\id PSA Kapingamarangi 
\h Psalm 
\toc1 Di Beebaa Pisalem 
\toc2 Pisalem 
\toc3 Pisalem 
\mt1 PSALMS  
\mt2 Di Beebaa Pisalem  
\imt1 Di haga modongoohia:  
\im \bk Di Beebaa Pisalem\bk* la di beebaa daahili mo di beebaa dalodalo o di Beebaa Dabu. Di beebaa deenei e dogologo ono gau ne hai di maa i lodo di madagoaa waalooloo. Nia daahili mono dalodalo aanei la ne haga budu mai go digau Israel, ga hai hegau digaula i nia madagoaa ma gaa hai nadau daumaha, mai gi nomuli, gei nia daahili mono dalodalo aanei la gu haga puni anga gi di Beebaa Dabu.  
\ip Nia daahili daumaha aanei le e logo ono hagadilinga: nia daahili hagaamu ge daumaha gi God, mono daahili e dangidangi i di hagamaamaa mo di hagaloohi mo di hagamouli, mono daahili dangidangi gi dumaalia, mono daahili danggee gi di haga maluagina a God, mono daahili dangidangi bolo gi daaligidia nadau hagadaumee. Nia dalodalo aanei la nia dalodalo mai i nia daangada dagidahi, mo mai i tenua go Israel hagatau. Hunu maa e haga modongoohia nia hagamaanadu o tangada e dahi, hunu maa e haga modongoohia nia hiihai mo nia hagabaubau o nia daangada huogodoo a God.  
\ip Nia Pisalem nogo hai hegau a Jesus mo digau ala ne hihi di Beebaa Hoou. Malaa, nia daahili aanei guu hai di beebaa hai daumaha hagalabagau i lodo di Nohongo dabu a Christ mai i taamada.  
\iot Di hagahonu di beebaa deenei:  
\im Nia Pisalem e lau madalima aanei guu wwae guu hai nia beebaa e lima aanei e haga modongoohia i lala:  
\io1 Tahi Beebaa: Pisalem 1—41  
\io1 Di Lua Beebaa: Pisalem 42—72  
\io1 Di Tolu Beebaa: Pisalem 73—89  
\io1 Di Haa Beebaa: Pisalem 90—106  
\io1 Di Lima Beebaa: Pisalem 107—150  
\c 1  
\ms1 TAHI BEEBAA  
\mr (Pisalem 1—41)  
\s1 Di tenetene dela e donu  
\q1
\v 1 E maluagina go tangada dela e hagalee hagalongo gi digau huaidu,  
\q1 ge hagalee daudali nia hangaahai o digau hai mee hala,  
\q1 ge hagalee hagabuni anga gi digau ala e haga balumee a God.   
\q1
\v 2 Gei e tenetene hua di hagalongo gi nia haganoho a Dimaadua,  
\q1 mo di hagamaumau nia maa i di boo mo di aa.   
\q1
\v 3 Mee e hai gadoo be di laagau dela e tomo i taalinga di monowai,  
\q1 dela e huwa i dono madagoaa dela belee huwa ai.  
\q1 Nia lau o di maa hagalee mae.  
\q1 Nia mee a maa ma gaa hai le e kila humalia huogodoo.\x * \xo 1.3 \xt Jeremiah 17.8\x*   
\b  
\q1
\v 4 Gei digau huaidu la hagalee loo e hai beelaa.  
\q1 Digaula e hai gadoo be nia lau laagau maangoo ma ga iliili go di madangi.   
\q1
\v 5 Deenei laa, digau ala e haihai di huaidu ga hagaduadua go God,  
\q1 ga dugu gee mo ana daangada donu.   
\q1
\v 6 Dimaadua le e dagi ge e abaaba digau ala e haihai nia mee donu,  
\q1 gei digau huaidu le e hula i hongo di nadau ala gi di hagaduadua.   
\c 2  
\s1 Di king a Dimaadua ne hilihili  
\q1
\v 1 Ma e aha dela digau tuadimee e haga togotogomaalia  
\q1 bolo ginaadou e hai baahi?  
\q1 Ma e aha dela nia daangada e haganohonoho nadau hagamamaanadu balumee?   
\q1
\v 2 Nadau king mo nadau dagi e haga togotogomaalia  
\q1 bolo ginaadou e hai baahi gi Dimaadua mo dana king dela ne hilihili.\x * \xo 2.2 \xt Acts 4.25-26\x*   
\q1
\v 3 Digaula e helekai,  
\q1 “Gidaadou ga haga maahede gidaadou gi daha mo nia haganoho meemaa,  
\q1 gaa kili gi daha mo gidaadou nia mogobuna meemaa ala e dagi gidaadou!”   
\b  
\q1
\v 4 Di Tagi e gadagada mai i dono lohongo king i di langi,  
\q1 ge e helekai haga balumee nia hagamaanadu digaula.   
\q1
\v 5 Gei Mee ga helekai gi digaula i lodo dono hagawelewele,  
\q1 gaa hai digaula gi mmaadagu huoloo i dono hagawelewele,   
\q1
\v 6 ga helekai, “Au guu dugu dagu king dela ne hilihili  
\q1 gi hongo dagu gonduu haga madagu go Zion.”   
\b  
\q1
\v 7 Di king ga helekai,  
\q1 “Au ga haga iloo nia mee a Dimaadua ala ne helekai ai.  
\q1 Mee ne helekai mai boloo,  
\q1 ‘Goe go dagu dama daane. Dangi nei gei Au guu hai tamana ni oou.\x * \xo 2.7 \xt Acts 13.33; Hebrews 1.5; 5.5\x*   
\q1
\v 8 Dangi mai, gei Au ga gowadu gi di goe digau tuadimee huogodoo.  
\q1 Henuailala hagatau gaa hai di mee ni aau.   
\q1
\v 9 Goe ga daaligi digaula gi togodogo baalanga.  
\q1 Goe ga hagamaawa digaula gi meheuheu dagidahi gadoo be di loaabi hadu.’”\x * \xo 2.9 \xt Revelation 2.26-27; 12.5; 19.15\x*   
\b  
\q1
\v 10 Malaa, goodou go nia king, goodou hagalongo gi dagu helekai,  
\q1 ge goodou go nia dagi o henuailala, goodou la gi hagalongo gi di haga iloo deenei:   
\q1
\v 11 Goodou hai hegau gi Dimaadua mo di mmaadagu, mo di polepole,   
\q1
\v 12 mo di pala gi Mee gi de nnoo aga di hagawelewele o Maa hagalimalima,  
\q1 gei goodou gaa mmade hagalimalima.  
\q1 E haga maluagina go digau huogodoo ala e hula gi Mee  
\q1 bolo gi abaaba lia ginaadou.   
\c 3  
\s1 Talodalo i di hagamaamaa o di luada\f + \fr 3.0 \ft Taahili deenei ne huwa go David i dono madagoaa ne llele gi daha mo Absalom \+bk (2-Samuel 15.13—17.22) \+bk*\f*  
\q1
\v 1 Meenei Dimaadua, ogu hagadaumee e dogologowaahee,  
\q1 digau ala e hai baahi mai gi di au le e dogologowaahee!   
\q1
\v 2 Digaula e leelee i di au boloo, “God hagalee hagamaamaa a mee.”   
\b  
\q1
\v 3 Meenei Dimaadua, Goe go dogu abaaba dela e haga dagaloaha au  
\q1 i nia madagoaa huogodoo gi daha mo ogu haingadaa,  
\q1 Goe dela ne hai au gi aali, gaa hai labelaa au gi manawa maaloo.   
\q1
\v 4 Au e gahigahi Dimaadua e hagamaamaa au,  
\q1 gei Mee gu hagamaamaa au mai i dono gonduu haga madagu.   
\b  
\q1
\v 5 Au gaa moe gi lala gaa kii,  
\q1 gei Dimaadua e hagaloohi au i di waalooloo o di boo.   
\q1
\v 6 Au hagalee madagu i nia hagadaumee e mana  
\q1 ala e haganiga mai dogu gili i nia baahi huogodoo.   
\b  
\q1
\v 7 Meenei Dimaadua, hanimoi! Meenei dogu God, haga dagaloaha ina au!  
\q1 Daaligidia ogu hagadaumee huogodoo gi deai nadau mahi e daaligi au ai.   
\q1
\v 8 Nia mogobuna o di aali le e lloomoi i baahi o Dimaadua.  
\q1 Mee gi haga humalia ina ana daangada.   
\c 4  
\s1 Talodalo i di hagamaamaa o di hiahi\f + \fr 4.0 \ft Taahili ni David\f*  
\q1
\v 1 Hila mai gi di au i dogu madagoaa ma gaa hai agu dalodalo,  
\q1 meenei God dogu Dangada Daa!  
\q1 Dogu madagoaa nogo haingadaa, gei Goe gu hagamaamaa au.  
\q1 Goe gi manawa dumaalia mai dolomeenei,  
\q1 hagalongo mai gi agu dalodalo.   
\b  
\q1
\v 2 Goodou go nia daangada, e waalooloo behee  
\q1 go di godou hai baahi mai gi di au?  
\q1 E waalooloo behee go di godou haga dahidamee nia mee ala ono hadinga ai,  
\q1 mo di daudali nia kai tilikai?   
\q1
\v 3 Goodou gi langahia bolo Dimaadua le e hilihili digau ala e donu,  
\q1 go digau e hai mee ginai Ia, gei Mee e longono Ia au ma ga gahigahi a Mee.   
\b  
\q1
\v 4 Goodou polepole mo di mmaadagu ge gi dugua godou haihai huaidu.  
\q1 Goodou hagamaanadu gi humalia di mee deenei,  
\q1 i godou madagoaa ma gaa moe deemuu i hongo godou hada.\x * \xo 4.4 \xt Ephesians 4.26\x*   
\q1
\v 5 Goodou tigidaumaha gi Dimaadua  
\q1 i nia tigidaumaha ala e donu, mo di hagadonu ina a Mee.   
\b  
\q1
\v 6 Digau dogologo e dalodalo beenei:  
\q1 “Gaamai gi gimaadou labelaa gi no nua o hagahumalia,  
\q1 meenei Dimaadua, Goe manawa dumaalia mai gi gimaadou!”   
\q1
\v 7 Gei di tene dela ne gaamai Kooe gi di au,  
\q1 la koia e damanaiee laa hongo nia tenetene o digau  
\q1 ala e tene gi nadau ‘wheat’ mo nadau waini.   
\b  
\q1
\v 8 Dogu madagoaa ma gaa moe gi lala, gei au e kii i lodo di aumaalia,  
\q1 idimaa Kooe, meenei Dimaadua, dela e hagaloohi au.   
\c 5  
\s1 Talodalo i di abaaba\f + \fr 5.0 \ft Taahili ni David\f*  
\q1
\v 1 Meenei Dimaadua, hagalongo mai gi agu helekai,  
\q1 mo di hagalongo mai gi dogu dogi.   
\q1
\v 2 Meenei dogu God mo dogu king,  
\q1 hagalongo mai gi dagu dangidangi i di hagamaamaa!  
\b  
\q1 Au e dalodalo adu gi di Goe, meenei Dimaadua.   
\q1
\v 3 Goe e longono gi dogu lee i di luada.  
\q1 Di madagoaa di laa ma gaa hobo, gei au ga dalodalo,  
\q1 ga talitali adu di hui o dagu dalodalo.   
\q1
\v 4 Goe go di God dela e hagalee tenetene gi nia haihai hala.  
\q1 Goe hagalee dumaalia gi digau hai mee huaidu gi lloomoi la oo mua.   
\q1
\v 5 Goe hagalee hiihai gi digau hagamuamua.  
\q1 Goe e hagadugina gi digau huaidu huogodoo.   
\q1
\v 6 Goe e hagammaa gi daha digau hai kai tilikai huogodoo.  
\q1 Goe hagalee hiihai gi digau daaligi dangada  
\q1 gii mmade mo digau halahalau dangada.   
\b  
\q1
\v 7 Idimaa go do aloho damanaiee  
\q1 dela ga mee iei au di hanimoi gi lodo doo hale,  
\q1 gaa mee di daumaha i lodo doo hale haga madagu,  
\q1 mo di bala gi lala e hagalaamua Goe.   
\q1
\v 8 Meenei Dimaadua, ogu hagadaumee gu dogologowaahee!  
\q1 Dagina au gii mee au di haga gila aga do manawa.  
\q1 Hagia mai gi di au oo ala gii mee au di daudali Goe.   
\b  
\q1
\v 9 Au hagalee loo e hagadonu nia mee ogu hagadaumee ala e helekai ai.  
\q1 Di mee i lodo digaula la go di hiihai bolo e daaligi tangada gii made.  
\q1 Nia helekai digaula le e humalia huoloo ge haga manawa lamalia,  
\q1 malaa e hontula i nia halahalau dangada huaidu.\x * \xo 5.9 \xt Romans 3.1 \x*   
\q1
\v 10 Hagi aga ina mo di hagaduadua ina digaula, meenei God.  
\q1 Nadau hagamaanadu huaidu gii bida hagahuaidu ina ginaadou.  
\q1 Hagabagia digaula gi daha mo oo mua, idimaa go nadau huaidu e logowaahee  
\q1 mo nadau hai baahi adu gi di Goe.   
\b  
\q1
\v 11 Digau huogodoo ala e gida nadau gowaa  
\q1 e pala ai ginaadou gi doo baahi la ga tenetene,  
\q1 digaula ga dadaahili tenetene i nia madagoaa huogodoo.  
\q1 Abaaba ina digau ala e aloho i do ingoo, digaula e tenetene idimaa Kooe.   
\q1
\v 12 Meenei Dimaadua, Goe e hagamaluagina  
\q1 digau ala e hagalongo adu gi di Goe.  
\q1 Do aloho e abaaba digaula gadoo be di mee abaaba.   
\c 6  
\s1 Talodalo i di hagamaamaa i di madagoaa haingadaa\f + \fr 6.0 \ft Taahili ni David\f*  
\q1
\v 1 Meenei Dimaadua, Goe hudee hagawelewele mo di wou mai gi di au!  
\q1 Goe hudee hagaduadua ina au i lodo do hagawelewele!\x * \xo 6.1 \xt Pisalem 38.1 \x*   
\q1
\v 2 Meenei Dimaadua, aloho mai gi di au, au gu deai ogu mahi ai.  
\q1 Haga maaloo ina au, idimaa au gu bagege huoloo!   
\q1
\v 3 Dogu huaidina hagatau la gu i lodo di haingadaa damanaiee.  
\q1 Meenei Dimaadua, Goe e tali gi waalooloo behee ga hagamaamaa laa au?   
\b  
\q1
\v 4 Meenei Dimaadua, Goe dumaalia hanimoi hagamaamaa ina au.  
\q1 Haga dagaloaha ina au gi daha mo di made gi do dumaalia.   
\q1
\v 5 I lodo tenua o digau mmade, tangada e langahia Goe ai.  
\q1 Deai tangada e hagaamu Goe i di gowaa deelaa ai.   
\b  
\q1
\v 6 Au gu deai ogu mahi ai i dogu manawa gee huoloo.  
\q1 Nia boo huogodoo dogu moenge e tiu i dogu dangidangi,  
\q1 dogu ulungi gu uduhia i ogu dangi.   
\q1
\v 7 Au gu deemee di mmada.  
\q1 Ogu golomada la gu haga hula i dogu dangidangi,  
\q1 dela ne hidi mai i ogu hagadaumee.   
\b  
\q1
\v 8 Goodou go digau huaidu, tuu gi daha mo au!  
\q1 Dimaadua gu longono Ia au nogo dangidangi.\x * \xo 6.8 \xt Matthew 7.23; Luke 13.27\x*   
\q1
\v 9 Mee e hagalongo mai gi dagu gahigahi hagamaamaa,  
\q1 gei Mee ga hagagila dagu dalodalo.   
\q1
\v 10 Ogu hagadaumee ga iloo di nadau haga langaadia i nadau magedaa.  
\q1 Digaula ga limalima hua ga hinihini ga hagabagi gi daha.   
\c 7  
\s1 Tangidangi di tonu\f + \fr 7.0 \ft Taahili dela ne daahili go David i di hai o Cush, taane Benjamin\f*  
\q1
\v 1 Meenei Dimaadua, go dogu God,  
\q1 au e hanimoi gi di Goe gi hagamaamaa ina au.  
\q1 Haga dagaloaha ina au, daawa ina au gi daha mo digau ala e waluwalu au.   
\q1
\v 2 Ma ga deeai, gei digaula gaa hai gadoo be nia laion,  
\q1 gaa lahi au gi di gowaa dela e deemee di haga maamaa au  
\q1 go tangada, ga hahaahi au haga ligiligi i golo.   
\b  
\q1
\v 3-4 Meenei Dimaadua, go dogu God,  
\q1 maa au guu hai dagu mee hala gi tei tangada,  
\q1 maa au gu haga huaidu dogu ihoo hagaaloho,  
\q1 be au gu hai anga gi dogu hagadaumee dahi mee huaidu,  
\q1 gei di maa deai di mee ne hai mai ai,  
\q1 maa e donu bolo au guu hai dagu mee e dahi i nia mee aanei,   
\q1
\v 5 malaa, diagia au gi halahala ina go ogu hagadaumee gi kumudia au.  
\q1 Diagia digaula gi duuduu dia au gi daaligidia au gii made  
\q1 gi hudu ina gii moe i hongo di gelegele.   
\b  
\q1
\v 6 Meenei Dimaadua, duu i nua i lodo do hagawelewele!  
\q1 Hai baahi ang gi nia hagawelewele o ogu hagadaumee,  
\q1 duu i nua hagamaamaa ina au!  
\q1 Di tonu deelaa go dau mee e hiihai ginai.   
\q1
\v 7 Haga dagabuli ina mai digau o nia henua huogodoo.  
\q1 Dagia digaula mai i do lohongo i nua.   
\q1
\v 8 Goe go Tangada Hai gabunga o nia daangada huogodoo.  
\q1 Meenei Dimaadua, hagamodongoohia ina ogu donu  
\q1 i do madagoaa ma ga hagi aga au. Goe e iloo bolo au deai ogu huaidu ai.   
\q1
\v 9 Goe di God e donu, dela e hagi aga madau hagabaubau mo madau hiihai.  
\q1 Dugua nia hai huaidu o digau hai mee huaidu, huia digau ala e humalia.\x * \xo 7.9 \xt Revelation 2.23\x*   
\q1
\v 10 God go dogu hagaloohi,  
\q1 Mee e haga dagaloaha digau ala e hagalongo ang gi de Ia.   
\q1
\v 11 God go tangada hai gabunga e donu,  
\q1 Mee e nnoo mau e hagi aga digau hai mee huaidu.   
\q1
\v 12 Maa digaula hagalee huli nia hangaahai o nadau mouli,  
\q1 gei God gaa olo dana hulumanu dauwa gii gaa,  
\q1 ga haga biga dana maalei gi togomaalia.   
\q1
\v 13 Mee ga dahi aga ana goloo dauwa daaligi dangada,  
\q1 ga madagiwi ana amu maalei ulaula.   
\b  
\q1
\v 14 Mmada malaa gi nia hai o digau huaidu  
\q1 ala e haganohonoho nadau hai huaidu i lodo nadau manawa.  
\q1 Digaula e haganohonoho nadau hai ala belee haga huaidu  
\q1 nia daangada, mo di halahalau dangada.   
\q1
\v 15 Gei nia hele ala ne haga togomaalia go digaula  
\q1 belee hele digau ala i golo, la ga bida hele ginaadou.   
\q1
\v 16 Malaa, digaula e bida daaligi go nadau hai huaidu ala ne hai,  
\q1 gei e bida haga huaidu ginaadou go nadau hagawelewele.   
\b  
\q1
\v 17 Au e danggee gi Dimaadua dela e hai nia mee ala e donu.  
\q1 Au e daahili e hagaamu Dimaadua, dela koia e Aamua Huoloo.   
\c 8  
\s1 Nia madamada o Dimaadua mo di hagalabagau tangada\f + \fr 8.0 \ft Taahili ni David \f*  
\q1
\v 1 Meenei Dimaadua, go di madau Dagi,  
\q1 oo mahi e modongoohia i nia madagoaa huogodoo i henuailala!  
\q1 O hagaamu guu dau i di langi.   
\q1
\v 2 Nia dama mo nia ligiana e hagaamu labelaa Goe.  
\q1 Goe ne haga duu aga dau abaaba ang gi o hagadaumee,  
\q1 belee duuli digau huogodoo ala e hai baahi adu gi di Goe.\x * \xo 8.2 \xt Matthew 21.16 \x*   
\b  
\q1
\v 3 Dogu mmada gi di langi dela ne hai Kooe,  
\q1 mo di malama mo nia heduu ala ne dugu Kooe gi nadau lohongo,   
\q1
\v 4 gei au e hagabaubau boloo,  
\q1 “Tangada la di aha dela e haa manawa iei Goe,  
\q1 tangada hua dangada, gei Goe e madamada humalia ai?”\x * \xo 8.4 \xt Job 7.17-18; Pisalem 144.3; Hebrews 2.6-8\x*   
\b  
\q1
\v 5 Goe ne hai a mee gi mada dulii gi lala i di Goe,  
\q1 gei Goe gu hagauda gi mee di hau madamada king mo di aamua.   
\q1
\v 6 Goe gu haga menege aga a mee belee dagi nia mee huogodoo.  
\q1 Goe ne dugu a mee gi hongo nia mee huogodoo ala ne hai Kooe,\x * \xo 8.6 \xt 1-Corinthians 15.27; Ephesians 1.22; Hebrews 2.8\x*   
\q1
\v 7 nia siibi, mono kau, mono manu lodo geinga huogodoo,   
\q1
\v 8 nia manu mamaangi mo nia iga, mo nia mee huogodoo ala i lodo di moana.   
\b  
\q1
\v 9 Meenei Dimaadua, go di madau Dagi, do ingoo le e mahi  
\q1 gei e aamua i nia madagowaa huogodoo i henuailala!   
\c 9  
\s1 Danggee ang gi God i ono donu\f + \fr 9.0 \ft Taahili ni David\f*  
\q1
\v 1 Meenei Dimaadua, au ga hagaamu Goe mai i lodo dogu manawa hagatau.  
\q1 Au ga hagi aga au hegau haga goboina huogodoo ala ne hai.   
\q1
\v 2 Au ga daahili mo di tenetene idimaa Kooe.  
\q1 Au ga daahili e hagaamu do ingoo, meenei God Koia e Aamua Muginua.   
\b  
\q1
\v 3 Ogu hagadaumee ga hula gaa llele gi daha i di Goe ma ga hanimoi,  
\q1 digaula gaa too gi lala gaa mmade.   
\q1
\v 4 Goe e hai donu ge donu i au hagi aga, Goe gu hagi aga bolo au e donu.   
\b  
\q1
\v 5 Goe gu hagi aga hai baahi gi digau o di bouli,  
\q1 mo di daaligi digau hai mee huaidu gii mmade.  
\q1 Deai tangada e langahia digaula ai.   
\q1
\v 6 Madau hagadaumee gu hagalee.  
\q1 Goe gu oho nia waahale llauehe digaula,  
\q1 nia daangada gu hagalee langahia digaula.   
\b  
\q1
\v 7 Dimaadua la di king dono hagaodi ai.  
\q1 Mee gu haga duu aga dana gowaa hai gabunga.   
\q1
\v 8 Mee e dagi henuailala gii donu,  
\q1 gei e gabunga nia henua gi di mee dela e donu.   
\b  
\q1
\v 9 Dimaadua la go di gowaa dela e pala ginai digau ala e lodo daamaha,  
\q1 di gowaa e noho ai di aumaalia i lodo di madagoaa haingadaa.   
\q1
\v 10 Meenei Dimaadua, digau ala e iloo ginaadou Goe,  
\q1 ga hagadagadagagee adu gi di Goe.  
\q1 Goe hagalee diiagi di ingoo hua tangada dela ma ga hanadu gi di Goe.   
\b  
\q1
\v 11 Goodou daahili hagaamu ina Dimaadua dela e dagi i Zion!  
\q1 Hagi aga ina gi nia henua huogodoo ma ni aha ne hai go Mee!   
\q1
\v 12 God e langahia digau ala e duadua.  
\q1 Mee hagalee de langahia nia dangidangi digaula,  
\q1 gei Mee e hagaduadua digau ala e hai digaula haga huaidu.   
\b  
\q1
\v 13 Meenei Dimaadua, dumaalia mai!  
\q1 Mmada malaa gi ogu dadaaligi ala e hai go ogu hagadaumee mai gi di au!  
\q1 Meenei Dimaadua, daawa ina au gi daha mo di made,   
\q1
\v 14 gii mee au di duu i mua nia daangada o Jerusalem,  
\q1 e hagi anga gi digaula nia mee huogodoo ala e hagaamu Goe ko au.  
\q1 Au e tenetene idimaa Goe dela gu haga dagaloaha au.   
\b  
\q1
\v 15 Digau o di bouli la guu too gi lodo nadau lua ne geli.  
\q1 Digaula guu bida kumi go nadau hele.   
\q1
\v 16 Dimaadua gu hagamodongoohia Ia mai  
\q1 i dana hai dela e gabunga nia daangada gii donu,  
\q1 gei digau hai mee huaidu guu bida hele go nadau hegau.   
\b  
\q1
\v 17 Di made la go di hagaodi gi muli o nia daangada huaidu huogodoo,  
\q1 mo di hagaodi gi muli o digau huogodoo ala e haga balumee a God.   
\q1
\v 18 Digau hagaloale la hagalee de langahia i nia madagoaa huogodoo.  
\q1 Nadau hagadagadagagee la hagalee mooho ga hana hua dee odi.   
\b  
\q1
\v 19 Hanimoi, meenei Dimaadua!  
\q1 Goe hudee dugu ang gi nia daangada gi hai baahi adu!  
\q1 Laha mai digau o di bouli gi oo mua, hagi aga ina digaula.   
\q1
\v 20 Meenei Dimaadua, heia digaula gi mmaadagu,  
\q1 heia digaula gi iloo bolo ginaadou la nia daangada hua.   
\c 10  
\s1 Talodalo e madau di tonu  
\q1
\v 1 Meenei Dimaadua, Goe e haga mogowaa Goe gi daha mo gimaadou eiaha?  
\q1 Ma e aha dela Goe e hagammuni Goe  
\q1 i di madagoaa gimaadou e noho i lodo madau haingadaa?   
\q1
\v 2 Digau huaidu e bida hagaamu ginaadou ge e dadaaligi digau hagaloale.  
\q1 Kumudia digaula gi nia hele digaula ala ne hai.   
\b  
\q1
\v 3 Digau huaidu le e hagapuu gi nadau hiihai huaidu.  
\q1 Tangada haga gailaa le e hagahalaua ge e haga balumee Dimaadua.   
\q1
\v 4 Digau huaidu la hagalee haga dahidamee a Dimaadua.  
\q1 I lodo hua nadau hagamuamua gei digaula e hagamaanadu  
\q1 bolo God la dono hadinga ai.   
\b  
\q1
\v 5 Digau huaidu le e gila humalia i nia mee huogodoo.  
\q1 Digaula e deemee di iloo di hagi aga a God.  
\q1 Digaula e haga balumee nadau hagadaumee.   
\q1
\v 6 Digaula e helekai i lodo nadau manawa boloo:  
\q1 “Gimaadou e deemee loo di hala.  
\q1 Gimaadou e deemee loo di dau gi lodo di haingadaa.”   
\q1
\v 7 Nadau helekai le e honu i nia hagahalaua, kai tilikai,  
\q1 ge nnelekai haga madagudagu dangada.  
\q1 Digaula e limalima di helekai de hiihai mo di helekai huaidu.\x * \xo 10.7 \xt Romans 3.14 \x*   
\b  
\q1
\v 8 Digaula e balabala haga mmuni i lodo nia waahale lligi,  
\q1 e talitali belee daaligi gii mmade nia daangada humalia ala nadau ihala ne hai ai.  
\q1 Digaula e daumada nia daangada ala nadau dangada e hagamaamaa ai.   
\q1
\v 9 Digaula e talitali i lodo nadau gowaa ala e pala ai gadoo be nia laion.  
\q1 Digaula e pala hagammuni e talitali digau hagaloale  
\q1 belee hele digaula gi lodo nadau hele gaa dada gi daha.   
\b  
\q1
\v 10 Digau nadau hagamaamaa ai la guu mmoe i hongo nia gelegele.  
\q1 Di maaloo o digau huaidu la ne haga magedaa digaula.   
\q1
\v 11 Digau huaidu le e helekai i ginaadou boloo: “God e de hei e Ia!  
\q1 Mee guu pono ono golomada gu de gidee Ia gimaadou!”   
\b  
\q1
\v 12 Meenei Dimaadua, hagaduadua ina digau huaidu!  
\q1 Goe gi langahia digau ala e noho i lodo di haingadaa.   
\q1
\v 13 Ma e aha dela digau huaidu ga mee hua di haga balumee a God,  
\q1 ga helekai i lodo nadau manawa boloo: “Mee hagalee daaligi gimaadou!”?   
\b  
\q1
\v 14 Malaa, gei Goe e mmada.  
\q1 Goe e hagailongo nia haingadaa mono hagaduadua,  
\q1 ge gu togomaalia i nia madagoaa huogodoo belee hagamaamaa.  
\q1 Nia daangada hagaloale e huli adu gi di Goe.  
\q1 Goe e hagamaamaa digau ala nadau hagamaamaa ai i nia madagoaa huogodoo.   
\q1
\v 15 Daawa ina gi daha nia mogobuna o digau huaidu.  
\q1 Daaligidia digaula i nia huaidu digaula ala ne hai,  
\q1 gaa dae loo gi digaula gu hagalee hai nia maa.   
\b  
\q1
\v 16 Dimaadua la di King dono hagaodi ai.  
\q1 Digau ala e daumaha gi nia god ala i golo  
\q1 le e hagammaa gi daha mo dono henua.   
\b  
\q1
\v 17 Meenei Dimaadua, Goe ga hagalongo gi nia dalodalo o digau ala mugi lala.  
\q1 Goe gaa hai digaula gi manawa maaloo.   
\q1
\v 18 Goe ga hagalongo gi nia gahigahi o digau ala gu lodo huaidu  
\q1 mo digau ala guu mmade nadau maadua.  
\q1 Goe ga hagi aga nia donu digaula bolo nia daangada dangada  
\q1 la gi hagalee haga madagudagu digaula.   
\c 11  
\s1 Hagadagadagagee gi Dimaadua \f + \fr 11.0 \ft Taahili ni David\f*  
\q1
\v 1 Au e hagadagadagagee gi Dimaadua dela e haga dagaloaha au.  
\q1 Goodou e boiboi ala e helekai mai gi di au boloo,  
\q1 “Lele gi tomo nia gonduu gadoo be di manu,   
\q1
\v 2 idimaa digau huaidu la guu hudi nadau maalei,  
\q1 gu madagiwi nadau amu maalei mai i lodo di gowaa bouli  
\q1 belee puu digau humalia.   
\q1
\v 3 Ma di mee e mee di hai go tangada humalia ai  
\q1 i di madagoaa nia mee huogodoo gu mooho.”   
\b  
\q1
\v 4 Dimaadua e noho i lodo dono hale haga madagu.  
\q1 Mee dono lohongo king i di langi.  
\q1 Mee e mmada iha gi nia daangada i nia madagoaa huogodoo,  
\q1 e iloo Ia nia mee ala e haihai go digaula.   
\q1
\v 5 Mee e hagadina digau humalia mo digau huaidu be di mee e dahi.  
\q1 Mee e hagadugina Ia huoloo digau ala e oho ana haganoho.   
\b  
\q1
\v 6 Mee e hagadoo iha dana ahi mo nia malala gaa gi hongo digau huaidu.  
\q1 Mee e hagaduadua digaula gi di madangi welengina.   
\q1
\v 7 Dimaadua le e donu, Mee e hiihai gi nia hangahaihai donu.  
\q1 Digau ala e hai nia maa la ga mouli i mua o Mee.   
\c 12  
\s1 Talodalo i di hagamaamaa\f + \fr 12.0 \ft Taahili ni David \f*  
\q1
\v 1 Meenei Dimaadua, hagamaamaa ina gimaadou!  
\q1 Tangada humalia ne dubu ai, tangada e mee di gidee digau humalia ai.   
\q1
\v 2 Digaula huogodoo e haihai nadau kai tilikai  
\q1 i nadau mehanga i nia helekai halahalau.   
\b  
\q1
\v 3 Meenei Dimaadua, Goe dugua nia helekai halahalau o nia daangada aalaa!  
\q1 Bondia nia ngudu ala e helekai hagamuamua boloo:   
\q1
\v 4 “Gimaadou ga helekai ga kae ai madau mee ala e hiihai ginai.  
\q1 Gimaadou ga helekai i madau mee ala e hiihai ginai,  
\q1 tangada e mee di dugu gimaadou ai.”   
\b  
\q1
\v 5 Dimaadua e helekai, “Dolomeenei gei Au ga hanimoi,  
\q1 idimaa digau hagaloale la gu lodo daamaha  
\q1 mo digau ala e dadaaligi la gu dangidangi i nadau mmae.  
\q1 Au gaa hai digaula gi noho baba mo di noho manawa lamalia  
\q1 be di mee dela e hiihai ginai digaula.”   
\b  
\q1
\v 6 E humalia gidaadou e hagadagadagagee gi nia hagababa a Dimaadua.  
\q1 Nia maa e madammaa gadoo be nia silber ne haga madammaa  
\q1 nnolongo e hidu gi lodo di ahi.   
\b  
\q1
\v 7-8 Nia daangada huaidu la i nia gowaa huogodoo.  
\q1 Nia daangada huogodoo e haga hagaamu nia mee ala e huaidu.  
\q1 Meenei Dimaadua, benabena ina gimaadou haga humalia  
\q1 i nia madagoaa huogodoo,  
\q1 mo di hagaloohia gimaadou gi daha mo digau ala beelaa.   
\c 13  
\s1 Talodalo i di hagamaamaa\f + \fr 13.0 \ft Taahili ni David\f*  
\q1
\v 1 Meenei Dimaadua, e waalooloo behee go do haga delangahia e Goe au?  
\q1 E de langahia gaa hana hua beelaa?  
\q1 E waalooloo behee go do hagammuni Goe i di au?   
\q1
\v 2 Au belee hai gii noho waalooloo behee i lodo ogu haingadaa?  
\q1 E waalooloo behee go dogu manawa gee i di boo mo di aa?  
\q1 E waalooloo behee go ogu hagadaumee ala e haga magedaa au?   
\b  
\q1
\v 3 Meenei Dimaadua go dogu God,  
\q1 mmada mai gi di au, helekai mai gi agu helekai.  
\q1 Hagamaaloo ina aga au, hudee heia au gii made.   
\q1
\v 4 Hudee heia ogu hagadaumee gi helekai boloo,  
\q1 “Gidaadou gu haga magedaa a mee.”  
\q1 Hudee heia digaula gii mmada tene gi dogu doo gi lala.   
\b  
\q1
\v 5 Au e hagadagadagagee gi do manawa aloho dee modu.  
\q1 Au ga tenetene idimaa Goe dela ga haga dagaloaha au.   
\q1
\v 6 Meenei Dimaadua, au ga daahili adu gi di Goe,  
\q1 idimaa Goe dela e humalia mai gi di au.   
\c 14  
\s1 Nia huaidu o nia daangada\f + \fr 14.0 \ft Taahili ni David \f*  
\r (Pisalem 53)  
\q1
\v 1 Digau hagabaubau ihala e helekai i lodo nadau manawa boloo:  
\q1 “Ma hagalee di God ai.”  
\q1 Digaula huogodoo le e huaidu, digaula guu hai nia mee ala koia e huaidu,  
\q1 tangada i digaula e hai nia mee humalia ai.   
\b  
\q1
\v 2 Dimaadua e mmada ia i di langi gi nia daangada dangada  
\q1 be di maa iai tangada e kabemee, be ma iai tangada e daumaha ang gi de Ia.   
\q1
\v 3 Malaa, digaula huogodoo guu huli gi daha,  
\q1 digaula huogodoo gu huaidu be di mee e dahi,  
\q1 deai tangada i digaula e hai di mee e donu ai, tangada e dahi ai.\x * \xo 14.3 \xt Romans 3.10-12\x*   
\b  
\q1
\v 4 Dimaadua ga heeu, “Ma e aha, digaula e de iloo?  
\q1 Digau huogodoo hai mee huaidu aanei, la hagalee kabemee?  
\q1 Digaula e mouli mai i nadau gaiaa agu daangada,  
\q1 gei digaula hagalee loo e dalodalo mai gi di Au.”   
\b  
\q1
\v 5 Malaa, digaula ga mmaadagu huoloo,  
\q1 idimaa, God le e madalia digau ala e hagalongo gi Mee.   
\q1
\v 6 Digau hai mee huaidu le e haga dee kila nia haganoho o digau hila gi lala,  
\q1 gei Dimaadua la go Mee dela e madamada humalia i digaula.   
\b  
\q1
\v 7 Au e hai dalodalo huoloo bolo di hagamouli o Israel la gi hanimoi i Zion.  
\q1 Di tenetene damanaiee gaa hai go digau Israel,  
\q1 i di madagoaa o Dimaadua ma gaa hai digaula gi haadanga lamalia labelaa!   
\c 15  
\s1 Nia mee a Dimaadua e hiihai ginai\f + \fr 15.0 \ft Taahili ni David \f*  
\q1
\v 1 Meenei Dimaadua, ma koai dela e mee di ulu gi lodo do Hale Daumaha?  
\q1 Ma koai dela e mee di daumaha i hongo dau gonduu haga madagu go Zion?   
\b  
\q1
\v 2 Ma go digau ala e hagalongo ang gi God i nia mee huogodoo,  
\q1 ge e hai nia mee ala e donu i nia madagoaa huogodoo,  
\q1 ge e helekai donu aga i lodo nadau manawa,   
\q1
\v 3 ge hagalee helekai hagahuaidu nia daangada,  
\q1 ge hagalee hai nia mee huaidu gi nadau ihoo,  
\q1 ge hagalee helehelekai tamu i digau ala i nadau baahi,   
\q1
\v 4 ge e hagadugina i digau ala gu haga balumee go God,  
\q1 ge e hagalabagau hua digau ala e hagalongo ang gi Dimaadua,  
\q1 ge e haga gila aga ana mee ala ne hagababa i nia madagoaa huogodoo,  
\q1 ma e aha maa e haingadaa ang gi ginaadou,   
\q1
\v 5 ge hagalee kumi nia wiini o nadau bahihadu  
\q1 ala ne wanga gi tangada bolo e hai hegau ai,  
\q1 ge hagalee hai digau hagamaamaa dilikai  
\q1 belee hai baahi gi tangada deai ono huaidu ai,  
\q1 bolo gii kumi nia teenedi a maa.  
\b  
\q1 Malaa, tangada dela e hai nia mee aanei  
\q1 le e noho humalia ang gi deia  
\q1 i lodo nia haingadaa gaa hana hua beelaa.   
\c 16  
\s1 Talodalo o di hagadagadagagee\f + \fr 16.0 \ft Taahili ni David \f*  
\q1
\v 1 Meenei God, hagaloohi ina au, ma Kooe hua dela e hagadagadagagee ginai au.   
\q1
\v 2 Au e helekai ang gi Dimaadua, “Kooe hua go dogu Dagi.  
\q1 Nia mee huogodoo humalia ala i dogu baahi la ne loomoi i di Goe.”   
\b  
\q1
\v 3 E humalia huoloo go nia daangada ala e manawa dahi ang gi God!  
\q1 Au e hiihai huoloo bolo au e madalia digaula.   
\b  
\q1
\v 4 Digau ala e hula gi nia god ala i golo  
\q1 le e bida hagauda ang gi ginaadou nia haingadaa e logowaahee.  
\q1 Au hagalee madalia nia tigidaumaha ala e hai go digaula.  
\q1 Au hagalee daumaha gi nia god digaula.   
\b  
\q1
\v 5 Meenei Dimaadua, ma Kooe hua dela e hai mee ginai au,  
\q1 gei go Kooe hua dela e gaamai agu mee huogodoo ala e hiihai ginai au,  
\q1 gei go Kooe hua dela e dadaahi dogu mouli.   
\q1
\v 6 E humalia huoloo go au wanga dehuia mai gi di au,  
\q1 e humalia huoloo go nia maa!   
\b  
\q1
\v 7 Au e hagaamu Dimaadua i Mee dela e dagi au.  
\q1 Ma gaa boo gei dogu manawa e haga haga iloo mai gi di au.   
\q1
\v 8 Au e modongoohia bolo Dimaadua la gu madalia au  
\q1 i nia madagoaa huogodoo.  
\q1 Mee i dogu baahi, deai di mee e mee di hagahuaidu au ai.   
\b  
\q1
\v 9 Deelaa di mee e hagaamu iei au ge e tenetene,  
\q1 gei au gu hagalongo ia i di au gu dagaloaha mai gi daha mo di haingadaa,   
\q1
\v 10 idimaa Goe dela e abaaba au gi daha mo di mogobuna o di made.  
\q1 Au gu hai hegau manawa dahi adu gi di Goe,  
\q1 gei Goe ga hagalee diiagi au gi lodo tenua o digau mmade.\x * \xo 16.10 \xt Acts 13.35\x*   
\b  
\q1
\v 11 Goe ga hagi mai di ala dela e hana gi di mouli.  
\q1 Doo noho i dogu baahi le e haga honu au gi di tenetene,  
\q1 ge e hai au gi tenetene gaa hana hua beelaa.\x * \xo 16.11 \xt Acts 2.25-28\x*   
\c 17  
\s1 Talodalo tangada madammaa\f + \fr 17.0 \ft Taahili ni David \f*  
\q1
\v 1 Meenei Dimaadua, hagalongo mai gi dagu dangidangi adu di tonu.  
\q1 Hagalongo mai gi dagu dangidangi i di hagamaamaa.  
\q1 Hagalongo gi dagu dalodalo e hai mai i lodo dogu manawa donu.   
\q1
\v 2 Goe ga hagi aga bolo au e donu, idimaa Goe e iloo di mee dela e donu.   
\b  
\q1
\v 3 Goe e iloo dogu manawa.  
\q1 Ma gaa boo gei goe gu hanimoi gi di au, gu hagadina ogu lodo hagatau,  
\q1 gu gidee Goe bolo au ogu hiihai huaidu i ogu lodo ai.  
\q1 Au hagalee helekai huaidu,   
\q1
\v 4 be digau ala i golo. Au gu hagagila aga au haganoho,  
\q1 gei au hagalee heehee i di ala o digau ala e noho llamu dauwa.   
\q1
\v 5 Au e heehee i hongo oo ala i nia madagoaa huogodoo,  
\q1 ge hagalee hana laa daha.   
\b  
\q1
\v 6 Meenei God, au e dalodalo adu gi di Goe, idimaa Goe dela gu helekai mai.  
\q1 Malaa, huli mai gi di au mo di hagalongo mai gi agu helekai.   
\q1
\v 7 Hagamodongoohia ina mai do aloho hagagoboina  
\q1 mo di haga dagaloaha ina au.  
\q1 Au gu benebene hagahumalia gi daha mo ogu hagadaumee  
\q1 i lala di malu o doo lima.   
\b  
\q1
\v 8 Abaaba ina au gadoo be Goe ma ga abaaba o golomada.  
\q1 Hagammuni ina au gi lala di malu o bakau   
\q1
\v 9 gi daha mo nia hai o digau huaidu.  
\q1 Nia hagadaumee daaligi dangada gii made e haganiga mai i dogu gili.   
\q1
\v 10 Deai tumaalia i baahi digaula ai, gei digaula e helehelekai hagamuamua.   
\q1
\v 11 Digaula gu haganiga au dolomeenei, e gologolo au belee hudu gi lala,  
\q1 i dogu madagoaa ma gaa mmada gi daha.   
\q1
\v 12 Digaula e hai gadoo be nia laion, e talitali au belee hahaahi hagaligiligi.   
\b  
\q1
\v 13 Meenei Dimaadua, hanimoi!  
\q1 Hai baahi gi ogu hagadaumee, gei gi hagamagedaa ina digaula!  
\q1 Daawa ina au gi daha mo digau huaidu gi dau hulumanu dauwa.   
\q1
\v 14 Haga dagaloaha ina au gi daha mo digau  
\q1 ala gu hai mee gi nia mee huogodoo ala e hiihai ginai ginaadou i henuailala.  
\q1 Daaligidia digaula gi taaligi dela gu haga togomaalia Kooe gi digaula.  
\q1 Heia nia dadaaligi gi dohu anga gi nadau dama,  
\q1 mo e wanga labelaa gi nia dama o nia dama digaula.   
\b  
\q1
\v 15 Gei au ga mmada adu gi di Goe, idimaa au digi hai dagu mee hala.  
\q1 Dogu madagoaa ma ga ala aga, gei au ga tenetene,  
\q1 idimaa Goe dela i dogu baahi.   
\c 18  
\s1 Taahili di aali David\f + \fr 18.0 \ft Nnelekai David ne daahili go mee ang gi Dimaadua i di laangi Dimaadua ne haga dagaloaha a mee gi daha mo Saul mo ana hagadaumee huogodoo ala i golo\f*  
\r (2-Samuel 22.1-51)  
\q1
\v 1 Meenei Dimaadua, au e aloho i di Goe!  
\q1 Goe dela go dogu Dangada Daa.   
\b  
\q1
\v 2 Dimaadua la go dogu madaloohi, go Mee go dogu abaaba mau dangihi.  
\q1 Dogu God la go dogu hagaloohi, au e benebene hagahumalia i baahi o Mee.  
\q1 Mee e abaaba au gadoo be di mee abaaba.  
\q1 Mee e daa mai au gi daha, ge e benebene au.   
\q1
\v 3 Au e gahigahi Dimaadua, gei Mee ga daa mai au gi daha  
\q1 mo ogu hagadaumee. Hagaamu ina Dimaadua!   
\b  
\q1
\v 4 Di hagalliga o di made gu haganiga mai i dogu gili.  
\q1 Nia beau o di haga mooho gu haga holi au.   
\b  
\q1
\v 5 Di hagalliga o di made gu i dogu baahi.  
\q1 Taalunga la guu lawa di haganoho e hele au.   
\q1
\v 6 Dogu madagoaa ne haingadaa mai gi di au, gei au gu gahigahi Dimaadua.  
\q1 Au ne gahigahi dogu God belee hagamaamaa mai au,  
\q1 gei Mee gu longono Ia dogu lee mai i lodo dono hale daumaha.  
\q1 Mee gu longono Ia dagu dangi anga i di hagamaamaa.   
\b  
\q1
\v 7 Henuailala gu ngalungalua gu lullulu.  
\q1 Nia hagamau o nia gonduu gu haga moomoo gu bolebole,  
\q1 idimaa God gu hagawelewele.   
\q1
\v 8 Nia huiahi e buu mai i lodo nia mada uhi o Maa.  
\q1 Di ulaula mo nia malala gaa e ulu mai i lodo di ngudu o Maa.   
\q1
\v 9 Mee gu haahi di langi gi mahuge,  
\q1 gu haneia gi lala madalia di gololangi luuli i lala ono babaawae.   
\q1
\v 10 Mee gu maangi iha i hongo dono dangada di langi e hai ono bakau.  
\q1 Mee gu maangi iha i hongo nia bakau o di madangi.   
\q1
\v 11 Mee guu gahu Ia gi di bouli.  
\q1 Nia gololangi maadolu e honu wai gu haganiga i di gili o Maa.   
\q1
\v 12 Di uwa hadu magalillili mo di ahi e monnono iha mai di ila  
\q1 dela e dabadaba i mua o Mee, ga haahi nia gololangi luuli aalaa.   
\b  
\q1
\v 13 Dimaadua ga ngoloolo gadoo be di lee atili mai i di langi,  
\q1 gei di lee di God Koia e Aamua la gu longono.   
\q1
\v 14 Mee guu puu ana amu maalei,  
\q1 guu hai ono hagadaumee gi lellele dagidahi,  
\q1 gaa hai nia ila gi dabadaba gii llele digaula.   
\q1
\v 15 Meenei Dimaadua, tua di baba o di moana gu gila aga,  
\q1 di hagamau o henuailala gu gila aga labelaa,  
\q1 i do madagoaa ma gu hagawelewele iei Goe gi o hagadaumee,  
\q1 gu ngoloolo gi nua gi digaula gi do hagawelewele.   
\q1
\v 16 Dimaadua gu daahi e Ia dono lima i di langi guu kumi au.  
\q1 Mee gu hudi aga au gi daha mo tua di moana.   
\q1
\v 17 Mee gu haga dagaloaha au gi daha mo ogu hagadaumee maaloo dangihi,  
\q1 mo digau huogodoo ala e hudiou mai gi di au.  
\q1 Digaula koia e maaloo i di au.   
\q1
\v 18 Digaula gu heebagi mai gi di au  
\q1 i dogu madagoaa ne tale gi di haingadaa, gei Dimaadua gu abaaba au.   
\q1
\v 19 Mee gu hagamaamaa au gi daha mo ogu haingadaa,  
\q1 gu haga dagaloaha au i dono manawa tene mai gi di au.   
\b  
\q1
\v 20 Dimaadua e hui au idimaa au dela e hai nia mee ala e donu.  
\q1 Mee e haga maluagina au idimaa au dela ogu huaidu ai.   
\q1
\v 21 Au gu daudali nia haganoho a Dimaadua,  
\q1 au hagalee huli gi daha mo dogu God.   
\q1
\v 22 Au gu haga gila aga nia haganoho a Maa huogodoo,  
\q1 au digi de hagalongo gi nia helekai a Maa.   
\q1
\v 23 Mee e iloo Ia bolo au e madammaa,  
\q1 mo dagu hai dela e haga mogowaa au gi daha mo nia haihai huaidu.   
\q1
\v 24 Deelaa di mee a Mee e hui au i di au dela e hai di mee dela e donu,  
\q1 idimaa, Mee e iloo Ia bolo au deai ogu huaidu ai.   
\b  
\q1
\v 25 Meenei Dimaadua, Goe e manawa dahi ang gi digau  
\q1 ala e manawa dahi adu gi di Goe.  
\q1 Goe e humalia ang gi digau ala e humalia.   
\q1
\v 26 Goe e madammaa ang gi digau ala e madammaa,  
\q1 gei Goe e hai baahi ang gi digau ala e hai nia mee huaidu.   
\q1
\v 27 Goe e haga dagaloaha digau ala e manawa hila gi lala,  
\q1 ge e haga hila gi lala digau ala e manawa hagamuamua.   
\b  
\q1
\v 28 Meenei Dimaadua, Goe gu haga maalama au.  
\q1 Goe guu hai di bouli gii maa gi daha.   
\q1
\v 29 Goe guu hai au gii mahi bolo gii mee au di heebagi gi ogu hagadaumee  
\q1 mo e gaamai nia mogobuna bolo gii mee au  
\q1 di haga magedaa nia abaaba dauwa digaula.   
\b  
\q1
\v 30 Di God deenei le e humalia huoloo go nia mee a Mee ala e hai!  
\q1 Nia helekai a Maa le e mee di hagadagadagagee ginai!  
\q1 Mee e hai gadoo be di mee abaaba ni digau huogodoo  
\q1 ala e halahala a Mee bolo e abaaba ginaadou.   
\q1
\v 31 Dimaadua modogo Ia dela go di God!  
\q1 Ma go God modogo Ia dela go tadau Dangada Daa!   
\q1
\v 32 Mee go di God dela e hai au gi maaloo,  
\q1 ge e hagaloohi ogu ala i nia haingadaa.   
\q1
\v 33 Mee ne gaamai ogu wae bolo gii lele au giibeni gadoo be di ee,  
\q1 gei e madamada humalia i di au i hongo nia gonduu.\x * \xo 18.33 \xt Habakkuk 3.19 \x*   
\q1
\v 34 Mee e hagawouwou au gi di hai dauwa,  
\q1 bolo gii mee au di hai hegau gi di maalei dela koia e maaloo.   
\b  
\q1
\v 35 Meenei Dimaadua, Goe e abaaba au, gei e haga dagaloaha mai au.  
\q1 Au hagamaamaa la gu haga madamada au,  
\q1 gei o mogobuna la gu hagaloohi au hagahumalia.   
\q1
\v 36 Goe gu duuli au bolo gi dee kumi au, gei au digi hinga loo.   
\q1
\v 37 Au e waluwalu ogu hagadaumee gaa kumi digaula.  
\q1 Au digi noho loo gaa dae gi dogu daaligi digaula gii mmade.   
\q1
\v 38 Au guu kili digaula gi lala, gei digaula gu deemee di nadau tuu aga.  
\q1 Digaula guu kii magedaa i ogu mua.   
\q1
\v 39 Goe ne hai au gi maaloo bolo gii mee au di heebagi,  
\q1 gei ne hai au gi aali i ogu hagadaumee.   
\q1
\v 40 Goe ne hai ogu hagadaumee gii llele gi daha mo au.  
\q1 Au e daaligi gii odi digau ala nogo hudiou mai gi di au.   
\q1
\v 41 Digaula e gahigahi nadau hagamaamaa,  
\q1 gei tangada e haga dagaloaha digaula ai.  
\q1 Digaula e gahigahi a Dimaadua, gei Mee digi helekai gi digaula.   
\q1
\v 42 Au e dagadagahi digaula bolo gii hai gadoo  
\q1 be nia gelegele gohu ma ga ili go di madangi gi daha.  
\q1 Au e dagadagahi digaula be nia gelegele waiwai ala i hongo nia ala.   
\b  
\q1
\v 43 Goe gu haga dagaloaha au gi daha mo nia daangada hai baahi,  
\q1 gaa hai au gii dagi nia henua.  
\q1 Nia daangada ala digi iloo eau guu hai agu hege dolomeenei.   
\q1
\v 44 Digau mai i daha e pala i ogu mua.  
\q1 Di madagoaa digaula ma ga longono ginaadou au, gei digaula ga daudali.   
\q1
\v 45 Digaula gu manawa paagege ga lloomoi gi daha  
\q1 mo nadau abaaba dauwa mo di polepole.   
\b  
\q1
\v 46 Dimaadua le e mouli! Hagaamu ina dogu Dangada Daa!  
\q1 Hagadele ina di aamua huoloo o di God dela gu haga dagaloaha au!   
\q1
\v 47 Mee go di God dela ne hai au gi aali i hongo ogu hagadaumee.  
\q1 Ma go Mee dela ne hai nia henua la gii noho i lala ogu mogobuna,   
\q1
\v 48 ga haga dagaloaha au gi daha mo ogu hagadaumee.  
\q1 Meenei Dimaadua, Goe e hai au gi aali i ogu hagadaumee,  
\q1 gei e abaaba au gi daha mo digau daaligi dangada.   
\q1
\v 49 Malaa, au e hagaamu huoloo Goe i baahi nia henua llauehe.  
\q1 Au e daahili e haga hagaamu do ingoo.\x * \xo 18.49 \xt Romans 15.9\x*   
\q1
\v 50 Dimaadua e hai dana king gi aali haga humalia.  
\q1 Mee e hagamodongoohia aga dono manawa aloho dee odi  
\q1 ang gi dana dangada dela ne hilihili,  
\q1 ang gi David mo dono hagadili ga hana hua deeodi.   
\c 19  
\s1 Nia madamada o God i lodo ana mee huogodoo ala ne hai\f + \fr 19.0 \ft Taahili ni David \f*  
\q1
\v 1 Di langi i nua e haga modongoohia mai gi gidaadou di madamada o God,  
\q1 ge e haga modongoohia nia mee ala ne hai go Mee.   
\q1
\v 2 Di laangi nei e haga iloo nia maa gi di laangi nomuli,  
\q1 gei di boo nei e taanga nia maa gi di boo nomuli.   
\q1
\v 3 Deai nia helekai be nia leelee e hai ai,  
\q1 ge deai hogi di lee e hagalongo ginai ai.   
\q1
\v 4 Gei nia helekai digaula guu dau loo  
\q1 i nia madagowaa huogodoo i henuailala.  
\q1 God guu hai dana gowaa i di langi belee noho ai di laa.\x * \xo 19.4 \xt Romans 10.18 \x*   
\q1
\v 5 Ma ga luada gei di laa e ulu mai gi daha  
\q1 gadoo be taane hai lodo ma ga ulu gi daha mo dono ruum,  
\q1 e hai gadoo labelaa be tangada lele di hoiaa e hiihai huoloo e lele di hoiaa.   
\q1
\v 6 Mee e daamada i di mada o di langi e hana gi di mada dela i golo.  
\q1 Deai di mee e ngala i di welengina o maa ai.   
\s1 Nnaganoho o Dimaadua  
\q1
\v 7 Nnaganoho o Dimaadua le e humalia huoloo,  
\q1 e hagamaaloo aga haga hoou nia manawa o nia daangada.  
\q1 Nia helekai a Dimaadua le e humalia e mee di hagadagadagagee ginai,  
\q1 e haga kabemee digau ala hagalee kabemee.   
\q1
\v 8 Nia haganoho o Dimaadua le e donu,  
\q1 e hai digau ala e daudali nia maa gi tenetene.  
\q1 Nia helekai a Maa la koia e donu,  
\q1 e haga maalama nia hagabaubau o tangada.   
\q1
\v 9 Di hagalaamua a Dimaadua le e humalia,  
\q1 e hai gi waalooloo gaa hana hua beelaa.  
\q1 Nia gabunga a Dimaadua le e donu,  
\q1 nia maa le e donu i nia madagoaa huogodoo.   
\q1
\v 10 Nia gabunga a Maa la koia e hagalabagau i nia goolo ala koia e humalia,  
\q1 ge koia e maangala labelaa i nia mee maangala ala e hai go nia lamu llauehe.   
\q1
\v 11 Au helekai le e haga maalama dau dangada hai hegau deenei.  
\q1 Au e kumi di hui o dogu daudali au helekai.   
\b  
\q1
\v 12 Deai tangada e iloo ia ono hala ai.  
\q1 Meenei Dimaadua, daawa au gi daha mo nia ihala ala e nngala!   
\q1
\v 13 Abaabalia au gi daha mo nia huaidu ala e modongoohia.  
\q1 Hudee heia au gii dagi go nia maa,  
\q1 deelaa laa gei au gaa dohu, ga mehede gi daha mo di huaidu.   
\b  
\q1
\v 14 Meenei Dimaadua, go dogu abaaba mo dogu hagamouli,  
\q1 hila mai mua gi agu helekai mo agu maanadu!   
\c 20  
\s1 Talodalo i di aali\f + \fr 20.0 \ft Taahili ni David\f*  
\q1
\v 1 Dimaadua gi helekai adu i do madagoaa ma ga haingadaa!  
\q1 Di God o Jacob la gi duuli ina goe!   
\q1
\v 2 Mee gi hagau ina mai dana hagamaamaa gi di goe  
\q1 mai i dono Hale Daumaha,  
\q1 gei gi hagamaamaa ina goe mai i di Gonduu Zion.   
\q1
\v 3 Mee gi daahi aga ina au tigidaumaha huogodoo,  
\q1 mo di manawa tene gi au tigidaumaha huogodoo.   
\q1
\v 4 Mee gi gowadu gi di goe au mee ala e hiihai ginai,  
\q1 gei gi heia au haga maanadu huogodoo gii kila.   
\q1
\v 5 Gei gimaadou ga wwolowwolo hagaamu tenetene gi doo aali,  
\q1 mo di budu do hagalabagau mai di hagaamu di ingoo o tadau God.  
\q1 Dimaadua la gi helekai adu gi au dangidangi huogodoo.   
\b  
\q1
\v 6 Dolomeenei, gei au gu iloo eau bolo  
\q1 Dimaadua e wanga di mogobuna o di aali gi dana king dela ne hilihili.  
\q1 Mee e helekai gi mee mai i dono lohongo haga madagu i di langi.  
\q1 Mee e hai a mee gi aali i lodo nia dauwa mai i ono mogobuna.   
\q1
\v 7 Hunu daangada e hagadagadagagee gi nadau waga dauwa hongo henua,  
\q1 gei hunu daangada e hagadagadagagee gi nadau hoodo.  
\q1 Gei gimaadou e hagadagadagagee hua gi nia mogobuna o Dimaadua  
\q1 go di madau God.   
\q1
\v 8 Nia daangada ala e hai beelaa, la ga tibatiba gaa tinga gi lala,  
\q1 gei gidaadou gaa tuu i nua gaa tuu mau dangihi.   
\b  
\q1
\v 9 Meenei Dimaadua, hagamaamaa ina di king  
\q1 gi haga magedaa ono hagadaumee.  
\q1 Goe helekai mai gi gimaadou i madau madagoaa ma ga gahigahi Goe.   
\c 21  
\s1 Di hagaamu di aali\f + \fr 21.0 \ft Taahili ni David\f*  
\q1
\v 1 Meenei Dimaadua, di madau king gu tenetene  
\q1 idimaa Goe dela ne wanga gi mee di maaloo.  
\q1 Mee e tenetene i di Goe dela ne hai a mee gi aali.   
\q1
\v 2 Goe guu wanga gi mee nia mee a mee ala e haa manawa ai.  
\q1 Goe gu helekai gi tangidangi a maa.   
\b  
\q1
\v 3 Goe gu hanimoi gi mee mo au hagamaluagina humalia,  
\q1 gaa wanga dau hau goolo gi hongo di libogo o maa.   
\q1
\v 4 Mee ne dangi adu gi di Goe di mouli,  
\q1 gei Goe guu wanga gi mee di mouli duai ge waalooloo.   
\q1
\v 5 Nia madamada o dono ingoo le e aamua,  
\q1 idimaa Goe dela gu hagamaamaa a mee.  
\q1 Goe ne hai a mee gii hai di king e dau gei e mahi.   
\q1
\v 6 O hagamaluagina le e madalia a mee ga hana hua deeodi.  
\q1 Mee e tenetene huoloo idimaa Goe dela e madalia a mee.   
\b  
\q1
\v 7 Di king le e hagadagadagagee gi Dimaadua di Gowaa Aamua,  
\q1 gei mee gaa noho baba mau dangihi,  
\q1 idimaa go di manawa aloho dee modu Dimaadua i mee.   
\q1
\v 8 Di king gaa kumi ono hagadaumee huogodoo,  
\q1 mee gaa kumi digau huogodoo ala e hudiou ang gi deia.   
\q1
\v 9 Mee ga daaligi digaula gi di ahi ulaula i dono madagoaa ma ga hanimoi.  
\b  
\q1 Dimaadua ga hagammaa digaula gi daha i dono hagawelewele,  
\q1 gei di ahi gaa dudu digaula gii wwele.   
\q1
\v 10 Deai tangada i nia hagadili digaula e mouli ai.  
\q1 Di king ga daaligi digaula huogodoo gii mmade.   
\b  
\q1
\v 11 Digaula ga haga noho di nadau hai belee hai baahi gi mee,  
\q1 gei digaula hagalee kila.   
\q1
\v 12 Mee gaa puu ana amu maalei gi digaula,  
\q1 e hai digaula gii huli gi muli gii llele.   
\b  
\q1
\v 13 Gimaadou e hagaamu Goe, meenei Dimaadua, idimaa go oo mahi!  
\q1 Gimaadou ga daahili mo di hagaamu o mogobuna.   
\c 22  
\s1 Talodalo manawa gee mo taahili hagaamu\f + \fr 22.0 \ft Taahili ni David \f*  
\q1
\v 1 Dogu God, dogu God, Goe gu diiagi au beleiaha?  
\q1 Au gu dangidangi adu i di hagamaamaa, gei di hagamaamaa digi hanimoi.\x * \xo 22.1 \xt Matthew 27.46; Mark 15.34\x*   
\q1
\v 2 Meenei dogu God, au gu gahigahi Goe i di aa, gei Goe hagalee helekai mai.  
\q1 Ma gaa boo, gei au e gahigahi labelaa, au hagalee noho.   
\q1
\v 3 Malaa, Goe dela go di God hagamadagudia  
\q1 dela e noho i hongo do lohongo, go Kooe dela e haga hagaamu go Israel.   
\q1
\v 4 Madau damana ala namua nogo hagadagadagagee adu gi di Goe,  
\q1 digaula e hagadagadagagee adu gi di Goe, gei Goe e haga dagaloaha digaula.   
\q1
\v 5 Digaula nogo gahigahi Goe, gei digaula guu too gi daha mo di haingadaa.  
\q1 Digaula nogo hagadagadagagee adu gi di Goe,  
\q1 gei di hagadagadagagee o digaula adu gi di Goe guu gila.   
\b  
\q1
\v 6 Gei au gu hagalee tangada, au e hai be di mee maaloo  
\q1 dela e de hiihai ginai ge e haga balumee go digau huogodoo!   
\q1
\v 7 Digau huogodoo ala ma ga mmada mai gi di au  
\q1 le e hai nadau dadaagala i di au.  
\q1 Digaula e hagatolotolo gi daha nadau holole ge e lialiagi nadau libogo,\x * \xo 22.7 \xt Matthew 27.39; Mark 15.29; Luke 23.35\x*   
\q1
\v 8 mo di helekai, “Goe gu hagadagadagagee gi Dimaadua,  
\q1 gei Mee e aha dela hagalee haga dagaloaha goe?  
\q1 Maa nei bolo Dimaadua le e hiihai adu gi di goe,  
\q1 Mee la e aha dela hagalee hagamaamaa goe?”\x * \xo 22.8 \xt Matthew 27.43\x*   
\b  
\q1
\v 9 Ma Kooe hua dela nogo benebene au i dogu madagoaa ne haanau ai,  
\q1 gei di maa Kooe labelaa dela nogo hagaloohi au i dogu madagoaa nogo ligiana.   
\q1
\v 10 Au nogo hagadagadagagee adu gi di Goe mai i dogu madagoaa ne haanau ai,  
\q1 gei di maa Kooe hua dela nogo hai di God ni oogu i nia madagoaa huogodoo.   
\q1
\v 11 Goe hudee haga mogowaa ina Goe gi daha mo au!  
\q1 Nia haingadaa llauehe gu hoohoo mai, gei di maa tangada e hagamaamaa au ai.   
\b  
\q1
\v 12 Nia hagadaumee e dogologowaahee e haganiga au gadoo be nia kau daane,  
\q1 digaula e hai gadoo be nia kau daane llamu dauwa o Bashan.   
\q1
\v 13 Digaula e hanga nadau ngudu be nia laion,  
\q1 e wwolowwolo bolo ginaadou e hahaahi au.   
\b  
\q1
\v 14 Au gu deai ogu mahi ai, ogu mahi gu hagalee  
\q1 gadoo be nia wai ala ne malingi gi hongo di gelegele.  
