\id MRK Kapingamarangi 
\h Mark 
\toc1 Di Longo Humalia Mark 
\toc2 Mark 
\toc3 Mark 
\mt1 MARK  
\mt2 Di Longo Humalia Mark  
\imt1 Di haga modongoohia:  
\im \bk Di Longo Humalia Mark\bk* la ne hihi go John Mark\f + \fr 1.0 \fq John Mark: \ft Acts 12.12, 25; 15.37, 39; Colossians 4.10; 2-Timothy 4.11; Philemon 24; 1-Peter 5.13;\f*, e daamada boloo, \it “Deenei di Longo Humalia o Jesus Christ, go Tama a God.”\it* Jesus guu hai tangada e ngalua mo e dagi. Ono mogobuna dagi e kila mai i lodo ana agoago, i lodo ono mogobuna maaloo e dagi nia hagataalunga huaidu, mo i lodo tumaalia o nia huaidu nia daangada. Jesus e helekai bolo ko Ia go Tama Tangada, ne hanimoi belee wanga dono mouli e hagamaahede nia daangada i nadau ihala.  
\ip Mark e helekai maaloo di kai o Jesus i ana mee ne hai, hagalee go ana helekai mo ana agoago. Mark guu kai labelaa di hai o Jesus ne babdais go John Babdais, ge ne kae di haga mada. Nomuli gaa kai nnegau a Jesus nogo haga hili ana gau magi, mo ana agoago. Di waalooloo di madagoaa, nia dama agoago a Maa guu donu ge gu modongoohia a Mee gi nonua. Gei ono hagadaumee gu ginagina huoloo i Mee. Nia mada ala e hagaodi, le e kai nia mee ala ne hai i tabu muliagina a Jesus nogo mouli ai i henuailala, gei e donu go dono made i hongo di loobuu, mo dono mouli aga.  
\ip Di hagaodi o di Longo Humalia deenei, dela i lodo nia maaga aanei [Mark 16.9-20], la ne hihi go tuai dangada, hagalee go Mark.  
\iot Di Hagahonu di beebaa deenei:  
\io1 Taamada di Longo Humalia \ior (1.1-13)\ior*  
\io1 Nnegau a Jesus i Galilee \ior (1.14—9.50)\ior*  
\io1 Mai Galilee gi Jerusalem \ior (10.1-52)\ior*  
\io1 Tabu muliagina i lodo mo hoohoo gi Jerusalem \ior (11.1—15.47)\ior*  
\io1 Di mouli aga o Jesus \ior (16.1-8)\ior*  
\io1 Nia haga gida a Jesus mo dono hana gi di langi \ior (16.9-20)\ior*  
\c 1  
\s1 Di agoago a John Babdais  
\r (Matthew 3.1-12; Luke 3.1-18; John 1.19-28)  
\p
\v 1 Deenei di Longo Humalia o Jesus Christ, Tama a God.  
\v 2 E daamada be di hai a soukohp Isaiah dela guu hihi,  
\q1 “God ne helekai boloo:  
\q1 Au ga hagau dagu dangada kae hegau i oo mua  
\q1 e hagatogomaalia doo ala!\x * \xo 1.2 \xt Malachi 3.1\x*   
\q1
\v 3 Tangada e wolowolo i lodo di anggowaa boloo:  
\q1 ‘Hagatogomaalia ina di ala o Dimaadua.  
\q1 Haga huudonu ina di ala dela e hana iei Mee.’”\x * \xo 1.3 \xt Isaiah 40.3\x*   
\m
\v 4 Malaa, John ga gila mai i lodo di anggowaa, e hai ana babdais mo di agoago, “Huli gi daha mo godou huaidu, gi babdais, gei God ga dumaalia gi godou huaidu.”  
\v 5 Dogologowaahee mai Judea mo di waahale Jerusalem, ne hula belee hagalongo gi nia agoago a John. Digaula ne haagi nadau ihala, gei mee ga babdais digaula i lodo di monowai Jordan.   
\p
\v 6 John e gahu i nia gahu ngaahulu ‘camel’, e hai dono duu gili kau i dono huaidina, ana meegai la nia manu ‘locust’, mo nia meegai maangala o lodo henua.\x * \xo 1.6 \xt 2-Kings 1.8\x*  
\v 7 Mee ga haga iloo gi nia daangada, “Taane dela ma ga hanimoi i ogu muli, la koia e aamua i di au. Gei au hogi hagalee tau di bala gi lala e wwede nia suudi o Maa.  
\v 8 Au e babdais goodou gi nia wai, gei Mee ga babdais goodou gi di Hagataalunga Dabu.”   
\s1 Di babdais mo di hagamada o Jesus  
\r (Matthew 3.13—4.11; Luke 3.21,22; 4.1-13)  
\p
\v 9 Di madagoaa hua deelaa, gei Jesus ga hanimoi i Nazareth, tama waahale i tenua Galilee, ga babdais go John i di monowai Jordan.  
\v 10 Di madagoaa hua Jesus ne hanaga gi daha mo nia wai, Mee gaa mmada gi di langi gu mahuge, di Hagataalunga Dabu e haneia i ono nua, e dina gi di mwuroi.  
\v 11 Gei di lee ga lee eia i di langi, “Goe go dagu Dama daane dela e aloho iei Au. Au e tenetene adu gi di Goe.”\x * \xo 1.11 \xt Genesis 22.2; Pisalem 2.7; Isaiah 42.1; Matthew 3.17; 12.18; Mark 9.7; Luke 3.22\x*   
\p
\v 12 Di madagoaa hua deelaa, gei di Hagataalunga Dabu gaa hai a Jesus gii hana gi di anggowaa,  
\v 13 gaa noho i golo nia laangi e madahaa, nogo hagamadamada go Setan. Gei nia manu o lodo henua e noho labelaa i golo, gei nia daangada di langi e loomoi e hagamaamaa a Mee.   
\s1 Jesus e gahi ana gau wagadaha dogohaa  
\r (Matthew 4.12-22; Luke 4.14,15; 5.1-11)  
\p
\v 14 I muli John ne haga ulu gi lodo di hale galabudi, gei Jesus gaa hana gi Galilee, ga hagadele di Longo Humalia o God.  
\v 15 Mee ga helekai, “Di madagoaa gu dau mai! Teenua King o God gu hoohoo mai! Huli gi daha mo godou huaidu, hagadonu ina di Longo Humalia!”\x * \xo 1.15 \xt Matthew 3.2\x*   
\p
\v 16 Di hanadu hua o Jesus la taalinga Tai o Galilee, ga gidee ia nia daangada wagadaga dogolua, Simon mo dono duaahina daane Andrew, e dadaabui nau iga gi di gubenge.  
\v 17 Jesus ga helekai gi meemaa, “Lloomoi, daudali mai Au, gei Au ga aago goolua gi di haangodo gi nia daangada.”  
\v 18 Meemaa gu limalima gu diiagi nau gubenge, guu hula i muli o Mee.   
\p
\v 19 Jesus ga hanadu hua haga balua, ga gidee labelaa tagahaanau daane dogolua, James mo John, nia dama daane ni Zebedee. Meemaa e bonobono di nau gubenge i hongo di nau boodi.  
\v 20 Di madagoaa hua Jesus ne gidee meemaa, ga gahigahi meemaa, gei meemaa ga diiagi di nau damana Zebedee mo ana gau ngalua i hongo di boodi, gaa hula i muli o Jesus.   
\s1 Taane iai di hagataalunga huaidu  
\r (Luke 4.31-37)  
\p
\v 21 Jesus mo ana dama agoago e hula gi di waahale o Capernaum, ga dau mai di Laangi Sabad, gei Jesus ga ulu gi lodo synagogee, ga daamada ga agoago.  
\v 22 Digau ala ne longono, la gu goboina huoloo i nia agoago a Maa, i Mee hagalee e agoago be digau haga donudonu haganoho. Ana agoago le e mogobuna.\x * \xo 1.22 \xt Matthew 7.28-29\x*   
\p
\v 23 Nomuli hua, gei taane dela iai di hagataalunga huaidu i ono lodo, ga hanimoi gi lodo synagogee, ga wolowolo,  
\v 24 “Ma di aha dela gaa hai Kooe mai gi gimaadou, Jesus o Nazareth? Goe ne hanimoi gi kinei belee hagahuaidu gimaadou? Au e iloo eau Goe: Goe go Tangada Dabuaahia a God dela ne hagau mai!”   
\p
\v 25 Jesus ga helekai, “Hudee leelee, ulu gi daha mo taane deenaa!”   
\p
\v 26 Di hagataalunga huaidu ga haga bolebole taane deelaa, ga wolowolo, ga ulu mai gi daha mo mee.  
\v 27 Nia daangada huogodoo gu goboina huoloo, ga leelee i nadau mehanga, “Ma di aha deenei? Ma di agoago hoou deenei? Taane deenei le e mogobuna, Mee e helekai hua gi nia hagataalunga huaidu, gei digaula e hagalongo gi Mee!”   
\p
\v 28 Di longo o Jesus gu limalima hua guu dele i nia guongo o Galilee hagatau.   
\s1 Jesus e hagahili ana gau magi dogologo  
\r (Matthew 8.14-17; Luke 4.38-41)  
\p
\v 29 Jesus mo ana dama agoago e hagatanga i synagogee, e hula ginaadou mo James mo John, gi di hale o Simon mo Andrew.  
\v 30 Tinana di lodo o Simon e moe magi welengina i hongo dono moenge. Di dau hua o Jesus i golo, gei digaula ga hagi anga di ahina gi Mee.  
\v 31 Gei Jesus ga hanadu gi mee, gaa kumi di lima o maa, ga haga duu gi nua a mee, dono magi guu hili, gei mee ga daamada ga hai hegau gi digaula.   
\p
\v 32 Ga hiahi ia di mee, nia daangada ga laha mai nadau gau magi, mono gau iai nia hagataalunga huaidu gi Jesus.  
\v 33 Digau huogodoo mai di waahale deelaa ga dagabuli mai gi mua di hale deelaa.  
\v 34 Gei Jesus ga hagahili digau dogologo ala e magi i nia hagadilinga magi, gei gu hagabagi nia hagataalunga huaidu e logo. Mee gaa bule nia hagataalunga huaidu aalaa, bolo gi hudee leelee, idimaa, digaula e iloo a Mee.   
\s1 Jesus e hagadele di Longo Humalia i lodo o Galilee  
\r (Luke 4.42-44)  
\p
\v 35 Heniheni dono daiaa, Jesus ga ala aga, ga ulu gi daha mo di hale. Ge Ia gaa hana gi daha mo tama waahale deelaa, gaa hana gi di gowaa e lomo, e dalodalo.  
\v 36 Gei Simon mo ono ehoo gaa hula, ga halahala a Mee.  
\v 37 I di nadau gidee a Mee, ga helekai, “Digau huogodoo e halahala Goe.”   
\p
\v 38 Jesus ga helekai gi digaula, “Gidaadou e hula labelaa gi nia waahale ala e hoohoo mai. Au belee hai agu agoago labelaa i golo, idimaa, deelaa dagu mee ne hanimoi belee hai.”   
\p
\v 39 Malaa, Mee gaa hana laa lodo Galilee, e agoago i lodo nia synagogee, mo di hagabagibagi nia hagataalunga huaidu.\x * \xo 1.39 \xt Matthew 4.23; 9.35\x*   
\s1 Jesus e hagahili taane  
\r (Matthew 8.1-4; Luke 5.12-16)  
\p
\v 40 Taane magi genegene ga hanimoi gi Jesus, ga bala gi lala i mua o Mee, gaa dangi i di hagamaamaa, “Maa Goe e hiihai, heia mua au gi madammaa.”   
\p
\v 41 Jesus gu aloho i mee, gaa bili gi mee, ga helekai, “Au e hiihai. Madammaa!”  
\v 42 Di madagoaa hua deelaa, gei di magi guu hili i taane deelaa, gei mee gu madammaa.  
\v 43-44 Gei Jesus ga hagau a mee gaa bule gi mee, “Hagalongo, goe hudee hagi anga ina gi tangada di mee deenei ne hai. Hana hua haga huudonu gi tangada hai mee dabu gi haga dina ina goe. Nomuli, gei goe heia tigidaumaha a Moses bolo gi heia, gi iloo ai nia daangada, bolo goe gu madammaa.” Gei mee ga hagau taane deelaa gii hana.\x * \xo 1.43-44 \xt Leviticus 14.1-32\x*   
\p
\v 45 Gei taane deelaa gaa hana hua ga hagadele di longo gi nia madagowaa huogodoo, gaa hidi ai Jesus ga deemee di hana i lodo nia waahale. Gei Mee ga nohonoho hua i nia gowaa lomo, gei nia daangada o nia gowaa huogodoo gu lloomoi gi Mee.   
\c 2  
\s1 Jesus e hagahili taane mmade ono dudaginga  
\r (Matthew 9.1-8; Luke 5.17-26)  
\p
\v 1 Nia laangi dulii nomuli, Jesus gaa hana labelaa gi Capernaum, gei di longo guu dele bolo Mee gu i dono hale.  
\v 2 Nia daangada dogologowaahee ga lloomoi, gu deeoo i lodo di hale, gu deeoo mai gi di ngudu di bontai. Jesus ga agoago i nnelekai a God gi digaula.  
\v 3 Dono madagoaa dela e agoago, gei nia daane dogohaa ga taga mai di nadau dangada mmade ono dudaginga gi Jesus.  
\v 4 Digaula gu deemee di lahi a mee gi Jesus, idimaa gu deeoo daangada i baahi o Jesus. Malaa, digaula ga haga bongoo tuatala, gi huudonu ia gi Jesus, ga haga hege ia taane magi deelaa i hongo dono hada gi baahi o Jesus.  
\v 5 Jesus ga gidee ia hua nia hagadonu maaloo digaula, ga helekai gi taane mmade ono dudaginga, “Dagu dama daane, o huaidu la gu maahede.”   
\p
\v 6 Hunu gau haga donudonu haganoho e noho i golo, e hagamamaanadu boloo,  
\v 7 “Taane deenei la gaa mee di helekai beenei beleiaha? Mee e helekai e hagahuaidu hua a God! Ma go God hua modogoia dela e mee di wwede nia huaidu!”   
\p
\v 8 Jesus gu iloo hua nadau hagabaubau, ga helekai gi digaula, “Goodou e hagabaubau di mee deenei eiaha?  
\v 9 Dehee di mee e helekai ngoohia gi taane mmade ono dudaginga, e helekai boloo, ‘O huaidu gu maahede’, be e helekai boloo, ‘Duu i nua, dahia aga ina do moenge, haele’?  
\v 10 Au e haga modongoohia adu gi goodou, bolo ma go Tama Tangada dela e mogobuna di hagamehede nia huaidu i henuailala.”  
\p Nomuli, gei Mee ga helekai gi taane mmade ono dudaginga,  
\v 11 “Au e helekai adu gi du gi nua, dahia aga ina do moenge, hana gi doo hale.”   
\p
\v 12 Digaula e daumada taane magi deelaa e duu i nua, ga dahi aga dono moenge, gaa hana. Digaula huogodoo gu goboina huoloo, ga hagaamu a God, ga helekai, “Gidaadou digi gidee di mee beelaa.”   
\s1 Jesus e gahi a Levi  
\r (Matthew 9.9-13; Luke 5.27-32)  
\p
\v 13 Jesus gaa hana labelaa gi muli gi tongotai Tai o Galilee. Nia daangada dogologowaahee ga dagabuli mai, gei Mee gaa hai ana agoago gi digaula.  
\v 14 I dono haele, gei Mee ga gidee tangada hagabudu dagitedi, go Levi, tama daane a Alphaeus, e noho i lodo dono oobidi. Jesus ga helekai gi mee, “Daudali mai Au.” Gei Levi ga du gi nua, ga daudali a Mee.   
\p
\v 15 Nomuli, gei Jesus nogo miami i di hale o Levi. Dogologo digau hagabudu dagitedi mono gau huaidu nogo daudali a Mee, gei digau dogologo i digaula e miami dalia a Jesus mo ana dama agoago.  
\v 16 Hunu gau haga donudonu haganoho ala e dau gi nia Pharisee, ga gidee bolo Jesus e miami i baahi digau huaidu, mono gau hagabudu dagitedi, gei digaula ga heeu gi nia dama agoago a Maa, “Mee e miami i baahi digaula beelaa eiaha?”   
\p
\v 17 Jesus ga longono, ga helekai, “Digau nadau magi ai e hagalee hiihai e hula gi togidaa, aalaa hua go digau magi. Au hagalee ne hanimoi belee gahi mai digau ala e donu, gei go digau hua ala gu huaidu!”   
\s1 Di heeu di noho hagaonge  
\r (Matthew 9.14-17; Luke 5.33-39)  
\p
\v 18 Tolongo e dahi, gei nia dama kuulu a John Babdais mo nia dama kuulu a nia Pharisee e noho hagaonge. Gei hunu gau ga lloomoi, ga heeu gi Jesus boloo, “Ma e aha dela nia dama kuulu a John Babdais mo nia dama kuulu a nia Pharisee e noho hagaonge, gei au dama e hagalee hagaonge?”   
\p
\v 19 Jesus ga helekai, “Goodou e hai bolo nia daangada ala i di hagamiami haga hai lodo la gii noho hagaonge? Deeai! Di madagoaa taane hai lodo ma gaa noho i nadau baahi gei digau ala i tagamiami deelaa la hagalee noho hagaonge.  
\v 20 Tei laangi hua, gei taane hai lodo ga hagatanga gi daha mo digaula, deelaa di nadau madagoaa gaa noho hagaonge.   
\p
\v 21 “Deai tangada e pono dana gahu bobo gi di mee gahu hoou ai, idimaa di mee gahu hoou la ga haahi di gahu bobo, koia gaa hai di bongoo gi damana.  
\v 22 Gei deai tangada hogi e haga hau ana waini hoou gi lodo di ulu mee gili manu bobo ai, idimaa, nia waini hoou la ga haahi di ulu mee gili manu bobo deelaa, ga malingi. Nia waini hoou la belee haga hau hua gi lodo di ulu mee gili manu hoou.”   
\s1 Di heeu i di Laangi Sabad  
\r (Matthew 12.1-8; Luke 6.1-5)  
\p
\v 23 Jesus e hana laa lodo di waa laagau meegai ‘wheat’ i di Laangi Sabad. Ana dama agoago e hula madalia a Mee, e hagihagi nia huwa o nia laagau ‘wheat’.\x * \xo 2.23 \xt Deuteronomy 23.25\x*  
\v 24 Gei nia Pharisee ga helekai gi Jesus, “Mmada gi au dama agoago ala e hai nia mee ala e bule go tadau haganoho bolo hagalee hai i di Laangi Sabad.”   
\p
\v 25 Jesus ga helekai gi digaula, “Goodou digi daulia di mee a David ne hai i di madagoaa mee mo ono ehoo ne hiigai?\x * \xo 2.25 \xt 1-Samuel 21.1-6\x*  
\v 26 Digaula ne ulu gi lodo di hale o God, gaa gai nia palaawaa dabu ala ne hagadabu ang gi God, i di madagoaa tagi aamua hai mee dabu go Abiathar. Tadau haganoho le e hai bolo go digau hai mee dabu hua ala e mee di gai nia palaawaa aalaa, gei David guu gai nia maa, guu wanga labelaa gi ono ehoo gi geina.”\x * \xo 2.26 \xt Leviticus 24.9\x*   
\p
\v 27 Jesus ga helekai, “Di Laangi Sabad la ne hai belee hagahumalia ai tangada, gei tangada la hagalee ne hai ang gi di Laangi Sabad.  
\v 28 Malaa, Tama Tangada le e dagi labelaa di Laangi Sabad.”   
\c 3  
\s1 Taane made dono lima  
\r (Matthew 12.9-14; Luke 6.6-11)  
\p
\v 1 Jesus ga hanimoi gi muli gi di synagogee, gei taane made dono lima i golo.  
\v 2 Hunu gau i golo e dadaumada a Jesus, bolo gii gida di nadau hala i Mee. Digaula ga mmada adu gii donu be mee ga hagahili taane deelaa i di Laangi Sabad.  
