\id MAT Kapingamarangi 
\h Matthew 
\toc1 Di Longo Humalia Matthew 
\toc2 Matthew 
\toc3 Mat 
\mt1 MATTHEW  
\mt2 Di Longo Humalia Matthew  
\imt1 Di haga modongoohia:  
\im \bk Di Longo Humalia Matthew\bk* e helekai i Jesus Christ, Tangada Hagamouli guu lawa di hagababa gi ana daangada mai i lodo di Beebaa Namua. Di hai a God ne haga gila aga dana hagababa ang gi ana daangada, hagalee anga hua gi digau o Jew i di madagoaa Jesus nogo i nadau baahi, gei anga labelaa gi digau henuailala huogodoo.  
\ip Di kai o \bk Di Longo Humalia Matthew\bk* gu haga noho hagahumalia e daamada i di kai o di haanau o Jesus, nomuli e haga modongoohia dono babdais, dono kae di hagamada i baahi o Setan, ana hegau i Galilee, e hagadele di Longo Humalia, e hai ana agoago gi nia daangada huogodoo, gei e haga hili ana magi.  
\ip Muli nia mee aanei, Matthew e helehelekai di hai o Jesus dela ne hagatanga i Galilee e hana gi Jerusalem mo nia mee ala ne kila i di tabu haga muliagina o dono mouli i henuailala, di hagaodi gi muli dono hagaduadua, gaa made, ga mouli aga.  
\ip \bk Di Longo Humalia Matthew\bk* e haga modongoohia aga hagahumalia bolo Jesus Tangada Agoago Aamua, dela iai ono mogobuna e haga donudonu nia haganoho a God, gei e agoago di hai o Teenua King o God di Langi. I lodo di beebaa deenei, nia agoago a Maa gu waewae, guu hai nia gunga e lima aanei laa: (1) nia agoago i hongo di gonduu, e haga modongoohia aga di mouli digau donu o Teenua King o God di Langi, mo nadau waawa, nia haga maluagina, mo di hai o nadau mouli (dela i di mada e 5 gaa hana gi di mada e 7); (2) nia hegau o nia dama hai hegau dilongoholu maa lua ang gi ana hegau ala e hagau ginai digaula (i di mada e 10); (3) nia ala kai i di hai o Teenua King o God di Langi (i di mada e 13); (4) nia agoago di hai e hai tama agoago a Jesus (i di mada e 18); (5) nia agoago o di hagaodi o di madagoaa, mo di dae mai Teenua King o God (i nia mada 24 mo 25).  
\iot Di hagahonu di beebaa deenei:  
\io1 Nia maadua mmaadua mo di haanau o Jesus Christ \ior (1.1—2.23)\ior*  
\io1 Nia agoago John Babdais \ior (3.1-12)\ior*  
\io1 Di babdais mo di hagamada o Jesus \ior (3.13—4.11)\ior*  
\io1 Nia hegau a Jesus i Galilee \ior (4.12—18.35)\ior*  
\io1 Jesus e hagatanga i Galilee e hana gi Jerusalem \ior (19.1—20.34)\ior*  
\io1 Tabu haga muliagina i Jerusalem mo nia madagowaa ala e hoohoo gi Jerusalem \ior (21.1—27.66)\ior*  
\io1 Di mouli aga mo nia haga gidagida o Tagi \ior (28.1-20)\ior*  
\c 1  
\s1 Nia maadua mmaadua o Jesus Christ  
\r (Luke 3.23-38)  
\p
\v 1 Deenei di hagatau o nia maadua mmaadua o Jesus Christ, di hagadili o David, di hagadili mai Abraham.  
\v 2 Deenei di hagatau o nia maadua mmaadua mai Abraham, gaa dae gi King David:  
\q1 Abraham tamana o Isaac,  
\q1 Isaac tamana o Jacob,  
\q1 Jacob tamana o Judah mo ono duaahina daane,   
\q1
\v 3 Judah tamana o Perez mo Zerah (di nau dinana go Tamar),  
\q1 Perez tamana o Hezron,  
\q1 Hezron tamana o Ram,   
\q1
\v 4 Ram tamana o Amminadab,  
\q1 Amminadab tamana o Nahshon,  
\q1 Nahshon tamana o Salmon,   
\q1
\v 5 Salmon tamana o Boaz (dono dinana go Rahab),  
\q1 Boaz tamana o Obed (dono dinana go Ruth),  
\q1 Obed tamana o Jesse,   
\q1
\v 6 Jesse tamana o King David.  
\m Di hagatau o nia maadua mmaadua i muli King David gaa dae loo gi digau Israel ala ne lahi gi Babylon:  
\q1 David tamana o Solomon mai di lodo Uriah,   
\q1
\v 7 Solomon tamana o Rehoboam,  
\q1 Rehoboam tamana o Abijah,  
\q1 Abijah tamana o Asa,   
\q1
\v 8 Asa tamana o Jehoshaphat,  
\q1 Jehoshaphat tamana o Jehoram,  
\q1 Jehoram tamana o Uzziah,   
\q1
\v 9 Uzziah tamana o Jotham,  
\q1 Jotham tamana o Ahaz,  
\q1 Ahaz tamana o Hezekiah,   
\q1
\v 10 Hezekiah tamana o Manasseh,  
\q1 Manasseh tamana o Amon,  
\q1 Amon tamana o Josiah,   
\q1
\v 11 Josiah tamana o Jehoiachin mo ono duaahina daane, i di madagoaa digau Israel ne lahi gi Babylon.\x * \xo 1.11 \xt 2-Kings 24.14-15; 2-Chronicles 36.10; Jeremiah 27.20\x*   
\m
\v 12 Di hagatau o nia maadua mmaadua i muli di nadau lahi gi Babylon, gaa dae gi di haanau o Jesus Christ:  
\q1 Jehoiachin tamana o Shealtiel,  
\q1 Shealtiel tamana o Zerubbabel,   
\q1
\v 13 Zerubbabel tamana o Abiud,  
\q1 Abiud tamana o Eliakim,  
\q1 Eliakim tamana o Azor,   
\q1
\v 14 Azor tamana o Zadok,  
\q1 Zadok tamana o Achim,  
\q1 Achim tamana o Eliud,   
\q1
\v 15 Eliud tamana o Eleazar,  
\q1 Eleazar tamana o Matthan,  
\q1 Matthan tamana o Jacob,   
\q1
\v 16 Jacob tamana o Joseph.  
\q1 Joseph ne hai lodo gi Mary,  
\q1 go tinana o Jesus, Jesus dela e haga ingoo bolo Mesaia.   
\m
\v 17 Malaa, nia adu daangada i muli o Abraham gaa dae gi David le e madangaholu maa haa. Nia adu daangada i muli o David gaa dae gi di lahi gi Babylon e madangaholu maa haa. Nia adu daangada i muli di lahi gi Babylon gaa dae gi di haanau o Mesaia e madangaholu maa haa.   
\s1 Di haanau o Jesus Christ  
\r (Luke 2.1-7)  
\p
\v 18 Deenei di hai o di haanau o Jesus Christ. Dono dinana go Mary ne hagababa ang gi Joseph, gei meemaa digi haga hai lodo. Mary gu iloo bolo ia gu hai dama i di Hagataalunga Dabu.\x * \xo 1.18 \xt Luke 1.27\x*  
\v 19 Joseph taane hai hegau donu, hagalee hiihai e haga langaadia Mary i mua nia daangada, ga hagamaanadu bolo ia ga haga lawa hagammuni hua di nau hagababa.  
\v 20 I dono hagamamaanadu hua beenei, tangada di langi o Dimaadua ga hanimoi i lodo di moe, ga helekai, “Joseph, tangada mai di hagadili o David, goe hudee madagu di lahi a Mary e hai doo lodo, idimaa, mee e hai dama i di Hagataalunga Dabu.  
\v 21 Mee ga haanau dana dama daane, gei goe gi wanga ina dono ingoo go Jesus\f + \fr 1.21 \ft \+bk Jesus:\+bk* Di ingoo deenei dono hadinga i nnelekai Hebrew boloo, “Yihowah e haga mouli”\f*, dono hadinga bolo Mee ga haga dagaloaha ana daangada gi daha mo nadau huaidu.”\x * \xo 1.21 \xt Luke 1.31\x*  
\v 22 Nia mee huogodoo aanei ne belee haga kila aga nia helekai Dimaadua ang gi soukohp bolo gi haga iloo ina,   
\q1
\v 23 “Tama ahina madammaa ga hai dama,  
\q1 ga haanau dana dama daane,  
\q1 ga haga ingoo bolo Immanuel,  
\q1 dono hadinga boloo, God e madalia gidaadou.”\x * \xo 1.23 \xt Isaiah 7.1\x*   
\m
\v 24 Joseph ga ala aga, gaa lodo gi Mary gii hai be nia helekai tangada di langi o Dimaadua.  
\v 25 Malaa, Joseph digi haga gila ina di hiihai mouli o taga hai lodo ang gi Mary i mua di haanau di tama. Joseph gaa wanga di ingoo o Maa go Jesus.\x * \xo 1.25 \xt Luke 2.21\x*   
\c 2  
\s1 Digau kabemee mai bahi i dua  
\p
\v 1 Jesus ne haanau i lodo di waahale Bethlehem i Judea, i lodo di madagoaa di King Herod. Hunu daane halahala hagailongo mee gi nia heduu, ne llooia i bahi i dua, gaa dau i Jerusalem,  
\v 2 ga heheeu, “Dehee di Tama dela ne haanau belee hai di king digau o Jew? Gimaadou gu gidee di heduu o Maa dela ne gila aga i bahi i dua, gimaadou ga lloo ia belee daumaha gi Mee.”   
\p
\v 3 Di madagoaa King Herod ne longono di mee deenei, geia mo digau Jerusalem huogodoo gu lodo huaidu huoloo.  
\v 4 Mee ga gahi mai nia dagi hai mee dabu mono gau haga donudonu haganoho huogodoo, ga heeu gi digaula, “Di Mesaia la bolo e haanau i hee?”   
\p
\v 5 Digaula ga helekai, “I lodo di waahale Bethlehem i Judea, be nnelekai ala guu lawa di hihi mai baahi soukohp:   
\q1
\v 6 ‘Bethlehem, goe dela i lodo Judea.  
\q1 Hudee hai bolo goe e koia e dulii  
\q1 i nia waahale aamua i Judea,  
\q1 idimaa, Tagi dela e dagi agu daangada Israel,  
\q1 le e gila aga i do baahi.’”\x * \xo 2.6 \xt Micah 5.2\x*   
\m
\v 7 Herod ga haga dagabuli mai hagammuni digau ala ne lloo ia i bahi i dua, ga heeu gi digaula di madagoaa ne gila aga di heduu deelaa,  
\v 8 ga hagau digaula gi Bethlehem, ga helekai, “Goodou hula halahala ina hagahumalia di Tama dulii deelaa. Goodou gu gidee, haga iloo ina mai, au e hanadu labelaa e daumaha gi Mee.”  
\v 9 Muli hua di nadau hagalongo gi nnelekai aanei, digaula gaa hula, gaa mmada gi di heduu la hua dela ne mmada ginai ginaadou i bahi i dua, e hana i nadau mua e dagi ginaadou, gaa hana loo, ga haga huudonu ia gi hongo di gowaa dela e noho ai Tama dulii deelaa.  
\v 10 Digaula gu tenetene huoloo i di nadau gidee labelaa di heduu deelaa.  
\v 11 Digaula ga ulu adu gi lodo di hale, ga gidee Tama dulii mo dono dinana go Mary, gei digaula ga dogoduli ga daumaha ang gi Mee, ga dahi aga nadau goloo hagalabagau aanei: nia goolo, nia ‘frankincense’ mono ‘myrrh’, ga dugu adu gi Mee.   
\p
\v 12 God gu helekai gi digaula i lodo di moe, bolo gi hudee hula labelaa gi Herod, gei digaula gaa hula i tuai ala gi nadau henua.   
\s1 Di hula hagammuni gi Egypt  
\p
\v 13 I muli digaula ne hula, tangada di langi o Dimaadua ga haga gida gi Joseph i lodo di midi, ga helekai, “Herod e halahala di Tama deenaa belee daaligi gii made. Nnoinua, lahia di Tama deenaa mo dono dinana, hula hagammuni gi Egypt, noho i golo gaa dae loo gi di madagoaa au ga helekai bolo gi hagatanga.”   
\p
\v 14 Joseph ga du gi nua, ga hagatanga i di boo hua deelaa, gaa lahi Tama deelaa mo dono dinana, gaa hula gi Egypt,  
\v 15 gaa noho i golo, gaa dae loo gi di made o Herod. Di mee deenei ne hai bolo gi kila ai nia helekai a Dimaadua mai i baahi soukohp,  
\q1 “Au ne gahi dagu Dama daane  
\q1 gi daha mo Egypt.”\x * \xo 2.15 \xt Hosea 11.1\x*   
\s1 Taaligi dama  
\p
\v 16 Herod gu modongoohia bolo digaula gu halahalau eia, gu hagawelewele huoloo, ga helekai bolo nia dama daane huogodoo ala i lodo Bethlehem mo i lodo nia guongo ala i nodaha la gi daaligidia gii mmade, nia dama daane huogodoo ala gu dagi lua nadau ngadau gaa huli gi lala. Mee ne hai di mee deenei idimaa mee gu iloo mai baahi digau hagailongo mee gi nia heduu, di madagoaa ne gila ai di heduu deelaa.  
\v 17 Di mee deenei ne hai guu gila be di haga modongoohia soukohp Jeremiah, dela ne hihi boloo:   
\q1
\v 18 “Dahi lee e hanimoi i Ramah,  
\q1 di lee dangidangihia.  
\q1 Rachel e dangidangi i ana dama,  
\q1 gu deemee di manawa lamalia,  
\q1 i digaula guu odi di mmade.”\x * \xo 2.18 \xt Genesis 35.16-19; Jeremiah 31.15\x*   
\s1 Di lloomoi i Egypt  
\p
\v 19 Muli di made o Herod, tangada di langi o Dimaadua ga hagagida gi Joseph i lodo di moe,  
\v 20 ga helekai gi mee, “Nnoinua, lahia di Tama mo dono dinana, hula gi Israel, idimaa, digau ala ne belee daaligi di Tama deenaa, la guu mmade.”  
\v 21 Joseph ga du gi nua, gaa lahi Tama deelaa mo tinana o maa, gaa hula gi muli gi Israel.   
\p
\v 22 Gei Joseph ga longono bolo Archelaus guu hai di king o Judea i muli dono damana go Herod, geia guu lliga huoloo di hana gi golo. Dimaadua ga haga modongoohia gi mee i lodo di moe, gei mee gaa hana gi Galilee,  
\v 23 gaa noho i lodo tama waahale go Nazareth. Malaa, nia helekai soukohp la guu kila boloo,  
\q1 “Mee e haga ingoo bolo tangada o Nazareth.”\x * \xo 2.23 \xt Mark 1.24; Luke 2.39; John 1.45\x*   
\c 3  
\s1 Nia agoago John Babdais  
\r (Mark 1.1-8; Luke 3.1-18; John 1.19-28)  
\p
\v 1 Di madagoaa deelaa, John Babdais gu hanimoi gi lodo di anggowaa i Judea, ga daamada ga agoago,  
\v 2 “Goodou huli gi daha mo godou huaidu, idimaa, Teenua King o God di Langi la gu hoohoo mai!”\x * \xo 3.2 \xt Matthew 4.17; Mark 1.15\x*  
\v 3 John la go taane dela nogo helekai ai soukohp Isaiah:  
\q1 “Tangada e wolowolo i lodo di anggowaa boloo:  
\q1 ‘Haga adee ina di ala o Dimaadua gi togomaalia gi Mee.  
\q1 Haga huudonu ina di ala e hana iei Mee!’”\x * \xo 3.3 \xt Isaiah 40.3\x*   
\m
\v 4 Nia gahu o maa ne hai gi nia ngaahulu ‘camel’, dono tuu ne hai gi di gili kau, ana meegai la nia manu ‘locust’ mo nia mee maangala lodo henua.\x * \xo 3.4 \xt 2-Kings 1.8\x*  
\v 5 Digau Jerusalem, digau mai nia madagowaa e logo i Judea, mo nia guongo ala i di gili di monowai Jordan ne lloomoi gi baahi o mee.  
\v 6 Digaula ga haagi nadau huaidu, gei mee ga babdais digaula i lodo di monowai Jordan.  
\v 7 Di madagoaa John ne gidee nia Pharisee mono Sadduccee dogologo ne lloomoi bolo e babdais, gei mee ga helekai gi digaula, “Goodou e hai be nia gihaa. Ma koai ne hagi adu bolo goodou e mee di tanga gi daha mo di hagaduadua a God dela ga dau mai? \x * \xo 3.7 \xt Matthew 12.34; 23.33\x*  
\v 8 Goodou haga kila aga ina godou hangaahai gi modongoohia bolo goodou guu huli gi daha mo godou ihala.  
\v 9 Hudee hagamaanadu, bolo goodou e mee hua di tanga gi daha mo di hagaduadua a God, i goodou e helekai bolo goodou nia dama ni Abraham. Au e hagi adu gi goodou bolo God le e mee hua di huli nia hadu aanei gii hai nia dama ni Abraham!\x * \xo 3.9 \xt John 8.33\x*  
\v 10 Talai la gu togomaalia i tono nia laagau. Malaa, nia laagau ala hagalee huwa humalia, le e hele gi daha, e kili gi lodo di ahi.\x * \xo 3.10 \xt Matthew 7.19\x*  
\v 11 Au e babdais goodou gi nia wai, e haga modongoohia bolo goodou guu huli godou lodo, gei Tangada dela e gila aga i ogu muli, go Mee dela e babdais goodou gi di Hagataalunga Dabu, mo di ahi. Mee koia e aamua i di au, gei au e dee tau loo bolo e dagidagi nia suudi o Maa.  
\v 12 Dana daawolo hili mee gu i dono lima, e hili ana palaawaa ‘wheat’, ga hagabudu mai nia lii ala e hai nia palaawaa gi lodo dono hale benebene mee, gei nia geinga le e dudu i lodo di ahi ga dee ngudu.”   
\s1 Di babdais o Jesus  
\r (Mark 1.9-11; Luke 3.21-22)  
\p
\v 13 I di madagoaa deelaa, gei Jesus ne hanimoi i Galilee gi Jordan, belee babdais go John.  
\v 14 Gei John belee hai a Jesus gii huli ana maanadu, ga helekai gi Mee, “Ma ko au dela belee babdais Kooe, gei Goe e hanimoi bolo au gi babdais ina Goe!”   
\p
\v 15 Jesus ga helekai, “Heia hua gii hai beelaa dolomeenei, idimaa, deenei di hai gaa mee gidaua di haga gila aga di manawa o God.” Gei John guu baba ginai.   
\p
\v 16 Jesus ne lawa di babdais, geia ga manawa aga gi daha mo nia wai, di langi gu mahuge, gei Jesus ga gidee Ia di Hagataalunga o God e haneia be di mwuroi, gaa dogo gi hongo o Mee.  
\v 17 Gei di lee ga helekai ieia i di langi, “Deenei dagu Dama dela e aloho ge e tene ginai Au.”\x * \xo 3.17 \xt Genesis 22.2; Pisalem 2.7; Isaiah 42.1; Matthew 12.18; 17.5; Mark 1.11; Luke 9.35\x*   
\c 4  
\s1 Di hagamada o Jesus  
\r (Mark 1.12-13; Luke 4.1-13)  
\p
\v 1 Nomuli, gei di Hagataalunga gaa lahi a Jesus gi di anggowaa belee hagamada go Setan.\x * \xo 4.1 \xt Hebrews 2.18; 4.15\x*  
\v 2 I muli nia laangi madahaa ge madahaa boo, gei Mee digi miami, gu hiigai.  
\v 3 Gei Setan ga hanimoi gi Mee, ga helekai, “Maa goe di Tama a God, helekai gi nia hadu aanei gii hai nia palaawaa.”   
\p
\v 4 Jesus ga helekai, “Ma guu lawa di hihi i lodo di Beebaa Dabu boloo:  
\q1 ‘Tangada la hagalee mouli hua mai di palaawaa,  
\q1 gei e mouli i nia helekai huogodoo  
\q1 ala e lloomoi i baahi o God.’”\x * \xo 4.4 \xt Deuteronomy 8.3\x*   
\m
\v 5 Setan gaa lahi Jesus gi Jerusalem, go di Waahale Hagamadagu, gaa dugu a Mee gi di ulu di Hale Daumaha,  
\v 6 ga helekai gi Mee, “Maa goe di Tama a God, hobo ia gi daha, gii hai be nnelekai di Beebaa Dabu boloo:  
\q1 ‘God ga helekai gi ana gau di langi i di Goe,  
\q1 digaula ga daahi Goe gi dee tugi oo wae gi nia hadu.’”\x * \xo 4.6 \xt Pisalem 91.11-12\x*   
\m
\v 7 Jesus ga helekai, “Ma guu lawa di hihi labelaa i lodo di Beebaa Dabu boloo:  
\q1 ‘Gi hudee haga mada ina Dimaadua go doo God.’”\x * \xo 4.7 \xt Deuteronomy 6.16\x*   
\m
\v 8 Setan gaa lahi labelaa a Mee gi tomo di gonduu duuduu i nua ga hagi anga gi Mee nia henua huogodoo o henuailala mo nadau madamada,  
\v 9 ga helekai, “Au ga gowadu gi di Goe nia mee huogodoo aanei, maa Goe ga dogoduli, ga daumaha mai gi di au.”   
\p
\v 10 Jesus ga helekai, “Tuu i daha mo Au, Setan! Di Beebaa Dabu e helekai boloo:  
\q1 ‘Daumaha ang gi Dimaadua go doo God,  
\q1 gei deelaa hua go Mee gi hai hegau ginai goe!’”\x * \xo 4.10 \xt Deuteronomy 6.13\x*   
\m
\v 11 Setan guu hana gi daha mo Jesus. Gei digau di langi ga lloomoi, ga hagamaamaa a Mee.   
\s1 Jesus e daamada ana hegau i Galilee  
\r (Mark 1.14-15; Luke 4.14-15)  
\p
\v 12 Di madagoaa Jesus ne longono bolo John la guu lahi gi lodo di hale galabudi, ge Ia gaa hana gi Galilee.\x * \xo 4.12 \xt Matthew 14.3; Mark 6.17; Luke 3.19-20\x*  
\v 13 Gei Mee digi noho i Nazareth, gaa hana, gaa noho i Capernaum, tama waahale i tongotai di Tai o Galilee, i lodo nnenua Zebulun mo Naphtali.\x * \xo 4.13 \xt John 2.12\x*  
\v 14 Di mee deenei ne hai bolo gi kila ai nia helekai ala ne hai go soukohp Isaiah:   
\q1
\v 15 “Tenua go Zebulun mo Naphtali,  
\q1 i taalinga di ala dela e hana gi di tai  
\q1 dela i baahi i golo o Jordan,  
\q1 Galilee go tenua digau tuadimee. \x * \xo 4.15 \xt Isaiah 9.1-2\x*   
\q1
\v 16 Nia daangada ala nogo noho i lodo di bouli,  
\q1 ga gidee di maalama aamua.  
\q1 Di maalama ga haga maalama digau  
\q1 ala nogo noho i lodo tenua bouli o di made.”   
\m
\v 17 Daamada i di madagoaa deelaa, gei Jesus ga agoago, “Huli gi daha mo godou huaidu, idimaa, Teenua King o God di Langi la gu hoohoo mai!”\x * \xo 4.17 \xt Matthew 3.2\x*   
\s1 Jesus e gahi nia daangada hai waga daha dogohaa  
\r (Mark 1.16-20; Luke 5.1-11)  
\p
\v 18 Jesus nogo haele i tongotai di Tai o Galilee, ga gidee tagahaanau daane hai waga daha dogolua, go Simon e haga ingoo bolo Peter, mo Andrew, e wagadaha i di gubenge i lodo di monowai.  
\v 19 Jesus ga helekai gi meemaa, “Lloomoi i ogu muli, gei Au ga aago goolua di haangodo gi nia daangada.”  
\v 20 Di madagoaa hua deelaa, meemaa ga diiagi nau gubenge, gaa hula i muli o Jesus.   
\p
\v 21 Mee ga hanadu, ga gidee labelaa tagahaanau dogolua go James mo John, nia dama daane ni Zebedee. Meemaa i hongo di boodi i baahi di nau damana Zebedee, e hagatogomaalia nadau gubenge. Jesus gaa gahi meemaa.  
\v 22 Di madagoaa hua deelaa, meemaa ga diiagi di nau boodi mo tamana, gaa hula i muli o Jesus.   
\s1 Jesus e aago, e agoago, e hagahili ana magi  
\r (Luke 6.17-19)  
\p
\v 23 Jesus gaa hana gi lodo Galilee hagatau, ga agoago i lodo nia synagogee digaula, e agoago di Longo Humalia Teenua King o God, gei e hagahili ana hagadilinga magi e logo.\x * \xo 4.23 \xt Matthew 9.35; Mark 1.39\x*  
\v 24 Di longo o Maa guu dele gi nia gowaa huogodoo i Syria, gei nia daangada ga laha mai gi Jesus nadau gau magi huogodoo i nia hagadilinga magi e logo: digau gu iai di hagataalunga huaidu, hai hoodube, mo digau mmade nadau huaidina, gei Jesus gu haga hili nia magi digaula huogodoo.  
\v 25 Nia daangada dogologowaahee nogo daudali a Mee mai i Galilee, Decapolis\f + \fr 4.25 \ft \+bk Decapolis:\+bk* Di ingoo deenei dono hadinga i nnelekai Greek boloo, “nia waahale e madangaholu”\f*, Jerusalem, Judea, mo tenua i bahi i dua di monowai Jordan.   
\c 5  
\s1 Di agoago i hongo di gonduu  
\p
\v 1 Jesus gaa mmada gi tagabuulinga dangada deelaa, ge Ia gaa hana gi tomo di gonduu, gaa noho gi lala, ana dama agoago ga lloomoi gi baahi o Mee,  
\v 2 gei Mee ga daamada ga agoago gi digaula:   
\s1 Nia maluagina e donu  
\r (Luke 6.20-23)  
\p
\v 3 “E maluagina go digau ala bolo nadau hagataalunga le e dee dohu, idimaa digaula e hai henua gi Teenua King o God di Langi.   
\p
\v 4 “E maluagina go digau ala e tangitangi lodo huaidu, idimaa, God ga haga manawa lamalia laa ginaadou. \x * \xo 5.4 \xt Isaiah 61.2\x*   
\p
\v 5 “E maluagina go digau ala e manawa hila gi lala, idimaa, ginaadou ga hai mee gi henuailala.\f + \fr 5.5 \ft \+bk ga hai mee gi henuailala\+bk* be: \+bk ga hai mee gi nia mee a God ala ne hagababa ang gi ginaadou.\+bk*\f*   
\p
\v 6 “E maluagina go digau ala e hagamahi huoloo e haga gila aga di manawa o God, idimaa, God gaa hai laa ginaadou gii dohu.   
\p
\v 7 “E maluagina go digau ala e dumaalia ang gi digau ala i golo, idimaa, ginaadou gaa kae tumaalia mai baahi o God.   
\p
\v 8 “E maluagina go digau ala e madammaa nadau lodo, idimaa, ginaadou ga gidee a God.\x * \xo 5.8 \xt Pisalem 24.3-4\x*   
\p
\v 9 “E maluagina go digau ala e hagahumalia mehanga daangada, idimaa, God gaa hai digaula nia dama donu ni aana!   
\p
\v 10 “E maluagina go digau ala e hagaduadua i di nadau haga gila aga di manawa o God, idimaa, digaula e hai henua gi Teenua King o God di Langi.   
\p
\v 11 “E maluagina go goodou, maa nia daangada ga helekai huaidu i goodou, ga hagaduadua ge hagahuaidu goodou i nia hagadilinga dilikai huaidu huogodoo, idimaa goodou nia daangada ni aagu.\x * \xo 5.11 \xt 1-Peter 4.14\x*  
\v 12 Goodou gi manawa lamalia hua mo di tenetene, idimaa, di godou hui i di langi le e damanaiee. Dela gadoo di nadau hai dela nogo hagahuaidu nia soukohp ala i godou mua.\x * \xo 5.12 \xt 2-Chronicles 36.16; Acts 7.52\x*   
\s1 Toolo mo di maalama  
\r (Mark 9.50; Luke 14.34-35)  
\p
\v 13 “Goodou go nia toolo o henuailala. Malaa, nia toolo ga ono mmala ai, dehee di hai e hai nia maa gii mmala labelaa? Nia maa gu balumee hua, e mee hua di kili gi daha, ga dagadagahi go nia daangada.\x * \xo 5.13 \xt Mark 9.50; Luke 14.34-35\x*   
\p
\v 14 “Goodou go di haga maalama o henuailala hagatau. Di waahale dela i hongo di gonduu, e deemee di ngala.\x * \xo 5.14 \xt John 8.12; 9.5\x*  
\v 15 Ma tangada e dudu dana malama gaa dugu gi lala di boolo ai. Mee e dugu di maa gi hongo dono lohongo donu, e inaina nia daangada huogodoo ala i lodo di hale.\x * \xo 5.15 \xt Mark 4.21; Luke 8.16; 11.33\x*  
\v 16 E hai gadoo be goodou: godou maalama la heia gi maahina i mua nia daangada gi gidee ginaadou godou hangahaihai humalia, gei digaula ga hagaamu di godou Damana dela i di langi.\x * \xo 5.16 \xt 1-Peter 2.12\x*   
\s1 Di agoago o nia haganoho  
\p
\v 17 “Goodou hudee hai bolo Au ne hanimoi belee daa gi daha Nnaganoho Moses mo nia Agoago o nia Soukohp. Au hagalee ne hanimoi belee daa gi daha nia maa, Au ne hanimoi belee haga kila aga nia maa gii dohu.  
\v 18 Au e hagi adu gi goodou di tonu bolo di madagoaa di langi mo henuailala e noho hua i golo, deai di mee dulii loo i di gili nia haganoho aalaa e hagalee ai, gaa dae loo gi di haga lawa o nia mee huogodoo.\x * \xo 5.18 \xt Luke 16.17\x*  
\v 19 Tangada dela hagalee daudali taganoho e dahi, ma e aha maa taganoho koia e dulii loo i lodo nia haganoho, ga aago gi nia daangada bolo gi hudee daudalia, deelaa tangada e koia i mugi lala loo i Teenua King o God di Langi. Gei tangada dela ma ga daudali nnaganoho ge aago gi nia daangada bolo gi heia beelaa, le e hai tangada aamua i Teenua King o God di Langi.  
\v 20 Au e hagi adu gi goodou bolo goodou e mee hua di ulu i Teenua King o God di Langi maa godou mouli hai donu ga llauehe laa hongo di mouli o nia Pharisee mo digau haga donudonu haganoho.   
\s1 Di agoago o di hagawelewele  
\p
\v 21 “Goodou gu longono di agoago dela guu hai gi digau namua boloo:  
\q1 ‘Hudee daaligidia tangada gii made.  
\q1 Tangada dela ma ga daaligi dana dangada gii made,  
\q1 le e lahi gi di gowaa hai gabunga.’\x * \xo 5.21 \xt Exodus 20.13; Deuteronomy 5.17\x*   
\m
\v 22 “Gei Au e hagi adu gi goodou bolo tangada dela ma ga hagawelewele gi dono duaahina, le e lahi gi di gowaa hai gabunga. Gei tangada dela ma ga helekai gi dono duaahina boloo: ‘Di balu dangada!’ le e lahi gi di gowaa hai gabunga aamua. Gei tangada dela ma ga helekai gi tei ono duaahina, boloo, ‘Dadaulia!’ le e kae dono hagaduadua i lodo di ahi i di gowaa hagaduadua.  
\v 23 Deenei laa, do madagoaa ma ga tigidaumaha ang gi God i hongo di gowaa hai tigidaumaha, gei goe ga langahia bolo do duaahina i golo e huaidu adu gi di goe,  
\v 24 dugua dau tigidaumaha i mua di gowaa hai tigidaumaha, hana hagahumalia ina gulu mehanga i mua, gaa lawa, ga hanimoi laa, gaa hai dau tigidaumaha ang gi God.  
\v 25 Maa tangada bolo ia e kae goe gi di gowaa hai gabunga, hagahumalia ina gulu mehanga i mua gi dee lahi goe go mee gi di gabunga, gei tangada hai gabunga gaa wanga goe gi nia tinggee, ga galabudi.  
