena:  
\q3 erá eoso na genembo seka irise ambeone!   
\q1
\v 25 Anakora beká giti tuturoda ni enda edo, utu ninda ghabui eteso sirorusira.   
\q1
\v 26 Nemo manjarera, o nimo, tano tefori, evovodae iresa.  
\q2 Ne taká kau embo boka manai edo bununungheraera aminga ava, aoro gaghe fugaresa.  
\q2 Kau genembo eni nunda asugari manai kosughe fugutuse, seka asugeraira aminga ava aresa.   
\q1
\v 27 O nimo jo genembako ae, taká ava iresa. Nimokena tano tefori, evovodae iresa.   
\q1
\v 28 Kotugo ninda totofo Israel embo da imemesiri gamemisiri mo, kaifa e gagara ururaso,  
\q3 nimokena ambo sose fetirise irarera.”   
\c 103  
\s1 David Da Yaru Divari Eniri.  
\q1
\v 1 Arie, namoáko, nanda dubo jokáimi, Bajari kena sakai saone!  
\q2 Arie, namoáko, nanda kotari a nanda fakina isambuimi, nunda javo kakara aindae sakai saone!   
\q1
\v 2 Arie, namoáko, nunda kavevera namokena eraira ava, isasambu kotise irarena.  
\q2 Ava kotise, nanda dubo jokáimi, Bajari kena sakai saone!   
\q1
\v 3 Nu emingeraira. Nu nanda ari ekoko isasambu kote doyeraira.  
\q2 Nu nanda kae a tamo vevera isasambu seari darigeari, na jebugeraena.   
\q1
\v 4 Na ambaetena, avata nune kosegedo na dubo ruruse nunda joka ariimi na afurugeari,  
\q2 jebuga irá gheraena.  
\v 5 Roera eveva nune muteari, nanda irari eveva use irá gheraena.  
\q2 Aminguse, na jovereghe genembo seka bajari da kaugo use, riduna da fakina aminga ava eraena.   
\q1
\v 6 Evetu genembo makasi embokena mema a bouvu muturaera ava, Bajari nune bekáda bekáda ijujuse, makasi emboá sonemberaira.   
\q1
\v 7 Nunda uju a kotari ava, Moses kena afigedo,  
\q2 nunda ari fakinaghae, Israel embokena ijugeari gido ghuseri.   
\q1
\v 8 Bajari nu joka use, namonde dubo ruruse irá gheraira. Nu jo totoi janje eko ae eraira.  
\q2 Nu sifo evia inono, namonde dubo bu gogoghomberaira. Nunda dubo bari amo, jo nanjigo aminda dadabae arira.   
\q1
\v 9 Nu jo sifo ghousa namonde dombuda sae eraira.  
\q2 Janje eko nu eraira avata, jo evovodae ava kotise irae eraira.   
\q1
\v 10 Namondeda ari ekoko a dara eraera ava ijujuse, nu jo ainda mino beká ava inono use, mutae eraira.  
\q2 Mino eko rea baetera avata, nu kote doyeraira.   
\q1
\v 11 Utu enda ikáda irira, ainda gomboi darari jo tege bari da kaugo iraeri.  
\q2 Kotugo Bajari da dubo bari, mave nu kakara eraera aikena, amingori.  
\q2 Jo namonde tege kasama ari da kaugo iraeri.   
\q1
\v 12 Utu gambari utu gambari soveni soveni da soró jo tege bari da kaugo iraeri.  
\q2 Kotugo \nd Bajari\nd* namonde da ari ekoko fugeraira ainda soró ghousa amingori.  
\q2 Fugeari ya dadaberaira, jo tege bari da kaugo iraeri.   
\q1
\v 13 Kau genembo eni nunda sasingukena veka eveva eraira aminga ava,  
\q2 God namonde mave nu kakara eraera aikena barago, veka eveva eraira.   
\q1
\v 14 Nu namonde kasama e gogoghomberaira.  
\q2 Nu nange endaimi budo namonde etiri sirorusera ava, nu kotise irá gheraira.   
\q1
\v 15 Namonde evetu genembo da irari a jebuga mo, kau kikisa da kaugori.  
\q2 Kau taima joka vitido, vuji gateraira aminga ava, namonde siroredo bajiraera.   
\q1
\v 16 Avata yauraimi fuseari, joka vuji dore vose dadabeari jo gae eraera.   
\q1
\v 17 Avata mave \nd Bajari\nd* igheghi use tumonde baingheraera amo, nu sifo ghousa dubo buraira.  
\q1 A kotugo, nenda sasingu a nenda imemesirikena  
\q2 kavevera sifo ghousa eraira.   
\q1
\v 18 Nenda sasingu a imemesiri resena emo, na mave nunda emboroda ise,  
\q2 nunda agho dari ningi kaifa eraera aindae resena.  
\q2 Nunda kavevera ari, sifo ghousa nemokena muturaira.   
\q1
\v 19 \nd Bajari\nd* nunda kini (king) da avo anumba durode utuda fitiri irira, aminda anumbirise, natofo a roera isambu ava, nune kaifa eraira.   
\q1
\v 20 Aneya fakina kakato, \nd Bajari\nd* da geka a agho dari ningido eraeva, nemokena resena:  
\q2 \nd Bajari\nd* dae sakai sevu!   
\q1
\v 21 Utu da fakina isasambu, a kotugo, \nd Bajari\nd* da saramana a aghi kakato nunda uju eraeva, nemokena resena:  
\q2 \nd Bajari\nd* dae sakai sevu!   
\q1
\v 22 Evetu genembo, sifo fuka, a roera isasambu, nune etiri siroruseva, nemokena resena.  
\q2 Ne reda irise nunda kaifa ari itatameraeva aindae,  
\q2 \nd Bajari\nd* dae sakai sevu!  
\q1 Na barago nanda dubo joká isambuimi \nd Bajari\nd* kena saone!   
\c 104  
\s1 God Utuda, Evada A Endada, Roera Nanjogo Setiri Sirorusira Aindae, Sakai Saore!  
\q1
\v 1 Arie namoako! \nd Bajari\nd* dae sakai saone! Arie \nd Bajari\nd*, nanda God, tomanakogo mo, nimori.  
\q2 Ninda tamo asugari mo, usasa duroghae aimi asugedo iresa.   
\q1
\v 2 Ni tofo usasa aimi doghedo iresa. Ni utu kau sasoro darari gusesi.   
\q1
\v 3 Ninda nati da gima mo, foroga ikáda iti simbugusesi.  
\q2 Kotugo foroga mo, ninda ghasemo dae budo, yaura da ghabuda vose deingheraesa.   
\q1
\v 4 Yaura mo, ninda aghi kakatori, edo avaraka bubura mo,  
\q3 ninda saramana kakatori.   
\q1
\v 5 Nine simbugeteso endaé nunda vasada susu gambu takegha edo, javi itatako jo ae arira.   
\q1
\v 6 Enda mo, ni evaimi emboi afurugarigo usesi. A doriri barago evaimi afurugusira.   
\q1
\v 7 Avata, ni uvu isambu dombuda avito sisesa ainda sifoda ne oju sufuseri.  
\q3 Ni koko fuge sisesa da sifo aminda ne sumbudo era dadabuseri.   
\q1
\v 8 Uvu doriri mane do gisighe vose tevisada fetetiri, doriri mane isagha ututusira.  
\q2 Oroko nunda vasa nine simbugusesa aminda irira.   
\q1
\v 9 Ni enda sekago afurugeure dae tano garusesa ava, nu itako jo jarigari da kaugo iraeri.   
\q1
\v 10 Nine eoso, enda tevisa karevada uvu kirikara ghuse sumburaira,  
\q3 kotugo enda jiro fumbari da soróda barago uvu sumburaira.   
\q1
\v 11 Taima da sino fuka uvu daba aminda mindiraera,  
\q3 taima da donki (donkey) uvu daba ava rise, dubo jo saghae eraira.   
\q1
\v 12 Ika mane uvu tinguda iritirira ainda jokada, rika mane mogha fafatu da fitido beka sise, iritirá gheraera.   
\q1
\v 13 Ni utuda ghe borija muteaso enda jiro fumbari etoda vovosegeraira,  
\q3 eoso endada ninda esimbugari aimi bedo eraira.   
\q1
\v 14 Borumakava mindore dae sise nine eoso kikisa vivitigeraira, kotugo namane roera veka mane vareda govedo bayau bu mindoro dae sedo, enda esimbugeaso vivitigeraira.   
\q1
\v 15 Aminguse, asi vaini govedo bambu rise dubo jama tafuse, orivi muka bu dombu jighoro jaraghurari,  
\q3 kotugo farava inge rise, fakina baore dae sedo amingusesi.   
\q1
\v 16 Lebanon aminda ika mainada babai \nd Bajari\nd* nunda tofodae sedo govusira, borija teriago buraera.   
\q1
\v 17 Rika mane, nenda mogha aminda itiraera. O rika ebena da kakaugo mane  
\q3 maina ainda ikada nenda mogha fifitigeraera.   
\q1
\v 18 Taima gouti babaigo ne kunika da iritirá gheraera,  
\q3 kotugo kaisi aroro tokáda junge iritirá gheraera.   
\q1
\v 19 Tambuno mo, ghaeko baimara da tano ijugare dae sise, nine seteso sirorusira.  
\q2 Kotugo iji sifo reda ya voseraira ava nine seoso, nu kasama use ya voseraira.   
\q1
\v 20 Nine seoso tumba ainda jokada taima sino fuka isambu foa buvudo ghatagheraera.   
\q1
\v 21 Raiyoni seka babojegari gangara ghae nenda oka bayau God nine muturaesa ava bu mindari dae, kakova eraera.   
\q1
\v 22 Iji vitiraira amo, ne sekago jovereghe ya nenda tokáda fafaseraera.   
\q1
\v 23 Amingurureoro, evetu genembo eredo ya buvu nenda saramana eraera,  
\q3 kotugo saramana use iroro, ungobu eraira.   
\q1
\v 24 Arie \nd Bajari\nd*, roera digari futo emo nine usesi!  
\q2 Roera isasambu dubo kotise e gogoghombusesi!  
\q2 Sino fuka, sivoro kororo mane dombu eni dombu eni nine eteso, aimi enda bedo edo irira.   
\q1
\v 25 Eva barago kotore, teria kotugo beraghari. Oka, kotugo roera dombu eni dombu eni,  
\q3 babaimi a veveyako ava jokáda iritirera, jo tegari da kaugo mo iraeri.   
\q1
\v 26 Bouti mane eva etoda sumbu ya foa gheraera, kotugo gambauva  
\q3 nombura da kaugo babaigo ava eteso aminda yaru use irira.   
\q1
\v 27 Ne isasambu nenda ighoi sifoda nimoa gigitururoro, nenda uvu bayau nine muturaesa.   
\q1
\v 28 Nenda bayau rea muturaesa, ne ava mindiraera.  
\q2 Sino fuka nine unduraesa, isambu inono beka irá gheraera.   
\q1
\v 29 Ni gukai muturaesa ainda sifoda, ne oju eraera.  
\q2 Ninda janje asegari nemokena buraesa amo, ne amburaera, kotugo fonja aimi usesa,  
\q3 aminda jovereghe fonja jineraera.   
\q1
\v 30 O ni enda eminda jebuga seka sirorare dae saresa amo, ninda Asisi mutaso ne siroredo fetarera.   
\q1
\v 31 Nanda uju enda eminda, \nd Bajari\nd* da duroimi beda edo evovo dae iraeti!  
\q2 Nu rea setiri sirorusira aindae \nd Bajari\nd* nune ivuga are dae resena.   
\q1
\v 32 Nu fuge enda giraira amo, enda daradara gheraira.  
\q2 Nu doriri mane nunda ungoimi dereraira amo, ne imbosi gombe gambe geraera.   
\q1
\v 33 Na enda eminda ghousa mavega irarena, \nd Bajari\nd* kena yaru sise irarena.  
\q2 Sifo ghousa God kena yaruimi sakai sise irarena, ambari tano.   
\q1
\v 34 Nanda yaru sarena aindae nu ivuga aeti, ai resira amo,  
\q3 nanda ivuga \nd Bajari\nd* kena ghe foa gheraira.   
\q1
\v 35 Nanda uju ari eko embo enda eminda ava sosighi aetesi.  
\q2 Ari ekoko embo ava ambu tefo aeteri.  
\b  
\q1 Arie namoako! \nd Bajari\nd* dae sakai saone!  
\q1 \nd Bajari\nd* dae sakai saore!   
\c 105  
\s1 God Nunda Natofo Kaifa Use Tavo Eraira.  
\q1
\v 1 Namonde \nd Bajari\nd* dae aiyakoe saore! Nu teria beká irira aindae, osa saore!  
\q2 Nune rea usira aindae, endada oro oro isambukena osa siruroro ningore!   
\q1
\v 2 \nd Bajari\nd* dae yaru sise, sakai saore! Nune roera eveva gaveva nanjogo ututusira aindae,  
\q3 numokena yaruimi sakai saore!   
\q1
\v 3 Namonde mo, nunda tofo ágido ivuga aore! Namonde maveju maveju numoa tumonde baingeraera,  
\q3 nundae ivugaghae vure jasedo ghaore!   
\q1
\v 4 \nd Bajari\nd* kena yasivu, sonemba tambove! A kotugo, sifo ghousa numoa tumonde bainghuse irivu!   
\q1
\v 5-6 God da saramana kato Abraham da imemisiri gamemisiri kena resena, ningivu!  
\q2 Kotugo nunda imendi Jacob da veka nune gategusira ava, eminge kotovo dae resena, ningivu!  
\q2 God da tano gi dudukugharigo, a kotugo nu nange Abraham ondi da gitofu ijujari dae sisira, ava kotevu!   
\q1
\v 7 \nd Bajari\nd* mo, namonde God ri. Nunda Agho Dari mo, reighi isasambudae sisira.   
\q1
\v 8 Nu kotua gatise, rea ari sisira ava evovodae amingudo yarira. Nunda beka gajari mendeni isambu barago ghaeko evia inono evovodae nune use irarira.   
\q1
\v 9 Nune Abraham ghae kotua gatise rea setero fefetusira,  
\q3 kotugo nunda beka gajari Isaac kena sisira ábarago edo gharira.   
\q1
\v 10 \nd Bajari\nd* Jacob ghae dabade sekago kotua gatise, emingari sisira, amo eviri:   
\q1
\v 11 “Reighi Keinani (Canaan) ava nane mutono, ninda tofodae baresa.” sisira.   
\q1
\v 12 Sifo amo God da natofo reighi Keinani (Canaan) aminda mo,  
\q3 jo anjaga iraeri, ne esa embo amingo ava iriari.   
\q1
\v 13 Ne yabayaba ghuse, oro eninda reighida ghe ya reighi enikena ghedo ghuseri.  
\q2 Ne kotofu enikena buvudo, kotugo ya kotofu enikena buvudo ghuseri.   
\q1
\v 14 Avata, God jo doyari mave eniimi bouvu mema nemokena mutaeri.  
\q2 Ne kaifa use, nune kini (king) nanjogokena nange ghoghora sedo ghusira, amo eviri:   
\q1
\v 15 “Nanda saramana kakato gategusena evia, erá deove!  
\q2 Kotugo nanda feroveta barago erá dereove!” God aminge sedo ghusira.   
\q1
\v 16 Avori \nd Bajari\nd* setiri baimara ava reighi Keinani aminda sirorusira.  
\q2 Kotugo nenda bayau isambu nune saghimbe rurusira.   
\q1
\v 17 Nu amingusira, avata anakora nunda natofo gategusira ainda genembo eni Joseph,  
\q3 sabua are dae oriro usera ava, giti dirigetiri isira.   
\q1
\v 18 Nunda ata seni (chains) auri arimi bundiseri a kotugo nunda dubo auri eniimi bundiseri.   
\q1
\v 19 Aminge iriri, nune gimasa irise, rea osa sisira amo, beká sirorusira.  
\q2 Joseph geka beká vanembo sedo ghusira ava, geka \nd Bajari\nd* numokena sisira, ai siroretiri gosuseri.   
\q1
\v 20 Sifo aminda, Egypt emboda kini (king) oro oro nanjogo kaifa edo ghusira aimi setiri, dibura do buvurutusira.   
\q1
\v 21 Etiri, kini setiri, Joseph Egypt da gavana a roera isambu reighi Egypt aminda ainda bajari edo irei.   
\q1
\v 22 Kini amingusira amo, nune setiri gavana da babojegari a kini da dengoro indari kakato barago,  
\q3 Joseph da sari ningari edo irero, nunda geka da amboda amboda aoro dae sisira.   
\q1
\v 23 Aminge fetetiri, Joseph numamo Jacob ningi eredo, núbarago ira,  
\q3 Noah da mandi Ham da imemesiri jokáda Egypt aminda buvudo, esa embo da kaugo ava edo irá ghedo ghusira.   
\q1
\v 24 \nd Bajari\nd* setiri, Jacob da imemesiri digarigo siroruseri.  
\q2 Amingusera aindae, nenda fakina aimi gitofuda fakina ava do darigusira.   
\q1
\v 25 Nune etiri, Egypt emboimi natofo Israel embo ava imboe gamboe useri. Aminguse,  
\q3 Israel embo deredo ghuseri.   
\q1
\v 26 Amingero, nunda saramana kato Moses diriguse God Moses da koro Aaron barago,  
\q3 gategedo dirigetiri nengae jovereghe Egypt iseri.   
\q1
\v 27 Nene God da tano gi dudukughari ava ututeoro gido ghuseri,  
\q3 a tano gae gitida ava reighi Egypt aminda ututedo ghuseri.   
\q1
\v 28 God setiri reighi aminda tumba jinjanghusira, avata, Egypt embo nunda geka jo ningae useri.   
\q1
\v 29 Nune setiri, nenda uvu isambu ororo jinetiri, oka mane isasambu amomonjeguseri.   
\q1
\v 30 Nenda reighi tomanako isambu gerakuimi bedo usira. Amingiri, kini da nati barago nemo vanembo usira.   
\q1
\v 31 A kotugo God setiri, soinimi a jejeraimi funghuse reighi tomanako nemo vanembo useri.   
\q1
\v 32 Nune borija beká bureguse setiri, borija dombu eni yaughari kau ghamana da kaugo aimi diríri,  
\q3 biria tarighusira.   
\q1
\v 33 Nune sosighi use, nenda vaini da asi a ika figi seraera isambu de bunununghetiri vovoseguseri.   
\q1
\v 34 Nune furore dae aghi etiri, sisi mane, jo tegari da kaugo irae aimi fera buvurutuseri.   
\q1
\v 35 Nene ika igi mane reighi jokáda isasambu mindi tefo useri. Vareda bayau barago isambu mindi tefo useri.   
\q1
\v 36 Ainda amboda God Egypt embo da vide jamena bebego detiri sirivo useri. Aminguse nu Egypt embo da fakina da susu ava de tisisira.   
\q1
\v 37 Amingetiri, Israel embo era, Egypt embokena nenda guri sosighi use, ruruseri.  
\q2 Bero, God ne unumbetiri, Egypt do buvurutuseri. Ne tamo kae gego, fakinaghae buvurutuseri.\f + \fr 105:37 \ft Tuturo 37 eminda geka “\ft \+it guri\+it*” tambaresa amo, ainda beká tamo foyago da geka “\+it silver\+it*” nengae “\+it gold\+it* ” dae sisira.\f*   
\q1
\v 38 Egypt embo nendae oju usera aindae, Israel embo ne do darigetero, dubo jama beká useri.   
\q1
\v 39 God forogaimi nunda natofodae sasoro dadudurureari, tumbaghae usasa mutare dae sedo,  
\q3 avaraka mutudo ghusira.   
\q1
\v 40 Ne benunu setero, rika ribo da kaugo avavago futusira,  
\q3 kotugo roera farava da kaugo utuda ghe muteari bu mindido ghuseri.\f + \fr 105:40 \ft “farava da kaugo” eminda resira amo, “\ft \+it mena\+it*” (manna) dae resira. Mena (manna) amo, God muteari, mungoghae dabade sifo ava inono vose furiari, Israel embo reighi evetu genembo a uvu irae da vasa aminda deinghuse, rete mindido ghuseri.\f*   
\q1
\v 41 Nune ghamana afigetiri, uvu jojojoghe vovosusira ava,  
\q3 reighi uvu a evetu genembo irae vasada uvu teria eni sumbari gusira.   
\q1
\v 42 Ainda beká mo, nunda saramana kato Abraham kena rea ari dae sise beka gagojusira ava kotise, amingusira.   
\q1
\v 43 Aindae sedo, nunda natofo gategusira ava nune unumbiri, ne yaru sise,  
\q3 ivugaghae fumbu aruguse reighi Egypt dodo buvurutuseri.   
\q1
\v 44-45 Avori, nunda natofo nange nunda Agho Dari kotugo nu rea aoro dae sisira,  
\q3 kaifa aetera ava kotise, nune oro mendeni da enda bu mutiri nene ruruseri.  
\q2 A kotugo, nenda vareghae daba ghabuda bariseri.  
\b  
\q1 \nd Bajari\nd* dae sakai saore!   
\c 106  
\s1 \nd Bajari\nd* Nunda Natofoda Veka Eveva Eraera Aindae, Sakai Saore!  