\q1 Ogu iwi huogodoo gu monnono gi daha mo nadau dudaginga,  
\q1 mo dogu hadu manawa gu waiwai gadoo be nia kiliidi.   
\q1
\v 15 Dogu akii gu maangoo gadoo be nia gohu dogolia.  
\q1 Dogu holole gu pigi aga gi baahi gi nua dogu ngudu.  
\q1 Goe ne diiagi au gi lodo nia gohu dogolia bolo gii made au.   
\b  
\q1
\v 16 Di buini gau huaidu e haganiga mai i dogu gili  
\q1 gadoo be di hagabuulinga paana e mmui mai gi di au.  
\q1 Digaula e gadigadi ogu lima mo ogu wae.   
\q1
\v 17 Ogu iwi huogodoo gu kila mai haga modongoohia.  
\q1 Ogu hagadaumee e madamada mai gi di au mo di dadaumada au.   
\q1
\v 18 Digaula e bilei gi ogu gahu, mo di duwwe nia maa i ginaadou.\x * \xo 22.18 \xt Matthew 27.35; Mark 15.24; Luke 23.34; John 19.24\x*   
\b  
\q1
\v 19 Meenei Dimaadua, Goe hudee haga mogowaa ina Goe gi daha mo au!  
\q1 Goe hagalimalima mai, e daa au gi daha mo di haingadaa!   
\q1
\v 20 Haga dagaloaha ina au gi daha mo tulumanu dauwa.  
\q1 Haga dagaloaha ina dogu mouli gi daha mo nia paana aanei.   
\q1
\v 21 Daawa au gi daha mo nia laion aanei.  
\q1 Au gu deai dogu hagamaamaa i mua nia kau daane llamu dauwa aanei ai.   
\b  
\q1
\v 22 Au ga hagi anga do ingoo gi ogu duaahina.  
\q1 Au ga hagaamu Goe i lodo nadau hagabuulinga daangada,\x * \xo 22.22 \xt Hebrews 2.12\x*   
\q1
\v 23 ga helekai boloo, “Goodou go nia daane hai hegau a Dimaadua,  
\q1 goodou hagaamuina a Mee!  
\q1 Goodou go di hagadili ni Jacob, goodou hagalaamua ina a Mee!  
\q1 Goodou go digau Israel, goodou daumaha gi Mee!   
\q1
\v 24 Mee hagalee diiagi digau hagaloale,  
\q1 be e haga balumee nia hagaduadua digaula.  
\q1 Mee hagalee huli gi daha mo digaula,  
\q1 Mee e hila ang gi digaula i di nadau madagoaa ma ga gahigahi a Mee.”   
\b  
\q1
\v 25 Au ga hagaamu Goe i lodo nia hagabuulinga llauehe.  
\q1 Au gaa hai agu tigidaumaha ala ne hagababa adu ko au  
\q1 i mua digau ala e daumaha adu gi di Goe.   
\q1
\v 26 Digau hagaloale gaa gai nadau hagabae mee ala e hiihai ginai.  
\q1 Digau ala e lloomoi gi Dimaadua ga hagaamu a Mee.  
\q1 Digaula la gi haadanga lamalia gaa hana hua beelaa!   
\b  
\q1
\v 27 Nia henua huogodoo ga langahia a Dimaadua.  
\q1 Digaula ga maaliu mai gi Mee mai i nia mada huogodoo o henuailala.  
\q1 Nia hagadilinga daangada henua huogodoo ga daumaha gi Mee.   
\q1
\v 28 Dimaadua la di king, go Mee e dagi nia henua.   
\b  
\q1
\v 29 Nia daangada hagamuamua huogodoo gaa pala gi Mee.  
\q1 Nia daangada dangada huogodoo gaa pala gi mua o Mee.   
\q1
\v 30 Nia adu daangada huogodoo ala ga lloo aga dagidilaangi ga hai hegau gi Mee.  
\q1 Digaula ga hagi anga gi nia madahaanau ala ga lloo aga maalia di hai o Dimaadua.   
\q1
\v 31 Nia daangada ala digi haanau ga hagalongo boloo,  
\q1 “Di Tagi gu benebene ana daangada!”   
\c 23  
\s1 Dimaadua go tadau Hagaloohi\f + \fr 23.0 \ft Taahili ni David \f*  
\q1
\v 1 Dimaadua go dogu Hagaloohi.  
\q1 Au guu dohu i nia mee huogodoo.   
\q1
\v 2 Mee e hai au gi hagamolooloo i lodo di gowaa geinga tolo humalia,  
\q1 gaa dagi au gi nia monowai madammaa.\x * \xo 23.2 \xt Revelation 7.17 \x*   
\q1
\v 3 Mee e hagamaaloo aga au, e dagi au i lodo nia ala e donu,  
\q1 e hagalaamua ai dono ingoo.   
\b  
\q1
\v 4 Meenei Dimaadua,  
\q1 ma e aha maa au gaa hana i lodo di gowaa bouli dongoeho,  
\q1 gei au hagalee madagu, idimaa Goe dela e madalia au.  
\q1 Dau madaagoo mo dau dogodogo hagaloohi siibi e hagaloohi au.   
\b  
\q1
\v 5 Goe e hagatogomaalia dau hagamiami mai gi di au  
\q1 i di gowaa dela e mee di mmada ai ogu hagadaumee huogodoo mai gi di au.  
\q1 Goe e hagalaamua au mo di hagatulu dogu libogo gi nia lolo kala,  
\q1 mo di haga hau dagu ibu gii honu.   
\q1
\v 6 Au gu iloo bolo o humalia mo do aloho la ga noho mau madalia au  
\q1 i nia laangi huogodoo ala e mouli iei au,  
\q1 gei au gaa noho i doo hale i di waalooloo o dogu mouli.   
\c 24  
\s1 Di King Aamua\f + \fr 24.0 \ft Taahili ni David\f*  
\q1
\v 1 Henuailala mono hagahonu huogodoo i ono lodo la nia mee ni Dimaadua.  
\q1 Henuailala mono mee huogodoo ala e mouli i nonua la nia mee ni Mee.\x * \xo 24.1 \xt 1-Corinthians 10.26\x*   
\q1
\v 2 Mee ne hau di maa i hongo di moana llala i lala henuailala,  
\q1 ga haga noho dono hagamau i lodo di moana llala.   
\b  
\q1
\v 3 Ma koai dela e tau di hana gi nua gi di gonduu a Dimaadua?  
\q1 Ma koai dela e mee di ulu gi lodo di Hale Haga madagu a Maa?   
\q1
\v 4 Ma go digau ala e madammaa nadau hangaahai mo nadau maanadu,  
\q1 ge hagalee daumaha gi nia balu god, ge hagalee hai nadau hagababa tilikai.\x * \xo 24.4 \xt Matthew 5.8\x*   
\q1
\v 5 Dimaadua ga haga maluagina digaula ga haga dagaloaha digaula.  
\q1 God ga haga waalanga bolo digaula deai nadau huaidu ai.   
\q1
\v 6 Ma go digau ala beenei ala e lloomoi gi God,  
\q1 ala e lloomoi gi mua di God o Jacob.   
\b  
\q1
\v 7 Goodou hugee nia bontai di abaaba di waahale,  
\q1 hugee nia bontai ala mai anadilaangi, gi ulu di King Aamua gi lodo!   
\q1
\v 8 Di King Aamua deenei la koai?  
\q1 Go Dimaadua, Mee e maaloo ge mogobuna!  
\q1 Dimaadua dela koia e maaloo i lodo nia dauwa.   
\b  
\q1
\v 9 Goodou hugee nia bontai di abaaba di waahale,  
\q1 hugee nia bontai ala mai anadilaangi, gi ulu di King Aamua gi lodo!   
\q1
\v 10 Di King Aamua deenei la koai?  
\q1 Go Dimaadua di Gowaa Aamua, go Mee dela go di King Aamua!   
\c 25  
\s1 Talodalo i di aago mo di abaaba\f + \fr 25.0 \ft Taahili ni David\f*  
\q1
\v 1 Meenei Dimaadua, au e dalodalo adu gi di Goe.   
\q1
\v 2 Au e hagadagadagagee adu gi di Goe, meenei dogu God.  
\q1 Haga dagaloaha ina au gi daha mo di hagalangaadia o di magedaa.  
\q1 Hudee heia ogu hagadaumee gii mmada tene i di au!   
\q1
\v 3 Digau ala e hagadagadagagee adu gi di Goe la hagalee magedaa,  
\q1 gei digau ala e hai baahi adu gi di Goe, ala digau ga magedaa.   
\q1
\v 4 Meenei Dimaadua, aago ina mai gi di au oo ala.  
\q1 Heia au gi iloo nia maa.   
\q1
\v 5 Aago ina au dagu hai dela e mouli iei au  
\q1 gii hai be dau hiihai dela belee mouli iei au,  
\q1 idimaa, Goe go dogu God dela e haga dagaloaha au.  
\q1 Au e hagadagadagagee adu gi di Goe i nia laangi huogodoo.   
\q1
\v 6 Meenei Dimaadua, gi langahia e Goe do dumaalia  
\q1 mo do manawa aloho dee modu dela ne hagamodongoohia aga Kooe i mua loo.   
\q1
\v 7 Dumaalia mai gi di au i ogu huaidu mo agu mee hai hala  
\q1 ala ne hai i dogu madagoaa damagiigi.  
\q1 Gi langahia e Goe au, meenei Dimaadua, i lodo do manawa aloho deeodi  
\q1 mo o humalia huoloo.   
\q1
\v 8 Idimaa Dimaadua le e donu gei e humalia,  
\q1 Mee e aago digau huaidu gi di ala dela belee hai gi daudali go digaula.   
\q1
\v 9 Mee e dagi digau ala e hila gi lala gi di ala dela e donu,  
\q1 gei e aago digaula gi dono manawa.   
\q1
\v 10 Mee e dagi digau huogodoo ala e daudali ana hagababa,  
\q1 mo di daudali ana helekai gi dono manawa dahi mo di aloho.   
\q1
\v 11 Meenei Dimaadua, haga gila ina aga au hagababa,  
\q1 dumaalia mai gi ogu huaidu, idimaa, ogu huaidu la gu logowaahee.   
\q1
\v 12 Digau ala e hagalaamua Dimaadua ga iloo mai baahi o Mee  
\q1 di ala dela belee daudali go ginaadou.   
\q1
\v 13 Digaula ga haadanga lamalia i nia madagoaa huogodoo,  
\q1 gei nia hagadili digaula ga hai mee gi tenua deelaa.   
\q1
\v 14 Dimaadua le e hagadau ihoo gi digau ala e hagalongo ang gi de Ia,  
\q1 gei e haga mau dangihi ana hagababa ang gi digaula.   
\q1
\v 15 Au e halahala dogu hagamaamaa gi baahi Dimaadua  
\q1 i nia madagoaa huogodoo,  
\q1 gei Mee e haga dagaloaha au gi daha mo di haingadaa.   
\q1
\v 16 Meenei Dimaadua, huli mai gi di au mo di dumaalia mai gi di au,  
\q1 idimaa, au gu modogoau ge gu bagege.   
\q1
\v 17 Hagamaamaa ina au i ogu de nnoomaalia,  
\q1 mo di haga dagaloaha ina au gi daha mo ogu haingadaa huogodoo.   
\q1
\v 18 Goe hagamaanadu ina ogu haingadaa mo ogu duadua,  
\q1 gei gi dumaalia mai gi ogu huaidu huogodoo.   
\q1
\v 19 Mmada gi di logo o ogu hagadaumee.  
\q1 Mmada gi tamanaiee o nadau hagadugina mai gi di au.   
\q1
\v 20 Hagaloohia au mo di benabena ina au.  
\q1 Hagaloohi au gi dee magedaa au.  
\q1 Au e hanadu gi di Goe gii noho au i di aumaalia.   
\q1
\v 21 Ogu humalia mo ogu donu la gi hagaloohia au,  
\q1 idimaa, au dela e hagadagadagagee adu gi di Goe.   
\q1
\v 22 Meenei God, haga dagaloaha ina au daangada ala go digau Israel  
\q1 gi daha mo nadau haingadaa huogodoo.   
\c 26  
\s1 Talodalo tangada humalia\f + \fr 26.0 \ft Taahili ni David\f*  
\q1
\v 1 Meenei Dimaadua, haga iloo ina bolo au ogu huaidu ai,  
\q1 idimaa, au e hai nia mee ala e donu,  
\q1 gei e hagadagadagagee huoloo adu gi di Goe.   
\q1
\v 2 Meenei Dimaadua, hagadina ina au mo di hagamada ina au.  
\q1 Hagiaga ina ogu hiihai mo ogu hagabaubau.   
\q1
\v 3 Do manawa aloho dee modu dela e dagi au.  
\q1 Do manawa dahi dela e dagi au i nia madagoaa huogodoo.   
\b  
\q1
\v 4 Au hagalee hagabuni gi digau ala balumee,  
\q1 gei au dagu mee e hai ang gi digau halahalau dangada ai.   
\q1
\v 5 Au e hagadugina gi digau ala e haihai di huaidu,  
\q1 gei au hagalee noho i baahi digau huaidu.   
\b  
\q1
\v 6 Meenei Dimaadua, au e tono ogu lima  
\q1 e hagamodongoohia bolo au ogu ihala ai,  
\q1 ge e hai agu daumaha e hana haganiga dau gowaa hai tigidaumaha.   
\q1
\v 7 Au e daahili danggee, gei e hagi anga au hegau hagagoboina.   
\b  
\q1
\v 8 Meenei Dimaadua, au e aloho i di hale dela e noho iei Goe,  
\q1 di gowaa dela e noho ai do madamada.   
\q1
\v 9 Hudee daaligidia au madalia digau hai mee hala.  
\q1 Hudee daaligidia au be digau daaligi dangada gii mmade,   
\q1
\v 10 nia daangada ala e hai mee huaidu i nia madagoaa huogodoo,  
\q1 ge e hagatogomaalia i nia madagoaa huogodoo e kae nia bahihadu haganeene.   
\b  
\q1
\v 11 Gei au, au e hai nia mee ala e donu.  
\q1 Dumaalia mai gi di au, haga dagaloaha ina au!   
\b  
\q1
\v 12 Au gu benebene hagahumalia gi daha  
\q1 mo nia hagadilinga mee hagalliga huogodoo.  
\q1 Au e hagaamu Dimaadua i mua ana hagabuulinga daangada.   
\c 27  
\s1 Talodalo hagaamu\f + \fr 27.0 \ft Taahili ni David\f*  
\q1
\v 1 Dimaadua go dogu haga maalama mo dogu hagamouli!  
\q1 Au hagalee e madagu i dahi dangada.  
\q1 Dimaadua e abaaba au gi daha mo nia mee hagalliga huogodoo.  
\q1 Au hagalee madagu i dahi mee.   
\b  
\q1
\v 2 Maa digau huaidu ga heebagi mai gi di au belee daaligi au gii made,  
\q1 digaula ga tibatiba gaa tinga gi lala.   
\q1
\v 3 Ma e aha maa digau dauwa dogologowaahee ga haganiga mai i dogu gili,  
\q1 gei au hagalee madagu.  
\q1 Ma e aha maa ogu hagadaumee ga heebagi mai gi di au,  
\q1 gei au e hagadagadagagee hua igolo gi God.   
\b  
\q1
\v 4 Di mee hua e dahi dela e dangi iei au gi Dimaadua,  
\q1 di mee hua e dahi dela e hiihai ginai au:  
\q1 bolo au gii noho i lodo di hale o Dimaadua i di waalooloo o dogu mouli,  
\q1 gii mmada au gi nia madamada o Maa,  
\q1 ge e dangi gi Mee gi aago ina mai au dagu hai dela belee hai.   
\q1
\v 5 I lodo nia madagoaa haingadaa, gei Mee ga abaaba au.  
\q1 Mee ga hagaloohi au i lodo dono Hale Daumaha,  
\q1 gaa dugu au gi hongo di gonduu duuduu i nua.   
\q1
\v 6 Malaa, gei au ga aali i ogu hagadaumee ala i dogu gili.  
\q1 Au gaa hai dagu tigidaumaha mo di wolowolo tenetene  
\q1 i lodo dono Hale Daumaha.  
\q1 Au ga daahili, au ga hagaamu Dimaadua.   
\b  
\q1
\v 7 Meenei Dimaadua, hagalongo mai i dogu madagoaa ma ga gahigahi Goe!  
\q1 Goe manawa dumaalia mai, helekai mai!   
\q1
\v 8 Do madagoaa ne helekai boloo, “Hanimoi daumaha mai!”  
\q1 gei au ga helekai, “Meenei Dimaadua, au ga hanadu.”   
\q1
\v 9 Goe hudee heia Goe gii ngala i di au!  
\b  
\q1 Meenei God, go dogu Hagamouli, Goe hudee hagawelewele mai,  
\q1 Goe hudee diagia dau dangada hai hegau deenei.  
\q1 Goe go dogu Hagamaamaa, Goe hudee huli gi daha mo au,  
\q1 Goe hudee diagi ina au.   
\q1
\v 10 Dogu damana mo dogu dinana holongo e mee di diiagi au,  
\q1 gei Dimaadua e benebene au.   
\b  
\q1
\v 11 Meenei Dimaadua, aago ina au gi au mee ala e hiihai bolo au gi heia.  
\q1 Dagia au i hongo di ala huudonu, idimaa, ogu hagadaumee le e dogologo.   
\q1
\v 12 Goe hudee diagia au gi ogu hagadaumee ala e heebagi mai gi di au  
\q1 i nadau helekai hagamadagudagu mono helekai tilikai.   
\b  
\q1
\v 13 Gei deeai, au e iloo bolo au e mouli hua bolo gii mmada au  
\q1 gi di humalia o Dimaadua i lodo dogu mouli nei.   
\q1
\v 14 Hagadagadagagee gi Dimaadua!  
\q1 Hagadonu, hudee manawa bagege!  
\q1 Hagadagadagagee gi Dimaadua!   
\c 28  
\s1 Talodalo i di hagamaamaa\f + \fr 28.0 \ft Taahili ni David \f*  
\q1
\v 1 Meenei Dimaadua, dogu Dangada Daa, au e gahigahi Goe.  
\q1 Hagalongo mai gi dagu dangidangi!  
\q1 Maa nei bolo Goe digi helekai mai,  
\q1 gei au ga madalia digau ala e hula gi lala gi tenua o digau mmade.   
\q1
\v 2 Hagalongo mai i dogu madagoaa ma ga dangi adu di hagamaamaa,  
\q1 i dogu madagoaa ma ga dahi aga ogu lima gi doo Hale Dabuaahia.   
\q1
\v 3 Hudee heia au gii made madalia digau huaidu,  
\q1 mo madalia digau hai mee huaidu,  
\q1 ala go nia hagadilinga daangada ala e hai nadau helekai humalia huoloo,  
\q1 gei nadau manawa le e honu i nia halahalau dangada.   
\b  
\q1
\v 4 Daaligidia digaula gi nia mee digaula ala ne hai,  
\q1 mo nia huaidu digaula ala ne hai.  
\q1 Daaligidia digaula i nia mee huogodoo huaidu digaula ala ne hai.  
\q1 Wanga ina gi digaula nia mee ala e tau ang gi digaula!\x * \xo 28.4 \xt Revelation 22.1\x*   
\q1
\v 5 Digaula e de heia ginaadou nia mee a Dimaadua ne hai,  
\q1 be go nia mee a Mee ala ne hai.  
\q1 Malaa, Mee ga daaligi digaula ga hagammaa digaula gi daha.   
\b  
\q1
\v 6 Goodou hagaamu ina Dimaadua,  
\q1 i Mee dela gu longono Ia dagu gahigahi hagamaamaa ne hai.   
\q1
\v 7 Dimaadua e hagaloohi gei e abaaba au.  
\q1 Au e hagadagadagagee gi Mee.  
\q1 Mee e hagamaamaa au gei e hai au gi tenetene.  
\q1 Au e hagaamu a Mee gi nia daahili haga tenetene.   
\b  
\q1
\v 8 Dimaadua e hagaloohi ana daangada,  
\q1 Mee e abaaba ge e haga dagaloaha dana king dela ne hilihili.   
\q1
\v 9 Meenei Dimaadua, haga dagaloaha ina au daangada,  
\q1 hagamaluagina ina digau ala nia daangada ni aau.  
\q1 Dagia digaula be di hagaloohi siibi,  
\q1 gei Goe gi madamada humalia i digaula gaa hana hua beelaa.   
\c 29  
\s1 Di lee Dimaadua i lodo di madangi gono\f + \fr 29.0 \ft Taahili ni David \f*  
\q1
\v 1 Hagaamu ina Dimaadua, goodou go nia dama a God ala i di langi.  
\q1 Hagaamu ina nia madamada o Maa mono mogobuna.   
\q1
\v 2 Hagaamu ina di ingoo madamada o Dimaadua.  
\q1 Pala gi lala gi mua Tangada Haga madagu ma ga hanimoi.\x * \xo 29.2 \xt Pisalem 96.7-9\x*   
\b  
\q1
\v 3 Di lee o Dimaadua e hanimoi i hongo tai.  
\q1 Di God madamada e helekai be di lee atili,  
\q1 di lee o Maa e tataanga i hongo di moana.   
\q1
\v 4 Di lee o Dimaadua le e mogobuna ge e mahi huoloo.   
\b  
\q1
\v 5 Di lee o Dimaadua e oho nia laagau ‘cedar’, go nia ‘cedar’ o Lebanon.   
\q1
\v 6 Mee e hai nia Gonduu o Lebanon gi hobohobo gadoo be nia damaa kau,  
\q1 gaa hai di Gonduu Hermon gii hobo gadoo be tamaa kau daane.   
\b  
\q1
\v 7 Di lee o Dimaadua e hai di ila gii daba.   
\q1
\v 8 Di lee o Maa e hai di anggowaa gi lullulu.  
\q1 Mee e lullulu di Anggowaa o Kadesh.   
\q1
\v 9 Di lee o Dimaadua e lullulu nia laagau llauehe,  
\q1 gaa hai nia lau laagau la gi monnono i di madagoaa nia daangada huogodoo  
\q1 ala i lodo di Hale Daumaha a Maa e wwolowwolo boloo:  
\q1 “Haga madamada ina a God!”   
\b  
\q1
\v 10 Dimaadua e dagi nia wai llala,  
\q1 Mee e dagi gadoo be di king gaa hana hua beelaa.   
\q1
\v 11 Dimaadua e haga maaloo aga ana daangada,  
\q1 ga haga maluagina digaula gii noho i di aumaalia.   
\c 30  
\s1 Talodalo danggee\f + \fr 30.0 \ft Taahili ang gi di haga dabu di Hale Daumaha. Taahili ni David \f*  
\q1
\v 1 Au e hagaamu Goe, meenei Dimaadua,  
\q1 idimaa Goe dela ne haga dagaloaha au, ne hai ogu hagadaumee  
\q1 gi de gadagada haganneennee au.   
\q1
\v 2 Au ne dangidangi adu gi di Goe belee hagamaamaa au,  
\q1 meenei Dimaadua, go dogu God, gei Goe hogi gu hagamaaloo aga au.   
\q1
\v 3 Goe gu benebene au gi daha mo taalunga.  
\q1 Dogu hana hua gi baahi digau mmade, gei Goe guu hai au gi mouli.   
\b  
\q1
\v 4 Goodou go nia daangada huogodoo a Mee ala e manawa dahi,  
\q1 goodou daahili hagaamu ina Dimaadua.  
\q1 Gi langahia e goodou nia mee a Tangada Haga madagudia ala ne hai,  
\q1 ga danggee gi Mee!   
\q1
\v 5 Di hagawelewele o Maa le e hai hua hagabalua,  
\q1 gei tumaalia o Maa le e waalooloo be di waalooloo o di mouli o tangada.  
\q1 Nia wai dangi e mee di hali i di boo, gei di tenetene le e hanimoi i di luada.   
\b  
\q1
\v 6 Au ne hagalongo iha i ogu lodo bolo au guu tanga gi daha  
\q1 mo nia haingadaa, gei au ga helekai i lodo dogu manawa boloo,  
\q1 “Au gu deemee loo di magedaa.”   
\q1
\v 7 Goe gu humalia huoloo mai gi di au, meenei Dimaadua,  
\q1 Goe gu duuli au gadoo be di abaaba dauwa i hongo di gonduu.  
\q1 Ga nomuli, gei Goe gaa bala hagammuni i di au, gei au gu madagu.   
\b  
\q1
\v 8 Au gu gahigahi Goe, meenei Dimaadua,  
\q1 au gu dangidangi i di hagamaamaa adu gi di Goe, ga helekai,   
\q1
\v 9 “Ma di aha e kae Kooe i di au, maa au ma gaa made?  
\q1 Ma nia hagahumalia aha e kae Kooe i di au,  
\q1 maa au ma gaa bala i lodo taalunga?  
\q1 E hai behee, digau ala guu mmade le e mee di hagaamu Goe?  
\q1 Digaula e mee di hagadele di hai o do dumaalia deeodi?   
\q1
\v 10 Hagalongo mai gi di au, meenei Dimaadua,  
\q1 mo di manawa dumaalia mai gi di au!  
\q1 Meenei Dimaadua, hagamaamaa ina au!”   
\b  
\q1
\v 11 Goe guu huli dogu manawa gee guu hai au gi gaalege tenetene.  
\q1 Goe gu daa gi daha dogu manawa gee guu hii au gi di tenetene.   
\q1
\v 12 Malaa, au hagalee bolo ga noho hua deemuu,  
\q1 au ga daahili e hagaamu Goe.  
\q1 Meenei Dimaadua, Goe la di God ni oogu,  
\q1 au ga danggee adu gi di Goe ga hana hua deeodi.   
\c 31  
\s1 Talodalo hagadagadagagee gi Dimaadua\f + \fr 31.0 \ft Taahili ni David \f*  
\q1
\v 1 Au e hanadu gi di Goe, meenei Dimaadua, belee hagaloohi Kooe.  
\q1 Goe hudee heia au gi magedaa.  
\q1 Goe di God e donu, au e dangi adu gi di Goe gi haga dagaloaha ina au!   
\q1
\v 2 Hagalongo mai! Haga dagaloaha ina au dolomeenei!  
\q1 Goe gii hai dogu gowaa e bala iei au  
\q1 bolo gi hagaloohi au Kooe,  
\q1 Goe go dogu hagaloohi e haga dagaloaha au.   
\b  
\q1
\v 3 Goe go dogu gowaa e hagamalu iei au, mo dogu haga dagaloaha.  
\q1 Aago ina au mo di dagia au e hagalaamua ai do ingoo.   
\q1
\v 4 Benabena ina au gi daha mo di hele dela gu haganoho mai gi di au.  
\q1 Duulia au gi daha mo nia haingadaa.   
\q1
\v 5 Au gu dugu adu au gi di Goe gi madamada humalia ai.  
\q1 Goe ga haga dagaloaha au, meenei Dimaadua,  
\q1 Goe la di God manawa dahi.\x * \xo 31.5 \xt Luke 23.46\x*   
\b  
\q1
\v 6 Goe e de hiihai gi digau ala e daumaha gi nia balu god tilikai,  
\q1 gei au e hagadagadagagee adu gi di Goe.   
\q1
\v 7 Au ga manawa lamalia mo di tenetene,  
\q1 idimaa go do manawa aloho dee modu.  
\q1 Goe e gidee ogu hagaduadua, Goe e iloo ogu haingadaa.   
\q1
\v 8 Goe digi hai ogu hagadaumee gi kumudia au.  
\q1 Goe gu gaamai gi di au di moholo gii hana gi nia gowaa ala e hiihai ginai au.   
\b  
\q1
\v 9 Dumaalia mai gi di au, meenei Dimaadua,  
\q1 idimaa au gu haingadaa mai gi di au.  
\q1 Ogu golomada gu duadua di dangidangi. Au gu ogu mahi ai.   
\q1
\v 10 Au gu ogu mahi ai i dogu manawa gee,  
\q1 mo dogu dangidangi gu haga bodobodo mai dogu mouli.  
\q1 Au gu bagege mai i ogu haingadaa huogodoo, ogu iwi gu paagege labelaa.   
\b  
\q1
\v 11 Ogu hagadaumee huogodoo, gei e donu go digau ala i dogu baahi,  
\q1 le e haga balumee au.  
\q1 Digau ala e iloo ginaadou au le e mmaadagu i di au.  
\q1 Digaula ma ga mmada mai gi di au i hongo di ala, le e hula e llele gi daha.   
\q1
\v 12 Nia daangada huogodoo gu de langahia e ginaadou au,  
\q1 e hai bolo au guu made.  
\q1 Au guu hai gadoo be di balumee ne hudu gi daha.   
\q1
\v 13 Au e longono nia leelee hagamoolee o ogu hagadaumee dogologowaahee.  
\q1 Di madagu gu i ogu daha!  
\q1 Digaula e haga noho di nadau hai dela belee hai baahi mai gi di au,  
\q1 belee daaligi au gii made.   
\b  
\q1
\v 14 Gei au e hagadagadagagee hua adu gi di Goe,  
\q1 meenei Dimaadua, Kooe go dogu God!   
\q1
\v 15 Goe e madamada humalia i di au i nia madagoaa huogodoo.  
\q1 Haga dagaloaha ina au gi daha mo ogu hagadaumee,  
\q1 gi daha mo digau ala e hagahuaidu au.   
\q1
\v 16 Mmada mai gi dau dangada hai hegau deenei i di manawa dumaalia.  
\q1 Haga dagaloaha ina au gi do manawa aloho dee modu.   
\q1
\v 17 Au e dangidangi adu gi di Goe, meenei Dimaadua.  
\q1 Goe hudee heia au gi langaadia. Heia digau huaidu gi langaadia,  
\q1 digaula gi hula hua deemuu gi lala gi tenua o digau mmade.   
\q1
\v 18 Heia digau hai kai tilikai aalaa gii noho deemuu,  
\q1 digau hagamuamua huogodoo mo digau haga balumee dangada,  
\q1 digau ala e haga balumee digau ala e donu.   
\b  
\q1
\v 19 E haga goboina huoloo go nia mee humalia  
\q1 ala e benebene Kooe ang gi digau ala e hagalaamua Goe!  
\q1 Digau huogodoo gu iloo bolo Goe e humalia huoloo,  
\q1 ge e benebene mo di abaaba hagahumalia  
\q1 digau ala e hagadagadagagee adu gi di Goe.   
\q1
\v 20 Goe e hagammuni digaula hagahumalia i mua o hadumada  
\q1 gi daha mo nia haganohonoho o nia daangada.  
\q1 Goe e hagammuni digaula gi lodo di gowaa humalia  
\q1 gi daha mo nia helekai huaidu o nadau hagadaumee.   
\b  
\q1
\v 21 Hagaamu ina Dimaadua!  
\q1 E hagagoboina huoloo behee go Mee dela ne hagamodongoohia mai  
\q1 dono aloho gi di au i di madagoaa ogu hagadaumee  
\q1 la ne hii mai i dogu gili ga heebagi mai.   
\q1
\v 22 Au gu madagu huoloo, gu maanadu bolo Mee guu hudu au gi daha,  
\q1 ge deeai, Mee gu longono Ia dagu dangi  
\q1 i dogu madagoaa ne gahigahi a Mee belee hagamaamaa au.   
\b  
\q1
\v 23 Aloho i Dimaadua, goodou huogodoo ala go ana daangada manawa dahi!  
\q1 Dimaadua e abaaba digau ala e manawa dahi!  
\q1 Gei Mee e hagaduadua digau ala e hagamuamua  
\q1 gii tau gi nadau mee hala ala ne hai.   
\q1
\v 24 Goodou huogodoo ala e hagadagadagagee gi Dimaadua,  
\q1 goodou gi maaloo mo di hagamahi.   
\c 32  
\s1 Di haagi mo tumaalia\f + \fr 32.0 \ft Taahili ni David \f*  
\q1
\v 1 E maluagina go tangada dela gu maahede ono huaidu,  
\q1 gu haga de langahia ono hala go God.   
\q1
\v 2 E maluagina go tangada dela hagalee hai baahi ginai a Dimaadua  
\q1 i ana mee hala ne hai, gei mee gu mehede gi daha mo nia hagadilinga halahalau huogodoo.\x * \xo 32.2 \xt Romans 4.7-8\x*   
\b  
\q1
\v 3 Dogu madagoaa dela digi haagia ogu huaidu,  
\q1 gei au nogo dangidangi duadua i di boo mo di aa.   
\q1
\v 4 Meenei Dimaadua, Goe nogo hagaduadua au i di boo mo di aa,  
\q1 au gu deai ogu mahi ai, guu hai gadoo be nia magalillili o di luada  
\q1 ma ga maangoo i di welengina o di madagoaa mahanahana.   
\b  
\q1
\v 5 Malaa, gei au gu haagi aga ogu huaidu adu gi di Goe.  
\q1 Au digi hagammuni agu mee hai hala ala ne hai.  
\q1 Au gu hagamaanadu bolo au e haagi adu nia maa gi di Goe,  
\q1 gei Goe gu dumaalia mai gi di au  
\q1 i ogu huaidu huogodoo.   
\b  
\q1
\v 6 Malaa, au daangada huogodoo ala e manawa dahi  
\q1 gi dalodalo adu gi di Goe i nadau madagoaa haingadaa.  
\q1 Di madagoaa o di haingadaa dela e hai be di labagee damana ma gaa hai,  
\q1 gei di maa hagalee tale gi digaula.   
\q1
\v 7 Goe la go dogu gowaa dela e bala hagammuni ginai au.  
\q1 Goe ga haga dagaloaha au gi daha mo nia haingadaa.  
\q1 Au ga daahili mo di hagaamu dau hagamouli, idimaa Goe dela e abaaba au.   
\b  
\q1
\v 8 Dimaadua ga helekai,  
\q1 “Au ga hagi adu gi di goe di ala dela e hana iei goe.  
\q1 Au ga aago goe ga hagamaamaa goe.   
\q1
\v 9 Goe hudee hai be di hoodo, be di ‘donkey’ dela hagalee e iloo nia mee,  
\q1 dela hua e humalia e wanga di baalanga mo dono loahi  
\q1 gi di ngudu o maa gi hagalongo a mee adu gi di goe.”   
\b  
\q1
\v 10 Tangada hai mee huaidu le e hai gi hagaduadua,  
\q1 gei tangada dela e hagadagadagagee gi Dimaadua  
\q1 la gu abaaba go Mee gi dono manawa aloho dee modu.   
\q1
\v 11 Goodou go digau ala guu donu, goodou huogodoo gi manawa lamalia  
\q1 gi tenetene gi nia mee a Dimaadua ala ne hai.  
\q1 Goodou go digau ala e hagalongo gi Mee, goodou wwolowwolo tenetene!   
\c 33  
\s1 Taahili hagaamu  
\q1
\v 1 Goodou huogodoo ala guu donu,  
\q1 wwolowwolo mo di tenetene gi nia mee a Dimaadua ala ne hai.  
\q1 Goodou huogodoo ala e hagalongo gi Mee, hagaamuina a Mee!   
\q1
\v 2 Hagaamuina Dimaadua gi godou mee hai daahili,  
\q1 daahili gi Mee i nia uga o godou ‘harp’.   
\q1
\v 3 Goodou daahili gi Mee i taahili hoou.  
\q1 Daahili gi Mee i nia lee humalia mai i godou mee hai daahili  
\q1 mo di wwolowwolo tenetene!   
\b  
\q1
\v 4 Idimaa, nia helekai a Dimaadua le e donu,  
\q1 Mee e manawa dahi i ana mee huogodoo ala e hai.   
\q1
\v 5 Dimaadua le e aloho di tonu mo di hai hegau donu.  
\q1 Henuailala guu honu i dono manawa aloho dee modu.   
\b  
\q1
\v 6 Di langi la ne hai go Dimaadua gi ana helekai,  
\q1 gei ogo di laa, di malama mono heduu la ne hai labelaa gi ana helekai.   
\q1
\v 7 Mee ne hagabuni mai nia moana huogodoo gi di gowaa e dahi,  
\q1 gaa tai nia hagahonu di moana gi lodo nia gowaa benebene mee.   
\b  
\q1
\v 8 Digau huogodoo o henuailala, goodou gi mmaadagu i Dimaadua!  
\q1 Nia daangada huogodoo o henuailala, goodou hagalaamua ina a Mee!   
\q1
\v 9 Mee ne helekai, gei henuailala guu gila.  
\q1 Mee ne helekai hua, gei nia mee huogodoo gu kila aga.   
\b  
\q1
\v 10 Dimaadua e haga dee kila nia hagataele o nia henua,  
\q1 ga haga mmaa gi daha nia hagabaubau digaula.   
\q1
\v 11 Gei ana hagabaubau e noho hua beelaa.  
\q1 Nia hagataele a Maa ang gi dono hiihai le e noho hua beelaa.   
\q1
\v 12 E maluagina go tenua dela di nadau God la go Dimaadua.  
\q1 E maluagina go nia daangada ala guu hili go Mee bolo e hai ana daangada!   
\b  
\q1
\v 13 Dimaadua e mmada iha i di langi,  
\q1 e daumada gidaadou go nia daangada huogodoo.   
\q1
\v 14 Mee e daumada digau huogodoo ala e noho i henuailala  
\q1 mai i dono lohongo aamua.   
\q1
\v 15 Ma go Mee dela e hai nia daangada gii mee di hagabaubau,  
\q1 gei Mee e iloo Ia nia mee huogodoo ala e hai go digaula.   
\b  
\q1
\v 16 Di king la hagalee aali mai i ana gau dauwa ala e maaloo.  
\q1 Tangada dauwa la hagalee aali mai i dono maaloo.   
\q1
\v 17 Nia hoodo ala i tauwa la hagalee hai ana mee gi di aali,  
\q1 nia maaloo digaula le e deemee di hagamouli ginaadou.   
\b  
\q1
\v 18 Dimaadua e hagaloohi digau ala e hagalongo ang gi de Ia,  
\q1 digau ala e hagadagadagagee gi dono manawa aloho dee modu.   
\q1
\v 19 Mee e haga dagaloaha digaula gi daha mo di made.  
\q1 Mee e hagamouli digaula i lodo tau magamaga.   
\b  
\q1
\v 20 Dimaadua la go tadau hagadagadagagee,  
\q1 go Mee go tadau hagaloohi mo tadau hagamaamaa.   
\q1
\v 21 Gidaadou e tenetene mai i Mee.  
\q1 Gidaadou e hagadagadagagee gi dono ingoo dabu.   
\b  
\q1
\v 22 Meenei Dimaadua, do manawa aloho dee modu gii noho i madau baahi,  
\q1 i gimaadou ala e hagadagadagagee hua adu gi di Goe.   
\c 34  
\s1 Di hagaamu di humalia o Dimaadua\f + \fr 34.0 \ft Taahili ni David dela ne huwa go mee i muli dono madagoaa ne hai bolo ia tangada dadaulia i mua di king Abimelech \+bk (1-Samuel 21.13-15).\+bk* Di pisalem deenei le e hai nia gubu e madalua maa lua, nia gubu dagi dahi e daamada i nia leder o di aiu Hebrew. Mmada labelaa gi Pisalem 119. \f*  
\q1
\v 1 Au ga danggee gi Dimaadua i nia madagoaa huogodoo.  
\q1 Au hagalee dugu dogu hagahagaamu a Mee.   
\q1
\v 2 Au ga hagaamu a Mee i nia mee a Maa ala ne hai.  
\q1 Goodou ala gu haga daamaha, goodou hagalongo mo di manawa lamalia!   
\q1
\v 3 Hagadele ina di aamua o Dimaadua madalia au,  
\q1 gidaadou gi buni mai gi di gowaa e dahi e hagaamu dono ingoo!   
\b  
\q1
\v 4 Au gu dalodalo gi Dimaadua, gei Mee gu hila mai gi di au.  
\q1 Mee gu hagamehede au gi daha mo ogu mmaadagu huogodoo.   
\q1
\v 5 Digau ala e manawa gee gaa mmada gi Mee ga manawa lamalia.  
\q1 Digaula hagalee manawa gee labelaa.   
\q1
\v 6 Digau ala nadau hagamaamaa ai, ga gahigahi a Mee,  
\q1 gei Mee e hila ang gi digaula.  
\q1 Mee e haga dagaloaha digaula gi daha mo nadau haingadaa huogodoo.   
\q1
\v 7 Dana dangada di langi e hagaloohi digau ala e hagalabagau a Dimaadua,  
\q1 ge e daa digaula gi daha mo nia mee balua.   
\b  
\q1
\v 8 Goodou tei gii bida halahala ina be Dimaadua le e humalia behee.  
\q1 E maluagina go tangada dela guu gida dono hagaloohi i baahi o Mee.\x * \xo 34.8 \xt 1-Peter 2.3\x*   
\q1
\v 9 Goodou ala go ana daangada huogodoo, hagalaamua ina a Dimaadua.  
\q1 Digau ala e hagalongo gi Mee,  
\q1 le e hai mee gi nia mee ala e hiihai ginai digaula.   
\q1
\v 10 Nia laion hogi le e hiigai idimaa nadau meegai ai,  
\q1 gei digau ala e hagalongo ang gi Dimaadua  
\q1 la gaa dohu i nadau mee humalia huogodoo.   
\b  
\q1
\v 11 Ogu ihoo hagaaloho damagiigi, lloomoi hagalongo mai gi di au,  
\q1 gei au ga aago goodou gi di hai dela e hagalaamua a Dimaadua.   
\q1
\v 12 Goodou e hiihai e manawa lamalia i lodo godou mouli?  
\q1 Goodou e hiihai gi mouli waalooloo mo di tenetene?   
\q1
\v 13 Malaa, goodou hudee helekai huaidu ge hudee helekai tilikai.   
\q1
\v 14 Maaliu mai gi daha mo nia hai mee huaidu,  
\q1 heia go nia mee ala e humalia.  
\q1 Haga mahi dadaahia hua beelaa di noho baba aga i godou manawa hagatau.   
\b  
\q1
\v 15 Dimaadua le e madamada humalia i digau ala e donu,  
\q1 ge e hagalongo gi nia dangidangi digaula.   
\q1
\v 16 Gei Mee e hai baahi gi digau ala e hai nia mee huaidu.  
\q1 Digaula ma gaa mmade, gei tangada e langahia digaula ai.\x * \xo 34.16 \xt 1-Peter 3.10-12 \x*   
\q1
\v 17 Digau ala e hai nia mee donu ma ga dangidangi gi Dimaadua,  
\q1 gei Mee e hagalongo, Mee e daa digaula gi daha  
\q1 mo nadau haingadaa huogodoo.   
\q1
\v 18 Dimaadua le e noho i baahi digau ala gu manawa paagege,  
\q1 Mee e haga dagaloaha digau ala gu deai nadau hagadagadagagee ai.   
\b  
\q1
\v 19 Digau humalia le e tale ginai nia haingadaa e logo,  
\q1 gei Dimaadua e haga dagaloaha digaula gi daha mo nia maa huogodoo.   
\q1
\v 20 Dimaadua e benebene digaula hagahumalia,  
\q1 di iwi e mooho i nia iwi digaula ai.\x * \xo 34.20 \xt John 19.36\x*   
\q1
\v 21 Di mee huaidu le e daaligi tangada huaidu,  
\q1 gei digau ala e hudi nadau wou gi digau ala e donu, le e hagaduadua.   
\b  
\q1
\v 22 Dimaadua le e haga dagaloaha ana daangada,  
\q1 gei digau ala e hula gi Mee bolo gi hagaloohia ginaadou la ga mouli.   
\c 35  
\s1 Talodalo i di hagamaamaa\f + \fr 35.0 \ft Taahili ni David \f*  
\q1
\v 1 Meenei Dimaadua, hai baahi ang gi digau ala e hai baahi mai gi di au,  
\q1 heebagi gi digau ala e heebagi mai gi di au!   
\q1
\v 2 Dahi aga ina dau mee abaaba mo au goloo dauwa,  
\q1 hanimoi e haga dagaloaha au.   
\q1
\v 3 Dahi aga ina dau daalo mo dau dalai dauwa,  
\q1 hai baahi gi digau ala e waluwalu au.  
\q1 Hagababa bolo Goe ga haga dagaloaha au.   
\b  
\q1
\v 4 Digau ala bolo ginaadou e hagamada e daaligi au gii made  
\q1 la heia gi magedaa gi langaadia!  
\q1 Digau ala e hagatogomaalia bolo ginaadou e hai baahi mai gi di au  
\q1 la heia gii huli gi muli gi hinihini!   
\q1
\v 5 Heia digaula gii hai be nia geinga maangoo ma ga iliili go di madangi  
\q1 i di madagoaa tangada di langi o Dimaadua ma ga waluwalu digaula!   
\q1
\v 6 Heia nia ala digaula gi bouli ge gi malali i di madagoaa  
\q1 tangada di langi o Dimaadua ma gaa kili digaula gi lala!   
\b  
\q1
\v 7 Digaula guu dugu di nadau hele belee hele iei au,  
\q1 gei au dagu mee hala ne hai gi digaula ai,  
\q1 mo di geli di nadau lua llala belee kumi au.   
\q1
\v 8 Malaa, taaligi gaa hai hua gi digaula gei digaula de iloo.  
\q1 Digaula gaa bida kumi go nadau hele gaa too gi lala, gaa mmade!   
\b  
\q1
\v 9 Malaa, gei au ga manawa lamalia, idimaa go Dimaadua.  
\q1 Au ga tenetene, idimaa Mee dela gu haga dagaloaha au.   
\q1
\v 10 Au ga helekai gi Dimaadua mai i lodo dogu manawa hagatau boloo,  
\q1 “Ma tangada e hai be Goe ai. Goe e abaaba digau paagege i digau maaloo,  
\q1 mo digau hagaloale i digau ala e hai haga huaidu digaula.”   
\b  
\q1
\v 11 Digau huaidu e hai nadau haga modongoohia hai baahi mai gi di au,  
\q1 ge e haga huaidu au gi nia mee hala ala e de iloo eau.   
\q1
\v 12 Digaula e hui mai gi agu hegau humalia gi nia huaidu,  
\q1 malaa, au gu bagege ogu lodo.   
\q1
\v 13 Malaa, di madagoaa digaula nogo magi,  
\q1 gei au gu ulu ogu goloo manawa gee,  
\q1 gaa bida noho hagaonge belee hagaduadua au.  
\q1 Au e bala gi lala e dalodalo,   
\q1
\v 14 gadoo be au e dalodalo i dogu ihoo haga tenetene,  
\q1 be go dogu duaahina daane.  
\q1 Au e heehee manawa gee bala gi mua,  
\q1 gadoo be tangada ma ga manawa gee gi dono dinana ne made.   
\b  
\q1
\v 15 Malaa, dogu madagoaa nogo i lodo di haingadaa,  
\q1 gei digaula gu tenetene, ga mmui mai gi dogu baahi, ga haganneennee au.  
\q1 Digau tuadimee e dadaaligi au ge hagalee lawa di nadau haga mamaawa au.   
\q1
\v 16 Digaula e mmada haga gulugulua mai gi di au  
\q1 gadoo be tangada ma ga gadagada haganneennee tangada habehabe.   
\b  
\q1
\v 17 Meenei Dimaadua, e waalooloo behee go do daumada hua au  
\q1 gei deai dau mee e hai mai gi di au ai?  
\q1 Haga dagaloaha ina au gi daha mo teebagi digaula.  
\q1 Haga dagaloaha ina au gi daha mo nia laion aanei!   
\q1
\v 18 Gei au ga danggee adu gi di Goe i lodo au hagabuulinga daangada.  
\q1 Au ga hagaamu Goe i mua digaula huogodoo.   
\b  
\q1
\v 19 Hudee heia ogu hagadaumee mo digau hai kai tilikai aalaa  
\q1 gii mmada tene gi dogu magedaa.  
\q1 Hudee heia digau hagadugina i di au dono hadinga ai  
\q1 la gi tenetene gadagada haganneennee gi dogu manawa gee.\x * \xo 35.19 \xt Pisalem 69.4; John 15.25\x*   
\b  
\q1
\v 20 Digaula hagalee leelee hagahumalia,  
\q1 gei digaula e dili nadau hagadilinga kai tilikai huogodoo  
\q1 i digau ala e noho hagahumalia.   
\q1
\v 21 Digaula e wwolo gi nua e hagahuaidu au boloo,  
\q1 “Gimaadou guu mmada gi dau mee dela ne hai!”   
\q1
\v 22 Gei Goe, meenei Dimaadua, gu gidee Goe nia mee aanei.  
\q1 Malaa, gei Goe hudee noho deemuu, meenei Dimaadua.  
\q1 Goe hudee hagamogowaa ina Goe i di au!   
\q1
\v 23 Meenei Dimaadua, du gi nua, haga dagaloaha ina au.  
\q1 Meenei dogu God, du gi nua hagamaamaa ina au i lodo dogu gabunga.   
\q1
\v 24 Meenei Dimaadua, Kooe dela e donu,  
\q1 hagamodongoohia aga ina bolo au ogu huaidu ai.  
\q1 Hudee heia ogu hagadaumee gi tenetene gi dogu haingadaa.   
\q1
\v 25 Goe hudee heia digaula gi helekai boloo:  
\q1 “Mee gu doo gi daha. Deelaa tadau mee nogo hiihai ginai!”   
\b  
\q1
\v 26 Digau ala nogo mmada tene gi dogu dadaaligi, la heia gi magedaa gi hinihini.  
\q1 Digau ala e hai bolo ginaadou la koia e humalia i di au  
\q1 la gi langaadia gi balumee.   
\b  
\q1
\v 27 Gei digau ala e hiihai e mmada gi di tonu humalia o dogu gabunga  
\q1 la gi momoogo tenetene mo di tataanga ina telekai deenei:  
\q1 “Dimaadua le e aamua huoloo!  
\q1 Mee e manawa tene gi dana dangada hai hegau dela guu gila.”   
\q1
\v 28 Malaa, au ga hagadele ang gi nia daangada bolo Goe di God e donu,  
\q1 mo di hagaamu Goe mai luada gaa dae loo gi di hiahi.   
\c 36  
\s1 Di manawa huaidu o nia daangada\f + \fr 36.0 \ft Taahili ni David, tangada hai hegau Dimaadua\f*  
\q1
\v 1 Di huaidu le e mouli i lodo nia manawa o digau huaidu.  
\q1 Digaula gu haga balumee a God ge gu hagalee hagalabagau a Mee.\x * \xo 36.1 \xt Romans 3.18 \x*   
\q1
\v 2 Idimaa digaula e hai bolo ginaadou nia mee,  
\q1 e hagabaubau bolo God la hagalee gidee nadau ihala belee hagi aga ginaadou.   
\q1
\v 3 Nadau helekai le e honu i nia huaidu, ge e honu i nia kai tilikai.  
\q1 Digaula gu hagalee hai nia mee ala e humalia ge donu.   
\q1
\v 4 Digaula e hai nadau hagataele huaidu  
\q1 i nadau madagoaa ma gaa kii i hongo nadau moenge.  
\q1 Deai nadau mee humalia e hai ai,  
\q1 digaula hagalee kili gi daha di ingoo hua di mee huaidu.   
\s1 Di manawa humalia o Dimaadua  
\q1
\v 5 Meenei Dimaadua, do manawa aloho dee modu la guu tugi loo i di langi.  
\q1 Do manawa dahi gu haga honu i lala di langi.   
\q1
\v 6 Oo donu la koia e duuduu i nua gadoo be nia gonduu.  
\q1 Dau hagi aga le e llala gadoo be di llala o di moana.  
\q1 Nia daangada mono manu le e madamada humalia iei Goe.   
\b  
\q1
\v 7 Meenei God, e dahidamee behee go do manawa aloho dee modu!  
\q1 Gimaadou guu gida madau gowaa e duuli ai gimaadou i lala di malu o bakau.   
\q1
\v 8 Gimaadou e hai madau hagamiami gi au hagabae meegai ala ne dahi aga,  
\q1 gaa hai gimaadou gi inu mai i nia monowai o do dumaalia.   
\q1
\v 9 Ma dela hua Kooe dela go di hagamau o nia mouli huogodoo.  
\q1 Idimaa go do maalama, gimaadou gaa mee di mmada gi di maalama.   
\b  
\q1
\v 10 Dudagia adu beelaa do manawa aloho dee modu  
\q1 ang gi digau ala e iloo ginaadou Goe,  
\q1 gei gi heia di humalia ang gi digau ala e donu.   
\q1
\v 11 Hudee heia digau hagamuamua gi heebagi mai gi di au  
\q1 be go digau huaidu e hai au gii lele gi daha.   
\b  
\q1
\v 12 Mmada malaa gi digau huaidu ala ne monnono.  
\q1 Digaula e mmoemmoe i golo, e deemee di nnoo i nua.   
\c 37  
\s1 Di hagaodi gi muli o digau huaidu mo digau humalia\f + \fr 37.0 \ft Taahili ni David \f*  
\q1
\v 1 Goe hudee de nnoomaalia i digau ala e huaidu.  
\q1 Goe hudee dubua ang gi digau ala e hai nadau mee hala.   
\q1
\v 2 Idimaa, digaula e limalima hua di hagalee,  
\q1 gadoo be nia geinga ala gu maangoo.  
\q1 Digaula gaa mmade gadoo be nia laagau ne mae.   
\b  
\q1
\v 3 Hagadagadagagee gi Dimaadua mo di hai nia mee humalia,  
\q1 gei goe gaa noho i hongo tenua dela hagalee lliga i di maa.   
\q1
\v 4 Halahala ina doo tene gi baahi o Dimaadua,  
\q1 gei Mee ga gowadu gi di goe dau mee dela e manawa iei goe.   
\b  
\q1
\v 5 Wanga ina do huaidina gi Dimaadua, hagadagadagagee gi Mee,  
\q1 gei Mee ga hagamaamaa goe.   
\q1
\v 6 Mee gaa hai au hegau donu gi dingidingia gadoo be di laa.   
\b  
\q1
\v 7 Manawa hagakono mo di talitali maalia di mee a Dimaadua dela gaa hai.  
\q1 Goe hudee de nnoomaalia gi digau ala guu noho humalia i nadau haihai  
\q1 ala ma gaa hai, be go digau ala e kila humalia nadau hagataele huaidu.   
\b  
\q1
\v 8 Hudee de nnoomaalia be e hagawelewele.  
\q1 Goe gaa hai beelaa, gei goe gaa tale gi di haingadaa.   
\q1
\v 9 Digau ala e gana gi Dimaadua ga hai mee gi tenua deelaa,  
\q1 gei digau ala e hai nia mee huaidu la ga hagabagi gi daha.   
\b  
\q1
\v 10 Hoohoo mai hua, gei digau hai mee huaidu ga hagalee.  
\q1 Goe ga halahala digaula, gei goe hagalee gidee digaula.   
\q1
\v 11 Gei ogo digau ala e manawa hila gi lala,  
\q1 la aalaa digau ga hai mee gi tenua deelaa,  
\q1 gaa noho maluagina mo di tenetene gei e noho i di aumaalia.\x * \xo 37.11 \xt Matthew 5.5\x*   
\b  
\q1
\v 12 Digau huaidu le e haganoho di nadau hai  
\q1 dela bolo e hai baahi gi digau ala e humalia, ge e daumada digaula hagadugina.   
\q1
\v 13 Malaa, di Tagi e gadagada gi digau ala e hai mee huaidu,  
\q1 idimaa, Mee e iloo Ia bolo digaula gu hoohoo hua ga hagalee.   
\b  
\q1
\v 14 Digau ala e hai nia mee huaidu e haga mmuu aga nadau hulumanu dauwa,  
\q1 mo di hagatogomaalia nadau maalei belee daaligi digau hagaloale  
\q1 mo digau ala e noho huaidu ang gi ginaadou,  
\q1 e daaligi gii mmade digau ala e hai nadau mee donu.   
\q1
\v 15 Malaa, digaula gaa bida daaligi hua gi nadau hulumanu dauwa donu,  
\q1 gei nia maalei digaula ga hadihadi.   
\b  
\q1
\v 16 Nia mee dulii ala e hai mee ginai tangada humalia,  
\q1 la koia e dahidamee i nia maluagina o digau hai mee huaidu dogologo,   
\q1
\v 17 idimaa, Dimaadua la ga daa gi daha nia maaloo o digau  
\q1 ala e hai nia mee huaidu, ga hagaloohi digau ala e humalia.   
\b  
\q1
\v 18 Dimaadua le e madamada humalia hua i digau ala e hagalongo ang gi de Ia.  
\q1 Gei ogo digaula ga hai mee gi tenua deelaa, gaa hana hua beelaa.   
\q1
\v 19 I lodo di madagoaa haingadaa, gei digaula hagalee e huaidu ang gi ginaadou.  
\q1 I lodo di madagoaa tau magamaga, gei digaula e logo hua nadau meegai.   
\q1
\v 20 Gei ogo digau ala e hai nia mee huaidu la gaa mmade,  
\q1 nia hagadaumee a Dimaadua la ga hagalee gadoo be nia akai ala i lodo henua.  
\q1 Digaula ga hagalee gadoo be nia huiahi.   
\b  
\q1
\v 21 Digau huaidu le e kae nadau mee boibana, hagalee hui,  
\q1 gei digau humalia e dumaalia i nadau wanga dehuia.   
\q1
\v 22 Digau ala gu haga maluagina go Dimaadua  
\q1 la aalaa digau ga hai mee gi tenua deelaa,  
\q1 gei digau ala gu haga halauwa go Dimaadua, le e hagabagi gi daha.   
\b  
\q1
\v 23 Dimaadua le e dagi gidaadou i di ala dela belee hula ai gidaadou,  
\q1 ge e abaaba digau ala e haga tenetene dono manawa.   
\q1
\v 24 Maa digaula ga monnono, digaula hagalee bolo ga mmoe hua beelaa  
\q1 i lodo di gelegele, idimaa Dimaadua ga haga noho aga digaula gi nua.   
\b  
\q1
\v 25 Au gu madumadua dolomeenei, au gu mouli waalooloo,  
\q1 gei au digi mmada loo gi nia daangada humalia gu diiagi go Dimaadua,  
\q1 be go nia dama digaula e tangitangi gi nia daangada i nia meegai.   
\q1
\v 26 Nia madagoaa huogodoo, gei digaula e dumaalia,  
\q1 e wanga nadau bahihadu gi nia daangada e hai hegau ai,  
\q1 gei nadau dama la guu hai di haga maluagina ni digaula   
\b  
\q1
\v 27 Maaliu mai gi daha mo nia mee huaidu, heia nia mee humalia,  
\q1 gei do hagadili gaa noho i tenua deelaa, gaa hana hua beelaa,   
\q1
\v 28 idimaa, Dimaadua le e aloho di mee dela e donu,  
\q1 gei Mee hagalee diiagi ana daangada ala e manawa dahi.  
\q1 Nia madagoaa huogodoo, gei Mee e hagaloohi digaula  
\q1 gei di hagadili ni digau hai mee huaidu le e hagabagi gi daha.   
\q1
\v 29 Digau ala e haihai nia mee donu ga hai mee gi tenua deelaa,  
\q1 gaa noho i tenua deelaa gaa hana hua beelaa.   
\b  
\q1
\v 30 Nia helekai o tangada humalia le e honu i nia kabemee,  
\q1 mee e helehelekai i di tonu i nia madagoaa huogodoo.   
\q1
\v 31 Nia haganoho o dono God le e benebene i lodo dono manawa,  
\q1 gei mee hagalee tanga gi daha mo nia maa.   
\b  
\q1
\v 32 Tangada huaidu le e dadaumada tangada humalia  
\q1 belee hagamada e daaligi a mee gii made,   
\q1
\v 33 gei ogo Dimaadua hagalee diiagi a mee gi ono hagadaumee,  
\q1 be e diiagi hua a mee gii hai ono hai go digaula  
\q1 i dono madagoaa ma gaa hai ono gabunga.   
\b  
\q1
\v 34 Hagadagadagagee gi Dimaadua mo di hagalongo ang gi ana haganoho,  
\q1 gei Mee ga hagalabagau goe ga gowadu gi di goe tenua deelaa,  
\q1 gei goe gaa mmada gi digau huaidu ala ga hagabagi gi daha.   
\b  
\q1
\v 35 Au gu gidee tangada hai mee huaidu ge hagamuamua huoloo.  
\q1 Mee koia e duuduu i hongo nia daangada gadoo be di laagau ‘cedar’ o Lebanon.   
\q1
\v 36 Nomuli, gei au gu hana laalaa i di gowaa deelaa, gei mee gu de igolo.  
\q1 Au gu halahala a mee, gei au digi gidee a mee.   
\b  
\q1
\v 37 Haga dina ina tangada humalia, mmada gi tangada e haihai nia mee donu:  
\q1 tangada dela e noho i di aumaalia la dono hagadili i golo.   
\q1
\v 38 Gei digau ala e haihai nia huaidu le e daaligi gi daha,  
\q1 gei nia hagadili ni digaula le e haga mmaa gi daha.   
\b  
\q1
\v 39 Dimaadua le e haga dagaloaha digau ala e haihai nia mee donu,  
\q1 ge e madamada humalia i digaula i lodo nia madagoaa haingadaa.   
\q1
\v 40 Mee e hagamaamaa digaula ge e haga dagaloaha digaula.  
\q1 Mee e haga dagaloaha digaula gi daha mo digau huaidu,  
\q1 idimaa, digaula e hula gi Mee bolo gi abaaba ginaadou.   
\c 38  
\s1 Talodalo o tangada manawa gee\f + \fr 38.0 \ft Taahili manawa gee ni David\f*  
\q1
\v 1 Meenei Dimaadua, Goe hudee daaligidia au  
\q1 i do madagoaa ma ga hagawelewele!   
\q1
\v 2 Goe guu hai au gi lauwa i au amu maalei.  
\q1 Goe gu hagamaawa au gi hinga gi lala.   
\b  
\q1
\v 3 Au guu mmae huoloo i di Goe dela e hagawelewele mai.  
\q1 Dogu huaidina hagatau guu magi idimaa go ogu huaidu.   
\q1
\v 4 Au gu melemu i lodo di mmidi o ogu huaidu.  
\q1 Ogu huaidu gu daamaha iaa gu deemee di aamo.   
\b  
\q1
\v 5 Idimaa au nogo dadaulia, ogu magibala gu bilau guu bala.   
\q1
\v 6 Au gu biga iha gi mua, au guu moe baabaa gi lala.  
\q1 Au e manawa gee mai luada gaa dae loo gi di boo.   
\q1
\v 7 Au guu wele i di welengina o dogu huaidina, gei au gu hoohoo gaa made.   
\q1
\v 8 Au gu deai ogu mahi ai, gei gu maanuhia.  
\q1 Dogu manawa gu i lodo di haingadaa, gei au e nnguu huoloo i dogu mmae.   
\b  
\q1
\v 9 Meenei Tagi, Goe e iloo dagu mee dela e hidihidi ginai au.  
\q1 Goe gu longono ogu lee mmae huogodoo.   
\q1
\v 10 Dogu hadu manawa e pompomu,  
\q1 ogu mahi gu hagalee, ogu golomada gu dee gida.   
\q1
\v 11 Ogu ihoo hagaaloho mo ogu gau ala e hoohoo mai gi di au  
\q1 gu hagalee lloomoi gi dogu baahi, idimaa go ogu magibala.  
\q1 Ogu madahaanau hogi gu hagalee hagahoohoo mai gi di au.   
\q1
\v 12 Digau ala e hiihai bolo ginaadou e daaligi au gii made  
\q1 la guu dugu nadau hele belee hele iei au,  
\q1 mo digau ala belee hagahuaidu au gi huaidu  
\q1 la gu haga madagudagu au bolo gii hai au gi hagalee.  
\q1 Digaula hagalee loo e dugu di nadau hai dela belee hai baahi mai gi di au.   
\b  
\q1
\v 13 Au e hai gadoo be tangada longoduli dela e deemee di hagalongo,  
\q1 e hai gadoo be tangada e deemee di leelee dela e deemee di helekai.   
\q1
\v 14 Au e hai gadoo be tangada dela hagalee helekai gi nia heeu,  
\q1 idimaa mee e de longono.   
\b  
\q1
\v 15 Gei au e hagadagadagagee adu gi di Goe, meenei Dimaadua.  
\q1 Gei Goe, meenei dogu Dagi go dogu God, Goe ga helekai mai laa.   
\q1
\v 16 Hudee heia ogu hagadaumee gii mmada tene gi dogu haingadaa.  
\q1 Hudee heia digaula gi hagapuu gi dogu hinga gi lala.   
\q1
\v 17 Au gu hoohoo gaa doo, gei au e mmae huoloo.   
\b  
\q1
\v 18 Au e haagi ogu huaidu ala e hagahonu au gi uli ogu gai.   
\q1
\v 19 Ogu hagadaumee le e maaloo dangihi,  
\q1 e dogologowaahee digau ala e hagadugina e ginaadou i di au,  
\q1 gei au dagu mee hala ne hai gi digaula ai.   
\q1
\v 20 Digau ala e hui di huaidu gi agu haihai humalia  
\q1 le e hai baahi mai gi di au, idimaa, au e hagamahi e hai di mee dela e donu.   
\b  
\q1
\v 21 Meenei Dimaadua, hudee diagia au.  
\q1 Meenei dogu God, hudee haga mogowaa ina Goe gi daha mo au!   
\q1
\v 22 Meenei Dimaadua, dogu Dangada Daa, hagamaamaa ina mai au dolomeenei!   
\c 39  
\s1 Di haagi aga tangada manawa gee\f + \fr 39.0 \ft Taahili ni David\f*  
\q1
\v 1 Au ga helekai, “Au gaa pula i di au i agu mee ala ma gaa hai,  
\q1 ge hagalee dumaalia gi dogu holole gi heia au gii hala.  
\q1 Au hagalee helekai i dahi mee i di madagoaa digau huaidu e hoohoo mai.”   
\q1
\v 2 Au guu noho deemuu hagalee helekai, ma e aha maa di mee humalia!  
\q1 Gei dogu hagaduadua le e gonua mai.   
\q1
\v 3 Dogu de nnoomaalia gu damanaiee huoloo i ogu lodo.  
\q1 Dogu noho hua ge mamaanadu, gei dogu de nnoomaalia e damana mai,  
\q1 gei au gu deemee dagu noho bolo hagalee heeu,   
\q1
\v 4 “Meenei Dimaadua, au e mouli waalooloo behee?  
\q1 Ma gaa hee gei au gaa made?  
\q1 Hagia mai gi di au be dogu mouli le e hagaodi ma gaa hee?   
\b  
\q1
\v 5 “Goe ne hai dogu mouli bolo gi bodobodo behee?  
