\id SNG Kapingamarangi 
\h Daahili Aloho 
\toc1 Di Beebaa Daahili Aloho 
\toc2 Daahili Aloho 
\toc3 Song of Songs 
\mt1 SONG OF SONGS  
\mt2 Di Beebaa Daahili Aloho  
\imt1 Di haga modongoohia:  
\im \bk Di Beebaa Daahili Aloho\bk* la nia daahili aaloho. Di baahi damana o di beebaa la nia daahili ni taane ang gi di ahina, mo nia daahili di ahina ang gi taane. Hunu haga donudonu di beebaa deenei le e haga ingoo bolo “Nia Daahili Solomon”, idimaa di ingoo Solomon dela e hihi i hongo di Beebaa Dabu i nia helekai Hebrew.  
\ip Nnolongo e logo digau o Jew e haga donudonu nia daahili aanei bolo di ada i mehanga o God mo ana daangada. Gei nia dama Christ e hai bolo nia daahili aanei e haga modongoohia di ada i mehanga o Christ mo di Nohongo Dabu.  
\iot Di hagahonu o di beebaa deenei  
\io1 Taahili matagidagi \ior (1.1—2.7)\ior*  
\io1 Di lua daahili \ior (2.8—3.5) \ior*  
\io1 Tolu daahili \ior (3.6—5.1) \ior*  
\io1 Di haa daahili \ior (5.2—6.3)\ior*  
\io1 Di lima daahili \ior (6.4—8.4)\ior*  
\io1 Di ono daahili \ior (8.5-14) \ior*  
\c 1  
\p
\v 1 Nia daahili koia e humalia i nia daahili a Solomon.\x * \xo 1.1 \xt 1-Kings 4.32\x*   
\s1 Taahili matagidagi  
\sp Di ahina  
\q1
\v 2 O malaungudu e hongihongi au hagatau,  
\q1 do aloho le e mada kala i nia waini.   
\q1
\v 3 Goe e haga langahia mai gi di au do hauiha kala,  
\q1 e haga langahia go do ingoo.  
\q1 Di ahina e mee di tuu dono aloho i di goe ai.   
\q1
\v 4 Lahia au madalia goe, gidaua gaa llele gi daha.  
\q1 Goe gaa hai di king ni oogu, gaa lahi au gi lodo doo ruum.  
\q1 Gidaua ga tenetene ngaadahi,  
\q1 ga inu tau waini mo di dagadaga tene i tau aloho.  
\q1 Deelaa di mee nia ahina huogodoo e aloho ai i di goe!   
\b  
\q1
\v 5 Nia ahina o Jerusalem, au e luuli gei au e madanga,  
\q1 au e luuli gadoo be nia hale laa i di anggowaa o Kedar,  
\q1 gei e madamada gadoo be nia mee dau hale ala i lodo di hale king o Solomon.   
\q1
\v 6 Hudee hagahuaidu ina au i tadunga o dogu gili,  
\q1 idimaa dogu gili ne haga luuli go di laa.  
\q1 Ogu duaahina daane ne hagawelewele mai gi di au,  
\q1 guu hai au gi ngalua i lodo di hadagee waini.  
\q1 Au dogu madagoaa e benebene dogu huaidina ai.   
\q1
\v 7 Dogu aloho, hagia mai be dehee di gowaa dela e lahi ginai au siibi?  
\q1 Dehee di gowaa dela e hagamalu ai digaula gi daha mo di laa o di oodee?  
\q1 Au e hai gi halahala goe  
\q1 i lodo nia siibi o digau hagaloohi siibi ala i golo eiaha?   
\sp Taane  
\q1
\v 8 Di ahina kaedahi humalia, goe e de iloo di gowaa?  
\q1 Daudalia adu nia lohongo wae o nia siibi  
\q1 gi gidee goe di gowaa dela e humalia gi au kuudi,  
\q1 i baahi nia hale laa o digau hagaloohi siibi.   
\b  
\q1
\v 9 Goe go dogu aloho,  
\q1 nia daane e hidigaagaa huoloo nadau lodo adu gi di goe  
\q1 gadoo be nia hoodo daane ala e hidigaagaa ang gi nia hoodo ahina  
\q1 ala e dagidagi nia waga dauwa hongo henua di king o Egypt.   
