\id REV Kapingamarangi 
\h Hagagida 
\toc1 Di Hagagida ang gi John 
\toc2 Hagagida 
\toc3 Rev 
\mt1 REVELATION  
\mt2 Di Hagagida ang gi John  
\imt1 Di haga modongoohia:  
\im \bk Di hagagida ang gi John\bk* la ne hihi i di madagoaa nogo dadaaligi nia dama a Christ, idimaa digaula nogo hagadonu Jesus Christ go di nadau Dagi. Tangada ne hihi di beebaa deenei, la ne belee wanga di hagadagadagagee mo di hagamaaloo aga digau ala e dau di maa, gei e hai digaula gi daudali nadau manawa dahi i lodo nadau haingadaa mo nadau hagaduadua.  
\ip Di baahi damana o di beebaa deenei la ne hagahonu gi nia helekai hagagida mo nia moe e haga modongoohia go nia ada helekai ala e mee di modongoohia nia dama Christ i lodo di madagoaa deelaa, gei e dee modongoohia ang gi digau huogodoo ala i golo. E hai be nia mee llauehe o nia daahili, gei nia mee llauehe o di beebaa deenei le e tataanga haga logo i nia ala geegee i di gili nia hagadilinga hagagida. Nia maanadu dangada i di gili di hagadonu di beebaa deenei le e hai geegee i nia helekai hagalligi, gei di mee damana deenei le e modongoohia boloo: God la ga haga magedaa ono hagadaumee huogodoo mo Setan, mai i Tagi go Jesus Christ, ga hagahumalia ana daangada manawa dahi gi ono maluagina o di langi hoou mo henuailala hoou, i di haga honu o di aali deenei.  
\iot Di hagahonu di beebaa deenei:  
\io1 Di haga modongoohia \ior (1.1-8)\ior*  
\io1 Di hagagida matagidagi mo nia lede gi nia nohongo dabu e hidu \ior (1.9—3.22)\ior*  
\io1 Di beebaa wini mo ono noo e hidu \ior (4.1—8.1)\ior*  
\io1 Nia buu ‘trumpet’ e hidu \ior (8.2—11.19)\ior*  
\io1 Di manu ‘dragon’ mo nia manu hagamadagudagu dangada e lua \ior (12.1—13.18)\ior*  
\io1 Nia hagadilinga haga gida \ior (14.1—15.8)\ior*  
\io1 Nia boolo e hidu o di hagawelewele a God \ior (16.1-21)\ior*  
\io1 Di oho o Babylon \ior (17.1—19.4)\ior*  
\io1 Di haga magedaa o di manu hagamadagudagu dangada, soukohp tilikai mo Setan \ior (19.5—20.10)\ior*  
\io1 Di hagi aga haga muliagina \ior (20.11-15)\ior*  
\io1 Di langi hoou, henuailala hoou, mo Jerusalem hoou, mo di hanimoi o Jesus \ior (21.1—22.17)\ior*  
\io1 Nia helekai hagaodi \ior (22.18-21)\ior*  
\c 1  
\p
\v 1 I lodo di beebaa deenei, la go nia mee a Jesus Christ ala ne hagagida. God ne wanga di hagagida deenei gi Jesus Christ, belee hagi anga gi ana gau hai hegau nia mee ala gaa hai hoohoo mai. Christ ne hagau mai dana dangada di langi belee haga iloo nia mee aanei gi John, go dana dangada hai hegau.  
\v 2 Gei John gu helekai i nia mee huogodoo ala ne mmada ginai. Deenei la go nnelekai hagamodongoohia o nnelekai a God, mo di tonu ne hagagida go Jesus Christ.  
\v 3 E maluagina go tangada dela e dau di beebaa deenei, gei e maluagina hogi go digau ala e hagalongo gi nnelekai kokohp aanei, mo di daudali nia mee ala e hihi i lodo di beebaa deenei! Idimaa, di madagoaa dela ga gila aga nia mee huogodoo aanei, la gu hoohoo mai.   
\s1 Nia hagaaloho ang gi nia nohongo dabu e hidu  
\p
\v 4 Mai John, ang gi nia nohongo dabu e hidu i Asia:  
\p Tumaalia, mo di aumaalia adu gi goodou, mai baahi o God, dela i golo dolomeenei, nogo i golo mai mua, dela ga hanimoi, mo mai baahi nia hagataalunga e hidu ala i mua dono lohongo king,\x * \xo 1.4 \xt Exodus 3.14; Revelation 4.5\x*  
\v 5 mo mai baahi o Jesus Christ, go Tangada hagi aga mee manawa dahi ge donu, go taamada o di mouli aga i di made, ge dela hogi go Tagi o nia king o henuailala.  
\p Mee e aloho i gidaadou, gei Mee guu wwede tadau ihala gi daha mai i ono dodo,\x * \xo 1.5 \xt Isaiah 55.4; Pisalem 89.27\x*  
\v 6 guu hai gidaadou gii hai di golohenua hai mee dabu, belee hai nnegau o dono God mo dono Damana. Di madamada mo di mogobuna la gii noho i baahi o Jesus Christ gaa hana hua beelaa! Amen.\x * \xo 1.6 \xt Exodus 19.6; Revelation 5.10\x*   
\p
\v 7 Mmada, Christ e hanimoi i hongo nia gololangi! Nia daangada huogodoo mo digau ne daudau a Mee gi nua, la gaa mmada gi Mee. Nia daangada huogodoo i henuailala ga tangitangi i Mee. Di mee deenei le e hai loo gii gila.\x * \xo 1.7 \xt Daniel 7.13; Matthew 24.30; Mark 13.26; Luke 21.27; 1-Thessalonians 4.17; Zechariah 12.10; John 19.34,37\x*   
\p
\v 8 Dimaadua go di God Aamua Huoloo ga helekai, “Au go Taamada mo di Haga odi, Au dela i golo dolomeenei, nogo i golo mai mua, ga hanimoi maalia.”   
\s1 Di hagagida o Christ  
\p
\v 9 Au go John, di godou duaahina, au tangada e daudali a Jesus, au e madalia labelaa goodou, ala e hagakono di manawa i nia hagaduadua ala e lloomoi gi nia daangada o Teenua King o Jesus Christ. Au ne lahi gaa dugu gi hongo tenua go Patmos, i di au dela nogo hagadele nnelekai a God mo di tonu dela ne hagagida go Jesus.  
\v 10 I di Laangi o Tagi, gei au gu huwahuwa go di Hagataalunga, ga longono di lee damana, e hai be di lee buu ‘trumpet’, e helekai mai i dogu dua,  
\v 11 “Hihia au mee ala e mmada ginai goe gi lodo di beebaa, hagau ina gi nia nohongo dabu e hidu aanei: Ephesus, Smyrna, Pergamum, Thyatira, Sardis, Philadelphia, mo Laodicea.”   
\p
\v 12 Au gaa huli belee mmada be di maa koai dela e leelee mai gi di au, gei au gaa mmada hua gi nia lohongo malama e hidu ne hai gi nia goolo,  
\v 13 gei baahi nia lohongo malama aanei, la di Mee e hai be tangada, e ulu di gahu looloo e tugi i ono babaawae, mo dono duu goolo e daabui dono hadahada.\x * \xo 1.13 \xt Daniel 7.13; 10.5\x*  
\v 14 Dono libogo le e kene madammaa giagia gadoo be nia ngaahulu siibi, be e kene gadoo be nia ‘snow’, gei ono golomada le e maahina be di ahi.\x * \xo 1.14 \xt Daniel 7.9; 10.6\x*  
\v 15 Ono wae le e maahina be di baalanga ‘brass’ dela gu haga madammaa ga haga dingidingia, gei dono lee le e hai be di lee damana o di monowai doo.\x * \xo 1.15 \xt Ezekiel 1.24; 43.2\x*  
\v 16 Mee e daahi ana heduu e hidu i lodo dono lima gau donu, ge tulumanu dauwa baahi lua e duu mai i lodo dono ngudu. Ono hadumada e maahina gadoo be di laa dii i di oodee.  
\v 17 Dogu mmada gi Mee, gei au gaa hinga gi lala i baahi nia wae o Maa, guu hai gadoo be tangada ne made. Mee gaa dugu dono lima gau donu gi ogu nua, ga helekai, “Hudee madagu! Au go Taamada mo di Haga odi.\x * \xo 1.17 \xt Isaiah 44.6; 48.12; Revelation 2.8; 22.13\x*  
\v 18 Ma ko Au dela e mouli! Au guu made, gei dolomeenei Au e mouli gaa hana hua beelaa. Ma ko Au e huwahuwa di ‘Made’ mo di ‘Heidis’ dela go di gowaa digau mmade.  
\v 19 Hihia gi lala au mee ala e mmada ginai dolomeenei, mo nia mee ala gaa hai nomuli.  
\v 20 Tadinga o nia heduu e hidu ala ne mmada ginai goe i lodo dogu lima gau donu, mo nia lohongo malama e hidu ne hai gi nia goolo, la aanei: Nia heduu e hidu, la go digau di langi o nia nohongo dabu e hidu, gei nia lohongo malama ne hai gi nia goolo, la go nia nohongo dabu e hidu.   
\c 2  
\s1 Nnelekai ang gi di nohongo dabu i Ephesus  
\p
\v 1 “Hihia ang gi tangada di langi o di nohongo dabu i Ephesus:  
\p “Aanei la go nnelekai mai baahi Tangada dela e daahi nia heduu e hidu i dono lima gau donu, gei e heehee i mehanga nia lohongo malama goolo e hidu.  
\v 2 Au e iloo au mee ala ne hai. Au e iloo bolo goe gu ngalua damana mo di hagakono di manawa. Au e iloo bolo goe hagalee donu gi digau huaidu, gei goe gu halahala digau ala e hai bolo ginaadou nia daangada agoago hagau, gei digaula hagalee nia daangada agoago hagau donu, gei goe guu gida bolo digaula digau hai kai tilikai.  
\v 3 Goe gu manawa hagakono, gu hagaduadua mai i dogu ingoo, gei goe digi dugua au hegau humalia.  
\v 4 Malaa, deenei dagu mee e hai baahi adu gi di goe: Goe hagalee aloho i di Au dolomeenei, be do aloho matagidagi.  
\v 5 Haga maanadu ina di hai o do hana gee i di Au! Huli gi daha mo oo hala, heia go dau hai matagidagi. Maa goe ga hagalee huli gi daha mo oo hala, gei Au ga hanimoi, ga daa gi daha do lohongo malama gi daha mo dono lohongo.  
\v 6 Malaa, deenei di mee e humalia i do baahi: Goe e de hiihai gi nia mee digau o Nikolaita ala e hai, e de hiihai gadoo be Au.   
\p
\v 7 “Maa goe o dalinga i golo, hagalongo gi nnelekai di Hagataalunga ang gi nia nohongo dabu!  
\p “Digau ala ma gaa kae di aali, gei Au gaa wanga gi digaula di tonu o di gai nia huwa laagau o di laagau haga mouli, dela e tomo i lodo di hadagee a God.\x * \xo 2.7 \xt Genesis 2.9; Revelation 22.2; Ezekiel 28.13; 31.8 \x*   
\s1 Nnelekai ang gi di nohongo dabu i Smyrna  
\p
\v 8 “Hihia ang gi tangada di langi o di nohongo dabu i Smyrna,  
\p “Aanei la go nnelekai mai baahi Tangada dela go Taamada mo di Haga odi, dela ne made, gei gu mouli aga labelaa.\x * \xo 2.8 \xt Isaiah 44.6; 48.12; Revelation 1.17; 22.13\x*  
\v 9 Au e iloo o haingadaa, Au e iloo bolo goe e hagaloale, gei deeai, goe e maluagina! Au e iloo nia mee huaidu ne helekai hai baahi adu gi di goe mai digau bolo ginaadou digau o Jew, gei digaula hagalee digau o Jew, digaula nia daangada ni Setan!  
\v 10 Hudee madagu i dahi mee dela ga hagaduadua goe. Hagalongo! Setan la gaa kili hunu gau i goodou gi lodo di hale galabudi, e hagamada godou hagadonu, gei godou hagaduadua le e hai i lodo nia laangi e madangaholu. Manawa dahi mai gi di Au, ma e aha maa goe gaa made, gei Au ga gowadu di mouli, di hui o doo aali.   
\p
\v 11 “Maa goe o dalinga i golo, hagalongo gi nnelekai di Hagataalunga ang gi nia nohongo dabu!  
\p “Digau ala ma gaa kae di aali, la hagalee hagahuaidu go di lua made.\x * \xo 2.11 \xt Revelation 20.14; 21.8\x*   
\s1 Nnelekai ang gi di nohongo dabu i Pergamum  
\p
\v 12 “Hihia ang gi tangada di langi o di nohongo dabu i Pergamum,  
\p “Aanei la go nnelekai mai baahi Tangada dela dana hulumanu dauwa gaa baahi lua.  
\v 13 Au e iloo di gowaa e noho iei goe, go di gowaa dela e iai di lohongo a Setan. Goe e manawa dahi mai gi di Au, gei goe digi dugua do hagadonu Au, i di madagoaa hogi ne daaligi ai gii made dagu dangada hagi aga manawa dahi go Antipas i di gowaa e noho ai a Setan.  
\v 14 Malaa, nia mee dulii aanei e hai baahi iei Au adu gi di goe: Hunu gau i godou lodo e daudali di agoago a Balaam ne aago Balak gi di hai e dagi digau Israel gi lodo di hala, dela ne hidi ai digaula gaa gai nia meegai ala ne wanga gi nia balu god, mo di hai be di manu.\x * \xo 2.14 \xt Numbers 22.5,7; 31.16; Deuteronomy 23.4; Numbers 25.1-3; Jude 11\x*  
\v 15 E hai labelaa beenei, hunu daangada i godou lodo e daudali nia agoago digau o Nikolaita.  
\v 16 Deenei laa, huli gi daha mo oo hala! Maa goe ga hagalee huli gi daha, hoohoo mai hua gei Au ga hanimoi e heebagi gi digau beelaa gi tulumanu dauwa dela e duu mai i lodo dogu ngudu.   
\p
\v 17 “Maa goe o dalinga i golo, hagalongo gi nnelekai di Hagataalunga ang gi nia nohongo dabu!  
\p “Au gaa wanga gi digau ala ga aali nia meegai ‘manna’ nogo dugu hagammuni. Au gaa wanga labelaa nadau hadu kene dagidahi ala e hihi ginai di ingoo hoou, dela e de iloo tangada, go tangada hua dela gaa kumi di hadu, e iloo ia.\x * \xo 2.17 \xt Exodus 16.14-15; 16.33-34; John 6.48-50; Isaiah 62.2; 65.15\x*   
\s1 Nnelekai ang gi di nohongo dabu i Thyatira  
\p
\v 18 “Hihia ang gi tangada di langi o di nohongo dabu i Thyatira,  
\p “Aanei la go nnelekai mai baahi Tama a God, ono golomada e maahina gadoo be di ahi, ono wae e maahina gadoo be di baalanga ‘brass’ ma ga hagadingidingia.  
\v 19 Au e iloo au mee ala e hai. Au e iloo do aloho, do manawa dahi, au hegau, mo do manawa hagakono. Au e iloo au mee ala e hai dolomeenei, ala e mada logo i au mee ala nogo hai matagidagi.  
\v 20 Malaa, deenei dagu mee e hai baahi adu gi di goe: Go dau dugu a Jezebel, bolo mee di ahina kae hegau ni God. Di ahina deenei e aago agu dama hai hegau gii hai nia huaidu hai be di manu, mo di gai nia meegai ala ne wanga gi nia balu god.\x * \xo 2.20 \xt 1-Kings 16.31; 2-Kings 9.22,30\x*  
\v 21 Au guu dugu anga dono madagoaa e huli ai ono huaidu, gei di ahina deelaa e de hiihai di huli gi daha mo ono haihai be di manu.  
\v 22 Malaa, gei Au gaa hudu di ahina gi hongo di moenge dela nogo hai ana huaidu, gaa hai digau ala nogo hai gi mee di huaidu hai be di manu gi duadua kono, go di maa hua digaula gaa huli gi daha mo di huaidu ne hai gi di ahina deenei.  