\v 3 Jesus ga helekai gi taane, “Hanaga gi mua.”  
\v 4 Gei Mee ga heeu gi digaula, “Tadau haganoho le e dumaalia gi ni aha e hai go gidaadou i di Laangi Sabad? Di humalia be di huaidu? E benebene di mouli o tangada, be e hagahuaidu?”  
\p Gei digaula digi helekai loo.  
\v 5 Jesus gu hagawelewele gi digaula, gei di madagoaa la hua Mee gu tilikai hua laa i digaula, idimaa i nadau lodo hamaaloo mo nadau hagabaubau ihala. Gei Mee ga helekai gi taane deelaa, “Holohia doo lima gi daha.” Gei mee gaa holo dono lima gi daha, guu hili.  
\v 6 Nia Pharisee ga ulu gi daha mo synagogee, ga dagabuli ginaadou mo digau ala e huli mai i Herod, e haga noho di nadau hai belee daaligi a Jesus.   
\s1 Digau dogologo i baahi di tai  
\p
\v 7 Jesus mo ana dama agoago ne lloo adu gi tongotai di Tai o Galilee, gei digau dogologowaahee ne daudali a Mee. Digau aanei digau mai Galilee, Judea,  
\v 8 Jerusalem, nnenua o Idumea, i baahi i dua o Jordan, mo mai i nia gowaa i di gili nia waahale o Tyre mo Sidon. Digau huogodoo aanei ne lloomoi gi Jesus i di nadau longono i nia mee a Jesus ala ne hai.  
\v 9 Tagabuulinga dangada deelaa gu dogologowaahee, gaa hidi ai Jesus, ga helekai gi ana dama agoago gi hagatogomaalia ina di boodi e gaga ieia, gi aadee eia.\x * \xo 3.9 \xt Mark 4.1; Luke 5.1-3\x*  
\v 10 Mee ne hagahili ana gau magi dogologo, gei digau magi e hagadau honohono, bolo gii bili ginaadou gi Mee.  
\v 11 Digau ala iai nia hagataalunga huaidu ga gidee ginaadou a Mee, gaa pala gi lala loo i mua o Mee, gaa wwolo, “Goe go Tama a God!”   
\p
\v 12 Jesus gaa bule nia hagataalunga huaidu aalaa, bolo gi hudee hagi anga ina Ia gi nia daangada.   
\s1 Jesus e hili digau agoago dilongoholu maa lua  
\r (Matthew 10.1-4; Luke 6.12-16)  
\p
\v 13 Jesus ne hana gi hongo dahi gonduu, gaa gahi ana gau ala e hiihai ginai, gei digaula guu hula gi Mee.  
\v 14 Gei Mee ga hilihili aga dilongoholu maa lua, ga haga ingoo go Mee bolo digau agoago hagau. Mee ga helekai, “Au ne hili goodou belee madalia Au, e hagau goodou e hagadele di Longo Humalia.  
\v 15 Goodou ga mogobuna di hagabagi nia hagataalunga huaidu.”   
\p
\v 16 Aanei digau dilongoholu maa lua a Mee ne hilihili: Simon (Jesus gu hagaingoo a mee bolo Peter),  
\v 17 James, mo dono duaahina go John, nia dama daane Zebedee (Jesus gu haga ingoo meemaa bolo Boanerges, dono hadinga boloo, “Nia Dama daane ni di Atili”),  
\v 18 Andrew, Philip, Bartholomew, Matthew, Thomas, James go tama daane a Alphaeus, Thaddaeus, Simon di ‘Patriot’\f + \fr 3.18 \ft \+bk ‘Patriot’\+bk* Di hagabuulinga dangada ala e hai baahi hagammuni gi digau Rome\f*,  
\v 19 mo Judas Iscariot, dela ga hagi anga Jesus.   
\s1 Jesus mo Beelzebul  
\r (Matthew 12.22-32; Luke 11.14-23; 12.10)  
\p
\v 20 Jesus ne hana gi dono hale, gei digau dogologo ga mmui mai gi Mee, gei Mee mo ana dama agoago gu de aadee di nadau miami.  
\v 21 Nia gau o Maa gaa longo, gaa hula belee benebene a Mee, idimaa, nia daangada e helekai bolo Mee gu dadaulia.   
\p
\v 22 Digau haga donudonu haganoho ne lloomoi i Jerusalem, ga helekai, “Beelzebul la gu i lodo o Mee, di tagi o nia hagataalunga huaidu ne hai a Mee gi mogobuna di hagabagi digaula.”\x * \xo 3.22 \xt Matthew 9.34; 10.25\x*   
\p
\v 23 Jesus ga gahi mai digaula, ga helekai i nia ala kai, “Setan e mee di hagabagi Setan?  
\v 24 Tenua ma ga waewae hagabuulinga, la ga heheebagi, ga mooho gi daha.  
\v 25 Maa di madahaanau ma ga waewae, ga heheebagi, di madahaanau deelaa la ga mooho.  
\v 26 Maa nei bolo nia daangada o Setan la ga waewae hagabuulinga, la hagalee duai, ga hagalee.   
\p
\v 27 “Deai tangada e mee di ulu gi lodo di hale o taane maaloo belee kae nia goloo o maa. Go mee hua gu lawalawa taane maaloo deelaa, gei mee gaa mee laa di kae nia goloo o di hale o maa.   
\p
\v 28 “Au e hagi adu di tonu bolo nia huaidu huogodoo o nia daangada mo nadau helekai huaidu i God, e mee hua di dumaalia ginai.  
\v 29 Gei tangada dela ma ga helekai huaidu i di Hagataalunga Dabu le e deemee di dumaalia ginai, idimaa, mee guu doo gi lodo di hala dela e deemee di mehede.”\x * \xo 3.29 \xt Luke 12.10\x*  
\v 30 Jesus e helekai beenei, idimaa, hunu daangada ne helekai, “Mee iai di hagataalunga huaidu i ono lodo.”   
\s1 Tinana o Jesus mo ono duaahina  
\r (Matthew 12.46-50; Luke 8.19-21)  
\p
\v 31 Nia duaahina daane o Jesus mo tinana o maa ne dau mai. Digaula e tuu i malaelae di hale, ga hagau di nadau hagailoo, belee gahi mai a Mee.  
\v 32 Digau dogologo i baahi o Jesus, ga helekai gi Mee, “Mmada, do dinana, o duaahina daane, o duaahina ahina i malaelae, e hiihai e heetugi adu.”   
\p
\v 33 Gei Jesus ga helekai gi digaula, “Dogu dinana la koai? Ogu duaahina la koai?”  
\v 34 Mee ga mmada adu hua gi digau ala e noho i dono baahi, ga helekai, “Mmada! Aanei ogu dinana mo ogu duaahina!  
\v 35 Be ko ai hua dela e hai nia mee a God bolo gi heia, deelaa go dogu duaahina daane, dogu duaahina ahina, mo dogu dinana.”   
\c 4  
\s1 Di ala kai o tangada dogi mee  
\r (Matthew 13.1-9; Luke 8.4-8)  
\p
\v 1 Jesus ga daamada labelaa ga agoago i tongotai Galilee. Digau dogologowaahee ga dagabuli i di gili o Maa, ga hidi mai iei Mee gaa gaga gi hongo di boodi gaa noho, gei tagabuli dangada deelaa le e tuu i tongotai.\x * \xo 4.1 \xt Luke 5.1-3\x*  
\v 2 Mee e agoago gi digaula i nia mee e logo i nia ala kai, ga helekai gi digaula,  
\v 3 “Hagalongo. Dahi daane ne hana e haga nonnono ana lii gi matilitili.  
\v 4 Dono haga nonnono hua ana lii, hunu lii guu too gi taalinga di ala, gei nia manu ga mmaangi mai gaa gai nia maa.  
\v 5 Hunu lii ne too gi hongo di gowaa haduhadu, e dee dohu ono gelegele, gei nia lii gu matilitili hua hagalimalima, i nia gelegele la hagalee llala.  
\v 6 Di laa gaa dii, gaa dudu nia maa gii mae, idimaa nia aga digi tomo humalia, nia laagau ga limalima hua di maangoo.  
\v 7 Hunu lii guu too gi lodo nia geinga duduia, gei nia geinga duduia la ga tomo aga, ga haga deaadee nia laagau aalaa, ga dee huwa.  
\v 8 Hunu lii ne too gi hongo nia gelegele humalia, ga matili, gaa tomo haga dubuagina, gaa huwa. Hunu maa ne huwa dagi motolu, dagi modoono, dagi llau.”   
\p
\v 9 Gei Jesus ga helekai, “Tangada ono dalinga i golo, gi hagalongo!”   
\s1 Tadinga o nia ala kai  
\r (Matthew 13.10-17; Luke 8.9,10)  
\p
\v 10 Di madagoaa hua Jesus nogo modogoia, gei nia dama agoago dilongoholu maa lua mono gau ala nogo hagalongo, ga lloomoi, ga helekai gi Mee gi hagi anga ina nia hadinga o nia ala kai aalaa.  
\v 11 Jesus ga helekai, “Go goodou hua ala ne dumaalia anga ginai gi iloo nia mee hagammuni o Teenua King o God, gei digau ala e noho i tua, le e hagalongo hua gi nia mee huogodoo mai nia ala kai.  
\v 12 Deelaa laa,  
\q1 ‘Digaula gaa mmada, gei e de gidee.  
\q1 Digaula ga hagalongolongo,  
\q1 gei hagalee modongoohia!  
\q1 Maa nei bolo digaula ne gidee,  
\q1 gu modongoohia,  
\q1 digaula guu huli ang gi God,  
\q1 gei Mee ga dumaalia gi nadau huaidu.’”\x * \xo 4.12 \xt Isaiah 6.9-10\x*   
\s1 Jesus e haga modongoohia di ala kai o tangada dogi mee  
\r (Matthew 13.18-23; Luke 8.11-15)  
\p
\v 13 Jesus ga heeu gi digaula, “Goodou digi modongoohia di ala kai deenei? Malaa, dehee di godou hai e iloo nia ala kai ala i golo?  
\v 14 Tangada haga nonnono lii, deenei la go tangada dela e hagadele nnelekai a God.  
\v 15 Hunu daangada e hai be nia lii ne too gi taalinga di ala. I di nadau longono hua nia agoago, gei Setan ga hanimoi, gaa kae nia maa.  
\v 16 Hunu daangada le e hai be nia lii ne too gi hongo nia gowaa haduhadu. I di nadau longono nia agoago, gei digaula guu tene ginai, guu kabe.  
\v 17 Gei hagalee mau i nadau lodo, ge hagalee noho duai. Di haingadaa, be taaligi ne hidi mai i di Longo Humalia ma ga kila aga, gei digaula gu limalima di diiagi nadau hegau.  
\v 18 Hunu gau le e hai be nia lii ne too gi lodo nia geinga duduia. Aanei go digau ala ne hagalongo gi nia agoago,  
\v 19 gei e manawa i di mouli dolomeenei, mono hagagailaa gi nia mee, mo nia hiihai gi nia hagadilinga mee ala i golo, ga haga deaadee nia agoago gi deai ono huwa ai.  
\v 20 Hunu daangada le e hai be nia lii ne too gi lodo di gelegele humalia. Aanei go digau ala ne longono nia agoago, ga hai hegau ginai, gaa huwa dau logo: hunu gau ne huwa dagi motolu, dagi modoono, dagi llau.”   
\s1 Di malama i lala di boolo  
\r (Luke 8.16-18)  
\p
\v 21 Jesus e helehelekai hua igolo gi digaula, “Ma iai tangada i golo e dugu dana malama gi lala di boolo, be gi lala di hada kiikii? Ma hagalee belee dugu gi hongo dono lohongo donu?\x * \xo 4.21 \xt Matthew 5.15; Luke 11.33\x*  
\v 22 Di mee dela e ngala le e haga gila mai, gei di mee dela e dugu hagammuni, le e huge aga.\x * \xo 4.22 \xt Matthew 10.26; Luke 12.2\x*  
\v 23 Tangada ono dalinga i golo, gi hagalongo!”   
\p
\v 24 Jesus gu helekai labelaa gi digaula, “Heia goodou gii donu gi nia mee ala ga hagalongo ginai goodou. Di godou hai e hagi aga digau ala i golo, dela hogi di hai a God e hagi aga goodou, malaa koia ne huaidu gi nonua.\x * \xo 4.24 \xt Matthew 7.2; Luke 6.38\x*  
\v 25 Idimaa, tangada dela ana mee i golo, le e wanga labelaa ana mee gi nonua. Tangada dela ana mee ai, nia mee dulii ala i dono baahi, le e daa gi daha.”\x * \xo 4.25 \xt Matthew 13.12; 25.29; Luke 19.26\x*   
\s1 Di ala kai o di tomo o di lii  
\p
\v 26 Jesus ga helekai, “Teenua King o God le e hai be nia lii e haga nonnono go tangada i dana gowaa.  
\v 27 Mee e kii i di boo, ge e ala i di aa, gei dela di madagoaa ne matili ai nia lii, gaa tomo, gei mee e de iloo be nia maa ne hai behee.  
\v 28 Nia gelegele hua ala ne haga tomo nia laagau, gaa hai nia maa gii huwa. Matagidagi di tila, nomuli di laagau, nomuli gaa huwa, nia huwa e honu lii.  
\v 29 Di madagoaa ma ga mmaadua ai nia huwa, gei tangada gaa hagi nia maa, idimaa, guu dau gi taugai.”\x * \xo 4.29 \xt Joel 3.13\x*   
\s1 Di ala kai o tama lii laagau ‘mustard’  
\r (Matthew 13.31,32,34; Luke 13.18,19)  
\p
\v 30 Jesus ga heeu, “Gidaadou e hai bolo Teenua King o God le e hai be di aha? Di ala kai behee e hai hegau e haga modongoohia di maa?  
\v 31 Ma e hai be tangada ma gaa kae dana lii ‘mustard’ dela e dulii loo i nia lii i henuailala, gaa dogi gi lodo di gelegele.  
\v 32 Nomuli ga matili, gaa tomo, gaa hai di laagau damanaiee i nia laagau huogodoo, ga mangamanga gi daha, gei nia manu ga mmaangi mai, gaa hai nadau waehongo i dono malu.”   
\p
\v 33 Jesus e agoago gi nia daangada i nia ala kai beenei e logo, ala e tau ang gi nadau iloo.  
\v 34 Mee e helekai hua gi nia daangada i nia ala kai. Dono madagoaa hua ga madalia ana dama agoago, mee ga haga modongoohia nia hadinga o nia ala kai aalaa gi iloo digaula.   
\s1 Jesus e haga kila di madangi gono  
\r (Matthew 8.23-27; Luke 8.22-25)  
\p
\v 35 Hiahi hua di laangi deelaa, gei Jesus ga helekai gi ana dama agoago, “Gidaadou gaa hula gi di baahi i golo o tai.”  
\v 36 Gei digaula ga hagatanga gi daha mo tagabuulinga dangada deelaa, gei nia dama agoago gaa kaga gi di boodi dela e noho Jesus nonua, gaa hula ginaadou. Nia boodi labelaa nogo i golo.  
\v 37 Gei di madangi guu gono huoloo, di moana gu bagibagia huoloo, di boodi gu hahaawa, gu hoohoo ga abulu.  
\v 38 Jesus e kii i muli waga di boodi, e ulungi i di ulungi. Nia dama agoago ga hangahanga a Mee, ga helekai, “Tangada Agoago, Goe e de hei e Goe bolo gidaadou gaa mmade?”   
\p
\v 39 Jesus ga duu i nua, ga helekai gi di madangi, “Kila!” ga helekai labelaa gi nia beau, “Bapaba!” Gei di madangi guu kila, di moana gu bapaba.   
\p
\v 40 Gei Jesus ga helekai gi ana dama agoago, “Goodou e mmaadagu di aha? Goodou digi hagadonu hegau?”   
\p
\v 41 Digaula gu mmaadagu huoloo, ga leelee i nadau mehanga, “Taane deenei la koai, dela e hagalongo ginai di madangi mo nia beau?”   
\c 5  
\s1 Jesus e hagahili taane iai nia hagataalunga huaidu i ono lodo  
\r (Matthew 8.28-34; Luke 8.26-39)  
\p
\v 1 Jesus mo ana dama agoago ne dau i di baahi i golo di Tai o Galilee, tenua go Gerasa.  
\v 2 Di doo aga Jesus i di boodi, gei Mee ga heetugi gi taane ne haneia i di gowaa daalunga. Taane deelaa la iai di hagataalunga huaidu i ono lodo.  
\v 3 Mee e noho i di waa daalunga deelaa, deai tangada e mee di lawalawa a mee gi taula baalanga ai.  
\v 4 Nia holongo e logo, ono wae mo ono lima e lawalawa gi nia tiini baalanga, gei mee e haga mmodummodu hua nia maa. Mee maaloo dangihi i digau huogodoo ala belee kumi a mee.  
\v 5 Di boo mo di aa, gei mee e hana i mehanga waa daalunga mo i hongo nia gonduu, e wolowolo ge e haga moholehole ia gi nia hadugalaa.   
\p
\v 6 Dono mmada gi Jesus haga mogowaa, geia gaa lele gi Mee, ga dogoduli i mua o Mee,  
\v 7 gaa wolo gi nua loo, “Jesus, Tama a God Aamua Huoloo. Ma di aha dela e hiihai ginai Goe i di au? Au e dangi adu i di ingoo o God, hudee hagahuaidu ina au!”  
\v 8 Mee e helekai beenei, idimaa, Jesus ne helekai, “Di hagataalunga huaidu nei, hanimoi gi daha mo taane deenaa!”   
\p
\v 9 Gei Jesus ga heeu gi mee, “Do ingoo la koai?”  
\p Gei taane ga helekai, “Dogu ingoo go di hagabuulinga dangada dogologo, i gimaadou e dogologo!”  
\v 10 Gei mee ga dangidangi gi Jesus, gi hudee hagau ina nia hagataalunga huaidu gi daha mo tenua deelaa.   
\p
\v 11 Nia biigi e logo i golo, e miami i taalinga di gonduu.  
\v 12 Gei nia hagataalunga ga tangi gi Jesus gi hagau ina ginaadou gi lodo nia biigi aalaa.  
\v 13 Gei Mee ga hagau digaula, gei nia hagataalunga huaidu ga ulu gi daha, ga ulu gi lodo nia biigi. Nia biigi aalaa, holongo e lua mana (2,000), ga gabadaa ngaadahi, ga llele ia gi lala i di laungudu mololo gi lodo di monowai, gu mmaalemu huogodoo.   
\p
\v 14 Nia daane nogo benebene nia biigi, gaa llele, ga hagadele di longo nia mee ne hai gi lodo di waahale mo nia gowaa benebene manu. Nia daangada huogodoo ga lloomoi gi gidee ginaadou di mee dela ne hai.  
\v 15 Di nadau dau gi baahi o Jesus, ga gidee ginaadou taane dela nogo iai nia hagataalunga huaidu i ono lodo, e noho hagahumalia, e ulu ono gahu. Gei digaula gu mmaadagu.  
\v 16 Digau ala ne gidee di mogobuna ne hai, gaa kai gi nia daangada di mee dela ne hai gi taane deelaa mono biigi.   
\p
\v 17 Gei digaula ga tangi gi Jesus, gii hana gi daha mo di nadau guongo.   
\p
\v 18 I di gaga hua o Jesus gi hongo di boodi, gei taane dela nogo iai nia hagataalunga huaidu, gaa dangi gi Mee, “Au e hana dalia Goe.”   
\p
\v 19 Jesus digi dumaalia gi mee, ga helekai hua gi mee, “Hana gi doo hale, gi baahi o duaahina. Hagi anga ina nia mee a Dimaadua ala ne hai adu, mo tumaalia o God ne hai adu gi di goe.”   
\p
\v 20 Malaa, taane deelaa ga hagatanga, gaa hana laa lodo nnenua o Decapolis\f + \fr 5.20 \ft \+bk Decapolis:\+bk* Di ingoo deenei dono hadinga i nnelekai Greek boloo, “nia waahale e madangaholu”\f*, ga hagadele nia mee a Jesus huogodoo ne hai, gei digau huogodoo ala ne longono, gu goboina huoloo.   