\q1
\v 1 \nd Bajari\nd* da javo jighoro erare! Erorurari, nunda dubo bari gombu tefo,  
\q3 nu eveva vanembo eraira aindae numokena aiyakoe sevu!   
\q1
\v 2 Mave eni jo \nd Bajari\nd* roera babaigo eraira isasambu tege tefo use, osa sari da kaugo iraeri.  
\q1 Mave nundae sakai sari saetira amo, jo nunda ari eveva eraira, ainghae inono ae aetira.   
\q1
\v 3 Evetu genembo mave nunda uju ava use, evovodae ari eveva gaveva use irá gheraera amo, ivugaghae irarera.   
\q1
\v 4 Arie \nd Bajari\nd*, ni sifo reda ninda natofo sonembaresa amo, nábarago kotaetesi!  
\q2 Sifo reda sonembururaso jebuga tambarera, nábarago kotaso dae resena!   
\q1
\v 5 Ninda natofo gategusesa ava, nanjigo saso ati ghayafade arera amo, saso, ne redae ivuga arera, na ainda jokáda irarena.  
\q2 Aminguse, ninda natofode dabade tatedo, nindae sakai sise irarera.   
\q1
\v 6 Afa, abua mane ari ekoko usera aminga ava, namane barago kotari ekoko kotise, ari ekoko edo ghuseri.   
\q1
\v 7 Namanenda avia abua Egypt aminda ninda tano gi dudukugharigo ututusesa ava, ne jo kote simbugae useri.  
\q2 Umbu nanjogo nemokena kavevera edo ghusesa, ava ne kotae edo ghuseri.  
\q2 Arie God, Fakina Tofo, ne amingedo, eva kokoigo aminda osogo nimokena bu fuseri.   
\q1
\v 8 Avata, nunda fakina tomanakogo ava ijugari gaoro dae sise,  
\q3 nu rea ari dae sedo, beka gagojusira ava use setiri, ne jejebuguseri.   
\q1
\v 9 Nune dombuda sise setiri, Eva Kokoigo saghedo kainghusira.  
\q2 Etiri, nunda natofo unumbedo bu enda kaingharida sefuseri.   
\q1
\v 10 Nune, evetu genembo ne gari imboe edo ghusera aikena sonembetiri, ne jebuguseri.  
\q2 Nenda gitofukena ne sainghimbe bu darigusira.   
\q1
\v 11 O nenda gitofu mo, uvuimi fatiri mindi sirivuseri, eniko jo fetaeri.   
\q1
\v 12 Amingetiri, nunda beka gajari isambu ava nunda natofo tumonduseri. Edo, yaru didivuse, nundae sakai siseri.   
\q1
\v 13 Avata, nu nendae sedo rea usira ava ne totoi nembo kotae useri.  
\q2 Amingedo nenda uju use, God da kotari ningari dae sedo jo kaifa aeri.   
\q1
\v 14 Reighi uvu a evetu genembo irae da vasa aminda ne masaru useri. Aminguse, ne God ava bu derarikena fifituseri.   
\q1
\v 15 Amingusera aindae, ne rejodae uju usera ava nune futusira.  
\q2 Avata, ainghae dabade tauno eko ava setiri nenda jokáda itatama useri.   
\q1
\v 16 Aminda evetu genembo uvu bayau irae vasada ne Moses dae mendó mendó useri,  
\q3 kotugo genembo God gategusira, Aaron dae barago, mendó mendó useri.   
\q1
\v 17 Amingero, enda beka fangedo, osogo ari kakato da giti jighari, Dathan dukughedo,  
\q3 a kotugo, nenda giti jighari eni, javo Abiram, nunda ambo jimbide dabade dukughusira.\f + \fr 106:17 \ft Ni Dathan Abiram ghae da kiki bunaresa, Afige Numbers 16:1-35 aminda yasi, gase!\f*   
\q1
\v 18 Amingiri, avarakai vosefira, evetu genembo mendeni nengae da geka ningido ari ekoá usera ainda etoda,  
\q3 vose dungetiri aviseri.   
\q1
\v 19 Nene doriri Sainai aminda goldi (gold) budo, ove kevuse, borumakava mandi da kaugo ava edo,  
\q3 tumonde bainghedo ghuseri.   
\q1
\v 20 Ne God duro usasaghae ava ighagha use, borumakava kikisa mindiraira ainda dangio ava budo  
\q3 tumonde bainghedo ghuseri.   
\q1
\v 21-22 Aminguse, God Noah da mandi Ham da imemesiri jokáda Egypt aminda,  
\q2 nunda tano fakinagoimi sonembetiri jejebugusera ava, ne kotae useri.  
\q2 Amo roera gi dudukugharigo Egypt aminda a kotugo eva kokoigo aminda usira, aindae resena.   
\q1
\v 23 God ava gido, janje eko edo nunda natofo sosighi ari dae sisira amo, beká siroraetira.  
\q2 Avata God nunda saramana kato, javo Moses, gategusira aimi eredo, erá natofo ambeure dae sise,  
\q3 nu God buregusira.   
\q1
\v 24 Ainda amboda, ne reighi uvu bayau da vasa nemokena mutaetira ava, imboe useri.  
\q2 Ainda susu mo, ne God da beka gajari ava jo tumondaeri.   
\q1
\v 25 Aminguse, nenda dobo jokáda iritirise, \nd Bajari\nd* dae isi basi sise, ningi ningaego useri.   
\q1
\v 26 Aindae sedo, nu koveonoghae eminge sisira, “Ne na uvu a evetu genembo irae vasa eminda saono,  
\q3 sirivu ututareva.   
\q1
\v 27 Nenda imendi gamendi barago, na nenda gitofu, na jo tumonde bainghae eraera,  
\q3 ainda jokáda goroghaono ya, oro mendenida reighi aminda sirivu ututarera.”   
\q1
\v 28 Amboda, reighi Peor aminda God nunda natofo Israel embo god eni Baal seraera,  
\q3 ainda tumodari embode tatedo, Baal tumonde bainghuse, ove kevari jebuga tefo,  
\q3 ainda dombuda bayau joba dungutusera, ava bu riseri.\f + \fr 106:28 \ft Ove kevari Baal da tafaroro jokáda aito fugari etoto naká God imboe beká usira amo eviri: eni mo tafaroro jokáda ne komana da evetu o genembo sandi yagera edo ghuseri. O eni mo, nenda sasingu vide seka sirorari ava jebuga iroro muteoro Baal da fristimane dungioro avido ghuseri.\f*   
\q1
\v 29 Amingetero, \nd Bajari\nd* da janje ekoko ava nenda aito fugutusera aimi etiri,  
\q3 tauno eko beká nenda jokáda bejetiri sirivo useri.   
\q1
\v 30 Avata, Aaron da mandi Phinehas ere fetedo, ari eko gagara mandighae amo gaetiri ambududurusera aindae, tauno eko amo tukughusira.   
\q1
\v 31 Avori, nune amingetiri gido, God nundae “ni eveva” sisira. Aminge sisira ainda binó ava, ai tano ghedo refira, kotugo evovodae ivigedo yarira.   
\q1
\v 32 Uvu ghoghoro Meriba aminda evetu genembo isi basi setero \nd Bajari\nd* janje ekoko usira aindae, Moses barago dara tafusira.   
\q1
\v 33 Ne rea usera aindae, Moses janje eko beká etiri, ghoghora sisira amo, jo itako durumugedo kotise saeri.   
\q1
\v 34 Ainda amboda, \nd Bajari\nd* oro mendeni daoro amboro dae sisira, ava ne jo ae irise,   
\q1
\v 35 oro resena ainde dabade minode minode fifituse teana embo da tumondari eko, kotugo kiki eko  
\q3 ainda amboda amboda edo ghuseri.   
\q1
\v 36 Aminguse, God da natofo ove kevari dombu eni dombu eni ava tumonde bainghedo ghusera aindae,  
\q3 ne God da bouvu ava itatama e sirivo useri.   
\q1
\v 37 Ne totofo nenda sasingu veveyako ade vide ava jebuga irioro,  
\q3 Keinani embo da ove kevari da dombuda joba dungoro dae mutudo ghuseri.   
\q2
\v 38 Nenda sasingu dara iritiraede ava Keinani da ove kevusera aindae joba futuseri.  
\q3 Amingero, enda bebeta usira.\f + \fr 106:38 \ft Yasi gase! Sasingu dungari avari da geka tuturo 38 da duruda itako se disugedo irira.\f*   
\q1
\v 39 Ne aminguse totofo bebeta useri. Ne aminguse God nusuka numoa tumonde bainghoro dae sisira ava,  
\q3 gukai futuseri.   
\q1
\v 40 Amingetero, \nd Bajari\nd* nunda natofo Israel embokena janje ekoko use, nemoa gari beghagha beká usira.   
\q1
\v 41 Nu do darigetiri, oro mendeni ove kevari dombu eini dombu eni tumonde bainghedo ghusera,  
\q3 aimi sero nenda sari ningari use iritiriari a kotugo, nenda gitofu mendeniimi ne katiyavara use kaifa edo ghuseri.   
\q1
\v 42 Gitofuimi nemoa kateyavara urureoro, nendae bouvu mema tambudo ghuseri.  
\q2 Gitofuda sarida nembo iritirise, nenda sari ava use iriá ghuseri.   
\q1
\v 43 Sifo nanjogo \nd Bajari\nd* nune sonembeari, dara darigedo ghuseri.  
\q2 Avata nene geredo osogo numokena bu fuse ari ekoda tofo edo iriari.   
\q1
\v 44 Avata sifo reda numokena koko fuge sorara usera amo, \nd Bajari\nd* niningusira.  
\q2 A kotugo, ne nanjigo mema bouvu fufuse, kori sisera, nu kasama usira.   
\q1
\v 45 Nemoa kotise nu beka gagojuse rea ari sisira ava kotisira.  
\q2 Ne dubo bu gogoghomberaira aindae, nu joka usira.   
\q1
\v 46 Nune setiri, teana embo nunda natofo Israel embo sandido katiyavara edo ghusera,  
\q3 aimi tuturo edo nendae joka useri.   
\q1
\v 47 Arie \nd Bajari\nd* God, namane sonembe jebugaore!  
\q2 Ninda javo kakara jighoro erare dae sise, namane ningiaminda gorogheteso oro mendenida jokáda irera,  
\q3 amindaghe namane ava bu jovereghe fu!   
\q1
\v 48 Namonde Israel embo da \nd Bajari\nd* God dae sakai saore!  
\q2 Sakai saore nundae oroko a kotugo evovodae. Evetu genembo isambu sevu,  
\q1 “Ai bekári”. Sakai saore, \nd Bajari\nd* dae!   
\c 107  
\s1 God Evevagori, Aindae Sakai Saore!  
\q1
\v 1 \nd Bajari\nd* da dubo bari gombu tefo, nu eveva vanembo eraira aindae, numokena aiyakoe sevu!   
\q1
\v 2-3 Mave \nd Bajari\nd* sonembetiri jebuguseva, ne isambu geka setena ava sise, nundae sakai sevu!  
\q2 Ne teana embo da reighida irevo, ne nune gitofu kena saghimbe budo,  
\q3 utu gambari, utu gambaridaghe jovereghe fusira.   
\q1
\v 4 Mendeni reighi uvu a evetu genembo irae vasada baghimbedo yabayaba ghuse,  
\q3 reighi bogu begaya aminda ya anumbari emboro bunedo iritiriari.   
\q1
\v 5 Ne uvu bayaudae baimarai sirivo use, ambari dae ghosuguseri.   
\q1
\v 6 Aminguse, ne dara jokáda irise, \nd Bajari\nd* nemo sonembare dae sorara etero, nenda bouvu nune itimbetiri jebuguseri.   
\q1
\v 7 Nune giti biri, reighi bogu begayada ningia aminda dighi anumbaetera, ava kasama edo,  
\q3 emboro dambu aminda iseri.   
\q1
\v 8 Arie, ne nunda dubo bari a kavevera teriago a tano gi dudukugharigo nendae ututusira aindae,  
\q3 aiyakoe saovo dae resena!   
\q1
\v 9 Ai resira amo, mave uvu bayaudae baimara itatameraera aikena, uvu bayau nune muturaira.   
\q1
\v 10 Mendeni seni (chains) auri arimi bundetero dibura use vasa tumba jinjanghari beká aminda iritiriari.   
\q1
\v 11 Ainda susu mo, ne God Iká bekáda irira, ainda Agho Dari ava ighagha use,  
\q3 nu rea aoro dae sisira ava, gungubo sariá sise, jo ae edo ghuseri.   
\q1
\v 12 Susu aindae, nemokena saramana teria futo futiri, janjagu use janje gajedo ghusira.  
\q2 Ne du fafasedo ghusera, mave jo sonembae edo ghuseri.   
\q1
\v 13 Sifo aminda, ne dara jokáda irise, \nd Bajari\nd* nemo sonembare dae sorara etero,  
\q3 nenda bouvu nune itimbetiri jebuguseri.   
\q1
\v 14 Ne vasa tumba jinjanghari jokáda irero, ne nune unumbe bu buvudo,  
\q3 seni auri aimi bundisera ava, nune detiri bunununghe vovosusira.   
\q1
\v 15 Arie ne, \nd Bajari\nd* da dubo bari a kavevera teriago a tano gi dudukugharigo nendae ututusira,  
\q3 aindae aiyakoe saoro dae resena!   
\q1
\v 16 Ainda susu mo, gitofoda furu da guro babai auri bronsi (bronze) ari ava nune de bununugheari voseraira.  
\q2 A kotugo, kamboda boraga auri ari barago, nune dive gafeari voseraira.   
\q1
\v 17 Evetu genembo mendeni geka ningi ningaego use ari ekoko edo ghusera aimi daghari gogovara edo,  
\q3 ne rea edo ghusera aindae, mema bouvu itatama use iria ghuseri.   
\q1
\v 18 Ne oka, uvu bayau gari beghagha use, ambari dae ghosuguseri.   
\q1
\v 19 Aminguse, ne dara jokáda irise, \nd Bajari\nd* nemo sonembare dae sorara etero, nenda bouvu nune itimbetiri jebuguseri.   
\q1
\v 20 Ne ambaetera, avata geka nune sisira aimi sonembetiri jo ambae useri.   
\q1
\v 21 Arie ne, nunda dubo bari a kavevera teriago a tano gi dudukugharigo nendae ututusira,  
\q3 aindae aiyakoe saoro dae resena!   
\q1
\v 22 Ne nundae aiyakoe sise, joba futuse, yaru sise, nu rea usira aindae, divu fusedo ghaovo dae resena.   
\q1
\v 23 Mendeni ghasemoda vovosegedo evada, ghamana bari dae use,  
\q3 ya foa ghuse gugua oriro use eva teriada deinghedo ghuseri.   
\q1
\v 24 Ne \nd Bajari\nd* evada rea edo ghusira, a nunda tano gi dudukugharigo edo ghusira, isambu gi tefo useri.   
\q1
\v 25 Nune seari yaura vovoga fakinago usumbeari, karaje dereari eva babai eredo ghusira.   
\q1
\v 26 Ghasemo babai bu fugeari ikáda viti ya, evada tifughe vosedo, viti foa kounghedo ghusira.  
\q2 Amingiri, bouti da saramana kakato oju use beka dadabuseri.   
\q1
\v 27 Ne uvu sembae mindi jiro birurughari kavakava ariguse teteteghe ya foa ghuseri.  
\q3 Nenda kasama kau mavega isambu beká irae usira.   
\q1
\v 28 Aminguse, ne dara jokáda irise, \nd Bajari\nd* nemo sonembare dae sorara etero, nenda bouvu nune itimbetiri jebuguseri.   
\q1
\v 29 Eva yaura vovoga nune setiri, songhedo binono gafugusira.   
\q1
\v 30 Binono etiri, ne dubo jama ero, fafo reda ya terari dae uju usera aminda, ne nune unumbetiri jebuga era,  
\q3 aminda tere dadoruseri.   
\q1
\v 31 Arie ne, nunda dubo bari a kavevera teriago a tano gi dudukugharigo nendae ututusira,  
\q3 aindae aiyakoe saoro dae resena!   
\q1
\v 32 Natofo tafaroro ari totorugarera ainda jokáda fetedo, nunda javo jighoro eredo ghaetira.  
\q2 Kotugo babojegari totorugarera ainda jokáda barago, nundae sakai saoro dae resena.   
\q1
\v 33 \nd Bajari\nd* etiri, uvu mane gasumbedo, kareva da uvu kainghedo, kainghari beká usira.   
\q1
\v 34 Evetu genembo aminda iritirise, ari ekoko edo ghusera aindae, nune etiri,  
\q3 enda karevaghae ava jovereghe enda karajemi bebeta usira avaga edo irei.   
\q1
\v 35 Nune etiri, reighi uvu a evetu genembo irae vasada uvu gaunghuse,  
\q3 enda kainghari aminda uvu kirikara ghuse tuturo edo sufusira.   
\q1
\v 36 Nune evetu genembo baimarai sirivo ari dae usera ava, bu vasa aminda dighi anumbaoro dae sedo, bu fitiri, nene bogu begaya dighido anumbuseri.   
\q3
\v 37 Nene je govedo ghuse, bayau goveoro beká digarigo jigheari bu mindido ghuseri.  
\q2 Nene enda je govedo vaini (wine) da asi govetero vuji digarigo jighi vosetiri bariseri.   
\q1
\v 38 Nunda natofo nune esimbugetiri, ne ghagurugo sirorero, nune setiri, fuka borumakava mane digituseri.   
\q1
\v 39 God da natofo nenda gitofuimi fera ne de atai fati fefetuse, sino fuka dae ari guse katiyavara ero,  
\q3 mema tambudo jarutusera da sifoda,   
\q1
\v 40 God katiyavara ari kakato yarata aikena nunda janje ekoko ava averegetiri,  
\q3 savavara uvu bayau irae vasada yabayaba ghuseri.   
\q1
\v 41 O makasi embo dae kavenu sise, nenda bouvu nune itimbetiri jebuguseri.  
\q2 Ainghae dabade, nune setiri nenda mandi sasingu digarigo siroruseri.   
\q1
\v 42 Avavaga sirorusira amo, evetu genembo eveva irá gheraera ava gosuse ivuga useri,  
\q3 o ari ekoko embo ava gido ne beka dadabuseri.   
\q1
\v 43 Mave dubo kotaride irá gheraera amo, na geka setena emo kotise irarera.  
\q2 \nd Bajari\nd* da dubo bari a kavevera teriago ava kotise iroro dae resena.   
\c 108  
\s1 Gitofo Kosegari Jebugari Da Banungariri.  
\q1
\v 1 Arie God, nanda tumondari nimokena jo nanjigo dadabae arira.  
\q2 Nanda dubo isambuimi nindae sakai sise, yaru divarena.   
\q1
\v 2 Arie, nanda gita yukaghae\f + \fr 108:2 \ft Afige, geka eni \ft \+it gita o uka\+it* dae gefusera, tuturo 33:2 duruda tege, garesa!\f* erevu! Sifo nane karigaone!   
\q1
\v 3 Arie \nd Bajari\nd*, na reighi isasambu da oro mendeni mendeni jokáda fetirise, nindae sakai sarena.  
\q2 Na reighi isasambu da oro mendeni mendeni aikena nindae sakai sarena.   
\q1
\v 4 Ai resira amo, ninda dubo bari a kavevera amo, teriago bekári, utu viti darigedo irira.  
\q2 Ninda beka gajari namanekena isambu kaifa eraesa, aimi aira utu tambudo irira.   
\q1
\v 5 Arie God, utuda ninda javo jighi erorurari, enda evia ninda duro aimi afurugedo ijuge, gaore!  
\q2 Arie God, utuda ninda fakina a duró ava ijugururu!   
\q1
\v 6 Ninda natofo dubo buraesa ava ninda fakinaimi sonembe!  
\q2 Namanenda benunu ningido, ninda fakinaimi namane gitofukena saghimbe bu darigaso  
\q3 jebugari dae resena.   
\q1
\v 7 God nunda tafaroro kambo kakarago aminda irise sisira, “Reighi Sekem  
\q3 nane sosighi e budo, tano ghoredo, nanda natofokena soro vesa arena.  
\q2 Enda uvu ghajughu tevisa Sukot seraera, ábarago nane sosighi e budo, tano ghoredo, soro vesa arena.   
\q1
\v 8 Gilead frovensi mo, nandari, a kotugo Oro Manasseh ningiaminda anumbirera, ábarago nanda tofori.  
\q2 Ephraim ondi mo, nanda jiro gagara ari kato da kaugori, kotugo Judah ondi mo, nane kotofu edo irena da tanogori.   
\q1
\v 9 O Moab mo, nanda uvu dimbu gutari agha dae ererurena.  
\q2 A kotugo Edom aminda nanda ata anoso goroghari da vasari.  
\q2 Ata anoso goroghusena amo, nanda yoyovari, aimi imbara ururono irarira.  
\q2 Filistia embo da enda sosighi e ruruse, na sosighi e bari da kuvai koko fuge resena.”   
\q1
\v 10 Arie God, na mave giti bari ya reighi karo kinghari ominda terareni? Nanda giti mave bari Edom yareni?   