\q1
\v 10 Nia ngaahulu o do libogo e mmaadanga i di gili o gauwae,  
\q1 gei e daudau eia i di gili doo uwa gadoo be nia hadu hagalabagau.   
\q1
\v 11 Gimaadou gaa hai doo hau gi nia goolo, gaa humu gi nia silber.   
\sp Di ahina  
\q1
\v 12 Dogu king guu moe i hongo dono lohongo maluu.  
\q1 Di ahiaalangi guu kala i di hauiha o dagu lolokala.   
\q1
\v 13 Dogu aloho e hauiha kala gadoo be di ‘myrrh’  
\q1 i dono madagoaa e moe gi hongo ogu uu.   
\q1
\v 14 Dogu aloho le e hauiha gadoo be nia akai lodo henua  
\q1 ala ma ga moholoholo i lodo nia hadagee waini o Engedi.   
\sp Taane  
\q1
\v 15 Dogu aloho, goe e madanga huoloo,  
\q1 o golomada e maahina mo do aloho.   
\sp Di ahina  
\q1
\v 16 Dogu aloho hagalabagau,  
\q1 goe e madanga huoloo, gei gu hai au gi tenetene huoloo!  
\q1 Tau moenge la go nia geinga tolo aanei.   
\q1
\v 17 Nia tanga o tau hale la go nia laagau ‘cedar’,  
\q1 gei di haaligi i nua la go nia laagau ‘cypress’.   
\c 2  
\q1
\v 1 Au di akai lodo henua o Sharon,  
\q1 di akai o lodo di gowaa mehanga gonduu.   
\sp Taane  
\q1
\v 2 Dogu aloho ma ga i baahi nia ahina,  
\q1 le e hai gadoo be taladala i baahi nia laagau duduia.   
\sp Di ahina  
\q1
\v 3 Dogu aloho i mehanga nia daane ala i golo  
\q1 le e hai gadoo be di laagau aabele  
\q1 i mehanga nia laagau lodo geinga.  
\q1 Au e hiihai e nohonoho i lala dono malu,  
\q1 gei ono huwa e maangala i lodo dogu ngudu.   
\q1
\v 4 Mee guu lahi au gi dono ruum hai hagamiami,  
\q1 gaa hudi tagallebe o di aloho gi ogu nua.   
\q1
\v 5 Haga maaloo aga au gi nia golee ‘raisin’,  
\q1 ga haangai au gi nia aabele bolo gii hai ogu mahi,  
\q1 i di au gu bagege i lodo dogu aloho.   
\q1
\v 6 Di lima dau ihala o maa i lala dogu libogo,  
\q1 di lima dau donu o maa e haga daledale au.   
\q1
\v 7 Nia ahina o Jerusalem, heia di godou hagababa mai gi di au,  
\q1 doange mai gi di au i di ingoo o nia ee ala e llele huoloo mo nia manu ‘gazelle’  
\q1 bolo goodou hagalee hagadeaadee di mau aloho.   
\s1 Di lua daahili  
\sp Di ahina  
\q1
\v 8 Au e longono di lee o dogu aloho.  
\q1 Mee e lele mai i tomo nia gonduu e hoiaa mai gi di au.   
\q1
\v 9 Dogu aloho le e hai gadoo be di manu ‘gazelle’,  
\q1 gadoo be di ee daane digi madua.  
\q1 Mee e duu i baahi di abaaba e haganuunuu laa lodo di bontai dulii,  
\q1 e daumada laa lodo di ‘screen’ gi lodo di ruum.   
\q1
\v 10 Dogu aloho e leelee mai gi di au.  
\sp Taane  
\q1 Hanimoi laa, dogu aloho, hanimoi i ogu muli.   
\q1
\v 11 Di madagoaa magalillili la gu doo gi daha.  
\q1 Nia uwa gu hagalee doo.   
\q1
\v 12 Nia akai gu moholoholo i lodo henua.  
\q1 Guu dae mai di madagoaa dadaahili:  
\q1 taahili o nia mwuroi la gu longono mai i nia gowaa maalama.   