\v 26 Au e hagi adu di tonu, goe ga galabudi gaa dae loo gi doo hui oo hala huogodoo ala gu haga anga adu gi di goe.   
\s1 Di agoago o di mouli be di manu  
\p
\v 27 “Goodou gu longono di agoago dela e hai boloo:  
\q1 ‘Hudee mouli i di mouli hai be di manu.’\x * \xo 5.27 \xt Exodus 20.14; Deuteronomy 5.18\x*   
\m
\v 28 “Gei Au e hagi adu gi goodou, tangada ma gaa mmada gi di ahina ga maanadu huaidu i ono lodo, geia gu ihala i di mouli hai be di manu i lodo dono manawa.  
\v 29 Maa do golomada gau donu e hai goe gii hala, gaabee gi daha. Ma e koia e humalia i do huaidina dogomaalia dela gaa hudu gi lodo di ahi. \x * \xo 5.29 \xt Matthew 18.9; Mark 9.47\x*  
\v 30 Maa doo lima gau donu e hai goe gii hala, duudia gi daha. Ma e koia e humalia i do huaidina dogomaalia dela gaa hudu gi lodo di ahi.\x * \xo 5.30 \xt Matthew 18.8; Mark 9.43\x*   
\s1 Di agoago o di maewae  
\r (Matthew 19.9; Mark 10.11-12; Luke 16.18)  
\p
\v 31 “Goodou gu longono di agoago boloo:  
\q1 ‘Taane ma gaa hudu gi daha dono lodo,  
\q1 geia e hai gii wanga gi dono lodo  
\q1 di beebaa hagadootonu o di haga maewae.’\x * \xo 5.31 \xt Deuteronomy 24.1-4; Matthew 19.7; Mark 10.4\x*   
\m
\v 32 “Gei Au e hagi adu gi goodou, tangada ma gaa hudu gi daha dono lodo i nnadinga i daha mo di mouli hai be di manu o dono lodo, gei taane deelaa la gu ihala guu hai di ahina deelaa gii hai di hala o di hai be di manu maa di ahina deelaa la guu hai labelaa dono lodo. Gei taane ma gaa hai dono lodo gi di ahina dela ne hudu gi daha, mee guu hai labelaa di hala o di hai be di manu.\x * \xo 5.32 \xt Matthew 19.9; Mark 10.11-12; Luke 16.18; 1-Corinthians 7.10-11\x*   
\s1 Di agoago o di hagamodudahi  
\p
\v 33 “Goodou gu longono labelaa bolo ma guu lawa di helekai gi digau namua loo boloo:  
\q1 ‘Hudee ohaa dau hagababa ang gi God,  
\q1 gi hagagila aga ina au mee  
\q1 ala ne hagamodu ang gi Dimaadua bolo e hai kooe.’\x * \xo 5.33 \xt Leviticus 19.12; Numbers 30.2; Deuteronomy 23.21\x*   
\m
\v 34 “Gei Au e hagi adu gi goodou dolomeenei bolo hudee hai loo hagamodu. Goodou hudee hai hagamodu gi di langi, idimaa, di langi la di lohongo king ni God. \x * \xo 5.34 \xt James 5.12; Isaiah 66.1; Matthew 23.22\x*  
\v 35 Hudee hai hagamodu gi henuailala, idimaa, ma di gowaa e hagamolooloo ai ono babaawae. Hudee hai hagamodu gi Jerusalem, idimaa, ma di waahale damana ni di King Aamua. \x * \xo 5.35 \xt Isaiah 66.1; Pisalem 48.2\x*  
\v 36 Hudee hai hagamodu gi godou libogo, idimaa, goodou e deemee di hai di ngaahulu e dahi i godou libogo gii kene be gi luuli.  
\v 37 Goodou gi helekai hua boloo: ‘Uaa’ be ‘Deeai’, idimaa, nia mee ala i tua nia mee aanei, la ne lloomoi i baahi tangada huaidu.   
\s1 Di agoago tala di hui  
\r (Luke 6.29-30)  
\p
\v 38 “Goodou gu longono di agoago boloo:  
\q1 ‘Di golomada le e hui gi di golomada,  
\q1 gei di niha le e hui gi di niha.’\x * \xo 5.38 \xt Exodus 21.24; Leviticus 24.20; Deuteronomy 19.21\x*   
\m
\v 39 “Gei Au e hagi adu gi goodou bolo hudee hai hui gi tangada dela ma gaa hai dana huaidu adu gi goodou. Maa tangada gaa paa do gauwae gau donu, gei goe huluhia di baahi dela i golo gi mee.  
\v 40 Maa tangada gaa lahi goe gi di gowaa hai gabunga belee daa doo gahu uluulu, gei goe wanga ina labelaa gi mee doo gahu mahaa.  
\v 41 Maa tangada gaa hono goe gi kae ina dana budehede goloo i di maele e dahi, gei goe hana i muli o mee i nia maele e lua.  
\v 42 Maa tangada ga dangi adu gi di goe i dahi mee, gei goe wanga ina. Gei maa tangada ga madau dana mee bolo ga gowadu laa nomuli, gei goe gi dumaalia gi mee.   
\s1 Aloho i do hagadaumee  
\r (Luke 6.27-28,32-36)  
\p
\v 43 “Goodou gu longono di agoago boloo:  
\q1 ‘Goe gi aloho i tangada dela i do baahi,  
\q1 gei gi hagadugina i do hagadaumee.’\x * \xo 5.43 \xt Leviticus 19.18\x*   
\m
\v 44 “Gei Au e hagi adu gi goodou bolo gi aaloho i godou hagadaumee, gei gi dalodalo i digau ala e hagahuaidu goodou,  
\v 45 gii hai goodou nia dama ni Tamana dela i di langi, dela e haga hobo dana laa gi hongo digau huaidu mo digau humalia, gei e haga doo dana uwa gi hongo digau ala e hai nia mee humalia mo digau ala e hai nia mee huaidu.  
\v 46 Maa goodou e aaloho hua i digau ala e aaloho i goodou, malaa, God e hagahumalia goodou behee? Digau hagabudu dagitedi le e hai labelaa beenei!  
\v 47 Maa goodou ga manawa humalia hua gi godou duaahina, di hai geegee behee ang gi digau ala i golo, digau tuadimee le e hai labelaa beenei!  
\v 48 Malaa, godou mouli la heia gii dohu dogomaalia, gii hai be di godou Damana di langi dela e dohu i nia mee huogodoo.\x * \xo 5.48 \xt Leviticus 19.2; Deuteronomy 18.13\x*   
\c 6  
\s1 Di agoago o di hagamaamaa  
\p
\v 1 “Goodou hudee hai hegau daumaha ngudu golomada. Maa goodou gaa hai beenei, gei goodou e deemee di kae godou hui mai baahi Tamana i di langi.\x * \xo 6.1 \xt Matthew 23.5\x*  
\v 2 Maa goe gaa wanga dau mee gi tangada hagaloale, hudee haga iloo ina be digau hai hegau ngudu golomada i lodo nia hale daumaha mo i hongo nia ala, bolo gi hagaamu ginaadou go nia daangada. Au e hagi adu gi goodou bolo digau beenei la guu lawa di kae nadau hui.  
\v 3 Malaa, do madagoaa ma ga hagamaamaa tangada hagaloale, hagamaamaa ina gi di hai dela e de iloo tangada.  
\v 4 Dau hagamaamaa la gi heia hagammuni. Tamana i di langi e iloo nia mee ala e hai hagammuni, ga dugu adu laa doo hui.   
\s1 Di agoago di hai dalodalo  
\r (Luke 11.2-4)  
\p
\v 5 “Maa goe ga dalodalo, hudee hai be digau hai hegau ngudu golomada ala e hiihai e tuu aga, e dalodalo i lodo nia hale daumaha, be i nia buu nia ala, bolo gii mmada ginai digau dogologo. Gei au e hagi adu gi goodou di tonu, bolo digaula la guu lawa di kae nadau hui.\x * \xo 6.5 \xt Luke 18.10-14\x*  
\v 6 Do madagoaa ma ga dalodalo, hana gi lodo doo ruum, haidia di bontai, dalodalo ang gi do Damana i di gowaa de gidee, gei Mee e gidee au mee ala e hai modogoe, ga dugu adu laa doo hui.  
\v 7 Maa goe ga dalodalo, hudee hai hegau i nia balu helekai e logo, be digau ala digi maalama, ala e hagamamaanadu bolo God ga hila anga laa gi ginaadou i nadau dalodalo lloowehaa.  
\v 8 Goodou hudee hai be digaula. Tamana i di langi gu iloo nia mee ala hagalee dohu i godou baahi i mua di godou tangi ang gi Mee.  
\v 9 Malaa, e hai beenei go di godou hai e dalodalo ai:  
\q1 ‘Di madau Damana dela i di langi,  
\q1 do ingoo gi dabuaahia,   
\q1
\v 10 do Heenua King gi gila mai,  
\q1 do manawa gii gila i henuailala,  
\q1 gii hai be doo hai i di langi.   
\q1
\v 11 Gaamai madau meegai gi humalia  
\q1 mai gi gimaadou dangi nei.   
\q1
\v 12 Weedee madau ihala la gi daha,  
\q1 gii hai be gimaadou ala e dumaalia gi nia hala  
\q1 o digau ala ne hai mai gi gimaadou.   
\q1
\v 13 Hudee dugu anga gimaadou gi nia hagamada.  
\q1 Dahia adu gimaadou gi daha mo nia huaidu.  
\q1 [Idimaa, ni aau go do Heenua,  
\q1 di mogobuna, mo di madamada,  
\q1 gaa hana hua beelaa. Amen.’]   
\m
\v 14 “Maa goodou ga dumaalia gi nia hala o digau ala ne hai adu gi goodou, Tamana di langi ga dumaalia labelaa adu gi goodou.\x * \xo 6.14 \xt Mark 11.25-26\x*  
\v 15 Maa goodou hagalee dumaalia ang gi digau ala i golo i nadau hai hala, gei Tamana hagalee dumaalia adu gi godou hai hala.   
\s1 Di agoago o di hagaonge  
\p
\v 16 “Di madagoaa e hagaonge ai goodou, hudee golomada lodo huaidu be digau hai hegau ngudu golomada ala e hai nia daangada gi iloo bolo ginaadou e hagaonge. Au e hagi adu gi goodou di tonu bolo digaula guu lawa di kae nadau hui.  
\v 17 Maa goe ga hagaonge, gaugaulia o golomada, dala ina do libogo,  
\v 18 gei nia daangada ga de iloo bolo goe e hagaonge, gei do Damana dela i di gowaa de gidee e iloo Ia. Tamana e iloo au hegau huogodoo hagammuni, ga dugu adu laa doo hui.   
\s1 Nia maluagina di langi  
\r (Luke 12.33-34)  
\p
\v 19 “Hudee benabena ina godou maluagina henuailala ala e tomo, gei e gai go hingodo, gei digau gaiaa e loomoi e oho nia hale, e gaiaa.\x * \xo 6.19 \xt James 5.2-3\x*  
\v 20 Hagamahi benebene ina godou maluagina i di langi, di gowaa hagalee ngudu, hagalee gai go hingodo, gei digau gaiaa e deemee di oho nia hale, e gaiaa.  
\v 21 Idimaa, di gowaa dela iai o maluagina, deelaa di gowaa e haa manawa iei goe.   
\s1 Di haga maalama tuaidina  
\r (Luke 11.34-36)  
\p
\v 22 “Nia golomada le e hai be di malama e haga maalama tuaidina. Maa o golomada le e humalia, gei do huaidina le e honu di maalama.  
\v 23 Gei o golomada ga hagalee humalia, gei do huaidina le e honu di bouli. Maa di maalama i oo lodo le e bouli, gei di maa e koia e bouli dongoeho!   
\s1 God mo nia goloo henuailala  
\r (Luke 16.13; 12.22-31)  
\p
\v 24 “Tangada e mee di hai hege gi nia dagi dogolua ai. Mee ga de hiihai gi tagi e dahi, ga hiihai gi tagi dela i golo. Mee ga manawa dahi gi tangada e dahi, tangada dela i golo la ga haga balumee. Deenei laa, goodou e deemee di hai hegau gi God mo nia bahihadu.   
\p
\v 25 “Deelaa laa, Au e hagi adu gi goodou gi hudee boo godou lodo gi nia meegai mo nia wai ang gi godou mouli, be goodou e gahu gi di aha. E hai behee: di mouli la hagalee koia e hagalabagau i nia meegai? Tuaidina la hagalee koia e hagalabagau i nia gahu?  
\v 26 Mmada gi nia manu mamaangi. Digaula hagalee dogi nadau lii, hagalee hadi nadau meegai, hagalee benebene nadau mee. Tamana di langi e benebene digaula. Malaa e hai behee: goodou hagalee koia e hagalabagau i nia manu?  
\v 27 Ma koai e mee di mouli waalooloo i dono de nnoomaalia?   
\p
\v 28 “Goodou e aha ala e de nnoomaalia e hagamamaanadu nia gahu? Goodou mmada gi nia daladala lodo henua ala e tomo. Nia maa hagalee ngalua be e bida hai nadau gahu.  
\v 29 Au e hagi adu gi goodou bolo Solomon i dono madagoaa nogo maluagina ai, mee digi ulu ono gahu madamada be nia daladala aanei.\x * \xo 6.29 \xt 1-Kings 10.4-7; 2-Chronicles 9.3-6\x*  
\v 30 Ma go God dela e haga madamada nia geinga lodo henua dangi nei, gei daiaa nia maa gaa kili gi lodo di ahi. Malaa e hai behee: Mee hagalee ga haga gahu goodou hagahumalia i dana benebene nia mee aanei? Godou hagadonu le e lligi loo!   
\p
\v 31 “Hudee de nnoomaalia be goodou ga gaamai godou meegai, godou wai, be godou gahu i hee.  
\v 32 Digau digi maalama e haa manawa, e halahala nia mee aanei huogodoo. Di godou Damana di langi e iloo Ia nia mee huogodoo ala e dee dohu i godou baahi.  
\v 33 Malaa, goodou halahala ina i mua Teenua King o God mo dono hiihai, gei nia mee huogodoo ala i golo, ga dugu adu gi goodou.  
\v 34 Deenei laa, goodou hudee manawa gee, hudee maanadu ina daiaa, idimaa, daiaa mo ono haingadaa. Nia laangi huogodoo mo nadau haingadaa.   
\c 7  
\s1 Di hagi aga digau ala i golo  
\r (Luke 6.37-38,41-42)  
\p
\v 1 “Hudee hagi aga ina tangada gi de hagi aga hua goe go God,  
\v 2 idimaa, God ga hagi aga goodou be di godou hai e hagi aga nia daangada, gei Mee ga hai hegau gi nnaganoho nogo hai hegau ai goodou gi nia daangada.\x * \xo 7.2 \xt Mark 4.24\x*  
\v 3 Goe e aha dela e daumada di madageinga dela i lodo di golomada o do duaahina, gei e de hei e goe di bida laagau dela i lodo do golomada?  
\v 4 Dehee dau hai e helekai gi do duaahina boloo: ‘Dumaalia mai daawa ina di madageinga dela i lodo do golomada,’ gei di maa di bida laagau dela i lodo do golomada?  
\v 5 Goe tangada hai hegau ngudu golomada! Daawa ina i mua di bida laagau dela i lodo do golomada, gei goe ga gidee di daa gi daha di madageinga dela i lodo di golomada o do duaahina.   
\p
\v 6 “Hudee wanga ina nia mee dabu gi nia paana, digaula ga huli adu, ga gadigadi goodou. Hudee kilia godou hadu hagalabagau gi mua nia biigi, digaula ga dagadagahi hua nia maa.   
\s1 Tangi anga, halahala, dugidugi  
\r (Luke 11.9-13)  
\p
\v 7 “Tangi anga, gei goodou ga hai mee ginai. Halahala ina, gei goodou ga gidee. Dugidugi, gei di bontai la ga huge adu gi goodou.  
\v 8 Idimaa, digau ala ga tangi anga, e hai mee ginai, digau ala e halahala, ga gidee, digau ala e dugidugi, di bontai ga huge anga.  
\v 9 Ma iai tamana i godou lodo e wanga dana hadugalaa gi di tama dela e dangi anga dana palaawaa?  
\v 10 Be e wanga di gihaa lodo geinga gi tama dela e dangi anga dana iga?  
\v 11 Goodou nia daangada huaidu ge e iloo di wanga gi godou dama nia mee ala e humalia. Malaa, Tamana di langi gaa wanga gi digau ala e tangi ang gi de Ia nia mee ala koia e humalia!   
\p
\v 12 “Goodou gi heia ang gi nia daangada godou mee ala e hiihai digaula gi heia adu gi goodou. Deenei tadinga Nnaganoho Moses mo nia Agoago o nia Soukohp.\x * \xo 7.12 \xt Luke 6.31\x*   
\s1 Di bontai mada giigi  
\r (Luke 13.24)  
\p
\v 13 “Goodou gi ulu i di bontai mada giigi, idimaa, di bontai gi di gowaa hagaduadua le e mada laaniu, gei di ala dela e hula ai le e haingoohia, digau dogologo e taele ai.  
\v 14 Gei di bontai dela e ulu gi di mouli le e mada giigi, gei di ala deelaa le e haingadaa, digau hua hogoohi e gidee di maa.   
\s1 Di laagau mo ono huwa  
\r (Luke 6.43-44)  
\p
\v 15 “Goodou gi haga ligaliga i nia soukohp dilikai ala e lloo adu gadoo be nia siibi, gei lodo digaula e hai be nia paana lodo geinga.  
\v 16 Goodou ga iloo digaula mai i nadau hegau ala e hai. Nia laagau geinga duduia e deemee di huwa nia ‘grape’, gei nia laagau akai duduia e deemee di huwa nia ‘fig’.  
\v 17 Di laagau tomo maaloo e huwa humalia, di laagau tomo bagege e huwa huaidu.  
\v 18 Di laagau tomo maaloo e deemee di huwa huaidu, di laagau tomo bagege e deemee di huwa humalia.  
\v 19 Di laagau dela hagalee huwa humalia, le e hele gi lala, e hudu gi lodo di ahi.\x * \xo 7.19 \xt Matthew 3.10; Luke 3.9\x*  
\v 20 Malaa, goodou ga iloo nia soukohp dilikai mai i nadau hegau ala e hai.\x * \xo 7.20 \xt Matthew 12.33\x*   
\s1 Au e de iloo e Au goodou  
\r (Luke 13.25-27)  
\p
\v 21 “Hagalee go digau huogodoo ala e gahigahi Au boloo, ‘Meenei dogu Dagi’, e ulu i Teenua King o God di Langi, ma go digau hua ala e hai di manawa o dogu Damana dela i di langi.  
\v 22 Di madagoaa di Laangi Hagi aga, gei nia daangada dogologo ga helekai mai boloo, ‘Meenei di madau Dagi, Meenei di madau Dagi, gimaadou nogo agoago nia helekai a God, gu hagabagi nia hagataalunga huaidu, guu hai madau mogobuna e logo i do ingoo!’  
\v 23 Gei Au ga helekai gi digaula boloo, ‘Au e de iloo e Au goodou. Tuu i daha mo Au, goodou digau huaidu!’\x * \xo 7.23 \xt Pisalem 6.8\x*   
\s1 Nia daangada hau hale dogolua  
\r (Luke 6.47-49)  
\p
\v 24 “Maa tangada gu longono agu helekai aanei, ge kawe ai, mee e hai be taane kabemee dela ne hau dono hale i hongo tadugalaa.  
\v 25 Di uwa gaa doo, di monowai gu hontula guu mmidi, di madangi gaa gono maaloo gi di hale deelaa, gei di hale digi hinga, idimaa ne hau i hongo tadugalaa.   
\p
\v 26 “Maa tangada e longono agu helekai aanei, geia hagalee kawe ai, mee e hai be taane dadaulia ne hau dono hale i hongo di gelegele.  
\v 27 Di uwa gaa doo, di monowai gu hontula guu mmidi, di madangi gaa gono maaloo gi di hale deenei, gei di hale guu hinga, gu mooho!”   
\s1 Di mogobuna o Jesus  
\p
\v 28 Di madagoaa Jesus ne haga lawa ana helekai i nia mee aanei, digau dogologo gu goboina huoloo i dana hai agoago.\x * \xo 7.28 \xt Mark 1.22; Luke 4.32\x*  
\v 29 Mee nogo agoago i dono mogobuna dagi, hagalee agoago be digau haga donudonu haganoho.   
\c 8  
\s1 Jesus e hagahili taane magi genegene  
\r (Mark 1.40-45; Luke 5.12-16)  
\p
\v 1 Di haneia o Jesus i tomo di gonduu, digau dogologo nogo daudali a Mee.  
\v 2 Taane magi genegene ga hanimoi gi Mee, ga dogoduli i mua o Mee, ga helekai, “Meenei, maa Goe e hiihai, Goe e mee di haga madammaa au.”   
\p
\v 3 Jesus ga daahi adu dono lima gaa bili gi mee, ga helekai, “Uaa, Au e hiihai. Madammaa!” Di madagoaa hua deelaa, gei di magi o maa guu hili.  
\v 4 Jesus ga helekai gi mee, “Hagalongo! Hudee hagi ang gi dahi dangada. Hana haga huudonu gi tangada hai mee dabu gi haga dina ina goe, wanga ina tigidaumaha dela guu lawa di haga noho go Moses gi nia daangada bolo tigidaumaha e hagamodongoohia bolo goe gu madammaa.” \x * \xo 8.4 \xt Leviticus 14.1-32\x*   
\s1 Jesus e hagahili di magi di hege tagi dauwa Rome  
\r (Luke 7.1-10)  
\p
\v 5 Di ulu adu o Jesus gi Capernaum, tagi dauwa o Rome ga heetugi gi Mee, ga dangi anga i di hagamaamaa,  
\v 6 “Meenei, dagu dangada hai hegau e moe i dogu hale e magi pale, e mmae huoloo.”   
\p
\v 7 Jesus ga helekai gi mee, “Au gaa hana, ga hagahili laa a mee.”   
\p
\v 8 Tagi dauwa ga helekai, “Deeai, Meenei. Au e de tau loo di hagaulu Goe gi lodo dogu hale. Helekai hua, gei dagu dangada hai hegau la gaa hili.  
\v 9 Au tangada labelaa e noho i lala nia mogobuna dogu dagi, gei au e dagi labelaa agu gau dauwa. Au ga helekai gi tangada i digaula boloo, ‘Hana!’ gei mee e hana. Gei au ga helekai gi tangada boloo, ‘Hanimoi!’ gei mee e hanimoi. Gei au ga helekai gi dagu hege boloo, ‘Heia di mee deenei!’ gei mee e hai.”   
\p
\v 10 Jesus gu goboina huoloo dono hagalongo gi di mee deenei, ga helekai gi digau ala nogo daudali Ia, “Au e hagi adu gi goodou di tonu bolo au digi gidee loo tangada hagadonu beenei i Israel.  
\v 11 Au e hagi adu gi goodou bolo digau dogologo e lloomoi i bahi i dua mo i bahi i dai, gaa noho dalia a Abraham, Isaac mo Jacob i tagamiami i Teenua King o God di Langi.\x * \xo 8.11 \xt Luke 13.29\x*  
\v 12 Gei digau ala belee dau gi Teenua King o God, la gaa kili gi daha gi lodo di bouli dongoeho, di gowaa dela e tangitangi ai, ge gadigadi nadau niha.” \x * \xo 8.12 \xt Matthew 22.13; 25.30; Luke 13.28\x*  
\v 13 Jesus ga helekai gi tagi dauwa, “Hana laa gi doo hale, dau mee dela e hagadonu kooe ga dugu adu laa gi di goe.”  
\p Di madagoaa hua deelaa, gei tangada hai hegau a maa guu hili.   
\s1 Jesus e hagahili nia magi digau dogologo  
\r (Mark 1.29-34; Luke 4.38-41)  
\p
\v 14 Jesus gaa hana gi di hale o Peter, ga gidee Ia tinana di lodo o Peter e moe magi welengina.  
\v 15 Jesus gaa bili gi di lima o maa, gei di welengina o maa gu hagalee. Di ahina deelaa ga nnoinua, ga daamada ga benebene Jesus.   
\p
\v 16 Hiahi ia di mee, gei nia daangada gu laha mai nadau gau magi hagataalunga huaidu dogologo. Jesus gu hagabagi nia hagataalunga huaidu gi telekai, gu hagahili digau huogodoo ala guu magi.  
\v 17 Mee ne hai nia mee aanei bolo gii gila di mee a soukohp Isaiah ne haga modongoohia aga,  
\q1 “Mee ne kae tadau magi  
\q1 ga hagahili tadau magi huogodoo.”\x * \xo 8.17 \xt Isaiah 53.4\x*   
\s1 Nia daangada ala belee daudali a Jesus  
\r (Luke 9.57-62)  
\p
\v 18 Jesus gaa mmada gi digau dogologo ala e haganiga dono gili, ge Ia ga helekai gi ana dama agoago bolo gii hula gi di baahi dela i golo di monowai.  
\v 19 Gei tangada haga donudonu haganoho ga hanimoi gi dono baahi, ga helekai, “Meenei Tangada Agoago, deenei au gu togomaalia e daudali goe gi nia gowaa huogodoo ala e hana ginai Goe.”   
\p
\v 20 Jesus ga helekai, “Nia manu ‘fox’ iai nadau bongoo, nia manu mamaangi iai nadau waehongo. Gei Tama Tangada dana gowaa e hagamolooloo ia ai.”   
\p
\v 21 Tangada labelaa i nia dama agoago a maa ga helekai, “Meenei, dugu ina mai gi di au e hana e danu dogu damana.”   
\p
\v 22 Jesus ga helekai, “Daudalia mai Au, dugu ina anga gi digau mmade gi danumia nadau gau mmade.”   
\s1 Jesus e haga kila di madangi gono  
\r (Mark 4.35-41; Luke 8.22-25)  
\p
\v 23 Jesus gaa gaga gi hongo di boodi, ana dama agoago gaa hula madalia a Mee.  
\v 24 Di madagoaa deelaa, di madangi guu gono huoloo, di boodi gu hahaawaa gu hoohoo ga abulu. Jesus nogo kii.  
\v 25 Ana dama agoago ga lloo adu gi Mee, ga hangahanga, ga helekai, “Meenei Tagi, hagamaamaa ina gimaadou, gidaadou gaa mmade hua!”   
\p
\v 26 Jesus ga heeu, “Goodou e mmaadagu di aha? Godou hagadonu le e lligi!” Gei Mee ga duu aga, ga helekai gi di madangi mono beau gii noho, gei gu kila loo!   
\p
\v 27 Huogodoo gu goboina huoloo, ga helekai, “Tangada behee deenei? Di madangi mono beau hogi e hagalongo gi Mee!”   
\s1 Jesus e hagahili nia daane dogolua iai di hagataalunga huaidu  
\r (Mark 5.1-20; Luke 8.26-39)  
\p
\v 28 Jesus ne dau adu gi tenua go Gadara i baahi i golo di monowai. Gei nia daane dogolua ala iai di hagataalunga huaidu ga heetugi gi Jesus. Meemaa ne lloomoi i baahi nia daalunga gau mmade, meemaa e llamu dauwa huoloo, nia daangada e de hiihai di hula di ala dela e hana gi golo.  
\v 29 Di madagoaa deelaa, meemaa ga wwolowwolo gi Mee, “Goe go Tama a God, Goe e hiihai gi di aha i mau baahi? Goe ne hanimoi belee hagaduadua gimaua i mua di madagoaa donu belee hagaduadua ai gimaua?”   
\p
\v 30 Nia biigi e logo nogo miami i di gowaa hoohoo gi golo.  
\v 31 Nia hagataalunga huaidu aalaa ga tangi anga gi Jesus, “Maa Goe ga hagabagi gimaadou gi daha, hagau ina gimaadou gi lodo nia biigi aalaa.”   
\p
\v 32 Jesus ga helekai, “Hula!” Nia hagataalunga huaidu ga ulu gi daha mo nia daane aalaa, ga ulu gi lodo nia biigi. Gei nia biigi aalaa huogodoo ga llele ia gi lala i di laungudu gi lodo di monowai, gu mmaalemu.   
\p
\v 33 Digau madamada humalia i nia biigi aalaa gaa llele gi lodo di waahale, ga haga iloo nia mee huogodoo ala ne hai, mo nia mee ne hai gi nia daane dogolua ala nogo iai nia hagataalunga huaidu.  
\v 34 Digau o di waahale ga lloomoi huogodoo, ga heetugi gi Jesus, ga tangi gi Mee gii hana gi daha mo di nadau gowaa.   
\c 9  
\s1 Jesus e hagahili taane made dono huaidina  
\r (Mark 2.1-12; Luke 5.17-26)  
\p
\v 1 Jesus ne gaga gi hongo di boodi, gaa hana gi baahi i golo di tai gi dono guongo donu.  
\v 2 Gei nia daangada ga laha mai di nadau dangada made dono huaidina dela e moe i hongo dono hada. Jesus e iloo hua nia hagadonu digau aanei, ga helekai gi tangada magi, “Dagu dama daane, hagadagadagagee, o huaidu la gu maahede.”   
\p
\v 3 Hunu gau haga donudonu haganoho ga helehelekai i nadau mehanga, “Taane deenei le e haga balumee a God.”   
\p
\v 4 Jesus gu iloo hua nia hagamaanadu digaula, ga helekai, “Goodou e aha ala e maanadu huaidu?  
\v 5 Dehee di mee e haingoohia, e helekai boloo, ‘O huaidu la gu maahede,’ be e helekai boloo, ‘Duu i nua, haele’?  
\v 6 Au ga haga modongoohia adu gi goodou bolo Tama Tangada iai ono mogobuna e wwede nia huaidu i henuailala.” Gei mee ga helekai gi taane made dono huaidina, “Duu i nua, dahi aga ina do moenge, hana gi doo hale.”   
\p
\v 7 Taane magi deelaa ga duu i nua, gaa hana gi dono hale.  
\v 8 Digau dogologo gu gidee di mee deenei, gu mmaadagu huoloo, gu hagaamu a God i ana helekai mogobuna ala ne wanga gi nia daangada.   
\s1 Jesus e gahi Matthew  
\r (Mark 2.13-17; Luke 5.27-32)  
\p
\v 9 Jesus ga hagatanga i di gowaa deelaa, ga gidee Ia tangada hagabudu dagitedi, go Matthew, e noho i lodo dono oobidi. Jesus ga helekai, “Daudali mai Au.”  
\p Matthew gaa duu gi nua, ga daudali Jesus.   
\p
\v 10 Di madagoaa Jesus nogo noho miami i di hale o Matthew, gei digau hagabudu dagitedi dogologo, mo digau huaidu gaa noho adu dalia a Jesus mo ana dama agoago gi teebele deelaa.\x * \xo 9.10 \xt Luke 15.1-2\x*  
\v 11 Hunu Pharisee ga gidee di hai deenei, ga heheeu ang gi nia dama agoago a Maa, “Di godou Dangada Agoago e aha dela e miami dalia digau hagabudu dagitedi mo digau huaidu?”   
\p
\v 12 Jesus ga longono digaula, ga helekai, “Ma hagalee go digau maaloo e heetugi gi togidaa, go digau hua ala e magi.  
\v 13 Goodou halahala ina tadinga o nia helekai di Beebaa Dabu ala e helekai boloo, ‘Au hagalee hiihai gi nia tigidaumaha ala ne hai gi nia manu, gei go tumaalia hua.’ Au hagalee ne hanimoi belee gahigahi digau humalia, gei go digau ala e huaidu.”\x * \xo 9.13 \xt Matthew 12.7; Hosea 6.6\x*   
\s1 Di heeu o di hagaonge  
\r (Mark 2.18-22; Luke 5.33-39)  
\p
\v 14 Nia dama agoago a John Babdais ga lloomoi gi Jesus, ga heeu, “Ma e aha gimaadou mono Pharisee e hagaonge, gei au dama agoago hagalee loo e hagaonge?”   
\p
\v 15 Jesus ga helekai, “Goodou bolo nia daangada ala ne gahi gi tagamiami haga hai lodo, la gii noho lodo huaidu i di madagoaa taane hai lodo e noho i nadau baahi? Deeai! Di laangi ga dau mai, gei taane hai lodo la gaa lahi gi daha mo digaula, deelaa di madagoaa digaula gaa noho laa hagaonge.   
\p
\v 16 “Tangada e pono dana gahu bobo gi di mee gahu hoou ai, idimaa, di mee gahu hoou la ga mmuni mai, ga haga damana di bongoo di gahu.   