\s1 Tama ahina a Jairus mo di ahina ne bili gi di gahu o Jesus  
\r (Matthew 9.18-26; Luke 8.40-56)  
\p
\v 21 Jesus ne hana labelaa gi muli gi di baahi i golo o tai. Gei digau dogologo ga dagabuli mai gi Mee i tongotai.  
\v 22 Jairus, tangada aamua synagogee ga dau mai, ga gidee a Jesus, ga dogoduli gi lala gi baahi o nia babaawae o Maa,  
\v 23 ga dangidangi hagamahi gi Jesus, “Dagu dama ahina e magi huoloo, hoohoo gaa made. Dumaalia mai mua, hana, dugu ina oo lima gi hongo o mee, gi mouli a mee.”   
\p
\v 24 Gei Jesus ga hagatanga, gaa hana dalia a mee. Malaa, nia daangada dogologo gaa hula dalia a Jesus, e buni hua i dono gili.   
\p
\v 25 Di ahina i golo e magi halihali dodo i nia ngadau e madangaholu maa lua.  
\v 26 Di magi o maa ne hai go nia dogidaa dogologowaahee, gei gu hagaodi ginai ana bahihadu huogodoo, gei digi hili, e huaidu hua mai i nia madagoaa huogodoo.  
\v 27 Mee ne longono Jesus, gei mee ga hanadu i lodo nia daangada i muli o Mee,  
\v 28 ga hagamaanadu, “Maa au gaa bili hua gi di gahu o Maa, gei au gaa hili.”   
\p
\v 29 Gei mee gaa bili gi di gahu o Maa, gei dono magi guu hili i di madagoaa hua deelaa. Mee gu longono bolo ia gu maaloo, dono magi guu hili.  
\v 30 Di madagoaa hua deelaa, gei Jesus gu hagalongo ia i deia, bolo nia mogobuna guu hula gi daha mo Ia. Gei Mee gaa huli gi muli i lodo digau dogologowaahee, ga heeu, “Ma koai dela ne bili gi dogu gahu?”   
\p
\v 31 Ana dama agoago ga helekai gi Mee, “Goe e gidee nia daangada dogologo gu buni hua i doo gili, gei Goe e heeu ma koai ne bili adu?”   
\p
\v 32 Jesus ga halahala tangada dela ne bili gi dono gahu.  
\v 33 Gei di ahina deelaa gu modongoohia di mee dela ne hai ang gi deia, gei mee gu madagu gu bolebole, ga hanadu gi hoohoo gi Mee, ga dogoduli i mua o Mee, ga hagi aga haga huudonu gi Jesus nia mee huogodoo.  
\v 34 Jesus ga helekai gi di ahina, “Dagu dama ahina, ma go do hagadonu dela ne hai doo magi gii hili. Hana i di tenetene i doo magi dela guu hili.”   
\p
\v 35 Di madagoaa Jesus nogo helehelekai, gei digau kae hegau ne loomoi i di hale o Jairus, ga helekai gi mee, “Dau dama ahina la guu made, gei goe hudee haga daadaamee ina Tangada Agoago deenaa.”   
\p
\v 36 Gei Jesus digi hagalongo gi nnelekai digaula, ga helekai gi Jairus, “Hudee madagu, hagadonu hua.”  
\v 37 Gei Mee digi dumaalia gi tangada e dahi e hana dalia Ia, ala hua go Peter mo James mo dono duaahina go John.  
\v 38 I di nadau dau i di hale o Jairus, Jesus gaa mmada hua gi nia daangada gu heehee hinihini nadau modongoohia, ga longono di hagalongoaa mo tangihangi i golo.  
\v 39 Mee ga ulu adu, ga helekai gi digaula, “Ma di aha dela e hagalongoaa iei goodou, gei e dangidangi di aha? Tama deenaa la digi made, mee e kii hua.”   
\p
\v 40 Gei digaula ga gadagada haga kai tilikai a Mee, gei Mee gaa hai digaula gii hula gi malaelae, gaa lahi tamana mo tinana di tama mo ana dama agoago dogodolu, ga ulu gi lodo di ruum dela e moe ai di tama.  
\v 41 Mee gaa kumi di lima o di tama, ga helekai adu, “\tl Talitha koum\tl*”, dono hadinga boloo, “Tama ahina, Au e helekai adu gi duu i nua.”   
\p
\v 42 Tama ahina ga ala aga ga heehee. (Mee gu madangaholu maa lua ono ngadau). Di mee deenei ne hai la gu haga goboina huoloo nia daangada.  
\v 43 Gei Jesus gaa bule maaloo gi digaula, bolo gi hudee hagi anga ina gi dahi dangada, ga helekai labelaa boloo, “Haangai ina a mee.”   
\c 6  
\s1 Di haga balumee o Jesus i Nazareth  
\r (Matthew 13.53-58; Luke 4.16-30)  
\p
\v 1 Jesus ga hagatanga, gaa hana gi muli gi dono waahale donu, gei ana dama agoago ga daudali a Mee.  
\v 2 Mee ga daamada ga agoago i lodo synagogee i di Laangi Sabad. Digau dogologo gu goboina gi nia agoago a Maa, ga heheeu, “Nia agoago a Maa ne gaamai i hee? Ma di kabemee aha dela i Mee? Gei Mee e hai ana mogobuna behee?  
\v 3 Ma hagalee go Mee tangada hau hale, go tama daane a Mary, tuaahina daane o James, Joseph, Judas mo Simon? Gei ono duaahina ahina hagalee e noho hua i ginei?” Gei digaula ga haga balumee a Mee.   
\p
\v 4 Jesus ga helekai gi digaula, “Nia soukohp le e hagalabagau i nia gowaa huogodoo, gei digaula nadau hagalabagau ai i lodo nadau waahale donu, i baahi nadau gau, mo nadau madahaanau.”\x * \xo 6.4 \xt John 4.44\x*   
\p
\v 5 Mee gu deemee di hai ana mogobuna i golo, e dugu hua ono lima gi hongo digau magi dulii, gei digaula guu hili.  
\v 6 Mee gu homouli huoloo i digaula nadau hagadonu ai.  
\s1 Jesus e hagau ana dama agoago dilongoholu maa lua  
\r (Matthew 10.5-15; Luke 9.1-6)  
\p Gei Jesus gaa hana gi nia waahale lligi ala i golo, ga agoago gi nia daangada.  
\v 7 Mee ga gahi mai ana dama agoago dilongoholu maa lua, ga hagau digaula dau dogolua. Gei Mee gaa wanga gi digaula di mogobuna gi maaloo i nia hagataalunga huaidu,  
\v 8 ga boloagi gi digaula, “Hudee kae mee, dela hua go togodogo, hudee kae meegai, mee dugu goloo, mo teenedi i lodo godou budehede.\x * \xo 6.8 \xt Luke 10.4-11\x*  
\v 9 Gahu ina goodou gi nia suudi, hudee kae gahu digagi.  
\v 10 Digau ala ma ga benebene goodou, goodou noho i golo, gaa dae loo gi di godou hagatanga gi daha mo di gowaa deelaa.  
\v 11 Maa di waahale ga hagalee hagaahi mai goodou, be hagalee hagalongo adu, diagia, hula, duiduia nia gelegele godou babaawae, gi iloo digaula di nadau hagabalumee di mouli daumaha.”\x * \xo 6.11 \xt Acts 13.51\x*   
\p
\v 12 Malaa digaula gaa hula, ga agoago gi nia daangada, bolo gii huli gi daha mo nadau huaidu.  
\v 13 Digaula ga hagabagi nia hagataalunga huaidu e logo, ga hagatulu digau magi dogologo gi nia lolo olib, gei nadau magi guu hili.\x * \xo 6.13 \xt James 5.14\x*   
\s1 Di made o John Babdais  
\r (Matthew 14.1-12; Luke 9.7-9)  
\p
\v 14 King Herod ne longono ia nia mee huogodoo, idimaa, di longo o Jesus gu baalahu. Hunu daangada e helekai boloo, “John Babdais gu mouli aga i mee dela e mee di hai ana mogobuna.”\x * \xo 6.14 \xt Matthew 16.14; Mark 8.28; Luke 9.19\x*   
\p
\v 15 Hunu gau e helekai bolo Mee go Elijah, gei hunu gau e helekai bolo Mee dahi soukohp i nia soukohp namua.   
\p
\v 16 Gei Herod ga longono ia, ga helekai, “Mee go John Babdais, ne tuu dono uwa ko au, dela gu mouli labelaa.”  
\v 17 Herod ne helekai bolo gi kumidia John Babdais gi lawalawa ina, gi hudua gi lodo di hale galabudi. Herod ne hai di mee deenei, idimaa go Herodias, dela e lodo ginai eia, gei di ahina la di lodo donu ni dono duaahina daane go Philip.\x * \xo 6.17 \xt Luke 3.19-20\x*  
\v 18 John Babdais nogo helehelekai gi Herod, “Ma hagalee donu bolo goe e lodo gi di lodo o do duaahina.”   
\p
\v 19 Deelaa di mee a Herodias e dugineia huoloo i John, ga hiihai e daaligi a mee gii made, gei e deemee, idimaa go Herod.  
\v 20 Herod nogo madagu i John, i mee dela e iloo ia bolo John tangada e donu ge haga madagu, malaa, mee e benebene a mee gi de daaligi go tangada. Herod e hiihai e hagalongo gi ana helekai, ma e aha maa mee e lodo huaidu i nia madagoaa huogodoo ma ga hagalongo gi John.   
\p
\v 21 Nomuli, Herodias gaa gida dana madagoaa humalia. Di laangi haanau Herod, gei Herod guu hai dana hagamiami gi ana gau aamua mugi nua, nia dagi dauwa, mo nia dagi huogodoo Galilee.  
\v 22 Tama ahina a Herodias ga ulu mai, ga gagaalege, gu haga tenetene Herod mo digau tagamiami. Di king ga helekai gi tama ahina, “Goe e hiihai gi di aha? Au ga gowadu di ingoo hua di mee dela e hiihai ginai goe.”  
\v 23 Mee gaa hai dana hagamodu gi tama ahina, “Au e doangi bolo au e gowadu di ingoo hua di mee dela e hiihai ginai goe. E de hei eau be di maa go di baahi o dogu henua king.”   
\p
\v 24 Tama ahina deelaa gaa hana gi baahi dono dinana, ga heeu, “Ma di aha dela ga madau ko au gi mee?”  
\p Gei dono dinana ga helekai, “Go di libogo o John Babdais.”   
\p
\v 25 Tama ahina gaa hana hagalimalima gi di king, ga helekai, “Au e hiihai goe gi gaamai gi di au di libogo o John Babdais i hongo di pileedi dolomeenei.”   
\p
\v 26 Telekai deenei la guu hai di king gi lodo huaidu, gei gu deemee di haga deeai gi mee idimaa dana hagamodu dela ne hai i mua digau dogologo tagamiami.  
\v 27 Di madagoaa deelaa, gei mee ga hagau tangada dauwa haga lellele, gi gaamai di libogo o John. Gei tangada dauwa gaa hana gi di hale galabudi, gaa tuu di uwa o John.  
\v 28 Mee ga gaamai di libogo o maa i hongo di pileedi, gaa wanga gi tama ahina, gei tama ahina gaa kae gi dono dinana.  
\v 29 Nia dama agoago a John la ga longono, ga lloomoi, gaa kae tuaidina o maa, gaa danu.   
\s1 Jesus e haangai ana daane e lima mana (5,000)  
\r (Matthew 14.13-21; Luke 9.10-17; John 6.1-14)  
\p
\v 30 Digau agoago hagau ga lloomoi labelaa gi baahi o Jesus, ga hagi anga nadau mee huogodoo ala ne hai ge ne agoago ai.  
\v 31 Jesus mo ana dama agoago gu de iloo di miami, i digau dogologo ne mmui mai. Deenei di mee a Jesus ne hidi ai ga helekai gi digaula, “Gidaadou gaa hula mada gidaadou gi tei gowaa e lomo gi hagamolooloo goodou.”  
\v 32 Gei digaula gaa hula mada ginaadou i di boodi gi di gowaa e lomo.   
\p
\v 33 Digau dogologo gaa mmada gi digau ala e hagatanga, ga iloo hua bolo ma go digaula. Digau huogodoo mai nia waahale gaa hula lauda, gaa dau i di gowaa dela e hula ginai, i mua Jesus mo ana dama agoago ne dau i golo.  
\v 34 Di madagoaa o Jesus ne doo aga i di boodi, ga gidee Ia digau dogologowaahee, gei Mee guu lodo aloho i digaula, i digaula guu hai gadoo be nia siibi, deai di nadau dangada hagaloohi ai. Gei Mee ga daamada ga agoago e logo gi digaula.\x * \xo 6.34 \xt Numbers 27.17; 1-Kings 22.17; 2-Chronicles 18.16; Ezekiel 34.5; Matthew 9.36\x*  
\v 35 Gaa dae gi di hiahi ia di mee, ana dama agoago ga lloo adu gi Mee, ga helekai, “Ma gaa boo ia di mee, gei di gowaa deenei la di gowaa lomo.  
\v 36 Haga maaheu ina digaula gii hula gii hui nadau meegai i nia adu hale mono gowaa ala e hoohoo mai.”   
\p
\v 37 Jesus ga helekai, “Goodou haangai ina digaula.”  
\p Gei digaula ga heeu, “Goe e hiihai gimaadou gii hula gi huia mai madau meegai gi nia silber e lua lau e haangai digaula?”   
\p
\v 38 Jesus ga heeu, “Ma nia palaawaa e hia i godou baahi? Hula, mmada.”  
\p Digaula ga iloo, ga hagi anga gi Mee, “Nia palaawaa e lima, ge lua iga.”   
\p
\v 39 Jesus ga helekai gi ana dama agoago, “Waewae ina digaula gii noho i hagabuulinga gi hongo nia geinga tolo.”  
\v 40 Digaula gaa noho gi lala i nia hagabuulinga dangada, hagabuulinga nei e lau dangada, hagabuulinga nei e madalima dangada.  
\v 41 Jesus ga dahi aga nia palaawaa e lima, ge lua iga, gaa mmada gi di langi, ga danggee ang gi God, ga ginigini nia palaawaa, gaa wanga gi ana dama agoago bolo gi duwwaa gi digaula. Gei Mee gaa duwwe labelaa nia iga e lua gi digaula huogodoo.  
\v 42 Digaula huogodoo gu miami, gu maaluu.  
\v 43 Nia dama agoago gaa haa nadau gada e madangaholu maa lua, guu honu i nia mee ala ne dubu i nia palaawaa e lima ge lua iga.  
\v 44 Di hulu daane ala nogo miami le e lima mana (5,000).   
\s1 Jesus e haele i hongo tai  
\r (Matthew 14.22-33; John 6.15-21)  
\p
\v 45 Jesus ga helekai i di madagoaa deelaa gi ana dama agoago bolo gii kaga gi di boodi, gii hula i ono mua gi Bethsaida, gi di baahi i golo o tai. Gei mee ga haga maaheu tagabuli dangada deelaa.  
\v 46 Gei muli dana hagau digaula, Mee gaa hana gi hongo di gonduu belee dalodalo.  
\v 47 Hiahi ia di mee, gei di boodi la gu tungaalodo di monowai, gei Jesus modogoia hua i hongo tenua.  
\v 48 Mee gu gidee ana dama agoago e maaloo gi nadau hoe, idimaa, digaula e aalo gi di madangi gono gaa dae loo gi mehanga di laa e dolu mo di laa e ono luada, gei mee ga haele adu i hongo tai. Mee ne haele belee hai eia gii haa gi mua digaula,  
\v 49 gei digaula ga gidee a Mee e haele i hongo tai. Digaula ga hagabau bolo ma di ieidu, mo di wwolo gi nua.  
\v 50 Digaula gu uli nadau gai i di nadau mmada gi Mee, gei Jesus ga limalima ga helekai adu, “Hagadagadagagee, ma ko Au deenei. Hudee mmaadagu!”  
\v 51 Geia gaa gaga gi baahi digaula i hongo di boodi, gei di madangi guu kila. Nia dama agoago gu goboina huoloo,  
\v 52 idimaa, digaula digi donu gi di haangai o digau lima mana (5,000), i nadau lodo e bouli hua igolo.   
\s1 Jesus e hagahili ana magi i Gennesaret  
\r (Matthew 14.34-36)  
\p
\v 53 Digaula ga aalo adu gi di baahi i golo di tai, gaa dau aga i Gennesaret, ga daula di boodi.  
\v 54 Di nadau too aga hua i di boodi, gei nia daangada gu limalima hua gu iloo bolo ma go Jesus,  
\v 55 gaa llele laa lodo tenua hagatau, ga laha mai nadau gau magi ala i nadau moenge. Digaula ga laha mai digau magi gi di gowaa ne longono ginaadou bolo mee i golo.  
\v 56 Nia gowaa huogodoo a Jesus e hana ginai, nia waahale lligi mo llauehe, nia daangada e lahi nadau gau magi gi nia gowaa huihui mee, e tangi gi Mee gi dumaalia gi nadau gau magi gii bili gi taalinga dono gahu. Malaa, huogodoo ala ne bili gi di gahu o Maa la guu hili.   
\c 7  
\s1 Nia agoago o digau namua  
\r (Matthew 15.1-9)  
\p
\v 1 Nia Pharisee mono gau haga donudonu haganoho ne lloomoi i Jerusalem, ga dagabuli mai gi baahi o Jesus,  
\v 2 ga gidee bolo hunu gau i ana dama agoago e miami hagalee tono nadau lima, di hai deenei le e hagalee hiihai ginai nia Pharisee bolo nia daangada gi heia.  
\v 3 (Idimaa, nia Pharisee mo digau o Jew ala i golo, le e daudali nia agoago o nadau maadua mai i mua. Digaula hagalee miami, go di maa hua digaula guu tono nadau lima gi humalia.  
\v 4 Digaula hagalee gai nia mee ala e gaamai i nia gowaa huihui mee maa nia maa digi gaugau lia. Gei digaula e daudali nadau haganoho e logo ala ne daahi mai i mua, be di hai dela e tono ai nia ibu, mono baalanga miami, mono boolo mmee, mo nadau hada kiikii.)   
\p
\v 5 Malaa, nia Pharisee mo digau haga donudonu haganoho ga heeu gi Jesus, “Meenei, au dama agoago le e aha, ala hagalee daudali di hai o tadau maadua mai i mua i di nadau miami ge hagalee tono nadau lima i mua?”   
\p
\v 6 Jesus ga helekai gi digaula, “E donu hua go nia mee a Isaiah ala ne hagi aga godou huaidu, ge ala guu hihi boloo,  
\q1 ‘God gu helekai: Digau aanei le hagalaamua hua Au  
\q1 i nadau helekai,  
\q1 gei nadau lodo le e mogowaa loo i di Au.\x * \xo 7.6 \xt Isaiah 29.13\x*   
\q1
\v 7 E balumee go di nadau hai daumaha mai gi di Au,  
\q1 i ginaadou e agoago hua nia haganoho o nia daangada  
\q1 bolo nia mee mai dogu baahi.’   
\m
\v 8 “Goodou guu kili gi daha nia haganoho a God, gu haga dahidamee hua nia agoago o nia daangada.”   
\p
\v 9 Jesus ga duudagi adu hua, “E donu, idimaa, goodou e oho nia haganoho a God, gei goodou e hagalabagau hua go godou agoago.  
\v 10 Idimaa, Moses gu helekai boloo,  
\q1 ‘Gi hagalabagau ina do damana mo do dinana,  
\q1 gei tangada ma ga hagauwwou dono damana be go dono dinana,  
\q1 le e daaligi gii made.’\x * \xo 7.10 \xt Exodus 20.12; 21.17; Leviticus 20.9; Deuteronomy 5.16\x*   
\m
\v 11 “Gei goodou e agoago bolo maa tangada dana mee i golo belee hagamaamaa dono damana be go dono dinana, gei mee gu helekai bolo di mee deelaa la di \tl Corban\tl* (dono hadinga boloo, di mee ni God),  
\v 12 gei mee e humalia hua ma ga hagalee hagamaamaa dono damana be dono dinana.  