\q1
\v 13 Nia huwa ‘fig’ gu daamada gaa lleu.  
\q1 Di ahiaalangi guu kala i di hauiha akai o nia laagau waini.  
\q1 Hanimoi laa gi di au, dogu aloho, hanimoi i ogu muli.   
\q1
\v 14 Goe e hai gadoo be di mwuroi dela e balabala hagammuni  
\q1 i lodo nia bongoo hadugalaa.  
\q1 Au e hiihai e mmada gi o hadumada humalia,  
\q1 ge e hagalongo gi doo lee humalia.   
\b  
\q1
\v 15 Gumidia nia manu ‘fox’ lodo geinga ala lligi gi dee lloomoi  
\q1 e hunahuna tau hadagee waini dela e tomo.   
\sp Di ahina  
\q1
\v 16 Dogu aloho la di mee ni aagu, gei au di mee ni mee.  
\q1 Mee e haangai ana siibi i mehanga nia daladala,   
\q1
\v 17 gaa dae loo gi di angiangi magalillili o di luada ga iliili mai,  
\q1 gei di bouli ga ngudu mai ga hagalee.  
\q1 Hanimoi gi muli go dogu aloho gadoo be di manu ‘gazelle’,  
\q1 gadoo be tama ee daane i hongo nia gonduu Bether.   
\c 3  
\q1
\v 1 Di madagoaa au guu moe i hongo dogu moenge hagadau nia boo,  
\q1 gei au e midi i dagu dangada dela e aloho ai.  
\q1 Au nogo halahala a mee, gei digi gida.   
\q1
\v 2 Au gu hoologi laa lodo di waahale,  
\q1 i hongo nia ala mo mehanga nia hale,  
\q1 au gu halahala dagu dangada dela e aloho ai,  
\q1 gei au gu deemee di gida a mee.   
\q1
\v 3 Digau hagaloohi o di waahale gu gidee ginaadou au.  
\q1 Au ga heeu gi digaula, “Goodou gu gidee dogu aloho?”   
\q1
\v 4 Dogu hagatanga hua gi daha mo digaula,  
\q1 gei au gu gidee a mee.  
\q1 Au gaa kumi a mee, digi diiagi loo, gaa lahi a mee gi di ruum  
\q1 dela ne haanau iei au i di hale dogu dinana.   
\b  
\q1
\v 5 Nia ahina o Jerusalem, hagababa mai gi di au,  
\q1 doange mai gi di au i di ingoo o nia ee ala e llele huoloo mo nia manu ‘gazelle’  
\q1 bolo goodou hagalee haga deaadee di mau aloho.   
\s1 Tolu daahili  
\sp Di ahina  
\q1
\v 6 Ma di aha dela e hanimoi i lodo di anggowaa gadoo be tuludulu huiahi,  
\q1 dela e hauiha lolokala gi nia ‘incense’ mo nia ‘myrrh’,  
\q1 nia ‘incense’ ala e huihui go digau kokoodai mee?   
\q1
\v 7 Solomon e hanimoi, e laha mai i hongo dono lohongo king.  
\q1 Digau dauwa e modoono e madaloohi a mee, ala go digau e kaedahi i Israel.   
\q1
\v 8 Digaula huogodoo koia e iloo di hai hegau gi tulumanu dauwa,  
\q1 ala go digaula ala e aali i di hai dauwa.  
\q1 Tangada nei mo tangada nei i digaula guu hau ginai tulumanu dauwa  
\q1 ga madaloohi laa i di boo.   
\q1
\v 9 Solomon e dagidagi i hongo dono lohongo king  
\q1 ne hau gi nia laagau koia e humalia.   
\q1
\v 10 Nia waduu o di maa le e hii ono gili gi nia silber.  
\q1 Hongo di maa e gahu gi di gahu guu lili ginai nia goolo.  
\q1 Laa lodo e hii gi nia gahu mmee uli  
\q1 gu llanga go nia ahina o Jerusalem haga humalia huoloo.   
\b  
\q1
\v 11 Nia ahina o Zion, lloomoi e mmada gi King Solomon.  