\v 23 Au ga daaligi nia hoo o maa gii mmade, gei nomuli, gei nia nohongo dabu huogodoo ga iloo bolo ma ko Au dela e iloo nia maanadu mo nia hiihai o nia daangada huogodoo. Au gaa hui tangada nei mo tangada nei gii tau gi ana mee ala nogo hai.\x * \xo 2.23 \xt Pisalem 7.9; Jeremiah 17.10; Pisalem 62.12\x*   
\p
\v 24 “Gei goodou ala i golo i Thyatira, la digi daudalia di agoago huaidu deenei. Goodou digi kabee ina nia agoago ala e haga ingoo go digau ala i golo, bolo ‘Nia mee hagammuni a Setan’. Au e helekai adu gi goodou, bolo Au hagalee gowadu godou mee daamaha ala i golo e aamo.  
\v 25 Daahia gii mau nia mee ala i godou baahi, gaa dae loo gi dogu hanimoi.  
\v 26 Digau ala ma gaa kae di aali, gaa hai agu mee ala e hiihai ginai gaa dae loo gi di hagaodi, gei Au gaa wanga gi digaula di mogobuna e dagi nnenua llauehe.\x * \xo 2.26 \xt Pisalem 2.8-9 \x*  
\v 27 Au gaa wanga gi digaula di mogobuna dela e hai be di mogobuna dela ne kae ko Au mai dogu Damana:  
\q1 Mee gaa dagi nia henua  
\q1 gi togodogo baalanga,  
\q1 e oho haga ligiligi nia henua,  
\q1 gadoo be nia boolo ala ne hai  
\q1 gi nia gelegele pigi.   
\m
\v 28 “Au gaa wanga gi digaula di heduu o di luada.   
\p
\v 29 “Maa goe o dalinga i golo, hagalongo gi nnelekai di Hagataalunga ang gi nia nohongo dabu!   
\c 3  
\s1 Nnelekai ang gi di nohongo dabu i Sardis  
\p
\v 1 “Hihia ang gi tangada di langi o di nohongo dabu i Sardis,  
\p “Aanei la go nnelekai mai baahi Tangada dela e daahi nia hagataalunga e hidu a God mo nia heduu e hidu. Au e iloo au mee ala e hai. Au e iloo bolo goe e dau gi tangada e mouli, gei deeai, goe guu made!  
\v 2 Malaa, ala aga! Haga maaloo ina aga di mee i do baahi i mua di maa ma gaa made, ga hagalee. Idimaa, Au e gidee bolo au mee ala ne hai, la digi humalia i mua nnadumada o dogu God.  
\v 3 Gi langahia nia mee ala ne aago adu mo nia mee ne longono iei goe. Daudalia nia maa, huli gi daha mo o huaidu. Maa goe ga hagalee e ala aga, gei Au ga hanadu gi di goe, gadoo be tangada gaiaa, gei goe e de iloo be dehee di madagoaa dela e hanadu iei Au.\x * \xo 3.3 \xt Matthew 24.43-44; Luke 12.39-40; Revelation 16.15\x*  
\v 4 Gei hunu goodou digau dulii o Sardis gu benebene godou goloo gahu haga madammaa. Goodou ga ulu godou gahu kene, ga taele dalia Au, idimaa, goodou guu tau bolo e taele madalia Au.  
\v 5 Digau ma ga aali, le e ulu nia gahu kene beenei, gei Au hagalee daa nadau ingoo gi daha mo di beebaa hagamouli. Au ga haga modongoohia haga madammaa i mua dogu Damana mo ana gau di langi bolo digaula la nia daangada ni aagu.\x * \xo 3.5 \xt Exodus 32.32-33; Pisalem 69.28; Revelation 20.12; Matthew 10.32; Luke 12.8\x*   
\p
\v 6 “Maa goe o dalinga i golo, hagalongo gi nnelekai di Hagataalunga ang gi nia nohongo dabu.   
\s1 Nnelekai ang gi di nohongo dabu i Philadelphia  
\p
\v 7 “Hihia ang gi tangada di langi o di nohongo dabu i Philadelphia,  
\p “Aanei la go nnelekai mai baahi Tangada dela e dabu gei e donu. Mee e daahi di gii a David. Maa mee gaa huge di bontai, tangada e mee di tai di maa ai. Maa Mee gaa tai di bontai, tangada e mee di huge di maa ai.\x * \xo 3.7 \xt Isaiah 22.22; Job 12.14\x*  
\v 8 Au e iloo au mee ala e hai. Au e iloo bolo do mogobuna le e dulii, gei goe gu daudali agu agoago, gei gu manawa dahi mai gi di Au. Au guu huge di bontai i oo mua, dela e deemee di tai go tangada.  
\v 9 Hagalongo! Di buini dangada a Setan hai kai tilikai ala bolo ginaadou digau o Jew, gei hagalee digau o Jew. Au gaa hai digaula gi lloomoi, e pala gi lala i mua o babaawae, gei digaula huogodoo ga iloo bolo Au e aloho i di goe.\x * \xo 3.9 \xt Isaiah 49.23; 60.14; 43.4\x*  
\v 10 Idimaa goe gu haga gila agu agoago bolo gi manawa hagakono, gei Au ga abaaba goe gi daha mo nia haingadaa ala e lloomoi gi henuailala belee hagamada nia daangada huogodoo henuailala.  
\v 11 Hoohoo mai, gei Au ga hanimoi. Benabena ina hagahumalia au mee i do baahi, gi dee kae di hui doo aali go tuai dangada.  
\v 12 Au gaa hai digau ala e maaloo gii hai nia duludulu o di Hale Daumaha o dogu God, gei ginaadou hagalee loo e hagatanga gi daha mo di Hale Daumaha gaa hana hua beelaa. Au gaa hihi gi nadau nua di ingoo o dogu God, mo di ingoo o di waahale o dogu God, go Jerusalem hoou, dela e haneia i di langi mai baahi o dogu God. Au gaa hihi labelaa gi nadau nua dogu ingoo hoou.\x * \xo 3.12 \xt Revelation 21.2; Isaiah 62.2; 65.15\x*   
\p
\v 13 “Maa goe o dalinga i golo, hagalongo gi nnelekai di Hagataalunga ang gi nia nohongo dabu.   
\s1 Nnelekai ang gi di nohongo dabu Laodicea  
\p
\v 14 “Hihia ang gi tangada di langi o di nohongo dabu i Laodicea,  
\p “Aanei la go nnelekai mai baahi Tangada e haga ingoo bolo di ‘Amen’, go Tangada hagi aga mee manawa dahi ge e donu, dela go taamada o nia mee huogodoo a God ne hai.\x * \xo 3.14 \xt Proverbs 8.22\x*  
\v 15 Au e iloo au mee ne hai. Au e iloo bolo goe hagalee e mahana be e magalillili! Au bolo goe gi mahana be magalillili!  
\v 16 Gei goe dela hua e mahana dulii, hagalee mahana be e magalillili, Au gaa bui goe gi daha mo dogu ngudu!  
\v 17 Goe e helekai boloo, ‘Au e maluagina, gei e humalia mai gi di au, hagalee di mee i golo e hiihai ginai au ai.’ Gei goe e de iloo bolo goe e huaidu huoloo adu gi di goe! Goe e hagaloale, o goloo ai, gei e dee gida.  
\v 18 Au e helekai hagamaamaa goe gi huia au goolo mai i di Au, nia goolo donu ala ne haga madammaa gi di ahi, gei goe ga maluagina. Huia labelaa o goloo kene e gahu do langaadia goloo ai. Huia labelaa hunu wanii lolo, e wanga gi o golomada gi gidee goe tangada.  
\v 19 Au e bule ge hagaduadua digau huogodoo ala e aloho iei Au. Hagamahi gii huli gi daha mo oo hala.\x * \xo 3.19 \xt Proverbs 3.12; Hebrews 12.6\x*  
\v 20 Hagalongo! Au e duu i di ngudu di bontai e dugidugi. Maa tangada ga longono ia dogu lee, gaa huge di bontai, gei Au ga ulu gi lodo, ga miami dalia a mee, gei mee ga miami dalia Au.  
\v 21 Gei Au gaa wanga di tonu gi digau ala ma ga aali, gii noho i dogu baahi i hongo dogu lohongo king, gadoo be Au dela ne aali, gaa noho i baahi dogu Damana i hongo dono lohongo king.   
\p
\v 22 “Maa goe o dalinga i golo, hagalongo gi nnelekai di Hagataalunga ang gi nia nohongo dabu.”   
\c 4  
\s1 Taumaha i di langi  
\p
\v 1 I muli hua nia mee aanei, gei au guu hai dagu moe, ne mmada gi di bontai e mahuge i di langi. Gei di lee e hai be di lee ‘trumpet’ dela ne hagalongo ginai au i mua, ga helekai, “Hanaga gi kinei, gei au ga hagi adu gi di goe nia mee ala gaa hai nomuli.”  
\v 2 Di madagoaa hua deelaa, gei au gu huwahuwa go di Hagataalunga, ga gidee au di lohongo king i di langi e noho Tangada i ono nua.\x * \xo 4.2 \xt Ezekiel 1.26-28; 10.1\x*  
\v 3 Ono golomada e maahina gadoo be nia hadu hagalabagau ‘jasper’ mo ‘carnelian’, gei di umada e gono gi di hadu ‘emerald’, e haganiga di gili di lohongo king.  
\v 4 Nia lohongo aamua e madalua maa haa e haganiga di lohongo king, e noho ai digau mmaadua aamua e madalua maa haa, e ulu nadau gahu kene, e ulu nia hau goolo.  
\v 5 Nia ila e dabadaba, nia lee llauehe, mo nia lee atili e lloomoi i di lohongo king deelaa. Nia malama e hidu e ulaula i mua di lohongo deelaa, go nia hagataalunga e hidu a God.\x * \xo 4.5 \xt Exodus 19.16; Revelation 8.5; 11.19; 16.18; Ezekiel 1.13; Revelation 1.4; Zechariah 4.2\x*  
\v 6 Gei di mee dela e hai gadoo be di tai kalaadi, e maalama be di kalaadi ‘crystal’, la i mua labelaa di lohongo deelaa.  
\p Gei nia baahi huogodoo o di lohongo deelaa, le e haganiga gi nia manu mouli e haa, nadau golomada e huli gi mua mo gi muli.\x * \xo 4.6 \xt Ezekiel 1.22; 1.5-10; 10.14\x*  
\v 7 Tahi manu le e hai be di laion. Di lua manu le e hai be di kau daane. Di tolu manu le e hai ono hadumada be nia hadumada dangada, ge di haa manu le e hai be di manu ‘eagle’ e maangi.  
\v 8 Nia manu mouli e haa le e dagi ono nadau bakau, nadau gili guu buni golomada, i lodo mo i tua. Boo mo aa, gei digaula e dee noho di nadau dadaahili boloo,  
\q1 “Dabuaahia, dabuaahia, dabuaahia,  
\q1 go Dimaadua go di God Aamua Huoloo,  
\q1 dela nogo i golo,  
\q1 i golo dolomeenei,  
\q1 mo dela ga hanimoi.”\x * \xo 4.8 \xt Ezekiel 1.18; 10.12; Isaiah 6.2-3\x*   
\m
\v 9 Nia manu mouli e haa le e daahili nia daahili hagaamu, hagalaamua mo di danggee ang gi Tangada dela e noho i hongo di lohongo king, dela e mouli gaa hana hua beelaa. Digaula ma ga daahili,  
\v 10 gei digau madalua maa haa mmaadua aamua gaa pala gi lala i mua Tangada dela e noho i hongo di lohongo king, ga daumaha ang gi Mee dela e mouli gaa hana hua beelaa. Digaula gaa kili nadau hau goolo gi lala i mua di lohongo king, ga helekai,   
\q1
\v 11 “Di madau Dagi mo di madau God!  
\q1 Goe e tau anga bolo e wanga ginai  
\q1 di madamada, di hagalaamua,  
\q1 mo di maaloo.  
\q1 Idimaa, ma Kooe hua  
\q1 dela ne hai nia mee huogodoo,  
\q1 gaa hai nia maa gi i golo,  
\q1 gi mouli mai i do hiihai!”   
\c 5  
\s1 Di beebaa wini mo Tama siibi  
\p
\v 1 Au gaa mmada gi di beebaa wini i lodo di lima gau donu o tangada dela e noho i hongo di lohongo king. Di beebaa wini deenei la guu buni di hihi ginai nia mee i nia baahi e lua, gei guu nnoo gi nia noo e hidu.\x * \xo 5.1 \xt Ezekiel 2.9-10; Isaiah 29.11\x*  
\v 2 Gei au gaa mmada gi tangada di langi maaloo, e hai dana haga iloo gi nua, “Ma koai dela e tau di wwede nia noo, gaa huge di beebaa wini?”  
\v 3 Deai tangada i di langi, be i henuailala, be i bahi i lala henuailala, e mee di huge di beebaa wini, be e mmada gi lodo di maa.  
\v 4 Gei au guu dangi huoloo giibeni, idimaa, tangada ne gida bolo e mee di huge di beebaa wini, be e mmada gi lodo ai.  
\v 5 Tangada e dahi i digau mmaadua aamua, ga helekai mai, “Hudee dangi. Mmada! Di Laion mai di madawaawa o Judah, go di hagadili aamua o David, go Mee gu aali, e mee di wwede nia noo e hidu, mo di huge di beebaa wini deelaa.”\x * \xo 5.5 \xt Genesis 49.9; Isaiah 11.1,10\x*   
\p
\v 6 Gei au gaa mmada gi Tama siibi, e duu i tungaalodo di lohongo king, e haganiga go nia manu mouli e haa, mo digau mmaadua aamua. Tama siibi le e hai be siibi ne daaligi gii made. Mee ono madaagoo e hidu, ge e hidu ono golomada, ala go nia hagataalunga e hidu a God ala ne hagau gi lodo henuailala hagatau.\x * \xo 5.6 \xt Isaiah 53.7; Zechariah 4.10\x*  
\v 7 Tama siibi gaa hana, gaa kae di beebaa wini i di lima gau donu o Tangada dela e noho i hongo di lohongo king.  
\v 8 Dono kae di beebaa deelaa, nia manu mouli e haa, mo digau mmaadua aamua e madalua maa haa gaa pala gi lala i mua Tama siibi. Digaula huogodoo e dagidahi mee hai daahili ‘harp’ mono boolo goolo e honu i nia mee haga kala ‘incense’, ala go nia dalodalo o nia daangada a God.\x * \xo 5.8 \xt Pisalem 141.2\x*  
\v 9 Digaula gaa huwa di nadau daahili hoou,  
\q1 “Goe e tau anga bolo e kae  
\q1 di beebaa wini, gaa wwede ono noo.  
\q1 Idimaa, Goe dela gu daaligi, guu made,  
\q1 gei mai i oo dodo Goe gu hui gi God  
\q1 nnagadilinga daangada mai  
\q1 nia madawaawa huogodoo,  
\q1 hagadilinga helekai, nnenua llauehe,  
\q1 mo nia hagadilinga daangada  
\q1 henua huogodoo.\x * \xo 5.9 \xt Pisalem 33.3; 98.1; Isaiah 42.10\x*   
\q1
\v 10 Goe guu hai digaula  
\q1 gii hai tenua hai mee dabu  
\q1 e hai nnegau tadau God,  
\q1 gei digaula e dagi i henuailala.”\x * \xo 5.10 \xt Exodus 19.6; Revelation 1.6\x*   
\m
\v 11 Au gaa mmada labelaa, ga longono digau di langi, digau e dogologowaahee! Digaula e tuu e haganiga di lohongo king, nia manu mouli e haa, mo digau mmaadua aamua.\x * \xo 5.11 \xt Daniel 7.10\x*  
\v 12 Digaula e huwa di nadau daahili boloo,  
\q1 “Tama siibi ne daaligi gii made,  
\q1 le e tau anga bolo e wanga ginai  
\q1 di mogobuna, maluagina, iloo mee,  
\q1 mo nia mahi, aamua, madamada  
\q1 mo di hagaamu!”   
\m
\v 13 Gei au ga longono nia mee huogodoo i di langi, henuailala, bahi i lala henuailala, mo i lodo di moana, ala go nia mee mouli huogodoo i henuailala mo lala di langi. Digaula e dadaahili boloo,  
\q1 “Di hagaamu, di hagalaamua,  
\q1 di madamada, mo di maaloo  
\q1 gii wanga ina gi Mee  
\q1 dela e noho i hongo di lohongo king  
\q1 mo ang gi Tama siibi,  
\q1 gaa hana hua beelaa!”   