\q1
\v 11 \nd Bajari\nd*, ni namane imboe fugutusesi, aĩ? Ni namanenda isoro embo unumbedo ya tataya aresa, aĩ?   
\q1
\v 12 Arie, sonembaso isoro ari dae resena, ai resira amo,  
\q3 endada evetu genembokena sonemba bari eni tefori.   
\q1
\v 13 Sonemba God kena ruruse, isoro arera inono arira.  
\q3 Namondeda gitofu nune de atai duboda fatarira.   
\c 109  
\s1 God Gitofu Dari Ambare Dae Benunu Sisira.  
\q1
\v 1 Arie God, na sakai nindae seraena. Erá beka gote tauntaungheose!   
\q1
\v 2 Ai resira amo, ari ekoko embo, nandae osogo use, geka gungubo nanda javoda sesegerera.   
\q1
\v 3 Nandae jijivu ekoko beká resuterera. Na eko eni jo ae ava, susu tefo resera.   
\q1
\v 4 Na ne dubo ruruse, nemoá sonembaso dae banungedo ghuseni.  
\q2 Avata, na gofono dae sise, unongu seraera.   
\q1
\v 5 Na ne dubo ruruse, nendae ari eveva beká urureono,  
\q3 ne mino namoá imboe use, namokena ari ekoko beká ava eraera.   
\q1
\v 6 Genembo eko eni gatege, nundae aji sare! Unongu sari kato eni dirigaoro ya, numoa kotoda fitare!   
\q1
\v 7 Koto sifoda nu gofaetira. Nunda benunu seraira barago, ijujari katoimi gungubo sariá sise, sari gofarira.   
\q1
\v 8 Genembo amo oroko nembo ambaeti! Nunda saramana da vasa ava, genembo eniimi baeti!   
\q1
\v 9 Nu ambari, nunda sasingu babate aoro, noaro rori baetira.   
\q1
\v 10 Nunda sasingu nati do bayaudae benunu sise deinghaore!  
\q2 Evetu genembo mendenimi ne ondoro, numamo da kambo bunununghari ava do darigaore!   
\q1
\v 11 Nu mavekena moni benunu se bambudo, jo mutae usira aimi, numoa koto use nunda gugua soesa baeti!  
\q2 Teana emboimi nunda gugua ghayafa korai use budo irira ava, soesa barera.   
\q1
\v 12 Nundae mave enimi jo joka ae aetira. Kotugo mave enimi nunda sasingu babatedae  
\q3 kavevera itako jo ae aetira.   
\q1
\v 13 Nunda sasingu amboro dae resena. Amingaoro, nunda oro manje tefo aeti.   
\q1
\v 14 Numamo nombua mane da ari ekoko usera, kotugo noi da ari eko ava,  
\q3 erá \nd Bajari\nd* kote doyeure dae sise resena, evovodae kotise irare!   
\q1
\v 15 Genembo ainda natofo da ari ekoko ava \nd Bajari\nd* sifo ghousa kotise,  
\q3 ne dari amboro, nenda binó barago ya dadabaeti.   
\q1
\v 16 Ai resira amo, genembo amo nu evetu genembo mendeni dae joka ari berefori,  
\q3 evetu genembo tofo irae embo ava, evetu genembo gugua roera dae jarutuse irera ava,  
\q3 nemokena mema bouvu futuse detiri sirivuseri.   
\q1
\v 17 Giti nu evetu genembo mendeni girivaita ari ava uju beká edo ghusira, avori,  
\q3 nunda girivaita ari aimi tofo numoa bare. Nu esimbugari da emboro imboe usira,  
\q3 ágido numokena esimbugari eni erá siroreure!   
\q1
\v 18 Nu evetu genembo mendeni girivaita ari ava nembo use irei, eveva mo uvá gae baseari,  
\q3 fisi yaya eraira aminga ava, nunda girivaita aimi tofo nunda tamonda gambare!   
\q1
\v 19 Kotugo, nunda girivaita aimi tofo numokena asuge, kikifu edo evovodae irare!   
\q1
\v 20 \nd Bajari\nd*, nanda gitofu namokena osogo use, jijivu seraera,  
\q3 ainda beká ava jovereghe nemokena ururaso, ghamo baore dae resena.   
\q1
\v 21 Arie \nd Bajari\nd* God, ni nange sonembari beka gagojusesa ava use, na sonembe!  
\q2 Ni na dubo bu goghombuse, kavevera eraesa aindae, na sonembaso jebugari dae resena.   
\q1
\v 22 Na tofo iraede kotugo makasi bekári, nanda janje joka mema ai jaruterena.   
\q1
\v 23 Kau ungobu use, reighi tutumbe geraira, na amingari gerena.  
\q2 Kau sisi ambari yaurai fuseari ya gheraira, amingari gerena.   
\q1
\v 24 Uvu bayau tefo etiri, na kaubo roroghoterira, na kau irae, gevei etu yavarara geteni.   
\q1
\v 25 Evetu genembo na sifo reda garera, namoa dere jise, nandae gifua gitorotoro use, gegha jiraera.   
\q1
\v 26 Arie \nd Bajari\nd* God, na dubo buraesa aindae, na sonembaso dae resena.   
\q1
\v 27 Arie \nd Bajari\nd*, nisuka nine na sonembedo, sanghimbeoso jebugeraena ava ijugaso,  
\q3 nandae osogo ari kakato kasama aore!   
\q1
\v 28 Ne namoa girivaita arera amo, namoa esimbugaresa.  
\q2 Evetu genembo namokena ari eko arera ava, sosighi aso itatama arera.  
\q2 Amingururaso, ninda saramana kato, dubo jama arira.   
\q1
\v 29 Mave namokena gitofu eraera ava aso, meka gaeteri. Mekavata meka garera.   
\q1
\v 30 O namo, taká koko fuge \nd Bajari\nd* kena aiyakoe sise, nundae sakai sarena,  
\q3 nunda natofo tafaroro ari dae totorugarera ainda jokáda fete, nunda javo jighono erarira.   
\q1
\v 31 Ainda susu mo, tofo irae embo ava nune soreraira,  
\q3 kotugo mave gitofuimi daoro amboro dae seraera ava, nune sanghimbe beari jebugeraera.   
\c 110  
\s1 Kini (King) \nd Bajari\nd* Nune Gategusira, Ava Sonembari Dae Resira.  
\q1
\v 1 \nd Bajari\nd* nu nanda bajari aikena sisira,  
\q2 “Fu, nanda ungu gimanduda anumbiraso,  
\q1 ninda gitofu ninda fakina ava gosururoro  
\q2 ne de bundedo bu foama, ninda ata duruda  
\q1 fitono fafasaore!”   
\q1
\v 2 \nd Bajari\nd* nune ari, ninda kini (king) edo reighi kaifa eraesa ava tuturo edo,  
\q2 Saion\f + \fr 110:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* eminda ghe beraraghe ya foa ghururari, ninda gitofuda kini barago nine edo ne kaifa aresa.   
\q1
\v 3 Ninda gitofude isoro aresa ainda sifoda,  
\q2 ninda natofo nenda ujuda foa ninda ambo gayarera.  
\q1 Kau sifoda mungo rurugheraira,  
\q2 aminga ava ninda gigimasa seka bajari ninda ambo gayari dae,  
\q1 Doriri Kakara aminda nimo sonembari dae fufuregarera.   
\q1
\v 4 \nd Bajari\nd*, beka gagojuse kotua gatisira,  
\q2 ava sedo nu jo ighagha ae arira.  
\q1 “Ni kau Melchizedek avavaga fristi edo,  
\q2 evovodae amingedo iraresa.”   
\q1
\v 5 \nd Bajari\nd* mo, ninda ungo gimandukenari.  
\q2 Amboda nunda janje ekoko arira ainda sifoda,  
\q1 nu kini (king) nanjogo dedo duboda fatarira.   
\q1
\v 6 Nune oro mendeni ava, ambu dadabaore dae use,  
\q2 de goroghari isoro vasa ganjimbe fafasarera,  
\q1 endada kokotofu nune dedo atai duboda fafategarira.   
\q1
\v 7 Kini (king) emboro tinguda  
\q2 kareva da uvu ava rise, aimi fakina arira.  
\q1 Nunda gitofu isambu dedo duboda atai fafategarira.   
\c 111  
\s1 Bajari Ari Rea Eraira Aindae, Sakai Saore!  
\q1
\v 1 \nd Bajari\nd* dae sakai saore!  
\q2 Nunda natofo tafaroro ari totorugarera ainda jokada teredo,  
\q2 nanda janje joká isambuimi \nd Bajari\nd* dae aiyakoe sarena.   
\q1
\v 2 \nd Bajari\nd* da ari ava roera garigarigo ava ututeraira!  
\q2 Maveju maveju nu uju eraera, aimi nunda ari ovia kotise irágheraera.   
\q1
\v 3 Nunda ari rea ututeraira ava isambu bino ghaeri, kotofu da ari ava nembo eraira,  
\q2 nunda irari dambugo beká ava jo nanjigo tano ae arira.   
\q1
\v 4 \nd Bajari\nd* da ari garigarigo eraira ava, kotoro dae eraira. Kavevera a joka ari kato, numori.   
\q1
\v 5 Evetu genembo mave nu kakara eraera, ainda uvu bayau nune muturaira. Nu nunda kotua gatari ava jo sifo nanjigo kote doyae arira.   
\q1
\v 6 Nunda fakina ava nunda natofo kena ijuguse, teana embo da enda ghabuda bambu nendae futusira.   
\q1
\v 7 Nu rea ari dae sisira ava, bekáda bekáda use irágheraira.  
\q2 Nunda natofo rea aoro dae sise, nenda fakina mavega ava, kote simbugedo sisira.   
\q1
\v 8 Namonde rea aoro dae sisira amo, nu ari dambugo use geka bekáda bekáda sisira.  
\q2 Kotugo geka sisira amo, evovodae irarira, tano tefori.   
\q1
\v 9 Nu nunda natofo vujegetiri, jebuga irera.  
\q2 Nemokena beka gajari rea usira ava, evovodae irarira, tano tefori.  
\q3 Kakarago, a fakina kato amo, numori!   
\q1
\v 10 Dubo kotari bari da emboro amo, \nd Bajari\nd* kakara use nundae igheghi aresa.  
\q2 Evetu genembo mave nunda sari ava kaifa use, irágheraera aikena, nune kotari eveva muteari buraera.  
\q2 Evovodae numokena sakai sise irarera!   
\c 112  
\s1 Ivugaghae Irari Da Emboro Mo, Emingori  
\q1
\v 1 \nd Bajari\nd* dae sakai saore! Evetu genembo mave \nd Bajari\nd* kakara use,  
\q2 nunda sari ava ari dae mamasa use irá gheraera amo, ivuga ghae irarera.   
\q1
\v 2 Genembo eveva einda mandi sasingu reighi Israel aminda susu iti fafode edo kokotofu nene arera.  
\q2 Aminguse, nunda imemesiri gamemesiri aikena esimbugari sirorari barera.   
\q1
\v 3 Nunda ghaguru aikena moni guguade nene arera, nemokena evovodae digutuse irarira.   
\q1
\v 4 Gegenembo eveva gaveva emingori, joka ari kakato, kavevera ari kakato,  
\q2 a kotugo ari dambugo use irá gheraera aikena, tumba jinjanghari ainda jokada usasa janimberaira.   
\q1
\v 5 Evetu genembo mave komana da benunu ningido totoi sonemberaera,  
\q2 kotugo mave nenda bisinisi bekáda bekáda use komana jo derae eraera amo, ne ivugaghae irarera.   
\q1
\v 6 Eveva evetu genembo itako jo gofae arera, nenda binó jo nanjigo dadabae arira.   
\q1
\v 7 Mema bouvu da binó aindae jo oju ae eraera, ne tumonde gogoghombuse nenda kotari isambu \nd Bajari\nd* kena fifituse irá gheraera.   
\q1
\v 8 Ne janje jo bunedo kotari futo ae eraera, a oju jo ae eraera. God nenda gitofu de sosighi ari garera.   
\q1
\v 9 Ne babate embokena ivugaghae soro use, jo daghae eraera. Ne genembo kotofuko binoderi.  
\q3 Ne kakara ururoro irá gheraera.   
\q1
\v 10 Evetu genembo setena ava, natofo ekoko aimi gido janje ekoko arera,  
\q2 ne imboe gamboe use, dika gambu ghininji ghananja gharera, avata ne manje tefo arera.  
\q2 Ne rejodae gigitusera, ainda beká eni jo sorarari baeri.   
\c 113  
\s1 \nd Bajari\nd* Da Kavevera Aindae Sakai Saore!  
\q1
\v 1 \nd Bajari\nd* dae sakai saore! Ne \nd Bajari\nd* da saramana eraeva, emboimi nunda javo jighivu, erare!   
\q1
\v 2 Namonde isambu oroko a evovodae \nd Bajari\nd* da javo jighoro erare!   
\q1
\v 3 Iji vitari kena kotugo iji vosari kena \nd Bajari\nd* da javo jighivu erare!   
\q1
\v 4 \nd Bajari\nd* nune endada oro oro isambu kaifa eraira.  
\q2 Nunda duro aimi utu da roera isasambu darigedo iká bekáda irira.   
\q1
\v 5 Evetu genembo eni \nd Bajari\nd* namonde tumonde baingheraera, ainda kaugo tefori. Nu ika bekáda irá gheraira.   
\q3
\v 6 Avata nu ukuge, utu enda giraira.   
\q1
\v 7 Makasi embo beká sena vasada iritirá gheraera ava nune jigheari ereraera.  
\q2 Irari dae jarutuse irá gheraera, rejodae mema eraera ava, nune futuse, ne jigheari ereraera.   
\q1
\v 8 Aminguse, evetu genembo ava nune sonembeari ne vitido,  
\q3 nenda natofoda kokotofude umo gaumo edo gheraera.   
\q1
\v 9 Nune seari, evevetu erova mandi sasingu fufuse, dubo jama edo ivugaghae nenda ofo kamboda irá gheraera.  
\q1 \nd Bajari\nd* dae sakai saore!   
\c 114  
\s1 Jarige Yari Da Kirumoda Yaruri.  
\q1
\v 1 Jacob da imemisiri gamemisiri Israel embo oro eni geka dombu eni tinongu tanongu seraera,  
\q3 ainda reighi Egypt iriara ava dodo isera da sifo aminda,   
\q1
\v 2 Judah ondi God da natofo kakarago useri. Israel embo tofo nunda natofo bekádae rurusira.   
\q1
\v 3 God isagha etiri, Eva Kokoigo gido gasumbusira, kotugo Jordan uvu tukughe fefetusira.   
\q1
\v 4 Doriri gouti vurari guseri, kotugo enda jiro fumbari ne kau sifi kandana ai jorujoru ghari guseri.   
\q1
\v 5 Arie, Eva, roi nangetiri, ni gasimbusesi? Arie, Jordan, nímbarago, ni redae sumbari tukughusesi?   
\q1
\v 6 Arie, Doriri, ne redae gouti vurari gusevu? Arie, Enda Jiro Fumbari mane,  
\q3 ne redae sifi kandana aimi jorujoru gharigusevu?   
\q1
\v 7-8 Arie, Enda, Bajari God Jacob tumonde bainghedo ghusira, aimi etiri ghamana uvu jinendo,  
\q3 nunda bogu bogu usira, a kotugo ganasa sarigedo uvu jojoghusira, nune furarira ainda sifoda  
\q3 nundae ojuimi daradara ghaso dae resena.   
\c 115  
\s1 God Beká Mo Dabakori.  
\q1
\v 1 Arie \nd Bajari\nd*, ninda beka gajari nanjogo eteso fefetusira, kotugo namanedae ghamo buraesa aindae,  
\q3 namane nisuka nimoa kakara use ninda javo jighoro erarira. Jo evetu genembo eni kakara ae arera.   
\q1
\v 2 Redae oro mendeni namanekena ategi emingeraeri? “God nene tumonde baingheraeva amo reda iri?”   
\q1
\v 3 Namondeda God mo utuda irira. Nu rea uju eraira, amo ava eraira.   
\q1
\v 4 O evetu genembo mendeni da god mane beká iritiraeri, siliva (silver) kotugo goldi (gold) imi ariri,  
\q3 evetu genemboimi tefo ghabuimi ututuseri.   
\q1
\v 5 Ne beka ghaeri, avata beka jo sae eraera, ne diti ghaeri, avata ditii jo gae eraera.   
\q1
\v 6 Ne dengoro ghaeri, avata jo ningae eraera, ne mendo ghaeri, avata masa jo fumbae eraera.   
\q1
\v 7 Ne ungo ghaeri, avata jo sire bae eraera, ne ata ghaeri, avata jo fete ya foa ghae eraera, ne ghoreghore duka tefori.   
\q1
\v 8 Ove mave kevarira, kotugo mave nenda tumondari aminda fitarira amo,  
\q3 nenda ove mane da kakaugo aoro dae sise resena.   
\q1
\v 9 Arie, natofo Israel embo, nenda tumondari \nd Bajari\nd* kena fitivu! Ne nune sonembuse, gagara eraira.   
\q1
\v 10 Arie, God da fristi mane, nenda tumondari \nd Bajari\nd* kena fitivu! Ne nune sonembuse, gagara eraira.   
\q1
\v 11 Arie, ne mave \nd Bajari\nd* dae igheghi use, numoa tumonde baingheraeva, nemokena resena.  
\q2 Nenda tumondari \nd Bajari\nd* kena fitivu! Ne nune sonembuse, gagara eraira.   
\q1
\v 12 \nd Bajari\nd* nune namonde kotise esimbugarira. Namonde Israel embo a God da fristi mane dabade isambu  
\q3 nune esimbugarira.   
\q1
\v 13 Evetu genembo isasambu numoa kakara eraera ava, binode kotugo bino iraede dabade nune esimbugarira.   
\q1
\v 14 Na uju erena \nd Bajari\nd* nemokena mandi sasingu digarigo nemokena,  
\q3 kotugo nenda imemisiri gamemisiri amboda sirorarera aikena mutaeti.   
\q1
\v 15 Na uju erena, \nd Bajari\nd* utu a enda usira aimi ne esimbugaeti!   
\q1
\v 16 Utu mo, \nd Bajari\nd* nusuka nunda reighiri. O enda mo, namonde evetu genembo kena futusira.   
\q1
\v 17 Evetu genembo amomonjegedo, ambari embo da vasada vosedo irera amo, ne \nd Bajari\nd* dae sakai jo sae eraera.   
\q1
\v 18 O namonde jebuga emboimi numokena aiyakoe sarera, oroko a evovodae!  
\b  
\q1 \nd Bajari\nd* dae sakai saore!   
\c 116  
\s1 Genembo Ambari Dae Urogho Use Jebugedo, God Kena Aiyakoe Sisira.  
\q1
\v 1 \nd Bajari\nd* nanda kori ningiraira aindae, na nu dubo buraena. Beká resena, na benunu sirureono ningiraira.   
\q1
\v 2 Na kori seraena ningiraira. Ava sedo, na sifo ghousa jo ambae iris  
\q1 e, numokena banungedo gharena.  
\v 3 Ambari na asimi ivasi arigusira.  
\q2 Na rekato ambono furugarera kotise, ghamo takegha etiri, oju beka use, kotari futo useni.   
\q1
\v 4 Aindae sedo na \nd Bajari\nd* kena kori sise eminge siseni, “Arie \nd Bajari\nd*, benunu resena.  
\q2 Namoa ambari kena sainghimbe baso jebugaeteni.”   
\q1
\v 5 \nd Bajari\nd* mo joka ari kato, ari dambugo beká eraira. Kavevera kato beká God numori.   
\q1
\v 6 \nd Bajari\nd* evetu genembo sasinguko da tumondari avaga tofo mandi gagara eraira.  
\q2 Giti evetu genembo na sosighi ari dae etero, nune na sainghimbe biri jebuguseni.   
\q1
\v 7 Arie namoako, dubo jama ase, ainda susu mo, \nd Bajari\nd* nandae eveva usira.   
\q1
\v 8 Arie \nd Bajari\nd*, ambaetena ava, na saghimbe beso jebuguseni.  
\q2 Nanda diti jivu nine ghajisesi. Nine kaifa eso, gitofuimi na jo de atai fataeri.   
\q1
\v 9 \nd Bajari\nd* amingusira aindae, na oroko nunda dombuda enda eminda jebuga ya foa gherena.   
\q1
\v 10 Na kotiseni, “Na dara eko beka beni.” Avata nanda tumondari God kena jo doyaeri.   
\q1
\v 11 Na manamana use eminge siseni, “Evetu genembo eni jo tumondae arena.”   
\q1
\v 12 \nd Bajari\nd* nandae kavevera eraira aindae, numokena rea mutareni?   
\q1
\v 13 \nd Bajari\nd* namo setiri jebugusena aindae, aiyakoe sise, vaini ava jobadae numokena mutarena.   
\q1
\v 14 Nunda natofo totorugedo tafaroro ururoro jokada, na rea beka gagojuse,  
\q3 numokena mutari dae sisena, ava mutarena.   
\q1
\v 15 \nd Bajari\nd* God da natofo, nunda dombuda dambugo beká irá gheraera, eni nanjigo ambarera amo,  
\q3 nu mema teriago ava itatama arira.   