\q1 Mee e ulu dono goobai king dela ne hagauda go dono dinana  
\q1 gi hongo di libogo o maa i di laangi o mee ne hai dono lodo,  
\q1 go di laangi hagatenetene mo di manawa lamalia o maa.   
\c 4  
\sp Taane  
\q1
\v 1 Goe e madamada huoloo, go dogu aloho!  
\q1 O golomada e mmada mai haga humalia  
\q1 i lodo dau mee gahu golomada.  
\q1 Nia ngaahulu o do libogo e dehedehee  
\q1 gadoo be di hagabuulinga kuudi ma ga llele ia gi lala  
\q1 i di gili nia dama gonduu o Gilead.   
\q1
\v 2 Oo niha e kene hila mmaa gadoo be nia siibi  
\q1 ala hua dogo dahi nadau gili, gaa lawa ga gaugau.  
\q1 Deai di niha ne doo ai, huogodoo e madatau hagahumalia.   
\q1
\v 3 O malaungudu e hai gadoo be taula gahu mmee,  
\q1 koia e madanga i do madagoaa ma ga leelee.  
\q1 O gauwae e maahina mai i lodo dau mee gahu golomada.   
\q1
\v 4 Doo uwa e labubudu ge malallali gadoo be di angulaa a David,  
\q1 mo dono hau uwa e hai gadoo be nia mee duuli e mana.   
\q1
\v 5 Oo uu e hai gadoo be nia manu ‘gazelle’,  
\q1 nia hagahaanau ee e lua e miami i lodo di waa daladala.   
\q1
\v 6 Au gaa noho i hongo di gonduu ‘myrrh’, di gonduu lolokala,  
\q1 gaa dae loo gi di angiangi magalillili o di luada  
\q1 ma ga iliili mai mo dono bouli e maa gi daha.   
\b  
\q1
\v 7 Dogu aloho, goe e madanga huoloo,  
\q1 nia mee huogodoo i doo gili guu hai donu!   
\b  
\q1
\v 8 Dagu ahina hai lodo, hanimoi gi daha mo nia gonduu Lebanon,  
\q1 gidaua gaa hula gi daha mo Lebanon.  
\q1 Gidaua ga kaga ia gi daha mo nia ulu di Gonduu Amana,  
\q1 mo di Gonduu Senir, mo di Gonduu Hermon  
\q1 ala e noho ai nia laion mono ‘leopard’.   
\q1
\v 9 Dogu aloho mo dagu ahina hai lodo,  
\q1 o golomada mo do hau uwa dela e hau iei goe  
\q1 gu haga ngalungalua dogu manawa.   
\q1
\v 10 Dogu aloho mo dagu ahina hai lodo, do aloho e hagatenetene au,  
\q1 do aloho e koia e kala i nia waini.  
\q1 Dau lolokala koia e kala i nia lolokala ala i golo.   
\q1
\v 11 Di kala o nia mee maangala laagau la gu i di gili o malaungudu,  
\q1 dogu aloho, do holole e hai gadoo be nia milugu  
\q1 mono mee maangala laagau i lodo dogu ngudu.  
\q1 O goloo gahu e llamu i di hauiha kala o Lebanon.   
\b  
\q1
\v 12 Dogu aloho mo dagu ahina hai lodo,  
\q1 goe la di hadagee mo dono dama monowai gu abaaba,  
\q1 gu duuli hagammuni gi daha mo nia daangada,   
\q1
\v 13 deelaa di gowaa e tomo humalia ai nia laagau lligi.  
\q1 E tomo humalia gadoo be di waa laagau ‘pomegranate’  
\q1 e huwa ono huwa humalia huoloo,  
\q1 gadoo be nia laagau hauiha ‘henna’ mono ‘nard’,   
\q1
\v 14 nia laagau lolokala ‘saffron’, mo ‘calamus’, mo nia ‘cinnamon’,  
\q1 mono hagadilinga mee hagakala guu logo i di gowaa deelaa.  
\q1 Nia laagau ‘myrrh’ mono ‘aloe’ e tomo i golo  
\q1 mono hagadilinga lolo kala ala i golo.   
\q1
\v 15 Nia monowai e haga magalillili tadagee deelaa,  
\q1 nia dama monowai mmidi, mono dama aloalo e hali ia i nia Gonduu Lebanon.   