\m
\v 14 Nia manu mouli e haa ga helekai, “Amen!” Gei digau mmaadua aamua gaa pala gi lala, ga daumaha.   
\c 6  
\s1 Nia noo  
\p
\v 1 Nomuli, gei au gaa mmada gi Tama siibi e huge tahi noo i nia noo e hidu aalaa, gei au ga longono di manu e dahi i nia manu mouli e haa, e helekai be di lee atili, “Hanimoi!”  
\v 2 Au gaa mmada, ga gidee di hoodo kene. Tangada dela i hongo di maa le e daahi dana maalei, gei mee gaa wanga ginai di hau king. Mee gaa hana be taane maaloo hai heebagi belee haga magedaa ono hagadaumee.\x * \xo 6.2 \xt Zechariah 1.8; 6.3,6\x*   
\p
\v 3 Nomuli, gei Tama siibi gaa huge di lua noo, gei au ga longono di lua manu mouli e helekai, “Hanimoi!”  
\v 4 Di hoodo labelaa ga hanimoi, di hoodo mmee. Tangada dela i hongo di hoodo deelaa, la guu wanga ginai di mogobuna e daamada dana dauwa i henuailala, e hai nia daangada gi hagadau dadaaligi ginaadou. Mee guu wanga labelaa ginai tulumanu dauwa damana.\x * \xo 6.4 \xt Zechariah 1.8; 6.2\x*   
\p
\v 5 Nomuli, gei Tama siibi gaa huge di tolu noo, gei au ga longono di tolu manu mouli e helekai, “Hanimoi!” Au gaa mmada, ga gidee di hoodo luuli. Tangada dela i hongo di maa, e daahi di mee pauna mee i lodo dono lima.\x * \xo 6.5 \xt Zechariah 6.2,6\x*  
\v 6 Au ga longono di mee e hai be di lee e hanimoi i mehanga nia manu mouli e haa, e helekai, “Nia pauna palaawaa ‘wheat’ e lua, dela di hui ngalua di laangi e dahi, gei nia pauna palaawaa ‘barley’ e ono, dela di hui ngalua di laangi e dahi. Hudee hunahuna ina nia laagau olib mo nia hadagee waini!”   
\p
\v 7 Nomuli, gei Tama siibi gaa huge di haa noo, gei au ga longono di haa manu mouli e helekai, “Hanimoi!”  
\v 8 Au gaa mmada, ga gidee di hoodo gono kene. Tangada dela i hongo di maa, le e haga ingoo bolo “Made”. Gei di “Heidis”,\f + \fr 6.8 \fk Heidis: \ft di gowaa digau mmade\f* e daudali a mee. Meemaa guu wanga ginai di mogobuna e daaligi dahi baahi e haa o henuailala, e daaligi gi tauwa, tau magamaga, nia magi, mo nia manu lodo geinga.\x * \xo 6.8 \xt Ezekiel 14.21\x*   
\p
\v 9 Nomuli, gei Tama siibi gaa huge di lima noo, gei au gaa mmada gi lala di gowaa hai tigidaumaha gi nia hagataalunga o digau ala ne daaligi. Digaula ne daaligi, idimaa, digaula nogo hagadele nnelekai a God, gei nogo manawa dahi ang gi nadau haga modongoohia nnelekai a God.  
\v 10 Digaula gaa wwolo gi nua, ga heeu, “Tagi Maaloo dangihi, e haga madagu gei e donu! E waalooloo behee i mua dau hagi aga nia daangada i henuailala, ga hagaduadua digau ala ne daaligi gimaadou?”  
\v 11 Digaula huogodoo gaa wanga ginai nia gahu lloo kene dagidahi, ga helekai ginai bolo gi taalia maalia, gaa dae loo gi di hulu dogologo o nadau ihoo hai hegau mo nadau ihoo dama Christ guu dohu gu dogomaalia di daaligi be di nadau hai nogo hai.   
\p
\v 12 Gei au gaa mmada gi Tama siibi e huge di ono noo. Gei tenua gu ngalungalua damana, gei di laa ga bouli dongoeho gadoo be di gahu luuli, gei di malama gaa mmee hagatau be nia dodo.\x * \xo 6.12 \xt Revelation 11.13; 16.18; Isaiah 13.10; Joel 2.10,31; 3.15; Matthew 24.29; Mark 13.24-25; Luke 21.25\x*  
\v 13 Nia heduu ga too ia gi henuailala, gadoo be nia golee modo o di laagau ‘fig’ ne lulu go di madangi maaloo.\x * \xo 6.13 \xt Isaiah 34.4\x*  
\v 14 Di langi ga hagalee gadoo be di lau beebaa ne wini, gei nia gonduu mo nia henua huogodoo ga haga mmaanege gi daha mo nadau lohongo.\x * \xo 6.14 \xt Revelation 16.20\x*  
\v 15 Nia king o henuailala, nia dagi, nia dagi dauwa aamua, digau maluagina, digau mogobuna ge aamua, mo nia daangada huogodoo ala i golo, nia hege mo digau moholo ang gi ginaadou, gaa pala hagammuni i lodo nia lua mo i lala nia hadugalaa o nia gonduu.\x * \xo 6.15 \xt Isaiah 2.19,21\x*  
\v 16 Digaula gaa wwolo gi nia gonduu mo nia hadugalaa, “Too ia gi madau nua, e hagammuni gimaadou i nia golomada Tangada dela e noho i hongo di lohongo king, mo i di hagawelewele o Tama siibi!\x * \xo 6.16 \xt Hosea 10.8; Luke 23.30\x*  
\v 17 Di laangi hagamadagudagu dangada o nau hagawelewele la gu dau mai, koai dela e mee di duu aga e hai baahi gi di maa?”\x * \xo 6.17 \xt Joel 2.11; Malachi 3.2\x*   
\c 7  
\s1 Daangada Israel e lau madahaa maa haa mana (144,000)  
\p
\v 1 Nomuli, gei au gaa mmada gi digau di langi dogohaa, e tuu i nia madaaduge e haa o henuailala, e daahi nia madangi e haa gi dee gono mai gi henuailala be gi di moana, be gi nia laagau huogodoo.\x * \xo 7.1 \xt Jeremiah 49.36; Daniel 7.2; Zechariah 6.5\x*  
\v 2 Au gaa mmada gi tangada di langi labelaa e gila aga mai baahi i dua e gaamai di maaga o di God Mouli. Mee gaa wolo gi nua gi digau di langi dogohaa ala ne haga mogobuna go God belee oho henuailala mo di moana,  
\v 3 “Hudee ohaa ina henuailala, di moana, be go nia laagau, gaa dae loo gi di madau maaga nia lae o nia daangada hai hegau a God.”\x * \xo 7.3 \xt Ezekiel 9.4,6\x*  
\v 4 Au gu haga iloo ginai bolo di hulu dangada dela ne maaga gi di hagailongo o God i hongo nadau lae, le e lau madahaa maa haa mana (144,000) mai nia madawaawa e madangaholu maa lua o Israel,  
\v 5-8 nia daangada e madangaholu maa lua mana (12,000) mai nia madawaawa dagidahi aanei: Judah, Reuben, Gad, Asher, Naphtali, Manasseh, Simeon, Levi, Issachar, Zebulun, Joseph mo Benjamin.   
\s1 Nia daangada dogologowaahee  
\p
\v 9 Nomuli, gei au gaa mmada, ga gidee nia daangada dogologowaahee e deemee di dau! Digaula nia hagadilinga daangada henua, nia madawaawa, nnenua llauehe, mo nnelekai huogodoo, e tuu i mua di lohongo king mo Tama siibi, e ulu nia gahu lloo kene, e daahi nadau louniu.  
\v 10 Digaula gaa wwolo gi nua, “Di haga mouli la ni tadau God dela e noho i hongo di lohongo king, mo ni Tama siibi.”  
\v 11 Digau di langi huogodoo e tuu, e haganiga di lohongo king, digau mmaadua aamua, mo nia manu mouli e haa. Digaula gaa pala gi lala i mua di lohongo king, ga daumaha ang gi God,  
\v 12 ga helekai, “Amen! Di hagaamu, madamada, iloo mee, danggee, hagalaamua, mogobuna mo di maaloo, la gii wanga ina gi God gaa hana hua dono hagaodi ai! Amen!”   
\p
\v 13 Tangada e dahi i digau mmaadua aamua ga heeu mai, “Digau aanei la koai ala e ulu nia gahu lloo kene? Digaula ne lloomoi i hee?”   
\p
\v 14 Au ga helekai, “Meenei, au e de iloo. Ma kooe dela e iloo.”  
\p Mee ga helekai mai, “Aanei la go nia daangada ne loomoi laa lodo nia hagaduadua llauehaa, gu gaugau nadau gahu gii kene gi nia dodo o Tama siibi.\x * \xo 7.14 \xt Daniel 12.1; Matthew 24.21; Mark 13.19\x*  
\v 15 Deelaa laa gaa tuu iei digaula i mua di lohongo king o God mo di hai hegau gi Mee i di boo mo di aa i lodo dono Hale Daumaha. Tangada dela e noho i hongo di lohongo king e madamada humalia i digaula mai dono noho i nadau baahi.  
\v 16 Digaula e deemee di hiigai be e hieinu labelaa. Di laa be di welengina e deemee di dudu digaula,\x * \xo 7.16 \xt Isaiah 49.10\x*  
\v 17 idimaa, Tama siibi dela i tungaalodo di lohongo king la gaa hai di nadau dangada hagaloohi siibi, gei Mee gaa lahi digaula gi di monowai haga mouli. Gei God ga omo nia dangi huogodoo gi daha mo nadau golomada.”\x * \xo 7.17 \xt Pisalem 23.1,2; Ezekiel 34.23; Isaiah 49.10; 25.8\x*   
\c 8  
\s1 Di hidu noo  
\p
\v 1 Di madagoaa hua Tama siibi ne huge di hidu noo, gei di langi gu kila loo holongo di baahi aawaa.  
\v 2 Gei au gaa mmada gi digau di langi dogohidu, e tuu i mua o God. Digaula guu wanga ginai nia buu ‘trumpet’ e hidu.   
\p
\v 3 Gei tuai dangada di langi dela e daahi dana boolo goolo dudu mee haga kala, gaa duu i di gowaa dudu tigidaumaha. Gei mee gaa wanga ginai nia mee haga kala ‘incense’ e logo belee haga puni ang gi nia dalodalo o nia daangada a God huogodoo, mo di wanga nia ‘incense’ gi hongo di gowaa dudu tigidaumaha goolo, dela e duu i mua di lohongo king.\x * \xo 8.3 \xt Amos 9.1; Exodus 30.1,3\x*  
\v 4 Nia huiahi o nia mee haga kala ala e dudu, la gaa hula gi nua gi daha mo nia lima o tangada di langi dela e duu i mua o God, e haga puni anga gi nia dalodalo o nia daangada a God.  
\v 5 Tangada di langi gaa kae di boolo dudu mee haga kala, gaa haa ginai di ahi mai di gowaa dudu tigidaumaha, gaa hudu ia gi hongo henuailala. Di madagoaa hua deelaa, gei nia lee llauehe, nia lee atili, nia ila ga dabadaba, mo di ngalungalua tenua gaa hai.\x * \xo 8.5 \xt Leviticus 16.12; Ezekiel 10.2; Exodus 19.16; Revelation 11.19; 16.18\x*   
\s1 Nia buu ‘trumpet’  
\p
\v 6 Nomuli, gei digau di langi dogohidu mo nadau buu ‘trumpet’ e hidu ga hagatogomaalia e ili nia maa.   
\p
\v 7 Togo dahi dangada di langi ga ili dana buu ‘trumpet’. Gei di uwa hadu magalillili mo dono ahi, e unugi gi nia dodo gaa doo iha gi hongo henuailala. Dahi baahi e dolu o henuailala gaa wwele, ge dahi baahi e dolu o nia laagau gaa wwele, gei nia geinga ala i golo la gaa wwele labelaa.\x * \xo 8.7 \xt Exodus 9.23-25; Ezekiel 38.22\x*   
\p
\v 8 Togolua dangada di langi ga ili dana buu ‘trumpet’. Gei di mee dela e hai gadoo be di gonduu wele damana la gaa hudu gi lodo di moana. Dahi baahi e dolu o di moana la guu hai nia dodo,  
\v 9 ge dahi baahi e dolu o nia manu mouli i lodo di moana la guu mmade, ge dahi baahi e dolu o nia wagabaalii la gu mooho.   
\p
\v 10 Togodolu dangada di langi ga ili dana buu ‘trumpet’. Gei di heduu damana e ula gadoo be di lama ulaula, ga doo iha i di langi gi hongo dahi baahi e dolu o nia monowai mmidi mo i hongo nia monowai uwa aga.\x * \xo 8.10 \xt Isaiah 14.12\x*  
\v 11 (Di haga ingoo o di heduu deelaa la go “Mmala”.) Dahi baahi e dolu o nia wai la guu mmala, gei nia daangada dogologo ala ne inu nia wai mmala la guu mmade.\x * \xo 8.11 \xt Jeremiah 9.15\x*   
\p
\v 12 Togohaa dangada di langi ga ili dana buu ‘trumpet’. Gei dahi baahi e dolu o di laa, dahi baahi e dolu o di malama, dahi baahi e dolu o nia heduu la gu dugidugi gu momooho, ga hidi mai ai dahi baahi e dolu o nadau maahina la gu bouli. Dahi baahi e dolu o di aa mo dahi baahi e dolu o di boo la gu deai nau maahina ai.\x * \xo 8.12 \xt Isaiah 13.10; Ezekiel 32.7; Joel 2.10,31; 3.15\x*   
\p
\v 13 Nomuli, gei au gaa mmada, ga longono di manu ‘eagle’ e maangi i nua i lodo di ahiaalangi, e helekai dono lee gi nua boloo,  
\q1 “E hagamadagudagu dangada,  
\q1 e hagamadagudagu dangada!  
\q1 E hagamadagudagu dangada huoloo  
\q1 ang gi digau ala e noho  
\q1 i hongo henuailala i di madagoaa  
\q1 o nia lee ‘trumpet’ ala ma ga ili  
\q1 go digau di langi dogodolu ala i golo!”   
\c 9  
\p
\v 1 Togolima dangada di langi ga ili dana buu ‘trumpet’. Gei au gaa mmada gi di heduu dela ne doo ia gi henuailala, gaa wanga ginai di gii o di luwa dono dua ai.  
\v 2 Di heduu gaa huge di lua deelaa, gei nia huiahi ga buu aga, e hai gadoo be nia huiahi mai di gowaa dudu mee damana. Di maalama o di laa mo di ahiaalangi la gu haga bouli go nia huiahi mai di luwa deelaa.\x * \xo 9.2 \xt Genesis 19.28\x*  
\v 3 Nia manu ‘locust’ ga lloomoi gi hongo henuailala mai i lodo nia huiahi aalaa, gaa wanga ginai nia mogobuna e hai be nia mogobuna o nia manu ‘scorpion’.\x * \xo 9.3 \xt Exodus 10.12-15\x*  
\v 4 Nia manu ‘locust’ ga helekai ginai bolo ginaadou gi hudee hunahuna ina nia geinga be go nia laagau, be go di ingoo hua nia laagau ala i golo. Digaula e mee hua di hunahuna nia daangada ala digi maaga ginai di hagailongo o God i hongo nadau lae.\x * \xo 9.4 \xt Ezekiel 9.4\x*  
\v 5 Nia manu ‘locust’ la digi dumaalia ginai gi daaligidia nia daangada aanei gii mmade, e dumaalia hua gi haga mmaemmae ina digaula i lodo nia malama e lima. Di mmae o di haga mmaemmae deenei, le e hai be di mmae ne hai go di manu ‘scorpion’.  