\v 13 Godou agoago beenei ala e hagadele gi nia daangada le e tono gi daha nia helekai a God. E logo nia mee beenei i golo e hai go goodou.”   
\s1 Nia mee ala e haga milimilia tangada  
\r (Matthew 15.10-20)  
\p
\v 14 Jesus ga gahi mai labelaa digau dogologo aalaa, ga helekai, “Goodou huogodoo, hagalongo gii donu.  
\v 15 Deai dahi mee i daha e ulu gi lodo tangada, ga haga milimilia a mee ai. Go nia mee hua ala e loomoi i lodo o mee ala e haga milimilia a mee.  
\v 16 [Tangada ono dalinga i golo, gi hagalongo.”]   
\p
\v 17 Gei Jesus ga hagatanga gi daha mo digau dogologo, ga ulu gi lodo di hale, ana dama agoago ga heeu gi Jesus tadinga di ala kai deelaa.   
\p
\v 18 Jesus ga helekai gi digaula, “Goodou e de kabemee i digau ala i golo! Goodou digi iloo? Di mee e hana gi oo lodo e haga milimilia goe ai.  
\v 19 Idimaa, di mee deenei hagalee hana gi lodo do manawa, e hana hua gi lodo do dinae, gaa lawa, ga ulu gi daha mo do huaidina.” (Telekai deenei, Jesus gu haga modongoohia bolo nia meegai huogodoo le e humalia dono gai.)   
\p
\v 20 Gei Mee ga helekai, “Di mee dela e hanimoi gi daha mo lodo tangada, deelaa di mee e haga milimilia tangada.  
\v 21 Idimaa, mai di manawa o tangada e loomoi ai nia maanadu huaidu, e dagi a mee gi nia mee huaidu, gaiaa, daaligi dangada gii made,  
\v 22 hai be di manu, hagagailaa, mono huaidu ala i golo, halahalau, hagalee langaadia i di huaidu, dubua, maanga, hagamuamua mo tee hagalongo.  
\v 23 Aanei nia mee huaidu e daamada aga i lodo tangada ala e haga milimilia tangada.”   
\s1 Di hagadonu o di ahina  
\r (Matthew 15.21-28)  
\p
\v 24 Jesus ga hagatanga, gaa hana gi tenua hoohoo gi di waahale Tyre. Gei Mee ga hanadu, ga ulu adu gi lodo di hale, e de hiihai bolo nia daangada gi iloo bolo Ia gu i golo, gei e deemee di ngala.  
\v 25 Di ahina dana dama ahina iai di hagataalunga huaidu i ono lodo ga iloo bolo Jesus i di gowaa deelaa, ga limalima dono hanadu, gaa bala ia gi lala gi nia babaewae Jesus.  
\v 26 Mee di ahina tuadimee, ne haanau i Phoenicia i Syria. Gei mee gaa dangi gi Jesus gi haga bagia di hagataalunga huaidu gi daha mo dana dama ahina.  
\v 27 Gei Jesus ga helekai, “Gidaadou e haangai nia dama i mua, hagalee humalia di kili tagangudu o nia dama gi nia paana.”   
\p
\v 28 Gei di ahina ga helekai, “Meenei, e donu, gei nia paana i lala teebele e gai nia mee dubu i nia dama.”   
\p
\v 29 Jesus ga helekai, “Idimaa goe gu helekai beenaa, hana gi doo hale, di hagataalunga huaidu la guu hana gi daha mo dau dama ahina.”   
\p
\v 30 Di ahina gaa hana hua gi dono hale, ga gidee ia dana dama ahina e moe i hongo di hada kii, di hagataalunga huaidu gu de igolo.   
\s1 Jesus e hagahili taane longoduli ge deemee di leelee  
\p
\v 31 Jesus ga hagatanga i nia henua o Tyre, e hana laa lodo Sidon gi di Tai o Galilee, mo laa lodo tenua go Decapolis.\f + \fr 7.31 \ft \+bk Decapolis:\+bk* Di ingoo deenei dono hadinga i nnelekai Greek boloo, “nia waahale e madangaholu”\f*  
\v 32 Gei nia daangada ga laha mai gi Mee di nadau daane longoduli ge deemee di leelee, gaa dangi gi Jesus gi dugu ina dono lima gi hongo o mee.  
\v 33 Gei Jesus gaa lahi a mee gi daha mo nia daangada, gaa wanga ono madaalima gi lodo nia dalinga o maa, gaa bui ana haawale, gaa bili gi tolole o taane deelaa.  
\v 34 Gei mee gaa mmada gi di langi, gaa dogi gi nua mo di helekai adu gi taane deelaa, “\tl Ephphatha\tl*”, dono hadinga bolo “Maahuge!”   
\p
\v 35 Gei nia dalinga o maa gu maahuge, gu longono, gei dono holole guu mee di leelee.  
\v 36 Gei Jesus gaa bule gi digaula, bolo hudee hagi anga ina di mee deenei gi nia daangada. Gei digaula koia ne maaloo dangihi di nadau hagadele di maa.  
\v 37 Gei digau ala ne longono, gu goboina huoloo, ga helekai, “Ana mee huogodoo ala ne hai, guu gila humalia huoloo! Mee ne hai tangada longoduli ge deemee di leelee gi longono, gi leelee!”   
\c 8  
\s1 Jesus ne haangai ana gau e haa mana (4,000)  
\r (Matthew 15.32-39)  
\p
\v 1 Digi duai, tuai hagabuulinga dangada dogologo gu dagabuli mai gi di gowaa e dahi, guu odi nadau meegai, gei Jesus ga gahi mai ana dama agoago gi dono baahi, ga helekai,  
\v 2 “Au gu aloho i tagabuulinga dangada dogologo deenei, guu dolu nadau laangi i dogu baahi, gu nadau mee e gai dolomeenei ai.  
\v 3 Maa Au ga hagau digaula hiigai, gei digaula ga hagalibelibeina i di nadau hula, idimaa, hunu ginaadou ne loomoi haga mogowaa.”   
\p
\v 4 Ana dama agoago ga heeu, “Di anggowaa beenei le e mee di gida nia meegai e dohu di haangai nia daangada huogodoo aanei?”   
\p
\v 5 Jesus ga heeu, “Nia palaawaa e hia i godou baahi?”  
\p Digaula ga helekai, “Nia palaawaa e hidu.”   
\p
\v 6 Mee ga helekai gi tagabuulinga daangada gii noho gi lala. Gei Mee ga dahi aga nia palaawaa e hidu, ga danggee gi God, ga ginigini, gaa wanga gi ana dama agoago gi duwwaa gi digaula, gei ana dama agoago gaa duwwe nia maa.  
\v 7 Digaula nadau dama iga labelaa i golo, gei Jesus ga danggee i nia maa, ga helekai gi ana dama agoago gi duwwaa ina labelaa gi digaula.  
\v 8-9 Digaula ga miami, gu maaluu. Holongo digaula huogodoo le e haa mana (4,000). Nia dama agoago gaa haa nia gada e hidu gi nia mee ala ne dubu. Gei Jesus ga haga maaheu digaula.  
\v 10 Di madagoaa hua deelaa, gei Jesus mo ana dama agoago gaa kaga gi hongo di boodi, gaa hula gi nia henua o Dalmanutha.   
\s1 Nia Pharisee e dangi gi Jesus gi heia di mogobuna  
\r (Matthew 15.32-39)  
\p
\v 11 Hunu Pharisee ne lloomoi, gaa hai nadau donu gi Jesus, e hiihai e haga hala a Mee, ga helekai gi Mee, “Heia dau mogobuna gi modongoohia bolo God la i do baahi.”\x * \xo 8.11 \xt Matthew 12.38; Luke 11.16\x*  
\v 12 Jesus gaa dogi aga loo i ono lodo ga helekai, “Nia daangada dolomeenei, le e aha ala e hiihai gi di mogobuna? Goodou gi iloo bolo di mogobuna e wanga gi di adu dangada dolomeenei ai.”\x * \xo 8.12 \xt Matthew 12.39; Luke 11.29\x*   
\p
\v 13 Mee ga hagatanga, gaa hana i di boodi gi di baahi i golo o tai.   
\s1 Nia agoago o nia Pharisee mo Herod  
\r (Matthew 16.5-12)  
\p
\v 14 Nia dama agoago a maa gu de haawa di gaamai nadau palaawaa gii dohu, di palaawaa hua e dahi dela i baahi digaula i hongo di boodi.  
\v 15 Jesus ga helekai, “Goodou haga ligaliga i nia ‘yeast’ o nia Pharisee mo nia ‘yeast’ o Herod.”\x * \xo 8.15 \xt Luke 12.1\x*   
\p
\v 16 Digaula ga leelee i nadau mehanga, “Mee e helekai beelaa, idimaa, gidaadou tadau palaawaa ai.”   
\p
\v 17 Jesus ga iloo nadau helekai, ga heeu, “Ma e aha goodou e helekai bolo godou palaawaa ai? Goodou digi donu, gei digi iloo nia mee aanei? Goodou e noho boo godou lodo?  
\v 18 Godou golomada i golo gei e dee gida? Godou dalinga i golo, gei e dee longono? Goodou gu de langahia\x * \xo 8.18 \xt Jeremiah 5.21; Ezekiel 12.2; Mark 4.12\x*  
\v 19 di madagoaa ne ginigini agu palaawaa e lima, gaa duwwe gi digau e lima mana (5,000)? Nia gada e hia ala ne haa go goodou gii honu i nia mee ala ne dubu?”  
\p Digaula ga helekai, “E madangaholu maa lua.”   
\p
\v 20 Gei Jesus ga heeu, “Di madagoaa ne ginigini agu palaawaa e hidu ang gi digau e haa mana (4,000), nia gada e hia ala ne haa go goodou gii honu i nia mee ala ne dubu?”  
\p Gei digaula ga helekai, “E hidu.”   
\p
\v 21 Jesus ga heeu, “Malaa goodou digi donu beleiaha?”   
\s1 Jesus e haga hili tangada deegida i Bethsaida  
\p
\v 22 Di nadau dau i Bethsaida, gei nia daangada ga laha mai di nadau dangada deegida gi Jesus, gaa dangi gi Mee gii bili gi di nadau dangada.  
\v 23 Jesus gaa kumi di lima o maa, gaa dagi gi daha mo di waahale. I muli di bui ana haawale gi nia golomada o maa, ga daahi ono lima gi hongo o mee, ga heeu, “Goe gu gidee?”   
\p
\v 24 Gei mee ga ala aga ga helekai, “Uaa, au gu gidee nia daangada, e hai be nia laagau e heehee.”   
\p
\v 25 Jesus gaa dugu labelaa ono lima gi hongo nia golomada o maa. Gei mee gaa mmada laa haga madammaa gi nia mee huogodoo.  
\v 26 Jesus ga hagau a mee gi dono hale ga helekai gi mee, “Goe hudee hana labelaa laa lodo di waahale deelaa.”   
\s1 Peter e haga modongoohia aga a Jesus  
\r (Matthew 16.13-20; Luke 9.18-21)  
\p
\v 27 Gei Jesus mo ana dama agoago gaa hula gi nia waahale e hoohoo gi Caesarea Philippi. I di nadau hula, gei Jesus ga heeu, “Hagia mai malaa, nia daangada le e helekai bolo Au koai?”   
\p
\v 28 Gei digaula ga helekai, “Hunu gau e helekai bolo Goe go John Babdais, gei hunu gau e helekai bolo Goe go Elijah, hunu gau e helekai bolo Goe tangada i nia soukohp.”\x * \xo 8.28 \xt Mark 6.14-15; Luke 9.7-8\x*   
\p
\v 29 Gei Jesus ga heeu, “Gei goodou bolo Au koai?”\x * \xo 8.29 \xt John 6.68-69\x*  
\p Peter ga helekai, “Goe go di Mesaia.”   
\p
\v 30 Gei Jesus ga helekai bule gi digaula, “Goodou hudee hagi anga ina Au gi nia daangada.”   
\s1 Jesus e helekai i dono hagaduadua mo dono made  
\r (Matthew 16.21-28; Luke 9.22-27)  
\p
\v 31 Jesus ga daamada ga agoago gi ana dama agoago, “Tama Tangada le e hai loo gi hagaduadua, ge e haga balumee go nia dagi mmaadua, mo nia dagi aamua hai mee dabu, mo digau haga donudonu haganoho. Gei Au ga daaligi gii made, gei i muli nia laangi e dolu, ga mouli aga.”  
\v 32 Mee gu helekai haga mmaa gi modongoohia digaula. Malaa, Peter gaa lahi a Mee gi mada ginaua, gaa hai ono ngudu gi Mee.  
\v 33 Gei Jesus gaa huli gi daha mo Peter, gaa mmada gi ana dama agoago, ga haga donu adu Peter, “Tuu i daha mo Au, Setan. Au maanadu la hagalee mai baahi o God, nia hagamaanadu hua dangada dangada.”   
\p
\v 34 Gei Jesus ga haga dagabuli mai digau dogologo, mo ana dama agoago, ga helekai, “Maa tangada e hiihai e daudali Au, gi haga balumee ina ia, aamoo dono loobuu, daudali mai Au.\x * \xo 8.34 \xt Matthew 10.38; Luke 14.27\x*  
\v 35 Maa goe e hiihai e bida benebene do mouli, gei goe ga de gidee do mouli. Maa goe ga diiagi do mouli i di Au mo di Longo Humalia, goe ga gidee do mouli.\x * \xo 8.35 \xt Matthew 10.39; Luke 17.33; John 12.25\x*  
\v 36 Di humalia aha e gila adu gi di goe maa goe ga hai mee gi henuailala hagatau, gei e deemee di hai mee gi do mouli donu? Hagalee!  
\v 37 Di mee i golo ai bolo e wanga gei goe ga hai mee labelaa gi do mouli!  
\v 38 Tangada dela e langaadia i di au, mo agu agoago i lodo nia laangi mouli huaidu dolomeenei, gei Tama Tangada le e langaadia labelaa i mee, i dono hanimoi i nia madamada o dono Damana, mo digau di langi haga madagu.”   
\c 9  
\p
\v 1 Jesus ga helekai, “Au e hagi adu gi goodou bolo hunu gau i ginei la hagalee mmade, gaa dae loo gi di nadau gidee Teenua King o God e dau mai mo ono mogobuna.”   
\s1 Jesus gu madamada  
\r (Matthew 17.1-13; Luke 9.28-36)  
\p
\v 2 I muli nia laangi e ono, Jesus gaa lahi a Peter, James mo John gi hongo di gonduu duuduu i nua mada ginaadou. Gei Mee gu dina gee i mua digaula.\x * \xo 9.2 \xt 2-Peter 1.17-18\x*  
\v 3 Dono gahu gu madamada, gu kene hila mmaa, deai tangada i henuailala e mee di haga mmaa ono gahu beelaa ai.  
\v 4 Nia dama agoago dogodolu aalaa gaa mmada gi Elijah mo Moses e leelee ginaadou mo Jesus.  
\v 5 Peter ga helekai gi Jesus, “Meenei, koia e humalia go tadau noho i ginei. Gimaadou ga haga duu aga madau damaa hale e dolu, e dahi ni aau, ge e dahi ni Moses, ge e dahi ni Elijah.”  
\v 6 Peter gu de iloo ia di helekai, idimaa mee mo ono ehoo e uli nadau gai.   
\p
\v 7 Gei di gololangi ga dehee mai laa nua, ga haga malu digaula, gei di lee ga lee mai i lodo di gololangi, “Deenei dagu Dama dela e aloho iei Au, goodou hagalongo gi Mee!”\x * \xo 9.7 \xt Matthew 3.17; Mark 1.11; Luke 3.22\x*  
\v 8 Digaula ga mmada adu hua, go Jesus hua modogoia i nadau baahi.   
\p
\v 9 I di nadau lloo ia i di gonduu, gei Jesus gaa bule digaula, “Hudee hagi anga ina godou mee ala ne gidee goodou gi tei dangada, gaa dae loo gi Tama Tangada ma ga mouli aga i di made.”  
\v 10 Digaula gu daudali ana helekai, gei digaula ga daamada ga heheeu i nadau mehanga tadinga telekai, “di mouli aga i di made”, le e hai bolo aha?  
\v 11 Digaula ga heeu gi Jesus, “Digau haga donudonu haganoho le e aha ala e helekai bolo Elijah le e hai loo gi hanimoi matagidagi?”\x * \xo 9.11 \xt Malachi 4.5; Matthew 11.14\x*   
\p
\v 12 Gei Jesus ga helekai, “E donu, Elijah le e hanimoi i mua, e hagatogomaalia nia mee huogodoo. Di Beebaa Dabu le e aha dela e helekai bolo Tama Tangada le e hagaduadua kono, ge haga balumee?  
\v 13 Au e hagi adu gi goodou bolo Elijah la gu hanimoi, gei nia daangada ne hai anga go nadau mee ala e hiihai ginai, be nnelekai ala guu hihi gi lodo di Beebaa Dabu.”   
\s1 Jesus e hagabagi di hagataalunga huaidu tama daane  
\r (Matthew 17.14-21; Luke 9.37-43a)  
\p
\v 14 Di nadau dau adu hua gi ana dama agoago ala i golo, ginaadou gaa mmada gi digau dogologo guu hii digaula gi lodo, mo digau haga donudonu haganoho e lagalagamaaloo gi digaula.  
\v 15 Di madagoaa o nia daangada ne gidee a Jesus, gei ginaadou gu homouli huoloo, ga llele adu ga hagaaloho gi Mee.  
\v 16 Jesus ga heeu gi ana dama agoago, “Ma di aha dela e lagalagamaaloo ai goodou gi digaula?”   
\p
\v 17 Taane i tagabuli deelaa ga helekai, “Tangada Agoago, au gu laha mai dagu dama daane gi di Goe, idimaa di hagataalunga huaidu la gu i ono lodo, mee e deemee di leelee.  
\v 18 Di madagoaa di hagataalunga huaidu ma ga ulu gi lodo o mee, geia gu hinga hua gi lala, guu puu biabi dono ngudu, ge e kadi ono niha, gei dono huaidina gu dumaaloo. Gei au ne wanga a mee gi au dama agoago, gi haga bagia di hagataalunga huaidu deelaa, gei digaula e deemee.”   
\p
\v 19 Jesus ga helekai, “Goodou digau de hagadonu huoloo! E waalooloo behee Au e hai gii noho i godou baahi? Ge waalooloo behee dogu hagakono ogu lodo i goodou? Laha mai tama daane deenaa!”  
\v 20 Digaula ga laha mai a mee gi Jesus.  
\p Di madagoaa hua di hagataalunga huaidu ne gidee ia a Jesus, gaa hai tama daane deelaa gi bolebole, gaa hinga gi lala, ga gaehagaeha i hongo di gelegele, gaa puu biabi dono ngudu.  
\v 21 Jesus ga heeu gi tamana di tama, “Gu waalooloo behee i dana hai beenei?”  
\p Gei tamana ga helekai, “Mai hua i tama.  
\v 22 Nia holongo e logo, gei di hagataalunga huaidu belee daaligi a mee gii made, i dana huduhudu a mee gi lodo di ahi, mo lodo nia monowai. Aloho mai, hagamaamaa ina mai gimaua, maa Goe e mee!”   
\p
\v 23 Jesus ga helekai, “Uaa, maa goe e mee di hagadonu. Nia mee huogodoo le e mee i baahi digau ala nadau hagadonu i golo.”   
\p
\v 24 Di madagoaa hua deelaa, tamana o tamagiigi daane la gaa wolo gi nua, “Au e hagadonu, gei au e dee dohu loo. Hagamaamaa ina au i dogu hagadonu gi maaloo!”   
\p
\v 25 Jesus gaa mmada gi tagabuulinga daangada deelaa, gu honodia hua guu hii ginaadou gi lodo, geia ga helekai gi di hagataalunga huaidu deelaa, “Goe go di hagataalunga longoduli ge hagalee leelee, Au e helekai adu gi ulu mai gi daha mo tamagiigi daane deenaa, hudee ulu labelaa gi lodo o mee.”   
