\id ZEP Kapingamarangi 
\h Zephaniah 
\toc1 Di Beebaa Zephaniah 
\toc2 Zephaniah 
\toc3 Zephaniah 
\mt1 ZEPHANIAH  
\mt2 Di Beebaa Zephaniah  
\imt1 Di haga modongoohia:  
\im Soukohp Zephaniah nogo agoago i di hagaodi gi muli nia ngadau e ono lau (600) i mua o Christ, i mua di king Josiah ne haga hoou aga di mouli daumaha i di ngadau e ono lau madalua maa dahi (621) i mua o Christ. I lodo di beebaa deenei, gidaadou e mee di dau nia hagadilinga haga modongoohia ala gu iloo iei gidaadou, gadoo be di haga modongoohia o di laangi haga halauwa, i di madagoaa Judah ma gaa kae dono hagaduadua mai i dono daumaha ang gi nia god ala i golo, hagalee go Dimaadua. Nia henua ala i golo la gaa kae labelaa nadau hagaduadua mai i baahi Dimaadua. Eimaha ma Jerusalem la ga haga mmaa gi daha, gei di waahale le e haga hoou aga labelaa i dahi madagoaa, gei ogo nia daangada hagalongo mo digau humalia la gaa noho labelaa i golo.  
\iot Di hagahonu di beebaa deenei:  
\io1 Di laangi di hagiaga Dimaadua \ior (1.1—2.3) \ior*  
\io1 Di hagahuaidu nnenua llauehe i baahi Israel \ior (2.4-15) \ior*  
\io1 Di hagahuaidu mo di haga dagaloaha Jerusalem \ior (3.1-20) \ior*  
\c 1  
\p
\v 1 Aanei nnelekai mai baahi Dimaadua ne wanga gi Zephaniah i di madagoaa Josiah tama daane Amon nogo king i Judah. (Zephaniah la di hagadili ni di king Hezekiah mai Amariah, Gedaliah mo Cushi).\x * \xo 1.1 \xt 2-Kings 22.1—23.30; 2-Chronicles 34.1—35.27\x*   
\s1 Di laangi hagi aga Dimaadua  
\p
\v 2 Dimaadua ga helekai, “Au gaa oho gi daha nia mee huogodoo i henuailala,  
\v 3 nia daangada mono manu, nia manu mamaangi, mo nia iga. Au gaa hai digau huaidu gi hagalee. Au ga daaligi nia daangada huogodoo, tangada e dubu ai. Au go Dimaadua ne helekai.   
\p
\v 4 “Au ga hagaduadua digau Jerusalem mo Judah huogodoo. Au gaa oho digau haga muliagina ala e daumaha gi di balu god go Baal, ge deai tangada e langahia ia digau hai mee dabu tuadimee ala nogo hai hegau gi mee ai.  
\v 5 Au ga daaligi tangada ma gaa hana gi hongo di hale e daumaha gi di laa, di malama mo nia heduu. Au ga daaligi labelaa digau ala e daumaha mai gi di Au ge e dowangi i dogu ingoo, ge e dowangi labelaa i di ingoo o di god go Molech.  
\v 6 Au ga daaligi digau ala guu huli gi muli gu hagalee daudali Au, digau ala hagalee loomoi gi di Au ge dangi mai bolo gi dagia ginaadou.”   
\p
\v 7 Goodou gii noho deemuu, idimaa di madagoaa gu hoohoo mai gei di Tagi go Yihowah gaa noho gi dono lohongo hagi aga. Dimaadua gu hagatogomaalia e tigidaumaha ana daangada, gei gu gahi mai nia hagadaumee gi ohaa ina Judah.  
\v 8 Dimaadua ga helekai, “Di laangi daaligi dangada deelaa, gei Au ga hagaduadua digau aamua, nia dama daane di king, mo digau huogodoo ala e hai hegau i nia hangahaihai o digau henua gee.  
\v 9 Au ga hagaduadua digau huogodoo ala e daumaha be digau o di bouli, gei e gaiaa mo di dadaaligi dangada belee haa di hale di nadau dagi\f + \fr 1.9 \ft \+bk di hale di nadau dagi\+bk* be: \+bk di hale di nadau god \+bk*\f* gi nia goloo gaiaa.”   