\v 6 I lodo nia malama e lima aalaa, gei nia daangada ga halahala di nadau hai gii mmade ai ginaadou, gei e deemee. Digaula ga hiihai bolo ginaadou gii mmade, gei di made la gaa hana gi daha mo digaula.\x * \xo 9.6 \xt Job 3.21; Jeremiah 8.3\x*   
\p
\v 7 Nia manu ‘locust’ le e hai gadoo be nia hoodo ala gu togomaalia ang gi tauwa. I hongo nia libogo digaula, la nia mee e hai gadoo be nia hau goolo, nia hadumada digaula e dina gi nnadumada dangada.\x * \xo 9.7 \xt Joel 2.4\x*  
\v 8 Nadau ngaahulu le e dina gi nia ngaahulu libogo ahina, nia niha digaula le e dina gi nia niha laion.\x * \xo 9.8 \xt Joel 1.6\x*  
\v 9 Nadau hadahada le e duuli gi nia mee haaligi hadahada baalanga, gei di lee ne hai go nadau bakau le e hai gadoo be di lee o nia waga hongo henua logowaahee e llele hagalimalima gi tauwa.\x * \xo 9.9 \xt Joel 2.5\x*  
\v 10 Digaula nadau hugu mo nadau mee dadaalo dangada, gadoo be di hugu manu ‘scorpion’, aanei go nadau hugu e mogobuna di haga mmaemmae nia daangada i lodo nia malama e lima.  
\v 11 Digaula di nadau king e dagi ginaadou dela go tangada di langi e dagi di luwa dono dua ai. Di ingoo o maa i telekai Hebrew bolo “\tl Abaddon\tl*”, i telekai Greek bolo “\tl Apollyon\tl*”, dono hadinga e hai boloo, “Tangada Oho Mee”.  
\v 12 Di hagamadagudagu dangada matagidagi la guu lawa, i muli nia mee aanei nia hagamadagudagu dangada e lua e lloomoi i golo.   
\p
\v 13 Togo ono dangada di langi ga ili dana buu ‘trumpet’. Gei au ga longono di lee e hanimoi i nia madaaduge e haa o di gowaa dudu tigidaumaha ne hai gi nia goolo, dela e duu i mua o God.\x * \xo 9.13 \xt Exodus 30.1-3\x*  
\v 14 Di lee deelaa ga helekai gi togo ono dangada di langi, “Haga maahede ina digau di langi dogohaa ala e lawalawa i taalinga di monowai damana go Euphrates!”  
\v 15 Digau di langi dogohaa la gu haga maahede. Digaula ne hagatogomaalia ang gi di aawaa deenei, di laangi deenei, di malama deenei, mo di ngadau deenei, belee daaligi dahi baahi e dolu o nia daangada huogodoo gii mmade.  
\v 16 Au ne haga iloo ginai bolo di hulu gau dauwa llele hoodo la digau e lua lau guli (200,000,000).  
\v 17 I lodo dagu moe, au ne mmada gi nia hoodo mo digau e llele ai. Nia baalanga ala e haaligi nia hadahada digaula la gu mmee gadoo be di ahi, e halatee be di hadu hagalabagau ‘sapphire’, gei e loubuge be nia ‘sulfur’. Nia libogo o nia hoodo le e dina gi nia libogo laion, gei nia ulaula ahi, nia huiahi mo nia ‘sulfur’ e lloomoi i lodo nadau ngudu.  
\v 18 Dahi baahi e dolu o nia daangada la ne daaligi gii mmade go nia hagaduadua e dolu aanei: di ahi, di huiahi mo nia ‘sulfur’, ala nogo lloomoi i lodo nia ngudu o nia hoodo.  
\v 19 Nadau mahi la i lodo nadau ngudu mo i lodo nadau hugu. Nia hugu le e hai be nia gihaa ala nadau libogo, gei digaula e haga mmaemmae nia daangada gi nadau hugu.   
\p
\v 20 Nia daangada ala i golo, ala digi daaligidia go nia hagaduadua aanei, digaula digi huli gi daha mo nadau mee ala ne bida hai go ginaadou. Digaula digi dugua nadau hai daumaha ang gi nia hagataalunga huaidu, be go nia ada balu god ala ne hai gi nia goolo, silber, baalanga mmee, hadu mo laagau, ala e deemee di mmada, hagalongo be taele.\x * \xo 9.20 \xt Pisalem 115.4-7; 135.15-17; Daniel 5.23\x*  
\v 21 Digaula digi dugua labelaa nadau dadaaligi dangada, nadau haihai buubuu, nadau haihai be di manu, be go nadau haihai gaiaa.   
\c 10  
\s1 Tangada di langi mo di beebaa wini dulii  
\p
\v 1 Gei au gaa mmada gi tuai dangada di langi maaloo e haneia i di langi. Mee e haneia e gahu gi di gololangi, gei di umada e haganiga dono libogo. Nia hadumada o maa e dina gi di laa, gei nia wae o maa e hai be nia duludulu ulaula.  
\v 2 Mee dana beebaa wini dulii e mahuge i lodo dono lima. Mee gaa dugu dono wae gau donu gi hongo di moana, ge dono wae gau ihala gi hongo tenua,  
\v 3 gei mee gaa wolo dono lee gi nua gadoo be nia lee maaloo o nia laion. I muli hua dono wolowolo, gei nia atili e hidu ga helekai gi mee.  
\v 4 Nadau madagoaa hua ne helekai ai, gei au ne belee hihi nnelekai digaula, gei au ga longono di lee e helekai mai di langi, “Haga mmuni ina nnelekai nia atili e hidu, hudee hihia gi lala!”   
\p
\v 5 Tangada di langi ne mmada ginai au nogo duu i hongo di tai mo tenua ga dahi aga dono lima gau donu gi di langi,\x * \xo 10.5 \xt Exodus 20.11; Deuteronomy 32.40; Daniel 12.7; Amos 3.7\x*  
\v 6 ga hagamodu i di ingoo o God, dela e mouli gaa hana hua beelaa, dela ne hai di langi mo henuailala, di moana mo nia mee huogodoo i nadau lodo. Tangada di langi ga helekai, “Ma hagalee haga duai!  
\v 7 Di madagoaa togohidu dangada di langi ma ga ili dana ‘trumpet’, deelaa di madagoaa a God ga haga gila aga dana maanadu hagammuni, be dana haga iloo ang gi ana gau hai hegau, go nia soukohp.”   
\p
\v 8 Di lee dela ne hagalongo ginai au nogo helekai mai i di langi, ga helekai mai labelaa gi di au boloo, “Hana, kae ina di beebaa mahuge dela i lodo di lima tangada di langi dela e duu i hongo di tai mo tenua.”\x * \xo 10.8 \xt Ezekiel 2.8—3.3\x*   
\p
\v 9 Au gaa hana gi tangada di langi deelaa, ga helekai gi mee bolo gi gaamai gi di au di beebaa wini dulii. Gei mee ga helekai mai, “Kae ina geina, ma gaa mmala i lodo do dinae, gei ga maangala be nia mee maangala i lodo doo ngudu.”   
\p
\v 10 Au gaa kae di beebaa wini dulii i di lima o maa, gaa gai, gei di maa e maangala be nia mee maangala i lodo dogu ngudu. I muli dagu holo di maa, gei di maa guu mmala i lodo dogu dinae.  
\v 11 Mee ga helekai, “Goe e hai gi haga iloo labelaa nnelekai a God i di hai o nia henua llauehe, nia hagadilinga daangada henua, nia hagadilinga helekai, mo nia king.”   
\c 11  
\s1 Nia daangada haga modongoohia dogolua  
\p
\v 1 Di laagau ne gaamai gi di au e hai be di laagau hagatau mee, gei mee ga helekai mai, “Hana hagataulia di Hale Daumaha a God mo dono gowaa dudu tigidaumaha. Daulia digau ala e daumaha i lodo di Hale Daumaha.\x * \xo 11.1 \xt Ezekiel 40.3; Zechariah 2.1-2\x*  
\v 2 Malaa, hudee hagatau ina nia gowaa ala i di baahi gi tua, idimaa, ma guu wanga gi digau tuadimee, go digau ala ga dagadagahi di waahale haga madagu i lodo nia malama e madahaa maa lua.\x * \xo 11.2 \xt Luke 21.24\x*  
\v 3 Au ga hagau agu daangada hagadootonu dogolua ala e ulu nia gahu lodo huaidu, gei meemaa ga haga iloo nnelekai kokohp a God i lodo nia laangi e mana maa lua lau modoono (1,260).”   
\p
\v 4 Nia daangada hagadootonu dogolua la go nia laagau olib e lua mo nia lohongo malama e lua ala e tuu i mua di Tagi o henuailala.\x * \xo 11.4 \xt Zechariah 4.3,11-14\x*  
\v 5 Maa tangada ma ga helekai bolo ia e hagaduadua meemaa, di ahi ga hanimoi i lodo nau ngudu, ga daaligi nau hagadaumee. Deenei di hai e daaligi ai gii made tangada dela bolo ia e hagaduadua meemaa.  
\v 6 Meemaa nau mogobuna e tai di langi gi dee doo di uwa i lodo nau madagoaa ala e haga iloo nnelekai kokohp a God. Meemaa nau mogobuna labelaa i nia wai, e huli nia wai gii hai nia dodo. Meemaa nau mogobuna labelaa e hagaduadua henuailala i nia holongo ala e hiihai ginai ginaua.\x * \xo 11.6 \xt 1-Kings 17.1; Exodus 7.17-19; 1-Samuel 4.8\x*   
\p
\v 7 Nau madagoaa ma gaa lawa di haga iloo nau helekai, di manu hagamadagudagu dangada dela e hanaga i lodo di luwa dono dua ai, la ga heebagi gi meemaa. Gei mee ga haga magedaa meemaa, ga daaligi meemaa gii mmade.\x * \xo 11.7 \xt Daniel 7.7,21; Revelation 13.5-7; 17.8\x*  
\v 8 Gei nau huaidina la ga mmoemmoe hua i hongo di ala o di waahale deelaa, di gowaa dela ne daudau ai di nau Dagi. Di ingoo ada hagamodongoohia o di waahale la go Sodom, be go Egypt.\x * \xo 11.8 \xt Isaiah 1.9-10\x*  
\v 9 Nia daangada mai nia henua llauehe, madawaawa, nia hagadilinga helekai, mo nia hagadilinga daangada henua huogodoo, la gaa mmada gi nau huaidina i lodo nia laangi e dolu mo di baahi, gei digaula hagalee dumaalia gi dahi dangada gi danumia meemaa.  
\v 10 Nia daangada henuailala gu tenetene gi di nau mmade. Digaula gaa budu mo di hai nadau wanga dehuia i nadau mehanga, idimaa, nia soukohp dogolua aalaa nogo hagaduadua digau henuailala.  
\v 11 I muli nia laangi e dolu mo di baahi, gei di mouli mai i baahi o God ga ulu gi lodo meemaa, gei meemaa gaa tuu gi nua, gei nia daangada huogodoo ala ne mmada gi meemaa la gu mmaadagu huoloo.\x * \xo 11.11 \xt Ezekiel 37.10\x*  
\v 12 Gei nia soukohp dogolua ga longono di lee e helekai mai di langi gi meemaa, “Lloo aga gi kinei!” Meemaa gaa hula gi di langi i lodo di gololangi, gei nau hagadaumee nogo daumada meemaa.\x * \xo 11.12 \xt 2-Kings 2.11\x*  
\v 13 Di madagoaa hua deelaa, gei tenua gu ngalungalua, dahi baahi e madangaholu o di waahale gu mooho, nia daangada e hidu mana (7,000) la guu mmade. Nia daangada ala ne dubu, la gu mmaadagu huoloo, ga hagaamu nia mahi di God o di langi.\x * \xo 11.13 \xt Revelation 6.12; 16.18\x*   
\p
\v 14 Di lua hagamadagudagu dangada la guu lawa, gei di tolu hagamadagudagu dangada la ga limalima mai.   
\s1 Di hidu buu ‘trumpet’  
\p
\v 15 Togohidu dangada di langi ga ili dana buu ‘trumpet’. Gei nia lee llauehe gu i lodo di langi, e helekai,  
\q1 “Di mogobuna dela e dagi henuailala  
\q1 la guu hai di mee ni Dimaadua  
\q1 mo dana Mesaia,  
\q1 gei Mee gaa dagi gaa hana hua beelaa!”\x * \xo 11.15 \xt Exodus 15.18; Daniel 2.44; 7.14,27\x*   
\m
\v 16 Digau mmaadua aamua e madalua maa haa ala e noho i hongo nadau lohongo aamua i mua o God, gaa pala gi lala ga daumaha ang gi God,  
\v 17 ga helekai,  
\q1 “Dimaadua go di God Aamua Huoloo,  
\q1 dela i golo, ge nogo i golo!  
\q1 Gimaadou e danggee adu gi di Goe,  
\q1 bolo Goe dela guu kae  
\q1 do mogobuna maaloo,  
\q1 gei gu daamada guu dagi!   
\q1
\v 18 Digau digi maalama  
\q1 la gu hagawelewele huoloo,  
\q1 idimaa, di madagoaa o do hagawelewele  
\q1 la gu dau mai, go di madagoaa  
\q1 e hagi aga digau ala guu mmade.  
\q1 Di madagoaa la gu dae mai  
\q1 e wanga nia hui gi au gau hai hegau,  
\q1 nia soukohp, mo au daangada  
\q1 huogodoo ala e hagalaamua do ingoo,  
\q1 digau lligi mo digau aamua.  
\q1 Di madagoaa la gu dae mai  
\q1 e hagahuaidu digau  
\q1 ala e hagahuaidu henuailala!”\x * \xo 11.18 \xt Pisalem 2.5; 110.5; 115.13\x*   
\m
\v 19 Di Hale Daumaha o God dela i di langi la gu mahuge, gei Tebedebe o di Hagababa la gu gidee bolo gu i golo. Gei di ila gu dabadaba, nia lee atili gu haluihalulu, henuailala gu ngalungalua ge di uwa hadu kolii guu doo.\x * \xo 11.19 \xt Revelation 8.5; 16.18; 21\x*   
\c 12  
\s1 Di ahina mo di manu ‘dragon’  
\p
\v 1 Di ada haga gologolo dangada ga gila aga i di langi: Di ahina e hai dono gahu gi di laa, gei di malama la i lala ono babaawae. Gei e hai dono hau gi di hau madangaholu maa lua ono heduu.  
\v 2 Mee hoohoo ga haanau, di mmae mo di duadua o di haanau guu hai a mee gi dangidangi.   
\p
\v 3 Di ada labelaa ga gila aga i di langi: Di manu ‘dragon’ mmee damanaiee, ono libogo e hidu, ge madangaholu madaagoo, mo ono hau king dagidahi i hongo ono libogo.\x * \xo 12.3 \xt Daniel 7.7\x*  
\v 4 Dono hugu gaa mmoli dahi baahi e dolu o nia heduu gi daha mo di langi, gaa kili eia nia maa gi henuailala. Mee gaa duu i mua di ahina belee gai di tama a maa ma ga haanau.\x * \xo 12.4 \xt Daniel 8.10\x*  
\v 5 Di ahina deelaa ga haanau dana dama daane, dela gaa dagi nia henua llauehe huogodoo gi togodogo baalanga. Gei di tama la ga daa gi daha hagalimalima gaa lahi gi God i dono lohongo king.\x * \xo 12.5 \xt Isaiah 66.7; Pisalem 2.9\x*  
\v 6 Di ahina deelaa gaa lele gi di anggowaa, gi di gowaa a God ne hagatogomaalia gi mee, e madamada humalia ai ei mee i lodo nia laangi e mana maa lua lau modoono (1,260).   
\p
\v 7 Tauwa ga daamada i di langi. Michael mo ana gau di langi ga heebagi gi di manu ‘dragon’, gei di manu ‘dragon’ mo ana gau di langi ga heebagi gi digaula.\x * \xo 12.7 \xt Daniel 10.13,21; 12.1; Jude 9\x*  
\v 8 Gei di manu ‘dragon’ la gu magedaa, gei mee mo ana gau di langi la gu hagalee dumaalia ginai gii noho i di langi.  