\p
\v 17 “Gei tangada e haga hau ana waini hoou gi lodo di mee dugu waini bobo ai. Ma gaa hai beenei, di mee dugu waini la ga mahaa, nia waini la ga maalingi, gei di mee dugu waini la ga mooho. Tangada le e haga hau hua ana waini hoou gi lodo di mee dugu waini hoou, gei nia maa huogodoo la ga benebene hagahumalia.”   
\s1 Tama ahina tagi dauwa mo di ahina ne bili gi di gahu o Jesus  
\r (Mark 5.21-43; Luke 8.40-56)  
\p
\v 18 Di madagoaa hua Jesus nogo helehelekai gi digaula i nia mee aanei, gei tangada aamua o Jew ga hanimoi gi Mee, ga dogoduli, ga helekai, “Meenei, dagu dama ahina dela hua dogo made. Hanimoi, e dugu oo lima gi hongo o mee, gei mee ga mouli.”   
\p
\v 19 Gei Jesus ga duu aga, gaa hana dalia a mee mo ana dama agoago.   
\p
\v 20 Di ahina magi halihali dodo i nia ngadau e madangaholu maa lua ga hanimoi laa tua o Jesus, gaa bili gi taalinga di gahu o Maa.  
\v 21 Mee ga daalo ang gi ono lodo boloo, “Koau hua gii bili gi di gahu o Maa, gei au guu hili.”   
\p
\v 22 Jesus gaa huli gi muli, ga gidee Ia di ahina, ga helekai, “Dagu dama ahina, hagadagadagagee. Do hagadonu deelaa ne hagahili doo magi.” Digi duai hua, gei di magi o maa guu hili.   
\p
\v 23 Jesus gaa hana gi lodo di hale tangada aamua. Dono gidee Ia hua digau hai daahili mo digau dogologo ala e hagalongoaa i di gowaa deelaa,  
\v 24 ge Ia ga helekai, “Goodou huogodoo ulu gi daha. Tama ahina le e kii, mee digi made!” Digau huogodoo gu gadagada haga balumee a Mee.  
\v 25 I muli hua digaula ne ulu gi daha, Jesus ga ulu gi lodo di ruum tama ahina, ga dahi aga di lima o maa, gei tama ahina ga duu i nua.  
\v 26 Malaa, di longo deenei la guu dele gi nia guongo huogodoo o tenua.   
\s1 Jesus e hagahili nia daane deegida dogolua  
\p
\v 27 Jesus ne hagatanga i di gowaa deelaa, gei nia daane deegida dogolua ga daudali a Mee, ga wwolowwolo gi nua boloo, “Meenei, tama daane a David, hila mai gi gimaua.”   
\p
\v 28 Jesus ga ulu adu gi lodo di hale, gei meemaa ga lloo adu gi Mee, gei Mee ga heeu, “Goolua e hagadonu bolo Au e mee di hagahili gulu magi?”  
\p Meemaa ga helekai, “Uaa, meenei Tagi.”   
\p
\v 29 Jesus gaa bili gi nia golomada meemaa, ga helekai, “Gi heia adu gi goolua gii hai be di gulu hagadonu.”  
\v 30 Nia golomada o meemaa gu aala, gei Jesus ga helekai, “Hudee hagi anga ina di mee deenei gi dahi dangada.”   
\p
\v 31 Gei meemaa gaa hula hua, ga hagadele di longo o Jesus gi nia guongo huogodoo o tenua deelaa.   
\s1 Jesus e hagahili taane e de leelee  
\p
\v 32 Di madagoaa meemaa ne hula, gei nia daangada ga laha mai gi Jesus taane e de leelee, idimaa, di hagataalunga huaidu gu i dono baahi.  
\v 33 Di madagoaa hua di hagataalunga huaidu ne hagabagi gi daha, gei mee gu leelee. Digau huogodoo gu goboina, ga helekai, “Di mee beenei ne gidee gidaadou i Israel ai!”   
\p
\v 34 Gei nia Pharisee ga helekai, “Di tagi o nia hagataalunga huaidu dela ne wanga gi Mee di mogobuna e hagabagi nia hagataalunga huaidu i baahi nia daangada.”\x * \xo 9.34 \xt Matthew 10.25; 12.24; Mark 3.22; Luke 11.15\x*   
\s1 Jesus e mmada haga aloho gi nia daangada  
\p
\v 35 Jesus ga hagadau i baahi nia guongo mono waahale huogodoo, ga agoago i lodo nia synagogee, e hagadele di Longo Humalia Teenua King o God, gei e hagahili nia hagadilinga magi huogodoo.\x * \xo 9.35 \xt Matthew 4.23; Mark 1.39; Luke 4.44\x*  
\v 36 Dono gidee digau dogologowaahee, ge Ia gu aloho huoloo i digaula, idimaa, digaula e de nnoomaalia, tangada e benebene ginaadou ai. Digaula guu hai be nia siibi, deai nadau hagaloohi ai.\x * \xo 9.36 \xt Numbers 27.17; 1-Kings 22.17; 2-Chronicles 18.16; Ezekiel 34.5; Mark 6.34\x*  
\v 37 Deenei dana mee ne hagi ang gi ana dama agoago, “E donu bolo taugai e damanaiee, gei digau ngalua le e hogoohi.\x * \xo 9.37 \xt Luke 10.2\x*  
\v 38 Goodou hai dangidangi ang gi tagi o taugai gi hagau ina mai ana gau ngalua e ngalua gi taugai.”   
\c 10  
\s1 Digau agoago hagau dilongoholu maa lua  
\r (Mark 3.13-19; Luke 6.12-16)  
\p
\v 1 Jesus ne haga dagabuli ana dama agoago dilongoholu maa lua, gaa wanga gi digaula di mogobuna e hagabagi nia hagataalunga huaidu ge hagahili nia hagadilinga magi huogodoo.  
\v 2 Aanei nia ingoo digau agoago hagau: Simon e haga ingoo bolo Peter, dono duaahina daane go Andrew, James mo dono duaahina daane go John, nia dama daane Zebedee,  
\v 3 Philip mo Bartholomew, Thomas mo Matthew go tangada hagabudu dagitedi, James tama Alphaeus, mo Thaddaeus,  
\v 4 Simon di ‘Patriot’\f + \fr 10.4 \ft \+bk ‘Patriot’\+bk* Di hagabuulinga dangada ala e hai baahi hagammuni gi digau Rome\f*, mo Judas Iscariot, taane e wanga a Jesus.   
\s1 Di hagau o digau agoago hagau dilongoholu maa lua  
\r (Mark 6.7-13; Luke 9.1-6)  
\p
\v 5 Jesus ne hagau ana gau dilongoholu maa lua aanei, ga helekai, “Goodou hudee hula gi nia gowaa digau tuadimee, be gi nia waahale digau Samaria.  
\v 6 Goodou hula gi baahi nia siibi ala ne nngala, go nia madawaawa Israel.  
\v 7 Hula agoago boloo, ‘Teenua King o God di Langi la gu hoohoo mai!’\x * \xo 10.7 \xt Luke 10.4-12\x*  
\v 8 Hagahili ina digau magi, haga mouli aga ina digau mmade, haga madammaa ina nia magi genegene, hagabagia nia hagataalunga huaidu. Wanga ina be godou mee ala ne hai mee ginai dehuia.  
\v 9 Hudee kae goolo, silber, be nia bahihadu i lodo godou budehede.\x * \xo 10.9 \xt Luke 10.4\x*  
\v 10 Hudee kae gada goloo be nia gahu mono suudi digagi, be togodogo, idimaa, tangada hai hegau le e wanga ginai nia mee ala e hagalee i dono baahi.\x * \xo 10.10 \xt 1-Corinthians 9.14; 1-Timothy 5.18\x*   
\p
\v 11 “Di godou dau adu gi lodo dahi waahale, be i lodo dahi guongo, halahala ina i mua tangada dela e tau di benebene goodou, noho hua i baahi o mee, gaa dae loo gi di godou hagatanga.  
\v 12 Di godou ulu adu gi lodo dahi hale, gi hagaaloho beenei, ‘Di aumaalia gi madalia goodou.’  
\v 13 Maa digau di hale deelaa ga hagaahi mai goodou, heia di aumaalia dela i godou baahi gii noho i baahi digaula. Maa digaula ga hagalee benebene goodou, gaamai gi muli di godou hagaaloho.  
\v 14 Maa di hale, be di waahale ga hagalee hila adu gi goodou, be hagalee hagalongo adu gi godou agoago, hagatanga gi daha, duiduia ginai nia gelegele o godou babaawae.\x * \xo 10.14 \xt Acts 13.51\x*  
\v 15 Au e hagi adu gi iloo goodou, bolo di Laangi Hagi aga, God la ga koia dumaalia gi digau Sodom mo Gomorrah i digau di waahale deelaa!\x * \xo 10.15 \xt Matthew 11.24; Genesis 19.24-28\x*   
\s1 Nia hagahuaidu ala ga dau mai  
\r (Mark 13.9-13; Luke 21.12-17)  
\p
\v 16 “Hagalongo! Au ga hagau goodou be nia siibi gi nia paana lodo geinga. Gii pula i goodou gadoo be nia gihaa, hila gi lala be nia mwuroi.\x * \xo 10.16 \xt Luke 10.3\x*  
\v 17 Pula i goodou, idimaa, nia daangada ga lawalawa goodou, gaa lahi gi nia hale gabunga, ga dadaaligi goodou i lodo nia synagogee.\x * \xo 10.17 \xt Mark 13.9-11; Luke 12.11-12; 21.12-15\x*  
\v 18 Goodou gaa lahi gi mua nia dagi mo nia king i di Au, e haga modongoohia gi digaula mo digau tuadimee di Longo Humalia.  
\v 19 Di madagoaa digaula gaa lahi goodou gi di gabunga, hudee de nnoomaalia be goodou ga helekai bolo aha. Idimaa, di madagoaa hua deelaa ga dugu adu nnelekai ala e helekai ai goodou.  
\v 20 Godou helekai ala ga helekai ai, la hagalee mai i godou baahi, e lloomoi i baahi di Hagataalunga o Tamana, e helekai i godou baahi.   
\p
\v 21 “Nia daangada gaa wanga nadau duaahina gi daaligidia gii mmade, gei nia damana gaa hai gadoo beelaa ang gi nadau dama. Nia dama ga hai baahi gi nadau maadua, gaa hai digaula gi daaligi gii mmade.\x * \xo 10.21 \xt Mark 13.12; Luke 21.16\x*  
\v 22 Nia daangada huogodoo ga hudiou adu gi goodou i di Au. Gei tangada dela ga daahi dono hagadonu gaa dae loo gi di hagaodi, deelaa go mee ga hagamouli.\x * \xo 10.22 \xt Matthew 24.9-13; Mark 13.13; Luke 21.17\x*  
\v 23 Maa goodou ga hagahuaidu go dahi waahale, hula gi di waahale dela i golo. Goodou gi iloo bolo goodou e deemee di hagalawa godou hegau i lodo nia waahale Israel, i mua di hanimoi Tama Tangada.   
\p
\v 24 “Tamagiigi kuulu e aamua i dono tintei ai, di hege e aamua i dono dagi ai.\x * \xo 10.24 \xt Luke 6.40; John 13.16; 15.20\x*  
\v 25 Malaa, tamagiigi kuulu gii donu bolo ia gaa hai be dono tintei. Gei di hege gii donu bolo ia gaa hai be dono dagi. Maa tagi o di hale e haga ingoo bolo Beelzebul, digau o dono hale la ga haga ingoo gi nia ingoo koia e huaidu gi nonua!\x * \xo 10.25 \xt Matthew 9.34; 12.24; Mark 3.22; Luke 11.15\x*   
\s1 Koai e madagu ai  
\r (Luke 12.2-7)  
\p
\v 26 “Malaa, goodou hudee mmaadagu i nia daangada. Nia mee ala e hagammuni, la ga haga kila aga, gei nia mee ala e de modongoohia huogodoo, la ga haga modongoohia aga.\x * \xo 10.26 \xt Mark 4.22; Luke 8.17\x*  
\v 27 Agu mee ala ne helekai adu gi goodou i lodo di bouli, goodou e hai gi helekai nia maa i lodo di laangi maalama. Gei agu mee ala ne helekai haga moolee adu gi goodou, hagadele ina i nia dahuhu o nia hale.  
\v 28 Hudee mmaadagu i digau ala e daaligi tuaidina, gei e deemee di daaligi di mouli. Gei goodou gi mmaadagu i God dela e mee di daaligi tuaidina mo di mouli i lodo di gowaa hagaduadua dee odi.  
\v 29 Nia manu mamaangi e lua e mee di hui gi teenedi hua e dahi, gei dahi manu i nia maa e doo gi hongo di gelegele ai maa di godou Damana digi dumaalia anga gii doo.  
\v 30 Gei adu gi goodou, nia ngaahulu o godou libogo la guu lawa di dau.  
\v 31 Malaa, hudee mmaadagu, idimaa, goodou koia e hagalabagau i nia manu huogodoo.   
\s1 Haga modongoohia mo di hai baahi gi Christ  
\r (Luke 12.8-9)  
\p
\v 32 “Tangada dela ga haga modongoohia aga i mua nia daangada bolo ia tangada ni aagu, gei Au ga haga modongoohia aga a mee labelaa i mua dogu Damana dela i di langi.  
\v 33 Maa tangada ga hai baahi mai gi di Au i mua nia daangada, gei Au e hai baahi gi mee i mua dogu Damana i di langi.\x * \xo 10.33 \xt 2-Timothy 2.12\x*   
\s1 Di aumaalia ai, gei di hulumanu dauwa  
\r (Luke 12.51-53; 14.26-27)  
\p
\v 34 “Goodou hudee hagamaanadu bolo Au ne hanimoi belee gaamai di aumaalia gi henuailala. Deeai, Au hagalee ne hanimoi belee gaamai di aumaalia, gei di hulumanu dauwa.  
\v 35 Au ne hanimoi belee hagangalua aga i lodo nia dama daane gi hai baahi gi nadau damana, nia dama ahina gi hai baahi gi nadau dinana, nia ahina dau aga gi hai baahi gi nadau dinana dau aga. \x * \xo 10.35 \xt Micah 7.6\x*  
\v 36 Nia hagadaumee o tangada ala koia e huaidu, la go digau dono hale.   
\p
\v 37 “Tangada dela e aloho i dono damana mo dono dinana la ogu nua, la hagalee e tau bolo e hai dagu dama agoago. Tangada dela e aloho i dana dama daane mo dana dama ahina la ogu nua, la hagalee e tau bolo e hai dagu dama agoago.  
\v 38 Tangada dela hagalee kae dono loobuu ga daudali mai Au, geia hagalee e tau bolo e hai dagu dama agoago.\x * \xo 10.38 \xt Matthew 16.24; Mark 8.34; Luke 9.23\x*  
\v 39 Tangada dela e daahi hua dono mouli, geia ga de gidee dono mouli, gei tangada dela ga de hagahuodia eia dono mouli i di au, ia ga gidee dono mouli.\x * \xo 10.39 \xt Matthew 16.25; Mark 8.35; Luke 9.24; 17.33; John 12.25\x*   
\s1 Nia hui hagahumalia dangada  
\r (Mark 9.41)  
\p
\v 40 “Tangada dela ga benebene goodou, ko Au hua dela ne benebene go mee. Gei tangada dela e benebene Au, geia ne benebene hua Tangada dela ne hagau mai Au.\x * \xo 10.40 \xt Mark 9.37; Luke 9.48; 10.16; John 13.20\x*  
\v 41 Tangada dela ga benebene tangada kae hegau a God, idimaa mee tangada kae hegau ni God, tangada dela ne benebene a mee e kae dono hui duhongo i di hui o tangada kae hegau. Gei tangada dela ga benebene dana dangada hai donu, idimaa mee tangada hai donu, tangada dela ne benebene a mee e kae dono duhongo hui i tuhongo o tangada hai donu.  
\v 42 Au e hagi adu gi goodou di tonu, tangada ma gaa wanga dana ibu wai magalillili gi dogu ihoo dulii i agu daangada aanei, idimaa mee tama agoago ni aagu, geia e kae dono hui.”   
\c 11  
\s1 Digau kae hegau a John Babdais  
\r (Luke 7.18-35)  
\p
\v 1 I muli hua Jesus ne lawa ana helekai gi ana dama agoago dilongoholu maa lua, ge Ia gaa hana ga aago mo di agoago gi nia waahale ala e hoohoo mai.   
\p
\v 2 Di madagoaa John Babdais nogo i lodo di hale galabudi ne longono ia nia mee a Christ ala ne hai, geia ga hagau hunu gau i ana dama agoago gi Mee.  
\v 3 Meemaa ga heeu gi Jesus, “Ma kooe dela nogo helekai iai a John bolo e hanimoi, be gimaadou e talitali tangada i golo?”   
\p
\v 4 Jesus ga helekai, “Hula hagi anga ina gi John gulu mee ala ne longono ai ge ne gidee:  
\v 5 Digau deegida gu gidee, digau mmade nadau dudaginga gu heehee, digau magi genegene gu madammaa, digau longoduli gu longono, digau mmade gu haga mouli aga, mo di Longo Humalia la gu agoago gi digau hagaloale.\x * \xo 11.5 \xt Isaiah 35.5-6; 61.1\x*  
\v 6 E maluagina go digau ala hagalee manawa lua i di Au.”   
\p
\v 7 Nia dama agoago a John gaa hula, gei Jesus ga helekai gi digau dogologowaahee di hai o John, “Di godou hula gi baahi o John i lodo di anggowaa, ma di aha ne belee mmada ginai goodou? Di aalek dela e hahaangi i di madangi?  
\v 8 Ma di aha dela ne hula ginai goodou belee mmada ginai? Taane dela e ulu nia gahu madamada? Digau ala e ulu nia goloo beelaa, le e noho i lodo nia hale king!  
\v 9 Hagia mai ma di aha dela ne hula ginai goodou belee mmada ginai? Di soukohp? Uaa, e donu, gei goodou ne mmada gi tangada dela e aamua i nia soukohp.  
\v 10 Idimaa John lago mee dela e helekai ai di Beebaa Dabu boloo:  
\q1 ‘God gu helekai bolo Au ga hagau dagu dangada kae hegau i oo mua,  
\q1 e hagatogomaalia doo ala.’\x * \xo 11.10 \xt Malachi 3.1\x*   
\m
\v 11 “Au e hagi adu gi goodou di tonu, bolo tangada ne haanau i henuailala e aamua i John Babdais ai. Gei tangada dela koia e mugi lala loo i Teenua King o God di Langi le e mada aamua i John.  
\v 12 Di madagoaa o John nogo agoago di Longo Humalia gaa dae mai gi dangi nei, Teenua King o God di Langi la gu duadua i nia heebagi maaloo, gei digau huaidu e hagamada belee kumi di maa.\x * \xo 11.12 \xt Luke 16.16\x*  
\v 13 Nia Beebaa o nia Soukohp huogodoo mo Nnaganoho Moses gu haga modongoohia di hai Teenua King o God di Langi, mai i mua gaa dae mai gi di madagoaa John.  
\v 14 Maa goodou e hiihai e hagadonu nia agoago digaula, goodou gi iloo bolo John la go Elijah, dela ne haga modongoohia bolo e hai loo gi hanimoi.\x * \xo 11.14 \xt Malachi 4.5; Matthew 17.10-13; Mark 9.11-13\x*  
\v 15 Tangada ono dalinga i golo, gi hagalongo!   
\p
\v 16 “Gei Au e hagatau nia daangada dolomeenei gi di aha? Digaula e hai be nia damagiigi ala e noho i lodo nia gowaa huihui mee. Di buini e dahi e wwolowwolo gi di buini dela i golo boloo,  
\v 17 ‘Gimaadou guu hai madau daahili haga hai lodo gi nia mee hai daahili adu gi goodou, gei goodou digi gaalege. Gimaadou gu daahili nia daahili tangada made, gei goodou digi tangitangi!’  
\v 18 Di madagoaa John ne hanimoi, geia gu hagaonge, digi inu nia waini, gei nia daangada e hai bolo mee tangada gu iai di hagataalunga huaidu i ono lodo.  
\v 19 Di madagoaa Tama Tangada ne hanimoi, ge Ia gu miami, gu inu, gei digaula e helekai boloo, ‘Mmada gi tangada hagalugai, e inu nia waini, Mee di hoo ni digau hagabudu dagitedi mo digau huaidu.’ Di iloo mee o God le e donu ge hagamodongoohia go ana hegau.”   
\s1 Nia waahale de hagadonu  
\r (Luke 10.13-15)  
\p
\v 20 Jesus gu hagadugina gi nia daangada o nia waahale ala nogo hai ana mogobuna, gei digaula digi huli hoou, ga helekai,  
\v 21 “E huaidu adu gi di goe Chorazin! E huaidu adu gi di goe, Bethsaida! Maa nei bolo nia mogobuna ala ne hai adu gi goolua la ne hai gi digau Tyre mo Sidon, digaula gu ulu gi lodo nadau goloo lodo huaidu, guu wanga nadau luaahi gi hongo nadau libogo mai i mua loo, e haga modongoohia aga nadau maalui mo di huli hoou.\x * \xo 11.21 \xt Isaiah 23.1-18; Ezekiel 26.1—28.26; Joel 3.4-8; Amos 1.9-10; Zechariah 9.2-4\x*  
\v 22 Malaa, Au bolo goolua gi iloo bolo i di Laangi Hagi aga a God, God ga mada dumaalia gi digau o Tyre mo Sidon i goolua!  
\v 23 Goe go Capernaum, goe e bida dahi aga goe gi di langi? Goe gaa hudu gi lodo di gowaa hagaduadua dee odi! Maa nei bolo nia mogobuna ala ne hai adu gi di goe la ne hai gi Sodom, gei Sodom la i golo hua dangi nei.\x * \xo 11.23 \xt Isaiah 14.13-15; Genesis 19.24-28\x*  
\v 24 Gi iloo e goe bolo i di Laangi Hagi aga, God ga koia ga damana dono dumaalia gi Sodom i di goe!”\x * \xo 11.24 \xt Matthew 10.15; Luke 10.12\x*   
\s1 Lloomoi gi di au, e hagamolooloo  
\r (Luke 10.21-22)  
\p
\v 25 Di madagoaa deelaa, Jesus ga helekai, “Tamana, Tagi o di langi mo henuailala! Au e danggee i dau haga modongoohia ang gi digau de kabemee i au mee ala e daalo hagammuni i digau kabemee mo digau e iloo nia mee.  
\v 26 Uaa, Tamana, di mee deenei ne hai mai i do hiihai.   
\p
\v 27 “Dogu Damana gu dugu mai nia mee huogodoo. Tangada e iloo Tama ai, go Tamana hua, tangada e iloo Tamana ai, go Tama hua e iloo Ia mo digau ala ne hilihili go Tama belee haga modongoohia aga a Mee.\x * \xo 11.27 \xt John 3.35; 1.18; 10.15\x*   
\p
\v 28 “Lloomoi gi di Au, goodou huogodoo ala gu daamaha i godou mee aamo, gei Au ga gowadu di molooloo!  
\v 29 Goodou kae ina dagu mee aamo mee, dugu ina gi godou nua, ge kaape ina mai i di Au, idimaa, Au e manawa balabala ge hila gi lala i di hagataalunga, gei goodou ga gidee di godou hagamolooloo.\x * \xo 11.29 \xt Jeremiah 6.16\x*  
\v 30 Idimaa, dagu mee aamo mee dela ga gowadu le e haingoohia, gei agu mee ala e hagauda adu le e maamaa.”   
\c 12  
\s1 Di heeu i di Laangi Sabad  
\r (Mark 2.23-28; Luke 6.1-5)  
\p
\v 1 Digi duai, Jesus gaa hana laa lodo di gowaa dogi laagau ‘wheat’ i di Laangi Sabad, gei ana dama agoago gu hiigai, gaa hagi nadau huwa laagau ‘wheat’ gaa gai.\x * \xo 12.1 \xt Deuteronomy 23.25\x*  
\v 2 Nia Pharisee ga gidee, ga helekai gi Jesus, “Meenei, mmada, au dama agoago e hai baahi gi tadau haganoho Laangi Sabad!”   
\p
\v 3 Jesus ga helekai, “Goodou digi daulia di hai a David i di madagoaa o mee mo ono ehoo ne hiigai?\x * \xo 12.3 \xt 1-Samuel 21.1-6\x*  
\v 4 Mee mo ono ehoo ne ulu gi lodo di hale o God, gaa gai nia palaawaa ala gu tigidaumaha gi God, gei di maa e hai baahi gi taganoho maa digaula gaa gai nia palaawaa aalaa. Go digau hai mee dabu la hua ala e mee di gai nia maa.\x * \xo 12.4 \xt Leviticus 24.9\x*  
\v 5 Goodou digi daulia nia haganoho Moses i di hai o digau hai mee dabu o di Hale Daumaha ala e oho nia haganoho o di Laangi Sabad, i di nadau ngalua i lodo nia Laangi Sabad huogodoo, gei digaula hagalee hala?\x * \xo 12.5 \xt Numbers 28.9-10\x*  
\v 6 Goodou gi iloo bolo ma di mee i ginei e koia e aamua i di Hale Daumaha!  
\v 7 Di Beebaa Dabu e helekai boloo,  
\q1 ‘Au e hiihai hua gi nnangaahai humalia,  
\q1 gei hagalee go tigidaumaha manu.’  
\m “Maa goodou ga iloo tadinga di mee deenei, gei goodou ga deemee di hagahuaidu nia daangada ala digi hai nadau mee hala.\x * \xo 12.7 \xt Matthew 9.13; Hosea 6.6\x*  
\v 8 Idimaa, Tama Tangada la go di Tagi o di Laangi Sabad.”   
\s1 Taane made dono lima  
\r (Mark 3.1-6; Luke 6.6-11)  
\p
\v 9 Jesus ga hagatanga i di gowaa deelaa, gaa hana gi lodo synagogee.  
\v 10 Taane made dono lima i golo. Hunu daangada e hiihai e haga huaidu a Jesus gii ihala ga heeu gi Mee, “Maa hagalee e hai baahi gi tadau haganoho maa tangada ga hagahili dana dangada magi i di Laangi Sabad?”   
\p
\v 11 Jesus ga helekai, “Dolomaa tangada i goodou gaa doo dana siibi gi lodo di luwa llala i di Laangi Sabad, mee hagalee ga dahi aga a mee hagalimalima gi daha mo di luwa deelaa?\x * \xo 12.11 \xt Luke 14.5\x*  
\v 12 Tangada la koia e hagalabagau i di siibi! Deenei di mee Nnaganoho e dumaalia mai gi gidaadou gi hagamaamaa ina tangada i di Laangi Sabad.”  
\v 13 Jesus ga helekai gi taane made dono lima, “Holohia doo lima gi daha.”  
\p Gei taane deelaa gaa holo dono lima, gei di lima o maa gu humalia, guu hai be dono lima dela i golo.  
\v 14 Gei nia Pharisee gaa hula, ga haga noho di nadau hai belee daaligi a Jesus gii made.   
\s1 Tangada hai hegau a God ne hili aga  
\p
\v 15 Jesus ga longono ia di hai baahi deenei, gaa hana gi daha mo di gowaa deelaa. Digau dogologo gaa hula dalia a Mee, ge Ia ga hagahili nia magi huogodoo digaula.  
\v 16 Gei Mee gaa bule gi digaula bolo gi hude hagi anga ina Ia gi nia daangada.  
\v 17 Mee ne helekai beenei bolo gi gila ai nia helekai a God mai baahi soukohp Isaiah, boloo,   
\q1
\v 18 “Deenei dagu dangada hai hegau ne hilihili  
\q1 dela e aloho iei Au, gei e tene ginai Au.  
\q1 Gei Au ga haga uda dogu Hagataalunga gi Mee,  
\q1 gei Mee ga haga iloo ang gi nia henua huogodoo  
\q1 di hai o dagu hagi aga.\x * \xo 12.18 \xt Isaiah 42.1-4\x*   
\q1
\v 19 Mee hagalee lagamaaloo,  
\q1 be wolowolo, be haga hohooho i hongo nia ala.   
\q1
\v 20 Mee hagalee hadi gi daha di aalek dela guu biga,  
\q1 be e diinai di malama dela gu dabadaba,  
\q1 gaa dae loo gi dana hagagila aga di tonu gi aali.   
\q1
\v 21 Nia daangada nnenua huogodoo  
\q1 ga hagadagadagagee gi dono ingoo.”   
\s1 Jesus mo Beelzebul  
\r (Mark 3.20-30; Luke 11.14-23)  
\p
\v 22 Hunu daangada ne laha mai di nadau daane deegida ge e deemee di leelee gi Jesus, idimaa, di hagataalunga huaidu gu i ono lodo. Jesus ga hagahili di magi o maa, guu mee di leelee, gu gidee.  
\v 23 Digau dogologo gu goboina huoloo, ga heheeu, “Mee go Tama a David?”   
\p
\v 24 Nia Pharisee ga longono di mee deenei, ga helekai, “Mee e hagabagi nia hagataalunga huaidu idimaa nadau dagi go Beelzebul ne dugu ang gi Mee di mogobuna e hai nia mee aanei.”\x * \xo 12.24 \xt Matthew 9.34; 10.25\x*   
\p
\v 25 Gei Jesus gu iloo nia hagamamaanadu digaula, ga helekai, “Tenua dela e dee buni ono daangada ge e heheebagi, la hagalee mouli waalooloo! Di waahale be di madahaanau dela e dee buni ge e heheebagi, la ga mooho gi daha!  
\v 26 Maa nia hagabuulinga Setan ga heheebagi i nadau mehanga, malaa tenua o Setan la ga wwae lua, ga limalima dono mooho.  
\v 27 Goodou e hai bolo Au e hagabagi nia hagataalunga huaidu, idimaa Beelzebul ne dugu mai gi di Au di mogobuna di hagabagi. Malaa, koai dela ne wanga gi godou gau agoago di mogobuna e hagabagi nia hagataalunga huaidu? Nia mee ala e hai go digaula, le e haga modongoohia bolo goodou e hai gee.  
\v 28 Deeai, ma hagalee go Beelzebul, ma go di Hagataalunga o God dela ne dugu mai gi di Au di mogobuna e hagabagi nia hagataalunga huaidu i baahi nia daangada. Deenei le e haga modongoohia aga bolo Teenua King o God la gu i godou baahi.   
\p
\v 29 “Deai tangada e mee di oho di hale o taane maaloo ga gaiaa nia goloo o maa ai, maa ia digi lawalawa ina a mee i mua, ga nomuli geia gaa mee laa di kae nia goloo o di hale o maa.   
\p
\v 30 “Tangada dela hagalee madalia Au, le e hai baahi mai gi di Au. Tangada dela hagalee hagabudu madalia Au, geia e wweu gi daha nia maa.\x * \xo 12.30 \xt Mark 9.40\x*  
\v 31 Deelaa laa, Au e hagi adu gi goodou bolo nia hala huogodoo mo nnelekai huaidu huogodoo e mee di dumaalia ginai, gei di hala o di helekai huaidu hai baahi gi di Hagataalunga Dabu, e deemee di dumaalia ginai.  
\v 32 Tangada dela ga helekai huaidu i Tama Tangada, e mee di dumaalia ginai. Tangada dela ga helekai huaidu i di Hagataalunga Dabu, e deemee di dumaalia ginai, dolomeenei gaa hana hua beelaa.\x * \xo 12.32 \xt Luke 12.10\x*   
\s1 Di laagau mo ono huwa  
\r (Luke 6.43-45)  
\p
\v 33 “Maa goodou gaa dogi di laagau tomo hagadubuagina, gei di maa gaa huwa humalia. Maa goodou gaa dogi di laagau tomo diliwoi, gei di maa gaa huwa huaidu. Goodou e iloo di laagau mai i ono huwa.\x * \xo 12.33 \xt Matthew 7.20; Luke 6.44\x*  
\v 34 Goodou e hai be nia gihaa. Goodou e helekai humalia, gei godou lodo le e huaidu! Idimaa, di ngudu o tangada le e helekai nia mee ala e honu i lodo dono manawa.\x * \xo 12.34 \xt Matthew 3.7; 23.33; 15.18; Luke 3.7; 6.45\x*  
\v 35 Tangada humalia e haga gila aga ana mee humalia, i mee e honu i nia mee humalia. Tangada huaidu e haga gila aga ana mee huaidu, i mee e honu i nia mee huaidu.   
\p
\v 36 “Au e hagi adu gi goodou bolo i di Laangi Hagi aga, nia daangada huogodoo e hai gi haga modongoohia aga nadau balu helekai huogodoo ala ne hai.  