\p
\v 26 Gei di hagataalunga deelaa gaa dangi, ga haga hinga tama daane gi hongo di gelegele, ga ulu mai gi daha, gei tama daane la guu hai be tangada ne made, gei hunu gau gu helekai bolo mee guu made.  
\v 27 Gei Jesus gaa kumi di lima o maa, ga hagamaamaa aga a mee gi du gi nua.   
\p
\v 28 I muli Jesus mo ana dama agoago ne mada ginaadou i lodo di hale, digaula ga heeu gi Mee, “Gimaadou e aha ala ne deemee di hagabagi di hagataalunga huaidu deelaa?”   
\p
\v 29 Gei Jesus ga helekai, “Tagadilinga deenei le e hai hua gi talodalo, di mee e mee i golo ai.”   
\s1 Jesus e helekai labelaa i dono made  
\r (Matthew 17.22-23; Luke 9.43b 45)  
\p
\v 30 Jesus mo ana dama agoago ga hagatanga, gaa hula laa lodo o Galilee. Jesus hagalee hiihai nia daangada gi iloo di gowaa dela iei Ia.  
\v 31 Idimaa, Mee e aago gi ana dama agoago boloo, “Tama Tangada la gaa wanga gi digau ala belee daaligi a Mee gii made. Nia laangi e dolu nomuli, gei Mee ga mouli aga.”   
\p
\v 32 Malaa, digaula digi donu gi di agoago deenei, digaula hogi e mmaadagu di heeu gi Mee.   
\s1 Ma koai dela e kaedahi e aamua?  
\r (Matthew 18.1-5; Luke 9.46-48)  
\p
\v 33 Di nadau dau i Capernaum, ga ulu gi lodo di hale, gei Jesus ga heeu gi ana dama agoago, “Ma di aha dela nogo lagamaaloo ai goodou i tadau lloomoi i hongo di ala?”   
\p
\v 34 Gei digaula digi leelee, idimaa, digaula nogo lagamaaloo i nadau mehanga be di ma koai dela koia e aamua.\x * \xo 9.34 \xt Luke 22.24\x*  
\v 35 Jesus gaa noho gi lala, ga gahi mai ana dama agoago dilongoholu maa lua, ga helekai, “Tangada i goodou e hiihai gi togodahi, geia gi dugu eia gi mugi muli loo gii hege gi digau huogodoo.”\x * \xo 9.35 \xt Matthew 20.26-27; 23.11; Mark 10.43-44; Luke 22.26\x*  
\v 36 Gei Mee ga gahi mai dana damagiigi, ga haga duu i nadau mua, ga bulubulu mai a mee gi ono lima, ga helekai,  
\v 37 “Be koai hua dela e benebene tamagiigi beenei i dogu ingoo, ia ne benebene hua Au, gei tangada dela ne benebene Au, ia ne benebene Au mo Mee dela ne hagau mai Au.”\x * \xo 9.37 \xt Matthew 10.40; Luke 10.16; John 13.20\x*   
\s1 Tangada dela hagalee hai baahi mai gi gidaadou la di hoo ni gidaadou  
\r (Luke 9.49-50)  
\p
\v 38 John ga helekai gi Mee, “Tangada Agoago, gimaadou guu mmada gi tangada e hagabagi ana hagataalunga huaidu i do ingoo, gei gimaadou guu bule gi mee bolo gi hudee heia, idimaa, mee hagalee tangada i tadau hagabuulinga.”   
\p
\v 39 Jesus ga helekai, “Hudee buleina a mee, idimaa, ma deai tangada e hai ana mee haga goboina i dogu ingoo, ga nomuli ga helekai huaidu i di Au ai.  
\v 40 Be koai hua dela hagalee hai baahi mai gi gidaadou, la di hoo ni gidaadou.\x * \xo 9.40 \xt Matthew 12.30; Luke 11.23\x*  
\v 41 Be koai hua dela ma ga gowadu dana ibu wai gi inumia go goodou, idimaa, goodou digau ni aagu, mee e hai loo gii kumi dono hui.\x * \xo 9.41 \xt Matthew 10.42\x*   
\s1 Di hagamada gi di huaidu  
\r (Matthew 18.6-9; Luke 17.1,2)  
\p
\v 42 “Tangada dela ma gaa hai dana mee gi tamagiigi beenei, gaa hidi iei mee, gaa hudu gi daha dono hagadonu, tangada beenei le e humalia e nnoo dono uwa ginai di hadu mmili palaawaa damanaiee, e hudu gi lodo di moana.  
\v 43 Maa doo lima e hagabagege do hagadonu, la duudia gi daha, ma koia e humalia di ulu gi di mouli mo doo lima hua e dahi, i doo hana mo oo lima e lua gi lodo di gowaa hagaduadua, di ahi e deemee di made.\x * \xo 9.43 \xt Matthew 5.30\x*  
\v 44 [Nia ila ala e gai digaula, e deemee di mmade, gei di ahi dela e dudu digaula, e deemee di made.]   
\p
\v 45 “Maa doo wae e hagabagege do hagadonu, la duudia gi daha, idimaa, e koia e humalia di ulu gi di mouli mo doo wae e dahi, i doo hana mo oo wae e lua gi lodo di gowaa hagaduadua.  
\v 46 [Nia ila ala e gai digaula, e deemee di mmade, gei di ahi dela e dudu digaula, e deemee di made.]   
\p
\v 47 “Maa do golomada e hagabagege do hagadonu, kabee ina gi daha. Ma koia e humalia doo ulu gi Teenua King o God mo do golomada e dahi, i di goe dela gaa hudu gi lodo di gowaa hagaduadua mo o golomada e lua.\x * \xo 9.47 \xt Matthew 5.29\x*  
\v 48 Nia ila ala e gai digaula, e deemee di mmade, gei di ahi dela e dudu digaula, e deemee di made.\x * \xo 9.48 \xt Isaiah 66.24\x*   
\p
\v 49 “Nia daangada le e haga madammaa gi di ahi, gadoo be tigidaumaha dela e haga madammaa gi nia toolo.   
\p
\v 50 “Nia toolo la nia mee humalia, gei dolomaa nia toolo aalaa la ga ono mmala ai, dehee tadau hai e mee di hai nia maa gii mmala labelaa?\x * \xo 9.50 \xt Matthew 5.13; Luke 14.34-35\x*  
\p “Godou mouli gi humalia be nia toolo, goodou gi hagadaubuni mo di noho i di aumaalia.”   
\c 10  
\s1 Jesus e agoago di maewae taga hai lodo  
\r (Matthew 19.1-12; Luke 16.18)  
\p
\v 1 Jesus ga hagatanga i di gowaa deelaa, gaa hana gi lodo di gowaa Judea, e hana laa lodo di monowai Jordan. Digau dogologowaahee gu dagabuli labelaa gi baahi o Mee, gei Mee ga agoago gi digaula be dana hai.   
\p
\v 2 Nia Pharisee ga lloomoi belee hai a Mee gii hala, ga heeu gi Mee, “Hagia mai be tadau haganoho le e dumaalia gi taane di hudu dono lodo gi daha?”   
\p
\v 3 Gei Jesus ga heeu, “Nnaganoho Moses ne gowadu gi goodou le e hai bolo aha?”   
\p
\v 4 Digaula ga helekai, “Moses guu wanga di mogobuna gi taane e hai di beebaa haga maewae, gei taane la gaa mee di diiagi dono lodo.”\x * \xo 10.4 \xt Deuteronomy 24.1-4; Matthew 5.31\x*   
\p
\v 5 Jesus ga helekai gi digaula, “Moses ne hihi taganoho deenei, idimaa, goodou ala e aago ngadaa.  
\v 6 Mai taamada i di madagoaa nia mee ne hai, di Beebaa Dabu gu helekai boloo,  
\q1 ‘God ne hai taane mo di ahina.\x * \xo 10.6 \xt Genesis 1.27; 5.2\x*   
\q1
\v 7 Deenei tadinga taane gaa tanga gi daha  
\q1 mo dono damana mo dono dinana,  
\q1 gaa buni gi dono lodo.\x * \xo 10.7 \xt Genesis 2.24\x*   
\q1
\v 8 Meemaa dogolua guu hai hua tuaidina e dahi.’  
\m “Meemaa gu hagalee dogolua, guu dahi.  
\v 9 Di mee a God dela ne haga puni, gi hudee wwae ina go tangada.”   
\p
\v 10 Di nadau ulu labelaa gi lodo di hale, gei ana dama agoago ga heeu gi Mee i di agoago deenei.   
\p
\v 11 Mee ga helekai gi digaula, “Taane ga diiagi dono lodo, gaa lodo gi tuai ahina, mee guu hai di huaidu hai be di manu, gu hai baahi gi dono lodo donu.\x * \xo 10.11 \xt Matthew 5.32; 1-Corinthians 7.10-11\x*  
\v 12 E hai be di ahina ma ga diiagi dono lodo, gaa lodo gi tuai daane, mee guu hai di huaidu hai be di manu labelaa.”   
\s1 Jesus e haga maluagina nia damagiigi lligi  
\r (Matthew 19.13-15; Luke 18.15-17)  
\p
\v 13 Digau ne laha mai nadau damagiigi gi Jesus, bolo Mee gi hagadau dugu ina ono lima gi hongo digaula, gei ana dama agoago gaa wwou gi digaula.  
\v 14 Jesus ga iloo, gei Mee gu de hiihai, ga helekai gi ana dama agoago, “Heia nia damagiigi gi lloomoi gi di Au, hudee bule ina digaula, idimaa Teenua King o God la ni digau beenei.  
\v 15 Au e hagi adu gi goodou di tonu bolo tangada dela hagalee kae Teenua King o God be di hai o nia damagiigi, la deemee dana ulu i Teenua King o God.”\x * \xo 10.15 \xt Matthew 18.3\x*  
\v 16 Gei mee ga dahi mai nia damagiigi gi lodo ono lima, ga hagadau dugu ono lima gi hongo digaula, ga haga maluagina digaula.   
\s1 Taane maluagina  
\r (Matthew 19.16-30; Luke 18.18-30)  
\p
\v 17 Di madagoaa Jesus e hana labelaa i hongo di ala, taane ga lele mai, ga dogoduli i ono mua, ga heeu gi Mee, “Tangada Agoago humalia, au e hai dagu aha, gei au ga hai mee gi di mouli dee odi?”   
\p
\v 18 Jesus ga helekai, “Goe e aha dela e gahi Au bolo tangada agoago humalia? Deai tangada e humalia, dela hua go God modogoia.  
\v 19 Goe e iloo nia haganoho:  
\q1 ‘Hudee daaligidia tangada gii made,  
\q1 hudee hai be di manu,  
\q1 hudee gaiaa,  
\q1 hudee dilikai,  
\q1 hudee halahalau ina nia daangada,  
\q1 hagalabagau ina do damana mo do dinana.’”\x * \xo 10.19 \xt Exodus 20.12-16; Deuteronomy 5.16-20\x*   
\m
\v 20 Taane deelaa ga helekai, “Nia mee aanaa la guu hai huogodoo ko au mai i dogu mouli damagiigi.”   
\p
\v 21 Jesus ga daumada adu a mee i dono aloho, ga helekai, “Di mee e dahi i golo digi heia kooe: Hana, huia o goloo gi daha, wanga ina nia bahi hadu gi digau hagaloale, gei goe gaa kae o maluagina i di langi. Nomuli, hanimoi, daudali mai Au.”  
\v 22 Taane deelaa ga longono eia, gei mee guu mmada hagadugina, guu hana manawa gee, idimaa, mee taane maluagina.   
\p
\v 23 Jesus gaa mmada gi ana dama agoago, ga helekai gi digaula, “E haingadaa huoloo gi digau maluagina di ulu i Teenua King o God.”   
\p
\v 24 Nia dama agoago a Maa gu gologolo gi ana helekai. Jesus ga helekai, “Agu dama, e haingadaa huoloo di ulu i Teenua King o God!  
\v 25 Tangada maluagina ma ga ulu i Teenua King o God le e koia e haingadaa i di manu ‘camel’ ma ga ulu laa lodo di bongoo di iwi dui mee.”   
\p
\v 26 Gei nia dama agoago gu gologolo huoloo, ga leelee boloo, “Malaa, koai dela gaa mee di mouli?”   
\p
\v 27 Jesus ga mmada adu gi digaula, ga helekai, “Di mee deenei e deemee i baahi tangada, gei e mee hua i baahi o God. Nia mee huogodoo e mee i baahi o God.”   
\p
\v 28 Gei Peter ga helekai, “Mmada, gimaadou guu dugu madau mee huogodoo, gu daudali hua Goe.”   
\p
\v 29 Jesus ga helekai, “Uaa, e donu, gei Au e hagi adu gi goodou bolo be koai ma ga diiagi dono hale, be ono duaahina daane mo ahina, be dono dinana be dono damana, be ana dama, be ana gowaa, i dogu gili mo di Longo Humalia,  
\v 30 mee gaa kae ana mee logowaahee i lodo di mouli deenei. Mee ga hai mee haga lau holongo gi nonua i ono hale, mono duaahina daane mo ahina, mono dinana, mono dama, mono gowaa, ge e kae di hagaduadua labelaa. Gei di madagoaa dela ma gaa dae mai, gei mee ga hai mee gi di mouli dee odi.  
\v 31 E dogologo digau ala i mugi mua dolomeenei, gaa hula laa muli, gei e dogologo digau ala i mugi muli dolomeenei, gaa hula laa mua.”\x * \xo 10.31 \xt Matthew 20.16; Luke 13.30\x*   
\s1 Tolu holongo a Jesus e hagi aga dono made  
\r (Matthew 20.17-19; Luke 18.31-34)  
\p
\v 32 Jesus mo ana dama agoago e hula i hongo di ala gi Jerusalem, gei Jesus e hana i mua. Digaula e hula uli nadau gai, gei nia daangada ala e lloo adu i nadau muli le e mmaadagu. Gei Jesus ga haga dagabuli ana dama agoago gi mada ginaadou, ga hagi anga gi digaula nia mee ala gaa hai ang gi de Ia.  
\v 33 Ge Ia ga helekai, “Mmada, gidaadou e hula gi Jerusalem, dela di gowaa Tama Tangada gaa wanga gi nia lima o nia dagi aamua hai mee dabu, mo digau haga donudonu haganoho. Digaula ga haga balumee a Mee belee daaligi gii made, gaa wanga a Mee gi digau tuadimee.  
\v 34 Digaula gaa hai hagahuaidu a Mee mo di buibui nadau haawale gi Mee, ge e haga mamaawa a Mee, ga daaligi a Mee gii made, gei i muli nia laangi e dolu, ge Ia ga mouli aga.”   
\s1 Tangidangi o James mo John  
\r (Matthew 20.20-28)  
\p
\v 35 Gei James mo John, go nia dama daane a Zebedee, ga lloomoi gi Jesus, ga helekai, “Tangada Agoago, di mee i golo gimaua e hiihai bolo Goe gi heia mai gi gimaua.”   
\p
\v 36 Jesus ga heeu gi meemaa, “Ma di aha dela e hiihai ginai goolua?”   
\p
\v 37 Gei meemaa ga helekai anga, “Do madagoaa dela ma gaa noho i hongo do lohongo king, gimaua e hiihai bolo Goe gi haga noho ina gimaua i do baahi, e dahi i do baahi gau donu, ge e dahi i do baahi gau ihala.”   
\p
\v 38 Gei Jesus ga helekai gi meemaa, “Goolua e de iloo di gulu mee dela e tangi ai. Goolua e mee di inu di ibu o di hagaduadua dela ga inu iei Au? Goolua e mee di babdais i di babdais dela ga babdais iei Au?”\x * \xo 10.38 \xt Luke 12.50\x*   
\p
\v 39 Gei meemaa ga helekai, “Gimaua e mee.”  
\p Jesus ga helekai, “E donu bolo goolua ga inu di ibu dela ga inu iei Au, ge ga babdais i di babdais dela ga babdais iei Au.  
\v 40 Gei Au ogu donu ai e hili tangada e noho i dogu baahi gau donu mo gau ihala. Ma go God hua dela gaa wanga nia lohongo aanei gi ana gau ala gu hagatogomaalia ginai nia maa.”   
\p
\v 41 Nia dama agoago dilongoholu ala i golo ne longono ginaadou di mee deenei, gu hagawelewele gi James mo John.  
\v 42 Gei Jesus ga haga dagabuli digaula, ga helekai, “Goodou e iloo bolo nia dagi o digau tuadimee le e mogobuna di dagi digau tuadimee. Gei nia dagi le e hai mee gi nia mogobuna dagi huogodoo.\x * \xo 10.42 \xt Luke 22.25-26\x*  
\v 43 Di hai deenei la hagalee go di godou hai dela e hai hegau ai. Tangada i godou baahi dela bolo ia gi aamua, geia gii hai tangada hai hegau ni goodou.\x * \xo 10.43 \xt Matthew 23.11; Mark 9.35; Luke 22.26\x*  
\v 44 Tangada dela bolo ia gii hai tangada aamua, geia gii hai di hege ni digau huogodoo.  
\v 45 Tama Tangada hogi la hagalee ne hanimoi bolo nia daangada gi hai hegau ang gi de Ia, ge Ia ne haneia belee hai hegau gi digau huogodoo, gaa wanga dehuia dono mouli gi mouli ai digau dogologo.”   
\s1 Jesus e haga gidee a Bartimaeus  
\r (Matthew 20.29-34; Luke 18.35-43)  
\p
\v 46 Digaula ne dau i Jericho. Di madagoaa Jesus mo ana dama agoago, mo tagabuli damana ga hagatanga gi daha mo di waahale deelaa, taane deegida dono ingoo go Bartimaeus, tama ni Timaeus, e noho i taalinga di ala e madamadau ana mee.  
\v 47 Dono longono hua bolo ma go Jesus o Nazareth, geia gaa wolo gi nua, “Jesus, tama a David, dumaalia mai gi di au!”   
\p
\v 48 Digau dogologo guu wwou gi mee gi hudee leelee, geia koia ne wolo gi nonua, “Goe go Tama a David, Goe dumaalia mai gi di au!”   
\p
\v 49 Gei Jesus gaa duu, ga helekai, “Goodou laha mai a mee gi di Au.”  
\p Gei digaula ga helekai gi taane deelaa, “Tenetene laa, duu i nua, Mee dela e gahigahi goe.”   
\p
\v 50 Gei mee gaa hobo gi nua, gaa hudu gi daha dono gahu laa daha, gaa hana gi Jesus.   
\p
\v 51 Gei Jesus ga heeu gi mee, “Ma di aha dela e hiihai ginai goe bolo Au gi heia adu gi di goe?”  
\p Gei taane deegida ga helekai, “Tangada Agoago, heia au gii mee di gidee labelaa.”   
\p
\v 52 Gei Jesus ga helekai, “Hana. Ma go do hagadonu dela ne hagahumalia goe.”  
\p Di madagoaa hua deelaa, gei mee guu mee di mmada, ga daudali a Jesus i hongo di ala.   
\c 11  
\s1 Jesus e ulu i Jerusalem i dono aali  
\r (Matthew 21.1-11; Luke 19.28-40; John 12.12-19)  
\p
\v 1 I di nadau lloo adu gi Jerusalem, hoohoo gi nia waahale Bethphage mo Bethany, digaula ne dau i di Gonduu Olib, gei Jesus ga hagau ana dama agoago dogolua gii hula gi mua,  
\v 2 ga helekai gi meemaa, “Hula gi di waahale dela i golo i gulu mua. Goolua ma gaa dau i golo, ga gidee tama ‘donkey’, digi hana tangada nonua, e daula i golo. Wwedee ina, dagia mai.  
\v 3 Maa tangada ga heeu boloo, ‘Goolua e hai di gulu aha?’ Gei goolua helekai boloo, ‘Tagi e hiihai e hai hegau ai di maa, ga laha mai laa hagalee duai.’”   
\p
\v 4 Gei meemaa gaa hula, ga gidee di ‘donkey’ digi madua loo e daula i di ngudu di bontai di hale i taalinga di ala, gaa wwede di maa.  
\v 5 Hunu daangada i digaula nogo tuu i golo ga heeu gi meemaa, “Goolua e wwede di ‘donkey’ eimaha?”   