\v 9 Di manu ‘dragon’ damanaiee la guu hudu gi daha mo di langi, deenei la go di gihaa namua dela e haga ingoo bolo ‘Devil’ be go Setan, dela e halahalau henuailala hagatau. Mee mo ana gau di langi huogodoo la ne kili gi lala gi henuailala.\x * \xo 12.9 \xt Genesis 3.1; Luke 10.18\x*   
\p
\v 10 Gei au ga longono di lee damana i di langi e helekai, “Dolomeenei di hagamouli a God la gu hanimoi! Dolomeenei tadau God gu hagi aga dono mogobuna king! Dolomeenei dana Mesaia gu hagi aga dono mogobuna dagi! Idimaa, Mee dela nogo duu i mua tadau God, nogo haga huaidu tadau duaahina hagadonu boo mo aa, la guu hudu gi daha mo di langi.\x * \xo 12.10 \xt Job 1.9-11; Zechariah 3.1\x*  
\v 11 Tadau duaahina hagadonu gu maaloo i mee, mai i nia dodo o Tama siibi mo mai i di tonu dela e hagadele go digaula. Digaula guu baba hua di dugu anga nadau mouli gii mmade, i di gili di tonu deelaa.  
\v 12 Goodou i di langi gi tenetene, go goodou huogodoo ala e noho i golo! Gei e huaidu huoloo ang gi henuailala mo di moana! Idimaa, Setan la gu hanimoi gi goolua, gei mee e hagawelewele huoloo, idimaa, mee e iloo ia bolo dono madagoaa dela e dubu la gu bodobodo.”   
\p
\v 13 Di madagoaa di manu ‘dragon’ ne iloo ia bolo ia guu hudu gi henuailala, geia ga daamada ga halahala di ahina dela ne haanau dana dama daane.  
\v 14 Nia bakau llauehe e lua o di manu ‘eagle’ ne wanga gi di ahina deelaa belee maangi iei mee gi dono lohongo i lodo di anggowaa, go di gowaa dela ga madamada humalia iei mee i nia ngadau e dolu mo di baahi, e benebene gi daha mo di manu ‘dragon’.\x * \xo 12.14 \xt Daniel 7.25; 12.7\x*  
\v 15 Di manu ‘dragon’ gaa bui ana wai mai i lodo dono ngudu i muli di ahina, bolo gi dehee a mee gi daha.  
\v 16 Gei henuailala ga hagamaamaa di ahina, ne huge dono ngudu, gaa holo nia wai ala ne lloomoi i di ngudu di manu ‘dragon’.  
\v 17 Di manu ‘dragon’ ga hagawelewele gi di ahina deelaa, gaa hana belee heebagi gi nia hagadili o di ahina, ala e daudali nnaganoho o God gei e manawa dahi gi di tonu dela ne hagagida go Jesus.  
\v 18 Gei di manu ‘dragon’ gaa duu i tongotai.   
\c 13  
\s1 Nia manu hagamadagudagu dangada e lua  
\p
\v 1 Gei au gaa mmada gi di manu hagamadagudagu dangada e hanaga gi daha mo di moana. Mee ono madaagoo e madangaholu, ge hidu ono libogo. I hongo nia madaagoo le e dagidahi hau king, gei i hongo nia libogo dagidahi la di ingoo dela e haganneennee a God.\x * \xo 13.1 \xt Daniel 7.3; Revelation 17.3,7-12\x*  
\v 2 Di manu le e dina gi di manu ‘leopard’, ono wae e hai be nia wae manu ‘bear’, ge dono ngudu e hai be di ngudu laion. Di manu ‘dragon’ gaa wanga gi di manu deenei ono mahi dagi, dono lohongo dagi, mo ono mogobuna dagi.\x * \xo 13.2 \xt Daniel 7.4-6\x*  
\v 3 Di libogo e dahi o di manu deelaa e hai be di mee guu tuu damana, gei di maa guu hili. Henuailala hagatau gu homouli gi di maa, ga daudali di manu deelaa.  
\v 4 Nia daangada huogodoo gu daumaha gi di manu ‘dragon’, i mee dela guu wanga ono mogobuna gi di manu hagamadagudagu dangada. Digaula gu daumaha labelaa gi di manu deelaa, mo di helekai, “Ma koai dela e hai be di manu hagamadagudagu dangada? Ma koai e mee di heebagi gi di maa?”   
\p
\v 5 Di manu hagamadagudagu dangada la gu dumaalia ginai gi heia ana helekai hagamuamua ala e haganneennee a God, gei mee guu wanga ginai di mogobuna dagi i lodo nia malama e madahaa maa lua.\x * \xo 13.5 \xt Daniel 7.8,25; 11.36\x*  
\v 6 Gei mee ga daamada ga helekai hagahuaidu i God, dono ingoo, dono gowaa e noho ai, mo digau huogodoo ala e noho i di langi.  
\v 7 Gei mee gu dumaalia ginai gi heebagi gi nia daangada a God mo di haga magedaa digaula, gei guu wanga labelaa ginai ono mogobuna e dagi nia madawaawa, nia henua llauehe, nia hagadilinga helekai, mo nia hagadilinga daangada henua huogodoo.\x * \xo 13.7 \xt Daniel 7.21\x*  
\v 8 Nia daangada huogodoo ala e noho i henuailala ga daumaha gi di maa, gei hagalee go digau ala nadau ingoo ne hihi i mua di hai o henuailala gi lodo di beebaa hagamouli a Tama siibi dela ne daaligi gii made.\x * \xo 13.8 \xt Pisalem 69.28\x*   
\p
\v 9 “Tangada ono dalinga i golo, gei mee gi hagalongo!  
\v 10 Tangada dela belee hai gii kumi, e mee hua di kumi. Tangada dela belee hai gi daaligi gi tulumanu dauwa gii made, e mee hua di daaligi gi tulumanu dauwa gii made. Deenei le e hai bolo nia daangada a God, la gii tuu maaloo mo di hagadonu manawa dahi.”\x * \xo 13.10 \xt Jeremiah 15.2; 43.11\x*   
\p
\v 11 Au gaa mmada labelaa gi tuai manu hagamadagudagu dangada e hanaga gi daha mo tenua. Di manu ono madaagoo e lua, e dina gi nia madaagoo tama siibi dulii, gei mee e helekai be di manu ‘dragon’.  
\v 12 Mee e hai hegau gi nia mogobuna hagatau o di manu matagidagi e pono dono lohongo. Mee e huuhuli henuailala mo ono daangada huogodoo ala e noho i golo bolo gi daumaha ang gi di manu matagidagi dela guu hili dono gowaa ne tuu damana.  
\v 13 Di lua manu deenei la gaa hai ana mogobuna haga goboina, e hai di ahi gi haneia i di langi gi henuailala i mua nia golomada o nia daangada huogodoo.  
\v 14 Gei mee gu halahalau nia daangada huogodoo ala e noho i henuailala gi nia mogobuna ala ne dugu anga bolo gi heia i mua nia golomada o di manu matagidagi, gei mee ga helekai gi digaula gi heia di nadau ada balu god e hagalaamua di manu dela ne tuu gi tulumanu dauwa, gei mee e mouli hua.  
\v 15 Di lua manu la gu dumaalia ginai gi ilihia di mouli gi lodo di ada balu god o di manu matagidagi, bolo gii mee dana helekai, mo di daaligi gii mmade digau huogodoo ala hagalee daumaha ang gi di ada balu god deelaa.  
\v 16 Di manu hagamadagudagu dangada ga huuhuli nia daangada huogodoo, digau lligi mo aamua, digau maluagina mo hagaloale, nia hege mo digau moholo, bolo gi heia di hagailongo i hongo nadau lima gau donu be i hongo nadau lae.  
\v 17 Deai tangada e mee di hui be e hui ana mee gi daha ai, maa ia dono hagailongo ai, be go di ingoo o di manu hagamadagudagu dangada, be go di nambaa dela e hagamodongoohia di ingoo deelaa.   
\p
\v 18 Di mee deenei le e humalia e hai gi iloo. Be koai hua dela e kabemee, geia e mee di gida tadinga di nambaa o di manu deelaa, idimaa, di nambaa deenei le e hagamodongoohia di ingoo dangada. Di nambaa di maa le e ono lau modoono maa ono (666).   
\c 14  
\s1 Tama siibi mo ana daangada  
\p
\v 1 Gei au gaa mmada, ga gidee Tama siibi e duu i hongo di gonduu Zion, gei nia daangada dogo lau madahaa maa haa mana (144,000) guu hihi ginai di ingoo Tama siibi mo di ingoo o dono Damana i hongo nadau lae, e tuu i baahi o Mee.\x * \xo 14.1 \xt Ezekiel 9.4; Revelation 7.3\x*  
\v 2 Gei au ga longono di lee mai di langi, e hai be di lee monowai doo, ge hai labelaa be di lee atili damana. Di lee le hai be taahili ne daahili gi nia mee hai daahili ‘harp’.  
\v 3 Nia daangada dogo lau madahaa maa haa mana (144,000) nogo tuu i mua di lohongo king mo i mua nia manu mouli e haa, mo i mua nia daangada mmaadua aamua. Digaula nogo dadaahili taahili hoou, deai tangada e mee di kabe di maa ai, ala hua go ginaadou. Aanei hua digau ala ne haga dagaloaha belee haga mouli.  
\v 4 Digau aanei la go nia daane ala digi hagapuni gi nia ahina, i ginaadou digi kii loo i baahi nia ahina. Digaula digi iloo di huaidu. Digaula e daudali Tama siibi gi nia gowaa huogodoo ala e hana ginai Mee. Aanei go ginaadou ala ne haga dagaloaha mai digau henuailala, ginaadou go tigidaumaha matagidagi loo ang gi God mo Tama siibi.  
\v 5 Digaula digi hai loo nadau kai tilikai. Digaula digi hai loo nadau hai hala.\x * \xo 14.5 \xt Zephaniah 3.13\x*   
\s1 Digau di langi dogodolu  
\p
\v 6 Nomuli, gei au gaa mmada labelaa gi tuai dangada di langi e mamaangi i lodo di ahiaalangi mo dana Longo Humalia dee odi belee haga iloo ang gi nia daangada henuailala, nia daangada henua, nia madawaawa, nia helekai, mo nia henua llauehe huogodoo.  
\v 7 Mee ga helekai gi nua, “Hagalaamua ina God mo hagaamuina dono aamua! Idimaa, di madagoaa e hagi aga digau henuailala la gu dae mai. Daumaha gi Mee dela ne hai di langi mo henuailala, di moana mo nia monowai!”   
\p
\v 8 Togolua dangada di langi ga daudali tangada di langi matagidagi, ga helekai, “Ma gu mooho! Di waahale aamua Babylon gu mooho! Mee guu hai nia daangada huogodoo gi inu ana waini, go nia waini maaloo o ana hiihai mouli hai be di manu dela e hagahuaidu dangada.”\x * \xo 14.8 \xt Isaiah 21.9; Jeremiah 51.8; Revelation 18.2\x*   
\p
\v 9 Togodolu dangada di langi ga daudali nia daangada di langi dogolua aanei, ga helekai gi nua, “Be koai hua ga daumaha gi di manu hagamadagudagu dangada mo dono ada, gaa kae di hagailongo i hongo dono lae be i hongo dono lima,  
\v 10 geia ga inu nia waini a God, go nia waini maaloo o dono hagawelewele, dela ne dui go Mee gi lodo di ibu o dono hagawelewele! Digau huogodoo ma ga inu nia waini aanei, le e haga mmaemmae i lodo di ahi ‘sulfur’ wele ngongoaa i mua digau di langi haga madagu mo Tama siibi.\x * \xo 14.10 \xt Isaiah 51.17; Genesis 19.24; Ezekiel 38.22\x*  
\v 11 Nia huiahi o di ahi dela e haga mmaemmae digaula, le e buu gi nua gaa hana hua beelaa. Di hagamolooloo boo mo aa ai, ang gi digau ala e daumaha ang gi di manu mo dono ada, mo digau huogodoo ala guu kae di hagailongo o dono ingoo.”\x * \xo 14.11 \xt Isaiah 34.10\x*   
\p
\v 12 Di mee deenei le e hai bolo nia daangada a God la gii tuu maaloo i lodo nadau hagadonu, go digau ala e daudali nnelekai a God, gei e manawa dahi ang gi Jesus.   
\p
\v 13 Nomuli, gei au ga longono di lee mai di langi e helekai, “Hihia di mee deenei: Danginei gaa hana gi muli, e maluagina go digau ala e mmade i lodo nnegau o Tagi!”  
\p Di Hagataalunga ga helekai, “Uaa, digaula ga hagamolooloo mai i nadau hegau haingadaa, idimaa, nia huwa o nadau hegau le e hula dalia ginaadou.”   
\s1 Di hagi o henuailala  
\p
\v 14 Nomuli, gei au gaa mmada, ga gidee di baahi gololangi kene e noho ai no nua di mee e dina be tangada, e hai dono hau goolo i hongo dono libogo, mo dana kamaa ‘sickle’ gaa i lodo dono lima.\x * \xo 14.14 \xt Daniel 7.13\x*  
\v 15 Tuai dangada di langi ga ulu gi daha mo di Hale Daumaha, geia gaa wolo gi nua ang gi tangada dela e noho i hongo di gololangi, “Hai hegau gi dau kamaa ‘sickle’, daamada haadia nia huwa laagau, idimaa, di madagoaa la gu dae mai, ge henuailala la gu mmaadua, gu humalia di hadi!”\x * \xo 14.15 \xt Joel 3.13\x*  
\v 16 Gei tangada dela nogo i hongo di gololangi ga haangi dana kamaa ‘sickle’ gi hongo henuailala, gei henuailala guu hadi ono huwa laagau huogodoo.   
\p
\v 17 Gei au gaa mmada labelaa gi tuai dangada di langi e ulu gi daha mo di Hale Daumaha i di langi, gei mee e daahi labelaa dana kamaa ‘sickle’ gaa.   
\p
\v 18 Gei tuai dangada di langi labelaa, go tangada dela e dagi di ahi, ga hanimoi i di gowaa dudu tigidaumaha. Gei mee gaa wolo gi nua ang gi tangada di langi dela e daahi dana kamaa ‘sickle’, “Hai hegau gi dau kamaa ‘sickle’, haadia nia huwa laagau ‘grape’ mai di hadagee waini o henuailala, idimaa, nia huwa laagau ‘grape’ la gu mmaadua!”  
\v 19 Gei tangada di langi ga haangi dana kamaa ‘sickle’ gi hongo henuailala, gaa hagi nia huwa laagau ‘grape’, gaa kili nia maa gi lodo di gowaa dagadagahi waini o di hagawelewele damanaiee a God.  
\v 20 Nia huwa laagau ‘grape’ aalaa ga dagadagahi i lodo di gowaa dagadagahi waini i tua di waahale, gei nia dodo ga hali mai gi daha mo di gowaa dagadagahi waini deelaa, guu hai di monowai dodo nia maele e lua lau dono looloo, holongo nia piidi e ono di llala.\x * \xo 14.20 \xt Isaiah 63.3; Lamentations 1.15; Revelation 19.15\x*   
\c 15  
\s1 Digau di langi mo nia hagaduadua haga muliagina  
\p
\v 1 Nomuli, gei au gaa mmada gi di ada mee i di langi dela e aamua gei e haga gologolo dangada huoloo. Digau di langi dogohidu e daahi nia hagaduadua haga muliagina e hidu, idimaa, nia hagaduadua aanei, la go di hagi aga haga muliagina o di hagawelewele o God.   
\p
\v 2 Nomuli, gei au gaa mmada gi di mee e hai be tai kalaadi dela ne unugi gi di ahi. Au gaa mmada labelaa gi digau ala ne maaloo i di manu hagamadagudagu dangada mo dono ada, ge gu maaloo labelaa i di manu dela dono ingoo e hagamodongoohia go di nambaa. Digaula e tuu i baahi di tai kalaadi, e daahi nadau mee hai daahili ‘harp’ ala ne wanga go God gi digaula.  
\v 3 Digaula e daahili taahili a Moses, tangada hai hegau a God, mo taahili Tama siibi,  
\q1 “Dimaadua go di God Aamua,  
\q1 au mee ala ne hai le e aamua  
\q1 gei e humalia!  
\q1 Di King o nia henua llauehe,  
\q1 oo ala e hai donu, gei e donu huoloo!\x * \xo 15.3 \xt Exodus 15.1\x*   
\q1
\v 4 Meenei Dimaadua,  
\q1 ma koai dela hagalee hagalaamua Goe?  
\q1 Ma koai dela hagalee hagaamu do ingoo?  
\q1 Kooe hua dela e dabuaahia.  