\q1 Di waalooloo o dogu mouli le e hai be di balumee i mua o hadumada.  
\q1 Ma e donu hua bolo di mouli o tangada le e hai gadoo be di oloolo madangi,   
\q1
\v 6 be e hai be di malu.  
\q1 Madau mee huogodoo ala e hai le e maa gi daha.  
\q1 Gimaadou e benebene madau maluagina ge de iloo  
\q1 be ma koai dela ga hai mee gi nia maa.   
\b  
\q1
\v 7 “Malaa, e hai behee?  
\q1 Ma koai dela ga hagadagadagagee ginai au, meenei di Tagi?  
\q1 Ma dela hua Kooe dela e hagadagadagagee ginai au.   
\q1
\v 8 Haga dagaloaha ina au gi daha mo ogu huaidu huogodoo.  
\q1 Hudee heia digau dadaulia gi haganneennee ina au.   
\q1
\v 9 Au gaa noho deemuu, hagalee hai dagu helekai,  
\q1 idimaa, ma Kooe dela ne hai au gi duadua beenei.   
\q1
\v 10 Hudee daaligidia au labelaa!  
\q1 Au gu hoohoo bolo gaa made, ne hagamaawa Kooe.   
\q1
\v 11 Goe e daaligi madau huaidu gi doo wou.  
\q1 E hai gadoo be di hingodo,  
\q1 Goe e oho nia mee ala e aloho ai gimaadou.  
\q1 Ma e donu hua bolo gimaadou le e hai be di oloolo madangi!   
\b  
\q1
\v 12 “Hagalongo mai gi dagu dalodalo, meenei Dimaadua,  
\q1 hagalongo gi dagu gahigahi.  
\q1 Hagamaamaa ina au i dogu madagoaa ma ga dangidangi.  
\q1 Idimaa, au la tangada hua mai i daha gadoo be ogu maadua mmaadua ala i mua,  
\q1 e noho hua hagabodobodo i mua o hadumada.   
\q1
\v 13 Heia au gii noho modogoau gi tenetene tama madagoaa hagabalua  
\q1 i mua dogu hana gi daha ga hagalee.”   
\c 40  
\s1 Taahili hagaamu\f + \fr 40.0 \ft Taahili ni David \f*  
\q1
\v 1 Au e talitali dogu hagamaamaa mai i baahi o Dimaadua,  
\q1 gei Mee gu hagalongo mai, gu longono Ia dagu dangi.   
\q1
\v 2 Mee ne hudi aga au gi daha mo di bongoo hagalliga dangada,  
\q1 gi daha mo di gelegele waiwai llala.  
\q1 Mee ne dugu au gi hongo di hadugalaa, guu hai au gii duu hagahumalia.   
\q1
\v 3 Mee ne aago mai gi di au dana daahili hoou, taahili e hagaamu ai tadau God.  
\q1 Digau dogologo ala gaa mmada gi di mee deenei,  
\q1 ga mmaadagu ga hagadagadagagee gi Dimaadua.   
\b  
\q1
\v 4 E maluagina go tangada dela e hagadagadagagee gi Dimaadua,  
\q1 mee hagalee huli gi nia balu god,  
\q1 ge hagalee madalia digau ala e daumaha gi nia balu god tilikai.   
\q1
\v 5 Meenei Dimaadua, go di madau God,  
\q1 Goe guu hai au mee haga goboina e logowaahee huoloo mai gi gimaadou!  
\q1 Ma deai tangada e hai be Goe ai!  
\q1 Goe guu hai au haganoho e logowaahee gei e humalia huoloo mai gi gimaadou!  
\q1 Au e deemee di hai bolo e helekai nia maa huogodoo,  
\q1 di hulu nia maa e logowaahee e deemee di dau!   
\b  
\q1
\v 6 Goe hagalee hiihai gi nia tigidaumaha mono wanga dehuia,  
\q1 gei Goe e de hei e Goe nia manu ala e dudu hagadogomaalia  
\q1 i hongo di gowaa dudu tigidaumaha,  
\q1 be go nia tigidaumaha ala e wwede nia huaidu.  
\q1 Gei deeai, Goe ne gaamai ogu dalinga aanei  
\q1 belee hagalongo iei au adu gi di Goe.   
\q1
\v 7 Malaa, gei au ga helekai,  
\q1 “Deenei au, dau hai dela e aago au la i lodo di beebaa haganoho.   
\q1
\v 8 Meenei dogu God, au e hiihai huoloo e hai do manawa!  
\q1 Au e dadaahi au agoago i lodo dogu manawa.”\x * \xo 40.8 \xt Hebrews 10.5-7\x*   
\b  
\q1
\v 9 Meenei Dimaadua, i lodo nia madagoaa  
\q1 ala e dagadagabuli ai au daangada huogodoo,  
\q1 gei au e hagadele di longo humalia o dau hai dela ne hagamouli gimaadou.  
\q1 Goe e iloo hua bolo au hagalee loo e noho di hagihagi anga au helekai.   
\q1
\v 10 Au hagalee hagammuni i ogu lodo di longo humalia hagamouli deelaa.  
\q1 Nia madagoaa huogodoo,  
\q1 gei au gu hagadele do manawa dahi mo dau hagamaamaa.  
\q1 Au gu hagalee noho deemuu i lodo au daangada ala ma ga dagabuli,  
\q1 gei au gu helehelekai aga i di hai o do manawa dahi mo do aloho dee modu.   
\b  
\q1
\v 11 Meenei Dimaadua, au e iloo bolo Goe  
\q1 hagalee dugu do dumaalia huoloo mai gi di au.  
\q1 Do aloho mo do manawa dahi ga benebene laa au i nia madagoaa huogodoo.   
\s1 Talodalo i di hagamaamaa  
\r (Pisalem 70)  
\q1
\v 12 Nia huaidu e logowaahee e haganiga mai i dogu gili,  
\q1 e logowaahee e deemee di dau!  
\q1 Ogu huaidu guu kumi au, gei au gu deemee di mmada gi daha,  
\q1 ma koia e logowaahee i nia ngaahulu o dogu libogo,  
\q1 ogu lodo gu manawa bagege.   
\q1
\v 13 Meenei Dimaadua, haga dagaloaha ina au!  
\q1 Hagamaamaa ina mai au dolomeenei!   
\q1
\v 14 Digau ala bolo ginaadou e daaligi au gii made, la gi paagege mo di hinihini.  
\q1 Digau ala e tenetene gi ogu haingadaa, la gii hula gi muli gi langaadia.   
\q1
\v 15 Digau ala e haganneennee au, la gi uli nadau gai i nadau paagege.   
\b  
\q1
\v 16 Gei ogo digau ala e lloomoi gi di Goe, la gi manawa lamalia mo di tenetene.  
\q1 Digau huogodoo ala e danggee adu gi di Goe i dau hagamouli,  
\q1 la gi helehelekai i nia madagoaa huogodoo boloo, “Dimaadua la koia e aamua!”   
\b  
\q1
\v 17 Meenei dogu Dagi, au e bagege ge e hagaloale, gei Goe digi de langahia au.  
\q1 Goe go dogu God mo dogu Dangada Hagamouli.  
\q1 Hagalimalima mai, hagamaamaa ina au!   
\c 41  
\s1 Talodalo i di magi\f + \fr 41.0 \ft Taahili ni David \f*  
\q1
\v 1 E maluagina go digau ala e de nnoomaalia i digau hagaloale.  
\q1 Dimaadua ga hagamaamaa digaula i nadau madagoaa ma ga haingadaa.   
\q1
\v 2 Dimaadua ga abaaba digaula mo di benebene nadau mouli.  
\q1 Mee gaa hai digaula gi tenetene i tenua deelaa,  
\q1 ge hagalee diiagi digaula gi lodo nia mogobuna o nadau hagadaumee.   
\q1
\v 3 Dimaadua ga hagamaamaa digaula ma gaa magi, gaa hai digaula gi maaloo.   
\b  
\q1
\v 4 Gei au ga helekai,  
\q1 “Meenei Dimaadua, au guu hai dagu ihala adu gi di Goe.  
\q1 Dumaalia mai gi di au, hagahili ina au.”   
\q1
\v 5 Ogu hagadaumee e helekai huaidu i di au.  
\q1 Digaula e hiihai bolo au gii made gi daha gi de langahia.   
\q1
\v 6 Digau ala e lloomoi e heetugi mai gi di au  
\q1 la hagalee hai nadau mee donu mai gi di au.  
\q1 Digaula e halahala hua nadau helekai huaidu i di au,  
\q1 gaa hula ga hagadele gi nia madagowaa huogodoo.   
\q1
\v 7 Digau ala e hagadugina e ginaadou au  
\q1 le e leelee hagamoolee i nadau mehanga i di au.  
\q1 Digaula e hagamamaanadu nadau mee huaidu i di au.   
\q1
\v 8 Digaula e helekai boloo, “Mee guu magi pale huoloo.  
\q1 Mee e deemee di hana gi daha mo dono moenge labelaa.”   
\q1
\v 9 Dogu ihoo hagaaloho dela gu hagadagadagagee huoloo ginai au,  
\q1 gei e miami gimaua ngaadahi, guu huli e hai baahi labelaa mai gi di au.\x * \xo 41.9 \xt Matthew 26.23; Mark 14.18; Luke 22.21; John 13.18 \x*   
\b  
\q1
\v 10 Meenei Dimaadua, Goe dumaalia mai gi di au,  
\q1 hagamaaloo ina aga au, gei au gaa tala di hui gi ogu hagadaumee.   
\q1
\v 11 Digaula ga hagalee maaloo i di au,  
\q1 gei au ga iloo bolo Goe e manawa tenetene mai gi di au.   
\q1
\v 12 Goe ga hagamaamaa au, idimaa au dela e hai nia mee ala e donu,  
\q1 gei Goe ga benebene au i doo baahi gaa hana hua beelaa.   
\b  
\q1
\v 13 Hagaamu ina Dimaadua, di God o Israel!  
\q1 Hagaamu ina a Mee dolomeenei ga hana hua dono hagaodi ai!\x * \xo 41.13 \xt Pisalem 106.48\x*  
\b  
\q1 Amen! Amen!   
\ms1 DI LUA BEEBAA  
\mr (Pisalem 42—72)  
\c 42  
\s1 Talodalo tangada ne lahi galabudi gi daha mo dono henua\f + \fr 42.0 \ft Taahili mai baahi di madahaanau Korah \f*  
\q1
\v 1 Meenei God, dogu hidihidi adu gi di goe  
\q1 le e hai gadoo be di ee ma ga hidihidi bolo ia e inu nia wai magalillili  
\q1 mai i nia dama monowai mmidi.   
\q1
\v 2 Au e hidihidi adu gi di Goe, go di God mouli.  
\q1 Ma gaa hee gei au gaa mee di hanadu e daumaha i oo mua?   
\q1
\v 3 Au e dangidangi i di boo mo di aa,  
\q1 nia dangi ogu golomada aalaa hua go agu mee ala e gai.  
\q1 Ogu hagadaumee e haganneennee au e heheeu mai  
\q1 i nia madagoaa huogodoo boloo, “Doo God la i hee?”   
\b  
\q1
\v 4 Ogu lodo gu manawa gee i dogu madagoaa e maanadu mai  
\q1 di madagoaa i mua, i dogu madagoaa nogo hana madalia digau dogologo  
\q1 gi di hale o God, nogo dagi digaula ala nogo hula mo di tenetene,  
\q1 dadaahili mo di wwolowwolo hagaamu a God.   
\b  
\q1
\v 5  Au e manawa gee huoloo beleiaha?  
\q1 Au e de nnoomaalia huoloo beleiaha?  
\q1 Ge deeai, au ga hagadagadagagee hua gi God,  
\q1 gei au ga hagaamu labelaa a Mee,  
\q1 dela go dogu Dangada Hagamouli mo dogu God.   
\b  
\q1
\v 6-7 Ogu lodo gu de nnoomaalia i dagu gowaa dela e mogowaa loo i Mee.  
\q1 Au e longono di ngoloolo o nia monowai doo di Gonduu Hermon  
\q1 mo di Gonduu Mizar ala e mmidi iha gi Jordan.  
\q1 Mee ne hagau mai gi ogu lodo nia beau o di manawa gee,  
\q1 ga mmidi mai gi di au gadoo be di labagee.  
\q1 Malaa, au ga langahia a Mee.   
\q1
\v 8 Dimaadua gi haga gida mai dono manawa aloho deemodu i di aa,  
\q1 gi dadaahili au ma gaa boo,  
\q1 gi dalodalo au gi God dela ne gaamai gi di au dogu mouli.   
\b  
\q1
\v 9 Au e helekai gi God, dogu Dangada Daa, e hai boloo:  
\q1 “Goe gu de langahia au beleiaha?  
\q1 Ma e aha dela au e hai loo gi hagaduadua  
\q1 gi haga mmaemmae go ogu hagadaumee?”   
\q1
\v 10 Au gu beehi go nia helekai haganneennee digaula,  
\q1 e heheeu mai boloo: “Doo God la i hee?”   
\b  
\q1
\v 11  Au e manawa gee huoloo beleiaha?  
\q1 Au e de nnoomaalia huoloo beleiaha?  
\q1 Ge deeai, au ga hagadagadagagee hua gi God,  
\q1 gei au ga hagaamu labelaa a Mee,  
\q1 dela go dogu Dangada Hagamouli mo dogu God.   
\c 43  
\p \f + \fr 43.0 \ft Di pisalem deenei e haga odi di Pisalem 42 \f*  
\q1
\v 1 Meenei God, haga modongoohia ina bolo au ogu huaidu ai,  
\q1 gei Goe gi hagamaamaa ina au i dagu gabunga e hai baahi gi digau huaidu.  
\q1 Duulia au gi daha mo digau hai kai tilikai mo digau hai mee huaidu!   
\q1
\v 2 Goe go dogu hagaloohi, Goe ne diiagi au beleiaha?  
\q1 Ma e aha dela au e hai loo gi hagaduadua  
\q1 gi haga mmaemmae go ogu hagadaumee?   
\b  
\q1
\v 3 Hagau ina mai do maalama mo di tonu e dagi au,  
\q1 ge lahi labelaa au gi muli gi dau gonduu haga madagu go Zion,  
\q1 gi di gowaa dela e noho iei Goe.   
\q1
\v 4 Meenei God, au ga hana laa gi dau gowaa dudu tigidaumaha.  
\q1 Ma deelaa hua Kooe dela go di gowaa iai dogu tene.  
\q1 Meenei God, au ga daahili i di ‘harp’ e hagaamu Goe, dela go dogu God.   
\b  
\q1
\v 5 Au e manawa gee huoloo beleiaha?  
\q1 Au e de nnoomaalia huoloo beleiaha?  
\q1 Ge deeai, au ga hagadagadagagee hua gi God,  
\q1 gei au ga hagaamu labelaa a Mee,  
\q1 dela go dogu Dangada Hagamouli mo dogu God.   
\c 44  
\s1 Talodalo Duuli\f + \fr 44.0 \ft Taahili deenei ne huwa go di madahaanau Korah\f*  
\q1
\v 1 Meenei God, gimaadou gu hagalongo gi madau dalinga,  
\q1 madau maadua mmaadua gu hagi mai gi gimaadou  
\q1 di hai o nia mee hagagoboina ala ne hai Kooe i nadau madagoaa i mua,   
\q1
\v 2 i dau hai dela ne hagabagi digau o di bouli gi daha,  
\q1 ga haga noho au daangada gi hongo tenua digaula,  
\q1 mo dau hai dela ne daaligi nia henua ala i golo,  
\q1 ga haga maluagina au daangada ala ne hilihili.   
\q1
\v 3 Au daangada digi kumudia nia henua aalaa gi nadau hulumanu dauwa,  
\q1 digaula hagalee ne aali i nadau hagadaumee mai i nadau mahi,  
\q1 gei mai hua i oo mahi mo o mogobuna, mo mai i do madalia digaula  
\q1 dela gu hagamodongoohia bolo Goe e aloho i digaula.   
\b  
\q1
\v 4 Goe go dogu king mo dogu God. Goe e hai au daangada gi aali.   
\q1
\v 5 Gimaadou e haga magedaa madau hagadaumee gi oo mahi.   
\q1
\v 6 Au hagalee hagadagadagagee gi dagu maalei  
\q1 be go dagu hulumanu dauwa bolo dela ga haga dagaloaha au.   
\q1
\v 7 Gei Kooe hua dela ne haga dagaloaha gimaadou  
\q1 gi daha mo madau hagadaumee,  
\q1 ge gu haga magedaa digau ala e hagadugina e ginaadou mai gi gimaadou.   
\q1
\v 8 Gimaadou ga hagaamu Goe i nia madagoaa huogodoo,  
\q1 ge danggee adu gi di Goe ga hana hua deeodi.   
\b  
\q1
\v 9 Gei dolomeenei, Goe gu diiagi gimaadou gi magedaa.  
\q1 Goe gu hagalee madalia madau gau dauwa.   
\q1
\v 10 Goe ne hai gimaadou gii llele gi daha mo madau hagadaumee,  
\q1 madau goloo guu kae go digaula.   
\q1
\v 11 Goe ne hai gimaadou gi dadaaligidia gadoo be nia siibi.  
\q1 Goe ne hagamodoho gi daha gimaadou gi nia henua mai i daha.   
\q1
\v 12 Goe ne hui au daangada donu gi di hui dulii  
\q1 be di mee digaula hagalee loo e dahidamee.   
\b  
\q1
\v 13 Madau gau ala i madau baahi e mmada gi dau hai  
\q1 dela ne hai mai gi gimaadou,  
\q1 gei digaula ga haganneennee gimaadou ga gadagada mai gi gimaadou.   
\q1
\v 14 Goe guu hai gimaadou gii hai nia mee haga gadagada dangada  
\q1 i baahi nia daangada.  
\q1 Digaula e gadagada ge lialiagi nadau libogo mai gi gimaadou.   
\q1
\v 15 Nia madagoaa huogodoo, gei au gu haga balumee, au gu langaadia huoloo   
\q1
\v 16 i dogu longono eau nia gadagada mono helekai haganneennee  
\q1 mai baahi ogu hagadaumee mo digau ala e hagadugina e ginaadou i di au.   
\b  
\q1
\v 17 Nia mee huogodoo aanei gu hai mai gi gimaadou,  
\q1 ma e aha maa gimaadou digi de langahia Goe,  
\q1 be e oho au hagababa ala ne hai Kooe mai gi gimaadou.   
\q1
\v 18 Gimaadou digi diagia Goe, gimaadou digi de hagalongo gi au haganoho.   
\q1
\v 19 Gei goe guu kili gimaadou gi daha gi baahi nia manu lodo henua.  
\q1 Goe gu diiagi gimaadou gi lodo di bouli dongoeho.   
\b  
\q1
\v 20 Maa nei bolo gimaadou guu dugu di madau hai daumaha adu gi di Goe,  
\q1 go di madau God, ga dalodalo gi di god huagee,   
\q1
\v 21 gei Goe gu iloo hua, idimaa Goe e iloo hua madau maanadu ala e nngala.   
\q1
\v 22 Idimaa Kooe dela ne hidi ai gimaadou e dadaaligi gii mmade  
\q1 i nia madagoaa huogodoo, e hai gadoo be nia siibi ma ga daaligi.\x * \xo 44.22 \xt Romans 8.36\x*   
\b  
\q1
\v 23 Ala aga, meenei Dimaadua! Goe e kii eiaha?  
\q1 Nnoo i nua! Hudee diagia gimaadou beelaa!   
\q1
\v 24 Goe e hagammuni Goe i gimaadou eiaha?  
\q1 Goe hudee de langahia madau dadaaligi mo madau haingadaa!   
\b  
\q1
\v 25 Gimaadou gu monnono gi lodo nia gelegele.  
\q1 Gimaadou gu magedaa gu mmoemmoe i lodo nia dogolia.   
\q1
\v 26 Hanimoi hagamaamaa ina gimaadou!  
\q1 Haga dagaloaha ina gimaadou idimaa go do manawa aloho dee modu!   
\c 45  
\s1 Taahili haga hai lodo di king\f + \fr 45.0 \ft Taahili deenei ne huwa go di madahaanau Korah; Taahili Aaloho\f*  
\q1
\v 1 Nia helekai humalia gu haga honu i lodo agu maanadu  
\q1 i dogu madagoaa e hai taahili hagaamu deenei ang gi di king.  
\q1 Dogu holole gu togomaalia e daahili taahili deenei,  
\q1 gadoo be di pensil o tangada hihi mee humalia.   
\b  
\q1
\v 2 Goe e koia e madanga i baahi nia daane.  
\q1 Nia helekai humalia le e lloomoi i hongo o malau ngudu.  
\q1 God gu haga maluagina goe i nia madagoaa huogodoo.   
\q1
\v 3 Meenei di king maaloo, nnoodia dau hulumanu dauwa gi doo gaba.  
\q1 Goe e honu i nia maaloo ge madamada huoloo!   
\b  
\q1
\v 4 Hanadu goe i lodo nia madamada o doo aali,  
\q1 e abaaba nia mee ala e donu ge humalia! Oo mahi gaa hai goe gi aali.   
\q1
\v 5 Au amu maalei le e gaa, nia maa ga daalo nia hadu manawa o hagadaumee.  
\q1 Nia henua llauehe gaa pala gi lala i mua oo wae.   
\b  
\q1
\v 6 Teenua king dela ne gowadu go God gi di goe  
\q1 le e waalooloo gaa hana hua beelaa dono hagaodi ai.  
\q1 Goe e dagi au daangada gi di tonu.   
\q1
\v 7 Goe e aloho di mee dela e donu, ge e hagadugina nia mee ala e huaidu.  
\q1 Deelaa di mee a God, go doo God, ne hidi ai ga hilihili goe,  
\q1 ga llingi iha gi oo nua di tene dela koia e damana i di tene o nia king ala i golo.\x * \xo 45.7 \xt Hebrews 1.8-9\x*   
\q1
\v 8 Oo gahu e kala gi nia lolo kala ‘myrrh’ mono lolo kala ‘aloe’.  
\q1 Digau daahili e hai nadau katangi i lodo doo hale dela guu humu gi nia ‘ivory’.   
\q1
\v 9 Madalia nia ahina hagalabagau o doo hale la go nia dama ahina o nia king,  
\q1 gei i di baahi gau donu o do lohongo king e duu ai di queen  
\q1 dela e humu gi nia goolo ala koia e humalia.   
\b  
\q1
\v 10 Meenei tama ahina hagababa di king, hagalongo gi dagu helekai dela gaa hai:  
\q1 Haga de langahia ina au daangada mo oo gau.   
\q1
\v 11 Do madanga gaa hai di king gi hiihai adu.  
\q1 Mee di tagi ni oou, goe gi hagalongo gi mee.   
\q1
\v 12 Digau Tyre ga gowaga nadau wanga dehuia gi di goe.  
\q1 Digau maluagina ga hagamada belee hai goe gi hiihai ang gi ginaadou.   
\b  
\q1
\v 13 Tama ahina hagababa di king la i lodo di hale king,  
\q1 mee e madanga huoloo! Di gahu o maa la ne hai gi nia deleedu goolo.   
\q1
\v 14 Di madagoaa a mee ne laagei gi nia gahu madamada,  
\q1 gei mee guu lahi gi baahi di king,  
\q1 e hula e dagi ginaadou mo nia dama ahina madammaa,  
\q1 digaula e laha mai labelaa gi di king.   
\q1
\v 15 Digaula ga ulu gi lodo di hale di king mo di tenetene manawa lamalia.   
\b  
\q1
\v 16 Meenei dogu king, goe ga dogologowaahee au dama daane  
\q1 ala e pono o maadua ala namua e hai nia king,  
\q1 gei goe gaa hai digaula gii dagi henuailala hagatau.   
\q1
\v 17 Dagu daahili deenei e hai nia daangada gi langalangahia e ginaadou  
\q1 au mee ala ne hai gaa hana hua beelaa dono hagaodi ai,  
\q1 gei nia daangada huogodoo ga hagaamu goe  
\q1 i nia madagoaa huogodoo ala ga lloomoi.   
\c 46  
\s1 God e noho i tadau baahi\f + \fr 46.0 \ft Taahili deenei ne huwa go di madahaanau Korah \f*  
\q1
\v 1 God go tadau abaaba mo tadau mahi,  
\q1 dela e togomaalia e hagamaamaa gidaadou i lodo nia madagoaa haingadaa.   
\q1
\v 2 Malaa, gidaadou gi hudee mmaadagu, ma e aha maa henuailala ga ngalungalua  
\q1 mo nia gonduu ga monnono gi lodo di moana llala,   
\q1
\v 3 ma e aha maa nia beau o di moana ga ngoloolo,  
\q1 gei nia gonduu ga lullulu go nia beau llauehe.   
\b  
\q1
\v 4 Di monowai mmidi i golo dela e haga tenetene ai di waahale damana a God,  
\q1 di hale haga madagu o Tangada Aamua Muginua.   
\q1
\v 5 God le e noho i lodo di waahale damana deelaa, e deemee loo di haga mooho.  
\q1 Hagaluada loo, gei Mee e hanimoi e hagamaamaa di maa.   
\q1
\v 6 Nia henua llauehe gu mmaadagu huoloo, nia henua king gu ngalungalua.  
\q1 God le e helekai hua gi nua, gei henuailala gu waiwai.   
\b  
\q1
\v 7  Yihowah Koia e Aamua le e noho i tadau baahi.  
\q1 Di God o Jacob la deelaa go tadau gowaa e pala ginai gidaadou.   
\b  
\q1
\v 8 Lloomoi, gii mmada goodou gi nia mee a Dimaadua ala ne hai.  
\q1 Mmada gi nia hagadilinga mee haga goboina a Mee ala ne hai i henuailala.   
\q1
\v 9 Mee e dugu nia dauwa huogodoo i hongo henuailala,  
\q1 Mee e hadihadi nia maalei ge e oho nia daalo hai dauwa,  
\q1 ge e dudu nia mee abaaba.   
\q1
\v 10 Mee e helekai, “Goodou dugua godou dauwa,  
\q1 gei gi iloo bolo Au go God, dela e koia e aamua i baahi nia henua,  
\q1 ge koia e aamua i hongo henuailala.”   
\b  
\q1
\v 11  Yihowah Koia e Aamua le e noho i tadau baahi.  
\q1 Di God o Jacob la deelaa go tadau gowaa e pala ginai gidaadou.   
\c 47  
\s1 Di Tagi Aamua\f + \fr 47.0 \ft Taahili deenei ne huwa go di madahaanau Korah \f*  
\q1
\v 1 Nia daangada huogodoo, goodou paapaa ina godou lima tenetene!  
\q1 Hagaamuina a God loo gi nua gi nia daahili tenetene!   
\q1
\v 2 Yihowah Aamua Muginua la koia e hagamadagudia huoloo.  
\q1 Mee di King Aamua dela e dagi henuailala hagatau.   
\q1
\v 3 Ma go Mee dela ne hai gidaadou gii mee di maaloo i hongo nia daangada.  
\q1 Mee ne hai gidaadou gii dagi nia henua.   
\q1
\v 4 Ma go Mee dela ne hilihili dana henua mai gi gidaadou belee noho ai,  
\q1 di maluagina madamada ni di hagadili Jacob dela e aloho ieia.   
\b  
\q1
\v 5 God e hana gi nua gi dono lohongo.  
\q1 Nia lee wwolowwolo tenetene mo nia labaa e iliili  
\q1 i di madagoaa o Dimaadua e hana gi nua.   
\q1
\v 6 Daahili hagaamuina a God. Daahili hagaamuina tadau King!   
\q1
\v 7 God la di king ni henuailala hagatau. Hagaamuina a Mee gi nia daahili!   
\b  
\q1
\v 8 God le e noho i hongo dono lohongo haga madagu,  
\q1 Mee e dagi nia henua llauehe.   
\q1
\v 9 Nia dagi o nia henua e dagabuli madalia nia daangada o di God o Abraham.  
\q1 Mee koia e maaloo i hongo digau dauwa huogodoo.  
\q1 Mee e dagi nia mee huogodoo.   
\c 48  
\s1 Zion, di Waahale o God\f + \fr 48.0 \ft Taahili deenei ne huwa go di madahaanau Korah \f*  
\q1
\v 1 Dimaadua le e aamua huoloo gei e humalia belee hagaamu giibeni a Mee  
\q1 i lodo di waahale tadau God, i hongo dana gonduu haga madagu.   
\q1
\v 2 Zion, di gonduu a God, le e duuduu i nua ge e humalia.  
\q1 Di waahale o di King Aamua le e haga tenetene henuailala hagatau.\x * \xo 48.2 \xt Matthew 5.35\x*   
\q1
\v 3 God gu hagamodongoohia bolo ma di gowaa noho baba i di aumaalia  
\q1 la i dono baahi i lodo di abaaba o di waahale deenei.   
\b  
\q1
\v 4 Nia king gu dagabuli mai belee heebagi gi di Gonduu Zion.   
\q1
\v 5 Di madagoaa hua digaula ne mmada gi di maa, digaula gu goboina.  
\q1 Digaula gu mmaadagu guu llele gi daha.   
\q1
\v 6 Digaula gu mmaadagu huoloo gu uli nadau gai,  
\q1 e hai gadoo be di ahina ma ga hoohoo ga haanau,   
\q1
\v 7 e hai gadoo be nia wagabaalii ma ga huduhudu go nia beau  
\q1 i lodo di madangi gono.   
\b  
\q1
\v 8 Gimaadou gu longono nia mee a God ala ne hai,  
\q1 gei dolomeenei gimaadou guu mmada gi di maa  
\q1 i lodo di waahale o di madau God, go Yihowah di Gowaa Aamua.  
\q1 Mee ga benebene di waahale deenei ga hana hua dono hagaodi ai.   
\b  
\q1
\v 9 Meenei God, i lodo do Hale Daumaha,  
\q1 gimaadou e hagabaubau di hai o do manawa aloho dee modu.   
\q1
\v 10 Nia gowaa huogodoo nia daangada e haga hagaamu Goe,  
\q1 oo longo guu dele i hongo henuailala hagatau. Goe e dagi i di tonu.   
\q1
\v 11 Digau huogodoo o Zion la gi manawa tenetene!  
\q1 Goe e hai dau hagi aga gi di mee dela e donu.  
\q1 Nia waahale o Judah la gi tenetene!   
\b  
\q1
\v 12 Nia daangada a God, goodou hula haganiga a Zion,  
\q1 daulia di hulu o nia angulaa.   
\q1
\v 13 Hagadina ina nia abaaba, mo di hagamada ina nia abaaba dauwa,  
\q1 gii mee goodou di hagi anga gi nia adu daangada ala nomuli:   
\q1
\v 14 “Di God deenei la di God ni gidaadou gaa hana hua beelaa dono hagaodi ai.  
\q1 Mee gaa dagi gidaadou i di waalooloo o nia madagoaa ala ga lloomoi maalia.”   
\c 49  
\s1 Di hagadagadagagee gi nia maluagina la di mee dadaulia\f + \fr 49.0 \ft Taahili deenei ne huwa go di madahaanau Korah \f*  
\q1
\v 1 Goodou go nia daangada huogodoo hagalongo gi di mee deenei!  
\q1 Digau ala i nia madagowaa huogodoo, goodou hagalongo,   
\q1
\v 2 goodou go digau aamua mo digau lligi,  
\q1 digau maluagina mo digau hagaloale.   
\q1
\v 3 Agu hagamaanadu la ga modongoohia:  
\q1 Au ga helekai i nia helekai kabemee.   
\q1
\v 4 Au ga hagalongo gii donu gi nia bida helekai kabemee,  
\q1 ga haga modongoohia nia hadinga nia maa  
\q1 i dogu madagoaa ma ga badubadu di ‘harp’.   
\b  
\q1
\v 5 Au hagalee madagu i di madagoaa ma ga haingadaa,  
\q1 i dogu madagoaa ma ga duuli go ogu hagadaumee,   
\q1
\v 6 go digau huaidu ala e hagadagadagagee gi nadau maluagina,  
\q1 ge e hagapuu gi nadau goloo ala e logowaahee.   
\q1
\v 7 Gimaadou e deemee di bida daa gimaadou gi daha mo di haingadaa,  
\q1 gei e deemee labelaa di hui ang gi God di hui o madau mouli.   
\q1
\v 8 Idimaa, di hui o di mouli o tangada le e damanaiee huoloo.  
\q1 Madau mee ala e mee di hui la hagalee loo e dohu   
\q1
\v 9 di daa gimaadou gi daha mo taalunga,  
\q1 bolo gi mouli gimaadou gaa hana hua beelaa.   
\b  
\q1
\v 10 Di ingoo hua tangada e mee di mmada  
\q1 bolo digau kabemee le e mmade labelaa,  
\q1 gadoo be digau dadaulia mo digau boiboi.  
\q1 Nia hagadili digaula ga hai mee gi nia maluagina digaula.   
\q1
\v 11 Nia daalunga digaula ala nia hale digaula ga hana hua deeodi,  
\q1 aalaa nia gowaa e noho ai digaula gaa hana hua beelaa,  
\q1 ma e aha maa digaula nogo hai mee gi nia gowaa i mua.   
\q1
\v 12 Tadau mahi le e deemee di daa gidaadou gi daha mo di made.  
\q1 Gidaadou e mmade hua gadoo be nia manu.   
\b  
\q1
\v 13 Mmada be ma di aha dela gaa hai ang gi digau  
\q1 ala e bida hagadagadagagee ang gi ginaadou,  
\q1 mo di hagaodi gi muli o digau ala e tenetene gi nadau goloo.   
\q1
\v 14 Digaula guu lawa di haga noho bolo digaula gaa mmade gadoo be nia siibi.  
\q1 Di made dela gaa hai di hagaloohi o digaula.  
\q1 Ma ga luada, gei digau ala e haihai nia mee donu ga aali i hongo digaula.  
\q1 Nia huaidina digaula e limalima di pala i lodo tenua o digau mmade,  
\q1 e mogowaa mo nadau guongo.   
\q1
\v 15 Gei God ga haga dagaloaha au.  
\q1 Mee gaa daa au gi daha mo di mogobuna o di made!   
\b  
\q1
\v 16 Hudee manawa logo maa tangada ma ga maluagina,  
\q1 maa nia maluagina o maa ga logo mai ga logowaahee.   
\q1
\v 17 Mee e deemee di kae nia maa madalia ia i dono madagoaa ma gaa made.  
\q1 Nia maluagina o maa hagalee hula madalia a mee gi lodo taalunga.   
\q1
\v 18 Ma e aha maa tangada e manawa lamalia gi dono mouli,  
\q1 ga hagaamu go nia daangada i mee dela e gila humalia,   
\q1
\v 19 gei mee gaa made ga madalia ono maadua mmaadua  
\q1 ala e noho i di gowaa bouli dongoeho dela e waalooloo beelaa dono hagaodi ai.   
\q1
\v 20 Tadau aamua le e deemee di daa gidaadou gi daha mo di made.  
\q1 Gidaadou e mmade hua gadoo be nia manu.   
\c 50  
\s1 Taumaha dela e donu\f + \fr 50.0 \ft Taahili ni Asaph\f*  
\q1
\v 1 Dimaadua, go di God Aamua Huoloo,  
\q1 e helekai ang gi henuailala hagatau e tugi i bahi gi dua gaa hana gi bahi i dai.   
\q1
\v 2 Di madamada o God le e mamaahina mai i Zion,  
\q1 go di waahale madamada hagatau.   
\b  
\q1
\v 3 Tadau God e hanimoi, malaa, hagalee hanimoi deemuu.  
\q1 Di ahi maaloo e ulaula i mua o Mee,  
\q1 di madangi maaloo e haganiga i di gili o Mee.   
\q1
\v 4 Mee ga gahigahi di langi mo henuailala belee hai ono hagadootonu  
\q1 e mmada ang gi de Ia dela e gabunga ana daangada.   
\q1
\v 5 Mee ga helekai,  
\q1 “Haga dagabuli ina mai agu daangada manawa dahi gi dogu baahi,  
\q1 go digau ala ne hai nadau hagababa mai gi di Au  
\q1 mai i nadau tigidaumaha ne hai.”   
\q1
\v 6 Di langi e hagamodongoohia bolo God le e donu,  
\q1 ma go Mee dela tangada hai gabunga.   
\b  
\q1
\v 7 “Hagalongo, go agu daangada, gei Au ga helekai.  
\q1 Au gaa hai dagu hagamodongoohia hai baahi adu gi di goe, Israel.  
\q1 Au go God, go doo God.   
\q1
\v 8 Au hagalee gabunga goe i au tigidaumaha mo nia tigidaumaha dudu  
\q1 ala e haihai kooe mai gi di Au i nia madagoaa huogodoo.   
\q1
\v 9 Au hagalee hiihai e kae agu kau daane mai i dau abaaba,  
\q1 be nia kuudi mai i lodo dau hagabuulinga kuudi.   
\q1
\v 10 Nia manu huogodoo ala i lodo henua  
\q1 mono kau ala i tomo nia gonduu e mana la nia mee ni aagu.   
\q1
\v 11 Nia manu mamaangi huogodoo mono mee huogodoo  
\q1 ala e mouli i lodo henua la nia mee ni aagu.   
\b  
\q1
\v 12 “Maa nei bolo Au ma ga hiigai,  
\q1 Au hagalee madau agu meegai adu gi di goe,  
\q1 idimaa, henuailala mono mee huogodoo ala i no lodo la nia mee ni aagu.   
\q1
\v 13 E hai behee? Au e gai nia goneiga kau daane, be e inu nia dodo kuudi?   
\q1
\v 14 Heia dau tigidaumaha danggee ang gi God,  
\q1 mo di wanga gi di Gowaa Aamua au mee huogodoo ala ne hagababa ang gi Mee.   
\q1
\v 15 Gahigahi ina Au i do madagoaa haingadaa,  
\q1 gei Au ga haga dagaloaha goe, gei goe ga hagaamu Au.”   
\b  
\q1
\v 16 Gei God ga helekai gi digau huaidu,  
\q1 “Goodou e aha ala e agoago agu haganoho?  
\q1 Goodou e aha ala e leelee i agu hagababa?   
\q1
\v 17 Goe e de hiihai gi di Au dela e aago goe, goe guu kili gi daha agu haganoho.   
\q1
\v 18 Goe e hagadau ihoo gi digau gaiaadanga huogodoo ala ma ga gidee goe,  
\q1 gei goe e hagadaubuni ang gi nia daane mono ahina mouli be nia manu.   
\b  
\q1
\v 19 “Nia madagoaa huogodoo gei goe e helehelekai huaidu,  
\q1 gei goe hagalee madugidugia di helekai tilikai.   
\q1
\v 20 Goe e hai baahi gi oo gau donu, ge e halahala au huaidu gi digaula.   
\q1
\v 21 Goe guu hai nia mee huogodoo aanei, gei Au nogo noho hua deemuu,  
\q1 malaa, goe e hai bolo Au e hai gadoo be goe.  
\q1 Gei dolomeenei, gei Au ga haga donu adu gi di goe,  
\q1 ga hagamodongoohia haga mmaa adu gi di goe.   
\b  
\q1
\v 22 “Goodou ala e haga balumee au, hagalongo mai.  
\q1 Maa goodou hagalee hagalongo, gei Au ga daaligi goodou gi daha,  
\q1 deai tangada e mee di haga dagaloaha goodou ai.   
\q1
\v 23 Di danggee la tigidaumaha dela e hagalaamua Au,  
\q1 gei Au ga haga dagaloaha digau huogodoo ala e hagalongo mai gi di Au.”   
\c 51  
\s1 Talodalo e dangidangi gi dumaalia anga\f + \fr 51.0 \ft Taahili ni David ne hai i muli soukohp Nathan ne helekai gi mee i dono hai di huaidu be di manu ang gi Bathsheba \+bk (2-Samuel 12.1-15) \+bk* \f*  
\q1
\v 1 Meenei God, Goe dumaalia mai gi di au, mai i do manawa aloho dee odi.  
\q1 Goe weedee ogu huaidu gi daha mo au mai i do dumaalia aamua.   
\q1
\v 2 Gaugau ina gi daha mo au ogu huaidu huogodoo,  
\q1 haga madammaa ina gi daha ogu huaidu!   
\b  
\q1
\v 3 Au e iloo ogu huaidu,  
\q1 ogu huaidu e modongoohia eau i nia madagoaa huogodoo.   
\q1
\v 4 Au guu hai dagu ihala, gu hai baahi adu gi di Goe,  
\q1 ma go Kooe hua dela ne hai baahi ginai au.  
\q1 Au guu hai di mee huaidu dela guu hai Kooe bolo di huaidu.  
\q1 Malaa, Goe e donu hua ma ga hagi aga au,  
\q1 gei e donu hua ma ga haga donu mai au bolo au e hala.\x * \xo 51.4 \xt Romans 3.4\x*   
\q1
\v 5 Au tangada hua huaidu mai i dogu laangi ne haanau ai.  
\q1 Au ne haanau mai, gei au tangada hua huaidu.   
\b  
\q1
\v 6 Goe e hiihai gi di manawa madammaa ge e donu.  
\q1 Haga honu ina ogu hagamaanadu gi do kabemee.   
\q1
\v 7 Daawa ina gi daha ogu huaidu, gei au ga madammaa.  
\q1 Gaugau ina au, gei au koia ga madammaa giagia i nia ‘snow’.   
\q1
\v 8 Heia au gi hagalongo gi nia lee tenetene mo manawa lamalia.  
\q1 Ma e aha maa Goe gu haga mooho ogu dudaginga mo ogu iwi,  
\q1 gei au ga manawa lamalia laa.   
\q1
\v 9 Huli gi daha mo ogu huaidu, weedee ogu huaidu huogodoo.   
\b  
\q1
\v 10 Meenei God, heia mai gi ogu lodo di manawa madammaa,  
\q1 gaamai gi ogu lodo di hagataalunga hoou ge manawa dahi.   
\q1
\v 11 Hudee hudu ina au gi daha mo Goe.  
\q1 Hudee daawa ina dau Hagataalunga Dabu la gi daha mo au.   
\q1
\v 12 Gaamai labelaa di tenetene dela e hanimoi i do hagamouli.  
\q1 Heia au gi hiihai e hagalongo adu gi di Goe.   
\q1
\v 13 Gei au ga aago au haganoho gi digau huaidu,  
\q1 gei digaula ga maaliu mai gi di Goe.   
\b  
\q1
\v 14 Meenei God dogu Hagamouli, Haga dagaloaha ina dogu mouli,  
\q1 gei au ga manawa lamalia ga hagadele oo donu.   
\q1
\v 15 Meenei Dimaadua, hagamaamaa ina au gii mee au di helekai,  
\q1 gei au ga hagaamu Goe.   
\b  
\q1
\v 16 Goe hagalee hiihai gi nia tigidaumaha,  
\q1 maa nei bolo Goe e hiihai, gei au gaa hai adu gi di Goe.  
\q1 Goe hagalee e manawa tene gi nia tigidaumaha dudu.   
\q1
\v 17 Meenei God, dagu tigidaumaha la go di maaliu donu o dogu manawa.  
\q1 Goe hagalee bae gi daha di maliu donu o dogu manawa  
\q1 mo dogu manawa hila gi lala.   
\b  
\q1
\v 18 Meenei God, Goe gi manawa dumaalia gi Zion. Hagamaamaa ina a mee.  
\q1 Hauhia labelaa nia abaaba o Jerusalem.   
\q1
\v 19 Malaa, gei Goe ga manawa tene gi nia tigidaumaha ala e donu  
\q1 mo madau tigidaumaha dudu,  
\q1 gei nia kau daane ga tigidaumaha i hongo dau gowaa dudu tigidaumaha.   
\c 52  
\s1 Di hagiaga mo tumaalia o God\f + \fr 52.0 \ft Taahili ni David, i muli Doeg, tangada Edom, ne hana gi hagamodongoohia ang gi Saul boloo, “David guu hana gi di hale o Ahimelech.” \+bk (1-Samuel 22.9-10)\+bk* \f*  
\q1
\v 1 Goe taane maaloo, ma e aha dela goe e galanga gi au huaidu ala e hai?  
\q1 Di manawa dahi o God la dono hagaodi ai.   
\q1
\v 2 Goe e haganoho au hai belee hagahuaidu digau ala i golo.  
\q1 Do holole e gaa be tulumanu dahi ngudu.  
\q1 Nia madagoaa huogodoo gei goe e dili au kai tilikai.   
\q1
\v 3 Goe e hagalabagau nia hangaahai huaidu laa hongo nia hangaahai humalia,  
\q1 mo nia kai tilikai laa hongo nia kai e donu.   
\q1
\v 4 Goe e hiihai e hagahuaidu nia daangada gi au helekai,  
\q1 goe tangada hai kai tilikai!   
\b  
\q1
\v 5 Malaa, God ga haga huaidu goe gi mooho gaa hana hua beelaa.  
\q1 Mee gaa kumi goe gaa dada mai goe gi daha mo do guongo.  
\q1 Mee gaa daa goe gi daha mo tenua o digau mouli.   
\q1
\v 6 Digau ala e hai di tonu gaa mmada gi di mee deenei ma gaa hai,  
\q1 ga mmaadagu. Digaula ga gadagada adu gi di goe ga helekai,   
\q1
\v 7 “Mmada, deenei tangada nogo hagalee hagadagadagagee  
\q1 gi nia hagamaamaa a God, nogo hagadagadagagee hua gi ono goloo ala e logo,  
\q1 gei e halahala ono hagahumalia gi nia hangaahai huaidu mono kai tilikai.”   
\b  
\q1
\v 8 Gei au, au e hai gadoo be di laagau olib e tomo i lodo di hale o God.  
\q1 Au e hagadagadagagee gi di aloho dee modu o maa,  
\q1 gaa hana hua beelaa dono hagaodi ai.   
\q1
\v 9 Au ga danggee adu gi di Goe i nia madagoaa huogodoo, meenei God,  
\q1 i au mee ala ne hai. Au ga hagadele gi mua au daangada bolo Goe e humalia.   
\c 53  
\s1 Nia huaidu o nia daangada\f + \fr 53.0 \ft Taahili ni David\f*  
\r (Pisalem 14)  
\q1
\v 1 Digau dadaulia e helekai i lodo nadau manawa boloo,\x * \xo 53.1 \xt Romans 3.10-12\x* “Ma hagalee di God ai.”  
\q1 Digaula huogodoo guu huli gee mo di tonu,  
\q1 digaula guu hai nia mee ala koia e huaidu,  
\q1 tangada i digaula e hai nia mee humalia ai.   
\q1
\v 2 God e mmada iha i di langi gi nia daangada  
\q1 be di maa iai tangada i golo e kabemee,  
\q1 be di maa tangada e daumaha ang gi de Ia.   
\q1
\v 3 Malaa, digaula huogodoo guu huli gi daha,  
\q1 digaula gu huaidu huogodoo be di mee e dahi.  
\q1 Tangada e dahi i digaula e hai nia mee e donu ai,  
\q1 hagalee hua tangada e dahi ai.   
\b  
\q1
\v 4 God ga heeu, “Ma e aha, digaula e de iloo?  
\q1 Digau huogodoo hai mee huaidu aanei, la hagalee kabemee?  
\q1 Digaula e mouli mai i nadau gaiaa agu daangada,  
\q1 gei digaula hagalee loo e dalodalo mai gi di Au.”   
\b  
\q1
\v 5 Malaa, digaula ga mmaadagu huoloo,  
\q1 tagadilinga madagu ne hai beelaa mai mua gaa dae mai loo gi dangi nei ai,  
\q1 idimaa, God ga haga malae nia iwi nia hagadaumee o ana daangada.  
\q1 God gu diiagi digaula, gei Israel ga haga magedaa digaula.   
\b  
\q1
\v 6 Au e hai dalodalo huoloo bolo di aali la gi hanimoi gi Israel mai i Zion.  
\q1 Digau Israel ga tenetene hualaa behee i di madagoaa a God  
\q1 ma gaa hai digaula gi haadanga lamalia labelaa!   
\c 54  
\s1 Talodalo abaaba nia hagadaumee\f + \fr 54.0 \ft Taahili ni David, ne huwa i muli digau Ziph guu hula gi Saul mo di hagamodongoohia ang gi mee bolo David la i nadau guongo. \+bk (1-Samuel 23.19, 26.1) \+bk* \f*  
\q1
\v 1 Meenei God, haga dagaloaha ina au gi o maaloo.  
\q1 Hagamehede ina au gi oo mahi!   
\q1
\v 2 Meenei God, hagalongo mai gi dagu dalodalo.  
\q1 Hagalongo mai gi agu helekai!   
\q1
\v 3 Digau hagamuamua e lloomoi e heebagi mai gi di au.  
\q1 Digau hagawelewele e hagamada bolo ginaadou e daaligi au gii made,  
\q1 nia hagadilinga daangada ala hagalee e hagalaamua a God.   
\b  
\q1
\v 4 Gei God go dogu hagamaamaa. Di Tagi go dogu dangada daa.   
\q1
\v 5 God gi daaligidia ogu hagadaumee i nia hegau huaidu digaula ala e hai.  
\q1 Mee ga daaligi digaula gi daha, idimaa Mee e manawa dahi.   
\b  
\q1
\v 6 Meenei Dimaadua, au gaa hai dagu tigidaumaha adu gi di Goe  
\q1 mo di tenetene.  
\q1 Au gaa hai dagu hagaamu adu gi di Goe, idimaa Goe dela e humalia.   
\q1
\v 7 Goe dela ne haga dagaloaha au gi daha mo ogu haingadaa huogodoo,  
\q1 gei au gu gidee ogu hagadaumee ala ne paagege.   
\c 55  
\s1 Talodalo tangada ne hagi aga go dono ehoo\f + \fr 55.0 \ft Taahili ni David\f*  
\q1
\v 1 Meenei God, hagalongo mai gi dagu dalodalo.  
\q1 Goe hudee huli gi daha mo dagu dangidangi!   
\q1
\v 2 Hagalongo mai mo di helekai mai. Au gu duadua i dogu de nnoomaalia.   
\q1
\v 3 Au gu madagu huoloo i nia lee haga madagudagu dangada o ogu hagadaumee.  
\q1 Au gu beehi go digau huaidu ala e hai au haga huaidu.  
\q1 Digaula e gaamai gi di au di haingadaa; digaula e hagawelewele mai gi di au,  
\q1 ge hagadugina ginaadou au.   
\b  
\q1
\v 4 Au gu madagu huoloo, di madagu o di made gu daamaha i ogu lodo.   
\q1
\v 5 Di madagu mo di bolebole guu honu i ogu lodo. Au gu madagu huoloo.   
\q1
\v 6 Au bolo gii hai hualaa ogu bakau be di mwuroi,  
\q1 gi maangi au gi daha, gii gida dogu gowaa e hagamolooloo iei au.   
\q1
\v 7 Au ga maangi gi mogowaa loo, gaa hai dogu guongo i lodo di anggowaa.   
\q1
\v 8 Au ga halahala dagu gowaa hagalimalima e bala iei au  
\q1 i di madangi damana mo di madangi gono.   
\q1
\v 9 Meenei Tagi, hagahinihini ina nia helekai o ogu hagadaumee!  
\b  
\q1 Au e mmada gi nia daangada e hai be digau e dadaaligi nadau daangada,  
\q1 ge hagalongoaa i lodo di waahale.   
\q1
\v 10 Boo mo aa nia haihai huaidu e hula  
\q1 e haganiga i hongo di abaaba di waahale deelaa,  
\q1 e haga honu di maa gi nia huaidu llauehe mono haingadaa llauehe.   
\q1
\v 11 Di haga mooho la i nia madagowaa huogodoo.  
\q1 I hongo nia ala guu honu i nia halahalau mo nia hagahuaidu.   
\b  
\q1
\v 12 Maa nei bolo di hagadaumee e haganneennee au,  
\q1 gei au e manawa balabala hua ginai,  
\q1 gei di maa di hoo ni oogu ma ga haga balumee au,  
\q1 gei au e mee di hana gi daha mo mee.   
\q1
\v 13 Gei di maa kooe dela go dogu ihoo ngalua mo dogu ihoo hagaaloho donu.   
\q1
\v 14 Gidaua nogo hagabooboo i tau mehanga i di aloho,  
\q1 nogo daumaha i di gowaa e dahi i lodo di Hale Daumaha.   
\q1
\v 15 Heia ogu hagadaumee gii mmade i mua nadau madagoaa belee mmade ai.  
\q1 Digaula gi hula hua mouli gi lodo tenua o digau mmade!  
\q1 Di huaidu la i lodo nia hale digaula mo i lodo nia manawa digaula.   
\b  
\q1
\v 16 Gei au ga gahigahi Dimaadua go God belee hagamaamaa au,  
\q1 gei Mee ga haga dagaloaha au.   
\q1
\v 17 Luada, oodee, mo hiahi agu tamu mo di dangi i lodo dogu manawa  
\q1 guu dau i mua o Mee, gei Mee ga hagalongo gi dogu lee.   
\q1
\v 18 Mee ga laha mai au hagahumalia gi daha mai teebagi  
\q1 dela nogo heebagi iei au gi ogu hagadaumee dogologowaahee.   
\q1
\v 19 God dela nogo dagi mai loo namua ga hagalongo mai gi di au,  
\q1 ga haga magedaa digaula, idimaa digaula hagalee hiihai e huli hoou,  
\q1 gei hagalee e mmaadagu i Mee.   
\b  
\q1
\v 20 Dogu ihoo i mua gu hai baahi gi ono ehoo hagaaloho.  
\q1 Mee gu oho ana hagababa.   
\q1
\v 21 Nia helekai a maa e kala, gei i lodo dono manawa le e honu di hagadugina.  
\q1 Nia helekai a maa e hagalongo hagamanawa lamalia ginai be nia lolo,  
\q1 gei nia maa e gaa gadoo be tulumanu dauwa.   
\b  
\q1
\v 22 Dugua ang gi Dimaadua o haingadaa, gei Mee ga haga dagaloaha goe.  
\q1 Mee hagalee e hai digau ala e hai di tonu gi magedaa.   
\b  
\q1
\v 23 Gei Goe, meenei God, gaa lahi digau daaligi dangada gii mmade  
\q1 mo digau hai kai tilikai gi lodo nadau daalunga  
\q1 i mua digaula ma gaa tugi i tungaalodo o nadau mouli.  
\q1 Gei au ga hagadagadagagee adu gi di Goe.   
\c 56  
\s1 Talodalo di hagadagadagagee gi God\f + \fr 56.0 \ft Taahili ni David, ne huwa i muli digau Philistia guu kae a mee i Gath. \+bk (1-Sam 21.13-15) \+bk* \f*  
\q1
\v 1 Meenei God, dumaalia mai gi di au,  
\q1 idimaa au gu i lodo di haingadaa damana.  
\q1 Ogu hagadaumee e hagahuaidu au i nia madagoaa huogodoo.   
\q1
\v 2 Di laangi dogomaalia gei ogu hagadaumee e hai baahi mai gi di au.  
\q1 E dogologo digau e heebagi hai baahi mai gi di au.   
\q1
\v 3 Meenei Dimaadua di Gowaa Aamua, dogu madagoaa ma ga madagu,  
\q1 gei au e hagadagadagagee adu gi di Goe.   
\q1
\v 4 Au e hagadagadagagee gi God, gei au hagalee e madagu.  
\q1 Au e hagaamu a Mee i nia mee a Mee ala ne hagababa.  
\q1 Ma di aha e mee di hai go tangada mai gi di au?!   
\b  
\q1
\v 5 Ogu hagadaumee e gaamai gi di au nia haingadaa i lodo di laangi dogomaalia,  
\q1 digaula e hagabaubau di nadau hai  
\q1 dela belee haga huaidu au i nia madagoaa huogodoo!   
\q1
\v 6 Digaula e dagabuli hagammuni i lodo nia gowaa nngala,  
\q1 e dadaumada agu mee huogodoo ala e hai, e hiihai e daaligi au gii made.   
\q1
\v 7 Meenei God, daaligidia digaula i nadau hai huaidu.  
\q1 Haga magedaa ina nia daangada aalaa gi do hagawelewele!   
\b  
\q1
\v 8 Goe e iloo hua be au e haingadaa behee.  
\q1 Goe gu hagailongo di logo o ogu wai dangi.  
\q1 Nia maa digi hihia Kooe gi lodo dau beebaa?   
\q1
\v 9 Di laangi dela ma ga gahigahi Goe ko au,  
\q1 gei ogu hagadaumee ga hagadiga gi muli, gaa hula gaa llele.  
\q1 Au e iloo di mee deenei, idimaa God la i dogu baahi,   
\q1
\v 10 ma go Dimaadua, dela e hagahagaamu ko au ana hagababa.   
\q1
\v 11 Ma go Mee dela e hagadagadagagee ginai au, gei au ga hagalee madagu.  
\q1 Ma di aha e mee di hai go tangada mai gi di au?!   
\b  
\q1
\v 12 Meenei God, au ga tigidaumaha adu gi di Goe agu mee ala ne hagababa.  
\q1 Au ga gowadu gi di Goe dagu tigidaumaha danggee,   
\q1
\v 13 idimaa Goe dela ne haga dagaloaha au gi daha mo di made,  
\q1 gei ne hai au gi hagalee magedaa. Malaa, au ga heehee i mua o God,  
\q1 i lodo di maalama dela e maahina i hongo nia daangada.   
\c 57  
\s1 Talodalo e dagi i di hagamaamaa\f + \fr 57.0 \ft Taahili ni David, ne huwa i muli dana lele gi daha mo Saul mai i di bongoo hadugalaa. \+bk (1-Samuel 22.1, 24.3)\+bk*\f*  
\q1
\v 1 Dumaalia mai gi di au, meenei God, dumaalia mai,  
\q1 idimaa au e hanadu e halahala dogu hagamaamaa gi doo baahi.  
\q1 I lala di malu oo lima e gida ai dogu abaaba  
\q1 gaa dae loo gi di lawa o nia haingadaa huogodoo.   
\b  
\q1
\v 2 Au e gahigahi dogu God dela i di Gowaa Aamua,  
\q1 di God dela e hagahumalia au gi agu mee ala e hiihai ginai huogodoo.   
\q1
\v 3 Mee ga helekai mai i di langi, ga haga dagaloaha au.  
\q1 Mee ga haga magedaa digau ala e hagahuaidu au.  
\q1 God ga hagamodongoohia mai dono aloho dee modu mo dono manawa dahi.   
\b  
\q1
\v 4 Ogu hagadaumee gu haganiga mai dogu gili,  
\q1 e hai gadoo be nia laion gai dangada.  
\q1 Nia niha digaula e hai gadoo be nia daalo mono amu maalei.  
\q1 Nia holole digaula e hai gadoo be nia hulumanu dauwa gaa.   
\b  
\q1
\v 5 Meenei God, hagamodongoohia ina do aamua i di langi,  
\q1 mo do madamada i hongo henuailala hagatau.   
\b  
\q1
\v 6 Ogu hagadaumee guu holo di nadau gubenge belee kumi au.  
\q1 Au gu deai dogu hagadagadagagee ai.  
\q1 Digaula guu geli di nadau luwa i ogu mua bolo gii doo au gi no lodo,  
\q1 gei di maa go digaula ne monnono gi lodo.   
\b  
\q1
\v 7 Meenei God, dogu hagadagadagagee guu dohu,  
\q1 gei au ga daahili mo di hagaamu Goe!   
\q1
\v 8 Dogu hagataalunga, ala aga! Dagu ‘harp’ mo dagu ‘lyre’, aala aga!  
\q1 Au ga hangahanga di laa gii ala.   
\q1
\v 9 Meenei dogu Dagi, au ga danggee adu gi di Goe i mehanga nia henua.  
\q1 Au ga hagaamu Goe i baahi nia daangada.   
\q1
\v 10 Do aloho dee modu guu dau i nia madagowaa huogodoo i di langi.  
\q1 Do manawa dahi guu tugi i lala di langi.   
\q1
\v 11 Hagamodongoohia ina oo mahi aamua i di langi, meenei God,  
\q1 mo do madamada gi hongo henuailala hagatau.   
\c 58  
\s1 Talodalo gi God bolo gi hagaduadua digau huaidu\f + \fr 58.0 \ft Taahili ni David \f*  
\q1
\v 1 Goodou go nia dagi le e gabunga godou mee gii donu?  
\q1 Goodou e gabunga nia daangada huogodoo gi tungaadahi?   
\q1
\v 2 Deeai, goodou e hagabaubau hua nia huaidu ala e mee di hai go goodou,  
\q1 gei e hai godou huaidu daaligi dangada i hongo tenua.   
\b  
\q1
\v 3 Digau hai mee huaidu le e nnoo mau e hai nadau mee hala  
\q1 i lodo nadau madagoaa ala e mouli ai.  
\q1 Digaula e hai nadau kai tilikai mai loo i di laangi dela ne haanau ai ginaadou.   
\q1
\v 4 Digaula e honu i nia poisin gadoo be nia gihaa lodo geinga.  
\q1 Digaula e pono nadau dalinga gadoo be di gihaa ‘cobra’ dela e longoduli,   
\q1
\v 5 dela e de longono ia di lee o tangada hai daahili haga gaidala,  
\q1 be taahili o tangada hai mogobuna.   
\b  
\q1
\v 6 Meenei God, oho ina nia niha o nia laion llamu dauwa aanei.   
\q1
\v 7 Heia digaula gi hagalee, gadoo be nia wai ma gaa dui gi daha.  
\q1 Heia digaula gi dagadagahi gi hongo di ala, gadoo be nia geinga laagau.   
\q1
\v 8 Heia digaula gii hai be nia ‘snail’ ma gaa bala gaa hai nia gelegele.  
\q1 Heia digaula gii hai gadoo be di ligiana dela ma ga haanau mai made  
\q1 dela digi gidee ia di maalama.   
\q1
\v 9 I mua digaula ma ga iloo e ginaadou di maa,  
\q1 gei digaula gaa hele gi lala, gadoo be nia geinga laagau.  
\q1 Gei God ga hagawelewele ga ili digaula gi daha gei digaula e mouli.   
\b  
\q1
\v 10 Digau ala e haihai nia mee donu ga tenetene  
\q1 i di nadau madagoaa ma gaa mmada gi digau huaidu ma ga daaligi.  
\q1 Digaula ga taele laa lodo nia dodo o digau huaidu.   
\q1
\v 11 Nia daangada ga helekai, “Ma e donu hua bolo digau  
\q1 ala e hai nia mee ala e donu le e kumi nadau hui.  
\q1 Ma e donu bolo ma iai di God i golo dela e hagi aga henuailala.”   
\c 59  
\s1 Talodalo madau di hagaloohi humalia\f + \fr 59.0 \ft Taahili ni David, ne huwa i muli o Saul ne hagau ana daane e dadaumada di hale o maa belee daaligi a mee gii made \+bk (1-Samuel 19.11) \+bk*\f*  
\q1
\v 1 Meenei dogu God, haga dagaloaha ina au gi daha mo ogu hagadaumee.  
\q1 Abaaba ina au gi daha mo digau ala e hai baahi mai gi di au!   
\q1
\v 2 Haga dagaloaha ina au gi daha mo digau huaidu aalaa.  
\q1 Daawa ina au gi daha mo digau daaligi dangada aalaa!   
\b  
\q1
\v 3 Mmada, digaula e talitali belee daaligi au gii made.  
\q1 Digau maaloo e dagabuli belee hai baahi mai gi di au.  
\q1 Hagalee idimaa au ne hai dagu huaidu be ne hai dagu mee hala,   
\q1
\v 4 be di hala dulii guu hai ko au, meenei Dimaadua,  
\q1 dela e llele iei digaula e hagatogomaalia belee heebagi mai gi di au.   
\b  
\q1
\v 5 Duu gi nua, meenei Yihowah go di God Koia e Aamua,  
\q1 hanimoi hagamaamaa ina au.  
\q1 Meenei di God o Israel, goe bida mmada hua Goe gi di au!  
\q1 Duu gi nua, daaligidia digau o di bouli.  
\q1 Hudee dumaalia gi digau huaidu halahalau dangada!   
\b  
\q1
\v 6 Digaula e lloomoi labelaa ma ga hiahi,  
\q1 e heehee i lodo di waahale mo di nguunguu gadoo be nia paana.   
\q1
\v 7 Hagalongo malaa gi nia haganneennee digaula, mo nia haga huaidu digaula.  
\q1 Nia holole digaula e hai be nia hulumanu dauwa i lodo nadau ngudu.  
\q1 Digaula e hagabaubau bolo ma tangada e hagalongo gi ginaadou ai.   
\b  
\q1
\v 8 Gei Goe e gadagada gi digaula, meenei Dimaadua.  
\q1 Goe e dugu digau o di bouli bolo ma nia balumee.   
\q1
\v 9 Au e hagadagadagagee gi oo mahi, meenei God,  
\q1 Goe go dagu gowaa e bala ginai au.   
\q1
\v 10 Dogu God e aloho i di au, gei ga hanimoi gi di au.  
\q1 Mee gaa hai au gii mmada gi ogu hagadaumee ma ga magedaa.   
\b  
\q1
\v 11 Meenei God, hudee daaligidia digaula gi dee de langahia agu daangada.  
\q1 Gei Goe heia digaula gii hula gi lellele dagidahi gi oo mahi.  
\q1 Hagamagedaa ina digaula, meenei Dimaadua, go di madau abaaba.   
\q1
\v 12 Di huaidu la i hongo nia malau ngudu digaula.  
\q1 Nia helekai huogodoo digaula le e huaidu huoloo.  
\q1 Heia nia helekai digaula gi hele ina digaula i lodo nadau hagapuu!  
\q1 Idimaa digaula e hai nadau haga halauwa ge e hai nadau kai tilikai,   
\q1
\v 13 daaligidia digaula gi do hagawelewele. Daaligidia digaula gii odi.  
\q1 Gei digau huogodoo ga iloo bolo ma go God dela e dagi Israel,  
\q1 gaa hana loo gi nia mada o henuailala.   
\b  
\q1
\v 14 Ogu hagadaumee e lloomoi labelaa ma ga hiahi,  
\q1 e heehee i lodo nia waahale mo di nguunguu gadoo be nia paana,   
\q1
\v 15 e hai be nia paana ma ga halaangaa dolohi, e halahala nadau meegai  
\q1 mo di nguunguu maa ginaadou ma ga hagalee kida nadau mee.   
\b  
\q1
\v 16 Gei au ga daahili i di hai oo mahi.  
\q1 Nia luada huogodoo gei au ga daahili gi nua i di hai o do aloho dee modu.  
\q1 Goe go dagu gowaa dela e bala iei au, gei di abaaba ni oogu  
\q1 i dogu madagoaa ma ga haingadaa.   