\q1
\v 16 Arie \nd Bajari\nd*, na ninda saramana katori, nanda aya nimokena saramana usira, aminga ava eraena.  
\q2 Na asiimi bundisira ava nine vujeteso na jebuguseni.   
\q1
\v 17 Na nimokena aiyakoe sise, sino fuka de oje dungedo mutarena. Kotugo nanda benunu barago, joba mutarena.   
\q1
\v 18-19 Ninda natofo isasambu ninda tafaroro kambo Jerusalem aminda totorugedo iroro,  
\q3 nimokena rea beka gagojuse mutari dae sisena ava, nenda dombuda mutono baresa.  
\b  
\q1 \nd Bajari\nd* dae sakai saore!   
\c 117  
\s1 \nd Bajari\nd* Dae Sakai Saore!  
\q1
\v 1 Enda da oro oro isambu, \nd Bajari\nd* dae sakai sevu! Evetu genembo isasambu, nunda javo jighivu erare!   
\q1
\v 2 Ai resira amo, \nd Bajari\nd*, nu namonde dubo bu gogoghomberaira. Kotugo, nunda sari ava evovodae aminguse irarira.  
\q1 \nd Bajari\nd* dae sakai saore!   
\c 118  
\s1 Gitofu Sosighi Edo God Kena Aiyakoe Siseri.  
\q1
\v 1 Arie, \nd Bajari\nd* dae aiyakoe sevu, ainda susu mo nu evevago bekári, a nunda dubo bari a kavevera evovodae irira.   
\q1
\v 2 Natofo Israel embo geka eminge sevu, “Nunda dubo bari a kavevera mo evovodae irira.”   
\q1
\v 3 God da fristi mane isambu eminge sevu, “Nunda dubo bari a kavevera mo evovodae irira.”   
\q1
\v 4 Evetu genembo God dae igheghi use, numoa tumonde baingheraeva, isambu eminge sevu,  
\q2 “Nunda dubo bari a kavevera mo evovo dae irira.”   
\q1
\v 5 Na memai jarutuse \nd Bajari\nd* namo sonembare dae seteno, nune sonembedo na vujegetiri kotae ya foa gherena.   
\q1
\v 6 \nd Bajari\nd* mo nangae dabade irera, na jo itako oju ae arena, mave eni jo namokena mema mutae arera.   
\q1
\v 7 \nd Bajari\nd* mo nanda tofori. Namo nune sonemberaira.  
\q2 Na gosurono, mave namokena gitofu ututeraera ava dedo atai duboda fafategarira.   
\q1
\v 8 \nd Bajari\nd* tumonduse sonemba tambari mo evevagori.  
\q2 Endada evetu genembo kena gaiga gayari mo jo eveva iraeri.   
\q1
\v 9 \nd Bajari\nd* tumonduse sonemba tambari mo evevagori.  
\q2 Endada giti jijighigari kena gaiga gayari mo jo eveva iraeri.   
\q1
\v 10 Gitofu digarigo aimi namoa koseguseri, avata \nd Bajari\nd* da fakina aimi nemoa sosighi useni.   
\q1
\v 11 Nene kosekase guse, namoa jimbe birurughuseri, avata \nd Bajari\nd* da fakina aimi nemoa sosighi useni.   
\q1
\v 12 Namoa kosekaseguse, kau fafakena aimi ari guse burughe buvurutuseri.  
\q2 Avata arivo gambu burughedo sekago totoigo soana eraira aminga ava use dadabuseri.  
\q3 \nd Bajari\nd* da fakina aimi nemoa sosighi useni.   
\q1
\v 13 Namokena teria futo fati fero, aimi na rojiseni, avata \nd Bajari\nd* na sonembusira.   
\q1
\v 14 \nd Bajari\nd* mo nanda fakina da susuri a na javono numoa gateraena. Nune sonembetiri na jebuguseni.   
\q1
\v 15 Ningivu! God da natofo nenda dobo jokáda iritirise gitofu sosighi e bari da kuvai sise fumbu arugerera,  
\q2 “\nd Bajari\nd* da fakina tomanakogo beká aimi sonembetiri namaneda gitofu sosighi useri.”   
\q1
\v 16 \nd Bajari\nd* da fakina tomanakogo isoro jokada sonembetiri gitofu dedo, atai duboda fafatiguseri.   
\q1
\v 17 Na jo ambae irise, \nd Bajari\nd* rea usira ava, vironu sido yarena.   
\q1
\v 18 Na dara usena aindae, \nd Bajari\nd* etiri na mema itatama useni, avata jo doyari na ambaeri.   
\q1
\v 19 God da tafaroro kambo da guro mane nandae afifigevu, ya jokada tere \nd Bajari\nd* dae aiyakoe saone!   
\q1
\v 20 Emo \nd Bajari\nd* da gurori. \nd Bajari\nd* mavedae “eveva” sarira, ainembo foa terarera.   
\q1
\v 21 \nd Bajari\nd*, nanda benunu ningido sonembusesa aindae, nimokena sakai resena.  
\q2 Nine eteso, na gitofu dedo atai duboda fafatiguseni.   
\q1
\v 22 Ghamana eni, kambo itari kakatoi imboe edo fugutusera ava,  
\q2 Bajari nune budo tutumbi dae sedo fiti simbugedo, aminda tuturo edo, nunda kambo itari dae erira.   
\q1
\v 23 Emo \nd Bajari\nd* da ariri. Namonde gido dudukugherera.   
\q1
\v 24 Sifo emo \nd Bajari\nd* nunda gitofu dedo atai duboda fafotusira,  
\q3 namonde isasambu ivuga use dubo jamaghae yaru divore!   
\q1
\v 25 Arie \nd Bajari\nd*, namane sonembe jebugaore! Arie \nd Bajari\nd*, namane sonembururu, rea gigiterera ava beká sirorare!   
\q1
\v 26 Orokaiva, buvuruteresare! God ni esimbugetiri, nunda javoda refesa.  
\q2 \nd Bajari\nd* da tafaroro kambo eminda fetirise, namane ne isasambu esimbugerera.   
\q1
\v 27 \nd Bajari\nd* mo nu God ri. Nunda usasa namondekena janimberira.  
\q2 Ika fafatu jore ungoi bambu ambo gaya ambo gaya gaedo, olta kakara aminda jimbe birurughuse divore!   
\q1
\v 28 God nane tumonde baingheraena, amo nimori. Nindae aiyakoe resena.  
\q2 Na evetu genembo isasambukena ninda eveva kau mavego ava vironu sarena.   
\q1
\v 29 Evetu genembo isambu, \nd Bajari\nd* dae aiyakoe sevu!  
\q2 Ainda susu mo nu evevagori, a nunda dubo bari a kavevera mo evovodae irira.   
\c 119  
\s1 Genembo Eni God Da Geka Tege Ainda Amboda Amboda Ari Da Ivuga Tafusira Aindae Gefusira.  
\q1
\v 1 Mave \nd Bajari\nd* da Agho Dari jokada irise, nunda uju ava nembo eraira amo, nu ivugaghae irá gheraira.   
\q1
\v 2 God da Agho Dari ava mave nininguse, dubo joká isambu numokena muturaira amo, nu ririaghae irá gheraira.   
\q1
\v 3 Ne Bajari da emboro da ise, ari eko eni jo ae eraera.   
\q1
\v 4 Bajari, ninda agho dari namane dae mutudo, dubo joká isambuimi tumonduse kaifa aoro dae sisesi.   
\q1
\v 5 Na nange dubo joká isambuimi ninda sari ava tumonduse, ininighae kaifa areni?   
\q1
\v 6 Amingarena amota! Na nimokena fuse, ni rea sisesa isambu arena amo, na meka jo gae arena.   
\q1
\v 7 Ninda agho dari dambugo ava kasama arena amo, nanda dubo joká forosagoimi nindae sakai sarena.   
\q1
\v 8 Na ninda sari, ava tumonduse, kaifa arena. Ava sedo, na erá doyeose!   
\b  
\q1
\v 9 Genembo seka bajari kau nange nange irari keosogo beká irari? Amo, ninda geka ainda amboda amboda use irarira.   
\q1
\v 10 Nanda janje joká isambuimi ninda saramana ari dae egiraena.  
\q2 Erá, ni agho dari rea sisesa ava kosasaghedo doyeone! Aindae, na kaifa e!   
\q1
\v 11 Erá nimokena ari eko eono dae sise, ninda geka nanda janje jokáda fiteno irira.   
\q1
\v 12 Arie \nd Bajari\nd*, nindae sakai resena. Ninda emboro namokena ijuge!   
\q1
\v 13 Na ninda Agho Dari gefusesa ava isambu tegutuse evetu genembo kena vironu sise irarena.   
\q1
\v 14 Na ninda Agho Dari ava ari dae, ivuga beká eraena, moni a gugua roera kena jo kotae eraena.   
\q1
\v 15 Na ninda sari ava, nane tegutuse irena. Na ninda kau mavega ava kotise irá gheraena.   
\q1
\v 16 Na ninda sari ava uju beká eraena. Ninda geka ava, na itako jo kote doyae arena.   
\b  
\q1
\v 17 Na ninda saramana katori. Nandae ari eveva edo ghe! Amingururaso na irise, ninda geka ava kaifa edo ghaone!   
\q1
\v 18 Aso, nanda diti basari, ninda Agho Dari jokáda geka beká garigarigo nanjogo iritirira ava garena.   
\q1
\v 19 Namo eminda endada sifo tufako irarena. Ninda uju rea aoro dae seraesa ava, erá namokena jungeose!   
\q1
\v 20 Nanda ghamo beunghetiri itatamerena, ninda agho dari sifo ghousa ningari uju eraena.   
\q1
\v 21 Ivuga kakato anakora nine girivaita eteso irera, a ni rea seraesa ava mave aindae emboro kosasagherae   
\q1
\v 22 Na ninda dengoro indari kaifa eraena. Ava sedo, evetu genembo setena, dere jise,  
\q3 a jijivu seraera nemokena, namoa bu darigase!   
\q1
\v 23 Reighi da babojegari totorugedo namoa ufena daoro ambono dae manaka gayeraera,  
\q3 avata namo ninda sari futusesa ava tegutuse irarena.   
\q1
\v 24 Ninda geka gefusesa ava, tegetuse, na dubo jama eraena, ninda agho dari gefusesa,  
\q3 aimi namoa ijuguse jighi dambu eraira.   
\b  
\q1
\v 25 Namoa atai duboda fatero ambari dae erena, ninda beka gajari ava use na sonembe, janje asegaone!   
\q1
\v 26 Na rea isambu usena ava, vujeguseni. Eteno, ni “avori” sisesi. Ninda sari ava ijugaso, gaone!   
\q1
\v 27 Ninda sari da tuka ava kasama aono dae sise, na sonembe! Amingaso, ninda ijuga garigarigo ava dubo jokai kotedo ghaone.   
\q1
\v 28 Namoa dubo mema aimi afurugetira. Ni rea ari dae beka gagojusesa ava use,  
\q3 namokena fakina bofu baone, ninda geka ava e!   
\q1
\v 29 Erá emboro sembae da yeone dae sise, na Kaifa e! Kotugo ninda kavevera eraesa aimi, ninda Agho Dari  
\q3 ava ijugaso gaone!   
\q1
\v 30 Na tofo ninda sari ava ari dae gateguseni. Ninda agho dari kau mavega ava, tege tuka kasama useni,   
\q1
\v 31 Arie \nd Bajari\nd*, na ninda agho dari ava tegedo aminguseni.  
\q2 Erá eoso, na evetu genembo mendeni da dombuda meka geone!   
\q1
\v 32 Ni rea seraesa ava nembo edo gharena. Ainda susu mo, nanda kasama teriago mo, nine mutaresa.   
\b  
\q1
\v 33 Arie \nd Bajari\nd*, ninda sari da tuka ava ijugururaso, na sifo ghousa evia kaifa edo ghaone!   
\q1
\v 34 Ninda Agho Dari ava se disugaso gaone, gido nanda janje joká isambuimi kaifa edo ghaone!   
\q1
\v 35 Giti jijighururu, na ni rea sisesa da emboro aminda fetedo yaone!  
\q2 Ainda susu mo, ninda sari aminda na dubo jama tamburaena.   
\q1
\v 36 Giti jijighururu, moni gugua ghayafa da dighighi ari jo ae, ni rea sisesa ava nembo kaifa aone!   
\q1
\v 37 Eráma doyeso, na god beká iritirae ava tumondeone! Ninda geka ava use, nandae ari eveva e!   
\q1
\v 38 Na ninda saramana katori, evetu genembo ninda sari eraera aikena,  
\q3 beka gagojusesa ava namokena aso dae resena!   
\q1
\v 39 Natofoimi namokena jijivu ekoko seoro oju eraena ava kosege, ghamo asegaone!  
\q3 Ninda agho dari gari garigo bekári.   
\q1
\v 40 Na ninda sari ava ari dae uju eraena. Nimo numo bekári. Ágido, nandae jebuga seka ava bufu baone!   
\b  
\q1
\v 41 Arie \nd Bajari\nd*, ninda dubo bari kau mavegori ava, ijugaso gaone!  
\q2 Ni beka gagojuse nange ari sisesa ava use, na sonembe jebugaone!   
\q1
\v 42 Amingaso, evetu genembo namokena jijivu seraera ne mino saono sari bunarera.  
\q2 Ainda susu mo, nanda tumondari ninda geka kena fitiraena.   
\q1
\v 43 Nanda gigitari mo, ninda agho dari kenari. Ava sedo, sonembururaso, na sifo ghousa evia  
\q3 geka bekáda bekáda sarena.   
\q1
\v 44 Na sifo ghousa evia ninda Agho Dari rea resira,   
\q1
\v 45 Na gitofudae jo mema ae arena, ainda susu mo, ninda sari ava ari dae, inini eraena.   
\q1
\v 46 Ninda agho dari ava kini (king) nanjogo kena vironu sise, itako jo meka ae arena.   
\q1
\v 47 Ni rea seraesa ava na dubo buraena. Ava sedo na aminguse, ivuga eraena.   
\q1
\v 48 Ni rea seraesa ava, na dubo ruruse kakara eraena. Ninda sari futusesa ava, na dubo jokai kotedo gharena.   
\b  
\q1
\v 49 Na ninda saramana katori. Namokena geka sisesa, aimi etiri namokena gigitari sirorusira,  
\q3 ava kotedo aso dae resena.   
\q1
\v 50 Na bouvu mema jokáda fefeteno, ninda beka gajari aimi etiri jebugusena aindae, dubo jama useni.   
\q1
\v 51 Ivuga kakato sifo ghousa evia nandae aji sise fiteoro voseraena,  
\q3 avata na ninda Agho Dari jo gukai mutae arena.   
\q1
\v 52 Arie \nd Bajari\nd*, ninda agho dari abua manekena futusesa,  
\q3 aimi ghamo jama bu foa gheraira, ava koteraena.   
\q1
\v 53 Sifo reda ari ekoko embo ninda Agho Dari bejoro garena, na janje ekoko beká eraira.   
\q1
\v 54 Nanda irari sifo tufako enda eminda irise, ninda sari ava kotise, na yaru mane gateraena.   
\q1
\v 55 Arie \nd Bajari\nd*, tumba ghae na nimoa koteraena.  
\q2 Ninda Agho Dari ava amboda amboda arena.   
\q1
\v 56 Nanda makoe mo, ninda sari nanjogo ava udo refena.   
\b  
\q1
\v 57 Arie \nd Bajari\nd*, nisuka nimoa nanda ujuri. Ninda geka kaifa are dae beka gagojerena.   
\q1
\v 58 Nanda janje joká isambuimi nimokena benunu resena, ni beka gagojusesa aminguse,  
\q3 nandae joká edo esimbugaso dae, resena.   
\q1
\v 59 Nanda irari ava fuge gosuse resena. Ninda geka ava use irari dae, beka gagojerena.   
\q1
\v 60 Jo itako gaimbo ae, na totoigo ni rea sisesa ava ari dae eraena.   
\q1
\v 61 Ari ekoko ari kakato namoa ninda Agho Daro doyono dae sedo, nenda vagho simbugeteri.  
\q3 Avata, ninda Agho Dari jo kotae ae arena.   
\q1
\v 62 Ninda Agho Dari dambugo eraesa aindae, na tumba soroda nindae sakai sari dae ereraena.   
\q1
\v 63 Nanda umo gaumo kokomana mo, evetu genembo nindae saramana use, ninda sari kaifa eraera, avori.   
\q1
\v 64 Arie \nd Bajari\nd*, enda mo, ninda dubo bari a kavevera aimi beda edo irira. Ninda sari ava namokena ijuge, gaone!   
\b  
\q1
\v 65 Arie \nd Bajari\nd*, na ninda saramana katori. Nandae ari eveva eraesa. Ni geka seteso, beká namokena siroretira.   
\q1
\v 66 Namokena ijugururaso na dubo kotise, kasama égogogho arena. Ainda susu mo, ni rea sisesa,  
\q3 na ava tumonderaena.   
\q1
\v 67 Na sembae use, kosasaghedo ghusena, aindae eoso, na ghamo budo ghuseni.  
\q2 Avata oroko mo, na rea sisesa ava kaifa eraena.   
\q1
\v 68 Nimo evevagori, kavevera katori. Ijuge, ninda sari ava aone!   
\q1
\v 69 Ivuga kakato nanda bino sembae are dae, nanda javoda aji siseri.  
\q2 Avata nanda kotari isasambuimi na ninda sari ava ningido amingeraena.   
\q1
\v 70 Ninda Agho Dari rea resira, ainda kasama nemokena tefori.  
\q2 Avata ninda Agho Dari aindae na ivuga erena.   
\q1
\v 71 Nane ghamo baono dae usesa aimi namokena eveva usira.  
\q2 Ainda susu mo, amingeteso, ninda sari ava, na kasama useni.   
\q1
\v 72 Agho Dari nine futusesa, ainda tuka namokena teriagori.  
\q2 Jo moni nanjogo endada iritirira amingo iraeri.   
\b  
\q1
\v 73 Nine eteso na siroruseni, a nine kaifa urureaso, jebuga irá gheraena.  
\q2 Ninda rea sisesa ava kasama aono dae sise, nanda kotari afige!   
\q1
\v 74 Nanda tumondari ninda geka kena fitiraena, ava gosuse, evetu genembo nimoa kakara eraera, aimi ivuga use irera.   
\q1
\v 75 Arie \nd Bajari\nd*, ninda agho dari ava eraesa aindae resena.  
\q2 Ni namoa ijujuse, seteso ghamo rurusena amo, eveva ava usesi.   
\q1
\v 76 Na ninda saramana katori. Nine beka gagojuse rea sisesa, ava use,  
\q3 ninda dubo bari tomanakogo aimi aso, dubo jama aone!   
\q1
\v 77 Nandae joka edo, sonembaso, na jebugaone! Ainda susu mo,  
\q3 ninda Agho Dari aimi namokena ivuga bu foa gheraira.   
\q1
\v 78 Evetu genembo ivuga kakato namoa tefo tefo gesire eraera, nemokena aso, meka gaoro dae resena.  
\q2 O namo, ninda sari nanjogo ava, nanda kotari isambuimi kotise irarena.   
\q1
\v 79 Evetu genembo isasambu mave ninda Agho Dari kasama edo nimoa kakara eraera, ava saso, namokena furore!   
\q1
\v 80 Erá meka geono dae sise resena: na nange, ninda sari nanjogo ava,  
\q3 isambu kaifa e gogoghombaetena, ava uju eraena!   
\b  
\q1
\v 81 Arie, \nd Bajari\nd*, namo saso jebugarena ainda sifo kaifa use irana, na garoro buvira.  
\q2 Na ninda Geka ava tumonderaena.   
\q1
\v 82 Ni rea ari dae beka gagojusesa ava kaifa use, diti emboro use irana bunedo, ategi erena,  
\q2 “Ni nanjigo nandae kavenu saso, na ghamo asegareni?”   
\q1
\v 83 Na jo evetu genembo eni da kaugo iraeri. Namoa kau amingori, vaini da kofiri manai bununughedo irira.  
\q2 Avata, ninda sari ava jo itoko kotae ae eraena.   
\q1
\v 84 Na ghousa mavega ava kaifa ururono, evetu enembo namokena mema muturaera ava, aso ghamo bareri?   
\q1
\v 85 Evetu genembo ivuga kakato ninda Agho Dari jo ningido kaifa ae eraera aimi, namo sandi bari dae  
\q3 vagho bako simbuguseri.   
\q1
\v 86 Ni rea seraesa ava, geka beká vanembori. Evetu genembo namokena mema futuse, gungubo tefo tefo resera,  
\q3 ainda dombuda na sainghimbe bu!   
\q1
\v 87 Ne na detero ambari itako useni. Avata, ninda sari ava jo itako gukai mutaeri.   
\q1
\v 88 Ni na dubo bu gogoghomberaesa aindae, nandae veka eveva ururaso, na ninda Agho Dari ava, ningido kaifa arena.   
\b  
\q1
\v 89 Arie \nd Bajari\nd*, ninda geka evovodae irarira, utuda susu gambudo irira.   