\q1 Nia henua llauehe huogodoo ga lloomoi  
\q1 e daumaha adu gi di Goe, idimaa,  
\q1 au hegau hai donu gu modongoohia  
\q1 i mua nia daangada huogodoo.”\x * \xo 15.4 \xt Jeremiah 10.7; Pisalem 86.9\x*   
\m
\v 5 Nomuli, gei au gaa mmada gi di Hale Daumaha i di langi e mahuge, gei di Hale laa Haga madagu i ono lodo.\x * \xo 15.5 \xt Exodus 38.21\x*  
\v 6 Digau di langi dogohidu nogo daahi nia hagaduadua e hidu ga ulu mai gi daha mo di Hale Daumaha, e ulu nia gahu lenge dingidingia, gei nia duu goolo e daabui nadau hadahada.  
\v 7 Di manu e dahi i nia manu mouli e haa gaa wanga gi digau di langi dogohidu nia boolo goolo e hidu guu honu i di hagawelewele o God, dela e mouli gaa hana hua beelaa.  
\v 8 Di Hale Daumaha la guu honu huiahi mai di madamada mo nia mahi o God. Deai tangada e mee di ulu gi lodo di Hale Daumaha deelaa ai, gaa dae loo gi di lawa o nia hagaduadua e hidu ala ne gaamai go digau di langi dogohidu.\x * \xo 15.8 \xt Exodus 40.34; 1-Kings 8.10-11; 2-Chronicles 5.13-14; Isaiah 6.4\x*   
\c 16  
\s1 Nia boolo o di hagawelewele o God  
\p
\v 1 Nomuli, gei au ga longono di lee damana e helekai mai i di Hale Daumaha ang gi digau di langi dogohidu, “Hula, llingia nia boolo e hidu ala e honu i di hagawelewele o God gi hongo henuailala!”   
\p
\v 2 Tangada di langi matagidagi gaa hana gaa dui dana boolo gi hongo henuailala. Gei nia magibala huaidu e mmaemmae huoloo la ga kila aga i baahi digau ala gu maaga gi di hagailongo o di manu hagamadagudagu dangada, mo digau ala nogo daumaha gi di ada o di manu hagamadagudagu dangada.\x * \xo 16.2 \xt Exodus 9.10\x*   
\p
\v 3 Togolua dangada di langi gaa dui dana boolo gi hongo di moana. Gei nia wai guu hai be nia dodo o tangada made, gei nia manu mouli huogodoo i lodo di moana la guu mmade.   
\p
\v 4 Togodolu dangada di langi gaa dui dana boolo gi hongo nia monowai mo nia dama monowai, gei nia wai guu hai nia dodo.\x * \xo 16.4 \xt Exodus 7.17-21; Pisalem 78.44\x*  
\v 5 Gei au ga longono tangada di langi dela e dagi nia wai e helekai, “Meenei, Tangada Dabu, Goe dela i golo dolomeenei, ge nogo i golo mai mua. Au hagi aga ala ne hai, le e hai donu!  
\v 6 Idimaa, digaula la gu haga hali nia dodo o au daangada mo au soukohp, gei goe guu wanga nia dodo gi digaula bolo gi inumia. Digaula e kae nia mee ala e tau ang gi di hui o nadau hala ala ne hai.”  
\v 7 Nomuli, gei au ga longono di lee e helekai mai i di gowaa dudu tigidaumaha, “Dimaadua go di God Aamua Huoloo! Dau hagi aga le e donu gei e hai donu!”   
\p
\v 8 Togohaa dangada di langi gaa dui dana boolo gi hongo di laa, gei di laa la gu dumaalia ginai gi duungia nia daangada gi di welengina maaloo dangihi.  
\v 9 Digaula guu dudu go di welengina maaloo dangihi deelaa, gei digaula gu hagahuaidu di ingoo o God, dela nogo dagi nia hagaduadua aanei. Malaa, digaula digi huli gi daha mo nadau ihala, ge digi hagaamu ina di aamua o God.   
\p
\v 10 Togolima dangada di langi gaa dui dana boolo gi hongo di lohongo aamua o di manu hagamadagudagu dangada. Gei di bouli gu haga bouli tenua o di manu deelaa, gei nia daangada ga gadigadi nadau holole, idimaa, digaula gu mmaemmae huoloo.\x * \xo 16.10 \xt Exodus 10.21\x*  
\v 11 Gei digaula gu hagahuaidu di God o di langi, idimaa, digaula guu mmae ge gu magibala. Malaa, digaula digi huli gi daha mo nadau haihai huaidu.   
\p
\v 12 Togo ono dangada di langi gaa dui dana boolo gi hongo di monowai damana go Euphrates. Di monowai gu maangoo, belee hagatogomaalia di ala i mua nia king ala ga lloomoi i bahi i dua.\x * \xo 16.12 \xt Isaiah 11.15\x*  
\v 13 Gei au gaa mmada gi nia hagataalunga dogolia dogodolu e hai gadoo be nia kailuu. Digaula ne lloomoi i lodo di ngudu o di manu ‘dragon’, di ngudu di manu hagamadagudagu dangada, mo di ngudu soukohp dilikai.  
\v 14 Digaula la go nia hagataalunga huaidu ala nogo hai nadau mogobuna. Nia hagataalunga dogodolu aanei, le e hula gi nia king henuailala huogodoo, e gahigahi mai digaula gi di gowaa e dahi, ang gi tauwa dela gaa hai i di Laangi damana o di God Aamua Huoloo.   
\p
\v 15 “Goodou mmada! Au e hanimoi gadoo be tangada gaiaa! E maluagina go tangada dela e ala, gei e madamada humalia i ono gahu, gi de heehee ono goloo ai, ga langaadia i mua nia daangada!”\x * \xo 16.15 \xt Matthew 24.43-44; Luke 12.39-40; Revelation 3.3\x*   
\p
\v 16 Nia hagataalunga aalaa ga haga dagabuli nia king gi di gowaa e dahi, i di gowaa dela e haga ingoo i telekai Hebrew bolo “\tl Armageddon”.\tl*\x * \xo 16.16 \xt 2-Kings 23.29; Zechariah 12.11\x*   
\p
\v 17 Togohidu dangada di langi gaa dui dana boolo gi lodo di ahiaalangi, gei di lee damana ga hanimoi i di lohongo king i lodo di Hale Daumaha, e helekai boloo, “Ma guu lawa di hai!”  
\v 18 Nomuli hua, gei nia ila ga dabadaba, nia lee hamuhamumu, nia lee atili, mo di ngalungalua damanaiee o tenua gaa hai. Deai di ngalungalua o tenua beenei ne hai i mua ai, mai di laangi ne hai ai nia daangada, deenei hua di ngalungalua o tenua dela e kaedahi e huaidu huoloo!\x * \xo 16.18 \xt Revelation 8.5; 11.13; 19\x*  
\v 19 Di waahale aamua la gu mahaa dolu, gei nia waahale o nia henua huogodoo la gu mooho. God ne langahia di waahale aamua go Babylon, gaa hai a mee gi inu nia waini o dana ibu, go nia waini o dono hagawelewele damana.\x * \xo 16.19 \xt Isaiah 51.17\x*  
\v 20 Nia henua huogodoo gu hagalee, nia gonduu huogodoo la guu nngala.\x * \xo 16.20 \xt Revelation 6.14\x*  
\v 21 Nia uwa hadu magalillili llauehaa, taamaha di hadu e dahi la nia pauna e lau, ga too ia i di langi gi hongo nia daangada. Gei digaula ga hagahuaidu a God i nadau hagaduadua go God gi nia uwa hadu magalillili aanei, idimaa, ma di hagaduadua huaidu huoloo.\x * \xo 16.21 \xt Exodus 9.23; Revelation 11.19\x*   
\c 17  
\s1 Di ahina huihui dono huaidina  
\p
\v 1 Gei tangada e dahi i nia daangada di langi dogohidu ala nogo daahi nadau boolo e hidu, ga hanimoi gi di au ga helekai, “Hanimoi, gei au ga hagi adu di hai e hagaduadua di ahina huihui dono huaidina, go mee dela go di waahale damana dela ne hau hoohoo gi nia monowai e logo.\x * \xo 17.1 \xt Jeremiah 51.13\x*  
\v 2 Nia king o henuailala la guu hai di hai be di manu i baahi di ahina deenei, gei nia daangada o henuailala gu libaliba i di nadau inuinu nia waini i di mouli hai be di manu i baahi di ahina deelaa.”\x * \xo 17.2 \xt Isaiah 23.17; Jeremiah 51.7\x*   
\p
\v 3 Di Hagataalunga guu dagi au, gei tangada di langi gaa lahi au gi di anggowaa. Gei au gaa mmada gi di ahina e noho i hongo di manu hagamadagudagu dangada mmee, ono libogo e hidu ge madangaholu madaagoo. Dono gili guu buni ingoo hagahuaidu a God.\x * \xo 17.3 \xt Revelation 13.1\x*  
\v 4 Di ahina la nogo ulu di gahu gono mmee halatee, ge gono mmee, e laageia gi nia mee humu mee ne hai gi nia goolo, nia hadu hagalabagau, mo nia hadu lodo baehua. I lodo dono lima, mee nogo daahi dana ibu goolo e honu nia mee gulugulua ge dogolia, go nia mee ne hidi mai i dono mouli hai be di manu.\x * \xo 17.4 \xt Jeremiah 51.7\x*  
\v 5 Di ingoo dela e hihi i hongo dono lae la dono hadinga hagammuni deenei: “Babylon Aamua, go tinana o nia ahina huihui nadau huaidina huogodoo, mo di gowaa e hidi ai nia haihai gulugulua huogodoo i henuailala.”  
\v 6 Gei au gaa mmada bolo di ahina le e libaliba i nia dodo o nia daangada a God mo nia dodo o digau ala ne daaligi gii mmade, idimaa, digaula nogo daudali a Jesus.  
\p Dogu madagoaa ne mmada gi mee, gei au gu goboina huoloo.  
\v 7 Tangada di langi deelaa ga heeu mai gi di au, “Goe e goboina di aha? Au ga hagi adu gi di goe tadinga hagammuni o di ahina mo di manu hagamadagudagu dangada dela ne lahi a mee i ono nua, go di manu ono libogo e hidu ge madangaholu ono madaagoo.  
\v 8 Di manu hagamadagudagu dangada nogo mouli, gei dolomeenei gu hagalee mouli. Mee hoohoo ga hanaga gi daha mo lodo di luwa dono dua ai, gaa hana gi daha, ga hagahuaidu. Nia daangada e noho i henuailala, ala digi hihia nadau ingoo gi lodo di beebaa o digau hagamouli i mua di hai o henuailala, la ga goboina i di nadau mmada gi di manu deelaa. Di manu la nogo mouli, gei dolomeenei gu hagalee mouli, malaa, mee e gila aga labelaa.\x * \xo 17.8 \xt Daniel 7.7; Revelation 11.7; Pisalem 69.28\x*   
\p
\v 9 “Di mee deenei le e humalia e hai gi iloo ge gi modongoohia. Nia libogo e hidu la go nia gonduu e hidu ala e noho ai di ahina i nonua. Nia libogo e hidu la go nia king e hidu labelaa.  
\v 10 Nia king dogolima la gu hagalee, gei e dahi e dagi hua igolo, gei e dahi digi hanimoi. Mee ga hanimoi, le e dagi hua i lodo di madagoaa bodobodo.  
\v 11 Gei di manu hagamadagudagu dangada dela nogo mouli i mua ge dolomeenei la gu hagalee mouli, la go togowalu king, tangada i nia king dogohidu, gei mee e hana gi daha, e hai gi daaligi.   
\p
\v 12 “Nia madaagoo e madangaholu ala ne gidee e goe la go nia king dilongoholu ala digi daamada di dagi, gei digaula ga dugu anga ginai nia mogobuna e dagi be nia king i lodo di aawaa hua e dahi, dalia di manu hagamadagudagu dangada.\x * \xo 17.12 \xt Daniel 7.24\x*  
\v 13 Digau dilongoholu aanei, le e hai mee gi tadinga hua e dahi, gei digaula gaa wanga nadau mogobuna mo nadau donu dagi gi di manu hagamadagudagu dangada.  
\v 14 Digaula ga heebagi gi Tama siibi, gei Tama siibi mo ana gau ne gahi, ana gau ne hilihili, mo ana gau manawa dahi, la ga haga magedaa digaula, idimaa, Mee go Tagi o nia dagi, di King o nia king.”   
\p
\v 15 Tangada di langi ga helekai mai labelaa gi di au, “Nia monowai ne mmada ginai goe e noho di ahina huaidu nonua, la go nnenua llauehe, nia daangada, nia hagadilinga daangada henua, mo nia hagadilinga helekai.  
\v 16 Nia madaagoo e madangaholu ne mmada ginai goe mo di manu hagamadagudagu dangada, la ga de hiihai gi di ahina huaidu deelaa. Digaula ga daa gi daha nia mee a maa huogodoo, gaa hai a mee gii noho ono goloo ai. Digaula gaa gai nia goneiga o maa, gaa dudu a mee gi di ahi gi hagalee.  
\v 17 Idimaa, God gu haga honu nadau maanadu e haga gila dono manawa, e hai nadau maanadu be di mee e dahi, e wanga nadau mogobuna dagi gi di manu hagamadagudagu dangada, gaa dae loo gi di kila aga nnelekai a God.   
\p
\v 18 “Di ahina dela ne mmada ginai goe, go di waahale aamua dela e dagi nia king o henuailala.”   
\c 18  
\s1 Di mooho o Babylon  
\p
\v 1 I muli nia mee aanei, gei au gaa mmada gi tuai dangada di langi e haneia i di langi. Mee dono mogobuna damana, gei di madamada o maa gu haga maahina henuailala hagatau.  
\v 2 Mee gaa wolo gi nua, “Mee gu mooho! Babylon damana lagu mooho! Gei dolomeenei, mee guu hai di gowaa e noho ai nia balu god mo nia hagataalunga gulugulua, nia hagadilinga manu mamaangi gulugulua ge haga ginagina dangada.\x * \xo 18.2 \xt Isaiah 13.21; 21.9; Jeremiah 50.39; 51.8; Revelation 14.8\x*  
\v 3 Nia henua huogodoo gu inu nia waini o maa, go nia waini maaloo o ana haihai huaidu. Nia king o henuailala guu hai di hai be di manu i baahi o mee, gei digau huihui mee o henuailala gu maluagina mai dono hagagailaa hiihai.”\x * \xo 18.3 \xt Isaiah 23.17; Jeremiah 51.7\x*   
\p
\v 4 Gei au ga longono tuai lee mai di langi, e helekai,  
\q1 “Agu daangada, lloomoi gi daha!  
\q1 Lloomoi gi daha mo mee!  
\q1 Goodou hudee dau  
\q1 e hai nia huaidu a maa!  
\q1 Goodou hudee madalia  
\q1 nia hagaduadua o maa!\x * \xo 18.4 \xt Isaiah 48.20; Jeremiah 50.8; 51.6,45\x*   
\q1
\v 5 Idimaa, nia hala o maa gu logo  
\q1 waahee, guu tugi i di langi i nua,  
\q1 gei God e langahia  
\q1 nia hangaahai huaidu o maa.\x * \xo 18.5 \xt Genesis 18.20-21; Jeremiah 51.9\x*   
\q1
\v 6 Heia gi mee be dana hai  
\q1 nogo hai adu gi goodou.  
\q1 Huia haga lua gi mee ana mee  
\q1 huogodoo ala ne hai adu gi goodou.  
\q1 Haga hau lia dana ibu gi nia dagaao  
\q1 maaloo holongo haga lua i ana dagaao  
\q1 ala ne gowadu gi goodou.\x * \xo 18.6 \xt Pisalem 137.8; Jeremiah 50.29\x*   
\q1
\v 7 Wanga ina dono hagaduadua  
\q1 mo dono lodo huaidu, gadoo be di  
\q1 madamada mo di haga manawa lamalia  
\q1 dela ne bida wanga go mee gi deia.  
\q1 Idimaa, mee nogo bida helekai hua  
\q1 i deia boloo,  
\q1 ‘Deenei au di ahina king e noho i ginei!  
\q1 Au hagalee di ahina guu made dogu lodo,  
\q1 au hagalee tale ang gi di lodo huaidu!’\x * \xo 18.7 \xt Isaiah 47.7-9\x*   
\q1
\v 8 Ma dela guu hai beenei,  
\q1 nia hagaduadua aanei gaa tale gi mee  
\q1 i lodo di laangi e dahi: di magi pale,  
\q1 lodo huaidu, mo tau magamaga.  