\p
\v 10 Dimaadua ga helekai, “Di laangi deelaa, gei goodou ga longono nia lee hangihangi i di bontai e haga ingoo di Bontai Iga i Jerusalem. Goodou ga longono nia lee tangitangi i di baahi hoou o di waahale mo nia lee llauehe i hongo nia dama gonduu.  
\v 11 Goodou ala e noho di baahi gi lala di waahale, goodou gi tangitangi mo di lodo huaidu i di godou longono di mee deenei, idimaa digau huihui mee huogodoo la gaa mmade!   
\p
\v 12 “Di madagoaa deelaa, gei Au gaa kae dagu malama, ga hoologi daangada i Jerusalem. Au ga hagaduadua digau ala e bida hagadagadagagee i ginaadou, gaa bida helekai ang gi ginaadou boloo, ‘Dimaadua hagalee e hai dana mee humalia be huaidu!’  
\v 13 Nadau maluagina gaa kae gi daha ge nadau hale ga mooho. Digaula ga hagalee noho i nia hale ala e hau go ginaadou be e inu nia waini mai nadau hadagee ala e dogi.   
\p
\v 14 “Di laangi aamua o Dimaadua gu hoohoo mai, e hoohoo mai huoloo ge e dau mai hagalimalima! Di laangi deelaa ga haga manawa gee huoloo, digau dauwa haga mataane la ga tangitangi hagauwwou.  
\v 15 Di laangi deelaa gaa hai di laangi haingadaa ge haga lodo huaidu, di laangi e mooho, bouli, luuli ge malumalu,  
\v 16 di laangi e honu i nia lee labaa dauwa, nia lee o digau dauwa ala e heebagi gi nia waahale mono hale hagaloohi.   
\p
\v 17 “Au ga gaamai nia haingadaa llauehe gi nia daangada huogodoo, gei digaula ga heehee be tangada deegida. Digaula gu ihala mai gi di Au, gei dolomeenei nadau dodo ga haga hali gi daha be nia wai, gei nadau huaidina mmade ga mmoemmoe gaa pala i hongo di gelegele.”   
\p
\v 18 Di laangi o Dimaadua ma ga hagi mai dono hagawelewele, gei nadau silber mono goolo e deemee di benebene ginaadou gi daha mo nadau haingadaa. Henuailala hagatau ga haga mooho go di ahi o dono hagawelewele. Mee ga hagalawa gi daha hagalimalima nia daangada huogodoo ala e noho i henuailala.   
\c 2  
\s1 Tangidangi i di huli hoou  
\p
\v 1 Goodou go di golohenua nadau langaadia ai, huli mai gi muli gi godou hagabaubau humalia,  
\v 2 i mua godou hagabagi gi daha be di lau laagau ne ili go di madangi, i mua di hagawelewele a Dimaadua ma ga hanadu gi goodou, i mua di laangi e gila ai dono hagawelewele.  
\v 3 Huli gi Dimaadua, goodou huogodoo go nia daangada humalia o tenua, ala e daudali ana haganoho. Heia nia mee e donu, manawa hila gi lala i mua Dimaadua. Holongo goodou ga hagalee kae di haga huaidu i di laangi e gila ai di hagawelewele Dimaadua.   
\s1 Nnagahuaidu nnenua hoohoo gi Israel  
\p
\v 4 Tangada e dubu i lodo di waahale Gaza ai. Ashkelon ga ono daangada ai. Nia daangada o Ashdod ga hagabagi gi daha i lodo di baahi laangi, nia daangada o Ekron ga hagabagi gi daha mo di nadau waahale.  
\v 5 Goodou digau Philistia ala e noho i tongotai, goodou ga haga huaidu huoloo. Dimaadua guu hai dana helekai i goodou bolo Ia ga hagammaa goodou, tangada e dahi i goodou e dubu ai.  
\v 6 Godou henua i baahi di tai gaa hai tenua maalama, gei digau benebene siibi ga haga duu aga nadau hale mo nia abaaba siibi i di gowaa deelaa.   
\p
\v 7 Digau Judah ala e mouli hua igolo gaa noho i hongo godou henua. Digaula ga haangai nadau siibi i golo, mo di kii i lodo nia hale digau Ashkelon. Yihowah, di nadau God, gaa noho i baahi digaula, gaa hai digaula gi maluagina labelaa.\x * \xo 2.7 \xt Isaiah 14.29-31; Jeremiah 47.1-7; Ezekiel 25.15-17; Joel 3.4-8; Amos 1.6-8; Zechariah 9.5-7\x*   
\p
\v 8 Yihowah di Gowaa Aamua ga helekai, “Au gu longono digau Moab mo Ammon e haga huaidu ge e haganneennee agu daangada, ge e helekai hagaamu ginaadou bolo ginaadou gaa kumi nia henua digaula.  