\sp Di ahina  
\q1
\v 16 Di madangi o ngeia, ala aga!  
\q1 Di madangi o ngaaga, ilihia mai dagu hadagee, heia di ahiaalangi gii kala.  
\q1 Dogu aloho gi hanimoi gi dana hadagee gi miami mai  
\q1 i nia huwa laagau ala koia e humalia.   
\c 5  
\sp Taane  
\q1
\v 1 Dogu aloho mo dagu ahina hai lodo, au gu ulu gi lodo dagu hadagee.  
\q1 Au e hagabudu agu mee hagakala mono ‘myrrh’.  
\q1 Au e gai agu mee maangala laagau mo di inu agu waini mono milugu.  
\sp Nia ahina  
\q1 Miami mo di inuinu, goolua ala e hagadau aaloho,  
\q1 gaa dae loo gi di gulu madagoaa gu libaliba i di gulu aloho!   
\s1 Di haa daahili  
\sp Di ahina  
\q1
\v 2 Dogu madagoaa nogo kii, dogu manawa la nogo ala hua.  
\q1 Au guu midi bolo dogu aloho e dugidugi dogu bontai.  
\sp Taane  
\q1 Haga ulu ina adu au, go dogu aloho, go dagu mwuroi.  
\q1 Dogu libogo la guu tiu i nia magalillili,  
\q1 gei nia ngaahulu dogu libogo la gu huungina i nia madaua honihoni.   
\sp Di ahina  
\q1
\v 3 Au gu liagi ogu goloo gi daha, gei au belee hai labelaa ogu goloo eiaha?  
\q1 Ogu wae la guu tono, gei au belee haga dogolia labelaa nia maa eimaha?   
\q1
\v 4 Dogu aloho ne kumi di bontai,  
\q1 gei au gu malali huli bolo mee gu hoohoo mai loo.   
\q1
\v 5 Au gu togomaalia ga haga ulu mai a mee gi lodo.  
\q1 Ogu lima la guu hunu gi nia ‘myrrh’,  
\q1 ogu madaalima la guu hunu gi nia wai ‘myrrh’  
\q1 i dogu madagoaa dela e kumi di bontai.   
\q1
\v 6 Au ga huge adu di bontai gi dogu aloho, gei mee guu hana.  
\q1 Au gu hiihai huoloo bolo au ga hagalongo gi di lee o maa!  
\q1 Au gu halahala a mee, gei digi gida.  
\q1 Au gu gahigahi a mee gei dono hui ai.   
\b  
\q1
\v 7 Digau hagaloohi di waahale gu gidee ginaadou au,  
\q1 digaula gu hagamamaawa au gu hagahuaidu au.  
\q1 Digau hagaloohi di ngudu di abaaba gu hahaahi dagu mee gahu golomada.   
\q1
\v 8 Goodou go nia ahina o Jerusalem, hagababa mai gi di au  
\q1 bolo di madagoaa ma ga gidee goodou dogu aloho,  
\q1 gei goodou ga hagi anga gi mee bolo au gu bagege huoloo i dogu aloho.   
\sp Nia ahina  
\q1
\v 9 Kooe go di ahina dela e kaedahi e humalia,  
\q1 e hai behee, do aloho le e hai gee mo digau ala i golo?  
\q1 Ma di aha dela e humalia iei mee gii hai di madau hagababa adu gi di goe?   
\sp Di ahina  
\q1
\v 10 Dogu aloho le e madanga ge maaloo.  
\q1 Go mee hua e kaedahi i lodo digau e madangaholu mana.   
\q1
\v 11 Ono hadumada e maahina be nia baalanga mmee, gei guu mmili gi malali.  
\q1 Nia ngaahulu o maa e beabeau ge luuli gadoo be di manu mamaangi ‘raven’.   
\q1
\v 12 Nia golomada o maa e mmaadanga  
\q1 gadoo be nia mwuroi i baahi tama monowai mmidi,  
\q1 e mmaadanga gadoo be nia mwuroi gu gaugau gi nia milugu  
\q1 gaa noho laa i baahi tama monowai.   