\q1
\v 90 Ni geka nanjogu seteso fetirira ava amingudo yaresa.  
\q2 Enda é nine seteso susu gambu fefotusira aminge irira.   
\q1
\v 91 Roera isasambu ninda agho dari da irira. Ainda susu mo nemo isasambu ninda sari ningariri.   
\q1
\v 92 Ninda Agho Dari dae jo ivuga use irae aetena amo, mema bouvu itatama eraena, ai ambaeteni.   
\q1
\v 93 Na jo itatako ninda sari kotae ae arena. Ainda susu mo, aimi na kaifa eso, jebuga irena.   
\q1
\v 94 Nasukako namo nindari, sonembe, jebugaone! Ninda sari ava ari dae edo giraena.   
\q1
\v 95 Ari ekoko embo namoa ufena daoro ambono dae kato erera.  
\q2 Avata, ninda Agho Dari ava nanda janje jokáda fitono irari kotedo gharena.   
\q1
\v 96 Na kasama erena, roera isasambu nenda tano ghaeri. Avata, ni rea sisesa amo, evevago bekári, tano tefori.   
\b  
\q1
\v 97 Ninda Agho Dari mo, nange nanda dubo bari bekári. Sifo tumba evia kotise irá gheraena.   
\q1
\v 98 Ninda uju rea aoro dae sisesa ainghae irena. Sifo ghousa aimi urureari na dubo kotaride eraena amo,  
\q3 jo nandae gitofu eraera ainda dubo kotarigo iraeri.   
\q1
\v 99 Na dubo kotari kasama teriagori, jo nanda ijuga kakato isasambu ainda kotari kasamago iraeri.  
\q2 Ainda susu mo, na ninda agho dari tegutuse, dubo jokai kotise irá gheraena.   
\q1
\v 100 Nanda dubo kotari kasama teriagori, jo afa koro da dubo kotari kasamago iraeri.  
\q2 Ainda susu mo, ninda sari ava ningido amingeraena.   
\q1
\v 101 Na ari ekoko da emboro do dariguseni. Ainda susu mo, ninda geka rea resira ava ari dae uju use irá gheraena.   
\q1
\v 102 Na ninda agho dari isambu futusesa ava, eni jo bu fugaeri. Ainda susu mo, nisuka nimoa nanda ijuga katori.   
\q1
\v 103 Geka ninda bekada buvuruterira ava jeurugo bekári, jo finjeda firukago iraeri.   
\q1
\v 104 Ninda sari aminda na dubo kotari buraena. Ava sedo, na ari ekoko da emboro aminda yari imboe eraena.   
\b  
\q1
\v 105 Nanefa aminga ava, ninda Geka aimi nanda emboro ijugeraira.  
\q2 A kotugo na ningia aminda yaetena, ninda Gekaimi jaraghurureari ya gheraena.   
\q1
\v 106 Ninda agho dari eveva gaveva ava ari dae sedo javono gatise, beka gagojusena ava aono beká sirorarira.   
\q1
\v 107 Arie \nd Bajari\nd*, nanda tamo gambisi futo edo kae saviri ambududurerena.  
\q2 Beka gagojusesa aminga ava use, kaifa ururu, na jebuga irone!   
\q1
\v 108 Arie \nd Bajari\nd*, nindae banunguse, aiyakoe resena, ningi! A kotugo, ninda agho dari aono dae resesa ava, ijuge!   
\q1
\v 109 Na dara ambari jokáda fetirise, ambari dae jo oju aeri. Ninda Agho Dari kotido yarena.   
\q1
\v 110 Ari ekoko emboimi namoa daoro ambono dae vagho useri. Avata, ninda sari ava, na jo itako bu fugaeri.   
\q1
\v 111 Ninda sari ava, nanda jebuga evovodae irari da yeyeri.  
\q2 Aimi nanda janje dereari erorureari riria eraena.   
\q1
\v 112 Na tofo mandi kotiseni, ninda Agho Dari rea resira, ava use iria ambarena.   
\b  
\q1
\v 113 Evetu genembo dubo etoto eraera ava, na gari imboe beká eraena. Avata, na ninda Agho Dari ava uju beká eraena.   
\q1
\v 114 Nimoa nanda ambo sosari vasari akotugo nanda bereri. Ninda geka sisesa, ava gigituse irágheraena.   
\q1
\v 115 Ari ekoko embo nemokena resena, na dodo darige ajagha yasivu!  
\q2 Na God tumonde baingheraena, aimi rea sisira ava amingarena.   
\q1
\v 116 Nine beka gagojusesa ava use, fakina nandae bofu bu jebugaone!  
\q2 Erá eóso, na rea gigiteraena ava, jo sirorae euri na meka geóne!   
\q1
\v 117 Na jighi fete, jebugaone! Ninda sari ava ningi kaifa use irarena.   
\q1
\v 118 Evetu genembo mave ninda sari bejeraera ava ondeaso darigeraera. Beká resena,  
\q3 ne reju ava ari dae manaka gayarera, ava de tisaso beká jo sirorae arira.   
\q1
\v 119 Ari ekoko embo ava inono sena a susunda avavago babarageraesa.  
\q2 Aindae sedo, ninda Agho Dari ava ghamo buraena.   
\q1
\v 120 Nindae oju beká eraena. Ninda agho dari usesa aimi etiri na ojuimi jaruteraena.   
\b  
\q1
\v 121 Na rea etena amo, dambu a evevagori. Erá na gitofu jokada doyeóse!   
\q1
\v 122 Na ninda saramana katori. Namo sonembari dae beka gajaso dae resena!  
\q2 Erá doyeóso gegenembo totofo sakai sari kakato aimi na kateyavara use, nandae mema muteóre!   
\q1
\v 123 Namoa gitofukena sanghimbe baso jebugaono dae beka gagojusesa ava diti emboro use irena.   
\q2
\v 124 \nd Bajari\nd*, na dubo buraesa aindae, ninda sari aono dae sisesa, ava ijugaso gaone!   
\q1
\v 125 Na ninda saramana katori. Nanda kotari afigaso, ninda sari ava kasama aone!   
\q1
\v 126 \nd Bajari\nd*, oroko mo, eredo javi aso dae resena. Ainda susu mo, natofo ninda Agho Dari erebejera.   
\q1
\v 127 Geka bekári, na goldi (gold) nu uju eraena. Avata ni rea seraesa ava, uju beká eraena.  
\q2 Nanda uju goldi o goldi numo beká aikena jo amingo iraeri.   
\q1
\v 128 Ninda sari eveva gaveva irariá seraena susu aindae, emboro sembaeda yari na imboe eraena.   
\b  
\q1
\v 129 Ninda Agho Dari amo garigarigori. Nanda kotari isambu aimi ava eraena.   
\q1
\v 130 Ninda geka se didisugarera aimi, usasa janimbururari bunari emboá dubo kotarera.   
\q1
\v 131 Dubo sagheari uvudae beka angasa angasa eraera, aminga ava ni rea seraesa ava, ari dae use irá gheraena.   
\q1
\v 132 Natofo nimoa dubo buraera aikena eraesa aminga ava use, dombu namokena edo, nandae joka aso dae resena.   
\q1
\v 133 Ni beka gagojuse rea ari sisesa, ava ururaso, na ari ekoimi jo bajari ururari gofae arena.   
\q1
\v 134 Ninda sari ava aetena ava kotise, evetu genembo namoa kateyavara use,  
\q3 namokena mema bouvu erefutera aikena, namoa saghimbe baso dae resena!   
\q1
\v 135 Na esimbuguse, fu nangae irore! Irise, ninda sari ava ijugaso gaone!   
\q1
\v 136 Natofo ninda Agho Dari jo kaifa ae use, erebejera aindae, nanda diti jivu rururarakuse uvui sumbari gerira.   
\b  
\q1
\v 137 Arie \nd Bajari\nd*, nimo dambugo bekári, a ninda Agho Dari isambu eveva gavevari.   
\q1
\v 138 Agho Dari futusesa amo, beká ava nembori. Inono a dambugo bekári.   
\q1
\v 139 Nanda gitofu ninda geka itako jo budo amboda amboda ae eraera aindae,  
\q3 nanda janje eko janje jokáda avarakai avarigerira.   
\q1
\v 140 Na kasama erena: ninda beka gajari nanjogo ainda beká sirorarira. Ava sedo na ghamo buraena.   
\q1
\v 141 Namo jo genembo mindafu eni iraeri. Akotugo na derejiraera. Avata, na ninda Sari ava kotise irá gheraena.   
\q1
\v 142 Ni evovodae ari eveva vanembo use irágheraesa akotugo,  
\q3 ninda Agho Dari ainda beká sifo ghousa siroreari giraera.   
\q1
\v 143 Na ganjibetiri jarutuse bouvu mema teria fufuse irena, avata, nine rea sisesa aindae, ivuga use irena.   
\q1
\v 144 Ninda Agho Dari beká ava nembori. Nanda kotari afige, jebuga tambone!   
\b  
\q1
\v 145 Arie \nd Bajari\nd*, nanda kotari isambuimi nimokena benunu resena.  
\q2 Mino saresa amo, ninda sari ava use irarena.   
\q1
\v 146 Ninda sonemba a jebuga ghae mutaso dae kori resena. Amingaso, ninda Agho Dari rea resira ava aone!   
\q1
\v 147 Iji jo vitae iriari, na ninda sonemba dae benunu seraena. Ninda geka rea resira ava kaifa gigita use irena.   
\q1
\v 148 Tumba soro ghousa ninda beka gajari dubo jokai kotari dae sise, na jo avae irise fase irá gheraena.   
\q1
\v 149 Arie \nd Bajari\nd*, na sifo ghousa dubo buraesa aindae, ningaso dae resena. Nandae joka use sonembururaso jebugaone!   
\q1
\v 150 Evetu genembo namokena mema mutari dae sise, manaka gaedo ojera utua erera.  
\q2 Avata, evetu genembo amo ninda Agho Dari itako jo kaifa ae eraera.   
\q1
\v 151 Arie \nd Bajari\nd*, nimo nanda tinguda iresa, a kotugo,  
\q3 ninda geka rea sisesa ava isambu beká ava nembori, tano tefori.   
\q1
\v 152 Giti beká na ningi kasama useni, ninda Agho Dari sifo ghousa irare dae sise, seteso fefetusira.   
\b  
\q1
\v 153 Na mema eretafena emoko fuge gosuse, saso jebugaeteni.  
\q2 Ainda susu mo, ninda Agho Dari ava na kotise irá gheraena.   
\q1
\v 154 Nandae sorega fufuse, namoa gitofukena bu darige! Sonembe, ni rea ari dae beka gagojusesa, ava e!   
\q1
\v 155 Ari ekoko embo ne jebuga jo tambae arera. Ai resira, ne ninda sari ava, jo ae eraera.   
\q1
\v 156 \nd Bajari\nd*, nimo kavevera katori. Ninda joka ari kau mavega ava ijuguse na sonembe, jebugaone!   
\q1
\v 157 Natofo, namokena gitofu use kateyavara eraera, digariri. Avata, na jo gofedo, ninda Agho Dari itako imboe aeri.   
\q1
\v 158 Evetu genembo tumondari tefo sifo reda giraena, na bero tugari dae eraena.  
\q2 Ainda susu mo, ne ninda Geka ava jo kaifa ae eraera.   
\q1
\v 159 \nd Bajari\nd*, namoa gi, ninda sari ava, na uju beká eraena.  
\q2 Ni na dubo buraesa ava, jo itako nanjigo aminda doyarigo iraeri. Ava sedo, na sonembe jebugaone!   
\q1
\v 160 Ninda geka isambu beká vanembori. Akotugo, ninda Agho Dari kosasa tefori, isambu evovodae irarira.   
\b  
\q1
\v 161 Reighi da babojegari a giti jijighigari namoa susu tefo osogo use mema mutari dae eraera, avata na ninda  
\q3 Geka kakara beká eraena.   
\q1
\v 162 Ninda beka gajari ututusesa aindae ivugai jaruterena.  
\q2 Kau evetu genembo gugua sosighi ea budo ivuga beká eraira, aminga ava eraena.   
\q1
\v 163 Na geka gungubo ningari beghagha use, imboe beká ava eraena.  
\q2 Avata, na ninda Agho Dari seteso fefetusira ava, uju beká eraena.   
\q1
\v 164 Na sifo evia inono ninda Agho Dari kosasa tefo aindae aiyakoe sise irágheraena.\f + \fr 119:164 \ft Genembo tuturoé gefuse jo “sise irá gheraena” gembaeri. Nu Israel emboda kotarimi use “umbu 7” gefusira.\f*   
\q1
\v 165 Evetu genembo ninda Agho Dari uju eraera, nemo dubo jama mindafugo tambarera.  
\q2 A kotugo, roera eni aimi jo nemokena ari gofari da kaugo iraeri.   
\q1
\v 166 Arie \nd Bajari\nd*, namo sonembaso jebuga tambarena da sifo kaifa use irena. Akotugo, ni rea seraesa, ava eraena.   
\q1
\v 167 Nanda kotari isambu aimi ninda Agho Dari dubo buraena, ágido amboda amboda eraena.   
\q1
\v 168 Ninda sari ava use, ninda Agho Dari futusesa ava eraena.  
\q2 Ainda beká mo, na rea eraena isambu, nine giraesa.   
\b  
\q1
\v 169 Arie \nd Bajari\nd*, nanda sorara emo, nange ya nimokena buvari ningaetesi.  
\q2 Ni rea ari dae beka gagojusesa, ava use nanda kotari afigaso, kasama baeteni!   
\q1
\v 170 Nanda benunu nimokena erena ningaetesi. Ni rea ari dae beka gagojusesa, ava use, na sonembaso jebugaeteni!   
\q1
\v 171 Na sifo ghousa nindae sakai sise irarena. Ainda susu mo, ninda sari ava namokena ijugeoso giraena.   
\q1
\v 172 Ninda geka yaruimi isimbuse irarena. Ainda susu mo, ni rea seraesa aminda, kosasa tefori.   
\q1
\v 173 Sifo ghousa namo sonembari dae iriro use iraetesi! Ainda susu mo, na ninda sari aminda feteraena.   
\q1
\v 174 Arie \nd Bajari\nd*, nine saso jebugarena da sifo ava kaifa use irena.  
\q2 Ninda Agho Dari amboda amboda use ivuga eraena.   
\q1
\v 175 Doyaso, na jebuga irise, nindae sakai saone! Na uju erena ninda Agho Dari aimi na sonembaeti!   
\q1
\v 176 Kau sifi enimi baghimbari gedo irira, aminga ava na emboroda yaba yaba ghuse irena.  
\q2 Avata ni rea sisesa ava, na jo kotae useni. Ava sedo, foa namoa kakova edo unumbaso dae resena!   
\c 120  
\s1 Sonemba Dae Banungariri  
\q1
\v 1 Na darada fetedo ghusena da sifo aminda,  
\q2 \nd Bajari\nd* namo sonembare dae banungedo ghuseni.  
\q1 Banungeono ningido na nune sonembedo ghusira.   
\q1
\v 2 Arie \nd Bajari\nd*, namoa gungubo kakato 
\q2 a derari kakato eikena bu darigaso dae resena.   
\q1
\v 3 Gungubo kakato, God nendae nange ari?  
\q2 Nu nendae kau nange ari ghamo barevu?   
\q1
\v 4 Ne taká isoro emboda feva da goroba mendó sighonogo aimi gae babasiguse,  
\q2 avaraka imo kokoigo beká aimi dungari avareva.   
\q1
\v 5 Nenda jokáda irari mo, eko bekári, kau esa yavai ya,  
\q2 evetu genembo nenda otu ekoko reighi Meseki o Keda\f + \fr 120:5 \ft Meseki o Keda: reighi etoto naká emo jo utua iraeri, sokari. Evetu genembo aminda iritirera amo ekoko beká, nenda otu ekokori.\f* embo ainda irari da kaugori.   
\q1
\v 6 Na evetu genembo beisiga tataya kakatode ghousa futo irana,  
\q2 imboe beká erira.   
\q1
\v 7 Na dubo jama da genembori,  
\q3 avata ne nanjigo beisiga tataya dodo iroro dae sarena amo,  
\q3 ne isoro ari dae sarera.   
\c 121  
\s1 Namondeda Gagara Ari Kato \nd Bajari\nd* Numori.  
\q1
\v 1 Na doriri fuge gosuse, god a sukaru mendeni tumonde bainghari dae sise,  
\q2 ove aminda keve dadorusera aikena, dombu fainghedo banungarena, ai tefo?  
\q1 Avata na jo amingae arena! Ainda susu mo: nanda sonemba jo aminda ghe furae eraira.  
\q2 Avata nanda sonemba reda ghe foa gherai?   
\q1
\v 2 Nanda sonemba mo, \nd Bajari\nd* utu a enda etiri sirorusira, numokena ghedo foa gheraira.   
\q1
\v 3 Nu ni jo doyari gofae aresa.  
\q2 Nimo tavo ari kato mo, nu diti fangedo, sifo evia inono ni kaifa use irá gheraira.   
\q1
\v 4 Amo, Israel embo da tavo ari kato mo,  
\q2 nu jo diti bainghae eraira, a kotugo, nu jo avae eraira.   
\q1
\v 5 \nd Bajari\nd* nune, ni bu kaifa use tavo e gogoghomberaira.  
\q2 Nu ninda dengesida fetirise, ninda gitofu da fakina ava gagojuse ni kaifa eraira.   
\q1
\v 6 Sifo ateraira ainda jokáda, iji aimi dara o mema eni jo bu furae arira.  
\q2 A kotugo, tumba jiraira ainda jokáda, inua aimi barago dara a mema eni jo bu furae arira.   
\q1
\v 7 Ainda beká mo: dara rea furarira ava,  
\q2 isasambu \nd Bajari\nd* nune koseguse kaifa e gogoghombururari, ni eveva irá gharesa.   
\q1
\v 8 Nune ni kaifa tavo e gogoghombururari,  
\q2 ni oroko a sifo ghousa evia, eveva ya foa ghuse irá gharesa.   
\c 122  
\s1 Jerusalem Dae Sakai Sari Da Yaruri.  
\q1
\v 1 Nandae eminge sisera aindae, ivuga useni,  
\q2 “Javi e namonde \nd Bajari\nd* da tafaroro kamboda yaore!”   
\q1
\v 2 Arie Jerusalem ko, namane refara buveri,  
\q2 ninda furu jokada fetirera!   
\q1
\v 3 Jerusalem sekago bogu begaya beká dighi anumbuseri,  
\q2 garigo beká takegha takegha itutuseri.   
\q1
\v 4 \nd Bajari\nd* Israel da oro oro aikena rea sisira, ava use,  
\q2 \nd Bajari\nd* da natofo isasambu nundae sakai saridae,  
\q1 vasa eminda viti foa gheraera.   
\q1
\v 5 David da imemisiri kini (king) edo ghusera,  
\q2 vasa eminda anumbedo, nenda natofo Israel embo da mema bouvu ijujeoro  
\q1 dambu edo ghusira.   
\q1
\v 6 Jerusalem aminda dubo jama sirorare dae banungaore!  
\q2 “Evetu genembo nindae ghamo buraera aikena, fakina sirorare!”   
\q1
\v 7 Ninda furu jokáda natofo nange dubo jamaghae iroro,  
\q2 kotugo ainghae dabade kokotofu da kambo babai iritirera aminda,  
\q1 dara a mema bouvu eni erá tereure dae benunu resena.   
\q1
\v 8 Nanda nano namendi a kokomana Jerusalem irera kotise,  
\q2 Jerusalem dae resena, “Dubo jama nimokena irare!”   
\q1
\v 9 Namondeda \nd Bajari\nd* God da tafaroro kambo eminda irira  
\q2 aindae kotise, reighi einda jokáda irari eveva sirorare dae banungerena.   
\c 123  
\s1 \nd Bajari\nd* Nange Joka Aetira, Ainda Banungariri.  
\q1
\v 1 Arie \nd Bajari\nd*, ni utu ominda irise utu enda kaifa eraesa aindae,  
\q3 nanda dombu nimokena faingherena.   
\q1
\v 2 Arie \nd Bajari\nd*, namaneda God, kau sabua kakato gegenembo o evevetu bayau a sonemba nenda  
\q2 babojegarikena buraera aminga ava, namaneda dombu nimokena  
\q2 fifituse iroro, namanendae joka edo sonembaetesi!   
\q1
\v 3 Arie \nd Bajari\nd*, namanedae joka e! Namanendae joka beká aso dae resena.  
\q2 Ai resira, evetu genembo namane ighagha use, sino fukadae ari geraera.   
\q1
\v 4 Iti fafo gugua ghayafade aimi namane ava teria futo ighagha use,  
\q2 jo evetu genembo irae sise, sero, namane irari barago erera.  
\q1 Ainghae dabade, meka irae ivuga tefo tefo ari kakatoimi namane ava kateyavara beká use irera.   
\c 124  
\s1 Nunda Natofo Da Gagara Ari Kato, God Numori.  
\q1
\v 1 \nd Bajari\nd*, namonde jo sorae aetira amo, namonde nange aeteri?  
\q2 Arie, Israel embo sevu!   