\q1 Mee gaa dudu gi di ahi, idimaa,  
\q1 Dimaadua God dela e mogobuna huoloo  
\q1 le e hagi aga a mee.”   
\m
\v 9 Nia king o henuailala ala nogo dau gi ana haihai huaidu mo ana hiihai huaidu, la ga tangi wawwawe i di nadau gidee di huiahi o di ulaula dela e dudu a mee.\x * \xo 18.9 \xt Ezekiel 26.16-17\x*  
\v 10 Digaula e tuu mai hagamogowaa, idimaa, digaula e mmaadagu di dau ang gi nia hagaduadua o maa. Digaula ga helekai,  
\q1 “E hagamadagudagu dangada!  
\q1 E hagamadagudagu dangada!  
\q1 Go Babylon di waahale aamua ge maaloo!  
\q1 Do hagaduadua la ne hai hua  
\q1 i lodo di aawaa hua e dahi!”   
\m
\v 11 Digau huihui mee o henuailala le e tangi wawe labelaa mo di lodo huaidu i mee, idimaa, ma gu hagalee digau e hui nadau goloo aanei ai:\x * \xo 18.11 \xt Ezekiel 27.31,36\x*  
\v 12 nia goolo, silber, hadu hagalabagau, hadu lodo baehua, nia gahu ne hai gi nia gahu lenge madammaa, gahu gono mmee halatee, gahu ‘silk’, gahu gono mmee malama, nia hagadilinga laagau kida ngadaa, nia hagadilinga mee ne hai gi nia madaagoo manu, mono laagau hui ngadaa, baalanga mmee, baalanga ‘iron’, mono hadu hamaaloo,\x * \xo 18.12 \xt Ezekiel 27.12,13,22\x*  
\v 13 mo nia mee haga kala meegai ‘cinnamon’, ‘spice’, nia mee haga kala ‘incense’, ‘myrrh’ mo nia ‘frankincense’, nia waini, mono lolo olib, palaawaa mo nia palaawaa ‘wheat’, kau mo nia siibi, hoodo mo nia kulumaa, nia hege mo nia mouli o nia daangada.  
\v 14 Digau huihui mee ga helekai gi mee, “Nia goloo huogodoo ala nogo hiihai ginai goe bolo e hai au mee la gu hagalee, o maluagina mo o goloo madamada huogodoo gu hagalee, gei goe e deemee di gidee labelaa nia maa!”  
\v 15 Digau huihui mee ne maluagina i nadau huihui mee i lodo di waahale deelaa gaa tuu hagamogowaa i mee, idimaa, digaula e mmaadagu di dau gi nia hagaduadua o maa. Digaula ga tangitangi mo lodo huaidu,\x * \xo 18.15 \xt Ezekiel 27.31,36\x*  
\v 16 ga helekai,  
\q1 “E hagamadagudagu dangada!  
\q1 E hagamadagudagu dangada!  
\q1 Di waahale aamua nogo uluulu  
\q1 nia gahu lenge madammaa,  
\q1 nia gahu gono mmee halatee  
\q1 gei e mmee malama,  
\q1 gei e laageia gi nia mee humu goolo,  
\q1 nia hadu hagalabagau  
\q1 mo nia hadu lodo baehua!   
\q1
\v 17 Gei i lodo hua di aawaa e dahi,  
\q1 di maluagina hagatau deenei  
\q1 gu hagalee i baahi o mee!”  
\m Nia gaabinu wagabaalii huogodoo, nia basinsa, digau ngalua hongo waga, mo digau huogodoo ala nogo mouli i hongo di moana guu tuu hagamogowaa i mee,\x * \xo 18.17 \xt Isaiah 23.14; Ezekiel 27.26-30\x*  
\v 18 gaa tangi i di nadau mmada gi di huiahi mai di ulaula dela e dudu a mee, ga helekai, “Deai di waahale be di waahale damana beenei ai!”\x * \xo 18.18 \xt Ezekiel 27.32\x*  
\v 19 Digaula gaa kili nadau gelegele dogolia gi hongo nadau libogo, gaa tangi mo di lodo huaidu, ga helekai,  
\q1 “E hagamadagudagu dangada!  
\q1 E hagamadagudagu dangada!  
\q1 Di waahale aamua deenei, la di waahale  
\q1 ne haga maluagina digau huogodoo  
\q1 ala nogo deledele nia wagabaalii!  
\q1 Gei i lodo hua di aawaa hua e dahi,  
\q1 gei mee gu hagalee ana mee ai!”\x * \xo 18.19 \xt Ezekiel 27.30-34\x*   
\m
\v 20 Di langi la gi tenetene gi di mooho o maa. Goodou go nia daangada a God, mo digau agoago hagau, mo nia soukohp, goodou la gi tenetene. Idimaa, God gu hagahuaidu a mee e hui dana hai dela ne hai adu gi goodou!\x * \xo 18.20 \xt Deuteronomy 32.43; Jeremiah 51.48\x*   
\p
\v 21 Tangada di langi maaloo ga dahi aga dana hadu damana gadoo be di hadu olo palaawaa, gaa hudu gi lodo di moana, ga helekai, “Deenei di hai e hudu gi daha di waahale aamua go Babylon, ga deemee di mmada ginai tangada labelaa.\x * \xo 18.21 \xt Jeremiah 51.63-64; Ezekiel 26.21\x*  
\v 22 Nia daahili ala e huwa gi di ‘harp’ mo nia lee dangada, digau ala e hai hegau gi nia ‘flute’, mo nia buu ‘trumpet’ ga dee longono! Digau ngalua o nia moomee huogodoo ga hagalee, di lee o di hadu olo palaawaa ga hagalee longono mai do baahi!\x * \xo 18.22 \xt Ezekiel 26.13; Isaiah 24.8\x*  
\v 23 Di maahina o di malama ga hagalee. Nia lee o nia daane mo nia ahina hai lodo la ga hagalee longono mai i do baahi. Au gau huihui mee la nogo kaedahi e maaloo nadau moomee i henuailala hagatau, gei goe gu halahalau digau henuailala gi au buubuu dilikai!”\x * \xo 18.23 \xt Jeremiah 7.34; 25.10\x*   
\p
\v 24 Babylon la ne hagaduadua, idimaa, nia dodo o nia soukohp mo nia daangada a God la guu kida i lodo di waahale deelaa, go nia dodo o digau huogodoo ala ne daaligi gii mmade i henuailala.\x * \xo 18.24 \xt Jeremiah 51.49\x*   
\c 19  
\p
\v 1 I muli hua nia mee aanei, gei au ga longono di lee damana e hai be nia lee digau dogologo i di langi, e helekai,  
\q1 “Hagaamuina God!  
\q1 Di haga mouli, di madamada  
\q1 mo di maaloo la nia mee ni Mee  
\q1 go tadau God!   
\q1
\v 2 Ana hagi aga le e donu  
\q1 gei e hai donu!  
\q1 Mee gu hagi aga di ahina huihui  
\q1 dono huaidina dela ne dagi henuailala  
\q1 gi lodo ono hangaahai huaidu.  
\q1 God ne hagaduadua a mee,  
\q1 i mee dela ne daaligi gii mmade  
\q1 digau hai hegau a God.”\x * \xo 19.2 \xt Deuteronomy 32.43; 2-Kings 9.7\x*   
\m
\v 3 Digaula ga wwolo labelaa gi nua,  
\q1 “Hagaamuina God!  
\q1 Di huiahi mai di ulaula dela e dudu  
\q1 di waahale damana,  
\q1 le e gohu gi nua, gaa hana hua beelaa!”\x * \xo 19.3 \xt Isaiah 34.10\x*   
\m
\v 4 Digau mmaadua aamua e madalua maa haa mo nia manu mouli e haa gaa pala gi mua, ga daumaha ang gi God, dela e noho i hongo di lohongo king. Digaula ga helekai,  
\q1 “E donu! Hagaamuina God!”   
\s1 Tagamiami haga hai lodo a Tama siibi  
\p
\v 5 Di lee ga hanimoi i di lohongo king,  
\q1 “Digau hai hegau huogodoo a God  
\q1 mo nia daangada huogodoo,  
\q1 digau aamua mono gau lligi  
\q1 ala e hagamadagudia a Mee,  
\q1 la gi hagaamuina tadau God!”\x * \xo 19.5 \xt Pisalem 115.13\x*   
\m
\v 6 Nomuli, gei au ga longono di lee be nia lee digau dogologowaahee e hai be di lee o di monowai doo, e ngoloolo be nia lee atili llauehe. Gei au ga longono digaula e helekai,  
\q1 “Hagaamuina God!  
\q1 Idimaa, Dimaadua dela go tadau  
\q1 God Aamua Huoloo, Mee go di King!\x * \xo 19.6 \xt Ezekiel 1.24; Pisalem 93.1; 97.1; 99.1\x*   
\q1
\v 7 Gidaadou gi tenetene  
\q1 gei gi manawa lamalia!  
\q1 Gidaadou gi hagaamuina ono mahi!  
\q1 Idimaa, di madagoaa tagamiami haga  
\q1 hai lodo a Tama siibi la gu dau mai,  
\q1 gei di ahina hai lodo la gu togomaalia.   
\q1
\v 8 Di ahina la guu wanga ginai  
\q1 di gahu lenge madammaa e ulu ai.”  
\m (Nia gahu lenge la go nia ngalungalua humalia o nia daangada a God.)   
\p
\v 9 Tangada di langi ga helekai mai gi di au, “Hihia di mee deenei: E maluagina go digau ala gu gahi mai gi tagamiami haga hai lodo a Tama siibi.” Tangada di langi ga helekai labelaa, “Aanei la go nnelekai e donu a God.”\x * \xo 19.9 \xt Matthew 22.2-3\x*   
\p
\v 10 Au gaa bala gi lala belee daumaha ang gi mee, gei mee ga helekai mai gi di au, “Hudee heia di mee deenaa! Au di hoo hai hegau ni oou mo o duaahina, ala e dogi ang gi nia agoago hagamodongoohia o Jesus. Ma go God dela gi daumaha ginai goe!”  
\p Idimaa, nia agoago hagamodongoohia o Jesus la go di mouli o nnelekai kokohp.   
\s1 Tangada i hongo di hoodo kene  
\p
\v 11 Au gaa mmada gi di langi e mahuge, gei di hoodo kene iai Tangada i ono nua, e haga ingoo bolo “Manawa dahi” mo di “Tonu”. Mee e hai ana gabunga mo ana heebagi gi di hai dela e donu.\x * \xo 19.11 \xt Ezekiel 1.1; Pisalem 96.13; Isaiah 11.4\x*  
\v 12 Nia golomada o Maa e dina gi di ulaula o di ahi, gei Mee ono hau king e logo i hongo dono libogo. Mee dono ingoo e hihi i ono nua dela e de iloo tangada, go Mee hua e iloo ia di maa.\x * \xo 19.12 \xt Daniel 10.6\x*  
\v 13 Mee e ulu di gahu looloo buni dodo. Di ingoo o maa la go “Nnelekai a God”.  
\v 14 Digau dauwa di langi e daudali a Mee, e llele i hongo nia hoodo kene, gei e ulu nia gahu lenge kene ge madammaa.  
\v 15 Tulumanu dauwa gaa e duu mai i lodo dono ngudu, dela e haga magedaa nnenua llauehe go Mee. Mee gaa dagi gi maaloo dangihi digaula gi togodogo baalanga, gei Mee ga dagadagahi nia waini i lodo di gowaa dagadagahi waini, go nia waini o di hagawelewele o di God Aamua Huoloo.\x * \xo 19.15 \xt Pisalem 2.9; Isaiah 63.3; Joel 3.13; Revelation 14.20\x*  
\v 16 I hongo dono gahu looloo mo i hongo dono gada wae, le e hihi di ingoo boloo, “Di King o nia king, mo di Tagi o nia dagi”.   
\p
\v 17 Au gaa mmada gi tangada di langi e duu i hongo di laa. Mee gaa wolo gi nua ang gi nia manu huogodoo ala e mamaangi i lodo di ahiaalangi, “Goodou lloomoi gi di gowaa e dahi gi tagamiami damana a God!\x * \xo 19.17 \xt Ezekiel 39.17-20\x*  
\v 18 Lloomoi e gai nia goneiga o nia king, nia dagi dauwa mo digau dauwa, nia hoodo mo digau ala e llele nia maa, nia daangada huogodoo, nia hege mo digau moholo, digau aamua mo digau lligi!”   
\p
\v 19 Gei au gaa mmada gi di manu hagamadagudagu dangada mo nia king o henuailala mo nadau gau dauwa ala ne dagabuli belee heebagi gi Tangada dela i hongo di hoodo mo ana gau dauwa.  
\v 20 Di manu hagamadagudagu dangada la guu kumi, ginaua mo soukohp dilikai dela nogo hai nia mogobuna haga goboina i mua di manu hagamadagudagu dangada. Go nia mogobuna aalaa, ala ne halahalau digau ala ne kae di maaga mo e daumaha gi di ada manu hagamadagudagu dangada. Di manu hagamadagudagu dangada mo soukohp dilikai la guu kili mouli gi lodo di ahi monowai ulaula ngongoaa i nia ‘sulfur’.\x * \xo 19.20 \xt Revelation 13.1-18\x*  
\v 21 Digau dauwa la gu daaligi gii mmade go tulumanu dauwa dela e duu mai i lodo di ngudu o tangada dela i hongo di hoodo, gei nia manu mamaangi huogodoo la guu gai nia goneiga o digau dauwa gu maaluu.   
\c 20  
\s1 Nia ngadau e mana (1,000)  
\p
\v 1 Gei au gaa mmada gi tangada di langi e haneia i di langi, e daahi di gii o di luwa dono dua ai mo dono tiini dueehe i lodo dono lima.  
\v 2 Mee gaa kumi di manu ‘dragon’, go di gihaa namua, dela go Setan, ga lawalawa a mee gi tiini i nia ngadau e mana (1,000).\x * \xo 20.2 \xt Genesis 3.1\x*  
\v 3 Tangada di langi gaa hudu a mee gi lodo di luwa dono dua ai, gaa tai di luwa, gaa wanga ginai di haga iloo bolo hagalee huge, bolo gi deemee a mee di halahalau nia henua llauehe, gaa dae loo gi di hagaodi o nia ngadau e mana. I muli nia ngadau e mana, gei mee ga hagamehede i lodo di madagoaa bodobodo.   
\p
\v 4 Gei au gaa mmada gi nia lohongo aamua, gei digau ala e noho i hongo nia maa la guu wanga ginai nia mogobuna hai gabunga. Au gaa mmada gi nia hagataalunga o digau ala ne daaligi gii mmade, idimaa, digaula nogo hagadele di tonu dela ne haga gila aga go Jesus, mo nia helekai a God. Digaula digi daumaha gi di manu hagamadagudagu dangada be go dono ada, digi kae di maaga o di manu hagamadagudagu dangada i hongo nadau lae be go nadau lima. Digaula ne mouli aga gaa dagi be nia king dalia a Christ i lodo nia ngadau e mana.\x * \xo 20.4 \xt Daniel 7.9,22\x*  
\v 5 Digau mmade ala i golo la digi mouli aga gaa dae loo gi di hagaodi o nia ngadau e mana. Deenei la go tahi haga mouli aga o digau mmade.  
\v 6 E maluagina huoloo go digau ala e dau gi tahi mouli aga o digau mmade. Di lua made la ono mogobuna ang gi digaula ai. Digaula gaa hai digau hai mee dabu ni God mo Christ, gei digaula gaa dagi dalia a Christ i nia ngadau e mana.   
\s1 Di magedaa o Setan  
\p
\v 7 I muli di hagaodi o nia ngadau e mana, Setan la ga hagamehede gi daha mo dono gowaa galabudi,  
\v 8 gei mee gaa hana ga halahalau nia henua llauehe ala e modoho i hongo henuailala hagatau, ala go “Gog” mo “Magog”. Setan ga haga dagabuli nia henua aanei belee hai tauwa, digaula la nia daangada dogologowaahee be nia gelegele ala i tongotai.\x * \xo 20.8 \xt Ezekiel 7.2; 38.2,9,15\x*  
\v 9 Digaula ga modoho gi daha i hongo henuailala ga haganiga i di gili di gowaa e noho ai nia daangada a God mo di waahale dela e aloho iei Mee. Gei di ahi ga haneia i di langi gaa dudu digaula.  