\q1
\v 13 Nia gauwae o maa e mmaadanga gadoo be dahi hadagee  
\q1 gu deeoo akai mono laagau hagakala mee.  
\q1 Di gili ono malaungudu le e hai gadoo be nia madaladala  
\q1 gu hagatiu gi nia wai ‘myrrh’.   
\q1
\v 14 Nia lima o maa gu haganoho haga humalia.  
\q1 Nia madaalima o maa e ulu nia buulei  
\q1 guu wanga ginai nia hadu hagalabagau dono gili.  
\q1 Tuaidina o maa e malallali gadoo be di ‘ivory’ guu wanga ginai nia ‘sapphire’.   
\q1
\v 15 Nia gadawae o maa e hai gadoo be nia duludulu ‘alabaster’  
\q1 ne hagatau gi hongo di hagamau ne hai gi nia goolo.  
\q1 Tuaidina o maa e maaloo gadoo be nia Gonduu Lebanon  
\q1 ala e tomo ai nia laagau ‘cedar’ lloo ehaa nonua.   
\q1
\v 16 Di ngudu o maa e kala ma gaa hongi.  
\q1 Nia mee huogodoo i di gili o maa e haga manawa tenetene au.  
\q1 Goodou go nia ahina o Jerusalem,  
\q1 deenei di hagadilinga o maa, go dogu aloho.   
\c 6  
\sp Nia ahina  
\q1
\v 1 Di ahina kaedahi humalia, do aloho la guu hana gi hee?  
\q1 Hagia mai be mee ne hana laa hee,  
\q1 gei gimaadou ga hagamaamaa goe e halahala a mee.   
\sp Di ahina  
\q1
\v 2 Dogu aloho la guu hana gi dana hadagee  
\q1 i di gowaa e tomo ai nia laagau ‘balsam’.  
\q1 Mee e haangai ana siibi mo di hadihadi ana akai.   
\q1
\v 3 Dogu aloho la ni aagu, gei au ni mee.  
\q1 Mee e haangai ana siibi i mehanga daladala.   
\s1 Di lima daahili  
\sp Taane  
\q1
\v 4 Dogu aloho, do madanga e hai gadoo be Jerusalem,  
\q1 e humalia gadoo be di waahale Tirzah,  
\q1 mo do hagadilinga le e humalia gadoo be nia waahale llauehe aanei.   
\q1
\v 5 Huluhia o golomada gi daha mo au,  
\q1 o golomada le e hai au gi magedaa.  
\q1 Nia ngaahulu do libogo le e gagaalege gadoo be di buini kuudi  
\q1 ala ma ga llele ia i di gili nia gonduu o Gilead.   
\q1
\v 6 Oo niha e kene gadoo be di buini siibi ala dogo lawa di gaugau.  
\q1 E dahi niha ne doo ai, huogodoo e madatau hagahumalia.   
\q1
\v 7 O gauwae e maahina mai i tua doo mee gahu golomada.   
\q1
\v 8 Di king gi heia ono lodo e modoono,  
\q1 ge huwowalu lodo hege, mo ana dama ahina dogologowaahee dono hulu ai!   
\q1
\v 9 Gei au dagu dangada hua e dahi dela e aloho iei au,  
\q1 dela e madanga gadoo be di mwuroi.  
\q1 Mee tama ahina hua e dahi o dono dinana,  
\q1 tama ahina dela e mohoni ginai dono dinana.  
\q1 Nia ahina huogodoo e mmada gi mee, e hagaamu a mee.  
\q1 Nia lodo donu mo nia lodo hege o di king e dadaahili hagahagaamu a mee.   
\b  
\q1
\v 10 Tangada la koai deenei,  
\q1 dela e daba mai ono golomada gadoo be di heniheni?  
\q1 Mee e madanga ge maahina gadoo be di laa be di malama.   
\q1
\v 11 Au ne haneia gi lala i mehanga nia laagau ‘almond’  
\q1 belee mmada nia laagau lligi ala e tomo i mehanga gonduu,  
\q1 gi gidee labelaa nia lau laagau hoou ala e matilitili mai  
\q1 i di gili nia laagau ‘grape’ mo nia akai laagau ‘pomegranate’ ala gu moholoholo.   