\p
\v 6 Gei meemaa ga helekai nia helekai a Jesus ne hai, gei nia daane aalaa ga dumaalia gi meemaa gii hula ginaadou.  
\v 7 Gei meemaa gaa dagi tama ‘donkey’ gi Jesus, gaa gahu di manu gi di gahu, gei Jesus gaa gaga gi hongo di maa.  
\v 8 Digau dogologo gaa holo nadau gahu gi hongo di ala, gei hunu daangada e duuduu mai nadau manga laagau, e magamaga laa hongo di ala, e haaligi di ala.  
\v 9 Digau ala e hula i mua mono gau ala e dagi mai muli, ga momoogo,  
\q1 “Hagaamuina a God,  
\q1 God gi hagahumalia ina tangada  
\q1 dela e hanimoi i di ingoo o Dimaadua.\x * \xo 11.9 \xt Pisalem 118.25-26\x*   
\q1
\v 10 God gi hagahumalia ina  
\q1 tenua o tadau damana go David dela ga dau mai.  
\q1 Hagaamuina a God!”   
\m
\v 11 Jesus ga ulu gi lodo Jerusalem, gaa hana gi lodo di Hale Daumaha, ga madamada gi nia mee huogodoo ala i lodo. Ga hiahi ia di mee, gei Mee gaa hana gi daha mo di gowaa deelaa, gaa hana gi Bethany mo ana dama agoago dilongoholu maa lua.   
\s1 Jesus e haga halauwa di laagau ‘fig’  
\r (Matthew 21.18-19)  
\p
\v 12 Dono daiaa, gei digaula ga hagatanga labelaa i Bethany, gei Jesus gu hiigai.  
\v 13 Gei Mee ga gidee di laagau ‘fig’ haga mogowaa, e dau logo ono lau, ga hanadu ginai belee mmada be Ia e gida ana golee i di maa. Gei dono dau adu, nia lau hua ala i golo, idimaa, ma hagalee di madagoaa e huwa ai nia ‘fig’.  
\v 14 Jesus ga helekai gi di laagau ‘fig’, “Tangada e gai labelaa dana golee mai i di goe ai.”  
\p Gei ana dama agoago gu longono ginaadou a Mee.   
\s1 Jesus e hana gi di Hale Daumaha  
\r (Matthew 21.12-17; Luke 19.45-48; John 2.13-22)  
\p
\v 15 I di nadau dau adu hua gi Jerusalem, gei Jesus gaa hana gi lodo di Hale Daumaha, ga hagabagi digau huogodoo ala e huihui mo di huihui gi daha nadau mee. Mee ga hulihuli gi lala nia deebele digau wawaaheei bahihadu, mo nia lohongo o digau huihui mwuroi.  
\v 16 Gei Mee gu hagalee dumaalia gi tei dangada gi dagidagia ana mee i lodo di Hale Daumaha.  
\v 17 Mee ga agoago gi digaula, “Ma guu hihi i lodo di Beebaa Dabu bolo God gu helekai,  
\q1 ‘Dogu Hale Daumaha le e haga ingoo  
\q1 bolo di hale hai dalodalo ni digau henuailala huogodoo.’  
\m “Gei goodou guu hai di maa di lohongo hai gaiaa!”\x * \xo 11.17 \xt Isaiah 56.7; Jeremiah 7.11\x*   
\p
\v 18 Nia dagi hai mee dabu, mono gau haga donudonu haganoho ga longono ginaadou nnelekai aanei, gei digaula ga daamada ga halahala di nadau hai belee daaligi a Jesus. Gei digaula e mmaadagu, idimaa, nia daangada dogologo e hagalabagau huoloo nia agoago a Maa.   
\p
\v 19 Ga hiahi ia di mee, Jesus mo ana dama agoago ga hagatanga gi daha mo di waahale.   
\s1 Di agoago e hagatau gi di laagau ‘fig’  
\r (Matthew 21.20-22)  
\p
\v 20 Hagaluada loo dono daiaa, i di nadau hula i hongo di ala, ga gidee di laagau ‘fig’ deelaa, la guu mae aga i lala.  
\v 21 Peter ga langahia ga helekai gi Jesus, “Tangada Agoago, mmada gi di laagau dela ne haga halauwa Kooe, guu mae!”   
\p
\v 22 Jesus ga helekai, “Hagadonu ina a God.  
\v 23 Au e hagi adu gii donu goodou bolo tangada ma ga helekai gi di gonduu deenei boloo, ‘Hana, doo gi lodo di moana,’ geia hagalee manawa logo, e haga donu hua bolo ma gaa hai hua be ana helekai, gei di maa gaa gila.\x * \xo 11.23 \xt Matthew 17.20; 1-Corinthians 13.2\x*  
\v 24 Deenei laa, Au e hagi adu bolo goodou ma ga dalodalo e madau di godou mee, hagadonu ina bolo goodou ga hai mee gi di mee dela e madau ai, gei di maa ga dugu adu gi goodou.  
\v 25 Malaa, goodou ma gaa tuu ga dalodalo, dumaalia gi nia hala o tangada ne hai adu. Gei di godou Damana i di langi ga dumaalia adu gi godou ihala.\x * \xo 11.25 \xt Matthew 6.14-15\x*  
\v 26 [Maa goodou hagalee dumaalia gi nia hala digau ala i golo, di godou Damana dela i di langi hagalee dumaalia gi godou ihala.”]   
\s1 Di heeu di mogobuna dagi o Jesus  
\r (Matthew 21.23-27; Luke 20.1-8)  
\p
\v 27 Digaula gaa dau adu labelaa gi Jerusalem. Di madagoaa hua o Jesus e hanadu gi lodo di Hale Daumaha, gei nia dagi aamua hai mee dabu, mo digau haga donudonu haganoho, mo nia dagi mmaadua ga lloomoi,  
\v 28 ga heeu, “Ma di mogobuna dagi mai hee dela e hai ai au mee aanei? Ma koai ne dugu adu di mogobuna deenei?”   
\p
\v 29 Jesus ga helekai, “Au gaa hai dagu heeu hua e dahi, maa goodou ga hagi mai, gei Au ga hagi adu di mogobuna dagi ni ooi dela e hai ai agu mee aanei:  
\v 30 Hagia mai, di mogobuna a John dela e hai ana babdais, la mai baahi o God, be mai baahi nia daangada?”   
\p
\v 31 Digaula ga daamada ga lagamaaloo i nadau mehanga boloo, “Gidaadou la ga helekai bolo aha? Maa gidaadou ga helekai, ‘Mai baahi o God’, gei Mee ga helekai, ‘Malaa e aha goodou hagalee hagadonu a John?’  
\v 32 Maa gidaadou ga helekai boloo, ‘Mai hua nia daangada...’” (Digaula e mmaadagu i nia daangada, idimaa, e dogologo e hagadonu bolo John la di soukohp e donu.)  
\v 33 Malaa, digaula ga helekai gi Jesus, “Gimaadou e de iloo.”  
\p Jesus ga helekai gi digaula, “Au hogi hagalee hagi adu di mogobuna mai hee dela e hai ai agu mee aanei.”   
\c 12  
\s1 Di agoago e hagatau gi digau dogi mee  
\r (Matthew 21.33-46; Luke 20.9-19)  
\p
\v 1 Jesus ga agoago i nia ala kai, “Tangada gaa dogi dana hadagee waini, ga abaaba, gaa hai dana gowaa tau waini, ga haga duu dana angulaa hagaloohi. Mee gaa wanga gi ana gau dogi mee gi ngalua ai, gaa hana haga mogowaa.\x * \xo 12.1 \xt Isaiah 5.1-2\x*  
\v 2 Di madagoaa taugai, gei mee ga hagau dana dangada hai hegau gi digau dogi mee aalaa, gi gaamai dono duhongo i di hadagee waini deelaa.  
\v 3 Gei digau dogi mee gaa kumi tangada hai hegau deelaa, ga daaligi, ga hagau gii hana, dana mee ne kae ai.  
\v 4 Gei tangada dana hadagee waini ga hagau labelaa dana huai dangada hai hegau. Digau dogi mee ga hagamaawa di libogo o maa, gaa hai di nadau hai e haga langaadia a mee.  
\v 5 Gei tangada dana hadagee ga hagau labelaa dana huai dangada, gei digaula ga daaligi a mee. E dogologo ne hagau nomuli, gei guu tale huogodoo gi di haingadaa deelaa, hunu gau gu hagamamaawa, ge hunu gau gu daaligi gii mmade.  
\v 6 Tangada dela ne dubu i golo, la go tama daane donu o tangada dana hadagee waini. Muliagi loo gei mee ga hagau hua go dana dama daane donu gi digau dogi mee aalaa. Ga helekai, ‘Au e iloo bolo digaula ga hagalabagau laa dagu dama daane.’  
\v 7 Gei digau dogi mee aalaa ga leelee i nadau mehanga boloo, ‘Deenei la go tama donu a maa. Lloomoi, gidaadou ga daaligi a mee gii made, gei gidaadou ga hai mee gi nia mee a maa ala belee hai mee ginai.’  
\v 8 Malaa, digaula gaa kumi tama daane deelaa, ga daaligi, gaa hudu tuaidina o maa gi daha mo di hadagee waini.”   
\p
\v 9 Jesus ga heeu, “Malaa, tangada dana hadagee waini la gaa hai dana aha? Mee ga hanimoi, ga dadaaligi nia daane aalaa, gaa wanga di hadagee waini gi nnuai daangada gi benabena ina.  
\v 10 Goodou digi daulia di Beebaa Dabu dela e helekai boloo,  
\q1 ‘Di hadu dela ne hudu gi daha go digau hau hale  
\q1 bolo di balu hadu,  
\q1 la guu hai di hadu dela e kaedahi e hagalabagau.\x * \xo 12.10 \xt Pisalem 118.22-23\x*   
\q1
\v 11 Di mee deenei la ne hai go Dimaadua,  
\q1 e haga goboina dangada.’”   
\m
\v 12 Nia dagi o digau o Jew, gu hagamada belee lawalawa a Jesus, i digaula e iloo bolo di ala kai a Maa le e hagatau ang gi ginaadou. I di nadau mmaadagu i digau dogologo aalaa, ga diiagi a Mee, gaa hula.   
\s1 Di heeu o di hui dagitedi  
\r (Matthew 22.15-22; Luke 20.20-26)  
\p
\v 13 Nia Pharisee mo digau hagamaamaa Herod ne hagau gi Jesus, belee haga ihala a mee gi nia heeu.  
\v 14 Digaula ga lloomoi gi Mee ga heeu, “Tangada Agoago, gimaadou e iloo bolo Goe e helekai donu, e haga balumee nia hagabaubau dangada, ge hagalee hilihili dangada, ge e agoago di tonu i di hiihai a God gi nia daangada. Hagia mai be di maa e hai baahi gi tadau haganoho di hui tadau dagitedi gi di king o Rome? Gidaadou e hui be deeai?”   
\p
\v 15 Gei Jesus gu gidee i lodo nadau helekai halahalau, ga helekai, “Goodou belee haga ihala au eiaha? Gaamai teenedi silber gii mmada au.”   
\p
\v 16 Digaula gaa wanga di nadau teenedi, gei Mee ga heeu, “Ma di ada ni ooi, ge di ingoo ni ooi aanei?”  
\p Gei digaula ga helekai, “Ni di king o Rome.”   
\p
\v 17 Gei Jesus ga helekai, “Malaa, wanga ina gi di king nia mee a di king, ge wanga ina gi God nia mee a God.”  
\p Gei digaula gu goboina e ginaadou a Jesus.   
\s1 Di heeu di mouli aga mai di made  
\r (Matthew 22.23-33; Luke 20.27-40)  
\p
\v 18 Nia Sadduccee, ala e agoago bolo nia daangada e hagalee mouli aga i di made, ga lloomoi gi Jesus ga heeu,\x * \xo 12.18 \xt Acts 23.8\x*  
\v 19 “Tangada Agoago, Moses guu hihi taganoho deenei,  
\q1 ‘Taane ma gaa made, gei dono lodo gaa noho i golo,  
\q1 dana dama ai,  
\q1 gei tuaahina daane o taane dela ne made  
\q1 gaa lodo gi di ahina deelaa,  
\q1 gi gila mai di tama e ala be di tama ni taane dela ne made.’\x * \xo 12.19 \xt Deuteronomy 25.5\x*   
\m
\v 20 “Dolomaa, tagahaanau daane dogohidu, di ulu madua gaa hai dono lodo, nomuli gaa made, di nau dama ai.  
\v 21 Gei togolua daane la gaa lodo labelaa gi di ahina deelaa, geia gaa made labelaa, di nau dama ai, gei togodolu daane la go di hai la hua.  
\v 22 Taga haanau daane dogohidu aalaa guu lodo huogodoo gi di ahina deelaa, gei ginaadou guu mmade huogodoo, nadau dama ai. Muliagina loo gei di ahina la gaa made.  
\v 23 Di madagoaa digau mmade ma ga mouli aga i di laangi o di mouli aga, di ahina deelaa la gaa hai di lodo ni ooi? Idimaa, digau dogohidu aalaa ne lodo huogodoo gi mee.”   
\p
\v 24 Jesus ga helekai, “Goodou gu ihala, idimaa goodou e de iloo nia helekai o di Beebaa Dabu mo di mogobuna o God.  
\v 25 Digau mmade ma ga mouli aga, la hagalee hai nadau lodo, gadoo be digau di langi.  
\v 26 Deenei di agoago o di mouli aga i di made: goodou digi daulia di Beebaa Moses di kai o di laagau e ulaula? Ma guu hihi bolo God e helekai gi Moses boloo,  
\q1 ‘Au go di God o Abraham,  
\q1 di God o Isaac,  
\q1 mo di God o Jacob.’\x * \xo 12.26 \xt Exodus 3.6\x*   
\m
\v 27 “Mee go di God o digau mouli, hagalee ni digau mmade. Goodou digau gu ihala!”   
\s1 Taganoho Aamua  
\r (Matthew 22.34-40; Luke 10.25-28)  
\p
\v 28 Tangada haga donudonu haganoho i golo, e hagalongo gi nia helekai aanei. Mee gu iloo bolo nia helekai a Jesus ala ne hai gi di heeu o nia Sadduccee, le e humalia. Geia ga hanimoi gi Jesus, ga heeu, “Dehee taganoho koia e hagalabagau i nia haganoho huogodoo?”   
\p
\v 29 Gei Jesus ga helekai, “Deenei taganoho koia e aamua:  
\q1 ‘Israel, gi hagalongo!  
\q1 Dimaadua dela go tadau God,  
\q1 go Mee hua dela go God.\x * \xo 12.29 \xt Deuteronomy 6.4-5\x*   
\q1
\v 30 Goe gi aloho i Dimaadua, go doo God,  
\q1 aga i lodo do manawa hagatau, mo do hagataalunga hagatau,  
\q1 mo au hagabaubau huogodoo, mo oo mahi huogodoo.’   
\m
\v 31 “Gei di lua haganoho le e hai hua be di maa, boloo,  
\q1 ‘Goe gi aloho i tangada dela i do baahi,  
\q1 gii hai be do aloho i di goe.’  
\m “E deai taganoho labelaa i golo, e aamua laa hongo nia haganoho e lua aanei ai.”\x * \xo 12.31 \xt Leviticus 19.18\x*   
\p
\v 32 Tangada haga donudonu haganoho ga helekai gi Jesus, “Tangada Agoago, gu hai donu go au helekai ala ne hai boloo: ‘Tagi la dela hua go God, deai di god labelaa i golo ai, dela hua go Mee.\x * \xo 12.32 \xt Deuteronomy 4.35\x*  
\v 33 Tangada la gi aloho i dono God, mai i lodo dono manawa, mo ana hagabaubau mo ono mahi, gei gi aloho i tangada dela i dono baahi be dono aloho i deia.’ Koia e hagalabagau go di hai hegau gi nia haganoho e lua aanei, i tadau hai dela e wanga dehuia tadau manu gi hongo di gowaa dudu tigidaumaha, mono tigidaumaha huogodoo ala e hai ang gi God.”\x * \xo 12.33 \xt 1-Samuel 15.22; Pisalem 40.6-8; Isaiah 1.11-15; Hosea 6.6; Micah 6.6-8\x*   
\p
\v 34 Jesus ga iloo Ia, bolo nia helekai a maa gu hai donu, ge Ia ga helekai gi mee, “Goe hagalee mogowaa i Teenua King o God.”  
\p Gei nomuli, gu deai tangada e heeu dana mee gi Mee ai.   
\s1 Di heeu di hai o Mesaia  
\r (Matthew 22.41-46; Luke 20.41-44)  
\p
\v 35 Di madagoaa Jesus e hai ana agoago i lodo di Hale Daumaha, ge Ia ga heeu, “Digau haga donudonu haganoho le e aha ala e hai bolo di Mesaia la di hagadili ni David?  
\v 36 Idimaa, di Hagataalunga Dabu gu haga helekai a David:  
\q1 ‘Dimaadua gu helekai gi dogu Dagi:  
\q1 Goe noho i dogu baahi gau donu,  
\q1 gaa dae loo gi dogu madagoaa ma gaa dugu  
\q1 o hagadaumee gi lala o babaawae.’\x * \xo 12.36 \xt Pisalem 110.1\x*   
\m
\v 37 “David donu e gahi a mee bolo dono Dagi, malaa di Mesaia la di hagadili behee ni David?”  
\s1 Jesus e haga iloo hagalliga gi digau haga donudonu haganoho  
\r (Matthew 23.1-36; Luke 20.45-47)  
\p Nia daangada dogologo nogo hagalongo tenetene gi nia agoago a Jesus.  
\v 38 Mee ga agoago gi digaula, “Goodou hudee kawe i digau haga donudonu haganoho ala e ulu i nia gahu lloo, ga heehee laa, gei e hiihai bolo nia daangada gi hagaaloho mo hagalaamua ina ginaadou i lodo nia gowaa huihui mee,  
\v 39 ge e hilihili nadau lohongo aamua i lodo nia synagogee mo lodo nia hagamiami.  
\v 40 Aanei go digaula ala e mada maaloo e kae nia goloo o nia hale nia ahina guu mmade nadau lodo, ge e hai nadau dalodalo lloowehaa i mua nia golomada o nia daangada. Malaa, nadau hagaduadua la koia e huaidu.”   
\s1 Tigidaumaha o di ahina guu made dono lodo  
\r (Luke 21.1-4)  
\p
\v 41 Jesus e noho i lodo di Hale Daumaha, hoohoo gi di gowaa dela e dugu ginai nia tigidaumaha, ge Ia e daumada digau ala e dugu nadau teenedi. E dogologo digau maluagina e tigidaumaha nadau teenedi e logo.  
\v 42 Di ahina hagaloale guu made dono lodo ga hanimoi nomuli, gaa dugu ana teenedi e lua.  
\v 43 Gei Jesus ga gahi mai ana dama agoago gi dono baahi, ga helekai, “Au e hagi adu gi goodou di tonu bolo tigidaumaha di ahina hagaloale deenei ne hai, la koia gu damanaiee i nia tigidaumaha digaula huogodoo.  
\v 44 Digau ala i golo ne dugu hunu teenedi gi lodo di gowaa tigidaumaha mai nadau maluagina, gei di ahina hagaloale deenei gu hagaodi anga ana teenedi huogodoo ala belee hagahumalia ieia.”   
\c 13  
\s1 Jesus e hagi aga di mooho o di Hale Daumaha  
\r (Matthew 24.1-2; Luke 21.5-6)  
\p
\v 1 Di madagoaa Jesus ne hagatanga i di Hale Daumaha, tangada i ana dama agoago ga helekai, “Tangada Agoago, mmada gi nia hadu mono hale ala e humalia!”   
\p
\v 2 Jesus ga helekai anga, “Goe e gidee nia hale humalia aanei? Di hadu e dahi gaa dubu i dono lohongo ai. Nia hadu huogodoo ga meheu gi lala.”   