\v 37 Godou helekai le e hagi aga goodou, be goodou e donu, be e hala.”   
\s1 Hiihai gi di mogobuna  
\r (Mark 8.11-12; Luke 11.29-32)  
\p
\v 38 Digau haga donudonu haganoho mono Pharisee ga helekai gi Jesus, “Tangada agoago, gimaadou e hiihai e mmada gi au mogobuna.”\x * \xo 12.38 \xt Matthew 16.1; Mark 8.11; Luke 11.16\x*   
\p
\v 39 Jesus ga helekai, “Nia daangada dolomeenei gu huaidu huoloo gei gu hagalee manawa dahi! Goodou bolo Au gi heia dagu mogobuna? Di mogobuna e hai adu gi goodou ai, dela hua go di mogobuna ne hai gi soukohp Jonah.\x * \xo 12.39 \xt Matthew 16.4; Mark 8.12\x*  
\v 40 Di hai o Jonah nogo noho i lodo tinae o di iga damanaiee i nia laangi e dolu ge dolu boo, e hai be Tama Tangada, gaa noho i lodo di gelegele i nia laangi e dolu ge dolu boo.\x * \xo 12.40 \xt Jonah 1.17\x*  
\v 41 Di Laangi Hagi aga, digau o Nineveh ga tuu aga ga hagahuaidu goodou, idimaa, digaula guu huli gi daha mo nadau huaidu i di nadau longono ginaadou nia agoago a Jonah. Gei Au e hagi adu gi goodou bolo ma tangada i kinei koia e aamua i Jonah!\x * \xo 12.41 \xt Jonah 3.5\x*  
\v 42 Di Laangi Hagi aga, di king ahina o Sheba ga duu aga ga hagahuaidu goodou, idimaa, mee ne hanimoi hagamogowaa i dono henua, gaa hana loo gi longono ia nia agoago kabemee King Solomon. Gei Au e hagi adu gi goodou bolo tangada i kinei e koia e aamua i Solomon!\x * \xo 12.42 \xt 1-Kings 10.1-10; 2-Chronicles 9.1-12\x*   
\s1 Di hanimoi gi muli di hagataalunga huaidu  
\r (Luke 11.24-26)  
\p
\v 43 “Di madagoaa di hagataalunga huaidu ga ulu gi daha mo tangada, mee e heehee i lodo di anggowaa e halahala dana madagowaa e hagamolooloo ai, gei digi gidee,  
\v 44 gei mee ga maanadu i ono lodo boloo, ‘Au gaa hana gi di gowaa dela ne hanimoi iei au.’ Gei mee gaa hana ga ulu gi lodo ga gidee ia di gowaa la gu aadee, gu madammaa, gei gu benebene gi humalia.  
\v 45 Mee ga ulu gi daha, ga laha mai ana hagataalunga e hidu ala e huaidu gi nonua, gaa noho i lodo. Nomuli, tangada deenei koia ne huaidu i di matagidagi. Deenei di mee gaa hai gi digau huaidu dolomeenei.”   
\s1 Tinana mo nia duaahina o Jesus  
\r (Mark 3.31-35; Luke 8.19-21)  
\p
\v 46 Jesus nogo helehelekai hua igolo gi nia daangada, gei tinana mo nia duaahina o maa ga dau mai gi tua di hale, e hiihai e heetugi gi Mee.  
\v 47 Tangada ga helekai gi Jesus, “Meenei, do dinana mo o duaahina i tua di hale e hiihai e heetugi adu.”   
\p
\v 48 Jesus ga helekai anga, “Koai go dogu dinana? Koai go ogu duaahina?”  
\v 49 Gei Mee gaa hihi dono lima gi ana dama agoago, ga helekai, “Mmada! Aanei go dogu dinana mo ogu duaahina!  
\v 50 Tangada dela e haga gila aga di manawa o dogu Damana dela i di langi, deelaa go dogu duaahina daane, duaahina ahina, mo dogu dinana.”   
\c 13  
\s1 Di ala kai o tangada haga nonnono  
\r (Mark 4.1-9; Luke 8.4-8)  
\p
\v 1 Di laangi la hua, Jesus ne hagatanga i di hale, gaa hana, gaa noho i tongotai belee hai ana agoago.  
\v 2 Digau dogologowaahee gu haganiga i dono gili, gaa hidi iei Mee, gaa gaga gi hongo di boodi, gaa noho i lodo, gei nia daangada e tuu i tongotai.\x * \xo 13.2 \xt Luke 5.1-3\x*  
\v 3 Mee nogo agoago i nia ala kai, e hagi ang gi digaula nia mee e logo boloo,  
\p “Dahi daane ne hana ga haga nonnono ana lii.  
\v 4 Dana haga nonnono i lodo di hadagee deelaa, hunu lii guu too gi hongo di ala dulii, gei nia manu gu mmaangi mai, guu gai nia maa.  
\v 5 Hunu maa ne monnono gi lodo di gowaa haduhadu, di gowaa dela e hogoohi ono gelegele, gei guu tomo limalima, idimaa, nia gelegele la hagalee llala.  
\v 6 Di madagoaa di laa ne dii, gei nia lii ala ne tomo, la guu mae, idimaa, nia aga o nia maa digi tomo gi di gowaa llala.  
\v 7 Hunu lii ne monnono gi lodo nia geinga duduia. Di madagoaa nia geinga duduia ne tomo aga, gu hagadeaadee nia lii gi dee tomo.  
\v 8 Hunu lii ne monnono gi hongo nia gelegele humalia, guu tomo, guu huwa dagi llau, dagi modoono, dagi motolu.”   
\p
\v 9 Jesus ga hagaodi dana agoago, ga helekai, “Tangada ono dalinga i golo, gi hagalongo!”   
\s1 Tadinga o nia ala kai  
\r (Mark 4.10-12; Luke 8.9-10)  
\p
\v 10 Ana dama agoago ne lloomoi gi Jesus, ga heeu gi Mee, “Goe e aha dela e hai hegau i nia ala kai ang gi nia daangada?”   
\p
\v 11 Jesus ga helekai, “Idimaa, ma gu dumaalia adu gi goodou gi iloo nia mee ngala huogodoo o Teenua King o God di Langi, gei hagalee ang gi digaula.  
\v 12 Tangada dela iai dana mee, geia e haga uda anga ginai nia mee e logo gii dohu gi nonua. Gei tangada dela dana mee ai, dana mee dulii dela i dono baahi, le e daa gi daha.\x * \xo 13.12 \xt Matthew 25.29; Mark 4.25; Luke 8.18; 19.26\x*  
\v 13 Deenei tadinga o agu ala kai agoago: digaula e mmada, gei e de gidee, e hagalongo gei e de longono be e de modongoohia.  
\v 14 Deenei laa di kokohp o Isaiah e helekai i digaula boloo,  
\q1 ‘Digau aanei ga hagalongo, ga hagalongo,  
\q1 gei e de iloo,  
\q1 digaula gaa mmada, gaa mmada,  
\q1 gei e de gidee.\x * \xo 13.14 \xt Isaiah 6.9-10\x*   
\q1
\v 15 Idimaa, nia hagamaanadu digaula gu hamaaloo,  
\q1 nia dalinga digaula gu bonodia,  
\q1 nia golomada digaula gu dee gida.  
\q1 Gei di maa hagalee hai beenei,  
\q1 nadau golomada e mee hua di mmada,  
\q1 nadau dalinga e mee di hagalongo,  
\q1 gei nadau hagamaanadu le e modongoohia,  
\q1 gei digaula ga lloomoi gi muli gi di Au,  
\q1 gei Au ga hagahili digaula.  
\q1 Aanei nnelekai a God.’   
\m
\v 16 “Gei goodou gu maluagina, idimaa, godou golomada e gidee, godou dalinga e longono.\x * \xo 13.16 \xt Luke 10.23-24\x*  
\v 17 Au e hagi adu gi goodou di tonu bolo nia soukohp dogologo mo nia daangada a God dogologo e hiihai huoloo e mmada gi nia mee ala ne mmada ginai goodou, gei digaula e deemee. Digaula e hiihai e hagalongo gi nia mee ala ne hagalongo ginai goodou, gei digaula e deemee.   
\s1 Jesus e haga modongoohia di ala kai o tangada haga nonnono mee  
\r (Mark 4.13-20; Luke 8.11-15)  
\p
\v 18 “Hagalongo, kaabee ina tadinga di ala kai o tangada haga nonnono lii:  
\v 19 Digau ala gu longono nia helekai o Teenua King o God, gei e de iloo, le e hai gadoo be nia lii ala ne monnono gi hongo di ala dulii. Di hagataalunga huaidu ga hanimoi, gaa kae nia mee ne haga monnono gi nadau lodo.  
\v 20 Nia lii ala ne monnono gi hongo di gowaa haduhadu, aalaa go digau e hagalongo gi nia agoago, ga limalima ga tenetene i di nadau longono nia maa.  
\v 21 Gei hagalee mau i nadau baahi, i di madagoaa di haingadaa be taaligi gaa tale gi digaula i di gili nia agoago aanei, digaula ga limalima hua di kili gi daha nadau hagadonu.  
\v 22 Gei nia lii ala ne monnono gi mehanga nia geinga duduia, go digau ala ne longono nia agoago, gei te nnoomaalia o di mouli nei, mo di hiihai gi nia maluagina gu haga deaadee nia agoago aalaa, gaa hidi ai digaula ga dee huwa.  
\v 23 Gei nia lii ala ne monnono gi hongo nia gelegele humalia, go digau ala ne longono nia helekai ga iloo, gaa huwa dagi llau, dagi modoono, dagi motolu.”   
\s1 Di ala kai o nia geinga huaidu  
\p
\v 24 Jesus ne hagi ang gi digaula tuai ala kai:  
\p “Teenua King o God di Langi e hai beenei: Dahi daane hai hadagee ne haga nonnono ana lii humalia i lodo dana hadagee.  
\v 25 Dahi boo hua, di madagoaa nia daangada guu kii, tangada hagadaumee ga hanimoi, ga haga nonnono ana lii huaidu i mehanga nia lii humalia aalaa, gaa hana.  
\v 26 Nia lii humalia gaa tomo, gu daamada gaa huwa, gei nia geinga huaidu gu tomo aga labelaa.  
\v 27 Digau hai hegau ga lloomoi gi mee, ga helekai boloo, ‘Meenei, nia lii humalia ne haga nonnono kooe gi lodo dau hadagee, ma nia geinga huaidu ne lloomoi i hee?’  
\v 28 Tangada dana hadagee ga helekai boloo, ‘Tangada hagadaumee dela ne hai di mee deenei.’ Digaula ga heeu, ‘Goe e hiihai bolo gimaadou gi daagia nia geinga huaidu aalaa?’  
\v 29 Mee ga helekai, ‘Deeai. Maa goodou ga daagi nia geinga huaidu, gei goodou ga daagi labelaa nia laagau humalia dalia nia geinga huaidu aalaa.  
\v 30 Goodou heia nia geinga huaidu mono laagau humalia gii tomo ngaadahi, gii dae gi di laangi dela e hadi ai nia maa. Gei au ga helekai gi digau hadi huwa laagau gi daagia nia geinga huaidu i mua, gi nnoodia gii hai nia uu mee e dudu, gei nia huwa laagau humalia la ga hagabudu, gaa dugu gi lodo dogu hale benebene mee.’”   
\s1 Di ala kai o di lii laagau ‘mustard’  
\r (Mark 4.30-32; Luke 13.18-19)  
\p
\v 31 Jesus ne helekai gi digaula i tuai ala kai: “Teenua King o God di Langi le e hai be di lii laagau ‘mustard’. Tangada ne kae di maa, gaa dogi i lodo dana gowaa dogi mee.  
\v 32 Di lii deenei, dela koia e dulii loo i nia lii huogodoo, ga tomo aga gaa hai di laagau damanaiee i nia laagau huogodoo. Gei nia manu ga mmaangi mai gaa hai nadau waehongo i hongo nia manga.”   
\s1 Di ala kai o nia ‘yeast’  
\r (Luke 13.20-21)  
\p
\v 33 Jesus ne helekai ang gi digaula i tuai ala kai: “Teenua King o God di Langi le e hai beenei. Di ahina ne kae ana ‘yeast’, ga unugi gi nia palaawaa, gei nia palaawaa aalaa la guu tanga huogodoo.”   
\s1 Jesus e hai hegau i nia ala kai  
\r (Mark 4.33-34)  
\p
\v 34 Jesus e agoago nia mee huogodoo aanei gi digau dogologo i nia ala kai. Mee e agoago hua i nia ala kai gi digaula.  
\v 35 Mee ne hai beenei bolo gi gila ai nia helekai soukohp boloo,  
\q1 “Au e hai hegau i nia ala kai  
\q1 i dogu madagoaa e helekai gi digaula.  
\q1 Au ga haga modongoohia gi digaula  
\q1 nia mee huogodoo ala e dee modongoohia  
\q1 mai taamada henuailala.”\x * \xo 13.35 \xt Pisalem 78.2\x*   
\s1 Jesus e haga modongoohia aga di ala kai o nia geinga huaidu  
\p
\v 36 Jesus ga hagatanga gi daha mo digau dogologo, ga ulu gi lodo di hale. Ana dama agoago ga lloomoi gi Mee, ga helekai, “Hagamodongoohia ina di ala kai o nia geinga huaidu ala i lodo di hadagee le e hai bolo aha?”   
\p
\v 37 Jesus ga helekai, “Tangada ne haga nonnono ana lii humalia, la go Tama Tangada.  
\v 38 Di hadagee la go henuailala. Nia lii humalia la go digau Teenua King o God. Nia geinga huaidu la go nia hoo o Setan.  
\v 39 Di hagadaumee dela ne haga nonnono ana lii geinga huaidu, la go Setan. Di madagoaa e hadi nia huwa laagau la go di hagaodi o di madagoaa. Digau hadi huwa laagau, la go digau di langi.  
\v 40 Di hai o nia geinga huaidu ala e hagabudu mai gi di gowaa e dahi e kae e dudu i lodo di ahi, e hai gadoo be di hai dela gaa hai i di laangi hagaodi.  
\v 41 Tama Tangada ga hagau ana gau di langi gi daawaa gi daha mo dono Heenua King digau huogodoo ala e hai nia daangada gii too gi lodo di huaidu, mo nia daangada ala e haihai nia mee huaidu huogodoo ala i golo,  
\v 42 bolo gi kilia digaula gi lodo di ahi maaloo, di gowaa e tangitangi ai, ge e gadigadi nadau niha.  
\v 43 Gei nia dama a God ga maahina gadoo be di laa i lodo Teenua King o di nadau Damana. Tangada ono dalinga i golo, gi hagalongo!   
\s1 Di ala kai o di maluagina ngala  
\p
\v 44 “Teenua King o God di Langi e hai beenei: Taane gaa gida di maluagina dela e ngala i lodo di gelegele. Gei taane gaa danu labelaa di maa, gu tenetene huoloo, gaa hana gaa hui gi daha ana mee huogodoo ala e hai mee ginai, gaa hana gaa hui di gowaa.   
\s1 Di ala kai o di hadu lodo baehua  
\p
\v 45 “Teenua King o God di Langi e hai beenei: Tangada e halahala ana hadu lodo baehua humalia.  
\v 46 Geia ga gidee ia di hadu kaedahi hagalabagau, geia gaa hana, gaa hui gi daha ana mee huogodoo, gaa hui di hadu lodo baehua deelaa.   
\s1 Di ala kai o di gubenge  
\p
\v 47 “Teenua King o God di Langi le e hai labelaa beenei: Digau hai iga ne hudu nadau gubenge gi lodo di monowai belee kumi nnagadilinga iga huogodoo.  
\v 48 Gei di gubenge la guu honu, digaula ga hudi aga gi tongotai, gaa noho gi lala belee hili nia iga. Nia iga humalia gaa haa gi lodo nia begedu, nia iga huaidu gaa kili gi daha.  
\v 49 Deenei di mee gaa hai i di hagaodi o di madagoaa. Digau di langi ga hagau e hili digau huaidu huogodoo gi daha mo digau humalia,  
\v 50 gaa kili digau huaidu gi lodo di ahi maaloo i di gowaa e tangitangi ai digaula, gei e gadigadi nadau niha.”   
\s1 Nia agoago hoou mo pobo  
\p
\v 51 Jesus ga heeu gi digaula, “Goodou gu iloo nia mee aanei?”  
\p Digaula ga helekai, “Uaa.”   
\p
\v 52 Ge Ia ga helekai gi digaula, “Malaa, tangada haga donudonu haganoho dela ma gaa hai tama agoago i lodo Teenua King o God di Langi, le e hai be tagi o di hale dela e daa ono maluagina hoou mo pobo gi daha mo dono hale benebene mee.”   
\s1 Jesus e haga balumee go digau Nazareth  
\r (Mark 6.1-6; Luke 4.16-30)  
\p
\v 53 Jesus ga haga lawa ana ala kai nogo agoago gi digaula, ga hagatanga gi daha mo di gowaa deelaa,  
\v 54 gaa hana gi dono guongo, ga agoago i lodo synagogee, gei digaula gu goboina huoloo, ga heeu boloo, “Di kabemee mono haga goboina a maa ne gaamai i hee?  
\v 55 Mee hagalee go tama a taane hau hale? Tinana o Maa hagalee go Mary, ono duaahina go James, Joseph, Simon mo Judas?  
\v 56 Gei ono duaahina ahina la hagalee aanei i tadau baahi? Malaa, nia mee a Maa ne gaamai i hee?”  
\v 57 Gei digaula gu haga balumee a Mee.  
\p Jesus ga helekai gi digaula, “Nia soukohp e hagalaamua i nia gowaa huogodoo, gei hagalee hagalaamua go dono guongo donu mo ono gau donu.”\x * \xo 13.57 \xt John 4.44\x*  
\v 58 Jesus digi hai ana mogobuna e logo i golo, idimaa, digaula hagalee hagadonu.   
\c 14  
\s1 Di made o John Babdais  
\r (Mark 6.14-29; Luke 9.7-9)  
\p
\v 1 Di madagoaa deelaa, Herod di tagi o Galilee ga longono ia di hai o Jesus.  
\v 2 Mee ga helekai gi ana daane hai hegau, “Ma go John Babdais hua dela ne mouli aga, i Mee ono mogobuna e hai ana mee haga goboina dangada.”   
\p
\v 3 Idimaa, Herod ne hai dana haga iloo bolo gi kumidia John, gei digaula gaa nnoo nia lima o maa, gaa haa a mee gi lodo di hale galabudi. Mee ne hai di mee deenei idimaa go Herodias, go di lodo o dono duaahina daane go Philip.\x * \xo 14.3 \xt Luke 3.19-20\x*  
\v 4 John ne helekai gi Herod boloo, “Ma hagalee donu di hai doo lodo gi Herodias!”\x * \xo 14.4 \xt Leviticus 18.16; 20.21\x*  
\v 5 Herod gu hiihai bolo ia ga daaligi a John, geia e lliga huoloo i digau o Jew ala e hai bolo John la di soukohp.   
\p
\v 6 I di laangi haanau o Herod, tama ahina a Herodias ne duu aga, gaa hai ana gaalege i mua digau dogologo. Gei Herod gu tenetene huoloo,  
\v 7 gaa hai dana hagababa, “Au e hagamodu bolo au ga gowadu gi di goe di ingoo hua di mee dela e hiihai ginai goe!”   
\p
\v 8 Tama ahina ga hagi anga telekai dono dinana, ga dangi anga gi Herod, “Gaamai gi di au di libogo o John Babdais i hongo di pileedi!”  
\v 9 Di king gu manawa gee huoloo i nnelekai tama ahina deelaa, idimaa mee gu hagababa i mua digau tagamiami dogologo bolo ia e hagagila di hiihai o tama ahina.  
\v 10 Mee ga helekai gi digaula bolo gi tuudia di uwa o John dela i lodo di hale galabudi.  
\v 11 Digaula ga gaamai di libogo o maa i hongo di pileedi gi tama ahina, geia gaa kae gi dono dinana.  
\v 12 Nia dama agoago a John ga lloomoi gaa kae tuaidina o maa, gaa danu, gaa hula ga haga iloo gi Jesus.   
\s1 Jesus e haangai ana daane e lima mana (5,000)  
\r (Mark 6.30-44; Luke 9.10-17; John 6.1-14)  
\p
\v 13 Jesus ne longono di longo deenei, ge Ia ga hagatanga i di gowaa deelaa, gaa hana i di boodi gi di gowaa lomo modogoia. Gei nia daangada ne longono ginaadou dono hana, ga hagatanga i nadau waahale ga daudali a Mee laa uda.  
\v 14 I dono doo aga i di boodi, ge Ia ga gidee digau dogologowaahee, Mee gu aloho huoloo i digaula, ga hagahili nadau magi.  
\v 15 Ga hiahi ia di mee, ana dama agoago ga mmaanege adu gi Mee, ga helekai, “Ma guu boo, gei di maa di anggowaa lomo deenei, hagau ina digaula gii hula, e hui nadau meegai i lodo nia waahale lligi aalaa.”   
\p
\v 16 Jesus ga helekai, “Digaula hagalee hagau. Wanga ina nia mee digaula e gai!”   
\p
\v 17 Digaula ga helekai gi Mee, “Ma nia palaawaa hua e lima ge lua dama iga ala i madau baahi.”   
\p
\v 18 Jesus ga helekai, “Gaamai nia maa gi di Au.”  
\v 19 Gei mee ga helekai gi nia daangada gii noho gi hongo nia geinga tolo, gei Mee ga dahi aga nia palaawaa e lima ge lua dama iga, gaa hila gi di langi, ga danggee gi God, ga ginigini nia palaawaa aalaa, gaa wanga gi ana dama agoago gi duwwee gi nia daangada.  
\v 20 Digaula huogodoo gu miami gu maaluu. Gei nia dama agoago gaa haa nia mee ala ne dubu, guu hai nia gada e madangaholu maa lua.  
\v 21 Togologo daane ala ne miami, digau e lima mana (5,000), nia ahina mono dama digi daulia.   
\s1 Jesus e haele i hongo tai  
\r (Mark 6.45-52; John 6.15-21)  
\p
\v 22 Jesus ga helekai gi ana dama agoago gii kaga gi hongo di boodi gii hula i ono mua gi di baahi i golo tai deelaa, gei Mee ga hagau digau dogologo aalaa gii hula.  
\v 23 I muli dana hagau nia daangada gii hula, gei Mee gaa hana gi hongo tama gowaa nnoonua belee dalodalo. Gaa dae loo gi di hiahi, Mee nogo modogoia hua.  
\v 24 Di madagoaa deelaa, gei di boodi la gu i tungaalodo di tai deelaa, gu huduhudu go nia beau, idimaa, di madangi la guu gono mai i mua.   
\p
\v 25 Gaa dae loo gi di boo, mehanga di laa e dolu mo di laa e ono luada, Jesus ga haele adu gi digaula i hongo tai.  
\v 26 Nia dama agoago a Maa gaa mmada gi Mee e haele i hongo tai, gei gu wwolowwolo mmaadagu bolo ma di ieidu.   
\p
\v 27 Di madagoaa hua deelaa, Jesus ga helekai gi digaula, “Goodou hagadagadagagee. Ma ko Au deenei. Goodou hudee mmaadagu!”   
\p
\v 28 Peter ga helekai, “Meenei Tagi. E donu ma Kooe deenaa, helekai mai gi di au gi haele adu au gi di Goe i hongo tai.”   
\p
\v 29 Jesus ga helekai, “Hanimoi laa!” Gei Peter ga doo iha gi daha mo di boodi, gaa duu gi hongo tai ga haele gi Jesus.  
\v 30 Di madagoaa hua Peter ne longono ia nia mahi o di madangi, geia gu madagu ga daamada ga abulu gi lala. Geia gaa wolo boloo, “Meenei! Hila mai!”   
\p
\v 31 Di madagoaa hua deelaa, Jesus ga daahi adu dono lima ga dahi aga a mee, ga helekai, “Do hagadonu le e dulii, goe e aha dela e manawa lua?”   
\p
\v 32 Meemaa gaa kaga gi hongo di boodi, gei di madangi guu kila.  
\v 33 Ana dama agoago ga pala ang gi Jesus i hongo di boodi, ga helekai, “Ma e donu hua bolo Goe go Tama a God!”   
\s1 Jesus e hagahili ana magi i Gennesaret  
\r (Mark 6.53-56)  
\p
\v 34 Digaula ga dele adu, ga dau aga i Gennesaret.  
\v 35 Digau o di guongo deelaa ga modongoohia Jesus, ga haga iloo gi digau magi o di gowaa deelaa mono gowaa ala e hoohoo mai gi laha mai nadau gau magi gi Jesus.  
\v 36 Digaula ga tangi gi Mee gi dumaalia ang gi digau magi gii pili hua gi di bida o dono gahu, malaa, digau magi huogodoo ala ne pili gi dono gahu la guu hili nadau magi.   
\c 15  
\s1 Nia agoago o nia maadua mmaadua  
\r (Mark 7.1-13)  
\p
\v 1 Nia Pharisee mono gau haga donudonu haganoho ne lloomoi i Jerusalem, ga heeu gi Jesus,  
\v 2 “Au dama agoago le e aha ala e haga balumee nia haganoho tadau maadua mmaadua mai i mua? Digaula hagalee tono nadau lima i mua nadau miami!”   
\p
\v 3 Jesus ga helekai, “Gei goodou e aha ala e hagalee daudali nia haganoho a God, e daudali hua godou hangaahai?  
\v 4 God gu helekai bolo goe gi hagalabagau ina do damana mo do dinana. Maa tangada gaa hai hagahuaidu dono damana be go dono dinana e humalia hua e daaligi gii made.\x * \xo 15.4 \xt Exodus 20.12; 21.17; Deuteronomy 5.16; Leviticus 20.9\x*  
\v 5 Gei goodou gu agoago bolo maa tangada dana mee i golo e mee di hagamaamaa dono damana mo dono dinana, geia e hai boloo, ‘Di mee deenei la di mee ni God,’  
\v 6 gei mee hagalee hai gi hagalaamua dono damana. Malaa, deenei di godou hai ne haga balumee nia helekai a God, mai i godou daudali hua godou agoago.  
\v 7 Goodou digau hai hegau ngudu golomada! Ma e donu hua go nia haga modongoohia soukohp Isaiah i goodou boloo,   
\q1
\v 8 ‘God gu helekai bolo digau aanei  
\q1 e hagalaamua hua Au mai i lodo nadau helekai,  
\q1 gei nadau manawa e mogowaa loo i di Au.\x * \xo 15.8 \xt Isaiah 29.13\x*   
\q1
\v 9 Malaa, nadau hai daumaha mai gi di Au  
\q1 le e balumee hua,  
\q1 idimaa, digaula e agoago nia haganoho dangada  
\q1 bolo ma go agu haganoho.’”   
\s1 Nia mee ala e hai tangada gi hagalee madammaa  
\r (Mark 7.14-23)  
\p
\v 10 Jesus ga gahi mai nia daangada dogologo, ga helekai, “Goodou hagalongo gi modongoohia humalia.  
\v 11 Ma hagalee go di mee dela e ulu gi lodo di ngudu dela e haga dogolia tangada, ma go di mee dela e hanaga i lodo di ngudu dela e hai tangada gi hagalee madammaa.”   
\p
\v 12 Nia dama agoago a maa ga mmaanege adu gi Mee, ga helekai, “Goe e iloo bolo nia Pharisee la gu hagawelewele gi dau agoago?”   
\p
\v 13 Jesus ga helekai, “Nia laagau huogodoo ala hagalee ne dogi go dogu Damana i di langi, le e daagi gi daha.  
\v 14 E hai di aha, digaula nia dagi deegida o digau deegida. Maa tagi deegida gaa dagi dono ehoo deegida, meemaa huogodoo la gaa too gi lodo di lua.”\x * \xo 15.14 \xt Luke 6.39\x*   
\p
\v 15 Peter ga helekai, “Meenei, haga modongoohia ina mai gi gimaadou dau ala kai deenaa.”   
\p
\v 16 Jesus ga helekai, “Ma e aha goodou digi modongoohia labelaa?  
\v 17 Goodou e de iloo bolo nia mee ala e wanga gi lodo di ngudu tangada e hula gi lodo tinae, gaa lawa ga lloomoi gi daha mo tuaidina?  
\v 18 Gei nia mee ala e lloomoi i lodo di ngudu o tangada, ne daamada i lodo di manawa, e haga dogolia tangada.\x * \xo 15.18 \xt Matthew 12.34\x*  
\v 19 Idimaa, nia maanadu huaidu e daamada i lodo di manawa o tangada, daaligi dangada, mouli hai be di manu, gaiaa, hai kai tilikai, mo tamu dangada.  
\v 20 Aanei nia mee ala e haga dogolia tangada. Gei di miami, hagalee tono ono lima, la hagalee hai tangada gi dogolia.”   
\s1 Di hagadonu o di ahina  
\r (Mark 7.24-30)  
\p
\v 21 Jesus ne hagatanga i di gowaa deelaa, gaa hana gi di gowaa e hoohoo gi nia waahale Tyre mo Sidon.  
\v 22 Di ahina Canaan e noho i di gowaa deelaa, ga hanimoi, ga helekai gi Mee, “Meenei, Tama a David, hila mai gi di au. Dagu dama ahina gu iai di hagataalunga huaidu i dono baahi. Mee gu duadua huoloo.”   
\p
\v 23 Jesus digi helekai gi mee. Nia dama agoago a maa ne mmaanege adu, ga helekai, “Meenei, hagabagia di ahina deenaa, dela e haga deaadee gidaadou. Mee dela hua e hagalongoaa mai tadau muli!”   
\p
\v 24 Jesus ga helekai, “Au ne hagau mai hua gi nia siibi o Israel ala ne hula gee.”   
\p
\v 25 Di ahina deelaa ga hanimoi hua, gaa bala ang gi Mee, ga helekai, “Meenei, hagamaamaa ina mai au.”   
\p
\v 26 Jesus ga helekai gi mee, “Ma hagalee donu bolo e daa nia meegai nia dama, gaa kili gi nia paana.”   
\p
\v 27 Di ahina deelaa ga helekai, “Meenei, e donu huoloo, gei nia paana e gai nia mee dubu ala e monnono i lala teebele o nadau gau aamua.”   
\p
\v 28 Jesus ga helekai gi mee, “Goe di ahina maaloo do hagadonu. Dau mee dela e hiihai ginai ga gila adu.” Di madagoaa hua deelaa gei tama ahina a maa guu hili dono magi.   
\s1 Jesus e hagahili nia magi digau dogologo  
\p
\v 29 Jesus ne hagatanga i golo, ga hanadu i tongotai Tai o Galilee, gaa gaga adu gi hongo tama gonduu, gaa noho i golo.  
\v 30 Digau dogologowaahee ga laha mai nadau gau mmade nadau dudaginga, deegida, dumaaloo, deemee di leelee, mono hagadilinga magi e logo, ga laha mai gi mua o Mee, gei Mee ga hagahili nia magi digaula.  
\v 31 Digau dogologowaahee aalaa gu goboina di nadau gidee digau deemee di leelee gu leelee, digau magi dumaaloo gu humalia, digau mmade nadau dudaginga gu taele, gei digau deegida gu gidee. Digaula gu haga hagaamu huoloo di God o Israel.   
\s1 Jesus e haangai ana daane e haa mana (4,000)  
\r (Mark 8.1-10)  
\p
\v 32 Jesus ga gahi mai ana dama agoago, ga helekai gi digaula, “Au gu aloho huoloo i digau dogologo aanei, idimaa, nia laangi guu dolu nogo noho iei digaula i dogu baahi. Dolomeenei digaula gu nadau meegai ai. Gei Au hagalee hagau digaula, idimaa, digaula digi miami, gi de hagalibelibeina hua i di nadau hula.”   
\p
\v 33 Ana dama agoago ga helekai, “Ma di anggowaa deenei, gimaadou e gaamai madau meegai i hee gii dohu ang gi digau dogologowaahee aanei?”   
\p
\v 34 Jesus ga heeu gi digaula, “Nia palaawaa e hia i godou baahi?”  
\p Digaula ga helekai, “E hidu mono dama iga.”   
\p
\v 35 Jesus ga helekai gi digau dogologowaahee aalaa gii noho gi lala gi hongo di gelegele.  
\v 36 Gei Mee ga daahi aga nia palaawaa e hidu mono iga, ga dalodalo, ga ginigini nia palaawaa, gaa wanga gi ana dama agoago, gei digaula gaa duwwe nia maa gi digau dogologowaahee aalaa.  