\q1
\v 12 Au gu bolebole mo di tenetene.  
\q1 Goe guu hai au gi hagamahidi ogu lodo ang gi di aloho,  
\q1 gadoo be tangada deledele waga dauwa hongo henua  
\q1 ma ga hagamahidi gi tauwa.   
\sp Nia ahina  
\q1
\v 13 Gaalege, gaalege, go tama ahina o Shulam,  
\q1 gi mmada adu gimaadou gi di goe dela e gaalege.  
\sp Di ahina  
\q1 Goodou e aha ala e hiihai e daumada au  
\q1 e gaalege i mehanga nia goolongo dangada ala e mmada?   
\c 7  
\sp Taane  
\q1
\v 1 Tama ahina goe e madanga hualaa behee!  
\q1 Oo wae e humalia huoloo ma ga ulu nia hiiwae.  
\q1 Nia mogogo o gadawae e hai gadoo be di moomee ni tangada hihi ada ne hai.   
\q1
\v 2 Di boolo i golo dela e deemee di odi ono waini gu hagakala.  
\q1 Di uu ‘wheat’ i golo dela e haganiga dono gili gi nia akai daladala.   
\q1
\v 3 Oo uu le e hai be tagahaanau ee, e hai labelaa be nia manu ‘gazelle’ e lua.   
\q1
\v 4 Doo uwa e hai gadoo be di angulaa ne hai gi nia ‘ivory’.  
\q1 O golomada e hai gadoo be nia monowai bungubungu o Heshbon,  
\q1 ala e hoohoo gi di ngudu di bontai di waahale damana deelaa.  
\q1 Doo uhi e madanga gadoo be di angulaa o Lebanon dela e hagaloohi Damascus.   
\q1
\v 5 Do libogo gu daahi gi nua guu hai be di Gonduu Carmel.  
\q1 Nia ngaahulu do libogo ne bini, e dabadaba be di gahu tilig dela koia e humalia.  
\q1 Di madanga o nia maa e mee hua di lawalawa di king gi dee hana.   
\b  
\q1
\v 6 Goe e madanga hualaa behee!  
\q1 Goe gu dohu anga i di hagatenetene o di aloho.   
\q1
\v 7 Di ngalungalua o do huaidina e hai gadoo be di niu,  
\q1 gei oo uu la go nia golooloo o di niu.   
\q1
\v 8 Au gaa gaga di niu, gaa hagi nia huwa o di maa.  
\q1 Mai gi di au, oo uu le e hai gadoo be nia golooloo ‘grape’,  
\q1 nia madangi o doo dogi e hauiha o di kala o nia aabele,   
\q1
\v 9 ge doo ngudu e kala gadoo be nia waini ala koia e kala.  
\sp Di ahina  
\q1 Heia laa nia waini gii mmidi haga huudonu gi dogu aloho,  
\q1 gii hali gi hongo ono malaungudu mo ono niha.   
\q1
\v 10 Au di mee ni dogu aloho, gei mee e hiihai mai gi di au.   
\q1
\v 11 Hanimoi, go dogu aloho, gidaua gaa hula gi lodo henua,  
\q1 gaa noho boo i lodo nia waahale lligi ala i golo.   
\q1
\v 12 Gidaua gaa aala hagaluada loo ga madamada gi nia laagau ‘grape’  
\q1 be nia maa gu daamada di tomo, be gu daamada di mahanga gi daha,  
\q1 be nia laagau ‘pomegranate’ la gu mahangahanga.  
\q1 Deelaa di gowaa e dugu adu ai dogu aloho gi di goe.   
\q1
\v 13 Goe ga hagadungu iha di hauiha kala o nia laagau ‘mandrake’,  
\q1 mo nia hagadilinga huwa laagau ala e hoohoo mai gi tau bontai.  
\q1 Dogu aloho, au gu benebene ogu hagatenetene pobo  
\q1 mo ogu hagatenetene hoou adu gi di goe.   
\c 8  
\q1
\v 1 Au bolo goe gii hai hualaa tuaahina daane donu ni oogu,  
\q1 dela ne haga uu go dogu dinana gi ono uu.  
