\id 3JN Kapingamarangi 
\h 3 John 
\toc1 Di Tolu Lede a John 
\toc2 3 John 
\toc3 3-John 
\mt1 3 JOHN  
\mt2 Di Tolu Lede a John  
\imt1 Di haga modongoohia:  
\im \bk Di tolu lede a John\bk* la ne hihi go “John, tangada madua daumaha” ang gi tagi o di nohongo dabu go Gaius. John e hihi di lede deenei e hagaamu Gaius i dana hagamaamaa ne hai gi nia dama a Christ ala i golo. Gei mee e helekai hai baahi gi taane dono ingoo go Diotrephes.  
\iot Di hagahonu di beebaa deenei:  
\io1 Di haga modongoohia \ior (1-4)\ior*  
\io1 Di hagaamu a Gaius \ior (5-8)\ior*  
\io1 Di haga halauwa Diotrephes \ior (9-10)\ior*  
\io1 Di hagaamu a Demetrius \ior (11-12)\ior*  
\io1 Di hagaodi di lede deenei \ior (13-15)\ior*  
\c 1  
\p
\v 1 Mai tangada madua daumaha, ang gi Gaius dela e aloho huoloo iei au.\x * \xo 1.1 \xt Acts 19.29; Romans 16.23; 1-Corinthians 1.14\x*   
\p
\v 2 Dogu ihoo hagaaloho nei, au e dalodalo gii gila goe i nia hagadilinga mee huogodoo, ge gi maaloo labelaa goe, gadoo be do maaloo i baahi di hagataalunga.  
\v 3 Au gu tenetene huoloo i di madagoaa tau duaahina daumaha ne loomoi, ga helekai aga i do manawa dahi gi di tonu, gadoo be do mouli i di tonu i nia madagoaa huogodoo.  
\v 4 Au e tenetene huoloo giibeni i dogu longono eau bolo agu dama hagaaloho gu mouli i di tonu.   
\s1 Gaius la gu hagaamu  
\p
\v 5 Dogu ihoo hagaaloho nei, e humalia go do manawa dahi gi nia hegau humalia ala ne hai kooe gi tau duaahina daumaha aalaa, ma e aha maa digaula digau mai i daha.  
\v 6 Digaula e helehelekai gi di nohongo dabu deenei i di hai o do aloho. Malaa, au e dangi adu gi di goe, bolo goe gi hagamaamaa ina labelaa digaula gii mee di nadau lloo adu hua beelaa i nia hagadilinga mee ala e haga tenetene di manawa o God.  
\v 7 I di nadau daamada ga hagadele nnegau a Christ, gei digaula hagalee hiihai e kae di nadau hagamaamaa mai baahi digau tuadimee.  
\v 8 Malaa, gidaadou ala digau gu hagadonu e hai loo gi hagamaamaa digau beenei, gi hai mee gidaadou ngaadahi gi nadau hegau i di tonu.   
\s1 Diotrephes mo Demetrius  
\p
\v 9 Au ne hihi dagu lede bodobodo gi di nohongo dabu, gei Diotrephes dela e hiihai bolo e hai di nadau dagi, la gu hagalee hagalongo mai gi agu helekai.  
\v 10 Malaa, i dogu hanadu, gei au ga haga modongoohia aga nia mee huogodoo a maa ala ne hai, nia hagadilinga huaidu ala ne helehelekai iei mee i gimaadou, mo nia helekai tilikai a mee ne helekai ai. Hagalee bolo aanei hua, gei mee digi benebene humalia labelaa madau duaahina i di nadau lloomoi, gei e bule labelaa digau ala belee benebene digaula, gei e hagamada labelaa bolo e hagabagi digaula gi daha mo di nohongo dabu!   
\p
\v 11 Dogu ihoo hagaaloho nei, hudee daudalia di mee huaidu, daudalia hua go di mee dela e humalia. Tangada ga haihai nia mee humalia, geia di tama ni God, gei tangada dela e hai nia mee huaidu, geia e de iloo ia a God.   
\p
\v 12 Nia daangada huogodoo e helehelekai humalia i Demetrius. Gei di mee dela e donu e hagahumalia a mee labelaa. Gimaadou e helekai humalia i mee labelaa, gei goodou gu iloo bolo madau haga modongoohia le e donu.   
\s1 Nia hagaaloho haga muliagina  
\p
\v 13 Nia mee logowaahee i golo belee hagi adu gi di goe, gei au hagalee hiihai bolo ma e hihi gi nia ink mo nia pen.  
\v 14 Au e hagadagadagagee bolo au ga heetugi adu laa hoohoo mai, gei gidaua ga hagabooboo ai.   
\p
\v 15 Di aumaalia gi madalia goe. O ehoo hagaaloho e hagau adu di nadau hagaaloho, gei goe ga hagadae labelaa gi tadau ihoo huogodoo.