\s1 Nia haingadaa mono haga huaidu  
\r (Matthew 24.3-14; Luke 21.7-19)  
\p
\v 3 Jesus nogo noho i hongo di Gonduu Olib, i di baahi adu gi di Hale Daumaha, gei Peter, James, John mo Andrew ga mmaanege adu gi baahi o Mee, ga heeu gi Mee mada ginaadou,  
\v 4 “Meenei, hagia mai be nia mee aanei le e hai ma gaa hee, ge hagailongo gi di aha, bolo ma gu hoohoo gaa hai?”   
\p
\v 5 Jesus ga helekai, “Goodou pula i goodou, gi de halahalau hua go tangada.  
\v 6 Idimaa, dogologo e lloomoi i dogu ingoo, ga hagi adu, ‘Au go mee!’ Gei nia daangada dogologo ga halahalau go digaula.  
\v 7 Di madagoaa goodou ma ga longono nia lee dauwa ala e hai hoohoo mai mono longo dauwa ala e mogowaa, goodou hudee uli godou gai. Nia mee aanei le e hai loo gii kila, gei hagalee haga modongoohia bolo di hagaodi gu dau mai.  
\v 8 Nia henua ga heheebagi, nia king ga heheebagi, nia madagowaa huogodoo i henuailala ga ngalungalua, nia dau hiigai ga i golo. Nia mee aanei le e hai gadoo be di mmae matagidagi o di ahina ma ga haanau.   
\p
\v 9 “Goodou gii noho kanakana, idimaa, goodou ga lawalawa go nia daangada gaa lahi gi di gowaa hai gabunga. Goodou ga haga mamaawa i lodo nia synagogee gaa lahi gi mua nia king i dogu gili, bolo goodou gi haga modongoohia ina gi digaula di hai o di Longo Humalia.\x * \xo 13.9 \xt Matthew 10.17-20; Luke 12.11-12\x*  
\v 10 I mua di hagaodi ga dau mai, di Longo Humalia e hai gii dele gii dau gi nia henua huogodoo.  
\v 11 Malaa, goodou ma ga lawalawa, gaa lahi gi di gowaa hai gabunga, gei goodou hudee maanadu e logo be goodou ga helekai bolo aha i mua digaula. Goodou helekai hua nia mee ala ga gowadu gi goodou i di madagoaa deelaa. Idimaa, nia helekai ala ga helekai ai goodou, la hagalee mai godou baahi, nia helekai mai baahi di Hagataalunga Dabu.  
\v 12 Nia daane gaa wanga nadau duaahina daane gi daaligidia gii mmade. Nia damana hogi gaa wanga nadau dama gi daaligidia gii mmade, gei nia dama ga hai baahi gi nadau maadua, gaa wanga digaula gi daaligidia gii mmade.  
\v 13 Digau huogodoo ga de hiihai adu gi goodou i dogu gili. Be koai hua dela e dadaahi dono hagadonu gaa dae loo gi di hagaodi ga mouli.\x * \xo 13.13 \xt Matthew 10.22\x*   
\s1 Di ada mee haga manawa gee dangada  
\r (Matthew 24.15-28; Luke 21.20-24)  
\p
\v 14 “Goodou ga gidee di ada mee haga manawa gee dangada e duu i lodo di gowaa e dee duudanga belee duu ai.” (Tangada dela e dau di haga iloo deenei, la gi iloo ia tadinga o di maa!) “Di madagoaa hua deelaa, digau ala e noho i Judea la gii llele gi daha gi tomo nia dama gonduu.\x * \xo 13.14 \xt Daniel 9.27; 11.31; 12.11\x*  
\v 15 Tangada dela i tomo dono hale, la hudee hai bolo ia e haneia gi lala e ulu gi lodo dono hale e kae ana mee.\x * \xo 13.15 \xt Luke 17.31\x*  
\v 16 Tangada dela i lodo henua, la hudee haneia bolo e kae dono gahu.  
\v 17 Koia e huaidu ang gi nia ahina hai dama, mo nia ahina nadau dama lligi i nia laangi aalaa ma ga dau mai!  
\v 18 Goodou dalodalo bolo nia mee aanei gi hudee heia adu i di madagoaa magalillili!  
\v 19 Idimaa, nia haingadaa o nia laangi aalaa, la koia e huaidu huoloo i nia haingadaa mai taamada di madagoaa ne hai henuailala go God, gaa dae mai loo gi dolomeenei. Nia huaidu beenei e kila aga labelaa maalia ai.\x * \xo 13.19 \xt Daniel 12.1; Revelation 7.14\x*  
\v 20 Malaa, Dimaadua e haga hogoohi nia laangi aalaa; maa Mee ga hagalee hai beelaa, deai tangada e mouli ai. Mee e haga hogoohi mai nia laangi aalaa, ne hidi mai i ana dama ala ne hilihili.   
\p
\v 21 “Tangada ma ga helekai adu gi goodou, boloo, ‘Deenei di Mesaia!’ be, ‘Deelaa a Mee!’ goodou hudee hagadonu ina a mee.  
\v 22 Idimaa, nia mesaia dilikai mono soukohp dilikai ga kila aga i golo. Digaula gaa hai nadau hagailongo haga goboina mono mogobuna, belee halahalau nia dama a God ala gu hilihili, be di maa e mee.  
\v 23 Gii pula i goodou. Au e hagi adu nia mee aanei huogodoo i mua di madagoaa.   
\s1 Di hanimoi o Tama Tangada  
\r (Matthew 24.29-31; Luke 21.25-28)  
\p
\v 24 “Nia laangi ala i muli di haingadaa damana, di laa la ga bouli, gei di malama ga hagalee maahina.\x * \xo 13.24 \xt Isaiah 13.10; Ezekiel 32.7; Joel 2.10,31; 3.15; Revelation 6.12\x*  
\v 25 Nia heduu o di langi ga monnono, gei nia mogobuna o di ahiaalangi ga ngalungalua gi daha mo nadau lohongo.\x * \xo 13.25 \xt Isaiah 34.4; Joel 2.10; Revelation 6.13\x*  
\v 26 Gei goodou gaa mmada gi Tama Tangada e haneia i lodo nia gololangi, i nia mahi mono madamada aamua.\x * \xo 13.26 \xt Daniel 7.13; Revelation 1.7\x*  
\v 27 Gei Mee ga hagau ana gau di langi gi nia mada e haa o henuailala, belee haga dagabuli mai digau a God ala gu hilihili, e loomoi i nia mada huogodoo o henuailala.   
\s1 Di agoago e hagatau gi di laagau ‘fig’  
\r (Matthew 24.32-35; Luke 21.29-33)  
\p
\v 28 “Goodou gaabee di mee deenei e hagatau gi di laagau ‘fig’. Nia manga o di maa ala ma ga matilitili, gaa tomo ono lau, goodou gu iloo bolo di madagoaa mahanahana la gu hoohoo mai.  
\v 29 E hai gadoo beelaa, be goodou ala ma ga gidee nia mee aanei ala ma ga kila aga, gei goodou gu iloo hua, bolo di madagoaa gu hoohoo mai, gu togomaalia ga daamada.  
\v 30 Gi langahia bolo nia mee aanei le e kila, e hai i mua di adu dangada dela e mouli dolomeenei ma gaa mmade huogodoo.  
\v 31 Di langi mo henuailala le e odi, gei agu helekai la hagalee e odi.   
\s1 Tangada e iloo ia di laangi mo di aawaa ai  
\r (Matthew 24.36-44)  
\p
\v 32 “Deai tangada e iloo di laangi deelaa be di aawaa ai; digau di langi e de iloo hogi, mo Tama daane hogi e de iloo Ia labelaa, dela hua go Tamana modogoia e iloo.  
\v 33 Noho kanakana, i goodou e de iloo di dae mai di madagoaa.  
\v 34 E hai gadoo be taane ma gaa hai dono ala e hana haga mogowaa, gaa dugu ana gau hai hegau belee benebene dono hale, gaa wanga nadau moomee e hai. Geia ga helekai gi di hagaloohi o di bontai, bolo gii noho hilahila gi daha.\x * \xo 13.34 \xt Luke 12.36-38\x*  
\v 35 Malaa, goodou gii noho kanakana, i di hanimoi o tagi di hale la de iloo goodou, be ma hiahi, be i di waelua di boo, be i mua di ada, be i mua di laa e hobo.  
\v 36 Maa mee ga limalima dono hanimoi, mee gi de boogia hua goodou e kii.  
\v 37 Agu helekai adu gi goodou, le e helekai gi digau huogodoo, bolo goodou gii noho kanakana.”   
\c 14  
\s1 Di hagataele hagammuni a taaligi Jesus  
\r (Matthew 26.1-5; Luke 22.1-2; John 11.45-53)  
\p
\v 1 Nia laangi e lua i mua Tagamiami Pasoobaa mo Tagamiami Palaawaa Digi Hagatanga, nia dagi aamua hai mee dabu, mo digau haga donudonu haganoho e halahala di nadau ala hagammuni e kumi a Jesus e daaligi gii made.\x * \xo 14.1 \xt Exodus 12.1-27\x*  
\v 2 Digaula ga helekai, “Gidaadou hagalee hai di mee deenei i lodo di laangi Pasoobaa, gi dee wwaa hua nia daangada.”   
\s1 Jesus e hagatulu i Bethany  
\r (Matthew 26.6-13; John 12.1-8)  
\p
\v 3 Jesus nogo i Bethany i di hale o Simon, taane nogo magi genegene i mua. Di madagoaa hua a Jesus e miami, gei di ahina ga hanimoi mo dana loaabi ‘alabaster’ e honu lolo kala hui ngadaa ne hai gi nia ‘nard’, gaa huge, ga hagatulutulu di libogo o Jesus.\x * \xo 14.3 \xt Luke 7.37-38\x*  
\v 4 Digau ala nogo i golo la gu hagawelewele, ga helekai i nadau mehanga, “Ma e aha dela gu hagauwwou di lolo kala deenei?  
\v 5 Maa bolo ne hui gi daha e mee hua di kila mai nia silber i hongo dolu lau, gaa wanga gi digau hagaloale!” Gei digaula ga helekai tamu i di ahina deelaa.   
\p
\v 6 Gei Jesus ga helekai, “Diagia hua a mee. Goodou e haga madugidugia a mee eiaha? E humalia ge madamada go dana hai dela ne hai mai gi di Au.  
\v 7 Digau hagaloale le e noho i godou baahi i nia madagoaa huogodoo, e mee hua di godou hagamaamaa i di ingoo hua di madagoaa dela e hiihai ginai goodou. Gei Au e hagalee waalooloo i godou baahi.\x * \xo 14.7 \xt Deuteronomy 15.11\x*  
\v 8 Gei di ahina deenei ne hai go dana mee dela e mee. Mee ne hagatulutulu dana lolo kala gi dogu huaidina, belee hagatogomaalia Au i mua dogu danu.  
\v 9 Au e hagi adu gii donu goodou bolo nia gowaa huogodoo i henuailala hagatau ala e dele ginai di Longo Humalia, dana mee dela ne hai, le e dele hogi, e haga langalangahia a mee.”   
\s1 Judas guu baba bolo ia ga hagi anga a Jesus  
\r (Matthew 26.14-16; Luke 22.3-6)  
\p
\v 10 Judas Iscariot, tangada i nia dama agoago dilongoholu maa lua, gaa hana gi nia dagi aamua hai mee dabu, belee odi a Jesus gi digaula.  
\v 11 Digaula gu tenetene huoloo gi telekai a Judas dela ne hai ang gi ginaadou, ga hagababa bolo ginaadou e wanga nadau teenedi gi mee. Malaa, Judas ga daamada ga halahala dana madagoaa humalia belee wanga a Jesus gi digaula.   
\s1 Jesus mo ana dama agoago e miami i Tagamiami Pasoobaa  
\r (Matthew 26.17-25; Luke 22.7-14,21-23; John 13.21-30)  
\p
\v 12 Di laangi matagidagi o nia laangi llauehe o Tagamiami Palaawaa Digi Hagatanga, dela go di laangi e daaligi ai nia siibi o Tagamiami Pasoobaa, gei nia dama agoago a Jesus ga heeu gi Mee, “Dehee dau gowaa e hiihai gimaadou gi hagatogomaalia ina dau Hagamiami Pasoobaa?”   
\p
\v 13 Jesus ga hagau ana dama agoago dogolua, ga helekai, “Hula gi di waahale damana deelaa, taane i golo ga heetugi adu, e kae dana mee hagahau wai, daudalia a mee.  
\v 14 Gei goolua ga helekai gi tangada donu di hale dela ga ulu ginai mee, boloo, ‘Tangada Agoago e helekai bolo dehee di ruum e humalia ang gi de Ia mo ana dama agoago, e hai di nadau Hagamiami Pasoobaa?’  
\v 15 Gei mee ga hagi adu dana ruum damana i nua, gu togomaalia. Deelaa di gowaa e hagatogomaalia gulu mee mai gi gidaadou.”   
\p
\v 16 Nia dama agoago a Maa gaa hula gi di waahale damana, ga gidee nia mee huogodoo e hai be nnelekai a Jesus, gei meemaa ga hagatogomaalia Tagamiami Pasoobaa.   
\p
\v 17 Hiahi ia di mee, Jesus mo ana dama agoago dilongoholu maa lua gaa hula gi Jerusalem.  
\v 18 Di nadau noho miami, gei Jesus ga helekai, “Au e hagi adu gi goodou bolo tangada e dahi i goodou la gaa wanga Au, mee e miami dalia Au dolomeenei.”\x * \xo 14.18 \xt Pisalem 41.9\x*   
\p
\v 19 Gei nia dama agoago gu de nnoomaalia gi telekai deelaa, ga hagadau dagidahi, e hai nadau heeu gi Mee boloo, “Meenei, ma ko au dela e helekai iei Goe?”   
\p
\v 20 Gei Jesus ga helekai, “Tangada e dahi i goodou dilongoholu maa lua dela gaa hagatiu dana palaawaa gi lodo di ibu dalia Au, deelaa go mee.  
\v 21 Tama Tangada le e made be nnelekai di Beebaa Dabu. Gei e huaidu huoloo ang gi tangada dela ma ga hagi anga Tama Tangada. E humalia hua maa tangada deelaa hagalee belee haanau!”   
\s1 Tagamiami o Tagi  
\r (Matthew 26.26-30; Luke 22.14-20; 1-Corinthians 11.23-25)  
\p
\v 22 I di nadau miami hua, gei Jesus ga dahi aga dana palaawaa, ga danggee, ga ginigini, gaa duwwe gi ana dama agoago, ga helekai, “Geina, deenei la go dogu huaidina.”   
\p
\v 23 Nomuli ga dahi aga dana ibu waini, ga danggee ang gi God, gaa wanga gi digaula, huogodoo gu inu di maa.  
\v 24 Jesus ga helekai, “Aanei la go ogu dodo ala e hali gi digau dogologo. Ogu dodo la di hagababa hoou a God.\x * \xo 14.24 \xt Exodus 24.8; Jeremiah 31.31-34\x*  
\v 25 Au e hagi adu gi goodou bolo Au hagalee e inu di ibu waini deenei labelaa, gaa dae loo gi di laangi Au ma ga inu nia waini hoou i Teenua King o God.”   
\p
\v 26 Nomuli hua di nadau daahili, digaula gaa hula gi di Gonduu Olib.   
\s1 Jesus e kokohp di haga de iloo a Peter  
\r (Matthew 26.31-35; Luke 22.31-34; John 13.36-38)  
\p
\v 27 Jesus ga helekai gi digaula, “Goodou huogodoo gaa llele dagidahi, ga diiagi Au, i di Beebaa Dabu e helekai boloo,  
\q1 ‘God ga daaligi tangada hagaloohi siibi,  
\q1 gei nia siibi la ga lellele dagidahi.’\x * \xo 14.27 \xt Zechariah 13.7\x*   
\m
\v 28 “Gei i muli dogu mouli aga, gei Au gaa hana i godou mua gi Galilee.”\x * \xo 14.28 \xt Matthew 28.16\x*   
\p
\v 29 Peter ga helekai gi Mee, “Ma e aha maa digaula ga diiagi Goe, gei au la hagalee loo e diiagi Goe!”   
\p
\v 30 Jesus ga helekai gi Peter, “Au e hagi adu bolo i mua teduu daane ma gaa wolo haga lua boo nei, gei goe ga helekai haga dolu bolo goe e de iloo e goe Au.”   
\p
\v 31 Peter ga helekai maaloo, “Au hagalee loo e helekai bolo au e de iloo eau Goe, ma e aha maa au e hai gii made dalia Goe!”  
\p Nia dama agoago huogodoo ala i golo e helekai go telekai la hua.   
\s1 Jesus e dalodalo i Gethsemane  
\r (Matthew 26.36-46; Luke 22.39-46)  
\p
\v 32 Digaula gaa dau i Gethsemane, gei Jesus ga helekai gi ana dama agoago, “Noho i ginei i dogu madagoaa e hai agu dalodalo.”  
\v 33 Mee gaa lahi a Peter, James mo John. Di manawa gee guu dau hogi i ono lodo,  
\v 34 ge Ia ga helekai gi digaula, “Ogu lodo gu manawa gee huoloo, be di mee ga hagahuaidu Au gii made. Goodou noho i ginei mo di madamada gi daha.”   
\p
\v 35 Gei Mee gaa hana gi mada tanga i digaula, gaa bala ia gi hongo di gelegele, ga dalodalo be di madagoaa o di hagaduadua le e mee di daa gi daha mo Ia, be di maa e mee.  
\v 36 Mee ga helekai, “\tl Abba\tl*, dogu Damana, Goe e mee i nia mee huogodoo. Daawa ina di ibu o di hagaduadua gi daha mo Au. Gei hagalee go dogu hiihai, go do hiihai le e hai.”   
\p
\v 37 Gei Mee ga hanimoi gi baahi ana dama agoago dogodolu, ga gidee digaula e kii. Gei Mee ga helekai gi Peter, “Simon, goe e kii hua? Goe e deemee di haga aala i di aawaa hua e dahi?”  
\v 38 Mee ga helekai gi digaula, “Noho loloohi, dalodalo gi dee too goodou gi lodo di hagamada. Di hagataalunga le e hiihai, gei tuaidina le e bagege.”   
\p
\v 39 Gei Mee gaa hana labelaa, ga dalodalo, go nnelekai la hua nogo dalodalo ai i mua.  
\v 40 Ga hanimoi labelaa gi nia dama agoago, gei digaula guu kii, gu deemee di haga aala. Digaula gu de iloo di nadau helekai gi Mee.   
\p
\v 41 Tolu holongo ne hanimoi iei Mee gi digaula, ga helekai, “Goodou e kii hua molooloo? Guu dohu di godou molooloo! Di aawaa la gu dau mai! Mmada, Tama Tangada la gaa wanga gi lodo nia lima digau huaidu.  
\v 42 Goodou tuu i nua, hula. Mmada, tangada dela e wanga Au, la deenei gu hanimoi!”   
\s1 Di lawalawa o Jesus  
\r (Matthew 26.47-56; Luke 22.47-53; John 18.3-12)  
\p
\v 43 Jesus nogo leelee hua igolo, gei Judas, tangada i nia dama agoago dilongoholu maa lua a Maa, gu dau mai mo digau dogologo mo nadau hulumanu dauwa mono goloo heebagi. Digaula ne hagau mai go nia dagi hai mee dabu mo digau haga donudonu haganoho mo nia dagi mmaadua.  
\v 44 Tangada dela e hagi aga a Mee gu haga modongoohia gi tagabuulinga dangada deelaa, “Taane dela gaa hongi ko au, deelaa go Mee. Lawalawa ina, lahia, hagaloohia gi humalia.”   
\p
\v 45 Di dau mai hua Judas, mee ga hanadu gi Jesus, ga helekai, “Tangada Agoago”, ga hongi adu a Mee.  
\v 46 Gei digaula ga lawalawa a Jesus gi mau dangihi.  
\v 47 Tangada i digau ala e tuu i golo ga haga mmuu dana hulumanu dauwa, gaa tuu talinga di hege a tagi aamua hai mee dabu.  
\v 48 Jesus ga helekai, “Goodou e aha, ala e lloomoi mo godou goloo heebagi belee lawalawa Au, guu hai Au be tangada gu ihala?  