\q1 Maa nei bolo guu hai beelaa, dogu madagoaa ga heetugi adu gi di goe  
\q1 i hongo di ala gaa hongi goe,  
\q1 gei deai tangada ga haga balumee au gi di hai deenei ai.   
\q1
\v 2 Au gaa lahi goe gi di hale o dogu dinana,  
\q1 gei goe ga aago au gi di hai o di aloho.  
\q1 Au ga gowadu gi di goe nia waini ala gu haga kala,  
\q1 mo nia waini o di laagau ‘pomegranate’ gi inumia.   
\b  
\q1
\v 3 Doo lima dau ihala i lala dogu libogo,  
\q1 gei doo lima dau donu e haga daledale au.   
\b  
\q1
\v 4 Nia ahina o Jerusalem, heia mai di godou hagababa  
\q1 bolo goodou hagalee haga deaadee di mau aloho.   
\s1 Di ono daahili  
\sp Nia ahina  
\q1
\v 5 Ma goai dela e hanimoi mai di anggowaa,  
\q1 e kumi nau lima mo dono aloho ga loomoi laa?  
\sp Di ahina  
\q1 Au ne hangahanga goe i lala di laagau aabele,  
\q1 i di gowaa dela ne haanau iei goe.   
\q1
\v 6 Hai dia do manawa gi daha mo digau ala i golo,  
\q1 haga mahuge ina hua mai gi di au.  
\q1 Goe hudee kumi dangada gee gi lodo oo lima i daha mo au.  
\q1 Di aloho le e maaloo dangihi gadoo be di made.  
\q1 Di haingadaa o di aloho le e maaloo dangihi gadoo be di made.  
\q1 Ma e mee hua di daba e ulaula gaa wele gadoo be di ahi ga meheuheu.   
\q1
\v 7 Nia wai e deemee di diinai di maa.  
\q1 Di labagee hogi e deemee di hagaholi di maa gii made.  
\q1 Gei di maa tangada gaa hai bolo ia e hui di aloho gi ono maluagina,  
\q1 go dono haga balumee go nia daangada la hua deelaa gaa kae koia.   
\sp Nia duaahina daane o di ahina  
\q1
\v 8 Gimaadou di madau duaahina ahina dulii i golo, nia uu o maa e lligi hua.  
\q1 Dehee di madau hai e hai gi mee maa tama daane ga hanimoi  
\q1 e dangi gi mee e lodo ginai?   
\q1
\v 9 Dolomaa mee e hai be di abaaba,  
\q1 gei gimaadou gaa hau di angulaa silber ang gi mee.  
\q1 Ge dolomaa mee e hai be di bontai o di waahale,  
\q1 gei gimaadou ga duuli a mee gi nia laubaba laagau ‘cedar’.   
\sp Di ahina  
\q1
\v 10 Au go di abaaba, gei ogu uu go nia angulaa o di maa.  
\q1 Dogu aloho le e iloo ia bolo di gowaa dela e gidee au dogu noho baba  
\q1 mo di aumaalia la dela i dono baahi.   
\sp Taane  
\q1
\v 11 Solomon dana hadagee waini i lodo  
\q1 di gowaa dela e hagaingoo bolo Baal-Hamon.  
\q1 Digau hai hadagee i golo e hai hegau i di maa,  
\q1 malaa tangada e dahi e hui gii mee nia bahihadu silber e mana.   
\q1
\v 12 Solomon la gi benebene ana bahihadu silber e mana,  
\q1 gei digau hai hadagee la gi benebene nadau silber e lua lau,  
\q1 deelaa di nadau duhongo.  
\q1 Gei au dagu hadagee waini donu i golo!   
\b  
\q1
\v 13 Dogu aloho, au e hiihai e hagalongo gi doo lee e hanimoi i lodo di hadagee.  
\q1 Ogu ihoo e hiihai e hagalongo gi doo lee e leelee.   
\sp Di ahina  
\q1
\v 14 Dogu aloho, hanimoi gi di au gadoo be di manu ‘gazelle’,  
\q1 gadoo be di manu ee daane ma ga hanimoi i hongo nia gonduu  
\q1 ala guu dogi gi nia laagau hagakala mee nonua.