\v 9 Au dela e donu bolo Au go Yihowah, go di God mouli o digau Israel, Au e hagamodu bolo digau Moab mo Ammon la ga haga mooho gi daha be Sodom mo Gomorrah.\x * \xo 2.9 \xt Genesis 19.24\x* Nadau gowaa gaa hai nia gowaa toolo, ga mooho gaa hana hua beelaa gi muli, gaa tomo nia geinga tolo. Agu daangada ala e mouli hua igolo i di madagoaa deelaa gaa hai digaula hagahuaidu, ga kae nadau henua.”   
\p
\v 10 Deenei di hai e hagaduadua digau Moab mo Ammon i nadau hagamuamua mo di haga haga huaidu nia daangada Dimaadua di Gowaa Aamua.  
\v 11 Dimaadua gaa hai digaula gi mmaadagu huoloo. Dimaadua ga hai nia god o henuailala gi hagalee hai nia mee, gei nia henua huogodoo ga daumaha ang gi Mee i lodo nadau henua donu.\x * \xo 2.11 \xt Isaiah 15.1—16.14; 25.10-12; Jeremiah 48.1—49.6; Ezekiel 21.28-32; 25.1-11; Amos 1.13-15\x*   
\p
\v 12 Dimaadua ga daaligi labelaa digau Ethiopia gi tulumanu dauwa.\x * \xo 2.12 \xt Isaiah 18.1-7\x*   
\p
\v 13 Dimaadua ga hai hegau gi ono mogobuna e haga mooho Assyria. Mee gaa hai Nineveh gii hai di waahale ono daangada ai, di anggowaa ono wai ai.  
\v 14 Nineveh gaa hai di gowaa e noho nia hagabuulinga manu, gei nia hagadilinga manu gaa noho i golo. Nia manu ‘owl’ gaa noho i lodo nia hale mooho aalaa, ga tangitangi mai i hongo nia bontai lligi. Nia manu moeho ga dolodolo i nia ngudu nia bontai. Nia laagau ‘cedar’ ala ne hau ai nia hale gaa kae gi daha.  
\v 15 Deelaa di hai gaa hai gi di waahale dela e bida hagaamu ono maaloo ge e hagabaubau bolo ia hagalee haga huaidu go di mee. Nia daangada di waahale deelaa e hagabaubau bolo di nadau waahale e kaedahi e aamua i henuailala. Di gowaa deenei gaa hai di gowaa e mooho gi daha ga hagamolooloo nia manu lodo geinga! Nia daangada huogodoo ala ma ga lloomoi laa nei le e homouli ge mmaadagu.\x * \xo 2.15 \xt Isaiah 10.5-34; 14.24-27; Nahum 1.1—3.19\x*   
\c 3  
\s1 Nia hala Jerusalem mo di hui hagamouli  
\p
\v 1 Jerusalem la gu haga huaidu, di waahale de hagalongo dela e haga huaidu ana daangada.  
\v 2 Jerusalem digi hagalongo gi Dimaadua be e kae ana aago. Digi hagadagadagagee gi Dimaadua be e dangi anga di hagamaamaa.  
\v 3 Digau aamua Jerusalem e hai be nia laion ala e wwolowwolo, ana gau hai gabunga e hai gadoo be nia paana lodo geinga hiigai, e dumaanga di dugu di iwi e dahi gi hooaga luada.  
\v 4 Nia soukohp la hagalee hai nadau hegau, ge e halahalau dangada; digau hai mee dabu le e haga balumee hua nadau hegau dabu, ge e huli nnaganoho a God gi hai hua be nadau hiihai.  
\v 5 Gei Dimaadua e noho hua igolo i lodo di waahale deelaa, Mee e hai di mee donu, hagalee e hai di mee hala. Nia luada huogodoo, gei Mee e hai di tonu gi ana daangada. Gei digau huaidu ala i golo e unu hua i lodo nadau huaidu hua igolo, ge hagalee langaadia i nadau mee ala e haihai.  