\v 49 Nia laangi huogodoo, gei Au nogo agoago i lodo di Hale Daumaha, goodou nogo i golo, digi kumidia Au. Gei nnelekai di Beebaa Dabu le e hai gi kila aga.”\x * \xo 14.49 \xt Luke 19.47; 21.37\x*   
\p
\v 50 Nomuli, gei ana dama agoago huogodoo ga diiagi a Mee, gaa llele gi daha.   
\p
\v 51 Tama daane e ulu hua di gahu malali, nogo daudali a Jesus, gei digaula belee lawalawa a mee,  
\v 52 gei mee gaa lele, gu diiagi ono goloo nogo ulu ai.   
\s1 Jesus i mua di gowaa hai gabunga aamua  
\r (Matthew 26.57-68; Luke 22.54-55,63-71; John 18.13-14,19-24)  
\p
\v 53 Digaula gaa lahi a Jesus gi di hale o tagi aamua hai mee dabu, di gowaa e dagabuli nia dagi aamua hai mee dabu huogodoo, nia dagi mmaadua, mo digau haga donudonu haganoho.  
\v 54 Peter e daudali a Jesus haga mogowaa, ga dau loo gi lodo di abaaba o di hale o tagi aamua hai mee dabu. Geia gaa noho gi lala i baahi digau hagaloohi e haga mahanahana.  
\v 55 Nia dagi hai mee dabu, mo digau hai gabunga aamua e hagamahi e halahala nadau hagamodongoohia hai baahi belee daaligi Jesus gii made, gei e deemee di gida di nadau mee.  
\v 56 E dogologo digau haga modongoohia dilikai e hagahuaidu a Jesus, gei nia haga modongoohia digaula hagalee buni.   
\p
\v 57 Gei hunu daane ga tuu i nua, ga helekai tilikai e hagahuaidu a Jesus,  
\v 58 “Gimaadou gu hagalongo gi Mee e helekai boloo, ‘Au ga oho di Hale Daumaha dela ne hau go nia daangada, gei i muli hua nia laangi e dolu, gei Au ga haga duu aga di maa, hagalee e hau go nia daangada.’”\x * \xo 14.58 \xt John 2.19\x*  
\v 59 Gei digaula hogi hagalee buni gi di kai e dahi.   
\p
\v 60 Tagi aamua hai mee dabu ga duu i nua i mua digaula huogodoo, ga heeu gi Jesus, “Au helekai i golo ai gi nia hagahuaidu digaula ala e hai adu?”   
\p
\v 61 Gei Jesus e noho hua dee muu. Tagi aamua hai mee dabu ga heeu labelaa, “Goe go di Mesaia, Tama daane a God Aamua?”   
\p
\v 62 Jesus ga helekai, “Ko Au go Mee. Goodou huogodoo gaa mmada laa gi Tama Tangada gaa noho i di baahi gau donu o God Mogobuna, ga hanimoi i hongo nia gololangi.”\x * \xo 14.62 \xt Daniel 7.13\x*   
\p
\v 63 Tagi aamua hai mee dabu ga duu i nua, ga haahi dono gahu ga helekai, “Gidaadou hagalee halahala tadau gau haga modongoohia!  
\v 64 Goodou gu longono nia hagahuaidu a maa. Dehee di godou hiihai?”  
\p Gei digaula ga helekai hai baahi, “Mee guu doo gi di hala, gu humalia hua dono hagamaehamaeha.”\x * \xo 14.64 \xt Leviticus 24.16\x*   
\p
\v 65 Hunu gau i digaula e buibui nadau haawale gi Mee, gaa gahu nia golomada o maa, ga hagamamaawa a Mee, ga helekai, “Ma koai dela ne hagamaawa goe?” Gei digau hagaloohi gaa lahi a mee mo di paapaa.   
\s1 Peter e haga de iloo ia Jesus  
\r (Matthew 26.69-75; Luke 22.56-62; John 18.15-18,25-27)  
\p
\v 66 Peter nogo i lodo di abaaba, gei di ahina hai hegau a tagi aamua hai mee dabu ga hanimoi laa dono baahi.  
\v 67 Di madagoaa di ahina ne gidee a Peter e haga mahanahana, geia gaa mmada haga huudonu gi mee, ga helekai, “Kooe nogo madalia labelaa a Jesus o Nazareth.”   
\p
\v 68 Peter ga haga de iloo ia ga helekai, “Au e de iloo di mee dela e helekai iei goe,” gei mee ga hanadu gi di bontai, [gei teduu gaa wolo.]   
\p
\v 69 Tama ahina gaa mmada gi mee i golo, ga helekai labelaa gi digaula, “Mee tangada i digaula.”  
\v 70 Gei Peter ga haga de iloo labelaa.  
\p Nomuli hua, gei digau ala nogo tuu i golo ga helekai, “Goe e deemee di hagammuni goe, i di goe tangada i digaula, tangada mai Galilee.”   
\p
\v 71 Gei Peter ga helekai, “Au e helekai i di tonu bolo God gi hagahuaidu ina au, be au e helekai tilikai. Au e de iloo eau Taane dela e helekai iei goodou!”   
\p
\v 72 Nomuli hua, gei teduu gaa wolo i di lua wolo, gei Peter ga langahia nia helekai a Jesus ne hai, “I mua teduu gaa wolo haga lua, gei goe ga helekai haga dolu bolo goe e de iloo e goe Au.” Nomuli hua, gei mee gu lodo huaidu huoloo, gu dangidangi manawa gee.   
\c 15  
\s1 Jesus i mua o Pilate  
\r (Matthew 27.1-2,11-14; Luke 23.1-5; John 18.28-38)  
\p
\v 1 Luada loo, gei tagi aamua hai mee dabu gu limalima di heetugi gi nia dagi mmaadua, digau haga donudonu haganoho, digau hai gabunga aamua huogodoo, ga haga taele di nadau hai. Digaula ga lawalawa a Jesus gi tiini baalanga, gaa lahi gi Pilate.  
\v 2 Gei Pilate ga heeu gi mee, “Ma Kooe dela go di king o digau o Jew?”  
\p Gei Jesus ga helekai, “Dela gu helekai iei goe.”   
\p
\v 3 Nia dagi hai mee dabu gu hagahuaidu a Jesus i nia mee e logo.  
\v 4 Malaa, Pilate ga heeu labelaa gi Mee, “Goe hagalee helekai gi nia helekai digaula? Hagalongo gi nia hagahuaidu huogodoo digaula i di Goe!”   
\p
\v 5 Jesus e noho hua dee muu, gei Pilate gu gologolo huoloo.   
\s1 Jesus gu hagamodu bolo e hagamaehamaeha  
\r (Matthew 27.15-26; Luke 23.13-25; John 18.39—19.16)  
\p
\v 6 Nia Hagamiami Pasoobaa huogodoo, gei Pilate e nnoo mau e hai gi hagamehede dana dangada galabudi dela e hiihai ginai nia daangada.  
\v 7 Taane go Barabbas nogo galabudi madalia digau hai baahi ala ne daaligi nia daangada gii mmade i lodo nneebagi.  
\v 8 Digau dogologo ne dagabuli mai, ga daamada ga huuhuli a Pilate gi heia go dana hai dela nogo hai ang gi ginaadou.  
\v 9 Mee ga heeu, “Goodou e hiihai bolo au gi haga mehede ina adu di king o digau o Jew?”  
\v 10 Mee gu iloo humalia, bolo nia dagi hai mee dabu la ne wanga a Jesus gi deia, i di nadau dubua i Mee.   
\p
\v 11 Gei nia dagi hai mee dabu ga huuhuli digau dogologo aalaa gi helekai gi Pilate gi hagamehede ina a Barabbas.  
\v 12 Pilate ga helekai labelaa gi digaula, “Malaa di aha dela e hiihai ginai goodou bolo au gi heia gi taane dela e hagaingoo go goodou bolo di king o digau o Jew?”   
\p
\v 13 Gei digaula gaa wwolo, “Daudaulia a Mee!”   
\p
\v 14 Pilate ga heeu, “Malaa, di huaidu aha, dela ne hai go Mee?”  
\p Gei digaula gaa wwolo labelaa gi nonua, “Daudaulia a Mee!”   
\p
\v 15 Pilate e hiihai e haga manawa lamalia lodo digau dogologo aalaa, dela ga hagamehede a Barabbas gi digaula, nomuli geia gaa dugu ang gi digaula gi haga mamaawa dia Jesus, gi daudau ina a Mee.   
\s1 Digau dauwa e haga balumee Jesus  
\r (Matthew 27.27-31; John 19.2-3)  
\p
\v 16 Digau dauwa gaa lahi a Jesus gi lodo di abaaba di hale gobinaa, ga gahigahi mai nadau ihoo gau dauwa huogodoo.  
\v 17 Digaula ga haga ulu a Jesus gi di gahu mmee uli, gaa bini di nadau hau laagau duduia, gaa wanga gi di libogo o Maa.  
\v 18 Gei digaula gaa pala ga hagaaloho gi Mee ga helekai, “Di king o digau o Jew gi mouli waalooloo!”  
\v 19 Gei digaula ga haga mamaawa dono libogo gi di laagau, ga buibui nadau haawale gi Mee, ga dogoduli, ga palapala gi Mee.  
\v 20 Gaa lawa loo di nadau hagahuaidu a Mee, gaa daa gi daha di gahu mmee uli, ga haga ulu a Mee labelaa gi ono gahu donu, gaa dagi a Mee gi tua di waahale belee daudau gi di loobuu.   
\s1 Taudau o Jesus  
\r (Matthew 27.32-44; Luke 23.26-43; John 19.17-27)  
\p
\v 21 Digaula ga heetugi gi taane dono ingoo go Simon, tangada o Cyrene, tamana o Alexander mo Rufus. Mee ne haneia i tenua gi di waahale deelaa, gei digau dauwa gaa hai a mee gi aamo ina di loobuu a Jesus.\x * \xo 15.21 \xt Romans 16.13\x*  
\v 22 Digaula gaa lahi a Jesus gi di gowaa dela e haga ingoo bolo Golgotha, dela dono hadinga boloo, “Di Gowaa Hangaibu Libogo”.  
\v 23 Digaula ga hagamada gaa wanga nadau waini gu unugi gi nia ‘myrrh’, gei Jesus digi inu mia nia maa.  
\v 24 Gei digaula ga daudau a Mee, gaa duwwe nia gahu o Maa i ginaadou. Ga huduhudu nadau ‘dice’ belee halahala be dehee di mee gahu gaa kae ko ai.\x * \xo 15.24 \xt Pisalem 22.18\x*  
\v 25 Di laa e hiwa luada dela ne daudau iei Mee.  
\v 26 Di haga modongoohia taudau o Maa, guu hihi gi hongo di loobuu e hai boloo, “Di king o digau o Jew.”  
\v 27 Digaula gu daudau labelaa nia daane huaidu dogolua i baahi o Mee, e dahi i dono baahi gau donu, ge dahi i dono baahi gau ihala.  
\v 28 [Di Beebaa Dabu e hai donu i telekai deenei,  
\q1 “Mee guu dau dalia digau huaidu.”]\x * \xo 15.28 \xt Isaiah 53.12\x*   
\p
\v 29 Nia daangada ma ga lloomoi laa laa, le e lialiagi nadau libogo mo di haganneennee a Jesus, ga helehelekai, “Hahaa! Ma kooe dela belee oho di Hale Daumaha, ga haga duu aga labelaa i lodo nia laangi e dolu!\x * \xo 15.29 \xt Pisalem 22.7; 109.25; Mark 14.58; John 2.19\x*  
\v 30 Doo iha laa gi daha, heia Goe gi mouli!”   
\p
\v 31 Nia dagi hai mee dabu, mo digau haga donudonu haganoho, e haganneennee labelaa a Jesus, ga helehelekai, “Mee e mee di haga mouli nia daangada, gei e deemee di haga mouli Ia!  
\v 32 Heia gimaadou gi gidee di Mesaia, di king o digau Israel, e doo iha gi lala mo di loobuu dolomeenei, gei gimaadou ga hagadonu laa Goe!”  
\p Nia daane ala ne daudau dalia a Mee e haganneennee labelaa a Jesus.   
\s1 Di made o Jesus  
\r (Matthew 27.45-56; Luke 23.44-49; John 19.28-30)  
\p
\v 33 I di oodee, gei tenua hagatau gu bouli dongoeho, gaa dae loo gi di laa e dolu.  
\v 34 I di laa e dolu, gei Jesus gaa dangi gi nua, \tl “Eloi, Eloi, Lama, Sabaktani?”\tl* dono hadinga boloo, “Dogu God, dogu God, Goe gu diiagi Au beleiaha?”\x * \xo 15.34 \xt Pisalem 22.1\x*   
\p
\v 35 Hunu gau ala e tuu i golo gu longono, ga helekai, “Hagalongo, Mee e gahigahi a Elijah!”  
\v 36 Tangada i digaula gaa lele, gaa kae dana liimi, ga hagatiu gi lodo nia waini hui ngoohia, gaa dui gi di ngudu di laagau, gaa togo gi nia malau ngudu o Jesus, ga helekai, “Daalia, gii mmada gidaadou be Elijah e hanimoi e dugu ia a Mee!”\x * \xo 15.36 \xt Pisalem 69.21\x*   
\p
\v 37 Jesus gaa dangi gi nua, ga hagaodi ono madangi.   
\p
\v 38 Di gahu duuli nogo dau i lodo di Hale Daumaha, gu mahaa lua eia i nua, guu modu gi lala.\x * \xo 15.38 \xt Exodus 26.31-33\x*  
\v 39 Tagi dauwa nogo duu i mua di loobuu, ne gidee ia di made o Jesus, ga helekai, “Taane deenei la go Tama donu a God.”   
\p
\v 40 Nia ahina nogo i golo, e mmada mai i daha. Mary mai Magdala, mo Mary tinana o James dulii mo Joseph, mo Salome, nogo i baahi digaula.\x * \xo 15.40 \xt Luke 8.2-3\x*  
\v 41 Aanei go digaula nogo madalia a Jesus i Galilee, nogo hagamaamaa a Mee. Gei nia ahina dogologowaahee ala i golo, ne lloomoi labelaa dalia a Mee gi Jerusalem.   
\s1 Di danu o Jesus  
\r (Matthew 27.57-61; Luke 23.50-56; John 19.38-42)  
\p
\v 42 Hiahi ia di mee, gei Joseph tangada o Arimathea ga dau mai.  
\v 43 Mee tangada hagalabagau i lodo digau hai gabunga aamua, ge e talitali hogi Teenua King o God. Di laangi deelaa la di Laangi Hagatogomaalia, dela di laangi i mua di Laangi Sabad, malaa, Joseph gaa hana hagamahi gi mua o Pilate belee madau tuaidina o Jesus.  
\v 44 Pilate gu homouli huoloo i dana longono bolo Jesus la guu made, geia ga gahi mai tagi dauwa belee heeu be di maa e donu, bolo Jesus la guu made.  
\v 45 Dono modongoohia di made o Jesus mai tagi dauwa, gei mee ga hagi anga gi Joseph gi kae ina tuaidina o Jesus.  
\v 46 Joseph gaa hui dana gahu lenge, ga dugu ia tuaidina o Maa gi lala, gaa hii a Mee gi di gahu deelaa, gaa dugu gi lodo taalunga dela ne hodo gi lodo tadugalaa. Gaa lawa ga haga daga mai tadugalaa damana, gaa pono di bontai taalunga.  
\v 47 Mary mai Magdala, mo Mary tinana o Joseph nogo i golo, gu gidee di gowaa dela e dugu ai tuaidina o Jesus.   
\c 16  
\s1 Di mouli aga o Jesus  
\r (Matthew 28.1-8; Luke 24.1-12; John 20.1-10)  
\p
\v 1 I muli di Laangi Sabad, Mary mai Magdala, mo Mary tinana o James, mo Salome gaa hui nadau lolo kala, belee hula e hagatulu tuaidina o Jesus.  
\v 2 Luada loo di laangi tabu, digaula gaa dau i taalunga i di madagoaa di laa e hobo,  
\v 3 ge heheeu i nadau mehanga, “Ma koai dela ga hagamaamaa gidaadou e hagadaga tadugalaa gi daha mo di bontai o taalunga?” Idimaa tadugalaa le e damanaiee.  
\v 4 Digaula ga mmada adu, gei di maa guu lawa di hagadaga gi daha.  
\v 5 Gei digaula ga ulu adu gi lodo taalunga, gaa mmada gi tama daane e ulu ono gahu kene hila mmaa, e noho i di baahi gau donu taalunga, gei digaula gu homouli gu mmaadagu.   
\p
\v 6 Mee ga helekai, “Goodou hudee mmaadagu, au e iloo bolo goodou e halahala a Jesus o Nazareth dela ne daudau. Mee hagalee i ginei, gu mouli aga. Mmada, deenei di gowaa nogo dugu iei Mee.  
\v 7 Hula, haga iloo ina gi ana dama agoago mo Peter boloo, ‘Mee guu hana gi Galilee i godou mua, deelaa di gowaa e heetugi iai goodou gi Mee be ana helekai ala ne hai adu.’”\x * \xo 16.7 \xt Matthew 26.32; Mark 14.28\x*   
\p
\v 8 Digaula ga ulu mai gi daha mo taalunga, ga llele hua i lodo di nadau mmaadagu, digi leelee gi tei dangada.   
\s1 Jesus gu haga gida gi Mary mai Magdala  
\r (Matthew 28.9-10; John 20.11-18)  
\p
\v 9 [I muli di mouli aga o Jesus luada loo di laangi tabu, mee ne haga gida eia gi Mary mai Magdala matagidagi, di ahina a Mee ne hagabagi ono hagataalunga huaidu e hidu.  
\v 10 Mary gaa hana ga odi gi nia hoo o Jesus ala e manawa gee ge e tangitangi.  
\v 11 Gei digaula digi hagadonu a mee ne helekai bolo Jesus gu mouli aga, gei guu mmada gi Mee.   
\s1 Jesus gu haga gida gi ana dama agoago dogolua  
\r (Luke 24.13-35)  
\p
\v 12 Nomuli hua, gei Jesus ga haga gida eia i nia ala geegee gi ana dama agoago dogolua, i nau hula gi di nau guongo i tua di waahale.  
\v 13 Meemaa ga lloomoi labelaa ga hagi anga gi nau ihoo aalaa, gei digaula hagalee hagadonu.   
\s1 Jesus gu haga gida gi ana dama agoago dilongoholu maa dahi  
\r (Matthew 28.16-20; Luke 24.36-49; John 20.19-23; Acts 1.6-8)  
\p
\v 14 I di hagaodi nia mee huogodoo, Jesus ne haga gida gi nia dama agoago dilongoholu maa dahi, i di nadau madagoaa nogo miami. Ge Ia ga haga buhi gi digaula i digaula nadau hagadonu ai, ge e hagadonu ngadaa digau ala ne mmada gi de Ia ne mouli aga.  
\v 15 Mee ga helekai gi digaula, “Hula gi nia madagowaa huogodoo ala i henuailala, hagadele ina di Longo Humalia gii dau i nia daangada huogodoo.\x * \xo 16.15 \xt Acts 1.8\x*  
\v 16 Tangada dela ga hagadonu, ga babdais, geia gu hagamouli. Tangada ma ga de hagadonu, le e hudu gi daha.  
\v 17 Digau hagadonu le e wanga ginai di mogobuna gii mee ai di hagabagi nia hagataalunga huaidu i dogu ingoo. Digaula ga leelee i nia helekai henua gee.  
\v 18 Maa digaula ma ga dahi aga nia gihaa, ga inu nia poisin, la hagalee mmade. Digaula ma ga daahi nadau lima gi hongo digau magi, nia magi le e hili.”   
\s1 Jesus guu lahi gi di langi  
\r (Luke 24.50-53; Acts 1.9-11)  
\p
\v 19 Tagi Jesus i muli ana helekai gi digaula, gei Mee gaa lahi gi di langi, gaa noho i di baahi gau donu o God.\x * \xo 16.19 \xt Acts 1.9-11\x*  
\v 20 Gei nia dama agoago gaa hula, ga agoago i nia madagowaa huogodoo, gei Tagi le e madalia digaula, e hagamaaloo nia agoago digaula bolo e donu, mai i nadau mogobuna haga goboina ala e hai.]