\q1
\v 17 Au ga hagaamu Goe, go dogu Dangada Daa, dagu gowaa e bala ginai au  
\q1 la go God, di God dela e aloho i di au.   
\c 60  
\s1 Talodalo hagamehede\f + \fr 60.0 \ft Taahili ni David. Taahili agoago deenei ne huwa i di madagoaa a mee gu heebagi gi digau Aram ala mai Naharaim mo Zobah, mo di madagoaa o Joab guu huli gi muli ga daaligi gii mmade digau e madangaholu maa lua mana (12,000) i lodo di Gowaa Baba Toolo \+bk (2-Samuel 8.13; 1-Chronicles 18.12) \+bk* \f*  
\q1
\v 1 Meenei God, goe gu diiagi gimaadou, gu haga magedaa gimaadou.  
\q1 Goe nogo hagawelewele mai gi gimaadou,  
\q1 malaa dolomeenei huli mai gi gimaadou.   
\q1
\v 2 Goe ne hai tenua gi ngalungalua, ga haahi di maa gi mahuge.  
\q1 Hagahumalia ina nia gowaa mooho aanei, idimaa ma gu monnono dagidahi.   
\q1
\v 3 Goe ne hai au daangada gi hagaduadua gii kono.  
\q1 Gimaadou gu heehee haga inaina be digau ne inu nadau dagaao gu libaliba.   
\q1
\v 4 Goe gu haga iloo gi digau ala e hagalaamua Goe,  
\q1 bolo gii mee di llele digaula gi daha mo taaligi.   
\q1
\v 5 Haga dagaloaha ina gimaadou gi oo mahi.  
\q1 Helekai mai gi madau dalodalo,  
\q1 gei au daangada ala e aloho ai gaa mee di dagaloaha.   
\b  
\q1
\v 6 God gu helekai mai i hongo dono lohongo haga madagu boloo,  
\q1 “Idimaa dela Au gu aali, Au ga hahaahi Shechem,  
\q1 gaa duwwe di gowaa mehanga gonduu o Sukkoth gi agu daangada.   
\q1
\v 7 Gilead la ni aagu, mo Manasseh labelaa.  
\q1 Ephraim la go dagu goobai dauwa, gei Judah la go dagu dogodogo king.   
\q1
\v 8 Gei Au ga haga hai hegau a Moab be dagu boolo gaugau,  
\q1 gei Au gaa kili ogu suudi la gi hongo Edom,  
\q1 e hagailongo di maa bolo ma di mee ni aagu.  
\q1 Digau Philistia le e hagamaanadu bolo ginaadou ga wwolowwolo aali i ogu nua?”   
\b  
\q1
\v 9 Meenei God, ma koai dela gaa lahi au gi lodo di waahale mau dangihi?  
\q1 Ma koai dela gaa dagi au gi Edom?   
\q1
\v 10 Ma e donu bolo Goe dela hua gu diiagi gimaadou?  
\q1 Goe hagalee hana madalia madau gau dauwa?   
\q1
\v 11 Hagamaamaa ina gimaadou e heebagi gi nia hagadaumee.  
\q1 Nia hagamaamaa o nia daangada dangada le e balumee gei deai ono hadinga ai.   
\q1
\v 12 Maa God ga madalia gidaadou, gei gidaadou ga aali.  
\q1 Mee ga daaligi tadau hagadaumee.   
\c 61  
\s1 Talodalo i di abaaba\f + \fr 61.0 \ft Taahili ni David\f*  
\q1
\v 1 Meenei God, hagalongo mai gi dagu gahigahi.  
\q1 Hagalongo mai gi dagu dalodalo!   
\q1
\v 2 I lodo hua dogu manawa gee mo dogu mogowaa i dogu guongo,  
\q1 gei au e gahigahi Goe! Lahia au gi di gowaa dela e noho iei au humalia,   
\q1
\v 3 idimaa Goe go dogu abaaba, dogu Dangada daa maaloo  
\q1 dela e hai baahi gi ogu hagadaumee.   
\b  
\q1
\v 4 Heia au gii noho i lodo doo hale dabu i di waalooloo o dogu mouli,  
\q1 mo di noho humalia i lala di malu o bakau.   
\q1
\v 5 Meenei God, Goe gu longono agu hagababa,  
\q1 gei Goe gu gaamai gi di au nia mee o digau ala e hagalaamua Goe.   
\b  
\q1
\v 6 Haga waalooloo ina di mouli o di king. Heia a mee gi mouli hua beelaa!   
\q1
\v 7 Meenei God, heia a mee gi dagi hua beelaa i oo mua  
\q1 gaa hana hua beelaa, dono hagaodi ai.  
\q1 Abaaba ina a mee gi do aloho dee modu mo do manawa dahi.   
\b  
\q1
\v 8 Gei au ga dadaahili laa i nia madagoaa huogodoo e hagaamu Goe,  
\q1 i dogu madagoaa ma gaa hai agu tigidaumaha  
\q1 i nia laangi huogodoo adu gi di Goe i agu mee ala ne hagababa.   
\c 62  
\s1 Di hagadagadagagee ang gi God ga abaaba goe\f + \fr 62.0 \ft Taahili ni David\f*  
\q1
\v 1 Au e noho deemuu e talitali gi God gi haga dagaloaha au,  
\q1 deelaa hua go Mee dela e hagadagadagagee ginai au.   
\q1
\v 2 Ma go Mee hua dela e abaaba au ge e haga dagaloaha au.  
\q1 Mee go dogu Dangada Daa, deai tangada e mee di haga magedaa au ai.   
\b  
\q1
\v 3 E waalooloo behee go goodou huogodoo ala ma ga heheebagi gi taane  
\q1 dela gu bagege gadoo be di abaaba gu mooho?   
\q1
\v 4 Goodou e hiihai hua belee dugu iha a mee gi lala,  
\q1 gi daha mo dono lohongo aamua.  
\q1 Goodou e tenetene gi nia helekai tilikai.  
\q1 Goodou e hai godou helekai haga maluagina, gei i lodo godou manawa,  
\q1 goodou e haga halauwa a mee.   
\b  
\q1
\v 5 Ma go God hua dela e gana ginai au,  
\q1 deelaa hua go Mee e hagadagadagagee ginai au.   
\q1
\v 6 Go Mee hua dela e abaaba gei e haga dagaloaha au.  
\q1 Mee go dogu Dangada Daa, malaa au e deemee loo di magedaa.   
\q1
\v 7 Dogu hagamouli mo dogu hagalaamua le e hai mai i baahi o God.  
\q1 Mee go dogu abaaba mau dangihi, Mee go dogu gowaa e bala iei au.   
\b  
\q1
\v 8 Agu daangada, goodou hagadagadagagee gi God i nia madagoaa huogodoo.  
\q1 Hagi anga ina gi Mee godou haingadaa huogodoo,  
\q1 idimaa Mee go tadau gowaa e pala iei gidaadou.   
\b  
\q1
\v 9 Nia daangada huogodoo le e hai gadoo be nia madangi ne dogi go tangada.  
\q1 Digau aamua mo digau mugi lala huogodoo e balumee hua be di mee e dahi.  
\q1 Digaula ga pauna la hagalee daamaha,  
\q1 digaula e koia e maamaa i nia madangi ala ma gaa dogi go tangada.   
\q1
\v 10 Goodou hudee kana gi di hagawelewele.  
\q1 Hudee hagadagadagagee bolo goodou ga maluagina i godou gaiaa ala e hai.  
\q1 Ma e aha maa godou maluagina le e logowaahee mai,  
\q1 gei goodou hudee hagadagadagagee gi nia maa.   
\b  
\q1
\v 11 Au gu hagalongo haga logo gi God e helehelekai  
\q1 bolo nia mogobuna la nia mee ni aana,   
\q1
\v 12 bolo dono aloho la dono hagaodi ai.\x * \xo 62.12 \xt Job 34.11; Jeremiah 17.10; Matthew 16.27; Romans 2.6; Revelation 2.23\x*  
\q1 Meenei Tagi, ma deelaa hua Kooe dela e hui nia daangada  
\q1 gii hai be nadau hegau ala nogo hai.   
\c 63  
\s1 Di hidihidi i God\f + \fr 63.0 \ft Taahili deenei ne huwa go David i dono madagoaa nogo i lodo di Anggowaa o Judah \+bk (1-Samuel 23.14) \+bk* \f*  
\q1
\v 1 Meenei God, Goe di God ni oogu, gei au e hidihidi i di Goe.  
\q1 Dogu huaidina mo dogu hagataalunga hagatau e hiihai huoloo adu gi di Goe,  
\q1 e hai gadoo be tenua ne maangoo deai ono wai ai.   
\q1
\v 2 Heia au gi mmada adu gi di Goe i lodo do gowaa haga madagu.  
\q1 Heia au gii mmada be Goe e maaloo ge e madamada behee.   
\q1
\v 3 Au ga hagaamu Goe, idimaa, do aloho mau dangihi e koia e humalia i di mouli.   
\q1
\v 4 Au ga danggee adu gi di Goe i di waalooloo o dogu mouli.  
\q1 Au ga daahi aga ogu lima e dalodalo adu gi di Goe.   
\q1
\v 5 Dogu hagataalunga ga miami ga maaluu  
\q1 gadoo be tangada dela ne miami i tagamiami damana,  
\q1 gei au ga daahili adu gi di Goe nia daahili hagaamu.   
\b  
\q1
\v 6 Dogu moe hua i hongo dogu hada, gei au ga langahia eau Goe.  
\q1 Di boo hagatau gei au e mamaanadu mai Goe,   
\q1
\v 7 idimaa, Goe dela nogo hagamaamaa au i nia madagoaa huogodoo.  
\q1 Au e daahili tenetene i lala di malu o bakau.   
\q1
\v 8 Dogu hagataalunga e pigi adu gi di Goe, gei doo lima gau donu e daahi au.   
\b  
\q1
\v 9 Digau ala bolo ginaadou e daaligi au  
\q1 la gaa hula gi lala gi di gowaa o digau mmade.   
\q1
\v 10 Digaula ga daaligi i lodo tauwa,  
\q1 gei nia huaidina digaula gaa gai go nia paana lodo geinga.   
\q1
\v 11 Gei ogo di king ga tenetene, idimaa, God ne hai a mee gi aali.  
\q1 Digau ala ne hai nadau hagababa i di ingoo o God la ga hagaamu a Mee,  
\q1 gei nia ngudu o digau hai kai tilikai gaa pono.   
\c 64  
\s1 Talodalo i di abaaba\f + \fr 64.0 \ft Taahili ni David.\f*  
\q1
\v 1 Meenei God, au gu i lodo di haingadaa, hagalongo mai gi dagu dalodalo!  
\q1 Au gu madagu i ogu hagadaumee, haga dagaloaha ina dogu mouli!   
\q1
\v 2 Abaaba ina au gi daha mo nia hagahuaidu o digau huaidu,  
\q1 mo nia hagabuulinga daangada huaidu.   
\q1
\v 3 Digaula e olo nadau holole gii gaa be tulumanu dauwa,  
\q1 gei e puu nadau helekai huaidu gadoo be nia amu maalei.   
\q1
\v 4 Digaula e limalima di hagadele nadau kai tilikai, ge hagalee langaadia.  
\q1 Digaula e oho digau humalia gi nadau tamu, ge hagalee mmaadagu.   
\q1
\v 5 Digaula e hagadaubuni i lodo nadau hagabaubau huaidu,  
\q1 digaula e helehelekai be dehee di gowaa e dugu ginai nadau hele.  
\q1 Digaula e hai boloo, “Tangada e mee di gidee nia maa ai.”   
\q1
\v 6 Digaula e haganoho nadau hai huaidu ga helekai,  
\q1 “Gidaadou gu haganoho hagahumalia tadau hai huaidu dela belee hai.”  
\q1 Di manawa mo nia hagamaanadu o tangada le e nngala.   
\b  
\q1
\v 7 Malaa, God gaa puu ana amu maalei gi digaula,  
\q1 digaula gu limalima hua di lauwa.   
\q1
\v 8 Mee ga daaligi digaula idimaa go nia helekai aalaa.  
\q1 Digau huogodoo ala ma gaa mmada gi digaula la ga lialiagi nadau libogo.   
\q1
\v 9 Digaula huogodoo ga mmaadagu, digaula ga hagabaubau  
\q1 di mee a God dela ne hai, ga kaikai ana mee ne hai.   
\q1
\v 10 Digau huogodoo ala e donu la ga tenetene gi di mee a Dimaadua dela ne hai.  
\q1 Digaula ga gidee di nadau gowaa e pala ai ge noho manawa lamalia i baahi o Mee.  
\q1 Digau huogodoo ala e humalia la ga haga hagaamu a Mee.   
\c 65  
\s1 Taahili hagaamu mo danggee\f + \fr 65.0 \ft Taahili ni David \f*  
\q1
\v 1 Meenei God, ma e humalia bolo gimaadou e hagaamu Goe i Zion,  
\q1 mo di hagakila madau hagababa ala ne hai adu gi di Goe,   
\q1
\v 2 idimaa Goe dela e haga kila aga madau dangidangi.  
\q1 Nia daangada huogodoo ga lloo adu gi di Goe   
\q1
\v 3 mai i nadau huaidu.  
\q1 Di madagoaa hua o madau huaidu ala gu mada maaloo i gimaadou,  
\q1 gei Goe gu dumaalia mai gi gimaadou.   
\q1
\v 4 E maluagina go digau ala e hilihili Kooe,  
\q1 ga laha mai gaa noho i lodo do gowaa haga madagu!  
\q1 Gimaadou ga manawa lamalia gi nia humalia o doo hale,  
\q1 di haga maluagina o do Hale Daumaha haga madagu.   
\b  
\q1
\v 5 Goe ne longono madau dangidangi ga hagamaamaa gimaadou gi aali,  
\q1 Goe e hagamouli gimaadou gi au hegau haga goboina.  
\q1 Nia daangada o nia henua huogodoo mo nia dama henua ala i daha  
\q1 e hagadagadagagee adu gi di Goe.   
\q1
\v 6 Goe ne haga noho nia gonduu gi nadau lohongo gi o mogobuna.  
\q1 Nia hegau aanei e haga modongoohia o mogobuna aamua.   
\q1
\v 7 Goe e hagakila nia ngoloolo o nia moana mo nia lee o nia beau.  
\q1 Goe e hagakila nia ngongooaa o nia daangada.   
\q1
\v 8 Nia daangada huogodoo i henuailala  
\q1 gu mmaadagu i au hegau haga goboina ala ne hai.  
\q1 Au hegau ala ne hai gu hagahidi ai nia daangada mai i di mada o henuailala  
\q1 gaa hana gi di mada dela i golo gi momoogo tenetene.   
\b  
\q1
\v 9 Goe e haga modongoohia do aloho i nia henua  
\q1 i dau hai dela e haga doo iha di uwa.  
\q1 Goe e haga honu di maa gi nia huwa laagau mo nia gelegele humalia.  
\q1 Goe e haga honu nia dama monowai mmidi gi nia wai.  
\q1 Goe e wanga gi henuailala nia huwa laagau. Deenei dau hai e hai nia maa:   
\q1
\v 10 Goe e gaamai dau uwa nngolo gi hongo nia gowaa ala gu hagamaluu,  
\q1 ga haga magalillili di gelegele gi nia wai.  
\q1 Goe e haga tiutiu di gelegele gi nia uwa nngolo, gaa hai nia dama laagau gii tomo.   
\q1
\v 11 Goe e gaamai gi gimaadou nia huwa laagau e logo,  
\q1 idimaa Goe dela e humalia!  
\q1 Nia gowaa huogodoo ala e hana ginai Goe,  
\q1 aalaa hogi nia gowaa ala iai nia goloo e logo.   
\q1
\v 12 Nia manu dolodolo guu honu i hongo nia gowaa maalama,  
\q1 nia daalinga nia gonduu guu gahu gi di tenetene.   
\q1
\v 13 Nia gowaa maalama guu gahu go nia siibi.  
\q1 Nia gowaa baba guu honu i nia ‘wheat’.  
\q1 Nia mee huogodoo e momoogo gei e dadaahili tenetene.   
\c 66  
\s1 Taahili danggee hagaamu  
\q1
\v 1 Nia daangada huogodoo gi momoogo tenetene mo di haga hagaamu a God!   
\q1
\v 2 Goodou daahili gi nia madamada o dono ingoo.  
\q1 Goodou hagaamu ina a Mee gi nia daahili hagaamu!   
\q1
\v 3 Helekai gi God boloo, “Au mee ala ne hai le e haga goboina huoloo!  
\q1 Au mogobuna le e aamua huoloo  
\q1 dela e hidi ai o hagadaumee e pala gi lala mmaadagu i oo mua.   
\q1
\v 4 Digau huogodoo i hongo henuailala e daumaha adu gi di Goe,  
\q1 digaula e daahili adu gi di Goe i nia daahili hagaamu,  
\q1 e daahili e hagaamu do ingoo.”   
\b  
\q1
\v 5 Lloomoi gii mmada goodou gi nia mee a God ala ne hai,  
\q1 nia hegau haga goboina a Mee ala ne hai ang gi nia daangada.   
\q1
\v 6 Mee ne huli di moana gii hai tenua maangoo.\x * \xo 66.6 \xt Exodus 14.21; Joshua 3.14-17 \x*  
\q1 Tadau maadua mmaadua nogo taele i lala i lodo di monowai.  
\q1 I di gowaa deelaa, gei gidaadou gu tenetene huoloo gi di mee a Mee dela ne hai.   
\q1
\v 7 Mee e dagi gi ono mogobuna gaa hana hua beelaa,  
\q1 gei Mee e dadaumada nia henua llauehe.  
\q1 Digau ala e de hiihai e hagalongo la gi hudee hai baahi gi Mee.   
\q1
\v 8 Goodou go nia daangada o nia henua huogodoo, hagaamu ina di madau God.  
\q1 Nia lee o godou hagaamu gi heia gi longono gi nia madagowaa huogodoo.   
\q1
\v 9 Mee e benebene gidaadou gi dee mmade, ge hagalee hai gidaadou gii too gi lala.   
\b  
\q1
\v 10 Meenei God, Goe gu hagamada gimaadou,  
\q1 gadoo be nia silber e haga madammaa gi di ahi,  
\q1 deelaa dau hai gu hagamada gimaadou.   
\q1
\v 11 Goe guu hai gimaadou gi monnono gi lodo di hele,  
\q1 ga haga uda gi hongo madau dua nia mee daamaha.   
\q1
\v 12 Goe guu hai gimaadou gi dagadagahi go madau hagadaumee.  
\q1 Gimaadou guu hula i lodo di ahi mo di labagee,  
\q1 gei dolomeenei gei Goe gu laha mai gimaadou  
\q1 gi lodo di gowaa noho i di aumaalia.   
\b  
\q1
\v 13 Au ga gaamai dagu tigidaumaha dudu gi doo hale.  
\q1 Au ga gowadu gi di Goe dagu mee dela ne hagababa.   
\q1
\v 14 Au ga gowadu gi di Goe agu mee ala ne hai iei au bolo e gowadu  
\q1 i dogu madagoaa nogo i lodo di haingadaa.   
\q1
\v 15 Au ga gaamai agu siibi e dudu i hongo di gowaa dudu tigidaumaha,  
\q1 gei au ga tigidaumaha adu gi di Goe nia kau daane mo nia kuudi,  
\q1 gei nia huiahi o nia tigidaumaha aalaa gaa hula gi nua gi di langi.   
\b  
\q1
\v 16 Lloomoi hagalongo, go goodou huogodoo ala e hagalaamua a God,  
\q1 gei au ga hagi adu di mee a Mee dela ne hai mai gi di au.   
\q1
\v 17 Au gu gahigahi a Mee belee hagamaamaa au.  
\q1 Au gu daahili gu hagaamu a Mee.   
\q1
\v 18 Maa au gu haga de iloo eau ogu huaidu,  
\q1 gei di Tagi hagalee hagalongo mai gi di au.   
\q1
\v 19 God gu longono Ia au, Mee gu longono Ia dagu dalodalo.   
\b  
\q1
\v 20 Au e hagaamu a God, idimaa Mee digi hudua gi daha dagu dalodalo,  
\q1 be e dugu dono manawa aloho deemodu i di au.   
\c 67  
\s1 Taahili danggee  
\q1
\v 1 Meenei God, Goe dumaalia mai gi gimaadou, haga maluagina ina gimaadou.  
\q1 Goe gi haga maalama ina gimaadou gi o hadumada,   
\q1
\v 2 gi iloo ai digau huogodoo o henuailala di ala o do manawa,  
\q1 ge gi iloo nia henua huogodoo dau hagamouli.   
\b  
\q1
\v 3 Nia daangada la gi hagaamuina Goe, meenei God.  
\q1 Nia daangada huogodoo la gi hagaamuina Goe!   
\b  
\q1
\v 4 Nia henua huogodoo gi manawa lamalia ge gi daahili tenetene,  
\q1 idimaa Goe dela e gabunga nia daangada gii donu,  
\q1 ge e dagi nia henua huogodoo i henuailala.   
\b  
\q1
\v 5 Nia daangada gi hagaamuina Goe, meenei God.  
\q1 Nia daangada huogodoo la gi hagaamuina Goe!   
\b  
\q1
\v 6 Tadau henua guu huwa tau gai,  
\q1 God dela go tadau God gu haga maluagina gidaadou.   
\q1
\v 7 God gu haga maluagina gidaadou.  
\q1 Nia daangada huogodoo ala i henuailala hagatau la gi hagalaamua ina a Mee.   
\c 68  
\s1 Taahili o tenua ne aali\f + \fr 68.0 \ft Taahili ni David\f*  
\q1
\v 1 God ga du gi nua ga hagamaaheu gi daha ono hagadaumee.  
\q1 Digau ala e de hiihai gi Mee, la ga magedaa gaa hula gaa llele.   
\q1
\v 2 E hai gadoo be nia huiahi ma ga ili gi daha,  
\q1 deelaa gadoo di hai a Mee ma ga hagabagi digaula gi daha.  
\q1 E hai be nia ‘wax’ ma ga waiwai i mua di ahi,  
\q1 deelaa gadoo digau huaidu ma ga hagalee i mua o God.   
\q1
\v 3 Gei digau ala e donu le e manawa lamalia ge tenetene i mua o Mee.  
\q1 Digaula e tenetene mo di wwolowwolo tenetene.   
\b  
\q1
\v 4 Daahili ang gi God, daahili hagaamu ina di ingoo o Maa.  
\q1 Hagatogomaalia ina di ala o Mee dela e hana i hongo nia gololangi.  
\q1 Di ingoo o Maa go Yihowah, goodou tenetene i mua o Mee!   
\b  
\q1
\v 5 God dela e noho i lodo dono hale dabu,  
\q1 le e madamada humalia i nia dama ala gu deai nadau maadua ai,  
\q1 mo e abaaba nia ahina ala guu mmade nadau lodo.   
\q1
\v 6 Mee e wanga gi digau ala e hagaloale nia gowaa digaula e noho ai,  
\q1 gei e dagi digau galabudi gi daha gi lodo di gowaa moholo mo di tenetene,  
\q1 gei digau ala e hai baahi la gaa noho i lodo tenua maangoo.   
\b  
\q1
\v 7 Meenei God, do madagoaa nogo dagi au daangada,  
\q1 mo do madagoaa nogo hana i lodo di anggowaa,   
\q1
\v 8 gei henuailala nogo ngalungalua, nia uwa guu too iha i di langi,  
\q1 idimaa go di hanimoi o di God dela nogo helehelekai i tomo di Gonduu o Sinai,  
\q1 di hanimoi o di God o Israel.\x * \xo 68.8 \xt Exodus 19.18 \x*   
\q1
\v 9 Goe gu haga doo iha dau uwa nngolo  
\q1 belee hagahumalia au henua ala gu maangoo.   
\q1
\v 10 Au daangada gu haga noho nadau guongo i golo,  
\q1 idimaa go do humalia dela ne hagahumalia digau hagaloale.   
\b  
\q1
\v 11 Di Tagi ne helekai, gei nia ahina dogologowaahee guu kae di longo boloo:   
\q1
\v 12 “Nia king mo nadau gau dauwa guu hula guu llele gi daha!”  
\q1 Nia ahina ala i nadau guongo gu duwweduwwe nadau goloo ala ne kumi:   
\q1
\v 13 ala go nia ada mwuroi guu hii gi nia silber,  
\q1 nia bakau digaula e dabadaba i nia goolo humalia.  
\q1 Ma e aha dela hunu gau i goodou e noho hua  
\q1 i lodo nia abaaba siibi i di laangi nogo hai tauwa?   
\q1
\v 14 Di madagoaa o God Mogobuna ne hai nia king  
\q1 gi lellele dagidahi i hongo di Gonduu Zalmon,  
\q1 Mee guu hai nia ‘snow’ gi monnono i golo.   
\b  
\q1
\v 15 E aamua huoloo behee go di Gonduu Bashan,  
\q1 di gonduu e logo ono ulu gonduu!   
\q1
\v 16 Goodou go nia ulu gonduu haga madagu  
\q1 le e aha ala e mmada iha haga balumee gi hongo di gonduu a God  
\q1 dela ne hilihili belee noho ai?  
\q1 Dimaadua la gaa noho i golo gaa hana hua beelaa!   
\b  
\q1
\v 17 Di Tagi ga hanimoi i Sinai gi lodo di gowaa haga madagu  
\q1 mo ana waga dauwa hongo henua e logowaahee.   
\q1
\v 18 Mee gaa hana gi nua gi nia gowaa nnoo nua,  
\q1 e lahi ana gau galabudi dogologo madalia Ia,  
\q1 gei Mee e kumi ana wanga dehuia mai digau ala e hai baahi.  
\q1 Yihowah-God\f + \fr 68.18 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f* gaa noho i golo.\x * \xo 68.18 \xt Ephesians 4.8\x*   
\b  
\q1
\v 19 Hagaamu ina di Tagi, dela e aamo tadau hagadaamaha  
\q1 i nia laangi huogodoo. Mee go di God dela e haga dagaloaha gidaadou.   
\q1
\v 20 Tadau God la di God dela e haga mouli gidaadou.  
\q1 Mee go Yihowah, go tadau Dagi, dela e daa mai gidaadou gi daha mo di made.   
\b  
\q1
\v 21 Ma e donu bolo God ga haga mamaawa  
\q1 nia libogo o ono hagadaumee gi momooho hagalligi,  
\q1 go digau ala e manawa hamaaloo i lodo nadau haihai huaidu.   
\q1
\v 22 Di Tagi gu helekai,  
\q1 “Au ga laha mai labelaa gi muli o hagadaumee i Bashan,  
\q1 Au ga laha mai labelaa digaula mai tua di moana,   
\q1
\v 23 gii mee goe di haele i lodo nia dodo digaula,  
\q1 gii mee labelaa au paana di tobotobo nadau mee ala e hiihai ginai.”   
\b  
\q1
\v 24 Meenei God, do haele aali la guu mmada ginai digau huogodoo,  
\q1 di hula dagi a God, go dogu king, gi lodo dono lohongo haga madagu.   
\q1
\v 25 Digau ala e huwa nadau daahili le e hula i mua,  
\q1 digau ala e hai nadau gatangi e hula i muli,  
\q1 mugi lodo la go nia dama ahina ala e haga tangitangi nadau ‘tambourine’.   
\q1
\v 26 “Goodou hagaamu ina a God i lodo nia dagabuli o ana daangada.  
\q1 Hagaamu ina Dimaadua, goodou huogodoo go di hagadili ni Jacob!”   
\q1
\v 27 Matagidagi go Benjamin di madawaawa mulibee,  
\q1 ga nomuli go nia dagi o Judah mo nadau hagabuulinga daangada,  
\q1 ga nomuli go nia dagi Zebulun mo Naphtali.   
\b  
\q1
\v 28 Meenei God, hagamodongoohia ina aga o mogobuna,  
\q1 nia mogobuna ala nogo hai Kooe i madau baahi,   
\q1
\v 29 mai i do Hale Daumaha i Jerusalem,  
\q1 i di gowaa dela e gaamai ginai nia wanga dehuia o nia king gi di Goe.   
\q1
\v 30 Wou gi Egypt, go di manu llamu dauwa dela i lodo nia aalek.  
\q1 Wou gi nia henua, ala go nia hagabuulinga kau daane mo nadau dama,  
\q1 gaa dae loo gi digaula huogodoo gaa pala gi lala  
\q1 mo di gowadu dehuia gi di Goe nadau silber.  
\q1 Heia digau ala e hiihai bolo ginaadou e hai nadau dauwa gi lellele dagidahi!   
\q1
\v 31 Nia daangada oobidi ga lloomoi i Egypt.  
\q1 Digau Ethiopia ga daahi aga nadau lima e dalodalo ang gi God.   
\b  
\q1
\v 32 Goodou go nia henua llauehe huogodoo o henuailala,  
\q1 daahili ang gi God, daahili hagaamu ina di Tagi,   
\q1
\v 33 dela e noho i lala di langi, go di langi dela namua.  
\q1 Hagalongo gi di lee o Maa dela e wolo ngoloolo.   
\q1
\v 34 Goodou hagadele ina nia mogobuna o God,  
\q1 mo dono dagi be di king i hongo Israel, mo ono mogobuna ala i lala di langi.   
\q1
\v 35 E haga madagudagu dia huoloo go God i dono madagoaa ma ga hanimoi  
\q1 i dono lohongo haga madagu, go di God o Israel!  
\q1 Mee e wanga di maaloo mono mogobuna gi ana daangada.  
\b  
\q1 Hagaamu ina a God!   
\c 69  
\s1 Talodalo dangidangi i di hagamaamaa\f + \fr 69.0 \ft Taahili ni David \f*  
\q1
\v 1 Meenei dogu God, haga dagaloaha ina au!  
\q1 Nia wai gu honu aga guu dau i dogu uwa.   
\q1
\v 2 Au gu abulu gi lodo di gowaa gelegele waiwai llala,  
\q1 deai di gowaa e togo ginai au ai.  
\q1 Au gu dau mai gi di moana llala, gei nia beau ala gaa hai au gi melemu.   
\q1
\v 3 Au gu duadua gu maanuhia di gahigahi do hagamaamaa.  
\q1 Dogu akii la guu mmae. Ogu golomada gu maanu di halahala do hagamaamaa.   
\b  
\q1
\v 4 Digau ala e hagadugina e ginaadou au gei dono hadinga ai,  
\q1 le e dogologowaahee i nia ngaahulu o dogu libogo.  
\q1 Ogu hagadaumee le e hai baahi mai gi di au i nadau helekai tilikai.  
\q1 Digaula e maaloo huoloo ge e hiihai bolo ginaadou e daaligi au gii made.  
\q1 Digaula e huuhuli mai au bolo au gi wanga agu goloo  
\q1 ala hagalee nia mee ne gaiaa.\x * \xo 69.4 \xt Pisalem 35.19; John 15.25\x*   
\q1
\v 5 Meenei God, ogu ihala la hagalee nngala i oo mua.  
\q1 Goe e iloo hua dogu boiboi.   
\q1
\v 6 Meenei Tagi, go Yihowah di Gowaa Aamua,  
\q1 Goe hudee heia au gi haga langaadia digau ala e hagadagadagagee adu gi di Goe.  
\q1 Meenei di God o Israel, hudee heia au gi hagatee ina  
\q1 digau ala e daumaha adu gi di Goe.   
\q1
\v 7 Au gu haganneennee go nia daangada mai i do ingoo,  
\q1 malaa, au gu langaadia huoloo.   
\q1
\v 8 Au guu hai gadoo be tangada mai i daha i baahi ogu duaahina,  
\q1 ge guu hai gadoo be tangada henua gee i baahi dogu madahaanau.   
\b  
\q1
\v 9 Dogu haa manawa i nia madamada o do Hale Daumaha  
\q1 la guu gaa i ogu lodo gadoo be di ahi.  
\q1 Nia haganneennee ala e hai adu gi di Goe le e dau labelaa i di au.\x * \xo 69.9 \xt John 2.17; Romans 15.3\x*   
\q1
\v 10 Au e manawa hila gi lala i dogu noho hagaonge,  
\q1 gei nia daangada e haganneennee au.   
\q1
\v 11 Au e ulu di gahu haga manawa gee, gei digaula e gadagada mai gi di au.   
\q1
\v 12 Digaula e leelee i di au i hongo nia ala.  
\q1 Digau libaliba e dili nadau daahili i di au.   
\b  
\q1
\v 13 Gei au, au ga dalodalo adu gi di Goe, meenei Dimaadua.  
\q1 Helekai mai gi di au i do madagoaa dela gu hiihai ginai, meenei God.  
\q1 Helekai mai gi di au, mai i do aloho aamua,  
\q1 ge idimaa Goe dela e dadaahi hua dau hagababa dela bolo Goe e hagamouli au.   
\q1
\v 14 Hagamaamaa ina au gi de abulu gi lodo di gelegele waiwai.  
\q1 Haga dagaloaha ina au i ogu hagadaumee,  
\q1 haga dagaloaha ina au gi daha mo di moana llala.   
\q1
\v 15 Hudee heia au gii gahu go nia wai mmidi.  
\q1 Hudee heia au gi melemu gi tua di moana, be e abulu gi lodo taalunga.   
\b  
\q1
\v 16 Meenei Dimaadua, hagalongo mai mua gi di au  
\q1 mai i tumaalia o do aloho dee odi.  
\q1 Goe huli mai mua gi di au mai i do manawa dumaalia aamua.   
\q1
\v 17 Goe hudee hagammuni ina Goe i dau dangada hai hegau deenei.  
\q1 Au guu noho i lodo di haingadaa damanaiee, hagamaamaa ina au dolomeenei!   
\q1
\v 18 Hanimoi gi di au, haga dagaloaha ina au.  
\q1 Goe daawa au gi daha mo ogu hagadaumee.   
\b  
\q1
\v 19 Goe dela e iloo nia helekai haganneennee ala e hai mai gi di au  
\q1 mo dogu haga balumee mo dogu haga langaadia.  
\q1 Goe dela e gidee ogu hagadaumee huogodoo.   
\q1
\v 20 Nia haganneennee gu oho dogu manawa,  
\q1 deai di mee e mee di hagamaamaa au ai.  
\q1 Au gu hiihai huoloo bolo tangada gi hagamaamaa ina dogu manawa gee,  
\q1 gei di maa hagalee.  
\q1 Au ne halahala dagu dangada belee haga manawa lamalia au, gei au digi gidee.   
\q1
\v 21 Dogu madagoaa nogo hiigai, gei digaula ga gaamai gi di au nia poisin.  
\q1 Au nogo hieinu, gei digaula ga gaamai gi di au nia ‘vinegar’.\x * \xo 69.21 \xt Matthew 27.48; Mark 15.36; Luke 23.36; John 19.28-29\x*   
\b  
\q1
\v 22 Nia hagamiami digaula la gi heia nia mee e hagahuaidu digaula.  
\q1 Nia hagamiami digaula la gi heia nia mee haadanga balua ang gi ginaadou.   
\q1
\v 23 Hagabouli ina nia golomada digaula!  
\q1 Heia nia dua digaula gi paagege i nia madagoaa huogodoo!\x * \xo 69.23 \xt Romans 11.9-10\x*   
\q1
\v 24 Goe llingi iha do hagawelewele gi hongo digaula.  
\q1 hagahuaidu ina digaula gi do hagawelewele.   
\q1
\v 25 Nia gowaa ala e noho ai digaula gi diagia gii hai nia gowaa lomo.  
\q1 Hudee heia tangada e dahi gi mouli i lodo nadau hale laa.\x * \xo 69.25 \xt Acts 1.20\x*   
\q1
\v 26 Digaula e hagahuaidu au daangada ala ne hagaduadua Kooe.  
\q1 Digaula e helehelekai i di hagaduadua o au daangada  
\q1 ala ne haga mmaemmae Kooe.   
\q1
\v 27 Hagailongo ina nia huaidu huogodoo digaula.  
\q1 Hudee heia digaula gi hai mee gi dau hagamouli.   
\q1
\v 28 Nia ingoo digaula la gi tono ina gi daha  
\q1 mo di beebaa ingoo o digau ala e haga mouli.  
\q1 Hudee daulia digaula gi baahi au daangada donu.\x * \xo 69.28 \xt Exodus 32.32; Revelation 3.5; 13.8; 17.8\x*   
\b  
\q1
\v 29 Malaa, au guu noho i lodo dogu mmae mo dogu manawa gee.  
\q1 Dahi aga ina au, meenei God, haga dagaloaha ina au!   
\b  
\q1
\v 30 Au ga hagaamu di ingoo o God gi taahili.  
\q1 Au ga hagadele nia humalia o Maa gi dagu hai danggee gi Mee.   
\q1
\v 31 Deenei di mee ga haga manawa lamalia a Dimaadua  
\q1 i hongo nia tigidaumaha ala e hai gi nia kau,  
\q1 koia i hongo di tigidaumaha dela e hai gi di kau daane damanaiee.   
\q1
\v 32 Digau ala e manawa daamaha gaa mmada gi di hai deenei,  
\q1 ga manawa lamalia. Digau ala e daumaha ang gi God ga manawa maaloo.   
\q1
\v 33 Dimaadua e hagalongo ang gi digau ala gu deai nadau mee ai,  
\q1 gei mee hagalee e de langahia ana daangada ala i lodo di hale galabudi.   
\b  
\q1
\v 34 Di langi mo henuailala mo di moana mono hagahonu huogodoo i no lodo,  
\q1 goodou huogodoo hagaamuina a God.   
\q1
\v 35 Mee ga haga dagaloaha Jerusalem, gaa hau haga hoou nia waahale o Judah.  
\q1 Nia daangada donu a Maa gaa noho i golo ga hai mee gi tenua deelaa.   
\q1
\v 36 Di hagadili ni ana gau hai hegau ga hai mee gi tenua deelaa,  
\q1 mo digau ala e aloho i God gaa noho i di gowaa deelaa.   
\c 70  
\s1 Talodalo i di hagamaamaa \f + \fr 70.0 \ft Taahili manawa gee ni David\f*  
\r (Pisalem 40.13-17)  
\q1
\v 1 Meenei God, haga dagaloaha ina au!  
\q1 Meenei Dimaadua, hagamaamaa ina mai au dolomeenei!   
\q1
\v 2 Heia digau ala e hagamada bolo ginaadou e daaligi au gii made,  
\q1 la gi paagege mo di hinihini.  
\q1 Heia digau ala e tenetene gi ogu haingadaa,  
\q1 la gii hula gi muli gi langaadia.   
\q1
\v 3 Heia digau ala e haganneennee au  
\q1 la gi uli nadau gai i nadau paagege.   
\b  
\q1
\v 4 Heia digau huogodoo ala e lloomoi gi di Goe  
\q1 la gi manawa lamalia mo di tenetene.  
\q1 Heia digau ala e danggee adu gi di Goe i dau hagamouli,  
\q1 la gi helehelekai i nia madagoaa huogodoo boloo, “God la koia e aamua!”   
\b  
\q1
\v 5 Meenei God, au e bagege ge e hagaloale. Hanimoi gi di au hagalimalima.  
\q1 Goe go Dimaadua, go dogu Dangada hagamouli.  
\q1 Hagalimalima mai e hagamaamaa au!   
\c 71  
\s1 Talodalo mai baahi tangada madumadua  
\q1
\v 1 Meenei Dimaadua, au e hanadu gi di Goe e abaaba Kooe.  
\q1 Goe hudee heia au gi magedaa!   
\q1
\v 2 Idimaa Goe dela e donu, hagamaamaa ina au, haga dagaloaha ina au.  
\q1 Hagalongo mai, daawa ina au gi daha mo di haingadaa!   
\q1
\v 3 Goe gii hai di hadugalaa bala hagammuni mau dangihi ni oogu,  
\q1 mo di gowaa abaaba mau dangihi dela e abaaba au.  
\q1 Goe go dogu gowaa e bala ginai au mo dogu haga dagaloaha.   
\b  
\q1
\v 4 Meenei dogu God, haga dagaloaha mai au gi daha mo digau huaidu,  
\q1 mo nia mogobuna o digau huaidu ge hagamuamua.   
\q1
\v 5 Meenei dogu Dagi go Yihowah, ma Kooe hua dela e hagadagadagagee ginai au.  
\q1 Ma Kooe hua dela nogo kana ginai au mai loo i dogu damagiigi.   
\q1
\v 6 Au nogo kana adu hua gi di Goe mai i lodo dogu mouli hagatau.  
\q1 Goe nogo abaaba au mai loo dogu laangi ne haanau ai.  
\q1 Au ga hagaamu Goe i nia madagoaa huogodoo!   
\b  
\q1
\v 7 Dogu mouli la guu hai di ada mee hagamodongoohia  
\q1 e daudali go digau dogologo, idimaa Goe go dogu Dangada Daa maaloo.   
\q1
\v 8 Au e haga hagaamu Goe mai loo luada gaa dae loo gi di boo,  
\q1 mo di hagadele di hai o madamada.   
\q1
\v 9 Goe hudee diagina au dela gu madumadua.  
\q1 Goe hudee hudua au gi daha dolomeenei dela gu bagege beenei.   
\q1
\v 10 Ogu hagadaumee e hiihai bolo ginaadou e daaligi au gii made,  
\q1 digaula e helehelekai i nadau mehanga  
\q1 e haganohonoho di nadau hai dela belee hai baahi mai gi di au.   
\q1
\v 11 Digaula e helekai, “God gu diiagi a mee.  
\q1 Gidaadou gaa hula i muli o mee e kumi a mee,  
\q1 ma hagalee tangada e haga dagaloaha a mee ai.”   
\b  
\q1
\v 12 Meenei God, hudee haga mogowaa ina Goe gi daha mo au.  
\q1 Meenei God, hagamaamaa ina au dolomeenei!   
\q1
\v 13 Digau ala e hiihai bolo ginaadou e heebagi mai gi di au,  
\q1 la gi hagamagedaa ina gi daaligidia.  
\q1 Digau ala e hagamada e haga mmaemmae au,  
\q1 la gi langaadia gi haadanga balua.   
\q1
\v 14 Nia madagoaa huogodoo gei au ga hagadagadagagee adu gi di Goe,  
\q1 au ga haga hagaamu Goe gi nonua loo.   
\q1
\v 15 Au ga hagadeledele di hai o do humalia,  
\q1 au ga helehelekai i di hai o dau hagamouli, mai luada gaa dae loo gi di boo,  
\q1 ma e aha maa au e dee dohu di modongoohia di maa.   
\q1
\v 16 Au ga hana i lodo nia mahi o dogu Dagi go Yihowah.  
\q1 Au ga hagadele di hai o do humalia, go do humalia la hua.   
\b  
\q1
\v 17 Goe gu aago au mai dogu madagoaa nogo damagiigi,  
\q1 gei au e hagadele hua igolo di hai o au hegau haga goboina.   
\q1
\v 18 Dolomeenei gei au gu madumadua mo dogu libogo gu hinaa,  
\q1 meenei God, Goe hudee diiagia au!  
\q1 Goe gi madalia au i dogu madagoaa dela e hagadele di hai o mogobuna  
\q1 mo oo mahi ang gi nia adu daangada huogodoo ala ma ga lloomoi.   
\b  
\q1
\v 19 Meenei God, oo donu le e dau i nua loo.  
\q1 Goe guu hai au hegau hagalabagau huoloo, ma deai tangada e hai be Goe ai.   
\q1
\v 20 Goe gu gaamai gi di au di haingadaa mo di dadaaligi,  
\q1 gei Goe gaa hai labelaa au gi maaloo. Goe ga benebene au gi dee made.   
\q1
\v 21 Goe gaa hai au gi aamua gi nonua gaa hana hua beelaa.  
\q1 Goe ga haga manawa lamalia labelaa au.   
\b  
\q1
\v 22 Au ga hagaamu Goe gi dagu ‘harp’,  
\q1 meenei dogu God, au ga hagaamu do manawa dahi.  
\q1 Au ga badubadu dagu ‘harp’ mo di daahili adu gi di goe i taahili hagaamu  
\q1 adu gi di Goe go Tangada Haga madagu o Israel.   
\q1
\v 23 Au ga wolowolo mo di tenetene  
\q1 i dogu madagoaa ma gaa hai agu gatangi adu gi di Goe.  
\q1 Dogu huaidina hagatau ga daahili, idimaa Goe dela ne haga dagaloaha au.   
\q1
\v 24 Au ga hagadeledele di hai o oo donu mai luada gaa hana loo gi di boo,  
\q1 idimaa digau ala bolo ginaadou e hagahuaidu au,  
\q1 la gu magedaa gu hagalangaadia.   
\c 72  
\s1 Talodalo i di king\f + \fr 72.0 \ft Taahili ni Solomon \f*  
\q1
\v 1 Meenei God, goe gi aago ina di king i dana hai ana gabunga,  
\q1 gii donu gii hai be oo donu.  
\q1 Goe gi dugua anga oo donu gi mee,   
\q1
\v 2 gii mee ai dana dagi au daangada gi di tonu,  
\q1 mo digau ala e daamaha gii hai be di mee e dahi.   
\q1
\v 3 Di haadanga lamalia mo di noho i di aumaalia la gii noho i lodo tenua deenei,  
\q1 gei nia donu o nnaganoho la gii dau ang gi digau huogodoo o tenua deenei.   
\q1
\v 4 Di king la gi gabunga ina digau ala e hagaloale gii donu,  
\q1 gi hagamaamaa ina digau ala gu haadanga balua,  
\q1 gei gi hagahuaidu ina digau ala e haga daamaha digaula.   
\q1
\v 5 Au daangada la gi daumaha adu gi di Goe, i di waalooloo o di laa e maalama,  
\q1 mo di waalooloo o di malama dela e haga mamaalama ai tenua gaa hana hua beelaa.   
\b  
\q1
\v 6 Di king la gii hai gadoo be di uwa dela e doo gi hongo di gelegele,  
\q1 gei gii hai gadoo be nia wai o di uwa ala ma gaa too gi hongo tenua.   
\q1
\v 7 Di tonu o nnaganoho la gii gila humalia i lodo dono madagoaa,  
\q1 gei di haadanga lamalia gii noho beelaa i di waalooloo  
\q1 o di malama dela e haga maalama ai tenua.   
\b  
\q1
\v 8 Di hagageinga o dono henua le e tugi  
\q1 i di mada o di tai gaa tugi i di tai dela i golo,  
\q1 mai di monowai go Euphrates gaa tugi i di mada o henuailala.\x * \xo 72.8 \xt Zechariah 9.10 \x*   
\q1
\v 9 Digau o lodo henua gaa pala gi lala i ono mua,  
\q1 mo nia hagadaumee o maa gaa pala gi lala gi hongo di gelegele.   
\q1
\v 10 Nia king o Spain mo nia waa henua gaa wanga gi mee nadau wanga dehuia,  
\q1 gei nia king o Sheba mo Seba\f + \fr 72.10 \ft \+bk Sheba \+bk*la go tenua i ngaaga i Arabia; Seba la go tenua i baahi gi dai di Tai Mmee, huli adu gi Sheba \f* ga gaamai nadau mee tigidaumaha gi mee.   
\q1
\v 11 Nia king o nia henua huogodoo gaa pala gi lala i mua o mee,  
\q1 mo nia henua huogodoo ga hai hegau gi mee.   
\b  
\q1
\v 12 Idimaa, mee e haga dagaloaha digau hagaloale ala e gahigahi a mee,  
\q1 mo digau ala gu haadanga balua mo digau ala gu deai nadau hagamaamaa ai.   
\q1
\v 13 Mee e manawa dumaalia ang gi digau paagege mo digau hagaloale,  
\q1 gei e abaaba nia mouli o digau ala gu haadanga balua.   
\q1
\v 14 Mee gaa daa digaula gi daha mo nadau hai hagahuaidu mo nadau dadaaligi.  
\q1 Nadau mouli le e hagalabagau i dono baahi.   
\b  
\q1
\v 15 Di king gi mouli waalooloo!  
\q1 Digau Sheba gi wanga ina gi mee nia goolo.  
\q1 Nia daangada gii hai dalodalo i mee i nia madagoaa huogodoo.  
\q1 Di haga maluagina mai baahi o God gi madalia ia, dolomeenei gaa hana hua beelaa!   
\q1
\v 16 Nia laagau hai palaawaa gii logo i lodo tenua deenei.  
\q1 Nia hagadili ni tenua gii logo i tomo nia gonduu,  
\q1 gei nia huwa o tenua gi dau logo gadoo be nia laagau o Lebanon,  
\q1 Digau o nia waahale gi dogologowaahee gadoo be nia geinga o lodo henua.   
\q1
\v 17 Di ingoo di king gi noho hua beelaa dono hagaodi ai.  
\q1 Ono humalia gii noho beelaa i di waalooloo o di laa dela e maahina.  
\q1 Nia henua huogodoo gi tangi anga gi God gi hagahumalia ina ginaadou,  
\q1 gii hai be dana hagahumalia di king.   
\b  
\q1
\v 18 Gidaadou gi hagaamuina a Yihowah-God\f + \fr 72.18 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f*, dela go di God o digau Israel,  
\q1 idimaa ma go Mee dela e hai ana mee haga goboina aanei.   
\q1
\v 19 Gidaadou gi hagaamuina di madamada o dono ingoo gaa hana hua beelaa!  
\q1 Dono madamada gi haga honu ina henuailala hagatau!\f + \fr 72.19 \ft Pisalem 72.18,19 la di hagalawa di Lua Beebaa Pisalem dela ne daamada i Pisalem 42\f*  
\b  
\q1 Amen! Amen!   
\b  
\q1
\v 20  Deenei di hagaodi o nia dalodalo a David go di tama Jesse.   
\ms1 DI TOLU BEEBAA  
\mr (Pisalem 73—89)  
\c 73  
\s1 Nia donu o God\f + \fr 73.0 \ft Di Pisalem mai baahi o Asaph \f*  
\q1
\v 1 Ma e donu, God le e humalia ang gi digau Israel,  
\q1 ang gi digau ala e madammaa nadau lodo.   
\q1
\v 2 Dogu hagadagadagagee gu hoohoo hua bolo ga hagalee.  
\q1 Dogu hagadonu la di mee hua dulii bolo ga hagalee,   
\q1
\v 3 idimaa, au gu dubua gi digau hagamuamua  
\q1 i dogu gidee au digau huaidu e noho manawa lamalia ang gi ginaadou.   
\q1
\v 4 Nia hagadilinga hagaduadua hagalee tale gi digaula.  
\q1 Digaula e maaloo, hagalee magi.   
\q1
\v 5 Digaula hagalee haingadaa ang gi ginaadou be digau ala i golo.  
\q1 Digaula hagalee tale gi nia haingadaa gadoo be digau ala i golo.   
\q1
\v 6 Di hagamuamua dela e laagei digaula le e hai gadoo be di hau uwa,  
\q1 mo di hagahinihini le e hai gadoo be di gahu laa daha.   
\q1
\v 7 Nia manawa digaula e malingi mai nia huaidu,  
\q1 gei lodo digaula e honu i nia hagabaubau huaidu.   
\q1
\v 8 Digaula e gadagada gi digau ala i golo gei e helehelekai i nia mee huaidu.  
\q1 Digaula e hagamuamua e hagatataele nadau hai huaidu  
\q1 belee haga daamaha digau ala i golo.   
\q1
\v 9 Digaula e helehelekai huaidu i God dela i di langi,  
\q1 ge e hai nadau haganoho maaloo ang gi digau huogodoo i henuailala.   
\q1
\v 10 Malaa, nia daangada a God hogi ga daudali digaula,  
\q1 ga hagadonu nia mee huogodoo ala e helehelekai ai digaula.   
\q1
\v 11 Digaula e helekai, “God le e de iloo ia!  
\q1 Tangada di Gowaa Aamua la hagalee gidee ia!”   
\q1
\v 12 Deenei di hai o digau huaidu.  
\q1 Digaula e maluagina, ge nadau maluagina e logo mai.   
\b  
\q1
\v 13 Malaa e hai behee?  
\q1 E balumee hua go dogu mouli madammaa ge digi hai dagu huaidu?   
\b  
\q1
\v 14 Meenei God, au gu duadua i di laangi dogomaalia,  
\q1 gei Goe gu hagaduadua au i nia luada huogodoo.   
\b  
\q1
\v 15 Maa au gu helekai nia hagadilinga mee beenei,  
\q1 malaa, au gu hagalee hai be tangada ni au daangada.   
\q1
\v 16 Au gu hagamada gu hagabaubau di haingadaa deenei bolo gii donu ginai au,  
\q1 gei di maa gu haingadaa huoloo mai gi di au,   
\q1
\v 17 gaa dae loo gi dogu madagoaa ne hana gi lodo do Hale Daumaha.  
\q1 Gei au guu donu laa gi di mee dela gaa hai ang gi digau ala e huaidu.   
\b  
\q1
\v 18 Goe gaa dugu digaula gi di gowaa malali  
\q1 e hai digaula gi monnono gii mmade!   
\q1
\v 19 Digaula ga daaligi hagalimalima,  
\q1 digaula gaa mmade i di made hagamadagudagu dangada huoloo.   
\q1
\v 20 Meenei dogu Dagi, digaula e hai gadoo be di midi  
\q1 dela ma gaa ngala i di luada.  
\q1 Do madagoaa ma ga ala aga, gei digaula gu hagalee.   
\b  
\q1
\v 21 Di madagoaa hua o agu maanadu ne huaidu,  
\q1 gei au gu manawa gee labelaa,   
\q1
\v 22 au gu dadaulia gadoo be di manu. Au gu hagalee modongoohia eau Goe.   
\q1
\v 23 Gei deeai. Au e noho i doo baahi i nia madagoaa huogodoo,  
\q1 gei Goe e kumi dogu lima.   
\q1
\v 24 Au agoago e dagi au gi di ala o do manawa,  
\q1 di laangi hagaodi, gei Goe ga benebene au gi lodo o madamada.   
\q1
\v 25 Au dogu dangada i di langi ai, deelaa hua Kooe.  
\q1 Ma deai di mee i henuailala e hiihai ginai au i daha mo Goe ai.   
\q1
\v 26 Dogu hagamaanadu mo dogu huaidina e mee di paagege,  
\q1 gei God dela go ogu mahi,  
\q1 deelaa hua go Mee e hiihai ginai au gaa hana hua beelaa.   
\b  
\q1
\v 27 Au guu donu mai gi di au bolo digau ala ga diiagi Goe la ga hagalee.  
\q1 Goe ga daaligi digau ala hagalee manawa dahi adu gi di Goe.   
\q1
\v 28 Gei mai gi di au: ma koia e humalia ma au ga hoohoo gi God,  
\q1 e gida ai dogu hagaloohi gi baahi di Tagi go Yihowah,  
\q1 ge e hagadele nia mee huogodoo a Mee ala ne hai!   
\c 74  
\s1 Talodalo i di hagamehede tenua o Israel\f + \fr 74.0 \ft Taahili ni Asaph\f*  
\q1
\v 1 Meenei God, Goe gu diiagi gimaadou beenei beleiaha?  
\q1 Goe ga hagawelewele hua beenaa gi au daangada donu  
\q1 gaa hana hua beelaa dono hagaodi ai?   
\q1
\v 2 Goe gi langahia e Goe au daangada ala ne hilihili Kooe i mua loo  
\q1 belee hai nia daangada ni aau, ala ne hagamehede Kooe  
\q1 mai gi daha mo nadau noho hege belee hai do madawaawa.  
\q1 Goe gi langahia di Gonduu Zion, dela nogo noho iei Goe i mua.   
\q1
\v 3 Hanimoi gii mmada Goe gi nia gowaa mooho aanei.  
\q1 Madau hagadaumee gu oho nia mee huogodoo i lodo di Hale Daumaha.   
\b  
\q1
\v 4 O hagadaumee ne wwolowwolo i lodo do Hale Daumaha  
\q1 bolo ginaadou gu aali.  
\q1 Digaula guu hudi gi nua nadau hagallebe i golo, e hai ai di hagailongo ni di aali.   
\q1
\v 5 Digaula guu hai gadoo be digau hele laagau,  
\q1 e duuduu nadau laagau gi nia dalai.   
\q1
\v 6 Digaula gu hahaahi nia haaligi laubaba gi nia dalai mono haamaa llauehe.   
\q1
\v 7 Digaula gu oho do Hale Daumaha, guu dudu di maa gii wele,  
\q1 gu haga milimilia di gowaa dela e hagalaamua ai au daangada do ingoo.   
\q1
\v 8 Digaula gu hiihai bolo ginaadou e hai gimaadou hagahuaidu,  
\q1 digaula guu dudu nia gowaa haga madagu huogodoo ala i lodo tenua deenei.   
\b  
\q1
\v 9 Tadau ada mee haga madagu huogodoo gu hagalee.  
\q1 Nia soukohp gu hagalee labelaa,  
\q1 gu deai hogi tangada e iloo ia be di hai deenei le e waalooloo behee ai.   
\q1
\v 10 Meenei God, e waalooloo behee go madau hagadaumee  
\q1 di nadau haganneennee Goe?  
\q1 Digaula e mee di haga balumee do ingoo gaa hana hua beelaa?   
\q1
\v 11 Goe e aha dela hagalee hagamaamaa gimaadou?  
\q1 Oo lima e dugu gi doo dua eimaha?   
\b  
\q1
\v 12 Meenei God, Goe nogo hai di king ni gimaadou mai loo i taamada.  
\q1 Goe nogo haga dagaloaha gimaadou i nia holongo e logowaahee.   
\q1
\v 13 Goe ne wwae di tai gi oo mahi aamua,  
\q1 ga haga mamaawa nia libogo o di manu haga madagudagu dangada o lodo tai.\x * \xo 74.13 \xt Exodus 14.21\x*   
\q1
\v 14 Goe gu dagadagahi nia libogo o di manu dragon go ‘Leviathan’  
\q1 ga haangai nia manu lodo henua gi tuaidina o maa.\x * \xo 74.14 \xt Job 41.1; Pisalem 104.26; Isaiah 27.1 \x*   
\q1
\v 15 Goe ne hai nia wai gii mmidi, ge ne hai nia monowai llauehe gi maangoo.   
\q1
\v 16 Goe ne hai di aa mo di boo, ge ne haga noho di laa mo di malama gi nau lohongo.   
\q1
\v 17 Goe ne haga noho au madagoaa gi henuailala,  
\q1 ge ne hai di madagoaa mahanahana mo di madagoaa magalillili.   
\b  
\q1
\v 18 Meenei Dimaadua, gi langahia bolo o hagadaumee le e gadagada adu gi di goe.  
\q1 Digaula la digau huaidu gei digaula e hagawelewele adu gi di Goe.   
\q1
\v 19 Goe hudee diagia au daangada ala gu deai nadau hagamaamaa ai  
\q1 gi nadau hagadaumee hagamuamua.  
\q1 Goe hudee de langahia au daangada ala e hagaduadua!   
\b  
\q1
\v 20 Goe gi langahia dau hagababa dela ne hai mai gi gimaadou.  
\q1 Ma iai taaligi dangada gii made e haihai i lodo nia gowaa bouli o tenua deenei.   
\q1
\v 21 Goe hudee heia digau ala guu noho i lodo nadau hagahuaidu gi langaadia.  
\q1 Goe heia digau ala e hagaloale mo digau haadanga balua gi hagaamu ina Goe.   
\b  
\q1
\v 22 Meenei God, du gi nua, abaaba ina Goe!  
\q1 Goe gi langahia bolo digau huaidu le e gadagada adu gi di goe  
\q1 mai loo luada gaa hana loo gi di boo.   
\q1
\v 23 Hudee de langahia nia wwolowwolo hagawelewele o hagadaumee,  
\q1 nia hagalongoaa ala e haihai go digaula la hagalee noho.   
\c 75  
\s1 God Tangada Hai gabunga\f + \fr 75.0 \ft Taahili ni Asaph\f*  
\q1
\v 1 Meenei God, gimaadou e hai danggee adu gi di Goe,  
\q1 gimaadou e danggee adu gi di Goe!  
\q1 Gimaadou e hagadele di hai o do aamua  
\q1 mo di hagadele au hegau haga goboina ala ne hai.   
\b  
\q1
\v 2 God e helekai, “Au gu haganoho dagu madagoaa belee hai dagu gabunga,  
\q1 gei Au gaa hai dagu gabunga gi di hai dela e donu.   
\q1
\v 3 Ma e aha maa nia mee huogodoo i henuailala ga bolebole,  
\q1 mo henuailala hagatau ga ngalungalua,  
\q1 gei Au gaa hai di hagamau o henuailala gi mau dangihi.   
\q1
\v 4 Au e helekai gi digau huaidu bolo ginaadou gi hudee hagamuamua.   
\q1
\v 5 Au e helekai gi digaula bolo gi dugua nadau helehelekai hagapuu.”   
\b  
\q1
\v 6 Di gabunga la hagalee haneiha i dua, be e hanaga i dai,  
\q1 be mai ngeia be mai ngaaga.   
\q1
\v 7 Ma go God dela go tangada hai gabunga,  
\q1 gei i baahi o God hunu gau e hagi aga e dadaaligi, gei hunu gau e hagamehede.   
\q1
\v 8 Dimaadua e daahi dana ibu i lodo dono lima,  
\q1 guu honu nia waini maaloo o dono hagawelewele.  
\q1 Mee gaa llingi nia maa gi digau huaidu huogodoo gi inumia,  
\q1 digaula ga inu nia maa gii odi.   
\b  
\q1
\v 9 Gei au hagalee loo e noho dagu helehelekai i di hai o di God a Jacob,  
\q1 be e noho di dadaahili gi Mee e hagahagaamu a Mee.   
\q1
\v 10 Mee gaa oho nia mogobuna o digau huaidu,  
\q1 gei nia mogobuna o digau ala e donu la gaa hai gi llauehe aga.   
\c 76  
\s1 God di Aali\f + \fr 76.0 \ft Taahili ni Asaph\f*  
\q1
\v 1 Digau Judah e iloo e ginaadou a God,  
\q1 di ingoo o Maa e hagalabagau huoloo i baahi digau Israel.   
\q1
\v 2 Di guongo o Maa la i Jerusalem,  
\q1 Mee e noho i tomo di Gonduu Zion.   
\q1
\v 3 Nia amu maalei o nia hagadaumee la gu hadihadi go Mee i golo,  
\q1 mo nadau mee abaaba mono hulumanu dauwa  
\q1 mo nia goloo dauwa huogodoo ala i golo.   
\b  
\q1
\v 4 E madamada huoloo behee Kooe, meenei God!  
\q1 E madamada huoloo behee go do hanimoi labelaa gi muli i tomo nia gonduu,  
\q1 i di gowaa dela nogo haga magedaa ai o hagadaumee Kooe.   
\q1
\v 5 Nia goloo digau dauwa maaloo dangihi la guu aau huogodoo gi daha,  
\q1 dolomeenei digaula guu kii di kii o digau mmade.  
\q1 Nia maaloo digaula mono hai mee gu ono hadinga ai.   
\q1
\v 6 Meenei di God o Jacob, do madagoaa ne wou gi digaula,  
\q1 gei nia hoodo digaula mo digau ala e hula nia maa  
\q1 guu tinga gi lala gi hongo di gelegele guu mmade.   
\b  
\q1
\v 7 Malaa, nia daangada huogodoo la gu mmaadagu i di Goe, meenei Dimaadua.  
\q1 Tangada e dahi e mee di duu i oo mua ai, i do madagoaa ma ga hagawelewele.   
\q1
\v 8 Goe guu hai dau hagi aga gi modongoohia mai i di langi,  
\q1 malaa, henuailala la gu mmaadagu guu noho deemuu,   
\q1
\v 9 Do madagoaa ne duu aga, nogo haga modongoohia aga di tonu o dau gabunga,  
\q1 belee haga dagaloaha digau huogodoo ala e noho daamaha ang gi ginaadou  
\q1 i henuailala.   
\b  
\q1
\v 10 Di hagawelewele o nia daangada gaa huli ga hagaamu Goe.  
\q1 Digau huogodoo ala ne dubu i tauwa ga daumaha adu gi di Goe.   
\b  
\q1
\v 11 Wanga ina gi Yihowah, go di godou God, godou mee ala ne hagababa gi Mee.  
\q1 Goodou go nia henua llauehe ala e hoohoo mai,  
\q1 goodou gaamai godou wanga dehuia gi Mee.  
\q1 God e hai nia daangada gi mmaadagu i de Ia.   
\q1
\v 12 Mee e haga menege iha nia dagi ala e hagamuamua,  
\q1 gaa hai nia king o henuailala gi mmaadagu.   
\c 77  
\s1 Di haga manawa lamalia i di madagoaa haingadaa\f + \fr 77.0 \ft Taahili ni Asaph\f*  
\q1
\v 1 Au e dangi gi nua a God.  
\q1 Au e gahigahi a Mee la gi nua, gei Mee gu longono Ia au.   
\q1
\v 2 I lodo di madagoaa haingadaa, gei au e dalodalo ang gi Tagi.  
\q1 I di boo dogomaalia, gei au e daahi aga ogu lima gi nua e dalodalo,  
\q1 gei au e deemee di manawa lamalia.   
\q1
\v 3 Dogu madagoaa ma ga hagamaanadu a God, gei au e manawa dogu uhi.  
\q1 Dogu madagoaa ma ga hagamamaanadu, gei au e manawa bagege ogu lodo.   
\b  
\q1
\v 4 God guu hai au gii ala i di boo dogomaalia.  
\q1 Au gu de nnoomaalia, gu deemee dagu helekai.   
\q1
\v 5 Au e maanadu nia laangi ala ne hula,  
\q1 gei e langalangahia eau nia ngadau ala i mua.   
\q1
\v 6 I di waalooloo di boo, gei au e hagabaubau huoloo nia mee aanei i ogu lodo,  
\q1 mo di hagamamaanadu mo di heheeu mai gi ogu lodo boloo,   
\q1
\v 7 “Dimaadua gaa mee hua di diiagi gidaadou beelaa?  
\q1 Mee gu hagalee hua e tenetene labelaa mai gi gidaadou?   
\q1
\v 8 Mee gu hagalee hua e aloho i gidaadou?  
\q1 Nia hagababa a Maa la gu hagalee haga kila aga?   
\q1
\v 9 Ma e aha, God la gu de langahia e Ia bolo Ia belee dumaalia huoloo?  
\q1 Ma e aha, di hagawelewele la guu pono di lohongo di aloho o Maa?”   
\q1
\v 10 Malaa, gei au ga helekai, “Deenei di mee koia gu haga manawa gee au:  
\q1 Di Gowaa Aamua la gu deai ono mogobuna ai.”   
\b  
\q1
\v 11 Meenei Dimaadua, au ga langahia eau au mee ala ne hai.  