\v 6 Dimaadua ga helekai, “Au gu daa gi daha nia henua hagatau, Au gu oho nadau waahale, guu dugu nadau abaaba hale mo nia hale hagaloohi haga mooho. Nia waahale gu ono daangada ai, nia ala gu ono daangada ai, tangada e dahi ne dubu ai.  
\v 7 Au ne hai bolo agu daangada la ga haga madagu Au, gaa kae agu waalanga, ga hagalee de langahia agu agoago ang gi ginaadou. Gei digaula gu limalima hua gu huaidu hua be ginaadou anadilaangi.”   
\p
\v 8 Dimaadua ga helekai, “Taalia hua, dogu laangi dela ga du gi nua ga helekai hai baahi gi nia henua llauehe. Au gu hagamaanadu bolo e hagabudu mai digaula gi longono nia mahi o dogu hagawelewele. Henuailala hagatau gaa oho gi daha go di ahi o dogu hagawelewele.   
\p
\v 9 “Nomuli gei Au gaa huli nia daangada o nia henua, gei digaula ga dalodalo mai gi di Au modo go Au, hagalee dalodalo gi nia balu ieidu. Digaula huogodoo ga hagalongo mai gi di Au.  
\v 10 Agu daangada ala ne modoho gi daha, ga tigidaumaha gi di Au hogi mai i di gowaa mogowaa go Ethiopia.  
\v 11 Di madagoaa deelaa, goodou go agu daangada ga hagalee langaadia bolo goodou gu hai baahi mai gi di Au. Au ga daa gi daha nia daangada hagamuamua huogodoo, gei goodou ga hagalee hai baahi mai gi di Au labelaa i hongo dagu Gonduu Dabu.  
\v 12 Au gaa dugu i golo nia daangada ala e manawa hila gi lala ge e haga lligi ginaadou, ala e loomoi gi di Au i di hagamaamaa.  
\v 13 Digau Israel ala e dubu la ga hagalee hai nadau mee hai gee gi dahi dangada, hagalee hai kai tilikai be halahalau dangada. Digaula ga maluagina, ga noho baba, hagalee mmaadagu i di ingoo hua tangada.”\x * \xo 3.13 \xt Revelation 14.5\x*   
\s1 Taahili tenetene  
\q1
\v 14 Nia daangada Israel,  
\q1 daahili wwolowwolo gi nua tenetene.  
\q1 Jerusalem, tenetene mai i godou manawa hagatau.   
\q1
\v 15 Dimaadua guu dugu godou hagaduadua,  
\q1 gu daa gi daha godou hagadaumee huogodoo.  
\q1 Yihowah, go di king o Israel, e madalia goodou,  
\q1 deai godou hadinga bolo goodou ga mmaadagu ai.   
\b  
\q1
\v 16 Di madagoaa ga hanimoi,  
\q1 gei digaula ga helekai gi Jerusalem,  
\q1 “Di waahale Zion, hudee madagu!  
\q1 Hudee diagia godou lima gi lala  
\q1 be nia lima gu paagege!   
\q1
\v 17 Yihowah, di godou God, e madalia goodou,  
\q1 ono mogobuna e gowadu gi goodou di aali.  
\q1 Dimaadua ga tenetene i goodou.  
\q1 Mai i dono aloho,  
\q1 Mee ga gowadu gi goodou di mouli hoou.  
\q1 Mee ga daahili tenetene i goodou,   
\q1
\v 18 e tenetene gadoo be nia daangada i tagamiami.”  
\b  
\q1 Dimaadua ga helekai,  
\q1 “Au guu dugu dagu hai dela belee haga huaidu goodou,  
\q1 gu daa gi daha godou langaadia.   
\q1
\v 19 Di madagoaa e hanimoi,  
\q1 gei Au ga hagaduadua digau ala e haga huaidu goodou.  
\q1 Au ga haga dagaloaha digau habehabe,  
\q1 ga laha mai gi nadau henua digau ne lahi gi daha.  
\q1 Au gaa huli nadau langaadia gii hai nia hagalaamua,  
\q1 gei henuailala hagatau ga hagaamu digaula.   
\b  
\q1
\v 20 “Di madagoaa e hanimoi!  
\q1 Au ga laha mai nia daangada gi nadau guongo,  
\q1 go nia daangada ala ne modoho gi daha.  
\q1 Au gaa hai digaula gii hai nia daangada e dau  
\q1 i henuailala hagatau,  
\q1 gaa hai digaula gi maluagina labelaa!”  
\m Aanei nnelekai mai baahi o Dimaadua.