\q1
\v 2-3 “Gitofui janje ekoko beká use, namonde dedo gaedo ghari dae isoro edo ghusera ainda sifo aminda,  
\q2 \nd Bajari\nd* namonde jo sorae aetira amo, ne namonde diti jebuga dukunghaeteri.   
\q1
\v 4 Useghai roera bu sivari guse,  
\q2 uvuimi fati tifughari geraira aminga ava, gitofuimi namondekena aeteri.   
\q1
\v 5 O eva babai aimi ghasemo fatari,  
\q2 natofo mindi sirivo arigaetera aminga ava, gitofuimi namondekena aeteri.”   
\q1
\v 6 Avata erevu! Namonde \nd Bajari\nd* dae aiyakoe saore,  
\q2 nu jo doyari gitofui namonde sosighi aeri.   
\q1
\v 7 Namonde kau rika vatafa fitari kakato da vatafada kosughe buvari guseri,  
\q3 vatafa da asi tafusegetiri, namonde jebuguseri.   
\q1
\v 8 Namondeda sonemba \nd Bajari\nd* utu enda ari katoimi nusuka nune eraira.   
\c 125  
\s1 God Nunda Natofo Ovinimbedo Kaifa Eraira.  
\q1
\v 1 Evetu genembo mave tumondari \nd Bajari\nd* kena fifituse irá gheraera amo,  
\q2 nemo kau doriri Saion\f + \fr 125:1 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* amingori. Amo jo itako dara daraghuse gisighe yae arera, ne susu gambudo irera.   
\q1
\v 2 Kau doriri mane aimi Jerusalem jimbe birurughe fefetegirera aminga ava,  
\q2 \nd Bajari\nd* oroko nunda natofo jimbe birurughedo evovodae aminguse irarira.   
\q1
\v 3 Ekoko emboi jo sifo ghousa eveva emboda endada irise,  
\q2 giti nene jo jighae arera. Ainda beká mo, ekoko emboi ghousago giti jighari nene aetera amo,  
\q1 eveva embo nembarago, avose, tuturo edo ari ekoko aeteri.   
\q1
\v 4 \nd Bajari\nd*, mave ari eveva eraera aikena ari eveva e,  
\q2 mave ninda sari ava nembo eraera aikena!   
\q1
\v 5 O ni sifo nanjigo ari ekoko embo daso ghamo baoro dae aresa,  
\q2 mave ninda uju eraera ava dodo, ekoko erera nemoa nembo daso ghamo barera.  
\b  
\q1 Dubo jama Israel embokena irare!   
\c 126  
\s1 Gitofukena Bu Darigusera Aindae Sakai Siseri.  
\q1
\v 1 \nd Bajari\nd* namonde gitofu reighida ghedo  
\q2 bu jovereghe sekago Jerusalem eminda,  
\q1 bu fusira amo, namonde jo tumondaeri.  
\q2 Kau aturu ari guseri.   
\q1
\v 2 Amingedo, namonde ava ivuga use,  
\q1 ivugai gegha kekeku sise jighi fumbu aruguseri.  
\q2 Aminguse irero, oro mendeni gido namondedae eminge siseri,  
\q2 “\nd Bajari\nd*, nendae roera babaigo erira.”   
\q1
\v 3 “Ai bekári,” siseri. Nu namondedae roera babaigo ava usira.  
\q2 Etiri, namonde dubo jama erera.   
\q1
\v 4 Arie \nd Bajari\nd*, kau iji feteari uvu saghedo iriari borija sekago dise,  
\q2 uvu gaunghe viti betu bamburaira aminga ava, namane enda eminda irari kena esimbugaso sekago iti fafode aore!   
\q1
\v 5 Mave soraraghae govusera, ivugaghae je gambedo gharera.   
\q1
\v 6 Mave jivu menjuga gutuse, roera veka fumbu govari dae isera,  
\q2 je gambedo sigina sagina edo,  
\q3 jovereghe kuvai ghae furarera.   
\c 127  
\s1 God Da Ari Evevago Aindae Sakai Saore!  
\q1
\v 1 \nd Bajari\nd* kambo jo itae arira amo, kambo itari embo nenda fakina soesa arera.  
\q2 Reighi bogu begaya ava \nd Bajari\nd* jo gagara ae arira amo,  
\q1 gitofu kato ari embo nenda fakina soesa arera.   
\q1
\v 2 Oka bayaudae sifo ataeda ere tumba jirari soroda avido ghari mo,  
\q2 jo eveva iraeri. Ai resira, \nd Bajari\nd* mavejoa dubo buraira aikena,  
\q1 ne aviroro nune muturaira.   
\q1
\v 3 Mandi sasingu mo fuyori, \nd Bajari\nd* muturaira. Esimbugari beká nemori.   
\q1
\v 4 Vide jamena genembo seka bajarikena siroreraera amo,  
\q1 kau isoro embo feva da goroba eni afari dae sise, fitiri irira, amingori.   
\q1
\v 5 Genembo mave vide jamena digari sari sirorarera amo,  
\q2 koto sifoda, nunda geka bouvu arira.   
\c 128  
\s1 \nd Bajari\nd* Da Uju Mave Arera, Aikena Mino Mutarira.  
\q1
\v 1 Mave \nd Bajari\nd* da uju ava use, nunda amboda amboda arira amo,  
\q2 ne ivugaghae irarera.   
\q1
\v 2 Ni rejodae saramana eraesa,  
\q2 ainda beká ava sirorari baresa.  
\q1 Budo, susu iti fafode edo, ivugaghae iraresa.   
\q1
\v 3 Nearo kau vaini da asi jigharigo amingori,  
\q2 sasingu ghagurago beká fumbarira.  
\q1 Ni bayau mindari dae anumbaresa amo, ninda vide jamena ghaguruimi anumbe jimbe birurugharera ava,  
\q2 kau ika orivi tamonda batuno sasangi birurugheraira, amingori.   
\q1
\v 4 Genembo mave \nd Bajari\nd* da uju ava use irá gheraira amo,  
\q2 \nd Bajari\nd* nu setena ava, aminguse esimbugarira.   
\q1
\v 5 \nd Bajari\nd* Saion irise,\f + \fr 128:5 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* ni esimbugare! Ni jo ambae ghousa mavega ava  
\q2 iraresa, Jerusalem aminda gugua ghayafa iti fafode arira gaso dae resena!   
\q1
\v 6 A kotugo, ni jo ambae irise, ninda imemesiri siroraoro gaso dae resena.  
\b  
\q1 Dubo jama Israel embokena irare!   
\c 129  
\s1 Israel Embo Gitofu Sosighi Ari Dae Banunguseri.  
\q1
\v 1 Israel ondi, ne seka babojevo  
\q2 gitofu nendae kau nange use mema bouvu futero babojuseva ava,  
\q1 sevu ningore!   
\q1
\v 2 “Namane seka babojero, namane da gitofu namanekena ari ekoko use,  
\q2 mema bouvu futero itatamuseri. Ne amingusera avata namane fakina edo jo gofaeri.   
\q1
\v 3 Ne namane da guka ambi aimi  
\q2 ghinjebuse deoro rabijuse sasarigedo ghusira ava,  
\q1 namane da guka isambu buvá aimi bedo edo ghusira.   
\q1
\v 4 Avata \nd Bajari\nd*, bekáda bekáda seraira aimi,  
\q2 gitofu da dombuda nenda asi vujegetiri,  
\q3 namane do buvudo jebuge irera.”   
\q1
\v 5 Evetu genembo isambu mave Saion\f + \fr 129:5 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* gari imboe eraera ava,  
\q2 nange ondi bere bereghaso meka gosuse jovereghe yaeteri.   
\q1
\v 6 Ne kikisa veka ghamana etoda vose batuno edo,  
\q2 jo vitae gharasa eraira, amingari gaeteri.   
\q1
\v 7 Jo evetu genembo eni aimi rete dabade ae arera,  
\q2 o jo sijari sijari edo, fumbu yae arera.   
\q1
\v 8 Evetu genembo mave jo foa ne gi dariguse, “\nd Bajari\nd*, ne esimbugare!” o  
\q2 “Namane ne \nd Bajari\nd* da javoda esimbugerera,” avavaga itako jo sae aeteri.   
\c 130  
\s1 Genembo Eni Sonembadae Banungusira.  
\q1
\v 1 Arie \nd Bajari\nd*, na dara kau irae, eko beká ainda jokáda irise,  
\q2 namo sonembaso dae sorara erena.   
\q1
\v 2 Arie \nd Bajari\nd*, nanda sorara ningaso dae resena,  
\q2 nandae joka use sonembaso dae sorara erena, ningi!   
\q1
\v 3 Ni namanenda ari ekoko gembu fifituse irá edo,  
\q2 namane ijujari dae saetesa amo, mave jaunghe vatafaghe jebugari?   
\q1
\v 4 Avata, ni ari ekoko kote doyeraesa aindae,  
\q2 namane nindae oju igheghi use,  
\q1 tumonde baingheraera.   
\q1
\v 5 Na \nd Bajari\nd* da sonemba ava kaifa gigita use,  
\q2 nunda geka rea setiri fefetusira, ava  
\q3 tumonduse irá gheraena.   
\q1
\v 6 Na \nd Bajari\nd* foa sonembarira, na aindae ivuga ghae, kaifa eraena.  
\q2 Isoro embo da kaifa kato ivugaghae sifo atare dae kaifa eraira da ivuga,  
\q2 jo nanda ivuga amingo iraeri. Sekago resena, ituru embo setena,  
\q2 ainda ivuga jo nanda ivuga amingo iraeri.   
\q1
\v 7 Arie Israel embo, nenda gigitari \nd Bajari\nd* kena fitivu!  
\q2 Ainda susu mo, nunda dubo bari teriagori.  
\q1 Aimi namonde dubo bu gogoghombuse evovo dae namonde sonembari dae kato use irá gheraira.   
\q1
\v 8 Nune, nunda natofo Israel embo, nenda ari ekokoda mino mutudo sari jebugarera.   
\c 131  
\s1 Tumbedo Irise Tumondari Da Banungari.  
\q1
\v 1 Arie \nd Bajari\nd*, na ivuga use, nandae sakai saore dae edo ghusena  
\q2 ava imboe edo dotutuse, meka irae namo gaore dae jajaghedo  
\q1 ghusena ava dotutuseni.  
\q2 Na roera babaigo garigarigo kokotofu kasama kakato da ari  
\q1 jo nanda ari da kaugo irae ava ari dae jo kotari futo ae eraena.   
\q1
\v 2 Tatera, na durumugeteno nanda janje joká jama etira.  
\q2 Kau sasingu ami mindari noi da ami gambu beka do  
\q1 songhe fase irá gheraira aminga ava,  
\q2 nanda janje joká isambu songhetira.   
\q1
\v 3 Arie Israel embo, oroko eitano sifo ghousa evovodae  
\q2 nenda tumondari \nd Bajari\nd* kena fifituse irivu!   
\c 132  
\s1 Tafaroro Kamboda Duró Aindae Sakai Saore!  
\q1
\v 1 Arie \nd Bajari\nd*, David, kotugo nunda mema ambarako beká itatama edo ghusira ava, erá kotae eose!   
\q1
\v 2 \nd Bajari\nd*, God fakina kato Jacob tumonde bainghedo ghusira, nimokena resena:  
\q2 David rea ari beka gagojusira ava kotaso dae resena.   
\q1
\v 3 “Na jo nanda natida ya nanda avari vasada fase avae arena.   
\q1
\v 4 Na itatako jo jangutae a jo avae irise,   
\q2
\v 5 \nd Bajari\nd* God fakina kato Jacob tumonde bainghedo ghusira,  
\q3 ainda kambo itarena.”   
\q1
\v 6 Namane Bethlehem irise, Agho Dari nunda mauvaghae da binó ningido era,  
\q3 vare jokáda reighi Jearim dengesi aminda torughuseri.   
\q1
\v 7 Namane siseri, “Avata oroko mo tafaroro kambo jokáda irira.  
\q2 Fuvu, \nd Bajari\nd* da irari vasada yaore! Ya, nunda anunbedo irari vasada teredo numoa tumonde bainghaore!”   
\q1
\v 8 Arie \nd Bajari\nd*, ere, ninda fakinada tano, ninda Agho Dari da mauvadae resera ainghae,  
\q3 fu, ninda kamboda tere evovodae iraso dae resera.   
\q1
\v 9 Sonembe, ninda fristi mane ari eveva vanembo aore! Sonembe, ninda natofo fumbu aruguse irore!   
\q1
\v 10 \nd Bajari\nd*, ninda saramana kato David kena kotua gatisesa ava kotise, ninda kini gategeteso oroko irira ava,  
\q3 erá ighagha eose!   
\q1
\v 11 Ai resira amo, \nd Bajari\nd*, ni David kena kotua gatisesa, jo doyae aresa.  
\q2 Ni kotua eminge gatisesi, “Nane aono, ninda mandi enimi ninda vasa budo, kini arira.   
\q1
\v 12 A kotugo, ninda sasingu vide jamena nanda beka gajari a nanda agho dari futusena ava,  
\q3 amboda amboda arera amo, nenda sasingu nébarago evovodae numamoda vasa budo,  
\q3 kini udo yarera.”   
\q1
\v 13 \nd Bajari\nd*, nu reighi Saion\f + \fr 132:13 \ft Afige, geka eni \+it Saion\+it* dae gefusera, tuturo 2:6 duruda tege, garesa!\f* ava gategedo, eminda irari dae sisira.   
\q1
\v 14 Nu sisira, “Nanda uju, na vasa eminda irise, nanda natofo kaifa udo yarena.”   
\q1
\v 15 Reighi Saion embo reju baetera, ava nane esimbuguse, reighi ainda makasi emboda uvu bayau nane mutarena.   
\q1
\v 16 Nane esimbugururono reighi ainda fristi maneda aito eveva fugutudo yarera.  
\q2 Nane aono reighi ainda natofo tumondari embo dubo jama use ivugai divu fusedo gharera.   
\q1
\v 17 Nane aono, David da imendi eni siroredo Kini fakinago edo fetarira.  
\q2 Kini resena ava, gategedo sonembururono reighié kaifa udo yarira.   
\q1
\v 18 Nane aono, nunda gitofu meka gosuse mekai jarutarera.  
\q2 Avata nane sonembururono, nunda reighi nunda natofo isambu nune kaifa ururari, riria use irarera.   
\c 133  
\s1 Dubo Dabako Edo Irarera, Ainda Jokáda God Da Esimbugari Barera.  
\q1
\v 1 Arie, God da natofo dubo dabako edo irarera, namonde mino eveva itatama use ivugaghae irarera.   
\q1
\v 2 Amo kau usu muno yavegari Aaron da jiroda averegetero yoyaghuse vose  
\q2 nunda besosoda ghe vose fira, nunda tamo asugari dubokena vovosusira.   
\q1
\v 3 Dubo dabako edo irari nunda esimbugarighaeri, kau doriri Hermon da mungo doriri Saion kunikada vosari garira.  
\q2 \nd Bajari\nd* nunda esimbugari aminda mutari sisira,  
\q3 jebuga evovodae irari tano tefori.   
\c 134  
\s1 God Dae Sakai Saore!  
\q1
\v 1 \nd Bajari\nd* da saramana kakato, isambu fuvu!  
\q2 \nd Bajari\nd* dae sakai saore! Mave nunda tafaroro kambo jokada tumbaghae  
\q2 saramana eraeva isambu nendae resena.   
\q1
\v 2 Tafaroro kambo jokáda nenda ghabu jighivu erorurari,  
\q2 \nd Bajari\nd* dae sakai sevu!   
\q1
\v 3 \nd Bajari\nd*, utu a enda ari kato, Saion\f + \fr 134:3 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* aminda irise,  
\q2 ne esimbugare dae resena.   
\c 135  
\s1 God Dae Sakai Sari Yaru Eniri.  
\q1
\v 1-2 \nd Bajari\nd* dae sakai saore! \nd Bajari\nd* da saramana embo nunda kambo jokáda fetireva,  
\q3 nunda Tafaroro Kamboda dendegu aminda ireva, nendae resena. \nd Bajari\nd* da javo jighivu, erare!   
\q1
\v 3 \nd Bajari\nd* kavevera kato, ágido nundae sakai saore! Numo evevagori, ava sedo nunda javo jighoro erare!   
\q1
\v 4 Ai resira, \nd Bajari\nd* Jacob ava gategusira. Natofo Israel embo ava nunda tofo aoro dae rurusira.   
\q1
\v 5 Na kasama erena, \nd Bajari\nd* namonde tumonde baingheraera, nu teriari. Eini numongo tefori.   
\q1
\v 6 Nu nusuka nunda uju rea koteraira, utuda kotugo endada, eva jokáda kotugo kafuru duru bekáda ava eraira.   
\q1
\v 7 Nune eari, utu gambari utu gambari aminda borija da foroga dariraira, nune eari, biria tarighuse, borija diraira.  
\q2 Kotugo nune yaura nunda serukuda afigeari buvu ya foa gheraira.   
\q1
\v 8 Egypt aminda bebego sirorusera ava, evetu genembo kotugo sino fukade dabade, isasambu detiri sirivuseri.   
\q1
\v 9 Kotugo, Egypt aminda nenda kini nunda kokotofude ari ghamo baore dae use,  
\q3 nunda tano kotugo ari gae gitida ava, ijugedo ghusira.   
\q1
\v 10 Nune oro mendeni mendeni titighedo, kotugo nenda kini fakina kakato detiri sirivuseri.   
\q1
\v 11 Sihon, Amorite embo da kini, Og, Bashan da kini,  
\q3 kotugo Kainan embo da kini mane iritiriara isambu detiri sirivuseri.   
\q1
\v 12 Nune kini mane einda enda isambu nunda natofokena futusira, nunda natofo Israel embokena futusira.   
\q1
\v 13 Arie \nd Bajari\nd*, ninda binó evovodae irarira, ninda binó evovodae sise irarera.  
\q2 Evetu genembo sifo amboda sirorudo yarera, ni jo bunae arera.   
\q1
\v 14 Ai resira, \nd Bajari\nd*, nunda natofo sonembuse, nenda vara nune jifegarira. Nunda saramana embodae joka arira.   
\q1
\v 15 Oro mendeni mendenida god mane ove nu genembori, siliva (silver) kotugo goldi (gold) imi ariri.  
\q3 Evetu genemboimi ungoi eraera.   
\q1
\v 16 Ne beka ghaeri, avata beka jo sae eraera. Ne diti ghaeri, avata jo gae eraera.   
\q1
\v 17 Ne dengoro ghaeri, avata jo ningae eraera. Ne janje itatako jo asegae eraera.   
\q1
\v 18 Nanda uju evetu genembo mave god gungubo ove mane eraera,  
\q3 kotugo evetu genembo mave nenda tumondari ove god gungubo aikena fitiraera amo,  
\q3 ove god gungubo ainda kakaugo aminga ava aeteri.   
\q1
\v 19 \nd Bajari\nd* dae sakai sevu! Israel embo nundae sakai sevu! God da fristi mane, nébarago nundae sakai sevu!   
\q1
\v 20 Ne Levi ondi, \nd Bajari\nd* dae sakai sevu! Mave nundae igheghi use,  
\q3 numoa tumonde baingheraeva barago, nundae sakai sevu!   
\q1
\v 21 \nd Bajari\nd* dae sakai sevu! Ne mave Saion\f + \fr 135:21 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* ireva, nunda irari vasa Jerusalem aminda ireva, nemokena resena.  
\b  
\q1 \nd Bajari\nd* dae sakai sevu!   
\c 136  
\s1 Ayakoe Sari Da Yaruri.  
\q1
\v 1 Aiyakoe saore, \nd Bajari\nd* dae, ainda susumo nu evevagori, \it nunda dubo bari evovodae irira.\it*   
\q1
\v 2 Arie namondeda God, nu god mendeni irera, ainda iká bekáda irira, aikena aiyakoe sevu,  
\q3 nunda dubo bari evovodae irira.   
\q1
\v 3 Babojegari isambu ainda Bajari aikena aiyakoe sevu, nunda dubo bari evovodae irira.   
\q1
\v 4 Nusuka tano babaigo eari gi duduku gheraera, ainda susumo nunda dubo bari evovodae irira.   
\q1
\v 5 Nunda kotari kasamade aimi utu etiri sirorusira, nundae sakai sevu,  
\q3 ainda susumo nunda dubo bari evovodae irira.   
\q1
\v 6 Nune setiri kafuru etoda enda sirorusira, nundae sakai sevu, ainda susumo nunda dubo bari evovodae irira.   
\q1
\v 7 Iji nengae tambuno ghae nune etiri jaragheraera,  
\q3 nundae sakai sevu, ainda susumo nunda dubo bari evovodae irira.   
\q1
\v 8 Iji mo sifo kaifa are dae usira, ainda susumo nunda dubo bari evovodae irira.   
\q1
\v 9 Tambuno damanade tumba kaifa aore dae usira, ainda susumo nunda dubo bari evovodae irira.   
\q1
\v 10 Egypt embo vide jamena bebego isambu nune detiri sirivusera,  
\q3 aindae sakai sevu, ainda susumo nunda dubo bari evovodae irira.   
\q1
\v 11 Nune giti biri namonde Israel embo Egypt ghedo buvurutuseri, ainda susumo nunda dubo bari evovodae irira.   