\v 37 Digau huogodoo gu miami gu maaluu. Nia dama agoago a Jesus gaa haa nia meegai ala ne dubu, guu hai nia gada e hidu.  
\v 38 Togologo daane ala ne miami digau e haa mana (4,000), nia ahina mono dama digi daulia.   
\p
\v 39 Gei Jesus ga hagau digaula, gaa gaga gi hongo di boodi gaa hana gi tenua go Magadan.   
\c 16  
\s1 Hiihai gi dahi mogobuna  
\r (Mark 8.11-13; Luke 12.54-56)  
\p
\v 1 Nia Pharisee mono Sadduccee ne lloomoi gi Jesus belee hai a Mee gii hala. Ne helekai gi Mee gi heia dana mogobuna gi gidee ginaadou bolo God le e madalia Ia.\x * \xo 16.1 \xt Matthew 12.38; Luke 11.16\x*  
\v 2 Jesus ga helekai gi digaula, “Di madagoaa di laa ga ulu, gei goodou e helekai boloo, ‘Daiaa le e humalia, idimaa, di langi le e mmee.’  
\v 3 Gei luada loo goodou e helekai boloo, ‘Dangi nei la ga uwauwa, idimaa, di langi le e mmee gei e haga bouli.’ Malaa, goodou e mee di iloo nia hagamodongoohia i di gili di langi, gei e deemee di iloo nia haga modongoohia o nia laangi aanei!   
\p
\v 4 “Digau dolomeenei la gu huaidu huoloo, gei gu hagalee manawa dahi! Goodou e tangi mai gi di Au i di mogobuna? Deeai, delaa hua go di mogobuna ne hai gi Jonah gaa hai ko Au adu gi goodou.”\x * \xo 16.4 \xt Matthew 12.39; Luke 11.29\x*  
\p Gei Mee ga diiagi digaula gaa hana.   
\s1 Nia ‘yeast’ o nia Pharisee mono Sadduccee  
\r (Mark 8.14-21)  
\p
\v 5 Nia dama agoago a Jesus ne dau adu gi di baahi i golo o tai, ga langahia bolo ginaadou digi kae nadau palaawaa.  
\v 6 Jesus ga helekai gi digaula, “Goodou gii pula i nia ‘yeast’ o nia Pharisee mono Sadduccee.”\x * \xo 16.6 \xt Luke 12.1\x*   
\p
\v 7 Digaula ga daamada ga helehelekai i nadau mehanga, “Mee e helekai beenei, idimaa, gidaadou digi gaamai tadau palaawaa.”   
\p
\v 8 Jesus gu iloo Ia hua nia helekai digaula, ga heeu, “Goodou e aha ala e helehelekai bolo ma nia palaawaa ai? Godou hagadonu le e lligi!  
\v 9 Goodou digi donu? Goodou e hagalee langahia nia palaawaa e lima ala ne ginigini gaa duwwe gi nia daane e lima mana (5,000)? Nia gada e hia ala ne haa go goodou?\x * \xo 16.9 \xt Matthew 14.17-21\x*  
\v 10 Gei nia palaawaa e hidu ang gi nia daane e haa mana (4,000), nia gada e hia ne haa go goodou?\x * \xo 16.10 \xt Matthew 15.34-38\x*  
\v 11 Goodou e aha ala hagalee modongoohia bolo Au hagalee e helehelekai adu gi goodou i nia palaawaa? Goodou pula i goodou i nia ‘yeast’ o nia Pharisee mo nia Sadduccee!”   
\p
\v 12 Ana dama agoago gu modongoohia laa bolo ma hagalee go nia ‘yeast’ ala i lodo di palaawaa e haga ligaliga iei ginaadou, ma go nia agoago o nia Pharisee mo nia Sadduccee.   
\s1 Peter e haga modongoohia aga di hai o Jesus  
\r (Mark 8.27-30; Luke 9.18-21)  
\p
\v 13 Jesus ne hana gi di gowaa hoohoo gi di waahale Caesarea Philippi, ge Ia ga heeu gi ana dama agoago, “Nia daangada le e helehelekai bolo Tama Tangada la koai?”   
\p
\v 14 Digaula ga helekai, “Hunu daangada e hai bolo Goe go John Babdais, hunu daangada bolo go Elijah, hunu daangada bolo go Jeremiah be tei dangada i nia soukohp.”\x * \xo 16.14 \xt Matthew 14.1-2; Mark 6.14-15; Luke 9.7-8\x*   
\p
\v 15 Gei Mee ga heeu gi digaula, “Goodou e hai bolo Au koai?”   
\p
\v 16 Simon Peter ga helekai, “Goe go di Mesaia, go Tama di God Mouli!”\x * \xo 16.16 \xt John 6.68-69\x*   
\p
\v 17 Jesus ga helekai gi mee, “Gu humalia adu gi di goe, Simon, tama a John. Ma hagalee tangada ne haga modongoohia adu gi di goe di tonu o di mee deenei, ma go dogu Damana dela i di langi.  
\v 18 Malaa, Au e hagi adu gi di goe Peter: goe go di hadugalaa, gei Au ga haga duu dagu nohongo dabu i hongo di hagamau hadugalaa deenei, gei di made e deemee di hagahuaidu di maa.  
\v 19 Au ga gowadu nia gii Teenua King o God di Langi. Nia mee huogodoo ala ma gaa tai kooe i henuailala, e tai labelaa i di langi. Au mee ala ma gaa huge i henuailala, e huge labelaa i di langi.”\x * \xo 16.19 \xt Matthew 18.18; John 20.23\x*   
\p
\v 20 Jesus ga helekai gi ana dama agoago bolo gi hudee hagi aga ina bolo Ia go di Mesaia.   
\s1 Jesus e haga modongoohia aga dono hagaduadua mo dono made  
\r (Mark 8.31—9.1; Luke 9.22-27)  
\p
\v 21 Daamada i di madagoaa deenei, Jesus ga helekai hagammaa ang gi ana dama agoago, “Au e hai loo gii hana gi Jerusalem e kae dogu hagaduadua damanaiee mai baahi nia dagi mmaadua, mo nia dagi hai mee dabu, mo nia gau haga donudonu haganoho. Au ga daaligi gii made, gei i muli nia laangi e dolu gei Au ga haga mouli aga.”   
\p
\v 22 Peter gaa lahi Jesus gi mada ginaua, gaa hai ono ngudu gi mee, “Meenei dogu Dagi, Dimaadua gi bule ina di mee deenei gi de tale adu gi di Goe!”   
\p
\v 23 Jesus gaa huli gi daha mo Peter ga helekai, “Setan, hana gi daha mo Au! Goe e haga deaadee Au, idimaa, au maanadu la nia maanadu hua dangada, hagalee nia maanadu mai baahi o God.”   
\p
\v 24 Jesus ga helekai gi ana dama agoago, “Maa dahi dangada bolo ia e hanimoi gi di Au, geia gi wanga ina dehuia dono huaidina, aamo ina dono loobuu, daudalia mai Au.\x * \xo 16.24 \xt Matthew 10.38; Luke 14.27\x*  
\v 25 Idimaa, tangada dela e hiihai e benebene dono mouli, geia e deemee di gidee di mouli, gei tangada dela ga deheia dono mouli i di Au, geia ga gidee di mouli.\x * \xo 16.25 \xt Matthew 10.39; Luke 17.33; John 12.25\x*  
\v 26 Di humalia aha e kae go tangada maa ia ga hai mee gi henuailala hagatau, nomuli ga de gidee dono mouli? Hagalee, ma di mee i golo e dahidamee i do mouli?  
\v 27 Tama Tangada ga hoohoo dono hanimoi i lodo nia madamada o dono Damana, ana gau di langi e madalia. Ge Ia gaa hui tangada nei mo tangada nei gi di hagatau o nadau hegau.\x * \xo 16.27 \xt Matthew 25.31; Pisalem 62.12; Romans 2.6\x*  
\v 28 Au e hagi adu gi goodou di tonu bolo hunu gau i ginei ga hagalee mmade, gaa dae loo gi nadau gidee gi Tama Tangada dela ga hanimoi gadoo be dahi king.”   
\c 17  
\s1 Jesus guu huli gu madamada  
\r (Mark 9.2-13; Luke 9.28-36)  
\p
\v 1 I muli nia laangi e ono, Jesus gaa lahi a Peter mo tagahaanau go James mo John gi tomo dahi gonduu nnoonua, ga mada ginaadou i golo.\x * \xo 17.1 \xt 2-Peter 1.17-18\x*  
\v 2 Gei Mee gu dina gee i nadau mua, ono hadumada gu maahina iaa be di laa, gei ono gahu guu kene gu madamada.  
\v 3 Ana dama agoago dogodolu guu mmada gi Moses mo Elijah e helehelekai gi Jesus.  
\v 4 Peter ga helekai, “Meenei dogu Dagi, ma koia e humalia go tadau noho i ginei! Maa Goe e hiihai, gei au gaa hau nia damaa hale e dolu i ginei: e dahi ni oou, e dahi ni Moses, ge dahi ni Elijah.”   
\p
\v 5 Di madagoaa hua a mee nogo helehelekai beenei, di gololangi maahina gaa gahu digaula, gei di lee ga hanimoi i lodo di gololangi, ga helekai, “Deenei dagu Dama dela e aloho iei Au. Goodou hagalongo gi Mee!”\x * \xo 17.5 \xt Genesis 22.2; Deuteronomy 18.15; Pisalem 2.7; Isaiah 42.1; Matthew 3.17; 12.18; Mark 1.11; Luke 3.22\x*   
\p
\v 6 Ana dama agoago ne longono di lee deenei, digaula gaa pala ia gi lala i nadau mmaadagu huoloo.  
\v 7 Jesus ga hanimoi gaa bili gi digaula, ga helekai, “Tuu i nua, goodou hudee mmaadagu!”  
\v 8 Gei digaula ga mmada aga, go Jesus hua modogoia i golo.   
\p
\v 9 Di nadau lloo ia i tomo di gonduu, gei Jesus ga helekai gi digaula, gi hudee hagi anga ina Ia gi dahi dangada nadau mee ne mmada ginai, gaa dae loo gi Tama Tangada ga mouli aga mai i di made.   
\p
\v 10 Ana dama agoago ga heeu gi Jesus, “Ma e aha digau haga donudonu haganoho ala e helekai bolo Elijah e hanimoi i mua Tama Tangada?”\x * \xo 17.10 \xt Malachi 4.5\x*   
\p
\v 11 Jesus ga helekai, “E donu, Elijah le e hanimoi i mua, e hagatogomaalia nia mee huogodoo.  
\v 12 Gei Au e hagi adu bolo Elijah la gu hanimoi, gei nia daangada la digi modongoohia a mee, nogo hai hua a mee be nadau hiihai. Deelaa hogi di hai digaula ga hagaduadua Tama Tangada.”\x * \xo 17.12 \xt Matthew 11.14\x*   
\p
\v 13 Ana dama agoago gu iloo laa bolo mee e helehelekai i di hai o John Babdais.   
\s1 Jesus e hagahili tama daane  
\r (Mark 9.14-29; Luke 9.37-43a)  
\p
\v 14 I di nadau dau adu gi baahi nia daangada, taane ga hanimoi ga dogoduli adu gi mua o Jesus,  
\v 15 ga helekai, “Meenei, hila mai mua gi dagu dama daane. Mee e magi bolebole. Dono madagoaa gaa magi, gei mee dela hua e hinga gi lodo di ahi, be e doo gi lodo nia wai, holongo e logo e hai beenei.  
\v 16 Au ne laha mai a mee gi au dama agoago, gei digaula e deemee di hagahili a mee.”   
\p
\v 17 Jesus ga helekai, “Goodou digau de hagadonu ge e hai gee. Au e hai loo gii noho waalooloo behee i godou baahi? E waalooloo behee dogu hagakono dogu manawa i goodou? Laha mai tama daane gi di Au!”  
\v 18 Jesus ga helekai haga huudonu gi di hagataalunga huaidu dela i lodo tama daane, gei di hagataalunga huaidu gu ulu mai gi daha i di madagoaa hua deelaa, gei tama daane la guu hili.   
\p
\v 19 Gei nia dama agoago a Jesus ga mmaanege adu gi Jesus, ga heeu, “Meenei, gimaadou ne aha ala ne deemee di hagabagi di hagataalunga huaidu gi daha mo tama daane deelaa?”   
\p
\v 20 Jesus ga helekai, “Idimaa, godou hagadonu le e lligi. Au e hagi adu gi goodou di tonu bolo maa godou hagadonu ga llauehe be di lii laagau ‘mustard’, goodou e mee di helekai gi di gonduu boloo, ‘Hana gi golo!’ gei di maa e hana. Goodou e mee di hai nia mee huogodoo.\x * \xo 17.20 \xt Matthew 21.21; Mark 11.23; 1-Corinthians 13.2\x*  
\v 21 [Di hagaonge mo talodalo lahua e mee di hagabagi nnagadilinga hagataalunga huaidu beenei.”]   
\s1 Jesus e helekai labelaa i dono made  
\r (Mark 9.30-32; Luke 9.43b 45)  
\p
\v 22 Nia dama agoago a Jesus ne dagabuli mai gi Galilee, gei Jesus ga helekai gi digaula, “Tama Tangada gu hoohoo gaa wanga gi lodo nia lima o nia daangada.  
\v 23 Digaula ga daaligi a Mee, gei i muli nia laangi e dolu, ga haga mouli aga.”  
\p Ana dama agoago gu lodo huaidu huoloo gi telekai deenei.   
\s1 Di hui dagitedi o di Hale Daumaha  
\p
\v 24 Jesus mo ana dama agoago gaa dau adu gi Capernaum. Taane hagabudu dagitedi o di Hale Daumaha ga hanimoi gi Peter, ga heeu, “Dau dangada agoago guu hui dagitedi di Hale Daumaha?”\x * \xo 17.24 \xt Exodus 30.13; 38.26\x*   
\p
\v 25 Peter ga helekai, “Uaa.”  
\p Peter ga ulu adu gi lodo di hale, gei Jesus ga helekai matagidagi, “Simon, goe e hagamaanadu bolo aha? Ma koai dela belee hui nadau dagitedi gi nia king o henuailala: go digau donu o tenua, be go digau mai i daha?”   
\p
\v 26 Peter ga helekai, “Go digau mai i daha.”  
\p Jesus ga helekai, “Maa e hai beenaa, malaa, digau donu tenua la hagalee hui nadau dagitedi.  
\v 27 Malaa, gidaadou hagalee hai baahi gi digaula, gei goe hana gi di monowai, hudua dau uga. Di iga dela gaa hudi kooe matagidagi, gei goe ga gidee di bahihadu hamaaloo i lodo dono ngudu, e dohu hua di hui dogu dagitedi daumaha mo do dagitedi. Kae ina, huia tau dagitedi gi digaula.”   
\c 18  
\s1 Koai e kaedahi e aamua?  
\r (Mark 9.33-37; Luke 9.46-48)  
\p
\v 1 Di madagoaa deelaa, gei ana dama agoago ga mmaanege adu gi Jesus, ga heeu, “Ma koai dela e kaedahi e aamua i Teenua King o God di Langi?”\x * \xo 18.1 \xt Luke 22.24\x*   
\p
\v 2 Jesus ne gahi mai tamagiigi dulii ga haga duu i mua digaula,  
\v 3 ga helekai, “Au e hagi adu di tonu bolo maa goodou hagalee huli gii hai be nia dama lligi, goodou e deemee di ulu i Teenua King o God di Langi.\x * \xo 18.3 \xt Mark 10.15; Luke 18.17\x*  
\v 4 Tangada dela e kaedahi e aamua i Teenua King o God di Langi la go tangada dela e dugu eia gi lala gii hai be tama deenei.”  
\v 5 Gei tangada dela ga benebene di tama dulii beenei i dogu ingoo, geia ne benebene hua Au.   
\s1 Nia hagamada haga huaidu  
\r (Mark 9.42-48; Luke 17.1-2)  
\p
\v 6 “Tangada dela ma ga hagahuaidu tama e dahi dela e hagadonu Au i nia dama lligi beenei, gii doo a mee gi lodo di huaidu, e humalia hua e lawalawa dono uwa ginai di hadu damanaiee ga haga abulu gi lodo di moana.  
\v 7 E huaidu ang gi henuailala, idimaa nia mee aanei e hai nia daangada gii kili gi daha nadau hagadonu! Nia mee aanei ala koia e hai, gei e huaidu huoloo ang gi tangada dela e hai nia mee aanei gii kila.   
\p
\v 8 “Maa doo lima, be go doo wae, e hai goe gii doo gi lodo di huaidu, duudia gi daha. Ma koia e humalia adu gi di goe di ulu gi lodo di mouli dee odi mo doo lima be doo wae hua e dahi, koia e humalia i di goe ma gaa hudu gi lodo di ahi dee odi mo oo lima mo oo wae dogomaalia.\x * \xo 18.8 \xt Matthew 5.30\x*   
\p
\v 9 “Maa do golomada e hai goe gi huaidu, kabee ina gi daha. Ma koia e humalia adu gi di goe di ulu i di mouli dee odi mo do golomada hua e dahi, i do benebene o golomada e lua gaa hudu gi lodo di ahi dee odi.\x * \xo 18.9 \xt Matthew 5.29\x*   
\s1 Di ala kai o siibi ne ngala  
\r (Luke 15.3-7)  
\p
\v 10 “Goodou hudee haga balumee ina tangada e dahi i digau ala e lligi beenei, gei gi iloo bolo nadau gau di langi e noho i baahi dogu Damana dela i di langi.  
\v 11 [Idimaa, Tama Tangada ne hanimoi belee haga mouli digau ala guu nngala.]\x * \xo 18.11 \xt Luke 19.10\x*   
\p
\v 12 “Goodou e hagamaanadu bolo aha: Taane ana siibi e lau, gei e dahi gaa ngala, mee gaa hai dana aha? Mee gaa dugu nia siibi e matiwa maa hiwa gi miami i hongo di gonduu, gaa hana ga halahala dana siibi dela ne ngala.  
\v 13 Au e hagi adu gi goodou di tonu bolo di madagoaa a mee ga gidee ia di maa, dono tene gi siibi deenei la koia e damana i dono tene ang gi nia siibi e matiwa maa hiwa ala digi nngala.  
\v 14 E hai gadoo be di godou Damana i di langi e de hiihai gi tangada e dahi i digau ala e lligi gii ngala.   
\s1 Tuaahina daane ne hai dana huaidu  
\p
\v 15 “Maa do duaahina guu hai dana mee huaidu adu gi di goe, hana gi baahi o mee, hagi anga ina dana mee huaidu dela ne hai, malaa heia mada goolua. Maa mee guu donu adu gi di goe, goe ne haga heaga a mee.\x * \xo 18.15 \xt Luke 17.3\x*  
\v 16 Maa mee hagalee hagalongo adu gi di goe, lahia dau dangada e dahi be dogolua madalia goe, gii hai be nia helekai di Beebaa Dabu e hai boloo: ‘Nia daangada dogolua be dogodolu e hai ai nia haga modongoohia nia mee huogodoo.’\x * \xo 18.16 \xt Deuteronomy 19.15\x*  
\v 17 Maa mee hagalee hagalongo gi digaula, hagi anga ina gi di nohongo dabu. Maa mee hagalee hagalongo gi di nohongo dabu, dugu ina hua a mee be tangada tuadimee be tangada hagabudu dagitedi.   
\s1 Di tai mo di huge  
\p
\v 18 “Au e hagi adu gi goodou bolo godou mee huogodoo ala ma gaa tai i henuailala le e tai labelaa i di langi, godou mee huogodoo ala ma gaa huge i henuailala, le e huge labelaa i di langi.\x * \xo 18.18 \xt Matthew 16.19; John 20.23\x*   
\p
\v 19 “Gei Au e hagi adu labelaa gi goodou bolo maa dogolua gaa buni i dahi mee i di nau dalodalo i henuailala, gei dogu Damana i di langi e dugu anga di nau mee dela e tangi ai.  
\v 20 Idimaa, di madagoaa dela e buni ai nia daangada dogolua be dogodolu i dogu ingoo, gei Au e madalia ginaadou.”   
\s1 Di ala kai tangada hai hegau hagalee dumaalia  
\p
\v 21 Peter ga menege mai gi baahi o Jesus ga heeu, “Meenei Tagi, nia holongo e hia e dumaalia iei au gi dogu duaahina ma ga hai hala mai gi di au? Nia holongo e hidu?”\x * \xo 18.21 \xt Luke 17.3-4\x*   
\p
\v 22 Gei Jesus ga helekai, “Deeai, nia holongo e hidu e haga lagolago gi di madahidu.\x * \xo 18.22 \xt Genesis 4.24\x*  
\v 23 Idimaa, Teenua King o God di Langi le e hai gadoo be di king dela ne maanadu bolo ia ga haga dina nia boibana ana gau hai hegau.  
\v 24 Mee ga daamada dana hagadina deenei, gei tangada e dahi ga dagi mai gi ono mua, tangada deenei e boibana gi mee nia pauna bahihadu silber e guli (1,000,000).  
\v 25 Tangada deenei ana bahihadu ai e dohu di hui dono boibana, gei di king ga helekai bolo mee e hui be di hege gi daha mo dono lodo mo ana dama, mo ana mee huogodoo ala e hai mee ginai, e hui ai dono boibana.  
\v 26 Tangada hai hegau deelaa ga dogoduli gi mua o mee, ga helekai, ‘Meenei, goe manawa dumaalia mai gi di au, au gaa hui laa dogu boibana.’  
\v 27 Di king deelaa la gu aloho, gu dumaalia gi mee i dono boibana, ga hagau a mee gii hana.  
\v 28 Gei taane deelaa ga hagatanga, gaa hana ga heetugi gi dono ehoo hai hegau dela ne boibana gi mee ana bahihadu silber e lau, gei mee gaa kumi a mee gaa llomi dono akii, ga helekai, ‘Huia do boibana!’  
\v 29 Di hoo hai hegau o maa ga dogoduli gi mua o mee ga dangidangi gi mee, ‘Meenei, goe manawa dumaalia mai gi di au, au gaa hui laa dogu boibana adu gi di goe.’  
\v 30 Gei mee digi hagalongo, gaa lahi a mee, gaa hudu gi lodo di hale galabudi, ga galabudi gaa dae loo gi di madagoaa a mee ma gaa hui dono boibana.  
\v 31 Gei nia hoo hai hegau o maa ala i golo gaa mmada gi di mee dela ne hai, gu lodo huaidu huoloo, gaa hula, ga hagi anga gi di king nia mee huogodoo ala ne hai.  
\v 32 Gei di king ga gahi mai tangada hai hegau deelaa, ga helekai gi mee, ‘Goe tangada hai hegau huaidu, idimaa, au gu dumaalia adu gi di goe do boibana hagatau, i doo dangi mai gi di au.  
\v 33 Gei goe ne aha dela digi dumaalia gi do ehoo hai hegau, be au dela ne dumaalia adu gi di goe?’  
\v 34 Di king deelaa gu hagawelewele huoloo, gaa hudu a mee gi lodo di hale galabudi, e hagaduadua gaa dae loo gi di madagoaa a mee ma gaa hui dono boibana hagatau.”   
\p
\v 35 Gei Jesus ga helekai, “Dela gadoo di hai o dogu Damana i di langi gaa hai adu gi goodou, tangada nei mo tangada nei, maa goodou ga hagalee dumaalia ang gi godou duaahina aga i lodo godou manawa.”   
\c 19  
\s1 Di agoago di maewae  
\r (Mark 10.1-12)  
\p
\v 1 Di madagoaa Jesus ne haga lawa ana helekai, gei Mee ga hagatanga i Galilee, gaa hana gi Judea i di baahi i golo di monowai Jordan.  
\v 2 Digau dogologowaahee ga daudali a Mee, Mee ga hagahili nia magi digaula.   
\p
\v 3 Hunu Pharisee ga lloomoi gi Jesus ga heeu gi Mee belee haga ihala a Mee, “Ma e hai donu go tadau haganoho dela e dumaalia gi tei daane gi diagia dono lodo i di ingoo hua tadinga dela e hiihai ginai eia?”   
\p
\v 4 Jesus ga helekai, “Goodou digi daulia i lodo di Beebaa Dabu dela e helekai boloo,  
\q1 ‘I taamada loo, Mee dela ne hai nia mee huogodoo,  
\q1 la ne hai taane mo di ahina.’\x * \xo 19.4 \xt Genesis 1.27; 5.2\x*   
\m
\v 5 “God ne helekai boloo,  
\q1 ‘Deenei tadinga taane gaa tanga gi daha  
\q1 mo dono damana mo dono dinana,  
\q1 ga buni anga gi dono lodo,  
\q1 gei meemaa dogolua guu hai tuaidina e dahi.’\x * \xo 19.5 \xt Genesis 2.24\x*   
\m
\v 6 “Meemaa gu hagalee hai nia huaidina e lua, guu hai hua tuaidina e dahi, malaa, tangada e wwae di mee dela gu haga puni go God gi di gowaa e dahi ai.”   
\p
\v 7 Gei nia Pharisee ga heeu gi Mee, “Moses e aha dela gu haganoho bolo taane la gi heia dana beebaa haga maewae, geia gaa mee di maewae gi daha mo dono lodo?”\x * \xo 19.7 \xt Deuteronomy 24.1-4; Matthew 5.31\x*   
\p
\v 8 Jesus ga helekai, “Moses ne dumaalia adu gi goodou gi maewae, idimaa, goodou e aago ngadaa, gei mai i taamada di mee deenei hagalee nogo hai.  
\v 9 Gei Au e hagi adu gi goodou bolo maa taane ga diiagi dono lodo i tei hadinga i daha mo tee manawa dahi o di ahina, ga hai lodo labelaa gi tuai ahina, mee gu ihala, guu hai di huaidu hai be di manu.”\x * \xo 19.9 \xt Matthew 5.32; 1-Corinthians 7.10-11\x*   
\p
\v 10 Nia dama agoago a Jesus ga helekai, “Maa dela e hai beenei i mehanga taane mo di ahina hai lodo, e humalia hua hagalee hai go di lodo.”   
\p
\v 11 Jesus ga helekai, “Ma hagalee bolo huogodoo e mee di daudali di agoago deenei, go digau hua ala gu dumaalia ginai mai baahi o God.  
\v 12 Idimaa, nia hagadilinga hadinga e logo gaa hidi ai tangada ga deemee di hai dono lodo. Hunu gau ne haanau i di ala deelaa. Hunu gau, idimaa nia daangada ne hai digaula beelaa. Hunu gau hagalee hai lodo idimaa go Teenua King o God di Langi. Tangada dela e mee di kae di agoago deenei, geia gi hagagila aga ina.”   
\s1 Jesus e haga maluagina nia dama lligi  
\r (Mark 10.13-16; Luke 18.15-17)  
\p
\v 13 Nia daangada ne laha mai nadau dama gi Jesus bolo gi haga uda ina ginai ono lima gi dalodalo i digaula, gei nia dama agoago a Maa gaa wwou gi digaula.  
\v 14 Gei Jesus ga helekai, “Dumaalia ang gi nia dama gi lloomoi gi di Au. Hudee daahia digaula, idimaa Teenua King o God di Langi la ni digau beenei.”   
\p
\v 15 Gei Mee ga haga uda ono lima gi hongo nia dama, nomuli ga hagatanga gaa hana.   
\s1 Tama daane maluagina  
\r (Mark 10.17-31; Luke 18.18-30)  
\p
\v 16 Dahi daane ne hanimoi gi Jesus ga heeu, “Meenei, tangada agoago, di humalia behee e hai loo gii hai ko au, gei au gaa mee di hai mee gi di mouli dee odi?”   
\p
\v 17 Jesus ga helekai, “Goe e aha dela e heeu mai gi di Au be dehee di mee dela e humalia? Tangada hua e dahi dela e humalia. Maa goe e hiihai gi di mouli dee odi, haga kila ina aga ana haganoho.”   
\p
\v 18 Gei mee ga heeu, “Nia haganoho behee?”  
\p Gei Jesus ga helekai,  
\q1 “Hudee daaligi tangada gii made,  
\q1 hudee mouli hai be di manu,  
\q1 hudee gaiaa, hudee hai kai tilikai,\x * \xo 19.18 \xt Exodus 20.13-16; Deuteronomy 5.17-20\x*   
\q1
\v 19 hagalaamua ina do damana mo do dinana,  
\q1 aloho i tangada i do baahi gii hai be do aloho i di goe.”\x * \xo 19.19 \xt Exodus 20.12; Deuteronomy 5.16; Leviticus 19.18\x*   
\m
\v 20 Tama daane deelaa ga helekai gi Jesus, “Nia haganoho huogodoo aanaa la guu lawa di hai ko au. Ma di mee labelaa i golo e hai loo gii hai ko au?”   
\p
\v 21 Jesus ga helekai, “Ma bolo goe e hai loo gi odi anga, hana, huia gi daha o goloo huogodoo. Wanga ina nia bahihadu gi digau hagaloale, gei goe ga maluagina i di langi, gei goe hanimoi, daudalia mai Au.”   
\p
\v 22 Di madagoaa tama daane ne longono ia nia helekai aanei, geia gaa hana manawa gee huoloo, idimaa, mee tangada maluagina.   
\p
\v 23 Jesus ga helekai gi ana dama agoago, “Goodou gi iloo bolo e haingadaa huoloo ang gi tangada maluagina di ulu i Teenua King o God di Langi.  
\v 24 Au e hagi adu labelaa gi goodou bolo ma koia e mada haingadaa ang gi tangada maluagina di ulu i Teenua King o God, i di manu ‘camel’ ma ga ulu laa lodo di bongoo di iwi dui mee.”   
\p
\v 25 Ana dama agoago ala ne longono di mee deenei, gu homouli huoloo, ga heeu, “Malaa, koai dela e mee di haga mouli?”   
\p
\v 26 Jesus ga huli adu gi digaula, ga helekai, “I baahi o nia daangada di mee deenei e deemee di gila, gei i baahi o God nia mee huogodoo e mee di kila!”   
\p
\v 27 Gei Peter ga helekai gi mee, “Meenei, gimaadou guu kili gi daha madau mee huogodoo, gu daudali adu Goe. Dehee laa di madau hui?”   
\p
\v 28 Jesus ga helekai, “Au e hagi adu gi goodou di tonu bolo goodou ala ne daudali mai Au la gaa noho gi hongo nia lohongo aamua e madangaholu maa lua, gaa dagi nia madawaawa madangaholu maa lua o Israel, i di madagoaa Tama Tangada gaa noho i hongo dono lohongo king madamada, i di madagoaa e haga hoou ai nia mee huogodoo.\x * \xo 19.28 \xt Matthew 25.31; Luke 22.30\x*  
\v 29 Digau huogodoo ala guu kili gi daha nadau hale, nadau duaahina, nadau damana, nadau dinana, nadau dama be go nadau gowaa idimaa go dogu ingoo, digaula gaa kae dagi llau gi nonua, ga hai mee gi di mouli e dee odi.  
\v 30 Malaa, digau dogologo ala i mugi mua dolomeenei, la ga i muli, gei digau dogologo ala i mugi muli dolomeenei, la ga i mua.\x * \xo 19.30 \xt Matthew 20.16; Luke 13.30\x*   
\c 20  
\s1 Digau ngalua i lodo di hadagee waini  
\p
\v 1 “Teenua King o God di Langi e hai gadoo be taane hai hadagee ne hana haga luada loo belee halahala ana daangada e ngalua i dana hadagee waini.  
\v 2 Mee ga hagababa ang gi digaula bolo ia gaa hui laa ginaadou gi di hui donu ngalua, silber e dahi i di laangi e dahi, mee ga hagau digaula e ngalua i lodo dana hadagee waini.  
\v 3 Di laa e hiwa, gei mee gaa hana labelaa gi di gowaa huihui mee, ga gidee nia daangada nadau moomee ai.  
\v 4 Mee ga helekai gi digaula, ‘Goodou hula labelaa ngalua i lodo dagu hadagee waini. Au gaa hui laa goodou gi di hui dela e donu.’  
\v 5 Digaula gaa hula, gei mee gaa hana labelaa di laa e madangaholu maa lua mo di laa e dolu, gaa hai go dana hai lahua nogo hai luada.  
\v 6 Di laa e lima, gei mee gaa hana labelaa gi di gowaa huihui mee, ga gidee ia labelaa digau i golo nadau moomee ai. Mee ga heeu gi digaula, ‘Goodou e nohonoho beleiaha di madagoaa waalooloo di mee ne hai ai?’  