\q1 Au ga haawa eau au hagadilinga mee haga goboina ala ne hai i mua loo.   
\q1
\v 12 Au e hagamamaanadu au mee huogodoo ala ne hai.  
\q1 Au e hagamamaanadu au hegau mogobuna huogodoo.   
\b  
\q1
\v 13 Meenei God, au mee huogodoo ala e hai le e dabu.  
\q1 Ma di god i golo e aamua be Goe ai.   
\q1
\v 14 Ma kooe hua go di God dela e hai au mogobuna,  
\q1 Goe gu hagamodongoohia aga o mogobuna ang gi nia daangada.   
\q1
\v 15 Goe ne haga dagaloaha au daangada gi o mogobuna,  
\q1 ala go di hagadili ni Jacob mo Joseph.   
\b  
\q1
\v 16 Meenei God, di madagoaa nia wai ne mmada adu gi di Goe,  
\q1 nia maa gu mmaadagu, di moana gu bolebole.   
\q1
\v 17 Nia gololangi gu malingi iha nia uwa,  
\q1 nia atili gu haluihalulu mai i lala di langi,  
\q1 nia ila gu dabadaba i nia madagoaa huogodoo.   
\q1
\v 18 Di lee o au atili gu haluihalulu,  
\q1 gei henuailala gu maahina i au ila ala e dabadaba.  
\q1 Henuailala gu bolebole gu ngalungalua.   
\q1
\v 19 Goe gu haele i lodo nia beau, Goe e hana laa lodo di moana llala,  
\q1 gei o lohongo babaawae le e de gidee.   
\q1
\v 20 Goe ne dagi au daangada gadoo be tangada hagaloohi siibi  
\q1 i lala nia madamada humalia o Moses mo Aaron.   
\c 78  
\s1 God mo ana daangada\f + \fr 78.0 \ft Taahili ni Asaph\f*  
\q1
\v 1 Agu daangada, goodou hagalongo gi agu agoago,  
\q1 hagalongo gi humalia gi agu mee ala ga helekai iei au.   
\q1
\v 2 Au ga helekai i nia ala agoago hagatautau,  
\q1 ga hagamodongoohia gi digaula nia mee huogodoo  
\q1 ala hagalee modongoohia mai loo i mua loo,\x * \xo 78.2 \xt Matthew 13.35\x*   
\q1
\v 3 nia mee ala gu longo ai gidaadou ge gu iloo ai,  
\q1 nia mee ala gu hagi mai go tadau maadua mmaadua mai gi gidaadou.   
\q1
\v 4 Gidaadou hagalee haga mmuni nia maa i tadau dama.  
\q1 Gidaadou e hagi anga nia maa gi nia adu daangada ala ga lloomoi i golo,  
\q1 i di hai o nia mogobuna o Dimaadua mo nia mee llauehe a Mee ala ne hai,  
\q1 mo nia hagadilinga mogobuna haga goboina ala ne hai go Mee.   
\b  
\q1
\v 5 Mee guu wanga ana haganoho gi digau Israel  
\q1 mono haganoho ang gi di hagadili ni Jacob.  
\q1 Mee gu hagamodongoohia gi tadau damana ala namua  
\q1 bolo gi aago ina ana haganoho gi nadau dama,   
\q1
\v 6 bolo gi iloo ai nia adu daangada ala e loomoi maalia,  
\q1 gei digaula ga aago labelaa nia maa gi nadau dama.   
\q1
\v 7 Maa gaa hai beenei gei digaula ga hagadagadagagee labelaa gi God,  
\q1 ga hagalee de langahia nia mee a Mee ala ne hai,  
\q1 gei digaula ga haga gila aga nia haganoho a Maa i nia madagoaa huogodoo.   
\q1
\v 8 Digaula ga hagalee hai be nadau maadua mmaadua,  
\q1 ala gu hai baahi gei gu de hagalongo,  
\q1 gei nadau hagadagadagagee gi God la gu hagalee maaloo,  
\q1 gei gu hagalee manawa dahi gi Mee.   
\q1
\v 9 Digau Ephraim, e kae nadau maalei mono amu maalei,  
\q1 guu hula guu llele gi daha i di laangi dela ne hai tauwa.   
\q1
\v 10 Digaula hagalee haga kila aga nadau hagababa ala ne hai ang gi God.  
\q1 Digaula hagalee hiihai bolo ginaadou e daudali nia haganoho a Maa.   
\q1
\v 11 Digaula gu de langahia e ginaadou nia mee a Maa ala ne hai,  
\q1 nia mogobuna ala nogo mmada ginai digaula nogo hai go Mee.   
\q1
\v 12 Di madagoaa nadau maadua mmaadua nogo mmada ginai,  
\q1 God nogo hai ana mogobuna i di gowaa mehanga gonduu o Zoan i tenua go Egypt.\x * \xo 78.12 \xt Exodus 7.8—12.32\x*   
\q1
\v 13 Mee ne wwae di tai gaa lahi digaula laa lodo di maa.  
\q1 Mee ne hai nia wai gii tuu gi nua gadoo be nia abaaba.\x * \xo 78.13 \xt Exodus 14.21-22\x*   
\q1
\v 14 I di aa, gei Mee e lahi digaula i lala di gololangi,  
\q1 i di boo, gei Mee e lahi digaula i lala di maahina o di ahi.\x * \xo 78.14 \xt Exodus 13.21-22\x*   
\q1
\v 15 Mee ne haahi di hadugalaa i lodo di anggowaa,  
\q1 gaa wanga nia wai gi digaula mai i lodo di maa.   
\q1
\v 16 Mee ne hai nia wai gi malingi mai gi daha mo di hadugalaa,  
\q1 gaa hai nia wai gii mmidi be di monowai damana.\x * \xo 78.16 \xt Exodus 17.1-7; Numbers 20.2-13\x*   
\b  
\q1
\v 17 Gei digaula gi mua hua i lodo nadau hai huaidu e hai baahi gi God,  
\q1 gei digaula nogo hai baahi gi di Gowaa Aamua i lodo di anggowaa.   
\q1
\v 18 Digaula nogo hagamada a God gi nadau hiihai  
\q1 e madamadau nadau meegai ala e hiihai ginai.   
\q1
\v 19 Digaula e helekai hai baahi gi God boloo,  
\q1 “God e mee di gaamai gi gidaadou nia meegai i lodo di anggowaa deenei?   
\q1
\v 20 Ma e donu bolo Mee gu hagamaawa dana hadugalaa,  
\q1 gei nia wai gu malingi mai i di hadugalaa.  
\q1 Malaa, Mee e mee di gaamai hogi gi gidaadou nia palaawaa  
\q1 mo di wanga gi ana daangada nia goneiga?”   
\b  
\q1
\v 21 Malaa, Dimaadua gu hagawelewele ne hagalongo gi nia helekai digaula,  
\q1 gei Mee gu daaligi ana daangada gi di ahi,  
\q1 gei di hagawelewele o Maa gi digaula la gi nonua mai,   
\q1
\v 22 idimaa digaula hagalee hagadagadagagee gi Mee,  
\q1 ge hagalee hagadonu bolo ma go Mee dela e haga dagaloaha digaula.   
\q1
\v 23 Gei Mee ga helekai gi lala di langi i nua bolo nia bontai di langi la gi maahuge.   
\q1
\v 24 Mee gaa wanga gi digaula nia huwa palaawaa mai i di langi,  
\q1 mai i dana goweia nia ‘manna’ gi digaula gi geina.\x * \xo 78.24 \xt John 6.31\x*   
\q1
\v 25 Malaa, digaula gu miami nia meegai o digau di langi,  
\q1 gei God guu wanga gi digaula nia mee huogodoo ala e hiihai ginai digaula.   
\q1
\v 26 Mee guu hai labelaa di madangi gii gono mai dua,  
\q1 gu haga ngalungalua di madangi gii gono mai i bahi i ngaaga gi ono mogobuna,   
\q1
\v 27 gu hagau mai ana manu mamaangi e logowaahee  
\q1 gadoo be nia gelegele o tongotai gi ana daangada.   
\q1
\v 28 Nia manu la gu monnono gi lodo di waahale mo i di gili nia hale laa.   
\q1
\v 29 Malaa, nia daangada gu miami gu maaluu.  
\q1 God guu wanga gi digaula nia mee digaula ala e hiihai ginai.   
\q1
\v 30 Di madagoaa hua digaula digi mene i nadau mee ala e hiihai ginai,  
\q1 e miami hua igolo,   
\q1
\v 31 gei God gu hagawelewele gi digaula, gu daaligi gii mmade nia daane digaula  
\q1 ala e koia e maaloo, go nia dama daane humalia o Israel.\x * \xo 78.31 \xt Exodus 16.2-15; Numbers 11.4-23,31-35\x*   
\b  
\q1
\v 32 Ma e aha maa Mee guu hai nia mee aanei,  
\q1 gei nia daangada e hai hua igolo di huaidu.  
\q1 Ma e aha maa digaula guu mmada gi nia mogobuna a Mee ala ne hai,  
\q1 gei digaula hagalee hagadagadagagee gi Mee.   
\q1
\v 33 Malaa, Mee guu hai nia mouli digaula gi hagalee,  
\q1 gadoo be di madangi ma gaa dogi go tangada, mo nia mouli digaula gi mada limalima.   
\q1
\v 34 Di madagoaa hua o Mee dela ne daaligi hunu gau i digaula gii mmade,  
\q1 gei digau ala ne dubu igolo gaa huli ang gi Mee,  
\q1 digaula gu maaliu nadau lodo gu dalodalo hagamahi gi Mee.   
\q1
\v 35 Digaula gu langahia bolo God la go di nadau abaaba,  
\q1 gu langahia bolo di Gowaa Aamua dela ne hagamaamaa ginaadou.   
\q1
\v 36 Gei nia helekai huogodoo digaula le e tilikai hua,  
\q1 di mee digaula ma ga helekai ai la hagalee donu.   
\q1
\v 37 Digaula hagalee manawa dahi gi Mee,  
\q1 ge hagalee manawa dahi gi di nadau hagababa dela ne hai gi mee.   
\b  
\q1
\v 38 Malaa, God la gu dumaalia huoloo gi ana daangada.  
\q1 Mee gu dumaalia gi nia huaidu digaula, digi daaligidia digaula gii mmade.  
\q1 Nia holongo e logo gei Mee e hagakono hua dono hagawelewele gi dee gila aga.   
\q1
\v 39 Idimaa Mee e langahia e Ia bolo digaula la nia daangada hua dangada,  
\q1 e hai gadoo be di madangi dela e angiangi ga hagalee.   
\b  
\q1
\v 40 E logowaahee behee go nia hai baahi o digaula gi Mee i lodo di anggowaa!  
\q1 Nia holongo e hia digaula ne hai a Mee gi manawa gee!   
\q1
\v 41 Nia madagoaa e logo digaula e hagammada a God,  
\q1 e haga manawa gee di God Dabuaahia o Israel.   
\q1
\v 42 Digaula gu de langahia e ginaadou ana mogobuna aamua,  
\q1 mo di laangi dela ne haga dagaloaha ginaadou go Mee gi daha mo nadau hagadaumee,   
\q1
\v 43 gei nogo hai ana hegau hagagoboina mono mogobuna  
\q1 i lodo di gowaa mehanga gonduu o Zoan i tenua go Egypt.   
\q1
\v 44 Mee guu huli nia monowai gii hai nia dodo,  
\q1 gei digau Egypt gu deai nadau wai e inu ai.\x * \xo 78.44 \xt Exodus 7.17-21 \x*   
\q1
\v 45 Mee gu hagau mai ana lamu belee haga mmaemmae digaula,  
\q1 mono kailuu belee haga huaidu tenua.\x * \xo 78.45 \xt Exodus 8.1-6,20-24\x*   
\q1
\v 46 Mee gu hagau mai nia ‘locust’ belee gai nia huwa laagau digaula,  
\q1 gei e haga huaidu nia gowaa digaula.\x * \xo 78.46 \xt Exodus 10.12-15 \x*   
\q1
\v 47 Mee gu daaligi gii mmade nia laagau waini mo nia laagau ‘fig’  
\q1 gi di uwa hadu magalillili.   
\q1
\v 48 Mee gu daaligi nia kau digaula gii mmade gi di uwa hadu magalillili,  
\q1 mo nia hagabuulinga manu digaula gi di ila.\x * \xo 78.48 \xt Exodus 9.22-25\x*   
\q1
\v 49 Mee guu hai digaula gii tale gi di haingadaa,  
\q1 mai dono daaligi digaula gi dono hagawelewele,  
\q1 e hai gadoo be tangada kae hegau ne hanimoi belee daaligi nia daangada gii mmade.   
\q1
\v 50 Mee digi dugua dono hagawelewele, be e dugu hua digaula haga mouli,  
\q1 gei Mee gu daaligi digaula gi taumagi.   
\q1
\v 51 Mee gu daaligi nia ulu mmaadua dama daane huogodoo  
\q1 o nia madahaanau huogodoo o digau Egypt gii mmade.\x * \xo 78.51 \xt Exodus 12.29\x*   
\q1
\v 52 Nomuli, gei Mee gu laha mai ana dama gadoo be tangada hagaloohi siibi,  
\q1 gaa dagi digaula laa lodo di anggowaa.\x * \xo 78.52 \xt Exodus 13.17-22 \x*   
\q1
\v 53 Mee guu dagi digaula hagahumalia, gei digaula gu hagalee mmaadagu.  
\q1 Gei di moana guu gahu nia hagadaumee digaula.\x * \xo 78.53 \xt Exodus 14.26-28\x*   
\q1
\v 54 Mee gu laha mai digaula gi dono henua haga madagu,  
\q1 gi di gonduu dela ne kumi ko Ia.\x * \xo 78.54 \xt Exodus 15.17; Joshua 3.14-17\x*   
\q1
\v 55 Mee gu hagabagi gi daha digau o nia guongo aalaa  
\q1 i di madagoaa o ana daangada ala nogo hula.  
\q1 Mee guu duwwe nia gowaa digau o tenua deelaa la i nia madawaawa Israel,  
\q1 gaa wanga nia guongo digaula gi ana daangada.\x * \xo 78.55 \xt Joshua 11.16-23 \x*   
\b  
\q1
\v 56 Gei digaula gu hai baahi gi God di Gowaa Aamua, ga hagamada a mee.  
\q1 Digaula digi daudali nia helekai a maa,\x * \xo 78.56 \xt Gabunga 2.11-15\x*   
\q1
\v 57 gei digaula e hai baahi, gei e de hagalongo gadoo be nadau maadua mmaadua,  
\q1 gu hagalee kana ginai gadoo be di amu maalei biga.   
\q1
\v 58 Digaula guu hai a Mee gi hagawelewele  
\q1 gi nadau gowaa hai daumaha o digau bouli, ngaadahi mo nadau balu god.   
\q1
\v 59 God gu hagawelewele huoloo dono mmada gi di hai deenei,  
\q1 gaa hidi iei Mee guu kili gi daha ana daangada.   
\q1
\v 60 Mee gu diiagi dono lohongo dela i Shiloh,  
\q1 di gowaa a mee nogo noho ai i tadau baahi i mua.\x * \xo 78.60 \xt Joshua 18.1; Jeremiah 7.12-14; 26.6\x*   
\q1
\v 61 Mee guu dugu anga gi tadau hagadaumee gi kaina Tebedebe o di Hagababa,  
\q1 dela go di hagamodongoohia nia mogobuna o Maa mono madamada.\x * \xo 78.61 \xt 1-Samuel 4.4-22\x*   
\q1
\v 62 Mee gu hagawelewele gi ana daangada donu,  
\q1 guu hai digaula gi daaligidia go nadau hagadaumee gii mmade.   
\q1
\v 63 Nia dama daane gu daaligi guu mmade i lodo tauwa,  
\q1 nia dama ahina gu nadau daangada e lodo ginai ai.   
\q1
\v 64 Digau hai mee dabu guu mmade i taaligi,  
\q1 gei nia lodo digaula gu hagalee dumaalia ginai e hai nadau hangihangi.   
\b  
\q1
\v 65 Hagamuliagina, di Tagi guu ala aga be tangada nogo kii.  
\q1 Mee guu hai gadoo be taane maaloo ne inu ana dagaao ga molongi.   
\q1
\v 66 Mee guu hai ono hagadaumee gi lellele dagidahi  
\q1 mo di langaadia paagege, gaa hana hua beelaa.   
\q1
\v 67 Mee guu hudu gi daha di madawaawa Joseph.  
\q1 Mee digi hilihilia di madawaawa Ephraim.   
\q1
\v 68 Gei Mee gu hilihili hua di madawaawa Judah,  
\q1 mo di Gonduu Zion dela e koia e aloho iei Mee.   
\q1
\v 69 Di gowaa deelaa guu hau dono Hale Daumaha,  
\q1 gadoo be dono lohongo dela i di langi.  
\q1 Mee guu hai di maa gii mau gadoo be henuailala,  
\q1 bolo gi mau dangihi gaa hana hua beelaa.   
\q1
\v 70 Mee gu hilihili dana dangada hai hegau go David,  
\q1 gu laha mai a mee i di gowaa haangai manu,   
\q1
\v 71 i di gowaa a Mee nogo hagaloohi ana manu,  
\q1 gaa hai a mee gii hai di king o Israel,  
\q1 belee hai di hagaloohi siibi o nia daangada a God.\x * \xo 78.71 \xt 1-Samuel 16.11-12; 2-Samuel 7.8; 1-Chronicles 17.7\x*   
\q1
\v 72 David gu madamada humalia i digaula hagahumalia huoloo,  
\q1 gaa dagi digaula gi di kabemee hai mee.   
\c 79  
\s1 Talodalo hagamehede tenua\f + \fr 79.0 \ft Taahili ni Asaph\f*  
\q1
\v 1 Meenei God, digau o di bouli gu ulu mai gi lodo do henua.  
\q1 Digaula gu haga milimilia doo hale haga madagu, gu oho Jerusalem gi mooho hagatau.\x * \xo 79.1 \xt 2-Kings 25.8-10; 2-Chronicles 36.17-19; Jeremiah 52.12-14 \x*   
\q1
\v 2 Digaula guu wanga nia huaidina o au daangada gi nia manu mamaangi gi geina,  
\q1 mo nia huaidina o au daangada hai hegau  
\q1 gi nia manu llamu dauwa o lodo henua gi geina.   
\q1
\v 3 Digaula gu haga hali nia dodo o au daangada gadoo be nia wai.  
\q1 Nia dodo guu mmidi gadoo be nia wai laa lodo Jerusalem hagatau,  
\q1 tangada ne dubu i golo bolo e danu digau ala ne mmade ai.   
\q1
\v 4 Nia guongo ala i madau baahi e haga balumee gimaadou.  
\q1 Digaula e gadagada mai gi gimaadou mo di haganneennee gimaadou.   
\b  
\q1
\v 5 Meenei Dimaadua, Goe deelaa hua ga hagawelewele mai gi gimaadou  
\q1 gaa hana hua beelaa? Do hagawelewele la ga wele hua beelaa be di ahi?   
\q1
\v 6 Huluhia do hagawelewele la gi nia henua ala hagalee daumaha adu gi di Goe,  
\q1 mo ang gi nia daangada ala hagalee dalodalo adu gi di Goe.   
\q1
\v 7 Idimaa digaula la ne daaligi au daangada. Digaula guu hai hagahuaidu do henua.   
\b  
\q1
\v 8 Hudee daaligidia gimaadou idimaa go nia huaidu o madau damana mmaadua.  
\q1 Dumaalia mai gi gimaadou dolomeenei.  
\q1 Madau hagadagadagagee huogodoo la gu hagalee.   
\q1
\v 9 Meenei God, hagamaamaa ina gimaadou, haga dagaloaha ina gimaadou.  
\q1 Daawa mai gimaadou mo di dumaalia mai gi gimaadou madau huaidu,  
\q1 e hagalaamua ai do ingoo.   
\q1
\v 10 Ma e aha dela nia daangada e heheeu mai gi gimaadou boloo,  
\q1 “Di godou God la i hee?”  
\q1 Heia gimaadou gi mmada adu gi di Goe e daaligi digau  
\q1 ala ne haga hali nia dodo o au gau hai hegau.   
\b  
\q1
\v 11 Hagalongo gi nia nnguu manawa gee o digau galabudi,  
\q1 hagamehede ina gi o mogobuna aamua digau ala belee daaligi gii mmade.   
\q1
\v 12 Meenei Tagi, heia di tala di hui nnolongo haga hidu  
\q1 ang gi nia daangada o nia guongo ala e haganiga gimaadou  
\q1 i nia helekai huaidu huogodoo digaula ala ne hai adu gi di Goe.   
\q1
\v 13 Gei gimaadou, ala go au daangada, ala go nia siibi o dau hagabuulinga siibi,  
\q1 ga danggee adu gi di Goe, gaa hana hua beelaa,  
\q1 mo di hagaamu Goe i nia madagoaa huogodoo i nia laangi ala gi maalia.   
\c 80  
\s1 Talodalo e dangidangi i di haga duu aga hoou o tenua\f + \fr 80.0 \ft Taahili ni Asaph \f*  
\q1
\v 1 Meenei di Hagaloohi o Israel, hagalongo mai gi gimaadou.  
\q1 Goe go Tagi o dau hagabuulinga siibi, hagalongo mai mua gi gimaadou.\x * \xo 80.1 \xt Exodus 25.22\x*  
\q1 Goe dela e noho i hongo do lohongo king i hongo nia ada manu hai ono bakau.   
\q1
\v 2 Haga gida ina mai Goe gi nia madawaawa Ephraim, Benjamin mo Manasseh.  
\q1 Haga modongoohia ina mai gi gimaadou oo mahi.  
\q1 Hanimoi, haga dagaloaha ina gimaadou!   
\b  
\q1
\v 3  Meenei God, laha adu gimaadou gi muli!  
\q1 Goe haga maalama ina gimaadou gi o hadumada, gei gimaadou ga mouli!   
\b  
\q1
\v 4 Meenei Yihowah go di God Koia e Aamua,  
\q1 e waalooloo behee go do hagawelewele gi nia dalodalo o au daangada?   
\q1
\v 5 Goe ne gaamai gi gimaadou di manawa gee bolo gi geina,  
\q1 mo di ibu damana dela e honu ai nia wai dangi bolo gi inumia.   
\q1
\v 6 Goe ne hai nia henua ala i madau daha gi heebagi i hongo madau henua.  
\q1 Madau hagadaumee e haganneennee gimaadou.   
\b  
\q1
\v 7  Meenei di God Koia e Aamua, laha adu gimaadou gi muli!  
\q1 Goe haga maalama ina gimaadou gi o hadumada, gei gimaadou ga mouli!   
\b  
\q1
\v 8 Goe ne gaamai dau laagau ‘grape’ i Egypt,  
\q1 ga hagabagi gi daha digau ala i golo ala nogo noho i tenua,  
\q1 gaa dogi di laagau deelaa i tenua digaula.   
\q1
\v 9 Goe ne haala dau madagowaa belee tomo aga ai di maa.  
\q1 Nia aga o di maa gu hula loo gi lala gu modoho i lodo tenua gu haga honu tenua.   
\q1
\v 10 Nia gonduu guu gahu go di maa gi dono malu,  
\q1 nia manga di maa guu gahu nia laagau ‘cedar’ lloowehaa.   
\q1
\v 11 Nia manga di maa gu lloo adu gi di tai go Mediterranean,  
\q1 ga hanadu loo gi di monowai go Euphrates.   
\q1
\v 12 Goe ne oho di abaaba dela e haganiga di maa eimaha?  
\q1 Nia daangada ma ga hula laalaa, le e mee hua di gaiaa nia huwa o di maa.   
\q1
\v 13 Nia biigi lodo geinga e dagadagahi di maa,  
\q1 nia manu lodo geinga e miami mai i di maa.   
\b  
\q1
\v 14 Meenei di God Koia e Aamua, huli mai gi gimaadou!  
\q1 Mmada iha i di langi i nua mai gi gimaadou.  
\q1 Hanimoi, haga dagaloaha ina au daangada!   
\q1
\v 15 Hanimoi haga dagaloaha ina di laagau ‘grape’ deenei dela ne dogi Kooe,  
\q1 tama laagau ‘grape’ dulii deenei ne hai Kooe gii tomo maaloo dangihi!   
\b  
\q1
\v 16 Madau hagadaumee guu dudu di maa guu hele di maa gi lala.  
\q1 Hagawelewele gi digaula, daaligidia digaula!   
\q1
\v 17 Benabena ina mo di hagaloohi ina au daangada ala ne hilihili,  
\q1 nia daangada ala ne hai Kooe gi maaloo.   
\q1
\v 18 Gimaadou hagalee huli labelaa gi daha mo Goe.  
\q1 Haga maaloo ina aga gimaadou, gei gimaadou ga hagahagaamu do ingoo.   
\b  
\q1
\v 19  Meenei Yihowah go di God Koia e Aamua, laha adu gimaadou gi muli!  
\q1 Goe haga maalama ina gimaadou gi o hadumada, gei gimaadou ga mouli!   
\c 81  
\s1 Taahili tagamiami\f + \fr 81.0 \ft Taahili ni Asaph\f*  
\q1
\v 1 Goodou wwolowwolo tenetene ang gi God go tadau Daangada Daa.  
\q1 Daahili hagaamu ina di God o Jacob!   
\q1
\v 2 Langia aga godou daahili mo di hagatangitangi godou ‘tambourine’.  
\q1 Heia godou lee daahili humalia gi nia ‘harp’ mono ‘lyre’.   
\q1
\v 3 Ili hia di labaa ang gi tagamiami,  
\q1 i di madagoaa di malama gila gi dai mo di malama honu.\x * \xo 81.3 \xt Numbers 10.10 \x*   
\q1
\v 4 Deenei la taganoho o Israel, di mee ne haganoho mai baahi di God o Jacob.   
\q1
\v 5 Mee ne wanga gi nia daangada Israel taganoho deenei  
\q1 i dono madagoaa nogo heebagi gi tenua go Egypt.  
\b  
\q1 Au e hagalongo gi di lee e helekai, e de iloo eau be mee koai, e hai boloo,   
\q1
\v 6 “Au ne daa gi daha godou mee ala nogo aamo go goodou i goodou dua,  
\q1 ga daa mai goodou gi daha mo godou ngalua kono.   
\q1
\v 7 Godou madagoaa ne huaidu adu gi goodou,  
\q1 gei goodou gu gahigahi Au, gei Au gu haga dagaloaha goodou.  
\q1 Au gu goou adu gi goodou mai i dogu gowaa dela e bala iei Au  
\q1 i lodo di madangi maaloo.  
\q1 Au gu hagamada goodou i di monowai uwa aga i Meribah.\x * \xo 81.7 \xt Exodus 17.7; Numbers 20.13 \x*   
\q1
\v 8 Agu daangada, hagalongo mai gi dagu hagailoo.  
\q1 Digau Israel, Au e hiihai huoloo behee bolo goodou belee hagalongo mai gi di Au!   
\q1
\v 9 Goodou hudee daumaha loo gi nia god ala i golo.   
\q1
\v 10 Au go Yihowah, go di godou God, dela ne laha mai goodou gi daha mo Egypt.  
\q1 Hanga ina godou ngudu gi daha, gei Au ga haangai goodou.\x * \xo 81.10 \xt Exodus 20.2-3; Deuteronomy 5.6-7\x*   
\b  
\q1
\v 11 “Gei agu daangada hagalee hiihai e hagalongo mai gi di Au.  
\q1 Israel gu hagalee daudali agu helekai.   
\q1
\v 12 Gei Au gu diiagi hua digaula gi lodo nadau manawa de hagalongo  
\q1 gi heia nadau mee ala e hiihai ginai.   
\q1
\v 13 Au bolo agu daangada la belee hagalongo mai gi di Au,  
\q1 gei Au e hiihai bolo digaula belee daudali agu helekai,   
\q1
\v 14 gei Au ga hagalimalima ga haga magedaa nia hagadaumee digaula,  
\q1 gaa kumi digau huogodoo ala e hai baahi gi digaula.   
\q1
\v 15 Digau ala e hudi nadau wou mai gi di Au  
\q1 la ga mmaadagu gaa pala gi lala i ogu mua.  
\q1 Nadau hagaduadua le e hana hua beelaa, hagalee lawa.   
\q1
\v 16 Gei Au ga haangai goodou gi nia palaawaa ala e koia e humalia,  
\q1 gaa hai goodou gi maaluu gi nia mee maangala lamu llauehe!”   
\c 82  
\s1 God Tagi Aamua Huoloo\f + \fr 82.0 \ft Taahili ni Asaph\f*  
\q1
\v 1 God e dagi nia dagabuli o di langi,  
\q1 i lodo nia dagabuli o nia god, gei Mee e hai dana maanadu boloo,   
\q1
\v 2 “Goodou hudee heia godou gabunga hai gee,  
\q1 goodou hudee hegeege ina digau huaidu!   
\q1
\v 3 Hagamaamaa ina nia donu o digau ala e hagaloale  
\q1 mo nia dama ala gu deai nadau maadua ai.  
\q1 Hai gabunga gi humalia gi digau ala nadau mee ai  
\q1 mo digau ala nadau hagamaamaa ai.   
\q1
\v 4 Hagadagaloaha ina digaula gi daha mo nia mogobuna o digau huaidu.   
\b  
\q1
\v 5 “Goodou e de iloo beleiaha?  
\q1 Goodou e de kabemee beleiaha!  
\q1 Goodou e hala huoloo, deelaa di mee ne hidi ai nia donu gu hagalee  
\q1 gi daha mo henuailala nei.   
\q1
\v 6 Gei Au guu hai bolo goodou la nia god,  
\q1 goodou huogodoo la nia dama ni di Gowaa Aamua huoloo.\x * \xo 82.6 \xt John 10.34\x*   
\q1
\v 7 Malaa, goodou la gaa mmade gadoo be nia daangada dangada.  
\q1 Godou mouli la ga hagalee gadoo be nia mouli nia dama daane di king.”   
\b  
\q1
\v 8 Meenei God, hanimoi e dagi henuailala.  
\q1 Nia henua llauehe huogodoo la nia mee ni aau.   
\c 83  
\s1 Talodalo gi hagamagedaa ina nia hagadaumee o Israel\f + \fr 83.0 \ft Taahili ni Asaph\f*  
\q1
\v 1 Meenei God, goe hudee noho deemuu.  
\q1 Goe hudee noho de ngalungalua be noho hagakila!   
\q1
\v 2 Mmada! O hagadaumee la gu hagalongoaa,  
\q1 gei digau ala e hudi nadau wou adu gi di Goe le e hai baahi.   
\q1
\v 3 Digaula e haganohonoho hagammuni di nadau hai  
\q1 dela belee hai baahi gi au daangada.  
\q1 Digaula e hai baahi gi au daangada ala e abaaba Kooe.   
\q1
\v 4 Digaula e hai boloo, “Lloomoi, gidaadou gaa oho nia henua digaula,  
\q1 gi de langahia Israel gaa hana hua beelaa.”   
\b  
\q1
\v 5 Digaula guu baba gi di nadau hai dela ne haganoho  
\q1 guu buni ngaadahi bolo ginaadou e hai baahi adu gi di Goe.   
\q1
\v 6 Digau aanei la go digau Edom mo digau Ishmael, digau Moab mo digau Hagri,   
\q1
\v 7 digau Gebal, Ammon, mo Amalek, mo digau Philistia mo Tyre.   
\q1
\v 8 Assyria guu buni gi digaula labelaa, tenua maaloo  
\q1 dela e hagamaamaa digau Ammon mo digau Moab, ala go nia hagadili o Lot.   
\b  
\q1
\v 9 Heia gi digaula be dau hai dela ne hai ang gi digau Midian,  
\q1 mo ang gi Sisera mo Jabin i taalinga di Monowai Kishon.\x * \xo 83.9 \xt Gabunga 4.6-22; 7.1-23 \x*   
\q1
\v 10 Goe gu haga magedaa digaula i Endor,  
\q1 gei nia huaidina digaula guu pala i hongo di gelegele.   
\q1
\v 11 Heia ang gi nia dagi digaula be dau hai dela ne hai ang gi Oreb mo Zeeb.  
\q1 Goe haga magedaa ina nia dagi digaula huogodoo  
\q1 be dau hai dela ne hai ang gi Zebah mo Zalmunna,\x * \xo 83.11 \xt Gabunga 7.25; 8.12 \x*   
\q1
\v 12 ala ne hai boloo, “Gidaua gaa kae tenua o God deelaa e hai tau henua.”   
\b  
\q1
\v 13 Meenei God, mmaga ina digaula gadoo be nia gelegele,  
\q1 be nia geinga laagau ala ma ga ili go di madangi gi daha.   
\q1
\v 14-15 Hagabagia digaula gi daha gi dau madangi gono,  
\q1 gadoo be di ahi ma gaa dudu nia laagau i lodo henua.  
\q1 Haga madagudagu ina digaula gi dau madangi maaloo,  
\q1 gadoo be di ulaula ma gaa dudu nia gonduu gii wele.   
\q1
\v 16 Meenei Dimaadua, heia digaula gi langaadia,  
\q1 ge gi modongoohia e ginaadou bolo Goe e maaloo dangihi.   
\q1
\v 17 Heia digaula gi magedaa mo di mmaadagu huoloo gaa hana hua beelaa.  
\q1 Heia digaula gii mmade i lodo nadau langaadia huoloo.   
\q1
\v 18 Heia digaula gi iloo bolo ma Kooe hua modo Gooe dela go Yihowah,  
\q1 di Tagi aamua o nia mee huogodoo i henuailala.   
\c 84  
\s1 Di hiihai e noho i lodo di Hale Daumaha o Dimaadua\f + \fr 84.0 \ft Di pisalem mai baahi di madahaanau Korah \f*  
\q1
\v 1 Au e aloho huoloo i do Hale Daumaha, meenei Yihowah Koia e Aamua.   
\q1
\v 2 Au gu hiihai huoloo bolo au gi i golo!  
\q1 Au gu hidihidi bolo au e noho i lodo di Hale o Dimaadua.  
\q1 Dogu huaidina hagatau e daahili tenetene ang gi di God mouli.   
\q1
\v 3 Nia hagabuulinga manu lligi hogi guu hai nadau waehongo,  
\q1 ge guu hai nadau hale i golo.  
\q1 Digaula e benebene nadau dama i baahi au gowaa hai tigidaumaha,  
\q1 meenei Yihowah Koia e Aamua, go dogu king mo dogu God.   
\q1
\v 4 E tenetene huoloo go digau ala e noho i lodo doo Hale,  
\q1 e dadaahili hagahagaamu Goe i nia madagoaa huogodoo.   
\b  
\q1
\v 5 E tenetene huoloo go digau ala ne wanga ginai oo mahi,  
\q1 ala e hiihai huoloo e hula gi di Gonduu Zion.   
\q1
\v 6 I di nadau madagoaa e lloo adu laa lodo di gowaa maangoo baba i Baca,  
\q1 gei di maa guu hai di gowaa e hali ai nia monowai.  
\q1 Gei nia uwa o di madagoaa ga uwauwa guu nngolo huoloo  
\q1 gu haga honu di gowaa deelaa.   
\q1
\v 7 Digaula gu tomo aga gei gu maaloo mai i di nadau lloo adu,  
\q1 gei digaula ga gidee di God o nia god i hongo Zion.   
\b  
\q1
\v 8 Meenei Yihowah go di God Koia e Aamua, hagalongo mai gi agu dalodalo.  
\q1 Meenei di God o Jacob, hagalongo mai!   
\q1
\v 9 Meenei God, goe gi hagahumalia ina di madau king,  
\q1 di king dela ne hilihili Kooe.   
\b  
\q1
\v 10 Di laangi hua e dahi i lodo do Hale Daumaha,  
\q1 la koia e humalia i nia laangi e mana (1,000) i nia madagoaa ala i golo.  
\q1 Dogu duu i di ngudu di bontai di abaaba o di Hale o dogu God,  
\q1 la koia e humalia i di noho i lodo nia hale o digau huaidu.   
\q1
\v 11 Yihowah-God\f + \fr 84.11 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f* la go Mee hua go tadau duuli mo tadau king madamada,  
\q1 dela e hagahumalia gidaadou i tumaalia mo di hagalabagau.  
\q1 Mee e hiihai e wanga nia mee humalia ang gi digau ala e haihai di tonu.   
\q1
\v 12 Meenei Dimaadua Koia e Aamua,  
\q1 e tenetene huoloo go digau ala e hagadagadagagee adu gi di Goe!   
\c 85  
\s1 Talodalo hagamaamaa ang gi tenua\f + \fr 85.0 \ft Di pisalem mai baahi di madahaanau Korah \f*  
\q1
\v 1 Meenei Dimaadua, Goe nogo manawa dumaalia huoloo gi dau henua.  
\q1 Goe ne hai Israel gi maluagina labelaa.   
\q1
\v 2 Goe gu dumaalia nia huaidu o au daangada,  
\q1 mo di dumaalia gi digaula nia hala digaula huogodoo.   
\q1
\v 3 Goe gu hagalee hagawelewele gi digaula,  
\q1 gu daahi hua do hagawelewele damanaiee.   
\b  
\q1
\v 4 Meenei God di madau Dangada Hagamouli,  
\q1 laha mai gimaadou gi muli gi doo baahi,  
\q1 dugua do manawa dee hiihai mai gi gimaadou!   
\q1
\v 5 Goe ga hagawelewele hua mai gi gimaadou gaa hana hua beelaa?  
\q1 Do hagawelewele la hagalee dugu?   
\q1
\v 6 Heia gimaadou gi maaloo labelaa,  
\q1 gei gimaadou, ala go au daangada, ga hagaamu Goe.   
\q1
\v 7 Meenei Dimaadua, hagamodongoohia ina mai gi gimaadou do manawa aloho,  
\q1 dumaalia mai gi gimaadou do hagamouli.   
\b  
\q1
\v 8 Au e hagalongo gi nia mee a Yihowah go God ala e helekai ai.  
\q1 Mee e hagababa mai gi gidaadou, ala go ana daangada, di aumaalia,  
\q1 maa gidaadou hagalee hula labelaa gi muli gi tadau hangahaihai dadaulia.   
\q1
\v 9 Ma e donu bolo Mee ga hagamouli digau ala e hagalaamua Ia,  
\q1 gei di madamada o dono hagamouli gaa noho i tadau henua.   
\b  
\q1
\v 10 Di aloho mo di manawa dahi gaa buni,  
\q1 di tonu mo di aumaalia ga bulubulu mai.   
\q1
\v 11 Tadau manawa dahi gaa tugi i nua mai henuailala,  
\q1 gei di tonu o God ga mmada iha i di langi.   
\q1
\v 12 Dimaadua gaa hai gidaadou gi haadanga lamalia,  
\q1 gei tadau henua gaa huwa dau logo.   
\q1
\v 13 Di tonu la gaa hana i mua Dimaadua,  
\q1 e hagatogomaalia di ala o Maa.   
\c 86  
\s1 Talodalo e madau di hagamaamaa\f + \fr 86.0 \ft Talodalo ni David\f*  
\q1
\v 1 Meenei Dimaadua, hagalongo mai, helekai mai,  
\q1 idimaa au gu bagege, gu deai dogu hagamaamaa ai.   
\q1
\v 2 Haga dagaloaha ina au gi daha mo di made,  
\q1 idimaa au e manawa dahi adu gi di Goe.  
\q1 Haga dagaloaha ina au, idimaa au tangada hai hegau ni aau,  
\q1 gei au e hagadagadagagee adu gi di Goe.   
\b  
\q1
\v 3 Goe di God ni oogu, malaa, Goe gi manawa dumaalia mai gi di au.  
\q1 Au e dalodalo adu gi di Goe mai i nia luada gaa hana gi di boo.   
\q1
\v 4 Meenei dogu Dagi, heia dau dangada hai hegau deenei gi tenetene,  
\q1 idimaa au dela e hai aga agu dalodalo gi di Goe.   
\q1
\v 5 Goe e humalia mai gi gimaadou ge e manawa dumaalia,  
\q1 gei e honu i di aloho dee modu ang gi digau huogodoo ala e dalodalo adu gi di Goe.   
\b  
\q1
\v 6 Meenei Dimaadua, hagalongo mai gi dagu dalodalo,  
\q1 hagalongo mai gi dagu gahigahi i di hagamaamaa.   
\q1
\v 7 Au e gahigahi Goe i nia madagoaa haingadaa,  
\q1 idimaa Goe dela e haga gila agu dalodalo.   
\b  
\q1
\v 8 Ma deai di god e hai be Goe ai, meenei Tagi,  
\q1 ma tangada ne hai ana mee be au mee ala ne hai ai.   
\q1
\v 9 Nnenua llauehe huogodoo ala ne hai Kooe ga lloomoi, ga pala adu gi di Goe.  
\q1 Digaula ga hagaamu do ingoo.\x * \xo 86.9 \xt Revelation 15.4\x*   
\q1
\v 10 Goe e mogobuna ge e hai au hagadilinga mee hagagoboina,  
\q1 ma deelaa hua Kooe di God.   
\b  
\q1
\v 11 Aago ina au, meenei Dimaadua, gi au mee ala e hiihai ginai belee hai ko au,  
\q1 gei au ga hagalongo adu gi di Goe mo di manawa dahi.  
\q1 Aago ina au gi di hai dela e hai hegau adu gi di Goe  
\q1 mai i lodo dogu manawa hagatau.   
\q1
\v 12 Meenei dogu Dagi go dogu God,  
\q1 au ga hagaamu Goe mai i lodo dogu manawa hagatau.  
\q1 Au ga hagalaamua do ingoo gaa hana hua beelaa.   
\q1
\v 13 Idimaa e damanaiee hualaa behee go do aloho deemodu i di au!  
\q1 Goe ne haga dagaloaha au gi daha mo taalunga.   
\q1
\v 14 Meenei God, nia daangada hagamuamua gu lloomoi belee hai baahi mai gi di au.  
\q1 Di buini gau huaidu e hagamada bolo ginaadou e daaligi au gii made,  
\q1 ala go nia daangada ala hagalee hagalongo adu gi di Goe.   
\q1
\v 15 Gei goe, meenei dogu Dagi, Goe di God dumaalia huoloo ge aloho,  
\q1 Goe e manawa hagakono ge humalia i nia madagoaa huogodoo mo di manawa dahi.   
\q1
\v 16 Huli mai gi di au, dumaalia mai gi di au.  
\q1 Haga maaloo ina aga au mo di haga dagaloaha ina au,  
\q1 idimaa au e hai hegau adu gi di Goe, gadoo be dogu dinana.   
\q1
\v 17 Meenei Dimaadua, haga modongoohia ina mai gi di au di hai o o humalia,  
\q1 gei digau ala e hagadugina e ginaadou au la ga langaadia  
\q1 ma ga mmada adu gi dau hai dela ma ga haga manawa lamalia au,  
\q1 mo di hagamaamaa au.   
\c 87  
\s1 Di hagaamu Jerusalem\f + \fr 87.0 \ft Di pisalem mai baahi di madahaanau Korah \f*  
\q1
\v 1 Dimaadua guu hau dana waahale damana i hongo di gonduu haga madagu.   
\q1
\v 2 Mee koia e aloho di waahale damana go Jerusalem  
\q1 i nia waahale llauehe o Israel ala i golo.   
\q1
\v 3 Kooe go di waahale damana a God,  
\q1 hagalongo gi nia mee humalia a God ala e helekai i di goe,   
\q1
\v 4 “Dogu madagoaa ma gaa hihi gi lala nia ingoo o nia henua  
\q1 ala e hagalongo mai gi di Au, gei Au gaa dau Egypt mo Babylonia madalia.  
\q1 Au gaa dau labelaa digau Philistia, mo Tyre mo Ethiopia gi baahi digau Jerusalem.”   
\b  
\q1
\v 5 Nia daangada huogodoo ga helekai i di gili o Zion,  
\q1 bolo nia henua huogodoo la ne daamada mai i golo,  
\q1 gei Tangada Aamua Muginua gaa hai a mee gi maaloo.   
\q1
\v 6 Dimaadua gaa hihi nia ingoo digau o nia henua ala i golo gi lodo dana beebaa,  
\q1 gaa hai digaula huogodoo gii hai nia daangada donu o Jerusalem.   
\q1
\v 7 Digaula e gonigoni mo di dadaahili boloo,  
\q1 “Zion deelaa di gowaa e daamada ai tadau hagahumalia!”   
\c 88  
\s1 Tangidangi i di hagamaamaa\f + \fr 88.0 \ft Di pisalem mai baahi di madahaanau Korah. Taahili ni Heman, tangada Ezrahite.\f*  
\q1
\v 1 Meenei Dimaadua, go dogu God mo dogu Dangada Hagamouli,  
\q1 au e dangidangi mai luada gaa hana loo gi di boo,  
\q1 ma gaa boo gei au ga hanimoi gi oo mua.   
\q1
\v 2 Hagalongo mai gi dagu dalodalo.  
\q1 Hagalongo mai gi dagu dangidangi i di hagamaamaa!   
\b  
\q1
\v 3 Nia haingadaa e logowaahee guu tale mai gi di au, gei au gu hoohoo gaa made.   
\q1
\v 4 Au guu hai gadoo be digau huogodoo ala i golo ala gu hoohoo gaa mmade,  
\q1 ogu mahi huogodoo la gu hagalee.   
\q1
\v 5 Au guu hudu gi daha gi baahi digau mmade.  
\q1 Au guu hai gadoo be digau ala ne daaligi ala e mmoe i lodo nadau daalunga,  
\q1 go digau ala gu haga de langahia Kooe,  
\q1 ala gu deemee di kae nadau hagamaamaa mai i doo baahi.   
\q1
\v 6 Goe guu hudu au gi lodo di tua o taalunga,  
\q1 gi lodo di luwa llala ge bouli dongoeho.   
\q1
\v 7 Do hagawelewele mai gi di au la gu daamaha huoloo i ogu nua,  
\q1 gei au gu beehi gi lala nia beau o di hagawelewele deenei.   
\b  
\q1
\v 8 Goe ne hai ogu ihoo hagaaloho gi diiagi au.  
\q1 Goe guu hai au gii hai di mee huaidu i baahi digaula.  
\q1 Au guu tai gi lodo gu deemee di ulu gi daha.   
\q1
\v 9 Ogu golomada gu paagege idimaa au gu duadua.  
\q1 Meenei Dimaadua, nia laangi huogodoo gei au e gahigahi Goe,  
\q1 ge e daahi aga ogu lima gi di Goe e dalodalo.   
\b  
\q1
\v 10 E hai behee? Goe e hai au mogobuna ang gi digau ala guu mmade?  
\q1 Digaula ga mouli aga ga hagaamu Goe?   
\q1
\v 11 Digau mmade ala i lodo nia daalunga  
\q1 le e helehelekai i di hai o do aloho waalooloo ang gi ginaadou,  
\q1 be e helehelekai i di hai o do manawa dahi ang gi ginaadou  
\q1 i lodo tenua o digau mmade?   
\q1
\v 12 E hai behee, o mogobuna gu modongoohia i lodo di gowaa bouli,  
\q1 be go do dumaalia i lodo tenua o digau ala gu haga de langahia?   
\b  
\q1
\v 13 Meenei Dimaadua, au e gahigahi Goe belee hagamaamaa au.  
\q1 Nia luada huogodoo gei au e dalodalo adu gi di Goe.   
\q1
\v 14 Meenei Dimaadua, Goe guu hudu au gi daha beleiaha?  
\q1 Goe guu huli gi daha mo au beleiaha?   
\q1
\v 15 Mai i dogu damagiigi, gei au nogo mmaemmae gu hoohoo bolo gaa made.  
\q1 Au gu deai ogu mahi ai, gu deemee di hagakono mai i au hagaduadua.   
\q1
\v 16 Do hagawelewele damanaiee gu hagahuaidu au,  
\q1 dau dadaaligi bolo gaa hai au gii made.   
\q1
\v 17 I di waalooloo di laangi dogomaalia,  
\q1 gei nia maa e haganiga mai i dogu gili gadoo be di mmidi o di labagee.  
\q1 Nia maa e haganiga mai i dogu gili i nia baahi huogodoo.   
\q1
\v 18 Goe guu hai hogi ogu ihoo hagaaloho gi diiagi au.  
\q1 Malaa, di bouli dongoeho la deelaa hua go dogu ihoo.   
\c 89  
\s1 Taahili i lodo di madagoaa haingadaa o tenua\f + \fr 89.0 \ft Taahili deenei ne huwa go Ethan tangada Ezrahite \+bk (1-Kings 4.31) \+bk*\f*  
\q1
\v 1 Meenei Dimaadua, au ga daahili i do aloho dee odi gaa hana hua beelaa.  
\q1 Au ga hagadele di hai o do manawa dahi gaa hana hua beelaa.   
\q1
\v 2 Au e iloo bolo do aloho la deai dono hagaodi ai,  
\q1 gei do manawa dahi le e hai hua beelaa,  
\q1 hagalee hulihuli loo e hai gadoo be di langi.   
\q1
\v 3 Goe gu helekai, “Au guu hai dagu hagababa ang gi dagu dangada ne hilihili aga.  
\q1 Au ne hagababa ang gi dagu dangada hai hegau go David boloo,   
\q1
\v 4 ‘Tangada mai i lodo do madawaawa gaa hai di king i nia madagoaa huogodoo.  
\q1 Au ga madamada humalia do madawaawa king gi mau dangihi gaa hana hua beelaa.’”\x * \xo 89.4 \xt 2-Samuel 7.12-16; 1-Chronicles 17.11-14; Pisalem 132.11; Acts 2.30\x*   
\b  
\q1
\v 5 Meenei Dimaadua, digau o di langi e dadaahili i nia mee haga goboina ala e hai Kooe.  
\q1 Digau ala e dabu e daahili e haga hagaamu do manawa dahi.   
\q1
\v 6 Meenei Dimaadua, ma deai tangada i di langi i nua e hai be Goe ai.  
\q1 Ma deai tangada di langi e tungaadahi adu gi di Goe ai.   
\q1
\v 7 Tagabuulinga o digau ala e dabu le e mmaadagu i di Goe,  
\q1 digaula huogodoo e hagalaamua Goe.   
\b  
\q1
\v 8 Meenei Yihowah go di God Koia e Aamua,  
\q1 ma deai tangada ono mogobuna be Goe ai.  
\q1 Meenei Dimaadua, ma Kooe hua dela e manawa dahi hua i nia mee huogodoo.   
\q1
\v 9 Ma Kooe dela e dagi di moana maaloo,  
\q1 gei go Kooe dela e mee di hagakila nia beau llauehaa.   
\q1
\v 10 Kooe dela ne haga magedaa di manu hagamadagudagu dangada go Rahab,  
\q1 ga daaligi a mee gii made.  
\q1 Ma Kooe dela ne haga magedaa o hagadaumee i oo mahi aamua.   
\q1
\v 11 Di langi i nua la di mee ni aau, mo henuailala labelaa.  
\q1 Ma Kooe dela ne hai henuailala mo ono haga honu huogodoo.   
\q1
\v 12 Kooe dela ne hai bahi i ngeia mo bahi i ngaaga.  
\q1 Di Gonduu Tabor mo di Gonduu Hermon e dadaahili mo di tenetene adu gi di Goe.   
\q1
\v 13 E damanaiee go o mogobuna, gei e aamua huoloo go oo mahi!   
\q1
\v 14 Do henua e hagamau gi di tonu mo di hai hegau donu.  
\q1 Di aloho mo di manawa dahi e modongoohia aga  
\q1 i nia mee huogodoo ala guu lawa ai dau hai.   
\b  
\q1
\v 15 E maluagina go nia daangada ala e daumaha adu gi di Goe gi nia daahili,  
\q1 ala e mouli i di maalama o do dumaalia!   
\q1
\v 16 Digaula e tenetene mai loo luada gaa dae loo gi di boo i di gili do ingoo,  
\q1 ge e haga hagaamu do dumaalia damanaiee.   
\q1
\v 17 Goe gu gaamai gi gimaadou di mogobuna damanaiee  
\q1 bolo gi aali i nia madagoaa huogodoo.  
\q1 Ma go do aloho dela ne hidi mai ai gimaadou ga aali.   
\q1
\v 18 Meenei Dimaadua, ma Kooe dela ne dugu mai gi gimaadou di madau hagaloohi.  
\q1 Go Kooe dela go di God Dabu o Israel dela ne dugu mai gi gimaadou di madau king.   
\s1 Di hagababa a God ang gi David  
\q1
\v 19 I lodo hua di moe dela adu gi mua  
\q1 gei Goe gu helekai gi au gau hai hegau manawa dahi boloo,  
\q1 “Au gu hagamaamaa tangada dauwa e dau,  
\q1 gei Au gu hilihili aga dagu dangada i lodo nia daangada,  
\q1 gaa wanga gi mee dono lohongo king.   
\q1
\v 20 Au gu haga noho aga dagu dangada hai hegau go David  
\q1 belee hai di king i dagu hagatulu a mee gi di lolo dabuaahia.\x * \xo 89.20 \xt 1-Samuel 13.14; 16.12; Acts 13.22\x*   
\q1
\v 21 Ogu mahi ga madalia a mee i nia madagoaa huogodoo,  
\q1 gei ogu mogobuna ga hagamaaloo a mee.   
\q1
\v 22 Ono hagadaumee ga deemee loo di nadau hai baahi anga,  
\q1 gei digau huaidu ga deemee di aali i mee.   
\q1
\v 23 Au ga dagadagahi gi lala ono hagadaumee,  
\q1 gei e daaligi gi daha digau huogodoo ala e de hiihai gi mee.   
\q1
\v 24 Au e aloho i mee, gei e hagalaamua a mee,  
\q1 gei Au gaa hai a mee gi aali i ono hagadaumee i nia madagoaa huogodoo.   
\q1
\v 25 Au ga haga damanaiee dono henua,  
\q1 tugi i di Tai Mediterranean gaa tugi i di Monowai Euphrates.   
\q1
\v 26 Gei mee ga helekai mai gi di Au,  
\q1 ‘Kooe go dogu damana go dogu God.  
\q1 Kooe go dogu hagaloohi mo dogu hagamouli.’   
\q1
\v 27 Gei Au gaa dugu a mee bolo dagu dama madua,  
\q1 dela e aamua i nia king huogodoo.\x * \xo 89.27 \xt Revelation 1.5\x*   
\q1
\v 28 Gei Au e dadaahi hua dagu hagababa dela ne hai gi mee  
\q1 i nia madagoaa huogodoo,  
\q1 di hagababa deenei e hana hua beelaa, deai dono hagaodi ai.   
\q1
\v 29 Tangada mai i dono madawaawa gaa hai di king i nia madagoaa huogodoo,  
\q1 dono henua le e noho hua beelaa i di waalooloo o di langi i nua.   
\b  
\q1
\v 30 “Gei maa dono madawaawa ga de hagalongo gi agu haganoho,  
\q1 gei hagalee daudali agu mee ala ne haga noho,   
\q1
\v 31 gei maa digaula ga haga balumee hua agu helekai,  
\q1 ge hagalee hogi e haga kila aga agu haganoho,   
\q1
\v 32 malaa, gei Au ga hagaduadua digaula i nadau huaidu.  
\q1 Gei Au ga daaligi digaula i nadau ihala.   
\q1
\v 33 Gei Au hagalee modu dogu aloho i David,  
\q1 be e haga hala dagu hagababa dela ne hai gi mee.   
\q1
\v 34 Au hagalee e oho dagu hagababa dela ne hai ang gi mee,  
\q1 be e daa dahi mee i di hagababa dela ne hai ang gi mee.   
\b  
\q1
\v 35 “Au gu hagamodu hagadahi i dogu ingoo dabu boloo:  
\q1 Au hagalee loo e hai kai tilikai ang gi David.   
\q1
\v 36 Dono madawaawa e hana hua beelaa i nia madagoaa huogodoo,  
\q1 gei Au ga hagaloohi dono henua i di waalooloo o di maahina o di laa.   
\q1
\v 37 Dono lohongo king gaa noho mau hua beelaa be di malama,  
\q1 dela e gila mai hua beelaa i lala di langi.”   
\s1 Tangidangi manawa gee i di king dela gu haga magedaa  
\q1
\v 38 Meenei God, Goe e hagawelewele gi dau king dela ne hilihili aga,  
\q1 Goe guu hudu a mee gi daha, guu dugu gi daha mo Goe.   
\q1
\v 39 Goe gu oho dau hagababa dela ne hai ang gi dau dangada hai hegau,  
\q1 gei guu hudu gi lala dono hau king gi lodo di gelegele.   
\q1
\v 40 Goe gu oho gi lala di abaaba o dono waahale,  
\q1 gei gu oho hogi dana gowaa hai dauwa.   
\q1
\v 41 Digau huogodoo ala ma ga hula laalaa,  
\q1 digaula e gagaiaa nia goloo a maa,  
\q1 gei digau ala i dono baahi e gadagada gi mee.   
\q1
\v 42 Gei Goe guu dugu ang gi ono hagadaumee di mogobuna o di aali,  
\q1 gei guu hai digaula huogodoo gi tenetene.   
\q1
\v 43 Ma Kooe dela ne hai ana goloo dauwa gi deai ono hadinga ai,  
\q1 gaa hai a mee gi magedaa i lodo tauwa.   
\q1
\v 44 Gei Goe dela ne daa dono dogodogo king,  
\q1 gaa hudu di lohongo king o maa gi lodo nia gelegele.   
\q1
\v 45 Goe ne hai a mee gi madumadua i mua dono madagoaa,  
\q1 gaa dugu anga di haadanga balua gi mee.   
\s1 Tangidangi i di haga dagaloaha  
\q1
\v 46 Meenei Dimaadua, Goe ga haga ngala Goe gaa hana hua beelaa?  
\q1 Malaa, e waalooloo behee go do hagawelewele dela ma ga ulaula gadoo be di ahi?   
\q1
\v 47 Goe gi langahia di bodobodo o dogu mouli.  
\q1 Goe gi langahia bolo Goe ne hai gimaadou nia daangada hua dangada!   
\q1
\v 48 Ma koai dela e mee di mouli hagalee made?  
\q1 Ma koai dela e mee di bida daa ia gi daha mo dono daalunga?   
\b  
\q1
\v 49 Meenei di madau Dagi, aahee nia haga modongoohia namua i di hai o do aloho?  
\q1 Aahee au hagababa ala ne hai ang gi David?   
\q1
\v 50 Goe hudee de langahia digau ala ne haganneennee au, go dau dangada hai hegau,  
\q1 mo dogu manawa hagakono gi nia haganneennee huogodoo o digau bouli.   
\q1
\v 51 Meenei Dimaadua, o hagadaumee e haganneennee dau king dela ne hilihili aga!  
\q1 Digaula e haganneennee a mee i nia madagoaa huogodoo ala ma gaa hana ginai mee.   
\b  
\q1
\v 52 Hagaamuina Dimaadua gaa hana hua beelaa!  
\b  
\q1 Amen! Amen!   
\ms1 DI HAA BEEBAA  
\mr (Pisalem 90—106)  
\c 90  
\s1 Di hai o God mo nia daangada\f + \fr 90.0 \ft Talodalo o Moses, tangada hai hegau ni God \f*  
\q1
\v 1 Meenei Tagi, Goe go di madau gowaa nogo noho ai i nia madagoaa huogodoo.   
\q1
\v 2 I mua dau hai nia gonduu mo dau hai henuailala, Goe go di God dee odi,  
\q1 gei go di God e noho dono hagaodi ai, gaa hana hua beelaa.   
\b  
\q1
\v 3 Goe dela ne helekai mai gi gimaadou  
\q1 bolo gii hula labelaa gi di gowaa dela nogo iei gimaadou.  
\q1 Goe e huli gimaadou gii hai labelaa nia gelegele.   
\q1
\v 4 Nia ngadau e mana i doo baahi le e hai hua be di laangi e dahi,  
\q1 e hai gadoo be anaahi, dela gu doo gi daha,  
\q1 e hai gadoo be di aawaa bodobodo o di boo.\x * \xo 90.4 \xt 2-Peter 3.8\x*   
\q1
\v 5 Goe e haga mmaa gimaadou gi daha be di labagee,  
\q1 di waalooloo o madau mouli le e bodobodo hua be di midi.  
\q1 Di waalooloo o madau mouli e hai gadoo be nia geinga tolo ala e tomo aga i di luada,   
\q1
\v 6 gaa tomo, ga moholoholo gi daha, ga maangoo hiahi, gaa mmade.   
\b  
\q1
\v 7 Go do hagawelewele dela e kili iei gimaadou gi daha.  
\q1 Gimaadou gu mmaadagu huoloo i do hagawelewele damanaiee mai gi gimaadou.   
\q1
\v 8 Goe guu dugu madau huaidu i oo mua,  
\q1 madau huaidu ala e de gidee, gei Goe e gidee nia maa.   
\b  
\q1
\v 9 Madau mouli la gu podo mai i do hagawelewele,  
\q1 gei e limalima dono maa gi daha, e hai gadoo be di lee haga moolee.   
\q1
\v 10 Di waalooloo o madau mouli la nia ngadau hua e mada hidu,  
\q1 e mee di hana e tugi e huowalu maa gimaadou e mouli maaloo,  
\q1 gei di waalooloo o madau mouli ga hidi mai iei gimaadou  
\q1 gaa noho dee baba ge haingadaa.  
\q1 Di mouli e limalima dono hagaodi gei gimaadou ga hagalee.   
\b  
\q1
\v 11 Koai gu hagalongo ia i deia di mahi o do hagawelewele?  
\q1 Koai e iloo ia di madagu o do hagawelewele dela ma ga gaamai?   
\q1
\v 12 Aago ina mai gi gimaadou be dehee di bodobodo o madau mouli,  
\q1 gei gimaadou ga kabemee.   
\b  
\q1
\v 13 Dehee di waalooloo o do hagawelewele?  
\q1 Meenei Dimaadua, goe gi hila mai gi gimaadou, go au gau hai hegau!   
\q1
\v 14 Haga honu ina gimaadou gi do aloho dee odi i nia luada,  
\q1 gii mee ai gimaadou di daahili mo di tenetene i di waalooloo o madau mouli.   
\q1
\v 15 Gaamai gi gimaadou di noho manawa lamalia,  
\q1 gi tungaadahi gi dau hai dela ne hai gimaadou gi manawa gee  
\q1 i di waalooloo o di madau madagoaa nogo noho i lodo di haingadaa.   
\q1
\v 16 Dugua mai gi gimaadou, ala go au gau hai hegau,  
\q1 gi gidee gimaadou o hangahaihai mogobuna.  
\q1 Heia madau hagadili gi gidee ginaadou do maaloo madamada.   
\q1
\v 17 Meenei Tagi go di madau God, dau hagahumalia gi madalia gimaadou.  
\q1 Heia gimaadou gii gila i madau mee huogodoo ala e haihai!   
\c 91  
\s1 Dimaadua la go tadau duuli  
\q1
\v 1 Be koai e dugu anga ia gi Dimaadua e benebene,  
\q1 geia gaa noho i lala nia madamada humalia o Dimaadua Koia e Aamua.   
\q1
\v 2 Tangada deelaa e mee di helekai gi Mee,  
\q1 “Goe go dogu Dangada Daa mo dogu Abaaba.  
\q1 Goe go dogu God, dela e hagadagadagagee ginai au.”   
\q1
\v 3 Mee ga benebene mai goe gi daha mo nia mee hagalliga huogodoo ala e de gidee,  
\q1 ge mai gi daha mo nia hagadilinga magi huogodoo ala ga hidi mai iei goe gaa made.   
\q1
\v 4 Mee gaa gahu goe gi ono bakau, gei Mee ga benebene goe hagahumalia.  
\q1 Dono manawa dahi ga benebene mo di abaaba goe.   
\q1
\v 5 Gei goe ga hagalee madagu i nia mee balua i di boo,  
\q1 be nia heebagi hagalimalima i di aa,   
\q1
\v 6 be nia hagadilinga magi ala e tale adu hagalimalima i lodo di bouli,  
\q1 be go nia hagadilinga mee huaidu ala e daaligi dangada gii made  
\q1 i lodo di maalama o di aa.   
\b  
\q1
\v 7 Dolomaa, nia daangada e mana gaa tinga gi lala i doo baahi guu mmade,  
\q1 e madangaholu mana dangada guu mmade i doo gili hagatau, gei goe hagalee lauwa.   
\q1
\v 8 Goe gaa mmada ga gidee nia daangada huaidu ala ma ga hagaduadua.   
\q1
\v 9 Goe guu hai Dimaadua go doo duuli,  
\q1 guu hai Dimaadua Aamua Muginua di abaaba ni oou.   
\q1
\v 10 Deai di haingadaa e tale adu gi di goe ai,  
\q1 ge deai di hagaduadua e hanimoi gi hoohoo adu gi do guongo ai.   
\q1
\v 11 God ga dugu adu ana daangada di langi e madamada humalia i di goe,  
\q1 e abaaba goe i oo ala huogodoo ala e haele iei goe.\x * \xo 91.11 \xt Matthew 4.6; Luke 4.10\x*   
\q1
\v 12 Digaula ga daahi goe gi nua gi nadau lima  
\q1 gi dee tugi hua oo wae i nia hadugalaa.\x * \xo 91.12 \xt Matthew 4.6; Luke 4.11\x*   
\q1
\v 13 Goe ga dagadagahi nia laion mono gihaa,  
\q1 nia laion llamu dauwa mono gihaa poisin.\x * \xo 91.13 \xt Luke 10.19\x*   
\b  
\q1
\v 14 Dimaadua ga helekai, “Au ga benebene digau ala e aloho i di Au,  
\q1 ge e abaaba digau ala e iloo ginaadou au bolo au go Yihowah.   
\q1
\v 15 Digaula ma gaa gahi Au, gei Au gaa hila ang gi digaula.  
\q1 Digaula ma gaa tale gi di haingadaa, gei Au ga madalia digaula.  
\q1 Au ga benebene digaula mai gi daha, ga hagalaamua digaula.   
\q1
\v 16 Au gaa dugu ang gi digaula gi mouli waalooloo. Au ga benebene digaula.”   
\c 92  
\s1 Taahili hagaamu\f + \fr 92.0 \ft Taahili ang gi di Laangi Sabad\f*  
\q1
\v 1 Ma e humalia behee ma ga danggee adu gi di Goe, meenei Dimaadua,  
\q1 ge daahili e hagalaamua do ingoo, go di God di Gowaa Aamua,   
\q1
\v 2 gei e hagadele di hai o do aloho dee modu i nia luada huogodoo,  
\q1 mo do manawa dahi i nia boo huogodoo,   
\q1
\v 3 ngaadahi mo nia lee o nia uga o nia mee hai daahili, mo di lee o di ‘harp’.   