\q1
\v 12 Nunda ungo fakinagoimi namonde unumbetiri buvurutuseri,  
\q3 ainda susumo nunda dubo bari evovodae irira.   
\q1
\v 13 Nune setiri eva kokoigo Israel embo da dombuda sarigusira, ainda susumo nunda dubo bari evovodae irira.   
\q1
\v 14 Sarigetiri, Israel embo nune unumbetiri sefuseri, ainda susumo nunda dubo bari evovodae irira.   
\q1
\v 15 O Egypt embo da kini fero nunda isoro embode nune fatiri mindi sirivuseri, ainda susumo nunda dubo bari evovodae irira.   
\q1
\v 16 Nune giti beari, nunda natofo Israel embo evetu genembo a uvu irae vasa aminda deinghedo ghusera,  
\q3 aindae numokena sakai sevu, ainda susumo nunda dubo bari evovodae irira.   
\q1
\v 17 Kini mane fakina kakato nanjogo ava, nune detiri sirivusera aindae, sakai sevu,  
\q3 ainda susumo nunda dubo bari evovodae irira.   
\q1
\v 18 Kini mane binode binode ava nune detiri sirivuseri, ainda susumo nunda dubo bari evovodae irira.   
\q1
\v 19 Amo Sihon, Amorite embo da kini avo, ainda susumo nunda dubo bari evovodae irira,   
\q1
\v 20 kotugo Og, Bashan embo da kini detiri ambududurusira aindae barago sakai sevu,  
\q3 ainda susumo nunda dubo bari evovodae irira.   
\q1
\v 21 Kini mane resera, ainda enda nune bambu nunda natofokena soro usira, nunda dubo bari evovodae irira,   
\q1
\v 22 namondeda natofo Israel embo, nunda saramana kakato, aikena soro etiri nenda tofodae rurusera,  
\q3 aindae sakai sevu, ainda susumo nunda dubo bari evovodae irira.   
\q1
\v 23 Namonde gitofu kena gofedo ghusera ainda sifoda, nu namonde itatako jo kotae ae edo ghusira, ainda susumo nunda dubo bari evovodae irira.   
\q1
\v 24 Namonde gitofukena sainghimbe beari, namonde jebugedo ghusera,  
\q3 aindae sakai sevu, ainda susumo nunda dubo bari evovodae irira.   
\q1
\v 25 Evetu genembo isambu a roera isambu endada, utukena a kotugo evada jebuga irera,  
\q3 ainda uvu bayau nune muturaira, aindae numokena sakai sevu, ainda susumo nunda dubo bari evovodae irira.   
\q1
\v 26 Arie, God utuda irá gheraira aikena sakai sevu, ainda susumo nunda dubo bari evovodae irira.   
\c 137  
\s1 Israel Embo Teana Embo Da Reighida Irise, Mema Iri, Ghasegai Isimbuseri.  
\q1
\v 1 Namonde gitofu reighida buvurutuse, ututu Saion\f + \fr 137:1 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* kotise, Babylon aminda uvu iritirera,  
\q2 ainda betuda anumbedo dimbiya useri.   
\q1
\v 2 Amingedo, namaneda gita\f + \fr 137:2 \ft Afige, geka eni \ft \+it gita o uka\+it* dae gefusera, tuturo 32:2 duruda tege, garesa!\f* mane ika fatu da esege dodo, jo sekago bu divae edo ghuseri.   
\q1
\v 3 Ai resira amo, Babylon embo namonde sandi budo isera, aimi yaru eminge saoro dae siseri,  
\q2 “Saion da yaru eni ava siruruvu, ningore!” siseri.   
\q1
\v 4 Namonde teana embo da reighida nange \nd Bajari\nd* kena yaru gatise divareri?   
\q1
\v 5 Arie Jerusalem ko, na ni kotae arena, \nd Bajari\nd* aso nanda ungo gimanduimi gita dari jo inono ae aeteni.   
\q1
\v 6 Arie Jerusalem ko, na nindae ivugai jarutusena ava kotae arena mo.  
\q2 Na yaru sari bunaeteni!   
\q1
\v 7 Arie \nd Bajari\nd*, Jerusalem gitofuimi rurusira da sifo aminda  
\q2 Edom embo nange usera ava kotaetesi!  
\q1 Ne eminge sise, jo itako doyae tambuno use,  
\q2 “Jighi torerevu, vose endada fasare!” resera ava kotaetesi.   
\q1
\v 8 Babylon, nimoa titigho arera. Namanendae nange usesa aindae,  
\q2 mino evetu genembo mave arera ivugaghae irarera!   
\q1
\v 9 Evetu genembo mave nenda sasingu veveyako bambudo,  
\q2 ghamana tamonda dari fusuruma arira, ivugaghae irarera!   
\c 138  
\s1 Aiyakoe Sari Da Yaru Divariri.  
\q1
\v 1 Arie \nd Bajari\nd*, nanda janje joká isambuimi na nindae aiyakoe sarena.  
\q2 Ove kevarida god evetu genemboimi eraera, einda dombuda yaruimi nimoa sakai sarena.   
\q1
\v 2 Na dombu ninda kambo kakara ava fuge gosuse, tumoi bainghuse, ninda javo jighono erarira.  
\q2 Ainda susu mo, nimo dubo bari bekári.  
\q1 Ni rea sisesa ava eraesa. A kotugo ninda javo jigheso ikáda eroriri, ninda geka da fakina isagha erira.   
\q1
\v 3 Namo sonembaso dae kori sisena, ni ningido mino sisesi. Ninda fakina aimi eteso na fakina useni.   
\q1
\v 4 Arie \nd Bajari\nd*, kini (king) kokotofu endada irera,  
\q2 isasambu nindae sakai sise, ninda javo jighoro erarira.  
\q1 Ainda susu mo, ni rea ari dae beka gagojuse sisesa amo, ne nininguseri.   
\q1
\v 5 \nd Bajari\nd*, nine rea usesa, a kotugo  
\q3 ninda duró tomanakogo ava  
\q2 nene yaruimi isimbarera.   
\q1
\v 6 \nd Bajari\nd*, nimo iká bekáda iresa,  
\q2 avata makasi embo nine kaifa  
\q3 tavo ururaso irá gheraera,  
\q1 o ivuga kakato mo, ninda dombuda  
\q3 jo jungae arera.   
\q1
\v 7 Namokena dara digari futo siroreraira ainda sifoda, nine kaifa urureaso jebuga irá gheraena.  
\q2 Gitofu namokena janje ekoko eraera amo, nine namo soredo,  
\q2 ninda fakina tomanakogo aimi sonembeoso na jebugeraena.   
\q1
\v 8 Ni rea ari dae beka gagojusesa ava, isasambu aresa.  
\q2 \nd Bajari\nd* ninda dubo bari mo, evovodae irira.  
\q1 Ni saramana rea ari dae tuturo garusesa, amingudo yasi tano ase!   
\c 139  
\s1 God Da Dubo Bari Jo Itako Darigari Da Kaugo Iraeri.  
\q1
\v 1 \nd Bajari\nd*, ni na dere gido kasama e gogoghomberaesa.   
\q1
\v 2 Na rea eraena ava, isambu ni kasama eresa.  
\q2 Ni soka fetedo, anakora nanda kotari gi tefo eresa.   
\q1
\v 3 Na saramana arena o jangutarena amo, ni na giraesa.  
\q2 Nanda ari rea eraena ava, isambu kasama eresa.   
\q1
\v 4 Na beka jo sae iriono,  
\q2 ni giti kasama easo gido, amboda na geka seraena.   
\q1
\v 5 Ninda ungoimi, na gagara edo kosegeraesa.  
\q2 Ninda fakinaimi na gajeaso, dara jo itatamae eraena.   
\q1
\v 6 Nane resena, ni na kasama eresa, avata ninda kasama mo, jo nane dubo kotise kasama ari da kaugo iraeri.  
\q2 Ainda beká mo: ninda kasama teria a jungarida ava sedo, jo nane dubo kotise kasama ari da kaugo iraeri.   
\q1
\v 7 Na jo reda ya jungono ni tava ae aresa!  
\q2 Na ninda dombuda jo reda ya jungari da kaugo mo iraeri.   
\q1
\v 8 Na utuda vitiyaetena amo, ni aminda iraso tambaeteni.  
\q2 O na ambari embo da vasada vosaetena amo, ni aminda iraso tambaeteni.   
\q1
\v 9 O na rika da kaugo edo ghumbudo, eva da butu isambu darigedo, soka ya aminda iraetena amo,   
\q1
\v 10 ni aminda irise, ninda ungoimi nanda emboro ijuguse, na sonembaetesi.   
\q1
\v 11 Na tumbakena eminge saeteni, “Fu, namo gagara ase!”  
\q2 O na usasa janimberaira aikena eminge saeteni, “Jovereghe, tumba jine!”   
\q1
\v 12 Aminge saeteni, avata ni tumba aindae jo kotae eraesa.  
\q2 Tumba jirarira o iji janimbarira, nimokena inonori.  
\q2 Tumba a usasa mo, nimokena inonori, jo dombu eni iraeri.   
\q1
\v 13 Ni na eteso, nanda tamo isambu sirorusira.  
\q2 Ni na budo fesa dabako eteso, na aya da tinida siroruseni.   
\q1
\v 14 Na nimokena aindae sakai seraena. Ainda susu mo: na jungarida ava eteso siroruseni.  
\q2 Ni rea eraesa amo, isambu eveva bekári, evetu genembo gi bunedo dudukugheraera.  
\q2 Ava, nanda dubo isambuimi itatamuse kasama erena.   
\q1
\v 15 Ni durumuguse kotise, nanda etu aya da tinida esimbugeteso sirorusira.  
\q2 Na jokáda irise babojusena ainda sifo aminda, ni kasama usesa amo, na amindari.  
\q1 Na jo sirorae ireno ainda gitida,   
\q1
\v 16 ni na gosusesi.  
\q2 Nanda sifo nanjogo enda eminda jebuga irarena ava,  
\q2 ni anakora tegedo ninda bukuda gefusesi.  
\q1 Tegedo gefusesa amo, na jo sirorae ireno ainda sifo aminda, ni nanda sifo tegedo gefusesi.   
\q1
\v 17 Arie, God, ninda kotari mo, eveva bekári, jo nane kasama e bari da kaugo iraeri.  
\q2 Kotugo, ni na koteraesa amo, jo umbu dabako o etoto aminda ava,  
\q2 jo kotae eraesa, ni na sifo evia inono koteraesa.   
\q1
\v 18 Na ninda kotari namokena irira, ainda inono tege bari dae aetena amo, kora da ghonesa irira omo, tege tefo aeteni!  
\q2 Na fase avido diti fange ereraena ainda sifo aminda, na itatameraena, ni nangae dabade irera,  
\q2 na jo avirureono ni na jo doyae eraesa.   
\q1
\v 19 Arie, God, nanda uju mo, eviri. Ni nange ari ekoko embo daso ambaeteri!  
\q2 Nange gegenembo tataya kakato na do darigaoro, na nasukako iraeteni!   
\q1
\v 20 Ne nindae sise, geka eko seraera,  
\q2 ninda javo eoro eko eraira.   
\q1
\v 21 Arie, Bajari! Na ne imboe beká ava eraena! Mave ni imboe eraera ava, na imboe beká eraena.  
\q2 Mave ninda geka jo ningae irise, nimokena isoro ari dae seraera amo, na aindae imboe beká use, ningari mo beghagha eraira.   
\q1
\v 22 Ne nanda gitofu sise, na ne imboe beká use, ningari mo, beghagha eraira.   
\q1
\v 23 Arie, God! Nanda irari ijuje dere gaetesi!  
\q2 Nanda kotari kasama edo, na dere gido, nanda kotari tambaetesi!   
\q1
\v 24 Nanda dubo joká dere gaetesi. Ari eko eni aminda iraetira amo, tambu seghe fugedo,  
\q2 na unumbe bu giti jijighururaso, na jebuga evovodae irari ainda emboro ava tambaeteni!   
\c 140  
\s1 Genembo Eni God Numoa Kaifa Gagara Are Dae Benunu Sisira.  
\q1
\v 1 Arie \nd Bajari\nd*, namoa ari eko embo aikena sonembe bu darige!  
\q2 Evetu genembo jiro ghambura aikena na kosege fete.   
\q1
\v 2 Ne evovodae ari sembae ari dae manaka garuse, sifo ghousa nene gayeoro,  
\q2 mendeni avo ghoghora tataya kunumberaera.   
\q1
\v 3 Nenda aviva kau jingabu ekoko ainda kae amingori, geka nenda bekada buvuraira ava,  
\q3 jingabu jumi da kae da kaugori.   
\q1
\v 4 Arie \nd Bajari\nd*, namoa jiro ghambura embo da ari ekoko aminda kosege fete,  
\q2 nandae janje ekoko tefo tefo use, namo ambono dae manaka eregarera.   
\q1
\v 5 Meka irae ivuga kakato namoa ufena dari dae vagho junge fiti simbugerera,  
\q2 ne asi aimi ivasi ututedo nanda emboro aminda namoa ivasi e bari dae fifituseri.   
\q1
\v 6 Na \nd Bajari\nd* kena resena, “Nanda God nimori.” Arie \nd Bajari\nd*, mema use namo sonembaso dae sorara erena, ningi!   
\q1
\v 7 Arie \nd Bajari\nd*, nanda Bajari, nanda sorega ari kato nimori. Isoro jokada na daetera ava, nandae sorega nine usesi.   
\q1
\v 8 Arie \nd Bajari\nd*, ari ekoko embo nenda kotari da uju beká rejo dae use manaka eregarera ava, erá eoso, beká siroreure!   
\q1
\v 9 Erá eoso, ari eko emboimi nandae ivugai atai feteore!  
\q2 Namoa kateyavara use, geka ekoko resuterera, nange geka daba aimi jighi jovereghe nemoa gambare!   
\q1
\v 10 Avaraka imo kokoigo veriverigo ava mutu nenda etoda dudurugare!  
\q2 Ne bambu goroghe, bako eko aminda vovosegedo vitari bunedo iritirore!   
\q1
\v 11 Evetu genembo mave kokomana dae aji sise, nenda javoda geka gungubo gesire eraera,  
\q2 ava aso gogofe gaore! Aso, ghambura evetu genembo aikena, dara dombu eni dombu eni aimi ari sirivo aore!   
\q1
\v 12 \nd Bajari\nd*, namo kasamari, makasi embo rejo dae mema eraera, nine sorise sonembaresa.  
\q2 A kotugo evetu genembo mave makasikena katiyavara eraera, aikena nine gitofo edo, vara jifegeraesa.   
\q1
\v 13 Beká resena, mave ni tumonduse ninda sari ava nembo eraera,  
\q2 ne ninda dombuda jebuga fetirise, nindae aiyakoe sise irarera.   
\c 141  
\s1 Genembo Eni Nunda Irari Kotise, God Da Sonembadae Benunu Resira.  
\q1
\v 1 Arie \nd Bajari\nd*, na nimokena kori resena, na oroko nembako senembaso dae resena!  
\q2 Na sifo reda senembaso dae benunu sarena, ningi!   
\q1
\v 2 Ungobughae joba nimokena dungutuse, yabiyabina dungoro muno viviturureari,  
\q2 ivuga eraesa aminga ava, na sifo reda benunu sise, ungo nimokena jighono erarira,  
\q3 ivuga aminga ava aso dae resena.   
\q1
\v 3 Arie \nd Bajari\nd*, erá geka sembae seono dae sise, nanda beka tavo aso dae resena! Kaifa kato eini gategaso,  
\q3 fetedo nanda avivi kaifa are!   
\q1
\v 4 Erama sembae kotise ari ekoko eono dae sise, nanda dubo joká kaifa aso dae resena.  
\q1 Erá doyeoso, na ari eko embo da kirumo aminda ya nemonde dabade tatedo,  
\q3 nenda aito ava fugeone!   
\q1
\v 5 Genembo eveva aimi na dengoro induduse, dombuda sarira amo,  
\q2 nandae kavevera use aminge sarira.  
\q3 Avata, ari ekoko embo nandae sakai sari sarera amo, na itoko jo ningae arena.  
\q2 Ainda beká mo, nenda ari ekoko beká eure dae sise benunu seraena.   
\q1
\v 6 Nenda babojegari sifo reda bambu ghotaghaoro, fanada dudurugarera, evetu genembo gido,  
\q3 kasama arera, \nd Bajari\nd* da geka mo bekári.   
\q1
\v 7 Kau ika faragho sare gafe kiro karo eraera aminga ava, gitofui etero,  
\q2 namaneda etu mane ofofo bako bekada soesa mainge mainge edo iritirera.   
\q1
\v 8 Avata, arie \nd Bajari\nd* nanda God, nanda tumondari nimokena fifituse irena.  
\q2 Namo gagara aso dae sise, eraena. Erá doyeoso, na deoro ambeone!   
\q1
\v 9 Namo ivasi ari dae vagho fifiterera aminda, na gagara e! Ari ekoko embo da ivasi fitari aminda na kosege fete.   
\q1
\v 10 Aso, ari ekoko embo totofo nenda vaghoda tetururoro, nemoa ivasi ururari na jo dae doyoro yari resena.   
\c 142  
\s1 Sonemba Dae Benunu Sisira.  
\q1
\v 1 Na \nd Bajari\nd* namo sonembare dae koko fuge sorara use,  
\q2 ghasegai isimberaena.   
\q1
\v 2 Nanda mema janje jokáda isambu numokena averegeono, ningiraira.  
\q2 Nanda mema isasambu numokena se tefo eraena.   
\q1
\v 3 Na sifo reda gofedo ghamo takegha urureari, na nange aetena ava, nu kasama eraira.  
\q2 Nanda emboro evovodae aminda ya gheraena aminda,  
\q1 gitofu namoa ufena sandari dae vagho junge fifituseri.   
\q1
\v 4 Nanda tingu tanga fuge gosuse, imana samana eraena,  
\q2 avata tofo da kaugo eni jo gae eraena.  
\q1 Ne na bunariri, namo sorari embo eni tefori.  
\q2 Nandae genembo mave jo sae eraira.   
\q1
\v 5 Arie \nd Bajari\nd*, na sonembadae mema use, nimokena resena,  
\q2 “\nd Bajari\nd* nanda gagara ari kato nisuka nimori.  
\q3 Enda eminda irise nisuka nimoa uju eraena.”   
\q1
\v 6 Namo sonembaso dae ghasega resena, ningi sonembe!  
\q2 Na gofedo, rojari beká erena.  
\q1 Nanda gitofu fakina kakatori. Na jo nemongo iraeri. Ágido namoa sonembe bu darigaso dae resena.   
\q1
\v 7 Na memai bundetiri irena, vujegaso jebugaone!  
\q2 Amingaresa, ni nandae kavevera tomanako beká eraesa aindae,  
\q2 na ninda natofo tafaroro ururoro, ainda jokáda fete irise, nindae sakai sarena.   
\c 143  
\s1 Sonemba Dae Benunu Sisira.  
\q1
\v 1 Arie \nd Bajari\nd*, nanda banungari ningi! Ninda natofokena bekáda bekáda eraesa.  
\q2 Aminguse, nanda benunu ningi! Ninda sari ava nembo eraesa. Aminguse, na sonembe!   
\q1
\v 2 Na ninda saramana katori. Avata, erá nanda eko ijujeose!  
\q2 Ai resira amo, ninda dombuda jo evetu genembo eniimi fetari inono iraeri.   
\q1
\v 3 Nanda gitofuimi na ondi sandi budo fugetiri dureno, atai fati gitetiri faseteni.  
\q2 Na bu vasa tumbago ainda jokáda fitiri na kau ambari embo anakora ambududurusera, aminga ava erena.   
\q1
\v 4 Ava sedo, na kotari dadabetiri ambari dae itako erena.  
\q2 Arie namoako, na nange aeteni, ava erebunena.   
\q1
\v 5 Ni nange edo ghusesa, ava kotise irena. Na ninda tano duroghae udo refesa, isambu kotedo gherena.  
\q2 Ni nange usesa isambu ava erekotena.   
\q1
\v 6 Na banunguse, nanda ungo jigheono ereraira. Kau dubo sagheari, uvu mindari dae angasa angasa eraera aminga ava, nanda asisi nimoa tambari dae uju erira.   
\q1
\v 7 Arie \nd Bajari\nd*, tavaraghe foa, nanda benunu ningaetesi! Erá nandae jungeose!  
\q2 Ninda dombu namokena jungaresa amo, na anakora ambudo ambari embo da vasada vosarena.   
\q1
\v 8 Ni tumonduse irena, ágido sifo ghousa ataeghae ninda dubo bari ava ijugururu, gaone!  
\q2 Nanda asisi isambu futuse nimokena benunu sise irá gheraena, ava sedo nanda emboro ijugururu, yaone!   
\q1
\v 9 Arie \nd Bajari\nd*, na nimokena afote fetari ya gheraena. Namoa gitofukena saghimbe bu darige!   
\q1
\v 10 God nane tumonde baingheraena amo, nimori. Ninda uju ava ijuge, ava aone!  
\q2 Ninda asisi eveva aimi na ununbe, emboro evevada yaone!   
\q1
\v 11 Arie \nd Bajari\nd*, ni nange ari sisesa ava use, namoa gitofukena saghimbe bu darige!  