\v 7 Digaula ga helekai gi mee boloo, ‘Idimaa tangada e haga ngalua gimaadou ai.’ Gei mee ga helekai gi digaula boloo, ‘Goodou hula labelaa ngalua i lodo dagu hadagee waini.’   
\p
\v 8 “Ga hiahi ia di mee, tangada dana hadagee ga gahi mai tagi o di moomee gi gahigahia mai digau ngalua, huia digaula, daamada gi digau ala ne ngalua muliagi ga hagalawa gi digau ala ne ngalua matagidagi.\x * \xo 20.8 \xt Leviticus 19.13; Deuteronomy 24.15\x*  
\v 9 Digau ala ne daamada ne ngalua di laa e lima guu hui, tangada e dahi e hui gi di bahihadu silber e dahi.  
\v 10 Digau ala ne daamada ne ngalua mai luada le e hagamaanadu bolo ginaadou gaa hui damana i digau ala ne ngalua muliagi, gei deeai, tangada e dahi e hui gi di bahihadu silber e dahi.  
\v 11 Digaula ne kumi nadau bahihadu, ga helekai tamu i tangada dana hadagee,  
\v 12 boloo, ‘Digau aanei ne ngalua hua i di aawaa hua e dahi, gei gimaadou gu duadua i di laangi dogomaalia i di laa, gei goe ne hui gimaadou be di mee e dahi.’  
\v 13 Tangada dana hadagee ga helekai gi tangada e dahi i digaula boloo, ‘Dogu ihoo hagaaloho nei, au digi halahalau ina goe. Gidaua guu donu ngaadahi bolo ma di bahihadu silber hua e dahi i di laangi e dahi.  
\v 14 Kae ina doo hui, hana gi doo hale. Deenei dogu hiihai belee hui digau ala ne gahi mai muliagi, gadoo be doo hui dela ne gowadu gi di goe.  
\v 15 Au hagalee donu i dagu haga hai hegau agu bahihadu donu aanei gi dogu hiihai? Be goe e dubua gi dogu dumaalia ne hai?’”   
\p
\v 16 Gei Jesus ga helekai, “Digau ala muliagi, gaa hula laa mua, gei digau mugi mua, gaa hula laa muli.”\x * \xo 20.16 \xt Matthew 19.30; Mark 10.31; Luke 13.30\x*   
\s1 Tolu holongo o Jesus ne hagi aga dono made  
\r (Mark 10.32-34; Luke 18.31-34)  
\p
\v 17 Di madagoaa Jesus ne hana gi Jerusalem, ge Ia ga haga dagabuli mai ana dama agoago dilongoholu maa lua gi mada ginaadou,  
\v 18 ga helekai gi digaula, “Goodou hagalongo, gidaadou gaa hula gi Jerusalem gi di gowaa dela e wanga ai Tama Tangada, gaa lahi gi baahi digau dagi hai mee dabu mono gau haga donudonu haganoho, ga hagi aga, ga daaligi gii made.  
\v 19 Digaula gaa wanga a Mee gi digau tuadimee, e hai ginai nadau tene gi haga mamaawa ina, gi daudau ina gi di loobuu, gei i muli nia laangi e dolu, gei Mee ga hagamouli aga!”   
\s1 Tangidangi tinana James mo John  
\r (Mark 10.35-45)  
\p
\v 20 Di lodo Zebedee ne hanimoi gi Jesus mo ana dama daane dogolua, ga dogoduli gi mua o Jesus, gaa dangi gi Mee.   
\p
\v 21 Jesus ga heeu, “Ma di aha dela e hiihai ginai goe?”  
\p Di ahina deelaa ga helekai, “Meenei, heia dau hagababa mai gi di au, bolo Goe ga haga noho agu dama daane dogolua aanei, e dahi i do baahi gau donu, gei e dahi i do baahi gau ihala i do madagoaa ma gaa king iei Goe.”   
\p
\v 22 Jesus ga helekai gi nia dama daane aalaa, “Goolua e de iloo di gulu mee dela e tangi ai. Goolua e mee di inu di ibu o di hagaduadua dela ga inu iei Au?”  
\p Meemaa ga helekai, “Gimaua e mee.”   
\p
\v 23 Jesus ga helekai labelaa gi meemaa, “E donu bolo goolua e mee di inu dagu ibu, gei au ogu donu ai e hilihili be koai e noho i dogu baahi gau donu, be i dogu baahi gau ihala, idimaa, go digau hua ala gu hagatogomaalia go Tamana e hai mee gi nia lohongo aalaa.”   
\p
\v 24 Nia dama agoago dilongoholu ne longono ginaadou, gu hagawelewele huoloo gi tagahaanau deenei.  
\v 25 Jesus ga gahi mai digaula huogodoo gi di gowaa e dahi, ga helekai gi digaula, “Goodou e iloo bolo nia dagi o digau tuadimee e mogobuna di benebene digau o nadau henua, gei digau aamua e dagi nia daangada.\x * \xo 20.25 \xt Luke 22.25-26\x*  
\v 26 Gei e hagalee hai beenei i godou mehanga. Maa iai tangada i goodou bolo ia gi aamua, geia gii hai tangada hai hegau ni goodou.\x * \xo 20.26 \xt Matthew 23.11; Mark 9.35; Luke 22.26\x*  
\v 27 Maa iai tangada i goodou e hiihai e hai di tagi aamua, geia gii hai di hege.  
\v 28 E hai gadoo be Tama Tangada dela ne hanimoi, hagalee bolo nia daangada gi hege anga gi de Ia, gei e hege gi nia daangada, ge e wanga dono mouli belee haga dagaloaha digau dogologo.”   
\s1 Jesus e haga gidee nia daane deegida dogolua  
\r (Mark 10.46-52; Luke 18.35-43)  
\p
\v 29 Di madagoaa Jesus mo ana dama agoago ne hagatanga i Jericho, digau dogologowaahee gu daudali digaula.  
\v 30 Nia daane deegida dogolua e noho i taalinga di ala, ga longono bolo Jesus e hanadu laalaa, meemaa ga daamada ga wwolowwolo, “Meenei, Tama a David! Aloho mai gi gimaua!”   
\p
\v 31 Digau dogologo aalaa gaa wwou gi meemaa gi hudee hagalongoaa. Gei meemaa koia ne wwolowwolo gi nonua, “Meenei, Tama a David! Aloho mai gi gimaua!”   
\p
\v 32 Jesus gaa duu, ga gahigahi meemaa ga heeu, “Ma di aha dela e hiihai ginai goolua bolo Au gi heia adu?”   
\p
\v 33 Meemaa ga helekai, “Meenei, gimaua e hiihai bolo mau golomada gi gidee labelaa!”   
\p
\v 34 Jesus gu aloho i meemaa, gaa bili gi nau golomada, gei di madagoaa hua deelaa, ginaua gu gidee, ga daudali a Jesus.   
\c 21  
\s1 Jesus e ulu i Jerusalem i dono aali  
\r (Mark 11.1-11; Luke 19.28-40; John 12.12-19)  
\p
\v 1 Di madagoaa Jesus mo ana dama agoago ne hoohoo adu gi Jerusalem, digaula gaa dau i Bethphage i di Gonduu Olib. Jesus ga hagau ana dama agoago dogolua gii hula i mua,  
\v 2 ga helekai, “Hula gi lodo tama waahale dela i gulu mua. Goolua ga gidee di ‘donkey’ e lawalawa mo dana dama ‘donkey’ i dono baahi. Wwedee ina, laha mai gi di Au.  
\v 3 Maa tangada ga heeu adu, goolua helekai gi mee boloo, ‘Tagi e hiihai e hai hegau ai’, gei mee ga limalima ga dumaalia adu nia maa.”   
\p
\v 4 Nia mee aanei ne hai bolo gi kila ai nia helekai soukohp boloo:   
\q1
\v 5 “Haga iloo ang gi di waahale Zion boloo,  
\q1 Mmada, di godou king e hanadu gi goodou!  
\q1 Mee e manawa hila gi lala  
\q1 ge e hanimoi i hongo di ‘donkey’-ahina mo dana dama ‘donkey’.”\x * \xo 21.5 \xt Zechariah 9.9\x*   
\m
\v 6 Nia dama agoago dogolua gaa hula gaa hai gii hai be nia helekai Jesus ne hai ang gi ginaua.  
\v 7 Meemaa ga laha mai di ‘donkey’ mo dana dama, gaa wanga nau gahu gi hongo nia maa, gei Jesus gaa gaga gi hongo tama ‘donkey’.  
\v 8 Digau dogologowaahee guu holo nadau gahu laa hongo di ala. Hunu gau ne hele mai nadau manga laagau gaa holo labelaa laa hongo di ala.  
\v 9 Digau dogologo ala e taele i mua o Jesus mo digau ala e lloomoi i muli e dadaahili hagaamu,  
\q1 “Hagaamuina Tama a David!  
\q1 God gi hagahumalia ina a Mee  
\q1 dela e hanimoi i di ingoo o Dimaadua.  
\q1 Hagaamuina God!”\x * \xo 21.9 \xt Pisalem 118.25-26\x*   
\m
\v 10 Di madagoaa Jesus ne ulu gi Jerusalem, digau o di waahale hagatau ga hagalongoaa, ga heheeu, “Taane la koai deenei?”   
\p
\v 11 Digau dogologowaahee ga helekai, “Soukohp Jesus deenei, mai Nazareth i Galilee.”   
\s1 Jesus e ulu gi lodo di Hale Daumaha  
\r (Mark 11.15-19; Luke 19.45-48; John 2.13-22)  
\p
\v 12 Jesus ne ulu gi lodo di Hale Daumaha, ga hagabagi nia daangada huogodoo huihui mee, mono daangada e huihui gi daha nadau goloo. Mee ga hulihuli gi lala nia deebele digau waahei bahihadu mo nia lohongo digau huihui mwuroi.  
\v 13 Mee ga helekai gi digaula boloo, “Ma guu hihi i lodo di Beebaa Dabu boloo,  
\q1 ‘Dogu Hale Daumaha e haga ingoo  
\q1 bolo di hale hai dalodalo,’  
\m “gei goodou guu hai di maa be di hale gaiaa!”\x * \xo 21.13 \xt Isaiah 56.7; Jeremiah 7.11\x*   
\p
\v 14 Digau deegida mono gau mmade nadau dudaginga gu lloomoi gi Jesus i lodo di Hale Daumaha, gei Mee ga hagahili nia magi digaula.  
\v 15 Nia dagi hai mee dabu mono gau haga donudonu haganoho gu hagawelewele i di nadau gidee ana hegau humalia ala ne hai, mo di nadau gidee nia damagiigi e wwolowwolo i lodo di Hale Daumaha boloo, “Hagaamuina Tama a David!”  
\v 16 Digaula ga heeu gi Jesus, “Goe e longono nia mee digaula ala e helekai ai?”  
\p Jesus ga helekai, “Uaa, au e longono. Goodou digi daulia i lodo di Beebaa Dabu dela e helekai boloo,  
\q1 ‘Goe gu aago di hagaamu gi nia damagiigi,  
\q1 mo nia dama lligi.’”\x * \xo 21.16 \xt Pisalem 8.2\x*   
\m
\v 17 Jesus ga hagatanga i baahi digaula gaa hana gi daha mo di waahale damana deelaa, gaa hana gi Bethany, di gowaa e hagamolooloo iei Mee i di boo.   
\s1 Jesus e haga halauwa di laagau ‘fig’  
\r (Mark 11.12-14,20-24)  
\p
\v 18 Hagaluada loo dono daiaa, Jesus gaa hana labelaa gi di waahale damana deelaa, gei Mee gu hiigai.  
\v 19 Ge Ia ga gidee di laagau ‘fig’ i taalinga di ala, ga hanadu gi di maa, gei digi gidee nia huwa, nia lau hua. Gei Mee ga helekai gi di laagau deelaa, “Goe hudee huwa labelaa!” Di madagoaa hua deelaa, gei di laagau la guu mae.   
\p
\v 20 Ana dama agoago ne gidee di mee deenei, gei gu goboina huoloo, ga heheeu, “Di laagau ‘fig’ la ne hai behee dela gu limalima dono mae!”   
\p
\v 21 Jesus ga helekai gi digaula, “Au e hagi adu gi goodou di tonu bolo maa goodou ga hagadonu, hagalee manawa lua, goodou gaa mee di hai be dagu mee dela ne hai gi di laagau deelaa. Gei hagalee deenei hua, goodou e mee di helekai gi di gonduu deenei boloo, ‘Menege gi daha, hudu ina goe gi lodo di tai,’ gei di maa e hai.\x * \xo 21.21 \xt Matthew 17.20; 1-Corinthians 13.2\x*  
\v 22 Maa goodou ga hagadonu, gei goodou ga hai mee gi nia mee huogodoo ala e tangi ai i lodo talodalo.”   
\s1 Di heeu nia donu o Jesus i ana mogobuna  
\r (Mark 11.27-33; Luke 20.1-8)  
\p
\v 23 Jesus ne hanimoi labelaa gi lodo di Hale Daumaha, ga agoago. Nia dagi hai mee dabu mo nia dagi mmaadua ga lloomoi gi Mee, ga heeu, “Di tonu mai i hee dela e hai au mee aanei? Di mogobuna ni ooi ne gowadu gi di Goe?”   
\p
\v 24 Jesus ga helekai gi digaula, “Au dagu heeu e dahi. Maa goodou ga helekai gi dagu heeu, gei Au ga hagi adu gi goodou di mogobuna dela e hai ai agu hegau.  
\v 25 John Babdais ne gaamai i hee ono mogobuna e babdais ana daangada: mai baahi o God, be mai baahi nia daangada?”  
\p Digaula ga daamada ga lagalagamaaloo i nadau mehanga, ga helekai, “Maa gidaadou ga helekai boloo, ‘Mai baahi o God’ gei Mee ga heeu boloo, ‘Goodou la e aha ala digi hagadonu ina a John?’  
\v 26 Maa gidaadou ga helekai boloo, ‘Mai baahi nia daangada’ gidaadou e mmaadagu i nia daangada gi dee hai mai nadau hai, idimaa, digaula e iloo bolo John la soukohp.”  
\v 27 Malaa, digaula ga helekai gi Jesus, “Gimaadou e de iloo.”  
\p Jesus ga helekai gi digaula, “Malaa, Au hagalee hagi adu labelaa di mogobuna ni ooi dela e hai hegau iei Au.”   
\s1 Di ala kai o nia dama daane dogolua  
\p
\v 28 Jesus ga helekai, “Goodou e hagamaanadu bolo aha? Tamana ana dama daane dogolua. Tamana ga helekai gi tama daane madua, ‘Dagu dama, hana ngalua i lodo di hadagee waini dangi nei.’  
\v 29 Tama daane ga helekai boloo, ‘Au hagalee hiihai e hana.’ Gei nomuli mee gaa huli dana maanadu, gaa hana.  
\v 30 Nomuli, gei tamana gaa hana gi tama dulii, ga helekai gi mee go telekai la hua. Tama dulii ga helekai boloo, ‘Uaa meenei, au gaa hana.’ Gei mee digi hana.  
\v 31 Malaa, koai i nia dama daane dogolua aanei dela ne haga gila di hiihai o di nau damana?”  
\p Digaula ga helekai, “Go tama daane madua.”  
\p Jesus ga helekai, “Au e hagi adu gi goodou di tonu bolo digau hagabudu dagitedi mono ahina huihui nadau huaidina gaa hula i godou mua, ga ulu i Teenua King o God di Langi.  
\v 32 Idimaa, John Babdais gu hanadu gi goodou gu haga modongoohia adu di ala hagamouli, gei goodou digi hagadonu a mee, gei digau hagabudu dagitedi mono ahina huihui nadau huaidina gu hagadonu a mee. Gei goodou gu gidee gei digi huli godou maanadu, digi hagadonu a mee.”\x * \xo 21.32 \xt Luke 3.12; 7.29-30\x*   
\s1 Di ala kai o digau ngalua o di hadagee waini  
\r (Mark 12.1-12; Luke 20.9-19)  
\p
\v 33 Jesus ga helekai, “Hagalongo gi di ala kai labelaa: Tangada dana gowaa gaa dogi dana hadagee waini, ga abaaba, gaa geli di lohongo di mee dagadagahi waini, gaa hai dana angulaa hagaloohi, gaa wanga dana hadagee gi digau ngalua gi benabena ina, gaa hana.\x * \xo 21.33 \xt Isaiah 5.1-2\x*  
\v 34 Di madagoaa e hadi ai nia huwa o di hadagee ne dau mai, gei mee ga hagau ana daangada hai hegau gi digau ngalua bolo gi gaamai dono duhongo i dana hadagee.  
\v 35 Digau ngalua gaa kumi digaula, tangada e dahi ne haga mamaawa, tangada e dahi ne daaligi gii made, tangada e dahi ne dilidili gi nia hadu.  
\v 36 Tangada dana hadagee ga hagau labelaa ana gau hai hegau gi dogologo. Digau ngalua ga hai hua go di nadau hai dela ne hai gi digau i mua.  
\v 37 Di hagaodi gi muli, taane deenei ne hagau hua dana dama daane donu gi digaula, ne hagamaanadu bolo digaula ga hagalabagau laa dana dama daane.  
\v 38 Di madagoaa digau ngalua ne mmada gi tama a maa, digaula ga helehelekai i nadau mehanga boloo, ‘Deenei la go tama tangada dana hadagee. Gidaadou ga daaligi a mee gii made, ga hai mee gi nia maluagina o maa!’  
\v 39 Digaula gaa kumi a mee, gaa hudu gi daha mo di hadagee waini, ga daaligi a mee gii made.”   
\p
\v 40 Jesus ga heeu, “Malaa, di madagoaa tangada dana hadagee waini ga dau mai, dehee dana hai gaa hai gi digau ngalua?”   
\p
\v 41 Digaula ga helekai, “Mee ga daaligi digau huaidu aalaa, gaa wanga dana hadagee waini gi nnuai gau ngalua gi benabena ina, aalaa digau gaa wanga gi deia dono duhongo mai i di hadagee i dono madagoaa donu e hadi ai.”   
\p
\v 42 Jesus ga helekai, “Goodou digi daulia i lodo di Beebaa Dabu nia helekai aanei e hai boloo,  
\q1 ‘Di hadu dela ne hudu gi daha go digau hau hale  
\q1 bolo di balu hadu,  
\q1 la guu hai di hadu dela e kaedahi e hagalabagau.  
\q1 Di mee deenei la ne hai mai baahi Dimaadua,  
\q1 e haga goboina mai gi gidaadou!’”\x * \xo 21.42 \xt Pisalem 118.22-23\x*   
\m
\v 43 Jesus ga helekai, “Deelaa dagu mee e hagi adu gi goodou bolo Teenua King o God la ga daa gi daha mo goodou, gaa wanga gi nia daangada ala e haga kila aga nia huwa ala e donu.  
\v 44 [Tangada dela gaa doo gi hongo di hadu deenei, le e momooho dagidahi, gei di maa go di hadu la ne doo gi hongo tangada, le e nnogu hua guu made.”]   
\p
\v 45 Nia dagi hai mee dabu mono Pharisee ne longono nia ala kai ala e hai go Jesus, digaula gu iloo hua bolo Mee e helekai i ginaadou.  
\v 46 Digaula ga halahala di nadau madagoaa humalia e kumi a Mee, gei digaula e mmaadagu i digau dogologo ala e hai bolo Jesus la di soukohp.   
\c 22  
\s1 Di ala kai o tagamiami haga hai lodo  
\r (Luke 14.15-24)  
\p
\v 1 Jesus ne helekai labelaa gi nia daangada i nia ala kai boloo,  
\v 2 “Teenua King o God di Langi e hai beenei: Dahi king ne hagatogomaalia dana hagamiami haga hai lodo gi dana dama daane.  
\v 3 Gei mee ga hagau ana gau hai hegau gi gahia mai nia daangada gi tagamiami, gei nia daangada hagalee hiihai e lloomoi.  
\v 4 Gei mee ga hagau ana huai gau hai hegau gii hula, haga iloo gi digau ala ne gahi boloo: ‘Dagu hagamiami la gu togomaalia, agu kau daane mono manu moomono la gu daaligi, nia mee huogodoo la gu togomaalia. Goodou lloomoi gi tagamiami!’  
\v 5 Digau ala ne haga gahi digi haga dahidamee ina di gahigahi a maa, e hai hua go nadau mee ala ne belee hai: tangada guu hana gi dana gowaa dogi mee, e dahi gi dana hale goloo.  
\v 6 Hunu gau ne kumi digau hai hegau, ga daaligi gii mmade.  
\v 7 Di king gu hagawelewele huoloo, ga hagau ana gau dauwa gi daaligidia digau daaligi dangada aalaa, duungia nadau waahale gii odi.  
\v 8 Gei mee ne gahi mai ana gau hai hegau ga helekai gi digaula boloo: ‘Dagu hagamiami haga hai lodo la gu togomaalia, malaa, agu daangada ala ne gahi mai e hagalee tau ang gi tagamiami deelaa.  
\v 9 Goodou hula gi hongo nia ala llauehe, laha mai digau huogodoo ala ga gidee goodou.’  
\v 10 Gei digau hai hegau gaa hula gi hongo nia ala, ga haga dagabuli mai digau huogodoo ala ne gidee ginaadou, digau humalia mono gau huaidu, gei di gowaa dela e hai tagamiami la gu dogologo dangada.  
\v 11 Di king gaa hana bolo gi gidee ia digau ala ne lloomoi, ga gidee ia taane hagalee e ulu nia gahu hagamiami haga hai lodo.  
\v 12 Di king ga heeu gi mee, ‘Dogu ihoo, goe ne ulu mai gi lodo behee, be goe oo gahu haga hai lodo ai?’ Taane deelaa digi helekai.  
\v 13 Di king ga helekai gi ana gau hai hegau boloo, ‘Nnoodia nia lima o maa mono wae, hudua a mee gi malaelae, gi di gowaa bouli dela e dangidangi iei mee mo di gadigadi ono niha.’”\x * \xo 22.13 \xt Matthew 8.12; 25.30; Luke 13.28\x*   
\p
\v 14 Di hagaodi dana ala kai, Jesus ga helekai, “Dogologo ne haga gahi, gei digau hua dulii ala ne hili aga.”   
\s1 Di heeu di hui dagitedi  
\r (Mark 12.13-17; Luke 20.20-26)  
\p
\v 15 Nia Pharisee ga dagabuli gi di gowaa e dahi, e hagamaanadu nadau heeu gi Jesus belee hai a mee gii hala.  
\v 16 Digaula ga hagau hunu dama agoago mono gau hagamaamaa Herod gi Jesus, belee heeu gi Mee, “Meenei tangada agoago, gimaadou gu iloo bolo Goe e helekai i di tonu, e agoago i di tonu o di manawa o God ang gi nia daangada. Goe e de hei e Goe nia maanadu nia daangada, idimaa, Goe hagalee dugu geegee nia daangada.  
\v 17 Helekai malaa gi di heeu deenei: Di hui dagitedi gi di king o Rome le e hai baahi gi tadau haganoho be deeai?”   
\p
\v 18 Jesus gu iloo hua nia maanadu huaidu digaula, ga helekai, “Goodou digau hai hegau ngudu golomada. Ma e aha dela goodou e hagamada Au?  
\v 19 Hagia mai di bahihadu dela e hui dagitedi.”  
\p Gei digaula ga gaamai gi mee di bahihadu silber.   
\p
\v 20 Gei Mee ga heeu gi digaula boloo, “Ma di ada ni ooi gei di ingoo ni ooi aanei?”   
\p
\v 21 Digaula ga helekai, “Ni di king o Rome.”  
\p Gei Jesus ga helekai gi digaula, “Malaa, huia ang gi di king o Rome nia mee a di king, gei huia ang gi God nia mee a God.”   
\p
\v 22 Digaula ne longono hua nnelekai aanei, gu homouli huoloo, ga diiagi hua a Mee i golo, gaa hula.   
\s1 Di heeu o di mouli aga  
\r (Mark 12.18-27; Luke 20.27-40)  
\p
\v 23 Di laangi hua deelaa, hunu Sadduccee ala e agoago bolo nia daangada la hagalee mouli aga, ga lloomoi gi Jesus,\x * \xo 22.23 \xt Acts 23.8\x*  
\v 24 ga helekai, “Tangada Agoago, Moses guu hai bolo maa taane la guu made gei ana dama ai, tuaahina daane o maa gii lodo gi di lodo o maa, gi gila mai ai nia dama ni taane dela ne made.\x * \xo 22.24 \xt Deuteronomy 25.5\x*  
\v 25 Malaa, tagahaanau daane dogohidu nogo noho i ginei. Tangada madua gaa lodo ang gi di ahina, gei guu made digi hai di nau dama, ga diiagi di ahina deelaa gi dono duaahina daane.  
\v 26 Togolua daane ne hai labelaa beenei, mo togodolu, gaa dae gi togohidu daane.  
\v 27 Di hagaodi gi muli, gei di ahina guu made hogi.  
\v 28 Malaa, di laangi dela ga hagamouli aga digau mmade, di ahina deelaa la gaa hai di lodo donu ni ooi i digaula? Idimaa, digaula huogodoo la guu lodo gi mee!”   
\p
\v 29 Jesus ga helekai, “Goodou e hai gee huoloo, idimaa, goodou e de iloo nia helekai di Beebaa Dabu, mo nia mogobuna o God.  
\v 30 Di madagoaa digau mmade ga mouli aga, digaula gaa hai be digau di langi ala nadau lodo ai.  
\v 31 Ang gi di hai o di mouli aga o digau mmade, goodou digi daulia be God ne helekai bolo aha adu gi goodou:   
\q1
\v 32 ‘Au go di God o Abraham,  
\q1 di God o Isaac, di God o Jacob.’  
\m “Mee di God ni digau ala e mouli, hagalee ni digau ala guu mmade.”\x * \xo 22.32 \xt Exodus 3.6\x*   
\p
\v 33 Digau dogologo ala ne longono ginaadou dana agoago, gu homouli huoloo.   
\s1 Taganoho koia e aamua  
\r (Mark 12.28-34; Luke 10.25-28)  
\p
\v 34 Nia Pharisee ne longono ginaadou bolo Jesus guu hai nia Sadduccee gi deemee di hai labelaa nadau heeu, gei digaula ga dagabuli mai.  
\v 35 Tangada e dahi i digaula, tangada haga donudonu haganoho, ga heeu belee haga hala a Jesus,\x * \xo 22.35 \xt Luke 10.25-28\x*  
\v 36 “Meenei, tangada agoago, dehee taganoho koia e hagalabagau i lodo nia haganoho?”   
\p
\v 37 Jesus ga helekai,  
\q1 “‘Aloho i Dimaadua, go doo God,  
\q1 aga i lodo do manawa hagatau,  
\q1 mo do mouli hagatau,  
\q1 mo au hagamaanadu huogodoo.’ \x * \xo 22.37 \xt Deuteronomy 6.5 \x*   
\m
\v 38 “Deenei taganoho kaedahi e aamua, ge e hagalabagau.  
\v 39 Gei di lua haganoho e hai be di maa:  
\q1 ‘Aloho i tangada i do baahi,  
\q1 be do aloho i di goe.’\x * \xo 22.39 \xt Leviticus 19.18\x*   
\m
\v 40 “Nia haganoho e lua aanei, aalaa go di hagamau o Nnaganoho Moses mo nia Agoago o nia soukohp.”   
\s1 Di heeu di hai o di Mesaia  
\r (Mark 12.35-37; Luke 20.41-44)  
\p
\v 41 Nia Pharisee ga dagabuli mai gi di gowaa e dahi, gei Jesus ga heeu gi digaula,  
\v 42 “Goodou e hagamaanadu bolo di Mesaia la koai? Mee di hagadili ni ooi?”  
\p Digaula ga helekai, “Di hagadili ni David.”   
\p
\v 43 Jesus ga heeu gi digaula, “Malaa, di Hagataalunga o God la ne aha, dela ne hai a David gi helekai bolo ‘dogu Dagi’? Deenei telekai David ne hai:   
\q1
\v 44 ‘Dimaadua gu helekai gi dogu Dagi:  
\q1 Noho i dogu baahi gau donu,  
\q1 gaa dae loo gi dogu madagoaa ma gaa dugu  
\q1 o hagadaumee gi lala o babaawae.’\x * \xo 22.44 \xt Pisalem 110.1\x*   
\m
\v 45 “Maa David ne gahi di Mesaia bolo dono Dagi, malaa di Mesaia la ne hai behee, dela gaa hai di hagadili ni David?”   
\p
\v 46 Tangada e mee di helekai gi nia heeu a Jesus ai. Daamada i di laangi deelaa, tangada ne heeu dana mee gi Mee ai.   
\c 23  
\s1 Jesus e helekai hagalliga i digau haga donudonu haganoho mo nia Pharisee  
\r (Mark 12.38-39; Luke 11.43-46; Luke 20.45-46)  
\p
\v 1 Jesus ga helekai gi digau dogologo mo ana dama agoago,  
\v 2 “Digau haga donudonu haganoho mono Pharisee e mogobuna di haga donudonu Nnaganoho Moses.  
\v 3 Goodou e hai loo gi hagalongo, gi hagagila aga ina nadau agoago. Gei goodou hudee hagagila aga ina nadau hangaahai, idimaa, digaula hagalee daudali nadau mee ala e agoago ai.  
\v 4 Digaula e hagabudu nia mee daamaha di aamo ga lawalawa gi hongo nia bakau o nia daangada, gei digaula hagalee loo e haga ngalua di madaalima hua e dahi e hagamaamaa digaula, e aamo nia mee daamaha aalaa.  
\v 5 Digaula e hai nia mee huogodoo bolo gii mmada ginai nia daangada. Digaula e ulu nia tuu gahu lloo madamada ge palaha e tai gi nadau huaidina ala e hihi ginai nia helekai di Beebaa Dabu, e nnoo gi nadau lae mono lima, gei e hai gi llauehaa ge gi palaha huoloo nia labalaba o nadau gahu.\x * \xo 23.5 \xt Matthew 6.1; Numbers 15.38; Deuteronomy 6.8\x*  
\v 6 Digaula e hiihai e noho i nia lohongo mugi mua i teebele hagamiami, gei e noho i nia lohongo o digau aamua i lodo nia synagogee.  
\v 7 Digaula e hiihai bolo nia daangada gi hagalabagau ina ginaadou i lodo nia gowaa huihui mee, gei gi gahia ginaadou bolo ‘Tangada Agoago.’  
\v 8 Goodou hudee hai bolo nia daangada la gi gahia goodou bolo ‘Tangada Agoago’, idimaa, goodou di godou Dangada Agoago hua e dahi, goodou guu hai tagahaanau e dahi.  
\v 9 Goodou hudee gahia dahi dangada i henuailala bolo ‘Tamana’, idimaa, di godou Damana hua e dahi dela e noho i di langi.  
\v 10 Goodou gi hudee hiihai bolo nia daangada gi gahia goodou bolo nia ‘Dagi’, idimaa, di godou Dagi dela hua e dahi go di Mesaia.  
\v 11 Tangada dela koia e aamua i godou lodo, la go mee dela go di godou dangada hai hegau.\x * \xo 23.11 \xt Matthew 20.26-27; Mark 9.35; 10.43-44; Luke 22.26\x*  
\v 12 Idimaa, tangada dela gaa bida hagalaamua ia, geia gaa hai tangada i muli loo, gei tangada dela ga dugu eia gi lala loo, geia gaa hai tangada aamua.\x * \xo 23.12 \xt Luke 14.11; 18.14\x*   
\s1 Jesus e haga halauwa nnegau ngudu golomada  
\r (Mark 12.40; Luke 11.39-42,44,52; 20.47)  
\p
\v 13 “E huaidu adu gi goodou digau haga donudonu haganoho mono Pharisee! Goodou digau hai hegau ngudu golomada! Goodou guu tai di bontai Teenua King o God di Langi gi nia daangada, gei goodou hagalee e ulu ai, ge hagalee dumaalia gi nia daangada ala e hagamahi bolo ginaadou e ulu i Teenua deelaa.   
\p
\v 14 [“E huaidu adu gi goodou digau haga donudonu haganoho mono Pharisee! Goodou digau hai hegau ngudu golomada! Goodou e daa nia hale nia ahina guu mmade nadau lodo, gei e hai godou dalodalo gii lloo. Malaa e donu, goodou e hai loo gii kae di hagaduadua damana i godou hai huaidu beenei.]   
\p
\v 15 “E huaidu adu gi goodou digau haga donudonu haganoho mono Pharisee! Goodou digau hai hegau ngudu golomada! Goodou e deledele i hongo di moana, e hula gi nia madagowaa e logo i henuailala, belee huli nia daangada gi daudali goodou. Maa gaa hai beenei, gei goodou ne hai digaula gi ulu gi lodo di ahi dee odi holongo lua gi godou nua.   