\q1
\v 4 Meenei Dimaadua, au hegau maaloo dangihi guu hai au gi tenetene.  
\q1 Idimaa go au mee ala ne hai, au e daahili tenetene.   
\b  
\q1
\v 5 Meenei Dimaadua, au mee ala ne hai le e humalia huoloo!  
\q1 Au mee ala e hagamaanadu Kooe le e donu ngadaa ginai gimaadou!   
\q1
\v 6 Deenei di mee a digau dadaulia e deemee di iloo ai,  
\q1 ge digau ala e de kabemee e deemee di modongoohia, dela boloo:   
\q1
\v 7 Digau huaidu le e mee di tomo be nia geinga,  
\q1 ge digau ala e hai nadau mee hala le e mee di maluagina,  
\q1 malaa digaula e daaligi gi daha,   
\q1
\v 8 idimaa Kooe, meenei Dimaadua, dela di tagi aamua ga hana hua dono hagaodi ai.   
\b  
\q1
\v 9 Meenei Dimaadua, gimaadou e iloo bolo o hagadaumee la gaa mmade,  
\q1 gei digau huaidu huogodoo la ga magedaa.   
\q1
\v 10 Goe guu hai au gi maaloo gadoo be di kau llamu dauwa.  
\q1 Goe gu haga humalia au gi di tenetene damanaiee.   
\q1
\v 11 Au gu gidee di hagamagedaa o ogu hagadaumee,  
\q1 gei gu longono eau nia tangitangi o digau ala ne hai di huaidu mai gi di au.   
\b  
\q1
\v 12 Digau ala e haihai nia mee donu la gaa tomo hagadubuagina gadoo be nia niu.  
\q1 Digaula gaa tomo gadoo be nia laagau ‘cedar’ o Lebanon.   
\q1
\v 13 Digaula e hai gadoo be nia laagau e dogi i lodo di hale a Dimaadua,  
\q1 e tomo hagadubuagina i lodo di Hale Daumaha o tadau God.   
\q1
\v 14 Digaula gu mmaadua ge huwa daulogo hua igolo,  
\q1 gei e tomo halatee i nia madagoaa huogodoo be nia laagau hoou dogo tomo aga.   
\q1
\v 15 Deenei le e hagamodongoohia bolo Dimaadua le e donu,  
\q1 deai di mee e hala i baahi dogu Hagaloohi ai.   
\c 93  
\s1 Dimaadua la di King  
\q1
\v 1 Dimaadua la di King.  
\q1 Mee e laagei gi nia mahi mo nia madamada.  
\q1 Henuailala gu mau dangihi gi dono lohongo, gu deemee di ngalungalua.   
\q1
\v 2 Meenei Dimaadua, do lohongo king la nogo mau dangihi mai loo i taamada,  
\q1 gaa dae mai gi dangi nei, gei Goe nogo i golo mai taamada.   
\b  
\q1
\v 3 Meenei Dimaadua, di llala di moana e ngoloolo, digaula e ngoloolo loo gi nua.   
\q1
\v 4 Dimaadua e dagi di langi i ono mogobuna.  
\q1 Ono mogobuna koia e mahi i di ngoloolo o di moana,  
\q1 ge koia e maaloo i nia beau llauehaa o di moana.   
\b  
\q1
\v 5 Meenei Dimaadua, au haganoho le e waalooloo hua beelaa,  
\q1 gei do Hale Daumaha la koia e dabuaahia huoloo, gaa hana hua beelaa.   
\c 94  
\s1 God Tangada Hai Gabunga o nia daangada huogodoo  
\q1
\v 1 Meenei Dimaadua, Goe go di God dela e daaligi au daangada.  
\q1 Hagamodongoohia ina aga do hagawelewele!   
\q1
\v 2 Goe Tangada Hai Gabunga o nia daangada huogodoo.  
\q1 Du gi nua, wanga ina gi digau hagamuamua nia mee ala e tau ang gi digaula!   
\q1
\v 3 E waalooloo behee go digau huaidu ma ga manawa lamalia?  
\q1 E waalooloo behee, meenei Dimaadua?   
\q1
\v 4 E waalooloo behee go digau hai mee hala ma ga hagamuamua,  
\q1 mo di hagapuu gi nadau hai hai mee hala?   
\b  
\q1
\v 5 Meenei Dimaadua, digaula e hai haga huaidu au daangada,  
\q1 e hagammaemmae au daangada.   
\q1
\v 6 Digaula gu daaligi gii mmade nia ahina ala guu mmade nadau lodo  
\q1 mo nia dama ala nadau maadua ai,  
\q1 gei e daaligi gii mmade digau mai i daha ala e noho i di madau henua.   
\q1
\v 7 Digaula e hai boloo, “Dimaadua hagalee mmada mai gi gimaadou.  
\q1 Di God o Israel le e de gidee Ia gimaadou.”   
\b  
\q1
\v 8 Agu daangada, goodou e aha ala e longo buna gei e dadaulia?  
\q1 Goodou e kabemee ma gaa hee?   
\q1
\v 9 God ne hai tadau dalinga, Mee e deemee di hagalongo?  
\q1 Mee ne hai tadau golomada, Mee e deemee di mmada?   
\q1
\v 10 Mee e hagaoho hagawelewele gi nia daangada, Mee hagalee ga daaligi digaula?  
\q1 Mee tangada agoago ni digau huogodoo, Mee ana kabemee ai?   
\q1
\v 11 Dimaadua e iloo Ia nadau mee ala e hagamaanadu.  
\q1 Mee e iloo ia nia balu hagamaanadu ala i nadau lodo.\x * \xo 94.11 \xt 1-Corinthians 3.20\x*   
\b  
\q1
\v 12 Meenei Dimaadua, e tenetene hualaa behee go au daangada ala e aago,  
\q1 digau ala e aago Kooe gi au haganoho!   
\q1
\v 13 Goe guu hai digaula gi hagamolooloo gi daha mo nia laangi haingadaa,  
\q1 gaa dae loo gi di luwa dela guu geli belee hele ai digau huaidu.   
\q1
\v 14 Dimaadua la hagalee kili gi daha ana daangada.  
\q1 Mee hagalee diiagi ana daangada.   
\q1
\v 15 Di tonu gaa gida labelaa i lodo nia gowaa hai gabunga,  
\q1 gei digau huogodoo ala e humalia ga hagamaamaa di maa.   
\b  
\q1
\v 16 Ma koai dela gu duu aga e hagamaamaa au e hai baahi gi digau huaidu?  
\q1 Ma koai dela gu madalia au e hai baahi gi digau ala e hai nadau mee huaidu?   
\q1
\v 17 Maa nei bolo Dimaadua la ne hagalee hagamaamaa au,  
\q1 gei au gu limalima hua di hana gi tenua o digau mmade.   
\q1
\v 18 Au gu helekai, “Au gaa doo”,  
\q1 gei do aloho dee modu gu daahi au, Meenei Dimaadua.   
\q1
\v 19 Dogu madagoaa ma ga de nnoomaalia ge hagabaubau e logo,  
\q1 gei Goe e hai au gi manawa lamalia ge hai labelaa au gi tenetene.   
\b  
\q1
\v 20 Goe hagalee hiihai gi digau hai gabunga huaidu,  
\q1 ala e hai nia mee ala e bule go taganoho bolo hudee heia,   
\q1
\v 21 go digau ala e haganohonoho nadau hai ala belee hai baahi gi digau humalia,  
\q1 e hagi aga digaula e daaligi gii mmade.   
\q1
\v 22 Gei Dimaadua gu hagamaamaa au, dogu God gu abaaba au.   
\q1
\v 23 Mee ga daaligi digaula i digaula ala ne hai nadau hai huaidu,  
\q1 ga haga mmaa digaula gi daha i nia hala digaula ala ne hai.  
\q1 Dimaadua go tadau God ga daaligi la digaula gi hagalee.   
\c 95  
\s1 Taahili hagaamu  
\q1
\v 1 Lloomoi, gidaadou e hagaamu a Dimaadua!  
\q1 Gidaadou e daahili hagaamu a God dela e abaaba gidaadou!   
\q1
\v 2 Gidaadou gi lloomoi gi heia tadau danggee hagaamu i mua o Mee,  
\q1 mo di tenetene dadaahili nia daahili hagaamu.   
\q1
\v 3 Idimaa, Dimaadua la di God mogobuna,  
\q1 di King dela i nua nia god huogodoo.   
\q1
\v 4 Go Mee dela e dagi henuailala hagatau,  
\q1 e tugi i di gowaa llala i henuailala gaa hana gi di ulu nia gonduu.   
\q1
\v 5 Go Mee dela e dagi di moana dela ne hai go Mee,  
\q1 mono henua huogodoo ala ne hai go Mee.   
\b  
\q1
\v 6 Lloomoi, gidaadou e pala gi lala e daumaha gi Mee,  
\q1 gidaadou e dogoduli i mua o Dimaadua dela ne hai gidaadou!   
\q1
\v 7 Mee go tadau God. Gidaadou ala go ana daangada e madamada humalia ai,  
\q1 gidaadou go ana hagabuulinga siibi ala e hahaangai.  
\b  
\q1 Hagalongo dangi nei gi ana helekai ala e helekai ai:\x * \xo 95.7 \xt Hebrews 3.7-11\x*   
\q1
\v 8 “Goodou hudee hamaaloo godou lodo,  
\q1 be di hai o godou maadua mmaadua i mua ala nogo i Meribah,  
\q1 gadoo be nadau hai huaidu ala nogo haihai i di anggowaa i Massah.\x * \xo 95.8 \xt Hebrews 3.15; 4.7\x*   
\q1
\v 9 Digaula gu gidee ginaadou agu hegau mogobuna ala ne hai ko Au i nadau baahi,  
\q1 gei digaula gu hagamada Au.\x * \xo 95.9 \xt Exodus 17.1-7; Numbers 20.2-13\x*   
\q1
\v 10 Au nogo hagawelewele gi digau aalaa  
\q1 i nia ngadau e mada haa, gei Au gaa hai:  
\q1 ‘Digaula e huli nadau manawa gi daha mo Au,  
\q1 gei digaula hagalee hagalongo gi agu haganoho!’   
\q1
\v 11 Au gu hagawelewele guu hai dagu hagababa mau dangihi boloo:  
\q1 ‘Goodou hagalee loo e ulu gi lodo tenua dela ne hagababa ko Au  
\q1 belee hagamolooloo ai goodou i no lodo.’”\x * \xo 95.11 \xt Numbers 14.20-23; Deuteronomy 1.34-36; 12.9-10; Hebrews 4.3-5\x*   
\c 96  
\s1 Dimaadua la go di King Aamua  
\r (1-Chronicles 16.23-33)  
\q1
\v 1 Daahili ang gi Dimaadua i taahili hoou!  
\q1 Goodou go digau huogodoo o henuailala, goodou daahili ang gi Dimaadua!   
\q1
\v 2 Goodou daahili ang gi Dimaadua mo di hagahagaamuina dono ingoo!  
\q1 Goodou hagadele ina di longo humalia i nia laangi huogodoo  
\q1 bolo Mee dela ne haga dagaloaha gidaadou.   
\q1
\v 3 Goodou hagadele ina ono madamada ang gi nia henua,  
\q1 mo di hai o ana hegau haga goboina gi nia daangada huogodoo.   
\b  
\q1
\v 4 Dimaadua le e aamua ge e humalia belee hai loo gi hagaamu huoloo giibeni.  
\q1 Mee belee hai gi hagalabagau laa hongo nia god huogodoo.   
\q1
\v 5 Nia god o nia guongo huogodoo ala i golo, la nia balu god hua.  
\q1 Gei ogo Dimaadua la go Mee dela ne hai di langi.   
\q1
\v 6 Nia madamada mono mahi e haganiga i di gili o Maa.  
\q1 Nia mogobuna mono madamada e haga honu dono Hale Daumaha.   
\b  
\q1
\v 7 Digau huogodoo i henuailala, goodou hagaamuina Dimaadua.  
\q1 Goodou hagaamuina ono madamada mo ono mogobuna.   
\q1
\v 8 Goodou hagaamuina di ingoo madamada o Dimaadua.  
\q1 Goodou gaamai godou tigidaumaha, lloomoi gi lodo dono Hale Daumaha.   
\q1
\v 9 Pala gi lala i mua o Mee dela e dabu, i dono madagoaa dela ma ga hanimoi.  
\q1 Digau huogodoo i henuailala gi polepole i mua o Mee!\x * \xo 96.9 \xt Pisalem 29.1-2\x*   
\b  
\q1
\v 10 Goodou hagi anga ina gi nia guongo huogodoo boloo,  
\q1 “Dimaadua la go di King!  
\q1 Henuailala la gu haga noho gi dono lohongo, gei e deemee di haga ngalua.  
\q1 Dimaadua ga hagi aga nia daangada huogodoo i di tonu.”   
\q1
\v 11 Henuailala mo di langi, goolua tenetene!  
\q1 Di moana mo ono mee huogodoo ala i no lodo, goodou ngoloolo.   
\q1
\v 12 Nia henua mo ono mee huogodoo ala i no lodo, goodou tenetene!  
\q1 Nia laagau ala i lodo nia henua ga wwolowwolo tenetene   
\q1
\v 13 i di madagoaa o Dimaadua ma ga hanimoi e dagi henuailala.  
\q1 Mee gaa dagi digau henuailala gi di tonu mo di humalia.   
\c 97  
\s1 Dimaadua go Tagi Aamua Huoloo  
\q1
\v 1 Dimaadua la di king! Henuailala gi tenetene!  
\q1 Tenetene, goodou go nia henua o di moana!   
\q1
\v 2 Nia gololangi mo di bouli dongoeho e haganiga i di gili o Maa.  
\q1 Mee e dagi ana mee gii donu gi humalia.   
\q1
\v 3 Di ahi e hana i mua o Mee, e dudu nia hagadaumee o Maa ala i di gili o Maa.   
\q1
\v 4 Di ila a Maa gu inaina henuailala. Henuailala guu mmada gi di maa, gu bolebole.   
\q1
\v 5 Nia gonduu gu waiwai be nia kiliidi i mua Dimaadua,  
\q1 i mua di Tagi o henuailala huogodoo.   
\q1
\v 6 Di langi i nua e hagamodongoohia nia humalia o Maa,  
\q1 nia daangada huogodoo e mmada gi nia madamada o Maa.   
\b  
\q1
\v 7 Digau huogodoo ala e daumaha gi nia balu god gu haga langaadia.  
\q1 Nia god huogodoo le e pala gi lala i mua Dimaadua.   
\q1
\v 8 Digau Zion gu manawa lamalia, nia waahale o Judah gu tenetene,  
\q1 idimaa go dau hagi aga, meenei Dimaadua.   
\q1
\v 9 Meenei Yihowah, Di Gowaa Aamua, Goe dela e dagi henuailala hagatau,  
\q1 Goe koia e aamua i nia god huogodoo.   
\b  
\q1
\v 10 Dimaadua e aloho i digau ala e hagadugina di huaidu.  
\q1 Mee e abaaba nia mouli o ana daangada.  
\q1 Mee e daa digaula gi daha mo nia mogobuna o digau huaidu.   
\q1
\v 11 Di maalama e daha i hongo digau ala e donu,  
\q1 mo di manawa lamalia i hongo digau ala e humalia.   
\q1
\v 12 Goodou huogodoo ala guu donu la gi manawa lamalia  
\q1 idimaa go di hai a Dimaadua dela ne hai adu gi goodou!  
\q1 Goodou gi langahia di mee a God dabuaahia dela ne hai mo di danggee gi Mee.   
\c 98  
\s1 Dimaadua la go Tagi henuailala\f + \fr 98.0 \ft Di Pisalem\f*  
\q1
\v 1 Daahili i nia daahili hoou ang gi Dimaadua.  
\q1 Mee ne hai ana mogobuna haga goboina!  
\q1 Mee ne aali mai i ono mogobuna mo ono maaloo dabuaahia!   
\q1
\v 2 Dimaadua gu haga iloo dono aali,  
\q1 Mee gu hagamodongoohia gi nia henua llauehe dono mogobuna hagamouli.   
\q1
\v 3 Mee gu daudali hua dana hagababa dela ne hai ang gi digau Israel  
\q1 i di manawa dahi mo dono aloho dee odi ang gi digaula.  
\q1 Nia daangada huogodoo i nia madagoaa huogodoo  
\q1 gu gidee ginaadou di aali o tadau God.   
\b  
\q1
\v 4 Goodou huogodoo ala i henuailala,  
\q1 daahili i nia daahili haga tenetene ang gi Dimaadua.  
\q1 Hagaamu ina a Mee gi godou daahili mo di wwolowwolo tenetene!   
\q1
\v 5 Daahili hagahagaamu ina a Dimaadua! Daahili i godou harp!   
\q1
\v 6 Ili hia godou labaa mo godou labaa madaagoo manu,  
\q1 mo di wwolowwolo tenetene ang gi Dimaadua go tadau king!   
\b  
\q1
\v 7 Gei goodou, go nia moana mo ono mee huogodoo ala i ono lodo, goodou gi ngoloolo.  
\q1 Henuailala mo ono mee huogodoo ala i ono nua, goodou daahili!   
\q1
\v 8 Goodou go nia monowai llauehe, goodou paapaa godou lima.  
\q1 Goodou go nia gonduu, goodou huogodoo daahili mo di tenetene  
\q1 i mua o Dimaadua,   
\q1
\v 9 idimaa Mee gaa dagi nia daangada o henuailala gi di tonu mo di humalia.   
\c 99  
\s1 Dimaadua la di King Aamua  
\q1
\v 1 Dimaadua la di king, malaa nia daangada ga bolebole mmaadagu.  
\q1 Mee e noho i hongo dono lohongo king i hongo nia ada manu hai ono bakau,  
\q1 malaa, henuailala ga lullulu.\x * \xo 99.1 \xt Exodus 25.22\x*   
\q1
\v 2 Dimaadua i Zion le e mogobuna huoloo.  
\q1 Mee koia e aamua i hongo nia henua huogodoo.   
\q1
\v 3 Nia daangada huogodoo ga hagaamu di aamua mo di madamada  
\q1 o di ingoo o Maa. Mee e dabuaahia!   
\b  
\q1
\v 4 Meenei di King Aamua, Goe e aloho i nia mee ala e donu.  
\q1 Goe ne haganoho ang gi digau Israel gi mouli i di mouli dela e donu.  
\q1 Goe ne gaamai di tonu mo di humalia.   
\q1
\v 5 Hagaamu ina Dimaadua, go tadau God,  
\q1 mo di daumaha gi Mee i mua di lohongo king o Maa! Mee e dabuaahia!   
\b  
\q1
\v 6 Moses mo Aaron ala go ana daangada hai mee dabu aamua,  
\q1 gei Samuel la go tangada dela ne dalodalo gi Mee.  
\q1 Digaula ne gahigahi a Dimaadua, gei Mee gu helekai mai gi digaula.   
\q1
\v 7 Mee ne helekai gi digaula mai i di waduu gololangi.  
\q1 Digaula gu haga kila aga nia haganoho mono helekai ala ne wanga go Mee gi digaula.\x * \xo 99.7 \xt Exodus 33.9\x*   
\b  
\q1
\v 8 Meenei Dimaadua, go di madau God, Goe gu helekai gi au daangada.  
\q1 Goe gu hagamodongoohia gi digaula bolo Goe di God dela e dumaalia,  
\q1 ma e aha maa Goe e dadaaligi digaula i nia huaidu digaula.   
\q1
\v 9 Hagaamu ina Dimaadua, go tadau God,  
\q1 mo di daumaha i hongo di gonduu haga madagu!  
\q1 Dimaadua, go tadau God le e dabuaahia huoloo!   
\c 100  
\s1 Taahili danggee hagaamu  
\q1
\v 1 Nia daangada huogodoo o henuailala gi daahili ang gi Dimaadua!   
\q1
\v 2 Daumaha ang gi Dimaadua i di tenetene.  
\q1 Lloomoi gi mua o Mee mo nia daahili tenetene!   
\b  
\q1
\v 3 Heia gi iloo bolo Dimaadua la go God.  
\q1 Ma go Mee dela ne hai gidaadou, gei gidaadou la nia mee ni Mee.  
\q1 Gidaadou la nia daangada ni Mee, gidaadou la di hagabuulinga siibi ni Mee.   
\b  
\q1
\v 4 Ulu adu gi lodo di Hale Daumaha mo di daahili i nia daahili danggee.  
\q1 Ulu adu gi lodo di gowaa di Hale Dabu mo di daahili hagaamu.  
\q1 Heia godou danggee ang gi Mee mo di hagaamu a Mee.   
\b  
\q1
\v 5 Dimaadua le e humalia, dono aloho e dee modu,  
\q1 ge dono manawa dahi e waalooloo hua beelaa dono hagaodi ai.\x * \xo 100.5 \xt 1-Chronicles 16.34; 2-Chronicles 5.13; 7.3; Ezra 3.11; Pisalem 106.1; 107.1; 118.1; 136.1; Jeremiah 33.11\x*   
\c 101  
\s1 Di hagababa di king\f + \fr 101.0 \ft Taahili ni David\f*  
\q1
\v 1 Au e daahili adu gi di Goe, meenei Dimaadua,  
\q1 au e daahili i di hai o di manawa dahi mo di tonu.   
\q1
\v 2 Au ga hagamahi ga daudali di mouli madammaa.  
\q1 Ma gaa hee gei Goe ga hanimoi gi di au?  
\b  
\q1 Au ga mouli i di mouli madammaa i dogu hale,   
\q1
\v 3 ga hagalee dumaalia gi nia huaidu gii hai.  
\q1 Au e de hiihai gi nia hegau o digau ala guu huli gi daha mo God,  
\q1 au hagalee hagabuni gi digaula.   
\q1
\v 4 Au hagalee hai kai tilikai, gei au hagalee hagabuni ang gi digau hai mee huaidu.   
\q1
\v 5 Au gaa dugu tangada dela e leelee hagamoolee huaidu i digau ala i golo.  
\q1 Au hagalee hagabuni ang gi tangada dela e hagamuamua ge e hagaamu ia.   
\b  
\q1
\v 6 Au gaa donu hua gi digau ala e manawa dahi ang gi God,  
\q1 gei e hai digaula gii noho madalia au i lodo dogu hale king.  
\q1 Digau ala e hai hegau humalia aalaa  
\q1 la digau e mee di hai agu gau hai hegau.   
\b  
\q1
\v 7 Tangada hai kai tilikai e noho i lodo dogu hale ai.  
\q1 Tangada halahalau dangada e mee di duu i ogu mua ai.   
\q1
\v 8 Nia laangi huogodoo gei au ga daaligi gii mmade digau hai mee huaidu  
\q1 ala i lodo tadau henua.  
\q1 Au ga hagabagi digau huaidu gi daha mo di waahale o Dimaadua.   
\c 102  
\s1 Talodalo tama daane dono haingadaa i golo\f + \fr 102.0 \ft Talodalo tangada hagaduadua huoloo e dangidangi manawa gee ang gi Dimaadua\f*  
\q1
\v 1 Meenei Dimaadua, hagalongo mai gi dagu dalodalo,  
\q1 hagalongo mai gi dagu dangidangi i di hagamaamaa!   
\q1
\v 2 Dogu madagoaa ma ga haingadaa mai gi di au,  
\q1 gei Goe hudee huli gi daha mo au! Hagalongo mai gi di au,  
\q1 mo di helekai mai hagalimalima i dogu madagoaa ma ga gahigahi Goe.   
\q1
\v 3 Dogu mouli e ngudu mai gadoo be di huiahi,  
\q1 dogu huaidina e wele gadoo be di ahi.   
\q1
\v 4 Au guu mae gadoo be nia geinga ne mae, au dogu hiihai bolo e miami ai.   
\q1
\v 5 Au e nnguu mmae huoloo, au gu hagalee hai be di mee,  
\q1 aalaa hua go di gili mo nia iwi.   
\q1
\v 6 Au e hai gadoo be di manu mamaangi dela hagalee gaidala i lodo di anggowaa,  
\q1 e hai gadoo be di ‘owl’ i lodo di hale mooho.   
\q1
\v 7 Au e moe e ala, au guu hai gadoo be di manu mamaangi  
\q1 e dogo modogoia i tuatala.   
\q1
\v 8 Di laangi dogomaalia gei ogu hagadaumee e haganneennee au,  
\q1 digau ala e gadagada hagabalumee au  
\q1 le e haga hai hegau dogu ingoo gi haga halauwa nia mee.   
\q1
\v 9-10 Idimaa go do hagawelewele huoloo, nia luaahi la guu hai agu meegai,  
\q1 ogu wai dangi gu unugi gi agu wai ala e inu. Goe ne dahiaga au gaa hudu au gi daha.   
\q1
\v 11 Dogu mouli le e hai gadoo be di malu o di hiahi.  
\q1 Au guu hai gadoo be nia geinga tolo ne maangoo.   
\b  
\q1
\v 12 Gei Goe, meenei Dimaadua, la di king dono hagaodi ai.  
\q1 Nia adu daangada huogodoo ga langalangahia Goe.   
\q1
\v 13 Goe ga du gi nua ga aloho i Zion.  
\q1 Ma gu dau mai go do madagoaa dela belee hila gi mee,  
\q1 malaa, deenei di madagoaa humalia.   
\q1
\v 14 Au daangada hai hegau e aloho i Zion, ma e aha maa mee gu mooho.  
\q1 Digaula e aloho i mee, ma e aha maa mee gu meheuheu dagidahi.   
\q1
\v 15 Nia daangada nia henua huogodoo ga mmaadagu i Dimaadua,  
\q1 nia king huogodoo henuailala ga mmaadagu i nia mogobuna o Maa.   
\q1
\v 16 Di madagoaa Dimaadua ma gaa hau labelaa Zion,  
\q1 gei Mee ga hagamodongoohia aga ono mahi aamua.   
\q1
\v 17 Mee ga longono ia ana daangada ala ne kili gi daha,  
\q1 ga hagalongo gi nia dalodalo digaula.   
\q1
\v 18 Hihia ang gi nia adu daangada ala e lloo aga maalia  
\q1 di hai o nia mee a Dimaadua ala ne hai,  
\q1 bolo nia daangada ala digi hagawoua di haanau la gi hagaamu a Mee.   
\q1
\v 19 Dimaadua gu mmada ia i dono lohongo haga madagu i nua loo,  
\q1 Mee gu mmada ia i di langi i nua gi henuailala.   
\q1
\v 20 Mee gu longono ia nia dangi dangi manawa gee o digau galabudi  
\q1 ga haga dagaloaha digau ala gu haganoho bolo e daaligi gii mmade.   
\q1
\v 21 Gei di ingoo o Maa ga hagadele i hongo Zion.  
\q1 Mee ga hagaamu i Jerusalem,   
\q1
\v 22 i di madagoaa nia daangada nia henua mo nia king  
\q1 ma ga dagabuli gi di gowaa e dahi, ga dadaumaha gi Dimaadua.   
\b  
\q1
\v 23 Dimaadua guu hai au gi bagege, gei au e dama daane hua.  
\q1 Mee guu hai dogu mouli gi bodobodo.   
\q1
\v 24 Meenei God, Goe hudee daawa ina dogu mouli gi daha dolomeenei  
\q1 i mua dogu madumadua.  
\b  
\q1 Meenei Dimaadua, Goe e mouli hua beelaa ga hana hua dono hagaodi ai.   
\q1
\v 25 Namua loo gei Goe ne hai henuailala,  
\q1 gei Goe ne hai di langi i nua gi oo lima donu.   
\q1
\v 26 Nia maa ga hagalee, gei Goe e noho hua igolo.  
\q1 Nia maa gaa pobo gadoo be nia gahu.  
\q1 Goe gaa kili nia maa gi daha gadoo be nia gahu, gei nia maa ga hagalee.   
\q1
\v 27 Gei Goe e noho hua beelaa i nia madagoaa huogodoo,  
\q1 gei do mouli la dono hagaodi ai.\x * \xo 102.27 \xt Hebrews 1.10-12\x*   
\q1
\v 28 Madau dama ga mouli i di aumaalia,  
\q1 di hagadili digaula ga mouli mau dangihi i lala do madamada humalia.   
\c 103  
\s1 Di aloho o Dimaadua\f + \fr 103.0 \ft Di pisalem deenei ne huwa go David \f*  
\q1
\v 1 Dogu mouli nei, hagaamuina Dimaadua!  
\q1 Dogu huaidina nei, hagaamuina dono ingoo haga madagu!   
\q1
\v 2 Dogu mouli nei, hagaamuina Dimaadua, hudee de langahia dono dumaalia.   
\q1
\v 3 Mee gu haga madammaa ogu huaidu huogodoo,  
\q1 ge e hagahili ogu magi huogodoo.   
\q1
\v 4 Mee e haga dagaloaha au gi daha mo taalunga,  
\q1 ga hagahumalia au gi dono aloho mo tumaalia.   
\q1
\v 5 Mee e haga honu dogu mouli gi nia mee humalia  
\q1 bolo gii noho au beelaa dama daane ge maaloo gadoo be di ‘eagle’.   
\b  
\q1
\v 6 Dimaadua la tangada hai gabunga e hagamaamaa digau ala gu haga daamaha,  
\q1 gei e wanga gi digaula nadau donu.   
\q1
\v 7 Mee gu haga modongoohia gi Moses ana hagamamaanadu,  
\q1 guu hai digau Israel gii mmada gi ana hegau mogobuna.   
\q1
\v 8 Dimaadua le e dumaalia ge e aloho, ge hagalee hagawelewele ngoohia  
\q1 ge e honu i di aloho dee odi.\x * \xo 103.8 \xt James 5.11\x*   
\q1
\v 9 Mee hagalee helekai hai baahi gi nia daangada i nia madagoaa huogodoo.  
\q1 Mee hagalee hagawelewele gaa hana hua beelaa.   
\q1
\v 10 Mee hagalee hagaduadua gidaadou gii tau gi tadau mee hala ala ne hai,  
\q1 be e hui gidaadou e hagatau gi tadau ihala mo tadau huaidu ala ne hai.   
\q1
\v 11 Tamanaiee o dono aloho i digau ala e hagalabagau Ia,  
\q1 le e hai gadoo be di mogowaa gi nua o di langi mai i henuailala.   
\q1
\v 12 Dana hai dela ne haga mogowaa tadau huaidu gi daha mo gidaadou,  
\q1 le e hai gadoo be di mogowaa i mehanga o dua mo dai.   
\q1
\v 13 Di hai o tamana dela e humalia gi ana dama,  
\q1 la deelaa gadoo di hai o Dimaadua dela e humalia gi digau ala e hagalabagau Ia.   
\q1
\v 14 Mee e iloo Ia nia mee ala ne hai ai gidaadou.  
\q1 Mee e langahia bolo gidaadou la nia gelegele hua.   
\b  
\q1
\v 15 Gei gidaadou la nia daangada hua dangada,  
\q1 tadau mouli le e hai gadoo be nia geinga tolo.  
\q1 Gidaadou e tomo ge e huwa gadoo be di akai lodo henua,   
\q1
\v 16 gei di madangi ga ili di maa, gei di maa gu hagalee,  
\q1 tangada e mmada labelaa gi di maa ai.   
\q1
\v 17 Gei di aloho o Dimaadua i digau ala e hagalabagau Ia,  
\q1 le e hai hua be di maa gaa hana hua beelaa.  
\q1 Gei di humalia o Maa gaa hana hua beelaa ang gi nia adu daangada huogodoo   
\q1
\v 18 o digau ala e daudali ana hagababa ge e haga gila aga gii donu ana haganoho.   
\b  
\q1
\v 19 Dimaadua la gu haga noho dono lohongo king i di langi.  
\q1 Mee di King o nia mee huogodoo.   
\q1
\v 20 Goodou hagaamuina Dimaadua,  
\q1 goodou go digau di langi maaloo ge mogobuna  
\q1 ala e daudali ana haganoho mo di hagalongo gi ana helekai.   
\q1
\v 21 Goodou hagaamuina Dimaadua,  
\q1 goodou go nia mogobuna huogodoo o di langi,  
\q1 goodou ala go ana gau hai hegau ala e hai dono manawa!   
\q1
\v 22 Goodou hagaamuina Dimaadua,  
\q1 goodou go nia mee huogodoo a Mee ala ne hai,  
\q1 ala i lodo nia gowaa huogodoo ala e dagi go Mee.  
\q1 Dogu hagataalunga nei, hagaamuina Dimaadua!   
\c 104  
\s1 Di hagaamu ang gi Tangada dela ne hai nia mee huogodoo  
\q1
\v 1 Dogu hagataalunga nei, hagaamuina Dimaadua!  
\q1 Meenei Dimaadua go dogu God, Goe e aamua huoloo!  
\q1 Goe e laagei gi nia mogobuna mo nia madamada.   
\q1
\v 2 Goe e gahu gi di maalama. Goe ne holo di langi be di hale laa,   
\q1
\v 3 gaa hau dau hale i nonua, i hongo nia wai i nua.  
\q1 Doo waga la aalaa go nia gololangi,  
\q1 gei Goe e hana i hongo di gololangi mo nia bakau o di madangi.   
\q1
\v 4 Goe e haga hai hegau nia madangi gadoo be nia daangada kae hegau ni aau,  
\q1 mo di dabadaba o di ila e hai be nia hege ni aau.\x * \xo 104.4 \xt Hebrews 1.7\x*   
\b  
\q1
\v 5 Goe ne haga noho henuailala gi mau dangihi gi hongo dono hagamau,  
\q1 gei di maa hagalee loo e ngalungalua gaa hana hua beelaa.   
\q1
\v 6 Goe ne gahu henuailala gi di moana gadoo be di gahu laa daha,  
\q1 gei nia wai guu gahu nia gonduu.   
\q1
\v 7 Do madagoaa ne hagabuhi gi nia wai, gei nia maa guu llele gi daha.  
\q1 Digaula ne longono dau hagadaba dela ne hai, gaa llele gi daha.   
\q1
\v 8 Ma ne llele ia i tomo nia gonduu e llele gi nia gowaa baba,  
\q1 gi di gowaa dela ne hagatogomaalia Kooe ang gi nia maa.   
\q1
\v 9 Goe guu dugu dau haga geinga dela e deemee di hula nia maa nonua,  
\q1 e duuli nia maa gi dee gahu labelaa henuailala.   
\b  
\q1
\v 10 Goe ne hai nia monowai uwa aga gii hali gi lodo nia gowaa baba,  
\q1 mo nia monowai e mmidi i mehanga nia gonduu.   
\q1
\v 11 Nia wai aanei le e haga inu nia manu ala i lodo henua,  
\q1 deelaa di gowaa e hagahili nia hieinu o nia ‘donkey’-lodo geinga.   
\q1
\v 12 Nia manu mamaangi e hai nadau waehongo i tomo nia laagau  
\q1 ala i taalinga nia monowai aalaa mo di dadaahili.   
\b  
\q1
\v 13 Goe e haga doo dau uwa mai i di langi gi hongo nia gonduu,  
\q1 ga haga honu henuailala gi o maluagina.   
\q1
\v 14 Goe e haga tomo nia geinga tolo ang gi nia kau,  
\q1 gei nia laagau ang gi nia daangada e hai hegau ai,  
\q1 bolo gii mee ai di hagatomo aga di gai o tenua,   
\q1
\v 15 mo di huwa mai nia waini ala e haga tenetene gimaadou,  
\q1 mo nia lolo olib ala e hagahumalia gimaadou,  
\q1 mo nia palaawaa ala e hai gimaadou gi maaloo.   
\b  
\q1
\v 16 Nia laagau ‘cedar’ o Lebanon gu haga magalillili hagahumalia,  
\q1 aalaa go nia laagau a Dimaadua ala ne bida dogi go Mee.   
\q1
\v 17 Nia manu mamaangi e hai nadau waehongo i lodo nia laagau aalaa,  
\q1 gei nia maduge e hai nadau waehongo i tomo nia laagau ‘pine’.   
\q1
\v 18 Nia kuudi lodo geinga e noho i tomo nia gonduu i nua,  
\q1 gei nia ‘rock badger’ e pala hagammuni i lodo nia hadugalaa.   
\b  
\q1
\v 19 Goe dela ne hai di malama belee hagailongo nia malama o di ngadau,  
\q1 gei di laa e iloo ia di madagoaa e ulu ai.   
\q1
\v 20 Goe ne hai di boo, gei di madagoaa ma ga bouli,  
\q1 nia manu lodo geinga huogodoo ga lloomoi gi daha.   
\q1
\v 21 Nia dama laion e nguunguu i nadau madagoaa ma ga gumigumi nadau mee e gai,  
\q1 ala ne hagatogomaalia go God ang gi digaula.   
\q1
\v 22 Di madagoaa di laa gaa hobo,  
\q1 gei digaula gaa hula gi nadau bongoo gaa mmoe gi lala.   
\q1
\v 23 Gei nia daangada gaa hula gaa hai nadau moomee, gaa dae loo gi di hiahi.   
\b  
\q1
\v 24 Meenei Dimaadua, au mee ala ne hai le e logowaahee huoloo!  
\q1 Au mee huogodoo ala ne hai la ne hai gi di kabemee!  
\q1 Henuailala guu honu i au manu ala ne hai.   
\q1
\v 25 Dau moana e damanaiee ge palaha,  
\q1 di gowaa dela e noho ai nia hagadilinga manu mono iga ala e deemee di dau,  
\q1 nia iga llauehe mono iga lligi.   
\q1
\v 26 Nia wagabaalii e deledele i hongo di maa,  
\q1 deelaa hogi di gowaa e dadaagala ai di manu dragon go ‘Leviathan’,\x * \xo 104.26 \xt Job 41.1; Pisalem 74.14; Isaiah 27.1\x*  
\q1 di manu hagamadagudagu dangada dela ne hai Kooe.\f + \fr 104.26 \ft \+bk ...dela ne hai Kooe\+bk* be: \+bk ...dela ne hai Kooe e haga tenetene do manawa.\+bk* \f*   
\b  
\q1
\v 27 Nia mee aalaa huogodoo e hagadagadagagee adu gi di Goe,  
\q1 bolo e wanga nadau meegai i nadau madagoaa ma ga hiihai gi nia maa.   
\q1
\v 28 Goe e wanga nia maa gi digaula, gei digaula gaa gai nia maa.  
\q1 Goe e hagatogomaalia nia meegai, gei digaula ga manawa lamalia.   
\q1
\v 29 Maa Goe gaa huli gi daha mo digaula, gei digaula ga mmaadagu.  
\q1 Maa Goe ga daa gi daha do dogidogi\f + \fr 104.29 \ft \+bk do dogidogi\+bk* be: \+bk do hagataalunga\+bk* \f* mo digaula,  
\q1 gei digaula gaa mmade gaa hai labelaa nia gelegele ala ne hai ai digaula.   
\q1
\v 30 Malaa, maa Goe gaa wanga do dogidogi gi digaula, gei digaula ga mouli.  
\q1 Goe dela e wanga gi henuailala di mouli hoou.   
\b  
\q1
\v 31 Nia madamada o Dimaadua gi waalooloo hua beelaa ga hana hua dee odi!  
\q1 Dimaadua gi tenetene gi ana mee ala ne hai!   
\q1
\v 32 Mee e mmada hua gi henuailala, gei henuailala ga ngalungalua.  
\q1 Mee e bili hua gi nia gonduu, gei nia gonduu gaa gohu.   
\b  
\q1
\v 33 Au ga daahili ang gi Dimaadua i di waalooloo o dogu mouli.  
\q1 Au ga daahili e hagaamu dogu God i di waalooloo o dogu mouli.   
\q1
\v 34 Au e hiihai bolo God gi manawa tene gi dagu daahili,  
\q1 idimaa, ma go Mee dela e haga manawa lamalia au.   
\q1
\v 35 Digau huaidu la gi daaligidia gi daha mo henuailala,  
\q1 digau hai mee huaidu gi heia gi hagalee.  
\b  
\q1 Dogu hagataalunga nei, hagaamuina Dimaadua!  
\q1 Hagaamuina Dimaadua!   
\c 105  
\s1 Dimaadua mo ana daangada  
\r (1-Chronicles 16.8-22)  
\q1
\v 1 Goodou heia godou danggee gi Dimaadua, haga dele ina ono maaloo.  
\q1 Hagi aga ina gi nia henua nia mee a Mee ala ne hai.   
\q1
\v 2 Daahili hagaamuina Dimaadua.  
\q1 Hagi anga ina nia mee haga goboina a Mee ala ne hai.   
\q1
\v 3 Gidaadou gi hagalaamua di ingoo dabu o Maa.  
\q1 Digau huogodoo ala e daumaha gi Mee gi tenetene.   
\q1
\v 4 Hula gi Dimaadua, e kae ai godou hagamaamaa,  
\q1 mo di dadaumaha gi Mee i nia madagoaa huogodoo.   
\q1
\v 5-6 Goodou ala go di hagadili o Abraham, go dana dangada hai hegau,  
\q1 goodou go di hagadili o Jacob, go taane dela ne hilihili go Mee,  
\q1 goodou gi langahia nia mogobuna haga goboina a God ala ne hai,  
\q1 mo nia hagamodu gabunga ala nogo hai go Mee.   
\b  
\q1
\v 7 Mee go Dimaadua go tadau God.  
\q1 Nia helekai a Maa le e hai gi digau huogodoo ala i henuailala.   
\q1
\v 8 Mee ga dadaahi hua beelaa dana hagababa gaa hana hua beelaa,  
\q1 gei nia hagababa a Maa le e hai ang gi nia adu daangada e mana (1,000).   
\q1
\v 9 Mee ga dadaahi hua di hagababa dela ne hai go Mee gi Abraham  
\q1 mo di hagababa dela ne hai gi Isaac.\x * \xo 105.9 \xt Genesis 12.7; 17.8; 26.3\x*   
\q1
\v 10 Dimaadua la guu hai dana hagababa gi Jacob,  
\q1 di hagababa dela hua e noho beelaa, dono hagaodi ai.   
\q1
\v 11 Mee ne helekai, “Au ga gowadu gi di goe tenua go Canaan, e hai tenua ni aau.”\x * \xo 105.11 \xt Genesis 28.13\x*   
\b  
\q1
\v 12 Nia daangada a God la nogo hogoohi, nogo noho i Canaan be digau henua gee.   
\q1
\v 13 Digaula nogo tataele i mehanga nia henua, i mehanga tenua nei mo tenua nei.   
\q1
\v 14 Malaa, Dimaadua la hagalee hai digaula gii hai hagahuaidu go tangada,  
\q1 gei Mee gaa bule nia king aalaa bolo gi de hagahuaidu digaula,   
\q1
\v 15 ga helekai, “Goodou hudee hagahuaidu ina agu gau hai hegau ne hilihili aanei.  
\q1 Hudee heia dahi mee huaidu gi agu soukohp.”\x * \xo 105.15 \xt Genesis 20.3-7\x*   
\b  
\q1
\v 16 Dimaadua e hagau mai dana dau magamaga gi nia henua digaula,  
\q1 ga daa gi daha nia meegai huogodoo digaula.\x * \xo 105.16 \xt Genesis 41.53-57\x*   
\q1
\v 17 Gei Mee ga hagau dana daane i mua digaula,  
\q1 go Joseph dela ne hui gi daha be di hege.\x * \xo 105.17 \xt Genesis 37.28; 45.5\x*   
\q1
\v 18 Nia wae o maa guu nnoo gi nia daula baalanga,  
\q1 di uwa o maa guu nnoo gi di baahi baalanga.   
\q1
\v 19 gaa dae loo gi di kila aga o ana kokohp ala ne hai.  
\q1 Nia helekai o Dimaadua gu haga modongoohia bolo mee guu donu.\x * \xo 105.19 \xt Genesis 39.20—40.23\x*   
\q1
\v 20 Di king o Egypt gu daa gi daha a Joseph mo di hale galabudi,  
\q1 di tagi o nia henua gu hagamehede a mee,\x * \xo 105.20 \xt Genesis 41.14\x*   
\q1
\v 21 ga haga menege aga a mee gaa dagi dono hale mo e dagi dono henua hagatau.\x * \xo 105.21 \xt Genesis 41.39-41\x*   
\q1
\v 22 Mee gu aamua i hongo nia dagi huogodoo a di king,  
\q1 ge e aago nia gau hagamaamaa a di king.   
\b  
\q1
\v 23 Malaa, Jacob guu hana gi Egypt guu noho i tenua deelaa,\x * \xo 105.23 \xt Genesis 46.6; 47.11\x*   
\q1
\v 24 Dimaadua guu hai digaula gi dogologowaahee,  
\q1 guu hai digaula gi mada maaloo i nadau hagadaumee.   
\q1
\v 25 Mee guu hai digau Egypt gi hagadugina e ginaadou i ana daangada  
\q1 mo di halahalau ana gau hai hegau.\x * \xo 105.25 \xt Exodus 1.7-14\x*   
\b  
\q1
\v 26 Malaa, Dimaadua gu hagau ana daangada hai hegau  
\q1 go Moses mo Aaron ne hilihili ko Ia.\x * \xo 105.26 \xt Exodus 3.1—4.17\x*   
\q1
\v 27 Meemaa guu hai nia hegau maaloo dangihi a God,  
\q1 guu hai nau mogobuna haga goboina i Egypt.   
\q1
\v 28 Dimaadua guu hai tenua deelaa gi bouli dongoeho,  
\q1 gei digau Egypt digi hagalongo gi nia helekai a Maa.\x * \xo 105.28 \xt Exodus 10.21-23\x*   
\q1
\v 29 Mee guu huli nia wai o nia monowai digaula gii hai nia dodo,  
\q1 gu daaligi huogodoo nia iga digaula gii mmade.\x * \xo 105.29 \xt Exodus 7.17-21\x*   
\q1
\v 30 Tenua digaula guu honu kailuu, mo i lodo hogi di hale o di king.\x * \xo 105.30 \xt Exodus 8.1-6\x*   
\q1
\v 31 God ne helekai hua, gei nia hagabae lamu  
\q1 mono lamu gai dangada guu honu i hongo tenua.\x * \xo 105.31 \xt Exodus 8.16-17,20-24\x*   
\q1
\v 32 Mee ne hagau ia dana uwa hadu magalillili mo nia ila  
\q1 gi hongo tenua digaula, hagalee di uwa wai.   
\q1
\v 33 Mee ne hunahuna nia laagau ‘grape’ mo nia laagau ‘fig’ digaula,  
\q1 gu oho gi lala nia laagau huogodoo.\x * \xo 105.33 \xt Exodus 9.22-25\x*   
\q1
\v 34 Mee ne helekai hua gei nia ‘locust’ gu lloomoi,  
\q1 e logowaahee huoloo e deemee di dau.   
\q1
\v 35 Digaula guu gai nia laagau huogodoo o tenua deelaa, mo nia huwa laagau.\x * \xo 105.35 \xt Exodus 10.12-15\x*   
\q1
\v 36 Mee gu daaligi nia ulu mmaadua dama daane  
\q1 o nia madahaanau huogodoo o Egypt.\x * \xo 105.36 \xt Exodus 12.29\x*   
\b  
\q1
\v 37 Gei mee ne dagi mai digau Israel gi daha mo Egypt,  
\q1 e gaamai nadau silber mono goolo,  
\q1 digaula huogodoo e maaloo, deai tangada e magi ai.\x * \xo 105.37 \xt Exodus 12.33-36\x*   
\q1
\v 38 Digau Egypt gu tenetene gi digaula ala ne hula,  
\q1 idimaa, digaula gu mmaadagu i digaula.   
\q1
\v 39 Dimaadua e holo dana gololangi gi hongo digaula,  
\q1 gei di ahi e inaina digaula i di boo.\x * \xo 105.39 \xt Exodus 13.21-22\x*   
\q1
\v 40 Digaula ne dangi gi Mee,  
\q1 gei Mee guu wanga gi digaula nia manu mamaangi ‘quail’  
\q1 ge gu haangai digaula gi maaluu gi nia palaawaa mai i di langi.\x * \xo 105.40 \xt Exodus 16.2-15\x*   
\q1
\v 41 Mee ne huge di hadugalaa, gei nia wai gu malingi mai,  
\q1 guu hali laa lodo di anggowaa be di monowai mmidi.\x * \xo 105.41 \xt Exodus 17.1-7; Numbers 20.2-13\x*   
\q1
\v 42 Mee e langalangahia hua igolo dana hagababa haga madagu  
\q1 dela ne hai ang gi dana dangada hai hegau go Abraham.   
\b  
\q1
\v 43 Malaa, Mee guu lahi ana daangada ala ne hilihili la gi daha,  
\q1 gei digaula gu daahili mo di wwolowwolo tenetene.   
\q1
\v 44 Mee guu wanga gi digaula nia henua o digau ala i golo,  
\q1 gaa dugu ang gi digaula gi hai mee ginai,\x * \xo 105.44 \xt Joshua 11.16-23\x*   
\q1
\v 45 bolo digaula gi hagalongo gi ana haganoho,  
\q1 mo di haga kila aga ina ana helekai huogodoo.  
\b  
\q1 Hagaamuina Dimaadua!   
\c 106  
\s1 Di humalia o Dimaadua ang gi ana daangada  
\q1
\v 1 Hagaamuina Dimaadua!  
\q1 Goodou danggee ang gi Dimaadua, i Mee dela e humalia,  
\q1 di aloho o Maa e hana hua beelaa.\x * \xo 106.1 \xt 1-Chronicles 16.34; 2-Chronicles 5.13; 7.3; Ezra 3.11; Pisalem 100.5; 107.1; 118.1; 136.1; Jeremiah 33.11\x*   
\q1
\v 2 Ma koai e mee di hagamodongoohia aga  
\q1 nia hagadilinga mee hagagoboina huogodoo a Mee ala ne hai?  
\q1 Ma koai e mee di hagaamu a Mee e dohu?   
\q1
\v 3 E hagamaluagina go digau ala e daudali ana haganoho,  
\q1 digau ala e hagagila aga nia mee ala e donu i nia madagoaa huogodoo.   
\b  
\q1
\v 4 Meenei Dimaadua, Goe gi langahia e Goe au  
\q1 i do madagoaa ma ga hagamaamaa au daangada.  
\q1 Do madagoaa ma ga haga dagaloaha digaula, haga dagaloaha ina au labelaa.   
\q1
\v 5 Heia au gii mmada gi di haadanga lamalia o au daangada,  
\q1 gei gi tenetene au madalia di tenetene o au daangada,  
\q1 i di hagamadamada haga manawa lamalia o digau ala gu hai mee ginai Goe.   
\b  
\q1
\v 6 Gimaadou gu ihala gadoo be madau damana mmaadua.  
\q1 Gimaadou gu huaidu gei gu ihala huoloo.   
\q1
\v 7 Tadau damana mmaadua nogo i Egypt,  
\q1 digi donu gi nia hegau haga goboina a God ala nogo hai,  
\q1 digaula gu de langahia nia holongo e logowaahee a Mee  
\q1 ala ne hagamodongoohia dono aloho i ginaadou.  
\q1 Digaula gu hai baahi gi di Gowaa Aamua i tongotai di Tai Mmee.\x * \xo 106.7 \xt Exodus 14.10-12\x*   
\q1
\v 8 Gei Mee gu haga dagaloaha digaula gii hai be dana hagababa dela ne hai,  
\q1 belee hagamodongoohia ono mahi maaloo dangihi.   
\q1
\v 9 Mee ne helekai hua gi di Tai Mmee, gei di maa guu bagu,  
\q1 gei Mee ne lahi ana daangada laa lodo di Tai Mmee i di gowaa maangoo.\x * \xo 106.9 \xt Exodus 14.21-31\x*   
\q1
\v 10 Mee ne haga dagaloaha digaula gi daha mo digau ala e hagawelewele gi digaula.  
\q1 Mee ne daa mai digaula gi daha mo nadau hagadaumee.   
\q1
\v 11 Gei nia wai gu hagamaalemu nia hagadaumee digaula,  
\q1 deai tangada i digaula ne dubu i golo ai.   
\q1
\v 12 Malaa, ana daangada gu hagadonu laa nia hagababa a Maa ga daahili hagaamu a Mee.\x * \xo 106.12 \xt Exodus 15.1-21\x*   
\b  
\q1
\v 13 Gei digaula gu limalima hua gu de langahia nia mee a Mee ala ne hai,  
\q1 gei digaula digi tali bolo e hagalongo be Mee gaa hai bolo aha.   
\q1
\v 14 Digaula gu aumidi huoloo gi nia meegai i lodo di anggowaa ga hagamada a God.   
\q1
\v 15 Malaa, gei Mee guu wanga gi digaula nia mee digaula ala ne madau,  
\q1 gei Mee gu hagau mai labelaa di magi huaidu gi digaula.\x * \xo 106.15 \xt Numbers 11.4-34\x*   
\b  
\q1
\v 16 Di madagoaa i lodo di anggowaa,  
\q1 gei digaula ne dubua gi Moses mo ang gi Aaron,  
\q1 go tangada hai hegau haga madagu a Dimaadua,   
\q1
\v 17 gei henuailala gu mahaa guu holo a Dathan,  
\q1 gaa danu a Abiram mo dono madahaanau.   
\q1
\v 18 Di ahi ga haneia gi hongo nia hoo digaula,  
\q1 gaa dudu digau huaidu aalaa.\x * \xo 106.18 \xt Numbers 16.1-35\x*   
\b  
\q1
\v 19 Digaula ne hai di nadau dama kau daane goolo i Sinai,  
\q1 ga daumaha gi di balu god deelaa.   
\q1
\v 20 Digaula gu koodai nia madamada o God  
\q1 gi di ada di manu dela e gai nia geinga tolo.   
\q1
\v 21 Digaula gu de langahia di God dela ne haga dagaloaha ginaadou  
\q1 gi ono mogobuna mahi i Egypt,   
\q1
\v 22 mo nia hagadilinga mee hagagoboina huoloo  
\q1 ala ne hai go Mee i tenua o di madawaawa Ham,  
\q1 mono mee hagagoboina i di Tai Mmee!   
\q1
\v 23 Di madagoaa a God ne hai bolo Ia ga daaligi ana daangada gi daha,  
\q1 gei tangada hai hegau a Maa ne hilihili, go Moses,  
\q1 ga duu aga ga longilongi a God bolo gi dugua dono hagawelewele  
\q1 dela belee daaligi digaula gii mmade.\x * \xo 106.23 \xt Exodus 32.1-14\x*   
\b  
\q1
\v 24 Malaa, digaula gu hagalee hiihai e ulu i tenua humalia deelaa  
\q1 i di nadau de hagadonu nia hagababa a God.   
\q1
\v 25 Digaula e noho hua i lodo nadau hale laa,  
\q1 gaa hai laa nadau tamu, hagalee hagalongo gi Dimaadua.   
\q1
\v 26 Malaa, Mee guu hai dana hagamodu  
\q1 bolo Ia ga daaligi digaula gii mmade i lodo di anggowaa,\x * \xo 106.26 \xt Numbers 14.1-35\x*   
\q1
\v 27 ga hagamodoho nia hagadili digaula gi baahi digau tuadimee,  
\q1 gaa hai digaula gii mmade i lodo nia henua mai i daha.\x * \xo 106.27 \xt Leviticus 26.33\x*   
\b  
\q1
\v 28 Malaa, nia daangada a God gu daumaha gi di balu god Baal i Peor,  
\q1 ge guu gai nia mee tigidaumaha ala ne tigidaumaha gi nia god ala nadau mouli ai.   
\q1
\v 29 Nia hagadilinga hai beenei digaula la guu hai a Dimaadua gi hagawelewele,  
\q1 deelaa di mee ne hidi ai taumagi huaidu ne hai gi digaula.   
\q1
\v 30 Gei Phinehas ga du gi nua ga hagaduadua nia daangada ala ne hai nau mee hala,  
\q1 gei di magi huaidu deelaa guu noho.   
\q1
\v 31 Tugi i di laangi deelaa gaa hana, gei di haga langalangahia o di mee  
\q1 dela ne hai go Mee i di laangi deelaa le e haihai, gaa hana hua beelaa.\x * \xo 106.31 \xt Numbers 25.1-13\x*   
\b  
\q1
\v 32 I di monowai uwa aga i Meribah,  
\q1 nia daangada guu hai a Dimaadua gi hagawelewele,  
\q1 gei Moses gu haingadaa ang gi deia i di mee digaula dela ne hai.   
\q1
\v 33 Digaula guu hai a mee gi manawa gee huoloo,  
\q1 dela di mee ne hidi ai iei mee ne helehelekai hua gi mua  
\q1 digi noho bolo e hagabaubau.\x * \xo 106.33 \xt Numbers 20.2-13\x*   
\b  
\q1
\v 34 Digaula digi daaligidia gii mmade digau tuadimee,  
\q1 be di hai a Dimaadua dela ne hai ang gi digaula bolo gi heia,   
\q1
\v 35 gei digaula ne hai nadau lodo gi digaula,  
\q1 mo di hai nia hangaahai o di bouli ala e hai go digaula.   
\q1
\v 36 Nia daangada a God gu daumaha ang gi nia balu god,  
\q1 deelaa di mee ne hidi ai gaa mmade iei digaula.\x * \xo 106.36 \xt Gabunga 2.1-3; 3.5-6\x*   
\q1
\v 37 Digaula guu wanga nadau dama daane mono dama ahina  
\q1 belee hai tigidaumaha gi nia balu god o digau Canaan.\x * \xo 106.37 \xt 2-Kings 17.17\x*   
\q1
\v 38 Digaula gu daaligi gii mmade nia dama nadau huaidu ai,  
\q1 nia gelegele o tenua gu haga milimilia go digau daaligi dangada gii mmade aalaa.\x * \xo 106.38 \xt Numbers 35.33\x*   
\q1
\v 39 Digaula guu hai ginaadou gi milimilia mai i nadau hai milimilia ala ne hai,  
\q1 mo nadau de manawa dahi ang gi di nadau God.   
\b  
\q1
\v 40 Malaa, gei Dimaadua gu hagawelewele gi ana daangada,  
\q1 gu de hiihai huoloo gi digaula.   
\q1
\v 41 Mee gu diiagi digaula gi lodo nia mogobuna o digau tuadimee,  
\q1 nia hagadaumee digaula guu dagi digaula.   
\q1
\v 42 Nia hagadaumee digaula guu hai digaula hagahuaidu,  
\q1 digaula guu noho i lala nia mogobuna digaula.   
\q1
\v 43 Nia holongo e logo a Dimaadua ne haga dagaloaha ana daangada,  
\q1 gei digaula gu hilihili bolo ginaadou e hai baahi gi Mee,  
\q1 gu hidi ai digaula gu mooho i nadau hai huaidu ala ne hai.   
\q1
\v 44 Malaa, Dimaadua gu hagalongo gi digaula ala ne gahigahi Ia,  
\q1 gei Mee guu mmada gi di haingadaa digaula.   
\q1
\v 45 Idimaa go digaula, gei Mee gu langahia e Ia dana hagababa,  
\q1 guu huli dono manawa gu hagamaamaa digaula, mai i dono aloho aamua.   
\q1
\v 46 Mee guu hai digau ala e hai hagahuaidu digaula la gi aloho i digaula.\x * \xo 106.46 \xt Gabunga 2.14-18\x*   
\b  
\q1
\v 47 Haga dagaloaha ina gimaadou, meenei Dimaadua go di madau God,  
\q1 laha mai gimaadou gi daha mo nia henua digau tuadimee,  
\q1 gei gimaadou gaa mee di danggee adu gi di Goe mo di hagaamu do ingoo dabuaahia.\x * \xo 106.47 \xt 1-Chronicles 16.35-36\x*   
\b  
\q1
\v 48 Hagaamu ina Dimaadua, di God o Israel!  
\q1 Hagaamu ina a Mee dolomeenei gaa hana hua beelaa dono hagaodi ai!  
\q1 Digau huogodoo gi helekai bolo Amen!  
\b  
\q1 Hagaamu ina Dimaadua!   
\ms1 DI LIMA BEEBAA  
\mr (Pisalem 107—150)  
\c 107  
\s1 Di hagaamu nia humalia o Dimaadua  
\q1
\v 1 Danggee ang gi Dimaadua, i Mee dela e humalia,  
\q1 dono aloho e waalooloo gaa hana hua beelaa!\x * \xo 107.1 \xt 1-Chronicles 16.34; 2-Chronicles 5.13; 7.3; Ezra 3.11; Pisalem 100.5; 106.1; 118.1; 136.1; Jeremiah 33.11\x*   
\q1
\v 2 Goodou huogodoo ala gu haga mouli go Mee,  
\q1 goodou tataanga ina nia helekai hagaamu a Dimaadua aanei.  
\q1 Mee ne daa mai goodou gi daha mo godou hagadaumee,   
\q1
\v 3 ga laha mai labelaa goodou mai i nia henua mai i daha,  
\q1 mai i di bahi i dua mo dai, mo ngeia mo ngaaga.   
\b  
\q1
\v 4 Hunu daangada gu heehee hua i lodo di anggowaa, di gowaa ono ala ai,  
\q1 gu de gidee ginaadou di waahale belee noho ai ginaadou.   
\q1
\v 5 Digaula gu hiigai ge gu hieinu, gu deai nadau hagadagadagagee ai.   
\q1
\v 6 Digaula gu gahigahi Dimaadua i lodo nadau haingadaa,  
\q1 gei Mee gu haga dagaloaha digaula mai i nadau haingadaa.   
\q1
\v 7 Mee ne dagi digaula i di ala huudonu gi di waahale dela belee noho ai digaula.   
\q1
\v 8 Digaula e hai loo gi danggee gi Dimaadua i dono aloho dee odi,  
\q1 mo nia mogobuna haga goboina a Mee ala ne hai ang gi ginaadou.   
\q1
\v 9 Mee e haga inu digau ala e hieinu,  
\q1 ge e haangai digau ala e hiigai gi nia meegai humalia.   
\b  
\q1
\v 10 Hunu daangada nogo noho hua i golo  
\q1 i lodo nadau manawa gee mo i lodo di bouli.  
\q1 Digaula nogo duadua ge lawalawa gi nia tiini baalanga,   
\q1
\v 11 idimaa, digaula ne hai baahi gi nia haganoho di God Koia e Aamua,  
\q1 gu haga balumee nia agoago a Maa.   
\q1
\v 12 Digaula gu nadau mahi ai i nia moomee haingadaa ala e hai go digaula.  
\q1 Digaula e tingatinga gi lala, tangada e hagamaamaa digaula ai.   
\q1
\v 13 Gei digaula gu gahigahi Dimaadua,  
\q1 gei Mee gu haga dagaloaha digaula gi daha mo nadau hagaduadua.   
\q1
\v 14 Mee gu laha mai digaula gi daha mo nadau manawa gee mo di bouli,  
\q1 gu oho gi mooho nia tiini baalanga ala nogo lawalawa digaula.   
\q1
\v 15 Digaula e hai loo gi danggee ang gi Dimaadua i dono aloho dee odi  
\q1 mo nia mogobuna haga goboina a Mee ala ne hai ang gi ginaadou.   
\q1
\v 16 Mee e oho gi mooho nia bontai baalanga mmee, ge e oho nia dagigoo nia bontai.   
\b  
\q1
\v 17 Hunu daangada gu dadaulia, ge e hagaduadua i nadau ihala,  
\q1 mo nadau haihai huaidu ala nogo hai.   
\q1
\v 18 Digaula gu manauwwou huoloo i nia meegai huogodoo, gu hoohoo hua gaa mmade.   
\q1
\v 19 Gei digaula gu gahigahi Dimaadua mai i lodo nadau haingadaa,  
\q1 gei Mee gu haga dagaloaha digaula gi daha mo nadau hagaduadua.   
\q1
\v 20 Mee gu hagahumalia digaula gi ana helekai,  
\q1 ge e daa mai digaula gi daha mo nadau daalunga.   
\q1
\v 21 Digaula e hai loo gi danggee ang gi Dimaadua i dono aloho dee odi,  
\q1 mo nia mogobuna haga goboina a Mee ala ne hai ang gi ginaadou.   
\q1
\v 22 Digaula e hai loo gi danggee ang gi Mee gi nia tigidaumaha,  
\q1 mo di hagadeledele nia mee a Mee ala ne hai gi nadau daahili tenetene.   
\b  
\q1
\v 23 Hunu daangada guu hula i nia wagabaalii e deledele i hongo di moana,  
\q1 e halahala nadau hagahumalia i hongo tai.   
\q1
\v 24 Digaula gu gidee ginaadou nia mee a Dimaadua ala e mee di hai,  
\q1 nia mee haga goboina ala ne hai go Mee i di moana.   
\q1
\v 25 Mee e helekai hua, gei di madangi damana guu hai, gu haga llauehe nia beau.   
\q1
\v 26 Nia wagabaalii gu dahi aga loo gi nua gi di ahiaalangi,  
\q1 guu too iha gi lala gi lodo di moana.  
\q1 I lodo di madagoaa hagalliga beenei,  
\q1 gei nia daangada aalaa gu nadau hagadagadagagee ai.   
\q1
\v 27 Digaula gu tingatinga ge e heehee hagainaina be digau libaliba.  
\q1 Di wouwou digaula i hongo di moana la gu deai dono hadinga ai.   
\q1
\v 28 Digaula gu gahigahi Dimaadua mai i lodo nadau haingadaa,  
\q1 gei Mee gu haga dagaloaha digaula mai i nadau hagaduadua.   
\q1
\v 29 Mee ne hagakila di madangi damana, gei nia beau guu noho.   
\q1
\v 30 Digaula gu manawa lamalia i di madangi dela ne kila,  
\q1 gei Mee gu laha mai digaula hagahumalia  
\q1 gi di gowaa dela e hiihai e hula ginai digaula.   
\q1
\v 31 Digaula e hai loo gi danggee ang gi Dimaadua i dono aloho dee odi,  
\q1 mo i nia mogobuna haga goboina a Mee ala ne hai ang gi ginaadou.   
\q1
\v 32 Digaula e hai loo gi hagadeledele nia humalia o Maa  
\q1 i lodo nia hagabuulinga daangada,  
\q1 mo di hagaamu a Mee i mua nia dagabuli o nia dagi.   
\b  
\q1
\v 33 Dimaadua ne hai nia monowai uwa aga gi maangoo,  
\q1 gei guu hai nia monowai lligi gi hagalee hali nia wai.   
\q1
\v 34 Mee guu hai tenua gelegele humalia gii hai tenua toolo mmade,  
\q1 idimaa go nia huaidu o digau ala e noho i golo.   
\q1
\v 35 Mee guu hai di anggowaa gii hai nia monowai mmidi,  
\q1 ge guu hai tenua maangoo gi uwa aga nia wai.   
