\id PHM Kapingamarangi 
\h Philemon 
\toc1 Di Lede a Paul ang gi Philemon 
\toc2 Philemon 
\toc3 Philemon 
\mt1 PHILEMON  
\mt2 Di Lede a Paul ang gi Philemon  
\imt1 Di haga modongoohia:  
\im Philemon tangada aamua i di nohongo dabu i Colosse, dana hege go Onesimus. Di hege deenei ne lele gi daha mo mee, gei nomuli ga heetugi gi Paul i di madagoaa Paul nogo noho i lodo di hale galabudi. Paul ne hidi ai Onesimus gaa hai di tama Christ.  
\ip \bk Di lede a Paul ang gi Philemon\bk*, Paul e hagamahi gi Philemon gi manawa lamalia mo di dumaalia ang gi Onesimus, dela ne hagau go Paul gi mee, gaa hai bolo mee gi benebene ina a mee, hagalee bolo mee dela di hege e kae di wwede ono hala, gei i mee dela tuaahina dama a Christ.  
\iot Di hagahonu di beebaa deenei:  
\io1 Di haga modongoohia \ior (1-3)\ior*  
\io1 Paul e hagaamu a Philemon \ior (4-7)\ior*  
\io1 Tangidangi hagamahi i Onesimus \ior (8-22)\ior*  
\io1 Di hagaodi o di lede \ior (23-25)\ior*  
\c 1  
\p
\v 1 Mai baahi o Paul, tangada galabudi i di gili o Jesus Christ, mo mai tadau duaahina go Timothy, ang gi di goe di mau ihoo hagaaloho hai hegau go Philemon,  
\v 2 mo ang gi di nohongo dabu dela e dagadagabuli i lodo doo hale, mo tadau duaahina ahina go Apphia, mo anga labelaa gi tadau ihoo dauwa go Archippus.\x * \xo 1.2 \xt Colossians 4.17\x*   
\p
\v 3 God tadau Damana mo tadau Dagi go Jesus Christ, gi dugu adu gi goodou tumaalia mo di aumaalia.   
\s1 Di aloho mo di hagadonu Philemon  
\p
\v 4 Dogu duaahina go Philemon, nia madagoaa huogodoo au e dalodalo ge e haga langahia goe, e danggee ang gi God,  
\v 5 idimaa, au gu longono eau do aloho i nia daangada a God huogodoo, mo do hagadonu tadau Dagi go Jesus.  
\v 6 Au e hai dalodalo i tadau hagadaubuni i di hagadonu, gaa hidi ai gidaadou ga modongoohia nia hagahumalia huogodoo, ala gu hai mee ginai gidaadou i tadau mouli buni anga gi Christ.  
\v 7 Dogu ihoo hagaaloho, do aloho gu hidi mai iei au gu tenetene huoloo, gei gu hagamaaloo aga ogu lodo. Goe gu haga tenetene nia manawa o nia dama a God huogodoo.   
\s1 Tangidangi i Onesimus  
\p
\v 8 Idimaa goe tuaahina ni oogu mai Christ, gei au guu mee di helekai adu gi di goe bolo goe gi heia di mee dela e humalia di hai kooe.  
\v 9 Gei di maa au e aloho i di goe, gei au ga dangidangi adu gi di goe. Au e hai di mee deenei, ma e aha maa au go Paul, e pono a Jesus Christ, gei dolomeenei au e galabudi i di gili o Christ.  
\v 10 Au e pono Onesimus, e hai tangidangi deenei adu gi di goe. Mee guu hai tama daane donu ni aagu mai i Christ, idimaa, au guu hai tamana ni mee i dogu madagoaa e noho i lodo di hale galabudi.\x * \xo 1.10 \xt Colossians 4.9\x*  
\v 11 Di madagoaa i mua, gei mee nogo deai dono hadinga adu gi di goe ai, gei dolomeenei gu dahidamee ngaadahi mai gi gidaua.   
\p
\v 12 Au e hagau adu Onesimus gi muli, gei dogu manawa e hanadu madalia a mee.  
\v 13 Au e hiihai bolo mee belee noho dalia au i ginei i dogu madagoaa e galabudi iei au i di gili di Longo Humalia, e pono do lohongo, e hagamaamaa au.  
\v 14 Au hagalee hono adu gi di goe bolo gi hagamaamaa ina au. Au e hiihai bolo goe gi heia aga hua i lodo do manawa. Au hagalee hai di mee dela hagalee donu ginai goe.   
\p
\v 15 Holongo Onesimus gu mogowaa i di goe i tama madagoaa bodobodo, gei goe belee gahigahi adu a mee gi doo baahi labelaa i nia madagoaa huogodoo.  
\v 16 Dolomeenei gei mee hagalee di hege, mee guu hai tuaahina hagaaloho dama a Christ. Mee gu dahidamee huoloo mai gi di au, gei mee ga dahidamee adu gi di goe huoloo, i mee hagalee di hege hua, gei mee tuaahina ni oou i di gulu buni anga gi Tagi.   
\p
\v 17 Maa goe e hagamaanadu bolo au di hoo ni oou, benebene ina a mee, gadoo be goe ma ga benebene au.  
\v 18 Maa mee guu hai dana hala adu gi di goe, be e boibana dana mee adu gi di goe, gei goe duguina mai nia mee aanei e hagadonu koau.  
\v 19 Au e hihi nia mee aanei gi dogu lima donu: \it Au go Paul ga hui adu laa gi di goe.\it* Au hagalee belee haga langahia adu i o boibana mai gi di au i do mouli.  
\v 20 Deenei laa, dogu duaahina nei, dumaalia haga gila ina di mee deenei i di ingoo o Tagi. Goe haga tenetene ina dogu manawa be di hoo ni oogu i di ingoo o Christ.   
\p
\v 21 Au e iloo i dagu hihi adu nia mee aanei, bolo goe ga haga gila dagu dangidangi deenei, gei e donu, au e iloo bolo goe gaa hai labelaa gi nonua.  
\v 22 I di madagoaa la hua, gei goe gi hagatogomaalia ina dagu gowaa e noho ai, idimaa, au e hagadagadagagee bolo God ga hui adu laa godou hai dalodalo, ga lahadu au gi goodou.   
\s1 Nia hagaaloho hagaodi  
\p
\v 23 Epaphras dela e galabudi madalia au i di gili di ingoo o Jesus Christ, e hagau adu dana hagaaloho,\x * \xo 1.23 \xt Colossians 1.7; 4.12\x*  
\v 24 mo ogu ihoo hai hegau aanei, go Mark, Aristarchus, Demas mo Luke e hagadae adu di nadau hagaaloho.\x * \xo 1.24 \xt Acts 12.12,25; 13.13; 15.37-39; 19.29; 27.2; Colossians 4.10,14; 2-Timothy 4.10,11\x*   
\p
\v 25 Tumaalia o tadau Dagi go Jesus Christ gi madalia goodou.