\p
\v 16 “E huaidu adu gi goodou nia dagi deegida! Goodou e agoago bolo maa tangada ga hagamodu ang gi di Hale Daumaha, la hagalee lawalawa go dana hagamodu ne hai. Gei tangada ma ga hagamodu gi nia goolo ala i lodo di Hale Daumaha, deelaa tangada e lawalawa go dana hagamodu.  
\v 17 Goodou nia daangada deegida ge dadaulia! Dehee di mee e mada hagalabagau: go nia goolo, be go di Hale Daumaha dela e hai nia goolo gii dabu?  
\v 18 Goodou e agoago labelaa boloo, ‘Maa tangada ga hagamodu gi di gowaa hai tigidaumaha, la hagalee e lawalawa go dana hagamodu. Gei tangada ma ga hagamodu gi di mee dela i hongo di gowaa tigidaumaha, deelaa tangada e lawalawa go dana hagamodu dela ne hai.’  
\v 19 Goodou e dee gida huoloo! Dehee di mee e hagalabagau: go di mee dela e hai tigidaumaha, be go di gowaa hai tigidaumaha dela e hai tigidaumaha gii dabu?  
\v 20 Malaa, tangada ga hagamodu ang gi di gowaa hai tigidaumaha, la ne hagamodu ang gi di gowaa tigidaumaha mono mee huogodoo ala i nonua.  
\v 21 Gei tangada ma ga hagamodu gi di Hale Daumaha, la ne hai dana hagamodudahi gi di Hale Daumaha mo God dela e noho i no lodo.  
\v 22 Gei tangada ma ga hagamodu gi di langi, la ne hagamodu ang gi di lohongo king o God, mo Mee dela e noho i no nua.\x * \xo 23.22 \xt Isaiah 66.1; Matthew 5.34\x*   
\p
\v 23 “E huaidu adu gi goodou go digau haga donudonu haganoho mono Pharisee! Goodou digau hai hegau ngudu golomada e tigidaumaha ang gi God dahi baahi e madangaholu o godou goloo, haga puni ang gi nia mee hai suub, go nia ‘mint’, ‘dill’, mo ‘cumin’, gei goodou hagalee hagamadabouli e hagalongo gi nia agoago hagalabagau o nia haganoho aanei: tonu, aloho, mo manawa dahi. Aanei e hai loo gi haga kila aga i daha mo nia mee ala i golo!\x * \xo 23.23 \xt Leviticus 27.30\x*  
\v 24 Nia dagi deegida go goodou! Goodou e daa gi daha di lamu dela i lodo godou wai inuinu, gei goodou e holo di manu ‘camel’!   
\p
\v 25 “E huaidu adu gi goodou go digau haga donudonu haganoho mono Pharisee! Goodou digau hai hegau ngudu golomada! Goodou e haga madammaa di gili godou ibu mono pileedi, gei i lodo e honu i nia goloo gaiaa, ge ne hagagailaa ginai!  
\v 26 Goodou go nia Pharisee deegida! Tono ina i lodo i mua, gei i tua la ga madammaa!   
\p
\v 27 “E huaidu adu gi goodou go digau haga donudonu haganoho mono Pharisee! Goodou digau hai hegau ngudu golomada! Goodou e hai be taalunga ne tono ga humalia dono gili, gei e honu i nia iwi dangada made mo nia hagadilinga bilau.\x * \xo 23.27 \xt Acts 23.3\x*  
\v 28 E hai gadoo beenei, i mua nia daangada goodou e humalia, gei godou lodo e honu haihai huaidu mo nia haga magiaa.   
\s1 Jesus e haga modongoohia di hai o nadau hagaduadua  
\r (Luke 11.47-51)  
\p
\v 29 “E huaidu adu gi goodou go digau haga donudonu haganoho mono Pharisee! Goodou digau hai hegau ngudu golomada! Goodou e hai nia daalunga o nia soukohp gi humalia, gei e humu nia daalunga digau hai hegau donu.  
\v 30 Gei goodou e helekai bolo maa goodou ne mouli i di madagoaa o godou maadua mmaadua, gei goodou digi dau gi digau ala ne daaligi nia soukohp.  
\v 31 Malaa, goodou guu bida haga modongoohia aga, bolo goodou digau ni di hagadili dela ne daaligi nia soukohp.  
\v 32 Malaa, goodou dudagia di moomee o godou maadua mmaadua ne hai!  
\v 33 Goodou la nia gihaa ge nia dama ni digaula. Goodou e mee di llele gi daha behee mo di gowaa hagaduadua?\x * \xo 23.33 \xt Matthew 3.7; 12.34; Luke 3.7\x*  
\v 34 Goodou gi iloo, bolo Au ga hagau adu agu soukohp, gau kabemee mono gau agoago. Hunu gau i digaula ga daaligi go goodou, ga daudau, ga haga mamaawa i lodo nia synagogee, ge ga waluwalu i lodo nia waahale.  
\v 35 Di hagaduadua o di haga hali nia dodo o digau nadau ihala ai, la gaa dau adu gi goodou, daamada mai Abel gaa dae gi Zechariah, tama ni Berekiah, taane dela ne daaligi go goodou i mehanga di Hale Daumaha mo di gowaa hai tigidaumaha.\x * \xo 23.35 \xt Genesis 4.8; 2-Chronicles 24.20-21\x*  
\v 36 Au e hagi adu gi goodou di tonu bolo nia hagaduadua o nia mee huaidu aanei huogodoo gaa dau ang gi nia daangada dolomeenei!   
\s1 Di aloho Jesus i Jerusalem  
\r (Luke 13.34-35)  
\p
\v 37 “Jerusalem, Jerusalem! Goe e daaligi nia soukohp, ge e dilidili digau kae hegau a God ala ne hagau adu! Holongo e hia Au nogo hiihai belee bulubulu mai au daangada huogodoo, gadoo be teduu ahina dela e bulubulu ana dama gudugudu gi lala ono bakau, gei goe digi dumaalia mai.  
\v 38 Gei di Hale Daumaha la ga diiagi go ono daangada.\x * \xo 23.38 \xt Jeremiah 22.5\x*  
\v 39 Au e hagi adu bolo daamada dangi nei, goodou ga de gidee Au, gaa dae loo gi goodou ga helekai boloo, ‘God gi hagahumalia ina a Mee dela e hanimoi i di ingoo o Dimaadua.’”\x * \xo 23.39 \xt Pisalem 118.26\x*   
\c 24  
\s1 Jesus e helekai di mooho di Hale Daumaha  
\r (Mark 13.1-2; Luke 21.5-6)  
\p
\v 1 Jesus ne hagatanga i di Hale Daumaha, gei ana dama agoago ga lloomoi, ga helekai gi Mee bolo gii mmada gi nia hale o di Hale Daumaha!  
\v 2 Gei Mee ga helekai, “Uaa, goodou mmada gi humalia gi nia hale huogodoo. Au e hagi adu gi goodou di tonu bolo dahi hadu gaa dubu dono lohongo ai. Nia hadu huogodoo ga meheu gi lala.”   
\s1 Nia haingadaa mono hagaduadua  
\r (Mark 13.3-13; Luke 21.7-19)  
\p
\v 3 Jesus nogo noho i hongo di Gonduu Olib, ana dama agoago ga lloomoi gi Mee mada ginaadou, ga heeu, “Hagia mai di madagoaa behee dela ga gila aga nia mee aanei, gei nia haga modongoohia behee ala ga haga modongoohia do hanimoi mo di hagaodi o di madagoaa.”   
\p
\v 4 Jesus ga helekai, “Pula i goodou, hudee dugu anga goodou gi halahalau ina go dahi dangada.  
\v 5 Nia daangada dogologo ga lloomoi i dogu ingoo, ga helekai boloo: ‘Au go di Mesaia!’ gei digaula ga halahalau nia daangada dogologo.  
\v 6 Goodou ga longono nia lee dauwa hoohoo mai mono longo dauwa mogowaa, gei goodou hudee mmaadagu i nia mee aanei e hai. Nia mee aanei e hai loo gii hai, malaa, deenei la hagalee go di hagaodi o henuailala.  
\v 7 Nia henua llauehe ga heheebagi i nadau mehanga, gei nia henua king ga heheebagi ginaadou. Nia dau magamaga, ngalungalua tenua ga kila aga i nia gowaa huogodoo i henuailala.  
\v 8 Nia mee aanei huogodoo le e hai be di mmae matagidagi o di ahina ma ga haanau.   
\p
\v 9 “Nia daangada ga lawalawa goodou, gaa lahi ga hagaduadua ge e dadaaligi gi mmademmade. Nia henua ga de hiihai adu gi goodou mai i dogu ingoo.\x * \xo 24.9 \xt Matthew 10.22\x*  
\v 10 Di madagoaa deelaa, digau dogologo gaa kili gi daha nadau hagadonu, ga hagadau hagi aga ginaadou, ga hudiou i nadau mehanga.  
\v 11 Nia soukohp dilikai dogologo ga kila aga, ga halahalau nia daangada dogologo.  
\v 12 Nia aloho o nia daangada dogologo gaa maa gi daha, idimaa nia huaidu ga llauehe mai.  
\v 13 Tangada dela ga daahi hua beelaa dono hagadonu gaa dae loo gi di hagaodi, la ga hagamouli.\x * \xo 24.13 \xt Matthew 10.22\x*  
\v 14 Di Longo Humalia o Teenua King o God ga hagadele ang gi nia gowaa huogodoo i henuailala, e hai di haga modongoohia gi nia daangada huogodoo. Nomuli laa, gei di hagaodi o henuailala la gaa hai.   
\s1 Di ada mee huaidu e haga madagudagu dangada  
\r (Mark 13.14-23; Luke 21.20-24)  
\p
\v 15 “Goodou gaa mmada gi di ada mee huaidu e haga madagudagu dangada e duu i lodo di gowaa dabuaahia, dela ne helekai ai soukohp Daniel.” (Tangada dela gaa dau di mee deenei, gi modongoohia dono hadinga!)\x * \xo 24.15 \xt Daniel 9.27; 11.31; 12.11\x*  
\v 16 “Malaa, digau ala e noho i Judea, gii llele gi tomo nia gonduu lligi.  
\v 17 Tangada dela i tomo dono hale, hudee hai bolo ia e gaga gi lala e gowaga ana mee i lodo dono hale.\x * \xo 24.17 \xt Luke 17.31\x*  
\v 18 Tangada dela i lodo dana gowaa, gi hudee hanimoi bolo e kae dono gahu.  
\v 19 E haingadaa ang gi nia ahina hai dama, mono gau ala nadau dama lligi.  
\v 20 Dalodalo ang gi God bolo goodou gi hagalee llele gi daha i di madagoaa magalillili, be i di Laangi Sabad.  
\v 21 Idimaa, di haingadaa o di madagoaa deelaa, koia e huaidu i nia haingadaa mai taamada o henuailala, gaa dae mai gi dangi nei. Di mee beenei e gila aga maalia ai.\x * \xo 24.21 \xt Daniel 12.1; Revelation 7.14\x*  
\v 22 God gu haga hogoohi nia laangi aalaa. Maa nei bolo Mee digi haga hogoohi nia laangi aalaa, tangada e mouli ai. Gei God ga haga hogoohi nia laangi aalaa ang gi ana daangada ala ne hilihili.   
\p
\v 23 “Maa tangada ga helekai adu gi goodou boloo, ‘Mmada, deenei di Mesaia!’ be, ‘Deelaa a Mee!’ hudee hagadonu ina a mee.  
\v 24 Idimaa, nia mesaia mono soukohp dilikai ga kila aga, gaa hai nadau ada mee haga goboina mono mogobuna belee halahalau nia dama a God ala ne hilihili, be di maa e mee.  
\v 25 Hagalongo gi humalia, Au gu haga iloo adu gi goodou i mua nia mee aanei ma gaa hai.   
\p
\v 26 “Maa digaula ga helekai adu gi goodou boloo, ‘Mmada, mee dela i lodo di anggowaa!’ hudee hula gi golo. Gei digaula ma ga helekai boloo, ‘Mee dela e bala hagammuni i kinei!’ Hudee hagadonu ina.\x * \xo 24.26 \xt Luke 17.23-24\x*  
\v 27 Idimaa, di hanimoi Tama Tangada le e hai gadoo be di ila dela e daba i di bahi i dua, gaa dae gi di bahi i dai o di langi hagatau.   
\p
\v 28 “Di gowaa dela iai tuaidina dangada made, deelaa di gowaa e hula ginai nia manu ‘vulture’.\x * \xo 24.28 \xt Luke 17.37\x*   
\s1 Di hanimoi o Tama Tangada  
\r (Mark 13.24-27; Luke 21.25-28)  
\p
\v 29 “I muli nia haingadaa llauehe o nia laangi aalaa, di laa ga bouli, di malama ga hagalee maahina, nia heduu ga monnono, nia mogobuna o lodo di ahiaalangi ga mmaanege gee mo nadau lohongo.\x * \xo 24.29 \xt Isaiah 13.10; 34.4; Ezekiel 32.7; Joel 2.10-31; 3.15; Revelation 6.12-13\x*  
\v 30 Deenei di madagoaa o di haga modongoohia Tama Tangada gaa gila i di gili di langi, gei nia daangada huogodoo i henuailala ga tangitangi i di nadau gidee Tama Tangada e hanimoi i hongo nia gololangi i ono mahi mo ono madamada aamua.\x * \xo 24.30 \xt Daniel 7.13; Zechariah 12.10-14; Revelation 1.7\x*  
\v 31 Di lee labaa damana ga ili, gei Mee ga hagau ana gau di langi gi nia mada e haa o henuailala, ga haga dagabuli ana gau ala guu lawa di hili, daamada i di mada o henuailala, gaa dae gi di mada dela i golo.   
\s1 Di agoago di laagau ‘fig’  
\r (Mark 13.28-31; Luke 21.29-33)  
\p
\v 32 “Goodou kae ina di agoago o di laagau ‘fig’. Di madagoaa nia manga ma ga balabala, gei nia lau ga daamada ga matilitili mai, gei goodou gu iloo hua bolo di madagoaa mahanahana la gu hoohoo mai.  
\v 33 Gei e hai labelaa beenei, maa goodou ga gidee nia mee huogodoo aanei, goodou ga iloo bolo di madagoaa la gu hoohoo mai.  
\v 34 Gi langahia goodou bolo nia mee aanei huogodoo ga kila aga i mua digau huogodoo ala e mouli dangi nei ma gaa mmade.  
\v 35 Di langi mo henuailala ga hagalee, gei agu helekai e deemee di hagalee.   
\s1 Tangada e iloo ia di laangi mo di aawaa ai  
\r (Mark 13.32-37; Luke 17.26-30,34-36)  
\p
\v 36 “Deai tangada e iloo di laangi be di aawaa dela ma gaa dae mai ai. Digau di langi i nua mo Tama e de iloo labelaa, go Tamana lahua e iloo.  
\v 37 Di hanimoi o Tama Tangada le e hai gadoo be tolongo Noah.\x * \xo 24.37 \xt Genesis 6.5-8\x*  
\v 38 Nia laangi i mua toloo, nia daangada e haihai nadau hagamiami ge inuinu, nia daane mono ahina guu bida haga hai lodo ginaadou, gaa dae gi di laangi ne ulu Noah gi lodo dono waga.  
\v 39 Gei nia daangada digi modongoohia loo bolo di mee deenei gaa hai, gaa dae loo gi toloo deelaa ne hai, gu hagammaa gi daha digaula huogodoo. Gei deenei hogi di hai gaa hai i di madagoaa ga hanimoi Tama Tangada.\x * \xo 24.39 \xt Genesis 7.6-24\x*  
\v 40 Di madagoaa deelaa, nia daane dogolua e ngalua i lodo henua, tangada e dahi gaa lahi gei di hoo o maa la gaa dubu i golo.  
\v 41 Nia ahina dogolua e mmili nau palaawaa, di ahina e dahi gaa lahi, gei di hoo o maa la gaa dubu i golo.  
\v 42 Goodou la gii noho kanakana, idimaa, goodou e de iloo di laangi dela ma ga hanimoi ai di godou Dagi.  
\v 43 Maa tangada donu o dono hale ga iloo di madagoaa tangada gaiaa e hanimoi ai, goodou gii donu humalia, bolo mee ga haga ala hua e hagalee dugu ang gi tangada gaiaa gi ohaa dono hale.\x * \xo 24.43 \xt Luke 12.39-40\x*  
\v 44 Malaa, nia madagoaa huogodoo gi togomaalia, idimaa, Tama Tangada le e hanimoi i di aawaa dela hagalee talitali goodou a mee.   
\s1 Di hege manawa dahi be hagalee manawa dahi  
\r (Luke 12.41-48)  
\p
\v 45 “Di hege behee dela koia e manawa dahi, gei e kabemee? Deenei tangada dela ne haga menege aga go dono dagi belee dagi nia daangada hai hegau ala i golo, geia e haangai digaula i di madagoaa belee haangai ai.  
\v 46 E maluagina behee go di hege i di madagoaa dono dagi ga hanimoi gi di hale, ga gidee ia bolo mee e hai dana hegau deenei.  
\v 47 Au e hagi adu gi goodou bolo di tagi ga haga menege aga di hege deelaa, e dagi ana mee huogodoo.  
\v 48 Maa mee di hege huaidu, geia ga hagamaanadu bolo dono dagi le e duai nau dono hanimoi.  
\v 49 Geia ga daamada ga dadaaligi digau hai hegau ala i golo, ga miami ge e inuinu madalia digau libaliba.  
\v 50 Tagi o di hege deenei ga hanimoi i di laangi mo di madagoaa hagalee kana go mee.  
\v 51 Mee ga hanimoi ga duuduu a mee, gaa bae a mee gi baahi digau hai hegau ngudu golomada i di gowaa dela e dangidangi, gei e gadigadi ono niha.   
\c 25  
\s1 Di ala kai o nia ahina dilongoholu  
\p
\v 1 “Di madagoaa deelaa, Teenua King o God di Langi le e hai gadoo be nia ahina dilongoholu ala ne kae nadau malama, gaa hula e haga heetugi gi taane hai lodo.\x * \xo 25.1 \xt Luke 12.35\x*  
\v 2 Dogolima e de kabemee, ge dogolima e kabemee.  
\v 3 Digau de kabemee ne kae hua nadau malama, gei digi kae nadau lolo digagi.  
\v 4 Gei digau kabemee ne kae nadau mee dugu lolo honu belee digagi nadau malama.  
\v 5 Taane hai lodo e duai dono hanimoi, gei nia ahina huogodoo gu molemoe, gu haga inaina, guu kii danu mmoe.   
\p
\v 6 “I di madahidi waelua di boo, di lee e wolo gi nua boloo, ‘Deenei taane hai lodo. Lloomoi e heetugi gi mee!’  
\v 7 Nia ahina dilongoholu aalaa ga aala aga ga hagatogomaalia nadau malama.  
\v 8 Nia ahina de kabemee ga helekai gi nia ahina kabemee boloo, ‘Gaamai hunu lolo dulii, i madau malama la guu odi.’  
\v 9 Nia ahina kabemee ga helekai boloo, ‘Deeai, ma e dee dohu i gidaadou. Hula gi di hale goloo, huia mai godou lolo malama.’  
\v 10 Nia ahina de kabemee gaa hula belee hui mai nadau lolo malama. I muli di nadau hula gei taane hai lodo gaa dau, gei nia ahina dogolima ala gu togomaalia, ga ulu dalia a mee gi tagamiami haga hai lodo, gei di bontai di hale la guu tai.   
\p
\v 11 “Nomuli, gei nia ahina de kabemee gaa dau, ga tangitangi mai i tua boloo, ‘Meenei, meenei, haga ulu ina adu gimaadou!’\x * \xo 25.11 \xt Luke 13.25\x*  
\v 12 Taane hai lodo ga helekai gi digaula boloo, ‘Deeai, au e de iloo eau goodou.’”   
\p
\v 13 Jesus ga hagaodi dana ala kai deenei, “Gii pula i goodou, idimaa, goodou e de iloo di laangi be di aawaa.   
\s1 Di ala kai o nia hege dogodolu  
\r (Luke 19.11-27)  
\p
\v 14 “Teenua King o God di Langi le e hai gadoo be taane dela ne hagatogomaalia bolo e hana gi tenua mogowaa. Geia ga haga dagabuli mai ana hege, gaa wanga ginai ana bahihadu gi haga hai hegau ina.  
\v 15 Mee ne wanga gi digaula nadau mee ala e mee di haga hai hegau: ne wanga gi tangada e dahi nia bahihadu e lima mana (5,000), di hoo tangada e lua mana (2,000), gei tangada dela i golo e mana (1,000), gei mee gaa hana.  
\v 16 Di hege dela ne kae ana bahihadu e lima mana (5,000), ga haga hai hegau ana bahihadu aalaa, ga gila mai labelaa nia bahihadu e lima mana (5,000) gi nonua.  
\v 17 E hai gadoo be di hege dela ne kae ana bahihadu e lua mana (2,000). Mee ga haga hai hegau ana bahihadu aalaa, ga gila mai labelaa nia bahihadu e lua mana (2,000) gi nonua.  
\v 18 Gei di hege dela ne kae ana bahihadu e mana (1,000), ne hana hua, gaa geli dana lua, gaa danu hagammuni nia bahihadu dono dagi.   
\p
\v 19 “Nomuli loo, gei di tagi nia hege ga hanimoi, ga hagadina di nadau hai hegau nadau bahihadu.  
\v 20 Di hege dela ne kae ana bahihadu e lima mana (5,000), ga hanimoi ga gaamai nia bahihadu e lima mana (5,000) labelaa gi nonua, ga helekai gi dono dagi, ‘Meenei, goe ne gaamai nia bahihadu e lima mana (5,000), gei deenei labelaa e lima mana (5,000) ne gila mai gi nonua.’  
\v 21 Tagi o maa ga helekai gi mee bolo koia e humalia, ‘Goe tangada hai hegau donu. Goe guu donu i dau haga hai hegau di mee dulii, malaa, au ga haga uda adu di mee damana e madamada humalia iei goe. Hanimoi laa gi tenetene goe madalia au!’  
\v 22 Di hege dela ne kae ana bahihadu e lua mana (2,000) ga hanimoi labelaa, ga helekai gi mee, ‘Meenei, goe ne gaamai gi di au nia bahihadu e lua mana (2,000), gei deenei e lua mana (2,000) labelaa ne gila mai gi nonua.’  
\v 23 Tagi o maa ga helekai gi mee bolo koia e humalia, ‘Goe di hege hai hegau donu, goe gu manawa dahi i dau haga hai hegau nia hulu bahihadu lligi, deelaa laa gei au ga gowadu di hulu bahihadu damana e madamada humalia iei goe. Hanimoi laa gi tenetene goe madalia au!’  
\v 24 Di hege dela ne kae ana bahihadu e mana (1,000) ga hanimoi, ga helekai, ‘Meenei, au e iloo bolo goe tangada hagalee dumaalia, gei e hadi au mee i di gowaa hagalee ne dogi kooe, gei e hagabudu au mee i di gowaa dela digi haga nonnono ginai au lii.  
\v 25 Au gu madagu huoloo i di goe, au ne hana hua, gaa danu hagammuni au bahihadu gi lodo di gelegele. Malaa, aanei go au bahihadu la hua.’  
\v 26 Tagi o maa ga helekai, ‘Goe di hege huaidu gei e hagatoo. Goe gu iloo hua bolo au e hadi agu mee i di gowaa digi dogi ginai agu mee, gei au e hagabudu agu mee i di gowaa digi haga nonnono ginai agu lii.  
\v 27 Gei goe ne aha, dela digi dugu agu bahihadu gi lodo di ‘bank’, ga hanimoi laa ginai au, gaa kae nia maa huogodoo mono wiini.  
\v 28 Daawa ina nia bahihadu ala i mee, wanga ina gi tangada dela ana bahihadu e madangaholu mana (10,000).  
\v 29 Tangada dana mee i golo, e wanga labelaa gi nonua gii logo ana mee. Gei tangada dela dana mee i dono baahi ai, di mee dulii dela i dono baahi le e daa gi daha.\x * \xo 25.29 \xt Matthew 13.12; Mark 4.25; Luke 8.18\x*  
\v 30 Gei di balu hege la hudua gi malaelae, gi di gowaa bouli dongoeho, e dangidangi ge e gadigadi ono niha.’\x * \xo 25.30 \xt Matthew 8.12; 22.13; Luke 13.28\x*   
\s1 Di hagi aga haga muliagina  
\p
\v 31 “Di madagoaa ma ga hanimoi ai Tama Tangada be di King mo ana gau di langi huogodoo, Mee gaa noho gi hongo dono lohongo king.\x * \xo 25.31 \xt Matthew 16.27; 19.28\x*  
\v 32 Gei digau henuailala huogodoo ga dagabuli mai gi ono mua, gei Mee ga wwae lua nia daangada gii hai nia hagabuulinga e lua, e hai be tangada hagaloohi siibi dela e wwae ana siibi gi daha mo nia kuudi.  
\v 33 Gei Mee gaa dugu digau ala e donu gi dono baahi gau donu, gaa dugu gi dono baahi gau ihala digau ala i golo.  
\v 34 Di King ga helekai gi nia daangada ala i dono baahi gau donu, ‘Lloomoi, goodou gu hagahumalia go dogu Damana! Lloomoi, hai mee gi Teenua King o God dela guu lawa di hagatogomaalia adu gi goodou, mai i taamada o henuailala.  
\v 35 Au nogo hiigai, goodou gu haangai Au. Au nogo hieinu, goodou gu haga inu Au. Au tangada mai i daha, goodou gu benebene Au gi lodo godou hale.  
\v 36 Au nogo ogu goloo ai, goodou gu haga gahu Au. Au nogo magi, goodou gu benebene Au. Au nogo galabudi, goodou gu lloomoi haga hidihidi.’  
\v 37 Digau ala e donu ga helekai gi Mee boloo, ‘Meenei, ana hee gimaadou ne gidee Goe e hiigai, ga haangai Goe, nogo hieinu, ga haga inu Goe?  
\v 38 Ana hee gimaadou ne gidee bolo Goe tangada mai i daha, ga benebene Goe gi lodo madau hale, be o goloo ai, ga haga gahu Goe?  
\v 39 Ana hee gimaadou ne gidee Goe e magi, be e galabudi, gei gimaadou gu lloo adu haga hidihidi?’  
\v 40 Di King ga helekai, ‘Au e hagi adu bolo godou mee huogodoo ala ne hai gi ogu duaahina lligi aanei, la ne hai hua mai gi di Au!’   
\p
\v 41 “Di King ga helekai gi digau dono baahi dau ihala, ‘Tuu gi daha mo Au. Goodou gu haga halauwa go God! Hula gi lodo di ahi dee odi dela gu hagatogomaalia gi Setan mo ana gau di langi!  
\v 42 Au nogo hiigai, goodou digi haangai ina Au. Nogo hieinu, digi gaamai agu wai e inu.  
\v 43 Au tangada mai i daha, goodou digi benebene Au gi lodo godou hale. Ogu goloo ai, goodou digi haga gahu Au. Nogo magi, nogo galabudi, gei goodou digi benebene Au.’  
\v 44 Digaula ga helekai gi Mee, ‘Meenei, ana hee gimaadou ne gidee Goe e hiigai, be e hieinu, tangada mai i daha, o goloo ai, e magi, e galabudi, gei gimaadou digi hagamaamaa ina Goe?’  
\v 45 Di King ga helekai, ‘Au e hagi adu bolo maa goodou e de hiihai di hagamaamaa ogu duaahina lligi aanei, goodou ne de hiihai di hagamaamaa Au.’   
\p
\v 46 “Malaa digau huogodoo beenei ga hagau gi di gowaa hagaduadua dee odi, gei digau ala e donu gaa hula gi di mouli dee odi.”\x * \xo 25.46 \xt Daniel 12.2\x*   
\c 26  
\s1 Di haga taele taaligi a Jesus  
\r (Mark 14.1-2; Luke 22.1-2; John 11.45-53)  
\p
\v 1 Jesus ne lawa di agoago i nia mee aanei huogodoo, gei Mee ga helekai gi ana dama agoago,  
\v 2 “Goodou gu iloo bolo i muli nia laangi e lua Tagamiami Pasoobaa gaa hai, gei Tama Tangada gaa wanga gi daudau ina gi di loobuu.”\x * \xo 26.2 \xt Exodus 12.1-27\x*   
\p
\v 3 Di madagoaa deelaa, gei nia dagi hai mee dabu mo nia dagi mmaadua ne dagabuli gi di hale o Caiaphas, di tagi aamua hai mee dabu,  
\v 4 ga hagataele belee kumi a Jesus hagammuni, e daaligi gii made.  
\v 5 Digaula ga helekai, “Gidaadou hagalee hai di mee deenei i nia laangi Hagamiami Pasoobaa, gi dee wwaa hua hai baahi ginai nia daangada.”   
\s1 Jesus e hagatulu i Bethany  
\r (Mark 14.3-9; John 12.1-8)  
\p
\v 6 Jesus nogo i di hale o Simon, taane nogo magi genegene i mua, e noho i Bethany.  
\v 7 Jesus nogo miami i teebele, gei di ahina ga hanimoi mo dana loaabi ‘alabaster’ e honu lolo kala gei e hui ngadaa, gaa llingi gi hongo di libogo o maa.\x * \xo 26.7 \xt Luke 7.37-38\x*  
\v 8 Ana dama agoago ga gidee di mee deenei, gu hagawelewele, ga heeu, “Ma e hagauwwou beleimaha?  
\v 9 Di lolo deenaa ne bolo ne hui gi daha la gu gila mai teenedi damana, gu hagamaamaa digau hagaloale!”   
\p
\v 10 Jesus gu iloo nia helekai digaula, ga helekai, “Goodou e haga deaadee di ahina deenei eiaha? Ma di mee humalia huoloo dela ne hai go mee mai gi di Au.  
\v 11 Digau hagaloale la i godou baahi i nia madagoaa huogodoo, gei Au ga hagalee madalia goodou gi muli.\x * \xo 26.11 \xt Deuteronomy 15.11\x*  
\v 12 Di hai o di ahina deenei ne llingi dana lolo kala gi dogu huaidina, ne hagatogomaalia Au gi dogu danu.  
\v 13 Au e hagi adu bolo nia madagoaa huogodoo o di Longo Humalia e dele i henuailala, di mee di ahina deenei ne hai, e dele labelaa, e haga langahia di ahina deenei.”   
\s1 Judas guu baba di hagi aga Jesus  
\r (Mark 14.10-11; Luke 22.3-6)  
\p
\v 14 Tangada e dahi i nia dama agoago dilongoholu maa lua, dono ingoo go Judas Iscariot, gaa hana gi nia dagi hai mee dabu,  
\v 15 ga heeu, “Maa au ga gowadu a Jesus, gei goodou ga gaamai di godou aha?” Digaula gaa wanga nia bahihadu silber e motolu.\x * \xo 26.15 \xt Zechariah 11.12\x*  
\v 16 I muli di madagoaa deelaa, gei Judas ga halahala dana madagoaa humalia e wanga a Jesus gi digaula.   
\s1 Jesus mo ana dama agoago e miami Tagamiami Pasoobaa  
\r (Mark 14.12-21; Luke 22.7-13,21-23; John 13.21-30)  
\p
\v 17 Di laangi matagidagi Tagamiami di Palaawaa Digi Hagatanga, gei nia dama agoago a Jesus ga lloomoi gi Mee, ga heeu, “Dehee dau gowaa e hiihai bolo gimaadou gi hagatogomaalia ina e hai Tagamiami Pasoobaa?”  
\v 18 Gei Mee ga helekai, “Hula gi taane i lodo di waahale damana, helekai gi mee boloo, ‘Di madau Dangada Agoago e helekai boloo, Dogu madagoaa gu dau mai. Au mo agu dama agoago e hai di madau Hagamiami Pasoobaa i doo hale.’”   
\p
\v 19 Nia dama agoago a Maa gaa hai gii hai be nia helekai a Jesus ne hai, ga hagatogomaalia Tagamiami Pasoobaa.   
\p
\v 20 Hiahi ia di mee, Jesus mo ana dama agoago dilongoholu maa lua gaa noho gi lala e miami.  
\v 21 Di madagoaa digaula e miami, gei Jesus ga helekai, “Au e hagi adu bolo tangada e dahi i goodou gaa wanga Au e hagahuaidu.”   