\q1
\v 36 Mee guu hai digau hiigai gii noho i golo,  
\q1 gei digaula guu hau di nadau waahale e noho ai ginaadou.   
\q1
\v 37 Digaula gu hai mee gi di gowaa deelaa  
\q1 ge guu dogi nadau waa laagau ‘grape’ ala e huwa humalia ge e logowaahee.   
\q1
\v 38 Mee gu haga maluagina ana daangada,  
\q1 gei digaula gu dogologowaahee nadau dama.  
\q1 Gei mee hagalee dugu nia manu digaula gi hogoohi mai.   
\b  
\q1
\v 39 Di madagoaa hua o nia dama a God ala ne paagege,  
\q1 gu langaadia mai i nia haingadaa mo nia hagaduadua,   
\q1
\v 40 malaa, Mee gu haga modongoohia aga dono dee hiihai  
\q1 ang gi nia dagi ala ne hai ana dama gii too gi lodo di haingadaa.  
\q1 Deelaa di mee a Maa ne hai digaula gi heehee hua i lodo di anggowaa,  
\q1 di gowaa ono ala ai.   
\q1
\v 41 Gei Mee gu daa mai gi daha digau hagaloale mo nadau haingadaa,  
\q1 guu hai nadau madahaanau gi logowaahee gadoo be nia hagabuulinga manu.   
\q1
\v 42 Digau ala e haihai nia mee donu gaa mmada gi di hai deenei ga manawa lamalia,  
\q1 gei digau ala e huaidu le e noho hua deemuu.   
\b  
\q1
\v 43 Digau ala e kabemee gi hagamamaanadu ina nia mee aanei,  
\q1 ge gi hagamamaanadu ina labelaa di aloho dee odi o Dimaadua.   
\c 108  
\s1 Talodalo di hagamaamaa e hai baahi gi nia hagadaumee  
\r (Pisalem 57.7-11; 60.5-12)  
\q1
\v 1 Dogu hagadagadagagee la guu dohu, meenei Dimaadua!  
\q1 Au ga daahili e hagaamu Goe! Ala aga, go dogu hagataalunga!   
\q1
\v 2 Ala aga dagu ‘harp’ mo dagu ‘lyre’! Au ga hangahanga di laa gii ala.   
\q1
\v 3 Au ga danggee adu gi di Goe i mehanga nia henua, meenei Dimaadua.  
\q1 Au ga hagaamu Goe i baahi nia daangada.   
\q1
\v 4 Do aloho dee modu guu dau i nia madagowaa huogodoo i baahi i nua di langi.  
\q1 Do manawa dahi guu tugi i lala di langi.   
\b  
\q1
\v 5 Hagamodongoohia ina oo mahi aamua i lala di langi, meenei God,  
\q1 mo o madamada gi hongo henuailala hagatau.   
\q1
\v 6 Haga dagaloaha ina gimaadou gi oo mahi.  
\q1 Helekai mai gi dagu dalodalo, gei au daangada ala e aloho ai gaa mee di dagaloaha.   
\b  
\q1
\v 7 God gu helekai mai i hongo dono lohongo haga madagu, ga helekai,  
\q1 “Idimaa Au dela gu aali, Au ga hahaahi Shechem  
\q1 gaa duwwe di gowaa mehanga gonduu o Sukkoth gi agu daangada.   
\q1
\v 8 Gilead la ni aagu, mo Manasseh labelaa.  
\q1 Ephraim la go dogu goobai dauwa, gei Judah la go dagu dogodogo king.   
\q1
\v 9 Au ga haga hai hegau a Moab be dagu boolo gaugau,  
\q1 gaa kili ogu suudi gi hongo Edom, e hagailongo di maa bolo ma di mee ni aagu.  
\q1 Au ga wolowolo i di wolowolo o di aali i hongo digau Philistia.”   
\b  
\q1
\v 10 Meenei God, ma koai dela gaa lahi au gi lodo di waahale mau dangihi?  
\q1 Ma koai dela gaa dagi au gi Edom?   
\q1
\v 11 Ma e donu bolo Goe dela hua gu diiagi gimaadou?  
\q1 Goe hagalee hana madalia madau gau dauwa?   
\q1
\v 12 Hagamaamaa ina gimaadou e heebagi gi madau hagadaumee.  
\q1 Nia hagamaamaa o nia daangada dangada le e balumee hua, ono hadinga ai.   
\q1
\v 13 Maa God ga madalia gidaadou, gidaadou ga aali.  
\q1 Mee ga daaligi tadau hagadaumee.   
\c 109  
\s1 Di tamu o tangada dela gu i lodo di haingadaa\f + \fr 109.0 \ft Taahili ni David\f*  
\q1
\v 1 Meenei God, au e hagaamu Goe, Goe hudee noho deemuu!   
\q1
\v 2 Digau huaidu mo digau hai kai tilikai e hai baahi mai gi di au.   
\q1
\v 3 Digaula e helekai nia mee huaidu i di au,  
\q1 gei e hai baahi mai gi di au dono hadinga ai.   
\q1
\v 4 Digaula e hai baahi mai gi di au ma e aha maa au e aloho i digaula,  
\q1 gei e dalodalo i digaula.   
\q1
\v 5 Digaula e hai hui gi di huaidu i agu hegau humalia,  
\q1 gei e hagadugina ginaadou i di au dela e aloho i ginaadou.   
\b  
\q1
\v 6 Dongo ina dau dangada hai gabunga huaidu e gabunga dogu hagadaumee.  
\q1 Heia tangada i nia hagadaumee o maa e hai baahi gi mee.   
\q1
\v 7 Gabunga ina a mee gii gida bolo mee gu ihala.  
\q1 Nia dalodalo a maa gii hai labelaa bolo nia huaidu llauehe!   
\q1
\v 8 Di mouli o maa gi hagaodia haga limalima.  
\q1 Heia tuai dangada e kae tuhongo hegau a maa!\x * \xo 109.8 \xt Acts 1.20\x*   
\q1
\v 9 Nia dama a maa gii hai nia dama nadau maadua ai,  
\q1 di lodo o maa gii hai di ahina dono lodo ai!   
\q1
\v 10 Nia dama a maa gii hai nia gau madamadau mee, nadau hale ai,  
\q1 digaula gi hagabagia gi daha mo nia hale mooho ala e noho ai digaula!   
\q1
\v 11 Digau ala e boibana ginai mee gi kaina nia goloo o maa huogodoo,  
\q1 digau mai i daha gi kaina nia mee huogodoo a mee ala ne ngalua ginai.   
\q1
\v 12 Tangada gi hudee aloho i mee, be e benebene nia dama a maa ala ne diiagi.   
\q1
\v 13 Di hagadili o maa huogodoo gii mmade,  
\q1 di ingoo o maa gi haga de langahia ina i nia adu daangada ala ma ga loomoi maalia.   
\q1
\v 14 Dimaadua gi langahia nia huaidu o nia damana mmaadua o maa,  
\q1 gei gi hudee dumaalia gi nia huaidu o tinana o maa.   
\q1
\v 15 Dimaadua gi langahia nia huaidu digaula i nia madagoaa huogodoo,  
\q1 digaula gi haga de langahia hagamuliagina!   
\b  
\q1
\v 16 Taane deelaa la ono hagamaanadu i ono lodo bolo ia e hai di humalia ai.  
\q1 Mee e hagaduadua ge dadaaligi gii mmade digau hagaloale  
\q1 mo digau ala e noho manawa gee mo digau ala e noho haingadaa ang gi ginaadou.   
\q1
\v 17 Mee gu hiihai e haga halauwa nia daangada, heia a mee gi halauwa!  
\q1 Mee hagalee hiihai e hagamaluagina nia daangada,  
\q1 tangada gi de hagamaluagina hua a mee!   
\q1
\v 18 Mee gu wouwou di haga halauwa nia daangada  
\q1 gadoo be dana wouwou di ulu ono gahu.  
\q1 Nia haga halauwa o maa gi ulu gi lodo dono huaidina gadoo be nia wai,  
\q1 mo gi lodo ono iwi gadoo be nia lolo!   
\q1
\v 19 Nia haga halauwa o maa gi gahu ina a mee gadoo be nia gahu,  
\q1 nia madagoaa e logo gei nia maa gi nnoo mau i di gili o maa gadoo be di tuu!   
\b  
\q1
\v 20 Meenei Dimaadua, daaligidia ogu hagadaumee gii hai be agu helekai ne hai,  
\q1 aalaa go digau ala e helekai nia hagadilinga mee huaidu beelaa e hai baahi mai gi di au!   
\q1
\v 21 Meenei Yihowah dogu Dagi, hagamaamaa ina au e hagalaamua do ingoo,  
\q1 haga dagaloaha ina au, idimaa go do aloho mo o humalia.   
\q1
\v 22 Au tangada hua hagaloale ge e haadanga balua. Dogu manawa guu mmae huoloo.   
\q1
\v 23 Au gu hoohoo bolo ga hagalee gadoo be di malu o di hiahi.  
\q1 Au gu ili gi daha gadoo be di manu hongo geinga tolo.   
\q1
\v 24 Ogu duli gu paagege i nia meegai ne hagalee.  
\q1 Au gu hagalee hai be di mee, gu hai hua nia gili mono iwi.   
\q1
\v 25 Nia daangada ma ga mmada mai gi di au, le e gadagada mai gi di au.  
\q1 Digaula e gadagada mo di haga dahudahuli nadau libogo.\x * \xo 109.25 \xt Matthew 27.39; Mark 15.29\x*   
\b  
\q1
\v 26 Meenei Yihowah, go dogu God, hagamaamaa ina mai au.  
\q1 Idimaa go do aloho waalooloo, Goe haga dagaloaha ina au!   
\q1
\v 27 Heia ogu hagadaumee gi iloo bolo ma Kooe dela e haga dagaloaha au.   
\q1
\v 28 Holongo digaula e haga halauwa au, gei Goe ga haga maluagina au.  
\q1 Digaula ala e heebagi mai gi di au la heia gi magedaa,  
\q1 gei au, go dau dangada hai hegau, la gi tenetene.   
\q1
\v 29 Ogu hagadaumee la heia gi langaadia huoloo.  
\q1 Digaula la heia gii noho i lodo nadau hagalangaadia  
\q1 gadoo be tangada ne ulu gi lodo dono gahu laa daha.   
\b  
\q1
\v 30 Au gaa hai dagu danggee gi nua loo gi Dimaadua.  
\q1 Au ga hagaamu a Mee i lodo nia dagabuli daangada ma gaa hai,   
\q1
\v 31 idimaa mee dela gu haga dagaloaha ana daangada hagaloale  
\q1 mo di daamai digaula gi daha mo digau ala gu hagi anga digaula belee daaligi gii mmade.   
\c 110  
\s1 Dimaadua mo dana king dela ne hilihili\f + \fr 110.0 \ft Di pisalem ni David \f*  
\q1
\v 1 Dimaadua gu helekai gi dogu dagi:  
\q1 “Noho i ginei i dogu baahi gau donu gaa dae loo  
\q1 gi dogu madagoaa ma gaa dugu o hagadaumee gi lala o babaawae.”\x * \xo 110.1 \xt Matthew 22.44; Mark 12.36; Luke 20.42-43; Acts 2.34-35; 1-Corinthians 15.25; Ephesians 1.20-22; Colossians 3.1; Hebrews 1.13; 8.1; 10.12-13\x*   
\q1
\v 2 Dimaadua ga haga palaha o mogobuna king e dagi nia henua e logo mai i Zion.  
\q1 Mee e helekai, “Dagia o hagadaumee.   
\q1
\v 3 Doo laangi dela ma ga heebagi iei Goe gi o hagadaumee,  
\q1 au daangada ga hiihai e heebagi madalia Goe.  
\q1 Au dama daane ga lloomoi gi di Goe i hongo nia gonduu haga madagu,  
\q1 gadoo be nia magalillili o di luada.”   
\b  
\q1
\v 4 Dimaadua guu hai dana hagababa hagamodu ge hagalee huli dono manawa:  
\q1 “Goe gaa hai tangada hai mee dabu tugi dangi nei gaa hana hua beelaa,  
\q1 i di ala o Melchizedek.”\x * \xo 110.4 \xt Hebrews 5.6; 6.20; 7.17,21\x*   
\q1
\v 5 Tagi la i doo baahi gau donu.  
\q1 Di madagoaa a Mee ma ga hagawelewele, gei Mee ga daaligi nia king gii mmade.   
\q1
\v 6 Mee ga hagi aga nia henua, ga haga honu nia gowaa hai dauwa gi nia gau mmade.  
\q1 Mee ga haga magedaa nia king i henuailala hagatau.   
\q1
\v 7 Di king ga inu i tama monowai i taalinga di ala, gaa hai ono mahi,  
\q1 ga duu aga i lodo dono aali.   
\c 111  
\s1 Hagaamu ina Dimaadua  
\q1
\v 1 Hagaamu ina Dimaadua!  
\q1 Au gaa hai dagu danggee ang gi Dimaadua mai i lodo dogu manawa hagatau  
\q1 i lodo nia dagabuli o ana daangada.   
\q1
\v 2 E hagagoboina huoloo go nia hagadilinga mee ala e haihai go Dimaadua!  
\q1 Digau huogodoo ala e tenetene gi nia maa le e hiihai gi iloo tadinga o nia maa.   
\q1
\v 3 Nia mee huogodoo a Maa ala e hai le e honu i di hagalaamua mo nia hagalabagau.  
\q1 Nia donu o Maa e hana hua beelaa.   
\b  
\q1
\v 4 Dimaadua hagalee hai gidaadou gi de langahia ana hegau haga goboina.  
\q1 Mee e humalia gei e dumaalia.   
\q1
\v 5 Mee e dahi aga ana meegai gi digau ala e hagalaamua Ia.  
\q1 Mee hagalee loo e de langahia e Ia ana hagababa.   
\q1
\v 6 Mee gu haga modongoohia ana mogobuna gi ana daangada  
\q1 i dana hai dela ne wanga gi digaula nia henua o digau tuadimee.   
\b  
\q1
\v 7 Mee e manawa dahi ge e donu i nia hagadilinga mee huogodoo a Maa ala e hai.  
\q1 Nia helekai a Maa la hagalee huli.   
\q1
\v 8 Nia maa e waalooloo hua beelaa i nia madagoaa huogodoo.  
\q1 Nia maa e hagamau mai di humalia mo di tonu.   
\q1
\v 9 Mee ne hagamehede ana daangada gaa hai dana hagababa dono hagaodi ai  
\q1 gi digaula. Mee e dabuaahia ge mogobuna!   
\q1
\v 10 Di ala dela e hidi ai di kabemee la dela e hagalaamua Dimaadua.  
\q1 Mee e kabemee di hai dana hagi aga dela e donu  
\q1 ang gi digau huogodoo ala e daudali ana haganoho.  
\q1 Mee belee hai gi hagaamu gaa hana hua beelaa dono hagaodi ai.\x * \xo 111.10 \xt Job 28.28; Proverbs 1.7; 9.10\x*   
\c 112  
\s1 Di hagamaluagina o tangada humalia.  
\q1
\v 1 Hagaamu ina Dimaadua!  
\q1 E maluagina go tangada dela e hagalaamua a Dimaadua,  
\q1 gei e tenetene di daudali ana haganoho.   
\q1
\v 2 Nia dama o taane humalia ga hai mee gi nia mogobuna i hongo tenua deelaa,  
\q1 dono hagadili ga haga maluagina go God.   
\q1
\v 3 Dono madahaanau ga haadanga lamalia ga maluagina,  
\q1 gei mee ga haadanga lamalia hua beelaa.   
\b  
\q1
\v 4 Di maalama e maahina i lodo di gowaa bouli ang gi digau ala e humalia,  
\q1 ang gi digau ala e dumaalia huoloo, ge manawa humalia, ge donu.   
\q1
\v 5 E maluagina go tangada dela e dumaalia di wanga ana mee  
\q1 gi nia daangada e hai hegau ai digaula i di madagoaa bodobodo,  
\q1 ge e hai hegau donu i dana moomee huihui mee.   
\q1
\v 6 Tangada humalia la hagalee magedaa.  
\q1 Nia daangada e langahia ginaadou a mee i nia madagoaa huogodoo.   
\b  
\q1
\v 7 Mee hagalee madagu ma ga hagalongo gi nia longo huaidu.  
\q1 Di hagadonu o maa e maaloo,  
\q1 gei mee e hagadagadagagee gi Dimaadua.   
\q1
\v 8 Mee hagalee e de nnoomaalia be e madagu,  
\q1 mee e hagadagadagagee bolo ia gaa mmada gi ono hagadaumee ala ma ga magedaa.   
\q1
\v 9 Mee e wanga dehuia gi digau ala hagaloale,  
\q1 gei dono dumaalia e hana hua beelaa.  
\q1 Mee ga hai mee gi nia mogobuna mo nia hagalaamua.\x * \xo 112.9 \xt 2-Corinthians 9.9\x*   
\q1
\v 10 Digau huaidu gaa mmada gi di mee deenei mo di hagawelewele.  
\q1 Nadau daumada ge hagadugina ga hagalee,  
\q1 nia hagadagadagagee digaula gu hagalee gaa hana hua beelaa!   
\c 113  
\s1 Di hagaamu tumaalia o Dimaadua  
\q1
\v 1 Hagaamu ina Yihowah!  
\q1 Goodou ala go digau hai hegau a Dimaadua, goodou hagaamu ina di ingoo o Maa!   
\q1
\v 2 Hagaamu ina di ingoo o Maa, dolomeenei gaa hana hua beelaa.   
\q1
\v 3 Mai baahi gi dua gaa hana gi baahi gi dai,  
\q1 goodou hagaamu ina di ingoo Dimaadua!   
\q1
\v 4 Dimaadua e dagi nia henua huogodoo,  
\q1 nia madamada o Maa la i hongo di langi i nua.   
\b  
\q1
\v 5 Ma tangada e hai be Dimaadua go tadau God ai. Mee e noho i nua loo,   
\q1
\v 6 gei Mee e bala iha gi lala e mmada gi di langi mo henuailala.   
\q1
\v 7 Mee e dahi aga digau hagaloale mai i nia gelegele.  
\q1 Mee e hagahumalia digau ala gu nadau hagamaamaa ai gi daha mo nadau haingadaa,   
\q1
\v 8 gaa hai digaula gii hai nia hoo ni digau aamua, go digau aamua ni ana daangada.   
\q1
\v 9 Mee e hagalaamua nia ahina hagalee huwa ala e noho i nadau hale,  
\q1 gaa hai digaula gi tenetene e hai nadau dama.  
\b  
\q1 Hagaamu ina Dimaadua!   
\c 114  
\s1 Taahili di Pasoobaa  
\q1
\v 1 Di madagoaa digau Israel ne hula gi daha mo Egypt,  
\q1 di madagoaa di hagadili o Jacob ne hagatanga gi daha mo tenua deelaa,\x * \xo 114.1 \xt Exodus 12.51\x*   
\q1
\v 2 gei Judah guu hai nia daangada haga madagu ni Tagi,  
\q1 gei Israel guu hai nia mee ni Mee.   
\b  
\q1
\v 3 Di Tai Mmee ne mmada hua gaa lele gi daha,  
\q1 di monowai Jordan guu noho hagalee mmidi.\x * \xo 114.3 \xt Exodus 14.21; Joshua 3.16\x*   
\q1
\v 4 Nia gonduu gu hobohobo gadoo be nia kuudi,  
\q1 nia gonduu lligi gu hobohobo haganiganiga be nia dama siibi.   
\b  
\q1
\v 5 Di Tai Mmee, goe ne lele gi daha eiaha?  
\q1 Mo goe go Jordan, goe e aha dela ne noho hagalee mmidi?   
\q1
\v 6 Goodou go nia gonduu, goodou e hobohobo be nia kuudi beleiaha?  
\q1 Mo goodou go nia gonduu lligi,  
\q1 goodou e hobohobo haganiganiga be nia dama siibi beleiaha?   
\b  
\q1
\v 7 Gei goe, go henuailala, goe gi bolebole gi di hanimoi o Tagi,  
\q1 goe gi bolebole i mua di God o Jacob,   
\q1
\v 8 dela ne huli di hadugalaa gii hai di monowai wai,  
\q1 mo nia hadu hamaaloo gi hali mai nia wai.\x * \xo 114.8 \xt Exodus 17.1-7; Numbers 20.2-13\x*   
\c 115  
\s1 Di God hua e dahi dela e donu  
\q1
\v 1 Meenei Dimaadua, gimaadou e hai loo gi hagalabagau Goe dela hua Kooe,  
\q1 idimaa Goe dela e manawa dahi ge e aloho i gimaadou i nia madagoaa huogodoo.  
\q1 Gimaadou hagalee hai loo gi hagalabagau gimaadou.   
\b  
\q1
\v 2 Ma e aha dela nia daangada bouli e heheeu mai gi gimaadou boloo,  
\q1 “Di godou God la i hee?”   
\q1
\v 3 Di madau God le e noho i di langi. Mee e hai hua ana mee ala e hiihai ginai.   
\q1
\v 4 Nia god digaula la ne hai gi nia silber mono goolo,  
\q1 nia mee ne hai go nia daangada gi nadau lima.   
\q1
\v 5 Digaula nadau ngudu i golo, gei e deemee di leelee,  
\q1 nadau golomada i golo, gei e de gidee nia mee.   
\q1
\v 6 Digaula nadau dalinga i golo, gei hagalee longono nia mee,  
\q1 nadau uhi i golo, gei e deemee di hagadungu nia mee.   
\q1
\v 7 Digaula nadau lima i golo, gei e deemee di bili gi di mee,  
\q1 nadau wae i golo, gei e deemee di haele.  
\q1 Digaula nadau akii i golo, gei e deemee di leelee.   
\q1
\v 8 Digau huogodoo ala e hai nadau balu god beenei,  
\q1 ge e hagadagadagagee gi nia maa, la gaa hai gadoo be nadau balu god ala ne hai.\x * \xo 115.8 \xt Pisalem 135.15-18; Revelation 9.20\x*   
\b  
\q1
\v 9 Goodou go digau Israel, goodou gi hagadagadagagee gi Dimaadua!  
\q1 Ma go Mee dela e hagamaamaa ge e hagaloohi goodou.   
\q1
\v 10 Goodou go digau hai mee dabu a Dimaadua,  
\q1 goodou gi hagadagadagagee gi Mee!  
\q1 Ma go Mee dela e hagamaamaa ge e hagaloohi goodou.   
\q1
\v 11 Goodou go digau ala e hagalaamua a Dimaadua,  
\q1 goodou gi hagadagadagagee gi Mee!  
\q1 Ma go Mee dela e hagamaamaa ge e hagaloohi goodou.   
\b  
\q1
\v 12 Dimaadua le e langahia Ia gidaadou, gei Mee ga haga maluagina gidaadou.  
\q1 Mee ga haga maluagina digau Israel mo ana gau hai mee dabu huogodoo.   
\q1
\v 13 Mee ga haga maluagina digau huogodoo ala e hagalaamua Ia,  
\q1 nia dahida daangada mono balu daangada.\x * \xo 115.13 \xt Revelation 11.18; 19.5\x*   
\b  
\q1
\v 14 Dimaadua gi gowadu gi goodou nia dama gii logo,  
\q1 goodou mo godou hagadili gi muli!   
\q1
\v 15 Dimaadua dela ne hai di langi mo henuailala, gi haga maluagina ina goodou!   
\b  
\q1
\v 16 Ma go Dimaadua modogoia dela e hai mee gi di langi,  
\q1 gei henuailala ne wanga go Mee gi nia daangada.   
\q1
\v 17 Digau ala guu mmade la hagalee hagaamu a Dimaadua,  
\q1 go digau ala e hula gi lala gi tenua noho deemuu.\f + \fr 115.17 \ft \+bk tenua noho deemuu\+bk*, dela go tenua o digau mmade \f*   
\q1
\v 18 Gei gidaadou, go digau ala e mouli,  
\q1 gidaadou ga danggee gi Mee dolomeenei ga hana hua dee odi.  
\b  
\q1 Hagaamuina Dimaadua!   
\c 116  
\s1 Di hagaamu Dimaadua go tangada dela ne dagaloaha mai i di made  
\q1
\v 1 Au e aloho i Dimaadua, i Mee dela e longono Ia au.  
\q1 Mee e longono Ia agu dalodalo.   
\q1
\v 2 Mee e hagalongo mai gi di au, malaa, gei au ga gahigahi a Mee  
\q1 i di waalooloo o dogu mouli.   
\q1
\v 3 Di hagalliga o di made gu haganiga mai au,  
\q1 di madagu o taalunga gu dau mai gi di au.  
\q1 Di madagu mo te nnoomaalia guu honu i dogu baahi.   
\q1
\v 4 Gei au gu gahigahi Dimaadua, ga helekai,  
\q1 “Meenei Dimaadua, au e dangi adu gi di Goe, haga dagaloaha ina au!”   
\b  
\q1
\v 5 Dimaadua le e manawa dumaalia ge e humalia, tadau God le e honu i tumaalia.   
\q1
\v 6 Dimaadua le e hagaloohi digau ala gu deai nadau hagamaamaa ai.  
\q1 Mee gu haga dagaloaha au, i dogu madagoaa nogo i lodo di gowaa hagalliga.   
\q1
\v 7 Dogu hagataalunga nei, hagadagadagagee,  
\q1 idimaa, Dimaadua la gu humalia mai gi di au.   
\b  
\q1
\v 8 Dimaadua la ne haga mouli au mai i di made.  
\q1 Mee guu dugu ogu halidangi, guu hai au gi maaloo.   
\q1
\v 9 Malaa, au e heehee i mua o Dimaadua i lodo tenua digau mouli.   
\q1
\v 10 Dogu hagadonu le e hana hua beelaa, ma e aha maa au gu helekai boloo,  
\q1 “Au guu noho i lodo di haingadaa damana,”\x * \xo 116.10 \xt 2-Corinthians 4.13\x*   
\q1
\v 11 mo dogu madagoaa ma ga madagu, ga helekai,  
\q1 “Ma deai tangada e mee di hagadagadagagee ginai au ai.”   
\q1
\v 12 Ma di aha e mee di hui e tigidaumaha ko au gi Dimaadua,  
\q1 i nia mee humalia huogodoo ala ne hai mai gi di au?   
\q1
\v 13 Au gaa hai dagu tigidaumaha waini gi Dimaadua,  
\q1 e hai ai dagu danggee gi Mee dela ne haga dagaloaha au.   
\q1
\v 14 I lodo di hagabuulinga o ana daangada huogodoo,  
\q1 gei au gaa wanga gi Mee agu mee ala ne hagababa.   
\b  
\q1
\v 15 Dimaadua le e manawa gee huoloo i tangada e dahi i ana dama dela ma gaa made!   
\q1
\v 16 Meenei Dimaadua, au tangada hai hegau ni aau.  
\q1 Au e hai hegau adu gi di Goe gadoo be di hai dogu dinana.  
\q1 Goe ne haga dagaloaha au gi daha mo di made.   
\q1
\v 17 Au ga tigidaumaha adu gi di Goe tigidaumaha o di danggee,  
\q1 mo di dalodalo adu gi di Goe.   
\q1
\v 18-19 I mua di hagabuulinga o au daangada huogodoo,  
\q1 i lodo di gowaa dabu o do Hale Daumaha dela i Jerusalem,  
\q1 gei au ga gowadu gi di Goe agu mee ala ne hagababa.  
\b  
\q1 Hagaamuina Dimaadua!   
\c 117  
\s1 Nia daangada huogodoo gi hagaamuina Dimaadua  
\q1
\v 1 Goodou go nia henua llauehe huogodoo, hagaamu ina Dimaadua!  
\q1 Nia daangada huogodoo, hagaamu ina a Mee!\x * \xo 117.1 \xt Romans 15.11\x*   
\q1
\v 2 Idimaa di aloho o Maa i gidaadou le e maaloo,  
\q1 mo di manawa dahi o Maa le e waalooloo.  
\b  
\q1 Hagaamu ina Dimaadua!   
\c 118  
\s1 Talodalo e danggee i di aali  
\q1
\v 1 Goodou danggee ang gi Dimaadua i Mee dela e humalia,  
\q1 gei dono aloho e hana hua beelaa.\x * \xo 118.1 \xt 1-Chronicles 16.34; 2-Chronicles 5.13; 7.3; Ezra 3.11; Pisalem 100.5; 106.1; 107.1; 136.1; Jeremiah 33.11\x*   
\q1
\v 2 Digau Israel gi helekai boloo,  
\q1 “Dono aloho e hana hua beelaa.”   
\q1
\v 3 Digau hai mee dabu a Dimaadua gi helekai boloo,  
\q1 “Dono aloho e hana hua beelaa.”   
\q1
\v 4 Digau huogodoo ala e daumaha gi Dimaadua gi helekai boloo,  
\q1 “Dono aloho e hana hua beelaa.”   
\b  
\q1
\v 5 Au ne gahigahi Dimaadua mai i lodo dogu haingadaa,  
\q1 gei Mee gu hila mai gi di au gu hagamehede au.   
\q1
\v 6 Dimaadua le e madalia au, au ga hagalee madagu.  
\q1 Ma di aha dela e mee di hai go tangada mai gi di au?\x * \xo 118.6 \xt Hebrews 13.6\x*   
\q1
\v 7 Ma go Dimaadua dela e hagamaamaa au,  
\q1 au ga mmada hua gi ogu hagadaumee ala ga paagege.   
\q1
\v 8 Ma koia e humalia maa gidaadou ga kana hua gi Dimaadua  
\q1 laa hongo tadau hagadagadagagee gi nia daangada.   
\q1
\v 9 Ma koia e humalia maa gidaadou ga kana hua gi Dimaadua  
\q1 laa hongo tadau hagadagadagagee gi nia dagi o henuailala.   
\b  
\q1
\v 10 Nia hagadaumee dogologowaahee gu haganiga mai i dogu gili,  
\q1 malaa, gei au gu daaligi digaula gi nia mogobuna o Dimaadua!   
\q1
\v 11 Digaula gu haganiga mai i dogu gili i nia baahi huogodoo,  
\q1 malaa, gei au gu daaligi digaula gi nia mogobuna o Dimaadua!   
\q1
\v 12 Digaula gu hii mai i dogu gili gadoo be nia lamu,  
\q1 malaa, digaula gu ulaula limalima guu mmade gadoo be di ahi geinga,  
\q1 malaa, gei au gu daaligi digaula gi di ingoo o Yihowah!   
\q1
\v 13 Digaula gu heebagi mai maaloo dangihi,  
\q1 gei au gu bagege, gei Dimaadua gu hagamaamaa au.   
\q1
\v 14 Dimaadua guu hai au gii mahi ge maaloo. Mee gu haga dagaloaha au.\x * \xo 118.14 \xt Exodus 15.2; Isaiah 12.2\x*   
\b  
\q1
\v 15 Goodou gi hagalongo malaa gi di lee wwolowwolo tenetene o di aali  
\q1 mai i nia hale laa o nia daangada a God, dela boloo,  
\q1 “Nia mogobuna mahi o Dimaadua ala ne hai di mee deenei!   
\q1
\v 16 Ma go nia mahi o Maa ala ne hai gidaadou gi aali,  
\q1 nia mahi o Maa ne hai gidaadou gi aali i lodo tauwa!”   
\b  
\q1
\v 17 Au hagalee made, au ga mouli,  
\q1 ga hagadele di hai o nia mee a Dimaadua ala ne hai.   
\q1
\v 18 Mee gu hagaduadua au gii kono, gei Mee hagalee hai au gii made.   
\b  
\q1
\v 19 Huge ina mai gi di au nia bontai di Hale Daumaha,  
\q1 gi ulu au gi lodo e hai agu danggee gi Dimaadua!   
\b  
\q1
\v 20 Deenei di bontai o Dimaadua, ala hua go digau ala e donu e mee di ulu gi lodo.   
\q1
\v 21 Au e hagaamu Goe, Meenei Dimaadua, idimaa Goe dela gu longono e Goe au,  
\q1 idimaa Goe dela ne hai au gi aali.   
\b  
\q1
\v 22 Di hadu dela ne hudu gi daha go digau hau hale bolo di balumee,  
\q1 la guu hai di hadu e kaedahi e hagalabagau.\x * \xo 118.22 \xt Luke 20.17; Acts 4.11; 1-Peter 2.7\x*   
\q1
\v 23 Di mee deenei la ne hai mai baahi Dimaadua, e haga goboina mai gi gidaadou!\x * \xo 118.23 \xt Matthew 21.42; Mark 12.10-11\x*   
\q1
\v 24 Dangi nei la go di laangi o Dimaadua ne aali ai.  
\q1 Gidaadou la gi tenetene mo di budu momoogo tenetene!   
\q1
\v 25 Haga dagaloaha ina gimaadou, Meenei Dimaadua, haga dagaloaha ina gimaadou!  
\q1 Meenei Dimaadua, Goe gi hagamaamaa ina gimaadou gii gila humalia gimaadou!   
\b  
\q1
\v 26 God gi hagahumalia ina a mee dela e hanimoi i di ingoo o Dimaadua!  
\q1 Gimaadou e hagaamu goodou mai i lodo di Hale Daumaha o Dimaadua.\x * \xo 118.26 \xt Matthew 21.9; 23.39; Mark 11.9; Luke 13.35; 19.38; John 12.13\x*   
\q1
\v 27 Dimaadua la go God, Mee gu humalia mai gi gidaadou.  
\q1 Goodou kae ina godou manga laagau i godou lima,  
\q1 daamada di budu mo di taele haganiga di gowaa dudu tigidaumaha.   
\b  
\q1
\v 28 Ma Kooe dela go dogu God, au e hai dagu danggee adu gi di Goe,  
\q1 gei au ga hagadele do maaloo.   
\b  
\q1
\v 29 Goodou gi danggee ang gi Dimaadua, i Mee dela e humalia,  
\q1 dono aloho e hana hua beelaa.   
\c 119  
\s1 Nnaganoho Dimaadua \f + \fr 119.0 \ft Di pisalem deenei le e hai nia gubu lau madahidu maa ono (176), nia gubu e walu e daamada i di leder e dahi o di aiu Hebrew. Telekai Hebrew la nia leder e madalua maa lua. Tadinga o di mee deenei bolo gi haga modongoohia di pisalem deenei e hagi anga nia mee hagalabagau huogodoo i lodo nia haganoho \f*  
\qa xalephx - Aleph  
\q1
\v 1 E maluagina go digau ala e mouli madammaa,  
\q1 ge e mouli gii hai be nia haganoho a Dimaadua.   
\q1
\v 2 E maluagina go digau ala e daudali ana helekai,  
\q1 ge e hagalongo gi Mee mai i lodo nadau manawa hagatau.   
\q1
\v 3 Digaula hagalee hai nia mee hala, e heehee hua i di ala Dimaadua.   
\q1
\v 4 Meenei Dimaadua, Goe ne gaamai gi gimaadou au haganoho,  
\q1 ga hai mai gi gimaadou bolo gi manawa dahi di hagalongo gi nia maa.   
\q1
\v 5 Au e hagadagadagagee bolo au ga manawa dahi ga dadaahi au helekai!   
\q1
\v 6 Maa au gaa mmada gii donu gi au haganoho huogodoo,  
\q1 gei au ga hagalee langaadia.   
\q1
\v 7 Au ga hagaamu Goe i di manawa madammaa  
\q1 i dogu madagoaa ma ga iloo eau di tonu o au haganoho.   
\q1
\v 8 Au ga haga gila aga au haganoho, hudee hudu ina au gi daha!   
\s1 Haga gila aga Nnaganoho a Dimaadua  
\qa xbethx - Beth  
\q1
\v 9 Tama daane e mee di benebene dono mouli gi madammaa behee?  
\q1 Mai i di daudali au haganoho.   
\q1
\v 10 Au e hagamahi e hai hegau adu gi di Goe mai i lodo dogu manawa hagatau.  
\q1 Dugua au gi dee oho au haganoho.   
\q1
\v 11 Au e dadaahi au haganoho i lodo dogu manawa  
\q1 bolo gi dee hai dagu mee hala adu gi di goe.   
\q1
\v 12 Au e hagaamu Goe, meenei Dimaadua. Aago ina mai gi di au oo ala.   
\q1
\v 13 Au ga tataanga au haganoho huogodoo ala ne goweia.   
\q1
\v 14 Au e tenetene di daudali au haganoho  
\q1 laa hongo dogu hai mee gi nia maluagina e logowaahee.   
\q1
\v 15 Au e hagabaubau au haganoho, gei e hagadinadina au agoago.   
\q1
\v 16 Au e tenetene gi au haganoho, au hagalee e de langahia eau au helekai.   
\s1 Nnaganoho a Dimaadua le e hai tangada gi tenetene  
\qa xgimelx - Gimel  
\q1
\v 17 Goe hila mai gi di au, go dau dangada hai hegau,  
\q1 gi mouli au e haga gila aga au agoago.   
\q1
\v 18 Hugee ogu golomada,  
\q1 gi gidee au nia hagadilinga mee hagagoboina ala i lodo au haganoho.   
\q1
\v 19 Au e noho hua i henuailala i tama madagoaa haga bodobodo.  
\q1 Goe hudee hagammuni ina au haganoho i di au.   
\q1
\v 20 Dogu manawa e mmae i dogu hidihidi,  
\q1 au e hiihai gi iloo eau au hagi aga i nia madagoaa huogodoo.   
\q1
\v 21 Goe e wou gi digau ala e hagamuamua.  
\q1 Goe e haga halauwa digau ala e hagalee daudali au helekai.   
\q1
\v 22 Hagamehede ina au gi daha mo nia haganneennee  
\q1 mo nia gadagada hagamuamua digaula, idimaa au gu haga gila aga au haganoho.   
\q1
\v 23 Digau aamua e dagabuli belee haganoho di nadau hai baahi mai,  
\q1 e haga huaidu au, gei au e hagamaumau hua au agoago.   
\q1
\v 24 Au aago e hai au gi tenetene, aalaa go ogu hagamaamaa.   
\s1 Di maanadu maaloo e hagagila aga Nnaganoho a Dimaadua  
\qa xdalethx - Daleth  
\q1
\v 25 Au gu magedaa guu moe i lodo nia gelegele.  
\q1 Haga maaloo ina aga au, gii hai be dau hagababa dela ne hai.   
\q1
\v 26 Au ne haagi adu agu mee huogodoo ala ne hai, gei Goe gu helekai mai.  
\q1 Aago ina mai gi di au oo ala.   
\q1
\v 27 Hagamaamaa ina au gi iloo eau au haganoho,  
\q1 gei au ga hagamamaanadu di hai o au agoago hagagoboina.   
\q1
\v 28 Au e noho ge manawa gee.  
\q1 Hagamaaloo ina aga au gii hai be au hagababa ala ne hai.   
\q1
\v 29 Hudee heia au gii hana i di ala hai gee,  
\q1 gei Goe manawa dumaalia mai gi di au, aago ina au gi au haganoho!   
\q1
\v 30 Au gu hilihili bolo au ga hagalongo adu.  
\q1 Au gu daudali au haganoho gii donu.   
\q1
\v 31 Meenei Dimaadua, au gu daudali au mee ala ne aago,  
\q1 Goe hudee heia au gi langaadia.   
\q1
\v 32 Au ga haga limalima ga daudali au helekai,  
\q1 idimaa Goe dela ga haga damana aga dogu kabemee.   
\s1 Talodalo e madau di kabemee  
\qa xhex - He  
\q1
\v 33 Meenei Dimaadua, aago ina mai gi di au tadinga o au haganoho,  
\q1 gei au ga daudali nia maa i nia madagoaa huogodoo.   
\q1
\v 34 Hagamodongoohia ina mai gi di au au haganoho,  
\q1 gei au ga hagagila aga nia maa mai i lodo dogu manawa hagatau.   
\q1
\v 35 Dagia hua au i hongo nia ala o au haganoho,  
\q1 idimaa aalaa nia mee e haga manawa lamalia au.   
\q1
\v 36 Gaamai gi di au di hiihai dela e hagagila aga au haganoho,  
\q1 laa hongo dogu hiihai gi nia maluagina.   
\q1
\v 37 Heia au gi de hiihai gi nia balu mee.  
\q1 Heia mai di humalia be dau hagababa dela ne hai.   
\q1
\v 38 Heia mai gi di au au mee ala gu hagababa  
\q1 bolo e hai mai gi di au, go dau dangada hai hegau,  
\q1 go di hagababa dela ne hai Kooe gi digau huogodoo ala e hagalongo adu gi di Goe.   
\q1
\v 39 Haga dagaloaha ina au gi daha mo nia haganneennee ala e madagu iei au.  
\q1 Dau hagi aga le e hagagoboina huoloo!   
\q1
\v 40 Au e hiihai e daudali au helekai.  
\q1 Gaamai gi di au di mouli hoou, idimaa Goe dela e donu.   
\s1 Di hagadagadagagee gi Nnaganoho Dimaadua  
\qa xwawx - Waw  
\q1
\v 41 Meenei Dimaadua, hagamodongoohia ina mai gi di au dau hai dela e aloho i di au,  
\q1 mo di haga dagaloaha au gii hai be dau hagababa dela ne hai.   
\q1
\v 42 Gei au gaa mee di helekai gi digau ala e haganneennee au,  
\q1 idimaa au e hagadagadagagee gi au helekai.   
\q1
\v 43 Heia au gii mee di helekai donu i nia madagoaa huogodoo,  
\q1 idimaa dogu hagadagadagagee la i lodo au haganoho.   
\q1
\v 44 Au ga hagagila aga au haganoho i nia madagoaa huogodoo,  
\q1 dolomeenei ga hana hua dono hagaodi ai.   
\q1
\v 45 Au ga heehee moholo mai gi di au, idimaa au e hagamahi e daudali au agoago.   
\q1
\v 46 Au ga hagadele au helekai gi nia king, au hagalee langaadia.   
\q1
\v 47 Dogu madagoaa ma ga hagagila aga au helekai,  
\q1 gei au e tenetene, idimaa au e haga dahidaamee nia maa.   
\q1
\v 48 Au e hagalaamua ge e haga dahidaamee au haganoho.  
\q1 Au ga hagabaubau au helekai aago.   
\s1 Di hagadagadagagee gi Nnaganoho Dimaadua  
\qa xzayinx - Zayin  
\q1
\v 49 Gi langahia e goe dau hagababa dela ne hai mai gi di au,  
\q1 go dau dangada hai hegau, ma guu hai au gi hagadagadagagee huoloo.   
\q1
\v 50 Dogu noho i lodo ogu hagammaemmae, au gu manawa lamalia hua,  
\q1 idimaa dau hagababa la gu benebene dogu mouli.   
\q1
\v 51 Digau hagamuamua le e hagabalumee au,  
\q1 gei au digi huli gi daha mo au haganoho.   
\q1
\v 52 Meenei Dimaadua, au e langahia eau au haganoho ala i mua loo.  
\q1 Malaa, aalaa nia mee e haga manawa lamalia au.   
\q1
\v 53 Au e hagawelewele huoloo ma gaa mmada  
\q1 gi digau huaidu ma gaa oho au haganoho.   
\q1
\v 54 Au helekai la aalaa agu mee e dadaahili  
\q1 i dogu mouli bodobodo i hongo henuailala nei.   
\q1
\v 55 Meenei Dimaadua, ma gaa boo gei au e langahia Goe,  
\q1 mo di maanadu di hai o au haganoho.   
\q1
\v 56 Au e gida dogu tenetene mai i dogu daudali au haganoho.   
\s1 Di dogi anga gi Nnaganoho Dimaadua  
\qa xhethx - Heth  
\q1
\v 57 Meenei Dimaadua, ma deelaa hua Kooe dela e hiihai ginai au.  
\q1 Au gu hagababa bolo au e hagalongo gi au haganoho.   
\q1
\v 58 Au e madau adu gi di Goe mai i lodo dogu manawa hagatau  
\q1 bolo Goe gi dumaalia mai gi di au, gii hai be dau hagababa dela ne hai.   
\q1
\v 59 Au gu daamada gu hagabaubau dagu hai dela e mouli iei au,  
\q1 gei au gu hagababa bolo au ga daudali au helekai aago.   
\q1
\v 60 Au hagalee hagaduai, au ga hagalimalima ga daudali au helekai.   
\q1
\v 61 Digau huaidu guu dugu di nadau hele belee hele au,  
\q1 gei au hagalee de langahia au haganoho.   
\q1
\v 62 I di madahidi waelua di boo,  
\q1 gei au e ala aga e hagaamu Goe, idimaa Goe dela e gabunga au mee gii donu.   
\q1
\v 63 Au di hoo ni digau huogodoo ala e hai hegau adu gi di Goe,  
\q1 go digau huogodoo ala e hagalongo ge e daudali au haganoho.   
\q1
\v 64 Meenei Dimaadua, henuailala e honu i do aloho dee modu,  
\q1 aago ina au gi au haganoho.   
\s1 Di hagalabagau o Nnaganoho Dimaadua  
\qa xtethx - Teth  
\q1
\v 65 Meenei Dimaadua, Goe gu hagagila aga dau hagababa,  
\q1 gei Goe e humalia mai gi di au, go dau dangada hai hegau.   
\q1
\v 66 Gaamai gi di au di iloo nia mee mo di kabemee,  
\q1 idimaa au e hagadonu au helekai.   
\q1
\v 67 I mua dau hagaduadua au, gei au nogo hai agu mee hala,  
\q1 gei dolomeenei gei au gu daudali au helekai.   
\q1
\v 68 Goe e humalia, gei e hai au mee humalia! Aago ina au gi au helekai.   
\q1
\v 69 Digau hagamuamua guu hai nadau helekai tilikai i di au,  
\q1 gei au e daudali hua au helekai mai i lodo dogu manawa hagatau.   
\q1
\v 70 Digaula nadau iloo ai,  
\q1 gei au haganoho la aalaa nia mee e haga manawa lamalia au.   
\q1
\v 71 Ogu dadaaligi le e humalia mai gi di au,  
\q1 idimaa nia maa e hai au gii kabe au helekai.   
\q1
\v 72 Au haganoho ala ne gaamai gi di au la koia e hagalabagau ko au  
\q1 laa hongo nia bahihadu huogodoo o henuailala.   
\s1 Nia donu o Nnaganoho Dimaadua  
\qa xyodhx - Yodh  
\q1
\v 73 Goe dela ne hai au, gei Goe dela e benebene au haga humalia.  
\q1 Gaamai gi di au di kabemee, gi iloo eau au haganoho.   
\q1
\v 74 Digau ala e hagalaamua Goe la ga manawa lamalia ma ga mmada mai gi di au,  
\q1 idimaa au dela e hagadonu au hagababa.   
\q1
\v 75 Meenei Dimaadua, au e iloo bolo Goe e hagi aga au mee gi di ala dela e donu,  
\q1 gei Goe dela ne daaligi au idimaa goe dela e manawa dahi.   
\q1
\v 76 Heia do aloho waalooloo gi haga manawa lamalia ina au,  
\q1 gii hai be dau hagababa dela ne hai mai gi di au, go dau dangada hai hegau.   
\q1
\v 77 Goe gi manawa dumaalia mai gi di au, gei au ga mouli,  
\q1 idimaa au haganoho la aalaa nia mee e haga manawa lamalia au.   
\q1
\v 78 Heia digau ala e hagamuamua la gi langaadia,  
\q1 idimaa digaula e hai baahi mai gi di au,  
\q1 gei au, au ga mamaanadu hua au helekai aago.   
\q1
\v 79 Heia digau ala e hagalaamua Goe la gi lloomoi gi di au,  
\q1 aalaa go digau huogodoo ala e iloo ginaadou au helekai.   
\q1
\v 80 Heia au gii dohu di daudali au haganoho gi de langaadia au i dogu magedaa.   
\s1 Talodalo e madau di hagamouli  
\qa xkaphx - Kaph  
\q1
\v 81 Meenei Dimaadua, au gu dogono huoloo dagu talitali Goe belee hagamouli au,  
\q1 gei au e hagadonu huoloo au helekai.   
\q1
\v 82 Ogu golomada guu pili di haga daumada au mee ala ne hagababa,  
\q1 gei au ga heeu, “Goe e hagamaamaa au ma gaa hee?”   
\q1
\v 83 Au gu balumee gadoo be di peege gili manu bobo ne hudu gi daha,  
\q1 malaa gei au hagalee de langahia eau au helekai.   
\q1
\v 84 Au belee hai loo gii tali waalooloo behee?  
\q1 Ma gaa hee gei Goe ga daaligi digau ala e haihai au haga huaidu?   
\q1
\v 85 Digau hagamuamua ala hagalee hagagila aga au haganoho  
\q1 la guu geli nadau luwa belee hele au.   
\q1
\v 86 Au haganoho huogodoo le e donu.  
\q1 Hagamaamaa ina au, idimaa nia daangada e hagahuaidu au gi nadau helekai tilikai.   
\q1
\v 87 Digaula gu hoohoo hua bolo ga daaligi au gii made,  
\q1 gei au hagalee huli gi daha mo au haganoho.   
\q1
\v 88 Idimaa go do aloho dee modu, Goe hila mai gi di au,  
\q1 gii mee au di daudali au haganoho.   
\s1 Hagadonu Nnaganoho Dimaadua  
\qa xlamedhx - Lamedh  
\q1
\v 89 Meenei Dimaadua, au helekai la ga waalooloo hua beelaa, dono hagaodi ai.  
\q1 Nia maa e tuu mau i di langi.   
\q1
\v 90 Do manawa dahi le e waalooloo hua beelaa ang gi nia madawaawaa huogodoo.  
\q1 Goe ne dugu henuailala gi dono lohongo, gei di maa gu noho hua beelaa.   
\q1
\v 91 Nia mee huogodoo e noho hua beelaa gi dangi nei idimaa go au helekai,  
\q1 idimaa nia mee huogodoo le e hai hegau adu gi di Goe.   
\q1
\v 92 Maa nei bolo au haganoho la hagalee go nia mee ala e hagatenetene au,  
\q1 malaa, au tangada hua guu made i lodo ogu hagammaemmae.   
\q1
\v 93 Au ga hagalee de langahia eau au aago,  
\q1 idimaa Goe e dadaahi hua dogu mouli mai i nia maa.   
\q1
\v 94 Haga dagaloaha ina au, idimaa au di mee ni aau!  
\q1 Au gu hagamahi bolo e daudali au haganoho.   
\q1
\v 95 Digau huaidu e talitali au belee daaligi gii made,  
\q1 gei au gaa haa au haganoho gi ogu lodo.   
\q1
\v 96 Au gu iloo eau bolo nia mee huogodoo la ono hagaodi gi muli i golo,  
\q1 gei au haganoho la ono hagaodi ai.   
\s1 Di aloho i nia haganoho a Dimaadua  
\qa xmemx - Mem  
\q1
\v 97 E koia e damanaiee go dogu aloho i au haganoho!  
\q1 Au e mamaanadu nia maa mai luada gaa dae loo gi di boo.   
\q1
\v 98 Au haganoho le e madalia au i nia madagoaa huogodoo,  
\q1 e hai au gi kabemee gi hongo ogu hagadaumee.   
\q1
\v 99 Au gu kabemee i hongo ogu gau agoago huogodoo,  
\q1 idimaa, au dela e hagamamaanadu au helekai aago.   
\q1
\v 100 Au e iloo nia mee i hongo digau ala mmaadua,  
\q1 idimaa, au dela e haga gila aga au haganoho.   
\q1
\v 101 Au gu haga mogowaa au gi daha mo nia hagadilinga hangaahai huaidu huogodoo,  
\q1 idimaa au dela e hiihai e hagalongo ang gi au helekai.   
\q1
\v 102 Au hagalee huli gi daha mo au haganoho,  
\q1 idimaa, ma Kooe hua dela e aago mai nia maa gi di au.   
\q1
\v 103 E koia e maangala go au helekai!  
\q1 Au helekai koia e maangala i hongo nia mee maangala ala e hai go nia lamu llauehe.   
\q1
\v 104 Au gu kabemee mai i di gili au haganoho, deelaa di mee e hidi iei au  
\q1 e hagadugina huoloo gi nia hagadilinga hangaahai huaidu huogodoo.   
\s1 Di maalama mai i nia haganoho Dimaadua  
\qa xnunx - Nun  
\q1
\v 105 Au helekai la go di malama dela e dagi au,  
\q1 gei go di maalama dela e ina dogu ala.   
\q1
\v 106 Au ga hagagila aga dagu hagababa  
\q1 dela bolo au ga hagalongo gi au haganoho e donu.   
\q1
\v 107 Meenei Dimaadua, ogu hagammaemmae la gu logowaahee!  
\q1 Goe dadaahia hua beelaa dogu mouli, gii hai be dau hagababa dela ne hai.   
\q1
\v 108 Meenei Dimaadua, Goe hila mai gi dagu dalodalo danggee,  
\q1 aago ina mai au gi au haganoho.   
\q1
\v 109 Au gu dee hagahuodia eau dogu mouli,  
\q1 gei au digi de langahia eau au haganoho.   
\q1
\v 110 Digau huaidu guu hai nadau hele belee hele au,  
\q1 gei au digi de hagalongo gi au haganoho.   
\q1
\v 111 Au haganoho la go dogu haga maluagina ga hana hua dee odi,  
\q1 ma go nia maa ala e haga tene dogu manawa.   
\q1
\v 112 Au gu hagamaanadu i lodo dogu manawa bolo au ga hagalongo gi au haganoho  
\q1 gaa dae loo gi dogu laangi dela e made iei au.   
\s1 Di mouli humalia o tangada e daudali Nnaganoho Dimaadua  
\qa xsamekhx - Samekh  
\q1
\v 113 Au e hagadugina i digau ala hagalee manawa dahi adu gi di Goe,  
\q1 gei au e aloho i au haganoho.   
\q1
\v 114 Goe go dogu duuli mo dogu hagaloohi, au e hagadagadagagee gi au hagababa.   
\q1
\v 115 Goodou go digau huaidu, goodou hula gi daha mo au.  
\q1 Au ga daudali nia haganoho a dogu God.   
\q1
\v 116 Hagamaaloo ina aga au, gii hai be dau hagababa dela ne hai, gei au ga mouli.  
\q1 Goe hudee heia au gi langaadia i lodo dogu hagadagadagagee!   
\q1
\v 117 Daahia au, gei au ga mouli humalia,  
\q1 gei au ga daudali au haganoho i nia madagoaa huogodoo.   
\q1
\v 118 Goe e hagabalumee digau huogodoo ala hagalee e daudali au haganoho.  
\q1 Nia hagamamaanadu tilikai digaula la ono hadinga ai.   
\q1
\v 119 Goe guu dugu digau huaidu huogodoo bolo digau hua balumee,  
\q1 gei au e haga dahidamee au helekai.   
\q1
\v 120 Au gu madagu i di Goe, au gu madagu huoloo i dau gabunga.   
\s1 Hagagila aga Nnaganoho Dimaadua  
\qa xayinx - Ayin  
\q1
\v 121 Au guu hai nia mee ala e donu ge humalia.  
\q1 Goe hudee diagia au gi lodo nia mogobuna o ogu hagadaumee!   
\q1
\v 122 Heia dau hagababa mai gi di au bolo Goe ga hagamaamaa dau dangada hai hegau.  
\q1 Goe hudee dugu ina au gi digau hagamuamua gi daaligidia.   
\q1
\v 123 Ogu golomada guu pili di haga daumada Goe  
\q1 dela belee hanimoi e haga dagaloaha au, di haga dagaloaha dela ne hagababa Kooe.   
\q1
\v 124 Heia mai gi di au gii hai be do aloho dee modu,  
\q1 mo di aago ina mai gi di au au haganoho.   
\q1
\v 125 Au go dau dangada hai hegau,  
\q1 gaamai gi di au di kabemee, gi iloo eau au agoago.   
\q1
\v 126 Deenei la do madagoaa, meenei Dimaadua, belee daaligi digaula,  
\q1 idimaa nia daangada la gu de hagalongo gi au haganoho.   
\q1
\v 127 Au e haga dahidamee au haganoho laa hongo nia goolo,  
\q1 nia goolo ala e kaedahi e humalia.   
\q1
\v 128 Deelaa dagu mee e daudali au aago huogodoo,  
\q1 gei e hagadugina eau nia ala huogodoo ala e hala.   
\s1 Di manawa hiihai e haga kila aga Nnaganoho Dimaadua  
\qa xpex - Pe  
\q1
\v 129 Au agoago le e humalia huoloo.  
\q1 Au e haga kila aga nia maa mai i lodo dogu manawa hagatau.   
\q1
\v 130 Di haga modongoohia o au agoago le e hidi mai ai di maalama,  
\q1 ge e hai digau ala de kabemee gi kabemee.   
\q1
\v 131 Au e hanga dogu ngudu gi daha mo di dogidogi hagapodo  
\q1 i dogu hiihai huoloo gi au helekai.   
\q1
\v 132 Huli mai gi di au mo di manawa dumaalia mai gi di au,  
\q1 be dau hai dela e hai Kooe gi digau huogodoo ala e aaloho i di Goe.   
\q1
\v 133 Goe gumidia au gi dee doo, gii hai be dau hagababa dela ne hai.  
\q1 Hudee heia au gii kumi go di huaidu.   
\q1
\v 134 Haga dagaloaha ina au gi daha mo digau ala e hagahuaidu au,  
\q1 gii mee au di hagagila aga au haganoho.   
\q1
\v 135 O hadumada la gi haga maalama ina au, go dau dangada hai hegau,  
\q1 aago ina au gi au haganoho.   
\q1
\v 136 Au e dangi huoloo ogu lodo,  
\q1 idimaa nia daangada la hagalee hagalongo gi au haganoho.   
\s1 Di tonu o Nnaganoho Dimaadua  
\qa xtsadhex - Tsadhe  
\q1
\v 137 Meenei Dimaadua, Goe e donu, gei au haganoho le e donu.   
\q1
\v 138 Nia haganoho ala ne gaamai Kooe  
\q1 le e donu huoloo ge e humalia.   
\q1
\v 139 Dogu hagawelewele guu gaa i ogu lodo gadoo be di ahi,  
\q1 idimaa go ogu hagadaumee ala e haga balumee au haganoho.   
\q1
\v 140 Au hagababa ala ne hai mai gi di au le e donu huoloo!  
\q1 Au e aloho huoloo i nia maa!   
\q1
\v 141 Dogu huaidina la hagalee dahidamee, di balumee hua,  
\q1 gei au hagalee de langahia eau au haganoho.   
\q1
\v 142 Oo donu le e donu gaa hana hua beelaa,  
\q1 gei au haganoho le e donu i nia madagoaa huogodoo.   
\q1
\v 143 Au guu honu i nia haingadaa mo dee baba,  
\q1 gei au haganoho e hai au gi tenetene.   
\q1
\v 144 Au aago mai gi di au le e donu i nia madagoaa huogodoo.  
\q1 Gaamai gi di au di kabemee, gei au gaa mee di mouli.   
\s1 Talodalo haga dagaloaha  
\qa xqophx - Qoph  
\q1
\v 145 Au e gahigahi Goe mai i lodo dogu manawa hagatau, meenei Dimaadua.  
\q1 Helekai mai, gei au ga hagalongo gi au helekai!   
\q1
\v 146 Au e gahigahi Goe, haga dagaloaha ina au,  
\q1 gei au ga hagagila aga au haganoho.   
\q1
\v 147 I mua di laa ma gaa hobo, gei au e gahigahi Goe i di hagamaamaa.  
\q1 Au e hagadagadagagee huoloo gi au hagababa.   
\q1
\v 148 I di waalooloo di boo, gei au e moe hagaala hia e hagamamaanadu au aago.   
\q1
\v 149 Meenei Dimaadua, hagalongo mai gi di au, idimaa do aloho le e waalooloo,  
\q1 hagamodongoohia ina mai gi di au do dumaalia, haga mouli ina au!   
\q1
\v 150 Ogu hagadaumee huaidu la gu lloomoi gu hoohoo mai,  
\q1 go digau ala hagalee loo e hagagila aga au haganoho.   
\q1
\v 151 Gei goe e hoohoo mai gi dogu baahi, meenei Dimaadua,  
\q1 gei au helekai huogodoo le e noho hua beelaa.   
\q1
\v 152 Mai loo i mua gei au gu iloo eau au aago.  
\q1 Goe ne hai nia maa bolo gi noho hua waalooloo beelaa.   
\s1 Di madau di hagamaamaa  
\qa xreshx - Resh  
\q1
\v 153 Mmada mai gi dogu hagammaemmae, haga dagaloaha ina au,  
\q1 idimaa au digi huli gi daha mo au haganoho.   
\q1
\v 154 Hagamaamaa ina au i ogu donu, mo di haga dagaloaha ina au.  
\q1 Benabena ina dogu mouli gii hai be dau hagababa dela ne hai.   
\q1
\v 155 Digau huaidu la hagalee mouli, i digaula ala hagalee daudali au haganoho.   
\q1
\v 156 Gei do aloho le e aamua huoloo, meenei Dimaadua,  
\q1 hagamodongoohia ina mai do dumaalia mo di hagamouli ina au!   
\q1
\v 157 Ogu hagadaumee mo digau ala e dadaaligi au le e dogologowaahee,  
\q1 gei au hagalee huli gi daha mo au haganoho.   
\q1
\v 158 Dogu madagoaa ma gaa mmada gi digau hagi aga dangada aalaa,  
\q1 gei au e hagawelewele huoloo, idimaa digaula hagalee hagagila aga au haganoho.   
\q1
\v 159 Meenei Dimaadua, mmada mai gi di au dela e aloho i au aago.  
\q1 Do aloho la hagalee huli, malaa goe haga dagaloaha ina au!   
\q1
\v 160 Di hagamau o au haganoho la go di tonu,  
\q1 gei au gabunga huogodoo le e donu ge dono hagaodi ai.   
\s1 Di manawa dahi gi Nnaganoho Dimaadua  
\qa xshinx - Sin ma Shin  
\q1
\v 161 Digau aamua e hai baahi mai gi di au dono hadinga ai,  
\q1 gei au e hagalaamua au haganoho.   
\q1
\v 162 Au e tenetene huoloo gi au hagababa,  
\q1 e tenetene gadoo be tangada ma gaa gida ana goloo hagalabagau.   
\q1
\v 163 Au e hudi dogu wou ge e hagadugina eau i nia helekai tilikai huogodoo,  
\q1 gei au e haga dahidamee au haganoho.   
\q1
\v 164 Au e danggee adu gi di goe haga hidu i lodo di laangi e dahi,  
\q1 idimaa go au gabunga ala e donu.   
\q1
\v 165 Digau ala e haga dahidamee au haganoho le e noho i di aumaalia,  
\q1 gei dei dahi mee e mee di hai digaula gii tinga ai.   
\q1
\v 166 Meenei Dimaadua, au e talitali dau haga dagaloaha,  
\q1 gei au e haga gila aga au helekai ala ne hai.   
\q1
\v 167 Au e hagagila aga au agoago,  
\q1 au e aloho i nia maa mai i lodo dogu manawa hagatau.   
\q1
\v 168 Au e hagalongo ang gi au haganoho mo au helekai aago,  
\q1 Goe e gidee agu mee huogodoo ala e hai.   
\s1 Talodalo e madau di hagamaamaa  
\qa xtawx - Taw  
\q1
\v 169 Meenei Dimaadua, dagu dangidangi madau di hagamaamaa  
\q1 la heia gii dau i di Goe!  
\q1 Gaamai gi di au di kabemee, gii hai be dau hagababa dela ne hai.   
\q1
\v 170 Hagalongo mai gi dagu dalodalo,  
\q1 mo di haga dagaloaha ina au gii hai be dau hagababa dela ne hai!   
\q1
\v 171 Au ga hagahagaamu Goe i nia madagoaa huogodoo,  
\q1 idimaa Goe dela e aago au gi au haganoho.   
\q1
\v 172 Au ga daahili i au haganoho, idimaa au haganoho le e donu.   
\q1
\v 173 Goe e hagatogomaalia i nia madagoaa huogodoo belee hagamaamaa au,  
\q1 idimaa au dela e daudali au haganoho.   
\q1
\v 174 Meenei Dimaadua, au e hidihidi huoloo i dau hagamaamaa o di haga dagaloaha!  
\q1 Au haganoho la nia mee e haga manawa lamalia au.   
\q1
\v 175 Gaamai gi di au di mouli, gii mee au di hagaamu Goe.  
\q1 Au helekai aago gi hagamaamaa ina au.   
\q1
\v 176 Au e heehee halaangaa gadoo be tama siibi ne ngala.  
\q1 Hanimoi halahala ina au, go dau dangada hai hegau,  
\q1 idimaa au digi huli gi daha mo au haganoho.   
\c 120  
\s1 Talodalo e madau di hagamaamaa\f + \fr 120.0 \ft Taahili dela e daahili go digau ala e hula gi Jerusalem belee daumaha i golo \f*  
\q1
\v 1 Dogu madagoaa ne haingadaa mai gi di au,  
\q1 gei au ne gahigahi a Dimaadua, gei Mee gu helekai mai.   
\q1
\v 2 Meenei Dimaadua, haga dagaloaha ina au gi daha mo digau hai kai tilikai,  
\q1 mo digau halahalau dangada.   
\b  
\q1
\v 3 Goodou go digau hai kai tilikai, ma di aha dela gaa hai go God adu gi goodou?  
\q1 Mee ga daaligi goodou behee?   
\q1
\v 4 Mee ga daaligi goodou gi nia amu maalei gaa o tangada dauwa,  
\q1 mo nia hadu wele mai i lodo di imu!   
\b  
\q1
\v 5 Dogu noho i godou baahi le e manawa gee  
\q1 gadoo be dogu noho i Meshech be i baahi digau Kedar.\f + \fr 120.5 \fk Meshech \ft mo \fk Kedar \ft la nia henua mogowaa loo i Canaan ala nogo noho ai digau bouli\f*   
\q1
\v 6 Au guu noho waalooloo huoloo i baahi nia daangada  
\q1 ala e de hiihai di noho i di aumaalia!   
\q1
\v 7 Dogu madagoaa ma ga helekai gi digaula i di noho i di aumaalia,  
\q1 digaula e hiihai hua bolo e hai tauwa.   
\c 121  
\s1 Dimaadua la go tadau Hagaloohi\f + \fr 121.0 \ft Taahili dela e daahili go digau ala e hula gi Jerusalem belee daumaha i golo \f*  
\q1
\v 1 Au e hila aga gi tomo nia gonduu, dogu hagamaamaa la ga hanimoi i hee?   
\q1
\v 2 Dogu hagamaamaa la ga hanimoi i baahi o Dimaadua,  
\q1 dela ne hai di langi mo henuailala.   
\b  
\q1
\v 3 Mee hagalee diiagi goe gii doo. Do Hagaloohi la hagalee kii.   