\v 10 Gei Setan dela ne halahalau digaula, gaa hudu gi lodo di monowai ulaula ‘sulfur’, di gowaa dela ne kili ginai di manu hagamadagudagu dangada mo soukohp dilikai. Digaula ga haga mmaemmae boo mo aa, gaa hana hua beelaa.   
\s1 Di hagi aga haga muliagina  
\p
\v 11 Gei au gaa mmada gi di lohongo king damana kene mo Tangada dela e noho i ono nua. Henuailala mo di langi guu llele gi daha mo Mee gu degidee.\x * \xo 20.11 \xt Daniel 7.9-10\x*  
\v 12 Au gaa mmada gi digau mmade, digau aamua mo digau lligi, e tuu i mua di lohongo king. Gei nia beebaa gaa huge, tuai beebaa gaa huge labelaa, go di beebaa hagamouli. Digau mmade la ga hagi aga e hagatau gi nadau mee ala ne hai, ala guu hihi i lodo nia beebaa.  
\v 13 Di moana gu diiagi gi daha ana gau mmade. Di “Made” mo di “Heidis”\f + \fr 20.13 \fk Heidis: \ft di gowaa digau mmade\f* gu diiagi gi daha nau gau mmade ala nogo daahi go ginaua. Gei digaula ga hagi aga gii tau gi nadau mee ala nogo hai.  
\v 14 Di “Made” mo di “Heidis” la ne kili gi lodo di monowai ulaula. (Di monowai ulaula deenei la go di lua made.)  
\v 15 Be koai hua dela dono ingoo digi hihia gi lodo di beebaa hagamouli, le e hudu gi lodo di monowai ulaula.   
\c 21  
\s1 Di langi hoou mo henuailala hoou  
\p
\v 1 Gei au gaa mmada gi di langi hoou mo henuailala hoou. Di langi matagidagi mo henuailala matagidagi la gu hagalee, di moana gu hagalee labelaa.\x * \xo 21.1 \xt Isaiah 65.17; 66.22; 2-Peter 3.13\x*  
\v 2 Au gaa mmada gi di Waahale Haga madagu, go Jerusalem hoou, e haneia i di langi i baahi o God, gu laageia be di ahina ma gaa hai dono lodo, gu ulu ono gahu e heetugi ang gi dono lodo.\x * \xo 21.2 \xt Isaiah 52.1; 61.10; Revelation 3.12\x*  
\v 3 Au ga longono di lee damana e helekai mai i di lohongo king, “Dolomeenei di hale o God la gu i baahi nia daangada! Mee gaa noho i baahi digaula, gei digaula gaa hai nia daangada ni Mee. God hua donu dela gaa noho i baahi digaula, gei Mee gaa hai di God ni digaula.\x * \xo 21.3 \xt Ezekiel 37.27; Leviticus 26.11,12\x*  
\v 4 Mee ga omo gi daha nia dangi huogodoo o nadau golomada. Nia daangada ga hagalee mmade, hagalee manawa gee, hagalee tangitangi, nia mmaemmae ga hagalee. Nia mee namua gu hagalee.”\x * \xo 21.4 \xt Isaiah 25.8; 35.10; 65.19\x*   
\p
\v 5 Tangada dela e noho i hongo di lohongo king ga helekai, “Dolomeenei, gei Au ga haga hoou nia mee huogodoo!” Mee ga helekai mai labelaa gi di au, “Hihia nia mee aanei, idimaa, nia helekai aanei le e donu, ge e mee di hagadagadagagee ginai.”  
\v 6 Gei Mee ga helekai mai, “Ma guu lawa! Au go di matagidagi mo di haga muliagina, taamada mo di hagaodi. Di ingoo hua tangada ma ga hieinu, gei Au gaa hai a mee gi inu i di monowai haga mouli, hagalee hui.\x * \xo 21.6 \xt Isaiah 55.1 \x*  
\v 7 Be koai hua dela ga haga magedaa nia mee huaidu huogodoo, le e kae di mee deenei i dogu baahi: Au gaa hai di God ni digaula, gei digaula gaa hai nia dama ni aagu.\x * \xo 21.7 \xt 2-Samuel 7.14; Pisalem 89.26-27\x*  
\v 8 Gei digau ala e paagege ge hagalee manawa dahi, e haga balumee nadau hagadonu, e hai nia mee gulugulua, e dadaaligi dangada, e hai be di manu, e hai nadau buubuu, e daumaha gi nia balu god, digau hai kai tilikai huogodoo, di nadau gowaa la go di monowai dela e wele i di ahi ulaula i nia ‘sulfur’, dela go di lua made.”   
\s1 Jerusalem hoou  
\p
\v 9 Tangada e dahi i digau di langi dogohidu ala nogo daahi nadau boolo e hidu e honu i nia hagaduadua haga muliagina e hidu, ga hanimoi gi di au, ga helekai, “Hanimoi, gei au ga hagi adu di ahina hai lodo, go di lodo o Tama siibi.”  
\v 10 Di Hagataalunga Dabu gu huwahuwa au, gei tangada di langi deelaa la gaa lahi au gi di ulu di gonduu duuduu i nua. Mee ga hagi mai Jerusalem hoou, go di Waahale Hagamadagu, e haneia i di langi i baahi o God,\x * \xo 21.10 \xt Ezekiel 40.2\x*  
\v 11 e dingidingia i di madamada o God. Di waahale le e maahina be di hadu hagalabagau ‘jasper’, e maalama be di kalaadi ‘crystal’.  
\v 12 Di waahale le e hai dono abaaba damana, gei e duuduu i nua, ono bontai e madangaholu maa lua. Digau di langi e madangaholu maa lua e dagi nia bontai aanei. I hongo nia bontai le e hihi nia ingoo o nia madawaawa e madangaholu maa lua o digau Israel.\x * \xo 21.12 \xt Ezekiel 48.30-35\x*  
\v 13 Nia bontai e dolu i di bahi i dua, e dolu i di bahi i ngeia, e dolu i di bahi i ngaaga, ge e dolu i di bahi i dai.  
\v 14 Di abaaba o di waahale la ne hau i hongo nia hadu hagamau e madangaholu maa lua, e hihi nia ingoo o nia gau agoago hagau dilongoholu maa lua o Tama siibi.  
\v 15 Tangada di langi dela ne helekai mai gi di au, la nogo daahi dana laagau haga tau mee goolo belee hagatau di waahale mo ono bontai mo dono abaaba.\x * \xo 21.15 \xt Ezekiel 40.3\x*  
\v 16 Nia baahi e haa o di waahale le e hai be di mee dahi ono hagatau. Tangada di langi ga hagatau di waahale gi dana laagau haga tau mee: e mana maa lima lau (1,500) maele di looloo, dono palaha le palaha gadoo be di looloo gei dono duuduu e hai labelaa beelaa.  
\v 17 Tangada di langi ga hagatau labelaa di abaaba, gei tuuduu di maa nia loho e motolu maa ono, ne hagatau gi di hai hagatau mee dela nogo hai hegau ai nia daangada.  
\v 18 Di abaaba la ne hai gi nia hadu ‘jasper’, gei di waahale la ne hai gi nia goolo madammaa gadoo be di kalaadi.\x * \xo 21.18 \xt Isaiah 54.11-12\x*  
\v 19 Nia hadu hagamau o di abaaba la ne humu gi nia hagadilinga hadu hagalabagau huogodoo. Tahi hadu hagamau la ne humu gi di hadu ‘jasper’, di lua la di hadu ‘sapphire’, di tolu la di hadu ‘agate’, di haa la di hadu ‘emerald’,  
\v 20 di lima la di hadu ‘onyx’, di ono la di hadu ‘carnelian’, di hidu la di hadu ‘quartz’-loubuge, di walu la di hadu ‘beryl’, di hiwa la di hadu ‘topaz’, di madangaholu la di hadu ‘chalcedony’, di madangaholu maa dahi la di hadu ‘turquoise’, di madangaholu maa lua la di hadu ‘amethyst’.  
\v 21 Nia bontai e madangaholu maa lua la ne hai gi nia hadu lodo baehua e madangaholu maa lua, di bontai e dahi la ne hai gi di hadu lodo baehua e dahi. Di ala o di waahale la ne hai gi nia goolo madammaa, e malamalama be di kalaadi.   
\p
\v 22 Au digi mmada gi di hale daumaha i lodo di waahale, idimaa, di hale daumaha o di waahale deelaa, la go Dimaadua, go di God Aamua Huoloo, mo Tama siibi.  
\v 23 Di waahale la hagalee hai mee gi di laa be di malama belee inaina di maa, idimaa, di madamada o God le e haga maahina di maa, gei Tama siibi la go dono malama.\x * \xo 21.23 \xt Isaiah 60.19-20\x*  
\v 24 Nia daangada o henuailala ga heehee i di maahina o di waahale deenei, gei nia king o henuailala la ga gaamai nadau maluagina gi lodo di waahale deenei.\x * \xo 21.24 \xt Isaiah 60.3\x*  
\v 25 Nia bontai o di waahale le e maahuge i di laangi dogomaalia, hagalee loo e tai, idimaa, ma hagalee di boo ai.\x * \xo 21.25 \xt Isaiah 60.11\x*  
\v 26 Nia madamada mo nia maluagina o nia henua llauehe la ga gaamai gi lodo di waahale deenei.  
\v 27 Malaa, di mee dogolia e ulu gi lodo di waahale deenei ai, be go tei dangada dela e hai ana mee haga langaadia dangada be e hai ana kai tilikai. Go digau hua ala guu hihi nadau ingoo gi lodo di beebaa hagamouli a Tama siibi ga ulu gi lodo di waahale deenei.\x * \xo 21.27 \xt Isaiah 52.1; Ezekiel 44.9\x*   
\c 22  
\p
\v 1 Tangada di langi ga hagi mai di monowai o nia wai haga mouli, e maahina be di kalaadi ‘crystal’ e hali mai i di lohongo king o God mo Tama siibi,\x * \xo 22.1 \xt Ezekiel 47.1; Zechariah 14.8\x*  
\v 2 e hali mai tungaalodo di ala o di waahale. Nia daalinga o di monowai le e tomo ai di laagau haga mouli, e huwa haga madangaholu maa lua i lodo di ngadau e dahi, gei ono lau le e haga hili nia henua llauehe.\x * \xo 22.2 \xt Genesis 2.9; Ezekiel 47.12\x*  
\v 3 Nia mee huogodoo ala e haga halauwa go God ga hagalee i lodo di waahale deelaa.\x * \xo 22.3 \xt Zechariah 14.11\x*  
\p Di lohongo king o God mo Tama siibi, la ga i lodo di waahale, gei ana gau hai hegau la ga daumaha ang gi Mee.  
\v 4 Digaula gaa mmada gi nia hadumada o Maa, gei di ingoo o Maa la ga maaga gi hongo nadau lae.  
\v 5 Di boo la ga hagalee, gei digaula ga hagalee hai hegau gi nia malama be di maahina o di laa, idimaa, Dimaadua go God la gaa hai di nadau maalama, gei digaula gaa dagi gadoo be nia king, gaa hana hua beelaa.\x * \xo 22.5 \xt Isaiah 60.19; Daniel 7.18\x*   
\s1 Di hanimoi o Jesus  
\p
\v 6 Gei tangada di langi ga helekai mai, “Nia helekai aanei le e donu gei e mee di hagadagadagagee ginai. Tagi go God dela e wanga dana Hagataalunga Dabu gi nia soukohp, la gu hagau dana dangada di langi belee hagi anga gi ana gau hai hegau nia mee ala ga kila aga hoohoo mai.”   
\p
\v 7 Jesus ga helekai, “Hagalongo! Hoohoo mai gei Au ga hanimoi! E maluagina go digau ala e hagalongo gi nnelekai kokohp ala i lodo di beebaa deenei!”   
\p
\v 8 Au go John la gu longono, gei au gu gidee nia mee aanei huogodoo. Dogu madagoaa ne longono ge ne gidee au nia mee aanei, gei au gaa bala gi lala gi nia wae o tangada di langi dela ne hagi mai nia mee aanei, belee daumaha gi mee.  
\v 9 Malaa, gei mee ga helekai mai, “Hudee heia di mee deenaa! Au tangada hai hegau labelaa be goe mo o duaahina ala go nia soukohp, mo digau huogodoo ala e daudali nnelekai i lodo di beebaa deenei. Daumaha ang gi God!”  
\v 10 Mee ga helekai mai, “Hudee hagammuni ina nnelekai kokohp o di beebaa deenei, idimaa, di madagoaa dela e kila aga ai nia mee aanei huogodoo, la gu hoohoo mai.  
\v 11 Be koai dela e hai di huaidu, geia gi unu hua i lodo di huaidu. Be koai dela e gulugulua, geia gi unu hua i lodo di gulugulua. Be koai dela e humalia, geia gi unu hua i lodo di humalia. Be koai dela e dabu, geia gi unu hua i lodo di mouli dabu.”\x * \xo 22.11 \xt Daniel 12.10\x*   
\p
\v 12 Jesus ga helekai, “Hagalongo! Hoohoo mai gei Au ga hanimoi! Au e gaamai agu hui hagahumalia dangada dalia Au, e wanga gi nia daangada dagidahi, e hagatau ang gi dono hai hegau.\x * \xo 22.12 \xt Isaiah 40.10; 62.11; Pisalem 28.4; Jeremiah 17.10\x*  
\v 13 Au go di ‘Alpha’ mo di ‘Omega’, matagidagi mo di haga muliagina, taamada mo di hagaodi.\x * \xo 22.13 \xt Revelation 1.8,17; 2.8; Isaiah 44.6; 48.12\x*   
\p
\v 14 “E maluagina go digau ala e haga madammaa nadau gahu lloo gii mmaa, gu hai mee gi di tonu dela e gai nia huwa laagau mai di laagau o di mouli gei e ulu i nia bontai gi lodo di waahale.\x * \xo 22.14 \xt Genesis 2.9; 3.22\x*  
\v 15 Gei i tua di waahale la go digau e haihai nia mee milimilia ge huaidu, hai buubuu, hai be di manu, dadaaligi dangada, daumaha gi nia balu god, hai kai tilikai i nadau helehelekai mo nadau ngalungalua.   
\p
\v 16 “Au go Jesus ne hagau dagu dangada di langi belee haga iloo nia mee aanei adu gi goodou ala i lodo nia nohongo dabu. Au tangada mai di hagadili o David. Au go di heduu maahina o di luada.”\x * \xo 22.16 \xt Isaiah 11.1,10\x*   
\p
\v 17 Di Hagataalunga Dabu mo di ahina hai lodo ga helekai, “Hanimoi!”  
\p Huogodoo ala ma ga longono telekai deenei, la gi helekai, “Hanimoi!”  
\p Tangada dela e hieinu, la gi hanimoi. Tangada dela e hiihai, gi kae ina dehuia nia wai o di mouli.\x * \xo 22.17 \xt Isaiah 55.1\x*   
\s1 Di hagaodi gi muli di beebaa deenei  
\p
\v 18 Au go John e haga iloo gi nia daangada huogodoo ala ga longono nnelekai kokohp o di beebaa deenei: tangada dela ma ga hagapuni dana mee gi nia maa, gei God ga hagauda gi mee nia hagaduadua ala e hihi i lodo di beebaa deenei.\x * \xo 22.18 \xt Deuteronomy 4.2; 12.32\x*  
\v 19 Tangada dela ma ga daa gi daha dana mee mo nia helekai kokohp o di beebaa deenei, gei God ga daa gi daha dono duhongo mai nia huwa laagau o di laagau o di mouli, mo mai di Waahale Hagamadagu, ala e haga modongoohia i lodo di beebaa deenei.   
\p
\v 20 Tangada dela e hai dana haga modongoohia gi nia mee aanei, le e helekai boloo, “Uaa, e donu! Hoohoo mai gei Au ga hanimoi!”  
\p Malaa, heia gii gila. Tagi go Jesus, goe gi hanimoi!   
\p
\v 21 Tumaalia o tadau Dagi go Jesus gi madalia nia daangada huogodoo a God. Amen.