\p
\v 22 Ana dama agoago gu manawa gee huoloo gi telekai deenei, ga daamada hagadau dagidahi ga heheeu gi Mee, “Meenei, ma ko au?”   
\p
\v 23 Jesus ga helekai, “Tangada dela ga hagatiu dana palaawaa gi lodo di ibu dalia Au, go mee dela gaa wanga Au.\x * \xo 26.23 \xt Pisalem 41.9\x*  
\v 24 Tama Tangada gaa made gii hai be nia helekai di Beebaa Dabu, gei e huaidu ang gi tangada dela e wanga Tama Tangada. E humalia tangada deenei hagalee belee hai gi haanau!”   
\p
\v 25 Judas dela gaa wanga a Mee gi ono hagadaumee, ga helekai, “Meenei, dagu Dangada Agoago, ma ko au?”  
\p Jesus ga helekai, “Koe dela ne helekai.”   
\s1 Tagamiami o Tagi  
\r (Mark 14.22-26; Luke 22.14-20; 1-Corinthians 11.23-25)  
\p
\v 26 I di nadau miami, Jesus ga dahi aga dana palaawaa, ga hagadabu, ga ginigini, gaa wanga gi ana dama agoago, ga helekai, “Kae ina, geina, deenei go dogu huaidina.”   
\p
\v 27 Gei Mee ga dahi aga dana ibu waini, ga danggee gi God, gaa wanga gi digaula, ga helekai, “Goodou huogodoo, inumia.  
\v 28 Deenei go ogu dodo o di hagababa a God. Ogu dodo ne haga hali ang gi digau dogologo belee wwede ai nia huaidu.\x * \xo 26.28 \xt Exodus 24.8; Jeremiah 31.31-34\x*  
\v 29 Au e hagi adu gi goodou bolo Au hagalee e inu labelaa di waini deenei, gaa dae loo gi di laangi dela e inu gidaadou ngaadahi di waini hoou i Tenua o dogu Damana.”   
\p
\v 30 Digaula ga daahili dahi daahili, nomuli gaa hula gi di Gonduu Olib.   
\s1 Jesus e hagi aga di haga de iloo a Peter i mua  
\r (Mark 14.27-31; Luke 22.31-34; John 13.36-38)  
\p
\v 31 Jesus ga helekai gi digaula, “Boo nei, goodou huogodoo gaa llele, ga diiagi Au, idimaa, di Beebaa Dabu e helekai boloo,  
\q1 ‘God ga daaligi tangada hagaloohi siibi,  
\q1 gei nia siibi la ga lellele dagidahi.’\x * \xo 26.31 \xt Zechariah 13.7\x*   
\m
\v 32 “Gei i muli dogu mouli aga, Au gaa hana i godou mua gi Galilee.”\x * \xo 26.32 \xt Matthew 28.16\x*   
\p
\v 33 Peter ga helekai gi Jesus, “Meenei, ma e aha maa digaula huogodoo ga lellele, ga diiagi Goe, gei au hagalee loo e diiagi Goe!”   
\p
\v 34 Jesus ga helekai gi mee, “Au e hagi adu di tonu bolo boo nei, i mua teduu gaa wolo, gei goe ga helekai haga de iloo Au haga dolu.”   
\p
\v 35 Peter ga helekai gi mee, “Ma e aha maa au gaa made madalia Goe, gei au hagalee loo e haga de iloo Goe!”  
\p Nia dama agoago huogodoo ala i golo gu helekai labelaa beenei.   
\s1 Jesus e dalodalo i Gethsemane  
\r (Mark 14.32-42; Luke 22.39-46)  
\p
\v 36 Jesus ne hana mo ana dama agoago gi Gethsemane, ga helekai gi digaula, “Noho i ginei, Au e hana, e dalodalo i golo.”  
\v 37 Mee gaa lahi Peter mo nia dama daane dogolua a Zebedee. Ono lodo gu huaidu huoloo gu dee baba.  
\v 38 Gei Mee ga helekai gi digaula, “Ogu lodo gu daamaha huoloo, guu honu i di lodo huaidu. Au guu hai be tangada gaa made. Goodou noho i ginei e haga aala dalia Au.”   
\p
\v 39 Gei Mee gaa hana gi daha mo digaula, ga dogoduli gi lala, ga dalodalo, “Dogu Damana, be di maa e mee, daawaa gi daha mo Au di ibu o di hagaduadua deenei, gei hagalee go dogu hiihai, gei go do hiihai dela e hai.”   
\p
\v 40 Gei Mee gaa hana gi baahi ana dama agoago dogodolu, ga gidee Ia digaula e kii, ga helekai gi Peter, “Ma e hai behee? Goodou e deemee di haga aala madalia Au i di aawaa hua e dahi?  
\v 41 Goodou aala, hai dalodalo, gi dee too goodou gi lodo nia hagamada. Di hagataalunga e hiihai, gei tuaidina le e bagege.”   
\p
\v 42 Jesus gaa hana haga lua ga dalodalo, “Tamana, maa di ibu o di hagaduadua deenei e deemee di daa gi daha, e hai loo gi inu ko Au, gei deeai, go do hiihai la hua gii gila.”  
\v 43 Mee ga hanimoi labelaa, ga gidee Ia ana dama agoago e kii. Digaula gu molemoe huoloo, gu deemee di haga aala.   
\p
\v 44 Jesus gaa hana labelaa e dalodalo i tolu holongo go talodalo la hua.  
\v 45 Mee ga hanimoi gi ana dama agoago, ga helekai, “Goodou e kii baba hua? Mmada! Gu dae mai di madagoaa Tama Tangada gaa wanga gi lodo nia lima o digau huaidu!  
\v 46 Tuu i nua, gaa hula. Mmada, deenei taane dela gaa wanga Au!”   
\s1 Di kumi o Jesus  
\r (Mark 14.43-50; Luke 22.47-53; John 18.3-12)  
\p
\v 47 Jesus nogo helehelekai hua igolo, gei Judas, tangada e dahi i nia dama agoago a Maa gu dau mai mo digau dogologo dalia a mee. Digaula ne lloomoi mo nadau hulumanu dauwa, mono mee haga mamaawa dangada. Digaula ne hagau mai go nia dagi hai mee dabu mo nia dagi mmaadua.  
\v 48 Judas ne helekai gi digaula boloo, ‘Tangada dela gaa hongi ko au, deelaa go Mee. Kumidia!’   
\p
\v 49 Gei mee ga hanadu haga huudonu gi Jesus, ga helekai, “Meenei dagu dangada agoago. Di aumaalia gi madalia Goe,” ga hongi adu a Mee.   
\p
\v 50 Jesus ga helekai, “Dogu ihoo hagaaloho, heia gi limalima dau mee dela belee hai.”  
\p Nomuli, gei digaula ga lloomoi gaa kumi Jesus, ga lawalawa.  
\v 51 Tangada e dahi i digau ala nogo madalia a Jesus ne dahi aga dana hulumanu dauwa, gaa tuu talinga di hege o tagi aamua hai mee dabu.  
\v 52 Jesus ga helekai, “Dugua dau hulumanu dauwa gi dono lohongo. Digau huogodoo ala e hai hegau gi nadau hulumanu dauwa, le e mmade i tulumanu dauwa.  
\v 53 Goe e de iloo bolo Au e mee di gahigahi dogu Damana gi hagamaamaa, gei Mee ga hagau mai gi baahi i nua nia buini dauwa e madangaholu maa lua gau di langi?  
\v 54 Malaa, ma gaa hai beenei, dehee di hai gaa mee di kila nia helekai o di Beebaa Dabu ala e helekai bolo deenei le e hai loo gii gila?”   
\p
\v 55 Nomuli, gei Jesus ga helekai gi digau dogologo, “E hai behee? Au tangada dagahi haganoho dela goodou e lloomoi e kumi Au, ge gaamai godou hulumanu dauwa, mono mee haga mamaawa dangada? Nia laangi huogodoo Au nogo noho i lodo di Hale Daumaha, e haihai agu agoago, gei goodou digi kumidia Au.\x * \xo 26.55 \xt Luke 19.47; 21.37\x*  
\v 56 Malaa, nia mee huogodoo aanei ne hai gii gila e hagahonu nia helekai soukohp gii donu i lodo di Beebaa Dabu.”  
\p Nomuli, gei nia dama agoago a Maa ga diiagi a Jesus, gaa llele gi daha.   
\s1 Jesus i mua di gowaa hai gabunga aamua  
\r (Mark 14.53-65; Luke 22.54-55,63-71; John 18.13-14,19-24)  
\p
\v 57 Digaula ne kumi a Jesus, gaa lahi a Mee gi di hale Caiaphas, di tagi aamua hai mee dabu, di gowaa dela e dagabuli ai digau haga donudonu haganoho mo nia dagi mmaadua.  
\v 58 Peter ga daudali a Jesus, gei e mada tanga i daha, ga ulu adu gi lodo di abaaba di hale tagi aamua hai mee dabu, gaa noho i baahi nia daangada hagaloohi, bolo gi gidee ia di hagaodi gi muli o nia mee aanei huogodoo.  
\v 59 Nia dagi hai mee dabu mo digau hai gabunga aamua huogodoo gu hagamahi, e hagataele di nadau haga modongoohia dilikai, belee hagahuaidu a Jesus gi daaligi a Mee gii made.  
\v 60 Gei digaula digi gida di nadau hai, digau dogologo ne lloomoi gi mua digaula, ga helekai tilikai i Jesus. Muliagi, gei nia daane dogolua ga tuu aga,  
\v 61 ga helekai, “Taane deenei guu hai bolo Ia e mee di oho di Hale Daumaha o God, gei i muli nia laangi e dolu, ge Ia ga haga duu aga labelaa.”\x * \xo 26.61 \xt John 2.19\x*   
\p
\v 62 Tagi aamua hai mee dabu ga duu i nua, ga helekai gi Jesus, “Dau helekai gi di hagahuaidu deenei adu gi di goe ai?”  
\v 63 Gei Jesus digi helekai. Tagi aamua hai mee dabu ga helekai labelaa gi Mee, “I di ingoo o di God Mouli, au ga dugu adu gi helekai hagamodu: Hagia mai gi gimaadou be maa Koe go di Mesaia, go Tama a God?”   
\p
\v 64 Jesus ga helekai gi mee, “Deenaa gu helekai iei goe. Gei Au e hagi adu gi goodou bolo di madagoaa e dau mai maalia, gei goodou ga gidee Tama Tangada e noho i di baahi gau donu o God Mogobuna, e hanimoi i hongo nia gololangi!”\x * \xo 26.64 \xt Daniel 7.13\x*   
\p
\v 65 Dana hagalongo gi di mee deenei, tagi aamua hai mee dabu gu hahaahi dono gahu, ga helekai, “Mee e helekai e hagahuaidu a God! Gidaadou hagalee hiihai gi tuai dangada haga modongoohia! Goodou gu longono hua ana helekai hagahuaidu a God!\x * \xo 26.65 \xt Leviticus 24.16\x*  
\v 66 Goodou e hagamaanadu bolo aha?”  
\p Digaula ga helekai, “Mee gu ihala e hai loo gii made!”   
\p
\v 67 Digaula ga buibui nadau haawale gi nia golomada o maa, ga dadaaligi a Mee, gei digau ala ne paapaa a Mee\x * \xo 26.67 \xt Isaiah 50.6\x*  
\v 68 ga helekai, “Mesaia, hagia mai be di maa koai dela ne paapaa Goe!”   
\s1 Peter e haga de iloo Jesus  
\r (Mark 14.66-72; Luke 22.56-62; John 18.15-18,25-27)  
\p
\v 69 Peter e noho i lodo di abaaba o di hale, gei tama ahina hai hegau o tagi aamua hai mee dabu ga hanimoi gi mee, ga helekai, “Goe nogo madalia labelaa a Jesus o Nazareth!”   
\p
\v 70 Gei mee ga haga de iloo ia i mua digau huogodoo aalaa boloo, “Au e de iloo eau di mee deenaa e helekai iei goe!”  
\v 71 Gei mee gaa hana gi di ngudu di bontai, gei tuai dama ahina ga gidee ia a mee, ga helekai gi nia daane ala i golo, “Taane deenei nogo madalia a Jesus o Nazareth!”   
\p
\v 72 Peter ga haga de iloo ia ga helekai, “Au e helekai hagamodu bolo au e de iloo taane deenaa!”   
\p
\v 73 Nomuli, nia daane nogo tuu i golo, ga lloomoi gi Peter, ga helekai, “Ma e donu hua bolo goe tangada i digaula, idimaa, o hanga leelee la ne hagi aga goe!”   
\p
\v 74 Gei Peter ga helekai, “Au e hai dagu hagamodu bolo au ga hagi aga di tonu! God gi hagaduadua ina au maa au ga helekai hai gee! Au e de iloo taane deenaa!”  
\p Di madagoaa hua deelaa, gei teduu gaa wolo.  
\v 75 Peter gu langahia nia helekai a Jesus ne hai ang gi deia boloo, “I mua teduu ma gaa wolo, gei goe ga haga de iloo Au haga dolu.” Gei mee gaa hana gi daha ge dangi wawwawe aga i ono lodo.   
\c 27  
\s1 Jesus guu lahi gi Pilate  
\r (Mark 15.1; Luke 23.1-2; John 18.28-32)  
\p
\v 1 Luada loo, nia dagi hai mee dabu huogodoo mo nia dagi mmaadua ne haga noho di nadau hai belee daaligi a Jesus gii made.  
\v 2 Digaula ga lawalawa a Mee, gaa lahi e gabunga go Pilate, di gobinaa o Rome.   
\s1 Di made o Judas  
\r (Acts 1.18-19)  
\p
\v 3 Di madagoaa Judas dela ne wanga a Jesus, ne iloo ia bolo Jesus gu hagi aga, gu daaligi gii made, gei mee gu manawa gee, guu huli ono lodo i dana mee dela ne hai, gaa kae gi muli nia bahihadu silber e motolu gi nia dagi hai mee dabu mo nia dagi mmaadua,\x * \xo 27.3 \xt Acts 1.18-19\x*  
\v 4 ga helekai, “Au gu hai hala i dagu wanga tangada ono hala ai e daaligi gii made!”  
\p Gei digaula ga helekai, “E de hei e gimaadou! Ma di hala ni oou!”   
\p
\v 5 Judas gaa kili nia bahihadu gi lala i lodo di Hale Daumaha, gaa hana ga daudau eia.   
\p
\v 6 Nia dagi hai mee dabu ga dahi aga nia bahihadu, ga helekai, “Nia bahihadu aanei la guu lawa di hui nia dodo o tangada. E hagalee donu di wanga labelaa gi lodo di gowaa benebene mee o di Hale Daumaha.”  
\v 7 Nomuli, gei digaula gaa hai di nadau haganoho gi nia bahihadu aalaa, gaa hai bolo e haga hai hegau e hui di gowaa dela e haga ingoo boloo, “Di Gowaa Tangada Hai pileed”, e hai di waa daalunga digau tuadimee.  
\v 8 Deenei di hai di gowaa deelaa e haga ingoo boloo, “Di Gowaa Dodo”, gaa dae mai loo gi dangi nei.   
\p
\v 9 Malaa, nia helekai a soukohp Jeremiah guu kila, ala ne helekai:  
\q1 “Digaula ne kae nia bahihadu silber e motolu  
\q1 dela di hulu digau Israel ne donu ginai bolo e hui a Mee,   
\q1
\v 10 gei digaula gaa hui “Di Gowaa Tangada Hai pileed”,  
\q1 gadoo be nia helekai a God mai gi di au.”\x * \xo 27.10 \xt Zechariah 11.12-13\x*   
\s1 Pilate e heheeu gi Jesus  
\r (Mark 15.2-5; Luke 23.3-5; John 18.33-38)  
\p
\v 11 Jesus e duu i mua di gobinaa o Rome dela e hai ana heeu gi Mee, “Ma Koe go di king o Jew?”  
\p Jesus ga helekai, “Kooe dela e helekai.”  
\v 12 Gei Mee digi helekai i nia hagahuaidu ala mai baahi nia dagi hai mee dabu mo nia dagi mmaadua.   
\p
\v 13 Nomuli, gei Pilate ga helekai, “Digaula e helehelekai hagahuaidu Goe i nia mee huaidu e logo. Goe e de longono?”   
\p
\v 14 Jesus digi helekai gi di heeu a maa, gei di gobinaa la gu goboina huoloo.   
\s1 Jesus e hagi aga e daaligi gii made  
\r (Mark 15.6-15; Luke 23.13-25; John 18.39—19.16)  
\p
\v 15 Nia madagoaa huogodoo ma gaa hai Tagamiami Pasoobaa, di gobinaa o Rome e nnoo mau e hagamehede dahi dangada galabudi dela e donu ginai digau dogologo.  
\v 16 Di madagoaa deelaa, tangada dono ingoo go Jesus Barabbas, koia e iloo ai nia daangada, i lodo di hale galabudi.  
\v 17 Pilate ga heeu gi digau dogologo ala ne dagabuli mai boloo, “Koai i meemaa e hiihai ginai goodou bolo au gi hagamehede ina adu gi goodou: Jesus Barabbas be go Jesus dela e haga ingoo bolo Mesaia?”  
\v 18 Mee e iloo bolo digau o Jew ne laha mai a Jesus i di nadau hagadugina e ginaadou a Mee.   
\p
\v 19 Di madagoaa Pilate nogo noho i hongo dono lohongo hai gabunga, di lodo o maa ne dau dana haga iloo, “Hudee hai dau mee gi taane ono hala ai, idimaa, au gu duadua huoloo i dagu midi i Mee anaboo.”   
\p
\v 20 Nia dagi hai mee dabu mo nia dagi mmaadua gu hagamahi ang gi nia daangada dogologo bolo digaula gi helekai gi Pilate gi hagamehede ina a Barabbas, gei gi daaligidia Jesus gii made.  
\v 21 Pilate ga heeu gi digau dogologo aalaa, “Koai i meemaa e hiihai ginai goodou bolo au gi hagamehede ina adu gi goodou?”  
\p Gei digaula ga helekai, “Go Barabbas!”   
\p
\v 22 Pilate ga heeu gi digaula, “Malaa dehee dagu hai gaa hai gi Jesus dela e haga ingoo bolo Mesaia?”  
\p Digau huogodoo ga helekai maaloo, “Daudaulia a mee gi nua!”   
\p
\v 23 Pilate ga heeu labelaa, “Ma di hala behee dela ne hai go Mee?”  
\p Gei digaula ga daamada ga wwolowwolo loo gi nua loo, “Daudaulia a Mee!”   
\p
\v 24 Di madagoaa Pilate ne gidee bolo ia gu deemee di dugu digaula, digaula e mee hua di hai baahi, gei mee ga gaamai ana wai gaa tono ono lima i mua digau dogologo aalaa ga helekai boloo, “Au hagalee dau gi di made o taane deenei. Di mee deenei ni goodou ne hai.”\x * \xo 27.24 \xt Deuteronomy 21.6-9\x*   
\p
\v 25 Digau huogodoo aalaa guu wwolo boloo, “Nia dodo o taane deenaa la gi duguina mai gi gimaadou mo madau dama!”   
\p
\v 26 Malaa, Pilate gu hagamehede a Barabbas gi digaula, nomuli digaula gaa lahi Jesus, ga haga mamaawa, ga daudau a Mee.   
\s1 Digau dauwa e haganneennee Jesus  
\r (Mark 15.16-20; John 19.2-3)  
\p
\v 27 Digau dauwa a Pilate ne lahi Jesus gi lodo di hale di gobinaa, gei digau dauwa huogodoo ga haganiga a Mee.  
\v 28 Digaula ga hahaahi nia gahu o Maa, ga haga ulu a Mee gi di gahu mmee uli.  
\v 29 Nomuli gaa hai di nadau hau manga laagau duduia, gaa wanga gi hongo di libogo o Maa, gaa wanga labelaa di nadau laagau gi di lima gau donu o Maa ga helekai bolo nia goloo o di king. Nomuli, gei digaula ga dogoduli gi mua o Mee, ga haganneennee a Mee, “Di king o digau o Jew gi mouli waalooloo!”  
\v 30 Digaula ga buibui nadau haawale gi Mee, gaa daa di laagau ga haga mamaawa di libogo o Maa.  
\v 31 I muli hua di nadau haganneennee a Mee, digaula ga daa gi daha di gahu mmee uli, ga haga ulu a Mee gi ono gahu donu. Gei digaula gaa lahi a Mee gi malaelae belee daudau.   
\s1 Di daudau o Jesus  
\r (Mark 15.21-32; Luke 23.26-43; John 19.17-27)  
\p
\v 32 Digaula ga ulu gi daha mo di waahale, ga heetugi gi taane mai Cyrene dono ingoo go Simon. Digau dauwa gaa hono a mee gi aamo ina di loobuu a Jesus.  
\v 33 Digaula gaa dau i di gowaa dela e haga ingoo bolo Golgotha dono hadinga boloo, “Di Gowaa Hangaibu Libogo.”  
\v 34 Di madagoaa deelaa, digaula gaa wanga gi Jesus nadau waini gu unugi gi nia mee mmala. I muli dana momi nia maa, gei Mee gu de hiihai di inu.\x * \xo 27.34 \xt Pisalem 69.21\x*   
\p
\v 35 Digaula ga daudau a Mee, nomuli ga hudihudi nadau ‘dice’, e duwwe nia gahu o Maa i ginaadou.\x * \xo 27.35 \xt Pisalem 22.18\x*  
\v 36 Nomuli, digaula gaa noho i golo e hagaloohi Jesus.  
\v 37 I hongo di libogo o Maa, nia helekai hagahuaidu a Mee, e hihi boloo, “Deenei go Jesus, di king digau o Jew.”  
\v 38 Digaula ne daudau labelaa nia daangada dogolua gaiaa dalia Jesus, e dahi i di baahi gau donu, ge dahi i di baahi gau ihala.   
\p
\v 39 Nia daangada ma ga lloomoi laa laa, e lialiagi nadau libogo mo di haganneennee a Jesus,\x * \xo 27.39 \xt Pisalem 22.7; 109.25\x*  
\v 40 “Ma Goe bolo e oho di Hale Daumaha, ga haga duu aga labelaa i muli nia laangi e dolu, daawa ina laa goe gi daha mo di loobuu maa goe di Tama ni God! Doo iha gi daha mo di loobuu!”\x * \xo 27.40 \xt Matthew 26.61; John 2.19\x*   
\p
\v 41 Go di hai la hua, nia dagi hai mee dabu, mono gau haga donudonu haganoho, mo nia dagi mmaadua, ga gadagada haganneennee a Mee ga helekai,  
\v 42 “Mee ne haga dagaloaha hua nia daangada, gei Mee e deemee di haga dagaloaha e Ia! Hagalee go Mee go di king o Israel? Maa nei bolo Mee ne gaga ia gi daha mo di loobuu dolomeenei, gei gidaadou ga hagadonu laa a Mee!  
\v 43 Mee e hagadonu a God, nogo helekai bolo Ia di Tama ni God. Malaa, dugu ang gi God e daa a Mee gi daha mo di loobuu dolomeenei!”\x * \xo 27.43 \xt Pisalem 22.8\x*   
\p
\v 44 Gei nia daangada huaidu ala ne daudau dalia a Mee, gu helekai labelaa hagahuaidu i Mee.   
\s1 Di made o Jesus  
\r (Mark 15.33-41; Luke 23.44-49; John 19.28-30)  
\p
\v 45 Oodee, gei tenua hagatau la gu bouli, gaa dae loo gi di laa e dolu.  
\v 46 Ne hoohoo gi di laa e dolu, gei Jesus gaa dangi gi nua, \tl “Eli, Eli, Lema Sabaktani?”\tl* dono hadinga boloo, “Dogu God, dogu God, Goe e diiagi Au eiaha?”\x * \xo 27.46 \xt Pisalem 22.1\x*   
\p
\v 47 Hunu daangada nogo tuu i golo ne longono ginaadou a Mee, ga helekai, “Mee e gahigahi a Elijah!”  
\v 48 Tangada e dahi i digaula gaa lele hagalimalima, ga dahi aga dana liimi, ga hagatiu gi lodo nia waini hui ngoohia, ga daalo gi di mada di laagau, ga dahi aga gi Mee gi inumia.\x * \xo 27.48 \xt Pisalem 69.21\x*   
\p
\v 49 Hunu gau ga helekai, “Nnoo malaa, gii mmada gidaadou be Elijah e hanimoi e hagamaamaa a Mee!”   
\p
\v 50 Jesus gaa dangi labelaa gi nua ga hagaodi ono madangi.   
\p
\v 51 Di gahu dela e duuli i lodo di Hale Daumaha gu mahaa lua, daamada eia i nua, ga tugi i lala. Tenua gu ngalungalua, nia hadu gu mahaahaa,\x * \xo 27.51 \xt Exodus 26.31-33\x*  
\v 52 nia daalunga gu maahuge, gei nia daangada dogologo a God ala ne mmade la gu mmouli aga.  
\v 53 Digaula gu diiagi nadau daalunga, gei i muli hua di mouli aga Jesus, digaula guu hula gi lodo di Waahale Hagamadagu go Jerusalem, gei digau dogologo guu mmada gi digaula.   
\p
\v 54 Di madagoaa di tagi dauwa mono gau dauwa ala nogo hagaloohi a Jesus, gaa mmada gi tenua gu ngalungalua mono mee huogodoo ala ne hai, digaula gu uli nadau gai huoloo, ga helekai, “Ma e donu hua bolo Mee go Tama a God.”   
\p
\v 55 Nia ahina dogologo nogo daudali Jesus mai i Galilee, nogo hagamaamaa a Mee, digaula nogo mmada mai hagamogowaa.\x * \xo 27.55 \xt Luke 8.2-3\x*  
\v 56 Mary mai Magdala mo Mary tinana James mo Joseph mo tinana o nia dama daane a Zebedee nogo noho i baahi nia ahina aalaa.   
\s1 Di danu o Jesus  
\r (Mark 15.42-47; Luke 23.50-56; John 19.38-42)  
\p
\v 57 Hiahi ia di mee, gei taane maluagina mai Arimathea gaa dau i golo, dono ingoo go Joseph. Mee nogo madalia nia dama agoago a Jesus.  
\v 58 Mee gaa hana gi Pilate ga madau gi mee tuaidina o Jesus. Pilate ga haga iloo bolo tuaidina la gii wanga ina gi Joseph.  
\v 59 Joseph gaa kae tuaidina o maa, gaa didi gi di gahu lenge hoou,  
\v 60 gaa dugu gi lodo dana daalunga dogo hai hua gi lodo di hadugalaa hamaaloo. Gei mee ga haga daga mai dana hadu damana e pono di ngudu taalunga, gaa hana.  
\v 61 Mary mai Magdala mo Mary dela i golo, nogo noho i golo, e huli adu gi taalunga.   
\s1 Nia madaloohi i taalunga  
\p
\v 62 Dono daiaa go di Laangi Sabad, gei nia dagi hai mee dabu mono Pharisee ga dagabuli gi baahi o Pilate,  
\v 63 ga helekai, “Meenei, gimaadou gu langahia telekai taane kai tilikai ne hai i dono madagoaa nogo mouli ai, boloo, ‘I muli nia laangi e dolu, gei Au ga mouli aga.’\x * \xo 27.63 \xt Matthew 16.21; 17.23; 20.19; Mark 8.31; 9.31; 10.33-34; Luke 9.22; 18.31-33\x*  
\v 64 Heia au helekai gi hagaloohia taalunga, gaa dae loo gi nia laangi e dolu, gi deemee di lloomoi nia dama agoago a Maa, e gaiaa tuaidina o Maa, ga helekai gi nia daangada bolo Mee gu mouli aga i di made. Di kai tilikai muliagi deenei la koia e huaidu i di kai tilikai matagidagi.”   
\p
\v 65 Pilate ga helekai gi digaula boloo, “Lahia digau dauwa aanaa, hagaloohia. Hula loohia taalunga i godou mee ala e mee.”   
\p
\v 66 Malaa, digaula gaa hula, ga haga noho gii mau di hadu, gaa dugu di nadau maaga gi di hadu deelaa, gaa dugu digau dauwa e hagaloohi.   
\c 28  
\s1 Di mouli aga  
\r (Mark 16.1-10; Luke 24.1-12; John 20.1-10)  
\p
\v 1 I muli di Laangi Sabad, luada loo di laangi tabu, Mary mai Magdala, mo Mary dela i golo, gaa hula belee mmada taalunga.  
\v 2 Di madagoaa hua deelaa, gei tenua gu ngalungalua, tangada di langi o Dimaadua gu haneia i di langi, ga haga daga gi daha di hadu, gaa noho i nonua.  
\v 3 Mee e madamada huoloo gadoo be di ila, ono gahu e kene gadoo be ‘snow’.  
\v 4 Digau hagaloohi gu uli nadau gai huoloo, gu polepole i nadau mmaadagu, guu hai be digau ne mmade.   
\p
\v 5 Tangada di langi ga helekai gi nia ahina aalaa, “Goolua hudee mmaadagu. Au e iloo bolo goolua e halahala a Jesus dela ne daudau i di loobuu.  
\v 6 Mee gu hagalee i ginei, gu haga mouli aga be ana helekai. Lloomoi mmada gi di gowaa nogo moe iei Mee.  
\v 7 Hula hagalimalima, hagi anga ina gi ana dama agoago boloo, ‘Mee gu haga mouli aga, guu hana gi Galilee i godou mua, deelaa di gowaa ga gidee goodou a Mee!’ Gi langahia agu helekai ala ne hagi adu gi goolua!”   
\p
\v 8 Meemaa ga hagatanga haga llebullebu, gu mmaadagu gei gu tenetene huoloo, gaa llele ga haga iloo gi ana dama agoago.   
\p
\v 9 Di madagoaa deelaa, Jesus ga duu adu i mua meemaa ga helekai, “Di aumaalia gi madalia goolua.” Meemaa ga lloomoi gi Mee, gaa kumi adu nia wae o maa, ga daumaha ang gi Mee.  
\v 10 Jesus ga helekai, “Goolua hudee mmaadagu, hula haga iloo ina gi ogu duaahina bolo gii hula gi Galilee, deelaa di gowaa ga gidee ginaadou Au.”   
\s1 Di haga iloo mai baahi digau hagaloohi  
\p
\v 11 Di madagoaa nia ahina ala ne hula ne haga iloo, hunu daangada i digau dauwa ala nogo hagaloohi taalunga deelaa, gaa hula gi di waahale, ga hagi anga gi nia dagi hai mee dabu nia mee huogodoo ala ne hai.  
\v 12 Nia dagi hai mee dabu ga heetugi gi nia dagi mmaadua ga haga noho di nadau mee dela e hai. Digaula gaa wanga di nadau hulu bahihadu damana gi digau dauwa,  
\v 13 ga helekai, “Goodou helekai bolo ana dama agoago ne lloomoi boo, ga gaiaa tuaidina o Maa, gei goodou nogo kii.  
\v 14 Maa di gobinaa ga longono ia, gei gimaadou ga haga modongoohia laa gi mee bolo goodou digi hala. Goodou hudee lliga i dahi mee.”   
\p
\v 15 Digau hagaloohi gaa kae nia bahihadu gaa hai be nnelekai ala ne hagi anga gi ginaadou. Di longo deenei guu dele i baahi digau o Jew, gaa dae mai loo gi dangi nei.   
\s1 Jesus e haga gida gi ana dama agoago  
\r (Mark 16.14-18; Luke 24.36-49; John 20.19-23; Acts 1.6-8)  
\p
\v 16 Nia dama agoago dilongoholu maa dahi ne hula gi di gonduu i Galilee dela ne hagi anga go Jesus gi digaula bolo gii hula ginai.\x * \xo 28.16 \xt Matthew 26.32; Mark 14.28\x*  
\v 17 Di madagoaa hua dela ne gidee ginaadou a Mee, digaula ga daumaha ang gi Mee, gei hunu gau e manawa logo.  
\v 18 Jesus ga hanadu gi digaula, ga helekai, “Nia mogobuna huogodoo o di langi mo henuailala la gu dugu mai gi di Au.  
\v 19 Malaa, goodou hula gi nia daangada i nia henua huogodoo, heia digaula gii hai nia dama agoago ni aagu. Babdais ina digaula gi di ingoo o Tamana, Tama, mo di Hagataalunga Dabu.\x * \xo 28.19 \xt Acts 1.8\x*  
\v 20 Agoago gi digaula gi daudalia nia mee huogodoo ala ne hagi adu gi goodou. Malaa, goodou gi iloo bolo Au e madalia goodou i nia madagoaa huogodoo, gaa dae loo gi di hagaodi o di madagoaa.”