\q1
\v 4 Di Hagaloohi o Israel la hagalee molemoe be e kii!   
\b  
\q1
\v 5 Dimaadua ga hagaloohi la goe.  
\q1 Mee e noho i doo baahi belee madamada humalia i di goe.   
\q1
\v 6 Di laa hagalee mmae ana mee adu gi di goe i di aa,  
\q1 be go di malama ma gaa boo.   
\b  
\q1
\v 7 Dimaadua ga abaaba la goe gi daha mo nia hagadilinga haingadaa huogodoo,  
\q1 Mee ga benebene goe hagahumalia.   
\q1
\v 8 Mee ga abaaba la goe i do hanimoi mo doo hana, dolomeenei gaa hana hua beelaa.   
\c 122  
\s1 Di hagaamu o Jerusalem\f + \fr 122.0 \ft Taahili dela e daahili go digau ala e hula gi Jerusalem belee daumaha i golo. Di pisalem mai baahi o David \f*  
\q1
\v 1 Ogu lodo gu manawa lamalia i di madagoaa digaula ne hai mai gi di au boloo,  
\q1 “Gidaadou gaa hula gi di Hale o Dimaadua!”   
\q1
\v 2 Malaa, dolomeenei gimaadou gu i ginei, e tuu i lodo nia bontai o Jerusalem!   
\b  
\q1
\v 3 Jerusalem la di waahale ne haga hoou,  
\q1 di waahale madamada gei gu haga noho hagahumalia.   
\q1
\v 4 Deenei di gowaa e lloomoi ginai nia madawaawa, go nia madawaawa Israel,  
\q1 e hai nadau danggee ang gi Dimaadua gii hai be nia haganoho a Maa.   
\q1
\v 5 Deenei di gowaa e hai ai nia gabunga,  
\q1 nia king o Israel e gabunga nadau daangada.   
\b  
\q1
\v 6 Goodou dalodalo ina Jerusalem gii noho i di aumaalia, boloo:  
\q1 “Digau ala e aloho i di goe la gii noho manawa lamalia.   
\q1
\v 7 Di noho i di aumaalia gii gila i lodo o abaaba  
\q1 mo di noho humalia la gii gila i lodo oo hale aamua.”   
\q1
\v 8 Au e helekai gi Jerusalem, “Di noho i di aumaalia gii noho i doo baahi”,  
\q1 idimaa go ogu duaahina mo ogu ihoo hagaaloho.   
\q1
\v 9 Au e dalodalo i ono haadanga lamalia,  
\q1 idimaa dela go di gowaa e iai di hale o Dimaadua go tadau God.   
\c 123  
\s1 Talodalo e madau tumaalia\f + \fr 123.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 Meenei Dimaadua, au e daumada aga Goe gi di langi i do gowaa dela e dagi.   
\q1
\v 2 E hai gadoo be tangada hai hegau daane be ahina dela e gana gi dono dagi,  
\q1 deelaa gadoo di madau hai e gana adu gi di Goe, meenei Dimaadua,  
\q1 gaa dae loo gi do dumaalia mai gi gimaadou.   
\b  
\q1
\v 3 Meenei Dimaadua, Goe dumaalia mai, dumaalia mai gi gimaadou.  
\q1 Gimaadou guu hai haga huaidu huoloo.   
\q1
\v 4 Gimaadou gu waalooloo huoloo di madau haganneennee go digau maluagina,  
\q1 mo di haga balumee go digau e hagaamu ginaadou ala e hai haga huaidu gimaadou.   
\c 124  
\s1 Dimaadua la di Hagaloohi ni ana daangada\f + \fr 124.0 \ft Taahili dela e daahili go digau ala e hula gi Jerusalem belee daumaha i golo. Di pisalem mai baahi o David \f*  
\q1
\v 1 Maa nei bolo Dimaadua digi huli mai i tadau baahi?  
\q1 Digau Israel nei, helekai aga!   
\b  
\q1
\v 2 Maa nei bolo Dimaadua digi huli mai i tadau baahi  
\q1 i di madagoaa o tadau hagadaumee ne heebagi mai gi gidaadou,   
\q1
\v 3 gei digaula gaa holo mouli gidaadou  
\q1 i nadau hagawelewele huoloo mai gi gidaadou,   
\q1
\v 4 gei gidaadou ga daahee gi daha i di mmidi o di monowai,  
\q1 nia wai guu gahu gidaadou.   
\q1
\v 5 Nia wai mmidi gu haga maalemu gidaadou!   
\b  
\q1
\v 6 Gidaadou e hai tadau danggee gi Dimaadua  
\q1 i Mee dela digi dugua anga gidaadou gi tadau hagadaumee gi daaligidia.   
\q1
\v 7 Gidaadou guu too gi daha, gadoo be di manu mamaangi ne doo gi daha  
\q1 mo di hele a tangada hele manu. Di hele la gu mooho, gei gidaadou gu maahede!   
\q1
\v 8 Tadau hagamaamaa le e hanimoi i baahi o Dimaadua  
\q1 dela ne hai di langi mo henuailala.   
\c 125  
\s1 Di noho humalia o nia daangada a God\f + \fr 125.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 Digau ala e hagadagadagagee gi Dimaadua, le e hai gadoo be di Gonduu Zion,  
\q1 dela e deemee di haga ngalungalua, gei e noho hua beelaa.   
\q1
\v 2 E hai be nia gonduu ala e daabui mai di waahale damana o Jerusalem,  
\q1 deelaa gadoo di hai a God e daabui mai ana daangada dolomeenei,  
\q1 ga hana hua dono hagaodi ai.   
\b  
\q1
\v 3 Digau huaidu la hagalee nnoo mau e dagi i hongo tenua o digau humalia,  
\q1 maa nei bolo gaa hai beelaa, gei digau ala humalia holongo gaa hai nia mee huaidu.   
\q1
\v 4 Meenei Dimaadua, heia di humalia gi digau ala e humalia,  
\q1 ala go digau ala e hagagila aga au haganoho.   
\q1
\v 5 Do madagoaa ma ga daaligi digau ala e hai nia mee huaidu,  
\q1 daaligidia labelaa digau ala e huli gi daha mo oo ala.  
\b  
\q1 Di aumaalia gi noho hua beelaa i baahi Israel!   
\c 126  
\s1 Talodalo i di haga dagaloaha\f + \fr 126.0 \ft Taahili dela e daahili go digau ala e hula gi Jerusalem belee daumaha i golo \f*  
\q1
\v 1 Di madagoaa hua Dimaadua dela ne laha mai gidaadou gi muli gi Jerusalem,  
\q1 gidaadou nogo hai gadoo be digau ne hai nadau midi!   
\q1
\v 2 Gidaadou gu gadagada huoloo!  
\q1 Gidaadou gu dadaahili mo di momoogo i tadau tenetene huoloo!  
\q1 Gei nia henua ala i golo gu helekai boloo,  
\q1 “Dimaadua guu hai ana mee humalia huoloo gi digaula.”   
\q1
\v 3 E donu, Mee guu hai ana mee humalia huoloo mai gi gidaadou,  
\q1 gidaadou gu tenetene huoloo!   
\b  
\q1
\v 4 Meenei Dimaadua, heia gimaadou gi haadanga lamalia labelaa!  
\q1 gadoo be di uwa ma ga gaamai ana wai gi nia anga monowai.   
\q1
\v 5 Digau ala e dogi nadau hagadili mo di tangitangi,  
\q1 la gi haadia nia huwa o nadau gowaa mo di tenetene!   
\b  
\q1
\v 6 Digau ala e kae nadau lii laagau mo di tangitangi,  
\q1 la ga lloomoi mo nia huwa o nadau gowaa mo di daahili momoogo tenetene.   
\c 127  
\s1 Di hagaamu tumaalia o Dimaadua \f + \fr 127.0 \ft Taahili dela e daahili go digau ala e hula gi Jerusalem belee daumaha i golo. Di pisalem mai baahi o Solomon \f*  
\q1
\v 1 Maa Dimaadua la hagalee hau di hale,  
\q1 malaa, nia moomee o digau hau hale le e balumee hua.  
\q1 Maa Dimaadua la hagalee abaaba di waahale,  
\q1 malaa, nia gau hagaloohi o di waahale deelaa, le e hagaloohi hua balumee.   
\q1
\v 2 Ma e balumee ma ga ngalua damana  
\q1 bolo e halahala au mee e hagahumalia do mouli,  
\q1 e ala aga loo hagaluada ga kii loo boo.  
\q1 Idimaa, Dimaadua le e wanga nia meegai  
\q1 gi ana daangada ala e aloho ai i di madagoaa digaula e kii.   
\b  
\q1
\v 3 Nia dama la nia wanga dehuia mai baahi o Dimaadua,  
\q1 di haga maluagina mai i baahi o Mee.   
\q1
\v 4 Nia dama daane o dahi daane i dono madagoaa nogo dama daane,  
\q1 le e hai gadoo be nia amu maalei i lodo di lima o tangada dauwa.   
\q1
\v 5 E maluagina go tangada dela e logo ana amu maalei beenei!  
\q1 Mee e deemee loo di bagege i di madagoaa a mee ma ga heetugi  
\q1 gi ono hagadaumee i lodo di gowaa hai gabunga.   
\c 128  
\s1 Di hui tangada hagalongo gi Dimaadua\f + \fr 128.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 E maluagina go digau ala e hagalongo gi Dimaadua, ge e daudali ana haganoho.   
\b  
\q1
\v 2 Goe gaa kae o hagahumalia mai i au hegau ala ne hai.  
\q1 Goe ga tenetene ga humalia adu gi di goe.   
\q1
\v 3 Doo lodo gaa hai gadoo be di laagau ‘grape’ dela e huwa daulogo i lodo doo hale,  
\q1 gei au dama daane gaa hai gadoo be nia dama laagau olib ala e haganiga dau deebele.   
\q1
\v 4 Taane dela e hagalongo gi Dimaadua le e hai loo gi haga maluagina gadoo beenei.   
\b  
\q1
\v 5 Dimaadua gi haga maluagina ina goe mai i Zion!  
\q1 Goe gii mee hualaa di mmada gi di gila humalia o Jerusalem  
\q1 i di waalooloo o do mouli!   
\q1
\v 6 Goe gi mouli hualaa gii mee goe di mmada gi nia dama o au dama!  
\b  
\q1 Di aumaalia gi noho hua beelaa i baahi Israel!   
\c 129  
\s1 Talodalo hai baahi gi nia hagadaumee o Israel\f + \fr 129.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 Israel, hagia mai malaa gi gimaadou  
\q1 be o hagadaumee nogo dadaaligi goe behee mai loo i do damagiigi.   
\b  
\q1
\v 2 “Mai i dogu madagoaa nogo damagiigi,  
\q1 ogu hagadaumee nogo dadaaligi au haga huaidu, malaa digaula digi haga magedaa au.   
\q1
\v 3 Digaula guu tuu dogu dua, gu mahaa loo gi lodo,  
\q1 guu hai gadoo be di gowaa ne geli belee dogi nia lii laagau.   
\q1
\v 4 Gei Dimaadua, dela koia e donu, gu hagamehede au gi daha mo di noho hege.”   
\b  
\q1
\v 5 Digau huogodoo ala e de hiihai gi Zion la gi magedaa,  
\q1 gii llele gi muli mo di langaadia.   
\q1
\v 6 Digaula huogodoo gii hai gadoo be nia geinga tolo e tomo i tuatala di hale,  
\q1 ala e maangoo hua i mua nia maa digi tomo llauehe.   
\q1
\v 7 Tangada e hagabudu nia maa be e kae nia maa ai.   
\q1
\v 8 Deai tangada e hana laa baahi nia maa e helekai boloo:  
\q1 “Dimaadua gi haga maluagina goodou!  
\q1 Gimaadou e haga maluagina goodou i di ingoo o Dimaadua.”   
\c 130  
\s1 Talodalo dangidangi i di hagamaamaa\f + \fr 130.0 \ft Taahili dela e daahili go digau ala e hula gi Jerusalem belee daumaha i golo \f*  
\q1
\v 1 Meenei Dimaadua, au e gahigahi Goe mai i lodo ogu haingadaa.   
\q1
\v 2 Meenei dogu Dagi, hagalongo mai gi dagu dangidangi,  
\q1 Goe hagalongo mai gi dagu gahigahi bolo Goe gi hagamaamaa ina mai au!   
\q1
\v 3 Maa Goe gu hagailongo madau huaidu,  
\q1 malaa, ma koai dela e mee di lele gi daha mo dau hagi aga?   
\q1
\v 4 Gei Goe gu dumaalia mai gi gimaadou, bolo gi mmaadagu gimaadou i di Goe.   
\b  
\q1
\v 5 Au e talitali huoloo di hagamaamaa a Dimaadua.  
\q1 Au e hagadagadagagee gi nia helekai a Maa.   
\q1
\v 6 Dogu talitali Dimaadua la koia e damana i di talitali o digau hagaloohi boo  
\q1 ma ga talitali di maalama o di luada.  
\q1 Uaa, koia e damana i di talitali o digau hagaloohi boo  
\q1 ma ga talitali di maalama o di luada.   
\b  
\q1
\v 7 Goodou go digau Israel, goodou gi hagadagadagagee gi Dimaadua,  
\q1 idimaa dono aloho le e waalooloo,  
\q1 gei Mee e hiihai e haga dagaloaha gidaadou i nia madagoaa huogodoo.   
\q1
\v 8 Mee ga haga dagaloaha ana daangada Israel gi daha mo nadau huaidu huogodoo.\x * \xo 130.8 \xt Matthew 1.21; Titus 2.14\x*   
\c 131  
\s1 Talodalo hila gi lala mo di hagadagadagagee\f + \fr 131.0 \ft Taahili dela e daahili go digau ala e hula gi Jerusalem belee daumaha i golo. Di pisalem ni David\f*  
\q1
\v 1 Meenei Dimaadua, au guu dugu dogu hagamuamua,  
\q1 guu huli gi daha mo dogu hagapuu.  
\q1 Au hagalee e de nnoomaalia gi nia mee hagalabagau,  
\q1 be go nia mee ala e deemee dagu hai.   
\q1
\v 2 Gei au e humalia hua i dogu noho deemuu, mo di noho i di aumaalia.  
\q1 E hai gadoo be di tama e moe deemuu i hongo nia lima o dono dinana,  
\q1 deelaa gadoo dogu manawa dela e noho deemuu i ogu lodo.   
\q1
\v 3 Israel, goe gi hagadagadagagee hua gi Dimaadua dangi nei gaa hana hua beelaa!   
\c 132  
\s1 Di hagaamu di Hale Daumaha\f + \fr 132.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 Meenei Dimaadua, Goe hudee de langahia e Goe a David  
\q1 mo nia hagadilinga haingadaa huogodoo ala ne hai ang gi Mee.   
\q1
\v 2 Meenei Dimaadua, Goe gi langahia e Goe di mee a mee dela ne hagababa,  
\q1 di hagababa a mee dela ne hai adu gi di Goe, di Gowaa Aamua, di God o Jacob boloo:   
\q1
\v 3 “Au hagalee hana e ulu gi lodo dogu hale, be e kii i hongo dogu hada.   
\q1
\v 4 Au hagalee hagamolooloo be e kii   
\q1
\v 5 gaa dae loo gi dagu hagatogomaalia dagu gowaa ang gi Dimaadua,  
\q1 di hale e noho ai di Gowaa Aamua, di God o Jacob.”   
\b  
\q1
\v 6 Gimaadou gu longono i Bethlehem i di hai o Tebedebe o di Hagababa,  
\q1 gei gimaadou guu gida di maa i lodo di gowaa maalama i Jearim.   
\q1
\v 7 Gimaadou gu helekai, “Gidaadou gaa hula gi di Hale o Dimaadua,  
\q1 gaa hai tadau daumaha i mua di lohongo o Maa.”   
\b  
\q1
\v 8 Meenei Dimaadua, hanimoi gi di Hale Daumaha,  
\q1 madalia Tebedebe o di Hagababa, go di ada o mogobuna,  
\q1 e noho i kinei ga hana hua dono hagaodi ai.   
\q1
\v 9 Au daangada hai mee dabu gi heia nia mee ala e donu  
\q1 i nia madagoaa huogodoo, au daangada gi wwolowwolo tenetene!   
\b  
\q1
\v 10 Goe guu hai dau hagababa gi dau dangada hai hegau go David.  
\q1 Meenei Dimaadua, Goe hudee hudua gi daha dau king dela ne hilihili.\x * \xo 132.10 \xt 2-Chronicles 6.41-42\x*   
\q1
\v 11 Goe guu hai dau hagababa mau dangihi gi David,  
\q1 go di hagababa dela hagalee huli Kooe:  
\q1 “Au gaa hai di tama e dahi i lodo au dama daane e hai di king,  
\q1 mee gaa dagi i oo muli.\x * \xo 132.11 \xt 2-Samuel 7.12-16; 1-Chronicles 17.11-14; Pisalem 89.3-4; Acts 2.30\x*   
\q1
\v 12 Maa au dama daane la ga manawa dahi  
\q1 gi dagu hagababa mo agu haganoho ala ne wanga gi digaula,  
\q1 gei nia dama daane digaula gaa noho labelaa gi hongo do lohongo king.”   
\b  
\q1
\v 13 Dimaadua gu hilihili a Zion, Mee e hiihai e hai dono hale i di gowaa deelaa:   
\q1
\v 14 “Deenei di gowaa dela ga noho iei Au gaa hana hua beelaa,  
\q1 go di gowaa deenei dela e hiihai ginai Au belee dagi.   
\q1
\v 15 Au ga haga maluagina a Zion gi nia hagadilinga hagahumalia huogodoo  
\q1 ala e hiihai ginai mee.  
\q1 Au gaa hai digau hagaloale a maa gi maaluu gi nia meegai.   
\q1
\v 16 Au ga haga maluagina digau hai mee dabu a maa  
\q1 i nia mee huogodoo ala e hai go digaula,  
\q1 gei nia daangada a maa ga daahili mo di wwolowwolo tenetene.   
\q1
\v 17 Go di gowaa deenei dela e hagagila aga ai  
\q1 dagu dangada mai di hagadili o David e hai di king aamua,  
\q1 gei Au ga duudagi adu hua beelaa gi muli nia mogobuna o dogu king dela ne hilihili.\x * \xo 132.17 \xt 1-Kings 11.36\x*   
\q1
\v 18 Au gaa hai nia hagadaumee o maa gi langaadia huoloo,  
\q1 gei dono henua king gaa gila humalia ge haadanga lamalia.”   
\c 133  
\s1 Di mouli hagadau buni\f + \fr 133.0 \ft Taahili dela e daahili go digau ala e hula gi Jerusalem belee daumaha i golo. Di pisalem ni David\f*  
\q1
\v 1 E madamada hualaa behee ge haga manawa lamalia hualaa behee  
\q1 go nia daangada a God ala e mouli hagadau buni!   
\q1
\v 2 E hai gadoo be nia lolo hagatulu hagalabagau ma gaa hali iha i di libogo o Aaron,  
\q1 gaa hali iha gi nia ngaahulu o dono ngudu,  
\q1 gaa hali iha gi hongo di kala o dono gahu lloo.   
\q1
\v 3 Ma e hai gadoo be nia magalillili i hongo di Gonduu o Hermon  
\q1 e too gi hongo nia gonduu lligi o Zion,  
\q1 idimaa deelaa di gowaa a Dimaadua ne hagababa  
\q1 bolo e gaamai ginai dana haga maluagina, dela go di mouli dela dono hagaodi ai.   
\c 134  
\s1 Di gahi e hagaamu a Dimaadua\f + \fr 134.0 \ft Taahili dela e daahili go digau ala e hula gi Jerusalem belee daumaha i golo\f*  
\q1
\v 1 Lloomoi, hagaamu ina Dimaadua,  
\q1 goodou ala go digau hai hegau a Maa huogodoo,  
\q1 mo digau huogodoo ala e hai nadau hegau boo i lodo di Hale Daumaha a Maa.   
\q1
\v 2 Daahia godou lima gi nua mo di dalodalo i lodo dono Hale deelaa,  
\q1 mo di hagaamu a Dimaadua!   
\q1
\v 3 Dimaadua dela ne hai di langi mo henuailala,  
\q1 gi haga maluagina ina goodou mai i Zion!   
\c 135  
\s1 Taahili hagaamu  
\q1
\v 1 Hagaamu ina Dimaadua!  
\b  
\q1 Goodou ala go digau hai hegau a Dimaadua, hagaamu ina di ingoo o Maa,   
\q1
\v 2 go goodou ala e hai hegau i lodo di Hale o Dimaadua, go di Hale o tadau God.   
\q1
\v 3 Hagaamu ina Dimaadua, idimaa Mee e humalia.  
\q1 Daahili hagaamu ina di ingoo o Maa, idimaa Mee e dumaalia.   
\q1
\v 4 Mee ne hilihili a Jacob mo digau Israel belee hai nia mee ni aana.   
\b  
\q1
\v 5 Au guu donu mai gi di au bolo Dimaadua le e aamua,  
\q1 e koia e aamua i hongo nia god huogodoo.   
\q1
\v 6 Mee e hai ana mee huogodoo ala e hiihai ginai  
\q1 i di langi i nua mo i henuailala, mo i lodo di moana mo i di gowaa llala.   
\q1
\v 7 Mee e gaamai nia gololangi madangi gono i nia mada o henuailala.  
\q1 Mee e hai nia ila gi dabadaba i lodo di madangi gono,  
\q1 ge e gaamai di madangi gi daha mo dono lohongo nogo benebene ai.   
\b  
\q1
\v 8 Mee gu daaligi gii mmade nia ulu mmaadua huogodoo o Egypt,  
\q1 nia ulu mmaadua daangada mono manu.   
\q1
\v 9 Mee guu hai nia hagadilinga mogobuna haga goboina i di gowaa deelaa  
\q1 belee hagaduadua di king mo ana gau hai hegau aamua.   
\q1
\v 10 Mee gu daaligi ana daangada dogologowaahee mono king maaloo:   
\q1
\v 11 ala go Sihon, di king o digau Amor, mo Og, di king o Bashan,  
\q1 mo nia king huogodoo o Canaan.   
\q1
\v 12 Mee guu wanga nia henua digaula gi ana daangada,  
\q1 guu wanga nia maa gi Israel.   
\b  
\q1
\v 13 Meenei Dimaadua, gimaadou guu dugu Goe  
\q1 bolo di God ni gimaadou i nia madagoaa huogodoo.  
\q1 Nia hagadili huogodoo ga langahia e ginaadou Goe.   
\b  
\q1
\v 14 Dimaadua ga haga dagaloaha ana daangada.  
\q1 Mee ga manawa aloho i ana gau hai hegau.   
\q1
\v 15 Nia god o nia henua la nia mee ne hai gi nia silber mo nia goolo,  
\q1 nia maa la ne hai gi nia lima dangada.   
\q1
\v 16 Nia god digaula nadau ngudu i golo, ge e deemee di leelee,  
\q1 nadau golomada i golo, ge e deemee di mmada.   
\q1
\v 17 Digaula nadau dalinga i golo, ge e deemee di hagalongo,  
\q1 digaula nadau ngudu i golo, ge e deemee labelaa di dogidogi.   
\q1
\v 18 Digau huogodoo ala ne hai nia maa gei e hagadagadagagee gi nia maa,  
\q1 la gii hai be nia balu god ala ne hai go ginaadou!\x * \xo 135.18 \xt Pisalem 115.4-8; Revelation 9.20\x*   
\b  
\q1
\v 19 Hagaamu ina Dimaadua, goodou go nia daangada Israel,  
\q1 hagaamu ina a Mee, goodou go digau hai mee dabu a God!   
\q1
\v 20 Hagaamu ina Dimaadua, goodou go digau Levi,  
\q1 hagaamu ina a Mee, goodou huogodoo ala e daumaha gi Mee!   
\q1
\v 21 Hagaamu ina Dimaadua i Zion, i Jerusalem di guongo o Maa.  
\b  
\q1 Hagaamu ina Dimaadua!   
\c 136  
\s1 Taahili danggee  
\q1
\v 1 Danggee ang gi Dimaadua, idimaa Mee e humalia.   
\qr \it Di aloho o Maa hagalee modu.\it*\x * \xo 136.1 \xt 1-Chronicles 16.34; 2-Chronicles 5.13; 7.3; Ezra 3.11; Pisalem 100.5; 106.1; 107.1; 118.1; Jeremiah 33.11\x*  
\q1
\v 2 Danggee gi di God dela koia e aamua i nia god huogodoo.   
\qr \it Di aloho o Maa hagalee modu.\it*  
\q1
\v 3 Danggee gi di Tagi dela koia e maaloo i hongo nia dagi huogodoo.   
\qr \it Di aloho o Maa hagalee modu.\it*  
\b  
\q1
\v 4 Go Mee modogoia dela e hai ana mogobuna hagagoboina.   
\qr \it Di aloho o Maa hagalee modu.\it*  
\q1
\v 5 Mee ne hai di langi gi dono kabemee.   
\qr \it Di aloho o Maa hagalee modu.\it*\x * \xo 136.5 \xt Genesis 1.1\x*  
\q1
\v 6 Mee ne hai henuailala gi hongo nia wai llala.   
\qr \it Di aloho o Maa hagalee modu.\it*\x * \xo 136.6 \xt Genesis 1.2\x*  
\q1
\v 7 Mee ne hai di laa mo di malama.   
\qr \it Di aloho o Maa hagalee modu.\it*  
\q1
\v 8 Di laa e dagi di aa.   
\qr \it Di aloho o Maa hagalee modu.\it*  
\q1
\v 9 Di malama mo nia heduu e dagi di boo.   
\qr \it Di aloho o Maa hagalee modu.\it*\x * \xo 136.9 \xt Genesis 1.16\x*  
\b  
\q1
\v 10 Mee gu daaligi gii mmade nia ulu mmaadua dama daane digau Egypt.   
\qr \it Di aloho o Maa hagalee modu.\it*\x * \xo 136.10 \xt Exodus 12.29\x*  
\q1
\v 11 Mee guu lahi digau Israel gi daha mo Egypt,   
\qr \it Di aloho o Maa hagalee modu.\it*\x * \xo 136.11 \xt Exodus 12.51\x*  
\q1
\v 12 gi nia mahi mo nia mogobuna mahi o nia lima o Maa.   
\qr \it Di aloho o Maa hagalee modu.\it*  
\q1
\v 13 Mee gu wwae lua di Tai Mmee.   
\qr \it Di aloho o Maa hagalee modu.\it*  
\q1
\v 14 Mee guu lahi ana daangada laa lodo di tai deelaa.   
\qr \it Di aloho o Maa hagalee modu.\it*  
\q1
\v 15 Mee guu hai di king o Egypt mo ana gau dauwa gi mmaalemu.   
\qr \it Di aloho o Maa hagalee modu.\it*\x * \xo 136.15 \xt Exodus 14.21-29\x*  
\b  
\q1
\v 16 Mee guu lahi ana daangada laa lodo di anggowaa.   
\qr \it Di aloho o Maa hagalee modu.\it*  
\q1
\v 17 Mee gu daaligi gii mmade nia king maaloo dangihi.   
\qr \it Di aloho o Maa hagalee modu.\it*  
\q1
\v 18 Mee gu daaligi gii mmade nia king ala e dau,   
\qr \it Di aloho o Maa hagalee modu.\it*  
\q1
\v 19 ala go Sihon, di king o digau Amor,   
\qr \it Di aloho o Maa hagalee modu.\it*\x * \xo 136.19 \xt Numbers 21.21-30\x*  
\q1
\v 20 mo Og, di king o Bashan.   
\qr \it Di aloho o Maa hagalee modu.\it*\x * \xo 136.20 \xt Numbers 21.31-35\x*  
\q1
\v 21 Mee guu wanga nia henua digaula gi ana daangada.   
\qr \it Di aloho o Maa hagalee modu.\it*  
\q1
\v 22 Mee guu wanga nia maa gi Israel, go dana dangada hai hegau.   
\qr \it Di aloho o Maa hagalee modu.\it*  
\b  
\q1
\v 23 Mee digi de langahia e Ia gidaadou i tadau madagoaa ne magedaa.   
\qr \it Di aloho o Maa hagalee modu.\it*  
\q1
\v 24 Mee ne haga dagaloaha gidaadou gi daha mo tadau hagadaumee.   
\qr \it Di aloho o Maa hagalee modu.\it*  
\q1
\v 25 Mee ne wanga nia meegai gi nia manu mouli huogodoo.   
\qr \it Di aloho o Maa hagalee modu.\it*  
\b  
\q1
\v 26 Goodou danggee ang gi di God o di langi.   
\qr \it Di aloho o Maa hagalee modu.\it*  
\c 137  
\s1 Di tangitangi o digau Israel i lodo di nadau noho hege i Babylon  
\q1
\v 1 Gimaadou nogo noho i taalinga nia monowai i Babylon,  
\q1 ga maanadu mai Zion, ga tangitangi.   
\q1
\v 2 Gimaadou gu daudau madau ‘harp’ gi tomo nia laagau ala i madau baahi.   
\q1
\v 3 Digau ala ne lahi gimaadou galabudi  
\q1 e hai mai gi gimaadou bolo gimaadou gi daahili.  
\q1 Digau ala e hagaduadua gimaadou  
\q1 le e hai bolo gimaadou gi haga tenetene ina ginaadou:  
\q1 “Daahili mai gi gimaadou i di hai o Zion.”   
\b  
\q1
\v 4 Gimaadou e deemee loo di daahili i lodo tenua o digau mai i daha!   
\q1
\v 5 Au bolo au gi deemee hua laa di dadaahili i di ‘harp’  
\q1 maa au ga de langahia eau goe, Jerusalem!   
\q1
\v 6 Au bolo au gi deemee hua laa di daahili labelaa maa au digi langahia eau goe,  
\q1 gei digi hagamaanadu ina goe bolo goe go dogu haga tenetene!   
\b  
\q1
\v 7 Meenei Dimaadua, Goe gi langahia di mee a digau Edom ne hai  
\q1 i di laangi dela ne kumi ai Jerusalem go madau hagadaumee.  
\q1 Goe gi langahia telekai digaula dela ne hai boloo, “Ohaa ina gi meheu gi lala!”   
\b  
\q1
\v 8 Babylon, goe ga mooho.  
\q1 E maluagina go tangada dela e tala di hui adu gi di goe  
\q1 i dau mee dela ne hai mai gi gimaadou.\x * \xo 137.8 \xt Revelation 18.6\x*   
\q1
\v 9 E maluagina go tangada dela e kae au ligiana,  
\q1 ga haga mamaawa gi di gili tadugalaa.   
\c 138  
\s1 Talodalo danggee\f + \fr 138.0 \ft Di pisalem ni David\f*  
\q1
\v 1 Au e danggee adu gi di Goe, meenei Dimaadua, mai i lodo dogu manawa hagatau.  
\q1 Au e daahili adu gi di Goe i taahili hagaamu i mua nia god.   
\q1
\v 2 Au e huli adu gi do Hale Daumaha haga madagu,  
\q1 e bala gi lala mo di hagaamu do ingoo,  
\q1 idimaa go do aloho dee modu mo do manawa dahi,  
\q1 idimaa Goe gu hagamodongoohia di hai o do ingoo mo au haganoho  
\q1 bolo e aamua huoloo.   
\q1
\v 3 Goe gu helekai mai dogu madagoaa ne gahigahi Goe.  
\q1 Goe gu haga maaloo aga au gi oo mahi.   
\b  
\q1
\v 4 Meenei Dimaadua, nia king huogodoo ala i henuailala ga hagaamu Goe,  
\q1 idimaa digaula gu longono ginaadou au hagababa.   
\q1
\v 5 Digaula ga daahili gi dau mee dela ne hai, mo do madamada aamua.   
\q1
\v 6 Ma e aha maa Goe e noho i di gowaa i nua loo,  
\q1 gei Goe e madamada humalia i digau ala e lligi.  
\q1 Gei digau ala e hagamuamua e deemee di nngala i oo mua.   
\b  
\q1
\v 7 Dogu madagoaa nogo haingadaa mai gi di au,  
\q1 gei Goe gu benebene au haga humalia.  
\q1 Goe gu hai baahi gi ogu hagadaumee hagawelewele,  
\q1 ga haga dagaloaha au gi o mogobuna.   
\q1
\v 8 Goe gaa hai au mee huogodoo ala guu lawa dau hagababa.  
\q1 Meenei Dimaadua, do aloho la hagalee modu.  
\q1 Hagalawa ina au moomee ala guu lawa i dau daamada.   
\c 139  
\s1 Di kabemee mo tumaalia o Dimaadua\f + \fr 139.0 \ft Di pisalem ni David \f*  
\q1
\v 1 Meenei Dimaadua, Goe gu hagadina au, gei gu iloo e Goe au.   
\q1
\v 2 Goe e iloo nia mee huogodoo ala e hai ko au,  
\q1 Goe e modongoohia agu hagamaanadu mai i di gowaa mogowaa.   
\q1
\v 3 Goe e mmada mai gi di au, be au e ngalua be e hagamolooloo.  
\q1 Goe e iloo ogu hangahaihai huogodoo.   
\q1
\v 4 I mua dagu helekai, gei Goe gu iloo dagu helekai dela gaa hai.   
\q1
\v 5 Goe e haganiga au i nia baahi huogodoo, Goe e abaaba au gi oo mahi.   
\q1
\v 6 Do iloo e Goe au la koia e haga goboina huoloo mai gi di au,  
\q1 e donu ngadaa huoloo ginai au.   
\b  
\q1
\v 7 Ma dehee di gowaa e mee di hana ginai au,  
\q1 gei au gaa tanga gi daha mo do Hagataalunga?  
\q1 Di gowaa i hee e mee di lele ginai au bolo gii ngala au i di Goe?   
\q1
\v 8 Maa nei bolo au ne hana gi nua gi di langi, gei Goe guu noho i golo.  
\q1 Maa nei bolo au ne hana gi di gowaa o digau mmade, gei Goe gu i golo.   
\q1
\v 9 Maa nei bolo au ne maangi gi dua loo,  
\q1 be ne noho i di gowaa dela koia e mogowaa loo gi dai,   
\q1
\v 10 gei Goe gu i golo i nia gowaa aalaa belee dagi au,  
\q1 gei Goe gu i golo belee hagamaamaa au.   
\q1
\v 11 Maa nei bolo au ga helekai gi di bouli bolo gi gahu ina au,  
\q1 be go di maalama dela e haganiga au gi bouli,   
\q1
\v 12 malaa, di bouli dongoeho le e deemee di haga bouli ana mee adu gi di Goe,  
\q1 gei di boo le e maalama hua be di aa.  
\q1 Di bouli dongoeho mo di maalama le e hai hua be di mee e dahi i doo baahi.   
\b  
\q1
\v 13 Goe ne hai nia mee huogodoo o dogu huaidina,  
\q1 gei Goe ne haga noho au i lodo tinae o dogu dinana.   
\q1
\v 14 Au e hagaamu Goe i doo hai au hagahumalia ge haga goboina,  
\q1 au mee huogodoo ala e hai le e haga goboina gei e humalia huoloo.  
\q1 Au gu iloo eau di mee deenei mai i lodo dogu manawa hagatau.   
\q1
\v 15 Di madagoaa hua ogu iwi ne haga noho  
\q1 hagahumalia gii donu i lodo tinae o dogu dinana,  
\q1 ga tomo aga i di gowaa ngala, gei Goe gu iloo bolo au gu i golo.   
\q1
\v 16 I mua dogu haanau, gei Goe gu gidee au.  
\q1 Nia laangi ala e mouli iei au la gu hagailongo huogodoo gi lodo dau beebaa,  
\q1 mo i mua di daamada di laangi matagidagi o dogu mouli.   
\b  
\q1
\v 17 Meenei God, do manawa le e modongoohia ngadaa mai gi di au!  
\q1 E logowaahee go au haga mamaanadu!   
\q1
\v 18 Maa au gaa hai bolo e dau nia maa,  
\q1 ma koia e logowaahee i nia gelegele ala i tongotai!  
\q1 Au ne ala aga, gei au i doo baahi hua igolo.   
\b  
\q1
\v 19 Meenei God, au e hiihai huoloo bolo Goe gi daaligidia gii mmade digau huaidu!  
\q1 Au e hiihai huoloo bolo digau daaligi dangada la gii hula gi daha mo au!   
\q1
\v 20 Digaula e helehelekai huaidu i di Goe.  
\q1 Digaula e helekai hagahuaidu do ingoo.   
\q1
\v 21 Meenei Dimaadua, au e hagadugina eau digau ala e hagadugina e ginaadou Goe!  
\q1 Au e haga balumee digau ala e hai baahi adu gi di Goe.   
\q1
\v 22 Au e hagadugina huoloo i digaula.  
\q1 Au guu dugu digaula bolo nia hagadaumee ni oogu.   
\b  
\q1
\v 23 Meenei God, hagadina ina au, gi iloo e Goe dogu manawa.  
\q1 Hagamada ina au, gi iloo e Goe agu hagamaanadu.   
\q1
\v 24 Halahala ina be ma nia huaidu i dogu baahi,  
\q1 mo di dagi au gi di ala o di mouli dee odi.   
\c 140  
\s1 Talodalo duuli  
\q1
\v 1 Meenei Dimaadua, haga dagaloaha ina au gi daha mo digau huaidu.  
\q1 Benebene ina au gi daha mo digau daaligi dangada.   
\q1
\v 2 Digaula e haga tataele nadau mee huaidu i nia madagoaa huogodoo,  
\q1 e nnoo mau e hai nia daangada gi lagamaaloo.   
\q1
\v 3 Nia holole digaula e hai gadoo be nia holole gihaa daaligi dangada.  
\q1 Nia helekai digaula e hai be nia poisin gihaa.\x * \xo 140.3 \xt Romans 3.13\x*   
\b  
\q1
\v 4 Meenei Dimaadua, abaabalia au gi daha mo nia mogobuna o digau huaidu,  
\q1 duulia au gi daha mo digau daaligi dangada ala bolo ginaadou e hai au gii doo.   
\q1
\v 5 Digau hagamuamua guu hai di nadau hele belee hele au.  
\q1 Digaula guu dugu nadau hele i nia daalinga nia ala belee kumi au.   
\b  
\q1
\v 6 Gei au ga helekai gi Dimaadua, “Ma Kooe di God ni oogu.”  
\q1 Meenei Dimaadua, hagalongo mai gi dagu gahigahi i di hagamaamaa!   
\q1
\v 7 Meenei dogu Dagi go Yihowah, dogu Dangada Hagamaamaa maaloo,  
\q1 Goe ne duuli au i lodo teebagi.   
\q1
\v 8 Meenei Dimaadua,  
\q1 Goe hudee wanga ina gi digau huaidu nia mee digaula ala e hiihai ginai,  
\q1 hudee heia nia hagatataele huaidu digaula gii kila.   
\b  
\q1
\v 9 Goe hudee heia ogu hagadaumee gi aali.  
\q1 Heia nia hagahuaidu digau ala e hai baahi mai gi di au la gii hula gi muli gi digaula.   
\q1
\v 10 Heia nia malala gaa gi monnono gi hongo digaula,  
\q1 kilia digaula gi lodo di luwa llala, gi deemee di lloo aga.   
\q1
\v 11 Hudee heia digau ala e hai baahi tilikai gi nia daangada la gii gila.  
\q1 Di huaidu la gi daaligidia gii mmade digau daaligi dangada.   
\b  
\q1
\v 12 Meenei Dimaadua, au e iloo bolo Goe e hagamaamaa nia donu o digau hagaloale,  
\q1 mo nia donu o digau ala gu haadanga balua.   
\q1
\v 13 E donu, digau ala e haihai nia mee donu ga hagaamu Goe.  
\q1 Digaula ga mouli i oo mua.   
\c 141  
\s1 Talodalo hiahi\f + \fr 141.0 \ft Di pisalem ni David\f*  
\q1
\v 1 Au e gahigahi Goe, meenei Dimaadua, hagamaamaa ina au dolomeenei!  
\q1 Hagalongo mai gi di au i dogu madagoaa ma ga gahigahi Goe.   
\q1
\v 2 Daahia adu dagu dalodalo gadoo be nia ‘incense’,  
\q1 daahia adu ogu lima ala e daahi gi nua e dalodalo,  
\q1 gii hai be dau hai dela e daahi adu tigidaumaha o di hiahi.\x * \xo 141.2 \xt Revelation 5.8\x*   
\b  
\q1
\v 3 Meenei Dimaadua, dugua dau dangada e loohi dogu ngudu,  
\q1 dugua dau dangada dauwa e hagaloohi di bontai o dogu ngudu.   
\q1
\v 4 Abaaba ina au gi hagalee hiihai e hai nia mee hala,  
\q1 be e hagabuni gi digau huaidu i lodo nadau haihai huaidu.  
\q1 Heia au gi hagalee hana i nia hagamiami digaula.   
\b  
\q1
\v 5 Tangada humalia e mee di hagaduadua au ge e aago au i di manawa humalia,  
\q1 gei au hagalee tene gi digau huaidu e hagalaamua au,  
\q1 idimaa agu dalodalo le e hai baahi gi nia hegau huaidu digaula  
\q1 i nia madagoaa huogodoo.   
\q1
\v 6 Di madagoaa nia dagi digaula ma gaa kili ia gi lala  
\q1 mai i hongo nia hadugalaa duuduu i nua,  
\q1 deelaa di madagoaa o nia daangada ga hagadonu laa bolo agu helekai le e donu.   
\q1
\v 7 Nia iwi digaula ga malae i hongo nadau daalunga  
\q1 gadoo be nia laagau ma ga hahaahi ga duuduu hagalligi.   
\b  
\q1
\v 8 Meenei dogu Dagi go Yihowah, au e hagadagadagagee adu gi di Goe.  
\q1 Au e halahala doo duuli, hudee diagia au gii made!   
\q1
\v 9 Abaaba ina au gi daha mo nia hele digaula  
\q1 ala ne hai belee hele au, mo nia hele o digau hai mee huaidu.   
\q1
\v 10 Digau huaidu la heia gi monnono gi lodo nadau hele donu,  
\q1 gei au gii hana hagahumalia.   
\c 142  
\s1 Talodalo Madau Hagamaamaa\f + \fr 142.0 \ft Taahili ni David. Talodalo ne huwa i di madagoaa o maa nogo noho i lodo di bongoo hadugalaa \+bk (1-Samuel 22.1; 24.3) \+bk*\f*  
\q1
\v 1 Au e gahigahi a Dimaadua belee hagamaamaa au, e madau hagamahi gi Mee.   
\q1
\v 2 Au e hagi anga gi Mee ogu dee donu huogodoo.  
\q1 Au e hagi anga gi Mee ogu haingadaa huogodoo.   
\q1
\v 3 Dogu madagoaa hua ga bagege ogu lodo,  
\q1 gei Mee e iloo Ia be ma di aha dela e humalia belee hai ko au.  
\q1 Ogu hagadaumee guu dugu hagammuni nadau hele  
\q1 belee hele au i lodo nia ala e haele iei au.   
\q1
\v 4 Dogu madagoaa ne mmada gi ogu daha,  
\q1 gei au gu gidee bolo ma tangada i golo bolo e hagamaamaa au ai,  
\q1 ge tangada e abaaba au ai, gei tangada hogi e hagadahidamee au ai.   
\b  
\q1
\v 5 Meenei Dimaadua, au e gahigahi Goe belee hagamaamaa au.  
\q1 Kooe, meenei Dimaadua, ma dela hua Kooe dela go dogu abaaba,  
\q1 ma dela hua Kooe dela e hiihai ginai au i lodo di mouli nei.   
\q1
\v 6 Hagalongo mai gi dagu gahigahi di hagamaamaa,  
\q1 idimaa au gu abulu gi lodo di haingadaa.  
\q1 Haga dagaloaha ina au gi daha mo ogu hagadaumee,  
\q1 digaula e maaloo dangihi balua i di au.   
\q1
\v 7 Hagamehede ina au gi daha mo ogu haingadaa,  
\q1 gei au ga hagaamu Goe i lodo nia dagadagabuli o au daangada,  
\q1 idimaa Goe dela e dumaalia mai gi di au.   
\c 143  
\s1 Talodalo e madau di hagamaamaa\f + \fr 143.0 \ft Di pisalem ni David\f*  
\q1
\v 1 Meenei Dimaadua, hagalongo mai gi dagu dalodalo!  
\q1 Hagalongo gi dagu dangidangi, idimaa Goe dela e donu.  
\q1 Helekai mai gi di au, idimaa Goe e manawa dahi.   
\q1
\v 2 Goe hudee hagi aga ina au, go dau dangada hai hegau,  
\q1 idimaa ma tangada e donu i oo mua ai.\x * \xo 143.2 \xt Romans 3.20; Galatians 2.16\x*   
\b  
\q1
\v 3 Ogu hagadaumee guu kumi au gu hagamagedaa.  
\q1 Digaula guu dugu au gi lodo di hale galabudi bouli dongoeho,  
\q1 au guu hai gadoo be tangada guu made i mua loo.   
\q1
\v 4 Ogu lodo gu bagege, gei au gu de nnoomaalia huoloo.   
\b  
\q1
\v 5 Au e langahia nia laangi ala ne too gi daha.  
\q1 Au e hagabaubau i au mee huogodoo ala ne hai,  
\q1 ge e hagalangahia mai gi di au au mee huogodoo ala ne hai.   
\q1
\v 6 Au e daahi aga ogu lima gi nua e dalodalo adu gi di Goe.  
\q1 Dogu hiihai huoloo adu gi di Goe  
\q1 le e hai gadoo be nia gelegele maangoo ala e hiihai huoloo gi di uwa.   
\b  
\q1
\v 7 Meenei Dimaadua, helekai mai gi di au dolomeenei!  
\q1 Au gu dogu hagadagadagagee ai, Goe hudee hagammuni ina Goe i di au,  
\q1 gi dee hana hua au madalia digau ala e hula gi lala gi tenua o digau mmade.   
\q1
\v 8 Hagalangahia ina mai gi di au i nia luada huogodoo  
\q1 di hai o do aloho deemodu, idimaa au e hagadagadagagee adu gi di Goe.  
\q1 Agu dalodalo e lloo aga gi di Goe. Hagia mai gi di au di ala dela belee haele iei au.   
\b  
\q1
\v 9 Meenei Dimaadua, au e hanadu gi di Goe belee abaaba Kooe.  
\q1 Haga dagaloaha ina au gi daha mo ogu hagadaumee.   
\q1
\v 10 Goe go dogu God, aago ina au gi di hai dela e haga gila aga do manawa.  
\q1 Goe gi manawa humalia mai gi di au, mo di dagi au gi lodo di ala dela e donu.   
\b  
\q1
\v 11 Haga dagaloaha ina au, meenei Dimaadua, e hagalaamua do ingoo.  
\q1 Haga dagaloaha ina au gi daha mo ogu haingadaa gi do manawa humalia!   
\q1
\v 12 Idimaa go do aloho damanaiee i di au, daaligidia ogu hagadaumee gii mmade,  
\q1 mo digau huogodoo ala e hagahuaidu au, idimaa, au tangada hai hegau ni aau.   
\c 144  
\s1 Danggee ni di king gi God i dono aali\f + \fr 144.0 \ft Taahili ni David\f*  
\q1
\v 1 Hagaamu ina Dimaadua, go dogu Abaaba!  
\q1 Mee e aago au gi nia hegau o tauwa, ge e hagatogomaalia au gi tauwa.   
\q1
\v 2 Mee go dogu Abaaba mo dogu Dangada Daa,  
\q1 go dogu gowaa e bala ginai au mo dogu Dangada Hagamouli  
\q1 dela e hagadagadagagee huoloo ginai au.  
\q1 Mee e dugu nia henua gi lala ogu mogobuna.   
\b  
\q1
\v 3 Meenei Dimaadua, tangada la di aha dela Goe e de nnoomaalia ai,  
\q1 tangada hua dangada, gei Goe e hagalongo gi mee?\x * \xo 144.3 \xt Job 7.17-18; Pisalem 8.4\x*   
\q1
\v 4 Mee e hai gadoo be di oloolo madangi.  
\q1 Di waalooloo o dono mouli le e hai gadoo be di malu dela e limalima hua di hagalee.   
\b  
\q1
\v 5 Meenei Dimaadua, hugee di langi gi mahuge mo di haneia gi lala.  
\q1 Bili gi nia gonduu, gei nia maa gaa gohu mai nia huiahi.   
\q1
\v 6 Heia nia ila gi dabadaba, gi lellele dagidahi o hagadaumee.  
\q1 Puugia au amu maalei e hagabagi digaula gii hula gii llele.   
\q1
\v 7 Daahia mai doo lima, daahi aga ina au gi daha mo nia wai llala,  
\q1 haga dagaloaha ina au.  
\q1 Haga dagaloaha ina au gi daha mo digau henua gee,   
\q1
\v 8 ala hagalee helekai donu  
\q1 ge e hai nadau helekai tilikai i lodo nadau hagamodu ne hai.   
\b  
\q1
\v 9 Meenei Dimaadua, au ga daahili adu gi di Goe taahili hoou.  
\q1 Au ga daahili i di ‘harp’ mo di daahili adu gi di Goe.   
\q1
\v 10 Goe e hai nia king gi aali i lodo nia dauwa,  
\q1 ga haga dagaloaha dau dangada hai hegau go David.   
\q1
\v 11 Haga dagaloaha ina au gi daha mo ogu hagadaumee huaidu.  
\q1 Daawa ina au gi daha mo nia mogobuna o digau henua gee,  
\q1 ala hagalee helekai donu,  
\q1 ge e hai nadau helekai tilikai i lodo nadau hagamodu ne hai.   
\b  
\q1
\v 12 Madau dama daane i nadau madagoaa ala e dama daane ai  
\q1 gii hai gadoo be nia laagau ala e tomo maaloo.  
\q1 Madau dama ahina gii hai be nia duludulu mmaadanga  
\q1 ala e laagei nia madaaduge di hale di king.   
\q1
\v 13 Madau hale benebene meegai  
\q1 la gii honu i nia hagadilinga huwa laagau huogodoo.  
\q1 Nia siibi ala i lodo madau gowaa la gi hahaanau nadau dama e logowaahee.   
\q1
\v 14 Madau kau la gi hahaanau gi logowaahee,  
\q1 di tama e haanau ge digi dohu be e ngala ai.  
\q1 Nia lee haga manawa gee hudee heia gii hai i hongo nia ala o madau waahale.   
\b  
\q1
\v 15 E maluagina go nia daangada ala ma gaa hai ginai di hagamaluagina beenei!  
\q1 E maluagina go nia daangada ala di nadau God go Dimaadua!   
\c 145  
\s1 Taahili hagaamu\f + \fr 145.0 \ft Taahili hagaamu deenei mai baahi o David \f*  
\q1
\v 1 Meenei dogu God dela go di King, au ga hagadele di hai oo mahi aamua,  
\q1 gei au ga danggee adu gi di Goe i nia madagoaa huogodoo gaa hana hua beelaa.   
\q1
\v 2 Nia laangi huogodoo, gei au ga danggee adu gi di Goe,  
\q1 gei au ga hagaamu Goe gaa hana hua beelaa.   
\q1
\v 3 Dimaadua e aamua ge humalia belee hagaamu giibeni,  
\q1 tangada e iloo ia tamanaiee aamua o Maa ai.   
\b  
\q1
\v 4 Nia daangada ga haga modongoohia au mee huogodoo  
\q1 ala ne hai ang gi di adu dangada nomuli, gei digaula ga hagaamu o mogobuna.  
\q1 Digaula ga hagadele di hai o au hegau mogobuna.   
\q1
\v 5 Digaula ga helehelekai i di hai o do madamada mo do aamua dee odi.  
\q1 Gei au ga hagabaubau huoloo i o hangaahai haga goboina huoloo.   
\q1
\v 6 Nia daangada huogodoo ga helehelekai  
\q1 i di hai o nia mee huogodoo ala ne hai gi o mogobuna,  
\q1 gei au ga hagadele di hai o do maaloo aamua.   
\q1
\v 7 Digaula ga helehelekai i do humalia, gei e dadaahili i di hai o do dumaalia.   
\q1
\v 8 Dimaadua le e koia e aloho huoloo gei e dumaalia,  
\q1 e hagalee hagawelewele ngoohia, gei e honu i di aloho dee odi.   
\q1
\v 9 Mee e humalia ang gi nia daangada huogodoo,  
\q1 gei e manawa dumaalia gi ana mee huogodoo ala ne hai.   
\b  
\q1
\v 10 Meenei Dimaadua, au mee huogodoo ala ne hai Kooe ga hagaamu Goe,  
\q1 gei au daangada huogodoo ga danggee adu gi di Goe.   
\q1
\v 11 Digaula ga helehelekai i di mahi madamada oo dagi dau golohenua,  
\q1 mo di hai o mogobuna,   
\q1
\v 12 bolo gi iloo ai nia daangada huogodoo di hai o mogobuna,  
\q1 mo di hai o nia mahi madamada o do henua.   
\q1
\v 13 Di hai o di dagi dau golohenua la dono hagaodi ai,  
\q1 gei Goe e king gaa hana hua beelaa.  
\b  
\q1 Dimaadua le e manawa dahi hua gi ana hagababa,  
\q1 gei e dumaalia i ana hangahaihai huogodoo.   
\q1
\v 14 Gei mee e hagamaamaa digau huogodoo ala guu noho i lodo di haingadaa,  
\q1 gei e dahi aga digau huogodoo ala guu too gi lala.   
\b  
\q1
\v 15 Digau ala e mouli huogodoo,  
\q1 ginaadou e mmada adu mo di hagadagadagagee adu gi di Goe,  
\q1 gei Goe e haangai digaula gii hai be nadau hiihai.   
\q1
\v 16 Goe e wanga gi digaula nadau mee ala e dohu anga,  
\q1 gei e hagahumalia digaula gi tau anga gi nadau hiihai.   
\b  
\q1
\v 17 Dimaadua le e donu i ana mee huogodoo ala e hai,  
\q1 gei e dumaalia i ana hangahaihai huogodoo.   
\q1
\v 18 Mee e noho hoohoo gi digau huogodoo ala e gahigahi a Mee,  
\q1 go digau ala e gahigahi a Mee i di tonu.   
\q1
\v 19 Mee e wanga gii dohu nia hiihai o digau huogodoo ala e hagalabagau Ia,  
\q1 e hagalongo gi nadau dangidangi, gei e haga mouli digaula.   
\b  
\q1
\v 20 Mee e hagaloohi digau huogodoo ala e aloho i de Ia,  
\q1 gei e daaligi gi daha digau huaidu huogodoo.   
\b  
\q1
\v 21 Au ga hagaamu Dimaadua i nia madagoaa huogodoo.  
\q1 Ana mee huogodoo ala ne hai la gi hagaamuina dono ingoo dabuaahia  
\q1 i nia madagoaa huogodoo gaa hana hua beelaa.   
\c 146  
\s1 Hagaamuina Dimaadua go tadau Dangada Hagamouli  
\q1
\v 1 Goodou gi hagaamuina Dimaadua!  
\q1 Dogu hagataalunga nei, hagaamuina Dimaadua!   
\q1
\v 2 Au ga hagahagaamu a God i di waalooloo o dogu mouli,  
\q1 gei au ga daahili ang gi dogu God i di waalooloo o dogu mouli.   
\b  
\q1
\v 3 Goodou hudee hagadagadagagee gi digau aamua i henuailala,  
\q1 be tei dangada hua dela e deemee di haga dagaloaha goodou.   
\q1
\v 4 Idimaa, digaula gaa mmade gei digaula guu hai hua nia gelegele,  
\q1 gei nadau mee ala bolo gi heia hogi, gu hagaodi i di laangi hua deelaa.   
\b  
\q1
\v 5 E maluagina go tangada dela ma ga hagamaamaa go di God o Jacob.  
\q1 E maluagina go tangada dela e hagadagadagagee gi Dimaadua dela go dono God,   
\q1
\v 6 dela ne hai di langi mo henuailala mo di moana mo nadau hagahonu huogodoo.  
\q1 Mee e haga gila aga ana hagababa i nia madagoaa huogodoo.\x * \xo 146.6 \xt Acts 4.24; 14.15\x*   
\q1
\v 7 Mee e haga gila aga nia donu o digau huogodoo  
\q1 ala guu noho i lala di hagaduadua, gei e haangai digau huogodoo ala gu hiigai.  
\b  
\q1 Dimaadua e haga dagaloaha digau ala guu noho i lodo di lawalawa,   
\q1
\v 8 gei e huge nia golomada o digau ala gu dee gida.  
\q1 Mee e haga mahi aga digau huogodoo ala gu delouaa.  
\q1 Gei mee hogi e aloho i digau ala e donu.   
\q1
\v 9 Mee e madamada humalia i digau mai daha  
\q1 ala e noho gainga i lodo tadau henua,  
\q1 gei Mee e hagamaamaa nia ahina ala guu mmade nadau lodo  
\q1 mo nia dama ala guu mmade nadau maadua,  
\q1 gei e hagahuaidu nia hagatataele o digau huaidu.   
\b  
\q1
\v 10 Dimaadua la go di King gaa hana hua beelaa!  
\q1 Zion, doo God dela gaa dagi gaa hana hua beelaa!  
\b  
\q1 Hagaamuina Dimaadua!   
\c 147  
\s1 Hagaamu di God Aamua  
\q1
\v 1 Hagaamu ina Dimaadua!  
\b  
\q1 Ma e humalia ma ga daahili e hagaamu tadau God.  
\q1 Ma koia e humalia gei e donu dela belee hagaamu a Mee.   
\q1
\v 2 Dimaadua e haga duu aga hoou Jerusalem.  
\q1 Mee e laha mai labelaa digau Israel ala ne lahi galabudi.   
\q1
\v 3 Mee e hagahili nia daangada ala gu manawa gee,  
\q1 gaa hii nia gowaa digaula ala e moholehole.   
\b  
\q1
\v 4 Go Mee dela ne haga noho di hulu heduu,  
\q1 e gahi di ingoo di heduu nei mo di heduu nei.   
\q1
\v 5 Tadau Dagi le e aamua ge maaloo.  
\q1 Di kabemee o Maa le e deemee di hagatau.   
\q1
\v 6 Mee e dahi aga digau ala e manawa hila gi lala,  
\q1 ge e dagadagahi digau huaidu gi lodo nia gelegele.   
\b  
\q1
\v 7 Daahili i nia daahili hagaamu ang gi Dimaadua.  
\q1 Daahili i godou ‘harp’ ang gi tadau God.   
\q1
\v 8 Mee e hagamodoho nia gololangi i lala di langi.  
\q1 Mee e hai nia uwa gii too gi henuailala,  
\q1 gaa hai nia geinga tolo gii tomo i tomo nia gonduu.   
\q1
\v 9 Mee e wanga nia meegai gi nia manu,  
\q1 ga haangai nia manu mamaangi ‘raven’  
\q1 i nadau madagoaa ma ga tangitangi hiigai.   
\b  
\q1
\v 10 Mee hagalee manawa tene gi nia hoodo maaloo,  
\q1 be gi nia daane dauwa de mmaadagu.   
\q1
\v 11 Mee e manawa tene hua gi digau ala e hagalaamua Ia,  
\q1 mo digau ala e hagadagadagagee gi dono aloho dee modu.   
\b  
\q1
\v 12 Jerusalem, hagaamuina Dimaadua! Zion, hagaamu ina doo God!   
\q1
\v 13 Mee e hagaloohi haga humalia nia ngudu nia bontai o dau abaaba.  
\q1 Mee e haga maluagina au daangada.   
\q1
\v 14 Mee e madamada humalia tagageinga o do henua,  
\q1 ga haangai goodou gi nia palaawaa ala koia e humalia.   
\b  
\q1
\v 15 Mee ga helekai gi henuailala,  
\q1 gei di mee a Maa dela ne helekai ai le e gila hagalimalima.   
\q1
\v 16 Mee e holo nia ‘snow’ gadoo be di ‘blanket’,  
\q1 ga haga nonnono nia magalillili gadoo be nia gelegele.   
\q1
\v 17 Mee e haga doo dana uwa hadu magalillili gadoo be nia giligili.  
\q1 Deai tangada e mee di noho mahana  
\q1 i lodo di magalillili ma ga hai mai go Mee ai!   
\q1
\v 18 Mee e helekai hua gei nia koolii gu waiwai.  
\q1 Mee gaa hai di madangi gii gono, gei nia wai ga malingi.   
\b  
\q1
\v 19 Mee e wanga ana helekai gi ana daangada,  
\q1 ana aago mo ana haganoho gi digau Israel.   
\q1
\v 20 Mee digi hai di mee deenei gi digau o nia henua ala i golo,  
\q1 digaula e de iloo ginaadou ana haganoho.  
\b  
\q1 Hagaamu ina Dimaadua!   
\c 148  
\s1 Di langi mo henuailala gi hagaamuina Dimaadua  
\q1
\v 1 Goodou gi hagaamuina Dimaadua!  
\q1 Goodou ala go digau ala e noho i nua,  
\q1 goodou hagaamuina Dimaadua mai i di langi.   
\q1
\v 2 Goodou ala go ana gau di langi,  
\q1 goodou huogodoo gi hagaamuina a Mee,  
\q1 goodou go dana buini dauwa o di langi,  
\q1 goodou huogodoo gi hagaamuina a Mee.   
\b  
\q1
\v 3 Goolua go di laa mo di malama, goolua hagaamuina a Mee.  
\q1 Goodou go nia heduu madamada, goodou gi hagaamuina labelaa a Mee.   
\q1
\v 4 Goodou go di langi dela i nua loo mo nia wai ala i hongo di langi,  
\q1 goodou gi hagaamuina a Mee.   
\b  
\q1
\v 5 Nia maa huogodoo gi hagaamuina di ingoo o Dimaadua!  
\q1 Idimaa, Mee ne helekai hua, gei nia maa guu hai.   
\q1
\v 6 Mee ne helekai hua, gei nia mee guu noho gi nadau lohongo,  
\q1 gaa hana hua beelaa, gei nia maa e deemee di de hagalongo.   
\b  
\q1
\v 7 Goodou hagaamuina Dimaadua mai i henuailala,  
\q1 goodou ala go nia manu hagamadagudagu dangada  
\q1 ala i lodo di moana mo ala i tua di moana,   
\q1
\v 8 mo goodou ala go di ila mo di uwa hadu magalillili, nia ‘snow’  
\q1 mo nia gololangi, mo nia madangi llauehe ala e hagalongo gi ana helekai.   
\b  
\q1
\v 9 Goodou hagaamuina a Mee,  
\q1 goodou ala go nia gowaa nnoonua mo nia gonduu,  
\q1 nia laagau ala e huwa mo nia laagau o lodo henua,   
\q1
\v 10 mo nia manu huogodoo, nia manu gaidala mono manu lodo geinga,  
\q1 nia manu dolodolo mono manu mamaangi.   
\b  
\q1
\v 11 Goodou hagaamuina a Mee, goodou ala go nia king mo digau huogodoo,  
\q1 nia dagi aamua mo digau huogodoo aamua ala i golo,   
\q1
\v 12 mo goodou ala go nia dama daane mo nia dama ahina,  
\q1 digau mmaadua mo nia dama lligi.   
\b  
\q1
\v 13 Digaula huogodoo gi hagaamuina di ingoo o Dimaadua!  
\q1 Dono ingoo la koia e aamua huoloo i nia ingoo huogodoo ala i golo.  
\q1 Dono madamada e noho i hongo di langi mo henuailala.   
\q1
\v 14 Mee dela gu hagamaaloo aga dono henua,  
\q1 gei ana daangada huogodoo ga hagaamu a Mee,  
\q1 aalaa go digau Israel ala e aloho huoloo iei Mee.  
\b  
\q1 Goodou gi hagaamuina Dimaadua!   
\c 149  
\s1 Taahili hagaamu  
\q1
\v 1 Hagaamu ina Dimaadua!  
\b  
\q1 Goodou daahili ang gi Dimaadua i taahili hoou,  
\q1 hagaamu ina a Mee i mua nia dagabuli o ana daangada manawa dahi!   
\q1
\v 2 Israel, goe gi manawa lamalia, idimaa go Mee dela ne hai goe.  
\q1 Goodou, go nia daangada o Zion, goodou tenetene, idimaa go di godou king!   
\q1
\v 3 Goodou gaalege hagaamuina di ingoo o Maa.  
\q1 Goodou daahili gi godou ‘drum’ mono ‘harp’ e hagahagaamu a Mee.   
\b  
\q1
\v 4 Dimaadua e manawa tene gi ana daangada.  
\q1 Mee e hagalaamua digau ala e hila gi lala e hai digaula gi aali.   
\q1
\v 5 Nia daangada a God la gi tenetene idimaa ginaadou gu aali,  
\q1 mo di dadaahili tenetene i di boo dogomaalia.   
\q1
\v 6 Digaula gii wwolo gi nua ma ga hagaamu a God,  
\q1 mo nadau hulumanu dauwa gaa i nadau lima,   
\q1
\v 7 e hagamagedaa nia henua ge e daaligi nia daangada,   
\q1
\v 8 e lawalawa nia king digaula gi nia daula baalanga,  
\q1 gei nia dagi digaula e lawalawa gi nia daula baalanga mau,   
\q1
\v 9 e daaligi nia henua llauehe gii hai be di hai dela gu haga noho go God.  
\q1 Deenei di aali o nia daangada a God.  
\b  
\q1 Hagaamuina Dimaadua!   
\c 150  
\s1 Dadaahili hagaamuina Dimaadua!  
\q1
\v 1 Hagaamuina Dimaadua!  
\q1 Hagaamuina God i lodo dono Hale Daumaha!  
\q1 Hagaamuina a Mee i ono mahi i di langi.   
\q1
\v 2 Hagaamuina a Mee i ana mee haga goboina ala ne hai.  
\q1 Hagaamuina ono mahi aamua.   
\b  
\q1
\v 3 Hagaamuina a Mee gi godou labaa.  
\q1 Hagaamuina a Mee gi nia ‘harp’ mono ‘lyre’.   
\q1
\v 4 Hagaamuina a Mee gi nia ‘drum’ mo nia gagaalege.  
\q1 Hagaamuina a Mee gi nia ‘harp’ mono mee ngiingii iliili.   
\q1
\v 5 Hagaamuina a Mee gi nia ‘cymbal’.  
\q1 Hagaamuina a Mee gi nia lee maaloo o nia ‘cymbal’.   
\b  
\q1
\v 6 Nia manu mo nia daangada mouli huogodoo,  
\q1 goodou hagaamuina Dimaadua!  
\b  
\q1 Hagaamuina Dimaadua!