\q2 Ninda kavevera eraesa aimi na sonembe, mema namokena foa gheraira ava darigaone!   
\q1
\v 12 Ni na dubo buraesa aindae, nanda gitofu isambu dive gafe sirivu e tefo aore!  
\q2 Na ninda saramana kato, ava sedo evetu genembo na daoro ambono dae aito eraera, isambu sosighi e!   
\c 144  
\s1 Kini (King) Gitofu Sosighi Edo, God Nunda Sonembadae Aiyakoe Sisira.  
\q1
\v 1 \nd Bajari\nd*, namo gagara ari katodae sakai saore! Na ambi goroba jighono dae nune ijuguse,  
\q3 isoro aono dae fakina muturaira.   
\q1
\v 2 Nu sifo ghousa namoa dubo ruruse, na gagara eraira.  
\q2 Nu nandae sorega fumburaira, na nunda itumuda iriono, nune seari jebugeraena.  
\q2 Nanda tumondari numokena fifituse, na jebuga irá gheraena.  
\q2 Nune oro oro isambu fiteari vose, nanda duruda irioro, nane kaifa eraena.   
\q1
\v 3 Arie \nd Bajari\nd*, genembo mo, rejori? Nu jo rejo eni iraeri,  
\q3 ava ni redae koteraesi? Nu taká tefo genembo, ágido redae bu tavo tatau eraesi?   
\q1
\v 4 Numo taká kau janje asegeraera, ainda kaugori, nunda jebuga, foroga iji gajeari,  
\q3 yaurai bu fuseari itumu totoi totoi ya dadaberaira, amingori.   
\q1
\v 5 Arie \nd Bajari\nd*, utu jighi torere afige vose fu! Kunikada doriri mane sire jighi imbosi gubighare!   
\q1
\v 6 Biria barara mutu tarighuse, ninda gitofu ondari taraghaore! Ninda feva aimi afuse ondiruru, oju sumbore!   
\q1
\v 7 Ninda ungo utudaghe sirege vosefurari, na kafurudaghe jumbu vitone! Bu darigaso jebugaone!  
\q2 Oro mendeni da fakina kau irae aikena na bu darige!   
\q1
\v 8 Gitofuá geka beká eni itako jo sae eraera. Nenda geka tumondaoro dae God da javono gatise,  
\q3 beka gajeraera, avata aminda beká eni tefori.   
\q1
\v 9 Arie God, na nindae yaru seka gate divarena. Na gita\f + \fr 144:9 \ft Afige, geka eni \ft \+it gita o uka\+it* dae gefusera, tuturo 32:2 duruda tege, garesa!\f* doruse nimokena yaru sarena.   
\q1
\v 10 Mave seari, kini (king) mane nenda gitofu sosighi e atai fati fateraera, amo nimori.  
\q1 A kotugo mave, ninda saramana kato, David, bu darigeari jebugedo gherira, ábarago nimori.   
\q1
\v 11 Oro mendenida fakina kau irae aikena na bu darige! Gitofuá geka beká eni itako jo sae eraera.  
\q1 Nenda geka tumondaoro dae God da javono gatise, beka gajeraera, avata aminda beká eni tefori.   
\q1
\v 12 Amingaresa amo, namanenda vide jamena seka bajarera amo, faragho faragho eveva ikai bajarigarera.  
\q2 Namanenda sasingu ade jamena mendode sovode gari garigo  
\q3 kini (king) da nati botou da faiya gembari gengebago aminga ava  
\q3 bajarigarera.   
\q1
\v 13 Namanenda bayau seruku vasa bayau nunda dombu dombu aimi bedo ururari,  
\q3 namanenda sifi da mamandi ghagurugo 10,000 darigedo siroruse irari garera.   
\q1
\v 14 Namanenda burumakau da mamandi nunda sifoda eveva fumbu averegarera.  
\q3 Namaneda reighi jokáda jivu menjuga jo gutae aeteri.   
\q1
\v 15 Geka isuru erena evia, oro mavekena beká arira amo, ivuga ghae irivu!  
\q2 Evetu genembo \nd Bajari\nd* nenda God dae budo numoa tumonde baingharera amo, ivugaghae irarera!   
\c 145  
\s1 Sakai Sari Yaruri.  
\q1
\v 1 God nane tumonde baingheraena, a kotugo, nanda kini mo nimori.  
\q2 Nindae sakai sise, ninda javo teria ava jighono iká bekáda erarira.  
\q2 Na nindae sifo ghousa a kotugo, evovodae aiyakoe sise, irá gharena   
\q1
\v 2 Sifo ghousa na nindae aiyakoe sedo gharena. Nindae sifo ghousa a kotugo evovodae sakai sise irarena.   
\q1
\v 3 \nd Bajari\nd* mo, nu teriagori. Sakai numoa sari evevari. Numo teriago bekári jo kasama arida kaugo iraeri.   
\q1
\v 4 Nine rea usesa aindae, namane oroko jebuga irera, nindae sakai sido iruroro,  
\q3 namaneda sasingu ningido, némbarago eredo, nenda sasingukena saoro ningido osa sarera.   
\q1
\v 5 Ninda duró usasaghae ava osa siruroro ningido, ninda ari gae gitida ututeraesa ava,  
\q3 nanda janje jokai kotedo gharena.   
\q1
\v 6 Ninda ari gae gitida ututeraesa setena, ava natofoi osa siruroro, ninda bino teria aindae nane barago vironu sedo gharena.   
\q1
\v 7 Evetu genembo isasambu ninda aito eveva aindae osa sise, ninda kavevera teriago ava yaruimi isimbarera.   
\q1
\v 8 \nd Bajari\nd* mo, dubo bari a kotugo, joka ari katori.  
\q2 Nunda dubo bari mo, evovodae irira, a kotugo gaimboghae janje ekoko eraira.   
\q1
\v 9 Nu evetu genembo isasambudae kavevera eraira,  
\q3 a kotugo roera isasambu nune usira aindae joka eraira.   
\q1
\v 10 Arie \nd Bajari\nd*, endada utuda a kotugo, evada roera nine usesa isasambu nindae sakai sarera.  
\q2 A kotugo, ninda natofo isasambu nindae aiyakoe sarera.   
\q1
\v 11 Ni kini (king) edo iresa da duró ainda binó ava osa sarera.  
\q2 Aminguse, ninda fakina teriago aindae isagha sarera.   
\q1
\v 12 Evetu genembo isasambu ninda tano babaigo gae gitida ututusesa ava kasama aoro dae sise,  
\q3 a kotugo, ni kini edo iresa ainda duró fakinaghae kasama aoro dae sise, amingarera.   
\q1
\v 13 Nimo utu enda a kotugo, eva da kini edo evovodae iresa.  
\q2 \nd Bajari\nd*, rea beka gagojuse, ari dae sisira ava, nune eraira. Nu rea eraira amo, joka use eraira.   
\q1
\v 14 \nd Bajari\nd* mave mema use goferaira ava, nune sonembeari jebugeraira.  
\q3 Gogofegedo irera, ava jijighurureari ere feteraera.   
\q1
\v 15 Endada evetu genembo, sino fuka, sivoro kororo, eva da oka mane gindovi gandovi isasambu diti nimoa gosuse gigiturureoro, nenda baimara sifoda nenda bayau inononda muturaesa.   
\q1
\v 16 Ni ungo isambukena javoregheoso nenda uvu bayau inonoda buraera.   
\q1
\v 17 \nd Bajari\nd* da aito fugari isambu dambugo bekári. Nu rea eraira amo, joka use eraira.   
\q1
\v 18 Evetu genembo mave bekáda bekáda janje isambuimi \nd Bajari\nd* dae kori sarera, nu anakora utua edo irira.   
\q1
\v 19 Evetu genembo mave \nd Bajari\nd* kakara eraera aikena reju ava daiva eraira, nune nemokena muturaira.  
\q2 Ne nanjigo numokena kori seraera, nune ningido sonembeari jebugeraera.   
\q1
\v 20 Evetu genembo mave \nd Bajari\nd* dubo buraera ava gagara eraira.  
\q2 Avata, ari ekoko use irá gheraera ava deari sirivo eraera.   
\q1
\v 21 Namo sifo ghousa \nd Bajari\nd* dae sakai sise irá gharena.  
\q2 Utuda endada evada reju ava jebuga irira, aikena resena, evovodae nunda javo kakara aindae sakai sise,  
\q3 nunda javo jighovo erare.   
\c 146  
\s1 God Jebuga Mutari Kato Dae Sakai Saore!  
\q1
\v 1 \nd Bajari\nd* dae sakai saore! Arie namoako, nanda dubo jokáimi \nd Bajari\nd* dae sakai saone!   
\q1
\v 2 Na \nd Bajari\nd* dae sakai sise irá ambari tano, na sifo ghousa God nane tumonde baingheraena aikena,  
\q3 yaruimi sakai sise irarena.   
\q1
\v 3 Nenda tumondari erá endada evetu genembo da babojegari kena fitiove!  
\q2 Endada evetu genemboimi jo saoro jebugae areva.   
\q1
\v 4 Ne sifo reda ambarera, ne jovereghe fonja jinarera,  
\q3 sifo aminda ne rea ari dae kotisera, isambu soesa tefo arira.   
\q1
\v 5 God, Jacob tumonde bainghedo ghusira aimi maveju ava sonembarira amo, ne ivugaghae irarera.  
\q2 A mave nenda gigitari God kena fitarera, nébarago ivugaghae irarera.   
\q1
\v 6 God, utu, enda a eva, kotugo roera ainda jokáda iritirira, isasambu nune etiri sirorusira,  
\q3 aimi rea ari dae seraera ava, nune edo gherira.   
\q1
\v 7 Nu ijujuse, evetu genembo gitofuimi mema futero, mema itatamuse irera, ava soreraira.  
\q2 Kotugo baimara eretafera ainda bayau, nune muturaira.  
\q1 \nd Bajari\nd*, nune dibura embo seari dibura do buvututururoro,  
\v 8 diti digoide seari sifo sevo giraera.  
\q2 Evetu genembo gofedo irera, ava, \nd Bajari\nd* nune jighiari ereraera.  
\q2 Evetu genembo dambugo mo, \nd Bajari\nd* nune dubo buraira.   
\q1
\v 9 Teana embo namondeda reighida irera ava, \nd Bajari\nd* nune kaifa eraira.  
\q2 Roriri nenda sasingu babatede nenda sonemba nune eraira.  
\q2 O ari ekoko embo da kotari nune eari beje soesa eraira.   
\q1
\v 10 \nd Bajari\nd* mo kini (king) edo evovodae irira. Arie Israel embo, reighi Saion\f + \fr 146:10 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* ireva,  
\q3 nenda God ne evovodae kaifa use irarira.  
\b  
\q1 \nd Bajari\nd* dae sakai saore!   
\c 147  
\s1 God Fakina Isambu Da Tofo, Aindae Sakai Saore!  
\q1
\v 1 \nd Bajari\nd* dae sakai saore! Ainda susu mo,  
\q3 namondeda God ava yaruimi  
\q2 sakai sise sari mo, evevagori!   
\q1
\v 2 \nd Bajari\nd* nune Jerusalem gitofuimi bejisera ava, ari fatonga arira.  
\q2 Israel embo gitofui bambu isera ava,  
\q3 sekago bu jovereghe refira.   
\q1
\v 3 Ghamo memai bunedo irera, ainda  
\q2 gambisi ava nune doghedo seari jebugeraera.   
\q1
\v 4 Nu damana nanjogo uju usira ava, setiri siroretiri, isambu nenda javo javo  
\q3 nune jijighusira.   
\q1
\v 5 Namondeda \nd Bajari\nd* mo teriago a fakinago bekári.  
\q2 Nunda dubo kotari jo maveda tega iraeri.   
\q1
\v 6 Tumo darido irari embo nune soredo jighiari ereraera.  
\q2 O eko embo mo, nune endada kambata eraera.   
\q1
\v 7 Nenda bekaimi \nd Bajari\nd* dae aiyakoe sise yaru sevu! Gita\f + \fr 147:7 \ft Afige, geka eni \ft \+it gita o uka\+it* dae gefusera, tuturo 32:2 duruda tege, garesa!\f* doruse, nundae yaru gatevu!   
\q1
\v 8 Nune forogaimi utu doghedo simbugeari,  
\q3 borija endada dido eari,  
\q2 kunikada eke batuno use vivitigeraira.   
\q1
\v 9 Bao oka da bayau nune muturaira.  
\q2 A ogha mamandi bayaudae kori sirurureoro nune unduraira.   
\q1
\v 10 Hosi da tutu ava numokena jo rejo eni iraeri,  
\q3 kotugo isoro genembo da fakina aindae,  
\q3 nu jo kotae eraira.   
\q1
\v 11 O mave nundae igheghi use,  
\q3 nu kakara eraera aikena, ivuga eraira.  
\q2 Kau daba aminga ava, mave nunda dubo bari a kavevera tumonduse irera, nendae ivuga eraira.   
\q1
\v 12 Arie! Jerusalem embo, \nd Bajari\nd* dae sakai sevu!  
\q2 Saion\f + \fr 147:12 \ft \+it Saion\+it* dae gefusera, tuturo 2:6 duruda tege, garesa!\f* aminda ireva, nenda God dae sakai sevu!   
\q1
\v 13 Ai resira amo, nenda furuda guru mane ava isambu nune kaifa urureari eveva irá gheraeva.  
\q2 Nenda natofo aminda isambu, nune esimbugeraira.   
\q1
\v 14 Nenda reighida tano nune kaifa urureari, gitofu terari manamana use irá gheraera.  
\q2 Nenda farava vuji garigarigo ava nune futurureari, inonoda budo gheraeva.   
\b  
\q1
\v 15 Nune endada nunda uju ava sirorare dae seari  
\q2 nunda uju seraira ava, totoi nembo siroreraira.   
\q1
\v 16 Aisi (ice) yaurago ava nune muteari borija dirarigo use vose enda afuregeraira.  
\q2 Sifo daba daba aisi muteari, mungaghae vose avegha fonja raraghari ghedo  
\q1 enda afurugeraira.   
\q1
\v 17 Nu borija dombu eni aisi babai yaurago ava averegeari jeviri da udumu aminga ava vose faseraira.  
\q2 Yaura nune nanjigo muturaira, mave ainda jokáda fetari jo inono iraeri.   
\q1
\v 18 Avata nune seari aisi amo tiveraira. Yaura vevera sumbare dae seari tivedo uvu sumburaira.   
\q1
\v 19 Nunda geka nunda natofo Jacob da sasingukena mutudo gheraira.  
\q2 Nunda ijuga kotugo Agho Dari ghaseari nunda natofo Israel embo buraera.   
\q1
\v 20 Nu oro mendenidae jo amingaeri, nunda Agho Dari ne bunariri.  
\q1 \nd Bajari\nd* dae sakai saore!   
\c 148  
\s1 Genembo Eni Roera Nanjogo Utuda, Endada Evada Irira Aimi God Dae Sakai Saore Dae Resira.  
\q1
\v 1 \nd Bajari\nd* dae sakai saore!  
\q2 Ne utu iká bekáda iritireva, aimi utudaghe \nd Bajari\nd* dae sakai sevu!   
\q1
\v 2 Nunda aneya mane isambu, nunda isoro embo utuda ireva, nundae sakai sevu!   
\q1
\v 3 Iji nengae tambunoghae, nundae sakai sevu! Damana mane jaraghuse nundae sakai sevu!   
\q1
\v 4 Utu iká bekáda kotugo borija utu ikáda jungedo irira, aimi nundae sakai sevu!   
\q1
\v 5 Ne isasambu \nd Bajari\nd* da javo jighovo erare dae resena!  
\q3 Ainda susu mo, nune setiri, ne sirorusevu.   
\q1
\v 6 Nunda sarida, ne nenda vasada siroredo, evovodae aminda iritirera.  
\q2 Nu nange setiri fetirera, ainda geka ava ne jo bu fugae arera.   
\q1
\v 7 Enda emindaghe, eva da oka mane,  
\q2 kotugo karaje kafuru jokáda gambauva iritirera aimi, \nd Bajari\nd* dae sakai sevu!   
\q1
\v 8 Biria barara, borija dombu eni aisi yaurago diraira,  
\q2 a kotugo yaura vovoga isambu ne nunda sari ava ningiraeva.   
\q1
\v 9 Enda jiro fumbari, doriri mane, taima da ika mane,  
\q2 kotugo mindari vuji da ika mane nanjogo, aimi nundae sakai sevu!   
\q1
\v 10 Sino fuka tamo dari tamo dae isasambu, jingabu, sivoro kororo, kotugo rika mane aimi nundae sakai sevu!   
\q1
\v 11 Kini mane isasambu, natofo nanjogo ireva, gavana mane,  
\q3 sabua kokotofu nanjogo ireva isasambu aimi, nundae sakai sevu!   
\q1
\v 12 Ade mose, yarata seka bajari, evevetako embabako,  
\q3 kotugo sasingako barago isasambu aimi nundae sakai sevu!   
\q1
\v 13 Ne isasambu \nd Bajari\nd* da javo jighivo erare dae resena!  
\q3 Nunda javo mo, javo isasambu ainda iká bekádari.  
\q2 Nunda duró mo, utu enda ainda iká bekádari.   
\q1
\v 14 Nunda dubo bari natofo Israel embo mo, nune etiri fakina edo irera.  
\q2 Susu aindae nunda natofo isasambukena resena,  
\q3 \nd Bajari\nd* dae sakai sevu!   
\c 149  
\s1 Tafaroro Use, \nd Bajari\nd* Dae Sakai Saore!  
\q2
\v 1 \nd Bajari\nd* dae sakai saore! Arie, endada evetu genembo isambu, \nd Bajari\nd* dae yaru seka sevu!  
\q1 Nunda natofo tafarorodae totorugarera,  
\q2 ainda jokáda nunda javo jighoro erare!   
\q1
\v 2 Israel embo, nune setiri siroruseva aindae, ivuga evu!  
\q1 Ainda susu mo, Saion\f + \fr 149:2 \ft Afige, geka eni \ft \+it Saion\+it* dae gefusera, tuturo 2:6 duruda tege, garesa!\f* embo nu nenda kini (king) edo irira aindae, gogho edo,  
\q3 divu fusedo ghevu!   
\q1
\v 3 Divu fusedo ghuse, nunda javo jighivu erare!  
\q2 Sino da dukaimi gita\f + \fr 149:3 \ft Afige, geka eni \ft \+it gita o uka\+it* dae gefusera, tuturo 32:2 duruda tege, garesa!\f* da javimi nundae sakai saore!   
\q1
\v 4 Ai resira amo, \nd Bajari\nd* nunda natofo dae ghamo buraira.  
\q2 Nu tumbari embo ava binóde aoro dae sise, nenda gitofu sosighi eraera.   
\q1
\v 5 God da natofo gitofu da vasa sosighi usera aindae, ivugai jarutuse, tumba soró aminda yaru ivugai roro bambarera.   
\q1
\v 6 God dae sakai koko fuge sise, saoro dae resena.  
\q2 Nenda isoro da kaiya dika soveni soveni siverego ungoi bambu jighirise,   
\q1
\v 7 oro mendeni ava atai duboda fatido, natofo mendeni daoro ghamo barera.   
\q1
\v 8 Ainda natofoda kini (king) kokotofu ava seinimi bundarera.  
\q2 Nenda babojegari seini auri arimi bundarera.   
\q1
\v 9 God da sari ava use, ne oro mendeni ava daoro ghamo barera.  
\q2 Setena amingarera aimi God da natofo da duró isagha arira.  
\q1 \nd Bajari\nd* dae sakai sevu!   
\c 150  
\s1 \nd Bajari\nd* dae Sakai Sari Yarure.  
\q1
\v 1 \nd Bajari\nd* dae sakai sevu!  
\q1 God nunda Kambo Kakara jokáda irira, nundae sakai sevu!  
\q2 Nu utuda irise, nunda fakina ijugeraira aindae, nundae sakai sevu!   
\q1
\v 2 Nunda ari fakina rea edo ghusira aindae, nundae sakai sevu!  
\q2 Numo teria bekári aindae, nundae sakai sevu!   
\q1
\v 3 Tavuya bu fusise, nundae sakai sevu!  
\q2 Gita\f + \fr 150:3 \ft Afige, geka eni \ft \+it gita o uka\+it* dae gefusera, tuturo 32:2 duruda tege, garesa!\f* dombu eni dombu eni roera mendeni avavaga bu doruse, nundae sakai sevu!   
\q1
\v 4 Divari sino bu doruse ivisa use, nundae sakai sevu!  
\q2 Sino (guitars) bu doruse, a feku fusise, nundae sakai sevu!   
\q1
\v 5 Roera ghasaghasa, baighara avavaga bu ivisa use, nundae sakai sevu!  
\q2 Roera eni simbaro (cymbals) seraera, mereki da kaugo ava  
\q2 ungo soveni-soveni bu doruse, fumbu aruguse,  
\q3 nundae sakai sevu!   
\q1
\v 6 Evetu genembo, sino fuka, ã roera jebuga irise,  
\q2 ghamo asegeraera isambu, nundae sakai sevu!  
\q1 Bajari dae sakai sevu!